ior_reg/44-JHN.usfm

\id JHN
\ide UTF-8
\h John
\toc1 John
\toc2 John
\toc3 jhn
\mt John

\c 1
\p
\v 1 1 አወተረ ቃር ባነደ ቃር ሁዳ ትእግዜር እማቲ ባነደ እም ቃር ሁዳ እግዜር ባነ ደ።
\v 2 ሁድቭ አወተረ ትእግዜ እማቲ ባንደ።
\v 3 እንእ አአር በሁዳ ተፈጠረ ፤ ተትፈጠረ ሁዳ እንእ ሁዳ አይቫር ኧትፈጠረ አአር አተአር ኤነዳ ።

\v 4 ነብሲያ በሁዳ ባነቸ እም ነብሲያ ኧሰቭ ኡዋየ ባነቸ
\v 5 ኡዋየቭ በጠነቫ ያትረክቭ ጠነቫቭ ኡኡዋየ ስርም አዪኢምኩዳ።

\v 6 ትእግዜሪ ኧኬሸዊ ዮሐንስ ዩቩሪዳ አት ምስ ባነደ።
\v 7 ሁዳ በዝሬከን ቃር ሰቭ እንእ ያአቭሪ ኡኡዋየ ሁዳ አአር ምስክር ኸረ ማአ።ሁዳ ኡኡዋየ ሁዳ አአር ዪኢዲ ማአ ባኸሬ ገግኋ ኡዋየ አነፐረዳ::
\v 8

\v 9 ኧሰቭ እንእ ያትረክቭካ ኧዉረሚየ ኧኽረ ኡዋየ ኧዋ አለሚ ይቫአ ባነደ።

\v 10 ሁድቭ በአለም ሰቭ ግት ባነደ አለምቭ በሁዳ ተፈጠረ ኧዋ አለም ሰቭ ጭን አሀረንዳ።
\v 11 ኧገግመኋይ ስቪ ማአ ኧገግሞኋይ ሰቭ አንቴኤፖሪዳ ።

\v 12 ቢኸርቭ ኧሁዳ ኧቴኤፖሪቭ በሹቭሞኋ አአሞርዋ ሁነዋ እንእ እእግዜር ትከ ይሆርዋይ ዳኝነድ አቨኖም ።
\v 13 ሁኖም ትእግዜሪ ቴኤኞም ባኽሬ ተቨሰር ተደቭ ዌ ተሰቭ ተመኛት ዌ ተሰቭ ፍቃድ አንቴኤኘዉታ።

\v 14 ቃርቭ በሰር ተኽተረ ፀጋቪ ዉረቭ ተቬንአታ ቢና ግት ኔኧ አት ትክቭ ታአባኋይ አነንዳ ክብረኽ ክብርኋ አሸነ ።
\v 15 ዮሐንስቭ “ቲያ ኢኢ ኧረፐረ ሁዳ ቲያ ኢፍቲ ኧረፐሬ ኧኸሬ ቲያ ኢረእ ባሁታ ኤኤድኩዋ ምስ ዋ ምስን” ባረታ ኤኤደ ።

\v 16 ተውርአ ፀጋኋ ኧቫአ ኢና እንእቨንራ በፀጋ ፎር ፀጋ ሜንአነ ቴኤፐርነ ።
\v 17 እእግዜሪ ቂጫ ተሙሴ አጋድ ቴቨ ባነደ፣ ጠጋቪ ኧቩረቭ ቃር ጭን ቲኢየሱስ ክርስቶሲ አጋድ ቴቨ። 
\v 18 ስርም እግዜር አሸን እማት ሰቭ ኤነዳ፤ዘንጋ ጭን ባአቭ ኡፏድ አነዳ እማት ትከኋ ኧኸረ አምላክ ያዢኸ ኤፐን ።

\v 19 አአይሁድ ገኘ ዳኘ በኢየሩሳሌም ከተማ ቲረዉርታ ኧካህናትቪ ኧሌዊ ሰቭ ኧዮሀንሲ ኬሸዊዮምታ “አኸ ማንተንኸ?” ቧርሙ ተሳአሪ ዮሐንስቭ አታአር ታይደእር ዋኸ ባረ ኧቩየሞኋ ዝሬከታ ምስክር ኸረ እመኽቭ ባረ
\v 20 “ኢያ ክርስቶስ አኸርኋ” ባረ ኤኤደ ባኽሬ አኸታዳ
\v 21 ሁኖም “እኽ አኸ ኤሊያስንኸዪ ዌ ማንተንኸ?”ቧርሙ ተሳአሪ። ሁድቭ “አኸርኋ” ባረኖም ። “ሁኖም እእግዜር ቃር ዪኢዲ ኢቫኬ ኧዋሪ ነቢ አኸትንኼ?” ቧሪ፤ ሁድቭ “አኸርኋ” ባረኖም ።

\v 22 ሁኖም “እኽ ባቴ አኸ ማንተንኸ? ኢና ኧኬሸዉንረ ሰቭ ኒኢድኔዮይ መልስ አቨንረ ኧገጋኸ አአር ምር ትቭር አኸ ማንተን?” ቧሪ ።
\v 23 ዮሐንስቭ “ነቢ ኢሳያስ ኢዝሬክመኸ እእግዜሪ መያ ጎኩርዋ ባረ በቨረሐ ያኸራካ ሰቪ ቃርንሁ”ባረኖም።

\v 24 ተኬሸዊዮም ሁኖዋ አታትሁኖዋ ኧፈሪሳ ሰቭ ባነዉተ
\v 25 እህ ባቴ ክርስቶስ ዌ ኤሊያስ ዌ ነቢ ሁድሁ ባኸርኸሁ ተቭር ታጠምቅ?» ቧሪ።

\v 26 ዮሐንስቭ “ኢያ ብእሃ አጠምቅ ዘንጋኋ ጭን አሁዋ አትሂሪ ሁዳ በግታሁዋ አነ።
\v 27 ሁድቭ ቲያ ኢኢ ኢቫአካሁዳን ኢያቭ ኧጫማኋ ክር ዳር ኧፈዳይ አንቨቃ ሰቭንሁ”ባረኖም ።
\v 28 ዋመዳ እንእ ኧኸረ ዮሐንስ ያጠምቅወ ተረፐረ ተዮርዳኖስ እሃ ሃእአጋድ ቢታንያ ቢዩሪዳ ኤኤዲ ባነደ።

\v 29 ዮሐንስቭ በቭረጋኋ ኢየሱስ ኧሁዳይ ኤፐ ቲቫአካ አሸታ ዋኸ ባረ “እኩ አአለም ባጢር ያፈካካ እእግዜሪ ጣይ
\v 30 ቲያ ቀጥወ ኢቫአኬ ቲያቭ ኢፍቲ ኧረፐሬ ኧኸሬ ቲያቭ ኢረእ ኧቫሁን ሁዳን ።
\v 31 ኢያቭ ገግመኛ አሃርሁን ባነደ ብእሃ ትናጠምቅ ኧቫአሁ ሁዳ ብእስራኤል ሰቭ ኢትሄርነኸ

\v 32 ተኽም ቀጥወ ዮሐንስ ዋኸ ቲቭር አሸን ሁዳ ሄቶ ኤኤደ “መንፈስ ኧውናረኸ ወንደታ ቦፎርኃ ቲቸናወዳ አሸሁ።
\v 33 ኢያቭ ገግኛ ባንሂርኩዳ ብእሃ አጠምቂ ኤኬሼ ሁዳ “መንፈስ በፎርኋ ቲቸናወዳ ታዥኩዳ ሁዳ በመንፈስ ያጠምቅካ ሁዳን ባረታ ኤኤደዪ።
\v 34 ኢያቭ ዋዳ አሸሁ እእግዜር ትከ ኧኸረኸ ሄቶ ኢኢድ ባረ።

\v 35 በቭረጋሞኋ ዮሐንስ ተዉርኤቸ ተማሪኋ ኧትራኛ ኤኤዲ ባነደ ።
\v 36 ኢየሱስቭ ተሀመመያ ቲያርካ አሸንታ “እኩ እእግሪ ጣይ ዋዳን!። ባረ ።

\v 37 ዉርኤቸ ተማሪኋ ዮሐንስ ሀኸ ቲይካ ሰምኦምታ ኢኢየሱስ ቴሄተሪ።
\v 38 ኢየሱስቭ ተዥቫፐረ ቲትሄተሪዳ አሸታ “ምር ትሱኡዋ?” ባረኖም።ሁኖም “ረቢ አኸ ትረቭርወዳ ኤኤዲ ኧትኔን?” ቧሪ። ‘ረቢ’ ኧዋርት አስተማሪ ኧዋርትን።
\v 39 ሁድቭ “የሁም ኦዡዋ” ባረኖም ህመኸ ኧኸረሜ ዎርሙታ ኧቲ ይረቭረኸ አሸውም፤ ቴረኘ አስር ሳዓት ዳር እማትሜ ዋአርሙ።

\v 40 ዮሀንስ ኧዝሬከን ቃር ሰምኦምታነዳ ኢኢየሱስ ተትሄተሪ ተዉርኤቸ ተማሪኋ አትሁዳ ኧስምዖን ጴጥሮሲ ኧሰም እንድሪያስ ባነደ።
\v 41 እንድርያስቭ ህመጋ ኧኧሰምኋይ ኧስምዖኒ ወረታ “ይቫአኴ ኦዋሪ ክርስቶስ ነከቭነዪ”ባረን (ክርስቶስ ኧዋርት ኧዋሸዊያአር) ኦዋርትን።
\v 42 እንድርይስብቭ ኧስምዖን ኧኢየሱሲ በታ አቫአን።ኢየሱስቭ ኧስምዖን መኬኧ ባረ አሸንታ አኸ ኧዮና ትከ ስምዖንንኸ ተዋቴ ኬፋ ባይቶ ይሆረከዴ ባረን (ኬፋ ኧዋርት ጴጥሮስ ዌ እቭር) ኧዋርትን

\v 43 በቭረጋሞኋ ኢየሱስ ገሊላ ገኘ ያሪ ሴኧ፥ ኧፍሊጶስ ነከቨንታ የኸ “ተኸተሬ” ባረን ።
\v 44 ፊሊጶስቭ እእንድርያስመኸዪ ኧጴጥሮስመኸ ኧቤተሳይዳ ከተማ ሰቭ ባነደ።
\v 45 ፊሊጶስ ኧናትናኤል ነከቨንታ “ሙሴ በቂጫ መጣፍ ኧጣፈነቪ ነቢያትቭ ኧጣፉነ ኧዮሴፊ ኧች ኧናዝሬት ምስ ኢየሱስ ነከቭነዪ”ባረን።

\v 46 ናትናኤል ጭን “ተናዝሬት ከተማ ወሄ ዘንጋ ይረህውዪ?” ባረን። ፊሊጶስቭ “ማአታ ኧዥ” ባረን ።
\v 47 ኢየሱስቭ ናትናኤል ኧሁዳይ ኤፐ ቲቫአካ አሸንታ “እኩ አመር ኤነወ ኧውረምየ እእስራኤል ሰቭ” ባረታ ኧሁዳ አአር ዝሬከ።
\v 48 ናትናኤልቭ “አኸ ኧተኸ ሀርኸዪ” ባረ ተሳአረን።ኢየሱስቭ “ፊሊጶስ ታይኸራኸ ኢፍቲ በሸቭራ ምዬ ታነኸ በተርሁ አሸከ” ባረን።

\v 49 ሀ ግዚየ ናትናኤል “አስተማሪዮ እእግዜር ትከንኸ እእስራኤል ንኩስንኸ” ባረን ።
\v 50 ኢየሱስቭ አአመርኸ ሁዳ በሸቭራ ምዬ አሸከ ኧቫከደዪ? ገና ትእም ይረእካአአር ታዥኬ” ባረን
\v 51 ሀአቨ ኢየሱስ ኧቩረመኛ እቭሁዋ ሳቫይ ተከፈጅተታ መላአይካ በሰቭ ትከ ፎር ቲዎኦታዪ ቲወችታ ታዥቴ”ባረ።

\c 2
\p
\v 1 በሳስትኋ በገሊላ ገኘ ቃና ቢዩሪዳ ከተማ አዠቨኘ ባነደ ኢኢየሱስሜ አዶድ በኽሜ ባነቸ።
\v 2 ኢየሱስቭ ተተማሪሞኋ አዠቨኘ ሆኖዮም ባነደ

\v 3 ባአዠቨኘ ድግስ ኧወይን ጠጅ ባነኧ ግዚየ ኢኢየሱሲ አዶድ ኧኢየሱስ”ዋ ሰቭ ኧወይን ጠጅ አነኧዎም ባረቸን”።
\v 4 ኢየሱስቭ “ኧረ ምሽቶ ምር ኦንኧት አንቪይኸ አታአዉጅኝ ገና ግዚየኛ አንሰንአዳ”ባረና ።
\v 5 አዶድሞኋ በሃኸ ኧረፖሩዋ ኢድርታ ሰቭ “ሁዳ ይቭሁዋታ ሁዳ እንእ ኦንኦዋ” ባረቸኖም ።

\v 6 ኧይሁዳ ሰቭ ኢወጥርኰዳ ቂጫ ኧረፐረኖዋይ ኧኸሬ ተዉርኤት ትንኪየ እሀ ሶኦስት ትንኪየ እሀ ዳር ይጠጭታ እእቭር ገምባ በሀ ኤኤዲ ባነዉተ ።
\v 7 ኢየሱስቭ ኢድርታ ሰቭ “ገምባ ሁኖዋ እሀ ሞንኧየዋ” ባረኖም ፥ሁኖም ገምባሁኖዋ አአፉሁኖዋይ ዳር እሃ ሜንኧዮም ።
\v 8 ተህም ቀጥወ ኢየሱስቭ ያጌኪርታ ሰቭ “ተፎርኋ ጕጆም ኧድግስ አላፊ ሁዳ አዊ” ባረኖም፥ ሁኖም ጐቾም አዊ።

\v 9 ኧድግስቭ አላፊ ሁዳ ኧወይን ጠጅ ኸረ ኧትሽጋገረ እሃ ሁዳ ጆᎀገ፤ ታአይ ኧቫአኸ ጭን አሃረ ባነደ ፥እሃ ሁዳ ኧጎቾዋ ኢድርታ ሰቭ ጭን ይሂርዋ ባነደ ።ኧድግስ አላፍፊ ሁድቭ ኧምሽረኘ ሁዳ ኦጣኋይ ወሰደንታ ፥
\v 10 “ሰቭ እንእ ወሄ ጠጅ በተረ ያቲኢንቭታ ባዘራ ሰቭ ሰጨ በሰከረ ቀጠወ ቀጭር ኧወይን ጠጅ ያቲኢንቭ ፤ አኸ ጭን ዋ ወሄ ጠጅ ዋአካ ዳር አቴኧከስኸን”ባረን ።

\v 11 ኢየሱስ ዋ አአወተረ አቴሸን ወግ ዘንጋ ኧሩኡንድኋ መርኸት በገሊላ ገኘ በቃና ከተማ ኤፐታ ክብርኋ አቴሸ፥ተማሪሞኋ በሁዳ አሞርም።

\v 12 ተኽም ቀጥወ ታአዶድመኋ ተኧሰማትሞኋዪ ተተማሪሞኃ ቅፍርናሆም ዩሪዳ ኤኤዲ ዎርሙታነዳ ቀሪ ቀረ ቸኖም ።

\v 13 ኧይሁዳ ኧፋሲጋ ባዓል ኧቴኧነቬ ኧኸሬ ኢየሱስ ኢየሩሳሌም ከተማ ወረ ።
\v 14 በቤተ መቅደስ አሬእ፥ ጣይቪ ቡናር ያስሮታ ሰቭቪ፣ ቸኖም ፈራክ ኢዌስርታ ሰቭ ነከቨ ።

\v 15 ኧወደረ ዥራፍ ሰነቨታ ጣዪቪ አሬእ ሁኖዋ እንእ ተቬተመቅደስ አትሳተደ አዋአኖም፥ ፈራክቭ ይዝረዝርታ ሰቭ ፈራክሁኖዋ ብራጨዎምታ ጠረጴዛሁኖዋ አክቨነረዎም ።
\v 16 ቡናርቭ ያስሮታሁኖዋ ዋሁኖዋ ተዋይ ኦኦየዋ አአቦኛይ ቢድ ገቨያ አቶንኤ ባርኖም!።

\v 17 ሀአ ግዚየ ተማሪኋ “ኧቪዳኸ አነኒዳ ቅናት እእሳደከ ኢቬኪሬ” ቧርሙ ኧጣፉይ ቃር ተዘከደኖም ።
\v 18 ሀግዚየ ኧዩሁዳ ሰቭ ኢኢየሱስ “አኸ ዋዳ ቲንአይ ዳኝንድ አነነኸኸ ታጪግንሬ ምር ወግ ኧኸረ መርኸት ታቲሸንረዴ?”ቧሪ።
\v 19 ኢየሱስቭ “ዋ ቤተመቅደስ ቧርሪ ኢያ በሶኦስት ቀረኋ ኧረሽኩሴ”ባረ ዠፐረኖም።

\v 20 ሁኖም “ዋ ቤተመቅደስ ያረሺ አርብአ ስድስት ዘቨር ጀፐረ አኸ በሶኦስት ቀረ ታረሽኩደዪ?” ቧሪ ።
\v 21 ኢየሱስ ጭን “ቤተመቀደስ”ኦዋርትኋ ኧገግኋይ ሰቭነድ ኦዋርትኋ ባነደ።
\v 22 ኢየሱስ ተውድ በትረሳጋ ተማሪኋ ዋ ዘንጋ ዘኮጁም ህም ግዚየ እም ኧጣᎉ እእግዜር ቃርቭ ኢየሱስቭ ኤኤደን ቃር አሞርም

\v 23 ኢየሱስ በፋሲጋ ባዓል ግዚየ ቢኢየሩሳሌም ከተማ ታነ ኤፐን ወግ ዘንጋ አሾምታ ኖኦራ ሰቭ በሹውኋ አሞርም።
\v 24 ኢየሱስ ጭን ኧሰቭ እንእ ሂን ዪሂር ኧረፐሬ ኧኸሬ አናአመረኖዋ ባነደ።
\v 25 ሁዳ በሰቭ ሂን እንእ አነዳ ዘንጋ ኢሂር ኧረፕሬ ኧኸሬ ኧሰቭ አአር አት ሰቭ ዪኢድኩይ ባያትኬሽኩዳ።

\c 3
\p
\v 1 ኢየሱስ ኧኒቆዲሞስ አትማረን፤ 1. አት ኧፈሪሳ ሰቭ ኧይኹዳ አለቃ ኒቆዲሞስ ዩሪንዳ ምስ ባነደ፡፡
\v 2 ኹድ በቭሳአረ ኧኢየሱሲ ማአታ‹‹አስተማሪዮ ጐይታ ተኹዳ ኧኧኸረ ሰቭ ባኸሪ ዋ አኸቴኮታ ወግ ዘንጋ ዬቪ ኢኸነዳ ሰቭ ኤነዳ፤ እመዳ ኧኸሬ አኸ ተጐይታ ኧቫአኸ አስተማሪ ኧኸርኸኸ ንሂነ›› ባረን፡፡

\v 3 ኢየሱስቭ ‹‹ኧውረመኛ እኸ ሰቭ ኻይቭተ ታይቴኤኝ አጐይታ መንግስት ያዢ አይኸነዳ›› ባረን፡፡
\v 4 ኒቆዲሞስ ቭ ‹‹ሰቭ በገነዘ ቀጥወ ማኸ ኤፐ ሀአቨ ኢቴኤኝ? ኧውሬተኘ ባአዶድኋ ከስ ጊቭአተ ኢቴኤኚ ኢኸኔ?››ባረ ተሳአረን፡፡

\v 5 ኢየሱስቭ ዋኸ ባረ ዠፐረን ‹‹ኧውረመኛ እንኸ ሰቭ ትእኻቪ ተመንፈስ ቅዱስቭ ባንቴኤኜ ኧጐይታ መንግስት ኢጋአይ አይኸነዳ፡፡
\v 6 ተሰቭ ኧቴኤፕ ሰቭን ተመንፈስ አቴኤኘ መንፈስን፣

\v 7 ‹ኧውርኤተኘ ኧቶኦኝት አነቨኹዋ ኧባኬ ወግ አይኽርቨኸ.
\v 8 ንፋስ ኧሳረን አጋድ ኤፐ ኢረፍስ፤ አኸቭ ቃርኋ ትሰቭአ ባኻሬ ዋ ንፋስ ተኧቲ ኢቫአኸ ኧተሜ ያርመኸ አትኺርካ ተመንፈስ ኧቴኤፕ እንእ ኽመኸምን›› ባረኖም፡፡

\v 9 ኒቆዲሞስ ቭ ‹‹እኰዳ ኧተኺ ኢኸሪ ኢችል ባረ ተሳአረን፡፡
\v 10 ኢየሱስቭ ‹‹አኸ እእስራኤል አስተማሪ ኸርኸታ ዋዳ ኧተኸ አትኺርካ?» ባረን፡፡
\v 11 ኧውረመኛ እኸ ኧኻኔ ኹዳ ንዝሬኪነ አሸኔይ ሁዳ ሄቶንረ፤ አኹዋ ጭን ሄቶ ኸነ ኤኤድኔኩዋ ቃር አቴኤፖንረዳ፡፡

\v 12 በዋ አፈር አነዳአር ትረኢድኹዋታ አታአውሩዋ በኸረ፥ አካ ኧሳቫይአአር ቤንኢድኹዋ ኧተኸ ታአውርቴ?
\v 13 ተሳቫይ ኧወንደ ኧሰቭ ትከ ባኻሬ ኧሳቫዪ ኧዋአአር ኧኛ ሰቭ ኤነዳ፡፡

\v 14 ሙሴ በቨረኻ ኧሳአር ጭረ ኧሰኧረመኸ ህመኸ ኧሰቭ ትከ ቤኧ ኢሶኡሪዴ፡፡
\v 15 እመዳ ኢኸርካ በኹዳ፥ ያአቭርካ ሰቭ እን ኧዘለአለም አያ ኺንተ ኢረቭርነኸ››ባረኖም፡፡

\v 16 ‹‹በኹዳ ያአቭርካ እንእ ኧዘለአለም አያ ኢኸርኔ ባኻሬ አይዎደኽ ጐይታ ኧዋ አለምሰቭ ኖኦራአር ኧረመደኗይ እማት ትከኋ አቨ፡፡
\v 17 ጐይታ ትከኋ ኧዋ አለሚ ኧኬሼን ሁዳ በአለም ሰቭ ኢፈርዲ ታይኸር ኧዋ አለም ሰቭ በኹዳ ያተርፍኔ፡፡
\v 18 በኹዳ ቢያአቭርካ ሰቭ አይትፈንድወዳ፤ በኹዳ አያአቭር ሰቭ ጭን ብእማት በጐይታ ትከ ሹው አናአመሬ ኧኸሬ ዋአካሞኋ ተፈንደወ፡፡

\v 19 ፍርድሞኋ ዋኸትን፥እዋየ ኧዋ አለሚ ማአ ሰቭ ጭን እዋየ ኹዳ ታይኸር ጠነቫ ነሞጁም፤ ጠነቫቭ ኧረሞጁዋ ኹዳ ሜናኹኗ ሙጥጣአር አኸረዴ፡፡
\v 20 ሙጥጥ ሰቭ እዋየ ኢጠራ፤ ሜናሞኻ ባይትረከቭዌ እእዋዬ አይቫአካ፤
\v 21 ውረአር ዬካ ሰቭ ጭን እእዋዬ ኢቫአ፤ ኤፐንሜና በጐይታ ደረግቪ ፍቃድ ኧቴፐኸ ገኪተ ኢትረከኸ እእዋዬ ኢባአ፡፡

\v 22 ያጠምቅ ኧረፐረ ዮሐንስ ኧየሱሳአር ኤኤደ 22. ተህም ቀጥወ የሱስቪ ተማሪሞኻ ኧይኹዳ ገኘ ወርም፤ ኹድቭ በህሜ ቲያጠምቅ ተተማሪኋ ቸና፡፡
\v 23 በኽም ግዚየ ዮሐንስቭ በሳሌም ከተማ ምዬ ሄኖን ቢዩሪዳ ኤኤዲ ኖኦራ እሀ ኧረፐሬ ኧኸሬ በሀይ ያጠምቅ በነዳ፤ ሰቭ ሀይ ወረ ኢጠመቅ ባነደ፡፡
\v 24 ህም ግዝየ ዮሐንስ ኦህኔ ቢድ ተጉኦትኋ ኢፍቲ ባነደ፡፡

\v 25 በዮሐዩንስ ተማሪቪ ባአት በይኹዳ ምስ ግት ቢወጥርኰዳ ቂጫአ ኧቫአ ዘንጋ ተረሳ፡፡
\v 26 ኧየኋንሲ ተማሪ ኧዩኻንሲ ቴኤኖምታ ‹‹አስተማሪዮ ሀ ተዮርዳኖስ እሀ ሀአጋድ ታኸ እማቲ ኧረፐረ አኸቭ ኧኹዳአር ኤኤድኸነ ምስ ኧሰቭ ያጠምቅ፤ ሰቭ እንእ ኧኹዳይ ያር›› ቧሪ፡፡

\v 27 ዩኻንስ ዋኸ ባረኖም፤‹‹ማንእየ ሰቭ ጐይታ ታዩኩ አታአር ኢረኽቪ አይኸነዳ፡፡
\v 28 ኢያ ተኹዳ ኢፍቲ ኬሽውኝ ባኸሬ ኢባአኬ ኧዋሪ ክርስቶስ ኢያ አኸርኋ› አባኩዋኸ ገጋኹዋ ሄቶንሁዋ ባረኖም፡፡

\v 29 ምሽራ ሂዳ አአዝማችኒያአር፤ ቃርኋ ኢስቭአይ በቭየኋይ ኧትሸከቨ ሙዜኋ ጭን ኧቭሽረኘ ሁዳይ ቃር ቲስቭአካ ኖኦራአር ኢሽርኩ ፤ሀ ኧሳርት ኢያትናአር ኹድቭ ዋአካ ኸረ፡፡
\v 30 ኹዳ ኢረኢ ኢያ አአንሲ ያትኬሽ›› ባረ፡፡

\v 31 ተፎሬ ኢቫአካ ሁዳ ትንእ በፎረን፤ ተአፈር ኧኸረ ሁዳ አአፈርን ሁድቭ አአፈርአአር ኢዝሬክ፤ ተሳቪዪ ኢቫአካ ሁዳ ትንእ በፎረን፡፡
\v 32 ሁዳ አሸንቭ ኧሰምአንቭአአር ኢኢድ ቢኸርቭ ሁዳ ኤኤደናአር ኢሰቭአኩዳ ኤነዳ፡፡
\v 33 ሁዳ ኢኢድኩዳ ዘንጋ ያአቭርካ ሰቭ ጐይታ ውነተኘ ኧከረኸ አጬገ፡፡

\v 34 ጐይታ መንፈስኋ ስፊተ አዪቪ ኧኸሬ፣ጐይታ ኧኬሸን ሁዳ ኧጐይታ አር ኢኢድ፡፡
\v 35 አቭ ትከኋ ኢረድ፤ እንእ አአር በኧጅኋ አቨን፡፡
\v 36 በትከኋ ያአቭርካ እንእ ኧዘላለም አያ ኸረ ኢረቭር፤ በትከኋ አያአቭር ሰቭ ጭን ኧጐይታ ማአት በኹዳ ፎር ኢወትወ ባኸሬ አያ ኺንተ አይረቭርካ፡፡

\c 4
\p
\v 1 ህም ግዝየ ኧፈሪሳ ሰቭ ተዮሐንስ ኢረእ ኢየሱስ ኖኦራ ሰቭ ኧትሄተሪመኸዪ አጠመቀመኸ ሰምኦም።
\v 2 ቢኸርቭ ያጥምቁዋ ኧረፖሩዋ ኧኢየሱስስሲ ተማሪ ባነውተ ባሀሬ ኢይየሱስ ገግኋ ባያጠምካ።
\v 3 ኢየሱስ ዋ ዘንጋ ኧፈሪሳ ስሰቭ ኧሰምኦዋኸ በሀረ ቀጥወ ተይሁዳ ገኘ ዋአታ ፣ ተዠፐረ ገሊላ ገኘ ወረ። ።

\v 4 ህሜ ቲያርካ በሰማሪያ ገኘ ኧኝኧተ ኧሆርት ባንኖደ።
\v 5 ያቆብ ኧትከኋ ኧዮሴፍ ባቨን ኤኤድ ምዬ አነዳ ሲካር ዩሪንዳ አት ኧሰማሪያ ገኘ ከተማይ ማአ።

\v 6 በህሜ ያቆብ ኧኸኘን እእሀ ጎጀ ባነደ፤ኢየሱስቭ ቄጠታ በሀ ብእሀ ጎጀ ምዬ ቸና፤ግዝየሞኋ ስድስት ሳአት ባነደ።
\v 7 በህም ግዝየ አት ኧሰማሬያሰማሬያ ገኘ ምሽት እሀ ትገዳይ ኧጎጀ ሁዳይ ማአች፤ ኢየሱስቭ ኧቭሽት ሂዳ« ሀበጀሽ እሀ አስጤኝ »ባረና።
\v 8 ህም ግዝየ ተማሪኋ ሸረድ ኢስሮዋይ ገያ ዎርም ባነደ።

\v 9 ዋ ኧሰማሬያ ገኘ ምሽት ኧኢየሱስ « አኸ ኧይሁዳ ገኘ ሰቭ ኸርኸታ ኢኢያ ኧሰማሬያ ገኘ ምሽት ኧተኸ እሀ አስጤኝ ትሬ?»ባረቸን፤እመዳ ኧዋርትሻ ኧይሁዳቪ ኧሰማሪያቭ ገኘ ሰቭ ፣ አያድጋፖዋይ ኧኸረዴ ።
\v 10 ኢየሱስቭ «ኧጎይታ ዋቢነድ ብትሂዋ ፣እሀቭ አስጤኝ ይሽዳ ማን ኧኸረኸ ኧሀርሺያአር ተኸረ ፣አሽቭ ሳአይተሲታ አያ ዬካ እሀ ያሽ ባነደ» ባረና።

\v 11 ሂድ «ዳቭኞ አኸ ትገዳወዳ ግቭር ኤነነኸዳ፤ጎጀሞኋ ኑእ ስዌርን ፤አኸ ባቴ ዋ አያ ዬካ እሀ ታአይ ታቭአኴ?» ባረቸን ።
\v 12 አኸ ዋ እእሀ ጎጀ ታቨንረ ታአባንራ ተያቆብ ትረኢ? ሁዳ ዴንጋሞኋዪ አሬእሞኋ በዋ ጎጀ እሀ ሰጮም» ባረቸን።

\v 13 ኢየሱስቭ «ተዋ እሀ ኢሰጭካ ሰቭ እንእ ሀአይተ እሀ አይጠቫኩዳ » ባረና።
\v 14 ኢያ ትኒኩዳ እሀ ኢሰጭካ ሰቭ ጭን ኧዘላለም ስርም አይጠቫኩዳ፤ኢያ ኢኩዳ እሀ ኢሰጭካ ሰቭ ኧዘላለም አያ ኧሁርትቪ በሁድቭ ከስ ኧላለም አያ ዬካ እሀቭ ኢገድድ» ባረ ኤኤደና ።

\v 15 ምሽትቭ ሂዳ « ጎይታኞ ተዋቴ እሀ አይጠቫየኸ ፣እሜቭ ተዣቨይተሁ እሀ ኧገዳይ ዋይ አንድዥቫፐረኸ ኧዋ እሀ ኢያቭ አቬ» ባረቸን።
\v 16 ኢየሱስቭ «ኧቭሳሽ ህየም ኤኤ »ባረና።

\v 17 ምሽትቭ ሂዳ «ኢያ ምስ ኤነኒዳ »ባረቸን።ኢየሱስቭ «ምስ ኤነኒዳ ኧዋርታሽ ውረምናሽ»ባረና።
\v 18 ኧዋ ኢፍቲ አምስት ገማ ባነነሸ ፤ዋአካቭ ታሻ እማቲ አነዳ ምስ ምሳሽ አኸረዳ፤እመኸ ኧዋርታሽ ኧውረምናሽ»ባረና።

\v 19 ምሽትቭ ሂዳ «ጌታኞ አኸ ነቢ ኧኸርኸኸ ይትረከቬ» ባርረቸን።
\v 20 ሂድቭ ኧድረ አቦንራ በዋ ቆቶ ፎር ሰጎጁም፤አሁዋ ኧይሁዳ ሰቭ ጭን ሰቭ ኧስጉጅት አኖዳ በኢየሩሳሌምን ቱሩዋ»ባረቸን።

\v 21 ኢየሱስቭ «ምሽቶ ብእም ቆዮ ቢኸርዌ በኢየሩሳሌም አአቭ ጎይታ አትሰጉጅኰ ግዝየ ኢቫአኸ ኧቨይኝ»።
\v 22 አሁዋ ኧሰማሬያ ገኘ ሰቭ አትሂሪያአር ትሰጉጁዋ፤ኢና ጭን ኧትረፉት ኢቫአካ ተሁዳ ሰቭ ኧኸሬ ንሂኔዳ ጎይታ ንሰግድነ።

\v 23 ቢኸር በውረቭ ኢሰጉጅነዳ ሁኖዋ አአብ ጎይታ በመንፈስቪ በውረቭ ኢሰጉጅኰዳ ግዝየ ኢቭአኴ፤ዋአካቭ ማአ፤አቭ ዋኸ ተውረምየ ኢሰጉጅነዳ ሁኖዋ ኢሲእ።
\v 24 ጎይታ መንፈስን ኧሁድቭ ኢሰጉጅታ ሰቭ በውረቪ በመንፈስቭ ኧስጉጅት አነዎዋ» ባረና።

\v 25 ምሽትቭ ሂዳ «ክርስቶስ ዩሪንዳ መሲህ ኢቫአኸ ኧሂር፤ ሁዳ ቲቫአካ እንእአአር ያአውደንረሴ»ባረቸን።
\v 26 ዋአካ አዝራኪሽዳ ኢያ ትን»ባረና።

\v 27 ህም ግዝየ ተማሪኋ ተዎርኰ ኤኤዲ ተዦፖርም ሞኦም፤ ኢየሱስቭ ተቭሽት ሂዳ ቲዝሬካ አሸውዋይ ወግ ኸረዎም፤ቢኸርቭ «ምር ሴኤኸ»ዌ ተሂዳ ኧቭር ትዝሬክ»ባይተ ኧትሳአረን ሰቭ አነፐረዳ።

\v 28 ምሽት ሂዳ ትንክየሻ አወናች ከተማ ወረችታ ኧሰቭ እንእ ፥
\v 29 ኤፐሁን ሁዳ እንእ ኤኤዴ ምስ ዮሁምታ ኦዡዋ ሁዳ ክርስቶስ ኢህርሴዪ?»ባረቸኖም።
\v 30 ሰቭ ሁኖዋ ተከተማ ዎኦምታ ኧኢየሱሲ ዎርም፤።

\v 31 ህም ግዝየ ተማሪኋ «አስተማሪዮ ሸረድ ብርአ »ቧሪ።
\v 32 ሁዳ ጭን«ኢያ አሁዋ አትሂሪ ኧቨርአኩዳ ሸረድ አነኒ »ባረኖም።
\v 33 ተማሪሞኋ ማላ አት ሰቭ ሸረድ አቫአነ ኢህርሴ»ተዌዌርም።

\v 34 ኢየሱስ ጭን ዋኸ ባረኖም፥«ኢያይ ሸረድ ኧኬሼ ሁዳይ ሙርአድ ኧዎንኧትን»ባረኖም።
\v 35 አሁዋ ዝኘ ያጭኰዳ ግዝየ ኢሰርአይ አት አርቭአት በኘ ተነፈን ቱሩዋ ፤ኢያ ጭን መመራሁዋ ንሾምታ ያጪ ኧሰንአ ዝኘ ኦዡዋ እሁዋ።
\v 36 ያጥካቭ ሁዳ ደሞዝኋ ኢቴኤፐር፤ ኧዘላለም አያ ዬካ ሙርትቭ ቁጥቁጥ ኢንአ፤በህም ኧቫአ ኢዘርአካቪ ያጥካቭ እማቲ ኢሽርኮዋ።

\v 37 በህም ኧቫአ አት ሁዳ ኢዘርአ አት ሁዳ ያጥ ፣ ኧዋሪ ሟሟካ ኧውርርምን።
\v 38 አሁዋ አንቄጥሁኰ ዝኘ ታጩዋይ ኬሸኩም፤ኧኛሁኖዋ በቬና ቄጩም፤አሁም አንቄሁኰ ሙርት ቁጥቁጥ ኤፐሁም» ባረኖም።

\v 39 ምሽትቭ ሂዳ «ኤፐሁን ሜና እንእ ሁዳ ኤኤደዪ»ባረች ኤኤደቺ ኧኸሬ በሀ ከተማ ኖኦራ ሰቭ በኢየሱስ አሞርም።
\v 40 በህም ኧቫአ ኧሰማሬያ ገኘ ሰቭ ኧኢየሱሲ ቦዎኦዋጋ ኢየሱስ ተሁኖም እማቲ አታአህር ቀረ ተሁኖም ኢረብቭረኸ ሳአሪ፤ሁድ ውርኤት ቀረ ተሁኖም ቸና ።

\v 41 ኢየሱስቭ ኧዝሬኬን ዘንጋ ሶምኦምታ ኧኛ ኖኦራ ሰቭ በሁዳ አሞርም።
\v 42 ሁኖም ኧቭሽት ሂዳ «ዋአካ ኢና ናአቭነዳ ሁዳ እማት አሻ ኤኤድሽንሬ ታይኸር ፣ኢና ገግመንራ ኧሁዳ ኧሰምአነዪ ኧኸሬ፣ ሁዳ ውረቭ ሰቭ እንእ ያተርፊ ኧቫአኸ ሀርነ»ቧሪያ።

\v 43 ኢየሱስ በሰማሬያ ገኘ ውርኤት ቀረ ቤኤኬሰ ቀጥወ ፣ተሀይ ተረሳታ ገሊላ ገኘ ወረ።
\v 44 ሁዳ ገግሞኋ« ነቢ በገዛ ገኘኋ አያኮብሪዳ »ባረ ባነደ።
\v 45 ዘንጋ ጭን ገሊላ ገኘ ወረ ቲሰርአካ ኧገሊላ ሰቭ በሳት ቴኤፖሪ፤እመዳቭ ኧኸረ ሁድዳ ኧፋሲጋ ሙርአ ኢየሩሳሌም በዎሩዋጋ ሁዳ በሀይ ኤፐን ሜና አሸውዋይ ኧኸረንዴ።

\v 46 ተህም ቀጥወ ኢየሱስ እሀ ወይን ኤፐወ በገሊላ ገኘ አነዳ ቃና ዩሪዳ ቃያ ተዠፐረ ወረ፤በገሊላቭ ገኘ አት ኧችኋ ኤኤመወ ምስ ባነደ፤
\v 47 ኢየሱስ ተይሁዳ ገኘ ተረሳታ ገሊላ ገኘ ኧቫአኸ ዳኘ ሁዳ ሰምአታ፥ ኧኢየሱሲ ወረ።በህም ግዝየ ኢየሱስ ቅፍርናሆም ወረታ ቡሼኤኸ ኤኤመን ፣ኧችኋ አፍያ ኢንአነኸ ሳአረን።

\v 48 ኢየሱስቭ «አሁዋ መርኸትቪ ወግቭአር ባንሰምአሁዋይ ስርም አታአውሩዋ ሰቭ»ባረን።
\v 49 ዳኘቭ ሁዳ ሀበዳሽ ኧችኛ ታይዎድ ስርአንኒ»ባረን።
\v 50 ኢየሱስቭ «አኸ ቢዳሄ ሆር ኧቻኸ በኸረ ተነፈ ባረን፤ዳኘቭ ሁዳ ኢየሱስ ኧቫረን ሁዳ አመረታ ቢድኋይ ወረ።

\v 51 ሁድቭ በቨያ ታነ ሜነኘኋ ነኮዊታ «ኧቻኸ ተነፈ ቧርም ኤኤጂ ።
\v 52 ሁድ ኧችኛ ኧፈዘን በቭርአህር ሳአትን? » ባረ ተሳአረኖም። ሁኖም ምስየኋ ኧዎኩርት ኧቸኧን ትራኛ በሳቭአት ሳአትን? ቧሪ።

\v 53 ዳኘ ሁዳ ኢየሱስ  ኧቻኸ ተነፈ ኧቫረን ሀ ግዝየ ኧረፐረኸ ሀረ፤ብእም ኧቫአ ሁድቪ አበሩስሞኋ እንእ በኢየሱስ አሞርም።
\v 54 እመዳ ኢየሱስ ተሁዳይ ገኘ ተረሳታ ገሊላ ገኘ በቫአይ ኤፐን ውርኤተኘ ወግ ሜናን።

\c 5
\p
\v 1 ተህም ቀጥወ ኢየሱስ ኧይሁዳ ባዓል ኧረፐሬ ኧኸሬ ኢየሩሳሌም ወረ ።
\v 2 በኢየሩሳሌም ኧጣይ ኡፎቻ ቢዩሪዳ ኤኤድ ምዬ አምእስት ያርኮዳ መያ አነነዳ ብእብራይስጥ አፉ “ቤተሳይዳ” ዩቩሪዳ አት ኢይጠሞቅኮዳ ኧቸና እሃ ባነደ ።
\v 3 ህሜ ቢያርኮዳ ኤኤዲ ኖኦራ ጉዳተኘ፣ ፉርጥ ፥ጅረ፥ሽባ ተጎተርሙታ “እሃ ሁዳ ቲቅረቅርስነጋ ዩኡሮዋ ባነደ።
\v 4 አታት ግዚየ እእግዜር መላአይካ ወንደታ እሃ ሁዳ ያቅረቅርኩ ባነደ እሃ ሁዳ ቲቅረቅርካ አቨተረ ብእሃ ሁዳ ኧገፓ ሰቭ ተጠበጠን ተቫንእየ ባአሸ ኢተርፍ” ባነደ።

\v 5 በኽሜ ሳሳዪ ሱት ዘቨር በጦናድ ኧረፐረ አት ምስ ባነደ።
\v 6 ኢየሱስቭ ዋ ምስ በትገተረ ኤኤዲ እሸንታ ሮኦራ ዘቨር በቫአሸ ኧረፐረኸ ሀረታ “ተቫአሻኸ ትተርፊ ትሲኢ?” ባርን ።

\v 7 ኧጮረንቭ ምስ “ጎይታኞ እሀ ሁዳ ቲቅረቅርካ ነሳታ ብእሃ ሁዳ ከስ ያጋአይዳ ሰቭ ኤነኒዳ ኢያ ኧጋአኬ ባሁታ ትናትቫቅርካ ኤኛ ሰቭ በተረዪ ዪጋአ”ባረን።
\v 8 ኢየሱስቭ “ተሳ ኧትገተርኸወ አርጋኸ ፈንግታ ሆር” ባረን ።

\v 9 ምስቭ ሁዳ ህመጋ ተቫአሸኋ አፊያ ኸረታ ኧትገተረወ አርጋ ፌነገታ ዎረ ህም ቀረ ኧይሁዳ ሰንበት ቀረ ባነደ ።

\v 10 በህም ኧቫአ ኧይሁዳ ዳኘ ኧሀ ተቫአሸኋ ኧተነፈ ምስ “ሰንበት ኧረፐሬ ኧኸሬ አልጋኸ ትፌንጊ በሙሴ ቂጫ አንትፈቀደነኸዳ”ቧሪ።
\v 11 ሁዳ “ጭን ተቫአሸኛ አተነፌ ምስ አልጋኸ ፈንግ ሆር” ባረዪ ባረኖም ።

\v 12 ሁኖም “በሰንበት ቀረ አልጋኸ ፈንግ ሆር ኧቫረናኸ ማንተን?”ቧርሙ ተሳአሪ።
\v 13 በህመኸ ኖኦራ ሰቭ ኧረፐሬ ኧኸሬ ኢየሱስ ተሄኤዲ ናባር ኧድዠፐሬ ኧኸሬ ምስ ሁዳ አፊያ ኤፐን ማን ኧኸረኸ አሀረ ባነደ።

\v 14 ተህም ቀጥወ ኢየሱስ በቤተ መቅደስ ነከቨንታ “ኧዥ ኧኳ ተነፍኸ ተዋዳ ኧቫአሰ አአር አይቫአቨኸኸ ተዋ ቀጥወ ባጢር አተንአ” ባረን ።
\v 15 ምስቭ ሁዳ አፍያ ኤፐን ኢየሱስ ኧኸረኸ ወረታ ኧይሁዳ ዳኘ ኤኤደኖም።

\v 16 ኢየሱስ በሰንበት ዋ ዘንጋ ኤፔ ኧይሁዳ ዳኘ ኢኢየሱስ አትሳድጅት ቆነሺ።
\v 17 ኢየሱስ ጭን “አባኛ ዋአካ ስን ኢንአ፤ ኢያቭ ኢንአ”ባረኖም።
\v 18 በኽም ኧቫአ አአይሁድ ዳኘ ኧኢየሱስ ቲኢፍት ይረእ ዮኦትሪ ተፉቂያቄርም፤ እማት ሰንበት ኧሻሬ ታይኸር እግዜር “ኢያ አባነኛ በዋርትኋ ገግኋ ትእግዜር ቂጥየ ኤፔ ኧኸረዴ» ቧርም።

\v 19 ኢየሱስቭ ዋኸ ባረኖም “ ኢያ ኧውረመኛ እቭሁዋ አቭ እግዜር ቲዬካ አሸን ሁዳ ዪንአ ባኸሬ ትከ በገግኋ አታአር ኦንኧት አይኸነዳ አብ ዪንአኩዳ ሁዳ እንእ ትከቭ ዪንአ ።
\v 20 አቭ ኧወልድ ይረድኲ ኧኸሬ ዪንአኩዳ ሁዳ እንእ ያቲሽኩ፥ወግቭ ይኸርወሁዋኸኸ ትእምይረእካ አአር ያቲሽኩዴ።

\v 21 አብ ኧዎጁዋ ሁኖዋ ነሳ አያ ዪንአመኸ ወልድቭ አያ ዪንአኲ ኧሴኣ እንእ አያ ዪንአኩ።
\v 22 አቭ እግዜር ባአትቭ ሰቭ አይፈርድካ ቢኸርቭ ኢፈርዲ ፍቃድ እንእ ኧወልድ አቨን።
\v 23 እመዳ እንእ ኤፕ ሰቭ እንእ አአቭ ያኽብድመኸ ኧትከሞኋ ያኸብድነኸ ኧወልድቭ አያኸብድ ወልድቭ ኤኬሸ እእግዜር አያኸብድካ ።

\v 24 ኧዉረመኛ እሁዋ ቃርኛ ይሰቭአካ በኬሸዪ ሁዳ ያአቭርካ ኧዘላለም አያ ህይተ ይረቭርኬ፥ ሞደታ አያ ኸረ ባኸሬ ፍርድ ኤኖዳ ።

\v 25 ኧዉረመኛ እሁዋ ኦዎጁዋ ሰቭ እእግዜር ትክ ቃር ኢሰቭኦኰዳ ወቅት ይቫአኴ ዋአካቭ ማአ ኢሰውኤዳቭ ሁኖዋ ሙድ አይረቭርዎታ።

\v 26 አብ በገግኋ አያ ዪንአካ ሚንጭ አነንመኸ እመኸቭ ወልድቭ አያ ዪንአካ ሚንጭ ኤፐን ።
\v 27 ሁዳ ኧሰቭ ትከ ኧኸሬ ገግሞኋ ኢፍርዲ አብ ዳኝንድ አቨን

\v 28 በዋ ዘንጋ ወግ አይህርቨሁዋ በወገማ ከስ አነዉታ ሰቭ እንእ ኧሁዳይ ቃር ኢሰቭኦኮዳ ግዚየ ይቫአኬ።
\v 29 ወሄያአር ኤፐዉዋ ሁኖዋ አያ ሂይተዉዋ ይረዉርዋይ ተውድ ይትረሸቴ ሙጥጥ ኤፐዉም ሁኖዋ ይትፈንድወዋይ ተቩድ ይትሬሸቴ ።

\v 30 ኢያ በገግኛ ፍቃድ ኦዎጣኛ አታአአር ኢይንአይ አይኸኒዳ፤ ኧፈርድኩዳቭ ፍርድ እማት አቭ ኤኤዴ ሁዳን ኤኬሸዪ ሁዳ ፍቃደኸ ባኸሬ ኧገግኛ ፍቃደኸ አኒንአይ ኧኸሬ ፍርድኛ ቂጥየን ።
\v 31 ኢያቭ ኧገግኛ ምስክርነድ ብኒኢይድ ኢቴኤፐሬዳ ኤነዳ ።
\v 32 ቢኸርቭ ኢያ ዪኢድኒዳ ኧኛ አአር አነ።ሁዳ ኢያ አአር ምስክር ኸረታ ዪዝሬኩዳ ሁዳ ኧዉረ ኧኸረኸ ኢያ ኧሂር ።

\v 33 አሁዋ ኧዮሀንሲ ሰቭ ኬሸሁም ባንደ ሁድቭ ኧዉረአአር ሄቶ ኸረ ኤኤደ።
\v 34 እመዳቭ ኧዋርትኛ አሁዋ ትተርፉዋኔ ባኸሬ ኢያ ኧሰቭ ሄቶ ሴእተሁታ አኸረንዳ።
\v 35 ዮሐንስ ቲረድድ ያትረክቭካ ኩራዝ ባነደ፤ አሁም ኧቀሪመጋ በሁዳይ ብርሃን ቲትረክሁዋ ኢሽርሁዋይ አሸሁም ።

\v 36 ኢያ ጭን ዮሐንስ ቴኤደኒ ምስክርነድ ኢይረእካ ምስክርነድ አነኒ ፥ አቭ ኢያ ኢንአኲ አቬ ዋ ኢንአኩዳ ሜና ፥አቭ ኤኬሼኸ ሄቶ ኢኢድኒ ።
\v 37 ኢያቭ ኧኬሼ አቭ ገግኋ ኢያአር ሄቶ ኤኤደ፤ አሁም አቸ ቃርሞኋ አሰምአሁም ደቨርሞኋ ስርም አናሸዂዳ ።
\v 38 ሁድቭ ኧኬሸን ሁዳ አናአምርሁዋይ ኧኸሬ ቃርኋ ባሁዋ አይረቭርካ ።

\v 39-40 አሁም በሁኖዋ ኧዘላለም አያ ኢንቶ ይረሁዊዳአር ኢቨስርሁዋይ ኧኸሬ እእግዜር ቃር ዪኢጅታ መጣፍ እንእ ተጨር ትምረሙሩዋ፤ ቢኸር ጭን ዋ መጣፍ እንእ ኢያ አአር ኢምሰኩሩዋታነዋ አአር፥ አሁዋ ጭን ኧዘላለም አያ ሂንተሁዋ ትረውሩዋኸ ኢያይ ቱዎኦዋይ አትሱኡታ።

\v 41 ኢያ ተሰቭ ክብር አንቴኤፐርካ ።
\v 42 ዘንጋኋ ጭን አሁዋ በሂናሁዋይ እእግዝዜር አትረጁዋኸ ኧሂር።

\v 43 ኢያ ባአባኛ ሹው ማአሁታ አንቴኤፐርሁኝዳ ኧኛኋ ጭን በገግኋ ሹቭ ቢቫአ፥ኧሁዳ ትቴኤፖሪ።
\v 44 አሁም ገግተገግማሁዋ ክብር ትሱኡዋ፤ ዘንጋኋ ጭን ትእማት እግዜሪ ጭን ክብር አትሱኡዋ በኸረ እህ ባቴ ቢያ ኧተኸ ታአውርዋይ ይኸርነሁዋ።

\v 45 ቢኸርቭ ኢያ በአቭ ኢፍቲ ኧከስስሁዋታአር እመሰረናሁዋ፤ ኢከስስሁዋታ ሁዳ ጭን ትትእማሞርኮዳ ሙሴን።
\v 46 አሁዋ ኧሙሴ ታአመርሁዂ፥ ሁዳ ኧጣፈን ሁዳ ኢያአር ኧኸሬ ቢያ ተኧዎሩዋ ባነደ።
\v 47 ሁዳ ኧጣፈን ሁዳ ባናአመርሁዋ ጭን ኢያ ኧዝሬክሁዋታ ሁዳ ኧተኸ ታአውርዋቴ?።

\c 6
\p
\v 1 ተሀ ቀጥወ ኢየሱስ ጥብሪያዶስ ዩሪንዳ ኧገሊላ ባር ሀጋድ ዋአ።
\v 2 ኢየሱስ በቫአሸ ኧጠቦቹዋ ሰቭ ባትርፉት ኤፐን ወግ ሜና አሸውዋይ ኖኦራ ሰቭ ተሄተሪ።
\v 3 ተህም ቀጥወ ኢየሱስ ተተማሪሞኋ እማቲ በቆቶ ፎር ዋአ ቸና።

\v 4 አአይሁድ ኧፋሲጋ ሙርአ ቴኤነቨ ባነደ።
\v 5 ህም ግዝየ ኢየሱስ ኖኦራ ሰቭ ኧሁዳይ ቲቫአካ አሸታ፣ኧፊልጶስ «ኧዋ ሰቭ ኢቨቃካ ሸረድ በኧቲ ንስየነዴ?» ባረን።
\v 6 ኢየሱስ ኧፊልጶስ ዋዳ ኧትሳአረን ኢፈትርኩኔ ባሀሬ ኢንአካአር ሁድ ኢሂር ባነደ ።

\v 7 ፊልጶስ «አአታትሁኖዋ እንስየ ኧጠነሺ ኢውዮይ ኧውኤት በኧር ብር እንጀራ ስን ቢስሬ አይብቃካ» ባረን።
\v 8 ተኢየሱሲ ተማሪ አት ሁዳ ኧስምኦን ጴጥሮሲ ኧሰም እንድሪያስ ዋኸ ባረ ፥«
\v 9 በዌኤዲ አምስት ኧኧህር እንጀራዪ ውርኤት እስስየ አሳቭ ኧጠበጠ አት ኧች ዌኤዲ አነ ፤ቢኸርቭ ኧዋ ሰቭ እንእ ተቭር ኢቨቃ? » ባረ ።

\v 10 ኢየሱስ «ሰቭ ሁኖዋ ኤኤድ አጥቹም አውሬዮዋ» ባረ፤ኤኤድሞኋይ ኖኦራ ሳአር አኖዳ ኤኤዲ ባነደ፤በህም ኤኤዲ አምስት ሁው ኢሆርታ ገማ ቸኖም ።
\v 11 ኢየሱስቭ አምስቸ እንጀራ ነሳ በኧጅኋ ጠበጠታ ጎይታ ባትሸኮረ ቀጥወ ፣ኧቸኖዋ ሰቭ ኢቨቃኮታአአህር አቨኖም፤አሳቭ ሁኖዋ ህመኸ ሻከደ አቨኖም።
\v 12 እንእዎሁኖዋ ቦንኦም ቦኦፎውዋ ቀጥወ፣ ኧተነፈ ኧፍረነዊ ሸረድ ቁጥቁጥ ኦንኦም ንሾዋ እማት እቦተኧ » ባረኖም ።

\v 13 ሁኖም ሰቭ ሁኖዋ ተአምስት ኧኧህር እንጀራ ቦንኦምታ ኧተነፈ ሸረድ ቁጥቁጥ ኤፖምታ አስረ ውርኤት ቀጫት ነሾም።
\v 14 ሰቭ ሁኖዋ ኢየሱስ ኤፐን ወግ ሜና ባሸውዋ ቀጥወ «ኢቫአኴ ኧዋሪ ነቢ ጪግ ዋዳን» ቧርም።
\v 15 ኢየሱስ ሰቭ ሁኖዋ በግርድ ያረኩሺ በሂንሁኖዋይ አጫሞጭዋኸ በሀረ ቀጥወ ፥ቸኧኖምታ በቆቶ ፎር ኧንአ ።

\v 16 አፈር ቲበሽካ ኧኢየሱሲ ተማሪ ኧገሊላ ባር ምዬ ዎርም።
\v 17 ሁኖም በጀልባ ቅፍርናሆም ያሩዋይ ተረሾም፤ህም ግዝየ አፈር መሸ ባነደ፤ኢየሱስቭ ገና ኧሁኖዋይ አማአ ባነደ ።
\v 18 ህም ግዝየ ጦናᎀ ንፋስ ኢረፍስ ኧረፐሬ ኧኸሬ ኧቫር እሀ ቅረቀረ ፤

\v 19 ኧኢየሱስሜ ተማሪ አምእስት ዌ ስድስት ኪሎሜትር ኤኤዲ በጀልባ ብእሀ ፎር በዎሩዋጋ፣ ኢየሱስ ብእሀ ፎር በኧግርኋ ኧሁኖዋይ ኤፐ ቲቫአካ አሸዊታ ደነኧኖም ።
\v 20 ኢየሱስ ጭን « አትፍረውዋ ኢያትንሁ»ባረኖም።
\v 21 ሁኖም ሳረኖምታ ኧጀልባሁኖዋ ከስ አጎᎌዪ፤ ህም ግዝየ ኧትሳፎርኰ ጀልባ ያርኴ ኧሴኤዊ ኤኤድ ሰንአ።

\v 22 በቨረጋኋ ተቫር ሀአጋድ ኧረፖሩዋ ሰቭ በሀ በቫር ሁዳ ፎር እማት ጀልባ ባሀሬ ኧኛ ጀልባ ኤነኸ ኋርም፤ኧኢየሱስሜ ተማሪ ኢየሱስ በጀልባ ሁዳ አንገፓኸ ኧዎጣሞሁኖዋ ኧሁሩዋኸ ኋርም ባነደ።
\v 23 ቢኸር ቡችር ጀልባ ተጥብሪያዶስ ባር ተረሾም ሞኦም፤ ኢየሱስ ኧጎይታ አትሸኮረወዪ ሰቭ ሸረድ ኧቨንአወቭ ኤኤዲ ሞኦም።

\v 24 በህመኸቭ ኧረፖሩዋ ሰቭ ኧኢየስይስቪ ኧተማሪሞኋ ሴኤውም በዎኮሪዮዋጋ ፥ኧኢየሱስ ኢሱኢ ቅፍርናሆም ከተማ ዎርም።
\v 25 ኧቨር ሀጋድ ዎኦም ኢየሱስ ኖኮዊታ፥ አስተማሪዮ ዋይ መችራ ማአኸ?» ቧርም ተሳአሪ።

\v 26 ኢየሱስቭ «ኧውረርመኛ እሁዋ አሁዋ ኢያ ትትሄተርኝዳ ሁዳ ሸረድ በንአሁም ኧኧፎሁዋቴ ባሀሬ፣ኤፖሁን ወግ ሜና አሸሁዋይ አኸረንዳ» ባረኖም።
\v 27 እማት ቦንኧዪ የኧፋካ ሸረድ ባይተሁዋ አትቂጩዋ፤ኢረእካሞኋ አብ ጎይታ በትከኋይ አጋድ አጬገ አተመን ኧሰቭ ትከ ኢሁዋታ ኧዘላለም ኢኽርካ ሸረድ ትረሁዋይ ቂጩዋ።

\v 28 ሰቭ ሁኖዋ«ኢና ኧጎይታ ሜና ኒንአኔ ምር ኦንኧት አነቨንረ? » ቧርም ተሳአሪ።
\v 29 ኢየሱስቭ «ኧጎይታ ሜና ኦንኧት ኧዋርት ጎይታ በኬሸን ሁዳ ኧኧወርትን »ባረኖም ።

\v 30 ሁኖም «ኢና ኧሽተነታ ባኸ ናአቭኔ ምር ወግአአር ታቲሸንረዴ? ምርቭ ቴኴ?»ቧሪ ።
\v 31 ሁኖዋ ኢወርኦዋይ ተሳቫይ መና ዩሪንዳ ሸረድ አወንደኖም ቧርም ኧጣᎉመኸ አባንራ በቨረሀ መና ዩሪዳ ሸረድ ቦንኦም» ቧሪ።

\v 32 ኢየሱስቭ «ኧውረመኛ እሁዋ ተሳቫይ ሸረድ አወንደነሁዋ ሙሴ አኽረንዳ፤ ኧውረሚየ ሸረድ ኢሁዋታ አባኛ ጎይታን።
\v 33 ጎይታ ኢካ ሸረድ ተሳቫይ ወንደታ ሰቭ እንእ አያ ኤፐ ኧዘላለም ተጎይታ ያረቭርካ ሸረድን» ባረኖም።
\v 34 ሁኖም «ዋ ሸረድ እንእ ግዝየ ኢና አቨንረ »ቧሪ።

\v 35 ኢየሱስቭ «አያ ዬካ ሸረድ ኢያትንሁ፤ኢያሜ ኢባአካ ሰቭ ስርም አይገድኩዳ፣ስርምቭ አይጠቫኩዳ፤»ባረኖም።
\v 36-37 «አሁዋ ጭን አሸሁኝ ፣ቢኸርቭ ቢያ አናአመርኰኝዳ እሁዋ» ባረኖም።አቭ ኢቬዳ ሁዳ እንእ ኢያይ ኢቫአኴ፤ኢያሜ ኢቫአካ ሁዳ ስርም ሰቻ ኤኤተሁ አንቃሽኩዳ።

\v 38 ኢያቭ ተሳቫይ ኧወድሁ ሁዳ ኧኬሼ አባኛይ ፍቃድኋ ኧቬንአኔ ባሀሬ ፣ኧገግኛይ ፍቃድ ኧቬንአይ አኸረነዳ።
\v 39 ኧኬሼ አባኛ ፍቃድኋ አቬ ሁዳ እማት ታይተርፍ እⶈዎኋ ዘቨርኋ አነኧ ቀረ ተውንድ ኧረሳኩኔ።» ባረኖም።
\v 40 አአባኛይ ፍቃድ ኧሽተታ በሁዳ ያአቭርካ ሰቭ እንእ ኧዘላለም አያ ሂንተ ኢረቭነኸ፤ ኢያቭ ቀረ አነኧ ቀረ ኧረሳኩዴ »ባረኖም።

\v 41 ህም ግዝየ «ኢየሱስ ተሳቫይ ኧወንደ እንጀራ ኢያትንሁ » ኧቫሬ ኧይሁዳ ሰቭ በሁዳ ኧቁጨጭት ቆነሹም ።
\v 42 ዋ ምስ አባሞኋዪ አዶድሞኋ ንሂኔዮታ ኧዮሴፊ ኧች ኢየሱስሽ አኸረንዳ? ባቴ ዋአካ ኧተኸ ተሳቫይ ወንድሁ ይር» ቧርም።

\v 43 ኢየሱስቭ« አሁም ታሁም አትቁጨጩዋ» ባረኖም።
\v 44 ኧኬሼ አባኛ ታያቫአኩ ኢያይ ኢቭአይ ኢኸነዳአር አትዎኋ ኤነዳ፤ ኢያሜ ኢቫአካ ሁዳ ዘቨርኋ ባነኧ ቀረ ተውንድ ኧረሳኩዴ ።
\v 45 ኧጎይታ ቃር ቢኢድካ በነቢ መጣፍ «ሰቭ እንእ ተጎይታ ኧትማራአር ኢኸርኴ›ቧርም ጥᎉ፤ታአቭ ሰምአ ኧትማረ ሰቭ እንእ ኢያይ ኢቫአኴ።

\v 46 እመዳቭ ኧዋርት አቭ አሸን ሰቭ አነ ኧዋርት አኸረንዳ፤አቭ ጎይታ አሸን እማት ተጎይታይ ኧቫአ ክርስቶስን።
\v 47 ኧውረመኛ እሁዋ ‹ ቢያ ያአቭርካ ሰቭ እንእ ኧዘላለም አያ ኸረ ኢረቭር ።

\v 48 ኢያ አያ ዬካ እንጀራንሁ።
\v 49 ኧድረ አቦዋሁዋ በቨረሀ መና ዩሪንዳ ሸረድ ቦንኦም፤ቢኸርቭ ሁኖዋ ሞጁም።

\v 50 ተ ሳቫይ ኢወትካ ሸረድ ዋዳን፤ ዋ ሸረድ ኢቭርአካ ሰቭ ስርም አይዎትካ ።
\v 51 ፣ተሳባይ ኧወንደ አያ ኧኸረ እንጀራ ኢያትንሁ፤ ትእም እንጀራ ኢበርአካ ሰቭ እንእ ዘላለም ኢረቭርኴ፤አለም እንእ አያ ሂንተ ኢረቭሪ ኢያ ኢኩዳ ሸረድ በሰርነኛ» ባረ ።

\v 52 ህም ግዝየ ኧይሁዳ ሰቭ «ዋ ምስ በሰርኋ ንቨርአኔ ኢቨንሬ ኧተኸ ኢኸነ? »ቧርም ገግ ተገግሁኖዋ ሽር ቴኤጁም።
\v 53 በህም ኧቫአ ኢየሱስ ዋኸ ባረኖም«ኧውረመኛ እሁዋ ኧሰቭ ትከ በሰርኋ ባምበንአሁዋይ ደቭሞኋ ባሰጨሁዋይ አያ አትሆርታ ።»

\v 54 በሰርመኛ ኢቨርአካዪ ደቭመኛ ኢሰጭካ ሰቭ ኧዘላለም አያ ኢኸር፤ ኢያ ዘቨር ቢያርእወዳ ቀረ ተውንድ ኧረንሳኩዴ።
\v 55 በሰርኛ ኧውረምየ ሸረድን፤ደቭመኛ ውረ ኧኸረ ኢሰጪዳናአር።
\v 56 በሰርኛ ኢቨርአካ ደቭመኛ ኢሰጭካ ሰቭ እንእ ቢያ ኢረብር፤ኢያብ በሁዳ ኧረቭር።

\v 57 ኧዘላለም ኢረቭርካ አቭ ጎይታ ኧኬሼመኸዪ ኢያቭ በሁዳ ኧዘላለም ኧረቭርመኸ ፣ ህመኸ ኢያይ በሰር ኢበርአካ ሰቭ እንእ ቢያ ኧቫአ ኧዘላለም ኢረቭርኴ።
\v 58 ተሳቫይ ኧወንደ ሸረድ ዋዳን፤ሁድቭ አባሁዋ ኧወንኤ ሸረደኻአር አኽረንዳ፤ሀ ሸረድ ኧዎንኣዋ ሁኖዋ ሞጁም፤ዋ ሸረድ ኧቨንአ ሰቭ ጭን ኧዘላለም ኢረቭር» ባረኖም።
\v 59 ኢየሱስ ዋዳ ኧቫር በቅፍርናሆም ከተማ አይሁድ ቢደሞጅኰዳ ቢድ ቲያትመርካ ባነደ።

\v 60 ተኢየሱሲ ተማሪ አታትሁኖዋ ዋ ኢየሱስ ኧቫረን ሁዳ ሶምኦምታ ፥«ዋ ትምርት ያጥጨንካናአር ዋዳ ማን ኢሰቭአይ ኢኸነ? ቧርም
\v 61 ተማሪሞኋ በዋ ዘንጋ ኢትጭዋጨቁዋኸ ኢየሱስ በመንፈስኋ ሀረታ «ዋዳ እንቁርፊት ኢኸርዎሁዋ? ባረኖም።

\v 62 አካ ኧሰቭ ትከ ኧዋ ኢፍቲ ኧረፐረወ ኤኤዲ ቲዋአካ ብታዡዋ ምር ቱርቴ?
\v 63 አያ ኢንአካ ኧጎይታ መንፈስን፤ሰቭ በገግኋ ደረግ አታአር ኢንአይ አይኸነዳ፤ኢያ አአሁዋ ኤኤድኩዋ ቃር ጭን አያ ዬካ ኧጎይታ መንፈስን፤

\v 64 ዘንጋ ጭን ታሁዋ ግት አታት አያአውሩዋ ሰቭ አነውዋ» ባረ።ኢየሱስ ዋኸ ኧቫረ ሁዳ ታአወተረ ቆነሹም አያአውሩዋ ሁኖዋ ማን ማን ኧሆሩዋመኸዪ ኧጠራትቭ ኤኤተ ያአይፕርኩዳ ማን ኧኸረኸ ኢሂር ኧረፐረዴ።
\v 65 ኢየሱስ ሀአበታ «አቭ ታዪኩ ኢያይ ኢቫአካ ሰቭ ኤነዳ፤ ኧቫኩዋ ኧዋዳን » ባረኖም።

\v 66 በዋዳ ኧቫአ ኖኦራ ተማሪኋ ኢኢንየ ተዠፖርም፤ ተሀ ግዝየ ቆነሹምታ ተኢየሱስ ኧሆርት ቸኧዊ ።
\v 67 ኢየሱስ አአስረ ውርኤቸ ተማሪኋ «አሁም ታሩዋይ ትሱኡዋ?» ባረኖም።
\v 68 ስምኦን ጴጥሮስቭ «ጌታንሮ ኧቫኒ ናነዴ? አኸ ኧዘላለም ያረቭርካ ቃር አነነኸ ፤
\v 69 ኢናሽ አመነ ሙጭር ኧጎይታ ትከ ኧኸርኸመኸ ሀነ»ባረን ።

\v 70 ኢየሱስቭ « አሁዋ አስረ ውርኤቸማሁዋ ኢያ ሸፐትኩም፤ ዘንጋ ጭን ታሁዋ አት ሁዳ ሼጣንን» ባረኖም ።
\v 71 ኢየሱስ ዋዳ ኧቫረ ሁዳ ኧስምኦኒ ኧች አስቆሮንቱ ይሁዳአር ባነደ፤ይሁዳ ተአስረ ውርኤቸ ተማሪኋ አት ሁዳ ቢኸርቭ አት ቀረ ኧጠራት ኤኤተ ያአይፕርኰኸ ኢሂር ባነደ።

\c 7
\p
\v 1 ተህም ቀጥወ ኢየሱስ በገሊላ ገኘ ውር ውር ይር በነደ ፤ኧይሁዳቭ ገኘ ዳኘ ዮኦትሪ ኢሱኢ ኣረፐሬ፣ በይሁዳ ገኘ ኢኢክሲ አንሴኤዳ ።
\v 2 ህም ግዝየ ኧይሁዳ ሰቭ ኧዳስ ሙርአ ቀረ ሰንአ ባነደ።

\v 3 እመኸ ኧኸሬ ኧሰማትኋ ኧኢየሱስ «ተማሪያኸ አኸ ቲንአኩዳ ወግ ዘንጋ ያዡዋኸ ተዋይ ተሳታ ይሁዳ ገኘ ሆር» ቧሪ ።
\v 4 በሰቭ ኢፍቲ ኢትሄሪ ኢስእካ ሰቭ ሜናኋ በዱኡራቸ አዬካ፤ አኸ ዋሁኖዋ ቴቭ በኸረ ገጋኸ ኧሰቭ እንእ አትሄር » ቧሪ።

\v 5 እመኸ ኧዋሪ ሁዳ ኧሰማትሞኋ ስን በሁዳ አናአሞሩዋይ ኧኸረዴ ።
\v 6 ኢየሱስቭ «ኢያይ ግዝየኛ ገና አንሰንአዳ አሁዋ ጭን ማንእየ ግዝየ ኢድጋፓሁዋ፣ ።
\v 7 ኧዋ አለም ሰቭ አአሁዋ ኢረጅኩዋ፤ ኢኢያ ጭን አይረጅኝዳ፤ሁኖዋ ዬዊዳ ሙጥጥ ሜና ኢኢድዎይ ኧኸረንዴ ።

\v 8 አሁዋ ኧዳስ ሙርአይ ሆሩዋ፤ ኢያ ግዝየኛ ገና አንሰንአይ ኧኸሬ ኧዋ ሙርአይ አናርካ»ባረኖም ።
\v 9 እመኸ ባረኖምታ በገሊላ ገኘ ኤኬሰ።

\v 10 ቢኸርቭ ኧሰማትኋ ኧድግስ በወሩዋ ቀጥወ ፣ ኢየሱስ ህሜ ወረ፤ኧወረቭ ሁዳ በዱኡራቸን ባሀሬ ሰቭ ቲያዥኩ ኧውየሞኋ አነፐረዳ ።
\v 11 በህመኸ ሙርአ ቀረ « ሀ ምስ ኧቲ አነ ቲዩሩዋ ኧይሁዳ ሰቭ ዳኘ ኧኢየሱስ ኢሱኢ ባነደ።

\v 12 ሰቭ እንእ ከስ ተከስ ሁድተሁድ ኧኢየሱሳአር ኢዝሬክ ባነደ፤« አታትሁኖዋ ሁዳ ወሄ ሰቭን፤ » ቲዩርታ «ኧኛሁኖዋ ወሄ ሰቭ አኸረንዳ ሁዳ ሰቭ ያሳስትካናአር » ዩሩዋ ባነደ።
\v 13 ቢኸር ሰቭ ሁኖዋ ኧይሁዳ ሰቢ ዳኘ ኧፈኘዊ ኧኸሬ አት ሰቭ ኢየሱስ ኧሀኸትናአር ባይተታ ቃርኋ ክፍችተ አንዝሬከዳ።

\v 14 ኧዳስ ሙርአ ግት ቲኸርካ ኢየሱስ ቤተ መቅደስ ወረታ አትሞርት ቀነሰ ።
\v 15 ኧይሁዳ ሰቢ ዳኘ «ዋ ምስ ታይትማር ዋ እንእ ትምርት ኧተኸ ሀረ ቧርምታ ወግ ኢኸርዎዋ ባነደ ።
\v 16 ኢየሱስቭ « ኢያ አትመርኩዳ ትምርት ኧረከሁን ተኬሼ ሁዳን ባሀሬ ኧገግኛአር አኸረንዳ» ባረኖም ።

\v 17 ኧጎይታ ፍቃድ ዬቪ ኢሲእካ ሰቭ ቢረቭር ዋ ትምርት ተጎይታይ ኧረከዊኸ ዌ ኢኢያ ኧገግኛአር ኧኸረኸ ይሂር ።
\v 18 ኧገግኋአር ኢዝሬካ ሁዳ ኧገግኋ ክብር ኢሲእ፤ ኧኬሸን ሁዳይ ክብር ኢሲእካ ጭን ኧታአመረዳናአር፤ ፍጥር ኤኖዳ።

\v 19 ሙሴ አሁዋ ቂጫ አቫናሁምሽ አሀራ? ቢኸር ታሁዋ ቂቻ እእየ እማት ሰቭ ኤነዳ፤ አሁዋ ኢኢያ ቶኦትርኚ እፋድ ትሱኡኰኝ » ባረኖም ።
\v 20 ሰቭ ሁኖም « አኸ ሼጣን አነቨኸ ፤አኸ የኧትሪ ማን ኢሲእ? ቧሪ።

\v 21 ኢየሱስ ዋኸ ባረኖም «ኢያ አት ዘንጋ ኤፐዂ ሁድ ወግ ኽረዎሁም።
\v 22 ሙሴ ዴንጋሁዋ ዘገር ታአጎዋኸ ቂቻ አቨናሁም፤እም ቂቻ ኧድረ አቦነንራአር ባሀሬ ኧውሴያአር አኸረዳ፤አሁም ዴንጋሁዋ በሰንበት ዘገር ታአጎኦዋ ።

\v 23 አካ ኧውሴ ቂጫ ባይወኧሪ ዴንጋሁዋ በሰንበት ዘገር ታጎኦዋ በኸረ፥ ኢያ በሰንበት ቀረ ኧሰቭ ሙርአ ምስየ እንእ ተቫአሽ አፍያ ኤፐዂ ኧቭር ትዋአቹዋ?።
\v 24 ቂትየ ፍርድ ፉርጁዋ ባሀሬ ፣ኧሰቭ ኢፍት ኧሽተሁዋ አትፉርጁዋ።» ባረኖም።

\v 25 ተኢየሩሳሌም ሰቭ አታትሁኖዋ «ኧይሁዳ ዳኘ ዮኦትሪ ኢሱኢዳ ምስ ዋዳ አኸረንዳ?
\v 26 ሁድቭ ታይደእርቪ [ታይፈይ] ኧውየሞኋ ኢኢድ፤ሁኖም አታአር አዩሪንዳ፤ ኢባአኴ ኧዋሪ ክርስቶስ ሁዳ ኧኸረኸ ኧይሁዳ ዳኘ ውረ ኋርም ይህርሴዪ?
\v 27 ዋ ምስ ጭን ተኧቲ ኧቫአኸ ኢናቭ ንሂነ፤ ክርስቶስ ቲቫአካ ጭን ፣ተኧቲ ኢቫአኸ አት ሰቭ አይሂርካ »ዩሩዋ ባነደ፤ክርስቶስ ቲቫአካ ጭን ተኧቲ ኢቫአኸ አትዎኋ አይሂርካ።

\v 28 ኢየሱስ በቬተመቅደስ ቲያትያትመርካ ቃርኋ ነሳታ «አሁዋ ኢያ ትሂርኝ ፤ተኧቲ ኧቫአሁመኸ ትሂሩዋ፤ ቢኸር ኢያ በገግኛ ፈቃድ አማአኋ፤ኧኬሸዪ ሁዳ ሙርቴናአር፤ሁድቭ አትሂሪዳ ።
\v 29 ኢያ ጭን ተሁዳይ ኧቫአዂ ኧኸሬ ፣ሁድቭ ኧኬሸዪ ኧኸሬ ኧሂር» ባረኖም።

\v 30 እመዳ በቫረ ቀትወ ኢጠጪ ተረሾም፤ቢኸርቭ ጭን ግዝየኋ አንሰንአይ ኧኸሬ አት ሰቭ አነከደንዳ።
\v 31 ዘንጋ ጭን ተሰቭ ሁኖዋ ኖኦራሁኖዋ አሞርም፤«ክርስቶስ ቲቫአካ ዋ ምስ ቴፐን ወሄ ሜና ኢረእካአር ዬኴዪ?»ቧርም።
\v 32 ሰቭ ሁኖዋ ኧኢየሱስ ዘንጋ ታአፉ አፉሁኖዋ ቲዝሮኩታ ኧፈሪሳ ሰቭ ሶምኦም፤ብእም ኧቫአ ኧካህን አላቃቪ ኧፈሪሳ ሰቭ ኧኢየሱስ ያቲኢኪጂ ወታደር ኬሾም።

\v 33 ህም ግዝየ ኢየሱስ « ቀሪመጋ ታሁዋ ኢኢክስኴ ፤ተህም ቀጥወ ኧኬሼ ሁዳይ አርኴ፤
\v 34 አሁዋ ኢያ ትሱኡኝዴ ዘንጋ ጭን አትረሁኝዳ፤» ባረኖም ።

\v 35 ኧይሁዳቭ ሰቭ ዳኘ «ዋ ምስ ኢና እንህብኔኸ ኧቲ ያርኴ? በይሁዳ ሰቭ ግት ኧትብራጨውዋ ኧይሁዳ ሰቪ፣ ዌ ኧግሪክ ሰቭ ያትመርኮዋይ ያሪ ኢህርሴዪ?
\v 36 አሁዋ ኢያ ትሱኡኝዴ ዘንጋ ጭን አትረሁውኝዳ፤ኢያ አነሁወዳ ኤኤዲ ትዎኦዋይ አይኸነሁዋታ፤ቲይካ ምር ኧዋርትኋ ባነደ? » ትተዌዌርም ።

\v 37 ሙርአ ሁዳ ያርእወዳ ቀረ ማአ በሰንአጋ ኢየሱስ ተሸከቨ ቃርኋ ነሳታ « ማንእየ ሰቭ ቢጠቫኩ ኢያይ አአ ኧስጤ፤
\v 38 ቢያ ያአቭርካ ሰቭ መጣፍ ይርመኸ ኢያ ኢካ እሀ ተከስኋ ኢገድድኴ፤ » ባረኖም።

\v 39 ኢየሱስ እመዳ ኧቫረ ሁዳ ያአውታ ሁኖዋ ኢቴኤፖሪዳ መንፈስ ቅዱሳአር ባነደ።

\v 40 ተሰቭ ሁኖዋ አታትሁኖዋ ዋ ቃር በሰምኦዋጋ « ጪግ ኢቫአኴ ኧዋሪ ነቢ ዋዳን »ቧርም።
\v 41 ኧኛሁኖዋ «ሁዳ ክርስቶስን» ቧርም።ኧኛሞሁኖዋ «ክርስቶስ ተገሊላ ገኘ ተቭር ኢቫአ?»
\v 42 ክርስቶስ ተዳዊት ጥቭ ኢቴኤኘኸ ተዳዊት ቃያ ተቬተልሄም ኢቴኤኘኸ በቨጣፍ ጣᎉሽ አሀራ?» ቧርም ።

\v 43 በኢየሱስ ኧቫአ ሰቭ ውርኤቲ ኸረ።
\v 44 አታትሁኖዋ ኢየሱስ ጥጭተውዋ ያአጉጂ ኤልኦም ባነደ፤ዘንጋ ጭን አትዎኋ በኧጅኋ አነከደንዳ።

\v 45 ተህም ቀጥወ ወታደር ኧካህን አላቃሜዪ ኧፈሪሳ ሰቭሜ ዎርምታ ኧካህን አላቃቪ ኧፈሪሳ ሰቭቭ « ምስ ሁዳ ኧቭር አናቫአዂዳ? » ቧርም ተሳአሪዮም።
\v 46 ዋ ምስ ኢዝሬክኸ አትዎኋ አይዝሬካ አንሰምኤዳ» ቧርም።

\v 47 ኧፈሪሳቭ ሰቭ « አሁም ተቨታሁሚ?
\v 48 ተዳኘ ዌ ተፈሪሳቭ ሰቭ እማት ሰቭ በሁዳ አአመራአር አኔ?
\v 49 ዋ ሰቭ ኧውሴ ቂጫአር አይሂሩዋ ኧትሰተውዋ ሰቭኖዋ» ባረኖም።

\v 50 ኧዋ ኢፍቲ ኧኢየሱሲ ኧወረ ኧረፐረ ኒቆዲሞስ ፤
\v 51 « አት ሰቭ ብደይቶ ኧትከሰሰወ ክስ መልስ ታይሶውነ ኢትፈንድዌ ቂጫንራ ኢፈቅዲ?» ባረኖም።
\v 52 ሁኖም « አኸ ኧገሊላ ስቭንሄ? ነቢ ተገሊላ ገኘ አይትረሳኸ መርምር ሀር» ቧሪ።

\v 53 ተህም ቀጥወ እንእዎሁኖዋ ቢድ ቢድሁኖዋይ ዎርም።

\c 8
\p
\v 1 ኢየሱስ ደብረዘይት ቢዩሪዳ ቆቶ ፎር ዋአ ።
\v 2 በቭረጋመኋ ጋአት እረርኧ ቤተመቅቅደስ ተዠፐረ ማአ፥ስቭ እንእ ትእንእ አጋድኋ ቁጥቅጥ ቧርሙታ ያትመርኮይ ቸኖም ።
\v 3 ኧቂጫ አስተማሪሚ ኧፈሪሳቭ ሰቭ ተኧኛ ምሽት ምስ ሁጅር ትደምድካ ኧጠቦጪያ አት ምሽት ኧሁዳይ ቦቾም አዎኦምታ በሰቭ ኢፍቲ አትሸከዉያ ።

\v 4 ኧኢየሱስ ”አስተማሪዮ ዋ ምሽት ተቭሽት ምስ በድገተረች ኤኤዲ ነኮያታ ጠቦጪያ፥
\v 5 ኧዋኸ ሜና ዪንአካ ሰቭ ድርጉም ኡትሪ ባረ ሙሴ በቂጫንራ አዘዘንረ፥አኸ ምር ትቭር?” ቧሪ።
\v 6 ሁኖም ዋዳ ኧትሳአሪ ኧሁዳ ኢኮስሺ ቲሱኡዋታ በዋ ዘንጋ ኢይጠጪኸ ቧርሙ ታነዳን፥ኢየሱስ ጭን ሙግ ባረታ ባጤኋ ባአፈረ ኧጣፉት ቀነሰ።

\v 7 ቁስ ቧርሙ ተሳአርሙ ቢያጀጉሪ መመርኋ ነሳ አሸታ “ታሁዋ ባጢር ኤነወ ሰቭ ኧተር እቭር ኧረግ”ባረኖም ።
\v 8 ዋአካቭ ሙግ ባረታ ባአፈር ጣፈ ።

\v 9 ሁኖም ዋ ዘንጋ በሰምኦዋ ቀጥወ ተቫሪቅ ቆነሹም እማት እማት እንእመሁኖዋ ተሀይ ቾኦም ዎርም፥ህመኸ ኧኸሬ ተቭሽት ሂዳቪ ተኢየሱስቭ ኧኛ ሰቭ በሀኸ አነፐራ።
\v 10 ኢየሱስቭ መመርኋ ነሳታ “ምሽቶ ኧኮሰሽች ሰቭ ኧቲ ዎርም? አት ሰቭ አፈንደቨሻ?” ባረና ።
\v 11 ሂድቭ “ጎይታኞ አት ሰቭ ኤነዳ”ባረቸን ፥ኢየሱስቭ “ኢያቭ አንፈርድቨሻ ቦሄ አአር ሆይዋ ፥ ተዋቴ ጭን ድቭይተሽኮ ባጢር እኔፐሽዋ”ባረና።

\v 12 ኢየሱስ ዥፐረ ኧሰቭ ሁኖዋ ዋኸ ባረኖም “ኢያ አአለም ብርሀንንሁ ፥ኢትሄተሬዳቭ አያ ዪንአካ ብርሀንንሁ ይረቭርኩዴ ባሀሬ ስርም በጠነቫ አይትዥዋፐርካ” ባረኖም ።
\v 13 ኧፈሪሳ ሰቭ “አኸ ኧገጋኸ አአር ትዝሬኩዳ ምስክርነዳኸ ዉረ አኸረንዳ ኢቴኤፐርኸዳ ኤነዳ” ቧሪ ።

\v 14 ኢየሱስቭ ዠፐረ ዋኸ ባረኖም “ኢያ ታአይ ኧቫአሁመኽዪ ኧትሜ አርመኸ ኧሂሪ ኧኸሬ ኧዝሬኩዳ ዘንጋ ኧታአመረዳናአር ፤ አሁዋ ጭን ተኧቲ ኧቫሁመኸዪ ኧቲ አርመኸ አታአአር አቲሂርታ፥
\v 15 አሁዋ ኧሰቭ አሳበኸ ትፎርጁዋ ኢያ ጭን ባአት ሰቭ አንፈርድካ ።
\v 16 ብንፈርድቭ ተኬሼ አቦኛ እማቲ ባኸሬ ኧዎጣኛ አኸሬ ኧኸሬ ፍርድኛ ቂጥየን ።

\v 17 ኧዉርኤት ሄቶ ቃር ኢታአመረኸ በቂጫሁዋ ጣᎉ ፥
\v 18 ኢያቭ ኧገግኛ ሄቶንሁ አትቭ ኤኬሼ አቭ ኢኢያ ኤኤደኒ” ባረኖም ።

\v 19 ተህም ቀጥወ “አባኸ ኧቲ አነ?” ቧም ተሳአሪ። ኢየሱስቭ “አባመኛቪ ያቭ አቲሂርታ፤ ኢያ ብትሂርኝ አባመኛ ትኋሪ ባነደ ባረታ ዠፐረኖም ።
\v 20 ኢየሱስ ዋ ቃር ኧዝሬከ በቬተ መቅደስ ዋጋ ቢያዎረኮዳ ሳጥን ሚዬ ቲያትመርካ ባነደ፥ቢኸርቭ ኢዎድወዳ ግዚየ አሰንአይ ኧኸሬ አትዎኋ አንጠበጠንዳ ።

\v 21 ኢየሱስ ሀአቨታ “ኢያ አርኬ አሁም ትሱኡኝዴ ዘንጋኋ ጭን አሁዋ ተቫጢርማሁዋ ትቮጁዋይ ባኸሬ አርወዳ ኤኤዲ ትዎኦዋይ አይኸርነህዋታ።”ባረኖም ።
\v 22 አአይሁድ ሰቭ ዳኘ “ኢያ አርወዳ ኤኤዲ ትዎኦዋይ አይኸነሁዋታ ኧዋርትኋ ገግኋ የኧትሪ ይህርሴዪ?” ተዌዌርም ።

\v 23 ዋአካቭ ኢየሱስ “አሁዋ ተገዳኔንሁዋ ኢያ ተፎረኔንሁ አሁዋ ተዋ አለምንሁዋ ኢያ ተዋ አለም አኸርኋ ፥
\v 24 ኢያ ማን ኧኸርሁኸ ሀይተሁዋ ባታአውርዋ ተቫጢርማሁዋ ትቮጁዋይ ኧኸሬ፣ ተቫጢርማሁዋ ትዎጁዋቴ ኧቫሁ በሃ ኧቫአደ”ባረኖም ።

\v 25 ሁኖም “ሁድሞኋ አኸ ማንተንኸ?”ቧሪ።ኢየሱስቭ “ተአወተረ ቀነስሁ ኤኤድኩዋ ኢያትንሁ”።
\v 26 “ባሁዋ ፎር ኧዝሬኩዳ፣ ኖኦራ ኧፈርድካ አአር እነኒ፤ ዘንጋኋ ጭን ኧኬሼ ሁዳ ኧታአመረዳናአር፥ኢያቭ እማት ተሁዳ ኧሰምአሁን ሁዳ ኧሰቭ እንእ ኢኢድ”ባረኖም።
\v 27 ሁኖዋ ጭን አአቫአር ኧዝሬከኖዋኸ አኋርታ።

\v 28 በህም ኧቫአ ኢየሱስ “ኧስቭ ትከ ነሳሁም በሰኧርዂ ግዚየ ሀ “አነዳቭ ኢረቭርካቭ” ኧቫሁን ኢያ ኧኸርሁኸ ቲሂርዋቴ፥አቭ ኢኢያ አትመሬአር ባኸሬ በገግኛ ፍቃድ አታአር አኒንአኸ ትኋርዋሴ ።
\v 29 ኧኬሸዪ ሁዳ ቲያትን፥እንእ ግዚየ ኧሁዳ ኢሽርኩዳአር ኢንአይ ኧዎጣኛ አቸኤዳ »ባረኖም።
\v 30 ኦእመዳ ተዝሬከ ቀጥወ ኖኦራ ሰቭ በሁዳ አሞርም።

\v 31 ኢየሱስቭ በሁዳ አአሞሩዋ አይሁድ ዋኸ ባረኖም”አሁዋ ብኒኢድሁዋታ ቃር ተኧዠዥተሁዋ ብትረዉርዋ ኧዉርቭ ተማሪነኛ ፥
\v 32 ኧዉረቭ ኧኸረ ሁዳ ቲሂርቴ ዉረቭ ነጣ ያዋአሁዋቴ”።
\v 33 ሁኖም ኢና “አአብርሃም ዘርንረ እእማት ሰቭ ባሪያ ሂይተነ አሂርንዳ እህ ኧተኸ “ነጣ ትዎኦቴ” ትቭረንረ» ቧሪ ።

\v 34 ኢየሱስቭ ዋኸ ባረ ዠፐረኖም”ኧዉረመኛ እሁዋ ባጢር ዪንአካ እንእ ኧቫጢር ባሪያን” ።
\v 35 ባሪያ እንእ ግዝየ ባአበሩስኋ ግት አይረቭርካ፤ ትከጭን ኧዘላለም ባአባኋ ቢድ ኢረቭር ።
\v 36 ህመኸቭ ኧኸሬ ኧጎይታ ትከ ኢየሱስ ነጣ ባዋአናሁዋ ነጣ ቱዎኦቴ።

\v 37 አአብርሃም ዴንጋ ኧኸርሁዋኸ ኧሂር፤ ዘጋኋ ጭን ቃርኛ አቴኤፖሩዋይ አኸሬ ቶኦትርኚ አንጥሁም ተረሳሁም ።
\v 38 ኢያ ታአባኛይ አሸሁን ሁዳ ኧዝሬክ፤ አሁዋ ጭን ታአባሁዋ ኧሰምአሁይ ሁዳ ቲንኦዋ”ባረኖም ።

\v 39 ሁኖም “አባንራ አብርሃምን” ቧሪ ፥ኢየሱስቭ “አአብርሀም ዴንጋ ተኸርሁዋ አብርሃም ኤፓአር ቶንኦዋ ባነደ ፥
\v 40-41 ኢያ ተጎይታይ ሰምአሁታ ኧዉረአአር ኤኤድኩም አሁዋ ጭን ቶኦትርኚ አንጥሁም ተረሳሁም ፥አብርሃም ኧዋኸ አአር አኔፐዳ ፥አሁዋ ቲንኤዳ አአባሁዋ ሜናን”ባረኖም። ሁኖም “ኢና እንጨረቬ አኸርነዳ እማት አቭ አነንረ ሁድቭ እማት ጎይታን» ቧሪ።

\v 42 ኢየሱስቭ ዋኸ ባረኖም “ጎይታ አባኳሁዋ ቢረቭርሁ፣ ኢያ ተጎይታይ ኧቫአዂ ኧኸሬ ትርወጅኝ ባነደ፤ ኧቫአሁ ሁዳ ኬሸዪ ታነዳን ባኸሬ በገግኛ ፍቃድ አኸረንዳ።
\v 43 አሁዋ ኢያ እካአር አትቬስሩዋ ሁዳ ኧቭርአፈድን? ቃርኛ ትሶኦዋይ አይኸነሁዋይ ኧኸረዴ ።
\v 44 አሁዋ አአባሁዋ ኧሼጣን ዴንጋንህዋ ፥ አአባማሁዋ ተመኛት ቲንኦዋይ ትሱኡዋ ፤ እእም ኢፍቲ አባሁዋ ደቨኘ ባነደ ፤ውረ ኧኸራአር በሁዳ ስርም ኤኔኧኸሬ ፤በወረራአር እአትሸከቨዳ፤ሁዳ ሀሰተኘቪ አአሰትቭ አባ ኧኸሬ ኤናአር ቲኢድካ ተገግኋ አዋአ ታነዳን።

\v 45 ኢያ ጭን ኧዉረ አአር ኧዝሬኪይ ኧኸሬ አትሰቩኦኝዳ
\v 46 እንዴ ባሁዋ ግት ኢያ ባጢር አነቨኸ ባይተ በቫጢር ኢከስሴዳ ሰቭ አኔ? እህ ባቴ ኢያ ኧዉረ አአር ኧዝሬክ በኸረሁ ኧቭር አታአቩርኝዳ?
\v 47 ኧጎይታአር ኧኸረ ሰቭ ጎይታ ይኩዳአር ኢሰቭአ፤ አሁዋ ጭን ኧጎይታአር አኸርሁዋይ አትሰውኦታ»።

\v 48 ኧዩሁዳ ሰቭ “እህ ባቴ አኸ ኧሰማሪያ ገኘ ሰቭንኸ ሼጣን አነቨኸ ኦዋርትንራ ዉረሽ አሃራ?”ቧሪ ።
\v 49 ኢየሱስቭ ዋኸ ቲቭር ዠፐረኖም “ኢያሽ አአባኛ አኸብድኩ ባኸሬ ሼጣንሽ ኤነቪዳ፤ አሁዋ ጭን ታትዋርጅኝ።

\v 50 ኢያ ኧገግኛ ክብር አንሲእካ ፥ዘንጋ ጭን ኢያ ኧከብረኸ ኢይሲእካአር ኤኛአር አነ ፥ኢፈርድካቭ ሁዳን።
\v 51 ኧዉረመኛ እቭሁዋ ማንኢሞኋ ቃርኛ ቢቴኤዘዝ ስርም አይቮድካ ባረኖም።”

\v 52 ኧይሁዳ ሰቭ “ሼጣን አነቨኸኸ ዋአካ ሀርነ አብርሀም ሞደ፥ ኧድረ ነቢም ሞጁም፥አኸ ጭን ቃርኛ ኢቴኤዘዝካ ሰቭ ስርም አይዎድካ ትር” ቧሪ።
\v 53 አኸ ተዎደ ታአባንራ ታአብርሃም ትረኢ? ኧድረሽ ነቢ ሞጁም ፥እህ አኸ ማንተንሁ ትቭር?”ቧሪ።

\v 54 ኢየሱስቭ ዋኸ ቲቭር ዠፐረኖም “ኢያ ገግኛ ብናከብር ክብርኛ ማንኢምናአር፤ ኢያ ያከብሬዳ ጭን አሁዋ ጎይታንራ ቱሪዳ አቦነኛ ፥
\v 55 አሁዋ ባትሂሪ ኢያ ኧሂርኩ፥ ኢያቭ አሂርኩዳ ተቫሁ አሁመኸ ኦጃማ ኧህር ባነደ፥ ኢያ ጭን ኧሂርኩ፥ኧቴኤዘዝኩቭ ።
\v 56 አአባሁዋ አአብርሃሚ ተመኛት ኢያ ኧዥተታ ይሽርኩይ ባነደ፥ሁድቭ አሸታ ሳረን”ባረኖም ።

\v 57 ኧዩሁዳ ሰቭ “አኸ ገና አምሳ ዘቨራኸ ታይኸር ኧተኸ አአብርሃም አሸሁን ትቭር”ቧሪ።
\v 58 ኢየሱስቭ “ኧዉረመኛ እቭሁዋ አብርሃም ታይቴኤኝ ኢፍቲ ኢያ አነሁ”ባረኖም ።
\v 59 በህም ኧቫአ ኧዩሁዳ ሰቭ ኧኢየሱስ ዊገተዉ ዮኦትሪ እቭር ነሾም፥ኢየሱስ ጭን ተደኧረታ ተቬተ መቅድስ ቸኧ ዎረ ።

\c 9
\p
\v 1 ኢየሱስ በቨያ ቲያርካ ተቴኤኘ ቆነሺታ ፉርጥ ኧኸረ ምስ አሸ ።
\v 2 ተማሪሞኋ ኧኢየሱስ « አሰስተማሪዮ ዋ ምስ ፉርጥ ኸረ ኧቴኤኘ ሁዳ ፥ በቫን ባጢርን? ገግኋ ባጢር ኤፐዪ ዌ? ዌ አቭ ታአዶድኋ ባጢር ኤፖውቴ?»ቧርም ተሳአሪ።

\v 3 ኢየሱስ ጭን «ሁዳ ኧፈንጠ ሁዳ በሁዳ ዌ ባአቭ ታአዶድኋ ባጢር ኧቫአ አኸረንዳ፤ዋ ምስ ኧፈንጠ ሁዳ ኧጎይታ ወግ ሜና በሁዳ ኢታሽኔ» ባረኖም።
\v 4 አፈር ታይቨሽ ኧኬሼ ሁዳይ ሜና ኦንኧት አነቪ፤ማንእየ ሰቭ ዬቭውዌ አይኸነ ጠነቫ ኢቫአኴ
\v 5 «ኢያ በዋ አለም ታነሁ አእአለም ብርሀንንሁ » ባረኖም።

\v 6 ኢየሱስ ዋዳ በቫረ ቀጥወ ኢባቄኋ ታአፈር ጋከረታ በጠቫ ፉርጥ ኧረፐረ ምሲ ኤር ሟሸንታ ፥
\v 7 « ሆርታ በሴሊሆም አሀ ታኧቭ»ባረን።ሰሊሆም ኧዋርት ፥ኧኬሸውያአር ኧዋርትን፤ ምስቭ ወረ ታኧቨ ፤ቤኤርሞኋ ቲያዥ ቢድኋይ ተዥፐረ ወረ ።

\v 8 ምስ ሁዳ ወነኸሞኋዪ እእም ኢፍቲ ቲሰኧርካ አሸዊ ሰቭ « ዋ ምስ ሀ ቸና ኢሰኧር ኧረፐረ ምስ አኸረንዳ?» ቧርም።
\v 9 አታትሁኖዋ «ሁድምን » ቧርም ፤አታትሞሁኖዋ « ሁዳ ኢቨስር ባሀሬ ሁድሽ አኸረንዳ» ቧርም፤ ሁዳ ጭን «ኢያምንሁ» ባረኖም ።

\v 10 እህ ኤራኸ ኧተኸ ተኮፎጁም? ቧሪ ።
\v 11 ሁድ «ኢየሱስ ኤርኛ ጠቫ ሟሸይታ ሆር በሰሊሆም በር ታኧቭ ባረዪ፤ኢያቭ ዎርሁ ታኧሁታ ህም ተህም ኤርኛ ተኮፎጁም »ባረኖም ።
\v 12 ሰቭ ሁኖዋ «ባቴ ዋ ኤራኸ ኧከፈደናኸ ኢየሱስ ዋአካ ኧቲ አነ? ቧርም ተሳአሪ፤ ሁድቭ«ዋአካ ኢያ ሁዳ ኧቲ አነኸ አንሂርካ »ባረኖም።

\v 13 ተህም ቀጥወ ሰቭ ሁኖዋ ፉርጥ ኧረፐረ ምስ ኧፈሪሳ ሰቪ አቴኤነዊ ።
\v 14 ኢየሱስቭ ኧቭስ ሁዳ ጠቃራ ሟሸታ ኤርኋ ኧከፈደን በሰንበት ቀረ ባነደ።
\v 15 ኧፈሪሳ ሰቭ ሀአውምታ «ኧተኸ ታዢ ኸረነኸ? » ቧርም ኧቭስ ሁዳ ተሳአሪ፤ሁድ « ኤርኛ ጠቫ ሟሸዪ ኢያቭ በሰሊሆም በር ዎርሁ ታኧሁ፣ዋአካ አዥ»ባረኖም።

\v 16 ህም ግዝየ ተፈሪሳ ሰቭ አታትሁኖዋ« ዋ ምስ ተጎይታይ አማአዳ፤ሰምበት አያከብርካ»ቧርም፤ኧኛሁኖዋ ጭን ባጢረተኘ ኧዋኸ ወግ ሜና ኢንአይ ተቭር ኢኸነ?» ቧርም። በህም ኧቫአ በግትሁኖዋ መራክስ ተረሳ።
\v 17 ሁኖም ፉርጥ ኧረፐረ ምስ ሀአውምታ «ኤርኛ ከፈደኒ ትኩዳ ምሳአር ምር ትሂር? ቧርም ተሳአሪ። ሁድቭ « ነቢን» ባረኖም
\v 18 ዋ ምስ ፉርጥ ኧረፐረኸ ተህም ቀጥወ ኤርኋ ኧትከፈደኸ ፣አአቭ ታአዶድኋ ቲትሳአሪዮዋ ስን ፣ኧይሁዳ ሰቭ አናአሞሩዋ ባነደ ።

\v 19 አአቭ ታአዶድሞኋ ዋዳ አሁዋይ ኧችኒ? ፉርጥ ኸረ ቴኤኘ ቱሪዳ ዋ ምስኒ? ሁድሁ ዋአካ ተቭር ያዥ?»ቧርም ተሳአሪዮም።
\v 20 አብ ታአዶድሞኋ « ኧችንራ ኧኸረመኸዪ ፣ፉርጥ ኸረ ኧቴኤኘኸ ንሂነ » ቧሪ ።
\v 21 ዘንጋ ጭን ዋአካ ኧተኸ ኦሽት ኧቀነሰኸ ፣ኤርሞኋ ማን ኧከፈደነኸ አንሂነዳ ፤ሁዳ ትከ አኸረንዳ ፤ኧገግኋአር ኢሂሪ ኧኸሬ ኧገግኋ ተሳአሪ» ቧሪዮም ።

\v 22 አቭ ታአዶድሞኋ ዋኸ ኧዋርዋ ሁዳ ፣ኢየሱስ «ክርስቶስን »ኧቫረ ሰቭ እንእ ኧይሁዳ ሰቭ ቲደሞጅኰዳ ቢድ ያዎኤኸ ኧይሁዳ ዳኘ ኧዋ ኢፍቲ ተስማምኦም ኧረፐሬ ኧኽሬ ኧሁኖዋ ፈኞም ታነዳን ።
\v 23 አቭ ታአዶድኋ «ሁዳ ትከ አኸረንዳ ኧገግኋአር ኢሂሪ ኧኸርሬ ኧገግኋ ተሳአሪ »ኧዋርዋ በሀ ኧቫአንደ ።

\v 24 ሁኖም ፉርጥ ኧረፐረ ምስ ሀአውም ሆኖይታ « አኸ ኧውረአር አውድ ጎይታ አህብድ » ዋ ምስ ባጢረተኘ ኧኸረኸ ኢና ንሂነ »ቧሪ ።
\v 25 ፉርጥቭ ኧረፐረ ምስ « ሁዳ ባጢረተኘ ኧህር አይህር ኢያ አንህሂርካ ፤ ፉርጥ ባነዀ ዋአካ ጭን አዥ » ባረኖም ።

\v 26 ሁኖም «አአኸ ምር ኤፐነኸ? ኤራኸ ማኸ ኤፐ ከፈደነኸ?»ቧርም ተሳአሪ።
\v 27 ሁድ «በተርሁ ኤኤድኩም፤ አሁም ትሶኦዋይ አሴኤሁዋታ፤ ኧውርኤተኘሁ ትተቭር ትሶኦዋይ ሴኤሁም? አሁም ኧሁዳይ ተማሪ ትሆሩዋይ ትሱኡዋ?» ባረኖም ።
\v 28-29 ኖኖም « አኸ ኧሁዳይ ተማሪንኸ ፤ኢና ጭን ኧውሴዪ ተማሪንረ። ጎይታቭ ኧውሴ ኧዝሬኬነኸ ንሂነ፤ ዋ ኢየሱስ ዩሪዳ ምስ ጭን ተኧቲ ኧቫአኸ አሂነዳ» ቲዩሩዋ ቀነዊ ።

\v 30 ፉርጥቭ ኧረፐረ ምስ « ዋ ምስ ተኧቲ ኧቫአኸ አኋርታሁዋ ኖኦራአር ወግ ኢኸርካናአር፤ ዘንጋ ጭን ኤርኛ ኧከፈደኒ ሁተን ።
\v 31 ጎይታ ኧቫጢረተኘ ሰቭ አይሰቭአኸ ንሂነ ፤ ጎይታ ኢፈይኩዳቪ ፍቃድሞኋ ዬካ ሰቭ ጭን ጎይታ ኢሰብአኩ። ፉርጥ ኸረ ኧቴኤኘ ሰቭ ኤር ኧከፈደ ሰቭ አነ ቲዩሪንዳ ስርም አንሶምኤዳ።

\v 32
\v 33 «ዋ ምስ ተጎይታይ ታማአ ኧዋሀአር ቴቪ ባኸረነዳ፤»ባረኖም ።
\v 34 አኸ አንዴኤዳሄ በቫጢር ተጬፈኸ ኧቴኤኘኸ ምስ፣ አኸ ኢኢና ታስተምረንረዴዪ?» ቧርም ቲደሞጅኰዳ ቢድ አዎኦዪ።

\v 35 ኢየሱስ ኧቭስ ሁዳ አይሁድ ቲደሞጅኰዳ ቢድ አዎኤኸ ሰምአ፤ኧሁድ በረከቨንጋ«አኸ በሰቭ ትከ ታአቭሪ? ባረን።
\v 36 ምስቭ ሁዳ ኧኢየሱስ ጌታኞ አአቭርዌ ሁዳ ማንተን?» ባረ ተሳአረን ።
\v 37 ኢየሱስቭ ኦሽትሽ አሸኸን ዋአካቭ ታኸ ኢዝሬካ ሁድምን» ባረን።
\v 38 ሁድቭ «ጌታኞ ኢያ አአቭር» ባረ ሰገደነ።

\v 39 ኢየሱስቭ « ፉርጥ ያዡዋኸ፣ ያዥታቭ ሁኖዋ ኢፎርጩዋኸ ኧዋ አለሚ ማአሁ»ባረን።
\v 40 ህም ግዝየ በኢየሱስ ምዬ ኧረፖሩዋ አታት ኧፈሪሳ ሰቭ እህ ኢና ፉርጥንሬ? » ቧሪ።
\v 41 አሁዋ ፉርጥ ተኸርሁዋ ባጢር ባኸረዎሁዋታ ፤ዋአካ ጭን ናዥነ ቱሩዋይ ኧኸሬ ባጢራሁዋ ባሁዋ ኢረቭር» ባረኖም።

\c 10
\p
\v 1 ሀአቨታ ኢየሱስ ኧውረመኛ እሁዋ ቡኡᎈቻ ታይኸር በኧኛ አጋድ ኧጣይ ጋአድር ኢጋአካ ሁዳ ፈንገያዪ ሽፍጣምን።
\v 2 ቡኡᎈቻ ኢጋአካ ሁዳ ጭን ኧጣይ ዜማንቸን።

\v 3 ቡኡᎈቻ ይእየካ ሁዳ ይጋአኸ ኡፈቻ ኢከፍትነ፤ጣይቭ ሁኖዋ ቃርኋ ኢሶኦዋ፤ሁድ ኧገግኋይ ጣይ በሹሁኖዋ ኢሂርኮዋ፤ሁድ አሄተረ ይወስትኮዋ።
\v 4 ኧገግኋአር ኧሆሩዋ ጣይ እንእ ባዋአኖዋ ቀጥወ ኢኢፍት ኢፍትሁኖዋይ ያር፤ጣይቭ ሁኖዋ ኧዜማቸ ሁዳ ኢሂሪ ኧኸሬ ይትሄተሪ።

\v 5 ኧኧኛኋይ ቃር ጭን አይሂሩዋይ ኧኸሬ በሁዳ ኢፍቲ ኢውረዡዋ ባሀሬ አይትሄተሪዳ » ባረኖም።
\v 6 ኢየሱስ ሟሟካ ኤኤደኖም ፤ ሁኖዋ ጭን ኤኤደኖዋ ሁዳ አᎆሰርታ።

\v 7 ብእም ኧቫአ ኢየሱስ ሀአቨታ « ኧውረመኛ እሁዋ ኧጣዪ ኡᎈቻ ኢያትንሁ» ባረኖም።
\v 8 ቲያ ኢፍቲ ኧዎኦዋ ሁኖዋ እንእ ፈንገያቪ ሽፍጣምኖዋ፤ጣይቭ ሁኖዋ ኧሁኖዋይ ቃር ባይሶኦታ።

\v 9 ኡᎈቻ ኢያትንሁ፤ ቢያይ አጋድ ኢጋአካዪ ኢዋአካቭ ኢተርፍ፤ሁድቭ ኢጋአወዳዪ ኢዋአወዳ ሳአር አኖዳ ሰረጌ ኢረህቭ።
\v 10 ፈገያ ኢቫአካ ሁዳ እማት ኢሰርኢ ፣ የኧትርሜዪ ያአፋምኔ፤ኢያ ኧቫአሁ ሁዳ ጭን አያቪ ሙርአቭ ሂንተ ኢረቭርኔ።

\v 11 ወሄ ዜማቸ ኢያትንሁ፤ወሄ ዝዜማቸ ኧጣይኋ ቲይር ነፍስኋ አዋአ ያኤፕር።
\v 12 ኧሁዳአር አሆሩዋ ጣይ ኢወኧሪ ኧስራዊ ዜማቸ ጭን እጎሮጉየ ጥይ ሁኖዋ ኢቨርአይ ኢቫአኸ ቲያዥካ ጥይ ሁኖዋ ቸኧኖምታ ኢሴሂ ኧኸሬ፣እንጎሮጉየ ሁዳ ኧጣይ ሁኖዋ አብረከገ ኢብራጭኮዋ።
\v 13 ኧጣዪ ዜማቸ ኢሴህካ ሁዳ ኧስራዊያአር ኧኸረንዴ፤

\v 14 ወሄ ዜማቸ ኢያትንሁ፤ኢያ ኧገግኛይ ጣይ ኧሂርኮዋ፤ጣይመኛ ኢኢያ ኢሂርኝ።
\v 15 ኢያ ሁኖዋ ኧሂርኮታ ሁዳ አቭ ኢኢያ ኢሂሬመኸዪ ኢያቭ አአቭ ኧሂርኩምነኸ፤ ኢያቭ ኧጣይኛ ነፕስኛ ኤኤተሁ አኤፕርኴ።
\v 16 ተዋ ጣይ እማት አሆሩዋ ቡችር ጣይ አነውኒ፤ ህሁኖም ኦኦት አነቪ፤ሁኖም ቃርኛ ኢሶኦቴ፤እንእዎሆኖዋ ብእማት ኢረውርቴ፤ዘማቸመሁኖዋ እማት ኢከርኴ።

\v 17 «ኢያ ሀአይተሁ ኧወስኩዳ ነፍስኛ ኤኤተሁ ኢቪ ኧኸሬ አቭ ኢረንዴ።
\v 18 በገግኛ ፈቃድ ነፍስኛ ኤኤተሁ አአይፕሪ ባህብሬ ፣ነፕስኛ ቲያ ኢወስትቪዳ ሰቭ ኤነዳ፤ነፍስኛ ኤኤተሁ አአይፕሪ ፣ዣቪተሁ ኧወስዲ ደረግ አነኒ፤እመኸ ኤቪ አባኛ ኤዘዘዪ »ባረኖም።

\v 19 በዋ በዝሬኬን ዘንጋ ኧቫአ አይሁድ ሁኖም ተሁኖም በግትሁኖዋ መራክስ ተፈጠረ።
\v 20 ተሁኖም ኖኦራሁኖዋ « ሁዳ ሼጣን አኖወ፣ ሽረኘን ኧቭር ቃርኋ ትስውኤ?» ቧርም።
\v 21 ኧኛሁኖዋ ጭን « ዋ ቃር ሼጣን አኖዳ ሰቭ ቃር አኸረንዳ ፤ሼጣን ኧፉርጥ ኤር ኧኩፍችት ኢኸኔ?» ቧርም።

\v 22 በኢየሩሳሌም ኧቤተመቅደስ ኢወጥርኰዳ ሙርአ ያኮቡርኰዳ ቀረ ሰንአ ባነደ፤ወቅትሞኋ ዘር ባነድደ።
\v 23 ኢየሱስቭ በቬተመቅደስ ሰለሞን ዋአ ቢጋአወዳ ኤኤዲ ያር ባነደ።
\v 24 ኧይሁዳ ሰቭ« መቸ ስን ተጥራጠይተነ ንረቭነኸ ቴቨንረዴ? ትባአኴ ኧዋሪ ክርስቶስ አኸ በኸርኸ ገክር አውደንረ»ቧሪ።

\v 25 ኢየሱስቭ « ኢያ ኤኤድኩም አሁዋ ጭን አንሰምአሁኝዳ፤ባአባኛ ሹው ኤኩዳ ሜና እንእ ኢኢያ ኢኢድኒ።
\v 26 አሁዋ ጭን ተጣይኛ አኸርሁዋይ ኧኸሬ አታአውርኝዳ።

\v 27 ጣይኛ ቃርኛ ኢሶኦዋ፤ ኢያቭ ኧሂርኮዋ፤
\v 28 ሁኖም ኢትሄተርኝ። ኧሁኖም ኧዘላለም አያ ኢአኮዋ፤ ስርምቭ አይዎጅታ፤አትዎኋ ቲያይ ኧጅ ንጢቅተ ኢወስትኮይ አይኸነዳ።

\v 29 ሁኖዋ ኢኢያ አቬ አባኛ ትንእአአር ኢረእ ፤ሁኖዋ ትአቭ ኧጅ ንጢቅተ ኢወስዲ ኢኸነዳ ኤነዳ።
\v 30 ኢያዪ አቭ እማትንረ» ባረኖም።
\v 31 ፣ኢየሱስ ዋዳ ቲይካ ኧይሁዳ ሰቭ ኧኢየሱስ ኢዎጎዪ ሀአውም እቭር ነሾም።

\v 32 ኢየሱስቭ አቭ አቬ ኖኦራ ወሄ ዘንጋ አቴሸኩም፤ባቴ ኧቭር ብእቭር ትዎጎኝ?»ባረኖም።
\v 33 ሁኖም አኸ ብእቭር ንወጋኔከዳ ሁዳ ኧጎይታ ኧቀነኸዴ ባሀሬ ወሄ ሜና ኤፐሄ አኸረንዳ፤ አኸ ሰቭ በኸርኸሜ ገጋኸ ጎይታ ኤፐኸዴ» ቧሪ።

\v 34 ኢየሱስቭ « በቂጫሁዋ ‹አሁዋ አማልክትንሁዋ ባሁም › ይንካ ቃር ተጣፈሽ አሀራ?
\v 35 ኧጎይታ ቃር ኧቫአኖዋ ሁኖዋ ፥ ጎይታ አምላክኖዋ ባረ በኸናኖጋ ኧጎይታ ቃር አይታሻርካ።
\v 36 አካ አቭ ኧገግኋ ሙጭር ኤፐ ኧዋ አለሚ ኧኬሸን ‹ኢያ ኧጎይታ ትከንሁ› ኧቫሬ ‹ኧጎይታ ትቀርቭ› ኧቭር ቱሩዋ?

\v 37 ኢያ አባኛ ኤፓአር ባንኔፐሁ አቶኦዎርኝ፤
\v 38 አአባኛ ሜና ኤቭ በኸረ ጭን ቢያ ባታአውርም በቬናኛ ኧቫአ ኧወሩዋ፤ በዋ ኧቫአ አቭ ቢያ አነመኸዪ ኢያቭ ባአቭ አኖኸኸ ገኪተሁዋ ትኋርዋሴ» ባረኖም፥
\v 39 ሁኖም ሀአውም ኧኢየሱስ ኢጠጪ ዣውም ባነደ፤ ሁዳ ጭን ወረኖም።

\v 40-41 ተህም ቀጥወ ፣ ኧዋ ኢፍቲ ዮሐንስ ያጠምቅወ ኧረፐረ ኧዮርዳኖስ በር አጋድድ ተዠፐረ ወረታ ባሀይ ስረፐተ ፤ ኖኦራ ሰቭ ኧሁዳይ ሞኦምታ ፥«ዮኋንስ ስርም ወጋአር አኔፐዳ፤ ዘንጋ ጭን ዮሐንስ ኧዋ ምሳአር ኧዝሬኬን ዘንጋ እንእ ውረምን» ቧርም።
\v 42 በህም ኤኤዲ ኖኦራ ሰቭ በኢየሱስ አሞርም።

\c 11
\p
\v 1 ቢታኒያ ቢዩሪዳ ኤኤዲ ማሪያምቪ ኧተመሻ ማርታ ቢረቭራኮዳ ቃያ አላአዛር ዩሪዳ ምስ ኤመን ባንደ፥
\v 2 ማርያም ኧጌታ ኧግር ሽቶ ኧፓችታ በጉንኧርሻ ኧዋሸች ሂዳኒያ ኤኤመነቭ ሁዳ ኧሂዳይ ኧሰም ባነደ፥

\v 3 ኧተማት ህና “ጌታንሮ ትረድኩዳ አላአዛር ኤመን” ባራምታ ኧኢየሱሲ ሰቭ ኬሻም ።
\v 4 ኢየሱስ ዋዳ ኧሰምአ ግዚየ “ኧዋ ምሲ ኤምናድ ኧዉድ አኸረዳ ሁዳ ኤኤመን ኧጎይታ ኑኡነድ በሁዳ ኧቫአ ኢትሄርኔ ፥ኧጎይታ ትከቭ በሁዳ ኧቫአ ኢከብርኔን” ባረ።

\v 5 ኢየሱስቭ ኧማርታ ኧኧተመሻዪ አአላአዛር ይረድኮዋ ባነደ፥
\v 6 ቢኸርቭ ኢየሱስ አአላአዛሪ ኤማድ ሰምአታ በረፐረወ ቃያ ዉርኤት ቀረ ኤከሰ።
\v 7 ተህም ቀጥው ኢየሱስ ኧተማሪኋ “ዩሁዳ ገኘ ንትዣቨርነ” ባረኖም ።

\v 8 ተማሪሞኋ “አስተማሪዮ ተቀሪ ቀረ ኢፍቲ ኧዩሁዳ ሰቭ አኸ ብእቭር ኢይዎገኬ ኢሱኡከ ባንደ፤ሀአይተኸ ሀይ ታርኴዪ?» ቧሪ።
\v 9 ኢየሱስቭ “ባአት ቀረ ዋአና አስረ ዉርኤት አነሽ አሀራ? በዋአና ያርካ ሰቭ ኧዋ አለም ኡዋየ ያትረክኲ ኧኸሬ አያድቫድኩዳ፥

\v 10 በኧዳር ያርካ ሰቭ ጭን ኡዋየ ኤነኒ ኧኸሬ ኢድቫደቭ”ባረኖም።
\v 11 ኢየሱስ ዋዳ ተቫረ ቀጥወ “ናማጂንራ አላአዛር ኔኧ ኢያቭ ንሆርታ ተቩኢድኋ ንሳኩ” ባረኖም።

\v 12 ተማሪሞኋ”ጌታንሮ ኧሬኧሽ በኸረ ኢፍዘዝሴ” ቧሪ።
\v 13 ኢየሱስ ዋኸ ኦዋርትኋ አላአዛር ኦዎደኸ አአዉጅትኋ ባነደ ፤ተማሪኋ ጭን ኧዊኢዳአር ኧዝሬካአር መሰረኖም።
\v 14 በህም ኧቫአ ኢየሱስ ኧዉየመኋ “አላአዛር ኧዎደኸ ኤኤደኖም ።

\v 15 አሁዋ ኧሽተሁዋ ታአቩርዋይ አአሁዋ ትንር ኢያ በሀኸ አንቦርትኛ ሳረዪ፥ዋአካ ጭን ኧሁዳይ ንሆርነ”ባረኖም።
\v 16 ኧለምቺየ ዩሪዳ ቶማስ ኣኣኛ ተማሪ” ኢናቭ ተሁድቭ ንሆርነ ንውድነ”ባረኖም ።

\v 17 ኢየሱስ ቢታኒያ ዩሪዳ ቃያ ቲሰርአካ አላአዛር ተዌከዊ አርቭአት ቀረ ኸረን ባንደ ።
\v 18 ቢታኒያ ዩሪዳ ቃያ ቲኢየሩሳሌም ሶኦስት ኪሎ ሚትር ያረእ ባንደ፥
\v 19 ኖኦራ ኧዩሁዳ ሰቭ ኧማርታመዪ ኧማሪያሜ ኧኧሰምህና ሙድ ያትሴቡሪያይ ሞኦም ባንደ ።
\v 20 ማርታ ኢየሱስ ኧቫኸ ብትሰቭአ ትቴኤፐርኲ ዋአች ፥ማሪያም ጭን በቪድሜ ቸናች ባንደ።

\v 21 ማርታቭ ኧኢየሱስ “ጌታኞ አኸ ዋይ ብትረቭር ኧሰምኛ ባሞደዳ ፥
\v 22 ዋአካቭ ቢኸር ጎይታ ትሰኧርኩዳ ሁዳ እንእ ይሰቭአኸኸ ኧሂር”ባረቸን ።
\v 23 ኢየሱስቭ “ኧሰማሽ ተቩድ ኢትረሳኬ” ባረና።

\v 24 ማርታቭ “ተቀጥወ ኧዎጁዋ ሰቭ ቢትረሸኵዳ ቀረ ኢትረሳሸኸ ኧሂር” ባረቸን
\v 25 ኢሱስቭ ተቩድ ኧረሳካቭ አያቭ ኢንአካ ኢያትንሁ ፥ቢያ ያአቭርካ እንእ ቢወድቭ አያ ኸረ ይረቭር ።
\v 26 አያቭ ኸረይረቭርካ እንእ ቢያ ቢያአቭርቪ ስርም አይዎድካ ዋዳ ታአቭይዋ?”ባረና ።

\v 27 ሂድቭ “ዉረምን ጎይታኞ አኸ ኧዋ አለሚ ኢቫአኬ ኧዋሪ ክርስቶስ ኧጎይታ ትከንኸ፤ ኢያቭ አአቭር”ባረቸን ።
\v 28 ማርታቭ ዋኽ ባረች ተዝሬከች ቀጥወ ኧኧተምሻ ኧማርያሚ ወረችታ ብእዝርሻ”አስተማሪ ሁዳ ማአ አአሽቭ የሽ ይቭሽ” ባረች ኤኤደቸና ።
\v 29 ማሪያም ዋዳ ተሰምአችመኸ አፍጣጠረች ተረሳችታ ኧሁዳይ ወረች።

\v 30 ኢየሱስ ማርታ ኧሁዳ በቴኤፐረቸወ ኤኤዲ ባነደ ባኸሬ ገና ቃያ አንገፓ ባነደ ።
\v 31 በኧሰምሻ ሙድ ያትሴቡሪያይ ኧዎኦዋ ቢድ ኧረፖሩዋ ኧዩሁዳ ሰቭ ማሪያም አፍጣጠረች ትትዋአካ አሸዊያታ ኧዎገማይ ትቬሂ ታርካአር መሰረኖምታ ተሄተሪያ።
\v 32 ማሪያም ኢየሱስ አኖዳ ኤኤዲ ማአችታ ታሸቸንመኸ በኧግርኋይ ወተኧችታ “ጌታኞ አኸ ዋይ ተረፐርኸ ኧሰምኛ ባሞደዳ”ባረቸን ።

\v 33 ኢየሱስቭ ሂዳ ትትቬህካ፣ ቴሄተሪያቭ ኧዎኦዋ አአይሁድ ሰቭ ተሂድቭ ቲዎሁታ አሸታ፥ ቡሼኧኸቭ ተቨጠጠ፥
\v 34 “ኧቲ ᎂከኊ?”ባረኖም ፥ሁኖም “አስተማሪዮ የኸታ ኧዥ” ቧሪ።
\v 35 ኢየሱስቭ ኢምባ ወንደን ፥

\v 36 ኧይሁዳ ሰቭ አአላአዛር ምርአካአር ኢረድኩ ኧረፐረኸ አሸሁሚ ተዌዌርም ።
\v 37 ተሁኖም አታትሁኖዋ “ኧፉርጥ ምሲ ኤር ኧኩፉችት ኧኸረናአር እእኩ ምስ ቲዎድካ ያተርፍኩይ ባኸረነዳ?”ቧርም።

\v 38 ኢየሱስ ሀአቨ ተቨጠጠታ አአላአዛሪ ሞገማይ ማአ ፥ ሞገማቭ ሁዳ ብእቭር ኤኤፈዊ ወረ ባንደ ፥
\v 39 ኢየሱስቭ “እቭር ሁዳ አከውርም አፉኴ” ባረኖም ።ኧዎደሁዳይ ኧተም ማርታ “ጌይታኞ ኧሰምኛ ተዎደ አርቭአት ቀረኧረኒ ኧኸሬ ኢጭየ» ባረቸን።
\v 40 ኢየሱስቭ “ብታአቭይዋኧጎይታ ክብር ታሽቴ ባኡታ አኔኤድችባዪ”ባረና።

\v 41 በኽም ኧቫአ ሁኖም ኧወገማ ሁዳይ እቭር ነሾም አኩወነሪ ፥ኢየሱስቭ ኧፎረኒየ አሸታ”አቦኞ “ኧሰምአኸዪ ኧኸሬ ሽኩራኸ፥
\v 42 እንእ ግዚየ ትሰቭአየኸ ኧሂር፤ ዋዳ ኧቫከ ሁዳ በቭየኛይ ኧትሸከዉዋ ሰቭ ኧኬሸሄኸ ያአቩሩዋይ ኧሁኖዋ ትንርን” ባረ ።

\v 43 ኢየሱስ ዋኸ ባረ ተዝሬከ ቀጠወ በሩኡየ ቃርኋ”ነሳታ የኸ ዋአ” ባረ ኸና ።
\v 44 ኧቮደቭ አላአዛር ኧግርሞኋዪ ኧጅሞኋ በከፈን በኮፎኒመኸዪ ኢፍትሞኋ በሻሸ በሽፏᎈሪመኸ ተወገማ ዋአ ፥ኢሱስቭ ፉጆም ጉፉሪታ ኧሆር“ ባረኖም።

\v 45 ኧማሪያም ያትሴቡሪያይ ኧቮኦዋ ኧዩሁዳ ሰቭ ኢየሱስ ኤፐን ሜና አሾምታ ኖራሁኖዋ በኢየሱስ አሞርም ።
\v 46 አታትሁኖዋ ጭን ኧፈሪሳ ሰቪ ዎርሙታ ኢየሱስ ኤፐን ሁዳ ኤኤጁም ።

\v 47 ኧካህን አላቃ ኧፈሪሳቭ ሰቭቪ ኧገኘቭ ባሪቅ ኢደሞጁዋይ ሆኖዮምታንዳ “ዋ ምስ ኖራ ወግ ዘንጋ ኤፐ ያቲሺ ኧኸሬ ምር ብኒንአነ ኢፈዘንረ?”
\v 48 እምኧኽ በቼኤኔ ሰቭ እንእ በሁዳ ያአቭርኬ ፥እእሮማ ሰቭቭ ሜኤተውዋ ቤተመቅደስመንራቭ ሰቭመንራ ያአፎቴ”ቧርሙ።

\v 49 ተሁኖዋ አትሁዳ በህም ዘቨር ሊቀ ካህን ኧረፐረ ቀያፋ ዋኸ ባረ “አሁዋ አታአር አትሂርታ ፥
\v 50 ሰቭ እንእ ቢየኧፋካ ሁዳ አት ምስ ኧሰቭ እንእ ቢዎድ ኢፈዝሁዋኸ አቤሰርሁዋታ?” ባረ።

\v 51 ሁድቭ ዋዳ ኧዝሬከ በገግኋ አሳብ አነፐራ ፥ዘጋ ጭን ሁዳ በሀ ዘበር ሊቀ ካህን ኧረፐሬ ኧኸሬ ኢየሱስ ኧሰቭ እንእ ቲቭር ኢዎደኸ ቲያቲሽ ዋ ቲንቢት ዝሬከ ።
\v 52 ሁድቭ ኢዎድካ እማት ኧሁዳይ ሰቭ ታይኸር ኧትዉራጨዉዋ ኧጎይታ ሰቭ ሰሲቭተ እማት ዪንአኔን።
\v 53 በህም ኧቫአ ሁኖዋ ተሀ ቀረ ቆነሺታ ዮኦትሪ አጩም ተረሾም ።

\v 54 ተሀ ቀረ ቀጥወ ኢየሱስ በዩሁዳ ሰቭ ግት ኧዉየመኋ ዌኧተ አገፓዳ፥ዘጋኋ ጭን ተሀይ ዋአታ ወረ በቨረሀ ምዬ ባነዳ ኤፍሬም ቢዩሪዳ ቃያ በሃይ ተተማሪሞኋ ኤከሰ።
\v 55 ኧዩሁዳ ሰቪ ኧፋሲጋ ሙርአ ማኣ ሰንአ ባነደ ፥ኖኦራመሁኖዋ ኧፋሲጋ ሙርአ ታይሰርኣ ኢፍቲ ፥ኖኦራ ሰቭ ኧውጠርት ቂጫ ኢጀፑሩዋይ ኖኦራ ሰቭ ተገኜ ኧኢየሩሳሌም ከተማይ ዎኦም።

\v 56 ሁኖም ኧኢየሱስ ኢሱኢ ባነደ ፥በቬተመቅደስ ተሸኮምታንዳ “ምር ኢቨስርሁዋ ሁዳ ኧዋ ባዓል አይቫአካ ኢህርሰዪ?”ቱዩሩዋ ሁኖም ተሁኖም ኢዝረኩዋ ባንደ።
\v 57 ኧካህን አላቃዪ ኧፈሪሳ ሰቭ ኧኢየሱስ ኢጠጪ ኧቲ አንነኸ ኢሂርካ ሰቭ ኢችቅቨኸ ትዛዝ አውም ባነደ።

\c 12
\p
\v 1 አአይሁድ ኧፋሲጋ ሙርአ ያኮቡሪ ስድስት ቀረ ቲተርፍኩዳ ኢየሱስ ቢታኒያ ማአ፤ ቢታኒያ ኢየሱስ ተውንድ ኧረሳን አላአዛር ኢረቭርወ ኧረፐረ ቃያን።
\v 2 በህሜ ኧርቫድ ኤፖውነ ፤ማርታቭ ባሀይ ቲድር ባነደ፤ ተኢየሱስቭ እማቲ ኧርቫድ ኢወርኦዋይ ተቸኖዋ ሰቭ አት ሁዳ አላአዛር ባነደ።
\v 3 በህም ግዝየ ማርያም ዋጋኋ ቡሼኤኸ ኑድ ኧኸረ ተናርዶስ አጣወሪ ኧሊትር ግት ኢኸርካ አት ብርቃጥ ሽቶ ወሰደችታ ኧኢየሱስ ኧግርኋ ሟሸቸን፤ ተህም ቀጥወ ኧግርኋ በጉንኧርሻ ሙሻሸቸን፤ቢድቭ ሁዳ በሽርቶ ሽትነድ ጥርቅም ባረ።

\v 4-5 ተኢየሱሲ ተማሪ አት ሁዳ ፥ኧኢየሱስ ኤኤተ ያአይፕርኩዳ አስቆሮንቱ ይሁዳ፥ ዋ ሽርቶ አሰየቶዊታ ዋጋኋ ኧዚጋ እናውዮዋባ? ቢያስሬ ሶኦስት በኧር ያአ ባነደ »ባረ።
\v 6 አስቆሮንቱ ዩሁዳቭ ዋዳ ኧቫረ ሁዳ ውረ ዚጋ ሁኖዋ አብጥጭተዊታ ታይኸር ፥ገግኋ ፈገያ ኧረፐረዴ፤ኧፈራክ ቦርሳ ኢጠትካ ሁዳ ኧረፐሬ ኧኸሬ ፥ቦዎርሳ ሁዳ ባወኔ ፈራክ ኧስሩእት ንወሸ ባነደ።

\v 7 ኢየሱስቭ «ሂዳ ኧሪሳኛ ኢዋሺዳ ሽርቶ ታንዎድ ዋአካ በተረች ኧዋሸቸዪ ኧኸሬ ቴእካ» ባረን።
\v 8 ኢየሱስቭ ዚጋ ሁኖዋ እንእ ግዝየ ታሁም ኢረውሩዋ ፤ኢያ ጭን ኧቀሪየጋ ባሀሬ እንእ ግዝየ ታሁዋ አነቭርካ» ባረ።

\v 9 ህም ግዝየ አአይሁድ ገኘ ሰቭ ኖኦራሁኖዋ ኢየሱስ ኧቪታኒያ ገኘ አነኸ ኋርምታ፥ኧሁዳይ ሞኦም፤ ኧዎኦምቭ ሁዳ እማት ኢየሱስ ያዡዋይ ታይኸር፥ኢየሱስ ተውንድ ኧረንሳን አላዛር ያዡዋይ ቲዩሩዋ ባነደ።
\v 10 ብእም ኧቫአ ኧካህን አላቃ አአላዛር ዮኦትሪ አትዋቾም ።
\v 11 እመኸ አትዋቾዋ ሁዳ ባአላዛር ኧቫአ ኖኦራ ኧይሁዳ ሰቭ ዳኘሁኖዋ ቾኦውምታ በኢየሱስ ያአውሩዋ ኧረፐረዴ

\v 12 በቨረጋሞኋ ኧፋሲጋ ሙርአ ኧዎኦዋ ኖኦራ ሰቭ ኢየሱስ ኢየሩሳሌም ኢቫአይ ኧተረሳኸ ሶምኦም።
\v 13 ኧዛምባአቭ እንዝር ጦቦጩምታ ኧሁዳ ኢቴኤፖሪ ዎኦም፤ሰቭ ሁኖዋ « ቃርሁኖዋ ነሾምታ ሆሳእና በጎይታ ሹው ኧቫ እእስራኤል ንኩስ ኧዳረዳናአር» ቧርም።

\v 14-15 ኢየሱስ እእቫር ገንገር ነከቨታ በህዳ ፎር ቸና፤እመዳቭ ኧኸረ ሁዳ ፥ « የሩሳሌም ከተማ እፈኘኸ ፤ ኧዥ ንኩሳኸ ብእቫር ገንገር ቸና ኢቫአ» ቧርም ኧጣᎉ ትንቢት ውረ ኢኸርኔ።

\v 16 ተማሪሞኋ ዋዳ እንእ ኧሀ ኢፍቲ አᎆሰሩዋ ባነደ፤ኢየሱስ በክብር ኧሳቫዪ ቦዋአ ቀጥወ ዋ ኤፖዊ ሁዳ እንእ ኧሁዳአር በመጣፍ በጣᎉ አይነት ኧኸረኸ ዘኮጁም።

\v 17 ኢየሱስ አአላአዛር በሞገማ ከሲ ኸናታ ተውንድ ነሳ አዋአን ግዝየ ፣ተሁዳ እማቲ ኧረፖሩዋ ሰቭ እንእ ፥ ኧኢየሱሳአር ኢኢጁዋ ባነደ።
\v 18 ኖኦራ ሰቭ ኧኢየሱስ ኢቴኤፖሪ ኧዎኦዋ ሁዳ ፥ ዋ ወግ ዘንጋ ኧሶምኦዋይ ባነደ።
\v 19 ሀ ግዝየ ኧፈሪሳ ሰቭ ሁኖም ተሁኖም « ኦዡዋ ሰቭ እንእ ኧሁዳ ተሄተረን» ኢና አታአር ኦንኧት አኸረንረኸ ታዡዋ? ተዌዌርም።

\v 20 በውርአ ቀረ ኧጎይታ ኢሰጉጁዋይ ኢየሩሳሌም ከተማ ተዎሩዋ ሰቭ አታት ኧግሪክ ሰቭ ባነውተ።
\v 21 ሁኖም በገሊላ ገኘ ኧቤተ ሳይዳ ከተማ ምስ ኧፊልጶሲ ቴኤነቨታ ፥ «ጌታንሮ ኢየሱስ ናዥኔዪ ንሲኢነ » ቧሪ።
\v 22 ፊሊጶስቭ ወረ እእንድርያስ ኤኤደን፤እንድርያስቪ ፊልጶስቭ ዎርምታ ኧኢየሱስ ኤኤጂ።

\v 23 ኢየሱስቭ « ትከ ኢከብርወዳ ወቅት ሰንአ፣ ባረኖም።
\v 24 ኧውረመኛ እሁዋ ስኔኧ ባአፈር ውዴእተ ባሞደ ኧወጣኋ ኢቸና፤ በዎደ ጭን ኖኦራአር ኢኸር፤

\v 25 ነፕሲያኋ ኢረንድካ ሰቭ እንእ ነፕሲያኋ ያአይ፤ በዋ አለም ነፕሲያኋ ኢጠራካ ሰቭ ጭን ኧዘላለም አያ ኢኸር።
\v 26 ኢያ ያጌኪሪ ኢሲኢካ ሰቭ ፥ ኢያ ኧትሄተሬ ኧኸሬ ኢያ ባነሁወዳ ኤኤዲ ሁድቭ በሀይ ኢረቭርኴ፤ ኢኢያ ያጌኪሬዳ ሰቭ አቭ ያጌኪር » ባረኖም።

\v 27 ሀአቨ ኢየሱስ «ዋአካ ነፕስኛ ተጨነቀ፤ምር ንቫር አባኞ ተዋ ግዝየ ነፕስኛ አትርፌ ንቫሪ? ሀኸ ባንሪ ጭን ፥ኢያ ኧቫአሁ ሁዳ ቦዋ ግዝየ ዋ መከራ ኧቴኤፐኔ።
\v 28 «እባኖ ሹዋኸ አክብርኩ፤»ባረ። ህም ግዝየ ኢያቭ ሹውኛ አከብርኩዴ፤ዋአካ አከብርኩዴ»፤ ይካ ቃር ተሳቫይ ማአ ።
\v 29 በህመኸ ኧረፖሩዋ ሰቭ ዋ ቃር ሶምኦምታ « ሳቫይ እግቨከቨ »ቧርም፤ ኧኛሞሁኖዋ « መላአይካን ኧዝሬከ »ቧርም።

\v 30 ኢየሱስ ጭን « ዋ ቃር አሁዋ ቲይር ማአ ፤ ባሀሬ ኢኢያ አኸረንዳ ፤
\v 31 በዋ አለም ሰቭ ኢተርፉወዳ ዋአካን ፤ኧዋ አለም ዳኘ ሼጣን ሰቻይ ኧኝኧቶ ኢቋሺዳ ዋአካን።

\v 32 ኢያ ጭን ቤኧ ፎር ትንትሰኧርካ ሰቭ እንእ ኢያይ ኢቫአኸ ኢንአኴ» ባረ።
\v 33 ኢየሱስ ዋ ቃር ኧዝሬከ ሁዳ በቭር አይነት ሙድ ኢዎደኸ ያትሄኔ።

\v 34-35 ሰቭ ሁኖዋ በውሴ ቂጫ ኧጣፈ ‹ ክርስቶስ ኧዘላለም ኢረቭርኴ› ይካናአር ፤ባቴ አኸ ኧተኸ ኧሰቭ ትከ ኧትሶኦርት አንወ ትር? ኧሰቭ ትከሁ ማንተን?»ቧሪ።ኢየሱስ ዋአካ ኧቀሪመጋ ብርሀን ሁዳ ታሁዋ አነ ባሁዋ ጠነባቫ ባይኸርዎሁዋይ ፣ብርሀን ታነ በብርሀን ንወሩዋ፤በጠነቫ ያርካ ሰቭ ጭን ያርኬኤዲ አይሂርካ።
\v 36 አሁዋ ኧቭርሀን ዴንጋ ትሆሩዋይ ብርሀን ሁዳ ታነ በቭርሀን ኧዎሩዋ» ባረኖም፤ኢየሱስ ዋዳ ዝሬከ ቲጀፕርካ ኧዋረ ኧገፓ ኤኤዲ ቦኮሪ።

\v 37 ኢየሱስ ዋ ወግ ዘንጋ ቢኢፍትሁኖዋይ ቢንአቭ ኧይሁዳ ሰቭ በኢየሱስ አናአሞርታ።
\v 38 እመዳቭ ኧኸረ ሁዳ «ኢሳያስ ጎይታኞ ኢና ኤኤድኔ ሁዳ ማን አመረ? ኧጎይታ ደረግ ኧቫን ተረከቨን? »ኧቫረን ቃር ውረ ኢኸኔ።

\v 39 ህመኸቭ ኢሳያስ ዋኸ ኧቫሬ አናአሞሪዴ፤
\v 40 ቤኤርሁኖዋ ኧዥተውዋ ፣ በሂንሞሁኖዋ በሲቶውዋ አይድዦፖሩዋመኸዪ፣ አይፈዝኮመኸ ጎይታ ኤርሁኖዋ አፈጠኖም፤ሂንሞሁኖዋ አተፓን።

\v 41 ኢሳያስ ዋዳ ኧቫረ ሁዳ ፥ ኧኢየሱስ ክብር አሸዴ፤እመኸ ኧኸሬ ኧኢየሱሳአር ዝሬከ።
\v 42 ቢኸርቭ ተይሁዳቭ ሰቭ ዳኘ ስን ኖኦራሁኖዋ በኢየሱስ አሞሩም፤ ዘንጋ ጭን ኧይሁዳ ሰቭ ቲደሞጁኰዳ ቢድ ባያዎኦዮዋይ ኧፈሪሳ ሰቭ ፈኞምታ በኢየሱስ አአሞሩዋኸ አአት ሰቭ አኔኤጅታ።
\v 43 እመኽ ኤፖውዋ ሁዳ ሁኖዋ ተጎይታይ ቲረሁዊዳ ክብር ኢረእ ተሰቪ ኢረሁዊዳ ክብር ኧሴኤውቴ።

\v 44 ኢየሱስቭ ቃርኋ ነሳታ « ቢያ ያአቭርካ እማት ቢያ ታይኸር በኬሽዪ ሁዳ ያአቭር፤ ባረኖም።
\v 45 ኢያ ያዥካ ሰቭ ኧኬሼዪ ሁዳ ያዥ፤

\v 46 ቢያ ያአቭርካ ሰቭ በጠነቫ ባያሪ ፥ኢያ ኧዋ አለሚ ብርሀን ኸርሁ መአሁ።
\v 47 ቃርኛ ሲቭኧተታ ባይቴኤዘዝ ሰቭ ኧፈርድወዳ ኢያ አኸርኋ ፤ ኢያ ኧቫአሁ ሁዳ ኧዋ አለም ሰቭ ተቫጢርኋ አቨጥርኔ ባሀሬ ኧፈርዲ አማአኋ።

\v 48 ኢያ ኢቀርጥካቪ ቃርመኛ አይቴኤፐር ሰቭ ፥ ኢፈርድወዳ አነ፤ ኢያ ኤኤድሁን ቃር ዘቨር ቲይርእካ በሁዳ ኢፈርድወዴ፤
\v 49 ኢያ በገግኛ ደረግ አንዝሬከኋ፤ ኢያ ኧዝሬኩዳ ቃር ኧኬሼ አቭ ኤኤዘዜዳናአር።
\v 50 ኧጎይታ ትዛዝ ኧዘላለም አያ ዬቨኸ ኧሂር፤ በህም ኧቫአ ኢያ ኧዝሬኩዳ ቃር አቭ ‹ ዜንግ ባረ ኤኤዘዜ› ቃርን»ባረ።

\c 13
\p
\v 1 ግዝየሞኋ ኧይሁዳ ኧፋሲጋ ሙርአ ኢፍቲ ባነደ፤ኢየሱስ ቴእተታ አአቭ ጎይታይ ያርወዳ ግዝየ ኧሰንአኸ ሀረ፤በዋ አለም አነውታ ኧገጓኋይ ሰቭ እንእ ግዝየ ኢረንድኮዋ ባነደ፤ኧቀጥዎሞኋ ስን ኧሁኖዋ ነመደኖም።
\v 2 ኢየሱስ ተተማሪሞኋ ኧርቫድ ኢዎርኦዋ ባነደ፤ ኧስምኦኒ ኧች አአስቆሮንቱ ይሁዳ ኧኢየሱስ ኤኤተ ኧጠራት ያአይፕርኲ ሼጣን ንሳሳን ባነደ።

\v 3 አቭ ጎይታ ዳኝነድ እንእ ኧኢየሱስ አቨነኸዪ ተጎይታይ ኧቫአመኸ፤ተዣቨይተ ኧጎይታሜ ያረኸ ኢየሱስ ገግሞኋ ኢሂር ባነደ።
\v 4 በህም ኧቫአ ተሸረድ ተረሳ ሁጅርኋ አወናታ ፎጣ ነሳ በራቫኋ አማንደ።
\v 5 ተህም ቀጥወ በቨታጠቢያ እሀ ገታታ ኧተማሪኋይ ኧግር ኧእውት ቀነሰ ።

\v 6 ኢየሱስ ኧስምኦን ጴጥሮስ ኧግርኋ ያእኲ ቢቫአ ፥ስምኦን ጴጥሮስ « ጌታኞ አኸ ኢያይ ኧግር ታእቪ?» ባረን።
\v 7 ኢየሱስ « ኢያ ኤኩዳ ሁዳ አኸ ዋአካ አትሂርካ ፤ ኧቀጥወ ጭን ትሀርሴ » ባረን።
\v 8 ጴጥሮስቭ «አይኸርካ አኸ ኢያይ ኧግር ስርም አታእካ » ባረን።ኢየሱስቭ ባናኧከሁ ቲያ አት ሟር ኤኤነነኸዳ ባረን።
\v 9 ስምኦን ጴጥሮስቭ «ጌታኞ ህሸኸ በኸረ እማት ኧግርኛ ታይኸር ኧጅመኝዪ ጉንኧርመኛ ኧእቬ» ባረን።

\v 10 ኢየሱስቭ «ምስየኋ ኧታኧቨ ሰቭ እንእ ኤኤድኋይ ኧቨጠረዳናአር ፤ ኧታኧውት አኖዳ ሁዳ እማት ኧግርኖኋ ።አሁዋ መጠርሁም ፤ ዘንጋ ጭን ባሁዋ ግት አመጠረ ሰቭ አነ» ባረኖም።
\v 11 ኢየሱስ «ባሁዋ ግት አመጠረ ሰቭ አነ » ኧቫርረ ሁዳ አዋአ ኧጠራት ያአይፕርኩዳ ማን ኧኸረኸ ኢሂር ኧረፐረዴ።

\v 12 ኢየሱስ ኧተማሪኋ ኧግርሁኖዋ ባኧቨኖዋ ቀጥወ ኤኤድኋይ ማአ ቸና፤እምመኸቭ ባረኖም « ኢያ አአሁዋ ምር ኤፐንነኩዋኸ ሀርሁሚ?
\v 13 አሁዋ <አስተማሪቪ ጌታቭ ቱርኝ፤ ኧውረምናሁዋ፤ አሁም ቱርኝመኸ አስትተማሪቪ ጌታምንሁ።
\v 14 ኢያ ጌታማሁዋዪ አስተማሪማሁዋ በኸርሁሜ ኧግራሁዋ ባኧሁጋ፥ህመኸ አሁም ገግ ተገጋሁዋ አታሁዋ አአታሁዋይ ኧግር ኧኡዋ ።
\v 15 ኢያ አሁዋ ኤፐነኩዋመኸ አሁም ህመኸ ቲንኦዋኸ መርኸት አወናነኩም።

\v 16 ኢየሱስቭ ኧውረመኛ ኢኢድሁዋ አገልጋይ ተጌታኋ አይረእካ፤ኪሸረኘቭ ተኬሸን ሰቭ አይረእካ፤
\v 17 አካ አሁዋ ዋዳ ሀይተሁዋ ብቲንኦኰ ኧዳርሁዋታንሁዋአር።
\v 18 ኢያ ዋዳ እካ ሁዳ እንአሁዋአር አኸረንንዳ፤ ኢያ ኧሸፐትሁኖዋ ሁኖዋ ኧሂርኮዋ፤ዘንጋ ጭን ‹በኧጅኛ ኧቭንአ ሁዳ ቢያ ጠራት ኸረ ተረሳቪ› ኧቫረ ኧቨጣፍ ቃር ውረ ኧሁርት አነወ።

\v 19 ተዋዳ እንእ በተርሁ ዋአካ ኢኢድሁዋታ ሁዳ፥ዋዳ እንእ ቲትቾድካ ኢያ ማን ኧኸርዀኸ ታአውሩዋይ ኤኤድኩም።
\v 20 ኧውረመኛ እሁዋ ኢያ ኧኬሸሁን ሁዳ ኢቴኤፐርካ ሰቭ ኢያቭ ኢቴኤፐር ፤ ኢያቭ ኧቴኤፐረ ሁዳ ኧኬሼ ሁዳ፤ ኢቴኤፐር» ባረኖም።

\v 21 ኢየሱስ ዋዳ በቫረ ቀጥወ በሂንኋይ ተጨነቀታ «ኧውረመኛ እሁዋ ታሁዋ አት ሁዳ ኧጠራት ኤኤተ ያአይፕሬዴ » ባረ ዝሬከ ።
\v 22 ኧኢየሱሲ ተማሪ ኢየሱስ ዋ ቃር ኧቫን ኧዝሬከኸ አኋሩዋይ ኧኸሬ ሁኖም ተሁኖም ታሾም።

\v 23 ኢየሱስ ኢረንድኩ ኧረፐረ ተማሪኋ ኧኢየሱስ ምዬ ቴኤነቨ ቸና ባነደ።
\v 24 ስንኦን ጴጥሮስቭ ኧዋ ኧኢየሱሲ ተማሪ መርኸት አቴሸ ቋቈሰንታ «ኧቫናአር ኧዝሬከኸ ተሳአርኩ» ባረን።
\v 25 ኢየሱስቭ ኢረንድኩ ኧረፐረ ተማሪ ኧኢየሱሲ ኤፐ ቴኤነብንታ « ጌታኞ ሁዳ ማንተን? »ባረ ተሳአረን።

\v 26 ኢየሱስቭ «ዋ ኧዌጠሺ እንጀራ ቦዎጥ ጬፈሁ አቸፍርኩዳ ሁዳን» ባረን፤ ተህም ቀጥወ ኧዌንጠሺ እንጀራ ቦወጥ ጬፈ ነሳታ ኧስምኦኒ ኧች አአስቆሮቱ ይሁዳ አቸፈረን።
\v 27 ይሁዳቭ እንንጀራ ሁዳ ቴኤፐረታ ተቸፈረንመኸ ሼጣን በሁዳ ገፓ ፤ ኢየሱስቭ ኧይሁዳ «ካች ባር! ቴካአር ኧንአ» ባረን።

\v 28 ኢየሱስ ኧይሁዳ ኧቫረነኸ ሸረድ ኢዎርኦዋይ ኧቸኖዋ ሰቭ አትዎሁኖዋ አᎆሰሩዋታ።
\v 29 ሁዳ ኧፈራክ ቦርሳ ኢጠጥ ኧረፐሬ ተተማሪኋ አታትሁኖዋ «ኧውርአንራ ያትኬሸንረዳአር ሰየ ዌ« ኧዚጋ ዋጋ አቭ » ይኩዳአር መሰረኖም ባነደ።
\v 30 ይሁዳቭ እንጀራ ሁዳ ቴኤፐረታ ቸኧ ወረ፤ ወቅትሞኋ ኧዳር ባነደ።

\v 31 ይሁዳ ቸኧ ተወረ ቀጥወ ኢየሱስ ዋኸ ባረ፤ «ዋአካ ኧሰቭ ትከ ከበረ፤ ጎይታ በትከኋይ አጋድ ኢከብርኴ፤
\v 32 ጎይታቭ በሁዳይ አጋድ በትከበረ፣ ጎይታቭ ትከኋ በሁዳይ ያከብርኩዴ፤ ህመጋ ያከብርኩዴ ።
\v 33 ዴጋኞ ታሁዋ ኢኢክስካሁዳ ቀሪ ግዝየን፤ አሁምቭ ኢኢያ ትሱኡኝዴ፤ ኧይሁዳ ሰቭ ‹ኢያ አርወዳ ኤኤዲ አሁዋ ትዎኦዋይ አይኸነሁዋታ> ፤ኧቫሁኖመኸ ፥ዋአካቭ አሁዋ ህመኸ እሁዋ።

\v 34 አሁም ታሁም ትትራሞጁዋኸ ወያ ትዛዝ ኢሁዋ፤ኢያ አአሁዋ ኧረመድኩዋመኸ አሁም ታሁም ኧትራወጅት አነዎሁዋ።
\v 35 አሁም ታሁም ብትራሞጁዋ ሰቭ እንእ ኢያይ ተማሪ ኧኸርሁዋኸ በሁዳ ይሀርሴ» ባረኖም።

\v 36 ስምኦን ጴጥሮስ ኧኢየሱስ «ጌታኞ ኧቲ ታርኴ?» ባረ ተሳአረን ፤ ኢየሱስ ዋአካ ኢያ አርወዳ ኤኤዲ ትትሄተረዪ አይኸነኸዳ፤ኧቀትወ ጭን ትትኸተሬሴ» ባረን።
\v 37 ጴጥሮስቭ ጌታኞ ዋአካ ታኸ ኧቫአይ ኧቭር አይኸኒዳ? አአኸ ትንር ነፕስመኛ ቢኸር ኤኤቶሁ አአይፕርኴ» ባርብን።
\v 38 ኢየሱስቭ « አኸ ኢያ ባይተኸ ነፕሳኸ ኤኤተኸ ታአይፕርኴዪ? ኧውረመኛ እኸ ኩታራ ተሮእትኋ ኢፍቲ ሶኦስተጋ ትኸዳይዴ» ባረን።

\c 14
\p
\v 1-2 ሀአቨ ኢየሱስ «ሂናሁዋ አይጠነቅ በጎይታ ኧዎሩዋ ፤ ቢያቭ ኧዎሩዋ፤ባአባኛይ ቢድ ኖኦራ ኢረውርኰዳ ኤኤዲ አነ፤እሸኸ ታኸረ አሁዋ ኤኤድ ኧጌኪሪ አርኴ ባንባኩዋታ ።
\v 3 ሆይተሁ ኤኤድ በጌኬንድኩዋ ቀጥወ ኢያ ባነሁወዳ ኤኤዲ ቲያ እማቲ ትረውሩዋይ ተዣበይተሁ ሜኤተሁታ ኧወስትሁዋቴ።

\v 4 ኢያ አርወዳ ኤኤዲ መያኋ አሁም ትሂሪ።
\v 5 ቶማስቭ ጌታንሮ አኸ ኧቲ ታረኸ ኢና አንሂነዳ፤ ባቴ መያኮኋ ኧተኸ ንሀኔሴ?» ባረን።
\v 6 ኢየሱስቭ « መያ ፣ ውረቪ አያቭ ኤካ ኢያትንሁ፤ ቢያይ አጋድ ባሀሬ አአቪ ኢቫአካአር አትዎኋ ኤነዳ።
\v 7 ኢያ ተሀርሁኝ አባመኛ ትኋሪ ባነደ። ተዋ ቀጥወ ጭን ትኋሪሴ» ባረኖም።

\v 8 ፊልጶስቭ « «እማት አቭ አተሸንረታ ኢቃንረሴ» ባረን።
\v 9 ኢየሱስቭ « ፊልጶስ! ዋጣካ ቀረ ታሁም ትነቭር አትሂሬዳ? ኢያ አሸ ሰቭ አቭ አሸ፤ ባቴ አኸ ኧተኸ <አቭ አተሸንረ ትሬ>?

\v 10 ኢያ ባአቭ አነሁመኸ፣ አቭ ቢያ አነኸ አታአውርታ? ኢያ አአሁዋ ኤኤድኩዋ ቃር ኧገግኛአር አኸረንዳ፤ዘንጋ ጭን ቢያ ኢረቭርካ አባኛ ፥ኧገግኋ ሜና ቢያ ኢንአ።
\v 11 ኢያ ባአቭ አነሁመኸ፣ አቭ ቢያ አነኸ ኧወርኝ፤ ኧኛአር ቢደፋ ሜናኛ ኦዥሁም ኦወሩዋ።

\v 12 ኧውረመኛ ኢኢድሁዋ ቢያ ያአቭርካ ሰቭ ፥ኢያ ኤካአር ሁድ ዬኴ ፤ኢያ አአቪ አሪ ኧኸሬ ትእም ኢረእካአር ዬኴ፤
\v 13 አቭ በትከኋይ አጋድ ኢከብረኸ አሁዋ በሹኛ ትሶኦሪዳ ሁዳ እንእ ኧንአኩሴ።
\v 14 ማንእያአአር በሹውኛ ብትሶኦሩዋ ኢያ ኧንአኩሴ።

\v 15 ትረንጅኝ በኸረ ትዛዝኛ ኦሮዋ።
\v 16 ኢያቭ አአቭ ኧሳአርኩሴ፤ ሁድቭ ኧዘላለም ታሁዋ እማቲ ኢረቭርካ መካሪ ኢከሽነሁዋሴ።
\v 17 እም መካሪ ኧውረ መንፈስን፤ ሁድ ኧዋ አለም ሰቭ አያዥኩቪ አይሂርኩቭ ኧኸሬ ኢቴኤፐርኲ አይኸነዳ፤ አሁዋ ጭን ሁዳ ታሁዋ እማቲ ኢረቭሪ ኧኸሬ፣በሂንማሁዋ ኧኸሬ ትሂሪ።

\v 18 አቭ ታአዶድ ኤነኖዋ ዴንጋኸ ኧኦጣሁዋ አንችእሁዋታ ፤ አሁሜቭ ኧቫአኴ።
\v 19 ተቀሪ ቀረ ቀጥወ ኧዋ አለም ሰቭ አያዤዳ፤ አሁዋ ጭን ታዥኝዴ፤ አያ ሂንተሁ ኧረቭሪ ኧኸሬ አሁም አያ ሂንተሁዋ ትረውርቴ ።
\v 20 ኢያ ባአባኛ አንሁመኸ አሁም ቢያ አነሁዋመኸ ኢያቭ ባሁዋ አነሆኸ ሀ ቀረ ትሂርቴ።

\v 21 « ኢያ ኢረንዴዳ ሰቭ ትዛዝኛ ቴኤፐረታ ኢቴኤፐርካ ሰቭን ፤ ኢያቭ ኧሁዳ ኧረድኩ፤ ገግመኛ ኧሁዳ አትሄርኩ።
\v 22 አአስቆሮንቱ ገኘ ይሁዳ ታይኸር ፣ኧኛ ይሁዳ ዩሪንዳ ምስ ኧኢየሱስ « ጌታ ጌታኞ ኧዋ አለም ሰቭ ታይኸር ኢኢና አኸ ገጋኸ ትትረከቨንረዳ ሁዳ ኧተኸትን? »ባረን።

\v 23 «ኢየሱስቭ ኢረንዴዳ ሰቭ ቃርኛ ይእየ ፤አባመኛ ይረንድኩ፤ኢናቭ ኧሁዳይ ሜኤተነታ ተሁድ እማቲ ንረቭነዴ።
\v 24 ዋአካ ታሁዋ እማቲ ታነሁ ዋ ዘንጋ እንእ ኤኤድኩም፤

\v 25
\v 26 አቭ ቢያ ሹው ኢኬሽኩዳ መንፈስ ቅዱስ ጭን እንእአአር ያትመርሁዋሴ፤ኢያቭ አሁዋ ኤኤድኩዋ ሁዳ እንእ ያዝግድሁዋሴ።
\v 27 ሽኛትቭ ኧችእነሁዋቴ፤ ሽኛትመኛ ኢሁዋቴ ፤ኢያ ኢሁዋታ ሽኛት አለም ኢሁዋታ ሽኛተሀአር አኸረንዳ ፤ሂናሁዋ አይጠረቅ አትፍረውም።

\v 28 ዋአካ ኢያ አርኴ፤ ተዣቨይተሁ አሁዋይ ኧቫአኴ ፤> ትንካ ሰምአሁም ፤አባኛ ቲያ ኢርረኢ ኧኸሬ ፥ኢያ ኧረመድሁኛአር ተኸረ ፥ኢያ አአቪ በሆርትኛ ኢሳርሁዋ ባነደ።
\v 29 ዋዳ ቲኸርካ አሁዋ ታአውሩዋኸ በተርሁ ኤኤድኩም።
\v 30 ኧዋ አለም ዳኘ ኧኸረ ሼጣን ኢቫአይ ኧኸሬ ተዋ ቀጥወ ታሁዋ ኖኦራአር አንዝሬካ፤ ሁዳ ጭን ቢያ ፎር አታአር ዬቪ አይኸነዳ።
\v 31 ቢኸር ኢያ አአቭ ኧረንድኩመኸ ፣ በዋ አለም አነውታ ሰቭ ኢሂሩዋይ ፣ አቭ ኤኤዘዜያአር እንእ ኤኴ፤ተሾዋ ተዌኤዲ ንሆነ» ባረኖም።

\c 15
\p
\v 1 ኧዉረ ኧኸረ ኧዌይን ግንድ ኢያትንሁ ቻዋጅምኋ አባነኛ ።
\v 2 ቢያ አነዳ ቡስር አያፎይ አጤ እንእ አባኛ አንጠ ኢቃሽኩ ፥ቡስር ያበቨሰረካ አጤ እንእ ኢረእ ቡስር ያፎየኸ ኢቅረንጥስኩ ።

\v 3 ቴኤድኩዋ ቃር ኧቫአ አሁዋ ዋአካ ሙጭርንሁዋ።
\v 4 ቢያ ኑዎሩዋ ኢያቭ ባሁዋ ኧምበርሴ፥ አጤ በወይን ግንድ በኸረ ባኸሬ ኦጣኋ ቡስር ያፎዪ አይኸነመኸ ፥አሁም ቢያ ባነፐርሁዋይ ቡስር ታፎሩዋይ አይኸነሁዋታ።

\v 5 ”ኧዌን ግንድ ኢያትንሁ ፥አሁም አጤንሁዋ ፥ ማንኢሞኋ ቢያ ቢረቭር ኢያቭ በሁዳ ብነቭር ሁዳ ኖኦራ ቡስር ያፎይ ፥ኢያ አይቫር ጭን አታአር ኦንኧት አይኸነሁዋታ።
\v 6 ቢያ አይረቭር ሁዳ አንጩም ቃሸዊዮምታ ኢደሩእታ አጤነኸ እም አጤ ቁጥቁጥ ኤፖም ብእሳድ ኢዌክሪዮዋ ።
\v 7 ቢያ ብትረውሩዋ ቃርመኛ ባሁዋ ቢረቭር ፥ ትሱኢዳ ማንየ ዘንጋ ሳአሩዋ ያኩዋሴ ።

\v 8 ኖኦራ ቡስር ትታፎሩዋታ ኢያይ ተማሪ ኧሁርታሁዋ ብታቲሹዋ በዋዳ አቦኛ ኢከብር ።
\v 9 አብ ኢያ ኧረመዴኸ ኢያቭ አሁዋ ነመድኩም ፥ህመኸ ኧኸሬ በርመ ኑዎሩዋ ።

\v 10 ኢያቭ አአቦኛ እዝዝ ቴኤዘዝሁ ኢንአመኸ በርማጀመኋ ኧረቭርመኸ አሁም እዝዝኛ ብቴኤዘዡዋ በርመጀኛ ትምቦሩዋሴ።
\v 11 ኢያ ዋዳ ኤኤድኩዋ ቢያ አነዳ ኧሳርት ባሁዋ ኢረቭርመኸዪ ኧሳርትማሁዋ ሙርአ ይኸርነኸ ።

\v 12 ኢያይ እዝዝ ኢያ አሁዋ ኧረመድኩዋኸ አሁም ገግ ተገጋሁዋ ትትራሞጁዋነኸ ።
\v 13 ሰቭ ነፕሲያኋ ኤኤተ አአቦጎዳኋ ኤኤቶ ታአይዉርት ኢይረእካ ኤኛ ንመጀ ኤነዳ ።

\v 14 ኢኢዝዝሁዋታ ሁዳ ብቲንኦዋ አሁዋ ኢያይ ናማጂንሁዋ ።
\v 15 ሜነኘ ያረቭርኩዳ ምስ ኢንአኩዳ አአር አይሂሪ ኧኸሬ አጀሁዋ ተዋቀጥወ ሜነኘ አንሁዋታ ፥ዘንጋኋ ጭን ተአቦኛ ኧሰምአሁን ሁዳ እንእ አሁዋ ኤኤድኩዋይ ኧኸሬ ናማጂኛ ባኩም።

\v 16 ኢያ አሁዋ ሸፐትኩም ባኸሬ አሁዋ ኢያ አሸፐትሁኝዳ ፥ ታሩዋሜዪ ቡስርቭ ታፎዩዋይ ቡስርማሁዋ ኢረቭሪ ሸፐትኩም ፥በህም ኧቫአ አሁዋ በሹቩኛ ትሶኦሪዳ ሁዳ እንእ አቭ ያሁዋሴ ።
\v 17 ኢያይ እዝዝ አሁምታሁም ትትራሞጁዋነኸ “ባረኖም ።

\v 18 ዠፐረ ኢየሱስ ዋኸ ባረኖም “ኧዋ አለም ሰቭ ቢጠሮኩዋ ታሁዋ ኢፍቲ ኢያ ኧጠኖኘኸ ኋሩዋ ።
\v 19 አሁዋ አአለም ሰቭ ተኸርሁዋ፥ ኧዋ አለም ሰቭ ኧገግሁኖዋ አአር ኧሆሩዋ ሰቭ ኢረጁዋኸ ኢርዎጅኩዋ ባንደ ፥ታአለም ባይተርሁ አዋአኩዋይ ኧኸሬ አሁዋ ኧዋ አለም ሰቭ አኸርሁዋታ፤ኧዋ አለም ሰቭ ኢጠሮኩዋታ ሁዳ በሃ ኧቫአደ።

\v 20 ሜነኘ ቲያረቭርኩዳ ምስ አይረእካ ባሁ ኧዝሬከኩዋ ዘንጋ ኧትዘገድሁዋ ፥ኢያ አትሳተጅኝ በኸረ፣ አሁም ያትሳትጅኩዋቴ፤ ኢያቭ ኤኤድሁኖዋ ቃር ብእራውዋ፥ አሁም ቲኢጂዮታ ቃር ዮኦሮዋሴ።
\v 21 ኧኬሼ ሁዳ አይሂሪ ኧኸሬ ቢያ ኧቫአ ዋዳ እንእ ዪንኦኮኩዋቴ ።
\v 22 ኢያ ሜኤተሁ ታኔኤድኩዋ ባጢር ባኸረዎታ፤ ዋአካ ጭን ኧቫጢርሁኖዋ ያፎድርኮዳአር ኤነኖታ።

\v 23 ኢያ ኢጠራካ አአባመኛ ኢጠራ፥
\v 24 በግትሁኖዋ ኤኛ ሰቭ አኔፕን ሜና ባኒንአ ባጢር ባንኸረዎታ፤ ዋአካ ጭን ዋ ኤፐሁን ወግ ዘንጋ እንእ ባሸዉዋ ቀጥወ ጭን ኢያቭ አአባመኛ ጠኖንረ።
\v 25 እመዳ ኧኸረ “እመኸ ጠኖኝ” ቧርሙ በቂጫሁኖዋ ኧጣᎉ ቃር ዉረ ይኸርኔ ።

\v 26 ኢያ ተአቪ ኧኬሽኩዳ ታአቪ ኢዋአካ ያትፓፓካ ኧዉረ መንፈስ ቲቫአካ ፥ሁዳ ኢኢያአር ያአዉድኒሴ ።
\v 27 አሁም ተአወተረ ቀነስሁም ቲያ ኧረፐርሁዋይ ኧኸሬ ኢያአር ታአዉጅዋሴ ።

\c 16
\p
\v 1 እመዳ እንእ ኤኤድኩዋ ሁዳ እምነታሁዋ ባትቹኡዋይ ትንርን።
\v 2 ኧጠሎት ቲድደሞጅኰዳ ቢድ ያዎኦኩዋቴ፤አአሁዋ ዮኦትርዋታ ሰቭ እንእ « ጎይታ ያጌኪርታአር ኢቨስርኮታ ቀረ ኢቫአኴ።

\v 3 ዋዳ እንእ ዬውታ ሁዳ ኢያቪ አቭቭ አኋሩዋይ ኧኸረንዴ።
\v 4 አሁዋ ዋዳ ኤኤድኩዋ ሁዳ ጭን ወቅትኋ ቲሰርአካ ምር ኧቫኩዋኸ ትዘጉጁዋነኸ።» «ዋዳ ኧዋ ኢፍቲ አኔኤድኩዋ ሁዳ ታሁዋ እማቲ ኧረፐርሁዴ።»

\v 5 «ዋአካ ጭን ኧኬሼ ሁዳይ አርኴ፤ዘንጋ ጭን ታሁዋ ግት ‹ኧቲ ታርኴ› ባረ ኧትሳአሬ ሰቭ ኤነዳ ።
\v 6 ቢኸርቭ ዋዳ እንእ አሁዋ ኤኤድኩዋይ ኖኦራአር ተቨጠጥሁም።
\v 7 ኢያ ጭን ኧውረመኛ ኢኢድሁዋ ፤ ኢያይ ኧሆርት አአሁዋ ወሄናሁዋ፤ኢያ ባምቦርሁ ያቁሟሙርሁዋታ መንፈስ ቅዱስ አሁዋይ አይቫአካ፤ኢያ በዎርሁ ጭን ሁዳ አሁዋይ ኧከሽነሁዋሴ።

\v 8 ሁዳ ቲቫአካ ኧቫጢርአርቪ ኧጥርርነድቫአር፣ኧፍርድአር ኧሰቭ አጪግተ ኢኢድኴ።
\v 9 ኧቫጢራአር አጪግተ ኢኢድካ ሁዳ ሁኖዋ ቢያ አአሞሩዋይ ኧኸረንዴ።
\v 10 ኧጽቃአር አጬገ ኢኢድካ ሁዳ ኢያ አአቪ አሪ ኧኸሬ ፣አሁም ተዋ ቀጥወ ኢኢያ አታዥኚ ኧኸረንዴ፤
\v 11 ኧፍርዳአር አጬገ ኢኢድካ ሁዳ ፥ኧዋ አለም ዳኘ ሼታን <ኧትፈንደዌ> ኧኸረንዴ።

\v 12 «ኢያ አሁዋ ኢኢድሁዋታ ኖኦራ ዘንጋ አነኒ፤ዘንጋ ጭን ዋአካ እንእዎሁኖዋ ትተጩዋይ አይኸነሁዋታ።
\v 13 ኧውረ መንፈስ ቲባአካ ጭን ኧውረ መያይ እንእ ያተሽሁዋሴ፤ ኧውረ መንፈስ ኢዝሬካ ሁዳ ኧሰምአንዳናአር ባሀሬ ተገግኋ አንኸሬ ኧኸሬ ፥ሁዳ በዋቴ ኢኸርካ ሁዳ ኢኢድሁዋቴ።
\v 14 ቲያይ ሁዳ ወሰደ ኢኢድሁዋይ ኧኸሬ ኢያ ያከብሬዴ።

\v 15 አአቫአር ኧኸረ ሁዳ እንእ ኢያትናአር፤<ኢያ ኧኸረ ሁዳ እንእ ውሽተታ አሁዋ ኢኢድሁዋቴ>ኧቫኩዋ ሁዳ ኧዋዳን ባረ።
\v 16 «ተቀሪ ቀረ ቀትወ አታዥኝዳ ፤ ሀአቨ ተቀሪ ቀረ ቀጥወ ታዥኝዴ»ባረ።

\v 17 ተተማሪሞኋ አታትሁኖዋ « ዋ ተቀሪ ቀረ ቀትወ አታዥኝዳ ሀአቨ ‹ተቀሪ ቀረ ቀትወታዥኝዴ› ‹አትቭ አአቪ አርኬ › ይረንረዳ ሁዳ ምርአፈድን? ተዌዌርም።
\v 18 «ዋ ‹ተቀሪ ቀረ ቀጥወ› ኧዋርትኋ ምር ኧዋርትነኋ ዋ ኢዝሬኩዳ ቃር ኢና አገፓንረዳ» ቧርም።

\v 19 ሁኖዋ ኧዋ ዘንጋአር ኢትሳአሪ ኧሴኤውዋኸ ኢየሱስ ሀረታ ፥ አአታሁዋ መትሳአየ ትትሳአርታ ሁዳ«ተቀሪ ቀረ ቀጥወ አታዥኝዳ ፤ ሀአሁታ ተቀሪ ቀረ ቀጥወ ትዥኝዴ ኧቫኩዋቴዪ?
\v 20 ኧውረአአር ኢኢድሁዋ አሁዋ ትዎሁቴ ፤ኧዋ አለም ሰቭ ጭን ኢሽርኮቴ፤አሁዋ ትትወጠጭቴ ፤ ምጥጣሁዋ ጭን በሳርት ኢትሽጋገርኴ።
\v 21 ምሽት ትቲኢኝካ ኧቨእ ግዝየሻ ኧሰንአይ ኧኸሬ ታታንእ፤ትከ ሁዳ በቴኤኘ ቀጥወ ጭን ትከ ኧረከቨቺ ኢሽርካ።

\v 22 ህመኸ አሁዋ ዋአካ ታታኑኡቴ ፤ዘንጋ ጭን ኧውርኤተኘ አዥሁዋቴ፤ኧሳርትማሁዋ አትዎኋ አይቨዳሁዋታ።
\v 23 «በህም ቀረ ቲያ አታአር አትሶኦርታ ኧውረመኛ ኢኢድሁዋ አቭ በሹውኛ በሳአርዂ እንእአአር ያሁዋሴ።
\v 24 ዋአካ ስን ብሹውኛ አታአር አሳአርሁዋታ፤ሳአሩዋ ትኮውዋሴ ኧሳርትማሁዋ ሙራአአር ኢህርሴ።

\v 25 « ዋአካ ስን በሟሟካ ኤኤድኩም ፤ኢያ አአሁዋ በሟሟካ አኒኢድወ ወቅት ኢቫአኴ፤ሀ ግዝየ አአቫአር ኧውየሞኋ ኢኢድሁዋቴ።

\v 26 በህም ቀረ በሽውኛ ትሳአሩዋሴ፤ < ኢያቭ አአሁዋ ትንር አአቭ ኧሳአርኩሴ> አንሁዋታ።
\v 27 እመዳ ኧኸረ ሁዳ አቭ ገግኋ ኢረንድሁዋይ ኧኸረንዴ፤አቭ ኢረንድኋታ ሁዳ አሁዋ ኢኢያ ትረንጅኚ ኧኸረሜዪ ኢያብ ተጎይታይ ኧኻአሆኸ አአመርሁዋቴ።
\v 28 ኢያ ታአቪ ዋአሁታ ኧዋ አልለሚ ማአሁ፤ዋአካ ዋ አለም ቴእተሁታ አአቪ አርኴ» ባረኖም።

\v 29 ተማሪሞኋ «ዋአካ በሟሟካ ታይኸር ኧውየሞኋ ዝሬኬንረ።
\v 30 አኸ እንእአአር ትሂርመኸዪ እማትቭ ሰቭ ኢትሳአርሄ አያትሲኧኸ ዋአካ ሀነ፤ ኧቫአኸቭ ተጎይታይ ኧቫአኸኸ ኢና ናአቭነ» ቧርም ።
\v 31 ኢየሱስቭ «ዋአካሁ አመርሁሚ ?

\v 32 ቢድ ቢዳሁዋይ ትትውራጭኰዳቪ ኢያቭ ኧዎጣኛ ትቹኡኝዳ ወቅት ኢቫአኴ፤ ግዝየሞኋ ዋአካ ሰንአ ፤ ዘንጋ ጭን አቭ ቲያ ኧኸሬ ኧዎጣኛ አንኸርኋ።
\v 33 ኢያቭ ኧቫኩዋ ሁዳ ቢያ ሂንተሁዋ ሽኛት ተረሁዋነኸ ፤ በዋ አለም ታነሁዋ መከራ አነዎሁዋ፤ዘንግ ጭን አታታሩኡዋ፤ ኢያ ዋ አለም ኤመሁን»ባረኖም።

\c 17
\p
\v 1 ኢየሱስ ዋዳ በቫረ ቀጥወ ኢፍትኋ ኧሳቫዪ ኤፐ ቲያዥ « አባኞ ወቅትኋ ሰንአ ፤ትካኸ አኸ ያከብመኸ ፣አኸቭ ትካኸ አክብርኩ» ባረ ጠሎት ኤፐ።
\v 2 ታከብርኩዳቭ ሁዳ ፣አኸን ሰቭ እንእ ኧዘላለም አያ ዬቪ በሰቭ ፎር እንእ ኧሾምኸኒ ኧኸረንዴ።

\v 3 ኧዘላለም አያ ኧሁርት ኧዋርት ፣ ኧዎጣማኸ ኧታአመርኽ ጎይታ ኧኸርኸ አኸቪ ፣ኧኬሸኸን ኢየሱስ ክርስቶስቭ ኧኋርትን።
\v 4 አኸ ኤኲ አሄ ሜና ኤፐሁ ጀፐርሁታ በዋ አፈር አኸ አከበርከ።
\v 5 ዋአካቭ አባኞ አፈር ተሳቫይ ታይፎጠሩዋ ታኸ እማቲ በረፐረኒ ክብር ባሄ አክብሬ።

\v 6 አኸ ተዋ አለም ሸፐትኸ አቭሄ ሰቭ፥ አኸ ማን ኧኸርኸኸ አትሄርሁኖም፤ ሁኖም አሀአር ባነውተ ፤ ኢኢያቭ አቭሄ ሁኖዋ ቃራኸ እራውም።
\v 7 አኸ ኢያ አቭሄ ሁዳ እንእ ታሄ ኧቫአኸ ሁኖዋ ወካ ኋርም።
\v 8 አኸ ኢኢያ አአሄ ቃር ኧሁኖም አሁኖም፤ሁኖም ቴኤፖርም፤ኢያቭ ታሄ ኧቫአሆኸ አጬጉም ኋርም፤ ኢያቭ አኸ ኧኬሸሄኸ ሁኖም አሞርም።

\v 9 ኢያቭ በጠሎት ኧሰኧኖታ ኧሁኖትን፤ ዋ አቭሄ ሰቭ አሀአር ኧሆሩዋይ ኧኸሬ ፣ ኧሁኖዋ ኧሰኧኖዋ ባሀሬ አአለም ሰቭ አንሰኧኖታ።
\v 10 ኢያአር ኧኸረ ሁዳ እንእ አኸትናአር፤ አኸቭአአር ኧኸረ ሁዳ እንእ ኢያትናአር፤ ኢያቭ በሁኖዋ ኧከብር።
\v 11 ኢያ ተዋ ቀጥወ በዋ አለም አነቭርካ፤ ሁኖዋ ጭን በዋ አለም ኢረውሩቴ፤ ኢያ አሄ ኧቫአኴ፤ ቅዱስ አባኞ ኢያዪ አኸ እማት ኧኸነመኸ ሁኖም እማት ኢሆሩዋይ ኢኢያ ባሄ በሹዋኸ ደረግ ኧየኮዋ ።

\v 12 ተሁኖዋ ታነሁ ኢኢያ ባንሄ ሹዋኸ እየሁኖም፤ ኢያ እየሁኖም፤ ዘንጋ ጭን ኧጣፈ ኧትንቢት ቃር ውረ ኧኸሬ ፣እእፋድ ትከ ባሀሬ ተሁኖዋ አት ሰቭ አነኧኘዳ ።
\v 13 ዋአካ ኢያ አሄ ኧቫአኴ፤በዋ አለም ታነሁ ዋዳ እካ ሁዳ መትራርእኛ በሁኖዋ ኢኸኔ።
\v 14 አኸ ኢያ አቭሄ ቃር ኤኤድሁኖም፤ኢያ ተዋ አለም ሰቭ አኸርሁመኸ ሁኖም ተዋ አልለም ሰቭ አሆሩዋይ ኧኸሬ ፣ኧዋ አለም ሰቭ ኧሁኖዋ ጠኖዮም።

\v 15 አኸ ተውጥጥአአር ትእየኮይ ባሀሬ ፣ተዋ አለም ታዋአኮይ አንሰኧርኸዳ።
\v 16 ኢያ ተዋ አለም ሰቭ አኸርሁመኸ ሁኖም ተዋ አለም ሰቭ አሆርታ።
\v 17 በውረቭ ቃራኸ አቭጥርኮዋ፤ ቃርማኸ ኧውረምን።

\v 18 አኸ ኢያ ኧዋ አለሚ ኧኬሸሄመኸ ፥ ኢያቭ ኧሁኖዋ በዋ አለም እንእ ያሩዋይ ኬሸሁኖም።
\v 19 ሁኖዋ ኧውረ ሙጭር ኢሆሩዋይ ፣ኧሁኖዋ ትንር ኢያ ገግኛ ቀደስሁ ።

\v 20 «በሁኖዋይ አጋድ ቢያ አአሞሩዋ ሁኖዋአር ኧሰኧርኸ ባሀሬ እማት ኧሁኖዋአር አንሰኧርኸዳ ።
\v 21 ኢያ ኧሰኧርኸዳ ሁዳ ሁኖዋ እማት ኢሆሩዋኔ፤አባኞ አኸ ቢያ ትረቭርመኸ ኢያቭ ባኸ ኧረቭርመኸ ሁኖም ቢያ ኢረውሩዋይ ኧሰኧርኸ ፤ በዋ አይነት አኸ ኢኢያ ኧኬሸሄኸ አአለም ኧዋ አለም ሰቭ ኢሂሩዋኔ ።

\v 22 ኢና እማት ኧኸነመኸ ሁሞም እማት ኢሆሩዋይ ኢኢያ አሄ ክብር ኧሁኖም አኮዋ ።
\v 23 ኢያ በሁኖ፣ አኸቭ ቢያ ሂንተኸታ ፣ሁኖዋ አቸ አት ኢሆሩዋይ ኧሰኧርኸ ፤ ህመኸ አኸ ኢያ ኧኬሸሄመኸ ፤አኸቭ ኢኢያ ኧረመድሄያአህር፣ ኧሁኖም ኧረድኮኸ አአለም ሰቭ ኢሂሩዋኔ ።

\v 24 አባኞ አለም ታይፈጠር ኧረመድኸዪ፣ አቭሄ ክብር ያዡዋይ፣ ዋ አኸ አቭሄ ሰቭ ኢያ ብንነቭርወዳ ኤኤዲ ቲያ እማቲ ኢረውሩዋይ ኧሲእ።

\v 25 ጥርር አባኞ ኧዋ አለም ሰቭ አኸ አኋርከዳ ፤ ኢያ ጭን ኧሂርኸ፤እሞሁኖዋ አኸ ኧኬሸሄኸ ኢሂሩዋ ።
\v 26 አኸ ኢኢያ ኧረመድሁወ ንመጀ በሁኖም ኢረቭረኸ ፣ኢያቭ በሁኖዋ ኧኸረኸ ፣ ሁኖዋ አኸ ኢሂሩዋኸ ኤፐሁ፤ ትእም ቀጥወ አኸ ኢሂሩዋኸ ኤኮቴ።»

\c 18
\p
\v 1 ኢየሱስ ሀኸ ባረ ተዝሬከ ቀጥወ ተተማሪሞኋ ቄድሮን ዩሪዳ እሃ ሀአ አጋድ ዎኦምታ በህሜ ኧረፐረ ኧጀጋር ብርኧ ኤኤዲ ጎፖም ።
\v 2 ኢየሱስ ተተማሪሞኋ ኖኦራ ግዚየ በሀይ ኢደሞጁዋ ኧረፐሬ ኧኸ፣ ኢኢየስሱስ አዋአ ኧራት አአይፐረን ይሁዳ ኤኤድኋይ ኢይሂርኩ ባነደ ።
\v 3 ህምኸ ኧኸረሜ ዩሁዳ ወታደር፣ ኧካህናት አላቃዪ ኧፈሪሳ ሰቭ ኧኬሸዉየዋ ኪሸረኘቭ አሄተረታ ኧጀጋር ብርኧ ኢንኧኰዳ ኤኤዲ ማአ ፤ ሁኖም ጦድ ፋኖስቪ አአርቭ ግቭር ጦቦጩም ባነደ ።

\v 4 ኢሱስቭ ኢሰርአወዳ ዘጋ እንእ ሀረ፤ ኧሁኖሜ ማአታ “ማን ትሱኡዋ?” ባረኖም ።
\v 5 ሁኖም “ኧናዝሬት ኢየሱስ ንሲእነ” ቧሪ።ሁድቭ “ኢያትንሁ”ባረኖም። አዋአቭ ያይፒርኩዳ ይሁዳቭ በህመኸ ተሁኖም ተሸከቨ ባንደ ።

\v 6 ኢየሱስቭ ኢያትንሁ ቢይቭኮዋ ኢይኢኒየ ወርምታ ባአፈር ወተኡም ፥
\v 7 ኢየሱስ ሀአቨ”ማን ትሱኡዋ?”ባረ ተሳአረኖም ።ሁኖም “ኧናዝሬት ኢየሱስ ንሲእነ” ቧሪ።ኢየሱስቭ “ኢያትንሁ አባኩዋታ ኢያ ትሱኡዋ በኸረ ዋሁኖዋ ቶኡዮዋ ኧሆሩዋ”ባረኖም ።

\v 8
\v 9 እመኸቭ ኧኸረ “አባኛ አኸ ኢኢያ ታሄ ሰቭ እማትቭ አነኧኘቪዳ”ኧቫረን ቃርኋ ኧዉረ ይኸርኔን ።

\v 10 ስሞን ጴጥሮስቭ ጎራዴኧ ጠበጠ ባነደ፤ሁድ ጎራዴኤኋ አዋአታ ኧሊቀ ካሕን ሁዳይ አሽክር ቀነ እዝርኋ አንጠ ቃሽን፤ አአሽክር ሁድሜ ሹው ማልኮስ ዩቩሪ ባንደ።
\v 11 ኢየሱስ ጭን ኧጴጥሮስ”ጎራዴአኸ በቮናኸ ዣቭር ህርአኩ አቭ ኢያኢ አቬ ኧቨከራ ጥዋ አሰጭካ?”ባረን ።

\v 12 ተህም ቀጥወ ወታደር ሁኖዋ ታአላቃመሁኖዋዪ ፣ተዩሁዳ ሰቪ አሽክር ኢኢየስሱስ ጦቦጩም አኮጂ ።
\v 13 አወተረቭ ኧቀያፋይ አቫይኬ ኧሐናይ ዎሰጂ። ቀያፋቭ ኧዘቨርኋ ኧካህናት አላቃ ባንደ ።
\v 14 ቀያፋቭ “አት ምስ ኧሰቭ እንእ ቲቭር ቢዎድ ኢፈዝ” ቲቭር ኧዩሁዳ ገኘ ባሪቅ ኧቨከረኖዋ ሁዳ ባነደ።

\v 15 ስምኦን ጴጥሮስቪ አትቭ ኧኛ ተማሪቭ ኧኢየሱስ ተሄተሪ ፥እም ተማሪ ኧካህናት አላቃ ሁነዋ ኢሂሪ ኧረፐሬ ኧኸሬ ኧሊቀ ካህን ሁኖዋይ ወረጀ ገፓ ።
\v 16 ጴጥሮስ ጭን ጆፎረ ተሸከቨ ፥ተሊቀ ካህን ሁኖዋ ኢትሄርካ ተማሪ ሁዳ ተዠፐረ ዋአታ ቦኡር ኡፎቻ ኧትሸከቨች ገረድ ሳአረናታ ፥ ኧጴጥሮስ ጠበጠ ከስር አጋድ አገፓን ጠበጠን ገፓ ።

\v 17 ኦኡር ኡፎቻ ቲኢየካ ገረድ ሂዳ ኧጴጥሮስ “አኸ ተዋ ምሲ ተማሪ አት አኸርኸዳ?”ባረቸን ፥ሁድቭ ትቲንትታአር “አሀርኋ”ባረና።
\v 18 ግዝየኋ ዉርቀ ኧረፐሬ ኧኸሬ ሜነኘዪ አሽክርቭ ሁኖዋ ኧከሰል እሳድ አጣቦጩምታ ይዎእኮዋ ባነደ ፥ጴጥሮስቭ ተሁኖም ቸና እሳድ ኢዎእኩ ባነድ ።

\v 19 ህም ግዝየ ሊቀ ካህን ሁዳ ኢኢየሱስ ኧተማሪሞኋዪ ኧትምርትሞኋ አአር ተሳአረን ።
\v 20 ኢየሱስቭ ዋኸ ቲቭር ዠፐረነ “ኢያ ኧሰቭ እንእ ኧዉየሞኋ ዝሬከሁ፤ ኧዩሁዳ ሰቭ እንእ ቢደሞጅኮዳ ቢድ በቬተ መቅደስቭ እንእ ግዚየ አትመርሁ ባኸሬ ድኢተሁ አታአር አዝሬከኋ ።
\v 21 አኸ ኢኢያ ኧቭር ትትሳአሬ? ኢያ ኧሰምኦኝ ሁኖዋ ተሳአርኮዋ ኢያ ኧዝሬከሁን ቃር ሁኖዋ ኢይሂሩዋ”ባረን ።

\v 22 ኢየሱስ ዋኸ ባረ ቲዝሬከ፥ በሀኸ ተትሸኮዉዋ አሽክር አትሁዳ ኧኢየሱስ “ኧሊቀ ካህን ኧተኸትን መልስ ትዠፕር ካሁዳ?”ባረታ ወኽድኋ ኧፋን ።
\v 23 ኢየሱስቭ “ሙጥጥ አአር በዝሬከሁ አዉድ ኧዉረ አአር በዝሬከሁ ጭን ኧቭር ትደርጌ?”ባረን ።
\v 24 ሀናቭ ኧኢየሱስ ባአኮጂመኸ ኧሊቀ ካህን ኧቀያፋይ ኬሸን።

\v 25 በህም ግዚየ ስምኦን ጴጥሮስ ተሸከቨ እሳድ ቲዎእኩዳ “ኧኛ ሰቭ አኽሁ ተኢየሱሲ ተማሪ አትሁዳ አኸ አኸርኽዳ?” ቧሪ ፥ሁድቭ “አኸርኋ” ባረ ኸታ ።
\v 26 ጴጥሮስ እንዝርኋ አንጠንምሲ ዶበኋ ኧኸርአአር ተሊቀ ካህኒ አሽክር አትሁዳ “ኢያ በጀጋር ብርኧ ኤኤዲ አኸ ተሁዳ አናሸከዳ? ኤኤድይ ተሁዳ እማቲ አናሸከዳ?”ባረን።
\v 27 ጴጥሮስቭ ሀአቭቨ ኸታ፣ህመጋ ኩታራ ኖኧ ።

\v 28 ተህም ቀጥወ አአይሁድ ሰቭ ኧኢየሱስ ተቀያፋይ አዎኦዪታ እእሮማ ገኘ ዳኜ ወረጀ ዎሰጂ ፤ግዚየመኋ ሱቢ እረርኧ ባነደ ፥ኧዩሁዳቭ ሰቭ ኧፋሲጋ ሸረድ ታይዎርኦዋ ባይሰርሁዋይ ቧርንታ ኧዳኘ ሁዳይ ኦኡር ከሲ አጎፖታ።
\v 29 በህም ኧቫአ ዳኘ ጲላንጦስ ኧሁኖዋይ ዋአታ “ዋ ምስ ምር ኤፐባሁም ትኮስሺ” ባረ ተሳአረኖም ።
\v 30 ሁኖም “ዋ ምስ ሙጥጥ ታኔፐ አአኽ ኤኤተነ ባናአይፐርኔከዳ”ቧሪ።

\v 31 ጲላንጦስቭ አሁዋ ገጋሁዋ ዉስቹም ኧቂጫሁዋኸ ፉርጅኵ”ባረኖም፥ኧዩሁዳ ሰቭ “ኢና በአትዎኋ ፎር ኧውድ ፍርድ ንፈርድኔ አይትቨቃንረዳ”ቧሪ ።
\v 32 ዋመዳ ኧኸረሁዳ ኢየሱስ በቭር አይነት ሙድ ኢዎደኸ ኧዝሬከን ቃር ኧዉረ ይኸርኔን ።

\v 33 ጲላንጦስ ወረጀኋይ ተዘፐረ ገፓ ኧኢየሱስ ኸናንታ “አኸ ኧዩሁዳ ንጕስንሄ?”ባረ ተሳአረን ።
\v 34 ኢየሱስቭ ዋኸ ኧዋርታኸ ተገግናኸዪ ዌ ኤኛ ሰቭ ኢኢያአር ኤኤደናኸታነዳን?”ባረን ።
\v 35 ጲላንጦስቭ ዠፐረታ” ኢያ ኧዩሁዳ ስሰቭንዂ? አኽ ኢኢያ አዎዖም አአይፖርከ ኧገኘማኸ ሰቪ ፣ ኧካህናት አላቃኖዋ፤ ሁድሞኋ አአፋኽን ሁዳ ምርአፈድን?”ባረን ።

\v 36 ኢየሱስ ዠፐረታ “ኢያይ መንግስት ተዋ አለም መንግስት አኸረዳ፤ ኢያይ መንግስት ተዋ አለም ተኸረ ኧይሁዳ ሰቭ አይጠጭኝኸ ኢይትሄተርኝዳ ሁኖዋ ኢትዋጎኒ ባነደ ፥ዋአካ ጭን ኢያይ መንግስት ተዋ አለም እኸረዳ”ባረን ።
\v 37 ጲላጦስቭ “እህ ባቴ ንጕስንኸ ኧዋርትና!” ባረን ፥ኢየሱስቭ “ኢያንኩስ ኧኸርዀኸ አአውጅታኸ ውረምን፤

\v 38 ኧቴኤኘሁ ሁዳ፣ እእም አለኒ ኧቫአሁቭ ሁዳ ኧውረአአር ኢኢድኔ፤ኧውራአር ኢሲኢካ ሰቭ እንእ ኢረንዴ። ጲላጦስቭ፣«ውረአአር ኧዋርት ምር ኧዋርትን?» ሁድቭ ዋኸ ባረ ተዝሬከ ቅጥወ ሀአቨ ተዠፐረ አአይሁድ ሰቪ ወረታ ፥«ኢያ በኢየሱስ ኧፈርድዌ አት እፋድ ዳር አነከሁወዳ ፥
\v 39 ዘጋኋ ጭን በፋሲጋሙርአ አታት ሰቭ ኢፎጆኖኩዋይ አዎኔ ቂጫ አነነሁዋ፤ እምኸ ኧኸሬ አአይሁድ ንኩስ ኧፈዳነሁዋይ ትሱኡዋ? »
\v 40 ሁኖዋ ጭን ፎር ቶፎር“ባአይ አኸረዳ በርባን ፍዳንረ ባኸሬ ሁዳ አትፍዳንረ!”ቧርሙታ አትኋኖም ፥ በርባን ጭን ሽፍጣ ባነደ።

\c 19
\p
\v 1 ህም ግዝየ ጲላጦስ ኧኢየሱስ ወሰደ አድጌፈረን ።
\v 2 ወታደርቭ ኧሶህ ዘውድ አጣወርምታ በኢየሱስ በጉንኧርኋ ደፎነ፤ ብሻቭ ካባ አሆተሪ።
\v 3 ኧሁድሜ ሞኦምታ ቲያኬሽኰ « ኧይሁዳ ንጉሶ ወገሬት አኸ ኧህር » ቲዩሩዋ ወኸድኋ ዮኦፌ ባነደ።

\v 4 ጲላጦስቭ ሀአቨ ዋረጀ ዋአታ፣ ኧይሁዳ ሰቭ «ሱኦዋ አሁዋይ አቫአሁን ሁዳ ያትኬስስኩዳ እፋድ አነኮሁዋኸ ቲሂሩዋነኸ» ባረኖም። 
\v 5-6 ኢየሱስ ኧሶህ አክሊል ደፋታ ብሻ ሁጅር ተኸተረ ዋአ፤ ጲላጦስቭ «እኩ ምስ ሁዳ» ባረኖም። ኧካህን አላቃቪ ኧኛሞሁኖዋ ቢያዢ« ስእርኩ! ስእርኩ» ቧርም አትኋኖም።ጲላጦስ ጭን «አሁዋ ውስቹም ሱኡሪ፤ቢያኸ ኧቅጣት ያቨቃኩዳ እፋድ አነከሁወዳ» ባረኖም።

\v 7 አአይሁድቭ ሰቭ ኢና ቂጫ አነንረ ገግኋ ኧጎይታ ትከ ኤፔ ኧኸሬ ኧቂቻንራኸ ኧውጅት አነወ» ቧርም።
\v 8 ጲላጦስ ዋዳ ቢሰቭአ ቲኢፍት ኢረእ ፈኘ፤
\v 9 ተዠፐረ ከስር አጋድ ግገፓታ « ተኧትኔ ኧቫአኸ?» ባረ ተሳአረን፤ኢየሱስ ጭን አታአር አዠፐረነዳ።

\v 10 ጲላጦስቭ ኧኢየሱስ አታዝራኬዳ? ኧኧትርኸመዪ ኧፈዳኸሜ ዳኝነድ አነኒኸ አትሂርካ?» ባረን።
\v 11 ኢየሱስቭ ቶፈሬ ታንቴቨናኸ ቢያ ፎር ዳኝነድ ባነፐረነኸዳ፤እመኸ ኧኸሬ አአኸ አዋአ አኤፐሬ ሰቭ ኢረእካ ፍርድ አነወ« ባረን።

\v 12 ተሀ ቀጥወ ጲላጥስ ኧኢየሱስ ኢፈዳኲ ሴኧ፤አአይሁድ ሰቭ ጭን« ዋ ምስ በፈታኸን ኧቄሳር ናማጂ አኸርኸዳ ፤ገግኋ ንኩስ ዬካ ሰቭ ኧቄሳር ጠራትን» ቧርም አትኋሮት ቆነሽሁም።
\v 13 ጲላጦስ ዋ ኧዋሪ ሁዳ ቢሰቫ ኧኢየሱስ ወረጀ አዋአንታ«አኧዝራካ እቭር» ቢዩሪዳ ኤኤዲ በፍርድ ችሮት ቸና፤እም ኤኤዲ ባአረማይክ ቃር «ገበታ» ዩሪ።

\v 14 ቀረሞኋ ኧፋሲጋ ሙርአአር ኢጌኪርኰዳ ቀረ ባነደ ፤ ወቅትሞኋ ስድስት ሳአት ኢኸርካ ግዝየ ባነደ።
\v 15 ፒላጦስቭ ኧይሁዳ ሰቭ «ኡክ ንኩሳሁዋ» ባረኖም ። 15. ሁኖዋ ጭን፥ «አፍካኩ! አፍካኩ! ስእርኩ! » ቧርም አሆኖም ።ጲላጦስ « ንጉሳሁዋ ንስእርኲ?» ባረ።ኧካህን አላቃቭ «ተቄሳር ኧኛአር ንጉስ ኤነንረዳ» ቧርም ዦፖነ።
\v 16 ተቀጥወሞኋ ጲላጦስ ኢሶኡሪ አዋአ አኤፐረኖም፤ ወታደርቭ ኧኢየሱስ ጠቦጩም ወሰጂ፤

\v 17 ኢየሱስ ኢሶኡርኰዳ መስቀር ፌነገታ«ኧጉንኧር አእቭ ዩሪዳ ኤኤዲ ወረ፤ እም ኤኤዲ በእብራይስጥ ቃር «ጎልጎታ »ዩሪ።
\v 18 በህሜ ሶኦሪ፤ተሁድ እማቲ አት ሁድ ተዋ እአጋድ ፣አት ሁዳ ተሀ አጋድ ኢየሱስቭ በግትሁኖዋ አጎፖም ሶኦሪዮም።

\v 19 ጲላጦስቭ «ኧናዝሬት ኢየሱስ ኧይሁዳ ሰቭ ንጉስ ይካ ጥፈት ጣፈ ኢየሱስ በሶኦርኰ ኤኧ ፎር ሱኡሪ» ባረ ።
\v 20 ኢየሱስ ኧትሰኧረወ ኤኤዲ ኧከተማ እናወ ኧረፐሬ ኧኸሬ ኖኦራ ኧይሁዳ ሰቭ ጥፈት ሁዳ አረቦቢ፤ ጥፈትሞኋ ኧጣᎉ ሁዳ በእብራይስጥ፣ በላቲንቪ በግሪክቭ ቃር ባነደ።

\v 21 ኧይሁዳ ሰቪ ኧካህን አላቃቭ «ዋ ምስ ኧይሁዳ ሰቭ ንጉስንሁ ባረ > ባር ጣፍ ባሀሬ «አኸ <ኧይሁዳ ገኘ ንጉስን> ባይተኸ አአጣፍ፤ » ቧሪ።
\v 22 ጲላጦስ ጭን ኧጣፍሁን ሁዳ አተጋ ጣፍሁ » ባረ ።

\v 23-24 ወታደርቭ ሁኖዋ ኧኢየሱስ ተሶኦሪ ቀጥወ ሁጅርኋ ወሰጁምታ እንእዎሁኖዋ ኢሰርአኮኸ አርቭአቲ ሻኮጂ፤ ዴኪየ ቃምቢሳሞኋ ቦቾም፤ ቃምቢሳሞኋ አዴክኮም ኤፖዊያአር ባነደ።ወታደርቭ ሁኖዋ «ኧርጥ ነድግነታ ኧሰንአን ሰቭ ኧስርአኩ ባሀሬ አንተርትኔዳ » ተዌዌርም። እመዳ ኧኸረ ሁዳ ፣ « ሁጅርኛ ተሻኮጂ ፤ በዴኪየ ሁጅርመኛ ኧርጥ አተኰ » ይካ ኧመጣፍ ቃር ኧዋሪመኸ ኢኸኔ። ወታደርቭ ሁኖዋ ኤፖዊ እመዳምን ።

\v 25 ኢየሱስ በሶኦርኰ መስቀር ምዬ አዶድሞኋዪ አአዶድሞኋይ አተም ፥ ኧቀሊዮጳይ ምሽት ማርያም ፣ኧመግደላ ማርያም ተሸከቭም ባነደ።
\v 26 ኢየሱስ አዶድሞኋዪ ኢረንድኩ ኧረፐረ ተማሪኋ ኧቭየኋይ በትሸኮውዋይ አሽኖምታ ፥«አአዶድኋ አዶድኞ እኩ ኧቻሽ!» ባረና።
\v 27 ኢየሱስ ኧተማሪኋ «ሁክ አዶዳኸ » ተህም ግዝየ ቀሰነሰታ ቢድኋይ ወሰደና።

\v 28 ተህም ቀጥወ ኢየሱስ እንእአአር አነኧኸ ሀረታ ኧጎይታ ቃር ቢኢድካ መጣፍ ውረ ኢኸሪ «ጠማዪ» ባረ ።
\v 29 አቌ ኧቫረ ወይን ኧቬንአወ ግብር በሀይ አዎኖዪ ባነደ፤ በህም ኤኤዲ ኧሮፖሩዋ ሰቭ አቌ ኧቫረ ወይን ብእስፖጅ ጬፎምታ ሂሶጵ ቢዩሪንዳ ኤኤኧ አጥረተርምታ ኧኢየሱስ አንቃኋይ አቴኤነውነ ።
\v 30 ኢየሱስ አንቌ ኧቫረ ወይን ተቀመሰ ቀጥወ «አነኧ» ባረታ መመርኋ ሰፐረታ ሞደ።

\v 31-32 ተህም ቀጥወ ኧግርኋ ስቪቶ ተቨስቀር ያወቺ ኧጲላጦስ ሳአሪ፤እመኸ ኤኤፖውዋ ሁዳ ኧሰንበት ቀረ ያትኬሽካአር ቁጥ ቁጥ ኢንኧኰዳ ቀረ ኧረፐሬ ኧኸሬ ፣ህም ስምበት ኑእ ሙርአ ኧረፐሬ ኧኸሬ ፣ኧሶኦሪዮዋ ሰቭ በሰምበት ቀረ ኒሳሁኖዋ ቤኧ ፎር አይወኧረኸ ባነደ።በህም ኧቫአ ወታደር ዎርምታ ተኢየሱስ እማቲ በጉራሞኋዪ በቀነሞኋ ኧሶኦሪዮዋ ሰቭ በኘሁኖዋ ሶጵሪዮም። 
\v 33 ወትደር ሁኖዋ ኧኢየሱሲ ቢቴኤኖውዋ ጭን ሁዳ በተረ ኧዎደኸ አሾምታ በኘኋ አንሶፖሪዳ።

\v 34 ዘንጋ ጭን ወታደር ሁኖዋ አት ሁዳ ኧኢየሱስ ኔቨኋ በጮኸ ወካን፤ ህም ተህም ደቭቪ እሀቭ ወደን።
\v 35 እመዳ አሸ ምስ አሁዋ ታአውሩዋኸ ሄቶ ኤኤደ፤ኤኤደን ኧሄቶ ቃር ኧውረምን፤ሁዳ ኢዝሬኩዳ ሁዳ ውረ ኧኸረኸ ሁድቭ ኢሂር።

\v 36 እመዳ ኧኸረ ሁዳ «ታእቭኋ አት ሁዳ ስን አይትሰፐርካ » ይካ ኧመጣፍ ቅዱስ ቃር ውረ ኢኸኔ።
\v 37 ኧኛቭ ኧትንቢት መጣፍ « ኧዎኰዪ ሁኖዋ ያዢዴ» ይሪ ኧኸረንዴ።

\v 38 ኧኢየሱሲ ተማሪ ኧረፐረ አአርማቲያስ ገኘ ዬስፍ ዩሪንዳ ምስ ኧይሁዳ ገኘ ሰቪ ዳኘ በፍረውት በዱኡራቸ ኧጲላጦሲ ወረታ፣ ኧኢየሱሲ ኒሳ ንታ ንሆር ባረ ሳአረን፤ ሁድ ጲላጦስ በፈቀደነጋ ማአታ ኧኢየሱሲ ኒሳ በታ ወረ።
\v 39 ኧዋ ኢፍቲ በኧዳር ኧኢየሱሲ ኧወረ ኒቆዲሞስቭ ተሁድ ወረ፤ሁድ ሳሳ አት ግራም ከርቤኤቪ ኧቁራቆሪ ቅባት ጠበጠታ ማአ።

\v 40 ውርኤቸሞሁኖዋ ኧኢየሱሲ ኒሳ፥ቦቾም ዎርምታ ኧይሁዳ ሰቭ ኒሳ ኢኮፍኒመኸ ተቅባት እማቲ ታልባ ኧስር ቴፖዊ ቤዊ ጨርቅ ።
\v 41 ኢየሱስ በሶኦርኰ ኤኤዲ ኧጀጋር ብርኧ ቢንኧኰዳ ኤኤዲ ባነደ፤ በህም ኧጀጋር ብርኧ ቢንኧኰዳ ኤኤዲ አትዎኋ አትዌኬወ ቀብር ባነደ።
\v 42 ቀረሞኋ ኧሰበት ቀረ ያትኬሽካአር ኢጌኪርኰዳ ቀረ ኧረፐሬ ኧኸረመዪ፣ቀብርቭ ሁዳ እናወ ኤኤዲ ኧረፐሬ ኧኢየሱሲ ኒሳ በሄኤዲ ሞኬዊ።

\c 20
\p
\v 1 በሳምትኋ አአወተረ ቀረ ውርሰንበት ጋአት እረርኧ ገኪተ ጋእ ታይር አቸ ጠነቫሞኋ ታነ መግደላዊት ማርያም ኧኢየሱሲ ሞገማይ ወረች፤ ሞገማቭ ሁዳ ኤኤፎኰ ኑእየ እቭር ክቨነረ ሀይ በወሬ አሸች
\v 2 በህም ኧቫአ ኧስምኦን ጴጥሮስሜዪ ኢየሱስ ኢረንድኩቭ ኧረፐረ ተማሪሜ ትትራውእ ወረችታ « ጌታ ኢየሱስ ተቀብር አዎኦምታ ቦቾም ዎሩም፤ ኧቲ አወኔመኸ አሀነዳ» ባረቸኖም።

\v 3 ህም ግዝየ ጴጥኮስቪ አት ኧኛ ኧኢየሱሲ ተማሪቭ ዎኦምታ ኧኢየሱሲ ሞገማይ ዎርም ።
\v 4 ውርኤቸሞሁኖዋ ተራዎኡምታ አት ሁዳ ተጴጥሮስ በተረን ኧሞገማይ ሰንአ።
\v 5 ሁድቭ ኧሞገማ ከሲ ሙግ ባረ ቢያዥ ፥በሄኤዲ ኧከፈን ሁጅር በወተኤ አሸ፤ ኧሞገማ ከሲ አንገፓዳ ።

\v 6 ስምኦን ጴጥሮስ ጭን ትተሄተርን ማአታ ኧሞገማ ከሲ ገፓ ፤ ሁድቭ ኧከፈን ጨርቅ በወተኤ አሸ ።
\v 7 ህመኸ በኢየሱሲ ጉንኧር ኧሽፏነሪ ጨርቅ ተከፈን ሁጅር ተባይተረ ኧዎጣሞኋይ በጥዋነሪ ኤኤዲ አሸ።

\v 8 ተህም ቀጥወ ሀ በተረ ኧሰንአ ኧኢየሱሲ ተማሪ ኧሞገማ ከሲ ገፓ አሸታ አመረ ።
\v 9 «ኢየሱስ ክርስቶስ ተውንድ ኧተሸት አነወ» ይካ ኧመጣፍቃር ሀ ግዝየ ስን አᎆሰሩዋ ባነደ።
\v 10 ተህም ቀጥወ ውርኤቸ ኧኢየሱሲ ተማሪኋ ተዦፖርም ቢድሁኖዋይ ዎርም።

\v 11 ኧመግደላ ማርያም ኧሞገማ ከሲ ታድጋአ ፣ሰቻይ ተሸከቨች ትቤህ ባነደ። ህሂድቭ ትትቬህ ሙግ ባረች ኧሞገማ ከሲ አሸች።
\v 12 ኧኢየሱሲ ኒሳ በረፐረወ ኤኤዲ ጓድ ሁጅር ኧትሆተሩዋ ውርኤት መላአይካ ፥አት ሁዳ በጉንኧርኋይ፣ አት ሁዳ በኧግርኋይ በቸኖዋይ አሸች።
\v 13 ሁኖም ኧቭሽት ሂዳ «ምሽቶ ኧቭር ትቬሂዋ?» ቧርም ተሳአሪያ፤ሂድቭ ጌታኛ ቦቾም ዎርም፤ኧቲ ኧወሰጂመኸ አሀርኋ » ባረቸን።

\v 14 ህመኸ ባረችታ ተዥቫፐረች ብታዥ ኢየሱስ በትሸከቨ ኤኤዲ ነኸቨቸን ፤ሂዳ ጭን ኢየሱስ ኧኸረኸ አሀረች ባነደ ።
\v 15 ኢየሱስቭ « ምሽቶ ኧቭር ትቤሂዋ? » ማንተን ትሲኢታ ሁዳ? » ባረና ፤ ሂድቭ ኧጀጋር ብርኧ ኤኤዲ ኢቹትካ ምስ መሰረናታ « ጌታኛ ኧወሰድኸን አኸ በኸርኸ ኧቲ ኧወሰድኸነኸ አውዴ ኢያ ብጀተሁ ኧሆርሴ » ባረቸን።

\v 16 ኢየሱስቭ «ማርያም! » ባረና፤ ሂድቭ ኧሁዳይ ኤፐች ተዥቫፐረችታ በእብራይስጥ ቃር « ረቡኒ»ባረቸን፤ ረቡኒ ኧዋርት « አስተትማሪዮ ኧዋርትን።»
\v 17 ኢየሱስቭ «ገና አአባኛይ አቦርዂ ኧኸሬ እነከድሽኝ ፤ ዘንጋ ጭን ኧኧሰማትኛይ ሆይምታ ‹አአባመኛዪ አአባማሁዋይ ፣ኧጎይታመኛዪ ኧጎይታማሁዋይ ኧድዠፐርኴ › ባረ ባይም አውጂዮዋ»ባረና።
\v 18 ኧመግደላ ማርያም ኧኢየሱሲ ተማሪ ወረችታ ጌታ ኢየሱስ አሸቸንመኸዪ ሁድቭ ዋዳ ኧባረናኸ ኤኤደቸኖም።

\v 19 ህም ቀረ ውርሰንበት ገፓድ ኧኢየሱሲ ተማሪ አአይሁድ ዳኘ ፈኞምታ ሳቃሁኖዋ ኤኤውም እማቲ ተደሞጁም ቸኖም በነደ፤ ኢየሱስቭ ተማሪኋ ኧደሞጅኰ ቢድ ገፓ በግትሁኖዋ ተሸከቨታ «ወገሬት አሁዋ» ባረኖም።
\v 20 እመዳ ባረታ ኧጅሞሀዪ ኔቨሞኋ አቴሸኖም፤ ተማሪሞኋ ጌታ ኢየሱስ ቦሽትሁኖዋ ኖኦራአር ሳረኖም።

\v 21 ኢየሱስ ሀአቭታ «ወገሬታሁዋ ፤ አቭ ኢኢያ ኧኬሼመኸ ኢያቭ አሁዋ ኧኬሽሁዋቴ» ባረኖም።
\v 22 እመዳ በቫረ ቀጥወ እፍ ባረዎምታ መንፈስ ቅዱስ ቴፖርም።
\v 23 አሁዋ ኧኧኛ ሰቪ ባጢር አፉ ብቱሩዋ ኧሁኖም አፉ ኢትቬኖሴ፤ አሁዋ ኧቫንእየ ሰቭ ባጢር አፉ ባምባሁዋ ጭን ኧሁኖሜ ባጢር አፉ አይትቬኖታ» ባረኖም።

\v 24 ኢየሱስ ኧተማሪኋይ በቫአይ ታአስረ ውርኤት ተማሪኋ አት ሁዳ ኧለምችየ ኧዋሪ ቶማስ ተሁኖዋ እማቲ አነፕረዳ።
\v 25 ኧኛ ኧኢየሱሲ ተማሪ ኧቶማስ «ኢና ጌታ ኢየሱስ አሸንነዪ »ቧሪ።ሁዳ ጭን በቨስማር ኧዎኬ ኧጅኋ ታናዥ አናአቭርካ ፣አጤመኛ ታናገቭአ፣በኧጅመኛ ኔቨኋ ጥጭተሁ ታናዥ አናአቭርካ »ባረ።

\v 26 ተሳምት ቀጥወ ኧኢየሱሲ ተማሪ ሀአውምታ በቪድ ከስ ተደሞጅጁም ባነደ፤ ቶማስቭ ተሁኖም ባነደ፤ኡᎈቻ ቤኤውዮመኸ ታይኮፍቺዮም ኢየሱስ ማአ በግትሁኖዋ ተሸከቨታ «ወገሬታሁዋ » ባረኖም።
\v 27 ተህም ቀጥወ ኧቶማስ«አጤያኸ ዋይ አአ፣ኧጅመኛ ኧዥ ፤ኧጃኸ አአታ በቭየኛ አግቭአ ፤አኸ ኧቨር ባሀሬ አጥራጠር » ባረን ።

\v 28 ቶማስቭ « «ጌታኞ አምላክኞ » ባረን ።
\v 29 ኢየሱስቭ ኧቶማስ « አኸሽ አአሽኸዪ አመርኸ ታያዡም ያአውርታ ሁኖዋ ኧዳርታኖዋአር » ባረን።

\v 30 ኢየሱስ በዋ መጣፍ አንጥፉዮዋ ኑእ ወግ ሜና በተማሪኋ ኢፍቲ ኤፐ።
\v 31 ዘንጋ ጭን ኢየሱስ ገግኋ ኧጎይታ ትከ ኧኸረኸ ታአውሩዋመዪ ኧቨይተሁምታ ኧዘላለም አያ ትሆሩዋይ ዋ ቃር ተጣፈ።

\c 21
\p
\v 1-2 ተህም ቀጥወ ኢየሱስ በጥብሪያዶስ ባር ሞሬ ሀአቨ ኧተማሪኋ ተረከቨኖም ፤ኧትረከቨኖም ዋኸ ባነደ ።ስምኦን ጴጥሮስ፥ ኧለምቺየ ኧዋሪ ቶማስ፥ ተገሊላ ገኘ ኧቃና ቃያ ናትናኤል ፥ ኧዘብዴዮሲ ዴጋቪ ኧኛቭ ውርኤት ተማሪሞኋ እማቲ ባነውተ። 
\v 3 ህም ግዝየ ስምኦን ጴጥሮስ «ትእሀ ከስ አሳ አዋአይ አርኴ» ባረኖም። ሁኖም «ኢና ታኸ እማቲ ናነዴ» ቧሪታ በቨርከብ ጎፖም ቸኖም፤ ዘንጋ ጭን ባሀ ኧዳር እማት አሳ ስን አንጠቦጭታ፤

\v 4 አፈር ጋእ ቲይካ ኢየሱስ በቫር ሞሬ ማአ ተሸከቨ ፤ ተማሪኋ ጭን ኢየሱስ ኧኸረኸ አኋሩዋ ባነደ፤
\v 5 ኢየሱስቭ« ዴንጎ አሳ አነነሁዋ? ባረኖም፤ ሁኖም «አታአር ኤነንረዳ» ቧሪ።
\v 6 ሁድ መረባሁዋ ተመርከብ ሁዳ ቀናጋድ ኦንኦም ኦዱጒ ትኮውዋሴ» ባረኖም ፤ ሁኖም መረብሁኖዋ በቫር ፎር ዝራኮዪ፤ኖኦራቭ አሳ ኧጠቦጩዋይ ኧኸሬ መረብ ሁዳ ሻይቶ ኦኦት ኤመኖም።

\v 7 ህም ግዝየ ኢየሱስ ኢረንድኩ ኧረፐረ ተማሪ ኧጴጥሮስ «ዋዳ ጌታ ኢየሱስንሽ» ባረን ፤ ስምኦን ጴጥሮስቭ « ጌታ ኢየሱስን» ቲይካ ቢሰብአ ሜና ዬቪ አሆነቀን ሁጅርኋ ካች ባረ ተኸተረታ ዘከረ በቫር እሀ ገፓ።
\v 8 ኧኛ ኧኢየሱሲ ተማሪ ጭን ታአፈር አሮኡዋ ሁዳ እማት በኧር ሜትር ኧረፐሬ ኧኸሬ አሳ ኧቬንአዋ መረብ ቲሾውዋ በጀላ ሞሬ ዎኦም።
\v 9 ሰቻሜ ቦዎኦዋጋ ፣ ቦፎርኋ አሳ ኧረፐረወ ፌቭቪ እንጀራቭ አሾም።

\v 10 « እንዴ ዋአካ ተጠበጥሁዮዋ አሳ ኦኦዋ» ባረኖም።
\v 11 ስምኦን ጴጥሮስቭ በጀልባ ገፓታ በኧር አምሳ ሶኦስት አሳ ኧቬንአወ መረብ ሰቻይ ሻቨ አዋአን፤ እመጣካ አሳ በጠበጠሜ መረብ ሁዳ አድዠኧረዳ።

\v 12 ኢየሱስቭ ኧተማሪኋ «ዮሁዋ ቡርኦዋ» ባረኖም፤ ሁኖም ጌታ ኢየሱስ ኧኸረኸ ኧኋሩዋይ ኧኸሬ ተተማሪኋ «አኸ ማንተንኸ?» ባይተ ኢትሳአርኲ ኧደፈረ ሰቭ አነፐረዳ ።
\v 13 ኢየሱስቭ ማአታ እንጀራ ሁዳ ነሳ አቨኖም፤አሳቭ ሁዳ አቨኖም።
\v 14 ኢየሱስ ተውድ ተትረሳ ቀጥወ ኧተማሪኋ ቲትረከኮታ ዋዳ ኧሶኦስተኘ ግዝየ ባነደ።

\v 15 ቦኦንኦም ቀትወ ኢየሱስ ኧስምኦን ጴጥሮስ «ኧዮና ትከ ስምኦኖ ተዋሁኖዋ ኢረእ ትረንዴዪ? » ባረን።ሁድቭ «እንከ ጌታኞ ኧረንድኸኸ አኸቭ ትሂር» ባረን፤ ኢየሱስቭ «አዝጓጉረኘኛ ዋአር»ባረን።
\v 16 ኢተሱስቭ ኧውርኤተኘ ግዝየ፣ «ኧዮና ተከ ስምኦኖ ኧውረ ትረንዴዪ?»ባረን።ሁድቭ «እከ ጌታኞ ኧረንድኸኸ አኸቭ ትሂር» ባረን።ኢየሱስቭ «ጣይኛ ዋአር» ባረን።

\v 17 ኧሶኦስተኘብ ግዝየ «ኧዮና ትኮ ትረንዴዪ?» ባረን።ጴጥሮስ ኧሶኦስተኘ ግዝየ ኢየሱስ ትረንዴይ? ባረ ኧትሳአርኒ ኤኤንታ ፤«ጌታኞ አኸ እንእአአር ትሂር ፤ኧረንድኸመኸ ትሂር»ባረን።
\v 18 ኧውረመኛ ኢኢድኸ ወዴያ ታነኸ ሁጅራኸ ገጋኸ ተኸተርኸታ ኧሳረናኸ ኤኤዲ ታር ባነደ፤ ትድገርዝካ ጭን ኧጃኸ ዝራጌተኸታ ኧኛ ሰቭ ያኸድርኸዴ፤እንሴኤኸንቭ ኤኤድ ኢወስትኸዴ»ባረን።

\v 19 ኢየሱስ ዋኸ ኧቫረ ሁዳ ጴጥሮስ በቭር አይነት ሙድ ሙችተ ጎይታ ያከብረኸ ያቲሽኔ፤ ተህም ቀጥወ ኧጴጥሮስ «ተኸተሬ» ባረን።

\v 20 ጴጥሮስ ተዥቫፐረታ ኢየሱስ ኢረንድኩ ኧረፐረ ተማሪ ቲትሄተርኮታ አሸ ፤ እም ተማሪ ኧርቫድ ቲወርኧታ ኧኢየሱሲቴኤነቨታ ብእዝርኋ «ጌታኞ ኤኤተ ኧጠራት ያአይፕርኽዳ ማንተን? »ባረ ኧትሳአረን ሁተን።
\v 21 ጴጥሮስቭ ኧዋ ተማሪ አሽንታ « ጌታኞ ኡክ ምስሁ ማኸ ኢኸርኴ?»ባረ ኧኢየሱስ ተሳአረን።

\v 22 ኢየሱስቭ «ኢያ ተዣቨይተሁ ትንቫአ ስን ባአያኋ ኢረቭሪ ፍቃድኛ በኸረሁ ምር አጀገረናኸ? አኸ ኢኢያ ተኸተሬ»ባረን።
\v 23 በህም ኧቫአ « ዋ ተማሪ አይዎድካ » ይካ ዋራይ በክርስቲያን ኧሰማት ግት ተዘንአ፤ዘንጋ ጭን ኢየሱስ ኧቫረ« ኢያ ተዣቨይተሁ ትንቫአ ስን ሁዳ ባአያሞኋ ኢረቭሪ ፍቃድኛ በኸረሁ አኸ ምር አጀገረናኸ» ባረ ባሀሬ አይዎድካ አባረዳ ።

\v 24 ኧዋ ዘንጋ እንእ ሄቶ ኧኸረ እሞሁኖዋ እንእ ኧጣፈ ዋ ተማሪን፤ ሁዳ ሄቶ ኸረ ኢኢድኩዳ ቃር እንእ ውረ ኧኸረኸ ኢናቭ ንሂነ።
\v 25 ኢየሱስ ኤፐኖዋ ኖኦራ ወግ ዘንጋ አነውዋ፤እንእ ኤኤድሁኖዋይ ቢጦፍዮዋ፣ ኧጣፉዮዋ መጣፍ እንእ አለም ኢቨቃካ ኤኤዲ አነነዳአር አይቨስሬዳ።