merged, converted, corrected

41-MAT.usfm

@@ -0,0 +1,1561 @@
+\id MAT
+\ide UTF-8
+\h Matthew
+\toc1 Matthew
+\toc2 Matthew
+\toc3 mat
+\mt Matthew
+
+\c 1
+\p
+\v 1 ኧዳዊትሜዪ አአብርሃምሜ ዘር ኧኸረ ኢየሱስ ክርስቶስ ኧቴኤኘወ ዘር ዋኸትን
+\v 2 ክርስቶስ ኧዋሪ ኢየሱስ ኤኤኘች ማሪያም ኧፈቸና ዮሴፍ ኧያእቆቢ ኧችን፤
+\v 3 ያእቆብቭ ኧማታንን ፤ማታን አአልአዛር፤አልአዛርቭ ኤኤልዩድን፤
+
+\v 4 ኤሊዩድ አአኪም አኪምቭ ኧሳዶቅ ሳዶቅቭአአዞርን፤
+\v 5 አዞር ኤኤልያቄም ኤልያቄምቭ አአብዩድን ፤አብዩድቭ ኧዘሩባቤልን፤
+\v 6 ዘሩባቤል ኧሰላቲያል ሰላቲያልቭ እእስራኤል ሰቭ በባቢሎን ሰብ በባቢሎን ገኘ በቫነሁዮዋ ቀጥወ ተኢኮኒያን ቴኤኘ።
+
+\v 7 ኢኮኒያንቪ ኧሰማትሞኋ እእስራኤል ሰቭ ባቢሎን ገኘ ማኖሁም በወሰጂዮዋ ዘቨር ቲኢዮሲያስ ቴኤኞም።
+\v 8 አአሞን አሞን ኧምናሴ ምናሴም ኧህዝቂያስን፤
+
+\v 9 ህዝቂያስ አአካዝ አካዝ ኢኢዮአታም ኢዮአታምቭ ኦኦዝያን፤
+\v 10 አዝያ ኢኢዮራም ኢዮራምቭ ኧዮሳፍጥ ዮሳፍጥቭ አአሳፍን፤
+\v 11 አሳፍ አአቢያ አቢያቭ ኧሮብአም ሮብአምቭ ኣሰለሞንን
+
+\v 12 ሰለሞን ተኦሪዮኒ ምሽት ኤኤኘን ኧንጉስ ዳዊቲ ኧችን ንጉስ ዳዊትቭ ኧእሴይ፤
+\v 13 እሴይ እእዮቤድን እዮቤድ ሩት ኤኤኘቸን ኧቦኤዚ ኧችን ቦኤዝቭ ረአብ ኤኤኘቸን ኧሰልሞኒ ኧችን።
+\v 14 ሰልሞን ኧናአሶን ናአሶንቭ አአሚናዳብ አሚናዳብቭ አአራምን
+
+\v 15 አራም ኧሄድሮን ሄድሮንቭ ኧፋሬስ ፤ፋሬስቪ ዛራ ዩሁዳ ተትእማር ኤኤኘነዋ ኧዩሁዳ ዴንጋነዋ ፤
+\v 16 ኧሰማትሞኋ ኧያእቆቢ ዴንጋነዋ፤ያእቆብቭ ኧይስሃቅን ይስሃቅቭ አአብርሃሚኧችን።
+\v 17 በዋ አይነት ዘር እንእ ተክርስቶስ ቀነሰታ እእስራኤል ሰቭበባቢሎን ቲማንሁዮዋ ስን አስረዪ አርቭአት ዘርን።ኧባቢሎን ሰቭ ተማኖሁኰ ቀረ ቆኖሹም ኧንጕስ ዳዊቲ ስን አስረ አርቭአት ዘርን።ተንጉስ ዳዊት ቆነሹምታ አአብርሃሚ ስን አስረ አርቭአት ዘርን።
+
+\v 18 ኢኢየሱስ ክርስቶሲ ኧቶኦኝት ዋኸትን አዶድኋ ማሪያም ኧዮሴፊ ፈቸዉያ ባነደ፤ ዮሴፍ ታያጋአካ ማሪያም በመንፈስ ቅዱስ ዉርኤት አርዋ ኸረች።
+\v 19 ኧፈቸና ዮሴፍ ወሄ ሰቭ ኧረፐሬ ኧኸሬ ዉርኤት አርዋ ኧኸረቸኸ በተረ ሀረታ በሰቭ ኢፍቲ ያትውርድካይ አሴኤ ኧኸሬ ሰቭ ታይሂር ታያጋአካ እመኸ ኢችእካይ አጫመጠ።
+
+\v 20 እመኸቭ ባረ ቲያቻምጥካ እእግዜር መላአይካ በቨርዛዝ ተራከቨንታ «አኸ ኧዳዊት ጥቭ ዮሴፍ ሂዳ ዉርኤት አርዋ ኧኸረች ተመንፈስ ቅዱስ ኧኸሬ ኧፈቸኸና ማሪያም ታጋአካይ እናቅቨጨናኸ ።
+\v 21 ማሪያም ኧች ቲኢኝኬ ሁድቭ ሰቭኋ ተቫጢርሁኖዋ ያተርፍኮዋይ ኧኸሬ ኧትከሁዳይ ሽቩ ኢየሱስ ትቭኩዴ» ባረን።
+
+\v 22 እመኸቭ ኧኸረሁዳ እግዜር በነቢኋይ አጋድ ዋኸ ባረ ኧዝሬከን ሁዳ ዉረ ይኸርኔን ፤
+\v 23 እኩ ዘየ ገረድ ዉርኤት አርዋ ትኸርኬ፤ኧኧች ወልድቭ ቲኢኝኬ፤ ሹቩሞኋ «አማኑኤል» ዩዉሪዴ። አማኑኤል ኧዋርት እግዜር ቲናትን ኧዋርትን።
+
+\v 24 ተዊኢድኋ ተረሳታ እእግዜር መላአይካ አአዘዘንመኸ ኧፈቸና ማሪያም አገፓና።
+\v 25 ቢኸርቭ ኧቨኽር ኧችሻ ትቲኢኝ ስን ተሂዳ ሁጅር አንደመደዳ ዮሴፍቭ ኧቴኤኘ ተከ ኢየሱስ ባረ ሹቭ አቮናነ።
+
+\c 2
+\p
+\v 1 በንጉስ ሔሮድስ ዘቨር፡ በይኹዳ ገኘ ባነደ በቤተልኼም ከተማ ኢየሱስ በቴኤፐወ ግዝየ ኧኾኸቫአር ኢኺርታ ሰቭ ኢየሩሳሌም ሞኦም፤
+\v 2 ‹‹ኧቴኤኘ አአይኹድ ንኩስ ኧቲ አነ? ኾኾ ኹዳ በራአፕንየ አሸነታ ኧኹዳ ንሰግድኔኔ ማአነ›› ቧረም ተሳአሪ፡፡
+\v 3 ን ጉስ ኼሮድስ ዋዳ ቢሰቭአ ግዝየ ደነኧን፡፡ ኧእየሩሳሌም ከተማ ሰቭ እንእ ተኽም ደነኧኖም፡፡
+
+\v 4 ንጉስ ኼሮድስ ኧካኽን አላቃቪ ኧይኹዳ ቂጫቭ ኢኺርታ ሰቭ እንእ ‹‹ዋ ንኩስ ኢኺርኬ ኧዋሪ ክርስቶስ ኢቴኤንካ በኧትኔ? ›› ባረ ተሳአረኖም፡፡
+\v 5
+\v 6 ኹኖም ‹‹ድረ በነቢ ‹አኸ በይኹዳ ገኘ አነኸዳ ቤተልኼም ከተማ ተይኹዳ መሪ ስርም አታአንስካ፤ እእስራኤል ገኘ ሰቭኛ ዘማቸ ኺንተ ይእየካር አትቭ ንኩስ ታኸ ኢዋአኬ› ቧርም ጣፊም ባነደ፤ ብእም ኧቫአ ኹዳቭ በይኹዳ ገኘ በቤተልኼም ከተማ ኢቴኤኝኬ› ቧሪ፡፡
+
+\v 7 ኽም ግዝየ ንኩስ ኼሮድስ ኾኾቭ ኢሙረሙርታ ሰቭ በዱኡራቸ ኸናኖምታ፤ ኾኾቭ አሾኰ ቀረሞኻዪ ዘቨርሞኻ አጬገ ተሳአረኖም፤ ኹኖም
+\v 8 ኧኽኖም ቤተልኼም ኬሸኖምታነ ‹‹ኾሮዋ ኧትከ ኹዳአር ጐኩርም አጪጉዋ፤ ትትረኹዊዳ ኢያቭ ኾይተኹ ኧሰግድነኸ የኹም ኧቲ አነኸ አውጅኝ›› ባረኖም፡፡
+
+\v 9 ኽኖም ንጉስ ኹዳ ኧቫረኗአር በሰምኦዋ ቀጥወ ምርም፤ ቲያርዋታቭ ኽ አሸዊ ኾኾ ኢኢፍትኹኗይ ገፓታ ትከ ኹዳ አኖዳ ቢድ ስን ወሰደኖም፡፡
+\v 10 ኾኾቭ ኹዳ ቢያዡዋ ኖኦራአር ሳረኖም ተውራነኡምቭ፡፡
+
+\v 11 ቢድ ጐፖምታ ትከ ኢየሱስ ተአዶድኋ ተማሪያም እማቲ አሸዊ፤ ኢፍት ቲኢፍት ዎቶኡም ሰጐጅነ፤ ሳጥንሞኹኗ ኮፎጁም፤ ወርቅ፤ እጣን ከርቤ አዊ፡፡
+\v 12 ኧሰብ ሁኗ ጐይታ በቨርዛዝ ‹‹ትከ አኖደ ኤኤዲ ተኢጂ ኧርኩስ ኼሮድሲ አትኾሩዋ›› ባረ ኤዘዘኖም ባነደ፡፡ ብእም ኧቫአ በኧኛ መያ ገኘኹኗይ ተዠፖርም፡፡
+
+\v 13 ኦኾኾቫአር ኢኺርረታ ሰቭ ገኘኹኗይ ዎሩም፤ ተኽም ቀጥወ ኧጐይታ መላአይከ ኧዮሴፍ በቨርዛዝ ተረከቨንታ ‹‹በዋግብት ንኩስ ኼሮድስ ኧትከ ኢየሱስ የኧትርኵ ኧሴኤ ኧኸሬ ትከ ኹዳ ተአዶድኋ እማቲ ጥጥ ተሳ ግብጽ ገኘ ሲኽ፤ ትንኤድኸ ስን ኽሜ ቸራ›› ባረንም፡፡
+\v 14 ትከ ኹዳ ታአዶድኋ ተማርያም እማቲ ጠበጠታ በኽሜ ምሳአረ ሰከ ግብጽ ገኘ ወረ፡፡
+\v 15 ኢፍቲ ጐይታ በነቢ ‹‹ትከኛ ተግብጽ ገኘ ኸናኹን›› ባረ ባነደ፤ እመዳ ኢኺሪ ዮሴፍ ታአበሩስሞኻ ግብጽ ገኘ ወረ፤ ንኩስ ኼሮድስ ቲዎድ ዳር በኽሜ ቸና፡፡
+
+\v 16 ተኽ ቀጥወ ንጉስ ኼሪድስ ኧኾኾአር ኢኺርታ ሰቭ ኧቄቀዊኸ በኻረጋ ኖኦራአር ማአቸ፡፡ በቤተልኼምቪ በገኘሞኻ አነውታ ቃያ እንድ ወታደርኋ ኬሽታ ኧኾኾቫአር ቢኺርታ ሰቭ ባጬገን አይነት እድሜኹና ወርኤት ዘቨር ኧቤንአኖም ዴንጋቪ ኧኽም በገዳ ኧኾሩዋ ኧኧች ወልድ እንእ አቴኤተረ፡፡
+
+\v 17 በኽ ግዝየ በነቢ ኤርሚያስ ኧድዝሬከዊ
+\v 18 ኧቢኧቪ ኧሩእ ምጥጥአር በራማ ተሳምአ፤ እራኼል ኧዴጋሻ ቤከች፡፡ ዴንጋመሻ ኧዎችኳይ ኧኸሬ ሰብር በከረች፤ ይካ ትንቢት ኸረ፤
+
+\v 19 ንኩስ ኼሮድስ በዎደ ቀጥወ ኧጐይታ መላአይካ እዮሴፍ በበርዛዝ ተረከቨንታ
+\v 20 ኢየሱስ ዮኦትሪ ኢሱእታ ሰቭ ኧዎጁዋይ ኧኸሬ እስራኤል ገኘ ተዣቨር›› ባረን፡፡
+\v 21 ዮሴፍ ትከ ኹዳ ተአዶድዋ እማቲ ጠበጠታ እስራኤል ገኘ ተረሳ ወረ፡፡
+
+\v 22 አርኬላዎስ ኧንጉስ ኼሮድስ ኧች ባነደ፡፡ ኹድቭ ባአባኋ ኤኤዲ ተረገሰ፤ ዮሴፍ ዋ አርኬላዎስ በይኹዳ ገኘ ኧትረገሰኸ ቢሰቭአ ይኹዳ ገኘ ያሬ ፈኘ፤ ዋአካ አትቭ በቨርዛዝ ‹‹ገሊላ ገኘ ኾር›› ቢዮክ ተረሳ ወረ፡፡
+\v 23 ዩሪዳ›› ቧርም በነቢ ኧትዝሬከ ኧትንቢት ቃር ኢኸሬ ናዝሬት ዩሪዳ ከተማ ወረ ነፐረ፡፡
+
+\c 3
+\p
+\v 1
+\v 2 በኽም በኝ ያጠምቅ ኧነፐረ ዩኻንስ ‹‹ኧጎይታ መንግስት ቴኤነቨ ንስኻ ጉኦዋ‹‹ ባረታ በይኹዳ በረኻ ቲይኢድ ማአ፡፡
+\v 3 ድረ በነቢዩ ኢሳያስ ‹‹ኧጐይታ መያ አጣወርዎ ዋአድሞኋ ቂጥ ኦኖዋ ቲይር አት ሰቭ በበረኻ ያኸራኬ ኧቫረን ዋትነዳ፡፡
+
+\v 4 ዮኻንስ ተጋሜራ ድገር አረሽዊ ኹጅር ይትኸተር ባነደ፤ ናቫኋ በጠፍር ይታአከድ ባነደ፤ ሸረድሞኋ ፌንጣይ ኧቨረኻ ዊየ ባነደ፡፡
+\v 5 በኽም ግዚየ በኢየሩሳሌም ከተማ በይኹዳ ገኘይ በዮርዳኖስ እኻ ሚዬይ አነውታ ሰቭ እንዳም ኧዮኻንሲ ይወኦዋ ባነደ፡፡
+\v 6 ኽኖም ንስኻ ቲገኦዋ በዮርዳኖስ እኻ ዮኻንስ ያጠምቆዋ ባነደ፡፡
+
+\v 7 ኧኻይማኖት መሪ ኧረፖርዋ ኧፈርሳዊ ኧሰዶቃዊ ኖኦራ ሰቭ ይጠመቆዋይ ኧኹዳይ ኤፖም ቲዎኦታ ዮኻንስ አሸኖምታ ‹‹አኹዋ ኧሳኦር ጭረ ዴንጋ ቲቫአካ ተጐይታ ማአት ትሴሁዋኧ ማን ኤኤደናኹም፡፡
+\v 8 ኧወረ ንስኻ ኧገፓኹ ዋኻ ያትሽርካ ወኼ ሜና በኦኖታ አተሹዋ፡፡
+\v 9 ኢና ኧአብራሃም ዴንጋንረ ባተሁዋ አትጋጌዠዋ ጎይታ ተዋ እምር ኧአብራኻም ዴንጋ ይረሳኔ ይኧነ ኢኢድኹዋ፡፡
+
+\v 10 ዋአካ ጭን ጊንዞኦ ቤኧ ሚዬይ አዎኖይ ኧኸሬ ወኼ ወማ አያፎይ ኤኧ እንእ እጭተዋ ብእሳድ ኢዌኪሪዴ፡፡
+\v 11 ዮኻንስ ኧንሳኻ ጥምቀት በእኻ አጠምቅኹዋ ፡፡ ቲያ ቀጥወ ይቫአካ ኹዳ ጭን በመንፈስ ቅዱስቨ በእሳድ ያጠምቅኹዋቴ ፡፡
+\v 12 ቲያ ይረእ ኑአ ደረግ እንን ኧኹዳሜ ጫማምኋ ዳር ኤፌኒጊሜ አንሰናይ፡፡ ገኪተ ያጠርርኬ ሰኔኤዳ በገየ ይኸራኬ ጋቫሞኋ ባየኸፋ እሳድ ይሜኪርሁዴ›› ባረኖም፡፡
+
+\v 13 ኽመጋ ኢየሱስ በዩሐንስ ይጠመቂ ተገሊላ ገኘ ኧዮርዳኖስ እኻ ማአ፡፡
+\v 14 ንስ ኢኢየሱስ ‹‹ኧሸኸኚ አይኸርካ ኢያ ባኸ ኧጅ ኧጠመቂ ባሃሬ ኧተኸ አኸ ቢያ ኧጅ ትጠመቂ ትቫአ ባረታ፡፡ ኢጠመቂ ይኸራኩ ባነደ ፡፡
+\v 15 ጭን ‹‹ጽድቅ ኧኸረ ዘንጋ እዳም ኦኖት አንቨንሬ ኧኸሬ አካ ቴኢ እሸኸሽ አይኸርካ››ቲይር ዠፐረነ ዮሐንስ በዘንጋኋ ተስማማታ ኢኢየሱስ አጠመቀን፡፡
+
+\v 16 ኢየሱስ ተጠመቀታ ትእኻ ተዋአመኸ ኽምተኽም ሰማይ ተከፈደ፤ ኧጐይታ መንፈስ በቡናር መሰረ ወንደ፤ በኢየሱስ ፎር ቲቸናወዳ አሸ፡፡
+\v 17 ግዚየ በኹዳ ይሽሬዳ ኧረምድኩዳ ትከኛ ዋትነዳ›› ይካ ቃር ተሰማይ ተሰሟአ፡፡
+
+\c 4
+\p
+\v 1 ቀጥወ ኢየሱስ በሴጣን ይትፈተኒ መንፈስ ቅዱስ በበረኻኒየ ወሰደን፡፡
+\v 2 በኽሜ አርቫ ቀረይ ኧዳር ሽረድ ታይቨራ በፆም ዋኦረ በኔኧ ቀጥወ ጋደን፤
+\v 3 ኢኢሱስ ማአታ ‹‹ውረ አኧ ኧጐይታ ትከ በኸርኸ ዋ እቨር ሸረድ ኽር ባኩ›› ባረን፡፡
+\v 4 ‹‹ሰቭ ይረቭር ኹዳ ገታይ ዝሬከ ባቨን ቃር እንእ ባንኸሬ እማት በሸረድ አንኸረዳ ቧርሙ ጣፊይ›› ባረን፡፡
+
+\v 5 ተኽም ቀጥወ ሲጣን ኢኢየሱስ ኧትቀደሰ ከተማ ኢየሩሳሌም ወሰደንታ ኧቤተመቅደስ ቁኒት ኦዋአ ሸከቨንታ፤
+\v 6 እምር ባይሰቮርኸ በኧጅኹነዋ ይቴኤፓርኬ መላአካ የኤዝዝንኸሴ ቧርም ኧጣፊይ ኧኸሬ አኸ ኧጐይታ ትከ በኸርኸ ተዋዳ ገዳኒነ ዝገርታ ውረድ›› ባረን፡፡
+
+\v 7 ዠፐረታ ኧሴጣን ኧጐይታ አምላካኧ አትፈታተንኩ ቧርሙ ጣፊይ›› ባረን፡፡
+\v 8 ኢኢየሱስ በኑኡየ ቆቶ አዋአንታ ኧዋ አለም መንግስት አነነዳ ኑኡነድኋ አቴሸንታ
+\v 9 ውደኢትኸ ብሰግድኒ ዋዳ እንደም አኸሴ›› በረን፡፡
+
+\v 10 ግዝየ ኢየሱስ ኧሼጣን ኩርሽ አኸ ሴጣን ኧሰኸ ኧጐይታ አምላካኸ ስግድ እማት ኧኹዳ አገክር ባርም ጣፊይ›› ባረን፤
+\v 11 ቀጥወ ሴጣን ኢኢየሱስ ቸኸንታ ወረ መላአይካ ሞኦምታ ኢኢየሱስ አጌኬሪ፡፡
+
+\v 12 ዮኻንስ ጠቦጭሙታ አአኮጂኧ በሰማ ግዚየ ገሊላ ገኝ ወረ፡፡
+\v 13 ከተማ ቸኧታ በዛብሎን በንፍታሊምቨ አውራጃ በባር ምሬ አንዳ ቅፍርናኾም ዮረዳ ከተማ ኧቦርት ቀነሰ፤
+
+\v 14 ኧኸረ ነቢይ ኢሳያስ
+\v 15 ኹዳይ ቢወሰድካይ ሜያይ ተዮርዳኖስ እኻ ኻአጋድ አነውታ ኧዛብሎን ገኘ ኧንፍታሌም ገኘ የአረማዊ ሰቭ ገሊላ፤
+\v 16 ይረቭር ኧነፐረ ሰቭ ኑእየ ብርኻን አሸ ኧውደ ጠነቫ ኧወንደወ ገኘ ይረቭርዋ ኧነፖርዋ ሰቭ እዋየ ዋአኖም ቲይር ኧዝሬከን ኧትንቢት ቃር ይኸር ነኾ፡፡
+
+\v 17 ተኽም ግዚየ ቀነሰታ ኧጐይታ መንግስት ቴኤነቨን, ንስኻ ግኦዋ ቲይር አትሙረት ቀነሰ፡፡
+
+\v 18 ተገሊላ ባቨር ሚዬ ቲያርካ አሳ ያወኦታ ውሬት ኧሰማት ጴጥሮስ ዮሪዳ ስምኦኒ ኧሰሞኋ እንድሪያስ አሳ በቫር ከስ ያዎኦኮደዳ መረብሁኖዋ ብእሃ ቲቋሽታ አሸኖም፤
+\v 19 ተኼተረኝ ኢያ ሰቭ ተቫጢረኹነዋ ታምኦዋሸ ኧከሽሁዋሴ›› ባረኖም፡፡
+\v 20 ኽመጋ አሳ ያወኦኮዳ መረብኹነዋ ቃሾምታ ተኼተረይ፡፡
+
+\v 21 አታኽሪ ወረታ ኧዘብዴዎስ ዴንጋ ኧኾርዎ ኤኛአር ውሬት ኧሰማት ያእቆብኸ ዮኻንስቭ አሸኖም ኹኖም ተአባኹነዋ ተዘብዴዎስ እማትሜ በጀልባ ከስ ቾኖምታ ሽካኽኖዋ ይጌኪርዋ ባነደ ኹድቭ የኹዋ ተኼቶኝ›› ባረኖም፡፡
+\v 22 ኽመጋ ጀልባኹኖዋ አአባኹነዋ ቼኦምታ ቴኼተሪ፡፡
+
+\v 23 አይኹድ ቦደሞችኮዳ ቤድ ቲያትመርኻ ኧሰቭ እንእ ኧጐይታ መንግስት ወኼ ዋራይ ቲይእድ ሰቭ ኹኖዋ ታነዎታ ባአሸቪ ኢማድ እንእ ቲያተርፍ በገሊላ ገኝ እንዳም ውርውር ይቨር ባንደ፡፡
+\v 24 ብእም ኦቫኦ ኢየሱስ ሹወኻ በሶሪያ ገኝ እንእ ተኼረ በኖኦራ ባእሸ ተጠቦጩምታ ይጨነቁታ ሰቭ እንእ ጠውናድ አነዎታ ሴጣን ኧጠበጠነዋ ኧዙር ባአሸ አነኖዋ ሚሲየመኹነዋ ኧሸተረእንእ ኧኹዳይ አወኦዮምተ ተቫሸኹነዋ አተነፈኖም፡፡
+\v 25 ተገሊላ ገኝ ተአሶር ከተማ ተኢየሩሳሌም ተይኹዳ ገኝ ተዮርዳኖስ እኻ ኻ ኤጋድ ኧዎኦዋ ኖኦራ ሰቭ ኧኢየሱስ ተኼተረ፡፡
+
+\c 5
+\p
+\v 1 ኖራ ሰቭ ቲትኼተሪዳ አሸታ በቆቶ ፎር ዋአ ቸና፡፡ ተማሪሞኻ ኧኹዳይ ቴኤነውም፡፡
+\v 2 ቲይር አትመሮት ቀነሰ፤
+\v 3 ጐይታ ተስፋ ኤፐውዋ ኹኗ ኧዳርታኗአር፤ ኧጐይታ መንግስት ኧኹኖትንአር፤
+\v 4 ኹኗ ኧዳርታኗአር ጐይታ ያቁዋሙርኳ፤
+
+\v 5 ኹኗ አፈር እንእ ኢወርሹዋይ ኧኸሬ ኧዳርታኗአር፤
+\v 6 ኢቴኤዦዡዋይ በኺንኹኗ ኢትሜኝታ ኹኗ አዳርታኗአር፤
+\v 7 ዩርረታ ኹኗ ኧዳርታኗአር፡፡ ጐይታ አፉ ዮኮዋ ተመኛትኹኗ ይሩኹዋ፤
+\v 8 ንጡኽ ኧኸረ ኹኗ ኧዳታኗአር፤ ጐይታ ያዢዴ፤
+
+\v 9 ኹኗ ኧዳርተንኗአር፤ ኧጐይታ ዴንጋ ቧርም ኢኾሬየዋ፤
+\v 10 አቴኤዘዡዋይ/ኧጽድቅ ቧርመታ/ጅጓረ ኢሰርአዎታ ኹኗ ኧዳርታኗአር፤ኧጐይታ መንግስት ኧኹኖትን፡፡
+
+\v 11 ቢያ ኧባአ ቲቀርቭኹዋታ ቲያትሳትቱዋታቪ ኤናአር እንእ ፎጠርም ቲኢጅኮኩዋታ አኹዋ ኧዳርኹዋታናአር፤
+\v 12 በጎይታ ኢፍቲ ኑኣአር ኧኸሬ ኧሳርኹዋ፤ ተውራረኡዋቭ ታኹዋ ኢፍቲ ኧረፖሩዋ ኧጐይታ ቃር ኢዝረኩታ ነቢ ኽመኽ ጅጓረ ሰንአዎም›› ባረኖም፡፡
+
+\v 13 ቀጥወ ኢየሱስ፡-አኹ ኧዋ አለም ሰቭ በኧድንኹዋ፤ በኧድ ጭን በኧድነድኋ በቨከረ በቭር የእቭ ይህሴ፤ተዋ ቀጥወ አአታአር ኤያጌክርካ፤ ወረጀ አዎም ኢቋሺታ በእግር ኢኺንጂ ባሀሬ፤
+\v 14 ኧዋ አለም ሰቭ እዋየንኹዋ፤ በቆቶ ፎር አንዳ ከተማ ኢደኧሪ አይኸነዳ፡፡
+
+\v 15 በቢድ አነዳ ሰቭ እንእ ኢትረከኰኸ በሱኡር ኢሰኡሪ ባኸሬ ገባ ዲፈቶኰዳ አያወሬዳ፡፡
+\v 16 ሰቭ እንእ ወኼ ሜናኹዋ ኧዥታ ኧሰቫይ አባኹዋ ያኸብዶኸ ወኼ ሜናኹዋ ኧሰቭ ኧትረኸቭ›› ባረኖም፡፡
+
+\v 17 ኻአቨታ፤‹‹ኢያ ኧሙሴ ቂጫቪ ኧነቢቭ ትምርት ኧሸሬ ኧቫአኋአር አይቭሰርኹዋ፤ቂጫ እንም በቬና አወኧሬ ማአኹ ባኸሬ ኧሸሬ አማአኋ፤
+\v 18 እኹዋ አፈር ተሳቫይ ቲያልፍ ስን ቂጫ እንእ በቬና ታይወኧር ተዋ ተቂጫ እማትኹዳ አይሾሪዳ፡፡
+
+\v 19 ሰቭ ተዋ እንእ ኧጐይታ ትዛዝ እስየ ኹዳ ስን ቢሸር ዋ ቢችእ ኽመኸ ኧሰቭ ቢያትመርኹዳ በጐይታይ መንግስት እንዎኋ እስ ይኸርኬ ቂጫ እንእ ዬቭካቪ ያትመርካቭ ወይ ኢኢድካ ማንየ ሰቭ ቢኸር ኹድቭ በጐይታ መንግስት ኑእ ኢኸርኬ፡፡
+\v 20 ጽድቅ ተሙሴ ቂጫ አስተማሪቪ ተፈሪሳ ሰቭ ጽድቅ ባፈዘ የጐይታ መንግስት ስርም አትጐአታ እኹዋ፡፡
+
+\v 21 ግዝየ ኧረፖረዋ ሰቭ ኧዋርዮዋር ሰምአኹሚ ኹድቭ ‹አትእትር፤ ሰቭ ኧኧተረ ኹዳ ፍርድ ኢትፈንድወ› ይካናአር፡፡
+\v 22 ጭን ዋኻ እኹዋ፤ በኧሰምኋ ባኸራአር ኢቨኧችካ ሰቭ እንእ ፍርድ ኢትፈንድወ፤ ኧኧሰምኋ ‹ፍድየ አይቫር› ባረቭ ይቅችርቭካ እንእ በአደባባይ ይትፈድወ፤ ኧሰሞኋ <ጋዋ> ባረ ይቀርቭካ ሁዳ እንእ ኧአዛብ እሳድ ፍርድ ኢትፈንድዎዴ ።
+
+\v 23 ቲቪ አቫአኸን ኹዳ ኽትቭ ቢያቲኢኑኰዳ ኤኤዲ ኧጐይታ ኢፍቲ ብታቲ እንወዳ ግዝየ ተኧሰማኸ አነቨኸዳ መራክስ ቢትዘከትኸ
+\v 24 ኧጐይታ ቲቪ አቴኤነኸን ንቭረድ አውራኩታ ብደር ኾር ተኧሰማኸ ተቃቨጥ፤ ተኽም ቀጥወ ተዣቨር የኸታ ኧጐይታ ቢቪ አቫአኽን ንቭረድ ኧጐይታ አተኧንቭ፡፡
+
+\v 25 ከሰሰናኸታ ተኹዳ እማቲ ኧፍርድ ትታርካ ካች ባር በቨያ ተቃቨጥ፤ ባትቓመጥኸ ባላጋራኸ ኧዳኘ ዳኘቭ ኧፎሊስ ያአይፕርኸ፤ አኸቭ ዎኽኔ አጐፖም ያአጉጅከ፡፡
+\v 26 አኸ አት ሜዞ ታይተርፍ ካሽተኸ ትጀፕር ስን ተኽም ተወኽኔ ቢድ ስርም አትዋአካ›› ባረ፡፡
+
+\v 27 ‹‹ድረ ኧረከዋኸ ትእሽቻ ኹጅር አድሙጅዋ ኧዋሪኸ ሰምአኹም፤
+\v 28 ኢያ ጭን እሁዋታ ሁዳቭ ኧቪሽት ሂዳይ ኤፐ አሽታ ኧትሜኝና ህም ግዚየ ሁድቭ በሂንኋ ቴቬሽት ሂዳ ሁጅር ደመደ ።
+
+\v 29 ቀነ ኤራኸ ባጢር ባቴፐናኸ አአ ቃሽኩ ፤አካላታኸ እንእ በአዛብ እሳድ ቢቋሺዳ ሁዳ ። ተአካላኸ አት ሁዳ ቢቀቭር ይፈዝ ።
+\v 30 ቀነ ኧጃኸ ባጢር ያቲብኸ በኸረ ኧጥ ቃሽኩ ፤አካላታኸ እንእ በአዛብ እሳድ ቡቋሺዳ ሁዳ ፥ተአካላኸ አት ሁዳ ቢቀቭር ኢፈዝኸ »ባረ ።
+
+\v 31 ኢየሱስ « ድረ ምሽትኋ ኢገፍሪ ኧሴኧ ሰቭ ኧገፈረወ ኧፊርማ ወረቀት አካ ቧሪ ባንደ ፤
+\v 32 ኢያ ጭን ዋኸ እሁዋ ማኒየ ሰቨ ሚሽትኋ ተኤኛ ምስ ውጅር ትደምድካ በረከቨናይ ባሀሬ አይግፍርካ ፤ተውችር ሰቨ ውጅር ታደምድ ቢገፍርካ ተቫኒም ሰቨ ውጅር ትደምደኸ ይናአካ ኧጎፎሪያቭ ሚሽት አገፓ ገማ እንእ ተቫኒየ እሽቻ ሁጅር ደመደ »ባረ ።
+
+\v 33 ኧድረ ሰቨ <በቲየ ኧጎይታ ቃር ኧገፓነ ሁዳ ኧና ባሀሬ በክዝብ አትይ ኧዋሪኸ ሰማሁሚ ።
+\v 34 ኢያ ጭን ዋኸ እሁዋ ስርም እንተኝሁዋ ፤ በሳቫይ እንተኝሁዋ ፤ ሰቫይ ኧጎይታ ዙፋን ።
+\v 35 በአፈር እንተኝሁዋ ጎይታ ኧግርኋ ያትሸኩወዳናአር ፤ በኢየሩሳሌም እንተኝሁዋ ፤ ኧሩእ ኑጉስ ከተማን ።
+
+\v 36 እማት ኧጉረራኸ ድገር ጓድ ወይ ገበና ኦንኧት ፥አይኸነሄ ኧኸሬ በገግማኸ እንተኝኸ ።
+\v 37 ትዝራኩዋታ ቃራሁዋ ውረ በኸረ<እከ ፥አኸራአ በኸረ<አኸረዳ>ቧርዋ ተሀ ኤኛአር አኸረሁዳ እንእ ተስጣንን »ባረ ።
+
+\v 38 ኢየሱስ ዠፐረታ ድረ ኤር አፈንጠ ኤር አፉርጪ ፤ ሽን ኧሰፐረ ሽን ኧስውሪ ኧዋሪኸ ሰማሁሚ ።
+\v 39 ኢያ ጭን ዋኸ እሁዋ ሙጥጥ ዬቭዎሁዋታ ሰቨ አጅግ አዣውነ ቢኸር ቀነወኸዳከ ኧኧፋናኸ በኸረ ዣቭርታ ጉራ ወኸዳኸ አኩ ።
+
+\v 40 አት ሰቨ ሽሚዛኸ ይወስዲ ቢከስስኸ ፥ኮትማኸ ድቭነ ፤
+\v 41 አት ሰቭ ቲያ እማቲ ቀሪ መያ ሆር ባይተ ቢጠጥኸ ግት መያ ድቭር ሆርነ ።
+\v 42 ይሰኧርኸዳ ሰቭ እንእ አቭ ታኸ አጅግ ኢወስዲ ኢሲካ ሰቨ ቢረቨር አትህራኩ »ባረ ።
+
+\v 43 . « ድረ አቦገዳኸ ንቨድ ፤ጠራታኸ ጥራ ፤ ኧዋሪኸ ሰማሁም
+\v 44 ኢያ ጭን ጠራታሁዋ ንዎጅዋ ፤ያሳድጅኩዋታ ሁኖዋ ዳርዋ ፤ ይጠሮኩዋታ ሁኖዋ ወሄአር ኦኖዋ ፤ ሙጥጣአር እንእ ዬቭኮኩዋትቪ ያሳድጅኩዋታቭ ሁኖዋ ጠሎት ኦኖዋ ።
+\v 45 ዋኸ ቤፐሁዋ ኧሳቫይ አነዳ አባሁዋ ዴንጋ ትሁርዋሴ ፤ ሁዳ አኸይ ኧውጥጥ ሰቨ እዋየኋ ያዋአ ፤ ህመኸ ኧጻድቃንቪ ኧባጢረተኝቭ ሰቨ ዲየኋ ይቭ ።
+
+\v 46 እማት ኢረጅኩዋታ ሁኖዋ ብትረንጁዋ ተጎይታ ትረሁዊዳ ወሄ አጅግ ምራፈድን? ባጢርተሽ ሰቨ እሽኸ ኢነዋ አሀራ?
+\v 47 እማት ዶባሁዋ ወጌም ብቱሩዋ ምር ይፈዝካአር ኤፐሁም? ጎይታ አይሂርዋ አረማዊሰቭ ዳር ኧደቦሁኖዋ ወሄ ወጌምት ኢዋሽ አሀራ?
+\v 48 አካ አሁዋ ኧሳቫይ አባሁዋ ጎይታ ጥርር ኧኸረመኸ አሁም በቬናሁዋ ጥርር ሁርም ንወሩዋ።
+
+\c 6
+\p
+\v 1 ኢየሱስቭ ፥« በኸጥነድ ሰቨ የዥኒሴ ባይተሁዋ ወሄ ሜናሁዋ በሰቨ ኢፍቲ ቶኦኖት ተጠፐዋ ባሀሬ በሰቫይ አባሁዋይ በጎይታይ ኧወሄ አጅግ አትረሁታ
+\v 2 « ኧዚጋ ቲትውታ አይሁድ ቢደሞጅኮዳ ቢዲቪ በቨያ ሰቨ ኤሽተዋ ያጋግዥንረሴቧርሙ ዬውታ ኧኸጣ ሰቨኸ ዮዢኒሴ ባይተኸ ኧሁኖኸ አተና ፤ ኧውረመኛ እኸ ሁኖዋ ጭን አጅግሁኖዋ ቤተርሙ ቴኤፖርሙ ።
+
+\v 3-4 አኸ ጭን ኧዚጋ ትቲካ ድእር አቭ ፤ ቀነ ኧጃኸ ይኩዳአር ጉራ ኧጃኸ አይሃር በዱኡራቸ ያዥካ አቦዋኸ ጎይታ ኧወሄ ሜናኸ አጅግ ዛጌተ በውረ ኧጅኋ ይካስነኸሴ »ባረን ።
+
+\v 5 ኢየሱስቭ ጠሎት ትቴውታ ኧኸጣ ሰቨኸ አትሁርዋ ሁኖዋ ሰቨ ይሽኮይ አይሁድ ቢደሞጅኮዳ ቢዲቪ በቨያ ሞሬ ተሰጌቭተዋ ጠሎት ዬዋይ ይሽርኮዋ ፤ኧውረመኛ እርሁዋ ሁኖዋ አጅግሁኖዋ ብእሜ ቴኤፖርሙ ።
+\v 6 አኸ ጭን ቢዳሄ ግቫታ ሳቃኸ ኧእታ በሰቫይ አነዳ አባሄ ጠሎት ኧና ፤ በዱኡራቸ ኤፐኸናአር እንእ ያዥኸዳ አባኸ ጎይታ በውራ ኧጅኋ ዋጋኸ ይካስነኸሴ ።
+\v 7 « አሁዋቭ ጠሎት ትቴውታ ኧአረማዊ ሰቨኸ እመኸ አዛቁርዋ ሁኖዋ ኖኦራአር በዛቁርትሁኖዋ ኧቫአ ጎይታ ይሰቫኮታአር ይቨስርኮዋ ።
+
+\v 8 አሁዋ ጭን ያትኬሽሁዋታአር እንእ ትሶኦሪዳ አባሁዋ ይሂሪ ኧኸሬ ኧሁኖመኸ አትሁርዋ ።
+\v 9 አሁዋ ጭን ኧጎይታ ዋኸ ቧርም ሳአርዋ ፥ [በሳቫይ ትረቭርካ አቦንራ ጎይታ ሹዋኸ ኧትቀደስ
+\v 10 መንግስትማኸ አአ ፍቃዳኸ በሳቫይ ኧኸረመኸ ብእም አፈር ኧህር
+
+\v 11 ኦኦካ ሽረድንራ አኸ አቨንረ ።
+\v 12 ኢና ቡሼእ ኧዋአርንረ አፍ ንነመኸ አኸቭ ባጢንራ አኸ አፍ ባንረ።
+\v 13 ተሙጥጥ አትርፈንረ ባሀሬ በፈተና አታግቫንረ [መንግስትቭ ደረግቭ ክብርቭ ኧዘላም አኸተን አሚን ።]]
+
+\v 14 አሁም ፥« ቡሼእ ኧዋአረናሁዋ ሰቨ አፍ ብቱርዋ ኧሳቫይ አቦዋኋ አሁም ባጢራሁዋ አፍ ይቫሁዋሴ
+\v 15 ቡሼእ ኧዋአርኩዋ ሰቨ ጭን አፍ ባቱሩዋ ኧሳቫይ አባሁዋ ጎይታ ባጢራሁዋ አፍ አይሁዋታ » ባረኖም ።
+
+\v 16 ኢየሱስቭ ፥«አሁም ጦም ትጦምታ አአታት ኧኸጣ ሰቨኸ አትሽቶርዋ ሁኖዋ የጦምዋኸ ኧስቨ ያትሄርዋይ ኢፍትሁኖዋ ያአፎዋ ፤ ኧውረመኛ እርሁዋ ሁኖም ሙራ አጅግሁኖዋ ቴኤፖርሙ ።
+\v 17-18 አኸ ጭን ጦም ትጦምካ በሰቫይ አንዳ አቦዋኸ ጎይታ ኧዥነኸ ባሀሬ ያዥነኸኸ ይጦምካ ሰቨ ምሰይተኸ አታአ ፤ጉነራኸ ተዋሽታ ኢፍትማኸ ታኧቭታ በዱኡራቸ ይዥኸዳ ጎይታ በውራ ኧጅኋ ዋጋኸ ይካስነኸሴ ባረን ።
+
+\v 19 ኢየሱስቭ ሀአቨታ ንዕስ ቢቨራኩዳ ፥ቦሽ ቢይካ ፥ፈገያ ኺይተ ቢወስኩዳ በዋአፈር ዱኒያ ቁጥ አቶኖዋ ።
+\v 20 ዘንጋ ጭን ንዕስ ባይቨራኩኤዲ በሰቫይ ዱኒያ ቁጥ ኧና።
+\v 21 ዱኒያኸ ባነዴኤዲ ሂናኸ በህሜ ይህርሴ »ባረ።
+
+\v 22 ኢየሱስቭ ኧቭሲያኸ ብርሃን ኤን ኤራኸ አፊያ በኸረ ሚሲያኸ እንእ ብሩሃን ይኸር ።
+\v 23 ኤራኸ ቢዬኸ ጭን ሚሲያኸ እንእ ጠነቫ ይኸር ፤ አካ ብርሃን ያዥካ ሚሲያኸ ጠነቫ በኸረ ጠነቫሁዳ ኧተኸ ኧቫአሰ ጠነቫ ይኸርቨኸ »ባረ ።
+\v 24 ኢየሱስቭ ፥« ኧውሬት ጎይታ ኧትጎዦት ይኸነዳ አት ሰቨ ኤንዳ ፤ አትሁዳ ይረምድ አትሁዳ ይጠራኩ ወይ አአትሁዳይ ያር ወይ አትሁዳ ይቀርጥኩ እመኸቭ ዱኒያ ይረምድካ ሰቨ ኧጎይታ ኧትጎዦት አይኸነዳ »ባረ።
+
+\v 25 እመኸ ኧኸሬ ኢያ እርሁዋ [ምር ኧቨራኬ ምር ኧሰጭኬ ወይ ምር ኧትኸተርኬ ባይተሁዋ ኧንቭረድ አጠረቁዋ ። ተሽረድ ነብስዎድ ተሁጅር ሚሲየ አይረካ?
+\v 26 አዴ ኧሳቫይ አፉ ኧዡዋ አይዞሮታ አይፏጭታ በገየ አያዎሮታ ቢኸር ኧሳቫይ አቦዋሁዋ ጎይታ ያቨራኮዋ ፤ ባቴ አሁዋ ተዋአፍ ኖራአር አትሮታ?
+
+\v 27 . ታሁዋ ተጨረቂተታ ተጉፓኋ አት ስዝር ይደቭሪ ይኸነዳ ማንተን?
+\v 28 ኧሁጅር ኧቭር ትጨነቁዋ? ኧጀፎረ ማማ ኧተኸ አዝወኞም ይሮኦዋኸ ጎኩርሙ ኦዡዋ ፤ሁኖም በቬና አቂጭዋታ አይሲዮታቭ ፤
+\v 29 ቢኸር አሁዋ እርሁዋ ኑጉስ ሰሎሞን በኑእነትኋ እንእ ተዋ ማማ አአትሁዳኸ አትኸተረዳ ።
+
+\v 30 በጆፎረ አነዳ ሳአር ዋአካ ነማታ ነገ ደነኧ በእሳድ ይረድድ ፤ ጎይታ ኧጆፎረ ሳአር ዋኸ ያዝወኝካአር ያኸድር በኸረ አካ አሁዋ በጎይታ ኧታአሞርት ኤመናሁም ባሃሬ ጎይታ አሁዋ ተዋ ማማ ይረእ አያኸድርሁታዌ?
+\v 31 ባቴ ምር ንቨራነዴ? ምር ንሰጭነዴ? ምር ንትኸተነዴ? ባይተሁዋ አጠረቁዋ፤
+
+\v 32 ዋሁኖዋ እንእ አረማዊ ሰቨ በኑእ ተሜኛት ኢሲኢዋ አሁዋ ዋዳ እንዳም ያትኬሹዋኸ ኧሳቫይ አቦዋሁዋ ጎይታ ይሂር ።
+\v 33 አሁዋ ጭን ቡዶሩምታ ኧጎይታ መንግስት ጽድቅኋ ሶኡዋ ኤኛአር እንዳም ይተቨነሁዋሴ።
+\v 34 ነገ ኧገግኋ ይጨነቂ ኧኸሬ ኧረገ አጠረቁዋ ኧቀረሁዳ ሙጥጥነትኋ ይቃኩሴ »ባረኖም ።
+
+\c 7
+\p
+\v 1 ኢየሱስ -፡ ባኹዋ አይፎጅኮኩዋሸ፤ ባአት ሰቭ አትፉርጅዋ፤
+\v 2 ሰቭ ብትፎርጁከዳ ፍርድ አይነት ኢትፈድዎኹዋቴ፤ ብትሶፉርኮዳ ቁና ኢሶፉኖኩዋቴ፡፡
+
+\v 3 በኧሰማኸ ኤር አነዳ ቅንቅት ኧብር ታዥ? በገጋኸ ኤር አነዳ ዋኘድ ኧቭር አታዥካ?
+\v 4 ባኸ በገጋኸ ኤር ዋኘድ ታነ፡‹ቴኤራኸ ቅንቅት ናአነኸ› ኧተኸ ቱኩ?
+\v 5 ዋ ኸጣ ብደርታ በገጋኼ ኤር አነዳ ኤኤራኸ ዋኘድ አአ፤ ተሀ ቀጥወ በኧሰማኸ ኤር አነዳ ቅንቅት ታዋአይ ገኪተ ኢትረቭኸሴ፡፡
+
+\v 6 ‹‹ኧትቀደሳአር ኧግየ አታውዋ፤ ተዦፖርም አኹዋ ኢረኩሽኩዌ፡፡ እቁማኹዋ ባአቨጌር ኢፍቲ አትቋሹዋ፤ በኧግርሞኹኗ ኢኺጂ፤
+
+\v 7 ኢየሱስ ኧሰቭ ሁኖዋ፡-‹‹ሳአሩዋ ያኩዌሴ፤ ሶኡዋ ትኮዉዋሴ፤ ወዝገቭ ድርጉዋ ኢኩፍችነኩወዋሴ፤
+\v 8 ኧሳአረ እንእ ኢቴኤፐር፤ ኧሴኧ ኢረኽቭ፤ ወዝገቭ ኧደነገ ኢኮፍችነ፤
+\v 9 ታኹዋ አት ሰቭ ትከኋ ዳቦኧ ቢሰኧርኩ እቭር ኢኩዳ ማንተን?
+\v 10 ቢሰኧርኩኹ ኧሳአር ጭረ ኢኵ?
+
+\v 11 ምጥጥ ሰቭ በኸርኹዋሜ ኧዴንጋኹዋ ወኼአር አውት በኻርኹ ዋጋኹ ባቴ በሳቫይ አነዳ አባኳኹዋ ኧሳአረን ሰቭ ኢረእካ ወኼ ዘንጋ አዪኩዳ?
+\v 12 ‹ኢያ ዋኸ ኧናአኒ› ቱሪዳ ኹዳ እንእ አኹም ኽመኸ ኧኹኖም ኦኖነዋ፤ ኧሙሴ ቂጫቪ ኧነቢ ትምርት ይቭካ ዋዳን›› ባረ፡፡
+
+\v 13 ሰቭ ‹‹ቡኡፐፔ ኡፈቻ ጉኦዋ፤ እእፋዲ ኢወስካ ኡፈቻ በተድ መያሞኻቭ በተድን፤ በኹድቭ ኢጐአታ ኹኗ ኖኦራኗአር፡፡
+\v 14 ኧዘያለም አያ ኢኾርኮዳ ኤኤዲ ኢወስካ ኡፈቻ ኡፓፐናአር፤ መያሞኻ ያጀግርካናአር ኢረኹኩዳ ኹዳ ቀሪ ሰቭን›› ባረ፡፡
+
+\v 15 ‹‹ተኻሰተኘ ነቢ ተጦፑዋ፤ ኹኗ ኧጣይ ጐጋ ተኸተርምታ ጣይ ኢዎርኦዋይ ኢዎኦታ እንጐረጐየኗኸ፡፡
+\v 16 በቬናኹኗ ትኋሪዮሴ፤ ታጣጥ ኤኧ ወይን ትእምቡሮፖረ ብርቱኳን አይራንጪዳ፤
+\v 17 ወኼ ኤኧ ወኼ ቡስር ያፎይ፤ ሙጥጥ ኤኧ ጭን ሙጥጥ ብስር ያፎይ፡፡
+
+\v 18 ወኼ ኤኧ ሙጥጥ ቡስር መጥጥቭ ኤኧ ወኼ ቡስር አያፎይካ፡፡
+\v 19 ቡስር አያፎይ ኤኧ እንእ አንጩም ብእሳድ ኢዌኪሪ፤
+\v 20 አሰተኘ ነቢቭ ኽመኸ በቬናኹኗ ትኋሪዮሴ፡፡
+
+\v 21 አነዳ አባኛ ፍቃድ ዬካ ሰቭ ኧጐይታ መንግስቲ ኢጋአኬ ባኸሬ እመኸ ‹ጐይታኞ ጐይታኞ› ይሬንዳ ሰቭ እንእ ኧጐይታ መንግስት አይጋአካ፡፡
+\v 22 በፍርድ ቀረ ኖኦራኹኗ ‹ጐይታንሮ በሹዋኸ ትንቢት አዝሬከነዳ? በሹዋኸ ሼጣን አናዋአነዳ? በሹዋኸ ኖኦራ ወግ ሜና አኔፐነዳ? ዩርቴ፡፡
+\v 23 በኽም ቀረ‹አቸ አንኺርኹዋታ አኹዋ ባጢረተኘ ቲያ ኧሰኹዋ› እኮቴ›› ባረኖም፡፡
+
+\v 24 ኢየሱስ ‹‹እምቃርኛ ሰምአታ ኧቴኤዘዝ እንእ ቢድኋ በእቭር ፎር አረሾ አዮ ሰቭ ኢቨስር፤
+\v 25 ድየ አተገ፤ ኧደንገቭ እኻቭ ወረወ፤ ንፋስ ማአ ገፋን፤ቢገፋኩ ቢድ ኹዳ ብእቭር ፎር አረሸዊ ኧኸሬ አቦተኧዳ፡፡
+
+\v 26 ቃርኛ ሰማ አይቴኤዘዝ ሰቭ እንእ ቢድኋ ባአሸዋ ፎር አረሸ ጋዋ ሰቭ ኢቨስር፤
+\v 27 ድየ አተገ፤ ኧደንገቭ እኻ ወረወ፤ ንፋስ ማአ ገፋን፤ ቢድቭ ኹዳ ኽመጋ ወተኧ፤ ኧደኡትሞኻ ያትፈኝካ አር ባነደ››ባረ፤
+
+\v 28 እመዳ ኤኤደ ቲጀፕርካ ሰቭ ኹኗ በዝሬከን ቃርኋ ወግ ኸረዎም፡፡
+\v 29 ወግቭ ኧኸረዎዋ ኹዳ ኧቂጫ አሰተማሪኹኗኸ ታይኸር ኧዳኘኸ ያትመርኮዋ ኧረፐሬ ኧኸረዴ፡፡
+
+\c 8
+\p
+\v 1 ‹‹ተቆቶ በወንደ ግዚየ ኖኦራ ሰቭ ቴኼተሪ፡፡
+\v 2 ደቨር ኧወተኧወ ምስ ማአታ ቢኢየሱስ ኢፍትኋይ ወተኧታ ‹‹ጌታኞ ቢሽርኸ ታተርፊይ ይኸንኸ›› ባረ ተሳአረን፡፡
+\v 3 በኧጅኋ ሙሻሸንታ ‹እያ ይሺሬይ አኸ ትረፍ›› ባረን፡፡ ኹድቭ ኽመጋ ባአሸኌ ገፈረን፤
+
+\v 4 ቀጥወ ኢየሱስ ኧምስኹዳቭ ‹‹ኢያ አተነፍከኸ ኧአት ሰቭ እኔኤድኽ ቢኸር ኾርታ ሰፍነዳኸ ኧካኽን ኹነዋ አተዥኮዋ ኧትርፍታኸ ኧሰቭ እንዳም ምስክር ይኸርሜ ሙሴ ኤኤዜዘን ኽትቭ ኧጎይታ አትኧንቭ›› ባረን፡፡
+
+\v 5 ኢየሱስ ቅፍርናኾም ከተማ በገፓይ አት ኧሮም ገኘ ኧቨኧ አለቃ ኢየሱስሜ ቴኤነቨታ
+\v 6 ኞኧ አገልጋኛይ ሰቭነትኋ ሸተረታ ቡሼኤኸ ተወቀሰ በቨድ ተገተረ ባረንታ ያተርፍኮኸ ሳአረን፡፡
+\v 7 ኢየሱስቭ ኧቨኧር አለቃኹዳ ኢያ ሜኤቶኹታ አትርፍኩሴ ባረን፤
+
+\v 8 ኧቨኧር አለቃኹዳ ኻአቨታ ኢኢየሱስ ዋኻ ባረን›› ጌታኞ በቪዲኛ እንፎቻ ትገአይ አንሰናኹዳንኋአር፡፡ ቢኸር እማት ትረፍ ባኩ አገልጋይኛ ይፍዘዝኩሴ፤
+\v 9 ገግኛ ቲያ በፎረ አነወተ አለቃኛ ኧታአዘዝካ ሰቨንኹ ቲያቨ ቦገዳ አነወታ ጋዘኝ አነዋ አትኹዳ ኾር በቫኹን ያር አት ኹዳ የኸ በቫኹና ይቫአ አገልጋይኛ ዋሜና ኧና በቫኹን ይኗ›› ባረን፡፡
+\v 10 ኧዋ ምስ ቃር በምነትኋ ወግ ኧኸረዌ ይትኼተሪዳ ሰቮ ‹‹ኧውረመኛ እርኹዋ ትእስራኤል ግት እዋኘ ኑእ እምነት አነንዳ ሰቭ አነከብኋ፡፡
+
+\v 11 እርኹዋ ኖኦራኹነዋ ተናአኝኒነ ተታአቸኒነ ይዎኦቴ፡፡ በመንግስተ ሰማያት በሸረድ ሚየ ኺኘኘቨተወዎ ተአብራኻም ተይሳቅ ተያቆብ እማትሜ ይቾቴ፡፡
+\v 12 መንግስት ኧጉኦት ኧነፐረወዋ እእስራኤል ሰቭ ጭን በጠነቫ ወረጀ ይቋሺዮቴ፤ በኽሜ ኦክቲሮስን ሽጥጥ ኦነት ይኸርኬ›› ባረም፤
+\v 13 ኢየሱስ ኧቨኧር አላቃኹዳ ››ኧውረ አአመርኸመኸ ኧኽንኸ›› ባረን፡፡ አገልጋይሞኋ ኽመጋ ተረሳ፡፡
+
+\v 14 ኧጴጥሮስ ቤድ ገፓታ ኧጴጥሮሲ አቫቶ ሰቭነሻ ሜኬሬናታ በትገተረቼ ኤዲ አሸና፡፡
+\v 15 ማአተ ሰቨነሻ በኧጅኋ ቢሮእሾሽካ ይቬክር ኧነፐረ ሰቨነሻ ገፈረናታ አፊያ በኸረች ቀኘወ ኢየሱስ ተረሳችታ አቫዚረቸን፤
+
+\v 16 ቲቨሽካቭ ሴጣን አጠበጠኖሚሽ ኖኦራ ኤኤመኖዋ ሰቭ ኢኢየሱሲ አወኦም፤ ኹድቭ በቃርኋ ሴጣን አዋአ፤ ኤኤመነዋ ሰቭ እንእ አፊያ ኤፐኖም፡፡
+\v 17 ቦኦኖትኋ በነቢይ ኢሳያስ ፡‹‹ኹዳ ኤማድንራ ቴኤፐረ፤ ባአሸመንራ ፌነገ ኧዋረ ትንቢት ኸረ፡፡
+
+\v 18 ኖኦራ ሰቨ ቲትኼተረዳ ቢያዥ ኧተማረኋ ኧቨር ኻአጋድ ይወኦዋኸ ኤዘዘኖም፡፡
+\v 19 ቀጥወ አት ኧሙሴ ቂጫ አስተማሪ ማኢታ‹‹አስተማሪዮ አኸ ታርወዳ ኤኤደ እንእ ኧትኸቴርኸሜ›› ባረን፡፡
+\v 20 እእንጐረጐየ ጐጀ አነን፤ ኧሰቫይ አፍ ቢድ አነኖዋ ኧሰቭ ትከ ጭን ገግኋ ይጠቅርዋዳይ መመርኋ ያገአወዳ ኤነንዳ›› ባረኖም፡፡
+
+\v 21 ተማሪ አት ኹዳ ‹‹ጌታኞ ብዴይተኹ ኾይቶ አባኛ ኧወኪ ፍቅድኒ›› ባረን፡፡
+\v 22 ጭን ኧወንደ ኹዳ አወንጅዋ ኹነዋ ኧወንኩዋ አኸ ጭን እያ ተኸተሬ፡፡
+
+\v 23 ብእንሲየ መርከብ ቲገቫአካ ተማሪየኋ ቴኸተረ ገፖም፡፡
+\v 24 ተተማሪሞኋ እማትሜ በቫር ፎር ቲያርሙ ኽመጋ ኑእ እቡርቢድ ተረሳ፤ መርከብኽዳ ኤፈን ባንይ ኢየሱስ ጭን ውኢንድኋ ኦኧ ባደ፤
+\v 25 ተማሪ ቴኤነውምታ‹‹ ጌታንሮ ኦነእነ፤ አትርፍንረሽ›› ባርሙ በውኢንድኋ ነሾይ፡፡
+
+\v 26 ኢየሱስቭ‹‹ አኹዋ በጔይታ ኧኧወርት ኧአነሰናኹዋ ዋ ኾዋ ኧቨርራፈይኝ ትፎርታ? ባረኖም፡፡ በኽም ቀጥወ ተረሳታ ንፋሰይ ባርኹዳ አጥራቆረንታ ገብ ባረዋ ባረ ንፋስቨይ ባር ገብ ባርሙ፡፡
+\v 27 ‹‹ዋዳ ኧተኸ ሰቨን? ንፋስይ ባር ይትኤዘዝነዳ ቲይርዋ ወግን ባረሙ፡፡
+
+\v 28 ኢየሱስቨ ተቫር እኻ ኻአጋድ ጌርጌሴኖን ገኝ በቨአ ግዚየ ሴጣን ኧጠበጠነዋ ኹሬት ሰቭ ተሞገማ ግት ወኦምታ ኢኢየሱስ ተራከዊ፤ ኹኖም ኧሰቨ ይዶርግታ ቤሼእ ሰቨ ባነውተ፤ በኹኖም ኧቫአ ሰቮ መያ ያረ በከረ ባነደ፡፡
+\v 29 ኢኢየሱስ ‹‹አኸ የእገይታ ትከ ቲና ምር ትሲእ ግዚየንራ ታይሰራ ታጨንቅንረዬይ ማአኸዌ?›› ቲይችዋ ኦኾኖም፡፡
+
+\v 30 ተኽኖም ቀረ ኻምረ ኖኦራ ኧቬጌር ተዶሞጅምታ ሳአር ይወሮዋ ባንደ፡፡
+\v 31 ኽኖም ‹‹ታዋአንረ በኸረ ኻበዳሽ ኻበዶምጅ ዋ አቬጌር ንገእኔ ፍቅድንረ›› ባርሙ ሳአረይ፡፡
+\v 32 ኢየሱስቨ ‹‹ኾርዋ›› ባረኖም፡፡ ሴጣን ኹኖም ተኻ ምሰቭ ወኦምታ በአቬጌር ኹነዋ ገፓም፤ ዋ ኧደምጅዋ አቬጌር እንእ ተሰቻ ተረሾምታ ተቫር ሞሬ ዘኮርሙ በቫር ከስ ጐፓም ሞጅሙ፤
+
+\v 33 ኹነዋይ ዜማቸ ሴኮምታ ከተማ ወርሙ፤ ሴጣን ጠበጠኖም ኧረፐርዋ ሰቨ አርቢይ እምሰዘንጋ እንእ ኤኤጅሙ፡፡
+\v 34 ቀጥወ ኧከተማ ሰቨ እንእ ኢየሱስ ያዥ ወኦሙ ባሸዊ ቀጥወ ‹‹ተገኝንራ ዋአንረ ባረሙ ኢየሱስ ሳአረ፡፡
+
+\c 9
+\p
+\v 1 ቀጥወ ኢየሱስ ብእንስየ መርከብ ገፓ ኧቫር ኻ አጋድ ወይአ ዋአታ ኧገግኋ ከተማ ማአ፡፡
+\v 2 አት ምስየኋ እንእ ኧሸተረ ምስ በጨቨር ፌነጉ ኧኹዳይ አዎኦም፡፡ ኢየሱስቭ እታወርትኽኗ አሸታ ምስየኋ እንእ ኧሸተረ ምስ ‹‹ኧቸኞ አይዟኽ ባጢራኸ ተፋኧነኸ›› ባረን፡፡
+
+\v 3 ግዝየ ተቂጫ አስተማሪ አታተኽና በኺነኹናይ ዋ ምስ ጐይታ ኢቀርቭ›› ቧርም፡፡
+\v 4 ኧኺንኹኗ ኹዳ ኻረታ፡-ኧቭር በኺናኹዋ ዋ ሙጥጥ ዘንጋ ታጫሙጩዋ?
+\v 5 ተፋኧነኸ› ተዋርትቪ ‹ተሳ ኾር ተዋርት ኧተዳ ይፈዝ?
+\v 6 ኧሰቭ ትከ በአፈር ፎር ባጢር አፉ ይሪ ደኘነድ አነነኸ ኋርዋ›› ባረኖም፤ ኽመጋ አካላትኋ እንእ ኧሸረ ምስ ‹‹ተሳ ጨቨራኸ ፈንግታ ቢዳኼ ኾር›› ባረን፡፡
+
+\v 7 ኹዳ ተረሳ ቢድኋይ ወረ፡፡
+\v 8 ኹኗ ዋዳ አሾምታነ ወግ ኸረዎም፤ እም ደረግ ኧሰቭ አቨ ጐይታ ሽኩር ኧስራኩ ቧርም፡፡
+\v 9 ተኼኤዲ ተረሳ ቲያርካ ቀረጥ ቢያርጭኮዳ ኤኤዲ ማቴዎስ ዩሪዳ ምስ በቸናይ አሸንታ ‹‹ተኸተሬ›› ባረን፤ ማቲዮስቭ ተረሳ ተኼተረን፡፡
+
+\v 10 በማቴዮሴ ቢድ ሸረድ ቲቨርአካ ኖኦራ ቀረጥ ያጭታቪ ቸኖም ኘቭ ሰቭ ኧኹዳይ ሞኦም፡፡ ተኢየሱስቪ ተተማሪሞኻ እማቲ ኢወርአዋይ
+\v 11 ሰቭ አሾምታ ኧተማሪኋ ‹‹አስተማሪያኹዋ ቀረጥ ቲያጭታ ሰቭሺ ተቫጢረተኘቭ ሰቭ እማቲ ኢቨርአ?›› ባሪዮም፡፡
+
+\v 12 ሰምአታ ኧጮረን ሰቭ ባኻሬ ፋይነድ ኧኸረ ሰቭ አኪም አያትኬሽኮታ፡፡
+\v 13 ኧሲእኹዳ ምረትን ባኽሬ ኽትቭ አኸረዳ‹ ቧርም ኧጣፊ ምር ኧኸረኸ ቦስርም ኋርዋ፤
+
+\v 14 ግዝየ ኧዩኻንሲ ተማሪ ኧኢየሱሲ ቴኢኖምታ ‹‹ኢናቪ ኧፈሪሳ ሰቭ ኖኦራ ግዝየ ንጦምነ፤ አሆኬ ተማሪ ኧቭር አይጦምታ? ቧሪ፡፡
+\v 15 ‹‹ምሽረኘ ተኹኗ ታነ ሙዜ ያዝኑዋ? ምሽረኘ ተኹኗ ኢፍቲ ኢወሽኰዳ ግዝየ ኢቫአኬ፤ ኹግዝየ ኢጡሟሴ፡፡
+
+\v 16 ኹጅር ፎር ወያ ጣፎድ ያድካ ሰብ ኤነዳ፤ ወያ ጣፎድ ባተኰ ጭን ኧጉዝ ኹጅር ኢረእ ኢዠኧርኩ፡፡
+
+\v 17 በገነዘ ኧወይን ሞነ ዋአካ ኧፈኧረ ወይን ኢኸረአካ ኤነዳ፤ በኾንኦኰ ጭን ሞነ ኹዳ ኢድዠኧር፤ ወይንቭ ኹዳ ይትኹእ፤ ሞነኹዳ ኤያጌኪርካ፡፡ ኽመኸ ኧኸሬ ዋአካ ኧፈኧረ ወይን ወያ ሞነ ያትኬሽኩ፤ በዋ አይነት ሞነ አይገተትካ ወይን አትኹእካ፡፡
+
+\v 18 እመኸ ቲይኮም ታነ አት አይኹድ ኢዶሞጅኮዳ ቢድ አለቃ ኧኢየሱሲ ማአ ሰገደነታ፣ ‹‹ጐይታኞ ገረደኛ ዋአካ ሞደች፤ ቢኸር አኸ የኽታ ኧጃኸ ኧድግቫ ኺድቭ አያ ኺንተች ትተሳሴ›› ባረን፡፡
+\v 19 ኢየሱስቪ ተማሪሞኻ ተረሾም ተቭስ ኹዳ እማቲ ዎርም፡፡
+
+\v 20 አስረ ውርኤት ዘቨር ደቭ ቲዎትካ ቅያም ታዥካ ምሽት ባነች፤ ኺድቭ ኧኢየሱስ ቲእኋይ ቴኤነቨችታ ኧኹጅርኋ ዊድ ነከደች፡፡
+\v 21 ‹‹እማት ኧኹዳይ ኹጅር በረከትኹ ኧትረፍሴ›› ባረችም አጫመጠች ባነደ፡፡
+\v 22 ኢየሱስ ተዠፐረታ« አሸናታ ተከኞ እንደነኧናሽ ኢያ አትርፍሽኸ አአመርሽኚ ተነፍሽም ባረና ሂድቭ ህመጋ ተነፈች ።
+
+\v 23 ተህም ቀጥወገረድኋ ኧወደቸወ አይሁድ ኢደሞጅኮዳ ቢዲ አለቃ ኧረፐረ ምሲ ቢድ ገፓ፤በህሜ ያሆሮታ ሰቮይ ኢዎሁታ ሰቭ አሽታ »
+\v 24 «ኢየሱስቭ ኧሰሁዋ ዎኦዋ ዋ ገረድ ኔኤች ባሀሬ አሞደቻ »ቢይኮዋ ሁኖም አኬሽኮታ ዳአኮ ።
+
+\v 25 ሰቨ ሁኖዋ ወረጀ ባዎኦዮዋ ቀጥወ ኢየሱስ ገረድ አንችወዳ ቢድ ገፓታ ኧጅሻ ቢጠጥካ ተረሳች ።
+\v 26 እእመዳ ዋራ በህም ገኝ እንእ ተሰማ
+
+\v 27 ኢየሱስ ተህም ኤኤዲ ተረሳታ ቲያርካ ውሬት ፉርጥ ሰቭ ቴሄቴሪ ፤«ኧዳዊት ኧቾ ሁበዳሽ ማረን »ቧርሙ ቃርሁኖዋ ነሾምታ ሳአሪ ።
+\v 28 ሁዳቭ ቢዳ በገፓ ቀጥወ ፉርጥ ሁኖዋ ኧሁዳይ ቴኤኖምታ ፤ ኢየሱስቭ »ኤራሁዋ ኧከፍትሁዋይ ኢኸኒኸ ታአውርዋ? »ባረኖም ፤ « እከ ጌታንሮ ቧሪ ።
+
+\v 29 በህም ግዚየ «አኪያ አአመርሁዋመኸ ኧህነሁዋ » ባረታ ኤርሁኖዋ ሙሻሸኖም ።
+\v 30 ኤርሞሁኖዋ ተኮፎጁም ኢየሱስቭ «እማት ሰቭ እሀረ»ባረ አትቋጠበኖም ።
+\v 31 ሁኖዋ ጭን ዎኦምታ በህም ገኝ እንእ ሁዳ ኤፐናአር ኤኤጁም ።
+
+\v 32 ኤርሁኖዋ ኤትኮፎጁዋ ሰቭ ተሄኤዲ ቲውኦታ ኤኛ ሰቨ ሴጣን ኧጠበጠን አት ዲዳ ምስ ኢኢየሱሲ አዎኦም ።
+\v 33 ኢየሱስ ሴጣን ባዋአነ ቀጥወ ዲዳ ኧረፐረ ምስ ዝሬከ ፤ሰቭ ሁኖዋ «ኧዋኸአር በእስራኤል ገኝ ስርም አናሸዊዳ » ቲይርዋ ወግ ኸረዎም ።
+\v 34 ኧፈሪሳ ሰቨ ጭን «በሴጣን አላቃ ሴጣን ያዋአ »ቧርሙ ።
+
+\v 35 . ኢየሱስ አይሁድ ቢደሞጅኮዳ ቢድ ቲያትመር ኧጎይታ መንግስት ወሄ ዋራይ ትኢድ ፥ በሰቨአንዳ ባአሸ ፤ኤማድቭ እንእ ቲያፈካ በቀያ እንእ ውርውር ይቭር ባንደ ።
+\v 36 ኢየሱስ ዜማተ ኤነኖዋ ጣይ ኢዎስርታ ኖኦራ ሰቨ ተጭናነቁም ግራ ገፓኖምተ ቢያዥ አትቫጠጠኖም ።
+
+\v 37 ህም ግዚየ ኧተማሪኋ «ጎር ድባሸናአር ፤ሜና ጭን ቀሪናአር ።
+\v 38 ኧካ ኧጎር ጌታ ኧጎር ሜና ዬውታ ሰቨ ድቪተ ይኬሸኸ ሳአሪ ባረኖም ።
+
+\c 10
+\p
+\v 1 አስራ ውሬቸ ተማሪኋ ኧኹዳይ ኧናኖምታነ ሴጣን ያወኧዋኸ ተባአሸ ተኢማድ እንእ ያተርፊዋኸ ደረግ አቨኖም፡፡
+
+\v 2 አአስረውሬቸ ተማሪኋ ሸው ዋትነዳ ትንእመኹነዋ አወተረ ጴጥሮስ ይውሪዳ ኧስሞኦን ኧዘብድዮስ ዴንጋ ያቆቢይ ዩኻንስ
+\v 3 በርተለሚዎስ ቶማስ ቀረጥ ይቀርጥካ ማቲዮስ የእልፍዮስ ኧች ያቆብ ታድዮስ
+\v 4 ስምኦን አት ኢየሱስ አዋአ አአይፐረን አስቆርቱ ገኘ ይኹዳቨ
+
+\v 5 እንእ አስራ ውሬቸ ተማሪሞኋ ዋኻ ባረ ኤዘዘታ ኬሽኖም ‹‹ኧአረማዊ ኹኖይ ሰቪ አትኾርዋ ኧሰማሪያ ሰቨኹኖይ ከተማ አትግኮዋ፤
+\v 6 ይረካሞኋ ኧጣይኸ ኧኧኝዋ እእስራኤል ሰቨይ ኾርዋ፡፡
+\v 7 የኧጐይታ መንግስት ቴኤነቮ› ቧርም አውጅዋ፡፡
+
+\v 8 ኤማዳኝ አትርፈዋ ኧወደ ሰቭ ተውንድ ንሾዋ ደቨር ኧኧፈዋ ኤማዳኝ አትርፍዋ ሴጣን ኦኦዋ ዋጋ አይቫር ቴኤፐርኹም ዋጋ አይቫር ኦዋ፡፡
+\v 9 ወይ ብር ወይ ነኻስ ቢኸር በኪሳኹዋ አጥጩዋ ፡፡
+\v 10 ጭን ኤፐወ ይዊ ኧኸሬ ኧመያማኹዋ ከረጢት ወይ ወሬት ሸሚዝ ወይ ውሬት ጫማ ወይ አአር ቢኸር አጥጩዋ፡፡
+
+\v 11 ከተማ እንደም ወይ ቃያ ይትኤፓርኩዋታ ሰቭ ሶኡዋ በኽመኸ ትትወኦዋ ስን በኽሜ ኦኩሽዋ፡፡
+\v 12 ቤድ ትትጐአታ ወጌምት ኦዋ፡፡
+\v 13 ኧገባሁከ ቤድ ወጌምታኹዋ ይቴኤፐርኩዋታ ቢድ በኸረ አዛጉዮዋ ወጌምታኹዋ ኧራዋ ባንቴኤፖርኩዋ ጭን ወጌምታሁዋ ኧዣቨነኹዋ፡፡
+
+\v 14 አይቴኤፕኩዋ ወይ ቃራኹዋ አይሰኦዋ ኹነዋ እንእ ተኽኖሚ ቢድ ወይ ተኽኖሚ ከተማ ትትወኦታ ኧግራኹዋ ጐት ጠጥወምታ ወኦዋ
+\v 15 እርኹዋ በጐይታ ፍርድ ቀረ ተሰዶሚይ ተጎሞራቨ ሰቭ ቅጣት ይረእ እኻ ከተማ ሰቨ ቅጣት ይቨኧስኬ›› ባረኖም፡፡
+
+\v 16 ኻአቨታ ኧተማሪኋ ‹‹ኢያ አኹዋ አጣይኸ በእንጐረጉየ ግት ኤኬሽኹዋይ ኧኸሬ ኧሳአር ጭሪኸ አዮ ኧቡናርመኸ ከሰ ሚራ ኽርዋ፡፡
+\v 17 ዳኝዬ ኤኤተዋ ያአይፕርኩዋቴ ኧአይድ ሰቨ ቢደሞጅኮዳ ቢድ አሴግተዋታ ይገርፍኩዋቴ፡፡ እመኸ ኧኸሬ ተጦፓዋ፡፡
+\v 18 ኧቫአ ኧዳኝሜይ ኧንጉሲ ኧፍርድ ያቴኢንኩዋይ ኧኸሬ በኹኖዋ በአረማዊ ሰቨ ኢፍቴ ምስክረኛ ትኾርቴ፡፡
+
+\v 19 ወሰጁም ኧፍርድ ቢያአይኘርኩዋይ ግዝየ ትዝሬኩዋታአር እንእ ይኩዋይ ኧኸሬ ኧተኸ ወሮ ምር ንዝረክነዴ? ባይትኹዋ አጠረቁዋ፡፡
+\v 20 ባኹዋ ይዝሬካ አአባኹዋ ጎይታ መንፈስን ባኸሬ ትዝሬኩታ አኹዋ አኸርኹዋታ፤
+
+\v 21 ኧሰም ኧሰምኋ አቨ ኧትኩኋ ኧውንድ ኤኤተ ያአይፕርኬ፤ ዴንጋቨ ኤኤኝዊ አቨ ታኦዶድኹነዋ በባለጋራነድ ተሸተዋታ ኤኤተዋ ያአይፕርዮቴ፡፡
+\v 22 ቢያ ኧቫአ ሰቨ እንእ ይጠረኩቴ፤ ቀረ ያርወዳ ሰን ተፓ ኧሸከቨ ይተርፍኬ።
+\v 23 በአት ከተማ ቲሰደጅኩዋታ ቶኡም ኤኛ ከተማ ኾርዋ፤ ኧውረመኛ እርኹዋ ኧሰቨ ትከ ተዣቨይተ ቲቨአ ስን እስራኤል ከተማ እንእ ኾይተኹዋ አጀፑሪዳ፡፡
+
+\v 24 ‹‹ተማሪ ተአስተማሪ ሜነኘ ቲያሪቨርኩዳ ምስ አይረካ፤
+\v 25 እመኸ ኧኸረ ተማሪ ኧአስተማሪኋመኸ ሜነኘ ቲያቨርኩዳ ምስኸ በኸረ ይቃሴ፡፡ አቨቃጥኹዳ ‹‹ኧሴጣን አለቃንኸነ ባርሙ በኾኖይ አአበሩስኋኩ ተዋ ኧቫአስ በሙጥጥ ሽው አርኾሬአር ይቨሰርኹዋ?
+
+\v 26 ኧሰቨ አትፊረይዋ፤  ኤኤፈዊ ታይከፈድ ኧደኦሪአ ታይትኼር ይወኧር ካአር ኤንዳ፤
+\v 27 በኧዳር በጠነቫ ኤኤደኩዋኹዳ በዋአና እዋየ አውጁዋ በወቀ ኧሰማኹይ ኹዳ በኦጐት አውጅዋ፡፡
+
+\v 28 ዋ በሰር የኦትረታ ነብሲይ ጭን እኡትርት አይኸነዋ ሰቨ አትፍርይዮዋ ይረካሞኋ ነብሲ በሰር በአዛብ እሳድ ያአፋይ ይኸነዳ ጐይታ ፊሮይዋ፡፡
+\v 29 ውሬት አንፊ በሜዞ ይሲየ አኸረዳዌ? አአቦማኹዋ ጐይታ ፍቃድ አይቨር ተኹኖዋ አት ኹነዋ ዳር በአፈር አይወድኡታ፡፡
+\v 30 አኹዋ ኧጉኧራኹዋ ድገር ዳር እንደም መዞረይ፡፡
+\v 31 ባቴ እንፈኝኹዋ ተኖኦራ አንፍ አኹዋ ትሮኡዋ›› ባረኖም፡፡
+
+\v 32 ኢየሱስቨ ‹‹በሰቨ ኢፍቴ ኢያ ይምሰክኒዳ ሰቨ እንእ ኢያ በሰቫይ ባነዳ በአቦኛ ጔይታ ኢፊቲ ኧምሰክነዴ፡፡
+\v 33 በሰቨ ኢፊቲ ይኸዳይዳ ሰቨ እንእ በሰቫይ ባነዳ በአባኛ ጔይታ ኢፊቲ ኧኸዳኩዴ ባረኖም፡፡
+
+\v 34 ‹‹ኢያ በአፈር ፎር ሸኛት አቫአይ አማአኋ፡፡
+\v 35 ኧች ተአባኋ ገረድ ተአዶድሻ መራት ተኣቫትሻ ኧባትሪ መአኹ፡፡
+\v 36 ብእም ኧቫአ ኧሰቨ ባለጋራኋ አበሩሰኋ ይኸርኬ፡፡
+
+\v 37 ቲያ ይረእ አቦኋ ወይ አዶድኋ ይረእ ይረምድካ ኹዳ ኢያ ይኸረ አይቨቃካ ቲያ ይረእ ኧችኋ ወይ ገረድኋ ይረምድካኹዳ ኢያ ይኸረ አይቨቃካ
+\v 38 ኧገግኋ መስቀር ፈኒግተታ አይትኸተሬ ሰቭ ኢያ ይኸሬ አይቨቃካር፡፡
+\v 39 ነፍስኋ ያተርፊ ይሲኢካ እንእ ያአይኩ ነፍስኋ ኢያ ቲይር ያአይፕርካ ጭን ያተርፊኩ፡፡
+
+\v 40 አኹዋ ኧቴፐረ ኢያ ይቴኤፐር፤ ኢያ ይቴኤፐርካኹዳ ኧኬሸ አቦኛ ጐይታ ይቴኤፐር፡፡
+\v 41 ‹ዋዳ ነቢይ ባርታ ነቢይ ይትኤፐርካኹዳ ኧነቢይ ዋጋ ይቴኤፐርኬ‹ዋዳ ጽድቅ ቧርታ ፃዲቅ ይቴኤፐርካኹዳ ኧፃዲቅ ዋጋ ይትኤፐርኬ፡፡
+
+\v 42 ኧውረመኛ እርኹዋ ማንኤም ሰቭ ተተማሪኛ አአት ኹዳ ዝዛ እኻ ያሰጭካ አጅግኋ አይቨኽርኹዳ››
+
+\c 11
+\p
+\v 1 ኢየሱስ አአስረዉርኤቸ ተማሪኋ እዝዝኋ ኤዘዘ በጀፐረ ቀጥወ ያስተምርመዪ ኢሰብክሜ ሃአ ቃያ ቸኧ በገሊላ አነዉታ ከተማዪ ወረ
+\v 2 ያጠምቅካ ዮሃንስ በወህኔ ታነ ኢየሱስ ክርስቶስ ዪንአኩዳ ሜና ቢሰቭ ኧዉርኤት ተማሪኋ ኢኢየሱሲ ኬሸታ፤
+\v 3 «ትቫአኬ ኧዋሪ ክርስቶስ አኸትንሄዌ ኤኛ ሰቭ ነኧየነ?»ባይተዉ ኢትሳአሪኸ ኤፐ።
+
+\v 4 ኢየሱስቭ «ሆሩምታ አሸሁዪ ኧሰምአሁይቭ ሁዳ እንእ ኧዮሃንስ አዉጂ
+\v 5 ፉርጥ ያዡዋ ጅረ ተጌኬሩም ያሩዋ ኧደራ ባአሸ ኧጠበጠኖዋ ሰቭ ኢተርፉዋ ጣንቆራቭ ኢይሰቩኦዋ ኧዎጁም ሰቭ ኢትረሾዋ ፤ኧዚጋቭ እእግዜሪ አትርፉት ወሄ ዋራይ ኢኢጂዮዋ።
+\v 6 ቢያ አይጥራጠር ሰቭ ኧትዳረዳን አአር »ባረኖም ።
+
+\v 7 ኧዮሃንሲ ኪሸረኘ ቦዎሩዋ ቀጥወ ኢየሱስ ኧዮሃንስ አአር ኧሰቭ ሁኖዋ ዋኸ ባይተዉ አአዉጅት ቀነሰ « ምር ታዡዋይ በረሃ ዎርሁም? በርፋስ ኢይቅረቅርካ ሸንቦቆናኒ? ዌ ምር ታዙዋይ ዎርሁም?
+\v 8 ኢሽርካ ሁጅር ኧትኸተረ ሰቭ ታዡዋይ ዎርሁም? እህ ባቴ ምር ታዡዋይ ዎርሁም? ኢሽርካሁጅር ኧትሆተሩዋ ሰቭ በኸረ በንጕስ ቢድ ባኸሬ በቨረሃ አይረዉርታ።
+
+\v 9 አካ ምር ታዡዋይ ዎርሁም? ነቢ ታዡዋይ ዎርሁሚ እከ አቸ ተነቢ ኢረእካ ሁዳ ታዡዋኔ እቭሁዋ
+\v 10 ሁዳ «ኢኢፍታሄ ሆይተ መያኸ ኢጌኲርካ ኪሸረኘኛ ታኸ ኢፍቲ ኧኬሽኬ ቧርሙ ኧጣፉነ ሁዳን።
+
+\v 11 ኧዉረመኟ እቭሁዋ«ምሽት ቴኤኘቸን እንእ ቲያጠምቅካ ዮሃንስ ይረእካ ምስ አትረሳዳ ብእግዜር መንግስት ጭን ትእንቨኋ ያአስካ ሁዳ ኢረህኩ ።
+\v 12 እእግዜር መንግስት ቲያጠምቅካ ዮሃንስ ዘቨር ቆንነሺታ ዋአካ ስን ኖኦራ ሰቭ ኢገፋኩ ኢረሁቩይዳቭ ጌከርሙ ያትዋቁርታ ሰቭነዋ።
+
+\v 13 ኧነቢ መጣፍቪ ኧሙሴ ቂጫ እንእ ዮሃንስ ቲቫአ ስን ቲንቢት ዝረይኮም።
+\v 14 አካ ትቴኤፖሪ በሴኧሁዋ ኢቫአኬ ቧርሙ ሁኖዋ ኧዝሬከዉነ ኤሌያስ ዋዳን።
+\v 15 ኢሰቭአካ እንዝር አነንዳ ኧስቭአ ።
+
+\v 16 ሁድሞኋ ኧዋ ዘቨር ሰቭ ተቭርአፈድ ናትዋራኩ በጆፎረ ቸኖም አቦጎዳሁኖዋ ኢሆሮምታ፤
+\v 17 ቱንትና ነፋኔነኩም አንዘከርሁዋታ አዝማመርኔነኩም አቤከሁዋታ» ዩዉርታ ዴንጋ ኢዎስሩዋ።
+
+\v 18 እመኸ ዮሃንስ ሸረድ ታይቭርአዪ ወይንቭ ታይሰጭ ቢቫአ እሸዳ ሴጣን አነወ ቧሪ
+\v 19 ኧሰቭ ትከቭ ቲቨርአዪ ቲሰጭቭ ቢቫአ ቢይአንቪ ስጥናቭ ኢሽርኩ ቀረጥ ያጭታሰቭመዪ ኧቫጢረተኘምዪ ናማጂን ቧሪ ፤ቢኸርቭ ጥበብ ዉረ ኧኸረኸ በቬናኋ ተሄረ ።
+
+\v 20 ተህም ቀጥወ ኢየሱስ ኖኦራ ወግ ዘጋ ኤፐዎዋ ከተማ ቤፐዊ ባጢር ንስሃ አጎፖዋይ ዋኸ ቲቭር ማአቸዎም፤
+\v 21 ግርዳኸ ኮራዚን ከተማ ግርዳኸ ቤተሳይዳ ከተማ ባሁዋ ኧቴፐዉዋ እእግዜር ወግ ሜና ድረ በጢሮስቪ በሲዶና ከተማ ተቴፐዉዋ በሀ ከተማ ኢረዉርዋታ ሰቭ ድረቭ ኧቭጥጥ ሁጅር ተኸደይተዉዋ አቨድ ቦፎርሁኖዋ ኋይኢተዉዋታ አፉ ዩዉሪዮይ ተቫጢርሁኖዋ ኢትዣዎሩዋ ባንደ ።
+\v 22 ህመኸ ኧኸሬ ኢያቭ እቭሁዋ በፍርድ ቀረ ተጢሮስመዪ ተሲዶና ከተማይ ፍርድ አሁዋይ ፍርድ ኢቫአስሴ ።
+
+\v 23 አኸቭ ትእንቨኋ ቦፎረ ከፍከፍ ኧቫኸ ቅፍርናሆም ከተማ አአዛብ እሳዲ ትወይአኬ ባኸ ኧቴፐ እእግዜር ወግ ሜና በሰዶም ከተማ ኧቴፐ አአር ተኸረ ሃአ ከተማ ታየኧፋ ዋአካ ስን ኢምበር ባንደ ።
+\v 24 ህመኸ ኧኸሬ ኢያቭ እቭሁዋ በፍርድ ቀረ ተሰዶም ከተማ ፍርድ አሄ ፍርድ ይቫአስሴ።
+
+\v 25 በኽም ግዚየ ኢየሱስ ዠፐረ «ኧሳቫይ አአፈር እግዜር አባኞ ዋዳ እንእ ዉቀት አነኖታዪ ኧትሟርሙ ሁኖዋ ደኧርኸዎምታ እእሲየ ዴንጋ አቴሸኸኖዋይ ሽኩር ኧስርአኸ
+\v 26 እከ አቦኞ ዋዳ አሄ ወሄ ፍቃድ ኸረ
+\v 27 እግዜር እንእ አአር አቨዪ፤ አባኛ ባሃሬ ኢያ ትከኋ ኢሂሬዳ ኤንዳ።ኢያቭ ገግመኛዪ፤ ኢያቭ በፍቃድኛ አትህሄርኩዳ ሁዳ ባኸሬ አባኛ ኢሂርኩዳ ኤነዳ ።
+
+\v 28 አሁዋ ፉንግ ኧራአዘናሁሚ ኧቄጥሁዋ ሰቭ እንእ ኢያይ የሁዋ ኢያቭ ፎያድ አሁዋሴ ።
+\v 29 ቀምበርኛ በመመራሁዋ ፎኑጉዋ ፤ቲያቭ ቶሟሩዋ፤ኢያ ሚራ በሂንመኛ ኤዋህንሁ ኧነብሲያሁዋ ፎያድ ትንኮዉዋሴ
+\v 30 ቀበርኛ ተራዛይቭን ፉንግመኛ ቁርርን አአር።
+
+\c 12
+\p
+\v 1 ቀጥወ ኢየሱስ በሰንበት ቀረ ተዝኘ ግት ቲያርካ ተማሪኋ ቢገድኮዋ እሲድ መጥሽቶ ኧውረኧት ቆነሹም፡፡
+\v 2 ኹኖም ሜጠሹም ቲወርኧታ ኧፈሪሳ ሰቭ አሾምታ ኧኢየሱስ‹‹ኧዥ ተማሪያኸ በሰንበት ቀረ አዬውያአር ኢንኦዋ›› ባሪ፡፡
+
+\v 3 ባሪ፡፡ ኢየሱስ ዠፐረታ ‹‹ዳዊትቪ ተኹዳቭ እማቲ ኧረፖሩዋ ሰቭ ጋደኖምታ ዳዊት ኤፓአር በመጣፍ አናነበቡኋታ?
+\v 4 ኧጎይታ ቤተመቅደስ ገፓታነ ኧጎይታ ኧትቀደሰ ሸረድ ሁዳቪ ኧሁዲሜ ሰቭ ቦኖይ፤ኧሁኖዋ አንቴቫአር ባንደ።
+
+\v 5 በሰንበት ቀረ በቤተመቅደስ ሰንበት ሻይቶ ሜና ቢንኦዋ ባጢር አይኸርዎኸ በሙሴ ቂጫ ኧጣፊአር አናረበብኹዋታዌ?
+\v 6 ጭን ተቤተመቅደስ ኢረእካ ኹዳ በዌኤዲ ታኹም አነ እኹዋ፡፡
+
+\v 7 ‹ኢያ ተኽትቭ ኢረእ አፍትን ኧሲእካ ኧቫረን ምር ኧኸረኸ ተኻርኹዋ ባጢር ኤኖዎዋ ኹኗዋ ባፈንትኹኮታ፡፡
+\v 8 ትከ ጭን ኧሰንበት ጌታይን›› ባረኖም፡፡
+
+\v 9 ተህምኤድ ተረሳ ወረታ አይኹድ ኢደሞጅኮዳ ቢድኹኗይ ገፓ፡፡
+\v 10 ኤኤዲ ኧጅኋ ኧሸተረወ አት ምስ ባነደ፤ ኧኢየሱስ ኢኮሽሺ አመር ኢሱኡኰታ ‹‹በሰንበት ቀረ ኧጮረን ሰቭ አትርፉት ተፈቀደዪ?›› ቧርም ተሳአሪ፡፡
+
+\v 11 ጭን ‹‹ታኹዋ እማት ጣይ አነነዳ ሰቭ ጣይኋ በሰንበት ቀረ በጐጀ ቢጋአወ ጊቭኧተ አያአዋ ሰቭ ማንተ?
+\v 12 ሰቭ ተጣይ ኧተኸ አይረእካ? እመኸ ኧኸሬ በሰንበት ወኼአር ኦንኧት ተፈቀደ›› ባረኖም፡፡
+
+\v 13 ቀጥወ ኧቭስ ኹዳ ኧጅስኸ ዝራካኩ›› ባረን፡፡ ምስኹዳ ኧጅኋ ዝራካን፤ አአትቭ ኧጅኋኸ አፍያ ኸረ፡፡
+\v 14 ሰቭ ጭን ተኻይ ዎኦምታ ኧኢየሱስ ኧተኸ ኧኝኧቶ ዮኦትሪኸ አትዋቾም፡፡
+
+\v 15 ዮኦትሪ ኧሴኤዊኸ ኻረታ ኹኗ በኽመኸ ቸኧኖምታ ኧኛይ ቲያርካ ኖኦራ ሰቭ ተኼተሪ፤ በኽሜ በቫአሸ እጠቦጩዋ ሰቭ እንእ ተቫአሸኹኗ አተነፈኖም፡፡
+\v 16 ኧተነፈኖዋ ኹኗ ኧኹዳአር አአት ሰቭ አኢጂዋኸ ኤዘዘኖም፡፡
+\v 17 ኧኸረኹዳ በነቢ ኢሳያስ ኧዝሬከን ትንቢት ኧኸረኔ፡፡
+
+\v 18 ኧሸፐትኹን ኧረመድኹንቪ በኹዳቭ ኢሽሬዳ አገልጋይኛ ዋዳን፤ መንፈስመኛ በኹዳ ፎር አወራኬ፤ ኹድ ቂጥየ ፍርድኛ አአረማዊ ሰቭ ኢኢድኬ፡፡
+
+\v 19 አይጭቫጨካ ዋ አያኸራካ፤ ቃርሞኽ በጀፎረ አያትሴቫአካ
+\v 20 ቲረኽዊ ስን ኧቅጠቆጪ ሸምበቀ አይሰቭርካ፤ የኧፋይ ማአ ኧሰንአ ሻማ አያፋአካ፡፡
+\v 21 ሰቭ እንእ ተስፋኹኗ በኹዳ ዮንኦዋሴ›› ኧቫረንኹዳ ኸረ፡፡
+
+\v 22 ቀጥወ ሼጣን ኧጠበጠን ፉርጥቭ ዲዳቭ ምስ ኧኢየሱሲ አዎኦዪ፤ ኹዳ አፍያ ኤፐን፤ ምስቭ ኹዳ ኦሽትቪ ኧዞክት ኸረነ፡፡
+\v 23 ሰቭ እንእ ወግ ኸረወታ‹‹ዋዳ ተዳዊት ዘር ኢቫአኬ ኧዋሪ ኢየሱስ ኢኽርሴዪ? ››ቧርም፡፡
+
+\v 24 ኧፈሪሳ ሰቭ ጭን ዋዳ በስምኦዋጋ›› ኹዳ ሴጣን ያዋአካ ኹዳ ‹ብኤዜቡል› ቢዩሪንዳ በሴጣን አለቃን›› ቧርም፡፡
+\v 25 ኢየሱስ ጭን አሳብኹኗ ኻረታ ‹‹ኹድ ተኹድ ተራከሰ ኢትቫይተርካ መንግስት እንእ ኹድ ተኹድ ያርእ፤ ኹድ ተኹድ ተራከሰ ኢትቫተርካ ከተማ ዌ አበሩስ አዪኢምካ፡፡
+
+\v 26 ሴጣን ኧሴጣን ያዋአ በኸረ ኹድ ተኹድ ተራከሰ ተቫተረ እዋርትን፤ አካ ሴጣን መንግስትኋ ኧተኸ ኢሰገቭሴ?
+\v 27 በሴጣን አለቃ በብኤልዜቡል ሴጣን አዋአ በኸረ ዴንጋኳ ኹዋ በቫን ደረግ ዮኦዋሴ? ብእም ኧቫአ ኹኗ ባኹዋ ኢፎርጅኮኩዋቴ፡፡
+
+\v 28 ኢያ ጭን በጐይታ ደረግ ሴጣን አዋአኸ በሀርኹዋ፤ ኧጐይታ መንግስት አኹዋይንየ ማአ አዋርትን፡፡
+\v 29 ዌ ሰቭ ብደይተ ጦናማ ኹዳ ታያአድግ ኧጦናማ ኹዳይ ቢድ ቢቭአ ንቭረድኋ ኢዥንፊ ኧተኸ ኢኸነ? ኢዠንፊ ኢኸነዳ ኹዳ ባአከደን ቀጥወን፡፡
+\v 30 ቲያ እማቲ አኸረ ኹዳ ኢያ ኢትጋፋይ፤ ቲያ እማቲ ቁጥቁጥ አይንአ ኹዳ ኢቭራጭ፡፡
+
+\v 31 እመዳ እንእ እኹዋታ ኹዳ ሰቭ ዬኩዳ ባጢርቪ ኢዝሬኩዳ ቂናቨ እንእ አፉ ዩሪ፡፡ መንፈስ ቅዱስ ኧቀነቨ ኹዳ ጭን አፉ አዩሪዳ፡፡፡
+\v 32 በሰቭ ትከ ሙጥጥ ኧዝሬከ እንእ አፉ ዩሪ፤ በመንፈስ ቅዱስ ጭን ሙጥጥ ኢዝሬካ እንእ ብእም አፈር ቢኸር ቢቫአካ አለም አፉ አዩሪካንዳ›› ባረኖም፡፡
+
+\v 33 ‹‹ኤኧ እንእ ባፎኘን ቡስርኋ ኢኺሪ ኧኸሬ አካ ወኼ ቡስር ትረኹዋ ወኼ ኤኧ ኧምበርኹዋ፡፡
+\v 34 ኧሳአር ጭረ ዴንጋ ሙጥጥ በኸርኹዋሜ ኧተኸ ወኼ ዘንጋ ኧዘጎት ኢኸንኹዋ? በኺን ሜንአ ኧተነፈ ኹዳ አነቨድ ኢዝሬኩ፡፡
+\v 35 ሰቭ ቶኼ ኺንኋ ወኼ ዘንጋ ኢዝሬኪ፤ ሙጥጥ ሰቭ ተሙጥጥ ኺንኋ ሙጥጥ ዘንጋ ኢዝሬኪ፡፡
+
+\v 36 እኹኋ ሸቭ ኧሳሬ ባአሴ ቢዘረከዳ ዘንጋ እንእ በፍርድ ቀረ መልስ ኢቭወዴ፡፡
+\v 37 ኧትረሳ ትጸድቄ በቃርማኸ ኧቫአ ኢፎርጅኮከዴ›› ባረኖም፡፡
+
+\v 38 ግዝየ ኧቂጫ አስተማሪቪ ኧፈሪሳ ሰቭ ‹‹አስተማሪዮ አኸ ወግአር ትቴቨካ ናዥኔ ንስኢነ›› ቧሪ፡፡
+\v 39 ዋኸ ባረ ዠፐረኖም፤‹‹ኧዋ ዘቨር ሙጥጥ ሰቭ ተነቢ ዮናስ መርኸት እኛ መርኸት አዩዊዳ፡፡
+\v 40 በሩኡየ ዓሳ ከስ ሶአስት ቀረ ዋአናዪ ኧዳር ቸና፤ ኽመኸ ኧሰቭ ትከ ባአፈር ከስ ሶኦስት ቀረ ዋአናዩ ኧዳር ኢቸናኬ፡፡
+
+\v 41 ቀረ ኧነነዌ ከተማ ሰቭ ተዋ ዘቨር ሰቭ እማቲ ተሸተውዋ ኢፎርጅኮቴ፤ እመዳ ኧኸረ ዮናስ ኧጐይታ ቃር ቢኢድኮዋ ተውዘኮም ንስኻ ጐፖም፡፡ ኡክ ተዮናስ ኢረእካ ኹዳ ዌኤዲ ታኹዋ አነ፤
+
+\v 42 ገኘ ትገዛ ኧረፐረች ንግስት በፍርድ ቀረ ተዋ ዘቨር ሰቭ እማቲ ተሸተች ትፈርድወዴ፤ ኺድ ሰለሞን ኢዝሬኩ ኧረፐረ ወግ ትሰቫአይ ተሮኢ ተአፈር ዳር ተረሳች ማአች፡፡ ቢኸር ተሰለሞን ኢረእካ ኹዳ ዌኤዲ ታኹዋ አነ›› ባረኖም፡፡
+
+\v 43 ቀጥወ ኢየሱስ ‹‹ሴጣን ተሰቭ በዋአ ቀጥወ ያፎየይወዳ ኤኤዲ ቲሲእ እኻ ኤነወ፡፡ በረኻ ኤኤዲ ያር፤ ቢኸር ያፎይወዳ ኤኤዲ አይረኽቭካ፡፡
+\v 44 ግዝየ ‹ኧዋአኹኸ ቢድ ንድዥቫር ንግቭአ ይር፡፡ ተዠፐረቭ ቲቫአካ ቢድኹዳ ጉፍራ ኸረ አሸሹም በጌኩሪ ኤኤዲ ኢረኹካ
+\v 45 ቀጥወ ወረ ተኹዳ ኢዎኦሽታ ቡችር ሰቭአት ሙጥጥ ሴጣን ተኹዳ እማቲ ጠበጠ ኢቫአ፤ ኹኖም በቭስኹዳ ጐፖም ኢረውሩዋ፤ ኧኽም ምስ ኧቀጥወ ዘጋኋ ቲኢፍት ኹዳ ኧቫአሳአር ኢኸር፤ በዋ በውጥጥ ዘቨር ሰቭ እመኸ ኢኸርዎቴ›› ባረኖም፡፡
+
+\v 46 ኧሰቭ ኹኗ ገና ቲያዝራይኮታ ኧኹዳይ አዶድሞኻዪ ኧሰማትሞኻ ያዝራኪ በወረጀ ተሾኮም ዩኤሬ ባነደ፡፡
+\v 47 በኽመኸ ተረፖሩዋ ሰቭ አት ኹዳ ‹‹አዶድማኼ ኧሰመትማኸ ያዝራኬ በወረጀ ተሸኮም›› ባሪ፡፡
+
+\v 48 ኢየሱስ ጭን ኤኤደን ምስ‹‹አዶድኛ ማንተንያ? ኧሰማትኾኛ ማንትኗ? ባረን፡፡
+\v 49 ኢየሱስቭ ኧተማሪኋይ ኤፐ አጢኋ ሰከከታ አዶድመኛቪ ኧሰማትመኛ ዋኹኖተኖዋ፤
+\v 50 በሰቫይ አነዳ አባኛ ፍቃድ ዬካ ኹዳ እንእ ኧሰሚ ኧተም፤ አዶድመኛን›› ባረኖም፡፡
+
+\c 13
+\p
+\v 1 በህም ቀረ ኢየሱስ ተቪድ ሰቻጋድ ዋአታ በቨር ሞሬ ቸና ።
+\v 2 ኖኦራ ሰቨ ተደሞጁሙታ ኧሁዳይ ቢዎኦዋ በቯር ፎር በረፐረ በኢሲየ መርከብ ገፓታ ቸና ፤ ኧዎኦዋ ሰቨ እንእ በቫርሞሬ ተሸኮም ባንደ ።
+
+\v 3 ተህም ቀጥወ ኢየሱስ በሟሟካ ኖኦራአር ዋኸ ቲይር ኤኤደኖም «አት ቻዋጅ ምስ ዝኝ ይዘራይ ዋአ ፤
+\v 4 ቲዘራካ አታት ዝኝ በመያ ሞሬ ወተኸታ አፉ ሞኦምታ ናጨ ።
+\v 5 አታት ዝኝ ኖኦራ አፈር ቤኖ በጣጤ ኤኤዲ ወተኧ ከስሞኋ እቭር ኧኸሬ ህመጋ የረቫይ ገተደ ፤
+\v 6 ቢኸር ኡዋየ ቢዋአወ ኧስር ኤኖይ ኧኸሬ ህመጋ ሸተረታ ደነኧ ፤
+
+\v 7 አታት ዝኝ በሶህ ግት በወተኤ ነማ፤ ሶሁ ሁዳ ነማታ ዋአ አነቀን ።
+\v 8 አታት ዝኝ በወሄ አፈር ወተኧታ ነማ ኖኦራ ምርት አቨ አት ሁዳ በኧር አት ሁዳ ስልሳ አት ሁዳ ሳሳ ምርት አቨ ።
+\v 9 እዝር አነንዳ ኧስቫ!»
+
+\v 10 ኢኢየሱስ ቴኤነውምታ «ኧሰቨ በሟሟ ቲኢድኮታ ሁዳ ኧቭራፈድን? ቧሪ።
+\v 11 ሁዳቭ ዥፐረታ ፥«አሁዋ ኧጎይታ መንግስታአር ቲቬሲርዋኸ አኩም ኧሁኖዋ ጭን አናዊዮታ ።
+\v 12 አነንዳ ይደውነ ኧሁዳ ዲቪያአር ይረቭነ ቤነን ጭን ህም አነንዳ ዳር ይዎሽኮ።
+
+\v 13 ባቴ ቲያዡም አይቬስርታ ቲሶኦም አይሰኦዋታ ሁኖዋቭ አይቬስርዋአር ኧኸሬ ኢያ በሟሟ ኢኢድኮዋ ።
+\v 14 [ኧስዎትሽ ትሶኦዋ አትቬስርታ    ኦዥትሽ ታዥዋ አትቬስታ ።   ዋ ሰቨ ባያዥዋይ ኤርሁኖዋ ፈንጠ    ባይሰኦዋይ እዝርሁኖዋ ጥቦጩም ፤
+
+\v 15 ባያጫሙጭዋይ ሂንሁኖዋ ድረተረ    ዋኸ ታንኸረ ኤዥተዋታ ፥    በእዝርሁኖዋ ሲቬተዋ በሂንሁኖዋ በሲተዋ    ኢያሜ ቢዥፖርዋ ኢያ አትርፍኮይ ባንደ>    ባረታ ጎይታ በኢሳይስ ኤኤደን በሁኖዋ ማአዎም ።
+
+\v 16 አሁዋ ጭን ኤራሁዋ ያዥዋ እዝርማሁዋ ይስኦዋይ ኧኸሬ ኧሳርሁዋ ።
+\v 17 ኧውረመኛ እርሁዋ ኖኦራ ነቢ ኖኦራ ጻድቃን አሁዋ ታዢዳ ሁዳ ያዥዋይ ትሶኦይዳ ሁዳ ይሶኦዋይ ቢትሜኝዋ ጭን አነኮዊዳ ።
+
+\v 18 ኢየሱስቭ «አካ አሁዋ ይዘራካ ምሲ ሟሟካ ሱኦዋ ።
+\v 19 ኧጎይታ መንግስት ቃር ሰማታ አይቬስር እንእ በቬያ ሞሬ ኧዘኔ ዝኝ ይቭስር ፤ሁድቭ ኧጎይታ ቃር ይስቫ ኧሰማን ቃር ሴጣን ይቫአታ ተሂንኋ ይወስድወ ።
+
+\v 20 በጣጤ ኤኤዲ ኧዘኔ ዝኝ ያቲሽካ ኧጎታ ቃር ይሰቫታ ተሰማንመኸ ሳረንታ ይቴኤፐርካ ሰቭ ይቨስር ፤
+\v 21 ቢኸር ኧግዚየኋ ኢቴኤፐር ባሀሬ እስር ኤነነዳ ፤እመኸ በጎይታ ቃር ኧቫአ አት ጁጓረ ወይ ኧሶዶት ቲቫአካ ህመጋ ይኸዳካ ሰቭን ።
+
+\v 22 በሶህ ግት ኧዞኔ ዝኝ ያቲሽካ ኧጎይታ ቃርን ኧግዚየኋ ይሰቫአካ ሰቭን ቢሰቫአ ኧዋአለም አሳብ ይሞትትኩ ኧዋአለም ደገኝነድ በሂንኋ ገፓታ ኧሰማን ኧጎይታ ቃር ያርቅወ በዋ ኧቫአ በሁዳ አነዳ ኧጎይታ ቃር ምርት አይነቭርኩዳ ።
+\v 23 በወሄ አፈር ኧዘኔ ዝኝ ያቲሽካ ፥ኧጎይታ ቃር ሰማታ ቤሰረ ኢቴኤፐርካ ሰቭን ፤ ሁዳቭ ኖኦራ ምርት ኢረቭርኩ አት ሁዳ በኧር አት ሁዳ ስልሳ አት ሁዳ ሳሳ ምርት ይቭ »ባረ ።
+
+\v 24 ኢየሱስቭ ኤኛ ሟሟክ ዋኸ ቲይር ኤኤደኖም ፤« ኧጎይታ መንግስት በዋትኋ ወሄ ዝኝ ኤዘናምስ ኢቨስር ፤
+\v 25 ቢኸር አት ቀር ኧዳር እንእ ሰቭ በትገተሬ ጠራት ማአታ በዋ በዘኔ ስኔኧ ፎር ዠሬ ዘናወታ ወረ ።
+\v 26 ስኔኧ ሁዳ ነማ ባጆምገጋ ቢያዢ ዥሬ ትራኧረዎ ባንዳደ ።
+
+\v 27 ሁኖም ኧአረፓሪሁኖይ ወርሙታ [ዳቭንሮ በዋ ዋት ወሄ ዘር አንዘናኸ ባንደዌ? ዥሬ ተኧቲ ማአ ገፓዎ?] ቧሪ ።
+\v 28 ሁድቭ « ዋዳ ኤፐን ኧጠላትን ሜናን ባረኖም ቻዋጅ ሁኖዋ <አካ ኢና ንሆነ ዠሬኋ ንቪስኔይ ቲሲኢ?>ቧሪ ።
+
+\v 29 ሁዳ ጭን አይኸርካ ዤሬኋ ትትዊሽታ ዝኝመኛ ተህም ይቲቬሲ ኧኸሬ አይኽርካ ።
+\v 30 ቶኢ ጎር ቲሰራ ስን እማትሜ ኦርኦዋ በጎር ግዚየ ዝኝ ያጭዋት ሰቭ አአውትኮሴ ዥሬኋ ብዶርምታ ብቱሂታ በእሳድ ይቬኪሪመኸ ኦጉጂ ፤ ስኔኤኋ በገየኛ ሁሬ ኧቫኮሴ ባረኖም » ቲይር ኢየሱስ ኤኤደኖም ።
+
+\v 31 ኧጎይታ መንግስትአት ሰቭ ወሰደ በዋትኋ ኧዞኔ ኧወጊየ ፉሸ ይቨስር ቂቀ አነንዳ ኧሰናፍጭ ኤኤነኸ.
+\v 32 ሁዳቭ ተዝኝ እንእ ያአንስ በነማ ግዚየ ጭን ተዝኝ እንእ ይሬካ ኤኧ ያአህር ፤ አፉ ሞኦምታ በአጤሞኋ ቢድሁኖዋ አሮሾም ይረውርኮ ።
+
+\v 33 እየሱስ ዠፐረታ ኤኛ ሟሟካ ኤኤደኖም ፤ « ምሽት ቡኮ ትታቦካካ በሶኦስት ቁና ዱቄት እራኧረቸን እርሾ ይቨስር ፤ እርሾ ሁዳ ኧቡኮ ሁዳቭ ያቦካኩ ፤ እም ኧጎይታ መንግስት ቃር ኧሰቭ ቲኢጂዳ እመኸ ይቨስር »ባረ ።
+
+\v 34-35 ኢየሱስቭ ኧሰቭ እንእ በሟሟካ ዝሬከ ፤ ድረ በነቢ ኤኤጂ «በሟሟካ አፉኛ ኧከፍትኬ ፤ አፈረ ተትፈጠረ ቆኖሹም ኧደኧረ ዘንጋ ኧዝሬኬ » ኧዋሪ ሁዳ ይኸሪ ሟሟካ አይቫር ስርም አዝሬከኖታ ።
+
+\v 36 ህም ግዚየ ኢየሱስቭ ሰቭ ሁኖዋ በህመኸ ቸኧኖምታ ቢድ ገፓ ፤ተማሪሞኋ ኧሁዳይ ቴኤነውምታ ፥« በዋት ኧዘኖይ ዠሬ ሟሟካ ምር ኧዋርትን? አውድንረ »ቧሪይ ።
+\v 37 ኢየሱስቭ ዥፐረታ ፥ «ወሄ ዘር ኧዘና ኧሰቭ ትከን ።
+\v 38 ኧዘኖኮ ዋት ዋአለምን ፤ ወሄ ዘር ኧዋሪዮዋ ኧጎይታ መንግስት ዴጋኖዋ ።
+\v 39 ዥሬ ኧዘና ባላጋራ ሴጣንን ፤ ጎር ኧዋሪ ቀረ ያርወዳ ቀረን ይፋጭዋታ መላአይካነዋ ።
+
+\v 40 አካ ዠሬ ሁዳ ሚሹምታ በእሳድ ይቬኪሪመኸ በቀረ ቢያርወዳ ቀር እመኸ ይኸርኬ ።
+\v 41 ኧሰቭ ትከ መላአይካኋ ይኬሽኮቴ፤ ሁኖም በሁዳ ግዛት ባጢሪ ኤፖዋ ቡሼእ ሰቭ እንእ ይራጪዮቴ ።
+\v 42 ስርም ባየኧፋ እሳድ ከስ ይቋሺዮቴ ። በህሜ ይዎሁቴ ፤ ሽንሞሁኖዋ ቃጭቃጭ ዬውቴ ። 
+\v 43 በህም ቀረ ኧጎይታ ሰቭ በአቦሁኖዋይ መንግስት እእዋየኸ ይትረኮውቴ ። ይሰቫካ እዝር አነንዳ ኧስቫአ » ባረኖም ።
+
+\v 44 ሀአቨታ ኢየሱስ « ኧጎይታ መንግስት በቹጃ አፈር ከስ ኧዶኦሪ ዱኒያ ይቨስር እም ዱኒያ አት ምስ ነከቨንታ ሀአቨ ወሰደ ደኧረን ቡሼኤኸ ኧሳረኒ ኧኸሬ አነንዳ ንቭረድ እንእ አሲየታ ዋ ኧቹጃ አፈር ሲየን ።
+\v 45-46 ዋአካቭ ኢየሱስ፣ «ኧጎይታ መንግስት ወሄ እንቁ ይሲዬይ ኢሲካ ነጋዴ ኢቨስር ፤ሁድቭ ዋጋኋ ኑድ ኧኸሬ አት እንቁ በረከቨ ቀጥወ አነንዳአር እንእ አሲየታ ዋ ኑድ እንቁ ሲየ »ባረ ።
+
+\v 47 ዋአካቭ ኧጎይታ መንግስት በቫር ከሰ ኧሁኔ መረብ ይቨስር በመረብ ሁዳ ከስ እንእ አይነት ዓሳ ጎፖም።
+\v 48 ዓሳ ጎፖምታ በቬናወ ቀጥወ ተቫር ሞሬ ሻሙ አዎኦም፤ ዓሳ አዎኦዋ ሰቭ ቾኖምታ ወሄ ይወሬዳ ዓሳ ቤቶርሙ በግቭርሁኖዋ ቁጥ ኤፖምታ አዎኖም አይትቨነዋ ሙጥጥ ዓሳ ሁኖዋ አዎኦምታ ቃሸውዮም።
+
+\v 49 ኧቀረ ያርወዳ ቀረ እመኸ ኢኸርኬ መላአይካ መኤቶዋታ ባጢረተኝ ተጎይታ ሰቭ ኢቬቲሪዮቴ ።
+\v 50 ባየኧፋ በኑእየ እሳድ ከስ ይቋሺዮቴ ፤ በህሜ ቢኸቭ ሽን ቃጭቃጭ ኦኖት ይኸርኬ » ባረ ።
+
+\v 51 ኢየሱስቭ « ዋዳ እንእ ቤሰርሁሚይ? » ባረኖም ። ሁኖም « እከ »ባሪ ። 
+\v 52 ኢየሱስቭ አካ ኧጎይታ መንግስታአር ቤሰረ ኢሂርካ ኧቂጫ አስተማሪ ፥ ተወያ መዝገብ ጉስ ኧኸረራአር ያዋአካ አቨቃጥምነኸ »ባረኖም ።
+\v 53 ኢየሱስ ዋ ሟሟካ እንእ ኤኤደታ ቲጅፕርካ ተሄኤዲ ተረሳታ ወረ ።
+
+\v 54 ቴኤኝ ኧትራኧወ ከተማ ማአታ ወግ ቲኸርዎዋ ስን አይሁድ ቢደሞጅኮዳ ቢድ ያትምመር ባንደ ።ሁኖም «ዋ ኧኋርትኋቪ ወግ ዘንጋን ኢናወዳ ደረግ ተኧቲ ነከቨን? » ቧርሙ ።
+\v 55 ዋዳ አአናጢ ኧች አኸረዳዌ? አዶድሞኋ ማሬያም አኸረቻዌ? ኧሰማትሞኋ ያቆቭ ዮሴፍ ስሞኦንም ይሁዳ አሆርታዌ?
+\v 56 ኧተማትኋ እንእ ቲና አናሽ አኸረዳዌ? አካ ዋዳ እንእ ተኧቲ ነከቨን? »ቧርሙ ።
+
+\v 57 በዋ ኧቯአ ቆንጪ ፣ኢየሱስ ጭን «ነቢ በኤኛኤዲ ያሆብጂ ፤በገግኋ ገኝ በገግሞኋ አበሩስ ጭን አትኸበድካ »ባረኖም ።
+\v 58 ኖኦራ ወግአር አኔፐዳ ።
+
+\c 14
+\p
+\v 1 በህም ግዚየ ገሊላ ገኘ ኢገዛ ኧረፐረ ሄሮድስ ኢኢየሱሲ ዋራይ ሰምአ ።
+\v 2 እመዳ ቢሰቭአ አአገልጋይኋ «እሸዳ ያጠምቅካ ዮሃንስን፤ ሁዳ ተቩድ ተረሳታንዳን ዋ ወግ ዘንጋ እንእ በሁድተን ኢቴፕካ ሁዳ ኧዋርትን» ባረኖም።
+
+\v 3 ተሃ ኢፍቲ ሄሮድስ በኧሰምኋ በፊሊጶሲ ምሽት በረፐረች በሄሮዲያዳ ኧቫአ ኧዮሃንስ አትጤበጠ በወህኔ አቴኤከደን ባንደ
+\v 4 አቴኧከደንቭ ዮሃንስ ኧሄሮድስ «ኧኧሰማኸ ምሽት ታጋአይ ቂጫ አይፈቅድነኸዳ ይቭኩ ኧረፐረዴ።
+\v 5 ብእም ኧቫአ ሄሮድስ ኧዮሃንስ የኧትርኩይ ኢሲእ ባንደ ቢኸርቭ ሰቭ እንእ ኧዮሃንስ ኧነቢኸ ያዥኩ ኧረፐሬ ኧኸሬ ኧሰቭ ሁኖዋ ፈኘኖም ።
+
+\v 6 ሄሮድስ ኧቴኤኘወ ቀረ ቲያከብርካ ኧዋ ሄሮዲያዳ ዩሪያዳ ምሽቲ ገረድ በደመደ ሰብ ኢፍቲ ተጮደች ሄሮድስቭ በትጮደቸን ጫወዳ ኖኦራ አአር ኧሳረኒ ኧኸሬ
+\v 7 ኧሳአረቸን ሁዳ እንእ ዪቭካይ ተኘና።
+
+\v 8 ገረድቭ ሂዳ አዶድሻ መከረቸናታ«ያጥምቅካ ዮሃንሲ ጉንኧር እኩ ዋአካ በሴራ ህርአታ አቬ» ባረቸን
+\v 9 ሃ ግዚየ ንጕስ ሁዳ ቡሼኧኸ ቀጨ ባረን፤ ቢኸርቭ ኧተኘወ አአር ኧረፐረመዪ ተሁድቭ ኧረፖሩዋ ሰቭ ቀቨጥ ቲቭር ኧዮሃንሲ ጉንኧር ዪቩያኸ ኤዘዘ ።
+
+\v 10 ህመኸ ኧኸረሜ ሰቭ ኬሸታ በወህኔ ታነቭ ያጠምቅካ ዮሃንሲ አንገድ አቴንጠን።
+\v 11 ያጠምቅካ ዮሃንስሜ ጉንኧር በሴራ ሆንኦም ኧገረድ ሂዳ አቩያ፤ገረድቭ ሂዳ አአዶድሻ ወሰደች አቨቸና
+\v 12 ያጠምቅካ ዮሃንስሜ ተማሪ ኧዋ ኧዮሃንሲ ኒሳ ወሰጁም ሞኬዊ ተህም ቀጥወ ዎርሙታ ኢኢየሱስ ዮሃንስ ኧተኸ ኧዎንደኸ ኤኤጂ።
+
+\v 13 ኧኸረሁዳ እንእ ተሰምአ ቀጥወ ተረፐረወ ኤኤዲ ተረሳታ፤ ብእንሲየ መርከብ ገፓ፤ አትቭ ሰቭ ኤነወ ኤኤዲ ወረ፤ ኖኦራቭ ሰቭ ኢየሱስ ኧዎረኸ ሰምኦምታ በኧግርሁኖዋ ቴሄተሪ።
+\v 14 ኢየሱስቭ ትእንሲየ መርከብ ሁዳ ቲዎትካ ኖኦራ ሰቭ አሸታ አትቫጠጠኖም ኤኤመኖም ሁኖዋ አፊያ ኤፐኖም።
+
+\v 15 አፈርቭ ቲቨሽ ቲያርካ ተማሪኋ ኧሁዳይ ቴኤነቩምታዌኤዲ አታአር ኤነወ ኤኤድኔን ግዚየሞኋ መሸ ዋ ሰቭ ቢድ አኖዳ ኤኤድ ሆይተዉዋታ ኢዎርኧታ አአር ኢስረዋኸ አስራፕትኮዋ ቧሪ።
+
+\v 16 ኢየሱስ ጭን «ኧሆርት ኤነዎታ ኢዎርኧታ አአር አሁዋ አዉየዋ» ባረኖም።
+\v 17 ተማሪሞኋ «አምእስት እንጀራዪ ዉርኤት አሳቭ ባኽሬ በወኤዲ አታአር ኤነንረዳ» ቧሪ።
+\v 18 ኢየሱስቭ«እንዴ ህም አኖዉታ አምእስት እንጀርራዪ ዉርኤት አሳቭ ኢያይ ኦኦዮዋ»ባረኖም።
+
+\v 19 ተህም ቀጥወ ሰቭ ሁኖዋ ሳአር ባኖዳ ኤኤዲ ኢቸኖዋኸ ኤዘዘ ፤አምእስት እንጀራዪ ዉርኤትቭ አሳ ነሳ ኧሳቫይኒየ አሸታ እእግዜር ሽኩር ባረ እንጀራ ፍረነቭ ኧተማሪኋ አቨኖምታ ፤ተማሪሞኋ ኧሰቭ ሻኮጁም
+\v 20 እንመሁኖዋ ቦንኦም ኦፎምታ፤ ተማሪኋ ኧተነፈ አአር አስረ ዉርኤት ቀጫት ሙርአ ኧፍረኖውዊ ነሾም።
+\v 21 ኧዎንኦም ሁኖዋ እሽቻዪ ዴንጋ ታይቬዝሪ አምእስት ሁቭ ሰቭ ባኖዉተ።
+
+\v 22 ህመጋ ኢየሱስ ኧተማሪኋ« ኢያ ሰቭ ሁኖዋ ትናስራፕት ስን ብእንሲየ መርከብ ጉዉኦምታ ቡደርኝ ኧቫር ሃአ አጋድ ዉይኦም ዎኦዋ ባረ ኤዘዘኖምታ፤ ሁዳ ሰቭ ያስራፕቲ ኢኢ ተዠፐረ ።
+\v 23 ሰቭ ሁኖዋ ያርዋኸ ታስራፐተ ቀጥወ ኦጣሞኋ ጠሎት ዪንአዪ ቆቶ ዋአ በቨሸመጋ ኦጣሞኋ ህሜ ባነደ ።
+\v 24 በህም ግዚየ እሲየ መርከብ ሁዳ በቫር ፎር ቲያር ታነ ንፋስ ቲኢፍት ኢፍቲ ኢረፍስ ኧረፐሬ ኧኸሬ፤እንሲየቭ መርከብ ሁዳ ኧቫር ኡምቡርቢትእመዪ ህሜ ያድዋኝኩ ባንደ ።
+
+\v 25 ጀዉርኧረ ቲኸርካ ኢየሱስ በቫር ፎር ባርሁዳ ቲሂንድ ኧተማሪኋይ ኤፐ ሁኖዋ አኖዉኮዳ ኤኤድ ማአ።
+\v 26 ተማሪሞኋ በቫር ፎር በኧግርኃ ቲያርካ ቢያዢ «እሸዳ አጨፈድን» ቧርሙ ፈኘዊታ ኮ ቧርሙ።
+\v 27 ኢየሱስቭ ህመጋ« እንደነኧናሁዋ ኢያትንሁ »ባረኖም።
+
+\v 28 ጴጥሮስቭ «ጎይታኞ አኸሽ በኸርኸጋ ኢያቭ በቫር ሁዳ ፎር በኧግርኛ አሄ ኧቫአይ ኧዝዜ» ባረን
+\v 29 ሁድቭ«የኸ»ባረን ፤ጵጥሮስቭ ትእንሲየ መርከብ ሁዳ ወንደታ ባር ሁዳ ቲሂንድ በቫር ፎር ኢኢየሱሲ ኤፐ ኦኦት ቀነሰን።
+\v 30 ዘንጋ ጭን ጴጥሮስ በባር ሁዳ ፎር ኧትረሳ ንፋስ ደረግ አሸታ ፈኘ ባር ሁዳ ቲዎእኩዳቭ«ጎይታኞ አትርፌ! ባረ» ኮ ባረ ።
+
+\v 31 ኢየሱስቭ ኧጴጥሮስ ህመጋ ኧጅኋ ዝራካ ጠበጠንታ «አኸ ቢያ ኧታአሞርት አአነሰናኸ ኧቭር ተጥራጠርኸ? ባረን ።
+\v 32 ኢየሱስቪ ጴጥሮስቭ ብእንሲየ መርከብ ሁዳ ተጎፖዋመኸ እምቡርቢት ሁዳ ቁስ ባረ።
+\v 33 ተህም ቀጥወ ብእንሲየ መርከብ ከስ ኧረፖሩዋ ሰቭ «ኧዉረ አኸ እእግዜር ትከንኸ» ባርሙ ኢኢየሱስ ሶጎጅነ።
+
+\v 34 ኢየሱስቪ ተማሪሞኋ ባር ሁዳ ዎይኦም ተዎኦዋ ቀጥወ ጌርጌሶን ዩዉሪዳ ገኘ ሰንኦም
+\v 35 ።ኧህም ገኘ ሰቭ ኢየሱስ ኧኸረኸ በኋርዋ ቀጥወ በሃ ገኘ ዙሪያ አኖዉዋታ ሰቪ እንእ ኬሾም ኤኤመኖም ሰቭ እንእ ኧሁዳይ ቦቾም አዎኦምታ፤
+\v 36 ኧቫአሺየሁኖዋ እማት ኧሁጅርኋ ዊድ ኢረጉጅዋኸ ሳአሪ ኧረኮጂ ቭ ሁኖዋ እንእ ተቫአሸሁኖዋ እንእ አፍያ ሆርሙ ።
+
+\c 15
+\p
+\v 1 ተረሾም ኧዎኦዋ ኧሙሴ ቂጫ አስተማሪቪ ኧፈሪሳ ሰቭ ኧኢየሱሲ ተኤኖምታ ‹‹ተማሪያኸ አአባንራይ ቂጫ ኧቭር አይኡሮታ?
+\v 2 ሸረድ ቲኢወርታ ኧጀኹና አይታኦውታ? ቧርም ተሳአሪ፡፡
+\v 3 ኧገጋኹዋይ ቂጫ ባኹምታ ኧቭር ኧጐይታ ትዛዝ አትቀኡሮታ?
+
+\v 4 ‹‹አቭ ታአዶዳኸ አኽብድ፤ ባአቦሞኋይ ባአዶድኋ ሙጥጥአር ኧዝረከ ሰቭ አቸ ኧውድ ባረ ኤዘዘ፡፡
+\v 5 ጭን ዋኸ ተሩዋ፤ አት ሰቭ ‹አባኞ አዶድኞ አአኹኋ አውት ኧረፐረቪያአር እንእ ኧጐይታ አኹን› ቢይርሁዋ
+\v 6 ኹዳ አቭ ታዶድኋ ባያኸብድቭ አት ኤኖዳ ቱሩዋ፤ ብእመዳ ኧቂጫኹዋ ትቱሩዋ ኧጐይታ ቃር ትሾሩዋ፤
+
+\v 7 ኸጣ ኢሳያስ ኧኹዋ ዘንጋ ዋኸ ባረ ኧዝረከን ትንቢት ውረምን
+\v 8 ሰቭ ባአፉኋ ያኸብዴ ኺንኋ ጭን ቲያ ኖኦራአር አራኧዳናአር፤
+\v 9 ቂጫ ያትሞርዋይ ኧኸሬ ኢያ በፍጥር ኢሰጉጅኒ›› ባረኖም፡፡
+
+\v 10 ሰቭ ኧኹዳይ ኢቴኤነቨኸ ኤፔታ ‹‹ሱኦዋ፤ ቦስሩዋ፤
+\v 11 ያሰርኹኩዳ ታአንፉኋ ኢዋአካ ኹዳን ባኸሬ ባአንፉኋ ኢጋአካ ኹዳ አንኸረዳ›› ባረኖም፡፡
+
+\v 12 ቀጥወ ተማሪኋ ኧኹዳይ ቴኤኖምታ ‹‹ኧፈሪሳ ሰቭ ኧዝሬከኸን ዘንጋ ሶምኦምታ አንሳረኗኸ ኻርኸይ?›› ቧሪ፡፡
+\v 13 ኻአቨታ ‹‹ኧሳቫይ አባኛ አነኧፐረን ኤኧ እንእ ይትረኧ
+\v 14 ቶኡዮዋ ኹኗ ፉርጥ ኢሾውታ ፉርጥኗ ፉርጥ ኧፉርጥ ቢሽኩ ውርኤቸሞኹኗ በጐጀ ኢወድኡዋ›› ባረኖም፡፡
+
+\v 15 ኧኢየሱስ ‹‹ኧሟሟካ ኹዳ ፍችኋ አውድንረ›› ባረን፡፡
+\v 16 አኹም ዋካ ስን ኧወስርት ኤመናኹም ኧዋርትኒ?
+\v 17 ኢጋአካ ኹዳ እንእ በከስ ወይአታ ተሰቭነድ አዎም ኢቋሺኸ አታሽታ?
+
+\v 18 ኢዋአካ ኹዳ ጭን ተኺን ኢዋአ፤ ኧሰቭ ያሰርኹዳ ኹዳን፡፡
+\v 19 አሳብ ሰቭ ኡኡትረት ተረከዊያ እሽታ ኹጅር ኧዱምጁአት ኧስሩእት ኤናአር አአውጅት ኧሰቭ ሹዉ አአፎት ተሰቭ ኺን ኢዎአዋ፡፡
+\v 20 ያሰርኹኩዳ ዋዳን ባኽሬ ባንታኧዊ ኧጅ ኧውርኧት ኧሰቭ አያረክስኩዳ›› ባረኖም፡፡
+
+\v 21 ተኻይ ተረሳ ዋአታ ኧጢሮስቪ አሲዶና ገኘ ወረ፡፡
+\v 22 አት ኧከነአን ገኘ ምሽት ኢኢየሱሲ ማአችታ ‹‹ኧዳዊት ትከ ጐይቶ ገረድኛ ሴጣን ጠበጠናታ ቡሼኤኸ ትድዋኝ ኻበደዳሽ ናቭጥጥኸ›› ባረች ሳአረቸን፡፡
+\v 23 ጭን አት መልስ አዠፐረናዳ፤ ኽም ግዝየ ተማሪኋ ኧኹዳይ ቴኤኖምታ ‹‹ዋ ትሰኧርኸዳ ምሽት ቲኢንራይ ታኸራ፤ ብታስራፕትካኹ ቧሪም ተሳአሪ፡፡
+
+\v 24 ዠፐረታ ‹‹ኢያ ኧኬሸውኛ ተእስራኤል ቢድ ኧኧኘውዋ ጣዪ ባኸሬ ኧኛይ አንኬሽውኝዳ›› ባረኖም፡፡
+\v 25 በኧግርኋ ወተኧችታ ‹‹ጌታኞ ኻበዳሽ ንዳይ‹‹ባረች ሳአረቸን፡፡
+\v 26 ኻአቨታ ኧዴጋ ሽረድ ኧግየ ኧቋሽት ኤያትኬሸ›› ባረና፡፡
+
+\v 27 ባረና፡፡ ኺደ‹‹ገታኞ ውረምን ቢኸር ግየቭ ተጌታኹናይ ሽረድ ኧወተኧ ፉትፉቸ ኢወርኦዋ›› ባረችን፡፡
+\v 28 ግዝየ ኢየሱስ ኧቭሽት ኺዳ ‹‹ምሽቶ አሻ እምነታሽ ኑእየናአር ኧሴኤሺያር ኧኽነሽ›› ባረና፡፡ ገረድቭሒዳ ኽመጋ ፈዘዘች፡፡
+
+\v 29 ኢየሱስ ተኻይ ዋአታ ኧገሊላ ባር ሞሬ ማአታ በቆቶ ዋአ ቸና፡፡
+\v 30 ሰቭ ጅረ፣ፉርጥ፣ዲዳ፣እንዱንርቪ ኧኛቭ ኖኦራ ባአሸ ኧጠበጠኗ ሰቭ ኧኹዳይ አዎኦም፡፡
+\v 31 በኢየሱስ በኧግርኋይ አዎኖዮም፤ ኧእስራኤል ጐይታ አኾቦጂ፡፡
+
+\v 32 ተማሪኋ ኧኹዳይ ኸናኖምታ ‹‹ዋ ሰቭ ቲያ እማቲ ሶኦስት ቀረ ዋአርም፤ ዋአካ ጭን ኢወርኧታአር ኤነነዋይ ኧኸሬ አውጣጭኝ ዋአካ ቂጭና ጥጭተኗታ በቨያ ኢወዱዱዋይ ጌምኹኗ አስራፕትኮዋይ አንሲኢካ›› ባረኖም፡፡
+\v 33 ኧዋ ሰቭ እንእ ኢቨቃካ ዋጣካ ሸረድ በዋ በረኻ በኧቲ ንረኽቭነዴ? ባሪ፡፡
+\v 34 ኹድሞዃ ምር አኽር እንጀራ አነነኹዋ?›› ባረኖም፡፡ ኸኖም ሳቫአት እንጀራቪ ቀሪ እንስየ አሳ አነንረ›› ቧሪ፡፡
+\v 35 ቀጥወ ኢየሱስ ሰቭ ኹኗ ባአፈር ኢቸኗኸ ኤዘዘ፡፡
+
+\v 36 ሳቭአቸ እንጀራቪ አሳቭኹኗ ጠበጠታ ኧጐይታ ሽኩር ባረ፤ ፍረነቨቭ ኧተማሪኋ አቨኖም፤ ተማሪሞኋ ኧሰቭ ኋኗ ሻኮጁም፡፡
+\v 37 እንመኹኗ ቦንኦም ኦፎም፤ ተማሪሞኸ ኧተነፈኧፍረነዊ ሰቫአት ቀጫት ሙርአ እንጀራ ነሾም፡፡
+\v 38 ኧዎንምኹኗ እሽታቪ ዴንጋ አይቫር አርቭአት ኹዉ ገማ ባነወታ፡፡
+\v 39 ኢየሱስ ሰቭ ታስራፐተ ቀጥወ ብእስየ መርከብ ገፓታ መጌዶን ይውሪንዳ ገኘ ወረ፡፡
+
+\c 16
+\p
+\v 1 ኧሶዱቃቪ ሰቭ ኢኢየሱሴ ቴኤኖምታ ይፎትሪዬ ሴኤውምታ ‹‹ተሳቫይ መርኸት አተሽንረ ባሪ፡፡
+\v 2 ዠፐረታ ዋኸ ባረኖም‹‹ቲመሽካ ሻቫይ ብሻ ኸረ‹አፈር ቃውነ ይኸርኬ ቱርዋ፡፡
+
+\v 3 ጋእ ቲይካ ሳቫይ ዳቨራ ኸረ ‹ኦኳ ድየ ያድኬ ቱርዋ፡፡ ኧሳቫይ መርኸ ኧዋትርት ቲኺርዋ፤ ዘንጋ ጭን ኧዘቨርኋ መርኸት ኧዋትርት አይኸነኹዋታ፡፡
+\v 4 በጐይታ ኦይታአመር ኧዋ ዘቨር ሙጥጥ ሰቨ መርኸት ያዢ ይሲእ፤ ዘንጋ ጭን ተነቢ ዮናስ መርኸት ኢኛ መርኸት አይዊዳ›› ባረኖም፡፡ ተኽም ቀጥወ ኢየሱስ ቸኧኖምታ ኤኛ ኤዲ ወረ፤
+
+\v 5 ተማሪ ተቫር ኻአጋዳ በወኧዋ ቀጥወ ሸረድ ኧጡት ተረሳኖም ባነደ፤
+\v 6 ሰቭ ተሶዶቃቭ ሰቭ እርሾ ገኩርም ተጦፓዋ›› ባረኖም፤
+\v 7 ገግተግኹነዋ ሸረድ አንጠበጥኔ ይእሴ ተቨቨርሙ፡፡
+\v 8 ጭን አሳብኹነዋ ኻረታ ‹‹አኹዋ እምነት አአነሰናኹዋ ሰቭ ‹ሸረድ አንጠበጥነዴ ባኹዋ ኧቭር አኹም ታኹም ትዝሬኩዋ?
+
+\v 9 አትቬስታ አምስት እንጀራ አምስት ኹቭ ሰቭ በኖምታ አምስት ኸብ በቃታ ምራካ ቀርጫት እንጀራ አነሳኹዋካ አዘከትኹዋታ? ኸረሳኹዋኸ አይዘገድኹዋታ?
+\v 10 ሰአት እንጀራ አርቫትኹቭ ሰቭ በቃታ ምራኽር ቀርጫት ኧተነፈ እንጀራ ኧረሳኹዋኸ አዘገድኹታ?
+
+\v 11 ተሶዱቃቨ ሰቦ እርሾ ተጦፓዋ፤ ባኹም ባኸሬ አሽረዳአር አንዝሬከኹከኸ አትዌስርታ? ባረኖም፡፡
+\v 12 ግዚየ አጬፐነዋ ተእንጀራ እርሾ ታይኸር ተፈሪሳቢ ተሰዱቃቪ ሰብ ትምርት ይጨፐዋኸ ቲቨር ኧቫረኖምኸ ኽመጋ ገፓኖም፡፡
+
+\v 13 v ኢየሱስ ፊሊጶስ ቄሳሪያ ዮሪዳ ገኘ በሰና ግዚየ ኧተማሪኋ ‹‹ሰቭ ኧሰቭ ትከ ማተን ዮሪዋ?›› ባረታ ተሳአረኖም፡፡
+\v 14 ‹ያጠምቅካ ዩኻንስን› ኤኛምኹኖዋ ‹ተነቢ ኤሲያስን› ኤኛምኽኖዋ ‹ተነቢ ኤርሚያስኒ›ወይ ‹ነቢ ተኾርዋ ሰቭ አትኹዳን ይርዋ›› ባረ፡፡
+\v 15 ‹‹አኹኹ እያ ማንቱኝ?›› ባረኖም፡፡
+\v 16 ጴጥሮስ ዠፐረታ ‹‹አኸ ክርስቶስንኸ እንግዚየ ይረቨርካ ጔይታ ትከንኸ›› ባረን፤
+
+\v 17 ዠፐረታ የዮና ትከ ስምኦኖ ኧዳርኸዳንኋአር፤ እኮዳ አትኼረናኸ በሰባይ አነዳ አባነኛ ባኸሬ አትም ሰቨ አንኸረዳ፡፡
+\v 18 አኸ ጴጥሮስንኸ ብእም እቨር ፎር ቤተክርስቲያኛ አረሽኬ፤ እም ቤተክርስቲያን ኧወንድ ደረግ አይኢምኩዳ፡፡
+
+\v 19 መንግስት ይኮፍችኮዳ ቁልፍ ኢቨኾዴ በአፈር ኧፈታከን እንእ በሳቫይ ይትፈዳኬ›› ባረን፡፡
+\v 20 ኹዳቭ ክርስቶስ ኧኸረኸ ፡፡
+
+\v 21 ቀረ ቀነሰ ኢየሱስ ኧተማሪኋ ‹‹ኢየሩሳሌም ከተማ ኾይ በገኝ ባሪቅ በካኽን አለቃቭ በቂጫ አስተማሪም ኖኦራ መከራ ኧተአወርት፤ ኧዊት በሶኦስ ቀረኋ ተወንደ ኧቶሸት አኖኸ አጬገ ኤኤዶኖም፤
+\v 22 ኢየሱስ ኦጣሞኋይ ሞቀ ወሰደንታ ኸኸ ጌታኞ ኧዋኸአር ስርም አይስራቭኸ›› ባረን፡፡ ማአቸወ፡፡
+\v 23 ጭን ተዥባፐረታ ኧጴጥሮስ ‹‹ኧሰኸኒ አኸ ሴጣን ኧሰቫአር ባኸሬ ኧጐይታ አር አታአሰቢ ኧኸሬ እንቁርፊድ ትኸርቪ›› ባረን፡፡
+
+\v 24 ተኽም ቀጥወ ኢየሱስ ኧተማሪኋ ‹‹ኢያ ይትኼቲረይ ይሲኢካ እንእ ገግኋ ኧኽዳ መስቀልሞኋ ኧፈንግ ኢያ ኧትኸተሬ፡፡
+\v 25 ነፍስኋ ያአይፕኩዳ እንእ ያአይኩ ኢያ ቲይር ጭን ነብስኋ ያአይኘርኩ እንእ ያተርፊኩ፤
+\v 26 ሰቭ በአፈር አነዳ ዱኒያ እንእ ቢያተርፍ ነፍስኋ ቢያአይ ምር የናነሴ? ወይ ሰቮ ኧነፍስኋ ዋጋ ምር ይከሲ ይኸነ?
+
+\v 27 ኧሰቭ ትከ ኧም ቀረ እንሞኋ ኤቨናሞኻመኸ ዋጋ ይኩዴ፤
+\v 28 ኧውረመኛ እርኩዋ ኧሰቭ ትከ በመንግስትሞኋ ክብር ቲቫአካ ቲያዝዋስን ተዋ ተሾከዋ ሰቭ ግት አይወጅዋ ሰቭ አነዋ›› ባረኖም፡፡
+
+\c 17
+\p
+\v 1 ተስድስት ቀረ ቀጥወ ኢየሱስ ጴጥሮስቪ ዉርኤቸ ኧሰማት ያእቆብቪ ዮሃንስ ጠበጠታ ኦጣሞኋ አት ንሻ ኤኤዲ ዎረ ።
+\v 2 በህሜ ቢኢፍትሁኖዋይ መርክኋ ተሽጋገረ ፤ኢፍትኋ ኡኡዋየኸ አበራ ፤ሁጅርሞኋ ኧሳቫየኸ ጊርጊር ባረ።
+
+\v 3 ህመጋ ሙሴሚ ኤሌያስቭ ቲኢየሱስ ቲዝራኩታ ተረኮዊዮም።
+\v 4 ጴጥሮስቭ ኢኢየሱስ «. ጎይታንሮ በዋኸ ኧምቦርት ኢና ወህሄነንራ አኸ በሳረናኸ አት አኸ አት ኧሙሴ አት ኤኤልያስ ፤ሶኦስት ዳስ ነረሽነ» ባረን።
+
+\v 5 ጴጥሮስ ቲዝሬክ ታነ ጓድ ዳቨራ ማአ አኸተረኖም ፤በዳቨራቭ ሁዳ ከስ «በሁዳ ይሽሬዳ ኧረድኩዳ ትከኛ ዋዳን ሁዳ ሱቩኤ» ይቭካ ቃር ተሰምአ።
+\v 6 ተማሪሞኋ ዋ ቃር ቲሰቭኦታ ደነኧኖምታ ኢፍት ኢፍት ቴፌጠዉም ወተኡም።
+\v 7 ኢየሱስቭ ማአ ቴኤነቨ ነከደኖምታ «ቶሾዋ አትፍረዉዋ » ባረኖም።
+\v 8 ሁኖም ቴጌኬርሙ ቢያዡዋ ቲኢየሱስ ኤኛ ሰቭ አናሸዉታ።
+
+\v 9 ተቆቶ ቲዎጅታቭ ኢየሱስ «ኧሰቭ ትከ ተቩድ ቲትረሳ ስን አሸሁይ ሁዳ እእማት ሰቭ እኔኤድሁዋ» ባረ ኤዘዘኖም
+\v 10 ተማሪሞኋ ኢኢየሱስ «አካ ኧሙሴ ቂጫ ያትሞርታ ሁነዋ ኧቭር ነቢ ኤሌያስ ብደይተ ኦኦት አኖወ ዩሩዋ?»ቧርሙ ተሳአሪ።
+
+\v 11 ኢየሱስቭ «ኤሌያስሽ ኧዉረ ሜኤተታ እንእ አአር ኢጌኪርኬ፤
+\v 12 ዘንጋ ጭን እቭሁዋ ኤሌያስ አዋ ኢፍቲ ማአ ቢኸርቭ ሁኖዋ ኧሳረኖዋ አአር ኤፐኰ ባኸሬ አኋሪዳ።እመኸቭ ኧሰቭ ትከ በኧጅሁኖዋ መከራ ኢቴኤፐርኬ ባረኖም ።
+\v 13 ሃአ ግዚየ ተማሪኋ ኢየሱስ ኧዝሬከኖዋ ሁዳ ያጠምቅካ ዮሃንስ አአር ኧኸረኸ ኋርሙ።
+
+\v 14 ኢየሱስቪ ሶኦስቸ ተማሪኋ ሰቭ አኖዳ ኤኤዲ ሞኦም በሰንኦዋጋ ፤አት ምስ ኢኢየሱሲ ቴኤነቨ በኧግርኋይ ወተኧታ፤
+\v 15 «ጎይቶ ሃበዳሽ ትከኛ አትርፍኒ ፤ኧዙር ባአሸ ቲትረሳወዳ ቡሼኧኸ ያስቃይኩ ፤ኖኦራ ግዚየ ብእሳድቪ ብእሃ ኢቃሽኩ።
+\v 16 ኧተማሪማሄ አቫአሁን ባንደ ሁኖም ያተርᎉ አኸረኖታ ባረን።
+
+\v 17 ኢየሱስቭ«አሁዋ አታአቩሩዋ ቡሼእ ኧዋ ዘቨር ሰቭ መቸ ስን ታሁዋ ኧረቭርኬ? መቸ ስንሁ ኧፈርህነሁዋቴ? ባረታ፤ትከ ሁዳ ዋይ ኦኤ» ባረ።
+\v 18 ተህም ቀጥወ ኢየሱስ ኧሴጣን ሁዳ አጥራቆረንታ ተኧች ሁዳ ዋአ ኧችቭ ሁዳ ተሃ ግዝየ ቀነሰታ አፍያ ኸረ ።
+
+\v 19 ተህም ቅጥወ ተማሪሞኋ ኦጣሞሁኖዋ ኢኢየሱሲ ቴኤነዉምታኢና ሴጣን ሁዳ ኦኦት አኸረን ሁዳ ኧቭርአፈድን ቧሪ?
+\v 20 ኢየሱስቭ እምነት አአነሰናሁዋቴ ፤ኧዉረመኛ እቭሁዋ ኧጤፍ ቊይንቀ ያአህርካ እምነት ቢረቭርሁዋ ዋ ቆቶ ተሳ ኤኛይ ሆር ብቱሪ ያር ዪኢምሁዋታ አአር አታ አአር አይረቭርካ ፤
+\v 21 ኧዋ አይነት ሴጣን ጭን በጦሚ በጠሎትቭ ባሃሬ አይዋአካ »ባረኖም።
+
+\v 22 በገሊላ እማቲ በደሞጁዋይ ኢየሱስ ኧተማሪኃ «ኧሰቭ ትከ ኧሰቭ ኤኤቶ ያአይፑሪዴ ፤
+\v 23 ዮኦትሪዴ ሁድቭ በወንደ በሶኦስት ቀረኋ ተቩድ ኢትረሳኬ »ባረኖም ።ተማሪሞኋ በዋ ዘንጋ ቡሼኧኸ ቀጨ ባረኖም ።
+
+\v 24 ኢየሱስቪ ተማሪሞኋ እማቲ ቅፍርናሆም ከተማ ቲሰርኦዋታ ኧቤተ መቅደስ ጊብር ኢቴኤፖርታ ሰቭ ኧጴጥሮሲ ቴኤነዉምታ አስተማሪያሁዋ ኧቤተ መቅደስ ጊቢር አይከስካ? ቧሪ።
+\v 25 ጴጥሮስቭ«ኢከስኬ ባሃሬ! »ባረኖም ።ኢየሱስቭ ኧጴጥሮስ ቢድ ተገፓመኸ በተረታ «ስምኦን ምር ኢቨስርኸ? ኧዋ አለም ንጕስ ጊቢርቪ ቀረጥቭ ተቫን ኢቴኤፖሩዋ? ተገግሁኖዋይ ዴንጋዪ ዌ ቴኤኛ ሰቭ? ባረን።
+
+\v 26 ጴጥሮስቭ «ቴኤኛ ሰቭን ኢቴኤፖርታ!»ባረን።ኢየሱስቭ አካ ሁከኸ በኸረ ኧገግሁኖዋይ ዴንጋ ጊቢር ኤነዎታ ኧዋርትና!።
+\v 27 ቢኸርቭ ዋ ሰቭ ባይዎኦችዋይ አኸ ሆርታ በቫር ፎር መረባኸ ዛጋ አአወተረ ብትጠጥኩዳ አሳ አፉኋ ትትከፍትኩዳ ፈራክ ትንኸቭሴ ሁድቭ ዉስትታ ኢያመዪ አኸሜ ሟሪ ካስ»ባረን
+
+\c 18
+\p
+\v 1 ግዚየ ተማሪኋ ኢኢየሱሲ ቴኤኖምታ ‹‹በጔይታ መንግስት ትእንሞኋ ይረካ ማንተን? ባርሙታ ተሳአሪ፡፡
+\v 2 አት ትከ ኧናታ፤ በግትኽኖሞ አሸከቨንታ፤
+\v 3 እርኹም ተዣቨይተኹዋታ እእም ትከኸ ባንኸርኹዋ ኧጔይታ መንግስቲ ስርም አትጎኦታ፡፡
+
+\v 4 ትከኸ ገግኋ ያቲንስካ እንእ በጔይታ መንግስቲ ትንሞኋ ይረካ ኹዳት፡፡
+\v 5 ትከ በሹኛ ይቴኦፐርካ እንእ ኢያ ይቴኤፐሬ›› ባረኖም፡፡
+\v 6 ‹‹አት ሰቭ ብያ ታኦሞርዋ ትእንሲየ ኹነዋ አአት ኹዳ ስን ቆፋት ኸረታ ባጢር ያቴብኩዳ ሰቨ እእቭር ወፍጮ በአንገድኋ ኤጊቶኮ ባቫር ቆጥራ ቢሆሬ ይፈዝኩ››፡፡
+
+\v 7 ኧቫአ ኧዋ ዓለም ሰቭ ግርድኋ ቆፋት ታቫወ አይችካ ቢኸር ቆፋት ይኽርካ ኧዋ ሰቭ ግርድኋ
+\v 8 ወይ ኧግራኸ ባጢር ቢያቲፕኸ ኧጥ ቃሽኩ ውሬት ኧኛ ውሬት ኧግር ንቨይተናኸታ በአዛብ እሳድ ቢቋሽኮዳ ሁዳ እንዱንር ወይ ጅረኺንተኸ አያ ኸርኸ ኧዘላለም ጄነት ብትገቫ ይፈዝኸ፡፡
+
+\v 9 ባጢር ቢያቲከኸ ኦኦታ ቃሽኩ ውሬት ኤር ንቨይተናኸ በአዛብ እሳድ ቢቋሽኮዳ ኹዳ ኤር ንቨይተናኸ አያ ኺንተኸ ኧዘላለም ጄነት ብትገቫ ይፈዝኸ›› ባረ፡፡
+
+\v 10 ‹‹በሰቫይ አነውታ መላአይካኹነዋ እንእ ቀረ በሰቫይ አነዳ አባኛ ኢፍት ያዥዋይ ኧኸሬ ተዋ ትእንሲየ ኹነዋ አአትኹዳ ስን አትቆርጩዋኸ ተጦፖዋ፡፡
+\v 11 ትከ ኧኧኛዋ ኹኖዎ ያተርፊ ማአ፡፡
+
+\v 12 እንዴ ‹‹ምር ይቨስርኹዋ? አአት ሰቭ በኧር ጣይ ቢይረቨርኩ ተኹኖዋ አት ጣይ ብየኧይኩ ዠኧራይ ዢኧ በቆቶ ፎር ቴእተታ ኧኧኝን አአት ጣይኋ ይሲኢ አያርካዌ?
+\v 13 በረከ ቨንጋ ኧውረመኛ ኧርኹዋ ታኖኦኞዋ ተዠኧራ ዢኧ በኻ በነከቨን በአት ጣይኋ ይረእ ይሽርኩ፡፡
+\v 14 እመኸቨ ተዋ ትእንሲየኹነዋ አት ስን የኧይ በሰቫይ አንዳ አባኹዋ ፍቃድኋ አንኸረዳ›› ባረኖም፡፡
+
+\v 15 ኢየሱስቭ ኧሰማኸ ቢያአፋኸ ኾርታ አኸይ ኹድቨ ኦጣኋዋ ቾሮምታ ኢፋድ አውድኩ ፣ቢሰቫአኸ ኧሰማኸ ሀአቭታ ኧገጋሀአር ቲናኩ ።
+\v 16 ባይሰቫኸ ዘንጋ እንዳም በውሬት ወይ በሶኦስት ምስክር ያርኢ ኧኸሬ ፥አት ወይ ውሬት ምስክር ጥጥታ ኧሁዳይ ሆርታ አዛኩ ፤
+
+\v 17 ኧሁኖም ባይሰቫኮዋ ኧቤተክርስቲያን አውድ ፤ዋአካቭ ኧቤተክርስቲያን ባይታአዘዝ ሁዳቭ ተውዘገቭተዋ ተቫጢርሁኖዋ ታዠፖርዋ ሰቭ ድቭርኩ ።
+
+\v 18 «ኧውረመኛ እርሁዋ በአፈር አአከትሁይአር እንእ በሳቫይ ኧታአከዳአር ይኸር ፤ብችአፈር ኧፈታሁያአር እንእ ኧትፈታአር ይኸር ።
+\v 19 «ዋአካቭ እርሁዋ በዋ አፈር ታሁዋ ውሬታሁዋ በቫኒማአር ተስቫቬተሁታ ብሶኦርዋ በሳቫይ አንዳ አቦኛ ይቭሁዋሴ ።
+\v 20 ውሬት ወይ ሶኦስት ሰቭ በሹውኛ ቢደሞጅኮዴኤዲ በህመኸ በግትሁኖዋ ኢያ ኧትረከቭ »ባረኖም ።
+
+\v 21 በህም ግዚ የጴጥሮስ ኢኢየሱሲ ቴኤነቨታ «ጌታኞ ኧሰምኛ ቢያአፈይ ምራህር ግዚየ አፍ ንቫኩ? ሰቫአት ግዚየ አፍ ንቫኩዌ? »ባረን ።
+\v 22 ኢየሱስቭ ዋኸ ባረን፤ «ሰቫ ግዚየ አፍ ባኩ ባሀሬ እማት ሰቫት ግዚየ አኸረዳ ።
+
+\v 23 ኧጎይታ መንግስት ምር ይቨስርኸ? በሜነኝ አነዳ ሰቨት ኢትሰሳሰቢ ኢሲካ ኑጉስ ኢቨስር ።
+\v 24 ሁድቭ ኦኦስቡት በቀነሰ ቀጥወ አስር ሁቭ ብር ሰቨት አኖዳ አት ምስ ጠቦጩም አዎኦይ ።
+\v 25 ኢከስካአር በቨከረጋ ምስ ሁዳ ሚሽትሞይ ዴንጋሞኋ አነንዳአር እንእ አሰዮቶዋታ ሰቨትኋ ኢኮሺኸ ኑጉስ ሁዳ አዘዘ ።
+
+\v 26 እመኸ ሜነኝ ሁዳ ማአታ ቢኢፍትኋይ ወተኧታ ፥«ዳቭኞ ሀበዳሽ ጎቸ አቬሽ ፤ ዲቪተሁታ ኧካስነኸሴ >ባረታ ሳአረን ።
+\v 27 ዳቭሞኋ አትቫጠጠንታ ገፈረን ፣ ሰቨትሞኋ ቼኤነታ አስርራፐተን ።
+
+\v 28 « ቢኸርቭ ዋ ሜነኝ ሁዳ ጭን ተህም ቢድ ተዋአመኸ ቤሻኋ ተራከቨን ፤ ሁድቭ ብእም ቤሻኋ አት በኧር ብር አቨን አጅግ ባነንደ አጋኋ ኧሁዳቭ « አነቨኸዳ ሰቨት ካስኒ » ባረታ አነቀ ጠበጠን ።
+\v 29 ቤሻሞኋ በኧግርኋ ወተኧታ፥ < ሀበዳሽ ጎቸ አቨይሽ ሰቨታኸ ዲቪተሁታ ኧካስነኸሴ ባረታ ቢሰኧርኩ ፤
+
+\v 30 ሁዳቭ ባአይ አይኸርካ ባረን ፤ሰቨትኋ ቲከስ ስን ወሰደ በኦህኔ አቴኤከደን ።
+\v 31 ቤሻኋ ኧሆርዋ ኧቬነኝ ሁዳ ኤፐን ዘንጋ ባሸዋጋ ቡሼኤ ተወጠጩምታ ኧዳቭሁኖይ ሞኦምታ እም ዘንጋ እንእ ኤኤጂ ።
+
+\v 32 ሁዳቭ ኧዋ አዋአን ኧቬነኝ ሁዳ ኸናንታ <አኸ ሙጥጥ ሜነኝንኸ ኧሳአርሄ እንእ ሰቨት ቼኤነከ ።
+\v 33 ኢያ ኤቼኤከመኸ ኤቬሻኸ አንቼኤኸን እቭራፈድን? »ባረን።
+
+\v 34 ዳቭ ሁዳ ሰቨትኋ እንእ ቲከስ ስን በኦሁኔ ይታአግደኸ ኤፐን ።
+\v 35 « አሁም እንማሁዋ ኧኧሰማሁዋ ተከሲያሁዋ አፍ ባቱሪ እመኸ ኧሰቫይ አባኛ ጎይታ አፍ አይሁዋታ»ባረኖም ።
+
+\c 19
+\p
+\v 1 ኢየሱስ ዋዳ ዝሬከ በጀፐረ ቀጥወ ፤ተገሊላ ተረሳታ ተዮርዳኖስ ሀ አጋድ አነዳ ኧይሁዳ ገኘ።
+\v 2 ህሜ ቲያርካ ኖኦራ ሰቭ ቴሄተሪ ፤በህሜ ባአሸ አነዎታ ሰቭ አፊያ ኤፐንም ።
+
+\v 3 ኧፈሪሳ ሰቭ ኢፎትሪ ኧሁዳይ ቴኤኖምታ «ኧሁርትሞሀ ሰቭ በኸረ ባኸራአር እንእ ምሽትኋ ኢገፍሪ ተፈቀደይ? »ቧሪም ተሳአሪ ።
+\v 4 ዥፐረታ « ጎይታ ቤተረ ኧች ተገረድ ኤፐ ኧፈጠረኸ -አናነበብሁዋታ?
+
+\v 5 <በህም ኧቫአ ሰቭ አባሞሀይ አዶድሞሀ ኢችእ ፤ ተቭሽትኋ እማት ይኸር > ይካ ቃር አናነበብሁዋታ?
+\v 6 ቦዋቴ ሁና አት አካልኖዋ ባሀሬ ውሬት አሆርታ ፤እመኸ ኧኸሬ ጎይታ ፣አት ኤፐን ሰቭ አይቫትሪኩ »ባርኖም ።
+
+\v 7 ሰቭ « ባቴ ሙሴ አት ምስ ሚሽትኋ ቲገፍርካ ኧገፈረናኸ ያትሄርካ ኧፊርማ ወረቀት ኤንተ ያስራፕትካኸ ኧቭሪ ኤዘዘ? »ባሪ።
+\v 8 « ሙሴሁ ኧሂናሁዋ ቱእነድ አሸታ ምሽታሁዋ ትጎፉርዋይ ተፈቀደንሁም ባሀሬ ቲኢፍቲሽ ቅርሽተዋ ዋኸ አነፐረዳ ።
+\v 9 ጭን ዋኸ እርሁዋ አት ሚሽት ተኤኛ ምስ ሁጅር -ትደምድካ ባነኮዊያአህር ምሽትኋ ገፈረታ ኤኛ ምሽትያገአካ ገማ እንእ ተኤኛ ምሽት ውጅር ይደምድ ፤እመኸ ሂድቭ ተኤኛ ገማ ሁጅር ትደምደኸ ኢንአካ ብእመዳ ኧጎፈሪያም ሚሽት ያገአካ ምስ ተኤኛ እሽቻሁጅር ይደምድ ባረኖም ።
+
+\v 10 ተማሪሞኋ ኧቭሲ ኧቭሽት ዘንጋ ዋኸ በኸረ «አናጉኦት ኢፍዝ »ቧሪ ።
+\v 11 ኢየሱስ ጭን « አናጉኦት ኢፈዝ ቱረዳ ዘንጋ ተጎይታ ደረግ ኧቴቭን ሰቭ ባሀሬ አትዎኋ ኢቴኤፐሪኵይአይኸነዳ።
+\v 12 አታትሁኖ ዋተዋኤርም ኧቴኤኙዋ ፤ኧኛሁኗ በሰቭ ኧጅ ኢትዋኤሩዋ ኤኛሞሁኗ፤ኧጎይታ መንግስት ቲዩሩዋ ገግሁን ኢዋኢርታ ሰብአነዋ ፤ዋድ ኢቴኤፐሪ ኢኸነዳ ሰቭ ኧተኧቨር።»
+
+\v 13 ቀጥወ ኧጅኋ በፎርሁኗ ኧዲክተ ኢጥልይኗይ ብስካድ ዴንጋ ፤ኢኢየሱሲአቴኤነውዮም ።ተማሪምሞኋ ብስካዲየ ዴንጋ ኢኢየሱሲ አዎኦዋ ሰቭ ነፎጉዮም
+\v 14 ቢኸር ኢየሱስ ብስካድየ ዴንጋ ኢያይ ኦኦዋ አትሁርኤዮዋ፤ ኧጎይታ መንግስት ኧሁኖኸ ሰቭናአር »ባረኖም።
+\v 15 ኧጅኋ በፎርሁኖዋ አተገ በዳረኖዋ ቀጥወ ተሀ ኤኤዲ ቸኧ ወረ ።
+
+\v 16 አት ቀረ አት ምስ ኢኢየሱሲ ቴኤነቭታ «አስተማሪዮ ኧዘላለም አያ ሂንተሁ ኧረቭሪ ምር ወሄ ዘንጋ ነንአ? »ባረ ተሳአረን ።
+\v 17 ኢየሱስቭ ኧቭስ ሁዳ «ኧቭር ኦሄ ዘንጋአር ተተሳአሬ? ወሄ ኧኸረ እምት ጎይታ ፤አያ ሂንተኸ ትረቭሪ በሴኤኸ ጭንብ ኧጎይታ ትዛዝ ኧየ »ባረን ።
+
+\v 18 ምስ ሁዳ «ኧት ትዛዝ? »ባረ ተሳአረን ።ኢየሱስቭ «አትእትር ፥ተኤኛ ኢስቻ ሁጅር አድምድ ፤አትስርእ ፥ኤናአር አታአውድ ፤
+\v 19 አቭ ታአዶዳኸ አህብድ ፤ሰቭ እንእ ኧገጋሁኸ ንቨድ ፤»ባረን ።
+
+\v 20 ምስ ሁዳ እሸሁኗ እንእዎሁኖዋ እየሁ ኧኛአር ምር ኢቀብርቪ? ባረን ።
+\v 21 ኢየሱስ ጥርር ሰቭ ትኸሪ በሴኤኸ ሆርታ አነነኸዳ ንቭረድ እንእ አሰ የኧዚጋ አቭ ፤በሳቫይ ዱኒያ ትንከቭሴ ፤ተህም ቀጥወ የኸታ ኢያ ተኸተሬ »ባረን ።
+\v 22 ምስቭ ሁዳ ኖኦራ ዱኒያ ኧረፐረኒ ኧኸሬ ዋዳ ቢሰቭአ ዱኒያኋ አቨጠጠንታ አሳርት በጠበጠንመኸ ተዠፐረ ቢድኋይ ወረ ።
+
+\v 23 ተህም ቀጥወ ኢየሱስ ኧተማሪኋ «ኧውረ እሁዋ ደንገኝኧጎይታ መንግስት ኢገቫአይ ኖኦራአር ያጀግርኩ።
+\v 24 አትቭ ንድቭርወናአውድሁ « ደንገኝኧጎይታመንግስት ቢገአካ ሁዳ ጋሜራ ኧቨርፍ ጉድድ ቲዩሪዳ ኤኤድ ቢዋአ ይፈስኩ» ባረኖም ።
+
+\v 25 ተማሪሞኋ ዋዳ ቢሶኦዋ ኖኦራአር ወግ ኸረዎምታ « አካ ማን ይተርፊ ኢኸነ? ቧሪ ።
+\v 26 ኢየሱስቭ ኧተማሪኋ ኧሁኗይ ኤፐ ቲያዥ « ዋዳ ኧስቭ አይኸነዳናአር ኧጎይታ ጭን እንእአር ይኸነ »ባረኖም ።
+\v 27 ግዚየ ጴጥሮስ «ኢና እንእአር ቸኧነ ተሄቴኔከ አካ ምር ንረህቭኔ ኢህርሴ? » ባረን ።
+
+\v 28 ኢየሱስቭ « ኧውረመኛ እርሁዋ ቢቫአካ ወያ አለም ኧሰቭ ትከ በክብርኋ ዙፋንኋ ፎር ቢቸናካ ቀረ ኧትሄተርሁኝ አስረ ውሬኤማሁዋ በአስረ ውርኤት ዙፋን ቸየተሁዋታ ፥ባአሰረ ውርኤቸ ኧእስራኤል ጥብ ፎር ትፎርጅቴ ።
+
+\v 29 ኢኢያባረታ ብድኋ ፣ኧሰማትኋ፣ ኧተማትኋ፣ አባኋ አዶድኋ ፣ዴንጋሞኋ ቹጃሞኋ ፥ቸኧ ኧትሄተረ እንእ በቭኧር ኧጅኋ ኢቴኤፐርኬ ፤ኧዘላለምቭ ህይወትቭ ኢወስኬ ።
+\v 30 ኦዘጋ ጭን ዋአካ ኢኢፍቲ ኧሆርዋ ሁኗ ኖኦራሁኗ ኢኢ ኢሆርቴ ፤ ኢኢኧረፖሩዋ ኗኦራሁኗኢ ኢፍቲኢጎኦቴ »ባረኖም ።
+
+\c 20
+\p
+\v 1 ኢየሱስቭ ኧጎይታ መንግስት ኧወይን ኤኤዲ ሜና ዬውታ ሰቭ ኢሲኢ ኧዋአ ምስ ኢቨስር ፤
+\v 2 ዬውታ ሰቭ ኧዋአናሁኖዋ በአት ብር በስሟሞዋ ፥ ቀጥወ ወይን ዬዎኮኤዲ ወሰደኖምታ ዬዋኸ ኤፖኖም ።
+
+\v 3 እም ምስ ሶኦስት ሳአት ቲኸርካ ዋአታ ሜና ኤነነዋ ኤኛ ሰቭ በመያ በሸኮዋይ አሽኖም ።
+\v 4 ኧሁኖም <አሁም ጀጋሪ ውየምታ ኧወይን ኤኤዲ ቶጁዋ ፥ኤፐሁከ አሁዋሴ >ባረኖም ።
+
+\v 5 «ሁኖም ዎርሙ ። « አትቭ በስድስት ሳዓቲ በዢኧ ሳዓት ዋአታ እመኸ ኤፐ ።
+\v 6 በአስራ አት ሰዓት ቢዋአ ኤኛ ሜና ኤነነዋ ሰቭ በሾኮዋይ ነከቭኖም ።<ዋ አሁዋ ኧዲየዋአናሁዋ ሜና አኢቫር በዋኤዲ ኧቭር ተሸኮዋ> ባረኖም።
+\v 7 <ኢና ሜና ያቲፕንረዳ ሰብ አነከቭነዴ >ቧሪ ሁድቭ <አሁም ጀጋሪ ውየምታ ወይን ኦኦፖርኮኤኤዲ ትጁዋ >ባረኖም ።
+
+\v 8 «ቲቫአካ ኧወይን ኤኧ ኤኤዲ አነንዳምስ ኤሜነኝኋ አላፊይ ሜነኝ ሁኖዋ ህራኮዋ ኧቀጥወ ተዎኦዋ ሰቭ ቅርስታ ቲኢፍትሜ ሰቭ ዳር ኤፖኮ አኮዋ»ባረኖም ።
+\v 9 በአስራአት ስዓት ሜና ኧቆኖሽዋ ሁኖዋ ሞኦም ፤ ኧአታት አታትሁኖዋ አታት ብር ቴኤፖርሙ።
+\v 10 ኧአዎተረ ሁኖዋ ሞኦምታ ተገፖድ ሁኖዋ የረእ ኢቴኤፖርዋታአር መሰረኖም ባንደ ። ቢኸር ሁኖም አታትሁኖዋአታት ብር ቴኤፖርሙ ።
+
+\v 11 በቴኤፖርዋ ቀጥወ ኧገፓድ ሁኖዋ እማት ሳዓት ኤፖም ፤
+\v 12 ኧዋአናንራ ቄጥነታ ተዊኢና እዋየ ቴፐነ ቲና እማቲ ኧተኸ ቂጢየ ካስኸኖም?>ቧርሙ በቭስ ሁዳ ቁጮጨኮ።
+
+\v 13 ኧወይን ኤኧኤኤዲ አነንዳ ምስ ጭን ዠፐረታ ተሜነኝ ሁኖዋ አአት ሁዳ [ምሶ አገፋከዳ በአት ብር ቴቪ አንስማማኸ ባንደዌ?
+\v 14 ሟራኸ ጥጥሆር ኢያ ኧዋ ኧገፓድ ሁዳ አኸመኸ ኧከስኔ ኧሲእ ።
+
+\v 15 በዋጋኛ ኧሴኤሁአር ኤቪይ መብት ኤኔኒዳዌ? ወይ ቢያ ዋቢነድ አኸ ኧቭር ጠራት ኸርኸ >ባረን ።
+\v 16 ባቴ ኢኢሁኖዋ ኢኢፍት ኢፍት ሁኖዋ ኢኢ ኢሆርቴ ባረታ ኢየሱስ ኤኤደኖም ።
+
+\v 17 ተህም ቀጥወ ኢየሱስ ኢየሩስ አሌም ከተማ ቲያርካ በቬያ አስራ ውሬቸ ተማሪኋ ኦጣሞሁኖዋ ኧሁዳይ ኸናኖምታ
+\v 18 ዋአካ ኢየሩስ አሌም ከተማ ናነ በህሜ ኧሰቭ ትከ በካሃናት አላቃቭ በሙሴ ኧቂጫ አስተማሪ ኧጅ አዎኦም ያአይፑሪዴ ፤ ሁኖም ኧውድ ፍርድ ኢፎርጅኮዴ ።
+\v 19 ያኬሽኮዴ ፥ ኢጎሪፊዴ ፥ ኢሶኡሪዴ ፥ በአረማዊ ሰቭ ኧጅ ኤኤተዋ ያአይፕሪዴ ፥ ቢኸር በወደ በሶኦስት ቀረኋ ኢትረሳኬ »ባረኖም ።
+
+\v 20 ተህም ቀጥወ ኧዘብዲዮስ ዴንጋይ አዶድ ተዴንጋመሻ እማትሜ ማአችታ አት ዘንጋ ትሳአርኩይ ኢኢየሱሲ ቴኤነቨችታ ሰገደቸነ ።
+\v 21 ሁዳብ « ምር ትሲኢዋ? »ባረና ።ሂዳቭ «ዋ ውሬት ዴንጋኛ በመንግስታኸ አት ሁሁዳ በቀንእ አጋዳኸ አት ሁዳ በጉራ አጋዳኸ ኢቾኖዋኸ ኧናኒ» ባረቸን ።
+
+\v 22 ኢየሱስ ዥፐረታ «አሁዋ ትሶኦርዋታአር አቲሂርታ ኧያቆቢቪ ኧዮሐንስ አሁዋ ኢያ ብእናወ ቀረ ኧሰጭኩዳ ኧመከራ ጥዋ ትሰጭዋይ ይኸነሁቴይ? »ባረኖም ።
+\v 23 ኢየሱስቭ « ኢያ ኧስጭኩዳ ኣመከራ ጥዋ ትሰጭዋቴ ቢኸር በቀነመኛ በጉራመኛ አውሮት ጭን አቦኛ ጌከረ አዎናኖዋ ሁኖተ ባሀሬ ኤኤድ ኢካ ኢያ አኸርኋ »ባረኖም ።
+\v 24 ኧተኖፉውዋ አስር ኢኢየሱሲ ተማሪ ዋ ኧሳአሪ ሁዳ ሰሞምታ ፤በውሬቸ ኧሰማት ማአቾም ።
+
+\v 25 ኢየሱስ ጭን እንሞሁኖዋ ኧሁዳይ ኸናኖታ ፥ «ኧአረማዊ አለቃ በሰቭሁኖዋ ገዢመሁኖዋይ ዳኝመሁኖዋ በሁኖዋ ፎር ዳነድአነኖኸ ቲሂርዋ ።
+\v 26 ባሁሽ እሸኸሽ አይህር ቢኸር ተግታሁዋ ኑእ ይኸሪ ኢሲካ ሁዳ አሁዋ አገክር ።
+\v 27 ተግታሁዋ እንሞኋ ኢኢፊቲ ኢኸሪ ኢሲካሁዳ አሁዋ ባሬያ ኧህር ።
+\v 28 እመኸ ኧስቭ ትከ ያጌክሪ ነፍስሞኋ ኧኖኦራሁኖዋ ሱጉየ ኤኝተታ ኢዎዲ ማአ ባሃሬ ኧሁዳ ያጌኪሪ አማአዳ »ባረኖም ።
+
+\v 29 ተህም ቀጥው ተኢያሪኮ ከተማ ቲዋአካ ኖኦራ ሰቭ ኢኢየሱስ ቴሄተሪ ።
+\v 30 ውሬት ኤርሁኖዋ ኧፈጠ ሰቭ በቨያ ሞሬ ቾኖም ባንደ ፤ ኢየሱስቭ ተህምኤድ ያረኸ ቢሰኦዋ « ጌታንሮ ኧዳዊት ኧቾ ሐበዳሽ አፍ ባረንረሽ ቧርምታ ቃርሁኖዋ ነሾምታ አሆኖም ።
+\v 31 ኧሁኖም « ቁስ ቧርዋ »ባረኖም ሰቭሁኖዋ አጥራቆሪየዋ ሁኖዋ ጭን <ጌታንሮ ኧዳዊት ኧቾ ሃበዳሽ አፍ ባርንረሽ ቧርሙታ ቃርህኖዋ ነሾምታአኸኖም ።
+
+\v 32 ኢየሱስቭ ተሸከቨታ ኸናኖምታ «ምር ኤቨነሁዋይ ትሲኢዋ? »ባረኖም ።
+\v 33 ሁኖም « ጌታንሮ ኢና ንሲኢኔዳ ኤንራ ኢትከፈድኔ »ቧሪ ።
+\v 34 ኢየሱስቭ አትቫጠጠኖምታ ኤርሁኖዋ ቡኡሻሸኖጋ ህመጋ ኤርሁኖዋ ተከፈደኖምታ አሸኖም ኢኢየሱስ ቴሄተሪ ።
+
+\c 21
+\p
+\v 1 ኢየሱስቪ ኧትሄተሪቭ ሰቭ እማቲ ኢየሩሳሌም ሞኦም ቲትኢናኖዉታ ደብረ ዘይት ቢዩሪዳ ቆቶ ፎር አነዳ ቤተ ፋጌዩሪዳ ቃያ ቲሰርኧታ ኢየሱስ ተተማሪኋ ዉርኤትሁኖዋ ኬሸኖምታ፤
+\v 2 ኧቭያሁዋይ አነዳ ቃያ ሆሩዋ ህሜ ትትሰርኧታ አት እቫር ተትከሞኋ ባአኮጂ ኤኤዲ ትረሁዉቴ በረከሁዮመጋ ኢያይ ፉጆም ኦኦዮዋ ፤
+\v 3 ማንኝእ ስቭ ተቭር ዋኸ ቲንኦዋ በቫረናሁዋ «ጎይታ ኧሴኧነዋይ ኧኸረዴ»ቧሪ እቫር ሁኖዋ ህመጋ ኢግፍርነሁዋሴ ባረኖም።
+
+\v 4 እመኸቭ ኧኸረሁዳ በነቢ ኢሳያስ «ኧፅዮን ከተማ ኢኢየሩሳሌም ዋኸ ቧሪ፤
+\v 5 እኩ ንጕሳኸ ሚራ ሂይንተ ብእቫር በገገርኋ ቸየተ አሄ ኢቫአኬ፤ቧርሙ ኧዝሬከዊ ቃር ዉረ ኢኸርኔን።
+
+\v 6 ተማሪሞኋ ዎርሙታ ኢየሱስ ኤኤዘዘነዋመኸ ኤፖሙ።
+\v 7 እቫር ሁዳ ተትከሞኋ እማቲ ቦቾም አቮኦዮምታ ፤ብእቫርቭ ትከ ሁዳ ፎር ሁጅርሁኖዋ አተግኰታንዳ ኢየሱስ ቸናወ።
+\v 8 ተሰቭ ሁኖዋ ኖኦራሁኖዋ ሁጅርሁኖዋ አዎኦም በቨያኋ ኢዝራኮነ ባንደ ፤ኤኛሞሁኖዋ ኤኧ አጤ ሶፖርሙ በቨያ ያድጉዋ ባንደ።
+
+\v 9 ቦተርሙ ኢኢፍቲ ያርታ ሰቭቪ ኢኢሜ ኢትሄተሪዳ ሁኖዋ «ሆሳእና ኧዳዊት ትከ»፤ «በጎይታ ሹቭ ኢቫአካ ኧትዳረደ »ሆሳእና ፤ሽኩርት በሳቫይ እእግዜር ሽኩር ኧህር »ባርሙ ያትኋኖዋ ባንደ።
+\v 10 ኢየሱስቭ ኢየሩሳሌም ከተማ በገፓጋ ኧከተማኋ ሰቭ እንእ ዋዳ ማንተን? ቧርሙ ተዉራኮጉም።
+\v 11 ሰቭቭ ሁኖዋ «ዋዳ ተገሊላ ገኘ ተናዝሬት ኧቫአ ነቢ ኢየሱስን»ቧርሙ ።
+
+\v 12 በህም ቀጥወ ኢየሱስ ቤተ መቅደስ ገፓታ ያስሮታዪ ኢስሮምቭ ኧረፖሩዋ ሰቭ አትሳተደ አዋኖም፤ፈራክ ኢቬስርታ ሰቭ ጠረጴዛሁኖዋ ደፋዎም ቡናር ያስሮታ ሰቭቭ ቧርጭማሁኖዋ አክቨነረዎምታ፤
+\v 13 «ቢድኛ ኧጠሎት ቢድ ዩዉሪዴ ቧርሙ ጣᎉ፤ አሁዋ ጭን ኧፈገያ ዱምታኤፐሁይ »ባረኖም።
+\v 14 በቤት መቅደስ ከስ ታነቭ ፉርጥቪ ምሲየሞሁኖዋ ኧሸተረወዋ ሰቭ ኧሁዳይ ቴኤነዉም ሁድቭ አፍያ ኤፐኖም።
+
+\v 15 ዘጋ ጭን ኧካህናት አላቃዪ ኧቂጫቭ አስተማሪም ኢየሱስ ኤፐኖዋ ወግ ዘጋ አሸዉምታ ፤ሆሳእና ኧዳዊት ትከ ቧርሙ ያሆሮታቭ ብስካድ ዴንጋ ቢያዡዋ ቡሴኧኸ ተራተጁም።
+\v 16 ህመኸ ኧኸሬ ዋ ብስካድ ዴንጋ ዩዉርታ አአር ትሰቭአኮዋ ቧሪ? ፤ኢየሱስቭ እንከ ኧሰቭአ «ተዴንጋዪ ጡቩ ቲጦዉታ ብስኪድ ዴንጋ አፉ ሽኩርት ጌከርኸ ይቭክካ ቃር ስርም አናረበብሁዋታ? ባረኖም፤
+\v 17 ቼኧኖም ተከተማኋ ዋአታ ቢታኒያ ዩሪዳ ኤኤዲ ወረታ በህሜ ኔኧ።
+
+\v 18 ኢየሱስ በቭረጋኋ ጋአት እረርኧ ተረሳ ኧከተማሁዳይ ቲዠፐርካ ጋደን።
+\v 19 በቨያ ሞረሜ አት ኧሸቭራ ኤኤ አቨታ ኧሁዳይ ቴኤነቨ ቢኸር ጭን እንዝር ባኸሬ ቡስር አነከወዌ ኧኸሬ «ተዋቴ ቡስር ስርም አይኰኰከ! »ባረን ፤ሸቭራቭ ሁዳ ህመጋ ደነኧ።
+
+\v 20 ተማሪሞኋ ኧኸረሁዳ አሸዉምታሸቭራ ሁዳ ኧተኸ እማተጋ ደነኧ ቧርሙ፤ ወግ ኸረዎም
+\v 21 ኢየሱስቭ ኧዉረመኛ እቭሁዋ ታጥራጠርሙ ብትታአሞሩዋ እማት በሸቭራ ሁዳፎር ኧኸረ ሁዳ ኦንኧት ታይኸር ዋ ቆቶ ተዋ ኤኤዲ ተሳታ ኧቫር ከሲ ኧንአ ተረግ ብቱሪ ይህነሁዋሴ ባረኖም።
+\v 22 እምነት ቢረቭርሁዋ በጠሎት ኧሳአርሁይ ሁዳ እንእ ትንኸዉዋሴ ባረኖም ።
+
+\v 23 ኢየሱስ ቤተ መቅደስ ገፓታ ቲያትመርቭ ታነ ኧካህናት አላቃዪ ኧገኘ ባሪቅቭ ኢኢየሱሲ ቴኤነቩምታ«ዋድ እንእ ቲንአካ ሁዳ በቫን ዳኝነድን? ዳኝነድ ሁድሁ አቨናኸ ማንደን?»ቧርሙ ተሳአሪ ።
+\v 24 ኢየሱስቭ ዠፐረታ «ኢያቭ አት ዘንጋ ኧትሳአርሁዋቴ አሁዋ መልስኋ በዠፐርሁኒ ኢያቭ ዋሁኖዋ እንእ በቫን ደረግ ኢንአኸ ኢኢድሁዋቴ፤
+
+\v 25 «ኧይዮሃንሲ ጥምቀት ኧቫአሁዳ ተኧቲ ባንደ ፤ያጠምቅ ኧረፐረ ብእግዜር ፍቃድ ባንደዪ ዌ በሰቭ ፍቃድ?»ባረ ተሳአረኖም፤ሃአ ግዚየ ገግተገግሞሁኖዋ ዋኸ ቧርሙ ተሙካኮርሙ፤«ትእግዜር ፍቃድ በቫርኔ አካ ኧቭር አናአመርሁኮዳ? ይቭረንረዴ፤
+\v 26 ተሰቭን ኧቫርኔ በኸረ ሰቭ እንእ ዮሃንስ ነቢን ባረ ያአቭሪ ኧኸሬ ንፈይነ ቧርሙ።
+\v 27 ህመኸ ኧኸሬ ኢኢየሱስ «ኢናሽ አሂነዳ» ቧሪ ፤ሁድቭ «አካ ኢያቭ ዋዳ እንእ በቫን ደረግ ኢንአኸ አኒኢድሁዋታ» ባረኖም።
+
+\v 28 ዠፐረ ኢየሱስ ዋኸ ባረ«እንዴ ምር ኢቨስርሁዋ፤ ዉርኤት ዴንጋ አነንዳ አት ምስ ባንደ ተሁኖም አአት ሁዳ« ኧችኞ እንዴ ኦኳ ጀጋሪ ሆርታ ኧወይን ኤኤዲ ቶድ»። ባረን ፤
+\v 29 ኧችቭ ሁዳ አናርካ ባረን ፤ ኸረታ ጭን ሃአቨ ተቩዘከቨታ ኢቹዲ ወረ።
+\v 30 አቭ ሁዳ ኧዉርኤተኘ ኧችኋ ወረታ እመኸ ቶድ ባረን ኧችቭ ሁዳ አኪያ አባኞ ኧቶድሴ ባረን ፤ቢኸርቭ ጭን አምቦረዳ።
+
+\v 31 ተዋ ተቩርኤቸ ዴንጋ አአቦሁኖዋይ ፍቃድ ኤፐዉዋ ኧተሁኖተ? ባረኖም፤ሁኖም አአወተረ ሁዳ ቧሪ ። ኢየሱስቭ ዠፐረታ «ኧዉረመኛ እቭሁዋ ባጢረተኘዪ ተረከቩዋ ሰቭ ህጅር ኢደሙጅታ ሰቭ ብደይተዉኩዋ እእግዜር መንግስት ኢጎኦቴ፤
+\v 32 ያጠምቅካ ዮሃንስ ኧፅድቅ መያ ያቲሽሁዋይ አሁዋይ ማአ አሁዋ አናአመርሁይዳ ፤ባጢረተኘዪ ተረኮዉዋ ሰቭ ሁጅር ኢደሙጅታ ሰቭ ጭን አሞሪ፤አሁዋ ኧኸረ ሁዳ ኧሽተሁዋታ ዳር ንስሃ ጊቭኧተሁዋታ አናአመርሁይዳ።
+
+\v 33 ሃአቨ ኤኛ ሟሟካ ስቭኦዋ «እት ኧወይን አፈር አነነዳ አቨቃጥ ምስ ባንደ ኧዋ አፈርኋ ዙሪያ ኧግምብ ኦኡር አኧረ ወይንቭ ዩኡርኮዳ ጎጀ ኸኘ ወይንቭ ዩኡሮኮዳ ከፍተኘ ግምብ አረሸ ተህም ቀጥወ ኧቻዋጅ አክራኘንታ ኤኛ ገኘ ወረ።
+\v 34 ወይንቭ ያፎይወዳ ግዝየ ቲሰርአካ ሟርኋ ኢቴኤፖርኔ አገልጋይኋ ኧቻዋጅ ሁኖዋይ ኬሸ።
+
+\v 35 ቻዋጅ ሁኖዋ ጭን ኧዋ አአገልጋይ ሁኖዋ ጠቦጩም አእትሁዳ ደነጉይ አአት ሁዳ ኦተሪ አአትቭ ሁዳ ብእቭር ዎኮዪ ።
+\v 36 ሃአቨ ዋ ምስ ኤኛ ቲኢፍቲ ይረእካ ኖኦራ አገልጋይ ኬሸ።ቻዋጅ ሁኖዋ ጭን ኧሁኖም ህመኸ ኤፖዉኮም ።
+\v 37 ቲእ ጭን ዋ ኧወይን ጔታኧኧችሸኛ አመኛት ዮንኧነሴ ባረታ ኧችኋ ኬሸን።
+
+\v 38 ቻዋጅ ሁኖዋ ጭን ኧች ሁዳ ቢያዡዋ ገግተገግመሁኖዋ ወራሽ ሁዳ ዋዳን የሁዋ ንእትርነዪታ ደረድኃ ንስትነ ተቬርሙ
+\v 39 ኧች ሁዳ ጥቦጩም ተኦፖሪ ወይን ሰቻ አጋድ አዎኦም ኦተሪ።
+
+\v 40 «ባቴ ወይን ኧዀረን ምስ ቢቫአካ ቀረ በዋ በቻዋጅ ሁኖዋ ምር ዪንአዎታ አአር ኢቨስርሁዋ?»ባረኖም።
+\v 41 ሙጥጥ ቻዋጅሁኖዋ በቩጥጥ ሙድ እቲተ ኤኤተነዋታ ተወይንኋ ቡስር ግዚየኋ ኧየተዉዋታ ያአይፑሪዳ ኤኤኛ ቻዋጅ ዪቭኬ ቧሪ።
+
+\v 42 ኢየሱስቭ «ግምብ ያረሽታ ሰቭ ኧቆጪ እቭር፤ ሁዳ ኧግምብ ቢድ ዋና ኸረ፤ ጎይታ ዋዳ ኤፐ ፤ ትናዥኔዳቭ ኤኤርንራ ወግን አአር፤» ቧርሙ በቅዱስ መጣፍ ኧጣፉይ ሁዳ አናረበብሁዋታዪ ዌ? ባረኖም።
+
+\v 43 ህመኸ ኧኸሬ ኢያቭ እቭሁዋ እእግዜር መንግስት ታሁዋ ዉሽተዉ ኤኛ ቡስር ያፎርታ ሰቭ ዪዊዴ።
+\v 44 ብእም እቭር ፎር ኢወድእካ ኢትስቨፐር፤ እቭርቭ ሁዳ በፎርኋ ኧወተኧወ ሁዳ እንእ ኢትፌእ»ባረ።
+
+\v 45 ኧካህናት አላቃዪ ኧፈሪሳቭ ሰቭ ሟሟካ ሁዳ ሰምኦምታ ኢየሱስ ኧሁኖዋ አአር ኧዝሬከኸ ኋርሙ።
+\v 46 ህመኸ ኧኸሬ ኢጠጪ ሴኧዉም ባንደ ቢኸርቭ ጭን ሰቭ ሁኖዋ ኢኢየሱስ ኧነቢኸ ያዢ ኧኸሬ ፈኘዉም።
+
+\c 22
+\p
+\v 1 ኢየሱስ ዠፐረታ በሟሟካ ዋኸ ባረ ኤኤደኖም ፤
+\v 2 «ኧጎይታ መንግስት ኧኧችኋ አዠቨኝ ኧደገሰ ንጉስ ኢቨስር ።
+\v 3 ንጉስ ሁዳ አአዠቭኝ ኧሆኖዮዋ ሰቭ ኢዎኦዋኸ ኪሸረኝኋ ኬሸ እም አአዠቭኝ ኧሆኖዮዋ ሰቭ ጭን አንቫአነዳ ቧርሙ።
+
+\v 4 ንጉስ ሁዳ ዠፐረ ኤኛ ኪሸረኝኋ ዋኸ ባረ ኬሸ ፤<ኧሆኖዮዋ ሰቭ ሆርሙታ ኧአዠቨኝ ድግስ ደገስሁ፤ባውራመኛይ ኧቄኝዋ ዋጋመኛ አንጪዮም እንእአር ቁጥቁጥ ኧዋሪ ኧኸሬ ኧአዠቭኝ የሁዋኧ ቧሪዮዋ » ባረ ኬሽኖም ።
+
+\v 5 « ኧሆኖዮዋ ሰቭ ጭን ዘጋኋ ባጭ ኤፖም ቾኦዊታ ፣አት ሁዳ ኧቹጃኋይ አት ሁዳ ኧቂጥኋ ወረ፤
+\v 6 ኧተኖፉም ሰቭ ኪሽረኘ ሁኗ ጠቦጩምታ አድዋኞም ኦቶሪዮም ።
+\v 7 በህም ግዚየ ንጉስ ሁዳ በቯአት ወታደርኋ ክሽታ ሀ ኪሸረኘኋ ኦኦቶርዋ ሰቭ አጋሁኗ ኧተረኖም ፤ ከተማሞሁኗ ብእሳድ ሜከረን ።
+
+\v 8 ተህም ቀጥወ ኧኪሸረኞኋ ዋኸ ባረኖም ፤ «አአዠቨኘ ድግስ ደጎሺ ኧሆኖዮዋ ሁኗ ጭን ኧዋ ድግስ ኢሆርታአር አሆርታ ።
+\v 9 ኧመኸ ኧኸሬ ጆፎረ ዎኦምታ ኧረኮዂይ ሰቭ እንእ አአዥቭኝ ድግሲ ሁሮዋ።>
+\v 10 ኪሸረኘቭ ሁኗ ጀፎረ ዎኦምታ ኧረከዊ ወሄ ተውጥጥሞኋ ሰቭ ቁጥቁጥ ኤፖም አዎኦምታ አአዠቭኘ ቢድ በሰቭ ሜኖይ ።
+
+\v 11 ቢኸር ንጉስ ሁዳ ኧሆኖዮዋ ሰቭ ያዢ ቢገአ አአዥቭኘ ሁጅር አነትኸተረ አት ምስ በሄኤዲ ነከቨን።
+\v 12 ኧቭስቭ ሁዳ <ኧአአዥቭኘ ሁጅር ታትኸተር ዋ ቢድ ኧተኸ ገፓኸ ባረን ።ሁድቭ ይካአር በከረታ ቁስ ባረ ።
+
+\v 13 ንጉስ ሁዳ አአገልጋይኋ ኧግርሞኋይ ኧጅሞኋ ኧጉጂታ ወረጀ ኦኦም በጠነቫ ቋሺ ፤በህሜ ቢኸይ ሽንቭ ኦፉኡት ፥ኢህርሴ ባረኖም ።
+\v 14 ኢየሱስ ዠፐረታ «ኧሆኖዮዋ ሁኗ ኖኦራኗአር ፤ ኧሸፖኢዮዋሁናጭን ቀሪኖአር»ባረኖም።
+
+\v 15 ተህም ቀጥወ ኧፈሪሳ ሰቭ ዎርምታ ኢኢየሱስ ኧተኸ ኧኝኧቶ በዘንጋ አጊቬተዋ ኢጠጪኸ አትዋቾም ።
+\v 16 ኧሁኗይ ተማሪ ተሄሮድሲ ሰቭ እማቲ ኬሾምታ «አስተማሪዮ አኸ ኧውረአር ትዝሬኵኸ ኧጎይታቭ መያ ታስተምርመኸይ አአትዎሁቭ ታታጥቃቅ እንዎኋ በቂጢየ ታዠኸ ንሂነ ፤
+\v 17 «እንዴ አውድንረ ኧኧሮሟ ንጉስ ኧቄሳር ጊብር ኧጉቡርት አነቨንዌ ኤነቨንረዳ? »ምር ይቨስርኸ? ቧርሙ ተሳአሪ ።
+
+\v 18 ኢየሱስ ጭን ተንኮልሁኖዋ ሀረታ «አሁዋ ኸጣ ፣ኧቭር በዘንጋ ትጦሙጅኚ ትሲኢዋ?
+\v 19 «እንዴ ኣጊብር ኢኮሽኮዳ ፈራክ አቶሽኝ »ባረኖም፤ ሁኖም አት ብር አዎኦም አቴሸዊ ።
+
+\v 20 ሁድ በዋ ፈራክ ፎር አነዳ መርክ ኧቫተናአር፤? ጥፈትኮኋ ኧቫተናአር»? ባረኖም ።
+\v 21 ሁኖም«ኧሮማን ጉስናአር ቧሪ ፤ሁድ ዥፐረታ አካ እእሮማ ንጉሲ ሁዳ ኧንጉስ ሁዳ አዊ ኧጎይታአር ኧኸረ ሁዳ ኣጎይታ አዊ፤»ባረኖም ።
+\v 22 ሁኖም ዋዳ ቢሶአ ወግ ኸረዎምታ ዎርም ።
+
+\v 23 በህም ቀረ ኧዎደ ሰቭ አይትረሳካ »ቧርሙ ያአውርታ ኧሰዱቃ ሰቭ ኢኢየሱስ ሞኦምታ ዋኸ ቧርምታ ተሳአሪ ፤
+\v 24 «አስተማሪዮ አት ምስ ታገፓና ምሽት ትከ ታይኢኝ ቢዎድ ኧሰምኋ ኧዎደ ሁዳይ ምሽት አግቭአታ ዘር ኧናነ ባረ።
+
+\v 25 ኧስማት ቲና እማቲ ባነውተ ፤ እንእዎሁኖዋ ኑእ ምሽት አገፓታ ታይኢኝ ኧዎዴ ኧኸሬ ፥ምሽትሂዳ እንስ ኧሰምኋ አገፓና ፤
+\v 26 ህመኸ ውሬተኝ ሶኦስተኝቭ ኧሰቫተኘ ኧሰሚ ስን እንእዎህኗ አጋ ባአጋ ባጎፔያ ቀጥወ ሞጁም ፤
+\v 27 ትንእዎሁኗ ቀጥወ ምሽት ሂዳ ገግመሻ ምፕደች ።
+\v 28 «ዋ ምሽት እንእዎሁኗ አጎፔያይ ኧኸሬ ኧዎጁዋ ሰብ ቢትረሾኮዳ ቀረ ተሰቫአቸ ኧሰማት ኧኧተሁኗ ምሽት ትኸርኬ ።
+
+\v 29 እየሱስ ዠፐረታ ዋኸ ባረኖም «ቅዱስ መጣፍ ዩታአርቪ ኧጎይታቭ ደረግ ቧኋርታሁዋ ትድፓፖርዋ ፤
+\v 30 ኧዎጁዋ ሰቭ ቲትረሾታ ሰቭ እንእ በሳቫይ አነውታ ኧጎይታ መላአይካ ኢኸርኬ ባሀሬ አያጋአቪ አያቨዳቭ ።
+
+\v 31 ኧወደ ሰቭ ቲትረሳካ ጭን ጎይታ ዋኸ ባረኧዝረካናሁዋ ሁዳ አናረበብሁዋታ? »
+\v 32 ኢየሱስቭ «ኢያ አአብርሃም ፤ኧይሳቅ ኧያቆብ ጎይታንሁ ።»እመኸ ኧኸሬ ፥ ጎይታ በክርስቶስ አሞርሙ ኧተነፉዋ ሁኖዋ ጎይታን ባሀሬ ኧዎጁዋ ሁኖዋይ ጎይታ አኸረዳ።»
+\v 33 ሰቭ ሁኗ በሰሞኦዋጋ አትመረን ትምርት ወግ ኸረዎም ።
+
+\v 34 ኢየሱስ ኧሰዶቃ ሰቭ ቁስ አአቴፐኖኸ ሶምኦምታ ኧፈሪሳ ሰቭ ብእማት ተደሞጁም ።
+\v 35 ተሁኖም አት ኧሙሴ ቂጫ አስተማሪ ኢኢየሱስ ኢፈትርኵይ ሴኧታ ዋኸ ባረ ተሳአረን።
+\v 36 «አስተማርዮ ተህግ እንእ ኢረእካ ትዛዝ ኧተዳን? ባረን ፤»
+
+\v 37 ኢየሱስቭ ዋኸ ባረን ፤«ጎይታ አምላካኸ በውርአ ሂናኸ በውርአ ነፍሳኸ በውርአ አሳባኸ ንቨድ ።
+\v 38 ትንእዎሁኗ ኢረእካ ኢኢፊቲ ትዛዝ ዋዳን ።
+
+\v 39 ሁሳቭ ኢቨስርካ ውሬኤተኘ፣ትዛዝ ሰቭ እንእ ኧገጋኸኸ ንቨድ ይቭካ ሁዳን
+\v 40 ኧሙሴ ቂጫ ኧነቢቭ ትምርት እንእ ኧትሽኮኮ ዋ ትዛዝን ባረን ።
+
+\v 41 ኧፈሪሳ ሰቭ እማቲ በደሞጅ ቃይ ኢየሱስ ዋኸ ባረ ተሳአረኖም ፤
+\v 42 ኧክርስቶሳአር ምር ይቨስርሁዋ? ኧቫን ትከን? ሁኖም «ኧዳዊት ተከን »ባሪ ኢየሱስቭ ።
+
+\v 43 ኢየሱስቭ ዋኸ ባረኖም ፥ « ባቴ ዳዊት በመንፈስ ቅዱስ ደረግ ኧቭር ጌታኞ ዩኩ? ኧቭርቭ ዋኸ ዩኩ?
+\v 44 < ጎይታ ኧጎይታኛ ኧክርስቶስ > <ጠራታኸ ኧኣግራኸ ከሲ ትኔብነኸ ስን ቢያ በቀነኛ ቸራ > ባረን ።
+
+\v 45 ባቴ ዳዊት ጌታኛ ባረታ በኸናንጋሁ ኧተኸ ትከኋ ኢኸር »ባረን።
+\v 46 ተህም ቀጥወ አት ቃር ኢዠፕኔ ኧኸረነ እማት ሰቭ አነፐረዳ ፤ተሁቀ ቀነሰታ እማት ሰቭ አታአር ኢትሳአርኵይ አደፈረዳ ።
+
+\c 23
+\p
+\v 1 ተህም ቀጥወ ኢየሱስ ኧሰቭቪ ኧተማሪሞኋ ዋኸ ባረ ዝሬከኖም፤
+\v 2 ኧሙሴ ቂጫ አስተማሪሚ ኧፈሪሳ ሰቭ በሙሴ ኤኤዲ ቸኖም።
+\v 3 ህመኸ ኧኸረሜ ሁኖዋ አአዘዥኩዋ አአር እንእ ኧንኦዋ ኦሮይቭ ሁኖዋ ዪንኧታ አአር ጭን አቶንኦዋ ሁኖዋ ኢዝረኩይዳ ሁዳ በቬና አያዎኦሪ ኧኸሬ ሜናሁኖዋ አትሆተሩዋ።
+
+\v 4 ኢረኧዝካዪ ያጀግርካ ፉንግ አኮጁም በሰቭ ጉንኧር ፎር ያፌንጉዋ ሁኖዋ ጭን ባጤመሁኖዋ አይረጉጂዳ ።
+\v 5 ሰቭ ያዥነዋይ ቲዩሩዋ ዪንኤዳ ሁዳ እንእ በሰቭ ኢፍቲ ዪንኦዋ ፤ያአጉጂዳቭ እርዝሞሁኖዋ ያቬትጁዋ፤ኧሁጅርመሁኖዋ ዥራ ያዴኩዋ።
+
+\v 6 በድግስ ቢድቭ ኧክብር ኤኤዲ አይሁድቭ ቢደሞጅኮዳ ቢድ ኢኢፍቲ ኢቸኖዋይ ኢሽርኮዋ ።
+\v 7 እመኸቭ በገቨያ ግት ሰላምታ ኧተኧወርትቪ ሰቭ እንእ አስተማሪዮ ባይተ ኢኸራኮዋይ ኢሱኡዋ።
+
+\v 8 አሁዋ ጭን አስተማሪያሁዋ እማት ኧኸሬ አትቭ ሰቭ አስተማሪዮ ባይተ አይህራሁዋ አሁዋ እንእማሁዋ ኧሰማትንሁዋ ።
+\v 9 በሳቫይቭ አት አባ አነነሁዋይ ኧኸሬ ባአፈር ፎር አአት ሰቭ አባ ባይተሁዋ አትሁሮዋ፤
+\v 10 አስተማሪያሁዋ እማት ክርስቶስ ኧኸሬ አስተማሪ ባይተዉ አይሁሮኩዋ።
+
+\v 11 ታሁዋ ግት ትእንቨኃ ኢረእካሁዳ አሁዋይ አገልጋይ ኧህር።
+\v 12 ገግኋ ኑእ ኑእ ዪንአካ ሁዳ እንእ ኢትዋረድ ገግኋ ያቲኢንስካ ሁዳ ጭን ከፍ ይቭር
+
+\v 13 አሁዋ ኸጣ ኧሙሴ ቂጫ አስተማሪሚ ኧፈሪሳ ሰቭ ሰቭ እእግዜር መንግስት አይጎኦዋኽ ኡፎቻ ትዘጎዋይ ኧኸሬ ፤ግርዳሁዋ አሁም ገጋሁዋ አትጎኦሚ ኢጎኦዋሜ ኢሱኡዋታ ሁኖዋ ትሆርኦዮዋይ።
+\v 14 አሁዋ ኸጣ ኧሙሴ ቂጫ አስተማሪሚኧፈሪሳ ሰቭ ግርዳሁዋ ፤ሰቭ ያዥነሁዋይ ባሁም ቲንኤዳ ዴካ ጠሎት አፈተርሁም ምስህና ኧወንደና እሽቻ ቢድ ንቭረድ ትጀፑሩዋይ ኧኸሬ አሁዋ ኧቫአሰ ፍርድ ትቴኤፖርቴ።
+\v 15 አሁዋ ኸጣ ኧሙሴ ቂጫ አስተማሪሚ ኧፈሪሳ ሰቭ ግርዳሁዋ ፤አት ሰቭ ባሁዋይ ሃይማኖት ታጎኦዪ በቫርቪ በአፈርቭ ፎር ታሩዋ ኧሁድቭ ባሁዋይ ሜያ ቱወስቺታ ታሁዋ ኢረእ በዉርኤት ኧጅ ኧቫአሰ አአዛብ እሳድ ሰቭ ቲንኤ።
+
+\v 16 አሁዋ ፉርጥ ዳኘ ግርዳሁዋ፤ማንኝእ ሰብ በቤተ መቅደስ ቢተይ አትቭ ኤኖዳ ዘንጋ ጭን በቤተ መቅደስ ከስ ባነዳ ወርቅ ቢተይ ጭን ኢጠጥኩ ቱቩሩዋ ።
+\v 17 አሁዋ ፉርጥ ጋዋ ሰቭ ተወርቅቭ ሁድቪ ወርቅቭ ሁዳ ተቀደሰን ቤተመቅደስ ኧተሁኖዋ ኢረኡዋ?።
+
+\v 18 እመኸቭ ማንንእ ሰብ ህትቭ ቢንኦኮዳ ሁዳ ቢተይ አትቭ ኤኖዳ ዘንጋኋ ጭን ህትቭ ቢንኦኮዳ ኤኤዲ ባነዳ መባ ቢተይ ኢጠጥኩ ቱቩሩዋ።
+\v 19 አሁዋ ፉርጥ ሰቭ ተመባ ሁዳዪ መባቭ ሁዳ ተቀደሰን ህትቭ ቲንኦኮዳ ኤኤዲ ኧተሁኖዋ ኢረኡዋ?።
+
+\v 20 ህመኸ ኧኸሬ ህትቭ ቢንኦኮዳ ኤኤዲ ኢተይካ ሁዳ በህትቭ ቢንኧኮዳ ሁዳ ፎር ባንዳቭ ሁዳ ኢተይ ።
+\v 21 በቤተ መቅደስቭ ኢተይካ ሁዳ በቤተ መቅደስቭ በቤተ መቅደስቭ ሁዳከስ ባንዳ ሁዳ ኢተይ።
+\v 22 በሳቫይቭ ኢተይካ ሁዳ ፤ ብእግዜር ዙፋንቭ፤ በዙፋንሞኋ በቸና ሁዳ ኢተይ።
+
+\v 23 አሁዋ ኸጣ ኧሙሴ ቂጫ አስተማሪሚ ኧፈሪሳ ሰቭ ግርዳሁዋ፤ተአቨሱድ ታአቨሸዪ ተወካሸቭ ታአስር አት ኧጅ እእግዜር ቲቲቩዋ በቂጫ አነዉታ ዋና ኧሆሩዋ ፤ቂጢየ ፍርድ ኧፉርጅት ኧፉ ኧዋርትቪ ሙርቴነድቭ ጭን ቀንጥሁም ቸኧሁዮም ህመሁኖዋ ታትችኡዮም እመሁኖዋ ኦንኧት ባነቨሁዋተ።
+\v 24 አሁዋ ፉርጥ ዳኘ ትትሰጪዳ ሁዳ ኧቅምጭናኸ እንሲየ ዘንጋ አዋአሁም ቱቋሹዋ ኧጋሜራኸ ኑኡየ ዘንጋ ጭን ቱዎኡይ።
+
+\v 25 አሁዋ ኸጣ ኧሙሴ ቂጫ አስተማሪሚ ኧፈሪሳ ሰቭ ግርዳሁዋ ፤ቱዎርኦኮዳዪ ትሰጭኮዳ ግቭር ፎርኋ ታኡዊ ከስኋ ጭን ኧትርቾትዊ ዳኲድነድቭ ሜንአዎም።
+\v 26 አኸ ፉርጥ ኧፈሪሳ ሰቭ ብደርቭ ትቨርአወዳዪ ትሰጭወዳ ግቭር ከስኋ ኧእቭ ተህም ቀጥወ ፎርኋ ንጡህ ይህርነኸሴ ።
+
+\v 27 አሁዋ ኸጣ ኧሙሴ ቂጫ አስተማሪሚ ኧፈሪሳ ሰቭ ፤ፎርሁኖዋ ወዋረ ኦፖዮምታ ያዙወኝታ ከስሁኖዋ ጭን በዎጁዋ ሰቭ አእቭቪ በሮኦራ ሙጥጥ ሜና ኧትቬንአ ሞገማ ቱዎስሩዋይ ኧኸሬ ግርዳሁዋ!
+\v 28 አሁም ህመኸ ሰቭ ፎራሁዋ ቲያዥሁዋታ እእግዜሪ ሰቭ ቱዎስሩዋ በሂናሁዋይ ጭን ኸጥነድቪ ቡሼአነድቭ ሜንአቨሁም።
+
+\v 29 አሁዋ ኸጣ ኧሙሴ ቂጫ አስተማሪሚ ኧፈሪሳ ሰቭ፤ ግርዳሁዋ! ኧነቢ ሁኖዋይ ሞገማ ትትጌኪርᎁ ኧፃዲቅ ሰቢ ሞገማ ትታጊጩዋ፤
+\v 30 ኢና ባአባንራ ዘቨር ተረፐርነ ኧነቢሁኖዋይ ደቭ በኋኡት ተሁኖዋ ባኸርነዳ ቱዉሩዋ።
+\v 31 ብእመዳቭ ነቢ ኦኦተሩዋ ሁኖዋይ ዴንጋ ኧኸርሁዋኸ በገዛ አፏሁዋ ሄቶ ቲኢጁዋ።
+
+\v 32 አካ አቦዋሁዋ ኦቆነሺ ሜና ጃዉሩዋ!
+\v 33 አሁዋ ጭረ ኧሳአር ጭረ ዴንጋ ታአዛብ እሳድ ፍርድ ኧተኸ ትትረፉዋይ ኢኸነሁዋቴ?
+
+\v 34 ህመኸ ኧኸሬ ኢያ ነቢ ሃሪምቪ አስተማሪም አሁዋይ ኤኬሽኬ አሁም ፤ተሁኖዋ አታትሁኖዋ ቶኦትሪዮቴ አታትሁኖዋ ትሰኡሪዮቴ አታትሁኖዋ ብትደሞጅኮዳ ቢድ ትጎርፉዮዋቴ ታት ከተማቭ አት ከተማ ታትሳትጂዮዋቴ።
+\v 35 ብእም ኧቫአ ተፃዲቅ ሰቭ ታአቤሊ ደቭ ቆነሺታ በመቅደስቪ ህትቭ ቢንኧኮዳ ኤኤዲ ግት ተኧተርኊ ኧበራኪዩይ ኧች ኧዘክካሪያሲ ደቭ ስን ባአፈር ፎር ኧትሆኧ ንጡሁ ደቭ እንእ አሁዋ ኢትሳአርኩዋቴ።
+\v 36 ኧዉረመኛ እቭሁዋ ዋዳ እንእ ኧዋ ዘቨር ሰብ ኢትሳአሪዴ
+
+\v 37 አኸ ነቢም ተኧትርካ አኸሜ ኤኬሸቩዮዋ ሰቭ ብእቭር ቱወጋካ ኢየሩሳሌም! ኢየሩሳሌሞ! ፤ኩታራ ጩዋጩዊይየኋ በቆርሳኋ ከስር ቁጥቁጥ ዪንአመኸ ኢያ ምርአህር ግዝየ ዴንጋኸ ቁጥ ቁጥ ኢንአይ ሴኧሁ! አሁዋ ኢኢየሩሳሌም ሰቭ ጭን አንሴኧኸዳ።
+\v 38 እኩ ቢዳሁዋ ኦና ሂይንተ ኢዋአርነሁዋሴ።
+\v 39 «ኢያቭ እቭሁዋ በጎይታ ሹቭ ኢቫአካ ኧትዳረደ ትቱሩዋ ስን ተዋ ቀጥወ አታዥኝዳ»።
+
+\c 24
+\p
+\v 1 ተቤተ መቅድስ ዋአታ ትያርካ ተተማርሞኋ ቤተመቅደስ ሁዳ ያቲሺ ኧሁዳይ ቴኤኖም ።
+\v 2 ጭን «እንእ ታዥዋ? አካ ኧውረመኛ እቭር በእቭር ፎር ኧትኬመረመኸ ታይዳስ ኢዎኦርካአር ኤንዳ»ባረኖም።
+
+\v 3 በደብረ ዘይት ቆቶ በቸናይ ተማሪሞኋ ኦጣመሁኖዋ ኧሁዳሜ ቴኤኖምታ«ዋዳ እንእ መቸን ኢኸርካ ቲቫአወዳ ኧቀረ ያርወዳ መርኸት ምራፈድን»ቧሪ።
+\v 4 ኢየሱስ ዋኸ ቲይር ዠፐረኖም፥«ማኒም ሰቭ አይቀቅሁዋ ተጥፖዋ።
+\v 5 ኖኦራሁኖዋ <ኢያ ክርስቶስንሁ ባይተዋ በሹውኛ ኢዎኦቴ ኖኦራሞሁኖዋ ያሳስችኩዋቴ ።
+
+\v 6 አአርቭ ዋራይ ትሶኦቴ፥ዋዳእንእ ኢኸሪግርድን፥እንደነኣናሁዋ፤ቀረ ያርእዎዳ ገናን ።
+\v 7 ገኘ ሰቭ በአት ገኘ መንግስት በመንግስት ፎር ተሽተ ኢትዋካኬ ጋጀቭ አአፈር ኧቆርቁርት በኖኦራ ኤኤዲ ኢኸርኬ ።
+\v 8 እንእ ኢኢፍቲ ኧቨእ ኧጭቅ አወተረኋ ኢኸርኬ ።
+
+\v 9 ግዚየ ሰቭ ኧመከራ ኤኤተዋ ያአፑርኩዋቴ ዮኦትርኩዋቴ ቢያ ሹው ኧቫአ ሰቭ እንእ ይጠራሁዋቴ ።
+\v 10 በህም ግዚየ ኖኦራሞሁኖዋ ኢሰናኮልቴ ሰቭሁኖም ሁኖም ተሁኖምአዎኦም ኧጠራት ኤኤተዋ ኢትእፓፓርቴ ሁኖምተሁኖም ይትራኮሽቴ ።
+\v 11 አሰተኝ አስተማሪ ኢትሮሸቴ ኧኖኦራመሁኖዋ ያሳስችቴ።
+
+\v 12 ባጢር ኧቫአ ኧኖኦራ ሰቭ ንማጅነድ ኢዥዥኬ ።
+\v 13 ስን ተፓ ኢሽከቭካ ጭን ኢተርፍኬ ።
+\v 14 እንእ ምስክር ኢኸሪ ዋ ኧጎይታ መንግስት ወንጌል በዓለም እንእ ይኢጂዴ ፤ ተህም ቅጥወ ቀረ ያርወዳ ኢኸርኬ»ባረሞ ።
+
+\v 15 ዳንኤል ኧቫረንመኸ ያሰህንካ ሙጥጥ ዘንጋ በትቀደሰ ኤኤዲ በሸከቬ ትታሽታ እመዳ ያረብብካ ኧቨስር ።
+\v 16 በየሁዳ ገኘ አነውታ ቆቶይ ዎኦም ኧስሁዋ ።
+\v 17 በቪድ አንዳ በቢድኋይ አነንዳአር ይወስቲ አይረድ ።
+\v 18 አንዳ ሁጅርኋ ኢረሳይ ኢኢኒነ አይዣቨር ፤
+
+\v 19 በህም ቀረ ውሬት አርዋ ኢስቻይ አጦፓት ህና ግርድህና ፤
+\v 20 ባቴ ኧስሁታሁዋ በዘር ግዚየ ወይ በሰንበት ቀረ አይኸረኸ ኧጎይታ ሳአሪ ።
+\v 21 በህም ግዚየ ኧዓለም አወተራቸ ቀነሰ ዋካ ስን አኋሪአር ተዋ ቀጥወ አሂሪ ኑእ ሥቃይ ይኸርኬ ።
+\v 22 ህም ግዚየ ቀረኋ ኤኢር ባይኸር አት ስቭ ባንተነፈዳ ፤ ቢኸር ጭን ኤቬጠሪዮዋ ሰቭ ቲይር ህም ቀረሁኖዋ ያቲኢርኮቴ ።
+
+\v 23 «በህም አት ስቭ ክርስቶስ በዋኤዲ አንነ ወይ በሃ ኤዲ አነ ቢርሁዋ እናአመርሁዋ ።
+\v 24 አሰተኝ ክርስቶስ አሰተኝ ነቢይ ኢትሮሽቴ ሁኖም በኸረኖዋ ጎይታ ኧሸፐተኖም ሁኖዋ ቲያሳስችዋ ዳር ኑእ ኑእ መርኸት ወጋአር ያቲሽቴ ።
+\v 25 ባቴ ዋዳ እንእ ቤተርሁ ኤኤድኩም ።
+
+\v 26 ቢኸር< በቨረሐ አነ > ቢዩኩዋ እቦርሁዋ እኩምን ቢደኦርኮዳ ዘገር አነ በዋኩዋ እናአመርሁዮዋ ።
+\v 27 ተቭራነኸታ ተራአኘኒነ ታአቸኒነ ስን ኢትረከቨመኸ ኧሰቭ ትከ ኦኦትኋ እመኸ ኢኸርኬ ።
+\v 28 ኧወንዲየ ባነውቴኤዲ እንእ በህሜ አቨራ ኢደሞጁዋ »ባረኖም ።
+
+\v 29 «ተህም መከራ ቀጥወ እዋየ ጠነቫ ኢኸርኬ ዳናአ አያትረክቭካ ሆሆ ተሳቫይ ኢወዱቴ ። በሳቫይ ደረግ አነኖታ ፍጥረት ቃሽቃሽ ዩቴ ።
+
+\v 30 ቀጥወ ኧሰቭ ትከ መርኸት ተሳቫይ ያቲሽኬ በህም ግዚየ በአፈር አነውታ ሰቭ እንእ ኢቬሁቴ ኧሰቭ ትከ በኖኦራ ክብር ደረግ ተሳቫይ በዳቨራ ሂንተ ቲቫአካ ኢትረከቭኬ ።
+\v 31 ቃር ይሶኦታ መላአይካኋ ኢኬሽኬ ሁኖም ተአርቫቸ አጋድ ሆይተዋ ተአፈር ዳር እንእ ሁዳ ኧሸፖቹዋ ሁኖዋ እማትሜ ኢደሞቴ ።
+
+\v 32 «ሟሟካሞኋ እዝርኋ ሸቭራ ቲቨስርካ ቡስር አኖዳ ተበለስ ኤኧ ተሟርዋ አጤኋ ቲያፎይካ እዝርሞኋ ቲዝራካካ ትታሽታ ሃ ግዚየ ኧቫአኸ ትዎስርርዋሴ ።
+\v 33 አሁዋ ዋዳ እንእ ትታሽታ ኧሸቭ ትከ ኢቫአወዳ ወቅት ኧሰናኸ ፥ኋርዋ ።
+
+\v 34 ኧውረመኛ እርሁዋ ዋዳ እንዳም ቲኸር ስን ኧዋ ዘቨር ሰቭ አይዎጅዋታ ።
+\v 35 አፈሪ ሰቫይ የኦይቴ ፤ ኢያይ ቃርኛ ጭን ስርም አየኸይካ ።
+
+\v 36 ኧሃ ቀረ ስዓትሞኋ ጭን እማት ጎይታ አቭ ባሃሬ ኧሰቫይ መላአይካ ቢኸርሙ ትከሞኋ ቢኸር አትቭ ሰብ ቢኸር ኢህርካአር ኤንዳ ።
+
+\v 37 ዘቨር ኧኸረመኸ ኧሰቭ ትከ ኦኦት እመኸ ኢኀርኬ ።
+\v 38 በህም ዘቨር ቲኢፋድ እሀ ኢኢፊቲ ኖህ በመርከብ ኧገፖዎ ቀረ ስን ሰቭ ሁኖዋ ቲዎኦርዋይ ቲስጩሚ ቲያጎኦም ቲያዎጆም ባነውተ።
+\v 39 ኢኢፋድ እሀ ማአታ እንሞሁኖዋ አሰሰታ ቲዎስኮዋ ስን አይቬስርዋ ባንደ ፤ ኧሰቭ ትከ ኦኦት እመኸ ኢኸርኬ ።
+
+\v 40 በህም ግዚየ ውሬት ሰቭ እመትሜ ዋት ቲቹጁም አት ሁዳ ኢዎስጂዴ አት ሁዳ ኢቺኢዴ ።
+\v 41 ውሬት ኢስቻ ወፍጨ እማትሜ ቲፍአም አት ሂዳ ኢዎስጂያዴ አትጂዳ ኢቺኢያዴ።
+\v 42 ጌታሁዋ በቫረ ቀረ ኢቫአኸ አቲሂርዋይ ኧኸሬ አካ ተጠፖም ኦሮዋ ።
+
+\v 43 ቢኸርቭ ጭን እመዳ ኋሩዋ፤ኧቪድ አቨቃጥ ፈንገያ በኧዳር በቭር ግዚየ ኢቫአኸ ተሃረ ተሸተታ የኧየኩ ባንደ ።ቢድሞኋ ህይተ ኢጋአይ ባናቨንዳ ።
+\v 44 እመኸቭ ኧሰቭ ትከ ባናጫሞቺ ግዚየ ኢቫአይ ኧኸሬ ተጦፑም ኑዎሩዋ።
+
+\v 45 «አአበሩስዃ ሸረድሁኖዋ በግዚየኋ ኢኮኸ ፤ጌታሁኖዋ ባአበሩስኋ ዳኝነድ አቨን አአሞሪ ኢቨስርካ አገልጋይ ማንተን?
+\v 46 ጌታኋ በቫአ ግዚየ እመኸ ቲዬቭካ ኢረህኩዳሃአ አገልጋይ ኧትዳረዳን አአር ።
+\v 47 ኧዉረመኛ እቭሁዋ ሃአ አገልጋይ ጌታዃ ባነንዳ አአር እንዳም ኢሾሙኩ።
+
+\v 48 ዘንጋ ጭን ሃአ አገልጋይ ቡሼእ አአር ቢኸር ጌታኛ ዋአካ አይቫአካ ዪኢክስኬ ባይተ በሂንኋይ ቢያጫምጥ ፤
+\v 49 ቤሻኋ ኧድርጉት ቢቀርስ ተሰኮሩዋ ሰብ ቢቨርአዪ ቢሰጭ ፤
+\v 50 ኧዋ አገልጋይ ጌታኋ ባናጫመጠን ቀረዪ ሳአትቭ ኢቫአኬ፤
+\v 51 ኧዋ አገልጋይ ጌታኋ ኢቀጣኩዴ፤ሟርኋ ተኸጣ ሰቭ ኢኸርኬ፤በህሜ ቢኸዪ ሽንቭ አትፎኡት ኢኸርኬ።»
+
+\c 25
+\p
+\v 1 በህም ግዝየ እእግዜር መንግስት ኩራዝህና ጠበጫምታ ምሽረኘ ኢቴኤፐራይ ዋአም ይእራታ አስር ዘየ ግርኤድ ኢቨስር
+\v 2 ተህናም አምእስትህና ዝጉግ አምእስትና ጩፒ አአር ባናተ፤
+\v 3 ዙጉግህና ኩራዝህና ጠበጫምታ ኧድዌ ኢረድድካ ዘይት አንጠበጫ ባንደ።
+\v 4 ጩፒህና ጭን ተኩራዝህና እማቲ ኧድቬየ ኢረድድካ ዘይት በግቭር ጠበጫም ባንደ ።
+
+\v 5 ምሽረኘ ሁዳ ቢያቲር እንእመህና ዊኢንድ ዊኢንድ ባረናምታተገተራም።
+\v 6 ግት ምሳአረ ቲኸርካቭ ምሽረኘሁዳ ማአ ዋአም ተኧቨራ ቧርሙ አሆኖዪ።
+
+\v 7 በህም ግዝየ ዋ ግርኤድ እንእመህና ተረሻም ኩራዝህና ኧጎኩርት ቀነሻም።
+\v 8 ዋ ዙጉግ ህና፤ኧጩፒ ህና ኩራዝንራ የኧፋቨንሬዴ ህመኸ ኧኸሬ ቢተኩሺዳ ዘይታሃ አቫንረ ባራያም፤
+\v 9 ዋ ጩፒ ህና ጭን «አነንረዳ ዘይት ኢናዪ አሃም አይቨቃካንረዳ አሃ ሆራምታ ኧገጋሃ ኢተኩሺዳ ዘይት ቢያስሮታ ሰቭ ሰራ»ባራያም።
+
+\v 10 ዙጉግ ህና ኢተኩሺዳ ዘይት ኢስራይ ተወራመኸ ምሽረኘ ሁዳ ማአ ፤ተጬፓም እእራ ህና ተቭሽረኘሁዳ እማቲ አአዠቨኘሁዳ ቢድ ገፓምታ ኡፎቻ ዞጎዪ።
+\v 11 ተህም ቀጥወ ዙጉግ ህና ኤከሻም ማአምታ«ጎይታንሮ! ጎይታንሮ! ክፍትንረ»ባራዪ።
+\v 12 ምሽረኘ ሁዳ ጭን «ኧዉረመኛ እቭሃ ኢያ አሂርሃታ» ባረናም።
+\v 13 ህመኸ ኧኸሬ ቀረሞኋዪ ግዝየሞኋ አትሂሩዋይ ኧኸሬ ተጠፑም ኦሮዋ ።
+
+\v 14 እእግዜር መንግስት «አነንዳ ንቭረድ ኤኤኛ ሰቭ አደራ ኤይተታ ኤኛ ገኘ ያሪ ኧትረሳ አት ምስ ኢይቨስር ።
+\v 15 አገልጋይሞኋ ኸናኖምታ ኦጣ ኦጣሁኖዋ ኧደረግሁኖዋኸ ፤አአትሁዳ አምእስት መክሊት ፤አአት ሁዳ ዉርኤት መክሊት፤እመኸቭ አአትሁዳ አት መክሊት ሻከደ አቨኖምታኤኛ ገኘ ወረ ።
+\v 16 አምእስት መክሊት ኧቴኤፐረ ምስ ህመጋ ወረ አቄጠወታኤኛ አምእስት መክሊት አተነፈወ ።
+
+\v 17 እመኸቭ ዉርኤት መክሊትቭ ኧቴኤፐረሁዳ ኤኛ ዉርኤት መክሊት አተነፈወ ።
+\v 18 እት መክሊት ኧቴኤፐረሁዳ ጭን ወረ ጎጀ ኸኘታ ዋ ጌታኋ አቨን መክሊት ደኧረን ።
+
+\v 19 ተሮኦራ ዘቨር ቀጥወ ኧሃ አአገልጋይ ሁኖዋይ ጌታ ማኣታ አቨኖዋ ዋጋ ተሳሰበ ።
+\v 20 አምእስት መክሊት ኧቴኤፐረ ሁዳ ኤኛ አምእስት መክሊት ደፐረወ ጠበጠ ኧጌታኋይ ቴኤነበታ ጌታኞ አምእስት መክሊት አኸዪ ባንደ እኩ ኤኛ አምእስት መክሊት አተነፍሁወ ባረን።
+\v 21 ጌታሞኋ «ወሄ አአር ኤፐኸ አኸ ወሄ ሙርቴ አገልጋይ ብእሲየ አአር ኧታአመርሄ ኧኸሬ በሮኦራ አአር ኧሾምኸዴ የኸ ኢያይ ግቭአታ ኧሳርኸ » ባረን።
+
+\v 22 ዉርኤት መክሊት ኧቴኤፐርቭ ሁዳ ቴኤነቨታ «ጌታኞ ዉርኤት መክሊት አኸዪ ባነደ እኩ ዉርኤት ኤኛ መክሊት አተንፍሁወ »ባር ታ አቨን ።
+\v 23 ጌታሞኋ ወሄ አአር ኤፐኸ አኸ ወሄ ሙርቴ አገልጋይንኸ ፤ብእሲየ አአር ታአመርኸታ ኧረከቭኬ ኧኸሬ በሮኦራ አአር ኧሾምኸዴ ፤የኸ ኢያይ ግቭአ ኧሳርኸ »ባረን ።
+
+\v 24 አት መክሊት ኧቴኤፐረቭ ሁዳ ትእኤነቨታ «ጎይታኝኞ አኸ ባንዘንአኸወ ትፋጭካ ባነኧፐርኸወ ቡስር ትራጭካ ቱኧ ምስ ኧኸርኸኸ ኧሂር»፤
+\v 25 ህመኸ ኧኸሬ ፈኘከታ ወርሁ ጎጀ ኸኘሁታ መክሊታኸ ደኧርሁን እኩ አቭሄ መክሊታኸ » ባረን።
+
+\v 26 ጌታኋ ጭን «አኸ ሙጥጥ ንቨሱር አገልጋይ ባዘንአሁወ ኧፋጨኸ ባነኧፕፐርሁወ ቡስር ኧራጨኸ ቲሂሪ?
+\v 27 አካ ዋጋኛ በባንክ ኢኢኘኸ አዉሮት ባነቨኸደ ፤ኢያቭ ኧቫአሁ ቀረ አነኒዳ ዋጋኛ ቴኤኘዋድሞኋ ታቬ ባንደ።
+
+\v 28 በር አካ ዋአካ መክሊት ሁዳ ቶኦዎሪታ አስር መክሊት አነነዳ ሁዳ አዊ ።
+\v 29 አነንዳ እንእ ኢደዉርነ ኧሁድቭ ኧድዌ አአር ኢረቭርኩ ኤነንሁዳ ጭን ህም አነነዳቭ ሁዳ ዳር ኢዎስጅኰ ።
+\v 30 ዋ አያጔዂር አገልጋይ ጭን ሽን ኧፉኡትቪ ቢኸ አኖዳ ወረጀ ኧጠነቫይ ኦኦም ቋሺ ባረ» ።
+
+\v 31 ሃአቨ ኢየሱስ ዋኸ ባረ «ኧሰቭ ትከ ተመላአይካሞኋ እማቲ በክብር ቲቫአካ ፤በክብር ዙፏን ኢቸናኬ ።
+\v 32 ኸልቅ እንእ ቢኢፍትኋይ ኢደምድኬ ፤ ዜማቸ ጣይ ተፈኘእ ኢቫቲርመኸ ሁድቭ ሰቭኋ እመኸ ኢቬትርኮቴ ።
+\v 33 ጣይ ሁኖዋ በቀነ ፈኘእ ሁኖዋ በጉራ ያትሸኩኮቴ።
+
+\v 34 በህም ግዝየ ንጕስ ሁዳ በቀነኋ አኖዉታ ሁኖዋ ዋኸ ይቭኮቴ «አሁዋ አባኛ ኧዳረናሁዋ ሰቭ የሁዋ፤አለም ተትፈጠረ ቀረ ቆነሺት ኧጌኮርነኩዋ እእግዜር መንግስት ዉርሹዋ።
+\v 35 ጋደዪታ አቨንአሁኝ ፤ጠማዪታ አሰጨሁኝ ፤ባዘራ ኸርሁታ ቴኤፐርሁኝ
+\v 36 ፤እንጭመኛ በኸርሁይ አኸተርሁኝ፤ኤመዪታ አሸሁኝ ፤ታአከድሁታ ተሳአርሁኝ»።
+
+\v 37 በህም ግዝየ ፃዲቅ ኦሆሩዋ ሁኖዋ ዋኸ ዩዉሪዴ «ጎይታንሮ መችራ በጋደናሄ አሸነታ አቨንአኔከ? መችራሁ በጠማናሄ አሸነታ አሰጨኔከ?፤
+\v 38 መችራሁ ባዘራ ኸርኸ አሸኔከታ ቴኤፐርኔከ? ዌ መችራ እጭማኸ በኸርሄ አሸኔከታ አኸተርኔከ?
+\v 39 መችራ ኤመናኸታሁ ዌ ታአከድኸታሁ ወርነ ተሳአርኔከ?»
+\v 40 ንጕስ ሁዳቭ «ኧዉረመኛ እቭሁዋ ተዋ ቲያአሽታ ኧሰማት አአትሁዳ ኤፐሁይ ሁዳ ኢያ ቴፐሁይ ቂጥየን» ይቭኮቴ።
+
+\v 41 በህም ቀጥወ በጉራኋ አኖዉታ ሁኖዋ ዋኸ ይቭኮቴ «አሁዋ ኧትሰተሁዋ ሰቭ ቲያ ቴቫተሩዋ ኧሴጣንቪ ኧመላአይካሞኃ በጌኬርኖዋ ኧዘላለም እሳዲ ሆሩዋ።
+\v 42 ጋደዪታ አናቨንአሁኝዳ ፤ጠማዪታ አናሰጨሁኝዳ።
+\v 43 ባዘራ ኸርሁታ አንቴኤፐርሁኝዳ ፤ እንጭመኛ ኸርሁታ አናኸተርሁኝዳ ፤ኤመዪቭ ኸረ ታአከድሁታ አትሳአርሁኝዳ »።
+
+\v 44 ሁኖም ዠፖርሙ ጔታንሮ መችራ ጋደናኸ ዌ ጠማናኸ ፤መችራ ባዘራ ኸርኸ ዌ እንጭማኸ ኸርኸ ዌ ኤመናኸ ዌይሁ ታአከድኸ አሸነታ መችራ ቼኤኔከ? ይቩሪዴ ።
+\v 45 በህም ግዝየ ሁድቭ ዠፐረ ኧዉረመኛ እቭሁዋ ትእን ሰቭ ቲያአሽታ ኧሰማት ተዋሁኖዋ አአትሁኖዋ አኖንኧታሁዋ ኢያ አኔፐሁይነኸ ይቭኮዋቴ።
+\v 46 ሁኖም ኧዘላለም ቅጣቲ ቲያርታ ፃዲቅ ኧሆሩዋ ሰቭ ጭን ኧዘላለም ሂዎቲ ያርቴ።
+
+\c 26
+\p
+\v 1 ኢየሱስዋ ትምርት እንእ አትመረ በጀፐረጋ ተማሪኋ
+\v 2 ተውሬት ቀረ ቀጥወ ኧፋሲጋ ሙርአ ኧኸረኸ ቲሂርዋ ኧሰቭ ትከ ኤኤቶ ያአይፑሪዴ »ባረኖም
+
+\v 3 ተህም ቀጥወ ኧካሃናት አለቃቭ ኧገኝ ባሪቅ ቅያፋቢዩሪዳ በዋና ኧካሃናት አለቃ ወረጀ ተደሞጁም ።
+\v 4 በህመኸ ኢኢየሱስ በተንኮል አጢቢጭትቶ ያቲኢቲሪ አትዋቾም ።
+\v 5 ቢኸር«በሰቭ ግትመራክስ ባይትረሳይ በውርአ ቀረ አይህር ቧርም።
+
+\v 6 ኢየሱስ በቢታኒያ ቃያ ኧደቨር ባአሸ በዎተኦዎ በስሞኦኒ ቢድባንደ ።
+\v 7 አት ምሽት ዋጋኋ ኑድ ኧኸረአት ብርቃጥ ሙርአ አአልባስጥሮስ ሽቶ ጠበጠች ኧሁዳይ ቴኤነቨችታ ሸረድ ቲቨርአ ታነ በጉንኧርኋ ሆኦቸን
+\v 8 ተማሪሞኋ ዋዳ አሾምታ ማአቾምታ ፥«ዋ ዱፕፕነድ ምፈድን?
+\v 9 «ዋ ሽቶ በኑድ ዋጋ አሰየተዊታ ዋጋኋ ኧዚጋ ያውዮዋ ባንደ ፤ »ቧርም ።
+
+\v 10 ኢየሱስ ኧዋሪ ሁዳ እንእ ሀረታ ዋኸ ባረኖም ፥ዋ ምሽት ኧቭር ታጀጉሪያ? ሂዳ ኢያ ወሄአር ኤፐቸኒ ።
+\v 11 ዚጋ ሁኖዋ እንእ ግዚየ ታሁም አነዋ ፤ኢያ ጭን እንእ ግዚየ ታሁዋ አነብርካ ፤
+
+\v 12 ሂዳ ዋ ሽቶ በፎርኛ ኧኋኡትሻ ታንዎድ ኧዎንጏድ ኧጎኩርትነሻ
+\v 13 ውረ እሁዋ በአለም ፎር ዋ ወንጌል ቢኢጅኮዳ ኤኤዲ እንእ ሂዳ ኤፐቸን ሁዳ እንእ ዝግጅቶዋ ያአውጁናሴ ፤ባረኖም።
+
+\v 14 ተህም ቀጥው ተአስረ ውርኤቸ ኢኢየሱስ ተማሪ አት ሁዳ አስቆሮቱ ይሁዳ ኧካህን አለቃይ ወረታ ፥
+\v 15 «ኢየሱስ ኤኤቶሁ ብናኤይፕርሁዋአሁህ ምር ታውሴ? »ባረኖም ።
+\v 16 ይሁዳ ተሀ ግዚየ ቀነሰታ ኢየሱስ ኤኤተ ያአፕርወዳ ወሄ ግዚየ ኢሲእ ባንደ ።
+
+\v 17 ኧቂጣ በአል ቢቆርሽኮዳ ቀረ ኢኢየሱሲቴኤኖምታ «ፋሲጋ እርቫድ በኧቲ ንጌኪነኬ ቲሲእ »ቧርሪ ።
+\v 18 ሁድቭ ፣ « ከተማ ሆርምታ ኤበሪየ ዩሪንዳ ምስ <አስተማሪ « ግዚየኛ ኤቴኤነቬ ኧኸርሬ ተተማሪኛ እማቲ ባሄ ቢድ ኧፋሲካ ኧርቫድ ኧቨርአኬ» ይር >ቧሪ»ባረኖም።
+\v 19 ተማሪሞሀ ኤኤዘዘኖመኸ ኧፋሲካ ኧርቫድ ጌኵነ።
+
+\v 20 አፈር ቲቨሽካ ኢየሱስ ተአስረ ውርኤቸ ተማሪኋ እማቲ ኧርቫድ ኢቨር አይቸና ።
+\v 21 ቲወርኧታቭ ኢየሱስ «እውረመኛ እርሁዋ ታሁዋ አት ሁዳ ኢኢያ ኤኤተ ኧጠራት ያኤፕሬዴ »ባረኖም።
+\v 22 ሁኖም ቡሼኤኸ ቀጨ ባረኖምታ አጋ በአጋ ኢያ ኧህርሴይ? ቧሪ።
+
+\v 23 ኢየሱስ ዠፐ ዋኸ ባረኖም ኢኢያ አዋአ ያኤፕሬዳ ሁዳ ዋአካ ቲያ እማቲ በዋ ገበታ ኧጅ አወንደ ሸረድ ኢረሳካ ሁዳን፤ ባረኖም።
+\v 24 ኧሰቭ ትከ ድረኧሁዳአር ኧጣፊመኸ ኢዎድኬ ፤ዘንጋ ጭን ኧሰቭ ትከ አዋአ ያአአፐርካ ኧሀ ምስ ግርድኋ ፤ሁዳ ታንቴኤኘ ኢፍዘዝኩ ባንደ»ባረ።
+\v 25 አዋአ ያኤፕርኩዳ ሁዳቭ «አስተማሪዮ ኢያ ኧህርሴይ? ፤ባረን፤ኢየሱስቭ አኸ ባኸ ባረን ።
+
+\v 26 ሁኖም ቲዎሮዋ ታነውዋ ኢየሱስ ጠርወሸ ነሳ ጎይት አትሽኮረታ ፈነቨ ኧተማሪኋ «እኩ ብርኤ ዋዳ በሰነኛ»ባረ አቨናኖም።
+
+\v 27 ተህም ቀጥወ ነሳታ ጎይት ባትሸኮረ ቀጥወ «እንእንቫሁዋ ተዋዳ ስጠውዋ ።
+\v 28 ዋዳ ኧሮኦራ ሰቭ ባጢር ኢትፋኡዌ ኢትሁእካ ኧገደር ጉርዳ ደቭነኛ ፤
+\v 29 ኧውረመኛ እሁዋ ባአባኛይ መንግስት ዋአካ ኧፈኧረ ኧወይን ቡስር ኦኦሪ ታሁዋ እማቲኧሰጭወዳ ቀረ ስን ተዋቴ ተዋ ኧወይን ቡስር ኦኦሪ ሀአይተሁ አንሰጭካእሁዋ።
+
+\v 30 ተህም ቀጥወ መዝሙር ዘሞርሙታ ኧደብረ ዘይት ቆቶ ፎር ዎኦም ።
+\v 31 ኢየሱስ ኧተማሪኋ ዋኸባረኖም «ዜማቸ ሁሳ ኧደርኩዴ ጣይ ሁኖዋ ኢትውራጭዋቴ ባርሙ ኧጥፊመኸ ኧኳ ኧዳር እንእ አሁዋ ትሆጀንዴ ፤
+\v 32 ቢኸር ተውድ በትረሳሁ ቀጥወ ብደይተሁ ገሊላ ገኘ አርኬ »ባረኖ ።
+
+\v 33 ህም ግዚየ ጴጥሮስ «እንእዎሁኗ ቢሆጀከ ኢያ ስርም አንኸዳኸዳ»ባረን ።
+\v 34 ኢየሱስቭ ኧጴጥሮስ «ኣውረመኛ እኸ ኦካ ኧዳር ኩታራ ተሮእትኋኢ ፍቲ ሶኦስተጋ ትኸዳይ»ባረን።
+\v 35 ጴጥሮስ ጭን «ታኸ እማቲ ኧወንድድሜ ቢኸር ስርም አንኸዳኸዳ»ባረን ፤ ተማሪሞኋ እንእ ህመኸ ቧርም።
+
+\v 36 ተሀ ቀጥወ ኢየሱስ ተተማሪኋ ጌተሰማኒ ዩሪዳ ኤኤዲ ወረ ህሜ በሰነንአዋጋ እየሱስ ኧተማሪኋ «ሄኤዲ ሆይቶሁ ጠሎት ኢንአኬ አሁዋ ብእመኸ ቾሮዋ»ባረኖም ።
+\v 37 ተሁድቭ እማቲ ጴጥሮስቭ ኧዘብዲዮስ ዴንጋ ወስደኖምታ ኦዝንትቪ ኧጠነቁት ቀነሰ፤
+\v 38 ተህም ቀጥወ «በሂንኋ አነዳ አዘን ኧውዲ ቲያሰርአይ ስን ተቨጠጥሁ ፤አሁዋ ብእመኸ ኧኩሹዋ ቲያ እማቲ ጃድ ቧርዋ»ባረኖም ።
+
+\v 39 ተሁኖ አታአህሪ አረኧወረታ ኢፍት ቲኢፍት ተፌጠቨታ ፤ «አባኞ ኢኸር በኸረ ዋ ኧመከራ ጥዋ ቲያ አፍካኒ ። ዘንጋ ጭን አኸ ፍቃድ ኧህር ባሀሬ ቢያ ፍቃድ አይህር»ባረ ጠሎትኤፐ።
+\v 40 ተዠፐረ ኧተማሪኋይ ቢቫአ በሬኤውዋ ኤኤዲ ነከቭኖም ፤ ኧጴጥሮስብ አካ ቲያ አአት ሳዓት ስን አትዋቁርት ኤመንሁሚ? ባረን ።
+\v 41 «በፈተና አድጎኦዋኸ አትዋቁርሙም ጠልዩዋ ፤ መንፈስ ቅዱስ ተቋጣ ይቭን በሰር ጭን ቂጨኘን»ባረኖም ።
+
+\v 42 ዋአካቭ ኧውኤተኘ ግዚየ ወረታ «አባኞ ዋ መከራ ታንቴኤፐር ዪያ አይፈካ በኸ አአኸ ፍቃድ ኧህር»ባረ ጠሎት ኤፐ ።
+\v 43 ኧተማሪኋይ ተዠፐረ ቢቫአ ኤርሁኗ ዊኢንድ ዊኢንድ ባረኖምታ በሬኤውዋይ ነከቨኖም ።
+\v 44 ዋአካ ቸኧኖም ወረታ ኧሶኦስተኘ ግዚየ ኧጋአህመኸባረታ ጠሎት ኤፐ
+
+\v 45 ተሀ ቀጥወ ኧተማሪኋይ ማአታ ዋኸ ባረኖም «ዋአካ ስን ትሩኡዋ? ዋአካ ወቅትኋ ሰንአ ፤ ኧሰቭ ትከ በቯጢረተኘ ኧጅ ኤኤቶያአፑሪቴኤነበ ።
+\v 46 ተሾዋ ንሆነ ፤ አዋአ ኧጠራት ያኤፕሬዳ ሁዳ ኡክ ቴኤነቨ»ባረኖም ።
+
+\v 47 ኢየሱስ ዋዳ ቲዝሬክ ታነ ታአስረውርኤቸ ተተማሪኋ ግት አት ሁዳ ይሁዳ ማአ ፤ ተሁድቭ እማቲ ስይፍቪ ጉምአ ኧጠቦጭዋ ኖኦራ ሰቭ ሞኦም ፤ሁኖም ኧካህን አለቃቪ ኧገኘ ባሪቅ ኧኬሽውየዋ ሰቭ ባነውተ ።
+\v 48 ኢኢየሱስ አዋ ያአፕርኩዳ ይሁዳቭ «ትሱኢዳ ሁዳ ኢያ ኧሰኧኩዳ ሁዳ ኧኸሬ ጥጪ»ባረአቫአኗ ሰቭ መርኸት አቨኖም ባደ ።
+
+\v 49 ይሁዳቭ ህመጋ ማአ ኢኢየሱሲ ቴኤነቨታ «አስተማሪዮ ወገሬታኸ ባረ ሰአቨን ።
+\v 50 ኢየሱስቭ ናማጂየኞ ኧቫአኸወ ዘንጋ ጃቭር»ባረን ፤ህም ግዚየዋኤኬሼዮዋ ሰቭ ኢኢየሱሲ ቴኤኖምታ ጠቦጪ ።
+
+\v 51 ተኢየሱስ እማቲ ተረፖርዋ ሰቭ አት ሁዳ አዋአታ ኧዋና ኧካህን አለቃይ አገልጋይ እንዝር ጠነቨ አወደን ።
+\v 52 ኢየሱስቭ «ሆር ሴፋኸ በቪድኋ ህርአኩ ሴፍ ኢረሾታ ሁኖዋ በሴፍ ኢዎጁዋ ።
+\v 53 ያትሲእካአር ቢኸር አባኛ ሳአይተሁታ ሁድቭ ህመጋ ኖኦራ ሁውመላአይካ አይኬሺኒያአር ኢቨስርሄ ።
+\v 54 ኡከኸ በኸረ መከራ ኧተኧወርት አነወቧርም መጣፍ ኤኤጁዋ ቃር ኧተኸ ኢኸርኬ»ባረን ።
+
+\v 55 በህም ግዚየ ኢየሱስ ኧሰቭ ሁኗ ዋኸ ባረኖም «ሽፍጣ ኢጠጥካ ሰቭኸ ሸታቪ አአር ጠበጥሁምታ ትጠጭኚ ማአሁሚ? »እንቀረ በቤትመቅደስ ቸናሁ ትናስተምርካ አንጠበጥሁኝ ባንደ ።
+\v 56 ዘጋ ጭን ዋዳ እንእ ኧኸረሁዳ ነቢ አቅዱስ መጣፍሁኖዋ ኧዝሬከዊ ሁዳ ኢኸኔ ባረ ፤ህም ግዚየ ተማሪኋ ቾኦዊዎርም ።
+
+\v 57 ተህም ቀጥወ ኢየሱስ ኧጠቦጪ ሰቭ ዋና ኧካህን አለቃ ኧቀያፋይ ወስጂ ፤በህሜ ኧሙሴ ቂጫ አስተማሪቭ ኧገኝ ባሪቅ ተደሞጁም ባንደ ፥
+\v 58 ዘንጋ ጭን ጴጦስ ኧካህን አለቃይ ወረጀ ስን ተሮኢ ኸረታ ኢኢየሱስ ቴሄተረን ፤ ወረጀ ቴኤነቨታ ኢኢየሱስ ማኸ ኢንኤኸ ያዢ ተዘበኘ እማቲ ቸና ።
+
+\v 59 ኧካህን አለቃ ኧገኘ ባሪቅቭ ተህም ዎርምታ በኢየሱስ ሙድ ኢትፈንድወኸ አአባይ ዛር ኢሱኡዋ ባንደ ።
+\v 60 ኖኦራ አአቫይ ዛር ቢቲኤነዎም ሙድ ያትፌድወዳ ዛር አኖኮውታ ፤ ተቀጥውብ ጭን ውርኤት ሰቭ ቴኤነውምታ ፥
+\v 61 «ዋ ምስ ኧጎይታ ቤተመቅደስ ባሪቶሁ በሶኦስት ቀረአረሽኵ ኢኸኒ ባረ»ቧርም ኤኤጁኮ ።
+
+\v 62 ዋና ኧካህናት አለቃ ሁዳ ተረሳታ «ዋሰ ኢቢኢጅዅኮዳ ዘንጋ እንእ አታአር አንትሄፕርካ? ባረን ።
+\v 63 ኢየሱስ ጭን ቅስ ባረ ኧካህን አለቃ ሁዳ«እንእ ግዚየ ቢረቭርካ ጎይታ ሹው ጠበጥከ! አውደንረ አኸ ኧጎይታ ትከ ክርስቶስንሄ? »ባረን።
+\v 64 ኢየሱስቭ «አኸ ኧቫኸንምነኸ ዘንጋ ጭን እንእቫአሁዋ አናአውርታሁዋ ተዋ ቀጥው ኧስቭ ትከ እንእአአርቢኸነ ጎይታ በቀነ አጋድኋ ቸየተታ በሳቫይ ዳቨራ ቲቫአካ ታዢዴ»ባረን ።
+
+\v 65 በህም ግዚየ ኧካህን አለቃ ሁዳ በቫአት ሁጅርኋ ዠኧረታ «ዋ ምስ ተጎይታ ኧትቃነቨ ፤ተዋ ኢረእካአር ምር ሄቶ ያትሲኧንረ? ጎይታ ኧቅርውትኋ አሁም ሰማአሁም» ባረ።
+\v 66 አሁዋ ምር ኢቨስርሁዋ? »ባረኖም ፤ ሁኖም«ኧውድ» ቧርም ዠፖነ ።
+
+\v 67 ህምግዚየ ኢምባቌሁኖዋ ኢትፍ ባኲ ፤በጁጉሟር ጀኮዊ ፤ኧኛሞሁኖዋ ወኸድኃ ቲኢዮኦፌ ፤
+\v 68 ክርስቶስ ወኸዳኸ ኧፋናኸ ማንተ? እንዴ እንዴ ትንቢት ዜገንረ» ዩሪ ባንደ።
+
+\v 69 ተሀ ቀጥወ ፣ጴጥሮስ በካሀን ሁዳይ ወረጀ በቸና ኤኤዲ ፣አት ኧቢድ ሜነኘ ገረድ ኧሁዳይ ቴኤነቨችታ «አኸ ተገሊላ ሰቭ ተኢየሱስ እምቲ ባነኸዳ» ባረቸን ።
+\v 70 ሁዳ ጭን ቲኢንታአር አንሂርካ ባረታ ብንሞሁኖዋ ኢፍቲ ኸታ ፤
+
+\v 71 ዲየአጋድ ኢዋአይ ኡኡፈቻይ ቲያርካ ኤኛ ኧቭድ ሜነኘ ገረድ አሸቸንታ በሀኸ ኧረፖሩዋ ሰቭ«እመዳ ተናዝሪት ኢየሱስ እማቲ ባንዳ»ባረች
+\v 72 ጴጥሮስ ትሪዳ ምስ አንሂርኩዳ»ባረ ተኝ።
+
+\v 73 ተቀሪ ግዚየ ቀጥወ በህመኸ ኧሸኮዋ ሰቭ ኧጴጥሮሲ ቴኤኖምታ «ቃራኸ ያሄርቨኸ ፤አኸቭ ኧሁዳ ቤሻንኸ»ባሪ
+\v 74 በህም ግዚየ ጴጥሮስ«ኢያ ምስ ሁዳ አንሂርኩዳ»ቲይር ኧትርትቪ ኧትሰደውት ቀነሰ፤ህመጋ ኧጀውረረ ኩታራ ኖኧ።
+\v 75 ጵጥሮስ«ኩታራ ታይሮእ ሶኦስት ግዚየ ትኸዳይዴ»ኧቫረን ኢኢየሱስ ቃር ተዘከደንታ ወረጀ ዋአታ ተከሲየሞኋ ተቨጠጠታ ቤኸ።
+
+\c 27
+\p
+\v 1 ጋእ ይርወዳ ኧካሀን አለቃይ ኧገኝ ባሪቅ እንእ ኢኢየሱስ ያቲኢቲሪ ብእማታ ተስማሞኦም ።
+\v 2 ቀጥወ ኢኢየሱስ አኮጁምታ ኧይሁዳ ገኘ ዳኝ ኣጽላጦሲ አዎኦምታ አኢይፖሪ ።
+
+\v 3 ኢኢየሱስ አዎኦምታ አአይፐረን ይሁዳ በኢየሱስ ኧፎጅኮኸ በሃረጋ ተውዘከቨ ኢየሱስ አሲየወ ሳሳ ደረእ ብር ኧካሃናት አለቃ ኧገኝ ባሪቅ ዋኸ ቲይር ዠፐረኖም
+\v 4 «አት ኢፋድ ኤኖወ ጥርር ሰቭ ኧውንድ አኢይፐርሁኒ አአፋሁ »ባረኖም። ሁኖዋ ጭን «ኢና ምር አገፓንረ ገግማኸ ተጠረቁወ »ባሪይ ።
+\v 5 ይሁዳቭ ደረእ ሳሳ ብር ኧቤተ መቅደስ ከስ ቃሽን ወረታ ገግሞኋ ተሰኧረ ሞደ ።
+
+\v 6 አለቃቭ ዋጋ ሁዳ ኖሾይታ «ዋ ብር ኧደቭ ዋጋ ኣኸሬ ተቤተ መቅደስ መባ እማቲ ንራእርነይ አይትቨቃካናአር» ቧርም ።
+\v 7 ሁንም አትዋቾምታ ኧቫዘራ ሞጎማ ኤኤዲ ኢኸረኸ ሰህራ ያረሽካ ምሲ አፈር ሥራውኮ ።
+\v 8 ብእም ኧቫአ ሃ አፈር ዋአካ ስን ኧደቭ አፈር ቧርሙ ኢሆይ ።
+
+\v 9 ብእም ኧቫአ «እእስራኤለ ሰብ ኧሁዳ ዋጋ ኢኸረኸ ኧዋጪ መጥ ሳሳ ደረእ ብር ጠቦጩም ወርሙ ።
+\v 10 ጎይታ ኤኤዘዘመኸ ሰህራ ያረሽካ ምሲ አፈር ስራኮ»ቲዩሪ በነቢ ኤርሚያስ ኤኤጂ ትንቢት በህም ግዚየ ኧረቭ ።
+
+\v 11 በህም ግዚየ ኢየሱስቭ ኧዳኝ ጲላጦሲ ኢፍቲ በቴኤነቭጋ ዳኘ ሁዳ «አኸ ኧይሁዳ ሰቭ ንጉስንኸዌ? »ባረታ ተሳአረን ። ኢየሱስቭ «ኧቫኸንመኸ» ቲይር ዠፐረነ ።
+\v 12 ቢኸር ጭን ኧካሃን አላቃ ኧገን ባሪቅ ኢኢየሱስ ቲኮሺሺዳ አትቭ መልስ አናቨኖታ ።
+\v 13 በህም ግዚየ ዳኘ ጲላጦስ «ምራህር ሄቶ አቴኤኖምታ ኢኮሽሽኮኸ አስቫአካዌ? »ባረን ።
+\v 14 ኢየሱስ ጭን ዳኘ ሁዳ ኖኦራ ወግ ቲኸርወ ስን አታአር አንዠፐረነዳ ።
+
+\v 15 ኧገኝቭ ዳኛሁዳ በኽርቭ ኽርቭ በአይሁድ ኧፋሲካ ሙራ ቀረ ኧገኝ ሰቭ ኧሸፐተን አት ኧታአከደ ሰብ ተወህኔ ፈታ በጉፉርት አርዎሸኖዋአር ባንደ ።
+\v 16 በህም ግዚየ «በርባን» ይሪዳአር በገኝኋ ኧትሄረ አደሮገ በወህኔ ኧታአከደምስ ባነደ ።
+
+\v 17 እመኸ ኧኸሬ ሰቭ በደሞጅኮ ኤኤዲ ዳኝቭ ጲላጦስ «ማን ኧፈዳኖሁዋይ ቲሲኢዋ? ባርባን ወይ ክርስቶስ ዩሪዳ ኢየሱስ? »ቲይር ተባአረኖም ።
+\v 18 ጲላጦስ እመዳ ኧቫረ በኢየሱስ በቅናድ አዎኦም አአይፖሪኸ ኢኸሪ ኧረፐረዴ ።
+\v 19 ጲላጦስቭ ኢፈርዲ በዙፋንኋ በቸናኤዲ ሚሽትሞኋ «በሁዳ ኧቫአ ምሳአረ በኧዳር በቨርዛዝ ኖኦራአር አጨነቀናይ ኧኸሬ በዋ አት ባጢር ባኔፐ ምስ አት ዘንጋ እኔፐኸወ» ባረቸንታ ኬሼቸወ ባንደ ።
+
+\v 20 በህም ግዚየ ኧካሃን አለቃ ኧገኝ ባሪቅ ሁኖዋ ጭን «ባርባን ግፍንረ ኢየሱስ ኡትሪ»ቧርምታ ኧጲላጦስ ኢሶኦሪዀዓስብ ሁኖዋ ይኢፖፕሪዮዋ
+\v 21 ጲላጦስ ዠፐረታ ተውሬትሁኖዋ ኧተሁኖዋ ኧገፍነሁዋይ ቲሲኢዋ? »ባረኖም ። ሁኖም «ባርባን ግፍንረ ቧርሙ ።
+\v 22 ጲላጦስ «ክርስቶስ ዩሪዳ ኢየሱስ ሁዳ ማሀ ነናነሁዋ? »ባረኖም ። እንሞሁኖዋ «ኧሱኡሪ»ቧርም ።
+
+\v 23 ኧቭር ምር ሙጥጣአር ኤፐ? »ተሳአረኖም ሁኖዋ ጭን «ኧሱኡሪ»ቲዩርዋ አደቦሹም አሆኖም ።
+\v 24 እመኸ ኧኸሬ ጲላጦስ ዋ ዘንጋ መራክስ ኢረሳይ ባሃሬ አት ዘንጋ አይረሁኮኸ ባሸ ግዚየ እሀ አቫአታ ተዋ አት ባጢር ታኔፐ ምስ ደቭ ኢያ ጥርርንሁ ፥አሁዋ ጭን ኧሳረናሁዋአር ኦኖዋ»ቲይር በስቭ ሁኖዋ ኢፍቲ ኧጅኋ ታኧቨ ።
+
+\v 25 ሰቭሁኖዋ እንእ «በሁዳ ኧቫአ ኢቫአካ ደቭኋ ቢናይ በዴጋመንራ ኧህር ቧርሙ ።
+\v 26 በህም ግዚየ ጲላጦስ በርባን ገፈረኖም ። ኢኢየሱስ ጭን ባትጌፈረን ቀጥወ ኢሶኡሪ አዋአ አአይፐረንፕም።
+
+\v 27 በህም ግዚየ ኧጲላጦስ ወታደር ኢኢየሱስ ኧዳኘ ጲላጦሲ ወረጀ ባጎፔጋ ወታደር ሁኖዋ እንእ ኢኢየሱስ ሄቤበዊ ።
+\v 28 ውጅርሞኋ ሞንጩምታ ብሻ ሁጅር አሆተሪ ።
+\v 29 ኧሶህ ዘውድ ጌኬነታ በጉነርኋ ሆኖነ በቀነ ኧጅኋ ኧሸቦቆ አአር አጠቦጪ ቢኢፍትሞኋይ ሱጁት ወኮም «ኧአይሁድ ንጉስ ወጌምት አኸ ኧህር» ቲዩርዋ አኬሽኮ ።
+
+\v 30 ኢባቀመሁኖዋ ኢትፍ ዩኮ ባንደ ፤በኧጅሞኋ አጠቦጪ ኧሸቦቆ አአር ወሰጅኮታ ጉነርኋ ደኖጊ ።
+\v 31 ታኬሽኮ ቀጥወ ብሻ ሁጅርኋ ሞንጩም ቦቾይታ ኧገግኋይ ሁጅርኋ አሆተሪታ ፥ኢሶኡሪ ወስጂ ።
+
+\v 32 ተዳኝ ሁዳይ ቶኡር ሠቻጋድ ቲዎኦዋታ ስሞኦን ዩሪዳ ኧቀሬና ገኘ ምስ ነኮምታ ኢየሱስ ኢሰኡርኮዳ መስቀል በግርድ አፌኖጊ
+\v 33 ተህም ቀጥወ«ቀራኒዮ» ወይ «ኧጉነር አእቭ» ዩሪዳ ኤኤዲ ጎሎጎልታ ሰኖም ።
+\v 34 በህሜ ተአሞት እራኦሪ ወይን ኢሰጪ ኢኢየሱስ አዊ፤ ሁድቭ በቀመሰንጋ ኢሰጪ አንሴኧዳ ።
+
+\v 35 ኢየሱስ በሶኦሪ ቀጥወ ሁጅርኋ ኧርጥ አቶኮታ ተሻኮጂ ።
+\v 36 በህመኸ ቾኖምታ ይኢዮይ ባንደ ።
+\v 37 «ዋዳ ኧአይሁድ ንጉስ ኢየሱስን» ይካ ጡፍ በጉነርኋይ አጥረጠሪ ባደ ።
+
+\v 38 በህም ግዚየ ውሬት ሽፍጣ አት ሁዳ በቀነ አጋድ አት ሁዳ በጉራ አጋድ ተኢየሱስ እማትሜ ሶኦሪዮም ባንደ ።
+\v 39 በህም መያ ያርዋ ኧረፖርዋ ሰቭ ቡሼኤኸ ቲያትቃኑም ጉነርሁኖዋ ቲያቁረቁርዋ ፥
+\v 40 «ቤተመቅደስ ባሪተሁ በሶኦስት ቀረ አረሽኩዴ ኧቫኸ እንዴ ዋአካ ገጋኸ አትርፍ ፤ ኧጎይታ ትከ በኸርኸ እንዴ ተሰኧርኸወ መስቀል ውረድ»በዋርት ያኬሽኮ ባንደ ።
+
+\v 41 ኧመኸቭ ኧካሃን አላቃ ኧሙሴም ኧቂጫ አስተማሪ ተገኘ ባሪቅ እማትሜ ዋኸ ቲዩርዋ ያኬሽኮ ባንደ ።
+\v 42 ኤኛሁኖዋ አተነፍኸ ፤ አካ ገግኋ እናተነፍኸ ባንደ? ፥ ሁዳ እእስራኤል በኸረ በኸረ እንዴ ዋአካ ተዋ ተሰኧረወ መስቀል ኧረድ ኢናቭ በሁዳ ነኧቨነሴ ።
+
+\v 43 ሁዳቭ በጎይታ ታአመረታ [ኧጎይታ ትከንሁ} ባረ፤ጎይታ በረመደን እንዴ ዋአካ አትርፍኩ» ቧርሙ ።
+\v 44 እመኸ ተሁዳ እማትሜ ኧሰኦሪዮዋ ሽፍጣ ዋኸ ቧርሙ ይቆርዊ ባንደ ።
+
+\v 45 ተግት ዋአና ቀነሰ ዢኧ ሰዓት ስን በአፈር እንእ ጠነቫ ወንደ ።
+\v 46 ዢኧ ሳዓት ቲኸርካ ኢየሱስ «ኤሎሄ ኤሎሄ ላማ ሰበቅታኒ? »ባረታ ቃርኋ ነሳ አኸና ፤እመኸ ኧዋርት «ጎይታኞ ጎይታኞ ኧቭር ቼኤኸይ? »ኧዋርትን ።
+\v 47 በህመኸ ተሸኮዋ ሰቭ አታትሁኖዋ ቃርኋ ሰሞምታ «ዋ ምስ ኤኤሊያስ ኢኸራ»ቧርሙ ።
+
+\v 48 በህም ግዚየ ተሁኖም አት ሁዳ ስፍንግ አቫአታ አንቆይ ኧቫራአር ሜናወታ በሸንቦቆ ነሳ ኢኢየሱስ ኢሰጪ አቴኤነበነ ።
+\v 49 ኤኛሁኖዋ «ኧኩሽዋ እንዴ ኤሊያስ ሜኤተ ያተርፍኮኸ ነዥኝ»ቧርሙ ።
+\v 50 ኢየሱስ ኧውሬትኝ ቃርኋ ነሳ አኸናታ ሉሁዮኋ አአዋአ አአይፐረ ።
+
+\v 51 በህም ግዚየ ኧቤተ መቅደስ መዘኔድ ተፎሬ ቀነሰ ኧገዳኒነ ተዠኧረ ውሬቲ ተሻከደ ፤አፈር ቅረቀረታ እቭር ተዠኧረ ።
+\v 52 ሞጎማ ተከፈደታ ሞጁም ኧረፖርዋ ኖኦራ ቅዱሳን ሰቭ ተረሾም ።
+\v 53 ተወገማ በዎኦዋጋ ኢየሱስ ተውንድ በትረሳ ቀጥወ ቅዱስ ከተማ ኢየሩሳአሌም ጎፖምታ በህሜ ኖኦራ ሰቭ አሸኖም ።
+
+\v 54 ኧመቶ አለቃ ተሁድ እማትሜ ኢኢየሱሲ ኢሲኢዋ ኧረፖርዋ ወታደር ኧአፈር ኧቆርቁርት ኤኛአር ባሸዋ ቀጥወ ቡሼኤኸ ፌኞምታ «እሸዳሽ ኧወረ ኧጎይታ ትከ ባንደ»ቧርሙ ።
+\v 55 በኖኢ ኸራምታ ያዣታ ኖኦራ ኢስቻ በህመኸ ባናተ ፤ ህናም ተገሊላ ገኘ ቀነሻም ኢኢየሱስ ቲያጌክራይ ኢትኼተራይ ኧረፐራታናአር ።
+\v 56 ተህናም ግት ኧመግደላ ማሬያም ኧያቆብሜ ኧዮሴፍሜ አዶድ ማሪያም ኧዘብዲዮስ ዴጋሜ አዶድቭ ባናተ ።
+
+\v 57 ቲቨሽካ ኧአርማቲያስ ዮሴፍ ዩሪዳ ደንገኝ ምስ ተአርማቲያስ ገኘ ማአ ፤ ሁድቭ ኢኢየሱስ ተማሪ ባንደ ።
+\v 58 ሁዳቭ ኧጲላጥሲ ማአታ ኢኢየሱሲ ኒሳ አቬ ባረታ ተሳአረን ፤ ጲላጦስቭ ይዊኸ ኧኤዘዘ ።
+
+\v 59 እመኸ ኧኸሬ ዮሴፍቭ ኒሳ ሁዳ አወንደታ በወያ ከፈና ከፈነን ።
+\v 60 ኧገግኋ ተኑእየ እቭር ፍረፈታ ታወናን ወያ ሞገማ ሞኬንታ ተህም ቀጥወ ኑህእ እቭር አክቭነረ ሞገማ ሁዳ ኤፈንታ ወረ ።
+\v 61 ኧመግደላ ማሪያምቪ ሶማመሻ ማሪያም በህም ሞገማ ኢፍትኢፍት ቸናም ባንደ ።
+
+\v 62 በጅማት ምረገኝ ቅጣት ሰንበት ኧካሃን አላቃ ኧፈሪሳ ሰቭ ኧዳኝ ጲላጦሲ ተደሞጁም ሞኦምታ ፤
+\v 63 «ጌታንሮ ዋ አታላይ ኢየሱስ በአያሞኋ ታነ <በዎድሁ በሶኦስት ቀረ ቀጥወ ኧትረሳኬ> ኧቫረኸ ቀለብ ባረን ።
+\v 64 እመኸ ኧኸሬ ተማሪሞኋ ሆይተዋ አይሰኡዋኸ ኧሰብ <ተውንድ ተረሳ> ባይተዋ አይርዋኸ ኦካ ሞጎሟኋ ሶኦስት ቀረስን ይኢዮየኸ ሰቭ ኧዝዝ ሃ በኸረ ኧዋአካ ኧድዋወርትንራ ቲኢፍት ሁዳ ኧድዋወርትንራ ኢቨኧስኬ ።
+
+\v 65 ጲላጦስቨ «አኪያ ይኢዮታ ሰብ አነውነኩዋ ሆርሙታ ቢቲሂሪዳ ኧኋርት ሞጎሟኋ ይኢዮሮዋኸ ኦኖዋ»ባረኖም ።
+\v 66 ሁኖም ዎሩምታ እቭር ሁዳ በማተም አቶምኮታ ሞጎሟኋ በወታደር አትኢራዊ ።
+
+\c 28
+\p
+\v 1 ተዋአ ቀጥወ ውርሰንበት ቀረ ጋእ ቲይካ መግደላ ማሪያምቪ ሶማሻ ማሪያም ኧኢየሱሲ ሞገማ ያዣይ ወረም፡፡
+\v 2 ኧጠነቃር አፈር ኖኦራአር ቅረቀረ፡፡ ኧጐይታ መላአይካ ተሳቫይ ወንደታ ኧሞገማ ኹዳይ እቭር አክቨነረንታ በፎረኋ ቸና፡፡
+
+\v 3 ኧመላአይካ ኹዳይ ኢፍት ኢትቭራነእካ ሳቫይየኸ ጊርጊር ይር ባነዳ፡፡ ኹጅርሞኻ ኧበረጀኸ ጓድ ባነዳ፡፡
+\v 4 ሞገማቭ ዩኡሮዋ ኧረፓሩዋ ዘበኛ ኧመላአይካ ኹኗ ተፍረውትኹኗ ኧትረሳ ድርኢት አረኧደኖምታ ኧዎጁዋአረኸ ኾርም፡፡
+
+\v 5 መላአይካ ኹዳ ጭን እእስቻ ኽና ‹‹አትፍረቫ አኻ ኧሶኦሪ ኢየሱስ ትስአኸ ኧኺር፡፡
+\v 6 ኢየሱስ ገግሞኋ ተውድ ኧትረሳኬ ባረ ኧዝሬከመኸ ተረሳ፤ የሀምታ ኒሳኋ ኧጐተርኮ ኤኤዲ ኧዣ፡፡
+\v 7 ካች ባራም ኧተማሪኋ ኾራምታ ‹ኢየሱስ ተውድ ተረሳ፤ ገሊላ ገኘ ብደይተናኹዋ ያርኬ፤ በኽሜ ታዤዴ› ባራም አውጃዮዋ፤ ኧዥ ኤኤድካም፡፡
+
+\v 8 ም ቀጥወ እሽቻ ኽና በፈራድቪ በሳርት ካች ባራም ኧተማሪኋ ኢኢጃይ ተራወአም፡፡
+\v 9 ኽመጋ ቲያራታ በቨያ ነከቨናምታ ‹‹እሽቾ ወገሬታኸ›› ባረናም፡፡ ኽናም ኧኹዳይ ቴኤነቫምታ ኧግርኋ ጠበጫም ሰገጃነ፡፡
+\v 10 ግዝየ ኢየሱስ‹‹አትፍረቫ ኾራምታ ኧሰማትኛ ገሊላ ገኘ ያሩዋኸ አውጃዮዋ በኽሜ ዮዥኝሴ››ባረናም፡፡
+
+\v 11 ቲያራምታና ሞገማ ዩኡሮዋ ተረፖሩዋ ዘበኛ ቀሪኹኗ ከተማ ጐፖምታ ዋ ኧቾደ ዘንጋ እንእ ኧካኽን አለቃ ኤኤጁም፡፡
+\v 12 አለቃ ኹኗ ተቫሪቅ ተደሞጁም ባትዋቾዋ ቀጥወ እእራውዋ ወታደር ኖኦራ ዋጋ እንሹዋ አወዮምታ፤
+\v 13 ዊኢንድንራ በሬኤኒ ኤዲ ኢየሱሲ ተማሪ በቭሳአረ ሞኦምታ ኒሳኋ ሰነኡም›› ቧርምታ ኧሰቭ አውጁዋ፡፡
+
+\v 14 ጲላጦስ ኧሰምአ በኸረ ኢና ዘጋኋ አውጅተኔታ ባኹዋ ችግር አይሰርአቨኹዋ ነናነሴ›› ቧርዮም፡፡
+\v 15 ኹኗ ዋጋኹና ቴኤፖርምታ አውጁዋ አዋርዮዋአር ኤኤጁም እም ዘንጋ በይኹዳ ስቭ ዋአካ ስን ቲቴኤድ አነ፡፡
+
+\v 16 ቀጥወ አስራ አቸ ተማሪኋ ጭን ኢየሱስ ኤኤደነዋመኸ በገሊላ አነዳ ኢየሱስ አቴሼኗ ቆቶዌ ዎኦም፡፡
+\v 17 አሸዊታ ሰጐጅነ፤ ተኹኖም አታተኹኗ ጭን ይጥራጠሩዋ ባንደ
+
+\v 18 ኧተማሪኋይ ቴኤነቪታ ዋኸ ባረኖም፣ዳኝነድ እንእ ቦሳቫቪ ባአፈር ቴቪዪ
+\v 19 ኧኸሬ ኾርምታ ሰቭ እንእ በአብ፣በወልድ፣በመንፈስ ቅዱስ ሹዉ አጥምቁምታ ኢያይ ተማሪ ኦንኧዮዋ፡፡
+
+\v 20 ኤኤዘዝኩዋ ኹዳ እንእ ዩኡሮዋኸ አትሞርዮዋ፤ ኢያቭ ዋ አለም ያርእወዳ ቀረ ስን እንእ ግዝየ ታኹትንኹ›› ባረኖም፡፡ስስ

42-MRK.usfm

@@ -0,0 +1,969 @@
+\id MRK
+\ide UTF-8
+\h ኧማርቆስ ወንጌል
+\toc1 ኧማርቆስ ወንጌል
+\toc2 ኧማርቆስ ወንጌል
+\toc3 mrk
+\mt ኧማርቆስ ወንጌል
+
+\c 1
+\p
+\v 1 ኧጎይታ ትከ ኢየሱስ ክርስቶስ ወኼ ዋራይ ይቆርሽኮዳ
+\v 2 በነቢ ኢሳያስ መጣ « መያ ይጤርካ ኪሸረፕኛ ታኸ ኢፊቲ ኤኬሽኪ
+\v 3 ሁድቭ « ኧጎይታ ሜያ እጣውርዋ ዋአድኮኋ ጎኩርዋ ባረ በቨረሀ ያኸራካ ሰቨ ቃርን »ቧርሙ ኧጣፊይ አአር ባንደ ።
+
+\v 4 በኽም ኧቫአ ያጠምካ ዮሐንስ « ባጢራሁዋ አፍ ይኩዋይ በጎይታ ኢፍቲ ንሰሃ ጉኦም ተጠመቁዋ »ባረ በቨረሃ አዋጅ ቲቭር ማአ ።
+\v 5 ኧአይሁድ ገኝ ሰቨ እንእ ኢኢየሩሳሌም ሰቨ እንእ ጀፖርምታ ዎርሙ ባጢርሁኖዋ በጎይታ ኢፊቲ ቲትራዘዝዋ በዮርዳኖስ እሃ በዮሕንሲ ኧጅ ይጠመቁዋ ባንደ ።
+\v 6 ዮሐንስ ተጋሜራ ድገር ኤፐዊ ውጅር ተኸተረ ናቫኋ በጠፍር ታአከደ ኧበረሃ ውየ እጉረቬናቭ ይቨራ ባንደ ።
+
+\v 7 ሁድቭ ይኢድኩ ኧረፐረአዋጅ «ኧጫማኋ ያአጉጅኮዳ ክር ስን ሙግ ባይተሁ ዓፈዳኔ አይትቨቃያአር ቲያ ይረካ አአር ቲያ ኢኢ ይቫአኬ ፥
+\v 8 ኢያ ብእሃ አጠምቅሁዋ ሁዳ ጭን በመንፈስ ቅድስ ያጠምቅሁዋቴ » ይርእካ አአር ባንደ ።
+
+\v 9 በሀ ግዚየ ተገሊላ ገኝ ተናዝሪት ከተማ ማአታበዮርዳኖስ እሃ በዮሐንስ ኧጅ ተጠመቀ ።
+\v 10 ኢየሱስ ትእሃ ተዋአመኸ ሰማይ ተከፈተደታ መንፈስ ቅዱስ ቡናር መሰረ በፎርኋ ቲወትካ አሸ ።
+\v 11 « ኧረድኸዳ ትከኛ አኸተ ባኸቭ ይሽሬ »ይቭርካ ቃር ተሰቫይ ተጎይታይ ተሰማ።
+
+\v 12 ህመጋ መንፈስ ቅዱስ ኧቨረሃኒየ ኤፐ ወሰደን
+\v 13 በህሜ በቨረሃ በሴጣን ቲትፈተን አርቫአ ቀረ ኤኮሰ ።ተቨራ አዊ እማትሜ ቲይረቨር መላአይካቭ ያጌኪሪ ባንደ ።
+
+\v 14 ዮሐንስ ጠቦጪታ ባአኮጂ ቀጥወ ተጎይታይ እአቫአ ወሄ ዋራይ ቲይኢድ ገሊላ ዩሪዳ ገኝ ወረታ
+\v 15 ግዚየኋ ሰንአ ኧጎይታ መንግስት ማአ ሰንአ ባጢራሁዋ በጎይታ ኢፍቲ ኦኦም ንሳሃ ጉኦዋ ብእም ወንጌል ኦዎርዋ »ቲይር ይኢድ ባንደ ።
+
+\v 16 ተህም ቀጥወ ኢየሱስ በገሊላ ባር ሞሬ ቲያርካ ስሞኦንቪ ኧስምመኋ እንድሪያስ ዓሳኢጠጭዋ ኧረፐሬ ኧኸሬ ዓሳ ኢጠጭኮዳ ሽካ ኧቫሪ ኤፖም ቲቋሽታ አሽኖም
+\v 17 ኢየሱስ የሁዋ ተሆተርኝ ሰቨ ተቫጢርሁኖዋ ትዥፕርዋኸ ኧናሁዋሴ ባረኒም ።
+\v 18 ሁኖም ህመጋ ዓሳ እጠጭኮዳ ሽካሁኖዋ ቃሸውምታ ቴኼተሪ ።
+
+\v 19 ቀሪም ኤኤዲ ተወረ ቀጥወ ኧዘብዴዎስ ኧች ያዕቆብቪ ኧሳምመኋ ዮሐንስቭ ብእንሲየ መርከብ ቸኧኖምታ ዓሳ ያጠጭኮዳ ሽካሁኖዋ ያጣውርዋ ባንደ ።
+\v 20 ኢየሱስቭ አሽኖምታ ህመጋ ኸናኖም ። ሁኖም አባሁኖዋ ዘብዴዎስ ተቬነኘመኋ በመርከብ ሁዳ ፎር ቼኤዊታ ኢኢየሱስ ቴሃተርሙ ዎርም ።
+
+\v 21 ተህም ቀጥወ ቅፍርናሆም ዩሪዳ ኤኤዲ ወርሙ ኢየሱስብ ህመጋ በሰንበት አአይሁድ ኧጠሎት ቢድ ገፓታ አትሞርት ቀነሰ ፤
+\v 22 ቲያትመርካ አአይሁድ ቂጭ አስተማሪየኸ ተይኸርቭ ዳኝነድ አነንዳ ሰቨኸ ኧረፐሬ ኧከሬ ኧሶሜ ሁኖዋ እንእ ወግ ይኸርወዋ ባንደ ።
+
+\v 23 በኽም ግዚየ ቢደሞችኮዳ ቢድ ኧረፐረ አት ሴጣን ኧጠበጠን ምስ ዋኸ ቲይር አኸና፥
+\v 24 «ኧናዝሪት ኢየሱሰ አኸ ቲያ ምር አነነኸ ታአፋንሬ ማአኸይ? ኢያ አኸ ማን ኧኸርኸኸ ኤሂር አኸ ኧጎይታ ኧይቀደስኸ »ባረ ።
+\v 25 ኢየሱስብ ቁስ ባር ግፍርኩታ ሆር ባረ አጥራቆረን ።
+\v 26 ሴጣንቭ ሁዳ ኧቭስ ሁዳ አተገ ኖኦራአበጥቨጠቨን ቀጥወ በሩኡየ ቃር ኮ ባረታ ገፈረን ወረ ።
+
+\v 27 ሰቨ እንእ ዋ ዘንጋ ምራፈድን? ምይነትን ወያ ትምርትን ። ኧሴጣን ስን ይኢዝዝ ሁኖም ኢታአዘዥነ ቧርሙ ወግ ኧረዎምታ ገግ ትገግመሁኖዋ ኢጮጅዋ ባንደ ።
+\v 28 ህም ግዚየ ኢኢየሱስ ዋራይ በገሊላ ገኝ ተሰማአ ።
+
+\v 29 ህመጋ አይሁድ ቲደመጅኮዳ ቢድ ተዋአመኸ ተያዕቆብቪ ተዮሐንስቭ ኧሰምኦንይ ኢኢድሪያስሜ ቢድ ጎፖም ።
+\v 30 በቪድ ከስ ኧስሞኦኒ አቫቸድ ሚሲየሻ ሜኬረችታ ተገተረች ባንደ ።ሂድቭ ኤኤመናኸ ህመጋ ኤኤጂ ።
+\v 31 ተኽም ኧትረሳ ኧትገተረቸ ኤኤዲ ወረታ ኧጅሻ ጠበጠታ ነሳና ።ትቬክር ኧረፐረ ቼኤናታ ተረሳች አቫዘረችኖም ።
+
+\v 32 አየድ ወይአታ በቨሸጋ ኧቃያኋ ሰቭ ኤኤመኖሚ ባአሽ ኧጠበጠነዋ ሰቨ እንእ ኧሁዳይ በቾም አዎአዮም።
+\v 33 ኧከተማኋ ሰቨ እንእ በወረጀ ቁጥ ቧርሙ ባንደ ።
+\v 34 ኢየሱስቭ በሮኦራ ባአሽ ኧትጠቦጭዋ ሰቭ እንእ አፊያ ኤፐ ኖኦራቭ ሴጣን አዋአ ዘንጋኋ ጭን ሴጣን ሁኖዋ ማን ኧኸረኸ ኢሂሪ ኧረፐሬ ኣኸሬ ኢዝረኩዋይ አናቨኖታ
+
+\v 35 ሱቢ እረርኧ ገና አየድ ታይዋአ ኢየሱስ ተረሳ ተቪድ ዋአታ አት ሰቨ ኤነወ ኤኤዲወረ ጠሎት ይንአ ባንደ ።
+\v 36 ስሞኦን ትቬሻሞኋ እማትሜ ኢኢየሱሲሰ ኢሱኢ ዎርሙ ።
+\v 37 በረከዊመጋ ሰቭ እንእ አኸ ኢስኸ ቢ ።
+
+\v 38 ኢያ ኧቫአሁ ኧጎይታ ቃር ኢኢዲ ኧኸሬ «ኧሰቨ ኧጎይታ ቃር ኒኢድኔ ኧቪየምንራይ አነውታ ቃያ እማትሜ ንሆርነ ባረኖም ።
+\v 39 አይሁድ ቢደምችኮዳ በጠሎት ብድሞሁኖዋ ቲጋአ ኣጎይታ ቃር ትእድቪሴጣንቭ ቲያዋአ ገሊላ ቢዩሪዳ ገኝ እንእ ውርውር ይቭር ባንደ
+
+\v 40 አት ኧጎጋ ባሸ ኧጠበጠን ምስ ኢኢየሱስ በኧግርኋ ወተኧ ቢሽርኸ ታተርፈይ ኢኸነኸባረታ ሳአረን ።
+\v 41 ኢየሱስቭ አትቫጠጠንታ ኧጅኋ ዝራካ ሙሻሸንታ ትተርፊ «ኢሽሬ ትረፍ ባረን »
+\v 42 ምስቭ ሁዳ ኧገግኋ ባአሽኋ ገፈረን ህመጋ ገፈረን ።
+
+\v 43 ኢየሱስቭ ኧምስሁዳ ቲያስራብትኩዳ « ኢያ አተነፍከኸ አአትሞኋ ሰቨ እኔኤድኸ ዘንጋኋ ጭን እማት ኧካሃናት አተዥ
+\v 44 ኧተንፍኸመኸ ኧሰቨ እንእ ምስክር ኢኸረኸ ሙሴ ኤኤዘዘን ህትቭ ኧጎይታ አተኧንቭ »ባረታ አጬፐን ።
+
+\v 45 ቢኸር ጭን ምስሁዳ ተሀአ ይ ዋአታ ዋ ዋራይ እንወኋ ቲያር ቲያር አአውጅት ቀነሰ ፥ተህም ኧትረሳ ኢየሱስ ሰቨ ቲያዥኩ ማንኝእ ከተማ ኢጋአይ አንቴፐነዳ ቢኸር ጭን ሰቻ ዋአታ ሰቨ ቤነወ ኤኤዲ ይረቭር ባንደ ፥ሰቭቭ ቴኤድ ኤኤዲኧሁዳይ ይዎኦዋ ባንደ ።
+
+\c 2
+\p
+\v 1 ተቀሪ ቀር ቀጥወ ኢየሱስ ቅፍርናሆን ከተማ ተዥፐረመኸ ቢድ ከስ ኧጉኦትኋ ሰቨ ሁኖዋ ሰሞም ።
+\v 2 ቢድ አንቨቃ ባረታ በወረጀ ስን ይሽኮኮዳ ኤኤዲ ቲወኽሪ ስን ኖኦራ ሰቨ ተደሞጅሙ ። ኧሁኖም ኧቃር ይኢድኮዋ ባንደ ።
+
+\v 3 በኽም ግዚየ አርቫት ሰቨ አት ሽባ ምስ ፌነጉም ኧሁዳይ አዎኦይ ።
+\v 4 ኖኦራ ሰቨ ኧረፐሬ ኧኧኸሬ ኢየሱስ አኖዳ ኢኤዲ ኢቴኤነውዋኸ ቢወሁርዋ ኢየሱስ ባኖዳ አጋድ ኧሱኡር ቢድ ኮፎኩምታ በጂፐኋ በትገተረመኸአወንጂ ።
+
+\v 5 ኢየሱስ ያትርፍኩሴ ቧርሙ ኧትማሞርዋኸ ኧሃሬ ኧ«ተፈነኸ » ባረን ።
+\v 6 በኽመኸ ኧቸኖዋ አታት ኧሙሴ ኧቂጫ ባሪቅ ኧዋ ዘንጋአር በሂንሁኖዋ ዋኸ ባርሙ ።
+\v 7 «<ዋ ምስ ኧጎይታ ኧዋኸ ቂናወ ኧቭር ኢቀርቭ? ተጎያ ኤኛአር ባጢር ኢፈኢ ኢኸነዳ ማንተን »ቧርሙ ።
+
+\v 8 ኢየሱስቭ ኽመጋ በመንፈስኋ ሃረት ኧዋኸ አአር አጫመጭዋኸ ሀርታ «ኧቭር በሂናሁዋ ኧዋኸ አአር አጫመጥሁም?
+\v 9 ኧሽባ ሁዳ ባጢራኸ ተፈኧነኸ ተዋርቲቪ ተሳ ጅፓኸ ፈንግ ሆር ተዋርት ኧተሁኖዋ ኢረእ ኢረኧዝ?
+
+\v 10 ዘጋጭን ኧሰቨ ተከ በአፈር በፎር ባጢር ኢፈኢ ደረግ አነነኸ ትሂርዋኸ ባረታ ን ።
+\v 11 « ኧሽባ ሁዳ ተሳ ተሳ ጅፓኸ ፈንግ ቢዳኼ ሆር እኸ » ባረን።
+\v 12 ሽባ ኧረፐረ ሁዳ ኽመጋ ተረሳታ በሰቨ እንእ ኢፍቲ ጅፓኋ ፌነገ ዋአ ። በኽመኸ ኧረፖርዋ ሁኖዋ እንእ ዘንጋኋ ወግ ኸረዎምታ እእሸኸ አአር ስርም ኧሽተነ አንሂነዳ ቧርሙኧጎይታ ሽኩርት አቴኤነውም ።
+
+\v 13 ኢየሱስ ሀአቨ አት ኧባር ሞሬ ወረ ኖኦራቭ ሰቨ ኧሁዳይ ማአ ሁዳቭ አትመረኖም ።
+\v 14 ሁድቭ ሀአመያ ቲያርካ ቀረጥ ቢያጭኮዳ ኤኤዲእእልፍዩሲ ኧች ለዊይ በቸና ኤኤዲ አሸንታ« የኸ ተኸተሬ »ባረን ።
+
+\v 15 ተኽም ቀጥወ ኢየሱስ በለዊይ ቢድ ሽረድ ኢቨራይ ቸና ኖኦራ ሰቨ አሄተሪ ኧረፐሬ ኧኸሬኖኦራ ቀረጥ ያጭታ ሰቪይ ኤኛ ባጢረተኝ ሰቭ ተኢየሱስቪ ተተማሪሞኋ እማትሜ ቸኖም ሽረድ ኢወርዋ ባንደ ።
+\v 16 ኧፈሪሳ ሰቨ ኧሆርዋ ኧሙሴ ኧቂጫ ባሪቅ አሸውምታነዳ ሁዳ ተቭር ቀረጥ ቲያጭታ ሰቪይ ተቫጢረተኝቭ ሰቨእማትሜ ቸና ሸረድ ኢቨራአ? ቧርሙ ኧተማሪኋ ተሳአሪዮም ።
+
+\v 17 ኢየሱስቭ ዋዳ ሰምአታነዳ «ኧቫአሺየ ባከሬ በፋይነዳ አነዳ ሰቨ አኪም አያሲእኩዳ »ኢያቭ ኧቫአሁ ባጢረተኝ ንሳሃ አገአይ ማአሁ ባሃሬ ጻዲቅ ሰቨ ንሳሃ አገአይ አኸሬይ አማአኋ »ባረኖም ።
+
+\v 18 ኧዮሐንሲሜይ ኧፈሪሳሜ ሰቨ ተማሪ አንጦሙዋይ ኧረፐሬ ኧኸሬ አታት ሰቨ ኢኢየሱሲ ሞኦምታ «ኧዮሐንስ ኧፈሪሳ ሰቨሜ ተማሪ ቲጦምታ አኼ ተማሪ አይጦሙዋ ሁዳ ኧቭራፈድን? » ቧርሙ ተሳአሪ ።
+\v 19 ኢየሱስ ዥፐረታ ዋኸ ብረኖም «ምሽረኝ ታነ ሙዜ ሁኖዋ ኧተኸይጦሙ? ምሽረኝ ተሁኖዋ ታነ ሁኖዋ ኧጡምት ኤነዎታ ።
+
+\v 20 ቢኸርቭ ጭን ምሽረኝ ተሁኖዋ ኢፍቲ ኢወስጅኮዳ ግዚየ እቫአኬ ሀአ ግዚየ ኢጡሙዋሴ ።
+\v 21 በጉስ ሁጅር ወያ ጣፉድ ኢጠፍካ አትቭ ሰቨ ኤንዳ ዋኸ ቢኸር ጭን ወያ ጠፉድ ሁዳ ኧጠው ሁጅር አቸ ተአወተረ ሁዳ ይቭኧስ ይትዠኣር ።
+
+\v 22 እመኸቭ በገነዘ ኧጠጅ ገንባ ወያ ኣወይን ያወራካ ኤንዳ ቢያወራ ጭን ኧወይን ጠጅ ሁዳ ኧገባ ሁዳ እሰቭርኩ ጥጅቭ ሁዳ እትሁእ ገባቭ ሁዳ ኢትሰፐር በኽም ኧቫአኧወያ ኧወይን ወያ ገንባ ያትሲእኩ ።
+
+\v 23 በሰንበት ቀረ ኢየሱስ በስኔኧ ዝኝኧ ግት ቲያርካ ተሁዳ ያርዋ ኧረፖርዋ ተማሪኋ ኧሲድ ኦዎጥሽት ቆነሹም ።
+\v 24 ኧፈሪሳ ሰቨ ኢኢየሱስ ተማሪያኸ በሰንበት ቀረ ተቭር አይኔአር ይንኦዋ ቧርሙ? ተሳአሪ ።
+
+\v 25 ኢየሱስቭ ዋኸ ቲይርዠፐረታ «ዳዊት ጋደንታ ሸረድ ባሴኤን ግዝየ ተሁድ እማትሜ ተረፖርዋ ሰቨ ኤፐአር አናረበብሁዋታ?
+\v 26 በአያተር ኧካሀን አለቃ በረፐረወ ዘቨር ዳዊት ገፓታ ካኽናት ባሀሬ ኤኛ ሰቨ ኢቨራኩይ አትፈቀዳአር በጎይታ ኢፍቲ ኧቸና ሽረድ በናታ ተሁድ ኧረፖርዋ ሰቨ አቨኖም።»
+
+\v 27 ዠፐረታ ዋኸ ባረኖም «ሰንበት ኧስቨ ተፈጠረ ባሃሬ ሰቨ ኧሰንበት አትፈጠረዳ ፥
+\v 28 ባቴ ኢያ ኧሰቨ ኧች ኧሰንበት ጌታንሁ » ባረኖም ።
+
+\c 3
+\p
+\v 1 ኢየሱስቭ ሃአቨ በኤኛ ግዘየ ይደሞችኮዳ ቢድ ገፓ በኽሜ አት ኧጅኋ ኧቁረፈረ ምስ ባንደ ።
+\v 2 ኢኢየሱስ ይኮሺሺ ሰበብ ይሲኮ ኧረፖርዋ ሰቨ በስንበት ቀረ እንዴ አፍያ ይናኩ አይናኩ ያዥዋይ ያጭምሞዋ ባንደ ።
+
+\v 3 ኢየሱስቭ ሃአ ኧጅኋ ኧቁረፈረወ ምስ ዋይኒነ የኸታ በሰቨሰቨ ሰቨ ግት ተሳ ተሰገቭ ባርን ።
+\v 4 ኢየሱስ ኧትስወሰዋ ሰቨ « በሰንበት ቀረ ውኼአር ኦኖትንዌ ሙጥጣአር? ነፍስ አትርፉትኒ ወይ ኡኡትርትን? ባረ ተሳአረኖም ሁኖዋ ጭን ቁስ ቧርሙ።
+
+\v 5 ኢየሱስቭ በኺንሁኖዋ ቱእነድ ቀጨባረንታ አነውታ ሰቨ እንእ በቫአት አዦረ አሸታ ኧቭስ ሁዳ « ኧጃኸ ዛጋ » ባረን ።ምሁዳ ኧጅኋ ብዝራካ አታአር ኤነኸ ቼኤን ።
+\v 6 ኽመጋ ኧፈሪሳ ሰቨ ኧተኸ ኤኝተዋ ይጠቺኸ ተሄሮድሲ ሰቨ አትዋጆት ቆኖሹም ።
+
+\v 7 ኢየሱስ ተተማሪሞኋ ኧገሊላ ባሪይ ኤፐ ወረ፥ ተገሊላ ባር ኖኦራ ሰቨ ቴሄተረን ።
+\v 8 ይናኩዳ ኔና እንእ ኧሰሞዋ ሰቨተይሁዳ ተይሩሳአሌም ተኤዶሚያስ ተዮርዳኖስ እሀቭ ሃአጋድ አነውታ ገኝ እመኸ ተጢሮስቪተሲዶናቭ ቃያ ኧሁዳይ ሞኦም ።
+
+\v 9 ሰቭሞኋ ጊፈተ አያትጨንቅኩመኸ ኧተማሪኃ ብእሲየመርከብ ይወኦዋኸ ኤዘዘኖም ።
+\v 10 ኧኖኦራ ሰቨ ተቫአሸ አተነፌ ኧኸሬ ኖኦራ ባአሸ አነዎታ ሰቨይረጉጂ ኢትጋፎዋ ባንደ ።
+
+\v 11 ሙጥጥ መንፈስ እንእ ቲያዢዳ ቢኢፍትኋይ ቲወኣድኡዋ « አኸ ኧጎይታ ትከንኸ ቲይሪዋ ኮ ይርዋ ባንደ ።
+\v 12 ኢየሱስ ጭን ማን ኧኸረኸ አይዝሬኩዋኸ ያጥራቁርኮዋ ባንደ ።
+
+\v 13 ኢየሱስ በቆቶ ዋአታ ይሲኢኮታ ሁኖዋ ኧሁዳይ ይዎኦዋኸ ኸናኖምታ ኧሁዳይ ሞኦም ።
+\v 14 ተሁድቭ እማትሜ ይሆርዋኸ ያትሞርዋሜ አስራ ውሬትሁኖዋ ሸፐተ « ኪሽረኘ » ባረ ሽሁው አዋአኖም ።
+\v 15 ተሰበ ሴጣን ያዎኦዋይ ደረግ አቨኖም ።
+\v 16 ኧሸፐተነዋ አስራ ውሬቸሞሁኖዋ ዋሁኖተ፥ጴጥሮስ ኧዋሪ ስሞኦን ፥
+
+\v 17 ቦኦኔርጌስ ዌ አብራቂ ዴጋ ኧኸናኖዋ ኧዘብዲዮሲ ዴንጋ ያዕቆብቪ ዮሐንቭ
+\v 18 እንድሪያስ ፥ፊሊጶስ ፥በርተሎሚዮስ ፥ማቲዮስ ፥ቶማስ ፥እእልፍዩሲ ኧች ፥ያዕቆብ ታዲዮስ ፥ስሞኦንቪ
+\v 19 ኢኢየሱስ አዋ አአይፐረን አአስቆርቱ ገኝ ይሁዳ ።
+
+\v 20 ተኽምቀጥወ ኢየሱስ አት ቢድ ገፓ ሁድቪይ ተማሪሞኋ ሸረድ ኢዎሮኦዋኸ ተዎሁርዋ ስን አት ሀአቨ ሰቨ ተስበሰቨ ።
+\v 21 ዘንጋኋ ኧስሞዋ ቢደሰቭኋ « ኺንኋ ባረን » ቧርሙ ጥጭተዋ ይወስጂይ ሁዳ አኖዳ ኤኤዲ ሞኦም ።
+\v 22 ተኢየሩሳሌም ኧዎኦዋ ኧውሴ ቂጫ ባሪቅ « ቡኤል ዩሪዳ ኧሴጣን አላቃ አነወ ሴጣን ያውዋአካ በሴጣን አላቃን »ቧርሙ ።
+
+\v 23 ሁድቭ ኸናኖምታ ዋኸ ቲይር ሟሟካ ኤኤደኖም ሴጣን ኧሴጣን ኧተኸ ያዋአ?
+\v 24 አት መንግስት ሁድ ተሁድ ተራከሰታ ኢትቫተር በኸረ መንግስትኋ ይትሽከቪ አይኸነዳ ።
+\v 25 አአት ቢድ አበሩሰቨ በኸረ ገግተገግኋ ተራከሰታ ቢትቫተር ይረቭሪ አይኸነዳ ።
+
+\v 26 እመኸቭ ሴጣን ገግተገግሞኋ ተራከሰታ አይትቫይተር በኸረ የኧፋይ ባሃሬ ኧምቦርት አይኸነዳ ።
+\v 27 ብእም ኧቫአ አትሰቨ ብደይተ ጦናመ ታያአግድ ኧጦናመ ሰቨይ ቢድ ጊቨኤተ ብቭረድ ኢዘንፍካ ኤንዳ ቤተረ ጦናሞ ሁዳ ባአከደ ጭን ኢዥንፊ ኢኸነ ።
+
+\v 28 ኧውረመኛ እቭርሁዋ ኧሰቨ ትከ አነእዕዳ ባጢርቭ ተአነቨድሞኋ ይዋአኩዳ ቂናቨ ኢትፋእነ ።
+\v 29 ዘጋኋ ጭን በመንፈስ ቅዱስ ኤቂናቨ ቃር ኣዝሬከ ጭን ስርም አፍ አዩሪዳ ኧዘላለም እዳ ኧኽርወ ባረ ።
+\v 30 ኢየሱስ እመኸ ባረ ኧዝሬከሁዳ « ሴጣን አነወ » ኧዋሪ ባንደ ።
+
+\v 31 ተኽም አዶድሞኋ ኧሰማትሞኋ ሞኦም በወረጀ ተሸኮወምታ ኢየሱስ ሁሮንረ ባርሙ ሰቨ ኬሾም ።
+\v 32 ብሚዮኃይ ኧቸኖዋ ኖኦራ ሰቨ አዶድማኸይ ኧሰማትማኸ በወረጀ እሱከ ቧሪ ።
+
+\v 33 ሁድቭ አዶድኛ ማንተኒያኧሰማትኮኛ ማንማንተነዋ ባረኖም ።
+\v 34 በዙሪያኋ ኧቸኖዋ ሰቨ አዦረ ቲያዥ አዶድመኛይ ኧሰማትመኛ ዋሁኖተ ።
+\v 35 ኧጎይታ ፍቃድ ይናካ ኢያይ ኧተም ኧሰምቭ አዶድምነኛ ባረ።
+
+\c 4
+\p
+\v 1 በኤኛ ቀረኋ ሃአቨታ በቫር ሚዬ አስተሙርት ቀነሰ ። ሁዳ ቢረቭርውዴኤዲ ኖኦራ ሰቭ ኧስቨሰቬ ፣ በቫር ፎር አንዳ እሲየ መርከቢ ገፓ ችና ሰቨ እንእ በቭር ሞሬ ባንዴኤዲ ተስወሶም ባንደ ።
+\v 2 ሁዳ ኖኦራ ዘንጋ በሟሟካ አስተማረኖም ፣ ዋኸ ባረኖም ፥
+
+\v 3 ስውኝ አት ቻዋጅ ዘር ይዘራይ ዋአ፥
+\v 4 ዘር ቢዘራወዳ ግዚየ አታት በቬያ ፎር ወተኧ አፍ ሞኦምታ ናጮም ቦኖይ ።
+\v 5 አኛአር አፈር ቤነወ በጣጤ ኤዲ ወተኧ ገዳኒነኋ አፈር ኤኖይ ኽመጋ ነማ ፥
+
+\v 6 . ቢኸር እዋየ ቢዋአ ጭን ሸተረ ኧስር አነፐሮይ ኧኸሬ ደነኸ ።
+\v 7 እመኸ ኤኛ ዘር በሶኽ ግት ወተኧታ ነማ ሶሁዳ ነማታ ኧዘር ሁዳይ ኒማ አነቀኒ ምርት አናወደዳ።
+
+\v 8 . ኤኛ ዘር ሃአቨ በወኼ ቡሽር አፈር ኧወተ ኧዘረ ገተደ ነማ። ኖኦራ ምርት አቨ አታትኋ ሳሳ እታትኋ ስልሳ አታትኋ በኧር ምርት አወንዳ»ባረ ።
+\v 9 ሃአቨታ ኢየሱስ ፥ « ይሰቫካ እዝር አነንዳ ኧስቫ » ባረ።
+
+\v 10 ኢየሱስ ኦጣኋ በኸረ ግዚየ አስረ ውሬቸይ እማትሜ ተረፖርዋ ኤኛሞሁኖዋ ኧሟሟካ ሁዳአር ተሳአሪ ።
+\v 11 ሁዳ ዋኸ በረኖም «ኧጎይታ መንግስታአር ቲኪርዋኸ አንኩም፥ኤኛሁኖዋ ጭን እንአር በሟሟካ ይኢጂዮዋ ።
+\v 12 እመኸ ኦሽትኋ ቲያዥዋ አይቬሲሪኸ ኣጎይታሜ ተዣቨይተዋ ባጢርሁኖዋ አፍ አዩሪዮኸን»ባረኖም።
+
+\v 13 . ተኽም ኢየሱስ ዋኸ ባረኖም ፥እም ሟሟካ አሃርሁዋታ? ባቴ ዋሟሟካ ባሃርሁዋ ኤኛ ሟሟካ ኧተኸ ቲኺርቴ?
+\v 14 ቻዋጅ ኧጎይታ ቃር ይዘራካ ሰቨን ።
+\v 15 አታት ሰቨ በቬያ ፎር ኧወተኧ ዘርን ኧጎይታ ቃር ቢሰኦዋታ ግዚየ ሴጣን ኽመጋ ይቫአታ በከስሁኖዋ ኧዞኔ ቃር ይዎስድዎዋ።
+
+\v 16 . እመኸ ኤኛአር በጣጤኤዲ ኧዘኔ ያቲሽካ አንዳ ኧጎይታ ቃር ተሰሞዋመኸ ኽመጋ ሳረኖምታ ይቴኤፖርታ ሰቨንዋ ፥
+\v 17 ቢኸር ኧግዚየኋ ይቴኤፖሪ ባሃሬ ኧስር ኤኖይ ተቀሪ ቀጥወ በጎይታ ቃር ኧቫአ አት ምካት ቢቫአዎዋ ወይ ቢያሳድጂየዋ ኽመጋ ተክታተፉምታ ይወድኡዋ በሳኽ ግትኧዞኔ ያቲሽካ አንዳ ኧጎይታ ቃር ይሶኦታ ሰቨነዋ
+
+\v 18-19 ቢከር ኧዋ አለም ኧዋጋ ንማጅነድ ኤኛ ተሜኛትበኺንሁኖዋ ይገአታ ኧሶሜቃር አነቀ ይጠጥኩ ብእም ኧቫአ በሁኖዋ ኧጎይታ ቃር ምርት አያወትካ ፥
+\v 20 ኤኛሁኖዋ በወሄ አፈር ኧዞኔ ዘር ይቨስር፥ዋኽኖዋ ኧጎይታ ቃር ሰሞምታ ጌኮርሙ ይቴኤፖርታ ሰቨኖዋ ሁኖም ሳሳ ስልሳ በኧር ጉኩረ ምርት ይውታኖዋአር ።
+
+\v 21 ኢየሱስ ዋኸ ባረኖም «ሰቨ ኩራዝ ተከሰታ ተሴፈድ በገዳ ወይበገባ ከስ ያወራ? ያወሬዳ ሁዳ ቢቲረከቭኬኤዲ አኸረዳዌ?
+\v 22 እምኸ ኧደእሽራአር እንእ ታይትረከቭ ኧዶኦሪያአር እንእ ስቻይ ታይዋአአይዎኦርካ ፥
+\v 23 « እዝር አነንዳ ኧስቫ »ባረ ።
+
+\v 24 ተኸም ኢየሱስ «ብሶኦኤዳ ዘጋ ተጠፖዋ ብስፍርኮራ ቁና አሁም ይሰፍነኩዋቴ ተኽም ይረካአር ይደውነኩዋቴ ።
+\v 25 አነንዳ ይደውነ ኤነን በኸረ ኽም አነንዳ ሁዳ ይወስችኮዴ » ባረ ።
+
+\v 26 ተኽም ቀጥወ ኢየሱስ ዋኸ ባረኖም ኧጎይታ መንግስት በአፈር ፎር ዘር ኧዘና ሰቨ ይቨስር ።
+\v 27 ምስሁዳ ይትገተር ጋእ ቲይካ ይትረሳ ኧዘናንመዝረ ኧተኸ ታይኽር ገተደ ይዋአ ።
+\v 28 በአፈር ኧዘኜኔ ዝኝ አፈር ገግሞኋ ያርብቫኩ ።
+\v 29 ኧዞኔ መዝረ ቲሰርካ ጎር ኧሰናይ ኧኸሬ ምስ ሁዳ ኽመጋ መኧተትኋ ነሳታ ኦጭት ይቀርስኩ ።
+
+\v 30 ኢየሱስ ዋኸ ባረኖም «ኧጎይታመንግስት ተቭር ናትዋራኔ? ወይ በቭር ሟሟካ ይኢጅነነ?
+\v 31 ኧጎይታ መንግስት አብር ይቨስርካ ኧሰናፍጭ ዘር ይቨስር ቲዘሬዳ በአፈር ፎር ታነውታ ዘር እንእ ያአንስ ።
+\v 32 ቢኽር ዘኖይታ በነማ ቀጥወ ጭን በጎር ተዘኖዮዋ ዘር እንእ ይረእ ኧሳቫይ አፍ ሁኖዋ አጤኋ ጥራር ከስ ያፎይዋ ።
+
+\v 33 ኢየሱስ ኣሰቨሁኖዋ ቢቬስርኮዳ መያ እመኸ በኸረ በኖኦራ ሟሟኻ ኤኤደኖም ።
+\v 34 ሟሟካ አይቫር ባይኢድኮታ ፥ሁዲቪ ተማሪሞኋእማትሜ ቢሆርታ ግዚየ እንእ ዘንጋ ብታተረታ ቢኢድኮተ ።
+
+\v 35 በኽም ቀረ ገፓድ ቲኸርካ ሃአጋድኋ ናአነ ባረኖም ።
+\v 36 ሁኖም በኽምኸ ሰቨሁኖዋ ቼኤዊዮምታ ብእሲየ መርከብ ታነመኸ ኽመመያ ጠቦጪታ ወርሙ ፥ ኤኛአር እንሲየ መርከብ እማትሜ ባነውተ ።
+\v 37 በኽም ግዚየ ደረጋሞ እቡርቢድ በቫር ፎር ተረሳታ መርከብ ሁዳ እሃ ቲቬናኩ ስን እቡርቢድ ሁዳ ቡሼኧኸ ኧመርከብ ሁዳ ይገፋኩ ባንዳ ።
+
+\v 38 ኢየሱስ ጭን ተራስ ተራአሰታ ብእሲየ መርከብ ቢኢ አጋድኋ ተገተረ ባንደ ።
+\v 39 ኢየሱስ ተርብሳታ ኧርፋስ ሁዳ አጥራቆረን ባር ሁዳ ቁስ ባረ ገብ ባር »ባረን ፥ንፋስ ሁዳ ቁስ ባረ አቸ ገብ ባረ ።
+
+\v 40 . ኢየሱስ ኧተማሪኋ « ኧቭራፈድን ዋኸ ትፎይታ? ኧተኸ እምነት ኤነነሁዋ? »ባረኖም ።
+\v 41 ሁኖም ቡሼኤኸ ፈኞምታ ሁኖምተሁኖም « ንፋሲ ባር ስን ኧሁዳ ይቴኤዘዥነዳዋዳ ማንተን? »ቴቬቬርሙ ።
+
+\c 5
+\p
+\v 1 . ተገሊላ ባር ብእሲየ መርከብ ጌርሴኔኖን ዩሪዳ ገኝ ሞኦም ።
+\v 2 ኢየሱስቭ ትእሲየ መርከብ ተወደመኸ ሙጥጥመንፈስ ኧጠበጥን ምስ ተሞገማ ኤኤዲ ዋአአታ ኢኢየሱስ ይትራከቭኩይ ኧሁዳሜ ኤፐታ ማአ።
+
+\v 3 እም ምስ እንእ ግዚየ በሞገማ ከስር ይረቭርካአሪ ማኒሞኋ ቢኸር ኧግርኋ ያአግድኩዳ ሰቨ አነፐረዳ ።
+\v 4 ኖኦራ ግዚየ በኧግር ብረዲ በሰንሰለት ያአጉጂዳአር ባንደ፤ዘጋ ጭን ኧጅኋ አአኮጅኮ ሰንሰለት ይቭጣጥስካአሪ ኧግርሞኋ አአኮጅኮ ብረድ ይስፓፕርካአር ባንደ።
+
+\v 5 እም ምስ በሞገማይ በቆቶ ግት በዋአናይ በጀውረረ ቲዥፓፐር ሚሲየኋ እንእ ብእቭር ያጥካአር ባንደ።
+\v 6 እም ምስ ኢየሱስ በኖኢ ባሽንጋ ኢኢየሱሲ ቲትራወእ ወረታ በኧግርኋ ወተኧታ በጉርወድኋ በአፈር ወካታ ሰገደነ።
+
+\v 7 . ቃርኋ ነሳታ ቲያኸራ «ትን በፎረ ኑእ ኧኸረ ኧጎይታይ ኧችኢየሱሶ ቲያ ምር አነነኸ? አታጨንቄኸ በጎይታ ኧጠጥኸ! » ባረን ።
+\v 8 እመኸ ኸቫረን ኢየሱስ « እእምኧውጥጥ መንፈስ ተዋ ምስ ዋአ »ኧቫረዴ።. ቃርኋ ነሳታ ቲያኸራ «ትን በፎረ ኑእ ኧኸረ ኧጎይታይ ኧችኢየሱሶ ቲያ ምር አነነኸ? አታጨንቄኸ በጎይታ ኧጠጥኸ! » ባረን ።8. እመኸ ኸቫረን ኢየሱስ « እእምኧውጥጥ መንፈስ ተዋ ምስ ዋአ »ኧቫረዴ።
+
+\v 9 ኽመጋ ኢይሱስ« ሹዋኸ ማንተን »ቲይር ተሳአረን።«ኖኦራንራአር ሹመኛ ሌጌዎንን»ባረን።
+\v 10 ተኽም ገኝ ባያዋአኩይ ቡሼኤኸ ሳአረን ።
+
+\v 11 . በኽሜኤዲ ቢረቭርካ ቆቶ ሚዬ ኧኖኦራአር አቬጌር አጋ ባነውተ።
+\v 12 ሙጥጥ መንፈስ ኢኢየሱስ «አአቬጌር ሁኖዋ ስድድንረ ንገቫኔኮይ ፍቅድንረ» ቧርምታ ሳአሪ ።
+\v 13 ሁድቭ ፈቀደኖም ፤ሙጥጥ መንፈስ ሁኖም ዎኦምታ በአቬጌር ሁኖም ጎፖም ፤ውሬት ሁም ያአሁርታ አቬጌር ቲትራወኡዋ በሲዌር ጎፖምታ በቫር ሰሞጩም።
+
+\v 14 . ኧእአቬጌር ዜማቸ ሴኮምታ ዋራይሞኋ በገኜይ በከተማሞኋ አሰኖይ፤ሰቭ እንዳም ኤፔፐሁዳ ያዥዋይ ታኖኮዴኤዲ ዎኦም።
+\v 15 ኢኢየሱስሜ በዎኦዋጋ ዲባሸ ጅን ጠበጠንታ ይረቭር ኧረፐረ ምስ ውጅርኋ ተኸተረታ ቀልብሞኋ ተዥፐረነታ በኽመኸ በቸኔኤዲ ቢያዢ ፈኝዊይ ።
+
+\v 16 . እመዳ አሸዋ ሰቭ ጅን ኧጠበጠን ምስ ኧቴፐናአሪ በአቬጌር ኧኸረ ዘንጋ ኧሰቨሁኖዋ ኤኤጂዮም።
+\v 17 ሰቨ ሁኖም ዋዳ ብሶሞዋጋ ገኝሁኖዋ ጊፊተነዋታ ያረኸ ኢኢየሱስ ኣሳአርት ቆኖሹም።
+
+\v 18 ኢየሱስ እእሲየ መርከቢይ ቢገቫዳ ግዚየ፣ጅን ኧጠበጠ ምስ ተሁዳ እማትሜ ያሪ ሳአረን።
+\v 19 ኢየሱስ ጭን አንፈቀደነዳ ዘንጋ ጭን«ቢዳኼ ሆርታ ኧዶባኸ እንእ ጌታ ኧኧተኸአር ኤፐናኻአሪ አቴሸናሃአር አፉት አውድኮዋ » ባረን ።
+\v 20 ምስሁዳ ወረ፤ኢየሱስ ኤፐናአር እንዳም በአስር ገኝ ከተማ እንዳም ኧአውት ቀነሰ ኧሰሞም ሁኖም ወግ ኸረዎም ።
+
+\v 21 . ኢየሱስ በኽም ቀጥወ ሃአቨታ ብእሲየ መርከብ ተቫር ሃአጋድ በዋአጋ ኖኦራ ሰቨ በቪየኋይ ተስዎሰሙታ በቫር ሞሬ ታኖም ፤
+\v 22 አይሁድ ቢደሞችኮዳ ቢድ አላቃ ተሆርዋ አት ሁዳ ኢያኢሮስ ይሪዳ ምስ ኽመቲኒነ ያር ኧረፐሬ ኢየሱስ ቢያሽኩ በኧግርኋ ወተኧታ፤
+\v 23 እሲየ ገረድኛ በውንዲ በትሮፍት ግት አነቺ ኧኸሬ ትረፍተችታ በአያ ትረቭረኸ ኧጃኸ ኧድግቫታ ጠሎት ኧናና ቲይር ቡሼኧኸ ሳአረን።
+\v 24 ኢየሱስ ቭ ተሁድመጋ እማትሜ ወረ።ኖኦራ ሰቨ ኼፖፕምታ ቲትጋፎዋ ቴኼተሪ።
+
+\v 25 አስራ ውሬት ኽርቭ ደቭ ቲወትካ ኧረፐረች ሚሽት ባነቸ ።
+\v 26 ኧረኦራ ኡኡዛ ሰቨ በሆርት ቡሼኧኸ ተጨነቀች፥ዋጋመሻ እንዳም በኡዛ ጀፐረች ባደ፥ቢኸር ባአሸሻ ባአሰቫ ባሃሬ ስርም አናፈዘናዳ ፤
+\v 27 ኺዳቭ ኢኢየሱስ ያተርፈኸ በሰማች ግዚየ ቲኢኋይ አጋድ ማአችታ በሰቨ ሁኖዋ ግት ውጅርኋ ነከደቸን።
+
+\v 28 እመኸ ኤፐች «ኢኢየሱስ ውጅር ስን ብነግድ ይፍዘዜሴ ይካ እምነት ባነናደ።
+\v 29 ይቱካ ኧረፐረ ደቭሻኽመጋ ተሸከቨና በምካትመሻ ኧተነፈችኸ ገግመሻ አኼረና ።
+
+\v 30-31 ኽመጋ ኢየሱስ ተገግኋ ደረግ ኧዋአነኸ አኼረንታ በሰቭ ግት ተዥፓፐረታ «ውጅኛ ኧረከዴ ማንተን? » ቲይር ተሳአረኖም። ተማሪሞኋ «ሰቨ እንእ ቴኼተረናኸታ ቲትጋፎታሽ ታዥ (ማንተን ኧረከዴኧተኸ ትር?) ሪይርዋት ሳአር»
+\v 32 ኢየሱስ ጭን ዋኸ ኤያዢሜኬኧይቭርባ።
+
+\v 33 ሚሽትሂዳ ጭን ምር ኣቴፐናኸ በሃረች ቀጥወ ፈኝችታ ቲያአረኧድካ ማአችታ በኧግርኋ ቴፌጠቨችታ አነዳአር እንዳም ኤኤደቸን።
+\v 34 ኢየሱስቭ «ገረድኞ እምነታሽ አተነፈናሽበወገሬት ሆይዋ።ተምካታሽ አፉይዋ» ባረ።
+
+\v 35 ኢየሱስ ቲዚረክ ታነ ሰቨ ሁኖም ተአይሁድ አላቃ ተኢያኢሮስቢዲ ሞኦምታ ገረዳኸ በኸረ ሞደች ተዋቴ ኧቭራፈድን ኧመምኽር ሁዳ ታቂጥኩዳ? ቧሪ።
+
+\v 36 . ኢየሱስ ጭን ሰቨሁኖዋ ኧዝሬከዊ ሁድ ቁስ ባረኖምታ ኧአይሁድ ይደሞችኮዳ ቢድ አላፊ«ኧቨር ባሃሬ እንፈኝኸ» ባረን ።
+\v 37 ኢየሱስ ተጴጥሮሲ ተያቆብ እመኸ ተያቆብ ኧስም ተዩሐንስ ባሃሬ ኤኛ ሰቨ ይትኼተርኩይ አንሴኧዳ ።
+\v 38 አይሁድ ይደሞችኮዳ ቢድ አላፊ ኢያኢሮሲ ቲሰሮታ ኢየሱስ ሰበሁኖዋ ቲያሆሮታይ ቡሼኤኸ 11ቲቬሁታ አሸታ ።
+
+\v 39 ቢድ ከስ ገፓ «እም ኺያዲ ኦክት ኧቭራፈድናአር? ገረድ ኺዳ በኸረች አሞደቻ »ባረኖም።
+\v 40 ሰቨሁኖዋ ጭን ዳኮ ።ሰቨ እንእ ተቪድ ታዋአኖዋ ቀጥወ፤ኧገረድ ኺዳይ አቦሚአዶድ እመኸቭ ተሁዳ እማትሜ ተሁዳ ኧዎኦዋ ሰሚይ ተማሪሞኋ አትኼተረታ ገረድ ሂዳ ኧትገተረቸወ ኤኤዲ ገፓ።
+
+\v 41 . ኢየሱስ ኧገረድ ኺዳይ ኧጅ ጠበጠታ «ጣሊታ ተሴገዋ! » ባረና ። «ገረዶ ተሸዋ» ኧዋርትን ።
+\v 42 ገረድ ሂዳ ኽመጋ ተረሳችታ ውርውር ኧዋርት ቀነሰች እድሜመሻአስራ ውሬት ኽርቭ ባንደ።
+\v 43 ኢየሱስቭ ዋዘንጋ እማት ሰቨ እሃረ ባረታ ቡሼኤኸ አጬፐኖም «ትቨራካአር አዊያ»ባረኖም።
+
+\c 6
+\p
+\v 1 ተኽም ቀጥወ ኢይሱስ ተረሳታ ኧትራኸወ ገቭ ከተማ ማአ ፥ኧሁድሜ ተማሪ ቴኼተሪ ።
+\v 2 በሰንበት ቀረ አይሁድ ቢደሞችኮዳ ቢድ ኢያሱስ አስተሙርት ቀነሰ፥ኖኦራ ሰቨ ይሶኦይ ባንደ ፥«ዋምስ ዋዳ እንዳም ኧኋርት ተኧቲ አቫአን? ቲይርዋ ወግ ይኸርዎዋ ባንደ።
+\v 3 ዋዳ አናጢ ኧማሪያም ኧች አኸረዳዌ? ኧያቆብሜይ ኧዮሴፍሜ ኧይሁዳ ኧስምኦን ኧሰም አኸረዳዌ? ኧተማትሞኋ ቲና እማትሜ አናሽ አኸረዳዌ? ቲይርዋ በቂናጨ አንቴኤፖሪዳ ።
+
+\v 4 ኢየሱስቭ «ነቢይ አያሆብጂ በገግሞኋ ገኝይ በገግኋ ደቦይሞኋይ አበርስኋ ግትን ባረኖም።
+\v 5 በቀሪ በኤመነዋ ሰቨ ፎር ኧጅኋ አተገዎምታ አተነፈኖም ባንኸሬ ኤኛ ወጋአር ዬቪ አንሴኤዳ ።
+\v 6 ተኽም ኢየሱስ በቃያ እንእ ውርውር ቲይር ያትመር ባንደ።
+
+\v 7 . አስራ ውሬቸ ተማሪኋ ኧገግሞኋይ ኧናኖምታ ኧውሬት ኧውሬትሁኖዋ ኬሸኖም ፥ሴጣን ያወኦዋኸ ደረግ አቨኖም ።
+\v 8 ኢየሱስ ኧተማሪኋ ዋ ትዛዝ ኤዘዘኖም ኧቨያሁዋ ታአር ኤኛአር ሸረድ ቢኸር ወይ ቀረጢቲ ወይ ፈራክ ቢኸር በአዝጋታሁዋ እጥጭዋ ።
+\v 9 በኧግራሁዋ ጫማ ሁሮዋ ባንኸሬ ውሬት ሸሚዝ አትሁሮዋ ።
+
+\v 10 . ኧቫኒሞኋይ ቢድ ትትጎኦታ ትትዎኦዋ ስን በኽሜ ኦኩሹዋ ፤
+\v 11 በአት ቃያ አይቴኤፖርኩሚ አይሶኦኩዋ በኸረ ኧኧግራሁዋ ጉተ ጠጥውምታ ሆርዋ።
+
+\v 12 ሁኖም ተኽሜ በዎኦዋጋ ኧሰቨ እንእ ባጢርሁኖዋ በጎይታ ኢፊቲ ያወኦዋኸ ኧሰቨ ኤኤጁም ።
+\v 13 ሁኖም ኖኦራ ጅን ኦኦም እመኸ ኤኤመነዋ ሰበ ዘይት ሙሻሾምታ ተቫአሸሁኖዋ አተነፍዮም።
+
+\v 14 . ኢኢየሱስ ሽህው ቲትኼር ኧቫአይ ንጉስ ኼሮድስቭ ኧሁድሜ ዋራይ ሰማ።አታትሁኖዋ «ኧዋኸ ወጋአር ይቴፕካ በመጥመቁ ዮሐንስ ተውንድ ቢትረሳን» ቧርሙ ።
+\v 15 ኤኛሞሁኖዋ «ኤሊያስን» ቧርሙ ፤አታትሁኖም «ተድረ ነቢይ አትሁኖተ ይኽሴ ይትቬርዋ ባንደ፥
+
+\v 16-17 ኼሮድስ እም ዘንጋ በሰማጋ «ኢያ አንገድኋ አቴጥሁን ዮሐንስ ተውንድ ተረሳይ» ባረ ።ኼሮድስ ኧኧሰምኋይ ኧፊሊጶስ ሚሽት ኼሮዲያዳን አገፓና ባንደ፥እመኸ ኧኸሬ ዮሐንስ «ኧኧሰማኸ ሚሽት አጉኦት ኤነቨኸዳ »ይኩ ባንደ፣
+
+\v 18 . በዋ ኧቫአ ኼሮድስ ኧዮሐንስ አጤበጠንታ በወኽኔ አቴኤገደን ።
+\v 19 በዋ ኧቫኣ ኼሮድያዳቭ ዋዘንጋ በከስሻ ደኧረችታ ኧዮሐንስ ታቲኢትርኵይስ ሴኤች ፥ዘንጋ ጭን አኸረናዳ ።
+\v 20 ቢኸርቭ ዮሐንስ ጻዲቂ ጥርር ሰቨ በሁርትኋ ኼሮድስ ፈኝታ ይኢየኩ ባንድ። ኼሮድስ ኧዮሐንስ ዘንጋ ቢሰቫወዳ ግዚየ እንእ ይደርኩ ባንደ ፤ቢኸር ይዝሬኩዳአር ይሰቫኩይ ይሽርኩ ባንደ።
+
+\v 21 ኧቀጥወኋ ወኼ ቀረ ማ። ኼሮድስ ኧቴኤኝወ ቀረ ቲያከብርካ ኧንኡ ሞካንንቲ ኧጋዘኝ ሁኖዋይ በገሊላ ገኝ ይቴሄርታ ኧኑእ ሰቨ እንእ ድግስ አቨና።
+\v 22 ኧኼርድስ ገረድ ኧድግስ ቢድ ገፓችታ ደስ አዋች ትጮድካ ንጉስ ኼሮድስቪ ኧድግስ ኧኸናኖዋ ሰቨ በሂዳይ ደስ ሳረኖም ንጉስ ኼሮድስ ኧገረድ«ኧሴኤሽዋአር እንእ ሳአርኝ አንሼ» ባረንና ።
+
+\v 23 ሃአቨታ ኧመግስትመኛ ግት ቢኸር ማኒማአር ብሰኧኝ አቭሼ ባረታ ተኝታ ተሳላ ።
+\v 24 ገረድ ሂዳ ዋአችታ አአዶድሻ ኧኼሮዲያዲ ወረችታ ኧንጉስ ሁዳ ምር ንሳአርኩ? ትትር ተሳአረቸና ። አዶድ ሂዳ ያጥምካ« ኧዮሐንስይ አንገድ አቬ ባይ» ባረቸና ።
+\v 25 ገረድ ኺዳ ሃአቨች ካች ባረችታ ተዘፐረች ኧንጉስ ሁዳይ ተዠፐረችታ፥ «ያጠምካ ዮሐንሲ አገድ ኧጥታ ዋአካ በሴራ ኧናታ አቬ »ባረቸን።
+
+\v 26 . ንጉስ ሁዳ ብእም ዘንጋ ቡሼኧኸ ቀጨ ባረን ቢኸር በሰቨ ኢፊቲ ቴኜ ኧዝሬኬ ኧኸሬ አቬ ኧቫረቸን ቃር ይኸዳይ አንሴኧዳ ።
+\v 27 ባቴ ብእም ኧቫአ ንጉስ ኽመጋ ተውታደር ሁኖዋ አት ሁዳ ኸናታ በውኽኔ ቢድ ኧዮሐንስ አንገድ አቴይጠ ያቫአኸ ኤዘዘን፥ ወታደር ሁዳ ወረታ በወኽኔ ቢድ ኧዮሐንስ አንገት አጠ ።
+\v 28 አጪም አንገድ በሴራ አቫአታ ኧገረድ ሂዳ አቨና ገረድ ሂዳ ሃአቨች ኧአዶድሻ አቨቸና ።
+\v 29 ኧዮሐንስ ተማሪ እመዳ ተሰሞዋመኸ ሞኦምታ ኒሳ ሁዳ ወስጁም ሜከዊ ።
+
+\v 30 ኢኢየሱሲ ኪሽረኝ ተኬሸነዋኤዲ መኦምታ በኢየሱስ ሚዬ ኼበቡምቸኖምታ ኤፐዊ ሜናይ አስተሟሪማአር እንእ ኤኤጂ ።
+\v 31 ኖኦራ ሰቨ ቲዎኦሚይ ቲያርዋ ኧረፐሬ ሸረድ ይዎሮዋይ ግዚየ አነፐረኖይ ሁዳቭ «እማትሜ ሰቨ ኤኖኤዲ ንሆነታ ቀሪመገ ናፉይ»ባረኖም ።
+\v 32 ብእም ኧቫአ እማትሜ ሰቨ ኤኖወኤዲ ብእሲየ መርከብ ተሳፎርምታ ወሩሙ ።
+
+\v 33 ሁኖም ቲያርታ ኖኦራ ሰቨ አሽውዮምታ ቴኼተሪዮም ተከተማ እንእ በኧግርሁኖዋ ቴኼተርምታ ቤተርሙ ሶኖም ።
+\v 34 ኢየሱስ ትእሲየ መርከብ ተወንደመኸ ኖኦራ ሰበ በስዎሰዌኤዲ ቢያዥኮዋ ዜማቸ ኤነነዋ ጣየኸ ኧረፖርዋይ አወጦጪታ ኖኦራአር ያስተምርኮዋ ባንደ።
+
+\v 35 . በኸም ቀረ በቨሽ ቀጥወ ውሬት ተማሪኋ ኢኢየሱሲ ቴኤኖምታ ዋኸ ቧሪ «ዋኤዲ አታኣ ር ኤውኖ በረሃን ዋአናሞኋ መሸ።
+\v 36 በኽም ጀፎረ ሰቨ ባኖዳ ቃያ ሆይተዋ ይወሬዳአር ይሲእዋኸ አስራበትኖም ።»
+
+\v 37 . ሁዳ ጭን ሃአቨታ«ይወሮታአር ኦኦምታ አውዮዋ »ባረኖም ። ሁኖም «ንሆነታ በውሬት በኧር ዲናር ዳቦኧ ንሰየነታ ይወሬታአር ናቭኔየዋ? » ቧሪ
+\v 38 ሁዳቭ ምራአካ ዳቦኧ አነነሁዋ ባርኖም? እንዴ ሆርሙታ ኧዡዋ ባረኖም። አሾምታ «አምስት ዳቦኦይ ውሬ ዓሳ አነ»ባሪ።
+
+\v 39 ተኽም ቀጥወ ፣ሰቨ ሁኖዋ በቅርጫ በቅርጭ በሳአር ኤኤዲ ይቸሮዋኸ ኤዘዥዮም ።
+\v 40 እመኸ ኧኸረ በቨኧር አምሳ አምሳ ኤፖምታ አወነይም ።
+\v 41 ኢየሱስቭ አምስት ዳቦኧይ ዓሳ ኧሳቫይ ኤፐ አሸታ ኧጎይታ ሽኩርት ቧቨ ቀጥው ዳቦኧ ሁዳ ፍኝተዋ ያሰረዋኸ ኧተማሪኋ እቨኖም ፣ ሁኖም አምስቸ ዳቦኦይ ውሬቸ ዓሳ እንሞሁኖዋ አሰኖም።
+
+\v 42 . እንሞሁኖዋ በኖምታ ተነፈኖም ።
+\v 43 ተማሪሞኋ ኧተነፈኖዋይ ዳቦኧይ ዓሳ አስራ ውሬት ቀጫት እንዳም ኧተነፈኖዋ አር ነሾም ።
+\v 44 ዳቦኧ ኧወኖዋ አምስት ሁም ገማ ባነውተ ።
+
+\v 45 . በኽም ግዚየ ኢየሱስ ሰቨ ሁኖም ቲያሰራብት ታነ ፣ኧተማሪኋ ብደይተዋ ብእሲየ መርከብ ተቤተሳይዳ ሃአጋድ ይዎኦዋኸ ኤዘዘኖም ።
+\v 46 በሃቴ ቼኤኖምታ ጠሎት ዬቪይ ኧቆቶይ ዋዐ ።
+\v 47 በቨሸ ቀጥወ እንሲየ መርከብ ሁዳ በባር ግት ባንደ፣ ኢየሱስቭ ኦታሞኋ በአፈር ባንደ ።
+
+\v 48 ተማሪዋ ቢኢፍ ኢፍትሁኖዋ ቲረፍስካ ንፋስ ቲትጋሞታ አሸኖምታ በኧዳር በአርቫት ሳአት ኢየሱስ በቫር ፎር ኧሁኖይ ኤፐታ ማአታ ተቪየሁኖይ ያሪ ባንደ ።
+\v 49 ዘንጋ ጭን ኢየሱስ በቫር ፎኦር ቲያርካ ቢያዝራኤል መሰረኖምታ ኮ ቧርሙ ።
+\v 50 እንሞሁኖዋ ኢኢየሱስ ቢያዢ ደነኧኖ ባንደ። ኢየሱስቭ ኽመጋቭ ኧተማሪኋ አዝራኬኖም ፣«እ ኢየሱስቭ ብእንሲየ መርከብተተማሪሞኋ ቢቸራ ኽመጋቭ ንፋአስ ሁዳ ተሸከቨ ሁኖም ቡሼኤኸ ወግ ኸረዎም ። «ኢንፈኝሁዋ ኢያተንሁ »ባረኖም።
+
+\v 51
+\v 52 በሸረድ ሁዳ ኧቴፐ ወግ ዘንጋ አቤሰርዋ ብእመዳ ኺንሁኖዋ ድረተረ ባንደ።
+
+\v 53 ሁኖም ተቫር ሃአጋድ ጌንሴሬጥ በሰነዋጋ እሲየመርከብ በኽሜ አሸኮምታ ወንጁም ።
+\v 54 ኽም ተኽም ተወንጅዋኸመኸ ኢኢየሱስ ሰቨ ሁኖዋ ኋሪ።
+\v 55 በገኝመሁኖዋ አነውታ ኢማደኝ እንዳም በጨቨር ፌነጉምታ ኢየሱስ አኖዴኤዲ ያዎኦዋ ባንደ ።
+
+\v 56 . ኢየሱስ በወረወ ገኝይ እንእ በቃያይ በተሟኋ አነውታ ኢማደኝ እንዳም አዎምታ በጀፎረ አወነዮም አወነዮም ሁኖዋ ኧውጅርኋ ዊድ ይረጉጅዋይ ይሲኢዋ ባንደ ።ኧውጅርኋ ዊድ ኧረኮጂ ኢማደኝ እንእ ተነፉም።
+
+\c 7
+\p
+\v 1 ኧፈሪሳ ሰቪ ተኢየሩስአሌም ከተማ ተዎኦዋ ተአታት ተሙሴ ቂጫ ባሪቅ ኢኢየሱሲ ሞኦምታ ኧቪየኋ ሞኦምታ ተስዎሰምታ ኤፖፒይ።
+
+\v 2 ተኢይሱሲ ተማሪ አታትሁኖዋ ኧቂጫኸ ኧጅሁኖዋ ታይታኦዋ ሸረድ ቲወሮታ እሸውዮምታ ።
+\v 3 ኧፈሪሳይ ኧአይሁድ ሰቨ እንእ ኧቫሪቅ ቂጫንራኸ ኧጅሁኖዋ አይታኦዋኸ ባአይ ቧንረ ።
+\v 4 ኽመኸ ተገያ ቲዠፖርታ ኧጅሁኖዋ ታይታኦዋ ባይወሮታ እመኸ ጥዋይ ትንኪየ ሳኽንሚ አልጋቪ ኤኛአር ኖኦራ ቂጫ ይኢይ ባንዳ ።
+
+\v 5 ኧፈሪሳ ሰቪይ ኧሙሴ ቂጫ ባሪቅ ኢኢየሱስ ኧቭር ተማርያኸ ኧአቦንራ ወገኸ ኧቦርት ቸኦምታ ኧቭራፈድን ባታኧቨ ኧጅሁኖዋ ይወሮታ? ቧርሙ ተሳአሪ ።
+
+\v 6 ኢየሱስቭ ዋኸ ቲይር ዠፐረኖም፥ነቢ ኢሳያስ አሁዋአሪ ኧኸጣ ሁኖዋአር ዋኸ ባረ ኧዝሬከመኸ <ዋ ሰቨ በአፍኋይ ያኸብዴ ፥ ኺንኋ ጭን ቲያ ኑኡያአር አራኧዳናአር ።
+\v 7 ኢያ እመኸ ያሆብጅኝ ትምኽርትሁኖዋ በኸረ በሰቨ ኧቴፐ ቂጫነዋ።
+
+\v 8 አሁዋ ኧጎይታ ኢዝዝና ታይኸር ኧሰቨ ቂጫ ቲኢዮዋ ባረኖም ።
+\v 9 ሃአቨታ ዋኸ ባረኖም «ቂጫ ቲኢዮዋይ ትትርዋ ኧጎይታ እዝዝ ትቺኢዋ ።
+\v 10 ሙሴ አቭ ተአዶድ አኽብድ አትቭ [ባአቦኋ ወይ በአዶድኋ ሙጥጥአር ይዝሬካ ሰቨ በውድ ይትቀጣ ይቭር ።
+
+\v 11 . አሁዋ ጭን ዋኸ ትሩዋ አት ሰቨ አቦኋ ወይ አዶድኋ በኦዮት ሟሪ አቦሞኋይ ኧአዶድሞኋይ ኦነት አኖዳአር እንእ ኧጎይታ አቭሁ ቢይር ።
+\v 12 አሁም ኧዋኸ ሰቨ ኧአቦኋ ወይ ኧአዶድኋ ኦኖት አኖዳአር ዬቪይ አቲዊዳ።
+\v 13 በሃቴ ኧዘር ብታአፑሪዳ ቂጫ ኧጎይታ ቃር ትሾርዋ ።እመኸ ኧሆርዋአር ኖኦራአር ዘንጋ ቴዋ።
+
+\v 14 . ሃአቭታ ኢየሱስ ሰቨ ሁኖዋ ኧሁዳይ ይዎኦዋኸ ኸናኖምታ ዋኸ ባረኖም ፥ሰማሁሚይ እንማሁዋ በስርዋ ።
+\v 15 ሰቨ ያሰንኩዳ አንዳ ተኺን ይዋአካ ሙጥጥ ዘጋን ባሃሬ ተሰቻአጋድ ኧከሲ ይገቫካ ሁዳ አያሰንካ ።
+\v 16 « ይሰቫአካ እዝር አነንዳ ኧስቫአ »
+
+\v 17 . ኢየሱስ ተሰቭ ሁኖዋ ቴቫተረታ ቢድ ከስ በገፓ ቀጥወ ተማሪኋ ሟሟካ ሁዳ ተሳአሪ ።
+\v 18 ሁዳቭ አሁዋ ዋ ዘንጋ አንገፓናሁዋታ? በሰቭ ከስ በግፓጋ ያሰንካአር አታአር ኤንዳ ።
+\v 19 ሸረድ ሁዳ ይገቫአካ ኧኺኒ ታይኸር ታይኸር ኧከስኔ ይገቫ፣ተኽም ተቭሲየ ይዋአ ብሃሬ ። ኢይሱስ እመኸ በዋርትኋ ሽረድ እንእ ንጡኽ ኧኸረኸ ኤኤደ።
+
+\v 20 . ሃአቭ እየሱስ ዋኸ ባረኖም ፥ ተሰቨ ይዎኦታ ሁኖተን ሰቨ ያሰነሁታ ።
+\v 21 ተሰቭ ኺን ከስ ይዎኦታ ሙጥጥ ጩሟጨ፥ ቴኤኛ ሰቨ ውጅር ኧድሙት ፥ ኧስርኡት ፥ሰቭ ኡኡ፣
+\v 22 ጠርጠር ኧዋ፣ቡሼአር ኧሁ፣ኧቆቅ ፣ ቲኢስቻ ኧቧሉጉት ፥ ቀቨጥ ኧቶእትም መጣቆናኧሁርት ፥ሹው አአፎት ፥ንዎስርነድ እንዳም ዋሁኖተነዋ ።
+\v 23 ኧዋኸ ሙጥጥ ዘንጋ እንዳም ተሰቭ ይዎኦምታ ሰቨ ያስንሁዋታኖዋአር።
+
+\v 24 ኢየሱስ ተኽሜ ተረሳታ ጢሮስ «ገኝ ወረ፥በአት ቢድ ገፓ ኽም ቢድ ኧጉኦትኋ እማት ሰቨ ይኺርዌ አንሴኤ. ዳ።
+\v 25 ኽም ትኽም እንሲየ ገረድ ጅን ኧጠበጠቫ አት ሚሽትኢኢየሱስ ዋራይ ተሰማችመኸ ኧሁድሜ ማአችታ በኧግርኋ ተፌጠቨች ።
+\v 26 ሚሽት ሂዳ በሲሮፊኒቃ ገኝ ኧቴኤንች ኧግርክ ሰቨ ባነቸ ። ሂዳቭ ጅን ሁዳ ተገረድሽ ይዋአኸ ኢኢየሱስ ሳአረቸን ።
+
+\v 27 . ሁዳ ጭን ኧዴጋኋይ ሸረድ ውሽተታ ኧግየ ኧቋሽት ወኼአር አኸረዳ ፥አወተረ ዴንጋኋ ኡኡፎይት ባረና ።
+\v 28 ሃአበችታ ሂዳ «ኧውረምን ቢኸር ጊየ ስን ተዴጋ ሁኖዋ ተወተኧ ኝጫጨዋድ ይዎሮዋ ባረችታ ዠፐረቸነ ፥
+
+\v 29 . ኢየሱስቭ«ዋኸ በዋርታሽ ጅን ሁዳ ተገረድሻ ዋአና » ባረና።
+\v 30 ሂዳቭ ቢድሻይ በዠፐረች ቀጥወ ገረድሻ በአልጋ ፎር በትገተረቺ ጅን ሁዳ በገፈረናይ ነከቨቸና ።
+
+\v 31 . ተኽም ኢየሱስ ተጢሮስ ገኝ ተረሳታ ፥በሲዶና አጋድ አስር ከተማ ቢዩሪዳ ገኝ ኤፐታ ኧገሊላ ባሪ ማአ ።
+\v 32 በኽሜ ሰቨ ሁኖዋ እዝርኋ ኧጥራቆርብናአሪ አነድሞኋ ኧጠበጣአር አት ምስ ኢኢየሱሲ አዎኦም ኧጅኋ ኧዲክተወታ ይጠልይነኸ ሳአሪ ።
+
+\v 33 ኢየሱስቭ ምስ ሁዳ ተሰቨሁኖዋ ባቴረታባዋአን ቀጥወ አጤኋ በቭስ ሁዳ እንዝር ፥ተኽም ኢትፍ ባረ ኧቭስ ሁዳይ አነድ ሙሻሸን ፥
+\v 34 ኢየሱስ ኧሳቫይ ኤፐ ጠለየ «ይፍታኽ» ባረን ። እመኸ ኧዋርትቭ «ተከፈድ»ኧዋርትን ።
+\v 35 ኽም ተኽም እዝርኋ ተከፈደነ አነድሞኋ ተፈታንታ ጌከረ ኧዞግት ቀነሰ።
+
+\v 36 ኢየሱስ እም ኧተ ዘንጋ ኧአትሞኋ አይኢጅዋኸ ኤዘዘኖም ፥ቢኸር ኧሰቨ ሁኖዋ አይዝሬኩዋኸ ቢይኢዝዝኮም ሁኖዋ ጭን ዘንጋኋ ኧኖኦራ ሰቨ ኤኤጁም ።
+\v 37 ኧሰሞዋ ሰበ እንእ ቡሼኤኸ ወግ ኸረዎምታ «ኤፐናአር እንእ ወኼአር ኧከሬ ጣንቆራ ሁኖዋ ይሰኦዋኸ አነድሁኖዋ ኧጠበጠዎዋ ሰቨ ይዝረኩዋኸ ኤፐ ቧርሙ።
+
+\c 8
+\p
+\v 1 . በኽም ግዚየ ሃአውም ኖራ ሰቨ ተስዎሶም ።ይወሮታ ሸረድ አታአር አፐረኖይ ተማሪኋ ኧሁዳይ ኸናኖምታ ዋኸባረኖም ።
+\v 2 ቲያ እማትሜ ሶኦስት ቀረ ኦኦኮሽዋይ  ይዎሮታአር ኤነኖይ ዋሰቨ ያወጡጭኝ
+\v 3 ዋሰበ ተጋደኖመኸ እመኸ ቢድሁኖይ ቢንጌኪድኮዋ አታትሁኖዋ ኧዎኦዋ ተኖኢ ኧኸሬ በቬያቂተዋይወድኡዋቴ ባረኖም።
+\v 4 ተማርሞኋ ዠፖርሙታ በዋ በቨረሃኤዲ ኧዋሰቨ ያወሬዮታ ሸረድ ተኧቲ ይረሁዊዴ? ባሪ።
+
+\v 5 ሁዳቭ ምራካ ዳቦኧ አነነሁዋ ባረታ ተሳአረኖም ።
+\v 6 ሁዳቭ ሰበ ሁኖም በአፈር ይቸኖዋኸ ኤዘዘኖም ሰቫቸ ዳቦኣ በኧጅኋ ጠበጠታ ኧጎይታ ሽኩርት አቨታፍነነቨታ ኧሰቨ ሁኖዋ ያሰሮዋኸ ኧተማሪኋ አቭኖምታ ፥ሁኖም ኧሰቨ ሁኖዋ አሰነኖም።
+
+\v 7 . ቀሪያአር እንሲየ ዓሳ ባነኖተ ኢየሱስቭ እም ዓሳ ኧጎይታ ሽኩርት አቨታ አስሮዋ ባረታ ኤዘዘኖም ።
+\v 8 ሰቭ ሁኖዋ ቦኖምታ ኦፎም ተማሪሞኋ ኧተነፈ ሁዳ ሰቫት ቀርጫት ሙራ ተነፈኖም ።
+\v 9 ኧዎስኖዋ ሰቨ ሙዝር አርቫት ሁም ያአኽርዋ ባንደ ፥ኢየሱስቭ ኧሰቨ ሁኖዋ ባስራፐተነዋ ቀጥወ ።
+\v 10 ኽመጋ ተተማሪሞኋ ብእሲየ መርከብ ገፓታ ዳንማኑታ ገኝ ወረ ።
+
+\v 11 ኧፈርሳ ሰቨ ኢኢየሱሲ ሞኦምታ ውርጀ ቆኖሹም እንዴ ዋኢፍቲመኸ «ወግ ይኸርካ መርኸት እንዴ ተሳቫይ አተሸንረ» ቧሪ ።
+\v 12 ኢየሱስ ማአቸታ «ኧዋዘቨር ሰቨ ወግ ኧኸረ ዘንጋ ያዥዋይ ኧቭር ይሲኢዋ? ኢያ ኧውረመኛ እርሁዋ ኧዋ ዘቨር ሰቨ አታአርመርኸት አይዊዳ »ባረ።
+\v 13 ተኽም ቼኤኖምታብእሲየ መርከብ ሃአጋድ ዋዓ ።
+
+\v 14 ተማሪኋ ሽረድ ኧጡት ኧትረሳኖይ ተአት ዳቦኧ ኤኛአር ብእሲየም መርከብ ሁዳ አታአር አነፐረኖታ ።
+\v 15 ኢየሱስቭ «ተፈሪሳ ሰቨ ተሄሮድስ እርሾ ተጠፖዋ »ባረኖም ።
+
+\v 16 . «ሁዳቭ ዋኸ ኧቫረንረ ሸረድ አንጠበጥነዴ »ቧርምታ ሁኖም ተሁኖምተዝራኮም ።
+\v 17 ኢየሱስ ዋ አሳብሁኖዋ ሃረታ ዋኸ ባረኖም «ሸረድ አጠበጥነዳ ባሁምታ ትዝሬኩዋ? ዋአካቭ አትዌስርታ? ዋአካቭ እዝር ታነነሁም ኧቭር አሶኦታ? በኺናሁዋ አቶኦታ? ኺናሁዋ ኧቭር ድረተረ? ፥
+
+\v 18 ኤር ታነነሁዋ ኧቭር አታሽታ? እዝር ታነነሁዋ ኧቭር እሰኦታ አዘጉታዌ?
+\v 19 አምስቸ ዳቦኧ ኧአምስት ሁም ሰቨ በፍረነቭሁ ግዚየሰቨ ሁኖዋ ቦኖም ኧተነፈነዋ አር ምራካ ቀጫት ሙራ ኧረሳሁዋኸ አቲኺርታዌ?. ባረኖም ። ሁኖም «አስራ ውሬ ቀጫት ሙራ ነሳነ »ቧሪ ።
+
+\v 20 እመኸ ሰቫቸ ዳቦኧ አአርቫት ሁም ሰቨ በፍረነሁ ግዚየምራካ ቀጫት ሙራ ኧተነፈአር ነሳሁም? ባኖም ። ሁኖም ሰቫት ቀጫት ሙራ ቧርሙ ።
+\v 21 ኢየሱስቭ «ዋጣኽርሜ አቤሰርሁዋታ ኧዋርትኒ »ባረኖም ።
+
+\v 22 ኢየሱስ ተተማሪሞኋ ቤተሳይዳ ቃያይ በሰኖዋ ቀጥወ በኽሜ አት ፉርጥ ምስ ኢኢየሱሲ አዎኦይታ ኡሻሽተ ይጠልይነኸ ሳአሪ ።
+\v 23 ሁዳቭ ኧፉጥ ምሲ ኧጅ ጠበጠንታ ተወረከ ሰቻጋድ አዋአን ፥በኤርሞኋ እትግ ባረወታ ኧጅኋ አተገወታ «ምር ይትረከቭኸዳአር አነ?»ቲይ ተሳአረን ።
+
+\v 24 ፉርጥ አረፐረ ምስሁዳ ፎረ ኤፐ አሸታ ሰቨ ሁኖዋ አአታክርተኸ ይቁረቁርታአር ይቨስሬ »ባረን ።
+\v 25 ኢየስስሱስ ሃአቨታ ኧጅኋ በቭስ ሁዳ በኤርኋ ፎር ቢያወራወ ኽመጋ ተከፈደነታ እንአር ሜኬኧ ባረኦዥት ቀነሰ ።
+\v 26 ባቴ «ቃያ እነገፓኸ ብእማት ጀፎረ ስን ኧአትሞኋ እዝሬከኸ »ባረን ።
+
+\v 27 . ኢየሱስ ተተማሪሞኋ ፊሊጵስቄሳሬያ ከተማ አነውታ ቃያ ያርዋይ ተሮሾምታ በቤያ ታኖም ኢየሱስ «ሰቨ ኢያ ማንተን ይቭሬ? » ቲይር ኧተማሪኋ ተሳአረኖም ።
+\v 28 ሁኖም <፥አተት ሰቨ ያጠምካ ዮሐንስን አተትሁኖዋ ነቢ ኤሊያስን ኤኛሞሁኖ ነቢተሆርዋ አትሁኖተ ዩሩዋ »ቧሪ ።
+
+\v 29 . አሁኩ ኢያ ምንተን ቱሩዋ? » ባረታ ተሳአረኖም ። ጴጥሮስ «ትቫአኬ ኧዋሪ ክርስትስ አኸተንኸ »ባረታ ዘፐረነ ።
+\v 30 ኢየሱስቭ «ኢያአር ኧቫኒሞኋ ቢኸር እኔኤቱዋ »ቲይር አጬፐኖም ።
+
+\v 31 . ኢየሱስ ኧተምሪኋ ዋኸ ቲይር አትሞርት ቀነሰን « ኧሰቨ ኧች ኖኦራ ምካት ኧተኧዎርት አኖኸ በገኝ አስተማሪ በካሃን አላቃቭቭ በሙሴ ቂጫ አስተማሪም ይትቀጥመኸ ዮኦትሪመኸ ተሶኦስት ቀረ ቀጥወ ተውድ ይትረሳመኸ አስተሙርት ቀነሰ ባንደ ።
+\v 32 ኢየሱስ እምዘንጋ ኧቪየሞኋ ኤኤደኖም ፥ጴጥሮስ ኢኢየሱስ ሞቀ አዋአንታ «ተእ ዋኸ አትቫር »ባረታ ማአቸወ ።
+
+\v 33 ኢየሱስጭን ተዥፓፐረታ ኧተማሪኋይ ኤፐ ቲያዥ ኧጴጥሮስ አጥራቆረንታ ኧሰኸኒ አኸ ሴጥን » ባረን ።
+\v 34 በኽም ቀጥወ ኢየሱስ ሰቨ ሁኖሚ ተማሪሞኋ ኧሁድሜ ኸናኖምታ ዋኸ ባረኖም «ኢያ ይቲኼተሪ ይሲካ እንእ ገግኋ ኧኽዳ መስቀልኋ ኧፈንግታ ኢያ ኧትኸተሬ ።
+
+\v 35 ነፍስኋ ይኢዬይ ይሲካ እንእ ያአይኩ ኢያይ ኧወንጌል ቲይር ነፍስኋ ያአይኩዳ እንእ ይኢየኩ ።
+\v 36 ሰቨ በዓለም አነዳ ዱኒያ እንዳም ኧሁዳአር ቢኸር ነፍስኋ ጭን ቢያአይኩ ምር ያወድኩ?
+\v 37 ወይ ሰቨ ኧነቭስኋ ምር ሱጉየ አነነ
+
+\v 38 . በጎይታ ባይታሞርዋ በዋ ባጢረተኝ ሰቨ ዘቨር ቢያይ በቃርመኛ ይቅቨጭካ እንእ ኧሰቨ ኧች በአቦሏ ክብር ተቅዱስ መላአይመጋ ቲቫአካ በሁዳይቅቨጭወዴ »ባረኖም ።
+
+\c 9
+\p
+\v 1 ሀአቨታ ኢየሱስ «ኧውረመኛ እሁዋ በዌኤዲ ተትሸኮውዋ ሰቭ አታትሁኗ ኧጎይታ መንግስት በሩእ ደረግ ሜኤተታ ቲያዡዋ ስን አይዎጁዋ ሰቭ አነውዋ» ባረኖም።
+\v 2 ኢየሱስ ያቆብቪ ዮኋንስ አሄተረታ ባአት ዴካ ቆቶ ፎር ኧንአ፤በህም ኤኤዲ አት ሰቭ አነፐረዳ፤በህሜ ኢፍትኋ ተሽጋገረ።
+\v 3 ሁጅርሞኋ ማንእየ ሁጅር ኦኡውት ኢሂርወዳ አኧቨ ታድጌፈረን ሁጅር ኢረእካአር ጥርጥር ይር ባነደ።
+
+\v 4 ህም ግዝየ ያቆብቪ ዮሐንስ ኤልያስቪ ሙሴቭ ተኢየሱስ ቲዝረኩታ አሸውዮም።
+\v 5 ጴጥሮስ ኧኢየሱስ ኢና ዋይ ብነቭነ ኢፈዘንረ ፤አት ዳስ አኸ አት ዳስ ኧውሴ ፣አት ዳስ አኸ ኧውሴ፣አት ዳስ ኤኤልያስ ነረሽነታ ብእመኸ ንበነ» ባረን።
+\v 6 እም ባሸዊ ዘንጋ ፈኘውም ባነደ፤ህም ግዝየ ጴጥሮስ ኢዝሬካአር ባይሂርካ።
+
+\v 7 . ተህም ቀጥወ ዳቨራ ማአ ኤፈኖም ፤ተዳቨራቭ ሁዳ ከስ «ዋዳ ኧረድኩዳ ትከነኛ፤ሁዳ ዩሁዋታአር ስውኤ፤»ይካ ቃር ተጎይታይ ማአ።
+\v 8 ህመጋ አዦርም ቢያዡዋ ኢየሱስ ባሀሬ በሄኤዲ አት ሰቭ አነፐረዳ።
+
+\v 9 ተቆቶ ሁዳ ፎር በወጁዋጋ፥ኢየሱስ ኧያቆብቪ ኧዮሐንስ ኧሰቭ ትከ ተውንድ ቲትረንሳ ስን ዋ አሸዊ ዘንጋ አአት ሰቭ አዪኤጁዋኸ አትጬፐንፕም።
+\v 10 ሁኖም ኤኤደኖዋ ሁዳ በሂንሁኗ አዎኖዪ፤ዘንጋ ተውንድ ኧተሸት ኧዋርት፣ ምር ኧዋርትን ቧርም ሁኖም ተሁኖም ኢድዝራኩዋ ባነደ።
+
+\v 11 . ተህም ቀጥወ ፀሐፍት ዩሪዮታ ሰቭ«ብደርተ ኢቫአካ ኤልያስን ኧቭር ዩሩዋ?»ቧርም ተሳአሪ።
+\v 12 ኢየሱስ ጭን «ኤልያስሽ ብደይተ ሜኤተታ እንእአአር ኤኤፍት ኧረፐረመኸ ኢአኴ፤ባቴ ኧሰቭ ትከሁ ኢቴኤፐርመኸዪ ኢትቀንጥመኸ ኧጣᎉ ሁድሁ ምር ኢቨስርሁዋ?
+\v 13 ዘንጋ ጭን ናኤድሁዋ ፣ኤልያስሽ ማአ ባነደ፤ሁኗ ጭን ኧሁዳአር ቦተርም ኧጥᎉመኸ ኧሳረኖኸ ኤፖዊ»ባረኖም።
+
+\v 14 ሼጣን ኧጠበጠን ኧች አፍያ ኸረ ኢየሱስቪ ውርኤቸ ተማሪ ተዦፖርም ቢዎኦዋ ቤኤድ ኧተነፉዋ ኧኢየሱሲ ተማሪ ኖኦራ ሰቭ ኸፐቨኖምታጸሐፍት ቲዩሪዮታ ሰቭ ሽር ቲቴኤጅታ ነኮውዮም።
+\v 15 በሄኤድ ኧረፖሩዋ ሰቭ እንእ ኢየሱስ ቢያዢ ወግ ኸረዎምታ ወጌም ዩሪ ኧሁዳይ ኤፖም ተራዎኡም ዎርም።
+\v 16 ኢየሱስተማሪኋ ተፈሪሳ ሰቭ ት ቴኤጂዳ ሽር ኧቭርአፈድናአር? » ባረ ተሳአረኖም።
+
+\v 17 ተህም ቀጥወ አት ምስ ተሰቭ ግት «አስተማሪዮ ሼጣን ጠበጠንታ ዲዳ ኧኸረ ትከኛ አሄ አቭአሁን አሄ አቫአሁን» ባረን።
+\v 18 ቲትረሳወዳ እንእ ግዝየ ኢቃሽኩ፣ኢምባ ቧፍ ኢንአ፣ሽንኋ ቃጭቃጭ ኢንአ ፣ምስየሞኋ እንእ ኢደርእ፤እም ሴጣን ያዎኦኔ ኧተማሪያኸ ሳአርሁኖም ባነደ፤ሁኗ ጭን ያዎኦኔ አኸረኖታ።
+\v 19 ኢየሱስ« ዋ ታታአውሩዋ ተዋ ዘቨር ሰቭ መቸ ስን ታሁዋ ኧረቭርኴ? መቸቭ ስን ኧፈርህነሁዋቴ? እንዴ ኧች ሁዳ ዋይ ኦኤ »ባረኖም።
+
+\v 20 ሁኖም ኧሁዳይ አቴኤነዊ፤ሴጣንቭ ሁዳ ኧኢየሱስ አሸንታ ፣ሸረር ኤፐን ፤ኧችቭ ሁዳ ባአፈር ወተኧታ እሜዪ ህሜ ቲክቨንር ታንቃኋ ኢምባ ቧፍ ኦንኧት ቀነሰ።
+\v 21 ኢየሱስ ኧኧች ሁዳይ አባ « ተጠበጠ ምርአህር ቀረ ኸረ?» ባረ ተሳአረን።
+\v 22 አቭ ሁዳ «ኖኦራ ግዝየ የኧትርኲ ኢሲእታ ብኧሳድቪ ብእሀቭ ፎር ›ኢቃሽኩ፤እንዴ በኸረነኸ ተቨጠጠንረ፤ኧግዘንረቭ»ባረን።
+
+\v 23 ኢየሱስቭ «በኸረነኸ ባኸዪ? ያአቭርካ ሰቭ እንእአአር ኢኸነ»ባረን።
+\v 24 ኧትከቭ ሁዳይ አባ «ኧኧቨርሴ ፥ዋአካ ስን አናአመርዂ ፍረህኒ! »ባረ ኮ ባረ።
+\v 25 ኢየሱስ ሰቭ እንእ ተፍረከረ ቲትራውእ ኧሁዳይ ቲቫአካ አሸታ ፥አኸ ዲዳቪ ኧድሮእኸቭ መንፈስ«ተዳ ዋአ! ተዣቨይተኸቭ እማአኸ»ባረ ኧሴጣን ሁዳ አኸናወ።
+
+\v 26 . ሼጣንቭ ሁዳ ውው ቲይር ባአፈር አተገ ባክቨነረን ቀጥወ ተኧች ሁዳ ዋአ፤ በሄኤ ኧረፖሩዋ ሰቭ ኧዎዳአር ቲቭስርኮዋ ስን ኧሪሳኸ ኸረ።
+\v 27 ኢየሱስ ጭን ኧኧች ሁዳኧጅኋ ጠበጠንታስስስስ
+
+\v 28 . ኢየሱስ ቢድ በገፓጋ ፥ዋ ሴጣን ኢና ኦኦት ኤኤመንረ ሁዳ ኧቭርአፈድ?»ቧርም ተሳአሪ።
+\v 29 ኧዋኸ አይነት ሴጣን ኢዋአካ ሁዳ እማት በጦም በጠሎትን፤ባረኖም።
+
+\v 30 ተህም ቀጥወ ተሄኤዲ ተረሾምታ፣ገሊላ ኤፖም ዎርም፤ኢየሱስቭአነውታ ኤኤዲ አትዎኋ ኢሂሪ አንሴኤዳ።
+\v 31 ኢየሱስ ኧተማሪኋ «ኧሰቭ ትከ ኧሰቭ ኤኤቶ ያአይፑሪዴ፤ህም ኧተኤፖሩዋ ሰቭ ዮኦትሪዴ፤ዘንጋ ጭን ተሶኦስት ቀረ ቀጥወ ተውንድ ኢትረሳኴ» ባረ ያትመርኮዋ ባነደ።
+\v 32 ተማሪኋ ጭን ኢየሱስ አትመረኖዋ ትምርት አምᎆሰሩዋ ባነደ፤አይትሳአሪመኸፈኘዊ። ትንእዎኋ ኢረእካ ማንተ?
+
+\v 33 . ተህም ቀጥወ ቅፍርናሆም ሞኦም፤ ቢድቭ ቦጎፖዋ ቀጥወ ኢየሱስ ኧተማሪኋ «በቨያ ትናነ ታነነ ሽር ትቴኤጁዋ ኧረፐረ ኧቭርአፈዳአር ባነደ?»ባረ ተሳአረኖም።
+\v 34 ሁኗ ጭን በቨያ ኢቴኤጂ ኧረፐረ ሽርትንእዎኋ ማን ኢረእ ይካአር ኧረፐሬ ፈኘዊታ ቁስ ቧርም።
+\v 35 ኢየሱስቭ ተቸ ቀጥወ አስረ ውርኤቸ ተማሪኋ ኸናኖምታ «ኢኢፍቲ ኢኸሪ ኢሲኢካ ሰቭ እንእዎኋ ኢኢመዪ እንሞኋይ ሜነኘ ኧህር» ባረኖም።
+
+\v 36 . ቀሪ ኧች ኢኢፍትሁኗይ አቫአ አትሸከቨ፤ኧችቭ ሁዳ ነሳ ኤኤፈንታ ፥
+\v 37 ተዋኸ ትከ አት ሁዳ ኢያ ባረ ኢቴኤፐርካ ሰቭ እንእ ኢያ ቴኤፐረ ኧዋርትን፤ኢያቭ ኢቴኤፐርካ ሰቭ ኢቴኤፐርካ እማት ኢያ ታይኸር ኧኬሼይቭ አባኛ ጎይታ ተህም ኢቴኤፐር» ባረኖም። አይድጋፋንረ ሰቭ እብእ ቲናትን
+
+\v 38 ዮሐንስ ኧኢየሱስ «አስተማሪዮ አት ምስ በሹዋኸ ሼጣን ቲይዋአካ አሸነዪታ ቲና እማቲ አያራአር ኧኸሬ ኸንአነዪ» ባረን።
+\v 39 ኢየሱስ ጭን አትሁርኤ፥ አት ሰቭ በሹውኛ ወግ ሜና ኧኝኧተታ ቢያ ፎር ሙጥጣአር ኢዝሬኲ አይኸነዳ፤
+
+\v 40 . አይዳጋፋንረ ሰቭ እንእ ቲናትን።
+\v 41 ኧውረመኛ እሁዋ ኧክርስቶሳአር በሁርታሁ፣ኢያ ባረ አት ብርጭቆ እሀገታ አቨናሁዋ ሰቭ እንእ በጎይታ ኢፍቲ ኦሄ ሜና ዋጋ አይቨህርካ» ባረኖም።
+
+\v 42 . ቢያ ቲይአውርታ ሰቭ እንስያአር ኤፐ ቲያዥኮታ ሁኗ ባአት ሁዳ እንቁርፊት ኢኸርካ ሰቭ ኑኡየ ኧወፍጨ እቭር በቨመርኋ ኧግጅቶኰታ በቫር ቢሩኲ ኢፈዙክ።
+\v 43 ሁመኸ ኧኸሬ ኧጃኸ ባድቫፐረናኸ ኧጥ ቃሽኩ፤ውርኤት ኧጅ ንቨይተነኸታ ባአዛብ እሳድ ብትረንድድካ ሁዳ ኧጀ ቁንጭር ሂንተኸታ አያ ሂንተኸ ብትረቭር ኢፈዝኸ።
+\v 44 አአዛብ እሳድ ፍርፍርኋ አይዎድካናአር።
+
+\v 45 ኧግራኽ ባድቫፐረናኸ ኧጥ ቃሽኩ፤ውርኤት ኧጌ ንቨይተነኸታ ባአዛብ እሳድ ብትረድድካ ሁዳ ጅረ ሂንተኸታ አያ ሂንተኸ ብትረቭር ኢፈዝኸ።
+\v 46 አአዘ እሳድ ፍርፍርኋ አይዎድካነአር፤እሳድሞኋ አየኧፋካናአር።
+
+\v 47 ኤራኸ ባድቫፐረናኸ ፍጨርቅ አአ ቃሽኩ፤ውርኤት ኤር ንቨይተነኽታ ባአዛብ እሳድ ብትረድድካ ሁዳ፥እማት ኤር ንቨይተነኸታ አያ ሂተኸ ብትረቭር ኢፈዝኸ።
+\v 48 አአዛብ እሳድ ፍርፍርኋ አይዎድካ፤እሳድሞኋ አየኧፋካ ።
+
+\v 49 ሰቭ እንእ ብእሳድ ኢቨጥርኴ።
+\v 50 በኧድ ወሄናአር ፤ዘንጋ ጭን በኧድ ባኔኤቨ በቭር ያቲኢዊ? እመኸ ኧኸሬ ባሁዋ ኧቨኧድ ቸቭና ኧበርዎሁዋ፤አሁም ታሁም አድጋኦዋ
+
+\c 10
+\p
+\v 1 ኢየሱስ ተሀይ ተረሳታ ኧይሁዳ ገኘቪ ኧዮርዳኖስቭ እሀ ሀጋድ አነውታ ቃያ ወረ።
+\v 2 ሰቭ ሀአቨ ቢኢፍትኅይ ቁጥቁጥ ባረ ፤ሁድ ኧኧኛ ግዝየመኸ አትሞርት ቀነሰ።2. አታት ኧፈሪሳ ሰቭ ኢፎትሪ ኧሁዳይ ሞኦምታ ፣«ምስ ምሽትኋ ኧግፍሪ? ዌ አይግፍር?»ቧርም ተሳአሪ።
+\v 3 ሁድ ዠፐረታ «ሙሴ ምር ባረ ኤዘዘናሁም?» ባረኖም።
+\v 4 ሁኖም፣«ሙሴሽ ፊርማሻ ኤንተናታ ኢገፍርካይ ፈቀደ»ቧሪ።
+
+\v 5 . ኢየሱስቭ ዋ ቂጫ ኧጣፈነሁዋ ሁዳ ቱኡነድ አሸ ታነዳን ባረኖም።
+\v 6 ዘንጋ ጭን ፍጥረት ቢቆርሽኰዳ፥ ጎይታ ምስ ተቭሽት ኤፐ ፈጠረኖም።
+
+\v 7 . እመኸ ኧኸሬ ሰቭ አባሞሀዪ አዶድሞኋ ኢችእታ ተቭሽትኋ እማቲ ኢረቭር፤
+\v 8 ውርኤቸሞሁኗ እማት ኢሆሩዋ፤ተህም ቀጥወ እማትኖዋ ባሀሬ ውርኤት አሆርታ።
+\v 9 እመኸ ኧኸሬ ጎይታ እማት ኤፐን ሰቭ አትዎኋ አይቫይትርኩ።»
+
+\v 10 ተማሪኋ ቢድ በጎፖዋጋ ዋ ዘንጋ ኧኢየሱስ ሀአውም ተሳአሪ።
+\v 11 ኢየሱስቭ «ምሽትኋ ገፈረታ ኧኛ ምሽት ያግአካ ሰቭ እንእ ኧረከቨኸ ሁጅር ደመደ ባጢር ኢንአ።
+\v 12 ተቭስመሻ ተጊያፈረችታ በኧኛ ምስ ኧገፓች ምሽት በቭስሻ ፎር ኧረከቨቸኸ ሁጅር ደመደችታ ባጢር ቲንአ» ባረኖም።ኢየሱስ ኧቭስካድየ ዴንጋ ዳረኖም
+
+\v 13 . ኢየሱስ ኢውሻኮኸ ሰቭ ብስካድየ ዴንጋ ኧሁዳይ አዎኦም፤ተማሪኋ ጭን ነፎጊዮም።
+\v 14 ኢየሱስ ዋዳ ቢያዥ ማአቸታ ዋኸ ባረኖም« ብስካድየ ዴንጋ ኢያይ ኦኦዋ አትሁርኤዮዋ ፤መንግስተ ሳቫይ ኧዋሁኗኸ ሰቭናአር፤
+
+\v 15 . ኧውረመኛ እሁዋ ኧጎይታ መንግስት ኧትከኸ ሂንተ አይቴኤፐርኩ ሰቭ እንእ አይጋአወዳ ።»
+\v 16 ዴንጋቭ ሁኖዋ ነሳ ኤኤፈኖም፤ኧጅሞኋ በፎርሁኗ አተገታ ዳረኖም። ደንገኘ አዛድ ኧች
+
+\v 17 ተህም ኤኤዲ ተረሳታ ኧሆርት ቲቀርስካ አት ምስ ኧሁዳይ ቲትራውእ ማአ ቢኢፍትኋይ በጉርቨድኋ ወካታ፥«ሚራ አስተማሪዮ ኧዘላለም አያ ሂንተሁ ኧረቭኸ ምር ኦንኧት አነቪ? »ባረን።
+\v 18 ኢየሱስ «ኧቭር ሚራ ትሬ? እማት ጎይታ ባሀሬ ሚራ ኤነዳ» ባረ ዠፐረነ፤
+\v 19 ኧጎይታ እዝዝ ትሂር፤ሁድ ሰቭ አትእትር፣ኧረከኸኸ ሁጅር አድምድ፣አትስርእ፣ አአቫይ ዛር አታአውድ፣ አትቄቅ፣ አቭ ታአዶዳኸ አህብድ።»
+
+\v 20 . ምስ ሁዳ «አስተማሪዮ ዋሁኗ እንእ ተዴግነድኛ ቀነስሁታ እተሁ» ባረን።
+\v 21 ኢየሱስቭ ኧቭስ ሁዳ አሸንታ ነመደን፤በዋቴ አታአር ኢቀቭርቨኸ፤ሆርታ አነነኸዳ ንቭረድ እንእ አሰየታ ኧዚጋ አቭ፤በሳቫይ ኑእ ዱንያ ትከቭሴ፤ተህም ቀጥወ ተኸተሬ» ባረን።
+\v 22 ምስ ሁዳ ዋዳ ቢሰቭአ ቡሼኤኸ ተቨጠጠ፤ ኖኦራ ዱኒያ ኧረፐረኒ ኧኸሬ ሳው ባረ ቢድኋይ ወረ።
+
+\v 23 ኢየሱስ አኖዳ ኤኤዲ አዦረ ቲያዥ ኧተማሪኋ፣«ኧደንገኘ ሰቭ ኧጎይታ መንግስቲ ኧጉኧት ኧተኸ ያጀግርካናአር?» ባረኖም።
+\v 24 ተማሪሞኋ ኢየሱስ በዝሬከን ዘጋ ወግ ኸረዎም፤ሁዳ ጭን ሀአቨታ «ዴንጎ መንግስተ ሳሳይ ኧጉኧት ኖኦራአር ያጀግርካናአር» ባረኖም ።
+\v 25 ደንገነ መንግስተ ሳቫይ ቢጋአካ ሁዳ ጋሜራ ኧቨርፍ ጉድድ ቢዩሪዳ ኤኤዲ ቢዋአ ኢፈዝ።»
+
+\v 26 ተማሪሞኋ ቲኢፍት ኢረእ ወግ ኸረዎምታ፣ «እኰኸ በኸረጋ ባቴ ማን ኢተርፍኴ? ተዌዌርም።
+\v 27 ኢየሱስቭ ኧሁኖዋይ ኤፐ አሸታ፣ «ኧሰቭ አይኸነዳናአር ፣በጎይታይ ጭን ዋኸ አኸረንዳ፤ኧጎይታ እንእአአር ኢኸነ» ባረኖም።
+\v 28 ጴጥሮስ «ኡክ ኢና እንእአአር ቸኧነ ተሄተኔከ» ባረን።
+
+\v 29 ኢየሱስብ ዠፐረታ፣ «ኧውረመንንንና እሁዋ ፤ኢያቪ ኧወጌልቭ ባረታ ፥ቢድኋ፣ዌ ኧሰማትኋ፣ ዌ ኧተማትኋ፣ ዌ አዶድኋ ዌ አባኋ፣ ዌ ዴንጋኋ፣ ዌ አኡጃኋ ኧቸኧ ሰቭ እንእ፣
+\v 30 ዋአካ በዋ ዘቨር ቲኢሰድጂቭ ቢድ፣ኧሰማት፣ኧተማት፣አዶድ ዴንጋቪ ቹጃቭ በቨኧር ኧጅ ኢቴኤፐርኴ፤ቢቫአካቭ ዓለም ዘላለም አያ ሂንተ ኢረቭ»ባረ።
+\v 31 ዘንጋ ጭን ኖኦራ ኢኢፍቲ ኧረፖሩዋ ሁኖዋ ኢኢ ኢሆርቴ፤ኖኦራቭ ኢኢ ኧረፖሩዋ ሁኖዋ ኢኢፍቲ ኢሆርቴ።ኢየሱስ ተዣቨይተ ኢቫአኸ በተረ ኤኤደ
+
+\v 32 ኢየሩሳሌም ቲያሩዋታ በቨያ ታኖም፣ ኢየሱስ ኢኢፍትሁኖዋይ ያር ባነደ፤ተማሪሞኋ ዋ ዘንጋ ወግ ኸረዎም ባነደ፤ቲኢሞሁኖዋይ ኢትሄተሪዮዋ ኧፖሩዋ ሰቭ ፈኞም ባነደ፤ሀአቨ ኢየሱስ አስረ ውርኤቸ ተማሪኋ ተኧኛ ሰቭ ባይተረኖምታ ኢሰርአወዳ ዘንጋ ኤኤደኖም።
+\v 33-34 «ኢይየሩሳሌም ናነዴ ኧሰቭ ትከ ኧካህን አላቃቪ ኧውሴ ቂጫ አስተማሪቭ ኤኤቶ ያኤቱሪዴ፤ሁኖም ኧውንድ ፍርድ ኢፎርጅኰዴ፤አአረማዊ ሰቭ ኤኤቶ ያኤቱሪዴ ።. ኧሁድ ባጭ ባጭ ኢንኤዴ፣ ኢምባቄሁኖዋ ኢትፍ ዩኰዴ፣ ኢገርᎉዴቭ ተህም ቀጥወ ዮኦትሪዴ፤ሁዳ ጭን ተሶኦስት ቀረ ቀጥወ ተውንድ ኢትረንሳኴ » ባረኖም።
+
+\v 35 ተህም ቀጥወ ኧዘብዴዮሲ ዴንጋ ያቆብቪ ዮሐንስ ኧሁዳይ ቴኤኖምታ «አስተማሪዮ ንሰኧኔከዳአር አክያ ትረንሬ ንሲኢነ »ቧሪ።
+\v 36 ሁድ «ምር ኢንአነሁዋይ ትሱኡዋ?» ባረኖም።
+\v 37 ሁኖም «በቭግስታኸ ክብር አትንራ በቀናኸ አትንራ በጉራኸ ፍቅድንረ» ቧሪ።
+
+\v 38 ኢየሱስቭ «ትሶኦርታአር አትሂርታ፤ኢያ ኧሰጭኩዳ ኧቨከራ ጥዋ ትሰጩዋይ ኢኸነሁዋቴዪ? ኢያቭ ኧጠመኩዳ ኧመከራ ጥምቀት ትጠመቁዋይ ኢኸነሁዋቴዪ? » ባረኖም።
+\v 39 ሁኖም «እከ ኢህንረሴ» ቧሪ።ኢየሱስቭ «አክያ ኢያ ኢያ ኧሰጭኩዳ ኧቨከራ ጥዋ ትስጠዉዋሴ፤ኢያቭ ኧጠመኩዳ ጥምቀት ትጠሞቁዋሴ፤
+\v 40 ቢኸርቭ በጉራመኛዪ በቀነመኛ ኧቸሮት ኧቴቨኖዋ ሰቭናአር ባሀሬ ኢያ ኢካአር አኸረዳ» ባረኖም።ኧኢየሱሲ ተማሪ አስርሁኖዋ ዋዳ ቢሶኦዋ በያቆብቪ በዮሐንስ ኧዋአችት ቆነሺ ።
+
+\v 41
+\v 42 ኢየሱስቭ እማቲ ደመደኖምታ፥ ባአረማዊዊ ዳኘ ቧርም ዩሪዮታ ሁኖዋ ኢጎዤዮኸ ዳኘሞሁኖዋ ፣ዳኝነድሞሁኖዋ በሁኖዋ ፎር ያቲሹዋኸ ትሂሩዋ።
+
+\v 43 ባሁዋይ ጭን ዋኸ አኽረንዳ፤ታሁዋ ግት ኑእ ኢኸሪ ኢሲኢካ ሰቭ እንእ አገልጋይ ኧህር ፤
+\v 44 ኢኢፍቲ ኢኸሪ ኢሲእካ ሰቭእንእ እንእዎኋይ ባሬያ ኧህር፤
+\v 45 እሸቭ ትከ ያጌኪርሜዪ ባጢረተኘ ሰቭ ያተርፊ ቲይር ሉሁሞኋ ያኤፕሪ ማአ ባሀሬ ፣ኧኛ ሰቭ ኧሁዳ ያጌኪርኲ አማአዳ » ባረኖም። ኢየሱስ ፉርጥ ኧረፐረ በርጠሌሜዮስ ዩሪዳ ምስ አፍያ ኤፐ
+
+\v 46 ተህም ቀጥወ ኢየሱስ ተተማሪሞሀቪ ተሮኦራቭ ሰቭ ተኢያሪኮ ከተማ ቲዎኦታ ኤርኋ ኧፈንጠ ኧጢሞቲዮሲ ኧች በርጤሌሚዮስ በቨያ ሞሬ ቸና ኢሰኧር ባነደ።
+\v 47 ሁድ ሀሜያ ያርካ ሁዳ ኧናዝሬት ኢየሱስ ኧኸረኸ ሰምአታ ኧዳዊት ትከ ኢየሱሶ ማሬ » ባይቶ ኮ ኧዋርት ቀ።
+\v 48 በህም ኤኤዲ ኧስ ቧርም አአጥራቆሪ ፤ ሁዳ ጭን«ቲኢፍት ኢረእ ኧዳዊት ትኮ ማሬ ባረ አኸና።
+
+\v 49 . ኢየሱስ ተሸከቨታ «ሁሬ » ባረኖም።ሁኖም ኧፉርጥ ሁዳ «ተፋደር ተሳኢየሱስ ኢኸራኸ »ቧሪ።
+\v 50 ሁድ ሁጅርኋ ቃሸታ ክክክ ባረ ተረሳታ ኧኢየሱሲ ማአ።
+
+\v 51 . ኢየሱስቭ« ምር ኢንአነኼ ትሲእ?»ባረን።ፉርጥቭ ምስ ሁዳ«አስተማሪዮ አዢ ኧሲእ»ባረን።
+\v 52 ኢየሱስ« ሆር እምነታኸ አተነፈናኸ » ባረን።መህጋቭ ኤኋር ተከፈደ፤ ሁድ ኢየሱስ ተሄተረታ ተሁኖም ወረ።
+
+\c 11
+\p
+\v 1 ኢየሱስ ተተማሪሞኋ ኧኢተሩሳሌም ከተማይ በደብረዘይት ቆቶ ሚዬ አነውታ ቤተ ፋጌሜዪ ቢታኔያ በቴኤነውዋጋ፣ኢየሱስ ተተማሪኋ ውርኤትሁኖዋ ዋኸ ባረ ኬሸኖም፥
+\v 2 ፣«ኢኢፍታሁዋይ አነዳ ቃያ ሆርምታ ሰቭ አንቸናወ እእቫር ገንገር ባአኮጂ ኤኤዲ ትረሁውቴ፤ሁድ ፉጆም ዋይ ኦኤ፤
+\v 3 ፤ማንኦሞኋ ምር ቲንኦዋ? በቫረናሁዋ <ጌታ ኢየሱስ ሴኤን ፤ኡኳአካ ኢዣቭነሁዋሴ >ቧርም አውጂ»ባረ ኬሸኖም ።
+
+\v 4 . ሁኖም ዎርምታ ባአት ቢድ ወረጀ በቨያ ሞሬ አአኮጂ እእቫር ገንገር ኖኮምታ ፎቾዪ።
+\v 5 በህም ኤኤዲ ኧሮፖሩዋ አታት ሰቭ ዋ እእቫር ገንገር ኧቭር ትፎጄ ቧሪዮም ።
+\v 6 ኢኢየሱስሜ ተማሪ ኢየሱስ ኧቫረኖዋ ሁዳ ኧሰቭ ሁኖዋ ቤኤጂዮጋ ቾኦውዮም ።
+
+\v 7 ኧኢየሱሲ ተማሪ ብእቫር ገንገር ሁዳ በጊሸኋ ሁጅርሁኖዋ አተኰታ ኢየሱስ ኧንአ ቸናወ።
+\v 8 ኖኦራ ሰቭ ሁጅርሁኖዋ በቨያኋ ዝራኮም አተጉነ፤ኧኛሞሁኖዋ እዝር አኖዳ ኤኧ አጤ ሶፖርም ቢያርወዳ መያ ኢቋሽዋ ባነደ።
+\v 9 ኢኢፍትሞኋይ ያርትቪ ኢኢሞኋይ ኢትሄተሪቭ ሰቭ ቃርሁኖዋ ነሾምታ « ሆሳእና በጎይታ ሹው ኢቫአካ ሁዳ ኧዳረዳናአር»ዩሩዋ ባነደ።
+\v 10 ኢቫአካ አአባንራይ ኧዳዊት መንግስት ኧዳረዳናአር! በሳብይ ኣጎይታ ሽኩር ኧህር!»።
+
+\v 11 ኢየሱስቭ ኢየሩሳሌም ሰንአ፤ተህም ቀጥወ ቤተመቅደስ ገፓ፤ብንእ አጋድ አነዳአር እንእ አሸ ፤አፈርቭ ኧቨሼ ኧኸሬ ተአስረውርኤቸ ተማሪሞኋ እማቲ ቢታኒያ አጋድ ዋአ።
+\v 12 በበረጋኋ ተቪታኒያ ቲዎኦታ ኢየሱስ ጋደን፤13
+
+\v 13 ሁድእንዝር አኖዳ ኧቨለስ ኤኧ በሮኢ አሸታ ፣ምላልባት ቡስር በረፐረወ ባረታ ኧሁዳይ ቴኤነቨ፤ዘንጋ ጭን በለስ ያፎይወዳ ጎርኋ አነፐሬ ኧኸሬ ቡስር አታአር አነከዎዋዳ።
+\v 14 ተህም ቀጥወ ኢየሱስስ ኤኣ ሁዳ፣«ቶኦኳ ቆነሺታ አትዎኋ ባኸ ቡስር ንሄተ አይቭርአ»ባረን ባረ ቲዝሬካ ተማሪኋ ሶምኦም።
+
+\v 15 . ኢየሱስቪ ተማሪሞኋ ኢየሩሳሌም በሰንኦዋጋ ኢየሱስ ቤተመቅደስ ገፓ፤በህሜ በቬተመቅደስ ከስ ያስሮታቪ ኢስሮታቭ ሰቭ አትሳድልተ ኦኦት ቀነሰ፤ብር ኢዌዝርታ ሰቪ ጠረጴዛቪ ቡናርቭ ያስሮታ ሰቭ ኢቸኖኰዳ ወበርቭ ሀይ ኤፐ ኤረከ ።
+\v 16 አትዎኋ ግቭር ፈኒግተታ ኧቬተ መቅደስ ኦኡር ከሲ አያረኸ ኤፐ።
+
+\v 17 . እመኸ ባረ አትመረኖም፥« ቢድኛ ኧሰቭ እንእ ኧጠሎት ቢድ ዩሪ» ቧርም አንጣᎉዳ? አሁዋ ጭን ኧፈንገያ ወረ ኤፐዂ!» ባረኖም።
+\v 18 ኧካህን አላቃቪ ኧውሴ ቂጫ አስተማሪቭ ዋዳ ቢሶኦዋ ኧተኸ ኧንኧቶ ዮኦትሪኸ ቤ ኧሶኡት ቆነሹም፤ ሰቭ እንእ ባትመረን ትምርት ወግ ኧኸረወኸ አሾምታ ፈኘዊ።
+\v 19 በቨሸመጋ ኢየሱስቪ ተማሪሞኋ ተከተማ ዎኦምታ ኧኛይ ዎርም ። ኢየሱስ ኧሰተቨን ኧቨለስ ኤኧ ደነኧ
+
+\v 20 በቨረጋኋ እረርኧ ኢየሱስቪ ተማሪሞኋ መያ ቲያርታ ፣በለስ ሁዳ ተኧስርሞኋ በደነኤ አሸዊ ።
+\v 21 ጴጥሮስ ዘጋኋ ተዘከደንታ ኧኢየሱስ «አስተማሪዮ ሁክ ኧሰተኸን ኧቨለስ ኤኧ ደነኧ »ባረን።
+
+\v 22-23 ሀአቨታ ኢየሱስ «በጎይታ ኧዎሩዋ፤ኧውረመኛ ሁዋ ማንኢሞኋ ዋ ቆቶ ፣ተረኧርታ በቫር ከስ ግቭአ ባይተንታ እመዳቭ ታይጥራጠር በሂኋ ቢያአቭር ኧቫረንመኸ ኢኸነ።
+
+\v 24 እመኸ ኧኸሬ ትሶኦሪዳ ሁዳ እንእ ኧቴኤፐርሁዋአረኸ ኧኝኧተሁዋ ባአመርሁዋ አአመርሁዋመኸ ኢህነሁዋሴ።
+\v 25 ህመኸ በሳቫይ አነዳ አባሁዋ ባጢራሁዋ አፉ ዩሁዋኸ አሁም ኧጠሎት ኧጎይታ ኢፍቲ ትቴኤነውታ በሰቭ አወናዂ ቆንጦ እንእ አፉ ቧርዋ።
+\v 26 አፉ ብምብሁዋ ጭን አሁም ኧሳቫይ አባሁዋ አፉ አይሁዋታ ።» በኢየሱሲ ዳኣኝነድ ኧትረሳ መትሳአየ
+
+\v 27-28 ኢየሱስቪ ተማሪሞኋ ሀአውም ኢየሩሳሌም ሞኦም፤ኢየሱስ በቬተመቅደስ ኦኡር ከሲ ውርውር ቲይካ፣ ኧካህን አላቃ፣ ኧውሴ ቂጫ አስተማሪቪ ኧገኘቭ ባሪቅ ኧሁዳይ ሞኦምታ፤ዋሁኖዋ እንእ ቲንአካ ሁዳ በቭር ዳኝነድን? እኮሁኖዋ ቲንአኸ ዳኝነድ አቨናኸ ማንተን?» ቧሪ።ኢየሱስ ዠፐረታ እንዴ ኢያ አታአር ንትሳአርሁዋ አሁም መልስኋ ዣውኒ፤ኢያቭ ዋዳ እንእ በቭር ዳኝነድ ኤቨኸ አአውድሁዋሴ» ባረኖም ።
+
+\v 29
+\v 30 . ዮሐንስ አጠመቀ በጎይታ ፍቃድኒ ዌ በሰቭ ፍቃድ ባነደ? እንዴ መልስኋ አውጅኝ » ባረኖም።
+
+\v 31-32 ሁኖም ዋኸ ቧርም አትዋቾም፥በጎይታ ፍቃድን ኧቫነ በኸረ ባቴ ኧቭር አናአመርሁኰዳ ይረንረዴ፤ባቴ ተሰቭን ንቫኔዪ? ተሰቭን በቫኔ፣ ሰቭ እንእ « ዮሐንስ ነቢ ባነደ ባይቶ ዩሩዋይ ኧኸሬ ፎኞም።
+\v 33 በህም ኧቫአ ኧኢየሱስ «ኢና አንሂነዳ» ቧሪ፤ ኢየሱስቭ «አካ ኢያቭ ዋ ዘንጋ ንእእ በቭር ዳኝነድ ኤቨኸ አኒኢድሁዋታ » ባረኖም።
+
+\c 12
+\p
+\v 1 ተህም ቀጥወ ኢየሱስ ዋኸ ባረ ሟማካ አአውጅት ቀነሰ፤ « አት ምስ ወይን ኧፐረ አዦረ ኧፐረን ፤ዩኡሩወዳአር ጎጀኧኝ ፤በፎርኋ ቸየቶኮዩኡዮኮዳአርሰቀላ አሸ ፤ተህም ቀጥወ አፈርኋ እቹታ ሰቨ አክራኝንታ ኧሰቭ ገኝ ወረ ።
+\v 2 ቡስር ቢራጭኮዳ ግዝየ ተቪድ አገልጋይ አት ሁዳ ኧወይን ቡስር ያቫአኔ አፈርኋ አክራኝነዋ ሰቪ ኬሸን ፤
+\v 3 ሁነዋ ጭን ሀ ኤኬሸዊ ጠቦጭም ደኖጊታ ጠረረኧጅኋ ኬሸዊ ።
+
+\v 4 ሀአቨ ኧኛ ሜነፕኋ ኬሸ ።ሁድ ዠኦሩም አትዋረጁም ኬሸዊ »
+\v 5 ሀአቨ ኤኛአር ኬሸ ፤ሁድቭ ኦቶሪ ተህም ቀጥወ ኖኦራ ሰቨ ቢኬሽቭ ፣አታትሁኖዋ ደኖጉዮም ኤኛሞሁኖዋ ኦቶሪዮም ።
+
+\v 6 ዋአካ አት ኢኬሽኩይ ኧተነፈናአር እማት ኢረቭድኩዳ ኣችኋ ባንደ ፤ «ኧችሸኛ እመኛት ዮነኧነሴ » ባረታ ትንሞኋ ቃጥወ ኬሸን ።
+\v 7 አፈርኋ አክራኝነዋ ሰቨ ጭን ሁኖም ተሁኖም ፣እሽዳሽ ደረድ አነነዳ ሁዳን ፤ ዮሁዋ ንእትኔ ደረድኋ ኢና ይህርሴ ተዌ ዌርም፤
+
+\v 8 ተህም ቀጥወ ጠቦጪታ ኦተሪ ፤ተህም ወይን ቶኦፖርኮ ኤኤዲ ነሸይታ ኤኝኤዲ ወሶጁም ቃሸዊይ ።
+\v 9 እም ሀ ወይን ኧኸረን ምስ ማኸ ኢንኧኮታአ፥ር ኢቨስርሁዋ? ኢቫአኬ አርኋ አክራየነዋ ሰቨ የኧትርኮቴ ፤ባአፈርሞሀ አነዳ ኧወይን ኤኸ ኧኧኛ ኢኩዴ ።
+
+\v 10 ዋኸ ይካ ኧመጣፍ ቃር አናነበብሁዋታ ፤ግብ ያረሽታ ሰቨ ኧቆንጪ እቭር ኧቪድ ዋና ዛምይ ኸረ ፥
+\v 11 ጎይታ ዋዳ ኤፐ እመዳቭ ቲሶኤዳቪ ቲያዢዳቭ ወግ ኢኸርካናአር ፥
+\v 12 አአይሁድ ገኝ ዳኝ ሁኖዋ ኢየሱስ ዋ ቲዚረካ ኧሁኖዋ ኧኸረኸ ኋርምታ ኢጠጪ ዣውም ባንደ ፤ዘጋ ጭን ብሃሄዲ ኧረፐረ ሰቨ ፈኞምታ ቼኤውም ዎርም ።
+
+\v 13 ተህም ቀጥወ በኢየሱስ ዘንጋ ኢሱኡኬ ፥ ተፈሪሳ ሰቪ ቴሄሮድስሜአጋድ ኧሆርዋ ሰቨ ኧሁዳይ ኬሾም ፤
+\v 14 ሁኖም ኧሁዳይ ሞኦምታ ዋኸ ቧሪ ፥ አስተማሪዮ አኸ ጥርር ሰቨ ኧኸርኸኸ ንኺነ ፤ ሰቨ ፍረይተኸታይ ሰቭ ምር ይሬዴ ባይተኸ አአተሞኋ አታትቃቂካ ፤ኧጎይታ መያ በቂጢየ ታትመር ፤ባቴ ኧቄሳር ኦጎብርዌ አይጎብሪ?
+\v 15 ኢናሁ ንካስኔ አንካስነ? ኢየሱስ ጭን ኸቱነድሁኖዋ ሃረታ ፥ « ኧቭር በዘንጋ ታጎኦኝ ቱሱኡዋ? እንዴ አት ብር ኦኦኒታ ነዥኩ » ባረኖም ።
+
+\v 16 ሁንኖምአዎኦነ ፣ዋዳ ኧቫን መርክን? ጥፍትኮኋ ኧቫተናአር ባርሩም ፤ሁኖም «ኧቄሳርናአር ባሪ ።
+\v 17 ኧቄሳር ሁዳ እኣቄሳር አዊ ፣ኧጎታይ ሁዳ ኣጎይታ አዊ » ባረኖም ።ሁኖም በሁዳ ወግ ኸረዎም ።
+
+\v 18 ተህም ቀጥወ ተውንድ ኧቶሾት ኤነዳናአር ዩርታ ኧሰዱቃ ሰቨ ኢኢየሱስ ሞኦምታ ዋኸ ቧርም ተሳአሪ ፥
+\v 19 አስተማሪዮ « ሙሴ አት ቂቻ ጣፈ አቨንረ ፤ሁድቭ <አት ምስ ምሽት አግቨተታ ትከ ታይኢኝ ቢዎድ ኧዋዳይ ምሲ ኧሰም ምሽት ሂዳ አግቫአካታ ኧዎደ ኧሰምኋ ዘር ኧናአነ ይካናአር ።
+
+\v 20 ባቴ ሰቫአት ኧሰማት አነውዋ ፤አአወተረ ሁዳ አገፓናታ ሁድ ታይኢኝቫ ፤
+\v 21 ውሬተኛ ሁዳ ሚሽት ሂዳ አገፓናታ ሁድ ዘር ታይና ሞዳ ሶኦስተኘ ሁዳ ህመኸ ፤
+\v 22 ሰቭአቸ አጋ ባአጋ አጎፔያታ ፥እንሞሁኖዋ ዘር ታይንኦዋ ሞጁም ፤ትንእሞሁኖዋ ቀጥወ ምሽት ሂዳ ሞደች ።
+\v 23 ዋ ምሽት ሳቫቸ ኧሰማት አጎፔያ ፣ ባቴ ኧዎጅዋ ሰቨ ቲትረሾታ ሂዳ ኧኧተሁኖዋ ምሽት ትኸር? » ቧሪ ።
+
+\v 24 ኢየሱስ ትድዋፖርታ ሁዳ መጣፍ ቅዱስቪ ኧጎይታቭ ደረግ አቲሂሩዋይ ኧኸረዴ ባረ ዠፐረኖም ።
+\v 25 ኧዎጁዋ ሰቨ ቲትረሾታ ኧሳቫይ መላይካኸ ኢሆርቴ ባሀሬ አያጎኦም አያዎጆም ባረኖም ።
+
+\v 26 ኧዎደ ሰቨ ኧተሸታአር ጭን ጎይታ ኧሙሴ በቅቅቅቅቆዛ እሳድ ከስ ምር ኧዝሬከነኸ ተሙሴ መጣፍ አናነበብሁዋታ? < ኢያኧአብራሃሚ ኧይሳቅሜይ ጎይታንሁ > ኧቫረ ሁዳን ።
+\v 27 ጎይታ ኧያኧኸረ ሰቨ ጎይታን ባሃሬ ባአዛብ እሳድ ኢረድጅታ ሰቪ ጎይታ አኸረዳ ፤እመኸ ኧኸሬ ኖኦሬአር ተድቭፐርሁም ።
+
+\v 28 ጻፍት ቲዩሪዮታ ሰቨ አት ሁዳ ማአታ ሽር ቲቴኤጅታ ሰማኖም ፤ኢኢየሱስ ኧትሳአሪ ሁዳ እንእ ጊከር ቲዠፕኖታ ፥ሰማታ ፣ኧሁርትሞሀኋ ተትዛዝ እንእ ኢረካ ሁዳ ኧተዳን? ባረ ተሳአረን ።
+\v 29 ኢየሱስ « ትንእ ኢረእካ ትዛዝ እስራኤል ስቭአ ፥ጎይታንራ እምት ጎይታን ይካ ትዛዝ » ባረኖም
+\v 30 አኸ ጎይታኸ በውረሚየ ሂናኸ በውረምየሀኸ ፣በውረምየ አሳብማኸይ በውራአቭ ደረጋኸ ንቨድ ።።
+\v 31 ውረተኘ ሁዳ ሰቨ እንእ ኧገጋኸኸ ንቨድ ። ትንእሞሁኖዋ ኢረእካ ትዛዝ ኤነዳ ።»
+
+\v 32 ኧቂስ አሰተማሪቭ ሁዳ ፤አስተማሪዮ ወሄአር ባኸ ፣ሁዳ እማት ኧኸረኸ ፣ተሁድቭ ኤኛአር ኤነኸ ኧዘጉታኸ ወሄናአር ፤
+\v 33 ሁዳ-ተውየምየ ሂን ፣አሳብኸ ተውረምየ ሉሀኸ ተውረምየ ደረጋኸ ኧርወጅት ፣ህመኸቭ ሰቨ እንእ ተውረምየኸ ኧርወጅት ቲይዊዳ ህትቭ እንእ ኢረእ ።
+\v 34 ኢየሱስ ኧቂጫ አስተማሪ ሁዳ ቤሰረ ኧዥፐረነኸ አሸታ «አኸ ተጎይታ መንግስት አራሃአር አኸርኸዳ » ባረን ። ተሃ ቀጥወ ኢትሳአርኩ ኧደፈረ ሰቨ ኤንዳ
+
+\v 35 ኢየሱስ በቤተ መቅደስ ወረጀ ቲያስተምርካ ዋኸ ባረ ተሳአተ፣« ጻፍት ጿፍትኧተኸ ክርስቶስ ኧዳዊት ኧትከን ዩርዋ? »
+\v 36 ዳዊት መንፈስ ቅዱስ አቴሸንታ ቲዝሬካ ፣ « ጌታ ጌታኞ ጥራታኸ ኧኧግራኸ በገዳ ትኔቭነኸ ስን በቀነ ኛ ቸራ ባረን ።» ይር ፤
+\v 37 ባቴ ዳዊት «ጌታ በቫረንጋ ፣፥ኧኸ ሀአቨ ትከኋ ኢኸር? እመዳቭ ቲይካ ኖኦራ ሰቨ በሳርት ኢሰቫኩዳ ባንደ ።
+
+\v 38 ቲያስተምርካቭ ዋኸ ባረ ፤ጻፍት ኢዩሪዮታ ሰቨ ተጠፖዋ ፤ ተአፈር ይትሻቭካ ሁጅርተኸደይቶ ኧዘውርት ኢሽርኮዋ ፤በጀፎረ ጀፎረ ዘግ ዘግ ባይቶ ወጌምት ዩሪዮይ ኢሱኡዋ።
+\v 39 በጠሎት ቢድ ኧክብር ኤኤዲ ፣ በድግስቭ ቢድ እሽክብር ኤኤዲ ኢዊዮዋይ ኢሽርኮዋ ።
+\v 40 ሰቨ ያዥኖኸ ቲይርዋ ጠሎትሁኖዋ ያዴኩምታ ምስ ኧዎደቫ እሽቻይ ቢድ ያዜጉዋይ ኧኸሬ ኢረካ ድርድ ይኢየኮዋ » ባረኖም ።
+
+\v 41 ኢየሱስ መባ ቢቋሽኮዳ ሳጥን ኢፍት ቲኢፍት ቸናታ ሰቨ በሳጥን ሁዳ ከስ ፈራክ ቲቋሽታ ያዥ ባንዳ ።ደንገኝቭ ሰቨ ኖኦራ ብር ይዋ ባንደ ።
+\v 42 አት ጉርማሳ ምስ ኤነና ምሽት ጭን እማት ኧረረና ሜዞሻ አፌተረች ቃሸች
+
+\v 43 ኢየሱስ ኧተማሪኋ ዋኸ ባረኖም ፤ «ኧውረመኛ እሁዋ ዋ ጉርማሳ አቨቃጥ ኤነና ምሽት በሳጥን ሁዳ ፈራክ ተሆኖዋ ሰቨ እንእ ኢረእካአር ቃሸች ።
+\v 44 ዋሁኖዋ እንእ አነኖዋይ አውም ፤ሂዳ ጭን በዚጋ ደረግሻ አነናዳ ትረቭርወዳ ሁዳ እንእ አፌተረችታ አቭች » ባረኖም።
+
+\c 13
+\p
+\v 1 ኢየሱስ ተቤተ መቅደስ ቲዋአ ታነ ተተማሪኋ አት ሁዳ « አስተማሪዮ! ኧዥ ዋቢድቪ እቭርሞኋ ያዥወኝዋኸ ኧዥ! »ባረን ።
+\v 2 ኢየሱስ ሃአቨታ ፣« ዋ ኑእ እእቭር ቢድ ታሽኮዋ? ዋዳ እንእ ኢዳስኮይ ፤ እቭር በእቭር ፎር በቸናመኸ አይነቭርካ »ባረን
+
+\v 3 ኢየሱስ በቤተ መቅደስ ኢፊቲ ቲኢፍት ፣በደብረዘይት ቆቶ ፎር በቸና ፣ኤኤዲይ ጴጥሮስ ያእቆብ ፣ዮሐንስቪ እንድሪያስቭ ዋኸ ቧርሙ ተሳአሪ ።
+\v 4 «ዋዳ ምረጋ ይኸረኸ አውድንረ ፤እመዳ እንእ ያርወዳ መርኸትኋ ምራአፈድን ?
+
+\v 5 ኢየሱስ አትዎኋ እናድፓፐረናሁዋ ፤
+\v 6 ኖኦራሁኖዋ ፣ኢያ ኢየሱስንሁ ባይተዋ በሽውኛ ይዎኦቴ ፤ኖኦራቭ ሰቨ ይድዋፑርቴ ።
+
+\v 7 ኧጋዝቪ ኧጋዝነድ ዋራይትትሶኦታ እንደነኧናሁዋ ፤ዋዳ አይወኣርካናአር ዋዳ ኢቴፑወዳቀረ ጭን ገናን ።
+\v 8 ሰቨ በሰቭ ፎር መንግስት በመንግስት ፎር በኖኦራኤኤዲ አፈር ኢቅረቅርኬ ፣ ጋጀኢደብስኬ ፤ ኧቨእ ድርሁት እቆርሽኮዳንኗ ።
+
+\v 9 « አሁዋ ጭን ኧገጋሁዋ ተጠፖዋ ፣ ኢፈርድካ ዳኝ ኤኤቶ ያአፕሪኩዋቴ ፤አይሁድ ቢደሞጅኮዳ ቢድ እጎርፍኩዋቴ ቢያ ኧቫአ ሄቶ ይኸርዋይ በፍርድ ሾገዲ ብሩእ ሰቨኢፊቲ ኧፍርድ ያትሾኩኩዋቴ ።
+\v 10 ብደይተዋ ጭን ወንጌል አአረማዊ ሰቨ እንእ ኧቴኤጅት ት አነወ ።
+
+\v 11 ጥጭቶዋ ኧፍርድ ቲያአቴኤኑኩዋታ ፣ ሀ ግዚየ መንፈስ ቅዱስ ኢሁዋታአር ዘንጉዋ ባሃሬ ምር ንዝሬክነዴ ባይተሁዋ አጠረቁዋ ፤ ባሁዋ ኢዝሬካ ሁዳ መንፈስ ቅዱስ ባሃሬ አሁዋ አኸርሁዋታ ።
+\v 12 ኧሰም ኧሰምኋ አቭ ኧትከኋ ኧውንድ ኤኤተ ያኤፕርኬ ፤ዴንጋብ በአቭ ተአዶድሁኖዋ ፎር ሙጥጣአር ኢኖኮቴ ዮኦትሪዮቴይቭ ።
+\v 13 ቢያ ኧቯአ ሰቨ እንእ ኢጠራሁዋቴ ፤ዘንጋ ያርወዳ ቀረ ስን ተፓ ኧሸከቨ ሰቨ ጭን ኢተርፍኬ ።
+
+\v 14 ባኸረ ኤኤዲ አይሽር ኤኤር ኢጠግርካ ዘንጋ ትታሽታ ያረብብካ ሰቨ ኧቨስር ህም ግዚየ በይሁዳ ገኝ ባነውታ ቆቶዋ ኦኦም ኧደኦርዋ ።
+\v 15 በቢድ ፎር አንዳ ሰቨ አይረድ ፤ ንቭረድኋ ያዋአይ ቢድ ከስ አይግቫአ ።
+\v 16 ኧቹዳጃ ኧወረ ምስ ውጅርኋ ይቨዳይ ተዣቨይተ አያአ ።
+
+\v 17 በሃቀረ ኧውርኤትአርዋይ ያጥዋታብ ኢስቻ ኦሁነህና!
+\v 18 እመዳቭ በዘር አይኸረኸ ጠልዩዋ፤
+\v 19 አዎተረ ጎይታ ፍጥረት እንእ ተፈጠረወ ግዚየ ቆነሺታ ዋአካ ስን ፤አቸ ትእምቴ ኤሽተዊ አይሂሪአር ፥መከራ ይቫአኬ ።
+\v 20 ጎይታ ቀረኋ ባያቲኢርኮዋ አትዎኋ ባተነፈዳ ፥ኧሸፐተነዋ ሁኖዋ እሽሽፗቸኋ ቲይር ቀረ ሁኖዋ አቴኤረኖም ።
+
+\v 21 በሁ ግዚየ አትዎኋ ኡክ ክርስቶስ ዌእውዲ አነ »ቢይሁዋ ዌ ውኤዲ አነ ቢይሁዋ እናአመርሁዋ ።
+\v 22 ክርስቶስንረ ዩርታቪ ነቢምንረ ዩርታ ክዝበኝፕ ሰቭ ሜቶውዋታ ወግ ሜናቪ መርኸትቭ አቴሽተውዋታጎይታ ኧሸፐተነዋ ሰቨ ታይተርፍ ያድዋፑርቴ ።
+\v 23 እመኸ ኧኸሬ ተጠፖዋ ባሁ ቀረኋ ታይሰአ ኤኤድኩም ።
+
+\v 24 « ህም ግዚየ ተመከራ ሁዳ ቀጥወ እዋየ አይዋአካ ዋአናኋ ጠነቯ ይኸርኬ ፣ኧዳርቭ ዳናአ አይዋአካ ፤
+\v 25 ሆሆ ተሰቫይ ውረጅተዋ ይወዱኢዋቴ፤በሳቫይ አነውታ ፍጥረት ሻህ ሻህ ዩቴ »
+\v 26 ህም ግዚየኧሰቨ ትኸ በሩእ ደረግ ግርማቭ በዳቭራ ቲቫአካ ያዢዴ ።
+\v 27 መላአይካሞሀ በርቫአቸ አጋድ ሆይተዋታ ተአት አጋድ አአፈር ዳር ተሸተውዋታ ኧሳቫይ ዳር ስን ኧሸፐተነዋ ሁኖዋ ቁጥቁጥ ኢናአኼ ።
+
+\v 28 «መርኸትሞኋ ተቨለስ ተሟርዋ አጤኋ እዝር ቲዝራካካቭ ቲያፍረፍርካቭ አቫር ኧቫአኸ በሁዳ ቲሂርዋ ።
+\v 29 እመኸቭ አሁዋ ዋዳ እንእ ቲኸርካ ኢየሱስ ተዣቨይተ ይቫአወዳ ግዚየ ኧሰናመኸይ ወረጀ ኧገፓመኸ ኋርዋ ።
+
+\v 30 ኧውረመኛ እርሁዋ ዋሁኖዋ ቲሆርዋ ስን ኧዋ ዘቨር ሰቨ አይወድካ ።
+\v 31 ሰቫይ አፈር ያልፍቴ ቃርኛ ጭን አያአልፍካ ።
+\v 32 ዘንጋ ጭን ኧሀ ቀራአር ዌ ኧሀ ሰአታአር አቭ ጎይታ ባሃሬ ፥ኧሳቫይ መላአይካ ቢሆርዋ ፣ጌታ ኢየሱስ ቢኸር አትዎኋቭ አይሂርካ ።
+
+\v 33 ቀረኋ መቸ ኧኸረኸ አቲሂርዋይ ኧኸሬ ተጠፖዋ ተቋጠውም ኦሮዋ ፣ጠልዩዋ ።
+\v 34 እመዳቭ ቢድኋ ገፈረታ ኧሰቭ ገኝ ኧወረ ሰቨኢቨስር ፥ሁድ ኧቪድ አገልጋይኋ እንእ ሜና ሜናሁኖዋ ሻከደ አቨኖምታ ፣ኧዘበኝ ሁዳ ተቋጤቭተ ይኢየኸ ኤዘዘ ኧወረ ሰቨ ኢቨስር ።
+
+\v 35 እመኸ ኧኸረ ኧቪድ አቭ ሁዳ በኧዳር በግት ምሳአረ ዌ ኩታራ ቲሮእካ ኧህር ኢቫአወዳ ግዘየ አይሂሪ ኧኸሬ ተቆጦም ኦሮዋ ።
+\v 36 ኧጠነቃር ቲቫአካ በሬኤሁዋይ እምአዎሁዋ ።
+\v 37 አሁዋ ኢኢድሁዋታ ሁዳ እንእዎኋ ኢኢድኬ ፤ አሁም ተቆጦም ኦሮዋ ።
+
+\c 14
+\p
+\v 1 ኧይሁዳ ኧፋሲጋቪ ኧጠርወሸቭ ሙርአ ኢሰርአይ ውርኤት ቀረ ቲተርፍወዳ ኧካናት አላቃቪ ቂጫ አስተማሪቭ በተንኮል ጥጭቶ ዮኦትርኰዳ መያ ኢሱኡዋ ባነደ።
+\v 2 ዘንጋ ጭን «ሰቭ መራክስ አይረንሳኸ በውርአ ቀረ አይህር » ቧርም ያትዋቾዋ ባነደ።
+
+\v 3 . ኢየሱስ በቪታኒያ ደቨር በወተኧወ በስምኦኒ ቢድ ሸረድ ቲቨርአካ፥አት ምሽት ባአልባጥሮስ ብርቃጥ በሩድ ዋጋ ኢስሬዳ ኧናርዶስ ሽቶ ጠበጠች ማአች፤ብርዋጥቭ ሁዳ ሰፕብርብቸንታ ሽቶኋ በኢየሱሲ ጉንኧር ኬኬፈ ባረቸን።
+\v 4 በህም ኤኤዲ ተረፖሩዋ ሰቭ አታትሁኗ ምሽት ሂዳ ቤፐቸን ሜና ፥ሟአቾምታ ሁኖም ተሁኖም «ዋ ሽቶ ኧቭር እመኸ ቢስመ ኢንኤ;»ቧርም እዝሮኩዋ ባነደ።
+\v 5 ቢያስሬ ተሶኦስት በኧር ብር ኢረእካአርያዋአካናአር፤አሰየተዊታ ዋጋኋ አዚጋ ንሻኮጂዳ ቧርም ኧሽት ሂዳ ቆንጪያ።
+
+\v 6 . ኢየሱስ ጭን ቶኡያ ኧቭር ታጨንቁያ? ኢያ ወሄያአር ኤፐቸኒ።»
+\v 7 ኢየሱስ ዚጋ ሁኗ እንእ ግዝየ ታሁትኗ፤በሳረናሁዋ ግዝየ ተኧጉዥዮሴ፤ ኢያ ጭን እንእ ግዝየ ታሁዋ አነቭርካ።
+\v 8 ሂዳ ኢኸናዳ ሁዳ ኤፐች፤ታንዎድ በተረች ኧሪሳኛ ኢዋሺዳ ሽቶ ሟሸቸዪ።
+\v 9 «ኧውረመኛ ኢኢድሁዋ ዋ ወንጌል ኧሰቭ ቢኢጅኰዳ ኤኤዲ እንእ ዋ ሂዳ ኤፐችቸን ሜና ቲቴኤድና ኢረቭርኴ» ባረኖም።
+
+\v 10 . ተህም ቀጥወ ታአስረ ውርኤቸአት ሁዳ አአስቆሮንቱ ይሁዳ ኢየሱስ ኤኤተ ያአይፕሪ ኧካናት አላቃይ ወረ።
+\v 11 ሁኖም ዋዳ ቢሶኦዋ ሳረኖም፤ ፈራክቭ ኢዊ አድጌአሪ፤ሁድ ኢየሱስ ኤኤተ ያኤፕርወዳ መያ ኢሲእ ባነደ ። ኧጌታ ኧርቫድ
+
+\v 12 . ኧፋሲጋ ጣይ ቢያጭኰዳ በተርወሸ ሙርአ አወተራቸ ቀረ ፥ኧኢየሱሲ ተማሪ ኧሁዳይ ሞኦምታ «ኧፋሲጋ ኧርቫድ በኧቲ ንገክኔነከ?»ቧርም ተሳአሪ።
+\v 13 ሁድ ተተማሪኋ ኧውሬትሁኗ ከተማ ሆርሙታ ትንክየ ኧፌነገ ምስ ትኮውዋሴ ፤
+\v 14 ሁድ ተሆተሪ ቢድኋይ ጉኦምታ፥ ኧቪድ አቨቃጥ ሁዳ« አስተማሪ ተተማሪመኛ ኧፋሲጋ ኧርቫድ ኧቨርአወዳ ኤኤዲ ኧቴኤድኔ?»ባረናኸ ቧሪ ባረኖም።
+
+\v 15-16 ሁድ በፎቅ ፎር ኧጌኬሪ በተድ ኤኤዲ ያተሽሁዋሴ፤በሀይ ጎኩኒ»ባረኖም።ተማሪሞኋ ሁድ ኧቫረኖመኸ ከተማ አኖዳ ኤኤዲ ዎርምታ እንእአአር ኢየሱስ ኧቫረኖመ በኸሬ አሾም፤ኧፋሲጋቭ ኣርቫድ ጌኬርም።
+
+\v 17 አፈር በቨሸጋ ኢየሱስ ተአስረ ውርኤቸ ተማሪሞኋ ማአ።
+\v 18 ኧርቫድ ቲዎርኦም ታነውም ኢየሱስ «ኧውረመኛ ኢኢድሁዋ ታሁዋ ግት ቲያ እማቲ ኢበርአካ ሁዳ ኤኤተ ያኤፕሬዴ» ባረኖም።
+\v 19 ሁንኖም ተወተቹምታ እንዎሁኗ ኢያ ኧህርሴዪ? ኧዋርት ቆነሺ።
+
+\v 20 ኢየሱስ ጭን ተአስረ ውርኤቸማሁዋ አት ሁዳ ዋአካ ሸረድ ኢረሳይ ኧጅኋ ቲያ እማቲ ያወድካ ሁዳን» ባረኖም።
+\v 21 « ኧሰቭጥ ትከሽ ኧሁዳአር ኧጣᎉመኸ ኢዎድኴ፤ ኧሰቭ ትከ አዋአ ያኤፕርካ ሁዳ ጭን ግርድኋ ባይትፈጠር ኢፍዘኩ ባነደ» ባረ።
+
+\v 22 ቲዎርኧታቭ ጎይታ አሸኮረታ ዳቦኧ ፍረነቨታ ኧተማሪኋ «እኩ ዋዳ በሰርነኛ» ባረ አቨኖም።
+\v 23 ኢሰጪዳብ ሁዳ ነሳ በኧጅኋ ጠበጠ ጎይታ አትሸኮረታ ኧተማሪኋ አቨኖም፤ሁኖም እንእዎሁኖዋ ቴኤፖሪታ ሰጨዊ።
+\v 24 ሀአቨ ዋዳ ኖኦራ ሰቭ ኢተርፍዌ ኢትሁካ ኧወያ ጉርዳ ደብነኛ ፤
+\v 25 ኧውረመኛ ኢኢድሁዋ በጎይታ መንግስት ወያ ኧወይን ቡስር ኦኦሪ ትንሰጭ ስን ፥በዋቴ ተዋዳ አት አንሰጭካ » ባረኖም።
+
+\v 26-27 ተህም ቀጥወ መዝሙር ዘሞርም ታነዳ በደብረ ቆቶ ፈር ዎኦም። ኢየሱስ ጴጥሮስ ኢኸዳኰኸ በተረ ኤኤደ ኢየሱስ «ዜማቸ ኡዳ ኧደርኩዴ ጣይቭ ሁኗ ኢትውራጭቴ ቧርም ኧጣᎉመኸ እንእቫሁዋ ትሆጀኝዴ» ባረኖም።
+
+\v 28 . ተውንድ በትረሳሁ ቀጥወ ጭን ፣ብደይተኩዋ ገሊላ አርኴ ፤»ባረኖም።
+\v 29 ጴጥሮስ «ኧኛሁኗ ቢሆጀከ ኢያ ስርም አንኸዳኸዳ» ባ ረን።
+
+\v 30 . ኢየሱስቭ ኧጴጥሮስ «ኧውረምነኛ ኢኢድኸ ፣ኧውርኤተኘ ኩታራ ታይሮእ ሶኦስተጋ ትኸዳይዴ » ባረን።
+\v 31 ጴጥሮስ ኧኢየሱስ ታኸ እማቲ ኧዎድምር ባሀሬ ስርም አንኸዳኸዳ» ባረ ቲኢፍት ኢረእ አተፓ ዝሬኵ፤ ኧኢየሱሲ ተማሪ እንዎሁኗ ህመኸ ቧርም። ኢየሱስ በጌተሰማኒ የለየ
+
+\v 32 . ተህም ቀጥወ በጌተሰማኒ ፎር ኦንኦም፤በህሜ ኢየሱስ ኧተማሪኋ ፥« ኢያ በሄኤዲ ኧጠልይኴ አሁዋ ብእመኸ ኦክሹዋ» ባረኖም።
+\v 33 ጴጥሮስ ፣ያቆብቪ ዮሐንስቭ ጠበጠ ወረታ ቡሼኤኸ ኧትወጠጭትቪ ኧጠነቁትቭ ቀነሰ።
+\v 34 «ሉህኛቲዋአ ስን ተጨነቅሁ ብእመኸ ተቋጦም ኦሮዋ» ባረኖም።
+
+\v 35-36 ተሁኖም ቀሪያአር አረኧ ወረታ ፣ኢፍት ቲኢፍት ሀ ወቀሳኋ ኢፈካኸ « አቦኞ እንእአአር ኢኸነኸ ዋ ወቀሳ ተፎርኝ አፍካኒ፤» ዘንጋ ጭን አሄ ሙርአድ ኧህር ባሀሬ ኢያይ ሙርአድ አይህር» ባረ ጠሎት ኤፐ።
+
+\v 37 ተዠፐረ ቢቫአ ተማሪኋ በረኤዋ ኤኤዲ ነከቨኖም፤ ሁድ ስሞኦኖ ተገተርኸዪ? » እእማት ሳኣት ስን ተቁዋወይቶ ኦኦክሽት ኤመናኸዪ?» ባረ ተሳአረን።
+\v 38 «ፊትና አይሰርአዎሁዋኸ ተቁዋወርም ጠልይዋ፤መንፈስ ቅዱስ እንእ ግዝየ በቃንዢትን፤በሰር እንእ ግዝየ ቂጨኘን »ባረኖም።
+\v 39 ሀአቨ ወረታ ኢኢፍት ኧጠለየን ጠሎት ጠለየ።
+
+\v 40 . ኧውርኤተኘ ግዝየ ዊኢንድ ዊኢንድ ባረኖምታ፥በሬኤውዋ ኤኤዲ ነከቨኖም፤ሁኖም በዊኢንድ ቀርብሁኖዋ ሆርምታ ኢዝሮክታአር ባይሂርታ።
+\v 41 ኢየሱስ ኧሶኦስተኘ ማአታ«፥ዋአካ ስን ተገተርሁምታ ትታፎም አነሁዋ? በሽቴ ኢቃሴ ኧሰቭ ትከ ኧቫጢረተኘ ሰቭ ኤኤቶ ያኤፑርኰዳ ግዝየ ሰንአ።
+\v 42 ተሾዋ ንሆነ ፣ኤኤተ ያኤፕሬዳ ሁዳ ማአ፤»ባረኖም። ኢየሱስ ጠቦጪ
+
+\v 43 . ህመጋቲዝሬክ ታነ ታአስረ ውርኤቸ ተማሪ ተማሪኋ አት ሁዳ አስቆሮንቱ ይሁዳ ማአ፤ተካህን አላቃይ፣ ተውሴ ቂጫ አስተማሪሜዪ ተገኘ ባሪቅሜ ኧኬሸውዮዋ ኖኦራ ሰቭ ተህም ባነውተ።
+\v 44 አዋአ ያኤፕርኩዳ አስቆሮቱ ይሁዳቭ«አሁዋ ትጠጪ ትሱኢዳ ሁዳ ኢያ ኧሰኧኩዳ ሁዳን ተጥዋወቁም ጥጪ » ባረ በተረ መርኸት አቨኖም ባነደ።
+\v 45 ኧኢየሱሲ ተሰንአመኸ ህምተህም ኧኢየሱሲ ቴኤነቨታ« ባረ ሳአቨን።
+\v 46 ሰቭ ሁኖዋ ጠቦጩም አኮጂ።
+
+\v 47 በህም ኤኤዲ ተትሾኮውዋ ተኢየሱሲ የማሪ አት ሁዳ ሸታኋ አዋአታ ኧካህን አላቃይ ሜነኘ እንዝርኋ ጠነቨ አፈካነ።
+\v 48-50 ኢየሱስቭ «ሽፍጣ ትጠጭታአረኸ ሸታዪ ጉምአቭ ጠበጥሁም ማአሁሚእንእ ቀረ በቬተመቅደስ ታሁዋ ትነቭርካ አንጠበጥሁኝ ባነደ፤ኧዋሀአር ቲንኧታ ሁዳ መጣፍ ዩኩዳ ሁዳ ይኸኔ»ባረኖም።ሀ ግዝየ እንእዎሁኖዋ ቾኦዊ ዎሩም።
+
+\v 51-52 አት ዘርማ ምስ እንጭኋ ባያሪ ነተላ አማደታ ኢየሱስ ኢትሄተር ባነደ፤ኧህም ዘርማ ምስ ፣ሰቭ ሁኖዋ ኢጠጪ ቢዎኦዋ ፥ሁጅርኋ ቃሸታ ዋአ ወረ። ኢየሱስ በፍርድ ሸጎ ኢፍቲ
+
+\v 53 ኢየሱስ ኧሊቀ ካህኒ ወሰጂ፤በህሜ ኧካህን አላቃ፣ ኧገኘ ባሪቅቪ ኧቂጫ አስተማሪቭ እንእዎሁኖዋ በሀይ ተደሞጁም ባነደ።
+\v 54 ፔጥሮስ ኧኢየሱስ ኧሊቀ ካህኒ ወረጀ ስንተሄተረን ወረ፤በህሜኤዲ ተረፖሩዋ ሰቭ ትራኧረ ቸናታ እሳድ ኦወእኩ ባነዳ።
+
+\v 55 . ኧካህን አላቃቪ ኧፍርድቭ ሾንጎ ሁኖዋ እንእዎሁኖዋ ኧኢየሱስ ዮኦትሪ ዛር ኢኸርኮታ ሰቭ ኢሱኡዋ ባነደ።
+\v 56 ኖኦራ ሰቭ በኢየሱስ አአቫይ ዛር ቢኢጅኰ ቃርሁኗ ጭን አናቻፐረዳ።
+
+\v 57 አታትሁኗ ተረሾም አአቫይ ዛር ኤኤጅኰ፤
+\v 58 ዋ ሰቭ በሰቭ ኧጅ አረሸዊ ቤተመቅደስ ባሪተሁን፣፥በሶኦስት ቀረ ከስ በሰቭ ኧጅ አናረሽዊ ቤተ መቅደስአረሽኴ ባረ ቲዩርታ ሰምአነ፤»
+\v 59 ቢኸር ቃርሁኗ እማት አኸረንዳ።
+
+\v 60 . ኧካናት አላቃ ሁዳ ተረሳ ኧኢየሱስ ኢፍትኋይ ተሸከቨታ ፣«ዋ ሰብኢኢጅኰኰዳ ሁዳ ምርአፈድን? ኧቭር አድዠፐርካ?» ኧኢየሱስ ተሳአረን።
+\v 61 ኢየሱስ ጭን አታአር አንዠፐረነዳ፣ቁስ ባረን፤አኸ ኧጎይታ ትከ ክርስቶስንሄ? ባረ ተሳአረን።
+\v 62 ኢየሱስቭ «እከ ፤ኧሰብ ትከ በሩእ ጎይታ በቀነኋ በቸናይ ታዢዴ»ባረን።
+
+\v 63 . ኧካህን ዳኘ ሁዳ ሁጅርኋ ዠኧረ ቃሸታ ፣በዋቴ ምር ኧኛ ዛር ያትኬሸንረ?
+\v 64 እኩ ቂናቨኋ ሰምአሁም፤ባቴ ምር ኢቨስርሁዋ? ባረ ተሳአረኖም፤ ሁኖም ኡኡትሪ! ቧርም ብእማት አፍ ፎጅኰ።
+\v 65 ህም ግዝየ አታት ሰቭ ኢትፍ ዩኰ ባነደ፤ኤርሞኋ ጠቦጪታ በኧግርሁኗ ቲረጉኢ «ማንተን ኧረከኧናኸ እንዴ ሀር፤ዩሪ ባነደ፤አሽክርቭ ሁኗ ወኸድኋ ዮኦፌ ባነደ። ጴጥሮስ ኧኢየሱስ አንሂርኩዳ ባረ ኸታ
+
+\v 66-67 ጴጥሮስ በካህን ሁዳይ ቢድ ገዳጋድ ቦኡር ከሲ ተካህናት ዳኜ ኧቪድ ገረድ አት ሂዳ፣ ኧጴጥሮስ እሳድ ቲዎኡኩዳ ፣ኢኢፍትኋይ ማአች መኬኧ ባረች አሸቸንታ «አኸ ተናዝሬት ኢየሱስ እማቲ ባነኸደ » ባርረቸን፤
+\v 68 «ቲንዳ ሁዳ ኧኸረአአር አንሂርካ፤ »ባረ ኸታ፤ተህም ቀጥወ ከሲ ቸኧ ሰቻ አጋድ ዋአ።
+
+\v 69 ህም ኧቪድ ሜነኘ ገረድ ሀአቨች አሸቸንታ፥በሄኤዲ ኧትሸከውዋ «ዋ ምስ ተሁኗ ባነደ»ባረች ዝሬኬች።
+\v 70 ጴጥሮስ ጭን ሀአቨ ተኢየሱስ አነፐርኋ ባረ ኸታ፤ ቀሪመጋ ኤኬሺታ በሄኤዲ ኧትሸኮውዋ ሰቭ ኧፔጥሮስ አኸ ኧገሊላ ሰቭ በሁርታኸ ኧውረቭ ተሁተንኸ፤»ቧሪ።
+
+\v 71 ጴጥሮስ ጭን «ዋ አሁዋ ቱሪዳ ምስ ኢያ አቸ አንሂርኩዳ፤» ባረ ኧትርትቪ ኧትሰደውት ቀነሰ።
+\v 72 ህምትህም ኧውርኤተኘ ኩታራ ኖኧ፤ጴጥሮስ ፣እየሱስ ኧውርኤተኘ ኩታራ ተሮእትኋ ኢፍቲ ሶኦስተጋ ት ትኸዳትዴ ኧቫረን ቃር ተዘከደንታ ተቨተጠ ቤኵ።
+
+\c 15
+\p
+\v 1 ጋአት እረርኧ ኧካህን አላቃ፣ኧይሁዳ ባሪቅ፣ኧቂጫ አስተማሪቪ ኧፍርድ ሾጐቭ እማቲባትዋቾዋ ቀጥወ ኢየሱስ አኮጂታ ወሰጁም ኧጲላጦስ አዊ።
+\v 2 ጲላጦቭ «አኸ ኧይሁዳ ንጉስንሄ? » ባረ ተሳአረን ኢየሱስ «አኸ ኧቫኸምነኸ »ባረ ዠፐረነ።
+\v 3 ኧካህን አላቃቭ በሮኦራ ዘንጋ ኮሸሺ፤
+
+\v 4 . ጲላጦስቭ እሼ በሮኦራ ዘንግ ኮሸሽከ ኧቭር አትሄፕርካ?» ባረታ ሀአቨ ተሳአረን።
+\v 5 ኢየሱስ ጭን አታአር አንዠፐረነዳ፤ጲላጦስ ኢየሱስ ቁስ በዋርትኋ ወግ ኸረወ።
+
+\v 6 . በውርአ ቀረ ኧገኘኋ ሰቭ ጉፍኒ ኧቫረ አት ሰቭ ኢጎፍርኰዳ ቂጫ ባነኖተ።
+\v 7 በሽፍጥነድ ተፉቃቄርም ተረሾምታ ሰቭ ቶኦተሩዋ ሰቭ አአኮጂ አት በርባን ዩሪንዳ በርባን ዩሪንዳምስ ባነደ።
+\v 8 ኧገኘኋሰቭ ኧፒላጦሲ ሞኦምታ ኧዋ ኢፍቲ አርወሸኖመኸ አት ሰቭ እገፍኖዋይ ሳአሪ።
+
+\v 9-10 ጲላጦስቭ ኧካህን አላቃ ኢየሱስ በቅናት አዎኦም አኤፖሪኸ ኢሂር ኧረፐሬ ኧይሁዳ ንኩስ ንፍዳነሁዋ?»ባረ ተሳአረኖም።
+\v 11 ኧካህን አላቃ ጭን ኢየሱስ ኧታአገድታ በርባን ኧትፈዳ ባይቶ ኢሶኦሩዋኸ ሰቭ ንሻሾም።
+
+\v 12 ፒላጦስ ሀአቨታ «ኧይሁዳ ክኩስ ቱሪዳ ኢየሱስሁ ማኸ ነንአኩ?»ባረ ተሳአረኖም።
+\v 13 ሁኖም ሀአውምታ «ኧሆኖም ስእርኩ» ቧርም።
+
+\v 14 . ጲላጦስቭ ኧቭር ምር ባጢር ኤፐ? »ባረኖም፤ሁኗ ጭን«ስእርኩ» ቧርም ቲኢፍት ኢረእካአር አትኋኖም።
+\v 15 ጲላጦስቭ ሰቭ ሁኖዋ ያትሽሪ ቲይር በርባን ፈታንታ ገረፈ ዮኦትሪ አዋአ አቨኖም።
+
+\v 16 ወታደርቭ ፕራይቶሪዮን ዩሪንዳ ኧዳኘ ሁዳይ ወረጀ ወሰጂ፤ወታደርቭ እንእ ባአት ዶᎀጂዮም።
+\v 17 ተህም ቀጥወ ብሻ ሁጅር አሆተሪ፣ኧሶሁ ኮፊታ አጣወም ዶፈነ።
+\v 18 ተህም ቀጥወ «ኧይሁዳ ንኩሶ ወገሬት አኸ ኧህር» ቧርም አንጓጠጪ ፤
+
+\v 19 ጉነርሞኋ ባአር ደነጒ፣ኢምቧቍሞሁኗ ኦትፍ ቧኰታ ኢፍት ቲኢፍት ዎቶኡም ኧቅነጨ ስጋዳ ሰጎጅነ።
+\v 20-21 ባንጓጠጪቭ ቀጥወ ኢኢፍት አአሆትግሪ ብ|ሻ ሁጅር ሞንጪታ ሀአውም ኧገግኋይ ሁጅር አሆተሪ፤ተህም ቀጥወ ኢሶኡሪ ወሰጂ።. የሱስ ሶኦሪ. አአሌካአንድሮስሜዪ የሩፎስሜ አባ ስምኦን ዩሪንዳ ምስ ተገኜ ማአ ከተማ ቲጋአካ ተኮዊታ ኢየሱስ ኢሰኧርዌ ኧጠቦጪ መስቀር ፈንግ ቧርም በግርድ ጠቦጪታ አፌነጒ።
+
+\v 22 ኢየሱስቭ ጎልጎታ ዩሪዳ ኤኤዲ ወሰጂ ፤ጎልጎታቭ ኧዋርት ኧጉንኧር አእቭ ኧዋርትን።
+\v 23 ህሜ በሰንኦዋጋ ከርቤ ዩሪንዳ ኤኧ ውዘ ኡራኦሪ ወይን ኢሰጪ አዊ፤ ሁዳ ጭን አንሰጨዳ ባአይ ባረኖም።
+\v 24 ተህም ቀጥወ ሶኦሪ፤ሁጅርሞኋ ኧርጥ አተጉምታ ኢሰርአኮታ ኢሰርአኮታአር ተሻኮ።
+
+\v 25 ኧሶኦሪቭ እረርኧ በሶኦስት ሳአት ባነደ።
+\v 26-27 ኢየሱስ ኧይሁዳ ንጉስ ቧርም ጣᎉ ባነደ. ተሁድ እማቲ ውርኤት ሽፍጣ በቀነሞኋ በጉራሞኋ ሶኦሪዮም ባነደ።
+\v 28 ብእም ኧቫ አ በቨጣፍ ተሽጣ እማቲ ሶኦሪ ቧርም ኧጣᎉመኸ ኸረ።
+
+\v 29 መያቭ ያርታ ሰቭ ወግ ኸረዎምታ ጉንኧርሁኗ ቲያቁረቁሩዋ ኧቂናቭ ውርጅብኝ ቲያወችኰ ፥ኤቾሁ ቤተ መቅደስ ባሪተኸታ በሶኦስት ቀረ አኸትንሄ?
+\v 30 እንዴ ተበስቀር ፎር ውረድታ ሉሀኸ አትርፍ፤
+
+\v 31 ህመኸቭ ኧካህን አላቃቪ ኧጫ አስተማሪቭ በቅነጨ ሁኖም ተሁኖም «ቡችር ሰቪ አተነፈ ገግኋ አትርፉቲ ኤመን ፤
+\v 32 ዋ ክርስቶስ እእስራኤል ንኩስ ኧሽተነ ናአቭኔኰኸ እንዴ ተቨስቀር ኧረድ ዩሩዋ ባነደ፤ተሁድ እማቲ ኧሶኦሪዮዋ ሰቭ ህመኸ ኢቀሩዊ ባነደ። ኢየሱስ ሞደ
+
+\v 33 . ዋአና ተሶኦስት ሳአት ቆነሺታ ዢኧ ሳአት ስን ባአፈር ጠነቫ ወንደ።
+\v 34 ዢኧ ሳአት በኸረጋ ኢየሱስ «ኤሎሄ፣ ኤሎሄ ላማ ሰበቅታኒ?»ባረቃርኋ ነሳ ኮ ባረ፤ትርጉሞ፥አቦኞ ኧቭር ቸኧኸዪ ኧኧዋርትን።
+\v 35 በህም ኤኤዲ ተትሸኮውዋ ሰቭ አታትሁኗ ፣«ኤልያስንኢኸራካ ሁዳ »ቧርም።
+
+\v 36 ተህም ቀጥወ አት ምስ በወይን ኧጬፎዊ ስፖንጅ አንቌ በቫረ ወይን ጬፈንታ ባአር ሰከከ አቃኋይ አቴኤነውነ፤ተህም ምስ ሁዳ ቀጥወ ቶኢ እንዴ ኤልያስ ሜኤተ ያተርፍኰኸ ነዥነሴ» ባረ።
+\v 37 ኢየሱስ ቃርኋ ነሳ ኮ ባረታ ሉኋ ዋአ።
+\v 38 ተህም ቀጥወ በቬተ መቅደስ ኧዠነሪ መዘኔድ ቶᎈረ ቀነሰንታ ኧገዳኒየ ውርኤቲ ተትረተረ።
+
+\v 39 ኧኢየሱስ ኢፍቲ ኧትሸከቨ ኧረፐረ ኧቨኧር ወታደር አላቃ፥ኮባረታ ሉኋ ቲዋአካ አሸታ « ዋ ምስ ውረ ኧጎይታ ትከ ባነደ» ባረ።
+\v 40 እመዳ እንእ ቲቴፕካ እሽቻ በሮኢ ተሸከቫም ያዣ ባነደ፤ተህናም ግት ኧመግደላ ማርያም እንስ ያቆብቪ ኧኧዮሳሜ አዶድ ማርያም ሰሎሜቭ ተህም ባናተ።
+\v 41 ህናም በገሊላ ተሁዳ ወራም ያጌኪራይ ኧረፐራ እሽቻና፤ህመኸቭ ተሁድ እማቲ ኢየሩሳሌም ኧቫአ ኖኦራ እሽቻቭ ባናተ።
+
+\v 42 . አፈር መሸታ ሰምበት ኢጋአወዳ፣ኧሰንበት ኢኸርካአር ኢጌኪርኰዳ ግዝየ ሰንአ።
+\v 43 ህም ግዝየ ሰቭ እንእ ያኸብድኩ ኧረፐረቪ፣፥ኧጎይታቭ መንግስት ኢትጭማማ ኧረፐረ ዮስውፍ ዩሪዳ አአርማትያስ ገኘ ሰቭ ኧጲላጦሲ ማአታ፥ኧጲላጥስ ኧኢየሱሲ ኒሳ ሳአረን።
+\v 44 ጲላጦስቭ ዋኸ በፈኧር ኧዎደኸ ቢሰቭአ ወግ ኸረወ።ኧቨቶ ወታደር ኸናታ ፥«ተዎደ ምርአህር ግዝየ ኸረ?» ባረ ተሳአረን።
+
+\v 45 . ኧዎደመኸ ተቨኧር ወታደሪ አላቃ ባጬገጋ ኧኢየሱሲ ኒሳ ኧዮሴፍ አቨን።
+\v 46 ዮሴፍ ጋቢ ስየታ ኧኢየሱሲ ኒሳ ከፈነንታትእቭር ባጣወሪ ቀብር ከስ አወናን፤ተህም ቀጥወ ኧቀብር ሁዳይ አንቃኋእቭር አቫአ ኤፈን።
+\v 47 ህም ግዝየ ኧመግደላ ማርያምቪ ኧዪሴፍሜ አዶድ ማርያም ኧኢየሱሲ ኒሳ ኧቴኤዲ ያወሬኸ ያዣ ባነደ።
+
+\c 16
+\p
+\v 1 . ኧሰምበት ምረጋ መግደላዊት ማርያም፣ኧያቆብሜ አዶድ ማርያምቪ ሰሎሜቭ ኧኢየሱሲ ኒሳ ያረዝቫኴ ሽቶ ስራቫም።
+\v 2 ውርሰንበት እረርኧ አየድ ተዋአመኸ ኢየሱስ ኤኬኰ ᎀገማይ ቲያራም ታና ፤
+
+\v 3 እቭር ሁዳ ማን አከቭሪተ ያፈካንረዴ? ባራም ህናም ተህናም ኢዝረካ ባነደ።
+\v 4 ህመኸ ተቫራ ቀጥወ መመርህና ነሻም ቢያዣ፣ኧኢየሱሲ ቀብር ኤኤᎈኰ ኑኡየ እቭር ክቨነረ በፈካ ኤኤዲ ነከባዪ።
+
+\v 5 ኧቀብር ሁዳ ከሲ ገፓመኸ፥ ጓድ ሁጅር ኧትኸተረ ዘርማ ምስ አሻምታ ደነኧናም።
+\v 6 ሁዳ ጭን አይድረእሀ አሀ ትስአይዳ ኧናዝሬት ኢየሱስ ኧኸረኸ ሀርሁ፤ሁዳ ተውንድ ተረሳ ዌኤዲ ኤነዳ፤እኩ ኒሳሞኋ ኧዌኮኰ ቀብር ዋዳን ኧዣይ»ባረና።
+\v 7 ዘንጋ ጭን ኧዋ ኢፍቲ ኤኤደናሁዋመኸ ብደይተናሁዋ ገሊላ ያርኴ ባሀይ ቶዢሴ ባራም አውጃዮዋ » ባረኖም።
+
+\v 8 ህናም ቲይረኧድካሚ ወግ ቲኸርቫም ሴካም ተቀብር ከስ ዋአም፤ፈኛምቭታ አሻይ ዘንጋ አአትዎኋ አኔኤጃታ።
+
+\v 9 ተውንድ ተትረሳ ቀጥወ ሰንበት ምረጋ ሳቭአት ሼጣን አዋአና ኧመግደላ ማርያም አሸቸን።
+\v 10 ሂድ ኢኢፍት ተሂዳ ኧረፖሩዋ ሰቪ ወረችታ ተወጠጩም ቲዎሁታ አሸቸኖም ፤ኧሁኖም ኢየሱስ ተውንድ ተረሳታ አሸቸነኸ ኤኤደቸኖም።
+\v 11 ሁኖዋ ጭን አናአሞሪያዳ።
+
+\v 12 ተህም ቀጥወ ተከተማ ዎኦም ኧኛይ ያሩዋ ኧረፖሩዋ ኧውሬት ተማሪኋ ተረከቨኖም።
+\v 13 ሁኖም ተዠፖርም ዎርምታ ኢየሱስ አሸዊኸ ኧኧኛ ተማሪኋ ኤኤጂዮም፤ኧሁኖም አናአሞሪዮታ።
+
+\v 14 ተህም ቀጥወ ኢየሱስ አአስረ ውርኤቸ ተማሪኋ ሸረድ ቲወርኧታ ማአ ተራከቨኖም።አናአሞሩዋሜዪ ሂሞሁኖዋ አቶፖዋይ ማአቸዎም።
+\v 15 « አሁዋ ባአለም እንእ ዞውሩዋ እም ወንጌል ኣሰቭ እንእ አዉጁዋ።»
+\v 16 አአመረቪ ኧጠመቀቭ ሰቭ ኢተርፍ፤ አናአመረ ሰቭ ጭን ኢትፈንድወ፤
+
+\v 17 አአሞሩዋ ሁኖዋ ዋ መርኸት ያሽቴ፥በሱውኛ ሼጣን ያዎኦቴ፣ባይሂሪቭ ቃር ኢዝረኩቴ፤
+\v 18 ኧሳአር ጭረ በኧጅሁኗ ኢጠጭቴ ፣የኧትርካቭ መርዝ ቢሰጩዋቭ አየኧትርኮታ፣ኧጅሞሁኖዋ በጮረኗ ሰቭ ፎር ያድጉቴ ፣ሁኖም አፍያ ኢሆርቴ።»
+
+\v 19 ጌታ ኢየሱስ ዋዳ ቤኤደኖዋ ቀጥወ ኧሳቫዪ ዋአታ በጎይታ በቀነ አጋድኋ ቸና።
+\v 20 ተህም ቀጥወ ዦርምታ ኧሰቭ እንእ ወንጌል ኤኤጁም፤ጎይታቭ ተሁኖዋ እማቲ ዬቭ ባነደ፤ወግ ሜነ ዬኰዳ ደረግ ኢኮምታ ቃርኋ ውረአአር ኧኸረኸ ያጪግ ባነደ።

43-LUK.usfm

@@ -0,0 +1,1681 @@
+\id LUK
+\ide UTF-8
+\h Luke
+\toc1 Luke
+\toc2 Luke
+\toc3 luk
+\mt Luke
+
+\c 1
+\p
+\v 1 ቢና ግት ኧቴፖዉዋ ዘንጋ ኢኢድካ ታሪክ ተዋ ኢፍቲ ኖኦራሁኖዋ ጣፉም።
+\v 2 እም ታሪክ ኢና አሰንኧንረ ቲኢፍት ቆኖሹምታ ቤእርሁኖዋ አሸዊም ኧሁድሜ ቃርኋ ኢኢጁዋ ኧረፖሩዋ ሁኖተ ።
+\v 3 ኧትከበርኸ ቴዎፍሎሶ እመኸ ኢያ ቲኢፍት ቀረ ቀነስሁ እንእ አአር ቴጬፐሁ በሃርሁ ቀጥወ ታሪክኋ እንእ አጋ ባአጋ ኧጠፍነሄ ወሄ አአር መሰረ ተረከቨዪ።
+\v 4 እመዳ ኧዋርትና ኧትማርኸን ትምርት ኧዉረ አአር ኧኸረኸ ቲሂርኲ ትንቭርን፣
+
+\v 5 በይሁዳ ገኘ በንጉስ ሄሮድስ ዘቨር ታአቢያ እማትሜ ቲያጌኪሩዋ ተሮፖሩዋ ካህን አት ሁዳ ዘካሪያስ ዩሪዳ ምስ ባንደ ፤ምሽትሞኋ አአሮን ጥቭ ባነቸ ፤ሹቩመሻ ኤልሳቤጥ ዩሪያ ባንደ፤
+\v 6 ዉርኤቸመሁኖዋ በጎይታ ኢፍቲ ጥርር ሰቭ ባኖዉተ ፤አትአር አመር ታይረቭርዎዋ ኧጎይታ እዝዝሞሏ ቂጫሞኋ እንእንይኡሮታ አአር ባኖዉተ ።
+\v 7 ኤልሳቤጥ ዠገቫ ኧረፐረቺ ኧኸሬ ዉርኤቸመሁኖዋ ዴንጋ ታዪኢኙም ቡሼኧኸ ጎነዡም ባንደ ።
+
+\v 8 በህም ግዚየ በካህንነድ ያጌኪሩዋይ ተቬሻሞኋ ኧቤተ መቅደስ ሜና አጋሁኖዋ ባንደ ፤ብእም ሁዳ በጎይታ ኢፍቲ ኣካህንነድ ሜናኋ ዬቭ ባንደ።
+\v 9 ካህን ዬዉዋመኸ ኢጣን ኢተክሲ ኧርጥ ኧሰንአዌ ኧኸሬ ኧጎይታ ቤተመቅደስ ገፓ ባንደ።
+\v 10 በቤተ መቅደስ ከስ ኢጣንቲቶኩሺዳሰቭ እንእ በወረጀ ኢትሸከቭታ ኧጎይታይ ጠሎት ዬቭ ባንደ።
+
+\v 11 ኧጎይታ መላአይካ ቢረድድካ ኢጣን በቀነ አጋድ ተሸከቨታ ኧዘካሪያስ ተረከቨን ።
+\v 12 ዘካሪያስ መላአይካ ሁዳ ቢያዥኩ ድሪእት ኧደነኧኒ ፈኘ ።
+\v 13 መላአይካቭ ሁዳ «ዘካሪያሶ አትፍሬ አሎታኸ ተሰምነኸ ምሽትማኸ ኤልሳቤጥ ኧች ቲኢኝነኸዴ፤ ሹቩሞኋ ዮሐንስ ትኩቭዴ ።
+
+\v 14 እም ኧች በቶኦኝኋ አኸ ሳይተናኸ ትትቭራነእኬ ፤ኖኦራቭ ሰቭ ሁዳ በቶኦኝትኋ ኢሽርኩዴ።
+\v 15 ሁድቭ በጎይታ ኢፍቲ ኑኡየ ሰቭ ኢኸርኬ፤ያሰህርካ ዌይን ዌ ኤኛአአር ያሰህርካ አአር አይሰጭካ ባአዶድኋ ከስ ታነ ኧጎይታ መንፈስ ቅዱስ ኢትቬንአኬ ።
+
+\v 16 ሁድቭ ትእስራኤል ሰቭ ኖኦራሁኖዋ ኧጎይታ አምላክሁኖዋይ ኢዠፕርኮቴ ፤
+\v 17 በመፈስቭ በደረግቭ ኧነቢ ኤሊያሰኸሂንተ በጎይታ ኢፍቲ ያርኬ ፤ አአቦሁኖዋይ ሂን ኧዴንጋ ሁኖዋይ አይታአዘዡዋ ሰቪ ሂን ኧፃድቃን ኧኋርተኸ ኢዠፕርኬ ሰቭ ኧጎይታ ያጔኲሩዋኸ ዬቭኬ»ባረን።
+
+\v 18 ዘካሪያስ ኧመላአይካ ሁዳ «ዋ ዘንጋ ኧዉረ አአር ኧኸረኸ በቭር ኧሃርሴ? ኢያ ባሪቅንሁ ምሽትመኛ ገነዘች » ባረን ።
+\v 19 መላአይካ ሁዳ ዠፐረታ «ኢያ በጎይታ ኢፍቲ ኧትከቭካ መላአይካ ገብሬኤልንሁ፤ዋ ወሄ ዋራይ ኢኢድሄ ኬሸዉኝታ ማአሁ።
+\v 20 እኩ አኸ ግዚየኋ ቲሰርአካ ኸርካ አአር ብኒኢድኸ አናአመርኸዪ ኧኸሬ በዋ ኧቫአ ዋኤኤድከ ዘንጋ በግዚየኋ ቲኸር ስን አኸ ዲዳ ትኸርኬ ኧዞጉት አይኸነኸዳ »ባረን።
+
+\v 21 ኽም ግዚየ ሰቭ እንእ ዘካሪያስ በጎይታ ቤተ መቅደስ ቲዋአ ስን ዩኡሮይ ባንደ ፤ዋ ምስ ተቭር አቴረ ቧርሙታ ወግ ኸረዎም ።
+\v 22 ዘካሪይ ተቤተ መቅደስ ቲዋአካ ተሰቭ ሁኖዋ ቤኤመንጋ ህም ግዚየ ሁዳ በጎይታ ቤ መቅደስ ከስ አት ዘንጋ ኧታሸነኸ ኋርሙ ፤ሁድቭ በኧጅኋ ያቲሽኮዋ ባንደ ፤ህመኸቭ ዲዳ ኸርታ ነፐረ።
+\v 23 ዘካሪያስ በጎይታ ቤተመቀደስ ሜናኋ በጀፐረ ቀጥወ ቢድኋይ ወረ ።
+
+\v 24 ተቀሪ ቀረ ቀጥወ ምሽትኋ ኤልሳቤጥ ዉርኤት አርዋ ኸረች አምእስት በኘ ስን ተቪሻ አቧአቻ።
+\v 25 ሂዳ «ጎይታ በወሄነድኋ አሸ ዋ ወሄ ዘንጋ ኤፐኒ ቅነጨመኛ ተሰቭ ግት አፈካኒ ባረች ።
+
+\v 26 ኤልሳቤጥ ዉርኤት አር በኸረች በስድስ በኘሻ መላአይካ ገብሬኤል ናዝሪት ዩዉሪዳ ኧገሊላ ከተማ ያረኸ ጎይታ ኬሸን።
+\v 27 ጎይታ ኧማሪያም ዩሪያዳ አአት ኣዘየ ገረዲ ኬሸን ሂዳ ኣዳዊት ጥቭ ኧኸረ ዮሴፍ ዩሪዳ ምሲ ፈቸዊያ ባንደ ።
+\v 28 መላአይካ ገብሬኤል ኧማሪያሚ ማአታ «አሻ ጎታ ኧዳረናሽ ወገሬት አሻ ኧህር ጎይታ ታሽትን [አሻ ትሽቻ ግት እንእ ኧትዳርሽዋታንሽዋ አአር ] ባረና ።
+\v 29 ሂድቭ በኤደና ቃር ቡሼኧኸኧደነኧናይ ኧኸሬ ዋዳ ኣኧተኸ ወጌምትን ይህርሴ?»ባረችታ አጫመጠች።
+
+\v 30 ገብሬኤልቭ ኧማሪያም «በጎይታ ኢፍቲ ኧትረመድሽዋይ ኧኸሬ እፈኘሽዋ ፤
+\v 31 አሽቭ ዉርኤት አርዋ ትኸይቴ ኣኧች ወንድቭ ቲኢኝዋቴ ሹቭሞኋ ኢየሱስ ትቪዴ፤
+\v 32 ሁዳ ኑእ ኢኸርኬ ኧኑኡየ ኧጎያ ኧች ይዉሪዴ ግጎይታቭ አአቦኋኧዳዊት ዙፋን ኧሁዳ ኢኩዴ ።
+\v 33 ብእስራኤል ሰቭ ኧዘላለም ኢረግስኬ ፤መንግስትሞኋ አያርእካ ኧዘለምን ባረና ።
+
+\v 34 ማሪያምቭ ኧገብሬኤል «ምስ አሰንአቪ ዘየንሁ ኧተኸ ኢኢኝኬ?» ባረቸን።
+\v 35 ገሬኤል ዠፐረታ «መንፈስ ቅዱስ ባሻ ኢቫአኬ ኑኡየ ኧኸረ ኧይታ ደረግቭ ባሻኢኸርኬ ፤በዋ ኧቫአ ባሻ ኢቴኤኝካ ትከ ቅዱስ ኧጎይታኧች ዩሪዴ ።
+
+\v 36 ዶቦማሽ ኤልሳቤጥ በግርዝና ኧች ቲኢኝኬ ሂዳ ዠገቫ ዩዉሪያ ባንደ ዋአካ ርኤት አርዋ በኸረች ስድስት በኘነሻ።
+\v 37 ኧጎይታ «ኢኢምኩዳ አአር አታ አአር ኤንዳ »ባረንና።
+\v 38 ማሪያምቭ «ኢያ ኧጎይታ ባሪያንሁ አኸ ኧቫኸኸ ኧህርኒ»ባረቸን።
+
+\v 39 ማሪያም ህም ግዚየ ኤኤልሳቤጥ ታዥካይ ተረሳችታ ይሁዳ ዩሪዳ ገኘ ቆቶ አኖዳ ከተማ አፍጣጠረች ወረች ።
+\v 40 ኧዘካሪያሲ ኢድ ገፓችታ ኤኤልሳቤጥ አዝራይከቸና ።
+\v 41 ኤልሳቤጥ ኧማሪያሚ ቃር[ወጌምት] ተሰምአችመኸ በከስሻ ኧረፐረ ትከ ዘከረ። ቤኤልሳቤጥቭ መንፈስ ቅዱስ ሜንአቫ ።
+
+\v 42 ኤልሳቤጥ ቃርሻ ነሳችታ ኧማሪያም አሻ ትእሽቻ ግት እንእ ኢረእካአአር ጎይታ ዳረናሽ ኧከስማሽ ትከ ጎይታ ዳረን ።
+\v 43 ሁድምሏ ኧጎይታኛይ አዶድ ኢያይ ትቫአካአአህር ኢያ ማደንሁ?
+\v 44 ኧወጌምትሻ ቃር ብእንዝርኛ ተሰምአሁመኸ ኧከስኛ ትከ በከስኛ ሳረን ዘከረ ።
+\v 45 ጎይታ ኧዝሬከን አአር ዬቨኸ አአመርሽዋይ ኧትዳርሽዋታንሹዋ አአር ባረቸና።
+
+\v 46 ማሪያም ፤  በቩርአ ሂንኛ ኧጎይታኛ አኸብድኩ፤
+\v 47 ኢያቭ ቡኡዛኛ ጎይታኛ ኖኦራአአር ኢሽሬ፤
+
+\v 48 ጎይታኛ ኢያ ኧቫሪያኋ እንስነድኛ አሸዪ፤ተዋቴ ኧሰቭ ጥቭ እንዳም ጎይታ ኧትዳረችዳኒያ አአር ይቭሬዴ፤
+\v 49 ኑኡየ ደረግ አነንዳ ጎይታ ፤ ቢያ ኑእ ዘንጋ ኤፐ። ሹብሞኋ ተሹዉ እንእ ቦፎረን።
+
+\v 50 ጎይታ ኢፎርታ ሰቭ ፤ ጎይታ እንእ ግየ ኢቨርኮዋ ።
+\v 51 ጎይታ በገግኋ ደረግ ፤ ኑኡየ ዘንጋ ኤፐ ፤ ቲቢትሞሁኖዋ ተሂሞሁኖዋ አሳብ አጫሞጪ ሁዳ ጎይታ ብራጨዎም ።
+
+\v 52 ዳኘ ኧረፖሩዋ ሁኖዋ ፤ ተዙፋንሁኖዋ አወንደኖም ፤ ንሲየኖዋ አአር ኧሪዮዋ ሁኖዋ ጎይታ ነሳኖም።
+\v 53 ኧጋደኖዋ ኖዋ ፤ በወሄ አአር አአፎኖም፤ ደንገኘሁኖዋ ጭን፤ ጠረረ ኧጅሁኖዋ ጔከደኖም።
+
+\v 54 እዜር አአቦንራ ፤ አአብራሃምቪ ኧዘርሞኋ ኧዝሬይከመኸ ፤ ኧዘላለም ፈነኸ ።ባረች
+\v 55
+
+\v 56 ማሪያም ሶኦስት በኘ ስነጋ ተኤልሳቤጥ እማቲ በቸናች ቀጥወ ቢድሻይ ወረች ።
+\v 57 ኤልሳቤጥ ቲኢኝወዳ ቀረ ሰንአታ ኧኧች ወንድ ኤኘች ።
+\v 58 ወነኸመሻዪ ዶቦመሻ ጎይታ በፋራይህነድኋ ኤፐና ሜና ሶምኦምታ ተሂዳ ሳረኖምታ ኧሽኩርት ተዶሞጁም ።
+
+\v 59 ትከ ሁዳ ቤኤኘዊ በሱዉት ቀረኋ ዘገር ያጎኦዪ ተዶሞጁም ፤ባአቦሞኋ ሹዉ ዘካሪያስ ዩዉሪ ሴኤዉም ባንደ።
+\v 60 አዶድሞኋ አይኸርካ ዮሐንስ ቧሪ ባረች ።
+\v 61 ሁኖም «ተዶባሽ በዋ ሹቭ ኦሆኖይ አአር ኤንዳ »ቧሪያ።
+
+\v 62 አቦሞኋ ዲዳ ኧኸሬ ኧኸሬ ማን ኧዋሪ ቲዩሩዋ በኧጅሁኖ ዋቋቆሹም ተሳአሪ ።
+\v 63 ወረቀት ሳአረታ «ሹቩኋ ዮሐንስ ባረታ ጣፈ ፤እንእመሁኖዋ ወግ ኸረዎም።
+
+\v 64 ህመጋ ዲዳ ኧረፐረ ዘካሪያስ ዳታኋ ተከፈደ አነቨድሞኋ ተፈታ ኧጎይታቭ ሽኩር ቲቭር ዝሬከ ።
+\v 65 ኧቃያ ሰቭ እንእ ተቭራኮጉምታ ወግ ኸረዎም እም ዘንጋ በቆቶዊየ በይሁዳ ገኘ እንእ ተሰምአ ።
+\v 66 ኧሰምኦዋ ሰቭ እንእ«አካ ዋ ትከ ምር ኢህርሴ? ቧርሙ በሂንሁኖዋ ያትዋኖዋ ባንደ ።ኧጎይታ ደረግ ተትከ ሁዳ እማትሜ ባንደ።
+
+\v 67 ኧዮሐንሲ አቦ ዘካሪያስ በመንፈስ ቅዱስ ደረግ ኸረታ ዋኸ ባረታ ትንቢትብ ዝሬከ።
+\v 68 እእስራኤል እግዜር ሽኩር ኧስርአኩ ሰቭኋ አሸታ ቴተገኖም ።
+
+\v 69-70 ተድረ ቆነሹምታ ኧረፖሩዋ እእግዜር ቃርኋ ኤኤጁዋ በሸፐተኖዋ ነቢ ኤኤደኸ ጎይታ በአገልጋይኋ በዳዊት ጥቭ ያተርፊ ደረግ አነነዳ አአር ነሳንረ ።
+\v 71 ያተርፈንረዳቭ ሁዳ ተጠላትመንራዪ ታይረምደንረቭ ሰብ ኧጅን።
+
+\v 72-73 እመኸ ኤፐ ሁዳ አአቦንራ ምረት ኤኬ ባረ ኧዝሬከንኸ አአቦንራ አአብራሃም ኧገፓን ጉርዳ በዙጉጅትን።
+\v 74-75 እም ኡርዳ ኧገፓንረ ፤ ኢና ተጠላት ኧጅ ነጣ አዋአንረ ፤ ታንፈኝነ ኧሁዳ ናጌኪርነኔ ፤ እመኸ ብነቭርኔኮዳ ዘቨር እንእ ፤ በጎይታ ኢፍቲ በጥርርነድ ፤ በፅድቅ[በቩጭርነድ] ንረቭርነነኸ ።
+
+\v 76 አኸ ትኮ ኧሩኡየ እግዜር ነቢ ዩቩኮዴ ፤ መያሞኋ ቲጔኲሪ ኢኢፍት ኢኢፍትኋይ ታርኬ ።
+\v 77 እመዳ ኧዋርት ጎይታ ሰቭኋ በቫጢርሁኖዋ አፉ ባይተ ያተርፍኮኸ ቲኢድኮቴ
+
+\v 78 እመዳ ኧዋርት ጎይታንራ ኢቨርካ ሚራ ኧኸሬ ኢተርፍዳ ኧጋአቶᎀ ኡዋየ ተሳቫዪ ኢዋአንረኸዪንአኬ ።
+\v 79 ኡዋየቭ ሁዳ በጠነቫዪ በቩድ ጥራር ኧቸኖዋ ሁኖዋ ያትረክቭኮቴ ። ኢናቭ በወሄነድ መያ ናርነኸ ያቲሸንረዴ ባረ።
+
+\v 80 ትከቭሁዳ ተራኧታ በጎይታ መንፈስ ተቁሟሞረታ ሜናሞኋ እእስራኤል ሰቭ ቲያትሄር ስን በቨረሃ ነፐረ።
+
+\c 2
+\p
+\v 1 ዘበር አእለም ሰቭ እንሹሓ ያጠፍማዩ ኢትቨዘርሜ ኧኧሮማ ንጉስ አጉስጦስ ቄሳር አዘዘ፡፡
+\v 2 እም አአወተራቸ ኧሰቭ ምዝር ኧጣፊ ቀሬኔዮስ ኧሶሪያ ገኘ ዳኘ ታነን፡፡
+\v 3 ብእም ኧቫአ ሰብ እን ኧገግ ገግኌይ ሹዉ ያጠፊ ኧቴኤፕወ ገኘ ወረም፡፡
+
+\v 4 ኧዳዊት ዘር ኧኸሬ በገሊላ አውራዳ ተናዝሬት ከተማ ተረሳታ ቤቴልኼም ዩሪንዳ ዳዊት ኧቴኤፕወ ከተማ ወረ::
+\v 5 ኢጠፍሜ ኧወረ ተፈቸና ሚሬት አርዋ ተኸረች ተቫሪያም እማቴ ባነዶ›፡፡
+
+\v 6 ኽሜ ቤቴልኼምቭ ታኖም ቲኢኝወዳ ቀረሻ ሰናአ፡፡
+\v 7 ኧቨኽር ኧችሻ ኤኘችን፤ ኧቫዘነድ ታፎይወዳ ኤኤዲ ትከሻ በጨርቅ ጥቫነረች ባሬእ ጋአድር ገተረችን፡፡
+
+\v 8 ገኘ በኧዳር ኧሬኹና ቲወኦሩዋ በኸብር ኢሩኡዋ ኧረፖሩዋ ዜማንቸ ባነወርተ፡፡
+\v 9 ኧጐይታ ክብር በዙሪያኹኖዋ እእዋየኸ አበራ፤ ኹኖም ቡሼኤኽ ፈኞም፡፡
+
+\v 10 ኹዳ ዋኻ ባረኖም ‹አትፍረወ ዋ ኧሰቭ እን ኢኸርካ ኑእ ኢሽርካ ዋራይ ኢኢድኹዋይ ማአኹ፡፡
+\v 11 በዳዊት ከተማ ያተርፍካ ሕድ ገታ ክርስቶስ ቴኤፕነኢኹም፡፡
+\v 12 መርኸት ኢኸርኹዌይ ትከ በጨርቅ ጥዋነርም በጋአድር በጐተሪ ትንከውሴ::
+
+\v 13 ኹዳ እማቴ ኖኦራ ኧሳማይ ኧኞ መላይአይካ ኧጠነቃር ሞኦምታኘ
+\v 14 በፎሬ በሰማይ ኧጐይታ ኧኽር፡፡ ሽኛት በአፈር ፎር ጐይታ ኧረመዶኖዋ ሰቭ እን ኧኽር›› ጐይታ አትሽኮም ቧረንም::
+
+\v 15 መላእይካ ኹኖዋ ተኽኖዋ ተዋይተርም ኧሳማይንየ በምኦዋ ቀጥወ ዜማንቸነ ኽኖዋ ኽኖም ተኽኖም ‹‹ዋ ጐይታ አቴሸንረ ኧቴፐ ወግ ዘንጋ ናዥኔ ቤቴልኼም ዩሪንዳ ከተማይ ንኾነ ተቬርም፡፡
+\v 16 ኽመጋ ካች ቧርም ዎርም፤ በኽሜ ማሪያምቪ ዮሴፍ ትከቭኹድ ባሬኤ ጋአድር በድገተረ ኤኤዲ ነኮዊ፡፡
+
+\v 17 ቀጥወ መላአይካ ኹዳ እትከ ኹዳ አአር ኤኤደኖዋ ሁዳ እማት እማት ኮፎጁሙ እንእ ሰቭ ኤኤጁም፡፡
+\v 18 እመዳ ኧሰምኦዋ ሰቭ እንእ ዜማቸ ኹኖዋ በኤጂዋ ዘንጋ ወግ ኹረዎም፡፡
+\v 19 ማሪያም ጭን ዋ ዘንጋ እንእ በኺንሻ አወናች ትእየኩ ባነደ፡፡
+\v 20 ዜማቸ ኽኖዋ መላአይካ ኤኤጂዮመኸ ኸረታ አሸዉዋይ በሰሙኦዪቢ ባሸዊ ዘንጋ እን ጐይታ ሽኩር ቧርም ቲያኸብጂ ተዠፖርም፡፡
+
+\v 21 ትከ ኹድ በቴኤፐ በሱዉንት ቀረኋ ዘገር ቢያጐኤዳ ቀረ ኢየሱስ ቧርም ሹቭ አወኖነ፡፡ እመዳ በአዶድኋ ከስ ታይቸና ሹወኋ ኢየሱስ ቧሪ ባረ ፤ኧጐይታ መላአይካ ኤኤደባ፡፡
+
+\v 22 ጐይታ ኧሙሴ ባቨን ቂጫ ‹‹ኢቴኝካ ኧኧች ወንድ እንእ ኧጐይታ ኧቨጠረ አአር ኧኽር›› ባረ ጣፈ ባነደ፡፡
+\v 23-24 በኽም ኧቫአ ኧሙሴ ቂጫ ኤኤዝዝመኻ ኤቮጥርኰዳ ግዝየ ቲሰርአካ ኢየሱስ ኧጐይታ ዉርኤት ኧዉናር ጭዋጩየ ዌ ዉርኤት ቲቲኰ ኧኽትቭ እትንውት አነዎኸ ኢኢድ ኧረፐሬ ኧኸሬ ኽኖም አቴኤኖም፡፡
+
+\v 25 ኽም ግዝየ በኢየሩሳሌም ከተማ አት ሱምኦን ዩሪዳ ምስ ባነደ፡፡ኧጐይታ ኧትገዛ ጥርር ሰቭ ባነደ፤ መንፈስ ቅዱስ በኹዳ ባነደ፡፡ እም ምስ እእስራኤል ሰቭ ኢተርፉኮዳ ተስፋ ይእየ ባነደ፡፡
+\v 26 ኹድቭ እግዜረ ኤኬሽነሁዋቴ ኧቫረ «ክርስቶስ» ታያዥ አይዎደኸ መንፈስ ቅዱስ ኤኤደን ባነደ፡፡
+
+\v 27 ኽም ግዝየ ስምኦን በመንፈስ ተንሳሳታ ቤተመቅደስ ከስ ገፓ ማሪያሚ ዩሴፍ ኧሙሴ ቂጫ ይቭርመኻ ትከ ኢየሱስ ቤተመቅደስ ከስ አጐፖዪ::
+\v 28 ስምኦን ትከኹዳ ቴኤፐረ ኤኤፈንታ ጐይታ ቲያትሸኩር
+\v 29 ‹‹ጐይቶ በቃራኸ ኧዝሬከኼመኸ ባሬያኸ በዎኼነድ አስራፕቴ›› ባረ፡፡
+
+\v 30-31 እኩ ሰቭ እን ኤተርፉዌ እንኸኖዋ ኹዳ በኤርኛ አሸኹ፡፡
+\v 32 ሁድቭ አአረማዊ ሰቭ እንእ ኧጐይታ መያ ያቲሸኮታ እዋየነኹኖዋ ኧሰቭማኸ እእስራኤል ክብርን፡፡
+
+\v 33 ዩሴፍቭ ማሪም ኧትከ ኹዳ አአር በኤጅነ ዘንጋ ወግ ኸረዎም፡፡
+\v 34 ስምኦን ዳረኖምታ አአዶድኋ ኧማረያም ዋኸ ባረና፡፡‹‹በእስራኤል በዋ ትከ ኧቫአ ኖኦራ ሰቭ ኢተርፍኬ ኖኦራቭ ሰቭ ኢወድእኬ እመዳ ኧጣፊ ኹዳ በኢየሱስ ሙጥጥ አአር ቢኢጅኮዳ ኹኖዋ መርኸት ኢኸርዎኔ፤
+\v 35 ብእም ኧቫአ በሮኦራ ሰቭ ኺን እነዳ ኧደኧረ አሳብ ሰቻ ኢዋአኴ አሻይ ኺን ኻ ግዝየ ኧዊንኧድ ሰይፍ ዊገተን ኢዋአኬ፡፡
+
+\v 36 በኽም ግዝየ አአሴር ጥቭ ኧፋኑኤል ገረድ ኻና ዩሪያዳ ነቢ ባነች፡፡ ኺድቭ ቡሼኧኸ ገነዘች ባነደ፤ ታዎቼያ ግዚየ ቀነሰችታ ተቭስሻ እማቲ ሳቭአት ዘቨር በረፐረች ቀጥወ ምስሻ ሞደና፡፡
+\v 37-38 ተኽም ቀጥወ ሱዉራዪ አርቭአት ዘቨር ቲኸርካ ስን ተቬተመቅደስ ታድጋፈር ዋእና ተምሳአረ ትጦምቪ ትጠልይቭ ጐይታ ታገክር ባነደ፡፡ በኽም ግዝየ ተኤነቨችታ ጐይታ አኸበደች፡ኧትከኹዳአር ኢተርፍኮዳ ተስፋ ዩኡሮዋ ኧረፖሩዋ ኧኢየሩሳሌም ሰቭ እንን ኧትክ ሁዳ አአር ቲኢድኮዋ ባነደ፡፡
+
+\v 39 ዮሴፍ ተማሪያም ጐይታ አቫረኖዋ ቂጫ እን በጀፖረዋ ቀጥወ ገሊላ ቢዩሪዳ ገኘ አነደ ኧናዝሬት ከተማኹኖዋይ ተዠፖሮም ዎርም፡፡
+\v 40 ትከ ኹዳ ተራኧ ተፓቭ፤ ኖኦራ ኻሪ ኸረ ኧጐይታቭ ጠጋ ተኹዳ ባነደ፡፡
+
+\v 41 ማሪያሚ ዮሴፍ ኧኽርቭ ኽርቭ ኧፋሲካ ሙርአ ኢየሩሳሌም ከተማ ያሩዋ ባነደ፤
+\v 42 ኢየሱስ አአስረ ዉርኤት ዘቨር ትከ ቲኸርኩዳ ኧገኘኹኖዋ ቂጫመኻ በኽርቭ ሙራኹኖዋ ቀረ ኢየሩሳሌም ከተማ ዎርም፡፡
+\v 43 ኧሙርአ ቀረኹኖዋ ጆፖርም ቲትዠፖርታ እም ትከ ኢየሱስ በኽሜ በኢየሩሳሌም ከተማ ኤኬስ ባነደ፡፡ ዮሴፍቪ አዶድሞኻ አኋሩዋ ባነደ፡፡
+\v 44 ተኽኖዋ እማቲ አነዳ አአር መሰረኖምታ ታይኺሩም አአት ቀረ መያ ዎርም፡፡ ተኻ ቀጥወ ጭን በደቦምኹኖዋዪ በራማጂሞኹኖዋ ሰቭ ግት ሴኤዊ፡፡
+
+\v 45 በዎ ኮሪ ቀጥወ ቲሱኢ የሩሳሌም ከተማ ተዦፖርም፡፡
+\v 46 በዎኮሪ በሶኦስት ቀጥወ በአስተማሪ ግት ቸናታ ቲሰቭአኮታዪ መትሳእየ ቲትሳአርኮታ በቤተመቅደስ ከስ ነከዊ፤
+\v 47 ቲዝሬካ ኧሰሙኤ ሰቭ እን በዎስርት ሞኻዪ በዠፐረኖም መልስ ወግ ኸረዎም፡፡
+
+\v 48 አቭ ታአዶድሞኻ ቢያዢ ወግ ኸረዎምታ አዶድሞኋ ትከኞ ኧቭር ዋኸ ተጮድኸቨንረ አባማኸዪ ኢያ ተጨነቅነታ አኸ ትንሲኢነ ባነነደዳ ባረቸን፡፡
+\v 49 ኢየሱስ ኧቭር ሴኤኹኝ? ‹‹ባአባኛይ በጐይታ ቢድ አኹርት አነቪኸ አንኻሩዎታዌ? ባረኖም፡፡
+\v 50 ኹኖዋ ጭን ኧቫረኖዋ ኹዳ አቤሶርታ፡፡
+
+\v 51 ተኽም ቀጥወ ተኽኖም እማቲ ናዝሬት ዪሪዳ ከተማ ወረ፡፡ ኹድ ኽኖዋ ኧዋሪያአር እንእ ኦክያ ዪቭኮዋባ፡፡ በኽም ግዝየ አዶድኋ ዋ ኢኸርካ ዘንጋ እንእ በኺንሻ አወናች ትእየኩ ባነደ፡፡
+\v 52 ኢየሱስ ኧኋርትሞኋዪ ኧዎስርትሞኻዪ፤ ጉፓሞኋ በጐይታዩ በሰቭ ኢፍቲ፤ ቲደቭር ያር ባነደ፡፡
+
+\c 3
+\p
+\v 1 ንጉስ ጢባረዮስ ቀሳር በረገሰ በአስራ አምስት ዘቭኋ ጳንጥዮስ ጴላጦስ ኧይኹዳ ገኝ ዳኝ ባንደ፡፡ ኼሮድስ ኧገሊላ ገኝ ኧሰሞኋ ፊሊጶስ ኧኢጡረያ የኤጡራኮኒይ ገኝ ለሲኒየስም የአቤለን ገኝ ዳኝ ባነውት፡፡
+\v 2 ቀያፋ ኧካኻን አለቃ ታነዋ በኽም ግዚየ ኧጐይታ ቃር በበረኻ አነደ ኧዘካሪያስ ኧቺ ኧዩኻንሲ ማአ፡፡
+
+\v 3 ኧነቢዩ ኢሳያስ መጣፍ ኧዮኻኒሳአር
+
+\v 4 ‹‹ኧጐይታ መያ ገከርዋ
+
+\v 5 ኧየሞኋ ኧቨና ቆቶሞኋይ አኝቨ እንእ ደፍ ኧቫር፤
+\v 6 ሰቨ እንእ ኧገይታ አትርፎት ያዥኬ ቲይር አት ሰቨ በበረኻ አዋጅ ይኬ›› ቧርሙ ጣፊይ፡፡ በኽም ኧቫአ ዮኻንሲ ዮርዳኖስ በዙሪያኋ ባነደ ገኝ እንእ ዦረታ ‹‹አፍ ይኮዋይ በጔይታ ኢፍቲ ዘንጉም ኦሞታ ተጠመቁዋ›› ባረታ ዮኻንስ ያትመር ባንደ፡፡
+
+\v 7 ኧጅ ይጠሞቁዋይ ኧዎኦዋ ሰቨ ኹነዋ ዋኸ ይኮዋ ባንደ፤ አኹዋ ኧሰርጭረ ዴንጋ ተቫአካ ተጔይታ በላአ ትሴኹዋኧ ማን መከረናኹም?
+
+\v 8 ተዋ ባጢር በቼኤኹዋ ወኼ ወኼ ሜና ኦኖም አቶሱዋ ባኸሬ በኺናኹዋ ኢና አአብራኻም ዴንጋንረ ባይተኹዋ አትጋጌዥዋ ኧዝዋ እንኽኹዋታአር ቢረብር ጔይታ ተዋ እቨር አአብራኻም ዴንጋ ኧኝተ ይረሳኔ ይኸነ፡፡
+
+\v 9 ጊንዞኦ በአታንክርት ሚዬ አወኖይ ወኼ ወማ አያፎይ አታክርት እንእ ኤጭተዊታ በእሳድ ይሜኪረዴ›› ባረኖም፡፡
+
+\v 10 ኹነዋ ‹‹እኽ ባቴ ምር ነናነ?›› ቧርምታ ኧዩኻኒስ ተሳኦር፡፡
+\v 11 ዩኻንስቨ ኹሬት ውጅር አነንዳ ኤነን ኹዳ ኦሸግድኩ ሸረድ አነንዳ ሸረድ ኤነን ኹዳ አቨ›› ባረኖም፡፡
+
+\v 12 ያጭታ ሰቨ ኧኹዳይ ይጠሞቁዋይ ሞኦምታ አስተማሪዮ ኤናኹ ምር ነናነ? ቧሪ፡፡
+\v 13 ተኤዠዥኩዋ በፎር ይነካአር ኦቶኦወርዋ›› ባረኖም፡፡
+
+\v 14 ኹነዋ ‹‹ኢናኩ ምር ነናነ?›› ቧሪ፤ ኹዳ ‹‹ኧሟኒሞይ ደሞዝ ኧቃኹዋ›› ባረኖም፡፡
+
+\v 15 ዘመር ሰቭ እንእ ይሟኦኬ ኧዋሪ ክርስቶስ ይእርዋ ኧረፐሬ በኺንኽነዋ ያጫምጩዋ ባንደ፡፡
+\v 16 ዩኻኒስ እንሞኽነዋ ዋኸ ቲይር ዠፐረኖም ‹‹ኢያ በእኻ አጠምቅኹኋ ቢኸር ቲያ ኢኡ ቲያ ኖራኦር ይባአር ይሟአኬ ኢያ ኧኹዳይ ኧጫማኋ ከር ሽን ኧፈዳይ ኧሰናኋአር ሰቭ አኸርኻ ኹዳሽ በመንፈሽ ቅዱሽ ብእሳድ ያጠምቅኹዋሴ፤
+
+\v 17 በአውድ ሙርት ተገልባኻ ይቫትሪ ቤኒያ በእጅኻ ጠበጠ ባጦነረ ቀጥወ ሙሪትኋ በገየ ገለባኋ ባየኧፋ በእሳድ ይኸራኩዴ ባረኖም››
+
+\v 18 ኧሰቭ ኹነዋ ኤንኖኦራ ምኽር ይመኸርኮዋ ወንጌል ይኢድኮዋ ባንደ፡፡
+\v 19 ገኘ ኑጉስ ኧነፐረ ኼሮድስ ኧኧስምኋ ኧፊሊጶስ ሚሽት ኼሮዲያድ አገፓና ባነደ፡፡ በዋ ኤሟኤ አኘ ሙጥጥ ዘንጋ ኤፐይ ዩኻንስ ማአቸወ ኧኼሮድስ ታአፋ ባራታ ይዝሬኩ ባንደ፡፡
+\v 20 ብእም ኦሟአሮ በኤኛአር ታአፋ ይኩይ ኧረፐሬ አኸሬ ዩኻንስ አቴገደን፡፡
+
+\v 21 እንእ በጠመቀ ቀጥወ ኢየሱስ ተጠመቀ ኢየሱስ ጠሎት ቲያቨ ታነ ሳሟይ ተከፈደ፡፡
+\v 22 ቅዱስ በቡናር ምስር ኸረታ በኹዳ ፎርንደ፤ በኽም ግዚየ ተሰሟይ ‹‹ኧረምድኾዳ ትከኛ አኸትንኸ ባኸ ይሽሬ›› ይካ ቃር ተሰሟይ ተሰሟ፡፡
+
+\v 23-24 አስተሙርትኋ ቲቀርስካ እድሜኋ ሳሳ ዘመር ባንደ፤ ኧሰቨ ኹነዋ ኢየሱስ ኧዮሴፍ ትከ ኢሲኧማቲ ትከን ማቲ ኧለዊ ትከን ሌዊ፣ኧሚሊኪ ትከን ሚሊኪ፣ ኧዮና ትከን፤ ዮና ኧዮሴፍ ትከን ዮሴፍ ኧማተቲያ ትከን
+
+\v 25 ማቲቲያስ ኧአምደ ትከን አምድ ኧናኾም ትከን፤ ናኾም ኧኢሲሌም ትከን፣ ኤሲሌም ኧናጌ ትከን፤
+\v 26 ናጌ ኧማት ትከን፤ ማት ኧማቲቲያስ ትከን፤ ማቲዮ ኧሴሚ ትከን፤ ሴሚይ ኧዮሴፍ ትከን፤ ዮሴፍ ኧዮዳ ትከን፤
+
+\v 27 ዮዳ ኧዮና ትከን፤ ዮና ኧሬስ ትከን፤ ሬስ ኧዚርባኤል ትከን፤ ዘርባኤል ኧሰላትያል ትከን፤ ሰላትያል ኧኔሪ ትከን፤
+\v 28 ኔሪ ኧሚሊኪ ትከን፤ ሚሊኪ ኧኻዲ ትከን፤ ኻዲ ኧቆሳም ትከን፤ ቆሳም ኧአልማደም ትከን፤ አልማደም ኧኤር ትከን፤ ኤር ኧየሱ ትከን፤
+\v 29 ኢያሱ ኧኤሊኤዛር ትከን፤ ኤሊኤዛር ኧዮረም ትከን፤ ዮረም ኧማጣት ትከን፤ ማጣት ኧሊዊ ትከን፤
+
+\v 30 ለዊ ኧሰሞን ትከን፤ ሰምኦን ኧይኹዳ ትከን፤ ይኹዳ ኧዮሴፍ ትከን፤ ዮሴፍ ኧዮናም ትከን፤ ዮናም ኧኤሊያቄም ትከን፤
+\v 31 ኤሊያቄም ኧሚሊያ ትከን፤ ሚሊያ ኧማይና ትከን፤ ማይና ኧማጣታ ትከን፤ ማጣታ ኧናታን ትከን፤ ናታን ኧዳዊት ትከን፤
+\v 32 ዳዊት ኧእሰይ ትከን፤ እሰይ ኧኦቤድ ትከን፤ ኦቢድ ኧቦኤዝ ትከን፤ ቦኤዝ ኧሳላ ትከን፤ ሳላ ኧነአሶ ትከን፤
+
+\v 33 ነአሳ ኧአሚናዳብ ትከን፤ አሚናዳብ ኧአድሚን ትከን፤ አድሚን ኧአርአን ትከን፤ አርኒን ኧኤስሮን ትከን፤ ኤስሮን ኧፋሬስ ትከን፤ ፋሬስ ኧይኹዳ ትከን፤
+\v 34 ይኹዳ ኧያቆብ ትከን፤ ያቆብ ኧይሳቅ ትከን፤ ይሳቅ ኧአብራኻም ትከን፤ አብራኻም ኧታራ ትከን፣ ታራ ኧናኮር ትከን፤
+\v 35 ናኮር ኧሴሮኽ ትከን፤ ሴሮኽ ኧሩይ ትከን፤ ኧሩይ ኧፋልቅ ትከን፤ ፋልቅ ኧአቤር ትከን፤ አቤር ኧሼላ ትከን፤ ሼላ ኧቃይናን ትከን፣
+
+\v 36 ቃይናን ኧአርፋክስድ ትከን፤ አርፋክስድ ኧሴም ትከን፤ ሴም ኧኖኽ ትከን፤ ኖኽ ኧላሚኽ ትከን፤
+\v 37 ላሜኽ ኧማቱሳላ ትከን፤ ማቱሳላ ኧኼኖክ ትከን፤ ኼኖክ ኧያሬድ ትከን፤ ያሬድ ኧመላኤል ትከን፤ መላልኤል ኧቃይናን ትከን፤
+\v 38 ቃይናን ኧኼናስ ትከን፤ ኼናስ ኧሴት ትከን፤ ሴት ኧአዳም ትከን፤ አዳም የጔይታ ትከን ዮርዋ ባንደ፡፡
+
+\c 4
+\p
+\v 1 በመንፈስ ቅዱስ ተቬንአታ ተዮርዳኖስ በር ተትዠፐረመኻ መንፈስ ቅዱስ ነሳ በረኻ ወሰደን፡፡
+\v 2 አርዋ ቃር ሴጣን ፈተነን በኽመጣካ ቀረ እንእ ሸረድ አቸ አምበናዳ፤ ራርወአ ቀረ ቀጥወቭ ደን፣
+
+\v 3 ኢኢየሱስ ‹‹እንዴ አኸ አውረ እእግዜር ትከ በኸር አዋ አውር ሸረድ ኽር ባር ኦዝዝኩ ባረን፤
+\v 4 ‹‹ሰብ በእግዜር ቃር እንእ ባንኸሬ እማት በሸረድ አይረቭርካ ቧርም ጣፉይ›› ባረን፡፡
+
+\v 5 ኻአወ ኢኢየሱስ በአት በዴካ ቆቶ ፎር አዋአንታ አአለም መንግስት እንእ ኧጠነቃር አቴሸን፣
+\v 6 ‹‹እም ዳኝነድ ኑኡነደመኽነዋ እንእ ኢያ ኧቴወዬ አኸሬ ኧሳሬ ሰው ኢዊ ኢኸኒ
+\v 7 ኧኸሬ በስገድኸኒ አኸ ይኽርሴ›› ባረን፡
+
+\v 8 ‹‹/እእግዜር ኧጐይታኸ ሽግድ እማት ኧኹዳ ተገዛ ቧርም ጣፉይ ባረ ዠፐረነ፡፡
+
+\v 9-11 ሴጣን ኻአወ ኢየሩሳሌም ከተማ ወሰደን፤ በቤተመቅደስ ዊዲ አዋአ አሽከወንታ ‹‹/አኸ ይኡረዋይ እግዜር መላአይካኋ የኧዝዝንኸሴ ኧግርማኸ እምር አይጀከኸኧ በአጅኹነዋ ይተኧወርከሴ ቧርሙ ጣፉይ አካ አኸ እእግዜር ትከ በኸርኸ ተዋዳ ኧገደንየ ዝገር ውረጅ›› ባረን፡፡
+
+\v 12 ኢየሱስ ዠፐረ ‹‹ኧጐይታ አምላካኸ አትፍታተንኩ ቧርሙ ጣፎይ›› ባረ ዥፐረነ፡፡
+\v 13 ሴጣንቭ ኢኢየሱስ በሮኦራ አእር ተፈተነን ቀጥወ ኧግዚየኋ ቼኤን ወረ፡፡ ኢየሱስ በገሊላ ገኘ አትምርት ኧቀነስኸ
+
+\v 14 ኢየሱስ ኧመንፈስ ቅዱስ ደረግ ሜናወታ ኻኢወ ገሊላ ገኘ ተዠፐረ ወረ ኧኹድቦ ትእነድ በገሊላ ዙርያ ባነወቲ ገኘ እንእ ተስምኦ
+\v 15 ኹድብ አይኹድ ቢደሞጅኮዳ ቢድ ያትመርኮዋ ባነደ፡፡ ሰው እንእቭ አኸዳኋ ዩአድነ ባነደ፡፡
+
+\v 16 ተኽም ቀጥወ አተራኧወ ገኘ ናዝሬት ወረ ኤኤኛ ግዝየመኧ በውርሰበት ቀረ አይኹድ ይደሞጅኮዳ ቢድ ገፓ መጣፍ ያረብቢ ተረሳ ተሸከወ፤
+\v 17 ኧነቢ ኢሳያስ መጣፍ አዊ፤ መጣፍ ኹዳ ቢከፍትኩ
+
+\v 18 ››እግዜር መንፈስ ቢያ አነ፤ ኧዚጋ እእግዜር ቃር ወኼ ዋራይ ኢኢድኮዋይ ሸፐተዮ፤ ኧታኦኮጅዋ ኹነዋ ኢትፎችዋኸ፤ አፎጩም ኹነዋ ያዥዋኸ ኧኢድኮዋይ ኧትጨቆኑዋ ኹነዋ ነጣ አዋአ
+\v 19 እግዜር ሰብኋ ያተርፍወዳ ግዝኒ ኧሰንአኸ አትኼሪ ኬሽ፡- ቧርሙ አጣፍኰ ኤኤዲ ነከበ አረበበ፡፡
+
+\v 20 ተኽም ቀጥወ መጣፍኹዳ አፍ ያጌክርካ ምስ ኹዳ አቨንታ ወርቸና በኽመኽ ኧረፐረዋ ሰብ እንእ መኬኧ ቧርምሙታ ያዢ ባነደ፤
+\v 21 ኢየሱስ ‹‹ኧኳ በዋ መጣፍ በእዝራኹዋ አሰምአኹይመኻ ውረም ኸረ›› ባረኖም፡፡
+\v 22 ኹኖም እንእወኹነዋ አኹዳ ወኼነድ ኢኢጁዋ ባነደ ቢዝሬ ኩዳ ታአፉኋ ቢዋአካ አጠጋ ቃር አትረሳ ወግ ኸረዎምታ ‹‹ዋዳ ኧዮሴፍሼ ትከ አኻራ? ይውርዋ ባነደ፡፡
+
+\v 23 ኢየሱስቨ ‹‹ኡኡዛ ምሶ እንዴ ገጋኸ አትርፍ ዩሪዳ›› ሟሟከሻ ታዎኦካ ታዎኦኮ ኮኘኸ ኧኺር፡፡ በቅፍርናኾም ከተማ ኤፐኸን ኧሰምአኔ እንእ ዘንጋ ብእም በገጋኸ ገኘ ኧንአ አተሽ ትውርኝዴ
+\v 24 አውረመኛ እውርኹዋ ቤኤሌያስ ዘመር ሶአት ዘመር ተስድስት በኘ ዳር ዲያ አናተጌ በአርዳኋ እንእ ትእ ጋጀ ኸረ፡፡
+
+\v 25 በኽም ግዝየ ብእስሬኤል ገኘ ኖኦራ ዎዊት እሽቻ ባናተ፤
+\v 26 ዘጋኻ ጭን ኤልያስ በሲዶና ገኘ በስራፕታ አነቻ ምሽቺ ኬሽዊ ባኸሬ አትመኽናይ አቦረዳ፡፡
+\v 27 በነቢ በኤልሳእ ዘመርኸ በእስራኤል ኧደራ በአሸ እጠበጦኋ ኖኦራ ሰብ ባነውታ፤ዘጋኋ ጭን ኦሶርያ ገኘ ንእማን ባንኸሬ ተኹነዋ አትወኹነዋ ተዋአሸኹነዋ አፍያ አኾርታ ባረኖም፡፡
+
+\v 28 አይኹድ ቢደምጅኮዳ ቢድ አረፖርዋ ሰብ እንእ ዋ ዘንጋ ቢስውኦም ቢኢየሱስ ቡሼኧኸ ማአችውኮ፤
+\v 29 ተቸኖኩ ኤኤዲ ተረሸወምታ ተከተማኋ ሳቻ ጋድ ሻውም አዎኑዮ፤ በኸየው አርኪ ከተማኹነዋ አረሸወኰ ቆቶ አፉይ ወሰጂ፤
+\v 30 ኢየሱስ ጭን ተግትኹነዋ ወረ፡፡
+
+\v 31 ኢየሱስ በኽሜ በገሊላ ገኘ አነዳ ቅፍርናኾም ከተማ ወረ፤ በኽሜ በሰንበት ቀረ ኖኦራ ሰቭ ያትመር ባነደ፤
+\v 32 ያትመርኮም አረፐረ ደኝነድ አነንዳ ሰቨኸ አጬገታ አረፐሬ ኧኸሬ ትምርትኋ ወግ ኸረዎም፡፡
+
+\v 33 አይኹድ ቢደሞጅኮዳ ቢድው ሴጣን አጠበጠን ምስ ባነደ፡፡ ኹድብ በኑኡየ ቃር አኸናታ
+\v 34 ኢዮ ኧናዝሬት ኢየሱስ አኸ ቲና ምር ያትራክቨንረ ታአፋንሬ ማአኸዮ? አኸ ማን ኧኸርኸኸ ኧኺርኸሽ፡፡ አኸ እእግዜሪ ቅዱስንኸሽ ባረ ኮ ባረ፡፡
+
+\v 35 ኢየሱስቭ ኧሴጣን ኹዳ ቁስ ባር ግፍርኩታ ኾር ባረ አጥራቆረን ሴጣን አምስ ኹዳ አታአር ታይጐዳኩ ቃሸንታ ገፈረን ወረ፡፡
+\v 36 ስቨኹነዋ እንመኹነዋ ወግ ኸረዎምታ ገግተገግመኹነዋ ዋ ዘንጋ ምርአፎድን በንእ ዳኝነድቭ ደረግ ኧሴጣን ዩኢዝዝ ሴጣንኹነዋ አዎኦም ቧርሙታ ዝሬኮም፤
+\v 37 ኢኢየሱስ ትእነድ በኻአ ባነከዳ ገኘ ዙርያ እንእ ተሰምአ
+
+\v 38 ኢየሱስ አይኹድ ቲደምጅኮዳ ቢድ ዋአታ ኧስምኦኒ ቢድ ገፓ አስምኦንሜ አማችወድ ምስየሻ ሜከረች ቡሼአኸቭ ኤመናባ ኽመኽ ኧኸረሜ ኢኢየሱስ አፍያ የንአካኸ ኋአሪ፤
+\v 39 ኢየሱስቭ በኢፍትሻይ ተሸከወታ ባአሸ ኹዳ ኢገፍርካአ ኤዘዘንቭ ባአሸኸ ኹዳ ኽመጋ ገፈረና ኺድቭ ኽምተኽም ተረሳችታ አዋይረቸኖም፡፡
+
+\v 40 አፈር ቲመሽካ በኖኦራ ባአሸ አጠበጭዋ ኢዋአሺየ ሰው እንእ ኧኹዳይ ጠቦጩም አዎኦም፤ ኹዳቭ በአጋአጋ ብእንወኹነዋ ፎር ኦጅኋ አተገዎምታ አፍያ ኤኖም፡፡
+\v 41 ሴጣንው ‹‹አኸ እእግዜር ትከንኸ›› ቧርሙ ኮ ቲዮርዋ ተሮኦራ ሰብ ኢዎኦዋ ባነደ፡፡ ኹዳ ጭን አጥራቆርኖም ክስቶስቭ አኾርኾ ኦኋርዋ ኧረፐሬ አኸሬ አታአር ኢዝረኪዋይ ኸንአኖም፡፡
+
+\v 42-43 አፈር ጋእ ቲይውካቭ ኢየሱስ አትሰዉ ኤነወ ኤኤዲ ወረ ሰቭ ኹነዋ ኢሲኡይ ባነደ፡፡ ኹድብ አሮዳ ኤኤድ ምኑም በረከዊመጋቭ ቴእተኸንረ አትኾር ቧርሙታነደ ሳኦሪ ኹዳ ጭን ‹‹እእግዜር ኧመንግስትኋ ቃር አኢዲ እግዜር ኬሽ ተኽም ኧትረሳ ኤኛቭ ከተማ ኾይተኹ አአውጅቶ አነቢ ባረኖም፡፡ 
+\v 44 ኹድብ በዩኹዳ ገኘ አይኹድ ቢደሞጅኮዳ ቢድ እንእ ዦረታ እእግዜር ቃር አአውጅት ቀነሰ፡፡
+
+\c 5
+\p
+\v 1 ቀረ ኢየሱስ በጌንሳሬጥ ባር መሬ ተሸከቨ ኧጐይታ ቃር ቲያትመርካ ኢሰውኤ ኧረፓሩዋ ሰቭ ቃርኋ ኢሰውኦዋይ ኧኹዳ ያትጫብቂ ባነደ፡፡
+\v 2 ግዝየ ኢየሱስ ባቫር ምሬ ኧሸኮውዋ ውርኤት ጀልባ አሸ፤ አሳ ተቫር ያዎአታ ሰቭ ጭን ሰቻይ ዎኦምታ አሳ ይጠጭኮዳ መረብኹኗ ያኹዋ ባነደ፡፡
+\v 3 በስምኦኒ ጀልባ ገፓታ ኧስምኦን ‹‹ዋ ጀልባ በቫር ፎር ቀሪያአር ተኻይ ሽቅቅ አንአኒ›› ባረን፤ ተኽም ቀጥወ በጀልባ ኹዳ ፎር ቸናታ ሰቭ ኹኖዋ አስተሙርት ቀነሰ፤
+
+\v 4 አትመረ በጀፐረጋ ኧስሞኦን ‹‹ጀልባኹዳ እወእካ ኤኤዲ ውስድታ አሳ ታምኦዋይ መረባኹዋ በቫር ፎር ዝራጐዋ›› ባረን፡፡
+\v 5 ‹‹አስተማሪዮ ኧዳርኋ እንእ ትንቂጥነ ኔኤነታ እማት አሳ አጠበጥነዳ አኸ በቫኸጋ ጭን በረብኛ ንዝራጋኩ›› ባረንም፤
+\v 6 ኧቫረኖመኻ መረብኹኖዋ በዝራኮዋካ መረብኽኗ ቲትረተር ዳር ኖኦራ አሳ ጠቦጩም፡፡
+\v 7 ግዝየ በኧኛ ጀልባ ኧረፖሩዋ ቤሻኹኖዋ ሜኤቶ ያአጉዥዮዋኸ በኧጀኹኗ ቋቆሹም ኾኔዮም፡፡ ኹኖም ሞኦምታ ውሬች ጀልባ እኻ ቲወእኮዋ ዳር በአሳ ጠቦጩም፡፡
+
+\v 8 ጴጥሮስ ዋአዳ አሳ እን ቢያዥ በእግርኋይ ወተኧታ ኧኢየሱስ ‹‹ጐይታኞ ኢያ ባጢረተኘንኹ ኢያይ አተኧነቭ›› ባረን፡፡
+\v 9 ኧኢየሱስ ዋኸ ኧባረ ኹዳ ኹድቪ ተኹድ አረፓሩዋ ሰቭ በጠቦጪ ኖኦራ አሳ ወግ ኸረዎም ታነዳን፤
+\v 10 ኦቦገዳ ኧረፖሩዋ ኧዘብዲዎሲ ዴንጋ ያቆብቪ ዩኻንስ ወግ ኸረዎም፡፡ ኢየሱስ ኧሰምን ‹‹እንፈኘኸ አሳ ተቫር ታዋአ ኧረፐረመኻ ተዋቀጥወ ሰቭ በሹውኛ ተቫጢር መያ ታዋአኬ›› ባረን፡፡
+\v 11 ጀልባኹኖዋ ኧቫር ሞሬ አትሸብዊታ እንአርኹኗዋ ቾኦም ኢኢየሱስ ተኼተሪ፡፡
+
+\v 12 ቀረ ኢየሱስ በአት ከተማ ታነ በኽሜ አት ኧደራ ባአሸ ኧወተኧወ ምስ በኽሜ ከተማ ባነደ፡፡ እም ምስ ኧኢየሱስ ቢያዥኩ በእግረኋይ ወተኧታ ጔታኞ ቢሽርኸ አፍያ ቲንአዪ ኢኸንኸ ባረ ሳአረን፡፡
+\v 13 ኧድኋ ዝራካ ሙሻሸንታ ኢያ ኢሽሬ አፍያ ኽር›› ባረን፡፡ ኽመጋ በቭስየኋ ኧወተኧ አደቨረ ባአሸ ገፈረን፡፡
+
+\v 14 ቀጥወ ኢየሱስ ‹‹ዋዳ እእማትሰቭ እኔኤድኸ ዘንጋ ጭን ተደራ ባአሻ አፍያ ኧኸርኸኸ ኾርታ ጊስማኸ ኧካኽን አተሸ፤ አፍያ ኧኹርታኸ ኧስቭ እን ምስክር ኢኸረኸ ኾርታ ጊስማኸ ኧካኽን አተሽ አፍያ ኧኹርታኸ ኧሰቭ እንእ ምስክር ኢኸርኸ ሙሴ ኤዘዘን ኽትብ አተኧንቭ›› ባረ ኤዘዘን፡፡
+
+\v 15 ኧኽር ባኸሬ ኧኹዳ ዘንጋ ኢረእ ቲቴኤድ ወረ፡፡ ኖኦራ ሰብ ኹዳ ያትመርኩዳ ትምርት ኢሰአዋሜዪ ተቫአሸሞኹኖዋ አፍያ ኢኾሩዋይ ኧኹዳይ ኢዎኦዋ ባነደ፡፡
+\v 16 ጭን ኖኦራ ግዝየ ሰቭ ኤነወ ኤኤዲ ወረ ኢጠልይ ባነደ፡፡
+
+\v 17 አት ቀረ የሱስ ቲያትመርካ ተገሊላዪ ተይኹዳ ገኘ ኽመኸ ተኢየሩሳሌም ኧምኦዋ ኧፈሪሳ ሰቭ ኧቂጫ አስተማሪ በብየኋይ ቸኖም ባነዳ፡፡ ኽም ግዝየ አፍያ ኢናካ ኧጐይታ ደረግ ተኢየሱስ ባነደ፡፡
+
+\v 18 ግዝየ አት ምስየዋ አሸተረወ ምስ በጨቨር ኧፌነጉዋ ሰቭ ኧኢየሱሲ ቦቾም አምኦም፤ ኹኖም በኢየሱስ ኧግሪ አጊቨቶ ያዎሮዪ ሴኤውም ባነደ፡፡
+\v 19 ጭን ሰቭ ቡሼኤቭ ኧደበሴ ኧኸሬ አኹዳይ አጉኦት ኤመኖምታ በቪድ ፎር ኦኖም ኧሱኡር ቢድ ጐተጁምታ ኤኤመን ምስ በጨቨርሞኻ በድገተረመኻ አዎጅም በሰቭ ግብት በኢየሱስ ኢፍቲ አዎኖዪ፡፡
+
+\v 20 ሰቭ ኹኖዋ ኧቭስ ኹዳ ያተርኩዴ ቧርም አእሞሩዋኸ አሸታ ምሶ ባጢራኸ ተፋአነኸ ባረን፡፡
+\v 21 አስተማሪቭ ኧፈሪሳ ሰቭ ‹‹ዋ ተጐይታ ትክትክ ይንካ ኹዳ ማንተን? ‹‹እማት ጐይታ በኸሬ ኧኛ ባጢር አፈኢ አኸነዳ ማንተን?›› ቧርም፡፡
+
+\v 22 ኧኺንኹኗ አሳብ ኻረታ ‹‹ኧብር በኺናኹዋ ኧምኻር ታጫሙጭዋ?›› ባረኖም፡፡
+\v 23 ተፋኧነኸ› ተዋርትቪ ተሳ ኾር ተዋርት ኧተዳ ኢፈዝ ባረ ተሳአረኖም፡፡
+\v 24 ጭን ኢያ ዋኸ ኧቫኹ ኹዳ አኹዋ ኧሰቭ ትከ በአፎር ፎር ባጢር ኢፈእወዳ ዳኝነድ አነነኸ ትኺሩዋነኸ ባረ፡፡›› ተኽም ቀጥወ ምስየኋ ኧሸተረ ምስ ተሳታ ኧድገተርኸወ አልጋ ፈንግታ ቢዳኼ ኾር እኸ›› ባረን፡፡
+
+\v 25 ኧረፐረ ምስ ኽመጋ ተራሳ ቢኢፍኑኹኖዋይ ተሽከቮ፡፡ ኧድገተረወ አልጋኋ ፌነገታ ጐይታኋ ቲያትሸኰር ቢድኋይ ወረ፡፡
+\v 26 ኧረፐሩዋ ሰቭ እን ኧኳሽ ወግአር አሸነ ቧርምግ ኸረዎምታ ጐይታ በፍራት አኾቦጂ፡፡
+
+\v 27 ተኻይ ዋአታ ቲያርካ አት ሌዊ ዩሪዳ ቀረጥ ያጥካ ምስ ቀረጥ ቲያጥወዳ ኤኤዲ በቸናይ አሸንታ ተኸተሬ›› ባረን፡፡
+\v 28 እንአርኋ ቸኧታ ተረሳ ተኼተን፡፡
+
+\v 29 ቀጥወ ሌዊ ኧኢየሱስ ኑእ ድግስ ደገሰታ ቢድኋይ ኸናን፡፡ ተኽኖም እማቲ ሸረድ ኢወርኦዋይ ተቸኖዋ ሰቭ ቀረጥ ያጭታ ሰቪ ኧኛ ኖኦራ ሰቭ ባነወታ፡፡
+\v 30 ሰቭቪ ኧቂጫ አስተማሪቭ በኢየሱሲ ተማሪ ‹‹ኧቭር ቀረጥ ቲያጭታዪ ቂጫ ታዪኡሮዋ ተባጢረተኘ ሰብ እማቲ ኧቭር በናአኹም ትሰጩዋ?›› ቧርም ቁጨጨኮም፡፡
+\v 31 ዋኸ ባረ ዠፐረኖም ‹‹ኧቫአሽየ ሰቭ ባኸሬ ፋይነድ አነኖታ ሰቭ አኪም ኢያትኬሽኮታ››
+\v 32 ኢያ ኧቫአኹ ኹዳ ባጢረተኘ ተቫጢረኋ ያዎኦዋኸ ኢኢድኮዋይ ባንኸሬ ፃዲቅንኹ ይካ ኹዳ ባጢራኸ አአ እሪ አማአኋ›› ባረኖም፡፡
+
+\v 33 ተኽም ቀጥወ ኹኖም ዠፖርሙታይ ኧዩኻንስ ተማሪ ኖኦራ ግዝየ ኢጦሙዋ ኢጠልዮዋ ኧፈሪሳውያን ተማሪ ኽመኽ ኢኖኦዋ አኼ ኹኖዋ እን ቀረ ኢዎርኦዋ›› ኢሰጩዋ ኧቭር አይጦምታ?›› ቧርም ተሳአሪ፡፡
+\v 34 ኢየሱስቭ ‹‹ምሽረኘ ተኹኖአ ታነ ሙዜ ኹኖዋ ኧጡሙዋ ባኹም ኧተኸ ታጫሙጩዋ?
+\v 35 ዘንጋ ጭን ምሽረኘ ኹዳ ተኹኖዋ ኢትቬተርወዳ ግዝየ ኢቫኤኬ ኻ ግዝየ ኢጡሙዋሴ›› ባረኖም፡፡
+
+\v 36 ዠፐረ ኢየሱስ አት ሟሟካ ኤኤደኖም፡፡ ተወያ ኹጅር ዠኧረታ በጉስ ኹጅር ጉድድ ጣፎድ ያድካ ሰቭ ኤነዳ ኽመኸ ቢኸር ወያ ኹጅር ኹዳ እመኸ ዠኧረ ያፋኩ ባኸሬ ተጉስ ኹጅር ኹዳ አያቻፕርካ፡፡
+
+\v 37 በገነዘ ኧወይን ሞነ ወያ ወይን ያወረካ ሰቭ ኤነዳ፤ ቢያወራ ወይን ኹዳ ሞነ ኹዳ ኢዠእረኩ፤ ወይንኹዳ ይትኹእ ሞነ ኹዳ ይትብላሽ፡፡
+\v 38 ኧኸሬ ወያ ወይን በወያ ሞነ ኧቸሮት አነወ
+\v 39 ወይን በሰጨ ጋ አትቭ ወያ ወይን ኢሰጪ ኢሲእካ ሰቭ ኤነዳ ኹድ ኧስረፐተኹዳ ኢረእ ኢኢቭ›› ይሪ አከረዴ፡፡
+
+\c 6
+\p
+\v 1 በውርሰንበት ቀረ ኢየሱስ ተተረማሪሞኋ አማትሜ በመዝረ ግት ቲወኦም ታነኖም ተማሪ ኹነዋ ኧስኔኧ ኧሲድ ሜጦሹምጻ በእጅኽኖዋ እንሸሸምታ ይወይዋ ባነደ፡፡
+\v 2 ተፈሪሲያ ሰቭ ግት አታትኽኖዋ ኤኤየሱሲ ተማሪ ኦምር ‹‹በሰንበት ቀረ አዬዊኦር ሜና ዮዋ ባረዮም፡፡
+
+\v 3 ኢየሱስቭ ዋኻ ቲይር ዠፐረኖም ‹‹ዳዊትቨ ተኹዳ እማቲ ኧረፐርዋ ሰቭ በጋደኖጋ ዳዊት ኤፖ አአር በመጣፍ አናረበብኹዋታይዌ?
+\v 4 ‹‹ዳዊት ቤተመቅደስ ገፖት ኧገይታ ኧትቀደሰ ዳቦኧ ወሰደ በና፤ ተኹዳ ኧነፓርወ ሰቭ አመኖምታ በኞም፤ ኧቨኖይ ዳቦኸ ካኽን ባኸሬ ኤኛ ሰቭ ይቨራኩዳአር አነፐረዳ›› ባረኖም፡፡
+\v 5 ኢየሱስ ‹‹ኧሰቭ ትከ ኧሰንበት ጔታን ባኸሬ›› ባረኖም፡፡
+
+\v 6 ውርሰንበት ቀረ ኢየሱስ አይኹድ ይደሞጅኮዳ ቢድ ገፓታ ያስተምርኮዋ ባነደ፤ በኽም ቀረ ኧጅኋ ኧሸተረ አት ምስ ባነደ፡፡
+\v 7 ሰቨ ኧቂጫ ባሪቅ ኢኢየሱስ ይኮሰስኮዳ ወንጀል ይረኽኮኸ ሴኤምታ ታነዳ በሰንበት ቀረ ያተርፍኹኧ ንዥነ›› ባርሙታ ይጭማሞ ባንደ፤
+\v 8 ጭን ኧኺንኽነዋ አሳብ ኻረታ እጅኋ ኧሸተረ ምስ ‹‹ተሳታ በሰቭ ግት ተሰገቭ›› ባረን፡፡ ኹዳ ተረሳታ በግት ኽኖዋ ተሸአቨ፡፡
+
+\v 9 ኢየሱስ ኧሰቭኽኖዋ ‹‹አት ኧሳርአርኹታ አር አነ፤ ኧሙሴ ቂጫኸ በሰንበት ቀረ ወኼ ኦኖት ወይ ሙጥጥ ኦኖት ወይ ነፍት አትርፎትን ወይ እአትርት?›› ባረኖም፡፡
+\v 10 እንመኽኖዋ አዦረ አኖምታ ኧምስኹዳ ‹‹ኧጃኸ ዛጋ›› ባረን፡፡ ኹድቨ በዝራካን፤ ኧጅሞኋ ኽምተኽም ፉይነድ ኧረ፡፡
+\v 11 ኧቂጫ አስተማሪ ኧፈሪሳ ስቮ ማአታ ጠበጠኖም፡፡ ኧኢየሱስ ማኋ ናኘኔ ቲይርዋ ኽኖም ኦትዋቾም፡፡
+
+\v 12 በኽም ግብት አት ቀረ ኢየሱስ ጠሎት ዬቭ ቆቶ ዋአ፤ኧዳር ሙራ እን ኧጐይታ ጠሎት ቲዬቨኔኧ፡፡
+\v 13 ጋእ ቲይካ ተማሪኋ ኧኹዳይ ኧናኖም አስራውሬት ኽነዋ ሜጤረኖምታ ኪሸረኝ ባረም ሽው አወናኖም፡፡
+
+\v 14 ጴጥሮስ ኧቫረን ስምኦን ኧሰምሞኋ እንድርያስ፤ ያቆብቨ፤ዩኻንስ፤ ፊሊጶስቭ በርተሎሚዎስ፤
+\v 15 ቶማስ፤ እእልፉዮሲ ኧች ያቆብም፤ ቀናተኛ ኧዋሪ ስምኦን፤
+\v 16 ኧች ይኹዳም፤ የኢየሱስ አዋኦታ ኦቴኤፐረን አስቆርቱ ይኹዳም ባነውታ፡፡ ኢየሱስ ኖኦራ ሰቭ ያትመርኸ ያተርፍኸ
+
+\v 17 ተኪሸረንምኋ እማትሜ ተቆቶ ወንጁምታ በሰተቴ ኤዲ ተሸኮም፤ ተተማሪሞኋ ኖኦራ ኹነዋ በኽመኧ ባነውት እመኸ ኢየሱስ ይዚሬካ ይሰአዋር ተቫአሸሞኽነዋ ይተርፍዋይ ተይኹዳ ገኝ እንም ተኢየሩሳሌም ከተማ ተጢሮስ ተሲዶና ከተማ ባር ሞሬ ኧወኦዋ ኖኦራ ሰቭ ባነወታ፡፡
+\v 18 ጠበጠታ ያትጨንቅዋ ኧነፓርዋ ሰቭ ኹነዋ ሞኦምታ ተኖፍም፡፡
+\v 19 እንእ ተቫሸኹነዋ ይተርፍዋይ ኢኢየሱስ ይረጉጁዋይ ይሲኢዋ ባነዳ ኧጐይታ ደረግ ይዋኦታ እንምኽነዋ ተቫአሸኽነዋ ይተርፍኮዋ ባነደ፡፡
+
+\v 20 ኤርኋ ኧተማሪኋይ ኤፐ አሸታ ‹‹ዚጋ ኧኸርኹዋ አኹዋ ኧሳርኹዋ ኧጐይታ መንግስት አኹተን፡፡
+\v 21 ይገድኹዋታ ዋ አኹዋ ኧሳርኹዋ ተኦፍቴ፤ ዋአካ ትወኹታ አኹዋ ትዶቴ፡፡
+
+\v 22 ቢያ በሰብ ትከ ኧሟአ ቲጦሮኩዋታ ቆንጩ ተግት ኹኘዋ ቲዋትር ቲቀርኩዋታ ሽዋኹ በሙ ቲያአፍከዋታ፤
+\v 23 በጐይታይ መንግስት ኑኡያ አር ኧኸሬ ዋዳ እንደም ቲሰራወኹዋታ ኧሳርኽም ተቨሯረእዎ፤ ድረ አቦሞኹነዋ ኧጐይታአ ቃር ይኤታ ነቢይትኹነዋ እመኸ ይኔዬዋ ባነደ፡፡
+
+\v 24 ደንገኝ አኹ ጭን ግርዳኹዋ፤ ኧሴኤኺ እን ብእሜ ቴአፐርኹም፡፡
+\v 25 ኦኦፎኹዋ አኹዋ ግርዳኹዋ፤ ነገ ይገድኹዋቴ፡፡ ዋአካ ትዶታ አኹዋ ግርዳኹዋ፡፡ ምጥጥ ይጠጥኹዋቴ ትዌኽቴ፡፡
+
+\v 26 ሰቭ እን ወኼንኹአር ቧርምታ ቲኢጅነኩዋታ ግርዳኹዋ፤ ኧኽኖሜ አባኹነዋ እመኸ ኤናአር ፎጦርም ያስተሙርታ ነቢይ ወኼ ሰቭነዋ ይርዋ ባነዲ ባረ፡፡
+
+\v 27 ኢየሱስቪ ትሶአኝታ አኹዋ ጭን እያ ኢኤድኹዋ ጠራታኹዋ ንዎጅዋ፤ አይረምጅኩዋ ኹነዋ ወኼ አር ኧኖነዋ፡፡
+\v 28 ይሰድኩዋ ታኹነዋ ዳሪዮዋ ይበድልኩዋታ ኽኖ ኧጐይታ ጠልዩኖዋ፡፡
+
+\v 29 አት ወኼ ዳቪ ቢየኧፋኸ ኧወሬተኝ ወኸ ዳቨ የኧፋኧኸአኩ ነጠላኸ ይወስዲ ኹዳ ሸሚዝማኸ አኩ፡፡
+\v 30 ይሰኧርኸዳ ሰቭ እን አንሹ፤ ዋጋኸ ኧወሰደብኸ ሰቭ ይዠፕነኼ አሳአር፡፡
+
+\v 31 ሰቭ አኹዋ ዬቭኔኹዋይ ትሲኢዳአር አኹም እመኼ ኤኤኛ ሰቮ ኧኖዋ፡፡
+\v 32 ‹‹እማት ይረምድኋታ ብትረሙጅዋ ምር ብርጫ ትረኹቴ፤ ባጢረተኘ ኹነዋ ኢኧር ኧረመደነዋ ኹነዋ ይረምጂዋ
+\v 33 እማት ወኸአር ዬወነኩዋታኹኞዋ ወኼ አርብቴውነዋ ምር ብርጫ ትረኽምቴ፤ ባጢረተኘ ቢኧር እመኸዬዋ
+\v 34 እማት አጅግኛ ይዣብኒሲ ባኹምታ አጅግ ቢቲዋ ምር ብርጫ ትረኽዋቴ ባጢረተኘ ቂጦዬ ዋጋኹነዋ ይቴኤፖዋይ ኧባጢረተኘ አጅግ ይዋ፡፡
+
+\v 35 አኹዋ ጭን ጠራታኹዋ ንመጆዋ፤ ወኼ አር አኖኖዋ ‹አጅግኛ ይዝቭኒሴ ታትርዋ አጅግ አዉዊ፤ አጅጋኹዋ ኑእያ አር ይኽሴ፡፡ ኧውጥጥኹነዋ ወኼ አር ዮቭነዋ፤
+\v 36 ኧሰሟይ አቦዋኹዋ ጔይታ ሜራ ኧኸረኸ አኹም እመኸ ኽርዋ›› ባረ፡፡
+
+\v 37 ኢየሱስቭ ዋካ ባረኖም በማኒም ሰቭ ኦትፈርጅዋ፤ በአኹም አይትፈድኹዋታ፤ ኤኛሞኋ ኦትክስሹዋ አኹም አይከሸሽኩዋታ፤ አፍ ቧርም አኹም አፍ ይዋኩዋሴ፤
+
+\v 38 አዋ አኹም ያኩዋሴ በሰፈርኮ ቁና ይሰፍነኩዋሴ ሲቂቆም ገዳኒኒ ደኖጎም ጫርመኝተ /ግልጽ አይደለም/? ቲትኹ ስን ሲፍተዋ ያኩዋሴ ባረኖም፡፡
+
+\v 39 ኢየሱስ ዋ ሟሟካ ኤኤደኖም ‹‹ፍርጥ ኧፍርጥ ይሸኪ ይኸነዌ? በሸቨንኹ ውሬችመኹነዋ ተጣቦጭም በጐጀ ይወየዋ፡፡
+\v 40 ተማሪ ተአስተማሪኋ አይነካ፤ ቢኸር ትምኽርትኋ ጌከረ ኧትማረ እን አስተማሪሞኻኧ ይኸር፡፡
+
+\v 41 በገጋኼ ኤር ኧድጌተቨ ዋኝድ ታታዙ በኧሰማኸ አነዳ ቅቅት ኧቨር ታዥ?
+\v 42 ኹከኸ ባንኼሬ በኤራኸ ዋኝት ታታዝኹ ኧሰማኸ ኧሰምኖ በኤራኸ አነዳ ቅንቅት አዋአነኸ አኪያ ባሬ ኧተኋ ትንኩ አኸ ኧጦ በደር በገጋኤ ኤር ኦትጌተቨ ዋኝት ኦአ፤ ተኸም ቀጥወ በሰማኼ አነደ ቅቅት ታዋት ታዋአይ ገኢተ ይትረኸሴ፤
+
+\v 43 ኢየሱስበ ወኼ ኤአ ሙጥጥ ቡስር አያፎይካ፤ ሙጥጥ ኤኧቨ ወኼ ቡስር አያፎይካ፡፡
+\v 44 ኤኧ እንእ በወሰርኋ ይኺሪ፤ ተጣጥኤኧ ኧሸብራ ቡስር ኧወይን ቡስር ኦይራ ጨዳ፡፡
+
+\v 45 ወኼ ሰቭ ተወኼ ኺንኋ ወኼ አር ያዋአ፡፡ ሙጥጥ ሰቭ ተምጥጥ ኺንኋ ሙጥጥ አር ያዋአ፤ ሰቭ በአንፍኋ ይዝራካኹዳ በኺንኋ ሜናታ ኧተነፈ ኹዳን›› ባረ፡፡
+
+\v 46 ኢየሱስ ኻአቨታ ኧቫኩዋ አር ታቴዋ ኧምሪ ጐይታኛ ጐይታኞ ቱኝ?
+\v 47 ኢያይ ማአታ ቃርኛ ሰማ ይቴኤዜዜዳ ሰቭ እን ጭን ማን ይመስረኸ ናአውድኹዋ፤
+\v 48 ኹድ ቢድ ቲያረሽካ ጌከረ ኧየ አንጠታ በእምር ፎር ያረሽካ ምስ ይመስር፤ እደንገቭ እኻ ማአታ ኧዋ ቢድ ገፋን፤ በቱኧ ኤኤዲ አረሽኒ ያቅረቅርኪ አኸረነዳ፤
+
+\v 49 እመኸቨ ቃረኛ ሰማአታ አይታአዘዜ ሰብ በድኋ ጌጊተ ኧየ ታያጥ በአፈር ፎር አረሸ ምስ ይቨስር እም ገኪተወ ኧየ ታያጭነ አረሸዊ ቢድ ኧደንገቨ ማታ ገፋን ኦዶትሞኋ ያትፈኝካ ኢር ባንደ ባረኖ፡፡
+
+\c 7
+\p
+\v 1 ኢየሱስ ቃርኋ ዝሬከ በጀፐረ ቀጥወ ቅፍርናሆም ከተማ ወረ ።
+
+\v 2 በህሜ አት እእሮም ገኘ መቶ አላቃ ባንደ፤ሁድቭ ኢረድኩዳ ሜነኘኋ ቡሴኧኸ ኤመንታ ኢዎንዲ ሰንአ ባንደ ፤
+\v 3 ሁድቭ ኢኢየሱሲ ዋራይ ሰምአታ ኧቬነኘኋ አፊያ ዪንአነኸ ኢሶኦርኔ ታአይሁድ ገኘ ባሪቅ አታትሁኖዋ ኢኢየሱሲ «ሜነኘኛ ቡሼኧከ ኤኤመኒ ኧኸሬ ሜኤተታ አፊያ ዪንአኒኸ ሳአርኒ ባረታ ኬሸኖም ።
+\v 4 ሁኖም ኢኢየሱሲ ሞኦምታ «ዋ እእሮም ገኘ ምስ ሜነኘኋ አፊያ ኧንአነ»
+\v 5 ሁዳ ኧገኘንራ ሰቭ ኢረምድ ንደመድኔኮዳቭ ቢድ አረሸንረ ሁዳን »ቧርሙታ አትዋጠጩም ሳአሪ ።
+
+\v 6 ኢየሱስቭ ተሁኖም እማትሜ ወረ ቢድሞኋይ ሞኦሙ ቲቲ ኢናኖዉታ ኧቨኧር አላቃ ሁዳ አቦጎዳኋ ኬሸታ ኢኢየሱስ «ጎይታⶉ አኸ ኢያትንየ ቦኦት አትቂጥአኸ ቢያይ ኡፎቻ ትጋአይ ኧቨቃካ ሰቭ አንኸርኃ ባረን ፤
+\v 7 ኢያቭ አኸትኒየ ኧቫአይ ኧቨቃሁ ሰቭ አኸርኋ ህመኸ ኧኸሬ በህሜ ታነኸ ትረፍ ባኩ፤ ሜነኘመኛ ተቫአሸኋ ኢትረፍሴ ።
+\v 8 ኢያ ፎር አጋድ ዪኢዝዝኝዳ ሰቭ አኖዉዋ ቲያቭ ገዳ አጋድ ኖኦራ ጋዘነ አኖዉዋ አአት ሁዳ ሆር በቫሁን ያር ኤኤኛቭ ሁዳ የኸ በቫሁን ኢቫአ ፤ሜነኘመኛ ሃዳ ኧንአ በቫሁን ዪንአ »ባረን ።
+
+\v 9 ኢየሱስ ዋዳ ወግ ኸረወ ፤ተዥቫፐረታ ተሁዳ እማትሜ ኧዎኦዋ ሰቭ ብእስራኤልቭ ገኘ ቢከር ኣዋኸ በጎይታ ታአመረ ኧትሸከቨ ሰቭ አነከቭኋ »ባረኖም።
+\v 10 ኣኬሸዉዮም ሰቭ ኧቨኧር አላቃ ሁዳይ ቢድ ቢትዠፖሩዋ ሜነኘ ሁዳ አፊያ በኸሬ አሸዊ ።
+
+\v 11 ኢየሱስ በቭረጋዃ ናይን ዩሪዳ ከተማ ወረ ፤ተማሪሞኋዪ ኖኦራቭ ሰቭ ተሁድቭ እማትሜ ዎርሙ ።
+\v 12 ሁድቭ ኧከተማ ምዬ ማአ ቲሰርአካ ሰቭ ኒሳ በጨቨር ፌነጉም ተከተማ ቲዎኦታ አሸ ፤ኧዎደቭ ኧች አአዶድኋይ እማት ባንደ ፤አዶድሞኋ ዎዊት ባነቸ ኖኦራቭ ኧከተማኋ ሰቭ ተሂድቭ ባንደ ።
+\v 13 ኢየሱስቭ አሸ አትቫጠጠናታ አቲክዋ ባረና ።
+\v 14 ተህም ቀጥወ ቴኤነቨታ ጨቨርሁዳ በኧጅኋ ነከደን።ኤፌነጉም ሰቭ ተሸኮሙ፤ኧሪሳቭ ሁዳ «አኸ ዘርማ ተሳ ባከ ተሳ»ባረን ።
+\v 15 ኧዎንደቭ ኧች ተረሳ ቸናታ ኧዘጉት ቀነሰ፤ኢየሱስቭ ኧኧች ሁዳይ አዶድ «እኩ ትካሽ »ባረታ አቨና።
+
+\v 16 ሰቭቭ ሁኖዋ ተቭራኮጉምታ «ኑእ ኧኸረ ነቢ ቢና ግት ተረሳ እግዜር ሰቭኋ ያተርፊ ማአ»ቲዩሩዋ እእግዜር ሽኩርት አቴኖዉም።
+\v 17 እእም ኢኢየሱስሜ ዋራይ በይሁዳ ገኘቭ በዙሪያሞኋ ተሰምአ ።
+
+\v 18 ኧዮሐንስሜ ተማሪ ዋ ዋራይ እንእ ኧዮሐንስ ኤኤጂ ዮሐንስቭ ተተማሪኋ ዉርኤትሁኖዋ ከናኖምታ፤
+\v 19 «ትቭአኬ ኧዋሪ ክርስቶስ አኸትንሄ ዌኤኟ አአር ነኧየነ ፤ቧርሙ ተሳአሪ »ባረታ ኧጌታ ሱሲ ኬሸኖም ።
+\v 20 ኧኬሸኖም ሰቭ ኧጌታ የሱሲ ዎርሙታ «ትቭአኬ ኧዋሪ ክርስቶስ አኸትንሄ ዌ? ኤኛ ሰቭ ነኧየነ ቧርሙታ ተሳአሪ» ባረታ ያጠምካ ዮሐንስ አሄ ኬሸንረ ቧሪ።
+
+\v 21 ህም ግዚየ ኢየሱስ ኧሮኦራ ሰቭ ተቫአሸ ተሩዕ ኤማድቭ አተነፈኖም።ሴጣን አዋአ ኧሮኦራብ ፉርት ሰብ ኤር ከፈደ ።
+\v 22 አሱስቭ ዠፐረታ «ሆርሙታ አሸሁይቭ ኧሰምአሁይቭ ዘንጋ እንእ ኧዮሐንስ አዉጂ ፤ኤርኖዋ ኧፎጩዋ ሰቭ ኤርሁኖዋ ኢትከፈድ ፤ጅረ ሰቭ ተጌኬርሙ ያሩዋ ፤ኧደራ ባአሸ ኧወተኣዎዋ ሰብ አፊያ ኢሆሩዋ ጣቆራቭ ሰቭ ኢሶዉኦዋ ኧዎንጁም ሰቭ ተቩድ ኢትረሾዋ ኧዚጋቭ እእግዜሪ ኢተርፉኮዳ ወሄ ዋራይ ዪኢጂዮዋ ።
+\v 23 ቢያቭ ተጥራጠረታ ኢኢኒየአይትዠፐር ሰቭ ኧትዳረ ሰቭን ባረኖም።
+
+\v 24 ኧዮሀንሲ ኪሸረኘ ተዎሩዋ ቀጥወ ፤ኢየሱስ ኧዮሐንስ አአር ዋኸ ባረኧዘጉት ቀነሰን «ምር ታዙዋይ በረሃ ወርሁም? ንፋስ ያቅረርኩዳሸንቦቆና?
+\v 25 ዌ ምር ታዡዋ ወርሁም? ያዝዎኝካ ሁጅር ኧትኸተረ ሰቭ ታዡዋይ ወርሁሚ? ያዙዎኝካሁጅር ኢትሆተርታ ኣዉራቆጫድ በኸረ በቨረሃ አይረዉርታ! ሁኖዋ አኖዉታ ሁዳ በንጉስ ቢድን ።
+\v 26 አካ ምር ታዡዋይ ወርሁም? ነቢታዡዋይ ወርሁሚ? እከ ነቢን. ሁድቭ ተነቢ ኢረእ ።
+
+\v 27 ሁድቭ ቲኢፍት ኢፍታሄ ብደይተ ሜያኸ ያጣዉርነኸዳ ኪሸረኘኛ ኤኬሽኬ ባርሙ ኧጣፉነ ሁዳን ።
+\v 28 ኢያቭ እቭሁዋ እሽቻ ቴኤኛዮዋ ሰብ እንእ ቲያጠምቅካ ዮሐንስ ኢረእካ አት ሰብ ኤንዳ።ብእግዜር መንግስት ጭን ትእንቨኋ ያአስካ ሁዳ ኢረእኩ »ባረኖም።
+
+\v 29 እመዳቭ ኧሰምኦዋ ሰቭ እንእ ቀረጥ ያጭታ ስቭ ስነጋ ታይተርፍ በዮሐንሲ ጥምቀት ተጦሞቁም ባንደ ።በህም ኧቫአ እእግዜር ሜና ቂጥየ ኧኸረኸ ኋርሙ ።
+\v 30 ኧፈሪሳ ሰቭ ኧቂጫ አስተማሪም በዮሐንስ አንጠመቅነዳ ኧዋሩዋይ ኧኸሬ እግዜር ይቭኮታ አአር አንሰቭአነዳ ቧርሙ ።
+
+\v 31 ኢየሱስ ዠፐረታ «አካ ኧዋ ዘቨር ሰቭ ተቭርአፈድ ናትዋራኮዋ ምርሁ ኢዎስሩዋ?
+\v 32 በጆፎረ ቸኖም ኢትጮጅታ ዴንጋ ኢዎስሩዋ ሁኖም ተሁኖም ተኋኖሙ አንድር ደነግኔነኩም አሁዋ አንጋሸሁዋታ» አዝማመርኔነኩም አሁዋ ጭን አቤከሁዋታ » ይዉሩዋ ።
+
+\v 33 እመኸቭ ያጠምቅካ ዮሐንስ ሸረድ ታይቭርአ ወይንቭ ታይሰጭ ቢቫአ «ሴጣን አነወ »ባሁይ ።
+\v 34 ኧሰቭ ትከቭ ቲቨርአዪ ቲሰጭቭ ቢቫአ ኢቨርአካ አአርቪ ኢሰጭካቭ አአር ኢሽርኩ፤ በህምቀረጥ ያጭታ ሰቭመዪ ኧቫጢረተኘ ሰቭሜ አቦጎዳን፤ ባኊ።
+\v 35 እእግዜሪ ሃሪነድ እንእ ዉረ ኧኸረኸ ቢትሄተሪዳ ሁኖዋይ ተሄረ » ባረኖም።
+
+\v 36 አት ስምዖን ዩሪዳ ኧፈሪሳ ገኘ ምስ ኢኢየሱስ እማቲ ሸረድ ኢቨርኦይ ሳአረን ሁድቭ ዋ ኧፈሪሳ ገኘ ምሲ ቢድ ወረ ሸረድ ኢቨርአይ ቸና ።
+\v 37 በህም ከተማ አት ባጢረተኘ ምሽት ባነቸ ፤ኢየሱስ ሸረድ ኢቨርአይ ኧፈሪሳ ምሲ ቢድ ኧገፓቸኸ ሰምአችታነዳ አት አአልባስ ጢሮስ ዩሪዳ ብርቃት ሙርአ ሽርቶ ጠበተች ማአች።
+\v 38 ሂድቭ ቢኢየሱስ ቢእኋይ በኧግርኋ ምዬ ተሸከቨችታ ኢኢ ኤፐ ኧዝራካን ኧግርኋትትቪህ ቢኢምባ ትታዝቨስቭኩ ብጉንኧርመሻ ትትዋሽኩዊ ኧግርሞኋ ትትሰኧቭኩ ሽቶ ትዋሽኩ ባንደ ።
+
+\v 39 ኢኢየሱስ ኧሸረድ ኧኸናን ኧፈሪሳ ምስ ዋ ዘንጋ አሸታ «ዋ ኢኢየሱስ ኧዉረ ነቢ ተኸረ ዋ ትዋሽኩዳ ባጢረተኘ ምሽት ማን ኧኸረችመኸዪ ሜናመሻ ምር ኧኸረኸ ይሃር ባንደ »ቲቭር በሂንኋይ አጫመጠ ።
+\v 40 ኢየሱስቭ ኧስምዖን «ስምዖን አት ኢኢድኸዳ ዘንጋ አነኒ ባረን» ሁድቭ «አኪያ አስተማሪዮ አዉዴ»ስ ባረን።
+
+\v 41 ኢየሱስቭ «አት ምስ ኧዉርኤት ሰብ አጅግ አቨኖምታ፤ባአት ሁዳ አምእስት በኧር ብር ባአትቭ ሁዳ አምእስት ባወንድ ባነነደ.
+\v 42 ሁኖም ኢኮሽታ አአር ቢዎሁሩዋ ኧዉርኤቸሞሁኖዋ ቸኧኖም ።አካ ተዉርኤቸመሁኖዋ ኧሃአ ምስ ኧተሁኖዋ ኢረእካ አአር አረጂዳ አአር ኢቨስርኸ? ባረን ።
+\v 43 ስምዖንቭ ዘፐረታ «ኖኦራ ብር ኧቼኧነ ሁዳ ኢረእካ አአር ኢረድኩዳ አአር ኢቨስሬ »ባረን ። ኢየሱስቭ «ኧዉረ አአር ሬከኸ »ባረን ።
+
+\v 44 ተህም ቀጥወ ኢየሱስ ኧቭሽት ሂዳይ ተዝቫፐረታ ፤ኧስምኦን «ዋ ምሽት ታዥካ? ኢያ ቢዳሄ ገፓሁ አኸ ኧኧግርኛ እሃ ዳር አናሄዳ ሂዳጭን ቢኢምባሻ ኧግርኛ አአቨችታ በጉንኧሻ ሟሸቸዪ ፤
+\v 45 አኸ አንሳአሄዳ እኩ ሂዳ ዳኸ ተገፓሁ ቀነሰችታ ኧግርኛ ትትሰኧቬ አነች ።
+
+\v 46 አኸ ኧጉንኧርኛ ኧትዋሽካ አአር አናሄዳ ሂዳጭን ኧኧግርኛ ዳር ሽቶ ሟሸቸዪ ፤፤
+\v 47 አካ ኢያቭ እቭኸ ሂዳ ኖኦራ አአር ኧረመደቸዪ በሂዳ አነዳ ኖኦራ ባጢር እንእ ተፋኧና ፤እንሲየ ባጢር ኧትፋኧነ ሁዳ እንሲየ አአር ኢረንድ »ባረና ።
+
+\v 48 ተህም ቀጥወ ኢየሱስ «ኣሂድቭ ባጢራሽ ተፋኧነሽ ባረና ።
+\v 49 ተሁድቭ ሸረድ ኢዎርኦዋይ እማቲ ኧቸኖ ሰቭ በሂንሁኖዋይ «ባጢር ዳር አፉይቭካአአር ዋ ምስ ማንተን?»ኧዋርት ቆነሹም።
+\v 50 ኢየሱስ ጭን ኧቭሽት ሂዳ ብቢያ አአመርሽዋይ ተነፍሽም በወሄ አአር ሆይዋ»ባረና ።
+
+\c 8
+\p
+\v 1 ቀጥወ ኢየሱስ ኧጐይታ መንግስት ወኼ ዋራይ ቲኢድ በከተማሞኋይ በቃያ ቃያ ወርወር ይቨር ባነደ፤ አስራውሬድ ተማሪመኋ ተኹድ እማትሜ ባነውተ፡፡
+\v 2 ተሴጣንቨ ተቫአሸ ኧተነፋ ኢሰቻ ይትኼተራይ ባነደ፤ ኽኖም ሰቫአት ሴጣን ኧዋአና ኧመግደላ ማሪያም
+\v 3 ኼሮድስ ቢድ አለቃ ኧረፐረ ኧኩዛ ምሽት ዮኻና ሶስናይ ኤኛ ኖኦራ ኢሰቻ ባናተ፤ እም ኢሰቻ ኢኢየሱስ ኧተማሪሞሞኋ በዱንያኽና ያጌክራየዋ ባነደ፡፡
+
+\v 4 ኖኦራ ሰብ ተደሞጅምታ ተከተማ እንእ ኢኢየሰቨ ሞኦም፤ ኢየሱ ዋኸ ቲይር ሟሟካ ኤኤድኖም፤
+\v 5 ‹‹አት ቸዋጅ ምስ ዝኝ ይዘራይ ዋአ ቲዘራ አታት ዝኘ በመያ ሞረ ወተኸታ በእግር ኺንጂ ኧሰማይ አፍ ናጨዊ፡፡
+\v 6 አታት ዝኘ እምር በኸረ አፈር ወተኸ ይረቫይ ቲገድድካ ከሰኋይ እቨር ኧኸሬ ደነኧ፤
+
+\v 7 አታት ዝኘ በሶኽ ግት ወተኸ ሶኋ ተዘኔ ዝኘ, እማትሜ ነማታ ሶኹ ኹዳ ዋኧን፡፡
+\v 8 አታት ዝኘ በወኼ ቡስር አፈር ወተኸታ ነማአ፤ አታተኽኖዋ በኧና አፎኖም፡፡ እመኸ ባረምታ ቲጀፕርካ ‹‹ይሰአካ እን አዝር አነንዳ ኧሰሟ››ባረኖም፡፡
+
+\v 9 ተማሪሞኋ ኢኢየሱስ‹‹ዋ ሟሟካ ምር ኧዋርትነ? ›› ባረም ተሳአሪይ፡፡
+\v 10 ኢየሰሲ ‹‹አኹዋ የጔይታ መንግስት አር ተኺርዋኸ አኩም ኤኛኹነዋ ጭን እን ዘንጋ በሟሟካ ይኢጅዮ ኹኖም ኤርኽኖዋ ቲያዥ ባይቨስርዋይ ቲሶኦም ባያጫምጭዋኔ ባረኖም፡፡
+
+\v 11 ሟሟካሞኋ ዋኸትን፤ ዝነ ኧዋሪ ኧጐይታ ቃርን፡፡
+\v 12 በመያ ሞሬ ኧወተኸ ዝኘ ያትሽካ ኧግዜየኋ ኧጐይታ ቃር ይዋታ ሰቭነዋ ቢኸር ኽኖዋ ኤሟርተዋ ባይተርፍዋይ ሴጣን መአታ ኧሰሞይ ኧጐይታ ቃር ተኺንኽነዋ ይወስድምዋ፡፡
+\v 13 እምር ባኖደ አፈር ኧወተኸ ዝኘ ያትየሽካ ኧጐይታ ቃር ሰሞምታ ቲሸርከዋይ ይቴአፖርታ ሰቭነዋ፤ ቢኸርም ኽነዋ ኧግዝየኋ ያሸሙርዋ ባኸሬ አት ጅጓረ ተሰራዎታ ኧስር ኤነኖይ ኧኸሬ ይኸጆዋ፡፡
+
+\v 14 በሶኽ ግት ኧወተኧ ዝኘ ያትየሽካ ኧጐይታ ቃር ኧግዝየኋ ይሶኦታ ሰብነዋ፤ ቢኸር ኧዋ አለም አሳብ ደገኘነት ኧዋ አለም ዱንያ ቡስር አያፎሪዋኸ አነቀ ይጠጥከዋ፡፡
+\v 15 በወኼ አፈር ኧወተኧ ዝኘ ያትየሽካ ኹዳ በኺንሞኽነዋይ በወኼ ቀልብሞኹናዋ ኧጐይታ ቃር ሰሞምታ ይእሮዳ ኹኖተኖዋ፡፡ ኹኖም በጐይታ ቃር ተቁሟሞርም ይሽኮዋ፣ ወኼ ሙርት ያወችዋ››ባረኖም፡፡
+
+\v 16 ኢየሱስቨ ዘፐረታ ‹‹ኩራዝ አተከሰ ገንባ ያትፌጠወዳ ዌ በአልጋ ከሲይ ያወራካ ሰቭ ኤነዳ ቢኸር ቢድ ይገአካ ሰቨ እንእ ይትረከብቨከኸ በሱኡር ይሶእሪይ፡፡
+\v 17 ‹‹እመኸ ኧደአረ ሰቻይ ታይዋአ ኧዶኦሪ ታይትኼር አይችካ፡፡
+\v 18 ‹‹ብእም ኧቫአ ቃርኋ ኧተኸ ትሰአዋኸ ተጠፓዋ፤ አንዳ ዳ ሰቭ ደፓርም ይዊ ኤነን ኹዳ ጭን አነኒ ባረታ አጫመጠን ስን ይወስጁኮ›› ባረኖም፡፡
+
+\v 19 ኢኢየሱስ አዶድሞኋ ኧሰማትሞኋ ኧኹዳይ ሞኦም፤ ቢኸር በኖኦራ ሰቭ ግት ኧኸረ አነከዊ ባነደ፤
+\v 20 ‹‹አዶድማኸይ ኧሰማትማኸ ይትራኮወኬ በወረጀ ተሸኮም››ቧርም ኤኤዴ፡፡
+\v 21 ኢየሱስ ዠፐረታ ‹‹ኧጐይታ ቃር ሶሞምታ ይረቨርወዳ ሰቨ እንእ ኢያይ አዶድመኛይ እሰማትመነኛዋ›› ባረኖም፡፡
+
+\v 22 አት ቀረ ኢየሱስ ተተማሪሞኋ እማቲ በእኻ ፎር ቢያርኮዳ ጀልባ ተሳፎርም፤ ‹‹ተቫር ኻአጋድ አአነ ናአነ ባረኖም››ኽኖም ያርዋ ተረሾም፡፡
+\v 23 በቫር ፎርቨ ቲያርታ ኢየሱስ ዊኤንድ ጠበጠን ኽምግዚየ ሱሼእ እንቡርቢድ በቫር ፎር ተረሳ፡፡ በቫር ፎር ቢያርኮዳ ጀልባ እኻ ኧጉኦት በቀነስጋ ኹኖም በሼኤኻ ይጨነቁዋቫ፡፡
+
+\v 24 ኽኖም ኢኢየሱሲ ተኤኖምታ ‹‹ገይታንሮ ገይታንሮ አነእነ›› ቲይርዋ በውኢንደኋ ነሾይ፡፡ ኢየሱስቨ ተረሳታ ኧውሼእ እንቡርቢደቨ ይድናነካ ባር እኻ አጥራቆረን፤ እቡርቢድኹዳ ተሸከቨ እንአር ገብ ባረ፡፡
+\v 25 በኽም ቀጥወ ኢየሱስቨ ኦምር አኦዎት ኤመናኹም? ባረኖዋ፡፡ ኹነዋ ጭን ፈኛዎ ወግቨ ኸረዎምታ ኽኖም ተኽኖም ‹‹ዋኸ አንቡሪበትቨ ባኽርቨ ስን ይታዘዝነዳ ዋዳ ማንተን?›› ተሜርሙ፡፡
+
+\v 26 ኢየሱስቨ ተተማሪሞኋ እማቲ ኧቫር ኹዳ የአጋድ ወኦምታ ተገሊላ አውራጃ ይዋአዋይ ጌርጌሴኖስ ገኝ ሶኖም፡፡
+\v 27 ኢየሱስ ተጀልባ ወንኦታ በእግርኋ ቲያርካ ኧዋ ኢፍቲ ሲጣን ኧጠበጠን አት ምስ ተከተማ ዋአታ ተራከቨን፤ ኹዳ ተኖኦራ ዘመር ቀነሰታ እጭሞኋ በሞገማ ግት ባኸሬ በቢድ ባይረምርካ፡፡
+
+\v 28 ኹድቨ ኢየሱስ ቢያዥኩ በኢፍትኋይ በፌጠቨታ ቃርኋ ነሳታ ‹‹ትንእ በፎር ኑእ ኧኸረኸ ኧጐይታ ትኮ ኢየሱስ አኸ ቲያ ቲያ ምር አነነኸ ኻበዳሽ አታጠንቄ›› ባረን፡፡
+\v 29 እም ኧቫረ ኧኸ ለካፊ ሴጣን ተምስ ኹዳ ይዋአኸ ኢየሱስ ኤዘዘኒ ኧኸረዴ፤ እእም ኤፈቲ ሴጣን ኹዳ ኖኦራ ግዜየ በምስኹዳ ይትረሳወ ባነደ፡፡ በሰንሰለት በኧገር ብረድ አጐጂታ ይኢዮድ ባነደ፡፡ ቢኸር ሰንሰለት ኹዳ ሜጠሰ ኧግር ብረድኹዳ ሰፐረታ ሴጣንኋ በረኻ ይወስኩ ባነደ፡፡
+
+\v 30 ኢየሱስቨ ‹‹ሹዋኸ ማንተን?›. ባረታ ተሳአረን፡፡ ኹድሽ ኖኦራ ሴጣን ኧረፐሮይ ኧኸሬ ሹንራ ሌጌዎን ዮሪይ›› ባረ፡፡
+\v 31 ሴጣን ኹነዋ ኻበዳሽ ኧኑኢየ ሱኤርኾርዋ አትቫረንረ››ቧርዋታ ሰአሪይ፡፡
+
+\v 32 በኽም ቆቶ ኖኦራ አቨጌር ባነወታ፤ ሴጣንኹነዋ ‹‹በአሜጌር ንግአነ ቧርም ሷአሪ ኹድ ‹‹ኾርዋ›› ባረኖም፡፡
+\v 33 ሴጣን ተምስ ኹዳ ዎኦምታ በአመጌር ገፓም፤ ኧደሞጅዋ አሜጌር ተሰቻ ተረሾምታ ቲትራዎኡዋ በባር ዋኧኖምታ/--- አይነበብም?
+
+\v 34 ዜማንቸኹነዋ ዋዳ እንደም አሾምታ ሴኮም ወረሙታ በከተማይ ተከተማሞኋ ሰቻጋድ ባነውታ ቀያ እንእ ዋ ዘንጋ ኤኤጂም፤
+\v 35 እም ዋራይ ኧሰሞዋ ሰቭ ኧቴፕ ዘንዳ ያዢዋይ ዎኦም፡፡ ኧኢየሱሲ ሞኦም፤ ሴጣንቨ ጠበጠን ኧነፐረ ምስ እንጭሞኋ ኤነፐረ ውጅር ተኸተረታ በኢየሱስ ኧግር ሚዬ በቸናይ አሾምታ ፈኞም፡፡
+
+\v 36 አሸዊ ሰቭ ሴጣን ኧጠበጪ ምስ ኧተኸ ኧተነፈኸ ኤኤጁዋ፡፡
+\v 37 በጌሴኖን ገኝ አነፓርዋ ሰቭ እንእ ኖኦራ ተውራገጉም፤ ተገኘኹነዋ ወኤተ ያሪ ኢኢየሱስ ሳአሪ፤ ኹድ በጀልባ ገፓታ ኤማአወ ገሊላ ገኘ ተዠፐረ ወረ፡፡
+
+\v 38-39 አዋአነ ምስ ተኢየሱስ እማቲ ያሪ ሰአረን፤ ቢኸር ኢየሱስ ‹‹ቢዳኄ ኾር፤ ጎይታ ዋ ኤፐናኸ ኑእየ ዘንጋ አውድ›› ባረታ አስራፐተን፡፡ ምስቭ ኹዳ ኢየሱስ ኤፐነ ኑእ ዘንጋ በከተማ እንዳም ቲይእድ ወረ፡፡
+
+\v 40 ኢየሱስ ገሊላ ገኘ ቲዠፐር ስን ሰቭ እንእ ይኢየኩ ባነደ፡፡ ኧሁኖሜ ቲቫአካ ሳረኖምታ ቴኤፖሪ፡፡
+\v 41 ኽም ግዚየ ኢያኢሮስ ዩሪዳ አት አይኹድ ኢደሞችኮዳ ቢድ አላፊይ ባንደ፡፡ ኹዳ ማአታ በኢየሱስ በኧግረኋ ወተኧታ ‹‹ኻበዳሽ ቢድኛይ የኸኒ ባረታ ሳአረን፤
+\v 42 እመኸ ባረታ ኧሳአረን ሁዳ እማት አነቸነዳ አስራውሬት ዘመር ኧኸረና ገረድኋ ኤመናታ ነብስ ጠበጠና ባነደ፡፡ ኢየሱስ ተኹዳ እማቲሜ ቲያርካ ኖኦራ ሰቭ ይትጋፎይ ባንደ፡፡
+
+\v 43 አስራውሬት ዘቨር እንዳም ደቭ ቲትሁእካ ኧረፐረች ምሽት ባነቸ፤ ዱኒያመሻ ኡዛ ቢይውታ ሰቭ ጀፐረች ባከሬ ኹኖም እማትመኹነዋ ያተርፉያይ አኸረኖታ፤
+\v 44 ኺድቭ ተኢየሱስ ቲኢኋይ ማአችታ ኧሁጅርኋ ዊድ ነከደችን፤ ኽምተኽም ይትኹእካ ኧረፐረ ደቭሻ ተሸከቨ፤
+
+\v 45 ኢየሱስቭ ‹‹ኧረከዴ ማንተን?››ባረ ፡፡እንምኹነዋ ‹‹ኢና አነከድኔከዳ›› ቧሪ፡፡ ጴጥሮስ ‹‹ይጐፈከዳ ሰቭ ኖኦራኖዋአር፤ አኸ ኧተኸ ኧረከዴ ማንተን ትቭር›› ባረን፤
+\v 46 ኢየሱስቭ ጭን አት ሰቭ ነከደይ ቲያ ደረግ ኧዋኧኸ ኻርኹ›› ባረን፡፡
+
+\v 47 ምሽት ኺድቭ ኧረከድሁንኸ ኻረቪ ትትቭር ቲያረኧንድካ ማአችታ በኢየሱስ ኢፍቲ ወተኧች፡፡ ተረከደቸንመኸ ኽምተኽም ኧተነፈችኸ በሰቨ እንእ ኢፍቲ ኤኢደች፡፡
+\v 48 ኢየሱስቨ ‹‹ትከኞ እያ አተርፍሸኸ አአመርሽዋይ ተነፍሽም ቦኼአር ኾይዋ‹‹ ባረና፡፡
+
+\v 49 ኢየሱስበ ዋኸ ትይርታነ አት ምስ አይኹድ ይዶሞችኮዳ ቢድ አላፊ ተረፐረ ተኢያኤሮስ ቢድ ማአታ ‹‹ገረዳኸ ሞደች ተዋቴ አአስተማሪ ሁዳ የኸ ባይተኸ አታቂጥኩ›› ባረን፤
+\v 50 ኢየሱስ ጭን ዋ ዘንጋ በሰማአ ቀጥወ ኢኢያኢሮስ ‹‹እማት ኧቨር ባኸሬ እንፈኘኸ ገረዳኸ ትትረፍሴ›› ባረን፡፡
+
+\v 51 ኹድቭ ገረድኺዳ ኧወንደቸወ ቢድ ቲጋአካ እማት፤ ጴጥሮስ ያቆብ፣ዩኻንስ ኧገረድኺዳይ አቦመቫይ አዶዶመሻ ባኸሬ እማት ሰቭ አይገአካ ባረ፡፡
+\v 52 እን እ ሰቭ ዳታኹነዋ ቲሣኮዉዋ ይቨኹዋ ባንደ፤ ኢየሱስ ጭን ‹‹አትኩዋ ኺዳ ኔኧች ባኸሬ አሞደቻ›› ባረኖም፡፡
+\v 53 ሰቭ እንእ ኧወዶቸኸ ኧኋሩዋይ ኧረፐሬ ኧኸሬ በኢየሱስ ዳእኰ፡፡
+
+\v 54 ኢየሱስ ኧገረድ ኺዳ ኧጅ ጠበጠታ ‹‹ገረዶ ተሸዋ›› ባረና፡፡
+\v 55 ኽም ግዚየ ነብስሻ ተዠፐረታ ፈተክ ባረችታ ተረሳች፤ ኢየሱስቨ ‹‹ትቨርአካ አአር አውያ›› ባረታ ኤዘዘኖም፡፡
+\v 56 አ ቭቭ ታኦዶድመሻ ወግ ኧሮዎም፤ ኢየሱስ ጭን ዋ ዘንጋ አአት ሰቨ እኔኤድኹዋ ባረ ኤዘዘኖም፡፡
+
+\c 9
+\p
+\v 1 ኢየሱስ አስረ ውሬቸ ተማሪኋ እማቲ ኧኹዳይ ኸናኖምታ ሴጣን ያዎኦዋይ ኤኤመኖም ሰብ ተቫአሸኹኖዋ ያተርፉዋይ ደረግ ዳኝነድ አቨታ ሾመኖም፡፡
+\v 2 ኧጐይቭ መንግስት ኢቫ አኸ ኢኢጁዋሜዪ ኤኤመኖም ሰቭ አፍያ ኢነኧዋይ ኬሸኖም፡፡
+
+\v 3 ኻአቨታዋኸ ባረኖም ‹‹ኧኬሸኩዋ ኤኤዲ ትታርታ ኧቨያኹዋ አታአር አጥጩዋ አአር ቢኸር፣ ሞነ ቢኸር፣ ሸረድ ቢኸር፣ ፈራንክ ቢኸር ይሰጉራን ኹጅር ዳር አጥሙጩዋ፡፡
+\v 4 ኧቫዘነድ አት ቢድ በገፓኹዋ ኻ ቀያ ቴእትኹዋ ትታሩዋ ስን በኽም ቢድ ቸሮዋ፤
+
+\v 5 ኧቃየኋ ሰቭ አንቴኤፖርኩዋ በኸረ ቃያኋ ቶኢ ያኦዋ በኹኖም እማኘ ኢኸርዎኸ ኧኧግራኹዋ ጉተ ጠጡም ዎኦዋ›› ባረኖም፡፡
+\v 6 ኧቫኧ ኧኢየሱሲ ተማሪ ዎርምታ ኧጐይታ ቃር ቲኢጁሚ ባቫአሸ አጠቦጩዋ ሰቭ አፍያ ቲንዋ በቃያ ቃያኋ ውርውር ዩሩዋ ባነደ፡፡
+
+\v 7 አታት ሰቭ ‹‹ያጠምካ ዩኻንስ ተውድ ተረሳ ቧርም ኢዝረኩዋ ኧረፐሬ ገሊላ ገኘ ኢገዛ ኼሮድስቭ ኢየሱስ ኤፐን ዘንጋ እን ሰምአታ ተቭራከገ፡፡
+\v 8 አታትሞኹኗ ‹‹ነቢ ኤልያስ ተዠፐረ ማአ›› ቲዮርታ ኧኛኹኖዋ ‹‹ደረ ተዎጁዋ ነቢ አት ኹዳ ተረሳ›› ዪሩዋ ባነደ፡፡
+\v 9 ኼሮድስ ጭን ‹‹ያጠምካ ዩኻንስሽ ኢያ መመርኋ አቴጥኹን ባነዳ፡፡ ባቴ ዋ ዘንጋ እን ኢንአ ቧርም ኢኢጅነዳ ኹዳ ማንተን?›› ባረ ያሽኪ ኢሲእ ባነደ፡፡
+
+\v 10 ኧኢየሱሲ ኪሽረኘ ተኬሸውዮዋ ኤኤዲ ሞኦምታ ኤፐዊ ኹዳ እን ኧኢየሱስ ኤኤጂ፡፡ ኢየሱስ እማት ኹኖዋ ጠበጦታ ቤተሳይዳ ከተማ ምዬ አነዳ ቃያ ወረ፡፡
+\v 11 ግዚየ ኖኦራ ሰቭ ኢየሱስ ያርወዳ ኤኤዲ ኋርምታ ታኼተሪ፡፡ ኢየሱስ ተኤፐረኖምታ ኧጐይታ መንግስት አአር ኢኢድኮ ዋ ባነዳ፤ ተቫአሸመኹኖዋ አፍያ ኧኹርት አኖዎታ ኹኖዋ አፍያ ኤፐኖም፤
+
+\v 12 አፈር ቲቨሽ ቲያርካ አስራ ውርኤቸ ኪሽረኘኋ ኧኢየሱሲ ቴኤኖምታ ‹‹ዋ አነኔኮዳ ኤኤዲ በረኻን ዋ ሰቭ እን በዙሪያንራ አነወታ ቀያቪ ከተማ ኾቶውዋታ ሸረድቪ ኢሩኡኰዳ ኤኤድ ኢሱኡዋኸ አስራፕትኮዋ›› ቧሪ፡፡
+\v 13 . ኢየሱስ ጭን ዠፐረታ ‹‹ኢወረአታአር አኹዋ ገጋኹዋ አውዮዋ›› ባረኖም፡፡ ኹኖም ‹‹ኢና አነንዳ አምስት እንጀራቢ ውርኤት አሳምን፤ ቭእም ኧቫአ ኾይተነ ሸረድ በስየነ ባኸሬ ሰቭ እን አይቨቃካ›› ቧሪ፡፡
+\v 14 በኽመኸ ኧረፖሩዋ አምስት ኹዉ ኢኾርታ ገማ ባነ፤ ውዋተ ኢየሱስቭ ኧተማሪኋ ‹‹ ሰቭ ኽኗ አምሳ አምሳ ኦኖም ሻጉጁም ቤኤድዲ አውሬዮዋ›› ባረኖም፡፡
+
+\v 15 ኢየሱስ ኧቨረኖመሐ እንዎኹኗ በኤድኤኤዲ አዎኖዮም፡፡
+\v 16 ኢየሱስቭ አምስት እንጀራቪ ውርኤት አሳቭ ነሳታ ኧሳቫዪ ኤፐ አሸታ ኧጐይታ ሽኩር ባረ፤ ሑድ ፈረነቨ ኧሰቭ እን ያሰረኦዋይ ኧተመሪኋ አቨኖም፡፡
+\v 17 በኼኤዲ ኧረፓሩዋ ሰቭ እን አፎም በኖምታ ኧኢየሱሲ ተማሪ አስረ ውርኤት ቀርጫት ኧተነፈ ሸረድ ነሾም አፎኮም፡፡
+
+\v 18 ተኽም ቀጥወ ኢየሱስ ኧወጣሞኻ ጠሎት ዬቭ ባነደ፤ ተማሪሞኻ ተኹድ ኧረፖሩዋይ ኧኸሬ ኢየሱስ ‹‹ዋ ሰብ ኢያ ማንተ ዩረዋ? ባረ ተሳረኖም፡፡
+\v 19 ‹‹አታትኹኖዋ አጥማቂ ዩኻንስ ኧኛኹኗ ኤሊያስ አታተኹኗዋ ተድረ ነቢ ተኾሩዋ ሰቭ አትኹዳ ተውንድ ተረሳ ዩሩዋ›› ቧሪ፡፡
+
+\v 20 ኢየሱስ ኧተማሪኋ ‹‹አኹኽ ኢያ ማንተን ቱርኝ?›› ባረ ተሳአረኖም፡፡ ጴጥሮስ ‹‹አኸ ጔይታኧሸፐተናኸ ትቫአኬ ኧዋሪ ክርስቶስንኸ›› ባረን፡፡
+\v 21 ኢየሱስ ዋ ዘንጋ አአትዎኋ አዩኢጂዋኸ ኧተማሪኋ አትጤፐኖም፤
+\v 22 ኻአቮታ ኢየሱስ ኧተመሪኋ ‹‹ኧሰቨ ትከ ኖኦራ መከራ ኧተኧወርት በገኘባ ባሪቅ ኧካኽን አለቃ ኧቂጫ አስተማሪ ኢቆርጪዴ፤ ዮኦትሪዴይቭ ቢኸር ጭን በኦተሪ በሶኦስተኘ ቀረኋ ተውድ አተሸት ኦነወ››ባረኖም፡፡
+
+\v 23 ቀጥወ እንዎኹኖዋ ‹‹ኢያ ኢትኺተሪ ኢሲእካ ሰቭ እን ገግኋ ኧኽዳ፤ መስቀርሞኻ እን ቀረ ኧፈንግ ኧትኸተሪ›› ባረኖም፡፡
+\v 24 ነፍስኋ ያተርፊ ኢሲእካ ሰቭ እን ኢቨኧስ ነፍስኋ ያአይ፤ ኢያ ትይር ነፍስኋ የአይካ ሰቭ እን ያተርፍኩ ባረኖም፡፡
+\v 25 ተኽም ቀጥወ እንእዎኹኖዋ ዋኸ ባረኖም‹‹ሰቭ በአፈር አነዳ ዱንያ እን ቢረኽቭ ነፍስኋ ጭን ቢያአይ ምር ያቁጥነዴ?
+
+\v 26 ቢያዪ በቃርመኛ አቅቨጭካ ሰቭ እን ኧሰቭ ትከ በገግሞኋ በአባሞኋ በተቀደሶ ጥርር በኾሩዋ መላአይካ ክብር ቲቫ አካ በኹዳ ኢቅቨጭወዴ
+\v 27 ኧውረምየኛ እኹዋ በዌኤዲ ታነውታ ሰቭ ኧጐይታ መንግስት ቲያዡዋ ስን አይዎጁዋ ሰቭ አነውዋ›› ባረኖም፡፡
+
+\v 28 ኢየሱስ ዋዳ ተዝሬከ ተሱንት ቀረ ቀጥወ ጴጥሮስ ዩኻንስቪ ያቆብ ጠበጠታ ኢጸልዪ በአት ቆቶ ፎር ዋአ፡፡
+\v 29 ቲጠልይ ታነ መርክኋ ተሸጋገረ፤ኹጅርሞኋ ያግራከርካ ጓድ ኸረ፡፡
+
+\v 30 ኽም ግዝየ ውርኤት ሰቭ ሙሴቭ ኤልያስ ተኹዳ እማቲ ኢድዝራከዋ ባነደ፡፡
+\v 31 በክብር ተረኮምታ ኢየሱስ በኢየሩሳሌም ጁጋረ ኢስራአወ መኸራ ኢዎድመኸ ኢኢጅ ባነደ፡፡
+
+\v 32 ኽም ግዝየ ጴጥሮስቪ ተኹዳ ኧረፖሩዋ ሰቭ እን ዊኢንድ ጠበጠኖም ባነደ፡፡ ቃንዠ ቲዩርታ ጭን ኧኢየሱስ ክብርቪ ተኹዳ እማቲ ኧትሽኮውዋ እኛ ውርኤት ሰቭ አሸም፡፡
+\v 33 ሙሴቭ ኤልያስ ተኢየሱስ ተዋይሩም ቲያርታ ጴጥሮስ ኧኢየሱስ ‹‹ጐይታኞ ኢናሽ በእመኸ አኹርትን ወኼ ናአር በመኸ ሶኦስት ዳስ ነረሽነታ፤ አትኹዳ አኸ አትኹዳ ኧሙሴ አትኹዳ ኤኤሊያስ ኢኽርሴ›› ባረን፡፡ ጴጥሮስ ዋዳ ቲይካ ኢዝሬካአር ባኺርካ፡፡
+
+\v 34 . ኹድ ዋዳ ቲዝሬክ ታነ ዳመራ ማአ አኸተረኖም፤ ዳቨራ ማአ ቲያኸድርኮታ ጴጥሮስ ያቆብቨ ዩኻንስ ፈኞም፡፡
+\v 35 በዳመራ ከስ‹‹ኧሸፐትኹን ትከኛ ዋዳን ኧኹድቭ ሱኤ ይካ ቃር ተስዎአ፤
+\v 36 እም ቃር ተትሰማ ቀጥወ ኢየሱስ ኧወጣሞኻ በትሸከቨ ኤኤዲ ነኮዊ ተማሪሞኋ ዋ ዘንጋ ቢኺንኹኖዋ አዎኖዪ ባኻሬ አሸዊ ኹዳ አአትዎኋ አኔኤጅታ፡፡
+
+\v 37 በቨረጋኋ ተቆቶ ፎር በወንጁዋጋ ኖኦራ ሰቭ ኧኢየሱስ ተራኪዊ፡፡
+\v 38 ግዝየ አት ምስ ተሰቭ ግት ቃርኋ ነሳታ ዋኸ ባረ‹‹አስተማሪዮ እነኒዳ እማት ኧች ኧኸሬ አትርፍኒ ባኹ ኧትሰኧርኸ
+\v 39 ሴጣን ጠበጠን ቲትረሳወዳ ኧጠነቃር ኮ ያቲፕኩ፤ እቧ ቧፍ ኢንአታ በአፈር አተገ ያክቮንርኩ ኖኦራአር በጐዳንመጋ አምቧአ ነፍስኋ ኢችኩ፡፡
+\v 40 እመዳ ያዎኦነኸ ኧተማሪያኸ ሳአርኹኖም ባነደ፡፡ ኹኖመ ኦኦት ኤመኖም›› ባሪ፡፡
+
+\v 41 ኢየሱስ ዠፐረታ‹‹እምነት ኤነነኋ ጣማማ ኧዋ ዘመርሰቭ መቸ ስን ታኹዋ ኧረብርኬ መቸ ስን ኧፈርኽኖኹዋኔ›› ኾር እንዴ ትካኸ ዋይ አአኩ›› ባረን፡፡
+\v 42 ቲያቫ አኩታነ ሴጣንኋ አትባ ጥቨጠቨን ኢየሱስ ጭን ኧሴጣንኹዳ አጥራቆረንታ ኧችኹ አፍያ ኤፐ አአቦኻ አቨ፡፡
+
+\v 43 ስቭ ኹኖዋ ኧጐይታ ኑእነድ ወግ ኸረዎም፡፡ ኹዳ ቤፐናአር ሰብ እን ወግ እን ፈቲኸርወ ታነ ኧተማሪኋ
+\v 44 ‹‹ዋ ኤኤድኹዋታ ዘንጋ ስርም እንትረሳናኹዋ ኧሰቭ ትከ በሰቭ ኧጅ ኤኤቶ ያአይፑረዴ›› ባረኖም፡፡
+\v 45 ኹኖዋ ጭን ኧቫረኖዋ ኹዳ አምቤሰርታ አይዋሰሪኸ ዘንጋኋ ተደኧረዎም ባነዴ ኻይቶ አይትሳአሪመኸ ፈኞም፡፡
+
+\v 46 ኧኢየሱሲ ተማሪ ኹኖምተኹኖም ቢና ግት ትንእዎኻ ኢረካ ማንተን ቧርም ኢጥጭዋቸቁዋ ባረንደ፡፡
+\v 47 ኢዩስስ ኧኺንኹኖዋ አሳብ ኻረታ አት እንስየ ትከ አቫአ ሰቭየኋይ አትሸከቨን፡፡
+\v 48 ሰቭ ዋ አስየ ትከ በሹዉኛ ቢቴኤፐር ኢያ ተኤፐረ ኧዋርትን ኢያ ኧቴኤፐረ ኹዳ ኧኬሽይ ኹዳ ኤቴኤፐር አካ ባኹዋ ግት ትንአኹዋ ያአስካ ኹዳ ትንአኹ ኢረእ›› ባረኖም፡፡
+
+\v 49 ዩኻንስ ‹‹ጌታንሮ አት ምስ በሹዋኸ ሴጣን ቲያዋአካ አሸነታ ቲና አያራአር ኧኸሬ ቴእ ባነዪ›› ባረን፡፤
+\v 50 ኢየሱስ አትኹርኤ አአኹዋ አይትራከስኹዋ ሰቭ እን ታኹትን›› ባረን፡፡
+
+\v 51 ኢየሱስ ኧሳቫዪ ኢዋአወዳ ብዝየ አቴኤነቬ ኧኸሬ ኢየሩሳሌም ከተማ ያሪ በወርአ ኺንኋ አንጠ ተረሳ
+\v 52 ኢኢፍቲ ብደይተዊ ያፎይወዳ ኤኤዲ ኢንኪነዳ ሰቭ ኬሸ፡፡ ኹኖም ኤኤድ ኢጌኪኔ አት ኧሰማሪያ ቃያ ጐፖም፡፡
+\v 53 ኹድ ኢኢፍትሞኻ ኢየሩሳሌምያረኻ አኋርዋይ ኧኸሬ ኧሰማሪያ ሰቭ ኢቴኤፖር አሴኤዉታ፡፡
+
+\v 54 ተማሪሞኋ ያቆብቪ ዩኻንስ ዋዳ አሾምታ ‹‹ጌታ ኢየሱሶ ‹‹ኤሊያስ አፐመኸ እሳድ ተሰቫይ ውረጅተ ያአፋኮኸ ኒኢዝዘኔ ትፈቅድንረሴዪ?
+\v 55 ኢየሱስ ጭን ተዥቫፐረ ነፈገኖምታ አኹዋ ተቭር አይነት መንፈስ ኧኸርኹዋኸ አትኺርታ ኧሰቭ ትከ ኧቫአ ኹዳ ኧስቭ ነፍስ ያተርፍኔ ባኸሬ ኧሰቭ ነፍስ ያአዪ አኸረዳ›› ባረኖም፡፡
+\v 56 ተኽም ቀጥወ ቾኦም ኧኛ ቃያ ዎርም፡፡
+
+\v 57 ኢየሱስ ተተማሪኋ በቨያ ቲያርካ አት ምስ ኧኹዳይ ቴኤነቨታ ‹‹ታርወዳ ኤኤዲ እን ኧትኼተርኸዴ›› ባረን፡፡
+\v 58 ኢየሱስ ዠፐረታ እንጐረጉየ ኢረዉርኮዳ ጐጀ ኧቫይ አንፉ ኢቸኖኮዳ ቪድ አነኖዋ ኧሰቭ ትከ ጭን መመርኋ ያጋአወዳአር ዳር ኤነነዳ ባረን፡፡
+
+\v 59 አአት ኧዉችር ምስ ጭን ‹‹ተኸተሬ›› ባረን፡፡ ምስኹዳ ‹‹ጐይታኞ ንተርታ አባኛ ቲዎድ ስን ንኽድም ንዌኩ ፍቅድኒ›› ባረን፡፡
+\v 60 ኢየሱቭ ኧዎጅዋኹኖዋ ቶኡዩዋ ኧዎጁዎ ኹኗ ኧዎኩዮዋ አኼ ኾርታ ኧጐይታ መንግስታአር አውድ›› ባረን፡፡ ባረን፡፡
+
+\v 61 አት ኧኛቭ ምስ‹‹ጐይታኞ ‹‹ኧትኾተርሽ ኧትኸተርኸሴ ዘንጋ ጭን ንትዣቨር ንኾርታ አበሩሰኛ ንትስራቨት ናአ ፍቅድኒ›› ባረን፡፡
+\v 62 ኢየሱስ ጭን ማንየ ስቭ በዋውራ ቲቹድካ ኧዋውራ ማረሻ ጥጭተታ ኢኢንየ ያዥካ ሰቭ ኤነዳ፡፡ እመኸቭ አት ሰቭ ኧጐይታ ሜና ጥጭተታ ኢኢንየ አያዥካ ቢያዥ ጭን ኧጐይታ መንግስት አይቨቃካ፡፡
+
+\c 10
+\p
+\v 1 ተህም ቀጥወ ኢየሱስ ኤኛ ሳቭአዪ ዉርኤት ሰቭ ሸፐተ ዳኝነድብ አቨኖምታ ያርወዳ ኤኤድቪ ከተማቭ እንእ ብደይተዊ ያሩዋኸ ኧዉርኤት ዉርኤትሁኖዋ ኬሸኖም ።
+\v 2 እመኸቭ ረኖም «ጎርኋ ኖኦራን አአር ሜና ኢንኧታ ሰቭ ጭን ዉጢካኖዋ አአር አካ ኧጎሪ ጎይታ ሜና ኢንኧታ ሰቭ ዲዊተወታ ኢኬሸኸ ሳአሪ።»
+
+\v 3 ባቴ ሆሩዋ ኧጣየኸ ብእጎረጉየ ግት ኤኬሽሁዋቴ።
+\v 4 ትታርታቭ ኧፈራንክ ሞነ ቀረጢት፥ጫማቭ አትጥጩዋ ፤በቨያቭ ኧማኝእ ሰቭ ትታዝራኩዋ ግዚየ ትጀፑሩዋይ አትሰጎዉዋ ።
+
+\v 5 ትጎኦኮዳ ቢድ እንእ ቡደርሙ ወገሬት ኧዋ ቢድ ኧህር ቧሩዋ ።
+\v 6 በህሜ ወገሬት አይቴኤፐረ ሰቭ በረፐረ እእግዜሪ ወገሬት ያፉይወሴ ባንቴኤፖርኩዋ ወገሬት ኢትዛቨርነሁዋሴ ።
+\v 7 ሜና ኤፐ ሰቭ ሜና ኤፐወ ኧኩዉት አነዌ ኧኸሬ አሁዋ በገፓሁኰ ቢድ አቭኩዋ አአር ትትዎርኦሚ ትትሰጩም በህም ቢድ ቸሮዋ ባኸሬ ኤኛ ቢድ አትሆሩዋ ።
+
+\v 8 ማንኝእ ከተማ ትትጎኦዋታ በቴኤፖርኩዋ አኩዋ አአር ቡርኦዋ፤
+\v 9 በህም ከተማ አነዉታ ኧቫአሺየ አፊያ ትቲንኦዋ እእግዜር መንግስት ማአ ቴኤነቨ ቧርሙ አዉጅየዋ።
+
+\v 10 ዘንጋኋጭን አት ከተማ ገፓሁምታ ኧገፓሁኰ ከተማ ሰቭ አንቴኤፖርኩዋ በኸረ በጀፎረ [በወረፐድ]ዎኦሙታ ዋከ ቧሪዮዋ ፤
+\v 11 «በከተማሁዋ ታነነ በኧግርንራ ኧቸና ጉተ ዳር ቲና ባያሪባሁም ምስክር [ሄቶ ] ኢኸረኸ ንጥቨጥቭኔ አሁዋ ጭን እእግዜር መንግስት ማአ ኧቴኤነቨኽ ኋሩዋ»ቧሪዮዋ ።
+\v 12 ኢያቭ እቭሁዋ በፍርድ ቀረ ኧሃአ ከተማ ቅጣት ተሰዶም ከተማ ቅጣት ይቨኧስኬ »ባረኖም።
+
+\v 13 ሃአቨ ኢየሱስ ዋኸ ባረ «ግርዳሽ ኮራዚን ከተማ ግርዳሽ ቤተሳይዳ ከተማ ባሁዋ ኧቴፐ እእግዜሪ ወግ ሜና ድረ በቲሮስቪ በሲዶና ከተማ ተቴፐ በሃአ ከተማ ይረዉርታ ሰቭ ድረቭ ተቫጢርሁኖዋ ኢትዣዎሩዋ ባንደ፤ አአዘን ሁጅር ተኸደይተዉዋታ በአቨድ ኩረይተዉዋአፉ ዩዉሪዮዋይ ዮኦዋ ባንደ።
+\v 14 ህመኸቭ ኧኸረሜ በፍርድ ቀረ ተጢሮስመዪ ተሲዶናሜ ፍርድ አሁዋይ ፍርድ ኢቨኧስኬ
+\v 15 አኸቭ ቅፍርናሆም ከተማ ኧሳቫይኒየ ከፍ ከፍ ትቭሪ አሸኸዪ አካ አአዛብ እሳዲ ትዎይአኬ ፤
+
+\v 16 የሱስቭ ኧተማሪኋ «አሁዋ ትትዝረኩታ ኢሰቭአሁዋታ ኢያ ኢሰቭአ ፤አሁዋ ኧቀንጠ ኢያ ኢቀርጥ ኧዋርትን ኢያቭ ኧቀንጠ ኧኬሼ እግዜር ኢቀርጥ ኧዋርትን »ባረኖም።
+
+\v 17 ኢየሱስ ኧሸኖዋ ስቭአዪዉርኤት ተማሪኋ ተኬሸኖዋ ኤኤዲ ሳረኖም ሞኦምታ« ጎይታንሮ ሴጣን ዳር ኧሹዋኸ ተጎዦሙታ ቴኤዠዥንረቧሪ ፤
+\v 18 ሁድቭ «ሴጣን ኧዎዠኸ ተሳቫይ ወንደ ቲዎድእካ አሸሁ ባረኖም።
+\v 19 አሁም ጭረቭ ሱዉት ጠፍር ትረጉኡየዋይ በጠላት ደረግ ፎር እንእ ዳኝነድ አቭኩም ኢጎዳሁዋታ አአር አታአር ኤንዳ ።
+\v 20 ቢኸርቭ ጭን ሴጣን እንእ ኧትጎዠኖኩዋይ በዋዳ አይሳርሁዋ ፤ሹዋሁዋ በጎይታይ መዝገብ ኧጣᎉ ጭን ኧሳርሁዋ።
+
+\v 21 ህም ግዚየ ኢየሱስ በመንፈስ ቅዱስ ሻይቀ ሻይቀ ባረታ ኧሳባዪ አአፈር እግዜር አባኞ ዋ ኧኋርት እንእ ኧትሟሩዋ ሁኖዋ ደኧርኸዎምታ አታአር አይሂሩዋ ሁኖዋ አቴሸኸኖዋይ ሽኩር ኧስርአኸ ፤ኦ አባኞ ዋዳ ቲንአይአሄ ወሄ ፍቃድ ኸረ።
+
+\v 22 አባኛ እግዜር እንእ አአር አቨዪ፤ ኢያ ትከኋ ማን ኧኸርሁኸ እማት አባኛ ኢሂር አባመኛ ማን ኧኸኸ እማት ኢያ ትከኋ ኧሂር ኢያቭ በፍቃድኟ አትሄርኩዳ ሁዳ ባኸሬ አባኛ ማን ኧኸረኸ ኢሂርካ ኤንዳ»ባረ።
+
+\v 23 ኧተማሪሞኋይ ተዝቫፐረታ እማት ኦጣሞሁኖዋ ዋኸ ባረኖም፤ ዋ ታዢዳ ሁዳ እንእ ያዥታ ሰቭ ኧትዳርታኖዋ አአር ።
+\v 24 ኢያቭ እቭሁዋ አሁዋ ታዢዳ ሁዳ ኖኦራ ነቢቭ ንጉስቭ ያዢ ቢሱኡዋ አናሸዊዳ ብእዝራሁዋ ትሶቩኤዳ ሁዳ ኢሶዉኦዋይ ቢሱኡም አሰምኦታ ባረኖም።
+
+\v 25 አት ኧሙሴ ቂጫ ኢሂርካ ምስ ኢኢየሱስ ኢፈትንኲ ተረሳታ ፤«አስተማሪዮ ኧዘላለም አያ ሂንተሁ ኧረቭረኸ[ኧዘላለምሂዎት ኧረህቪ] ምር ነንአ? ባረን ።
+\v 26 አየሱስቭ በሙሴ ቂጫ ኧጣᎉምርአፈድን? ታረብብኩዳ መጣፍ ምር ይቭር ባረን።
+\v 27 ምስቭ ሁዳ ዠፐረ «እግዜራኸ በቩርአ ሂናኸ፥በቩርአ ነብሳኸ ፥በቩርአቭ ደረግማኸቭ በቩርአቭ አሳብማኸ ንቭድኩ፤አቦጎዳኸ እንእ ኧገጋኸኸ ንቨድ ይቭር »ባረን።
+\v 28 ኢየሱስቭ «ኧዉረ አአር ባኸ አኸቭ ዋ ዘንጋ እንእ ኧንአ ዘላለም አያ ሂይተኸ ትምበርሴ ፤[ኧዘላለም ሂዎት ትኸቭሴ]»ባረን።
+
+\v 29 ምስቭ ሁዳ ገግኋ ያቨጥሪ ሴኧታ ቦጎዳሆኛ ማንተን? ባረን ።
+\v 30 ኢየሱስቭ ዠፐረታ «አት ምስ ትእየሩሳሌም ከተማ ተረሳታ ኢያሪኮ ከተማ ያር ባንደ ፤ቲያርካቭ በቨያ ስፍጣ ጠቦጪታ ሁጅርኋ ሞጩም አይዎንድመኸዪ አይተርፍመኸ ደነጉም ቃሸዊታ ቸኣዉም ዎርሙ።
+
+\v 31 ህም ተህም አት ካህን ተሃአመያ ቲያርካቸኧንታ ወረ።
+\v 32 እመከቭ አት ኧሌዊ ጥቭነድ አነንዳ አት ምስ ማአ እም ምስ ደነጒታ በወተኧ ኤዲ አሸንታ ሁድቭ ቸኧንታ ወረ።
+
+\v 33 አት ኧሰማሪያ ገኘ ምስ ጭን ሃአመያ ቲያርካ ኧቭስ ሁዳይ ማአ አሸንታ አትቫጠጠን፤
+\v 34 ኧሁድሜ ቴኤነቨታ መዛኋ ዘይትቪ ወይንቭ ሆኦነታ በጨርቅ ጥቫነረን ተህም ቀጥወ ኧገግኋይ እቫር አሬከቨንታኧቫዘራ ቢድ ወሰደታ ኸደመን።
+\v 35 በቭረጋሞኋ ዋ ኧሰማሪያ ገኘ ምስ ኧቪድ ምስ ሁዳ «ዉርኤት ብር አዋአ አቨንታ አደራ ዋ ምስ አታምምኩ ተዋ ኢረእ ባዋአኸ አዋአኸን ዱንያ እንእ ትንዠፐርካ ኧካስኸሴ» ባረን።
+
+\v 36 አካ ተዋ ተሶኦስቸ ሰቭ ዋ ደነጉም ኧቃሸዊ ምስ አቦጎዳ ኧኸረን ማን ኢቨስርኸ? ባረ ተሳአረን።
+\v 37 ቂጫቭ ኢሂርካ ምስ «አትቫጠጠን ምስና! አቦጎዳኋ ኧኸረን ባረን፤ ኢየሱስቭ ዠፐረታ ሆር ካ አኸቭ ህመኸ ኧንአ ባረን።
+
+\v 38 ኢየሱስ ተተማሪሞኋ ኢየሩሳሌም ቲያርታ አት ቃያ ገፓ ማርታ ዩሪያዳ አት ምሽት በቪድሻ ቴኤፐረቸን።
+\v 39 ሂድቭ ማሪያም ዩሪዳ አት ኧተም ባነቸናደ ማሪያምቭ ኢኢየሱስ ይቭካ አአር ትሰቭአይ በኧግርኋይ ቸናች ባንደ ።
+
+\v 40 ማርታ ጭን ሸረድ ታፈእሪ ትርኩᎀ ትቭር ባንደ ፤ማርታቭ ኢኢየሲ ቴኤነቨችታንዳ «ጎይታኞ ኧተምኛ ኦጣኛ ቸኧቸዪታ ትንቂጥካ አናቨጥጥኸዳ? ሃበዳሽ ኧግዢያ ባካ ባረቸን ።
+\v 41 ኢየሱስ ዠፐረታ «ማርታ ሲቭኧ ማርታ አሻ በሮኦራ አአር ትትጨኔቂዋ ትርኩመቭ ትቪዋ ፤
+\v 42 ቢኸርቭ ያትሲእካ እማት አአርን፤ማሪያም ወሄ አአር ሸፐተች ተሂድቭ አይዎስጅኳዳ »ባረና።
+
+\c 11
+\p
+\v 1 አት ቀረ ኢየሱስ ባአት ኤኤዲ ጠሎት ኢንአ ባንደ ፤ጠሎትኋ ተጀፐረመከ ተተማሪኋ አ ሁዳ ጌታንሮ «ዮሐንስ ኧተማሪኋ ጠሎት አትመረኖመኸ አኸቭ ኢና ኧጠልይት አትመረንረ »ባረን።
+
+\v 2 ኢየሱስቭ ዋ ባረኖም «ጠሎት ትቴዉታ ዋኸ ባሩም ፤ «በሳቫይ ትረቭካ አባንራ ጎይቶ ፤ ሹዋኸ ኑእ ኧህር ፤ መንግስታኸ አአ ዋአካ ኧህር ፤
+
+\v 3 ኧቀረ ቀረ ሸረድንራ በቀረኋ አቨንረ፤
+\v 4 ቡሼእ ኧዋአረንረ አፉ ንቭርመኸ አፉ ባረንረ፤ ተቩጥጥ አአር አትርፈንረ ባሃሬ በፊትና አታግቭአንረ።
+
+\v 5 ኢየሱስ አቨታ ዋኸ ባረኖም«ታሁዋ ግት አት አቦጎዳ አነነዳ ሰቭ በግትም ሳአረ ኧሁዳይ ወረ ታ አቦጎዳኞ ኧኧርቫድ ኢኸርካ አአር አጅግ አቬ ፤
+\v 6 አት ናማጂኛ ተቫራዳኋ ኢያይ ማአታ ኢቭኩዳአአር ቢዩኩ ፤
+\v 7 ህም በቪድ ኧትገተረ አቦጎድኋ አታቂጤ ቢድ ኤኤዊ ዴንጋመኛ ቲያ እማቲ ተጎቶተርሙ ተሸተሁ ኢኸመኸ ኤነዳ ይብኲ?
+\v 8 ኢያቭ እቭሁዋ ሁድሽ አቦጎዳመኋ ቢኸር ኢትረሳይ አንሴኧ ባንደ ቢኸርቭ ኧጭቨጨቀኒ ኧሴኧአአር እንእ ዪቭኩ
+
+\v 9 ኢያቭ እሁዋታ ሁዳ ዋዳን ሳአሩዋ ያቭኩዋሴ ፤ሶኡዋ ትኮዉዋሴ ፤ወዝገቭ ድርጉዋ ኢኩፍችነኩዋሴ፤
+\v 10 እመኸቭ ኧሳአረ እንእ ኢቴኤፐሪ ኧሴኧ ሰቭ ኢረህቭ ፤ወዝገቭ ኧደነገ ኢኮፍችነ፤
+
+\v 11 ታሁዋ አቭ ኸረታ ዳቦኧ ቢሰኧርኩ እቭር ኢኩዳ ማንተን? አሳ ኢቨርአይ ቢሰኧርኩ ኧሳአር ጭረ ኢኲ?
+\v 12 ዌ ኧችኋ እንቁላ ቢሰኧርኩ ሱቡት ጠር ኢቭኩዳ ማንተን?
+\v 13 አካ አሁዋ ሙጥጥ ሰቭ በኸርሁዋሜ ኧዴንጋሁዋ ወሄ አአር ዉት በሃርሁዋጋ ኢረእ በሳቫይ አነዳ አቭ ጎይታ ኧሳአረን ሰቭ መንፈስ ቅዱስ ኧተኸ ኢቭኩዴ?
+
+\v 14 አት ቀረ አት ምስ ሴጣን ጠበጠንታ ዲዳ ኧረፐረ ምስ ዝሬከ አሾዉምቭ ሰቭ ወግ ኸረዎም፤
+\v 15 ቢኸርቭ ጭን ተሁኖዋ አታት ሰቭ «ቡኤል ዘቡል ቢዩሪዳ ኧሴጣን አላቃ ሴጣን ያዋአ» ቧሪ ።
+
+\v 16 ኤኛሞሁኖዋ ኢኢየሱስ ኢፎትኒ ቲዩሩዋ ተሳቫይ መርከት ያቲሽኮዋኸ ኢትሳአሪ ባንደ ።
+\v 17 ኢየሱስ ጭን ኧሂንሁኖዋ አሳብ ሃረታሁቭ ተሁድቭ ተራከሰታ ኢትባይተርካ መንግስት እንእ ሁዳ ያርእ ፤ህመኸ አበሩስ ታአበሩስ ተራከሰ በትቫይተረ ኢቂጥ ፤
+
+\v 18 ኢየሱስቭ ኢያ በቡኤል ዘቡልሴጣን ታዋአ ቱርኝ ፤አካ ሴጣን ሁዳ ተሁድ ተራከሰ በትቫይተረሁ መንግስኮኋ ኧተኸ ኢትሰገቭሴ?
+\v 19 ባቴ ኢያ በቡኤል ዘቡል ሴጣን አዋአ በኸረ አሁዋ ኢትሄተርታ ሰቭሁ በቫን ደረግ ዮኦዮሴ? ብእም ኧቭአ ዴንጋሁዋ ባሁዋ ኢፎርጅኮኩዋቴ ።
+\v 20 ኢያ ጭን በጎይታ ደረግ ሴጣን አዋአ በኸረ፤አካ ኧጎይታ መንግስት ሁዋይ ኧቭአኸ ኋሩዋ ፤
+
+\v 21 አርወተኘ ምስ አአርቭ ግቭርኋ ጠበጠታ ኧገግኋይ ቢድ ብእየ ንቭረድኋ አይዥንᎉዳ ።
+\v 22 ዘንጋኋ ጭን ተሁዳ ኢረእካ አርወተኘ ቱኧ ምስ ማአ በጭመመረን ሂንኋ አወናወ አአርቭ ግቭርኋ ኢወስድወ ፤ንቭረድሞኋ ማነኸ ኤኤኛ ሰቭ ኢሻድወ።
+\v 23 ቲያ አይኸር ሰቭ እንእ ኢትራከሴቲያቭ እማቲ አይስቨስቭ ሰቭ ኢቭራጭ ባረ ።
+
+\v 24 ሼጣን ተሰቭ በዋአጋ ያፎይወዳ ኤኤዲ ኢሲኢ እሃ ቤኖወ ኤኤዲ ቆርቆር ይቭር ያፎይወዳቭ ኤኤዲ ባነከቨ ጭን ህም ኧዋአሁወ ኤኤዲ ንትዣቨር ንሆር ይቭር።
+\v 25 ህም ቢድ ቲቫአካ ቢድሁዳ አሸሺታ በትጌከሬ ኢረህኩ ።
+\v 26 ተህም ቀጥወ ተዘፐረ ያርታ ተሁዳ ኧዋሹዋ ኤኛ ሳቭአት ሴጣን ጠበጠ ኢቭአ እንቭሁኖዋ ጎፖሙ በህም ቢድ ኢረዉሩዋ ህም ሰቭ ቲኢፍት ኢረእ ኧቀጥወ ሁዳ ኢቨኧስወ ባረ።
+
+\v 27 ኢየሱስ እመዳ ቲዝሬክቭ ታነ አት ምስት ተሰቭ ግት ቃርሻ ነሳችታ «አኸ ኤኘችታ ጡቭሻ አጦፖቸናኸ አዶድ ኧትዳረችዳኒያ አአር»ባረች።
+\v 28 ሁዳጭን «ኧትዳረሽ ኧጎይታ ቃር ሰምአታ ተጬፐ ኢረቭሩወዳ ሰቭን»ባረና.
+
+\v 29 ኖኦራቭ ሰቭ በደመደጋ ኢየሱስ «ኧዋ ዘቨር ሰቭ አጉልን አአር ሁዳ መርኸት ያዢ ኢሲእ ቢኸርቭ ጭን ተነቢ ዮናሲ መርኸት ኤኛ መርኸት አዪዊዳ»።
+\v 30 ዮናስ ኧነነዌ ከተማ ሰቭ መርኸት አኸረኖመኸ እመኸ ኧሰቭ ትከ ኧዋ ዘቨር ሰቭ መርኸት ኢኸርኬ ።
+
+\v 31 1 ጉራ ገኘ ትገዛ ኧረፐረች ንግስት አዜብ በፍርድ ቀረ ተዋ ዘቨር ሰቭ እማትሜ ተሸተች ትፈርድዎቴ ።ሰለሞን ኢዝሬኩዳ ወግ ዘንጋ ትሰቭአይ ተሮኢታአፈር ዳሪ ተረሳችታ ማአች። ዘንጋ ጭን ተሰለሞን ኢረእካ አአር ዌኤዲ ታሁዋ አነ ።
+
+\v 32 2 ኧነነዌ ከተማ ሰቭ በፍርድ ቀረ ተዋ ዘቭር ሰቭ እማቲ ተሸተዉ ኢፎርጅኮቴ።ሁኖዋ ዮናስ ኤኤደኖዋ ኧጎይታ ቃር ሶምኦሙታ ባጢርሁኖዋ ቸኦሙ ኧጎይታይ ተዠፖርሙ፤ዘንጋ ጭን ተዮናስ ኢረእካ አአር ዌኤዲታሁዋ አነ ።
+
+\v 33 ኢየሱስ ዠፐታ ኩራዝ ተከሰታ ኢደእርኩዳ ዌ ሰፍ ኢደፋወዳ ሰቭ ኤነዳ ፤ኢረእ ቢድ ኢጋአካ ሰቭ ኢትረኮኮኸ በሰፍ ፎር ያዎሬ ።
+\v 34 ኧሰቭነዳኸ ብርሃን ኤርናኸ ፤ኤራኸ አፊያ ቲኸርካ ሰቭነዳኸ እንእ ስንክር ይቭኩ ኤራኸ ቤኤናኸ ጭን ምሲያኸ እንእ ጠነቫ ኢኸር ።
+\v 35 ባቴ ሰቭነዳኸ ጠነባ ባይኸሪ ተጤፕ ።
+\v 36 አካ ሰቭነዳኸ እንእ ስርም ጠነቫ ታይረቭሩወ ስክርት በኸረ እንእ ኤኤዳሄ ስክርት ኢኸር ።
+
+\v 37 ኢየሱስ ዝሬከ ባትሸከቨጋ አፈሪሳ ገኘ ምስ «ቲያቭ እማትሜ ኧዛፍ ንቭርአነ ባረ ሳአረን፤ኢየሱስቭ ገፓታ ኢቨርአይ ቸና ።
+\v 38 ህም ኧፈሪሳ ገኘ ምስ ኢየሱስ ኧዛፍ ኢቨርአይ ብደይተ ኧጅኋ አንታኧቬ ወግ ኸረወ ።
+
+\v 39 ጌታ ኢየሱስ ዋኸ ባረን«አሁዋ ኧፈሪሳ ሰቭ ትዎርኦኮዳዪ ትሰጭኮዳቭ ግቭር ከስኋ ቸኧሁም ፎርኋ ታኡዉዋ አሁም ህመኸ ዳኲድነድቪ ሙጥጥነድቭ ሜንአቨሁም።
+\v 40 አሁዋ ጋዋ ሰቭ ኧፎር ሰቭነዳሁዋ ኧፈጠረ ጎይታ ኧከሲ ሰቭነዳሁዋ አንፈጠረዳ?
+\v 41 ቢከርቭ ኧከሲ ሂናሁዋ ኧትጣወር ሃአ ግዚየ እንእ አአር ንጡሁ ኢህርነሁዋሴ !
+
+\v 42 አሁዋ ኧፈሪሳ ሰቭ ግርዳሁዋ ታአቨሱድ ተጫኒየዪ ተቩችር ቡችር ኧጎር ብርኧ ታአስር አት ኧጅ ኧጎይታ ቲዉዋ ቢኸርቭ ጭን ቂየቭ አትፎርጁምቭ አትረጁምቭ ፤ዋዳ እንእ ትቲዉታ ቂትየ ኧፉርጅትቪ ኧረዎጅትብ ባነቨሁዋተ።
+
+\v 43 አሁዋ ኣፈሪሳ ሰቭ አይሁድ ቢደሞጅኮዳ ቢድ ኢፍት ቲኢፍት በወሄ ቧርጩሟ ትቸኖዋይ ኢሽርሁዋ ።
+\v 44 ኸጣ ኧፈሪሳ ስቭ ታይሂር በፎርኋ ያርወዳ ኧትደኧረ ሞገማትዎስሩዋይ ኧኸሬ ግርዳሁዋ»ባረኖም።
+
+\v 45 ተቂጫ አስተማሪ አት ሁዳ አስተማሪዮ ዋኸ ኧዋርታኸ ኢና ኧቅሩዉትናኸሽ» ባረን ።
+\v 46 ኢየሱስቭ ዘፐረ ዋኸ ባረን፤«አሁዋ ቂጫ ቲሂርታ ሰቭ ግርዳሁዋ ሰቭ ኢፌንግኲ አይኸነ ኢረኧዝካ ፉንግ ነሳሁም ታፌንጉዋ አሁዋ ገጋሁዋ ጭን ባጤያሁዋ አትረጉጂዳ ።
+
+\v 47 አቦዋሁዋ ኦኦተሪዮዋ ኧነቢሁንዋይ ሞገማ ታቂማሙጩዋይ ኧኽሬ ግርዳሁዋ ።
+\v 48 ባቴ ባአቦማሁዋይ ሜና ኧጉዣ ኧኸርሁዋኸ አሁዋ ገግማሁዋ ትሙሰኩሩዋ ሁኖዋ ኧነቢ ኡኖዋ ኦተሪዮም አሁዋ ሞገማሁኖዋ ቲጌኲሩዋ ።
+
+\v 49 በህም ኧቫአ ኧጎይታ ሃሪነድ ዋኸ ይቭር «ኧሁኖዋ ነቢምቭ ኪሸረኘቭ ኧኬሽኬ ተሁኖም አታትሁኖዋ ዮኦትሪዮቴ ኧተነፉዋ ሁኖዋ ያትሳትጂዮቴ
+\v 50 ዋ አፈር ተትፈጠረ ቆነሺታ ኧሮኦራ ነቢ ደቭ ተሆኧ ኢያቭ ዉረመኛ እቭሁዋ ታአቤሊ ደቭ ቆነሺታ ህትቭ ቢዪንኧኮዳ ኤኤዲቪ በቬተ መቅደስቭ ግት ኦኦተሪ ኧዘካሪያሲ ደቭ ፤
+\v 51 ኧዎዋ ነቢ ደብ እንእ ኧዋ ዘቨር ሰቭ በፍርድ ቀረ ኢትሳአሪዴ ፤
+
+\v 52 በህም ኧቫአ ኧጎይታ ሃሪነድ ዋኸ ይቭር «ኧሁኖዋ ነቢምቭ ኪሸረኘቭ ኧኬሽኬ ተሁኖም አታትሁኖዋ ዮኦትሪዮቴ ኧተነፉዋ ሁኖዋ ያትሳትጂዮቴ ዋ አፈር ተትፈጠረ ቆነሺታ ኧሮኦራ ነቢ ደቭ ተሆኧ ኢያቭ ዉረመኛ እቭሁዋ ታአቤሊ ደቭ ቆነሺታ ህትቭ ቢዪንኧኮዳ ኤኤዲቪ በቬተ መቅደስቭ ግት ኦኦተሪ ኧዘካሪያሲ ደቭ ፤ ኧዎዋ ነቢ ደብ እንእ ኧዋ ዘቨር ሰቭ በፍርድ ቀረ ኢትሳአሪዴ ፤
+
+\v 53-54 ኢየሱስ እም ዘንጋ ኤኤደኖም ቲዋአካ ኧቂጫ አስተማሪሚ ኧፈሪሳ ሰቭ ኢትራኮሺመዪ ኖኦራ አአር ኢዝሬክኸ ኧጓጉጅት ቆነሺ ፤እመኸቭ ኤፖዉዋ ሁዳ ሁዳ በዝሬከን ዘንጋ ኢጠጪ ቲዩሩዋን
+
+\c 12
+\p
+\v 1 በህም ግዚየ በሮኦራ ሁብ ኢትቬዘርታ ሰቭ ተደሞጁም፤ ኖኦራ አአር ተሁርትሞሁኖዋ ኧትረሳ ገግተገግሞሁኖዋ በትጋፎት አትሁዳ ባአት ሁዳ ፎር ኢድራደሩዋ ባንደ ፤ኢየሱስቭ በተረታ ኧተማሪኋ «ተፈሪሳ ሰቪ እርሾ ተጠፑዋ ኸጥንድ አይበርቨሁዋ ኧዋርትነኛ ።
+
+\v 2 ቢኸርቭ ኧቴኤፈ አይትከፈድ ኧትደኧረ አይትሄር አአር አታአር ኤንዳ ፤
+\v 3 ህመኸ ኸረሜ በቭሳአረ በተነቫ ትትጮጂዳ ሁዳ እንእ በዋአና ቡኡዋየ ኢትሰምአኬ ፤በወቀ ኧዝሬኲዴ።
+
+\v 4 «አሁዋ አቦጎዳኞ ኢኢድሁዋ ዋ በሰር ዮኦትራት ተሃአ ኤኛ አአር አይኸኖዋ ሰቭ አትፍረዉዋ ።
+\v 5 ኢያ ጭን ትፎሪዳ ሁዳ አቲሽሁዋቴ፤ተኧተረ ቀጥወ ባአዛብ እሳድ ኢቃሺ ደረግ አነነዳ እግዜር ፍረዉዋ ኧዉረመኛ እቭሁዋ ኣሁዳ ፍረዉዋ ፤
+
+\v 6 አምእስት አፉ ብእማት ፈራክ ያስረዮዋሽ አኸረዳ? እግዜር ተሁኖዋ አት ሁዳ ዳር አይተረሳኩዳ ።
+\v 7 አሁዋይ ኧጉንኧራሁዋ ድገር ዳር አአንዳ ኤኤድኋይ ሜዘሪ ፤አካ እፈኘሁዋ ተሮኦራ አፉ አሁዋ ትረኡዋ »ባረኖም።
+
+\v 8 ኢየሱስ ሃአቨ «ያቭ እቭሁዋ በሰቭ ኢፍቲ ኢኢድኒዳ እንእ ኢያ ኣሰቭ ትከ ብእግዜር መላአይካ ኢፍቲ ኢኢድነዴ።
+\v 9 በሰብ ኢፍቲ ኢኸዳይዳ ኢያቭ ብእግዜር መላአይካ ኢፍቲ ኸዳኩዴ»።
+\v 10 ኧሰቭ ትከ ኧቀነቨ ሰቭ አፉ ይቩሪ መንፈስ ቅዱስ ኧቀነቨ ጭን አፉ አዩሪዳ ።
+
+\v 11 ኢፎርጅኮኩዋ አይሁድ ኢዶሞጅኮዳ ቢድ ፥ኧገኘ ባሪቂ፥ኧዳኘሜ ሻይተዉ ኢዎስጅኩዋቴ ህም ግዚየ ኧተኸ ንዝሬኲነዴ? ዌ ር ንቭርነዴ ዌ ምር ንዝሬኪነዴ ባይተሁዋ አትጠረቁዋ ።
+\v 12 ህም ግዚየ መንፈስ ቅዱስ ትዝረኩታ አአር የአዉድሁዋሴ»ባረኖም።
+
+\v 13 ተትደመደ ሰብ ግት አት ምስ «አስተማሪዮ ኧሰምኛ ቲያ አነንዳ አአቦንራ ደረድ ኢትሻከደኸ ኧኧሰምኛ አዉድኩ»ባረን።
+\v 14 ኢየሱስቭ «አኸ ምሶ ኢያ አሁዋ ደረድ ኧሻክድመዪ በፎርማሁዋ ኧፈርዲ ማን ዳኘ ኤፐዪ »ባረኖም።
+\v 15 ኢየሱስቭ ሃአቨ ተጠፑዋ ሰቭ ኢረቭርካ ሁዳበዋጋ ኑኡነድ አኸረዳ ፤ዋጋቭ ተትሜኝት ሂናሁዋ ኧሮዋ »ባረኖም።
+
+\v 16-17 እእመዳቭ ሟማካ ዋኸባረ ኤኤደኖም «አት ደንገኘ ምስ ኧዘንአን ዝኝኧ ኖኦራ ሙርት አወንደነ ፤ሁድቭ «ዝኝኧኛ አወራወዳ ኤኤዲ በከርሁ ምር ነንአ? ባረ፤ በሂንኋይ አጫመጠ ።
+\v 18 እመኸቭ ነንአ ባረ ፤«ገየኛ እንእ ንቫርር ኤኛ በተድ ገየ ነረሽ በሁኖም ዝኝኧመኛ እም ግቭርኛ እንእ ቁጥቁጥ ነንአ።
+\v 19 ነብሲያመኛ ነብሲያኞ ኧሮኦራ ዘቨር ኢቨቃካ ንቭረድ ቁጥቁጥ ኤፐነከ ተቫቴ ኡፎይ ብርአ ስጤይቭ ኧሳርኸ እቭኩዴ ባረ አጫመጠ ።
+
+\v 20 እግዜር ጭን «እኸ ጋዋ ኦኳ ኧዳር ትዎንድኬ እኩ ቁጥቁጥ ኤፐኸን ንቭረድ እንእ ኧቫን ኢኸርኬ?»ባረን።
+\v 21 ኢየሱስቭ ሟሟካ ሁዳ በጀፐረጋ «በዋ አፈር ኧገግኋ ዋጋ ያወራካ በጎይታይ ጭን አታአር ኤነነ ሰቭ እንእ ዋ ምስ ኢቨስር »ባረ ።
+
+\v 22 ተህም ቀጥወ ኢየሱስ ኧትማሪኋ ዋኸ ባረኖም«ኣነብሲያሁዋ ምር ንቨርአነዴ ዌ ምር ንትኸተርነዴ ባይተሁዋ አትጠረቁዋ ፤
+\v 23 ተሸረድ ነብስ ተሁጅርቭ ምሲየ ኢረእ ፤
+
+\v 24 እንዴ አፉ ኦዢዮዋ አይዘርኧታ አይፏጭታ ኧግቭርሁኖዋ ያዎሮኮዳ አአር ዌ ገየ ኤነኖታ እግዜርቭ እመኸ ያቨርአኮዋ እህ ባቴ አሁዋ ታአፉ ኖኦራ አአር አትሮኡዋታ?
+\v 25 ታሁዋ ተጠሬቅተታ ብእድሜኋ እማት ሳአት ኢደቭርካ አኔ?
+\v 26 እህ አካ ዋ እሲየ ዘንጋ ዳር አይኸነሁዋ በኸረ በኤኛ አአር ኧቭር ትትጨነቁዋ ።
+
+\v 27 እንዴ ማማ ኧተኸ ኢትራኡዋኸ ኦዡዋ አይቂችታ ጥጣቭ አይረዱፉታ ፤ዘንጋኋ ጭን ኢያቭ ኢኢድሁዋ ንጕስ ሰለሞን ዳር በሃአጣካ ኑኡነድኋ ተሁኖዋ አአትሁኖዋኸ ኢኸርካ አአር አንትኸተረዳ ።
+\v 28 ባቴ እግዜር ኦኳ አሸዊታ ነገ ብእእሳድ ኢረድድካ ኧጀፎረ ሳአር ዋኸ ኢስረኸ ያኸድር በኸረ።እህ አሁዋ ብእግዜር ኧትእሟሞርት ኤመናሁም ባኸሬ አሁሁ አያከድርሁዋታ ?
+
+\v 29 አሁዋ ምር ኣቨርአኬ ዌ ምር ኧሰጭኬ ባይተሁዋ አትጠረቁዋ ፤
+\v 30 ዋዳ እንእ ኢረሁዉዋይ ባአለም አነዉዋታ ሰቭ [ኸልቅ] እንእ በሩእ ተመኛት ኢሱኡዋ አሁም አባሁዋ እግዜር ዋዳ እንእ ያትሲእሁዋኸ ኢሂር ።
+
+\v 31 ተህም ኢረእ እእግዜር መንግስት ሶኡዋ ዋዳ እንእ ኢዱዉርነኩዋሴ ።
+\v 32 አሁዋ ቀሪ ሰቭ ብትሆርሙ አትፉረዉዋ አባሁዋ እግዜር መንግስትኋ ኢሲእ ።
+
+\v 33 አነንሁዋታ ሁዳ እንእ አሰሮሙታ ኧዚጋ አቩዋ ፈገያቭ ባይሰርእወ ንእስቭ ባይቨርአኩ በሳቫይ አያርእቭ አይገርዝቭ ዱኒያ አአርዋሁዋ አዉሮዋ ።
+\v 34 ዱኒያሁዋ ባኖዳ ኤኤዲ ሂንማሁዋ በህሜ ይህርሴ »ባረኖም።
+
+\v 35 ኢየሱስ ዠፐረ እንእ ግዚየ ወንዘቫሁዋ ታአጎጁም ተጥቫቨቁዋ መብራትማሁዋ ኧብራ፤
+\v 36 አሁም ያረቭርኮታ ምስ ታአዠቨኘቢድ ሜኤተታ ሳቃ ቲደርግካ ህመጋ ተሸተዉዋታ ኢኮፉቺ ዩኡሮታ ሜነኘ ሙሰሩዋ።
+
+\v 37 ያረቭርኮታቭ ምስ ኧጠነቃር ቲዋአካ ተጬፖዉሙ ቲዩኡሬዳ ያዥኮታ ሃአሜነኘ ኧትዳርታኖዋ አአር። ኧዉረመኛ እቭሁዋያረቭርኮታ ምስ ይዎርኧታአአር ያቫአኖምታቸሮሙ ቡርኦዋ ባረ ወንዘቭኋ ታአከደ ኢኸድምኮዋ
+\v 38 በግት ምሳአረቭ ኸረ በዞፉቶᎀ ሜኤተታ እመኸ በቃዢት ተቋጦዉም ቲዩኡሬዳ ቢረህቭኮዋ ኧትዳርታኖዋ አአር።
+
+\v 39 አት ዘንጋ ጭን ኋሩዋ ኧቢድ አቨቃጥ ፈገያ በቭር ግዚየ ኢቫአኸ ቢሂር ዊኢንድ ባኔኧቭ ፈገያቭ ቢድኋ ህይተ ኢጋአይ ባናቨንዳ።
+\v 40 አሁም እመኸቭ ተቃጦዉም ኦሮዋ ኧሰቭ ትከ ባናጫመጥኊ ግዝየ ኢቫአኬ ባረ።
+
+\v 41 ፔጥሮስቭ ኢኢየሱስ «ጎይታንሮ ዋ ሟሟካ ትዝሬካ ሁዳ እማት ኢናትኒዌ እእንምነኋ? ባረን።
+\v 42 ጌታ ኢየሱስ «እንዴ አአበሩስኋ ግዚየኋ ኧየተታ ሸረድሁኖዋ ኢኮኸ ባአበሩስኋ ፎር ዳኝነድ አቨን ሂን አነነዳቭ ኧታአመረቭ ማንደን?
+\v 43 ያረቭርኩዳ ምስ በቫአ ግዚየ ህመኸ ቲዪንአካ ኢረሁኩዳ ሃአ ሜነኘ ኧትዳረዳን አአር ።
+\v 44 ኣዉረመኛ እቭሁዋ ያረቭርኩዳ ምስ ባነንዳ አአር እንእ ዳኝነድ ዪቭኩ ።
+
+\v 45 ዘንጋኋ ጭን ዋ ሜነኘ ያረቭሬዳ ምስ በፈኧረቭ አይቫአካ ያቲርኬ ባይተ ቢያጫምጥኧቪድ ዴንጋዪ ግርኤድቭ ኧድርጉት ቢቀርስ ኧሳረነኸ ቢቨርአዪ ስጤይተታ ቢሰህር ፤
+\v 46 ኧሃአ ሜነኘ ያረቭርኩዳ ምስ ባንእየን ቀረ ባናጫመጠን ወቅት ኢቫአ ።ኑእ ቅጣት ኢቀጣኩሟርሞኋ ታያአቡሩዋ ሰቭ ኢይንአኩ ።
+
+\v 47 ያረቭርኩዳ ምስ ፍቃድምር ኧኸረኸ ሃይተ አንትጬፐ ኤኤዘዘንቭ ሁዳ ሃይት አኔፐ ሃአ ሜነኘ ቅጣትኅ ኑኡን አአር።
+\v 48 ዘንጋኋ ጭን አንሃረ ሁዳ ባአፋን ኢፋድኋ ቅጣትኋ ቀሪን አአር ።ንኖኦራ አአር ታዊ ሰቭ እንእ ተሁዳ ኖኦራ አአር ኢሱኡኰ ፤ኑእ አደራ ታዊ ሰቭ ተሁድቭ ኑእ ዘንጋ ኢሱኡኰ ባረኖም።
+
+\v 49 ኢያ ኧቫአሁ ሁዳ በዋ አርዳ እሳድ አጣብጥኔን በፈኧረቭ ተረተደኒ ምርኟ ኢሳሬ ባንደ ።
+\v 50 ዘንጋኋ ጭን ኧትጠመቅኩዳ ጥምቀት አነኒ ፤ትንጀፕርኩቭ ስን ኧተኸ ጨነቀዪ ?
+
+\v 51 ኢያ በዋ አፈር ሽኛት አቫአይ ኧቫአሁ አአር መሰረናሁሚ? አኸረዳ ኢያ ኧቫአሁ ኧቫይትርኔን እቭሁዋ ።
+\v 52 ተዋአክ ቅርሽተዊታ ባአት ቢድ ኢረቩርታ አምእስት ሰቭ ኢትቫይተርቴ ተሁኖም ሶኦስትሁኖዋ በዉርኤትሁኖዋ ኤኡርኤትሞሁኖዋ በሶኦስትሁኖዋ ፎር ተሸተዉዋታ ኢትራኮሽቴ።
+\v 53 አቭ ተኧችኋ ኣችቭ ታአባኋ ኢትራኮሽቴ ፤አዶድ ትገረድሻ ገረድቭ ታአዶድሻ አቫት ተቨራታሻ መራትቭ ታአቫትሻ ኢትራኮሽቴ» ባረኖም ።
+
+\v 54 ዠፐረታ ኢየሱስ ኧትደሞጁዋ ሰቭ «ዳቨራ ተራአኘ ቲቫአካ ትታዥታ ዲየ ህመጋ ያድግኬ ቱዉሩዋ ኧዉረቭ ያድግ።
+\v 55 ኧጉራንፋስ ቲረፍስካቭ አፈር ቃዉነ ኢኸርኬ ቱዉሩዋ ኧዉረቭ ቃዉነ ኢኸር ።
+\v 56 አሁዋ ኸጣ አአፈርቪ ኧሳቫይቭ መርክ አሸሁም ኧዋአካ አአር አጬግሁም ቲሂሩዋ ይ ኢኸነሁዋ ፤በዋ ዘቨር ኢኸርካ አአር ኧቭር አጪግተሁዋ አቲሂርታ »ባረኖም።
+
+\v 57 ኢየሱስ ዠፐረታ «እህ አሁዋ ቂጥየ ፍርድ ኧቭር አትፎርጅታ?
+\v 58 ባራጋራኸ ከሰሰናኸታ ፍርድ ቢድ ቲዎስድኸዳበቨያ ታነኸ ተቫራ ጋራኸ ትትቂያመጢ አትቫቅር፤ባንቂያመጥኸ ጭን ኧዳኜ ሻቨ ኢዎስድኸ ዳኘቭ ኧፎሊስ አዋአ ያአይፒርኸ ፎሊስቭ ኦሁኔ ያጋአኸ ።
+\v 59 ኢያቭ እቭኸ አት ሜዞ ታይተርፍ ከሳኸ ጃቪተከ ታትከስ ስርም ተኦሁኔ አትዋአካ»ባረ።
+
+\c 13
+\p
+\v 1 . በኽም ቀረ ኢየሱስ ተቭድ ዋአታ በቫር ሞሬ ቸና፤
+\v 2 . ኖኦራ ሰቨ ተደሞጆም ኧኸዊይ ኧኸሬ በቫር ፎር በረፐረ እንሲየ መርከብ ገፓታ ቸና፡፡ ኧዎኦዋ ሰቭ እንእ በቫር ሞሬ ተሸኮብ ባነደ፤
+\v 3 . ተኽም ቀጥወ ኢየሱስ በሟሟካ ኖኦራ አርዋኸ ባረታ ኤኤደኖመ፤‹‹አት ጃዋድ ምስ ዝኘ ይዘራይ ዋአ፡፡
+
+\v 4 አታት ዝኘ በመያ ሞሬ ወተኧታ አፊ ሞኦም ናጨዊ፡፡
+\v 5 ዝኘ ኖኦራ አፈር ቤነወ በጣጤ ወተኧ ከሰኋ እምር ኽመጋ ይረቫይ ገተደ፤
+
+\v 6 ኡዋየ ቤዋአወ ኽመጋ ሸተረ ኧስር ኤኖይ ደነኸ፡፡
+\v 7 ዝኘ በሶኽ ግት ወተኧታ ነማ፡፡ ሶኹ ዋአታ አነቀን፡፡ ዝኘ በወኼ አፈር ወተኧታ ነማ ኖኦራ ምርት አቨ አትኹዳ በኧር አትኹዳ ስድሳ አትኹዳ ሳሳ ምርት አቨ፡፡ ይሰቫካ እንዝር ኦነንደ ኧስቫ››
+
+\v 8 አፈርቭ ኢቹድካ ምስ ሁዳ ዠፐረታ፤ «ሞረሞረኋ ናኮትኩትነታ ኢቫራ ትኒኩ ስን አአት ዘቨር ስን ቴእኒ ።
+\v 9 ኢቫአካ ዘቨር ቡስር ባፎኘ ወሄን አአር ባናፎኘ ጭን ዮጪሴ» ባረን ።
+
+\v 10 ኢየሱስ በሰንበት ቀረ አይሁድ ቢዶሞጅኮዳ ቢድ ያትመር ባንደ ።
+\v 11 በህም ኤኤዲ ታአስረ ሱቡት ዘቨር ቆነሺታ ሴጣን ኧቀፓና ምሽት ባንቸ ፤ሂድቭ ጉቡር ኧኸረቺ ኧከሬ ገኲተች ባትሸከቭካ ።
+
+\v 12 ኢየሱስ ቢያዥካ ኸናናታ «ምሽቶ ተቫአሻሽ ተፈታሽም »ባረና ።
+\v 13 በኧሥMዖኋ ሙሻሸናታ ህመጋ ጌከረች ተሸከቨች ኧጎይታ ሽኩር ባረች ።
+\v 14 እየሱስቭ በሰንበት ቀረ ኤኤመኖዋ ሰቭ አተነፌ አይሁድ ኢደሞጅኮዳ ቢድ አላቃ ኧኸረ ምስ ማአቸታ ፥«ሜና ዬዉኮዳ ስድስት ቀረ አነዉዋ ተዋቴ በሰንበተ ቀረ ታይኸር ቤኤኛ ቀረ የሁምታ ተቫአሳሁዋ ትረፉዋ ባኸሬ በሰንበት ቀረ አኸረዳ» ባረኖም።
+
+\v 15 ጌታ ኢየሱስ ዠፐረታ «አሁዋ ኸጣ ታሁዋ አታሁዋ በሰንበት ቀረ ባዉራዃ ዌ እቫርኋ ፍጀተታ እሃ አያሰጭ ማንተን?
+\v 16 ዋ ምሽት አአብራሃም ዘርኒያ ፤ተአስረ ሱቩት ዘቨር ቆነሺታ ሴታን አቁረፈረና ምሽት ባነቸ ፤ዋ ምሽት በሰንበት ቀረ ተቫአሸሻ ኧትፎጆት ኤነቫዳ? ባረኖም ።
+
+\v 17 ኢየሱስ ዋዳ ቢይር ኧትራኪሺ ሁኖዋ እንእ ቅቨጮም፤ኢየሱስ ቤፐን ወሄ ሜና ሰቭ እንእ ሳረን።
+
+\v 18 ኢየሱስ ኧጎይታ መንግስት ምር ኢቨስር ዌ ተቭር ናትዋራኩ?
+\v 19 አት ምስ በዝጭኧኋ ግት ኧዘንአን ኧሺፍ ቂቀ ኢቨስር ፤ኧሳቫይ አፉቭ ባጤኋ ቢድሁኖዋ ያረሽኰ» ባረኖም።
+
+\v 20 ሀአቨ ኢየሱስ «ዋአካ ኧጎይታ መንግስት ተቭር ናትዋራኩ?
+\v 21 ኧጎይታ መንግስትሊጥኋ ቲፈእር ስን አት ምሽት አቫአች በሶኦስት ቁና ዱቄት እራኧረችቸን እርሾኢቨስር»ባረ።
+
+\v 22 ኢየሱስኢየሩሳሌም ከተማ ቲያርካ በከተማዪ ቢያርወዳቭ ቃያ እንእ ያትመር ባነደ።
+\v 23 አት ምስ ኢተርፉታ ቀሪ ሰቭኖዋ?»ባረን።
+\v 24 ሁድ ቡኡፗᎌ ኡንፈቻ ትጎኦዋይ አትዋቁሩዋ»፤ኢያኤኤድሁ ኖኦራሁኖዋ ኢጎኦዋይ ቢሱኡም አይኸኖታ።
+
+\v 25 ኧቪድ አቨቃጥ ሁዳ ተሸተ ኡፈቻኋ ኢእኩዴ፤ ተሀ ቀጥወ አሁዋ በድየ አጋድ ጌታንሮ ክፍተንረ ባይተሁዋ ኡፈቻ ኧድርጉት ትቆርሽቴ፤ ሁድ ሀአይተታ ማን ኧኸርሁዋኸ ተኧትሜ ኧቫአሁዋኸ አንስሂርሁዋታ› ዩሁዋቴ።
+\v 26 ህም ግዝየ ‹ቢኢፍታሄ በንአነ ሰጨነ፣በቃያንራይ አትመርኸ› ኧዋርት ትቆርሺዴ።
+\v 27 ኢያ ኢኢድሁዋ ማን ኧኽርሁዋመኸ፣ተኧቲ ኧቫአሁዋመኸ አንሂርሁዋታ ፤አሁዋ ሙጥጥ ሰቭ ቲያ ኧሰሁኒ› ዩሁዋቴ።
+
+\v 28 አብራሀም፣ ይሳቅ፣ ያቆብቪ ነቢቭ እንእ በጎይታ መንግስት ታዢዮቴ፤ አሁዋ ጭን ሰቻይ ኤኤቶ ኢቋሽኩዋቴ ፤ ህም ግዝየ ቢኸቪ ሽን ኧፉኡትኢኸርኴ።
+\v 29 ኖኦራ ሰብ ተራአኘዪ ተታአቸ ፣ተቀነቪ ተጉራ ኢዎኦቴ፤ በጎይታቭ መንግስት ሸረድ ኢዎርኦዋይ ኢቸኖቴ።
+\v 30 ኢኢ ሁኖዋ ኢኢፍቲ ፣ኢኢፍቲ ሁኖዋ ኢኢ ኢሆርቴ» ባረኖም።
+
+\v 31 ህም ግዝየ አታት ኧፈሪሳ ሰቭ ኧኢየሱሲ ቴኤኖምታ «ሄሮድስ የኧትርሄ ኢሲእ ሆርታ ተደኧር»ቧሪ።
+\v 32 ኢየሱስ «ሆርምታ ኧሀ እጎሮጉየ ፣ኡክ ኦኳዪ ነገ ሴጣን አዋአኴ፣ኧጮረኖም ሰቭ አፍያ ኢንአኴ ፤በሶስተኘ ቀረ ሜናኛ ኧጀፕርኴ ባረ ቧሪ።
+\v 33 ቢኽርቭ ነቢ ተኢየሩሳሌም ከተማ ውጪ ኧውጅት ኤነዌ ኧኸሬ ኦኳዪ ነገ ተሰስተቭ ኧሆርት አነቪ ።
+
+\v 34 «ኢየሩሳሌም ኢየሩሳሌም ፥አኸ ነቢ ተኧትር፥ አሄ ኧኬሸውዮዋ ሰቭ ብእቭር ትወጋ ፤ኩታራ ጩዋጩውዮኋ ኧቆርሳኋ ከስ ቁጥ ቁጥ ዬቭመኸ ፣ዴንጋሽ ቁጥ ቁጥ ኤቪ ምርአህር ግዝየ ሴኤሁ፤አሁዋ ጭን ባአይ ባሁም፤
+\v 35 ኡክ ቢዳሁዋ ጉፉራ ኸረ ዋአረ ። በጎይታ ሹቭ ኧቫአ ሁዳ ኧዳረዳናአር ትቱሩዋ ስን ቦዋቴ አታዥኝዳ»ባረኖም።
+
+\c 14
+\p
+\v 1 በሰበት ቀረ ኢየሱስ አአት ኧፈሪሳ ገኘ ሰቭ አላቃይ ቢድ ሸረድ ኢቨርአይ ገፓ፤እም ኧፈሪሳ ሰቭ ሁዳ ኢኡሮይ ባንደ፤
+\v 2 በህሜ ሙርአ ሰቭነድኋ ኧረፋን አት ምስ ብኢየሱስ ኢፍቲ ባንደ ፤
+\v 3 ኢየሱስቭ ዠፐረታ ኧሙሴ ቂጫ አስተማሪምቭ ኧፈሪሳ ሰቭ በሰበት ቀረ ኤኤመኖዋ ሰቭ አትርፉት በሙሴ ቂጫ ተፈቀደዪዌ? አንትፈቀደዳ? ባረኖም።
+
+\v 4 ሁኖዋ ጭን ቁስ ቧርሙ ፤ኢየሱስ ኧቫ ሁዳ ተበጠንታ ተቫአሸኋ አተነፈንታ ፤ቢድኋይ ያረኸ አስራፐተን ።
+\v 5 ሃአቨ ዠፐረታ «በሰንበት ቀረ ኧችኃ ዌ ባዉራኋ በጎጀ ቢወይአወ ህመጋ አያዋአ ሰቭ ታሁዋ ማንተን? ባረኖም።
+\v 6 ሁኖም ኧዋ ዘንጋ አአር ዩቩርታ አአር ቦኮርሙ፤
+
+\v 7 ኧድግስ እኧሆኖዮዋ ሰቭ ኧክብር ኤኤዲ ሜጠርሙታ ኢቸኖዋይ ቲያትዋትርታ ኢየሱስ አሸታ ዋኸ ቲቭር ሟሟካ ኤኤደኖ።
+\v 8 «ማንኝእ ሰቭ አዠቨኘ ቢኸራከ ሆይተኸ በክብር ኤኤዲ አትቸራ ዌ ታኸ ኢረእካ ሰቭ አዠቨኘ ሆኖዪ ኢህርሴ።
+\v 9 አኸዪ ኧሁድቭ አዠቨኘ ኧኸናናሁዋ ምስ ሜኤተታ ኧዋ ምስ ኤኤድ ግፍርነታ ኢኢ ሆርታ ቸራ ቲይኸዳ ህም ግዚየ ቅቨጨኸታ ኢኢ ትቸናይ ታር ።
+
+\v 10 ቢኸርቭ አዠቨኘ ኧኸናናኸ ምስ አቦጎዳኞ ኢኢፍቲ የኸታ ቸራ ይቭሄ አወተረ ኢኢ ሆርታ ቸራ ህምጋ ታኸ ተቸኖዋ ሰቭ እንእ ኢፍቲ ክብር ትንከቭሴ ። 
+\v 11 ገግኋ ከፈ ከፍ ዬቭካ እንእ ኢትዋረድኬ ፤ገግኋ ያቲኢስካ እንእ ኑኡየ አአር ይህርሴ ባረኖም።
+
+\v 12 ኢየሱስ ኧድግስ ኧኸናን ምስ ኧዛፍ ዌ ኧርቫድ በደገስኸጋ ፤ኖም ባአጋሁኖዋ ኢሁሮኝሴ አጅግመኛ ኢዣዉርኒሴ ባይተኸ አቦጎዳኸ፥ኧሰማኸ ዌ ደንገኘ ወነሃኸ አትህራ ።
+
+\v 13 ዘንጋ ጭን ድግስ በደገስኸ ቀረ ዚጋ ኧሆሩዋ እንዱንር ጅረዪ ፉርጥቭ ሁኖዋ ህራኮዋ ።
+\v 14 ሁኖም አጅግ ኢዥፑሩዋይ አይኸኖዋይ ኧከሬ በረካ ትንከቭሴ ኧዎጁዋ ፃዲቅ ሰቭ ቢትረሸኮዳ ቀረ ጎይታ አክጋኸ ኢዣቭርነኸሴ» ባረን ።
+
+\v 15 5 ኧድግስ ተቸኖዋ ሰቭ አት ሁዳ ዋ ኢየሱስ ኧዝሬከን ቃር ሰምአታ በጎይታ መንግስት ገፓታ ሸረድ ኢቨርአካ ኧሳርኩ» ባረኖም ።
+\v 16 ኢየሱስ ጭን «አት ምስ ኑእ ድግስ ደገሰ ኖኦራቭ ሰቭ ኸና፤
+\v 17 ኧድግስ ሁዳ ግዚየ ቲሰርአካ ኧሆኖዮዋ ሰብ የሁዋ እንእ አአር ፈኧረ ባይተ ኢኸራኮይ ኧቪድ ሜነኘ ኬሸ ።
+
+\v 18 ቢኸርቭ እንእመሁኖዋ ንቫአኔ አያሰርአንረዳ ቧርሙ። በተረ አት ሁዳ ኣሲየሁን አፈር አዢ ኧሆርት አነቪ ኧድግስ ሁዳይ ባኖኦትኛ ባትቨኧችቪ ኧሰኧርኸ ባረን።
+\v 19 አትቭ ሁዳ አምእስት ጥማድ ቧዉራ ስየሁ ኧተኸ ኢቹጁዋኸ ኧፈትሽኮዋይ አርኬ ኧድግስ ሁዳይ ባኖኦትኛ ባትቨኧችቪ ኧሰኧርኸ ባረን።
+\v 20 አትቭ ሁዳ ምሽራ አገፓሁ ኢቭ ምሽረኘንሁ፤ ህመኸ ኧኸሬ አንቫአካ »ባረን።
+
+\v 21 ኧቪድ ሜነኘ ሁዳ ማአታ ኧዋሪ አአር ያረቭርኩዳ ምስ ኤኤደን ፤ህም ግዚየ ድግስ ኧደገሰ ምስ ቡሼኧኸ ማአቸታ ኧቬነኘ ሁዳዋኸ ባረን፤ ካች ባርታ በመኪና መያሞኋዪ በኧግርቭ መያሞኋ ሆርታ ዚጋ ኧሆሩዋ ሁኖዋ እንዱንር ኧሆሩዋ ሁኖዋ ጅረ ዪ ፉርጥቭ ኧሆሩዋ ሁኖዋ ኢያይ ኢዎኦዋኸ አዉድኮዋ ባረን።
+\v 22 ኧቪድ ሜነኘ ሁዳ ተኬሸዊ ኤኤዲ ማአታ ታረቭሬዳ ምሶ ወርሁህራ ኧባሄኸ ኸናሁ ቢኸርቭ አሞኦታ ዋአካቭ ኢርችዕካ አንቸኖከ ኤኤዲ አነ ባረን ።
+
+\v 23 ያርቭርኩዳ ምስ ሁዳ ኧቪድ ሜነኘኋ «ቢድኟ ቲቬንአ ስነጋ ተከተማ ሰቻኋይ ባኖዉታ ሜያ በቃያ አኖዉታ ሁኖዋ እንዳም በግርድ ጥጥታ አግቭአኮዋ ባረን።
+\v 24 ኢያ እቭሁዋ ኢኢፍቲ ሜጠርሙ ተሆኖዮዋ ሰቭ እማትሁኖዋ ስን በዋ ድግስኛ አይቆሙሽታ »ባረን።
+
+\v 25 ኖኦራ ሰቭ ቲኢየሱስ እማቲ ያሩዋ ባንደ ፤ኢየሱስቭ ተዘፐርታ ዋኸ ባረኖም ፤
+\v 26 ማንኝእ ሰቭ ኢያይ ኢቭአይ ቢሲእ አቭ ታአዶድሞኋ ኧቴእ ምሽትሞኋዪ ዴንጋሞኋ ኧቴእ፤ ኧሰም ኧተምሞኋ ኧቴእ ፤ኧገግሞኋ ነብስኋዳር ኢያ ቲቭር ባንቸኧ ኢያይ ተማሪ አይኸርካ ።
+\v 27 ማንኝእም ሰቭ ኧገግኋይ መሰቀል ፈኒግተታ ቲኢኛይ አይትሄተሬ ኢያይ ተማሪ አይኸርካ ።
+
+\v 28-29 ታታሁዋ አት ሰቭ ግንብ ቢድ ያረሺ ቢሲእ ምርአካ አአር ያዋአኸ ብድይተ ቸየተ ወጪኋ አያጫምጥ ማንተን?
+\v 30 ሃባኸረ ኧቪድ ጓር አትሰከብታ ኧሱኡን ቢድ ኦሮሽት ቢዪኢምኩ አሸን ሰብ እንእ ዋ ምስ ምር ይቩሪ? «ቢድ ያረሺ ቀነሰታ ኧጃዉርት ኤመን» ቧርሙታ ኢቆርጪ ።
+
+\v 31 ዌ አት አስር ሁቭ ጋዘኘ አነንዳ ንጉስ ሆይተታ ቴኤኛ ገኘ ንጉስ ኢትዋካይ ቢሲእ ሁይአ ሁቭ ኢትዋካካ ጋዘኘ ታነንዳ ኑጉስ ኢትዋካይ ቢኸር አካ ሁዳ ባአስር ሁቭ ጋዘኘኋ ኢትዋካይ ኢኸነ አይኸነ ብደይተ ቸየተ አያጫምጥ ንጉስ ምር ንጉስን?
+\v 32 አይኸነ በኸረ ህም ንጉስ ኢትዋካይ ገና ተሮኢ ቲቭአ ታነ ኪሸረኘ ኬሸታ ንትቂያቨጥነ ይቭኩ ፤
+\v 33 አካ እመኸ ታሁዋ ማንኝእ ሰቭ አነንዳ እንዳም አይችእ ሁዳ ተማሪኛ ኢኸሪ አይኸነዳ
+
+\v 34 ሃአቭታ ኢየሱስ«በኧድ ወሄን አአር በኧድ ቸቭናኋ በቨከረ ጭን በቭር የእቭሴ?
+\v 35 ኧዋኸ በኧድ አአፈርቭ ኸረ ኧመዳበሪያሞኋ አያዎዲ ኧኸሬ ወረጀ አዎኦሙ ኢቋሺ ፤ኢሰቭአካ እንዝር አነንዳ ኧስቭአ»፤ባረ ።
+
+\c 15
+\p
+\v 1 አት ቀረ ቀረጥ ያጭታ ባጢረተኘ ሰቭ እንእ ተደሞጁታ ኢየሱስ ኢዝሬካአር አሶአዋይ ኧኹዳይ ሞኦም ባነደ፡፡
+\v 2 ኧፈሪሳ ገኘ ሰቭቪ ኧሙሴ ቂጫ አስተማሪ ጭን ዋዳ አሾምታ ‹‹እሽታዳ ባጢረተኘ ሰቭ ኢቴኤፐር ተኹኖም እማቲ ኤቬርአ›› ቧርም ኹኖም ተኽኖም በኧየስ እቁመጨጭተቆነሹም፡፡
+
+\v 3 ኢየሱስ ዋኸ ባሬ ሟሟካ ኤኤደኖም፤
+\v 4 አት ሰብ ተቨኧር ጣይኋ አት ኹዳ ቢየኧይኩ ዠኧራ ዠኧኹኗ በኸብር ቴኤተነዋታ ኧኧኘአት ጣይ ቲረኹክ ስን ኢሲኢ አያር ሰቭ ማንተን?
+\v 5 ጣይኹዳ ቲረኹኩዳ ሳረንታ በመመርኋ አወና ቢድኋይ ያባአኩ፡፡
+
+\v 6 6. ቢድሞኋይ ተዠፐረ ኢቫአ ናማጂሞኻ ወነኸሞኻ እማቲ ኢኸራታ ኧኧኘ ጣይኛ ኧረከኹኒ ሳረዪ አኹም ቲያ እማቲ ኧሳርኹዋ ›ዩኮዋ፡፡
+\v 7 ኧውረመኛ እኹዋ ኽመኸ ባጢር ቴነዎዋ ተዠኧራ ዢኧ ፃዲቅ ሰቭ ኢረእ አት ባጢረተኘ ሰቭ ንስኻ ጊቨኧተ ኧጐይታይ ቢድዠፐር በሳቫይ ኑእ መትራርእ ኧኪር፡፡
+
+\v 8 ዠፐረታ አስር ግራም ወርቅ አነናዳ ምሽት አት ግራም ወርቅ ቢየአይካ ኩራዝ አተከሰች ቢድሻ ኧሸሸተች ትትረኹክ ስን ገኪተች አትሲካ?
+\v 9 ወርቅሻ በረከቨቸንጋ አቦገዳመሻይ ወነኸመሻ እማቲ ትኸራታ ‹ኧኧኜ ወርቅኛ ኧረከቭኹኒ ሳረዪ አኻም ቲያ እማቲ ኧሳርኸ ትካ
+\v 10 ኢያ ናአውትኹዋ ኽመኸ አት ባጢረተኘ ንስኻ ጊቨኧተ ኧጐይታይ ቢድ ዠፐር ኧሳቫይ መላአይካ ኢሽርኰዋ›› ባረ፡፡
+
+\v 11 ኻአቨታ ኢየሱስ ዋኸ ባረኖም፡፡ ‹‹አት ምስ ውርኤት ዴንጋ ባነውነዳ፤
+\v 12 እንስ ኧች አአባኋ ‹አቦኞ ተረቭረዳኸ ኢሰርአይዳ ሟርኛ ሻግድ አቬ ባረን፡፡ ኹድ ኧውርኤችመኹኗ ሻከደ አቨኖም፤
+
+\v 13 ቀረ ቀጥወ እንስ ኧች አባኋ ሻከደ አቨን ንብረድ እን አስየ ዋጋኋ ጠበጠታ ኖኢ ገኘ ወረ፡፡ በኽሜ ኧጠበጠን ዋጋ እን አስየ እሳረን እሳረንኸ ኤፐ አአፋን፡፡
+\v 14 ንብረድኋ እን በጀፐረ ቀጥወ በኻ ጋኘ ቡሼእ ጋጀ ገፓ፡፡ ኹድ ኢቨርአካአር በከረታ ተጨነቀ፡፡
+
+\v 15 በኽም ኧቫአ ተኻ ገኘ ሰቭ አአት ምሲ ቢድ ወረ፤ ምስኹዳ አአቨጌር ዜማቸ ኤፐን፡፡
+\v 16 እም ኧች ጋደንታ አቤጌር ኢወሬኤዳ አተላ ኢቨርአይ ዙገ ይርባነዳ፡፡ ቢኸር ኹድ ስን ኢኩዳ ሰቭ አነከቨዳ፡፡
+
+\v 17 ኹዳ በኺኅኋ በገፓጋ ዋኸ ባረ‹‹በአባኛይ ቢድ ሸረድ ቦንኦም ኧተነፈኖዋ ሜነኘ ኖኦራኖዋአር፤ ኢያ በዋይ በጋጀ ኧዎድ›› ባረ፡፡
+\v 18 ንተሳ አአካኛይ ንኾርታ ‹‹አባኞ ኧጐይታቭ አኸ በደልኹ
+\v 19 ቀጥወ አኸ ኧችን አይዋርኝ፤ ቢኸር ተቬነኛኸ አአት ኹዳኸ ንትቨዘር›› ንቫኹ ባረ፡፡
+
+\v 20 ተረሳታ አአባኋይ ወረ፤ ገና በሮኢታነ አባኋ ኧኧችኋ አሸንታ አቨጠጠን፤ ተራወ ወረታ ኤኤንፈ ሳአቨን፡፡
+\v 21 ኹዳ አባኞ ኧጔይታቭ አኸቭ በደልኹ ተዋ ቀጥወ ትከ አይዋርኛ ባረን፡፡
+
+\v 22 አባኋ ጭን ኧቬነኘኋ ‹ካች ቧርም ኾርምታ በቪድ ታነውታ ኹጅር ኢፈዝካ ኹዳ ኦኦም አኹድሪ፤ አጤሞኻ ሻሰራ ኧኧግሞኻ ጫማ አዊ ባረኖም፡፡
+\v 23 ኧቄኘ ባውራ ኦኦም ኦጩዋ፤ ንቭርአነታ ኧሳረንረ፤
+\v 24 ትከኛ ሞደባ ዋአካ ጭን አያ ኸረ ኧኘባ ተረከቨ›› ባረኖም፡፡ እማቲ ሳረኖምቭ ተቭራኖኡም፡፡
+
+\v 25 እን ቲኸርካ ኑእ ኧች ኧቹጃይ ወረታ ቃያ አነፐረዳ፡፡ ተኽሜ ኧቢድ ማአ ቲቲኢራነካ አንድርቪ እጫወዳ ቃር ሰማአ፤
+\v 26 ተቬድኽኖዋ ሜነነ አትኹዳ ኸናንታ ‹‹ዋ ዘንጋ ምርአፈድን?›› ባረ ተሳአረን፡፡
+\v 27 ኧኧኘ ኧሰማኸ ቦኼ ያአር ማአ፤ አባማኸ ዋ ኧች ቦኼአር ኧቫይ ኧቄኘ ባውራ አጠነ ባረን›፡፡
+
+\v 28 ኧችቭ ማአቸታ ቢድ አንጋአካ ባረ፤ አባሞኻ ወረጀ ዋታ ቢድ ግቫአ ሳአረን፡፡
+\v 29 ኑእ ኧች ዠፐረታ አአባኋ ‹ኢያ ዋጣካ ዘቨር አቤነኝኸ አጌኳርኬ ኤኤዞዝ ኼአር አታር ባይ አባኋ፤ ኢያ ጭን ተአቦገዳኛ ኢሽሪዪ አት ኧፈኘእ ነውሻሸ ዳር አናኼዳር›› ባረን፡፡
+\v 30 ጭን ዋ ኧቻኸ ዋጋኸ እን ተረከቫ ሰቭ ኹጅር ቲደምጃታ እሽታ ኧሳረነኸ ኸረ ዱንያ ጀፐረ ቲቫአካ ባውራ አንጥኸነ› ባረን፡፡
+
+\v 31 አባኋ ጭን ‹አኸ እንእ ግዝየ ቲያ አነኸ፤ ኢያ አኸረአአር እን ኧኸት ናአር ባረኖም፡፡
+\v 32 ኧሰማኸ ሞደ ባነደ አያ ኧኸሬ አኘ ባነደ ኧረኮዊ ኢናቭ ኧትወራረኡት አነቨንረ› ባረን›› ባረ፡፡
+
+\c 16
+\p
+\v 1 ኢየሱስ ዠፐረታ ኧተማሪኋ ‹‹አት ደንገኘ ምስ ኧንቭረትኋ አላፊ አት አገልጋይ ባነንዳ፡፡ ሰቭ ‹ዋ አገልጋያኸ ዱንያኸ በቫንእየ አአር ያአፋ ቧርም ኧደንገኘ ምስ ኤኤጂ፡፡
+\v 2 ኧኹድ ኸናንታ‹‹ዋ ኢጅኮኮዳ ኹዳ ምራፈድን? በዋቴ ኢያይ አገልጋይ አትኸርካ ባኸ አወናቨከ ዱንያ እን ተሳሰብ አተኧንቭኒ› ባረን፡፡
+
+\v 3 አገልጋይኹዳ በኺንኋ ‹ያቴፔዳ ምስ ተአላፊነድኛ ያወቴዴ ባቴ ምር ነንአ? አፈር ቶችትኹ ኧረቭሪ ደረግ ኤነኒዳ ኧሳኧሪ ኧቅቨጭ፡፡
+\v 4 እያ ኧኻርሴ ተአላፊነድኛ ትንትስራፐትካ በቪድኹኖዋይ ኢቴኤፖርኝዳ አቦገዳ ኧጥጥሴ› ባረ፡፡
+
+\v 5 ቀጥወ ኹድቭ ያቲፕኹዳ ምስ ሰቨት ኤነዎታ ሰቭ እንእ እእማት እማትኹኗ ኸናኖምታ አአወተረ ኹዳ ‹ያቴፔዳ ምስ ሰቨት ምርአካአር አነቨኸ? ባረን፤
+\v 6 ሰቨት አኖዳ ምስ ‹በር ትንክየ ዘይት ስቨት አነቪ› ›አገልጋይኹዳ አካ እኩ የኻ አገልጋይ ኹዳ ኧቴፐርኸወ ወረቀት ቸራታ ካች ባእር አምሳ ትንክርየ ዘይት በር ጣፍ ባረን፡፡
+\v 7 ቀጥወ አአት ኹዳ ‹አኸኹ ሻቨት ምርአካ አር አነቨኸ? ባረ ተሳአረን፤ ኹድ በኧር ጨረት ስኔኧ ሰቨት አነቪ ባረን፤ እኩ የኸ ኧቴፐርኸወ ወረቀት ሱራ ጨረት ስኔእ በር ጣፍ› ባረን፡፡
+
+\v 8 ምስ ኧቄቃ አገልጋይ ኹዳ በቬጥነት ቢፐነአር አዮንኸ ባረን፤ ኧዋለም ሰቭ በሰቭ ግት ኧግረኹና ጥቅም ቧርም ቢዬዊዳ ሜና ተጐይታ ሰቭ ኢረእ አዮኗ
+\v 9 ኢኢድዋ በዋ አለም ዱንያ አቦገዳ ጥጩዋ፤ እመኸ ብቲንአዋ ዱንኹዋ ኧረኢተታጠረረ ኧዳኹዋ ትትኾርታ በዘላለም ቢድ ኢተኧርወኩዋሴ፡፡ ኢተኧርወኩዋሴ፡፡
+
+\v 10 ኧታመረ ሰቭ በሩኡያአር ኢታአሙር ብእስየ አአር አንታአመረ ሰቭ በሩእ ዘንጋ አይታአመርካ፡፡
+\v 11 በዋ አለም ዱንያ አንታአመረኹዋአር ኧውረምየ ዱንያ ማን ባኹዋ አደራ ያወራኬ፡፡
+\v 12 ዱንያ ባንታመርኹዋ ኧገኳኹዋ ዱንያ ማን ያኹዋሴ?
+
+\v 13 ጐይታ አገልጋይ ኢኸሪ ኢኸነዳ ሰቭ ኤነዳ፤ አት ኹዳ ኢጠራ አትቭኹዳ ኢረንድ፤ ዌ አአት ኹዳ ያኸብድ. ኧኛ ኹዳ ይቀርጥ፤ ኽመኸ ኧጐይታቪ ኧዱንያ እማቲ ኧድጐዠት ኢ ባረኖም፡፡
+
+\v 14 ኢረጅታ ኧፈሪሳ ሰቭ ዋዳ እንእ ሰምኦም በኢየሱስ ኢቆልኰ ባነደ፡፡
+\v 15 ጭን ገጋኹዋ በሰቭ ኢፍቲ ጻዲቅ ታውሳስሩዋ፤ ቢኸር ጐይታ ኧኺናኹዋ አር ኢኹር በሰቭ ኢፍቲ አከበረአአር መሰረ ኢታሽካአር በጐይታ ኢፍቲ ኧትዋረደዳናአር›› ባረኖም፡፡
+
+\v 16 ዘንጋኋ ታይጀፕር‹‹ኧሙሴ ቂጫኧነቪ መጣፍቭ ያጣምካ ዩኻንሲ ግዚየ ስን ቲኢጂ ኤኬሺ፤ ተኻ ግዝየ ቆነሺታ ኧጐይታ መንግስት ወኼ ዋራይ ኢኢጂ፤ እንእዎኹኗ ኧጐይታ መንግስት ኢጐኦዋይ ባነኖታ ደረግ ያትዋቁሩዋ፡፡
+\v 17 ጭን ተቂጫ አት ነጥብ ቢወኧርካ ኹዳ አፈር ተሳቫይ ቢያኧፋ ኢፈዝ፡፡
+
+\v 18 ገፈረታ ቡችር ምሽት ያጋአካ ሰቭ እን ተረከቨን እሽቻ እን ኹጅር አደመዳ አአኽር ባጢረተኘን፡፡ ምስመሻ ኧገፈረና ምሽት አገፓ ምስ ተረከቨን እሽቻ ኹጅር ደመደ ሰቭ አአኽር ባጢረተኘን፡፡
+
+\v 19 ኻአቨታ ብሻ ኹጅርቪ ቀጭርቭ ኻር ይትኸተርካ አት ደንገኘ ምስ ባነደ፡፡ ኹድ እንእ ቀረ ቡኡፋ ሳረን ኢረቭር ባነደ፡፡
+\v 20 . እመኸቭ አት አላዛር ዩሪዳ ሰቭነድኋ እን መዘኘ ኧረፐረ ዚጋ ምስ በደንገኘ ምስ ወረጀ ተገተረ ባነደ፡፡
+\v 21 ዚጋ ምስ ደንገኘ ኹዳ ቲቨራካ ኧወተኸን ፉትፉፈቸ ኢቨራአይ ዝጐ ይርባነደ፡፡ በቸናወ ኢኢዲ ግየ ኢወኦምታ መዛኋ ባአነቨድኹኗ ኢሮሺባ፡፡
+
+\v 22 እም ዚጋአላዛር ሞደ፤ኹድቭ መላአይካ ወሰጁም በአብርኻም ምዬ አዎኖዪ፤ ደንገኘ ምስ ሞደታ መከዊ፡፡
+\v 23 እም ደንገኘ ምስ በአዛብ እሳድ ቲትጨነቅ ታነ መመርኋ ነሳ ቢያዥ አብርኻምቪ በቭየሞኋይ ኧረፐረቭ አላአዛር በሮኢ አሸኖም፡፡
+
+\v 24 4. ኹድቭ‹‹ቃርኋ ነሳታ ‹አብራኻም አቦኞ ዴ ናቭጥጥኸሽዴ፤ በዋ እሳድ ነተድኹ ኧትጨነቅ አላዛር አጤኋ ዊድ ብእኻ ኧጢፍታ አነቨድኛ ያዝቨስቭኒ ኢያይ ከሸኩ›› ባረን፡፡
+
+\v 25 ዠፐረታ ኧችኞ አኸ ታትዎድ ኢፍቲ በደንገኝነድ ወኼ ዘንጋ እን ኧረፐረናኸኸ ኧሰብ፤ አላዛር ጭን ኑእ አአር አጀገረን ባነ፡፡ በኽም ኧቫአ ኹዳ በዋይ ሳረን ቲረቭርካ አኸ ትትወቀስ›› ባረን፡፡
+\v 26 በፎር ቢናቪ ባኹም ግት ኑእ ቃኸራ አነ በኽም ኧቫአ ቲናይ አኹትንየ ታኹዋይ ኢናትንየ ያሪ ኢኸነዳአር አት ሰቭ ኢነዳ› ባረኖም፡፡
+
+\v 27 ደንገኘ ምሽ ‹አካ አባኞ አብርኻም አአላዛር አአባኛይ ቢድ ከሽኩ›› ባረን፡፡
+\v 28 አምስት ኧሰማት አነውኒ፤ ኹኖም ዋ ኧጭንቅ ኤኤደር አይዎኦዋኸ አላዛር ኧኾር አጤፕ አአውድከዋ› ባረን፡፡
+
+\v 29 ‹ሙሴቭ፣ነቢቭ አነውነዋ ኹኗ ኧሱኦዋ›› ባረን፡፡
+\v 30 አብራኻም አቦኞ ኽሸኸ አኻራ ዘንጋ ጭን ተዎደ ሰቭ አት ሰቭ ኧኹናይ ቢያርኗ ቴፐዊ ባጢር ኢድዣወርዋሴ› ባረን፡፡
+\v 31 ‹ሙሴቪ ነቢቭ አውጅተውየዋ አሶኦዋ በኸረ አትቭ ሰብ ዳር ተውድ ተሸተ ቢያር አያኦውርታ ባረ ኢየሱስ ኤኤደ፡፡
+
+\c 17
+\p
+\v 1 . ኢየሱስ ኧተማሪኋ ‹‹ሰቭ አክታቲፍተታ በቫጢር ኢቃሽካር ኦኦትኋ አይወኧርካ ዘንጋ ጭን ቆፋት ኸረ ሰቭ በቫጢር ኢቃሽካ ሰቭ ግርድኋ፤
+\v 2 . ማንየ ሰቭ ተዋ ትንስየኹኗ አአት ኹዳ ቆፋት ቢኸርካ ኹዳ ኑእየ ኧወፍጮ እቭር በመመርኋ ኧግጅተኰታ በቫር ፎር ቢድረኩሪ ኢፍዘዝኩ ባነደ›› ባረኖም፡፡
+
+\v 3 . እመኸ ኧኸሬ ኧገጋኹዋ ተጦፑዋ‹‹አት ኧሰማኸ ቡሼእ ቢወኧርኸ ማአችወ ባቴ በትወዘከኸቨ አፍ ባኩ፡፡
+\v 4 ሳቫተጋ ቡሼእ ቢወኧርኸ ሳቫት ግዚየ ተወዘከኹ ባይተ አኼ ቢድዠፐር አፍ ባኩ
+
+\v 5 ኧጌታ የሱስ አኸ ኻበዳሽ ንታአመኔኮዳ እምነት ድቭንረ› ቧሪ፡፡
+\v 6 ኢየሱስ ኧጤፍ ቂቀ ያአኽርካ ኧታኦወርት ቢረብርኹዋ ዋ ሸቭራ ተረኧርታ በቫር ከስ ኾር ንቨአ ብቱሪ ኢተኧዘዝነኹዋሴ›› ባረኖም፡፡
+
+\v 7 ኢየሱስዋኸ ባረ‹‹ታኹዋ ግት አት ሰቨ ቾዶዌ ጣይ ዋአረ ቲቫአካ‹ካች ባር ሸረድ ብርአ›ዩኪ? አገልጋይ ቢረቭርኩ፤
+\v 8 ኧኧርቫድኛ ኧቨርአካአር አዋእኒ ኢያ ቢኧተኹ ስጤተኹ ትንጀፕር ስን ተሰገቭ ኽድሜ ተኽም ቀጥወ አጋኸ ትብርአሴ ትስሴ ዩክሽአኻራጋ ፣
+
+\v 9 አካ ዋ ምስ አገልጋይኋ ኹዳ ኤኤዘዘን ኹዳ ኤፔ ዠፐረ ያምሰግኪ?
+\v 10 አኹም ኤኤዝባየኩዋ ኹዳ እን ቤፐኹ ዋጋ እስኩየ አገልጋይናኻ እነት አነቨንረዳአር ኤፐነ›. ባርዋ ባረኖም፡፡
+
+\v 11 ቀጥወ ኢየሱስ ኢየሩሳሌም ከተማ ቲያርካ በገሊላቪ በሰማርያቭ ገኘ ግት ያር ባነደ፡፡
+\v 12 . ኹድ አት ቃያ ቲያርአካ ደራ ኧወተኧዎዋ አስር ሰቭ በሮኢ ተሸኮም ባነደ፡፡
+\v 13 ቃርኹኗ ነሾምታ ‹‹ኢየሱስ አስተማሪዮ ዴ ናቭጥጥኔከሽዴ›› ቧሪ፡፡
+
+\v 14 አሸኖምታ ኾርዋ ሰብነዳኹዋ ኧካኽን አቶሹዋ›› ባረኖም፡፡ ኽኖም ቲያርዋ ታነዎዋ ተቫአሸኹኗ ተነፉም፡፡
+\v 15 አትኹዳ ተቫአሸኋ ኧተነፈኻ አሸታ ቃርኋ ነሳ ጐይታ ቲያትሸኩር ተዠፐረ፡፡
+\v 16 ‹‹ሽኩር ኧስርአኸ›› ቲይር በኢየሱስ በኧግርኋይ ኢፍቲ ቲአፍት ወተኧ ሰገደነ፡፡ ኹድቭ ኧሰማሪያ ገኘ ሰብ ባነደ፡፡
+
+\v 17 ዠፐረታ ‹‹ተባአሸኹኗ ኧተነፉዋ አስር ሰቭ አነፐርታ? ባቴዢኧኮኹኗ ኧቲ አነውዋ? ባረ ተሳአረ፡፡
+\v 18 ተገቨር ምስ ባኻሬ ኧኛኹኗ ኧጐይታ ሽኩርት ያቲኢንዋይ ተዣቨይቶ አሞኦታ? ባረን፡፡
+\v 19 ኢየሱስ ››ተሳታ ኾር ኧታአመርኼ ተነፍኸ›› ባረን፡፡
+
+\v 20 ሰቭ ኧጐይታ መንግስት መቸ ኢቫአኰ? ቧርም ኧኢየሱስ ተሳአሪ፡፡ ኹድቭ ዠፐረታ ‹‹ኧጐይታ መንግስት ኢቫአካኹዳ ሰቭ ቢይእየኩዳ አይነት አኸረዳ ባረኖም፡፡
+\v 21 ኧጐይታ መንግስት ‹እኩንየዳ ዌኢድኔ ‹ዌኹኩንየዳ ኼኤዲ አነ› ዩሪ አይቻልካ ኧጐይታ መንግስት ባኹዋ ግትአነ›› ባረኖም፡፡
+
+\v 22 ቀጥወ ኢየሱስ ኧተማሪኋ ‹‹ተሰቭ ትከ ቀረአትኹዳ ታሸኔ ተኰዳቀ ኢባአኬ ቢኸር አታዢዳ›› ባረኖ፡፡
+\v 23 ክርስቶስ ‹ዌኤዲ አነ› ዌ ኼኤዲ አነ ዩኩዋአቴ አትኹሩዋ ኹኖም አትኹተርዮዋ፡፡
+\v 24 ቲትቭራነእካ ተአፈር ተአት ዳርኋ ተረሳታ አት ዳር ስን ኢትረከቭመኸ ኧሰቭ ትከ ቢቫአወዳቀረ ኽመኸ ኢኸርኬ፤
+
+\v 25 ኧሰቭ ትከ ብዴተ ኖኦራ ጅጓረ ኢቴኤፐሪ ብእም ዘቨር ሰቭ ኢትቀጭማዪ ኢጠናሜ ባአታአር አይወርኧርካናአር፡፡
+\v 26 ዘቨር ኧኸረኸመኸ ኧሰቭ ትከ ቢባአወዳ ዘቨር ኽመኸ ኢኸርኬ፤
+\v 27 በመርከብ ኧገፓ ቀረ ስን ኧኻ ዘቨር ሰቭ ቲወርአሚ ቲሰጩም ቲያጐም ቲያወጆም ባነወተ፤ ኽም ግዝየ እእፉድ እኻ ማአታ እንእዎኹኗ ዋኧኖም፡፡
+
+\v 28 ኧሎጥ ዘቨር ሰብ ይወርኦም ይሰጩም ኢስሮም ያስሮም ቾጁም ዮኦውሩዋ ቢድቭ ያረሹዋ ባነደ፡፡
+\v 29 ሎጥ ተሰዶም ከተማ በዋአወ ቀረ እሳድ ተቫይ ኧድየኸ አተገታ እንእዎኹኗ ነተጁም፡፡
+
+\v 30 ትከ ኢቫአካ ቀረ ኽመኸ ኢኸርኬ፡፡
+\v 31 ቀረ በቪድኋ ፎር አነዳ ሰቭ በቪድ ከስ አነዳ ንብረድ ኢረሳይ አይረድ፡፡ እመኸ ኧቹዳይ ኧወረ ምስ ኢኢንየ አይድዠቨር፡፡
+
+\v 32 ምሽቲ ዘንጋ ኧድዘገድኋ
+\v 33 ያተርፊ ኢሲእካ ሰቭ እን ያአይኩ ኢያ ቲይር ነፍስኋ አዋእ ያእይፕርካ እን ኢያ ኸረ ኢረብር፡፡
+
+\v 34 እያ እኹዋ በኽም ቀረ ኧዳር ውርኤት ሰብ እማቲ በድጐተሪዋይ አትኹድ ኢወስጂዴ አት ኹድ ኤቹኤዴ፡፡
+\v 35 እሽታ እማቲ በወፍጨ ቲፈአታ አትኺዳ ኢወስቺያዴአትኹዳቭ ኢቹኡያዴ፡፡
+\v 36 ሰቭ እማቲ ዋት ቲቹችታ አትኹዳኢወስጁዴ አትቭ ኹዳ ኢቹኢዴ› ባረኖም፡፡
+\v 37 ኧኢየሱስ ዦፖርምታ ‹‹ጌታንሮ ኢወስጂዮታ ኧትኔ›› ቧሪ፡፡ ኢየሱስ ኧዎድየ ባነኖዳ ኤኤዲ አቨራ ኢደሞጁዋ›› ባረ ኤኤደኖም፡፡
+
+\c 18
+\p
+\v 1 . በኽም ቀጥወ ኢየሱስ ኧተማሪኋ ከስ ታየጩመ እንእ ግዚየ ጠሎት ዩዋኸ ዋኾ ቲይር በሟሟካ ኤኤደኖም፡፡
+\v 2 .‹‹በአት ከተማ ጐይታ አይፈይአር ‹ሰብ ምር ይብረዴ ባይተ አይር አት ዳኛ ባነደ፡፡
+
+\v 3 . በኽም ከተማ አት ምስ ኧወንደባ ምሽት ባነቸ፤ ኺድ እንእ ግዚየ ትቫአታ ኧዳኛኹዳ ‹ተባላጋራኛ አንቀኛ ኧዥኒ›ትንኩ ባነደ፡፡
+\v 4 ቀረ ቀንጠ በቸኧና ቀጥወ አት ቀረ በኽንኋ ዋኸቲይር አጫመጠ/ ኢያ ጔይታ ስርም ባንፈይ ሰቭ ምር ዬቬዴ ባይትኹ ባንር፤
+\v 5 ሚሽት ኧጭቀጨቀችይ ኧኸሬ ኧፈርድናዴ፤ ኻበኸረ እንእ ቀረ ተዝቫቨተች ታጀግሬዴ ባረ ባረኖም››፡፡
+
+\v 6 ጐይታ ኢየሱስ ‹‹ዋ አጉል ዳኛ የቫራአር ሱአዋ፡፡
+\v 7-8 አካ ጔይታ ኧሸበተነዋ ሰቭኋ ዋአና ኧዳር ቲሶኦርታ አቭዲተ አይፈርድኖታዌ? ቁስ በዋርት እግዘነኋ ያትእክሰዎቴዌ? ኢያቭ እቭኹዋ ካች ባረታ ይፈርድኖዋ ቢኸር ኧሰቭ ትከ ቢቫአወዳ ቀረ በአፈር በፎር በኹዳቭ ይታአመካ ሰብ ይኾዋሴወይ›› ባረኖም፡፡
+
+\v 9 ገግኹነዋ ጻዲቅ ኤፖምታ በገግኹኖ ይሻሞኽታ ሰቪ ኤኛ ሰቨ እንዳም ይቆርጭታ ሰቨ ኢየሱስቪ ዋ ሟሟከሻ ኤኤደኖም፡፡
+\v 10 ‹‹ውሬት ሰቭ ጠሎት ዬዋይ ቤተመቅደስ ገፖም፤ ኹኖም አትኹዳ ኧፈሪሳ ሰብ አትኹደ ቐረጥ ያትካ ምስ ባነ
+
+\v 11 ኧፈሪሳ ምስ ተሸከቨታ በኺንኋ ዋኸ ባረታ ጠሎት ዬቭ ባነደ፤ ጐይታኖ ኢያ ኤኤኝ ሰቭኸ ፈንገያይ አመጠኛ/የሚቀትለው ሃሳብ አይነበብም?/ ---- ውጅር አንደም ሰቭ ወይ ኧዋ ቀረጥ ይሴቭካ ምስቭ አኸርኾይ ሽኩር ኧስራኸ፡፡
+\v 12 በሳምት ወሬት ግዚየ አጦም፤ ብነኽኩዳ እንደም ተአስር አት ኧጅ ኢቭ›› ባረ፡፡
+
+\v 13 ቀረጥ ይስቨስቭካ ምስ ጭን አራቭ ተሸከቨታ ኤርኋ ኧሳሳይ ኤኝታ ኦሸት ፈኝታ ጐይታኖ ኢያ ባጢረተኛ አፍ ባሬ ትይር ዳታኋ ይጀክ ባንደ፡፡
+\v 14 ኢያ እኽዋ ተዋ ገግኋ ጻድቅ ቲኘ ምስ ይረእ ኧዋ ምስ ባጢርኋ ጐይታ አፍ ባረኝታ ቢድኋይ ተዠፐረ፡፡ ገግኋ ከፍ ዬቭካ እንዳም ይትዋረድ ያቲንስካ እንእ ይትራኬ›› ባረኖም፡የ
+
+\v 15 ኢየሱስ ኡሸሽተታ ኢደርኮዋይ ስቭ እንሲየ ዴንጋ ኧኹዳይ ያወኦዋ ባንደ፤ ኢኢየሱስሜ ተማሪ ዋዴንጋ ቲያ ዎኦዮታ አሸዉምታ ኧሰቭ ኹነዋ ማአቸኮም፡፡
+\v 16 ኢየሱስ ጭን እንሲየ ዴንጋ ኧኹዳይ ኸናኖምታ ‹‹እንሲየ ዴንጋ ኢያይ ይወኦዋይ አትሁርኧየዋ ኧጐይታ መንግስት ኧዋ ዴንጋ ኧኸረ ሰቭንአር፡፡ 
+\v 17 ኢያ ኧውረመኛ እቭኽዋ ኧጐይታ መንግስት ኧትከኸ አይቴኤፐር ሰቭ እንእ ስርም አይጋአወደ›
+
+\v 18 አትኧይኹዳ ገኘ ዳኛ ኧኢየሱሰ ማአታ ሚራ አስተማሪንይ ኧዘላለም ተጐይታ ኧረምሬ ምር ነና ተሳአረን፡፡
+\v 19 ኢየሱ‹‹ኧምር ሜራ ትሬ? እማት ጐይታ ባኸሬ ኢኛ ሜራ ኤነዳ፡፡
+\v 20 ኧጐይታ እዝዝ ቲኺርኽኖም ኧረከብቨኸኸ ውጅር ኤሰቭ አትእትር አስረእ ኤና አር አታአውድ፡፡ አቭ ታአዶኸ አኽብድ ይረዮዋ ባረን፡፡ 
+\v 21 ምስኹዳ ‹‹ዋ እዝዝ እንእ ተትክነድኛ ቀነስኹ ኢኢኹዋ ባነደ›› ባረን፡፡
+
+\v 22 ኢየሱስቪ ዋምስ ኧቫረንናአር ሰማአታ ‹‹ዋአካ አት ዘንጋ ጭን ቀፐረቨ፤ አነነዳ አሰየታ ኧዜጋ አቭ፤ ዋጋኸ በጐይታይ መንግስት ትኸኩሴ፤ የኸታ ኢያ ተኸተሬ›› ባረን፡፡
+\v 23 ምስኹዳ ጭን ቡሼኧኸ ደንገኝ ኧረፐሬ እም ቃር በሰማጋ ኑኢያአር ተውዝከቨ፡፡
+
+\v 24 ኢየሱስቨ እም ምስ ቡሼኧቭ ኧትወዘከቨኸ አሸታ ‹‹ደንገኘ ሰቭ ኧጐይታ መንግሰት ይጐአዋይ ኖኦራአር ያጀግርከዋ፡፡
+\v 25 ደንገኘ ኧጐይታ መንግስት ተጉኦት ጋሜራ በመርፍ ጉድድ ቢገአ ይፈዝ›› ባረ፡፡
+
+\v 26 እመዳ አሶሞዋ ሰቭ ‹‹አካ አኩኸ በኸረ ማን ይተርፊይ ይኸነ›› ባረሙ፡፡
+\v 27 ኢየሱስ ጭን ‹‹በሰቭ አይኸርናአር በጐይታ ይኸር›› ባረኖም፡፡
+
+\v 28 ጴጥሮስ ‹‹ኢና አነንረዳአር እንደም ቸኧነ ተኸቴኔከ›› ባረን፡፡
+\v 29 ኢየሱስ ዠፐረታ ‹‹አውረመኛ እንኽዋ ኧጐይታ መንግስት ተይር ቢድኋ ወይ አቭ ተአዶድሞኋ ኧሰማኋ ወይ ሚሽትኋ ወይ ዴንጋኃ ኧቸኧ ሰቭ እንእ፣
+\v 30 በዋ አለም በረካ ኧጅ ይቴኤፐርኬ በሟአካ አለም ኢያ ኺንተ ይረቭርኬ›› ባረኖም፡፡
+
+\v 31 ኢየሱስ አስራዉርኤት ተማሪኋ ኧኹዳይ አቴኤነወኖምታ ‹‹አካ ኢየሩሳሌም ከተማ ናርነዴ፣ ኧሰቭ ትከ አአር ነቢይ ኧጣፊ ሁዳ እንእ በኻይ ይኼርኬ;;
+\v 32 አአረማዊ ሰቭ ኤኤተዋ ያቴኢፑረዴ፡፡ሁኖም ያኬሽኮዴ ይቀርዊዴ ኢቤኧሁኖዋ ኢትፍ ይቭኮዴ፡፡
+\v 33 ተጐሮፊ ቀጥወ ዮኦትሪዴ ቢኸርቭ በወንደ በሶኦስት ቀረኋይትረሳኬ›› ባረኖም፡፡
+
+\v 34 ባረኖም፡፡ተማሪሞኋ ኧቫረነዋአር ስርም አንቤሰርዋታ ኧትደኧረዎይ ኧኸሬ ኧቫረኖኦር አገፓኖታ፡፡
+
+\v 35 ኢየሱስ ኢያሪኮ ከተማ ማአታ ቲሰርአካ አት ፊርጥ ምስ በሜያ ሞሬ ቸና ይሰኧር ባነደ፡፡
+\v 36 ኖኦራ ሰቭ በመያ ቲያርታ ቃርሁዋ ሰምአታ‹‹ዋዳ ምእራፈድን?›› ባረታ ተሳአረ፣
+\v 37 ኹኖም‹‹ ኧናዝሬት ኢየሱሰስ ተዋሜያ ያር ባርሙ ኤኤጅ፡፡
+
+\v 38 ፍርጥ ምስኹዳ ‹‹ኧዳዊት ትከ ኢየሱስ ኻበዳሽ ማሬ›› ቲይር ኮ ባረ፡፡
+\v 39 ኢኢፍት ኢፍትኋይ ያርዋ ኧረፓርዋ ሰቭ ኧፍርጥ ምስ ኹዳ ‹‹ቁስ ባር›› ባረሙታ አጥራቆሪ፡፡ ኹዳ ጭን ዠፐረታ ‹‹ኧዳዊት ትከ ኢየሱስ ኻበዳሽ ማሬሽ›› ቲይር ቃርኋ ደፕረታ ኮ ባረ፡፡
+
+\v 40 በኽም ኧቫአ ኢየሱስ ተሸከቨታ ‹‹ኢያይ ቡጆሙ ኦኦይ ባረታ ኤዘዘ፡፡ ፉርጥ ምስ ኹዳ በቫአ ቀጥወ ኢየሱስ
+\v 41 ‹‹ምር ኤቭነኼ ቲሲእ?›› ባረታ ተሳአረን፡፡ ጐይታኖ ኤኛ ይትከፈዴ ኧሲእ ባረን፤
+
+\v 42 ኢየሱስቭ ‹‹አኪያ ኧዥ አአመርኼ ኤራኸ ተከፈድ›› ባረን፡፡
+\v 43 ኽመጋ ዋ ፍርጥ ምስ ኤርኋ ተከፍጁም አሸሸ፤ ኧጐይታ ቲያኸብድ ኢኢየሱስ ተኼተረን፣ ሰቭ እንእ ዋ ምስ ኦሾምታ ኧጐይታ ሽኩር ኧኽር ባረሙ፡፡
+
+\c 19
+\p
+\v 1 . ኢየሱስ ተኢያሪኮ ከተማ ግት ያር ባ፡፡
+\v 2 . በኽሜ ሹሞኋ ዘኪዎስ ዩሪዳ ኧቀረጥ አለቃ ባነ፡፡ ኽድ ደንገኘ ባነዳ፡፡
+
+\v 3 . ዘኪዮስቭ ኢየሱስ ዩሪዳ ኧተዳ ኧኸረኸ ያዢ ይሲእ ባነደ፤ ቢኸር ጉፓኋ ኤኤር ኧኸሬ ተሰቭ ዲባሽ ኧትረሳ ያዝኩይ አንኸረነዳ፡፡
+\v 4 በኽም መያ ቲያርካ ዘኪዎስቮ ኧኢየሱሴ ያዥኪይ ኢኢፍትኋይ ቲትራወኧ በአት ሸብራ ኤኧ ፎር ኧኗ፤
+
+\v 5 ኢየሱስቭ ኧዋ ኧሸብራ ኤኧ መዬ ማአ ቲሰራአካ ፎረ ኤፐ አሸንታ‹‹ዘኪዎስ ኦኳ ታኸ እማትሜ በቪዳኸ ኧወርኦሞ ኖእታ ውረድ›› ባረን፡፡
+\v 6 ተራወኧ ወንደታ ኢኢየሱሰ ሳረንታ ቴኤፐረን፤
+\v 7 ኧነፖርዋ ሰቭ ኧኹዳ ቤድ ቲጋአታ አሾምታ ኢኢየሱስ ተባጢረተኘ ምስ እማቲ ይቨራይ ገፓ›› ባሪምታ በኺንኽኖዋይ ቁጮጮምተኛ፤
+
+\v 8 ዘክዮስ ጭን በጐይታ ኢየሱስ ኢፍቲ በሸከፈታ ‹‹ጐይታኖ ታነኒታአር እንእ ግትኋ ኧዚጋ አቭሲ፤ በማኒም ሰቭ ቀቀኹ ኧወሰድኹንዋጋ በረፐረ አርአት ኧጅ አኝቶኽ ኧዝቨሴ›› ባረን፡፡
+\v 9 ኢየሱስቭ ‹‹ዘኪዎስ የአብረኻም ዘርን ኦካ ኧዋ ቢድ ሰቭ ተነፍም፤
+\v 10 ይኸርካአነ ኧሰቭ ትከ እቫአ ኧኧኝ ይሲኤሜ ያተርፊሜ ማአ ባረኖም፡፡
+
+\v 11 ኢየሱስ በሟሟካ ይዝረኩዳ ቃር ቲሰኦም ኢየሱስ ኢየሩሳሌም ከተማ ተኤነቨ፤ ኖኦራ ሰቭ ኧጐይታ መንግስት ኧተኤነቨአር መሰረኖም፤ በኽም ኧሟአ ኢየሱስ ዋ ሟሟካ ኤኤደኖም፡፡
+\v 12 ንኩስ ተረገሽተ ይማአይ ኖኢ ገኘ ወረ፡፡
+
+\v 13 ኢፍቲ አስር ሜነኝኋ ኸናኖምታነ አጦጣኽኖዋ ብር አመኖምታ ‹ትንሟአ ዳር አቂጭኮ› ባረኖም፤
+\v 14 ምስ ኧገኝኋ ሰቭ ይጦረይ ኧነፐሬ ዋምስ ቢና ፎር ይትረገሴ አሲኤነዳ› ቲይርዋ ኹድቭ በወረ ቀጥወ ኪሽረኝ ኬሽኮ፡፡
+\v 15 ጭን ዋም ምስ ተባሰማአ በቫአቀወ ብር አቨነዋ ሜነኝኋ ምራካአር አተነፎዋኸ ይሳአርኮይ ኹሮዮዋ ባረ፡፡
+
+\v 16 አአወተረ ሜነኘኋ ኢኢፍትኋይ መአታ ኦረፖይኞ ባኼ ብር አቄጥኹ አስር ኧድ አተነፍወ› ባረን፡፡
+\v 17 ንጉስ ኹዳ ኤመነኝ አኸመቴ ሜነኝ ወኼቃር ኤፐኸ፤ ብኢሲያአር የታመርኼ የኸሬ በአስር ከተማ እዳም ሾምከ›› ባረን፤
+
+\v 18 ቴኤነቨታ ንጉሶ ባኼ ብር አቄጥኹወ አምስት ኧጀ አተነፍኹወ›› ባረን፤
+\v 19 ሜነኝ ‹‹አኸ በአምስት ከተማ ሾምከም›› ባረን።
+
+\v 20 ኧሶስተኘ ሜነኝ ኧንጉስ ኹዳይ ቴኤነቨታ በጨርቅ ጥቫነርኹንታ ደኧርኹን አወናኹ ብራኸ እኩ፡፡
+\v 21 ንጉሶ አኸ አናወነኸናአር ትወሰዲ አንዘናኧናአ ቁጥቁጥ ቴቭካ ምስ ኧኸርሄ ፈኘከ ባረን ።
+
+\v 22 ንጉስቭ ሁዳ አኸ ሙጥጥ ሜነኘ በዝሬከኸን ቃር ኧፈርድቨኸዴ አናወናሁን አአር ኧትሳአርካ አንዘንአሁንቭ አአር ቁጥቁጥ ኢንአካ ሙጥጥ ሰቭ ኧኸርሁኸ በሃርኸ ፤
+\v 23 አካ ኧቭር ፈራክኛ ተትርፍሞኋሜኤተሁ ኧዎስድኮኸ ኢንአወዳ ሰቭ ኧቭር አናኸዳ ?
+
+\v 24 ንጉስብ ሁዳ በህመኸ ኧትሸኮዉዋ ሰቭ «ሃአ ዋጋ ቢጆዪታ አስር ኧጅ አተነፈ ሁዳ አቪ ባረኖ ።
+\v 25 ሜነኘቭ ሁኖም ኧንጉስ ሁዳ ጌታንሮ ኧሁዳ አስር ኧጅ ትርፍ አነነ ቧሪ።
+
+\v 26 ኢያ እቭሁዋ አነንዳ እንእን ኢደዉርነ ኤነነሁዳ ጭን ህም አነንዳ እንሲየ ሁዳ ኢዎስጅኰ ።
+\v 27 በሁኖም ፎር ኧረግሲ አሳረኖዋ ባራጋራኛ ዋይ ኦኦዮሙታ ቢኢፍትኛይ ኡትሪዮዋ ባረኖም ።
+
+\v 28 ኢየሱስቭ ዋ ሟማካ ቤኤደኖዋ ቀጥወ መያኋ ቀነሰ ። ኢየሩሳሌም ከተማ ያሪ ተተማሪኋ ኢፍት ኢፍቲ ያር ባንደ ።
+
+\v 29 ደብረ ዘይት ዩዉሪዳ ቆቶ ሚዬ አኖዉታ ቤተፋጌምቪ ቢታኒያቭ ዩሪዮታ ቃያ ቲሰርአካ ዉርኤት ተማሪኋ ኢኢፍትኋይ ወኸ ትይቭር ኬሽኖም ።
+\v 30 ቢኢፍታሁዋይ አነዳ ቃያ ሆሩዋ ፤ህሜ ትትሰርኧታ ገና አትቭ ሰቭ አቸናወ እእቫር ገንገር ባአኮጂ ኤኤዲ ትንኮዉዋሴ ፤ፍጆሙታ ዋይ ኦኦይ ።
+\v 31 ማንኝእም ሰቭ ኧቭር ትፎጄ ባይተ ቢትሳአርሁዋ ኧጌታ አትሴኤን ቧሪ ባረኖም ።
+
+\v 32 ኧኬሾዉዮዋ ሰቭ ዎርሙታ ኢየሱስ ኧቫረኖመኸ ኖኮዊ ።
+\v 33 እእቫር ገገር ሁዳ ቲፎጄዳ እቫር ኧኸረኖዋ ሰቭ «ዋ እባር ኧቭር ትፎጄ?» ቧሪዮም።
+\v 34 ሁኖም «ኧጌታ ያትሲእኩ» ቧሪዮም፤
+\v 35 እእቫር ገገር ሁዳ ኢኢየሱሲ አዎኦዪ ሁጅርመሁኖዋ በፎርኋ አተጉኰታ ኢየሱስ ኔከቨን።
+\v 36 ቲያርታ ኢየሱስ ቢያርዎዳ መያ ሁጅርሁኖዋ ኢዝራኮነ ባነደ ።
+
+\v 37 ኢየሱስ ኢየሩሳሌም ከተማ ኢጋአይ ደብረ ዘይት ቆቶ ገዳኒየ ኢዎይኦዋይ ቲቴኤኖዉታ ተማሪሞኋዪ ኧትሄተሪቭ ሰቭ ሳረኖም፤ሁኖም ኢየሱስ ኤፐን ወግ ዘንጋ አሰዉም ባንደ ፤ቃርመሁኖዋ ነሾሙታ ኧጎይታ ሽኩር ኧዋርት ቆነሹም።
+\v 38 «በጎይግት ሹቭ ኢቫአካ ንጕስ ኧርዳረዳን አአር፤በሳቫይ ሽኛት ኧጎይታቭ ክብር ኧህር ቧርሙ ።
+
+\v 39 በሮኦራ ሰቭ ግት ኧሮፖሩዋ አታት ኧፈሪሳ ሰቭ «አስተማሪዮ ዋ ተማሪያኸ ቁስ ቧሩዋ ባኮዋ»ቧሪ።
+\v 40 ኢየሱስቭ ዠፐረታ «ኢያቭ ሁኖዋ ቁስ ቢዩሩዋ እቭር ዳር ኢዝረኵቴ»ባረኖም ።
+
+\v 41 ኢየሱስ ኢየሩሳሌም ማአ ቲሰርአካ ኢየሩሳሌም ከተማ አሽታ ᎆከ ፤
+\v 42 « ምር ባኖደ ሽናት ኢኸርካ ሁዳ ተሃርኸ ዋአካ ጭን ዋ ዘንጋ ቴኤራኸ ተደኧረቨኸ ፤
+
+\v 43 ባራጋራኸ ትእንቭ አጋድ ኦኡር ህይተዉዋታ ያትጨንቅኮዳ ወቅት ኢቫአኬ ።
+\v 44 አሁም በዋ ከተማ ትረዉርታ ሰቭ ዮኦትርኩዋቴ። ከተማሁዋ እቭር ብእቭር ፎር ዳር ኧኝኧተ ታ ሃአይ ኢዳስኬ ባኸቭ ከስር ኢረዉርታ ዴንጋ ታአፈር ኢትራኦርቴ እመኸቭ ኢኸርካ ሁዳ ጎይታ ያተርፍሁዋይ ኧቫአወ ወቅት አሃርሁዋይ ኧኸረደኔ ባረኖም።
+
+\v 45 ኢየሱስ ቤተ መቅደስ ገፓታ ፤በቤተ መቅደስ ከስ ያቂጭታ ሰቭ ኦኦት ቀነሰ ።
+\v 46 ኢየሱስቭ «ቢድኛ ኧጠሎት ቢድ ኢከርኬ ቧርሙ ጣፊ ባንደ ፤አሁዋ ጭን ኧፈንገያ ዋሻ ኤፐኊ »ባረኖም ።
+
+\v 47 ኢየሱስቭ እንእ ቀረ በመያሞኋ በቤተ መቀደስቭ ያስተምር ባንደ ፤ህም ግዚየ ኧካህናት አላቃዪ ኧሙሴም ቂጫ አስተማሪ ኤኛ ኑእ ኑእ ሰቭ ኢኢየሱስ ዮኦትሪ ኢሱኡዋ ባንደ።
+\v 48 ቢኸርቭ ጭንሰብ እንእን ሁዳ ይቭካ አአር ኢሰቭኦዪ ሂንሁኖዋ ሁዳይ ኧትፖሩዋይ ኧኸሬ ዮኦትሪ ኧሴኧዉዋ ሁኖዋ አታአር ኢንኦዋይ አኸረኖታ ።
+
+\c 20
+\p
+\v 1 አት ቀረ ኢየሱስ በቤተ መቅደስ ኣሰብ ያትመርቭ ወንጌልቭ ኢኢድ ባንደ ፤ህም ግዚየ ኣካህን ሁኖዋይ አላቃዪ ኣሙሴም ቂጫ አስተማሪም ፥ኧገኘቭ ባሪቅ ኧሁዳይ ሞኦም።
+\v 2 ሁኖም ኢኢየሱስ ዋ ዘንጋ እንእ በቭር ዳኝነድ ቲንአኸ እንዴ አዉደንረ ዌ ኧዋኸ አአር ኧንአባረ ኧሾመናኸ ማንተን? ቧርሙ ተሳአሪ ።
+
+\v 3 ኢየሱስ ዠፐረታ ኢያቭ አት ዘንጋ ኧትሳአርሁዋቴ? አሁም አዉጅኝ ፤
+\v 4 ዮሐንስ ያጠምቅ ኧረፐረ በጎይታ ፍቃድ ባንደዪ ዌ በሰቭ ፍቃድ? ባረኖም።
+
+\v 5 ሁኖም ዋኸ ቧርሙ ሁኖም ተሁኖም አትዋቾሙ «በጎይታ ፍቃድን በቫርኔ ባቴ ኧቭር አናአመርዂዳ ይቭረንረዴ ።
+\v 6 በሰቭ ፍቃድን በቫርኔ ሰቭ እንእ ዮሐንስ ነቢ ኧኸረኸ ያአቭሪ ኧኸሬ ብእቭር ኢዎጎንረዴ »ባርሙ ።
+
+\v 7 ሁኖም ዠፖርሙታ « በቫን ፍቃድ ኧኸረኸ አንሂርነዳ »ቧሪ ።
+\v 8 ኢየሱስቭ ዠፐረታ «አካ ኢያቭ በቫን ፍቃድቪ በቫን ደረግቭ ዋዳ እንእ ኢንአኸ አኒኢድሁዋታ »ባረኖም ።
+
+\v 9 ተህም ቀጥወ ኢየሱስ ዋኸ ባረ ኧሰቭ ሟሟካ አአዉጅት ቀነሰ «አት ምስ ኧወይን ኤኧ ኧፐረታ ኧቻዋጅ ሰቭ አክራኘንታ ኤኛ ገኘ ቸኧታ ወረ በህሜ ኖኦራ ግዚየ ቸና ።
+\v 10 በጎርኋ ተኧፐረን ዌይንኋ ቡስር ኢዊ አአት አገልጋይኋኧቻዋጅ ሁኖዋይ ኬሸን ቻዋጅ ሁኖዋ ጭን ኧሃአ አገልጋይ ደነጉም ጠረረ ኧጅኋ ጌኬጂ ፤
+
+\v 11 ዠፐረ ቡችር አገልጋይኋ ኬሸ ሁኖም ኧሃአ አገልጋይ ደነጒታ አቅቨጮሙጠረረ ኧጅኋ ጌኬጂ ።
+\v 12 ዠፐረ ኧሶኦስተኘ አገልጋይኋ ኬሸ ቻዋጅቭ ሁኖዋ አትቭ እእመዳ ደነጉም መዘኘ ኤፖሙ ሰቻ አጋድ አዎኦሙ ቃሸዊ ።
+
+\v 13 ተህም ቀጥወ እም ኧወይን ኤኧ ኧኸረን ምስ « ምር ነንአ? ዋአካ ኧረድኩዳ ኧችኛ ኧሁኖዋይ ንከሽኩ ኧሁድሽ አመኛት ዮንኧነሴ » ባረ
+\v 14 ቢኸርቭ ቻዋጅሁኖዋ ጭን ኧች ሁዳ ቲቫአካ አሸዊታ ሁኖም ተሁኖም፤«ዋዳ ወራሽ ሁዳን የሁዋ ንእትርኔ ደረድኋ ኢና አአር ኢህርሴ »ተቬቬርሙ ።
+
+\v 15 በህም ኧቫአ ኧኧችሁዳ ወይን ቶኦፖርኰ ኤኤዲ ሰቻ አጋድ አዎኦሙ ኦተሪ ።ባቴ ኧወይን ኤኤዲ ኧከረን ምስ ኧዋ ቻዋጅ ማሃ ኢንአኮታ አአር ኢቨስርሁዋ? »
+\v 16 ገግኋ ማአታ ኧዋ ኧቻዋጅ ሁኖዋ የኧትርኮዋ ፤ኧኧፐረንቭ ወይን ኤኤኛ ቻዋጅ ኢቭኮዋ ቧሪ፤ሁኖዋ ዋዳ ቢሶዉኦዋ ኧውዋኸ አአር ባይኸሪ ሰላም ቧሪ።
+
+\v 17 ኢየሱስ ጭን ዋ ሟማካ ኢኢድኮታ ሰቭ አሸኖምታ «አካ ግምብ ያረሽታ ሰቭ ኧቆጪ እቭር ኧቪድኋ ዋና ኸረ » ቧርሙ ኧጣᎉ ቃር ምር ኢቨስርሁዋ?
+\v 18 ብእም እቭር ፎር ኧወተኧእንእ ኢትሰፐርእም እቭር በፎርኋ ኧወተኧወ እንእ ኢትፌእ »ባረኖም።
+
+\v 19 ኧሙሴ ቂጫ አስተማሪሚ ኧካህን አላቃ ዋ ኢየሱስ ኧዝሬከን ሟሟካ ፤ሁኖዋ ኢረግደኸ ገፓኖምታህም ግዚየ ኢኢየሱስ ኢጠጪ ሴኤዉም፤ባንደ ዘንጋኋ ጭን ሰቭ ፈኘዉምታ ቸኧዊ።
+\v 20 በህም ኧቫአ ኢየሱስ ኢጠጪ ኢትመችካ ግዚየ ይኡሮዋ ባንደ ኧዳኘ ኧፍርድ ኤኤቶዉዋ ያአይፑሪዝርፍ አአር ተሁዳ ኢረሁዉዋ ኢሱኡዋ ባንደ ፤ፃዲቅ ሰቭ ሞሶርሙታ ኢየሱስ ኢየሱስ በቃርኋ ኧቫአ ያኩታቱᎉ ዘንጋ ኢረሸታ አታላይ ሰቭ ኧሁዳይ ኬሾዉም።
+
+\v 21 እም ቄቃ ሰቭ ኢኢየሱስ «አኸ ኧዉረ አአር ትቲኢድካዪ ትታስተምርካ ኧሰቭ ኢፍት ኧዝተኸ አታትቂያቀኸ ንሂርነ ፤አኸ ኧጎይታ መያ በቂጢየ ታትመር ፤
+\v 22 ተሁርትሞኋ እንዴ አዉደንረ በቂጫንራ ኧቄሳር ጊብር ኧጎቡርት ኢትፈቀዲ ዌ አይትፈቀድካ?»ቧሪ።
+
+\v 23 ኢየሱስ ጭን ሸርሁኖዋ ሃረታ ፤
+\v 24 እንዴ ፈራክ ሁዳ አቶሽኝ መርክሞልኋዪ ጥፈትሞኋ ኧቫንተን አአር? ባረኖም።ሁኖም «እእሮማ ንጕስ ኧቄሳርን አአር» ቧሪ።
+
+\v 25 ኢየሱስቭ «አካ ኧቄሳር አአር ኧኸረ ሁዳ ኧቄሳር አዉዋ ፤ኧጎይታ አአር ኧኸረ ሁዳ ኧጎይታ አዉዋ »ባረኖም።
+\v 26 ሁኖም በሰቭ ኢፍቲ በቃርኋ ያክታትᎉ አኸረኖታ ሁዳ በቫረኖዋ ቃር ወግ ኸረ ዎምታ ቁስ ቧርሙ ።
+
+\v 27 ኧሰዱቃ ሰቭ ኧዎንደ ሰቭ አይትረሳካ ዩዉርታ ሰቭ ባነዉተ፤ተሁኖም አታትሁኖዋ ኢኢየሱሲ ሞኦሙ ተሳአሪ።
+\v 28 «አስተማሪዮ ሙሴ ዋኸ ባረ ጣፈንረ«አት ምስ ምሽት አገፓታ ትከ ታዪኢኝ ኧዎንደ በኸረ ኧሰምኋ ምሽትኋ አግቭአካታ ዘር ኧትካነ ባረ ።
+
+\v 29 አካ ሳቭአት ኧሰማት ባነዉተ በኽር ሁዳ ምሽት አገፓታ ትከ ታዪኢኝ ሞደ ፤
+\v 30 ዋ ምት ኧዉርኤተኘ ኧሰማ ሁዳ አገፓና፤
+\v 31 ኧሶኦስተኘቭ ኧሰማ አገፓና ህመኸ ሳቭአቸመሁኖዋ ባአጋ አጋ አጎፖያታ ትከ ታዪኢኙም ሞጁም ፤
+\v 32 እንእመሁኖዋ ተዎጁዋ ቀጥወ ምሽት ሂዳ ሞደች ።
+\v 33 ሳቭአቸ ኧሰማት ባአጋአጋ አጎፖያ አካ ሃአ ምሽት ኧዎጁዋ ሰቭ ቲትረሸታ ግዚየ ተሳቭአቸሁኖዋ ኧኧተሁኖዋ ምሽት ትኸርኬ ባሪ።
+
+\v 34 ኢየሱስ ዠፐረታ ዋኸ ባረኖም«ኧዋአለም ሰቭ ያጎኦዋ ያዎጆዋ ፤
+\v 35 ተዉድ ተሸተዉዋታ በጎይታ ፍቃድ ኧሳቫይ ምብንግስቲ ኢጎኦታ ሰቭ አነዉዋ ሁኖዋ ፤ጭን አያጎኦታቭ አያዎጆታቭ ።
+\v 36 ኧመላአይካመኸ ኧሆሩዋይ ኧኸሬ ተህም ቀጥወ ሙድ ኤኖዎታ ሁኖም ሞጁም ኧትረሾዋይ ኧኸሬ ኧጎይታ ዴንጋኖዋ ።
+
+\v 37 ኧዎጁዋ ሰቭ ኧተሸት አአር ጭን ፤ሙሴ ኧቆዛ እሳድ አአር በዝሬከን ታሪክ ከስ ጎይታ «አአብራሃም ጎይታ እኧይሳቅ ጎይታ ፥ኧያእቆብቭ ጎይታ»ባረ ኸናን ።
+\v 38 ጎይታ አያ ኧሆሩዋ ሁኖዋይ ጎይታን ባኸሬ ኧዎጁዋ ሁኖዋይ ጎይታ አኸረዳ ፤እንእቨኋ በሁዳ ኢፍቲ አያን።
+
+\v 39 ተሙሴ ቂጫ አስተማሪ አታትሁኖዋ ዠፖርሙታ «አስተማሪዮ ወሄ አአር ባኸ ቧርሙ።
+\v 40 ተሃአ ቀጥወ ኢኢየሱስ እማት ዘንጋ ደፈረ ኧትሳአረንሰቭ አነፐረዳ ።
+
+\v 41 ተሃ ቀጥወ ኢየሱስ ሰቭ እንእ «ክርስቶስ ኧተኸ ኧዳዊት ትከን ዩዉሪ? ባረኖም ።
+\v 42
+\v 43 ዳዊት ገግሞኋ በመዝሙር መጣፍ<ጌታ ጌታኞ፤ ጠራኸ ኧኧግራከ ከስሪ ትንቃሽነኸ ሰን በቀነኛ ቸራ >ባረን ።
+\v 44 አካ ባቴ ዳዊት ገግኋ ጌታ ባረ በኸናንጋ ኧተኸ መሲህ ኧሁዳይ ትከ ኢኸሪ »ኢችል ባ።
+
+\v 45 ሰቭ እንእ ቲሰቭአኩ ኢየሱስ ኧተማሪኋ ዋኸ ባረኖም ።
+\v 46 «ዴካ ሁጅር ተኸደይተዉ እመዪ ህሜ ኧዘቩርትቭ በጀፎረ ተሸቶ ኢቴኤፖሪዮይ፤አይሁድ ቢደሞጅኮዳ ቢድ ወሄ ኤኤዲ በድግስቭ ቢድ ኢኢፍቲ ያዎሮዮይ ኢሽርኮታ ተሙሴ ቂጫ አስተማሪ ተጦፑዋ ፤ኢዊዮይ ቲሽርኮታ ተዋኸ ሰቭ ተጠፑዋ ።
+\v 47 ሰቭ ያዝኖዋኸ ተሎትሁኖዋ ያዴኩዋምስ ኧዎንደና እሽቻይ ቢድ ያትዜጉዋ ፤ሁኖም ኧቫአሰ ፍርድ ኢቴኤፖርቴ »ባረኖም ።
+
+\c 21
+\p
+\v 1 ኢየሱስ መመርኋ ነሳታ ቢያዥደንገኘ ሰቭ በቬተ ቅደስ መባ ቢሱዎሱቩኮዳ ሳጥን መባሁኖዋ ቲሆርኧታ አሸ ።
+\v 2 አት ምስ ኧዎንደና አት ምሽትቭ ዉርኤት ሜዞ በሁዳ ከስ ትትኸርአካ አሸ ።
+\v 3 እመኸቭ ባረ ኧዉረመኛ እቭሁዋ «ዋ ምስ ኧዎንደና ዚጋ ምሽት ትእንቨሁኖዋ ኢረእካ አአር አቨች፤
+\v 4 ዋ ሰቭ እንእ ተትርፍሁኖዋ ቁረጮሙ አቩም ሂዳ ጭን በዚጋ ደረግሻ አነናዳ ትረቭርዎዳ ሁዳ እንእ አቨች»ባረኖም ።
+
+\v 5 ተተማሪሞዃ አታትሁዋ «ዋ ቤተ መቅደስ ኧተኸ ያዙዎኝ በወሄ እቭርቭ ኧጎይታቭ ቧርሙ ባዎኦይ ጌጥ አረሸዊ ቧርሙ ቲዝሮኩታ ኢየሱስ ዋኸ ባረ ።
+\v 6 ዋ ታዢዳ እቭር እንእ ብእቭ ፎር አይቸናወ ግዚየ ኢቫአኬ እቭር እንእ አት ቀረ ኢትዳስኬ »ባረ።
+
+\v 7 ሁኖም «አስተማሪዮ አካ ዋ እንእ ኢኸርካ ሁዳ ምረጋን? እኩ ዘንጋሁ ኢኸሪ ሜኤተታ ቲሰርአካሁ መርኸኋ ምርአፈድን? ቧርሙ ተሳአሪ።
+\v 8 ኢየሱስቭ «እሳደናሁዋ ተጦፑዋ ኖኦራመሁኖዋ ዘቨርኋ ሰንአ ባይተዉ ቢያ ሹቩ{ኢያ ክርስቶስንሁ} ባይተዉዋ ኢዎኦቴ ኧሁኖም ተኸተይተሁዋ አትሆሩዋ ።
+\v 9 አአርቭ ኧቨራክስቭ አአር ትትሶዉኦታ እንደነኧናሁዋ ዋዳ ብደይተ ኧሁርትኋ አይዎኧር ዘንጋን ፤ዘንጋ ጭን ያርእወዳ ህም ተህም አይኸርካ ባረ።
+
+\v 10 ሃአቨ ኢየሱስ « ሰቭ በሰቭ ፎር መንግስት በመንግስት ፎር ተሸተ ኢታካኬ ፤
+\v 11 ቤኤድ ኤኤዲ አፈር ኢቅረቅርኬ፥ ጋጀቭ ባአሸቭ ያትቬይአስኬ ፥ያትፈኝካ ዘንጋቭ ኑእ ኑእ መርኸትቭ ተሳቫዪ ያዢዴ ።
+
+\v 12 ዘንጋኋ ጭን ዋዳ እንእ ተሁርትኋ ኢፍቲ ሰቭ እንእ ኢትረሳቨሁዋቴ ፥ያትሳትጅኩዋቴ ፥አይሁድቭ ቢደሞጅኮዳ ቢድቭ ኧፍርድ ያቲኢኑቩኩዋቴ፥ ቦኦሁኔም ያቲኢኪጅኩዋቴ በሹዉኛ ኧቫአ ኧዳኘቭ ኧንጕስቭ ኢፍቲ ይቲኢኑዉኩዋቴ ።
+\v 13 እ ግዚየ ኢያ አተርፈኸ ቲኢጅኮዳ ወሄ መያ ኢክፍትነሁዋሴ ።
+
+\v 14 ብእም ኧቫአ ቢያቲኢንቭኮኩዋታ ክስስ ምር ኧዠፕርኬ ባይተሁዋ ብደይተሁዋ አትጠረቁዋ ።
+\v 15 ማንኝእ ጠላታሁዋ መልስ ኢኩዋሜኸረ ኢዝሮኩዋይ አይኸኖኸ ሃይተሁዋ መልስ ቲቩዮኸ ሃሪነድ ኢያ አሁዋሴ።
+
+\v 16 አቦዳሁዋ ዶባሁዋ ኧሰማሁዋ አቭ ታአዶሁዋ ዳር ኤኤቶ ያአይፑርኩዋቴ ታሁም አታታሁዋ ዮኦትርኩዋቴ ።
+\v 17 ኢያቭ ሹቭ ትቱዉሩዋ ሰቭ እንእ ኢጠራሁዋቴ።
+\v 18 ዘንጋኋ ጭን ተጉንኧራሁዋ ድገር እማት ሁዳ ዳር አየኧይካ ፤
+\v 19 ቲቭኧተዉ በትሶጎትማሁዋ ነብሳሁዋ ታተርፉዋ »ባረኖም።
+
+\v 20 ሃአቨ ኢየሱስ ዋኸ ባረኖም«እየሩሳሌም ከተማ በጠላት ኧጅ በትኸፐቨቺ ትታዥታ በሃአ ግዚየ ኧሃአ ከተማ ኡኡፎትኋ ኧሰንአኸ ኋሩዋ ።
+\v 21 በሃአ ግዚየ በይሁዳ አነዉታ ሰቭ ኧሱሁሙ ቆቶ ኦኦዋ በከተማኋ ግት አኖዉታ ሰቭ ተሃአይ ኦኦዋ በገጠርሞኋ አኖዉታ ሰቭ ኧከተማኋይ አይጉዉኦዋ ።
+\v 22 ኧዋ ኢፋድ አአር እንእኧታᎉ ትንቢት ኢኸሪ ሃአ ግዚየ ኧቩጥጥ አጅግቭ ኧቅጣትቭ ግዚየን ።
+
+\v 23 በሃአ ግዚየ ኧዉርኤት አርዋዪ ያጠዋታቭ እሽቻ ግርድህና ባአፈር ፎር ኖኦራ ጅጓረ ኢቫአኬ ብእም ሰቭ ኧጎይታ ማአት ኢዎትኬ ፤
+\v 24 ተሁኖም ኖኦራሁኖዋ በሴፍ ዮኦትሪዮቴ ፤ኤኛመሁኖዋ ማኒህተዉ ተገኘ ገኘ ኢዎስጂዮቴ ፤ አረማዊ ሰቭ እንእ ኢቸኖኮዳ ግዚየሁኖዋ ቲያርእ ዳር ኢየሩሳሌም ከተማ አረማዊ ሰቭ ኢትራኮእኮዴ ።
+
+\v 25 ተህም ቀጥወ ኢየሱስ«ቡኡዋየብ በበኘቭ በሆሆምወግ ኧሆሩዋ መርኸት ያዢዴ ባአፈርቭ ፎር ሰቭ እንእ ኧቫር እሃቭ ቲያዥታ አደንገቭ እሃቭ ህያድ ቲሰቩኦታ ምር ማአ ባይተቩ ፍረይተዉ ኢትጨነቁቴ።
+\v 26 ኧሳቫይ ፍትረት እንእ ቃሽቃሽ ይቩርቴ ህም ግዚየ ሰቭ እንእ በፍረዉት በዋ አፈር ምር ኢቫአዪ ኢህርሴ በዋርት ያታንኡቴ ።
+
+\v 27 በሃአ ግዚየ ኧሰቭ ትከ በሩእ ክብርቭ ደረግ በዳቨራ ቲቫአካ ያዢዴ ።
+\v 28 አሁም ዋ ዘንጋ ኧሁርት ቲቀርስካ ትተርፉኮዳ ግዚየ ማአ ኧሰንአይ ኧኸሬ ቱዉኦሙ ተሰጎዉም መመራሁዋ ንሾዉም ፎረኒየኦዡዋ ባረ ።
+
+\v 29 ሃአቨ ኢየሱስ ዋ ሟሟካ ኤኤደኖም«ሸቭራዪ ኤኛቭ ኤኧ መኬኧ ቧርሙ ኦዡዋ ።
+\v 30 አጤሁኖዋ ባፍረፈሬ ትታዥታ ሃአ ግዚየ አቫር ኧቫአኸ ገግማሁዋ ቲሂሩዋ ።
+\v 31 እመኸቭ ዋ ዘንጋ እንእ ቲኸርካ ትታዥታ እእግዜር መንግስት ማአ ኧሰንአኸ ኋሩዋ ።
+
+\v 32 ኢያቭ ኧዉረመኛ እቭሁዋ ዋዳ እንእ ቲኸር ስን ኧዋ ዘቨር ሰቭ ኢረቭርኬ።
+\v 33 አፈር ተቫይ ዮኦርቴ ቃርኛ ጭን ስርም አየኧይካ።
+
+\v 34 አካ ሃአ ቀረ ኧጠነቃር ኢጠጥካ ሽካኸ አይቫአቨሁዋኸ ተጠፑዋ በሸረድቢ ቢሰጪዳቭ አአር ኖኦራቭ አአር በስሆርት ሂናሁዋ አይትዛገግ ፤ውዋ አለም ንቭረድ አአር ክቻ አይጥጥሁዋ ።
+\v 35 ሃአ ቀረ ባአፈር ፎር ባኖዉታ ሰቭ እንእ ኧጠነቃር ኢቫአዎቴ ።
+
+\v 36 አካ ተዋ ቲቫአካ ማአት እንእ ትተርፉዋይ ኧሂናሁዋኸ በሰቭ ትከ ኢፍቲ ትትሸኮዉዋይ እንእ ግዚየ ጠሎት ቦንኧት ተቁሟሞርሙ ኧሮዋ »ባረ።
+
+\v 37 ኢየሱስቭ ዋአና ዋአና በቤተ መቅደስ ያትመርታ ኧዳር ኧዳር ጭን ደብረ ዘይት ዩዉሪዳ ቆቶዋአታ ኢሪእ ባንደ ።
+\v 38 ሰቭቭ እንእ ኧሁዳይ ኢሶዉኦዪ ጋአት ተረሾሙ ቤተምቅደስ ያሩዋ ባንደ።
+
+\c 22
+\p
+\v 1 በህም ግዚየ ፋሲካ ዩሪዳ ኧቂጣ ሙርአ ዬዉኮዳ ቀረ ማአ ቴኤነቨ ባንደ ።
+\v 2 ኧካህን ሁኖዋይ አላቃዪ ኧሙሴ ቂጫ አስተማሪም ኧሰቭ ሁኖዋ ፈኘዉዮይ ኧኸሬ ኢኢየሱ በዱኡራቸ ጥጭተዉዋ ዮኦትርኮዳ ብላት ኢሱኡዋ ባንደ።
+
+\v 3 በህም ግዚየ ታአስረዉርኤቸ ኪሸረኘኋ ባአት ሁዳ ባአስቆርቱ ይሁዳ ሴጣን ገፓወ ።
+\v 4 ይሁዳቭ ወረታ ኢኢየሱስ ኧተኸ ኤኤተ ያአይፕርኮዋኸ ተካህን ሁኖዋይ አላቃዪ ተቤተ መቅደስቭ አላፊ ሁኖዋ እማቲ አትቫታ ።
+
+\v 5 በዘንጋኋ ሳረኖምታ ኧይሁዳ ዋጋ ዪዊ ተስማምኦሙ ፤
+\v 6 ሁድቭ በዘንጋዃ ተስምአምአታ ሰቭ ታይሂርቭ ኢኢየሱስ ኤኤተያአይፕርኲ ወሄ ግዚየ ኢሲእ ባንደ ።
+
+\v 7 ተህም ቀጥወ ኧፋሲጋ ጣይ ያጭኮዳዪ ኧቂጣቭ ሙርአ ዬዉኮዳ ቀረ ሰንአ።
+\v 8 ኢየሱስ ኧጴጥሮስቪ ኧዮሐስ ሆርሙታኧፋሲጋ ኧርቫድ ንቨርአኔ ኦንኧንረ ባረታ ኬሾኖም።
+\v 9 ሁኖም «ኧፋሲጋ ኧርቫድ በኧቲ ነንአኔነከ? ቧርሙ ተሳአሪ
+
+\v 10 የሱስቭ «ከተማ ትትጎኦታ በትንኪየ እሃ ኧፌነገ ምስ ትረሁዉቴ ኢጋአወዳቭ ቢድ ተሆተሪ ሆሩዋ ፤
+\v 11 ኧቪድቭ አቭ ሁዳ «አስተማሪ ሁዳ ተተማሪመኛ እማቲ ኧፋሲጋ ኧርቫድ ኧቭርአዌ ኧቫዘራ ቢ ኧትኤኤድኔን» ይቭኸ ቧሪ ።
+
+\v 12 ሁድቭ በፎቅ ፎር አሸሺ በተድ ክፍል ያተሽሁዋሴ ብበህም ኤኤዲኧቫድንራ ጎኩርንረ»ባረኖም።
+\v 13 ዉርኤቸ ተማሪኋ ኤደኖመኸ ቢድ ሁዳ ኖኮዉምታ ኧፋሲጋቭ ኧርቫድ ሁዳ ኤፖዉም።
+
+\v 14 ኧርቫቭ ኢዎርእኮዳ ግግዚየ ትሰርአካ ኢየሱስ ተተማሪሞኋ እማትሜ ኢቨርአይ ቸና ።
+\v 15 ኢየሱስቭ ቲቫአቪዳ መከራ ኢፍቲ ታሁዋ እማትሜ ዋ ኧፋሲጋ ኧርቫድ ኧቨርአይ ኑኡ አአር ተመኛት ባነኒደ።
+\v 16 እም ኧፋሲጋ ሸረድ ኧዉረ ኧኸረ ኧከሲ ዘንጋ [ሚስጢር]በጎይታ መንግስት ቲቲሄር ስን አትተዋ ቀጥወ ኧፋሲጋ ኧርቫድ አንቨርአካ »ባረኖም።
+
+\v 17 ተህም ቀትወ ኢየሱስ ጥዋ ነሳታ ኧጎይታ ሽኩር ባረታ«እኩ ዋዳ አሁዋ እንእማሁዋ ተጎጁም ስጠዊ፤
+\v 18 ኧዉረመኛ እቭሁዋ ኧጎይታ መንግስት ቲቫአ ስን ተዋ ቀጥወ ተዋ ወይንአት ስርም አንሰጭካ ብባረኖም ።
+
+\v 19 ሃአቨቭ ዳቦኧ ነሳ ኧጎይታ ሽኩር ባረታ ፈነቨ ኧተማሪኋ «የሁዋ እመዳ አሁዋ ኢሁዋታ በሰርነኛ እምዳኢያ ትዘጉጅኮዳ አአር ኦንኧይ »ባረኖም።
+\v 20 ኧርባድቭ ተዎንኤ ቀጥወ ኢየሱስ ጥዋ ነሳታ አቨኖም፤«በዋ ጥዋ አነዳ ወይን አሁዋ ቲቭር ኢትሁእ በደቭኛ ኢቴፕካ ወያ ጉርዳን» ፤
+
+\v 21 ኸርቭ ኤኤተ ያአይፒሬዳ ምስ ዋአካ ቲያቭ እምቲ ሸረድ ኢቨርአ፤
+\v 22 ኧሰቭ ትከ ጎይታ በተረታ ኧቫረንመኸ ኢዎድኬ ቢኸርቭ ጭን ኧሰቭ ትከ ኤኤተ ያአይፒርካ ኧዋ ምስ ግርድኋ »ባረኖም።
+\v 23 ሁኖም ዋ ዘንጋ ኢንአካ ቢና ግት ማንተን? ቧርሙ ሁኖሙ ተሁኖም ኧትሳአርት ቆነሺ፤
+
+\v 24 ኢኢየሱሲ ተማሪ ትእንመንራ ኢረእካ ማንተን? «ኢያ ኧርእ ኢያ ኧርእ»ተቬቬርሙ።
+\v 25 ኢየሱስ ጭን ኧዋ አለም ኑጉስ በሰቭ ፎር ዳኝነድ አነኖዋ ሰቭ ያቲኢትርታ ሁኖዋ ወሄ አአር ኢንኦዋ ዩሪዮዋ ፤
+
+\v 26 አሁዋ ጭን ዋኸ አትሁሩዋ ቢኸርቭ ታሁዋ ኑእ ኧኸረ እእሰኸ ኧህር አላቃቭ ኧኸረ ሁዳ እእንቭዐኋይ አገልጋይ ኧህር ።
+\v 27 ቸና ሸረድ ቲቨርአካዪ ሸርድቭ ቲያቨርአካ ሁዳ ኧተዳ ኑእን? ቸናታ ኢቨርአካ ሁዳ አይረእካ ዌ? ኢያ ጭን በግታሁዋ አአገልጋይናሁዋኸ ።
+
+\v 28 አሁዋ በመከራኛ ግዚየ እንእ ቲያ እማቲ ተቁሟሞርሁም ተሸከሁም።
+\v 29 በህም ኧቫአ አባኛ ጎይታ ኢያ ንጉስ ኤፐታኧሾሜመኸ ኢያቭ አሁዋ ህመኸ ኧሾሙሁዋቴ ።
+\v 30 በመንግስትኛ ቲያቭ እማቲ ቸየተሁዋታ ትዎርኧቴ ትሰጩዋቴይቭ በዙፋንቭ ቸየተሁዋታ ባአስረዉርኤቸ እእስራኤል ጥቭ ትፎርጁዋቴ »ባረኖም።
+
+\v 31 ኢየሱስቭ ዠፐረታ«ስምኦን ስምኦን ቻዋጅ ስኔኧ ተጋቫኋ ኢቫይትረኸ እመኸቭ ሴጣን አሁም አዝሪተታ ኢፈትንሁዋይ ሳአረቭ ።
+\v 32 ኢያ ጭን እምነታኸ ባትችእኲ ሳአርነከ ፤አከ ተዉዜገቭተኸታ ኢያይ ትትዠፐርካ ኧኧሰማታኸ አቁሟሙርኮዋ »ባረን።
+
+\v 33 ስምኦንቭ «ግጎይታኞ ታኸ እማትሜ ኧታአከድሜ በኸረ ኧዎንድሜ አንጥሁወ »ባረን።
+\v 34 ኢየሱስቭ «ጴጥሮሶ አካ ኦኳ ኩታራ ቲሮእ ስን <አንሂርኩዳ ባይተኸ >ሶኦስተጋ ትኸዳይዴ ባረን።
+
+\v 35 ኢየሱስ«አሁዋ ኧፈራክ ሞነ ቀረጢትቭ ጫማቭ አይቫር በኬሸኩዋይ ኧቀፐረቨሁዋ አአር ባንዴ? »ባረኖም።ሁኖም አታአር አንቀፐረቨንረዳ ቧርሙ ዠፖርነ ።
+\v 36 ኢየሱስቭ «ዋአካ ጭን አፈራክ ሞነቭ ኸረ ቀረጢትቭ አነንዳ ሰቭ ኧጥጥ ሴ ኤነነሁዳ ሁጅርኋ አሴየታ ሴፍ ኧሰየ ፤
+
+\v 37 ኢያ እቭሁዋ ቲኢፋደኘ እማቲ ተቬዘረ ቧርሙ በመታፍ ኧጣᎉ ቃር ቢያ ኧሁርት አኖወ ፤ኢያ አአር ኧጣᎉ ሁዳ እንእን ኢኸርወዳ ጪግቭ ግዚየኋ ሰንአ ።
+\v 38 ተማሪሞኋ «ጎይታንሮ እኩ ዉርኤት ሴፍ ዌኤዲ አኖዉዋ»ቧሪ። ኢየሱስቭ «ኢቃሴ»ባረኖም።
+
+\v 39 ኢየሱስ እእም ኢፍቲመኸ ደብረ ዘይት ቆቶ ዋአ ፤ተማሪሞኋ እማትሜ ተሄተሪ ዎኦሙ።
+\v 40 ኤሞኋይ በሰንአ ቀጥወ ኢየሱስ ኧተማሪኋ« መከራ ባይሰርአቨሁዋይ ጠሎት ኧንኦዋ ባረኖም።
+
+\v 41 ኢሱቭ ተተማሪኋ እቭር ኤረኮሙ ያስሰርኦኮዳ አአህር አራኧታ በህመኸ በጉርቨድኋ ስጁድ ወካታ ጠሎት ኢአ ባንደ ።
+\v 42 እመኸቭ ባረ ኢጠልይ ባንደ « አቦኞ ፍቃዳኸ ቢኸር ዋ ኧመከራ ጥዋ ኧፍካኒቢኸርቭ ባኸ ፍቃድ ኧህር ባኸሬ ቢያ ፍቃድ አይህር »ባረ።
+
+\v 43 ህመጋ መላአይካ ተሳቫዪ ማአታ ኢኢየሱስ ኧቁሟሞረን፤
+\v 44 ኢየሱስ ጨነቀንታ ቡሼኧኸ ተሎት ኢንአ ባንደ፤ዉዛትሞኋ ኢትሁእካ ደቨኸባአፈር ተክተክ ኢቭር ባንደ ።
+
+\v 45 ሁድቭ ተተሎት ተረሳታ ኧተማሪኋይ ማአ ሁኖም ቀጪት ጠበጠኖምታ በሬኧዉዋይ አሸኖምታ ፤
+\v 46 «ኧቭር ትሩኡዋ? በስቃያ ባትጎኦዋይ ተሾሙታ ኧጎይታ ሳአሪ »ባረኖም።
+
+\v 47 ኢየሱስ እመኸ ቲዝሬክቭ ታነ ኖኦራ ሰቭ ሞኦሙ ፤ተአስረ ውርኤቸ ተማሪኋ አት ሁዳ ይሁዳ ኧሰቭ ሁኖዋ ያቲሽኮዋይ ያር ባንደ፤ ሁድቭ ኢኢየሱስ ኢሰኧቭኲ ቴኤነቨ ፤
+\v 48 ኢየሱስቭ ኧይሁዳ «ይሁዳ በሳአዉት ኧሰቭ ትከ አዋአኸ ታአይፕሪ? ባረን።
+
+\v 49 ቲኢየሱስቭ እማትሜ ኧረፖሩዋ ተማሪ ኢከርካ አአር ባሸዉዋ ቀጥወ «ጎይታንሮ በሴፍ ንጋነየዋ? ቧሪ ።
+\v 50 ተተማሪኋ አት ሁዳ ኧካህን አላቃ ሁዳይ አገልጋይ ኧቀነአጋድ እንዝርኋ በሴፍ አንጠን።
+\v 51 ኢየሱስ ጭን «ተኡዋ ዋኸ ኦንኧት ወሄ አአር አኸረንዳ»ባረታ አንጪ አአገልጋይ ሁዳይ እንዝርኋ ሙሻሸታ አተነፈን።
+
+\v 52 ኢኢየሱስ ኢጠጪ ኧሁዳይ ኧዎኦዋ ኧካህን ሁኖዋይ አላቃዪ ኧቪደ መቅደስቭ አላፊ ባሪቅቭ ሁኖዋ«ኢያ ኧሽፍጣኸ ትጠቹዋይ ሴፍ ቪጉምአቭ ጠበጥሁምታ ማአሁሚ?
+\v 53 በቤተ መቅደስ እንእቀረታሁም ታነሁ በህም ግዚየ አንጠበጥሁኝዳ ዋአካ ጭን ዋ ግዝየ አሁምቪ በጠነቫ ዬካ ኧሴጣን ግዚየን »ባረኖም።
+
+\v 54 ተሃአ ቀጥወ ሰቭ ሁኖዋ ኢኢየሱስ ጠቦጩሙታ ወሰጂ ፤ኧካህን አላቃይ ቢድ አጎፖዪ ፤ጴጥሮስቭ በሮኢ ኸረታ ኢትሄተርኩ ባንደ።
+\v 55 ሰቭ ሁኖዋ በወረጀ ኢዎእኮዋኸ እሳድ ᎂከርሙታ እማትሜ ቸኖሙ ባንደ ፤ጴትሮስቭ ኢዎእኲ በሰቭ ሁኖዋ ግት ቸና ባንደ ።
+
+\v 56 ጴጥሮስ ብእሳድ ሚዬ ቸናታ ቲዎእኩ ታነ አት ኧቪድ ሜነኘ መኬኧ ባረች አሸቸንታ ፤ዋምስ ቲኢየሱስ እማትሜ ባነደ ባረቸን።
+\v 57 ሁድቭ «ምሽቶ ቲዪንዳ ምስ ኢያ ስርም አሂርኩዳ »ባረታ ኸታና ።
+\v 58 ትእሲየ ግዚየ ቀጥወ ኤኛ ምስ አሸንታ «አኸቭ ቲኢየሱስ እማትሜ ባነኸደ»ባረን፤ጴጥሮስቭ ዠፐረታ «ምሶ ኢያ አንሂርኩዳ »ባረን።
+
+\v 59 አት ሳአት አአህር ቤኤኬሺጋ ኤኛ ምስ «ሁድቭ ኧገሊላ ገኘ ሰቭን ኢያ ኧዉረምነኛ ዋ ምስ ቲኢየሱስ እማትሜ ባነደ » ባረታ አጬገታ ኤኤደ።
+\v 60 ጴጥሮስ ጭን «ምሶ ትቭኩዳ ምስ ሁዳ አንሂርኩዳ »ባረን። ህመኸቭ ቲቭር ኩታራ ኖኧ።
+
+\v 61 ብህም ግዚየ ጎይታ ኢየሱስ ኧጴጥሮስ ተዝቫፐረታ አሸን ፤ጴጥሮስቭ «አካ ኧዳር ኩታራ ታይሮእ ሶኦስት ግዚየ ትኸዳይዴ»> ኧቫረን ኧጌታ ኢየሱሲ ቃር ተዘከደን ።
+\v 62 ጴጥሮስብ ወረጀ ዋአታ ቡሼኧከ ተቨጠተታ ቤከ ።
+
+\v 63 በህም ግዚየ ኢኢየሱስ ኧጠቦጪ ሰቭ ያᎊዥኰ ፥ኢደርጒቭ ባንደ ።
+\v 64 ኤርኋ አህሮዊታ ቲደርጒ «ኧደንድገናኸ ማንተን? እንዴ ነቢ በከርኸ ሃር »ቧርሙታ ኢሳአሪ ባንደ።
+\v 65 ኤኛቭ ኖኦራ አአር በዘጉት ኢቀሩዊ ባንደ ።
+
+\v 66 አፈርቭ ጋእ ቲቭካ ኧገኘ ባሪቅ ኧካህናት አላቃዪ ኧቂጫ አስተማሪም ተደሞጁምታ ኢኢየሱስ ኢፎርጅኮይ አይሁድ ኢደሞጅኮዳ ቢዲ ወሰጂ።
+\v 67 ሁኖም «ሙሴ ዩዉኮዳ አኸትንሄ? በኸርኸ አዉደንረ» ቧሪ።ሁዳ ጭን «ብኒኢድሁም አታአዉርኝዳ»ባረኖም።
+\v 68 «ብንሳአርሁም አትዠፑርኒዳ ።
+
+\v 69 ቢኸርቭ ጭን ተዋ ቀጥወ ኧሰብ ትከ እንእ አአር ቢኸርነዳ ጎይታ ቀነ ኢቸናኬ »
+\v 70 እንእመሁኖዋ እማትሜ «አካ አኸ ኧጎይታ ትከንሄ? » ቧሪ።
+\v 71 ሁኖም እኩ ታአፍኋ ኧዋአን ቃር ኢና ገግመንራ ሰምአነዪ ተዋቴ ሄቶ ያቲሲኧንረዳ ሁዳ ኧቭርአፈድን »ቧርሙ።
+
+\c 23
+\p
+\v 1 አአይሁድ ጎቸ ኧትደሞጁዋ ሰቭ እንእ እማቲ ተረሾሙታ ኢኢየሱስ ኧይሁዳ ገኘ ኧጲላንጦሲ ወሰጂ።
+\v 2 ሁኖም«ዋ ምስ ሰቭንራ ቲሳስትካ ፥ዝኧንጕስ ቄሳር ጊብርኢኮሺ ቲኸርአካ ነከቭነዪ አትቭ እመከ ኢያ ክርስቶስንሁ ቲቭካ ሰምአነዪ ቧርሙ ኢኮስሺ ባንደ።
+
+\v 3 ጲላንጦስ «አኸ ኧይሁዳ ሰቭ ንጙስንሄ? »ባረታ ኢኢየሱስ ተሳአረን፤ኢየሱስ ዠፐረታ «እከ አከ ኧቫኸምነኸ» ባረን።
+\v 4 ሃአ ግዚየ ጲላንጦስቭ ኧካህን አላቃ በህመኸ ኧትደሞጁዋ ሰቭ «በዋ ምስ አትቭ ኢፋድ አነከሁወዳ»ባረኖም ።
+\v 5 ሁኖዋ ጭን «ዋ ምስ ተገሊላ ቀነሰታ ዋይ ስን በይሁዳ ገኘ እንእ ቲያትመር ፤ሰቭ ኧመራክስ ኢሳሳ»ቧርሙ ኮሰሺ ።
+
+\v 6 ጲላንጦስ ገሊላ ይቭካ አአር ቢሰቭአ ዋ ምስ ኧገሊላ ገኘ ሰቭኒ? ባረ ታሳአረኖም ።
+\v 7 ሁድቭ ኢየሱስ ተሄሮድስ ግዛት ተገሊላ ገኘ ኧቫአኸ ሃረታ ኧሄሮድሲ ኬሸን ፤ህም ግዚየ ሄሮድስ ብእየሩሳሌም ከተማ ባንደ ።
+
+\v 8 ሄሮድስቭ ኢኢየሱስ ቢያዥኩ ኖኦራ አአር ሳረን፤ኧዋ ኢፍቲ ኧሁዳይ ዋራይ ኧሰምአይ ኧረፐሬ ኧኸሬ ኖኦራ ግዚየ ያዥኲ ኢሲእ ባንደ፤ሁድቭ አት ወግ ሜና ቲንአካ ታሸሁ»ኢቭር ባንደ።
+\v 9 ሄሮድስቭ ኖኦራ መትሳአየ ተሳአረን ኢየሱስ ጭን አታአር አዠፐረነዳ ቁስ ባረን ።
+\v 10 ኧካህን አላቃዪ ኧሙሴ ቂጫ አስተማሪቭ በህመኸ ተሸኮዉሙ ኢኮስሺ ባንደ ።
+
+\v 11 ሄሮድስቭ ተወታደርሞኋ እማቲኸረታ በቅነጨ ባጭ ባጭ ኤፐን፤ያዙወኝካ ሁጅር አኸተረንታዠፐረ ኧጲላንጦሲ ኬሸንቭ።
+\v 12 ህም ቀረ ሄሮድስቪ ጲላንጦስቭ አቦጎዳ ሆርሙ፤ ኧሃአ ኢፍቲ በግትሁኖዋ መራክስ ባንደ ።
+
+\v 13 ተህም ቀጥወ ጲላንጦስ ኧካህን አላቃዪ ዳኘቭ ሰቭ ሁኖዋ እማቲ ኸናኖምታ ፤፤
+\v 14 ዋ ምስ ሰቭ ኧመራክስ ኢሳሳ ባሁም ኢያይ ኧቫአኊ ፤ኢያቭ ቢኢፍታሁዋይ ምረመርሁን ቢኸርቭ በከሰስሁይ ዘንጋ እማትቭ ኢፋድ አነኮሁወዳ ።
+
+\v 15 ሄሮድስቭ አትቭ ኢፋድ አነኮወዌ ኧኸሬ ኢናይ ዠፐረን፤ዋ ምስ ኧዉድ ያሰርአኩዳ ኢፋድ አኔፐዳ ።
+\v 16 «አካ ኢያ ቅጨተትሁንታ ኧገፍርኩዴ» ባረኖም።
+\v 17 በህርቭ ህርቭ በፋሲጋ ሙርአ ቀረ ጲላንጦስ አት እስረኘ ቶኦሁኔ ቢድ ኢገፍርኖዋ ባንደ።
+
+\v 18 በህም ኧቫአ ሰቭ እንእ እማቲ«ኢኢየሱስ እትርኩ በርባን ግፍርንረ»ቧርሙ አትኋኖሙ።
+\v 19 በርባንቭ በከተማ ለብሻ በሸትቪ ሰቭ ቡኡትርት ኧቫአ ቦኦሁኔ አኮጂ ባንደ ።
+
+\v 20 ጲላንጦስ ኢኢየሱስ ኢገፍርኲ ዣቨታ ዠፐረታ ተሳአረኖም።
+\v 21 ሰቭ ሁኖዋ ጭን «ስእርኩ ስእርኩ ቲዩሩዋ አትኋኖሙ።
+\v 22 ጲላንጦስቭ ኧሶኦስተኘ ግዚየ እኧቭር ዋ ኢየሱስ አአፋን ኢፋድ ምርአፈድን? ኢያ ኧዉድ ያሰርአኩዳ ኢፋድ አነከሁዌ ኧኸሬ ቅጨተሁንታ ኧገፍርኩዴ»ባረኖም።
+
+\v 23 ሰቭ ሁኖዋ ጭን «ስእርኩ»ቲዩሩዋ ኖኦራኸ አትኋኖም፤ህያድሞሁኖዋ ቲደቭር ወረ ።
+\v 24 ጲላንጦስቭ «ባሂመኸ ኧህር»ባረ ፈንደኖም።
+\v 25 ተህም ቀጥወ ለብሻ በሸትሞኋዪ ሰቭ ቡኡትርትኋ ቦኦሁኔ አአኮጂ በርባን ሰቭ ሁኖዋ በሳአሪ አይነት ፈታኖም።ኢኢየሱስ ጭን ሁኖዋ ኧዋሪመኸ ዮኦትሪ አዋአ አአይፐረኖም።
+
+\v 26 ኢየሱስ ጠቦጩም ኢሶኡሪ ቲዎስቺዳ ፤ስምኦን ዩሪዳ ኧቀሬና ገኘ ምስ ተገኜ ከተማ ቲጋአካ ጠቦጪታ ኢየሱስ ኢሶኡርኬ አጣወሪ መስቀል ፈንግታ ኢኢየሱስ ተኸተር ቧርሙ በግርድ አፌኖጒ ።
+
+\v 27 ኖኦራብ ሰቭ ኢኢየሱስ ኢትሄተሪ ባንደ ፤ተሁኖም ግት ተቨጠጫም ኢቨሃታ እሽቻ ባናተ ።
+\v 28 ኢየሱስ ጭን ኧህናይ ኤፐ ተዥቫፐረታ«አሃ እእየሩሳሌም ከተማ እሽቾ ኧገግማሃዪ ኧዴንጋማሃ ብሃ ባኸሬ ኢያ አትካኒ»ባረናም።
+
+\v 29 «አኔኤኛሚ ጡቭቭ አናጦፗ ዥገቫ እሽቻ ኧትዳራታና አአር ዩዉኮዳ ቀረ ኢቫአ»
+\v 30 ህም ግዚየ <ቆቶ ቦፎርንራ ዉዶኡዋ >«አፈርቭ ዋኧንረ ዩዉርቴ» ።
+\v 31 አካ ቢኢራ ኤኧ ዋ ዘንጋ እንእ ብቤፖኰ በደርእ ኤኧሁ ምር ኢንኦኴ ኢህርሴ ባረኖም ።
+
+\v 32 ቡችር ዉርኤት ሽፍጣ ሰቭ ቲኢየሱስ እማቲ ዮኦትሪዮዋይ ወሰጂዮሙ ።
+
+\v 33 ቀራኒዮምብ ዩሪዳ ቆቶይ ሰንኦሙ ፤ቀራኒዮ ኧዋርት ኧጉንኧር አእቭ ኧዋርትን፤ብህሜ ኢኢየሱስ ሶኦሪ ፤ዉርኤት ሽፍጣቭ አት ሁዳ በቀነሏ አት ሁዳቭ በጉራኋ ሶኦሪዮሙ።
+\v 34 ኢየሱስቭ «አቦኛ ጎይቶ ዋ ሰቭ ኢንኧታ አአር አይሂሩዋይ ኧኸሬ አፉ ባኮዋ »ባረ ወታደርቭ ሁኖዋ ኢኢየሱሲ ሁጅር ኧርጥ አተጉሙ ተሻኮጂ ።
+
+\v 35 በህመኸቭ ኧሮፖሩዋ ሰቭ ተሸከዉሙ ያዡዋ ባንደ፤አአይሁድ አላቃቭ «ኤኛ ሰቭ አተነፈ፤እህ ሁዳ ጎይታ ኧሸፐተን ክርስቶስ በኸረ ገግኋ ኧቭር አያተርፍካ? »ቧርሙ ያፊዥኮ ባንደ።
+
+\v 36 ወታደርቭ ሁኖዋ አኴሽኰ እኧሁድሜ ቴኤኖዉሙታ አቌ ኧቫረወይን አሰጨዊ ።
+\v 37 «ዉረ አኸ ኧይሁዳ ሰቪ ንጉስ በኸርኸ ገጋኸ አትርፍ »ቧርሙ ያኴስከ ባንደ ።
+\v 38 በጉንኧርሞኋይ ዋ ምስ ኧይሁዳ ሰቪ ንጕስን ቧርሙ ጣፉሙ ሶኦሪ ባንደ።
+
+\v 39 ቲኢየሱስ እማቲ ተሶኦሪዮዋ ዉርኤት ሽፋጣ አትሁዳ «አኸ ክርስቶስ አኸርኸዳ? እንዴ ገግማኸዪ ኢናቭ አትርፍ» ባረኢቀርኩ ባንደ ።
+\v 40 አት ሁዳ ጭን ዠፐረታ «አኸ ኧዋ አይነት ፍርድ በትፈንደቨኸሜ ስርም ጎይታ አትፈይካ?
+\v 41 ኢናሺ ቤፐኔ አአር ንትቄጣነ ፤ኢና አፎጅኮንረ ፍርድ ቂጢየን አአር ፤ዋ ምስ ጭን አት ሙጥጥ አአር አኔፐዳ»ባረታ፤ በቬሻኋ ማአቸወ ።
+
+\v 42 ኢኢየሱስቭ «ኢየሱሶ በመንግስታኸ ኧስቤ» ባረን።
+\v 43 ኢየሱስቭ «ኧዉረመኛ እቭኸ ኦኳ በጀነት ቲያ እማቲ ትኸርኬ »ባረን።
+
+\v 44 ኢየሱስቭ ኧሶኦኦሪ ዋአና በስድስት ሳአት ባንደ ፤ተስድስት ሳአት ቆነሺታ ዢኧ ሳአት ስን ባአራዳ እንእ ጠነቫ ወንደ ።
+\v 45 አየድቭ ተደኧረ ፤ኧቤተ መቅደስ መዘኔት ተግትዃ ዉርኤቲ ተትረተረ።
+
+\v 46 ኢየሱስ ቃርኋ ነሳታ «አቦኞ ኧነብስኛ አደራ በኧጃከ አቭከ»ባረታ ተህም ቀጥወ ሉኋ ዋአ ።
+\v 47 በህመኸ ኧረፐረ ኧቨኧር አላቃ ዋዳ እንእ አሸታ «ዋ ምስ ኧዉረ ፃዲቅ ባንደ» ባረ ጎይታ አኸበደ።
+
+\v 48 ኢኸርካ ዘንጋ ያዡዋይ ኧትደሞጁዋ ሰቭ እንእ ዋዳ ባሸዉዋ ቀጥወ በቭጥጥ ዳታሁኖዋ ቲጃኮዉዋ ቢድሁኖዋይ ተዦፖርሙ ዎርሙ ።
+\v 49 ኢኢየሱስ ኢትሄተሪዳ ሰቭ እንእ ተገሊላ ኧትሄተራዪቭ እሽቻቭ ዋዳ እንእ በሮኢ ተሸኮዉሙ ያዡዋ ባንደ።
+
+\v 50 ኧይሁዳ ከተማ በኸረ በአርማቲያስ ኢረቭርካ ዮሴፍ ዩሪዳ ምስ ባንደ ፤ሁድቭ ፃዲቅ ወሄ ሰቭ ባንደ ፤ አአይሁድቭ ኦኦጎት ባሪቅ ባንደ ።
+\v 51 ኧህር ባኸሬ ባአይሁድ ወዋዳቪ አድማቭ አንትስምአምአ ባንደ ፤ሁዳ ኧጎይታ መንግስት በተስፋ ኢኢየባንደ ።
+
+\v 52 ሁድቭ ኧፒላንጦሲ ወረታ ኢኢየሱሲ ኒሳ ኢኮኸ ሳአረን።
+\v 53 ዮሴፍ ዩሪዳ ምስቭ ኢኢየሱሲ ኒሳ አወንደታ በወሄ ከፈን ከፈነን እማትቭ ሰቭ ባᎂኮኰ እቭር ፎቆሙታ በኸኘዊ ቀብር ᎂከን።
+
+\v 54 እመዳ ኤፐ ሁዳ ሰንበት ኢጋአወዳ ኧሰንበት ኢኸርካ አአር ቁጥቁጥ ቢንኧኮዳ ግዚየ ባንደ።
+\v 55 ቲኢየሱስ እማቲ ተገሊላ ገኘ ኧቫአ እሽቻ ኧዮሴፍ ቴሄተራዪ ወራም፤ሞገማሞኋዪ ኒሳማ ኧተኸ ኧዎኬዊኸ አሻም።
+\v 56 ተዠፐራም ወራምታ ኧሪሳኢኸርካ ሽቶሚ ቅባትቭ ጌኬራም፤ኧሙሴ ቂጫ ቢዪኢዝዝካ አይነት በዉር ሰንበት ቀረ አፎኛም ዋአራም።
+
+\c 24
+\p
+\v 1 እሽቻ ህና ዉርሰንበትሱቢ እረርኧ ኧጌከራይ ሽቶ ጠበጫምታ ኧዎገማይ ወራም ።
+\v 2 ህናም ኧዎገማይ ኤኤፎዊ እቭር ተዎገማ ሁዳ ፎር ክቨነረ በፈካ ኤኤዲ አሻም።
+\v 3 ከስሪ ቢጋአ ጭን ኧጌታ ኢየሱሲ ኒሳ በከራዪ።
+
+\v 4 እመዳ አሻምታ ይቭራታ አአር በከራም ፤ህም ግዚየ ጥርጥር ይቭካ ሁጅር ኧትሆተሩዋ ዉርኤት ሰቭ ኧጠነቃር ቢኢፍትህናይ በትሸኮዉዋይ አሻም ።
+\v 5 እሽቻ ህና ፈኛምታ አፈር ቲያዣታ «ሰቭ ሁኖዋ አያ ኧኸረ ሁዳ በዎጁዋ ሰቭ ግት ኧቭር ትስአይ? ባረናም።
+
+\v 6 ሁዳተዉድ ተረሳ ባሃሬ ዌኤዲ ኤንዳ ፤በገሊላ ገኘ ታነ አሃ ኤኤደናሃ ቃር ዝግጃ ፤
+\v 7 ሁድቭ ኧሰቭ ትከ <በቫጢረተኘ ኧጅ ኤኤቶ ያአይፑሪዴ ፤ኢሶኡሪዴ ፤በወንደቭ በሶኦስት ቀረኋ ኢትርሳኬ>ባረናምባ »ቧሪያም።
+
+\v 8 ህናም ኢየሱስ ኧዝሬከና ቃር ዘከጃም።
+\v 9 ተሞገማይ ተዠፐራምታ አሻይቭ ኧሰምአይቭ አአር እንእ አአስረአቸ ተማሪሞኋዪኤኤኛሞሁኖዋ ኤኤጃም።
+\v 10 እም ዘንጋ ኢኢየሱሲ ኪሸረኘ ኤኤጃዮዋ መግደላዊት ማሪያም ዮሐና ኧያእቆብሜ አዶድ ማሪያምቪ ተህናም እማቲ ኧረፐራ እሽቻ ባናተ።
+
+\v 11 ሁኖዋ ጭን ቢዪኢጃዮዋ ኢቋጃታ አአር መሰረኖምታ አናአሞሪያታ።
+\v 12 ጴጥሮስ ጭን ተረሳታ ሞገማኋ ያዢ ተራወኧ፤በህሜ ሙግ ባረታ ቢያዥ፤እማት ኧከፈን ሁጅር አሸታ በኸረ ዘንጋ ወግ ኸረወታ ቢድኋይ ተዠፐረታ።
+
+\v 13 በህም ቀረ ተኢየሱሲ ተማሪ ዉርኤትሁኖዋ ኤማሁስ ዩሪዳ ቃያያሩዋ ባንደ።ኤማሁስ ተኢየሩሳሌም ከተማ አስረ ዉርኤት ኪሎሜትር አአህር ያርእ ባንደ ።
+\v 14 ሁኖም በዋ ግት በኸረ ዘንጋ እንእ ሁኖም ተሁኖም ኢዝራኩዋ ባንደ።
+
+\v 15 ሁኖሙ ቲጮጁሚ ቲዝረኩም፤ቲያርታ ኢየሱስ ገግኋ ማአታ ተሁኖም ተዠፐረ ያር ባንደ።
+\v 16 ቢከርብ አይሂሪኸ ኤርሁኖዋ አጭራነቨኖም።
+
+\v 17 ኢየሱስ «ትታሩዋታ አሁም ታሁም ትዝረኲዳ ሁዳ ምርአፈድን?» ባረ ተሳአረኖም፤ ሁኖም በምጥጥ ደነኧኖምታ ተሸኮሙ።
+\v 18 ተሁኖም አት ቀለዮጳ ዩሪዳ ምስ ዠፐረታ «ቢኢየሩሳሌም ከተማ ታነኸ በዋ ግት በዋይ ኧኸረ ዘንጋ ኧተኸ እማት አኸ አሃርኸዳ? ባዘራንሄ? ባረ »ተሳአረን ።
+
+\v 19 ኢየሱስቭ ምርአፈድን? ባረ ተሳአረን፤«ሁኖም በጎይታዪ በሰቭ ኢፍቲ በቃርሞኋዪ በቬናሞኋ ኑእ ደረግ ኧረፐረን ነቢ ኧረፐረ ኧናዝሬት ኢየሱስ አአር አሃርኸዳ?
+\v 20 ኧካህን አላቃዪ ዳኘመንራ ኧሆሩዋ ሰቭ ኢኢየሱስ ሙድ ኢትፈንድዌ አዎኦሙ አአይፖሪ፤ሶኦሪቭ ።
+
+\v 21 ኢና ጭን እእስራኤል ሰቭ ሃአይተ ያተርፍኬ ባርነ ተስፋንራ በሁዳ አወናነ ባንደ ፤ዘንጋኋ ጭን በዋ አይነት ሁዳ ሶኦርሙ ቶኦተሪኦኳ ሶኦስተኘ ቀረን።
+
+\v 22 አትቭ እመኸ ቲናይ ጋአት እረርኧ ኧሞገማይ ኧወራ አታት እሽቻ አዳአንረ።
+\v 23 ኢኢየሱሲ ኒሳኋ ቢቨህራይ «ኧመላአይካ መርክ ብርኢ አሸነ» ባራም ማአም፤<አሻይ መላአይካ « ኢየሱስ አያ ኸረ ተረሳ » ባረ ኤኤደናኸ ኤኤጃንረ ።
+\v 24 ቲናቭ እማቲ ኧረፖሩዋ አታት ሰቭ ዎርሙታ እሽቻ ህና ኤኤጃይ ሁዳ አጬጉም ሞኦሙ፤እሽቻ ኤኤጃይ ሁዳ እኧዉረምን ቧርሙ፤ኢኢየሱስ ጭን አናሸዊ.
+
+\v 25 ኢየሱስቭ አሁዋ ስርም አትዌስሩዋ ነቢም ኤኤጅኩዋ ቃር በሂናሁዋ አታወሮዋ ስቭ ፤
+\v 26 ክርስቶስ ዋዳ እንእ መከራ ኧተኧወርትቭ፤ ኧክብርሞኋይ ኧጉዉኦት ኤኖዳ? » ባረኖም።
+\v 27 ተሃአ ቀጥወ ተሙሴ ቀነሰታ በነቢ መጣፍ ኧጣፊ አአር እንእ ኧሁዳ አአር ምር ይብረኸ ጌከረ ኤኤደኖም።
+
+\v 28 ሁኖም ይርኮዳ ኤኤማሁስ ቃያ ሰንኦም፤ኢየሱስ ጭን ተህም በዲየ ያርካ አአረኸ ኸረ ኧግር አቨተረ ፤
+\v 29 ሁኖዋ ጭን አፈር ኧቨሼ ኧኸሬ ፤«አፈር መሸ ቲና ኔእ »ቧርሙቡሼኧኸ ሳአሪ ኢየሱስቭ ተሁኖሙ ኢሪኢ ገፓ።
+
+\v 30 ተሁኖም ሸረድ ኢቨርአይ ቸና ሸረድቭ ነሳ ኧጎይታ ሽኩር በቫረ ቀጥወ ፍረነቨ አቨኖም።
+\v 31 ሁኖም ህምጋ ኤርሁኖዋ ተከፈደታ ኢየሱስ ኧኸረኸ ኋርሙ፤ኢየሱስቭ ህመጋ ኧወረኤኤዲ ቦኮሪ።
+\v 32 ሁኖም ተሁኖም፤«በቨያ ቲያዝራይከንረዳቭ መጣፍ ይቭካ አአር ቲዪኢደንረዳ ሂንንራ እእሳደኸ ኢረድድ ባንደ»ተቬቬርሙ።
+
+\v 33 ህም ግዚየ ሁኖም ተረሾሙኢየሩሳሌም ከተማ ተዠፖርሙ ዎርሙ፤በህሜ አስረአቸ እኢየሱስሜ ተማሪቭ ተሁኖም እማቲ ኧረፖሩዋ ሰቭ በደሞጁዋይ ነኮዉዮም።
+\v 34 ሁኖም «ጌታ ኢየሱስ ዉረተውድ ተረሳ፤ስምኦን ቤኤርኋ አሸን»ቧርሙ ሁኖም ተሁኖም ኢትዝራኩዋ ባንደ።
+\v 35 ዉርኤቸ ተማሪኋ በቨያ ኧኸረ ዘንጋዪ ዳቦኧቭ ቲፍረንቭካ ኢኢየሱስ ኧተኸ ኧኋሪኸ ኤኤጂዮም።
+
+\v 36 ኢኢየሱሲ ተማሪ ኧሁዳ አአር ቲጮጅታ ኢየሱስ ገግኋ ማአ በግትሁኖዋ ተሸከቨታንዳ «ወገሬት አሁዋ ኧህር ባረኖም።
+\v 37 ሁኖዋ ጭን መንፈስ አሸዉዋ አአር ኧቨሰረኖዋይ ኧኸሬ በድሪእት አራአደኖም።
+
+\v 38 ኢየሱስቭ «ኧቭር ኢደርእሁዋ? በሂናሁዋ ኧቭር ትጥራጠሩዋ?
+\v 39 ኧጅመኛዪ ኧግርመኛ ኦዡዋ ፤እኩ ኑጉጅምቭ ኦዥኝ ፤መንፈስ ኢያኸ ዋኸ አእቭቪ በሰርቭ ኤነነዳ ።
+\v 40 እመኸቭ ባረኖምታ ኧጅሞኋዪ ኧግርሞኋ አቴሸኖም ፤
+
+\v 41 ሁኖምቭ ቡሼኧኸ ኧትዉራነኡዋይ መዪ ወግቭ ኧኸረዎዋይ ኧኸሬ ያአዉሩዋይ አኸረኖታ፤እም ቲዩሪ ኢየሱስ በዋ ኤኤዲ ኢዎርኤዳ አአር አነነሁዋ? ባረኖም ።
+\v 42 ዉጢካ አቆቆሺ አሳ አዊ ፤
+\v 43 ኢእየሱስቭ ቴኤፐረኖምታ ቢኢፍትሁኖዋይ በንአ።
+
+\v 44 ሁድቭ «ዋዳ እንእ ታሁዋ ታነሁ በሙሴ ቂጫቪ በነቢ በመዝሙርቭ መጣፍ ኢያ አአር ኧጣᎉ ሁዳ እንእ ኧዉረ ኢኸርኬ ባሁ ኤኤድኩዋ ቃርን »ባረኖም።
+
+\v 45 ተሃአ ቀጥወ ሁኖም መጣፍ ይቭካ አአር ኢቬስሩዋኸ ኧቀርብ ኤርሁኖዋ ተከፈደ፤
+\v 46 እመኸቭ ባረኖም«ክርስቶስ መከራ ኢቴኤፐርኬ በሶኦስተኘ ቀረሞኋ ተዉድ ኢትረሳኬ »ቧርሙ ጣᎉ።
+\v 47 «ተኢየሩሳሌም ከተማ ቅርሽተዊታ ሰቭ እንእ በሁዳ ሹቭ ንስሃ ኢጎኦዋመዪ ሁኖም ተቫጢርሁኖዋ ኢቬጥሩዋይ ኢኢጂዮቴ »ቧርሙ ጣᎉ።
+
+\v 48 ኧዋ ዘንጋ እንእ አሁዋ ምስክርንሁዋ ።
+\v 49 ኢያብ አባኛ ጎይታ <ኢቭሁዋቴ>ኧቫረናሁዋ ተስፋ ኢያ ኧኬሽነሁዋቴ ፤አሁዋ ጭን ደረግ ተጎይታይ ቲቫአነሁዋ ስን ብእየሩሳሌም ከተማ ኦኩሹዋ»ባረኖም።
+
+\v 50 ተህም ቀጥወ ኢየሱስ ተማሪኋ ተእየሩሳሌም አዋአኖምታ ቢታኒያ ቃያ ወሰደኖም እኧጅሞኋ ዝራካ ዳረኖም።
+\v 51 ቲደርኮምቭ ታነ ተሁኖዋ ተቬተረ ኧሳቫይኒየ ዋአ ።
+
+\v 52 ሁኖም ሶጎጅነታ ኖኦራ አአር ቲሽርኮዋ ኢየሩሳሌም ከተማ ተዠፖርሙ።
+\v 53 በቀረ ቀረ በቤተ መቅደስ ሆርሙታ ጎይታ ያትሼኩሩዋ ባንደ።

44-JHN.usfm

@@ -0,0 +1,1275 @@
+\id JHN
+\ide UTF-8
+\h John
+\toc1 John
+\toc2 John
+\toc3 jhn
+\mt John
+
+\c 1
+\p
+\v 1 1 አወተረ ቃር ባነደ ቃር ሁዳ ትእግዜር እማቲ ባነደ እም ቃር ሁዳ እግዜር ባነ ደ።
+\v 2 ሁድቭ አወተረ ትእግዜ እማቲ ባንደ።
+\v 3 እንእ አአር በሁዳ ተፈጠረ ፤ ተትፈጠረ ሁዳ እንእ ሁዳ አይቫር ኧትፈጠረ አአር አተአር ኤነዳ ።
+
+\v 4 ነብሲያ በሁዳ ባነቸ እም ነብሲያ ኧሰቭ ኡዋየ ባነቸ
+\v 5 ኡዋየቭ በጠነቫ ያትረክቭ ጠነቫቭ ኡኡዋየ ስርም አዪኢምኩዳ።
+
+\v 6 ትእግዜሪ ኧኬሸዊ ዮሐንስ ዩቩሪዳ አት ምስ ባነደ።
+\v 7 ሁዳ በዝሬከን ቃር ሰቭ እንእ ያአቭሪ ኡኡዋየ ሁዳ አአር ምስክር ኸረ ማአ።ሁዳ ኡኡዋየ ሁዳ አአር ዪኢዲ ማአ ባኸሬ ገግኋ ኡዋየ አነፐረዳ::
+\v 8
+
+\v 9 ኧሰቭ እንእ ያትረክቭካ ኧዉረሚየ ኧኽረ ኡዋየ ኧዋ አለሚ ይቫአ ባነደ።
+
+\v 10 ሁድቭ በአለም ሰቭ ግት ባነደ አለምቭ በሁዳ ተፈጠረ ኧዋ አለም ሰቭ ጭን አሀረንዳ።
+\v 11 ኧገግመኋይ ስቪ ማአ ኧገግሞኋይ ሰቭ አንቴኤፖሪዳ ።
+
+\v 12 ቢኸርቭ ኧሁዳ ኧቴኤፖሪቭ በሹቭሞኋ አአሞርዋ ሁነዋ እንእ እእግዜር ትከ ይሆርዋይ ዳኝነድ አቨኖም ።
+\v 13 ሁኖም ትእግዜሪ ቴኤኞም ባኽሬ ተቨሰር ተደቭ ዌ ተሰቭ ተመኛት ዌ ተሰቭ ፍቃድ አንቴኤኘዉታ።
+
+\v 14 ቃርቭ በሰር ተኽተረ ፀጋቪ ዉረቭ ተቬንአታ ቢና ግት ኔኧ አት ትክቭ ታአባኋይ አነንዳ ክብረኽ ክብርኋ አሸነ ።
+\v 15 ዮሐንስቭ “ቲያ ኢኢ ኧረፐረ ሁዳ ቲያ ኢፍቲ ኧረፐሬ ኧኸሬ ቲያ ኢረእ ባሁታ ኤኤድኩዋ ምስ ዋ ምስን” ባረታ ኤኤደ ።
+
+\v 16 ተውርአ ፀጋኋ ኧቫአ ኢና እንእቨንራ በፀጋ ፎር ፀጋ ሜንአነ ቴኤፐርነ ።
+\v 17 እእግዜሪ ቂጫ ተሙሴ አጋድ ቴቨ ባነደ፣ ጠጋቪ ኧቩረቭ ቃር ጭን ቲኢየሱስ ክርስቶሲ አጋድ ቴቨ። 
+\v 18 ስርም እግዜር አሸን እማት ሰቭ ኤነዳ፤ዘንጋ ጭን ባአቭ ኡፏድ አነዳ እማት ትከኋ ኧኸረ አምላክ ያዢኸ ኤፐን ።
+
+\v 19 አአይሁድ ገኘ ዳኘ በኢየሩሳሌም ከተማ ቲረዉርታ ኧካህናትቪ ኧሌዊ ሰቭ ኧዮሀንሲ ኬሸዊዮምታ “አኸ ማንተንኸ?” ቧርሙ ተሳአሪ ዮሐንስቭ አታአር ታይደእር ዋኸ ባረ ኧቩየሞኋ ዝሬከታ ምስክር ኸረ እመኽቭ ባረ
+\v 20 “ኢያ ክርስቶስ አኸርኋ” ባረ ኤኤደ ባኽሬ አኸታዳ
+\v 21 ሁኖም “እኽ አኸ ኤሊያስንኸዪ ዌ ማንተንኸ?”ቧርሙ ተሳአሪ። ሁድቭ “አኸርኋ” ባረኖም ። “ሁኖም እእግዜር ቃር ዪኢዲ ኢቫኬ ኧዋሪ ነቢ አኸትንኼ?” ቧሪ፤ ሁድቭ “አኸርኋ” ባረኖም ።
+
+\v 22 ሁኖም “እኽ ባቴ አኸ ማንተንኸ? ኢና ኧኬሸዉንረ ሰቭ ኒኢድኔዮይ መልስ አቨንረ ኧገጋኸ አአር ምር ትቭር አኸ ማንተን?” ቧሪ ።
+\v 23 ዮሐንስቭ “ነቢ ኢሳያስ ኢዝሬክመኸ እእግዜሪ መያ ጎኩርዋ ባረ በቨረሐ ያኸራካ ሰቪ ቃርንሁ”ባረኖም።
+
+\v 24 ተኬሸዊዮም ሁኖዋ አታትሁኖዋ ኧፈሪሳ ሰቭ ባነዉተ
+\v 25 እህ ባቴ ክርስቶስ ዌ ኤሊያስ ዌ ነቢ ሁድሁ ባኸርኸሁ ተቭር ታጠምቅ?» ቧሪ።
+
+\v 26 ዮሐንስቭ “ኢያ ብእሃ አጠምቅ ዘንጋኋ ጭን አሁዋ አትሂሪ ሁዳ በግታሁዋ አነ።
+\v 27 ሁድቭ ቲያ ኢኢ ኢቫአካሁዳን ኢያቭ ኧጫማኋ ክር ዳር ኧፈዳይ አንቨቃ ሰቭንሁ”ባረኖም ።
+\v 28 ዋመዳ እንእ ኧኸረ ዮሐንስ ያጠምቅወ ተረፐረ ተዮርዳኖስ እሃ ሃእአጋድ ቢታንያ ቢዩሪዳ ኤኤዲ ባነደ።
+
+\v 29 ዮሐንስቭ በቭረጋኋ ኢየሱስ ኧሁዳይ ኤፐ ቲቫአካ አሸታ ዋኸ ባረ “እኩ አአለም ባጢር ያፈካካ እእግዜሪ ጣይ
+\v 30 ቲያ ቀጥወ ኢቫአኬ ቲያቭ ኢፍቲ ኧረፐሬ ኧኸሬ ቲያቭ ኢረእ ኧቫሁን ሁዳን ።
+\v 31 ኢያቭ ገግመኛ አሃርሁን ባነደ ብእሃ ትናጠምቅ ኧቫአሁ ሁዳ ብእስራኤል ሰቭ ኢትሄርነኸ
+
+\v 32 ተኽም ቀጥወ ዮሐንስ ዋኸ ቲቭር አሸን ሁዳ ሄቶ ኤኤደ “መንፈስ ኧውናረኸ ወንደታ ቦፎርኃ ቲቸናወዳ አሸሁ።
+\v 33 ኢያቭ ገግኛ ባንሂርኩዳ ብእሃ አጠምቂ ኤኬሼ ሁዳ “መንፈስ በፎርኋ ቲቸናወዳ ታዥኩዳ ሁዳ በመንፈስ ያጠምቅካ ሁዳን ባረታ ኤኤደዪ።
+\v 34 ኢያቭ ዋዳ አሸሁ እእግዜር ትከ ኧኸረኸ ሄቶ ኢኢድ ባረ።
+
+\v 35 በቭረጋሞኋ ዮሐንስ ተዉርኤቸ ተማሪኋ ኧትራኛ ኤኤዲ ባነደ ።
+\v 36 ኢየሱስቭ ተሀመመያ ቲያርካ አሸንታ “እኩ እእግሪ ጣይ ዋዳን!። ባረ ።
+
+\v 37 ዉርኤቸ ተማሪኋ ዮሐንስ ሀኸ ቲይካ ሰምኦምታ ኢኢየሱስ ቴሄተሪ።
+\v 38 ኢየሱስቭ ተዥቫፐረ ቲትሄተሪዳ አሸታ “ምር ትሱኡዋ?” ባረኖም።ሁኖም “ረቢ አኸ ትረቭርወዳ ኤኤዲ ኧትኔን?” ቧሪ። ‘ረቢ’ ኧዋርት አስተማሪ ኧዋርትን።
+\v 39 ሁድቭ “የሁም ኦዡዋ” ባረኖም ህመኸ ኧኸረሜ ዎርሙታ ኧቲ ይረቭረኸ አሸውም፤ ቴረኘ አስር ሳዓት ዳር እማትሜ ዋአርሙ።
+
+\v 40 ዮሀንስ ኧዝሬከን ቃር ሰምኦምታነዳ ኢኢየሱስ ተትሄተሪ ተዉርኤቸ ተማሪኋ አትሁዳ ኧስምዖን ጴጥሮሲ ኧሰም እንድሪያስ ባነደ።
+\v 41 እንድርያስቭ ህመጋ ኧኧሰምኋይ ኧስምዖኒ ወረታ “ይቫአኴ ኦዋሪ ክርስቶስ ነከቭነዪ”ባረን (ክርስቶስ ኧዋርት ኧዋሸዊያአር) ኦዋርትን።
+\v 42 እንድርይስብቭ ኧስምዖን ኧኢየሱሲ በታ አቫአን።ኢየሱስቭ ኧስምዖን መኬኧ ባረ አሸንታ አኸ ኧዮና ትከ ስምዖንንኸ ተዋቴ ኬፋ ባይቶ ይሆረከዴ ባረን (ኬፋ ኧዋርት ጴጥሮስ ዌ እቭር) ኧዋርትን
+
+\v 43 በቭረጋሞኋ ኢየሱስ ገሊላ ገኘ ያሪ ሴኧ፥ ኧፍሊጶስ ነከቨንታ የኸ “ተኸተሬ” ባረን ።
+\v 44 ፊሊጶስቭ እእንድርያስመኸዪ ኧጴጥሮስመኸ ኧቤተሳይዳ ከተማ ሰቭ ባነደ።
+\v 45 ፊሊጶስ ኧናትናኤል ነከቨንታ “ሙሴ በቂጫ መጣፍ ኧጣፈነቪ ነቢያትቭ ኧጣፉነ ኧዮሴፊ ኧች ኧናዝሬት ምስ ኢየሱስ ነከቭነዪ”ባረን።
+
+\v 46 ናትናኤል ጭን “ተናዝሬት ከተማ ወሄ ዘንጋ ይረህውዪ?” ባረን። ፊሊጶስቭ “ማአታ ኧዥ” ባረን ።
+\v 47 ኢየሱስቭ ናትናኤል ኧሁዳይ ኤፐ ቲቫአካ አሸንታ “እኩ አመር ኤነወ ኧውረምየ እእስራኤል ሰቭ” ባረታ ኧሁዳ አአር ዝሬከ።
+\v 48 ናትናኤልቭ “አኸ ኧተኸ ሀርኸዪ” ባረ ተሳአረን።ኢየሱስቭ “ፊሊጶስ ታይኸራኸ ኢፍቲ በሸቭራ ምዬ ታነኸ በተርሁ አሸከ” ባረን።
+
+\v 49 ሀ ግዚየ ናትናኤል “አስተማሪዮ እእግዜር ትከንኸ እእስራኤል ንኩስንኸ” ባረን ።
+\v 50 ኢየሱስቭ አአመርኸ ሁዳ በሸቭራ ምዬ አሸከ ኧቫከደዪ? ገና ትእም ይረእካአአር ታዥኬ” ባረን
+\v 51 ሀአቨ ኢየሱስ ኧቩረመኛ እቭሁዋ ሳቫይ ተከፈጅተታ መላአይካ በሰቭ ትከ ፎር ቲዎኦታዪ ቲወችታ ታዥቴ”ባረ።
+
+\c 2
+\p
+\v 1 በሳስትኋ በገሊላ ገኘ ቃና ቢዩሪዳ ከተማ አዠቨኘ ባነደ ኢኢየሱስሜ አዶድ በኽሜ ባነቸ።
+\v 2 ኢየሱስቭ ተተማሪሞኋ አዠቨኘ ሆኖዮም ባነደ
+
+\v 3 ባአዠቨኘ ድግስ ኧወይን ጠጅ ባነኧ ግዚየ ኢኢየሱሲ አዶድ ኧኢየሱስ”ዋ ሰቭ ኧወይን ጠጅ አነኧዎም ባረቸን”።
+\v 4 ኢየሱስቭ “ኧረ ምሽቶ ምር ኦንኧት አንቪይኸ አታአዉጅኝ ገና ግዚየኛ አንሰንአዳ”ባረና ።
+\v 5 አዶድሞኋ በሃኸ ኧረፖሩዋ ኢድርታ ሰቭ “ሁዳ ይቭሁዋታ ሁዳ እንእ ኦንኦዋ” ባረቸኖም ።
+
+\v 6 ኧይሁዳ ሰቭ ኢወጥርኰዳ ቂጫ ኧረፐረኖዋይ ኧኸሬ ተዉርኤት ትንኪየ እሀ ሶኦስት ትንኪየ እሀ ዳር ይጠጭታ እእቭር ገምባ በሀ ኤኤዲ ባነዉተ ።
+\v 7 ኢየሱስቭ ኢድርታ ሰቭ “ገምባ ሁኖዋ እሀ ሞንኧየዋ” ባረኖም ፥ሁኖም ገምባሁኖዋ አአፉሁኖዋይ ዳር እሃ ሜንኧዮም ።
+\v 8 ተህም ቀጥወ ኢየሱስቭ ያጌኪርታ ሰቭ “ተፎርኋ ጕጆም ኧድግስ አላፊ ሁዳ አዊ” ባረኖም፥ ሁኖም ጐቾም አዊ።
+
+\v 9 ኧድግስቭ አላፊ ሁዳ ኧወይን ጠጅ ኸረ ኧትሽጋገረ እሃ ሁዳ ጆᎀገ፤ ታአይ ኧቫአኸ ጭን አሃረ ባነደ ፥እሃ ሁዳ ኧጎቾዋ ኢድርታ ሰቭ ጭን ይሂርዋ ባነደ ።ኧድግስ አላፍፊ ሁድቭ ኧምሽረኘ ሁዳ ኦጣኋይ ወሰደንታ ፥
+\v 10 “ሰቭ እንእ ወሄ ጠጅ በተረ ያቲኢንቭታ ባዘራ ሰቭ ሰጨ በሰከረ ቀጠወ ቀጭር ኧወይን ጠጅ ያቲኢንቭ ፤ አኸ ጭን ዋ ወሄ ጠጅ ዋአካ ዳር አቴኧከስኸን”ባረን ።
+
+\v 11 ኢየሱስ ዋ አአወተረ አቴሸን ወግ ዘንጋ ኧሩኡንድኋ መርኸት በገሊላ ገኘ በቃና ከተማ ኤፐታ ክብርኋ አቴሸ፥ተማሪሞኋ በሁዳ አሞርም።
+
+\v 12 ተኽም ቀጥወ ታአዶድመኋ ተኧሰማትሞኋዪ ተተማሪሞኃ ቅፍርናሆም ዩሪዳ ኤኤዲ ዎርሙታነዳ ቀሪ ቀረ ቸኖም ።
+
+\v 13 ኧይሁዳ ኧፋሲጋ ባዓል ኧቴኧነቬ ኧኸሬ ኢየሱስ ኢየሩሳሌም ከተማ ወረ ።
+\v 14 በቤተ መቅደስ አሬእ፥ ጣይቪ ቡናር ያስሮታ ሰቭቪ፣ ቸኖም ፈራክ ኢዌስርታ ሰቭ ነከቨ ።
+
+\v 15 ኧወደረ ዥራፍ ሰነቨታ ጣዪቪ አሬእ ሁኖዋ እንእ ተቬተመቅደስ አትሳተደ አዋአኖም፥ ፈራክቭ ይዝረዝርታ ሰቭ ፈራክሁኖዋ ብራጨዎምታ ጠረጴዛሁኖዋ አክቨነረዎም ።
+\v 16 ቡናርቭ ያስሮታሁኖዋ ዋሁኖዋ ተዋይ ኦኦየዋ አአቦኛይ ቢድ ገቨያ አቶንኤ ባርኖም!።
+
+\v 17 ሀአ ግዚየ ተማሪኋ “ኧቪዳኸ አነኒዳ ቅናት እእሳደከ ኢቬኪሬ” ቧርሙ ኧጣፉይ ቃር ተዘከደኖም ።
+\v 18 ሀግዚየ ኧዩሁዳ ሰቭ ኢኢየሱስ “አኸ ዋዳ ቲንአይ ዳኝንድ አነነኸኸ ታጪግንሬ ምር ወግ ኧኸረ መርኸት ታቲሸንረዴ?”ቧሪ።
+\v 19 ኢየሱስቭ “ዋ ቤተመቅደስ ቧርሪ ኢያ በሶኦስት ቀረኋ ኧረሽኩሴ”ባረ ዠፐረኖም።
+
+\v 20 ሁኖም “ዋ ቤተመቅደስ ያረሺ አርብአ ስድስት ዘቨር ጀፐረ አኸ በሶኦስት ቀረ ታረሽኩደዪ?” ቧሪ ።
+\v 21 ኢየሱስ ጭን “ቤተመቀደስ”ኦዋርትኋ ኧገግኋይ ሰቭነድ ኦዋርትኋ ባነደ።
+\v 22 ኢየሱስ ተውድ በትረሳጋ ተማሪኋ ዋ ዘንጋ ዘኮጁም ህም ግዚየ እም ኧጣᎉ እእግዜር ቃርቭ ኢየሱስቭ ኤኤደን ቃር አሞርም
+
+\v 23 ኢየሱስ በፋሲጋ ባዓል ግዚየ ቢኢየሩሳሌም ከተማ ታነ ኤፐን ወግ ዘንጋ አሾምታ ኖኦራ ሰቭ በሹውኋ አሞርም።
+\v 24 ኢየሱስ ጭን ኧሰቭ እንእ ሂን ዪሂር ኧረፐሬ ኧኸሬ አናአመረኖዋ ባነደ።
+\v 25 ሁዳ በሰቭ ሂን እንእ አነዳ ዘንጋ ኢሂር ኧረፕሬ ኧኸሬ ኧሰቭ አአር አት ሰቭ ዪኢድኩይ ባያትኬሽኩዳ።
+
+\c 3
+\p
+\v 1 ኢየሱስ ኧኒቆዲሞስ አትማረን፤ 1. አት ኧፈሪሳ ሰቭ ኧይኹዳ አለቃ ኒቆዲሞስ ዩሪንዳ ምስ ባነደ፡፡
+\v 2 ኹድ በቭሳአረ ኧኢየሱሲ ማአታ‹‹አስተማሪዮ ጐይታ ተኹዳ ኧኧኸረ ሰቭ ባኸሪ ዋ አኸቴኮታ ወግ ዘንጋ ዬቪ ኢኸነዳ ሰቭ ኤነዳ፤ እመዳ ኧኸሬ አኸ ተጐይታ ኧቫአኸ አስተማሪ ኧኸርኸኸ ንሂነ›› ባረን፡፡
+
+\v 3 ኢየሱስቭ ‹‹ኧውረመኛ እኸ ሰቭ ኻይቭተ ታይቴኤኝ አጐይታ መንግስት ያዢ አይኸነዳ›› ባረን፡፡
+\v 4 ኒቆዲሞስ ቭ ‹‹ሰቭ በገነዘ ቀጥወ ማኸ ኤፐ ሀአቨ ኢቴኤኝ? ኧውሬተኘ ባአዶድኋ ከስ ጊቭአተ ኢቴኤኚ ኢኸኔ?››ባረ ተሳአረን፡፡
+
+\v 5 ኢየሱስቭ ዋኸ ባረ ዠፐረን ‹‹ኧውረመኛ እንኸ ሰቭ ትእኻቪ ተመንፈስ ቅዱስቭ ባንቴኤኜ ኧጐይታ መንግስት ኢጋአይ አይኸነዳ፡፡
+\v 6 ተሰቭ ኧቴኤፕ ሰቭን ተመንፈስ አቴኤኘ መንፈስን፣
+
+\v 7 ‹ኧውርኤተኘ ኧቶኦኝት አነቨኹዋ ኧባኬ ወግ አይኽርቨኸ.
+\v 8 ንፋስ ኧሳረን አጋድ ኤፐ ኢረፍስ፤ አኸቭ ቃርኋ ትሰቭአ ባኻሬ ዋ ንፋስ ተኧቲ ኢቫአኸ ኧተሜ ያርመኸ አትኺርካ ተመንፈስ ኧቴኤፕ እንእ ኽመኸምን›› ባረኖም፡፡
+
+\v 9 ኒቆዲሞስ ቭ ‹‹እኰዳ ኧተኺ ኢኸሪ ኢችል ባረ ተሳአረን፡፡
+\v 10 ኢየሱስቭ ‹‹አኸ እእስራኤል አስተማሪ ኸርኸታ ዋዳ ኧተኸ አትኺርካ?» ባረን፡፡
+\v 11 ኧውረመኛ እኸ ኧኻኔ ኹዳ ንዝሬኪነ አሸኔይ ሁዳ ሄቶንረ፤ አኹዋ ጭን ሄቶ ኸነ ኤኤድኔኩዋ ቃር አቴኤፖንረዳ፡፡
+
+\v 12 በዋ አፈር አነዳአር ትረኢድኹዋታ አታአውሩዋ በኸረ፥ አካ ኧሳቫይአአር ቤንኢድኹዋ ኧተኸ ታአውርቴ?
+\v 13 ተሳቫይ ኧወንደ ኧሰቭ ትከ ባኻሬ ኧሳቫዪ ኧዋአአር ኧኛ ሰቭ ኤነዳ፡፡
+
+\v 14 ሙሴ በቨረኻ ኧሳአር ጭረ ኧሰኧረመኸ ህመኸ ኧሰቭ ትከ ቤኧ ኢሶኡሪዴ፡፡
+\v 15 እመዳ ኢኸርካ በኹዳ፥ ያአቭርካ ሰቭ እን ኧዘለአለም አያ ኺንተ ኢረቭርነኸ››ባረኖም፡፡
+
+\v 16 ‹‹በኹዳ ያአቭርካ እንእ ኧዘለአለም አያ ኢኸርኔ ባኻሬ አይዎደኽ ጐይታ ኧዋ አለምሰቭ ኖኦራአር ኧረመደኗይ እማት ትከኋ አቨ፡፡
+\v 17 ጐይታ ትከኋ ኧዋ አለሚ ኧኬሼን ሁዳ በአለም ሰቭ ኢፈርዲ ታይኸር ኧዋ አለም ሰቭ በኹዳ ያተርፍኔ፡፡
+\v 18 በኹዳ ቢያአቭርካ ሰቭ አይትፈንድወዳ፤ በኹዳ አያአቭር ሰቭ ጭን ብእማት በጐይታ ትከ ሹው አናአመሬ ኧኸሬ ዋአካሞኋ ተፈንደወ፡፡
+
+\v 19 ፍርድሞኋ ዋኸትን፥እዋየ ኧዋ አለሚ ማአ ሰቭ ጭን እዋየ ኹዳ ታይኸር ጠነቫ ነሞጁም፤ ጠነቫቭ ኧረሞጁዋ ኹዳ ሜናኹኗ ሙጥጣአር አኸረዴ፡፡
+\v 20 ሙጥጥ ሰቭ እዋየ ኢጠራ፤ ሜናሞኻ ባይትረከቭዌ እእዋዬ አይቫአካ፤
+\v 21 ውረአር ዬካ ሰቭ ጭን እእዋዬ ኢቫአ፤ ኤፐንሜና በጐይታ ደረግቪ ፍቃድ ኧቴፐኸ ገኪተ ኢትረከኸ እእዋዬ ኢባአ፡፡
+
+\v 22 ያጠምቅ ኧረፐረ ዮሐንስ ኧየሱሳአር ኤኤደ 22. ተህም ቀጥወ የሱስቪ ተማሪሞኻ ኧይኹዳ ገኘ ወርም፤ ኹድቭ በህሜ ቲያጠምቅ ተተማሪኋ ቸና፡፡
+\v 23 በኽም ግዚየ ዮሐንስቭ በሳሌም ከተማ ምዬ ሄኖን ቢዩሪዳ ኤኤዲ ኖኦራ እሀ ኧረፐሬ ኧኸሬ በሀይ ያጠምቅ በነዳ፤ ሰቭ ሀይ ወረ ኢጠመቅ ባነደ፡፡
+\v 24 ህም ግዝየ ዮሐንስ ኦህኔ ቢድ ተጉኦትኋ ኢፍቲ ባነደ፡፡
+
+\v 25 በዮሐዩንስ ተማሪቪ ባአት በይኹዳ ምስ ግት ቢወጥርኰዳ ቂጫአ ኧቫአ ዘንጋ ተረሳ፡፡
+\v 26 ኧየኋንሲ ተማሪ ኧዩኻንሲ ቴኤኖምታ ‹‹አስተማሪዮ ሀ ተዮርዳኖስ እሀ ሀአጋድ ታኸ እማቲ ኧረፐረ አኸቭ ኧኹዳአር ኤኤድኸነ ምስ ኧሰቭ ያጠምቅ፤ ሰቭ እንእ ኧኹዳይ ያር›› ቧሪ፡፡
+
+\v 27 ዩኻንስ ዋኸ ባረኖም፤‹‹ማንእየ ሰቭ ጐይታ ታዩኩ አታአር ኢረኽቪ አይኸነዳ፡፡
+\v 28 ኢያ ተኹዳ ኢፍቲ ኬሽውኝ ባኸሬ ኢባአኬ ኧዋሪ ክርስቶስ ኢያ አኸርኋ› አባኩዋኸ ገጋኹዋ ሄቶንሁዋ ባረኖም፡፡
+
+\v 29 ምሽራ ሂዳ አአዝማችኒያአር፤ ቃርኋ ኢስቭአይ በቭየኋይ ኧትሸከቨ ሙዜኋ ጭን ኧቭሽረኘ ሁዳይ ቃር ቲስቭአካ ኖኦራአር ኢሽርኩ ፤ሀ ኧሳርት ኢያትናአር ኹድቭ ዋአካ ኸረ፡፡
+\v 30 ኹዳ ኢረኢ ኢያ አአንሲ ያትኬሽ›› ባረ፡፡
+
+\v 31 ተፎሬ ኢቫአካ ሁዳ ትንእ በፎረን፤ ተአፈር ኧኸረ ሁዳ አአፈርን ሁድቭ አአፈርአአር ኢዝሬክ፤ ተሳቪዪ ኢቫአካ ሁዳ ትንእ በፎረን፡፡
+\v 32 ሁዳ አሸንቭ ኧሰምአንቭአአር ኢኢድ ቢኸርቭ ሁዳ ኤኤደናአር ኢሰቭአኩዳ ኤነዳ፡፡
+\v 33 ሁዳ ኢኢድኩዳ ዘንጋ ያአቭርካ ሰቭ ጐይታ ውነተኘ ኧከረኸ አጬገ፡፡
+
+\v 34 ጐይታ መንፈስኋ ስፊተ አዪቪ ኧኸሬ፣ጐይታ ኧኬሸን ሁዳ ኧጐይታ አር ኢኢድ፡፡
+\v 35 አቭ ትከኋ ኢረድ፤ እንእ አአር በኧጅኋ አቨን፡፡
+\v 36 በትከኋ ያአቭርካ እንእ ኧዘላለም አያ ኸረ ኢረቭር፤ በትከኋ አያአቭር ሰቭ ጭን ኧጐይታ ማአት በኹዳ ፎር ኢወትወ ባኸሬ አያ ኺንተ አይረቭርካ፡፡
+
+\c 4
+\p
+\v 1 ህም ግዝየ ኧፈሪሳ ሰቭ ተዮሐንስ ኢረእ ኢየሱስ ኖኦራ ሰቭ ኧትሄተሪመኸዪ አጠመቀመኸ ሰምኦም።
+\v 2 ቢኸርቭ ያጥምቁዋ ኧረፖሩዋ ኧኢየሱስስሲ ተማሪ ባነውተ ባሀሬ ኢይየሱስ ገግኋ ባያጠምካ።
+\v 3 ኢየሱስ ዋ ዘንጋ ኧፈሪሳ ስሰቭ ኧሰምኦዋኸ በሀረ ቀጥወ ተይሁዳ ገኘ ዋአታ ፣ ተዠፐረ ገሊላ ገኘ ወረ። ።
+
+\v 4 ህሜ ቲያርካ በሰማሪያ ገኘ ኧኝኧተ ኧሆርት ባንኖደ።
+\v 5 ያቆብ ኧትከኋ ኧዮሴፍ ባቨን ኤኤድ ምዬ አነዳ ሲካር ዩሪንዳ አት ኧሰማሪያ ገኘ ከተማይ ማአ።
+
+\v 6 በህሜ ያቆብ ኧኸኘን እእሀ ጎጀ ባነደ፤ኢየሱስቭ ቄጠታ በሀ ብእሀ ጎጀ ምዬ ቸና፤ግዝየሞኋ ስድስት ሳአት ባነደ።
+\v 7 በህም ግዝየ አት ኧሰማሬያሰማሬያ ገኘ ምሽት እሀ ትገዳይ ኧጎጀ ሁዳይ ማአች፤ ኢየሱስቭ ኧቭሽት ሂዳ« ሀበጀሽ እሀ አስጤኝ »ባረና።
+\v 8 ህም ግዝየ ተማሪኋ ሸረድ ኢስሮዋይ ገያ ዎርም ባነደ።
+
+\v 9 ዋ ኧሰማሬያ ገኘ ምሽት ኧኢየሱስ « አኸ ኧይሁዳ ገኘ ሰቭ ኸርኸታ ኢኢያ ኧሰማሬያ ገኘ ምሽት ኧተኸ እሀ አስጤኝ ትሬ?»ባረቸን፤እመዳ ኧዋርትሻ ኧይሁዳቪ ኧሰማሪያቭ ገኘ ሰቭ ፣ አያድጋፖዋይ ኧኸረዴ ።
+\v 10 ኢየሱስቭ «ኧጎይታ ዋቢነድ ብትሂዋ ፣እሀቭ አስጤኝ ይሽዳ ማን ኧኸረኸ ኧሀርሺያአር ተኸረ ፣አሽቭ ሳአይተሲታ አያ ዬካ እሀ ያሽ ባነደ» ባረና።
+
+\v 11 ሂድ «ዳቭኞ አኸ ትገዳወዳ ግቭር ኤነነኸዳ፤ጎጀሞኋ ኑእ ስዌርን ፤አኸ ባቴ ዋ አያ ዬካ እሀ ታአይ ታቭአኴ?» ባረቸን ።
+\v 12 አኸ ዋ እእሀ ጎጀ ታቨንረ ታአባንራ ተያቆብ ትረኢ? ሁዳ ዴንጋሞኋዪ አሬእሞኋ በዋ ጎጀ እሀ ሰጮም» ባረቸን።
+
+\v 13 ኢየሱስቭ «ተዋ እሀ ኢሰጭካ ሰቭ እንእ ሀአይተ እሀ አይጠቫኩዳ » ባረና።
+\v 14 ኢያ ትኒኩዳ እሀ ኢሰጭካ ሰቭ ጭን ኧዘላለም ስርም አይጠቫኩዳ፤ኢያ ኢኩዳ እሀ ኢሰጭካ ሰቭ ኧዘላለም አያ ኧሁርትቪ በሁድቭ ከስ ኧላለም አያ ዬካ እሀቭ ኢገድድ» ባረ ኤኤደና ።
+
+\v 15 ምሽትቭ ሂዳ « ጎይታኞ ተዋቴ እሀ አይጠቫየኸ ፣እሜቭ ተዣቨይተሁ እሀ ኧገዳይ ዋይ አንድዥቫፐረኸ ኧዋ እሀ ኢያቭ አቬ» ባረቸን።
+\v 16 ኢየሱስቭ «ኧቭሳሽ ህየም ኤኤ »ባረና።
+
+\v 17 ምሽትቭ ሂዳ «ኢያ ምስ ኤነኒዳ »ባረቸን።ኢየሱስቭ «ምስ ኤነኒዳ ኧዋርታሽ ውረምናሽ»ባረና።
+\v 18 ኧዋ ኢፍቲ አምስት ገማ ባነነሸ ፤ዋአካቭ ታሻ እማቲ አነዳ ምስ ምሳሽ አኸረዳ፤እመኸ ኧዋርታሽ ኧውረምናሽ»ባረና።
+
+\v 19 ምሽትቭ ሂዳ «ጌታኞ አኸ ነቢ ኧኸርኸኸ ይትረከቬ» ባርረቸን።
+\v 20 ሂድቭ ኧድረ አቦንራ በዋ ቆቶ ፎር ሰጎጁም፤አሁዋ ኧይሁዳ ሰቭ ጭን ሰቭ ኧስጉጅት አኖዳ በኢየሩሳሌምን ቱሩዋ»ባረቸን።
+
+\v 21 ኢየሱስቭ «ምሽቶ ብእም ቆዮ ቢኸርዌ በኢየሩሳሌም አአቭ ጎይታ አትሰጉጅኰ ግዝየ ኢቫአኸ ኧቨይኝ»።
+\v 22 አሁዋ ኧሰማሬያ ገኘ ሰቭ አትሂሪያአር ትሰጉጁዋ፤ኢና ጭን ኧትረፉት ኢቫአካ ተሁዳ ሰቭ ኧኸሬ ንሂኔዳ ጎይታ ንሰግድነ።
+
+\v 23 ቢኸር በውረቭ ኢሰጉጅነዳ ሁኖዋ አአብ ጎይታ በመንፈስቪ በውረቭ ኢሰጉጅኰዳ ግዝየ ኢቭአኴ፤ዋአካቭ ማአ፤አቭ ዋኸ ተውረምየ ኢሰጉጅነዳ ሁኖዋ ኢሲእ።
+\v 24 ጎይታ መንፈስን ኧሁድቭ ኢሰጉጅታ ሰቭ በውረቪ በመንፈስቭ ኧስጉጅት አነዎዋ» ባረና።
+
+\v 25 ምሽትቭ ሂዳ «ክርስቶስ ዩሪንዳ መሲህ ኢቫአኸ ኧሂር፤ ሁዳ ቲቫአካ እንእአአር ያአውደንረሴ»ባረቸን።
+\v 26 ዋአካ አዝራኪሽዳ ኢያ ትን»ባረና።
+
+\v 27 ህም ግዝየ ተማሪኋ ተዎርኰ ኤኤዲ ተዦፖርም ሞኦም፤ ኢየሱስቭ ተቭሽት ሂዳ ቲዝሬካ አሸውዋይ ወግ ኸረዎም፤ቢኸርቭ «ምር ሴኤኸ»ዌ ተሂዳ ኧቭር ትዝሬክ»ባይተ ኧትሳአረን ሰቭ አነፐረዳ።
+
+\v 28 ምሽት ሂዳ ትንክየሻ አወናች ከተማ ወረችታ ኧሰቭ እንእ ፥
+\v 29 ኤፐሁን ሁዳ እንእ ኤኤዴ ምስ ዮሁምታ ኦዡዋ ሁዳ ክርስቶስ ኢህርሴዪ?»ባረቸኖም።
+\v 30 ሰቭ ሁኖዋ ተከተማ ዎኦምታ ኧኢየሱሲ ዎርም፤።
+
+\v 31 ህም ግዝየ ተማሪኋ «አስተማሪዮ ሸረድ ብርአ »ቧሪ።
+\v 32 ሁዳ ጭን«ኢያ አሁዋ አትሂሪ ኧቨርአኩዳ ሸረድ አነኒ »ባረኖም።
+\v 33 ተማሪሞኋ ማላ አት ሰቭ ሸረድ አቫአነ ኢህርሴ»ተዌዌርም።
+
+\v 34 ኢየሱስ ጭን ዋኸ ባረኖም፥«ኢያይ ሸረድ ኧኬሼ ሁዳይ ሙርአድ ኧዎንኧትን»ባረኖም።
+\v 35 አሁዋ ዝኘ ያጭኰዳ ግዝየ ኢሰርአይ አት አርቭአት በኘ ተነፈን ቱሩዋ ፤ኢያ ጭን መመራሁዋ ንሾምታ ያጪ ኧሰንአ ዝኘ ኦዡዋ እሁዋ።
+\v 36 ያጥካቭ ሁዳ ደሞዝኋ ኢቴኤፐር፤ ኧዘላለም አያ ዬካ ሙርትቭ ቁጥቁጥ ኢንአ፤በህም ኧቫአ ኢዘርአካቪ ያጥካቭ እማቲ ኢሽርኮዋ።
+
+\v 37 በህም ኧቫአ አት ሁዳ ኢዘርአ አት ሁዳ ያጥ ፣ ኧዋሪ ሟሟካ ኧውርርምን።
+\v 38 አሁዋ አንቄጥሁኰ ዝኘ ታጩዋይ ኬሸኩም፤ኧኛሁኖዋ በቬና ቄጩም፤አሁም አንቄሁኰ ሙርት ቁጥቁጥ ኤፐሁም» ባረኖም።
+
+\v 39 ምሽትቭ ሂዳ «ኤፐሁን ሜና እንእ ሁዳ ኤኤደዪ»ባረች ኤኤደቺ ኧኸሬ በሀ ከተማ ኖኦራ ሰቭ በኢየሱስ አሞርም።
+\v 40 በህም ኧቫአ ኧሰማሬያ ገኘ ሰቭ ኧኢየሱሲ ቦዎኦዋጋ ኢየሱስ ተሁኖም እማቲ አታአህር ቀረ ተሁኖም ኢረብቭረኸ ሳአሪ፤ሁድ ውርኤት ቀረ ተሁኖም ቸና ።
+
+\v 41 ኢየሱስቭ ኧዝሬኬን ዘንጋ ሶምኦምታ ኧኛ ኖኦራ ሰቭ በሁዳ አሞርም።
+\v 42 ሁኖም ኧቭሽት ሂዳ «ዋአካ ኢና ናአቭነዳ ሁዳ እማት አሻ ኤኤድሽንሬ ታይኸር ፣ኢና ገግመንራ ኧሁዳ ኧሰምአነዪ ኧኸሬ፣ ሁዳ ውረቭ ሰቭ እንእ ያተርፊ ኧቫአኸ ሀርነ»ቧሪያ።
+
+\v 43 ኢየሱስ በሰማሬያ ገኘ ውርኤት ቀረ ቤኤኬሰ ቀጥወ ፣ተሀይ ተረሳታ ገሊላ ገኘ ወረ።
+\v 44 ሁዳ ገግሞኋ« ነቢ በገዛ ገኘኋ አያኮብሪዳ »ባረ ባነደ።
+\v 45 ዘንጋ ጭን ገሊላ ገኘ ወረ ቲሰርአካ ኧገሊላ ሰቭ በሳት ቴኤፖሪ፤እመዳቭ ኧኸረ ሁድዳ ኧፋሲጋ ሙርአ ኢየሩሳሌም በዎሩዋጋ ሁዳ በሀይ ኤፐን ሜና አሸውዋይ ኧኸረንዴ።
+
+\v 46 ተህም ቀጥወ ኢየሱስ እሀ ወይን ኤፐወ በገሊላ ገኘ አነዳ ቃና ዩሪዳ ቃያ ተዠፐረ ወረ፤በገሊላቭ ገኘ አት ኧችኋ ኤኤመወ ምስ ባነደ፤
+\v 47 ኢየሱስ ተይሁዳ ገኘ ተረሳታ ገሊላ ገኘ ኧቫአኸ ዳኘ ሁዳ ሰምአታ፥ ኧኢየሱሲ ወረ።በህም ግዝየ ኢየሱስ ቅፍርናሆም ወረታ ቡሼኤኸ ኤኤመን ፣ኧችኋ አፍያ ኢንአነኸ ሳአረን።
+
+\v 48 ኢየሱስቭ «አሁዋ መርኸትቪ ወግቭአር ባንሰምአሁዋይ ስርም አታአውሩዋ ሰቭ»ባረን።
+\v 49 ዳኘቭ ሁዳ ሀበዳሽ ኧችኛ ታይዎድ ስርአንኒ»ባረን።
+\v 50 ኢየሱስቭ «አኸ ቢዳሄ ሆር ኧቻኸ በኸረ ተነፈ ባረን፤ዳኘቭ ሁዳ ኢየሱስ ኧቫረን ሁዳ አመረታ ቢድኋይ ወረ።
+
+\v 51 ሁድቭ በቨያ ታነ ሜነኘኋ ነኮዊታ «ኧቻኸ ተነፈ ቧርም ኤኤጂ ።
+\v 52 ሁድ ኧችኛ ኧፈዘን በቭርአህር ሳአትን? » ባረ ተሳአረኖም። ሁኖም ምስየኋ ኧዎኩርት ኧቸኧን ትራኛ በሳቭአት ሳአትን? ቧሪ።
+
+\v 53 ዳኘ ሁዳ ኢየሱስ  ኧቻኸ ተነፈ ኧቫረን ሀ ግዝየ ኧረፐረኸ ሀረ፤ብእም ኧቫአ ሁድቪ አበሩስሞኋ እንእ በኢየሱስ አሞርም።
+\v 54 እመዳ ኢየሱስ ተሁዳይ ገኘ ተረሳታ ገሊላ ገኘ በቫአይ ኤፐን ውርኤተኘ ወግ ሜናን።
+
+\c 5
+\p
+\v 1 ተህም ቀጥወ ኢየሱስ ኧይሁዳ ባዓል ኧረፐሬ ኧኸሬ ኢየሩሳሌም ወረ ።
+\v 2 በኢየሩሳሌም ኧጣይ ኡፎቻ ቢዩሪዳ ኤኤድ ምዬ አምእስት ያርኮዳ መያ አነነዳ ብእብራይስጥ አፉ “ቤተሳይዳ” ዩቩሪዳ አት ኢይጠሞቅኮዳ ኧቸና እሃ ባነደ ።
+\v 3 ህሜ ቢያርኮዳ ኤኤዲ ኖኦራ ጉዳተኘ፣ ፉርጥ ፥ጅረ፥ሽባ ተጎተርሙታ “እሃ ሁዳ ቲቅረቅርስነጋ ዩኡሮዋ ባነደ።
+\v 4 አታት ግዚየ እእግዜር መላአይካ ወንደታ እሃ ሁዳ ያቅረቅርኩ ባነደ እሃ ሁዳ ቲቅረቅርካ አቨተረ ብእሃ ሁዳ ኧገፓ ሰቭ ተጠበጠን ተቫንእየ ባአሸ ኢተርፍ” ባነደ።
+
+\v 5 በኽሜ ሳሳዪ ሱት ዘቨር በጦናድ ኧረፐረ አት ምስ ባነደ።
+\v 6 ኢየሱስቭ ዋ ምስ በትገተረ ኤኤዲ እሸንታ ሮኦራ ዘቨር በቫአሸ ኧረፐረኸ ሀረታ “ተቫአሻኸ ትተርፊ ትሲኢ?” ባርን ።
+
+\v 7 ኧጮረንቭ ምስ “ጎይታኞ እሀ ሁዳ ቲቅረቅርካ ነሳታ ብእሃ ሁዳ ከስ ያጋአይዳ ሰቭ ኤነኒዳ ኢያ ኧጋአኬ ባሁታ ትናትቫቅርካ ኤኛ ሰቭ በተረዪ ዪጋአ”ባረን።
+\v 8 ኢየሱስቭ “ተሳ ኧትገተርኸወ አርጋኸ ፈንግታ ሆር” ባረን ።
+
+\v 9 ምስቭ ሁዳ ህመጋ ተቫአሸኋ አፊያ ኸረታ ኧትገተረወ አርጋ ፌነገታ ዎረ ህም ቀረ ኧይሁዳ ሰንበት ቀረ ባነደ ።
+
+\v 10 በህም ኧቫአ ኧይሁዳ ዳኘ ኧሀ ተቫአሸኋ ኧተነፈ ምስ “ሰንበት ኧረፐሬ ኧኸሬ አልጋኸ ትፌንጊ በሙሴ ቂጫ አንትፈቀደነኸዳ”ቧሪ።
+\v 11 ሁዳ “ጭን ተቫአሸኛ አተነፌ ምስ አልጋኸ ፈንግ ሆር” ባረዪ ባረኖም ።
+
+\v 12 ሁኖም “በሰንበት ቀረ አልጋኸ ፈንግ ሆር ኧቫረናኸ ማንተን?”ቧርሙ ተሳአሪ።
+\v 13 በህመኸ ኖኦራ ሰቭ ኧረፐሬ ኧኸሬ ኢየሱስ ተሄኤዲ ናባር ኧድዠፐሬ ኧኸሬ ምስ ሁዳ አፊያ ኤፐን ማን ኧኸረኸ አሀረ ባነደ።
+
+\v 14 ተህም ቀጥወ ኢየሱስ በቤተ መቅደስ ነከቨንታ “ኧዥ ኧኳ ተነፍኸ ተዋዳ ኧቫአሰ አአር አይቫአቨኸኸ ተዋ ቀጥወ ባጢር አተንአ” ባረን ።
+\v 15 ምስቭ ሁዳ አፍያ ኤፐን ኢየሱስ ኧኸረኸ ወረታ ኧይሁዳ ዳኘ ኤኤደኖም።
+
+\v 16 ኢየሱስ በሰንበት ዋ ዘንጋ ኤፔ ኧይሁዳ ዳኘ ኢኢየሱስ አትሳድጅት ቆነሺ።
+\v 17 ኢየሱስ ጭን “አባኛ ዋአካ ስን ኢንአ፤ ኢያቭ ኢንአ”ባረኖም።
+\v 18 በኽም ኧቫአ አአይሁድ ዳኘ ኧኢየሱስ ቲኢፍት ይረእ ዮኦትሪ ተፉቂያቄርም፤ እማት ሰንበት ኧሻሬ ታይኸር እግዜር “ኢያ አባነኛ በዋርትኋ ገግኋ ትእግዜር ቂጥየ ኤፔ ኧኸረዴ» ቧርም።
+
+\v 19 ኢየሱስቭ ዋኸ ባረኖም “ ኢያ ኧውረመኛ እቭሁዋ አቭ እግዜር ቲዬካ አሸን ሁዳ ዪንአ ባኸሬ ትከ በገግኋ አታአር ኦንኧት አይኸነዳ አብ ዪንአኩዳ ሁዳ እንእ ትከቭ ዪንአ ።
+\v 20 አቭ ኧወልድ ይረድኲ ኧኸሬ ዪንአኩዳ ሁዳ እንእ ያቲሽኩ፥ወግቭ ይኸርወሁዋኸኸ ትእምይረእካ አአር ያቲሽኩዴ።
+
+\v 21 አብ ኧዎጁዋ ሁኖዋ ነሳ አያ ዪንአመኸ ወልድቭ አያ ዪንአኲ ኧሴኣ እንእ አያ ዪንአኩ።
+\v 22 አቭ እግዜር ባአትቭ ሰቭ አይፈርድካ ቢኸርቭ ኢፈርዲ ፍቃድ እንእ ኧወልድ አቨን።
+\v 23 እመዳ እንእ ኤፕ ሰቭ እንእ አአቭ ያኽብድመኸ ኧትከሞኋ ያኸብድነኸ ኧወልድቭ አያኸብድ ወልድቭ ኤኬሸ እእግዜር አያኸብድካ ።
+
+\v 24 ኧዉረመኛ እሁዋ ቃርኛ ይሰቭአካ በኬሸዪ ሁዳ ያአቭርካ ኧዘላለም አያ ህይተ ይረቭርኬ፥ ሞደታ አያ ኸረ ባኸሬ ፍርድ ኤኖዳ ።
+
+\v 25 ኧዉረመኛ እሁዋ ኦዎጁዋ ሰቭ እእግዜር ትክ ቃር ኢሰቭኦኰዳ ወቅት ይቫአኴ ዋአካቭ ማአ ኢሰውኤዳቭ ሁኖዋ ሙድ አይረቭርዎታ።
+
+\v 26 አብ በገግኋ አያ ዪንአካ ሚንጭ አነንመኸ እመኸቭ ወልድቭ አያ ዪንአካ ሚንጭ ኤፐን ።
+\v 27 ሁዳ ኧሰቭ ትከ ኧኸሬ ገግሞኋ ኢፍርዲ አብ ዳኝንድ አቨን
+
+\v 28 በዋ ዘንጋ ወግ አይህርቨሁዋ በወገማ ከስ አነዉታ ሰቭ እንእ ኧሁዳይ ቃር ኢሰቭኦኮዳ ግዚየ ይቫአኬ።
+\v 29 ወሄያአር ኤፐዉዋ ሁኖዋ አያ ሂይተዉዋ ይረዉርዋይ ተውድ ይትረሸቴ ሙጥጥ ኤፐዉም ሁኖዋ ይትፈንድወዋይ ተቩድ ይትሬሸቴ ።
+
+\v 30 ኢያ በገግኛ ፍቃድ ኦዎጣኛ አታአአር ኢይንአይ አይኸኒዳ፤ ኧፈርድኩዳቭ ፍርድ እማት አቭ ኤኤዴ ሁዳን ኤኬሸዪ ሁዳ ፍቃደኸ ባኸሬ ኧገግኛ ፍቃደኸ አኒንአይ ኧኸሬ ፍርድኛ ቂጥየን ።
+\v 31 ኢያቭ ኧገግኛ ምስክርነድ ብኒኢይድ ኢቴኤፐሬዳ ኤነዳ ።
+\v 32 ቢኸርቭ ኢያ ዪኢድኒዳ ኧኛ አአር አነ።ሁዳ ኢያ አአር ምስክር ኸረታ ዪዝሬኩዳ ሁዳ ኧዉረ ኧኸረኸ ኢያ ኧሂር ።
+
+\v 33 አሁዋ ኧዮሀንሲ ሰቭ ኬሸሁም ባንደ ሁድቭ ኧዉረአአር ሄቶ ኸረ ኤኤደ።
+\v 34 እመዳቭ ኧዋርትኛ አሁዋ ትተርፉዋኔ ባኸሬ ኢያ ኧሰቭ ሄቶ ሴእተሁታ አኸረንዳ።
+\v 35 ዮሐንስ ቲረድድ ያትረክቭካ ኩራዝ ባነደ፤ አሁም ኧቀሪመጋ በሁዳይ ብርሃን ቲትረክሁዋ ኢሽርሁዋይ አሸሁም ።
+
+\v 36 ኢያ ጭን ዮሐንስ ቴኤደኒ ምስክርነድ ኢይረእካ ምስክርነድ አነኒ ፥ አቭ ኢያ ኢንአኲ አቬ ዋ ኢንአኩዳ ሜና ፥አቭ ኤኬሼኸ ሄቶ ኢኢድኒ ።
+\v 37 ኢያቭ ኧኬሼ አቭ ገግኋ ኢያአር ሄቶ ኤኤደ፤ አሁም አቸ ቃርሞኋ አሰምአሁም ደቨርሞኋ ስርም አናሸዂዳ ።
+\v 38 ሁድቭ ኧኬሸን ሁዳ አናአምርሁዋይ ኧኸሬ ቃርኋ ባሁዋ አይረቭርካ ።
+
+\v 39-40 አሁም በሁኖዋ ኧዘላለም አያ ኢንቶ ይረሁዊዳአር ኢቨስርሁዋይ ኧኸሬ እእግዜር ቃር ዪኢጅታ መጣፍ እንእ ተጨር ትምረሙሩዋ፤ ቢኸር ጭን ዋ መጣፍ እንእ ኢያ አአር ኢምሰኩሩዋታነዋ አአር፥ አሁዋ ጭን ኧዘላለም አያ ሂንተሁዋ ትረውሩዋኸ ኢያይ ቱዎኦዋይ አትሱኡታ።
+
+\v 41 ኢያ ተሰቭ ክብር አንቴኤፐርካ ።
+\v 42 ዘንጋኋ ጭን አሁዋ በሂናሁዋይ እእግዝዜር አትረጁዋኸ ኧሂር።
+
+\v 43 ኢያ ባአባኛ ሹው ማአሁታ አንቴኤፐርሁኝዳ ኧኛኋ ጭን በገግኋ ሹቭ ቢቫአ፥ኧሁዳ ትቴኤፖሪ።
+\v 44 አሁም ገግተገግማሁዋ ክብር ትሱኡዋ፤ ዘንጋኋ ጭን ትእማት እግዜሪ ጭን ክብር አትሱኡዋ በኸረ እህ ባቴ ቢያ ኧተኸ ታአውርዋይ ይኸርነሁዋ።
+
+\v 45 ቢኸርቭ ኢያ በአቭ ኢፍቲ ኧከስስሁዋታአር እመሰረናሁዋ፤ ኢከስስሁዋታ ሁዳ ጭን ትትእማሞርኮዳ ሙሴን።
+\v 46 አሁዋ ኧሙሴ ታአመርሁዂ፥ ሁዳ ኧጣፈን ሁዳ ኢያአር ኧኸሬ ቢያ ተኧዎሩዋ ባነደ።
+\v 47 ሁዳ ኧጣፈን ሁዳ ባናአመርሁዋ ጭን ኢያ ኧዝሬክሁዋታ ሁዳ ኧተኸ ታአውርዋቴ?።
+
+\c 6
+\p
+\v 1 ተሀ ቀጥወ ኢየሱስ ጥብሪያዶስ ዩሪንዳ ኧገሊላ ባር ሀጋድ ዋአ።
+\v 2 ኢየሱስ በቫአሸ ኧጠቦቹዋ ሰቭ ባትርፉት ኤፐን ወግ ሜና አሸውዋይ ኖኦራ ሰቭ ተሄተሪ።
+\v 3 ተህም ቀጥወ ኢየሱስ ተተማሪሞኋ እማቲ በቆቶ ፎር ዋአ ቸና።
+
+\v 4 አአይሁድ ኧፋሲጋ ሙርአ ቴኤነቨ ባነደ።
+\v 5 ህም ግዝየ ኢየሱስ ኖኦራ ሰቭ ኧሁዳይ ቲቫአካ አሸታ፣ኧፊልጶስ «ኧዋ ሰቭ ኢቨቃካ ሸረድ በኧቲ ንስየነዴ?» ባረን።
+\v 6 ኢየሱስ ኧፊልጶስ ዋዳ ኧትሳአረን ኢፈትርኩኔ ባሀሬ ኢንአካአር ሁድ ኢሂር ባነደ ።
+
+\v 7 ፊልጶስ «አአታትሁኖዋ እንስየ ኧጠነሺ ኢውዮይ ኧውኤት በኧር ብር እንጀራ ስን ቢስሬ አይብቃካ» ባረን።
+\v 8 ተኢየሱሲ ተማሪ አት ሁዳ ኧስምኦን ጴጥሮሲ ኧሰም እንድሪያስ ዋኸ ባረ ፥«
+\v 9 በዌኤዲ አምስት ኧኧህር እንጀራዪ ውርኤት እስስየ አሳቭ ኧጠበጠ አት ኧች ዌኤዲ አነ ፤ቢኸርቭ ኧዋ ሰቭ እንእ ተቭር ኢቨቃ? » ባረ ።
+
+\v 10 ኢየሱስ «ሰቭ ሁኖዋ ኤኤድ አጥቹም አውሬዮዋ» ባረ፤ኤኤድሞኋይ ኖኦራ ሳአር አኖዳ ኤኤዲ ባነደ፤በህም ኤኤዲ አምስት ሁው ኢሆርታ ገማ ቸኖም ።
+\v 11 ኢየሱስቭ አምስቸ እንጀራ ነሳ በኧጅኋ ጠበጠታ ጎይታ ባትሸኮረ ቀጥወ ፣ኧቸኖዋ ሰቭ ኢቨቃኮታአአህር አቨኖም፤አሳቭ ሁኖዋ ህመኸ ሻከደ አቨኖም።
+\v 12 እንእዎሁኖዋ ቦንኦም ቦኦፎውዋ ቀጥወ፣ ኧተነፈ ኧፍረነዊ ሸረድ ቁጥቁጥ ኦንኦም ንሾዋ እማት እቦተኧ » ባረኖም ።
+
+\v 13 ሁኖም ሰቭ ሁኖዋ ተአምስት ኧኧህር እንጀራ ቦንኦምታ ኧተነፈ ሸረድ ቁጥቁጥ ኤፖምታ አስረ ውርኤት ቀጫት ነሾም።
+\v 14 ሰቭ ሁኖዋ ኢየሱስ ኤፐን ወግ ሜና ባሸውዋ ቀጥወ «ኢቫአኴ ኧዋሪ ነቢ ጪግ ዋዳን» ቧርም።
+\v 15 ኢየሱስ ሰቭ ሁኖዋ በግርድ ያረኩሺ በሂንሁኖዋይ አጫሞጭዋኸ በሀረ ቀጥወ ፥ቸኧኖምታ በቆቶ ፎር ኧንአ ።
+
+\v 16 አፈር ቲበሽካ ኧኢየሱሲ ተማሪ ኧገሊላ ባር ምዬ ዎርም።
+\v 17 ሁኖም በጀልባ ቅፍርናሆም ያሩዋይ ተረሾም፤ህም ግዝየ አፈር መሸ ባነደ፤ኢየሱስቭ ገና ኧሁኖዋይ አማአ ባነደ ።
+\v 18 ህም ግዝየ ጦናᎀ ንፋስ ኢረፍስ ኧረፐሬ ኧኸሬ ኧቫር እሀ ቅረቀረ ፤
+
+\v 19 ኧኢየሱስሜ ተማሪ አምእስት ዌ ስድስት ኪሎሜትር ኤኤዲ በጀልባ ብእሀ ፎር በዎሩዋጋ፣ ኢየሱስ ብእሀ ፎር በኧግርኋ ኧሁኖዋይ ኤፐ ቲቫአካ አሸዊታ ደነኧኖም ።
+\v 20 ኢየሱስ ጭን « አትፍረውዋ ኢያትንሁ»ባረኖም።
+\v 21 ሁኖም ሳረኖምታ ኧጀልባሁኖዋ ከስ አጎᎌዪ፤ ህም ግዝየ ኧትሳፎርኰ ጀልባ ያርኴ ኧሴኤዊ ኤኤድ ሰንአ።
+
+\v 22 በቨረጋኋ ተቫር ሀአጋድ ኧረፖሩዋ ሰቭ በሀ በቫር ሁዳ ፎር እማት ጀልባ ባሀሬ ኧኛ ጀልባ ኤነኸ ኋርም፤ኧኢየሱስሜ ተማሪ ኢየሱስ በጀልባ ሁዳ አንገፓኸ ኧዎጣሞሁኖዋ ኧሁሩዋኸ ኋርም ባነደ።
+\v 23 ቢኸር ቡችር ጀልባ ተጥብሪያዶስ ባር ተረሾም ሞኦም፤ ኢየሱስ ኧጎይታ አትሸኮረወዪ ሰቭ ሸረድ ኧቨንአወቭ ኤኤዲ ሞኦም።
+
+\v 24 በህመኸቭ ኧረፖሩዋ ሰቭ ኧኢየስይስቪ ኧተማሪሞኋ ሴኤውም በዎኮሪዮዋጋ ፥ኧኢየሱስ ኢሱኢ ቅፍርናሆም ከተማ ዎርም።
+\v 25 ኧቨር ሀጋድ ዎኦም ኢየሱስ ኖኮዊታ፥ አስተማሪዮ ዋይ መችራ ማአኸ?» ቧርም ተሳአሪ።
+
+\v 26 ኢየሱስቭ «ኧውረርመኛ እሁዋ አሁዋ ኢያ ትትሄተርኝዳ ሁዳ ሸረድ በንአሁም ኧኧፎሁዋቴ ባሀሬ፣ኤፖሁን ወግ ሜና አሸሁዋይ አኸረንዳ» ባረኖም።
+\v 27 እማት ቦንኧዪ የኧፋካ ሸረድ ባይተሁዋ አትቂጩዋ፤ኢረእካሞኋ አብ ጎይታ በትከኋይ አጋድ አጬገ አተመን ኧሰቭ ትከ ኢሁዋታ ኧዘላለም ኢኽርካ ሸረድ ትረሁዋይ ቂጩዋ።
+
+\v 28 ሰቭ ሁኖዋ«ኢና ኧጎይታ ሜና ኒንአኔ ምር ኦንኧት አነቨንረ? » ቧርም ተሳአሪ።
+\v 29 ኢየሱስቭ «ኧጎይታ ሜና ኦንኧት ኧዋርት ጎይታ በኬሸን ሁዳ ኧኧወርትን »ባረኖም ።
+
+\v 30 ሁኖም «ኢና ኧሽተነታ ባኸ ናአቭኔ ምር ወግአአር ታቲሸንረዴ? ምርቭ ቴኴ?»ቧሪ ።
+\v 31 ሁኖዋ ኢወርኦዋይ ተሳቫይ መና ዩሪንዳ ሸረድ አወንደኖም ቧርም ኧጣᎉመኸ አባንራ በቨረሀ መና ዩሪዳ ሸረድ ቦንኦም» ቧሪ።
+
+\v 32 ኢየሱስቭ «ኧውረመኛ እሁዋ ተሳቫይ ሸረድ አወንደነሁዋ ሙሴ አኽረንዳ፤ ኧውረሚየ ሸረድ ኢሁዋታ አባኛ ጎይታን።
+\v 33 ጎይታ ኢካ ሸረድ ተሳቫይ ወንደታ ሰቭ እንእ አያ ኤፐ ኧዘላለም ተጎይታ ያረቭርካ ሸረድን» ባረኖም።
+\v 34 ሁኖም «ዋ ሸረድ እንእ ግዝየ ኢና አቨንረ »ቧሪ።
+
+\v 35 ኢየሱስቭ «አያ ዬካ ሸረድ ኢያትንሁ፤ኢያሜ ኢባአካ ሰቭ ስርም አይገድኩዳ፣ስርምቭ አይጠቫኩዳ፤»ባረኖም።
+\v 36-37 «አሁዋ ጭን አሸሁኝ ፣ቢኸርቭ ቢያ አናአመርኰኝዳ እሁዋ» ባረኖም።አቭ ኢቬዳ ሁዳ እንእ ኢያይ ኢቫአኴ፤ኢያሜ ኢቫአካ ሁዳ ስርም ሰቻ ኤኤተሁ አንቃሽኩዳ።
+
+\v 38 ኢያቭ ተሳቫይ ኧወድሁ ሁዳ ኧኬሼ አባኛይ ፍቃድኋ ኧቬንአኔ ባሀሬ ፣ኧገግኛይ ፍቃድ ኧቬንአይ አኸረነዳ።
+\v 39 ኧኬሼ አባኛ ፍቃድኋ አቬ ሁዳ እማት ታይተርፍ እⶈዎኋ ዘቨርኋ አነኧ ቀረ ተውንድ ኧረሳኩኔ።» ባረኖም።
+\v 40 አአባኛይ ፍቃድ ኧሽተታ በሁዳ ያአቭርካ ሰቭ እንእ ኧዘላለም አያ ሂንተ ኢረቭነኸ፤ ኢያቭ ቀረ አነኧ ቀረ ኧረሳኩዴ »ባረኖም።
+
+\v 41 ህም ግዝየ «ኢየሱስ ተሳቫይ ኧወንደ እንጀራ ኢያትንሁ » ኧቫሬ ኧይሁዳ ሰቭ በሁዳ ኧቁጨጭት ቆነሹም ።
+\v 42 ዋ ምስ አባሞኋዪ አዶድሞኋ ንሂኔዮታ ኧዮሴፊ ኧች ኢየሱስሽ አኸረንዳ? ባቴ ዋአካ ኧተኸ ተሳቫይ ወንድሁ ይር» ቧርም።
+
+\v 43 ኢየሱስቭ« አሁም ታሁም አትቁጨጩዋ» ባረኖም።
+\v 44 ኧኬሼ አባኛ ታያቫአኩ ኢያይ ኢቭአይ ኢኸነዳአር አትዎኋ ኤነዳ፤ ኢያሜ ኢቫአካ ሁዳ ዘቨርኋ ባነኧ ቀረ ተውንድ ኧረሳኩዴ ።
+\v 45 ኧጎይታ ቃር ቢኢድካ በነቢ መጣፍ «ሰቭ እንእ ተጎይታ ኧትማራአር ኢኸርኴ›ቧርም ጥᎉ፤ታአቭ ሰምአ ኧትማረ ሰቭ እንእ ኢያይ ኢቫአኴ።
+
+\v 46 እመዳቭ ኧዋርት አቭ አሸን ሰቭ አነ ኧዋርት አኸረንዳ፤አቭ ጎይታ አሸን እማት ተጎይታይ ኧቫአ ክርስቶስን።
+\v 47 ኧውረመኛ እሁዋ ‹ ቢያ ያአቭርካ ሰቭ እንእ ኧዘላለም አያ ኸረ ኢረቭር ።
+
+\v 48 ኢያ አያ ዬካ እንጀራንሁ።
+\v 49 ኧድረ አቦዋሁዋ በቨረሀ መና ዩሪንዳ ሸረድ ቦንኦም፤ቢኸርቭ ሁኖዋ ሞጁም።
+
+\v 50 ተ ሳቫይ ኢወትካ ሸረድ ዋዳን፤ ዋ ሸረድ ኢቭርአካ ሰቭ ስርም አይዎትካ ።
+\v 51 ፣ተሳባይ ኧወንደ አያ ኧኸረ እንጀራ ኢያትንሁ፤ ትእም እንጀራ ኢበርአካ ሰቭ እንእ ዘላለም ኢረቭርኴ፤አለም እንእ አያ ሂንተ ኢረቭሪ ኢያ ኢኩዳ ሸረድ በሰርነኛ» ባረ ።
+
+\v 52 ህም ግዝየ ኧይሁዳ ሰቭ «ዋ ምስ በሰርኋ ንቨርአኔ ኢቨንሬ ኧተኸ ኢኸነ? »ቧርም ገግ ተገግሁኖዋ ሽር ቴኤጁም።
+\v 53 በህም ኧቫአ ኢየሱስ ዋኸ ባረኖም«ኧውረመኛ እሁዋ ኧሰቭ ትከ በሰርኋ ባምበንአሁዋይ ደቭሞኋ ባሰጨሁዋይ አያ አትሆርታ ።»
+
+\v 54 በሰርመኛ ኢቨርአካዪ ደቭመኛ ኢሰጭካ ሰቭ ኧዘላለም አያ ኢኸር፤ ኢያ ዘቨር ቢያርእወዳ ቀረ ተውንድ ኧረንሳኩዴ።
+\v 55 በሰርኛ ኧውረምየ ሸረድን፤ደቭመኛ ውረ ኧኸረ ኢሰጪዳናአር።
+\v 56 በሰርኛ ኢቨርአካ ደቭመኛ ኢሰጭካ ሰቭ እንእ ቢያ ኢረብር፤ኢያብ በሁዳ ኧረቭር።
+
+\v 57 ኧዘላለም ኢረቭርካ አቭ ጎይታ ኧኬሼመኸዪ ኢያቭ በሁዳ ኧዘላለም ኧረቭርመኸ ፣ ህመኸ ኢያይ በሰር ኢበርአካ ሰቭ እንእ ቢያ ኧቫአ ኧዘላለም ኢረቭርኴ።
+\v 58 ተሳቫይ ኧወንደ ሸረድ ዋዳን፤ሁድቭ አባሁዋ ኧወንኤ ሸረደኻአር አኽረንዳ፤ሀ ሸረድ ኧዎንኣዋ ሁኖዋ ሞጁም፤ዋ ሸረድ ኧቨንአ ሰቭ ጭን ኧዘላለም ኢረቭር» ባረኖም።
+\v 59 ኢየሱስ ዋዳ ኧቫር በቅፍርናሆም ከተማ አይሁድ ቢደሞጅኰዳ ቢድ ቲያትመርካ ባነደ።
+
+\v 60 ተኢየሱሲ ተማሪ አታትሁኖዋ ዋ ኢየሱስ ኧቫረን ሁዳ ሶምኦምታ ፥«ዋ ትምርት ያጥጨንካናአር ዋዳ ማን ኢሰቭአይ ኢኸነ? ቧርም
+\v 61 ተማሪሞኋ በዋ ዘንጋ ኢትጭዋጨቁዋኸ ኢየሱስ በመንፈስኋ ሀረታ «ዋዳ እንቁርፊት ኢኸርዎሁዋ? ባረኖም።
+
+\v 62 አካ ኧሰቭ ትከ ኧዋ ኢፍቲ ኧረፐረወ ኤኤዲ ቲዋአካ ብታዡዋ ምር ቱርቴ?
+\v 63 አያ ኢንአካ ኧጎይታ መንፈስን፤ሰቭ በገግኋ ደረግ አታአር ኢንአይ አይኸነዳ፤ኢያ አአሁዋ ኤኤድኩዋ ቃር ጭን አያ ዬካ ኧጎይታ መንፈስን፤
+
+\v 64 ዘንጋ ጭን ታሁዋ ግት አታት አያአውሩዋ ሰቭ አነውዋ» ባረ።ኢየሱስ ዋኸ ኧቫረ ሁዳ ታአወተረ ቆነሹም አያአውሩዋ ሁኖዋ ማን ማን ኧሆሩዋመኸዪ ኧጠራትቭ ኤኤተ ያአይፕርኩዳ ማን ኧኸረኸ ኢሂር ኧረፐረዴ።
+\v 65 ኢየሱስ ሀአበታ «አቭ ታዪኩ ኢያይ ኢቫአካ ሰቭ ኤነዳ፤ ኧቫኩዋ ኧዋዳን » ባረኖም።
+
+\v 66 በዋዳ ኧቫአ ኖኦራ ተማሪኋ ኢኢንየ ተዠፖርም፤ ተሀ ግዝየ ቆነሹምታ ተኢየሱስ ኧሆርት ቸኧዊ ።
+\v 67 ኢየሱስ አአስረ ውርኤቸ ተማሪኋ «አሁም ታሩዋይ ትሱኡዋ?» ባረኖም።
+\v 68 ስምኦን ጴጥሮስቭ «ጌታንሮ ኧቫኒ ናነዴ? አኸ ኧዘላለም ያረቭርካ ቃር አነነኸ ፤
+\v 69 ኢናሽ አመነ ሙጭር ኧጎይታ ትከ ኧኸርኸመኸ ሀነ»ባረን ።
+
+\v 70 ኢየሱስቭ « አሁዋ አስረ ውርኤቸማሁዋ ኢያ ሸፐትኩም፤ ዘንጋ ጭን ታሁዋ አት ሁዳ ሼጣንን» ባረኖም ።
+\v 71 ኢየሱስ ዋዳ ኧቫረ ሁዳ ኧስምኦኒ ኧች አስቆሮንቱ ይሁዳአር ባነደ፤ይሁዳ ተአስረ ውርኤቸ ተማሪኋ አት ሁዳ ቢኸርቭ አት ቀረ ኧጠራት ኤኤተ ያአይፕርኰኸ ኢሂር ባነደ።
+
+\c 7
+\p
+\v 1 ተህም ቀጥወ ኢየሱስ በገሊላ ገኘ ውር ውር ይር በነደ ፤ኧይሁዳቭ ገኘ ዳኘ ዮኦትሪ ኢሱኢ ኣረፐሬ፣ በይሁዳ ገኘ ኢኢክሲ አንሴኤዳ ።
+\v 2 ህም ግዝየ ኧይሁዳ ሰቭ ኧዳስ ሙርአ ቀረ ሰንአ ባነደ።
+
+\v 3 እመኸ ኧኸሬ ኧሰማትኋ ኧኢየሱስ «ተማሪያኸ አኸ ቲንአኩዳ ወግ ዘንጋ ያዡዋኸ ተዋይ ተሳታ ይሁዳ ገኘ ሆር» ቧሪ ።
+\v 4 በሰቭ ኢፍቲ ኢትሄሪ ኢስእካ ሰቭ ሜናኋ በዱኡራቸ አዬካ፤ አኸ ዋሁኖዋ ቴቭ በኸረ ገጋኸ ኧሰቭ እንእ አትሄር » ቧሪ።
+
+\v 5 እመኸ ኧዋሪ ሁዳ ኧሰማትሞኋ ስን በሁዳ አናአሞሩዋይ ኧኸረዴ ።
+\v 6 ኢየሱስቭ «ኢያይ ግዝየኛ ገና አንሰንአዳ አሁዋ ጭን ማንእየ ግዝየ ኢድጋፓሁዋ፣ ።
+\v 7 ኧዋ አለም ሰቭ አአሁዋ ኢረጅኩዋ፤ ኢኢያ ጭን አይረጅኝዳ፤ሁኖዋ ዬዊዳ ሙጥጥ ሜና ኢኢድዎይ ኧኸረንዴ ።
+
+\v 8 አሁዋ ኧዳስ ሙርአይ ሆሩዋ፤ ኢያ ግዝየኛ ገና አንሰንአይ ኧኸሬ ኧዋ ሙርአይ አናርካ»ባረኖም ።
+\v 9 እመኸ ባረኖምታ በገሊላ ገኘ ኤኬሰ።
+
+\v 10 ቢኸርቭ ኧሰማትኋ ኧድግስ በወሩዋ ቀጥወ ፣ ኢየሱስ ህሜ ወረ፤ኧወረቭ ሁዳ በዱኡራቸን ባሀሬ ሰቭ ቲያዥኩ ኧውየሞኋ አነፐረዳ ።
+\v 11 በህመኸ ሙርአ ቀረ « ሀ ምስ ኧቲ አነ ቲዩሩዋ ኧይሁዳ ሰቭ ዳኘ ኧኢየሱስ ኢሱኢ ባነደ።
+
+\v 12 ሰቭ እንእ ከስ ተከስ ሁድተሁድ ኧኢየሱሳአር ኢዝሬክ ባነደ፤« አታትሁኖዋ ሁዳ ወሄ ሰቭን፤ » ቲዩርታ «ኧኛሁኖዋ ወሄ ሰቭ አኸረንዳ ሁዳ ሰቭ ያሳስትካናአር » ዩሩዋ ባነደ።
+\v 13 ቢኸር ሰቭ ሁኖዋ ኧይሁዳ ሰቢ ዳኘ ኧፈኘዊ ኧኸሬ አት ሰቭ ኢየሱስ ኧሀኸትናአር ባይተታ ቃርኋ ክፍችተ አንዝሬከዳ።
+
+\v 14 ኧዳስ ሙርአ ግት ቲኸርካ ኢየሱስ ቤተ መቅደስ ወረታ አትሞርት ቀነሰ ።
+\v 15 ኧይሁዳ ሰቢ ዳኘ «ዋ ምስ ታይትማር ዋ እንእ ትምርት ኧተኸ ሀረ ቧርምታ ወግ ኢኸርዎዋ ባነደ ።
+\v 16 ኢየሱስቭ « ኢያ አትመርኩዳ ትምርት ኧረከሁን ተኬሼ ሁዳን ባሀሬ ኧገግኛአር አኸረንዳ» ባረኖም ።
+
+\v 17 ኧጎይታ ፍቃድ ዬቪ ኢሲእካ ሰቭ ቢረቭር ዋ ትምርት ተጎይታይ ኧረከዊኸ ዌ ኢኢያ ኧገግኛአር ኧኸረኸ ይሂር ።
+\v 18 ኧገግኋአር ኢዝሬካ ሁዳ ኧገግኋ ክብር ኢሲእ፤ ኧኬሸን ሁዳይ ክብር ኢሲእካ ጭን ኧታአመረዳናአር፤ ፍጥር ኤኖዳ።
+
+\v 19 ሙሴ አሁዋ ቂጫ አቫናሁምሽ አሀራ? ቢኸር ታሁዋ ቂቻ እእየ እማት ሰቭ ኤነዳ፤ አሁዋ ኢኢያ ቶኦትርኚ እፋድ ትሱኡኰኝ » ባረኖም ።
+\v 20 ሰቭ ሁኖም « አኸ ሼጣን አነቨኸ ፤አኸ የኧትሪ ማን ኢሲእ? ቧሪ።
+
+\v 21 ኢየሱስ ዋኸ ባረኖም «ኢያ አት ዘንጋ ኤፐዂ ሁድ ወግ ኽረዎሁም።
+\v 22 ሙሴ ዴንጋሁዋ ዘገር ታአጎዋኸ ቂቻ አቨናሁም፤እም ቂቻ ኧድረ አቦነንራአር ባሀሬ ኧውሴያአር አኸረዳ፤አሁም ዴንጋሁዋ በሰንበት ዘገር ታአጎኦዋ ።
+
+\v 23 አካ ኧውሴ ቂጫ ባይወኧሪ ዴንጋሁዋ በሰንበት ዘገር ታጎኦዋ በኸረ፥ ኢያ በሰንበት ቀረ ኧሰቭ ሙርአ ምስየ እንእ ተቫአሽ አፍያ ኤፐዂ ኧቭር ትዋአቹዋ?።
+\v 24 ቂትየ ፍርድ ፉርጁዋ ባሀሬ ፣ኧሰቭ ኢፍት ኧሽተሁዋ አትፉርጁዋ።» ባረኖም።
+
+\v 25 ተኢየሩሳሌም ሰቭ አታትሁኖዋ «ኧይሁዳ ዳኘ ዮኦትሪ ኢሱኢዳ ምስ ዋዳ አኸረንዳ?
+\v 26 ሁድቭ ታይደእርቪ [ታይፈይ] ኧውየሞኋ ኢኢድ፤ሁኖም አታአር አዩሪንዳ፤ ኢባአኴ ኧዋሪ ክርስቶስ ሁዳ ኧኸረኸ ኧይሁዳ ዳኘ ውረ ኋርም ይህርሴዪ?
+\v 27 ዋ ምስ ጭን ተኧቲ ኧቫአኸ ኢናቭ ንሂነ፤ ክርስቶስ ቲቫአካ ጭን ፣ተኧቲ ኢቫአኸ አት ሰቭ አይሂርካ »ዩሩዋ ባነደ፤ክርስቶስ ቲቫአካ ጭን ተኧቲ ኢቫአኸ አትዎኋ አይሂርካ።
+
+\v 28 ኢየሱስ በቬተመቅደስ ቲያትያትመርካ ቃርኋ ነሳታ «አሁዋ ኢያ ትሂርኝ ፤ተኧቲ ኧቫአሁመኸ ትሂሩዋ፤ ቢኸር ኢያ በገግኛ ፈቃድ አማአኋ፤ኧኬሸዪ ሁዳ ሙርቴናአር፤ሁድቭ አትሂሪዳ ።
+\v 29 ኢያ ጭን ተሁዳይ ኧቫአዂ ኧኸሬ ፣ሁድቭ ኧኬሸዪ ኧኸሬ ኧሂር» ባረኖም።
+
+\v 30 እመዳ በቫረ ቀትወ ኢጠጪ ተረሾም፤ቢኸርቭ ጭን ግዝየኋ አንሰንአይ ኧኸሬ አት ሰቭ አነከደንዳ።
+\v 31 ዘንጋ ጭን ተሰቭ ሁኖዋ ኖኦራሁኖዋ አሞርም፤«ክርስቶስ ቲቫአካ ዋ ምስ ቴፐን ወሄ ሜና ኢረእካአር ዬኴዪ?»ቧርም።
+\v 32 ሰቭ ሁኖዋ ኧኢየሱስ ዘንጋ ታአፉ አፉሁኖዋ ቲዝሮኩታ ኧፈሪሳ ሰቭ ሶምኦም፤ብእም ኧቫአ ኧካህን አላቃቪ ኧፈሪሳ ሰቭ ኧኢየሱስ ያቲኢኪጂ ወታደር ኬሾም።
+
+\v 33 ህም ግዝየ ኢየሱስ « ቀሪመጋ ታሁዋ ኢኢክስኴ ፤ተህም ቀጥወ ኧኬሼ ሁዳይ አርኴ፤
+\v 34 አሁዋ ኢያ ትሱኡኝዴ ዘንጋ ጭን አትረሁኝዳ፤» ባረኖም ።
+
+\v 35 ኧይሁዳቭ ሰቭ ዳኘ «ዋ ምስ ኢና እንህብኔኸ ኧቲ ያርኴ? በይሁዳ ሰቭ ግት ኧትብራጨውዋ ኧይሁዳ ሰቪ፣ ዌ ኧግሪክ ሰቭ ያትመርኮዋይ ያሪ ኢህርሴዪ?
+\v 36 አሁዋ ኢያ ትሱኡኝዴ ዘንጋ ጭን አትረሁውኝዳ፤ኢያ አነሁወዳ ኤኤዲ ትዎኦዋይ አይኸነሁዋታ፤ቲይካ ምር ኧዋርትኋ ባነደ? » ትተዌዌርም ።
+
+\v 37 ሙርአ ሁዳ ያርእወዳ ቀረ ማአ በሰንአጋ ኢየሱስ ተሸከቨ ቃርኋ ነሳታ « ማንእየ ሰቭ ቢጠቫኩ ኢያይ አአ ኧስጤ፤
+\v 38 ቢያ ያአቭርካ ሰቭ መጣፍ ይርመኸ ኢያ ኢካ እሀ ተከስኋ ኢገድድኴ፤ » ባረኖም።
+
+\v 39 ኢየሱስ እመዳ ኧቫረ ሁዳ ያአውታ ሁኖዋ ኢቴኤፖሪዳ መንፈስ ቅዱሳአር ባነደ።
+
+\v 40 ተሰቭ ሁኖዋ አታትሁኖዋ ዋ ቃር በሰምኦዋጋ « ጪግ ኢቫአኴ ኧዋሪ ነቢ ዋዳን »ቧርም።
+\v 41 ኧኛሁኖዋ «ሁዳ ክርስቶስን» ቧርም።ኧኛሞሁኖዋ «ክርስቶስ ተገሊላ ገኘ ተቭር ኢቫአ?»
+\v 42 ክርስቶስ ተዳዊት ጥቭ ኢቴኤኘኸ ተዳዊት ቃያ ተቬተልሄም ኢቴኤኘኸ በቨጣፍ ጣᎉሽ አሀራ?» ቧርም ።
+
+\v 43 በኢየሱስ ኧቫአ ሰቭ ውርኤቲ ኸረ።
+\v 44 አታትሁኖዋ ኢየሱስ ጥጭተውዋ ያአጉጂ ኤልኦም ባነደ፤ዘንጋ ጭን አትዎኋ በኧጅኋ አነከደንዳ።
+
+\v 45 ተህም ቀጥወ ወታደር ኧካህን አላቃሜዪ ኧፈሪሳ ሰቭሜ ዎርምታ ኧካህን አላቃቪ ኧፈሪሳ ሰቭቭ « ምስ ሁዳ ኧቭር አናቫአዂዳ? » ቧርም ተሳአሪዮም።
+\v 46 ዋ ምስ ኢዝሬክኸ አትዎኋ አይዝሬካ አንሰምኤዳ» ቧርም።
+
+\v 47 ኧፈሪሳቭ ሰቭ « አሁም ተቨታሁሚ?
+\v 48 ተዳኘ ዌ ተፈሪሳቭ ሰቭ እማት ሰቭ በሁዳ አአመራአር አኔ?
+\v 49 ዋ ሰቭ ኧውሴ ቂጫአር አይሂሩዋ ኧትሰተውዋ ሰቭኖዋ» ባረኖም።
+
+\v 50 ኧዋ ኢፍቲ ኧኢየሱሲ ኧወረ ኧረፐረ ኒቆዲሞስ ፤
+\v 51 « አት ሰቭ ብደይቶ ኧትከሰሰወ ክስ መልስ ታይሶውነ ኢትፈንድዌ ቂጫንራ ኢፈቅዲ?» ባረኖም።
+\v 52 ሁኖም « አኸ ኧገሊላ ስቭንሄ? ነቢ ተገሊላ ገኘ አይትረሳኸ መርምር ሀር» ቧሪ።
+
+\v 53 ተህም ቀጥወ እንእዎሁኖዋ ቢድ ቢድሁኖዋይ ዎርም።
+
+\c 8
+\p
+\v 1 ኢየሱስ ደብረዘይት ቢዩሪዳ ቆቶ ፎር ዋአ ።
+\v 2 በቭረጋመኋ ጋአት እረርኧ ቤተመቅቅደስ ተዠፐረ ማአ፥ስቭ እንእ ትእንእ አጋድኋ ቁጥቅጥ ቧርሙታ ያትመርኮይ ቸኖም ።
+\v 3 ኧቂጫ አስተማሪሚ ኧፈሪሳቭ ሰቭ ተኧኛ ምሽት ምስ ሁጅር ትደምድካ ኧጠቦጪያ አት ምሽት ኧሁዳይ ቦቾም አዎኦምታ በሰቭ ኢፍቲ አትሸከዉያ ።
+
+\v 4 ኧኢየሱስ ”አስተማሪዮ ዋ ምሽት ተቭሽት ምስ በድገተረች ኤኤዲ ነኮያታ ጠቦጪያ፥
+\v 5 ኧዋኸ ሜና ዪንአካ ሰቭ ድርጉም ኡትሪ ባረ ሙሴ በቂጫንራ አዘዘንረ፥አኸ ምር ትቭር?” ቧሪ።
+\v 6 ሁኖም ዋዳ ኧትሳአሪ ኧሁዳ ኢኮስሺ ቲሱኡዋታ በዋ ዘንጋ ኢይጠጪኸ ቧርሙ ታነዳን፥ኢየሱስ ጭን ሙግ ባረታ ባጤኋ ባአፈረ ኧጣፉት ቀነሰ።
+
+\v 7 ቁስ ቧርሙ ተሳአርሙ ቢያጀጉሪ መመርኋ ነሳ አሸታ “ታሁዋ ባጢር ኤነወ ሰቭ ኧተር እቭር ኧረግ”ባረኖም ።
+\v 8 ዋአካቭ ሙግ ባረታ ባአፈር ጣፈ ።
+
+\v 9 ሁኖም ዋ ዘንጋ በሰምኦዋ ቀጥወ ተቫሪቅ ቆነሹም እማት እማት እንእመሁኖዋ ተሀይ ቾኦም ዎርም፥ህመኸ ኧኸሬ ተቭሽት ሂዳቪ ተኢየሱስቭ ኧኛ ሰቭ በሀኸ አነፐራ።
+\v 10 ኢየሱስቭ መመርኋ ነሳታ “ምሽቶ ኧኮሰሽች ሰቭ ኧቲ ዎርም? አት ሰቭ አፈንደቨሻ?” ባረና ።
+\v 11 ሂድቭ “ጎይታኞ አት ሰቭ ኤነዳ”ባረቸን ፥ኢየሱስቭ “ኢያቭ አንፈርድቨሻ ቦሄ አአር ሆይዋ ፥ ተዋቴ ጭን ድቭይተሽኮ ባጢር እኔፐሽዋ”ባረና።
+
+\v 12 ኢየሱስ ዥፐረ ኧሰቭ ሁኖዋ ዋኸ ባረኖም “ኢያ አአለም ብርሀንንሁ ፥ኢትሄተሬዳቭ አያ ዪንአካ ብርሀንንሁ ይረቭርኩዴ ባሀሬ ስርም በጠነቫ አይትዥዋፐርካ” ባረኖም ።
+\v 13 ኧፈሪሳ ሰቭ “አኸ ኧገጋኸ አአር ትዝሬኩዳ ምስክርነዳኸ ዉረ አኸረንዳ ኢቴኤፐርኸዳ ኤነዳ” ቧሪ ።
+
+\v 14 ኢየሱስቭ ዠፐረ ዋኸ ባረኖም “ኢያ ታአይ ኧቫአሁመኽዪ ኧትሜ አርመኸ ኧሂሪ ኧኸሬ ኧዝሬኩዳ ዘንጋ ኧታአመረዳናአር ፤ አሁዋ ጭን ተኧቲ ኧቫሁመኸዪ ኧቲ አርመኸ አታአአር አቲሂርታ፥
+\v 15 አሁዋ ኧሰቭ አሳበኸ ትፎርጁዋ ኢያ ጭን ባአት ሰቭ አንፈርድካ ።
+\v 16 ብንፈርድቭ ተኬሼ አቦኛ እማቲ ባኸሬ ኧዎጣኛ አኸሬ ኧኸሬ ፍርድኛ ቂጥየን ።
+
+\v 17 ኧዉርኤት ሄቶ ቃር ኢታአመረኸ በቂጫሁዋ ጣᎉ ፥
+\v 18 ኢያቭ ኧገግኛ ሄቶንሁ አትቭ ኤኬሼ አቭ ኢኢያ ኤኤደኒ” ባረኖም ።
+
+\v 19 ተህም ቀጥወ “አባኸ ኧቲ አነ?” ቧም ተሳአሪ። ኢየሱስቭ “አባመኛቪ ያቭ አቲሂርታ፤ ኢያ ብትሂርኝ አባመኛ ትኋሪ ባነደ ባረታ ዠፐረኖም ።
+\v 20 ኢየሱስ ዋ ቃር ኧዝሬከ በቬተ መቅደስ ዋጋ ቢያዎረኮዳ ሳጥን ሚዬ ቲያትመርካ ባነደ፥ቢኸርቭ ኢዎድወዳ ግዚየ አሰንአይ ኧኸሬ አትዎኋ አንጠበጠንዳ ።
+
+\v 21 ኢየሱስ ሀአቨታ “ኢያ አርኬ አሁም ትሱኡኝዴ ዘንጋኋ ጭን አሁዋ ተቫጢርማሁዋ ትቮጁዋይ ባኸሬ አርወዳ ኤኤዲ ትዎኦዋይ አይኸርነህዋታ።”ባረኖም ።
+\v 22 አአይሁድ ሰቭ ዳኘ “ኢያ አርወዳ ኤኤዲ ትዎኦዋይ አይኸነሁዋታ ኧዋርትኋ ገግኋ የኧትሪ ይህርሴዪ?” ተዌዌርም ።
+
+\v 23 ዋአካቭ ኢየሱስ “አሁዋ ተገዳኔንሁዋ ኢያ ተፎረኔንሁ አሁዋ ተዋ አለምንሁዋ ኢያ ተዋ አለም አኸርኋ ፥
+\v 24 ኢያ ማን ኧኸርሁኸ ሀይተሁዋ ባታአውርዋ ተቫጢርማሁዋ ትቮጁዋይ ኧኸሬ፣ ተቫጢርማሁዋ ትዎጁዋቴ ኧቫሁ በሃ ኧቫአደ”ባረኖም ።
+
+\v 25 ሁኖም “ሁድሞኋ አኸ ማንተንኸ?”ቧሪ።ኢየሱስቭ “ተአወተረ ቀነስሁ ኤኤድኩዋ ኢያትንሁ”።
+\v 26 “ባሁዋ ፎር ኧዝሬኩዳ፣ ኖኦራ ኧፈርድካ አአር እነኒ፤ ዘንጋኋ ጭን ኧኬሼ ሁዳ ኧታአመረዳናአር፥ኢያቭ እማት ተሁዳ ኧሰምአሁን ሁዳ ኧሰቭ እንእ ኢኢድ”ባረኖም።
+\v 27 ሁኖዋ ጭን አአቫአር ኧዝሬከኖዋኸ አኋርታ።
+
+\v 28 በህም ኧቫአ ኢየሱስ “ኧስቭ ትከ ነሳሁም በሰኧርዂ ግዚየ ሀ “አነዳቭ ኢረቭርካቭ” ኧቫሁን ኢያ ኧኸርሁኸ ቲሂርዋቴ፥አቭ ኢኢያ አትመሬአር ባኸሬ በገግኛ ፍቃድ አታአር አኒንአኸ ትኋርዋሴ ።
+\v 29 ኧኬሸዪ ሁዳ ቲያትን፥እንእ ግዚየ ኧሁዳ ኢሽርኩዳአር ኢንአይ ኧዎጣኛ አቸኤዳ »ባረኖም።
+\v 30 ኦእመዳ ተዝሬከ ቀጥወ ኖኦራ ሰቭ በሁዳ አሞርም።
+
+\v 31 ኢየሱስቭ በሁዳ አአሞሩዋ አይሁድ ዋኸ ባረኖም”አሁዋ ብኒኢድሁዋታ ቃር ተኧዠዥተሁዋ ብትረዉርዋ ኧዉርቭ ተማሪነኛ ፥
+\v 32 ኧዉረቭ ኧኸረ ሁዳ ቲሂርቴ ዉረቭ ነጣ ያዋአሁዋቴ”።
+\v 33 ሁኖም ኢና “አአብርሃም ዘርንረ እእማት ሰቭ ባሪያ ሂይተነ አሂርንዳ እህ ኧተኸ “ነጣ ትዎኦቴ” ትቭረንረ» ቧሪ ።
+
+\v 34 ኢየሱስቭ ዋኸ ባረ ዠፐረኖም”ኧዉረመኛ እሁዋ ባጢር ዪንአካ እንእ ኧቫጢር ባሪያን” ።
+\v 35 ባሪያ እንእ ግዝየ ባአበሩስኋ ግት አይረቭርካ፤ ትከጭን ኧዘላለም ባአባኋ ቢድ ኢረቭር ።
+\v 36 ህመኸቭ ኧኸሬ ኧጎይታ ትከ ኢየሱስ ነጣ ባዋአናሁዋ ነጣ ቱዎኦቴ።
+
+\v 37 አአብርሃም ዴንጋ ኧኸርሁዋኸ ኧሂር፤ ዘጋኋ ጭን ቃርኛ አቴኤፖሩዋይ አኸሬ ቶኦትርኚ አንጥሁም ተረሳሁም ።
+\v 38 ኢያ ታአባኛይ አሸሁን ሁዳ ኧዝሬክ፤ አሁዋ ጭን ታአባሁዋ ኧሰምአሁይ ሁዳ ቲንኦዋ”ባረኖም ።
+
+\v 39 ሁኖም “አባንራ አብርሃምን” ቧሪ ፥ኢየሱስቭ “አአብርሀም ዴንጋ ተኸርሁዋ አብርሃም ኤፓአር ቶንኦዋ ባነደ ፥
+\v 40-41 ኢያ ተጎይታይ ሰምአሁታ ኧዉረአአር ኤኤድኩም አሁዋ ጭን ቶኦትርኚ አንጥሁም ተረሳሁም ፥አብርሃም ኧዋኸ አአር አኔፐዳ ፥አሁዋ ቲንኤዳ አአባሁዋ ሜናን”ባረኖም። ሁኖም “ኢና እንጨረቬ አኸርነዳ እማት አቭ አነንረ ሁድቭ እማት ጎይታን» ቧሪ።
+
+\v 42 ኢየሱስቭ ዋኸ ባረኖም “ጎይታ አባኳሁዋ ቢረቭርሁ፣ ኢያ ተጎይታይ ኧቫአዂ ኧኸሬ ትርወጅኝ ባነደ፤ ኧቫአሁ ሁዳ ኬሸዪ ታነዳን ባኸሬ በገግኛ ፍቃድ አኸረንዳ።
+\v 43 አሁዋ ኢያ እካአር አትቬስሩዋ ሁዳ ኧቭርአፈድን? ቃርኛ ትሶኦዋይ አይኸነሁዋይ ኧኸረዴ ።
+\v 44 አሁዋ አአባሁዋ ኧሼጣን ዴንጋንህዋ ፥ አአባማሁዋ ተመኛት ቲንኦዋይ ትሱኡዋ ፤ እእም ኢፍቲ አባሁዋ ደቨኘ ባነደ ፤ውረ ኧኸራአር በሁዳ ስርም ኤኔኧኸሬ ፤በወረራአር እአትሸከቨዳ፤ሁዳ ሀሰተኘቪ አአሰትቭ አባ ኧኸሬ ኤናአር ቲኢድካ ተገግኋ አዋአ ታነዳን።
+
+\v 45 ኢያ ጭን ኧዉረ አአር ኧዝሬኪይ ኧኸሬ አትሰቩኦኝዳ
+\v 46 እንዴ ባሁዋ ግት ኢያ ባጢር አነቨኸ ባይተ በቫጢር ኢከስሴዳ ሰቭ አኔ? እህ ባቴ ኢያ ኧዉረ አአር ኧዝሬክ በኸረሁ ኧቭር አታአቩርኝዳ?
+\v 47 ኧጎይታአር ኧኸረ ሰቭ ጎይታ ይኩዳአር ኢሰቭአ፤ አሁዋ ጭን ኧጎይታአር አኸርሁዋይ አትሰውኦታ»።
+
+\v 48 ኧዩሁዳ ሰቭ “እህ ባቴ አኸ ኧሰማሪያ ገኘ ሰቭንኸ ሼጣን አነቨኸ ኦዋርትንራ ዉረሽ አሃራ?”ቧሪ ።
+\v 49 ኢየሱስቭ ዋኸ ቲቭር ዠፐረኖም “ኢያሽ አአባኛ አኸብድኩ ባኸሬ ሼጣንሽ ኤነቪዳ፤ አሁዋ ጭን ታትዋርጅኝ።
+
+\v 50 ኢያ ኧገግኛ ክብር አንሲእካ ፥ዘንጋ ጭን ኢያ ኧከብረኸ ኢይሲእካአር ኤኛአር አነ ፥ኢፈርድካቭ ሁዳን።
+\v 51 ኧዉረመኛ እቭሁዋ ማንኢሞኋ ቃርኛ ቢቴኤዘዝ ስርም አይቮድካ ባረኖም።”
+
+\v 52 ኧይሁዳ ሰቭ “ሼጣን አነቨኸኸ ዋአካ ሀርነ አብርሀም ሞደ፥ ኧድረ ነቢም ሞጁም፥አኸ ጭን ቃርኛ ኢቴኤዘዝካ ሰቭ ስርም አይዎድካ ትር” ቧሪ።
+\v 53 አኸ ተዎደ ታአባንራ ታአብርሃም ትረኢ? ኧድረሽ ነቢ ሞጁም ፥እህ አኸ ማንተንሁ ትቭር?”ቧሪ።
+
+\v 54 ኢየሱስቭ ዋኸ ቲቭር ዠፐረኖም “ኢያ ገግኛ ብናከብር ክብርኛ ማንኢምናአር፤ ኢያ ያከብሬዳ ጭን አሁዋ ጎይታንራ ቱሪዳ አቦነኛ ፥
+\v 55 አሁዋ ባትሂሪ ኢያ ኧሂርኩ፥ ኢያቭ አሂርኩዳ ተቫሁ አሁመኸ ኦጃማ ኧህር ባነደ፥ ኢያ ጭን ኧሂርኩ፥ኧቴኤዘዝኩቭ ።
+\v 56 አአባሁዋ አአብርሃሚ ተመኛት ኢያ ኧዥተታ ይሽርኩይ ባነደ፥ሁድቭ አሸታ ሳረን”ባረኖም ።
+
+\v 57 ኧዩሁዳ ሰቭ “አኸ ገና አምሳ ዘቨራኸ ታይኸር ኧተኸ አአብርሃም አሸሁን ትቭር”ቧሪ።
+\v 58 ኢየሱስቭ “ኧዉረመኛ እቭሁዋ አብርሃም ታይቴኤኝ ኢፍቲ ኢያ አነሁ”ባረኖም ።
+\v 59 በህም ኧቫአ ኧዩሁዳ ሰቭ ኧኢየሱስ ዊገተዉ ዮኦትሪ እቭር ነሾም፥ኢየሱስ ጭን ተደኧረታ ተቬተ መቅድስ ቸኧ ዎረ ።
+
+\c 9
+\p
+\v 1 ኢየሱስ በቨያ ቲያርካ ተቴኤኘ ቆነሺታ ፉርጥ ኧኸረ ምስ አሸ ።
+\v 2 ተማሪሞኋ ኧኢየሱስ « አሰስተማሪዮ ዋ ምስ ፉርጥ ኸረ ኧቴኤኘ ሁዳ ፥ በቫን ባጢርን? ገግኋ ባጢር ኤፐዪ ዌ? ዌ አቭ ታአዶድኋ ባጢር ኤፖውቴ?»ቧርም ተሳአሪ።
+
+\v 3 ኢየሱስ ጭን «ሁዳ ኧፈንጠ ሁዳ በሁዳ ዌ ባአቭ ታአዶድኋ ባጢር ኧቫአ አኸረንዳ፤ዋ ምስ ኧፈንጠ ሁዳ ኧጎይታ ወግ ሜና በሁዳ ኢታሽኔ» ባረኖም።
+\v 4 አፈር ታይቨሽ ኧኬሼ ሁዳይ ሜና ኦንኧት አነቪ፤ማንእየ ሰቭ ዬቭውዌ አይኸነ ጠነቫ ኢቫአኴ
+\v 5 «ኢያ በዋ አለም ታነሁ አእአለም ብርሀንንሁ » ባረኖም።
+
+\v 6 ኢየሱስ ዋዳ በቫረ ቀጥወ ኢባቄኋ ታአፈር ጋከረታ በጠቫ ፉርጥ ኧረፐረ ምሲ ኤር ሟሸንታ ፥
+\v 7 « ሆርታ በሴሊሆም አሀ ታኧቭ»ባረን።ሰሊሆም ኧዋርት ፥ኧኬሸውያአር ኧዋርትን፤ ምስቭ ወረ ታኧቨ ፤ቤኤርሞኋ ቲያዥ ቢድኋይ ተዥፐረ ወረ ።
+
+\v 8 ምስ ሁዳ ወነኸሞኋዪ እእም ኢፍቲ ቲሰኧርካ አሸዊ ሰቭ « ዋ ምስ ሀ ቸና ኢሰኧር ኧረፐረ ምስ አኸረንዳ?» ቧርም።
+\v 9 አታትሁኖዋ «ሁድምን » ቧርም ፤አታትሞሁኖዋ « ሁዳ ኢቨስር ባሀሬ ሁድሽ አኸረንዳ» ቧርም፤ ሁዳ ጭን «ኢያምንሁ» ባረኖም ።
+
+\v 10 እህ ኤራኸ ኧተኸ ተኮፎጁም? ቧሪ ።
+\v 11 ሁድ «ኢየሱስ ኤርኛ ጠቫ ሟሸይታ ሆር በሰሊሆም በር ታኧቭ ባረዪ፤ኢያቭ ዎርሁ ታኧሁታ ህም ተህም ኤርኛ ተኮፎጁም »ባረኖም ።
+\v 12 ሰቭ ሁኖዋ «ባቴ ዋ ኤራኸ ኧከፈደናኸ ኢየሱስ ዋአካ ኧቲ አነ? ቧርም ተሳአሪ፤ ሁድቭ«ዋአካ ኢያ ሁዳ ኧቲ አነኸ አንሂርካ »ባረኖም።
+
+\v 13 ተህም ቀጥወ ሰቭ ሁኖዋ ፉርጥ ኧረፐረ ምስ ኧፈሪሳ ሰቪ አቴኤነዊ ።
+\v 14 ኢየሱስቭ ኧቭስ ሁዳ ጠቃራ ሟሸታ ኤርኋ ኧከፈደን በሰንበት ቀረ ባነደ።
+\v 15 ኧፈሪሳ ሰቭ ሀአውምታ «ኧተኸ ታዢ ኸረነኸ? » ቧርም ኧቭስ ሁዳ ተሳአሪ፤ሁድ « ኤርኛ ጠቫ ሟሸዪ ኢያቭ በሰሊሆም በር ዎርሁ ታኧሁ፣ዋአካ አዥ»ባረኖም።
+
+\v 16 ህም ግዝየ ተፈሪሳ ሰቭ አታትሁኖዋ« ዋ ምስ ተጎይታይ አማአዳ፤ሰምበት አያከብርካ»ቧርም፤ኧኛሁኖዋ ጭን ባጢረተኘ ኧዋኸ ወግ ሜና ኢንአይ ተቭር ኢኸነ?» ቧርም። በህም ኧቫአ በግትሁኖዋ መራክስ ተረሳ።
+\v 17 ሁኖም ፉርጥ ኧረፐረ ምስ ሀአውምታ «ኤርኛ ከፈደኒ ትኩዳ ምሳአር ምር ትሂር? ቧርም ተሳአሪ። ሁድቭ « ነቢን» ባረኖም
+\v 18 ዋ ምስ ፉርጥ ኧረፐረኸ ተህም ቀጥወ ኤርኋ ኧትከፈደኸ ፣አአቭ ታአዶድኋ ቲትሳአሪዮዋ ስን ፣ኧይሁዳ ሰቭ አናአሞሩዋ ባነደ ።
+
+\v 19 አአቭ ታአዶድሞኋ ዋዳ አሁዋይ ኧችኒ? ፉርጥ ኸረ ቴኤኘ ቱሪዳ ዋ ምስኒ? ሁድሁ ዋአካ ተቭር ያዥ?»ቧርም ተሳአሪዮም።
+\v 20 አብ ታአዶድሞኋ « ኧችንራ ኧኸረመኸዪ ፣ፉርጥ ኸረ ኧቴኤኘኸ ንሂነ » ቧሪ ።
+\v 21 ዘንጋ ጭን ዋአካ ኧተኸ ኦሽት ኧቀነሰኸ ፣ኤርሞኋ ማን ኧከፈደነኸ አንሂነዳ ፤ሁዳ ትከ አኸረንዳ ፤ኧገግኋአር ኢሂሪ ኧኸሬ ኧገግኋ ተሳአሪ» ቧሪዮም ።
+
+\v 22 አቭ ታአዶድሞኋ ዋኸ ኧዋርዋ ሁዳ ፣ኢየሱስ «ክርስቶስን »ኧቫረ ሰቭ እንእ ኧይሁዳ ሰቭ ቲደሞጅኰዳ ቢድ ያዎኤኸ ኧይሁዳ ዳኘ ኧዋ ኢፍቲ ተስማምኦም ኧረፐሬ ኧኽሬ ኧሁኖዋ ፈኞም ታነዳን ።
+\v 23 አቭ ታአዶድኋ «ሁዳ ትከ አኸረንዳ ኧገግኋአር ኢሂሪ ኧኸርሬ ኧገግኋ ተሳአሪ »ኧዋርዋ በሀ ኧቫአንደ ።
+
+\v 24 ሁኖም ፉርጥ ኧረፐረ ምስ ሀአውም ሆኖይታ « አኸ ኧውረአር አውድ ጎይታ አህብድ » ዋ ምስ ባጢረተኘ ኧኸረኸ ኢና ንሂነ »ቧሪ ።
+\v 25 ፉርጥቭ ኧረፐረ ምስ « ሁዳ ባጢረተኘ ኧህር አይህር ኢያ አንህሂርካ ፤ ፉርጥ ባነዀ ዋአካ ጭን አዥ » ባረኖም ።
+
+\v 26 ሁኖም «አአኸ ምር ኤፐነኸ? ኤራኸ ማኸ ኤፐ ከፈደነኸ?»ቧርም ተሳአሪ።
+\v 27 ሁድ «በተርሁ ኤኤድኩም፤ አሁም ትሶኦዋይ አሴኤሁዋታ፤ ኧውርኤተኘሁ ትተቭር ትሶኦዋይ ሴኤሁም? አሁም ኧሁዳይ ተማሪ ትሆሩዋይ ትሱኡዋ?» ባረኖም ።
+\v 28-29 ኖኖም « አኸ ኧሁዳይ ተማሪንኸ ፤ኢና ጭን ኧውሴዪ ተማሪንረ። ጎይታቭ ኧውሴ ኧዝሬኬነኸ ንሂነ፤ ዋ ኢየሱስ ዩሪዳ ምስ ጭን ተኧቲ ኧቫአኸ አሂነዳ» ቲዩሩዋ ቀነዊ ።
+
+\v 30 ፉርጥቭ ኧረፐረ ምስ « ዋ ምስ ተኧቲ ኧቫአኸ አኋርታሁዋ ኖኦራአር ወግ ኢኸርካናአር፤ ዘንጋ ጭን ኤርኛ ኧከፈደኒ ሁተን ።
+\v 31 ጎይታ ኧቫጢረተኘ ሰቭ አይሰቭአኸ ንሂነ ፤ ጎይታ ኢፈይኩዳቪ ፍቃድሞኋ ዬካ ሰቭ ጭን ጎይታ ኢሰብአኩ። ፉርጥ ኸረ ኧቴኤኘ ሰቭ ኤር ኧከፈደ ሰቭ አነ ቲዩሪንዳ ስርም አንሶምኤዳ።
+
+\v 32
+\v 33 «ዋ ምስ ተጎይታይ ታማአ ኧዋሀአር ቴቪ ባኸረነዳ፤»ባረኖም ።
+\v 34 አኸ አንዴኤዳሄ በቫጢር ተጬፈኸ ኧቴኤኘኸ ምስ፣ አኸ ኢኢና ታስተምረንረዴዪ?» ቧርም ቲደሞጅኰዳ ቢድ አዎኦዪ።
+
+\v 35 ኢየሱስ ኧቭስ ሁዳ አይሁድ ቲደሞጅኰዳ ቢድ አዎኤኸ ሰምአ፤ኧሁድ በረከቨንጋ«አኸ በሰቭ ትከ ታአቭሪ? ባረን።
+\v 36 ምስቭ ሁዳ ኧኢየሱስ ጌታኞ አአቭርዌ ሁዳ ማንተን?» ባረ ተሳአረን ።
+\v 37 ኢየሱስቭ ኦሽትሽ አሸኸን ዋአካቭ ታኸ ኢዝሬካ ሁድምን» ባረን።
+\v 38 ሁድቭ «ጌታኞ ኢያ አአቭር» ባረ ሰገደነ።
+
+\v 39 ኢየሱስቭ « ፉርጥ ያዡዋኸ፣ ያዥታቭ ሁኖዋ ኢፎርጩዋኸ ኧዋ አለሚ ማአሁ»ባረን።
+\v 40 ህም ግዝየ በኢየሱስ ምዬ ኧረፖሩዋ አታት ኧፈሪሳ ሰቭ እህ ኢና ፉርጥንሬ? » ቧሪ።
+\v 41 አሁዋ ፉርጥ ተኸርሁዋ ባጢር ባኸረዎሁዋታ ፤ዋአካ ጭን ናዥነ ቱሩዋይ ኧኸሬ ባጢራሁዋ ባሁዋ ኢረቭር» ባረኖም።
+
+\c 10
+\p
+\v 1 ሀአቨታ ኢየሱስ ኧውረመኛ እሁዋ ቡኡᎈቻ ታይኸር በኧኛ አጋድ ኧጣይ ጋአድር ኢጋአካ ሁዳ ፈንገያዪ ሽፍጣምን።
+\v 2 ቡኡᎈቻ ኢጋአካ ሁዳ ጭን ኧጣይ ዜማንቸን።
+
+\v 3 ቡኡᎈቻ ይእየካ ሁዳ ይጋአኸ ኡፈቻ ኢከፍትነ፤ጣይቭ ሁኖዋ ቃርኋ ኢሶኦዋ፤ሁድ ኧገግኋይ ጣይ በሹሁኖዋ ኢሂርኮዋ፤ሁድ አሄተረ ይወስትኮዋ።
+\v 4 ኧገግኋአር ኧሆሩዋ ጣይ እንእ ባዋአኖዋ ቀጥወ ኢኢፍት ኢፍትሁኖዋይ ያር፤ጣይቭ ሁኖዋ ኧዜማቸ ሁዳ ኢሂሪ ኧኸሬ ይትሄተሪ።
+
+\v 5 ኧኧኛኋይ ቃር ጭን አይሂሩዋይ ኧኸሬ በሁዳ ኢፍቲ ኢውረዡዋ ባሀሬ አይትሄተሪዳ » ባረኖም።
+\v 6 ኢየሱስ ሟሟካ ኤኤደኖም ፤ ሁኖዋ ጭን ኤኤደኖዋ ሁዳ አᎆሰርታ።
+
+\v 7 ብእም ኧቫአ ኢየሱስ ሀአቨታ « ኧውረመኛ እሁዋ ኧጣዪ ኡᎈቻ ኢያትንሁ» ባረኖም።
+\v 8 ቲያ ኢፍቲ ኧዎኦዋ ሁኖዋ እንእ ፈንገያቪ ሽፍጣምኖዋ፤ጣይቭ ሁኖዋ ኧሁኖዋይ ቃር ባይሶኦታ።
+
+\v 9 ኡᎈቻ ኢያትንሁ፤ ቢያይ አጋድ ኢጋአካዪ ኢዋአካቭ ኢተርፍ፤ሁድቭ ኢጋአወዳዪ ኢዋአወዳ ሳአር አኖዳ ሰረጌ ኢረህቭ።
+\v 10 ፈገያ ኢቫአካ ሁዳ እማት ኢሰርኢ ፣ የኧትርሜዪ ያአፋምኔ፤ኢያ ኧቫአሁ ሁዳ ጭን አያቪ ሙርአቭ ሂንተ ኢረቭርኔ።
+
+\v 11 ወሄ ዜማቸ ኢያትንሁ፤ወሄ ዝዜማቸ ኧጣይኋ ቲይር ነፍስኋ አዋአ ያኤፕር።
+\v 12 ኧሁዳአር አሆሩዋ ጣይ ኢወኧሪ ኧስራዊ ዜማቸ ጭን እጎሮጉየ ጥይ ሁኖዋ ኢቨርአይ ኢቫአኸ ቲያዥካ ጥይ ሁኖዋ ቸኧኖምታ ኢሴሂ ኧኸሬ፣እንጎሮጉየ ሁዳ ኧጣይ ሁኖዋ አብረከገ ኢብራጭኮዋ።
+\v 13 ኧጣዪ ዜማቸ ኢሴህካ ሁዳ ኧስራዊያአር ኧኸረንዴ፤
+
+\v 14 ወሄ ዜማቸ ኢያትንሁ፤ኢያ ኧገግኛይ ጣይ ኧሂርኮዋ፤ጣይመኛ ኢኢያ ኢሂርኝ።
+\v 15 ኢያ ሁኖዋ ኧሂርኮታ ሁዳ አቭ ኢኢያ ኢሂሬመኸዪ ኢያቭ አአቭ ኧሂርኩምነኸ፤ ኢያቭ ኧጣይኛ ነፕስኛ ኤኤተሁ አኤፕርኴ።
+\v 16 ተዋ ጣይ እማት አሆሩዋ ቡችር ጣይ አነውኒ፤ ህሁኖም ኦኦት አነቪ፤ሁኖም ቃርኛ ኢሶኦቴ፤እንእዎሆኖዋ ብእማት ኢረውርቴ፤ዘማቸመሁኖዋ እማት ኢከርኴ።
+
+\v 17 «ኢያ ሀአይተሁ ኧወስኩዳ ነፍስኛ ኤኤተሁ ኢቪ ኧኸሬ አቭ ኢረንዴ።
+\v 18 በገግኛ ፈቃድ ነፍስኛ ኤኤተሁ አአይፕሪ ባህብሬ ፣ነፕስኛ ቲያ ኢወስትቪዳ ሰቭ ኤነዳ፤ነፍስኛ ኤኤተሁ አአይፕሪ ፣ዣቪተሁ ኧወስዲ ደረግ አነኒ፤እመኸ ኤቪ አባኛ ኤዘዘዪ »ባረኖም።
+
+\v 19 በዋ በዝሬኬን ዘንጋ ኧቫአ አይሁድ ሁኖም ተሁኖም በግትሁኖዋ መራክስ ተፈጠረ።
+\v 20 ተሁኖም ኖኦራሁኖዋ « ሁዳ ሼጣን አኖወ፣ ሽረኘን ኧቭር ቃርኋ ትስውኤ?» ቧርም።
+\v 21 ኧኛሁኖዋ ጭን « ዋ ቃር ሼጣን አኖዳ ሰቭ ቃር አኸረንዳ ፤ሼጣን ኧፉርጥ ኤር ኧኩፍችት ኢኸኔ?» ቧርም።
+
+\v 22 በኢየሩሳሌም ኧቤተመቅደስ ኢወጥርኰዳ ሙርአ ያኮቡርኰዳ ቀረ ሰንአ ባነደ፤ወቅትሞኋ ዘር ባነድደ።
+\v 23 ኢየሱስቭ በቬተመቅደስ ሰለሞን ዋአ ቢጋአወዳ ኤኤዲ ያር ባነደ።
+\v 24 ኧይሁዳ ሰቭ« መቸ ስን ተጥራጠይተነ ንረቭነኸ ቴቨንረዴ? ትባአኴ ኧዋሪ ክርስቶስ አኸ በኸርኸ ገክር አውደንረ»ቧሪ።
+
+\v 25 ኢየሱስቭ « ኢያ ኤኤድኩም አሁዋ ጭን አንሰምአሁኝዳ፤ባአባኛ ሹው ኤኩዳ ሜና እንእ ኢኢያ ኢኢድኒ።
+\v 26 አሁዋ ጭን ተጣይኛ አኸርሁዋይ ኧኸሬ አታአውርኝዳ።
+
+\v 27 ጣይኛ ቃርኛ ኢሶኦዋ፤ ኢያቭ ኧሂርኮዋ፤
+\v 28 ሁኖም ኢትሄተርኝ። ኧሁኖም ኧዘላለም አያ ኢአኮዋ፤ ስርምቭ አይዎጅታ፤አትዎኋ ቲያይ ኧጅ ንጢቅተ ኢወስትኮይ አይኸነዳ።
+
+\v 29 ሁኖዋ ኢኢያ አቬ አባኛ ትንእአአር ኢረእ ፤ሁኖዋ ትአቭ ኧጅ ንጢቅተ ኢወስዲ ኢኸነዳ ኤነዳ።
+\v 30 ኢያዪ አቭ እማትንረ» ባረኖም።
+\v 31 ፣ኢየሱስ ዋዳ ቲይካ ኧይሁዳ ሰቭ ኧኢየሱስ ኢዎጎዪ ሀአውም እቭር ነሾም።
+
+\v 32 ኢየሱስቭ አቭ አቬ ኖኦራ ወሄ ዘንጋ አቴሸኩም፤ባቴ ኧቭር ብእቭር ትዎጎኝ?»ባረኖም።
+\v 33 ሁኖም አኸ ብእቭር ንወጋኔከዳ ሁዳ ኧጎይታ ኧቀነኸዴ ባሀሬ ወሄ ሜና ኤፐሄ አኸረንዳ፤ አኸ ሰቭ በኸርኸሜ ገጋኸ ጎይታ ኤፐኸዴ» ቧሪ።
+
+\v 34 ኢየሱስቭ « በቂጫሁዋ ‹አሁዋ አማልክትንሁዋ ባሁም › ይንካ ቃር ተጣፈሽ አሀራ?
+\v 35 ኧጎይታ ቃር ኧቫአኖዋ ሁኖዋ ፥ ጎይታ አምላክኖዋ ባረ በኸናኖጋ ኧጎይታ ቃር አይታሻርካ።
+\v 36 አካ አቭ ኧገግኋ ሙጭር ኤፐ ኧዋ አለሚ ኧኬሸን ‹ኢያ ኧጎይታ ትከንሁ› ኧቫሬ ‹ኧጎይታ ትቀርቭ› ኧቭር ቱሩዋ?
+
+\v 37 ኢያ አባኛ ኤፓአር ባንኔፐሁ አቶኦዎርኝ፤
+\v 38 አአባኛ ሜና ኤቭ በኸረ ጭን ቢያ ባታአውርም በቬናኛ ኧቫአ ኧወሩዋ፤ በዋ ኧቫአ አቭ ቢያ አነመኸዪ ኢያቭ ባአቭ አኖኸኸ ገኪተሁዋ ትኋርዋሴ» ባረኖም፥
+\v 39 ሁኖም ሀአውም ኧኢየሱስ ኢጠጪ ዣውም ባነደ፤ ሁዳ ጭን ወረኖም።
+
+\v 40-41 ተህም ቀጥወ ፣ ኧዋ ኢፍቲ ዮሐንስ ያጠምቅወ ኧረፐረ ኧዮርዳኖስ በር አጋድድ ተዠፐረ ወረታ ባሀይ ስረፐተ ፤ ኖኦራ ሰቭ ኧሁዳይ ሞኦምታ ፥«ዮኋንስ ስርም ወጋአር አኔፐዳ፤ ዘንጋ ጭን ዮሐንስ ኧዋ ምሳአር ኧዝሬኬን ዘንጋ እንእ ውረምን» ቧርም።
+\v 42 በህም ኤኤዲ ኖኦራ ሰቭ በኢየሱስ አሞርም።
+
+\c 11
+\p
+\v 1 ቢታኒያ ቢዩሪዳ ኤኤዲ ማሪያምቪ ኧተመሻ ማርታ ቢረቭራኮዳ ቃያ አላአዛር ዩሪዳ ምስ ኤመን ባንደ፥
+\v 2 ማርያም ኧጌታ ኧግር ሽቶ ኧፓችታ በጉንኧርሻ ኧዋሸች ሂዳኒያ ኤኤመነቭ ሁዳ ኧሂዳይ ኧሰም ባነደ፥
+
+\v 3 ኧተማት ህና “ጌታንሮ ትረድኩዳ አላአዛር ኤመን” ባራምታ ኧኢየሱሲ ሰቭ ኬሻም ።
+\v 4 ኢየሱስ ዋዳ ኧሰምአ ግዚየ “ኧዋ ምሲ ኤምናድ ኧዉድ አኸረዳ ሁዳ ኤኤመን ኧጎይታ ኑኡነድ በሁዳ ኧቫአ ኢትሄርኔ ፥ኧጎይታ ትከቭ በሁዳ ኧቫአ ኢከብርኔን” ባረ።
+
+\v 5 ኢየሱስቭ ኧማርታ ኧኧተመሻዪ አአላአዛር ይረድኮዋ ባነደ፥
+\v 6 ቢኸርቭ ኢየሱስ አአላአዛሪ ኤማድ ሰምአታ በረፐረወ ቃያ ዉርኤት ቀረ ኤከሰ።
+\v 7 ተህም ቀጥው ኢየሱስ ኧተማሪኋ “ዩሁዳ ገኘ ንትዣቨርነ” ባረኖም ።
+
+\v 8 ተማሪሞኋ “አስተማሪዮ ተቀሪ ቀረ ኢፍቲ ኧዩሁዳ ሰቭ አኸ ብእቭር ኢይዎገኬ ኢሱኡከ ባንደ፤ሀአይተኸ ሀይ ታርኴዪ?» ቧሪ።
+\v 9 ኢየሱስቭ “ባአት ቀረ ዋአና አስረ ዉርኤት አነሽ አሀራ? በዋአና ያርካ ሰቭ ኧዋ አለም ኡዋየ ያትረክኲ ኧኸሬ አያድቫድኩዳ፥
+
+\v 10 በኧዳር ያርካ ሰቭ ጭን ኡዋየ ኤነኒ ኧኸሬ ኢድቫደቭ”ባረኖም።
+\v 11 ኢየሱስ ዋዳ ተቫረ ቀጥወ “ናማጂንራ አላአዛር ኔኧ ኢያቭ ንሆርታ ተቩኢድኋ ንሳኩ” ባረኖም።
+
+\v 12 ተማሪሞኋ”ጌታንሮ ኧሬኧሽ በኸረ ኢፍዘዝሴ” ቧሪ።
+\v 13 ኢየሱስ ዋኸ ኦዋርትኋ አላአዛር ኦዎደኸ አአዉጅትኋ ባነደ ፤ተማሪኋ ጭን ኧዊኢዳአር ኧዝሬካአር መሰረኖም።
+\v 14 በህም ኧቫአ ኢየሱስ ኧዉየመኋ “አላአዛር ኧዎደኸ ኤኤደኖም ።
+
+\v 15 አሁዋ ኧሽተሁዋ ታአቩርዋይ አአሁዋ ትንር ኢያ በሀኸ አንቦርትኛ ሳረዪ፥ዋአካ ጭን ኧሁዳይ ንሆርነ”ባረኖም።
+\v 16 ኧለምቺየ ዩሪዳ ቶማስ ኣኣኛ ተማሪ” ኢናቭ ተሁድቭ ንሆርነ ንውድነ”ባረኖም ።
+
+\v 17 ኢየሱስ ቢታኒያ ዩሪዳ ቃያ ቲሰርአካ አላአዛር ተዌከዊ አርቭአት ቀረ ኸረን ባንደ ።
+\v 18 ቢታኒያ ዩሪዳ ቃያ ቲኢየሩሳሌም ሶኦስት ኪሎ ሚትር ያረእ ባንደ፥
+\v 19 ኖኦራ ኧዩሁዳ ሰቭ ኧማርታመዪ ኧማሪያሜ ኧኧሰምህና ሙድ ያትሴቡሪያይ ሞኦም ባንደ ።
+\v 20 ማርታ ኢየሱስ ኧቫኸ ብትሰቭአ ትቴኤፐርኲ ዋአች ፥ማሪያም ጭን በቪድሜ ቸናች ባንደ።
+
+\v 21 ማርታቭ ኧኢየሱስ “ጌታኞ አኸ ዋይ ብትረቭር ኧሰምኛ ባሞደዳ ፥
+\v 22 ዋአካቭ ቢኸር ጎይታ ትሰኧርኩዳ ሁዳ እንእ ይሰቭአኸኸ ኧሂር”ባረቸን ።
+\v 23 ኢየሱስቭ “ኧሰማሽ ተቩድ ኢትረሳኬ” ባረና።
+
+\v 24 ማርታቭ “ተቀጥወ ኧዎጁዋ ሰቭ ቢትረሸኵዳ ቀረ ኢትረሳሸኸ ኧሂር” ባረቸን
+\v 25 ኢሱስቭ ተቩድ ኧረሳካቭ አያቭ ኢንአካ ኢያትንሁ ፥ቢያ ያአቭርካ እንእ ቢወድቭ አያ ኸረ ይረቭር ።
+\v 26 አያቭ ኸረይረቭርካ እንእ ቢያ ቢያአቭርቪ ስርም አይዎድካ ዋዳ ታአቭይዋ?”ባረና ።
+
+\v 27 ሂድቭ “ዉረምን ጎይታኞ አኸ ኧዋ አለሚ ኢቫአኬ ኧዋሪ ክርስቶስ ኧጎይታ ትከንኸ፤ ኢያቭ አአቭር”ባረቸን ።
+\v 28 ማርታቭ ዋኽ ባረች ተዝሬከች ቀጥወ ኧኧተምሻ ኧማርያሚ ወረችታ ብእዝርሻ”አስተማሪ ሁዳ ማአ አአሽቭ የሽ ይቭሽ” ባረች ኤኤደቸና ።
+\v 29 ማሪያም ዋዳ ተሰምአችመኸ አፍጣጠረች ተረሳችታ ኧሁዳይ ወረች።
+
+\v 30 ኢየሱስ ማርታ ኧሁዳ በቴኤፐረቸወ ኤኤዲ ባነደ ባኸሬ ገና ቃያ አንገፓ ባነደ ።
+\v 31 በኧሰምሻ ሙድ ያትሴቡሪያይ ኧዎኦዋ ቢድ ኧረፖሩዋ ኧዩሁዳ ሰቭ ማሪያም አፍጣጠረች ትትዋአካ አሸዊያታ ኧዎገማይ ትቬሂ ታርካአር መሰረኖምታ ተሄተሪያ።
+\v 32 ማሪያም ኢየሱስ አኖዳ ኤኤዲ ማአችታ ታሸቸንመኸ በኧግርኋይ ወተኧችታ “ጌታኞ አኸ ዋይ ተረፐርኸ ኧሰምኛ ባሞደዳ”ባረቸን ።
+
+\v 33 ኢየሱስቭ ሂዳ ትትቬህካ፣ ቴሄተሪያቭ ኧዎኦዋ አአይሁድ ሰቭ ተሂድቭ ቲዎሁታ አሸታ፥ ቡሼኧኸቭ ተቨጠጠ፥
+\v 34 “ኧቲ ᎂከኊ?”ባረኖም ፥ሁኖም “አስተማሪዮ የኸታ ኧዥ” ቧሪ።
+\v 35 ኢየሱስቭ ኢምባ ወንደን ፥
+
+\v 36 ኧይሁዳ ሰቭ አአላአዛር ምርአካአር ኢረድኩ ኧረፐረኸ አሸሁሚ ተዌዌርም ።
+\v 37 ተሁኖም አታትሁኖዋ “ኧፉርጥ ምሲ ኤር ኧኩፉችት ኧኸረናአር እእኩ ምስ ቲዎድካ ያተርፍኩይ ባኸረነዳ?”ቧርም።
+
+\v 38 ኢየሱስ ሀአቨ ተቨጠጠታ አአላአዛሪ ሞገማይ ማአ ፥ ሞገማቭ ሁዳ ብእቭር ኤኤፈዊ ወረ ባንደ ፥
+\v 39 ኢየሱስቭ “እቭር ሁዳ አከውርም አፉኴ” ባረኖም ።ኧዎደሁዳይ ኧተም ማርታ “ጌይታኞ ኧሰምኛ ተዎደ አርቭአት ቀረኧረኒ ኧኸሬ ኢጭየ» ባረቸን።
+\v 40 ኢየሱስቭ “ብታአቭይዋኧጎይታ ክብር ታሽቴ ባኡታ አኔኤድችባዪ”ባረና።
+
+\v 41 በኽም ኧቫአ ሁኖም ኧወገማ ሁዳይ እቭር ነሾም አኩወነሪ ፥ኢየሱስቭ ኧፎረኒየ አሸታ”አቦኞ “ኧሰምአኸዪ ኧኸሬ ሽኩራኸ፥
+\v 42 እንእ ግዚየ ትሰቭአየኸ ኧሂር፤ ዋዳ ኧቫከ ሁዳ በቭየኛይ ኧትሸከዉዋ ሰቭ ኧኬሸሄኸ ያአቩሩዋይ ኧሁኖዋ ትንርን” ባረ ።
+
+\v 43 ኢየሱስ ዋኸ ባረ ተዝሬከ ቀጠወ በሩኡየ ቃርኋ”ነሳታ የኸ ዋአ” ባረ ኸና ።
+\v 44 ኧቮደቭ አላአዛር ኧግርሞኋዪ ኧጅሞኋ በከፈን በኮፎኒመኸዪ ኢፍትሞኋ በሻሸ በሽፏᎈሪመኸ ተወገማ ዋአ ፥ኢሱስቭ ፉጆም ጉፉሪታ ኧሆር“ ባረኖም።
+
+\v 45 ኧማሪያም ያትሴቡሪያይ ኧቮኦዋ ኧዩሁዳ ሰቭ ኢየሱስ ኤፐን ሜና አሾምታ ኖራሁኖዋ በኢየሱስ አሞርም ።
+\v 46 አታትሁኖዋ ጭን ኧፈሪሳ ሰቪ ዎርሙታ ኢየሱስ ኤፐን ሁዳ ኤኤጁም ።
+
+\v 47 ኧካህን አላቃ ኧፈሪሳቭ ሰቭቪ ኧገኘቭ ባሪቅ ኢደሞጁዋይ ሆኖዮምታንዳ “ዋ ምስ ኖራ ወግ ዘንጋ ኤፐ ያቲሺ ኧኸሬ ምር ብኒንአነ ኢፈዘንረ?”
+\v 48 እምኧኽ በቼኤኔ ሰቭ እንእ በሁዳ ያአቭርኬ ፥እእሮማ ሰቭቭ ሜኤተውዋ ቤተመቅደስመንራቭ ሰቭመንራ ያአፎቴ”ቧርሙ።
+
+\v 49 ተሁኖዋ አትሁዳ በህም ዘቨር ሊቀ ካህን ኧረፐረ ቀያፋ ዋኸ ባረ “አሁዋ አታአር አትሂርታ ፥
+\v 50 ሰቭ እንእ ቢየኧፋካ ሁዳ አት ምስ ኧሰቭ እንእ ቢዎድ ኢፈዝሁዋኸ አቤሰርሁዋታ?” ባረ።
+
+\v 51 ሁድቭ ዋዳ ኧዝሬከ በገግኋ አሳብ አነፐራ ፥ዘጋ ጭን ሁዳ በሀ ዘበር ሊቀ ካህን ኧረፐሬ ኧኸሬ ኢየሱስ ኧሰቭ እንእ ቲቭር ኢዎደኸ ቲያቲሽ ዋ ቲንቢት ዝሬከ ።
+\v 52 ሁድቭ ኢዎድካ እማት ኧሁዳይ ሰቭ ታይኸር ኧትዉራጨዉዋ ኧጎይታ ሰቭ ሰሲቭተ እማት ዪንአኔን።
+\v 53 በህም ኧቫአ ሁኖዋ ተሀ ቀረ ቆነሺታ ዮኦትሪ አጩም ተረሾም ።
+
+\v 54 ተሀ ቀረ ቀጥወ ኢየሱስ በዩሁዳ ሰቭ ግት ኧዉየመኋ ዌኧተ አገፓዳ፥ዘጋኋ ጭን ተሀይ ዋአታ ወረ በቨረሀ ምዬ ባነዳ ኤፍሬም ቢዩሪዳ ቃያ በሃይ ተተማሪሞኋ ኤከሰ።
+\v 55 ኧዩሁዳ ሰቪ ኧፋሲጋ ሙርአ ማኣ ሰንአ ባነደ ፥ኖኦራመሁኖዋ ኧፋሲጋ ሙርአ ታይሰርኣ ኢፍቲ ፥ኖኦራ ሰቭ ኧውጠርት ቂጫ ኢጀፑሩዋይ ኖኦራ ሰቭ ተገኜ ኧኢየሩሳሌም ከተማይ ዎኦም።
+
+\v 56 ሁኖም ኧኢየሱስ ኢሱኢ ባነደ ፥በቬተመቅደስ ተሸኮምታንዳ “ምር ኢቨስርሁዋ ሁዳ ኧዋ ባዓል አይቫአካ ኢህርሰዪ?”ቱዩሩዋ ሁኖም ተሁኖም ኢዝረኩዋ ባንደ።
+\v 57 ኧካህን አላቃዪ ኧፈሪሳ ሰቭ ኧኢየሱስ ኢጠጪ ኧቲ አንነኸ ኢሂርካ ሰቭ ኢችቅቨኸ ትዛዝ አውም ባነደ።
+
+\c 12
+\p
+\v 1 አአይሁድ ኧፋሲጋ ሙርአ ያኮቡሪ ስድስት ቀረ ቲተርፍኩዳ ኢየሱስ ቢታኒያ ማአ፤ ቢታኒያ ኢየሱስ ተውንድ ኧረሳን አላአዛር ኢረቭርወ ኧረፐረ ቃያን።
+\v 2 በህሜ ኧርቫድ ኤፖውነ ፤ማርታቭ ባሀይ ቲድር ባነደ፤ ተኢየሱስቭ እማቲ ኧርቫድ ኢወርኦዋይ ተቸኖዋ ሰቭ አት ሁዳ አላአዛር ባነደ።
+\v 3 በህም ግዝየ ማርያም ዋጋኋ ቡሼኤኸ ኑድ ኧኸረ ተናርዶስ አጣወሪ ኧሊትር ግት ኢኸርካ አት ብርቃጥ ሽቶ ወሰደችታ ኧኢየሱስ ኧግርኋ ሟሸቸን፤ ተህም ቀጥወ ኧግርኋ በጉንኧርሻ ሙሻሸቸን፤ቢድቭ ሁዳ በሽርቶ ሽትነድ ጥርቅም ባረ።
+
+\v 4-5 ተኢየሱሲ ተማሪ አት ሁዳ ፥ኧኢየሱስ ኤኤተ ያአይፕርኩዳ አስቆሮንቱ ይሁዳ፥ ዋ ሽርቶ አሰየቶዊታ ዋጋኋ ኧዚጋ እናውዮዋባ? ቢያስሬ ሶኦስት በኧር ያአ ባነደ »ባረ።
+\v 6 አስቆሮንቱ ዩሁዳቭ ዋዳ ኧቫረ ሁዳ ውረ ዚጋ ሁኖዋ አብጥጭተዊታ ታይኸር ፥ገግኋ ፈገያ ኧረፐረዴ፤ኧፈራክ ቦርሳ ኢጠትካ ሁዳ ኧረፐሬ ኧኸሬ ፥ቦዎርሳ ሁዳ ባወኔ ፈራክ ኧስሩእት ንወሸ ባነደ።
+
+\v 7 ኢየሱስቭ «ሂዳ ኧሪሳኛ ኢዋሺዳ ሽርቶ ታንዎድ ዋአካ በተረች ኧዋሸቸዪ ኧኸሬ ቴእካ» ባረን።
+\v 8 ኢየሱስቭ ዚጋ ሁኖዋ እንእ ግዝየ ታሁም ኢረውሩዋ ፤ኢያ ጭን ኧቀሪየጋ ባሀሬ እንእ ግዝየ ታሁዋ አነቭርካ» ባረ።
+
+\v 9 ህም ግዝየ አአይሁድ ገኘ ሰቭ ኖኦራሁኖዋ ኢየሱስ ኧቪታኒያ ገኘ አነኸ ኋርምታ፥ኧሁዳይ ሞኦም፤ ኧዎኦምቭ ሁዳ እማት ኢየሱስ ያዡዋይ ታይኸር፥ኢየሱስ ተውንድ ኧረንሳን አላዛር ያዡዋይ ቲዩሩዋ ባነደ።
+\v 10 ብእም ኧቫአ ኧካህን አላቃ አአላዛር ዮኦትሪ አትዋቾም ።
+\v 11 እመኸ አትዋቾዋ ሁዳ ባአላዛር ኧቫአ ኖኦራ ኧይሁዳ ሰቭ ዳኘሁኖዋ ቾኦውምታ በኢየሱስ ያአውሩዋ ኧረፐረዴ
+
+\v 12 በቨረጋሞኋ ኧፋሲጋ ሙርአ ኧዎኦዋ ኖኦራ ሰቭ ኢየሱስ ኢየሩሳሌም ኢቫአይ ኧተረሳኸ ሶምኦም።
+\v 13 ኧዛምባአቭ እንዝር ጦቦጩምታ ኧሁዳ ኢቴኤፖሪ ዎኦም፤ሰቭ ሁኖዋ « ቃርሁኖዋ ነሾምታ ሆሳእና በጎይታ ሹው ኧቫ እእስራኤል ንኩስ ኧዳረዳናአር» ቧርም።
+
+\v 14-15 ኢየሱስ እእቫር ገንገር ነከቨታ በህዳ ፎር ቸና፤እመዳቭ ኧኸረ ሁዳ ፥ « የሩሳሌም ከተማ እፈኘኸ ፤ ኧዥ ንኩሳኸ ብእቫር ገንገር ቸና ኢቫአ» ቧርም ኧጣᎉ ትንቢት ውረ ኢኸርኔ።
+
+\v 16 ተማሪሞኋ ዋዳ እንእ ኧሀ ኢፍቲ አᎆሰሩዋ ባነደ፤ኢየሱስ በክብር ኧሳቫዪ ቦዋአ ቀጥወ ዋ ኤፖዊ ሁዳ እንእ ኧሁዳአር በመጣፍ በጣᎉ አይነት ኧኸረኸ ዘኮጁም።
+
+\v 17 ኢየሱስ አአላአዛር በሞገማ ከሲ ኸናታ ተውንድ ነሳ አዋአን ግዝየ ፣ተሁዳ እማቲ ኧረፖሩዋ ሰቭ እንእ ፥ ኧኢየሱሳአር ኢኢጁዋ ባነደ።
+\v 18 ኖኦራ ሰቭ ኧኢየሱስ ኢቴኤፖሪ ኧዎኦዋ ሁዳ ፥ ዋ ወግ ዘንጋ ኧሶምኦዋይ ባነደ።
+\v 19 ሀ ግዝየ ኧፈሪሳ ሰቭ ሁኖም ተሁኖም « ኦዡዋ ሰቭ እንእ ኧሁዳ ተሄተረን» ኢና አታአር ኦንኧት አኸረንረኸ ታዡዋ? ተዌዌርም።
+
+\v 20 በውርአ ቀረ ኧጎይታ ኢሰጉጁዋይ ኢየሩሳሌም ከተማ ተዎሩዋ ሰቭ አታት ኧግሪክ ሰቭ ባነውተ።
+\v 21 ሁኖም በገሊላ ገኘ ኧቤተ ሳይዳ ከተማ ምስ ኧፊልጶሲ ቴኤነቨታ ፥ «ጌታንሮ ኢየሱስ ናዥኔዪ ንሲኢነ » ቧሪ።
+\v 22 ፊሊጶስቭ ወረ እእንድርያስ ኤኤደን፤እንድርያስቪ ፊልጶስቭ ዎርምታ ኧኢየሱስ ኤኤጂ።
+
+\v 23 ኢየሱስቭ « ትከ ኢከብርወዳ ወቅት ሰንአ፣ ባረኖም።
+\v 24 ኧውረመኛ እሁዋ ስኔኧ ባአፈር ውዴእተ ባሞደ ኧወጣኋ ኢቸና፤ በዎደ ጭን ኖኦራአር ኢኸር፤
+
+\v 25 ነፕሲያኋ ኢረንድካ ሰቭ እንእ ነፕሲያኋ ያአይ፤ በዋ አለም ነፕሲያኋ ኢጠራካ ሰቭ ጭን ኧዘላለም አያ ኢኸር።
+\v 26 ኢያ ያጌኪሪ ኢሲኢካ ሰቭ ፥ ኢያ ኧትሄተሬ ኧኸሬ ኢያ ባነሁወዳ ኤኤዲ ሁድቭ በሀይ ኢረቭርኴ፤ ኢኢያ ያጌኪሬዳ ሰቭ አቭ ያጌኪር » ባረኖም።
+
+\v 27 ሀአቨ ኢየሱስ «ዋአካ ነፕስኛ ተጨነቀ፤ምር ንቫር አባኞ ተዋ ግዝየ ነፕስኛ አትርፌ ንቫሪ? ሀኸ ባንሪ ጭን ፥ኢያ ኧቫአሁ ሁዳ ቦዋ ግዝየ ዋ መከራ ኧቴኤፐኔ።
+\v 28 «እባኖ ሹዋኸ አክብርኩ፤»ባረ። ህም ግዝየ ኢያቭ ሹውኛ አከብርኩዴ፤ዋአካ አከብርኩዴ»፤ ይካ ቃር ተሳቫይ ማአ ።
+\v 29 በህመኸ ኧረፖሩዋ ሰቭ ዋ ቃር ሶምኦምታ « ሳቫይ እግቨከቨ »ቧርም፤ ኧኛሞሁኖዋ « መላአይካን ኧዝሬከ »ቧርም።
+
+\v 30 ኢየሱስ ጭን « ዋ ቃር አሁዋ ቲይር ማአ ፤ ባሀሬ ኢኢያ አኸረንዳ ፤
+\v 31 በዋ አለም ሰቭ ኢተርፉወዳ ዋአካን ፤ኧዋ አለም ዳኘ ሼጣን ሰቻይ ኧኝኧቶ ኢቋሺዳ ዋአካን።
+
+\v 32 ኢያ ጭን ቤኧ ፎር ትንትሰኧርካ ሰቭ እንእ ኢያይ ኢቫአኸ ኢንአኴ» ባረ።
+\v 33 ኢየሱስ ዋ ቃር ኧዝሬከ ሁዳ በቭር አይነት ሙድ ኢዎደኸ ያትሄኔ።
+
+\v 34-35 ሰቭ ሁኖዋ በውሴ ቂጫ ኧጣፈ ‹ ክርስቶስ ኧዘላለም ኢረቭርኴ› ይካናአር ፤ባቴ አኸ ኧተኸ ኧሰቭ ትከ ኧትሶኦርት አንወ ትር? ኧሰቭ ትከሁ ማንተን?»ቧሪ።ኢየሱስ ዋአካ ኧቀሪመጋ ብርሀን ሁዳ ታሁዋ አነ ባሁዋ ጠነባቫ ባይኸርዎሁዋይ ፣ብርሀን ታነ በብርሀን ንወሩዋ፤በጠነቫ ያርካ ሰቭ ጭን ያርኬኤዲ አይሂርካ።
+\v 36 አሁዋ ኧቭርሀን ዴንጋ ትሆሩዋይ ብርሀን ሁዳ ታነ በቭርሀን ኧዎሩዋ» ባረኖም፤ኢየሱስ ዋዳ ዝሬከ ቲጀፕርካ ኧዋረ ኧገፓ ኤኤዲ ቦኮሪ።
+
+\v 37 ኢየሱስ ዋ ወግ ዘንጋ ቢኢፍትሁኖዋይ ቢንአቭ ኧይሁዳ ሰቭ በኢየሱስ አናአሞርታ።
+\v 38 እመዳቭ ኧኸረ ሁዳ «ኢሳያስ ጎይታኞ ኢና ኤኤድኔ ሁዳ ማን አመረ? ኧጎይታ ደረግ ኧቫን ተረከቨን? »ኧቫረን ቃር ውረ ኢኸኔ።
+
+\v 39 ህመኸቭ ኢሳያስ ዋኸ ኧቫሬ አናአሞሪዴ፤
+\v 40 ቤኤርሁኖዋ ኧዥተውዋ ፣ በሂንሞሁኖዋ በሲቶውዋ አይድዦፖሩዋመኸዪ፣ አይፈዝኮመኸ ጎይታ ኤርሁኖዋ አፈጠኖም፤ሂንሞሁኖዋ አተፓን።
+
+\v 41 ኢሳያስ ዋዳ ኧቫረ ሁዳ ፥ ኧኢየሱስ ክብር አሸዴ፤እመኸ ኧኸሬ ኧኢየሱሳአር ዝሬከ።
+\v 42 ቢኸርቭ ተይሁዳቭ ሰቭ ዳኘ ስን ኖኦራሁኖዋ በኢየሱስ አሞሩም፤ ዘንጋ ጭን ኧይሁዳ ሰቭ ቲደሞጁኰዳ ቢድ ባያዎኦዮዋይ ኧፈሪሳ ሰቭ ፈኞምታ በኢየሱስ አአሞሩዋኸ አአት ሰቭ አኔኤጅታ።
+\v 43 እመኽ ኤፖውዋ ሁዳ ሁኖዋ ተጎይታይ ቲረሁዊዳ ክብር ኢረእ ተሰቪ ኢረሁዊዳ ክብር ኧሴኤውቴ።
+
+\v 44 ኢየሱስቭ ቃርኋ ነሳታ « ቢያ ያአቭርካ እማት ቢያ ታይኸር በኬሽዪ ሁዳ ያአቭር፤ ባረኖም።
+\v 45 ኢያ ያዥካ ሰቭ ኧኬሼዪ ሁዳ ያዥ፤
+
+\v 46 ቢያ ያአቭርካ ሰቭ በጠነቫ ባያሪ ፥ኢያ ኧዋ አለሚ ብርሀን ኸርሁ መአሁ።
+\v 47 ቃርኛ ሲቭኧተታ ባይቴኤዘዝ ሰቭ ኧፈርድወዳ ኢያ አኸርኋ ፤ ኢያ ኧቫአሁ ሁዳ ኧዋ አለም ሰቭ ተቫጢርኋ አቨጥርኔ ባሀሬ ኧፈርዲ አማአኋ።
+
+\v 48 ኢያ ኢቀርጥካቪ ቃርመኛ አይቴኤፐር ሰቭ ፥ ኢፈርድወዳ አነ፤ ኢያ ኤኤድሁን ቃር ዘቨር ቲይርእካ በሁዳ ኢፈርድወዴ፤
+\v 49 ኢያ በገግኛ ደረግ አንዝሬከኋ፤ ኢያ ኧዝሬኩዳ ቃር ኧኬሼ አቭ ኤኤዘዜዳናአር።
+\v 50 ኧጎይታ ትዛዝ ኧዘላለም አያ ዬቨኸ ኧሂር፤ በህም ኧቫአ ኢያ ኧዝሬኩዳ ቃር አቭ ‹ ዜንግ ባረ ኤኤዘዜ› ቃርን»ባረ።
+
+\c 13
+\p
+\v 1 ግዝየሞኋ ኧይሁዳ ኧፋሲጋ ሙርአ ኢፍቲ ባነደ፤ኢየሱስ ቴእተታ አአቭ ጎይታይ ያርወዳ ግዝየ ኧሰንአኸ ሀረ፤በዋ አለም አነውታ ኧገጓኋይ ሰቭ እንእ ግዝየ ኢረንድኮዋ ባነደ፤ኧቀጥዎሞኋ ስን ኧሁኖዋ ነመደኖም።
+\v 2 ኢየሱስ ተተማሪሞኋ ኧርቫድ ኢዎርኦዋ ባነደ፤ ኧስምኦኒ ኧች አአስቆሮንቱ ይሁዳ ኧኢየሱስ ኤኤተ ኧጠራት ያአይፕርኲ ሼጣን ንሳሳን ባነደ።
+
+\v 3 አቭ ጎይታ ዳኝነድ እንእ ኧኢየሱስ አቨነኸዪ ተጎይታይ ኧቫአመኸ፤ተዣቨይተ ኧጎይታሜ ያረኸ ኢየሱስ ገግሞኋ ኢሂር ባነደ።
+\v 4 በህም ኧቫአ ተሸረድ ተረሳ ሁጅርኋ አወናታ ፎጣ ነሳ በራቫኋ አማንደ።
+\v 5 ተህም ቀጥወ በቨታጠቢያ እሀ ገታታ ኧተማሪኋይ ኧግር ኧእውት ቀነሰ ።
+
+\v 6 ኢየሱስ ኧስምኦን ጴጥሮስ ኧግርኋ ያእኲ ቢቫአ ፥ስምኦን ጴጥሮስ « ጌታኞ አኸ ኢያይ ኧግር ታእቪ?» ባረን።
+\v 7 ኢየሱስ « ኢያ ኤኩዳ ሁዳ አኸ ዋአካ አትሂርካ ፤ ኧቀጥወ ጭን ትሀርሴ » ባረን።
+\v 8 ጴጥሮስቭ «አይኸርካ አኸ ኢያይ ኧግር ስርም አታእካ » ባረን።ኢየሱስቭ ባናኧከሁ ቲያ አት ሟር ኤኤነነኸዳ ባረን።
+\v 9 ስምኦን ጴጥሮስቭ «ጌታኞ ህሸኸ በኸረ እማት ኧግርኛ ታይኸር ኧጅመኝዪ ጉንኧርመኛ ኧእቬ» ባረን።
+
+\v 10 ኢየሱስቭ «ምስየኋ ኧታኧቨ ሰቭ እንእ ኤኤድኋይ ኧቨጠረዳናአር ፤ ኧታኧውት አኖዳ ሁዳ እማት ኧግርኖኋ ።አሁዋ መጠርሁም ፤ ዘንጋ ጭን ባሁዋ ግት አመጠረ ሰቭ አነ» ባረኖም።
+\v 11 ኢየሱስ «ባሁዋ ግት አመጠረ ሰቭ አነ » ኧቫርረ ሁዳ አዋአ ኧጠራት ያአይፕርኩዳ ማን ኧኸረኸ ኢሂር ኧረፐረዴ።
+
+\v 12 ኢየሱስ ኧተማሪኋ ኧግርሁኖዋ ባኧቨኖዋ ቀጥወ ኤኤድኋይ ማአ ቸና፤እምመኸቭ ባረኖም « ኢያ አአሁዋ ምር ኤፐንነኩዋኸ ሀርሁሚ?
+\v 13 አሁዋ <አስተማሪቪ ጌታቭ ቱርኝ፤ ኧውረምናሁዋ፤ አሁም ቱርኝመኸ አስትተማሪቪ ጌታምንሁ።
+\v 14 ኢያ ጌታማሁዋዪ አስተማሪማሁዋ በኸርሁሜ ኧግራሁዋ ባኧሁጋ፥ህመኸ አሁም ገግ ተገጋሁዋ አታሁዋ አአታሁዋይ ኧግር ኧኡዋ ።
+\v 15 ኢያ አሁዋ ኤፐነኩዋመኸ አሁም ህመኸ ቲንኦዋኸ መርኸት አወናነኩም።
+
+\v 16 ኢየሱስቭ ኧውረመኛ ኢኢድሁዋ አገልጋይ ተጌታኋ አይረእካ፤ኪሸረኘቭ ተኬሸን ሰቭ አይረእካ፤
+\v 17 አካ አሁዋ ዋዳ ሀይተሁዋ ብቲንኦኰ ኧዳርሁዋታንሁዋአር።
+\v 18 ኢያ ዋዳ እካ ሁዳ እንአሁዋአር አኸረንንዳ፤ ኢያ ኧሸፐትሁኖዋ ሁኖዋ ኧሂርኮዋ፤ዘንጋ ጭን ‹በኧጅኛ ኧቭንአ ሁዳ ቢያ ጠራት ኸረ ተረሳቪ› ኧቫረ ኧቨጣፍ ቃር ውረ ኧሁርት አነወ።
+
+\v 19 ተዋዳ እንእ በተርሁ ዋአካ ኢኢድሁዋታ ሁዳ፥ዋዳ እንእ ቲትቾድካ ኢያ ማን ኧኸርዀኸ ታአውሩዋይ ኤኤድኩም።
+\v 20 ኧውረመኛ እሁዋ ኢያ ኧኬሸሁን ሁዳ ኢቴኤፐርካ ሰቭ ኢያቭ ኢቴኤፐር ፤ ኢያቭ ኧቴኤፐረ ሁዳ ኧኬሼ ሁዳ፤ ኢቴኤፐር» ባረኖም።
+
+\v 21 ኢየሱስ ዋዳ በቫረ ቀጥወ በሂንኋይ ተጨነቀታ «ኧውረመኛ እሁዋ ታሁዋ አት ሁዳ ኧጠራት ኤኤተ ያአይፕሬዴ » ባረ ዝሬከ ።
+\v 22 ኧኢየሱሲ ተማሪ ኢየሱስ ዋ ቃር ኧቫን ኧዝሬከኸ አኋሩዋይ ኧኸሬ ሁኖም ተሁኖም ታሾም።
+
+\v 23 ኢየሱስ ኢረንድኩ ኧረፐረ ተማሪኋ ኧኢየሱስ ምዬ ቴኤነቨ ቸና ባነደ።
+\v 24 ስንኦን ጴጥሮስቭ ኧዋ ኧኢየሱሲ ተማሪ መርኸት አቴሸ ቋቈሰንታ «ኧቫናአር ኧዝሬከኸ ተሳአርኩ» ባረን።
+\v 25 ኢየሱስቭ ኢረንድኩ ኧረፐረ ተማሪ ኧኢየሱሲ ኤፐ ቴኤነብንታ « ጌታኞ ሁዳ ማንተን? »ባረ ተሳአረን።
+
+\v 26 ኢየሱስቭ «ዋ ኧዌጠሺ እንጀራ ቦዎጥ ጬፈሁ አቸፍርኩዳ ሁዳን» ባረን፤ ተህም ቀጥወ ኧዌንጠሺ እንጀራ ቦወጥ ጬፈ ነሳታ ኧስምኦኒ ኧች አአስቆሮቱ ይሁዳ አቸፈረን።
+\v 27 ይሁዳቭ እንንጀራ ሁዳ ቴኤፐረታ ተቸፈረንመኸ ሼጣን በሁዳ ገፓ ፤ ኢየሱስቭ ኧይሁዳ «ካች ባር! ቴካአር ኧንአ» ባረን።
+
+\v 28 ኢየሱስ ኧይሁዳ ኧቫረነኸ ሸረድ ኢዎርኦዋይ ኧቸኖዋ ሰቭ አትዎሁኖዋ አᎆሰሩዋታ።
+\v 29 ሁዳ ኧፈራክ ቦርሳ ኢጠጥ ኧረፐሬ ተተማሪኋ አታትሁኖዋ «ኧውርአንራ ያትኬሸንረዳአር ሰየ ዌ« ኧዚጋ ዋጋ አቭ » ይኩዳአር መሰረኖም ባነደ።
+\v 30 ይሁዳቭ እንጀራ ሁዳ ቴኤፐረታ ቸኧ ወረ፤ ወቅትሞኋ ኧዳር ባነደ።
+
+\v 31 ይሁዳ ቸኧ ተወረ ቀጥወ ኢየሱስ ዋኸ ባረ፤ «ዋአካ ኧሰቭ ትከ ከበረ፤ ጎይታ በትከኋይ አጋድ ኢከብርኴ፤
+\v 32 ጎይታቭ በሁዳይ አጋድ በትከበረ፣ ጎይታቭ ትከኋ በሁዳይ ያከብርኩዴ፤ ህመጋ ያከብርኩዴ ።
+\v 33 ዴጋኞ ታሁዋ ኢኢክስካሁዳ ቀሪ ግዝየን፤ አሁምቭ ኢኢያ ትሱኡኝዴ፤ ኧይሁዳ ሰቭ ‹ኢያ አርወዳ ኤኤዲ አሁዋ ትዎኦዋይ አይኸነሁዋታ> ፤ኧቫሁኖመኸ ፥ዋአካቭ አሁዋ ህመኸ እሁዋ።
+
+\v 34 አሁም ታሁም ትትራሞጁዋኸ ወያ ትዛዝ ኢሁዋ፤ኢያ አአሁዋ ኧረመድኩዋመኸ አሁም ታሁም ኧትራወጅት አነዎሁዋ።
+\v 35 አሁም ታሁም ብትራሞጁዋ ሰቭ እንእ ኢያይ ተማሪ ኧኸርሁዋኸ በሁዳ ይሀርሴ» ባረኖም።
+
+\v 36 ስምኦን ጴጥሮስ ኧኢየሱስ «ጌታኞ ኧቲ ታርኴ?» ባረ ተሳአረን ፤ ኢየሱስ ዋአካ ኢያ አርወዳ ኤኤዲ ትትሄተረዪ አይኸነኸዳ፤ኧቀትወ ጭን ትትኸተሬሴ» ባረን።
+\v 37 ጴጥሮስቭ ጌታኞ ዋአካ ታኸ ኧቫአይ ኧቭር አይኸኒዳ? አአኸ ትንር ነፕስመኛ ቢኸር ኤኤቶሁ አአይፕርኴ» ባርብን።
+\v 38 ኢየሱስቭ « አኸ ኢያ ባይተኸ ነፕሳኸ ኤኤተኸ ታአይፕርኴዪ? ኧውረመኛ እኸ ኩታራ ተሮእትኋ ኢፍቲ ሶኦስተጋ ትኸዳይዴ» ባረን።
+
+\c 14
+\p
+\v 1-2 ሀአቨ ኢየሱስ «ሂናሁዋ አይጠነቅ በጎይታ ኧዎሩዋ ፤ ቢያቭ ኧዎሩዋ፤ባአባኛይ ቢድ ኖኦራ ኢረውርኰዳ ኤኤዲ አነ፤እሸኸ ታኸረ አሁዋ ኤኤድ ኧጌኪሪ አርኴ ባንባኩዋታ ።
+\v 3 ሆይተሁ ኤኤድ በጌኬንድኩዋ ቀጥወ ኢያ ባነሁወዳ ኤኤዲ ቲያ እማቲ ትረውሩዋይ ተዣበይተሁ ሜኤተሁታ ኧወስትሁዋቴ።
+
+\v 4 ኢያ አርወዳ ኤኤዲ መያኋ አሁም ትሂሪ።
+\v 5 ቶማስቭ ጌታንሮ አኸ ኧቲ ታረኸ ኢና አንሂነዳ፤ ባቴ መያኮኋ ኧተኸ ንሀኔሴ?» ባረን።
+\v 6 ኢየሱስቭ « መያ ፣ ውረቪ አያቭ ኤካ ኢያትንሁ፤ ቢያይ አጋድ ባሀሬ አአቪ ኢቫአካአር አትዎኋ ኤነዳ።
+\v 7 ኢያ ተሀርሁኝ አባመኛ ትኋሪ ባነደ። ተዋ ቀጥወ ጭን ትኋሪሴ» ባረኖም።
+
+\v 8 ፊልጶስቭ « «እማት አቭ አተሸንረታ ኢቃንረሴ» ባረን።
+\v 9 ኢየሱስቭ « ፊልጶስ! ዋጣካ ቀረ ታሁም ትነቭር አትሂሬዳ? ኢያ አሸ ሰቭ አቭ አሸ፤ ባቴ አኸ ኧተኸ <አቭ አተሸንረ ትሬ>?
+
+\v 10 ኢያ ባአቭ አነሁመኸ፣ አቭ ቢያ አነኸ አታአውርታ? ኢያ አአሁዋ ኤኤድኩዋ ቃር ኧገግኛአር አኸረንዳ፤ዘንጋ ጭን ቢያ ኢረቭርካ አባኛ ፥ኧገግኋ ሜና ቢያ ኢንአ።
+\v 11 ኢያ ባአቭ አነሁመኸ፣ አቭ ቢያ አነኸ ኧወርኝ፤ ኧኛአር ቢደፋ ሜናኛ ኦዥሁም ኦወሩዋ።
+
+\v 12 ኧውረመኛ ኢኢድሁዋ ቢያ ያአቭርካ ሰቭ ፥ኢያ ኤካአር ሁድ ዬኴ ፤ኢያ አአቪ አሪ ኧኸሬ ትእም ኢረእካአር ዬኴ፤
+\v 13 አቭ በትከኋይ አጋድ ኢከብረኸ አሁዋ በሹኛ ትሶኦሪዳ ሁዳ እንእ ኧንአኩሴ።
+\v 14 ማንእያአአር በሹውኛ ብትሶኦሩዋ ኢያ ኧንአኩሴ።
+
+\v 15 ትረንጅኝ በኸረ ትዛዝኛ ኦሮዋ።
+\v 16 ኢያቭ አአቭ ኧሳአርኩሴ፤ ሁድቭ ኧዘላለም ታሁዋ እማቲ ኢረቭርካ መካሪ ኢከሽነሁዋሴ።
+\v 17 እም መካሪ ኧውረ መንፈስን፤ ሁድ ኧዋ አለም ሰቭ አያዥኩቪ አይሂርኩቭ ኧኸሬ ኢቴኤፐርኲ አይኸነዳ፤ አሁዋ ጭን ሁዳ ታሁዋ እማቲ ኢረቭሪ ኧኸሬ፣በሂንማሁዋ ኧኸሬ ትሂሪ።
+
+\v 18 አቭ ታአዶድ ኤነኖዋ ዴንጋኸ ኧኦጣሁዋ አንችእሁዋታ ፤ አሁሜቭ ኧቫአኴ።
+\v 19 ተቀሪ ቀረ ቀጥወ ኧዋ አለም ሰቭ አያዤዳ፤ አሁዋ ጭን ታዥኝዴ፤ አያ ሂንተሁ ኧረቭሪ ኧኸሬ አሁም አያ ሂንተሁዋ ትረውርቴ ።
+\v 20 ኢያ ባአባኛ አንሁመኸ አሁም ቢያ አነሁዋመኸ ኢያቭ ባሁዋ አነሆኸ ሀ ቀረ ትሂርቴ።
+
+\v 21 « ኢያ ኢረንዴዳ ሰቭ ትዛዝኛ ቴኤፐረታ ኢቴኤፐርካ ሰቭን ፤ ኢያቭ ኧሁዳ ኧረድኩ፤ ገግመኛ ኧሁዳ አትሄርኩ።
+\v 22 አአስቆሮንቱ ገኘ ይሁዳ ታይኸር ፣ኧኛ ይሁዳ ዩሪንዳ ምስ ኧኢየሱስ « ጌታ ጌታኞ ኧዋ አለም ሰቭ ታይኸር ኢኢና አኸ ገጋኸ ትትረከቨንረዳ ሁዳ ኧተኸትን? »ባረን።
+
+\v 23 «ኢየሱስቭ ኢረንዴዳ ሰቭ ቃርኛ ይእየ ፤አባመኛ ይረንድኩ፤ኢናቭ ኧሁዳይ ሜኤተነታ ተሁድ እማቲ ንረቭነዴ።
+\v 24 ዋአካ ታሁዋ እማቲ ታነሁ ዋ ዘንጋ እንእ ኤኤድኩም፤
+
+\v 25
+\v 26 አቭ ቢያ ሹው ኢኬሽኩዳ መንፈስ ቅዱስ ጭን እንእአአር ያትመርሁዋሴ፤ኢያቭ አሁዋ ኤኤድኩዋ ሁዳ እንእ ያዝግድሁዋሴ።
+\v 27 ሽኛትቭ ኧችእነሁዋቴ፤ ሽኛትመኛ ኢሁዋቴ ፤ኢያ ኢሁዋታ ሽኛት አለም ኢሁዋታ ሽኛተሀአር አኸረንዳ ፤ሂናሁዋ አይጠረቅ አትፍረውም።
+
+\v 28 ዋአካ ኢያ አርኴ፤ ተዣቨይተሁ አሁዋይ ኧቫአኴ ፤> ትንካ ሰምአሁም ፤አባኛ ቲያ ኢርረኢ ኧኸሬ ፥ኢያ ኧረመድሁኛአር ተኸረ ፥ኢያ አአቪ በሆርትኛ ኢሳርሁዋ ባነደ።
+\v 29 ዋዳ ቲኸርካ አሁዋ ታአውሩዋኸ በተርሁ ኤኤድኩም።
+\v 30 ኧዋ አለም ዳኘ ኧኸረ ሼጣን ኢቫአይ ኧኸሬ ተዋ ቀጥወ ታሁዋ ኖኦራአር አንዝሬካ፤ ሁዳ ጭን ቢያ ፎር አታአር ዬቪ አይኸነዳ።
+\v 31 ቢኸር ኢያ አአቭ ኧረንድኩመኸ ፣ በዋ አለም አነውታ ሰቭ ኢሂሩዋይ ፣ አቭ ኤኤዘዜያአር እንእ ኤኴ፤ተሾዋ ተዌኤዲ ንሆነ» ባረኖም።
+
+\c 15
+\p
+\v 1 ኧዉረ ኧኸረ ኧዌይን ግንድ ኢያትንሁ ቻዋጅምኋ አባነኛ ።
+\v 2 ቢያ አነዳ ቡስር አያፎይ አጤ እንእ አባኛ አንጠ ኢቃሽኩ ፥ቡስር ያበቨሰረካ አጤ እንእ ኢረእ ቡስር ያፎየኸ ኢቅረንጥስኩ ።
+
+\v 3 ቴኤድኩዋ ቃር ኧቫአ አሁዋ ዋአካ ሙጭርንሁዋ።
+\v 4 ቢያ ኑዎሩዋ ኢያቭ ባሁዋ ኧምበርሴ፥ አጤ በወይን ግንድ በኸረ ባኸሬ ኦጣኋ ቡስር ያፎዪ አይኸነመኸ ፥አሁም ቢያ ባነፐርሁዋይ ቡስር ታፎሩዋይ አይኸነሁዋታ።
+
+\v 5 ”ኧዌን ግንድ ኢያትንሁ ፥አሁም አጤንሁዋ ፥ ማንኢሞኋ ቢያ ቢረቭር ኢያቭ በሁዳ ብነቭር ሁዳ ኖኦራ ቡስር ያፎይ ፥ኢያ አይቫር ጭን አታአር ኦንኧት አይኸነሁዋታ።
+\v 6 ቢያ አይረቭር ሁዳ አንጩም ቃሸዊዮምታ ኢደሩእታ አጤነኸ እም አጤ ቁጥቁጥ ኤፖም ብእሳድ ኢዌክሪዮዋ ።
+\v 7 ቢያ ብትረውሩዋ ቃርመኛ ባሁዋ ቢረቭር ፥ ትሱኢዳ ማንየ ዘንጋ ሳአሩዋ ያኩዋሴ ።
+
+\v 8 ኖኦራ ቡስር ትታፎሩዋታ ኢያይ ተማሪ ኧሁርታሁዋ ብታቲሹዋ በዋዳ አቦኛ ኢከብር ።
+\v 9 አብ ኢያ ኧረመዴኸ ኢያቭ አሁዋ ነመድኩም ፥ህመኸ ኧኸሬ በርመ ኑዎሩዋ ።
+
+\v 10 ኢያቭ አአቦኛ እዝዝ ቴኤዘዝሁ ኢንአመኸ በርማጀመኋ ኧረቭርመኸ አሁም እዝዝኛ ብቴኤዘዡዋ በርመጀኛ ትምቦሩዋሴ።
+\v 11 ኢያ ዋዳ ኤኤድኩዋ ቢያ አነዳ ኧሳርት ባሁዋ ኢረቭርመኸዪ ኧሳርትማሁዋ ሙርአ ይኸርነኸ ።
+
+\v 12 ኢያይ እዝዝ ኢያ አሁዋ ኧረመድኩዋኸ አሁም ገግ ተገጋሁዋ ትትራሞጁዋነኸ ።
+\v 13 ሰቭ ነፕሲያኋ ኤኤተ አአቦጎዳኋ ኤኤቶ ታአይዉርት ኢይረእካ ኤኛ ንመጀ ኤነዳ ።
+
+\v 14 ኢኢዝዝሁዋታ ሁዳ ብቲንኦዋ አሁዋ ኢያይ ናማጂንሁዋ ።
+\v 15 ሜነኘ ያረቭርኩዳ ምስ ኢንአኩዳ አአር አይሂሪ ኧኸሬ አጀሁዋ ተዋቀጥወ ሜነኘ አንሁዋታ ፥ዘንጋኋ ጭን ተአቦኛ ኧሰምአሁን ሁዳ እንእ አሁዋ ኤኤድኩዋይ ኧኸሬ ናማጂኛ ባኩም።
+
+\v 16 ኢያ አሁዋ ሸፐትኩም ባኸሬ አሁዋ ኢያ አሸፐትሁኝዳ ፥ ታሩዋሜዪ ቡስርቭ ታፎዩዋይ ቡስርማሁዋ ኢረቭሪ ሸፐትኩም ፥በህም ኧቫአ አሁዋ በሹቩኛ ትሶኦሪዳ ሁዳ እንእ አቭ ያሁዋሴ ።
+\v 17 ኢያይ እዝዝ አሁምታሁም ትትራሞጁዋነኸ “ባረኖም ።
+
+\v 18 ዠፐረ ኢየሱስ ዋኸ ባረኖም “ኧዋ አለም ሰቭ ቢጠሮኩዋ ታሁዋ ኢፍቲ ኢያ ኧጠኖኘኸ ኋሩዋ ።
+\v 19 አሁዋ አአለም ሰቭ ተኸርሁዋ፥ ኧዋ አለም ሰቭ ኧገግሁኖዋ አአር ኧሆሩዋ ሰቭ ኢረጁዋኸ ኢርዎጅኩዋ ባንደ ፥ታአለም ባይተርሁ አዋአኩዋይ ኧኸሬ አሁዋ ኧዋ አለም ሰቭ አኸርሁዋታ፤ኧዋ አለም ሰቭ ኢጠሮኩዋታ ሁዳ በሃ ኧቫአደ።
+
+\v 20 ሜነኘ ቲያረቭርኩዳ ምስ አይረእካ ባሁ ኧዝሬከኩዋ ዘንጋ ኧትዘገድሁዋ ፥ኢያ አትሳተጅኝ በኸረ፣ አሁም ያትሳትጅኩዋቴ፤ ኢያቭ ኤኤድሁኖዋ ቃር ብእራውዋ፥ አሁም ቲኢጂዮታ ቃር ዮኦሮዋሴ።
+\v 21 ኧኬሼ ሁዳ አይሂሪ ኧኸሬ ቢያ ኧቫአ ዋዳ እንእ ዪንኦኮኩዋቴ ።
+\v 22 ኢያ ሜኤተሁ ታኔኤድኩዋ ባጢር ባኸረዎታ፤ ዋአካ ጭን ኧቫጢርሁኖዋ ያፎድርኮዳአር ኤነኖታ።
+
+\v 23 ኢያ ኢጠራካ አአባመኛ ኢጠራ፥
+\v 24 በግትሁኖዋ ኤኛ ሰቭ አኔፕን ሜና ባኒንአ ባጢር ባንኸረዎታ፤ ዋአካ ጭን ዋ ኤፐሁን ወግ ዘንጋ እንእ ባሸዉዋ ቀጥወ ጭን ኢያቭ አአባመኛ ጠኖንረ።
+\v 25 እመዳ ኧኸረ “እመኸ ጠኖኝ” ቧርሙ በቂጫሁኖዋ ኧጣᎉ ቃር ዉረ ይኸርኔ ።
+
+\v 26 ኢያ ተአቪ ኧኬሽኩዳ ታአቪ ኢዋአካ ያትፓፓካ ኧዉረ መንፈስ ቲቫአካ ፥ሁዳ ኢኢያአር ያአዉድኒሴ ።
+\v 27 አሁም ተአወተረ ቀነስሁም ቲያ ኧረፐርሁዋይ ኧኸሬ ኢያአር ታአዉጅዋሴ ።
+
+\c 16
+\p
+\v 1 እመዳ እንእ ኤኤድኩዋ ሁዳ እምነታሁዋ ባትቹኡዋይ ትንርን።
+\v 2 ኧጠሎት ቲድደሞጅኰዳ ቢድ ያዎኦኩዋቴ፤አአሁዋ ዮኦትርዋታ ሰቭ እንእ « ጎይታ ያጌኪርታአር ኢቨስርኮታ ቀረ ኢቫአኴ።
+
+\v 3 ዋዳ እንእ ዬውታ ሁዳ ኢያቪ አቭቭ አኋሩዋይ ኧኸረንዴ።
+\v 4 አሁዋ ዋዳ ኤኤድኩዋ ሁዳ ጭን ወቅትኋ ቲሰርአካ ምር ኧቫኩዋኸ ትዘጉጁዋነኸ።» «ዋዳ ኧዋ ኢፍቲ አኔኤድኩዋ ሁዳ ታሁዋ እማቲ ኧረፐርሁዴ።»
+
+\v 5 «ዋአካ ጭን ኧኬሼ ሁዳይ አርኴ፤ዘንጋ ጭን ታሁዋ ግት ‹ኧቲ ታርኴ› ባረ ኧትሳአሬ ሰቭ ኤነዳ ።
+\v 6 ቢኸርቭ ዋዳ እንእ አሁዋ ኤኤድኩዋይ ኖኦራአር ተቨጠጥሁም።
+\v 7 ኢያ ጭን ኧውረመኛ ኢኢድሁዋ ፤ ኢያይ ኧሆርት አአሁዋ ወሄናሁዋ፤ኢያ ባምቦርሁ ያቁሟሙርሁዋታ መንፈስ ቅዱስ አሁዋይ አይቫአካ፤ኢያ በዎርሁ ጭን ሁዳ አሁዋይ ኧከሽነሁዋሴ።
+
+\v 8 ሁዳ ቲቫአካ ኧቫጢርአርቪ ኧጥርርነድቫአር፣ኧፍርድአር ኧሰቭ አጪግተ ኢኢድኴ።
+\v 9 ኧቫጢራአር አጪግተ ኢኢድካ ሁዳ ሁኖዋ ቢያ አአሞሩዋይ ኧኸረንዴ።
+\v 10 ኧጽቃአር አጬገ ኢኢድካ ሁዳ ኢያ አአቪ አሪ ኧኸሬ ፣አሁም ተዋ ቀጥወ ኢኢያ አታዥኚ ኧኸረንዴ፤
+\v 11 ኧፍርዳአር አጬገ ኢኢድካ ሁዳ ፥ኧዋ አለም ዳኘ ሼታን <ኧትፈንደዌ> ኧኸረንዴ።
+
+\v 12 «ኢያ አሁዋ ኢኢድሁዋታ ኖኦራ ዘንጋ አነኒ፤ዘንጋ ጭን ዋአካ እንእዎሁኖዋ ትተጩዋይ አይኸነሁዋታ።
+\v 13 ኧውረ መንፈስ ቲባአካ ጭን ኧውረ መያይ እንእ ያተሽሁዋሴ፤ ኧውረ መንፈስ ኢዝሬካ ሁዳ ኧሰምአንዳናአር ባሀሬ ተገግኋ አንኸሬ ኧኸሬ ፥ሁዳ በዋቴ ኢኸርካ ሁዳ ኢኢድሁዋቴ።
+\v 14 ቲያይ ሁዳ ወሰደ ኢኢድሁዋይ ኧኸሬ ኢያ ያከብሬዴ።
+
+\v 15 አአቫአር ኧኸረ ሁዳ እንእ ኢያትናአር፤<ኢያ ኧኸረ ሁዳ እንእ ውሽተታ አሁዋ ኢኢድሁዋቴ>ኧቫኩዋ ሁዳ ኧዋዳን ባረ።
+\v 16 «ተቀሪ ቀረ ቀትወ አታዥኝዳ ፤ ሀአቨ ተቀሪ ቀረ ቀጥወ ታዥኝዴ»ባረ።
+
+\v 17 ተተማሪሞኋ አታትሁኖዋ « ዋ ተቀሪ ቀረ ቀትወ አታዥኝዳ ሀአቨ ‹ተቀሪ ቀረ ቀትወታዥኝዴ› ‹አትቭ አአቪ አርኬ › ይረንረዳ ሁዳ ምርአፈድን? ተዌዌርም።
+\v 18 «ዋ ‹ተቀሪ ቀረ ቀጥወ› ኧዋርትኋ ምር ኧዋርትነኋ ዋ ኢዝሬኩዳ ቃር ኢና አገፓንረዳ» ቧርም።
+
+\v 19 ሁኖዋ ኧዋ ዘንጋአር ኢትሳአሪ ኧሴኤውዋኸ ኢየሱስ ሀረታ ፥ አአታሁዋ መትሳአየ ትትሳአርታ ሁዳ«ተቀሪ ቀረ ቀጥወ አታዥኝዳ ፤ ሀአሁታ ተቀሪ ቀረ ቀጥወ ትዥኝዴ ኧቫኩዋቴዪ?
+\v 20 ኧውረአአር ኢኢድሁዋ አሁዋ ትዎሁቴ ፤ኧዋ አለም ሰቭ ጭን ኢሽርኮቴ፤አሁዋ ትትወጠጭቴ ፤ ምጥጣሁዋ ጭን በሳርት ኢትሽጋገርኴ።
+\v 21 ምሽት ትቲኢኝካ ኧቨእ ግዝየሻ ኧሰንአይ ኧኸሬ ታታንእ፤ትከ ሁዳ በቴኤኘ ቀጥወ ጭን ትከ ኧረከቨቺ ኢሽርካ።
+
+\v 22 ህመኸ አሁዋ ዋአካ ታታኑኡቴ ፤ዘንጋ ጭን ኧውርኤተኘ አዥሁዋቴ፤ኧሳርትማሁዋ አትዎኋ አይቨዳሁዋታ።
+\v 23 «በህም ቀረ ቲያ አታአር አትሶኦርታ ኧውረመኛ ኢኢድሁዋ አቭ በሹውኛ በሳአርዂ እንእአአር ያሁዋሴ።
+\v 24 ዋአካ ስን ብሹውኛ አታአር አሳአርሁዋታ፤ሳአሩዋ ትኮውዋሴ ኧሳርትማሁዋ ሙራአአር ኢህርሴ።
+
+\v 25 « ዋአካ ስን በሟሟካ ኤኤድኩም ፤ኢያ አአሁዋ በሟሟካ አኒኢድወ ወቅት ኢቫአኴ፤ሀ ግዝየ አአቫአር ኧውየሞኋ ኢኢድሁዋቴ።
+
+\v 26 በህም ቀረ በሽውኛ ትሳአሩዋሴ፤ < ኢያቭ አአሁዋ ትንር አአቭ ኧሳአርኩሴ> አንሁዋታ።
+\v 27 እመዳ ኧኸረ ሁዳ አቭ ገግኋ ኢረንድሁዋይ ኧኸረንዴ፤አቭ ኢረንድኋታ ሁዳ አሁዋ ኢኢያ ትረንጅኚ ኧኸረሜዪ ኢያብ ተጎይታይ ኧኻአሆኸ አአመርሁዋቴ።
+\v 28 ኢያ ታአቪ ዋአሁታ ኧዋ አልለሚ ማአሁ፤ዋአካ ዋ አለም ቴእተሁታ አአቪ አርኴ» ባረኖም።
+
+\v 29 ተማሪሞኋ «ዋአካ በሟሟካ ታይኸር ኧውየሞኋ ዝሬኬንረ።
+\v 30 አኸ እንእአአር ትሂርመኸዪ እማትቭ ሰቭ ኢትሳአርሄ አያትሲኧኸ ዋአካ ሀነ፤ ኧቫአኸቭ ተጎይታይ ኧቫአኸኸ ኢና ናአቭነ» ቧርም ።
+\v 31 ኢየሱስቭ «ዋአካሁ አመርሁሚ ?
+
+\v 32 ቢድ ቢዳሁዋይ ትትውራጭኰዳቪ ኢያቭ ኧዎጣኛ ትቹኡኝዳ ወቅት ኢቫአኴ፤ ግዝየሞኋ ዋአካ ሰንአ ፤ ዘንጋ ጭን አቭ ቲያ ኧኸሬ ኧዎጣኛ አንኸርኋ።
+\v 33 ኢያቭ ኧቫኩዋ ሁዳ ቢያ ሂንተሁዋ ሽኛት ተረሁዋነኸ ፤ በዋ አለም ታነሁዋ መከራ አነዎሁዋ፤ዘንግ ጭን አታታሩኡዋ፤ ኢያ ዋ አለም ኤመሁን»ባረኖም።
+
+\c 17
+\p
+\v 1 ኢየሱስ ዋዳ በቫረ ቀጥወ ኢፍትኋ ኧሳቫዪ ኤፐ ቲያዥ « አባኞ ወቅትኋ ሰንአ ፤ትካኸ አኸ ያከብመኸ ፣አኸቭ ትካኸ አክብርኩ» ባረ ጠሎት ኤፐ።
+\v 2 ታከብርኩዳቭ ሁዳ ፣አኸን ሰቭ እንእ ኧዘላለም አያ ዬቪ በሰቭ ፎር እንእ ኧሾምኸኒ ኧኸረንዴ።
+
+\v 3 ኧዘላለም አያ ኧሁርት ኧዋርት ፣ ኧዎጣማኸ ኧታአመርኽ ጎይታ ኧኸርኸ አኸቪ ፣ኧኬሸኸን ኢየሱስ ክርስቶስቭ ኧኋርትን።
+\v 4 አኸ ኤኲ አሄ ሜና ኤፐሁ ጀፐርሁታ በዋ አፈር አኸ አከበርከ።
+\v 5 ዋአካቭ አባኞ አፈር ተሳቫይ ታይፎጠሩዋ ታኸ እማቲ በረፐረኒ ክብር ባሄ አክብሬ።
+
+\v 6 አኸ ተዋ አለም ሸፐትኸ አቭሄ ሰቭ፥ አኸ ማን ኧኸርኸኸ አትሄርሁኖም፤ ሁኖም አሀአር ባነውተ ፤ ኢኢያቭ አቭሄ ሁኖዋ ቃራኸ እራውም።
+\v 7 አኸ ኢያ አቭሄ ሁዳ እንእ ታሄ ኧቫአኸ ሁኖዋ ወካ ኋርም።
+\v 8 አኸ ኢኢያ አአሄ ቃር ኧሁኖም አሁኖም፤ሁኖም ቴኤፖርም፤ኢያቭ ታሄ ኧቫአሆኸ አጬጉም ኋርም፤ ኢያቭ አኸ ኧኬሸሄኸ ሁኖም አሞርም።
+
+\v 9 ኢያቭ በጠሎት ኧሰኧኖታ ኧሁኖትን፤ ዋ አቭሄ ሰቭ አሀአር ኧሆሩዋይ ኧኸሬ ፣ ኧሁኖዋ ኧሰኧኖዋ ባሀሬ አአለም ሰቭ አንሰኧኖታ።
+\v 10 ኢያአር ኧኸረ ሁዳ እንእ አኸትናአር፤ አኸቭአአር ኧኸረ ሁዳ እንእ ኢያትናአር፤ ኢያቭ በሁኖዋ ኧከብር።
+\v 11 ኢያ ተዋ ቀጥወ በዋ አለም አነቭርካ፤ ሁኖዋ ጭን በዋ አለም ኢረውሩቴ፤ ኢያ አሄ ኧቫአኴ፤ ቅዱስ አባኞ ኢያዪ አኸ እማት ኧኸነመኸ ሁኖም እማት ኢሆሩዋይ ኢኢያ ባሄ በሹዋኸ ደረግ ኧየኮዋ ።
+
+\v 12 ተሁኖዋ ታነሁ ኢኢያ ባንሄ ሹዋኸ እየሁኖም፤ ኢያ እየሁኖም፤ ዘንጋ ጭን ኧጣፈ ኧትንቢት ቃር ውረ ኧኸሬ ፣እእፋድ ትከ ባሀሬ ተሁኖዋ አት ሰቭ አነኧኘዳ ።
+\v 13 ዋአካ ኢያ አሄ ኧቫአኴ፤በዋ አለም ታነሁ ዋዳ እካ ሁዳ መትራርእኛ በሁኖዋ ኢኸኔ።
+\v 14 አኸ ኢያ አቭሄ ቃር ኤኤድሁኖም፤ኢያ ተዋ አለም ሰቭ አኸርሁመኸ ሁኖም ተዋ አልለም ሰቭ አሆሩዋይ ኧኸሬ ፣ኧዋ አለም ሰቭ ኧሁኖዋ ጠኖዮም።
+
+\v 15 አኸ ተውጥጥአአር ትእየኮይ ባሀሬ ፣ተዋ አለም ታዋአኮይ አንሰኧርኸዳ።
+\v 16 ኢያ ተዋ አለም ሰቭ አኸርሁመኸ ሁኖም ተዋ አለም ሰቭ አሆርታ።
+\v 17 በውረቭ ቃራኸ አቭጥርኮዋ፤ ቃርማኸ ኧውረምን።
+
+\v 18 አኸ ኢያ ኧዋ አለሚ ኧኬሸሄመኸ ፥ ኢያቭ ኧሁኖዋ በዋ አለም እንእ ያሩዋይ ኬሸሁኖም።
+\v 19 ሁኖዋ ኧውረ ሙጭር ኢሆሩዋይ ፣ኧሁኖዋ ትንር ኢያ ገግኛ ቀደስሁ ።
+
+\v 20 «በሁኖዋይ አጋድ ቢያ አአሞሩዋ ሁኖዋአር ኧሰኧርኸ ባሀሬ እማት ኧሁኖዋአር አንሰኧርኸዳ ።
+\v 21 ኢያ ኧሰኧርኸዳ ሁዳ ሁኖዋ እማት ኢሆሩዋኔ፤አባኞ አኸ ቢያ ትረቭርመኸ ኢያቭ ባኸ ኧረቭርመኸ ሁኖም ቢያ ኢረውሩዋይ ኧሰኧርኸ ፤ በዋ አይነት አኸ ኢኢያ ኧኬሸሄኸ አአለም ኧዋ አለም ሰቭ ኢሂሩዋኔ ።
+
+\v 22 ኢና እማት ኧኸነመኸ ሁሞም እማት ኢሆሩዋይ ኢኢያ አሄ ክብር ኧሁኖም አኮዋ ።
+\v 23 ኢያ በሁኖ፣ አኸቭ ቢያ ሂንተኸታ ፣ሁኖዋ አቸ አት ኢሆሩዋይ ኧሰኧርኸ ፤ ህመኸ አኸ ኢያ ኧኬሸሄመኸ ፤አኸቭ ኢኢያ ኧረመድሄያአህር፣ ኧሁኖም ኧረድኮኸ አአለም ሰቭ ኢሂሩዋኔ ።
+
+\v 24 አባኞ አለም ታይፈጠር ኧረመድኸዪ፣ አቭሄ ክብር ያዡዋይ፣ ዋ አኸ አቭሄ ሰቭ ኢያ ብንነቭርወዳ ኤኤዲ ቲያ እማቲ ኢረውሩዋይ ኧሲእ።
+
+\v 25 ጥርር አባኞ ኧዋ አለም ሰቭ አኸ አኋርከዳ ፤ ኢያ ጭን ኧሂርኸ፤እሞሁኖዋ አኸ ኧኬሸሄኸ ኢሂሩዋ ።
+\v 26 አኸ ኢኢያ ኧረመድሁወ ንመጀ በሁኖም ኢረቭረኸ ፣ኢያቭ በሁኖዋ ኧኸረኸ ፣ ሁኖዋ አኸ ኢሂሩዋኸ ኤፐሁ፤ ትእም ቀጥወ አኸ ኢሂሩዋኸ ኤኮቴ።»
+
+\c 18
+\p
+\v 1 ኢየሱስ ሀኸ ባረ ተዝሬከ ቀጥወ ተተማሪሞኋ ቄድሮን ዩሪዳ እሃ ሀአ አጋድ ዎኦምታ በህሜ ኧረፐረ ኧጀጋር ብርኧ ኤኤዲ ጎፖም ።
+\v 2 ኢየሱስ ተተማሪሞኋ ኖኦራ ግዚየ በሀይ ኢደሞጁዋ ኧረፐሬ ኧኸ፣ ኢኢየስሱስ አዋአ ኧራት አአይፐረን ይሁዳ ኤኤድኋይ ኢይሂርኩ ባነደ ።
+\v 3 ህምኸ ኧኸረሜ ዩሁዳ ወታደር፣ ኧካህናት አላቃዪ ኧፈሪሳ ሰቭ ኧኬሸዉየዋ ኪሸረኘቭ አሄተረታ ኧጀጋር ብርኧ ኢንኧኰዳ ኤኤዲ ማአ ፤ ሁኖም ጦድ ፋኖስቪ አአርቭ ግቭር ጦቦጩም ባነደ ።
+
+\v 4 ኢሱስቭ ኢሰርአወዳ ዘጋ እንእ ሀረ፤ ኧሁኖሜ ማአታ “ማን ትሱኡዋ?” ባረኖም ።
+\v 5 ሁኖም “ኧናዝሬት ኢየሱስ ንሲእነ” ቧሪ።ሁድቭ “ኢያትንሁ”ባረኖም። አዋአቭ ያይፒርኩዳ ይሁዳቭ በህመኸ ተሁኖም ተሸከቨ ባንደ ።
+
+\v 6 ኢየሱስቭ ኢያትንሁ ቢይቭኮዋ ኢይኢኒየ ወርምታ ባአፈር ወተኡም ፥
+\v 7 ኢየሱስ ሀአቨ”ማን ትሱኡዋ?”ባረ ተሳአረኖም ።ሁኖም “ኧናዝሬት ኢየሱስ ንሲእነ” ቧሪ።ኢየሱስቭ “ኢያትንሁ አባኩዋታ ኢያ ትሱኡዋ በኸረ ዋሁኖዋ ቶኡዮዋ ኧሆሩዋ”ባረኖም ።
+
+\v 8
+\v 9 እመኸቭ ኧኸረ “አባኛ አኸ ኢኢያ ታሄ ሰቭ እማትቭ አነኧኘቪዳ”ኧቫረን ቃርኋ ኧዉረ ይኸርኔን ።
+
+\v 10 ስሞን ጴጥሮስቭ ጎራዴኧ ጠበጠ ባነደ፤ሁድ ጎራዴኤኋ አዋአታ ኧሊቀ ካሕን ሁዳይ አሽክር ቀነ እዝርኋ አንጠ ቃሽን፤ አአሽክር ሁድሜ ሹው ማልኮስ ዩቩሪ ባንደ።
+\v 11 ኢየሱስ ጭን ኧጴጥሮስ”ጎራዴአኸ በቮናኸ ዣቭር ህርአኩ አቭ ኢያኢ አቬ ኧቨከራ ጥዋ አሰጭካ?”ባረን ።
+
+\v 12 ተህም ቀጥወ ወታደር ሁኖዋ ታአላቃመሁኖዋዪ ፣ተዩሁዳ ሰቪ አሽክር ኢኢየስሱስ ጦቦጩም አኮጂ ።
+\v 13 አወተረቭ ኧቀያፋይ አቫይኬ ኧሐናይ ዎሰጂ። ቀያፋቭ ኧዘቨርኋ ኧካህናት አላቃ ባንደ ።
+\v 14 ቀያፋቭ “አት ምስ ኧሰቭ እንእ ቲቭር ቢዎድ ኢፈዝ” ቲቭር ኧዩሁዳ ገኘ ባሪቅ ኧቨከረኖዋ ሁዳ ባነደ።
+
+\v 15 ስምኦን ጴጥሮስቪ አትቭ ኧኛ ተማሪቭ ኧኢየሱስ ተሄተሪ ፥እም ተማሪ ኧካህናት አላቃ ሁነዋ ኢሂሪ ኧረፐሬ ኧኸሬ ኧሊቀ ካህን ሁኖዋይ ወረጀ ገፓ ።
+\v 16 ጴጥሮስ ጭን ጆፎረ ተሸከቨ ፥ተሊቀ ካህን ሁኖዋ ኢትሄርካ ተማሪ ሁዳ ተዠፐረ ዋአታ ቦኡር ኡፎቻ ኧትሸከቨች ገረድ ሳአረናታ ፥ ኧጴጥሮስ ጠበጠ ከስር አጋድ አገፓን ጠበጠን ገፓ ።
+
+\v 17 ኦኡር ኡፎቻ ቲኢየካ ገረድ ሂዳ ኧጴጥሮስ “አኸ ተዋ ምሲ ተማሪ አት አኸርኸዳ?”ባረቸን ፥ሁድቭ ትቲንትታአር “አሀርኋ”ባረና።
+\v 18 ግዝየኋ ዉርቀ ኧረፐሬ ኧኸሬ ሜነኘዪ አሽክርቭ ሁኖዋ ኧከሰል እሳድ አጣቦጩምታ ይዎእኮዋ ባነደ ፥ጴጥሮስቭ ተሁኖም ቸና እሳድ ኢዎእኩ ባነድ ።
+
+\v 19 ህም ግዝየ ሊቀ ካህን ሁዳ ኢኢየሱስ ኧተማሪሞኋዪ ኧትምርትሞኋ አአር ተሳአረን ።
+\v 20 ኢየሱስቭ ዋኸ ቲቭር ዠፐረነ “ኢያ ኧሰቭ እንእ ኧዉየሞኋ ዝሬከሁ፤ ኧዩሁዳ ሰቭ እንእ ቢደሞጅኮዳ ቢድ በቬተ መቅደስቭ እንእ ግዚየ አትመርሁ ባኸሬ ድኢተሁ አታአር አዝሬከኋ ።
+\v 21 አኸ ኢኢያ ኧቭር ትትሳአሬ? ኢያ ኧሰምኦኝ ሁኖዋ ተሳአርኮዋ ኢያ ኧዝሬከሁን ቃር ሁኖዋ ኢይሂሩዋ”ባረን ።
+
+\v 22 ኢየሱስ ዋኸ ባረ ቲዝሬከ፥ በሀኸ ተትሸኮዉዋ አሽክር አትሁዳ ኧኢየሱስ “ኧሊቀ ካህን ኧተኸትን መልስ ትዠፕር ካሁዳ?”ባረታ ወኽድኋ ኧፋን ።
+\v 23 ኢየሱስቭ “ሙጥጥ አአር በዝሬከሁ አዉድ ኧዉረ አአር በዝሬከሁ ጭን ኧቭር ትደርጌ?”ባረን ።
+\v 24 ሀናቭ ኧኢየሱስ ባአኮጂመኸ ኧሊቀ ካህን ኧቀያፋይ ኬሸን።
+
+\v 25 በህም ግዚየ ስምኦን ጴጥሮስ ተሸከቨ እሳድ ቲዎእኩዳ “ኧኛ ሰቭ አኽሁ ተኢየሱሲ ተማሪ አትሁዳ አኸ አኸርኽዳ?” ቧሪ ፥ሁድቭ “አኸርኋ” ባረ ኸታ ።
+\v 26 ጴጥሮስ እንዝርኋ አንጠንምሲ ዶበኋ ኧኸርአአር ተሊቀ ካህኒ አሽክር አትሁዳ “ኢያ በጀጋር ብርኧ ኤኤዲ አኸ ተሁዳ አናሸከዳ? ኤኤድይ ተሁዳ እማቲ አናሸከዳ?”ባረን።
+\v 27 ጴጥሮስቭ ሀአቭቨ ኸታ፣ህመጋ ኩታራ ኖኧ ።
+
+\v 28 ተህም ቀጥወ አአይሁድ ሰቭ ኧኢየሱስ ተቀያፋይ አዎኦዪታ እእሮማ ገኘ ዳኜ ወረጀ ዎሰጂ ፤ግዚየመኋ ሱቢ እረርኧ ባነደ ፥ኧዩሁዳቭ ሰቭ ኧፋሲጋ ሸረድ ታይዎርኦዋ ባይሰርሁዋይ ቧርንታ ኧዳኘ ሁዳይ ኦኡር ከሲ አጎፖታ።
+\v 29 በህም ኧቫአ ዳኘ ጲላንጦስ ኧሁኖዋይ ዋአታ “ዋ ምስ ምር ኤፐባሁም ትኮስሺ” ባረ ተሳአረኖም ።
+\v 30 ሁኖም “ዋ ምስ ሙጥጥ ታኔፐ አአኽ ኤኤተነ ባናአይፐርኔከዳ”ቧሪ።
+
+\v 31 ጲላንጦስቭ አሁዋ ገጋሁዋ ዉስቹም ኧቂጫሁዋኸ ፉርጅኵ”ባረኖም፥ኧዩሁዳ ሰቭ “ኢና በአትዎኋ ፎር ኧውድ ፍርድ ንፈርድኔ አይትቨቃንረዳ”ቧሪ ።
+\v 32 ዋመዳ ኧኸረሁዳ ኢየሱስ በቭር አይነት ሙድ ኢዎደኸ ኧዝሬከን ቃር ኧዉረ ይኸርኔን ።
+
+\v 33 ጲላንጦስ ወረጀኋይ ተዘፐረ ገፓ ኧኢየሱስ ኸናንታ “አኸ ኧዩሁዳ ንጕስንሄ?”ባረ ተሳአረን ።
+\v 34 ኢየሱስቭ ዋኸ ኧዋርታኸ ተገግናኸዪ ዌ ኤኛ ሰቭ ኢኢያአር ኤኤደናኸታነዳን?”ባረን ።
+\v 35 ጲላንጦስቭ ዠፐረታ” ኢያ ኧዩሁዳ ስሰቭንዂ? አኽ ኢኢያ አዎዖም አአይፖርከ ኧገኘማኸ ሰቪ ፣ ኧካህናት አላቃኖዋ፤ ሁድሞኋ አአፋኽን ሁዳ ምርአፈድን?”ባረን ።
+
+\v 36 ኢየሱስ ዠፐረታ “ኢያይ መንግስት ተዋ አለም መንግስት አኸረዳ፤ ኢያይ መንግስት ተዋ አለም ተኸረ ኧይሁዳ ሰቭ አይጠጭኝኸ ኢይትሄተርኝዳ ሁኖዋ ኢትዋጎኒ ባነደ ፥ዋአካ ጭን ኢያይ መንግስት ተዋ አለም እኸረዳ”ባረን ።
+\v 37 ጲላጦስቭ “እህ ባቴ ንጕስንኸ ኧዋርትና!” ባረን ፥ኢየሱስቭ “ኢያንኩስ ኧኸርዀኸ አአውጅታኸ ውረምን፤
+
+\v 38 ኧቴኤኘሁ ሁዳ፣ እእም አለኒ ኧቫአሁቭ ሁዳ ኧውረአአር ኢኢድኔ፤ኧውራአር ኢሲኢካ ሰቭ እንእ ኢረንዴ። ጲላጦስቭ፣«ውረአአር ኧዋርት ምር ኧዋርትን?» ሁድቭ ዋኸ ባረ ተዝሬከ ቅጥወ ሀአቨ ተዠፐረ አአይሁድ ሰቪ ወረታ ፥«ኢያ በኢየሱስ ኧፈርድዌ አት እፋድ ዳር አነከሁወዳ ፥
+\v 39 ዘጋኋ ጭን በፋሲጋሙርአ አታት ሰቭ ኢፎጆኖኩዋይ አዎኔ ቂጫ አነነሁዋ፤ እምኸ ኧኸሬ አአይሁድ ንኩስ ኧፈዳነሁዋይ ትሱኡዋ? »
+\v 40 ሁኖዋ ጭን ፎር ቶፎር“ባአይ አኸረዳ በርባን ፍዳንረ ባኸሬ ሁዳ አትፍዳንረ!”ቧርሙታ አትኋኖም ፥ በርባን ጭን ሽፍጣ ባነደ።
+
+\c 19
+\p
+\v 1 ህም ግዝየ ጲላጦስ ኧኢየሱስ ወሰደ አድጌፈረን ።
+\v 2 ወታደርቭ ኧሶህ ዘውድ አጣወርምታ በኢየሱስ በጉንኧርኋ ደፎነ፤ ብሻቭ ካባ አሆተሪ።
+\v 3 ኧሁድሜ ሞኦምታ ቲያኬሽኰ « ኧይሁዳ ንጉሶ ወገሬት አኸ ኧህር » ቲዩሩዋ ወኸድኋ ዮኦፌ ባነደ።
+
+\v 4 ጲላጦስቭ ሀአቨ ዋረጀ ዋአታ፣ ኧይሁዳ ሰቭ «ሱኦዋ አሁዋይ አቫአሁን ሁዳ ያትኬስስኩዳ እፋድ አነኮሁዋኸ ቲሂሩዋነኸ» ባረኖም። 
+\v 5-6 ኢየሱስ ኧሶህ አክሊል ደፋታ ብሻ ሁጅር ተኸተረ ዋአ፤ ጲላጦስቭ «እኩ ምስ ሁዳ» ባረኖም። ኧካህን አላቃቪ ኧኛሞሁኖዋ ቢያዢ« ስእርኩ! ስእርኩ» ቧርም አትኋኖም።ጲላጦስ ጭን «አሁዋ ውስቹም ሱኡሪ፤ቢያኸ ኧቅጣት ያቨቃኩዳ እፋድ አነከሁወዳ» ባረኖም።
+
+\v 7 አአይሁድቭ ሰቭ ኢና ቂጫ አነንረ ገግኋ ኧጎይታ ትከ ኤፔ ኧኸሬ ኧቂቻንራኸ ኧውጅት አነወ» ቧርም።
+\v 8 ጲላጦስ ዋዳ ቢሰቭአ ቲኢፍት ኢረእ ፈኘ፤
+\v 9 ተዠፐረ ከስር አጋድ ግገፓታ « ተኧትኔ ኧቫአኸ?» ባረ ተሳአረን፤ኢየሱስ ጭን አታአር አዠፐረነዳ።
+
+\v 10 ጲላጦስቭ ኧኢየሱስ አታዝራኬዳ? ኧኧትርኸመዪ ኧፈዳኸሜ ዳኝነድ አነኒኸ አትሂርካ?» ባረን።
+\v 11 ኢየሱስቭ ቶፈሬ ታንቴቨናኸ ቢያ ፎር ዳኝነድ ባነፐረነኸዳ፤እመኸ ኧኸሬ አአኸ አዋአ አኤፐሬ ሰቭ ኢረእካ ፍርድ አነወ« ባረን።
+
+\v 12 ተሀ ቀጥወ ጲላጥስ ኧኢየሱስ ኢፈዳኲ ሴኧ፤አአይሁድ ሰቭ ጭን« ዋ ምስ በፈታኸን ኧቄሳር ናማጂ አኸርኸዳ ፤ገግኋ ንኩስ ዬካ ሰቭ ኧቄሳር ጠራትን» ቧርም አትኋሮት ቆነሽሁም።
+\v 13 ጲላጦስ ዋ ኧዋሪ ሁዳ ቢሰቫ ኧኢየሱስ ወረጀ አዋአንታ«አኧዝራካ እቭር» ቢዩሪዳ ኤኤዲ በፍርድ ችሮት ቸና፤እም ኤኤዲ ባአረማይክ ቃር «ገበታ» ዩሪ።
+
+\v 14 ቀረሞኋ ኧፋሲጋ ሙርአአር ኢጌኪርኰዳ ቀረ ባነደ ፤ ወቅትሞኋ ስድስት ሳአት ኢኸርካ ግዝየ ባነደ።
+\v 15 ፒላጦስቭ ኧይሁዳ ሰቭ «ኡክ ንኩሳሁዋ» ባረኖም ። 15. ሁኖዋ ጭን፥ «አፍካኩ! አፍካኩ! ስእርኩ! » ቧርም አሆኖም ።ጲላጦስ « ንጉሳሁዋ ንስእርኲ?» ባረ።ኧካህን አላቃቭ «ተቄሳር ኧኛአር ንጉስ ኤነንረዳ» ቧርም ዦፖነ።
+\v 16 ተቀጥወሞኋ ጲላጦስ ኢሶኡሪ አዋአ አኤፐረኖም፤ ወታደርቭ ኧኢየሱስ ጠቦጩም ወሰጂ፤
+
+\v 17 ኢየሱስ ኢሶኡርኰዳ መስቀር ፌነገታ«ኧጉንኧር አእቭ ዩሪዳ ኤኤዲ ወረ፤ እም ኤኤዲ በእብራይስጥ ቃር «ጎልጎታ »ዩሪ።
+\v 18 በህሜ ሶኦሪ፤ተሁድ እማቲ አት ሁድ ተዋ እአጋድ ፣አት ሁዳ ተሀ አጋድ ኢየሱስቭ በግትሁኖዋ አጎፖም ሶኦሪዮም።
+
+\v 19 ጲላጦስቭ «ኧናዝሬት ኢየሱስ ኧይሁዳ ሰቭ ንጉስ ይካ ጥፈት ጣፈ ኢየሱስ በሶኦርኰ ኤኧ ፎር ሱኡሪ» ባረ ።
+\v 20 ኢየሱስ ኧትሰኧረወ ኤኤዲ ኧከተማ እናወ ኧረፐሬ ኧኸሬ ኖኦራ ኧይሁዳ ሰቭ ጥፈት ሁዳ አረቦቢ፤ ጥፈትሞኋ ኧጣᎉ ሁዳ በእብራይስጥ፣ በላቲንቪ በግሪክቭ ቃር ባነደ።
+
+\v 21 ኧይሁዳ ሰቪ ኧካህን አላቃቭ «ዋ ምስ ኧይሁዳ ሰቭ ንጉስንሁ ባረ > ባር ጣፍ ባሀሬ «አኸ <ኧይሁዳ ገኘ ንጉስን> ባይተኸ አአጣፍ፤ » ቧሪ።
+\v 22 ጲላጦስ ጭን ኧጣፍሁን ሁዳ አተጋ ጣፍሁ » ባረ ።
+
+\v 23-24 ወታደርቭ ሁኖዋ ኧኢየሱስ ተሶኦሪ ቀጥወ ሁጅርኋ ወሰጁምታ እንእዎሁኖዋ ኢሰርአኮኸ አርቭአቲ ሻኮጂ፤ ዴኪየ ቃምቢሳሞኋ ቦቾም፤ ቃምቢሳሞኋ አዴክኮም ኤፖዊያአር ባነደ።ወታደርቭ ሁኖዋ «ኧርጥ ነድግነታ ኧሰንአን ሰቭ ኧስርአኩ ባሀሬ አንተርትኔዳ » ተዌዌርም። እመዳ ኧኸረ ሁዳ ፣ « ሁጅርኛ ተሻኮጂ ፤ በዴኪየ ሁጅርመኛ ኧርጥ አተኰ » ይካ ኧመጣፍ ቃር ኧዋሪመኸ ኢኸኔ። ወታደርቭ ሁኖዋ ኤፖዊ እመዳምን ።
+
+\v 25 ኢየሱስ በሶኦርኰ መስቀር ምዬ አዶድሞኋዪ አአዶድሞኋይ አተም ፥ ኧቀሊዮጳይ ምሽት ማርያም ፣ኧመግደላ ማርያም ተሸከቭም ባነደ።
+\v 26 ኢየሱስ አዶድሞኋዪ ኢረንድኩ ኧረፐረ ተማሪኋ ኧቭየኋይ በትሸኮውዋይ አሽኖምታ ፥«አአዶድኋ አዶድኞ እኩ ኧቻሽ!» ባረና።
+\v 27 ኢየሱስ ኧተማሪኋ «ሁክ አዶዳኸ » ተህም ግዝየ ቀሰነሰታ ቢድኋይ ወሰደና።
+
+\v 28 ተህም ቀጥወ ኢየሱስ እንእአአር አነኧኸ ሀረታ ኧጎይታ ቃር ቢኢድካ መጣፍ ውረ ኢኸሪ «ጠማዪ» ባረ ።
+\v 29 አቌ ኧቫረ ወይን ኧቬንአወ ግብር በሀይ አዎኖዪ ባነደ፤ በህም ኤኤዲ ኧሮፖሩዋ ሰቭ አቌ ኧቫረ ወይን ብእስፖጅ ጬፎምታ ሂሶጵ ቢዩሪንዳ ኤኤኧ አጥረተርምታ ኧኢየሱስ አንቃኋይ አቴኤነውነ ።
+\v 30 ኢየሱስ አንቌ ኧቫረ ወይን ተቀመሰ ቀጥወ «አነኧ» ባረታ መመርኋ ሰፐረታ ሞደ።
+
+\v 31-32 ተህም ቀጥወ ኧግርኋ ስቪቶ ተቨስቀር ያወቺ ኧጲላጦስ ሳአሪ፤እመኸ ኤኤፖውዋ ሁዳ ኧሰንበት ቀረ ያትኬሽካአር ቁጥ ቁጥ ኢንኧኰዳ ቀረ ኧረፐሬ ኧኸሬ ፣ህም ስምበት ኑእ ሙርአ ኧረፐሬ ኧኸሬ ፣ኧሶኦሪዮዋ ሰቭ በሰምበት ቀረ ኒሳሁኖዋ ቤኧ ፎር አይወኧረኸ ባነደ።በህም ኧቫአ ወታደር ዎርምታ ተኢየሱስ እማቲ በጉራሞኋዪ በቀነሞኋ ኧሶኦሪዮዋ ሰቭ በኘሁኖዋ ሶጵሪዮም። 
+\v 33 ወትደር ሁኖዋ ኧኢየሱሲ ቢቴኤኖውዋ ጭን ሁዳ በተረ ኧዎደኸ አሾምታ በኘኋ አንሶፖሪዳ።
+
+\v 34 ዘንጋ ጭን ወታደር ሁኖዋ አት ሁዳ ኧኢየሱስ ኔቨኋ በጮኸ ወካን፤ ህም ተህም ደቭቪ እሀቭ ወደን።
+\v 35 እመዳ አሸ ምስ አሁዋ ታአውሩዋኸ ሄቶ ኤኤደ፤ኤኤደን ኧሄቶ ቃር ኧውረምን፤ሁዳ ኢዝሬኩዳ ሁዳ ውረ ኧኸረኸ ሁድቭ ኢሂር።
+
+\v 36 እመዳ ኧኸረ ሁዳ «ታእቭኋ አት ሁዳ ስን አይትሰፐርካ » ይካ ኧመጣፍ ቅዱስ ቃር ውረ ኢኸኔ።
+\v 37 ኧኛቭ ኧትንቢት መጣፍ « ኧዎኰዪ ሁኖዋ ያዢዴ» ይሪ ኧኸረንዴ።
+
+\v 38 ኧኢየሱሲ ተማሪ ኧረፐረ አአርማቲያስ ገኘ ዬስፍ ዩሪንዳ ምስ ኧይሁዳ ገኘ ሰቪ ዳኘ በፍረውት በዱኡራቸ ኧጲላጦሲ ወረታ፣ ኧኢየሱሲ ኒሳ ንታ ንሆር ባረ ሳአረን፤ ሁድ ጲላጦስ በፈቀደነጋ ማአታ ኧኢየሱሲ ኒሳ በታ ወረ።
+\v 39 ኧዋ ኢፍቲ በኧዳር ኧኢየሱሲ ኧወረ ኒቆዲሞስቭ ተሁድ ወረ፤ሁድ ሳሳ አት ግራም ከርቤኤቪ ኧቁራቆሪ ቅባት ጠበጠታ ማአ።
+
+\v 40 ውርኤቸሞሁኖዋ ኧኢየሱሲ ኒሳ፥ቦቾም ዎርምታ ኧይሁዳ ሰቭ ኒሳ ኢኮፍኒመኸ ተቅባት እማቲ ታልባ ኧስር ቴፖዊ ቤዊ ጨርቅ ።
+\v 41 ኢየሱስ በሶኦርኰ ኤኤዲ ኧጀጋር ብርኧ ቢንኧኰዳ ኤኤዲ ባነደ፤ በህም ኧጀጋር ብርኧ ቢንኧኰዳ ኤኤዲ አትዎኋ አትዌኬወ ቀብር ባነደ።
+\v 42 ቀረሞኋ ኧሰበት ቀረ ያትኬሽካአር ኢጌኪርኰዳ ቀረ ኧረፐሬ ኧኸረመዪ፣ቀብርቭ ሁዳ እናወ ኤኤዲ ኧረፐሬ ኧኢየሱሲ ኒሳ በሄኤዲ ሞኬዊ።
+
+\c 20
+\p
+\v 1 በሳምትኋ አአወተረ ቀረ ውርሰንበት ጋአት እረርኧ ገኪተ ጋእ ታይር አቸ ጠነቫሞኋ ታነ መግደላዊት ማርያም ኧኢየሱሲ ሞገማይ ወረች፤ ሞገማቭ ሁዳ ኤኤፎኰ ኑእየ እቭር ክቨነረ ሀይ በወሬ አሸች
+\v 2 በህም ኧቫአ ኧስምኦን ጴጥሮስሜዪ ኢየሱስ ኢረንድኩቭ ኧረፐረ ተማሪሜ ትትራውእ ወረችታ « ጌታ ኢየሱስ ተቀብር አዎኦምታ ቦቾም ዎሩም፤ ኧቲ አወኔመኸ አሀነዳ» ባረቸኖም።
+
+\v 3 ህም ግዝየ ጴጥኮስቪ አት ኧኛ ኧኢየሱሲ ተማሪቭ ዎኦምታ ኧኢየሱሲ ሞገማይ ዎርም ።
+\v 4 ውርኤቸሞሁኖዋ ተራዎኡምታ አት ሁዳ ተጴጥሮስ በተረን ኧሞገማይ ሰንአ።
+\v 5 ሁድቭ ኧሞገማ ከሲ ሙግ ባረ ቢያዥ ፥በሄኤዲ ኧከፈን ሁጅር በወተኤ አሸ፤ ኧሞገማ ከሲ አንገፓዳ ።
+
+\v 6 ስምኦን ጴጥሮስ ጭን ትተሄተርን ማአታ ኧሞገማ ከሲ ገፓ ፤ ሁድቭ ኧከፈን ጨርቅ በወተኤ አሸ ።
+\v 7 ህመኸ በኢየሱሲ ጉንኧር ኧሽፏነሪ ጨርቅ ተከፈን ሁጅር ተባይተረ ኧዎጣሞኋይ በጥዋነሪ ኤኤዲ አሸ።
+
+\v 8 ተህም ቀጥወ ሀ በተረ ኧሰንአ ኧኢየሱሲ ተማሪ ኧሞገማ ከሲ ገፓ አሸታ አመረ ።
+\v 9 «ኢየሱስ ክርስቶስ ተውንድ ኧተሸት አነወ» ይካ ኧመጣፍቃር ሀ ግዝየ ስን አᎆሰሩዋ ባነደ።
+\v 10 ተህም ቀጥወ ውርኤቸ ኧኢየሱሲ ተማሪኋ ተዦፖርም ቢድሁኖዋይ ዎርም።
+
+\v 11 ኧመግደላ ማርያም ኧሞገማ ከሲ ታድጋአ ፣ሰቻይ ተሸከቨች ትቤህ ባነደ። ህሂድቭ ትትቬህ ሙግ ባረች ኧሞገማ ከሲ አሸች።
+\v 12 ኧኢየሱሲ ኒሳ በረፐረወ ኤኤዲ ጓድ ሁጅር ኧትሆተሩዋ ውርኤት መላአይካ ፥አት ሁዳ በጉንኧርኋይ፣ አት ሁዳ በኧግርኋይ በቸኖዋይ አሸች።
+\v 13 ሁኖም ኧቭሽት ሂዳ «ምሽቶ ኧቭር ትቬሂዋ?» ቧርም ተሳአሪያ፤ሂድቭ ጌታኛ ቦቾም ዎርም፤ኧቲ ኧወሰጂመኸ አሀርኋ » ባረቸን።
+
+\v 14 ህመኸ ባረችታ ተዥቫፐረች ብታዥ ኢየሱስ በትሸከቨ ኤኤዲ ነኸቨቸን ፤ሂዳ ጭን ኢየሱስ ኧኸረኸ አሀረች ባነደ ።
+\v 15 ኢየሱስቭ « ምሽቶ ኧቭር ትቤሂዋ? » ማንተን ትሲኢታ ሁዳ? » ባረና ፤ ሂድቭ ኧጀጋር ብርኧ ኤኤዲ ኢቹትካ ምስ መሰረናታ « ጌታኛ ኧወሰድኸን አኸ በኸርኸ ኧቲ ኧወሰድኸነኸ አውዴ ኢያ ብጀተሁ ኧሆርሴ » ባረቸን።
+
+\v 16 ኢየሱስቭ «ማርያም! » ባረና፤ ሂድቭ ኧሁዳይ ኤፐች ተዥቫፐረችታ በእብራይስጥ ቃር « ረቡኒ»ባረቸን፤ ረቡኒ ኧዋርት « አስተትማሪዮ ኧዋርትን።»
+\v 17 ኢየሱስቭ «ገና አአባኛይ አቦርዂ ኧኸሬ እነከድሽኝ ፤ ዘንጋ ጭን ኧኧሰማትኛይ ሆይምታ ‹አአባመኛዪ አአባማሁዋይ ፣ኧጎይታመኛዪ ኧጎይታማሁዋይ ኧድዠፐርኴ › ባረ ባይም አውጂዮዋ»ባረና።
+\v 18 ኧመግደላ ማርያም ኧኢየሱሲ ተማሪ ወረችታ ጌታ ኢየሱስ አሸቸንመኸዪ ሁድቭ ዋዳ ኧባረናኸ ኤኤደቸኖም።
+
+\v 19 ህም ቀረ ውርሰንበት ገፓድ ኧኢየሱሲ ተማሪ አአይሁድ ዳኘ ፈኞምታ ሳቃሁኖዋ ኤኤውም እማቲ ተደሞጁም ቸኖም በነደ፤ ኢየሱስቭ ተማሪኋ ኧደሞጅኰ ቢድ ገፓ በግትሁኖዋ ተሸከቨታ «ወገሬት አሁዋ» ባረኖም።
+\v 20 እመዳ ባረታ ኧጅሞሀዪ ኔቨሞኋ አቴሸኖም፤ ተማሪሞኋ ጌታ ኢየሱስ ቦሽትሁኖዋ ኖኦራአር ሳረኖም።
+
+\v 21 ኢየሱስ ሀአቭታ «ወገሬታሁዋ ፤ አቭ ኢኢያ ኧኬሼመኸ ኢያቭ አሁዋ ኧኬሽሁዋቴ» ባረኖም።
+\v 22 እመዳ በቫረ ቀጥወ እፍ ባረዎምታ መንፈስ ቅዱስ ቴፖርም።
+\v 23 አሁዋ ኧኧኛ ሰቪ ባጢር አፉ ብቱሩዋ ኧሁኖም አፉ ኢትቬኖሴ፤ አሁዋ ኧቫንእየ ሰቭ ባጢር አፉ ባምባሁዋ ጭን ኧሁኖሜ ባጢር አፉ አይትቬኖታ» ባረኖም።
+
+\v 24 ኢየሱስ ኧተማሪኋይ በቫአይ ታአስረ ውርኤት ተማሪኋ አት ሁዳ ኧለምችየ ኧዋሪ ቶማስ ተሁኖዋ እማቲ አነፕረዳ።
+\v 25 ኧኛ ኧኢየሱሲ ተማሪ ኧቶማስ «ኢና ጌታ ኢየሱስ አሸንነዪ »ቧሪ።ሁዳ ጭን በቨስማር ኧዎኬ ኧጅኋ ታናዥ አናአቭርካ ፣አጤመኛ ታናገቭአ፣በኧጅመኛ ኔቨኋ ጥጭተሁ ታናዥ አናአቭርካ »ባረ።
+
+\v 26 ተሳምት ቀጥወ ኧኢየሱሲ ተማሪ ሀአውምታ በቪድ ከስ ተደሞጅጁም ባነደ፤ ቶማስቭ ተሁኖም ባነደ፤ኡᎈቻ ቤኤውዮመኸ ታይኮፍቺዮም ኢየሱስ ማአ በግትሁኖዋ ተሸከቨታ «ወገሬታሁዋ » ባረኖም።
+\v 27 ተህም ቀጥወ ኧቶማስ«አጤያኸ ዋይ አአ፣ኧጅመኛ ኧዥ ፤ኧጃኸ አአታ በቭየኛ አግቭአ ፤አኸ ኧቨር ባሀሬ አጥራጠር » ባረን ።
+
+\v 28 ቶማስቭ « «ጌታኞ አምላክኞ » ባረን ።
+\v 29 ኢየሱስቭ ኧቶማስ « አኸሽ አአሽኸዪ አመርኸ ታያዡም ያአውርታ ሁኖዋ ኧዳርታኖዋአር » ባረን።
+
+\v 30 ኢየሱስ በዋ መጣፍ አንጥፉዮዋ ኑእ ወግ ሜና በተማሪኋ ኢፍቲ ኤፐ።
+\v 31 ዘንጋ ጭን ኢየሱስ ገግኋ ኧጎይታ ትከ ኧኸረኸ ታአውሩዋመዪ ኧቨይተሁምታ ኧዘላለም አያ ትሆሩዋይ ዋ ቃር ተጣፈ።
+
+\c 21
+\p
+\v 1-2 ተህም ቀጥወ ኢየሱስ በጥብሪያዶስ ባር ሞሬ ሀአቨ ኧተማሪኋ ተረከቨኖም ፤ኧትረከቨኖም ዋኸ ባነደ ።ስምኦን ጴጥሮስ፥ ኧለምቺየ ኧዋሪ ቶማስ፥ ተገሊላ ገኘ ኧቃና ቃያ ናትናኤል ፥ ኧዘብዴዮሲ ዴጋቪ ኧኛቭ ውርኤት ተማሪሞኋ እማቲ ባነውተ። 
+\v 3 ህም ግዝየ ስምኦን ጴጥሮስ «ትእሀ ከስ አሳ አዋአይ አርኴ» ባረኖም። ሁኖም «ኢና ታኸ እማቲ ናነዴ» ቧሪታ በቨርከብ ጎፖም ቸኖም፤ ዘንጋ ጭን ባሀ ኧዳር እማት አሳ ስን አንጠቦጭታ፤
+
+\v 4 አፈር ጋእ ቲይካ ኢየሱስ በቫር ሞሬ ማአ ተሸከቨ ፤ ተማሪኋ ጭን ኢየሱስ ኧኸረኸ አኋሩዋ ባነደ፤
+\v 5 ኢየሱስቭ« ዴንጎ አሳ አነነሁዋ? ባረኖም፤ ሁኖም «አታአር ኤነንረዳ» ቧሪ።
+\v 6 ሁድ መረባሁዋ ተመርከብ ሁዳ ቀናጋድ ኦንኦም ኦዱጒ ትኮውዋሴ» ባረኖም ፤ ሁኖም መረብሁኖዋ በቫር ፎር ዝራኮዪ፤ኖኦራቭ አሳ ኧጠቦጩዋይ ኧኸሬ መረብ ሁዳ ሻይቶ ኦኦት ኤመኖም።
+
+\v 7 ህም ግዝየ ኢየሱስ ኢረንድኩ ኧረፐረ ተማሪ ኧጴጥሮስ «ዋዳ ጌታ ኢየሱስንሽ» ባረን ፤ ስምኦን ጴጥሮስቭ « ጌታ ኢየሱስን» ቲይካ ቢሰብአ ሜና ዬቪ አሆነቀን ሁጅርኋ ካች ባረ ተኸተረታ ዘከረ በቫር እሀ ገፓ።
+\v 8 ኧኛ ኧኢየሱሲ ተማሪ ጭን ታአፈር አሮኡዋ ሁዳ እማት በኧር ሜትር ኧረፐሬ ኧኸሬ አሳ ኧቬንአዋ መረብ ቲሾውዋ በጀላ ሞሬ ዎኦም።
+\v 9 ሰቻሜ ቦዎኦዋጋ ፣ ቦፎርኋ አሳ ኧረፐረወ ፌቭቪ እንጀራቭ አሾም።
+
+\v 10 « እንዴ ዋአካ ተጠበጥሁዮዋ አሳ ኦኦዋ» ባረኖም።
+\v 11 ስምኦን ጴጥሮስቭ በጀልባ ገፓታ በኧር አምሳ ሶኦስት አሳ ኧቬንአወ መረብ ሰቻይ ሻቨ አዋአን፤ እመጣካ አሳ በጠበጠሜ መረብ ሁዳ አድዠኧረዳ።
+
+\v 12 ኢየሱስቭ ኧተማሪኋ «ዮሁዋ ቡርኦዋ» ባረኖም፤ ሁኖም ጌታ ኢየሱስ ኧኸረኸ ኧኋሩዋይ ኧኸሬ ተተማሪኋ «አኸ ማንተንኸ?» ባይተ ኢትሳአርኲ ኧደፈረ ሰቭ አነፐረዳ ።
+\v 13 ኢየሱስቭ ማአታ እንጀራ ሁዳ ነሳ አቨኖም፤አሳቭ ሁዳ አቨኖም።
+\v 14 ኢየሱስ ተውድ ተትረሳ ቀጥወ ኧተማሪኋ ቲትረከኮታ ዋዳ ኧሶኦስተኘ ግዝየ ባነደ።
+
+\v 15 ቦኦንኦም ቀትወ ኢየሱስ ኧስምኦን ጴጥሮስ «ኧዮና ትከ ስምኦኖ ተዋሁኖዋ ኢረእ ትረንዴዪ? » ባረን።ሁድቭ «እንከ ጌታኞ ኧረንድኸኸ አኸቭ ትሂር» ባረን፤ ኢየሱስቭ «አዝጓጉረኘኛ ዋአር»ባረን።
+\v 16 ኢተሱስቭ ኧውርኤተኘ ግዝየ፣ «ኧዮና ተከ ስምኦኖ ኧውረ ትረንዴዪ?»ባረን።ሁድቭ «እከ ጌታኞ ኧረንድኸኸ አኸቭ ትሂር» ባረን።ኢየሱስቭ «ጣይኛ ዋአር» ባረን።
+
+\v 17 ኧሶኦስተኘብ ግዝየ «ኧዮና ትኮ ትረንዴዪ?» ባረን።ጴጥሮስ ኧሶኦስተኘ ግዝየ ኢየሱስ ትረንዴይ? ባረ ኧትሳአርኒ ኤኤንታ ፤«ጌታኞ አኸ እንእአአር ትሂር ፤ኧረንድኸመኸ ትሂር»ባረን።
+\v 18 ኧውረመኛ ኢኢድኸ ወዴያ ታነኸ ሁጅራኸ ገጋኸ ተኸተርኸታ ኧሳረናኸ ኤኤዲ ታር ባነደ፤ ትድገርዝካ ጭን ኧጃኸ ዝራጌተኸታ ኧኛ ሰቭ ያኸድርኸዴ፤እንሴኤኸንቭ ኤኤድ ኢወስትኸዴ»ባረን።
+
+\v 19 ኢየሱስ ዋኸ ኧቫረ ሁዳ ጴጥሮስ በቭር አይነት ሙድ ሙችተ ጎይታ ያከብረኸ ያቲሽኔ፤ ተህም ቀጥወ ኧጴጥሮስ «ተኸተሬ» ባረን።
+
+\v 20 ጴጥሮስ ተዥቫፐረታ ኢየሱስ ኢረንድኩ ኧረፐረ ተማሪ ቲትሄተርኮታ አሸ ፤ እም ተማሪ ኧርቫድ ቲወርኧታ ኧኢየሱሲቴኤነቨታ ብእዝርኋ «ጌታኞ ኤኤተ ኧጠራት ያአይፕርኽዳ ማንተን? »ባረ ኧትሳአረን ሁተን።
+\v 21 ጴጥሮስቭ ኧዋ ተማሪ አሽንታ « ጌታኞ ኡክ ምስሁ ማኸ ኢኸርኴ?»ባረ ኧኢየሱስ ተሳአረን።
+
+\v 22 ኢየሱስቭ «ኢያ ተዣቨይተሁ ትንቫአ ስን ባአያኋ ኢረቭሪ ፍቃድኛ በኸረሁ ምር አጀገረናኸ? አኸ ኢኢያ ተኸተሬ»ባረን።
+\v 23 በህም ኧቫአ « ዋ ተማሪ አይዎድካ » ይካ ዋራይ በክርስቲያን ኧሰማት ግት ተዘንአ፤ዘንጋ ጭን ኢየሱስ ኧቫረ« ኢያ ተዣቨይተሁ ትንቫአ ስን ሁዳ ባአያሞኋ ኢረቭሪ ፍቃድኛ በኸረሁ አኸ ምር አጀገረናኸ» ባረ ባሀሬ አይዎድካ አባረዳ ።
+
+\v 24 ኧዋ ዘንጋ እንእ ሄቶ ኧኸረ እሞሁኖዋ እንእ ኧጣፈ ዋ ተማሪን፤ ሁዳ ሄቶ ኸረ ኢኢድኩዳ ቃር እንእ ውረ ኧኸረኸ ኢናቭ ንሂነ።
+\v 25 ኢየሱስ ኤፐኖዋ ኖኦራ ወግ ዘንጋ አነውዋ፤እንእ ኤኤድሁኖዋይ ቢጦፍዮዋ፣ ኧጣፉዮዋ መጣፍ እንእ አለም ኢቨቃካ ኤኤዲ አነነዳአር አይቨስሬዳ።

45-ACT.usfm

@@ -0,0 +1,1469 @@
+\id ACT
+\ide UTF-8
+\h Acts
+\toc1 Acts
+\toc2 Acts
+\toc3 act
+\mt Acts
+
+\c 1
+\p
+\v 1 ኧትከበርኸ ቴዎፍሎሶኢያ በአወተራቸ መጣፍኛ ኢየሱስ ኤፐን ሜናዪ አትመረን ትምርት አአር ጣፍነከ
+\v 2 ኧጣፍነከቭ ሁዳ ኢየሱስ ሜናኋ ተቀነሰወ ቀረ ቆነሺታ ኣሳቫይኒየ ኧዋአወ ቀረ ዳረጋ ኤፐን ሜናን እመዳቭ ኧሳቫይኒየ ኧዋአወ ቀረ ዳር ኧሸፐተነዋ ኪሸረኘኋ በመንፈስ ቅዱስ ኤኤዘዘነዋ እዝዝን
+\v 3 ኢየሱስ ኖኦራ ስቃይ አሽታ ተዎንደ ቀጥወ ተዉንድ ተረሳታ አያ ኸረ ኢይረቭረኸ በሮኦራ መርኸት ኧዉየሞኋ ተራከቨኖም እእግዜር መንግስትቭ አአር ቲዪኢድኮዋ አርቭአ ቀረ ዳር አሸዊ።
+
+\v 4 ተሁኖም እማቲ በገበታ በቸና ኤኤዲ''ኢያ ኤኤድኩዋ ታአብ አዊ ተስፋ ኦሮዋ ባኸሬ ተኢየሩሳሌም አቶኦዋ ባረታ'' ኤዘዘኖም
+\v 5 ዮሀንስ ብእሃ አጠመቀባነደ አሁዋ ጭን ተቀሪ ቀረ ቀጥወ በመንፈስ ቅዱስ ትጠሞኩዋቴ።''ባረታ ኤኤድደኖም ።
+
+\v 6 በደሞጅዋ ኤኤዲ''ጎይታንሮ እእስራኤል መንግስታኸ ዣቪተኸ ቲኮታ ኦኳኒ?''ቲዩሩዋ ተሳአሪ።
+\v 7 ''አባኛ እግዜር በገግኋ ፍቃድኧወሰነን ቀረሞኋዪ ዘቨርሞኋ ኧኋርት አሁዋ አቴቨናሁዋታ
+\v 8 ዘንጋኋጭን መንፈስ ቅዱስ ባሁዋ ፎር በወንደ ግዚየ ደረግ ትቶኦዎሩዋሴ ፤በኽም ግዚየ በኢየሩሳሌም በዩሁዳዪ በሰማሪያ ገኘ ባአርዳ ፎር እንእ ምስክርኛ ትሁሩዋሴ ''ባረኖም ።
+
+\v 9 እመኸቭ ተቫረኖዋ ቀጥወ ሁኖም ቲያዡዋ ኧሳቫይኒየ ዋአ ቲያዢቭ ታነ ዳቨራ አጨነቭኖም።
+\v 10 ሁኖም ቲያርካ ቱኩ ኤፖሙ ኧሳቫይኒየ ቲያዥታ ዉርኤት ጓድ ሁጅር ኧትሆተሩዋ ሰቭ ኧጠነቃር ኧቭየሁኖዋይ ተሸኮሙ
+\v 11 ።ሁኖም ኧገሊላ ሰቮ ኧቭር ተሽከሁም ኧሳቭይኒየ ታዡዋ ዋ ባሁዋ ምዬ ፎረኒየ ቲዋአካ አሸሁዪ ኢየሱስ እም ኧዎረመኸ ተዣቨይተ ኢቫአኬ።''
+
+\v 12 በህም ግዚየ ደብረ ዘይት ቲዩሪዳ ተራራ ተረሾምኢየሩሳሌም ተዠፖሩም ዎርሙ፤ኧደብረ ዘይት ተራራ ኢየሩሳሌም እማት ኪሎ ሜትር አአህር ያረእ ባንደ ።
+\v 13 ኢየሩሳሌምቭ በሰንኦዋጋ ኢረዉርኮዳ ፎቂ ዎኦም ፤ሁኖም ፤ጴጥሮስ፥ዮሃንስ ፥ያእቆብ ፥እንድሪያስ ፥ፊሊጶስ ፥ቶማስ ፥በርተለሚዮስ ፥ማቲዎስ ፥እእልፎሲ ኧች ያዕቆብ ፥ቅናተኘ ኧዋሪ ስምኦንቪ ኣይእቆብሜ ኧች ይሁዳቭ ባነዉተ ።
+\v 14 እመህና ትእሽቻ ህናዪ ትእየሱስሜ አዶድ ተማሪያም ኧሰማት እንእ እማትሜ አጋ አይቫር በጠሎት ጃድ ዩዉሩዋ ባንደ።
+
+\v 15 በህም ቀረ ጴጥሮስ በኧር ተሁይአ አአህር ቢሆርታ በክርዓጭስቶስ አአሞሩዋ ኧሰማት ግት ተረሳ ተሸከቨታ ዋኸ ባረ
+\v 16 « ኧሰማቶ፤ኢየሱስ ኧጠቦጩዋ ሰቭ ኧመራ ኧዩሁዳ አአር መንፈስ ቅዱስ በተረ በዳዊት አፉ ኣዝሬከን ቃር ኧሁርትአኖዌ ኧኸሬ ፤
+
+\v 17 ሁዳ ቲና አአትንራኸ ተቬዘረታ በዋ አገልግሎት ኧትሻጎጅት ሟር ነከቨ ባንደ »፤
+\v 18 ዋ ምስ ጭን በቩጥጥ ሜናኋ በዃሽነ ፈራክ ወረ አፈር ስየ ፤በህሜ ኢፍት ቲኢፍት ተፌጠቨ ምሲየኋ ተግትኋ ጣፗእ ባረታ ኧከስ ብርኧኃ ተጥቨጠቨ ሞደ ።
+\v 19 እም ዘንጋ ቢኢየሩሳሌም ቢረዉርታ ሰቭ እንእ እንዝር ገፓ አአፈርሁዳ በሁኖዋ አፉ «አኬልዳማ»ቧርሙ ሹቭ አዎኖነ ፤አኬልዳማ ኧዋርትቭ ኧደቭ አፈር ኦዋርትን።
+
+\v 20 ሀአቭታ « እመኸቭ ኧኸረ ሁዳ ፤በመዝሙር መጣፍ ፤ ኢረቭርወዳ ኤኤዲ ጉፉራ ኧኽር ኢረቭርወዳቭ አይምበር ፤ እመኸቭ ዳኝነድኃ ኤኛ ሰብ ኧስት ፤ቧርሙ ኧጣፉይቃር ዉረ ኢኸርኔን ባረ።
+
+\v 21 ህመኸ ኧኸሬ ጌታ ኢየሱስ ቢና ግት በረፐረወ ግዚየ እንእ ቲን እማቲ ተረፖሩዋ ሰቭ ግት አት ሰቭ ኧሹፕችት አነቨንረ ።
+\v 22 ሁድቭ ዮሃንስ ያጠምቅ ተረፐረወ ግዚየ ቆነሺታ ፤ጌታ ኢየሱስ ኧሳቫይኒየ ኧዋአወ ቀረስን ቲና እማቲ ኧረፐረ ሰቭ ኧሁርት አኖወ ፤እመኸቭ ኢኸርካ ሁዳ ተዋሁኖዋ አት ሰቭ ቲና እማቲ ኢየሱስ ተቭድ ኧተሽትኃ ሄቶ ኢኸሪ ያትሲዕዒ ኧኸረዴ።
+\v 23 ተህም ቀጥወ ሰቭ ሁኖዋ ፤ኢዮስጦስ ዌ በርሲያን ዩሪዳ ዮሴፍቪ እመኸቭ አት ማትያስቭ ዩዉሪዮታ ዉርኤት ሰቭ አቴኤነዉም ፤
+
+\v 24 ተህም ቀጥወ ዋኸ ቧርሙ ጠሎት ኤፖሙ «ጎይቶ አኸ ኧሰቭ እንእ ሂን ቲሂር ፤ህመኸ ኧኸረሜ ተዋ ተዉርኤትሁኖዋ አኸ ኧሸፐትኸን ሁዳ ማን ኣኸረኸ አተሸንር ፤
+\v 25 ዩሁዳቭ ቸኧንታ ኧገግኋይ ኤኤዲ ቸኧንታ ቦዎረ በዋ አገልግሎት ቢኢየሱስ ኪሸረኝነድቭ ሹምኩ ቧርሙ ጠሎት ኤፖም።
+\v 26 ተህም ቀጥወ ኧርጥ አዎኦም ፤ኧርጥቭ ሁዳ ኧማቲያስ ዋአነ ፤ሁድቭ ተአስረ ዉርኤቸ ተማሪኋ ተቬዘረ ።
+
+\c 2
+\p
+\v 1 በአለ አምሳ ዩሪዳ ቀረ በሰንአ ግዚየ እንእ ወሁኖዋ በአት ኤኤዲ ብእማት ቁጥጥ ቧርሙ በዶሞጁዋይ ፤
+\v 2 ህምተህም ኧጠነቃር አት ኧጦናᎀ እምቡርቢት ቃረኸ አአር ተሳቫይ ቃር ማአታ ሃአ ኧረፖርኰ ቢድ ሜንአ።
+\v 3 እእሳድ አረቭድብቭ ኢዎስርታ አአር ተረኮዉዮም ፤እም እእሳድ አረቨድ ኢዎስርታ ሁኖዋ ተሻኮጁም ብእንቨሁኖዋ ፎር ዎንጅኮ፤
+\v 4 እንእመሁኖዋ መንፈስ ቅዱስ ሜንአዎም ፤መንፈስ ቅዱስቭ ኢዝሮኬ ባቨኖዋ በቩችር ቡችር ቅር/አፉ/ ኧዘጉት ቆነሹም ።
+
+\v 5 በህም ግዚየ ተሳቫይ በገዳ ታነዉታ ገኘ ኧዎኦዋ አአለም ሰቭ እንእቪ እግዜር ኢፎርታ አይሁድቭ በኢየሩሳሌም ባነቩተ።
+\v 6 እም ኢዝረኲዳ ቃር ቢሰቭኦዋ ሰቭሁኖዋ ታነኮዳ ኤኤዲ ተደሞጁም ፤ሁኖም እእማት እምትሁኖዋ በገዛ ገኘሁኖዋ አፉ ቲዝረኩታ ኧሰምኦዋይ ኧኸሬ ግራ ገፓኖም ፤
+\v 7 ዋኢዝረኲዳ ሁዳ ምርአፈድን/ ቧርሙ ወግ ኸረዎምታ፤ዋኸ ባርሙ ዋ ኢዝረኩታ ሁኖዋ እንእ ኧገሊላሽ ሰቭ አሆርታ?
+
+\v 8 እህ ባቴ ዋ ሰቭ ኦጣኦጣንራ በቴኤኘኔኮ በገዛ ቃርንራ ቲዝረኩታ ንሰቭአነዮታ ሁዳ ኧተኸ ቢኸርን?።
+\v 9 ኢና ኧጳርቴና፥ ኧሜድ፥የኢላሜጤም ሰቭ ፥በሜስጶጣሚያ ፥በይሁዳ ፥ በቀጶዶቅያ ፥በጳንጦስ ፥በእስያ ፤
+\v 10 በፍርግያ ፥በጵንፍልያ፥በግብፅ ፥በቀሬና ባነዉታ ፤በሊቢያ አዉራጃ ንረቭርነዳ ፥ትእሮምቭ ገኘ ኧቫአነ ፤
+\v 11 አይሁድቪ ዋአካቭ አይሁድ ኧኸነ ሰቭንረ፤ናስመንራ ኧቀርጤስቪ አአረብቭ ሰቭንረ ፤ኢና እእግዜር ኑእ ሜና ፥ እንእመንራ በአርዋአርዋንራ ይ አፉ ቲዝረኩታ ንሰቭአነየዋ ።
+
+\v 12 እንእመሁኖዋ ግራ ገፓኖምቭ ወግ ኸረዎምቭታ ዋ ዘንጋ ምርአፈድን? ቧርሙ ።
+\v 13 አታትሁኖዋ ጭን፤ አፈኧረ ኖኦራ ኧወይን ጠጅ ሰጮምታንዳን ቧርሙ።
+
+\v 14 ተህም ቀጥወ ጴጥሮስ ተአስረ አቸ ተማሪመጋ ተረሳ ተሸከቨታ ቃርኋ ነሳታ ኧሰቭ ሁኖዋ ዋኸ ባረ ዝሬይከ «አሁዋ ኧዩሁዳ ሰቮ ፤በእየሩሳሌምቭ ትረቩርታ እንእማሁዋ ፤እማት ዋ ዘንጋ ኋሩዋ ጭን ቧርሙቭ ሱቭኦኝ ።
+\v 15 አፈር ገናእረርኧ ዉርኤት ሰአትን አሁዋ አጫመጥሁይኸ አሃራ ፤ዋ ሰቭ አንሰኮርታ ።
+
+\v 16 ዘንጋ ጭን ዋ ዘንጋ በነቢ ኢዩኤል ዋኸ ቧርሙ ኧዝሬከዊ ዘንጋን ፤
+\v 17 «እግዜር ዋኸ ይቭር ፤ቀረ ቢያርእወዳ ፤ መንፈስኛ በሰር በትኸተረ እንእ ኧሁእኬ፤ ዴንጋዪ ግሬኤድማሁዋ ትንቢት ኢዝረኩቴ ፤ ዘርማቭሁኖዋ እርዕይ ያዥቴ ፤ ባርቅቭሁኖዋ በርዛዝ ኢረዝዥቴ።
+
+\v 18 በህም ግዚየ በዴጋዪ በግርኤድቭ አገልጋይኛ ፎር መንፈስኛ ኧሁእኬ ፤ሁኖም ትንቢት ኢዝረኩቴ።
+\v 19 በፎሬ በሳዋይ ወግወግ ዘንጋ አቲሽኬ በታአቸሜ ባአፈር መርኸት አቲሽኬ
+
+\v 20 ኧትከበረዪ ኑኡየ አእር ኧኸረ ኧጎይታ ቀረ ቶኦትኋ ኢፍቲ፤ ኡዋየ ኧጠነቫይ ፤ዳናአብ ኧደቪ ኢትሸገርኬ።
+\v 21 ኧጎይታቭ ሹቭ ኢኸራካ እንእ ኢተርፍኬ።»
+
+\v 22 እእስራኤል ሰቮ ዋ ቃር ስዉኦዋ ፤አሁም ገግማሁዋ ቲሂርዋመኸ እግዜር በግታሁዋ ኑእኑእ ወግ ዘንጋዪ መርኸትቭ በሁዳ ኸረ ባቶሽት ኧናዝሬት ኢየሱስ ማን ኧኸረኸ ምሰከረነ ።
+\v 23 ሁድቭ እግዜር ድረ በወሰነን አይነትዊ በአወተረቭ ኧኋርትኋ በኧጃሁዋ አዋአ አአይፐረናሁም ፤አሁም በዉጥጥ ሰቭ ኧጅ አዋአሁም ሰኧርሁም ኧተርሁይ።
+\v 24 ቢኸርቭ እግዜር ኧዉድ ደረግ አአፋታ ተቩድ ነሳን ሙድ ኢጠጥኩይ አኸረነዳ ።ዓ
+
+\v 25 ዳዊትቭ ኧሁዳ አአር ዋኸ ይቭር ፤ እግዜር እንእ ግዚየ ቢኢፍትኛይ አዥኩ፤ ሁድቭ በቀነኛ አኔ ኧኸሬ ስርም አፈይካ
+\v 26 ህመኸ ኧኸሬ ሂንኛ ሳረን፤ ሂንመኛ በሳርት ሜንአን ። በሰርመኛ በተስፋ ኢረቭር ።
+
+\v 27 ነብስኛ በቩድ ገኘ ሙጅተታ አትችእኩዳ ፤ አኸቭ ያጔኲሪ ኧቬጠርኸን ባአፈር በስብስተታ ኢዎኣረኸ አቲንአኩዳ ።
+\v 28 ኢያቭ ሂተሁ ኧረቭሩወዳ መያ አትሄርኸዪ፤ ቢኢፍትማኸ በሳርት ትቬንአይ ባረ ።
+
+\v 29 «ኧሰማቶ ተድረአቦንራ አት ኧኸረ ዳዊት ሞደታ ኧዌኬዊኸ ሞገማሞኋ ዋአካ ስን ቢናይ አነኸ ኧዉየሞኋ ኢኢድሁ።
+\v 30 ቢኸርቭ ነቢ ኧረፐሬ ኧኸሬ እግዜር ተዘራኸ አትሁዳ አረግስንነኸዴ ባረ በተየ ቃር ኧገፓነኸ ሃረ።
+\v 31 በህም ኧቫአ በተረ አሸኒ ኧረፐሬ ኧኸሬ ክርስቶስ በአፈር ከስ አይዎኧርመኸዪ በሰርሞኋ አይብሰብስመኸ ክርስቶስ ተዉድ ኢትረሳኸ ዝረይከ ፥
+
+\v 32 ዋ ኢየሱስ እግዜር ተቩድ ነሳን እእም ዘንጋ አአር ኢናቭ እንእቨንራ ሄቶንረ ።
+\v 33 ህመኸ ኧኸረሜ ብእግዜር ቀነ በቸና ቀጥወ ኧመንፈስ ቅዱስ ኧተስፋ ቃር ታአብ እግዜር ቴኤፐረታ እኩ ዋአካ አሁዋ ታዢዳዪ ትሰቭኦይዳቭ መንፈስ ቅዱስ ሜንአ አቭንረ ።
+
+\v 34 ዳዊት ኧሳቫዪ አቧአዳ ሁዳ ገግኽኋ ጭን ዋኸባረ ፤ እግዜር ኧጌታኛ [ኧክርስቶስ]
+\v 35 «ጠራታኸ ኧኧግራኸ በገዳ ትኒንአነኸ ስን በቀነኛ ቸራ» ባረን ።
+\v 36 ባቴ ዋ አሁዋ ኧሰኧርሁይ ኢየሱስ ፤ እግዜር ፤ጎይታቭ ክርስቶስቭ ኤፐነኸ፤ እእስራኤል ጥቭ እንእ ኧሃር! ።
+
+\v 37 በህመኸ ኧረፖሩዋ ሰቭ ዋ ቃር በሰምኦዋጋ በሂንሁኖዋይ ቡሼኧኸ ተቮጠጩምታ ፤ኧጴጥሮስቪ ኤኤኛቭ ኪሸረኘ «እህ ባቴ ኧሰማቶ ዋአካ ኢና ምር ነንአነ? »ቧርሙ ተሳአሪዮም ።
+\v 38 ጴጥሮስቭ ፤ «ንስሃ ጉዉኦዋ ባጢርማሁዋ አፉ ይቩኩዋ ቢኢየሱስ ሹቭ ተጠሞቁዋ እእግዜር ስጦታቭ ኣኸረ መንፈስ ቅዱስ ትቶኦዎሩዋሴ።
+\v 39 ኧተስፋ ቃርቭ አሁምዊ ኧዴንጋማሁዋ ፤እመከቭ ጎይታ እግዜርንራ ኧሁዳይ ኤፐ ኢኸራኮታ በሮእሜ አኖዉታ ሁኖዋ እንዳምን» ።
+
+\v 40 በኤኛቭ ኖኦራ ቃር ቲምሰክርኖዋ «ተዋ ዘቨር ተጣማማ ሰቭ ገጋሁዋ ኦሮዋ ባረ ያትጬፕኮዋ ባንደ ።
+\v 41 ቃርሞኋ ኧቴኤፖሩዋ ሁኖዋ ተጠሞቁም በህም ቀረ ሶኦስት ሁቭ ኢሆርታ ሰቭ አሞርሙ፤ በቩዝር ጎፖም ።
+\v 42 ሁኖም ኧኪሸረኘ ትምርት ቲትሞሩዋ ብእማቭ በሁርትቪ እማትሜ ቲዎርኧዋ በጠሎት ጃድ ዩዉሩዋ ባንደ ።
+
+\v 43 በኪሸረኘ ሁኖዋ ኣጅ ኖኦራ ወግ ዘንጋ ኢቴፕ ኧረፐሬ ኧኸሬ ሰቭ እንእ ቡሼኧኸ ፈኘ ።
+\v 44 በኢየሱስ አአሞሩዋ ሰቭ እንእ እማትሜ ኢረቩሩዋ ባንደ፤ አነኖታቭ ሁዳ እንእ በዱምታ ኤፖሙ ።
+\v 45 አነኖታቭ ንቭረድመሁኖዋ ያስሮሙታ እእንቨሏ ያትሲእኩዳ አአህር ዪዉዋ ባንደ ።
+
+\v 46 እንእ ቀረ በቤተ መቅደስ ቲትራኮዉዋ ፤በቪድሞሁኖዋይ እማቲ ሆርሙ ሸረድሁኖዋ በሳርትቪ በወኸይቭ ሂን ኢዎርኦዋ ባንደ።
+\v 47 እእግዜርቭ ሽኩርት ቲያቲኢንዉዋ ፤ሰቭቭ እንእ ይረድኮዋ ባንድ ፤እግዜርቭ ያአዉርታ ሰቭ እንእ ቀረ በውዉዝርሁኖዋ ኢደቭርኖዋ ባንደ ሙዝርመሁኖዋ በቀረ ቀረ ኢደቭር ባንደ።
+
+\c 3
+\p
+\v 1 አት ቀረ ጴጥሮስቪ ዮሃንስቭ በጠሎት ግዚየ ዋአና በዢኧ ሳአት ቤተ መቅደስ ያሩዋ ባንደ።
+\v 2 በህሜ «ማርካማ»ቧርሙ ኢሆሬዳ አት ኡፎቻ ባንደ ፤በህም ኤኤዲ ተቴኤኘ ቆነሺታ ኧጀኘ አት ምስ ባንደ ፤ሁድቭ እንእ ቀረ በሄእዲ አዎኦም ያዎሮዪታ በኼኤዲ ቸና ቤተ መቅደስ ቲጎኦታ ሰቭ ኢሰኧር ባንደ ።
+\v 3 ሁድቭ ጴጥሮስቪ ዮሃንስ ቤተ መቅደስ ቲጎኦታ አሸኖምታ ዋጋ ሳአረኖም ።
+
+\v 4 ጴጥሮስቪ ዮሃንስቭ እማቲ ኧቭስ ሁዳ ኤፖሙ ቱኩ ኤፖሙ አሸዉምታ ፤ጴጥሮስ «እንዴ ኢይናይ ኧንአ ኧዥ»። ባረን
+\v 5 ምስቭ ሁዳ ተሁኖዋ አጨፈድ ኢረህቪ ዣቨታ ቱኩ ኤፐ አሸኖም ።
+\v 6 ጴጥሮስ ጭን« ኢያ ብርዊ ወርቅቭ ኤነኒዳ ዘንጋኋ ጭን አነኒዳ ሁዳ ኢቭኸዴ በናዝሬት ኢየሱስ ሹቭ ተሳታ ሆር» ባረን።
+
+\v 7 ቀነ ኣጅመኋ ጠበጠ ነሳን ህመጋ ኧግርሞኋዪ ጉርወድሞኋ ቶፖም።
+\v 8 ዘከረታ ቀጠ ባረ ተሸከቨ ፤ኧሆርትቭ ቀነሰ ፤እመዪቪ ህሜ ቲያርቪ ፎረኒየቭ ቲዘግርቭ ፤እእግዜርቭ ሽኩርት ቲያቲኢንቭ ተሁኖም እማቲ ቤተ መቅደስ ገፓ።
+
+\v 9 ሰቭ ሁኖዋ እንእ ዋ ምስ በኧግርኋ ቲያር እእግዜር ሽኩርት ቲያቲኢንቭካ ቢያዡዋ ፤
+\v 10 ዋ ምስ ኧሃ ኢፍቲ ማርካማ ቢዩሪዳ በቤተ መቅደስ ኡፎቻ ቸናታ ኢሰኧር ኧረፐረ ሁዳ ኧኸረኸ ቦኋሩዋጋ በሁዳ ፎር ኧቴፐ ዘንጋ አሾሙታ ወግ ኸረዎም።
+
+\v 11 አፊያቭ ኧኸረ ኢሰኧር ኧረፐረ ምስ ተጴጥሮሲ ተዮሃንስቭ አንጒያፈር ባረታ ኤኤፈ ኧጠበጠኖዋይ፤ሰቭ እንእ ወግ ኸረዎታ ሁኖዋ አኖኮዳ «ኧሰሎሞኒ ሜያ»ዩሪዳ ኤኤዲ ቲትራዉኡዋ ሞኦሙ።
+\v 12 ጴጥሮስቭ ዋ ዘንጋ ቢያዥ ዋኸ ባረኖም «እእስራኤል ሰቮ ዋ ዘንጋ ኧቭር ወግ ኢኸርዎሁዋ? ባቴ አትቭ ቢናይ ደረግ ዌ ቢናይ ወሄ ሜና ዋ ምስ አፊያ ህይተታ ተሸተ ኢትሸከቨኸ ኤፐነ አአረኸ አሰብሁምታ ኧቭር ኢናይ ኤፐሁምታ ቱኩ ኤፐሁም ታዡዋ?።
+
+\v 13 አአቦንራይ እግዜር አአብርሃሚ፥ኧያዕቆብመዪ፥ኧይስሃቅሜ አምላክ ኧትከኋ ኢኢየሱስ አከበረን ፤አሁዋ ጭን ኢዎንደኸ አዋአሁም አአይፐርሁይ ፤ጲላንጦስ ኢፈዳኲ ቢሲእቭ አሁዋ ጭን በሁዳ ኢፍቲ ኸታሁይ ።
+\v 14 ቅዱስቪ ፃዲቅቭ ሁዳ ኸታሁምታ ደቨኘ ሁዳ ጭን ኢፎጆነኩዋኸ ሳአርሁም ።
+
+\v 15 ኧዘላለም አያ ዬካ ሁዳ ኧተርሁይ እግዜር ጭን ተቩድ ነሳን እእም ዘንግ ኢና ምስክርንረ።
+\v 16 ዋ ታዢዳ ቲሂሪዳ ምስ አፊያ ኸረ ኧትቁሟሞረ ሁዳ በኢየሱስ ሹቭ ቦኦዎርትነኋ ፤እንእማሁዋ ታዢመኸ ሙርአ አፊያ ኧረከቨሁዳ ኢኢየሱሲ ሹቩቪ በሁድሜ አጋድ ቢረሁዊዳ እምነትን።
+
+\v 17 «ዋአካቭ ኧሰማትኞ አሁዋ ዋ ዘንጋ ኤፐሁዋ ሁዳ አልቃማሁዋኸ ባንኋርትኃ ኧኸርኸ ኤሂር ።
+\v 18 እግዜር ጭን ኧሁዳ አአር ኧኸረ ክርስቶስ መከራ ኧተኧወርት አኖወኸ በተረ በነቢ ሁኖዋ አፉ ኧዝሬከን ቃርኋ ኤፐ ።
+
+\v 19 ባቴ አካ ባጢራሁዋ አፉ ይቩኩዋኸ ንስሃ ጉዉኦምታ እእግዜሪ ተዣዎሩዋ ተጎይታሜ ሃአዉም ሰሳ ኢሆርኮዳ ዘቨር ያአነሁዋሴ።
+\v 20 እመኸቭ በተረ አሁዋ ኧትሸፐተነሁዋ ክርስቶስ ሁድቭ ኢየሱስ ኢኮሽነኩዋሴ ።
+
+\v 21 እግዜር በተረ በቅዱሳን ነቢኋ አፉ ኧዝሬከመኸ ፤እንእ አአር ወያ ዪንአዎዳ ዘቨር ቲቫአ ስን ሁዳ በሳቫይ ኦኦክሽት አኖወ ።
+\v 22 ሙሴም ዋኸ ባረ «ጎይታ እግዜራሁዋ ታሁም ግት ኢያኸ ነቢ ኢረሳነሁዋቴ፤ሁድቭ ኢኢድሁዋታ ሁዳ ሱቩኤ፤
+\v 23 እም ነቢ ኧቫረን ሁዳ አይሰቭአ እንእ ፤ተሰቭ እንእ ግት ኧትቫይተር እእፋ።
+
+\v 24 ጪግቭ ተሳሙኤል ዘቨር ቆነሹምታኧትረሾዋ ነቢ እንእ ኧዋ ግዚየ አአር ዝሬኮም ።
+\v 25 አሁምቭ ኧነቢ ዴንጋንሁዋ ፤እመኸ አት እግዜር አአብርሃም በዘራኸ አአፈር ጥቭ እንእ ኢትባረክኬ ባረታ ኧገፓን ጉርዳ ወራሽንሁዋ ።
+\v 26 እግዜር ትከ ሁዳ ሸፐተ በረሳን ግዚየ ኦጣኦጣሁዋ ተቩጥጥ ሜናሁዋ ዣቪተ ኢደርሁዋኸ በተረ አሁዋይ ኬሸን ።
+
+\c 4
+\p
+\v 1 ጴጥሮስቪ ዮሃንስ ኧሰቭ እንእ ቲዝረኩም ታነዉዋ ካህናትቪ ቤተ መቅደስ ዩኡሮታ ሰቪ አላቃ፤ እመኸቭ ኧሰዱቃ ሰቭቭ ኧሁኖዋይ ኤፖሙ ሞኦም ።
+\v 2 ሁኖም ኪሸረኘ ሁኖዋ ኢየሱስ ተዉድ ኧትረሳመኸዪ ኧዎጁም ሰቭ ኢትረሾዋመኸ ባትሞርትሁኖዋ ቡሼኧኸ ማአቾም ።
+\v 3 በህም ኧቫአ ጴጥሮስቪ ዮሃንስቭ ጦቦጪዮም፤ ኧፈርቭ ኧቨሼ ኧረፐሬ ኧኸሬ ጋእ ቲቭር ስን በኦህኔ ቢድ አሬኧዉዮም ።
+\v 4 ቢኸርቭ ጭን ቃርኋ ተሰምኦዋ ሰቭ ኖኦራሁኖዋ በኢየሱስ ሹቭ አሞርሙ፤ኧገማቭ ሙዝር አምእስት ሁቭ አአህር ኸረ ።
+
+\v 5 በቭረጋሞኋ ዳኘሞሁኖዋዪ ባሪቅሞሁኖዋ ኧቂጫቭ አስተማሪ ቢኢየሩሳሌም ተደሞጁም።
+\v 6 ሊቀ ካህናትቭ ፤ሐና ፥ቀያፋ፥ዮሃንስ ፥እስክንድሮስቪ ኣሊቀ ካህናት ሁኖዋይ ቢደሰቭ እንእ በህመኸ ባነዉተ።
+\v 7 እም ሰቭ ኧጴጥሮስቪ ኧዮሃንስቭ ፤በግት አትሸኮዉዮምታ፤ዋ ዘንጋ ኤፐሁዋ ሁዳ በቫን ደረግ ዌ በቫን ሹቭን ቧርሙ ተሳአሪዮም ።
+
+\v 8 ሃአ ግዚየ ጴጥሮስ በመንፈስ ቅዱስ ተቬንአታ፤ ዋኸ ባረኖም «አሁዋ ኧሰብ እንእ ዳኘዪ ባሪቆ ፤
+\v 9 ኦኳ አዋ ጅረ ምስ ኧቴፐነ ወሄ ዘንጋ ፤ኧተነፈኸ ትትሳአርንረ በኸረ ፤
+\v 10 አሁዋ በሰኧርሁይ ሁዳ እግዜር ጭን ተቩድ በረሳን በናዝሪት ኢየሱስ ሹቭ ፤ኧተነፈኸዪ ኢኢፍትማሁዋይ ኧትሸከቨኸ አሁም ብትሆሩዋ እእስራኤል ሰቭ እንእ ኧሃር ።
+
+\v 11 ሁድቭ ፤ አሁዋ ግምብ ታረሽታ ሰቭ ኧቀንጥሁይ ፤ ኧግምብ ቢድ ዋና ኧኸረ እቭርን ።
+\v 12 ተሳቫይ በገዳ ንተርፍኔኴ አቩንረ ሹቭ እማትን ፤ሁድቭ ኢየሱስ ክርስቶስን ባኸሬ ኤኛ አአር ኤንዳ ባረኖም»
+
+\v 13 ጴጥሮስቪ ዮሃንስቭ ዋኸ አታአር ታይፎርሙ ቲዝረኩታ ቢያዢዮዋ ፤አትሟሩዋ ትምርት ኤነነዋ ሰቭ ኧሆሩዋኸ ኋርሙታ ወግ ኸረዎም ፤ቲኢየሱስቭ እማቲ ኧረፖሩዋኸ
+\v 14 ገፓኖም።አፊያቭ ኧኸረ ምስ በህመኸ ተሁኖም በትሸከቨ ኤእዲ አሸዊ ኧኸሬ አፍዲተዉዋታ ኢዝረኮዳ አአር ቦኮርሙ።
+
+\v 15 ህመኸ ኧከሬ ኧዋ ኧጴጥሮስቪ ኧዮሃንስቭ ተኦጎት ግት ያዎኦዮኸ ኤዘዡምታ፤ሁኖም ባአት ተደሞጁም ዋኽ ቧርሙ አትዋቾም ፤
+\v 16 « ባቴ ዋ ሰቭ ማሃ ነንአነየዋ? ፤በሁኖዋ ኧጅ ኧቴፐ ወግ ዘንጋ እንእ ብእስራኤል ገኘ አነዳ ሰቭ እንእ ሃረ ህመኸ ኧኸሬ ዋ ዘንጋ እም ዘንጋ ንፍጠጥርኔኸ ኤነዳ ።
+\v 17 ህመኸ ኧኸሬ ዋ ዘንጋ በሰቭ እንእ አይትዝራካኸ ዋ ሰቭ ተዋቴ ዲቪተዉኮ በዋ ሹቭ እእማት ሰቭ አይዝረኩዋኸ ናትጤፕኔየዋ ቧርሙ ።»
+\v 18 ሆኖዮምቭታ አት ተዉርኤተኝ ቢኢየሱስ ሹቭ ስርም አይዝረኩዋመኸዪ አያትሞሩዋመኸ ኤዘዢዮም ።
+
+\v 19 ጴጥሮስቪ ዮሃንስቭ ጭን ፤ «እንዴ ትእግዜር ኢረእ አሁዋ ኧታአዘዥት ብእግዜር ኢፍቲ ወሄ አአር ኧኸረ አኸረ አሁም ፉርጂ፤
+\v 20 ኢናሽ ኧሰምአነዪ አሸነዪ ሁዳ ተዞጉትሽ ኢኢ አንርነዳ ቧርሙ ዥፖርኖም።
+
+\v 21 ሰቭ እንእ በቴፐ ወሄ ዘንጋ እእግዜር ሽኩርት ያቲኢንዉዋ ኧረፐሬ ኧኸሬ አታአር ዪንኣኮይ ፈኘዉምታ ኖኦራ አአር አትፈኘዉዮምታ ጎፎርዮም ።
+\v 22 ብእም ብእግዜሪ ወግ ዘንጋ አፍያ ኧኸረምስ እድሜኋ ተአርቭአ ዘቭር በፎረ ኢኸርኩ ባንደ።
+
+\v 23 ጴጥሮስቪ ዮሃንስቭ ተዎሁኔ ቶፎቾዮዋ ቀጥወ ኧገግሁኖዋይ ሰቪ ተዠፖርሙ ዎርሙታኧካህን አላቃዪ ኧገኘቭ ባሪቅ ሁኖዋ ኧዋሪዮዋ ሁዳ እንእ ጆፖርሙ ኤኤጂዮም።
+\v 24 ሁኖም ዋ ዘንጋ በሰምኦዋጋ ተዶሞጁም ቃርሁኖዋ እእግዜሪ ነሾምታ፤ዋኸ ቧርሙ ጠሎት ኤፖሙ « ኑእ ኧኸርኸ ጎይቶ፤አኸ ሳቫዪቪ አፈርቭ ፥ባርቭ ፥በቫርቭ ከስ አኖዉታ ሁኖዋ እንእ ኸለቅኸ።
+\v 25 በመንፈስ ቅዱሲ አጋድ ባአቦንራ በዳዊት አፉ <አረማዊ ሰቭ ኧቭር ማአቾሙ ፤ ሰቭ ሁኖሁ ኧቭር እምኧኸ አደሙም፤
+
+\v 26 ፥አአፈር ንጉስ ኧቭር ተረሾሙ ፤ ኢጎዦታቭ ሁኖዋ እማቲ ተዶሞጁም፤ በጎይታቭ፤ በክርርስቶስ ፎር በጠላትነድተረሾሙ>።
+
+\v 27 «ዉረቭ ሄሮድስቪ ጳንቶስ ጲላንጦስቭ ታአረማዊ ሰቭቪ ትእስራኤልቭ ሰቭ እማቲ ሆሩምታ በዋ ከተማ አኸ በሸፐትኸን በትቀደሰ ትካኸ በኢየሱስ ፎር ያዱሙዋይ ተስዎሶዉም ።
+\v 28 እመዳ ኧኸረ ሁዳ አኸ በተርኸ በደረግማኸዪ በፍቃድማኸ ይኸርኬ ኧቫረንሁዳ ኢኸርኔን
+
+\v 29 ዋአካቭ ጎይታንሮ አኸ ኧዥ ያጌኪርከዳ ሰቭቭ ቃራኸ ታይፎርሙ በድፍረት ኢዝሮኮዳ ደረግ አኸ አክዋ ።
+\v 30 አፊያቭ ቲንአይ ኧጃኸ ዛጋ፤ በትቀደሰቭ ትካኸ በኢየሱስ ሹቭ ወግቭ ሽግቭ ኧኸረ ዘንጋ አተሽ ።»
+\v 31 ጠሎትመሁኖዋ ተጀፖሩዋ ቀጥወ ኧረፖርኰ ኤኤዲ ቅረቀረ ፤እንእመሁኖዋ በመንፈስ ቅዱስ ተቬንኦም ፤እእግዜርቭ ቃር አታአአር ትይፎርሙ ደፎርሙታ ዝሬኮም ።
+
+\v 32 አአሞርሙ ሰቭ እንእ እማት ሂንቭ እማትቭ አሳብ ባነኖተ ፤ዋጋሞሁኖዋቭ እንእ ብእማት ባንደ ባሃሬ «ዋዳ ኢያትን» አአር ይቭካ ሰቭ አነፐራ።
+\v 33 ኧክርስቶስሜ ኪሸረኝ ጌታ ኢየሱስ ክርስቶስ ተቩድ ኧትረሳኸ በሩእ ደረግ አአዉጅት ቆነሹም ፤ብእንመሁኖዋ ፎር ኑእ እእግዜር ጠጋ ባንደ
+
+\v 34 በግትሞሁኖዋ እማት አጀገረን ሰብ አነፐራ ፤እመኸቭ ኧኸረሁዳ አፈርቭ ኧህር ቢድ አነኖታ ሁዳ እንእ አስራዉምታ ዋጋኋ አዎኦምታ ፤
+\v 35 በኪሸረኘ ሁኖዋ ኧግሪ አዎኦም ያዎሮዪታ ፤እእንመኋ ያትሲእኩዳ ያቲሲእኩዳ አአህር ኢሻኩጂ ኧረፐረዴ ።
+
+\v 36 በቆጵሮስቭ ኢረቭርካ አት ዮሴፍ ዩሪዳ ኧሌዊ ጥቭ አአር ምስ ባንደ ፤ኧሁድቭ ኪሸረኘ ሁኖዋ «በርናባስ»ቧርሙ ሹቭ አዎኖነ ፤በርናባስ ኧዋርትቭ፤«ኢሰቡርኮዳ ሰቭ» ኧዋርትን፤
+\v 37 ሁድቭ አፈርኋ አሲየታ በክርስቶሲ ኪረረኝ ኧግሪ አቫአ አዎናንቭ።
+
+\c 5
+\p
+\v 1 ዩዉሪዳ አት ምስ ተቭሽትኋ ተሰጲራቭ እማቲ አፈር አሲየ ፤
+\v 2 ምሽትሞኋ ኧዉየሞኋ ትትሂርቭ ታሲየወ ፈራክ ናስኋ ደኧረ አዎናታ ፤ናስኋ አቫአ ኧኪሸረኘ ሁኖዋ ኧግሪ አቫአ አዎናን ።
+
+\v 3 ጴጥሮስ ጭን «ሐናኒያ ኧመንፈስ ቅዱስ ትፈጥርመዪ ፤ታአፈርማኸ ታሲየኸወ ፈራክ ግትዃ ትደእርኲ ኧቭር ሴጣን በሂናኸ ገፓቨኸ?
+\v 4 አፈራኸ ታታሲየኩ ኢፍቲ አኸ አአር አነፐረዳ? ዌ ታሲየኸን ቀጥወሁ ቢኸር ፈራክኋ አኸ አአር አነፐረዳ? ሁድሞኋ ዋ ዘንጋ ኧተኽኸ በሂናሄ አጫመጥኸ? ኧፈጠርኸን ሁዳ ኧመንፈስ ቅዱስን ባኸሬ ኧሰቭ አኸረዳ »ባረን።
+\v 5 ሐናኒያቭ ዋ ዘንጋ ቢሰቭአ ህመጋ ወንደ ወተኧታ ሞደ፤እመዳ ኧሰምኦም ሰቭ እንእ ቡሼኧኸ ፈኘዉም።
+\v 6 ዘርማ ዘርማቭ ሁኖዋ ተረሾምታ ኒሳኋ ኮፎኒታ ወሰጁም ᎂከዊ ።
+
+\v 7 ሶኦስት ሳአት አአህር በቸኔ ቀጥወ ምሽት ሂዳ ኧትፈጠረ ዘንጋ ታትሂርቭ ማአች ገፓች።
+\v 8 ጴጥሮስቭ ኧቭሽት ሂዳ እንዴ አዉጅኝ አፈራሁዋ አስራሁይ በዋጣካን አአሪ? ባረና፤ሂድቭ «እንከ በህመጣካን አአር» ባረቸን ።
+
+\v 9 ሃአ ግዚየ ጴጥሮስ «ኧተኸ እእግዜር መንፈስ ትፎትኑዋይ ዋኸ ተስማምአሁም? ዋአካቭ ምሳሽ ᎂከዉም ኧትዠፖሩዋ ሰቭ ወረጀ አነዉዋ፤እአሽቭ ኢዎሽችዴ»ባረና።
+\v 10 ሂድቭ ህመጋ ኧኧግርኋይ ወተኧችታ ሞደች፤ዘርማቭ ሁኖዋ ቲጎኦታ ነኮዉያታ ወሰጁም በቭስሻ ምዬ ᎂኴዉያ። ፤
+\v 11 ሙርአቭ ቤተ ክርስቲያንሞኋዪ እም ዘንጋ ኧሰምኦዋ ሰቭ እንእ ቡሼኧኸ ፈኞም ።
+
+\v 12 በክርስቶስቭ ኪሽረኘ ኧጅ በሰቭ ግት ኖኦራ ወግቪ ሽግቭ ኧኸረ ዘንጋ ኢቴፕ ባንደ አአሞርሙ ሰቭ እንእ ኧሰሎሞኒ ዋአድ ቢዩሪዳ ኤኤዲ ብእማት ኢደሞጁዋ ባንደ።
+\v 13 ም ተሁኖዋ ኢተፐሪ ኢደፍርካ እማትቭ ሰቭ አነፐራ ፤ቢኸርቭ ጭን ሰቭ ቡሼኧኸ ያከብርኮዋ ባንደ።
+
+\v 14 ኖኦራ ኧኧች ወንድቪ ግርኤድቭ በክርስቶስ ቲያአዉሩዋ ተሁኖዋ ኢተፖሩዋ ባንደ ።
+\v 15 ህመኸ ኧኸሬ ጴጥሮስ በሃመሜያ ቲያርካ ሰቭ ሁኖዋ ጥራርኋ ዳር ባአትሁኖዋ ፎር ኢደእውዎዋሴ ቧርሙ፤ኤኤመኖዋ ሰቭ ባአርጋዪ በቃሬዛ አዎኦም በቨያ ያዎሮዮዋ ባንደ ።
+\v 16 እመኸቭ ትእየሩሳሌም ዙሪያ ታነዉታ ከተማ ኧቫአሺየቪ በሴጣንቭ ተጠቦጩም ኧትጨነቁዋ ሰቭ ጠቦጩም ኧዎኦዋ ሰቭ ቃያኋ ኢቬንኤ ባንደ ፤ኧዎኦም ሁኖዋ እንእመሁኖዋ ኢተሩፍዋ ባንደ ።
+
+\v 17 ብእም ኧቫአ ዋና ካህን ሁድቪ ኧሰዱቃቭ ሰቭ እንእ በቅናት ጠበጠኖምታ ፤
+\v 18 ኧኪሸረኘቭ ሁኖዋ ጠቦጩም ኦሁኔ አጎፖዮም።
+
+\v 19 ቢኸርቭ ጭን እእግዜር መላአይካ በቭሳአረ ኦኦሁኔ ቢድ ኡፎቻ ከፈደታ አዋአኖምታ፤
+\v 20 «ሆሩዋ በቤተመቅደስ ሆርሙ ተሶጎሙታ ዋ አያ ዪንአካ ቃር ኧሰቭ እንእ አዉጁዋ»ብባረኖም ።
+\v 21 ጋእ ተቫረመኸ ህም ኤኤጂዮዋመኸ ዎርሙታ በቤተምቅደስ ተሸኮሙ ኧሰብ አትሞርት ቆነሹም።
+
+\v 22 ኧኬሸቩዮም ሰቭ ወህኔ ቢድ ቢያሩዋ በሃይ አነኮዉዮታ ፤ተዠፖርሙ ሞኦሙታ ፤
+\v 23 «ኦሁኔ ቢድ ሁዳ ጔ ኴርሙ ቆሎፉምታ ዩኡሮታ ሰቭ በዎረጀ በትሸኮዉዋይ ነከቭኔዮም፤ከፈድነ ብንጋአነ ጭን በከስር አትዎኋ አነፐራ»ቧሪዮሙ።
+
+\v 24 ቤተ መቅደስ ዩኡሮታ ሰቪ አዛዥቪ ኧካህን አላቃቭ ሁኖዋ ጭን ዋ ዘንጋ ቢሰቭኦዋ ወግ ኸረዎምታ ዩዉርታ አአር ቦኮርሙ።
+\v 25 ህም ግዚየ አት ምስ ማአታ ፤«እኩ ኦሁኔ ቢድ አገፓሁዮዋ ሰቭ በቤተ መቅደስ ተሸኮሙ ኧሰቭ እንእ ያትሞሩዋ» ባረ ኤኤደኖም ።
+
+\v 26 በህም ግዚየ አዛዥ ሁዳ ቲዩኡሮታቭ ሁኖዋ እማቲ ዎርሙ ቦቾም አዎኦዮዋ፤አዎኦዮም ሁዳ ጭን ኤኤዉምታ ባሃሬ በግርድ አነፐራ ፤እመኸቭ ኤፐዉዋ ሁዳ ሰቭ ፤ይዎጎዮቴ ቧርሙ ፈኘዉምታን ።
+\v 27 ኪሸረኘቭ ሁኖዋ አዎኦምታ በኦጎት ግት አትሸኮዉዮም፤ዋናቭ ኧካህን አላቃ ሁዳ ኧኪሸረኘ ሁኖዋ ዋኸ ባረ ተሳአረኖም ።
+\v 28 «ኢና በዋ ሹቭ አታትሞሩዋኸ አትጬፐነ አዘዝኔኩም ባንደ፤ አሁዋ ጭን ባአይ ባሁም ኢየሩሳሌም በትምርታሁዋ ሜንአሁይ ፤እም ኢየሱስ ዩዉሪዳ ምሲ ደቭ ቢና ታዎኦኮንሬ ትሱኡዋ»ባረ ተሳአረኖም።
+
+\v 29 ጴጥሮስቪ ኤኛቭ ኪሸረኘ ዋኸ ቧርሙ፤«ተሰቭ ኢረእ እእግዜር ኧታአዘዥት አነቨንረ» ።
+\v 30 አሁዋ ቤኧ ሰኧርሁም ኧኧተርሁይ ኢየሱስ አአቦንራ እግዜር ተቩድ ነሳን ።
+\v 31 ሁድቭ እእስራኤል ሰቭ ንስሃዪ ባጢርቭ አፉ ይቭረኸ ፤እግዜር እእንቨኋ አላቃዪ ዉዛ ኤፐ በቀነኋ በክብር አወናን ።
+\v 32 ኢናቭኧዋ ዘንጋ አአር ምስክርንረ እመኸቭ አትቭ እግዜር ኢታአዘዥታ ሰቭ አቨኖዋ መንፈስ ቅዱስ ምስክርን።»
+
+\v 33 ሰቭቭ ሁኖዋ ዋ ዘንጋ ቢሰቭኦዋ ቡሼኧኸ ማአቾምታ ዮኦትሪዮዋይ ሴኧዉም።
+\v 34 ዘንጋኋ ጭን በሰቭ ሁኖዋ ግት በሰቭ እንእ ኧትከበረ አአር አት ኧቂጫ አስተማሪ ፤ገማልያል ዩሪዳ ኧፈሪሳ ሰቭ በሰቭ ግት ተረሳ ተሸከቨታ ኪሸረኘ ሁኖዋ ዉጢሂረጋ ወረጀ ኤኤቶ ያቲኢክሺዮኸ ኤፐ።
+
+\v 35 ኦኦጎትቭ ኧቸኖዋ ሰቭ ዋኸ ባረኖም «እእስራኤል ሰቮ አሁዋ በዋ ሰቭ ፎር ቲንኧኮይ አጫመጥሁይ ዘንጋ እንዴ ጎኩርሙ ቡርኦም ኦዢ ፤
+\v 36 ኧዋ ኢፍቲ ቴዎዳስ <ዩዉሪዳ ምስ>ኢያ ኑኡንሁ ባረ ተረሳ ፤አርቭአት በኧር ኢሆርታቭ ሰቭ ተሁድ ተረሾምታ አኮዢ ፤ዘንጋኋ ጭን ሁድቭ ኦተሪ ተሁድቭ ኣረፖሩዋ ሰቭ ተቭራጮም፤ዘንጋሞኋ አታአር አነፐረኸ ኸረ ።
+\v 37 ተህም ቀጥወ ሰቭ በትጣፈወ ዘቨር ኧገሊላ ገኘ ይሁዳ ተረሳ ፤ኖኦራ ሰቭ አሄተረ ዋአታ ተዋካ ፤ሁድቭ ኦተሪ ተሁድቭ ኧረፖሩዋ ሰቭ ተቭራጮም።
+
+\v 38 ህምመኸ ኧኸረሜ ፤ዋአካ ኢያ እቭሁዋታ ሁዳ ዋሰቭ ቶኡዮዋ አትንጉጂዮዋ ፤አሳቭሁኖዋ ዌ ሜናሁኖዋ ተሰቪ በኸረ የኧይኬ ፤
+\v 39 ትእግዜሪ በኸረ ጭን አሁዋ ታሸኩዉዮይ አይኸነሁዋታ ኢረእ ትእግዜር ትትራኮሽታ አአር እኸረቨሁዋ »ባረኖም።
+
+\v 40 በኦጎትቭ ኧቸኖዋ ሰቭ ምክርኋ ቴኤፖሪ ታ ፤ኧኪሸረኘ ሁኖዋ አዎኦም አትጌሮፉዮምታ አት ተዉርኤተኝ በኢየሱስ ሹቭ አይዝረኩዋኸ ኤዘዢዮምታ ጎፎሪዮም ።
+\v 41 ኪሸረኘቭ ሁኖዋ ኧሹቩኋ ቲዩሩዋ ዉርደት ኢቴኤፖሩዋይ አቨቃኖዋይ ቲሽርኮዋ ተእኦጎት ሁዳ ዎኦም።
+\v 42 ሁኖም እንእ ቀር በቤተ መቅደስቭ ኸረ ፤በቪድ ቢድቭ ፤ ኢየሱስ ሁዳ ክርስቶስ ኧኸረኸ ፤አትሞርትቪ ወሄ ዋራይ አአዉጅት እማትቭ ቀረ አንቼኧዊዳ።
+
+\c 6
+\p
+\v 1 ብእም ግዚየ ኧክርስቶስ ተማሪ ሙዝር ቲደቭር ወረ ፤ ተግሪክ ገኘ ኧዎኦዋ አይሁድ በይሁዳ ገኘ በረፖሩዋ አይሁድ ቁጨጨኮሙ ፤እመኸቭ ኧኸረ ሁዳ እንእ ቀረ ቢዪዊ በረፐረ ሸረድ፤ኧሁኖዋይ ዶᎄ ኧኸራ ተግሪክ ኧቫአ ምስ ኧዎንደና እሽቻ ችላ ቧርሙ ኢቹኡያ ኧረፐረዴ።
+
+\v 2 ህመኸ ኧኸረሜ አስረ ዉርኤቸ ኪሸረኘዪ ኤኛሞሁኖዋ «ኢና እእግዜር ቃር አአዉጅት ቴእተኔታ ሸረድ ኧሻጉጅት ኤነቨንረዳ ።
+\v 3 ህመኸ ኧኸረሜ ኧሰማቶ ባሁዋ ግት በመንፈስ ቅዱስ ደረግ ሆርሙ ዪንኧዋኸ ሰቭ ይኢድኖታ ሳቭአት ሰቭ ሹፑቹዋ እም ዳኝነድ ኧሁኖዋ ናቭኔዮሴ ፤
+\v 4 ኢና ጭን በጠሎትቪ ቃርሞኋ ባአዉጅት ናትቫቅርነሴ» ቧሪዮም።
+
+\v 5 እመኸ ኧዋሪ ዘንጋ እንእ ሰቭ ባረን ፤በዉርኣ ሂንሁኖዋ አአሞርምዪ በመንፈስ ቅዱስቭ ደረግ ሆርሙ ዪንኣታ ሰቭ እስጢፋኖስቭ ፥ፊሊጶስቭ፥ጵሮኮሮስቭ፤ኒቃሮናቭ፥ጢምናቭ፥ጳርሜናዪቪ፥በይሁዳ ሃይማኖት ገፓ ኧረፐረ አአንፆኪያ ገኘ ኒቆላዎስቭ ሾፖቹም።
+\v 6 ሁኖም አዎኦም በኪሸረኘሁኖዋ ኢፍቲ አትሸኮዉዮምታ ጠሎት ኤፐዉኖምታ ኧጅሁኖዋ አተጉኮምታ ዳርዮም።
+
+\v 7 እእግዜርቭ ቃር ቲቬትድ ወረ ኧተማሪሞኋ ሙዝር ቢኢየሩሳሌም ኖኦራ አአር ቲደቭር ወረ ፤ተካህንንቭ ሁኖዋ ኖኦራሁኖዋ ቢኢየሱስ አሞርሙ ።
+
+\v 8 ብእም ግዚየ እስጢፋኖስ እእግዜር ጠጋቭቪ ደረግቭ ተቬንአታ በሰቭ እንእ ግት ወግቪ ሽግቭ ኧኸረ ዘንጋ ዪንአ ባንደ።
+\v 9 «ነጣ ኢዎኦታ ሰቪ ኧተሎት ቢድ» ዩሪዳ ኧአይሁድ ጠሎት ቢድ ኢጎኦታ፤ተቀሬና ገኘ ፥ትእስክንድሪያ ገኘ፥እመኸቭ ተኪልቂያዪ ትእስያ አዉራጃ ኧዎኦዋ ሰቭ ፤ብእስጢፋኖስ ተረሾኮታ ቡሼኧኸ ኢኩራኮሪ ባንደ ።
+
+\v 10 ቢኸርቭ እስጢፋኖስ ኢዝሬክወ ኧረፐረ ሃሪነድቪ መንፈስቭ ኤምተዉ ኢሬኲር አኸረኖታ።
+\v 11 ህመቭቭ ኧኸሬ «እስጢፋኖስ ኧሙሴሚ እእግዜርቭ ቲቀርቭካ ሰንምአነ» ባይተዉዋ ዪኢጅታ ሰቭ ሴኧዉም በዱኡራቸ አቮኖም።
+
+\v 12 ብእም አይነት ፤ኧሰቭ እንእ ኧገኘ ባሪቅቪ ኧቂጫቭ አስተማሪ ንሳሾሙታ እእስጢፋኖስ ኧትጤቦጩም ባአይሁድ ኦጎት ግት አትሸኮዊ ፥
+\v 13 ሁኖም ዋኸ ባይተዉዋ በደባ ኢምሰኩርታ ሰቭ አትሸኮኰ «ዋ ምስ በዋ በትሸፐተ ኤኤድቪ በቂጫሞኋ ኧቂንቅቨ ቃር ኧዘጉትኋ ስርም አንቸኧንዳ ፤
+\v 14 እመኸቭ ንቭርኘዳ ሁዳ ዋ ኧናዝሪት ኢየሱስ ዋ ኤኤዲ ያአፋኩመኸዪ ሙሴም አወናንረ ቂጫ ኢሸግርኮኸ ቲዝሮኩታ ሰምአነዮም።»
+\v 15 በኧጎትቭ ኧቸኖዋ ሰቭ እንእ እእስጢፋኖስ ቱኩ ኤፖሙ ቢያዢ ኢፍትዃ ኧመላአይካ ኢፍት ኸረ ተረኸቨኖም።
+
+\c 7
+\p
+\v 1 ዋና ካህንቭ ሁዳ «ዋ ኤኤጅኮኰ ክስስ ኣዉረ አንዳን አአሪ?»ባረ ተሳአረን።
+\v 2 እስጢፋኖስቭ ዋኸ ቲቭር ዠፐረነ «ኧሰማትመኛዪ አቦመኞ ስቭኦኝ ፤አባንራብ አብርሃም ካራን ቶኦትኋ ኢፍቲ ገና ሜሶጶጣሚያ ታነ ኧክብር ጎይታ ተራከቨንታ ፤
+\v 3 ተገኘማኸዪተዶቦማኸ ተቫይተርታ ኢያብ አቲሽኸዳ ገኘ ሆር ባረን።
+
+\v 4 ሁድቭ ተከለዳ ገኘ ዋአታ በካራን ቸና ።አቦሞኋ ተዎንደ ቀጥወ ዋ አሁዋ አንሁኮዳ ገኘ አቫአን ።
+\v 5 ብእም ኤኤዲ እማት ቼምባ ያአህርካ ኤኤዲ ደረድ አናቨንዳ ፤ዘንጋኋ ጭን ሃአ ግዚየ ዘር ኧኸረ አአር አታአር ታይረቭርኩ ፤እግዜር ሁድቪ ተሁድቭ ቀጥወ አነዉታ ዘርኋ፤ አርዳኋ ኢዎርሹዋኸ ቃር ገፓነ።
+
+\v 6 እመኸ አትቭ እግዜር ዋኸ ባረ ዝሬከን ፤ዘራኸ በቫዳ ሰቭ ገኘ ሳናጫድ ኢኸርኬ ፤አርቭአት ዘቨር ባሪያ ዪንኧዮቴ ፤ያትጨንቁዮቴ ፤
+\v 7 ቢኸርቭ ባሪያ ኤፐ አትጨነቀኖዋ ሰቭ ኢያ ኧቀጣኩዴ ።ተህም ቀጥወ ተሄኤዲ ዌኤተዉዋታ በዋ ኤእዲ ኢያ ኢሰጉጅኒዴ ባረ ዝሬከ ።»
+\v 8 ተህም ቀጥወ ዘገር ያጋአኸ ጉርዳ አገፓን፤አብርሃምቭ ኢሳቅ ኤኘ በሱቩተኘ ቀረሞኋ ዘገር አገፓን ፤ኢሳቅቭ ያዕቆብ ኤኝ ፤ያዕቆብቭ እእስራኤል አስረ ዉርኤት ጥቭ አቦሁኖዋ ኤኘ ።
+
+\v 9 እእም እእስራኤል ጥቪ አቦ በኧሰምሁኖዋ በዮሴፍ ቆኖሙታ ፤ እግብፅ ገኘ አስራዊ፤ዘንጋኋ ጭን እግዜር ተሁዳ እማቲ ባንደ ።
+\v 10 ተመከራኋ እንእ አዋአን፤በግብፅ ንጕስ በፈሮዖን ኢፍቲ ንመጀዪ ኧኋርትቭ አቨን ፤ፈረዖንብ በግብፅ ገኝዪ በቪድሞኋ አላፊ ኤፐ ሾመን ።
+
+\v 11 በህም ግዚየ በግብፅቪ በከነአንቭ ሙጥጥ ጋጀ ማአ ፤አቦመንራ ኢዎርኧታ አአር ቦኮርሙ ።
+\v 12 ያዕቆብቭ በግብፅ ኧህር አነኸ ሰምአታ፤አአቦንራ አአወተረ ጊዚየ ግብፅ ገኝ ኬሸኖም ።
+\v 13 ኧዉርኤተኘ ግዚየ ቲያርታቭ ዮሴፍ ኧኧሰማትኋ ኧሰምሁኖዋ ኧኸረኸ ኤኤደኖም ፤ፈረዖንቭ ኧዮሴፊ ዶበ አአር ሃረ ።
+
+\v 14 ተህም ቀጥወ ዮሴፍ ኬሸታ አቦሞኋዪ ዶቦሞኋ እንእ ብንእ ስቭአዪ አምእስት እንእ ኢሆርታ ሰቭ አትቫአ ።
+\v 15 ያዕቆብቭ ግብፅ ገኘ ወንደ ፤ሁድቭ አቦመንራ በሃይ ሞጁም ።
+\v 16 ኒሳሁኖዋ ሴኬም ወሰጂታ አብርሃም ቴኤሞሪ ኧች በደረእ ፈራክ በሲየን አፈር ᎂከዉዮም።
+
+\v 17 እግዜር አአብርሃም ኧገፓነ ቃር ኢኸርወዳ ማአ ቲሰርአካ በግብፅ ገኘ ኧረፐረ ኧሰቭንራ ሙዝር ቲደቭር ወረ ።
+\v 18 ተህም ቀጥወ በግብፅ ዮሴፍ አይሂር ኤኛ ንጕስ ነገሰ ።
+\v 19 ሁድቭ በሸርኋ ሰቭንራ አትጨነቀ ፤ህመጋ ኧቴኤኘዉዋ ቢስኪድ ዴንጋ በግርድ ዲየ ኤኤቶ ቃሽቶዉዮዋታ ኢዎጁዋኸ ኤፐ ።
+
+\v 20 በህም ግዚየ ሙሴ ቴኤኘ ፤ሁድቭ በእግዜር ምዬ ኧትረመደ ማርካማ ትከ ባንደ ። ባአቦሞኋይ ቢድ ሶኦስት በኘ ስን ጌከርሙ ቲሆዱሚ ተራኧ ።
+\v 21 ዲየቭ አዎኦሙ በቃሸዉይ ግዚየ ኧፈረዖኒ ገረድ ነከቨቸንታ ወሰደች ኧገግሻይ ትከኸ ኤፐች አራኧቸን ።
+
+\v 22 ሙሴም ኧገብፅ ገኘ ሃሪነድ እንእ ተማረታ፤ሁድቭ ቢዝሬኩዳቭ ዘንጋቭ ኧህር በቬናሞኋ እንእ ቱኧኸረ ።
+\v 23 ሙሴም አርቭአ ዘቨር ቲኸርኩዳ በሂንኋይ ኧሰማትኋ ሆይተ ያዢ አጫመጠ ፤።
+\v 24 ሁድቭ አት ኧግብፅ ገኘ ሰቭ ኧዶቦኋ እስራኤል ሰቭ ቲገፋካ አሸታ ፤ኧትገፋ ዶቦኋ ኧጉዣ ዋአነታ ኧግብፅ ገኘ ሰቭ ሁዳ ኧተረን።
+\v 25 ዶቦሞኋ እግዜር በሁዳ ኧጅ ሂይተ ነጣ ያዋአኮዋኸ ኧቬሰሩዋ አአር መሰረን ባንደ ሁኖዋ ጭን አምቤሰርታ ።
+
+\v 26 በቭረጋሞኋ እመኸ ዉርኤት እእስራኤል ገኘ ሰቭ ቲትራኮሽታ ማአ ፤ያቊያምጥኮሜ ሴኧታ «ሰቮ አሁዋ ዉርኤቸማሁዋ ኧሰማትንሁዋሽ ፤እህ ባቴ ኧተኸ አሁም ታሁም ትትራኮሹዋ? ባረኖም ።
+\v 27 ህም አአቦጎዳኋ ኢገፋ ኧረፐረ ሁዳ ጭን ኧሙሴ ገፋ ሃይ ኤፐንታ ዋኸ ባረን «አኸ ቢና ፎር ትፈርድመዪ ትገዛሜ ኧሾመናኸ ማንተን?
+\v 28 ዌ ትራኛ ኧግብፅ ገኘ ምስ ኧኧተርንኸንመኸ ኢያቭ ተኧትረዪ ሴኧኸዪ?
+
+\v 29 ሙሴቭ ዋ ዘንጋ ተሰምአመኸ ሴከ ወረታ ሚዲያም ቢዩሪዳ ገኘ ሳናጫድ ኸረ ቸና ፤በህሜ ዉርኤት ኧኧች ወንድ ዴንጋ ኤኘ
+\v 30 ታርቭአ ዘቨር ቀጥወ ፤በሲና ቆቶ ሚዬ ባነዉታ ኸቭር ቢረድድካ ቆዛ እእግዜር መላአይካ ተረከቨን ።
+
+\v 31 ሙሴም አሸን ዘንጋ ወግ ኸረዎታ ዘንጋኋ ምር ኧኸረ ኢሂሪ ሃትኒየ ቢቴኤነቭ ፤እእግዜር ቃር ፤
+\v 32 ኢያ አአቦዋኼ እግዜር አአብርሃሚ፥ኢኢሳቂ፥ኧይዕቆቢ ጎይታንሁ፤ቲቭካ ሰምአ ።ሙሴቭ ቡሼኧኸ አራአንደን ያዥሜ ፈኘ።
+
+\v 33 ጎይታቭ ኧሙሴ «አትሸከኸወ ኤኤዲ ኧትቀደሰ ኤኤዲ ኧኸሬ ኧኧግራኸ ጫማ አአ ፤
+\v 34 በግብፅ ገኘ አነዳ ኧሰቭኛ መከራ ጪግቭ ሃርሁ ፤ተጨነቁም ኮ ቲዩርታ ሰምአሁኖም ፤አተርፍኮሜ ወንድሁ።ዋአካቭ የኸ ሃአይተሁ ግብፅ ገኘ ዣቪተሁ ኧኬሽኸዴ»ባረን ።
+
+\v 35 ባቴ ሃአ ትፈርዲ ዳኘ ኤፐ ቢና ፎር ኧሾመናኸ ሁዳ ማንተን? ቧርሙ ኧቆንጪ ዋ ሙሴ እግዜር በቆዛ ፎር ባሸን መላአይካይ አጋድ ዳኘዪ ፈራጅቭ ኤፐ ኧሁኖዋይ ኬሸን።
+\v 36 ሁድቭ መራ ተግብፅ ገኘ አዋአኖም ፤ ሁድቭ በግቭፅ ገኘ በቀይ ባህርቪ በበረሃቭ አርቭአ ዘቨር ወግወግ ኧሆሩዋ ዘንጋዪ መርኸትቭ ኤፐ ።
+\v 37 እእስራኤልቭ ሰቭ እግዜር ኢያኸ እንዳ ነቢ ተግታሁዋ ኢረሳነሁዋቴ ኧቫረኖዋ እም ሙሴ ባንደ ።
+
+\v 38 ሁድቭ በሲና ተራራ ተዝሬይከን መላአይካዪ ታአቦመንራ እማቲ በምድረ በዳ በደሞጁዋሰቭ ግት ባነዉተ ፤ሁድቭ አያ ዪንአካ ቃር ኢና ያአይፕረንሬ ትእግዜሪ ቴኤፐረ።
+\v 39 አቦንራ ጭን ተጋፎዪ ባኸሬ ኢታአዘዢ አሴኧዉዋይ ኧኸሬ በሂንሁኖዋይ ህም ግብፅ ገኘ ተዠፖርሙ።
+\v 40 አአሮንቭ ቲኢፍትንራይ ያርታ ኢሰጉጅኖታ ዛር አጣዉርንረ ተግብፅ ገኘ ቲመራንረ አዋአንረ ሃአ ሙሴ ምር ኧሰንአወኸ አሂርነዳ ቧሪ ።
+
+\v 41 ህም ግዚየ ኧሞሳ ምስር አጣወረኖም ፤እእም ኧዛር ሁዳ ህትቭ አቴኤነዉነ፤ በኧጅመሁኖዋ ቤፐዊ ሜና ቡሼኧኸ ሳረኖምታ ተዉራነኡም።
+\v 42 እግዜር ጭን ተሁኖዋ ተቫይተርረ ኧሳቫይቭ ሆሆ ኢሰጉጁዋኸ አዋአ አአይፐረኖም፤እመዳቭ በነቢ መጣፍ፤
+
+\v 43 ኢይረእቭ ትሰጉጅኖዋይ አጣወርሁዮዋ ፤ኧሞሎኪ ድኳምቪ ኧዛርማሁዋይ እእሬምፋሚ ሆሆ ነሳሁም ጠበጥሁም። ህመኸ ኧኸረሜ ተባቢሊን ገኘ ሃአ አጋድ ትትሰተጁዋኸ ኢንአሁዋቴ ይቭካ ቃር ዉረ ኸረ
+
+\v 44 «እግዜር ኧሙሴ ዪንአኮኸ ባቴሸንቪ ቤኤዘዘንቭ አይነት ኤፐዊ ኧምስክር ድኳም ታአቦንራ እማትሜ በቨረሃ ባንደ ፤
+\v 45 አቦመንራ ድኳም ሁዳ በቴኤፖሩዋ ቀጥወ ፤ኢያሱ ቢመራዋ ኧረፐረ ግዚየ በሁዳ ኸረታ አትሳተደኖዋ አአረማዊ ገኘ ኧዎረሹዋ ግዙየ ጠቦጪ ጎፖሙ ፤ኧዳዊትቭ ዘቨሪ ዳር ህሜ ቸና ።
+\v 46 ዳዊትቭ ብእግዜር ኢፍቲ ኧትረመዴ ኧኸሬ ኧያዕቆቢ ጎይታ«አኸ ትቸናወዳ ኤኤዲ ነረሽነኸ »ባረ ሳአረ።
+
+\v 47 ቢኸርቭ ጭን ዋ ኢቸናወዳ ቢድ አረሸን ሰለሞን ባንደ ።
+\v 48 ኧህር ባኸሬ ኑእ ኧኸረ እግዜር ኧሰቭ ኧጅ ባረሰን ቢድ አይረቭርካ ፤እመዳቭ ነቢ ሁዳ ፤
+\v 49 «ሳቫይ ዙፋንነኛ አፈርቭ ግርኛ አትሸክዉወዳን አአር ፤ እህ ባቴ ኢያ ታረሽኒዳ ቢድ ምር አይነትን አአር? ዌይሁ አፎይወሆይ ኢኸሬዳ ኤኤዲኧትኤድኔን?
+\v 50 ዋዳ እንእ ኤፐን ኧጅሸኛ አኸረዳ? ይቭር ጎይታ፤ኧቫረንደኸ ።
+
+\v 51 አሁዋ ሂንማሁዋዪ እንዝርማሁዋ ዘገር አናጎፖይ ፤መመራᎀ ፤ህም አአቦማሁዋኸ እንእ ግዚየ መንፈስ ቅዱስ አትትቴኤፖርታ ።
+\v 52 እንዴ ተነቢ ሁኖዋ ግት አቦዋሁውዋ አናትሳተጂ አአር ማንአነ? እእግዜር ተሂንሞኋይ ኢታአዘዝካ ክርስቶስ ኢቫአኸ ቦተርሙ ኧዝሬከዉዋ ሁኖዋ ዳር ኦተርሙ፤አሁም ዋአካ አዋአሁም አአይፐርሁይ ፤ኧተርሁዪቭ ።
+\v 53 በመላአይካሜ አጋድ አኩዋ ቂጫ ቴኤፐርሁይ ባኸሬ አንእራኊዳ ።»
+
+\v 54 በኦጎትቭ ቁጥቁጥ ኦዋርዋ ሁኖዋ ዋዳ ቢሰቭኦዋ ቡሼኧኸ ማአቾም ከፈርመሁኖዋ ነኮሽኰ ።
+\v 55 እስጢፋኖስ ጭን በመንፈስ ቅዱስ ተቬንአታ ኧሳቫዪ ኤፐ ቱኩ ኤፐ ባዥ ፤እእግዜር ክብርቪ ፤እመኸቭ ኢየሱስቭ ብእግዜር ቀነ በትሸከቬ አሸታ፤
+\v 56 «እኩ ሳቫይ እንእ ተኮፎጁምታ ፤ኧሰቭ ትከ ብእግዜር ቀነ በትሸከቬ አዥ » ባረ ።
+
+\v 57 ህም ግዚየ እንእቨሁኖዋ ቃርሁኖዋ ነሾም ቲያሆሮዋ ፤እዝርሁኖዋ ኤፎም ታ ሁዳ አኖዳ ኤኤዲ ኤፖም ቲትራዉኡዋ ሞኦም ።
+\v 58 ጠቦጩም ተከተማኋ ሰቻ አጋድ አዎኦም ቃሸዊታ፤ብእቭር ኦጎት ቆነሺ ።ዋመኸ ቲዪንኧታ በሃኸ ኧረፖሩዋ ምስክር ፤ሁጅርሁኖ ሳዉል ቢዩሪዳ ዘርማ ኧግር ሚዬ አዎኖም።
+
+\v 59 እስጢፋኖስቭ ቲዎጎዪታነ «ጌይታ ኢየሱሶ ነበስኛ ተኧቨር» ባረ ጠሎት ኤፐ፤
+\v 60 ተህም ቀጥወ ሙግ ባረታ ቃርኋ ነሳታ «ጎይታኞ ዋ ባጢር አትቨዝርዎዋ» ባረ ኮ ተቫረ ቀጥወ አፎኘ።
+
+\c 8
+\p
+\v 1 ሳዉልቭ እስጢፋኖስ ኢዎንደኸ ተስምአምአ ባንደ ።በህም ቀረ በኢየሩሳሌም ባንዳ ቤተ ክርስቲያን ኑእ ምካት ተረሳ ባንደ ፤ኧክርስቶሲ ኪሸረኘ ሁኖዋ ባኸሬ ኤኛ በክርስቶስ አአሞሩዋ ሁኖዋ እንእ በዩሁዳዪ በሰማሪያቭ ገኘ እንእ ተብራጮም ባንደ ፤
+\v 2 አታት በመንፈስ ዘንጋ ጃድ ዩዉርታ ሰቭ እእስጢፋኖስ ቡሼኧኸ ቤከዉነታ ᎂከዊ።
+\v 3 ሳዉል ጭን ቤተ ክርስቲያን ያአዪ ታአከደ ተረሳታ ቢድ ቢድ ቲያር ዴንጋዪ ግርኤድቭ ሻቨ አዋአ ኦሁኔ ቢድ ያቲኢኪድ ባንደ።
+
+\v 4 እም ኧትዉራጮም ሁኖዋ በዎርኰ ኤኤዲ እንእ ቃርኋ ዝሬኮም ፤
+\v 5 ፊሊጶስቭ አት ኧሰማሪያ ገኘ ወረታ ፤ ኣክርስቶስ አአር ኤኤደኖም ።
+
+\v 6 ኖኦራ ሰቭቭ ፊሊጶስ ኧዝሬከን ዘንጋዪ ኤፐንቭ ወግ ወግ ኧሆሩዋ መርኸት ቲያዥታ እንእቨሁኖዋ ፤ብእማት ሂን ሆሩም ኢሰቭኦይ ባንደ ፤
+\v 7 ተረኦራቭ ሰቭ ሴጣን ኮ ቲቩሩዋ ዎኦም፤ ኖኦራቭ ጅረዪ ሰቭነድመሁኖዋ ኧሸተረዎዋ ሰቭ አፊያ ሆርሙ፤
+\v 8 በህም ኧቫአ ከተማኋ እንእ ቡሼኧኸ ሳረን ።
+
+\v 9 ዘንጋኋ ጭን ኧሃ ኢፍቲ በከተማኋ እንእ በሽጎርነድኋ ኧሰማሪያ ገኘ ሰቭ እንእ ወግ ኧኸረወ አት ሲሞን ዩሪዳ አት ምስ ባንደ ፤ሁድቭ ገግኋ ኢያ ኑኡንሁ ባረ ይቭር ባንደ ።
+\v 10 እስቭ ኑኡሞኋ እንእ ሰቭ «ዋ ምስ ኑኡን ቧርሙ ዩሪዳ እእግዜሪ ደረግን» ቧርሙ ጭን ቧርሙ ኢሰቭኦይ ባንደ።
+\v 11 ተሮኦራ ግዚየ ቆነሺታ በሸጎርነድኋ ወግወግ ዘንጋ ኤፐ አሸቴኖዋይ ኧኸሬ ተሂንሁኖዋይ ኢትሄተሪ ባንደ
+
+\v 12 ዘንጋኋ ጭን ፊሊጶስ እእግዜር መንግስት አአርቪ ኢኢየሱስ ክርስቶስቭ ወሄ ዋራይ አአር ኤኤደኖምታ አሞርሙ አቴኤፖርዋይ ኧኸሬ ገማዪ እሽቻ ተጠሞቁም ።
+\v 13 ሲሞን ገግሞኋ ዳር ታይተርፍ አመረታ ተጠመቀ፤ሁድቭ ፊሊጶስ ተሄተረ ወረታ ዪንአኮታ መርኸትቪ ወግወግ ዘንጋቭ አሸታ ወግ ኸረወ ፤
+
+\v 14 በኢየሩሳሌም ኧረፖሩዋ ኧክርስቶሲ ኪሸረኘ ፤፤ኧሰማሪያ ሰቭ እእግዜር ቃር ኧቴኤፖሩዋኸ በሰምኦዋጋ ጴጥሮስቪ ዮሃንስቭ ኧሁኖዋይ ኬሸቩዮም ።
+\v 15 ሁኖም ሰማሪያ ገኘ በሰንኦዋጋ ኧሰማሪያ ሰቭ መንፈስ ቅዱስ ኢቴኤፖሩዋኸ ጠሎት ኤፐዉኖም ፤
+\v 16 እመኸቭ ኧኸረሁዳ ሰቭ ሁኖዋ ሃ ግዚየ በጎይታ ኢየሱስ ሹቭ ተጥገሞቁም ባንደ ባኸሬ ገና ባአትሞሁኖዋ ፎር መንፈስ ቅዱስ አምቦንደዎዋ ባንደ ።
+\v 17 ህመኸ ኧኸረሜ ጴጥሮስቪ ዮሐንስቭ ኧጅሁኖዋ አተግኮም ፤ሁኖም መንፈስ ቅዱስ ቴኤፖርሙ ።
+
+\v 18 ሲሞንቭ ኪሸረኘ ሁኖዋ ኧጅሁኖዋ በሰቭ ፎር ቲያድጎዋታ ሰቭ መንፈስ ቅዱስ ኢቴቨኸ አሸታ ፤ፈራክ በታአቫአኖምታ ፤
+\v 19 «ኢያቭ ኧጅኛ አድግወዳ ሰቭ እንእ መንፈስ ቅዱስ ኢቴኤፐረኸ ዋ ዳኝነድ ኢያቭ አዉኝ»ባረኖም ።
+
+\v 20 ጴጥሮስ ጭን «እእግዜር ስጥጦታ በዋጋ ትሲዬ አጫመጥሄ ኧኸሬ አኸ ተፈራክማኸ እማቲ እረዉዋ! ፤»ባረን ።
+\v 21 ሂናኸ ብእግዜር ሚዬ ወሄ አአር አናጫመጤ ኧኸሬ አኸ በዋ አገልግሎት እድልቭ ኸረ ሟር ኤነነኸዳ ባረን።
+\v 22 ዋአካቭ ኧዋ ሙጥጥ ሜናኸ ንስሓ ግቭአ ፤እእግዜርሜ ጠሎት ኧንአ ፤ወይ አትንሽ እግዜር ፤ዋ ኧሂናሄ አሳብ አፉ ኢቫኸሴ ።
+\v 23 እመኸቭ እቭኸዳ ሁዳ በቩጥጥ ባይትዠፐር ሂን ኸርኸ ባመጠኘ ቁጥቋጨ በታአከድሔ አዥሄ ኧኸረዴ ።
+
+\v 24 ሲሞንቭ ዠፐረታ« በዋ በቫሁዮዋ ሁኖዋ እንእ አታአር አይሰርአቪኸ እእግዜር ሳአርኒ» ባረኖም ።
+
+\v 25 ጴጥሮስቪ ዮሃንስቭ ፤ኧጎይታ ቃር ተሙሶኮርሚ ኮፎጁም ተዝሬከዉዋ ቀጥወ፤ በሮኦራ ኧሰማሪያ ቃያ ኧክርስቶሲ ወሄ ዋራይ ቲዪኢጁዋ ፤ኢየሩሳሌም ተዠፖርሙ።
+
+\v 26 እእግዜር መላአይካ ኧፍሊጶስ «ተሳታ ተጉራ አጋድ ተኢየሩሳሌም ጋዛ ኤፐ ቢወስድካ ኧበረሃ መያ ሆር »ባረን
+\v 27 ሁድቭ ተረሳ ወረ ።ህኩ አት ህንደኬ ዩሪያዳ ኢኢትዮጲያ ኑጝስ ኧዋጋመሻዪ ኧንቭረድመሻ እንእ አላፊ ኢኢትዮጲያ ገኘ [ዉጪባ] ጃንደረባ ምስ ነከቨ ። ምስቭ ሁዳ ኢሰግዲ ኢየሩሳሌም ገኘ ማአ ባንደ ።
+\v 28 እም ምስ ገኘኋ ኢትዮጲያ ቲዘፐርካ በሰረገላ ቸና ኧነቢ ኢሳያስ መጣፍ ያረብብ ባንደ ።
+
+\v 29 መንፈስ ቅዱስቭ ኧፍሊጶስ ሆር ኧሃ ሰረገላይ ተኧነቭ » ባረን ።
+\v 30 ፍሊጶስቭ ካች ባረ ኧሰረገላ ሁዳይ ወረ ፤እም ዉጪባ ምስ ሁዳ ኧነቢ ኢሳያስ መጣፍ ቲያረብብካ ሰምአንታ «ተሁርትሞኋ ታረብብኩዳ ሁዳ ኢጋአሄ?»ባረን
+\v 31 ዉጪባቭ ምስ ሁዳ «ያአግዜዳ ሰቭ ቤኔ ማሃ ኤፐ ኢጋአይ?»ባረን።ተሁድቭ በሰረገላ ሁዳ ፎር ወኤተ ኢቸናኸ ሳአረን።
+
+\v 32 ዉጪባቭ ምስ ሁዳ ያረብብኩ ኧረፐረ መጣፍ ፤ «ኧጣየኸ ያጪ ሻቩም ወሰጂ፤ ኧጣይ ሙቁወኘ ድገርኃ ቢሩኢዳ ሰቭ ምዬ እቁስ ይቭርመኸ ፤እመኸ አፍኋ አከፈደዳ ።
+\v 33 ገግኋ አትዋረዴ ቂጥየ ፍርድ ሆንኧዪ፤ ነብስኋ ታአፈር ፎር አአፎዪ፤ ኧዘርኮኋ አአር ማን ዪኢዲ ኢኸነ?»ይቭርካ አዘር ባንደ ።
+
+\v 34 ዉጪባቭ ምስ ሁዳ ኧፍሊጶ ፤«ሃበዳሽ አዉዴ ፤ዋ ነቢ ኢዝሬኩዳ ሁዳ ኧቫንተን አአር? ኧገግነኋ አአርዪ ዌ ኤኤኛ ሰቭን አአር? ባረን ።
+\v 35 ፊሊጶስቭ ሃአ ግዚየ አፉኋ ከፈደታ ኧዘጉት ቀነሰ ፤ትእም ቲኢሳያስ መጣፍ ቆነሺታ ኢኢየሱስ አአር ኤኤደን።
+
+\v 36 በቭያቭ ቲያርሙ ታነዉዋ እሃ አኖዳ ኤኤዲ ሰንኦም፤ ዉጪባ ምስ ሁዳ «እኩ እሃ ዌእኤዲ አነ ፤ኣትጠመቂ ኢኸርአይዳ አአር ምር አነ »ባረን ።
+\v 37 ፊሊጶስቭ «በዉረ ሂናኸ ባአመርኸ ትትጠመቂ ኢትቨቃነኸ»ባረን ። ዉጪባቭ ምስ ሁዳ «ኢየሱስ ክርስቶስ እእግዜር ትከ ኧኸረኸ አአቭር ባረ ዠፐረነ ።
+\v 38 ሰረገላቭ ሁዳ ያትሸኩዊኸ ኤዘዘ ።ተህም ቀጥወ ዉርኤቸመሁኖዋ እማቲ እእሃ ሁዳይ ዎይኦምታ ፤ፊልጶስቭ ኧዉጪባ ምስ ሁዳ አጠመቀን ።
+
+\v 39 ትእሃቭ ሁዳ ተዎኦዋ ቀጥወ ኧፊሊጶስ እእግዜር መንፈስ ነጠቀ ነሳ ወሰደን፤ዉጪባቭ ምስ ሁዳ ተሃ ቀጥወ አናሸንዳ ፤ቢኸርቭ ቡሼኧኸ ቲሽርኩ መያኋ ቀነሰ ።
+\v 40 ተሃ ቀጥወ ጭን ፊሊጶስ በአዛጦን አሸዊ ፤ቂሳሪያቭ ቲሰርአ ስን በመያኋ አነዉታ ከተማ እንእ ኧክርስቶሲ ወሄ ዋራዪ ዪኢድኮዋ ባንደ ።
+
+\c 9
+\p
+\v 1 ሳዉል ጭን ዋአካቭ በክርስቶስ አአሞሩዋ ሰቭ የኧትሪ ቲያጫቅስ ኧዋና ኧካህን አላቃ ሁዳይ ወረ፤
+\v 2 እኧጎይታቭ መያ ኢትሄተርታ እሽቻዪ ገማቭ በሃይ በረከቨ ኧግጅተ ኢየሩሳሌም ኢወስቲ ፤ኢኸነኸ በደማስቆ አነዉዋታ አአይሁድ ኧጠሎት ቢድ፤ ወረቀት ኢዊኸ ፤ኣዋና ኧካህን አላቃ ሁዳ ሳአረን ።
+
+\v 3 ደማስቆም ኢሰርአይ ቀሪ ኤኤዲ ቲተርፍኩዳ ኧጠንቃር ተሳቫይ ኑኡየ ብርሃን በዙሪያኋ ብልጭ ባረወ፤
+\v 4 ሁድቭ ባአፈር ወንደ ወተኧ፤ህም ግዚየ ፤«ሳዉል፥ ሳዉል ኧቭር ታትሳትዴ?» ይቭካ ቃር ሰምአ ።
+
+\v 5 ሳዉልቭ «ጎይታኞ አኸ ማንተንኸ?»ባረ ተሳአረን ።ድድቭ «ኢያሽ አኸ ታትሳትዴዳ ኢየሱስንሁ ።
+\v 6 ዋአካቭ ተሳታ ፤ኧከተማ ሁዳይ ግቭአ፤ ኦንኧት አነቨኸዳ አአር ያአዉጅከሴ» ባረን።
+\v 7 ተሳዉልቭ እምቲ መያ ያሩዋ ኧረፖሩዋ ሰቭ ፤ቃርኋ ባኸሬ ኢዝሬካ አትቭ ሰቭ አናሸዉዋይ ኧኸሬ አፉሁኖዋ ጠቦጩም ተሸኮም ።
+
+\v 8 ሳዉልቭ ተወተኧወ ኤኤዲ ተረሳታ፤ ኤርኋ ቢከፍት ኤርኋ አናዥካ ባረን፤ህመኸ ኧዀረሜ ተሁዳ ኣረፖሩዋ ሰቭ ጠቦጩም ቲሾዊ ደማስቆ አጎፖዪ።
+\v 9 ሶኦስት ቀረ ስን ፈንጠ ፤ሸረድቭ ኧህር ፥እሃ አንቀመሰዳ ።
+
+\v 10 በደማስቆም ፤ ሀንኒያ ዩሪዳ አት ኧክርስቶስ ተማሪ ባነደ ፤ጎይታቭ ብራእይ «ሃናኒዮ »ባረ ኸናንቭ ።ሁድቭ «ጎይታኞ አነሁ »ባረ ።
+\v 11 ጎይታቭ «ተሳታ ሰተድ መያ ቢዩሪዳ መያ ፤ ዩሁዳ ዩሪዳ ምሲ ቢድ ሆር ፤በህሜ ሳዉል ዩሪዳ አት ኧጠርሴስ ምስ ጠሎት ዪንአይ ኧኸሬ ሴእኩ ፤
+\v 12 እመኸቭ ቲንአካ ሁዳ ሐናኒያ ዩሪዳ ምስ ሁዳ አኖዳ ኤኤዲ ሜኧተ ኧጅኋ ያድግወመኸዪ ኤርሞኋ ኢትከፈድመኸ ፤ብራእይ አሼ ኧኸረዴ »ባረን።
+
+\v 13 ሐናይያቭ ዠፐረታ «ጎይታኞ ዋ ምስ ብኢየሩሳሌም ባነዉታ በክርስቶስ ባአሞሩዋ ስቭ ምርአህር ምካት አሰንአሕኸ በሮኦራ ሰቭ ሰምአሁ ፤
+\v 14 እመይቭ ኧቫአ ሁዳ ሹዋኸ ኢሆሮታ ሁኖዋ እንእ ያአግዲ ተካህን አላቃ ሁኖዋ ዳኝነድ ቴኤፐረታነዳን »ባረን ።
+\v 15 ጎታቭ ኧሐናኒያ «ሆር ዋ ምስ ባአረማዊ ሰቭቪ በንጉስቭ ሁኖዋ ኢፍቲ እመኸቭ ብእስራኤል ሰቭ እንእ ኢፍቲ ሹቭኛ ኢፌንጒ ኧትሸፐተ ግቭርነኛ ።
+\v 16 ኢያቭ ኧሹቭኛ ቲቭር ምርአካ ምካት ኧተኧወርት አኖወኸ አተሽኩሴ»፤ባረን።
+
+\v 17 ሐናኒያቭ ወረ ኣዋሪ ቢድ ገፓታ ፤በሳዉል ፎር ኧጅኋ አተገወታ፤ ኧሰምኛ ሳዉሎ ዋይ ትትቫአካ በቨያ ኧትራከቨናኸ ኢየሱስ ፤ኤራኸ ኢትከፈድመኸዪ፥በመንፈስ ቅዱስ ትትቬንአመኸ ኬሸዪ »ባረን ።
+\v 18 ህመጋ ተሳዉሊ ኤር ፎር ሃራ ኢቨስርካ አአር ወንደ ወተኧ ፤ሐአቨ ኤርኋ ኦዥት ኸረነ ፤ተረሳቭታ ተጠመቀ ።
+\v 19 ሸረድቭ በንአታ ተቁሟᎀረ ።ሳዉልቭ በደማስቆ ታነዉዋታ ተክርስቶሲ ተማሪ እማቲ ኖኦራ ቀረ ስን ቸና ።
+
+\v 20 ህመጋቭ ኢየሱስ እእግዜር ትከ ኧኸረ ባአይሁድ በጠሎት ቢድ እንእ አአዉጅት ቀነሰ ።
+\v 21 ኧሰምኦዪ ሁኖዋ እንእ «ዋ ምስ ብእየሩሳሌም ዋሹቭ ይሆሮታ ሁኖዋ ያአፋ ኧረፐረሽ አአር አሃረዳ? አትቭ እሜ ኣቫአ ሁዳ ሁኖዋ ኧግጅተ ኧዋና ኧካህን አላቃ ሁኖዋይ ኢወስድኮዋይ አነፐራ?»ቧርሙ።
+\v 22 ሳዉል ጭን ቲትፓፓ ወረ ፤በደማስቆም ኢረዉርታ አይሁድ ፤ኢየሱስ ሁዳ ኢቫአኬ ኧዋሪ ክርስቶስ ኧኸረኸ በሮኦራ መርኸት አጬገ ቲዪኢድኮዋ አፉሁኖዋ ያተጥኮዋ ባንደ ።
+
+\v 23 ተሮኦራ ቀረ ቀጥወ አይሁድ ኧሳዉል ዮኦትሪ አዶሙም ፤
+\v 24 ሳዉል ጭን አሳብሁኖዋ ሃረ፤ሁኖም ዮኦትሪ ዋአና ምሳአረ ፤ኧከተማሁኖዋ ዩዎኦኮዳ ኡፎቻ ዩኡሮዋ ባንደ ።
+\v 25 ቢኸረቭ ኧገግኋይ፤ ተማሪ በቭሳአረ ትእቭር ግምብ ፉረ ተፉረ አስረነጩም በቀጫት አዎንጂ።
+
+\v 26 ሳዉልቭ ኢየሩሳሌም በቫአጋ ፤ተክርስቶሲ ተማሪ ኢደመዲ አትቫቀረ፤ሁኖዋ ጭን ጪግቭ በክርስቶስ ኦኦዎርትኋ አናአሞርኰይ ኧኸሬ ፈኘዊ።
+\v 27 ቢኸርቭ በርናባስ ኧክርስቶስ ኪሸረኜ በታ አቫአን ፤ሳዉልቭ ጎይታ በቨያ ቲያርካ ኧተኸ ኧትራከቨንመኸዪ፤ጎይታቭ ኧተኸ ኧዝሬከነኸ ፤በደማስቆም ብኢየሱስ ሹቭ ኧተኸ ታይፈይቭ ኧሰበከመኸ ኤኤደኖም ።
+
+\v 28 ህመኸ ኧኸረሜ ሳዉል ተሁኖም እማቲ ቸና ፤ብእየሩሳሌምቭ ቲዦዉር በጎይታ ሹቭ ታይፈይቭ ኢዝሬክ ባንደ።
+\v 29 ተግሪክቭ ገኘ ተዎኦዋ አይሁድ ቲዝሬክ ዉርጀ ኢቴኤድ ባንደ ፤ሁኖዋ ጭን ዮኦትሪ ያትዋቁሩዋ ባንደ ።
+\v 30 በክርስቶስቭ አአሞሩዋ ኧሰማት፤ ዋ ዘንጋ በኋሩውዋጋ ፤ቂሳሪያ አወንጂታ ጠርሴስ ኬሸዊ።
+
+\v 31 ሃአ ግዚየ በይሁዳ፥በገሊላዪ፥በሰማሪያቭ አነዉዋታ ቤተ ክርስቲያንቭ በሽኛት ኦምቦርት ቆነሹም ፤ተትፗፖምቭ ።እመኸቭ እግዜር በፉረዉት ቲዥዋፖሩዋ ፤በመንፈስ ቅዱስ ፤ቲትቁሟᎀሩዋ ፤በቡዝር ቲደዉሩዋ ዎርሙ።
+\v 32 ጴጥሮስቭ ታአት ገኘ ኤኛ ገኘ ኢዝዋዎር ኣረፐረ ግዚየ ፤ልዳ ቢዩሪዳ ኤኤዲ ኢረዉሩዋ ኧረፖሩዋ በክርስቶስ አአሞሩዋ ሰቪ ያዥኮዋይ ወንደ።
+
+\v 33 በህሜ ኤንያ ዩዉሪዳ ሱዉት ዘቨር እንእ በግዲየ ኢረቭርካ አት ሰቭነድኋ ኧሸተረወ ምስ ነከቨ ።
+\v 34 ጴጥሮስቭ «ኤንዮ ፤ኢየሱስ ክርስቶስ አፊያ ዪንአኸዴ ተሳታ ኧትገተርኸወ ኤኤዲ ንሳ »ባረን ።ኤንያቭ ህመጋ ፈተክ ባረ ተረሳ ።
+\v 35 በልዳቭቪ በሰሮናቭ ኢረዉርታ ሁኖዋ እንእ ምስ ሁዳ አሸዉምታ ኧጌታ ኢየሱሲ ተዠፖርሙ።
+
+\v 36 ብኢዮጴም ጣቢታ ዩሪያዳ አት ኢኢየሱሲ ተማሪ ባነቸ፤ጣቢታቭ ኧዋርት «ዶርቃ ዌ ጒይምበ »ኧዋርትን ፤ሂድቭ እንእ ግዚየ ጃድ ባረች ወሄ አአር ቦንኧትቪ ፤ኧዚጋቭ ትታአግዝ ትረቭር ባንደ ።
+\v 37 በህም ግዚየ ኤመናታ ሞደች ፤ሰቭቭ ሁኖዋ ኒሳሻ አኦዉም በፎቅ ፎር ባንዳ ክፍል አወኖዪ።
+
+\v 38 ልዳቭ እኢዮጴ ኢቴኤነቪ ኧረፐሬ ኧኸሬ ፤በክርስቶስ ሰቭ ፤ጴጥሮስ በልዳ አነኸ ብኋሩዋጋ ፤ዉርኤት ሰቭ ኬሾሙታ ፤ካች ባር ኢናይ የኸ ቧርሙ ሳአሪ።
+\v 39 ጴጥሮስቭ ተሁኖም ተረሳ ወረ፤ ህሜ በሰንአጋ፤ በፎቅ ፎር አነዳ ክፍሊ አዎኦዪ ፤ገማቭ ኧዎንደና እሽቻ ህን ዶርቃ ተህና ኧረፐረች ግዚየ ኧትኸተረቸኖዋ ቃቢሳዪ ሁጅርቭ ቲያቲሻይ ሞረሞረኋ ኸፐቫዪታ ኢቨሃ ባንደ ።
+
+\v 40 ጴጥሮስቭ እንእቨኋ ተክፍልሁዳ አዋአታ በጉርቨድኋ ሙግ ባረ ጠሎት ኤፐ ፤ኧሪሳቭ ሁዳይ ኤፐ ዦረታ «ጣቢታ ተሸ» ባረ ።ሂድቭ ኤርሻ ከፈደች ፤ጴጥሮስ ባሸች ቀጥወ ተረሳች ቸናች ።
+\v 41 ሁድቭ ኧጅሻ ጠበጠ ነሳና ፤በክርስቶስ አአሞርሙ ሰቭቪ ገማቭ ኧዎንደና እሽቻ ህና ተነብሲያመሻ አአይፐረናም።
+\v 42 እም ዘንጋ በዉርአ እዮጴ እንእ ተሄረ ፤ኖኦራቭ ሰቭ በክርስቶስ አሞርሙ።
+\v 43 ጴጥሮስቭ ብኢዮጴ አት ስምዖን ቲዩሪዳ ጎጓ ቲፈእካ ምስ ኖኦራይ ስን ቸና።
+
+\c 10
+\p
+\v 1 በቂሳሪያ ከተማ በጣሊያን ወታደር ግት፤ኧቨኧር አላቃ ኧኸረ አት ቆርነሌዎስ ዩሪዳ አት ምስ ባንደ ፤
+\v 2 ሁድቭ ታአንዳ ቢደ ሰቭመኋ እንእ በመንፈስ ዘንጋ እንእ ያቱዋቁርታዪ፤እግዜርቭ ኢፈይካ ፥ተዋጋሞኋ ኧሰቭቭ ዪቭካዪ እንእ ግዚየ እእግዜሪ ጠሎት ዪንአካ፤ሰቭ ባንደ።
+
+\v 3 አት ቀር ዋአና ዢኧ ሳአት ኢኸርካ ግዚየ ፤እእግዜር መላአይካ ብራእይ ኧሁዳይ ማአታ ፤«ቆርነሌዎስ!»ባረ ቲኸራኩዳ ኧዉየሞኋ አሸ ።
+\v 4 ቆርነሌዎስቭ በድሪእት ቱኩ ኤፐ አሸንታ«ምር አፈድን?»ባረን ።መላአይካቭ ሁዳ ፤ጠሎትማኸዪ ኧዚጋቭ ቲቭኩዳ ሁዳኸ እንእ ግዚየ ኢትዘከደኸ እእግዜሪ ሰንአነኸ።
+\v 5 ዋአካቭ ኢዮጴ ሰቭ ከሽታጴጥሮስ ዩሪዳ ኧስምዖን ቢዳሄ አትቫአኩ፤
+\v 6 ሁድቭ በቫር ሞሬ ባንዳ ጎጛ ቢፈእካ በስምዖኒ ቢድ ኧቫዘርነድ ቸና ።
+
+\v 7 ቆርነሌዎስቭ አዝራይከን መላአይካ ተሁዳ ተቫይተረ ተወረ ቀጥወ ፤ተቬነኘኋ ዉርኤትሁኖዋዪ ፤እመኸቭ በመንፈስ ዘንጋ አትቫቀረዪ ፤ኧሁድቭ ሙርቴ ኧኸረ አት ጋዘኘኋ ኢሆሮዮኸ ኤፐ ፤
+\v 8 ኧኸረቭ ሁዳ እንእ ተኤደኖዋ ቀጥወ ኢዮጴ ኬሸኖም ።
+
+\v 9 ኧኬሸዉዮም ሰቭ በቭረጋኋ ኧከተማሁዳይ ሞኦም ቲሰርኧታ፤ጴጥሮስ ግት ዋአና ኢኸርካ ግዚየ ጠሎት ዪንአይ ኧፎቂ ዋአ ።
+\v 10 ህም ግዚየ ኧጋደኒ ኧኸሬ ኢቨርአካ አአር ሴኧታ፤ሸረድቭ ቲጌኪርነታነዊ ኧዊኢንደኸ ቃብጭ ኤፐንታ እርዕይ ኦዥት ቀነሰ ።
+\v 11 ሳቫይ ተከፈደታ አት ኑኡየ ጨርቅ ኢቨስርካ አአር ፤አርቭአቸ አጋድ ዊድኋ ጠቦጪታ አአፈሪ ኤፐ ቲዎትካ አሸ ።
+\v 12 በሁድቭ ባርቭአት ኧግርሁኖዋ ያርታ ቡችር ቡችር እንሰሳ ፥በዳታሁኖዋ ኢትሻዉታ ፍጥረትቪ፥በሳቫይቭ ኢዎርርታ አፉ ባነዉኮደ ።
+
+\v 13 ብህም ግዚየ «ጴጥሮሶ ተሳታ ዋሁኖዋ ኧጥ ብርአ »ይቭካ ቃር ኧሁዳኒየ ማአ ፤
+\v 14 ጴጥሮስ ጭን «ጎይታኞ እሸኸ አይኸርካ ፤ኢያ ኧዋ ብኢፍቲ አንትቀደሰ ፤ዌ ኧንነከ አርር ስርም ብይኧተሁ አሂርካ» ባረ ።
+\v 15 ህም ቃር አት ኧዉርኤተኘ ግዚየ ኧሁድሜ ማአ ፤«እግዜር ንጡሁ ኤፐን አአር አኸ አኸ ኧሰነኸ አአር ኧኝኧተኸ አትቨዝር» ባረን ።
+\v 16 እም ቃር አትቭ ኧሶኦስተኘ ግዚየ ደፐረወ ማአ፤ጨርቅቭ ሁዳ ህመጋ ኧሳቫይኒየ ወሰጂ።
+
+\v 17 ጴጥሮስቭ አሸን በርዛዝ አአር ምር ኧኸረኸ ተጨነቀ ቲያጫምጥቭ ታነ ፤ቆርነሌዎስ ኧኬሸኖዋ ሰቭ ኧስምዖኒ ቢድ ሴኧዉም በረኮዊ ቀጥወ ፤ሞኦም ቡኡፉቻ ተሸኮም
+\v 18 ቃርሞሁኖዋ ነሾምታ ጴጥሮስ ዩሪዳ ስምኦን ዋይ አነ ዌ ቧርሙ ተሳአርሙ ።
+
+\v 19 ጴጥሮስቭ እርዕይሁዳ አእር ቲጫምጥ ታነ ፤መንፈስ ቅዱስ « እኩ ሶኦስት ሰቭ ኢሱኡኰ»ባረን፤
+\v 20 ህመኸ ኧኸረሜ ተሳታ ዉረድ ኧኬሸሁኖምቭ ኢያ ኧኸርህኊ ኧኸሬ ታትቭራከግኮም ተሁኖም ሆር ባረን።
+\v 21 ጴጥሮስቭ ወንደታ «እኩ ትሱኢዳ ምስ ኢያትንሁ ኧቫአሁኰ ሁዳ ምርአፈድን? ኧቫአሁኮ ሁዳ አዉጅኝ »ባረኖም ።
+
+\v 22 ሰቭ ሁኖዋ «ኧቫአነ ቆርነሌዎስ ቲዩሪዳ ተቨኧር አላቃኔን ሁድቭ ፃዲቅቪ እግዜርቭ ኢፈይካ ባአይሁድ ሰቭ እንእ ኧትከበረዳን አአር።አኸ ቢድኋይ ያቫአኸመኸዪ አኸቭ ትቭኩዳ ሁዳ ኢሰቭአይ ቅዱስ መላአይካ ኤኤደን»
+\v 23 ጴጥሮስቭ ሰቭ ሁኖዋ ያቫይዝርኮይ ቢድ አገፓኖም ።ጴጥሮስቭ በቭረግጋኋ ተረሳታ ተሁኖም እማቲ ወረ፤ትኢዮጴም ኧዎኦዋ አታት ኧሰማት ተሁድቭ እማቲ ዎርሙ።
+
+\v 24 በሶኦስተኘቭ ቀረ ቂሳሪያ ገፓ፤ቆርነሌዎስቭ ኧሰማትሞኋዪ ኤኛቭ ዶቦኋ ስቨሰቨ ይእየኮዋ ባንደ ።
+
+\v 25 ጴጥሮስቭ ኧቆርነሌዎሲ ቢድ በገፓጋ ፤ቆርነሌዎስ ቴእኤፐረን ፤በኧግርሞኋይ ወተኧ ሰገደነ ።
+\v 26 ጴጥሮስ ጭን «ኢያቭ አኸመኸ ሰቭንሁ ተሳ» ባረታ ነሳን።
+
+\v 27 ጴትሮስቭ ተቆርነሌዎስ ቲዝረኩዋ እማቲ ቢድ ቲጎኦታ በቪድ ኖኦራ ሰቭ በደመደ ኤኤዲ ነከቨ ፤
+\v 28 ጴጥሮስቭ «አት አአይሁድ ሰቭ ቴኤኛ ሰቭ እማትነድ ኤነነኸ ፤ኢቲኢናነቭሜ ቂጫንራ አዪቭመኽ አሁም ቲሂሩዋ ፤ዘንጋ ጭን ኢያ ማንኝእሞኋ ኧትቀደሰዳን አአር ዌ ኧሰነኸዳን አአር አንረኸ እግዜር አቴሸዪ ።
+\v 29 ህመኸ ኧኸረሜ በሆኖኝጋ እኩ ፤ንሆር አንሆር፤ ታንርቭ ማአሁ፤ባቴ ኧቭር ኧሴኧሁኘኸ ኧሂሪ ኧሲእ»ባረኖም ።
+
+\v 30 ቆርነሌዎስቭ «ነቭኧትራ ህም በዋ ሳአት ዋአና ዢኧ ሳአት ኢኸርካ ግዚየ በቪድኛይ ጠሎት ትኒንአካ ኧጠነቃር ቡሼኧኸ ጓድ ሁጅር ኧትኸተረ ሰቭ ኢኢፍትኛይ ማአ ተሸከቨታ፥
+\v 31 «ቆርነሌዎሶ ጠሎታኸ ተሰምአነኸ ፤ኧዚጋቭ አዉታኸ ትትዘከድወኸ ብእግዜር ኢፍቲ ሰንአ ።
+\v 32 ኢዮጴ ሰቭ ከሽታ ጴጥሮስ ዩሪዳ ስምኦን ህራ አትቫአ ፤ሁድቭ በቫር ምዬ ባንዳ ፤ጎጛ ቢፈእካ በስምኦኒ ቢድ በቫዘርነድ ቸና።
+\v 33 ኢያቭ ህመጋ ኬሸቨከ ፤አኸቭ ኦኦታኸ ወሄ አአር ኤፐኸ ።ባቴ ኢና እንእቨንራ ጎይታ ኤኤዘዘናኸ ሁዳ እንእ ቲኢደንሬ ብእግዜር ኢፍቲ አነነ»ባረን ።
+
+\v 34 ጴጥሮስቭ ዋኸ ቲቭር ኧዘጉት ቀነሰ «እግዜር እእማትቭ ሰቭ ኢፍት አያዠኸ አጬግሁ ሃርሁ፤
+\v 35 ዘንግጋኋ ጭን ኧሁዳ ኢፎርታዪ ወኸዪቭ ሜና ዪንኧታ ሁኖዋ እንእ ማንኝእ ዶቦ ቢሆሩዋ ኢቴኤፐርኮዋ።
+
+\v 36 እግዜርቭ እእንቨኋ ጎይታ በኸረ ብእየሱስ ክርስቶሲ አጋድ ኧኬሸንኧወገሬት ወሄ ዋራይ እመዳምን ።
+\v 37 ዮሐንስ ተዝሬከን ጥምቀት ቀጥወ ተገሊላ ቆነሺታ ብአንዳበይሁዳ እንእ ኧኸረሁዳ እንእ ቲሂሩዋ ።
+\v 38 እግዜር ኧናዝሪት ኢየሱስ በመንፈስ ቅዱስቪ በደረግቭ ቅባት ኧፓንቭ ፤ሁድቭ እግዜር ተሁዳ ኧረፐሬ ኧኸሬ ፤በወረወ ኤኤዲ እንእ ወሄ አአር ቲንአ በሴጣንቭ ኧታአኮጁዋ ኧረፖሩዋ ሁኖዋ እንእ አፊያ ኤፐ ።
+
+\v 39 ሁዳ ባአዩህድ ገኘዪ ብእየሩሳሌምቭ ኤፐነዋ ሁኖዋ እንእ ኢና ሄቶንረ። ሰቭ ኧሁዳ ቤኧ ሶርሙ ኦተሪ ።
+\v 40 እግዜር ጭን በሶኦስተኘ ቀረ ተቩድ ነሳን፤ያዢመኸ ኤፐ ።ተድድቭ ተትረሳ ቀጥወ ፤አሸንቭ እንእቨኋ ታይኸር ፤ተሁድቭ እማትሜ በንአነ ኧሰጨነ ፤እግዜር በተረ ኧሸፐተንረ ኧምስክር ኢናትን ።
+\v 41 ኧሰቭ እንእ ንዝሬክነመኸዪ በአያቭ ባንዳ ሁዳዪ በዎንደቭ ሁዳ ኢፈርዲ እግዜር ኧሾመን ሁዳ ኧኸረኸ ንምሰክርነኸ ሁዳ ገግመኋ ኤዘዘንረ ።
+
+\v 42 « በሁዳብ ያአቭርካ እንእን ባጢርኃ እንእ በሹቭኋ አፉ ኢትቬረኸ ነቢ ሁኖዋ እንእ ዪኢጅነ ።»
+\v 43 ጴጥሮስቭ እመኸ ባረ ቲዝሬክ ታነ ቢሰቩኦታ ሁኖዋ እንእ መንፈስ ቅዱስ ወንደዎም።
+
+\v 44 ጴጥሮስ ዋ ዘንጋ ቲዝሬክቭ ታነ ቃርኋ ቢሰቭኦታ ሁኖዋ እንእ መንፈስ ቅዱስ ሜንአኖም ።
+\v 45 ተጴጥሮስ እማቲ ኦዎኦዋ ብእየሱስ አአሞሩዋ አአይሁድ ሰቭ በክርስቶስ ባናአሞሩዋ አረማዊ ሰቭ ፎር መንፈስ ቅዱስ ኧቬንአኖዋይ ወግ ኸረዎም ።
+
+\v 46 እመዳቭ ኧኋሩዋ ሁዳ በልሳን ቲዝረኩታዪ እእግዜርቭ ሽኩርት ቲያቲኢንዉታ ኧሰምኦዮቴ ።
+\v 47 ህምግዚየ ጴጥሮስ «ዋ ሰቭ ኢናመኸ መንፈስ ቅዱስ ኧቴኤፖሩዋይ ኧኸሬ ኢጠሞቁዋይ ኢኸርአኮታ ሁዳ ማንተን?»ባረ ተሳአረ።
+\v 48 ህመኸ ኧኸሬ ብእየሱስ ክርስቶስ ሹቭ ኢጠሞቁዋኸ ኤዘዘኖም ።ተህም ቀጥወ ኧጴጥሮስ ኧቀሪ ቀረ ስንተሁኖዋ እማቲ ኢቸናኸ ሳአሪ።
+
+\c 11
+\p
+\v 1 ኧክርስቶስሜ ኪሸረኘዪ በይሁዳቭ ኧረፖሩዋ በክርትቶስ አአሞሩዋ ኧሰማትቭ አረማዊ ሰቭ እእግዜር ቃር ኧቴኤፖሩዋኸ ሰምኦም ።
+\v 2 ህመኸ ኧኸረሜ ጴጥሮስ እየሩሳሌም በዋአጋ ዘገር አጉዉኦት ያትሲእኸ ያአዉርታ ኧዩሁዳ ሰቭ ፤
+\v 3 ኧጴጥሮስ «ዘገር አናግጎፖዮዋ ሰቢ ገፓኸታ ተሁኖዋ በንአኸ» ቧርሙ ቆንጪ።
+
+\v 4 ጴጥሮስ ጭን ዘንጋኋ ተአወተራቸ ቀነሰ ዋኸ ቲቭር እማት እማት አአዉጅት ቀነሰን ።
+\v 5 «ብእዮጴ ከተማ ጠሎት ትኒንአካ በጠሎትቭ ታነሁ እርዕይ አሸሁ ፤እርዕይቭ ሁዳ ኑኡየ ጨርቅ ኢቨስርካ አአር ባርቭአቸ አጋድኋ ጠቦጪታ ተሳቫይ ኢያ አነሁወዳ ኤኤዲ ቲዎትካ አሸሁ።
+\v 6 ሁድቭ ቱኩ ኤፐሁ ብናዥኩ አርቭአት ኧግር አነኖታ እንሰሳ ፥ኧድቭርቭ አዊ ፥ባአፈርቭ ኢትሻዉታ ፍጥር ፥በሳቫይቭ ኢዎርርታ አፉ አሸሁ።
+
+\v 7 ህምግዚየ «ጴጥሮሶ ተሳታ ኧጥ ብርአ» ይቭካ ቃር ሰምአሁ።
+\v 8 ኢያቭ «ጎይያኞ እሸኸ ስርም አይኸርካ ኧዋ ኢፍቲ ስርም ሉኩፍቭ አአር ኧህር አንትቀደስቭ አአር ባአፉኛ ጊቭኧተ አይሂርካ»ባሁ።
+\v 9 ሃአቨቭ ህም ቃር አትቭ ማአ ፤«እግዜር ንጡሁ ኤፐን ዘንጋ አኸ ኧሉኩፈኸ አትቨዝር» ባረ ተሳቫዪ አትቨዝር ።
+\v 10 10እም ቃር ሶኦስት ግዚየ ተደፐረወ ማአ ፤ተህም ቀትወ እንእ ኤኤድኋይ ሃአዉም ኧሳቫይኒየ ወሰጂ ።
+
+\v 11 ህም ተህም ሶኦስት ሰቭ ተቂሳሪያ ኢያይ ኬሸዉዮምታ፤፤ ሞኦምታ ኢያቭ ባነሁወዳ ቢድ ወረጀ ሸኮም ፤
+\v 12 መንፈስ ቅዱስቭ አታአር ታንትቭራከግ ተሁኖም አረኸ ኤኤደዪ ።እም ስድስት ኧሰማት ቲያቭ እማቲ ዎርሙ ፤ኧቭስቭ ሁዳይ ቢድ ገፓነ ።
+\v 13 ሁድቭ መላአይካ በቪድኋ ከስ በትሸከቨ ኤኤዲ አሸመኸዪ«ኢዮጴአ ሰቭ ከሽታ ጴጥሮስ ዩዉሪዳ ስምኦን አትሄራኩ፤
+\v 14 ሁድቭ አኸዪ ቢደ ሰቭማኸ እንእ ትተርፍኮዳ ቃር ያአዉድሁዋሴ »ኧቫረነኸ ኤኤደንረ።
+
+\v 15 ኢያቭ ገና ገፓሁ ኧዘጉት ትንቀርስካ ፤መንፈስ ቅዱስ በአወተራቸ ቢና ፎር ኧወንደመኸ እመኸ ፤በሁኖም ፎር ወንደ ።
+\v 16 ሃ ግዚየ «ዮሐንስ ብእሃ አጠመቀ አሁዋ ጭን በመንፈስ ቅዱስ ትጠሞቁዋቴ» ይቭካ እግዜር ኧዝሬከን ቃር ተዘከደዪ ።
+
+\v 17 አካ ባቴ እግዜር በጌታ ኢየሱስ ክርስቶስ ትናአቭርነዳ ኢና አቨንረ ኧመንፈስ ቅዱስ ስጦታ ኧሁኖም ባቨኖዋ እህ ኢያ እግዜር አትሸክቪ ኢኸኒዳ ኢያ ማንደንሁ።
+\v 18 ሁኖም ዋኸ በቫረኖዋጋ ዩዉርታ አአር ቦኮርሙታ፤«እኮኸ በኸረጋ
+
+\v 19 በኸረጋ 19 ብእስጢፋኖሲ መከራ ኧቫአ ኧትቭራጨዉዋ በክርስቶስ አአሞሩዋ ሰቭ ቃርኋ እማት አአይሁድ ሰቭ ቲዝረኩዋ ፊንቄ ስን ቆጵሮስቪ ፥አንፆኪያቭ ስን ሰንኦም ።
+\v 20 ተቆጵሮስቪ ተቀሬናቭ ኧዎኦዋ አታት ሰቭ ጭን ፤ኧግሪክቭ ሰቭ ተህም ደፖርሙታጌታ ኢየሱስ ያተርፈኸ ወሄ ዋራይ ኤኤጁም ።
+\v 21 ኧጎይታቭ ደረግ ተሁኖም እማቲ ባንደ ፤ኖኦራቭ ሙዝር አነኖታ ሰቭ አሞርሙ ኧጌታ ኢየሱሲ ተዠፖርሙ።አአረማዊ ሰቭ ኧያ ሂተዉዋ ኢረዉሩዋይ ኧንስሃ ዕድል አቨኖም ኧዋርትና» ቧርሙ እእግዜር ሽኩርት አቴኤነቩም።
+
+\v 22 ዋራይሞኋ ብእየሩሳሌም ባነዳ ቤተ ክርስቲያን [ሰቭ] እዝር ገፓ፤ ሁኖም ኧበርናባስ አንፆኪያ ኬሸዊ ።
+\v 23 ሁድቭ ሃይ በሰንአጋ እግዜር በፀጋኋ ኤፐን ሜና አሸታ ሳረንቭ ፤እንእቨሁኖዋ በወሄ ሂን በጎይታ በታአሞርት ቲቭኣተዉዋ ኢሸኮዉዋኸ መከረኖም ።
+\v 24 ሁድቭ በመንፈስ ቅዱስቪ ብእምነትቭ ኧትቬንአ ፤ወሄ ሰቭ ኧረፐሬ ኧኸሬ ፤ ኖኦራ ሰቭ በክርስቶስ አመረ ።
+
+\v 25 ተህም ቀጥወ በርናባስ ፤ኧሳዉል ኢሲኢ ጠርሴስዩሪዳ ከተማ ወረ ፤
+\v 26 ተረከቨንቭ ቀጥወ አንፆኪያ በታ አቫአን ።ዉርኤቸመሁኖዋ ተህሜ ታነዳ ቤተ ክርስቲያን ሰብ እማቲ ሆርሙታ አት ዘቨር ሙርአ ኧረኦራ ሰቭ አትሞርሙ ፤ኧክርስቶስሜ ተማሪ አአወተራቸ ግዚየ ባሃይ በአንፆኪያ ክከተማ ክርስታን ቧርሙ ሹቭ አቮኖኖም ።
+
+\v 27 ግዚይየ አታት ነቢ ተኢየሩሳሌም ተረሾም አንፆኪያ ከተማ ወንጁም።
+\v 28 ተሁኖም ግት አት አጋቦስ ዩሪዳ ነቢ ተረሳታ በአለም እንእ ኑዕ ጋጀ ኢቫአኸ መንፈስ ቅዱስ አቴሸንታ ዝሬከ ፤እም ጋጀ ቀላውዴዎስ ኢገዛወ በረፐረ ዘቨር ኸረ ።
+
+\v 29 ተማሪም ሁኖዋ ኦጣኦጣሁኖዋ ደረግሁኖዋ በኸረኖዋ አአህር አትዋጮም በዩሁዳ ገኘ ኢረዉርታ በክርስቶስ አአሞሩዋ ኧሰማት ያአጉዢዮይ ተስማምኦም ።
+\v 30 ማዎጮም ሁዳ በበርናባስቪ በሳዉልቭ ኧጅ ኧቤተ ክርስቲያን ባሪቅ ሁኖዋ ኬሸቩኖም።
+
+\c 12
+\p
+\v 1 ህም ዘቭር ንጕስ ሄሮድስ አታት ክርስቶስ አአሞሩዋ ሰቭ ስድጅተዉ አጠርቁት ቀነሰ ።
+\v 2 ኧዮሐንስሜ ኧሰም ኧእም ያዕቆብ በሴፍ አቴኤተረን ።
+
+\v 3 ብእም ሜናኋ አአይሁድ ሰቭ ኧሳረኖዋኸ ባሸጋ፤ ኧጴጥሮስቭ ደፐረወ ኧትጤበጠንቭ ፤ወቅትሞኋ አአይሁድ ቂጣ ኢዎርኧኮዳ ሙርአ ጊፐ ባንደ።
+\v 4 ጴጥሮስቭ ኦሁኔ ቢድ ባገፓን ቀጥወ ፤አርቭአት አርቭአት ሂተዉዋ ዩኡረይኸ አርቭአት ግዚየ ኧሻኮጂዮዋ ጋዘኘ አአይፐረኖም እመዳ ኤፐ ሁዳ ኧፋሲጋ ባአል ቀጥወ በሰቭ እንእ ኢፍቲ ኤኤተ ያትፌንድዌ አጫመጠታንዳን።
+
+\v 5 ጴጥሮስ ዋኸ ኤፐዉም ኦሁኔ ቃሸዊ ፤ኧቤተክርስታን ሰቭ ጭን ኧጴጥሮስ አአር ብእግዜር ኢፍቲ አጠቦቁም ጠሎት ዪንኧዋ ባንደ።
+\v 6 ሄሮድስቭ ኧጴጥሮስ በሰቭ እንእ ኢፍቲ ኤኤተ ያትፌንድዌ ቲያጫምጥቭ ታነ ፤በህም ምሳአረ ጴጥሮስ በዉርኤት ቁጥቋጨ አኮጂታ በዉርኤት ጋዘኘ ግት ተገተረ ባንደ ፤ኦሁኔ ቢድቭ ዩኡሮታ ኧራደኘ ሁኖዋ በኦሁኔ ቢድ ኡፎቻ ተሸኮሙ ዩኡሮዋ ባንደ ።
+
+\v 7 ኧጠነቃርቭ ኧጎይታ መላአይካ ተረከቨ ፤ሁኖም አኖኮዳ ቢድ ብርሃን ብርቅ ባረ ፤መላአይካቭ ሁዳ ኧጴጥሮስ ምየኋ ደነገ ቃዠ አቴፐንታ «ካች ባርታ ተሳ!»ባረን።ተህም ቅጥወ ኧኧጅኋ ሰንሰነድ ተኧጅኋ ተፎቾም ወተኡም ።
+\v 8 መላአይካቭ ሁዳ ፤«ሁጅራኸ ተኸደር ፥ጫማማኸ ህርአ ባረን።ጴጥሮስቭ መላአይካ ሁዳ ኤኤዘዘንመኸ ኤፐ።መላአይካቭ ሁዳ ሃአቭታ፤ኧፎር ሁጅርማኸ በፎራኸ ቃሽታ ተኸተሬ ባረን ።
+
+\v 9 ጴጥሮስቭ ተሄተረንታ ተኦሁኔ ቢድ ዋአ ፤ዘንጋኋ ጭን ኢኸርካ ሁዳ እርእይ ያዥካ እአር መሰረንባ ባኸሬ መላአይካ ሁዳ ዪንአኩዳ ሁዳ ኧዉረሞኃ አንዳ አአር ኧኸረኸ አሃረ ባንደ ።
+\v 10 አአወተራቸዪ ኧውዉርኤተኘ ኣራደኘ ባሎፉዋ ቀጥወ ኧከተማኋይ ኤፐ ቢዎስድካ መያ አነዳ ኧቭረድ ሳንቃይ ሰንኦም ።ሳንቃቭ ሁዳ ገግሞኋ ሃረ ተከፈደኖም፤ሁኖም ኡፎቻ ሁዳ ዎኦምታ ወርሙ ፤አት ኧታንጠ መያ አታአህሪ ተዎሩዋምመኸ መላአይካ ሁዳ ህመጋ ተጴጥሮስ ተቫይተረ ።
+
+\v 11 ጴጥሮስቭ በሂንኋ ገፓታ ባትዣፐረጋ ፤«ጎይታ መላአይካኋ ኬሸታ ተሄሮድሲ ኧጅቪ አይሁድ ታጫሞጭኮኝ ሁዳ እንእ አዋአየኸ ዋአካ ሃርሁ» ባረ።
+\v 12 እመዳ በሃረ ቀጥወ ፤ኖኦራ ሰቭ ተስቨሶዉም እማቲ ሆርሙ ጠሎት ዪንኧኮዳ ማርቆስ ዩሪዳ ኧዮሃንሲ አዶዲ ኧማሪያሚ ቢድ ወረ።
+
+\v 13 ህሜ ሰንአታ ኧወረጀ ሳንቃ ቢደርግ ሮዳ ዩዉሪያዳ አት ኧቪድ ሜና ቲንአካ ገረድ ማን ኧከረኸ ቲሂሪ ኧሳንቃ ሁዳይ ወረች።
+\v 14 ኧጴጥሮስሜ ቃር ኧኸረኸ በሃረችጋ ተሳርትሻ ኧትረሳ ሳቃ ሁዳ ታትከፍትኩ ትትራዉእተዠፐረች ወረችታ ጴጥሮስ ቡኡፎቻ ኧትሸከቨኸ ኤኤደች ።
+\v 15 ሰቭ ሁኖዋ ጭን «ሂናሽ ገፈርሽሚ ዌ!»ቧሪያ ፤ሂዳ ጭን እም ዘንጋ ሁድ ሁድ ደፐረቸወ ቤኤደቸኖጋ ፥«ህሸኸ በኸረጋ ኧሁዳይ መላአይካን ኧዋርትን » ቧርሙ።
+
+\v 16 ጴጥሮስ ጭን ሳንቃ ኧድርጉትኋ አንቸኧዳ ፤ሃአ ግዚየ ሁኖም ሳንቃሁዳ ኮፎጁም ባያዢ ወግ ኸረዎም።
+\v 17 ሁድቭ እቁስ ዩዉሩዋኸ ባጤኋ ቋቆሰኖምታ፤ጎይታ ተኦሁኔ ቢድ ኧተኸ ኤፐ አዋአነኸ አጬገ ኤኤደኖም ፤«እም ዘንጋ ኧያዕቆብቪ፥ኤኤኛቭ [በክርስቶስ አአሞሩዋ] ኧሰማት አዉጂዮዋ»ባረኖምታ፤ተሃአ ቀጥወ ሁዳ ቸኧ ኤኛ ኤኤዲ ወረ ።
+
+\v 18 በቭረጋሞኋ እረርኧ ጋዘኘሁኖዋ «ጴጥሮስ ኧቲወረ?» ቲዩሩዋ በግትሁኖዋ ኑኡ መራክስ ተፈጠረ።
+\v 19 ሄሮድስቭ ኧጴጥሮስ ሴኧ በቨከረንጋ ዩኡሮታ ኧኧራደኘ ሁኖዋ ጌከረ በምረመረኖዋ ቀጥወ ዮኦትሪዮኸ ኤዘዘ ።ተህም ቀጥወ ሄሮድስ ተይሁዳ ተረሳ ቂሳሪያ ዩሪዳ ኤኤዲ ወንደታ በሃይ ቸና።
+
+\v 20 ሁድቭ ተጢሮስቪ ተሲዶናቭ ሰቭ መራክስ ባነደ፤ገኘመሁኖዋ ሸረድ ኢረህቭ ኧረፐረ ሁዳ ንጉስ ቲገዛኩዳ ገኘ ኧረፐሬ ኧኸሬ ፤ኧንጕስ ሁዳይ ሹም ኧረፐረ ኧብላስጦን ያአግዝኮኸ ቴፐዉዋ ቀጥወ ፤እማቲ ቁጥቁጥ ቧርሙታ ተንጕስ ሁዳ ኢትቊያሞቹዋይ ሳአርሙ።
+\v 21 ኧጎቸ ቀረ ንጕስ ሄሮድስ ኧንጕስ ሁጅርኋ ተኸተረ በፍርድ ዙፋን ቸናታ ኧሰቭ ሁኖዋ ዝሬከኖም ።
+
+\v 22 ሰቭ ሁኖዋ ንጕስ ሁዳ ቲዝሬካ «እሸዳ እእግዜር ቃርን ባኸሬ ኧሰቭ ቃር አኸረዳ»ቧርሙ ኮ ቧርሙ።
+\v 23 ሄሮድስቭ እእግዜር አናኸበዴ ኧኸሬ ኧጎይታ መላአይካ ህመጋ በቫአሸ ደነገንታ ፍርፍር በንአንታ ሞደ ።
+
+\v 24 እእግዜር ቃር ጭን ቲትራእቪ ቲቬትድቭ ወረ።
+\v 25 በርናባስቪ ሳዉልቭ ኪሸርሁኖዋ ጀፖርሙታ ትእየሩሳሌም ተዠፖርሙ፤ቲዎኦታቭ ማርቆስ ዩሪዳ ዮሐንስ ተሁኖም ቦቾም አዎኦዪ።
+
+\c 13
+\p
+\v 1 በአንፆኪያቭ ባንዳ ቤተ ክርስቲያን ነቢሚ አስተማሪም ባነዉተ ፤ሁኖም ፤በርናባስ፥ኔጌር፥ዩሪዳ ስምኦን ፤ኧቀሬና ገኘ ሉኪዮስ ፥ተንጕስ ሄሮድስ እማቲ ኧትራኧ፤ምናሄሚ ሳዉልቭ ባነዉተ።
+\v 2 እመሁኖዋ ቲጠሊይᎁ ቲጦሙም ታነዉዋ ፤መንፈስ ቅዱስ፤« በርናባስቪ ሳዉልቭ ኢያ ኧኸናሁኖዋ ሜና ሞጥርኒ »ባረ።
+\v 3 ሁኖም ተጠለይᎁ ተጦሙም ቀጥወ ኧጅሁኖዋ አተግኮምታ አስራፖቺዮም ።
+
+\v 4 በርናባስቪ ሳዉልቭ መንፈስ ቅዱስ ኬሸኖምታሴሌዉቅያ ዩሪዳ ኤኤዲ ወንጁም፤ተህም ቀጥወ በመርከብ ቆጵሮስ ዎርሙ ።
+\v 5 ስልማናዩሪዳ ኤኤዲ በሰንኦዋጋ በአይሁድ ሰቪ ኧጠሎት ቢድ እእግዜር ቃር አትሞርሙ፤ ዮሐንስቭ ተሁኖም እማቲ ያአግዝኮዋ ባንደ ።
+
+\v 6 ኧቆጵሮስ ደሴት ታአትአጋድ አታእግድ ዳር ስን ጆፖርሙ ፓፋ ዩሪዳ ኤኤዲ በሰንኦዋጋ በሪያሱስዩዉሪዳ አት አአይሁድ ገኘ ሸጎረዪ አአሰት ነቢ ነኮዉም ።
+\v 7 ሁድቭ ሰርጊዮስ ጳዉሎስ ቲዩሪዳ ታአት ተሃሪ ኧገኘ ዳኘ እማቲ ባንደ ፤እም ኧገኘ ዳኘ እእግዜር ቃር ኢሰቭአይ ሴኧታ ኧበርናባስቪ ኧሳዉልቭ አትሄናኖም።
+\v 8 ቢኸርቭ ጭን በግሪክ አፉ ኤልማስ ዩሪዳ ዋ ሸጎረ ፤ኧገኘ ዳኘ ሁዳ አያአቭረኸ ዪንአይ ኧሴኤ ኧኸሬ ተጋፋኖም።
+
+\v 9 ጳዉሎስ ዩዉሪዳ ሳዉልቭ በመንፈስ ቅዱስ ተቬንአታ ቱኩ ኤፐ አሸንታ ዋኸ ባረን ፤
+\v 10 «አኸ ኣወሄ ሜና እንእ ጠላት ሸርቪ ሙጥጥነድቭ እንእ ኧቬንአቨኸ ኧሴጣን ትከ! እእግዜሪ መያ አአፎት አትቺእካ?
+
+\v 11 ዋአካቭ እእግዜሪ ደረግ ባኸ ፎር ማአ ፤ፉርጥ ትኸርኬ ፤ትእም ቀጥወ አት ግዚየ ስን ኡዋየ ስርም አታዥካ ።»ህመጋ ጎቨዪ ጠነቫ በፎርኋ ወንደወ ፤ኣጅሞኋ ጥጭተ ኢመራኩዳ ሰቭ ሴኧታ እመዪ ህሜ ኧዋርት ቀነሰ ።
+\v 12 ህም ግዚየ ኧገኘ ዳኘ ሁዳ በሸጎረ ሁዳ ኧኸረ ዘንጋ አሸታ ፤እእግዜርቭ ቃር ወግ ኸረወታ በክርስቶስ ኢየሱስ አመረ ።
+
+\v 13 ጳዉሎስቪ ቤሻሞኋ ተጳፋ ተረሾምታበጵንፍሊያ ገኘ አንዳ ጴርጌን ዩሪዳኤኤዲ ዎርሙ፤ዮሐንስ ጭን ተንኖዋ ተቫይተረ ኢየሩሳሌም ተዠፐረ ።
+\v 14 ሁኖዋ ጭን ተጰርጌን ተረሾምታ ብጲስዲያ ከስ እንዳ አንፆኪያ ዩሪዳ ኤኤዲ ዎርሙ፤ በሰንበት ቀረቭ አት አአይሁድ ኧጠሎት ቢድ ፤ጎፖም ቸኖም።
+\v 15 ኧሙሴ ቂጫዪ ኧነቢም ሁንዋይ መጣፍ ታረᎄᎅ ቀጥወ ኧጠሎት ቢድ አላቃ ሁኖዋ እኧሰማቶ ኧሰቭኋ ምክር ኢኸርካ አአር አጨፈድ ትዝረኩታ አአር በረፐረነሁዋ ዘጉዋ» ቧርሙ ኬሸኮሙ።
+
+\v 16 ጳዉሎስቭ ተረሳ በኧጅኋ ቋቆሰኖምታ ዋኸ ባረኖም«እእስራኤል ሰቮ፤ እመኸቭ አሁም እግዜር ትፎርታ ሰቮ ፤ጭን ባርሙ ሱቭኦኝ ፤
+\v 17 እም እእስሬል ሰቪ እግዜር አአቦንራ ሸፐተኖም ፤በግብፅ ገኘቭ ታነዉዋ ኑእ አአር ኤፐኖም፤በሩእ ደረግሞኋ ተሃይ አዋአኖም ፤
+\v 18 አርቭአ ዘቨር አአህርቭ በቨረሃ ፈነኸኖም፤
+
+\v 19 በከነዓን ገኘቭ አነዉዋታ ኧሳቭአት [ቢድ ጥቭ] መንግስት እንእ አአፋ አፈርሁኖዋ ኧገግኋይ ሰቭ ደረድሁኖዋ ኤፐ አቨኖም፤
+\v 20 እመዳ እንእ ኧኸረሁዳ ባርቭአት በኧር ታአምሳ ዘቨር ቢኸርካ ግዚየ አአህርን።ተህም ቀጥወ ነቢ ሳሙኤል ኢገዛወዳ ዘቨሪ ስን እግዜር መሳፍንት አቨኖም።
+
+\v 21 ተህም ቀጥወ እግዜር ንጕስ ያረግስኖዋኸ ሳአሪ ፤እግዜር ኧቢኒያሚ ዶᎄ ኧኸረ ኧቂሲ ኧች ሳዖል አቨኖም ፤ሁድቭ አርቭአ ዘቨር ስን ገዛኖም።
+\v 22 ሳዖልቭ ተሻረን ቀጥወ ፤ዳዊት አረገሰኖም፤ኧሁድቭ አአር፤«ኧሂንኛኸ ኧኸረኒ ኧሲእኩዳቭ ሁዳ እንእ ዪንአኒዳ ፤ኧኧሰዪ ትከ ዳዊት ነከሁ»፤ባረ ምሰከረነ።
+
+\v 23 እግዜርቭ ቃር ኧገፓመኸ ተዋ ምስ ዘር እእስራኤል ሰቭ ዉዛ ኧኸረ ያተርፍካ ኢየሱስ አቫአ ፤
+\v 24 ኢየሱስ ቶኦትኋ ኢፍቲ፤ዮሐንስ እእስራኤል ሰቭ እንእ ንስሃ ጊቭኧተዉዋ ኢጠሞቁዋኸ ኤኤደኖም ባንደ።
+\v 25 ዮሐንስቭ ኪሸርኋ ቲጀፕርቭ ታነ፤ኢያ ማን መሰርኩም? ኢያ ሁዳ አኸርኋ ፤ዘንጋኋ ጭን ኧኧግርኋ ጫማ ክር ስን ኧፈዳኔ አይትቨቃይ አአር ቲያ ኢኢ ኢቫአኬ ይቭር ባንደ።
+
+\v 26 ሁሁዋ ታአብርሃም ዘር ኧቴኤኘሁዋ ኧሰማት ፥እመኸቭ በግትማሁዋ እግዜር ኢፎርታ ሁኖዋ እንእ ፤ዋ ያተርፍካ ወሄ ዋራይ ኧኬሸዊ ሁዳ ኢና እንእምነንራ ።
+\v 27 እእየሩሳሌም ሰቭቪ ዳኘመሁኖዋ እእየሱስ አኋሪዳ ፤ኧህር ባኸሬ ሰንበት ሰንበት ቀረ እንእ ያረቡቢዳ ፤ኧነቢሁኖዋ ቃር ዉረ ኢኸሪ ፤በሁዳ ፎጅኰ።
+
+\v 28 ኧዉድ ያሰርአኩዳ አት ኢፋድ ስን ባይረሁኰቭ ዳር ኧጲላንጦስ ኧዉድ ፍርድ ኢፈርድዎኸ ሳአሪ ።
+\v 29 ኧሁዳ አአር ኧጣፊይ ሁዳ እንእ ቴፐዉኰ ቀጥወ ፤ተሰኦርኰ ኤኧ አዎንጁምታ፤በወገማ ከስ ሆንኧዪ።
+
+\v 30 እግዜር ጭን ተዉድ ነሳን ፤
+\v 31 ተገሊላ ቆነሺታ እየሩሳሌም ስን ተሁኖዋ እማቲ ኧረፖሩዋ ሁኖም ኖኦራ ቀረ ተረከቨኖም ፤ሁኖም ዋአካ ኧሰቭኋ ምስክርኖዋ።
+
+\v 32 ኢናቭ እግዜር አአቦንራ ተስፋ አቨኖዋ ወሄ ዋራይ አሁዋ ንኢድነ ፤
+\v 33 ኢየሱሱ ተዉድ በሸትኋ አአቦንራ ኧገፓኖዋ ተስፋ ኢና ኧዴንጋኋ ኤፐንረ፤ሁድቭ በመዝሙር ዉርኤት፤ «አከ ትከነኛ ፤ ኢያ ኦኳ ኤኘከ »ቧርሙ ጣᎉ።
+\v 34 እመኸቭ አትቭ ሁዳ ሙጅተ አንብሰበሰኸዪ እግዜርቭ ተቩድ ኧረሳንመኸ ፤ያጪጊ፤ «ኧትቀደሰዪ ኧታአመረቭ አአር ኧኸረ፤ ኧዳዊቲ ተስፋ ኢሁዋቴ »ቧርሙ ጣᎉ።
+
+\v 35 ህመኸ ኧኸሬ ቤኤኛቭ ኤኤዲ ፤ «ቅዱስ ትካኸ ኢብሰብሲ አቲቭኩዳ »ይቭር።
+\v 36 ዳዊት በገግኋይ ዘቨር እእግዜር ፍድድ ቤተ ቀጥወ ፤ሞደ ታአቦሞኋ ዶፖርሙ ᎂከዊታ በሰርኋ ብሰበሰ ።
+\v 37 እግዜር ተቩድ ኧረሳን ሁዳ ጭን አንብሰበሰዳ ።
+
+\v 38 ባቴ ኧሰማቶ ፤ባጢር ኢትፋእካ ሁዳ እማት ብኢየሱሲ አጋድ ኧኸረኸ ኤኤጅኩዋኸ ኋሩዋ።
+\v 39 በሁዳ ያአቭርካ እንእ በሙሴዪ ቂጫ አነከቨን ተቫጢር አፉ ኧትቬርት ኢረህቭ።
+
+\v 40
+\v 41 « አሁዋ ትቆርጭታ ሰቭ ፤ኦዡዋ፤ ወግ ኧህርዎሁዋ ፤ሙጁምቭ፤ ማንኝእሞኋ ቢዪኢድሁዋ ፤ አታአቩሪ ሜና ፤ በዘቨራሁዋ ኢንአኬ።» ቧርሙ ኧዝሬከዊ ዘንጋ አይሰርአወሁዋኸ ተጠፑዋ ፤ቧርሙ ዝሬኮም ።
+
+\v 42 ጳዉሎስቪ በርናባስቭ አይሁድ ቲደሞጅኮዳ ቢድ ቲዎኦታ ፤ሰቭ ሁኖዋ ቢቫአካቭ ኧይሁዳ ሰንበት ቀረእእም ዘንጋ አአር አትቭ ዲዊተዉኰ ዪኢጂዮኸ ሳአሪዮም ።
+\v 43 ኧትደመደብ ሰቭ ተትቭራጨ ቀጥወ ፤ኖኦራ ኧይሁዳ ሰቭቪ፤በይሁዳ ሰቪ ሃይማኖት ኧጎፖዋ፤በመንፈስ አአር ያትውቁርታ ሰቭ ፤ኧጳዉሎስቪ ኧበርናባስቭ ተሄተሪዮም ፤ሁኖም አዝራይከዉዮም ፤ብእግዜርቭ ጠጋ ቲቭኧተዉዋ ኢረዉሩዋኸ ሞኰሪዮም ።
+
+\v 44 ቢቫአካቭ ኧይሁዳ ሰንበት ቀር ፤ዉጢካ ሰቭ ቲተርፍ ኧከተማኋ ሰቭ እንእ እእግዜር ቃር ኢሰቭአይ ቁጥቁጥ ባረ።
+\v 45 ኧዩህዳ ሰቭቭ ኖኦራ ሰቭ ቢያዡዋ ቅናት ጠበጠኖምታ ጳዉሎስ ኢዝሬኩዳ ቃር ቲያአፎኰ ኢቀሩዊ ባንደ ።
+
+\v 46 ጳዉሎስቪ በርናባስቭ ጭን ታይፎርሙ«እእግዜር ቃር ትእንዎኋ ኢፍቲ ባአወተራቸ አሁዋ ዪኢጅኩዋይ ያትሲእ፤አሁዋ ጭን ቀንጥኊ ፤ብእመዳ ኧዘላለም አያ ሂተዉ ኦምቦርት ኤነወሁዋኸ አሁዋ በገጋሁዋ ኧፈንድሁዋይ ኧኸሬ ፤ኢናቭ አአረማዊ ሰቪ ኧኝኧተነ ንዦዉርነዴ።
+\v 47 አትቭ ፤እግዜር፤ «ሰቭ እንእ ባሄ አጋድ ኢተርፍኸ ፤ አአረማዊ ሰቭ እንእ ብርሃን ኤፐከ።»ባረ ኤዘዘንረ፤ቧርሙ ዝሬኮም።
+
+\v 48 አረማዊ ሰቭቭ ዋ ዘንጋ ቢሰቭኦዋ ቡሼኧኸ ሳረኖም፤እእግዜርቭ ቃር አሆቦጁም ፤ኧዘላለምቭ አያ ሂተዉዋ ኢረቩሩዋይ ኧሰፖቺዮዋ ሁኖዋ እንእ አሞርሙ።
+\v 49 እእግዜርቭ ቃር በሃኸ ባነዉታ ገኘ እንእ ቲቬትድ ወረ።
+
+\v 50 ኧይሁዳ ሰቭ ጭን ባአይሁድ ሃይሞኖት አአመራ፥ደንገኘቭ ኧኸራ እሽቻ፥ እመኸቭ ኧከተማሞኋ ኑእኑእ ገማ ንሻሾምታ፤ኧጳዉሎስቪ ኧበርናባስቭ ቡሼኧኸ ሰተጂዮምታ ተገኘመሁኖዋ አዎኦዮም።
+\v 51 ጳዉሎስቪ በርናባስቭ ጭን አንቴኤፖሪዮኸ ያቲሹዋይ [ምስክር ኧህርዎሁዋባርሙ] ኧኧግርሁኖዋ ጉተ ጥዎጠዉምታ ቸኧዉም ኢቆኒዮን ዩሪዳ ኤኤዲ ዎርሙ።
+\v 52 ኧክስስቶስሜ ተማሪ ቡሼኧኸ ሳረኖም፤ በመንፈስ ቅዱስቭ ተቬንኦም ።
+
+\c 14
+\p
+\v 1 በኢቆኒዮንቭ ጳዉሎስቪ በርናባስቭ እማቲ አይሁድ ኢደሞጅኮዳ ቢድ ጎፖም ፤በህሜ ጌከርሙ አትሞሩዋይ ኧኸሬ ኖኦራ ኧይሁዳ ሰቭቪ ኧግሪክቭ ሰቭ አሞርሙ ።
+\v 2 አናአሞሩዋ ኧዩሁዳ ሰቭ ጭን አአረማዊ ሰቭ ንሻሾምታ ኧዋ ኧሰማት ኢጠረዮኸ ኤፖሙ ።
+
+\v 3 ጳዉሎስቪ በርናባስቭ ኧጎይታ አአር ታይፎርሙ ቲዝረኩዋ ኖኦራይ ስን በህሜ ኤከሹም ፤ጎይታቭ ኢዝረኲዳ ኧጠጋ ቃር ወግ በኸረ መርኸትቪ ወግ በኸረቭ ሜና ፤ኢዝረኲዳ ቃር ዉረ ኧኸረኸ ያጪግኖዋ ባንደ ።
+\v 4 ኧከተማሞኋ ሰቭ ተሻከደታ፤ ግትኋ ተይሁዳ ሰቭ ኸረ፤ ግትኋ ተክርስቶሲ ኪሸረኘ ኸረ።
+
+\v 5 በህም ግዚየ አረማዊ ሰቭቪ ኧይሁዳ ሰቭ ታአላቃሞሁኖዋ እማቲ ሂተዉዋታ አይኧተዉ ያዎችህዮመዪ ኢዎጎዮሜ አትዋቆርሙ።
+\v 6 ሁኖዋ ጭን ዋ ዘንጋ ኋርሙታ ልስጥራንቪ ደርቤንቭ ዩሪዮታ ሊቃኦኒያከተማዪ በሁኖም ምዬ አነዉታገኘ ሴኮም ፤
+\v 7 በህሜ ኧክርስቶሲ ያተርፍካ ወሄ ዋራይ አአዉጅት ቆነሹም።
+
+\v 8 በልስጥራቭ ኧግርኋ ጅረ ኧረፐረ ተቴኤኘ ቆነሺታ ስርም በኧግርኋ ሆይተ አይሂር አት ሰቭነድኋ ኧሸተረወ ምስ ቸና ባንደ ።
+\v 9 እም ምስ ጳዉሎስ ቲዝሬካ ጭን ባረ ኢሰብአ ባንደ ።ጳዉሎስቭ ኧሁዳይ ኤፐ ቱኩ ኤፐ አሸታ ኢተርፍኸ አአመረኸ አሸታ፤
+\v 10 በሩኡየ ቃር «ቀጥ ባር ተሳታ በኧግራኸ ተሰገቭ» ባረን፤ህም ግዚየ ዘከረ ተረሳ ተሸከቨታ ኧሆርት ቀነሰ።
+
+\v 11 ሰቭ ሁኖዋ ጳዉሎስ ኤፐን ዘንጋ ባሸዉዋጋ በሊቃኦንያ አፉ «መላአይካ ሰቭ ሞሰርሙ ኢናይ ወንጁም»ቧርሙ አሆኖም ፤
+\v 12 ኧበርናባስ <ድያ>ቧሪ ፤ኧጳዉሎስቭ ዋና እኢዝሬክ ኧረፐረ ሁዳ ኧረፐሬ ኧኸሬ <ሄርሜን>ቧሪ፤
+\v 13 ተከተማሞኋ ሰቻ አጋድ ኧረፐረ ኧድያ ቤተ መቅድስ ቅርኘ ያጌኲርካ ካህን ቧዉራዪ አአኮጂዮም ማማቭ ኧከተማ ሁዳ ኢጎኦኮዳ ኡፎቻዪ ኤኤተታ ተሰቭ ሁኖዋ እማትሜ ህይተ ፈቸድ ዪንአኖዋይ ሴኧ።
+
+\v 14 እእግዜር ኪሸረኘ ጳዉሎስቪ በርናባስቭ ዋ ዘንጋ በሰምኦዋጋ ሁጅርሁኖዋ ዦኦርሙታ ቲያሆሮዋ ተራወኡም በሰቭ ግት ጎፖም ።ቃርመሁኖዋ ነሾምታ፤
+\v 15 «አሁዋ ሰቮ ኧቭር ኧዋኸ አአር ቲንኦዋ? ፤ኢናቭ አሁመኸ ሰቭንረሽ! ። አሁም እመኸ ተዋኸ አታአአር ታኸረ አአር አሬእተሁዋታ አፈሪ ሳቫይቭ ፥ባርቭ በቫርቭ ከስ አነዉዋታ ሁኖዋ እንእ ኧኸለቀ፤ እንእን ግዚየ ይረቭርካ፤ እግዜሪ ትትዠፖሩዋኸ ኧክርስቶሲ ወሄ ዋርይ ኒኢድኔኩዋ ።
+\v 16 ሁድቭ ኧዋ ኢፍቲ ዘቨር ሰቭ እንእ ብአጃሁኖዋ መያ ያርዋኸ እቁስ ባረ ቸኧኖም።
+
+\v 17 ቢኸርቭ ጭን ተሳቫይ ዲየ እመኸቭ ሙርት ያፎይወዳ ወሄ ወቅት ባዉትኋ እመኸቭ ሂናሁዋ ሸረድ ባዉት ተመኛታሁዋ መኝኧተዉዋ ባትሳርትኋ ወሄ ሜና ቦንኧትኋ ገግኋ ምስክር አይቫር አንቸኧዳ ።
+\v 18 ጳዉሎስቪ በርናባስቭ እመጣካአአር ዳር ፈቸድ ሁዳ አዪንኤኸ ፤ ዝሬኮሙታ ፈቸድ ሁዳ ጭን አዪንኧኖኸ አትቼውዉዋ ሁዳ ተሮኦራ መራክስ ቀጥወን ባንደ።
+
+\v 19 ኣይሁዳ ሰቭ ጭን ታአንፆኪያዪ ተኢቆኒዮንቭ ሞኦምታ፤ኧሰቭኋ በገግሁኖዋ አጎፖምታ ፤ኧጳዉሎስ ብእቭር ተዎኮይ ቀጥወ ፤ኧዎንደ አአር መሰረኖምታ ሻዉም ወሰጁሙ ተከተማኋ ሰቻ አጋድ አዎኦም ቃሸዊ ።
+\v 20 ቢኸርቭ ጭን ኧክርስቶሲ ተማሪ ኸፖዊ በትሸኮዉዋመኸ ተረሳታ፤ኧከተማ ሁዳይ ገፓ፤በቭረጋሞኋ ተበርናስስቭ እማትሜ ደርቤን ዩሪዳ ኤኤዲ ወርሙ።
+
+\v 21 ጳዉሎስቪ በርናባስቭ በደርቤን ኧክርስቶሲ ኧትርፉት ወሄ ዋራይ ኤኤጁምታ ኧሮኦራ ሰቭ በክርስቶስ ያአቩሩዋኸ ቴፐዉዋ ቀጥወ ልስጥራ ፥ኢቆኒዮንቪ ፥አንፆኪያቭ ፤ተዦፖርሙ።
+\v 22 በክርስቶስ እአሞሩዋ ሰቭ ሂን ቲያትፓፖምቪ ብእምነትሞሁኖዋ ቲቭኣተዉዋ ኢትሸኮዉዋኸ ቲዎሁሪዮዋ ፤«እእግዜር መንግስት ኢጎኦዋይ ፤በሮኦራ ፊትና ከስ ጊቭኧተዉዋ ኦኦት አነቨንረ» ቧሪዮም ።
+
+\v 23 ተህም ቀጥወ ክርስቶስ አአሞሩዋ ሰቭ ባነዉኮዳ ኤኤዲ አነዉዋታ ቤተክርስታን እንእ ባሪቅ ይሆርታ ሰቭ ሸፖችኖምታ በጦምቪ በጠሎትቭ አአሞሪ እግዜር አደራ አዊ ።
+\v 24 ተጲስዲያቭ ሄንጁም ጵንፍሊያ ዩሪዳ ኤኤዲ ሞኦም ፤
+\v 25 በጰርጌንቭ ቃርኋ ቴኤጁዋ ቀጥወ ኢጣሊያ ወንጁም።
+\v 26 ቲኢጣሊያቭ [ተረሾም] ዋአካ ስን ኤፐዊ ሜና ፤እእግዜር ጠጋ በአደራ ኧቴዉኮ አንፆኪያ ከተማ በመርከብ ተዠፖርሙ ዎርሙ ።
+
+\v 27 ህሜ በሰንኦዋ ቀጥወ እእንእ ቤተ ክርስቲያን ሰቭ እንእ ብዝማት ቁጥ ቁጥ ኤፖዉምታ እግዜር በህኖዋ ኸረታ ኤፐን ዘንጋ እንእ ፤እመኸቭ አአረማዊ ሰቭ ፤ኧተኸ ያአቩርኮዳ በር ኧትከፈደኖኸ ኤኤጁም።
+\v 28 በህሜ ክርስቶስ ታአሞውዋ ሰቭ ኖኦራይ ስን ቸኖም።
+
+\c 15
+\p
+\v 1 አታት ሰቭ ተይሁዳ ገኘ ተረሾም እአንፆኪያ ከትማ ወንጁምታበክርስቶስ አአሞሩዋ ኧሰማት ፤«ኧሙሴ ቂጫኸ ዘገር ባናጎፖኩዋይ አተርፉታ» ፤ባርሙ አትሞርት ቆነሹም ።
+\v 2 እም ዘንጋ ኧጳዉሎስቪ ኧበርናባስቭ ተሁኖዋ ኧዉጥጥ ክርክርመዪ ፥ኧመራክስሜ ስን አሰንአኖም ፤ህመኸ ኧኸረሜ ጳዉሎስቪ በርናባስቭ ኤኛቭ እታት ክርስቶስ አአሞሩዋ ሰቭ ዲቪተዉኮታ ኤየሩሳሌም ዌኤተዉዋታ፤እእግዜር ኪሸረኘዪ ኧቫሪቅቭ ሁኖዋ፤ ኧዋ ዘንጋ አአር ኢትሳአርዋኸ አትዋቾዪ።
+
+\v 3 ህመኸ ኧኸረሜ ሁኖም ኬሸዉዮምታ ዎርሙ፤ቲያርታቭ ህመመያሁዋ ተፊንቄዪ ተሰማሪያቭ አጋድ ሆሩዋ ቧርሙ ኬሸዉዮም። ሁኖም በሃአመያ ቲያርታ በሃይ አኖዉታ [በክርስቶስ አአሞሩዋ ኧሰማት} ፤{አረማዊ ሰቭ ኧክርስቶሲ ኧትዠፖሩዋኸ በክርስቶስቭ አአሞሩዋኸ ኤኤጂዮም}፤እም በክርስቶስ አአሞሩዋ ኧሰማት በዋ ዘንግጋ ቡሼኧኸ ሳረኖም ።
+\v 4 ኢየሩሳሌምቭ በሰንኦዋጋ ፤ኧሃይ ቤተ ክርስታን ሰቭ ፥እእግዜር ኪሸረኘዪ፥እመኸቭ ኧቤተክርስቲያንቭ ባሪቅ ሁኖዋ ቴኤፖሪዮም።ኧኬሸዉዮምቭ ሁኖዋ እግዜር ተሁኖዋ ኸረታ ኤፐን ሜና እንእ ኤኤጂዮም ።
+
+\v 5 በክርስቶስ አአሞሩዋ ኧፈሪሳ ሰቭ ተረሾም ተሸኮሙታ፤ «አረማዊ ሰቭ ዘገር ያጎኦዮመኸዪ፤ኧሙሴሜ ቂጫ ዩኡሮዋመኸ ኦንኧት ያትሲእ» ቧርሙ።
+\v 6 እእግዜር ኪሸረኘዪ፥ ኧቤተ ክርስታን ባሪቅቭ ሁኖዋ ዋ ዘንጋ ኧተኸ ኧኸረኸ ያዢ ተዶሞጁም።
+
+\v 7 ኖኦራ አአር ተኩራኮሪ ቀጥወ ፤ጴጥሮስ ተረሳ ተሸከትታ፤ዋኸ ባረኖም ፤ «ኧሰማቶ እግዜር ኢያ ተቀሪ ግዚየ ኢፍቲ ፤ባሁዋ ግት፤ ኢያ ሸፐተታ አረማዊ ሰቭ እእግዜሪ ያተርፍካ ወሄ ዋራይ ቲያ ሰምኦምታ ያአዉሩዋኸ ኤፐኖኸ ቲሂሩዋ ።
+\v 8 ሂንቭ ኢሂርካ እግዜር ፤ኢናቭ ቨንረመኸ ኧሁኖም መንፈስ ቅዱስ አቨኖምታ ኧቴኤፐረኖኸ ምሰከረኖም።
+\v 9 ሂንመሁኖዋ ክርስቶስ ቦኦዎርት ባጢርሁኖዋ አፈካኖምታ፤ ቢናዪ በሁኖም ግት አት ቡችርነድ ኢረቭረኸ አኔፐዳ ።
+
+\v 10 አካ ባቴ አቦመንራዪ ኢናቭ ንፌንግነዪ ኧኸረንረ ቀንበር በክርስቶስ አአሞሩዋ ሰቭ ባፎንጉት ኧቭር እእግዜር ንፈትንኔ?
+\v 11 ኢናቭ ኧተነፍነ ሁዳ ኧሁኖመኸ በጎይታ ብእየሱስ ክርስቶስ ጠጋ ኧኸረ ናአቭርነ ።
+
+\v 12 ሃአ ግዚየ ኧትደመደ ሰቭ እንእ ቅንቁስ ባረታ በርናባስቪ ጳዉሎስቭ እግዜር በሁኖዋ ኸረታ በአረማዊ ሰቭ ግት ኤፐኖውዋ ስርም አናሸዊ መርኸትቪ ወግ ኧሆርሙ ሜና አአር ቲዝረኩታ ጭንቧርሙ ኢሰቭ ኦዮዋ ባንደ ።
+
+\v 13 ሁኖዋ ዝሬኮም ቲጆፑርታ ያዕቆብ ተረሳ ተሸከቨታ ዋኸባረ፤«ኧሰማቶ ስቭኦኝ ፤
+\v 14 እግዜር ታአረማዊ ሰቭ ኧተኸ ኧገግኋ ኢሆርታ ሰቭ ኢሸፕቲ በተረ ኧተኸ ኧትራከቨኖኸ ስምኦን ዩሪዳ ጴጥሮስ ኤኤደንረ ። እመኸቭ ባርሙ ኧጣፉይ ኧነቢ ሁኖዋ ቃር ተዋዳ እማትኖዋ፤
+
+\v 15 እመኸቭ ባርሙ ኧጣፉይ ኧነቢ ሁኖዋ ቃር ተዋዳ እማትኖዋ፤
+\v 16 «ተዋ ቀጥወ ኧትዠፐርኬ ፤ ኧትቫነረቭ ኧዳዊቲ ቢድ አረሽኬ ፤ ኧትባነረቭ ሁዳኋ ንሸተሁ አትሸኩኩዴ፤ አትቭ ሃአይተሁ አረሽኩዴ ።
+\v 17 ሁድቭ ኧተነፉዋ ሰቭ እግዜር ኢሱኡዋኸ ፤ ሹቭመኛ ኧፌነጉዋ አረማዊ ሰቭ ኢሱኡኝነኸ ፤ ዋሁኖዋ ኤፐ እግዜር ዋኸ ይቭር ፤
+\v 18 ሁኖም ተድረ ቆነሹምታ ኧትሄርታኖዋ አአር።»
+
+\v 19 ህመኸ ኧኸረሜ፤ ኢያ ኧገግኛኸ፤ እእግዜሪ ኧትዠፖሩዋ አረማዊ ሰቭ አናርጠንቅነዮዋ እር።
+\v 20 ባይኸር ኧቅርኘ አንጪታ ተሰነኸ ሸረድ፥ተረከዊ ሰቭ ሁጅር ተድሙጅት፥ አኖቊታ ተወንደ[ተቨከተ} ዋጋ በሰር ተዉርኧት ፥ደቭ ተዉርኧት ያረኡዋኸ ንጠፍኔኖይ ያትሲእ።
+\v 21 ኧሙሴ ቂጫሽ ተድረ ቆነሺታ ሰንበተሰንበት እንእ አይሁድ ቢደሞጅኮዳ ቢድ ቲያረቡᎅቪ በከተማ እንእ ቲኢጂም ኖፖሪ
+
+\v 22 በህም ግዚየ ኪሸረኘ ሁኖሚን ባሪቅቭ ሁኖዋ ታአንዳ ተቬተክሪስቲያንቭ ሰቭ እማቲ ሆርሙታ፤ተግትሁኖዋ አታት ሰቭ ሽፕችተዉዋታ ፤ተጳዉሎስቪ ተበርናባስቭ እማትሜ አንፆኪያ ያሩዋኸ አትዋቾም ፤ህመኸ ኧከረሜ በክርስቶስ ታአሞሩዋ ኧሰማት ግት ዋና ኧረፖሩዋ ፤በርስያን ዩሪዳ ይሁዳዪ፥ሲላስቭ ሾፖቹም ።
+\v 23 በሁኖም ኧጅ ዋኸ ይቭካ ወረቀት ጣፉም ኬሾሙ ፤ ኢና ኧሁዋይ ኧሰማት ኧኸርነ ፤እእግዜር ኪሸረኘዪ፥ኧቤተክርስቲያን ባሪቅቭ፤እማትሜ፥ በአንፆኪያ ፥በሶሪያዪ፥አመኸቭ በኪልቂያቭ አነሁዋታ ኧሰማት እንእ ወጌምትንራ ኧስርአሁዋ ።
+
+\v 24 አታት ሰቭ ኢናታንፈቅድኔኖም ፤ቲናይ ተረሾም አሁዋይ ሞኦምታበዝሬኮኩዋ ዘንጋ አጀጎርኩዋመኸዪ አድዋኞኩዋመኸ ሰምአነ ።
+\v 25 ህመኸ ኣኸረሜ ቀሪ ሰቭ ሸፐትነታ ቲረጂዮታ [ኧሰማት] ተበርናስቪ ተጳዉሎስቭ እማቲ አሁዋይ ንኬሸነዮይ እንእቨንራ ተስማአምአነ።
+\v 26 በርናባስቪ ጳዉሎስቭ ኧጎይታንራ ኢየሱስ ክርስቶስ ሹቭ ቲዩሩዋ ነብስሁኖዋ አዎኦም አአይፖርዋታኖዋ አአር።
+
+\v 27 ህመኸ ኧኸረሜ ኢና በወረቀት ኧጣፍኔሁዳ በቃርሁኖዋ ገኪይተዉዋ በቃርሁኖዋ አጪግተዉዋ ዪኢጅኩዋኸ አኩ ይሁዳዪ ሲላስቭ ኬሸኔነኩም ።
+\v 28 «[ንኬሽኔነኩዋታ] ሁድቭ ፤ኧቅርኘ ቧርሙ ህትቭ ቴፐዊ ተሰነኸ ሸረድ ፥ደቭ ተዉርኧት፥ኧኖቊታ ተወነደ ተቨከተ ዋጋ በሰርተዉርኧትቪ ፥ተረኮዊ ሰቭ ሁጅር ተድሙጅትቭ ታረኡዋነኸ ።ተዋሁኖዋ ብታሮኡዋ አሁዋ ወሄን አአር ።
+\v 29 ትእም ቲያትሱኡታ ዘንጋ ኤኛ አአር ባሁዋ ፎር አንጨርኔኮኩዋኸ ፤ኧመንፈስ ቅዱስቪ፥ ኢናቭ ወሄ አአር ኸረ ተረከቨንረ ። ተወሄ አአር! በወገሬት!
+
+\v 30 ኧኬሸዉዮም ሰቭ ተሃይ ተትስራፑዋ ቀጥወ ተረሾም አንፆኪያ ወርሙ ፤በህሜ በክርስቶስ አአሞሩዋ ሰቭ እእንእ ብእማት ስቨሶዉዮምታ፤ወረቀት ሁዳ አዎኦም አቡዮም ።
+\v 31 ሰቭቭ ሁኖዋ ወረቀት ሁዳ ታረቦቢ ቀጥወ ፤ሂን ቢያትሽርካ ምክርሁኖዋ ቡሼኧኸ ሳረኖም ።
+\v 32 ይሁዳዪ ሲላስቭ ገግሞሁኖዋ ነቢ ኧረፖሩዋይ ኧኸሬ በክርስቶስ አአሞሩዋ ኧሰማት ኖኦራ አአር ᎀኰርሙ አቁሟሞሪዮምቭ ።
+
+\v 33 በህሜ ቀሪ ቀረ ቴኤከሹዋ ቀጥወ ተክርስቶስ ታአሞሩዋ ሰቭ በወሄ እአር ተሳፖቹምታ ኧኬሸዉዮዋ ሰቪ ተዠፖርሙ።
+\v 34 ሲላስ ጭን ህሜ ኢቸናይ አንጠወ ።
+\v 35 ጳዉሎስቪ በርናባስቭ ቴኤኛቭ ተሮኦራ ሰቭ እማትሜ ሆርሙታ ኧጎያት ቃር [ኢየሱስ ያሬፍኸ] ቲያትሞርምቪ ቲዝረኩም በአንፆኪያ ቸኖም።
+
+\v 36 ኣዉሎስ ተቀሪ ግዚየ ቀጥወ ኧበርናባስ «ተሳ ኧዋ ኢፍቲእእእግዜር ቃር ኧዝሬከኔኮዋ ከተማ እንእ ንሆርነታ በሃይአነዉዋታ በክርስቶስ አአሞሩዋ ሰቭ በብር አነዉዋኸ ንሂርኔ ነዥነየዋ»ባረን ።
+\v 37 በርናባስ ማርቆስ ዩሪዳ ዮሐንስ ተሁኖም ያሪ ሴኧ፤
+\v 38 ጳዉሎስ ጭን ኧሃአ ኢፍቲ ማርቆስ በጵንፍልያ ተሁኖዋ ተቫይተረታ ኧቬናታሁዋ አናርካ ኧቫሬ ኧኸሬ ሁዳ ጥጭተታ ያሪ አንሴኧዳ.
+
+\v 39 ብእም ኧቫአ በግትሁኖዋ ኑእ መራክስ ኧትረሳዎይ ኧኸሬ ኧዋር ሟሪ ሆርሙ፤ በህም ቀጥወ በርናባስ ማርቆስ ጠበጠታ በመርከብ ቆጵሮስ ወረ ፤
+\v 40 ጳዉሎስ ጭን ሲላስ ሸፐተ ፤በክርስቶስ አአሞሩዋ ኧሰማት ኧጳዉሎስ እእግዜር ጠጋ አደራ አዊታ ወረ።
+\v 41 ጳዉሎስቭ በሶርያዪ በኪልቂያቭ ገኘ ቲያርካ በክርስቶስ አአሞሩዋ ሰቭ ያቁሟሙር ባንደ።
+
+\c 16
+\p
+\v 1 ጳዉሎስ ደርቤንቪ ልስጥራንቭ ወረ ፤በህሜ አት አዶድኋ በጎይታ አአመረች አአይህድ ሰቭ ኧኸረች ፤ አቦኋ ጭን ኧግሪክ ገኘ ሰቭ ኧኸረ አአር፤ጢሞቲዎስ ዩዉሪዳ አት በክርስቶስ አአመረ ኧች ባንደ ።
+\v 2 ሁድቭ በልስጥራንቪ በኢቆኒዮንቭ ባነዉታ በክርስቶስ ባአሞሩዋ ኧሰማት ወሄ ምስክርነድ ባነነደ ።
+\v 3 ጳዉሎስቭ ዋ ኧች ተሁዳ እማቲ ያሪ ሴኧ፤ህመኸ ኧኸሬ በሃኸ ኧረፖሩዋ አአይሁድ ሰቭ ጢሞቲዎስ አባኋ ኧግሪክ ሰቭ ኧረፐረኸ ኢሂሩዋይ ኧኸሬ ፤ኧጢሞቲዎስ ጠበጠ ዘገር አገፓን።
+
+\v 4 ሁኖም ታአት ከተማ ተረሾም ኤኛ ከተማ ቲያርታ ብእየሩሳሌም እእየሱስሜ ኪሸረኘዪ ባሪቅቭሁኖዋ አትዋቾኰ ሁዳ ተኧቨይተዉዋታ ዩኡሮዋኸ ፤ በክርስቶስ አአሞሩዋ ሰቭ ዪኢጁዋ ባንደ
+\v 5 እንእ ቤተክርስቲያንቭ በምነትሁኖዋ ቲቁሟሞርሙዪ ሙዝርሞሁኖዋ በቀረ ቀረ ቲደቭር ያሩዋ ባንደ።
+
+\v 6 ጳዉሎስቪ ቤሻሞኋ እእግዜር ቃር በእስያ ዪኢጁዋይ እእግዜር መንፈስ ኧኸንአነዋይ ኧኸሬ ቸኧዉም በፍርግያዪ በገላትያቭ ገኘ ሄጁም ዎርሙ።
+\v 7 ሚስያቭ ዩሪዳ ገኘ ሞኦሙ በሰንኧዋ ቀጥወ ፤ቢታኒያ ኢጎኦዋይ ወብ ቧርሙ፤ዘንጋኋ ጭን እኢየሱሲ መንፈስ አናቨኖታ ።
+\v 8 ህመኸ ኧኸረሜ ተሚስይይ አጋድ ኤፖሙታ ቸኧዉም ጢሮእአዳ ወጁም።
+
+\v 9 ጳዉሎስቭ በኧዳር ብራዕይ አት ኧሜቅዶንያ ገኘ ሰቭ «ሜቅዶንያ የኸታ ኧግዘንረ » ባረታ ቲሰኧርኩዳ አሸ።
+\v 10 ጳዉሎስቭ ዋ እራእይ ታሸ ቀጥወ ፤ኢናቭ እእግዝዜሪ ወሄ ዋራይ ኒኢድነዮይ እግዜር ኸናንረ ባርነ አንጥኔኮታ ህመጋ ተሸተነ ሜቅዶንያ ናርኔ ሴኧነ።
+
+\v 11 ተጢሮአዳ ተረሳነታ በመርከብ ቀጥ ባርነ ወርነታ ሳምትራቄ ማአነ ፤በምረጋሞኋ ናጱሌ ኤፐነ መያንራ ቀነስነ ።
+\v 12 ተህም ቀጥወ እእሮማ ሰቭ ኢጎዤዳዪ ኧህም ኤኤዲ ሜቅዶኒያቭ ባአት ወረዳ ባነቩታ ዋና ከተማ፤ፊሊጵሲስዪስ ገፓነ በህሜ ኖኦራ ቀረ ስን ቸናነ ።
+\v 13 በሰንበት ቀረቭ ኧጠሎት ኤኤዲ ትንሲእነ ተከተማሁዳይ ኡፎቻ ዋአነታ አት በር ወይአነ በህመኸ ቸናነታ ቁጥቁጥ ኧቫራ እሽቻ እእግዜር ቃር አአዉጅት ቀነስነ ።
+
+\v 14 ቲሰቭአታቭ እሽቻ ግት አትሊዲያ ዩዉሪያዳ አት ምሽት ባነቸ ሂድቭ ተቲያጥሮን ገኘ ኧቫአች እእግዜር ታአመረች ትረቭርካ ብሻ ሁጅር ታሲየካ አት ምሽት ባነቸ ።እግዜርቭ ጳዉሎስ ኢዝሬኩዳ ሁዳ ትሰቭአኸ ሂንሻ ከፈደና።
+\v 15 ሂድቪ ቢደ ሰቭመሻ በትጠሞቁዋ ቀጥወ ፤«ኧዉረቭ ብእግዜር እአመርሁኸ ኧሃርሁዋ በኸረ ቀሪመጋ የሁምታ ቢድኛይ ቸሮዋ »ባረችታ ቡሼኧኸ ሳአረቸኖም ።
+
+\v 16 አት ቀረ ተሎት ዪንኧኮዳ ኤኤዲ ትናርነዳ ሸጎርነድ ቲኢድካ አት ኣቪድ ገረድ ነከቨቸንረ ሂድቭ በዋ በሸጎርነድ ሜናሻ ያረዉሪያዳ ሰቭ ኖኦራ ፈራክ ታጋአኖዋ ባንደ።
+\v 17 እም ሜንነኘ ሂዳ ኧጳዉሎስቪ ኢናቭ ቲእ ኢእንራ ትታሄትረንረ «ዋ ሰቭ ኢተርፉኮዳ ሜያ ዪኢጅኩዋታ፤ኧሩእየ እግዜሪ አገልጋይኖዋ »ባረችታ ታኸራ ባንደ ።
+\v 18 እም ዘንጋ ኖኦራ ቀረ ስን ደፐረቸወ ደፐረቸወ ባርች ጳዉሎስ ጭን በዋ ዘንጋ ቡሼኧኸ ኧትራንተዴ ኧኸሬ ዦረታ ኧሴጣን ሁዳ «በጎይታ በኢየሱስ ክርስቶስ ሹቭ ጊፊተኸና ትዋአኸ ኢኢዝዝኸ!» ባረን ።ሴጣንቭ ሁዳ ህም ተህም ገፈረናታ ወረ።
+
+\v 19 ያረዉሪያዳቭ ሰቭ ሁኖዋ ፈራክ ኢረሁኮዳ ተስፋሁኖዋ ኧረፐረ ሴጣን ተሂዳ ዋአታ ኧወረኸ በገፓኖዋጋ ኧጳዉሎስቪ ኧሲላስቭ ጠቦጩም ቲሾዉዋ ዳኘሁኖዋ እኖክኮዳ ኤኤዲ ገቨያ አኖዳ ኤኤዲ አዎኦዮም።
+\v 20 በዳኘቭ ሁኖዋ ኢፍቲ አቴኤነዉዮምታ «ዋ ሰቭ አአዩሁድ ሰቭ በሆሩዋሜ ፤ከተማንራ ቡጦቦጩም ፤
+\v 21 እመኸቭ ኢና እእሮማ ገኘ ሰቭ ኧቶኦዎርት ኤነቨንረቭ ኸረ ኒንአኔዪ አይትቨቃንረ ቂጫ ያትሞሩዋ »ቧርሙ።
+
+\v 22 ሰቭቭ እንእ በጳዉሎስቪ በሲላስቭ ፎር ብእማተጋ ተሮሾኮም ፤ዳኘቭ ሁኖዋ ኧጳዉሎስቪ ኧሲላስቭ ሁጅር ሁኖሆዋ ምርጭተዉዮዋታ ባአር ኢደርጎዮኸ ኤዘዡም።
+\v 23 ቡሼኧኸቭ ተደኖጉዮዋ ቀጥወ ኦሁኔ ቢድ አጎፖዮምታ ኦኦሁኔ ቢድ ዪኢየካ ሁድቭ ሁዳ ገኪተተጤፕተ ዪኢየኮኸ ኤዘዢ ።
+\v 24 ሁድቭ ኧዋኸ እዝዝ ተቴኤፐረ ቀጥወ በኦሁኔ ቢድ ሁዳ ኧኸስሪ ክፍል አገፓታ ኧግርሁኖዋ ተቸሆረ ጥቅ ኤፐታ አከደኖም።
+
+\v 25 ግት ምሳአረ ኢኸርካ ግዚየቭ ጳዉሎስቪ ሲላስቭ ፤ቲጠሊᎁ ቲዘሙርሙ፤እእግዜር ሽኩርት ያኢኑዉዋ ባንደ ፤ኤኛ ተሁኖም ኧታአኮጁዋ ሁኖዋ ጭን ቧርሙ ኢሰቭኦዮዋ ባነደ ።
+\v 26 ኧጠነቃርቭ ኦኦሁኔ ቢድ ሁዳ ያቅረቅርካ አአህር አፈር ቅረቀረ ፤ህም ግዚየ ኦኦሁኔ ቢድሁዳ ሳንቃ እንእ ተኮፎጁም እእንመኋይ አአኮጅኰ ሁዳ ተፈታ።
+
+\v 27 ኦኦሁኔ ቢድቭ ዪኢየካ ሁዳ ተዉኢድኋ ተረሳታ ፤ኦኦሁኔ ቢድ ሁኖዋይ ኡፎቻ እንእ በትኮፎጁዋ ኤኤዲ ቢያዥ ፤አአኮጂዮዋ ሰቭ እንእ ዎኦም ኧዎሪ አአር መሰረንታ በገዛ ኧጅኃ ኢዎዲ ሴፍኋ ሻቨ አዋአ ።
+\v 28 ጳዉሊስ ጭን ቃርኋ ነሳታ በሩኡ የቃር«ኢና እንእቨንራ ዋይ አነነ በገጋኸ ፎር አት ሙጥጥ አአር እናሰንአኸ »ባረታ አኸና ።
+
+\v 29 ኦሁኔ ቢድቭ ዪኢየካቭሁዳ ያተክስካ አአር ሳአረታ ዘከረ ከስሪ ገፓ ፤ቲያረኧድኩቭ በጳዉሎስቪ በሲላስቭ ኧግሪ ወተኧ ።
+\v 30 ጠበጠኖም ተዋአ ቀጥወ «ሰቮ ኧተርፈኸ ምር ነንአ?» ባረኖም።
+\v 31 ሁኖም «በጎይታ በኢየሱስ ኧቨር አኸዪ ቢደሰቭማኸ ትትረፉዋሴ»ቧሪ ።
+
+\v 32 ቀጥወ ኧሁድቪ በቪድሞኋ አነዉታ ሰቭ እእግዜር ቃር ኤኤጂዮም ።
+\v 33 ኦኦሁኔ ቢድቭ ዪኢየካቭ ምስ ሁዳ በህም ኧዳር ኧጳዉሎስቪ ኧሲላስቭ ወሰደታ መዛሁኖዋ አኧቨኖም ፤ህመጋ ሁድቪ ቢደ ሰቭሞኋ ተጠሞቁም።
+\v 34 ኦሁኔ ቢድ ዪኢየካቭ ሁዳ ቢድኋይ ወሰደኖምታ ኢዎርኧታ አአር አቨኖም፤ተቪደ ሰቭሞኋ እንእቭ ብእግዜር አአመሬ ኧኸሬ ቡሼኧኸ ሳረን ።
+
+\v 35 ጋእ ቲይካቭ ዳኘ ሁኖዋ «ሃአ አአኮጂዮዋ ሰብ ፍዳ ግፍርኮዋ »ቧርሙ ወታደርሁኖዋ ኬሾም።
+\v 36 ኦኦሁኔ ቢድ ይእየካቭ ሁዳ ፤ኧጳዉሎስ «ዳኘሁኖዋ ኢፎጆኩዋኸ ኤዘዡም ፤ህመኸ ኧኸሬ ዎኦዋ በሰላም ሆሩዋ»ባረ ኤኤደን።
+
+\v 37 ጳዉሎስ ጭን «ኢና እእሮማ ገኘ ሰቭ በኸነሜ በሰቭ እንእ ኢፍቲታይፎርጅኮንረ እመኣኸ ደነጉም ኦሁኔ ቢድ ቃሸቩንረ እህ ባቴ ዋአካ አትቭ ሰቭ ታይሂርቭ ኢፎጆንሬ ኢሱኡዋ? ህሸኸ አይኸርካ፤ሁኖዋ ገግሞሁኖዋ ኦኦም ኦፉጆም ኦኦንረ!»ቧሪዮም።
+\v 38 ወታደርቭ ሁኖዋ ኧዳኘ ሁኖዋይ ዎርሙታ ዋ ቃር ኤኤጂዮም ፤ዳኘቭ ሁኖዋ ጳዉሎስቪ ሲላስቭ እእሮማ ገኘ ሰቭ ኧሆሩዋኸ ቢሰቭኦዋ ቡሼኧኸ ደነኧኖም፤
+\v 39 ሁኖም ገግሞሁኖዋ ሞኦምታ አፉ ቧርንረ ቧርሙታ ተወህኔ ቢድ አዎኦዮም፤ከተማሁኖዋ ጊፊተዉዋታ ያርዋመኸ ሳአሪዮም ።
+
+\v 40 ጳዉሎስቪ ሲላስቭ ተወህኔ ቢድ ተዎኦዋ ቀጥወ ኧሊዲያይ ቢድ ዎርሙ፤ በህሜ በክርስቶስ አአሞሩዋ ኧሰማት ነከዉምታ ፤ብእግዜር ቃር አቁሟሞሪዮምታ ተሃአ ከተማ ቸኧዉም ዎርሙ ።
+
+\c 17
+\p
+\v 1 ጳዉሎስቪ ሲላስቭ በአንፊጶልቪ በአጶሎኒያቭ ሄጁምታ ተሰሎንቄ ዎርሙ፤በህሜ አይሁድ ኧጠሎት ኢደሞጅኮዳ ቢድ ባንደ ፤
+\v 2 ጳዉሎስቭ ኧርወሸንመኸ ዋ አይሁድ ኢደሞጅኮዳ ቢድ ገፓ ፤ሶኦስት ሰንበትቭ ኧሰቭ ሁኖዋ ተቅዱስ መጣፈ እእግዜር ቃር ቲረሳ ተሁኖዋ ተዝራይከ ፤
+
+\v 3 ክርስቶስ መከራ ኧተኦዎትት አኖወኸዪ ተቩድቭ ኧተሸት አኖወኸ ክርስቶስ መከራ ኧተኦዎትት አኖወኸዪ ተቩድቭ ኧተሸት አኖወኸ አጬገኖምታ «ዋ ኢያ ኢያ ኢኢትሁዋታ ኢየሱስ ሁዳ ክርስቶስን »ባረኖም። አታት አይሁድቪ ኖኦራ ሙዝር አነኖታ እግዜር ኢፎርታ ኧግሪክ ገኘ ሰቭ ፤እመኸቭ ኖኦራ ኧትሄራ እሽቻቭ ኧሰምኦይ ቃር ቴኤፖርሙታ ተጳዉሎስቪ ተሲላስቭ ሆርሙ። አጬገኖምታ «ዋ ኢያ ኢያ ኢኢትሁዋታ ኢየሱስ ሁዳ ክርስቶስን »ባረኖም።
+\v 4 አታት አይሁድቪ ኖኦራ ሙዝር አነኖታ እግዜር ኢፎርታ ኧግሪክ ገኘ ሰቭ ፤እመኸቭ ኖኦራ ኧትሄራ እሽቻቭ ኧሰምኦይ ቃር ቴኤፖርሙታ ተጳዉሎስቪ ተሲላስቭ ሆርሙ።
+
+\v 5 እንእ ቤተ ክርስቲያንቭ ብእምነትሁኖዋ ጃድ ቱዩርሚ እንእ ቀረብ በቩዝር ቲደዉሩዋ ያሩዋ ባንደ፤
+\v 6 ጳዉሎስቪ ቤሻሞኋ ብእስያ ገኘ ቃርኋ ኢሰብኩዋይ መንፈስ ቅዱስ ኧኸንአኖዋይ ኧኸሬ፤ተፍርጊያዪ ተገላትያቭ ገኘ ኤፖሙ ቸኧዉም ዎርሙ።
+\v 7 ሚስስያቭ ዩዉሪዳ ኤኤዲ በቲኢናነዉዋጋ፤ቢታንያ ኢጎኦዋይ ወብ ቧርሙ፤ዘንጋኋ ጭን እኢየሱሲ መንፈስ አፈቀደኖታ።
+
+\v 8 ኧህም ከተማ ሰቭቪ ዳኘቭ ሁኖዋ ዋ ዘንጋ ቢሰቭኦዋ ቡሼኧኸ ተዉራኮጉም።
+\v 9 ተህም ቀጥወ ኧጠቦጪዮዋ ኢኢያሶንቪ ኤኤኛሞሁኖዋ አᎀ አትሄኖዮምታበአᎀ ጎፎሪዮም ።
+
+\v 10 በክርስቶስ አአሞሩዋ ኧሰማትቭ ህመጋ ኧጳዉሎስቪ ኧሲላስቭ በኧዳር ቤሪያ ጌከጂዮም ሁኖም ሃይ በሰንኦዋጋ አይሁድ ኧሎት ኢደሞጅኮዳ ቢድ ጎፖም።
+\v 11 ኧቤሪያ ሰቭቭ ተተሰሎንቄ ሰቭ ኢረእኢቬስርታ አአር ባነዉተ ፤ህመኸ ኧኸሬ ዘንጋኋ ዋኸ ኢህርሴዪ ቧርሙ እንእ ቀረ ቲሙረሙሩዋ ቃርኋ በሩእ ተመኛት ቴኤፖሪ ።
+\v 12 ህመኸ ኧከሬ ተሁኖዋ ኖኦራሁኖዋ አሞርሙ ፤እመኸቭ ተንኖም እማቲ ኖኦራ ሙዝር አነኖታ ኧትሄሩዋ ኧግሪክ ገኘ እሽቻዪ ገማ ተህም አሞርሙ
+
+\v 13 በተሰሎንቄ አነዉዋታ ኧይሁዳ ሰቭቭ ጳዉሎስ እእግዜር ቃር ደፐረወ በቤሪያቭ ያትመረኸ በኋሩዋጋ አትቭ ህሜ ሰቭኋ ኢሳሾዋይ ደፖርኰ ህሜ ዎርሙ።
+\v 14 ህም ግዚየ በክርስቶስ አአሞሩዋ ኧሰማት ኧጳዉሎስ ካች ኤፖሙታ ኧቫር ሞሬ ጌከጂ፤ ጳዉሎስቭ ኧጌከጁዋ ሰቭ ኧጳዉሎስ አቴና ስን አሰንኧዪ፤
+\v 15 ተህም ቀጥወ ሲላስቪ ጢሞቲዎስቭ ካች ባይተዉዋ ኧሁዳይ ኢዎኦዋኸ ይቭካ እዝዝ ተጳዉሎስ ቴኤፖርሙታ ተዠፖርሙ።
+
+\v 16 ጳዉሎስ ባአቴና ከተማ ኸረታ ኧሲላስቪ ኧጢሞቲዎስቭ ቲዪኢየኮም ታነ ከተማ ሁዳ ቅርኘ ኧቬንአወኸ ቢያዥ በመንፈስኋ ተብሳጨ ።
+\v 17 ህመኸ ኧኸረሜ አይሁድ ኧጠሎት ቢደሞጅኮዳ ቢድ ኸረታ ፤ታአይሁድቪ እግዜርቭ ቲፎርታ ተግሪክቭ ሰቭ እመኸቭ በገቨያ እንእ ቀረ ቲረህቭኮታ ሰቭ ኢዝሬክ ባንደ ።
+
+\v 18 ቲትሙራሞርታ ሰቪ ቴኤፊቆሮስሜዪ ከኢስጦኢክሜ ዶᎆ አጋድ ኦሆሩም ሁኖዋኧሁኖዋይ ሞኦምታ ኢኩራኮሪ ባንደ።አታትሁኖዋ ፤«ዋ ቋዲማ ምር ይቭሪ ኢሲእ?» ዩዉሩዋ ባንደ ፤ኤኛሞሁኖዋ እመኸ ኢየሱስ ክርስቶስ ሞደ ኧትረሳኸ ወሄ ዋራይ ቲኢድካ ሰምኦምታ «ኤኤኛ ወያ ወያ ባዘራ ቅርኘ አአር ዪኢድካ አአር ኢቨስር»ቧርሙ።
+
+\v 19 ጠቦጩምቭ ኦሪዮፋጎስ ዩዉሪዳ ኤኤዲወሰጂታ ዋኸብ ቧሪ «አኸ ታትመርኩዳ ዋ ወያ ትምርት ምር ኧኸረኸ ኒሂርኔ ትሲኢ ቧሪ?»
+\v 20 እመኸቭ ዋ ቲኢደንረዳ ዘንጋ እእዝርንራ ባዘራ አአር ኧኸሬ ምር ኧኸረኸ ንሂርኔ ንሲኢነ።»
+\v 21 አአንዳ አአቴና ከተማ ሰቭቪ እመኸቭ በህሜ ኢረቩርታ ኤኤኛ ገኘ ሰቭ ግዚየሁኖዋ ኢጆፑርታ ሁዳ ወያ ወያ ዘንግጋ በዘጉትቪ በሱዉኦትቭ ባኸሬቤኤኛ አአር አነፐራ ።
+
+\v 22 ህመኸ ኧኸረሜ ጳዉሎስ በኦሪዮፋጎስ በደመደ ሰቭ ግት ተ ሸከቨታ ዋኸ ባረ፤«አአቴና ሰቦ በቫንኝእ አጋድ ቡሼእ ኧሃይማኖት ሰቭ ኧኸርሁዋኸ አዥ ፤
+\v 23 እንእ ኤኤዲ ትንዦዉርካ ፤አታት ትሶጉጅኖታ ሁኖዋ ትናዥካ ፤<አይሂሪ ጎይታ> ይቭካ ጥፈት አኖዳ አት ህትቭ ኢንኦኮዳ ኤኤዲ አሸሁ አካ ዋ ታትሂሪ ትሰጉጅነዳ ሁዳ ምር ኧኸረኸ ኢኢድሁዋቴ።
+
+\v 24 ሁዳ አርዳዪ በከስሞኋ አንዳ ሁዳ ኧፈጠረ እግዜር ኧሳቫይቪ አአፈርቭ ጎይታን፤ ህመኸ ኧኸረሜ ኧሰቭ ኧጅ ባረሸን መቅደስ አይረቭርካ ።
+\v 25 ሁዳ ኧሰቭ እንእ ሂዎትቪ አፏትቭ እመኸቭ ኤኛ አአር እንእ ዪካ አአር ኧኸሬ ኧኸሬ ያአስኩዳቭ አአር አታአር ኤኔ ኧከሬ ኧሰቭ ኧጅ አያጌኪርኩዳ ።
+
+\v 26 ሁድቭ ኧሰቭ ዘር እንእ ታአት ሰቭ ፈጠረታ በአርዳ እንእ ኢረዉሩዋኸ ኤፐ ፤ኢረቩርኮዳ ዘቨር አአህርቪ ኢረቩርኮዳ ኤኤድሜ ዳር ወሰነ አወናኖም ።
+\v 27 እመኸቭ ኧኸረሁዳ ወያአትን ሰቭ እእግዜር ሴእተው ተምራመይተዉ ኢረሁዊ በኸረ ባረ ታንዳን ፤ እመኸቭ ቢኸር እግዜር ቲና ቶጣ ኦጣንራ አራኤ አኸረዳ ።
+
+\v 28 ኢና ንረቭርነዳ ሁዳ ፥ንቅረቅርነዳ ሁዳ አነነዳቭ ሁዳ በሁዳን ።ታሁሜ አዝማሪ አታትሁኖዋ ኧዋሩዋመኸ <ኢና እንእቨንራ ኧሁዳይ ዴንጋንረ ።>
+\v 29 ባቴ እእግዜር ዴንጋ በኸርነ እግዜር በሰቭ ጡሪነድቪ ንፓቭነድቭ ኤፐዊ ወርቅ፥ብር ዌ እቭር ኢቨስር ባይተነ አጫምጭት ኤነቨንረዳ።
+
+\v 30 ኧዋ ኢፍቲ እግዜር ኧዋኸ አንኋርት በፋራይሂነድ ፈነኸ አሳቸ ዋአካ ጭን ብእን ኤኤዲ አነዉዋታ ሰቭ እንእ ንስሓ ኢጎኦዋኸ ዪኢዝዝ፤
+\v 31 በሸፐተን ሰቪ አጋድ በቂጢየ ፍርድ ኢፈርድወዳ ቀረ ወሰነ ፤እም ዘንጋ እንእቨኋ አጬገ ሁዳ ሃአ ኧሸፐተንሁዳ ተቩድ በሸትነኋ።»
+
+\v 32 ሁኖም ኧዎጁዋ ሰቭ ተቩድ ኧተሸታ አአር ቢሰቭኦዋ ፤አታትሁኖዋ ቆሎጅኰ፤ ኤኛሁኖዋ ጭን «ኧዋ ዘንጋ አአር አትቭ ሃአይተነ ታኸ ንሰቭአኔ ንሲኢነ ቧሪ »ቧሪ።
+\v 33 ሃአ ግዚየ ጳዉሎስ ተግትሁኖዋ ዋአታ ቸኧ ወረ፤
+\v 34 አታት ሰቭ ጭን ጳዉሎስ በዝሬከኖዋ ዘንጋ ተስማምኦምታ ኧፓዉሎስ ተሄተሪ፤አሞርሙቭ ፤ሁኖም ዲዮናሲዮስ ዩዉሪዳ ኦኦሪፋጎስ ፍርድ ቢድ ኧዘንጋ ቲቸኖታ ሁኖዋ አት ሁዳ ፤ዴማሪስ ዩሪያዳ አት ምሽትቪ ኤኛቭ ሰቭ ባነዉተ።
+
+\c 18
+\p
+\v 1 ተህም ቀትወ ጳዉሎስ ተአቴና ተረሳታ ቆሮንቶስ ወረ፤
+\v 2 በህሜ ኧጳንጦስ ሰቪ ዶቦ አአር ኧኸረ አት አቂላ ዩሪዳ ኧዩሁዳ ገኘ ሰቭ ነከቨ ሁድቭ አአይሁድ ሰቭ እንእ ተእሮማ ኢዎኦዋኸ ቀላዉዴዎስ ቤኤዘዘን አይነት ፤ተቀሪ ግዚየ ኢፍቲ ተቭሽትሞኋ ተጵርስቅላ እማቲ ቲኢጣሊያ ገኘ ሞኦም ባንደ ፤ጳዉሎስቭ ያዥኮዋይ ኧሁኖዋይ ወረ ።
+\v 3 ሁድቭ ኧሁኖመኸ ዱኳን ኢሴፊ ኧረፐሬ ኧኸሬ ሁድቭ ተሁኖም ቸናታ ተሁኖም እማት አይነት ሜና ከስ ጎፖም።
+
+\v 4 ሰንበት ሰንበት ቀረቭ አይሁድ ቢደሞጅድዳ ቢድ ታይሁዳዪ ተግሪክቭ ሰቭ እማቲ ቲዝራይክ ያቲኢምርኮዋይ ጃድ ይቭር ባንደ ።
+\v 5 ሲላስቪ ጢሞቲዎስቭ ተመቄዶኒያ ኦዎኦዋ ግዝየ ጳዉሎስ በትምርትኋ ጃድ ቲብር ኢየሱስ ሁዳ ኢቫአኬ ኦዋሪ ክርስቶስ ኧኸረኸ ኧዩሁዳ ሰብ ኢኢድኮዋ ባንደ ።
+\v 6 ዘንጋኋ ጭን አንሰቭአነዳ ባርሙ {በትቋዎሚሚ} በቀነዊም ቀጥወ ሁጅርኋ አራገፈታ «ደቫሁዋ በገግማሁዋ ፎር ኧህር! ኢያ ታሁዋይ ደቭ ጥርርንሁ፤ኢያ ተዋ ቀጥወ አአረማዊ ሰቪ አርኬ»ባረኖም።
+
+\v 7 ጳዉሎስቭ ተህሜ ዋአታ ቲቶስ ኢዮስጦስ ዩሪዳ ብእግዜር ያአቭርካ ቢድኋ አይሁድ ኧጠሎት ኢደሞጅኮዳ ቢድ ምዬ አነዳ ምሲ ቢድ ወረ ።
+\v 8 አይሁድ ኢደሞጅኮዳ ቢዲ አላቃ ኧረፐረ ቀርስጶስ ታአንዳ ቢደ ሰቭሞኋ እማቲ በጎይታ አመረ ፤ጳዉሎስ ቲዝሬካቭ ኧሰምኦዋ ኖኦራ ኧቆሮንቶስ ሰቭቭ አሞርሙ ተጠሞቁም።
+
+\v 9 እግዜርቭ ኧጳዉሎስ ኧዳር ብርዕይ «አትፍሬ ቁስ አትቫር! ዜይግ፤
+\v 10 ኢያ ታኸትንሁ አትዎኋ ባኸ ፎር ተሸተታ ኢጎዳኼ አይኸርነዳ ኢያ በዋ ከተማ ኖኦራ ሰብ አነኒ»ባረን ።
+\v 11 ህመኸ ኧኸረሜ ጳዉሎስ እእግዜር ቃር ቲያትመር ትት ህርቭ ተግት ስን ተሁኖም እማቲ ቸና።
+
+\v 12 ጋሊዮስ አአኪያገኘ ዳኘ በረፐረወ ግዚየ አይሁድ ብእማት ሂን አትዋቾምታ በጳዉሎስ ፎር ተረሸኰ ፤በኦጎት ኢፍቲ አትሸኮዊታ፤
+\v 13 «ዋ ምስ ቂጫንራ ባይፈቅድኩ መያ ሰቭ እንእ እእግዜር ያአቭረኸ ያሳስት»ቧርሙ ።
+
+\v 14 ጳዉሎስቭ ኢዝሬኪ እማት አፉኋ ቲከፍትካ በተረ ጋሊዮስ ኧይሁዳ ሰቭ ዋኸ ባረኖም «አሁዋ አአይሁድ ሰቮ አቀረብሁይ ክስስ አአመጥ አአር ዌ ኤኤኛ ኢፋድ አአር ቢኸር ኧሱዉኦት ባነቪደ ፤
+\v 15 ዘንጋኋ ጭን አሁዋይ ክርክር ኧቃር አአር፥ኧሹቭ አአርቪ፥እመኸቭ ኧቂጫማሁዋ አአር ኧኸሬ አሁም ዎኦኰ ኢያ በዋ አይነት ዘንጋ ኧፈርዲ አንሲእካ።»
+
+\v 16 ህመኸ ኧኸረሜ ተፍርድቢድ ሁዳ አዋአኖም።
+\v 17 ሃአ ግዚየ እንእቨሁኖዋ አይሁድ ኧጠሎት ኢደሞጅኮዳ ቢዲ አላቃ ሶስቴንስ ዩሪዳ ሁዳበፍርድ ቢድ ኢፍቲ ጠቦጩም ደኖጒ፤ጋሊዮስ ጭን ኧዘንጋኋ ኤኤድቭ አናቨንዳ ።
+
+\v 18 ተህም ቀጥወ ጳዉሎስ በቆሮንቶስ ኖኦራ ቀረ ቸና ፤በህሜ አኖዉታ በክርስቶስ አአሞሩዋ ኧሰማት ተስራፐተታ ፤ተጵርስቅላዪታአቂላ እማትሜ በመርክከብ ሶሪያ ወረ። ስለትቭ ኧረፐረዌ ኧኸሬ ኪንክራኦስ ቢዩሪዳ ኤኤዲ ጉንኧርኋ ተሬኧ።
+\v 19 ጳዉሎስቭ ኤፌሶን በሰንአጋ ጵርስቅላዪ አቂላቭ በሃይ ቸኧኖምታ ፤ሁዳ ችን አይሁድ ኧጠሎት ኢደሞጅኮዳ ቢድ ገፓታ ተይሁዳ ሰቭ ኢዝራይክ ባንደ ።
+
+\v 20 ሁኖም ተሁኖዋ ኢኢክሰኸ ቢትሳአሪ ባአይ ባርኖም ፤
+\v 21 ዘንጋኋ ጭን ተሁኖዋ ቲትቫይተርኮታ «እግዜር በቫረ ኤኛ ቀረ ተዣቨይተሁ አአሴ» ባረኖም።ተኤፌሶንቭ ተረሳታ በመርከብ ወረ።
+
+\v 22 ቂሳሪያቭ በሰንአ ቀጥወ ዋአታ ኧቬተ ክርስቲያን ሰቭ ወጌም ባረኖምታ ተህም ቀጥወ አንፆኪያ ወንደ።
+\v 23 በአንፆኪያቭ ቀሪ ቀረ ቴኤከሰ ቀጥወ ፤በሀይ ተረሳታ በገላቲያዪ በፍርግያቭ ገኘ ቤኤድ ኤኤዲ ቲዦዉር በክርስቶስ አአሞሩዋ ሰቭ እንእ አቁሟሞረ።
+
+\v 24 ህም ግዚየ በእስክንድሪያ ገኘ ኧቴኤኘ አት አጵሎስ ዩዉሪዳ አአይሁድ ገኘ ሰቭ ኤፌሶን ማአ ፤ሁድቭ ኧትማረቭ እአርቪ ፤እእግዜር ቃር ኢኢጅታ መጣፍ እንእ ጔከረ ኢሂርካ ሰቭ ባንደ ።
+\v 25 እም ምስ እእግዜር መያ ኧትማረ ፤ኢኢየሱስቭ አአር ጔከረ ኢዝሬካ፥በመንፈስ ቅዱስቭ እሳድ ቲረድድ ያትመርካ አአር ባንደ ፤ኧህር ባኸሬ ሁዳ ኢሂርኩ ኧረፐረ ሁዳ እማት ዮሐንስ ያጠምቅኩ ኣረፐረ ጥምቀትን ።
+\v 26 ሁድቭ አይሁድ ቢደሞጅኮዳ ቢድ ታይፈይቭ ኧዘጉት ቀነሰ ፤ጵርስቅላዪ አቂላቭ በሰሙኤጋ ቢድሁኖዋይ ወሰጂታ እእግዜሪ መያ ጌኬርሙ አጣዎርሙ አጬጉም ኤኤጂ።
+
+\v 27 አጵሎስ አካይያ ያሪ በሴኧጋብክርስቶስ አአሞሩዋ ኣሰማት አቁሟሞሪ በህመይቭ አኖዉዋታ በክርስቶስ አአሞሩዋ ኧሰማት ኢቴኤፖሪኸ ወረቀት ጣፉነ።ህሜ በሰንአ ቀጥወ እግዜር ባቨን ጠጋ ኑእ አአር አከዘኖም።
+\v 28 እእግዜር ቃር ቲኢጅታቭ መጣፍ ቲረሳ ኢየሱስ ሁዳ ገግኋ ኢቫአኬ ኧዋሪ ክርትስስ ኧኸረኸ ተይሁዳ ሰቭ ቡሼኧኸ ቲክራከር በሰቭ እንእ ኢፍቲኢሬክርኮዋ ባንደ።
+
+\c 19
+\p
+\v 1 አጵሎስ በቆሮንቶስ ታነ ጳዉሎስ ቶፎረ ገኘ ቸኧታ ሄንደ ኤፌሶን ወረ ፤በህሜ አታት በክርስቶስ አአሞሩዋ ኧክርስቶሲ ተማሪ ነከቨታ፤
+\v 2 «ባአመርሁዋጋ መንፈስ ቅዱስ ቴኤፐርሁሚ? ባረ ተሳአረኖ » ሁኖም «አንቴኤፐርነዳ ፤አቸቭ መንፈስ ቅዱስቭ አነኸ አንሰምአነዳ » ቧሪ።
+
+\v 3 ጳዉሎስቭ «እህ ባቴ ምር አይነት ጥምቀት ተጠመቅሁም?» ባረ ተሳአረኖም ፤ሁኖም ««በዮሐንሲ ጥምቀት»ቧሪ ።
+\v 4 ጳዉሎስቭ «ኧዮሐንስሼ ጥምቀት ኧንስሓ ጥምቀት ባንደ ፤ዮሐንስቭ ገግኋ ሰቭ ተሁዳ ቀጥወ ቢቫአካ ብኢየሱስ ያአቩሩዋኸ ዝሬከ »ባረኖም ።
+
+\v 5 ሁኖም ዋ ዘንጋ በሰምኦዋጋ በጎይታ በኢየሱስ ሹቭ ተጠሞቁም።
+\v 6 ጳዉሎስቭ ኧጅኋ በፎርሁኖዋ ቢጨርዎዋ መንፈስ ቅዱስ በፎርሁኖዋ ወንደዎም፤ሁኖም ቤኤኛ ባይሂሪ አፉ ዝሬኯም ፤ትንቢትቭ ዝሬኮም።
+\v 7 ሰቭቭ ሁኖዋ አአንዳአአርሁኖዋ አስረ ዉርኤት አአህር ኢሆሩዋ ባንደ
+
+\v 8 ጳዉሎስቭ አይሁድ ኧጠሎት ኢደሞጅኮዳ ቢድ ቲጋአ እእግዜር መንግስት አአር ቲዝራይክቪ ቲያቲኢምርኮምቭሶኦስት በኘ ሙርአ አታአር ታይፈይቭ ኢፍት ቲኢፍት ኢዝሬክ ባንደ።
+\v 9 አታትሁኖዋ ጭን ጳዉሎስ ኧዝሬከን ቃር አንሰቭአነዳ ቧርሙታ፤አናአቭርነዳ ቧርሙ፤እእግዜርቭ መያ ኧዉየሞኋ ባጭ ባጭ ዪንኦዋ ባንደ ።ህመኸ ኧኸረሜ ጳዉሎስ ቸኧኖምታ ወረ ፤በክርስቶስ አአሞሩዋ ኧክርስቶሲ ተማሪ ኦጣሁኖዋይ ወሰደታ ጢራኖስ ቢዩሪዳ ምሲ ቢያትመሩወዳ ትምርት ቢድ እንእ ቀረ ያትመርኮዋ ባንደ።
+\v 10 እመኸቭ ቲዪንአ ዉርኤት ዘቨር ስን ኤኤከሴ ኧኸሬ ፤ብእስያ ገኘ ኢረዉሩዋ ኧረፖሩዋ ፤ኧይሁዳዪ ኧግሪክቭ ሰቭ እንእ እእግዜር ቃር ሰምኦም ።
+
+\v 11 እግዜርቭ በጳዉሎስ ኧጅ ኑእ ወግወግ ዘንጋ ዪንአ ባንደ ፤
+\v 12 ማሃረብቭ ኧህር ሰቭነድኋ ኧረከደን ጭር ዳር ወሰጁም ኤኤመኖዋ ሰቭ ቲያረጉጂዮታ ህመጋ ኤኤመኖዋ ሰቭ አፊያ ኢሆሩዋ ባንደ ፤ሴጣንቭ ጎፎርሙ ኢዎኦዋባንደ። ዦርሙቭ ሴጣን ቲያዎኦዋ ተረፖሩዋ ኧይሁዳ ሰቭ አታትሁኖዋ ፤ጳዉሎስ ቢዝሬኩዳ ብኢየሱስ ሹቭ ናተይኔኩዋ ቲዉሩዋ ሴጣን በጠበጠኖዋ ሰቭ ፎር ኧጎይታ ኢኢየሱሲ ሹቭ ኢሆሮኮዋይ ወብ ቧርሙ፤ ኧይሁዳ ኧካህን አላቃ አአስቄዋዩሪዳ ምስሜ ሳቭአት ዴንጋቭ እመኸ ዪንኦዋ ባንደ፤
+
+\v 13 ዦርሙቭ ሴጣን ቲያዎኦዋ ተረፖሩዋ ኧይሁዳ ሰቭ አታትሁኖዋ ፤ጳዉሎስ ቢዝሬኩዳ ብኢየሱስ ሹቭ ናተይኔኩዋ ቲዉሩዋ ሴጣን በጠበጠኖዋ ሰቭ ፎር ኧጎይታ ኢኢየሱሲ ሹቭ ኢሆሮኮዋይ ወብ ቧርሙ፤
+\v 14 ኧይሁዳ ኧካህን አላቃ አአስቄዋዩሪዳ ምስሜ ሳቭአት ዴንጋቭ እመኸ ዪንኦዋ ባንደ፤
+
+\v 15 እመኸቭ ቲዪንኧታ ሴጣንሁዳ ፤«ኢየሱስስ ኧሂርኩ ጳዉሎስቭ ኧሂርኩ!፤አሁዋ ማን ማንተንሁዋ?»ባረኖም።
+\v 16 ተህም ቀጥወ ዋ ሴጣን ኧጠበጠን ምስ ዘከረ በፎርሁኖዋ ዋአዎምታ ዉራዉርሁኖዋ ጠበጠኖምታ ኤመኖም፤ኧጭመመረኖሜ ኧኸሬ ቢድ ሁዳ ቸኧዊታ እንጭሞሁኖዋ ሁጅርሁኖዋ ቃሾምታ ዎኦም ዎርሙ።
+\v 17 እም ዘንጋ በኤፌሶን ቢረቩርታ በይሁዳ ሰቭቪ በግሪክቭ ገኘ ሰቭ በትሄረጋ ፤ቡሼኧፈኘቩም፤ብእም ኧቫአ ኧጎይታ ኢየሱስ ሹቭ ኑዕ አአር አኸቦጂ።
+
+\v 18 በክርስቶስ ታአሞርሙቭ ሰቭ ኖኦራሁኖዋ ሞኦምታ ኤፐዊ ሙጥጥ ሜና እማት እማት ኧዉየሞኃ አዎኦም ኤኤጁምታ ንስሓ ጎፖሙ።
+\v 19 አእስማት ቲዪንኦም ተረፖሩዋ ሰቭ ግት ኖኦራሁኖዋ ወግ ዪኢጅኮ መጣፍሁኖዋ ቁጥቁጥ ኤፖሙ አዎኦምታ ብእን ሰቭ ኢፍቲ ᎂከርሙ፤ኧቬከሪዮም መጣፍ ዋጋሁኖዋ ቢያሱቢ አምእስት ሁቭ ብር አአህር ኸረ።
+\v 20 እእመኸቲየ እእግዜር ቃር ቡሴኣኸ ቲትራእቪ ቲጭመምርቭ ወረ ።
+
+\v 21 እም ዘንጋ እንእተኸረ ቀጥወ ጳዉሎስ ተሜቅዶኒያዪ ታአኪያ አጋድ ቴእተታ እየሩሳሌም ያሪ በመንፈስኋ አንጠወታ {ወሰነታ} ፤«ሃአይ ተሰንአሁ ቀጥወ እሮማቭ ኦዥት አነቪ» ባረ ።
+\v 22 ቲያአጉዢዳቭ ሁኖዋ ፥ጢሞቲዎስቪ ኤርጦንቭ ዉርኤትሁኖዋ ሜቅዶንያ ኬሸኖምታሁዳ ጭን ባእስያ ገኘ ቀሪ ቀረ ስን ቸና።
+
+\v 23 ህምግዚየ ብእግዜር መያ ኧቫአ ኑእ መራክስ ተረሳ ።
+\v 24 አት ድሜጥሮስ ዩሪዳ ብር አረጠረ ያጣዉርካ ፤እርጤሚስ ዩሪዳ ቅርኘ ያወሮኮዳ ኧቤተ መቅደስ [ኧጋራራ] ምስር ተቭር ቅጠቀጠ ቲያጣዉር ኧቬነኘኃ [ኧሰራተኘኋ] ኑእ ገቢ ያጋአኖዋ ባንደ ።
+\v 25 ሁድቭ እም ሜነኘሞኋዪ ኤኛቭ ኧሁድመኸ በዋ ሜና ኤፖሙ ኢሩኡታ ሰቭቪ ኤኛቭ ሰቭ ብእማት ቁጥቁጥ ኤፐታ፤ «ሰቮ ኢና ዋ ሜና ወሄ ገቢ ንረህቭኔኮኸ ቲሂሩዋ!።
+
+\v 26 አካ ዋ ጳዉሎስ ዩሪዳ ምስ እማት ቤኤፌሶን ታይኸርቭ ባአንዳ ብእስያ ገኘ እንእ አንዳ ኖኦራ ሰቭ እንእ ቲያቲኢምር እሳሳተኖመኽ እኩ ቤኤራሁዋ ታዢዳዪ ብእዝራሁዋ ትሰቭኤዳቭ ዘንጋን በሰቭ ኧጅ ኤፖይዮዋ ምስር እንእ እግዜር አሆሩዋኸ ይዝሬክ ።
+\v 27 እእም ኧቬናንራ ወሄ ሹብ ቱኡፎትሞኋ ቦፎረ አአንዳ እስያዪአለምቭ እንእኢሰግድናዳ ኑኡየ አርጤምስ ቤተ መቅደስ[ጋራራ]ዋጋ ኤነነኸ ኢኸርኬ እም ኑእ ሹቭኋ ኢትዋረድኬ።»ባረኖም።
+
+\v 28 ሰቭ ሁኖዋ ዋ ዘንጋ ቢሰቭኦዋ ቡሼኧኸ ማአቾዉምታ፤«ኤኤፌሶን ገኘ አርጤምስ ኑኡየኒያ አአር!»ባይተዉ አሁሮት ቆነሺ።
+\v 29 ህመጋ በከተማኋ እንእ ኑእ ጊቫት ተረሳ ሰቭ ሁኖዋ ብእማት ሆርሙታ በሜቅዶኒያ ገኘ ኧቴኤኘዉዋ ተጳዉሎስ እማቲ ያሩዋ ኧረፖሩዋ ኧጳዉሎሲ ቤሻ ፤ጋይዮስቪ አርስጥሮኮስቭ ቦቾም ቲትራዉኡዋ ጫወዳ ኢጮጅኮዳ ሜዳ ቦቾም ዎርሙም።
+
+\v 30 ጳዉሎስቭ ዌኣተታ በሰቭ ኢፍቲ ኢቴኤነቪ ሴኧባ ቢኸርቭ ጭን በክርስቶስ አአሞሩዋ ኧክርስቶሲ ተማሪ ኢዋአይ ሆንኧዪ።
+\v 31 ኧገኘኋ ዳኘ ኧሆሩዋ ኧጳዉሎሲ አቦጎዳኋ ዳር ታይተርፉዋ ፤ኧዉሎስ ሃአ ኢጮጅኮዳ ኤኤዲ ኧሽዐቭ ኢፍቲ አይዋአኸ በሰቭ ሳአርሙ ኬሸቩነ ።
+\v 32 በሰቭ ሁኖዋ ግት ኑእ መራክስ ኧረፐሬ ኧኸሬ አትሁዳ አት አአር ቲዝሬካ አትብ ሁዳ ኤኛ አአር ቲዝሬክ ያሆሮዋ ባንደ፤ኖኦራሁኖዋ ኧቭር በሀኸ ኧትደሞጁዋኸ ዳር ባዪሂርታ ።
+
+\v 33 ኧይሁዳ ሰቭ እእስክንድሮስ ተሰቭ ግት ጎፎም ሰቻይ ባወኤጋ አታትሁዋ ኧቴኤድንረ ቧርሙ አሆኖም ፤ሁድቭ ኢቴድድኖዋይ ሴኧታ ቋቆሰ መርኸት አቴሸኖም።
+\v 34 ዘንጋኋ ሁዳ አአይሁድ ሰቭ ኧኸረኸ ቢሂሩዋ እንእቭሁኖዋ አፍፉሁኖዋ ብእማት ደሞጁምታ«ኤኤፌሶን አርጠሚስ ኑኡየኒያ አአር» ቲዩሩዋ ዉርኤት ሳአት ስን አሆኖም።
+
+\v 35 ተህም ቀጥወ ኧከተማሁዳዪ ዋና ኢጠፍካ ምስሁዳ ኧሰቭ ሁኖዋ ቁስ ዩሩዋኸ ኤፐታ ዋኸ ባረ፤«ኤኤፌሶን ሰቮኣሩኡየ አአርጤምስ ቤተ መቅደስ [ጋራራ] ተሳቫይ ኧወንደ ምስርሻ ይእየኩዳ ኤኤፌሶን ሰቭ ኧከረኸ አይሂር ሰቭ ማን አነ?
+\v 36 እህ ባቴ ዋ አቅ አትቮኋ አይኸዳኩ አአር በኸረጋ ፤ተድራከጅተሁዋ አታአአር አቲንኦዋኸ ገጋሁዋ ኦኦሮት አነቨሁዋ
+\v 37 ።ዋ ሰቭ በትተ መቅደስንራ ታይሰሩኡዋ፥ዌንሰግድኔነዳ እግዜርንራ ታይቀሩዉዋ እምኧኸ ዋይ ስን በታሁም አቫአሁዮም።
+
+\v 38 ባቴ ዲሜጥሮስቪ ተሁድቭ አኖዉታ ብር ያረጥርታ ሁኖዋ ኢኮስሺዳ ሰቭ ፍርድ ቢድ ኦኦሙ ኧኩስሹዋ፤ዳኝ አኖዉዋይ ኧኸሬ ክስስሁኖዋ አተኧኑዉዋ ።
+\v 39 ትእመዳ ኤኛ አአር ታቲኢኒዊ ኧሴኧሁይ ዘንጋ በረፐረ በቂጫ ባሪቅ ዮዢሴ፤
+\v 40 ሃአ ባኸረ ዋ ኦኳ በትፈጠረ ዘንጋ ዋ መራክስ በሸት በኮሰሽንረ ባይተዉ ኢፎሪዳን አአር። ዋዳን ባይተዉ ዪኢጂዳቭ አአር ኤነንሬ ኧኸሬ በትሳአርንረ ኒኢድነዳ አአር ኤነዳ ።»
+\v 41 እም ዘንጋ ተዝሬከ ቀጥወ ኧትስቨሰቨ ሰቭ እንእ ኢትቭራጨኸ ኤፐ ።
+
+\c 20
+\p
+\v 1 በከተማሞኋ ኧትረሳ መራክስ ጭን ቲቭካ ፤ጳዉሎስ በክርስቶስ አአሞሩዋ ኧክርስቶሲ ተማሪ መከረኖምታ፤ተስራፐተኖምታ ሜቅዶኒያ ገኘ ያሪ ተረሳ ።
+\v 2 ቢያሩወዳቭ ኤኤዲ እንእ ኧሰቭ እንእ በሮኦራ እእግዜር ቃር ቲቨህር ግሪክ ገኘ ሰንአ፤
+\v 3 በህሜ ሶኦስት በኘ ስን ቸና ። ሶሪያቭ ገኘ ያሪ ቂጥ ቂጥ ቲቭካቭ ኧይሁዳ ሰቭ ኢጠጪ አትዋቾኯይ ኧኸሬ ተሜቅዶኒያ ገኘ ኧኝኣተታ ያሪ አጫመጠ ።
+
+\v 4 ኧቤሪያ ከተማ ኧጳይሮሲ ኧች ፥ኧተሰሎንቄም አርስጥሮኮስቪሲኮንዱስቭ፥ኧደርቤንቭ ከተማ ጋይዮስ፥ትእሲያ ገኘቭ ኧዎኦዋ ቲኪቆስቪ፥ጥሮፊሞስ፥እመኸቭ፥ጢሞቲዎስቭ ተሁድቭ እማትሜ ዎርሙ ።
+\v 5 እምእ ሰቭ ኢኢፍትንራይ ቦተርንረ ዎርሙታ በጢሮአዳ ከተማ እራዉንረእ።
+\v 6 ኢና ጭን ኧፋሲጋ ባአል ተዋአ ቀጥወ ተፊልጵስዩስ በመርከብ ተረሳነታ ታአምእስት ቀረ ቀጥወ ቴኤኛሁኖዋ በጢሮአዳ ከተማ ተራከቭነ ፤በህሜ ሳቭአት ቀረ ቸናነ ።
+
+\v 7 በሳምትሞኋ በአወተራቸ ቀረ እንጀራ ንቭርአኔ በትደመድኔ፤ጳዉሎስ ብምረጋኋ ያሪ አጫመጤ ኧኸሬ ተሁኖዋ ኢትዝራይክ ባንደ ፤ግት ምሳአረቭ ስን ዘንጋኋ አዴከ ፤
+\v 8 በደመድኔኰቭ ፎቅ ኖኦራ መብራት ።
+
+\v 9 አዉጤኪስ ዩሪዳ አት ዘርማቭ በመስኮት ፎር ቸና ባንደ።ጳዉሎስቭ ዘንጋ ቢያዴክ ዊኢንድ ዊኢንድ ባረንታአታአር አይሂረኸ ኔኧ ተሶኦትተኘ ፎቅ ገዳኒየ ውንደ ወተኧታ ሞደታ ነሸዪ።
+\v 10 ጳዉሎስቭ ወንደ በፎርኋ ዘፍ ባረ ወተኧ፤ ኤኤፈንታ ፤«ሉህኋ አነ ጫዉ ጫዉ አትዋሩዋ ባረኖም።
+
+\v 11 ጳዉሎስቭ ሃአቨ ተዠፐረ ፎቅ ዋአታ እንጀራ ፈነቨ በንአታ ጋእ ቲቭር ስን ኖኦራ አአር ዝሬከታ ተረሳታ ወረ ።
+\v 12 ሰቭቭ ሁኖዋ ሃአ ዘርማ ሁዳ አያ ኸረታ ወሰጂ ፤ሁኖም በዋ ዘንጋ ቡሼኧኸ ሳረኖምታተቁሟሞርሙ።
+
+\v 13 ኢና ጭን ጳዉሎስ በኧግርኋ ባአፈር ያሪ ኧሴኤ ኧኸሬ ሃአይ ቲቫአካ ብደይተነ ሆይተነ በሃይ ንቴኤፐርነዪ በተርነ ኧመርከብ ሁዳይ ወርነ በመርከብቭ አሶን ዩሪዳ ኤኤዲ ወርነ ።
+\v 14 ባአሶንቭ ተትራከቭነ ቀጥወ ፤ቴኤፐርነዪታ እማትሜ በመርከብ ሚጢሊኒ ወርነ ።
+
+\v 15 በቭረጋሞኋ በመርከብ ትናርነ ኪዩ ቲዩሪዳ ብእሃ ግት አንዳ ገኘ አጋድ አጋድ ማአነ ሰንአነ። በህም ምረገኘ ሳሞን ከተማወይአነ ዋአነ ፤በቭረጋሞኋቭ ሚሊጢን ሰንአነ ።
+\v 16 ጳዉሎስቭ ብእስያ ገኘ ኖኦራይ ስን ኢኢክሲ አንሴኤ ኧኸሬ ፤ኤፌሶን ታይጋአ ቴእተታ ያሪ አጫመጠ ፤ህይተነ ቢሰርአቭ ባአል አምሳ ቢዩሪዳመንፈስ ቅዱስ ኧወንደወአይሁዳ ባዓል ብእየሩሳሌም ኢዎኧሪ ተሃይንደ ባንደ ።
+
+\v 17 ጳዉሎስ በሚሊጢንከተማ ታነ ፤ ኤኤፌሶን ሰቭ ኬሸታ ኧቤተ ክርስቲያን ባሪቅ ሁሮዮዋ ባረ ።
+\v 18 ተዎኦም ቀጥወ ዋኸ ባረኖም «እስያ ገኘ ተገፓሁወ ታአወተረ ቀረ ቆነሺታእንእ ቀረ ታሁዋ ኧተኸ ኧረፐርሁኸ ቲሂሩዋ።
+\v 19 ማንኝእ ኧይሁዳ ሰቭ አትቫጀቶዉዋ ኑእ መከራ ቢያሰርኦኮኝቭ እእግዜር ገርነድቪ፤ቢኢምባቭ አጏኵርት አንቸኧሁንዳ።
+\v 20 በጆፎረቭ ኸረ ቢድ ቢድ ትንዦዉር ፤አሁዋ ታትሞርትቪ ያጌክርሁዋቴቭ ኧቫሁን ሁዳ ተዘጕት እማትቭ ኢኢ አምባኋ ።
+\v 21 ንስሓቭ ጊቭ ኧተዉዋ እእግዜሪ ኢትዦፖሩዋመኸዪ ግጎይታመንራ በኢየሱስ ያአቩሩዋመኸ ፤አአይሁድቪ ኧግሪክቭ ሰቭ ጔከርሁ ምሰከርሁኖም ።
+
+\v 22 ዋአካቭ ኢያ ሃአይ ትንሰርአካ ምር ያትቻይኬኸ ባሂርቭ መንፈስ ቅዱስ ፤ኢየሩሳሌም አረኸ ኤዘዘዪ ።
+\v 23 ዘንጋኋ ጭን ብናርዎታ ከተማ እንእ ኧታአጎጅትቪ ኖራቭ መከራ ዪኢዬኸ መንፈስ ቅዱስ ኤኤደዪ ።
+\v 24 ኧህር ባኸሬ ዋአካቭ ኢያ ተጎይታ ኢየሱስ ኧቴኤፐርሁን እእግዜሪ ኧጠጋ ያተርፍካ ወሄ ዋራይ ኧሞስኩርት አገልግትት ብንጀፕር ኢያ ነብሱወድኛ ታአታአአር አንቬዝርኩኸ ሃኸ ማንኝእምን አአር።
+
+\v 25 «ዋአካቭ ፤ቢኸር ዳር በግታዋ ዦርሁ እእግዜር መንግስት አአር ኤኤድኩዋ አሁዋ እንእቫሁዋ ተዋ ቀጥወ አት ኢፍትኛ ኧታዥኘኸ ኧሂር ።
+\v 26 ህመኸ ኧኸረሜ ትእን ሰቭ ደቭ ጥርር ኧኸርሁኸ ኦኳ ናአዉድሁዋ ።
+\v 27 እእግዜርቭ ፍቃድ እንእ አሁዋ ታአዉጅት ኢኢ ኧቫሁወ ቀረ ኤነዳ።
+
+\v 28 ኧገግማሁዋዪ መንፈስ ቅዱስቭ ፤ዜማቸ ኤፐ በፎርኋ ኧሾመናሁዋ አቫአጋ እንእ አአር ተጦፑዋ፤ በገዛ ደብሏ ሲየ አተነፈን እእግዜሪ ቤተ ክርስቲያን አሮዋ።
+\v 29 ኢያ ተወርሁ ቀጥወ ፤ ጣይ ኢትራጦቁታ ኡጎሮይየኸ እአር ሜኤተዉዋ በግታሁዋ ተስረረጭተዉ ኢጎኦዋመኺ አቫአጋቭ ሁኖዋ አያቨጥጥኮኸ ኧሂር።
+\v 30 ታሁም ግት ዳር ኧገግሁኖዋ ያሄትርኮታ ሰቭኢንሳሾዋይ ኧዉረ አአር ኧኸረሁዳ ያጣሙታ አአር ኢትረሸቴ ።
+
+\v 31 ህመኸ ኧኸረሜ ተጦፑዋ፤አት ግዚየ ኢኢታንቭር ሶኦስት ዘቨር ሙርአ ዋአናዪ ምሳአረ ምርአካ አአር ቢኢምባ ኧቨከርኩዋኸ ኧትዘገድሁዋ።
+\v 32 ዋአካቭ እግግርር እመኸቭ ፤ያቁሟሙርሁዋመዪ፥በትቆደሹዋ ሰቭ እንእ ኢፍቲ ደረድ ዪቭሁዋይ ኸርነዳ ኧጠጋኋ ቃር አደራ ኢቭሁዋ።
+
+\v 33 አአትቭ ሰቭ ብር ዌ ወርቅ|ቭ ኧህር ሁጅር ዝጐ አባኋ ፤
+\v 34 ዋ ኧጅኛ ኢያዪ ቲያቭ አኖዉታ ሁኖዋ እንእ ቢያትሲኣንረዳ አአር እንእ አጔኴርንረኸ አሁም ቲሂሩዋ።
+\v 35 በደረግንራ ቂጭተነ አጀገረኖዋ ሰቭ እኦጎዥት አነቨንረኸ ቤፐሁን ሁዳ እንእ አቴሸኩም ፤<ቲቴኤፐርካ ኢረእ ዪቭካ ኢረእ ኧትዳረዳን አአር> ይቭካ ኧጎይታ ኢየሱሲ ቃር ኧትዘገደንረ ።
+
+\v 36 እመኸቭ ተቫረ ቀጥወ በጉርወድኋ ወካ ትእንመሁኖዋ እማቲ ጠሎት ኤፐ ።
+\v 37 እንእቨሁኖዋ ቡሼኧከ ቤኮሙ፤ ኧጳዉሎስቭ አንገድኋ ጠቦጩም ሳአዊ፤
+\v 38 ተቫረኖዋ ሁኖዋ እንእ ኧትሰምአኖዋ ሁዳ ተዋቴ አት ኢፍትኛ አታዥኝዳ ኧቫረኖዋቃር ባንደ ፥ተህም ቀጥወ ኧመርከብ ሁዳይ ስን ጔኴጂ።
+
+\c 21
+\p
+\v 1 ተሁኖዋ በትቫይተርነ ቀጥወ በመርከብ ገፓነታ ቆስ ወርነ በቭርብጋሞኋ ሩድ ፥ተህም ቀጥወ ጳጥራ ኤፐነ ወርነ ።
+\v 2 በህሜ ፊንቄ ኤፐ ያርካ መርከብ ነከቭነታ ተሳፈርነታ መያንራ ቀነስነ።
+
+\v 3 ቆጵሮስቭ ባሸኔጋ ጉራ ኤፐነ ቼኧነዪታ ተቀና አጋድኋ ሶርያ ገኘ ኤፐነ ወርነ ፤ኧመርከብንራ ጨረት በጢሮስ ናወትኔዳ አአር ኧረፐሬ ኧኸሬ በሃይ ወንድነ ። በህሜ በክርስቶስ አአሞርሙ ሰቭ ነከቭነታ ሳቭአት ቀረ ተሁኖም እማቲ ቸናነ ።
+\v 4 ሁኖም በመንፈስ ቅዱስ ተቬንኦምታ ኧጳዉሎስ እየሩሳሌም አትሆር ቧርሙ ኤኤጂ።
+
+\v 5 በህሜ ንቸናኔኮዳ ግዚየ ባነኧ ቀጥወ መያንራ ኧሆርት ቀነስነ ፤በክርስቶስቭ አአሞሩዋ ሰቭ ሁኖኦዋ ትእሽቻሞሁኖዋዪ ተዴጋሞሁዋ እማቲ ኧክክተማሁዳይ ሰቻ አጋድ ስን ጔኴጅንረ፤በቫርብ ሁዳ ምዬበጉርውወድንራ ወካነታጠትት ኤፐነ ።
+\v 6 ተስራፐኔዮም ቀጥወ ኢና ኧመርከብ ሁዳይ ገፓነ ፤ሁኖም ቢድሁኖዋይ ተዥፖርሙ
+
+\v 7 ተጢሮስ ተረሳነ መያንራ ቀነስነታ ተመርከብ ወንድነ በክርስቶስ አአሞሩዋ ኧሰማት ወጌም ባርነታ አአት ቀረ ተሁኖም ኤከስነ ።
+\v 8 በቭረጋሞኋ ተሃይ ተረሳነ ፤ቂሳርያ ሰንአነታ፤ተሳቭአቸ ወንጌላዊ ባአት በፊጶስ ሁዳይ ቢድ አፎኘነ ።
+\v 9 ኧሁድቭ ትንቢት ኢዝሬካታ አርቭአት ምስ አንሰንአቫ ዘየ ግርኤድ ባነነደ።
+
+\v 10 በህሜ ኖኦራ ቀረ ተቸናነ ቀጥወ አት አጋቦስ ዩሪዳ ነቢ ተይሁዳ ገኘ ሃይ ወንደ ።
+\v 11 ኢናሜ ማአታ ኧጳዉሎሲ ወንዘቭኋ ኢታአከድወዳ ሁዳ በታ፤ኧገግኋይ ኧጅቪኧግርሞኋ አከደታ«መንፈስ ቅዱስ ብእየሩሳሌም አኖዉታ ኧይሁዳ ሰቭ ኧዋ ወንዘቭ ያአጉጅኮዳ ሁዳይ አቦ ዋኸ ኧኝኧተዉ ኧግጅተዉዋታ አአረማዊ ሰቭ ኤኤተዉ ያአይፑሪዴ> ይቭር » ባረ ።
+
+\v 12 እም ዘንጋ በሰምአነጋ ኢናዪ በህሜ አነዉታ ሁኖዋ እማትሜ ኧጳዉሎስ እየሩሳሌም አያረኸ ሳአርነዪ።
+\v 13 ጳዉሎስ ጭን «ኧቭር ዋኸ ቤከሁም ሂንኛ ታትጨንቅኮኝ? ኢያ ኧታአጎጅት ቶኡይታ ኧጎይታ ኢየሱስ ሹቭ ትንቭር ብእየሩሳሌም ኧዎንድሜ በኸረ አንጥሁወ »ባረኖም።
+\v 14 ኢናቭ ምክርንራ አንቴኤፐርካ ቲቭረንረዳ፤«አካ እእግዜር ፍቃድ ኧህር ባርነ» ቸኧነዪ ።
+
+\v 15 ተህም ቀጥወ እንእ አአርንራ ቁጥቁጥ ባርነታ እየሩሳሌም ወርነ ።
+\v 16 በቂሳርያቭ ተረፖሩዋ በክርትቶስ ታአሞሩዋ ሁኖዋ አታትሁንዋ ፤ኧምናሶኒ ቢድ ጠቦጭንረ ዎርሙ ኢናቭ በሃይ ቸ።ምናሶንቭ ኧቆጵሮስ ገኘ ሰቭ ኸረታ፤ በአወተራቸ በክርስቶስ ታአሞሩዋ ሰብ አት ባንደ ።
+
+\v 17 እየሩሳሌም በሰንአነ ቀጥወ በክርስቶስ አአሞሩዋ ኧሰማት ሳረኖምታ ቴኤፖርንረ ።
+\v 18 በቭረጋሞኋ ጳዉሎስቪ ኤኛመንራ ያእቆብ ናዥኔ ወርነ፤ኧቤተ ክርስቲያን ባሪቅቭ ሁኖዋ እንእቨሁኖዋ በህመኸ ባነዉተ ።
+\v 19 ጳዉሎስቭ ወጌም ተቫረኖዋ ቀጥወ ፤እግዜር በሁዳይ አገልግሎት ኸረታ ባአረማዊ ሰቭ ግትኤፐን ሁዳ እንእ እማት እማት ኤኤደኖም ።
+
+\v 20 ሁኖም ዋ ዘንጋ በሰምኦዋ ቀጥወ እእግዜር ሽኩርት አቴኤነዉምታ፤ዋኸ ቧሪ«ኧሰምንሮ ኧዥ ኖኦራ ሙዝር አነኖታ ኧይሁዳ ሰቭ አአሞሩዋኸ ኧዥ፤እንእቭሁኖዋ ኣሙሴዪ ቂጫ አአር ኢትጨኖቁታኖዋ[ኢቆኖታኖዋ ] አአር።
+\v 21 በአረማዊ ሰቭ ግት ኢረዉርታ አይሁድ ሙሴ ኢቹእዋኸዪ ዴንጋሞሁኖዋ ዘገር አያጎኦዋመኸ ፤ተድረቭ ቆነሺታ ኧርወሸኔመኸ አይረዉሩዋኸ ታትመረኸ አኸ አአር ኤኤጂዮም ።
+
+\v 22 ዋአካቭ ኦኦታኸ ታይሰቭኦዋ አይቹኢዳ እህ ባቴ ምር ኢፈዘንረ?
+\v 23 ህመኸ ኧኸረሜ ንቭርኔከዳ ሁዳ ኧንአ ። ስለት አነዎታ አአር አርቭአት ሰቭ ኢናይ አነዉዋ ፤
+\v 24 ዋ ሰቭ ጥጥታ ተሁኖም እማቲ ኢቬጥርኮዳ ቂጫ ጃቭር ፤ኧሁኖም ጉንኧርሁኖዋ ኢትሮኡኴ ኢኮሺዳ ፈራክ ካስኖዋ ህም ግዚየ አኸ አአር ኤኤጂዮዋ ሰቭ እንእ፤ አኸ አአር ኤኤጂዮዋ ሁዳ እንእ ዋራይ ኧኸረመኸዪ አኸቭ ገጋኸ ቂጫ ሁዳ ኢየኸ ትረቭረካ አአር ኧኸርኸኸ ኢኋሩዋሴ።
+
+\v 25 በክርስቶስ አአሞሩዋ አአረማዊ ሰቭ አአር ጭን ፤ ኧቅርኘ ቧርሙ ህትቭ ኤፐዊ ሽረድ፥ደቭቪ፥አኖቂታ በከተታ ኧወንደ ዋጋ በሰር አይዎርኦዋኸ እመኸቭ ተረኮዊ ሰቭ ሁጅር ተድሙጅት ገግሁኖዋ ኢኡሮዋኸ አትቫታነታ ጣፍኔኖም»።
+\v 26 ጳዉሎስቭ በቭረጋኋ ሰቭ ሁኖዋ ጠበጠታ ወረ ፤ተሁኖም እማቲ ያቬጥርኮዳ ቂጫ ጀፐረ ።ተህም ቀጥወ ያቬጥርኮዳ ቂጫ ሁዳ መቸ ያርእመኸዪ ፤እመኸቭ ኦጣ ኦጣሁኖዋመይ ፈቸድ ምር ምር ቀረ ኢቴኤነቭመኸ ያትሄሪ ቤተ መቅደስ ገፓ።
+
+\v 27 ሳቭአቸ ቀረቭ ያርኢ ማአ ቲሰርአካ ትእስያ ገኘ ኦዎኦዋ አይሁድ ኧጳዉሎስ በቤተ መቅደስ ቢያዢ ኧሰቭ እንእ ንሳሾሙታ ጠቦጪታ ፤
+\v 28 «እእስራኤል ሰቮ ኦጉዥንረ በወረወ ኤኤዲ እንእ ሰቭመንራዪ ቂጫመንራ ባጭ ባጭ ቲዪንአ ያትመርካ ምስ ዋዳን ፤ተሁድቭ ቦፎረ ኢጎዋይ ኦሆንኦዮዋ ኧግሪክ ሰቭ ተተ መቅደስ አገፓታ ዋ ኧትቀደሰ ኤኤዲ ያሰንህካ ዋ ምስን።» ቧርሙ ኮ ቧርሙ።
+\v 29 እመኸቭ ኧዋሩዋ ሁዳ ኧሃአ ኢፍቲ ኧኤፌሶን ምስ ጥሮፊሞስ ተጳዉሎስ እማትሜ በከተማኋ ከስ አሽዊ ኧኸሬ ጳዉሎስ ሁድቭ ተህም ጠበጠን ቤተ መቅደስ ኧገፓ አአር ኧቨሰረኖቴ።
+
+\v 30 ከተማሞኋ እንእ ቃሽቃሽ ባረ ፤ሰቭ እንእ ትእን አጋድ ቲትራዉእ ማአ፤ ኧጳዉሎስቭ ጠቦጩም ቲሾዉዋ ተቤተ መቅደስ ወረጀ አዎኦዪታ ህመጋ ሳቃቭሁኖዋ ኤኧዉዮም።
+\v 31 ዮኦትሪሜ ቢሱኡዋ እእየሩሳሌም ከተማ አቸ ቃሽቃሽ ባረ ፤ዋራይሞኋ እእሮማ ኧወታደር አላቃ ሰንአን፤
+
+\v 32 ሁድቭ ህመጋ ወታደርሞኋዪ ኑእኑእ ዳኘቭሁኖዋ ጠበጠታ ቲትራዉእ ኧሁኖዋይ ወረ ፤ሁኖም ዋ ኑእኑእ ዳኘዪ ወታደርቭ ሁኖዋ ቢያዡዋ ኧጳዉሎስ ኧድርጉት ቸኧውይ።
+\v 33 እም እም ጋዘኘ ያአዝዝካ ምስ ኧጳዉሎስ ማአ ጠበንታ፤ በዉርኤት ሰንሰንነድቭ ኦጉጂ ባረ ኤዘዘ ፤ ተህም ቀጥወ ማን ኧከረኸዪ ምርቭ ኤፐኸ ተሳአረ።
+
+\v 34 ሰቭቭ ሁኖዋ ግትሁኖዋ አት አአር ቲዝረጉታ ግትሁኖዋ ኤኛ አአር ኢዝረኩዋ ባንደ፤ቡሼኧኸቭ ያሆሮዋይ ኧረፐሬ ኧኸሬ አታአአር ኢሰቭአይ አኸረነዳ፤ህመኸቭ ኧኸረሜ ኧጳዉሎስ ኢትዋኮኮዳ ኤኤዲ ዉስጂ ባረ ኤዘዘ።
+\v 35 ሰቭ ሁኖዋ ቡሼኧኸ ቃሽቃሽ ኧዋሩዋይ ኧኸሬ ጳዉሎስ ኢዎኦኮዳ ደረጃይ ማአ ቲሰርአካ ንሸተዉ ባፌነጒ ኢዎኦዋኸ ኧዎኮሩዋይ ኧኸሬ ኧጳዉሎስ ነሾሙ ፌነጒ ።
+\v 36 ቲኢሜ አሄተረ ሰቭ እንእ «እትርኩ!»ቲዉሩዋ ያሆሮዋ ባንደ።
+
+\v 37 ወታደርቭ ሁኖዋ ኢትዋኮኮዳ ኤእኤዲ ጥጭተዊ ያሩዋይ ቲትረሸታቭ ጳዉሎስ ጋዝ ያአዝዝካ ምስ ሁዳ «እማት ዘንጋ ኧዝሬክሄ ፍቅድኒ» ባረን።ጋዝቭ ያአዝዝካቭ ምስ ሁዳ«ኧግሪክ ቃር ቲሂሪ?
+\v 38 አኸ ኧዋ ኢፍቲ ቃሽቃሽት ነሳኸታ አርቭአት ሁቭ ሰቭ ነብስ አአፎዋ ሰቭ በረሃ ኧኝኧተዉዋ ኢሾፉጩዋኸ ኤፐኸ ኧግብፅ ገኘ ሰቭ አኸ አኸርኸዳ? »
+
+\v 39 ጳዉሎስቭ፤«በኪልቂያ ገኘ ባንዳ በትሄረ በጠርሴስ ከተማ ኧረቭርካ ኧይሁዳ ሰቭንሁ፤ኧሰቭኋ ኧዝሬኪ ፍቅድኒ »ባረን።
+\v 40 ጳዉሎስቭ ጋዝ ያዝዝካ ምስ ሁዳ ኢዝሬኪ በሳአረን ቀጥወ በደረጃ ሁዳ ፎርብ ተሸከቨታ ኧሰቭ ሁኖዋ ባጤኋ ስቭውዋ ባረ ቋቆሰኖም፤እንእቨኋ ቁስ ተቫረ ቀጥወ ፤ብእብራይስጥ ሰቭ አፉ ዋኸ ባረ፤
+
+\c 22
+\p
+\v 1-2 ኧሰማትመኛዪ አቦሞኞ ኢያ ዋአካ ኧጠርርወዳ ቃርኛ ትኒኢድሁዋታ ስቭኦኝ »ባረኖም። ሁኖምቭ ብእብራይስጥ ሰቪ አፉ ቲዝሬካ ቢሰቭኦይ ተጋህም ኢረእ እቁስ ቧርሙ።ጳዉሎስቭ ዋኸባረኖም፤
+
+\v 3 «ኢያ ኪልቂያ ገኘ ባንዳ በጠርሴስ ከተማ ኧቴኤኘሁሰቭንሁ ፤ኧትራእሁ ሁዳ ጭን በዋ ከተማን ። አአቦመንራይ ቂጫ በገማልያሊ ኧግሪ ቸናሁታ ጔከርሁታተማርሁ፤ኦኳ አሁም ዋኸ ማአት ኧጠበጠናሁዋኸ አአህር ኢያቭ ህመኸ እእግዜር ማአት ኢጠጤ ባንደ ።
+\v 4 እም መያ ኢትሄተርታ ሰቭ ቲዎጁዋ ስን ትናሳትድኮዋ ፤ገማዪ እሽቻቭ ቦኦሁኔ ቢድ አቲኢክድኮዋ ባንደ።
+\v 5 እመኸቭ ኢንአ ኧረፐረኸ ዋና ካህንቭ ሁዳ ኧህር ኦጎትቭ ኢቸኖታ ሁኖዋ እንእ ዪኢጅኒ አንዳን አአር።ተሁኖዋ ወረቀት ቴኤፐርሁታ ደማስቆ ገኘ አኖዉታ ኧሰማትሁኖዋይ ወርሁታ ሰቭ ሁኖዋ አትቄጣኮዋይ አተኧግጅተሁ እየሩሳሌም አቫአኮዋይ አር ባንደ።
+
+\v 6
+\v 7 ትናርነዳቭ ግት ዋአና ኢኸርካቭ ግዚየ ደማስቆ ማአሁ ትንሰርአካቭ ኧጠነቃርቭ ተሳቫዪ ኤፐታ ኡዋየ ትእንብ አጋድ ብርቅ ባረ፤
+\v 8 ኢያቭ ባአፈር ወንድሁ ወተእሁ ተህም ቀጥወ «ሳቁል ሳዉል ተቭር ታትሳትዴ?» ይቭካ ቃር ሰምአሁ። ኢያቭ «ጎይቶ አኸ ማንተንኸ »ባሁን ።ሁድቭ አኸ ታትሳትቴዳ ኧናዝሬት ኢየሱስንሁ»ባረዪ።
+
+\v 9 ቲያቭ ኧረፖሩዋ ሁኖዋ ኡዋየ ሁዳ አሸዉም ፤ዘንጋኋጭን ኢዝሬኬዳ ኧሁዳይ ቃር ጭን ጔኪተዉዋ አንሰምኦታ ።
+\v 10 ኢያቭ «ጎይታኞ ምር ነንአ?» ባሁ ተሳአርሁን «ጎይታቭ ተሳታ ደማስቆ ሆር በህሜ ኦንኧት አነቨኸዳ አአር ያአዉጅከሴ»ባረዪ።
+\v 11 ቱኡዋየቭ ሁዳይ ብርቅት ኧቫአ ኤርኛ ኧፎንጩዋይ ኧኸሬ ቲያ ኧረፖሩዋ ሰቭ ኧጅኛ ጠቦጩም ቲሾዉኝ ደማስቆ አሰንኧኝ ።
+
+\v 12 ተህም ቀጥወ ሐናንያ ዩዉሪዳ ምስ ያዤዪ ኢያይ ማአ ፤ሁድቭ ቂጫ እንእ ጔከረ ዪኢየካ በህሜ አኖዉታ አይሁድ እንእ ያኮቡሪዳ ምስ ባንደ ።
+\v 13 ሁድቭ በቭየኛይ ተሸከቨታ«ኧሰምንራ ሳዉሎ ኤራኸ ኧትኮፎጅነከ! » ባረዪ፤፤ኢያቭ ህም ተህም ኤርኛ ተኮፎጁምታአሸሁ ።
+
+\v 14 ሁድቭ ሃአቭ ዋኸ ባረኖም፤አአቦንራይ እግዜር ፍቃድኋ ቲሂረኸ ፤ፃዲቅኋታ ዥመኸዪቃርሞኋ ታአፉኋ ትሰቭአመኸ ሸፐተናኸ ፤
+\v 15 አሸኸንቪ ኧሰምአኸን ሁዳ አአር በሰቭ እንእ ኢፍቲ ምስክር ትህርኩሴ ።
+\v 16 አህአካ ባቴ ዋአካ ምር ትእየ? ተሳታ ሹዉኋ ትትኸራ ተጠመቅ ፤ባጢርማኸ ታኧቭ ።»
+
+\v 17 ኢየሩሳሌም ተዥፐርሁዉታ ጠሎት ትኒንአካ ፤ ብርዕይ ጎይታ ቲዝሬኬዳ አሸሁ ፤
+\v 18 ሁድቭ ዋአካሞኋ ተሳታ ትእየሩሳሌም ካች ኧንአታ ዋአ! ኢያ አአር ትምሰክርኩዳ ሁዳ አይቴኤፖርከዳ» ባረዪ።
+
+\v 19 «ኢያቭ ዋኸ ባሁን ፤«ዋ ሰቭ ባኸ ያአቩርታ ሰቭ እንእ ኧደርግመዪ አአግድሜ አይሁድ ቢደሞጅኮዳ ቢድ እንእ ኧዥዉር ኧረፐረኸ ኢሂሩዋ ።
+\v 20 እመኸቭ አኸ ዪኢድነኸ ኧረፐረ እእስጢፋኖስ ደቭኋ ቲሁኢዳ ኢያቭ በቬናሁኖዋ ተስምአምአሁታ ተሸከሁታ ዮኦትርታ ሰቪ ሁጅር ኢኢየ ባንደ ።
+\v 21 ጎይታቭ ሆር «በሮኢ አነዉዋታ አአረማዊ ሰቪ ኤኬሽኸዴ» ባረዪ።
+
+\v 22 ሰቭቭሁኖዋ ዋ ቃር ቲዝሬክ ስን እራዊታ፤ተዋ ቀጥወ ጭን ቃርሁኖዋ ነሾሙታ «እሸዳ እትርኩ ባአያ ኦምቦርት ኤኖዳ! »ቧርሙ ኮ ቧኯ።
+\v 23 ሁኖም ቲያሆሮሚ ሁጅርሞሁኖዋ ቲርኩምቪ ጉተቭ ቲዉራጩም ታነዉም፤
+\v 24 ጋዝ ዪኢዝዝካ ሁዳ ኧጳዉሎስ ፤ኢትዋኮኮዳ ኤኤዲ ያጔኤመከዪ ሰቭቭሁኖዋ ዋኸ ተቭር ያሆሮኮመኸ ፤ትትጎርፉዋ ሞርሙሪ ባረ ኤዘዘ ።
+
+\v 25 ጳዉሎስቭ በጠፍር ዉጢተዉዋታ ኢጎርᎉ ቢያዡዋ ጳዉሎስ ኧቭይየኋይ ኧትሸከቨ ኧቨኧር አላቃ «አት እእሮማ ገኘ ሰቭ ታይፎርጅኰቂጫ ኢፈቅድነሁዋ?» ባረን።
+\v 26 ኧቨኣር አላቃቭ ሁዳ ዋ ዘንጋ በሰምአጋ ጋዝ ዪኢዝዝካ ሁዳይ ቴኤነቨታ «ቲንአኩዳ ሁዳ ምርአፈድን! ቲንአኩዳ ሁዳ ሃርኸንቪ?፤ምስ ሁዳ እእሮማ ገኘ ሰቭንሽ!»ባረን።
+
+\v 27 ጋዝቭ ዪኢዝዝካ ሁዳ ኧጳዉሎሲ ቴኤነቨታ፤«ምሶ እንዴ አዉዴ አኸ እእሮማ ገኘ ሰቭንሄ? »ባረን።ሁድቭ «እከ እእሮማ ገኘ ሰቭንሁ» ባረን።
+\v 28 ኢኢዝዝካቭ ስስ ሁዳ ዠፐረታ «ኢያ ኧዋ እእሮማ ገኘ ሰቭ ኧትቬሪ ኧረከሁን ሁዳ ኖኦራ ዋጋ ካስሁታንዳን»ባረ።ጳዉሎስ ጭን «ኢያ ተቴኤኘሁ ቆነሺታ እእሮማ ገኘ ሰቭንሁ»ባረን።
+\v 29 ህመኸ ኧኸረሜ ኢሙረሙሪ ኧጫሞጩዋ ሰቭ ህመጋ ተሁዳ ምዬ ሴኮሙ፤ጋዝቭ ያአዝዝካ ሁዳእእሮማ ሰቭ ኧኸረኸ ተሃረ ቀጥወ በሰንሰነድ አአከደኒ ኧረፐሬ ኧኸሬ ፈኘ ።
+
+\v 30 በቭረጋሞኋ ጋዝ ዪኢዝዝካ ምስ ሁዳ ፤አይሁድ ኧጳዉሎስ ቂጢየ አአርኋ በቭር ኧኮሰሺኸ ኢሂሪ ኧሴኤ ኧኸሬ ፈታን ፤ተህም ቀጥወ ኧክህን አላቃ ሁኖሚ አአይሁድቭ ኦኦጎት ኢደሞጅታ ሰቭ እንእ ኢደመደኸ ኤዘዘ ፤ጳዉሎስቭ ተደረጃ ሁዳ አወንደታ በቭየሁኖዋይ አትሸከቨን።
+
+\c 23
+\p
+\v 1 ጳዉሎስቭ ኦኦጎት ኧትደመደ ሰቪ ኤፐ ቱኩ ኤፐ ቲያዝ፤«ኧሰማቶ ኢያ ዋጣህሪ ስን ብእግዜር ኢፍቲ በጥርር ሂን ተዥቫፐርሁ »ባረ ።
+\v 2 ህም ግዚየ ዋና ካህን ሐናንያ ዩዉሪዳ ሁዳ በጳዉሎስ ምዬ ኧትሸኮዉዋ ሰቭ ኧዉሎስ አፉኋ ድርጒ ባረኖም።
+\v 3 ጳዉሎስቭ ኧዋና ካህን ሁዳ«አኸ በወዋረ ኦኦፖይ ዘግሮ እግዜር አኸቭ ኢደርግኸዴ፤ኧቂጫኋኸ ትፈርድቪ በቸናኸሜ ቂጫ አይቫር ኧደነግኸዪ ኧኸሬ አኸቭ ገጋኸ ቂጫ ጣስኸ »ባረን ።
+
+\v 4 ኧጳዉሎስቭ ምዬ ኧትሸውዉዋ ሁኖዋ ኧጳዉሎስ «ደፈርኸታ ኧዋና ካህንትቀርቪ?» ቧሪ።
+\v 5 ጳዉሎስቭ ፤«ኧሰማቶ ዋና ካህን ኧኸረኸ ባኋርትነኛ፤«በሰቫኸ ዳኘ ፎር ሙጥጥ ቃር አትዘይግ» ቧርሙ ጣᎉ።
+
+\v 6 ጳዉሎስቭ ሰቭ ሁኖዋ ግትሁኖዋ ኧሰዱቃ ሰቭ ግትሁኖዋ ኧፈሪሳ ሰቭ ኧሁሮዋኸ ኧሃሬ ኧኸሬ ፤«ኧሰማቶ ኢያ ተፈሪሳ ገኘ ሰቭ ኧቴኤኘሁ ኧፈሪሳ ሰቭንሁ፤እሜኤዲ ኧፍርድ አቴኤነዉኝ ሁዳ ኧዎጁዋ ሰቭ ኢትረሸቴ ባሁ ተስፋ ኤፐሁዴ »ባረታ በኦጎት በደመደ ሰቭ ምዬ አኸና።
+\v 7 እመኸቭ ባረ ቢዝሬክ በፈሪሳ ሰቭቪ በሰዱቃቭ ሰቭ ግት መራክስ ተረሳታ ፤ኦኦጎት ኧትደመደቭ ሰቭ ዉርኤቲ ተሻከደ ።
+\v 8 ኧሰዱቃ ሰቭ ኧዎጁም ሰቭ አይትረሾምቪ መላአይካቭ ኧህር መንፈስቭ ኤነዳ ቲዉሩዋታ ፤ኧፈሪሳ ሰቭ ጭን ዋሁኖዋ አነዉዋኸ ያአዉርታ አአር ባኖዉተ ።
+
+\v 9 ቡሼእ መራክስ ተረሳ ተፈሪሳ ሰቪ አጋድ አታት ኧሙሴ ቂጫ አስተማሪተረሾሙ ተሸኮዉምታ «በዋ ምስ ፎር እማት ኢፋድ አነከቭኔኮዳ መንፈስ ዌ መላአይካሁ ዜግተንታንዳሁ በኸረ በቭር ኋሪ? ቧርሙታ ቡሼኧኸ ቴኤጁም።
+\v 10 መራክስሞኋ ቲትራእ ኧወሬ ኧኸሬ ጋዝ ዪኢዝዝካ ምስ ሁዳ ፤ ኧጳዉሎስ ሰቭ ሁኖዋ በቩጣጠሺ ባረ አታነኧታ ፤ኧወታደርኋ ዉረጁምታ ኧጳዉሎስ ተግትሁኖዋ ንጡቁም ኦኦዪታ ኢትዋኮኮዳ ኤኤዲ ዉስጂ ባረኤዘዘኖም።
+
+\v 11 በቭረጋሞኋ ሱቢ እረርኧ ጎይታ ኧቭይየኋይ ተሸከቨታ «ጳዉሎሶ፤አይዞዋኸ ብእየሩሳሌም ኧምሰከርኸኒመኸ እመኸ ብእሮማ ከተማቭ ኧመስኩርት አነቨኸ »ባረን።
+
+\v 12 ጋእ ቲቭካቭ አይሁድ ተደሞጁም አትቯቾምታ ጳዉሎስ ቲዎድ ስን እማት ሰቭ እሃቭ ኧህር ሸረድ ባይቀምሲ ተታኞሙ ።
+\v 13 እመኸ ቧርሙ አትዋቾዋ ሁኖዋ ታአርቭአ ሰቭ በፎረ ባኖዉተ ።
+
+\v 14 ሁኖም ኣካህን አላቃ ሁኖመዪ ኧቫሪቅቭ ሁኖዋይ ዎርሙታ ዋኸ ቧሙ፤«ጳዉሎስ ታነኧትርኔ አትአአር ባንቀምስኔ ቡሼእ ተየ ተታኘነ ።
+\v 15 ባቴ አሁዋ ቲደሞጅታቭ ሰቭ እማትሜ ቂጢየ ዘንጋኋ ምር ኧኸረኸ ተሁዳ አፉ ትሰቩኦዋይ ትሱኡታ አአረኸ ኦንኦምታ ጋዝ ዪኢዝዝካ ምስ ሁዳ ኧጳዉሎስ አሁዋይ ኢጌኪድነሁዋኸ ሳአሪ፤ኢናቭ ገና አሁሜ ታይሰርአ ነኣትርነዪ እንእ አርር ቁጥቁጥ ባርነ ንእየኔ ።»
+
+\v 16 ዘንጋኋ ጭን ኧጷዉሎሲ ኧኧተምኋ ኧች አትዋቾይ ሁዳ ኧሰምአይ ኧረፐሬ ኧኸሬ ፤ጋዝ ኢትዋኮኮዳ ኤኤዲ ገፓታ አንዳ ዘንጋኋ እንእ ኧጳዉሎስ ኤኤደን።
+\v 17 ጳዉሎስቭ ተቨኧር አላቃ ሁኖዋ እትት ሁዳ ኸናንታ፤«ዋ ኧች ኧጋዝ ዪኢዝዝካ ምስ ሁዳ ዪኢድኩዳ አአር አኔ ኧኸሬ ኧሁዳይ ዉስድኩ» ባረን።
+
+\v 18 ኧቨኧር አላቃቭ ሁዳ ኣኣች ሁዳ ጋዝ ዪኢዝዝካ ምስ ሁዳይ ወሰደንታ፤«አአኮጂ ጳዉሎስ ኸናዪታ ዋ ወዴያ ኧች ዪኢድኸዳ አአር አነኔ ኧኸሬአሄ ኧወስድነኸ ሳአረዪ»ባረን።
+\v 19 ጋዝቭ ዪኢዝዝካ ምስ ሁዳ ኣወደያ ኣች ሁዳ ኧጅኋ ጠበጠ ኦጣኋይ ሰቭ ኤኖወ ኤኤዲ ወሰደንታ፤ « ቲኢደዪ ትሲእኩዳ ምርአፈድን? ባረን።
+
+\v 20 ኧችቭ ሁዳ ዋኸ ባረን፤«አይሁድ ኧሁዳ አአር ቂጥየ ዘንጋኋ ምር ኧኸረኸ ኢሂሩዋይ ኧሴኧዉዋአአርኸ ኧኝኧተዉዋታ፤ኧጳዉሎስ ነገ ኦኦጎት ኢፍቲ ታቲኢንቭነዋኸ ኢሶኦርኬ ተስምአምኦም።
+\v 21 ታርቭአ በፎረ ኢሆርታ ሰቭ ዮኦትሪ ችን ቧርሙ ቸኖም ዩኡሬ፤ቲዮኦትሪቭ ስንሸረድቭ ኧኽር እሃ ባይቆሙሹዋይ ተታኞሙ፤ዋአካቭ እንእ አአር ቁጥቁጥ ቧርሙታ አኸ ቲቭኮታ መልስ ቸኖም ዩኡሮዋ ፤ህመኸ ኧኸረሜ አኪያ እምባኸኖዋ ባረን።
+
+\v 22 ጋዝቭ ዪኢዝዝካ ምስ ሁዳ ኧኧችሁዳ«ዋ ኢያ ኤኤድሄ ዘንጋ እእማት ሰቭ እኔኤድኸ ባረ አትጬፐንቭታ ጔከደን።
+\v 23 ተህም ቀጥወ ጋዝ ዪኢዝዝካ ምስሁዳ ተቨኣር አላቃሁኖዋ ዉርኤትሁኖዋ ኸናኖምታ ዋኸ ባረኖም ፤«ኧዳር ቂሳርያ ከተማ ያርታ አአር ዉርኤት በኧር ጋዘኘ ስቭአ ፈረዘኘ ፥ዉርኤት በኧር ጮኸ ኢተጭታጋዘኘ ቂጥቂቅጥ ኦንኦዋ ።
+\v 24 እመኸ ጳዉሎስቭ ነኪቭተን ኧይሁዳ ገኘዳኜ ያርወዳ ኢሬኪካ አአር ሶኡነ ።»ባረታ፤
+
+\v 25 እመኸቭ ይቭካ ወረቀት ጣፈ ፤
+\v 26 ኢያ ቀላዉዴዎስ ሉስዩስንሁ፤ ኧትከበርኸ ኧይሁዳ ገኘ ንጕስ ፊልክስ ወገሬት አኸ ኧህር ።
+\v 27 አይሁድ ኧዋ ምስ ጥጭተዉዋ ዮኦትሪ ባንደ ፤ዘንጋኋ ጭን እእሮማ ገኘ ሰቭ ኧኸረኸ ኧሃርኊ ኧኸሬ ፤ተወታደርኛ ወርሁ አተነፍሁን።
+
+\v 28 በቭር ኢኮስሺ ኧሴኧዉዋኸ ኧሂሪ ኦኦጎትሁኖዋይ አዋአሁን፤
+\v 29 ኦኮሰሺቭ ሁዳ በቂጫሁኖዋ አአር ባኸሬ ኢታአከድሜ ኧህር ኧድድ ያሰርአኩዳ አአር አኸረኸ ሃርሁ።
+\v 30 ዘንጋኋ ጭን አይሁድ ኧዋ ምስ ዮኦትሪ አትዋቾኰኸ በሃርሁጋ ህመጋ አሄ ኬሸሁን፤ ኢኮስሺዳቭ ሁኖዋ ተሁዳ ኢቴኤጅኮዳ ሁዳ በቭር ኧከረኸ አኸ ያቲኢንዉዋኸ ኤዘዘሁኖም።
+
+\v 31 ህመኸ ኧኸረሜ ጋዘኘቭ ሁኖዋ ኤኤዘዢዮመኸ በኧዳር ኧጳዉሎስ ጠቦጩም አንቲጳጥሪስ ስነጋ ወሰጂ።
+\v 32 በቭረገኘሞኋ እማት ፈረዘኘ ሁኖዋ ኢዎስጂኸ ኤፖሙታ ኤኛሁኖዋ ጋዝ ኢትዋኮኮዳ ኤኤዲ ተዦፖርሙ።
+\v 33 ፈረዘኘቭ ሁኖዋ ቂሳርያ በሰንኦዋጋ ወረቀት ሁዳ ኧሃአ ገኘ ንጉስ ኣዊታ፤ጳዉሎስቭ አአይፖሪ።
+
+\v 34 ህም ገኘ ኢገዛካ ንጉስ ሁዳ ወረቀትሁዳ ቴኤፐረኖምታ ታረበበን ቀጥወ ፤ኧጳዉሎስ ተኧት ገኘ ኧቫአኸ ተሳአረንታ ኧኪልቅያ ሰቭ ኧኸረኸ በሃረ ቀጥወ፤
+\v 35 «አሄ ዘንጋ ኢኮስሽከዳ ሰቭ ቲዎኦታ ኧዥሴ» ባረን።ተህም ቀጥወ ኧጳዉሎስ በሄሮድሲ ወረጀ ዩኡሬኸ ኤዘዘ።
+
+\c 24
+\p
+\v 1 ታአምእስት ቀረ ቀጥወ ዋና ካህን ሐናንያ ሁዳ፤አታት ባሪቅቪ ጠርጡለስ ቲዩሪዳቭ አቦካቶ እማቲ ቂሳርያ ወንጁም። ገኘኃ ኢገዛካ ንጕስ በጳዉሎስቭ ፎር ዪኢጅኮዳ ሁዳ እንእ አቴኤነዉነ።
+\v 2 ጳዉሎስቭ ሆኖዪታ በቴኤነቨ ቀጥወ ፤ጠርጡለስ ዩዉሪዳ አቦካቶ ሁዳ ዋኸባረ ክስስኋ አቴኤነቨ «ኧትከበርኸ ፊልክሶ ባኸ ዘቨር ኧሮኦራ ሰቭ ወገሬት ኸረነ ፤ኧሮኡይ አአር ኧኋርትማኸ ኧዋ ሰቭ ኢፈዘኸ ኤፐን ።
+\v 3 ዋ ኤፐኸን ውሄ ሜናኸ እንእ ግዚየ ቤኤድ ኤኤዲ ተወሄ ምስጋና ንቴኤፐርኔነከ።
+
+\v 4 ዘንጋኋ ጭን ኖኦራ አአር አናቂጥኸኸ ቀሪ አአር ቲሽርኸ ትሰቭአየኸ ንሰኧርኔከ።
+\v 5 «ዋ ምስ በአለም ባነዉታ አይሁድ እንእ ግት ባአሸ ኸረታ መራክስ ኢረሳካዪ፤እመኸቭ ናዝራዊ ዩሪታ ሰቪ ዋና መሪ በኸሬ ነከቭነዪ ።
+\v 6 ተሁድቭ በፎረ ቤተ መቅደስንራ ያሰንሂ ቲያትቫቅርካ ነከቭነ ጠበጥነዪኧቂጫመንራኸ ንፈርድኔኴ አሸነ ባንደ፤
+
+\v 7 ዘንጋኋ ጭን ጋዝ ዪኢዝዝካ ሉስዮስ ማአታ በሩእ ደረግ ተኣጅንራ ነጠቀ ወሰደን፤ኢኮስሺዳቭ ሁኖዋ አሄ ኢዎኦዋይ ኤዘዘኖም ።
+\v 8 ባቴ አኸ ገግማኸ መርምርኩታ ኧከሰስኔኰ ዘንጋዉረ ኧኸረኸ ትሃርሴ።»
+\v 9 አይሁድቭ ዘጋኋ ኧዋሪምነኸ ቧርሙታ አኮዡምታ በኰሰሺሁዳ ተስማምኦም።
+
+\v 10 ገኘሞኋ ኢገዛካ ንጉስ ሁዳ ኧጳዉሎስ ኢዝሬኪ አጋ ባቨንጋ «ጳዉሎስ ዋኸ ባረ ዝሬከቃርኋ አቨ ፤«ተሮኦራ ዘቨር ቆነሺታ ኧዋ ሰቭ ትፈርደኸ ኧሂር ፤ህመኸ ኧኸረሜ ኧቴኤድወዳ ቃርኛ አአይፒርካ ሁዳ ቲሽሬን።
+\v 11 ኢያቭ እእግዜር ኧሰግዲ እየሩሳሌም ኧወርሁ ሁዳ ታአስረ ዉርኤት ቀረ ኢፍቲ ኧኸረከ አኸ ገግማኸ ኖራ አአር ታትቂጥ ታጪግኲ ኢከነኸ።
+\v 12 ኢኮስሽኝዳቭ ሰቭ በቤተ መቅደስ ታአትሞኋ ትንክራከርካ ዌ አይሁድ ቢደሞጅኮዳ ቢድ ከስ ኧህር በቭኝኧ ኤኤዲ ሰቭ ትንሳሳካ አናሽዉኝዳ ።
+\v 13 ዋአካቭ ኧትከሰስሁወ ዘንጋ ያቲኢሙርኮዳ አአር ያቲኢኑዉታ አአር ኤነኖታ ።
+
+\v 14 ቢኸርቭ ሁኖዋ ኑፋቄ ቢዩሪዳ ፤በጎይታ መያ አአቦኛ እግዜር ኧሰግድ።
+\v 15 ኢያቭ ኧዋ ሰቨኸ እንእ ፃዲቅቪ ባጢረተኘቭ ሰቭ ተዉድ ኢትረሾዋኸ ብእግዜር ተስፋ አነኒ።
+\v 16 ህመከ ኣኸረሜ በሰቪ ብእግዜርቭ ኢፍቲ ጥርር ሂን ኢረቭሬኸ እንእ ግዚየ ጃድ እቭር።
+
+\v 17 «ተሮእኦራ ዘቨር ቀጥወ ኧዶቦኛ ኢቪ እእግዜር ዪዊዳ መባ ጠበጥሁ እየሩሳሌም ማአሁ።
+\v 18 ሁኖም በቤተ መቅደስ ኢጠርርኮዳ ቂጫ ትንጀፕርካ ነኮዉኝ ኧሰቭ መራክስቭ ኧህር ቃሽቃሽትቭ አታአር አነፐራ።
+\v 19 ዘንጋኋ ጭን ትእስያ ገኘ ኧዎኦዋ አታት አይሁድ ቲያ ዘንጋ አነኖዋ በኸረ ባኸቭ ኢፍቲ አአዉጅኮኝ፤
+
+\v 20 ዌ በዋኸ አኖዉታ ዋሁኖዋ ቦኦጎት ኢፍቲ በቴኤነሁጋ ኧረኮኮኝ ኢድድ በረፐረ አአዉጁዋ ፤
+\v 21 በግትሞሁኖዋ በትሸከሁጋ ተዝሬከሁን ኧዎጁዋ ሰቭ ኧተሸት አአር ባኸሬ ኤኛ አአር ኧትከሰሰሁወ አአር እንዳ።
+
+\v 22 ፊልክስ ጭን እእግዜር መያ ጀፐረ ኧሀሬ ኧረፐሬ ኧኸሬ፤«ጋዝ ዪኢዝዝካ ሉስዮስ ቲቭአካ ዘንጋሁዋ አሸሁንኸ አአውድሁዋሴ»ባረታ በጎቸ አሬኧን።
+\v 23 ተህም ቀጥወ ኧቨኧር አላቃሁዳ ኧጳዉሎስ ቀሪ አአር ቲግፈፍርነ ይእየኩመኸዪ ናማጂሞኋ ቲዎኦታ ጊቭኣተዉዋ ኢትሳአሪኸ ኢፈቅድነኸ ኤዘዘን።
+
+\v 24 ተቀሪ ቀረ ቀጥወ ፊልክስታአይሁድ ገኘ ምሽትሞኋ ተድሩሲላ፤እማቲ ሞኦሙ፤ኧጳዉሎስቭ ኢሆሬየኸ ኤፐታ በክርስቶስ ኢየሱስ ኦኦዎርት አአር ቲዝሬካ ሰምአን።
+\v 25 ጳዉሎስ ኧፅድቅ አአር፥ገግ ኧጉዦት አአር ፥ኢቫአካቭ ፍርድ አአር ቢዝሬክ ፊልክስ ፈኘታ«ኣዋአካኋ ዋዳ ኢቃሴ ቲትመቼዳ አትሄራኸሴ ዋአካ ጭን በሳረናኸ ሆር»ባረን።
+
+\v 26 ተጷዉሎስ እሹዋ ኢቴኤፐሪ ዙጐ ባረታ እንእ ግዚየ ኢሆሮነታ ያዝራይኩ ባንደ።
+\v 27 ተዉርኤት ዘቨርቭ ቀጥወ ፤በፊልክስ ኤኤዲ ጶርቅዮስ ፊስጦስ ተሸገረ ፤ፊልክስቭ አአይሁድ ኢሽርኮዋኸ ቲቭር በታአከደመኸ ቸኧንቭ።
+
+\c 25
+\p
+\v 1 ፊስስጦስ ገኘኋ ተገፓ ተሶኦስት ቀረ ቀጥወ ቂሳርያ ተረሳ ኢየሩሳሌም ዋአ ።
+\v 2 ኧካህን አላቃ ሁኖሚ ኧይሁዳቭ ዳኘ ኧፊስጦስ ኢፍቲ ሞኦም ኧፓዉሎስ ኮሰሺ ።
+\v 3 ኧጳዉሎስ በቨያ ተደኧይተዉዋ ዮኦትሪ ኧሴኧዉዋይ ኧኸሬ ፊስጦስ አሁኖዋ ያድባፕርኖዋመኸዪ፤እየሩሳሌምኢቫአኸ ዪንአኸ ቡሼኧኸ ሳአሪ ።
+
+\v 4 ፊስጦስቭ ዋኸ ባረ ዠፐረኖም፤«ጳዉሎስ በቂሳርያ ኦሁኔ ቢድ አኮጂ ሃይ አነ ፤ኢያቭ በዋ ግት ሃአይ አርኬ፤
+\v 5 ህመኸ ኧኸረሜ ተዳኛሁዋ ግት አታትሁኖዋ ቲያቭ ኦኦምታ ምስ ሁዳ አአፋን ኢፋድ በረፐረ ክስሳሁዋ በሃይ የሁም አተኧንዉዋ።»
+
+\v 6 ፊስጦስ ተሁኖም ሱዉት ቀረ አአህር ተቸና ቀጥወ ፤ቂሳርያ ወረ በቭጋጋሞኋ ቢፎርጅድዳ እድዲ ቸናታ ኧጳዉሎስ ያዎኣይኸ ኤዘዘ።
+\v 7 ጳዉሎስ በቴኤነቨጋ ትእየሩሳሌም ኧዎኦዋ አይሁድ ትእንቭ አጋድ በግት አጎፖሙ ሆፖዊታ አታአር ኤነ አአር ኖኦራ ክስስ አቴኤነዉኰ ።
+\v 8 ጳዉሎስቭ ፤«ኢያ ባአይሁድቭ ቂጫ ኧህር በቤተ መቅደስሁኖዋ ዌ በቄሳር ፎር አአፋሁን ኢፋድ ኤንዳ »ባረታ ኢቴኤድወዳ ቃርኋ አአይፐረ ።
+
+\v 9 ፊስጦስቭ አአይሁድ ሁኖዋ ወሄ ኢዎኦርኮዋይ አሸታ ፤ኧጳዉሎስ «ኧዋ ዘንጋ አአር እየሩሳሌም ሆይተኸ ቢያ ኢፍቲ ትቴኤድሰዪ?»ባረን።
+\v 10 ጳዉሎስቭ ዋኸ ባረን፤«ዋአካቭ ቢኸር ኢያ ቂጥየ ፍርድ ቢረሁኮዳ በቄሳር ወንበር ኢፍቲ ተሸከሁ ፤አኸ ገግማኸ ቲሂርኩመኸ ባአይሁድ ሰቭ ፎር አቴ ኢፋድ አናአፋኋ ፤
+
+\v 11 ቢኸርቭ ጭን ኧዉድ ያሰርአካ ኢፋድ ባአፋሁ አንዉድ አንቭካ፤ዋ አአይሁድ ሰቭ ያቲኢንዉኮኝዳ ክስስ ጭን አንዳ አአር አኸረ በኸረ ኢያ ኧሁኖዋ ኤኤተ ያአይፒሬዳ አትቭ ሰቭ ኤንዳ ፤ቄሳር ኧፍርዴ ባሁ።»
+\v 12 ፊስጦስቭ ተመካሪኋ ተትምካከረ ቀጥወ ፤ቄሳር ኧፍርዴ ኧቫሄ ኧኸሬ ኧቄሳሪ ታርኬ»ባረን።
+
+\v 13 ተቀሪ ቀረ ቀጥወ ንጕስ አግሪጳዪ በርኒቄም ኧፊስጦስ ቦሄም ገፓኸ ዩዉሪ ቂሳርያ ዎጅም።
+\v 14 በህሜ ኖኦራ ቀረ ቸኖም ፊስጦስቭ ኧጳዉሎሲ ዘንጋ ነሳታ ኧንጕስ ሁዳ ዋኸ ባረ ትትጮደን፤«ንጉሽ ፊሊክስ ቦሁኔ ቢድ ኧቸኧን አአር አት ምስ ዋይ አነ ፤
+\v 15 እየሩሳሌም በወርሁጋ ኧካህን ሁኖዋይ አላቃዪ ኧይሁዳቭ ባሪቅ ኧፈርድወኸ ኮሰሺባንደ ።
+\v 16 «ኢያቭ ኦኮሰሺሁዳ በኮሰሺ ሰቭ ኢፍቲ ተሰጌተ መልስኋ ታይዠፕር[ቃርኋ ታያአይፕር] ኤኤቶዉ አአይዉርት ብእሮማ ገኘ ስርም ኧርወሸዊ አአር አኸረኸ ኤኤድ ሁኖም።
+
+\v 17 ህመኸ ኧኸረሜ ኧኮሰሺ ሰቭ ቲያቭ ዋይ በዎኦዋጋ ፤ዘንጋኋ ኖኦራ አአር ነገ ሰስተ ታንኩ በቭርጋኋ ብንፈርዱወዳ ኤኤዲ ቸናሁታ ሃአ ምስ ያዌኤኸ ኤዘዝሁ ።
+\v 18 ኧኮሰሺም ሰቭ ተረሾሙ ተሸኮሙታ ቲዝሮኩኩታ ሃኸ ኢያ አጫመጥሁንኸ ኖኦራ ኢፋድ አኔኤጅኮዳ፤
+\v 19 ኢረእካሞኋ ኧገዛ ሃይምኖትሁኖዋ አአርቪ ሞደቭ ኧረፐረ ጳዉሎስ ጭን አነ ይቭኩዳ እእየሱስ አአር ኢትኩራኮሩዋ ባንደ።
+\v 20 ኢያቭ ዋ ዘንጋ ኧተኸ አዥኩኸ ግራ ኧገፓዪ ኧኸሬ እየሩሳሌም ሆይተ ኧዋ ዘንጋ አአር ኢቴኤዲ ኢረድ አይረድ ተሳአርሁን።
+
+\v 21 ዘንጋኋ ጭን ጳዉሎስ ዘንጋዃ ንጙስ ቄሳር ኧዥኩ ኧቫሬ ኢያቭ ኧቄሳሪ ቲያር ስን ኦሁኔ ቢድ ኢእክሰኸ ኤዘዝሁ።»
+\v 22 አግሪጳቭ ኧፊስጦስ «ኢያቭ ዋ ምስ ቲዝሬካ ኧሰቭአኲ ኧሲእ ባንደሽ!»ባረን።ሁድቭ «አካ ሁድሽ ነገ ትስቭአኩሴ!» ባረን።
+
+\v 23 በቭረጋሞኋ አግሪጳዪ በርንቄም በሩእ ክብር ሞኦሙታ ፤ተሩእ ኑእ ዳኘዪ ተከተማሞኋ ኑኑእ ሰቭ እማትሜ ኢሱዎሶዉኮዳ አዳራሺ ሞኦሙ ጎፖሙ፤ፊስቶስቭ ኤዘዘታ ጳዉሎስቭ ኢቫአኸ ኤፖዊ።
+\v 24 ህም ግዚየ ፊስጦስ ዋኸ ባረ፤«ንጕስ አግሪጶ እመኸቭ ዌኤዲ ቲናቭ እማቲ አነሁዋታ አሁዎ፤ዋ ምስ ታዢዪ? ብእየሩሳሌምቪ እሜበቄሳርቭ ኢረዉርታ አይሁድ እንእ፤ዋ ምስ ተዋቴ ኧዉጅት ባኸሬ ኦምቦርት ኤኖዳ ቧርሙ ኮ ቲዩሩዋ ሳአርኝ ።
+
+\v 25 ኢያቭ ኧዉዲ ያሰርአኩዳ አአር አታአአር አኔፐኸ ሃርሁ፤ቢኸርቭ ጭን ዘንጋኛ ንጕስ ቄሳር ኧዥኩ ኧቫሬ ኧኸሬ እሮማ ገኘ ኤኬሽኲ አንጥሁ።
+\v 26 ዘንጋኋ ጭን ኧሁዳ አአር ጪግቭ ሃዳን ባይተሁ ኧጌታኛይ ኧጠፍካ አአር በከርሁ።ህመኸ ኧኸረሜ ተትሳአሪ ቀጥወ ኧጠፍካ አአር ኧረህቨኸ ብእንቫሁዋ ኢፍቲ ኢረእካሞኋ በንጕስ አግሪጳ ባኸ ኢፍቲ አቴኤነሁን፤
+\v 27 ሁድቭ አት ኣታአከደ ሰቭ በቭር ኣቫአ ኧኮሰሺኸ አናአዉጅት ፤ወሄ አአር ኣረዳ ባሁ አጫመጥሁዴ።»
+
+\c 26
+\p
+\v 1 እግሪጳቭ ኧጳዉሎስ ፤«ኧገጋኸ አአር ትዝሬኪ ተፈቀደነኸ»ባረን፤ህም ግዚየ ጳዉሎስ ኧጅኋ ዝራካታ ፤ዋኸ ባረ ኢቴኤድወዳ ቃርኋ አአይፐረ፤
+\v 2 ንጕስ አግሪⶑ አይሁድ ቢያ ፎር አቴኤነዊ ክስስ እንእ ኦኳ ቢኢፍታሄኧቴኤድወዳ ቃርኟ አቴኤንቪ ኧቨቃሁይ እያ ኑእ አአር አኸረኒ አአህር ኤፐሁ አዥኩ፤
+\v 3 እመዳቭ ኢረእካሞኋ አኸ አይሁድ ኧርወሸዊ ሁዳዪ ክርክር ሞሁኖዋ ምር ኧኸረኸ ጌከርኸ ቲሂሪ ኧኸረዴ ፤ህመኸ ኧኸረሜ ጭን ባይተኸ ትሰቭአዪ ኧሰኧርኸ ።
+
+\v 4 ተዴግነድኛ ቆነሺታ በገኘመኛ ኧህር ብእየሩሳሌም ገኘ ኧተኸ ኧረፐረሁኸ አይሁድ እንእ ይሂሩዋ ፤
+\v 5 እመኸቭ ተሮኦራ ግዚየ ቆነሺታ ኢሂርኚ ኧኸርሬ ኢኢጁዋይ በሴኧዉዋ ኧሃይማኖትንራ አአር ቡሼኧኸ ቢያጠቡቁታ ሰቭ ዶቦ ግት ኸርሁታ አአት ኧፈሪሳ ሰቨኸ ኸርሁ ኧረፐርሁኸ አአዉጁዋ።
+
+\v 6 ዋአካቭ ኮሰሽኝታ ዌኤዲ ኧትሸከሁ ሁዳ እግዜር አአቦንራ ኧገፓን አአር ተስፋ ኤፐሁዴ ።
+\v 7 አስረ ዉርኤቸ ጥቭ ዋአናዪ ኧዳርቭ እግዜር ተሂንሁኖዋይ ቲያጔኪሪ፤ ቲኸርካ ያዢ ያትዋቁርነዳ ሁዳ ዋዳን። ንጕሶ አይሁድቭ ኢኮስሽኝዳ ሁዳ እእም ተስፋን ።
+\v 8 ሁድሞኋ እግዜር ኧዎጁዋ ሰቭ ኦሸት አይኸነ አአረኸ ኤፐሁም ታጫሞጭታ ሁዳ ኧቭርአፈድን?
+
+\v 9 «ኢያቭ ገግመኛ ኧናዝሪት ኢየሱሲ ሹቭ ቢኸርኒዳ መያ እንእ ኧትጋፋይ አንጥሁወ ባንደ፤
+\v 10 ብእየሩሳሌምቭ ኤፐሁን ሁዳ እመዳምን፤ተካህናት አላቃይ ዳኝነድ ቴኤፐርሁታ ኖኦራ በክርስቶስ አአሞሩዋ ሰቭ በኦሁኔ አቴኤከድሁ ፤ቲዮኦትሪዮታቭ ተስማአምአሁም።
+\v 11 ኖኦራቭ ግዚየ አትቄጣኮዋይ ታአት አአይሁድ ኧጠሎት ቢድ ኤኛ አአይሁድ ኧጠሎት ቢድ ዦርሁበግርድ ኢትቃኖዉዋኸ ኢንአ ባንደ ፤ቡሼኧኸቭ ማአቸሁታ ኤኤኛቭ ገኘ ከተማይ ስን ተሄተርሁኖምታ አትሳትድኮዋ ባንደ።
+
+\v 12 እመኸቭ ኢንአይ ትናርካ አት ቀረ ተካህናት አላቃ ሁኖዋይ እእዝዝ ወረቀት ቴኤፐርሁታ ደማስቆ ትናርካ ፤
+\v 13 ንጕሶ በግት ዋአና በቨያ ታነሁቭ ቢያዪ ቲያቭ እማቲ ቢያርታ ሰቭ ትእንቭ አጋድንራ ቱኡዋየ ኢረእካ ያበራካ ኡዋየ ተሳቫዪ ቲያበራካ አሸሁ።
+\v 14 ህም ግዚየ እንእቨንራ ባአፈር ወንድነ ወተእነ ፤ኢያቭ ብእብራይስጥ ሰቪ አፉ«ሳዉል ሳዉል! ኧቭር ታትሳትዴ? ኢዎጎኮዳ ሁዳ ብትገፋኩ አኸ ኢረእ ትትጎዳኬ »ይቭሬዳ ቃር ሰምአሁ።
+
+\v 15 «ኢያቭ ጎይታኞ አኸ ማንተንኸ?»ባሁን።ጎይታቭ ዋኸ ባረዪ«ኢያ አኸ ታትሳትዴዳ ኢየሱስንሁ!።
+\v 16 ፤ዋአካቭ ተሳታ በኧግራኸ ተሰገቭ ፤ኢያአአር አሸኸንቭ ሁዳዪ ትእም ቀጥወቭ ታዥኩዳ ሁዳ አአር አገልጋይ ትኸርመዪ ስስክርቭ ትኸሪ ኧሾምሄ ተራከከ
+\v 17 ተገግማሄ ሰቭቪ ኧሁኖሜ ኧኝአተሁ ትንኬሽኸዳ ሰቭ አተርፍኸዴ፤
+\v 18 አኸቭ ኤርሁኖዋ ትከፍትኮቴ ፤ተጠነቫቭ ኡኡዋዬ፤ ተሰይጣንቭ ዳኝነድ እእግዜሪ ትዠፕርኮቴ ፤ሁኖም ባጢርሁኖዋ አፉ ኢትቬርቴ ቢያቭ አሞርሙ በትቆደሹዋ ሁኖዋ ግት ደረድ ኢረሁዉቴ።
+
+\v 19 « ባቴ ንጕስ አግሪጶ ፤ተሳቫዪ አሸሁን እራእይ ባአይ አምባኋ ፤
+\v 20 ዘንጋኋጭን አወተረ በደማስቆ ከተማ ኢረዉርታ ሁኖዋ ተህም ቀጥወ ብእየሩሳሌምቪ በይሁዳአነዉታ ሁኖዋ እንእ ፤ተህም ቀጥወ አአዛብ፤ንስሃ ኢጎኦዋመኸዪ እእግዜርሜ ኢትዠፖሩዋመኸ ኧንስሃቭ ቡስር ያፎሮዋኸ [ንስሃቭ ኦጉዉኦትሁኖዋ በቬና ያቲሹዋኸ] ከፈድሁ ዝሬኮሁኖም።
+\v 21 በህም ኧቫአን አይሁድ በቤተ መቅደስ ጠቦጩም ዮኦትርኝ ኧረፐረሁዳ።
+
+\v 22 ኧጎይታቭ እገዠ ዋአካቭ ስን ቲያ አናራኤ ኧኸሬ እኩ ዌእኤዲ ተሸኮሁታ እእስ ኧሩኡሞኋ ኧምሰክር ፤ነቢያትቪ ሙሴም ኢኸርኬ ቧርሙ ተዋሪ ሁዳ ኤኛ አአር አታአር አኔኤድኋ ፤
+\v 23 ሁድቭ ክርስቶስ መከራ ኢቴኤፐርመኸዪ ተዎጁም ሁኖዋ ኢኢፍቲ ብደይተ ተሸተኣሰቭምኋዪ አአዛብቭ ብርሃን ኢሰብክምነኸ ።»
+
+\v 24 ፊስጦስቭ ኧጳዉሎሲ ዘንጋ በዋከ ያትሸክቨኸ ኤፐንታ ፤ቃርኋ ነሳታ «ጳዉሎሶ ሂናኸ ባረናኸዪ? ኖኦራ አአር ኧትሟርት ሽርርር ኤፐናኸ»ባረን ።
+\v 25 ጳዉሎስ ጭን ዠፐረታ «እኧትከበርኸ ፊስጦሶ ኧዝሬኩዳ ሁዳ ኧዉረ አንዳ አአር ባኸረሼ ሽረኘሽ አኸርኋ ።
+\v 26 እም ኧዝሬኩዳ ዘንጋ ንጕስ ሁዳ ኢሂርኩ ኧኸሬ ቢኢፍትኋይ አፉኛ ሜንአሁ ኧዝሬክ።አትቭ ዶኦርሙ ኤፐዊ አአር አታአአር ኤኔ ኧኸሬ እም ዘንጋ እማትቭ ታይተርፍኩ ኢሂርኩኸ ኧሂር።
+
+\v 27 ንጕስ አግሪጶ በነቢ ሁኖዋ ታአቭርሽአሃራ? እከ ታአቭረኸ ኧሂር!»
+\v 28 አግርሪጳቭ ኧጳዉሎስ ዋኸ ብእሲየ ግዚየ ክርስታን ቲንአይዳ አአር ኢቨስርሄ?»ባረን።
+\v 29 ጳዉሎስቭ «ብእሲየቭ ግዚየ ኧህር በሮኦራ ግዚየ እማት አኸ ታትኸርቭ ኢሶዉኦኝዳ ሁኖዋ እንእመሁኖዋ እማት ኢያኸ አይታአጎጁዋ ባኸሬ ኢያመኸ ኢሆሩዋኸ ኧሰኣር »ባረ።
+
+\v 30 ተህም ቀጥወ ንጕስቭ ሁዳ፥ኧህም ገኘ ዳኘሁዳ ፥በርኒቄም፥ተሁኖም ኧቸኖዋ ሁኖዋ እንእተረሾሙ።
+\v 31 ተህሜ ተረሾሙ ዎኦሙ ቲያርታ «እሽ ምስሽ ኧዉድ ያሰርአኩዳ አአር አታአአር አኔፐዳ»ቴቬርሙ።
+\v 32 አግሪጳቭ ኧፊስጦስ «ዋ ምስ ዘንጋኛ ቄሳር ኧዥኩ ባይተ ባይር ቢጎፉሪ አትቭ አነፐሮዳ»ባረ።
+
+\c 27
+\p
+\v 1 ጣሊያንቭ ገኘናርኔ በፎጅኮንረ ቀጥወ ፤ጳዉሎስቪ ኤኛቭ ኧታክኮጁዋ ሰቭ ተንጉስ ሁዳይ ውታደር ግት አአት ዩሊዮስ ዩሪዳ ኧቨኧር አላቃ አአይፖሪዮም።
+\v 2 ታአድራሚጢስ ተረሳነታ ብእስያ ገኘ ባር ሞሬ አኖዉታ መርከብ ኢትሸኮኮዳ ኤኤዲ ቢያርታ መርከብ ተሳፈርነታ ኧቫር ፎር መያ ቀነስነ ፤በተሰሎንቄ ኢረቭር ኧረፐረ ኧሜቅዶኒያ ገኘ አርስጥሮኮስ ዩሪዳ ምስ ቲናቭ እማቲ ባንደ።
+
+\v 3 በዉርኤተኘቭ ቀረ ሲዶና ሰንአነ ፤ዩሊዮስቭ ኧጳዉሎስ ወሄ ኢዎኦርኲ አሸታ ፤«ኧራማጂያሄ ሆርታ ያትኬሽኸዳ አአር ተኧቨር » ባረን።።
+\v 4 ተህሜ ተረሳነታ በቫር ፎር ወርነ፤ቲኢፍት ኢፍትንራይ ንፋስ አትቻይከንሬ ኧኸሬ ተቆጵሮስ ገኘ ብእሃ ግት ታንዳ አፈር ተጥራር ጥራር ወርነ።
+\v 5 በኪልቂያዪ በጵንፍልያቭ ሞረሞሬ አንዳ ባር ወይአነ ተዋአነ ቀጥወ በሉቅያ ገኘ አንዳ ሙራ ዩሪዳ ኤኤዲ ሰንአነ ።
+\v 6 ተህም ቀጥወ ኧቨኧር አላቃሁዳ ፤ጣሌያን ገኘ ያርካ እእስክንድርያ ገኘ መርከብ ነከቨታ በሁዳ አትሳፈረንረ።
+
+\v 7 ኖኦራ ቀረ ተሂንራ ትናርነ ፤ቀኒዶስ ዩሪዳ ኤኤዲ በቩድንራ ሰንአነ፤ንፋስቭ ሁዳ ኢኢፍትኒየ ኧኝኧተነ ናርኔ ቢኸርአንረ ፤ተሰልሙና ሚዬ ኤፐነታ በቀርጤስ ጥራር ጥራር ወርነ፤
+\v 8 ሞረ ሞረ ትናርነ ኧላሲያከተማ ምዬ አንዳ <ወሄ ወደብ>ዩሪዳ ኤኤዲ በቩድንራ ሰንአነ ፤
+
+\v 9 ኖኦራቭ ግዚየ አነኧታ ኧጦሙ ግይየ አለፌ ኧኸሬ ፤በመርከብ ኦሆርት ቡሼኧኸ ያትፈኝካ አአር ኧረፐሬ ኧኸሬ፤ጳዉሎስ ፤
+\v 10 «አሁዋ ሰቮ ዋ ናርኔዳ መያንራ ቡሼእ አአር ኧኸረ ፤በመርከብ ሁዳዪ በጫሪም ጨረትሞኋ እመኸቭ ቢናቭ ዳር ታይተርፍ ኑኡ አደጋ ኢሰርአቨንረኸ ኢትረከቬ»ባረታ አትጬፐኖም።
+\v 11 ኧቨኧር አላቃ ሁዳ ጭን ጳዉሎስ ቲቨህርኩዳ ምክር ኢረእ መርከብ ኢመራካ ምስመዪ ኧመርከብ ሁዳይ አቦ፤ ዩሪዳ ሁዳ ኢረእ ኢሰቭአ ባንደ።
+
+\v 12 ኧዘር በኘ በሃይ ኢዎኦዋይ አይትመቺ ኧረፐሬ ኧኸሬ፤ኖኦራሁኖዋ ፍንቄ ዩሪዳ መረከብ ኢትሸኮኮዳ ኤኤዲ ስይኧተዉዋታ በሃአይ ኢኸሩዉዋይ ተስፋ ኤፐነታ መያንራ ናርነኸ ዉሳኔ አዎኦዪ፤መርከብቭ ኢትሸኮኮዳ ኤኤዲ ሁዳ በቀርጤስ በጉራ አጋድ ተራአኘኒየ ኢፍት ቲኢፍት ባንደ።
+\v 13 ቀሪ ኧጉራ ንፋስ ቢረፍስ ኧሂንሁኖዋኸ ኧኸረኖዋ አአር መሰረኖምታ፤መሐልቅዩሪዳ ምርከብ ንፋስ አይረሳኮኸ ኢጠጥካ ግቭርሁኖዋ ነሾሙታ ኧቀርጤስ ሞረሞረ ዎርሙ፤
+
+\v 14 ዘንጋኋ ጭን ኖኦራቭ አአር ታዪኢክስ አራአኘኒየ እምቡርቢት ትእሃ ግት ታንዳ አፈሪ ተረሳታ አገዳኒየ ማአዎም ።
+\v 15 መርከብቭ ሁዳ ኡምቡርቢት ኧጠበጠኒ ኧኸሬ ኧርፋስ ሁዳይ ኧኝኧተታ ያሪ አኸረነዳ ህመኸ ኧኸረሜ መያ ሁዳ ገፈርነዪታ ንፋስ ሁዳ ኧወሰደንረ ኤኤዲ ወርነ ።
+\v 16 ቄዳ ዩሪዳ እንሲየ ብእሃ ግት ባአንዳ አፈር ጥራር ጥራር ትናርነ ኧመርከብ ሁዳይ ነብስ ያተርፍካ እንሲየ መርከብ በሮኦራ ክቻ አተነፍነዪ፤
+
+\v 17 እንስቭ መርከብ ሁዳ ኧፎረኒየ ሻዉሙ ታዎኤ ቀጥወ ኑእ መርከብ ሁዳ አይትቫነረኸ እንእ አጋድኋ በወደረ ጥዎጦዉም አኮጂ ፤ስርቲስ ቲዩሪዳቭ አሸዋ ታኖዳ ፈሰስ ሆይተ በትጣበጠ ቧርሙ፤፤ ኧፈኘውዋይ ኧኸሬ ኧመርከብ ሁዳይ ኦፎር ሸራአዎንጂታ እምኧኸ ናርነኸ ኤፖሙ።
+\v 18 እምቡርቢትቭ ሁዳ ቡሼኧኸ አትድዋኘንሬ ኧኸሬ ፤በቭርጋኋ ጨረትኋ ቲረሾዋ በቫር ፎር ኧቋሽት ቆነሹም ። በሶኦስተኘቭ ቀረ ፤ኧመርከብ ሁዳይ ሸረ አኖዳ ጨረት ያዎችኮዳ ግቭርኋ በገዛ ኣጅሁኖዋ ኖኦርሙ አውዎምም በቫር ፎር ቃሸዊ። ኖኦራቭ ቀረ ኡዋይየቭ ኧህር ሆሆ አናሸኔ ኧኸሬ ፤እምቡርቢትቭ ሁዳ አትድዋኘንሬ ኧኸሬ ንተርፍነዴ ዩሪዳ ተስፋ አንጥነ ።
+
+\v 19 በሶኦስተኘቭ ቀረ ፤ኧመርከብ ሁዳይ ሸረ አኖዳ ጨረት ያዎችኮዳ ግቭርኋ በገዛ ኣጅሁኖዋ ኖኦርሙ አውዎምም በቫር ፎር ቃሸዊ።
+\v 20 ኖኦራቭ ቀረ ኡዋይየቭ ኧህር ሆሆ አናሸኔ ኧኸሬ ፤እምቡርቢትቭ ሁዳ አትድዋኘንሬ ኧኸሬ ንተርፍነዴ ዩሪዳ ተስፋ አንጥነ ።
+
+\v 21 ሰቭ ሁኖዋ ሸረድ ኧኸረ አአር አታአአር ባአፍሁኖዋ ታይቾፉሩዋ ኖኦራ ቀረ ቴኤኬሹዋ ቀጥወ ጳዉሎስ በግትሁኖዋ ተረሳ ተሸከቨታ ዋኸ ባረኖም፤«አሁዋ ሰቮ ኤኤድኩዋ ሁዳ ተሰምአሁኝ ተቀርጤስ ባትረሳሁሚ እመጣካቭ ጥፋት ባሰንአቨሁምቭ ።
+\v 22 ዋአካቭ ቢኸር አትፍረዉዋ! መርከብ ሁዳ ባኸሬ ታሁዋ እማትማሁዋ አትቨኸ አትሆርታ ።
+
+\v 23 ትራኛ አረርኧ ኧሁድቭ አአር ኧኸርሁነዪ ኧሰግድነዳቭ እግዜር ኧኬሸን መላአይካ በቭየኛይ ተሸከቨታ
+\v 24 «ጳዉሎሶ አትፍሬ በቄሳር ኢፍቲ ኧትሰጎዉት አነቨኸ፤ታኸቭ እማቲ ያርታ ሰቪ ነብስ እግዜር አተነፈነኸ » ባረዪ።
+\v 25 ህመኸ ኧኸረሜ አሁዋ ሰቮ፤«አትፍረዉዋ ሁዳ ኧዝሬኬሜኸ ህመኸ ኢኸረኸ ኢያ ብእግዜር አአቭር ።
+\v 26 ቢኸርቭ ጭን በርፋስ ሆይተነ ባአት ብእሃ ግት ባንዳ አፈር ፎር ኧዶኡትንራ አይወኧር ዘንጋን ።»
+
+\v 27 ባአስረ አርቭአተኘ ምሳአረ ባአድሪያ ባር ፎር እሜዪህሜ ትንድዋኝነዳ ግት ምሳአረ ኢኸርካ ግዚየ ኧመርከብ ሁኖዋይ አቦ አፈር አኖዳ ኤኤዲ ሞኦሙ ኧሰንኦዋ አአር መሰረኖምታ ፤
+\v 28 ኧገዳኒየ ኢሶፉርኮዳ ወደረ ኧገዳኒይየ ቋሾዉምታ ቢያዢ እእሃ ሁዳ ኧገዳኒየኋ ሱዉራ ህንኧ አአህር ኸረ ተቀሪም ግዚየ ቀጥወ ሃአዉም ቢቋሹዋ ገዳኒየኋ ስልሳ ህንኧ አአህር ኸረ።
+\v 29 ሆይተነ ተቆዛ ንጃከቭነዴ ባርነ ኧፈኘኔ ኧኸሬ አርቭአቸ ኧመርከብ ንፋስ አይረሳኮኸ ያአግዝካ መልሕቅ ዩሪዳ ሁዳ ተመርከብ ሁዳ ኢኢ አጋድ ቃሸዊ እማት ጋእ ተቫረንረ ቧርሙ ኢሶኦሩዋ ባንደ ።
+
+\v 30 ኧመርከብሁኖዋይ አቦ ተመርከብ ሁዳ ኢፍቲ ኧመርከብ ሁዳ ንፋስ አይረሳኮኸ ያአግዝካ መህልቅ ዩሪዳሁዳ ያዎችታ አአረ ኤፖሙታእንሲየ መርከብሁዳ አዎንጁም ታ ተመርከብ ሁዳ ወኤተዉዋ ኢሶሁዋይ ያትዋቁሩባንደ፤፤
+\v 31 ጳዉሎስቭ ኧቨኧር አላቃዪኧወታደርቭ ሁኖዋ «ዋ ሰቭ በዋ መርከብ ባኔኤከሹዋአሁምቭ አተርፉዋታ»ባረኖም።
+\v 32 ሃአ ግዚየ ወታደር ሁኖዋ እእንሲየ መርከብ ሁዳይ ወደረ እንጩም ጎፎሪታ ብእሃ ፎር አዣሪተ ኢዎኧረኸ ኤፖሙ ቸኧዊ።
+
+\v 33 እማት ጋእ ይቭሪ ቲያዥካ ጳዉሎስ እንእቨሁኖዋ ሸረድ ኢዎርኦዋኸ ዋኸ ባረ ሳአረኖም፤«አስረዪ አርቭአት ቀረ እንእ አታአር ታትቾፉርሙ ሂናሁዋ በጥረጠረመኸ ስረፐትሁም፤
+\v 34 ህመኸ ኧኸረሜ ያቁሟሙርሁዋኸ ዋአካ ሸረድ ትቸፉሩዋይ ኧሰኧርሁዋ ታሁዋ ግት አአታሁዋይ ጉንኧርኋ ዳር ኢትረከድወዳ ኤንዳ ።»
+\v 35 ህመኸቭ ተቫረ ቀጥወ ሸረድ ነሳታ ብእንቨኋ ኢፍቲ ነሳታ እእግዜር ሽኩርት አቴኤነቨ ፤ፈነቨቭ ኧዉርኧት ቀነሰ ።
+
+\v 36 እንቨሁኖዋ ተቁሟሞርሙታ ገግመሁኖዋ ሸረድ ነሾሙ ቦንኦሙ።
+\v 37 በመርከብቭ ሁዳ ፎር ፤ኧረፖውዋ ሰቭ አአንዳአአርሁኖዋ ዉርኤት በኧር ስቭአዪ ስድስት ሰቭ ባኖዉተ ።
+\v 38 ቦንኦምቭ ቶኦፎዉዋ ቀጥወ ስኔኧሁዳ በቫር ፎር ኤረኮዊታ ኧመርከብ ሁዳይ ጨረት ቆነሽነ ።
+
+\v 39 ጋእ ቲቭካቭ ኧደረእ አፈሪ ኧቴኤነዉዋኸ አኋሩዋ ባንደ፤ዘንጋኋ ጭን ሞረሞረኋ አሻዋ እኖዳ ኧቫር ሞሬ አሸዉምታ በኸረኖዋ መርከብ ሁዳ ጊፈቶዉዋታ ሃአይ ኢዎስጂ አንጭኰ።
+\v 40 ተህም ቀጥወ መልሕቅ ዩሪዳ መርከብ ያአጉጅኮዳ ኑእየ ብረድ አንጩም በቫር ፎር ቃሸዊታ ቸኧዉምታ ዎርሙ። ህም ግዚየ ኢሞሮኮዳቭ መቅዘፊያዩሪዳ እሃ ኢደርጉኮዳ ኤኧ ያአጉጅኮዳ ወደረ ፎቾሙ ፤ኢኢፍትሜ ሸራ ኧርስስ ከፍ ኤፖዉነታኧቫር ሞሬ ኤፖሙ ዎርሙ።
+\v 41 ዘንጋኋ ጭን መርከብ ሁዳ ኧገዳኒነ ታአሻዋ ተጃከቨታ አፈር ነከደ ፤ኢኢፍትሜ አጋድ ክፍልኋ ባአሻዋ ከስ ገፓ ተጥረቀቨታ እንቅረቅርካ ባረ።ኢኢእሜ አጋድ ክፍልኋ እምቡርቢት ቡሼኧኸ ኧደነገኒ ኧኸሬ ኧስዎዎርት ቀነሰን ።
+
+\v 42 ወታደርቭ ሁኖዋ ታአኮጂዮዋ እስረኘ እማትሞሁኖዋ ዌኤተዉዋ ያሩዋይ ባትዋቆሩዋ ዮኦትሪዮይ ተስምአምኦሙ ።
+\v 43 ኧቨኧር አላቃ ሁዳ ጭን ጳዉሎስ ኢተርፊ ኧሴኤ ኧኸሬ አሶᎅ ሁዳ ዪንኦዋይ ኸንአኖምታ፤ዳራይገ ኢደርጉታ ሁኖዋ በዳራይገ ቲዞጉሩዋ ብደይተዉዋ ተቫር ሁዳ አአፈሪ ኧኝኧተዉዋ ኢዎኦዋኸ ፤
+\v 44 ኧተኖፉም ሁኖዋ በበሳንቃሁኖዋ ዌ በመርከብ ሁዳይ በስፓፐረ ግቭር አጠርጢተዉዋ ኢዎኦዋኸ ኤዘዘ ።በዋ መያ እንእቨሁኖዋ በወገሬት አአፈሪ ሰንኦሙ።
+
+\c 28
+\p
+\v 1 በወገሬትቭ አአፈሪ ተሰንአነ ቀጥወ ኧገፓኔኰ ደሴት ሹዉኋ መላጥያ ቧርሙ ኢሆሬኸ ሃርነ ።
+\v 2 በህም ደሴት ኢረዉርታ ሰቭ አቸ ወሄ አአር ቴኤፖርንረ ።አፈርቭ ዲየቭቪ ዉርቀቭ ኧረፐሬ ኧኸሬ እንእቨንራ እሳድ ᎂከርሙ ቴኤፖርንረ፤
+
+\v 3 ጳዉሎስቭ ቦረጣ ቁጥቁጥ ኤፐ ብእሳድ ቲኸርአካ አፈር ሞእነድ ኧረፐሬ ኧኸሬ ኧሳአር ጭረ ዋአ በኧጅኋ ተጥቫጠወወ ።
+\v 4 በህም ደሴት ኢረዉርታ ሰቭ ጭረ በኧጅኋ በጥቫጠወወ ኤኤዲ ቢያዡዋ ፤«ዋ ምስ ኧዉረ ደቨኘን ፤ተቫር አደጋ ዳር ቢዋአ ቂጥየ ፍርድ ኢሂርካ እግዜር፤ባአያ ኢረቭሪ አፈቀደነዳ »ተቬርሙ።
+
+\v 5 ጳዉሎስ ጭን ኧጭረ ሁዳ ብእሳድ ጥቨጠቨንኸንአን፤ አታአርቭ አጎዳንዳ።
+\v 6 ሰቭ ሁኖዋ ኧጳዉሎስ ተሃ ሃአጋ ምሲየኋ ኢረፋኩዴ ፤ዌ ህም ተህም ዉዴእተ ኢዎንድኬ»ቧርሙ ባንደ፤ዘንጋኋ ጭን ኖኦራይ ስን እራዉምታ አታአር ኢሰርአወዳ አአር ቢዎሁሩዋ ፤ሃአዉም አሳብሁኖዋ ሸጎርሙታ «እሸዳ መላአይካን »ቧርሙ።
+
+\v 7 በህም ኤኤዲ በቭየኋይ ኧደሴት ሁዳይ ዳኘ ኧፑፕልዩሲ ደረድ ኧኸረ አአር አፈር ባንደ ፤ሁድቭ በቪድኋ ሶኦስት ቀረ ስን አታአር ታያጀግረንረ በወሄአአር ቴኤፐረ አቫይዘረንረ ።
+\v 8 ኧፑፕልዩስሜ አባ ምሲየኋ ሜከረባ ፤እመኸቭ ከስቭ ያዎራኩ ባንደ።ጳዉሎስቭ ያዥኲ ገፓታ ጠሎት ቴፐነ ቀጥወ ኧጅኋ አተገወታ አፊያ ኤፐን።
+\v 9 ህመኸቭ በኸረ ቀጥወ በሃአ ደሴት ኧረፖሩዋ ኤኛቭ ኤኤመኖዋ ሰቭ ሞኦሙ አፊያ ሆርሙ።
+\v 10 ኢናቭ በሮኦራ አአር አኮቦርንረ፤ናርነሜ ቁጥቁጥ ትንብርነዳ ኖኦራ አአር በመርከብ ፎር ጫርንረ።
+
+\v 11 ተሶኦስት በኘ ቀጥወ ዘርሞኋ እንእ በደሴትሁዳ ቤኤከሰ ባአት እእስክንድርያ መርከብ ተሳፈርነ መያ ቀነስነ ። እም መርከብ በፎርኋ ዲዮስቆሮስ ዩሪዳ ኧለምቺየ ቅርኘ መሰሮ ባኖደ ።
+\v 12 ሱራኩስ ዩሪዳ ከተማ ገፓነታ በሃይ ሶኦስት ቀረ ቸናነ ።
+
+\v 13 ተህም ቀጥወ በመርከብ ሬጉዩም ዩሪዳ ኤኤዲ ሰንአነ ፤በቭረጋሞኋ ኧጉራ ንፋስ ኧትረሳይ ኧኸሬ ፤ፑፒ ዮዮሉስቭ ኧሰንአነ ሁዳ በሳስተኘኋ ባንደ ።
+\v 14 በህሜ በክርስቶስ አአሞሩዋ ኧሰማት ነከቭነ ፤ሁኖም በሃይ ኧሳቭአት ቀረ ተሁኖዋ ንቸናኔ ሳአርንረ ።ተህም ቀጥወ እሮማ ገኘ ወርነ ።
+\v 15 በህሜ አኖዉታ በክርስቶስ አአሞሩዋ ኧሰማት ሃአይ ኧቫአነኸ ኧሰምኦዋይ ኧኸሬ ፤ኢቴኤፖርንሬ አፍዩስ ፋሩስ ፥እመኸቭ «ሶኦስት ኢሩኡኮዳ ኤኤዲ»ዩዉሪዳ ኤኤዲ ስንዎኦሙ።ጳዉሎስቭ ቢያዥኮዋ እእግዜር ሽኩርት አቴኤነቭ ተቁሟሞረቭ።
+
+\v 16 እሮማ ከተማቭ በሰንአነጋ ጳዉሎስ ቲዪእየኩ ተረፐረ ወታደር እማቲ ኦጣሞኋ በሃይ ዪኢክሲ ፎቆጅነ ።
+\v 17 ተሶኦስት ቀረ ቀጥወ ጳዉሎስ እአይሁድ መሪ እንእ አአንዳአርሁኖዋ እማቲ ኸናኖምታ ቁጥቁጥ በዋሩዋጋ ፤ዋኸ ባረኖም፤«ኧሰማቶ ኢያ ሰቭንራ ዌ አአቦንራይ ቂጫ ኢትጋፋካ አአር አታአር ታኒንአ ፤ብእየሩሳሌም አኮጁም ፤እእሮማ ሰቭ አዎኦሙ አአይፖርኝ ።
+\v 18 ሁኖም ሙረሞርኝታ ኧዉንድ ያሰርአካ ኢፋድ አነኮኮኚ ኧኸሬ ኢፎጆኚ ሴኤዉም ባንደ ፤
+
+\v 19 ዘንጋኋጭን አይሁድ አይኸርካ በዋሩዋጋ ኧግርድመኛ ቄሳር ኧፍርዴ ባሁ ባኸሬ ፤ሰቭኛ ኧከስስዎዳ ኢፋድ ኧረከኊ አሃረዳ ፤
+\v 20 አሁም አሽሁዋመዪ አዝራይክሁዋመይቭ ኧኸናኩዋ ሁዳ በዋ ኧቫአደ፤ብእም ሰንሰነድ ኧታአከድሁ ሁዳ እእስራኤል ሰቭ በቴቨን ተስፋ ኧቫአደ።»
+
+\v 21 ሁኖም ዋኸ ባሪ፤«አኸ አአር ተይሁዳ ገኘ አታአር ባይተዉ ኧጣፉንረ ወረቀት ኧሰንአንረ አአር ኤንዳ፤ተህሜ ኧዎኦዋ ኧሰማት አቴኤነዊም ኧህር ኧዝሬከዊ አትቭ ሙጥጥ አአር ኤንዳ።
+\v 22 ቢኸርቭ ጭን ኖኦራ ሰቭ ኧዋ እምነት አአር ቤኤድ ኤኤዲ ሙጥጥ ዋራይ ዪኢጅኮኸ ኒሂርነ »አኸቭ በዋ ዘንጋ ምር ትቭረኸ ንሰቭአኔ ንሲእነ ።»
+
+\v 23 ጎቸቭ አቶጉነታ ኢረቭሩወዳ ኤኤዲ ሞኦም ፤ሁድቭ ትረርኧቆነሺታ ገፓድ ዳር እእግዜር መንግስት አአር ቲምሰክርኖዋ፤ኧዝክከንቭ ሁዳ ኢፈዳኖዋ ባንደ፤ ኧሙሴ ቂጫዪ ተነቢ ሁኖዋይ መጣፍ ቲረሳኖዋ እኢየሱስ አአር ያቲኢምርኮዋይ አትቫቀረ።
+\v 24 አታትሁኖዋ ሁዳ ይቭኩዳ ሁዳአሞርሙ ቴኤፖርሙ፤ኤኛሁኖዋ ጭን አናአሞርኮዳ ፤
+
+\v 25 ገግ ተገግመሁኖዋ አንስምአምኦታ ፤፤ጳዉሎስቭ ዋኸባረ ኢጀፕሩወዳ ቃር ተዝሬከኖዋ ቀጥወ ዎርሙ፤«መንፈስ ቅዱስ በነቢ ኢሳያስ ኸረታ አአቦንራ ዋኸ ባረታ ጔከረታ ዝሬከኖም ፤
+\v 26 «ኧዋ ሰቪ ሆር፤ እመኸቭ ባኮዋ፤ ኧስዉኦትሽ ትሰዉኦዋ፤ዘንጋኋ ጭን አታጫሙጭታ ፤ ኦዥት ታዡዉ ፤ዘንጋኋ ጭን አትቬስርታ።»
+
+\v 27 ኧዋ ሰቪ ሂን ተፓ፤ እንዝርሞሁኖዋ ድሮኧ፤ ኤርሞሁኖዋ አፎጩም፤ ሁኯኸ ታኸረ ቤኤርሁኖዋ ኧዥተዉዋ ፤ ብእዝርሞሁኖዋ ሲቭኧተዉዋ ፤ በሂንሞሁኖዋ በሲተዉዋ፤ ተዣቨይተዉዋታ አፊያ ኧንአኮዋ ባንደ።»
+
+\v 28 ህመኸ ኧኸረሜ እእግዜሪ ኢተርፉኮዳ ቃር አአረማዊ ሰቪ ኤኬሸዊኸ ቲሂሩዋይ ኧሲእ ።፤ሁኖም እኢሶዉኤ።»
+\v 29 እመዳ በዝሬከ ቀጥወ አይሁድ ገግተገግመሁኖዋ ቲኩራኮሩዋ ዎርሙ።
+
+\v 30 ጳዉሎስቭ ገግኋ በትክራኘን ቢድዉርኤት ዘቨር እንእ ቸና፤ኧሁድሜ ኢዎኦታ ሰቭ እንእ ቲሽርኩ ኢቴኤፐር ባንደ፤
+\v 31 እማትቭ ሰቭ ታይኸርአኩ እእግዜር ንንግትት አአር ቲዪኢድ ኧጌታ ኢየሱስ አአር አታአር ታያዎራወ ኧዉዮሞኋ ያትመር ባንደ ።

46-ROM.usfm

@@ -0,0 +1,665 @@
+\id ROM
+\ide UTF-8
+\h Romans
+\toc1 Romans
+\toc2 Romans
+\toc3 rom
+\mt Romans
+
+\c 1
+\p
+\v 1 ኸ አትሂርታዌ? ኢያ ጳውሎስ ኧክርስቶስ ኢየሱስ ባሬያይ ኧኸሪ ኧትኧናሁ ኧጎይታ ወንጌል ኢኢዲ ሜጠረ ኧናይ፤
+\v 2 እእም ወንጌል በነቢያት አጋድ በቅዱሳን መጣፍ አወተረሞኃ አወናን ቃርን።
+\v 3 ሁድቨ ኧጎይታ ትከ ተቨሰር ተዲት ጥቭ ኧቶኦኝትኋ ይኢድካናአር ፤
+
+\v 4 እመኸ በቅዱስ መንፈስ አትቭ ተውንድ በተሾትኋ ኧጎይታ ትከ ኧኸረመኸ በደረግ ኧትረከቨ ሁዳ ጌታንራ ኢየሱስ ክርስቶስን።
+\v 5 በክርስቶስ ሽው ሰቨ እንእ ያአቭሪ ይታአዘዚ ኤፐታ በሁዳ አጋድ ኧክሽረኝነድ ጠጋ ቴኤፐርሁ።
+\v 6 አሁም ኧክርስቶስ ሰቭ ትኾርዋይ ኧጎይታ ኧትቬጠሁዋ ሰቭንኋዋ ።
+
+\v 7 እም ኧኽረ ጎይታ ኧረመደናሁዋ ኹዳ ሰቨኋ ትኾርዋይ ኤቬጠረናኹዋ ኧእሮሜ ሰቭ እንማኹዋ ፤ ታአቦንራ ተጎይታይ ተጌታንራ ተኢየሱስ ክርስቶስ ጠጋይ ወገሬት አኹዋአር ኧኽር ።
+
+\v 8 አኹም በክርስቶስ አመርኹታ ትረውርዋኸበአለም እንእ ኤትኼሬ ኧኸሬ ትንአር ኢፍቲ በኢየሱስ ክርስቶስ አጋድ እንማኹዋ ኧጌታንራ ሽኩርት ኢኩ ።
+\v 9 እንእ ግዝየ በጠሎትኛ ኧዘግድኹኸ ኧችኋአር ይኢድካ ወንጌል ትኒኢድካ በውረምነኛ አጌክርኩዳ ጎይታኛ ይኺኒ ።
+\v 10 በጠሎትኛ እን ግዝየ አጫምጥኹዋ ዋአካቭ ኧቀጥወ በጎይታ ፍቃድ አኹሜ ኧቫአይ መያ ይከፍቲኒኸ ኧጠልኬ።
+
+\v 11 ኢያ አኹዋይ ሜኤተሁታ ትቬተሁዋ ትሾኮዋኸ ዬቭካ መንፈሳዊአር አሻግትኹዋሜይ አሹሁዋሜ ኧሲእ ።
+\v 12 እመኸ ኧዋርትኛ ኢያ በአታትንራ እምነት ገግ በገግንራ ንትቁሟመነኸ ትንን።
+
+\v 13 ኧሰማትኞ ኧተማትኞ ኢያ በኤኛ አረማዊ ሰቨ ኧኸርኒመኸ በአኹዋም ግት ኖኦራ መንፈሳዊ ቡስር አነዎታ ሰቨ ኧረኽቪይ ኖኦራግዝየ አኹውይ ኧቫአይ ትዥቭ ባነኾ ፤ዋአካ ስን ኧትኸናኹኸ ትኺርዋይ ኧሲ።
+\v 14 ኢያቨ በትሟርዋይ ባትሟርዋ ሰቨ ቢቬስርታይ ባይቬስርዋ ሰቨ ግት ኧክርስቶስ ወጌንጌል አስተምሪ አደራ አነቪ ።
+\v 15 ብእም ኧቫአ በሮም ትረውርታ አኹዋ ኧክርስቶስ ወንጌል ኢኢትኹዋይ ኧዥቭካ ኧዋትነዳ ።
+
+\v 16 ኢያ ኧክርስቶድ ወንጌል በአውትኛ አቅቨጭካ ፤እመዳ አወተራቸ ኧአይኹድ ሰቨ ተኽም ቀጥወ ኧአረማዊ ሰቨ፤ አአሞርዊ ሰቨ እንእ ያተርፍካ ኧጎይታ ደረግን ።
+\v 17 ጻዲቅ በእምነት አያ ይኸር ቧርሙ ኧጣፊመኽ ተጎይታ ይረኹዊዳ ጽድቅ ቲኢፊቲ ቆኖሹም              ኧቀጥወ ስን ኧወርአርኸረኸ ኧጎይታ ቃር ይኢድ
+
+\v 18 ሰቨ በሙጥጥነትኋ ኧውረአር አይኺሪኸ ኤፎምታ ኧጥቦጭዋይ በሬጢርኹነዋ በውሼእነትኹነዋኧቫአ ኧጎይታ ማአት ተሰቫይ ይወትወቴ
+\v 19 ይቀጣኮይ አንዳአር ቢኺሪ አይኺሪአር ገግኋ ያትኼርኮይ ኧኸረዴ ፤ኹኖም ይኺር
+
+\v 20 አይትረከቭ ጎይታ አፈረ ተሳቫይ ተትኽለቀወ ቀነሰ በፈጠረኖአር ኧትኼሬ ኧኸሬ ሰቢያአፋኩዳ ኢፋድ ያሳብብወዳአር ኤነነዳ
+\v 21 ኹኖም ኧጎታ ይሂሪመኸ ባዃሪትኹነዋ ህበጀይ ሽኩት አናቴኤነውነዳ ዘንጋ ጭን አሳብኹኖዋ ዋጋ ቢስ ኸረ ፤አይኼስርዋኸ ሂንሁኖዋ ጠነዃ ኧረ።
+
+\v 22 ኻነ ቢዩሩም ጋዋ ኾርሙ ፤
+\v 23 ኧዘላለም ኧጎይታይ ክብር ቼኦምምታ ይወንዲ ባንዳ ሰቪይ በሳቫይ ቢዎርርታ አፊይ ፤በዋጋይ በአፈር ፎር ቢሻውታ ፉጥር መርክ ሸጎርሙ ።
+
+\v 24 ባቴ ጎይታ በቫጢር በትቬና ኧኺንኹኖዋ ቴሜኛት ገግ ተገግኹኖዋ ኧገግኽኖይ ሚሲየ ያሰኒኽዋኸ ኧውጥጥ ቴሜኛትኹኖዋ አዋኣ አአይፔረኖም ።
+\v 25 ኧጎይታይ ኧውረኹዳ በኻሰታአር ሽጋጎርሙ ፤በፈጠረ ኹዳ ሟሪ ኧትፈጠራአር ይሰጉጅዋሜ ኧትጎዦታነዋአር ፤ ኹኖዋ ጭን ኧትከበረዳናአር አሚን።
+
+\v 26 እም ሰቨ ኧቬናኹኖኸ ቢያትቅቨጭካ ተሜኛትኹኖዋ ይትጎዦዋኸ ኧጎይታ ያትቅቨጭካአር ዬዋኸ አዋአ አአይፔረኖም ።
+\v 27 እመኸቨ ገማኽናም ቲኢስቻኹኖዋ ታይኸ ኹኖም ተኹኖም በተመኛት ዣሾም ፤ገማ ተገማ ውጅር ተዳሞጁምታ ያቅቭጭካአር ኤፖም ፤ ኧውረ ኧኸረ ሜያ ኧጎፎርዋይ በገግኹኖዋ ፎር ቅጣት አዎኦም ።
+
+\v 28 ሰቨ ጎይተ ይኺርዋ አንሴኤዋይ ኧኸሬ ያቅቨጭካአር ዬዋኸ ጎይታ ኧውጥጥ ቴሜኛት አዋአ አአይፕረኖም ።
+
+\v 29 ብእም ኧቫኣ ሁኖም በቫጢር፤ በበደል በውጥጥነድ፤ በውጥጥተመኛት፤ በተንኮል በምቀኝነድ፤ ኧሰቨ ደቨ በኋት፤ በመራክስቭ ባታሉልት፤ ደባ እንዳም ሜናዎም ፤እመኸ ኦዋደኝ ኾርሙ፤
+\v 30 ኧሰቭ ያኦዎታ፤ ይረምድኮታ ጎይታ ይጠሮታበቂናወ ያትዋርጅዋታ፤ ትኢቢተኛ ኸጣ፤ ሙጥጣአር ዬውኮዳ፤ብላት ይሲኢዋ፤ አአቨይ አአዶድኹኖዋ አይቴኤዘዥታኖዋአር።
+\v 31 በኺንኹኖዋ አይቬስርዋ በዝሬከዊአር አይሸኮዋ፤ንማጀ ኤነኖዋ ቱኧ ሰቭኖዋ ።
+
+\v 32 « ዋኧ ዬውታ ሰቨ እንእ ኧዊይት አነቨዎዋ » ይካ ኧጎይታ ፍርድ ቲኺርዋ ዋዳ እንዳም ዬዋ፤ ኹኖም ዋዘንጋ እመኸ ዬውታ ሰቨ ስን ያትፋድጉዮዋ ።
+
+\c 2
+\p
+\v 1 ባቴ በኤኛ ሰቨ ትፈርድካ አኸ ፤ ታሳብብወዳአር ኤኔነኸዳ በኤኛ ሰቨ ፎር ብትፈርድወዳ ዘንጋ እንእ ፤ ገጋኸ ትወቅስ ፈራጅ ኧኸርኸ እመኸ ቴቭ ።
+\v 2 እመኧ ቢዬውታቭ ሰቨ ፎኦር ኧጎይታ ፍርድ ቂጢየ ኧዀረኸ ኒኺነ ።
+
+\v 3 እም ሙጥጥ ሜና ቤፖዋ ሰቨ ትፈርድካ አኸ ኧኹኖመኸ ብታአፋ ተጎይታ ፍርድ ትተርፍካአ ይቬስርኸዌ?
+\v 4 ወይ ኧጎይታ ወኼነድ ተቫጢራኸ ተዣቨር ኧቫረናኸ አኻርኸዳዌ? ኧጎይታ ወኼነድኋ አትቫጠጠ ኧፈነኸወ ኑእነድኋ ትቀርጥዌ?
+
+\v 5 አኧ ንሳኻ ባንጉኦታኸ ቱኧ ኺን በጡታኸ ኧጎይታ ማአት ቂጢየ ፍርድቨ ቢቫአወዳ ቀረ ቅጣታኸ ይደቭስቨኸ ቴቭ ።
+\v 6 ኹዳቭ አታትአታትሞኋ ኧቬናሞኋኸ ይኩዴ ።
+\v 7 በወኼ ሜና ተቅሟሞርሙ በሶጎውት ሽኩሪቲ ክብርቭ ኧዘላለም አያ ኺተዋ ይረውርዋይ ይሱታ ኹኖዋ እንእ ጎይታቨ ኧዘላለም አያ ኺተዋ ይረውርዋኸ ዬቭኮዋ ።
+
+\v 8 ዘንጋ ጭን ገግኹኖዋ ይሮምታ ሰቨ ኧውረአር ቼኦምታ ቡሼአር ቢትኼተርታ ሰቨ ኧጎያታ ፍድቪ መአት ይሰራዎቴ ።
+\v 9 ሙጥጣአር ቢዬውታ በቫኒም ሰቨ ፤አወተረ በአይኹድ ተኽም ቀጥወ በአዛብ ፎር መከራይ ጭንቀት ይሰራዎቴ ።
+
+\v 10 ዘንጋ ጭን ወኼ ሜና ዬውታ ኧቫኒሞኋ ቢኸር አአወተረኋ ኧአይኹድ ተኽም ኧአዛብ ክብርይ ሽኩርት ወገሬትቨ ይኸነ ፤
+\v 11 ጎይታ ኧሰቨ ኢፍት ኤሽተ አአትሞኋ አያትቃካ ።
+\v 12 ኧጎይታ ቂጫ ታይረቭርኮዋ ባጢር ዬውታ ሰቨ እንእ ቂጫ አይቫር የኦይዋ ፤ቂጫ ታነኖም ባጢር ዬውታ ኹኖዋ በቂጫ ይትፈንድዎዋ ።
+
+\v 13 በጎይታ ኢፊቲ ኤቬጠርዋኹኖዋ ቂጫኹዳ ሰሞምታ ይቴኤዘዥታ ሁቶኖዋ ባኻሬ ቂጫ ሁዳ ሰሞምታ በቬና አያዎኦርዋ ሁኖዋ አሆርታ ።
+\v 14 አረማዊ ሰቨ ጎይታ በሙሴ አጋድ አቨኖዋ ቂጫ ቢረቭርኮም በኺንኹኖዋ በቂጫ ኹዳ ቴኤዘዙምታ ዬዋ በኸረ ገግኹንዋ ኧቂጫ ሰቭኖዋ ።
+
+\v 15-16 ቂጫ ይኢዝዝካአር እንእ በኺንኹኖዋ አነኸ ያቲሽ ፤ኺንሞኹኖዋ ይቀርጥኮዋ ፤ኺንኹኖዋ አታት ግዚየ ያቁሟሙርኮዋ ። እም ይኸሪ አንዳ ኢያ ብኒኢድኩዳ ወንጌል አጋድ ጎይታ በሰቨ ኺን ኧደኧራአር እንእ በክርስቶስ አጋድ ቢትፈንድወዳ ወቅት እንአር ሰቻይ ይኸርኬ ።
+
+\v 17 አኸ ጭን «አይኹድንኹ»ብትር ጎይታ ባቨን በሙሴ ቂጫ ታአመርካ ተጎይታ ታነነኸዳ ኢናውነድ ትትጋጌዝካ ፤
+\v 18 ኧጎይታአር ኻርኹ ፤ቂጫሞኋ ተማርኹ ፈተርኹ ይፈዝካ ሁዳ ቤሰርኹ ስአሸኹን ትር ።
+\v 19 ኧፎጭዋ ሁኖዋ መያ አቲሽ ፤በጠነቫ አነውታ ሁኖዋ ኡዋየንኹ ።
+\v 20 አንትሟርዋ ሁኖዋ ይሂርዋኸ ኤቭ ኧካሃን ዴንጋ ኤትሟሪ ቂጫ እንእ ኧኺሪወዳአር አነኒ »ትሪ ።
+
+\v 21 ባቴ አኧ ኤኛ ሰቭ ብታስተምርካ ኹዳ አትማርካውዌ? አስርእ ባኸታ ትቲኢድ ገግማኸ ትሰርእዌ?
+\v 22 ተረከዅይ ሰቨ ውጅር አድሙጅዋ ትትር አኸ ጭን ውጅር ትደምድ ፤ ቅርኝኹነዋ ያጤኖኮ በቤተመቅደስ አነዳአር ጭን ትትራታ ።
+
+\v 23 አኸ ቂጫ እንእ ኤኺር ትትሪ ኧጎታ ቂጫ ትቲኢየቨ ኧጎይታ ትቀርጥ ።
+\v 24 « ባሁሚ በአይኹድ ሰበ ኧቫአ ኧጎይታ ሹው በአረማዊ ግት ይትቀንቨ » ቧርም ኧጣፊመኸ ኧረ ።
+
+\v 25 ዘገር ባጉኦት ያወድካ አንዳ ቂጫ ትቲኢዮዋ ፤ቂጫ ባኖኦዮታኹ ጭን ዘገር ታጎፔ ታናጎፔ ቂጢየን ።
+\v 26 ሰቨ ዘገር ታያጎኦኤ ቂጫ እንእ ቢይኢየ ኹዳቨ ዘገር ባያጎኤ ታጎፔ ቂጢየ አይትቬዘርካዌ?
+\v 27 አኸ ኧቂጫ መጣፍ ታነነኸ ዘገር ባጎበከሜ ቂጫ ጭን አኒኢየኸዳ ፤ስርም ዘገር አናጎፖኬ ቂጫ እንእ ይኢድካ ሰቨ ባኸ ይፈርድኬ ።
+
+\v 28 ባቴ ኧአይኹድ ሹው አነንዳ እንእ ኧአይኹድ ሰቨ አኸረዳ ፤ እመኸ ኧውረ ዘገር አጉኦት ኧቭሲየ ኦጭት አኸረዳ ።
+\v 29 ኧውረቨ አይኹድ ኧኸረ ሰቨ ተከሲየሞኋ አይኹድ በኸረን ፤ዘገር አጉኦት በመንፈስ ቅዱስ ኧኺን ዘጎር ኦጉዎትን ባኻሬ በቂጫ መጣፍ በጣፊይ ኧቭሲየ ኦጭት አኸረዳ ፤ ኧዋኸ ሰቨ ሽኩርት ይቴኤፐርካ ትጎይታን ባንኸሬ ተሰቨ አኸረዳ ።
+
+\c 3
+\p
+\v 1 ባቴ አይኹድ ሰቨ ኧኹት ጥቅምኋ ምራፈድን? ዘገር አጉኦት ምርየናኒሴ?
+\v 2 ኧውረ አይኹድ ኧኹንት ኖኦራ ጥቅም ይንበርወሴይ ፤ ዋና ቡር ዘንጋኋ ጎይታ ቃርኋ አአይኹድ ሰቨ አደራ አውትነኋ ።
+
+\v 3 ባቴ ተአይኹድ ሰቨ አታትሁነዋ በጎይታ አንታአሞርትሁኖዋ ኧጎይታ ሙርቴነድኋ ያአይወሴይ?
+\v 4 ስርም አያአይወዳ! «በቃራኸ ኧቫአ ሙርቴ ትኸር በላጋራኸ በዘንጋ ተኧምኩሴ » ቧርሙ ኧጣፊይመኸ ሰቨ እንእ ዋራይወኝ ቢኸር ጎይታ ኧታአመረዳናአር ።
+
+\v 5 ኢናይ ባጢር ኧጎይታ ፅድቅ ጌከረ ያቲሽ በኸረ ፤ ባቴ ምር ንቫርነሴ? ጎይታ ኧቫጢንራ ሟሪ ቢቀጣንረ ቂጢይየ አፈርድካ ይዋሪሴይ? እመኸ ኧዋርትኛሰቨ ይርምነኸ።
+\v 6 ቢኸርቨ ጎይታ በቂጢይ ኢፈርድካ አንካ ፤ዋኸ ቢኸር ጎይታ በዋአለም ሰቨ ኧተኸ ይፈርድ ባንደ?
+
+\v 7 ቢኸር ኢያይ ሐሰተኛ ኧሁት ኧጎይታ ኧውረአር ባቶሽት ኧክብርኋ ድባሸ ያቲሺ በኸረ አካ ኧቫጢረተኝኸ ባረ ቢያ ይፈርድቪዳ ኧቨራፈድን? በዋርት ይክራከርካ ይኸነዳ ሰቨ ይበርሴ ይኽሴይ።
+\v 8 አታት ሰቨ «ወኼነድ ንረኽቨኔ ሙጥጣር ነናነ »ባኹም አይዎንረኸ ኤፖምታ ይኮሽስንረ ፤ባቴ በኹኖዋ ቂጢየ ፍርድ ይትፈንድዎቴ ።
+
+\v 9 ባቴ ምር ንቫነ? ኢና ተአይኹዳ ሰቨ ተአረማዊቭ ሰቨ ንረእነ ኧዋርትኒ? አኸረዳ ፤ ኧይኹድ ሰቨ ሆርሙ አረማዊ ሰቨ እንእ ባጥረተኝ ኧኸርዋመኸ ቤተርኹ ኤኤትኩም ።
+\v 10 ዋኸ ቧርሙ ኧጣፊመኸ ፤ « እማት ስን ጻዲቅ ሰቨ ኤንዳ፤
+
+\v 11 ይቬስርካአር ኤንዳ፤ ጎይታ ይሲካአር እማት ኤንዳ ፤
+\v 12 እንሞኋ ኧጎይታ ሜያ ገፈረታ ፤ዛፐተ ወኼ ሜና ዬቨካአር እማት ስን ኤንዳ
+
+\v 13 ኧሰቨ ይጎጆዋ ሙጥጣአአር ይዝሬኮዳ አፊሁኖዋ ኧወገማኸ ኧትከፈደዳናአር በአነድኹኖዋ ይቂማሙርዋ ፤ ይዝሮኪዳ ዘንጋ እንእ ኧሳአር ጭሬ መርዝነኸአር ፤
+\v 14 አፉኹኖዋ ሙጥጥ ቂናወ ሜናወ ፤
+
+\v 15 ኧግርሁኖዋ ኧሰቨ ደቨ ይኹኢ ይትራወካናአር ፤
+\v 16 በመያመኹኖዋ ኢፋዲ መከራምን ።
+\v 17 ኧወገሬት መያ አይኺርታኖአር ፤
+\v 18 ኺንኹኖዋ ጎይታ ኦፉረይት ኤኖዳናአር
+
+\v 19 ኧቂጭ እዝዝ ያቲሽካ አንዳ በቂጭኹዳ ከስ አነውታ ሁኖዋ ኧሆርዋኸ ንኺነ ፤በዋ ኧቫአ ሰቨ ያሳብብወዳአር በኮርምታ አፊኹኖዋ ይጠጭዋ ፤ ኧአለም ሰቨ እንእ በጎይታ ፍርድ ከስ ይኾርቴ ።
+\v 20 ብእም ኧቫአ ኧቂጫ ሜና በኦዮት ማኒም ሰቨ በጎይታ ኢፊቲ ጻዲቅ ዪሪ አይኸርካ ፤እም ኧጎይት ቂጫ ያትሽካ አንዳ ሰቨ እንእ ባጢረተኝ ኧኸረደነኸ ።
+
+\v 21 ዋአካ ጭን ጎይታ ሰቨ ያጸድቅወዳ መያ ኤኛአር ኧኸረኸ ኻነ ፤በሙሴ ቂጭቨ በነቢያት ተምስከረ ።
+\v 22 እም ኧጎይታ ጽድቅ ኧኸረ ኢየሱስ ክርስቶስ በኧዎርትን ይረኹዊዳ ጽድቅን ።
+
+\v 23 እመኸ ኧኸረ ሰቨ እንእ ባጢር ኤፔ ጎይታ አቨን ክብር በኮርሙ ።
+\v 24 ቢኧርቭ እመኸ ዋጋ አይቫር ብጎይታ ጠጋ ተቫጢርኹኖዋ ይቬጥርዋይ ኢየሱስ ክርስቶስ ቴቄጠኖም ።
+
+\v 25 ጎይታቨ ኢሱስ ክርስቶ ኽትቨ ኤፐታ አቴኤነቨን ፤በኹዳ ያአቭርካ እንእ በኹዳይ ሙድ ባጢርኹኖዋ አፍ ዩሪዮኸ ፤ጎይታ ዋድእንዳም ኤፕ ፤በፈራኺነድኋ ኧድረ ባጢር አነመ ታይቬዝር ኧጽድቅ መያ ባቶሽትን ።
+\v 26 በዋ ዘቨር ጎይታ ገግሞኋ ፃዲቅ ኧኹንትኋ ያቲሺ አንዳ በኢየሱስ ያአውርታኹኑ እንእ ያጸድቀኸ ያቲሽኔን ።
+
+\v 27 ባቴ ንሻመኽኔኮድአር ስ ምር አነ? በአታአር ፤አንሻመኽነዳ ፤ አንሻመኽኔኮ አንዳ ኧቭራፈድን? ቂጫ ንኢየኔ ኧኸረደኔዌ? አኸረዳ ክርስቶስ በኦዎርትንራን ።
+\v 28 ሰቨ በቂጫ ሜና ታይኸር ክርስቶስ በኧዎርት ኧኸረኸ ኒኺነ ።
+
+\v 29 ጎይታ እማት ኧአይሁድ ጎይታንዌ? ኧአረማዊ ሰቨ ጎይታ አኸረዳዌ? ኧውረ ኧአረማዌ ጎይታን ፤
+\v 30 ጎይታ ኧአይኹድ ኸረ ኧአረማዊ ቢኸር ክርስቶስ በኧዎርትኹኖዋ ያጸድኮይ አንዳ እማት ኹዳን ።
+
+\v 31 ባቴ ክርስቶስ በኦዎርትንራ ኧቫአ ቂጫ ንሸርነደይ? አኸረዳ ፤አቸቨ ቂጫ ሁዳ አትቬኤተነታ ንጠጥኔዴ ።
+
+\c 4
+\p
+\v 1 አብራኻም በጎይታ አመረ 1. ባቴ ኧድረ ኧቨሰር አቦንራ ኧኸረ አብራኻም በዋ ዓለም ምር ነከቨ ንነ?
+\v 2 አብራኻም በሜና ኧፀደቃኣር ቢኸር ፤ይሻመኽወዳአር ይበርኩ ባደ ፤ዘንጋ ጭን ቢኸርቨ በጎይታ ኢፊቲ ይሻመኽወይ አይኸነዳ ።
+\v 3 መጣፍ ምር ይቭር? « አብራኻም በጎይታ አመረ ፤እምነትሞኋ ጽድቅ ኸረነታ ተቬዘረነ » ቧርም ፃፊይ ።
+
+\v 4 ሜና ኤፐ ሰቨ ጭን ኤፐወ ከስ ይኮሽነ ባኻሬ እመኸ አይዊዳ
+\v 5 ሰቨ ወኼ ሜና ባይረቭርኩ ቢኸር ባጥረተኝ ብያጸድካ ጎይታ በአመረን እምነትኋ ጽድቅ ኸረ ይትቬዘነ ።
+
+\v 6 ዳዊትቨ ጎይታ ወኼ ሜና አይቫር ያጸድኩዳ ሰቨ ኧተኸ ኧዳረዳናኣር ቲይር ዋኸ ባረ ።
+\v 7 «ኢፋቱኹኖዋ አፍ ኧዋሪዮዋ ባጢርኹኖዋ ኤቼኤውኖዋ ሰቨ ጎይታ ኧዳረኖታናአር ።
+\v 8 ጎይታ ባጢርኋ አቬዝርወ ሰቨ ኧዳረዳናአር ።»
+
+\v 9 ባቴ ዳዊት ኧዝሬከን ዋደረት እማት ዘገር አጎፖዮዋ ኹኖተኒ? ወይ ዘገር አናጎፕዮዋ ኹኖተን? ኧውሬቸመሁኖተ ፤ «አብራኻም በጎይታ አአመረን እምነትሞኋ ጽድቅ ኸረ ቴቨዘረነ » ባንደ ።
+\v 10 አብራኻም እምነትኋ ጽድቅ ኧረነታ ኤትቬዘረነ መችራን? ዘገር ታያጎኤ ኢፊቲኔይ? ወይ ዘገር ባጎፔ ቀጥወን ዘገር ታያጎኤን ባኻሬ ባጎፔ ቀጥዋ አኸረዳ።
+
+\v 11 አብራኻም ዘገር ታያጎኤ ኢፊቲ እምነትኋ ጽድቅ ኧረ ኤቲቬዘረነ መርኧት ይኸኔ ዘገር አጎፐይ ፤ኹዳቭ አገር አጉዎት መርኸት ቴኤፐረ ብእም ኧቯአ አብራኻም ዘገር ታያጎኦዮም ያአውርታ ኹኖዋ እምነትኹኖዋ ጽድቅ ኸረ ይቲቬዘኖኸ እንሞኋ አቦን።
+\v 12 እመኸ አብራኻም ዘገር ያጎኦዮታሁኖይ አቦን ፤ዘገር ያጎኦዮታ ኹኖይ አቦ ኧኸረው ዘገር ያጎኦዮይ ታይኸር ኹዳቭ ዘገር ትያጎኦይ በረፐረን እምነት ቦኦዎርትኹኖተ
+
+\v 13 አብራኻም ተዘርሞኋ ፤ዓለም እንዳም ይወርሰኸ ጎይታ አቨን ተስፋ በኧዎርትኋ ኧነከቨን ጽድቅን ባኻሬ ቂጫ በኦዮት አኸረዳ ።
+\v 14 ተስፋ ይወርሽዋታ ሰቨ ይኢዮታአር በኾርዋ ፤አያጌክር ተስፋ ከንቱ ቢኸረ ባንደ።
+\v 15 ቂጫ ያቫአካ አንዳ ኧጎይታ ማአትን ፤ቂጫ ኤነ በኸረ ቂጫ በጣሽት በደል አይረቨርካ ።
+
+\v 16 እም ተስፋ ኧሸከቨ በእምነትን እም ተስፋ አአብራሃስም ዘር እንእ ተጎይታይስ በጠጋ አዊመኸ ብእመዳ አጬገ ፤ እመዳ እማት ቂጫ ይትኼተርታ ሰቨ ታይኾርዋ አአብራኻሃመኸ ያአሙርታ ኹኖዋ እንዳም ብእም አይነት አብራሃም እንሞኋ አቦን ።
+\v 17 ዋዳ እንዳም ኧኸረ ኧአብራኻምን «አኸ ኧኖኦራ ሰቨ አቦ ኤፐከ »ባርሙ ጣፊይ ፤እአምተስፋ አአብራኻም አዊ ፤ኹዳቨ ኧዎጅዋ ኹኖዋ ቢረሳካ ኹዳ ኤናአር ይረቨረኸ ቢዬካ ጌታ ኧአመሬ ኧኸረደኔ።
+
+\v 18 ኧአብራኻም ዘራኸ ኖኦራአር ኺንተ ትደብስኬ ቧርሙ ኤኤጂመኸ ኧኖኦራ ሰቨ አቨ ይኸረኧ አአመረን ተስፋ ስርም ተስፋ ባዬኳአር ባንደ ።
+\v 19 አብራኻም ኧቨኧ ዘቨር ባሪቅ ኧረፐሬ ኧኸሬ ሚሽትሞኋ ሳራ ዥገቫ ኧረፐረቺ ትከ ታቲኢኝ ገነዘች ባንደ ፤ ውሬቸመኹኖዋ ኧገኖዥዋኸ ቢኺር በእምነትኋ ተፓቨ ።
+
+\v 20 ይረካሞኋ ጎይታ ኧትኸቨድ ባረታ ኤኤደናአር ዬቨመኸ በእምነት ተፓ ተሸከቨ ባኻሬ ሥርም አጥራጠረዳ ።
+\v 21 ጎይታቨ አቨን ተስፋ ዬመኸ በሙራ ኺንኋ ያአቭር ባንደ ።
+\v 22 ብእም ኧቫአ እብራኻሃም እምነትኋ ጽድቅ ኸረ ቴቬዘረነ ።
+
+\v 23 ኧኽርታ «ጽድቅ ኸረታ ተቬዘረነ ኧዋሪ እማት ኧኹዳ ኧብራሃም ታይኸር
+\v 24 እመዳ ቲናምነጋ ጌታንራ ኢየሱስ ክርስቶስ ተውንድ ቢረሳካ ጌታ ናአምነዳ ኢና ኧኧወርትንራ ጽድቅ ይቲቬዘንረ ።
+\v 25 እም ጌታንራ ኢየሱስ ክርስቶስ ኧቫጢንራ አዎኦም አአይፖሪ ፤ኦተሪ ኢናቭ ያጸድቂ ተውንድ ተረሳ ።
+
+\c 5
+\p
+\v 1 ተዋቴ ኢና ጽድቅ ኧረከቭነ በእምነት ኧኸሬ በጎታንራ በኢየሱስ ክርስቶስ አጋድ ተጎይታይ ወገሬት አነንረ ።
+\v 2 እመኸ በኢየሱስ አጋድ ዋኣካ ኧሸከቨኔኮ ጠጋይ በእምነት ንገቫኔ ኧረንረ ፤ኧጎይታ ክብር ተስፋ ቦኖት መትራርእ ይጠጥንረ ።
+
+\v 3 እማት በዋዳ ታይኸር በመከራመንር ፈራኺነድ ይቨንረኸ ንኺነይ ኧኸሬ ይሽንረ ።
+\v 4 በፍሮኽት ኸትቁሟሞርት ብትቁሟርት ኸትፈተነ ጠባይ ብትፈተነ ጠባይትስፋ ይረኹዊ ።
+\v 5 እም ትስፋ ንቀቭጭኔኮኸ አዬቨንረዳ ጎይታቨ ባቨንረ በመንፈስ ቅዱስ ንማጅነድ በኺንራ ያድበስንረ
+
+\v 6 አቸቨ በቂጭና ታነነ ግዚየኋ ቢስራወዳ ወቅትኋ ክርስቶስ ኧቫጢንራ ሞደንረ ።
+\v 7 ኧጻዲቅ ይወድካ ሰቨ ኧኾውት ቡሼኧኸ ያጀግር ኧሚራ ሰቨ ቲይር ይወንዲ ይሲካ ሰቨ ኧተኸ ይኸዊሴ ።
+
+\v 8 ዘንጋ ጭን ኢና ባጢረተኝ በኸነሜ ክርስቶስ ኢና ቲይር ሞደ፥ እመዳቨ ጎይታ አነነዳ ኧገግኋይ ንማጅነድኋ ኢና ቲያቲሽኔ ።
+\v 9 ዋአካ በደቨኋ በጸደቅነጋ ይረካሞኋ በኹዳይ አጋድ ተጎይታ ማአት ኧተኸ አንተርፍነዳ ።
+
+\v 10 ኧጎይታ ጠላት ኸነ ታነነ በትከ አጋድኋ ሙድ ተኹዳተቃቬጥነ ዋአካ ተኹዳቨ በትቃቨጥነጋ ይረካሞኋ አያ ትከኋይ አጋድ ኢና ንተርፍነ ።
+\v 11 እማት ዋዳ አኸረዳ ።ዘንጋ ጭን ዋአካ ኧትቔዌት በነከቭኔኮ በጌታንራ በኢየሱስ ክርስቶስ አጋድ በጎይታንራ ሃአቨነ መትራርእ ይጠጥንረ ።
+
+\v 12 በኔአት ሰቨ ኧቫኣ ባጢር በአለም በነዳ ሰቨ እንእ ኧገፓመኸ፤ ሙድ በቫጢር አጋድ ገፓ ፤በዋ መያ ሙድ ኧሰቪ እንእ ማአ ብእም ኧቫኣ እንሞኋ ባጢር ኤፐ፤
+\v 13 ኧሙሴ ቂጫ ቲሰራ ስን ባጢር በሰቨ ግት ባንደ ፤ቢኸር ቂጫ ታይቫ እፊቲ ባጢር ኧረ ባይቲቨዘርካ ።
+
+\v 14 ቢኸር ኧአዳመኸ ቂጫ በጣሽት ባጢር ባኔፖዋ ሰቭ ስን ተአዳም ቆነሺይኧሙሴ ዘቨር ስን ሙድ በሰቨ እንእ ፎር ደረግ ነከቨ ፤አዳምቨ ተኹዳ ቀጥወ ኧቫአ ኧክርስቶስ መርኸትን።
+\v 15 ቢኸር ኧጎይታ ጠጋ ተሰቨ ባጢር ይረእ ፤በአት ሰቨ ባጢር ኖኦራኹና ይዎጅዋመኸ እመኸ በጎይታ ጠጋቨ በእማት በኢየሱስ ክርስቶስ አጋድ ኧረኮዊይ ኧቴፐ ሜና ኧኖኦራ ሰቪ ሰና ።
+
+\v 16 አትቨ ኧጎይታ ጠጋ አአት ሰቨመኸ ኧብጢር ፍርድመኸ አኸርዳ፤ፍድሞኋ ኧአት ሰቨ ባጢር ቴኼተረታ ኩነኔ ኧቫኣ ጠጋ ጭን ኖኦራ ባጢር ቴኤተረ ጽድቅ አቫኣ ።
+\v 17 በአት ሰቨ ባጢር ኧቫአ ሙድ ብንሞዃ ቢቫኣ ኽመኸ በአት በኢየሱስ ክርስዮስ አጋድ ተጎይታ ኖኦራ ጠጋ ቴኤፖርሙ ኧጸደቁዋ እንዳም ኧውንድ ኤሞምታ ባቴ አያ ኾርሙ ኧዘላለም ይረውርዋ ።
+
+\v 18 ባቴ በአት አዳም ባጢር ኧቫአ ኧውንድ ፍርድ በሰቨ እንእ ኧቫአመኸ ፥እእማት ኢኢየሱስ ክርስቶስ ኧጽድቅ ሜና ኖኦራኹኖዋ ተቅጣት ነጣ አዋአታ አያቨ ይኮዋ ።
+\v 19 በአዳም አንቴኤዞዥት ኧቫአ ኖኦራ ሰቨ ባጢረተኝ ኸኾርዋመኸ እመኸበአት በኢየሱስ ክርስቶስ ኧቴኤዞዥት ኧቫአ ኖኦራ ሰቨ ተቫጢርኹኖዋ ይቬጥርኮዋ ።
+
+\v 20 ባጢር ይደብሲ ቂጫ ማአ? ቢኸርቭ ባጢር በደበሰ አኸረዳ ኧጎይትስጠጋ ኑኡያአር ናኧ ።
+\v 21 እመዳ ኧኸረ በውንድ ኧቫአ ባጢር ኧረገሰመኸ እመኸ በጌታ በኢየሱስ ክርስቶስ አጋድ ኧዘላለም አያቭ ይረሁዊኸ ኧጎይታ ጠጋይ ጽድቅ በኖት ይረግስኬ ።
+
+\c 6
+\p
+\v 1 ባቴ ምር ንነዴ ኧጎይታ ጠጋ ይደብስንረኸ ባጢር ትኔቨነ ንበኔ?
+\v 2 እሸኸሽ አይኽር ፤ኢና ኧቫጢር በሞድነ ባቴ ኧተኸ ኤኝተነ ተዋቴ በኹዳ ንበነሴ?
+\v 3 ተኢየሱስ ክርስቶስመጋ እማት ንኸኔ ኧጠመቅነ ፥ተውድሞኋ እማት ንኽነመኸ ኧጠምቅነኸ አቲኺርዋታዌ?
+
+\v 4 እመኸቭ ክርስቶስ በአባኋ ክብር ተውንድ ኧትረሳመኸ ፤ኢናቭ እመኸ ውያ ሰቨ ኺንተነ ንረቨነኸ በጥምቀትኋ ሞድነታ ተሁዳመጋ ተዌከነ ።
+\v 5 ተኹዳ እማት ኸነታ ኸሁዳይ ሙድ በሻከድነ ኹዳቭ ተውንድ ኧትረሳመኸ ኢናቭ ተኹዳ እማት ኸነ ተውድ ንትረሳነኸ ኧትኼረዳናአር ።
+
+\v 6 ተዋቴ ኧቫጢር ባሬያ አንኸነኸ ኧቫጢር ሰቭነድንራ የኧየኸ ጉሲየ አመንራ ተክርስቶስመጋ ኧሰኧረመኸ ኒኺነ ።
+\v 7 ኧወንደ ሰቨ ተቫጢርኋ ነጣ ዋዓ ።
+
+\v 8 ተክርስቶስመጋ በወንድነ ተኹዳምጋ ንረቭነመኸ ናአምነ ።
+\v 9 ክርስቶስ ትውድ ኧተረሳ ፥ኧውሬተኛ አይወድመኸ ኒኺነ ፥ሙድ ተዋቴ በኹዳ ፎር ሙድ ደረግ አይረቭርኩዳ ።
+
+\v 10 ሁዳ በወደ ግዚየ እእማትግዚየ ኧቫጢር ሞደ ፥ዘንጋ ጭን በአያ ኧቦርትኋ ኧጎይታ ክብር ይረቨር ።
+\v 11 እመኸቭ ኧቫጢር ኧዎቱሁዋመኸ ፥ዘንጋ ጭን በክርስዮስ ኢየሱስአ ጋድ ኧጎይታ አያቭ ኧኸርኹዋኸ ገጋኹዋ መዝርዋ
+
+\v 12 እመኸ ኧውጥጥ ቴሜኛትኋ ዬቪ ብሲኢካ በሰራሁዋ ፎር ባጢር ይረግስወኸ አቶኖኔስስስ ።
+\v 13 እመኸቭ ሚሲያሁዋ ኧውሼእ ግቭር ኤኝተኹዋታ ኧቫጢር አታቴኤኑዋ ፥ይረካሞኋ ተውንድ ተቫቴርሁምታ አያ ኸረ ይረቭርካ ሰቨኸ ኦኖምታ ገጋኹዋ ኧጎይታ አተኧኑዋ፥ሰቨነዳኹ ኧጽድቅ ግቭርኦኖምታኧጎይታ እተኦናው ።
+\v 14 ዋካ አሁዋ ትረውርታ ተጠጋ በገዳ ባኻሬ ተቂጫ በገዳ አኸርሁዋይ ባጢር ይገዛሁዋይ አይኸነዳ።
+
+\v 15 አካ ምር ንቫርነ ተቂጫ በገዳ ታይኸር ተጠጋ በገዳ በኹንትንራ ባጢር ነናነዌ? ባኣይ ስርም አይኸርካናአር!
+\v 16 ገግማ ሁዋ ኧቫሬያመኸ ኤፐሁምታ ትታቴኤንውታ ፥ትቴኤዘዥነዳ ሁዳቭ፥እመኸቭ ኧውድሜ ይወስካ ኧባጢርሜ ወይ ኧጽድቅሜ ያሰራካ ሁዳ ትታአዘዥዋይ ባሬያ ኧኸርኹዋኸ አትኺርታዌ?
+
+\v 17 ዘንጋ ጭን አሁዋ ኢኢፊቲ ኧቫጢር ባሬያ ኧነፐርሁአር ቢኸር ኧቴቨናሁዋ ትምርት በውራ ኺናሁዋ ትቴኤዘዥታአር በኹታሁዋ ኧጎይታ ሽኩር ኧኽር፥
+\v 18 ተቫጢር ነጣ ዋአሁምታ ኧጽድቅ ባሬያ ከርሁም ።
+
+\v 19 ኢያ ኧዋኸ ሰቨ ቢገቫአኩዳ ቋንቋ ኧዝሬኪ አንዳ ተቄጠ አሳባሁዋ ኧትረሳን ፥ኢኢፊቲ ሚሲያሁዋ እንእ ያጤናካካ ሜና ኧባጢር አገልጋይ ኤፐኹም ታትኢኒዊዮመኸ እመኸ ዋአካ ሚሲያሁዋ እንእ ይቀደሽዋኸ ኧጽድቅ አገልጋይ ኦኖም አተኦኑዋ።
+\v 20 አኹዋ ኧዋ ኢፊቲ ኣቫጢር ባሬያ በረፐርሁከ ግዚየ ኧጽድቅ ሜና ቴዋይ ባሲኢዋታ።
+\v 21 ባቴ በኽም ግዚየ ምር ጥቅም ነከሁም? ቲያቅቭጭካአር ኤኛአር አት ጥቅም አነከሁዋታ ፥እም ባጢር ኧቀጥዎኋ ሙድን ።
+
+\v 22 ዋአካ ጭን ተቫጢር ባርነድ ነጣ ዋአኹም ኧጎይታ አገልጋይ በሁታሁዋ ቅዱስ ኸርሁም ፥ቅዱስ ኧሁታሁዋ ኧቀጥወ ኧዘላአለም አያ ኺንተዊ ኦቦርትን ።
+\v 23 ኧቫጢር ደሞዝ ሙድን ፥ኧጎይትታ ስጦታ ጭን በጌታንራ በኢየሱስ ክርስቶስ አጋድ ኧዘላለም አያ ስስኧኹርትን።
+
+\c 7
+\p
+\v 1 ኧሰማትኖ እመኸ ኧዝሬካ አንዳ ቂጫ ኒኺነ ዩታ ሰቨን ፥ቂጫ በሰቨ ፎር ዳኝነድ ይረቨርኩዳ ፥ሰቨ በአያ ታነ ስን ኧኸረኸ አትኺርታዌ?
+
+\v 2 እመኸ አት አናገፓች ሚሽት ምስሻ በአያ ታነ ስን ተቭሻ ትረቭረ በአቂት ታአከደች ምስ ሁዳ ቢወድ ጭን ቡችር ምስ ታገቫይ ይኸና ።
+\v 3 በዋ ኧቫአ ምስኹዳ ታይወንድ ኤኛ ምስ ብታገቫይ ቴኤኛ ሰቨ ውጅር ኧደመደች ባጢረተኘኒያ ምስኹዳ ጭን ቢወንድ አገባቸው አንቂት ይትፈታና ኤኛ ምስ ብታገአ ባጢር ኤነቫዳ ኧዋርትን ።
+
+\v 4 ባቴ ኧሰማትኞ አሁም ዘንጋ እመኸምን ፥አኹም በክርስቶስ ምሲይ ኧኸርኹዋ በውድኋ ኧትቫቶርትኧኽ ተሙሴ ቂጫተቫቴርኹም ፥እመኸ ኧኸሬ ኧጎይታ ሜና ናጌኪኔ ትውንድ ተረሳነታ ኧክርስቶስ ዶበ ኸነ ።
+\v 5 በውጥጥአመንራ ከስ ታነነ በቂጫ ኧቫአ ሙጥጥ ቴሜኛት ጠበጠንረታ በቭሲየንራ ባጢር ያቴፕንረታ ኧውንድ ያሰራንረ ባንደ ።
+
+\v 6 ዋአካ ጭን ኧዋኢፊቲ ጤፈረታ አከደ ተጠበጠንረ ተባጢር ሙድ ቴባተነታ ተቂጭ ቴጋፈነ ፤በዋ ኧቫአ ኢና በጉስ ቂጫ ታይኸር መንፈስ ቅድስ ባቨንረ በወያ መያ ኧጎይታ ሜና ኔቭኔኔ ።
+
+\v 7 ባቴ ምር ንነዴ? ቂጭ በገግኋ ጣጢንዌ? ስርም አኸረዳ ፥ዘጋ ጭን በቂጫ አጋድ ታንኸረ ባጢር ምር ኧኸረኸ ባንኻርኋ ቂጭ ሁዳ አትሜኝ ባይሬ ቴሜኛት ምር ኧኸረኸ ኧውረ ባንሃርኋ ።
+\v 8 ባጢር ተሜኛትኋ እንዳም ቢያ ይትረሳሳኸ ኤፐ ተቂጫ በቫአ ትእዛዝ በኾውትኖኋ ፤ ቂጫ ቤነጋ ባጢር ኧወደዳናአር ።
+
+\v 9 ኢያ ድረ ቂጫ ታንኺር ኢፊቲ አያቭ ባነኾ ፤ ቂጫ ቢቫአ ጭን ባጢር አያ ኸረቪ ።
+\v 10 እያቨ ቂጫ ባኋርትኛ በቫጢሪኛ ሞትኹ ፤ተቫጢሪኛ መጢተሁ አያ ኧረኽዌ አውኝ ትዛዝ ኢያ ሙድ አቫአቪ ።
+
+\v 11 ባጢይር በቂጫ ትእዛዝ አጋድ መያ በኮውትኋ ቄቄታ በትእዛዝ ፈንደ ኧተረይ ።
+\v 12 ባቴ ቅጫሁዳ ገግሞኋ ቅዱስን ትዛዝሞኋ ቅዱስን፥ጽድቅሞኋ ወኼናአር ።
+
+\v 13 ባቴ በወኼ በኸረ ዘንጋ ኢያ ሙድ አቫአቪ ኧዋርትንዌ? አኸረዳሽ ሙድሽ አቫአቪ ባጢርኒ አኸረዳ ባጢር በቫጢነድኋ ቲትኼር ስን ወኼ በኸረ ዘንጋ አጋድ ሙድ አቫአቨንረ ፥እመኸ ኧኸሬ ኧቫጢር ሙጥጥነድ ይትኼርካ አንዳ በቂጫ አጋድን።
+\v 14 ቂጫ ኹዳ ኧጎይታአር ኧከረኸ ኒሂነ ፥ እያ ጭን ኧባጢር ኧባሬያመኸ ያሲዮዳ ሰቨንኹ ።
+
+\v 15 ኢያቭ ኧቭኩዳአር አንሂርካ ኤቭኩይ ኧሲካሁዳ አኔቭካ ፥ዘንጋ ጭን ኧጠራኩዳ አምሁዳ ኤቭ ።
+\v 16 ኦኖት ኤኔቪ ሁዳ ኤቭ በኸረ ፥ቂጫ ይካሁዳ ኧውረአር ኧኸረኸ ኧምሰክር ።
+
+\v 17 እም ኤቭኩይ አንሲኩ ሁዳ ያቲቤዳ ኢያ ታንኸር ቢያ ከስ ይረቭርካ ባጢርን ።
+\v 18 ቢያ ኧዋርት ባጢረኛ በኸረ ፍጥረትኛ ወኼ ዘንጋ ኤነኸ ኤኺር ቢኸር ወኼአር ኤቪ ቴሜኛት አነኒ ዘጋ ጭን ኤቭኩይ አኸረንዳ ።
+
+\v 19 አነምድኩ ሙጥጥ ዘንጋ ኤቭ ፥ኧረምድኩዳ ወኼ ዘንጋ አኔቭካ ።
+\v 20 አነምድኩ ሙጥጥ ዘንጋ ኤቭ በኸረ ዋኸ ያቲፔዳ ቢያ ይረቭርካ ባጢርን ባኻሬ ኢያ አኸርኋ ኧዋርትን ።
+\v 21 ባቴ ዋ ቂጫ ዬቨካአር ኧኸረኸ ሃርሁ ፥እመኸቭ ወኼአር ኤቪይ ትንሲኢካ ሙጥጥአር ቲያ አነ ።
+
+\v 22 በኺርኛ በጎይታ ቂጫ ኧትቭራርእ ።
+\v 23 ዘንጋ ጭን በጅስማኛ ከስ ዬቭካ ኧቫጢር ቂጫ ኢያ ኢስረኛ ኤፐ አከደይ ፥ተቀልቢየኛ ቂጫ ይትዋካካ ኤኛ ቂጫ በጅስማኛ አዥ ።
+
+\v 24 ኢያ ኧተኸ ኤቄጥሁ ሰቨንሁ ፥ ተዋ ኧውንድ ተቴቬ ሚሲየኛ ማን ያተርፈይ ይኽንሴ?
+\v 25 በጌታንራ በኢየሱስ አጋድ ሽኩርት ኧጎይታ ኧኽር።  ባቴ ኢያ ገግመኛ በቀርቢየኛ ኧጎይታ ቂጫ ባሬያ ትንኸርካ ፥በአመርኛ ኧቫጢር ቂጫ ባሬያንሁ ።
+
+\c 8
+\p
+\v 1 ዋአካ በክርስቶስ ኢየሱስ አነውታ ሁኖዋ ዋአካ ኩነኔ ኤኖዎታ ።
+\v 2 በክርስቶስ ኢየሱስ አነዳ አያ ዬቭካ መንፈስ ቅዱስ ተቂጫይ ተቫጢሪ ተውንድ ቂጫቭ ነጣ አዋአይ ።
+
+\v 3 ቂጫ ተቨሰር ኧትረሳ ሃአቭተ ዬቨኩይ አኸረነ ሁዳ ፥ጎይታ ኧገግኋይ ትከ በኛጢረኛ ሰቨ ሱጉ የኤፐን ፥ኧቫጢርተኝ ሰቨ ፈቸት ይኸረኸ ኤፐን ፥በዋ ኧቫአኧሰቨ ባጢር ጎይታ በትከኋይ በሰር ተፍርድ አፈካን
+\v 4 እመዳ ኤተፐ በቨሰር ፍቃድ ታይኸር በመንፈስ ቅዱስ ቅዱስ ኧቫረንመኸ ንረቭኔ ኢና ኧውረ ኧኸረ ፥ኧቂጫ ትእዛዝ ይኸኔ ።
+\v 5 ኧቨሰር ፍቃድመኸ ይረውርታ ሁኖዋ አአመርሁኖዋአር ይትሜኝዋ፤መንፈስ ቅዱስ ይኮመኸ ይረውርታ ሁኖዋ ኧመንፈስ ቅዱሳአር ይቴንኮዋ ።
+
+\v 6 ኧውጥጥ አመር ቴሜኛት ኧውድ ያሰራ ኧመንፈስ ቅዱስ ቴሜኛት ጭን አያይ ወገሬት ይቭ ። 
+\v 7-8 ኧቫጢር ኧትገዛ ቀልብ በጎይታ ኢፊቲ መራክስን፥ኧጎይታ ቂጫ አይገዛካ ፥ኧትጎዦት አይኸነዳ ። ኧቭሰር ፍቃደኸ ይረውርታ ሁኖዋ ኧጎይታ ይሽርኩዳአር ዬዋይ አይኸኖታ ።
+
+\v 9 አ ሁ ጭን፥ ኧጎይታ መንፈስ ባሁዋ ይረቭር በኸረ በቨሰር ታይኸር በመንፈስንሁዋ ። ማኒሞኋ ኧክርስቶስ መንፈስ ቤነን ሁዳቭ ኧክርስቶስአር አኸረዳ ።
+\v 10 ዘንጋ ጭን ክርስቶስ ባሁዋ ቢረቭር ሚሲያሁዋ ተቫጢር ኧትረሳ ኧወዳአር ቢኸር ፥ተጽድቅ ኧትረሳ አያን ።
+
+\v 11 ኢየሱስ ክርስቶስ ተውንድ ኧረሳን ኧኹዳይ መንፈስ ባኹዋ ይረቭር በኸረ ክርስቶስ ተውንድ ኧረሳን ፥ባኹዋ ቢረቭርካ ምንፈስኋ ይወንዲ አንዳ ሚሲያሁዋ አያቭ የናኩሴ ።
+
+\v 12 ባቴ ኧሰማትኞ ግርድ አነቪ፥ኧኽር ባኻሬ ኧቨሰር ፍቃደኸ ንረቭኔ ኧቨሰራአር አኸነዳ ።
+\v 13 ኧቨሰር ፍቃደኸ ብትረዉርዋ ትዎጅዋቴ ፥ቡሼእ ኧኸረ ኧቨሰር ሜና በመንፈስ ብቶኦትርዋ ጭን፥ በአያ ትረውርቴ ፥
+
+\v 14 በጎይታ መንፈስ ይትሞሮታ ዋኽኖዋ ኧጎይታ ድንጋኖዋ ።
+\v 15 ኢናቭ አባ አባ ባነታ ንኸራኔኮዳ ኧዴንግነድ መንፈስ ተጎይታ ቴኤፐነ ።
+
+\v 16 ኧጎይታ ዴንጋ ኧኸነኸ ኻ ኧጎይታ መንፈስ ገግሞኋ ተገግንራ መንፈስ ኸረታ ይምሰክንረ ።
+\v 17 ኧጎይታ ዴንጋ በኸነ ፥ኧሁዳአር ወራሽንረ ክብርሞኋ ንሻከድነዳ ሰቨ ኧኸነመኸ፥በውረቭ በመከራሞኋ ብሻከድነ ፥ኧጎይታ ወራሽንረ ፥ተክርስቶስ መጋ እማትሜ ወራሽንረ ።
+
+\v 18 በዋ ዘቨር ታነቨንረዳ ስቃይ ተዋ ቀጥወ ይታሺ ታነዳ ኢና ቲኢየንረዳ ክብረጋ ቲያዢዳ አታአር አኸረኸ ኤቬዝርኩ ።
+\v 19 ፍጥረት እንዳም ኧጎይታ ዴንጋ ቲታሽዋ ስን በቴሜኛት ይኢየ ።
+
+\v 20 ፍጥረት እንዳም አይረቫአር ቴቨ ፥እመኸቭ በገግኋ ሹፓቸነድ ታይኸር ፥ኧተስፋ ይትገዛኸ ቴፐን ተፍቃድኋ ኧትረሳደኔ ።
+\v 21 እም ፍጥረት ገግሞኋ ተውጥጥ ባሬያነድ ነጣ ወኤተታ ኧጎይታ ዴንጋይ ኧኸረ ነጣነቲ ይሰራነኸ ።
+\v 22 ዋአካ ስን ፍጥረት እንእ እማተጋ ይቀርስካ መኧኸ በስቃይ ከስ አነኸ ኒኺነ።
+
+\v 23 ቢኸርቭ ይሲካ አንዳቭ ፍጥረት ብቻ ታይኸር ቤተነ ኧመንፈስ ቡስር ኧነከቭነ ኢናቭ ገግመንራ ኧቭሲየንራ ነጣ ኧዋአኔኮ ኧዴግነድንራ ንማጅነድንራ ትንቲኢየነ ተከሲየንራ ንኢየኔ።
+\v 24 በዋ ተስፋ ተነፍነ ፥ ተስፋ ይትረከቭ በኸረ ጭን ተስፋ አኸረዳ ፥ይትረከቭካ ኹዳኩ ማን ተስፋ ዬኩ?
+\v 25 ዘጋ ጭን በዋ ተስፋ ተነፍነ ፥ተስፋ ይትረከቭ በኸረ ጭንተስፋ አኸረዳ፥ይትረከቭካኩ ኹዳ ማን ተስፋ ዬቭኩ? 25. እመኸቭ ስርም አናሸኔአር ተስፋ ብኔቭነ በፍሮኽት ኒኢዬኔዴ።
+
+\v 26 እመኸቭ ኧተኸ ጠሎት ኦኖት አነቨንረኸ አንሂኤ ኧኸሬ መንፈስ ቅድስ በቂጭናንራ ይኢፕንረዳ ፥ይኢጂ አኸራአር መንፈስ ቅዱስ ይሰኧርንረ ።
+\v 27 ኧኺንመንራአር ያዥካ ጎይታ ኧመንፈቅድስ አሳብ ምር ኧኸረኸ ይሂር መንፈስ ቅዱስ ኧጎይታ ፍቃድመኸ ኧጎይታ ሰቨ ይሰኧር ።
+
+\v 28 ጎይታቭ ይረሙጅዋታ ሁኖሚ ኧአሳቡሞኻኸ ኧትቬጤርዋ፥ይቲሄተኮታ ዘንጋ እንእ ኧወኼነድ ሜና ዬቨኮኸ ንኺነ ።
+\v 29 እመኸ ኧኸረ ኧጎይታ ትከ በኖኦራ ኧሰማት ግት በኽር ይኸሪ ጎይታ ቤተረ ኤቬጠረኖዋ ኧኧችኋይ መርክ ይዎስርዋኔ ።
+\v 30 አወተረ አጫመጠኖዋ ኸናኖም ፥ኧኸናኖዋ አጸደቀኖም አጸደቀኖዋ አከበረኖም ።
+
+\v 31 ባቴ ኧዋዘንጋ ምር ንዠፕነዴ፥ጎይታ ቲና በኸረ ማንተ ይረግድንሬ አንዳ?
+\v 32 ጎይታ እእማት ትከኋ ስን ከስ ታይወትኩ እንመንራ ቲይር አዋአ አአይፐረን ሁዳ እንሻአር ተሁዳ ኧተኸ አይቨንረዳ?
+
+\v 33 ጎይታ ኤቬጠረኖዋ ይከስስኮታ ማንተን? ያጸድካሺ ጎይታን፤
+\v 34 ባቴ ይከስስኮታ ማንተን? ኧዎደ እመኸቭ ተውንድ ኧትረሳቭ፥በጎይታ ቀነአጋድ ኧቸና ክርስቶስ ኢየሱስን ፥ኢና ይሰኧርንረ ።
+
+\v 35 ተክርስቶስ ንማጅነድ ይቫቲረንረዳ ማተን? ብካና ወይ ስቃይ ወይ ኧሰቶት ወይ ጋጄ ወይእንጭ ኧኾርቲ ፤ወይአደጋ ወይሴፊ? ተክርስዮስ ንማጅነድ አታአር ስርም አይቫትንረዳ ።
+\v 36 «አኸ ንማጅነድ ትንነ እን ቀረ የኦትን ያጪዳ ጣየኸ ቧርሙ ኧጣፊመኸ ኸረ
+
+\v 37 አትአር አይቫትንረዳ ፥በዋዳ እንዳም በረመደንረ በክርስቶስ ደረግ ታነኖታ ኹኖዋ እንእ ንረእነ ፤
+\v 38 እመዳ ኻይተኹዋ ሙድ ቢኸር ኧቦርት ቢኸር መላይካ ቢኸር ዋአካ አነዳ ኹዳ ቢኽር ተዋ ቀጥወ ይቫአካ ኹዳ ቢኸር ደረግ አነኖታ ኹኖዋ ቢኾርሙ፤
+\v 39 ተሳቫይ ቢኸር ተአፈር በገዳ ቢኸር ኤኛ ፍጥረትቢኸር ተኢየሱስ ክርስዮስ ተጌታንራ ታነንረዳ ተጎይታ ንማጅነድ አታአር አይቯትንረኸ ኻርኹ ።
+
+\c 9
+\p
+\v 1 በክርስቶስ ኧርሁታ ኧውረአር ኧዝሬክ ባኸሬ አፈጥርካ ቀልብመኛ በመንፈስ ቅዱስ ኧረታ ኧውረአር ኧዝሬክመኸ ይኢዲኒ።
+\v 2 አይታንጥ ኑእ ምጥጥቪ አይገፍር ጭንቀት በኺኛ አነቪ ።
+
+\v 3 በቨሰር ደቦኛ ኧኾርዋ ሁኖሚይ ኧኧሰማትመኛ ትንር ኢያ ገግመኛ ኧሰተሁ ተክርስቶስ ተቫተርሁ ኧትቃሸሁአር ቢኸር ይሳሬ ባንደ ።
+\v 4 ኧ እስራኤ ሰቨ ጎይታ ኤቬጠረኖዋይ ፤ጎይታቭ ኧሁኖም ዴንጋ አቨኖም ክብርሞኋ አቴሸኖም ፥ጉርዳቭ ግፓኖምታ ይረቭርኮዳ ቂጫቭ አቨኖም ፥ኧተኸ ይሰጉጅነኸ አቴሸኖም ፥ኤቨነሁዋቴ ኧቫረኖአር እንእ ኤፐኖም ።
+\v 5 ሁኖም ተፍጥረትሁኖዋ ተእስራኤል ሰቨ ኧቴኤኝዋይ፥ ክርስቶስ በቨሰር ተሁኖዋ ጥቭ ኧቴኤኝ ሁዳቭ ትንኢቭ በፎረ ኧኸረ ኧትከበረ ጎይታንራ ኧዘላለም ሽኩርት ኧስራኩ አሚን ።
+
+\v 6 ቢኸር ኧጎይታ ቃር ተሻረ ኧዋርት አኸረዳ ተእስራእኤል ኧቴኤኝ እንእ እስራኤል አኸረዳ ።
+\v 7 እመኸቭ አአብራኻም ጥቭ ኧኾርዋይ እንሞኹኖዋ አአብራሃም ዴንጋ አንሆርታ ፤ቢሆርሙ ጎይታቭ « ጥቫኸ በይሳቅ ጥቭ ይትኸራነኸዴ »ኧዋሪምነኸ ።
+
+\v 8 እመኸ ኧዋርት ኧጎይታ ዴንጋ ኧዋሪዮዋ ኧቨሰር ዴንጋ አሆርታ ፥ዘንጋ ጭን አአብራሃም ዴንጋ ኧዋሪዮዋ ሁኖዋ እንእ ኧተስፋ ዴንጋኖዋ ።
+\v 9 ጎይታ አአብራሃም ቃር ኧገፓነ «ኢያ ይቫአካ ዘቭር በዋኸ ግዚየ ኧቫአኬ ሚሽትማኸ ሳራ ኧኧች ወልድ ቲኢኝነኸዴ »ይካ ቃር ባንደ ።
+
+\v 10 እማት ዋዳ ታኸር ርብቃ ታአቦንራ ተኢሳቃ ለምቺየ ዴንጋ ኧውሬት አርዋት በኸረቺ ፥
+\v 11 ለምቺየ ሁኖዋ ታቴኤኝዋ ኢፍቲ ወይ ቡሼእ ተውጥጥሞኋ ታይቬስርዋ ኢፊቲ ኧጎይታ አሳብ በሽፓቸ ይተቫኔ ።
+\v 12 ጎይታ በቬና ታይኸር ተኸናን ኧኸሬ ኑእ ኹዳ እእስ ኹዳ ያጌኪርኬ ቧርሙ ኤኤጂያ ።
+\v 13 እመዳቭ «ያዕቆብ ነመድኹን ፤ዔሳው ሁዳ ጭን ጠናኹን »ቧርም ኧጣፊመኸ ያዕቆብ ጎይታ ሜጠረን ።
+
+\v 14 ባቴ ምርንቫነ? ጎይታ ያትቃቂዌ? ስርም አዬኩዳ!
+\v 15 ጎይታ ኧሙሴ ኧቫረንመኸ «አፍ እንኩይ አንዳ አፍ እንኩዴ አትቫጥጥኩይ አንዳ አትቫጥጥኩዴ »ባረን ።
+\v 16 ተዋቴ ዋ አፊት ይቫአካ ተሰቨ ወይ ተቬና ታይኸር ተጎይታ ሹፖቸምነኸ ።
+
+\v 17 መጣፍ ይርመኸ ጎይታ ኧግብጽ ገኝ ንጉስ ኧፈረዖን«ደረግኛ ባኸ አቲሺኬ ሹመኛ ኧሰቨ እንእ ይኢጂኸ አኸቭ አረገስከ » ባረን ።
+\v 18 ባቴ ጎይታ በሴኧ አፍ ይኩይ አንዳ እንዳም አፍ ይሪ ኺንሞኋ ቱኧ ዬቪ በሴኧ ቱኧ ዬቨነ ።
+
+\v 19 ታኹም አትኋ «ባቴ ኡከኸኩ በኸረ ጎይታኩ ዋአካ ስን ኧቭራፈድን ይውቅስንረዳ? ቢዩሪ ኧኹዳ ፍቃድ ይኸነዳ ማንተን አነ? ይቫሬሴ ይኽሴ ።
+\v 20 ቢኸር ዋአኸ ተጉይታ ትትቃነቭካ አኸ ማንተንኸ? ኧሸኽራ ግቨር ዬቭካ ሁዳ «ኧተኧ ዋኸ ኧፐኸ ዋኸ ትጌክሬይ? ይኩዌ? »
+\v 21 ወይ ሸኽራ ዬቭካ ምስ ቲዬኩዳ ሸኽራ አታት ሸኽራ ኧክብር አታት ሽኽራ ኧውርደት ግቭር ኤኝተ ያረሺ ደረግ ኤነነዳዌ?
+
+\v 22 ጎይታ ማአትሞኋይ ድረግሞኋ ያትኼሪ ይሲኢ ቲይር ማአትኋ ይዎትዎይ ኧረፖርዋ ሁኖይ ኢኢፋድ ኧቴኤነዋ ሁኖም ቡሼኧኸ ፈነኸኖም ።
+\v 23 ቤተርታ ኧክብርኋ አወናኖዋ ሁኖዋ ፥ፈራኺነድኋ ያቲሽዎታ ሁኖዋ፥ኧክብር ዲባሽነድ ይቲኼረኸ ዋዳ እንእ ኤፐን በኸረኩ?
+\v 24 ኧኸና ተአይሁድ ጥቭ እማት ታይኸር ተአረማዊ ሰቭ ጥቭ ኧኸነ ኢና ስን ታይተርፍ አኸረዳዌ?
+
+\v 25 ነቢ ሆሴዕ ጎይታ እመኸ ኧቫረመኸ ፥ «ዴንጋኛ አኾርዋ ኹኖዋ ዴንጋኛ ባይተኹ ኧኸራኮቴ ፥ በኽም ግዚየ አነሞጂዮዋ ይረሙጂዮታኖዋአር ባይተሁ ኧኸራኬ ።
+\v 26 አትቭ «ኧጎይታ ሰቨ አኸርሁዋታ ፥ ቧርሙ ቤኤጂኮዋኤኤዲ በኽሜ፥ አያ ኧኸረጎ ይታይ ዴንጋኖዋ ባይተዋ ፥ ይኾሮዮቴ ።»
+
+\v 27 ኢሳያስ እእስራኤል ሰቨአር ዋኸ ቲይር ቃርኋ ከፈደታ፥ ኧእስራኤል ዴንጋ ሙዝር ኧቨር አፊይ አነዳ አሻዋኸ ቢኸርቭ ቀሪሁኖዋ ይተርፉቴ
+\v 28 ጌታ ፍርድኋ በአፈር ፎር፥ በፍጥረትኋ እንድም ኧቫረንመኸ ያርእኸ ዬቭ ።
+\v 29 እመኸቭ ኧዋኢፊቲ ቤተረታ ኢሳያስ ኧዝሬከንመኸ ፥ «እንእ ይኸነዳ ጌታ ፥ኧሰቨ ዘር ባያተርፍንረ፥ ኧሰዶመኸ በኸ ነ ባንደ ኧገሞራመኸ ንቭሰነ ባንደ ። »
+
+\v 30 ባቴ ምር ንቫርነ? በእምነት ኧኸረ ጽድቅ ኧጽድቅ አንቄጩዋ አረማዊ ሰቨ ነኮዊ ፥
+\v 31 ዘንጋ ጭን ኧጽድቅ ቂጫ ኧትኼተሪዋ እስራኤል አነኮዊዳ።
+
+\v 32 ኡኮዳ ኧቭርአፈድ ኸረ? በእምነት ታይኸር በቬና ይረሁዊዳአር ኤፖም በወንዝርት ኧቲኼተርዋተኔ ፥ሁኖም ቢያክታትፍካ እንቁርፊት እቭር ተክታተፉሙ ዎቶኡም።
+\v 33 እመዳ « ባቴ ሰቭ እንእ ይክታተፈኸ ዬቭካ እቭር ፎር ይወድኡዋኸ ዬቭካ ቱኧ እቭር በጽዮን አወናኬ ። »
+
+\c 10
+\p
+\v 1 ኧሰማትኞ ኢያ ኧጎይታ ኧሰኧርኩዳ ኧሂኛ ኑእ ቴሜኛ ቢረቭር እእስራኤል ሰቨ ይተርፉዋነኸ ።
+\v 2 ኧጎይታአር ቅናተኛ ይጠጥኮዋኸ ኧኹኖዋአር ኧምሰክሪ ይኸኒቅናትሁኖዋ ጭን ተኋርት ኧቫአአር አኸረዳ
+\v 3 ተጎይታ ይቫአካ ጽድቅ አኋርዋይ ኧገግኖይ ጽድቅ ዬዋይ ኧሴኤዋይ ኧኸሬ ኧጎይታ ጽድቅ አትጎዦታ ።
+
+\v 4 ያአቭርካ ሰቨ እንዳም ጽድቅ ኺንተ ይትቬዘረኸ ቂጫ እንእ በክርስቶስ ያርእ ።
+\v 5 ሙሴ በቂጫ አጋድ ይረሁዊዳ ጽድቅ ቲይኢድካ «ኧዋ ዬቭካ ሰቨ እንእ በሁኖዋ ይረቭር ።»ይር ።
+
+\v 6 በእምነት ኧኸረ ጽድቅ ጭን ዋኸ ይር «በኺናኸ ማን ኧሳቫይ ይዋአኼ? አትቫር ፤ ኡድ ክርስቶስ አውትኒ ።
+\v 7 ።ወይ በኺናኸ «ኧዎጅዋ ሰቨ አነኮዴኤዲ ሲዌር ማን ይወትኬ? አትቫር እመዳ ክርስቶስ ትውንድ ኦንሾትን ።
+
+\v 8 ዋኸ ባርሙ ጣፊይ «ኧጎይታ ቃር በቪየናኼ በአፉማኸይ በኺንማኸ ከስን »ኒኢዲኔዳ እእምነት ቃር ዋትነዳ ።
+\v 9 ኢየሱስ ጌታ ኧኸረኸ በአፋኸ ብቲኢድ ፥ጎይታ ተውንድ ኧረሳነኸ በኺናኸ ብታአቭር ትትረፍሴ ።
+\v 10 ሰቨ ይጸድካ በኺንኋ አመረታን ፥ ሰቨ ይተርፍካ በአፉዃ ኤኤደታን ።
+
+\v 11 መጣፍ ይርመኸ «በኹዳ ያአቭርካ እንእ አይቅቭጭክ ።»
+\v 12 እማት ጎይታ እንሞኋ ጌታን ኧኸሬ በአይኹዲ በአረማዊ ግት ቡችነት ኤንዳ፥ እማት ኧከረ ጌታ እንሞኋ ጌታን ፥ይሶኦሪዳሁዳ አደበሰ ይኮዋ ።
+\v 13 ኧጌታ ሹው ይኸራካ እንእ ይተርፍ »
+
+\v 14 ባቴ አናአሞርኮ ሁኖዋ ኧተኸ ኤፖም ይሆሮይ? ኧሁዳአር ታይሶኦዋ ኧተኸ ያአውርኮ ይኢድካ ሰቨ ቤኔ ኧተኸ ይሶኦዋ?
+\v 15 ባንኬሾውዮኬ ኧተኸ ይእጅዋ? እም ውኼ ዘንጋ ይኢጅዋይ ይዎኦታ ሰቨ ቲዎኦታ ኧተኸ ያዝውይታኖአር ቧርሙ ኧጻፊምነኸ ።
+
+\v 16 ዘንጋ ጭን ኧሰሞዋ ሰቨ እንእ ወኼ ዋራይሁዳ አንቴኼፖርታ ፥ኢሳያስቭ ፥ « ጌታንሮ ፥ኪሸርንራ ማን አመረንረ? » ይር ባንደ ።
+\v 17 ባቴ እምነት ይረኹዊዳ ወንጌል በስዎትን እም ወንጌል ኧክርስቶስ ቃርን ፤
+
+\v 18 ባቴ አንሰሞታ ይኽንሴይ? ባኹ ኧሳአር፥በውረ ሰሞም ፥«ቃርኡኖዋ በአርዳ እንዳም ተሰማ ቃርሞሁኖዋ በዓለም እንእ ተሰማ።»
+
+\v 19 ኻአሁታ ኧሳአር፥እስራኤል አይቬሰርታ ይኽሴይ? አወተራቸ ሙሴ ዋኸ ይቭር፥ «በትቆጭዋ ሰቨ አዝወኝሁዋቴ ኧዎስርት ቤኔኖዋ ሰቨ አትቨኧችዎሁዋቴ»
+
+\v 20 ኢሳያስቭ ታይፈይ «አንሴኤውኝ ተረከቭሁ፥ አንሳአርኝ ገግመኛ አቴሸሁ » ይር፤
+\v 21 እእስራኤል ጭን፥ አይቴኤዘዡዋይ አኪያ አይርዋ ሰቪ ሙራዋአና እንዳም ኧጅኛ ኧሁኖይ ዝራካሁ» ይቭር
+
+\c 11
+\p
+\v 1 ባቴ ጎይታ ሰቨኋ ቼኤኖም ይህርሴይ? ትንር ገግኛ ኧሳአር ፥ስርም አንቼኤኖታ፤ኢያ ገግመኛ ተቢኒያም ጥቭ ኧአብራሃም ዘር ኧኸርሁ እስራኤልንሁ ።
+\v 2 ጎይታ አወተረ ኧሃረኖዋ ሰቨ አንቃሸኖታ ።ኤሊያስ እእስራኤል ሰቨ በጎይታ ኢፍቲ ኧተኸ ባረታ ክስ አቴኤነቨመኸ መጣፍ ኧሁዳአር ምርባረ ኧዝሬከመ
+\v 3 ኤሊያስቭ «ጌታኞ ዋ እእስራኤል ሰቨ ቃራኸ ይኢጅዋታ ነቢማኸ ኦቶርሙ። »አኸ ህትቭ ዬኮዴኤዲ ቧኖርሙ ፤እማት ኦጣኛ ተነፍኹ፤ እያቭ የኦትርኚ ይሲኢዋ ።»
+
+\v 4 ኤኤልያስ ጎይታቭ ኧዠፐረነ መልስ ምር ባንደ? «ኧባኣክአል ዩሪዳ ምስል አንስጎጁዋ ሰቫት ሁም ሰቨ ኢያ ያጌኪኝኸ አተነፍኋአር አነዋ ።»
+\v 5 እመኸቭ በዋዘቨር ቢኸር በጠጋ ኧትቬጠርዋ ቀሪ እእስራኤል ሰቨ አነዋ።
+
+\v 6 ባቴ በጠጋ በኸረ በቬና አኸረዳ፤በቬናኩ ቢኸርኩቴ ጠጋ ጠጋ ኧሁትኋ በዋአረ ባንደ ጠጋ በቬና ይረኹዊዳአር ቢኸር ጠጋ ፣ጠጋ ኧኹንትኋ ይዋአር ባንደ ።
+\v 7 ባቴ ዘንጋኋ ምራፈድነን? እእስራኤል ሰቨ ጌኮርም ኧሴኧዊር አነኮዊዳ ኧሸፖቺየዋ ጭን ኧሴኤዊአር ኖኮም ፤ኧኛሁኖዋ ጭን ኺንሁኖዋ አተፖም ፤
+\v 8 ዋኸ ቧርሙ ኧጣፊመኸ «ኤርሞሁኖዋ አያዥመኸ ፣ እዝርሞሁኖዋቭ አይሶኦዋመኸ ፣ ጎይታ ሂንሁኖዋ አተፐኖም ፣
+
+\v 9 ዳዊት ዋኸ ባረ ፤ «ሁኖም ሸረድሁኖዋ ይጠጥካ ሽካን እንቁሪፊቲ ቅጣትቭ ኢኸርዎዋ ።
+\v 10 ኤርሞሁኖዋ አያዥዋኸ ኧዠነርዋ ፤ ጊሸመሁኖዋ ኧዘላለም ኧትቀቫ ።»
+
+\v 11 ኧአይሁድ ሰቨ ስርም አይተርፉዋኸ ወቶኡሙ ኧዋርትኒ? ትንር ሃአቭሁታ ገግ ተገግመኛ ኧሳአር ፤ስርም አኸረዳ ፤ ይረካሞኋ እስራኤል ሰቨ ያዝዎኝኮይ ቲዩሪ በሁኖዋ ኧድዋዎርት ኧትረሳ ይተርፍኮዳአር ኧአረማዊ ሁኖዋ ማአኖም።
+\v 12 ዋ ኧይሁዳ ሰቭ ኢፋትሁኖዋ ኧኖኦራ ሰቭ በረካ ኸረቭ፥ኧሁኖም አንታአዞዥት ኧአረማዊ ሰቭ በረካ ኸረኖም ፣ አይሁድ ሙራ ሂንተዋ ተትረከዋ በረካኋ ኧተኸ ኑኢያአር ይህር ባንደ ።
+
+\v 13 ኢያ ዋአካ ኧዝሬካ አሁዋ አአረማዊ ሰቭን ፥ኢያቭ ኣአረማዊ ኪሸረኛ ኸርሁታ ባገኩርትኛ ኑኡየ ክብር ኢሰማአይ ። ፤
+\v 14 እመዳ ኦኖትኛ ደቦኛ ኧሆርዋ አይሁድ ኢትማነሁዋኸ ኤቪ በዋ አይነት ወይ አትን ተሁኖዋ አታትሁኖዋ አተርፊ ይህርሴ ።
+
+\v 15 ኧአይሁድ ሰቨ ጎይታ በቃሸነዋ ግዚየ ኤኛ በዓለም አነውታ ሰቨ ተጎይታመጋ በትቃቬጭዋ ጎይታ ኧሁኖዋ ቲቴኤፐርኮታ ምር ይኸርካአር ይቨስርሁዋ? ኡኮዳ ኧወንደ አያ ኧኸረ አህር ይቨስር ። ተውንድ ኧተሾትን ተዋርት ኤኛአር ምር ያሲእ?
+\v 16 ተአት ደቨር ቴፖዊ ሊጥ ኧአወተረ ሁዳ ኧትቀደሰ በኸረ ሊጥሁዳ እንእ ይትቀደስ እመኸቭ ኧአት ኤኧ ኧስርኋ በትቀደሰ አጤሞኋ ኢትቀደስ ።
+
+\v 17 ኧኧግሪ ኧዌራ ኤኧ አጤ ኧሆርዋ አይሁድ ታጭሙ ቢወድኡዋ አሁዋ ኧድቭር ኧዌራ ኤኧ አጤ ኧኸርሁዋ በአረማዊ ሁኖዋ ኤኤዲ ተሽገርሁምታ ኧሁኖይ ዱኒያይቭ በረካቭ ትሻኮታአር ኸርሁም ፥
+\v 18 እመኸ ኧኸሬ አሁዋ አረማዊ ሰቨ አጤመኸ ታንጩምታ በወተኡዋ በአይሁድ ሰቭ አትሃጭዋ አሁዋ አጤ በሁርታሁዋ ኧስርኋ አሁዋ ፌነገ ይሸከቭ ባሃሬ አሁዋ ኧስርኋ አትፌኒግዋይ ኧኸሬ አትሃጭዋ ።
+
+\v 19 ተዋቴ «አጤ ሁኖዋ ኧሰፖርዋ ኢያ ኧገቫዎነኸ»ትቭር ኢህሴ ።
+\v 20 ዋኸ ኧዋርትኛ ኧውረምነኛ ሁኖዋ ኧሰዎርትሁኖዋ ባነኦዎርትሁኖዋ ኧትረሳደ፥አኸ በእምነታኸ ተሸከቭኸ ወኼ ቡስር ይረቭርቨኸኸ ኧቲኢቢታአር አይበርቨኸ ።
+\v 21 ጎይታ በፍጥረትሁኖዋ አጤ ኧሆርዋ ሁኖዋ ከስ ባቦደን አኸቭ ከስ አይወትኩዳቭ ።
+
+\v 22 አካ ኧጎይታ ሚርነድይ ቱእነድ ኧዠ፥ቱኡነትኋ በወተኡዋ ሁኖተን ፥ሚርነድኋ ጭን በሚርነድኋ ከስ በረፐርኸ አኸትን ።
+
+\v 23 ኧይሁዳ ሰቭ ባነኦዎርትሁኖዋ ቢትወዘከዋ ተዣዌተዋ ኢግኦዋሴ ፥ ጎይትቭ ዣቪተ ያገቫኮይ ኢኸነ ።
+\v 24 አሁዋ ኧአረማዊ ሰቭ ፍጥረታሁዋ በድቭር ዌራ አተ ባነሁዋተ ፤ዋእካ ጭን እንኤኤዳሁዋበኧግሪ ዌራ ኤኧ ኧተኧዎርት በኸረናሁዋ ፥ኧኧግሪ ዌራ ኤኧአቴፐ ኧረፖርዋ ኧአይሁድ ገኝሰቭ ኢኢፍት ኤኤድሁኖዋ ተዣቬተዋ ኢጎኦዋይ ኧቭር አይኸኖታ?
+
+\v 25 ኧሰማትኞ« ሃረንረ» ባይተሁዋታ አትጋጌዥዋ ፤ አይሁድ አት ሚስጥር አነ ፤ ሁዳቭ ኧእስራኤል ገኝ ሰቭ ባአይ ኧዋርትሁኖዋ ኧቀጥወ ስን ታይኸር ኧአረማዊ ሰቭ እንእ ኧጎይታይ ቲዎኦዋ ስን ፥
+
+\v 26 በዋ አይነት ኧእስራኤል ገኝ ሰቭ እንእ ኢተርፉቴ እመኸ ኧኸሬ ዋኸ ቧርሙ ኤጣፊመኸ ፥ « ያተርፍካአር ተኢዮሩሳአሌም ቆቶ ይቫአኬ ፥ ተያዕቆብ ቡሺኢነድ ያአይኬ ።
+\v 27 ኧሁኖም ባጢርሁኖዋ ትናፈካኖታ ተሁኖም እማትሜ ቃር ኧገፓሁኖዋ ዋትነዳ ። »
+
+\v 28 ኧእስራኤል ገኘ ሰቭኧጎይታ ቃር ባንተኧዎርትሁኖዋ አሁዋ ኧአረማዊ ሰቭ ጥቅም ኧጎይታ ጠራት ሆርሙ ፤ ቢኸርቭ ጎይታ ዘርሁኖዋኧሽፐተኒ በአባሁኖዋ ኧቫአ ጎይታ ነመደኖም ። ፤
+\v 29 ጎይታ በሸፐተኖዋቭ ጠጋ ባቨኖዋ ቀጥወ ቤፐን ዘንጋ አይትውዘከቭካ ።
+
+\v 30 አሁዋ ኧዋኢፍቲ ኧአረማዊ ሰቨኸ ኧጎይታ አቴኤዘዥዋአር ባነሁተ ዋአካ ጭን ኧይሁዳ ሰቭ ባታአዞዥትሁኖዋ ኧቫአ አሁዋ ኧጎይታ ምረት ነከቭሁም ።
+\v 31 አሁዋ ምረት በነከሁከ አይነት ሁኖም ምረት ኢረሁዊ ኧጎይታ አይታአዘዥዋአር ሆርም ።
+\v 32 ኧጎይታ ምረት ኧሰቭ እንእ ያቲሺ ቲቭር ሰቭ እንእ አታአዦዥት እስረኝ ኤፐኖም ።
+
+\v 33 ኧጎይታ ደገኝነድ ጎኩርሙ ኋርዋ ኧኋርትኋ ኧተኸ ኑኡየናአር? ፍርድሞኋ አይምሮምሪዳናአር መያሞኋ አይሰረኮዳ
+\v 34 «ኧጎይታ አሳቭ ኢህርካ ማንተን? ኧሁዳቭ አትቫታን ኤንዳ ።
+
+\v 35 ኧጎይታ አጅግ ኢኩዳቭ አቨን አጅግ ኢዎስድካ ማንተኝ? »
+\v 36 ፣እንአር ኧትረከቨ ተሁዳ ፥በሁድምን ኧሁዳምን ኧዘላለምክብር ኧሁዳ ኧህር አሚን።
+
+\c 12
+\p
+\v 1 ባቴ ኧሰማትኞ እንማኹዋ ሚሲያኹዋ ኧጎይታ ያትሽርካ አያ ኧኸረ ህትቭ ኤኝተኹዋ ታቲኢንዋኸ በጎይታ ሚነደ ኧሰኧርኹዋ ፥እመዳቭ ወኼ ቀልብ ይረቭርኩዳ ሰቨኸ ታትእኒዊዳ አጎኩርትን ።
+\v 2 ወኼ ይሽርካ ቂጥ ኧቫራአር እጎይታ ፍቃድ ምር ኧኸረኸ ቲኺርዋይ ኺናኹዋ በጎኩርት ጎይታ በፍሮይት ባንኻሬ ኧዋአለም ሰቨኸ አትውሰርዋ ።
+
+\v 3 ጎይታ እንማሁዋ ባቨናኹዋ እምነታሁዋኸ ገጋኹዋ ጎኩርሙ ቦስርዋ ባኻሬ ተገጋኹዋ ደረግ በፎር ገጋሁዋ ኑእ ኤኝተኹዋ ባታዥዋይ በቴቬ ጠጋ እንማሁዋ ኧቨኽር ።
+
+\v 4 በአታት አትንራ ሚሲየንራ ኖኦራ ብልት አነውንረመኸ ፤ እም ብልትንራ እማት ዓይነት ሜና ኤነኖመኸ እንእ ፤
+\v 5 እመኸ ኢናቨ ኖኦራአር ሰቭ በኸነሜ በክርስቶስ እማትንረ ።
+
+\v 6 ኧቴቨንረ ጠጋመኸ ኤኛ ቡችር ስጦታ አነውንረ፥ኧአት ሁዳ ኧቴቨን ስጦታ ትንቢት ኧዘጉት በኸረ ፣እእምነትሞኋኸ ደረግ ይዝሬክ።
+\v 7 አገልግሎት በኸር አገልግል ፥ያስተምርካአር በኸረ አስተምር ፣
+\v 8 ይቨህርካአር በኸረ ኧቭኽር ፥ኧዚጋ ሰቨ ይቭካአር በኸረ በኸረ ኧገክር አቭ ያስተዳድርካአር በኸረ ኧገክር አስተዳድር አፍ ይካ ተኪንኋይ ኧገክር አፍ ኧቫር ።
+
+\v 9 ንመጅነዳኹዋ ኸጥነድ ኤኖዋአር ኧህር ሙጥጣአር ኧኸራአር እንእ ጥሮዋ ወኼአር ኧኸረ ኹዳ እንእ ጎኩርሙ ጡጩዋ።
+\v 10 ገግ ተገግማኹዋ በኧሰማትነድ ንማጀነድ ጎኩርሙ ተራዎጅዋ ተገጋኹ ይረእ ኤኛ ኧሰማታሁዋ በርዎት ገግ ትገጋሁዋ ተኋቦጁዋ ።
+
+\v 11 ጌታንራ ታጌክርዋኸ በመንፈስ ኧረተትሁዋአር ሁርዋ ባንሃሬ እመኸቨ ጃድ ተዋርት ኢኒነ እንባሁዋ ።
+\v 12 በተስፋ ሂናሁዋ ኧሳርሁዋ በመከራ ፍሮኹዋ በጠሎት ቱኾዋ ።
+\v 13 አገኝነዋ ቅዱሳን ታነነኹዋታአር አሻጉጅዮዋ ባዘራቭ ተኦወርዋ ።
+
+\v 14 ያሳትችኩዋታ ሰቭ ዳርዋ ባንከሬ አስድዋ ።
+\v 15 ሂንሁኖዋ ቲሽርኮታ ሰቨ ኺናኹዋ ኧሳርሁዋ ተትቨጠጠ ሰቨ አሁም እትዋጥጪዮዋ ።
+\v 16 አኹም ታኹም በስቫኦት ንዎርዋ ፤በዚግነድ ቲሬውርታ ሰቨ እማትሜ ትረውርዋኸ ገጋኹዋ አትኦዋ ባኻሬ አትጋጌዥዋ ፥በገግማኹዋ አትሻሞሁዋ ።
+
+\v 17 ኧቫኒም ሰቨ ሙጥጣአር በሙጥጣአር ሃአቭተሁዋ አዣውርዋ በሰቨ ኢፍቲ ወኼአር ኧኸረ ዘንጋ እንእ ቴዋኸ አትዋቃርዋ ።
+\v 18 ቢኸነኹዋ በሰቭ እንእ ኢፊቲ ወኼአር ኧኸራአር እንእ ቴዋኸ አትዋቅርዋ ።
+
+\v 19 ናማጂየኞ ማአት ኧጎይታ ቶእነ ባንኻሬ ኧውጥጥ ዘንጋ አጅግ አዣውርዋ «ኧውጥጥ ዘንጋ አጅግ ኧዠፕርካ »ኢያ ጎይታንሁ ይር ጌታንራ ባርሙ ጣፊይ ።
+\v 20 ይረካሞኋ ባላጋራኸ ቢገድኩ ሸረድ አቭራኩ ቢጠቫኩ አስጠይኩ ። እመኸ ቦኖታኸ እእሳድ ፌቭ በገግኋ ፎር ታወራ ።
+\v 21 ስ ሙጥጥ ዘንጋ በወኼ ዘንጋ ኧምኩ ባኻሬ በውጥጥ ዘንጋ ኢቴኤመኸ ።
+
+\c 13
+\p
+\v 1 ማኒም ሰቨ በዳነድ አነውታ ሰቨ ኧትጎዦት አኖ ፤ ዳነድ ተጎይታይ ባኻሬ አይቫአካ ፥ዳኝ ኹኖዋ ም በጎይታ ተሾም ።
+\v 2 በዳኝ ኹኖዋ ፎር ያምጥካ በጎይታ ቂጫ ፎር አመጠ ኧዋርትን ፥እመኸ ዬውታ ኹኖዋ በገግኽኖዋ ፎር ፍርድ ያዎኦዋ ኧዋርትን ።
+
+\v 3 ዳኝ ሁኖዋ አትፎትሁኖዋ ሙጥጣአር ቢዬውታ ሁኖተን ባኻሬ ወኼአር ቢዬውታ ሁኖዋ አኸረዳ ።ዳኝ ሁኖዋ አትፈየኸ ቲሲኢ? እመኸ ወኼአር ኧና ሁዳቭ ባኸ ይሳርኩሴ ።
+\v 4 ሁኖም አኸ ወኼአር ዬዋይ ኧጎይታይ ሜንኝነዋ ። ዘንጋ ጭን ሙጥታአር ቢቴቭ ፍረይ ፥እመኸቭ ሴፍ አታአከደዳ ሙጥጣአር ዬቭካ ኹዳ ይቀጣይ ኧጎይታ ያጌክርካናአር ኧቫአት ግቭር ኸረ ።
+\v 5 ባቴ ይቫአካ ቅጣት በፉረይት ታይከር ፣ኺንራ ታይወቅስንረ ኧዳኝ ኹነዋ ኧትጎዦት ወኼናአር ።
+
+\v 6 ግብር ትኮሽታ አንዳ ኧዋትነዳ ፥በዋ ሜና ኣወርዋ ኧጎይታ ሜነኝነዋ ።
+\v 7 ኦጦጣኹዋ ይሰራወኹዋታአር አዋ ግብር በኸረ ግብር ቀረጥ በኸረ ቀረጥ ኳሹዋ ይፎይ አንዳ ፍሮይዋ ክብር ይዊ አንዳ ክብር አዋ ።
+
+\v 8 ገግተገግማኹዋ ተራወጅዋ ባኻሬ ኧአትሞኋ ሰቨት አይበርዎኹዋ ፤ ሰቨ ይረምድካ እንእ ቂጫ ዬቭ ።
+\v 9 « ተረከቭኸን ሰቨ እንእ ውጅር አድምድ»፤ አትእትር ፤ አስርእ ፤ አዝወኝ ፤ ዩታ ኤኛቭ ቂጫ ቢረውርዋ ፤ «ሰቨ እንእ ኧገግማኸኸ ኧና ንቨድ ቢይካ በዋ ቂጫ ከስ ተጥቫነረ ።
+\v 10 ንማጀ በሰቨ እንእ ሙጥጣአር አዬቭካ ፥ንማጀ ቂጫ ያርወዳን ።
+
+\v 11 ዘቨርኋ በዎስርት ዋኸ ኦኖዋ ፥ ተዊኢዳኹዋ ቃንዠ ትንኮዳ ግዚየ ዋአካን ፥ኧትርፉትንራ አአወተረ ታአመኔኮ ግዚየ ይረእ ዋአካ ኢናይ ቴኤነቨ ።
+\v 12 ጥነቫ ኹዳ ወረ ጋእ ይርወዳ ቴኤነቨ ፥ ባቴኧጠነቫ ሜና ናአነ ንቃሽነይታ እእዋየ ኧጋዝ ግቭር ንትኸተነ ።
+
+\v 13 በዋአና ናነምብኸ በጨር ንዥቯቨነ ።
+\v 14 ይረካሞኋ ጌታ ኢየሱስ ክርስቶስ ተኾደሪ ፥ቴሜኛታኹዋ ይቬናነኹዋኸይ ጭሟጨመኋ ይቬናነኸ ኧቨሰራኹዋ ጩሟጨ ቤየ አታዊ ።
+
+\c 14
+\p
+\v 1 በእምነትኋ ኧቄጠ ሰቨ ፣ በኸረ ዘንጋ ቢትሟገትኹዋ ታትፎርጅኮ ተኧወሪ።
+\v 2 አት ሰቪ እምነት ማኒማአር ይቨራኸ ይፈቅድነዳአር ይኽሴ በእምነትኋ አንተፓ ኤኛ ሰቨ ጭን በሰር አንቨራካ ይር ይኽሴ ።
+
+\v 3 ማኒምአር ይቨራካ ኹዳ ምኒምአር አይቨራ ኹዳ አይፍርድወ ጎይታ ቴኤፐረን ።
+\v 4 ኤኛኋ ቢዬኩዳ ሜና ትፈርድካ አኸማተንኸ? ኹዳ ቢወድእ ውይ ቢሸከቭ ኤጌታኖኋ ፥ያሸኩኪ ይኸኔ ኧኸሬ ጌከረ ይሸከቭ።5. አት ሰቨ አት ቀረ ተኤኛ ቀረ ይረእ ቅዱስን ኤፐ ይቬዝር ኻአቨታ አት ኹዳ ቀረኹኖዋ እንዳም ቂጢየ ኧኾርዋኸ ይኺር ኧጦጣሞኋ ኧገግኋይ አሳብ አጫምጥታ ኧጥ ።
+
+\v 5-6 አት ቀረ ተኤኛ ቀረ ይፈዝካአር ኤፐ ያጫምጥካ ሰቨ፤እመኸ ዬብኻ በሰር ይቨራካ ኧጌታኋ ባረይቨራ ኧጎይታ ሽኩርት ያቴኤንቭ ። አይቨራ ኹዳ ኧጌታ ትይር አይቨራካ ፤ኧጎይታ ሽኩርት ያቴኤንቭ ።
+
+\v 7 ቲና ማንሞኋ ኧገግኋ ባረያታ ይረቭርካይ ፤ኧገግሞኋ ይወድካ ኤነዳቭ ።
+\v 8 ብነቭነ ኧጌታ ንረዐነ ፥ብንወድነ ኧጌታ ንወድነ ፥ባቴ ብነቭነ ብንወድነ ኧጌታንራአር ።
+\v 9 እመኸቭ ኧወጁዋኹኖዋይ አያ ኧኾርዋ ኹኖዋ ጌታ ይኸሪ ክርስቶስ ሞደ ፥በአይያ ተረሳቭ ።
+
+\v 10-11 ባቴ አኸ በኧሰማኸ ፎር ኧቭር ትፈርድው? ኧብራፈድን ኧሰማ ትቅርጥካ? በጎይታ ኢፊቲ እንመንራ ኧፍርድ ንቴኤነቭነዴ ፥ዋኸ ባርሙጣፊይ «ኢያ አያምንኹ ፥ ደረግ እንእ ኢያ ስኩድ ፥ አነድ እንእ ኧጎይታአር ይኢድኬ ይር ጌ.
+
+\v 12 ባቴ ኧአታት አታትኋ ኧገግዃኋ በጎይታ ኢፊቲ መልስ ይወዴ ።
+\v 13 ባቴ ገግ ተገግማኹዋይ አት ኹዳ በኤኛ ሰቨ ተትፋረጅት ተጠፖዋ ፤በዋ ሟርጭን በኧሰምኋ መያ እንቁርፊት እቭር ወይ ሽካ አታወራኧ ታጠኸ አጭምጥ
+
+\v 14 ኢያ በጌታ በኢየሱስ ኧርኹታ ኧኻርኹንመኸ በገግኋ ጥርር አኸረ ሸረድ ኤነኸ ኻርኹ ፥ዘንግ ጭን አት ሰቨ አት ዘንጋ ጥርርአ ኸረኸ ይቬዝር በኸረ ፥ዋ ዘንጋ ኧኹዳ ጥርር አኸረዳ ኧዋርትን ።
+\v 15 ኧሰማኸ ብትቨራኩዳ ሸረድ ቀጨ ይኩ በኸረ በርማጀ አንቦረዳ ኧዋርትን ፥ባቴ አኸ ክርስቶስ ኧወደን ኧሰማኸ በሸረድ አታአይኩ ።
+
+\v 16 ወኼናአር ባኸ ታአስብኩዳ ዘንጋ ሙጥጥናአር ባይተዋ አይቆርኸጪኸ አተና ።
+\v 17 ኧጎይታ መንግስት ጽድቂ ወገሬትበመንፈስ ቅዱስ ኧኸረ መትራርእን ባኻሬ ኧሸረዲ ኧቨጠጥአር አኸረዳ ፥
+
+\v 18 እመኸቭ ክርስቶስ ያጌክርካ ኧጎይታ ኺንኋ ያትሽርኩ፥በሰቨ ኢፊቲሜ ኧዳረዳናአር ።
+\v 19 ባቴ ወገሬት ይረኹኮዳአር ገተገግመንራ በክርስቶስ ንትራእኔኮዳአር በሶእት ናትቫቅነ ።
+
+\v 20 ኧሸረድ ትትር ኧጎይታ ሜና አትቫንር ። እንአር ጥርርን፥ ዘንጋ ጭን ኤኤኛ ሰቨ ቆፋት ይኸርካ ሸረድ ኧውረት ኧድዋወርት።
+\v 21 ኧኣሰማኸ ቆፋት ይኸርካ በሰር አንውረት ፥ ወይን አስጦይት ወይ አታአር እነኖት ወኼናአር ።
+
+\v 22 ባቴ ኧዋኧ ዘንጋ ሁኖዋ አነነኸዳ እምንት ባኸይ በጎይታ ግት ኧቲኢያአር ኧኽር ፥ኧውረምናአር ባረ በቴኤፐረን ዘንጋ ገግሞኋ አይቀርጥ ኧዳረ ሰቨን ።
+\v 23 ዘንጋ ጭን ይጥራጠርካ ሰቨ ትቨራካ በኦዎርት አኸሬ ፤ተፈደወ፥በኦዎርት አኸራአር እንእ ባጢርን ።
+
+\c 15
+\p
+\v 1 በክርስቶስ ቱኧ ኧኸነ ኢና ፣በእምነትኹኖዋ አንቆሞርዋ ኹኖዋ ናአግዝነዮይ ባንኻሬ እማት ገግንራ ይሽንረዳአር ኦኖት ኤነቨንረዳ ።
+\v 2 አአታትንራ ኤኛ ሰቨ በእምነትኋ ይቆምረኸ ፤ኧኹዳ ያወድኩዳአሪ ይሽርኩዳአር ነናነ ።
+
+\v 3 ክርስቶስ ገግኋ ይሽርኩዳአር አኔፐዳ ዘንጋ ጭን «አኸ ኧቀነውከ ቂናወ ቢያ ሰናቪ ቧርሙ ኧጣፊመኸ ኸረቪይ ።
+\v 4 ባትኦት ቅዱሳን መጻኻፍት ቢይውታ ኧፍሮኽት ተስፋ ይረቭንረኸ፥ኧዋኢፊቲ ኧጣፉይ እንእ ኧትምርትንራ ጣፉንረ ።
+
+\v 5 ደረጊ ፋራኺነድ ይቨንረዳ ጌታ ኢየሱስ ክርስቶስ ትትኼተርታ ፣በግታኹዋ እእማትነድ መንፈስ አኹዋ ።
+\v 6 እመዳቭ ብእማት ኺኒ በዱምታ ኺንተኹዋ ፤ኧጌታንራ ኢኢየሱስ ክርስቶስ አባ ኧኸረጎይታ በኺናኹዋ ታኸቡጂነኸ ።
+\v 7 ባቴ ኣጎይታ ሽኩርት ይኸርመኸ ክርስቶስ ኧቴኤፐርኹዋመኸ ገግ ተገግማኹዋ ተታኤወርዋ።
+
+\v 8 ኧአቦዋኹዋ አዉዮዋ ተስፋ ቃር ያተቫይ ቲይር ኧጎይታ ሙርቴነድ ትይር ክርስቶስ ኧአይኩድ ሰቨ አግልጋይ ኧኸረኸ ኢኢትኹዋቴኔ ፥
+\v 9 እመኸቭ አረማዊ ኧጎይታ ኧፋራኺነትኋ ሽኩርት ይዊነኸን ፥ ዋኸ ቧርሙኧጣፊመኸ ፥ «ተዋቴ በአረማዊ ግት ሽኩርት ኢኸዴ ኧሹማኸ ኧዘምርኬ ። »
+
+\v 10 አትቭ ፤ « አረማዊዮ ተሰቨ መጋ ኧሳርኹዋ » ይር ።
+\v 11 ኻአቨታ « አረማዊ አንዴኤዳኹዋ ጌታን ሽኩር ባሪ ፣ ሰዎ እንማኹዋ ኧጎይታ አጋጊዥዋ ይር።
+
+\v 12 ኢሳያስ እመኸቨ ፥ «በሰቨ ፎር እንእ ይረግስካ ኹዳ ፣ ተእሰይ ዘር ይቫአኬ ፣ በኹዳቭ አረማዊ ተስፋ ዬውቴ ይር ።
+
+\v 13 በኹዳ በታአወርታኹዋ ኧተስፋ ጌታ ይሽርካአሪ ወገሬት እንዳም ኧቨና አኹዋ ፥ እመዳቭ በመንፈስ ቅድስ ደረግ ተስፋ ኧዲባሻአር ትትቬነዋነኸ ።
+
+\v 14 ኧሰማትኞ ፥አኹዋም ገግማኹዋ በወኼአር ኧቲቬናኹዋ፥በኋርት እንእ ኧትራኹዋኸ አት አታኹዋ ትዎኹርዋይ ደረግ አነነኹዋኸ ኢያ ገግመኛ እርግጠኛ ኧርኹ ።
+
+\v 15 ጎይታ አቬ ጠጋመኸ ኻአቭተኹ አጬፕኹዋይ አታታአር አዘግድኹዋይ ታንፈይ ኧጣፍነኩዋ ፥
+\v 16 በጎይታ ወንጌል ኧክኽነድ ሜና ፥አአረማዊ ኧክርስቶስ ኢየሱስ አገልጋይ ኧኸርኔን ፥እመዳቭ አረማዊ በመንፈስ ቅዱስ ተቀደሽተዋ ጎይታ ይቴኤፐርኩዳ ፈቸድ ይኾርዋኸ ትንን ።
+
+\v 17 እመኸቭ ኢያ ጎይታ ባጎጉርትኛ በክርቶስ ኢየሱስ ኧትመካ ።
+\v 18 በዝሬከኹንአሪ ቤፐኹን ዘንጋ አረማዊ ኧጎይታ ይትቴኤዘዕዋኸ ፥ ክርስቶስ ቢያ ኸረታ ቴፐን ኤኛአር ኧዥሬኪ አኔኩዳ ፥
+\v 19 እመዳ ኧኸረ በመንፈስ ቅዱስ ደረግይ ፣በመርኸቲ በወግቭ ባንደ ። እመኸቭተኢየሩሳሌም ስን እልዋራቆን አንዴኤሞኋ ኧክርስቶስ ወንጌል ጀፐርኹ ኤኤቱኹ ።
+
+\v 20 ኤኟኋ በቀነሰን ሸቨኝ ፎር አናረሽኸ ትንር፣ ኧክርስቶስ ሹው ባንትኸናወኤዲ ወንጌል አአውጅት እንግዚየ ቴሜኛትኛ ባንደ
+\v 21 ይረካሞኋ ፣ «ኧኹዳአር አኔኤጂዮዋ ያዥቴ አሰሞዋ ኹኖዋ ይቬስርቴ » ቧርሙ ኧጣፊምነኸ።
+
+\v 22 በዋኧቫአ አኹዋይ አንቫአመኸ ኖኾራ ግዚየ ኾኖኝ ።
+\v 23 ዋአካ ጭን በዋኹኖዋ ኤኤዲ ኤቭካአር ኤኔ ኧኸሬ ተኖኦራ ኽርቭ ቀነስኹ አኹዋ አዢ ኧሲኢ ኧረፐረደኔ ።
+
+\v 24 እመዳ አጫመጥኹን እስጳንያ ብናርወዳ ግዝየ ኤቭኩይ አጫመጥኹ ። እስጳንያበወርኹ ግዚየ አሽኹዋይ ታኹም ኧቀሪመጋ ኧኩሽተኹታ አሲኢናኛ በዋአኒቀጥወ ኧመያመኛ ይኸርካአር ቲኢፑኝመኸ ተስፋ ኤቭ ።
+\v 25 ዘንጋ ጭን በኽሜ አኑታ ቅዱሳን አጌኪሪ ኢየሩሳሌም ብናርወዳ መያምንኹ ።
+
+\v 26 ምክኒያትሞኋ መቆዶንያ አካያ ፥በኢየሩሳሌም ታነውታ ቅዱሳን ግት ቲረውርታኧ ዚጋ ኹኖዋ ዋጋ ይዊዮይ ተረሻሾም ።
+\v 27 ኡጉዣ ዬቭኖይ ተረሻሾም ፥በውረቭ ሰቨትኹኖተ አረማዊ ሰቨ ኤአይኹድ ሰቪ መንፈሳዊ በረካ ይሻኮጅዋታአር በኾርዋ ፤ኧዋ አርዳ በረካ ተአይኹድ ሰቨ እማትሜ ይሻኮጅዋመኸ ኧኹኖዋ ሰቨትኹኖተ ።
+
+\v 28 ባቴ ሜናኹዳ ምስተኸ በጀፐርኹ እምውኼዘንጋ ኧተኦዎርትኹኖዋ ባጬግኹ ቀጥወ እስጳንያ ኤኝተኹ ትናርኬ ፥በመያመኛ አኹም ኧዥኹዋሴ ።
+\v 29 አኹሜ ኤኝት ኹ ትንቫአካ ፣በክርስቶስ በረካ ቴቬኝተኹ ኧቫአመኸ ኧኺር ።
+
+\v 30 ኧሰማትኞ ኢያአር ኧጎይታይ ኤኝተኹዋ በጠሉይት ጃድበዋርትኛ ኡጉዣ ትኾኒኸ በጌታንራ በኢየሱስ ክርስቶሲ በምብንፈስ ቅዱስ ንማጀ ኧሰኸርኹዋ ።
+\v 31 ፣ በይኹዳ ታነውታ ታታአውርዋ ሰቨ ኧክ ኧተርፈኸ በኢየሩሳሌም አነዳ አገልግሎትኛይ በኽሜ አነውታ ቅዱሳን ይቴኤፖኝመኸጠሉዩኒ ።
+\v 32 ኧመኸ በጎይታ ፍቃድ አኹዋይ ኤኝተኹ ትንቫአካ ኺኛ በሳርት ሜኤተኹታ ታኹመጋ ኧጣወነኸ ።
+
+\v 33 ኧወገሬት ጌታ ትንማኹዋ ኧኽር አሚን ።
+
+\c 16
+\p
+\v 1 በክንክራኦስ ቤተክርስቲያን አገልጋይኧኸረች ኧተምንራ ፌበን አደራ እርኹዋ ።
+\v 2 ቅዱሳን ቢቴኤፖርኮዳ ኸተኧዎት በጌታ ንማጀነድ ትቴኤፖሪያኸይ ታኹዋ ያሲካዳአር እንእ ኧቨያሻአር ቴውናኸ አጬፕኹዋ ፤ ኧኖኦራ ሰቨይ ኢያቭ ስን ኑእ እጉዣ ባነቸ ።
+
+\v 3 በክርስቶስ ኢየሱስ እማትሜ ያጌክርካ ስስስ ኧጵርስስቂላይ ኧእቂላ ወገሬት ቧርኒ ።
+\v 4 ኹኖ ኢያ ቲዩርዋ ገግኹኖዋ ኧውንድ ቲሰሮዋ ስን ቴውም ባንደ ፤ ኧኹኖዋአር እማት ኢያ ታንኸር ኧአረማዊይኹኖይ ቤተክርስቲያን ሰቨ እንእ ታይወኸር ሽኩይዋ ።
+\v 5 በኹኖይ ቢድ አነዳ ቤተ ክርስቲያንቭ ውወገሬት ቧኒይ ። በኢሲያ ገኝ አዳ አወተረ ኧክርስቶሲ ኧዘፐረ ፥ኧረምድኩዳለአጤኔጦን ወገሬት ቧኒይ ።
+
+\v 6 አኹዋ ቡሼኤኸ ኤቄጠች ለማርያ ወገሬት ቧርቢ ።
+\v 7 ቲያ እማትሜበወክኔ ኧታአከደ ደቦኛ ለአንዲራኒቆንና ለቱሊያን ወገሬት ቧኒ ኩኖም በጎይታ ኪሸረኝ ግት ኑእ አኸዳ አነኖዋ በክርስቶስ በኧወርትኹኖዋ ቲያ ይረእ ኧቬተርታኖአር ።
+\v 8 ብጌታ ንማጅድነድ ኧርምድኩዳ ለጵልያጦን ወገሬት ቧኒይ ።
+
+\v 9 በክርስቶስ እማትሜ ኔቭነኧነፐረ ልኢሩባኖይትነምድኩዳ ልስንጣክን ወገሬት ቧኒይ
+\v 10 በክርስቶስ አነንዳ እምነትኋ ፎቶርሙ አሾምታ ኧዳር ለኤጤሌን ውወገሬታ ቧኒይ ። ኧአርስጦቡሎስ አበሩስኧኾርዋ ኹኖዋቭ ወገሬት ቧኒይ ።
+\v 11 ኧደቦመና ለኼሮድዮና ወገሬት ቧኒይ ። አሞርሙታ በጌታ አነውታ ለንርቀሱ አበሩስውብገሬት ቧርኒይ ።
+
+\v 12 በጌታ ኧራምታ ላድ ቲይራ ዬቫታ ኢስቻ ፥ለፕሮፊሞናይ ለጢሮፊሞሳ ወገሬት ቧኒይ ። በጌታ ኧረችታ ቡሼኸ ኤቄጠች ኤኤኟ ኺዳ ኤትረመደች ለጠርሲዳ ወገሬት ቧኒይ ።
+\v 13 ጌታ ኧቬጥርዋ ለርፎንይ ኢያሜ አዶድ ኧኸረች አአዶድኃ ወገሬት ቧኒይ ።
+\v 14 ለአስቀራጦንይ ለአፊለጳ፥ለኼርሞኒን ፥ለጳጥሮባን ፥ለኬርማን ፥ተኹኖም እማትሜ ታነውታ ኣሰማ ወገሬት ቧኒይ ።
+
+\v 15 ለፍሌጎን ፥ለዩልያ ፥ለኔርያና ፥ኧተሞኋ ፥እመኸቭ ለአልንጦን ፥ተኹኖም እማትሜ ታነውታ ቅዱሳን ወገሬት ቧኒይ ።
+\v 16 በጎይታ ንማጅነድ አሁም ታሁም ተሳአውሙታ ተዛንጉዋ ኧክርስቶስ ቤተክርስቲያን ሰቨ እንእ ወገሬት ይኩዋ ።
+
+\v 17 ኧሰማኞ ሰቨ ተሰቨ ይዋትርዋይ ቲሲኢታይ ተትማርኹይ ትምርት አያትጋፓዋ በኦዎርታኹዋ እንቁርፊት ይኾርታ ሰቨትጮፐውዮኸ ኢኢድኹዋ ተኹኖም አራኡዋ።
+\v 18 እእመኹኖመኸ ሰቨ ኧገግኹኖዋይተመኛትይቬኖዋይ ይስኢዋ ባኻሬ ኧጌታንራ ኢኢየሱስ ክርስቶስ አይታአዘዥታ ፥ወኼአር ይዝሮግታአር ቲዎስርም ሚራ ኹኖዋ ይቄቅታኖዋአር ።
+
+\v 19 አኹም ኧታአዘዥት እንሞኹኖዋ ሰሞም ፣ብእመዳ ኢያቭ ኖኾራአር ሳረይ ።ቢኸር ወኼ ተውሼኤኋ ምርኧኸረኸ ትኺርዋይ ኧሲእ ።
+\v 20 ኧወገሬት ጌታ አትቫተረታ ሴጣን ተኧግራኹዋ በገዳ ይቅጠቅጥኩ ኧጌታንራ ኢኢየሱስ ጠጋ ታኹም ኧኽር።
+
+\v 21 ቲያ ዬቭካ ጢሞቴዮስ ፣ እመኸቭ ደቦኛ ኧኾርዋ ሊቂዮስ ፣ ኢያሶንይ ሱሲጴጥሮስ ወገሬት ይኩዋ ።
+\v 22 እምኪሸር ኧጣፍኹን ኢያቭ ጤርጥዮስ እርኹዋ ።
+
+\v 23 ኢያይ በቭድሞኋ አዳ ቤተክርስቲያን ሰቨ እንእ ያቫዝርካ ጋርዮስ ወገሬት ይርኹዋ ፤ኧከተማኋ ግምጃ ቢድ ዳኝ ኧኸረ ኤርስጦስይ ፣ ኧሰምንራ ቁአስጥሮስ ወገሬት ይርኹዋ ።
+\v 24 ኧጌታ ኢየሱስ ክርስቶስ ጠጋ ትንማኹዋ ኧኽር አሚን ።
+
+\v 25 በዘላለም ጌታ እዝዝ ሰቨኋ እንእ ኤቨስይተ ይቴኤዘዘኸ ፣በነብያት መጣፍቭ ዋአካ በታሸ ኹዳ ፣
+\v 26 ተዋኢፍቲ ተኖኦራ ዘቨር ቀነሰ ተደኧረ ይረቭር ኧረፐረ ሚስጥር ባስተማርኹዋ ወንጌል በኢየሱስ ክርስቶስ ኤቴኤደ ያተፓኩዋይ ይኸነዳ ፣
+
+\v 27 እማት ኧኻርት አነንዳ እማት ኧኸረ ጎይታ በኢየሱስ ክርስቶስ ኧዘላለም ክብር ኧኽር አሚን።

47-1CO.usfm

@@ -0,0 +1,647 @@
+\id 1CO
+\ide UTF-8
+\h 1 Corinthians
+\toc1 1 Corinthians
+\toc2 1 Corinthians
+\toc3 1co
+\mt 1 Corinthians
+
+\c 1
+\p
+\v 1 በጎይታ ፍቃድ ኧክርስቶስ ኢየሱሲ ኪሸረኘ ኢኸሪ ጎይታ ተኸናን ተጳውሎስቪ ተኧሰመንራ ተሶስቴንስ ፤በቆሮንቶስ አነዳ ኧጎይታ ቤተክርስቲያንቪ በአካይያ ኢረውርታቭ ቤተክርስቲያን እንእ፤
+\v 2 በቆሮንቶስ አነዳ ኧጎይታ ቤተክርስቲያን ፤በክርስቶስ ኢየሱስ ᎀጠርሙታ ኧሁኖመዪ ኢናሜ ጌታ ኧኸረ ኧጌታንራ ኧኢየሱስ ክርስቶስ ሹው ብንእ ኤኤዲ ቲሆሮታ ሰቭ እንእ ፤
+\v 3 ተጎይታ ታአቦንራ ተጌታመንራ ተኢየሱስ ክርስቶስ ጠጋቪ ወገሬትቭ ታሁዋ ኧህር።
+
+\v 4-6
+
+\v 7 እመኸ ኧኸሬ ኧክርስቶስ ኢየሱሲ ኦኦት ትቱኡሮም ታነሁዋ ማንእየ አይነት ኧመንፈስ ቅዱስ ስጦታ አይዎኦሩወሁዋታ ።
+\v 8 ጌታንራ ኢየሱስ ክርስቶስ ቢቫአወዳ ቀረ ስን ቅነጨ አይቫር ሂንተሁዋ ትረውርዋኸ ፣ ሁዳ ቀረ ያርእወዳ ቀረ ስብ አጥቋጢቭተ የኧየሁዋሴ።
+\v 9 ተትከኋ ተኢየሱስ ክርስቶስ እማቲ ተረዋርዋይ ኧኸናናሁዋ ጎይታ ሙርቴን።
+
+\v 10 ኧሰማቶ በግታሁዋ መራክስ አይረቭረኸ፣እማት ሂን እማት አሳብ ኢረቭርሁዋኸ ኢረቭርሁዋመኽዪ ተድጋፖዋመኸ በጌታንራ በኢየሱስ ክርስቶስ ሹው ኧሰኧርሁዋ።
+\v 11 ኧሰማቶ በግታሁዋ መራክስ አነኸተቀሎኤ አበሩስ ሰምአሁ።
+
+\v 12 ዘጋሞኋ ዋኸትን አሁም እንእእንሁዋ «ኢያ ኧጳውሎስንሁዋአር ፣ኢያ አአጵሎስንኋአር ፣ኢያ ኧጴጥሮስንኋአር ኢያ ኧክርስቶስንኋአር» ባሁም ትትራኮሹዋ ቧርኝ።
+\v 13 ባቴ ክርስቶስ ተሻከደዪ? ጳውሎስሁ አሁዋ ባረ ተሰኧረዪ? ዌ በጳውሎስ ሹው ተጠመቁሁሚ?
+
+\v 14 ቀርጶስቪ ጋዮስቭ ባሀሬ ታሁዋ ግት አትዎኋ አናጠመቅዂ ኧኸሬ ጎይታ አትሸኩርኩ።
+\v 15 እመኸ ኧኸሬ በጳውሎስ ሹው ተጠመቅሁ ባይተ ኢኢድካአር አት ሰቭ ኤነዳ።
+\v 16 ውረቭ እእስጢፋኖሲ አበሩስ አጠመቅሁ፤፤ተሁኗ ኧኛአር ጭን ኢድዘከዴዳአር ኤነዳ።
+
+\v 17 ክርስቶስ ኧኬሼ ሁዳ ኧሰቭ ወንጌል ኢኢድኔ ባሀሬ አጠምቂ አኸረንዳ፤ ኧክርስቶሲ መስቀር አይትቀንጠኸ በሰቪ አአዮነድ ቃር ኧክርስቶስ ወንጌል አኒእድካ።
+
+\v 18 ኢየሱስ ክርስቶስ በቨስቀር ፎር ተሰኧረ ሞደ ይካ ቃር ክርስቶስ አያአውርዋ ሰቭ ጋውነድን ኢቨስርኮዋ፤በክርስቶስ አመነ ኧተነፍነ ኢኢና ጭን ኧጎይታ ደረግን።
+\v 19 እመኸ ቧርም ጣᎉ፥ኧሁኖዋይ ሀሪነድ ኤነኸ ኢንአኩዴ፤
+
+\v 20 አካ አዮ ኧቲ አነ; ቂጫሁ ኢሂርካ ሰቭ ኧቲ አነ? ኢትምራመርካሁ ሰቭ ኧቲ አነ? ጎይታ ኧዋ አለም ኧኋርት ጋውነድ አኔፐንዳ?
+\v 21 ተጎይታይ ኧኋርት ኧትረንሳ ፣ኧዋ አለም ሰቭ በገግኋይ ሀሪነድ ጎይታ ኧኋርት አኸረኔ ኧኸሬ፥ጋውነድ ቢቨስርካ ኢና ብኒኢድኔዳ በክርስቶስ ወንጌል ያአቭርካ ሰቭ ታተርፊ ኧጎይታይ ወሄ ፍቃድ ኸረ። አአይሁድ ሰቭእንእ ግዝየ ወግ ኢኸርካ መርኸት ኢሱኡዋ፤ኧግሪክቭ ሰቭ ሀሪነድ ኢሱኡዋ።
+
+\v 22 አአይሁድ ሰቭእንእ ግዝየ ወግ ኢኸርካ መርኸት ኢሱኡዋ፤ኧግሪክቭ ሰቭ ሀሪነድ ኢሱኡዋ።
+\v 23 ኢና ጭን ክርስቶስ ኢኢና ባረ ኧትሰኧረኸ ንኢድነ፤ዋ ቃር ኧይሁዳ ሰቭ ጭን ቆፋትን፤ኧጊክቭ ሰቭ ጋውነድን።
+
+\v 24 ጎይታ ኧኸናኗ ሁኗ ጭን ኧይሁዳቭ ሰቭ ቢሆሩዋ ዌ ኧግሪክ ሰቭ፥ክርስቶስ ኧግይታ ደረግቪ ኧጎይታቭ ሀሪነድምን።
+\v 25 ተሰቪ ኧኋርት ኧጎይታይ ጋውነድ ኢረእ ሀሪነድን ተሰቭሜ አርወተኝነድ ኧጎይታይ ቂጨኝነድ ኢረእ ኢትቭአ።
+
+\v 26 ኧሰማቶ እንዴ ጎይታ ኧኸናናሁዋ ግዝየ ምር አይነት ሰቭ ኧረፐርሁዋኸ አጫሙጭዋ፤ በሰቪ ሲፋን ታሁዋ ኢሮኡታ ኖኦራ ሀሪ ሰቭ አኖፖርታ? ኖኦራማሁዋ ተሩእ ሰቭቢድ አቧአሁዋታ፤ኖኦራማሁዋ ታቨጥቭ ቢድ አንቴኤኘሁዋታ።
+\v 27 ዘንጋ ጭንጋበዋ አለም ሀሪ ኧሆሩዋ ሰቭ ያቅቨጪ ቲይር ፥ኧዋ አለም ጋዋ ዘንጋ ሸፐተ ጎይታ ጦናᎀንረ ዩርታ ሁኗ ያቅቨጪ ቲይር ፥ኧዋ አለም ቂጨኘ ዘንጋ ዓአፐተ።
+
+\v 28 ጎይታ በዋ አለም ሰቪኧከበራአር ኢቨስርካ ሁዳ እንእ ኤነኸ ኢንአይ ፥ቦዋ አለም ሰቪ አአነሰቪ ኧቆጪቪ ባጭባጭቭ ኤፐዊ ዘንጋ ዘንጋ ሸፐተ።
+\v 29 ኧኸረ ሁዳ በጎይታ ኢፍቲ አይድጋኬዝነኽ።
+
+\v 30 አሁዋ ጭን ጎይታ ተክርስቶስ እማቲ ትረውርዋኸ ኤፐ፤ብእም ኧቫአ ጌታ ኢየሱስ ክርስቶስ ሀሪነድንራ፣ጽድቅመንራቪ ሙጭርነድመንራ ሱጉያመንራ ኤፐን።
+\v 31 ባቴ መጣፍ ይርመኸ«ሂንኋ ያወራካ በጉይታ አውራ።»
+
+\c 2
+\p
+\v 1 ኧሰማቶ አሁዋይ ኧቫአሁ ግዝየ ፣በጎይታ ሂን ኧረፐረ ምስጢር አትምብርኩም ባአሬ በገግኛይ ኧኋርትቪ ባአዮነድቭ ኢኢድሁዋይ አማአኋ።
+\v 2 በግታሁዋ ታነሁ እማት ኢና ባረ ኧትሰኧረ ክርስቶስ ባሀሬ ኧኛአር አታአር ባንሂርይ አንጥሁወ።
+
+\v 3 አሁዋይ ኧቫአሁ ሁዳ በሮኦራ ቂጭናቪ በፈራድቭ ከስ ኸርሁታ ቲያረኧዴ ማአሁ ባነደ።
+\v 4 ቃርመኛቪ ትምርትመኛ በመንፈስ ቅዱስ ደረግን ባሀሬ ፣በሰቭ ሀሪነድቪ በሰቭሜ አዮነድ ኧቫአአር አኸረንዳ ።
+\v 5 ኧመዳቭ እምነታሁዋ በጎይታ ደረግ ባሀሬ በሰቭ ኧኋርት አይኸነኸ።
+
+\v 6 ኧጎይታ ቃር ቢዌስርታ ሰቭ ግት በሀሪነድ ንዝሬክነ፤ንዝሬኪኔዳቭ ቃር ኧዋ አለም ሰቪ፣ዌ ዮኦፈታ ኧዋ ኧዋ አለም ዳኘ ኧሆሩዋ ሰቪ ሀሪነድ አኸረንዳ ።
+\v 7 ኢና ጭን ጎይታ ተዘቨር ኢፍቲ በተረ ኧክብርንራ ወሰነ አወናን ታንሂነዪ ኧረፐረ ሀሪነድኋ አጬግነ ንኢድነ።
+
+\v 8 እመዳቭ ተዋ አለም ዳኘ አትዎሁኗ አኋሪዳ፤ተኋሪሽ ዋ ኧከበረ ጎይታ ባሶኦሪዳ።
+\v 9 ቢኸር ኤር አናሸናአር፣እንዝር አንሰምአናአር፣ኧሰቭ ሂን አናጫመጠናአር ጎይታ ኢረንጂዳ ሁኗ አወናኖም።
+
+\v 10 ጎይታ ጭን በመንፈስኋ ኸረታ ዋዳ ኢኢና አትሄረንረ፤መንፈስ ቅዱስ አትዎኋ አይሰርአወ ኧጎይታ ዘንጋ አታአር ታይተርፍ ጀፐረ ይሂር።
+\v 11 በጎይታ ሂን ታነዳ ተጎይታይ መንፈስ ባሀሬ ፥በሰቭ ሂን አነዳ ጩመጨ ኢሂርካአር አትዎኋ ኤነዳ፤እመኸ ኧኸሬ ኧጎይታ መንፈስ ባሀሬ ኧጎይታ አሳብ ኢሂርካአር አትዎኋ ኤነዳ።
+
+\v 12 ኢና ኧቴኤፐኔ ኧጎይታ መንፈስን ባሀሬ ኧሰቪ ሁዳ አከረንዳ፤እመዳቭ አቨንረ ሁዳ ፥ ኧቴኤፐኔ ተሁዳ ኧኸረኸ ንሂነኔ።
+\v 13 ኢናቭ አአሁዋ ንኢድኔኩዋታ ሁዳ ዋዳን ፤ተሰቭ ውቀት ተትማኔ ቃር ታይኸር፣ተጎይታ መንፈስ ኧትማርኔ ቃር ንዝሬኪነ፤መንፈሳዊ ትምርት ናትመነዳቭ ሁዳ ተጎይታ መንፈስ በረከቭኔ ኧኋርትን።
+
+\v 14 ኧጎይታ መንፈስ ኤነነ አናአመረ ሰቭ ፣ኧጎይታ መንፈስ ኢንካ ወሄ ዘንጋ ኢቴኤፐሪ አይኸነዳ።እመዳቭ አሀ ሰቭ ጋውነድ ኢቨስርኩ፤ዋዳ በጎይታ መንፈስ ኢረሁዊዳአር ኧኸሬ ኧወስርት አይኸነዳ።
+\v 15 መንፈሳዊ ሰቭ ጭን ኢምረምር ባሀሬ ሁዳ ባአትዎኋ አይትምረመርካ።
+\v 16 ፥«ኧጎይታይ ሂን ማን ይሂር? ሁድሁ ኢቨህሪ ማን ኢኸነ?»ቧርም ኧጣᎉምነኸ።
+
+\c 3
+\p
+\v 1 ኧሰማቶ በክርስቶስ አንተፓሁዋ ትከ ኧርሁዋይ ኧኸሬ አባይተረ ሰቨነኸ ባሀሬ በጎይታ ቃር ኧትራኧ ሰቨኸ ኧዝሬክሁዋይ አኸረኒዳ።
+\v 2 ገና አንተፓሁዋይ ኧኸሬ አይቭ አሰጨኩም ባሀሬ ቱኧ ሸረድ አናቨንአኩዋታ፤ ዋአካቭ ቢኸር ገናንሁዋ።
+
+\v 3 ዋአካቭ ኧገጋሁዋይ አሳብ ቴእተሁዋታ ኧጎይታአር አኸርሁዋታ፤ ዋአካቭ ስን በግታሁዋ ኧሰቫአር ኧዝወርትቪ ሽርቭ ኧቴኤጅት አነ፤ ባቴ ዋዳ ኧጎይታ ሰቭ ኧሁርት ቸኧሁምኧዋ አለም ሰቭ ኧሁርትሻሁዋ አሀራ።
+\v 4 ታሁዋ ግት አት ሰቭ « ኢያ ኧጳውሎስንኋአር ኧኛማሁዋ» » « ኢያ አአጵሎስንኋር ቱሩዋ እመዳ ኧዋርታሁዋ በክርስቶስ አናአመረ ሰቨኸ ትርውሩዋ ኧዋርትን።
+\v 5 ዘንጋ ጭን ጳውሎስ ማንተን? ሁኗ በክርስቶስ ታአዉርዋኸ ኤፐኩዋ አገላይኗ፤ አሁም አአመርሁዋ ሁዳ ሁኗ ኤኤጅኩም ታንዳን
+
+\v 6 ኢያ ኧፐርሁ አጵሎስቭ እሀ አሰጨ ፤ አረኧ ጭን ጉይታን።
+\v 7 ያረእካ ጎይታን ባሃሬ ፥ ኧኧፐረቪ እሃቭ አሰጨ ሁዳ አታአር አሆርታ።
+
+\v 8 የኧቭርካ ሁድቪ እሀ ያሰጭካቭ ሁዳ እማትኗ፤ እእንእዎኋ ኧጣ ኧጣኋ ኧቬናኋ ኧገግ ገግኋ ሽልማት ኢቴኤፐርኬ።
+\v 9 ተጎይታ እማቲ ኒንአነዳንራአር ፤ አሁም ኧጎይታ ቹጃንሁዋ ፤ኧጎይታቭ ቢድንሁዋ።
+
+\v 10 ተጎይታ በቴቬ ኧቴውት እእህር አአት አአዮ ንፓቭኸ ጉዋር ሸቀርሁ ፤ ኧኛቭ ሰቭ ኢያ በሸቀርሁን ጉዋር ቀነሰታ ያረሽ ፤ ዘንጋ ጭን እንእዎኋ ኧዎጣ ኧዎጣኋ ኧተኸ ያረሸኸ ኧጦፕት አነወ።
+\v 11 እመኸ ኧኸሬ ኧሸቆሪ ጉዋር ቴእተታ ሀአቨ ኧኛ ጉዋር ኢሸቅርካ ሰቭ ኤነዳ እም ቢድ ያረሽኴ ኧሸቆሪ ጉዋር ኢየሱስ ክርስቶስን ።
+
+\v 12 ማንኢሙኋ በዋ በሸቆሪ ጉዋር ጉዋር ፎር በወርቅ ቭ ቢኸር በቭር ዌ በከበረ እቭር ቤኧ ዌ በሳአር ዌ በጋቫ ያረሽካ ሰቭ ቢረቭር ፤
+\v 13 ኧዎጣ ኧዎጣኋ በቭር አረሸኸ እንእዎኋይ ሜና ኢትሄርወዳ ኢታሽወዳ ኧፍርድ ቀረ አቫአኴ፤ ህም ቀረ እንእዎኋይ ሜና በቭር ኧቴፐኸ ብእሳድ ፍቲቶ ያዢዴ።
+
+\v 14 ማንኢሞኋ ኤፐን ሜና ባነኧፋወ ሽልማትኋ ኢቴኤፐ።
+\v 15 ሜናኋ ብእሳድ ኧተደወ ሰቭ ሽልማት ኢወኧርወ ሁዳ ኝን ኢተርፍ ፤ ቢኸርኢተርፍካ ሁዳ ብእሳድ ከስ በጭንቅ ገኢዋአካናአረኸ
+
+\v 16 አሁዋ ገጋሁዋ ጎይታይ ሙጭር ቢድ ኧኸርሁዋይ፣ ኧኸሬ ኧጎይታ መንፈስ በሂናሁዋ ኢቭር።
+\v 17 ባቴ ማንእየ ሰቭ ኧጎይታይ ሙጭር ቢድ ቢቫንር ፥ ጎይታ ሁድቭ ኢቫንርኩ፤ እም ኧጎይታይ ሙጭር ቢድ አሁትንሁዋ።
+
+\v 18 አት ገግኋ አቄቅ ማንኢ ሰቭ በዋ አለም ሀሪ ኧኸራአር ቢቨስርኩ፥ ሀሪ ኢኸረኸ ኢያ ጋዋንሁ ኧቫር።
+\v 19 ኧዋ አለም ሀሪነድ ዋኸ ቧርም ኧጣፊመኸ ሁዳ ሃሪ ሁኗ በገግሁኗይ ተንኮል ኢጠጥኮዋ ።
+\v 20 ሀአቨ በኧኛ ኤኤዲ ፥ጎይታ ሀነ ዩርታ ሁኗይ ጩመጨ ማንእየአአር ኧኸረኸ ኢሂር።
+
+\v 21 እንእአአር አሁዋ ኧኸሬ፥ በዋቴ አትዎኋ በሰቭ ሂንኋ እብያውራ
+\v 22 ጳውሎስቭ ኸረ አጵሎስ ዌ ኬፋ እም አለምቭ ኸረ ኧዘላለም አያ ኧሁርት ዌ ሙድ ፣ ዋአካቭ አነዳ አነዳ ሁዳ ኧረገኋ ኢቫአካ ሁዳ፤ እንእ አሁትናአር።
+\v 23 አሁዋ ኧክርስቶስንሁዋአር፤ ክርስቶስ ኧን፤ ጎይታናአር ኢፍበጎይታጋውነድቲ
+
+\c 4
+\p
+\v 1 ባቴ ሰቭ እንእ ኢና ኧክርስቶስ አገልጋይመኸዪ ኧጎይታቭ ኧሂንኋ አሳብ አዎኖኰ ሰቭ ኧኘተ ያዠንሬ ያትሲእ።
+\v 2 አደራአኖዳቭ አሰቭ ሙርቴ ኧሁርት አነወ ፤
+
+\v 3 ቢኸርቭአሁዋ ዌ ኧኛ ሰቭ ቢያ አጥጨነካ፤ ኢያቭ ስን በገግኛ ኧፈርዲ እንችልካ፤
+\v 4 ኢያ ሂንኛ ንጥሁን ፤ቢኸር ተቫጢር ኧቭጠርሁዳንኋአር አንካ ፤ቢያ ኢፈድካ እማት ኢየሱስን።
+
+\v 5 እመኸ ኧኸሬ ጌታ ኢየሱስ ኧፍርድ ቶኦትኋ ኢፍቲ ባአት ሰቭ እፈንዱሁዋ ፤ሁዳ ቲቫአካ በጠነቫ ኧደኧር ዘንጋ እንእ ሰቻይ ያአኩሴ፤ህም ግዝየ ሰቭ እንእ ተጎይታ ዋግግግጋኋ ኢተኧቨርሴ።
+
+\v 6 ባቴ አሰማቶ አአሁዋ ያጌክርሁዋይ ባሁታ ባሁዋ ዘንጋ ኢያ ገግመኛቪ አጵሎስቭ መርኸት ኤፐሁ አቴኤቭነኩም ፤እመዳቭ ኤፐሁ ሁዳ ፣« ተጣᎉ ቃር አድቭርወ»ይቭካ ምህር ቲና ትትሟርዋኔ እመኸ ኧኸሬ ባት ሰቭ ሂናሁዋ አውየተሁዋታ ኧኛ ሰቭ አትቁርጩዋ
+\v 7 ትሁርትሞኋ አኸ ተኧኛ ሰቭ በቭር ትትረእ እንቴኤፐርኸናአር ኧገጋኸ ኧኸራአ ምር አነ በቴፐርኸጋረሁ አንቴኤፐረ ሰቨኸ አትጋኬዝ ።
+
+\v 8 ዋአካሽ ያትሲኢሁዋታአር እንእ ነከሁም ፤ደንገኘቭ ኸርሁም ፤ቲና ተቫይተርሁም ነገስሁም ፤ ኧውረ ተረገስሁዋሽ ኢናቭ ታሁም ንገስንነባነደ።
+\v 9 ጎይታ ኢና ኪሸረኘኋ ሙድ ተፈደዎምታ ኢዎጅኰዳ ኤኤዲ ቲዎስጂዮታ ሰቭ ኢኢአጋድ አወናንራኣር ዋኢቨስሬ፤ ብእም ኧቫአ ኧፍጥረት እንእ መሳቄያ ኸነ።
+
+\v 10 ኢና ኧክርስቶስ ባነታ ጋዋ ኸነ፤ አሁዋ ጭን በክርስቶስ አዮ ኸርሁም ፤ኢናቭ ቂጨኘአአር ኸነ፤ አሁዋ ጭን አርወተኛአር አርወተኘንሁዋአር ፤ አሁዋ ኧትከበሁዋታንሁዋአር፤ ኢና ጭን ኧትዋረድነዳንራአር ።
+\v 11 ኢና ኢገደንረ ፣ ኢጠቫንረ ፣ ኢዠሸንረ ፣ ኢደርጉንረ ቢድቭ አይቫር ንዛፕትነ።
+
+\v 12 በገግን ራይ ኧጅ አፐነ ንቂጥነ ፤ ቲሰድውንረዳቭ ንደንነ ፤ቲሰድጅንረዳቭ ንፈርህነ ።
+\v 13 ሹውንራ ቲያአፎንረዳ ወሄአር ንዠፕነ ፤ ዋአካቭ አአፈር ያሽሺዳ እሻሸ ኢቃሺዳቭ ቆሻሻ ኽነ።
+
+\v 14 ዋዳ ኧጠፍነሁዋታ ሁዳ ኧረድሁዋታ ዴንጋኛኸ ኧኝኧተሁ ኧቨህርሁዋኔ ባሀሬ አቅቨጭሁዋይ ባይተሁታ አኸረዳ ።
+\v 15 ማእየ በሁ ኢትዌዘርታ አዌድ ቢረውርኩም ፣ኖኦራ አቭ ጭን ኤነውነኩዋታ፤ኢያ ጭን በወንጌል በክርስቶስ ኢየሱስ ኤኘኩም።
+\v 16 እመኸ ኧኸሬ ኢያ ትወስሩዋኸ ኧሰኧርሁዋ።
+
+\v 17 ብእም ኧቫአ ኢረጂዳቪ ያአውሪዳቭ በጌታ ኢየሱስ ትከኛ ኧኸረ ጢሞቲዪስ ኬሸነኩም፤ ሁድቭ ቤኤድ ኤኤዲ ባነውታ ቤተ ክርስቲያን እንእ ትናስተምርኩዳ ትምርትኢትስማምአካ በክክርስቶስ ኧረከሁን አዲስ ኧሂዎት መያ ሁዳ ያአውድሁዋሴ ።
+\v 18 ታሁዋ ግት አታት ሰቭ አሁዋይ እአቫአአር አንቫአአር መስብአረኖምታ ተጋኬዡም።
+
+\v 19 ቢኸርቭ ኧጎይታ ፍቃድ በኸረ ካች ባይተሁ አሁዋይ ኧቫአኴ፤ ተህም ቀጥወ ሀ ኢትጋኬሽታ ሰቭ ፣ እማት ኢዝሮኲዳ ቃር ታይኸርቭ ደረግሞሁኗ አሽኮይ ኧሲእ።
+\v 20 . እመዳቭ ኧጎይታ መንግስት ኢትሄርካ ሁዳ በጎይታ ደረግን ባሀሬ እማት በቃር አኸረንዳ።
+\v 21 ባቴ ትሱኢዳ ሁዳ ኧተዳን አአር ንጥጥ ናአዌ በርመጀቪ በገርነድ መንፈስ
+
+\c 5
+\p
+\v 1 በግታሁዋ ኧወከዊኸ ሁጅር ኧድሙጅት አነኸ ኢትሰምአ፤ ኧዋ አይነት ባጢር በአረማዊ ሰቪ ስን ሲቭኧቶ አይሂሪዳናአር፤ ባሁዋ ግት አአባ ኋ ምሽት አአገፓ ሰቭ አነ።
+\v 2 ባቴ ኧዋኸ ያቅቨጭካ ዘንጋ በግታሁዋ ታነ ምር ያድጋኪስሁዋ? ኢረእ በዋ ዘንጋ ቀጨ ባ ይተናሁዋታ ኧዋኸ ሜና ኤፐ ሰቭ ኦኦት ባነዎሁዋተ።
+
+\v 3 ማንእየ ኢያ ታሁዋ እማቲ ባነቭር በመንፈስ ጭን ታሁትንሁ፤ አታአር ታሁዋ እማቲ አነኋ አአር ሂንተሁታ ኧውውዋሀአር ኤፐ ሰቭ ዋአ ፈንድሁወ።
+\v 4 ትደሞጅታ ኢያቭ ታሁዋ ኣረቭሪ ኧኸሬ ፣ በጌታንራ በኢየሱስ ሹውቪ በግታሁዋ ባነዳ በጌታንራ በኢየሱስ ክርስቶስ ጦና፥
+\v 5 በቫጢር ኧትቬንአ ኧሃ ሰቪ በሰር ሙጅተታ ነፍስኋ በክርስቶስ ፍርድ ቀረ ኢተርፈኸ ኧዋኸ ሰቭ ኧሴጣን ኦኦም አአይውሪ።
+
+\v 6 ኧድጋጌዥታሁዋ ወሄያአር አኸረንዳ፤ እንስየ እርሾ ኑኡየ ሊጥ ያፈእረኸ አትሂርታ?
+\v 7 ዋአካ እርሾ አይቫር ኧኸርሁዋመኸ፣ ብእምቴ እርሾ ኤነወ ሊጥ ትሆሩዋኸ ጉስ ሊጥ አፍኮዋ፤ ኧፋሲጋ ጣይንራ ታንጠንረ።
+\v 8 ብእም ኧቫአ ጋናጢነድቪ ፣ሙጥጥነድቭ በቬንአወ በጉስ እርሾ ታይኸር ፥ እርሾ ቤነወ አመኛትቪ ውነትቭ በቬንአዋአር ኧጠርወሸ ሙርአሁዋ ዋአሩዋ።
+
+\v 9 ኧዋ ኢፍቲ ጣፍሁ በኬሸነኩዋ ኪሽር ተረከውዋኸ ሁጅር ኢደምጅታ ሰቭ ኢሆሩዋኸ አትሁሩዋ ባኩም ባነደ።
+\v 10 እመዳ ኧዋርትኛ በዋ አፈር ፎር ቲረውርታ ኧረከውዋኸ ሁጅር ቲደሙጅታ ፣ ተጠርጥዐርተኘ ፣ ተፈንጌያ፣ኧጣጣ ቲጌቡርታ ሰቭ እማቲ አትቦሩዋ ኧዋርትኛ አኸረንዳ፤እኰኸ ተኸረ ተዋ አለም ኦኢት ያትሲኢሁዋ ኧዋርትን ።
+
+\v 11 ኢያ ኝን ኧጠፍነሁዋታ ሁዳ ክርስቲያን ቲዩሩዋ ኧረከውዋኸ ሁጅር ቲደሙጅታ፣ ጠጠር ቲዩርታ ፣ ኧታጣ ቲጌቡርታ፣ኧሰቭ ሽው ቲያአፎታ፣ቲሰርኡታቭ ሰቭ አትኪራሞሹዋኸ ባሁ ታነዳን፤ተዋኸ ሰቭ ሸረድቭ እማቲ አትውርኦዋ።
+\v 12 ክርስቲያን ባሆሩዋ ሰቭ ኧፈርዲ ኢያ ምር አገፓዪ? ክርስቲያን በሆሩዋ ሰቭሁ አሁህ አትፎርጅታ?
+\v 13 ክርስቲያን ባሆሩዋ ሰቭ ኢፈርድካ ጭን ጎይታን ባቴ ሙጥጥ ሰቭ ተግታሁዋ ኦኦም ቋሺ።
+
+\c 6
+\p
+\v 1 ግት አት ሰቭ ተውችር ሰቭ ሽር ቢረቭርወ ፣ዘንጋኋ ኧክርስቲያን ኢፍቲ አተኧንውትቸኧታ ኧተኽ ደፈረታ ኢትፋንዲ አናአሞሩዋ ሰቭ ኢፍቲ ኤኤነቭ?
+\v 2 ክርስቲያን ሰቭ አት ቀረ ባአለም ሰቭ ኢፎርጁዋኸ አትሂርታ? ባአለም ትፎርጁዋዄ በኽረጋሁ አካ ብእንስ ዘጋ ትርጁዋዄ ኧተኸ አይኸነሁዋታ?
+\v 3 እማትበዋ አለም ዘንጋ ታይኸር፣ በላአካ ስ ፎርዋኸ አትሂርታ?
+
+\v 4 ንዴአሁዋ ዘንጋ ቲጠጥሁታ በቬተ ክርስቲያ ከስ ኢቆርጪዮታ ሰቭ ኢፎጁዋይ ሹሚዋ።
+\v 5 መዳ እሁዋታ ሁዳ ናቀቭጭሁዋ ባሁ ታነዳ፤ እንዴ በግታሁዋ አትራከሰ ሰቭ ያቄያም ኢቨቃካ አቭቃጥ ሰቭ በግታሁዋ ኤነዳ?
+\v 6 ዘንጋ ጭን ኧሰም ኧስምኋ ኢከስሲ ፍርድ ቢድ ያር ፤ሁድ ባያአውርዋ ሰቭ ኢፍቲ ።
+
+\v 7 ባቴ አሁም ታሁም ኧትራሆሽታሁዋ ውርደታሁዋ ሰቻ ያዋአወሁዋ።ፍርድ ቢድ ብታርታ ሁዳ ብትጎፎሚ ብትቆቁም አይፈዝካ?
+\v 8 አሁዋ ጭን ክርስታን ኧሰማታሁዋ ብቆቅት ገጋሁዋ ትቦድሉዋ።
+
+\v 9 ዌ አይቴኤዠዡዋ ሰቭ ኧጎይታ መንግስት አይጎኦዋኸ አትሂታ? በዋ ዘንጋ አትቄቆሁዋ ፤ ትእሽቻ ዘግዘግ ዩርታ ሰቭ ፣ኧቅርኘ ኢጌቡርታ ሰቭ፣ ኧረከውዋኸ ሁጅር ኢደሙጅታ ሰቭ ፣ ምሽት ተቭሽት፣ ዌ ምስ ተቭስ ሁጅር ኢደሙጅታ ሰቭ ፣
+\v 10 ዌ ፈጌያ ፣ተረኮውዋአር ዘግ ዘግ ዩርታ ሰቭ፣ ያሰህርካ መጠጥ ሰጮም ኢሶሁታ ሰቭ ፣ያትቃንውታ ሰቭ፣ ኧሰቭ ንቭረድ ኢረጥቁታ ሰቭ ፣ኧጎይታ መንግስት አይጎኦታ።
+\v 11 ታሁ ም ታታሁዋ እመኸ ባነቨሁዋተ፤ ዋአቨካ ጭን በጌታ በኢየሱስ ክርስቶስ ሹውቪ ፣በጎይታንራቭ መንፈስ ታኧሁም መጠርሁምታ ተነፍሁም።
+
+\v 12 « እንእአር ተፈቀደ» ቢኸርቭ እንእዎሁኗ አያጌኪርታ፤ «እንእአአር ተፈቀደ » ቢኸርቭ አአትዎሁኗ ባሬያ አንኸርካ።
+\v 13 « ህመኸቭ ሸረድ ኧከስን ከስቭ ኧሸረድን » ጎይታ ጭን እንእዎሁኗ ያአፋኮዋ ፤ ምስየንራ ኧጎይታናአር ባሀሬ ኧረከዊኸ ሁጅር ኢደሙጅኰዳአር አኸረዳ፤ ጌታ ኢየሱስቭ ኧቭስየናአር።
+
+\v 14 ጎይታ ኧጌታ የሱስ ተውንድ ኧረሳንመኸ ፣ ኢናቭ በሩእ ጦናኋ ተውንድ ኢረንሳንረዴ።
+\v 15 ምስያሁዋ ኧክርስቶስ አካላት ኧኸረኸ አትሂርታ? ባቴ ኧክርርስቶስ አካላት ውሽተሁታ ተረከቨች ሰቭ ሁጅር ትደምድካ ምሽት ምስየ ንኪራሲ? እሸኸሽ ስርም አይኸርካ።
+
+\v 16 ዌ ተረከቨቸን ሰቭ ሁጅር ትደምድካ ምሽት እማቲ ኢወኧርካ ሰቭ ተሂዳ እማት ምስየ ኧኸረኸ አትሂርታ? «ውርኤቸመሁኗ እማት ምስየ ኢሆርቴ » ቧርም ጣᎉ።
+\v 17 ዘንጋ ጭን ተጌታ የሱስ ያድጋፓካ ሰቭ ተሁዳ በመንፈስ እማቲ ኢኸር።
+
+\v 18 አካ ኧረኮዊኸ ሁጅር ባደሙጁዋይ ሱሁዋ፤ ሰቭ ዬኩዳ ባጢር እንእ ተአካልኋ ውጪን፤ትዳርኋ ቸኧታ ኧረከቨኸ ሁጅር ኢደምድካ ሰቭ ጭን በገዛ ምስየኋ ባጢር ኢንአ።
+
+\v 19 አካ ምስያሁዋ በሂናሁዋ ኢረቭርካ መንፈስ ቅዱስ ቤተመቅደስ ኧኸረኸ እትሂርታ? እም መንፈስ ተጎይታ ኧቴኤፐርዂዳናአር። አሁም ኧገጋሁዋአር አኸርሁዋታ።
+\v 20 በዱንያቭ ስራውኩም ፤ እመኸ ኧኸሬ በቭስያሁዋ ጎይታ አኩቡሩዋ።
+
+\c 7
+\p
+\v 1 ኧጣፍሁኒ ዘንጋአር ሰቭ ኧቪድኋ ባይኸር ወሄናአር ፤
+\v 2 ዘንጋ ጭን ሰቭ ኧረከቨኸ ሁጅር ባይደምዲ እንእዎኋ ኧገግ ገግኋ ምሽት ትምበርኩ ፤ እሽቻቭ ኧገግ ገግህና ምስ ኧምበርካ።
+
+\v 3 ምስ ኧቭሽትኋ ያትሲእካዳአር እንእ ኧንአና ፤ ህመኸ ምሽትቭ ኧቭስሻ ኦንኧት አነቫዳአር እንእ ተንነ።
+\v 4 ምሽት አካልሻ እማት ኧሂዳአር አኽረንዳ ፤ ኧቭስምነሻአር ህመኸቭ ምስ አካልኋ እማት ኧሁዳአር አኸረንዳ፤ ኧቭሽትምነኋአር።
+
+\v 5 በጠሎት ትትቋጠውዋይ ኧቀሪ ቀረ ባህእሬ ፥ ገግተገጋሁዋ ባአይ አትዌርዋ ፤ አቅል ኧጉዠት ኤምተናሁዋታ ፥ ሴጣን አያሳስትሁዋኸ ሀአውምታ እማቲ ሁርዋ።
+\v 6 ዋዳ እሁዋታ ሁዳ ጭን ኧቭህነኸባሀሬ ትዛዝ አኸረዳ።
+\v 7 ሰቭ እንእ ኢያመኸ ምሽት ታያጋአ ቢረቭር ኢሳሬ ባነደ ፤ ዘንጋ ጭን ሰቭ እንእ ተጎይታይ ኧቴኤፐረን ኧገግኋ ኧኸረ ስጦታ አነነ፤ አት ሰቭ አት አይነት ስጦታ ቲረቭርኩዳ ቡችርቭ ሰቭ ኧኛ አይነት ስጦታ አነነ፤
+
+\v 8 እናገፓምቪ ማመህና ኧዎጁኳ እሽቻ ዋኸትን ኧቨህርካታ ሁዳ ዋኸትን ኢያመኸ ታያጋአ ቢረቭራ ወሄናአር።
+\v 9 ዘንጋ ጭን አቅል ኧጉዠት ቤኤመና አግቭአ ፤በተኛት ተዛዠትቭ አጉኧት ኢፈዝ።
+
+\v 10 አናጎፖዋ ሰቭ ጭን ኢኢዝዝኮታ ትዛዝ ዋኸትን እን ትዛ ኧጌታ ትዛዝን ባሀሬ ኢያይ ትዛዝ አኸረዳ፤ ምሽት ተቭስሻ አትቫይተር፤
+\v 11 በትቫተረች ጭን ታታጋአ ትምበር፤ ሀ በበኸረ ተቭስሻ ትጥቄያቨጥ፤ብ ምስቭ ምሽትኋ አይግፍር።
+
+\v 12 ኧውችርሁኗ እኮታ ሁዳ ጭን ዋኸትን ፥ እመዳቭ እካ ሁዳ ኢያትንሁ ባሀሬ ጌታ አኸረዳ አት ክርስቲያን ምሽት አኸረች ምሽት አነቸነዳ ምስ ምሽትኋ ተሁዳ እማቲ ትረቭሪ በስውኤች አግፍርካ።
+\v 13 አናአቨረቭ ምስ አነናዳ ክርስቲያን ምሽት ምስሻ ተሂዳ እማቲ ኢረቭሪ በሴኧ ቴእተቸን አትሆር።
+\v 14 ምስ ክርስቲያን አኽረ ምስ በቭሽትኋ ኧቫአ ኧጎይታይ ቢቴኤነቭ ማን ኢሂር? አናአመረችቭ ምሽት አነቸነኸዳ ምስ ባኸ ኧቫአ ኧጎይታይ ብቴኤነቭ አኸ ምር ትሂ? ሀበኸረ ዴጋሁዋ ጎይታአር አሆርታ፤እማቲ በረፐርሁዋ ን ዴንጋሁዋ ጎታአር ኢሆሩዋ ።
+
+\v 15 ዘንጋ ጭን አናአመረ ሁዳ ንትቫይተር በቫረ ኧትቫይተር፤አት ክርስቲያን ዌ ኧተም በዋሀአር ኧታአኮጁዋአር አሆርታ፤ጎይታ ኧኸናንረ ሁዳ ቦገሬት ንረቭነኔ።
+\v 16 ምሽቶ ባሻ ኧቫአ ምሳሽ ኧጎይታይ በቴኤነቨ ምር ሀርሽም? ምሶ አኸሁ ምሽታኸ ባኸ ኧቫአ ኧጎይታይ ብቴኤነቭ ምር ትሂር? እንእዎኋጎይታ ባቨን ስጦታቪ ፣ ጎይታ ቲኸራኩዳ ኧረፐረመኸ ኧምበር፤አአብያተ ክርስቲያን አአሁን ቂጫቭ እመዳምን።
+
+\v 17
+\v 18 አት ሰቭ ዘገር ባጎፔጋ ክርስቲያን በኸረ ዘገር አናጎፔያአረኸ አይህር ። ዘገር ታያጎኦዪ ክርስቲያን ኧኸረ በኸረ ዘገር አያጉኤ።
+\v 19 ዘገር አጉኧትቭ አናጉአትቭ አያጌኪርካ ዋና ዘንጋ ኧጎይታ ሙርአድ ኧዎንኧትን።
+
+\v 20 እንእዎኋ ጎይታ ቲኸራኩዳ ኧረፐረመኸ ኧምበር።
+\v 21 ጎይታ ኧኸናናኸ ግዝየ ባሬያ ባነኸዴ? በዋዳ አጠረቅ፤ተቭሪያነድ ትድጌያፈሪ በኸረነኸ ተጌያፈር።
+\v 22 ባሬ ያ ኸርኸታ ጎይታ ኧኸናን ሰቭ በክርስቶስ ነጣ ዋአ ፤ህመኸ ጎይታ ቲኸራኩዳ ባሬያ አነፐረ ሰቭ ዋአካ ኧክርስቶስ ባሬያን።
+\v 23 በዋጋ ኧራውኩዋይ ኧኸሬ ኧሰቭ ባሬያ አትሁቱዋ።
+\v 24 ኧሰማቶ እንእዎኋ ጎይታ ቲኸራኩዳ ኧፐረመኸ ኧህር ኧምበር ።
+
+\v 25 አናጎፖዋ ዴንጋ ተግሬዳአር ኧቫሬያአር ኤነዳ ፤ቢኸር ተጌታ ምረት ኧትረሳ አአት ኧውርቴ ሰቭኸ ምህር ኧቭህርኴ።
+\v 26 ዋ ታነዳ ችግር ኧትረሳ ታታጎኦም እመኸ ብትረውሩዋ ወሄያአር ኢቭስሬ።
+
+\v 27 ባገፓኸ ንግፍር አትቫር፤ ባናፓኸ ናግቭአ አትቫር።
+\v 28 ባታጋአ ጭን ባጢር አኔፐኸዳ ፤ አናገፓች ዘየ ገረድ ቢያዎጆያ ባጢር ኧኸረንዳ ፤ዘንጋ ጭን በዋ አለም ያጎኦታ ሰቭ ኖኦራ ጅጓረ ኢስርአዎዋ። ኢያቭ ዋ ችግር አይሰርአወሁዋኸ ኧሲእ።
+
+\v 29 ኧሰማትኞ አሳብኛ ዋኸትን ፥ዘቨርኋ አኧረ በዋቴ ምሽት አነኖታ ገማ ኤነኖዋአረኸ ኧሁርም ኧቦሩዋ ።
+\v 30 ኢዎሁታ ሁኖዋ አይዎሁዋአረ፣ኢሽርኮታ ሰቭ አይሽርኮዋአረኸ ኧሁሩዋ፤ ግቭር ኢስሮታ ሰቭ ኧስራዊ ግቭር ኧሁኖዋአር አኸራአረኸ ኧወዝሪ፤
+\v 31 አለም ዘንጋ እንእ ያልፍካአር ኧኸሬ ፣በዋ አለም ዱንያ ኢጠቀምካ ሰቭ ፣ አይጠቀማአረኸኧህር ኧምበር።
+
+\v 32 ኢያሽ ታትጨነቁም ትረውርዋይ ኧሲእ። ኧቪድኋ አኸረ ሰቭ ጎይታ ያትሽሪ እማት ኧጎይታአር ያጫምጥ ።
+\v 33 ኧቪድኋ ኣኸረ ሰቭ ጭን ምሽትኋ ያትሽሪ እማት ኧዋ አለማአር ያጫምጥ።
+\v 34 ብእም ኧቫአ ሂንኋ ውርኤቲ ኸረ ኧዋርትን፤አናወቼያ ዘየ ገረድ እማት ኧጎይታአር ታጫምጥ፤ ጩመጨመሻ በቨሰርቪ በመንፈስ እማት ኧጎይታአር ኧሁርትን።
+
+\v 35 እመዳቭ እካ ሁዳ አሁዋ ኢፈዝሂዋኸ ባሁ ታነዳን ባሀሬ አቅቨጭሁዋይ ባይተሁ ታነዳ አኸረንዳ፤ ጭሞጨመኛ ሂናሁዋ ውርኤቲ ታይኽርዎሁም ብእማት ሂን ኣጎይታአር ትሆሩዋነኸ።
+
+\v 36 ቢኸርቭ አት ምስ ኧፈቸና ገረድ ተመኛድኋ አደጊተንታ ኧፍረሁት ቤኤመን አግቭአካ ባገፓና ባጢር አኸረንዳ።
+\v 37 ዘንጋ ጭን ያጋአይ ተመኛት ቤነነ፣ታናጋአ ኧረቭርኴ በይተ ሂንኋ በትሸከቨነ ባያጋአካ ወሄናአር።
+\v 38 እመኸ ኧኸሬ ገረድ ፈቸ አገፓ ሰቭ ወሄያአር ኤፐ፤ አናገፓቭ ስቭ ወሄያአር ኤፐ።
+
+\v 39 አት ምሽት ምስሻ ባአያ ታነ በትዳር ቂጫ ተሁዳ ኧታአከደችዳንያአር፤ ምስሻ በዎደና ጭን ኧሳረና ገማ ታጋአይ ኢኽርአካዳአር ኤነዳ፤ ታጋአኩዳ ምስ ጭን ክርስቲያን ኧሁርት አነወ።
+\v 40 ኢያኸ በኸረ ጭን ታታጋአ እመኸ ብትረቭር ኢረእ ኧሳርት ትረህቭ፤ ኢያቭ እመዳ ትንካ ኧጎይታ መንፈስ ቲያ አነዳአር ኢቨስሬ።
+
+\c 8
+\p
+\v 1 ኧጣጣ ኢጌቡርኴ አንጪ ዋጋ በሰርአአር እሁዋታ ሁዳ ዋኸትን፥ እንእቨንራ ኧኋርት አነንረኸ ንሂነ፤ እኋርት ያድ ጌያኲዝ ንመጀ ጭን ይትሽር ።
+\v 2 ኢያ ኧሂር ይቭካ ሰቭ አቸ ኧኋርት አኖዳአህር አሀረዳ።
+\v 3 ጎይታ ኢረድካ ሰቭ ጭን በጎይታይ ኧትሄረዳናአር።
+
+\v 4 ባቴ ኧጣጣ ኢጌቡርኴ አንጪ ዋጋ በሰራአር እሁዋታ ዋኽትን ፥ በዋ አለም ጣጣ ዩኩዋ ሁዳ ማንእየአአር ኧኸረመኸዪ ጎይታ ባሀሬ ኧኛ አምላክ ኤነኸ ንሂነ።
+\v 5 ማንእየ ጎይታ ታይሆርን ጎይታ ዩሪዮታ ኖኦራ ጣጣቪ ሰቭ ኦጎዥኦማአር በሳቫይቪ ባአፈር አነውዋ ቢዩሪ፣
+\v 6 ኢናይ ጎይታ ጭን እንእአአር ኧፈጠረቪ ኢናቭ ኧሁዳአር ኧኸነ እማት አቭ ጎይታን ፤ ህመኸቭ እንእአአር ኧፈጠረቪ ኢናቭ ኧሁዳአር ኧኸነ አት ጌታ ኢየሱስ ክርስቶስ አነንረ።
+
+\v 7 ዘንጋ ጭን ዋዳ ኢሂርካ እንእዎኋ ኣሀራ ፤ አታት ሰቭ ኧዋ ኢፍቲ ኧጣጣ ጌቦርም ኧወሸውዋይ ኧኸሬ፥ ዋአካቭ ስን ኧዋኸ በሰር ቲዋርኧታ ኧውረቭ ኧጣጣ አንጪያአር ኢቭስርኮምታ ፥በእምነት አቶፖዋይ ኧኸሬ ኢሰርሁዋ።
+
+\v 8 . ዘንጋ ጭን ሸረድ ኧጎይታይ አያቲእንቨንረዳ፤ ባንቨርአነ ኢቀቭርቨንረዳአር ኤነዳ ፤ ብንቨርአነቭ ኢተፐንረዳአር ኤነዳ ።
+\v 9 ዘንጋ ጭን ኧረከዂ መብት ብእምነትሁኗአትፖዋ ሰቭ እቁርፊት ባይኸሪ ተጠፑዋ።
+\v 10 ቢኸርቭ አኸ ኧኋርት አነኒ ባይተኸታ ኧጣጣ ኢጌቡርኴ አንጪ ዋጋ በሰር ኧጣጣ ቢጌቡርኰዳ ኤኤዲ ቸየንተኸ ትትቨርአካ ብእምነትኋ አንተፓ ክርስቲያን ብያዥኸ ሁድቭ አጋኋ ኧጣጣ ኧጌቦርኰ በሰር ንቭርአ አይካ?
+
+\v 11 እመኸ ኧኸሬ ዋ ክርስቶስ ኧዎደነ በእምነትኋ አንተፓ ክርስቲያን ኧም ባኸ ኧቭአ ኧኘ ኧዋርትን።
+\v 12 ብእመዳቭ ክርስቲያን ኧሰማታሁዋ ትቦድሉዋ፤አምባይተረቭ ሂንኋ መዘኝዐ ኤፐሁምታ ኧክርስቶስቭ ትቦድሊ።
+\v 13 እመኸ ኧኸሬ ኢያ ኧቨርአኩዳ ሸረድ በክርስቲያን ኧሰምኛ እቁርፊት ኢኸርወ በኸረ በኧሰምኛ እንርፊት ባይኸሪ በሰር አቸ አንቨርአካ።
+
+\c 9
+\p
+\v 1 ኢያ መብት አነኒዳ ሰቭ አኸርኋ? ኧክርስቶስ ኪሸረኘሁ አኸርኋ? ጌታ ኢየሱስሁ አናሸሁዳ? አሁህ ቄጥሁ በክርስቶስ ኧረከኩ ዋ ዱኒያሸኛ አኸርሁዋታ?
+\v 2 ኧኧኛ ሰቭ ኪሸረኘ ባንኸር፥ አሁዋ ጭን ውረቭ ኪሸረኘሁ፤ ኧክርስቭ ኪሸረኘ ኧኸርዀኸ ኢትጬጉወዳ ማተም አሁትንሁዋ ።
+
+\v 3 ኢምሮሙርኝዳ ሰቭ ኢኮታ መልስ ዋዳን፥
+\v 4 ባቴ ኢያ ኧቨርአመዪ ኧሰጭሜ መብት ኤነኒዳ?
+\v 5 ኧኧኛ ኪሸረኘኸ ኧጌታ ኧኢየሱሲ ኪረኘመኸዪ ኬፋመኸ ኢናሁ አማኝ ምሽት ጥጭተነ ንዠኔ መብት ኤነረዳ?
+\v 6 ተላተነ ኧምቦርት አነቨንረዳ እማትኢያቪ በርናባስንሬ?
+
+\v 7 አካ በገግኋ ዱንያ ወታደር ኸረ ኢትዋካካ ሰቭ ማንተን? ቃዋ ኧፐረታ ቡስር አይራጭ ሰቭ ማንተን? አሬእ አከረታ አይቭ አያርቭ ሰቭ ማንተን?
+\v 8 ዋዳ ኧዝሬካ ሁዳ አሰቭ አሳብነኸዪ? ኧ ሙሴ ቂጫሽ እመኸቭ ይርሽ አሀራ?
+
+\v 9 በውሴ ቂጫ «ባአውድ ጤፍ ኢደርኰዳ ባውራ አቃኋ አተኧግድ » ቧርም ጣᎉ ፤ ባቴ ጎይታ አአትጨነቀን ውረ ኧዋውራ ዘጋኒ?
+\v 10 ጎይታ ዋዳ ኧረ ሁዳ ኢናአር አትጨነቀን ታንዳሽ አሀራ? አጣᎉ ሁዳ ውረቭ ኢናትናአር፤ ቻዋጅ ኢቹድካ ሁዳ ፣ጤፍ ኢደርኰዳ ባውራ ቴፍ ኢደርካ ሁዳ ሟር አነኒ ባረ ታ።
+\v 11 ኢና አአሁዋ መንፈሳዊ ዝይኧተኔነኩዋታ አሁዋ ኢና ያትኬሸንረዳአር ብቲውንረ ኖኦራ በጋኒ ?
+
+\v 12 ቡችርሁኗ ታሁ ዋ መብት በረከውዋጋሁ ኢና ተሀ ኢረእካአር ኧክውት ኤነቨንዳ? ኢና ጭን በዋ መብት አንጠቀምኔኮዳ፤ ኢረእ ኧክርስቶስ ወንጌ እቁርፊት ባንኸኔ እንእአአር ንፈርህነ።
+\v 13 በቤተመቅደስ ያጌክርታ ሰቭ ሸረድሁኋ ተቬተመቅደስ ረሁዋመኸዪ፣ ፈቸድ ቢንኦኮዳ ኤኤዲ ያጌኪርታ ሰቭ ተፈቸድ ሂዳ ሟር አነነዋኸ አትሂርታ?
+\v 14 እመኸቭ ወንጌጅ ኢኢጅታ ሰቭ ኢረውርኴ ያትኬሽኮታአር ኢቴኤፖሩዋኸ ኢየሱስ ኤዘዘ።
+
+\v 15
+\v 16 ወንግውል አአውጅትኛ አያድጌያኪሴዳ ወንጌል ኢኢድካ ሁዳ ግርድ ኧኸረቪዴ።
+
+\v 17 በፍቃድኛ ወንጌል ብንኢድ ሽልማት አነኒ፤ ባኔኤድሁ ጭን ግርድኛ ።
+\v 18 ባቴ ሽልማትሆኛ ምርእፈድን? ሽልማትሆኛ መብትኛ ቴእተሁታ ታይኮሽኒ ወንጌል አአውጅትን።
+
+\v 19 ኢያ ነፃሰቭንሁ፣አአትዎሀቭ ባሬያ አኸርኋ፤ዘንጋ ጭን ኖራ ሰቭ ኧክርቶሲ ኧዠፕሪ ትንር ገግኛ ሰቭ እንእ ባያ ኤፐሁ።
+\v 20 ኧይሁዳ ሰቭ ኧፕሪ፥ ትንር ተይሁዳ ሰቭ ኧይሁዳ ሰቨኸ ኸርሁ፤በቂጫ ኢረርታ ሰቭ ኧዠፕሪ ትንር ኧቂጫሁኗኸ ነፐሁ ፤ ቢኸር ጭን ቂጫሁኗ አንገዛይዳ።
+
+\v 21 ጎይታ አቬ ቂጫ ቢረቭሬትቪ ፣በክርስቶ ትዛዝ ብነቭርቭ ቂጫ ኤነኗ ሰቭ ኧዠፕሪ ትንር ቂጫ ኤነነ ሰቭኸ ኸርሁ።
+\v 22 በእምነትሁኗ ኧቄጩዋ ሁኗ ኧዠፕሪ ትንር ተቂጨኘ ሁኗ ቂጨኘ ኸርሁ ። ቢኸኒዳአር እንእ አታትሁኗ አተርፊ ትንር ትንእዎኋ እንእአአር ኸርሁ።
+\v 23 ዋዳ እንእ ኤካ ሁዳ ተወንጌል በረካ ኧትሻከዲ ፣ኧወጌል ባሁ ታነዳን ።
+
+\v 24 24. ቢትራውኡኰዳ ኸቭር ኢትራውኡታ ሰቭ ኖኦራአር ቢሆርም፣ ሽልማት ኢቴኤፐርካ ሁዳ እማት ሰቭ ኧኸረኸ አትሂታ? እመኸ ኧኸሬ ሽልማት ኢቴኤፐርካ ሰቨኸ ተራውኡዋ።
+\v 25 ኢትውዳደሪ ኢትዘጋጅካ ሰቭ ብእንአአር አደብ ኧጥጭት አነወ፤ ሁኗ አላፊ ጠፊ አክሊል ኢረሁዋይ ኢቂጩዋ ፤ኢና ጭን አየኧፋ አክሊ ንረህቭኔ ንቂ።
+\v 26 እመኸ ኧኸሬ ኢያ ኢሰርወዳ ኤኤዲ አሂር ሰቨኸ እመኸ አንትራውካ፤ ንፋስ ኢጀክካ ሰቨኸ እመኸ አንድጌያመድካ።
+\v 27 ዘንጋ ጭን ኧኧኛ ሰቭ ወንጌል አውጅተሁታ ኢያ ውዳቂ አንኸረኸእ ገግኛ ጁሽተሁ ኧግይታ ኢድገዛኸ ኢንኩዴ።
+
+\c 10
+\p
+\v 1 ኧሰማትኞ አቦንራ ዳቨራ ተጉንኧሁኗይ ኸረ መያ ይትሽኮዋ ኧረፐረኸዪ ወይኦም ኧዎኦዋመኸ ትሂሩዋይ ኧሲእ።
+\v 2 ሁኖም እንእ ተውሴ እማት ኢሆሩዋይ ቲዩሩዋ በዳቭራቪ በቫርቭ ተጠሞቁም ።
+\v 3 እንእዎሁኗ ታአት መንፈሳዊ ሸረድ ቦንኦም
+\v 4 እንእዎሁኗ ታአት መንፈሳዊ እሀ ሰጮም ፤ ኢትሄተርኮዋ ተረፐረ መንፈሳዊ እቭር ሰጮም ፤ህም እቭር ክርስቶስ ባነደ።
+
+\v 5 ቢኸርቭ ጎይታ ብሮኦራሁኗ አሳረኒ ኧኸሬ በቭረሃ ዎተኡም ሞጁም።
+\v 6 እመዳ ሁኗ ሙጥጣአር ኧትሜኘውዋመኸ ኢናቭ ሙጥጣአር ባንትሜኝኔ ዋ ዘንጋ ንትጬፕነኸ መርኸት ኸረንረ።
+
+\v 7 ሰቭ ሁኗ ኢወርኦዋሜዪ ኢሰጩዋሜ ቸኖም ፤ ኢጓሹዋሜ ተረሾም ቧርም ኧጣᎉመኸ ተሁኖም አታትሁኗ ኤፖዊመኸ አሁም ኧሁኖመኸ ኧጣጣ አትጎቡሩዋ።
+\v 8 ተሁኖም ኣታትሁኗ ኧረከውዋኸ ሁጅር ደሞጁምታ ብእማት ቀረ ሁይአ ሶኦስት ሺ ሰቭ አነኧመኸ፣ ኢናቭ ተረከቭኔ ሰቭ አድምድነ ።
+
+\v 9 ተሁኖም አታትሁኗ ኧጎይታ ኧፎትተሪመኽዪ ጭረ ነደፈኖምታ ኧዎጁዋመኸ ኢናቭ ጎይታ አንፍትርኔ።
+\v 10 ተሁኖም አታትሁኗ ቁጨጮምታ ጎይታ ቢያአይካ መላአይካ አአኘኖመኸ አሁም ኧሁመኸ አትቁጨጩዋ ።
+
+\v 11 ዋዳ እንእ መርኸት ኢኸሪ በሁኗ ፎር ቴፐ ፤ እመዳ ኧጣᎉ ሁዳ በዘቨር አነኧወ አነነዳ ኢኢና ትምርት ኢኸረንረኔ ።
+\v 12 እመኸ ኧኸሬ ሰቭ ተሸከሁ ቲይር አይወድኧኸ ኧጤፕ ።
+\v 13 በሰቭ ተሰንአወ ፈተና ኢረእካአር አንሰንአዎሁዋታ ፤ ጎይታ ሙርቴ ኧኸሬ አይኸነሁዋአህር አይፈትርሁዋታ ፤ዘንጋ ጭን ፈተና ቲሰርአዎሁዋታ ትፎርሁኰዳ ደረግቪ ትዎኦኰዳቭ መያ ሁዳ ኢገክነሁዋሴ።
+
+\v 14 ባቴ ኧሰማትኞ ኧጣጣ አትጎቡሩዋ ።
+\v 15 ዋዳ ኧዝሬክሁዋዳ ሁዳ ትዌስሩዋታአር ኧኸርሁዋቴ ፤ ዋ ኧዝሬኩዳ ዘንጋአር አሁም ፉርጁዋ ።
+\v 16 ዋ ጎይታ አሸኮነ ንሰጭኔዳ ኧቭረካ ጥዋ ተክርስቶስ ደቭ እማትነድ አነነዳአር አሀራ? እማቲ ፍረነቭነ ንትሻከድኔዳ ዳቦኧ ኢኢና ባረ ተትወካ ተክርስቶስ በሰር እማትነድ አነነዳሻአር አሀራ?
+\v 17 ዋ ንትሻከድኔዳ ዳቦኧ ኢናቭ ተዋ ተአት ዳቦኧ ንትሻከድኔ ኧኸሬ ማንእየ ኖኦራአር ብንኸነ እማት አካልንረ።
+
+\v 18 እንዴ እእስራኤል ሰቭ ኤፖውዋአር ኦዡዋ ፣ህትቭ ኤፐዊ ዋጋ በሰር ኧዎንኦዋ ሰቭ ህትቭ ቲንኧኰዳ ኤኤዲ እማትነድ አነፐረኖታ?
+\v 19 ባቴ ዋኸ ኧዋርትኛ ኧቅርኘ ኢጌቡርኴ አንጪ በሰር ያጌኪርካናአር ኧዋርትነኛ? ብዌ ቅርኘ ያጌኪርካናአር ኧዋርትነኛ?
+
+\v 20 አኸረንዳ አረማዊ ሰቭ ህትቭ ያቲኢንውታ ሁዳ ኧሴጣንን ባሀሬ ኧጎይታ አኸረንዳ፤ተቅርኘቭ እማት ትሆሩዋይ አንሲእካ።
+\v 21 ኧጌታ ኧኢሱስ ክርስቶስ ጥዋዪ ኧሴጣን ጥዋቭ እማቲ ኧስጠውት ኤነዎሁዋታ፤ ተጌታ ኢየሱስ ክርስቶስ ሸረድ በቨንአሁዋጋ፣ ኧሴጣን ሸረድ ኧውርኧት ኤነዎሁዋታ ።
+\v 22 አካ ጌታ ኢየሱስ ናትቨኧችኔዪ? ኢናሁ ተሁዳ ኢረእካ ደረግ አነንሬ?
+
+\v 23 « እንእአአር ተፈቀደረ ዘጋ ጭን እንእዎሁኗ አያጌኪርንረዳ ፤ » « እንእአአር ተፈቀደ» ዘንጋ ጭን እንእዎሁኗ ተፈቀደንረ ፤ ዘንጋ ጭንእንእአአር ኢ አያቁሟምረንረዳ።
+\v 24 ሰቭ እንእ እንእዎኋ ያጌኪርካአር ባሀሬ እማትት ኧገግኋ ጥቅም አይሴእ።
+
+\v 25 በሂናሁዋ ታትሸኩኩም በገያ ያስሬዳ በሰር እንእ ሰሮም ቡርኦዋ ።
+\v 26 አፈርቪ በከስሞኋ አነዳአር እንእ ኧጎይታናአር።
+\v 27 ክርስቲያን አኸረ ሰቭ ቢድኋይ ህየተናሁዋታ ታርዋይ ብትሱኡዋ፥ በሂናሁዋ ታጥራጠሩም አቴኤነውነኩዋአር እንእ ቡርኦዋ።
+
+\v 28 ዘንጋ ጭን አት ሰቭ ዋዳ ኧቅርኝ ኢጌቡርኴ አንጪ ዋጋ በሰንር በቫረናሁዋ፥ ኤኤደናሁም ሰቪ ኧሂንማሁዋ ትቱርዋ አትውርኧዋ።
+\v 29 እመዳ ኧዋርትኛ ምስ ሁዳ በሂንኋይ ኢጥራጠሪ ኧኸረንዴ ባአሬ አኸ በሂናሄ ተጥራጠርኸ ኧዋትኛ አኸረንዳ።ኧኛ ሰብ ቢጥራጠርካአር ኢያ ነጣ ዋአሁ፤ ባቴ ቢያ ኢትፈንድቪዳ ሁዳ ኧቭርአፈድን?
+\v 30 ኢያ ጎይታ አቬ ሸረድ ጎይታ አትሸኲ ኧቨርአ፣ባቴ ጎይታ ባትሸኮርሁዋአር ኧቭር ኧትወቀስ ?
+
+\v 31 ባቴ ትትወርኧታቪ ትትሰጭታቭ እንእዎሂኋኗ ኧጎይታ ክብር ኦንኧየዋ።
+\v 32 ኧይሁዳ ሰቭቪ ኧግሪክቭ ሰቭ ዌ ኧጎይታቭ ቤተክርስቲያን እቁርፊት አትሁርዋ።
+\v 33 ኢያ ሰቭ እንእ በቫንእየ አጋድኋ አአትሽሪ አትቫቅርመኸ አሁም ህመኸ ኦንኦዋ፤ ኖኦራሁኗ ኢተርፉዋኸ ትንር ኧገግኛ ያጌኪሬዳአር ታይኸር ኧሁኗ ኢፈዝኮታአር ኧሲእ።
+
+\c 11
+\p
+\v 1 ኢያ ኧርስቶስ መያ ኧትሄተርሁመኸ አሁም ኢያይ መያ ተሆተሩዋ ።
+\v 2 ብንእአአር ታስቡኒመኸዪ ኢያቭ አትመርኩዋ ትምርት ጌኬርሁም ኧጠብጥሁዋይ ሳረዪ፤
+\v 3 ጭን ዋዳ ትሂርዋይ ኧሲእ ፤ በቭስ ፎር እንእ ዳኝነድ አነነዳ ዘንጋ ጭንብቭስ እንእ ፎር ዳኝመድ አነነዳ ክርስቶስ ኧኸረኸ፣በቭሽት እንእ ፎር ዳኝነድአነነዳ ምስ ኧኸረኸ በክርስቶስቭ ፎር ዳኝነድ አነነዳ ጎይታ ኧኸረኸ ቲሂሩዋይ ኧሲእ።
+\v 4 ጉንኧኋ ቱህረፐቨ ኢጠልይካ ዌ ትቢት ኢዝሬካ ምስ እንእ ገግኋ ያትዋርድ።
+
+\v 5 ጉንኧርሻ ታትህረፐቭ ትጠልይካ ዌ ትንቢት ትዝሬካ ምሽት እንእ በቭሽት ፎር ዳኝነድ አነነዳ ምስ ታትዋርድ፤ ጉንኧርመሻ ኧትሬኧች አአህርን።
+\v 6 ምሽት ጉንኧርሻ አትህረፐቭ በኸረ ፣ጉንኧርሻ ትትሬእ፤ጉንኧርሻ ኧትሮእት ጭን፥ጉንኧርሻ ትትኸበቭ።
+
+\v 7 ምስ ኧጎይታ መርክቪ ኧጎይታቭ ክብር ኢረከውወዳር ኧኸሬ ጉንኧርኋ ኧትኸቡውት ኤኖዳ ምሽት ጭን ኧቭስ ማረግኒያ።
+\v 8 እመኸ ኧኸረ ሁዳ ምሽት ተቭስ ነከውያ ባሀሬ ፣ምስ ተቭሽት አነከዊዳ ።
+
+\v 9 ህመኸ ምሽት ኧቭስ ፎጠሪያ ባሀሬ ምስ ኧቭሽት አፎጠሪዳ።
+\v 10 ብእም ኧቫአዪ በመላአይካ ኧቫአ ምሽት በቭስ ዳኝነድ ኧሮእትሻ መርኸት ኢኸሪ ጉንኧርሻ ትትሬእ።
+
+\v 11 ቢኸርቭ በጌታ ኢየሱስ ኸነ ትነቭነዳ ምሽት ምስ አይቫር ምስቭ ምሽትአይቫር ኢረውርዋይ አይኽኖታ ።
+\v 12 ምሽት ተቭስ ነከውያ ምስቭ ተቭሽት ኢቴኤኝ ዘንጋ ጭን እንእዎሁኗ ኢፈጥርካ ጎይታን።
+
+\v 13 አሁም ፉርጁዋ፤ ምሽት ጉንኧርሻ ታትህረፐቭ በጎይታ ኢፍቲ ኧጠልይት አነቫ?
+\v 14 ምስ ጉንኧርኋ ባዴከ ቀቨጥ ኧኸረኸ ፍጥረት ገግሞኋ አያትመርሁዋታ?
+\v 15 ምሽት ጭን ጉንኧርሻ ብታዴክ ኢሽርቫዳ ማረግነሻ፤ዴካቭ ጉንኧር አውያ ሁዳ ትትህረፐኩኔ።
+\v 16 ዘንጋ ጭን ማንእየ ሰቭ በዋ ዘንግጋ ሽር ኢቴኤዲ ቢሲእ፣ኢና ዌ ኧጎይታቭ ቤተክርስቲያን ኧኛ ቂጫ ኤኤነንረዳ ።
+
+\v 17 ዘንጋ ጭን ትደሞጅታ ኢጎዳሁዋታ ሜና ባህብሬ ያጌኪርሁዋታአር አቲንኦዋይ ኧኸሬ ዋዳ ትኒኢዝዝሁዋታ አጊያኪስሁዋይ አኸረንዳ።
+\v 18 ትንእአአር ኢፍቲ በቬተክርስቲያን ትደሞጅታ በግታሁዋ በመራክስ አነኸ ሰምሁ፤ ኧሰምአሁንቭ ሁዳ አታት ኤኤድኋይ ውረ ኧኸረኸ አመርሁ።
+\v 19 ታሁዋ ግተ ሙረቴ ኧሆሩዋ ሁኖዋ ባይቲቶ ኢሂሪዮዋይ መራክስ አየኧይካናአር ።
+
+\v 20 አሁዋ እማቲ ትደሞጅታ ትወሬዳ ሁዳ ጌታ ኢየሱስ ኢዘጉጅኰዳ ሸረድ አከረንዳ ።
+\v 21 ትትወርኧታ አት ሁዳ አአት ሁዳ ታይእየ እንእዎኋ ኧገግኋይ ሸረድ ኢቨርአ ፤ አታትኋ ኢገድኩ ፣አታትኋ ጭን ሰጨ ኢሰህር።
+\v 22 አካ ተወርኧታ ትሰጭታአር በቪዳሁዋይ ኤነነሁዋታ? ዌ ኧጎይታ ቤተክርስቲያን ቀንጥሁምታ ፥አታአር ኤነኑዋ ሰቭ ታቅወጭዮዋ? ባቴ ምር ንቫሁዋ? በዋ ዘንጋ ናጋኪስሁዋ? ስርም አናጋኪስሁዋታ።
+
+\v 23 ኢያ ተጌታ የሱስ ኧቴኤፐርሁን ሁዳ አአሁዋ አስተማርኩም ፤ እመዳቭ ጌታ ኢየሱስ አዎኦም ባይፖርኰ ቀረ ግት ምሳአረ ዳቦኧ ነሳታ ፥
+\v 24 ጎይታ ባትሸኰረ ቀጥወ ፥ « እኩ ዋዳ አአሁዋ ቲይር ኢዎድካ በሰርነኛ ፤ ኢያ ትዘጉጅኴ ኦንኤ » ባረኖም።
+
+\v 25-26 ህመኸ ተኧርቫድ ቀጥወ ጥዋ ነሳታ ፣ «ዋ ጥዋ ኖኦራ ሰቭ ኢተርፍወዳ ኧወያ ጉርዳ ደቭነኛ ፤ ህመኸ ኧኸሬ ተዋ ጥዋ ትትሰጭታ ኢያ ትዞጉጅኴ ኦኔ። 26. ዋ ዳቦኧ ትትወርኧታቪ እም ጥዋ ትትሰጭታቭ እንእ፥ ጌታ ኢየሱስ ተዣቨይተ ቲቫአ ስን ሙድኋ ታአውጅዋሴ።
+
+\v 27 ባቴ ማንእየ ሰቭ ታይጋአኩ እም ዳቦኧ በቨንአዪ እም ጥዋ በሰጨ ፣ ኧጌታ ኢየሱስ ደቭ ከስ አነወ ።
+\v 28 ማንእየ ሰቭ ተዋ ዳቦኧ ተውርኧትሞኋዪ ፣ትእም ጥዋ ተስጠውትኋ ኢፍቲ ፣ ኧተር ገግኋ ኧመርምር።
+\v 29 ኧጌታ ኢየሱስ ኧርቫድ ታይጋአኩ ኢቭርአካቪ፣ ኢሰጭካቭ ማንእየ ሰቭ በገግኋ ፎር ፍርድ ያቫአ ።
+\v 30 ታሁዋ ግት ኖኦራሁኋ ኧቄጩምቪ ኤኤመኖምቭ ሁዳ ፣ አታትሞሁኗ ኧዎጁም ሁዳ በዋ ኧቫን።
+
+\v 31-32 ገግንራ ኧምረመርናአር ተኸረ ባንትፈንደቨንረዳ፤ 32. ዘንጋ ጭን ኧቀጥዎኋ ተዋ አለም ሰቭ እማቲ ባይትፈንድቨንሬ ዋአካ ጌታ ኢየሱስ ኢቀጣንረ።
+
+\v 33-34 ኧደወጅታሁዋ ኧፍርድ አይኸርዎሁዋኸ ኧጋደን ሰቭ በረፐረ ሸረድ በቪድኋይ ኧቭርአ፤ ተዋ ኧተነፈ ሁዳ አሁዋይ ትንቫአካ አአውድሁዋሴ።
+
+\c 12
+\p
+\v 1 ኧሰማትኞ ኧመንፈስ ቅዱስ ስጦታአር ኧውረአአር ትሂሩዋይ ኧሲእ ።
+\v 2 አረማዊ ኧፐርሁዋ ግዝየ አትሂሪያአር ተሄተርሁታ እሜዩ ህሜ ትቱርዋ ዲዳ ኧሆሩዋ ጣትይ ኢወስሽኩዋ ኧረፐረኸ ትሂሩዋ።
+\v 3 ኧመኸ ኧኸሬ አት ሰቭ ኧጎይታ መንፈስ ተኸተይተታ«ኢየሱስ ኧትሰተቨዳናአር ይካ ሰቭ ኤነዳ፤ እምኸቭ በመንፈስ ቅዱስ ባኸሬ፣ አትዎኋ «ዪየሱስ ጌያን ይካ ሰቭ ኤነኸ ናአውድሁዋ።
+
+\v 4 ስጦታ ቡችር ቡችር ቢኸር መንፈስ ቅዶስ ጭን እማትን
+\v 5 አገልግሎት ቡችር ቡችር ቢኸር ጌታ ጭን እማትን፤
+\v 6 ሜናቭ ቡችር ቡችር ቢኸር ዘንጋ ጭን አንእአአር ዬካ እማት ጎይታ።
+
+\v 7 ዘንጋ ጭንመንፈስ ቅዱስ እንእ ስቭ ኧዎጣ ኧዎጣኋ ኧጉልጭት ኢኩዳ ሁዳ ኧንኣዎኋ ያጌክኔ።
+\v 8 አታት ስቭ በመንፈስ ቅዱስ እንኋRኢ ዘንጋ ሀይተ ኧዘንጉት ኢቴንኩ ኧኧኛ ሰቭ ብእም መንፈስ በሲየ ኢዝሬከዀ ኧኋርት ቃር ኢቴኩ።
+
+\v 9 አአት ሁዳበህም መንፈስ እምነት ኢዊ፤ ኧኧኛኋ ብእም ባአት መንፈስ ሰቭ አፍያ ኦንኧት መንፈስ ኢቴንኩ።
+\v 10 አአት ሁዳ ወጋአር ኦንኧት ፣ኧኧኛኋ ነገ ኢቫአካ ዘንጋ ኧዘንኩት ኢቴንኩ አአት ሁዳ መንፈስ ኧዋይትርት ፣ አአት ሁዳ ባይሂሪ ቃር ኧዘጉት ኧኧኛኋ ባይሂሪ ቃር ኧዝሬኬዊ ሁዳ ስና ብሮ አአውጅት ኢቴኩ። ።
+\v 11 ጉት ፣ ኧኧኛኋ መንፈስ ኧዋይትርት ኧኧኛሞኋ ባይሂሪ ቃር ኧዘጉት ኧኧኛቭ ሰቭ ባይሂሪ ቃር ኧዝሬኬዊ ሁዳ ስማ በሮ አአውጅት ዋሁኗ እንእ ኧሀ አአት ኧጎይታ መንፈስ ስጦታ ቲሆርም እእንእ ሁዳ ኧሳረኸ ኧዎጣ ኧዎጣኋ ኢንኩ።
+
+\v 12 አት አካል ኖኦራ አካላት ቢረውሪእማትአካልን፤ ዘንጋ ጭን አካላት ቢሆርም እማይ አካልን ። ክርስቶስ ህመኸምን።
+\v 13 ኧይሁዳ ሰቭ ብንኸነቭ ዌ ኧግሪክ ሰቭ ብንኸነ ፣ባሬያ ብንኸነ ዌ ነጣ ሰቭ ብንኸነ እማት አካል ንኸኔ በአት መንፈስ ተጠመቅነ ፤እእንእቨንራ ሀ እት መንፈስ ንሰጭኔ ቴቨንረ።
+
+\v 14 አካል ኤፖዊ ሁዳ ተሮኦራ ወረድን ባሀሬ ትእማት ወረድ አኸረንዳ።
+\v 15 ኧግር « ኢያ ኧጅ አኸርዂ ኧኸሬ ታአካል ሁኖዋ አኸርኋ ቢይር ዋዳ ኧቫሬ አካል ኧሁርትኋ ኢወኧርኴዪ?
+\v 16 እንዝር «እያ ኤር ኤር አኸርዂ ኧኸሬ አት አካል አኸርኋ » ቢይር ዋኸ ኧቭሬ ኧቭስየ አት አካል ኧሁርትኋ ኢወእኧርኴዪ?
+\v 17 አካል እንእ ኤር ተኸረ ማኸ ኧኘተነ ንሰቭአኔ ባነደ? አካል እንእ እንዝር ተኸረ በቭርንራ ናሸታኔ ባነደ ?
+
+\v 18 ዘንጋ ጭን ጎይታ ኧሳረነኸ እንእዎሁኗ ቤኤድ ኤኤድሁኗይ አወናኖም።
+\v 19 እንእዎሁኗ አት ወረድ ኧሆሩዋአር ተኸረ ምስየ ኧቲ ባነደ?
+\v 20 ባቴ አካላት ኖኦራኗአር ፣አካል ጭን እማትን።
+
+\v 21 ኤር ኧኧጅ « አታትሲኤዳ» ዩኲ አይችልካ፤ ጉንኧርቭ ኧኧግር «አታትሲኤዳ» ዩኲ እይችልካ ።
+\v 22 አቸ ቂጨኘ ኢወስርታ ምስየንራ ኢረእካአር ያትሱኡታኗአር።
+\v 23 ኧቆንጪዮዋአር ኢወስርታ ምስየንራ ኢረእካአር ናከብነየዋ፤ ህመኸ ንቅቨጭኔኮታ ምስየንራ ኢረእካአር ንትጬፕኔነዋ።
+\v 24 አንቅቨጭኔኮዋ ምስየንራ ጭን ዋ ኧጠፑት አያትኬሽኮታ ፤ጎይታ ጭን ምስየንራ እንእ እማቲ ቁጥቁጥ ኤፐኖምታ ክብር ኤነኖዋ ሁኗ ኢረእካ ክብር አቨኖም።
+
+\v 25 እመዳ ኤፐ ሁዳ በቭስየንራ እስተሩእ ታይረቭር ገግ ተገግሁኖዋ በቂጥየ ኢታሹዋነኸ።
+\v 26 አት ምስየንራ ቲዬእኩዳ እንእ ምስየንራ እማቲ ዬእኮዋ፤ አት ምስየንራ ቲሽርኮታ እንእ ምስየራ እማቲ ኢሽኮዋ።
+\v 27 ባቴ አሁም እንእቫሁዋ እማት ኧክርስቶስ ምስየንሁዋ ፤ እንእቫሁዋ እእማት ኧክርስቶስ ምስየንሁዋ።
+
+\v 28 ጎይታ በቬተክርስቲያን ከስ ሐዋርያት ፣ነብያት ፣አስተማሪ፣ወግ ሜና ኢንኧታ ሰቭ ፣ኧጮረን ሰቭ አፍያ ኦንኧትስጦታ አነኖታ ሰቭ፣ኧኧኛ ሰቭ ኧኧጉሽት ስጦታ አነኖታ ሰቭ ፣አስታድርት ስጦታ አነኖታ ሰቭ ባይሂርኩ ቃር ኧዘንጉት ስጦታ ኧነኖታ ሰቭ አወና።
+\v 29 እንዎሁኗ ሐዋርያትኗ? እንእዎሁኗ ነቢኗ? እንእኮሁኗ እስተማሪኗ? እንእኮሁኗ ወግ ሜና ኢኢንኦዋ?
+
+\v 30 እንእዎሁኗ ሰቭ አፍያ ኦንኧት ስጦታ አነኖዋ? እንእኮሁኗ ባይሂሪ ቃር ኢዝሮኩዋ? እንእኮሁኗ ባይሂሪ ቃር ኢዝረኩዋ? እንእኮሁኗ ስማ በሮ ኢዝሮኩዋ?
+\v 31 ዘንጋ ጭን ትንእ ኢረእካ ሁዳ ጎኩርም ሰኡዋ፤ ባቴ ትንእ ኢረእካ መያ አቲሽሁዋቴ።
+
+\c 13
+\p
+\v 1 በቨላአይካ ቃር ምንዝሬክ ንመጀ ቤነኒ ጭን እመኸ ያኸራካ ዶነመኸዪ ፣ኳሽኳሽ ይቭካ ፀናፅነኸ ኸርሁ ኧዋርትን ።
+\v 2 ኧረገኋ ኢኸርካ ዘንጋ ኧዘጉት ስጦታ ቢረቭሬ ፣ ኧደኧረ ዘንጋቪ ውቀትቭ እንእ ኧኋርት ቢረቭሬ፣ቆቶቭኢደስካ እምነት ቢረቭሬ ንማጀ ጭን ቢረቭሬ ማንእየምንኋ።
+\v 3 አነኒዳአር እንእ ኧዚጋ ብኒቭ ፣ምስየመናኛ ብእሳድ ኢረንድደኸ ብኔቭ ፣ ንማጀ ጭን ብርነኒ አታአር አያጌኪሬዳ ።
+
+\v 4 ንመጀ ፋራሂን፤ህመኸቭ ሚራን፣ አይድጌያኬስካ፣ ኢኢናᎀ ኣይኽርካ፣ ኑኡነድ አያቲሽካ፤
+\v 5 አኸራአር አይዝሬካ ፤ ኢኢያ ኧፍዘዜ አይቭካ፣ኢኢና አይጠጥኩዳ።
+\v 6 ነጀ ውረ በኸራአር ኢሽርኩ ባሀሬ ፣በውጥጣአር አይሽርኩዳ።
+\v 7 ንመጀ እንእ ግዝየ ኢፈርህ ፤ እንእዎኋ ያአቭር፣ እንእ ግዝየ ተስፋ ዬቭ ፣ እንእ ግዝየ ተፓ ኢትሸከቭ ።
+
+\v 8 ንመጀ ስርም አወድካ ፣ዘንጋ ጭን ኧረገኋ ኢቫአካ ዘንጋ አአውጅት ኢወኧርካናአር፤ ባይሂሪቭ ቃር ኧዘጉት ኢወኧርካናአር ውቀት ቢኸር ኢወኧርካናአር ።
+\v 9 ኢና ንሂኔዳ ሁዳ ቀሪናአር ፤ኧረገሞኋ ኢኸርካአር ንዝሬኪኔዳ ሁዳ ቀሪናአር።
+\v 10 ቢኸርቭ ሙርአ ኧኸረ ሁዳ ቲቫአካ ቁቁራ ሁዳ ኢወኧርኴ።
+
+\v 11 ትከ ታነሁ ኧትከኸ ኧዝሬክ ባነደ፤ ኧትከመኸ አስብ ባነደ ትከቭ ይቭካአር እእር ባንደ፤በትራእሁ ቀጥወ ኧትከኸ ኧሁርት ቸኣሁን።
+\v 12 ዋአካ ናዥኔዳ ሁዳ በቭስታወድ ያዢዳአረኸ ዥጋግ ኧወተኧወዳናአር በሀ ግዝየ ጭን ኢፍት ቲኢፍት ናዥነዴ ። ዋአካ ኧሂርኩዳ ሁዳ ቀሪናአር፤በሀ ግዝየ ኢያ ገግመኛ ጎይታ ኧሀሬአአህር ጃቪተሁ ኧሂርኴ።
+\v 13 ባዬ እምነት ተስፋቪ ንማጀ ዋ ሶኦስትሁኗ እንእ ግዝየ ኢረውርቴ፤ ዘንጋ ጭን ትእሞሁኗ ግት ኢረእካ ሁዳ ንማጀን።
+
+\c 14
+\p
+\v 1 ንመጀ ሶኡዋ ፤ ኧመንፈስ ቅዱስ ስጦታቭ ኢረእካሞኋ ኧረገኋ ኢኸርካ ዘንጋ ኧዘጉት ጎኩርም ሶኡዋ።
+\v 2 ባይሂሪ ቃር ኢዝሬካ ሰቭ ኧጎይታ ባህእሬ ኧሰቭ አይዝሬካ ፤ ኧደኧረ ዘንጋ በመንፈስ ኢዝሬኪ ኧኸሬ ፥ ኢዝሬኩዳ ሁዳ አአትዎኋ አይጋአኩዳ።
+\v 3 ኧረገኋ ኢኸርካ ዘንጋ ኧዘንጉት ጭን ያትሽሪ ፣ ይቁሟሙሪ ፣ያትቫፓይ መዪ ያቁሟሙርሜ ኧሽዐቭ ኢዝሬክ።
+\v 4 ባይሂሪ ቃር ኢዝሬካ ሰቭ ሰቭ ገግኋ ያትሽ፤ ኧረገኋ ኢኸርካ ዘንጋ ኢዝሬካ ሰቭ፣ ቤተክርስቲያን ያትሽር።
+
+\v 5 እንእአሁዋ ብይሂሪ ቃር ብድዝረኩዋ ኢሽሬ፤ ተዋ ኢረእካአር ጭን ኧረገኋ ኢኸርካአር ብድዝረኩዋ ኢሽሬ፤ ቤተክርስቲያን ኢሽርካኸ ባይሂሪ ቃር ኢዝሬካ ሰቭ ኧዝሬከን ሁዳ ስማ በሮ ባኔኤደ ፥ባይሂሪ ቃር ቢዝሬካ ሁዳ ኧረገኋ ኢኸርካ ዘንጋ ኢዝሬካ ሰቭ ኢረእ።
+\v 6 ባቴ ኧሰማትኞ አሁዋይ ትንቭአካ በጉልጭት ፣ ብውቀት ዌ ኧረገኃ ኢኽርካ ዘንጋ ባአውጅት ዋዳ በትምርት ባናትመርኩዋይ ባይሂሪ ቃር ብንዝሬክ ምር ያጌኪርሁዋቴ?
+
+\v 7 ኧቱንትናመኸዪ ፣ኧቨገናመኸ ሉህ ኤነኗ ስን ኧቃሁኗ ቸምና ባቲቶ ኢሂርኰዳአር ቤነኗ ያዎኤዳ ኧመዝሙር ቃር ኧኸረኸ ኧተኸ ኢሂሪ?
+\v 8 ህመኸ ጥሩምባ አኸረ ቃር ቢያትሴምአ፣ ማን ጋዝ ያሪ ኢትረሳ?
+\v 9 አሁም ህመኸምንሁዋ ፤ ባአነቨዳሁዋ ባንዝሬኬሁዋይ ትዝረኲዳ ሁዳ ማን ኢሂርኩዴ? ተርፋስ ትዝረኩታናአረኸ ተሆርታ ሁዳ።
+
+\v 10 ባአፈር ፎር አይነት ቃር አነውዋ፤ ብእም ቃር እንእ ትርጉም ኤነነ ቃር ኤነዳ ።
+\v 11 ባቴ አት ሰቭ ትርጉኋ ባህእርሁ ፣ኢዝሬካ ሰቭ ኢያ ባዘራ ኧኸርወ ሁድቭ ኢኢያ ባዘራ ኢኸርቪ።
+
+\v 12 አሁም ህመኸምንሁዋ ፤ኧመንፈስ ቅዱስ ስጦታ ትረሁዋይ ትሱኡዋይ ኧኸሬ ትንእ ኢረእ ቤተክርስቲያን ትትቁዋᎀርወዳ ስጦታ ጎኩርም ሶኡዋ ።
+\v 13 እመኸ ኧኸሬ ባይሂሪ ቃር ኢዝሬካ ሰቭ ኧተርጉምት ኢኸነኸ ኧጠልይ።
+\v 14 ኢያ ባይሂሪ ቃር ትንጠልይካ መንፈስኛ ኢጠልይ ፤ ኢያ ጭን ኧዝሬካአር አንሂርካ።
+
+\v 15 ባቴ ምር ነንአ? በመንፈስኛ ኧጣልይ፤ በቀርብመኛቭ ቤሰርሁ ኧጠልይ ፤ በመንፈስኛ ኧዘምር ፣ በሂንመኛቭ ትንቬስር ኧዘምር ።
+\v 16 እኰኸ በኸረ አኸ በመንፈስ ጎይታ ትታከብርካ ትኩዳ ሁዳ አይሂር ባዘራ ሰቭኧሽኩርት ጠሎታኸ በቭር ሀይተ« አሚን» ኢቭርሴ?
+
+\v 17 አኸሽ ወሄያአር ጎይታኸ ሸኩር ትር ይርሴ ፥ ኧኛ ሰቭ ጭን አይትቁሟᎀርወዳ።
+\v 18 ኢያ ትንቫሁዋ ኢረእካአር ባይሂሪ ቃር ኧዝሬኪ ኧኸሬ ጎይታ አትሸኩርኩ።
+\v 19 ዘንጋ ጭን በቬተ ክርስቲያን ከስ ኧኛ ሰቭ አአስተምሪ ትንር፣ አስር ሁው፥ ሰቭ አይሂርኩ ቃር ብንዝሬካ ሁዳ አምስት ሰቭ ኢሂርኩዳ ቃር ብንዝሬክ ኢፈዝ።
+
+\v 20 ኧሰማትኞ ኧውጥጣአር ትከ ሁሩዋ ባሀሬ በወስርታሁዋ ትከ አትሁሩዋ።
+\v 21 እመዳቭ « <ባይሂሪ ቃር በሰቭ ገኘቭ ቃር ኧዋ ሰቭ ኧዝሬኴ፤ እመኽ ቢኸርቭ ‹ አይሶኦኝዳ › ይር ጎይታ ቧርም በቂቻንራ ጣᎉ።
+
+\v 22 እመኸቭ ኧኸሬ ባይሂሪ ቃር ኧዝንጉት አናአሞሩዋ ሰቭ ኢኸርካ መርኸትን ባሀሬ፣ ያአውርታ ሰቭ አኸረዳ ፤ኧረገኋ ኢቴፕካ ኧጎይታ ቃር አአውጅት ጭን ያአውርታ ሁኖትን ባሀሬ አያአውሩዋ ሁኗ አኸረንዳ።
+\v 23 ባቴ ኧቬተክርስቲያን አባል ኧሆሩዋ ሰቭ እማቲ በደሞጁዋይ ፣እንእዎሁኗ ባይሂሪ ቃር ቲዝሮኩም ታነውዋ ባዘራ ዌ አያአውሩዋ ሰቭ ሁኖዋ ኧደሞጁኰ ቢድ ቢጎኦዋ ሽረኘ ሆርም አዩርታ?
+
+\v 24 እንእዎሁኗ ኧረገኋ ኢኸርካ ኧጎይታ ቃር ቲዝረኩም ታነውም ባዘራ ዌ አያአቭር ሰቭ ሁኗ ኧደሞጅኰ ቢድ ቢጋአ ጭን፥ እንእዎኋ በሰምአን ቃር በቫጢርኋ ኢትወቀስ ፤ ህመኸቭ በሰምአን ቃር ኢትፈንድወ።
+\v 25 በሂንሞኋ ኧደኧረ ዘንጋ ሰቻ ኢዋአ ፤ ብእመዳ ውረቭ ጎይታ በግትሁኗ አነ፥ በዋርት በጎይታ ኢፍቲ ኢፍቲኢፍት ወተኧታ ኢሰግድ።
+
+\v 26 ኧሰማቶ ባቴ ምር ንቫነ? ኧጠሎት ትደሞጅታ አት ሁዳ መዝሙር አነነ፣አት ሁዳ ያትመርኩዳ ትምርት አነነ፣አት ሁዳ ኧደኧረዘንጋ አአውችት፣ አአትኋ ባይሂሪ ቃር ኧዘጉ፣ አትቭ ሁዳ ባይሂሪ ቃር ኧዝሬኬዊ ሁዳ ስማ በሮ አአውጅት ስጦታ አነነ፤ባቴ ዋ ስጦታ እንእ በቬተክርስቲያን ኧደሞጁዋ ሰቭ ያቁሟሙርካአር ኧሁርት አነወ።
+\v 27 ባይሂሪ ቃር ኢዝሬካ ሰቭ በረፐረ ፥ ውርኤት ዌ ሶኦስት ኧሁርምታ ባአጋጋ ኧዞጉዋ ፤ ኧኛኋ ጭን ፍችኋ አአውድ።
+\v 28 ኧዝሬኬዊ ባዘራ ቃር ፍችኋ ኢኢድካ ሰቭ ቤነ ጭን ፥ቁስ ኧዋርምታ ኧገግሞሁኖዋዪ ኧጎይታቭ ኧዘንጉዋ።
+
+\v 29 ውሬት በህም በደበሰ ሶኦስት ነቢ ኧዘጉዋ፤ ቡችርሁኗ ጭን ሁኗ ኧዝሬኬዊ ቃር ኧጎኩርም ኧፉትሪ።
+\v 30 ተቸኖም ሰቭ ግት አት ሰቭ አት ዘንጋ ቢትረከኩ ኢኢፍት ኢዝሬክ ኧረፐረ ሁዳ ቁስ ኧቫር ።
+
+\v 31 እንዎኋ ኢትመርወመዪ ኢትቁሟᎀርሜ እንእቫሁዋ ባአጋጋሁ ኧጎይታ ቃር ትዝሮኩዋይ ትችሉዋ።
+\v 32 አአት ነቢ መንፈስ ኧኧኛ ነቢ መንፈስ ኢቴኤዘዝ።
+\v 33 ጎይታ ኧሰላም ጎይታን ባሀሬ ኧህያድ ጎይታ አኸረንዳ ፤ ኧጎይታ ቤተክርስቲያን ሰቭ ቢደሞጅኰዳ ቤተክርስቲያን እንእ እመኸምን ።
+
+\v 34 በሙሴ ቂጫ እሽቻ ኢቴኤዠዣይ ባሀሬ ኢዝረካይ አይቨቃናይ ኧኸሬ ፥ኧጠሎት በደሞጅኰዳ ቢድ ቁስ ኧቫራ።
+\v 35 እሽቻ ኢሂራዪ ኧሴአይ አታት ዘንጋ ቢረቭር በቪድህናይ ኧቭስህና ኧትሳአራይ። ምሽት ኧጠሎት በደሞጅኰ ቢድ በዝሬከች ቀቨጥን።
+\v 36 ኧጎይታ ቃር ኧቫአ ሁዳ ታሁትኒ? ዌ ኧቫአ እማት አሁትኔዪ ?
+
+\v 37 ማንኢሞኋ ነቢንሁ ዌ ኧመንፈስ ቅዱስ ስጦታ አነኒ ይካ ሰቭ ቢረቭር፣ዋ ኧጧፍነኩዋ ሁዳ ኧጎይታ ትዛዝ ኧኸረኸ ኧሀር።
+\v 38 ዋዳ አይሂራአር በኸረ ሁድቭ አይኋሪ።
+
+\v 39 እመኸ ኧኸሬ ኧረገኋ ኢኽርካ ኧጎይታ ቃር ኧዘንጉት ኢረእ ጎኩርም ሶኡዋ፤ ባይሂሪ ቃር ኧዘጉትቭ አትሁርኦዋ ።
+\v 40 ዘንጋ ጭን እንእዎሁኗ ባጉዋውኧዪ በጨርቭ ኧህር።
+
+\c 15
+\p
+\v 1 ዋአካ ኤኤድኩዋ ወንጌል አዘግትሁዋይ ኧሲእ፤
+\v 2 ዋ ኤድኩዋ ኧወጌል ቃር ገኪተሁዋ በጠበጥዂ፣ በዋ ወንጌል ትረርፉዋቴ፤ሀበኸረ አአመርሁዋ ሁዳ እመኸምን።
+
+\v 3 ኢያ ኧቴኤፐርሁን ትንእአአር ኢረእካ ሁዳ፥ አአሁዋ ኤኤድኩም ፤ ቅዱስ መጣፍ ኢኢጁዋመኸ ክርስቶስ ኧቫጢርንራ ሞደ፤
+\v 4 ተዌከ፤ በመጣፍ ቅዱስ ኧጣᎉመኸ በሶኦስተኘ ቀረ ተውንድ ተረንሳ፤
+
+\v 5 ተውድ ተትረሳ ቅጥወ ኬፋ አሸን፤ ተህም ቀጥወ አስረውርኤቸ ተማሪኋ አሸዊ፤
+\v 6 ተህም ቀጥወ ብእማተጋ አምእስት በኧር ኢሆርታ ሰቭ አሸዊ፤ ተሁኖም ኖኦራሁኗ ባአያሞሁኗ አነውዋ፤ አታትሁኗ ጭን ሞጁም።
+\v 7 ተህም ቀጥወ ያቆብ አሸን፤ ተህም ቀጥወ ኪሸረኘኋ እንእ አሸዊ።
+
+\v 8 ተእዎኋ ቀጥወ ቀረኋ ታይሰርአ ኧቴኤኘ ትከ ኧቨስርካ ኢያቭ አሸሁን።
+\v 9 ኢያ ተክርስቶሲ ኪሸረኘ እንእ አአንስካ፣ኧክርስቶሲ ኪሸረኘ ባይቶ ኢሆሮኚ ስን አምበቃሁዳንኋአር፤ እመኸ ኧቫሁ ሁዳ ኢያ በጎይታ ቤተክርስቲያን አአነውታ ሰቭ አአትሳተትሁ
+
+\v 10 ቢኸርቭ በጎይታ ፋራሂነድ ዋአካ ኧክርስቶስ ኪሸረኘ ኸርሁ፤ ኢያ ጎይታ አቬ ጠጋ ማእየአአር ሂንተ አንኧኘዳ።አቸ ትንእዎኋ ኢረእካአር ተቋጠሁ ሜናኛ ኤፐሁ ፤ዘንጋ ጭን ኢኢያ ታንኸርእ ቢያ አነዳ ኧጎይታ ደረግን።
+\v 11 ባቴ ኢያቪ ሁኖምቭ ኒኢድነዳ እመዳምን፤ አሁም አአመርዂ ሁዳ እመዳምን፤
+
+\v 12-13 ክርስቶስ ተውንድ ኧትረሳኸ ናትመነ በኸረ ባቴ በግታሁዋ አታት ሰቭ ኧተኸ ኧዎደ ሰቭ አይትረሳካ ዩሩዋ? ኧዎደ ሰቭሁ አይትረሳ በኸረ፣ ክርስቶስቭ አንትረሳዳ ኧዋርትና? 
+\v 14 ክርስቶስ ተውንድ ባንትረሳሁ ኒኢድኔዳቭ ወንጌል አያጌኪርካ፤ አሁሜ እምነት ማንእየምናአር።
+
+\v 15 ኢና ጎይታ ኧክርስቶስ ተውንድ ነሳን ባነ ኤኤድነ ፤ ኧዎጁዋ ሰቭ አይትረሾዋታ ቱሩዋ በኸረሁ አካ ክርስቶስቭ ጎይታ ትተውንድ አነሳዳ፣ኢናቭ ጎይታ አምባራአር ፈጠነ ኤኤድነ ኧዋርትናሁዋ?
+\v 16 ኧዎጁዋ ሰቭ ተውንድ አይትረሾዋ በኸረ ክርስትስቭ ተውንድ አንትረሳዳ ኧዋርትን።
+\v 17 ክርስቶስቭ ተውንድ ባንትራሳ እምነትማሁዋ አያጌኪርካናአር፤ አሁም ዋአካቭ ስን ተቫጢርማሁዋ አነሁዋ፥ ኧዋርትን።
+
+\v 18 እመኸቭ በኸረ በክርስቶስ አሞርም ኧዎጁዋ ሰቭ ኧኞም ኧዋርትን።
+\v 19 በክርስቶስ ሂንንራ አአወናነ ሁዳ እማት ኧዋ አለማአር በኸረ ተሰቭ እንእ ኢረእ ናቨጥጥነዳንራአር።
+
+\v 20-21 ዘንጋ ጭን ክርስቶስ ኧዎጁዋ ሰቭ እንእ በህር ኸረ ተውንድ ተረሳ። ሙድ ባአዳም ኸረ ኧቫአመኸ ፣ ተውንድ ኧተሸትቭ ተክርስቶሲ አጋድ ማአ።
+
+\v 22 ባአዳም ኧቫአ ሰቭ እንእ ኧዎደመኸ ፣በክርስቶስ ኧቫአ ሰቭ እንእ አያ ኢኸር።
+\v 23 እመዳቭ ኢኸርካ ሁዳ እንእዎኋ ባአጋ አጋኖኋ ፤ በተረ በህር ኧኸረ ክርስቶስ ተውንድ ተረሳ፤ ተህም ቀጥወ በክርስቶስ አአሞሩዋ ሰቭ ተውንድ ኢትረሸቴ።
+
+\v 24 ተህም ቀጥወ ግዛት፣ ዳኝነድቪ ደረግቭ እንእ አወኧይተታ መንግስት አአቭ ጎይታ ኤኤተ ቲካ ዘቨር አነኧወ ኢኸርኴ።
+\v 25 ጎይታ ኧክርስቶስ ጠራትኋ ኧኧግርኋ ከሲ ቲዬቭነ ስን ኧትረጎሽት አነወ። 
+\v 26 ተቀትዎኋ ቴኤምተ ኢወድእካ ጠራት ሁዳ ሙድን።
+
+\v 27 ጎይታ ኧክርስቶስ ብንእአአር ፎር ዳኝነድ አቨን ቧርም ጣᎉ፤ ዘጋ ጭን ብንእአአር ፎር ዳኝነድ አቨን ቲይካ ፥ብንእአአር ፎር ዳኝነድ አአቨን ጎይታ ተህም አንኸረኸ ኧትሄረዳናአር።
+\v 28 ክርስቶስ እንእአአር በድገዛነ ቀጥወ፥ ጎይታ ብንእአአር ፎር ዳኝነድ ኢረቭርኰኸ ክርስቶስቭ ገግሞኋ ብንእአአር ፎር ዳኘ ኤፐን አአቭ ጎይታ ኢትገዛኴ።
+
+\v 29 ኧዎጁዋ ሰቭ አይትረሾዋ በኸረሁ፥ ኧዎጁዋ ሰቭ ቧርም ኢጠሞቁታ ሰቭ ምር ኦንኧትኖሁኗ? ኧዎጁዋ ስቭ አቸ አይትረሾዋ በኸረሁ ኧሰቭ ሁኗ ቧርም ኧቭር ኢጠሞቁዋ? 
+\v 30 ሁከኸ በኸረ ኢናቭ እንእ ቀረ ኧቭር በጁጓረ ንረቭነ?
+
+\v 31 ኧሰማትኞ ኢያ እንእ ቀረ ሙድ ኢሰርአቪ፤እመዳቭ ኢኢድሁዋታ ሁዳ በጌታንራ በኢየሱስ ባሁዋ ኧቫ አነኒዳ ኧሳርት ውረአአር ኧኸረዴ።
+\v 32 ኢያቭ በኤፌሶን ከተማ አአዊኸ ቲሆርታ ሰቭ ኧትዋንድካ ሁዳ ኧቭርአፈድን? ኧዎጁዋ ሰቭ አይትረሾዋ በኸረሁ ፣ኢናቭ « አመጋ ኢዎጂዴ ኦኳ ንቭርአነ ንስጤነ» ዩርታ ሰቨኸ ኸነ ኧዋርትን።
+
+\v 33 አድዋወርዋ « ሙጥጥ አቦገዳ ወሄ አመር ያብላሽ ። »
+\v 34 ተዣወሩዋ በሂንማሁዋ ጉኦዋ፤ ባጢርቭ ኦቶንኦዋ ፤በግታሁዋ አታት ጎይታ አይሂሩዋ ሰቭ አነዉዋ ፤ እመኸቭ እሁዋታ ሁዳ አቅቨጭሁዋኔ።
+
+\v 35 ባቴ « ኧዎጁዋ ሰቭ ኢትረሸታ ሁዳ ኧተኸትን? ተውንድ ኧትረሳ ሰቪ ምስየሁ ኧኧተኸትናአር? ይካ ሰቭ ኢምበርሴ ።
+\v 36 ዋ አኸ ጋዎ ኧዘንአኸን ዝኝኧ ባሞዴ አይረቭአካ ።
+
+\v 37 አኸ ዘር ትድዘርአካ ኧዘንአኸን ሁዳ ኧስኔኧ ዌ ኧኧኛ ዝኝኧ ዘርን ባሀሬ ኧረምአ ፊንሸ አኸረንዳ ።
+\v 38 ጎይታ ጭን ኧዘር ሁዳ ኧሳረነኸ ኤፐ አካል ኢኩ፤ እንእ አይነት ዘር ኧገግ ገግኋ አካል ኢኩ ።
+\v 39 በሰር እንእ እማት አኸረንዳ ፤ ኧሰቭ በሰር አትን፣ አሬእ በሰር አኛናአር ፣ አአሳቭ በሰር ቡችር አይነትን።
+
+\v 40 ህመኸ ኧሳቫይ አካላት አነውዋ፤ ህመኸ አአፈርቭ አካላት አነውዋ፤ ዘንጋ ጭን ኧሳቫይ ክብር አትን፣ አአፈርቭ ክብር ኧኛናአር።
+\v 41 እእዋየ ክብር ኧኛናአር ፣ኧዳናአ ክብር ኧኛናአር፣ ኧሆሆቭ ክብር ኧኛናአር፤ አአት ሆሆቭ ክብር ታአት ሆሆቭ ክብር ቡችር ቡችርን።
+
+\v 42 ኧዎደ ሰቭ ኧተሸታአር እመኸምን፤ ኢምጠምጥካ ምስየ ኢዘርኤ ፣ አይምጠምጥ ምስየ ኸረ ኢትረሳ፤
+\v 43 በውርደት ኧዝንኤ ሁዳ፥ ኧከበራአር ኸረ ኢትረሳ፤ በቂጭና ኧዘንኤ ሁዳ በሩእ አርዋ ኢትረንሳ፤
+\v 44 ኧፍጥረት አካል ኢዘርኤ ኧመንፈስ አካል ኢትረሳ፤ኧፍጥረት አካል ባነጋ ፣ኧመንፈስቭ አካል አነ።
+
+\v 45 ህመኸቭ « አአወተራቸ ሰቭ አዳም አይዎንድ ነፍስ ኸረ ቧርም ጣᎉ፤ ኧቀጥወ አዳም ክርስቶስ አያ ዬካ መንፈስ ኸረ ።
+\v 46 ዘንጋ ጭን ኧዋ አፈር ኧፍጥረት አካል በተረ ማአ ባሀሬ ፣ መንፈሳዊ አካል ብደይተ አማአዳ ፤ ተህም ቀጥወ ኧመንፈስ አካል ማአ።
+
+\v 47 አአወተራቸ ሰቭ ታአፈር ኧረከዊ ኧኸሬ አአፈርናአር፤ ኧቀጥወ ሁዳ ጭን ኧሳቫይናአር።
+\v 48 ተአፈር ኧትፎጠሩዋ ሁኗ ተአፈር ኧትፈጠረ አአዳምምኗኸ ፤ ተሳቫይ ኧሆሩዋ ሁኗ ኧሳቫይ ሁድምኗኸ።
+\v 49 አአፈራአር ኧኸረ ሁዳይ ደቨር ኧትኸተነመኸ፤ ተሳቫይ ኧቫአ ሁድሜ ደቨር ንትኸተነዴ።
+
+\v 50 ኧሰማቶ ዋዳ ናአውድሁዋ ፥ በሰርቪ ደቭ ኧጎይታ መንግስት አይረሁዋታ፤ የኧፋካ ሁዳ አየኧፋ ሁዳ አይረህካ።
+\v 51 አት ኧደኧረ ዘንጋ ኢኢድሁዋቴ ፥ እንእቨንራ አንዎድነዳ፤ ዘንጋ ጭን እንእቨንራ ንትሽጋገነዴ።
+
+\v 52 እመዳቭ ኢኸርካ ሁዳ ኧጠነቃር ኧቀጥወ ጥሩᎄ ቲረᎊዳ ህም ተምህም ኤር ብርቅ ደፍ ቲንኤ ስነጋን።ጥሩᎄ ኢረᎊዴ ፣ ኧዎጁም ሰቭ አይሙጦሙጭዋአር ሂንቶ ኢትረሽቴ ፤ ኢናቭ ንትሽጋገነዴ።
+\v 53 የኧፋካ ሁዳ አየኧፋአር ፣ኢምጠምጥካ ሁዳ አይምጠምጣአር፣ኢዎድካ ሁዳ አይዎዳአር ኧትሆደርት አነወ።
+
+\v 54 የኧፋካ ሁዳ አየኧፋአር ፣ኢዎድካ ሁዳ አይዎዳአር ቲትኸተርካ « ሙድ ቴኤመ» ቧርም ኧጣᎉ ቃር ኢኸርኴ ።
+\v 55 ህመኸ ሙዶ ኦኦምታኸ ኧቲ አነ? ሙዶ ሰቭ ትወጋወዳ ደረጋኸ ኧቲ አነ?»።
+
+\v 56 ሙድቭ ሰቭ ኢረንድፍወዳ ሁዳ ባጢርን፤ ኧቫጢርቭ ደረግ ቂጫን።
+\v 57 ዘንጋ ጭን በጌታንራ በኢየሱስ ክርስቶስ ኸረንታ ንኢምነኸ ዬቨንረዳ ጎይታ ሽኩር ኧህርኩ።
+
+\v 58 ባቴ ናማጂ ኧሰማቶ ቱዎም ተሰጎውዋ፤ ባአታአር ሻህ ሻህ አትዋርዋ፤ በጌታ ሜና እንእ ቀረ ጎኩርም አትዋቁሩዋ፤ ኧጌታ የሱስ ኧቂጭታሁዋ እመኸ አከረኸ ትሂሩዋ።
+
+\c 16
+\p
+\v 1 በክርስቶስ አአሞሩዋ ዚጋ ሰቭ ዋጋ አትዋኦት ኢያ ኧገላቲያ ቤተክርስቲያን ሰቭ ኤኤድሁኗመኸ አሁም ኧሁኖመኸ አትዋኦዋ።
+\v 2 ኢያ ትንቫአካ ፈራክ እያትዋኡዌኸ በሳምት ሳምት ውርሰንበት እንእ ሰቭ ቲረሁኩዳ ሁዳ ኢካአር ኧቫይትር አውራ ።
+
+\v 3 ኢያ ትንቫአካ አሁዋ ኧሸፐትሁዮዋ ሰቭ ደብዳቤ ጣይፍተሁ ኤንተሁኗታ ፣ አትዋአዂ ዋጋ ኢየሩሳሌም ያሰርኦዋ ኸ ኧከሽኮሴ።
+\v 4 ኢያይ ኧሆርት ያትሲእ በኸረ ኢያ ተሁኖም እማቲ ኧሆርሴ።
+
+\v 5 በመቄዶኒያ ኧኝኧተሁ ኧሆርትኛ አይወኧራአር ኧኸ፣ መቄዶንያ በሰንአሁ ቀጥወ አሁዋይ አአሴ።
+\v 6 ማንእየ ኤኤድ ትናርካ ኧቨያኛ ኢኸርካአርታአጉዥኘኸ ትንር ዌ ባሁዋይ ዝክ ኧቫርሴ፤ ዌ ዘር ታሁም ኧሰርፕትሴ ይህርሴ፣ ዌ ዘርቭ ታሁም ኧሰርፕትሴ ይህርሴ።
+
+\v 7 ዋአካ ትናርካ እግረ መያኛ አዥሁዋይ አንሲኢካ ፤ ጎይታ በቫረ ዴካ ግዝየ ታሁዋ ኧስረፕቲ አሳብ አነኒ።
+\v 8 ቢኸርቭ በኤፌሶን ከተማ ኧይሁዳ ኧጎር ሙርአ ቀረ ስን ኧስረፕትኴ።
+\v 9 በሀይ ኢትራኰሽኝዳ ሰቭ ቢደቡሹም ኖኦራ ኧቬና ኡፈቻ ተከፈደኒ።
+
+\v 10 . ጢሞትዮስ አሁዋይ በቫአ ፈራድ አይቫር እማቲ ታሁዋ ኢቸናኸ ኦንኤ፤ ሁድቭ ኢያመኸ ኧጎይታ ሜና ኢንአካናአር ።
+\v 11 እመኸ ኧኸሬ እማት ሰቭ አይቅርጥኩ ፤ ቦሄነድ ኢያይ ኢድዠፐረኸ ኦንኤ ፤ ኦኦትሞኋ ተክርስቲያን ኧሰማት እማቲ ንእየነ።
+\v 12 ኧሰምንራ አጵሎስ አሁዋይ ኢቨአይ ቡሼኤኸ ሳአርሁን ባነደ፤ ዘንጋ ጭን ሁዳ ዋአካ አሁዋይ ኢቫአይ አመሰረንዳ፤ ቤ ቲንኩዳ ጭን ያአንሴ።
+
+\v 13 ቃንዠ ቧርዋ ብእምነትማሁዋ ቱኦዋ፣ ቱኦም አትዋቁሩዋ ፤
+\v 14 ቴዊዳአር እንእ በርመጀ ኦንኦዋ።
+
+\v 15 ኧእስጢ አበሩስ ባአኪያ አወተራቸ አአሞሩዋ ክርስቲያን ኧሆሩዋመኸዪ ፣ ክርስቲያንቭ ያጌኪሩዋይ እንእአአርሁኖዋ አውዋኸ ትሂሩዋ ፤
+\v 16 እእመኸ ሰቭቪ ተሁኖም በቬና ኢቂጭታቭ ሁኒዋ እንእ ቶኦዘዥኗ።
+
+\v 17 በእስጢፋኖስ ፣ በፈርዶናጦስ ፣በአካይቆስ ኦኦት ሳረዪ፤ አሁዋ ዋይ ባንቦርታሁዋ ኧፐረቪያአር ሁኗ ᎂንኧኒ።
+\v 18 ሁኗ ኢያሜዪ አሁሜ ሂን አትሳሩም፤ እመኸ ኧኽሬ ኧዋኸ ሰቭ ባቲቶ ኧኋርት ያትሲእ።
+
+\v 19 በእሲያ አነውታ አብያተ ክርስቲያን ወገሬት አሁዋ ዩኩዋ ። አቂላቪ ጵርስቅላ በቪድሞሁኖዋይ ኧጠሎት ኢደሞጅታቭ ክርስቲያን እንእ ፥ እማቲ በጌታ በኢየሱስ ሹው አቸ ወሄምንሁዋዌ? ዩኩዋ።
+\v 20 ክርስቲያን ኧሰማት እንእ ወገሬት ዩኩዋ። አሁም ታሁም በጌታ ኢየሱስ ንማጀ ተሳአውም ወገሬት ተዌዌርዋ።
+
+\v 21 ዋ ወጌምት በገዛ ኧጀኛ ኧጠፍነሁዋታ ኢያ ጳውሎስንሁ።
+\v 22 ጌታ ኢየሱስ አይረንድ ሰቭ በረፐረ ኧትሰተቫአር ኧህር ፤ ጌታ ኢየሱሶ የኸ።
+\v 23 ኧጌታ የሱስ ጠጋ ታሁዋ ኧህር።
+\v 24 ንመጀኛ በጌታ በኢየሱስ ክርስቶስ ታሁዋ ኧህር፤ አሚን ።

48-2CO.usfm

@@ -0,0 +1,398 @@
+\id 2CO
+\ide UTF-8
+\h 2 Corinthians
+\toc1 2 Corinthians
+\toc2 2 Corinthians
+\toc3 2co
+\mt 2 Corinthians
+
+\c 1
+\p
+\v 1 . በጎይታ ፍቃድ ኧርስቶስ ኪሸረኘ ተኸረ ተጳውሎስቪ ተኧሰመንራ ተጥሞትዮስ፥ ህመኽቭ በአካይያ ገኘ አነውታ ክርስቲያን እንእ ።
+\v 2 ተአባንራ ጠጋቪ ወገሬትቭ አሁዋ ኧህር።
+
+\v 3 አፍ ይካ አቭቪ ያትፓፓካቭ ጎይታ፣ ህመኸቭ ኧጌታንራ ኧኢየሱስ ክርስቶስ አባ ኧኸረ ግፕይታ ሽኩር ኧስርአኩ።
+\v 4 ኢና ገግንራ ተጎይታ በረከቭኔ ኧትቁዋወርት ፣ በጁጓረ ከስ አነው ታሰቭ ናቁሟሙኔ ኢኸንረኸ ሁዳ በጁጓረንራ እንእ ያቁሟሙረንረ።
+
+\v 5 ክርስቶስ ኧትወቀሰን ወቀሳ ኢና ኧትወቀስነመኸ ፥ ኑእ ኧሳርት በክርስቶስ ንረህቭነዴ።
+\v 6 ንና ትትወቀስነዳ አሁዋ ትትቁሟሙሩዋቴ፤ ኢና ትትቁሟᎀነዳ አሁም ኢና ኢሰርአቨንረዳ ወቀሳ በፋራሂነድ ተኧቨይተሁዋ ትትቁሟᎀትቴ።
+\v 7 ቢና ኧሰንአቨንረ ወቀሳ ባሁምን ኢሰርአዎሁዋታአአህር ኢናቭ ኧትቁሟᎀነመኸ አሁም ትትቁሟᎀሩዋመኸ ንሂኔ ኧኸሬ ባሁዋ ኧቫአ አነንረዳ ተስፋ ኖኦራናአር።
+
+\v 8 ኧሰማትኞ በእስያ ገኘ ኧረፐነ ግዝየ ፣ ኧሰንአቨንረ ወቀሳ ትሂሩዋይ ንሲኢነ፤ ህም ኧትወቀስኔ ወቀሳ አይኸንራአር ኧረፐሬ ኧኸሬ ፥ ንረቭነዴ ባይተነ አባነባነደ።
+\v 9 አቸ ሙድ ኧትፈንደቨንራአር መሰረንረ ባነደ፤ እመዳ ኧኸረ ሁዳ ኧዎደ ሰቭ ቢረሳካ በጎይታ ደረግን ባሀሬቢና ደረግ አኸረኸ ንሂነኔ።
+\v 10 ጎይታ ተዋኸ ተውንድ እፋድ አተነፈንረ፤ ያተርፈንረዴይቭ፤ ኧረገሞኋ ያተርፈንረዳ ሁዳ ኧኸሬ ኢናቭ ሂንንራ በሁዳ አወናነ።
+
+\v 11 አሁም በጠሎታሁዋ ኧጉዥንረ፤ ኢናቭ በሮኦራሁኗ ጠሎት ኑእ እገዠ ትነህቭነዳ ኖኦራ ሰቭ ቢና ኧቫአ ኧጎይታ ሽኩር ዩሪ።
+
+\v 12 በዋ አለም ታሁዋ አነንረዳ መራህቭ ተጎይታ በረኰኔ ጥርርነድቪ ወሄነድቭ ኧረፐርነኸ ሂንንራ ኢሂር፤ እመዳቭ በሰቭ ኧሏርት ታይኸር በጎይታ ደረግን።
+\v 13 ታረᎅመዪ ትዌስሪሜ አይኸነሁዋአር አንጠፍኔነኩዋታ፤ እንእአአርኋ ኢጋአሁዋኸ አአቭር።
+\v 14 አሁዋ ቢና ሂናሁዋ ታዎሮዋመኸዪ ኢናቭ ባሁዋ ሂንንራ ናወራነኸ ኧቬሰርዂ ሁዳ አታአህርቭአአር ቢኸርቭ ጌታ ኢየሱስ ክርስቶስ ቲቫአካ እንእአእር ትኋርዋሴ።
+
+\v 15 እመዳቭ ጌኬርሁ ኧሂሪ ኧኸሬ ውርኤተጋ ትጠቆሙዋሴ ባሁታ ብደይተሁ አሁዋ አዥሁዋይ አአሴ ባሁ ጎቸ ወካሁ።
+\v 16 መቄዶንያ ትናርካ በቨያመኛ አዥሁዋመዪ፣ ተቨቄዶንያቭ ተዣቨይተሁታ ታሁዋይ ቃያ ኧይሁዳ ገኘ ትናርካ አርወዳአር ተኧጉኝሴ ባሁባነደ።
+
+\v 17 እመዳቭ ገኪተሁ ታናጫምጥወ ኤፐሁናአር ኢቨስርሁዋ? ዌ ኧዋ አለም ሰቭ ኢንኦዋመኸ አተጋ እከ ፣እከ» ህመጋ ባአይ ፣ባአይ» እካአር ኢቨስርሁዋ?
+\v 18 ጎይታ ሙርቴ ኧኸረመኸ ፣ አአሁዋ ንኢድኔኩዋታ ቃርንራ« እከቪ » ባአይቭ አኸረዳ።
+
+\v 19 ኢያቭ ብንኸር ዌ ሲላስቪ ጢሞትዮስቭ ኢና ኤኤድኔኩዋ ኧጎይታ ትከ ኢየሱስ ክርስቶስ « እከቪ ባአይቭ አኸረንዳ ፤ አነፐረዳቭ፤ ዘንጋ ጭን እንእ ቀረ በሁዳ «እከን»
+\v 20 ጎይታ አድጌአረንረ ዘንጋ እንእ ኢቴፕካ በክርስቶስን፤ኢናቭ ብዋዳ ኧቫአ አሚን ንነዳ ሁዳ በዋዳ ኧቫአን።
+
+\v 21 ባቴ ኢናቪ አሁም በክርስቶስ ቲቭኧተነ ንትሸከቭነኸ ኢንአንረዳቪ ኧሾመንረቭ ጎይታን ።
+\v 22 ኧሁዳአር ኧኸነኸ መርኸት ኢኸርካ ማተም ቢና አአተመ ሁተን ኧረገሞኋ ንረህቭኔዳ ዘንጋ ኧመንፈስ ቅዱስ ሄቶ ኤፐ በሂንንራ አወና ሁተን።
+
+\v 23 ኧቆሮንቶስ ከተማ ተዣቨይተሁ አማአሁ ድዳ ሂናሁዋ ባናቲእሁዋይ ባሁታነዳን፤ እመዳቭ ኧውረ ባኸረ ጎይታ ኧመስክርቪ ።
+\v 24 አሁዋ ተፓሁም ኧትሽከሁዋ ሁዳ በእምነት ኧኸሬ ኢሽርሁዋኸ ታሁዋ እማቲ ኔቭነዴ ባሀሬ ባሁዋ ፎር ኑኡነድ ናቲሽኔ አኸረንዳ።
+
+\c 2
+\p
+\v 1 ባቴ አአቲእሁዋት አንሴኤዂ ኧኸሬ ሀአቭተሁ አአሁዋይ ባንቫአይ አንጥሁን፤
+\v 2 ኢያ ብናቲእሁም ቢኸር አቴኤኩም አሁም አኸራአር ኧኛአር ማን አነኒ? ኧዋ ኢፍቲ ኧጣፍነኩዋ ሁዳ አሁመኸ ኢያ አትሳርት አነዎታሰቭአያቱኡኘኸ ባሁ ታነዳን፣ብእመዳቭ ኢያይ ኧሳርት አሁሜ ኧሳርት ኧኸረኸአአቭር።
+
+\v 3
+\v 4 ኧሀሀአር ትንጠፍነሁዋታ በቨሮኦራ ምጥጥቪ በሂንቭ አንሳርት ኖኦራቭአአር ቦክት ከስ ባነዀ ።
+
+\v 5 ማንኢሞኋ ሰቭ ቢያቲእ በቨሬ ኧሱኡርት አይህርቪ ባሀሬ አቴኧን ሁዳ እማት ኢያ ታይኸር አታአካአህርሽ እንእምናሁዋ።
+\v 6 ኧዋኸ ሰቭ ታሁዋ ግት ኖኦራሁኖዋ ኧቆጬ ቅጣት በቂኖኋ ።
+\v 7 ባቴ ኖኦራአር ኧኧይተንታ ቀጨ አይኰኸ አፉ ባይተዂታ ሀአይተሁዋታ አቁሟምርት አነዎሁዋ።
+
+\v 8 ብእም ኧቫአ ኧሁዳ ትረጂኸ ትኢጂ ኧሰኧርሁዋ።
+\v 9 እመዳቭ ኧጠፍነሁዋታ ሁዳ እንእአአር እክያ ቱርታ ስቭ አኸርሁዋኸ ኧሂሪ ትንር ባነደ።
+
+\v 10 አሁዋ አፉ ቱሪንዳ ሰቭ ኢያቭ አፉ እኩዴ፤ ውረቭ አፍ እኩዳአር በረፐረ በክርስቶስኢፍቲ አፉ እኩዳ ሁዳ አሁዋ ትንርን።
+\v 11 እመዳቭ ኔቭነዳ ሁዳ ሴጣን ኢጋአወዳ ጉድድ አይረህቭነኸ፤ኧሁዳይ ተመኛት ኢና አያውራኘንረዳ።
+
+\v 12 ኧክርስቶስ ወጌል ኢኢዲጢሮአዳ ኧዎርሁ ግዝየ አጎይታ ቃር ኢኢደኸ መያ ተከፈደኒ ባነደ።
+\v 13 ቢኸርቭ ኧስምኛ ቲቶ በሀይ አነከሁኒ ኧኸሬ ሂንኛ አንሳሬ ባነደ፤ብእም ኧቫአ ቦሄይአር ባሁኖምታ ቾኦሁ መቄዶንያ ዎርሁ።
+
+\v 14 ዘንጋ ጭን እንእ ግዝየ በክርስቶስ ሹው ኒእምነኸ ያአግዘንረዳ ጎይታ ወሄ ሽትነድ አነነዳ ሽቶኸ ኧክርስቶሳአር ኧሀኔ ሁዳ እንእ እንእ ኤኤዲ ናሰርአነኸ ያአግዘንረዳ ጎይታ ሽኩር ኧስርአኩ።
+\v 15 ኢና ቢተርፉታዪ ቢየኧፎታ ሰብ ግት በጎይታይ ኧክርስቶስ እፏትን።
+
+\v 16 ዮኦፎታ ሁኖዋ ኧውዲ ያሰርአካ ኧውንድ አፏትንረ፤ ኢተርፉታ ሁኖዋ ጭን አያ ኢንአካ አፏትንረ፤ ባቴ ኧዋዳ ኢቨቃካ ማንተን?
+\v 17 ኢና ኧጎይታ ቃር ኧቂጥ ግቭር ቁራቆርም ያስሮታ አአታት ሰቨኸ አኸነዳ ዘንጋ ጭን በሰተድ ሂንራ ተጎይታይ ኧትኬሸኔ ኧኸሬ በጎይታ ኢፍቲ በክርስቶስ ኸነ ንዝኪነ።
+
+\c 3
+\p
+\v 1 አትሁ ሀአይተነ ገግንራ ናጋኪስኔ ንቀርስነዴዪ? ዌ አታትሁኖዋ ኢኦዋመኸ አሁዋ አጋጊዥተሁዋ ወረቀት ትጦፍንሬ ያትሲኧንረ እህርሴዪ?
+\v 2 አሁዋ ሰቭ እንእ ኢሂርኩዳቪ ያነብብኩዳቭ በሂንራ ኧጣᎉ ወረቀትነንራ ።
+\v 3 አሁዋቢናይ አገልግሎትኧኢየሱስ ክርስቲሲ ኪሸረኘ ኧኸርሁዋኸ ኧትሄረዳናአር፤እም ኪሸር ኧጣᎉ ሁዳ በሩእ ጎይታይ መንፈስን ባሀሬ በቀለም አኸረዳ ፤ በሰቭ ሂ ጽላትን ባሀሬ ብእቭር ጽላት አኸረንዳ።
+
+\v 4 በክርስቶሲ አጋድ በጎይታ አነንረዳ እምነት ኧዋኸትናአር፤
+\v 5 ደረግንራ ጎይታን ባሀሬ ቢና ደረግ ኢና ኤፐነዪ ንነዳአር አታአር ኤነዳ።
+\v 6 በድረ በውሴ ቂጫ ታይኸርእ መንፈስ ቅዱስ አኖዳ ወያ ጉርዳ ናጌኪኔ አቨቃንረ ጎይታን ፤ ሰቭ አወናን ቂጫ ሙድ ያቫአ፤ መንፈስ ቅዱስ ጭን አያ ዬቭ።
+
+\v 7 ባቴ እእስራኤል ገኘ ሰቭ ቢኢፍትኋ በረፐረ ግርማ ኧቫአ ኧውሴ ኢፍት መኬኧ ባይቶ ኦዥት ቲኢምኮዋ ስን አግራከረዎም፤ ባቴ ሀ ተቀሪ ቀረ ቀትወ ቤኬሪ እቭር ኧጣᎉ ሙድ ያቫአካ ቂጫ በዋኸ ግርማ በቫአጋሁ ፤
+\v 8 ባቴ ኧመንፈስ ቅዱስ አገልግሎትሁ ኧተኸ ተሀ ኢረእካአር አይከብርካ?
+
+\v 9 ኧውድ ፍርድ ያቫአካ አገልግሎት ዋጣካ ክብር በረቨጋሁ ሰቭ ተውድ ያተርፍካ አገልግሎትሁ ኧተኸ ኢረእካ ክብር አይረቭርኩዳ?
+\v 10 ኧዋ ኢፍይቲ ኢረእካ ክብር ኧረፐረን ሁዳ ኢረእካ ክብር ኧረፐረን ተረፐረን ሁዳ ቲያትዋኔዳ ክብር ኤነናአር ኸረ ኢትረከቭ ።
+\v 11 ሀ ኢወኧርካ ሁዳ ሀጣካ ክብር በረፐንጋሁ እንእ ግዝየ ኢረቭርካሁ ሁዳ ኧተኸ ኢረእካ ክብር አይረቭርኩዳ?
+
+\v 12 ባቴ ኧዋኸ ክብር አነንሬ ኧኸሬ ታንፈይነ ንዝሬኪነ።
+\v 13 ሙሴ ኢኢፍትኋ አጉራጉርት በፈካጋ እእስራኤል ገኘ ሰቭ ባያዢ ኢፍትኋ በሁጅር ኢትህረፐቭ ኧረፐረ ሙሴኸ አኽነዳ።
+
+\v 14 ዋአካቭስን ኧድረ ጉርዳ መጣፍ ያነቡብታ ሰቭ ሀ ጥራር ዋአካቭ ስን አፈካኖይ ኧኸሬ ሂንሁኗ በግቨዘዘመኸ አነ፤ ሀ ኧዠነረኗ መዘኔድ ዋአካቭ አፈካዳ፤ ኢፈካካቭ ሁዳ እማት በክርስቶስን።
+\v 15 ዋአካቭ ስቭ ስን ኧሙሴ መጣፍ ቲያነቡቢዳ መዘኔድ ሁዳ ሂንሁኗ ኢኢፍኮዋ።
+\v 16 ዘንጋ ጭን አት ሰቭ ኧክርስቲሲ ኤፐ ሙልሽ ቲይካ ኧትህረፐቨን መዘኔድ ተቨንጠ ኢፈካ ።
+
+\v 17 ጎይታ ምብንፈስን ፤ ኧጎይታ መንፈስ ባኖዳ ኤኤዲ እንእ ግዝየ ኢቀርር።
+\v 18 እመኸ ኧኸሬ ኢና እንእቨንራ ኢፍትንራ ታንትህረፐቭነ ኧጎይታ ክብር ኧቭስታወደኸ ትናቲሽነ ሁዳ ንቨስኔ ታአት ክብር አአት ክብሪ ንትሽጋገነ።እመዳቭ ኢኽርካ ሁዳ መንፈስ በኸረ ጎይታን
+
+\c 4
+\p
+\v 1 ጎይታበምረትኋ ዋ አገልግሎት አቨንሬ ኧኸሬ ቀጨ አይረንረዳ።
+\v 2 ዘንጋ ጭን ኧዶኦሩዋ ያቁወጭታ ዘንጋ እንእ ቸኧነ፤ኧጎይታቭ ቃር ታንኸራአር አንራእነዳ፤ ኢረእ አውረአአር ኧየሞኋ ዜግተነታ በሰቭ እንእ ኢፍቲ ወሄያአር ሂንተነ ንትረከቭነኸ ኧጎይታአር ሂንተነ ንረቭነዴ።
+
+\v 3 ኧሰቭ ኤኤድኔ ወንጌል በደኧረ ፥ኧደኧሮዎዋ ቢዮኦፎታ ሁኖትን።
+\v 4 ኧጎይታ መርኸት ኧኸረ ኧክርስቶስ ኧክብር ወንጌል ብርሀን አያዡዋኸ አያአውርዋኸ ሴጣን ኧቀርብ ኤርሁኖዋ አፈንጠኖም።
+
+\v 5 ኢና ንኢድነዳ ሁዳ ክርስቶስ ጌታ ኧኸረነኸ ባሀሬ ኧገግንራአር አኸረንዳ፤ኢናቭ ገግመንራ ኧክርስቶስ ትንነ አሁዋ ናጌኪነዳአር ኸነ።
+\v 6 ጎይታ ጠነቫ እዋየ ኧህር ኧቫረመኸ እም በክርስቶሲ ኢፍት ያዢዳ ኧጎይታ ክብር ንሂኔኔ ጎይታ ብርህእንኋ በሂንራ አወና።
+
+\v 7 ዘንጋ ጭን ዋ ኑእ አርዋ ኧጎይታናአር ባሀሬ አሂርትኋ ኢትሄረኸ ዋ ወሄ ዘንጋ ኧሸህላ ግቭረኸ ኸነ ጠበጥነዪ።
+\v 8 እም አጋድቪ ህም አጋድ ቢጎፎንረቪ ውጋ ውጋቭ ቢይረንረ ስርም ቀጨ አይረንረዳ።
+\v 9 ቢያሳኩንረቭ ገኘ አንወኧነዳ፤ ድርጊቶ ቢቋሽንረ አሞድነዳ።
+\v 10 ኧኢየሱስመኸ ኢናቭ አያ ሂንተነ ንትረሳነኸ እንእ ቀረ ኧኢየሱሲ ሙድ ቦፎንራ ፌነግነ ንዠውነ።
+
+\v 11 ኧኢየሱሲ አያ ኧሁርት ቢዎድካ ምስየንራ ኢትረክብቨኸ ዋአካ ባአያንራ አነነዳ ኢና እንእ ቀረ ኧውድ አዎም ያአይፑንረ።
+\v 12 ባቴ ኢና ተውድ አደጋ እማቲ ትነቭነዳ አሁዋ አያ ኸርሁም ትረውርዋ።
+
+\v 13 «ቧርም ኧጣᎉመኸ ኢናቭ ፣ ኢናቭ ሀ አት እእምነት መንፈስ አነንሬ ኧኸሬ ናአቭነ አአመነዪ ሁዳ ንኢድነ።
+\v 14 ብእም ኧቫአ ጌታ ኢየሱስ ክርስቶስ ተውድ ኧረሳ ጎይታ ኢናቭ ተኢየሱስ እማቲ ተውንድ ንሸተንረታ ታሁም እማቲ ተሁዳ ያረቭረንረኸ ንሂነ።
+\v 15 ዋ አሁዋ ጥቅም ኧኸረ ኧጎይታ ኧዋቢነድ ሜና ኧሮኦራ ሰቭ በሰንኣጋ ኧጎይታ ኧክብርኋ ሽኩርት ኢደፕስነነኸ።
+
+\v 16 እመኸ ኧኸሬ ቀጨ አይረንረዳ፤ ማንእየ ኧፎር ምስየንራ የኧፋካአር ቢኸርቭ ኧከሲ ምስየንራ እንእ ቀረ ወያ ኢኸር።
+\v 17 ብእመዳ ኧዋአካኋ ኢሰርአቨንረዳ ቀሪ ጅጓረ ልክ ኤነነ ኧዘላለም ክብር ንቴኤፐኔኮዳናአር።
+\v 18 እመኸ ኧኸሬ ሂንንራ ናወራነዳ ሁዳ እማት ቤኤር ቢያዢዳ ሁዳ ታይኽር ፥ ቤኤር ባያዢ ሁዳን ፤ ቤኤር ያዢዳ ሁዳ እማት ኧዋአካኖኋ፤ ቤኤር አያዢ ሁዳ ጭን ኧዘላለምን።
+
+\c 5
+\p
+\v 1 ዋ ኧድኳነኸ ኧዋአካኋ በዋ አፈረ ፎር ኢረቭርካ በሰርንራ ተዎንደ ቀጥወ ሰቭ ታይኸር ጎይታ ኧኬረን ዘላለም ኢረቭርካ ወያ ቢድ በሳቫይ አነንረኸ ንሂነ።
+\v 2 በሳቭይ አነዳ ቢድንራይ ትንሰርአነ ስን ኢጨንቀንረ።
+\v 3 ሀ ኧሳቫይ ምስየ በትከተነጋ እችንራ አንኸነዳ።
+
+\v 4 ዋ ኧዱካመኸ ኡክ አሸዊታ ኧዎረ ኤኤዲ ቢዎሁሪዳ ምስየንራ ከስ ታነነ ስን ጭመመረንረታ ኢጨንቀንረ፤ ኢጨንቀንረዳቭ ሁዳ ሙድ አያ በሁርት ኢትሸገረኸ ኧሳይ ቢድንራይ ስኧተነታ ኧሳቫይ ሁጅር ንትኸተነኔ፤ ዘንጋ ጭን በዋይ ቸየተነ እጭንራ ንኸኔ አንሲኢነዳ።
+\v 5 እእመዳቭ ኧሸፐተንረ ጎይታን፤ ኧቀጥወሞኋ ኢቨንረዳ ዘንጋ ኢቨንረኸ ንትእመመኔዳ መንፈስኋ አቨንረምን ሁዳ።
+
+\v 6 እመኸ ኧኸሬ እንእ ግዝየ ጎይታ ትእማመነ ምረቭነ፤ በዋ አፈር ታነን ስን ፥ ተጌታ ኢየሱስ አትራእነ ንረቭነኸ ንሂነ።
+\v 7 ኢና ንረቭነዳ ሁዳ ጎይታ ትእማነነ ታንዳን ባሀሬ በኤር ቢያዢዳአር አኸረዳ።
+\v 8 ዋ ምስየንራ ሙጅተታ ተክርስቶስ እማቲ ንረቭኔ ንሲኢነኸ ክፍችተሁ ኧዝሬኪ አንፈይካ።
+
+\v 9 በዋ አፈር ብነቭነ ባነቭነ ንሲኢኔዳ ሁዳጎይታ አትሳርትን።
+\v 10 እንቨንራ አት ቀረ ኧፍርድኧርስቶስ ኢፍቲ ንቴኤነቭነዴ፤ ሰቭ እንእ በዋ አፈር ቲረቭርካ ኤፐን ወሄ ተውጥጥ ሜና ዋጋኋ ኢቴኤፐርኴ።
+
+\v 11 ባቴ ጎይታ ኧፍረውት ምር ኧዋርት ኧኸረኸ ንሂኔ ኧኸሬ ኢሰውኦንረዳ ሰቭ አጬግነ ንኢድኔዮዋ፤ ኢናቭ ምር አይነት ሰቭ ኧኸነኸ ጎይታ ኢሂር፤ አሁምትሂንረኸ ንትእማመነ።
+\v 12 በሂን ባነዳ ዘንጋ ታይኸር በሰቻይ ቢያዢዳ ዘንጋ ኢታአሞርታ ሁኖዋ መልስ ቲዋይ ቢና ትትእሟሞሩዋኸ ንኢድኔኩዋ።
+
+\v 13 ሽረኘቭ ብንኸነ ኧጎይታ ባነ ታንዳን፤ጦው ሰቭ ብንኸነ አአሁዋ ባነ ታንዳን።
+\v 14 ክርስቶስ አተጋ እንእዎኋ ባረ ኧውጅትሞኋዪ ክርስቲያን እንእ ኧሁዳይ ሙድ ኧትሻከደኸ ኧሀኔ ኧኸሬ ኧክርስቶስ ንማጀ ዋ ሜናኋ ያቲፐንረ።
+\v 15 ባአያሞሁኗ ነነውታ ሰቭ እንእ እሁኗ ባረ ኧዎዴቪ ተውድቭ ኧትረሳ ክብር ኢረውርዋኔ ባሀሬ ፥ ኧገግሁኗ ባይቶ አይረውርዋኸ እንእዎኋ ባረ ሞደ።
+
+\v 16 እመኽ ኧኸሬ በዋቴ አትዎኋ በዋ አለም መሰሮ አናዥኔዳ፤ኧዋ ኢፍቲ ክርስቶስ በዋአይነት አሸነዪ ባነደ። በዋቴ ጭን ኧዋኸአረ እኒንአነዳ።
+\v 17 ብእመዳ ማኒኢሞኋ ክርስቶስ ባአመረ ወያ ፍጥረትን፤ጉስ ሁዳ ወረ ቤኤድኋይ ወያ ሁዳ ተሸገረ።
+
+\v 18 እመዳ እንእ ኤፐን ጎይታን፤ ሁዳ በክርስቶስ ኣቫአ ተገግኋ አቓመጠንረ፤ ኢናቭ ሰቭ ተክርስቶስ ናቓምጥኔኰዳ አገልግሎት አቨንረ።
+\v 19 እመዳ ኧዋርት ጎይታ አለም እንእ በክርስቶስ ኧቫአ ቲያቓምጥካ ኧሰቭ ባጢ አንሴኤዳ፤ኢኢናቭ ሰቭ ተጎይታ ንቓምጥኔኮዳ አገልግሎት አበንረ።
+
+\v 20 ጎይታ ቢና ኸረ ሰቭ ኢኸራይ ኧኸሬ ኢና ኧርስቶስ ኪሸረኘንረ፤ ብእም ኧቫአ «ተክርስቶስ ተቓዎጩዋ » ባነ በክርስቶስ ሹው ንሰኧኔኩዋ።
+\v 21 አታአር ባጢር አኔፐ ክርስቶስ ጎይታ ኢና ቲይር ኢናይ ባጢር ኧሁዳ አፌነገን፤ እመዳቭ ኧኸረ ሁዳ፥ ተክርስቶስ እማቲ ሂንተነ ኧጎይታ ጽድቅ ንረህቭነኔ።
+
+\c 6
+\p
+\v 1 ተጎይታ እማቲ ንረቭኔ ኧኸሬ ኧቴኤፐርዂ ኧጎይታ ፀጋ ብላሽ አቲንኤኸ አደራ ንኔኩዋ።
+\v 2 ጎይታ፡ « በ|ሸፐትሁን ግዝየ ሰምአከ ቢተርፉኰዳ ቀረ አገዝከ ይር። እኩ ወሄ ግዝየ ዋአካን፤ ኢተርፉኰዳቭ ግዝየ ዋአካን።
+\v 3 አገልግሎትንራ ባትጥቀንጢ ፥ ባአትዎኋ እንቁርፊት ንኸኔ አንሲእነዳ።
+
+\v 4 ኢረእካሞኋ ብኒንአኔዳአር ኧጎይታ አገልጋይ ኧኸነኸ ብንእ አጋድኋ ናቲሽነ።
+\v 5 ቲገርፉንረ፣ ቲያአጉጅንረ ፣ አድማ ቲንኦኮንረ፣ በቬና ትንቂጥነ፣ ዊኢንድ ትንቨህነቪ ቲገደንረዳቭ እንእ ኧጎይታ አገልጋይ ኧሁርትንራ ናቲኢምነ።
+\v 6-7 ህመኸቭ በውጭርነድ ፣ በሀሪነድ፣በፉረሁት፣ በቪነድ በመንፈስ ቅዱስ ኧውረምየ ንንማጀ፣ ፍጥር ቤነወ ቃር ፣ በጎይታ ደረግ፣ በቀነቪ በጉራቭ ኧጅ ኧጽድቅ ጋዝ ግቭር በጥጭት፤
+
+\v 8 በሩኡነድቪ ብእስነድ ፣ጛጝዥትቪ በትቀረውት ነፐነ ኧውረአአር ትንዝሬኪነዳ ክዝበኘ ቧንረ።
+\v 9 ሰቭ ቲሂረንረ አትሄናአረኸ ኸነ፤ ሞሉም ቲዩንረዳ አያ ኸነ ንረቭነ፤ ቢደርጉንረ አሞድነዳ።
+\v 10 አንሳርት ቢረቭርቨንረ እንእ ቀረ ኢሽረንረ፤ኢና ዚጋ በኸነሜ ኖኦራ ሰብ ደገኘ ኒንአነ፤አታአር ባይረቭረንረቭ እንእአአር ኢናትናአር።
+
+\v 11 በቆሮንቶስ ከተማ ትረውርታ ሰዎ አታአር ታንደእኔኮኩም እንእአአር ኤኤድኔኩም።ሂንመንራ ባላል ኤፐነ ከፈድኔነኩም።
+\v 12 አሁዋ ገኪተሁዋ አትረጅንረዳ ባሀሬ፣ ኢናሽ ጌኬነ ንረድኔኩዋ።
+\v 13 አሁዋ ዴንጋኛ ኧኸርሁዋይ ኢና ሂንንራ ኧከፈድኔነኩዋመኸ አሁም ሂናሁዋ ባላል ኦንኦም ኩፍችንረ ።
+
+\v 14 ባኸራአር ታያአውሩዋ ሰቭ አቦገድነድ አጣወጭዋ፤ጥርርነድቪ ባጢርቭ በቭር ኢትራኮውዋ? እዋየቪ ጠነቫቭ በቭር ኢትራኮውዋ?
+\v 15 ክርስቶስቪ ሴጣንቭ በቭር ኢትራኮውዋ? ያአቭርካዂ አያአቭርሁ ሰቭ እማት ኢሆሩዋይ ኧተኸ ኢኸኖዋ?
+\v 16 ኧጎይታ ቤተመቅደስሁ ተቅርኘ ምር አጉዋዋኧ አነኖዋ? ኢና ኧሩእ ጎይታ ሙጭር ቢድንረ፤ ጎይታቭ «ቢድኛ በሰቭኛ ግት ኢኸርኴ፣ተሁኖም እማቲ ኧረቭርኬ።ሁኖም ኢያይ ሰቭ ኢሆርቴ»ባረ ኧዝሬኬመኸ ኢናእንእ ግዝየ አያ ኸረ ኢረቭርካ ጎይታ ሙጭር ቢድንረ። እመኸ ኧኸሬ ቢያ ታያአውሩዋ ሰቭ ግት ተዌጠርም ዎኦዋ፤ኧሰነኸ ዘንጋ አትጉጁዋ፤ኢያብ ኧተኧቭርሁዋሴ።
+
+\v 17
+\v 18 አባማሁዋ ኧህርሴ፤ አሁም ዴንጋኛ ትሁሩዋሴ»ይር እንእአአር ይኸነዳ ጎይታ።
+
+\c 7
+\p
+\v 1 አካ ናማጂኞ ዋ ኧተስፋ ቃር አነንሬ ኧኸሬ ምስየቪ መንፈስ ቲያሰርህካ ዘንጋ እንእ ሂንንራ ናቭጥነ፤ጎይታቭ ንፍረይነታ ጥርር ንህነ ንበነ።
+
+\v 2 ተውረምያሁዋ ተኧውወንረ፤አአትዎኋ ቡሼእ አቧአነዳ፣አአትዎኋይ ወሄ አመርአናአፋነዳ፣አአትዎኋቭ አንቄቀነዳ።
+\v 3 እ፥አዳቭ እካ ሁዳ ኧወቅስሁዋይ ባይተሁ አኸረዳ።እእም ኢፍቲ ኧቫኔኩዋመኸ አሁዋ በሂንራ አነሁዋ፤ እመኸ ኧኸሬ ብንዎድነ ታሁም ብነቭነ ታሁምን።
+\v 4 ኢያ አሁዋ ኖኦራአር አአቭርሁዋ፤ኢያ ባሁዋ ኖኦራአር ኧትእማመር ፣ባሁዋ ኖኦራአር ኧትቁሟᎀር፣ በጅጓረመንራ እንእ ንኖኦራአር ኢሽሬ።
+
+\v 5 መቄዶንያ ኧቫአነ ግዝየ ትንእ አጋድ ጅጓረ ሰንአቨንረ ባሀሬ ስርም ፎያድ አነከቭነዳ፤ተድየ መራክስ ፣ተከስር ፈራድ ባነቨንረደ።
+\v 6 ቢኸርቭ ኧትቨጠጠ ሰቭ ያቁሟሙርካ ጎይታ ቲቶ ኬሸ አቅቁሟᎀርንረ።
+\v 7 ኧትቁሟᎀነ ሁዳ እማት ቲቶ ኧቫአይ ታይኸር ሁድቭ ኧቁሟᎀረኸ ኣሰምአነዴ።ኢኢያቭ አነነሁዋታ ንማጀቪ ምጥጥቭ፣እመኸ ኢያቭአር አነነሁዋታ ወሄ ጩመጨ ቲቶ ቢኢደንረ ኢረእካአር ሳረንረ።
+
+\v 8 በኬሸነኩዋ ኪሸር ብናቲእሁም አንትውዘከካ፤ብንትውዘከቭ በኬሸነኩዋ ኪሸር ኧቀሪ ግዝየ አቴኤኩዋቴ።
+\v 9 ዋአካ ጭን ሳረዪ ኧሳረዪ ሁዳ አሁዋ ባቶኡትኛ ታይኸርር፣ ምጥጥጣሁዋ ባጢራሁዋ ቴእተሁዋ ኧጎይታይ ትድዦፖሩዋኸ ኤፐናሁዋቴ፤ ኧትቨጠጥሁም ሁዳ ኧጎይታ ፍቃድ ኢና አታአር ኢና አታአር ቡሼእ አቧአኔኩዋታ።
+\v 10 ኧጎይታ ፍቃድ ኧኸረ ምጥጥ ባጢር አዎኦም ቃሸዊታ ኢተርፉኬ ኧኸሬ አያትውዘክካ ኧዋ እአለም ምጥጥ ጭን ሙድ ያቫአ።
+
+\v 11 ዋ ኧጎይታ ፍቃድ ኧኸረ ምጥጥ ብታጫሙጪዳ ጩመጨ እንእ ትትጨፑዋመኸዪ ተቫጢር ኧትረርትማሁዋ ታጪጉዋኸ ኤፐናሁም፤ ህመኸቭ ብጢር ቲቴፕካ ትዎኦቹዋይ፣ ኧጎይታቭ ማአት ትፎሩዋይ፣ ኢያቭ ትረጅኚ፣ ኧመንፈስ ቅዱስ ትቱሩዋ በቂጥየ ትፎርጁዋመኸዪ እፋደኘቭ ትቆጮዋኸ ኤፐናሁም፤ ብንእ አጋድ በዋዘንጋ ጥርራአር ኧኸርሁዋኸ አቴኤመርሁም።
+\v 12 ባቴ ጣፍነኩዋ ሁዳ ቡሼእ ኧዋአረ ሰቫአር ፣ዌቡሼእ ኧዋአሪ ሰቫአር አኸረዳ፤ ዘንጋ ጭን ኢኢና ምርአካአር ሙርትቴ ኧኸርሁዋኸ በጎይታ ኢፍቲ ሂናሁዋ ትፎትሹዋነኸ።
+
+\v 13 ኢናቭ ኧትቁሟᎀነ ሁዳ በዋዳን፤ ቲናሜ ኧትቁዋወርት ኢረእካአር፣ ቲቶ ባሁዋ ኧሳረንኒ ኢናቭ ኢረእካአር ሳረንረ፤ቲቶቭ ባሁዋ ሂንኋ ሳረን።
+\v 14 ሂንኛ አወናወኩዋኸ ኧቲቶ ኤኤትሁን ባነደ፤ አሁም አናቅቨጨሁኝዳ ፤ ዘንጋ ጭን ንኢድኔኩዋ ኧረፐረ ሁዳእ እንእ ውረአር ኧኸረመኸ ፣ህመኸቭ ኧቲቶ አሁዋአር አጟኬዝነ ኤኤድኔ ሁዳ ውረአር ኧኸረኸ ተሄረ።
+
+\v 15 እንእአሁዋ ኧቲቶ አኽበድሁም ኧቴኤፐርዂመኸዪ ኧቴኤዘዝሁነመኸ ስርም አይትረሳኩዳ፤ ሁድቭ አሁዋ ቲዘግድካ አአሁዋ አነነዳ ንመጀ ኖኦራናአ።
+\v 16 ኢያቭ ብንእአአር ሂንኛ አወራወሁዋይ አሁዋ ኧረከዂ ኖኦራአር ሳረዪ።
+
+\c 8
+\p
+\v 1 ኧሰማቶ ጎይታ በሜቄዶኒያ አነውታ ቤተክርስቲያን አቨኖዋ ጠጋ ትሂሩዋይ ን።
+\v 2 ኣሰንአዎዋ ጅጓረ ኖኦራአር ቢኸርቭ፣ኧሳርትሁኖዋ ተሀ ኢረእካአር ባነደ፤ ዚጋቭ ቢሆሩም ዋቢነድሁኗ ጭን ኖኦራአር ባነደ።
+
+\v 3 እማት ኧደረግሁኗአህር ታይኸርር ተደረግሁኗ ቦፎራአር ኢያ ምስክንሁ።
+\v 4 ሁኖም በይሁዳ አነውታ ክርስቲያን ያአጉዥዋይ አይሆርኧዮኸ ኢሶኦሩዋ ባነደ።
+\v 5 ኢና ተቫኔ ቦፎረ ሁኗ ቦተርም ሂንሁኗ ኧጎይታ አውም፤ተህም ቀጥወበጎይታ ፍቃድ ኢናቭ ኧጅ አውንረ።
+
+\v 6 እመኸ ኧኸሬ ቲቶ ኧዋ ኢፍቲ ብሁዋ ግት ኧቀነሰን ዋቢነድ አይትሸከቨኸ ሳአነዪ ባነደ።
+\v 7 አሁም ብንእአአር ብእምነት፣በቃር፣በኦወርት፣በተቋጣይነድቪ፣ኢኢናቭ ባነነሁዋታ ንመጀ ኦፍፈረአጋዳአር ሂንተሁዋ ትትረከውዋኸ አደራ ንኔኩዋ።
+
+\v 8 እመኸ ኧዋርትኛ ኦኦዥዥትኛ አኸረዳ፤ ዘንጋ ጭን አሁሜ አውትቪ ኧኧኛሞሁኗይ አውት ኧዥተዂታ፣ አሁዋይ ንመጀ ምርአካአር ኧውረምየ ኧኸረኸ ኧሂሪ ሴኤሁ ታነዳን።
+\v 9 ኧጌታንራ ኧኢየሱስ ክርስቶስ ፀጋ ትሂሩዋ፤ በሁዳይ ዚግነድ አሁዋ ደንገኘ ትሆሩዋይ፣አሁዋ ቲይር ሁዳ ዚጋ ኸረ።10
+
+\v 10 . ኧዋ ዘንጋአር ኧህርሁዋታ ወሄ ምህር ዋኸትን፥ኤቭራ እማት ቲዋይ ታይኸር ፣ቲዋሜ ባጫሙጭትማሁዋ አወተራቸ ባነሁዋተ።
+\v 11 ዋአካቭ ኧዋ ኢፍቲ ኧቀነስዂ ታነነሁዋታአር አውታሁዋ ድውርኰ ባሀሬ አቶኢ። እመዳቭ ቲዋይ አነነሁዋታ ኧሳርት ውረአአር ኢኸነኸ።
+\v 12 ኒቭኔ ኢሽረንረ በኸረ ፣ጎይታ ኢሽርኩዳ ሁዳ ሰቭ በሳርት ኧደረግኋአህር ቲንካን ባሀሬ ደረግኋ አይኸናአህር አቬ አኸረንዳ።
+
+\v 13 እመኸ ትንነዳ አሁዋ አደግርሁምታ ኧኛ ስቭ ኧድጋአኩ ኧዋርትንራ ታይኸር እንእአሁዋ ቂጥየ ትረውሩዋነኸ።
+\v 14 ዋአካ አሁዋ አነነሁዋታ ሁዳ ኧሁኗ ኧቀፐረዎዋ ሁዳ ኢቬንአኖዋ፤ ብእመዳቭ አነንሁዋታ ሁዳ ቂጥየ ትትሻኮጁዋ ኧዋርትን።
+\v 15 እመዳ « ኖኦራአር ቁጥቁጥ ኤፐ አናተነፈዳ፣እንስየአአር ቁጥቁጥ ኤፐ እንቀፐረወዳ» ቧርም ኧጣᎉምነኸ።
+
+\v 16 ኢያ አአሁዋ አነኒዳ ወሄ ጩᎀጨ በቲቶ ሂን አወና ጎይታ ሽኩር ኧስርአኩ።
+\v 17 ቲቶ አሁዋይ ኧቫአ ሁዳ እማት ኢና ኧሳአነዪ ታይኸርር፣ በሩእ ኧሳርትቪ በገግሞኋ ፍቃድ ተረሳታነዳን።
+
+\v 18 ወንጌል ባእብውጅትኋ ባአብያተክርስቲያ እንእ ኧቴኤደነ ኧሰምንራ ኬፋቭ ተህም እማቲ ኬሸነዪ።
+\v 19 ትእም በድየ ዋ ኧሰምንራ ቲና ሆይተ ዋ ወሄ ሜና ኢንአይ ባአብያተክርስቲያን ᎂጠሪ፤ ኢናቭ ዋዳ ትኒንአነዳ ጎይታ ገግኋ ናከብነመዪ ኧሰቭ ናአግዝኔ ሴኤነ ታነዳ።
+
+\v 20 በዋ ብኔቭኔዳ ኧዋቢነድ ሜና ስርም ቅነጨ አይትረከቭቨንረኸ ጌኬርነ ንትጬፕነ።
+\v 21 እማት በጎይታ ኢፍቲ ታይኸር በስቭ ኢፍቲ ወሄያአር ኧሁርትን።
+
+\v 22 አት ኖኦራ ግዝየ በሮኦራ ዘንጋ ተፈተረታ ተቋጣይቭ ኸረ ኧትረከቨ ኧሰምንራ ተሁኖም እማቲ ኬሸንዪ፤ዋአካቭ ባሁዋ ኖኦራአር ኢትእማመሪ ኧኸሬ ትንእ ግዝየ ኢረእካአር ያትቫቅር።
+\v 23 ኧቲቶአር ኢትሳአርካ ሰቭ በረፐረ አሁዋ ናግለግልኔ ቲያ እማቲ ኧጎይታ ሜና ኢንአካ ኧቬና አቦገዳነኛ፤ተሁድ ኢዎኦታ ኧኛ ኧሰማታአር ኢትሳአርካ ሰቭ ቢረቭር አአቭያተክርስቲያን ኪሸረኘቪ ኧክርስቶስ ክብር ቧርም ኢረውርታ ሰቭኖዋ።
+\v 24 እመኸ ኧኸሬ ንመጃሁዋ ምርአካአር ኧውረምየ ኧኸረመኸዪ ኢናቭ ባሁዋ ምርአካአር ንትእማመነኸ ባአብያተ ክርስቲያን ኢፍቲ አውጁዋ።
+
+\c 9
+\p
+\v 1 በይሁዳ ገኘ አነውታ ክርስቲያን ያትዋኡዌዳ ዋጋአር ኢያ ኧጠፍነሁዋይ አያትሲእካ።
+\v 2 እመዳቭ እካ ሁዳ ኧሰቭ ታአጉዡዋይ ኢሽርሁዋኸ ኧሂሪ ኧኸርረዴ፤ ቴኤቭራ ቆነሺታ አሁዋ ባአካይያ ትረውርታ ክርስቲያን ፣ኧሰቭ ታአጉዣዋይ ኢሽርሁዋኸ በቨቄዶኒያ ኢረዋርታ ሰቭ አንቃኛ ሜንአሁ ዝሬኬሁ፤ ወሄነድማሁዋ ኖኦራ ሰቭ ኦሄ ሜና ኢትርሳሳኸ ኤፐ።
+
+\v 3 ባቴ በዋ ዘንጋ ባሁዋ አነንረዳ ኧትእዋወርት ብላሽ አይኸረኸ አሁዋ ዘንጋ በተርሁ ኧሬኬሁመኸ ተቋጤተሁዋ ቱኡሮዮዋኸ በተርሁ ክርስቲያን ኧሰማትንራ ኬሸሁ።
+\v 4 ኧሜቄዶኒያ ሰቭ ቲያ ሜኤተውዋታ በድዛገግሁዋይ ቢያዡዋ እማት አሁዋ ታትሆርም ኢናቭ ባሁዋ ኖኦራአር በትእዋወርትንራ ንትቀንጥነዴ።
+\v 5 እመኸ ኧኸሬ ኒቭነዴ ባሁም ኧዝሬኬዂ ሁዳ ብደይተሁዋ ካሽተሁዋ ትጀፑሩዋኸ፣ያዘጉጅኩዋይ ዋ ኧሰማትንራ ቲያ ኢፍቲ አሁዋይ ኢዎኦዋኸ ወሄያአር መሰረ ተረከቭዪ፤ባቴ በዋቢነድ ቲዋይ አቻመጥዂ ሁዳ ባንሳርት ታይኸር በሳርት አሁዋኸ ያቲሽ።
+
+\v 6 እንስያአር ኧዘንአ ሰቭ እንስያአር ኢረህቭ፤ኖኦራአር ኧዘንአ ኖኦራ ሙርት ሙርት ያጋአ።
+\v 7 ጎይታ በሳርት ኢንካ ሰቭ ኢረንዲ ኧኸሬ እንእ ሰቭ ባንሳርት ዌ በግርድ ታይኸር፣በሂንኋ አጫመጠን ሁዳ በሳርት አቭ፤
+
+\v 8 እንእ ግዝየ ያትሲእሁዋታአር እንእ ንሄተሁዋታ ኦሄ ሜና ቲዋታአር ኢተርፍሁዋኸ ጎይታ በረካኋ ያደፕስነሁዋይ ኢኸነ።
+\v 9 «በዋቢነድ ኧዚጋ አቨ ሰቭ ጽድቅኋ ኧዘላለም ኢረቭር»ቧርም ኧጣᎉምነኸ።
+
+\v 10 «ኢዘርአካ ሰቭ ዘር»ኢወርሜ ሸረድ ኢካ ጎይታ፣ትዘርኤዳ መኝኧተ ያሁዋሴ።
+\v 11 እንእ ግዝየ በዋቢነድ ቲዋኸ ብንእአአር ደንገኘ የንአሁዋሴ፤ዋቢነድማሁዋ ቢናይ አጋድ ኢሰርአኮታሰቭ እንእ ጎይታ ያትሸኩሩዋኸጎይታ ብንእአአር ደንገኘ የንአሁዋሴ።
+
+\v 12 ዋ ቴዊዳ ኧዋቢነድ ሜናሁዋ ኧክርስቲያን ጅጓረ ታፉኰትሞኋ በድየ ኖኦራ ሽኩርትኧጎይታ ያቲኢንቭካናአር።
+\v 13 ዋ ዋቢነዳሁዋ አሁዋ ኧክርስቶስ ወንጌል ቴኤፐርሁምታ ሙርቴ ኧኸርሁዋኸ ኧሁኖምቪ ኧኧኛቭ ሰቭያቲሺ ኧኸሬ እንእ ሰቭ ባሁዋ ኧቫአ ጎይታ ያትሸኩር።
+\v 14 ሁኖም ጎይታ አሁዋ ባቨናሁዋኑእ ወሄንነድኢረንጅኩዋይ ኧኸሬ ኢጠልይነኩዋ።
+\v 15 በሰቭ ቃር ኢዝኲ ባይትቨቃ ኑእ ኧኋርት ሽኩር ኧጎይታ ኧህር።
+
+\c 10
+\p
+\v 1 ኢያ ጳውሎስ ባሁዋ ኢፍቲ ታነሁ «ኢቅቨጭ» ቧርኝ ፣ ታሁዋ ትትቫይተርካ « ቆዋረ» ቧርኝ ዋአካ ኢያ በክርስቶስ ሙሽሙሽተኝነድቪ ገርመድቭ ኧሰኧርሁዋ ።
+\v 2 ኧሰኧርሁዋታቭ ሁዳ በሰቭ አሳብ ንረቭነዳአረኸኤፖም ቢያዥንረዳ ሰቭ ኢፍቲ ማአችተሁ ኧዝሬከኸ ባቲንኧኝኔ።
+
+\v 3 ንረቭነዳ ሁዳ በዋ አለም ቢኸርቭ ፣ ንትዋካነዳ ሁዳ ጭን ኧዋ አለም ሰቨኸ አኸርንዳ።
+\v 4 ዋአካቭ ንትዋካኔኮዳ ኧጋዝ ግቭር ኧዋ አለም ኧጋዝ ግቭር አኸረንዳ፤ ኢናይ ኧጋዝ ግቭር ኧሴጣን ወረ ባነረ ኢቃሺ ኢኸነዳ ኧጎይታ ደረግ አኖዳናአር።
+
+\v 5 በጎይታይ ኧኋርት ፎር በቲቢት ኢትረሳካ ሽርቪ ሙጥጥ ጩᎀጨቭ ንኢተነ ናዋአኔዴ፤ ኧሰቪ ኧኋርት እንእ ማርሂተነታ ኧክርስቶስ ኢቴኤዘዘኸ ኒንአነዴ።
+\v 6 አሁዋ ተውረሚያሁዋ ትቴኤዠዡዋኸ በሀነጋ አይቴኤዠዡዋ ሁኖዋ ንቀጣኔ ተረሳነ።
+
+\v 7 አሁዋ ታዢዳ ሁዳ ኧፈር እማት ኧፎር ዘንጋን፤ ማንኢሞኋ ኢያ ኧክስቶስንኋአር ባይተ ቢድጋኬዝ ሁዳ ኧክርስቶሳአር ኧኸረመኸ ኢናቭ ኧርስቶስአር ኧኸነኸ ኧኋረት እንነወ።
+\v 8 ጎይታ ባቬ ዳኝነድ ኖኦራአር ብንትእማመርወአያቅቨጬዳ፤ ዋ ዳኝነድ አውንረ ሁዳ አሁዋ ናቁሟሙኔኰኔ ባሀሬ አሁዋ ንቭራጭኔኴ አኸረንዳ።
+
+\v 9 በዋ ጣፍነ ብንኬሽኔነኩዋታ ኪሸር አትፈኝሁዋታአር አይቭሰርሁዋ።
+\v 10 አታትሁኖዋ ጳውሎስ ጣፈ ኢኬሽኮታ ኪሸር ኢሮኦዥታ ጣራጀኖዋአር ፤ ዘንጋ ጭን ምስየኋ ቲያዢዳ ሰፐኘናአር ኢዝረኩዳቭ ቃር ኢቆርጪዳናአር ዩሩዋ።
+
+\v 11 ዋኸ ዩርታ ሰቭ ኢና በሮኢ ኸነታ ጣፍነ ንኬሽኔዳ ኪሸርቪ ባሁም ግት ኸነታ ታሁምእማቲትነቭነዳ ብኔቭኔዳ ሜና ግት ቡችርነድ ኤነኸ ኧኋሩዋ።
+\v 12 ገግሁኖዋ ቲያጋጊሽታ ሰቭ ገግንራ ናትዋናኔ ዌ ቂጥ ቂጥ ኒንአኔ አንደፍነዳ ፤ ሁኖዋ ጭን ገግ ተገግሁኖዋ ቲያትዋኖሚ ባሙዛዝንትኖዋ አዮ አሆርታ።
+
+\v 13 ኢና ጭን አድብሽተነ አድጋኬዝነዳ፤ ኢና ብድጋኬዝነቭ ያግኪሰንረዳ ጎይታ ባቨንረቪ አሁዋይ በሰንአ አገልግሎትነንራ።
+\v 14 ኧክርስቶስ ወንጌል ጠበጥነታ አሁዋ ንኢድኔኩዋይ ኧቫአነ ግዝየ ታውንረ በድየ አቦነዳ ።
+
+\v 15 እመኸ ኧኸሬ ኢና ጎይታ ታቨንረ ሁዳ በድየ ሆይተነታ በኧኛ ኧኛ ሰቭ ቤፐን ሜና አድጋኬስነዳ፤ ኢረእ ኦኦወርታሁዋ ቲደቭር በወራአህር ባሁዋይ ኧቴቨንረ አጎኩርት ቲደቭር ያረኸ ናአቭነ።
+\v 16 እመኸ ኧኸሬ ኧኧኛ ሰቭ አአዊ ኤኤድሆይተነታ ቦተርም ቤፐዊ ሜና ታንጋኬዝነ ፣ አአሁዋ በሀ ባነውታ ገኘ ሆይተነታ ውወንጌል ብንኢድነ ኢፈዘንረ።
+
+\v 17 «ዘንጋ ጭን ሂንኋ ያወራይ ኢሲኢካ ሰቭ ቢረቭር በጎይታ አውራ»፤
+\v 18 እመኸ ኧኸሬ ሰቭ ጎይታ ባናረኧኒ ገግኋ ቢያረእ አትዎኋ አቅን አይኩዳ።
+
+\c 11
+\p
+\v 1 ኢያ ኧሲእካ ሁዳአንስየ ጋውነድኛ ትፎርሁኒኔ፤አሁዋ ዋአካቭ ትፎርሁኒ።
+\v 2 ጎይታ አሁዋ ወሄያአር ያስብነሁዋመኸ፣ኢያቭ ወሄያአር አስብነሁዋ፤አስብነሁዋታቭ ሁዳ አአት አናወቼያ ሙጭር ዘየ ገረደኸ ኧክርስቶስ ኢፍቲ አቲኢንሁዋይ ኧፈጅሁዋኔ።
+
+\v 3 ዘንጋ ጭን ኧሄዋን ጭረ ኧቄቀናመኸ፣አሁሜ ሂን ኢፈተታ ኧክርስቶስ አነነሁታ ንማጀቢ ሙጭርነድማሁዋ በኧፋወሁዋ ባሁ ኧፈይ።
+\v 4 አት ሰቭ አሁዋይ ሜኤተታ ኢና ኤኤድኔኩዋ ኢየሱስ አኸራአር ኧኛ ኢየሱስ አነ ባይተናሁዋታ ተዋ ተቴኤፐርዂ ኧጎይታ መንፈስ አኸራአር ኧኛ መንፈስ ብቴኤፖሩዋ፣ ዌ ተቴኤፐርዂ ወንጌል ኧኛ ወንጌል ቢቫአወሁዋ ቸየተሁዋ ታሽቴ ኧዋርትን።
+
+\v 5 ኢያ ጭን« ኑኡየኖዋአር ቱርዮታ» ተኧኛ ኧክርስቲሲ ኪሸረኘ ባአታአር አናአስካ ።
+\v 6 ኖኦራአር ኧዘጉት ባንሂርወቭ ፣ኦኋርትጭን አነኒ፤እመዳቭ ኖኦራ ግዝየ በሮኦራ መያ ጌኵነ ኤኤድኔኩም።
+
+\v 7 ገግኛ አቴኤነስሁታ ኧክርስቶስ ወንጌል ከስ አይቫር ኤኤድኩዋይ ባጢር ኸረቪ ኢህርሴዪ?
+\v 8 አሁዋ አጌኪሪ ትንር በኣኛ ቤተክርስቲያን ኧፈራክ ሞዋጮ ኧቴኤፐርዂ ኧሁኗ ዠነፍሁኖም ኧዋርትን።
+\v 9 ታሁዋ ታነሁ ያትሲኤዳአር አንእ ተመቄዶኒያ ኧዎኦዋ ክርስቲያን ኧሰማት ኢውኝ ኧረፐሬ አአትዎኋ አናጀገርኋ። አአሁም ባአታአር ባናጅግርሁዋይ ተጬፐሁ። ብእምቴ ኧትጬፕኴ።
+
+\v 10 ኧክርስቶሲ ኧውረ ቃር በሂንኛ ባነዳአአህር፣ ዋ ትምርትኛ አትዎኋ ያትሸኩኲ አይኸነዳ።
+\v 11 ዋዳ እካ ሁዳ አነድሁዋይ ኧኸረዴዪ? ኧረድሁዋሸኸ ጎይታቭ ኢሂር።
+
+\v 12 ሀ ቲና ቂጥየ ኢሆሩዋይ ቢዬዊዳ ሜና እንእ ቲድጋኬዡዋ ቀረ ዩኡሮታ ሰቭ ዩርታአር ኢዎሁሩዋኸ ዋአካ ኤኩዳ ሜና ነገሞኋ ኢንአኩዴ።
+\v 13 ኧዋኸ ሰቭ ኧርስቶስ ኪሸረኘ ኢወስሩዋይ እንእቨኸ ኢሆርታ አድቫቫይ ኪሸረኘቪ ቄቃቭ ሰቭኗ።
+
+\v 14 እመዳቭ ወግ ኢኸርካአር አኸረንዳ፤ሰይጣን ገግኋ ኧጎይታ መላአይካ ኢቨስረኸ በዋአና አስር አይነት ኢኸር።
+\v 15 እመኸ ኧኸሬ ኧሁዳይ አገልጋይ ጥርር ኧክርስቶስ አገልጋይ ኢወስሩዋኸ በዋአና አስር አይነት ሂንቶ ቢሽጓጎሩዋ አታአር ወግ ኢኸርካአር አኸረንዳ፤ ኧቀጥወሞሁኗ እእም ኣቬናሞሁኗሀአር ኢቴኤፖርቴ።
+
+\v 16 « አትት ሰቭ ጋዋን አይቫር»፤ጋዋቭ ኧቨሰርኩዋ በኸረ ኢያቭ ቀሪያአር ኧድጋኬዘኸ ኧጋዋመኸ ተኧወርኝ።
+\v 17 እመዳቭ ኮረምቶ ኸርሁ ትንዝሬካ ኧጋዋ ሰቭነኸ ባሀሬ ኧጎይታፍቃደኸ አኸረንዳ።
+\v 18 ኖኦራሁኗበ በዋ አለማአር ቲጋኬሽታ ፣ኢያቭ ኧድጋኬዝ፤
+
+\v 19 አሁም አዮ ኧኸርሁዋይ ኧጋዋ ሁኖዋ በሳርት ትፎርሁኗ።
+\v 20 ማንኢሞኋ ተሸተ ባሬያ ቲአሁዋታ፣ዱኒያሁዋ ቲቨዳሁዋታ፣ኧጥቅምኋ ቲይር ቲቴኤነሁዋታ፣ ቲድጋኬዝዎሁዋታ፣ዌ ወከዳሁዋ ቢየኧፋሁዋ ትፎርሁዋ።
+\v 21 ማንእየ ያቅቨጬዳአር ቢኸር አሁዋኸ በፍረሁት ቆዋረ አኸነኸ አኽነኸ ናአውድሁዋ። ማኒኢሞኋ ደፍፈረ ቢድጋኵዝወዳ ዘንጋ እንእ ኢያቭ ኧሁድመኸ ድፈይተሁ ኧድጋኵዚ ናአውድሁዋ።
+
+\v 22 ሁኖዋ እእብራዊ ገኘ ሰቭ ቢሆሩዋ ኢያቭ ህነኸምንሁ ፤ሁኖዋ አአብራሀም ዘር ቢሆሩዋ ኢያቭ ህመኸምንሁ።
+\v 23 ሁኖዋ ኧክርስቶስ ሜነኘ ቢሆሩዋ ሽረኘ ኧኸረ ሰቨኸ ንዜግ ኢያ ኧረእኮዋ ፤ህመኸቭ ኖኦራ ግዝየ በቬና ቄጥሁ ፤ ታአከትሁ፣ ተገፋሁ፣ኖኦራቭ ግእየ ኧውዲ ቴኤነሁ ባነደ።
+
+\v 24 አአይሁድ ገኘ ሰቭ በዥራፍ አምስተጋ አርቫ ዢኧ ገረፉኝ።
+\v 25 ሶኦስተጋ ባአአር ተደነግሁ፣ኧኛ ብእቭር ዎኮኝ፣ሶኦስት ግዝየ ብእሀ ፎር መርከብ ተሰፐረታ አደጋ ሰንአቪ፣ አአት ቀረ ዋአናቪ ኧዳርር በቫር ፎር ዋአርሁ ኔኤሁ።
+\v 26 ኖኦራ ግዝየ እእሀቪ ኧሽጣ አዳጋ ሰንአቪ፤ ታአይሁድ ገኘ ዶበመኛቪ ታአረማዊ ሰቭ አደጋ ሰንአቪ፤በከተማ፣በገሜዪበቫርቭ ፎር አደጋ ሰንአቪ።
+
+\v 27 ኖኦራአር አትቫቀርሁ ኖኦራቭአር በቬና ቄጥሁ፤ኖኦራ ግዝየ ዊኢንድ በከርሁ፣ጋደዪ፣ጠማዪ፣ኖኦራ ግዝየ ሸረድ ታንቨርአ ነፐርሁ፤ኖኦራ ግዝየ ሁጅር በከርሁታ ውርቀ አቁረፈረዪ።
+\v 28 ቡችር ቢያ ኧሰንአቪ ዘንጋ አንእ ቸኧሁንታ ያትጨንቄ ኧረፐረ አአብያተ ክርስቲያን ዘንጋ።
+\v 29 አት ሰቭ ቲቂጥካ ኢያቭ ተህም ኧቂጥ፤አት ሰቭ ባጢር ቲዬካ ኢያቭ ተህም ኧትራተድ።
+
+\v 30 ኧድጋጌዥት ያትሲእካአር ተኸረ፣ኢያ ኧድጋኬስካ ሁዳ ቂጨኝነድኛ ቢያቲሽ ዘንጋነኛ።
+\v 31 እንእ ግዝየ ክብር ባነነዳ ኧጌታ ኧኢየሱስ ክርስቶሲ አባ ጎይታ ኤናአር አኒኢደኸ ኢሂር።
+
+\v 32 በደማስቆ ከተማ ታነሁ፣ተርኩስ አርስጦሲዮስ በገዳ ዳኘ ኧረፐርረ ምስ ኢጠጤዪ ሴኤታ ኧደማስቆ ሰቭ ኢውርኰዳ ኡፈቻኋ በሰቭ ያትእተኩ ባነደ።
+\v 33 ዘንጋ ጭን ሰቭ ተግንብ መስኮት በቀጫት አዎኖም አዎጅኝታ ታይጠጠዪ ዎርሁን።
+
+\c 12
+\p
+\v 1 ኧድጋጌዥት ያጌኪርካአአር ባይኸር፣ኢያ ንድጋጌዝ ብንር ጎይታ በዝሬኬ ቃርቪ ባቴሼዪ እራኢ ኧድጋጌዝ ባነደ።
+\v 2 ቶኦኳ አስረ አርቭአት ዘቨር ኢፍቲ አት ኧሶኦስተኘ ሳቫዪ ስን ኧዎሰጂ ምስ ኧሂር ፤ እም ምስ ኧወሰጂ ሁዳ ተውርአ ምስየኋ ኧኸረመጋዪ ፣ ምስየሞኋ አይቫር ኧኸረመጋ ኢያ አሂርካ፤ ጎይታ ጭን ይሂር።
+
+\v 3 ዋ ምስ ኧሶኦስተኘ ሳቫዪ ኧዎሰጂ ሁዳ ተውርአ ምስየሞኋ ኧህር፣ ዌ ምስይየኋ አይቫር ኢያ አንሂርካ፤ ጎይታ ጭን ይሂር።
+\v 4 ሁድቭ ኧገነቲ ወሰጂታ በህሜ በሰቭ ቃር ኢዝረኲ አይትቨቃ፣ ሰቭ ኢዝሬኲ አይትቨቃነ ዘንጋ ሰምአ።
+\v 5 ኢያ በዋኸ ሰቭ ኢሽርሬ ፤ኧገግኛአር ጭን ተቂጨኝነድኛ ኧኛአር ኧድጟኬዝወዳአር አታአር ኤነኒዳ።
+
+\v 6 ዋ ኧዝሬኩዳ ሁዳ ኧውረአር ኧኸሬ ንድጟጌዝ ብንር ጋውነድ አነፐረዳ፤ዘንጋ ጭን አትዎኋ ቲያዥኩዳ ሁዳ በድየ ኧኝኧት አያዤኸ ኧድጋጌዥት ሁዳ ኧደፋኒ።
+\v 7 በዋ ጎይታ ባቴሼ ወግ ዘንጋ ኧቫአ ባድጟኵዚ ጎይታ ምስየኛ ኧሶኸኸ ኢወጋክ ምካት ቦፎርኛ አወናቪ።
+
+\v 8 እመዳቭ ኢገፍሬኸ ኧጎይታ ሶኦስት ግዝየ ሳአርሁን።
+\v 9 ሁዳ ጭን «ባኸ ኢያይ ደረግ ኢትረከካ ሁዳ ባሄ ቂጨኝነድ ኧኸሬ አከ ፀጋኛ ኢቅቃኸሴ»ባረዪ።እመኸ ኧኸሬ ኧክርስቶስ ደረግ ቢያ ኢትረከቨኸ በቂጨኝነድኛ ኢረእካአር ኢሽሬ።
+\v 10 እመኸ ኧኸሬ በክርስቶስ ኧቫ ትትቀነካ፣ጅጓረ ቲሰርአቪዳ፣ ቺሰድጅኝዳዪ ትትጨነካቭ ኢሽሬዳ ሁዳ በቂጨኝነድኛ ኧክርስቶስ ደረግ ያተቭአይ።
+
+\v 11 ኧጋዋ ሰቨኸ ዝሬኵሁ ፤እመዳቭ አዝራኵሁን አሁትንሁዋ።
+\v 12 ኢያ ኧውረቭ ኧጎይታ ኪሸረኘ ኧሁርትኛ መርኸት ኢሆርታ ኖኦራ ዘንጋ ባሁዋ ኢፍቲ ኤፐሁ፤ታሁዋ ታነሁ በፍረሁት ኤፐሁኗ ሜናኖዋ፤እም ሜናኛ በፋራሂነድ ኧቦርት፣መርኸት ኧሆሩዋ ዘንጋ ፣ወግ ዘንጋቪ ወግ ሜናቭ ኦንኧትን።
+\v 13 ኢያ አሁዋ አናጀገርኩዋታ ባሀሬ ተኧኛ አብያተ ክርስትቲን ምር አአነስሁዋአር አነ? አአሁዋ ባናደጉርትኛ አአፋሁ በከረ ፍረሁኒ።
+
+\v 14 ኧዋ ኢፍቲ አሁዋይ ውርኤተጋ ማአሁ፤ዋአካቭ ኧሶኦስተኘ ኧቫአይ ተረሳሁ፤ትንቫአካቭ ባአታአር አናጀግርሁዋታ፤ ኢያ ኧሲእካ ሁዳ አሁትን ባሀሬ፣ዱንያሁዋ አኸረዳ፤ኧዴጋሁኖውዋ ዱንያ ያዎሮታ አቭ ታአዶድኗ ባሀ፣ዴንጋ አአቭ ታአዶድሁኗ ባይቶ ዱኒያ አያዎሮታ።
+\v 15 ኢያቭ አነኒዳአር እንእ ተገግመኛ እማቲ አሁዋ ብኒሁዋ ኢሽሬ፤ባቴ ኢያ አአሁዋ ዋጣካአር ትነድሁዋ፥ አሁዋ ኢኢያ ኧቭር ገኪተሁዋ አትረጅኝዳ?
+
+\v 16 ባቴ ኢያ አሁዋ አናጀግርሁዋታ፤ቢኸርቭ ኢያ አአሁዋ በትኮልቪ ባአዮነድቭ ኧቴኤነኩዋአር ኢቨስርሁዋ።
+\v 17 አቸ ኧሁርትሞኋ ኧሁኖዋይ በኬሸሁኗ ሰቪ አጋድ ባአት ሁዳ ስን ዱኒያሁዋ በታኩሚ?
+\v 18 ቲቶ አሁዋይ ኢቫአኸ ሳአርሁን፤እም ኧሰመንራ ተሁድ እማቲ ኬሸሁን፤ ባቴ ቲቶ ዱኒያሁዋ በታናሁሚ? ኢያቪ ቲቶ መንፈስንራ እማት አይነት አነፐረዳ? ሜናኰንራ አማት አይነት አነፐረዳ?
+
+\v 19 ዋአካ ስን ባሁዋ አፍቲ ፣ኧገግንራአር ትንቴኤድነ ኧረፐናአር ኢቨስርሁዋ? ኢና በክርስቶስ አመነታ ኒዝሬኪነዳ ሁዳ አቭ ጎይታ ኢፍትኔ፤ ባቴ ኧሰማቶ ዋዳ እንእ ንዝሬኪነዳ ሁዳ፥ አሁዋ ናቁሟሙኔኩዋኔ።
+
+\v 20 አሁዋይ ትንቫአካ ኢያ ኧቫኩዋኸ ሂንተሁዋ አትረኮውታ ኢህርሴዌ ባሁ ኧፈይ፤ዌ ኢያ አሁዋ ኧሁቫኘኸ ሂንተሁ አንትረከካ ይህርሴዌ ባሁ ኧፈይ፤ዌ በግታሁዋ መራክስ ፣ሟየታሙነድ፣ማአት ፣ኢኢያ ኧፍዘዜ ኧዋርት፣ ኧሰቭ ሹው አአፎት፣ኦአንድ፣ትቢት ቃሽቃሽት፣ኢምበርሴ ይህርሴዪ? ባሁ አታንእ።
+\v 21 ሀአይተሁ ትንቫአካ ጎይታ ባሁዋ ኢፍቲ ያትዋርዴሴ ኢህርሴዪ? ባሁ ኧፈይ፤እመዳቭ ኖኦራሁኗ ኧዋ ኢፍቲ ኤፐዊ ባጢርቪ ኤፖዊቭ ያቅቨጭካ ዘንጋ ፣ኧረከዊኸ ሁጅር ኧድምሙጅት፣በውጥጥ ተመኛት እሽቻ ተገማ ጫወዳ አድቡሽትአአር ዘግጌቭተውዋታ ተቫጢሁኗ ባንድዦፖሩዋ ሰቭ ኧቫአ ቀጨ ኢቫሬሴ ኢህርስሴዌ ባሁ አታንእ።
+
+\c 13
+\p
+\v 1-2 አሁዋይ ትንቫአካ ዋዳ ሶኦስተኘነኛ፤ «ዘንጋ ጭን ማንእየ ዘንጋ ኢትጭካ ሁዳ በውርኤት ዌ በሶኦስት ሄቶን፤ኧውርኤተኘ አዥሁዋይ ማአሁታ፣አሁዋይ ኧረፐርሁ ግዝየ አትጬፐኩም ባነደ፤ዋአካቭ በሮኢ ኸርሁ አትጬፕሁዋ፤ አሁሜ ተዣዠይተሁ ትንቫአካ ኧዋ ኢፍቲ ባጢር ኤፖውዋ ሁኖምቪ ፣ኧኛሞሁኗ ስርም ከስኛ ቡጭ ቡጭ አይካ።
+
+\v 3 ብእም ኧቫአ ቢያ ኢዝሬካ ክርስቶስ ኧኸረኸ ትኋርዋሴ፤ባሁዋ ግት ቲዬካ ያዢዳ ኧጎይታ ደረግን ባሀሬ ቂጭናኋ አኸረዳ ።
+\v 4 ክርስቶስ በቨስቀል ታ ሶኦሪተሰኧረ ኧዎደ ሁዳ ደረግ ኤነነ ቂጨኘ ሰቭመኸ ቢኸርቭ፣ ዋአካ በጎይታ ደረግ አያ ኸረ ኢረቭር፤ ኢናቭ በሁዳ ኧቫአ ቂጨኘ ብንኸነቭ ፣አሁዋ ናጌኪኔ በጎይታ ደረግ ተክርስቶስ እማቲ አያ ኸነ ንረቭነ።
+
+\v 5 ጌኵርሁም አአመርሁዋኸ ታጪጉዋይ ሂናሁዋ ሞርሙሪ፤ገግማሁዋ ጎኩርም ኦዢ።ኢየሱስ ክርስቶስ ታሁዋ አነኸ አሀርሁዋታ፤ክርስቶስ ታሁዋ ቤነሁ በፊትና ከስ ገፓሁም ኧዋርትን።
+\v 6 ኢና ባጢር አኔፐነኸ ትኋርዋሴ ባነ ተስፋ ኒንአነ።
+
+\v 7 ዋአካቭ አሁዋ ሙጥጥ ሜና አቲንኦዋኸ ንጠልይኔነኩዋ፤ንጠልይነኩዋታቭ ሁዳ አሁዋ እንእ ግዝየ ወሄያአር ቲንኦዋነኸ ባሀሬ ኢናይ ወሄነድ ናቲሽኔ ባይተነታ አኸረንዳ።ኢናቭ ኧቨቃነ ሰቭንረ ባይተነ ኦዥንረ ኦዥንረ አንነዳ።
+\v 8 ኢና ኧውረአአር ኔቭነ ባሀሬ ውረ አኸራአር አታአር አኔቭነዳ።
+
+\v 9 ኢና ቂጭተነታ አሁዋ ብድረትሩዋ ኢሽረንረ፤ጠሎትመንራ አሁዋ ጥርርአር ትሆሩዋነኸ።
+\v 10 ብእም ኧቫአ ታሁዋ አረእሁ ብነቭርወዳ ኤኤዲ ዋ ኪሸር ጣፍሁ ኬሸነኩም፤እመኸ ኧከሬ አሁዋይ ትንቫአካ ጎይታ ባቬ ዳኝነድ አናትጨንቅሁዋታ፤ሁድ ዋ ዳኝነድ አቬ ሁዳ አቁሟሙርሁዋኔ ባሀሬ ኧቭራጭሁዋይ አኸረንዳ።
+
+\v 11 ባቴ ኧሰማቶ ቦሄያአር፤በጥርርነድ ንወርዋ፤ምህርኛ ሱኦዋ፣እማትቭ ሂን ኧበርሁዋ፣ቦሄነድ ንዎሩዋ።
+\v 12 አሁም ታሁም በጥርር ሂን ወጌም ተዌዌርዋ።
+
+\v 13 ኧዋይ ክርስቲያን እንእ ወሄምንሁዋዌ? ዩኩዋ።
+\v 14 ኧጌታ ኧኢየሱስ ክርስቶስ ወሄነድ ፣ኧጎይታ ንመጀ ኧመንፈስ ቅዱስቭ እማትነድ ትንእአሁዋ ኧህር።

49-GAL.usfm

@@ -0,0 +1,228 @@
+\id GAL
+\ide UTF-8
+\h Galatians
+\toc1 Galatians
+\toc2 Galatians
+\toc3 gal
+\mt Galatians
+
+\c 1
+\p
+\v 1 ሰቨ ወይ ተሰቨ አጋድ ታይኸር በኢየሱስ ክርስቶስ ኣኹብ ተውንድ ኧረሳን በአብ ጎይታ ኪሸረኛ ኧኸረ ተትኸና ጳውሎስ ፤
+\v 2 እማትሜ ታነውታ ኧሰማትመኛ እንእ ፥ተአቦመንራ ጎይታይ ተጌተመንራ ኢየሱስ ክርሶትስ ጠጋይ ወገሬት ኧኽር ።
+
+\v 3
+\v 4 ኧጌታንራ ኢኢያሱስ አቭመኸ ፍቃድ ተዋ ሙጥጥ አለም ያተርፈንሬ ቲይር ኧቫጢንራ ገግኋ አቨ ፥
+\v 5 ኧዘላለም ክብር አአባንራ ኧኽር አሚን ።
+
+\v 6 በበክርቶስ ጠጋ ኧኸናናኹዋ ኹዳ ኸር ቼኤኹምታ አትቫተርኹም ኧኤኛ ወንጌል ኧተኸ ኧኾርታኹዋ ገረመይ ።
+\v 7 ኧውረሻአር በኸረ ኤኛ ወንጌል ኤነዳ ። ያድቫቨርኹዋታይ ኧክርስቶስ ያጥዋጥዋይ ይሲኢዋታ አታት ሰቨ አነዋ ።
+
+\v 8 ዘንጋ ጭን ኢና ብንኸነ ወይ ኧሰቫት መላይካ ቢኦርዋ ቴኤዲኔኩዋ ወንጌ ኤኛ ወንጌል ይኢጅኩዋታ ኹኖዋ ኧዘላዓለም ኧሰተዋአር ኧኹርዋ ።
+\v 9 ኧዋኢፊቲ ኧቫኔኩዋመኸ ፥ዋአካ ኻአቭኹ እኹዋ ፥ ማኒሞኋ ቢኸር ተቴኤፐርኹይ ኤኛ ቡጭር ወንጌል ይኢትኹዋታ ኹዳ ኧዘላዓለም ኧሰተቫአር ኧኽር ።
+\v 10 ባቴ ኢያ ሰቨ ያጋጊዘይ ኧሲካአር ይቨስርኹዋ? ወይ ጎይታ ያጋጊዘይ ወይ ሰቨ ይሳርኩሴ ባኹታ ኤቭካአር ይቨስርኹዋዌ? ሰቨ ይሳርኩሴ ባይተኩ ኤቭካ ሰቨ ብንኸር ኧክርስቶስ ባሬያ ባንኸርኋ።
+
+\v 11 ኧሰማትኞ ኤኤትኩዋ ወንጌል ኧሰቨ ሜና አንኸረከ ቲኺርዋይ ኧሲእ ፥
+\v 12 ተአት ሰቨ አንቴኤፐርኩንዳ ተአትሞኋ አተማርኹዳ ፥ ይረካሞኋ ተታሼ ተኢየሱስ ክርስቶስ ቴኤፐርኹን ።
+
+\v 13 ኧዋኢፊቲ በአይኹድ ኻይማኖት ኧተኸ ኧረቭር ኧነፐረኸ ኧጎይታ ቤትክርስቲያን ቡሼኤመኸ አሳትድሜይ አአይሜ ቡሼኧኸ ኧተኸ ጃድ እር ኧነፐረኸ ሰማኹም ፤
+\v 14 ቢያ እድሜ ዘቨር ተረፖርዋ ትኖኦራ አይኹድ ሰቨ ይረእ ተአይኹድ ኻይማኖት ኧረእባ ፥ ኧአቦንራይ ንቭ ትንር ሟነታመ ባነኾ ።
+
+\v 15 ዘንጋ ጭን ተቶኾኝትኛ ኢፊቲ ጌተ ኤቬጤሬ በጠጋሞኋ ኧኸናይ ጎይታ ፤
+\v 16 በአረማዊ ግት ኢኢየሱስ ክርስቶስአር ኢኢዲይ ኧጎይታ ኧች ቢያ ይትረከቪ በረመደ ግዚየ በሰር ተትኸተረ ሰቨ ተአትሞኋ አትማከርኋ ፥
+\v 17 ቲያ ኢፊቲ ኪሸረኝ ኧኾርዋ ኹኖይ ኢየሩሳአሌም ከተማቭ አባአኋ፥ዘንጋ ጭን ኽመጋ አአረብ ገኝ በዋአኹ ቀጥወ ደማስቆ ተዠርኹ ።
+
+\v 18 ተሶኦስት ኽርቭ ቀጥወ ጴጥሮስ ኧስኩይ ትንር ኢየሩሳአሌም ከተማ ዋአኹ ተኹዳ እማትሜ ውሬት ሳምት ስን ቸናኹ ።
+\v 19 ዘንጋጭን ተጌታንራ ተኢየሱሲ ኧሰም ተያቆብ ኤኛ ኪሸረኛ ቢኸር ስርም አናሽኹኖታ ።
+\v 20 ብጠፍነኹዋአታ ዘንጋ በጎይታ ኢፍቲ ኤናአር አኒኢድመኸ ትንዚሬካ አጬግኹ ኢኢቱኹዋ ።
+
+\v 21 ተኻ ቀጥወ ኧሶሪያ ገኝሜይ ኧኪልቅያቭ ገኝወርኹ ።
+\v 22 ገኝ አንውታ በክርስቶስ አአሞርዋ ሰቨ ኧዋኢፊቲ ኢፍትኛ ኤሽተዋ ባይኺርዳ ።
+\v 23 ኹኖዋ ጭን «ኧዋኢፊቲ ኢና ያሳድድ ኧረፐረ ምስ ኧዋኢፊቲሜ ያአይኩይ ይሲኩ ኧረፐረ እምነት ኻአቨ ይኢድ »ይካ ዋራይ ሶሞም ባንደ ።
+\v 24 ቢያቭ ኧቫ ኧጎይታ ሽኩር ይርዋ ባንድ ።
+
+\c 2
+\p
+\v 1 1 ተአስራ አርቫት ዘቨር ቀጥወ ሃአቭሁታ ኢየሩሳአሌም ከተማ ዋአሁ በኽም ግዚየ ተቫርናባስ እማትሜ ባነነደ ቲቶቭ ጠበጥሁንታ ወርሁ ባንደ።
+\v 2 ኧወርሁ ጌታ ታቴሼ ወኼዘንጋ ኧትረሳ በአረማዊ ግት ኢኢድኩዳ ወንጌል ኧዋሰቨ አቲሽኮኔ።ኧኽር ባኻሬ ምስተኸ እመኸ ትራወእ ወይ ኧትራወሁ በኸረ ትንፈይ ኑእ ይዎስርታ ሁኖዋ ጌከርሁ አትኼርሁኖም።
+
+\v 3 ቲያ እማትሜ ኧረፐረ ቲቶ ስን ኧግሪክ ሰቨ ቢኸር፤ዘገር ያጎኦይ አናጨኖቂ ባንድ።
+\v 4 ዋ ዘንጋ ኧትረሳ አታት ኤነ አውጅወድ ኧሰማትንራ በክርስቶስ ኢየሱስ ኧረከቭኔ ነጣነድ ይሰልልዋይ ባሬያ ዬውንሬ በግትንራ ተስረነጩም በጉኦትሁኖተ።
+\v 5 ኧዋሰቨ እእማት ግዚየ ስን አትገዛዜኔኖታ ።ኢና ጭን ኧውረ ኧኸረ ወንጌል ባሁዋይ ታይሽጋገር ይረቭረኸ ኧቀሪጋ ስን ኧዋሁኖዋ ኧጅ አናቭኔ።
+
+\v 6 . ኑእ መሰርሙታ ይትረከውታ ሰቨ ሁኖዋ ኢያ አታአር ምሰይተ አትረከቬዳ ጎይታ ኢፍት ኤሽተ አያጥቌካ እም ሰቨ አታአር ኤኪሸርኛ ቧርምታ ኤደፖኒአር ኤንዳ።
+\v 7 ዘንጋ ጭን ኧጴጥሮስ ዘገር አገፖዮዋ ሁኖዋ ይኢደኸ አደራ አዊመኸ፤ኢያቭ ዘገር አናጎፖዮዋሁኖይ ወንጌል ኢኢድኸ አደራ አውኝኸ ጌከርሁ ኻርሁ።
+\v 8 ጴጥሮስ ኧአይኹድ ኪሸረኝ ይኸረኸ ኤፐ ጎይታ፤ቢያቭ ኧአረማዊ ሰቪይ ኪሸረኝ ኧኸርሁመኸ ኤፐ።
+
+\v 9 ዋና ኧቤተክርስቲያን መሪዋ ኧዋሪዮዋ ያቆብይ ጴጥሮስቪ ዮሐንስቭ ጎይታ ዋኸ ሜና ዬቨኸ ዃርሙ።ኹኖም ኽመጋ ኢያቭ ኧባርናባስ ኧጅንራ ጠቦጭምታ «ኢናቭ ታኹተንረ»ቧንረ ፥ ኢናቭ ኧአረማዊ ሰቪይ ናኔ ሆኖምታ ኧይኹዳ ሰቪይ ያርዋኸ እንመንራ ተስማማነ ።
+\v 10 ኢና በግትዅኖዋ አነውታ ዚጋ ሰቨ ንረዳኔዮይአደራ ቧንረ ፤እመዳቭ ኢያ አትቫቀርሁ ኤፐሁን።
+
+\v 11 ጴጥሮስ አንጸኩያ ከተማ በቯአይ ኧውረ በኸረ ኢፋድኋ ኢፊት ኢፍት ቡሼኧኸ ማአቸሁወ ።
+\v 12 አታት ሰቭ ኧያቆቢይ ቶኦትሁኖዋ ኢፍቲይ ተአረማዌ ኹኖዋ እማትሜ ይቨራ ባንደ ፥ኹኖዋ በዎኦዋጋ ጭን ዘገር አጎፖዮዋ ኹኖዋ ፈኝታ ተአረማዊ ሰቨ ኹኖዋ ገግዃኧዋትርቲይ ተሁኖዋ አሮት ቀነሰ፥
+
+\v 13 ባርናባስ በሁኖዋይ ኸጥነድ ቲትሞተት ስን ኤኛ ኧአይሁድ ሰቨ በኹዳይ ኸጥነድ ወርሙ ።
+\v 14 ሜናመሁኖዋ ኧወንጌለኸ አኸረኸ በሃርሁ ቀጥወ ብንሞሁኖዋ ኢፍቲ ኤጴጥሮስ ዋኸ ባሁን አኸ ኧአይኹድ ሰቨ በኸርኸሜ በአረማዊ ቂጫ ባንኸሬ በአይሁዳዊ ቂጫ አትረቭርካ ባቴ ኧአረማዊ ሰቨ ኧአይሁድ ቂጫ ኧተኸ በግድ ይትኼተርዋኸ ቴቭኮዋ ።
+
+\v 15 ኧውረቭ ኢና ተዘርንራ ኧአይሁድ ስቭንረ፥ባጢረተኝ ኧአረማዊ ሰቨ አኸነዳ ።
+\v 16 ቢኸር ሰቨ ይጸድካ ኢየሱስ ክርስቶስ በኧወርትን ባሃሬ ቂጫ በኦዮት አንጸድቅነኸ ኒኺነ ።
+
+\v 17 ንጸድቅኔ ኧሶእትንራ ፣ኢናገግመንራ ባጢረተኝ ኧኸነኸ ያቲሽ ፤ እህ ባቴ ክርስቶስ ባጢር ይደብሰኸ ዬቭካ ኧዋርትኒ? ስርም አኸረዳ! ።
+\v 18 ኢያ አፈረስሁ ሃአቭሁ ኢያቭ ኢናኩ በኸረኩ ቂጭ ኧጣስሁኸ ኧውየሞኋ አትሄርሁ ኧዋርትን።
+\v 19 ኢያ ኧጎይታአአር ሂንተሁ ኧረቭሪ ትንር በቂጫ አጋድ ኧቂጭ ሞትሁ ።
+
+\v 20 ኢያ ተክርስቶስ እማቲ ተሰኧርሁ፤ተዋቴ ኢያ አነቭርካ፤ዘንጋ ጭን ክርስቶስ በሂኛ ይረቭር ።ዋካቭ በቨሰር ኧረቭርኩዳ ንቭረድ እማት በረመዴይቪ ኢያ ባረታ ገግኋ አዋአ ባአይፐረ በጎይታ ትከ ባነኒዳ እምነትን ።
+\v 21 ኢያ ኧጎይታ ጠጋ ባጭባች፤ ጽድቅ በቂጫ አጋድ ይረሁዊ በኸረሁ፣ ክርስቶስ እመኸ አታአር አኸራአር ሞደ ኧዋርትን!»
+
+\c 3
+\p
+\v 1 1 ዋ ጋዋ ኧኸርሁዋ ኧገላቲያ ሰዎ አትዌስርዋኸ ማን ጌኝዎሁም? ኢየሱስ ክርስቶስ በቨስቀል ፎር ኧሰኧረኸ ኸረታ ቢኢፍት ኢፍታሁዋ በጨርኋ ቢታሽከ።
+\v 2 ታሁዋ አት ዘንጋ ኤኺሪ ኧሲእ ኧጎይታ መንፈስ ኧቴኤፐርሁዋ ቂጫ በኦዮትኒ ወይ ኤኤችኩዋአር በኦዎርትን?
+\v 3 ስን አትቬስርታንሁዋአርዌ? በጎይታ መንፈስ ትቆርሹምታ በገጋሁዋ ደረግ ትጀፑርዋይ ታትዋቁርታ ኧዋኸ ጋዋንሁዌ?
+
+\v 4 በወንጌል ኧቯአ ኧሰናቪይ ብካና እምኸ ዋአረ ኧዋርትኒ?
+\v 5 ጎይታ መንፈስኋ ይሁዋታ ባሁዋይ ቂጫ በኦዮታኹዋኒ ወይ ኧሰማሁይ ሁዳ አናአመርሁዋተኔ?
+
+\v 6 . ባቴ አብራሃም ኦዢ «ሁዳ ጎይታ አመረ ፥ጽድቅ ኸረታ ቴቨዘረነ ።»
+\v 7 . ተዋቴ ዋ ያአውርታ ኧአብራሃም ዴንጋ ኧሆርዋኸ በስርዋ ።
+\v 8 . መጣፍ ይርመኸ ጎይታ ኧአረማዊ በኧዎርት ያጸድቆኸ እቬተረ ቦሽት፥ አረማዊ እንእ ባኸ ይዳርቴ »በዋርት ወንጌል አቬተረ ኧአብረሃም አትኼረን።
+\v 9 . በዋ ኧቯአ በጎይትያአውርታ ሰቨ በሆርዋ ተአብርሃመጋ በረካ ይረሁውቴ።
+
+\v 10 . ቂጫ በኾሮት ያአውርታ ሁኖዋ እንእ ተስድቭ በታአቸነዋ ፥«በቂጫ መጣፍ ኧጣፈ ሁዳ እንእ አዬቭ ኧሰተቨዳናአር »ቧሪታኧጣፈዳናአር
+\v 11 «ጻዲቅ በኦዎርት ይረቭር»ኧዋሪ ኧኸሬ ፥ማኒሞኋ ቢኸር በጎይታ ኢፊቲ በቂጫ አይጸድቀኸ ኧትኼረዳናአር።
+\v 12 ቂጫበኦዎት ፎር ኧትቀነሰአር አኸረዳ ዘጋ ጭን ፥«ቂጫ እንእ ዬቭካ ሰቨ በሁነዋ በአያ ይረቭር »ቴቬረ።
+
+\v 13 « ቤኧ ፎር ይሶእሪዳ እንእ ኧሰተቭዳናአር » ቧርሙ ኧጣፊይ ኧኸሬ ፥ክርስቶስ ኢና ቲይር ኧሰተቯአር ኸረ ተቂጫ ስድቭ ተቄጠንረ፥
+\v 14 . ኧአብርሃም ኧቴቨን በረካ በክርስቶስ ኢየሱስ ኧአረማዊ ሰቨ ይሰራኸ ቴቄጠንረ፥እመዳቭ በኧዎርት ኧመንፈስ ተስፋ ንቴኤፐነኸን
+
+\v 15 ኧሰማትኖ ዋዘንጋ ሰቨ ተርወሸን ዘንጋ አትዋኖይ፣ አት ሰቨ ጉርዳ በገፓ ቀጥወ ማኒም ሰቨ ቢኸር ጉርዳ ይጥሲ ወይ ይደቭርዌ አይኸነዳ።
+\v 16 ጎይታ ኧእብራሃም ኧዘራኸ ኢቭኸዴ ኧቫረን ተስፋ ዋኸትን ፥ ተስፈ አዊይ ኧኖኦራ ሰቨ ኧኸረኸ ኤቬተ መጣፍ «ኧዘራኸእንእ»ይር ቢኸር ተስፋ አዊይኧአት ሁዳ ኧኸረኸ ቲይእድካ «ኧዘራኸ»ይር እም «ዘራኸ»ኧዋሪ ክርስቶስን ።
+
+\v 17 ባቴ ኢያ እካ ዋትነዳን፥ ተአርቫት በኧር ሳሳ ዘቨር ቀጥው ኧቫአጌታ ቤተረታ ጉርዳ ገፓታ አወናን ይሸሪ ወይ ያጥፊይ አይኸነዳ።
+\v 18 ደረድ ኧውርሽት በቂጫ አጋድ ቢኸር ኧተስፋ ቃር ባነኮዊዳ ኧዋርት፣ ጎይታ ጭን በጠጋኋ በተስፋ አጋድ ኧአብራሃም አቨን።
+
+\v 19 ባቴ ቂጫ ኧቴቨ ኧቨራፈድን? ቂጫ ተስፋ ዬዊዳ ኧአብራሃም ዘር ቲቫአ ስንሙጥጥ ሜና ምር ኧኸረኸ ያትሺኔ ፥ቂጫ ኧቫአ በመላይካ አጋድ በአት ግተኝ ኧጅ ባንደ።
+\v 20 ቢኸር ግተኝ ሁዳ ኧአት ዘር ሱግየአር ይኸርካአር አኸረዳ ጎይታ ጭን እማትን።
+
+\v 21 ባቴ ቂጫ ኧጎይታ ተስፋ ቃር ይትጋፋ ኧዋትኒ? ኽሸኸሽ አኸርዳ ቂጫኧቴቭ አያ ዬቪይ ቢኸር እውረ ጽድቅ በቂጫ አጋድ ባነከዊ ባንደ።
+\v 22 መጣፍ ጭን አለም እንእ ኧቯጢር ኧገድ ኧኸረኸ ይኢድ፤እመኸ በኢየሱስ ክርስቶስ በኦዎርት ይረኹዊዳ ተስፋ ያአውርታ ሁኖዋ እንእ ይቴቭነኸ።
+
+\v 23 እም እምነት ቶኦትኋ ኢፍቲ በቂጫ አጋድ እገጀ ኸነ፤እም እምነት ቲታሽ ስን ቴቨንረ ባንደ ።
+\v 24 ባቴ በኦዎርት ኧጸድቀኸ ቂጫ ኧክርስቶሲ ያሰራይዳ አዌድ ኸረንረ ።
+\v 25 ዋአካ ጭን ዋእምነት ኧቫአይ ተዋቴ ኧቂጫ አዌድ ገዳጋድአኸነዳ ።
+\v 26 በክርስቶስ ኢየሱስ በኧዎርት ኧጎይታ ዴንጋንረ ፤
+
+\v 27 እማት ትሆርዋይ ኧጠመቅሁዋ እንዳማሁዋ ክርስቶስ ተኸተርሁም ።
+\v 28 በይሁድ ሰቪይ በግሪክ ፥በቯሬያ ይበነጣ ሰቨ፥በገማይ ቢኢስቻ ግት ቡችርነድ ኤንዳ ።
+\v 29 ኧክርስቶስ በኸርሁዋ፣አሁም ኧአብራሃም ዘርንሁዋ፣ኧተስፋ ቃር ውራሽንሁዋ።
+
+\c 4
+\p
+\v 1 1. ኢያ እካሁዳ ዋትነዳ ፥ይወርስካ ትከ ሁዳ በኸረ ስነጋ፣ዱኒያ እንእ ኧሁዳአር ቢኸር ስን ተቫሬያ ኧትለየአር አኸረዳ ።
+\v 2 አቦኋ ወራሽዬቭኩይ ኧወሰነን ቀረ ስን በአዌድኋይ ንብረድ ቢኢዮታ ስቪይ ኧጅን።
+
+\v 3 ኢና በትክነድንራ ኧዋዓለም ንቭ ተገዛኔነታ ባሬያኋ ኸነባንደ ።
+\v 4 . ዘንጋ ጭን ኧውስነን ፥ዘቨር በሰና ግዚየ ፣ጎይታ ተቪሽት ኤቴኤኝ፣ተቂጫ በገዳ ኧቴኤኝ ኧችኋ ኬሸ፥
+\v 5 እመዳ ኧኸረ ኧዴግነድ ደረድ ንረኽቭኔ ተቂጫ በገዳ አነውታ ሁኖዋ ኧገግኋ ዬቭንረኔ ።
+
+\v 6 . ዴንጋ ኧኸርሁዋይ ጎይታ «አባ»አቦ ባረ ይኸራካ ኧዴንግነትድ መንፈስ ኧኺንራይ ኬሸ።
+\v 7 . ባቴ ተዋቀጥወ ኧጎይታ ኧችንኸ ባሃሬ ባሬያ አኸርኸዳ፥ ኧች ኧኸርኼ ኧጎይታ ወራሽንኸ ።
+
+\v 8 ኧዋኢፍቲ አንሃሪኹዮዋ ተፍጥረትኹኖዋ ጎይታ አሆርዋ ሁኖዋ ባሬያሁሞዋ ኸርሁምታ ትትጎዦኖዋ ባንደ።`
+\v 9 ዋአካ ጭን ጎይታ ኧሃርሁዋይ ይረካሞዃ ኸአሁም በጎይታ ቴኼርሁም ።ባቴ ኻአሁምታ ኧቄጠ አታአር አያጌክር ትምርቲ ኧተኸ ተዠፐርሁም? ሃአሁምታ በዋባሬያነድ ትጠሞጅዋይ ሴኤሁም ኧዋርትኒ?
+
+\v 10 ቀረይ፥በኝ ፥ዘቨርቭ ፥ኽርቭ ኧዋሪሜ ክብር ቲዊዮዋ።
+\v 11 አሁዋ ትንር እመኸ ኧቄጥአር ቲቨስሬ ኧፈይነሁዋ።
+
+\v 12 ኧሰማትኖ ኧሰኧርኹዋ ፥ኢያ አሁዋ ኧቨስርመኸ አሁዋቭ ኢያ ምሰርዋ። አሁዋቭ አታአር አበደልሁኝዳ።
+\v 13 አወተረ አሁዋ ወንጌል ኤኤትኩዋ ቢኢናኛ ባንደ ።
+\v 14 ኢኢናኛ አሁዋ ፈተና ቢኸርዎሁዋ ስን፤ አስለቸሁኝ አስረተትሁኝ ዘንጋ ጭን ኧጎይታ መላይካኸ፥አቸቭ ኧገግሞሃኸ ኢኢየሱስ ክርስቶስመኸ ኤፐኹምታ ቴኤፐርሁኝ።
+
+\v 15 ኧኸረሜ ስን ሃጣካ መትራርአሁዋ ኧቲ ወረ? ቢኸነኹዋ ኤርማሁዋ ቢኸር ስን ኤኤተሁዋ ቲዊኝ ኧረፕረመኸ ኧምሰክነሁዋ።
+\v 16 ኤኤድኩይ ጠራት ኸርዎኩሚ?
+
+\v 17 ዋሰቭ ኧኩኖይ ይወሽኩዋይ ያትቫቁርዋ፥ኧወኼአር ኤስብተዋ አኸረዳ፥ ይሲኩዋታ አሁዋ ቲና ባቲርተዋ ኧገግሁኖዋአርኧወኼአር ዕ ዬኩዋኔ።
+\v 18 ኧኸረሬ ስነጋ ትቆርቃሪ ኧሁንት ወሄናአር፥እመዳቭ ኧሁንት አኖዳ እንእ ግዚየን ባሃሬ ኢያ ታሁዋ አነሁይ ኧሁንት ኤኖዳ።
+
+\v 19 ኧረምድሁውታ ዴንጋኞ ክርስቶስ በኺናሁዋ ቲቸና ስን አሁዋ ትንር በኑእ ጭንቅ አነሁ።
+\v 20 አሁዋአር ትናጫምጥ ቡሼኸ ተጨነቁሁባ፥ዋአካ በግታሁዋ ተረኬቭተሁታ በውችር ቃር ኧዝሬክሁዋ ኧተኸ ይሳሬባ!
+
+\v 21 ዋአሁዋ ተኦሪት ቂጫ በገዳ ትረውርዋይ ቲሲኢታ ባቴ አውጁኝ ቂጫ ምር ይረኸ አሰማሁዋታ ኧዋርትኒ?
+\v 22 አብራሃም፣ውሬት ዴንጋ ባነንደ አትሁዳ ተባሬያ ሚሽት ኤኝ አት ሁዳ ተወለባ ሚሽት ኤኝ ቧርሙ በቂጫ መጣፍ ጣፊ።
+\v 23 ባሬያ ተረፐረች ሚሽትኧቴኤኝ ኧች ኧቫኒም ሰቨመኸ ባንደ፥ኧወለባ ሂዳይ ኧች ጭን ኧቴኤኝ ጌታ ኤቭኬ በቫረን ተስፋ አጋድ ባንደ፤
+
+\v 24 ዋውሬት ኢስቻ ኧውሬት ጉርዳ ሟሟካነኸ አት ጉርዳ ተሲና ቆቶ ኧኸረች አጋሪን፣ኺዳቨ ባሬያ ይሆርታ ዴንጋ ቲኢኝ ባንደ ።
+\v 25 አጋር በአረብ ገኝ አንዳ ኧሲና ቆቶ ሟሟካ ባነቸ ፥ኺድ ተዋአካ ኢየሩሳአሌም ከተማ ትትቨሳሰር፤ኢየሩሳአሌም ከተማ ኧአጋረመኸ በኽሜ ታነውታ ሰቨመጋ ባሬያ ኾርሙ ይረውርዋ ።
+
+\v 26 በፎሬ በሰቫይ አንዳ ኢየሩሳአሌም ተሳራ እማቲ ይትቭሳሰር ፤ሁዳቭ ኧአዶድንራነኸ።
+\v 27 ዋኸ ቧርሙ ኧጣፊመኸ፥ «ዋአቲኢኝዋ ዠገቫ አሾ  ኺናሽ ኧሳርሽ ዋአቬተሽ አቲኺርዋ እልል ባይም እኽየዋ ምስ ታነናዳ ይረእ  ኧቡጦይ ኺዳይ ዴንጋ ደቦሹም።»
+
+\v 28 ባቴ ኧሰማትኞ አሁም ኢሳቅመኸኧተስፋ ቃሪ ዴንጋንሁዋ ።
+\v 29 በኽም ግዚየ ኧሰመኸ ኧቴኤኝ ኧች ፤በመንፈስ ደረግ ኧቴኤኝ አሳተደንመኸ ዋአካ እመኸምን ።
+
+\v 30 ዘንጋ ጭን መጣፍ ምር ይር? «ባሬያ ኺዳ ተኧችመሻ ስድድካ ኧባሬያ ኺዳይ ኧች ተወለባ ኽዳይ ኧች ደረድ አይወርስካ»ይር።
+\v 31 ኧሰማትኞ ኢና ኧወለባ ዴንጋንረ ባሃሬ ኧባሬያ ኺዳይ ዴጋ አኸነዳ። ባቴ
+
+\c 5
+\p
+\v 1 ክርስቶስ ነጣአዋአንረ በነጣነድ ንረቭኔን። ባቴ ትኾም ተሰጎዋ ፤ህኤቭተሁ በቫርነድ ቀንበ አጠሞጁዋ ።
+\v 2 ኢያ ጳውሎስ ኢኢቱሁዋታአር ቢረቭር «ዘገር ያጎኦኩዋይ በሴኤሁዋ፣ክርስቶስ አሁት አታአር አያሲሁዋኸ ኢያ ጳውሎስ ኢኢቱሁዋ።
+
+\v 3 ዘገር ያጎኦይ ይሲኢካ እንእ ቂጫ እንዳም ኦኖት ግድ አኖኸ ኻአሁታ አአታታሁዋ አጬሁታ ኢፍትኢፍት ኢኢቱኹዋ።
+\v 4 በቂጫ ትጸድቁዋይ ታትዋቁርታ ትክርስቶስ ተቫተርሁም ተጠጋ አራሁም ኧዋርትን።
+
+\v 5 ኢና ጭን በጌታ መንፈስ ኧጽድቅ ተስፋ በኦዎርት ንኢየነ ።
+\v 6 ተኢየሱስ ክርስቶስ መጋ እማት በሁርት በርማጀ ኧቆመረ እምነትን ባሃሬ ዘገር አጉኦት አናጉኦት አታአር አያወድካ ።
+\v 7 አሁዋ አመርሁምታ ወኼ ኑጫ ትትራወኡዋ ባንደ፣ዋአካ ኧወኼአር አታአዘዥዋኸ ኧኸናናኹዋ ማተን?
+\v 8 ዋ ምኽር ተሸፐተናሁዋ ተጌታኧቫአር አኸረዳ።
+
+\v 9 ዋ «ቀሪ እርሾ እንቭ ቡኮ ያቦካኩ»ዩሪምንኸ።
+\v 10 ኢያ አትማርኩዋ ትምርት ባሃሬኤኛ ሰቨ ያትመርሁዋታ ትምርት አቴኤፐርዋኸ በጌታኧታአመር፤
+
+\v 11 ኧሰማትኞ ኢያ ዋጣኽሪ ዳር «ይተርፉኬ ዘገር ያጉኤኸ እር በኸረ ዋጣኽሪ ስን ኧቭራፈድ ያሳቱጅኝ ባንደ? ኡከኸ ቢኸር ክርስቶስ ቤኧ ተሰኧረ ኧወደአትሞርት አታአርያጀክርካአርባናቫአዳ።
+\v 12 ሃአውምታ አሁዋ ያድዋኝኩዋታ ሰቨ እማት ዘገር አጉኦት ታይኸር በሳረኖዋ ኧትሁረተዋ!
+
+\v 13 ኧሰማትኞ አሁዋ ነጣ ትወኦዋይ ሆኖኩ፣ቢኸር አታሁዋ አአታሁዋ በርማጅነድ አገክር ባሃሬ ነጣ ሰቨ በሁት
+\v 14 «ሰቨ እን ኧገጋኸኸ ንቨድ»ቢይካ በአት ቂጫ ይስቨሰቭ።
+\v 15 ዘጋ ጭን አሁምታሁም ብትራኮሹዋ ብትቫኖዋ አሁምታሁም ታሩኡዋኸ ቯርዋ።
+
+\v 16 ባቴ በመንፈስ ንዎርዋ ባሃሬ ኧገጋሁዋ ተሜኛት አቶኖዋ እርሁዋ ።
+\v 17 ኧገግ ቴሜኛት ተመንፈስ ቴሜኛትጋ አያትጋፖታ ኧመንፈስ ቴሜኛት ተገግ ቴሜኛት
+\v 18 አያፑርታ እመሁኖዋ ገግ ተገግሁኖዋ ይትራኮሽዋይ ኧኸሬ ቲሲኢዳ ሁዳ ቴዋይ አይኸነሁዋታ።
+
+\v 19 በመንፈስ ብትሞሮዋ ጭን ተቂጫ በገዳ አኸርሁዋታ ።
+\v 20 ኧገግ ሙጥጥ ሜና ኧትኼረዳናአር ፤ተረኮዊ ሰቨ ውጅር ኧድሙት፥ ሙጥጣአር ኦኖት፥
+\v 21 ኧስጉይት፥ኧጥሮት፥መራክስ፥ቅናትድ፥ማአት፥ገግ ኧርዎት፥ኧትዋተርት፥አድማ ኦኖት፥
+
+\v 22 መሶ ኧሁት፥ኧስኮርት፥ደስ፥ዋኸ ይዎስርታኖዋአር።ኢያ ኧዋኢፊቲአጤፐኩዋመኸ ሃአቭሁታ አጬፕሁዋ ኧዋኸ ዘንጋ ዬቭካ ሰቨ ኧጎይታ መንግስት አይገቫካ፤
+\v 23 መንፈስ ቅዱስ ይቨንረዳ ንማጅነድ፥ኧሳርት፥ወገሬት፥ፈራሂነድ፥ሚርነድ፥ወኼነድ፥ሙርቴነድ፥
+\v 24 ጉኩርነድ፥አቅል ኧጉዦትን።ኧዋኸ ሁኖዋ ዬዊይይኸራካ ቂጫ ኤንድ።
+
+\v 25 ኧክርስቶስ ኢየሱስ ኧሆርዋ ሁኖዋ ተውጥጥ ተሜኛትኋ እማትሜ ገግሁኖዋ ሰኦርም።
+\v 26 በመንፈስ ንረቭነ በኸረ በመንፈስ ንዥቫቨርነ።
+
+\c 6
+\p
+\v 1 ኧሰማትኖ አት ሰቨ ማኒም በጢር ቢዬቭ ኧጎይታ መንፈስ ታአዘዝሁም ትረውታ አሁዋ ኧዋኸ ሰቨ በሚርነድ ገኩሪ፤አኸቭ በቫጢር ባትወዲኢ ኧገጋኸ ትጤፐቭ።
+\v 2 አሁም ታሁም በትጋጎዥት አአትሁዳይ ፉንግ ኧአትሁዳ ኧፈንግ፤በዋ አይነትኧክርስቶስ ቂጫ ተኦዮዋሴ።
+
+\v 3 አት ሰቨ ቴኤኛኋ ይፈስካአ ታይረቭርኩ«ኢያ ተኤኛ ሰቨ ኧረእ» ባይተ ቢያጫምጥ ገግኋይቄቅ።
+\v 4 እን ሰቨ ኧገግ ኧገግኋይ ሜና ኧዥ፤ተዋቀጥወ ገግኋ ቴኤኛ ሰቨ ቲያትዋናካ እማት ገግኃ ቤፐናአር ይትጋጌዚ ይኸነ።
+\v 5 ሰቨ እንእ ኧገግኋ ፉንግ ኧፎንግ አኖ።
+
+\v 6 ኧጎይታ ቃር ይትማርካ ሰቨ ተአስተማሪኋ እማትሜ ወኼ ዘንጋ እንዳም ይሻከድ።
+\v 7 ገጋሁዋ አትቆቁዋ ሰቨ ኧዘናን ሁዳ ይፋጪ ኧኸሬ በጎይታ አይጋጌዥኮዳ።
+\v 8 ኧገግኋ ቴሜኛት ይሽኔ ይዘራካ ሁዳ በገግኋ ሙድ ያቫአ ኧጌታ መንፈስ ይሽርኩይ ይዘራካ ሁዳ በመንፈስ ኧዘላለም አያ ኸረ ይረቭር።
+
+\v 9 ወኼአር ተኖት አንቆጠቭነ ፤ከስ ታናጥነ ብንዘራነ ጎርኋ ቲሰራካ ንስቨስቭነ።
+\v 10 ቢኸንረዳ ደረግ ኧሰቨ እንእ ይረካሞኋ በክርስቶስ አነውታ ሁኖዋ ወኼአር ነናኔነዋ።
+
+\v 11 ኧኧተኸ በኑእ ኑእ ፊደል ኧጣፍነኩዋኸ ኧዥዋ ።
+\v 12 ሰቨ ያዥኖይ ቲይርዋ ቢየዊዳአር እንእ ይትጋጌዥታ ሰቨ አሁዋ ዘገር ያጎኦኩዋኸ ይኢዚዡዋ፤ ዋኸ ዬውታ ሰቨ ኧክርስቶስ ባይተዋ ባይሰተጁዋነኸ።
+\v 13 ሁኖዋ ባሁዋይ ዘገር ባጉዎት ይትጋጌዥዋይ ቲይርዋ ዘገር ያጎኦኩዋይ ሴኤሙ ባሃሬ ሁኖዋ ጭን ዘገር ቢያጎኦዮም ቢኸር ቂጫ አኢዮታ ።
+
+\v 14 ጌታ ኢየሱስ ክርስቶስ ቤኧ ተሰኧረ ኧወንደኸ ባሃሬ በኤኛአር ስርም አንዋቅጥካ ክርስቶስ በሰኧረወ አለም ኢያ ኧሰኧሬ ኢያ አአለም ተሰኧርሁታ ሞትሁ።
+\v 15 ዘገር ቢታጎኤ ባያጎኤ አታአር አያውድካ ያወድካ ሁዳ በክርስቶስ ወያ ፍጥረት ኧሁንትን ።
+\v 16 ዋ እዝዝ ቢቲኼተርታ እስራኤል እንዳም ኧጎይታ ወገሬቲ ፈራኺነድ ኧኽር ፥
+
+\v 17 ሚሲየኛ ቲጎርፉኝዳ ኧወተኧቪ አንጉዝ ኢኢየሱስ አገልጋይ ኧኸርሁኸ ያቲሺኧኸሬ ተዋቀጥወ ማኒም ሰቨ ኢያ አያጀግሬዳ ።
+\v 18 ኧሰማትኖ ኤጌታንራ ኢኢየሱስ ክርስቶስ ጠጋ ተመንፈሳሁዋ ኧኽር ።

50-EPH.usfm

@@ -0,0 +1,235 @@
+\id EPH
+\ide UTF-8
+\h Ephesians
+\toc1 Ephesians
+\toc2 Ephesians
+\toc3 eph
+\mt Ephesians
+
+\c 1
+\p
+\v 1 በጎይታ ፍቃድ ኧትኸና ኧክርስቶስ ኢየሱስ ኪሸረኝ ተኸረ ጳውሎስ፤ በክርስቶስኢየሱስ ኧታአሞርዋ በኤፈሶን ከተማ አነውታ ቅዱሳ።
+\v 2 ተአቦመንራ ጎይታይ ተጌተንራ ተኢየሱስ ክርስቶስ ጥጋይ ወገሬት ታሁዋ ኧኽር ።
+
+\v 3 በሰቫይ በመንፈሳዊይ በርከት እንእ አቨታ በክርስቶስ ኧባረከንረ ኧጌታንራ ኢኢየሱስ ክርስቶስአቭ ጎይታ ሽኩር ኧስራኩ።
+\v 4 ኧትቀደሰ አት አወር ኤኖ ሰቨ ኺንተነ ብኢፍትኋይ ንትረከቨነኸ አፈሪ ሰቫይ ታይፈጠር ኢፊቲ ኢና በክርስቶስ ሸፐተንረ።
+
+\v 5 በክርስቶስ ኢየሱስ ዴንጋ ንኸኔ ጎይታ በወኼነድኋ አወተረሞኋ አንጠወ ።
+\v 6 እመዳቨ ኤፐን ቢረምድኩዳ ኧችኋ አጋድ በነጣ ኧቴቨ ክቡር ኧኸረ ጠጋኋ ሽኩርት ይዊነኸ።
+
+\v 7 ተጎይታ ኑእ ጠጋ ኧትረሳ በኧችኋ ደቭ ቴተገንረታ ባጢርንራ አፍ ባረንረ።
+\v 8 ጠጋኋ በኋርቲ በወስርት እንዳም አደበሰንረ።
+
+\v 9 ጎይታ በወኼነድኋ በክርስዮስ አጋድ ቤተረታ ባቨንረ አይነት ኧፍቃድኋይ ሚስጥር በኋርት እንእ ኒኺነኸ ኤፐንረ።
+\v 10 ቀረ ቢያርወዳ ወቅት ይኸሪ አንዳአር ኧጎይታ አሳብ በሰቫይ በአፈር አነዳአር እንእ ኑእበኸረ በክርስቶስ ኣጅ ይኸርኔ
+
+\v 11 እንአር በገግኋ ፍቃድ ቢዬቭካ በጎይታ አሳብ ኢፊቲ ኧወሰነንመኸ ዋአካ በክርስቶስ አጋድ ሸፐተንረ።
+\v 12 እመዳ ኧኸረወ ሁዳ አወተረ በክርስቶስ በአመኔ ተስፋ ቢና አጋድ ክብሪ ሽኩርት ኧጎይታ ይኸኔ ።
+
+\v 13 አሁም ኧተነፍሁዋ በወኼ ዋራይ ኧኸሬ ኧውረ ቃር በሰማሁዋ ወቅት በክርስቶስ አመርሁም ፤ ሁዳቭ ቢሁታ ተስፋ በአመርሁከ በመንፈስ ቅዱስ ታተምሁም።
+\v 14 ኧጎይታ ኧክብር ሽኩርት ይኸሪ ኧጎይታ ኧገግኋ ኧኸራአር ቲቴተገንሬ ስን እም መንፈስ ቅዱስ እእርስትንራ ቃብድን ።
+
+\v 15 ባቴ በጌታ ኢየሱስ አነነሁዋታ እምነትቪ በቅዱሳን እንእ አነነሁዋታ ንመጅድነድ ተሰማሁወ ቀረቆኖሺ፤
+\v 16 በጠሎትኟ ትናጫምጥሁዋታኧጎይታ ሹኩርት አቶኦንቭትኛ አንችኩዳ።
+
+\v 17 ተከበረ አነዳ ኧጌታንራ ኢየሱስ ክርስቶስ ይረእ ቲሂርዋኸ ኧደኧራአር ያቲሽካ መንፈስ ይሁዋኸ ኧጠልይናሁዋ ።
+\v 18 ኧቭር አይነት ተስፋ ኧትኸናሁዋኸይ እመዳቭ ኧቅዱሳ አነንዳ ክብር ኧኸረሁዳይ እእርስትኋ ድባሽነድ ምር ኧኸረኸ ቲሂርዋኸ ኧኺናሁ ኤር ይትከፈደኸጠሎት ኤቭ
+
+\v 19 እመኸቭ ናአምኔዳ ኢና ኧጎይታ አነንዳ ኑእ ደረግ ምር ያአኽረኸ ቲኺርይ ጠሎት ኤቭነሁዋ ።
+\v 20 ኧመኸ ኤፐ አቭግ ጎይታ ተውንድ ነሳታ በሳቫይ በቀነኋ ባውናን በክርስቶስን ።
+\v 21 ጎይታ ክርስቶስ በሰቫይ በቀን አጋድኋ ቲያውራኩዳ ተቫኒም ደረግ ታነኖታ ዳኝ ተጦናመ ጎይታ ታይኽርዋ እንእ በአፈር ፎር ሹው ተገኖንዋ እንእ ኑእ ቦኖት እመኸቭ በዋ ዘቨር ቢኸር ቢቫአካ ዘቨር ቢኸር ሹው ቲያወኦነዳ ሽው በፎረን።
+
+\v 22 ጎይታ እንእአር ተኧግርኋ በገዳ አትገዛነ በቤተክርስቲያን ፎር በቫኒም ዘንጋ ዳኝ ኤፐታ ሾመን ።2
+\v 23 ቤተክርስቲያን ብንአር ይቬናካ ሙራ ጅስማን።
+
+\c 2
+\p
+\v 1 አሁም በበዳላሁሚ በቫጢራሁዋ ኧቫአ ኧዎቱሁዋአር ባነሁዋ፤
+\v 2 ኧዋ አለም፤ሙጥጥ ዘንጋ ቴኼተርሁምታ፤እመኸ ተሳሳይ በገዳ ባነዳ ኧጠቫ ደረግ ዳኝ ትቲኼተርዋ በንደ፤ ሁዳቭ ዋአኻ ኧጎይታ ባቴኤዘዥዋ ሰቨ ፎር ዬቭካ መንፈስ ትቴኤዘዡዋ ትረውርዋ ባንደ።
+\v 3 ኧዋ ኢፊቲ ኢና እንመንራ በሁኖዋ ግት ትነቭነዳ ኧገግንራ ፍቃድ ኧኺንራ ቴሜኛት ኔቭነ በንደ ፤ ኤኤኛ ሁኖመኸ ተፍጥረትንራ ጎይታ ኧቫአአቨንረ ሰቨ ባነነደ።
+
+\v 4 ዘንጋ ጭን ኧጎይታ አፉት ኧኸሬ ሁዳ ኢና አነንዳ ንማጅነድ ኑኡአር ተሁርትኋ ኧትረሳ፥
+\v 5 ምር ቢኸር በቫጢንራ ኧወንድነ አር ብንኸርነ ጎይታ ተክርስቶሰጋ አያ ኤፐንረ ኧተነፍሁዋ በጠጋኖኋ።
+\v 6 ጎይታቭ ተክርቶስመጋ እማቲ ተውንድ ነሳንረ ፤በክርስቶስ ኢየሱስ በሳቫይ ተሁዳመጋ አወናንረ ፥ 
+\v 7 እመዳ ኤፐ ቢቫአካ ዘቨር ፤በኢየሱስ ክርስቶስ ኧጠጋኋ ዲባሽነዲይ ኧሚነድሞኋ ዲባሽነድ ያቲሽንሬኔ፥
+
+\v 8 አሁም ኧተነፍሁኋ በእምነት በቫአ ጠጋን ኧመዳቭ ኧጎይታ ምርነድን ባሃሬ ባሁዋይ ወኼ ሜና ኧረከዊአር አኸረዳ።
+\v 9 ማኒሞኋ አትሀጨ በቬና አኸረዳ ፥
+\v 10 ኢና ቤተረታ አወናንረ ወኼ ሜና ኔቭነኸ በኢየሱስ ክርስቶስ ኧትፈጠርነ ኧጎይታ ኧኧጅኋ ሜናንረ።
+
+\v 11 እመኸ ኧኽርታ ኧዋ ኢፊቲ ኤቴኤኝሁዋ ተአረማዊ ሰቨ ኧኸሬ ፥አይሁድ በሰቨ ኧጅ ዘገር አጎፖዮይ በገግሁኖዋ ቲትሃጭዋ ዋሁኖዋ«ዘገር አናገፖዮታ»ባርሙ ይቀርኩዋ ኧነፐረኸ ዙጉጁዋ ፤
+\v 12 በህም ዘቨር ተክርስቶስ ቴቫተርሁምታ ተእስራኤል ሰቨ ደቡነድ አራሁምታ ጎይታ ይቪ ተገፓን ጉርዳ ባዘራ በነሁዋተ፤ በዋ አለም ተስፋ አይቫር ኸርሁምታ ተጎይታ ተቫተርሁምታ ክርስቶስ አይቫር ትረውርዋባንደ።
+
+\v 13 ዋአካ ጭን አሁዋ ኧዋ ኢፊቲ ተጎይታ አራሁም ባንደ በክርስቶስ ኢየሱስ ኧርሁምታ በሁዳ ደቭ ኧጎይታ ቴኤነሁም
+\v 14 ባተረንረ ኧረፐረ ኧቨራክስ ዘግር ባነረታ አይሁዲቪ አረማዊም ሰቨ እማት ኤፐ ወገሬትንራ ኧኸረ ክርስቶስን።
+\v 15 ክርስቶስ ውሬቸመሁኖዋ ተጌኬተዋ አት ይሆርዋይ በሁዳቭ ይረውርዋይ ወያ ሰቨ ይፈጥሪ በግትሁኖዋ ወገሬት ያቫአይ ቲይር ፥ኧቅጫ እዝዝ እንእ በውድኋ ሻረ።
+\v 16 ሁድቭ ኧጅኋይ ኧግርሞኋ በምስማር ደነጉም ቤኧ ሶኦሪታ ሞደ፥ውሬቸመሁኖዋ አት ሚሲየ ኤፐ ተአጎይታ አትቃመጠ።
+
+\v 17 ሁዳ ማአታ ተጎይታ አራሁም ኧረፐርሁዋ አሁዋይ ቴኤኖም ኧረፖርዋ ኧአይሁድ ሰቨ ኧወገሬት ወኼ ዋራይ ኤኤደ።
+\v 18 ኢና እንመንራ በክርስቶስ አጋድ በአት መንፈስ ኧአቭ ጎይታይ ንቴኤነቭነ።
+
+\v 19 በዋ ኧቫአ አሁዋ ተቅዱሳን እማትሜ ኧአት ገኝ ሰቨ ኧጎይታቭ አበሩስንሁዋ ባሃሬ ተዋቀጥወ ባዘራይ አስነኖጫድ አኸርሁዋታ ።
+\v 20 በክርስቶስ ኪሸረኝይ ነቢያት ሁኖዋ ባሸኮዊ እቭር ፎር ታረሸሁም፥ኧሸከቨ ኧቡር እቭር ጉነር ኢየሱስ ክርስቶስን።
+\v 21 ቢድሁዳቭ ሙራሞኋበሁዳ ተገጣጠመታ ኧጌታቅዱስ ቤተመቅደስ ይኸሪ ይትረሽ ።
+\v 22 አሁም ኧጎይታ መንፈስኋ ይረቭርወዳ ቢድ ትሁርዋይ ተክርስቶስ እማትሜ ትትረሹዋ ትረውርዋ።
+
+\c 3
+\p
+\v 1 በዋ ኧቫ አሁዋይ ኧአረማዊ ሰቨ ትንር በክርስቶስ ኢይሹው እስረኛ ኧርሁ።
+\v 2 ጎይታ አሁዋ ጥቅን ቲይር አጌኪርዌ አቬ ጠጋ ጌከርሁም ሃርሁም፥
+
+\v 3 ኧዋ ኢፊቲ አቴኤርሁ ኧጣፍነኩዋመኸ ጎይታ ኧደኧረ ኧኸረ ዘንጋ ከፈተ አቴሸይ ።
+\v 4 ባቴ ኢያ ኧጣፍሁን ብታረብቡዋ ኧክርስቶሲ ምስጥሪ ኧተኸ ኧሂረኸ ቲሂርዋይ ይኸነሁዋ። 
+\v 5 እም ሚስጥር በጎይታ መንፈስ አጋድ ኧትቀደሹዋ ኪሸረኝኋይ ኧነቢያትሞኋ እመኸ ኧታሸኖመኸ ቢኢፍት ዘቨር ኧረፖርዋ ሰቨ አንታሸኖዋ ባንደ።
+
+\v 6 እም ሚስጥር ኧዋርት ወንጌል ሰሞምታ በቴኤፖርዋ አረማዊ ሰቨ ተእስራኤል ሰቨ እማትሜ ኣጎይታ ወራሽኖዋ ጎይታቭ በክርስቶስ ኢየሱስ ኢሁቴ ኧቫረን ተስፋ ቃር ኧሻኮይት አነቨዋ ኧዋርትን።
+\v 7 እያቭ ጎይታ በደረግኋ ባቬ ጠጋ ኧዋ ወንጌል አገልጋይ ኸርሁ።
+
+\v 8 ኢያ ተቅዱሳን ሰቨ አአነስሁሰቨ ብኸር ፤በክርስቶስ ይረሁዊዳ ኑእየ ደንገይነድ ኧአረማዊ ሰቨ ኢኢዲ በጎይታ ዋ ጠጋ ኢያ ቴቬይ።
+\v 9 ኧዋ ኢፊቲ በረፖርዋ ዘቨር እንእ ዘንጋ በፈጠረ በጎይታ ኧረፐረ ሚስጥር ኧጎይታ ጭሟጨ ኧተኸ ይቴፐኸ እንሞኋ አትኼሪ ቴቬይ።
+
+\v 10 እመዳ ይኧርካ በዋአካ ዘቨር በቤተክርስቲያን አጋድ ኧጎይታ ኻሪነድ በሰቫይ አውታ አለቃይ ዳኝ ሁኖዋ ይሂርዋነኸ።
+\v 11 እም ጎይታ በጌታንራ በኢየሱስ ክርስቶስ እመዳ ኤፐን ኧዘላለም አጫመጠንደንመኸ ።
+
+\v 12 ኢና ክርስቶስ በኋርትንራ በሁድቨ በኧወርትንራ በጎይታኢፊቲ ታንፈይነ በእምነት ንቴኤነቭኔ ይኸንረ ።
+\v 13 እኩ ባሁዋ ኧቫአ ቢሰራቪዳ መከራ አሁዋ ክብራሁዋ ኧኸሬ በመከራኛ ኧቫአ ተስፋ እናጥሁዋ ባሁ ኧሰኧርኋዋ።
+
+\v 14  ተዋ ቀጥወ በጎይታ አብ ኢፊቲይ ስሁት ወካሁታ ኧሰኧርነሁዋታ በዋዳ ኧቫአደ።
+\v 15 በሳቫይ በአፈር አነዳ አቦሩስ እንእ ኧውረ ኧኸረሹው ይረኽቭክር ተጎይታኔ ።
+\v 16 ኧከስር ሚሲየ ደረግ ያተቫካ በመንፈስ ቅዱስአጋድን ጎይታ ተክብር ደንገይነድኋ ይሁዋኸ ኧሰኧርነሁዋ።
+
+\v 17 እመኸ ታሁዋ ክርስቶስ በእምነት በኺናሁ ይረቭሪ በርማጅነድ ኧስር ውሽተሁዋታ ትትራኡዋኸ ኧጎይታ ኧሰኧር።
+\v 18 ኧክርስቶስ ንማጅነድይ በተድነድሞኋይ ዴክነድሞኋ ምር ያአኽርካ ወኼነድኋ ተቅዱሳን ሁኖዋ እንግዚየ ቲቬሲሪኸ ይኸነሁዋነኸ።
+\v 19 ቲሂሪዳ በፎር ኑእ ኧኸረ ኧክርስቶስ ንማጅነድ ቲሂርዋይ አትቭ በጎይታ ኧች ሙራ ሂንተሁዋ ገግኋ ትቲሜኝ ኧጎይታ ኧሰነሁዋ ።
+
+\v 20 ሁዳ ዋካ ቢና ኧረታ ቢዬቭካ ደረግኋ አጋድ ትሰኧነ ትናጭምጥነ እንእ በፎር ኑአር አሬተ ዬቪይ ይኸነዳ ጎይታን።
+\v 21 ሁዳ በቤተክርስቲያን በክርስቶስ ኢየሱስ በዘቨር እንእ ኸዘላለም ክብር ኧኹዳኧኽር አሚን።
+
+\c 4
+\p
+\v 1 ባቴ ኧጎይታ አጎኩርትኛ ኧታአከትሁ ኢያ ፥ኧትኽናሁከ ዘንጋ ብአግቫዎት ንወርዋ ባሁ ኧሰኧርሁዋ።
+\v 2 በርማጅነድ አሁም ታሁም በፍሮት እንግዚየ በቁርርነድ ከስሚራ በሁት ንዎርዋ ።
+\v 3 በወገሬት ታኤፉምታ በመንፈቅ ቅዱስ ይረሁውዳ እማትነድ ቲኢዮዋኸ አትዋቅርዋ።
+
+\v 4 በተኸናሁዋ ግዚየ ኧአት ተስፋ ኧሆኖኩዋመኸ አት ኒሲየ አት አን።
+\v 5 አት ጌት አት እምነት አትቭ ጥምቀትአነ።
+\v 6 ትንእ በፎረ ኧኸረ ብንሞኋ ዬቭካ ብንሞኋ ይረቭርካ እንሞኋአቭ ኧኸረእማት ጌታ አነ።
+
+\v 7 ቢብከርቭ ክርስቶስ ይቪ ኧአስበንመኸ ኧአታትንራ ጠጋ አወንደንረ, 
+\v 8 እመኸ«ፎረኒነ በዋአጋ ኖኦራ ኧማነሁዮዋ ሰቨ ጠበጠ ኧሰቨሁኖዋ ስጦታ አቨኖም»ኧዋሪምነኸ።
+
+\v 9 ባቴ ዋዳ «ፎረኒነ ዋአ »ይካ ተአፈር በገዳ ወአያ ተዋርት ኤኛአር ምር ዩሪ?
+\v 10 እም ገዳኒነ ኧወያ ፤ብንኤኤድ ይትረከውታ ፍጥረት እንድም ይቬናይ ተሳቫይ እንእ በፎረ ኧዋአ ሁዳ ገግምነኋ።
+
+\v 11 ሁዳቭ፤አታትሁኖዋ ኪሸረኝ ፥አታትሁኖዋ ነቢ፥አታሁኖዋ ወጌላዊ ፥አታትሁኖ ሰባኪ ፥አታትሁኖዋ ኧሰቨሁኖዋ ዜማቸይ አስተማሪ ይኸርዋኸ ስጦታ አቨ
+\v 12 ኧመዳቭ ኤፐ ኧክርስቶስ ሚሲየ ኧኸረ ቤተክርስቲያን ይትቁሟመርኸይክርስቲያን ሁኖዋ ኤቬና ይትረሻሾዋነኸ። 
+\v 13 እመኸ ኢና መራ ሰቨ ንኸነኸ በጎይታ ኧች በኣዎርት ሁድቭ በኋርት እንመንራ እማት ንኸኔን፥አትቭ በክርስቶስ ስርም አይቀቭር ሙራ ሰቨ ኺንተነ ትሰራነ ስንን
+
+\v 14 ተዋ ቀጥወ ቢያድፓፕርካ ትምርት አትቄቅነዳ ፤በትምት ነፋስ እመይ ኽሜ ይዎስጂዮታ አንኸነዳ።
+\v 15 ይረካሞኋ ኧውረ ቃር በርማጅነድ በዘጉት ትንእ በፎር ኧኸረ ክርስቶስ ንቨስነኸ ብንእ አአር ንትራእነ ። 
+\v 16 ትሁዳ ኧትረሳ ሚሲየ እንእ ቢያትራክቭካ ወትር ትንጣበጥ ናቻፕነ፤ኧአታት አትኋ ክፍል ገግኋት ሜና ቲዬቭ በርማጅነድ ይትራእ ገግሞኋ ያተቫ።
+
+\v 17 ባቴ ተዋ ቀጥወ አሳብሁኖዋ ብላሽ ኧኸሬ ኧአረማዊ ሰቨኸ አትቦርዋ ባሁ በጌታ ሹው አጬፕሁዋ።
+\v 18 ኺንሁኖዋ ጠነኛ ኧኸሬ፤ባኋርትሁኖዋይ ባእብይ በዋርቱሁኖ ዋኧትረሳ አያ ትይካ ጎይታ ቴቫቶርሙ።
+\v 19 ቀቭጥ ቼኤውምታ ሚሲየሁኖዋኧውጥት አመር አዎእም አአይፖርሙ፤ ብእም ኧቫአ እንእ ግዚየ ሙጥጣአር ዬዋይ ይትሜኝዋ ።
+
+\v 20 አሁዋ ጭን ክርስቶስ ኧሃርሁይ ተሁዳ ኧትማርሁይ እሸኸሽ አኸረዳ ።
+\v 21 በውረ ኧሁዳአር ሰማሁም፥ሁዳ በኋርታሁዋ ዋኧሰማሁይቭ ቢኸር በኢየሱስ አነዳ ኧውረ ቃር ተማርሁም ።
+\v 22 እመኸ ኧኸሬ ቄቀኧቫጢር ትወስካ አመራሁዋይ ኧዋ ኢፊቲ ተነፐረ ጉስ አመራሁዋ ኦኦም ቋሺ።
+
+\v 23 በኺናሁዋ በመንፈስ ቅዱስ ወያ ሁርዋ ።
+\v 24 በውረ በኸረ ጽድቅ ቅድስናቭ ጎይታ ይቨስሪ ኧትፈጠረ ወያ ሰቨ ተሆደርዋ።
+
+\v 25 ባቴ ኤናአታውጁዋ ።እንመንራ አት ሚሲየ ኧኸኔ ኢና ቲና ውረአር ንዛግነ ።
+\v 26 ብትራኮሽዋ ስን ባጢራአር አቶኖዋ ማአታሁ ታይትረሳ እዋየ እገፓ ።
+\v 27 ኧሴጣን ኤኤድ አታዊ ።
+
+\v 28 ይሰርእ ኧፐረተዋቴ አይስርእ ዘጋ ጭን አጀገረን ይሻክድካአር ይረቭርኮኸ በገግኋ ኧጅ ወኼአር ቲዬቭ አትቫቅር ።
+\v 29 ሙጥጣአር ስርን ታአፋሁዋ አያአ ፤ቢኸር ጭን ይሰኦታ ሁኖዋ ጥጋ ይካአር ያትቁሟምርካአር ያወድካአር ዘንጉዋ ።
+\v 30 ክርስቶስ ኧቴተገናሁዋ ቀረ ኧታተምሁከ ቅድስ ኧጎይታ መንፈስ ቀጨ አታቶፒ ።
+
+\v 31 ተውጥጥ መራሪት ኺን፥ ተትራቶይት ፥ተቫአት፥ ተጭቅጭቅ፥ተቂናወ ተቫኒም ሙጥጣአር ተገጋሁዋ ።
+\v 32 ጎይታ በክርስቶስ አፍ ኧቫረናሁዋመኸ አሁም ታሁም አፍ ቴቬርዋ አሁም ታሁም ሚራ ሁርው።
+
+\c 5
+\p
+\v 1 ተዋቴ ጎይታ ይረምድሁታ ኧጎይታ ዴንጋ ኧኸርሁዋይ ሁዳ ምሶርዋ፤
+\v 2 ክርስቶስ ኧረመደንረመኸ ጎይታ ይሽኮመኸ ዬቭካ ወኼ ሽትነድ አነንዳ ስጦታ ኽትቭ ኤፐታ ነፍስኋ ኢና ቲቭር አዋአ አቨመኸ አሁም በርማጅነድ ንዎርዋ።
+
+\v 3 ኧዋኸአር ተቅዱሳን ሰቭ አይሰማአአር ኧኽሬ ተረከዊ ሰቨ ውጅር ኧድሙት ወይ ማኒምሙጥጥት ሜናይ ንፉግነድ በግታሁዋ ስርምአይበር ።
+\v 4 ይረካሞኋ ኧጎይታ ሽኩርት አዋ ባንኧሬ ያቅቨጭካአር ወይ ዋጛ አይረቨርኳአር ኺን አይሽርኳአር ኧዘጉት አይበርቨሁዋ ፤ኧዋኽ ጫወዳ ስርም ኧጮዮት ኤነቨሁታ ።
+
+\v 5 ተረከዊ ሰቨ ውጅር ይደምድካ ማኒማአር ትዬቨካ ሰቨ ወይ ተንፉግ ቢኸር በክርስቶሲ በጎይታ መንግስት እርስት አይረቭርኮኸ ጎኩርሙ ኋርዋ ።
+\v 6 ማኒሞኋ በጋውነድ ጫወዳ አይቀቅሁዋ ፤በዋዘንጋ ኧቫአ ኧጎይታ ማአት ባትአዘዥዋሰቨ ፎር ይሰራካ በዋአይነትን ። 
+\v 7 እመኸ ኧኸሬ ኧጎይታ ታይቴኤዘዥዋ ሰቨ እማትሜ አተወርዋ።
+
+\v 8 አሁዋ ኧዋ ኢፊቲ በጠነቫ ከስር ትረውርዋ ባንደ ፤ዋአካ ጭን በጌታ ብርሃን ከስ ኧኸርሁዋመኸ ብርሃን ሆርምታ ትረውታ ሰቨኸ ንወርዋ ።
+\v 9 ኧወኼነዲይኧጽድቅ እንእ ኧውረ ወማ ይትረከቭካ እዋየን ፤
+\v 10 እመኸቭ ኧጌታ ኺንኋ ይሽርኩዳአር ምር ኧኸረኸ ሰኡዋ ፤
+\v 11 አያወድ ኧጠነቫ ሜና ሰቻይ ኦኦይ ባሃሬ ዋጋ ቴነን ተጠነቫ አተወርዋ።
+\v 12 በዱኡራቸ ዬዊዳ ዘንጋ ጫወዳኋ ስን ይቅቨጭካናአር ።
+
+\v 13 እንእ ዘንጋ እእዋዬ ስቻይ ቲዋአካ ኧውረአር ኧኸረኸ መርክኋ እእዋየኸ ይትረከቭ ፤
+\v 14 እመዳ ኧኸረ እንግዚየ ይትረከቭካ እንእ እዋየን፤ ባቴ «ኧትገተርኸ ቃንዠ ባር ተውንድ ተሳ ክርስቶስ ያትረክቭኸሴ »ቧሪይ።
+
+\v 15 ባቴ ይኺርታ ሰቨኸ ባሃሬ ኧጋዋሁኖኸ እትቦርዋ፤ኧተኸ ትረውርዋኸ በጨር ትትቬስርዋ ተጠፕዋ ።
+\v 16 ዋ ዘቨር ሙጥጣአር ኧኸረኸ በሃርሁዋ ግዚየ እንእ ቴተጉይ።
+\v 17 ባቴ ኧጎይታ ፍቃድ ምር ኧኸረኸ ኋርዋ ባሃሬ ጋዋ አትሁርዋ ።
+
+\v 18 ኢኢፋድ ሜያ ወስዲ ኧኸሬ በወይን ጠጅ አትስከርዋ ፤ይረካሞኋ በመንፈስ ቅዱስ ተወኖዋ ።
+\v 19 በመዝሙር በሽኩርት በመንፈሳዊ መዝሙር ገግ ተገጋሁዋ ተጫወጁዋ በሽኩርቲ በመዝሙር በኺናሁዋ ኧጌታ ሽኩርት አዊ።
+\v 20 እንእ ግዚየ ኧአቭ ጎይታ በጌታንራ በኢየሱስ ክርስቶስ ሽው ብንእ ዘንጋ ሽኩር ቧሪ፤
+\v 21 በክርስቶስ ታነነሁዋታ ክብር ኧትረሳ ታሁዋ አአታታሁዋ ኤኤኛኋ ኧታአዘዝ ፤
+
+\v 22 ኢስቾ ኧጌታ ኢየሱስ ትታአዘዥማኸ ኧቭሳ ታአዘዣ ።
+\v 23 ክርስቶስ ሚሲየኋ ያተርፍካ ኧቤተክርስቲያን ጉነር ኧኸረመኸ እንእ ምስ ኧቭሽትኋ ጉነን፤
+\v 24 ቤተክርስቲያን ኧክርስቲስ ይታአዘዝመኸ ኢስቻ ኽናም ኧቭስኽና በቫኒም ዘንጋ ኧመኸቭ ኧታአዘዣ ፤
+
+\v 25 ገሞ ክርስቶስ ቤተክርስቲያ ኧረመደመኸ እመኸቭ ሉሁሞኋ ኧቤተክርስቲያን አዋአ አአይፐረኸ አሁም ኢኢስቻሁዋ እመኸ ንውጅዋ ፤
+\v 26 ክርስቶስ ዋዳ ኤፐ ቤተክርስቲየን ይቀድሲ ቲይን ፤ኧቀደሰን በቃርኋ አጋድ አጋድ ብእሃ ኤፐታን።
+\v 27 እመኸቭ ሙጥጣአርዪይ ኢፍት አአፎት ወይ ዋኸይዎስርታ ሁኖዋ እንእ ጥርር ኤኝተታ ቢኢፍትኋይ ያቴኤንቭኔ ።
+
+\v 28 እመኸቭ ገማአሁዋ ገግማሁዋ ትሮምጅዋመኸ ሚሽትማሁዋ እመኸ ኧርወይት አነቭሁዋ ።
+\v 29 ኧገግሞኋይ ሚሲየ ይጠራካ ማኒሞኋ ኤንዳ ይረካሞኋ ክርስቶስ ኣቤተክርስትያን ይቭመኸ ኧገግሞሃኸ ይኢየኩ ።
+\v 30 ኢናቭ ኧክርስቶስ ሚየንረ።
+
+\v 31 «በዋ ኧቫአ ሰቨ አቭ ታአዶኋ ቸኧተ ተቪሽትኋ እማቲ ይረቭር፤ውሬቸመሁኖዋ እምት በሰር ይሆርዋ »ቧርሙ ጣፊይ ።
+\v 32 ዋ ሚስጥር ኑእ ዘንጋን ፤እመኸ ኧዋርት ኧክርስቶስ ቤተክርስቲይናአር ሟሟካን
+\v 33 እኧኸሬ ኧኽርታ ምስ ኧቪሽትኋ ኧገግሞኋኸ ኧርቨዽ፤ምሽት ኧቭስሻ ታኽብድ።
+
+\c 6
+\p
+\v 1 ዴንጎ ኧጌታ ኢየሱስ ኧኸርሁዋይ ኧአቭ ታዶዳሁዋ ኧታአዘዥት አነቭሁዋ፥
+\v 2 «አቭ ታዶዳኸ አክብር»ይካ ትዛዝ ኧጎይታ ተስፋ ቃር አኖዳ ኧዋይፍቲ ትዛዝን ።
+\v 3 ወኼአር ይኸነኸ እድሜያኸ በዋአፈር ፎር ይዴክነኸ ይካናአር።
+
+\v 4 አሁም አቭ ታአዶድ ኧኸርሁዋ ዴንጋሁዋ በጌታ አየሱስ ትምርት ምኽርሙ አረኡዋ ባኸሬ አታትዋአቺዮዋ ።
+
+\v 5 አገልጋይ ኧኸርሁዋ አሁዎ ኧክርቶስ ትታአዘዥዋመኸ በአፈር ፎር አነውታ አረፓሪ ኧሆርዋ ሰቨ ባአኩቡርት ፥በፍሮይት፥በወኼነድታአዘዥዋ ፤
+\v 6 ትታአዞዥ ኧጎይትታ ፍቃድ በውራ ኺንሁኖዋ ይጌክርታ ኧክርስቶስ ኧሁርት ባሃሬ ኧሰቭ ይሳርኩሴ ዋት አይኽር።
+\v 7 ኧሰቨ ታይኸር ኧጌታ ኢየሱስ ታጌክርዋመኸ ኦኖም በውራ ኺናሁዋ አጎኩርዋ፥
+\v 8 እመኸ ኧኽርታ አገልጋይ ኸረ አረፓሪ ቢኸርኧአታት አታትኋ ቤፐን ወኼ ሜናኋ ጌታ ተኢየሱስ ይቴኤፐረኸ ቲኺርዋ።
+
+\v 9 አረፓሪ ኧኸርሁዋ ሰዎ ኧሰቭዐ ኢፊት ኤዥተታ እያጥቃቅ አሁሚይ ኧሁኖ ጌታ ኧኸረ በሰቫይ አነኸ ኋርሙታ አትፎኝታሁዋ ቶኦኢ።
+
+\v 10 ኧሰማትኞ ኽሜ ስን በጎይታ በሁዳ ኑእ ደረግ ቱኦዋ።
+\v 11 ኧሴጣኝ ተኮል ሜና ይኸነሁዋኸ እሽጎይታ ኧአርቭ ግቭር እንእ ተሆደርዋ ።
+
+\v 12 ኢና ንትዋካነዳ ተቨሰር ታይኸር ተዋ ተጠነቫ አለም ትሲየካ ደረግ በሰቫይ አንዴኤዲ ኼፐፑምታ ታነውታ ተሴጣን ጋዘኝን፤
+\v 13 እመኸ ኧኸሬ ሙጥጣአር ቢቫአወዳ ቀረ ትቬተሁዋ ኧሰጎውት ይኸነሁዋኸ ኧጎይታ ሙራ ኧጋዝግቭር ተሆደርዋ፥እንእ በጀፐርሁው ቀጥው ትቭኤተሁ ትሸኮዋይ ይኸነሁዋ።
+
+\v 14 ባቴ ቡቃሁዋ ኧውረ ዝናረኸ ታአጎጁምታ ኧጽድቅ ኧዳታ ኧቭረድ ውጅረኸ ተሆደርዋ ፤
+\v 15 ኧውረ ወንጌል ኧጫማኸ በሁሮት ተቁሟሞሩምታ ገኩርሙ ተሰጎዋ ፤
+\v 16 ተዋኽኖዋ እንእ በፎር ይረድድካእእሳድ ላባናኸ ቲኸርካ ኧሴጣን እሳድ ታአፎኬ ይኸርነሁኸ እእምነት አጎ ንሽዋ።
+
+\v 17 እመኸቭ ይተርፍኮዳ ኧቭረድ ቆበኸ በጉረራሁዋ ድፎዋ፤ ኧጎይታ ቃር ኧመንፈስ ቅዱስ ሴፈኸ ጥጩዋ ።
+\v 18 እንእ ግዚየ በመንፈ ቅዱስ ደረግ ጥሎት ትቴዋ ብንአር ሳአየ አተኧኑዋ፥እመኸቭ በዋአይነት ኧጎይታይ ኧቅዱሳን ሰቨ ጠሎት ኧኖነዋ።
+
+\v 19 ኧወንጌል ሚስጥር ታንፈይ ኧአውት ይኸኒኸይ ብዝሬክወዳ ግዚየ ጎይታ ቃር ይቬኸ ኢያ ጠሎት ኦኖኒኒ ።
+\v 20 ዋ ወንጌል በኧወርትኛ በሰንሰለት ኧታአከትሁ ኧጎይታ ኪሸረኝሁ ፤እመኸ ኧኸሬ ታንፈይ በጨር ኢኢደኸ ኧጎይታ ጠሎት ኦኖኒ።
+
+\v 21 ኧረምድኩዳ ኧሰምኛ በጌታ ኢየሱስ ሜና አአመረ ቲኪቆስ ኢያ ባነሁወዳአር ትሂሪዳ እንእ ዘንጋ ያኤድሁዋሴ ።
+\v 22 እመኸ ኧኸሬ ኢና በቭር አነነኸ ቲሂሪዋኸ ሁዳ ያትቁማሙርሁዋሴ በዋርት አሁሜ ኬሸሁን ።
+
+\v 23 ኧአቭ ጎይታይ ኧጌታ ኢየሱስ ክርስቶስ ወገሬት ንማጅነድ ትእምነትመጋ ኧኧሰማትመኛ እንዳም ኧኽር ።
+\v 24 አያርእ ንማጅነድ ኧጌታ ኢየሱስ ክርስቶስ ይረሙታ ሰቨ እንእ ጠጋ ኧኽር ።

51-PHP.usfm

@@ -0,0 +1,156 @@
+\id PHP
+\ide UTF-8
+\h Philippians
+\toc1 Philippians
+\toc2 Philippians
+\toc3 php
+\mt Philippians
+
+\c 1
+\p
+\v 1 ኧክርስቶስ ኢየሱስ አገልጋይ ኧኸርሁ ጳውሎስቪይ ጢሞቴዎስ በፊልጵዩስ ከተማ አነሁዋታ አሁዋ ኧትቬጥርሁዋ ሰቨ እንዳም ቤተክርስቲያን መሪሚ ተሁኖም ቴዬውታ ሰቨ አንዴኤዳሁዋ ወኼምንሁዋ ዌይ?
+\v 2 ተአቦንራ ጎይታ ተጌታ ኢየሱስ ክርስቶስ ጠጋይ ወገሬት ታሁዋ ኧኽር ።
+
+\v 3 አሁዋ በዘገቱኩው ግዚየ እንእ ኧጎይታ ሽኩርት አቴኤንቭ።
+\v 4 እንእ ግዚየ አሁዋ ጠሎት ትኔቭነሁዋታኺኛ ይሽሬ ።
+\v 5 ተአወተረ ቀረ ቆኖሺ ዋአካ ስን ወንጌል ትኒኢድካ አሁም ቲያ እማትሜ ከርሁም።
+\v 6 ባሁዋ ወኼ ሜና ዬቪ ኧቀነሰን ሁዳ ኧክርስቶስ ኢየሱስ ቀረ ስን ጃቪተ ያሰራኮኸ እርግጠኛንሁ።
+
+\v 7 በኺኛ አነሁዋይ ኧኸሬ እንማሁዋአር ዋኸ ኦኦሱፕትኛ ኣውረምናአር ፥በታአጎትኛ፥ በወንጌል ይቯአካአር በዣውርትኛ ኸረ ወንጌል ትናተቫካ እንማሁዋ ቲያ እምትሜ ኧጎይታ ጠጋ ሟር ትሻኮይታንሁዋአር።
+\v 8 በክርስቶስ ኢየሱስ ንማጅነድ ኧኸርሁዋ እንማሁዋ ኧተኸ ኧረምቱሁዋኸ ጎይታ ምስክኛ፤
+
+\v 9 ንማጃሁዋ ኧኋርታሁዋ ኧዎስርታሁዋ እንእ ድበሽተ ይተርፍነሁዋኸ ኧጠልይነሁዋ።
+\v 10 እመዳቨ ትንአር ይፈስዋታአር በሲተሁዋታ ክርስቶስ ብቫአወዳ ቀረ አት አዎር ታይነቭርቨሁዋ ቲኢየዋነኸ።
+\v 11 ኧጎይታ ክብሪይ ሽኩርት በኢየሱስ ክርስቶስ አጋድ ቢይረሁዊዳ ኧጽድቅ ወማ ትትቬነዋነኸ።
+
+\v 12 ዋካቭ ኧሰማትኞ ቢያ ኧሰናቪ እንዳም ወንግል ቲኢፍት ይረእ ትቬትድ ያረኸ ቦኖትኛ ኧኸረኸ ኧኋርት አነቨሁዋ።
+\v 13 በዋ ኧቫአ ኢያ ኧታአጎትኛ ኧክርስቶስ ኧኸረኸ በኑእ ንጉስ ወታደርቪይ በኤኛ ሰቨ እንእ ተኼረ ፤
+\v 14 ቢያ ኧታአጎት ኧቫአ በጌታ ኢየሱስ አነውታ ኧሰማትኛ ኖኦራሁኖዋ ኧጎይታ ቃር ታይፈይዋ ይዝአሬኩዋኸ ነኮም።
+
+\v 15 አታትሁኖዋ ተቅናድይ ተውሼእነድ ኧትረሳ ፥ኤኛሁኖዋ ጭን ተወኼ ፍቃድ ኧትረሳኧክርስቶስ ወንጌል ይኢጅዋ።
+\v 16 ዋኽኖዋ ኢያ እወጌላአር ኧትሟገቲ እሜ አነሁኸ ይሂርዋይ ኧኸሬ በርማጅነድ ዋዳ ዬዋ፤
+\v 17 ዋኽኖዋ ጭን በትአከትሁሜ ታነሁ መከራ ያዴፕርኮኚ ሴኤምታ በወኼነድ ታይኸር ኧኺንሁኖዋ ጩሟጨ ቲይርዋ ኧክርስቶስ ይኢጅዋ።
+
+\v 18 ባቴ ጅዘንጋኋ ተቭራፈድ ይኽርሴ ቡር ዘንጋኋ በውኼነድ ኧኽር በትውሳሰርት በማኒም መያ ቢኸር ኧክርስቶስ አአውጅዋ።ብእመዳኢያ ይሽሬይ በውረ እያይሽሬ፥
+\v 19 ቢያ ኧሰና ዘንጋ ፥በጠሎታሁዋ ሰበቢያ ተኢየሱስ ክርስቶስ መንፈስ በቴቬ ወሄነድ ኧተርፍዌ ይኸርኒመኸ ኧኺር ።
+
+\v 20 በማኒማአር ቀቨተሁ አትረከቨኸ ኧተኢይፓ ያሲኤዳ ተስፋ አነኒ፥ ዘንጋ ጭን ኧዋኢፊትመኸ እንእ ኦካ በአያ ብነቭር ቢኸር ብንወድ ክርስቶስ በቭሲይኛ ይከብረኸ አቅቨጭዋአር ይረቭሬኸን።
+\v 21 ኢያ ብነቭር ክርስቶስ ይከብኔ ፤ብንወድ ጥቅምነኛ።
+
+\v 22 ታንወድ ብነቭር ኧክርስቶስ ሜና ኖኦራአር ኧናባ ቢኸር ምር ኧሸፐትሁኸ ኢያ ገግኛ አንሂርካ ።
+\v 23 በዋሁኖዋ በውሬት ዘንጋ ኧጨነቅ ሙተሁታ ተክርስቶስ እማትሜ ኧረቭሪ ይሽሬ፤ይረካሞኋ ዋዳ ይፈስካናአር ።
+\v 24 ቢኸርቭ አሁዋ አጌክርሁዋይ ታንወድ ኧቦርትኛ ኑአአር ያትኬሽሁዋ፤
+
+\v 25 እመዳቭ በዎስርት ፤በእምነት ትትራእዋመኸ ይሽርሁዋመኸ ብንማሁዋይ ኧኦክስሜይ ኧረቭርሜ ሃርሁ።
+\v 26 ሃአቭተሁታ አሁዋይ ሜኤተሁታ ብንቭርወዳ ግዚየ ቢያ ሰበቢያ በክርስቶስ ኢየሱስ ኧኺን ኧሳርት ይድብስነሁሴ።
+\v 27 ባቴ ኧክርስቶስ ውንጌል ይረውሪኸ ንወርዋ ፥ዋዳ ቢኸር ሜኤተሁ ብናሽሁዋ ወይ በኖኢ ሂተሁ አሁዋአር ብንሰቫ ኧወጌል እምነት ኧአታት ሰቨኸ ሂተሁዋ በትዋድፕት በአት መንፈስ ቲኢቬተሁዋ ትሸከዋኸ ኢያ ኤሂር።
+
+\v 28 በቫኒማአር ቢትጋፎኩዋት ሰቭ ኧትረሳ ስርም አይድርእሁዋ እመዳቨ ኧሁኖዋ ኧቶኦምት ቲኸርካ አሁዋ ጭን ኧትረፍታሁዋ ኧጎይታይ ኧተኦንውታሁዋ መርኸትን ፤
+\v 29 አሁም ኧክርስቶስ ትትረውርታ መከራ ትቴኤፖርዋይ ባሃሬ እማትታአውርዋይ አኸረዳ ዋኸ ይሽርካ ኧክርስቶስ ሟር አሁም አኩም።
+\v 30 ዋአካ ዋመከራ ቲያመጋ እማትሜ ኧተኧዎርት አነቨሁዋ ፤ተዋ መከራ ኢፊቲ ኢያቭ ትንዋድካ አሸሁይመኸ ኧሰማሁይመኸ ኢያ ዋጣኽርሜ በዋ መከራ ከስ አነሁ።
+
+\c 2
+\p
+\v 1 ተክርስቶስ ታነነሁዋታ እማትነድ ኧቫአ ማኒም ኧትቁማሞርት ቢኸር፥ በርማጀምኋ ትትሮፍዋሴ ፤በጎይታ መንፈስ እማት ኺን ትሁርዋሴ ገግተገማሁዋ ወኼነድ ታቶሽዋሴ
+\v 2 ባቴ ጩሟጫሁዋ አት ቦኖት በርማጀ መንፈስ እማት ኺን በሁንት፥ኺናሁዋ ብእማት በኖት ኧኺኛይ ኧሳርትኛ ሙራ ኦኖኒይ ።
+
+\v 3 በወኼ ኺናሁዋ ሁሩምታ ኤኛ ሰቨ ታሁዋ ይፈዥዋኸ ኧኖም ኧዥዋ ባሃሬ ደቡነድ በወጥርት ገግ በርወይት አያወዳአር አታአር አቶኖዋ ፤
+\v 4 ኧአታት አታታሁዋ ኤኤኛዋ ያወድካአር ባሃሬ እማት ኧገጋሁዋ ጥቅም አተዡዋ ፤
+
+\v 5 እም በክርስቶስ ኢየሱስ ኧረፐረ ቴሜኛት ባሁም ኧበር።
+\v 6 ሁድ ጎይታ በሁርትኋ በጎይታ መርክ ቲረቭር ታነ ፤  ቢኸር ተጎይታ እማትሜ ቂጢየ ኧሁትኋ አገፍርካ አባረዳ፤
+\v 7 ዘጋ ጭን ኧገግኋይ ኑእነድ ቸኧታ ኧባሬያኸ ኸረ ኧሰቨኸ ቴኤኝ ሰቨ ኧረ
+\v 8 ሰቨ ኧረተረከኘታ ገግሞኋ አቴኤነሰ ይወዲ ስን ሁዳቭ በምስማር ደኖጉምታ ቤኧ ሶኦርሙ ቲዮኦትሪ ስን ቴኤዘዘ ፤
+
+\v 9 በዋ ኧቫአ ጎይታ ኑእ ይረካ ድቭየ ኧክርስቶስ ደፐረነ፤  ተሽው በፎረ ሹው ይረካ ሹው አቨን።
+\v 10 በዋ አፈር በገዳ በሳቫይ በአንዴኤድሞኋ ኼፔፐን አነውታ እንዳም ሹውኋ ኧትኸቨድ ቧርምታ ኢኢየሱስ ይሰጉጅዋቴ።
+\v 11 ቲሰጉጅነ በፍሁኖዋ እንእ ኧአቭ ጎይታ ክብር ይዋይ«ኢየሱስ ጌታን» ትይርዋ ይኢጅዋኔ።
+
+\v 12 ናማጂየኞ ታሁዋ በረፐርሁ ግዚየ እንእ ትታአዘዙዋመኸ ዋአካ ታሁዋ ብትቫተርሁም ቲኢፍት ይረእ ትቴኤዘዥዋኸ ኧሰኧርሁዋ ፤ጎይታ በፍሮይት ትያረኧድሁዋ ኧሁድ ትቴኤዘዥዋ ኧትሮፍታሁዋ ሙራ ኧኽር ።
+\v 13 ኧጎይታኧገግኋ ኧወኼ ፍቃድሞሃኸ አሁዋ ቴዊይ ቲሲታአር እንእ ባሁዋ ዬቨኸ ዬቭካ አአመርሁይ ጎይታን።
+
+\v 14 ማኒም ሜና ትቴውታ ታትቁጨጩም ወይ ታትከራኮርም ኦኖዋ፤
+\v 15 ዋአካ ቢኸር በዋ በጥቫጠቨ ሰቨ ግት ትትረውርታ ኤካ ቢይኩዋታ ግዚየ ኧጥርር ኧጎይታ ዴንጋኸ ሂንተሁዋ ኧሆሆኸ በዋ ዓለም እንእ ትትረኮዋሴ ።
+\v 16 እመኸ ይኸሪ አንዳ አያ ኧኖት ይኸነዳ ቃር ጥቅ ኤኝተሁው ትጦጪዳ በዋትነዳ፤ኑጫመኛ ኸረ ሜናመኛ ቢኸር ማኒማአር ኺንተ ባየኣይ ክርስቶስ ተዣቨይተ ቢቫአወዳ ግዚየ ኧትሃጭወዳአር አነኒ ኧዋርትን ።
+
+\v 17 ኧጎይታ በእምነት ታቲኢኒዊዳ ኧኽትቭ አገልግሎት ፎር ኢያ በአያመኛ ኽትቭ ኺንተሁ ብቴኤነቭ ስን ይሽሬ ፤አሁም ኢያ ኧሳሬመኸ ኧሳርሁዋ ።
+\v 18 አሁም እመኸትያ ኧሳርሁዋ።
+
+\v 19 ኢያ አሁዋ ኧተኸ ተረውርዋኸ ኧሰቫይ ትንር በጌታ ኢየሱስ ፍቃድ ጢሞቴዎስ ካች ኤኝተሁ ኤኬሽነሁዋይ ተስፋ ኤፐሁ።
+\v 20 ቲያመጋ አሁዋአር ተቨጠጠታ ይጨነካአር ጢሞቴዎስ ባሃሬ ኤኛ ሰቨ ኤንዳ።
+\v 21 ኤኛሁኖዋ ኤገግሁኖዋ ጥቅም ባሃሬ ኣክርስቶስ ሜና አያጨንኮታ
+
+\v 22 ቢኸር ጢሞቴዎስ በኜናኋ ያአውርልኸ ጀፐረ አትኼሬ ፤ያጌክርካ ሰቭ ኧሁርትኋ ቲያመጋ ወንጌል ትኒኢድነ ኣች ተአቦኋ ያጌኪርመከ ሁዳቭ ቲያመጋ ይከስካ ዋጋ አሁም ገግማሁዋትሂርዋ።
+\v 23 ባቴ በወኽኔ ኧተኸ ዬውኝኸ በሃርሁዋ ቀጥወ ሁዳ ኽመጋ ኤሽኩይ ተስፋ ኤፐሁ።
+\v 24 ኢያ ኤናአር አኒኢቱሁዋታ አሁቲኒነ ኧቫአመኸ በጎይታ ኣታአመር ።
+
+\v 25 ቢኸር አያ ይኢፕረይ ኤኬሸሁይ አፍሮዲጦስ አሁሜ ኤኬሽኩይ ያትኬሼ ባሁታ አጥሁወ ፤ሁዳ ቲያመጋ ኧክርስቶስ ኢየሱስ ወታደር በሁርትጃድ ቲይር ቲያ እማትሜ ቲያጌክር ኧኮሰ ።
+\v 26 ሁዳ አሁዋይ ኬሸሁን አንዳ አሽሁይ ኧሁም ኧሁዳይ ኢኢማድ ዋራይ ሰማሁም ቧርሙ ኤኤጂኚ ኧኸሬ ሁዳ ተጨነቀ ።
+\v 27 ኢማድሞኋ ቡሼኤኸ ኤመንታ ኧውንዲ ስን አሰናን ባንደ፤ ቢኸር ጎይታ ማርን ፤ ጎይታ ኧቫረን ኢያ ቲይር ባንደ ባሃሬ እማት ኧሁዳ አነፐረዳ ፤ኧመዳ ኧኸረ በቭጥጥ ፎር ምጥጥ ባደቭርቪኔ።
+
+\v 28 ኽም ኧኽሬ አሁዋ ኧሁዳ ትታሽት ይሽርሁዋመኸ ኢያቭ ኧሁዳ ተጠሮቅት አፉይሴ ትንር ኧኬሽነሁይ ሴኤሁ ፤
+\v 29 አሁሚ ሁዳቭ በጎይታ እማት ኧኸርሁዋይ ኤነመኸ ቲሽርሁዋ ተኧዎሪ ኢ ኧሁዳ ኧክርስቶስቲይርዋ ኤቄጭዋ ሰቨ አሁብጂዮዋ።
+\v 30 አፎሮዲጦስ ኢማትኋ ኧውንድ ስን ቢያሰራኩ ኣክርስቶስ ሜና ቲይር ሜናኋ አገፈረዳ ፤አሁም ቲያ ኖኢ ኧኸርሁዋይ ያሲኤዳአር እንዳም ቴዋይ አኸረነሁዋታ ቢኸርቭ ባሁዋ ሟሪ ሁዳ ዬቪኒይ ቲይር በሉኋ አንጠወ።
+
+\c 3
+\p
+\v 1 ባቴ ኧሰማትኞ በጎይታ ኧሳርሁዋ እመዳ ሃአቭተሁ ብጠፍነሁዋ ኢያ ስርም አስለቼዳ፤ አሁም ያወድሁዋይ ኧኸሬ ።
+\v 2 ተዋ ተግየኸ ቲረኩሽታ ተውጥጥ አስተማሪ ተጠ ።ዘገር ቲያጎኦታ ሁኖዋ ተጠፖዋ።
+\v 3 ኢና ኧጎይታ ንሰግድነዳ በቴቨንረ መንፈስ ቅዱስን ኑእነድንራ በክርስቶስ ኢየሱስን ባሃሬ ዘገር ባጉኦቲይ በጥቭነራ ኢና አንታአምነዳ
+
+\v 4 ቢያሲኤ ኢያ በቨሰርኛ ኧትሃጭወዳአር አነኒ ። ማኒም ሰቨ በቭሰርኋ ይትሃጭወዳአር አነንዳአር ቢቨስርኩ ኢያ ኧረኩ።
+\v 5 በሱተኛ ቀረ ዘገር አጎፖኝ ፤ዘርኛተእስራኤል ፤ጥቭነድኛ በኸረተቢኒያም ጥቭ ኧቴኤኝሁ ተአይሁድ ቢኸር ጥርር ኧቫሁ አይሁድንሁኧቂጫአር ቢትረሳ ኧፈሪሳ ስቨኸ ኢኢየካአር ሰቨ ባነሆ ።
+
+\v 6 ኧሙሴ ቂጫ ትንር ክርስቶስ አአሞርዋ ሰቨ ወካሁታ አሳትትካ ሰቨ ባነሆ፤ቂጫ በኦዮት በኸረ አት አወር ኤነቪአር ባኖኸ።
+\v 7 ዘጋ ጭን ያወዴ ዴ ባሁታ ኤቭኩ ኧረፐረ እንእ ዋአካ ኧክርስቶስ ትንር ኢኢሻሸኸ ሜዘርሁን
+
+\v 8 ተዋ ይረእ ኧሁዳ ትንር እንአር ኧቼኤሁነ፣መሴሳ ኤነን ጌታ ኢየሱስ ክርስቶስ ተዃትመጋ ትናትቭሳስርኩዳ እንአር እእሻሸኸ ኤቬዝርኩ ኧሁዳ ትንር እንአር ቼኤሁ ክርስቶስ ኧረኽቪይ ትንር እንሞሁኖዋ ኧቪድ እሻሸኸ ኤቬዝርኩ ።
+\v 9 እመኸ ኤቪይ አንዳ በቂጫ ኧቴፐ ኧገግኛ ጽድቅ ቼኤሁታ ክርስቶስ በኧዎርት ይረሁዊዳ ኧጎይታ ጽድቅ በክርስቶስ አጋድ ኧረከቬ ተሁዳምችጋ ኧኸኔን ።
+\v 10 ክርስቶስ ሞደ ተውድ ኧትረሳወ ደረግ ኤሂርሜይ በመከራሞኋ ተሁዳ ኧሻከድሜይ በውንድሞኋ ሁዳ ኧቨስኔን።
+\v 11 እመኸ ተወድሁ ቀጥወ ተሸተሁ ኧዘላለም በአያ ኧረቭሪ ተስፋ ቦኖትን ።
+
+\v 12 ዋዳ እንእ ነከሁ፤ዋካ ቴኤፐርሁ አታአር አንቀፐረቪዳ አንካ ቢኸር ኧቴኤፐርሁን ኧጠጢ ክርስቶስ ኢየሱስ ኧገግኋ ኤፐይመኸ ኽመኸ እንእ ኧጠጢ ኧትቫቅር።
+\v 13 ኧሰማትኞ ኢያ ገግመኛ ኧጠበጥሁናአር ኤኝተሁ አንቬዝርኩዳ ዘንጋ ጭን አታአር ኤቭኬ ኢኢኛይ አንዳአር እንእ ቴተሁቲኢፍትኛ አንዳአር ኧጠጢ ኧትራወእ።
+\v 14 ጎይታ ኢየሱስ ክርስቶስ ኬሸታ ኧኸናይ እም ዋጋ ኧቴኤፐሪ ኤኤድኋ ስን ኧትራወእ።
+
+\v 15 ባቴ በክርስቶስ አመነታ ኧትራእነ እንዳመንራ ዋዳ ንዘግድነ ኤኛ አሳብ ቢረቭርሁዋ ጎይታ እመዳ ያተሽሁዋሴ።
+\v 16 ቢኸር በሃኔኮ ኧኋርት በሁዳ ንዥቫቨነ
+
+\v 17 ኧሰማትኞ ኢያ ምሰርዋ ንወርዋ ኢና መሰሮ ንኼኔነኩዋይ ኢና ይወስርታ ይረውርሁዋኸ ኧዥዋ ።
+\v 18 ኖኦራ ግዚየ ኤኤድኩዋመኸ ዋአካ ቢኸር ያትኤቬኬዳአር ያአውድሁዋሴ «ክርስቶስ ኧጅመኋ ኧግርሞኋ በምስማር ደነጉም ቤኧ ሰኦሪታ ሞደ»ኧዋሪ ጠላት ሆርም ይረውርዋ።
+\v 19 ኧቀጥወሁኖዋ ኢፋድን ኧሁኖይ ጌታ ከስሁኖተ ያቅቭጭኮታ ክብርሁኖተ።
+
+\v 20 ኢናይ ገኝንራ ጭን በሰቫይን ተሃኽሜ ያተርፍንሬ ይቫአካ ጌታ ኢይሱስ ክርስቶስ ትትቭራረእን ንእየነ።
+\v 21 ሁዳ በደረግኋ እንአር ኧገግኋ ዬቪይ ይኸነ፤ዋ ኧቆንጪ ሚሲየንራ ክርስቶስ ሽጋጊተታ ሁዳ ቢቨስርካ ክብር ባነንዳ ሚሲየ ያኸድረንረዴ።
+
+\c 4
+\p
+\v 1 ባቴ ኧረምድሁዋታይ ቡሼኤኸ ኧዘግድሁዋታ ኧቨትራርመኛይ ኧቬናመኛ አክሊል ኧኸርሁዋ ኧሰማትኞ እመኸቭ ደቦመኛ ኧኸርሁዋ ተቁማሞርሙ ተሰገዋ።
+\v 2 ብእማት ተስቫቬተሁዋ ትረውርዋኸ ኤዎድራንንቪ ሲንጢኪንንቭ ኧሰኧርሁዋ ።
+\v 3 ኧቬናኛ ኢጉዣ ኧኸርኼ ኧውጌል ብኔወዳ ወቅት ቲያይ ተቀሌምጦስመጋ እመኸ ሹሁኖው በአያ በኸረ ቢጣፍካ መጣፍ ተኤኛ ተቬና ቤሻመኛ እማትሜ ጃድ ቫራ ተቄጫ ትእም ኢስቻቭ ትኢፕርኮይ ኧሰኧርኸ።
+
+\v 4 እን ግዚየ በጌታ ኧሳ ኧሳርሁዋ፤ዋአካቭ እርሁዋ በጌታ« ኧሳርሁዋ»
+\v 5 ፈራኺነዳሁዋ ኧሰቭ እንእ ኧትኼትር ጌታ ቢኢናወ ቀረ ያአንሴ ።
+\v 6 ብንአር ኧጎይታ ሽኩርት ትታቴኤንውነ ሳአሪ ባሃሬ በአትአር አጠረቁዋ።
+\v 7 ትንእ በፎረ ይረካ ኧጎይታ ወገሬት ኺንማሁዋይ ቀልብማሁዋ በኢየሱስ ክርስቶስ ይቲኢየ ።
+
+\v 8 ዋአካቭ ኧሰማትኞ ጫውነድ ኧኸራአር እንእ፥ቂጢየ ኧኸራአር እንእ ፥ጥርር ኧኸራአር እንእ ፥ ንማጅነድ ኧኸራአር እንእ፥ሰቨ ወኼናአር ይካአር እንዳም አጫምጩዋ።
+\v 9 ቲያ ኧትማርሁይ ወይኧቴኤፖርሁይ ወይ ኧሰማሁይ ፥ወይ አሸሁይ፥ዋሁኖዋ እንዳም ኧኖዋ ኧወገሬት ጎይታ ታሁዋ ይኽሴ ።
+
+\v 10 ተኖኦራ ግዚየቀጥወ ሃአኝሁምታ ኢያአር ኦኦስፕት ኧቀነስሁዋይ ኧኸሬ በጌታ ኢየሱስ ኑእያአር ይሽሬ ፤አሁም በሂናሁዋ ትጨፑኒ ባንደ፤
+\v 11 እመዳ እካ ብካና ኣጠበጠይ አኸረዳ ፤ቢኸር በቫኒም ብካና ከስ ብንኸር አነኒዳሁዳ ይቃይሴ ኧዋርት ሃርሁ ፤
+\v 12 ብካናቭ ቢኸር ኧኺር ኧኮርት ቢኸር ኧኺር ፣ብኖኦፍ ቢኸር ቢገደይ ፣ብነኽቭ ኸር ብንቨኽር በቫኒማአር ቢኸር ማኒማአር ብንኸር አነኒዳ ሁዳ ይቃሴ ይሪዳ ሚስጥር ሃርሁ ።
+\v 13 ደረግ ቢይቬዳ በክርስቶስ ኢየሱስ እንአር ኦኖት ይኸኒ።
+
+\v 14 ቢኸር መከራኛ ኧሻከትሁዋይ ወኼአር ኤፐሁም ።
+\v 15 ተዋ ይረእ አሁም ገግማሁዋ ኧፊልጵስዩስ ሰቨ ሁሞዋ ቲኺሪዋመኸ አወተረ ወንጌል በቴኤፐርሁዋ ግዚየ ተሞቀደኒያ ትትረሳካ ታሁዋ ኤኛአር ባውትቪ በተኣወት ቢኸር ማኒማአር ቢኸር በቬተክርስቲያን ባውት አኔኤፖርኝዳ ፤
+\v 16 ኢያ በተሰሎንቄ በነፐርሁወ ግዚየ በቭካናኛ ወቅት ሃአቭሁምታ ያትኬሼዳአር እንእ ኬሽሁኒ ።
+\v 17 እም ትርፍ አሁዋ ቲደብስ ያርነኸ ባንኸሬ ቲውኝ ሴተሁታ አኸረዳ።
+
+\v 18 ያሲኤዳአር እንዳም ቲያሲኤዳአ በፎር ቴኤፐርሁ ኤኬሸሁኒም ስጦታ ተአፍሮዲጦ ኧጅ ቴኤፐርሁ እም አሁኝ ስጦታ በወኼ ሽትነድ ኧትቬና ኽትቨኸ ጎይታ ቲሽርኩ ቴኤፐረን።
+\v 19 ጎይታ በኑእ ደረግኋ ያሲኢሁዋታአር እንእ በክርስቶስ ኢየሱስ አጋድ ኧቨናታ አሁዋ ።
+\v 20 ኧአቦንራ ጎይታ ክብር ኧዘላለም ኧኽር አሚን።
+
+\v 21 ኧቅዱሳን እንእ በክርስቶስ ኢየሱስ ወኼምንሁዋዌ ባርኒ።
+\v 22 ቅዱሳን እንእ ይረካሞኋ ተንጉስ ቄሳር ቢድ አነውታ ሰቨ ወጌምት ያቲኢንውነኩዋ።
+\v 23 ኧጌታንራ ኢኢየሱስ ክርስቶስ ጠጋ ታሁም ኧኽር አሚን።

52-COL.usfm

@@ -0,0 +1,140 @@
+\id COL
+\ide UTF-8
+\h Colossians
+\toc1 Colossians
+\toc2 Colossians
+\toc3 col
+\mt Colossians
+
+\c 1
+\p
+\v 1 በጎይታ ፍቃድ ኧክርስቶስ ኢየሱሲኪሸረኘ ተኸረ ተጳውሎስቪ ተኧስሰመንራ ተጢሞቲዮስ፤
+\v 2 በቆላስያስ ከተማ ኢረውርታ በኢየሱስ ክርስቶስ አአመርሁዋ ሙርቴ ኧሰማቶ ታአባንራ ተጎይታይ ሙርቴነድቪ ሽኛትቭ ንሆውዋ።
+\v 3 አሁዋአር ትንጠልይነዳእንእ ግዝየ ኧጌታ ኧኢይሱስ ክርስቶሲ እባ ኧጎይታ ናትሸኩኔ።
+
+\v 4 በኢየሱስ ክርስቶስ ትትእሟሞሩዋመኸዪ ክርስቲያን ኧሰማትቭ ትረጁዋመኸ ሰምአነ።
+\v 5 ውረ ኧኸረ ወንጌል አወተራቸ አአሁዋይ ኧሰንአ ግዝየ፣በሁዳ አነዳ ተስፋ ሰምአሁም፤እመኸ ኧኸሬ በሁድ ኧታአወርትማሁዋዪ ንመጀማሁዋ ኧትሸከቨ ሁዳ በሳቫይ ቴፐ ቢኢየሁዋታ ተስፋን።
+\v 6 እመዳቭ አሁዋይ ሰንአ፤ እምወንጌል ተሰምአሁኰቪ ኧጎይታቭ ሚነድተሀርሁኰ ቀረ ቆነሺታ ባሁዋ ኤፐመኸ ፣ዋ ወንጌል ባአለም እንእ ኢኢጂዴ።እም ወንጌል ባአለም እንእ ቲደቭርቪ ቲትራእ አነ።
+
+\v 7 እመዳቭ ቢና ኤኤዲ ኧክርስቶስ አገልጋይ ኧኸረ ቲናቭ እማቲ ኧወጌል ሜና ኢአካ ናማጂንራ ኤጳፍራ ኤኤደናሁ።
+\v 8 መንፈስ ቅዱስቭ አቨናሁዋ ንማጃአር ሁዳ ኤኤደንረ።
+
+\v 9 ብእም ኧቫአ ዋዳተሰምአኔኰ ቀረ ቆነሺታ አሁዋ ኧጎይታ መንፈስ ኢንካ ሀሪነድቪ ኧወስርትቭ ኧጎይታ ፍቃድቭ ትሂርኰዳ ቀርብ ትረሁዋኸ ኧጠልይትቪ ጎይታ ኧሳአርትቭ ስርም አንቸኧኔዳ።
+\v 10 ንጸልይነዳቭ ሁዳ ኧጎይታ ኢሽርኰዳአር ትቲንኦዋ ኧሁዳ ፍቃደኸ ትረውርዋመኸዪ፣ወሄ ሜና ቦንኧታሁዋ ትደውርዋ ታሩዋኸ ፣ ጎይታቭ በኋርት ትትራኡዋነኸ።
+
+\v 11 ፋራሂነቪ ተቁዋዋይነድቭ ትረሁዋኸ ፣ ተጎይታቭ ደረግ ትረሁዋነኸ ።
+\v 12 ህመኸ ጠነቫ ቤነወ እዋየ በኸረ መንግስትኋይ አገፓናሁዋ ተቅዱሳን ደረድ ትትሻኰጅዋኸ ኤፐናሁዋ አቭ ጎይታ ቲሽርሁዋ ሽኩራኸ ትዋሪሴ።
+
+\v 13 ተሴጣን ግዛት አዋአ አተነፈንረታ ኢረድኩዳ ኧኧችኋይ መንግስቲ ንጋአነኸ ኤፐንረ ።
+\v 14 ሁዳ ባጢርንራ አፉ ባረንረታ ቴተገንረ።
+
+\v 15 ክርስቶስ ቤኤኤር አያዢ ጎይታ መርኸትን፤ሁዳ ኧፍጥረት እንእ በህ።
+\v 16-17 በሳቫይቪ ባአፈርቭ አነውታ ፣አኤኤር ያዢዮታቪ አያዢዮም ፣በሳቫይቭ ደረግ አነኖታ ሁኖዋ እንእ፣አላቃቪ ዳኘቭ ኧሆሩዋ ሁኖዋ እንእ ኧፈጠረኖዋ ክርስቶስን።ሁዳ ትንእአአር ኢፍቲ ባነደ።እንእአአር ተጣበጠ ኧትሸከቨ በሁተን
+
+\v 18 ክርስቶስ ምስየኋ ኧኸረ ቤተክርስቲያን ዋኘድን፤ ብንእአአር ኢኢፍቲ ኢኸሪ ተውንድ ተረሳ፤እመዳ ኧኸረ ሁዳ፥እእንእአእር ኢኢፍትሜዪ ፣ተዎጁም ሰቭ እንእ በህር ኢኸኔ።
+\v 19 እመዳ ኧኸረ ሁዳ ኧጎይታ ክብር በክርስቶስ መኝኧተ ኢረቭሪሁዳ ሳረ።
+\v 20 ጎይታ በክርስቶስ በሳቫይቪ ባአፈር አነውታ ዘንጋ እንእ ተገግኋ አቂያመጠ፤ በቫቀር ፎር በትሆኧ ደቭኋ ሽኛት አቨንረ። በውጥጥ አመራሁዋ ኧቫአ፣ተጎይታ ኧትቫይተርሁዋአአርቪ በጭሞጨማሁዋ ቭ ኧጎይታ ጠራት ባነሁዋተ።
+
+\v 21-22 ዋአካ ጭን በሁዳ ኢፍቲ ጭንቅነጨቪ ነውርቭ ኤነዎሁዋ ሙጭር ኧኝኧተ ያቲንሁዋይ በክርስቶሲ ሙድ ተገግኋ አእዊያመጠናሁም።
+\v 23 እመዳቭ ኢኸርካ ሁዳ አሁዋ በወንጌል በረከዂ ተስፋ ዋይ ሀይ ታቱሩዋ ተቋጤተሁ በረፐርኋን፤አሁም ቨምአዂቪ፣ተሳቫይቭ አነዳ ፍጥረት እንእ ኤኤጂ ወንጌል ዋዳን፤ ኢያቭ ጳውሎስ ኧዋ ወንጌል አገልጋይ ኸርሁ።
+
+\v 24 ባሁዋ ኧቫአ በሰንአቪ መከራ ዋአካቭ ኢሽሬ፤ምስየኋ ኧኸረ ቤተክርስቲያን ቲይር በክርስቶስ ተሰንአወ መከራ ኧተነፈ ሁዳ፣ቢያ ኢሰርአኸ ኧኝኧተሁታ ፥ኧኝኧተሁታ ተሁዳ ኧቀፐረ ሁዳ ኢያ ኧቴእኤፐርኩዴ።
+\v 25 ኧጎይታይ ያተርፍካ ቃር ገኪቶሁ አሁዋ ኢኢድሁዋይ ጎይታ ባቬ አደራ ኧቬተ ክርስቲያን አገልጋይ ኸርሁ።
+\v 26 እም ቃር ኧዋ ኢፍቲ ተሰቭ እንእ ተደኧረታ በዱኡራቸ ነፐረ ባነደ፤ ዋአካ ጭን ኧክርስቲያን ሰቻ አዋአን።
+\v 27 ኧጎይታቭ ተመኛት ተደኧረ ኧረፐረ ዘንጋ፣ኧክብርኋ ኑኡነድ ባሁዋ ባአረማዊ ሰቭ ግት፣ኧተኸ ኑእአአር ኧኸረኸ ኣክርስቲያን ያትሄሪ ሳረን።እም በተስፋ ንእየኔዳ ዱኡራቸ ቃር፥ክብር ኢረሁኰዳባሁዋይ ሂን አነዳ ክርስቶስን።         ኧቆላስያስ ሰቪ ጳውሎስ ኧጣፈን ኪሸር
+
+\v 28 ሰቭ እንእ በሀሪነድ ምሂተነቪ አስተሚየነቭ እንእዎኋ በክርስቶስ ያአቭረኸ ኧክስቶሳአር ንኢድነ።
+\v 29 ጎይታ በሩእ ደረግኋ ቢያ ዬቪ ኧኸሬ ፣ብእም ባቬ ደረግ ኖኦራአር ኧፈርህ፣ኧቂጥቭ።
+
+\c 2
+\p
+\v 1 አሁምቪ በሎዶቂያቭ አነውታ ክርስቲያን ቲያ ኢፍት ቲኢፍት ተራሄተውዋ አይሂሩዋ ሰቫአር ምርአካአር አትቫቅረኸ ትሂኒ ኧሲእ።
+\v 2 ኢያቭ ሂንሁኗ ባአት ኢትሸከቭመኸዪ ንመጀ ኢረቭርኮመኸ ገኪቶምቭ በሲቶውዋታ ፣ቦጎይታ ሂን አነዳ ክርስቶስ ኢሂሩዋነኸ።
+\v 3 ሀሪነድቪ ኧውዎስርትቭ እንእ አነውታ በክርስቶስ ሂንን።
+
+\v 4 ዋዳ ኢኢድሁዋታ ሁዳ ማንእየ ሰቭ ቃርኋ አጣዊተታ ባይቄቅሁዋኔ።
+\v 5 ኢያ ታሁዋ ኖኢ ብንኸርቭ በመንፈስ ታሁዋ እማቲ አነዂ ኧኸሬ ጨር ጠበጥሁም ኧቦርትማሁዋዪ፣በክርስቶስ አመርሁምታ ተቁሟᎀርሁም አሸዂ ኖኦራአር ሳረዪ።
+
+\v 6 ባቴ ጌታ ኢየሱስ ክርስቶስ ኧቴኤፐርዂመኸ ተሁዳ ንዎሩዋ።
+\v 7 በሁዳ ኧስር ውስጁምታ ቱኦምታ፥ኧትማርዂመኸ ብእምነታሁዋ ተቁዋወርም ንዎሩዋ፤እንእ ግዝየ ጎይታ ሽኩር ቧሩዋ።
+
+\v 8 ክርስቶስ ባትመረን ትምርይ ታይኸር ሰቭ ባወናን ቂጫቪ ብእም አለም ሰቪ ሴራ በቴፐ ማንእየ አታላይነድ በደበሰወ ኧትሙራሞርት አትዎኋ ቄቅተ አይቭንሁዋኸ ተጠፑዋ።
+\v 9 ጎይታ በክርስቶስ ሂን ሙርአ ኸረ ኢረቭር።
+
+\v 10 አሁም ሙርአአር ኸርሁም ኧኸርሁዋ ሁዳ ኧርኡነድቪ ኧዳኝነድቭ እንእ ቦፈረ በኸረ በክርስቶስን።
+\v 11 ተክርስቶስ እማቲ በሁርታሁዋ ዘገር አጎፖኩም፤እመኽቭ ኧዋርት ባጢራሁዋ ኢፈካኸ በክርስቶስ ኧትውፐ ሜናን ባሀሬ ፣በሰቭ ኧጅ ኢቴፕካ ዘገር አጉኦት አኸረንዳ ።
+\v 12 በጥምቀት ተክርስቶስ ተዌኵሁም፤ኧሁድቭ ተውንድ በረሳን ጎይታ ጦና አመርሁምታ ተውንድ ተረሳሁም።
+
+\v 13-14 በቫቲረኝነድማሁዋ ባጢርቭ ኧደበሰወ ተመኛታሁዋ አንቸኧሁዋይ ኧኸሬ ፣ በዎድሁዋ ኤኤዲ ጎይታ ተክርስቶስ እማቲ አያ ኤፐናሁም።ኢና ኢኸስሰንረቪ ኢትራከሰንረቭ ኧረፐርረ በቂጫ ኧጣᎉ ኧክስስ ጥፈት እንእ በቨስቀር ጥረቀቨታ ትተቨያንራ አፈካን።
+\v 15 አላቃቪ ዳኘቭ እንእ ክርስቶስ በትሶኦርትኋ ኧቫ ጥብጨሁኗ አድጌፈረኖምታ ማነኽ በሰቭ ኢፍቲ አትሽከቨኖም።
+
+\v 16 ባቴ ትትወርኧታዪ ትትሰጭታ ሙርአቪ በኘቭ ኢጋአወዳ ቀረ ዌ ሰንበት ባኩብርት ኧቫአ አትዎኋ አይፍርድዎሁዋ።
+\v 17 ዋሁኗ እንእ ኧርግገኋ ኢዎኦታ ዘንጋ ጥራርኗ፤ጪግ ኧኸራአር ጭን ኢትርረከካ በክርስቶስን።
+
+\v 18-19 ገግሁኗ ባይቨስር አመኛትቪ ፣ኧመላአይካ በስጉጅት ኢትእማመርካ ማንእየ ሰቭ ቢረቭር በጎይታ ኢፍቲ እንቁርፊት አይኽርዎሁዋኸ ተጦፑዋ፤ኧዋኸ ሰቭ ባሸን እራኢ ባአድባራ ቢወኧርካ ዘንጋሁኗ ኢድጋኬዡዋ።ኧዋኸ ሰቭ በሰርቪ ወተር ቂጠጠረታ ፣ሸረድ ቲቨርአካ ተክርስቶስ መራህቭ አታአር ኤነኖታ፤
+
+\v 20 ኧዋ አለም ሰቭ ዬኩዳ ሜና ባቴውዋይ ሞትሁምታ ኧክርስቶሳአር በኸርሁዋጋሁ ባቴ ኧቭር ኧዋ አለም ሰቪ ቂጫ ትድጎዦዋ?
+\v 21 እም ትእዛዝ ፣«አትግድ ፣አተፍር፣»ዩታኗአር፤
+\v 22 እሞሁኗ እንእ በሰቭ ትምርትቪ ትዛዝ ኢቴፑዋታአር ኧሆሩዋይ ኢዎኦርታኗአር።
+\v 23 ዋ ትዛዝ በገግ ፍቃድ ስጋዳ፣ ባአጉልቭ አመኛትቪ ምስየቭ ባቂጭት ሀሪነድ አአነኖታአር ኢወስሩዋ ኢህርሴ፤ቢኸር ኧገግሁኗ ትተምመኛት ኢቹኡኰዳ ደረግ ኤነኖታ።
+
+\c 3
+\p
+\v 1 ሙጭር ሂንቶ ኦምቦርት 1. ተክርስቶስ እማቲ ተውንድ በትረሳሁዋጋ ክርስቶስ በቸናወ በጎይታ በቀነኋ በቸናወ ቦፎሬ በሳቫይ አነውታ ዘንጋ ።
+\v 2 አሳብማሁዋ ቦፎሬ ባነዳ ሁዳ ኧህር ባሀሬ በዋ አፈራአር አይህር።
+\v 3 ሞትሁምታ ሉሀሁዋ በጎይታይ ተክርስቶስ እማቲ ቸና።
+\v 4 ሉሀሁዋ ኧኸረ ክርስቶስ ቲቫአካ ሀ ግዝየ አሁም ተህም በክብር ትዎኦቴ።
+
+\v 5 እመኸ ኧኸሬ ኧዋ አፈር ሙጥጥ ተመኛት ቶኡዮዋ፤ሁኖም ኧረከዊኸ ሁጅር ኧድሙጅት፣ኧስረሁት፣በውጥጥ ተመኛት ሽርሽር ኧዋርት፣ ኧቅርኘ ኧገቡርትቪ ናፋጊነድምኗ።
+\v 6 ብእሞሁኗ ኧቫአ ኧጎይታ ማአት ባይቴኤዠዡዋ ሰቭ ፎር ኢወትኴ።
+\v 7 አሁም ኧዋ ኢፍቲ በረፐርዂ ንቭረድ እእመኸአአር ቲንኦዋ ባነደ።
+\v 8 በዋቴ ጭን ኧዋአችት ፣ኧትራደጅት ፣ቂናቨ፣ኦአንድቪ ኦአንድቪ ያትፈኝካ ቭ ዘንጋ እንእ ቶኢ።
+
+\v 9 ኧድርረ ፍጥረታሁዋ ተቬናሞኋ አዋአሁም ኧቃሸዂ ኧኸሬ አሁም ታሁም ትድዝራኩታ ኤነአአር አታአውጅዋ።
+\v 10 ጎይታ ትሂሪ ያቨቃሁዋታ ወያ ምስየ ተኸተርሁም፤እም ወያ ምስየ ኧፈጠረን ጎይታ ኢቨስረኸ ፥እንእ ግዝየ ወያ ዬኩ።
+\v 11 ብእም ኧቫአ አረማዊ ሰቭ ዌ ኧይሁዳ ሰቭ ፣ዘገር አጎፔ ዌ ዘገር እናጎፔ፣ኧትማረ ዌአትማረ፣ባሬያ ዌ ወለባ ዩሪዳአር ኤነዳ፤እንእ ብንእ ኧኸረ ጭን ክርስቶስን።
+
+\v 12 ባቴ አሁዋ ጎይታ ኧሸፐተናሁዋ ኢረጅኩዋታ ጥርር ሰቭ ኧኸርሁዋይ ሚነድ ፣ዋቢነድ፣ አመኛት፣ ሙጭነድቪ ፋራሂነድቭ ኧምበርሁዋ።
+\v 13 አሁም ታሁም ተፏረሁዋ፤አታሁዋ ባአታሁዋ ኤኤናሁዋአር በረፐረ አሁም ታሁም አፏፍ ተዌሩዋ፤አሁዋ ጎይታ አፍ ኧቫረናሁዋመኸ አሁም ታሁም ፏፍ ተወዌርዋ።
+\v 14 ትንእ ቦፎእንእዎኋ እማት ኤፐ ያቲኢራንካ ንመጀ ኧበርሁዋ።
+
+\v 15 እእማት ስአቭ ምስየኸ ኸርሁም በጎይታ ኧትሸፐትሁኰ ዋ ሽኛት በሂናሁዋ ኧምበር፤ኧጎይታቭ ሽኩር ቱርታ ሰቭ ሁሩዋ።
+\v 16-17 ኧክርስቶ ቃር ኧገክር በሂናሁዋ ኧምበር፤ አታሁዋ አአታሁዋ በጨር አትሞሩዋ፤አሁም ታሁም ተዋሆሩዋ ፤በመዝሙርቪ ጎይታቭ ባጋጊዥት ፣በመንፈስቅዱስቪ በዘሙርት በሂናሁዋ ጎይታ አትሸኩሩዋ።በክርስቶስ ኧቨይተሁዋታ ኧጎይታ ሽኩርት ትቱሩዋ በቃርማሁዋዪ በቬናማሁዋ ቴዊዳ ሁዳ እንእ በጌታ በኢየሱስ ሹው ኦንኤ።
+
+\v 18 እሽቾ ኧቶኦዠዥት ኧጎይታ ኢሽርኲ ኧኸሬ ገማሀ ዩካታአር እንእ አክያ ባራ።
+\v 19 ገሞ አሁም እሽቻሁዋ ንወጂያ ባሀሬ ብእሽቻሁዋ ኢኢነኘ አትሁሩዋ።
+\v 20 ዴንጎ አአቭ ኧታአዶዳሁዋ ዩኩዋታአር አክያ ኧዋርት ጎይታ ያትሽርካአር ኧኸሬ አቭ ታአዶዳሁዋ ዩኩዋታአር እንእ አክያ ቧሩዋ።
+\v 21 ኧዴንጋ አባ ኧኸርሁዋ ገማ እንእ ቀጨ እዩኮኸ ኧዴጋሁዋ አታሩኡዮዋ።
+
+\v 22 አሁዋ ባሬያ ኧኸርሁዋ ሰቭ ፥ሰቭ ታትሽሩዋሜዪ ያዥነኩዋሜ ባይተሁዋታ ታይኸር ቦሄ ሂንቪ ጎይታቭ ቦፍረውት ዳቫሁዋ ዩኩዋታአር እንእ አክያ ቧርዋ።
+\v 23 ቴዊዳአር እንእ ኧሰቭ ታይኸር ኧጎይታ ባሁም ቲንኤኸ ኋርምታ ሜናሁዋ ተውረሚያሁዋ ኦንኦዋ።
+\v 24 ጌታ ኢየሱስ ኧሳቫይ ደረድ ዋጋ ኧኝኧተ ኢሁዋኸ ትሂሩዋ ፤ቴውነዳቭ ኑእ ኧኸረ ኢየሱስን።
+\v 25 ሙጥጣአር ዬካ ሰቭ ኧውጥጥ ሜናኋ ቅጣት ኢቴኤፐር፤በጎይታይ ውርኤተኝነድ ኤነዳ።
+
+\c 4
+\p
+\v 1 አሁም ኧቫሪያ ዳቭ ኧኸርሁዋ ሰቭ ፥በሳቫይ ዳቭ አነነሁዋኸ ተሂሩዋይ ኧኸሬ ፣ባሬያሁዋ ጎይታ በፍረውት በቂጢየ አቡሪዮዋ።
+
+\v 2 ቃንዠ ቧርምታ ጎይታ ትታትሾኩሩዋ ተቋጦም ጠልዩዋ።
+\v 3 ኢያ ኧታአከትሁነ ተደኧረ ኧረፐረ ኧክርስቶስ ወንጌል ኧሰቭ ኒኢድኔ ፣ጎይታ ቃርኋ ኢቭንረኸ ኢኢና ጠልይንረ።
+\v 4 አት ኧዘጉት አነኒዳአህር ቃርኋ ኧውየሞኋ ኧዝሬኵኸ ጠልይኒ።
+
+\v 5 ታናአሞሩዋ ሰቭ እማቲ ትትረውርታ ተጦፑምታ ኋርም ንወርዋ፤ በሮዂ መያ እንእ ኧክርስቶስ ወንጌል አውጁዋ።
+\v 6 ኧሰቭ እንእ መልስ ባቲተሁዋ ትሂዋኸ እንእ ግዝየ ትዝረኲዳ ዘንጋ ዛᎀ አነነዳአርቪ ንማጀቭ አኖዳአር ኧህር።
+
+\v 7 ኢያ ኧተኸ ኧረቭረኸ ቲቂቆስ ጃቪተ ያአውድሁዋሴ ፤ሁድቭ ኢረጂዳ ሙርቴ ኧሰምነንራ፤ ሁዳ እንእ ግዝየ ቲያ እማቲ ኧጎይታ ሜና ኢንአ።
+\v 8 በቭር አነነኸ ትሁሩዋመኸዪ አሁም ያቁሟሙርሁዋይ ባነሁ አሁዋይ ኬሸሁን።
+\v 9 ሁዳ ታአናሲሞስ እማቲ አሁዋይ ኢቫአኴ፤አናሲሞስ ሙርቴ ኧሰምነንራ፤ሁድአሁዋይ ገኘ ሰቭን፤ ሁኖም በዋይ አነዳ ዘንጋ እንእ ጃቪቶ ያአውጅኩዋሴ።
+
+\v 10 ቲያ እማቲ ኧታአከደ አርስጥሮኮስቪ ኧበርናባስ አአዶድኋ ኧተም ኧች ማርቆስቭ ወጌም ዩኩዋ፤ኧቫርቆሳአር ቦተርም ኤኤጅኩዋይ ኧኸሬ አሁዋይ ቲቫአካ ቶኦዎሪ።
+\v 11 ኢስጦስ ዩሪ ኧረፐረኢያሱቭ ወገሬታሁዋ ዩሁዋ፤ ኧጎይታ መንግስት ሜና ቲያ ቲዬውታ ሰቭ ግት ኧይሁዳ ገኘ ሰቭ እማት ዋሁኖትኗ፤ሁኖም ኢያ አቁሟᎀርኝ።
+
+\v 12 አሁዋይ ዶበ ኧኢየሱስ ክርስቶስ አገልጋይ ኤጳፍራ ወሄምንሁዋዌ ዩሁዋ፤ ሁድ ኧጎይታ ፍቃድገኪተሁዋ ሀይተዋታ ተቁዋወይተሁዋ ትረዋሩዋኸ ጎይታቭ በዝሬኵናሁዋ ቃር ትረውሩዋኸ እንእ ግዝየ በጠሎት ጃድ ይር።
+\v 13 ህመኸቭ ሁዳ በሎዶቂያቪ በኢያራቭ ከተማ ሰቫአር አትታቀረ ዬቨኸ ኢያቭ ኢያቭ ኢኢድነ።
+\v 14 ኢረንጂዳ አኪም ሉቃስቪ ዴማስቭ ወሄምንሁዋዌ ዩኩዋ።
+
+\v 15 በጆዶቂያ አንነዋታ ኧሰማትንራ ለንምፉን በቪድመሻይ ኧጠሎት ኧደሞጁዋቭ ክርስቲያን ወጌም ቧኒ።
+\v 16 ዋ ጣፍሁ ኧኬሸነኩዋ ኪሸር ፣አሁዋ ባነበብዂ ቀጥወ ፣ኧለዶቂያ ቤተክርስቲያን ሰቭ ያነቡብኖኸ ኦንኧዋ።ተለዶቂያቭ ቤተክርስቲያን አሁዋይ ኢኬሺዳ ኪሸር አሁም አምቡቢ።
+\v 17 አግሪጳቭ «ተጎይታ ኧቴኤፐርኸን አገልግሎት ተጤፕ ኤኤኋይ አስርአኩ ቧሪ።
+
+\v 18 ዋ ወጌምት በገግኛ ኧጅ ኧጣፍሁን ኢያ ጳውሎስንሁ ፤ኧታአከትሁመኸ አይተሳሁዋ፤ኧጎይታ ንማጀ ታሁዋ ኧህር።

53-1TH.usfm

@@ -0,0 +1,138 @@
+\id 1TH
+\ide UTF-8
+\h 1 Thessalonians
+\toc1 1 Thessalonians
+\toc2 1 Thessalonians
+\toc3 1th
+\mt 1 Thessalonians
+
+\c 1
+\p
+\v 1 ተ ጳዉሎስ፥ተሲላስቪ ፥ተጢሞቲዮስቭ ኧጎይታዪ ኧክርስቶስቭ አአር ኧሆሩዋ አተሰሎንቄቤተ ክርስቲያን ሰቭ ተጎይታ ታአቦንራዪ ተጌታ ቲኢየሱስ ክርስቶስቭ ፀጋቪ ሽኛትቭ አሁዋ አአር ኧህር ።
+
+\v 2 2 በጠሎትንራ ትንዘግድኔኩዋታ እንእ ግዚየ ባሁዋ ኧቫአ ኧጎይታ ናትሸኩርኔ ።
+\v 3 3 ብእምነት ኤፐዂ ሜናሁዋ በጎያ ንማጀ ኤቄጥዂ ቂጭናማሁዋዪ በጌታ በኢየሱስ ክርስቶስ ኧረኮሁይ በጌታንራ በኢየሱስ ክርስቶስ ባነነሁዋታ ተስፋ ኧረኮዂ ቱኡነድ አአር በጎይታ ኢፍቲ እንእ ቀረ ናጫምጥነ ።
+
+\v 4 4 ጎይታ ኢረድሁዋታ ኧሰማትኞ ኧሸፐተናሁዋ ጎይታ ኧኸረኸ ኒሂርነ ።
+\v 5 5 ብእመዳ ኧቫአ ወንጌልንራ አሁዋ ኤኤድኔኩዋ ሁዳ በሩእ ጦናዪ በመንፈስ ቅዱስቭ በሩእ ደረግምን ባኸሬ እማት በቃር አኸረንዳ ።
+
+\v 6 6 ማንኝእ ኑእ ሥጓረ ቢሰርአቨሁም ቢኸር ኧጎይታ ቃር ተመንፈስ ቅዱስ በረኮዂ ኧሳርት ቴኤፐርሁምታ ኢያቢ ጌታ ኢየሱስቭ መሰርሁም።
+\v 7 7 ብእም ኧቫአ በሜቅዶኒያቪ ባአኪይያቭ አኖዉታ ክርስቲያን ወሄ መያ አቴሸሁዮም።
+
+\v 8 8 ኧጌታ ኢየሱስ ቃር ታሁዋ ተረሳታ በሜቅዶንያዪ በአክይያቭ ኧትሶዉኦትኋ ታይኸርቭ በጎይታቭ ኧታአሞርታሁዋ ብእንቭ ኤኤዲ ቴሄረ። እመኸቭ ኧኸሬ ኧዋዳ አአር እኢና ኧዘጉት አያቲሲኧንረዳ ።
+\v 9 9 ኧተኸ አቫይዘርሁንረመኸዪ፤በዘቨር እንእ ኢረቭርካቪ ዉረ ኧኸረ ጎይታ ታጌኲሩዋይ ተቅርኘ ኧጎይታይ ኧተኸ ካች ባሁም ኧትዠፐርሁዋኸ ሁኖም ገግምብሁኖዋ ኢኢጁዋ ።
+\v 10 10 ህመኸቭ ጎይታ ተቩድ ኧረሳን ቲቫአካ ኢፋድ ያተርፈንረዳኧትከኋ ኢኢየሱስ ተሳቫይ ኦኦት ኧተኸ ቱኡሮዋኸ ኢጁዋ ።
+
+\c 2
+\p
+\v 1 1 ኧሰማቶ ኢና አሁዋይ ኧአነ ሁዳ እመኸ አኸረኸ ሁም ገግማሁዋ ቲሂሩዋ።
+\v 2 2 አሁም ቲሂሪመኸ ኧዋ ኢፍቲ በፊሊጵሲዩስ ኖኦራ ጅጓረ አሰንኦኮንረ እንእመኸቭ አድዋⶉዉንረ ።
+
+\v 3 3 ብእም ኧቫአ ንሰኧርኔኩዋታ ሁዳ በቩጥጥ ተመናት ተሸተነታ ዌ ንቄቅኔኩዋይ ባይተነታ አኸረንዳ ።
+\v 4 4 ዘንጋ ጭን ጎይታ ወንጌል አራ አመረ አወናወ ሰቨኸ ኸርነ ፤ንዝሬኲነ እመዳቭ ኔቭነዳ ሁዳ ሂራ ያካ ጎይታ ባኸሬ ኧሰቭ ናቲሽኔ ባይተነታዳ አኸረንዳ።
+
+\v 5 5 ኧቄቅነድ ቃር አዝሬኪነኸ ዌ ዳኲድነድንራ ባይተነ ቄቃ አኸርነኸ አሁም ቲሂሩዋ እመዳ አአር ሄቶንራ ጎይታን ።
+\v 6 6 ታሁምቭ ኸረ ቴኤኛ ሰቭ ቢኸረ አትዎኋ ቢኸር ያጒያጊዘዪ አንሲካ ፤ኧጌታ ኢየሱስ ክርስቶስአአር ኧኸርዂ አደግርሁዋ ባንደ ።
+
+\v 7 7 ዘንጋ ጭን አዶድ ኧትከሻ ትእየካ አአረኸ ኢናቭ ዱሶ ኸነ ታሁዋ ነፐርነ ።
+\v 8 8 እማት ኧጎይታ ቃራ ታይኸርቭ ሉሁመንራ ተህም ኒቭኔኩዋታ አአህር ነመድኔኩም ፤ኧቭር ኢና አሁዋ ንረድኔኩዋይ ኧኸረዴ ።
+\v 9 9 ኧሰማቶ ምርአካ አአህር አትቫቀርነመኸዪ ቂጭናመንራ ቲሂሩዋ ፤አአትዎኋ ታናጀግርነ ዋአናዪ ኧዳርቭ ትኔቭነ ወንጌል ኤኤድኔኩም ።
+
+\v 10 10 ባሁዋ ጎይታ ባአመርሁዋ ሰብ ግት ታነነ ኧተኸ በጥርርነድቪ በፅድቅቭ ቅነጨ አይቫር ኧረፐነኸ አምቪ ጎይታቭ ሄቶንሁዋ ።
+\v 11 11 አቭ ኤኤኘን ትከኋ ኢኸረኸ ኢናቭ አሁዋ ኧተኸ ኧኸነ ቲሂሩዋ ፤
+\v 12 12 መንግስትሞኋዪ ክብርሞኋ ኢሁዋይ ኧኸናናሁዋ ጎይታ ኢሽርኩኸ ትረዉሩዋኸ አቁሟሞርኔኩም ኖኦራቭ አአር ሳአርኔኩም ።
+
+\v 13 ባሁዋ ኧቫአ እንእ ግዚየ ጎታ ናትሸኩርኔኮዳ አአር አነንረ ፤ ሁድቭ ቲና ኧቴኤፐርኊ ኧጎይታ ቃር ኧቴኤፐርሁዋ ግዚየ ፤ባሁዋ ባአመርሁዋ ሰቭ ዬቭካ ዋ ቃር ኧቴኤፐርኊ ሁዳ ኧሰቭ ቃረኸ ታይኸርቭ አታአር ኧጎይታ ቃረኸ ኤፐሁም ታነዳን ኧቴፐኊ፤ኧዉረቭ ኧጎይታ ቃርን።
+
+\v 14 14 ኧሰማቶ አሁም በክርስቶስ ኢየሱስ አሞርሙታ በይሁ ገኘ ኢረቩርታ ጎይታ አብያተ ክርስቲያን መሰርሁም ፤ሁኖዋ በይሁዳ ገኘ ሰቭ ወቀሳ ኧሰንአዎኸ አሁም በገጋሁዋይ ገኘ ሰቭ ወቀሳ ኢሰርአቨሁዋ ።
+\v 15 15 ሁኖዋ ጌታ ኢየሱስቪ ነቢያትቭ ኦቶርሙ፤ ኢናቭ ሰተጅንረ ፤ኧጎይታቭ አናትሳሪዳ ፤በሰቭ ፎር እንእ ኢፋድ አዎኦሙ።
+\v 16 16 እመዳቭ እንእ አረማዊ ሰቭ ኢተርፍኮዳ ቃር እኒኢድነነኸ ፤ብእመዳ ኧቫአ በቫጢርሁኖዋ ፎር ባጢር ቁጥ ዪንኦዋ ።ቀጥዎሞኋኧጎይታ በላእ ኢዎትዎቴ ።
+
+\v 17 17 ዘንጋ ጭን ኧሰማቶ እማት በጭሞጨ ታይኸርቭ ኢፍት ቲኢፍት ታንትራከቭነ አታአህሪ ኧቸናኔ አሁዋ ኤራሁዋ አሴኤንረታ ኢፍት ቲኢፍት ናዥኔኩዋይ አትቫቀርነ።
+\v 18 18 አሁዋይ ንቫአኔ ሴኤነ ባንደ፥ አቸ ኢያሽ ጳዉሎስ ኖኦራ ግዚየ ኧቫአይ ዣቭሁ ባንደ ፥ዘንጋ ጭን ዝክ አቴፐንረ።
+\v 19 19 ጌታንራ ኢየሱስ ቲቫአካ በሁዳ ኢፍቲ ተስፋንራ ዌ ኧሳርትንራ ዌ አክሊልንራ ማንተን? አሁሽ አኸርሁዋታ?
+\v 20 20 ኧዉረቭ ክብርመንራዪ ኧሳርትመንራ አሁተንሁዋ።
+
+\c 3
+\p
+\v 1 1 እመኸ ኧኸሬ ተዋ ኢረእካ አአር ኦኦሮት አኸረንሬ ኧኸሬ ኦጣመንራ ባአቴና ከተማ ኦኦኩሽት ወሄን አአር ባርነ ።
+\v 2 2 ብእምታሁዋ ያትፓፓሁዋመኸዪ ያቁሟሙርሁዋሜ ኧሰምመንራዪ ኧክርስቶስቭ ወንጌል ቲና እማቲ ኧጎይታ አገልጋይ ኧኸረ ጢሞቲዮስ ኬሸኔነኩም.
+\v 3 3 እመዳቭ በዋ በሰአቨሁዋ ወቀሳ አትሞኋ ዋመዪ ሃመይቭ አይቭርነኸ እም መከራ ኢና አቩንረ ሟር አሁም አሁምገሁዋ ቲሂሩዋ ።
+
+\v 4 4 ዉረቭ ታሁዋ ታነነ መከራ ኢሰርአቨንረኸ እንእ ግዚየ ኒኢድኔኩዋ ባንደ ፤እኩ አሁም ቲሂሪመኸ ኒኢድኔዋ ኧረፐረ ሁዳ ኧቫርኔኩዋመኸ ኸረ ።
+\v 5 5 ብእም ኧቫአ በዋቴ ኦኦሮት አኸረኒ ኧኸሬ ብእምነታሁዋ ኧተኸ ኧኸርሁዋኸ ንሃር ባሁታ ጢሞትዮስ አሁዋይ ኬሸሁን ፤ሁድቭ ኤኬሸሁን ሁዳ አካ ሴጣን አድቫፐረናሁምታ እመኧኸ ቄጥነ ኢህርሰዪ? ባሁ ፈኘሁታንዳ ።
+
+\v 6 6 ዋአካ ጭን ጢሞትዮስ ታሁዋይ ኢናይ ማአታ እእምነማሁ አአርቪ ኧርመጀማሁዋ አአር ኤኤደንረ ፤አትቭ ኢና እንእ ግዚየ በወሄነድ ንዘድኔኩዋመኸዪ ናኔኩሜ ኤራሁዋ ያትሲኧንረዳቭ አአህርአሁም ኢና ታዥንሬ ኤርንራ ያትሲእሁዋኸ ኤኤደንረ ።
+\v 7 7 ኧሰማቶ እመኸ ኧኸሬ ፤ባሳርትቪ በሮኦራቭ ጅጛረ ከስር ብኸርነ ቦሄ እምነታሁዋ ኧቫአ ተቁሟሞርነ ።
+
+\v 8 8 አሁዋ በጌታ በኢየሱስ ክርስቶስቲቭኧተሁዋ በትሶጎዉታሁዋ አያ ኸርነ ንረቭርነ ።
+\v 9 9 ባሁዋ ኧቫአ ኧጎይታንራ ሽኩር ኒቭኔ ፤ ባሁም ኧቫአ ብሁዳ ኢፍቲ በሳረንረ ኧሳርት ጎይታ ናትሸኩርኔ ።
+\v 10 10 ሃአይተነ ናዥኔኩዋመዪ ብእምነትማሁ ኧቀፐረቨሁዋ አአር ንቬንአኔነኩዋይ ዋአና ተሳአረ አትቫቀርነ ንጠልይነ።
+
+\v 11 11 ዋአካቭ ቢኸር ጎይታመንራ ባመንራ ጌታመንራ ኢየሱ ክርስቶስ አሁዋይ ንቫአነኸ መያንራ ኧባርክንረ ።
+\v 12 12 ኢናቭ ንረምድኔኩዋኸ አሁም ታሁም እነነሁዋታ ንመጀዪ ኤኤኛብ ሰቭ አነነሁዋታ ንመጀ ጎታ ኢእካአአር ኧድነሁዋ ኧድብስነሁዋቭ።
+\v 13 13 ጌታንራ ኢየሱስ ክርስቶስ ሁዳ ታአሞሩ ክርስቲያን እንእ እማቲ ቲቫአካ ባአባንራ በጎይታ ኢፍቲ ቅነጨ ኤነቨሁዋ ጥርር አአር ሂተሁዋ ትትረኮዉዋኸ ሁዳ ሂናሁዋ አጣዉርነሁዋ ።
+
+\c 4
+\p
+\v 1 1 በሽቴ ኧሰማቶ ጎይታ ታትሽሩዋይ ኧምቦርት አነቨሁዋታ ሁዳ ኧተኸ ኧኸረኸ አስተምሁዋቴ ፤ዋአካቭ ጎይታ ኢሽርኩኸ ትረቩሩዋ እመኸ ኧኸሬ በጌታ በኢየሱስ ክርስቶስ ንሰኧርኔኩዋቴይቭ ሁዳ በዋዳ ትእም ኢረእካ አአር ትደዉሩዋ ታሩዋነኸ ።
+\v 2 2 ጌታ ኢየሱስ ባቨንረ ዳኝነድ ምር ኧንኦዋ ኧቫርኔኩዋኸ አሁም ቲሂሩዋ ።
+
+\v 3 3 ኧጎይታ ፍ? ድ ተረኮዊኸ ሁጅር ተዱሙጅት ቲቬጥሩዋነኸ ።
+\v 4 4 ህመኸቭ እንኋ ኦጧ ኦጣኋ ኧገግኋይ ምሲየ በቩጭርነድቪ በክብርቭ ኦኦሮት አኖወ ።
+\v 5 5 እመዳቭ ጎይታ አይሂሩዋ አአረዊ ሰቨኸ ኧረከዊኸ ሁጅር በዱሙጅት ተመኛት አይህር ።
+\v 6 6 ብእም ዘንጋ አትዎኋ ተድቫቨይተታ ክርስቲያን ኧሰምኋ አይቄቅ እእም ኢፍቲ ኤኤድኔኩዋመኸዪ አትጬፔኔኩዋመኸጌታ ኧዋኸ ባጢር ኤፐ ሰቭ እንእ ኧጅኋ ኢከስነ።
+
+\v 7 7 ጎይታ ና ኧሸፐተንረ ሁዳ ተቫጢር ምጠይተነ ንቭርነኔ ባኸሬ ባጢር ኔቭነ ንረቭርኔ አኸረዳ ።
+\v 8 8 በዋቴ ዋ ምክር አንቴኤፐርካ ባረ ኧቀንጠን ሰቭ ሙጭር መንፈስኋ አቨናሁም ጎይታንራ ባኸሬ ኧኧሰቭ አኸረዳ ።
+
+\v 9 9 ዋቴ ኧኧሰማት ተኧሰማት ንመጀ አአር አትሞኋ ኢጠፍነሁይ አያትሲእካ ኧር? ገተገጋሁዋ ትትራሞጁዋዀ አሁዋ ኧገጋሁዋ ጎይታ አትመረናሁም።
+\v 10 10 በሜቅዶኒያ ገኘ እንእ አኖዉታ ኧሰማትራ ኢረጅኩዋኸ ኧትሄረዳን አአር ፤ዘንጋኋ ጭን ትእም ኢረእካ አአር ትትደዉርኰ ታሩዋኸ ንቨህርኔኩዋ ።
+\v 11 11 በሽናት ቩሩዋኸ ታትዋቁሩዋመኸዪ ኧገግማሁዋይ ዘንጋ ኢኢፍቲ ታጎኦዋሜ ኧዋ ኢፍቲ ኤኤድኔኩዋመኸ በገጋሁዋይ ኧጅ ያትሲሁዋታ አአር ቴዉዋመኸ ።
+\v 12 12 ብእም ኧቫአ ባናአሞሩ ሰቭ ኢፍቲ ወሄነ ኢቴኤድነሁዋሴ ፤አአትሞኋቭ ታታጀጉ ትቦሩዋሴ ።
+
+\v 13 13 ኧቶ ኧዎጁዋ ሰቭ አአር በሲይተሁዋ ቲሂሩዋይ ንሲኢነ ህመኸቭ አታአር ተስፋ ኤነነዋ ሰቭኸ ትትዉዋይ አንሲኢነዳ ።
+\v 14 14 ኢየሱስ ኧዎደንደመኸዪ ተቩድ ኧትረሳመኸ ባአመርነ በኢየሱስ አሞርሙ ኧዎጁዋ ሰቭ ግጎታ ተክርስቶስ እማቲ ያቫአኮቴ ።
+\v 15 15 ተጌታ የሱስ ክርስቶስ ኧቴኤፐርኔ ቃረኸ ኒኢድኔኩዋታ ሁዳ ዋኸትን ፤ጌታ ኢየሱስ ቲቫአስን ባአያንራ ንረቭርነዳ ሰቭ ተዎጁዋ ሰቭ እንቨድርነዳ።
+
+\v 16 16 ኧትዛዝ ቃር ኧመላአይካ አላቃ ቃር ኧጎይታቭ ጥሩምቧ ኢሶዉዴ ፤ጌታ ጌታ ኢየሱስ ገግኋ ተሳቯይ ኢዎትኬ ፤በክርስቶስአሞርሙታ ኧዎጁም ሰቭ ብደይተዉዋ ቱዉድ ኢትረሸቴ ።
+\v 17 17 ተህም ቀጥወ ባአያ አነነዳ ኢና ጎይታ በሳቫይ ቴኤፐርነዪ ተሁኖም እማቲ ኧሳቫይኒየ ንዋአነዴ ፤ኧዘላለም ተጌታ የሱስ እማቲ ንረቭርነዴ።
+\v 18 18 እመኸቭ ኧኸሬ በዋ ቃር አሁም ታሁም ተቁሟሞሩዋ።
+
+\c 5
+\p
+\v 1 1 ኧሰማቶ ኧዘቨር አርቪ ኧቨኘቭ አአር ኧጠፍነሁዋይ አያትሲእካ ።
+\v 2 2 ኧቭር? ፈገያ በግት ምሳአረ ኢቭአመኸ እመኸ ጌታ ኢየሱስ ኢቭአወዳ ቀረ ህመኸ ኧኸረኸ አሁዋ ጔኲርሁም ቲሂሩዋ ።
+\v 3 3 ሰቭ «እንእ እንእ ወገሬትን »ቲይቭካ ዉርኤት አርዋ ምሽት መእ ኢጠጥዳ አአረኸ ኧጠነቃር ኢፋድ ኢቭአዎቴ ፤ስርም አይተርፉታ ።
+
+\v 4 4 ኧሰማቶ አሁዋ ጭን ሃአ ቀረ ኧፈገኸ ሜኤተ ያደርሁዋይ በጠነቫ ከስ አኸርሁዋታ።
+\v 5 5 አሁዋ ኧቭርሃን ኧዋአናቭ ዴንጋንሁዋ ፤ኢናቭ ኧኧዳር ዋ ኧጠነቫ ዴንጋአኸርነዳ ።
+\v 6 6 በዋ ቃዠ ንቫርነታ ገግንራ ተቩጥጥ አአር ነኧየነ ኤኤኛሙጅቶዉዋ ዮኦርታ ሰቨኸ አንህርነ ።
+\v 7 7 ኢሪእካ ሰቭ በኧዳር ኢሪእ ኢሰህርካቭ ሰቭ በኧዳር ኢሰህር ።
+
+\v 8 8 ኢና ጭን ኧዋአ ሰቭ ኧኸርኔ ፤ንትጤፕነ ገግንራ ተቩጥጥ አአር ነኧየነ ንበርነ ፤እምነትቪ ንመጀቭ ኧቭረድ አጎኸ ንትኸደርነ ፤ ንተፍነዴይቭ ዩሪዳ ተመኛት በጉንኧር ኢዶፌዳ ኮፊታኸ ንድፋነ ሙጥጥ ሜና ንቴእነታ ንበርነ።
+\v 9 9 ጎይታ ኧሸፐተንረ ሁዳ ኢኢፋድ አኸረዳ ዘንጋ ጭን ጎይታ ኧኸናንረ ሁዳ በጌታንራ እየሱስ ክርስቶስ ኧቫአ ንተርፍነኔ ።
+\v 10 10 ክርስቶስ ኢና ባረ ኧዎንደ ሁዳ በዋ አፈር ብነቭነቭ ብነቭነቭ ተሁኖዋ እማቲ ንረቭርነኔ ።
+\v 11 11 አሁም ዋአካ ቴዊመኸ አትሁዳ አአት ሁዳ አቁሟሙር ፤አሁም ታሁም ተቁሟሙሩዋ ።
+
+\v 12 12 ኧሰማቶ ባሁዋ ግት በቬና ኢቂጭታ ሁኖዋ ፤በጌታ ኢየሱስቭ አላቃሁዋ ኧሆርሙ ኢሞሮኩዋታ ሁኖዋ ታሆቡጂዮኸ ኧቨህርሁዋ ።
+\v 13 13 ኧገግሁኖዋ በርመጀ ጎኩርሙ አሁቡጂዮዋ ገግተገግማሁዋ በሽኛት ንዎሩዋ ።
+\v 14 14 ኧሰማቶ ሜና አዬዉዋ ሰቭ ቱዎኦችኮኸ ፤ኢፎርታ ሁኖዋ ታቁሟሙሪዮኸ ፤አጀገረኖዋ ሁኖዋ ታአጉዝዮመኸዪ እንእ ሰቭ ቱፎሩዋኸ ንቨህኔኩዋ።
+
+\v 15 15 ሙጥጥ አአ ቤፐዉዋ ሰቭ ፎር አዬቨኸ ኧትጤፕ ዘንጋ ጭን ገግተገግማሁዋዪ ቴኤኟቭ ሰቭ ቢኸር እንእ ግዚየ ወሄ አአር ቲንኦዋኸ አትዋቁሩዋ።
+\v 16 16 እንእን ግዚየ ኧሳርሁ።
+\v 17 17 ጠሎት ኧጠልይት ስርም እንቸኧሁዋ ።
+\v 18 18 ብእንቭ አአር ኧጎይታ አትሼኩሪ ፥ኧቭር? ትኢየሱስ ክርስቶስ እማቲ ብትረቩሪዳ ንቭረድ ጎይታ ኢሲእኩዳ ሁዳ ዋዳን ።
+
+\v 19 19 ኧመንፈስ ቅዱስ ሜና አታትፏፉሩዋ፥
+\v 20 20 ትንቢትቭ አትቁርጩዋ ፥
+\v 21 21 እንእ አአር ፉትን ኦዢ ፥ወሄይቭ ሁዳ ሶፑቹም ቶኦዎሩዋ።
+\v 22 22 ተቩጥጥ አአር እንእ ሱሁዋ ።
+
+\v 23 23 ወገሬት ኢቭካ ጎይታ ገሞኋ እንእ ኤኤዳሁዋይ አቨጥርነሁዋ።መንፈሳሁዋ ሉኋሁዋ ምሲየማሁዋ ጌታ ኢየሱስ ክርስቶስ ቲቫአካ ተቅነጨ ኧቶኦሮዋ ።
+\v 24 24 ኧሸፐተናሁዋ ሁዳ ርቴ ኧኸሬ የንአኩሴ።
+
+\v 25 25 ኧሰማቶ ኢናቭ አአር ጠልይዋ ።
+\v 26 26 ክርስቲያን ኧሰማት እንእ በጥርነድ ሳአዉም ወጌም ቧሪዮዋ ።
+\v 27 27 ዋ ኪሸር ኧክርስቲያን ኧሰማት እንእ ያረቡቢኸ አደራ እቭሁዋ ።
+\v 28 28 ኧጌታንራ ኢኢየሱስ ክርስቶስ ወሄድ ታሁዋ ኧህር ።

54-2TH.usfm

@@ -0,0 +1,78 @@
+\id 2TH
+\ide UTF-8
+\h 2 Thessalonians
+\toc1 2 Thessalonians
+\toc2 2 Thessalonians
+\toc3 2th
+\mt 2 Thessalonians
+
+\c 1
+\p
+\v 1 1. አአባመንራ ኧጎይታቪ ኧጌታመንራ ኢኢየሱስ ክርስቶሳአር ኧኸርሁዋ በተሰኮቄ ቤተክርስቲያን አነውታ ክርስቲያን ጳውሎሲ ሲላስቪ ጢሞቲዮስ ኣኬሸዊ ኪሸር ፤
+\v 2 2. ተአቭ ጎይታቪ ተጌታ ተኢየሱስ ክርስቶስቭ ጠጋይ ወገሬትቭ ታሁዋ ኧኽር ።
+
+\v 3 3. ኧሰማትኞ እምነታሁዋ ቲደቭር በሆርትሞሀይ አሁም ታሁም አነነሁዋታ ንማጀ ቲደቭር ኧቫአይ ባሁዋ ኧቫአ እንእ ግዚየ ገኪተነ አትሾኩርት አነቨንረ ።
+\v 4 4. በሰተጅኩዋ ኧትሰደጅትቪ በሰናቨሁዋ ጁጓረ እንእ ቲቭኧቶ በትሰጎውታሁዋ ኢናቭ ገግመንራ ኧፈራሂነዳሁዋአርቪ እእምነማሁዋአር ኧጎይታ ቤተክርስቲያን በኸርሁዋ ባሁዋ ኖኦራአር ኧትእማመርዎሁዋ ።
+\v 5 5. እመዳቭ ኧጎይታ ፍርድ ቂጢያአር ኧኸረኸያቲሽ ፤ ያቲሽካ ብእመዳቭ ጁጓረትቴኤፐነዳ ኧጎይታ መንግስት ኧቨቃሁዋታንሁዋአር ።
+
+\v 6 6. ጎይታ ፍርድኋ ቂጢያአር ኧኸሬ ጁጓረ ያሰርኦኮኩዋት ሰቨ ጅጓረ ያሰራዎቴ ።
+\v 7 7. ጅጓረ ኧሰንአዎሁም አሁምቪ ኢናብ ፎያድ ይቨንረዴ ።እመዳቭ ኢኸርካ ሁዳ ጌታ ኢየሱስ ቢረድድካ እሳድ ኖኦራ ደረግ ፥ታነኖታ መላአይካ ፥እማቲ ቲቫአካን ።
+\v 8 8. በህም ግዚየ አይሂሩም ሁኖሚቪ ኧጌታመንራ ኧኢየሱስ ወንጌል አይቴኤዘዕዋ ሁኗ ኧውጥጥ ኧጅሁኗኢከሰኖቴ ።
+
+\v 9 9. ሁኖም ተጌታኢየሱስ ተሩእ ጎይታቭ ክብር ተቫተውዋታ በዘላለም እፋድ እትቆጮቴ
+\v 10 10. እቆጮዮታ ሁዳ በቅዱሳንኋ እከብሪ ፣ቢያአውርታ ሁኗ እፊቲ ኢናቭ ብኤድኔኩዋ ሄቶ ቴኤፐርሁም ባአመርሁዋ ባሁም ኢከብሪ ቢቯአወዳ ግዚየን ። አሁም ኤኤድኩዋ ሄቶ ኧቴኤፐርሁዋይ ኧኸሬ ፥ታአሙርዋታ ሰቨንሁዋ ።
+
+\v 11 11. ጎይታ ኧሽፗቸኋ ኧቨቃሁዋአር ኢንአሁዋመኸይ ዌ ወሄ ዘንጋ ቴዋይ አነነሁዋታ ሙርአድቪ ክርስቶስ አመርሁም ቴዊዳ ሜናቭ እንእ በገግኋይ ደረግ እንአነሁዋሜ እንእ ቀረ አሁዋአር ንጠልይነ ።
+\v 12 12. ህመኸ ኧጎይታመንራ ኧጌታቭ ኢኢየሱስ ክርስቶስ ጠጋመኸ ኧጌታንራ ኢኢየሱስ ክርስቶስ ሹው ባሁዋ ኢትከበረኸ አሁም በሁዳ ትትኮብርዋኸ ንጠልይነኩዋ ።
+
+\c 2
+\p
+\v 1 1. ኧሰማትኖ ኧጌታንራ ኢኢየሱስ ክርስቶስ ኦኦትቫአሪ ፤ኢናቭ ትሁዳ እማቲ ኧደወጅትንራአር ፤ንሰጅነኩዋታ ሁዳ ዋዳን ፤
+\v 2 2. በቲቢት ኧዝሬከዊአረኸ ወይ በትምህርት አትማረኩዋአረኸ ወይ ቲናይ ኪሸር ጥፉም ኧኬሽውነኩዋአረኸ ኣኝተዋ «ክርስቶስ ኧፍርድ ይቫአወዳ ቀረ ሰናአ ባይተዋ ሂናሁዋ ሰሰአይቫር ፤አይድእሁምቭ ።
+
+\v 3 3. አትዎኋ ታአት አጋድ እንቄቀናሁዋ ብደይተ ህዳድ ታይቫአ ባአሄራሜ የኧፋካቭ እእፋድ ምስ ኧኸረ ሁዳ ታይቫአ ሀ ቀረ አይቫካቭ ።
+\v 4 4. እም እእፋድ ምስ ኑእኗ ቧርሙቲሶጉጅኖታ ሁኗ እንእ ቦፎር ቦንኧት ኢያ ኑኡንሁ ይካ ተጋፊናአር
+
+\v 5 5. ታሁዋ ታንሁ ዋ ዘንጋ ኤኤ ድኩዋኽ ይትዘከድሁዋታ?
+\v 6 6. ዋአካ ይትረከቪ ምር ኧኸናነኸ አሁምም ቲሂርዋ ።
+\v 7 7. እፋድ ያአፋካ ሁዳ ዋአካቭ እእፋድ ሜናኋ ዬቭ ዋዳ ኢኸርካ ሁዳ ጭን መያ ቲገፍር ስንን።
+
+\v 8 8. ተህም ቀጥወ ጌታ ኢየሱስ ባአፋትኋ እፍ ባይተ የአይኩዴቭ ቲቫአካ ባነነዳ ኑእ ክብር ያአፋኩዳቭ አመጠኝ ይቫአኬ ።
+\v 9 9. ሀ አመጠኝ ኢቫአካ ሁዳ ኧሴጣን ሜና ቲንኦዋ ኧኸሬ በፍጥር ወግ ሜና በቨርኸቲቪ ወግአር ቦንኧትምን ።
+\v 10 10. ህመኸቭ የኦፎታ ሰቨ በቆቅት በሮኦራ ሙጥጥሜና ኢቫአኬ ።
+
+\v 11 11. ብእም ኧቫአ በፍጥር ዘንጋ ያአውርዋኸ ጎይታ ሙጥት ያቲፕካ አርወተኝ ኢኬሽዎቴ ።
+\v 12 12. እመዳቭ ይኽርካ ሁዳ በውረአር አናአቭነዳ ቧርምታ በቫጢራአር ኢሽርኮታ ሁኗ ኢትፈድዎነኸ ።
+
+\v 13 13. ጌታ ኢየሱስ ኢረድሁዋታ ኧሰማቶ ፤አሁዋ ኢኢፍትሞኋ ቀነስሁ በመንፈስ ቅዱስ ምጠይተሁምቪ በውረቭ ኧቨይተሁዋ ትተርፉዋኸ ኣሸፐተናሁዋይ ኧኸሬ ኢና እንእ ግዚየ ባሁዋ ኣቫአ ጎይታ አትሾኩርት አነቨንረ ።
+\v 14 14. ኧክርስቶስ ክብር ትሻኮጅዋይ ኢና ቤኤድኔኩዋ ወንጌል ኧቫአ ሸፐተናሁም ።
+\v 15 15. ባቴ ኧሰማትኞ ቱኦም ተሰጎውዋ ፤በቃርምንራቪ በኪሸርመንራ አትመርኔኩም ትምህርት አቱኦም ጥጩዋ ።
+
+\v 16 16. ጌታ ኢየሱስ ክርስቶስ ገግሞቪ ኢናቭ ኢረመደንረቪ በጠጋኋ ኧዘላለም ኧጥቁዋወርት ፥ወሄይቭ ተስፋ አቨንረ አባንራ ጎይታ ።
+\v 17 17. ሂናሁዋ አአትዋወኧነኩዋ ፤ኦኸይቭ ሜና እንእ ደረግ አሁዋ።
+
+\c 3
+\p
+\v 1 1. ባቴ ኧሰማቶባሁሜ ኧኸረመኸ ፥ኧጌታንራ ቃር ኢቭቲድመኸይ ኢከብርመኸ ኢናቭ ንጠልይንነ ፤
+\v 2 2. ኧመኸ ቃርኋ ሰማቭታ አያአቭሪ ኧኸሬ ፥ ተአመጠኝቪ ተውጥጥቭ ሰቨ ንትኢየነኸ ኢና ጠልይንረ።
+\v 3 3. ጎይታ ጭን ሙርቴን ፥ ሁዳ ያተቫቭአሁዋሴ ፤ተውጥትቫአር የኧየሁዋሴ ።
+
+\v 4 4. ዋአካቭ ኢና ኤኤዘዝኔኩዋ ሁዳ ኤፐሁም ፤ ኧረገሞኋ ቲንኦዋኸ በጌታ ኢየሱስ ንትማመን ።
+\v 5 5. ጌታ የሱስ ሂናሁዋ ፥ኧጎይታ ንማጀመይ፥ኧክርስቶስ ፈራሂነዲ ኧስርአኩ
+
+\v 6 6. ኧሰማቶ ፥ ሜና ታዬዊ ኢና አትመኔኩዋ ትምህርተኸ ታይረቭር ክርስቲያን ታሮኡዋኸ በጌታ በኢየሱስ ሹው ኒኢዝዝኔኩዋ ።
+\v 7 7. ኧተኸ ኢና ምስይቶ ኦምቦርት አነዎሁዋኸ አሁም ገግማሁዋ ቲሂርዋ ። ታሁም ታነነ ሜና አንቸኣነባነደ ።
+\v 8 8. ኧመኸቭ አአትሞኋይ ሸረድ በቭላሽ አምበንአነዳ ፤ ዘንጋ ጭን አሁዋ አአትቫሁዋ ባናጀግኔ ተቭሳአረ ትኔቭነ በቬና ንቂጥነ ባንደ ።
+\v 9 9. እመኸ ኤፐነ ሁዳ ኢና ኧሽተሁዋ ትትሆተንረሴ ባነ ታነዳን ባሀሬ ፥ይትሲኧንረዳአር ታሁዋ ንቴኤፐኔ ፥ ዳኝነድ ኤነንሬ አኸረዳ ።
+
+\v 10 10. አሁዋይ ኧረፐነ ግዚየ ሜና አይሽኩ ሰቨ አይቭርአ ባነ ኤዘዝኔኩም ባንዳ ።
+\v 11 11. ታሁዋይ ሰቨ እታትሁኗ ሜና አዬውዋኸ ሰማነ ፤ ሁኖም ሜና ቼኦምታ ዦርሙ በሰቨ ዘንጋ ተለፍ ቧርሙ እጎኦዋ ።
+\v 12 12. ዋ ሰቨ አትቫቂተውዋ ሜናሁኗ ኢንኦዋመኸይ ኢፖዊ ሁዳ ኢወርኦዋኸ በጌታ በኢየሱስ ክርስቶስ ሹው ኒኢዝዝኔዮዋ ፤ ንቨህኔዮመ ።
+
+\v 13 13. አሁዋ ጭን ኧሰማቶ ወሄ ሜና ኦንኧት ስርም እቸኣሁዋ ።
+\v 14 14. በዋ ኪሸር አነዳ ቃርንራ አይቴኤዘዝ ሰቨ ቢረቭር ፣ ኧዋኸ ሰቨ ጎኩርሙ ሜኬኧ ቧሪ ፤ ቤፐን ሜና ኢቅቨጨኸ ሁዳ ኤፓአር አቶኖዋ ።
+\v 15 15. ቢኸርቨ ኧኧሰማተኸ ፥ሟአችኮ ባሀሬ ፣ ጠራት ኧኝኧተሁዋ አቶዢ ።
+
+\v 16 16. ወገሬት ጎይታ ብንእ አአር ወገትርት ኧንአነሁዋ ጌታ ይንእአሁዋ ኧህር ።
+\v 17 17. ዋ ወጌምት በኧጅኛ ኧጣፍነኩዋ ኢያ ጴኮስንሁ ፤ ኧኪሸርመኛ መርኸት ዋዳን ። ኧጠፍካ ዋኸትን
+\v 18 18. ኧጌታ ኢኢየሱስ ክርስቶስ ዋቢነድ አሁዋ ኧህር ።

55-1TI.usfm

@@ -0,0 +1,177 @@
+\id 1TI
+\ide UTF-8
+\h 1 Timothy
+\toc1 1 Timothy
+\toc2 1 Timothy
+\toc3 1ti
+\mt 1 Timothy
+
+\c 1
+\p
+\v 1 ባተነፈንረ ብእግዜር ፤ ተስፋመንራ በኸረ ቢኢየስስ ክርስቶስ እዝዝ ፤ ኧክርስቶስ ኢየሱሲ ኪሸረኘ ተኸረ ተጳዉሎስ ፤
+\v 2 ብኢየሱስ ክርስቶስ በኧዎርታኸ ኧዉረሚየ ትከኛ ኧኽር ኧጢሞቲዮስ ፤ ታአባንራ ትእግዜሪ ተጎይታመንራ ቲኢየስስ ክርስቶሲ ጠጋቭቪ ምረትቭ ወገሬትቭ ኧህር።
+
+\v 3 መቄዶኒያ ኦዎርሁ ግዝየ አደራ ኧቫከመኸ ፤አታት ሰቭ ተዋቴ አአሰት ትምርት አያትሞሩዋኸ ቲኢዝዝኮዋኸ አኸ በህሜ ቤኤፌሶን ቸራ።
+\v 4 ባቴ አትቭ እእቊትቪ ያትሸኩኮዳ ኤነነ ኧድረ ዘቨር ሰቭ ታሪክ አይቮትትኮዋኸ ኧዝዝኮዋ።እም ዘንጋ ኢረእካ ዉርጀ ኢረሾዋ ባኸሬ ብእምነት እእግዜር ዪንኤዳ ሜና ዪንኧዪ አያጔኪርታ።
+
+\v 5 እእም እዝዝ ቡር ዘንጋኋ ተጥርር ሂን ፤ተወሄ ቀርብቪ ፤ተዉረሚየ እምነት፤ ኢረሁዊዳ ንማጀን።
+\v 6 አታትሁኖዋ ተዋ ዘንጋ ተቫይተሩምታ አታ አአር አያጔኪር ዘንጋይ ተዠፖርሙ።
+\v 7 ኧቂጫ አስተማሪ ኢሆሩዋይ ኢሱኡዋ ፤ ቢይኸርቭ ኢዝረኲዳቭ ሁዳ ኧህር ዉርጀ ኢቴኤጅነዳቭ ሁዳ አአር አጪግተዉዋ አይሂርታ።
+\v 8 ዘንግኋ ጭን ሰቭ በቂጥየ ቤፐወ ቂጫ ወሄ አአር ኧኸረኸ ኒሂርነ ።
+
+\v 9 እመኸቭ ቂጫ ኧዋአ ኧጥርር ሰቭ ታይኸር ፤ቂጫ ኢጦሽታ ሰቭቪ አአመጠኘ፥እግዜር አይፎሩዋ ሰቭቪ ኧቫጢረተኘሰቭ፥ቅድስና ኤነነዋ ሰቭቪ ጎይታቭ ኢቆርጭታ ሰቭ፥አበዶድመሁኖዋ ዮኦትርታ ኧደቨኘ ሰቭቭ ኧኸረኸ ኒሂርነ ።
+\v 10 እመኸቭ ኧባለጌ ምስ ተቭስ ሁጅር ኢዶሙጅታ ሰቪቪ ፥ሰቭቭ ያስሮታዪ ኢስሮታቭ ሰቭ፥ኤነቭ አአር ኢኢጅታ ሰቭ፥ቤነ አአር ኢተርታ ሰቭ ፥ጤነኘ ኧኸረ ትምርት ኢትቃዎምታቭ ሰቭ እንእ።
+\v 11 እም ጤነኘ ትምርት ኧትዳረ እግዜር ኢያ አደራ ባረ ታቬ ትእግዜሪ ተክብር ወንጌል ኢስምአምአካን አአር ።
+
+\v 12 ኢያ አገልጋይ ኧኸረኸ ሾመታ በሙርቴነድ ኤቬዘሬ ደረግቭ አቬ ጎይታንራ ኢየሱስ ክርስቶስ ሽኩር ኧስርአኩ።
+\v 13 ኧዋ ኢፍቲ ማንኝእ አትሳትቭካ፡አትሳትድካዪ ፡አመጠኛቭ አአር ብንኸርቭ ባኋርትመኛዪ ባኖኦዎርትመኛ ኤፐሁነዋ አአር ኧረፐሬ ኧኸሬ አፉ ባረዪ ።
+\v 14 በክርስቶስ ኢየሱሲ ቲረሁዉዮታ እምነትቪ ንማጀቭ እማቲ ኧጎይታንራ ጠጋ ደበሰኒ።
+
+\v 15 ኢየሱስ ክርስቶስ ባጢረተኘ ያተርፊ ዋ አለም ማአ ይቭካ ቃር ኧታአመረዪ እንእ ሰብ ኢቴኤፐርኩዪ ያትሲእካን አአር ።ተቫጢረተኝቭ እንእ ኢይረእካ ባጢረተኘ ኢያትንሁ።
+\v 16 ዘንጋኋ ጭን ክርስቶስ ኢየሱስ በሁዳ አአሞሩዋ፤ ኧዘላለም ሂዎት ኢይቴኤፖርታ ሁኖዋ ዳር ኤነን ፋራይሂነድኃ፤ ተቫጢረተኘ እንእ በፎረ ባጢረተኝ በኸርሁ ቢያ ፤ኧትምርተኸ ኧኝኧተ ያቲሺ ኢያ አፉ ተቬርሁ።
+\v 17 ባቴ እንእ ግዚየ ኢረቭርካ ፤አይቮድቭ አያዢቭቪ እማት ኦጣኋ አምላክ ኧኸረ ንጕስ ፤ ክብርቪ ምስጋናቭ ተዘላለም ዘላለም ስን ኧሁዳ ኧህር አሚን።
+
+\v 18 ኧችኛ ጢሞቲዎሶ ኧዋ ኢፍቲ አኸ አአር በትንቢት ኤኤጂመኸ ዋ እዝዝ አደራ ባሁ ኢኸ እም እዝዝ ኤኤጅከ ትንቢት ተኸተይተኸታ ወሄ አርቭ ገክይተኸ ትትዋካነኸ ።
+\v 19 እምነትቪ ወሄ ቀርብቭ ኧምበርኸ ፤አታትሁኖዋ ቀርብሁኖዋ ቃሽዉምታ በቫህር ፎር አደጋ ሰንአዎታ የኧፋካ መርከበኸ አአሞሪ እእግዜር ቼኧዉምታ ዛፖቹም ።
+\v 20 ተሁኖም ግት አያትቃንዉዋኸ ትምርት ኢኸርኮዋኸ ኧሴጣን አዋአሁ አአይፐርሁኖዋ ሄሜኔዎስቪ እስክንድሮስ አነዉዋ።
+
+\c 2
+\p
+\v 1 ባቴ ትእን አአር ኢፍቲ ኧሳአርት ጠሎትቪ ሽኩርትቭ ኧሰቭ እንእ ፤ኧንጉስቭ ፡ኧዳኘቭ ሁኖውዋ እንእ ትሶኦሩዋኸ ኧቨህርሁዋ።
+\v 2 እመኸቭ ኢኸርካ ሁዳ ኧዉረሚየ እእግዜሪ ሰቭ ሂይተነ በወሄ አመር ቪ በጥርር ሂን በወገሬትቪ በሽኛትቭ ንረቭርነነኸ።
+\v 3 እመዳቭ ባተነፈንረ ብእግዜር ኢፍቲ ወሄምቭ ኢሽርካምን አአር።
+\v 4 ሁድቭ ሰቭ እንእ ኢተርፍመኸዪ ኧዉረአአር ኧኸረ ሁዳ ኢሂርዋኸ ኢሲእ።
+
+\v 5 እማት እግዜር አነ እመኸቭ በሰቭቪ ብእግዜርቭ ግት ገፓታ ያቊያምጥካ አአር አት አነ ሁድቭ ሰቭ ኧኸረ ክርስቶስ ኢየሱስን ።
+\v 6 ሁድቭ ኧሰቭ እንእ ተቫጢ ያተርፊ ኧሰቭ ሱጉያ / ሟሪ/ ህትቭ ኸረ እም ዘንጋ በወቅትኋ/ኣሁርት ባኖዳ ግዚየ / ተምሰከረነ ።
+\v 7 ኢያቭ ኧዋ ወሄ ዋራይ ኢኢድካ ኪሸረኘ አአዛብቭ ኧዉረ ኧኸረ እምነት አስተማሪ ኸርሁ ተሾምሁ ኧዉረቭ አአር ኧዝሬክ ባኸሬ አንፈጥርካ ።
+
+\v 8 ባቴ ገማ ብእንእ ኤኤዲ ማአትቪ ውርጀቭ ቴእተዉዋታ ኧትቆደሹዋ ኧጅሁኖዋ ፎረኒየ ንሸተዉዋታ ጠሎት ኢንኦዋኸ ኧሲይእ።
+\v 9 እመኸ እሽቻቭ በጩፒነድ ገግመህና በጉዦት ወሄ ሁጅር ኧትኸደራ ባኸሬ ጉንኧርህና በትጓጅት ብእንቁ ዌ ዋጋኋ ኑድ በኸረ ሁጂር ቅብጥ ቅብጥ አይቫራ ።
+\v 10 ዘንጋኋ ጭን እእግዜር እእግዜር ንሰግድንነ ይቭራታ እሽቻ ኧተኸ ኧትጌጭት አነቫኸ ኧሃራምታበወሄ ሜና አጊጫ።
+
+\v 11 ምሽት እቁስ ትቫር ፤ተሂንመሻይ በታአዘዥት ትትማር ።
+\v 12 ምሽት እቁስ ትቭረኸ ባኸሬ ኢያ ታትመርሜ ኧህር በቭስ ፎር ዳኝነድ ኢረቭርካይ አፈቅድካ ።
+
+\v 13 እመኸቭ ኢኸርካ ሁዳ አዳም በተረ ተፈጠርታ ሄዋን ቲእ ኧትፈጠረችዴ።
+\v 14 አትቭ ተታለለችታ እእግዜር ቂጫ ኧጣሰችቭ ሄዋንኒያ ባኸሬ ኧታለለ አዳም አኸረዳ ፤ተታለለችታ ባጢረተኘ ኧኽርች ሄዋንኒያ ።
+\v 15 ቢኸር ምሽት ብእምነት በርመጀ በትቆደሽትቭ ገግሻ በጉዦት /ሂንሿ ኤምተች/ብትረቭርትከ በኦኝት ትተርፍሴ።
+
+\c 3
+\p
+\v 1 ማንኝእ ሰቭ ኧቤተ ክርስቲያን መሪ ኢኸሪ ቢሲእ ወሄ ሜና ኢትሜኝ»ይቭካ ቃር ኧታአመረዳን አአር።
+\v 2 አካ ኧቤተ ክርስቲያን መሪ ዋኸ ኧሁርት አኖወ በአታአአር አይትቀንጥ /አይትነቀፍ አአር/እእማት ምስ ምሽት በልክ ኢይረቭርካ አአር ገግኋ ኢገዛካ አአር/ሂንኋ ኢኢምካ አአር በስርAአት ኢረቭርካ አአር ባዘራ ኢቴኤፐርካ አአር አትሞርት ኢኸነዳ አአር፤
+\v 3 አይሰህር አአር አይትራከስ አአር፡ ጩፒ /ጨዋ/ኧኸረ አአር አይትጭቃጨቅ አአርቪ ዱኒያቭ አይረድ አአር ኢኸሪ ያትሲእ።
+
+\v 4 ዴንጋኃ ኢታአዘዥታዪ ሰቭ ያኮቡራ አአር ኢሆሩዋኸ አሬእተ በጨር ኢመራካ አአር ኧሁርት እኖወ ።
+\v 5 አት ሰቭ ኧገዛ ቢድኋ ኧሙሮት ባይኸርነ ኧተኸ እእግዜሪ ቤተ ክርስቲያን ኧሙሮት ኢይኸነ?
+
+\v 6 ትቢት ትቢት ባይተን ሴጣን በወተኧወ ፍርድ አይወድኧኸ ወያ አማኝ ኧቤተክርስቲያን መሪ ኧሁርት ኤኖዳ።
+\v 7 አትብ ሹቭኋ አየኧፋመኸዪ በሴጣኝቭ ሽካ ባይጋአይ ባናአሞሩዋ ሰቪ ወሄ ሹቭ አነነዳ አአር ኢኸሪ ያትሲእ።
+
+\v 8 እመኸቭ ዲያቆን ኧትኮቦሩዋ አአር ፤ዉርኤት ቃር አይዝረኩዋ አአር ኖኦራ ወይን ኢሰጩዋይ አይትሜኙዋ አአር ፤ኧዋጋቭ ኖኦራ አአር አይድረነጉዋ ሰቭ ኧሁርት አነወዋ ።
+\v 9 እእምነትብ አከሲ ምስጥር በወሄ ቀርብሁኖዋ ኦኦሮት አኖወዋ።
+\v 10 ሁኖም አወተረ አመርሁኖዋ ኦኋሪ አታአአር ያትቄንጥካ አአር ቤነወዋ በዲያቆንነድ አጎኩሩዋ።
+
+\v 11 እመኸቭ እሽቻቭ ኧትከበራ አአር ኧሰቭ አያቭአ አአር በልክ ኢረቭራታ አአር ብእንእ አአር ኢታአመራታ አአር ኧሁርት አነቫ ።
+\v 12 ዲያቆናት እእማት ምሽት ምስ ኧሁርት አኖወዋ ፤እመኸቭ ዴንጋሞሁኖዋዪ ቢደ ሰቭመሁኖዋ በጨር ኢሞሮታ ሰብ ኧሁርት አኖወዋ።
+\v 13 ተጨር አጌከሩዋ ሁኖዋ ኧገግሁኖዋ ኑእ ክብር በክርስቶስ ኢየሱስቭ ባነኖታ እምነት ድፍረት ኢረሁዉዋ።
+
+\v 14 አሄ ኧቫአይ ተስፋ ቢረቭረዪ ዋ ኪሽር ኧጠፍነኸዴ ፤
+\v 15 እመዳ ኧጠፍነኸዳ ሁዳ ብናቲር ዳር ሰቭ ብእግዜር ቢድ ኧተኸ ኧቦርት አኖወዋኸ ቲሂርነኸ ፤ቢድቭ ሁዳ እንእ ግዝየ ኢረቭርካ እግዜር ቤተ ክርስቲያን ሁድቭ ኧዉረ ኧኸረ ዋኘድቭ ያትሸኩኮዳቭ ኸየን።
+
+\v 16 ኧዉረሚየ እእግዜሪ ሰቭ ኧሁርት ምስጥር ጥርጥር አይቫር ኑኡየን አአር፤ ሁድቭ ክርስቶስ፤ «ሰቭ ኸረ አቫአ ፤ ዉረ ኧኸረኸ በመንፈስ ኧትሄረ ፤ ኧመላአይካ ኧትረከቨ፤ አአዛብ ሰቭ እንእ ኤኤጂየዋ፤ በአርዳ ፎር አነዳ ሰቭ እንእ አአመረወ፤ በክብር ኧሳቫይኒየ ኧዋአ»ይቭካን አአር።
+
+\c 4
+\p
+\v 1 ተዋኢኢ ቢዎኦታ ዘቨር አታት ሰቭ እምነትሁኖዋ ህጀተዉዋታ አአታላይ መንፈስቪ ኧሴጣንቭ ኢትሄተሩዋኸ መንፈስ ቅዱስ ኧዉየሞኋ ዝሬከ።
+\v 2 እእም አይነት ትምርት ኢቫአካሁዳ ቀርብሁኖዋ በጋረ ብረድ ኧተኮሺ አአህር ተድነዘዘወዋ ተኸጣዪ ኤነ አአር ቲዪኢጅታ ተዋራይወ ሰቭን።
+
+\v 3 ሁኖም ኧሰቭ ጋቢቻ ኢሆርኦዋ አሞርሙ ዉረ አአር ኧኋሩዋ ሰቭ እግዜር ኧፈጠረን በሽኩርት ኧቴኤፖሪ ሁዳ ኢዎርኦዋይ ኢሆርኧየዋ ።
+\v 4 እግዜር ኧፈጠረን ሁዳ እንእ ወሄን አአር በሽኩርት ተቴኤፖሪ ሁዳ ኢቋሺዳ አአር አታአአር ኤነዳ ፤
+\v 5 ብእግዜር ቃርቭ በጠሎትቭ ኧትቀደሰዳን አአር።
+
+\v 6 ዋ ትምርት በክርስቶስ አአሞሩዋ ኧሰማት ብቲኢድ ብእምነት ቃርቪ በትማርኸንቭ ወሄ ትምርት ኧትሸገርኸ ኧክርስቶስ ኢየሱሲ ወሄ አገልጋይ ትህርሴ።
+\v 7 እእግዜር ክብር ታይኸር አታአአር ታያጌኪር ሟሟካዪ ተቫሪቅ እሽቻሜ እንቊት አረእ ፤ተሃ ይረእ በመንፈሳዊ ዘንጋ ገጋኸ አርወሽ ።
+\v 8 ምሲየ ያተዉኦኮዳ ትምርት ኧርዎሽት ኧቀሪ አአር ያጔኪር ኧዉረሚየ ኧመንፈሳዊ ትምርት አአር ገግ አርወሽት ኧዋአካቭ ኧዋ አርዳ ኸረ ቢቫአካ ሂዎት ተስፋ አነኒ ኧኸሬ ኧዉርኤቸ ኤኤዲ ኢጠቅም።
+
+\v 9 እምቃር ኧታአመረዪ ሰቭ እንእ ሙርአሞኋ ኢቴኤፐርኲ ያትሲእካን አአር፤
+\v 10 ኧዋዳ ባርነ ጃድ ንቭርነ ንቂጥነቭ ሁድቭ ኧሰቭ እንእ ኢረእካሞኋ አናአሞርዋ ሁኖዋ፤ ኢናቭ ዋኸ ኒንአንእዳ ሁዳ እንእ ግዝየ ቢረቭርካ እግዜር ተስፋ ኒንአኔ ኧኸረዴ።
+
+\v 11 አኸቭ ዋ ዘንጋ ኧዝዝ አትመርቭ
+\v 12 ዴንግነዳኸ ኧዥተ አትቭ ሰቭ እንቀንጠናኸ ፤ዘንጋ ጭን ብትዝሬኩዳ ዘንጋ ብትረቭርኩዳ ኑሮ በርመጀ ብእምነት በንጡሁነድቭ በክርስቶስ አአሞሩዋ ሰቭ ወሄ መሰሮ ህርነዋ ።
+\v 13 ኢያቭ ትንቫአ ስን እእግዜር ቃር ኢኢጅታ መጣፍ እንእ ኧሰቭ እንእ ባምቡብት በቩሁርትቪ ባትሞርትቭ አትቫቅር።
+
+\v 14 ኧቤተ ክርስቲያን ባሪቅ ሁኖዋ ባኸ ፎር ኧጅሁኖዋ ኧጫርኮከ ግዚየ በትንቢት ኧዝሬኮከ ጠጋ አይተሳኸ ።
+\v 15 ሰቭ እንእ ኧትራእኸኸ ኢሂረኸ እንእ ግዝየ ሂናኸ በዋ ዘንጋ ኧንአታ አትቫቅር ኧንአኮዋ።
+\v 16 ኧገግማሄ ሂዎትቪ ታትመርኩዳቭ ትምርት አአር ተጤፕ፤ብእመሁኖዋ ትቭአ፤ዋሁኖዋ ቤፐኸ ፤ገግማኸዪ ኢሰቭኦኮዳቭ ሁኖዋ ታተርፍ።
+
+\c 5
+\p
+\v 1 አኸቭ ኧቫሪቅ ሰቭ አአባኸ ትቨህርኩኸ ምህርኮዋ ባኸሬ ማአችተኸ በሩእ ቃር አትዜግኮዋ፤ወደያ ዴንጋቭ ኧኧሰማታኸኸ ተኧቨርኮዋ ።
+\v 2 ባሪቅ እሽቻቭ አአዶዳኸ ትቨህርካኽኽ ምህርካ ፤እመኸ ዘየ ግርኤድቭ ኧኧተማኸኸ በጥርር ሂናኸ አገክርካ
+
+\v 3 ጪግቭ አጀገረና ምስ ኧዎንደና እሽቻ ህድምካ ።
+\v 4 አት ምስ ኧዎንደና ምሽት ጭን ዴንጋ ዌ ሜቸቤ ቢረቭርካ ዋ ዴንጋ ኧገግሁኖዋይ ቢደ ሰቭ በርጆት ኧቪደሰቭሁኖዋ አጅግ በዣዉርት ትእንእ አአር ኢፍቲ እምነትሁኖዋ በቬና አቶሽትኧትሟርት አኖዎዋ፤እም ዘንጋ እእግዜር ኢሽርኩዳ ዘንጋን ።
+
+\v 5 ጪግ ምስ ኧዎንደና ኦጣሻ ትረቭርካ ምሽት ተስፋሻ ብእግዜር ቲንአ ኧፀሎትቪ እግዜርቭ ትሰኧሪ እንእ ግዚየ ዋአናዪ ኧዳርቭ ጃድ ትቭር ።
+\v 6 ኧዋ አአለም ኧሳርት ኢሽርካዳ ምስ ኧዎንደና ምሽት ጭን ታትዎንድ ኧዎንደችዳኒያ አአር።
+
+\v 7 አትዎኋ ኢትቀንጥወዳ አአር አይረቭረኸ ዋ እዝዝ እንእ ሰቭ ኧዝዝ።
+\v 8 አት ሰቭ ኧዶቦኋ ኢረእቭ ኧቪደ ሰቭኃ አያአግዝ በኸረ አአመረን እግዜር ኧኸታ ታናአመረቭ ሰቭ ኧቫአሰ ቡሼእ ሰቭን ።
+
+\v 9 ምስ ኧዎንደና ምሽት በመዝገብ ትትጠፍካ እድሜሻ ተስልሳ ዘቨር በገዳ አይህር እመኸቭ እእማት ምስ ምሽት ኧረፐረች አአር ኧሁርት አነቫ።
+\v 10 ዴንጋ በጨር ባትራኡት፤ባዘራ በተኧዎርት ፤በክርስቶስ አአሞሩዋ ሰቭ ኧግር በእዉት ፤አጀገረኖዋ ሰቭ በርጆት፤ማንኝእ ወሄ ሜና ቦንኧት፤በወሄ ሜናሻ እንእ ዪኢጅናዳ ምሽት ኧሁርት አነቫ ።
+
+\v 11 አቭር ምስ ኧዎንደና እሽቻ ጭን በዋኸ መዝገብ አትጣፍካ ህና በገግህና ተመኛት ኢቴኤማምታ ኧክርስቶስ አነናታ ንማጅነድ ቲቀቭርካ ምስ ያጋአይ ኢትሜኛ።
+\v 12 ብእም ኧቫአ ባአወተረ ኧገፓይ ቃር አፈረሻይ ኧኸሬ ኢትፈንድቫ።
+\v 13 በሁድቭ ፎር ሜና ግፊተዉ ቢድ ቢድ ኧሆርት ኢርዎሻ ፤እማት ሜና ኧጉፉርት ታይኸርቭ ፤ኧዘጉት ኤነቫ አአር ቲዝረካ ኦአደኘ ኢኸራ ፤ባያጋአካ አአር በሰቭ ዘንጋ ኢጋአታ አአር ኢኸራ።
+
+\v 14 ህመኸ ኧኸረሜ ምስ ኧወንድና አቭር እሽቻ ያጋአኸዪ ዴንጋ ዪኢኛኸ ቢድመህና ይእራኸ ጠላትቭ ኢትቀንጫኮዳ አአር አይረህቭቫኸ ኧቨህርካ ።
+\v 15 ተዉረቭ እእም ኢፍቲ አታት ምስ ኧዎንደና እሽቻ ኧሴጣን ኢትሄትራይ ትእግዜሪ መያ ዋአም ኢኢ ተዠፐራም።
+\v 16 አማኝ ኧኸረች ማንኝእ ምሽት በቪደሰቭሻ ከስ ምስ ኧዎንደና እሽቻ ቢረቭራ በቤተ ክርስቲያን ባይታፐራይ ሂድቭ ትርዳካ ቤተ ክርስቲያንቭ አታአር ኢረዳካታ አአር ኤነና ህና ኢርዳሴ ።
+
+\v 17 ቤተክርስቲያን ጌከርሙ/በጨር/ ዩኡሮታ ኢረእ እእግዜር ቃር ባአዉጅትቪ ባትሞርትቭ ያትቫቁርታ/ ጃድ ዩዉርታ/ ባሪቅ ኖኦራ አእር ኧትኮቦርት አኖወዋ።
+\v 18 እእግዜር ቃር ኢኢድካ መጣፍቭ«በአዉድ ዝኝኧ ኢደርግካ ባዉራ አፉኋ አተኧግድ፤ ሜነኘቭ ኤፐወ ኡኡዛትኋ ኧኩዉት አኖወ »ይቭር።
+
+\v 19 ዉርኤት ዌ ሶኦስት ሰቭ ባኔኤዶዌ በቤተ ክርስቲያን ባሪቅ ኢቫአካ ክስስ አተኧቨር ።
+\v 20 ኤኛሁኖዋ ኧዥተዉዋታ ኢትጬፑዋኸ ባጢር ኢንኧታ ሁኖዋ ብእን ሰቭ ኢፍቲ ማአችዎዋ።
+
+\v 21 ብእግዜርቪ በክርስቶስ ኢየሱስቭ በሾፖቺየዋ መላአይካ ኢፍቲ ዋ ትዛዝ አአት ሰቭ ታታደላ አአትቭ ሰብ ኢፍት ታታዥ ቲንአኸ አደራ እቭኸ።
+\v 22 ባአትቭ ሰቭ ፎር ኧጃኸ ታድጊ አትሃይንድ ቴኤኛ ሰብ ባጢር ባቲንአይ ተጤፕ ገግማኸ ተቩጥጥ አአር ኧየ ።
+
+\v 23 ኧከስማኸዪ ኢትረሳቨኸዳቭ ባአሸ ትትቭር እሲየ ዌን ስጠይወ ባኸሬ ተዋቴ እማት እሃ አትስጤ።
+\v 24 አአታት ሰቪ ባጢር ሰቻይ ኧዋአዳን አአር ተሁኖም በተረ ኧፍርዲ ያር።ኤኤኛሁኖዋይ ባጢር ጭን ኢትሄተርኮዋ ።
+\v 25 ወሄ ሜናቭ እመኸ ሰቻይ ኧዋአዳን አአር ሰቻሜ አቧአ በኸረ ስርም አይደኧርካ ።
+
+\c 6
+\p
+\v 1 እእግዜር ሹዉዊ ትምርትሞኋ ባይትቀነቪ አገልጋይ ኧሆሩዋ ሁኖዋ ያረቭርኮታ ምስ ሙርአ ክብር አቩት አኖዎዋኸ ኧኋሩዋ ።
+\v 2 ያረቩሪዮታቭ ስቭ በክርስቶስ አአመሩዋ አአር በሆሩዋ ኧሰማትሁኖዋ ኧሆሩዋይ አይቁርጪየዋ ፤ኢረእ በአገልግሎትሁኖዋ ያጌኪርዮዋታ በክርስቶስ አአሞሩዋ ናማጂሁኖዋ ኧሆሩዋይ ኧኸሬ አኩቡርት አኖወዋ፤ዋ ዘንጋ አስተምርቭ ምህርቭ።
+
+\v 3 ማንኝእሞኋ አአሰት ትምርት ቢያትመር ተጎይታንራ ቲኢየሱስ ክርስቶሲ ጤነኘ ቃርቪ፤ ዉረ ኧኸረ መንፈሳዊነድ ቲያትራእካ ትምርት አይስማምአ በኸረ፤
+\v 4 ሃአ ሰቭ በቲቢት ኧትቬንአይ ኧኸሬ አታአር አያጫምጥካ ፤ በቃርቭ ኧቫአ ዉርጀ ኢቴኤድመዪ ኢትራከስሜ ኑኡ ተመኛት አነን ፤እመሁኖዋ ቅናት መራክስ ቂናቨቭ ሙጥጥ ጥርጥርቭ ያዎኦዋ።
+\v 5 ቀርብሁኖዋ በኧፋዎዋ ዉረቭ አአር በጎፎሩዋ መንፈሳዊ አአርቭ ትርፍ ኢረሁኮዳ መያ ቢቨስርኮታ ሰቭ ግት ስርም አይትሸከቭ ዉርጀ ኢረሾዋ ።
+
+\v 6 ዘንጋ ጭን እእግዜር ሰቭ ኧሁርት አነኒዳ ሁዳ ኢቃይሴ ተዋርት እማትሜ ኑእ ትርፍን።
+\v 7 እመኸቭ ኢኸርካ ሁዳ ዋ አርዳ ትንቫአነዳ አቫአነ አአር አታ አአር ኤነዳ ፤ትናርንነዳቭ አታአር ጥጭተነ ናርኔ አይኸርንሬ ኧኸረዴ ።
+\v 8 ህመኸ ኧኸሬ እማት ንቨርአኔዳ ሸረድቪ ንትኸተርኔዳቭ ሁጅር በረፐረንረ ኢቃንረሴ።
+
+\v 9 ደንገኘ ኢሆሩዋይ ኢሱኡታ ሰቭ ጭን በፈተናዪ በሽካቭ ኢጎኦዋ፤ ኧሰቭ ቢያብላሽካዪ ቢያአፋካ አታር ባኸረ ባያጔኪር ተመኛት ኢጠቦጩዋ ።
+\v 10 እመኸቭ ኢኸርካ ሁዳ ኧቫጢር እንእ ኧስር ኧፈራክ ንማጀ ኧኸረዴ ፤አታትሁኖዋ ደንገኘ ኢሆሩዋይ ታነኖታ ኑእ ተመኛት ኧትረሳ አአሞሪ ክርስቶስ ሆቾምታ ሂንሁኖዋ በሮኦራ ስቃይ ዎኮም።
+
+\v 11 እእግዜሪ ሰቮ አኸ ጭን ተዋሁኖዋ እንእ ሲህ ኧፅድቅ መያ፥ እእግዜሪ ሰቭ ኧሁርት፥ እምነት፣ ንማጀ፥ ፋራይህነድ፥ እምነትቪ ገርነድቭ ተኸተር።
+\v 12 በታአሞርት ጃድ ባር ወሄ አርብ ተዋጋ ፤በሮኦራ ሄቶ ኢፍቲ በወሄ ሙርቴነድ ኧምሰከርኸነዪ ኧትሸፐትኸወ ኧዘላለም ሂዎት ጥጥ።
+
+\v 13 እእን አአር አያ ቢዪንአካ ብእግዜር፤በጳንጢዮስ ጲላንጦስ ኢፍቲ ኧዉረ አአር በምሰከረ በክርስቶስ ኢየሱስ ኢፍቲ አደራ እቭከዳ አአር ቢረቭር፤
+\v 14 ጎይታንራ ኢየሱስ ክርስቶስ ቲቫአ ስን አት ኢፋድቭ ቅነጨቭ እይቫር ዋ እዝዝ አየ ።
+
+\v 15 እም ኧክርስቶሲ ኦኦት ኧትዳረዪ ኦጣሞኋ ዳኘ ኧኸረ ኧንጕስ እንእ ንጕስ ኧጔታ እንእ ጎይታ ኧኸረ እግዜር በቫረን ቀረ ያቲሽኩዳን አአር ።
+\v 16 አይዎንድ አአር እማት ሁዳን፤አትቭ ሰቭ ኢቴኤነቭኩይ ባይኸነ በሩእ ኡዋየ ከስ ኢረቭር ፤ሁድቭ አሸን እማትቭ ሰቭ ኤነዳ፤ያዥኩሜ ኢኸነዳ ሰቭ ኤንነዳ፤ ክብርቪ ደረግቭ ተዘላለም ዘላላም ስን ኧሁዳ ኧህር አሚን።
+
+\v 17 ኧዋ አለም ደንገኘ ሰቭ በገግሁኖዋ ባይትሻሞሁዋይ፤ኢና ኢሽረንረኸ እንእ አአር ደፐረ ቢዪቨንረዳ ብእግዜር ባኸሬ፤ተስፋሁኖዋ ቢየኧፋካ ዱኒያ አያዎሮዋኸ ኧዝዝኮዋ።
+\v 18 ወሄ ሜና ኢንኦዋኸ ሚራ ኢሆሩዋኸዪ፤ አነኖታቭ ሁዳ ኢሻኩጁዋይ አኪያ ዩዉሩዋኸ ኧዝዝኮዋ።
+\v 19 በዋ አይነትኧዉረሚየ ኧኸረ ሂዎት ኢረሁዉዋኸ ቢቫአካ ዘቨር አይቅረቅር ደንገኝነድ ኧገግሁኖዋ ቁጥቁጥ ኢንኦዋ።
+
+\v 20 ኧረ ጢሞቲዎስ ባአደራ ኧቴኤፐርኸን ሁዳ እንእ ኧየ ፤እግዜር ታይከብርወ አታአር ታኸረ ዠረኝነድ ፤ ኧኃርት ቲቨስርካ ዘንጋኋ ጭን ኧኋርት ታኸረ፤ዉርጀ ሲህ።
+\v 21 ኧዋ አይነት ኧኋርት አነንረ ቲዩሩዋ ኧረፖሩዋ አታት ሰቭ ዋኸ ቦንኧትሁኖዋ ታአሞሪ ተክርስቶስ መያ ዎኦም። እእግዜር ጠጋ ታኸ ኧህር።

56-2TI.usfm

@@ -0,0 +1,128 @@
+\id 2TI
+\ide UTF-8
+\h 2 Timothy
+\toc1 2 Timothy
+\toc2 2 Timothy
+\toc3 2ti
+\mt 2 Timothy
+
+\c 1
+\p
+\v 1 ቢኢየሱስ ክርስቶስ ቃር በገፓን ኧሂዎት ተስፋኸ ብእግዜር ፍቃድ ኧክርስቶስ ኢየሱሲ ኪሸረኘ ኧኸረ ጳዉሎስ፤ኧኬሸን ኪሸር ፤
+\v 2 ኢረጂዳ ትከኛ ጢሞቲዎስ ፤ጠጋ ፥ምረትቪ፥ ወገሬትቭ ትእግዜር አብ ተጎይታመንራ ተክርስቶስ ኢየሱሲ አኸ ኧህር።
+
+\v 3 እማት ግዚየ ታናትሸክቭ ዋአናዪ ምሳአረ በጠሎትኛ አኸ አአር ትናጫምጥካ ኧድረ አቦንራ ኤፐዉዋመኸ በወሄ ቀርብኛ ኧትገዛነዳ እግዜር ሽኩር እቭኩ
+\v 4 ኢምባኸ ትናጫምጥ ቡሼኧኸ ኢሽረዪታ አዥሄ ኧትሜኝ ።
+\v 5 ኸጥነድ ኤነወ እምነታኸ ኢትዘከዴ፤እእም አይነት እምነት አወተረ በቬታኸ በሎይድቪ ባአዶድማኸ በኤዉንቄ ባነደ ፤ዋአካቭ ባኸ አነኸ ሃርሁ።
+
+\v 6 ብእም ኧቫአ ኧጅኛ ባኸ ፎር ባተግሁ ግዚየ እግዜር አቨናኸ ስጦታ ኧመንፈስ ቅዱስ እሳድ ትሳሳኮኸ አዘግድኸ፤
+\v 7 እግዜር ኧደረግቪ ኧርመጀ ገግቭ ተቫጢር ዩኡሮኮዳ ፤ መንፈስ ባኸሬ ኧፈራድ መንፈስ አናቨንረዳ ።
+
+\v 8 ባቴ ኧጎይታንራ አአር ቲኢዲሜ ኧህር ፤ኧሁድቭ ትንቭር በታአከድሁ ቢያ አትቅቀቭጭ፤ቢኸርቭ እግዜር ቢዪኸዳ ደረግ ኧወንጌል ትትቭር ቲያቭ እማቲ መከራ ተኧቨር።
+\v 9 እማትቭ ኢና ቴፐኔ ወሄ ዘንጋ ታይኸርቭ እግዜር በገግኋ ፍቃድ በፀጋኋ አተነፈንረ፤ንትቀደስነሜ ኧኸናንረ ሁዳን ፤እም ፀጋ ተዘቨር ዘቨር ኢፍቲ በክርስቶስ ኢየሱሲ አጋድ ቴቨንረ ።
+\v 10 ዋአካ ጭን ኧዉድ ደረግ አአፋ በወንጌሊ አጋድ ሙድ ኤነወ ሂዎትቪ እንእ ግዚይየ ኧቦርት ኡኡዋዬ ባዋአን ፤ባተነፈንረ በክርስቶስ ኢየሱሲ ቦኦት ተሄረ።
+\v 11 ኢያቭ ኧዋ ወንጌል ወሄ ዋራይ ኢኢዳዲ ኪሸረኘዪ አስተማሪም ኸርሁ ተሾምሁ።
+
+\v 12 እም መከራ ኢሰርአቪዳ ሁዳ በሃ ኧቫአደ ቢኸርቭ አአመርሁን ሁዳ ማን ኧኸረኸ ኧሂሪ ኧኸሬ አንቅቨጭካ ፤አሁንቭ አደራ ሃአ ቀረ ስን ይእዬ ኢኸነኸ ሃርሁ።
+\v 13 አኸ ቲያ ኧሰምአኸን በክርስቶ ኢየሱስ ባነዳ ብእምነትቪ በርመጀቭ ህርታ፤ጤነኘ ኧኸረ ትምርት መሰሮ ጥጥ።
+\v 14 ቢና ከስ ባነዳ በመንፈስ ቅዱስ ህርታ አዉከ ወሄ አደራ ኧየ።
+
+\v 15 ብእሲያ ገኘ አኖዉዋታ ሁኖዋ እንእቨሁኖዋ ኧሆቾኘኸ ቲሂር፤ፊሎጎስቪ ሄርዋጌኔስቭ በሁኖዋ ግትአነቩዋ ።
+\v 16 ኧሄኔሲፎሩዊ ቢደ ሰቭ ጎይታ ምረት አቭኮዋ ሁኖዋ ኖኦራ ግዚየ ኧጅኋ ፈታኒ፤በሰንሰነድቭ በታአጎጅትኛ አቅቨጨዳ ።
+\v 17 አቸሸኋ እሮም ገኘ ኧቫአ ግዚየ ሴኧዪ ሴኧዪታ ነከቨዪ።
+\v 18 በሃ ቀረ ተጎይታይ ምረት ኢረህቨኸ ጎይታ ምረት አቭኩ፤በኤፌሶንቭ ምርአካ አአር አጔኬሬኸ አኸ ጔከርኸ ቲሂር።
+
+\c 2
+\p
+\v 1 ባቴ ትከኞ አኸ በክርስቶስ ኢየሱሲ ባነዳ ፀጋ ጃድ ባር/አትቫቅር/ ።
+\v 2 በሮኦራ ሰቭ ኢፍቲ ቲያ ኧሰምአኸን ትምርት ኤኤኛ ያትሞሩዋይ ኢኸኖታ ኧታአሞሩዋ ሰቭ አደራ አቭ ።
+
+\v 3 ኧክርስቶስ ኢየስሱሲ ወሄ ወታደርኸ ህር ቲያቭ እማቲ መከራ ተኧቨር።
+\v 4 በወታደርነድ ያጔኪርካ ሰቭ አአላቃኋ ሂን ያትሽሪ ጃድ ይቭር/ያትቫቅር /ባኸሬ ተወታደር ሜና ኤኛ አአር አዪንአካ ።
+\v 5 እመኸቭ በሩጫ ያትዋትርታ ሰቭ ኧሩጫ ሁዳይ ደንብ ኧየተዉዋ ባትራወኡዋ ሽልማት አይረሁዉታ።
+
+\v 6 ቆዋረ ቻዋጅቭ ቄጠ ተረከቨን ወማ ሟርኋ አወተራቸ ኧኩዉት አኖወ።
+\v 7 ኢያ እቭኸዳ ሁዳ በሂናኸ አዉራ ጎይታ ኢሂርካ ሂን አኸ።
+
+\v 8 ተቩድ ኧትረሳ ኧዳዊት ዘር ኧኸረ ኢየሱስ ክርስቶስ ዝግድ ኢያቭ ኢኢድኩዳ ወሄ ዋራይ ዋዳን ።
+\v 9 ብእም ወሄ ዋራይ ኧቫአ ኢኢፋደኘኸ ቲያአጉጅኝ ስን መከራ ኧቴኤፐር፤እእግዜር ቃር ጭን ስርም አይታአከድካ።
+\v 10 ህመኸ ኧኸሬ በክርስቶስ ኢየሱስ ኢረሁዊዳ ኧትረፉትዊ ኧዘላአለም ክብር እማትቬ ኢረሁዉዋይ እግዜር ኧሸፐተኖዋ ሰቭ ትንር ብእን ዘንጋ ፈነህሁ ኧትሸከቭ ።
+
+\v 11 ዋኸ ይቭካ ቃር ዉረ አንዳን አአር፤ «ተሁዳ እማትሜ በዎድነ ፤ ተሁድቭ እማትሜ አያ ሂተነ ንበርነሴ፤
+\v 12 ቲቭኧተነ ብትሸከቭነ፤ ተሁድቭ እማትሜ ንግስነሴ። ብንኸዳኔይቭ ሁድቭ ኢኸዳንረ ፤
+\v 13 ሙርቴ ሂንተነ ባትረከቭን ፤ሁዳ እንእ ግዚየ ሙርቴ ኸረ ኢረቭር ፤ኧገግኋ ኢኸዳይ አይኸነዳ» ።
+
+\v 14 ህመኸ ኧኸሬ ዋ ዘንጋ አዝጉጅት አቴእኩ በቃር ባይኩራኮሩዋይ ብእግዜር ኢፍቲ አጤፕኮዋ፤እመዳ አት ጥቅም ኤነን ኢሶዉኤዳብ ሁዳ ያፈርስካን አአር ።
+\v 15 አይቅቨጭቪ ኧዉረ ኧኸርቭ ቃር አጬገ ያትመርካ ኧትምሰከረነ ሜነኘ ህርታ ተፈተነ ኧዋአነ ገግነዳኸ ብእግዜር ኢፍቲ ታቲኢንቨኸ አትቫቅር።
+
+\v 16 እእግዜር ክብር ታይኸር አታር ታያጌኲር ዠረኝነድ አርእ፤ብእም ዘንጋ ኧትጠቦጩዋ ሰቭ ትእግዜር ቲያረኡዋ ያሩዋ።
+\v 17 ትምርትመሁኖዋ አይደርእ መዛኽ በቭሲየ ኢትቭራጭ ሄሜኖዎስቪ ፊሊጦስቭ በሁኖዋ ግት አነዉዋ።
+\v 18 እመሁኖዋ ተዉረ አአር ዎኦም ዣዠ ዩዉርታ ሁኖተ፤ሁኖም «ተዉንድ ኧተሸት ኧዋ ኢፍቲ ኸረ »ተዋ ቀጥወ ተዉንድ ኧተሸት ኤንዳ ቧርሙ አአታትሁኖዋይ እምነት ያትቹኡዋ ።
+
+\v 19 ኧህር ባኸሬ ጎይታ ኧሁዳ አአር ኧሆሩዋ ሁኖዋ ኢሂር እመኸቭ «ኧጎይታ ሹቭ ኢኸራካ እንእ ተቩጥጥ አአር አረእ» ይቭካ ማተም አኖዳ አይቅረቅር እእግዜር ቃር ተፓ ተሸከቨ ።
+\v 20 በአት በሩኡየ ቢድ ከስ እማት ኧወርቅቪ ኧቭርቭ ግቭር ታይኸር ኤኧቭ ኧሸህራቭ ግቭር ኢረቭር፤ ተሁኖም አታትህኖዋ ኧከበረ አአር እታትሁኖዋ ኧትዋረደ አአር ያጔኩሩዋ
+\v 21 ባቴ ማንኝእመኋ ተዋ ተዝሬከሁኖዋ ዘንጋ ገግኋ ቢያጠርር ኧከበረ አአር ያጔኪርካ ኧትቀደሰ፤ኧጎይታሞኋ ያጔኪርካ ኧወሄ አአር እንእ ኧትዝጋጀ አአር ኢኸር።
+
+\v 22 ተወዴይነድ ሙጥጥ ተመኛት ሲህ ፤በጥርር ሂን ጎይታ ቲሆሮታ ሰቭ እማቲ ህርታ ፅድቅ፥እምነት፥ንመጀዪ ሽኛትቭ ተኸተር።
+\v 23 መራክስ ያቫአኸ ቲሂሪ ኧኸሬ፤ አታአር ታያጔኪር ማንኝእ አአር ተኸረ ዉርጀ ሲህ።
+
+\v 24 ኣጎይታ አገልጋይ ኢትራከሲ አይትቨቃኩዳ፤ ኢረእ እንእ ሰቭ ገር፥ አትሞርት ኢኸርነዳ አአር፥ፋራይህቭ ኧሁርት አኖወ።
+\v 25 ኧውረ አአር ኧኋርቲ ኢሰርኦዋኸ እግዜርቭ ንስሃ ኢጎኦዋይ እድል ዪኮኸ ተስፋ ቦንኧት ኢትቃዎምታ ሁኖዋ በገርነድ ኢዠፕርካ አአር ኧሁርት አኖወ።
+\v 26 እመዳቭ በቀርብሁኖዋ ኢጎኦቴ፤ ኧሂንኃ ሙርአድ ያቲፕኮዋይ ባሪያ ኤፐ ተጠበጠኖዋ ተሴጣን ሽካ ኢትጎፎሩዋሴ በዋርትን።
+
+\c 3
+\p
+\v 1 በዘቨር ያርእወዳ ያትጨንቅካ ቀረ ኢቫአኸ ሃር።
+\v 2 በሃ ቀረ ሰቭ እንእ ገግኃ ኢረድካ አአር ኢኸርኬ ፤ዋጋ ኢረጅታ ፤ተⶔያጓዥ፥ቲቢተኛ ፥ያትቃንቩታ አአር፥አአቭ ታአዶድሁኖዋ አይታአዘዡዋ፥ አኸዳ ኤነድ፥ቅድስና ኤነኖዋ።
+\v 3 ንማጀ ኤነኖዋ፤ ተሰቭ አይትቊያሞጩዋ ፤ኦአደኘ ገግሁኖዋ አይጎዦዋ፤ቱኧ ፥ወሄ አአር ኧኸረ ሁዳ አይረጁዋ።
+\v 4 ኢሆጆታ አአር፤ኢትሃይጅታ አአር ፤አታአር ባኸረ በትቢት ኧትቬንኦዋ አአር፤ትእግዜር ኢረእ ደንገኝነድ ኢረጅታ አአር ኢሆርቴ።
+
+\v 5 እእግዜር ያኸቡጅታ/ሃይማኖተኘ / ሰቭ ኢዎስሩዋ ደረግኋ ጭን ሆቾም ፤ተዋሁኖዋ አረእ።
+\v 6 እመሁኖዋ በቪድ ቢድ ተደኦርሙ ጎፖም በሮኦራ ባጢር ኧታአከጃ በቡችር ቡችር ሙጥጥ ሙጥጥ ሜና ገፓም ኧሳረና ኧሳረናኸ ኢኸራታ ምንፈስህና ቂጨኘ እሽቻ ያጠሙጅዋታኖዋ አአር።
+\v 7 ኧዋኸ እሽቻ እንእ ግዚየ ኢትመራ ዘንጋኋ ጭን፤ኧዉረ አአርኋ ኧኋርቲ ስርም አይሰርአታ።
+
+\v 8 ኢያኔስቪ ኢያንብሬስ ኧሙሴ ኧትቃወሚኸ እም ቀርብሁኖዋ ኧኧፋወዋዪ ብእምነትቭ ኧወትኡዋ ሰቭ ኧዉረ አአር ኢትቃወሙዋ ።
+\v 9 ኧህር ባኸሬ አይቴፕኖታ፤ ኧሃአ ሰቪ ጋዉነድ ኧትሄረመኸ እእም ሰቪ ሁዳ እእንቨኃ ኢትሄርሴ።
+
+\v 10 አኸ ጭን ትምርትኛ፥ ሜናኛ ፥ተመኛትኛ ፥እምነትኛ፥ ኧፍረሁትኛ፥ንማጀመኛዪ፥ ትቭኤተዉ ኧትሰጎዉትመኛ ትሂር።
+\v 11 ኧትሰደጅትመኛዪ መከራመኛ ፤በአንፆኪያ፥ቢኢቆኒዮንቪ በልስጥራቭ ኧሰንአቪ ሁዳ እንእ ፈነሁቭ ኧትሸከሁወ ኧትሰደጅት እንእ ትሂር፥ጎይታ ጭን ተዋሁኖዋ እንእ አተነፈዪ።
+\v 12 ጪግቭ በክርስቶስ ኢየሱስ አመረ፤እእግዜሪ ሰቭ ሂይተ ኢረቭሪ ኢረድካ እንእ ኢትሰተድ።
+\v 13 ሙጥጥቪ ቄቃቭ ሁኖዋ ጭን ቲትቀቁሚ ቲቆቁም በቩጥጥ ሜናሁኖዋ ፎር ሙጥጥ ሜና ቲደዉርኰ ያሩዋ ።
+
+\v 14 አኸ ጭን ኧትማርኸ ተቫን ኧኸረኸ ቲሂሪ ኧኸሬ በትማርኸንቪ በገፓናኸቭ ሁዳ ትቭአ ተሰገቭ ።
+\v 15 ተትክነድማኸ ቀነስኸ በክርስቶስ ኢየሱስ ቦኦዎርት፤ኧትረፉት ኢረሁኮዳ ጥበብ ኢረሁኮታ ኧትቆደሹዋ መጣፍ ሃርኸ።
+
+\v 16 ኧትቆደሹዋ መጣፍ እንእ እእግዜር መንፈስ አኖወታኖዋ አአር፤ያትሞርኮይ ፥ኧትሳሰቹዋ ሰቭ ኢዥፑርኮይ፥መያ ኧገፈረ ሰቭ ኢጌኪርኴ፥ፅድቅ ኢረሁኮዳቭ መያ ኢዎሁርኴ ያጔኩሩዋ።
+\v 17 እመዳቭ እእግዜር ሰቭ ኧወሄ ሜና እንእ ኢቨቃመኸዪ በቂጢየ መያ ያረኸ ኢጌኩሩዋ።
+
+\c 4
+\p
+\v 1 ብእግዜር ኢፍቲ ፤እመኸቭ በአያ ባነዉታቭ በዎጁም ሁኖዋ ኢፈርዲ ቢቫአካ ፤በክርስቶስ ኢየሱስ ኢፍቲ፤ ኧሁዳይ ተዣቨይተዉ ኦኦትቪ፤ መንግስትሞኋ ትናጫምጥ ዋ ዘንጋ አደራ እቭኸ ።
+\v 2 ቃርኋ አዉድ ቢትመችካቭ ባይትመችቭ እንእ ግዝየ ተጥቫቨቅ በሩእ ፋራይሂነድቪ ባትሞርትቭ ገክር ኢኢፋደኘ ቢፋድኋ ማአችወ ፤አቁሟሙርቭ።
+
+\v 3 እመኸ ኢኸርካሁዳ ሰቭ ኧዉረ ኧኸረ ትምርት አይቴኤፐርወ ጊፐ ኢቫአይ ኧኸረዴ፤ ኢረእ ኧገዛ ምኞትሁኖዋ ኢትስማማአኮታ ሃአ ያቲኪካ አአር ኧሰምኦኮ እንዝርሁኖዋ ኢትስምአምአካ ኢሰቩኦዪ ኢሱኢዳ ሁዳ ዪኢድኮታ በዙሪያሁኖዋ ኖኦራ አስተማሪ ኢስቨሱዉዋቴ።
+\v 4 ኧውረ አአር ተሱዉኦት እንዝርሁኖዋ ኢዠፑሩዋቴ ፤እቊትሜ ኧኝኧተዉ ኢትዥዋፖሩዋቴ ።
+\v 5 አኸ ጭን ቢቫአቨኸዳ ዘንጋ እንእ ታድራከድ ገጋኸ ኧየ ፤ቢሰርአቨኸዳ መከራ እንእ ፍረህታ ትብአ ተሰገቭ ፤ወንጌል አአዉጅት ሜናኸ ኧንአ፤ እእግዜር አገጎልጉልት ሜናኸ ጃቭር።
+
+\v 6 ኢያ ኢሰጪዳ ቁርባን ህትቨኸ ኧትሁኢ ማአ ሰንአ፤ተዋ አለም ተቫተይተሁ አርወዳ ኧዎንድወዳ ግዚየ ሰንአ።
+\v 7 ወሄ አርቭ ተዋካሁ፤ ኑጫመኛ ጀፐርሁ ሃይማኖትመኛ ኢየሁ ።
+\v 8 ተዋ ቀጥወ ኧፅድቅ አክሊል ተጔከረ ይእዬ፤እመዳቭ ቂጥየ ኢፈርድካ እግዜር በሃ ቀረ ኢቬዴ፤እማት ኢያቭ ታይኸርቭ ኧሁዳይ ተዣቨይቶ ኦኦት ተቭራኖኡም ዩኡሮታ ሁኖዋ እንእ ዪውዮቴ ።
+
+\v 9 በፈኧረ ኢያይ ትቫአኸ አትቫቅር።
+\v 10 ዴማስ ዋ አለም ነመደ ቼኧዪተሰሎንቄ ወረ ።ቂርቂስ ገላቲያ፤ቲቶም ድልማጢያ ዎርሙ።
+
+\v 11 ዋአካ ቲያ አነዳ ሁዳ ሚቲየ እማት ሉቃስን ።ማርቆስ ባአገልግሎትኋ ያጔኲረዪ ኧኸሬ ትትቫአካ ታኸቭ አአኩ ።
+\v 12 ቲኪቆስ ኤፌሶን ኬሸሁን።
+\v 13 ትትቭአካ በጢሮአዳ ባአክርጳይ ኧቼኧሁን ካባ አአኒ ፤መጣፍመኛ ኢርእካሞኋ ኧብራና መጣፍኛጥጥኒ የኸ ።
+
+\v 14 ናስ አረጠረ ጌጥ ያጣዉርካ እስክንድሮስ ኖኦራ ጉዳት አሰንአቪ ፤ጎይታ ጭን ኧቬናኋ ያኩሴ ።
+\v 15 ንዝሬኪኔዳ ዘንጋ ቡሼኧኸ ተቃወመ አኸቭ ተሁዳ ተጤፕ ።
+\v 16 በትከሰስሁወ ዘንጋ አአወተረ ቃርኛ ትናአይፕርካ እንእወኃ ቼኧ ሴከ ባኸሬ ፤እማት ሰቭ አናአከዜዳ ፤እም ባጢርሁኖዋ አይቨዝርወዋ።
+
+\v 17 ቢኸር እእግዜሪ ወሄ ዋራይ ቢያ ኢቴኤዲ፤ አለማዊ ሰቭ ኢሶዉኦዋኸ ጎይታ በቭየኛይ ተሸከቨ አትፓፓዪ ተዠፕቭ አቃ አዋአዪ ።
+\v 18 ጎይታ ተቩጥጥ አአር እንእ ያተርፌዴ ፤ኧሳቫዪ መንግስትመኃ በወገሬት ያሰርአይዴ ፤ተዘላለም ዘላለም ስን ክብር ኧሁዳ ኧህር አሚን።
+
+\v 19 ኧጵርስቅላዪ አአቂላ ፥ኧሄኔሲፎሩም ቢደ ሰቭ ወገሬት ባርኒ ።
+\v 20 ኤርስጦስ በቆሮንቶስ ከተማ ኤከሰ ፤ፕሮፊሞስቭ ኤኤመኒ ኧኸሬ በሚሊጢን ቸኧሁን።
+\v 21 ዘር ታይጋአ ኢያይ ትቫአኸ ኢኸነኸዳ ሁዳ እንእ ኧንአ ።ኤዉግሎስቪ ጱዴስቭ እመኸቭ ሊኖስ ቅላዉዲያዪ ኧሰማት እንእመሁኖዋ ወገሬት ዩከ ።
+\v 22 ጎይታ ታኸ ኧህር ።እእግዜር ጠጋ ታሁዋ ኧኽር።

57-TIT.usfm

@@ -0,0 +1,83 @@
+\id TIT
+\ide UTF-8
+\h Titus
+\toc1 Titus
+\toc2 Titus
+\toc3 tit
+\mt Titus
+
+\c 1
+\p
+\v 1 ኧጎይታ አገልጋይ እእየሱስ ክርስቶሲ ኪኢሸረኘ ኧኸርሁ በጎይታ ኧትቬጠርሁ ብእምነት ኧኸረ ኧዉረ ኧኸረ ይማኖት ይሆሩዋኸ ኤቪ ኧትሾሙሁ ጳዉሎስንሁ ።
+\v 2 እም ሃይማኖት ዘላለም አያ በኸረ ተስፋ ባትሸከቨንረ ኧቆቁት ኤኖወ ጎ ይታ ኧዘላለም አያ ዬቨንሬ ተሮኦራ ዘቨር ኢፍቲ ቃር ገፓንረ ።
+\v 3 ወቅትኋበሰንአ ግዚየ ጎይታ በቃርኋ ኤኤደን እም ቃር ኢያ ባአደራ አዉኝ ባተነፈንረ በጎይታ እዝዝ ቃርኋ ኢኢድ ።
+
+\v 4 እንመንራ በኸረ እምነት ኧዉረ ኧችኛ ኧኸረ ቲቶ ታአቭቪ ተጎይታ ኢናቭ ታተነፈንረ ተኢየሱስ ክርስቶስቭ አጋዪ ወገሬትቭ አኸ ኧህር ።
+\v 5 አኸቭ በቀርጤስ ገኘ ኧቸኧከ ሁዳ አንትጌኴሩዋ ዘንጋ ኤኤድ ኤኤዲ ታጠጥነኸ ፤ ኤኤዘዝከመኸ ኧቤተ ክርስቲያን አላፊ በከተማ እንእ ትሾሙነኸ ።
+
+\v 6 ኧቬተ ክርስቲያን አላፊ አታአር አዪኢጅኰ ፤እእማት ምሽት ምስ ኧኸረ አአር ዴንጋኋ አንቌጫድ በሁርት ዌ ባንታአዘዥትሁኖዋ አያቁዎጩዋ አአር ፤በክርስቶስ አአሞሩዋ አአር ኧሁሩዋ ።
+\v 7 ኧቤተ ክርስቲያን አላፊ ኧጎይታ ሜና ባአደራ ኢቴኤፐሪ ኧኸሬ አያትቄንጥ አአር ኧሁርት አኖወ ፤እመኸቭ አይትጋኬዝ አአር እማት ኢያ ሱቩኦኝ አይቭር አአር ፥አይቨኧች አአር ፥አይሰህር አአር አይትጭቃጨቅ አአር ኧዋጋ ዘግዘግ አይቭር አአር ኧሁርት አኖወ።
+
+\v 8 ኢረእካሞኋ ባዘራ ኢቴኤፐርካ አአር ወሄ ኧኸረ ዘንጋ ኢረምድካ አአር ፥ይቬስርካ አአር ፥ወሄ ቅዱስ ጩፑ አአር ኧሁርት አኖወ ።
+\v 9 ኤኛሞሁኖዋ ኧዉረ በኸረ ትምርት ባትሞርት ይቨህሪ ብእም እምነት ኢትራኮሽታ ሰቭ ጌኪተ መልስ ኧዣዉርት ኢኸነኸ በትማረን ትምርትኋ ያትመረኸ በትማረን ትምርት ተቁማሞረ ኢትሸከካአአር ኣህር ።
+
+\v 10 ኢረእካሞኋ አይሁድ ኧሆሩዋ አይታአዘዡዋ እምኧኸ ኢልፎሉፉታ ኖኦራ ሰቭ አኖዉዋ።
+\v 11 ዋ ሰቭ ቁስ አቶፑት ያትኬሽ ኧቭር ቢዩሪ ቢያቅቨጭካ አአር ኧዋጋ ዘግዘግ በዋርት አአሰት ትምርት ባትሞርት አበሩስ እንእ ኢትራከሰኸ ዪንኦዋ ።
+
+\v 12 ተሁኖም አት ኧገግሁኖዋ ነቢ ኧኸረ ምስ«ኧቀርጤስ እንእ ግዚየ ኤነ አአር ኢኢጁዋታ ኧዉሼእ ኧድቭር አዊኸ ቡሼኧኸር ገግህኖዋ ኢረሙጅታ ሰቭኖዋ ባረ ።
+\v 13 እም ኢኢጂዳ ዘንጋ ዉረምን ፤ባቴ ሁኖም ብእምነትሁኖዋ ወሄ አአር ኢሆሩዋመኸ ገክር ማአችዎ።
+
+\v 14 ኧይሁዳ ሰቭ ዠረይ ኧኸረ ቃር ባይሶኦዋይ ኧዉረ አአር ኧቆጩዋ ሰቭይ ምኽር ባይቴኤፖሩዋይ ገክር ዉቅስታ ምኽርኮዋ ።
+
+\v 15 ኧጥርር ሰቭ እንእ ዘንጋ ጥርርን ፤ኧሰነኸ አአር ዬዉታ ሰቭ ጭን ጥርር ኧኸረ አአር አታአር ኤነዳ ፤አቸሞኃ እእንቨሁኖዋይ ቀረብሁኖዋ ኧሰነኸዳን አአር ።
+\v 16 «ጎይታ ንሂርኔ ዩሩዋ ዘጋኋ ጭን በቬናሁኖዋ ኢሆጄ ቀቨጥ አይቫር አይቴኤዘዡዋ ወሄ ሜና ኦንኧት አይኸኖዋ ሰቭኖዋ።
+
+\c 2
+\p
+\v 1 አኸ ጭን ተዉረ ትምርት ያትቻፕርካ ትምርት አትሞርት አነቨኸ ።
+\v 2 ብድሜሁኖዋ አታአህሪ ኧጎፎዋ ገማ ፤አታአር ቅነጨ አይቫር ኢረዉዋታ ክብርሁዋ ዩኡሮታ ጩፒ በሁር በርማጅነድ በፉሮሁት ኢትሄርታ ሰቭ ኢሆሩዋኸ ምህርኮዋ ።
+
+\v 3 እመኸ ብእድሜህና አታአህሪ ኧገፋ እሽቻ ፤ብእምነትህና ፍድግ ክብርህና ይእራኸ ኧቭ ሹቩ አያአፋኸ ዌ ያሰህርካ መጠጥ አይትወተቻኸ ምህርካቭ ።
+\v 4 ዴንግነድ አነቫታ እሽቻ ህና ምስመህናዪ ዴንጋመህና ኢረምጃመኸ አትሞርት ኢኸና።
+\v 5 ገግህና ተቩጥጥ ኢኢራኸ ንጡህ ኢኸራሜ ኧቪድህና አአር ያጫምጫኸ ዋቢ ኢኸራይ ኧቭስህና ኢታዘዣኸ ዬቫታ እመኸ ቦንኧትህና ኧጎይታ ቃር አይትቀነቭካ ።
+
+\v 6 እመኸቭ ዘርማሁኖዋ ገግኖዋ ተቩጥጥ አአር ዩኡሮዋኸ ምህርኮዋ ።
+\v 7 አኸቭ ወሄ ሜና ቦንኧት ብእንቭ ዘንጋ መሰሮ ህር ብታትመርኩዳ ትምርት ኧዉረ አአር ኧኸረ አአር ቡር ዘንጋ አአር ፤
+\v 8 ቅነቸ ኤኖወ ወሄ ዘንጋ አዉድኮዋ ፤እመኸቭ ኢትራኮሽንሬ ኢሱኡታ ሰቭ ቢና ኢኢጅኮንረዳ ኢፋድ አአር ቲዎሁርኮንረዳ ኢቆዉጩዋሴ ።
+
+\v 9 ሜኘ አአራፓሪሁኖዋ ኢቴኤዘዡዋይ ብእንቭ ዘንጋ ሽርኮታ አአር ዬዉዋኸ ሙጥጥ አአር አይዦፑሩኸ ምህርኮዋ ።
+\v 10 ዋመሁኖዋ አይሰሩኡዋኸ ምህርኮዋ ፤ ኢረእካሞኋ ኢና ያተርፈንረዳ ኧጎይታ ትምርት ብእንቭ ዘን ያሆቡጂ እንእ ግዚየ ኧታአሞሩዋ ሰቭ ኧሁሩዋ ።
+
+\v 11 ጎይታ ሰቭ እንእ ያተርፍዳ ጠጋ አቴሸ ።
+\v 12 እም ጠጋ ባጢርነድ ኧዋ አለም ተመኛት ባንቴቭኔ ገግንራ ተቩጥጥ ቦኦሮት ጢየ አአር ቦንኣት ኧጎይታ ባሁብጅት በዋ ዘቨር ንረቭርኔ ኢና ያትመረንረ።
+\v 13 እም ኧትባረከ ተስፋንራ ንእየነ ፤ዋ ንእዬኔዳ ተስፋንራ ኑእ ጌታንራ ኢና አተነፈንረ ኢየሱስ ክርስቶስ በክብ ርቲዠፐርካ ኧታዥትኋ ኦኦሮትን ።
+
+\v 14 ክርስቶስ ተጥጥ አአር እንእ ያተፈንሬ፤ኧወሄ ና ጃደኘ ንኸርኔ ተቫጢር አቨጠረ ኧገግኋ ሰቭ ዬቨንሬ ኢና ቲቭር ገግኋ አዋአ አአይፐረ።
+
+\v 15 ባቴ ዋ ዘንጋ እንእ አትመር ተጎይታይ በቴኤፐርኸን ሙርአ ደረግ አትቁሟሙር ምህር ማንኝእ ሰቭ አይቅርጥኸ።
+
+\c 3
+\p
+\v 1 ሰቭ እንእ ኧመንግስትቪ ኧዳኘቭ ወሄነድ ኢቴኤዘዡዋኸ ኧወሄ ሜና እንእ ኢትረሾዋኸ ፤
+\v 2 ኧቫንኝእም ሰቭ ሹቩ ንሸተዉዋ ሙጥጥ ዘንጋ ባይዝሮኩዋይ አትጤፕኮዋ እመኸቭ ተቭ ሁኖዋ ባይራኮሹዋይ ኧወገሬት ሰቭ ህይተዉዋ ተሰቭ እንእ በቩርአ ሂንሁኖዋ በቁርርነድ ያቲሽታ አአር ኧሁሩዋ ።
+
+\v 3 ኢና ኧዋ ኢፍ አቤሰርነ ጋዋ አንቴኤዘዝነ ናጀግርነዳ ኧትቄቀነ ኧረከነኸ ሁጅር ንደምድነዳዪ ኧገግንራ ሙጥጥ ተመኛት ኧቴቨነ በተንኮልቪ በምቀኝነድቭ ንረቭርነዳ ኢና ተገግን ንትራከስነዳ አአር ባነነደ።
+
+\v 4 ቢኸር አተነፈንረ ኧጎይታ ወሄነድ ንማጅነድ በታሸወ ቀረ፤
+\v 5 ኢና ቤፐኔ ወሄ ሜና ታይኸር ፤በፋራይሂነድኋ አተነፈንረ፤አተነፈንረ ኧዉርኤተኘ በቶኦኝትቢ በታኦት፥በመንፈስ ቅዱሲ አጋድ ወያ በሁርትን ።
+
+\v 6 ጎይታ ባተነፈንረ በኢየሱስ ክርስቶስ አጋድ መንፍስኋ ሜንአ አቨንረ ።
+\v 7 እም ባቨንረ በሁዳ ጠጋ ፀደቅነ በተስፋ ንእዬኔዳ ኧዘላለም አያ ኸርነ ንረቭርኔ ደረድ ንዎርስነኔ።
+
+\v 8 እም ኤጂ ቃር ኧታአመረዳን አአር በጎይታ ያአቩርታ ሰቭ ኧወሄ ሜና ጃድ ዩሩዋ ዋዳ እንእ አትጬፕተኸ ቲኢድኮይ ኧሲእ ፤እም ዘንጋ ወሄን አአር እእንመኋ ያወድካን አአር ።
+
+\v 9 ዘንጋ ጭን ተጋዋ ዉርጀዪ ታይሂሪ ዘናቭ ተሙሴ ቂጫ ኧቫአ ቲትረሳካ መራክስ ሲህ ፤ዋ ዘንጋ እንእ አያወድ ቡሼእን አ።
+\v 10 መራክስ ያቫአካ ሰቭ አት ግዚየ ዌ ዉርእኤት ግዚየ በመከርኸን ቀጥወ አይትዠፐረ አአር በኸረ ተሁድቭ ሲህ።
+\v 11 ኧዋኸ ሰቭ መያ ኧገፈረ ባጢር ቦንኧት በገግኋ ኧፈንደኸ ኋሩዋ ።
+
+\v 12 አርጢሞን ዌ ቲኪቆስ አሄ ትንኬሽኩዳ አኸ ኧኒቆጵልዮኔ ከተማ ኢያይ ትቫአይ አትቫቅር ኢያ ኧዘርበኘ እንእ በህሜ ኧቸናይ አንጥሁወ ።
+\v 13 ቂጫ ኢሂርካ ዜማስቪ አጵሎስቭ መያሁኖዋ ያሩዋኸ ኧንአኮዋ ኧቀፐረወዋ አአር እንእ መንአኖዋ ።
+
+\v 14 ኢናሜ ሰቭ ምርት አይቫር አይሆሩዋኸ ያትኬሽኮታአአር ኢረሁዉዋይኧወሄ ሜና ጃድ ኧዋርት አትመርኮዋ ።
+
+\v 15 ቲያቭ እማትሜ አኖዉታ ሁኖዋ እንእመሁኖዋ ወሄምንሁዋ ዌ ይቩኩዋ ፤በክርስቶስ ቦኦዎርት ኧቫአ ኢረሙጅንረዳ እንዳም ወሄምንሁዋ ዌ ባርንረ ።  ኧጎይታ ጠጋ ትእንማሁዋ ኧህር።

58-PHM.usfm

@@ -0,0 +1,42 @@
+\id PHM
+\ide UTF-8
+\h Philemon
+\toc1 Philemon
+\toc2 Philemon
+\toc3 phm
+\mt Philemon
+
+\c 1
+\p
+\v 1 በኢየስሱስ ኧቫአ ተታአከደ ተጳዉሎስቪ፤ ተኧሰመንራ ተጢሞቲዎስቭ፤ ንረድኔዳ ናማጂመንራዪ፤ ኧቬና ቤሻመንራ ኧኸረ ኧፊሊሞና ።
+\v 2 በቪድማኸ ኢደሞጅታ ሰቭቪ ኧኧተመንራ አአፍቢያ እመኸቭ ቲና እማቲ ኧክርስቶስ ወታደር ኧኸረ አአርክጳ ፤
+\v 3 ታአባንራ ተጎይታ ተጌታመንራ ተኢየሱስ ክርስቶስ ፤ኧጎይታ ጠጋዪ ወገሬትቭ አሁዋ ኧህር፤
+
+\v 4 አኸ በጠሎትኛ ትንዘግድኸዳ፤ እንእ ግዚየ ኧጎይታ ሽኩርት አቲኢንቭ ፤
+\v 5 እመዳ ኧኸረ ሁዳ በጌታ በኢየሱስ ክርስቶስ አአሞሩዋ ሰቭ ትረድመኸዪ፤ በጌታ ቢኢየሱስ ክርስቶስ ታአቭርመኸ ሰምአሁ ታንዳ ።
+\v 6 ኧክርስቶስ አአር በሁርትንራ አነንረዳ ወሄ ዘንጋ፤ እንእ ሃይተኸታ ኧዉየሞኃ እምነታኸ ኢትሄረኸ ኤኤኛ ሰቭ ባአዉጅት ጃድ ትቭረኸ ኧጠሊነኸ ።
+\v 7 ኧሰምኞ ኧቅዱሳን ሂን አትሳርሄ ኧኸሬ ፤ባሄ ንማጀ ኖኦራ አአር ሳረዪ፤ ተቁሟᎀርሁዉ
+
+\v 8 ብእም ኧቫአ ኦንኧት አኘቨኸዳ አአር ቴቨኸ ኢኢዝዝሄ በክርስቶስ ዳኝንነድ ቢረቭረዪ ፤
+\v 9 ዘንጋ ጭን ኢኢዝዝኸዳ ሟሪ በርማጀ ኧሰኧርኸ ፤ባቴ ኢያ ባሪቅቪ ኧክርስቶስ ትንቭር ኧታአከድሁ ጳዉሎስንሁ ፤
+
+\v 10 ኧሰኧርኸዳቭ ሁዳ በታአከድሁ ኤኤዲ በኦህኔ ቢድ ታነሁ በክርስቶስ አቴኤመርሁን ኧመንፈስ ትከኛ አአናሲሞስን አአር ።
+\v 11 አናሲሞስ ኧዋ ኢፍቲ ባያጌኲርኸዳ ዋአካ ጭን አኽቭ ኢያቭ ያጔኲርካ አአር ኸረ ።
+\v 12 ኧሂንኛኸ ኢኸኒዳ አናሲሞስ አኼ ኬሸሁን ፤ትንኬሽኩዳቭ ገግኛ አሁዋይ ኧቫአሁ አአህር ሜዘርሁ ።
+\v 13 ሁድቭ በወንጌል ኧቫአ በታአከድሁጋ ባሄ ኤኤዲ ተሰገይተ ያጔኲረዪ ኧገግኛ አዎኧርኩይ ሴኧሁ ባንደ።
+
+\v 14 ዘንጋ ጭን አኸ ቲንአኩዳ ወሄ ሜና እንእ በርማጀ ባኸሬ በግርድ አይኸረኸ ታናትቫታኸ አታአር ኤቪ አንሲእካ ።
+\v 15 ወይ አትንሽ አናሲሞስ ኧቀሪ ቀረ ታኸ ኧቲቫተረ ሁዳ ተዋቴ እንእ ግዚየ ታኸ ኢረቭሪ ኢህርሴ ።
+\v 16 ተዋቴ ጭን ታኸ ኢረቭርካ ሁዳ ኧቬነኝኸ ታይኸርቭ ፤ተቬነኝ ኢረእ ኢረጂዳ ኧሰምነኽ፤ ኢያ ናማጂነኛ፤ ቢኸርቭ በቨሰርቪ በጌታቭ አኸ ኢረእካ ናማጂናኸ
+
+\v 17 ባቴ ኧራማጂያኸኸ በቬዘርኼ ኢያ ትቴኤፐሬዳ አአረኸ ኧንአ ተኧቨርኩ ።
+\v 18 አኸ ቡሼእ ኧዋአረናኸ አአር በረፐረ ዌ አኸ አአር አጅግ በረፐረወ ቢያ አዉራኩ ።
+\v 19 ዋዳ ኢያ ጳዉሎስ ገግኛ በኧጅኛ ጣፍሁን፤አአናሲሞስ ባኸ አኖዳ ሰቨት ኢያ ኧካስነኸሴ፤አኸቭ ገግማኸ ኢያ አአር ኧሁርታኸ አአር አታአር አንዝሬካ ።
+\v 20 ኧሰምኞ በጌታ ታጔኲረዪ ኧሲእ ፤ እንዴ ዋአካ አኸ በክርስቶስ ሂንኛ አትሳሬ ።
+
+\v 21 ዋዳ ኧፀፍነኸዳ ሁዳ፤ ትቴኤዘዝካ አአር ኧኸርኸኸ በታአሞርት፤ ኢያቭ ትንቭኸዳ ሁዳ ቦፎረ ቲንአመኸ ቦኋርትን።
+\v 22 ትእመዳ ኤኛ አአር ጠሎታሁዋ ጎይታ ሲቭኧተናሁዋታ አሁዋይ ኧቫአኬ ዩሪዳ ተስፋ አነኒ ኧኸሬ አፎይወዳ ኤኤድ ጎኩርኒ ።
+
+\v 23 ቲያቭ እማቲ በክርስቶስ ኧቫአ ኧታአከደ ኤጳፍራ ወጌም ይቭኸ ።
+\v 24 ህመኸ ቲያ ኧወንጌል ሜና እማቲ ዪንኧታ ማርቆስ፥አርስጥሮቆስ ፥ዴማስቪ ሉቃስቭ ወጌም ዩቩኰ።
+\v 25 ኧጌታ ኢኢየሱስ ጠጋ ተመንፈሳሁዋ እማቲ ኧህር።

59-HEB.usfm

@@ -0,0 +1,458 @@
+\id HEB
+\ide UTF-8
+\h Hebrews
+\toc1 Hebrews
+\toc2 Hebrews
+\toc3 heb
+\mt Hebrews
+
+\c 1
+\p
+\v 1 ተድረ ቆነሺታ እግዜር በሮኦራ አይነት በቩችር ቡችር መያ በነቢ ሁኖዋ ኸረታ አአቦንራ ዝሬከታ ፤
+\v 2 ብእም ዘቨር ቢያርእወዳ ጭን እንእ አአር ኢዎርሰኸ ቤፐንቪ አለምቭ እንእ በፈጠረወ በትኮኋ ኢና ዝሬከንረ።
+\v 3 ሁዳ እእግዜር ክብር ኢታሽወዳዪ አአመርሞኋ ኧዉርረምዬ መሰሮ ኸረታ ፤በሩኡየ ቃርኋእንእቨኋ ፌነገ ጠበጠ፤ሰቭ እንእ ተቫጢርኋ ባጠነረ[ባተነፈ] ቀጥወ በሳቫይ በሩእ እግዜር ቀነ ቸና።
+
+\v 4 ህመኸ ኧኸረሜ ኧወሰደን ሹቭ ተመላአይካይ ሹቭ ኢረእመኸ እንእ ፤ሁድቭ ተመላአይካ ኖኦራ አአር ኧራኧአአር ኸረ ።
+\v 5 እግዜር ፤ «አኸ ትከነኛ፤ ኢያ ኦኳ ኤኘከ፤» ሃም ባኸረ ፥ «ኢያ አቦ ኧኸርኩዴ፤ ሁድቭ ትከ ኢኸሬዴ» ኧቫረን አአርሁ ተመላአይካ ግት አቸ ኧቫንተን ?
+
+\v 6 እመኸቭ እግዜር ኧቨህርኋ አአለሚ ቲያጋአካ ፤ «እእግዜሪ መላአይካ እንእ ኢሶጉጅነዴ » ይቭር ።
+\v 7 ኧመላአይካቭ አአር ቲዝሬካ፤ «መላአይካኋ ንፋስ፤ አገልጋይሞኋ እእሳድ ላባ ዪንአኮቴ» ይቭር።
+
+\v 8 ኧትኮኋ አአር ጭን ዋኸ ይቭር፤ «አምላኮ ፤ዙፋናኸ ተዘላለም ፤ ዘላለም ስን ፤ ቲቭኧተ ኢረቭርኬ፤ መንግስትማኸ ቂጥየ ፍርድ ኢኸርኬ፤
+\v 9 ፅድቅ ነመድኸ ፤ ባጢርቭ ጠናኸ፤ ህመኸ ኧኸረሜ እግዜር፤ ታአቦጎዳኸ ፎረ አጋድ አወናናኸ ፤ ኧሳርትቭ ዘይት ሟሸናኸ ።
+
+\v 10 አትቭ ዋኸ ይቭር፤ «እግዜሮ አኸ ባአወተራቸ ፤ አፈር ፈጠርኸ ፥ ሳቫይቭ ሁኖዋ ኧኧጃኸ ሜናኖዋ፤
+\v 11 ሁኖዋ ዮኦፎቴ አኸ አኸ ጭን እንእን ግዚየ ትረቭርኬ ፤ እንእቨሁኖዋ ኧሁጅረኸ ኢጎርዥቴ፤
+\v 12 ኦፎር ሁጅረኸ ትጥቫንርኮቴ ፤ እኧሁጅርመኸ ኢሸጉሪዮቴ። አኸ ጭን አም አኸምንኸ ፤ ኧዘቨርማኸ ያርእወዳ ኤነንዳ።»
+
+\v 13 እግዜር ፤ «ጠራታኸ ኧኧግራኸ ትትራከእወዳ ሁዳ ትኒንአነኸ ስን ፤ በቀነኛ ቸራ » ኧቫረን አአር እንዴ ተመላአይካ ግትኧቫንደን?
+\v 14 መላአይካ እንእ ኢተርፉዋታ ሁኖዋ ያጉሎጉሉዋይ ኢኬሺዮታ አገልጋይሽ አሆርታ ?
+
+\c 2
+\p
+\v 1 ህመኸ ኧኸረሜ ተስሰምአኔ ዘንጋ ሳጅተነ ባንወድእኔ ኧሰምአኔ ሁዳ አአር ገኲተነ ኧትጦፑት አነቨንረ።
+
+\v 2 እመኸቭ ኢኸርካ ሁዳ ተመላአይካይ አጋድ ኤኤጂ ቃር አይትሻር አአር በኸረጋዪ ማንኝእ አድዋዉርትቪ አንታአዘዥትቭ ያቭአኩዳ ቅጣት በቴኤፐረ ፤
+\v 3 ኢናሁ ኧዋኸ ኧትረፉት ብንቀርጥነ ኧተኸ ናምልጥነሴ? እም ኑእ ኧተረፉት አወተራቸ በጎይታ ቴኤደ ፤ተሁድቭ ኧሰምኦዋ ሰቭ ኢና አጬጉም ኤኤጅንረ።
+\v 4 እግዜርቭ በመርኸት ፥በወግቪ በዉችር ቡችርቭ በሩእ ኑእ ሜናቭ እመኸቭ ኧፍቃድኋኸ በቴቨኖዋ ኧመንፈስ ቅዱስ ስጦታ ኧዋ ዘንጋ አአር ሙሶኮርሙ።
+
+\v 5 ዋ ንዝሬክኔነዳ ኢቭአካ አለም ኧመላአይካ አናትጌዛንዳ፤
+\v 6 ዘንጋኋ ጭን አትሁዳ ባአት ኤኤዲ ዋኸ ባረ ፤ምሰከረ፤ « አኸ ኧሁዳ ትዘግድኲ ሰቭ ምርአፈድን? ትትጬፕነዳሁ አአር ኧሰቭ ትከ ምርአፈድን?»
+
+\v 7 ተመላአይካ ቀሪ አአር ገዳ ዠፐርኸን [አቴኤነስኸን] ፤ ኑእ ማእረግቭ ኑእ ክብርቭ አኸን፤ በኧጅማኸ ሜና እንእ ዳኘ ኤፐኸን፤
+\v 8 እንእ አአር ተኧግርኋ ገዳ አጋድ ኤፐኸ አትጌዛኸነ። እግዜር እንእ አአር ተኧግርኋ ገዳአጋድ ቲያትጌዛነዳ አናትጌዝነ አአር አታአር ኤነዳ፤ኧህር ባኸሬ ዋአካ እንእ አአር በትገዛነ ኤኤዲ አናዥነዳ።
+
+\v 9 ዘንጋኋ ጭን ብእግዜር ጠጋ ኧሰቭ እንእ ቲቭር ኢዎንዲተመላአይካ ቀሪ አአር ያአሰኸ ኤፐዊ ኧረፐረ ኢየሱስ ኧዉድ ስቃያ በተኧዎርትኋ ዋአካ ኧክብርቪ ኧሽኩትቭ ዘዉድ በዶፎኔ ናዥኔ ።
+\v 10 እንእ አአር ኧሁድቪ በሁድቭ ኢረቭርካ እግዜር ኖኦራ ዴንጋ ኧክብርኋይ ያቫአይ ኢተርፍኮዳ መሪ ኧኸረ ኢየሱስ በመከራ ሙርአ በቩርአሞኋ ኤምተታ ኢትሸከቨኸ ዪንአኲ ያትሲእካ አአር ባንደ።
+
+\v 11 ሰቭ እንእ ኢቀድስካዪ፤ኢትቆደሽታቭ ሰቭ አት ቢደ ሰቭኖዋ ፤ህመኸ ኧኸረሜ ኢየሱስ ኧሰማት ባይተ ኢኸራኮዋይ አንቅቨጨዳ፤
+\v 12 ህመኸ ኧከረሜ ፤ዋኸ ይቭር፤ ሹዋኸ ኧኧሰማትኛ ኢኢድኮቴ በትስቨሰቨ ሰቭ ግት ኧሰኩርት ኧዘምርኬ ።
+
+\v 13 ህመኸቭ ፤ «ኢያ በሁዳ ኧታአመር ።» አትቭ ዋኸ ይቭር፤ «እኩ ኢያ እግዜር አቬ ዴንጋ።»ይቭር።
+\v 14 ዴንጋ በቨሰርቪ በደቭ[ ታአቦአዶድሁኖዋ ]ኢትሻኮጁዋመኸ ኢየሱስቭ ገግሞኋ ተቨሰሪ ተደቭ ተሻከደ ፤አመኸቭ ኧኸረሁዳ በቩድ ፎር ደረግ አነንዳ ሴጣን በቩድኋ ደረግ ኢሸርኩኔን።
+\v 15 እመኸቭ ቢረቩርኮዳ ዘቨር እንእ ሙድ ፈኞሙታ ኧዉድ ብባሬያ ሆርሙ ኢረቩርታ ሰቭ ነጣ ያዋአኔን።
+
+\v 16 ሁድቭ ኧቫአ ሁዳ መላአይካ ያአግዚ ታይኸርቭ አአብራሃም ዘር ያአግዚ ኧቫአኸ ኧትሄረዳን አአር ።
+\v 17 ህመኸ ኧኸሬ ብእን አአር ኧሰማት ኧዉሰርት አኖዳ አአር ኸረ ፤እመዳ ኤፐን አፉ ይቭካዪ ሙርቴም ዋና ካህን ኸረታ እግዜር ያግለግልመዪ ኧሰቭ ሞኋ ኧዋጢር አፉት ኢረህዋኔን ።
+\v 18 ሁዳ ገግሞኋ በትፈተነጋ ስቃያ ኧቴኤፐሬ ኧኸሬ ኢትፎተንታሁኖዋ ያአግዝኮዋይ ኢኸነ።
+
+\c 3
+\p
+\v 1 ባቴ እግዜር ኧሳቫይ ቢድኋይ ሜጠረ ኧኸናናሁዋ በክርስቶስ አአመርሁዋ ኧሰማት፤ምምምነትንራ ኪሸረኘዪ ዋና ካህንቭ ኧኸረ ኢየሱስ አጫሙጩዋ ።
+\v 2 ሙሴ ብእግዜር ቢድ እንእ ግዚየ ሙርቴ ኧረፐረመኸ ፤ኢየሱስቭ እመኸ ኧሾመን እግዜር ሙርቴ ባንደ ።
+\v 3 ቢድ ያረሽካ ተቪድ ሁዳ ኢረእ ክብር አነንመኸ ፤ኢየሱስቭ ተሙሴ ኢረእካ ክብር ኢቴኩዳ አአር ኸረ ተረከቨ፤
+\v 4 እንእ ቢድ ኦጣ ኦጣኋ ያረሽኩዳ አነን ፤እንእ አአር ኤፐ ጭን እግዜርን።
+
+\v 5 ሙሴ ተዋ ቀጥወ ኢዝሮኲዳ ዘንጋ አአር ቲምሰክር ፤ብእግርር ቢድ ከስ እንእአአት ኧሙርቴ አገልጋየኸ ባንደ ፤
+\v 6 ክርስቶስ ጭን ብእግዜር ቢድ ከስ አአት ኧሙርቴ ኧችነኸ ።ኢናቭ ንታአመርኔኮዳዪ አነንረ ባርነ ንትሻመህኔኮዳ ተስፋንራ ጥቅ ኧንኧተነ ብንጠጥነ አሁዳይ ቢድነኋ ።
+
+\v 7 ህመኸ ኧኸረሜ መንፈስ ቅዱስ ይቭርመኸ ፤ «ኦኳቃርኋ ብትሶዉኦዋ ፤
+\v 8 በምድረ በዳ በፈተና ቀረ፤ ባአይ ባሁም ኤፐኊመኸ ፤ ሂናሁዋ አታቱቩኤ ።
+
+\v 9 አቦማሁዋ በሃይ ተፉታተንኝ ፤ ሙረሞርኝቭ ኤፐሁንቭ ሁዳ እንእን አርቭአ ዘቨር አሾዉሙ።
+\v 10 በህም ዘቨር ሰቭ ኧቫአቸሁ ሁዳ ኧሁዳ ባንደ <እንእ ግዚየ ሂንሁኖዋ፤ መያ ኢገፍር፤ መያመኛ አኋርታ ።>
+\v 11 ህመኸ ኧኸሬ በቫአትኛ «ኧፎያድ ኤኤድኛይ ሰርም አይጎኦታ።» ባሁታ ተኘሁ፤
+
+\v 12 ኧሰማቶ ታሁዋ ማንኝእማሁዋ እንእን ግዚየ ቲረቭርካ እግዜር ኢኢንየ ያዋአካ ባጢረተኘዪ አያአቭርቭ ሂን አይረቭርሁዋኸ ጥጠፑዋ ።
+\v 13 ዘንጋኋ ጭኝ በግታሁዋ ማንኝእሞኋ በቫጢር ተቄቅተታ ሂንኋ አይተቭአኸ ፤«ኦኳ»ቲዩሪታኖዊ {ኦኳ ተኦዃ} እንእ ቀረ ገግተገግማሁዋ በትሟኮርት ተጥናኖዋ ።
+
+\v 14 አወተራቸ ኧረፐረ እምነት ቀረ ያርእወዳ ስን አጢብቅተነ ብንጠጥነ ተክርስቶስ እማትሜብእንቭ አአር ወራሽ ንኸርነዴ ፤
+\v 15 ሁድቭ ፤ «ኦኳ ቃርኋ ብትሰቩኦዋ ፤ ባአይቭ ባሁም ኤፐኊኸ ፤ዋአካቭ ሂናሁዋ አታቱዉኤ »ኧዋሪምነኸ ።
+
+\v 16 ሰምኦሙ ባአይ ኧዋሩዋ ማን ማን ባኖዉተ? ሙሴ ተግብፅ ገኘ መራ አዋአኖዋ ሁኖሽ አሆርታ?
+\v 17 አርቭአ ዘቨር እንእሁ ኧቫአቸወዋ ማንማንተነዋ? ባጢር ኤፖሙታ ኒሳሁኖዋ በምድረ በዳ ወተኧ ኧኧኘ ሁኖሽ አኸረዳ?
+\v 18 አንታአዘዡዋ ሁኖዋ በኸረ ባኸሬ ኧፎያድ ኤኤዲ ባይጎኦዋይ ኧተኘዎዋማን ማንተነዋ?
+\v 19 ባቴ ኢጎኦዋይ አኸረኖዋ ሁዳ ታኖኦዎርትሁኖዋ ኧትረሳ ኧኸረኸ ኢጋአንረ።
+
+\c 4
+\p
+\v 1 ባቴ እእግዜሪ ኧፎያድ ኤኤዲ ኢጎኦዪ ኧቴቨ ተስፋ አይዎኧር አአር ኧኸሬ ፤ታሁዋ ማንኝእማሁዋ ኧዋ ተስፋይ ታይጋአ አይወኧረኸ ኧትጤፕ ።
+\v 2 ኧሃአሁኖዋ ኤኤጂዮመኸ ኢናቭ እእግዚወሄ ዋራይ ኤኤጅንረ ። ዘንጋኋጭን ቃርኋ ኧሰምኦዋ ቃርኋ ብእምነት አንቴኤፖሪ ኧኸሬ አናጌኴረኖታ ።
+
+\v 3 እግዜርቭ ፤«ኢያ ኢኮታ ኧፎያድ ኤኤዲ ስርም አይጎኦታ ባሁ በቫአትኛ ተኘሁ» ባረ ። አአመርነ ኢና ጭን ኧሃአ ፎያዲ ንጋአነዴ ፤ቢኸረቭ ጭን አለም ተትፈጠረ ቆነሺታ ኧሁዳይ ሜና ቴፐ።
+\v 4 ኧሳቭአተኘ ቀረ አአር ባአት ኤኤዲ «እግዜር ተቬናኋ እንእ በሳቭአተኘ ቀረ አፎኘ» ይቭር ፤
+\v 5 እመኸቭ ተሁዳ ኢፍቲ ባንዳ ኤኤዲ፤«ኧፎያድ ኤኤድኛይ ስርም አይጎኦታ»ይቭር ።
+
+\v 6 ገና ኧፎያድ ኤኤዲ ኢጎኦታ አአር አታት አኖዉዋ ፤አአወተራቸ እእግዜሪ ወሄ ዋራይ ኤኤጂዮዋ ሰቭ ባንታአዘዥትሁኖዋ ኧቫአ ኧፎያድ ኤኤዲ አጎፖታ ።
+\v 7 ህመኸ ኧኸሬ እግዜር ሃአአቨ «ኦዃ»ባረ አት ቀረ ወሰነ ፤እም ዘንጋ ተሮኦራ ዘቨር ቀጥወ ፤በዳዊት ኸረታ ፤ «ኦኳ ቃርኋ ብትሶዉኦዋ ሂናሁዋ አታቱዉኤ »ቧርሙ ቦተርሙ ኧዝሬከዊምነኸ ።
+
+\v 8 ኢያሱ ፎያድ አቨኖዋ አአር ተኸረ ፤ተሃአ ቀጥወ እግዜር ሃአይተ ኤኤኛ ቀረ አአር ባዝሬከዳ።
+\v 9 ህመኸ ኧኸረሜ እእግዜሪ ሰቭ በዋ ቀጥወ ኧሰንበት ፎያደኸ አአር ኢቀቭርኩ።
+\v 10 እግዜር ተቬናኋ አፎኘመኸ ፤እእግዜሪ ኧፎያድ ኤኤዲ ኢጋአካ እንእ፤ ሁድቭ ተቬናኋ እንእ ያፎይኬ።
+\v 11 ባቴ አትዎኋ ዋ ኧሁኖዋይ አንቴኤዘዥት ተኸተይተታ አይወድእኸ ሃአ ኧፎያድ ኤኤዲ ንጋአኔ ጃድ ንቫርነ።
+
+\v 12 እእግዜር ቃር እንእ ግዚየ ኢረብርካዪ ዪንአካምን አአር ፤በዉርቸቭ አጋድኋ ሽን ታነንዳ ሴፍ ኢረእ ቄቃን ፤ነፍስቭ፥መንፈስቭ ፥ወተርቭ አንጠ ፤ባእቭ ኢጋአታ ቲቫይትር ስን ኢዎጋካን አአር፤ኧሂንቭ ጭሞጨዪ፥ተመኛትቭ ኢምረምር።
+\v 13 ትእግዜሪ ኤር ኧትደኧረ አትቭ ፍጥረት ኤንዳ፤ኢናቭ ኧገግንራ አአር ኧዘጉት ባነቨንረዳ አአር እንእ፤በሁዳ ምዬ እንእ አአር ኧትሄረዪ ሰቻቭ ኧዋአዳን አአር።
+
+\v 14 ባቴ ኧሳቫዪ ኧዋአ፤ ኑኡየ ዋና ካህን እእግዜር ትከ ኢየሱስ አነንረ ኧኸሬ ምምትትንራ ጥቅ ንንአነ ንጥጥነ ።
+\v 15 ኢና አነንረዳ በቂጭናንራ ኧዥተ ቁስ ይቭረንረዳ ዋና ካህን አኸረዳ ዘንጋኋ ጭኝ በቨንኝእ አአር ኢናመኸ ኧትፈተነ ዋና ካህን አነንረ፤ ቢኸርቭ ጭን አትቭ ባጢር አኔፐዳ ፤
+\v 16 አካ ባቴ ምረት ንቴኤፐርነኸ ቢያትሲኧንረዳቭ ግዚየ ያአግዘንረዳ ጠጋ ንቴኤፐርነኸ ጠጋ ኢረሁዉኮዳ እእግዜር ዙፏኒ ብእምነት ንተኧቭነ ።
+
+\c 5
+\p
+\v 1 ዋና ካህን እንእን ተሰቭ ግት ኢሾፖቺ፤ብእግዜርቭ አአር ኧሰቭ ወኪል ኸረ ኧቫጢር አፉ ዩዉኮዳ ፤መባዪ ህትቭ ያቲኢንቪ ኢትሾም ።
+\v 2 ሁዳ ገግኋ ኧቫንኝእ ባጢር ዪንአይ ኧኸሬ አይሂርሙቪ ኖኦራቭ አአር ኢሶጅታ ሁኖዋ ያትቫጥጥኮዋይ ኢኸርነ ።
+\v 3 ሁድቭ ኧገግሞኋዪ ኤኤኛቭ ሰቪ ባጢር ቲቭር ህትቭ አቶኦኑዉት አኖዳ ሁዳ ብእም ኧቫአደ ።
+
+\v 4 አአሮን ኧሆኔመኸ እግዜር ኢኸራኲ ባኸሬ ፤ዋ ክብር ኧገግኋ ኢዎስድካ አትሞኋ ኤንዳ።
+\v 5 እመኸቭ ክርስቶስ ዋ ዋና ካህን ኧሁርት ክብር ኧገግኋአቦሰደዳ ፤ዘንጋኋጭን እግዜር «አኸ ትከነኛ ኢያ አቦ ኸርከ»ባረን።
+
+\v 6 እመኸቭ በኤኛቭ ኤኤዲ ፤ «ኧኸ ኧመልከ ፀዴቂ ሹመተኸ፤ አኸ ኧዘልለም ካህንንኸ»ይቭር ።
+
+\v 7 ኢየሱስ በዋ አርዳ በረፐረወ ዘቨር ተዉድ ኢረሳኲ ኢኸርነዳ እግዜሪ፤ጠሎትቪ ሳአየቭ በሩእ ኮትቪ ኢምባቭ አቴኤነቨ ፤ተቩረቭ ሂንኋይ በገርነድ ኧቴአዘዜ ኧኸሬ ጠሎትኋ ተሰምአ።
+\v 8 እእግዜር ተከቭ ዳር ቢኸርቭ ተቴኤፐረን ስቃያ ኧቴኤዘዥት ተማረ ።
+
+\v 9 ሁድቭ ቴኤዘዘ ሙርአ ኸረታ ተትረከቨ ቀጥወ ፤ ኢቴኤዘዥታ ሁኖዋ እንእ ተሁዳ ኧትረሳ ኧዘላም አያ ሂተዉዋ ኢረቩሩዋይ ተነፉም፤
+\v 10 ኧመልከ ፀዴቅሜ ሹመትመኸ ዋና ካህን ተቬረ ብእግዜር ተሾመ።
+\v 11 ኧዋ ዘንጋ አአር ኖኦራ ንዝሬኲኔዳ አአር አነንረ፤ ቢኸርቭ ትትሞሩዋይ ትስለቹዋይ ኧኸሬ አሁዋ ኢጋሁዋኸ አአዉጅት ቡሼኧኸ ያጀግርካ ዘንጋን ።
+
+\v 12 አሁዋ ዋአካ አትሞርት ባነቨሁዋታ ግዚየ ገና አአወተረ እእግዜር ቃር ኢኢድሁዋታ ሰቭ ያትሲእሁዋ ዋአካቭ ያትሲእሁዋታ ሁዳ ቱኧ ሸረድ ታይኸር አይቭን።
+\v 13 አይቭ ኢሰጭካ እንእ ትከ ኧኸሬ ፤ትእግዜሪ ተፅድቅ ትምርት ገና አንትሄሄረዳ ።
+\v 14 ቱኧ ሸረድ ጭን ወሄ ተቩጥጥ ሁዳ ባቲይተዉ ኢሂሩዋይ ገግሁኖዋ አትርዋሸዉዋ ኧዎሰሩዋ ሰቭን አአር።
+
+\c 6
+\p
+\v 1 ህመኸ ኧኸረሜ ታአወተራቸ ኧክርስቶስ አአር ኧቴቨ ትምርት ንቴእተነታ ኧኋርቲ ናአነ፤ተትብላሸ ሜና ንስሃ ኧጉዉኦት አአርቪብእግዜርቭ ኦኦዎርት አአር ሃአይተነ ኢኢኒየ ተዣቨይተነ ሆይተነ አንቅርስነ ፤
+\v 2 እመኸቭ ኧጥምቀት አአር ፥ኧጅ ኦዱጉት አአር ፥ኧዎጁዋ ሰቭ ኧተሸት አአርቪ ኧዘላለምቭ ፍርድ አአር ሃአይተነ ትምርት አንቅርስነ ።
+\v 3 እግዜር በፈቀደ ዋኸ ነንአነሴ።
+
+\v 4 ህመኸ ኧኸረሜ ታአወተራቸ ኧክርስቶስ አአር ኧቴቨ ትምርት ንቴእተነታ ኧኋርቲ ናአነ፤ተትብላሸ ሜና ንስሃ ኧጉዉኦት አአርቪብእግዜርቭ ኦኦዎርት አአር ሃአይተነ ኢኢኒየ ተዣቨይተነ ሆይተነ አንቅርስነ ፤
+\v 5 እመኸቭ ኧጥምቀት አአር ፥ኧጅ ኦዱጉት አአር ፥ኧዎጁዋ ሰቭ ኧተሸት አአርቪ ኧዘላለምቭ ፍርድ አአር ሃአይተነ ትምርት አንቅርስነ ።
+\v 6 እግዜር በፈቀደ ዋኸ ነንአነሴ።
+
+\v 7 እንእ ግዚየ በፎርኋ ያድግካ ድየ ኢሰችካ ዪ ኢቹጂዳቭ ሰቭ ቡስር ዪካ አፈር ትእግዜሪ ደረት ኢረህቭ።
+\v 8 ዘንጋኋጭን ሶሁቪ ኢገቫቭ ያረቭአካ አፈር አትቭ ዋጋ ኤነነ አአር ኢኸርኬ ፤ኢትሰተዉወዳቭ ወቅት ሰንአ ፤ኢኢሞኋ ብእሳድ ኧንደጅትን።
+
+\v 9 ናማጂዮ ማንኝእ ዋኸ ባይተነ ብንዝሬክነቭ ተትረፉታሁዋ ኧትረሳ ተሃአ ኧትጣበጠ አአር ኑኡየ አአር አነነሁዋኸ ኢና ኒሂርነ ።
+\v 10 እግዜር አመጠኘ አኸረዳ ፤ሁዳ ሜናሁዋ እመኸቭ ኢኢፍትመዪ ኧህር ዋአካቭ በክርስቶስ አአሞሩዋ ሰቭ በኦጉዥትኧሹዉኋ ቱቱሩዋ አቴሸኊ ንመጀ አይትረሳኩዳ።
+
+\v 11 ናማጂዮ ማንኝእ ዋኸ ባይተነ ብንዝሬክነቭ ተትረፉታሁዋ ኧትረሳ ተሃአ ኧትጣበጠ አአር ኑኡየ አአር አነነሁዋኸ ኢና ኒሂርነ ።
+\v 12 እግዜር አመጠኘ አኸረዳ ፤ሁዳ ሜናሁዋ እመኸቭ ኢኢፍትመዪ ኧህር ዋአካቭ በክርስቶስ አአሞሩዋ ሰቭ በኦጉዥትኧሹዉኋ ቱቱሩዋ አቴሸኊ ንመጀ አይትረሳኩዳ።
+
+\v 13 እግዜር አአብራሃም ተስፋ አቨን ግዚየ ኢይወዳ አአር ተሁዳ ኢረእካ አአር ኤኛ አአር አነፐሬ ኧኸሬ ፤በገግኋ ተኘ ፤
+\v 14 ዋመኸ ባረ«ኧዉረ ኧባርክኸዴ ዘርማኸ አደብስኩዴ።»
+\v 15 አብራሃምቭ ፈነኸ ብእየ ቀጥወ ኧቴቨን ተስፋ ነከቨ ።
+
+\v 16 ሰቭ እንእ ተገግኋ ቢረእካ አአር ኢተይ ዘንጋሞሁኖዋ በተየ ያጪጉምታ በግትሁኖዋ አትረሳ ክርክር እንእ ኢትሸከቭ ።
+\v 17 እመኸቭ እግዜር በሂንኋይ አንዳ ኤቭነሁዋቴ ኧዋረኖዋ ኧተስፋ ቃር ኢዎርሽታ ሁኖዋ ያቲኢምርኮዋይ በተየ አጬገኖም ።
+\v 18 እግዜር ስርም ኤነ አአር አዪኢድካ ፤ሁዳ በዉርኤት ባይትሸጎሩዋ ዘንጋ ቢኢፍትንራይ አንዳ ተስፋ ንጠጥኔ ኧሁዳይ ኤፐነ ኧሴከነ ኢና ኑእ ኧትቁሟሞርት ንረህቭነኸ ኤፐ።
+
+\v 19 ኢናቭ መርከብ ንፋስ ባይረሳኪአይቅረቅረኸ ያአጉጅኮዳ መሐልቅ ዩሪዳ ሁዳኸ አይቅረቅር ተስፋ አነንረ ፤እም ተስፋ ተመዘኔት ሁዳ ሃአ አጋድ አንዳ ኧክከስሪ መቅደሲ ኢጋአ።
+\v 20 እም ኤኤዲ ኢየሱስ ኢና ቲቭር በተረ ኧገፓወ ኤኤድን። ሁድብ ኧመልከ ፀዴቂ ሹመቲ ሁዳኸ ኧዘላለም ዋና ካህን ኸረ።
+
+\c 7
+\p
+\v 1 ዋ መልከ ፀዴቅ ኧሳሌም ንጕስቪ ኧሩኡየ እግዜርሜ ካህን ባንደ፤ሁድቭ አብራሃም ተሮኦራ ንጕስ ተዋካ ኤመ ቲቫአካ ነከቨንታ ዳረን ፤
+\v 2 አብራሃምቭ ትእንቭ አአር አት አስረኘ [አስራት] አዋአ አቨን አወተረ ሹቭኋ «ኧፅድቅ ንጕስ» ኧዋርትን ፤ተቀጥወቭ « ኧሳሌም ንጕስ »ኧዋርትን ፤ኧሳሌም ንጕስቭ ኧዋርት፤«ኧዋገሬት ንጕስ» ኧዋርትን ።
+\v 3 አቦሚ አዶድቭ ኧህር ዶᎄ ኤነንዳ ፤ኧዘቨርሞኋ ኢቆርሽኮዳቭ ኧህር ያርእወዳ ኤነንዳ ፤ ዘንጋኋ ጭን እእግዜር ትከኸ ኧዘላለም ካህን ኸረ ኢረቭር ።
+
+\v 4 እንዴ ምርአካ አአር ኑኡየ አአር ኧኸረኸ አጫሙጩዋ ፤አአቦንራ አላቃ አብራሃም ዳር ተቫነኸን ሁዳ ኢፈዝካኋ አአት አስረኘኋ ባረ አዋአ አቨን።
+\v 5 ካህንነድ አዉዮዋ ኧሌዊ ዴንጋ ማንኝእ ኧሰማትሁኖዋ አአብራሃም ዘር ዳር ቢሆሩዋ ፤ተሰቭኋ ተገግሞሁኖዋይ ኧሰማት አት አስረኘ ኢቴኤፖሩዋኸ ቂጫ ዪኢዝዝ ።
+\v 6 ዋዳ ጭን ኧሌዊ ጥቭ አኸረዳ ፤ቢኸርቭ ጭን ታአብራሃም አት አስረኘ ቴኤፐረ፤ኧተስፋ ቃር ኧቴኤፐረ ሁዳ ዳረንቭ ።
+
+\v 7 እእስ ኑእ ኢደርኮኸ አያዉራኝካ ።
+\v 8 ባአት አጋድኋ ታአስር ኧጅ አት ኧጅ ኢቴኤፖርታ ሰቭ ፤ኢዎጅታ ሰቭኖዋ ፤ቤኤኛ አጋድኋ ጭን እንእግዚየ ሙድ አይቫር ኢረቭረኸ ኧትምሰከረነ ኡዳ ኢቴኤፐር ።
+\v 9 አቸሞኋ ታአስር ኧጅ አት ኧጅ ኢቴኤፐርካ ሌዊ ፤ገግኋ በአብራሃሚ አጋድ ታአስር ኧጅ አት ኧጅ ካሰ ቢዩሪ ዋራይ አይኸርካ ፤
+\v 10 እመኸቭ ዩሪዳ ሁዳ መልከ ፀዴቅ አአብራሃም ኧረከቨን ግዚየ ሌዊ ገና ባአብራሃሚ ወንዘብ ባንደ ።
+
+\v 11 ሰቭ ሙርአ ኢኸርካ ሁዳዪ ኧሰቭ ቂጫ ኧቴቨን ሁዳ በሌዊ ካህንንድ አይነት ተኸረ ፤አአሮኒ ካህንነደኸ ታይኸርቭ ኧመልከ ፀዴቂ ሹመተኸ አአር አነንዳ ኤኛ ካህን ኦኦት ባናትሴኤዳ ።
+\v 12 ካህን በትሸገረጋ ቂጫሞኋ ኧግርድቭ ኧትሶጎርት አኖወ።
+
+\v 13 ዋዳ እንእን ኤኤጅነ ሁዳ ጭን ቴኤኛ ጥቭን ተህም ትብ ህትቭ ቢዪንኧኮዳ ኤኤዲ አጌኰረ አአር ኤኛ አአር አትዎኋ ኤንዳ።
+\v 14 ጎይታንራ ተይሁዳ ጥቭ ኧቫአኸ ኧትሄረዳን አአር ፤ሙሴ ኧካህን ሁኖዋ አአር ቲዝሬካ ኧዋ ጥቭ አአር ኧዝሬከን አአር አታአር ኤንዳ።
+
+\v 15 ኢና ኧዝሬከኔ ሁዳ ኢረእካ አአር ኢትሄርካ ሁዳ ጭን ኧመልከ ዴቀኸ አአር ኤኛ ካህን ቢትረሳን።
+\v 16 ሁዳ ካህን ኧኸረ ሁዳ ኧሰቭነድ ቂጫ አይነት ታይኸርቭ እንእ ግዚየ ቢረቭርካ ባይትሻር ኧሂዎት ደረግን፤
+\v 17 ዋኸ ቧርሙ ሙሶኮርነ፤ «ኧመልከ ፀዴቂ ሹመቲ ሁዳኸ፤ አኸ እስተ ዘላለም ካህንንኸ ።>»
+
+\v 18 አአወተረ ቂጫ ማንኝእ አያጌኲር አአር ኧኸሬ ሻሪ፤
+\v 19 ቂጫቭ ኡዳ አትዎኋ አትሞኋ ሙርአ ዪንአይ አይኸርኔ ኧኸሬ፤እእግዜሪ ንቴኤነቭኔኮዳ ኧፈዘ ተስፋ ማአ።
+
+\v 20 እም ካህን ኧሁርት ተየ አይቫር አማአዳ ፤ኤኛ ካህን ሁኖዋ ካህን ኧሆሩዋ ሁዳ ተየ አይቫርን፤ ሁዳ ጭን ካህን ኧኸረ ሁዳ በተየን፤
+\v 21 ህመኸ ኧኸረምኔን እግዜር ዋኸ ባረ ኧዝሬከን ሁዳ ፤ «ጎይታ ተኘ ፤አሳብሞኋ አይሸግርካ፤ «አኸ ኧዘላአለም ካህንንኸ ።»
+
+\v 22 ተዋ ተየ ኧትረሳ ኢየሱስ ኢፈዘካ ጉርዳ አᎀ ኸረ።
+\v 23 ካህን ሂተውዋ አገልግሎትሁኖዋ ቲያጉሎጉሉዋ ይኢክሹዋይ ሙድ ኧኸንአኖዋይ ኧከሬ ፤ኧዋ ኢፍቲ ካህን ኧረፖሩዋ ሁኖዋ ሙዝርሁኖዋ ኖኦራ አአር ባንደ።
+\v 24 ኢየሱስ ጭን እስተ ዘላለም ኢረቭርካ አአር ኧኸሬ ካህንነድኋ አይትሻርካን አአር።
+
+\v 25 ህመኸ ኧኸሬ ኧሁኖዋ አአር ቲማልድ እንእ ግዚየ አያ ኸረ ኢረቭሪ ኧኸሬ ፤በሁዳይ አጋድ እእግዜሪ ኢዎኦታ ሁኖዋሙርአሞኋ ያተርፍኮዋይ ኢኸርነ።
+\v 26 አካ ኢና ያትሲይኧንረዳ ሁዳ፤ኧትቀደሰ ፤ቅነጨ ኤኖወ፤ጥርር፤ተቫጢረተኘ ሁኖዋ እንእ ቡችር ኧኸረዪ፤ተሳቫይቭ በፎረ ኧከበረ ኧዋኸ ዋና ካህንን።
+
+\v 27 ሁድቭ ኤኤኛ ዋና ካህነኸ ፤አወተረ ኧገግኋይ ባጢር፤ ተህም ቀጥወ ኧሰቭኋይ ባጢር ቲቭር እንእ ቀረ ህትቭ አቶኦኑዉት አያትሲእኩዳ ፤ገግነድኋ አዋአ ባአይፐረጋ ኧቫጢርሁኖዋ እእማተጋ ስርም አይደዉርኰ አአር ህትቭ አቴኤነቨ ።
+\v 28 ቂጫ ሁዳ ኤኤኛሞኋኸ ባጢረተኘ ሰቭ ዋና ካህን ኤፐታ ኢሾም ፤ተቂጫ ቦፎረ ኧቫአ ተየ ጭን ኧዘላለም ሙርአ ኧኸረ እእግዜር ትከ ሾᎀ።
+
+\c 8
+\p
+\v 1 ባቴ ኢና ንዝሬኲኔዳ ዋናቡር ዘንጋኋ ዋዳንበሳቫይ በሩኡ እግዜር ቀነ ኧቸና ኧዋከ ዋና ካህን እአነንረ፤
+\v 2 ሁድቭ በሰቭ ኧጅ ታይኸር ፤ብእግዜር በቴፐ ኧዉረሚየ ድንኳን በኸረ ቤተ መቅደስ አገልጋይን።
+
+\v 3 እንእ ዋና ካህን ኢሾሚዳ ሁዳ መባዪቪ ህትቭቭ ያቲኢንቭኔን ፤ህመኸ ኧኸሬ ዋ ዋና ካህን ያቲኢንቭኩዳ አአር ያትሲእኩ።
+\v 4 ሁዳ በዋ አፈር ቢረቭር ካህን ባኸረዳ፤እመኸቭ ዩዉሪዳ ሁዳ በቂጫ ቤኤዘዢ አይነት መባ ያቲኢኑዉታ ኤኛ ሰቭ አኖዉዋይ ኧኸረዴ።
+\v 5 ሁኖዋ አጉሎጎሉዋ ሁዳ በሳቫይ አንዳ ቤተ መቅደሲ መሰሮሚ ጥራርቭ በኸረሁዳ ከስን፤ ሙሴ ድኳም ሁዳ ዪንአይ በትረሳጋ ፤«እንእንቭ አአር በቆቶወ ሁዳ ፎር በትረከቨናኸ መሰሮወ ሁዳ አይነት ተጤፕ ኧንአ»ይቭካ እዝዝ ኧቴቨንቭ ሁዳ በዋ ኧቫአ ባንደ ።
+
+\v 6 ዋአካ ጭን ኢየሱስ ያስምአምአይ በግትኋ ኧገፓወ ጉርዳ ተጉሲየ ጉርዳ ኢረእመኸ ፤እመኸ ኣቴኤፐረንቭ አገልግሎት ፤ተሁኖዋይ አገልግሎት ኢረእ፤እመዳቭ አትሾኮዊ ሁዳ በፈዘ ኧተስፋ ቃርን።
+\v 7 አአወተረ ጉርዳ አትቭ አዎር ታነኰኰ ፤ኧዉርኤተኘ ሁዳ ባናትኬሸዳ።
+
+\v 8 ዘንጋኋ ጭን እግዜር በሰቭ ፎር አዎር ኧረከቬ ኧኸሬ ዋኸ ይቭኮዋ ፤ «እእስራኤል ሰቭ ተይሁዳቭ ሰቭ ፤ወያ ጉርዳ ኧትጣበጥወዳ፤ ግዚየ ያአሴ፤ይቭር ጎይታ።
+\v 9 እመዳቭ ሁኖዋ ተግብፅ ገኘ ፤ አዋአኮዋይ ኧጅሁኖዋ፤ ኧጠበጥሁኖዋ ዝዚየ ፤ ቲኢፍት አቦሁኖዋ ኧጣበጥሁን ፤ ጉርዳኸ አአር አኸረዳ ፤ እመኸቭ ኢኸርካ ሁዳ ሁኖዋ በጉርዳ ሁዳ ቲቭኧተዉዋ አንሸኮዉዋታ፤ ኢያቭ ተሁኖዋ ኢፍትኛ ዠፐርሁ፤ይቭርጎይታ።
+
+\v 10 ተህም ግዝየ ቀጥወ ፤ ቴስራኤል ሰቭ ኧጣበጥኩዳ ጉርዳ ፤ዋኸትን ፤ ይቭር ጎይታ፤ ቂጫኛ በጉንኧርሁኖዋ አዎራኬ ፤ በሂንመሁኖዋ ኧጠፍኩዴ። ኢያቭ አምላክሁኖዋ ኧኸርኬ፤ ሁኖም ሰቭኛ ይሆርቴ ።
+
+\v 11 ተዋቴ አትቭ ሰቭ ፤ ኧወነኸኋ ዌ ፤ ኧኧሰምኋ ፤ ጎይታ ሃር ባይተ ፤ አያትመርካ፤ ኧቭር ቢዩሪ ትእንሲየ ሁኖዋይ ቅርሽተዊታንዳ ፤ ኧኑኡየ ሁኖዋይ ስን፤ እንእቨሁኖዋ ኢሂርኝዴ።
+\v 12 ኧጎᎊ ጊፋን እንእ አ እቭኮቴ፤ ትእም ቀጥወ ባጢርሁኖዋ ስርም አናስብካ፤
+
+\v 13 ዋ ጉርዳ ፤ «ወያ ጉርዳ» በትቬርትኋ ኧዋ ኢፍቲ ኧረፐረ ጉርዳ ጉስ ኤፐን ፤ህመኸ ኧኸሬ ኧገነዘዪ ኤፖኮቭ ሁዳ የኧፋወዳ ግዚየ ማአ ቴኤነቨ።
+
+\c 9
+\p
+\v 1 አአወተራቸ ጉርዳ ያጔኪርኮዳ ቂጫ ታአፈሪ ኣኸረ መቅደስ ባነነደ ።
+\v 2 ድንኳን አረሸዊ ባንደ፤በአወተራቸ ባንዳ ክፍል መቅረዝ ሁዳ ፤ጠረጴዛቭ ሁዳዪኧህትብሞኋ ያቲኢኑዊዳ ሸረድ ሁዳ ባኖወደ ፤እም ኤኤዲ «ቅድስት» ዩዉሪ ።
+
+\v 3 ተዉርኤተኘቭ መዘኔት ኢኢ አጋድ ቅድስተ ቅዱሳን ዩዉሪዳ ኤኤዲ ባንደ ።
+\v 4 በሁድቭ ከስ ኢጣን ኢቶኩሽኮዳ ኧወርቅ ኢኢጣን ግቭርቪ፥እንእ አጋድኋ በወርቅ ኦኦፖይ ኧጉርዳ ታቦት ባነዉኮደ ፤እም ታቦትቭ ሁዳ በከስኋ መና አኖዳ ኧወርቅ መሶብ ፤አፍረፈረ አአሮኒ አአርቪ ጉርዳቭ ሁዳ ኧጣፉኰ [ኧፅላት] እቭር ባኖወደ ።
+\v 5 በታቦትቭ ሁዳ ፎር ባጢር ኢትፋእወዳ ሁዳይ ኡፎድ ኢዠንሩዋታ አአር ኧክብር ኪሩቤል ባኖዉዋተ ፤ዋአካ ጭን ኧዋሁኖዋ አአርእማትእማት ንዝሬክኔ አይኸንረዳ።
+
+\v 6 እንእ አአር በዋ አይነት ቁጥ ቁጥ ቤፐዊ ቀጥወ፤ካህናት ሁኖዋ እንአገልግሎትሁኖዋ ያጉሎጉሉዋይ እንእ ግዚየኧድንካን ሁዳ አአአወተረ ክፍል ኢጎኦዋ።
+\v 7 ዘንጋኋ ጭን ኧድንኳን ሁዳይ ኧከስሪ ክፍል ኢጋአካ ሁዳ እማት ዋና ካህን ሁዳ ባንደ፤ኢጋአካቭ ሁዳ እማት በህርቭ አት ግዚየ ኸረታ፤ኧገግሞኋይ ባጢርቪ ሰቭሞኋቭ ታዪሂርቭ ኤፐን ባጢር ቲቭር ያቲኢንቭኩዳ ደቭ ታይተጥ ስርም ባይጋአካ።
+
+\v 8 አአወተራቸ ድንኳን በትሸከቨመኸ ታንዳ አአህር ኣቅድስተ ቅዱሳኒ ኢዎስድካ መያ አች ገና አንትሄረኸ መንፈስ ቅዱስ ያቲሽ ።
+\v 9 ሁድቭ ኧዋአካ ዘቨር መሰሮ ቲኸርካ ያቲኢኑዉዮታ መባዪ ህትቭቭ ያቲኢንቭካ ሰቢ ሂን ሙርአ ዪንኦዋይ አኸረኖታ።
+\v 10 ዋሁኖዋ እንእ ወያ ቂጫ ቲቫአ ስን ዪንኧዮታ እማት ኧሸረድ፥ ኢሰጪዳቭ አአርቪ፤ እመኸቭ ጨር ኢጠጭኮዳ ቂጫን።
+
+\v 11 ክርስቶስ ዋአካ አኖዉታ ወሄ ዘንጋ ዋና ካህን ኸረ በቫአጋ በሰቭ ኧጅ አኔፐዊ ትእም አፈር አኸረ ሙርአ አኸረ ኑኡየ ድንዃን ከስ ገፓ ።
+\v 12 ኧገፓቭ ሁዳ ኧፈኘእቭቢ ኧመገራቭ ደቭ ጥጭተታ አኸረዳ ዘንጋኋ ጭን አዘላለም ያተርፈንሬ አት አይደዉርኰ አአር እእማተጋ[አአጅባትኃ] ኧገግኋይ ደቭ ጠበጠታ ቅድስተ ቅዱሳን ገፓ።
+
+\v 13 ኧሰነሁዋ ሰቭ ኧፎር ሰቭነድሁኖዋ ኢጠርረኸ ፤ኢሁኡኮታኧፈኘእቪ ኧዋዉራቭ ደቭ እመኸቭ ኧፈኘእቪ አአዥቭ አቨድ ኢቀድስኮዋ በኸረ፤
+\v 14 በዘላለም መንፈሲ አጋድ ገግኋ አወር ኤኖወ ህትቭ ኤፐ እእግዜርኢፍቲ አቴኤነቨ ኧክርስቶሲ ደቭ እንእ ግዚየ ኢረቭርካ እግዜር ናጔኪርነኸ ኧተኸ ሂንንራ ተዎንደ[ተትብላሸ]ሜና ኢረእቭ ያጠርርኩ ኢህርሴ!
+\v 15 ህመኸ ኧኸረሜ ኧሆኖዮዋ ሁኖዋ ተስፋ ኧቴቨኖዋ ኧዘላለም ደረድ ኢቴኤፖሩዋኸ ፤ክርስቶስ ኧገደር ጉርዳ ዋና ኸረ ። ባአወተረ ጉርዳ ከስር ታነዉሙ ቴፐዊ ባጢር ያጠርርኮዋይ ሱጉያ ኸረ ተሸገረ ሞደ ።
+
+\v 16 አት ኣትራዘችዢ አአር ቲረቭርካ ኧትራዘዢሁዳ ኢኸሪ ኧግርድቭ ሃአ ኧትራዘዘ ሁዳ ቲዎንድ ስን ኦኦሮት ያትሲእ።
+\v 17 እመኸ ኢኸርካ ሁዳ ኑዛዜ ሁዳ ኢኸርካ ፤እማት ምስ ሁዳተወደ ቀጥወን ፤ዘንጋኋጭን ኧትራዘዘ ምስ ባሞዴ ኑዛዜ ሁዳ አታአር አያጔኪርካ።
+
+\v 18 ህመኸ ኧኸረሜ አአወተረ ጉርዳ ስን ደቭ አይቫር ሙርአ አነፐራ ።
+\v 19 ሙሴ ኧቂጫ ሁዳይ እዝዝ ኧሰቭኋ እንእ እማት እማት ተዝሬከ ቀጥወ ኧመገራ ፤ደቭ ትእሃ ፤ተቭሻ ኧጣይ ጉንኧርቪ ተሂሶፕ እራኧረታ ወሰደ በመጣፍቪ በሰቭ ሁኖዋ ፎር ሆኧንቭ፤
+\v 20 እመኸቭ ባረኖም «እግዜር ቱኡሮይኸ እኤዘዘናሁዋ ኧጉርዳ ሁዳይ ደቭ ዋዳን።»ባረታ፤
+
+\v 21 እመኸቭ ድንኳን ሁዳዪ ያጉሎጉልኮታቭ ግቭር ሁኖዋ እንእ ደቭ ፍረታዎም።
+\v 22 ኧዉረቭ በሙሴ ቂቻ አይነት ተቅሪ ዘንጋ አይቫር እንእ አአር በደቭ ኧጥረርት አኖኸ ዪኢዝዝ ፤ደቭ ታይትሁእ ባጢር አይትፋእካ።
+
+\v 23 አካ ዋ ኧሳቫዪ ዘንጋ መሰሮ ኧሆሩዋ ሁኖዋ ኣግድሞሁኖዋ በዋ ዘንጋ ኧጥረርት ባኖዎተ ፤ዘንጋኋ ጭን በሳቫይ አኖዉታ ሁኖዋ በዋ ቢረእካ ህትቭ ኧጥረርት አኖዎዋ።
+\v 24 ክርስቶስ ኧዉረሚየ ድንኳኒ መሰሮ ኧኸረዪ፤ በሰቭ ኧጅ አረሸዊ ቤተ መቅደሲ አገፓዳ፤ዘንጋኋ ጭን ዋአካ ኢና ቲቭር ብእግዜር ኢፍቲ ኢትረከቪ፤ኧዉረሚ ድንኳኒ ኧሳቫዪ፤ገፓ።
+
+\v 25 ዋና ካህን ሁዳ ኧገግኋ አአር አኸረ ደቭ ጠበጠታ ኧህርቭ ህርቭ ፤ቅድስተ ቅዱሳን ኢጋአመኸ ፤ህመኸ ክርስቶስ ገግኋ ህትቭ ዪንአይ ኖኦራ ግዚየ ኧሳቫዪ አገፓዳ።
+\v 26 ሃኸ ኧኸረ አአር ተኸረ ክርስቶስ አለም ተትፈጠረ ቅርሽተዊታ ኖኦራ ግዚየ መከራ ኧተኦወርት ባትኬሸን ባንደ። ዋአካ ጭን በዘቨረ ያርእወዳ ገግኋ ህትቭ ኧኝኧተታ ባጢር ኢፈኢ አት አይደቭሩቨ አአር እእማተጋ ተረከቨ ።
+
+\v 27 ብብ አት ግዚየ ኢዎንድመዪ ተህም ቀጥወ በፍርድ ኢፍቲ ኢትሸከቪ ተፈንደወ ።
+\v 28 እመኸቭ ክርስቶስ ኧሮኦራ ሰቪ ባጢር ኢፌንጊ እማተጋ ህትቭ ኸረ፤ኧዉርኤተኘቭ ገዚየ ኢቫአኬ ፤ኢቫአካቭ ሁዳ ባጢር ኢፌንጊ ታይኸር ኧሁዳይ ኦኦት ዩኡሮታ ሁኖዋ ያተርፍኮኔ።
+
+\c 10
+\p
+\v 1 ቂጫ ሁዳ ተዋ ቀጥወ ኢቮኦዋታ ሁኖዋይ ጥራርን ባኸሬ ፤ጪግቭ ኧኸረ ገግኋአሃራ።ህመኸ ኧኸረሜ ኧህርቭ ህርቭ እንእ ግዚየ ዪንኤዳ ህትቭ ህትቭ ሁዳ ያቲኢኑዉታ ሰብ ስርም ሙርአ ዪንአኮዋይ አይኸርነዳ ።
+\v 2 ሙርአ ዪንአኮዋይ ኧኸረነ አአር ተኸረሁ ህትቭ አቶኦኑዉት ባንቸኧዊዳ? እመኸቭ እም ህትቭ ኢንኧታ ሰቭ አተጋ ስርም አይደቩርኰኸ ኢጠሩሩዋይ ኧኸሬ በቀርብሁኖዋይ ኧባጢረተኘኸ ባሆሩዋታ።
+\v 3 ዋ ህትቭ ጭን ኧህርቭ ህርቭ ባጢር ያዞጉጅታኖዋ አአር።
+\v 4 ኧቭር ቢዩሪ ኧዋዉራዪ ኧፈኘእቭ ደቭ ባጢር ኢፈኢ አይኸነዳ።
+
+\v 5 ህመኸ ኧኸረሜ ክርስቶስ ዋ አለም በቫአጋ ዋኸ ባረ፤ «ህትቭቪ መባቭ አንሴኤኧኸዳ ፤ በሰር ጭን ቂትቂጥ ኤፐኸኒ፤
+\v 6 ቢረድድካ ህትቭቪ ፤ ኧቫጢርቭ ቲዩሪ ቢያቲኢኑዊዳ ህትቭ፤ አሳረናኸዳ ።
+\v 7 ሃአ ግዚየ ዋኸ ባሁ፤"ኢያ አአር በመጣፍ ኧጣᎉይመኸ ፤ አምላክኞ እኩ ኢያ አነሁ፤ ኧፍቃዳኸ አአር ኢንአይ ማአሁ።»
+
+\v 8 ቂጫ ሁዳ ዋ ዘንጋ ዪንኧዪ ቢዪኢዝዝቭ ፤ሁዳ ጭን አወተረ ፤«ህትቭቪ መባቭ ኢረድድካቭ ህትቭ ኧቫጢርቭ ቲዩሪ ያቲኢኑዊዳ ህትቭ አንሴኤኸዳ ፤በሁድቭ አሳረናኸዳ »ይቭር ።
+\v 9 ህመኸ ተቫረ ቀጥወ ፤«እኩ ኧፍቃዳኸ አአር ኢንአይ ማአሁ» ባረ ፤ኧዉርኤተኘ ሁዳ ያትሽክቪ አአወተረ ሁዳ ሻረ።
+\v 10 ብእም «ፍቃድ» ኢየሱስ ክርስቶስ ስርም አይደዉርኰ አአር እእማትጋ በቨሰርኋ ህትቭ ህይተዉ በተኧኖዉትኋ ኧቫአ ተቀደስነ ።
+
+\v 11 እንእ ካህን ባጢር ኢፎኡዋይ አይኸርኖዋ ሃአ ህትቭ እንእ ግዚየ ባቶኦኑዉት እንእ ቀረ ተሸከቨ አገልግሎትኋ ያግለግል።
+\v 12 ዋ ካህን ጭን አዘላለም እማት ህትቭ ሁዳ አቴኤነቨታ ፤ብእግዜር ቀነ ቸና ፤
+\v 13 ተህም ግዚየ ቆነሺታ ጠራትኋ እንእ ተኧግርኋ በገዳ ቲሆሩዋ ስን ዪኢየ
+\v 14 ኧቭር ቢዩሪ በሃአ ብእማት ህትቭ ሃአ ኢትቆድችሽታ ሁኖዋ ኧዘላለም ሙርአ ኤፐኖም ።
+
+\v 15 መንፈስ ቅዱስቭ ኧዋ ዘንጋ አአር ኢምሰክርንረ ፤አወተረ ዋኸ ይቭር ፤
+\v 16 «ተህም ቀጥወ ተሁኖዋ ኧጋአኩዳ ፤ ጉርዳ ዋትነዳ ፤ ይቭር ጎይታ ፤ ቂጫኛ በቀርብሁኖዋ በሂንሁኖዋ አረቭርኩዴ፤ በሂንመሁኖዋ ኧጠፍኩዴ፤ይቭር
+
+\v 17 እመኸቭ አትቭ ፤ ባጢርሞሁኖዋዪ አመጥሞሁኖዋ ፤ ተዋቴ አናስብካ» ይቭር።
+\v 18 ዋሁኖዋ አ ተዋሪዮዋ ቀጥወ ተዋቴ ኧቫጢር ቲዩሪ ያቲኢኑዊዳ ህትቭ አይረቭርካ።
+
+\v 19 አካ ኧሰማቶ ብእየሱስ ክርስቶሲ ደቭ ኧቅድስተ ቅዱሳኒ ንጋአኔ ኢኸርንረኸ ንትማመርኔኮዳ ደርግ ነከቭነ ።
+\v 20 ንጋአነዳቭ ሁዳ በመዘኔት ሁዳ ህመኸቭ ኧዋርት በቨሰርኋይ አጋድ በከፈደንረ ወያቭቢ ሙድ ኤኖወ መያን።
+\v 21 ብእግዜር ቢድ ፎር ኧትሾᎀ ኑዕ ኧኸረ ዋና ካህን አነንሬ ኧኸሬ ፤
+\v 22 ተቩጥጥ ቀርብ ንጠርርነኸ ፤ ሂንንራ ተዝረጭተነታ፥ምሲየመንራ በንጡሁ እሃ ታኤቭተነ ፤በቩረ ሂንቪ ሙርአ ተቩርአቭ በታአሞርት እእግዜሪ ንተኧነቭነ።
+
+\v 23 ተስፋ ኧገፓንረ ሁዳ ኧታአመረ አአር ኧኸሬ ፤አመርነታ ንዝሬኪኔነዳ ተስፋ ጥቅ ነንአነ ንጥጥነ።
+\v 24 ገግተገግመንራ ኧርመጀዪ ወሄ ሜናቭ ኦንኧት አአር ኧተኸ ቃዠ ቃዠ ኧዋርት አነቨንረኸ ናጫምጥነ ።
+\v 25 አታትሁኖዋ ኦንኧት ኧቸኧዊመኸ ኢናቭ እመኸ ኧትሰዉሶዉትንራ አንቴእኔ ፤ኢረእቭ ቀረኋ ኢሰርአይ ማአ ኧቲኢናነቨኸ ትታዥታ ገግ ተገግመንራ ንትቁሟሞርነ።
+
+\v 26 ኧዉረቭ አአርኋ ተሃርነ ቀጥወ ኸረ ባይተነ ድፈይተነ በቫጢር ቲቭኧተነ ብንዥቫፐርነ ፤ተዋ ቀጥወ ኧቫጢር ኢኸርካ ኤኛ ህትቭ አይረቭርካ ፤
+\v 27 ተሃአ ቀጥወ ኢተርፍካ ሁዳ ጭን እማት ያትፈኝካ ፍርድቪ እእግዜርሜ ባራ ጋራ ኢቨርአካ ጦናᎀ እሳድን።
+
+\v 28 ኧሙሴዪ ቂጫ ኧቀንጠ ማንኝእ ሰቭ ኧቀንጠኸ ዉርኤት ዌ ሶኦስት ሰቭ ሄቶ ቤኤጅኰ ታይቮሪ ዮኦትሪ ባንደ።
+\v 29 እህ ባቴ እእግዜር ትከ ኧረከኧ፤ኧትቀደሶወቭ ኧጉርዳ ደቭ ማንኝእማአር ኤፐ ኤቬዘረ፤ኧጠጋቭ መንፈስ ቀጨቀጨ አቴፐ ምርአካ ኧቫአሰ ቅጣት ኧትቆጮት አኖዳ አአር ኢቨስርሁዋ?
+
+\v 30 «ኧቩጥጥ አጅግ ኧዣዉርት ኢያትን አአር ፤ኢያ አጅግ ኧዠፕር፤»ኧቫረ ሁዳ ማን ኧኸረኸ ኒሂርኔ ፤ እመኸ እትቭ «ጎይታ በሰቭኃ ፎር ኢፈርድ»ይቭር።
+\v 31 በሩኡየ እንእ ግዚየ ቢረቭርካ እግዜር ኧጅ ኧዶኡት ቡሼኧኸ ያትፈኝካን አአር ።
+
+\v 32 ኡዋየ ተዋአነሁዋ ቀጥወ በስቃያ ከስ ኖኦራአአር ጃድ ባሁምታ ተፓሁም ኧትሸከሁኰ ኧድረ ዘቨር ዙጉጁዋ።
+\v 33 አታት ግዚየ በጆፎረ ኧትሰደጅትቪ ኧቂናቨቭ ኸርሁም ባንደ፤ቤኤኛቭ ግዚየ ኧዋኸ ስቃያ ተሰንአዎዋ ሰቭ እማቲስቃያ ቴኤፐርሁም።
+\v 34 አሁዋ ገጋሁዋ እእን ግዚየ ኢኸርካ ኧፈዘ ንቭርረደ አነነሁዋታ አአር ኧኸርሁዋኸ ቲሂሩዋይ ኧኸሬ አአኮጂዮዋ ሁኖውዋ ኧጅ ፈታሁም ንቭረድማሁዋ ቲዠርፉኮዋታ በሳርት ቴኤፐርሁም።
+
+\v 35 ህመኸ ኧኸረሜ ኑኡ ዋጋ አነነዳ ኧታአሞርታሁዋ አትቋሹዋ።
+\v 36 እእግዜር ፍቃድ መኝኧተሁዋ ቦንኧት ፤ኧተስፋ ቃርኋ ትቴኤፖሩዋኸ ቲቭኧተሁዋ ኧትሶጎዉት አነቨሁዋ፤
+\v 37 ኧቭር ብቱሩዋ ፤ ተቀሪ ግዚየ ቀጥወ ፤ «ኢቫአካ ሁዳ ኢቭአኬ፤አያቲርካ።
+
+\v 38 ፃዲቅ ጭን በታአሞርት ኢረቭር፤ ኢኢኒየቭ ቢያር ነብሲያኛ በሁዳ አይሽርኩዳ።»
+\v 39 ኢና ጭን አሞርሙ ቲተርፉታ ሁኖተ ባኸሬ እኢኢኒየ ተዠፖርሙታ ቲዮኦርታ ሁኖዋ አኸርነዳ ።
+
+\c 11
+\p
+\v 1 እምነት ኧዋርት በተስፋ ንኢየኔዳ ዘንጋ ኢኸረኸ ናጪግኔኮዳ ፤አናዥነዪቭ አአር ኧዉረ ኧኸረኸ ነቭርኔኮዳ አአር።
+\v 2 እእም ኢፍቲ አቦንራ ኧምሶኮርኖዋ ሁዳ ብእመዳምን ።
+\v 3 አአለም ፍጥረት እንእ ብእግዜር ቃር ኧትፈጠረኸ ብእምነት ንሂርነ ፤ህመኸ ኧኸረሜ ኧኸረሜ ያዢዳ አአር እንእ ኧትፈጠረሁዳ ቲያዢዳ ሁዳ አንኸረኸ ኢጋአንረ።
+
+\v 4 አቤል ብእምነት ተቃየል ኢረእ ኧራኧ ህትቭ አአግዜር አቴኤነቨ ። እግዜርቭ አቴኤነቨን ህትቭ አአር በዝሬከነጋ ፤ ሁዳ ብእምነት ፃዲቅ ኧኸረኸ ተምሰከረነ ።ቢዎንድቭ ዳር ዋአካቭ ሰን ብእምነትኋ ኢዝሬይክ ።
+
+\v 5 ሄኖክቭ ሙድ አይረህቭኮኸ ብእምነት ተዋ አለም ወሰጂ፤እግዜርቭ ኧወሰደኒ ኧኸሬ አኖኮዊዳ ፤ታይዎስጂቭ ኢፍቲ እእግዜር አትሳረኸ ተምሰከረነ።
+\v 6 እምነትቭ አይቫር እእግዜር ኢሽርኩዳ አአር ዪንኧዪ አይኸርካ ፤ኧቭር ቢዩሪ እእግዜሪ ኢቴኤነቭካ እንእ እግዜር አነመኸዪ ተሂንመኋሜ ኢሱኢዳቭ ሁኖዋ ዋጋሁኖዋ ኢኮኸ ኦኦዎርት አኖወ ።
+
+\v 7 ኖህ ገና አቸ አያዢ አአር እግዜር በተረ ባትጬፐንጋ እእግዜር ፈኘታ ቢደሰቭኋ ያተርፊ እእግዜር አመረ ብእሃ ፎር ያርካ መርከብ አረሸ፤ብእምነትሞኋ አአለም ሰቭ እንእ ባጢረተኘ ኧኸረኸ አትሄረ አትቄንጠኖም ፤በታአሞርት ኢረህዊዳ ፅድቅ ወራሽ ኸረ።
+
+\v 8 አብራሃም ደረድ ኧኝኧተታ ኢቴኤፐርኩዳ ኤኤዲ በሆኔጋ በታአሞርት ቴኤዘዘ ፤ኧቲ ያረኸ ዳር ባዪሂርቭ አኪያ ባረ ቴኤዘዘ ወረ ፥
+\v 9 በሰቭ ገኘ አንዳ አአት ሳናጫደኸ እግዜር ኢኸዴ ባረ ተስፋ በጎፖነ ኤኤዲ ብእምነት ቸና ፤ኧጎፖነ ተስፋ እማቲ ኢዎርሹዋታ ኢሳቅመኸዪ ኧያቆብመኸ በድኳን ከስ ነፐረ።
+\v 10 ኧቭር ቢዩሪ ፤አይትቫነር እግዜር አረሸንቪ ኧፈጠረንቭ ከተማ ኢጋአይ ይኢየ ባንደ።
+
+\v 11 አብራሃምቭ ማንኝእ ቢገርዝቭ ፤ሳራቭ ገግሻ ዠገቫ ብትኸር፤ ትከ ኢኸዴ ባረ ተስፋ ኧገፓነ እግዜር ሙርቴ ኧኸረኸ ኧሃሬ ኧኸሬ ብእምነት ኧትከ አቦወ ኢኸሪ በቃ።
+\v 12 ህመኸ ኧኸረሜ ተዋ ተወንደ ሰቭ ቲቲቬዘርካ ተዋ ታአት ሰቭ ፤ኧሳቫዪ ሆሆኸ ኧደበሰዪ ፤ኧቫር ሞሬ አሸዋመኸ መዝይተዊ አያርእ ኧሰቭ ዘር ነኮዊ ።
+
+\v 13 ዋሁኖዋ እንእ ኧቴቨኖዋ ኧተስፋ ቃር ታይረሁዉም እምነትሁኖዋ ትእራዉዋመኸ ሞጁም፤ ቢኸርቭ ጭን በሮኡሜ ኧሰቩም ወጌም ቧሪ፤በዋ አፈር ቲሮዉርታ ሳናጫድቪ ባዘራቭ ኧሆሩዋኸ ኋርሙ ባንደ ።
+\v 14 ዋኸ ዩዉርታ ሰቭ አገግሁኖዋ ኧኸረ ኤኛ ገኘ ዩኡሮዋኸ ያቲሹዋ ።
+
+\v 15 ቼኤዊታ ኧዎኦዋ ገኘ ቢያጫሙጩዋ ፤ሃአይ ኢትዠፖርኮዳ አአር ባነኖተ ።
+\v 16 ዋአካ ጭን ተሃአ ገኘ ኢረእካ በሳቫይ አንዳ ገኘ ኢትሜኙዋ ፤እግዜርቭ ኢረቩርኮዳ ከተማ ጔከረኖም፤ ህመኸ ኧኸረሜ እግዜር «ጎይታንራ» ባይተቩዋ ኢሆሮዪ አንቅቨጨዳ።
+
+\v 17 አብራሃም እግዜር በፈተነንጋ ብእምነት ኢኢሳቅ ህትቭ ኤፐ አቴኤነቨን፤ኧትስፋ ቃር ኧቴኤፐረ አብራሃም እማት ትትከኋ ህትቭ ዪንአኲ ቁጥቁጥ ባረ ባንደ፤
+\v 18 እመዳቭ እግግዜር «ዘራኸ ቢኢሳቅ ኢትኸናኬ» ኧትቬረነ ሁዳ ኧሁዳ ባንደ።
+\v 19 አብራሃም እግዜር ኧዎንደ ሰቭ ኢረሳኸ ኢኸነኸ ሃረ ባንደ ፤አብራሃምቭ ኢኢሳቅ ተቩድ ኧትረሳ አአር ኤፐታ አሸንቭ።
+
+\v 20 ኢሳቅቭተሃአ ቀጥወ ኢቫአካ ዘንጋ አአር አጫመጠታ፤ኧያቆብቪ ኤኤሳዉብእምነት ዳረኖም።
+\v 21 ያቆብቭ ቲዎንድካ ኧዮሴፊ ዴንጋ ኦጣኦጥሁኖዋ ዳረኖም፤ባአርመኋ ዊዲ ሙግ ባረታ እእግዜር ሰገደ።
+\v 22 ዮሴፍቭ ኢዎንዲ ማአ በሰንአጋ፤ብእምነት እእስራኤል ሰቪ ተግብፅ ኢዎኦዋመኸዪ ፤አአቭሞኋ ተሃይ ያዎኤኸ ኤዘዘ።
+
+\v 23 ሙሴ ተቴኤኘ ቀጥወ ፤አቦ አዶድኋ ማርካማ ትከ ኧኸረኸ አሸዉዋይ ኧኸሬ ሶኦስት በኘዳር ብእምነት ዶኦሪ ፤ንጉስቭ ኧዋአን አዋጅ አፈኘዉታ።
+\v 24 ሙሴቭ ተትራኧ ቀጥወ ፤ ኧፈረኦኒ ሜቸቤ ኤትቬሪ ብእምነት ባአይ ባረ ።
+\v 25 በቫጢር ቲረሁዊዳ እእስየ ግዚየ ኧሳርት ኢረእ ትእግዜሪ ሰቨጋ ስቃያ ኧተኦዎርት ሸፐተ።
+\v 26 ተግብፅ ገኘ ደገኝነድ ኢረእ ኧክርስቶስ ቲዩሪ ስቃያ ኧተኦዎርት ኢረእካ ደገኝነድ ኧኸረኸ ገፓንቭ፤ኧቀጥወቭ ኢቴኤፐርኩዳ አጅግ ተሮእሜ ኸረታ አሸቫ!
+
+\v 27 ኧንጕስ ሁዳሜ ማአት ታይፈይቭ ብእምነት ግብፅ ገኘ ገፈረ ዋአ ፤አይትረከቭቭሁዳ አሸን አአረኸ ኤፐ ሜዘረታ ባአሳብኋ ተፓ ተሸከቨ ።
+\v 28 ኧቭህር ዴንጋ የኧትርካ መላአይካቭ እእስራኤል ኧቨህር ዴንጋ ባየኧትርኮዋይ ብእምነት ኧፋሲካቭ ደቭ ኧፎቾት ቂጫ ጀፐረ ።
+
+\v 29 ሰብሞኋ በደረእ አፍፈር ያርካ አአረኸ ብእምነት ቀይ ባር ወይኦሙ ዎኦሙ፤ኧግብፅቭ ገኘ ሰቭ ጭን ህመኸ ኒንአነዴ ቧርሙ ቢያትዋቁሩዋ አአንዳአአርሁኖዋ ስረሞጩም።
+\v 30 ሰቭ ሁኖዋ ኢኢያሪኮ ግምብ ብእምነት ሳቭአት ቀረ ተዦሪ ቀጥወ ወተኧ።
+\v 31 ተረከቨች ሰቭ ሁጅር ትደምድ ኧረፐረች ረአብ ዩዉሪዳ ምሽት፤ከተማኋ ያታዉሩዋይ ትእስራኤል ገኘ ኧዎሩዋ ሰቭ በወሄ አአር ኧቴኤፐረቸኖዋይ ፤ታይቴኤዘዡዋ ሰቭ እማትሜ አነኧፋች ሁዳ ብእምነትን።
+
+\v 32 አትሁ ትእኩ ኢረእ ምር ንቫር? ኧጌዴዎን አአር፥ኧባርቅ አአር፥ኧሳምሶን አአር፥ኧዮፍታሄ አአር ኧዳዊት አአር፥ኧሳሙኤልቢ እመኸቭ ኧነቢ ሁኖዋ አአር ኖኦራ አአር አኒኢደኸ ግዚየ ኤነኒዳ።
+\v 33 ዋሁኖዋ ብእምነትሁኖዋ ተመንግስት ተዋኮሙ ኤሞሙ፥ቂጥየ ፍርድ ፎጁም ኧቴቨ ኧተስፋ ቃርቴኤፖርሙ ፥ኧዠፕ አፉ ዞጎሙ፤
+\v 34 እእሳድ ደረግ አአፎሙ፥ ተሴፍ አሞሎጩም፥ ተቂጭናሞሁኖዋ ሃአዉሙ ተቁሟሞርሙ ፥በጋዝቭ ቆዋረ ሆርሙ፥ኤኤኛ ገኘ ጋዘኘቭ አዎኦሙ ቃሾሙ።
+
+\v 35 እሽቻ ሁና ኧዎጁዋ ሰቭህና ተረሸናም ፤ ኤኛህናም እመኸ ኢፈዝካ ተቩድ ኣተሸት ቲቭሩዋበአያ ኧምቦርት አታአር አኸረ አአረኸ ቆንጩምታ፤ገግሁኖዋ ኧዉዲ ያሰርአካ ስቃያ አዎኦሙ አአይፖርሙ፤ተሁድብ ነጣ ኢዎኦዋይ አንሴኤዉታ ።
+\v 36 አታት ሁኖዋ ኧቅነጨ ሆርሙ ፤ጎሮᎉዮምቭ ፤ኤኛሞሁኖዋ አኮጁም ኦሁኔ ቢድ አጎፖዮም።
+\v 37 ብእቭር ዎኮዮም ፥በመጋዝ ዉርኤቲ ዦኦሪዮም ፥በሴፍቭ ዎኮሙ ኦተሪዮሙ፥ ቲድዋኙዋቲትሰተጁዋዪ ቲስቋዩዋቭ ኧጣዪቪ ኧፈኘእቭ ጎጛ ቶሆተሩሙ ዦርሙ።
+\v 38 አለም ኧሁኖዋኢኸሪ አትቨቃኖታ።በቨረሃ በረሃ ፎር ፥በቆቶቆቶ ፎር፥ በኸየኸየዪ በጎጀቭ ጎጀ ከስ ተስቋዮሙ።
+
+\v 39 ዋሁኖዋ እንእ እእምነትሁኖዋ አአር ቢሙሶኩርኖም፤ ቢኸርቭ ተሁኖዋ እማትሞሁኖዋ ኧጎፖነዋ ኧተስፋ ቃር ኧቴኤፐረ ኤነዳ።
+\v 40 እግዜር ኢና ኢረእካ አአር ኤጔኴረንሬ ኧኸሬ ፤ኢና አይቫር ሙርአ ኢሆሩዋይ አይኸኖታ።
+
+\c 12
+\p
+\v 1 አካ ባቴ ዋሁኖዋ ያአሁርታ ኖኦራ ምስክር ትእንቭ አጋድንራ በሆፖዉንረመኸ በሮፖሩዋጋ፤ፉንግ ኧኸረቨንረ አአር እንእ ኧሲያሞኋቭ አክታተፈ ኢጠጠንረዳ ባጢር ናፍካነታ፤ ቢኢፍትንራይ አነዳ ኑጫ ከፈርንራ ንክስነታ ንትራዉእነ ።
+\v 2 እእምነትንራ ኧቀነስንቪ ያርእወዳቭ ኢየሱስ ነዥነ ፤ሁዳ ተሃአ ቀጥወ አነዳ ኧሳርት ቲቭር፤መስቀል ሁዳ ፈነኸ ፌነገኧመስቀልቭ ሁዳይ ዉርደት ቀንጠታብእግዜር ዙፋን ቀረ ቸና።
+\v 3 አካ ተዛጌግተሁዋታ[ችላ ባይተሁዋ] ተስፋ አታጩዋኸ ፤ተቫጢረተኘ ሁኖዋ እዋኸ ጊፋን ሰንአወታ ኧፈነኸ ሁዳ አጫሙጩዋ ።
+
+\v 4 አሁም ተቫጢር ጃድ ትታዎኦዋ ገና ደሁዋ ኧትኋኡቲ አአህር አንትጋፋሁይዳ ።
+\v 5 ዴንግንነድቭ አነቨሁዋይ ኧኸሬ «ትከኞ፤እእግዜሪ ቅጣት እንሲየ አእአር ኧኝኧተኸ አተዥ፤ ቲቨኧችቨኸዳቭ ተስፋ አተጥ ፤
+\v 6 ጎይታ ቢረድኩዳ ትከኋ ኢቨኧች፤ አትከመኸቭ ኢቴኤፐርኩዳ ሁዳ ኢቀጣ፤» ባሁም ኧዝሬከሁይ ሁዳ ተረሳናሁም።
+
+\v 7 እግዜር ኧዴንጋኋኸ ኧጠበጠናሁዋይ ፤ኧኸሬ ኧቫአት ምክርኋፍሮሁዋ ፤ ተሁርትሞኋ አቦኋ አይቀጣኩ ዴንጋ ማንደን?
+\v 8 እንእ ዴንጋ ኢቆጮዮኸ አሁም ተህም ባቆጮኩዋ አሁዋ እንጭረቬንሁዋ ባሬ ዴንጋ አኸርሁዋታ።
+
+\v 9 ተህም ቦፎረ ኢና እንእቨንራ ኢቆጮንረዳ አአር ኤኤኘዉንረአቦንራ ባነዉንረደ፤ናኸብድኔዮም። ባንደ አካ ባቴ አያ ህይተነ ንረቭርኔ ኧተኸ ኧሳቫዪ [ኧመንፈስ አባንራ] ኧተኸ አናኸብድኔዳ?
+\v 10 አቦንራ ኧሁኖዋ ወሄ አአር መሰረ ኧትረከቨኖኸ ኧቀሪመጋ ኢቆጮንረ ባንደ ፤እግዜር ጭን ተቅዱስነድኋ ንትሻከድነመኸዪ ኢናቭ ያጌኪረንረኸ ባረታ ኢቄጣንረ።
+\v 11 ቅጣት እንእ ኧግዚየኋ ያቲእ ባኸሬ ያትሽርካ አአር አትቨስርካ፤ኧርወሸዊ ሰቭ ጭን ኧቀጥወኋ ፅድቅቪ ሽኛትቭ ኢረህዉኰ።
+
+\v 12 ህመኸ ኧኸረሜ ኧትተረ ኧጅማሁዋዪ ቄጠቭ ጉርቨዳሁዋ አቱዉኤ ።
+\v 13 ጅረ ሁዳ አፊያ ኢኸረኸ ባኸሬ ኢረእቭ አይጀኘኸ «ኧኧግራሁዋ ወሄ መያ ጎኩሩዋ።»
+
+\v 14 ተሰቭ እንእ በሽኛት ትረዉሩዋይ ትቱሩዋ ኢኸነሁዋታ ሁዳ እንእ ኦንኦዋ ፤ትትቆደሹዋሜ ሶኡዋ ፤ ቅድስና አይቫር አትቭ ሰቭ እግዜር ያዢ አይኸርነዳ።
+\v 15 ታሁዋ ማንኝእመኋ እእግዜሪ ጠጋ አይቀቭሩቨኸ እመኸቭ አትቭ ኢቨርርካ ኧስር ኒቭኧተታ ችግር አያሰርአመኸዪ ፤ኧሮኦራሞሁኖዋ አያደፈኸ ተጦፑዋ።
+\v 16 እእማት ግዚየ ሸረድ ቲቭር በህርነድኋ አሲየ ኤኤሳዊ ሁዳኸ ማንኝእሞኋ ቴኤኟ ሰቪ አበሩስ ሁጅር ኢዶሙጅታ አአር ዌ እግዜር አያከብር አአር ሂይተአይትረከቨኸ ተጦፑዋ።
+\v 17 ኤሳዉ ኧቀጥወ ዋ በህርነድኋ ኢዎርሲ ቢሲእቭ ኧሆንኤኸ ቲሂሩዋ፤ደረትኋ ዠፐረቭ ቲቤይህ ቢሲእኩ ዣቪተታ ኢረሁኵ አኸረነዳ።
+
+\v 18 በኧጅ ቢረጉጂ ቢኸርካ ብእሳድቭ ኢረድድካ ኧሲና ቆቶዌ ፥ኧጠነቫይ፥ኧዳቭራመዪ ኡኡቡርቢትሜ፥ኧሰንአሁዋታ፤
+\v 19 ኧመለከት ዩሪዳ ኧጡሩምቧኸ ኢሮፌዳ ሁዳይ ቃሪ፤ ኢትሰምአካ ቃሪ፤አማአሁዋታ ፤ሁዳ ኧሰምኦዋ ሰቭ ዲቪተወ ኤኛቃር አያትሴምአኮዋኸ ሳአሪ።
+\v 20 ኧቭር ብቱሩዋ «ዳታ ፉኡቭ ዳር ቆቶወ ሁዳ በረከደ ብእቭር ኧጎዪ ኧዉንድ »ይቭካ እዝዝ ኢእፌኑጉዋይ አኸረኖታ።
+\v 21 በሃኸ ያዢ ኧረፐረ ሁዳቡሼኧኸ ያትፈኝካ አአር ባንደ፤ሙሴቭ«ፈኘሁታ አራአደዪ» ባረ ።
+
+\v 22 አሁዋ ጭን ኧፅዮን ቆቶዌ፥በሳቫይ አነዳ ኢየሩሳሌሚ እንእ ግዚየ ኢረቭርካ እእግዜሪ ከተማይ፤በሳርት ኧትደሞጁዋ ሙዝር ኤነኖዋ መላአይካይ፤
+\v 23 ሹዉሁኖዋ በሳቫዪ ኧጣፉዮዋ ኧቨህር ሁኖዋይ ማቨሪ ቴኤነሁም፤እንእንቭኋይ ዳኘ ኧኸረ እእግዜሪ ፤በሁድቭ ሙርአ ኧሆሩዋ ኧፃዲቅ መንፈስ ሁኖዋይ ፤
+\v 24 ኧገደር ጉርዳ ዋና ኧኸረ ኢኢየሱስመዪ እመኸቭ ታአቤሊ ደቭ ኢፈዝካ ቃር ኢዝሬካ ባጢር ያእቪ ኧሮቼ ደቪ ሰንአሁም።
+
+\v 25 ኢዝሬካ ሁዳ ባአይ አቱሪኸ ተጦፑዋ ። ዋሁኖዋ ባአፈሪ ኸረታ ያትጬፕኮዋ ኧረፐረ ሁዳ ባአይ ኧዋሪ ግዝዚየ ሲህተዉዋ ባንተነፉዋጋ ፤ኢና ተሳቫዪ ኧቫአ ሁዳ ቲያትጬፐንረዳ ተሁዳ ብናረእነ ኧተኸ ሲህተነ ንተርፍኔ ኢኸንረዴ።
+\v 26 ሃአ ግዚየ ቃርኋ አአፈር ባንደ አቅረቀረ ሁዳ ፤ዋአካ ጭን፤«እማት አፈር ታይኸርቭ አት ግዚየ ዲቪተሁወታ ሳቫይቭ አቅረቅርኬ» ባረታ ቃር ገፓ ።
+
+\v 27 «አት ግዚየ ዲቪተሁወታ»ይቭካ ቃር ያቲሽካ ሁዳ አይቁረቁሩዋ ሁኖዋ ቲቭኧተዉዋ ኢረቩሩዋኸ ፤ኢቁሮቁርታ ሁኖዋ ሁድቭ ኧትፎጠሩዋ ሁኖዋ ያአፎዮታ አአር ኧሆሩዋነኸ ።
+\v 28 ህመኸ ኧኸረሜ ስርም አይቅረቅር መንግስት ንቴኤፐርኔ ኧኸሬ እእግዜር ሽኩርት ናተኧንቭነ፤እመኸቭ ኧሁዳ ቢሽርኩዳ መያ ኢሽርኩኸ ትናኸብድነይቪ፤ትንፈይነቭ ንስግድኔነ።
+\v 29 ኧቭር ብቱሩዋ ኢናይ እግዜር ያአፋካ እሳድን።
+
+\c 13
+\p
+\v 1 ገግተገግማሁዋ ኧኧሰማተኸ ተራዎጁዋ።
+\v 2 ባዘራ ኧተኧወርት አይተሳሁዋ ፤ኧቭር ብቱሩዋ አታትሁኖዋ ባዘራ ቲቴኤፖርታ ታይሂርሙ መላአይካቭ ተህም አቫይዘርሙ ።
+
+\v 3 ኧታአኮጁዋ ሁኖዋ ተሁኖዋ ኧታአከድሁዋ አአረኸ ኧንኦሙ አጫሙጩዋ፤እመኸቭ በሰቭ ኧጅ ኢዱዋኙዋታ ሁኖዋ ፤እመኸ አሁዋ ገጋሁዋ ስቃያ ቲቴኤፖርታ አአረኸ ኧንኦሙ አጫሙጩዋ ።
+\v 4 ጋቢቻ ብእንቭ ሰቪ ኧትከበረ አአር ኧህር ግዲየሞኋ ወሄ አአር ኧህር ፤ኧቭር ብቱሩዋ እግዜር ተቫንኝእ ሰቭ ሁጅር ቢዶሙጅታ ሁኖሚ እመኸቭ ታአበሩስህኖዋ ኤኛ አአር ዶኦርሙ አዎኖሙ ሁጅር ቢዶሙጅታ ሰቭ ኢፈርድኬ።
+
+\v 5 ዋጋ ተርዎጅት ገጋሁዋ ኧሮዋ ፤ባነነሁዋታ ሁዳ ድክ ቧርሙ ኑዎሩዋ፤ ኧቭር ብቱሩዋ እግዜር፤ «አቸ አቺእኸዳ ፤ ስርምቭ አቃሽኸዳ» ባረ።
+\v 6 ህመኸ ኧኸረሜ በቩርአ ሂን፤ «እገዠኛ ጎይታን ፤አንፈይካ ፤ ሰቭ ማሃ ዪንአንሬ ኢኸነ?» ንቭርነ።
+
+\v 7 እእግዜር ቃር ኤኤጅኩዋ ኢኢፍታሁዋይ ኧረፖሩዋ መሪያሁዋ አጫሙጩዋ፤ ሜናሞሁኖዋ ኦዡምታ ብእምነታሁዋ ሁኖዋ ሙሰሩዋ።
+\v 8 ኢየሱስ ክርስቶስ ትራኛዪ ኦኳ ኧዘላለምቭ አም ሁድምን አይትሽጋገርካ ።
+
+\v 9 በቩችር ቡችር አይነት ባዘራባዘራ ትምርት አትሞተቹዋ ሂንንራ ቲቭኧተ ኢትሸከካ ሁዳ ብእግዜሪ ጠጋን ባኸሬ ኧሸረድ ቂጫ ቦኦሮት አኸረዳ ፤እም ኧሸረድ ቂጫ ዩኡሮታ ሰቭ ዳር አታአር አናጔከረኖታ።
+\v 10 በድንኳንቭ ሁዳ ከስ ያጌኪርታ ሰቭ ተህትቭሁዳይ ሸረድ ኢዎርኦዋይ አትበቃኖዋ ህትቭ ዪንኦኮዳ ኤኤዲ አነንረ።
+\v 11 ዋና ካህን ሁዳ ባጢር ኢትፋእወዳ ኧዋጋ ደቭ ጠበጠኧቅድስተ ቅዱሳን ሁዳይ ኢጋአ፤ኧዋጋ ሁዳይ በሰር ጭን ተቃያኋ ሰቻ አጋድ አዎኦሙ ኢቬኪሪ ።
+
+\v 12 እመኸቭ ኢየሱስ በገግኋይ ደቭ ሰብኋ እንእ ተቫጢርዃ ኢቀድሲ ተከተማኋይ ኢጎኦኮዳ ሳቃ ሰቻ አጋድ ስቃያ ቴኤፐረ።
+\v 13 ህመኸ ኧኸረሜ ኢናቭ ሁዳ ኧፌነገን ዉርደት ንፈንግነታተቃያ ሰቻ አጋድ ኧሁዳይ ናአነ።
+\v 14 ኧቭር ቢዩሪ በዋይ ኧገግንራ ኧኸረ ከተማ ኤነንረዳ ፤ዘንጋኋ ጭን ቲኢፍት ኢፍት ኢቫአንረዳ ከተማ ንእየነ ።
+
+\v 15 ህመኸ ኧኸረሜ ብእየሱስ ክርስቶሲ አጋድ እንእ ግዚየ እእግዜር ኧሽኩርት ህትቭ ናተኧንቭነ፤እም ህትቭ እእግዜር ኧክብርኋ በከፈር ዪኢጅነዳ ኧሽኩርት ህትቭን ።
+\v 16 ባቴ አትብ ወሄ አአር ኦንኧትቪ ፤አነነሁዋታቭ ሁዳ ቴኤኛኋኧትሻጎጅት አይተሳሁዋ፤ኧቭር ቢዩሪ እግዜር ኢሽርኩዳ ሁዳ በዋኸ ህትቭ ኧኸረዴ ።
+\v 17 ኧመሪያሁዋ ታአዘዡዋ ፤ተጎዦኖምቭ ። ኧቭር ቢዩሪ ሁኖዋ ኑእ መትሳአየ አኖዎዋይ ኧኸረዴ፤ሁኖዋ ኧነቭሳሁዋ አአር ያትዋቁሩዋ።ህመኸ ኧኸረሜሜናሁኖዋ ቲሽርኮዋ ባኸሬ ቀጨ ቲቭኮዋ አዪንኦዋኸ ታአዘዢዮዋ። ሃም ባኸረ አይፈዝሁዋታ።
+
+\v 18 ባቴ ኢናቭ ጠሎት ኦንኧንረ ።ብእንቭ አጋድ ወሄ አአር ሂይተ ኢረቭሪ ኢትሜኝካ ጥርር ቀርብ አነንረኸ ናአቭርነ ።
+\v 19 ኢረእቭ አሁዋይ በፈኧረ ተዣቨይተሁ ኧቫአኸ እግዜር ያአግዜኸ ጠሎት ኦንኧኒ ፤አደራናሁዋ!።
+
+\v 20 በዘላለም ኧጉርዳ ደቭ ኧጣይ እንእ ዜማቸ፤ ኧኸረ ኧጎይታንራ እኢየሱስ ክርስቶስ ተቩድ ኧረሳን ኧሽኛት እግዜር፤
+\v 21 ኧፍቃድኋአአር እንእ ቲንኦዋኸ እግዜር በወሄ ዘንጋ እንእ አጥባብቅሁዋ ፤ ቢናቭ ፎር ብእየሱስ ክርስቶሲ አጋድ ኢሽርኩዳ ሁዳ እንእ ኧንአ፤ እስተ ዘላለም ስን ኑኡነድ ኧሁዳ ኧህር፤አሚን ።
+
+\v 22 ኧሰማቶ ኧጣፍነኩዋ ኪሸር እንሲየ አአር ኧኸረመኸ ፤ምክርኗ ትቴኤፖርኘኸ አደራ እቭሁዋ ።
+\v 23 ኧሰምንራ ጢሞቲዮስ ኦፎቼኸ ቲሂሩዋይ ኧሲእ ፤በፈኧረ በቫአ ፤ተሁድቭ እምትሜ አዥሁዋይ አአሴ።
+
+\v 24 እእንቭ መሪማሁዋዪ በክርስቶስ አአሞሩዋ ሰቭ እንእ ወጌም ቧርኒ።ኧጣሌያንቭ ገኘ በክርስቶስ አአሞሩዋ ሰብ ወጌም ይቭኩዋ።
+\v 25 እእግዜሪ ጠጋ ትእንቫሁዋ ኧህር! አሚን።

60-JAS.usfm

@@ -0,0 +1,166 @@
+\id JAS
+\ide UTF-8
+\h James
+\toc1 James
+\toc2 James
+\toc3 jas
+\mt James
+
+\c 1
+\p
+\v 1 ኧጎይታቪ ኧጌታ ኢየሱስ አገልጋይ ኧኸረ ያዕቆብ በአለም እንእ ኧትቭራጨዉዋ አስረ ዉርኤቸ እእስራኤል ጥቭ ፤ወገሬት አሁዋ አህር ። ጅጓረቪ ፈተናቭ
+\v 2 ኧስማትኞ ኖኦራ ጅጓረ ቲስርአቨሁዋታ ኧገክር ኧሳርሁዋ ፤
+\v 3 ብእምነታሁዋ ፈተና ቲሰርአቨሁዋታ ፤ፋራሂነዳሁዋ ቲደቭር ያረኸ ትሂሩዋ ።
+
+\v 4 በፋራይሂነዳህዋ ትግስት ቲቭኧተዉ ኧትሶጎዉታሁዋ አታአር ታይቀቭርቨሁም ጥርርቪ ሙርአ አአር ትሆሩዋኸ ያቨቃሁዋታ አአር ኧህር ።
+\v 5 ታሁዋ ግት ማንኝእሞኋ ኧኋርት ባአነሰንአትሞኋ ታይቀርጥ በዋቢነድኋ እንእ ሜንአ ዪቭካ ጎይታ ኧሳአር ኧሁድቭ ያኩሴ ።
+
+\v 6 ዘንጋኋ ጭን ታይጥራጠር ብእምነት ኧሳአር ኢጥራጠርካ ሰቭ ንፋስ ኢገፋኩዳቪ ኢገኧዝካቭ ኧቫር እሃ ኢቨስር ።
+\v 7 ሃአ ሰቭ ተጎይታይ አታአር ኧረህቭኴ አይቫር ።
+\v 8 እመዳ ኢኸርካ ሁዳ ዉርኤት አሳብ አነነመዪ በቨያሞኋ በዉርኤት አሾወ ኧኸረዴ።
+
+\v 9 በዱኒያ ዚጋ ኧኸረ ኧሰም ጎይታ ያረእኲ ኧኸሬ ኧሳርኩ ።
+\v 10 ኑኡ ዱኒያ አነነዳ ምስ ዱኒያኋ ቢቀቭር ኧሳርኩ እመኸቭ ኧሁርት አኖዳ ሁዳ ፤ ኣዋ አለም ዱኒያ ኧሳአር ማማኸ ኢትራገፍካ አአር ኧኸረዴ ።
+\v 11 ኡዋየቭ ዋአ ቲቬኪርኩዳ ሸቭረሬ ዬቭኩ ማማሞኋ ኢትራገፍ ፤ደቨርሞኋ የኧፋ እመኸቭ ደንገኘ ሰቭ በቬና ትርኩመ ቲቭር የኧይ።
+
+\v 12 ጎይታ ጉርዳ ኧገፓመኸ ኢረጂዳ ሁኖዋ ዪቭ ኮታ ኧሂዎት አክሊል ኢቴኤፖሩዋይ ኧኸሬ በፈተና ግዚየ ተፓ ኢትሸከቭካ ሰቭ ኧትዳረዳን አአር ፤
+\v 13 ጎይታ አአትዎኋ በዉጥጥ አአር አይፈትሪ ኧኸሬ ማንኝእ ሰቭ ፈተና ቲሰርአወዳ «ጎይታ ፈተረዪ» አይቫር ፤ ሁድቭ አትሞኋ አይፈትርካ ።
+
+\v 14 ዘንጋ ጭን ሰቭ ኢትፈተርካ ሁዳ በገግኋይ ሙጥጥ ተመኛት ቴኤመ ኢትዎተቲ ኧኸረዴ።
+\v 15 ተህም ቀጥወ ተመኛት በሰቭ ሂን በትጥቨሰሰ ቀጥወ ባጢር ኢኢኝ ባጢርቭ በትራኧ ቀጥወ ሙድ ኢኢኝ ።
+\v 16 ኧረንድሁዋታ ኧሰማትኞ ባአታአር አትቆቁዋ ።
+
+\v 17 ወሄ ማርቪ ሙርአ በረካቭ እንእ ኢዎኦታ ሁዳ ተፎሬ ተጎይታኔ ፤እመዳ እንእ ኢቫአካኧጥራረኸ ኧዘዉርት ዌ ኧትሽጓጎርት ቴነወ ኧቭርሃን እንእ አባ ተኸረ ተጎይታኔ ።
+\v 18 ጎይታ ኧፍጥረትዃ እንእ በህር ንኸርኔ በገግኋ ፍቃድ በዉረ ቃርኋ ኤኘንረ ። ስቭኤቶ በቬና አዎኦርት
+
+\v 19 ኧረድሁዋታ ኧሰማትኞ ዋዳ አይተሳሁዋ ሰብ እንእ ኢሰቭአይ ጋዳይ ኧህር ኢዝሬኲሜ ኢቨኧችሜ ዝዛ ኧህር ።
+\v 20 ኧሰቭ ማአት ኧጎይታ ፅድቅ በሰቭ ሂን ኢረቭረኸ አዬካ ።
+\v 21 እመኸ ኧኸሬ ሙጥጥነድቪ ቡሼእነድቭ አኖዳ ዘንጋ እንእ ተሂናሁዋ ኦኦሙ ቋሹሙታ ፤ጎይታ በሂናሁዋ አወናን ነብሳሁዋ ያተርፊ ኢኸነዳ ቃር በጋዉነድ ተኦዎሩዋ ፥
+
+\v 22 ቃርኋ ኢዝሬኩዳ ሁዳ ኦንኦዋ ባኸሬ እማት ትሶዉኦታ አአር ሂንተሁዋ ገጋሁዋ አትቆቁዋ ።
+\v 23 ቃርኋ ሰምአታ በቬና አያዎኧር ሰቭ ኢፍትኋ በቭስታወድ ያዥካ ሰቭ ኢቨስር ።
+\v 24 ኣዋኸ ሰቭ ኢፍትኽኋ በቭስታወድ አሸታ ያር ፤ ቢኸርቭ ህመጋ ኢፍትዃ ምር ኡቨስረኸ ኢትረሳኩ።
+\v 25 ዘንጋኋ ጭን ነታ ያዋአኩዳ ኧቂጢየ ቂጫ አሸታ በሁዳ ኢትሸከቭካ ሰቭቪ ኧሰምአን ቃር ታይትረሳኩ በቬና ያዎኦርኩዳ ሰቭ በቬናኋ ኧትዳረ አአር ኢኸር ።
+
+\v 26 ባአነቨድኋ ታይጬፕ ኧጎይታ ኧሰግድ ይቭካ ሰቭ ኧገግኋ ኢቄቅ ሃይማኖትሞኋ ማንኝእምን አአር ፤ [አያጌኲርካን አአር ]
+\v 27 በጎይታ ኢፍቲ አዎር ኤኖወ ሐይማኖት ኧዋርት አቭ ታአዶድሁኖዋ ኧዎጅኮዋ ዴንጋቪ ገማመህና ኧዎጅኳ እሽቻ ባጀገረና አአር ኧኦጉዥትቪ ብእም አለም ታንዳ ሙጥጥ ሜና ኧትጦፑትን።
+
+\c 2
+\p
+\v 1 ኧሰማትⶉ ክብር ባነንዳ በጌታንራ ብእየሱስ ክርስቶስ ታአቩሩዋይ ኧኸሬ ፤አአትሞኋ አታትቋቁዋ ።
+\v 2 ኧወርቅ ሻሸራ ኧኸንአዪ ያዙዎኝካቭ ሁጅር ኧትኸተረ ሰቭ አሁዋይ ቢቫአ ህመኸ አነኣቪ ጉስ ሁጅር ኧትኸተረ ዚጋ ምስ አሁዋ አነሁኮዳ ኤኤዲ ቢቫአ ።
+\v 3-4 ያዙዎኝካ ሁጅር ኧትኸተረ ሁዳ አጋጊዥተሁዋ እኩ አሄ ኤኤዲ ዋዳን በዋ ወሄ ቧርጩማ ቸራ ብቱሪ ዚጋ ሁዳ ጭን አኸ ሄኤዲ ተሰገቭ ዌ «ሄኤዲ ገዳይ ዉዪአ ቸራ» ብቱሪ ብእም ኧቫአ በሰቭ ግት ኧትቋቁትሻሁዋ አሃራ? አትቭ ባትቋቁት ቱፎርጁዋኸ አትሂርታ?
+
+\v 5 ኧረድሁዋታ ኧሰማትኞ ሱዉኦዋ ፤ጎይታ ብእምነት ደንገኘ ኢሆሩዋመዪ ፤ኢረጂዳቭ ሁኖዋ ተስፋ አቨኖዋ መንግስት ኢቴኤፖሩዋይ በዋ አለም አኖዉታ ዚጋ ሰቭ አንሸፐተዳ?።
+\v 6 አሁዋ ጭን ዚጋ ቱቆርጩዋ ፤አአሁዋ ያትጨንቁኩዋታ ሁኖዋ ደንገኘ ሁኖሽ አሆሩዋታ? ኧርፍርድ ቢድ ኢትሸኮዉዋታ ሁኖሽ አሆሩዋታ?
+\v 7 አሁዋ ኧትኸናህኮ ኧከበረ ሹቭ ኢቆሩዉታ ሁኖሽ አሆርታ?
+
+\v 8 በመጣፍ «ናማጂያኸ ኧገጋኸኸ ኧንአ ንቨድ »ቧርምሙ ኧጣፊ ኧጎይታ መንግስት ቂጫ ፤ብእየሁዋ ወሄ አአር ቲንኦዋ ።
+\v 9 በሰቭ ግት ብታትቋቁዋ ጭን ባጢር ቲንኦዋ ቂጫቭ ኧጣስሁዋሜ ትትቅንጩዋ ።
+
+\v 10 ሰቭ ቂጫ እንእ እየታ አትሁዳ ቢያአፋ ቂጫ እንእ አአፋ አአረኸ ኢትቬዘር ።
+\v 11 «ተረከቭኸን እስቻ ሁጅር አትድምድ» ኧቫረ ጌታ ህመኸ ፤«አትእትርቭ»ባረ ብእም ኧቫአ ተረከቭኸና እሽቻ ሁጅር ባትደምድቭ በኧተርኸ ቂጫ ጣስኸ ።
+
+\v 12 ቃርማሁዋዪ ሜናማሁዋ በነጣነት ቂጫ ኢትፈንድወሁዋኸ በኋርት ኧህር ።
+\v 13 እመኸ ኧኸሬ አፉ ኧቫረ ሰብ እንእ አፉት አይቫር ኢትፈንዱወ ቢኸርቭ አፉት ኧፍርድ ኢኢምኩ።
+
+\v 14 ኧሰማትⶉ አት ሰቭ እምነት አነኒ ቢይቭር ወሄ ሜና ጭን ባይረቭርኩ ምር ኢንአነዴ? ኧዋኸ አይነት እምነት ያተርፍኲ አይኸነዳ ።
+\v 15 ኢዎርኧታቭ አአርቪ ኢሰጭታቭ አአር ኤነኖዋ ክርስቲያን ኧሰማትቪ ኧተማትቭ ቢረቩሩዋ ፤
+\v 16 ታሁዋ ግት አት ሰቭ ኧቭሲየሁኖዋ ያትሲእኮታ አአር ታዪቭኮዋ ቦጎሬት ሆሩዋ አይዠዥሁዋ ኡፎዉዋ ቢይቭኮዋ ምር ዪንአኖቴ?
+\v 17 ህመኸ ወሄ ሜና ኤኖወ እምነት ኧዎንደዳን አአር ።
+
+\v 18 ዘንጋ ጭን አት ሰቭ «አኸ እምነት አነነኸ ፤ኢያ ሜና አነኒ »ቢይር እንዴ እምነታኸ ተቬና ባይትርቭ አተሼ ፤ኢያቭ « እምነትኛ በቬናኛ አተሽኸሴ ፤ኧቫኩሴ።»
+\v 19 እማት ጎይታ አነኸ ትሂር ወሄን አአር ፤እሸዳ ሴጣንቭ ያአቩሩዋ በፈራድቭ ያረኧድኮዋ ።
+\v 20 አኸ ጋዋ ሰቭ ሜና ኤነወ እምነት አያጔኲር አአር ኧኸረኸ አትሂርካ ?
+
+\v 21 አባንራ አብራሃም ትኮኋኢሳቅ ህትቭ ቢንኧኮዳ ኤኤዲ ኧጎይታ ህትቭ ኢኸሪ ባቴኤነቨንጋ በቬና አንፀደቀዳ?
+\v 22 ብእመዳ አአብራሃሚ እምነት ተቬና እማቲ ኧረፐረመኸዪ ኧኦዎርትሞኋ በቬና ያቲሽ ኧረፐረኸ ኧዥ ።
+\v 23 በመጣፍ «አብራሃም በጎይታ አመረ ፤ኧኦዎርትሞኋ ፅድቅ ኸረ ተቬዘረነ » ኧዋሪ ኧመጣፍ ቃር ኸረ ።ሁድቭ ኧጎይታ ናማጂ ቧሪ ።
+\v 24 ብእመዳ ሰቭ እማት ቦኦዎርት ታይኸር በቬናቭ ኢፀድቀኸ ታዡዋ ።
+
+\v 25 እመኸቭ ተረከቨች ገማ ሁጅር ትደምድ ኧረፐረች እረአብ ዩዉሪያዳ ምሽት እእስራኤል ኪሸረኘ በቪድሻ ቴኤፐረችታ ቤኤኛ መያ ያሩዋኸ ኤፐቺ ሂድቭ በወሄ ሜናሻ ተነፈች [ፀደቀች]።
+\v 26 ተነፍስ ኧትቫይተረ በሰር ኧዎንደ አአር ኧኸረመኸ ህመኸ ሜና ኤነነ እምነት ኧዎንደዳን አአር ።
+
+\c 3
+\p
+\v 1 ኧሰማትኞ አስተማሪ ኧኸነ ኢና ኢረእካ ፍርድ ንቴኤፐርነኸ ቲሂሩዋይ ኧኸሬ ታሁዋ ግት ኖኦራ ሰቭ አስተማሪ አይህር ።
+\v 2 እንእቨንራ በሮኦራ ዘንጋ ንድቫፐርነ በቃርኋ አይድቫፐረ ሰቭ በረፐረ እንእ ኤኤድኋይ ኦኦሮት ኢኸነዳ ጥርር ሰቭን ።
+
+\v 3 ፈረዝ ኢቴኤዘዡዋኸ ሉጓም ባቃሁኖዋ ናቸፍርኔዮምታ እንእ ኤኤድሁኖዋይ ኧሳረንረኸ ኒኢዝዝኔዮዋመኸ ።
+\v 4 እንዴ መርከብ ኦዢዮዋ ማንኝእ ኑኡየ አአርቪ ቱኧቭ ንፋስ ኢገፋኮታ አአር ቢሆሩዋ መርክብ ኢረዳካ ምስ ብእሲየ መሪ ኧሳረን ኤኤዲ ኤፐ ኢዎስትኩ።
+
+\v 5 ህመኸ አነቨድ እንሲየ ኧገግንራይ ምሲየ ቲኸር በሮኦራ አአር ኢትጒይኴዝ ኑኡየ ድቭር ብእሲየ እሳድ ኧተኸ ነተደ ያርኧኸ ቦስሩዋ ።
+\v 6 አነቨድቭ እእሳድነኸ ፤አነቨድ በብሲየንራ ግት አነዳ ሙጥጥ አአር ኧቬንአወ ፍጥረትን ፤አነቨድ ሙርአ ምሲየንራ ያሰንህ አአዛብ እሳድመኸ ምሲየንራ እንእ ኢቬኪር ።
+
+\v 7 በድቭር አነዳ አዊቪ አፉቭ ህመኸ ባአፎር ፎር ኢትሻዉታዪ በቫርቭ እሃ ከስ ኢረቩርታ ፍጥረት እንእ በሰቭ ተጎዦሙ ።
+\v 8 ዘንጋ ጭን አረቨድኋ ኢገዛይ ኢኸነዳ ሰቭ አቸቭ ኤነዳ ። አነበድ የኧትርካ መርዝ እኧቬንአዎዪ ፎያድቭ ኤነነ ሙጥጥን አአር ።
+
+\v 9 በሁድቭ አቦንራ ጎይታ ናትሼኩርነ በሁድቭ በጎይታ መርክ ኧትፎጠሩዋ ሰቭ ንሰድቭነ ።
+\v 10 ትእማት አነቨድ ደረትቪ ስድቭ ኢዎኦዋ ኧሰማትኞ ዋኸ ኧሁርት ኤኖዳ ።
+
+\v 11 ታአት ጭርጭሪየ ኢኢቭካዪ ኢቨርርካ እሃ ኢገድዲ?
+\v 12 ኧሰማትኞ ኧቭርቱኳን ኤኧ ኧዎይን ቡስር ፤ኧወይን ኤኧቭ ኧቭርቱኳን ቡስር ያፎዪ ኢኸኔ? ህመኸቭ ቲቨርርካ እሃ ኢኢቭካ እሃ ኢረሁዉዪ?
+
+\v 13 ታሁዋ ግት ሃሪቪ ኢቬስርካቭ ሰቭ ማንተን? በረፐረ ኧኋርት ባኖዳ ቦወሄ ኑሮኋ አተሽ ።
+\v 14 ዘንጋ ችን ኢቨርርካ ቅናትቪ ገግቭ ኧርዎጅት በሂናሁዋ ቢረቭር ኑኡነድ አይተሳቫሁዋ ኧዉረ በኸረ አአር አትፉጥሩዋ።
+
+\v 15 እምም አይነት ሃሪነድ ኢረሁዊዳ ሁዳ ታአለም ተቨሰርቪ ተሰይጣንምን ባኸሬ ተጎይታይ አኸረዳ ።
+\v 16 ቅናትቪ ገግቭ ኧሮጅትቭ ባኖኮዳ ኤኤዲ መራክስቪ ሙጥጥ ሜናቭ እንእ ኢረዉሩዋ ።
+\v 17 ዘንጋኋ ጭን ተጎይታይ ኢረሁዊዳ ኧኋርት አወተራቸኋ ጥርርን አአር ተህም ቀጥወ ሽኛት ኢረድካን አአር ፋራይሂን ፤አኪያ ይቭካን አአር እአፉ ይቭካን አአር ወሄይቭ ቡስር ኧቬንአወዳን አአር ፤ኧትቋቁትቪ ኸጥነድቭ ኤኖዳን አአር ።
+\v 18 ወገሬት ኢረጅታ ሰቭ ወሄነድ ዘንኦምታ ኧፅድቅ ቡስር ኢራጩዋ[ቁጥቁጥ]ዪንኦዋ።
+
+\c 4
+\p
+\v 1 ባሁዋ ግት አነዳ አርቪ መራክስቭ ተኧቲ ኧዎኦታኖዋ አአር? በቭሲያሁዋ ቸናታ ቲትዋካካ ተገጋሁዋይ ሙጥጥ ተመኛትሽ አሃራ?
+\v 2 ኧትሜኘዂ ሁዳ ትትዎሁርታ ሰቭ ቶኦትሩዋ ፤ኖኦራ አአር ትትሜኙዋ ኧትሜኘሁይ ሁዳ ባነከሁዋ አሁም ታሁም ትትራኮሹዋ ትትዋጁዋ ፤ አትጠሊዩዋይ ኧኸሬ ኧሴኧሁይቭ ሁዳ አትረሁዉታ ።
+\v 3 ብትሶኦርሙ ኧሳአርኊ ሁዳ አትረሁዉዋ ሁዳ ኧገጋሁዋ ኢሽርሁዋይ በቩጥጥ ጩሞጨ ትሶኦሩዋይ ኧኸረዴ።
+
+\v 4 አሁዋ ህዳተኘ ሰቭ ዋ አለም ኢረድካ ሰቭ እንእ ኧጎይታ ጠራት ኸረ ኧዋርትን ።
+\v 5 ህመኸ መጣፍ« ጎይታ በሂናሁዋ አወናን መንፈስ ፤እማት ኧሁዳ አአር ቱሆሩዋይ ኢሲእ » ኧቫረን ሁዳ እመኸ ኢቨስርሁዋ?
+
+\v 6 ዘንጋ ጭን መጣፍ«ኧትቢተኘ ሰቭ ጎይታ ኢትራከስኮዋ ፤አአመኛታሞ ሁኖዋ ጭን ፀጋ ኢቭኮዋ»ኧቫረ ሁዳ ኧዋዳን።
+\v 7 ባቴ አሁዋ ኧጎይታ ተጎዦዋ ፤ሴጣን ጭን አትሳድጂ ፤ታሁዋ ያረእሴ ፤
+
+\v 8 ኧጎይታይ ተኧነዉዋ ሁድብ አሁዋይ ኢተኧነቭሴ ። አሁዋ ባቲረተኘ ሰቭ ኧጃሁዋ አዉጥሩዋ ፤አሁዋ ትጥራጠርታ ሰቭ ሂናሁዋ አጥርርዋ ።
+\v 9 ተተጠረቁዋ ተዎጠጩዋ [ኦዝኑዋ] ፥ቡሁዋቭ ፥።ዳይአሁዋ በቪኸ ኧሳርትማሁዋ ባንሳርት ኧትሰገር።
+\v 10 በጎይታቭ ኢፍቲ ገጋሁዋ አቶኦንሹዋ ፤ሁድቭ ያረእሁዋሴ ።
+
+\v 11 ኧሰማትኞ ገግተገግማሁዋ ሹዉ አታአፎዋ ፤ ኧኧሰምኋ ሹዉ ያአፋካዪ በኧሰምሞኋ ኢፈርድካ ሰቭ በቂጫ ፎር ሙጥጥ አአር ኢዝሬክ ፤በቂጫቭ ፎር ኢፈርድ ፤በቂጫ ብትፈርድ ዳኘ ኸርኸ ፈንድኸ ባኸሬ ቂጫ አኒኢየኸዳ።
+\v 12 ቂጫ ኢካቪ ኢፈርድካቭ እማት ጎይታን ሁድቭ ያተርፍሜዪ የኧትርሜ ኢኸነዳን አአር ፤ዘንጋ ጭን በራማጂያኸ ፎር ትፈርድካ አኸ ማንደንኸ ?
+
+\v 13 አሁዋ «ኦኳ ዌ ነገ ኤኛ ገኘ ሆይተነታ በሃይ አት ህርቭ ንቸናነዴ ፤አቂጭተነ ናተርፍነዴ »ቱዉርታ አሁዋ ሱቭኦዋ ።
+\v 14 ነገ ኢኸርካ አአር አትሂርታ አሁዋ ምርአፈድንሁዋ? ቀሪመጋ አሸዊታ ህመጋ ኢዎሁሪዳ ተንንሁዋ ፤
+
+\v 15 ብ ኢረእ አሁዋ ኦዋርት አነቨሁዋታ ሁዳ«ጎይታ ፍቅጅተ ብነቭርነ ዋዳ ዌ ሃዳ ነንአነሴ »ቧሩዋ ።
+\v 16 አሁዋ ጭን ዋዳ ኧዋርት ቸኧሁምታ ፤በትቢታሁዋ ትትጒያኴዡዋ እእመኸ ኧትጊያጔዥት ሙጥጥን አአር ።
+\v 17 በዋቴ ወሄ አአር ኦንኧት አኖኸ ቲሂር ወሄ አአር አዬቭ ሰቭ ባጢር ዬቭ ።
+
+\c 5
+\p
+\v 1 ዋአካቭ ደንገኘ አሁዋ የሁዋ ሱዉኦዋ ኢሰርአቨሁዋታ ጅጓረ አአር ቡሁዋ ፤ዋይ ዋይቭ ባሩዋ ።
+\v 2 ዱኒያሁዋ ቦሸ ባረ ሁጅርማሁዋ ንእስ በንአን ።
+\v 3 ወርቅማሁዋዪ ብርማሁዋ ቦሸ ባረ ቦሸ ኧቫረሜ ኧኸሬ ዘር ኢኸርቨሁዋቴ ።ምሲየማሁዋ እእሳደኸ ኢቬኪርኩዴ ኣዋ ኢኢ ዘቨር ኢኸርሁዋታ አአር ኖኦራ ዱኒያ ቁጥ ኤፐሁም ።
+
+\v 4 ኋሩዋ አፈራሁዋ ቲቹጁዋ ኧዋአሩዋ ሰቭ ኧካስህኊ ዶሞዝ ባሁዋ ፎር ኮ ይቭር ዝኝኧ ያጭታ ሰቪ ኮት እንእ አአር ቢኸነዳ ጎይታ እንዝር ገፓ ።
+\v 5 ባአፈር ፎር በትጋኦትቪ በሳርትቭ ነፐርሁም ምሲየማሁዋ ያጪዳ ቧዉራኸ አቄኘሁም።
+\v 6 ታሁዋ አንትራኮሱዋ ጥርር ሰቭ ፈንድህኮም እኧተርሁዮምቭ ።
+
+\v 7 አካ ኧሰማትኞ ክርስቶስ ቲቫአ ስን ተቋቶዉም ኦሮዋ ፤ ቻዋጅ ኢኢፍትመዪ ኢእሜ ዲየ ቲረህቭ ስን ፈነኸታ ወሄ አአፈር ሙርት ይኢየኸ ኦዡዋ።
+\v 8 አሁም ህመኸ ፍሮሁዋ ጌታ የሱስ ኢቫአዎዳ ግዚየ እኧሰንአይ ኧኸሬ ተቋጦዉም ኦሮዋ ።።
+
+\v 9 ኧሰማትኞ አሁም ታሁም አትቁጨጩዋ ሃአ ባኸረ ኢትፈንድወሁዋቴ እኩ ኢፈርድካ ሁዳ ማአ ሰንአ።
+\v 10 ኧሰማትኞ ኧጎይታ ሹቭ ነሾሙ ኧዝሬይከዉዋ ነቢ ኧሰንአዎዋ ጅጓረ ቴኤፖርሙታ ኢና ወሄ መርኸት ኧሆርንረኸ ኋሩዋ ።
+\v 11 ህመኸቭ በፋራይሂነድ ትቶፖሙ ኧትሸኮዉዋ ሁኖዋ «ኧትዳርታኖዋ አአር »ንቭርነየዋ ፤ኢዮብቭ ኧተኸ ኧፈነኸኸ ሰምአህም ጌታቭ ተቀጥወ ኤፐነ አአር አሸሁም።ጎይታቭ ኧቀጥወ ኤፐነ ወሄ ዘንጋ አሸሁም ፤ብእመዳ ጎይታ አፉ ይቭካአአርቪ ሚራቭ ኧኸረኸ አሸሁም ።
+
+\v 12 ኧሰማቶ ትእንቭ አአር ኢፍቲ በሳቫይቪ ባአፈርቭ ዌ በቫንኝእም ዘንጋ ቢኸር አትሩዋ ፤ትዝረኵዳ ዘንጋ ኧዉረ በኸረ እንከ ቧሩዋ ፤ኧዉረ ባኸረ አኸረዳ ቧሩዋ ሃአ ባኸረ ኢትፈንድቨሁዋቴ።
+
+\v 13 ባሁዋ ግት አጀገረን ሰቭ በረፐረ ኧጠልይ ፤ኧሳረን ሰቭ በረፐረ ኧሽኩርት መዝሙር ኧዘምር።
+\v 14 ባሁዋ ግት ኤኤመን ሰቭ በረፐረ ኧቤተ ክርስቲያ ባሪቅ ኧህራታ ሁኖዋ በጎይታ ሹቭ ዘይት ኧኋኡሙ ኧጠሊነ ።
+\v 15 ቦኦዎርት ኧጠለዪ ጠሎት ኤኤመን ሰቭ አፊያ ኢንአ ጌታቭ ተቫአሾኋ አፊያ ኢንአኩ፤ኤፐንቭ ባጢር በረፐረ አፉ ይቭኩ።
+
+\v 16 እመኸ ኧኸሬ አሁም ታሁም ባጢራሁዋ ተራዘዡዋ አፊያቭ ኢሆሩዋኸ አታሁዋ ጠሊይዋ ፤ኧፃዲቅ ሰቭ ጠሎት ኖኦራ ወሄ ዘንጋ ዪንአ ።
+\v 17 ኤልያስ ኢናመኸ ሰቭ ባንደ ዘንጋ ጭን ድየ አያድገኸ አተፓ ጠለየ ።ባአፈር ፎር ሶኦስት ዘቨር ተግት ድየ አናተገዳ።
+\v 18 ሃአቨ ጠለየ ተሳቫይ ዲየ አተገ አፈር ብርኧ አረምአ ።
+
+\v 19 ኧሰማትኞ ታሁዋ ግት አት ሰቭ ቶሄ መያ ቢዋአ ፤ኤኛ ሰቭ ኦሄ መያይ ቢዠፕርኩ፤
+\v 20 እመዳ ቦስሩዋ ባጢረተኘ ተድቫፐረወ መያ ኢዠፕርካ ሰብ ነብስኋ ተዉድ ያተርፍኩ ኖኦራቭ ባጢር ኢኢፍ።

61-1PE.usfm

@@ -0,0 +1,165 @@
+\id 1PE
+\ide UTF-8
+\h 1 Peter
+\toc1 1 Peter
+\toc2 1 Peter
+\toc3 1pe
+\mt 1 Peter
+
+\c 1
+\p
+\v 1 ኢኢየሱስ ክርስቶስ ኪሽረኝኧኸረ ጴጥሮስ በጳንጦስ ፥ በገላትያ ፥ በቀጰዶቅያ በእስያቪ ተቭራጨሁምታ ትር አውታ ሰቨ ፤
+\v 2 ትኢፍቲ ቆኖሹም በአቭ በጎይታ ሀረታ ኤቬጠረናሁዋ ኢኢየሱስ ክርስቶስ ትትእዜዥዋይ በደቭኋ ታኦሁምታ ኧቬጠረናሁ በመንፈስ ቅዱስ ኧትቀደስሁዋ አሁዋ ፣ኧጎይታ ጠጋይ ወገሬት ኧድብስነሁዋ ።
+
+\v 3 ኢየሱስ ተውንድ በቶሾትኋ ኧቫአ አያ ኧኸረ ተስፋ አቭኝረ በኑእየ ሟርኋ ዴንጋኋ ንኸርኔ ኧውሬተን ኤኤኝንረ ኧጌታንራ ኢኢየሱስ ክርስቶስ አቭ ጎይታ ሽኩር ኧስራኩዋ ፣
+\v 4 ሁዳቭ እመኸ በሳቫይ አየኧይ አየኧፋ አይሽጋገር ደረግ ይቨንሬ ኧውሬተኝ ኤኝንረ ።
+\v 5 አሁም ቀረ ቢያርወዳ ዘቭር ይተርፉኮዳ ሁዳ ይታሺ ቲቫአ ስን በኦዎርታሁዋ በጎይታ ደረግ ቲኢየሁም ።
+
+\v 6 ዋአካ በኖኦራ ፈተና ከስ ኧቀሪ ግዚየ መከራ ብቴኤፖርዋ ቢኸር ብእመዳቭ ቡሼኤኸ ሂናሁዋቭ ይሽርሁዋ ።
+\v 7 እም ፈተና ኧስዎሁዋ ኧውረ በጎይታ አአመርሁዋኸ ይሂሪነኸ የኧይካ ወርቅ ስን በእሳድ ተፈተረ ይዋአ ፤ ተወርቅ ይረእ ኑድ ኧኸረ እምነታሁዋ እመኸ ፈተና ኧቶኦዎርት አነቨሁዋ ፤ ኢየሱስ ክርስቶስ ቢቫአወዳ ቀረ ዋ ተፈተረ ኧዋአ እምነታሁዋ ሽኩርት ክብር ኑእነድ ይቴቭሁዋሴ ።
+
+\v 8 ኢየሱስ ክርስቶስ ባናሸሁሜ ስን ትሮምጂ ፤ሁዳ ዋአካ ባናዢም በሁዳ ታአሙርኮ ፤በቃር ይኢጂኔ ባይኸር ኑእየ ክብር በቬናወ መትራርእ ሳይተናሁዋታ ትትቭራኖቴ ።
+\v 9 በኦዎርታሁዋ ቲኢዮይዳ ኣረነፍሳሁዋ ኧቱሩፍት ትቴኤፐርዋ ኣዋርትን ።
+\v 10 ኧዋ ይተርፍኮዳ ቃር አሁዋ ይኸርካ ጠጋትንቢት ኧዝሬከዊ ነቢ ተጨርሁኖዋ ምረሞርሙ ሴኤዊ ።
+
+\v 11 በሁኖዋ ከስ ኣረፐ ኧክርስቶስ መንፈስ ቤቴረ ክርስቶስ መከራ ይሰራወኸይ ተመከራቀጥወ ክብር ይረኽመኸ አቴሸ ። ሁኖም ዋዳ እንእ ምረጋይ ኧተኸ ይኸረኸ ምሮሞርሙ ባንደ ።
+\v 12 ዋአካቭ ተሰቫይ በኬሸዊ መንፈስ ቅዱስ ወንጌል ቤኤጅኩዋ ሰቨ ኤኤጁኩዋ ዘነጋ በኤጅኩዋግዚየ አሁዋ ባሀሬ ገግሁኒዋ አናጌከርዋኸ ታሸኖም ። መላአይካ ስንን ታይተርፉዋ ዋዘንጋሁኖዋ ያዥዋይ ይትሜኝዋ ባንደ ።
+
+\v 13 ባቴ በሂናሁዋ ተቁሟሞርምታ ኧቬና ተሾዋ በአግባብኋ ንዎርዋ ኢየሱስ ክርስቶስ ቢቫአወዳ ቀረ ትረሁዊዳ ጠጋ በውራ ሂናሁዋ ታአዎርዋ ።
+\v 14 ትቴኤዘዥታ ዴንጋ ሁርዋ ኢኢፍቲ ባኃርታሁዋ ኤፖሂ ሙጥጥ ተሜኛታሁዋ አትሄተርዋ ።
+
+\v 15 ቢኸር ኧሸፐተናሁዋ ጎይታ ቅዱስ ኧኸረመኸአሁም በቬናሁዋ እንእ ቅዱስ ሁርዋ ።
+\v 16 «ኢያ ቅዱስ ኧኸርሁይ አሁም ቅዱስ ሁርዋ » ቧርሙ ጣፉይ ።
+\v 17 ኧሰቨ ታያትቋቅ እንሞኋ ኧቬናሞኋኸ ፈንደ ይካ ጎይታ «አቭ ባሁም ትሆሬ በኸረ በዋ አፈር በቫዘነድ ትትረውርታ ጎይታ በፍሮይት ንዎርዋ ።
+
+\v 18 አሁም ተአቦዋሁዋ ተወረስሁይ ብላሽ ተኸረ ተቦርት ኧቴተገናሁዋ ቢየኧይካ ብሪ ወይ በወርቅ ፥አኸረመኸ ቲሂርዋ ።
+\v 19 አሁም አዎር ኤኖ ጣየኸ በኸረ በክርስቶስ ኑድ ደቭ ቴተገናሁም ።
+
+\v 20 ሁድቭ ኧሸፐተ አፈሪ ሳቭይ ታይትፈጠር ኢፍቲ ቲኸርካ ፥ዋአካ ቀረ ቢያርወዳ ዘቨር አሁዋ ቲይር ታሸ ።
+\v 21 ኧኦዎርትማሁዋ ተስፋሁዋ በጎይታ ይኸሪ በኢየሱስ አጋድ ሁዳብ ተውድ ተረሳን ክብር ባቨን በጎይታ ታአውርዋ ።
+
+\v 22 ሚርነድ ባኖዳ ንማጅነድ በክርስቶስ አአሞርዋ ኧሰማቲ ኧተማት ትረሙጅዋኸ ብውረ ቃር በተኧዞዥት ነፍሳሁዋ ባውጥርት ብእም ኧቫአ አሁም ታሁም በውራ ሂናሁዋ በጨር ተራወጁዋ ።
+\v 23 አሁም ኧውሬተኝ ኤቴኤኝሁዋ ታየኧይ ዘርንሁዋ ባሀሬ ቲየኧይካ ዘር አኽሬ ኧቴኤኝሁዋ አያ ኸረ ኧዘላለም ቢይረቭርካ በጎይታ ቃርን ።
+
+\v 24 ኧጎይታ ቃር ይኢድካ መጣፍ ይኢድመኸ «ሰብ እንእ ኧሳአርነኸ ፤ ክብርሞኋእንእ ኧሳአር ማማነኸ ። ሳአር ይደርእ ማማሞኋ ይትረገፍ ፤
+\v 25 ኧጎይታ ቃር ጭን ኧዘላለም ይረቭር » እም ቃር አሁዋ ኤኤጅኩዋ ወሄ ዋራይን ።
+
+\c 2
+\p
+\v 1 ባቴሙጥጥ እንእ ፥አታልልት እንእ ፥ ኸጥነድ ቅናድ ፣ኧቫኒማአር ኦዋድ ኧትጋጌዕት አፍኮዋ ።
+\v 2 በክርስቶስ ተራኢተሁዋታ ትተርፉዋኸ ኧወያ ኧቴኤኝ ትከኸ አይቭ ይትሜኝመኸ አሁም ጥርር ኧኸረ ኧጎይታ ቃር ቴሜኙዋ.
+\v 3 ትትሜኝዋይ ይኸነሁዋታ «ጎይታ ወኼአር ኧኸረኸ በሀርሁዋን።»
+
+\v 4 ባቴ አያቭ እቭር ኧኸረ ኧጌታ ኢየሱሲ ተኤነዋ ፤ ሰቭ ቀንጠ ኧቼኧን ጎይታ ጭን ኧሽፐተንይከብርኩ ።
+\v 5 ኧጌታ ኢየሱስ ትቴኤነውታ ኧአያ እቭር ኸርሁም ኧጎይታ መንፈስ ይረቭርዳ ቢድ ትሆርዋይ እመኸቭ በኢየሱስ ክርስቶስ አጋድ ይሽርካ መንፈሳዊ ህትቭ ኧጎይታ ታቴኤንዋኸ ኧሸፖችኩዋ ቅዱስ ካሃን ትሁሪዋሴ ።
+
+\v 6 በቅድስ በመጣፍ ኧሸፖቺ ኑድ ኧኸረ ኧግብ ቢድ ያቁሟሙርካ ኧውረ እቭ በጽዮን አዎራኬ በሁዳዳ ያአቭርካ ሰቭ ስርም አቅቨጭካ» ይካ ቃር ተጣፈ ።
+
+\v 7 ባቴ ታአውርታ አሁዋ ዋ እቭር አሁዋ ኑድን ፤አያአውርዋ ሁኖዋ ጭን ኧግብ ቢድ ያረሽታ ሰቨ ቀንጩም ኧቃሸዊ ኧግብ ቢድ ይቁሟሙርካ ኧውረ ቡር እቭር ኸረ ።
+\v 8 እመኸ ኧዋረመኸ «እም እቭር ኧሰቭ እንቁርፊት ኸረታ አክታተፈታ ያድግኮዋ፤ ሰቨ ቃርኋ ባነኦርትሁኖዋ እንቁርፊት ይኸርዎምታ ይወድኡዋ ፤ይወዱኡዋኸ ጎይታ በተረታ አንጠዎም
+
+\v 9 ጎይታ አሁዋ ተጠነቫ ኧኑእ ኡዋዬ አዋአናሁዋ ኧሁዳ ወኼ ሜናኋ ቲኢጅዋይ ኧሸፐትሁዋ ዘር ፤ ኧንጉስካሃን ጎይታ ሜጠረታ ኧገግኋ ኤፐናሁዋ ቅዱስ ሰቨንሁዋ ።
+\v 10 ድረ አሁዋ ኧጎይታ ሰቨ አነፐርሁዋታ ዋአካ ጭን ኧጎይታ ሰቨ ኸርሁም ድረ አፍ አቧኩዋ ባንደ ዋአካ ጭን ጎይታ አፍ ባረናሁም ።
+
+\v 11 ናማጂየኞ በዋ አለም ታነሁዋ ባዘራይ አሳተችኩዋ ሰቨ ኧኸርሁዋይ ተረብሳሁዋ ቲትዋኮታ ተውጥጥ ተሜኛት ሲሁዋ ባሁ ኧሰኧርሁዋ ።
+\v 12 ማኒም ቢኸር « ሙጥጥ ሜና ዬውታ ሰቨነዋ » ቧርሙ ቢያኦኩዋ ስን ጎይታ ኢና ያዢ ቢቫወዳ ቀረ አረማዊ ሰቨ ወኼ ሜናሁዋ ቦዥትሁኖዋ ጎይታ ያሆብጅዋኸ በሁኖዋ ግት ትትረውርታ ወኼ አመር ኧበርሁዋ ።
+
+\v 13 አሁም ኧጌታ ኢየሱስ ትቱርዋ መሪ ኧሆርዋ ሰቨ እንእ ታአዘዙዋ ኧኑእ ኑጉስቭ ዋና መሪም ኧኸሬ ኧሁድቭ ታአዘዥዋ ።
+\v 14 ኧገኛ ዳኝ ታአዥዡዋ ፤ሁኖዋ ሙጥጥ ሜና ዬውታ ሁኖዋ ይቄጨዋይ ወኼ ዬውታ ሁኖዋ ያጋጊዥዋይ ተኑእየ ኑጉሲ ኬሸውዮም ።
+\v 15 አሁም ወኼ ዘንጋ ቦኖት ጋዋ ሁኖዋ ባኋርትሁኖዋ ቢጮጂዳ ጫወዳ ቁስ ታቲፒዮየኸ ዋዳ ኧጎይታ ፍቃድን ።
+\v 16 አሁም ኧጎይታ አገልጋየኸ ሁርሙታ በነጣ ንዎርዋ ባሀሬ ነጣ ሰቨ ኧኸርሁዋይ ሙጥጥ ዘንጋ አቶኖዋ
+\v 17 ሰቨ እንእ አሁብጁዋ፤በክርስቶስ አአሞርዋ ሰቨ ንዎጅዋ ፤ጎይታ ፉሮይዋ ፤ ኧንጉስ ሁኖዋ አሁብጁዋ ።
+
+\v 18 አሁም አገልጋይ ኧኸርሁዋ ኧአረፖሪያሁዋ ትታሆብጁዋ ታአዘዡዋ ፤ እማት ኧወኼ ኧቪራሁኖዋ ታይኸር ኧውሼእ ሁኖዋ ታአዘዡዋ ።
+\v 19 ሰቨ በግፍ መከራ ቲቴኤፐርካ ኧጎይታ ባሬያ ቢፈርህ ይዶሪ ።
+\v 20 አሁዋ ሙጥጥአር ኤኝተሁዋታ ብትፈርሁዋ ምር ያቁጥሁዋሴ? ቢኸር ወኼ ዘንጋ ኤኝተሁዋ መከራ ትቴኤፖርታ ብትፈርሁዋ ተጎይታይ ደረድ ትኮዋሴ
+
+\v 21 ኧሸፖችኩዋ እእመዳምን ፤እሁም ኧክርስቶስመሰሮ ትሆርዋይ ክርስቶስ አሁዋ ቲይር መከራ ቴኤፐረታ አቴሸናሁም ።
+\v 22 ክርስቶስ እምት ባጢር ስን አኔፐዳ በአንፉኋ ምጥጣአር አንዝሬከዳ ።
+\v 23 ቲቀርዊዳ አናትቃነ\በዳ እመኸ እንእ መከራ ቲሰራወዳ ተስፈኋ ቂጢየ ቢፈርድካ ጎይታ አወና ባሃሬ አናትቃነቨዳ ።
+
+\v 24 ተቫጢር ተቯቴርተነ ጎይታ ታአዘዥተነ ንርርቭኔ ፥ከርስቶስ ገግሞኋ ባጢንራ ፌነገታ በመስር ተሰኧረታ በሁዳይ መዛ አሁዋ ፈዘዝሁም
+\v 25 አሁም ኧኧኝዋ ጣየኸ ዛፐትሁም ባንደ ፣ዋአካ ጭን ነብሳሁዋ ይኢየካ ኧዜማቻሁዋይ ተዠፐርሁም
+
+\c 3
+\p
+\v 1 ኢስቻ አሀም ኧቭሳሀ ታአዘዣ ፤ አታት በጎይታ ቃር አያአውርዋ ገማ አነዋይ ፤ቢኸርቭ ቢኢስቻሁኖዋ ወኼነድ ኧጎይታ ቃር ቢኢጅያዮዋ ኧይታይ ይዎኦዋይ ይኸነዋ
+\v 2 ሁንም ኧጎይታይ ይዎኦዋይ አንዳ ኢስቻሁኖዋ ጫዋ ኸራምታ ኧሰቭ ቲያኸብጃታ ቦሽቱሁኖተ ።
+
+\v 3 አሀሜ መርክ ጉረራሀ ባትቂማሙቲ ኧወርቅ ጌጥ ባጠረጡርቲ ቢየኸይካ ወይ ኑድ ውጅር በትሆተርት በሰቻይ ይትረከቭካ ጌጥ አይኽር ።
+\v 4 ቢኸር መርካሀ በጎይታ ኢፍቲ ዋጋኋ ኑእያአር በኸርንባየኧፋ ጌጥ በቪርነዲ በኋርት መንፈስ ኧትሄመረ በሂንተደኧረ አንዳ ፥ኧከሲ ምሲየ ኧህር ።
+
+\v 5 በድረ ዘቨር ተስፋህና በጎይታ አወና ኧትቀደሻ ኢስቻኸ በዋ አይነት አጌጫታ ኧቭስህና በታአዞዥት ባንደ ።
+\v 6 ኧታአዘዣ ሳራ ኧቭስህና ኧአብራሃም « ዳቭኞ » ባረች ትታአዘዝነ ኧረፐርመኸ ፤ አሀም ኧወሄ ዘንጋ ብቴቫ ስርም ታትቅቭጫ አሃም ኧሳራ ግሬድንሃ ።
+
+\v 7 ገማ አሁም ቲኢስቻሁዋመጋ በዎስርት እማትሜ ንዎርዋ ታሁዋ ይረእ ኤቄጫ ፍጥረት ኧኸራይ ታሁመጋ እማትሜ አያ ዬቭካ ጠጋ ይወርሻይ ኧኸሬ ኧህናም አህብጅያ ፤በዋ አይነት ኧጎይታ ትሶኦርዋ እንቁርፊድ ይኸርካአር አይበርወሁዋ ።
+
+\v 8 ባቴ እንማሁዋ አሁም ታሁም ተስዋዎም ንዎርዋ ፤ ኤኤኛኋይ ሰቨ ብካና ኧገጋሁዋመኸ ኧዙዋ ፤ኧኧሰማትመኸ ተራወጁዋ ወሄ ሚራ ሁርዋ።
+\v 9 ዳርዋ ባሀሬ ኧውጥጥ ዘንጋ ሙጥጣአር አውርዋ ፥ በቂናወ ሟሪ ቂናወ አዣውርዋአሁዋ ኧቬጠርኩዋ ዋኸ ቦኖት በረካ ትዎርሹዋኔ ።
+
+\v 10 መጣፍ ይርመኸ « አያቭ ኧረ እን ቀረ ሳረን ይረቭሪ ይሲካ ሰቨ በአነድኋ አይቅማምር ፤በከፈርሞኋ ሙጥጣአር አይዘንግ ።
+\v 11 ተውጥጥ ዘንጋ ኧሲህ ወሄ ዘንጋ ኧና ወገሬይ ይሲኩዳ ኧቲሄተርኩ ።
+\v 12 ኧጎይታ ኤር ኧጻዲቅ ሰቪ ያዥ ። እዝርሞኋ ሳአየሁኖዋ ይሰኦዋይ ተኮፎጁም ሙጥጥ ቢዬቭካ ሰቨ ጭን ኧቫአት ኢፍትኋ ያቲሽኩ »ባርብ ።
+
+\v 13 ሁዋ ወሄ ዘንጋ ቴዋይ ጃድ ብቱርዋ ግዳት ያሰራወሁዋታ ማንተን?
+\v 14 ወሄ ዘንጋ ቦኖት መከራ ብቴኤፖርዋ ዳር በረካ ትረሁዋ ኧሰቨ ኧትሃጭት አትፍሮይዋ አጠሮዋ ።
+
+\v 15 ጌታ ኧኸረ ክርስቶስ በሂናሁዋ አሁብጂ ፥ ባሁዋ አንዳ ተስፈ ይሳአርሁዋታ ሰቨ እንእ መልስ ቲዋታአር ኋሩምታኧሮዋ ።
+\v 16 ቢኸር መልሳሁዋ በቭርነድ ባሁብጅት ኧህር ኧክርስቶስ ኧኸርሁዋ ወኼ ዘንጋ ትቴውታ ሙጥጣአር ቲኢጅኩኩዋታ ሰቨ በዋራይሁኖዋ ይቁዎጩዋኸ በወሄ ቀልባሁዋ ንዎርዋ ።
+\v 17 ኧጎይታ ፍቃድ በኸረ ወሄ ዘንጋ ቦኖት መከራ ብቴኤፖርዋ ይፈዝሁዋ ብሀሬ ሙጥት ዘንጋ ቦኖት መከራ ቲቴኤፖርዋይ አኸረዳ ።
+
+\v 18 ክርስቶስ ኢና ኧጎይታይ ያቲኢንቭንሬይ ቲይር ኧቫአ አት ግዚየ መከራ በተኦዎርት ሁዳቭ በቨሰር ሞደ በመንፈስ ጭን አያቭ ኸረ ።
+\v 19 በጠነቫ ኧታአጎጅዋ ነቭሲ በመንፈስ ወረታ ኧፍርድ ቃር ኤኤዳኖም ።
+\v 20 ዋኧታአጎጅዋ ሁኖዋኢኢፍቲ በኖህ ዘቨር መርከብ ቲጌክርካ ጎይታ ፈነኸታ ቲይኢየኮዋ አንታአዘዝካ ኧዋርዋ ሁኖዋበመርከብ ሁዳ ከስ ገፖም ብእሀ ኧተነፉዋ ሁኖዋ እማት ሱንት ሰቨባነውተ ።
+
+\v 21 እም እሀ ዋአካ አሁዋ ያተርፍካ ኧጥምቀት መሰሮን ፤ እም ጥመቀት ኧሚሲየ ጠቫ ኧታኦውት ታይኸር በወሄ ቀልብ ኧጎይታይ ይቴኤነቭካ ሳአየን ። አሁም ኧትሮፍታሁዋ ኢየሱስ ክርስቶስ ተውንድ በቶሾትኖኋ ።
+\v 22 ሁዳቭ ኧሳቫይ ዋአታ በጎይታ ቀነ አጋድኋ አነ መላይካ ሁኖዋ፥ ኑኡየ ኧኸረ ደረግ አነኖታ ኧሁዳ ተጎዦነ
+
+\c 4
+\p
+\v 1 እመኸ በቭስየኋ መከራ ኧቴኤፐሬ ኧኸሬ አሁም ዋ ኧክርሶስ አሳብ ኧአርቭ ግቭረኸ ኸረ ያትቁማሙርሁዋ ፣በቪየሆ መከራ ኧቴኤፐረባጢር ኦኖት ቼኧ ።
+\v 2 ሁዳቭ ተዋ ቀጥወ በዋ አፈር ይርቭርካ ኧሰቨ ሙጥጥ ተመኛት ኦኖት ታይኸር ኧጎይታ ፈቃድ ቦኖትን ።
+
+\v 3 አረማዊ ሰቨ ዬውዋመኸ በውጥጥ ተመኛት በስኮርት ተልክ በፎር ሰጮምታ ኧሳረኖኸ በሁንት ያትፈኝካ ኧቅርኝ በስጎጅት ኧዋ ኢፊቲ ኤፐሁየዋ ሁኖዋ ይቃሁሴ ።
+\v 4 ዋአካ ጭን በዋ ዘንጋ ተሁኖዋመጋ ተልክ ቦፎረ ዣንዥ ባቧርታሁዋ ወግ ኸረዎምታ አሁዋ ይቆርኩዋ ።
+\v 5 ቢኸር ባነውታይ በዎጅዋ ሰቨ ይፈርዲ አንዳ ኧሁዳ መልስ ያዊሴ ።
+\v 6 ኧዎጅዋ ሰቨ ስን ወጌል ኤኤጂዮዋ በዋ ኧቫአዳን ፥ሁኖም እመኸ በቭሲየሁኖዋ ኧሰቨመኸ ይዎጅዋኸ ይትፈድዎዋ ፣በመንፈስሁኖዋ ጭን ጎይታ ይረቭርመኸ አያቭ ኸረ ይረቭር ።
+
+\v 7 ባቴ እንእ ዘንጋ ያርወዳ ሰና አሁም ጃድ በዋርት ኧጎይታይ ኧሳአርት ይኸነሁዋኸ በሂናሁዋ ፎይድ ኧበርሁዋ በአግባብኋ ኖርዋ ።
+\v 8 ንማጅነድ ኖኦራ ባጢር ይፈኢ ኧኸሬ ትንእአር ገግ ተገግማሁዋ ቡሼኤኸ ተራወጅዋ ።
+\v 9 ታትሟጠጩም አሁም ታሁም ባዘነድ ተኧዎርዋ ።
+
+\v 10 ጎይታ ባቨናሁዋ ኖኦራ አይነት ኧጠጋ ስጦታ ታአመርሁም በኖት ቴዋይ ታሁም አታሁም ኧአታትኋ ጎይታ ባቨን ኧጠጋ ኤኤኛኋ አገክር ።
+\v 11 ያትመርካ ሁዳ ጎይታ ዋኸ ይቭር ኧቫር አአውድ ፥ ይጌክርካ ሁዳ ጎይታ ቢይኩዳ ዳረግ አገክር ። በዋአይነት ኧጎይታቭ በኢየሱስ ክርስቶስ አጋድ ብን ዘንጋ ያሆብጂ ፥ ክብርምቪ ደረግ ኧዘላለም ኧሁዳ ኧህር አሚን ።
+
+\v 12 ናማጂየኞ እእሳድመኸ ቢፈትርካ መከራ ከስ ታነሁ በሰቨ አንሰናወ አይሂሪ ዘንጋ ኧሰናወሁዋአረኸ ወግ ይኸረዎሁዋ ።
+\v 13 ይረካሞኋ ኢየሱስ በኑእ ክብር ቢቯአወዳ ቀረ ቡሼኤዀ ይሽርሁዋኸ ኧክርስቶስመኸ መከራ ቲቴኤፖርታ አሁዋ ኧሳርሁዋ ።
+\v 14 ኧክርስቶስ ባሁም ብትቀነዋ ክብር አነንዳ ኧጎይታ መንፈስ ባሁዋ ፎር ይቸራይ ኧኸሬ ኧሳርሁዋ ።
+
+\v 15 ታሁዋ ማኒም ሰቭ መከራ ቲቴኤፐርካ ኧደቭኝመኸይ ፥ ኧፈገያመኸይ ቢኢፋድ ወይ ባትራሁሽት ሽው አይህር ።
+\v 16 ክርስቲያን በሁርትኋ መከራ ይሰራወዳ ሰቨ ቢረቭር ኧክርስቶስ ሽዉቲይር ኧጎይታ ሽኩርኧቯር ባሃሬ እቅቨጨ ።
+
+\v 17 ፍርድ ይቀርስወዳ ግዚየ ሰናቭ ፤ ፍርድ ሁዳ ይቀርስካ በጎይታ ሰቭን ባቴ ፍርድ ሁዳ ቢና ይቀርስ በኸረ ኧጎይታ ወንጌል አይታአዘዙዋ ሰቨ ቀጥዎኋ ምር ይህሴ?
+\v 18 መጣፍ ይርመኸ « ጻዲቅ ሰቨ ስን ይተርፉታ በጭንቅ በኸረ ኧጎይታ አታአዘዙዋ ባጢረተኝ ኧተኸ ይሁርዋሴ? »
+\v 19 ባቴ በጎይታ ፍቃድ መከራ ይቴኤፖርታ ሁኖዋ እንእ ኤኤድሁኖዋ ኧታአመረ ኧኸለ ጎይታ አዳራ አውም ወሄ ዘንጋ ቦኖት ኧድውርዋ
+
+\c 5
+\p
+\v 1 ባቴ ኢያቭ ተሁኖመጋ ኧቤተ ክርስቲያን ባሪቅ ኧኸርሁ ፥ ኧክርስቶስቭ መከራ ምስክር ኧኸርሁ እመኸ ተዋ ቀጥወ ይቫአካ ክብር ሟር አነኒዳ በግትማሁዋ አነውታ ኧቤተክርስቲያን ባሪቅ ኧቭህርኮዋ ።
+\v 2 አሁዋ በአደራ አውኩዋ ኧጎይታ ሰቨ ኦሮዋ ፥ሰቭ ሁኖዋ ትኢዮዮታ በግርድ ታይኸር ጎይታ ቢሲኢኩዳ አይነት በፍቃዳሁዋ ኧህር ፣ኧኦዮታሁዋ ኧዋጋ ዘግዘግ በዋርት ታይኸር ጎይትታ ይሽርኮኸ ታጌክርዋኸ ኧህር
+\v 3 እመኸ ባሁዋ አላፊነድ አነውታ ሰቨ በግርድ በግዦት ታይኸር በጎይታይ ሰቨ ኢፊቲ ወሄ አመር ባቶሽት ኧህር
+\v 4 አሁም እመኸ ብቴዋ ዋና ዜማቸ ቢቫአወዳ ቀረ አትብላስ ኧክብር ሽልማት ትቴኤፖርዋሴ ።
+
+\v 5 እመኸቭ ዘርማ አሁም ኧቯሪቅ ሁኖዋ ታአዘዡዋ እንማሁዋ አአታት አታታሁዋ ባገጉርት ሚርነድ ኧውጅረኸ ቶሆተሪ ። « ጎይታ ቲኢቢተኛ ይቀጣኮዋ ፤  ኧቪራ ሁኖዋ ጠጋ ይቭኮዋ » ቧርሙ ጣፉይ ።
+\v 6 ባቴ ጎይታ በወሰነን ግዚየ ከፍ ዬቭሁዋይ ደረግ ታነነ ተጎይታ ኧጅኋ በገዳ ገጋሁዋ አቶኦንሽዋ ።
+\v 7 ጎይታ አሁዋ ያአስቢ ኧኸሬ ያጨንቁሁዋታ ዘንጋ እንእ ኧሁዳ ቶኡነ ።
+
+\v 8 በአግባብኋ ንዎርዋ ፤ቃንዠ ቧርዋ ጠላታሁዋ ሴጣኝ ይቨራካአር ቲሲእ ይዥመምርካ ዠፐኸ በቪያሁዋይይዠውር ።
+\v 9 በዋ አዓም አነውታ ኧሰማታሁዋ ኧዋ አይነት መከራ ይሰራዎኸ ኋሩምታ በአመርሁይ ሁዳ ተቁሟሞርሙታ ኧዋ ሴጣን አሳዱጂ ።
+
+\v 10 ኧቀሪመጋ መከራ በቴኤፐርሁዋ ቀጥወ በክርስቶስ ኧዘላለም ክብር ኧቬጠረናሁዋ ኧጠጋ እንእ ጌታ ሁዳ ገግሞኋ ትቴኤፖሪዳ መከራ ያትርፍሁዋሴ ፥ የኧግዝሁዋሴ ፥ያቁሟሙርሁዋሴ ፥ደረግ ይድቭነሁዋሴ ።
+\v 11 ኧዘላለም ዳነዲ ደረግቭ ኧሁዳ ኧህር ።
+
+\v 12 ኧታአመረ ኧሰምኛ እኩዳ በሲላስ አጋድ ዋ ኤእር ኪሸር ኬሼውነኩም ፥ ኧጣፍነኩዋ አሁዋ ኧመህርሁዋይ ዋ ኧውረ ኧጎይታ ጠጋ ኧኸረኸ አሁዋ ኢኢድሁዋይ ትንር ፥ አሁም በዋ በጎይታ ጠጋ ተቁሟሞርሙ ንዎርዋ /
+\v 13 አሁመኸ ኧኸናኖዋ በባብሎን ከተማ አኖውታ በክርስቶስ አአሞርዋ ሰቨ ወሄምንሁዋዌ ይኩዋ ፥ኧችመኟ ማርቆስ ወሄምንሁዋዌ ይቭርሁዋ
+\v 14 አሁም ትሁም በርቫጀ ኧሳአውት ወጌምት ቴቬርዋ ። በክርስቶስ አመርሁምታ ትረውርታ እንማሁዋ ወገሬት አሁዋ ኧህር ።

62-2PE.usfm

@@ -0,0 +1,98 @@
+\id 2PE
+\ide UTF-8
+\h 2 Peter
+\toc1 2 Peter
+\toc2 2 Peter
+\toc3 2pe
+\mt 2 Peter
+
+\c 1
+\p
+\v 1 1. ኢኢየሱስ ክርስቶስ አጌክርካ ኪሸረኝ ኧኸርሁ ስሞኦን ጴጥሮስንሁ ። ተጎይታንራይ ኡዛንራ ተኸረ ተኢየሱስ ክርስቶስ ቢረሁዊዳ ጽድቅ አጋድ ኢና ኧረከቭኔ እምነት ይቨስርካ ወሄ እምነት ቴኤተርሁም ፥
+\v 2 2. ጎይታቪ ጌታንራ ኢየሱስ ጠጋቪ ወገሬት ኧድብስነሁዋ ።
+
+\v 3 3. በክብርሞኋይ በሚርነድሞኋ ኧኸናንረ በኋርትኋበወሄነድኋ ኸናታ አያቭ ኧኋርት ውረ በኸረ ንቭረድ ንረቭኔ ኧጎይታ ንሰግድኔ ኧትኬሽንረ ዘንጋ እንእ አቨንረ ።
+\v 4 4. በዋ ባውንረ ዘንጋ አጋድ በውጥት ተሜኛት ኧቯአ ተዋ አለም ቲቫአካ ኢፋድ ተነፍሁታ ተጎይታ ታነዳ ወሄነድ እንእ ተሻከትሁም ፥ ኧሁድቭ ኧትከበረ ኑእ ኧኸረ ተስፋቭ ነኩም ።
+
+\v 5 5. ብእም ኧቫአ ዋሁኖዋእንዳም ይደውነኩዋኸ ጃድ በዋርት በእምነት ፎር ፥ወሄነድ በወሄነድ ፎር ውቀት
+\v 6 6. በውቀት ፎር ገግ ተውጥጥ ኦኦዮት ፥ ገግ ትውጥጥ ተኦዮት ፎር ፥ በፈራሂነድ ኧትቁሟሞርት በፈራሂነድ በትቁሟሞርት ፥ ጎይታ አሁብጅት ፥
+\v 7 7. ግጎይታ ታሁብጅት በፎር ኧሰማትነድ ተኧሰማትነድ ፎር ንማጅነድ ድውርዋ ።
+
+\v 8 8. ዋዳ እንዳም ቢረቭርሁዋ ጌታንራ ኢየሱስ ክርስቶስ ቲሂሪኸ አያጌክር ምርት አይቫር አትሆርዋኸ የኦዮኩዋሴ ።
+\v 9 9. ዋሁኖዋ ኤነን ሰቨ ቢረቭር ጭን ኧሮኢያአር አያዥዋ ፉርጥኖዋ ፥ኧዋ ኢፍቲ ቴፐዊ ባጢርሁኖዋ ኧተቬጠርዋኸ ተረሳኖ ።
+
+\v 10 10. ባቴ ኧሰማትኖ ኧትኸናሁዋ ኧትቬጠርሁዋኸ ታጬጉዋኸ ቲኢፍት ይረእ አትቫቁርዋ ዋሁኖዋ እንእ ብቴዋ ስርም አትዎዱታ ።
+\v 11 11. በዋ አይነት ኧዘላለም ቢረቭርካ ኧጌታንራ ኢየሱስ ክርስቶስ መንግስት ትጎኦዋኸ ሙራ መብት ትሆዋሴ ።
+
+\v 12 12. ባቴ ዋ እንእ ዘንጋ ብቲሂሪዮዋ በጠበጥሁይ ኧውረ ቃር ተቁሟሜተሁዋታ ብትረውርዋ ዋ ዘጋ እንእ አሁዋ ታናዘግድሁዋ አንቺካ ።
+\v 13 13. ኢያ በዋ አለም ታኖህ ግዚየ ስን አሁዋ እንእ ቀረ አዘጉጅት አነቪኸ ኧሂር ።
+\v 14 14. ጌታንራ ኢየሱስ ክርስቶስ አቴሼመኸ ብደይተሁ ኦወደኸ ኧሂር ።
+\v 15 15. ኢይቭ በወድሁ ቀጥወ አሁም ዋ ዘንጋ እንእ ግዚየ ትዘጉጅዋኸ ይኸነሁዋኸ ዋአካ አትቫቅር ።
+
+\v 16 16. ኧጌታንራ ኢየሱስ ክርስቶስ ደረግቭ ኧውሬተኝ ኦኦትኋ ትንኢዲኔኩዋታ ኢና ገግንራ ኣገግኋ ኑእነድ አሽነታን ባሀሬ በሰቨ ብላት ኧቴፐ ሟማካ ተሄቴተነታ አኸረዳ ።
+\v 17 17. «በሁዳ ይሽሬዳ ኧረምድኩዳ ትከኛ ዋትነዳ » ይኻ ቃር ተኑእ ክብር በቫአ ግዚየ ተአቭ ጎይታ ሽኩርቲ ክብርቭ ቴኤፐረ ፤
+\v 18 18. ተሁድመጋ በትቀደሰ ቆቶ ፎር ተነን ዋ ተሰቫይ ኧቯአ ቃር አና ገግንራ ሰማነ ።
+
+\v 19 19. እመዳ ይረእ ኤኤጅንረ ኧነቢያ ቃር አነንረ ፣እም ቃር አፈር ጋእ ቲይር ስን ኧጋአት ኦኦኸ ኧኸረክርስቶስ በሂናሁዋ ትይያትረክቭ ስን በጠነቫ ያቲሽካ መብራተኸ ብጬፑነ ወሄናአር ።
+\v 20 20. ቲንእ ኢፊቲ ኧኋርት አነዎሁዋታ በመጣፍ ቅዱስ አንዳ ትንቢት ሟኒም ሰቨ በገግኋ አሳብ ይፈዳኩይ አይኸነዳ ።
+\v 21 21. ሟኒም ትንቢት በሰቨ ፍቃድ ስርም አማአዳ ፣ቢኸር ትንቢት በመንፈስ ቅዱስ ይትሞሮታ ሰቨ ተጎይታ ቴኤፖርምታ ኧዝሬኬዊዳናአር ።
+
+\c 2
+\p
+\v 1 1. ኧህርታ በድረ ዘቨር በሰቨ ግት አሰተኝ ነቢ ኧረፖርዋመኸ፥እመኸ ባሁዋ ግት አሰተኝ አስተማሪ ይረውርዋቴ ፥ሁኖም ኢፋድ ያቫአካ አሰተኝ ትምርት ዲኢተዋ ያጎኦቴ፥ ሁኖም ተቫጢርሁኖዋ ኧቴተገኖዋ ጌታሁኖዋ ስን ይሆጀዋይ ይስዮታ ብደይተ ኢፋድ ይቫአዎቴ ።
+\v 2 2. በዋ አይነት ኖኦራ ሰቨ ያቅቨጭካ ሜናሁኖዋ ይትሆቶርቴ ፤በሁኖዋ ሜና ኧውረ ሜያ ይትቀነቭኬ ።
+\v 3 3. በዋ አሰትኝ አስተማሪ ዋጋ ቲሲኢዋ ገግሁኖዋ ኤፌኖጊ ሟማካ ቲኢጅኩዋ ዋጋሁዋ ምጪተዋ ይዎሮኩዋቴ ። ተኖኦራ ግዚየ ኢፊቲ ቀነሰቭ ፍርድ አዎኖኮም ፤ ሙጥጥ ኢፋድ ቸና ይኢየኮዋ ።
+
+\v 4 4. ባጢር ቤፐ ግዝየ ጎይታ ኧመላይካ ስን ኧቴቨንዋ ኧፍርድ ቀረይኢዮዋኸ በሰንሰለት አከደታ በደኣር ጠነቫ ከስ በሲኦል ቃሽኖም ፤
+\v 5 5. እመኸ ጽድቅ ያትመር ኧረፐረ ኖኽ ተኤኛ ሰቫአት ሰቨመጋ አተነፈ ባጢረተኝ ቢይረቭርኮዳ አለም ኢኢፋድ እሀ ቲይቫአካ አትቫጢተ ኧድረ አለም አንቼኤዳ ፤
+\v 6 6. ዋአካ ባጢር ዬውታሰቨ እንእ ኤሲፕተዋ ይትቆጮዋይ ኧሰዶምቭ ኧጎሞራ ከተማኸ አቭድ ቲኸር ስን ንደይተ የኧፋኸ ፈንደወ ።
+
+\v 7 7. ምጥጥ ተሆርዋ ሰቨ ቲያቅቨጭካ ሜናሁኖዋ ተቨጠጠ ይረቭር ኧረፐረ ጻዲቅ ሎጥቭ አተነፈን ።
+\v 8 8. ህም ጻዲቅ ሎጥ ዩሪዳ ምስ በግትሁኖዋ ቲረቭርካ እንእ ቀረቢያዥኩዳይ ቢሰቫኩዳ ሙጥጥ ዘንጋ ኧቫአ ጻዲቅ ነብስኋ ይጨነቅ ባንደ ።
+\v 9 9. ባቴ ዋዳ እንእ ዋኸ በኸረጋ ጎይታ ጻዲቅ ሰቨ ተፈተናሁኖዋ ያተርፍኮመኸ ባጢረተኝ ኧተኸ ይቀጣኮኸ ኧፍርድ ቀረ ስን ኧተኸ ያቱኡኩስኮኸ ይሂር ኧዋርትን ።
+
+\v 10 10. ኧሰነኸ ሙጥጥ ተመኛትሁኖዋ ይትሄተርዋታ ኧጎይታ ደረግ ይቆርጭዋታ ሁኖዋ ኧፍርድ ያቱኡኩስኮዋ ። እም አሰተኝ አስተማሪ ቲቢተኝ አይፎይዋ በሳቫይ ኑእ ክብር አነኖታ ሁኖዋ ስን ቲቆርውታ አይፎይታኖዋአር ።
+\v 11 11. መላአይካ ስን ተሁኖዋ ብንአር ቢሮኡዮዋ በጎይታ ኢፍቲ በሁኖዋ ፎር ቂናወ አኖድ ክስ አያቴኤኑውታ ።
+
+\v 12 12. ዋ አሰተኝ አስተማሪ ጭን ኧኋርት ቤኤመኖዋ ዘንጋ ይትቃነዋታ ፤ ሁኖዋ ይጠቦጩዋይ ይዎጅዋይ ኧቴኤኝዋ በፍጥረትሁኖዋ ቴሜኛት ኤነኖዋ አይቬስርዋ ዋጋምነኸ ዋጋም ሞጁም ዮኦይዋኸ ሁኖም ዮኦይቴ ።
+\v 13 13. ሁኖም ቤፖዊ ሙጥጣአር እንእ አጅግሁኖዋ ይቴኤፖርቴ ፤ ኧሁኖይ መትራርእ በዋአና በዲየ ኧስኮርት ኧሳረኖኸ በሁርት ፤ ታሁዋ ሸረድ ይዎሮዋ ቢቾኖታ ግዚየ በቄቃ አመርሁኖዋ ቀቨጥ ቤኖ ኤነዎዋ ያቁዎጭታ ሰቭኖዋ ።
+\v 14 14. ባጢር ተኖት አይችእ ኤር አነኖዋ ባጢር ዬቭካ ቴሜኛትሁኖዋ ገብ አይካ ፤ አትቁሟሞርዋ ሁኖዋ ይሞቱቹዋ ኧዋጋ ዘግዘግ ይቭርካ ሂን አነኖዋ ኧሰተዋ ሰቨኖዋ ።
+
+\v 15 15. ሁኖም ኧቂጢየ ሜያ ጎፎርሙታ ሙጥጣአር ኤፖምታ ይረሁዊዳ ዋጋ ኧረመደ ኧባሶር ኧች ነቢ በላአም ኣወረዎ ሜያ ቴሄተርሙታ ዛፖቹም ።
+\v 16 16. በላአም ጭን ቤፐን ባጢር ኧቫአ ኧዞጉት አይኸነ እቫር ኧሰቨኸ ዝሬከታ ማአቸዎ ፤እም እቫር ነቢ በለአም ጋዋ ሜና ባዬቪ ኸናን ።
+
+\v 17 17. ዋ ሰቨ እሀ ኤኖዎዋ ቦቶምነኸ በኡቡርቢት ይትጎፎታ ኧዳቭራቭምኖዋኸ ኧሁኖዋቭ ኧደኧር ጠነቫ ይኢየኮዋ ።
+\v 18 18. በስተት ሜና ቲረውርታ ሰቨ ግት ሴኮም ተዎኦከ ገኝ ኖኦራ ግዚየ አንኳስዋ ሰቭ ከቱ ኧኸረ ኧትንቢት ቃር በዞጉት በቴሜኛትሁኖዋ በዛዦት ሞቶቹምታ ይቆቁዮዋ ።
+\v 19 19. ኧሁኖዋቭ « ነጥ ትዎኦዋቴ » ቧርሙ ተስፋ ይውዮዋ ፤ሰቨ ቲቴኤምካ ኤኤመን ሁዳ ባሬያ ኸረታ ይትገዛይ ኧኸሬ ሁኖም ገግመሁኖዋ ኧቫጢር ባሬያኖዋ ።
+
+\v 20 20. ተቫጢርንራ አተነፈንረ ጌታንራ ኢየሱስ ክርስቶስ በኋርት ተአለም ሙጥጥበተነፉዋ ቀጥወ ተዠፖርምታ በህም ሙጥጥ ሜና ተክታቴፍተዋ ቢቴኤመዋ ቲኢፊቲ ይረእ ኧቀጥወ ዘጋሁኖዋ ይቨኧስወ ።
+\v 21 21. ኧጽድቅ ሜያ በኋርዋጋ ታውዮዋ ቅዱስ ትዛዝ ኢኒነ ቢዠፖርዋታ ሁዳ ኧጽድቅ ሜያ ታኋርዋ ይፍዘዝኮዋ ባንደ ።
+\v 22 22. «ግየ ኤነኧን ይቨራይ ይዥፐርመኸ » እመኸቭ « አቬጌር ቢያኡዊም በጉተ ይክቨነርመኸ »ኧዋሪ ሟሟካ በሁኖዋ ኧውረ ኸረ ።
+
+\c 3
+\p
+\v 1 1. ናማጂየኞ ዋ ኧጣፍነኩዋ ኧውሬተኛ ኪሸርነኛ ፥ውሬቸ ኪሽርኛ ኧጣፍነኩዋ ዋ ዘንጋ አዘግድሁዋሜይ ቀጥ ባይተሁዋ ትሸኮዋኸ አትቁሟሙርሁዋይ ትንን ።
+\v 2 2. ኧዋ ኢፍቲ ቅዱሳን ነቢ ኧዝሬከዊ ቃር በኪሸራሁዋ አጋድ ኧረከሁይ ያተርፈንረዳ ጌታንራይ ትዛዝ ትዘጉጂ ኧሲእ ።
+
+\v 3 3. ትንእ ኢፊቲ ዋዳ ኋርዋ ፤ያፌሽታ ሁኖዋ በቀጥወ ዘቨር ይዎኦቴ ፥ሁኖም ሙጥ ተሜኛትሁኖዋ ቴሄቴተዋ ያፌሽቴ ።
+\v 4 4. ሁኖም « ኢየሱስ ይቫአኬ ቧርሙ ተስፋ አውም አነፐረዳዌ? ባቴ ኧቲ አነ? ኧድረ አቦንራ ተዎጅዋ ዋአካ ስን ፍጥረት ተትኸለቀ ቆኖሽሙ እንእ ዘንጋ ታነመኸ አነ » ይውርቴ ።
+
+\v 5 5. ዋ ሰቨ ተኖኦራ ዘቨር ኢፍቲ አፈሪ ሰቫይ በጎይታ ቃር ኧትሆሎቁትሁኖዋ «አንሂነዳ» ዩቴ ፥ አፈሪ እሀቭ ብእሀ ኤፖዊኸ ይሁጆዋቴ ።
+\v 6 6. በህም ዘዝብር ኧረፐረ አለም እሀ ዋኧንታ ኧኝ ።
+\v 7 7. ዋአካ አኖውታ አፈር ተሳቫይ ቡሼእ ሰቨ የሆይኮይ ኧፍርድ ቀረ ስን በዋ በጎይታ ቃር እሳድ አዎኖም ይኢዮዮዋ.
+
+\v 8 8. ናማጂየኞ አሁዋ ጭን በጎይታ አት ቀር ሁቭ ዘቨር ሁቭ ዘቨር አት ኧሁርትኋ ዋ አት ዘንጋ አይተሳሁዋ ።
+\v 9 9. አታት ሰቨ ይቨስርኮመኸ ጌታ ኢየሱስ ኧዝሬከን ኧተስፋ ቃር ዬቪይ አያቲርካ ፤ ቢኸር ጭን ሰቨ እንእ ንሳሃ ይገቫኔ ባሀሬ ማኒ ሰቨ አየኧየኸ ኧሴኤ አሁዋ ቲይር ዮኦክስ ።
+
+\v 10 ጌታ ይቫአወዳ ቀረ ፈንጌያ አደነኧ ይቫአመኸ እመኸቭ ይቫአኬ በህም ቀረ ሰቫየ በኑእ ሂያድ የኧፋኬ ፤ ፍጥረት እንእ ብእሳድ ንደተ ያርኬ አፈር በአፈር ፎር አንዳአር እንዳም ይረድትኬ ፥
+
+\v 11 11. ባቴ እንእ ዘንጋ በዋ አይነት የኧይ በኸ ፥ ባቴ አሁዋ በቅድስናቭ ጎይታ ባሁብጅት ኧቦርት ኤነዎሁዋታዌ?
+\v 12 12. ባቴ ጌታ ይቫአዎዳ ቀረ ተጭቫቫሁን ትቲኢዮታ ብደይተ ይቯአኸ ቴውታ ሰቨ ሁርዋ ፤ በህም ቀረስቫይ በእሳድ ንደይተ የኧፋኬ ።
+\v 13 13. ቢኸር ኢና ጽድቅ አኖዳ ወያ ሰቫይ ወያቭ አፈር ጎይታ ኢቭሁኋቴ ባረታ ጉርዳ ኧገፓንረመኸ ንኢየነ ።
+
+\v 14 14. አካ ናማጂየኞ ዋዳ እንእ ይኸርወዳ ቀረ ቲኢየዋ በኸረ ፥ ጎይታ ታይቅቨጭቨሁዋ ወይ በሁዳ ኢፊቲ መጠርሁም ትትረውርታ ወገሬት ይረቭርሁዋኸ አትቫቁርዋ ፤
+\v 15 15. ኧጌታንራ ኧፉሮህት አሁዋ ኧትሮፍት ኧኸረኸ ኋርዋ ፤ኧረምድኩዳ ኧሰምኛ ጳውሎስ ባዊ ኧኋርትኋ ኣሽጣፈነሁዋ እመዳምን ፤
+\v 16 16. ሁዳ ቢጠፍነሁዋታ ኪሸር እንእ ኧዋ ዘንጋአር ነሳታ ዝሬከ ሁዳቭ በጥፈን ኪሸር አካ አናሸዋ ሰቨ ኤኛ ኧጎይታ ቃር ይኢጅዋታ መጣፍ ያጥዋጥዋመኸ እም ዘንጋ ይሽጋጎርዋ ፤እመዳ ዬውታ የኦይዋኔ ።
+
+\v 17 17. አሁዋ ጭን ናማጂየኞ ዋዳ ቤተርሁታ ኧሃርሁዋይ በቫጢረተኝ ሜያ ተሞተተሁዋታ አመርሁም ኧሸከሁኮ አትጎፍርዋኸ ተጠፖዋ ፤
+\v 18 18. ይረካሞኃ ባተነፈንረ በጌታንራ በኢየሱስ ክርስቶስ ጠጋቭ ሁዳቭ በኋርት ተራኡዋ ፤ ኧሁዳ ዋአካቭ ኧዘላለም ክብር ኧህር ፥ አሚን ።

63-1JN.usfm

@@ -0,0 +1,160 @@
+\id 1JN
+\ide UTF-8
+\h 1 John
+\toc1 1 John
+\toc2 1 John
+\toc3 1jn
+\mt 1 John
+
+\c 1
+\p
+\v 1 አወተራቸሞኋ ኧረፐረ አያ ዬካ ኧጎይታ ቃርአአር ኧሰምአኔ፣ በኤርመንራ አሸኔይቪ፣ በኧጅመንራ ኧረከድኔ ሁዳ ንኢድነ።
+\v 2 እም አያ ኧኸረ ሁዳ ተረከቨ ኢናቭ አሸነዪ፤ አሸኔመኸ ንኢድነ። ባአቭ ጎይታይ ኧረፐረ ሁዳ ኢናብቭ አአሸኔ ሁዳቪ ኧዘላአለም አያቭ ኧኸረ ሁዳ ንኢድኔኩዋ ።
+
+\v 3 አሁም ቲና እማት ትሆሩዋይ አሸነይቪ ኧሰምአነዪ ሁዳ ኒኢድኔኩዋ ፤እማት ኧሁርትመንራ ታአቭ ጎይታቪ ተትከሞኋ ተኢየሱስ ክርስቶስን ።
+\v 4 እመዳ ንጠፍኔነኩዋታ ሁዳ እንእቨንራ ኢሽረንረኔ።
+
+\v 5 ተሁድ ኧሰምአኔ አአሁም ኒኢድኔኩዋታ ኪሸር ጎይታ ብርሀንን፤በሁዳይ ስርም ጠነቫ ኤነዳ ይካናአር።
+\v 6 በጠነቫ ትነቭነ ተጎይታ እማቲ አነነ ብንነ ንፈጥነ፤ ቃርመንራቪ ሜናመንራ ፍጥርን ።
+\v 7 ዘንጋ ጭን ሁዳ በቭርሀን አነመኸ ኢናቭ በቭርሀን ብነቭነ ኢና ቲና እማት ኸነ፤ኧትከሞኋይ ኧኢየሱስ ክርስቶሲ ደቭ ተቫጢር እንእ ያቭጥረንረ።
+
+\v 8 ባጢር ኤነቨንረዳ በቫነ ኧገግንራ ንቄቅነ ፤ውረቭአአር ቢናይ ሂን ኤነዳ።
+\v 9 ባጢርንራ ኧጎይታ ብኒኢዳኔ ጭን ሁዳ ባጢርንራ አፉ ይረንሬ ተውጥጥቭ ዘንጋ ያተርፈንሬ ሁዳ ሙርቴቪ ጥርርምናአር።
+\v 10 ባጢር አኔፐነዳ በቫነ ጎይታ አሰተኘ ኒንአኔ፤ቃርሞኋ በሂንንራ ኤነዳ ኧዋርትን።
+
+\c 2
+\p
+\v 1 ዴንጋኞ ዋዳ ኧጠፍነሁዋታ ሁዳ ባጢር አቲንኦዋነኸ ፤ዘንጋ ጭን ማንኢየ ሰቭ ባጢር ቢዬቭ፣ ባአቭ ጎይታይ አቦካቶ አነንረ፤ሁድ ጥርር ኧኸረ ኢየሱስ ክርስቶስን።
+\v 2 ባጢርመንራ ኢትፋእካ በሁተን፤ እማት ኢናይ ባጢርቭ ታይኸር አአለምቭ ባጢር እንእ ኢትፋካ በሁተን።
+\v 3 ኧጎይታ ትዛዝ ንእየነዳ ሰቭ በኸነ፥ሁዳ ንሂኔኸ ናቲሽነ
+
+\v 4
+\v 5 «ጎይታ ኧሂር» ቲይር ፣ኧሁዳይ ትዛዝ አይእየ ሰቭ በረፐረ ሀ ሰቭ ኢፈጥር ።ዘንጋ ጭን ኧጎይታ ኢቴኤዘዝካ ሰቭ እንእ፣ ኧጎይታ አነነዳ ንመጀ ሙርአን። ኧጎይታአር ኧሁርትመንራ ኢሂሪዳ በዋዳን ።
+\v 6 «በጎይታ ኧረቭር »ይካ ሰቭ፥ ክርስቶስ ኧረፐረመኸ ኧምቦርት አነወ ።
+
+\v 7 ኧሰማቶ ዋዳ ኧጠፍነሁዋታ ሁዳ ተዋ ኢፍቲ ቆሺታ ኧረፐረ ኤኤኬሰ ዝዝን ባሀሬ ወያ ትዛዝ አኸረንዳ ፤ እም ኤኤኬሰ ትዛዝ እእም ኢፍቲ ኧሰምአዂዳናአር።
+\v 8 ቢኸርቭ ጠነቫ ፊኬተታ ኧውረምየ ብርሀን ኢዋአይ ኧኸሬ ፣ዘንጋ ጭን በክርስቶስቪ ባሁም ውረ ኧኸረ ኧትረከቨ ወያ ትዛዝ ጣፍነኩም።
+
+\v 9 በቭርሀን ኧረቭር ቲይር ኧሰምኋ ኢጠራካ ሰቭ ጭን በጠነቫ ኢረቭር።
+\v 10 ኧሰምኋ ኢረንድካ ሰቭ ጭን በቭርሀን ኢረቭር፤በሁድቭ ኧቫአ ሰቭ በቫጢር አይትክታተፍካ።
+\v 11 ኧሰምኋ ኢጠራካ ሰቭ ጭን በጠነቫ ከስ ኢረቭር፤በጠነቫቭ ያር ፤ጠነቫቭ ኤርኋ አአፈንጠኒ ኧኸሬ ያርካ ኤኤዲ አይሂርካ።
+
+\v 12 ዴንጋኞ ባጢራሁዋ በክርስቶስ ሹው አፉ ኧዋኩዋይ ኧኸሬ ኧጠፍነሁዋ።
+\v 13 አቭ ኧኸርሁዋ አሁዋ አወተራቸ ኧረፐረ ሁዳ ኧሀርሁዋይ ኧጠፍነሁዋ፤ዴንጎ አቭ ጎይታ ኧሀርዂ ኧጠፍነሁዋ፤
+\v 14 አቭ ኧኸርሁዋ አሁዋ አወተራቸ ኧረፐረ ሁዳ ኧሀርዂ ኧኸሬ ኧጠፍነሁዋ፤ ዘርሞ አርወተኘ ኧኸርሁዋይ፥ በጎይታቭ ቃር ኧትቁሟᎀርሁዋይ ኧሼጣንቭ ኤኤመዂ ኧኸሬ ኧጠፍነሁዋ።
+
+\v 15 ዋ አለም ዌ በዋ አለም አነዳ ዘንጋ አትርወጁዋ ፤ ዋ አለም ኢረንድካ ሰቭ አቭ ጎይታ አይረንካ፤
+\v 16 ኧገግ ተመኛትቪ ኤኤር ኧሳርት ፥በዱንያቭ ኧድጋጌዥት ኧዋ አለምናአር ባሀሬ ታአቭ ጎይታይ አኸረንዳ።
+\v 17 እም አለምቪ ተመኛትሞኋ ዮኦፎቴ፤ኧጎይታ ፍቃድ ኢኢየካ ሰቭ ጭን ዘላለም ኢረቭር ።
+
+\v 18 ዴንጋኞ ዋአካ ዘቨርኋ አነኧወ ግዝየን «ኧክርስቶስ ጠራት ኢቫአኴ » ቲዩሪዳ ሰምአሁም፤ ዋአካቭ ቢኸር ኖኦራ ኧክርስቶስ ጠራት ተረሾም፤ ብእም ኧቫአ ዘቨርኋ አነኧኸ ንሂነ።
+\v 19 ሁኖም ቲና ግት ኧዎኦዋ ሰቭኖዋ፤ቢኸር ሁኖዋ ድረሞኋ ቲና እማት አነፖርታ፤ቲና እማቲ ተረፖሩዋ ቲና እማቲ ተቁዋወይቶ ኢምቦሩዋ ባነደ ባነደ ። እመዳቭ ቲና እማት አነፖሩዋኸ ኢትሄሪ ቲና ተዋይተርም ዎኦም።
+
+\v 20 አሁዋ ጭን ክርስቶስ በመንፈስ ቅዱስ ሟሸናሁም፤ብእም ኧቫአ እንእቫሁዋ ኧውረአአር ትሂሩዋ ።
+\v 21 አአሁዋ ዋዳ ኧጠፍነሁዋታ ሁዳ ዋዳ አትሂሩዋይ ኧኸሬ አኸረንዳ ፤አሁዋ ወረአአር ትሂሩዋ፤ ውረቭ በኸራአር ፍጥር ኤነኸ ትሂሩዋ ።
+
+\v 22 አካ ኢየሱስ መሲህ አኸረንዳ ቲይካ ሰቭ ኧኛአር አሰተኘ ማንተን? አቪ ትከቭ ኢኸዳካ ሰቭ ኧክርስቶስ ጠራትን ።
+\v 23 ኢየሱስ ኧጎይታ ትከ አኸረንዳ ይካ ሰቭ እንእ አቭ ጎይታ ኤነነዳ፤በትከኋ በእኢየሱስ ክርስቶስ አአመረ ሰቭ ጎይታቭ አነነ ።
+
+\v 24-25 እአሁዋ ጭን አወተራቸ ኧሰምአዂ ቃር በሂናሁዋ አውሮም ኦሬ፤አወተራቸ ኧሰምአዂ ቃር በሂናሁዋ አውየተሁዋ ብእየዂ ተትከ ኢየሱስ ታአቭ ጎይታ እማትነድ ኢምበርሁዋሴ።እም ክርስቶስ አቨንረ ተስፋ ፣ኧዘላለም አያ ሂንቶ ኦምቦርትን።
+\v 26 ቲቆኩዋታ ሰቭ ትትጬፑዋኸ ዋዳ ጣፍነኩም፤
+
+\v 27 ዘንጋ ጭን ተክርስቶስ ኧቴኤፐርዂ መንፈስ ቅዱስ ታሁዋ አኔ ኧኸሬ ፣ኧዋዳአር አትዎኋ ያትመርሁዋይ አያትሲእካ።ሁዳ እንእአአር ያትመርሁዋሴ፤ያትመርሁዋታቭ ሁዳ ፤ኧውረምናአር ባሀሬ ፍጥር አኸረንዳ፤ብእም ኧቫአ መንፈስ ቅዱስ ያትመርሁዋመኸ በክርስቶስ ንወርዋ።
+\v 28 በሽቴ ዴንጋኞ ክርስቶስ ቲቫአካ ታንፈይነ ድፈይተነ ናዥኔመኽዪ ቢቫአወዳቭ ቀረ ቢኢፍትኋይ አንቅቨጭነመኸ በሁዳ ንወርዋ።
+\v 29 ክርስቶስ ጥርር ኧኸረኸ በሀርሁዋ፣ጥርርአር ዬካ ስቭ እንእ ተጎይታ ኧቴኤኘኸ ኧኋርት አነወሁዋ።
+
+\c 3
+\p
+\v 1 «ኧጎይታ ዴንጋ» ባይቶ ኢሆሮንሬ አቭ ጎይታ ምርአካአር ኧረመደንረኸ ኦዡዋ! ውረቭ ኢና ኧጎይታ ዴንጋንረ፤ኧዋ አለም ሰቭ ኧግይታ አኋሪ ኧኸሬ ኢናቭ አይሂንረዳ ።
+\v 2 ማጂኞ! ኢና ዋአካ ኧጎይታ ዴንጋንረ፤ተዋ ቀጥወ ገና ምር ንኸነኸ እኋሪዳ፤ ቢኸር ቢቫአወዳ ቀረ ክርስቶስ ትናዥኔዳ ምር ንቨስንነኸ ንሀነሴ።
+\v 3 እመዳ ኢኸረኸ በክርስቶስ ተስፋ ኢንአካ ሰብ እንእ፣ ሁዳ ጥርርአአር ኧኸረመኸ ፣ገግኋ ጥርራአር ኢንአ።4
+
+\v 4 ባጢር ኢንአካ ሰቭ እንእ ኧጎይታ ቂጫ ያአፋ፤ባጢርቭ ኧዋርት ቂቻ አአፎትን።
+\v 5 ክርስቶስ ባጢር ያፈካይ ኧቫአመኸዪ ሁድቭ ባጢር ኤኖኸ ትሂሩዋ
+\v 6 ብእም ኧቫአ ሁዳ አአመረ ሰቭ ባጢር አዬካ ፤ባጢር ዬካ ሰቭ ጭን ክርስቶስ አቸ አናሸንዳ፣ዌ አሀረንዳ።
+
+\v 7 ዴንጋኞ አትዎኋ አይቄቅሁዋኸ ተጦፑዋ፤ክርስቶስ ጥርራአር ኧኸሬ፣ ጥርራአር ኢንአካ ሰቭ ጥርርናአር።
+\v 8 ሼጣን አወተራቸሞኋ ባጢር ኢንአይ ኧኸሬ ባጢር ኢአካ ሰቭ እንእ ኧሼጣን ትከን፤ኧጎይታ ትከ ኧቫአ ሁዳ ኧሼጣን ሜና ያአፋኔ።
+
+\v 9 ኧጎይታ ቃር በሂንኋ አነዳቪ፣ ተጎይታቭ ኧቴኤኘ ሰቭ ተጎይታቭ ቴኤኘታ ኧጎይታ ትከ ኧኸረ ሰቭ እንእ ባጢር አዬካ፤ነንአ ቢይር አይኸነዳ።
+\v 10 ኧጎይታ ዴጋቪ ኧሼጣን ዴንጋ ᎆተርም ኢሂሪዮታ በዋዳን፤ጥርርአአር አዬቭቪ ኧሰሟኋ አይረንድ ሰቭ እንእ ኧጎይታ ትከ አኸረንዳ።
+
+\v 11 አወተራቸ ኧሰምአዂ ኪሸር፥«ገግ ተገግንራ ንትራቨድነ» ይካናአር።
+\v 12 ኧሼጣን አሳብ ተሄተረታ ኧሰምኋ ኧኧተረ ኧቃየለኸ ኧሁርት ኤነቨንረዳ፤ሁዳ ኧኧሰምኋ ኧቭር ኧተረን? ኧሁዳይ ሜና ሙጥጣአር ኧኧሰምኋይ ሜና ቂጥያአር ኧረፐረዴ።
+
+\v 13 ኧሰማትኞ ኧዋ አለም ሰቭ ቢጠራሁዋ ወግ አይህርዎሁዋ ፤
+\v 14-15 ኢና ኧሰማትንራ ንረንድኔ ኧኸሬ ተውንድ ተንነፍነታ ኧዘላለም አያ ኸነ ንንረቭነ።ንማጀ ኤነነ ሰቭ እንእ በውንድ ኢረቭር፤ ኧሰምኋ ኢጠራካ ሰቭ እንእ ደቨኘን፤ደቨኘቭ ሰቭ ጀነት አይጋአኸ ትሂሩዋ ።
+
+\v 16 ኢየሱስ ክርስቶስ ኢኢና ቲይር ሉኋ አዋአ አኤፐሬ ኧኸሬ ንማጀ ምር ኧኸረኸ በዋዳ ንሂነ።ኢናቭ ሉህንራ ኧሰማትንራ ትንነ ኤኤተነ አኤውርት አነቨንረ።
+\v 17 ማንእየ ሰቭ ዱኒያ ታነነ ኧሰምኋ ቲያጀግርኩዳ ኧሽተታ ታያትቫትጥጥ «ጎይታ ኧረንድ» ይሪ ኧተኸ ይኸነ?
+\v 18 ኧሰማትኞ በቬናቪ በውረቭ ባሀሬ እማት በቃር አንትራቨንድነ።
+
+\v 19 ውረምየ ኧነኸ በዋዳ ንሂነ፤በጎይታ ኢፍትሜ ፈራድ አይቫር ንቴኤነቭነኸ ንሂነ።
+\v 20 ሂንንራ ባቦቀሰንረ ጎይታ ተሂንንራ ቦᎈረን፤ሁድ እንእአአር ኢሂር።
+\v 21 ኧሰማቶ ሂንንራ ኢወቅሰንረዳአር ቤነ፤በጎይታ ኢፍቲ ንትሸከቭኔ አንፈይነዳ።
+\v 22 ኧጎይታ ትዛዝ እየነታ ኧሁዳ ኢሽርኩዳአር ኔቭኔ ኧኸሬ፥ኧሳአኔያአር እንእ ተሁዳ ንረህቭነ።
+
+\v 23 ኧጎይታቭ ትዛዝ በትከኋ በኢየሱስ ክርስቶስ ናአቭነመዪ አአመነዪ ክርስቶስ ኤኤዘዘንረመኸ ገግ ተገግንራ ንትራመድነነኸ።
+\v 24 ኧጎይታ ትዛዝ ዩኡሮታ ሰቭ እንእ በጎይታ ኢረውርዋ፤ ጎይታቭ በሁኖዋ ኢረቭር፤ ጎይታ ቢና ኢረቭረኸ ንሂነዳ ሁዳ ሁድ ባበንረ መንፈስን።
+
+\c 4
+\p
+\v 1 ናማጂኞ በዋ አፈር ፎር ኖኦራ አሳሳች ነቢ ኧትረሾዋይ ኧኸሬ መንፈስ እንእ አቶኦዎሩዋ ፤ መንፈስ እንእ ተጎይታኔዪዌ አኸረንዳ ቧርም ᎀርሙሩዋ።
+\v 2 ኧጎይታ መንፈስ ባይተርሁም ትሂርታ በዋዳን፤ ኢየሱስ ክርስቶስ ሰቭ ኸረ ኧቫአኸ ኢቴኤፐርካ መንፈስ እንእ ተጎይታኔ።
+\v 3 ኢየሱስ ክርስቶስ ሰቭ ኸረ ማአታ ኧታሸኸ አዪኢድ መንፈስ እንእ ኧጎይታ መንፈስ አኸረንዳ፤ እም መንፈስ ኢባአኴ ቲዩሪንዳ ኧሰምአዂ ኧክርስቶስ ጠራትን፤ሁዳ ዋአካቭ ቢኸር በዋ አለም አነ።
+
+\v 4 ዴንጎ አሁዋ ኧጎይታንሁዋአር፤ባሁዋ አነዳ ኧጎይታ መንፈስ ባአለም ታነዳ መንፈስ ኢረእ ።
+\v 5 ሁኖም ኧዋ አለማአር ኧሆሩዋይ ኢዝረኲዳቭ ሁዳ ኧዋ አለም ዘንጋን ፤እእም አለም ሰቭ ኧሁኖዋ ፣ኢሰቭአኮዋ ።
+\v 6 ኢና ኧጎይታንራአር፤ኧጎይታአአር ኧኸረ ሰቭ እንእ ኢሰቭአንረ፤ኧጎይታአር አኸረ ሰቭ ጭን አይሰቭአንረዳ ፤ኧውረ ኧኸረ መንፈስቪ አሰተኘ መንፈስቭ ባይቲትተነ ንሂኔዳ ሁዳ በዋዳን።
+
+\v 7 ኧሰማትኞ ንመጀ ተጎይታይ ኧኸሬ ፥ ገግ ተገግንራ ንትራቨድነ ፤ ኧሰቭ ኢረንድካ ሰቭ እንእ ኧጎይታ ትከን፤ ጎይታቭ ኢሂር፤
+\v 8 ጎይታ ንመጀ ኧኸሬ ፥ ጎይታቪ ሰቭ ኢረንድካ ሰቭ እንእ ጎይታ ኢሂር
+
+\v 9 ጎይታ በትከኋ አያ ሂንተነ ንረቭኔ እማት ትከኋ ኧዋ አለም ሰቪ ኬሸን ፤ ጎይታ ኢና አነነዳ ንመጆኋ በዋዳ አቴሸ።
+\v 10 ንመጀቭ ኧዋርት ዋኸትን፤ ኢና ጎይታ ኧረመድኔዪ ታይኸር ፣ሁዳ ነመደንረታ ባጢርንራ ኢፈእንሬ እማት ትከኋ ኢናይ ኬሸን።
+
+\v 11 ናማጂኞ ጎይታ ኢኢና ዋኸ በረመደንረጋ ፣ኢናቭ ገግ ተገግንራ ኧትራወጅት አነቨንረ።
+\v 12 ጎይታ አሸ ሰቭ ስርም ኤነዳ፤ገግ ተገግንራ በትራመድነ ጭን ጎይታ ቢና ኢረቭር፤ ንመጀሞኋ ቢና ሙርአ ኢኸር።
+\v 13 ጎይታ ንመጀኋ አቨንሬ ኧኸሬ ፣ኢና በሁዳ ንረቭነመኸ ሁዳ ቢና ኢረቭረኸ ንሂነ።
+\v 14 አቭ ጎይታ ትከኋ ኧዋ አለም ሰቭ ያተርፊ ኧኬሸነኸ አሸነ ፤ሄቶንረ ።
+
+\v 15 ኢየሱስ ኧጎይታ ትከ ኧኸረኸ አመረታ ቢኢድካ ሰቭ እንእ ሂን ጎይታ ኢረቭር ፤ ሁድቭ በጎይታ ኢረቭር ።
+\v 16 ብእም ኧቫአ ጎይታ ኢኢና አነነዳ ንመጀ ንሂነ፤ናአቭርነቭ ።
+
+\v 17 ኢና በዋ አለም ክርስቶስ ንቨስኔ ኧኸሬ በፍርድ ቀረ ታንፈይነ ኢኢፍትኋይ ንቴኤነቭነኸ ንመጀንራ ሙርአአር ኧህር።
+\v 18 በርመጀ ፈራድ ኤነዳ፤ኧውረምየ ንማጀ ፈራድ ተሂን አዋአ ኢቃሽ፤ፈራድ ተቅጣት ኧጣበጣአር ኧኸሬ ኢፈይካ ሰቭ ንመጀኋ ሙርአአር አኸረንዳ።
+
+\v 19-20 ጎይታ በተረ ኧረመደንሬ ኧኸሬ ኢናቭ ንረንድኔ።«ጎይታ ኧረንድ» ቲይር ኧሰምኋ ኢጠራካ ሰቭ ኢፈጥር ፤አሸን ኧሰምኋ ታይረንድ አናሸን ጎይታ ኧተኸ ኢረንዲ ኢኸነ?
+\v 21 ኧኸሬ ጎይታ ኢረንድካ ሰቭ እንእ ኧሰምኋ ኧርወጅት አነወ።
+
+\c 5
+\p
+\v 1 ኢየሱስ መሲህ ኧኸረኸ ያአቭርኻ ሰቭ እንእ ኧጎይታ ትከን፤አቭ ሁዳ ኢረንድካ ሰቭ እንእ ትከሞኋ ኢረንድ።
+\v 2 ጎይታ ትነድነዳቪ ትዛዝሞኋ ትንእየነዳቭ ኧጎይታ ዴንጋ ንረድነዳ ሰቭ ኧኸነኸ በዋዳ ንሂነ።
+\v 3 ጎታ ኣርወጅት ኧዋርት ፥ትዛዝኋ ኦኦሮትን፤ትዛዝሞሁኖዋ ያጀጉርታአር አሆርታ።
+
+\v 4 ኧጎይታ ትከ ኧኸረ ሰቭ እንእ ተዋ አለም ኢኢም፤ እም አለም ኒኢምኔዳ ሁዳ ብእምነትነንራ ።
+\v 5 ኧዋ አለም ኢኢምኩዳ እማት ኢየሱስ ኧጎይታ ትከ ኧኸረኸ ኢሂርካ ሰቭን።
+
+\v 6 ጥምቀትኋ ቢያቲሽካ እሀቪ ሙድሞኋ ቢያቲሽካቭ ደቭ ኧቫአ ዋ ክርስቶስን፤ሁድቭ ፥ ኧቫአ እማት ብእሀ ታይኸር ፣ብእሀቪ በደቭምን፤ መንፈስ ቅዱስ ውረ ኧኸሬ ዋ ዘንጋ ውረ ኧኸረኸ መንፈስ ቅዱስ ኢኢድ።
+\v 7 እእመዳ ሶኦስት ሄቶ አነውዋ፤
+\v 8 ሁኖም መንፈስ ፣እሀቪ ደቭምኖዋ ፤እም ሶኦስትሁኖዋ ሄቶ ቲኢጅታ ኢትስሟምኦዋ።
+
+\v 9 ኧሰቭ ሄቶ ንቴኤፐነ፣ ኧጎይታይ ሄቶነድ ተሀ ኢረእ፤እመዳቭ ኧትከኋ ኤኤደነ ኧጎይታይ ህርቶነድን ።
+\v 10 በጎይይታ ትከ ያአቭርካ ሰቭ ዋ ሄቶ ኤኤደን ቃር በሂንኅኋ አነ። ጎይታ አያአቭር ሰቭ ጭን፥ጎይታ ኧትኋ ኤኤደነ ምስክርነድ አናአመሬ ኧኸሬ ኧጎይታ አሰተኘ ኤፐን።
+
+\v 11 ሄቶነድ ቃርሞኋ ፥ጎይታ ኧዘላለም አያ ኤፐንረመኸዪ አያቭ ኢሆሪዳ በትከኋ በክርስቶስ ኢየሱስ ኧኸረኸ ኢኢድካናአር ።
+\v 12 ኧጎይታ ትከ አነነዳ ሰቭ ጀነት ኢጋአ፤ኧጎይታ ትከ ኤነነ ሰቭ ጀነት አይጋአካ ።
+
+\v 13 በጎይታ ትከ ታአውርታ አሁዋ ጀነት ትጎኦዋኸ ትሂሩዋይ ዋዳ ኧጠፍነሁዋ።
+\v 14 ጎይታ ማንእያአር ኧሁዳ ፈቃደኸ ብንሰኧኔ ኢሰቭአንረኸ ንሂነ ፤ብእም ኧቫአ በጎይታ ኢፍቲ ድፈይተነ ንትሸከቭኔ ድፍረት አነንረ ።
+\v 15 ኧሳአኔ ሁዳ እንእ ኧሰምአንረኸ በሀነ ፥ተሁዳ ኧሳአኔ ሁዳ እንእ ዋአካ ንቴኤፐነኸ ንሂነ ።
+
+\v 16 ማንእየ ሰቭ ኧሰምኋ ኧውንድ አያሰርአ ባጢር ቲንአካ ባሸን ኧጸልይነ ፤ ህም ሰቭ ባጢርኋ ኧውንድ አያሰርአአር በኸረ ጎይታ አያ ኢንአኩ።ኧዘንጋ ጭን ኧውንድቭ አያሰርአ ባጢር አነ፤ኧዋ አይነት ባጢር ጭን ኧጠልይ አንካ።
+\v 17 ሙጥጥ ሜና እንእ ባጢርን፤ ቢኸርቭ ኧውንድ አያሰርአ ባጢር አነ።
+
+\v 18 ኧጎይታ ትከ ኢየሱስ ክርስቶስ ይእየኲ ኧኸሬ ኧጎይታ ትከ ኧኸረ ሰቭ እንእ ባጢር አዪንአኸ ንሂነ።
+\v 19 ኢና ኧጎይታአር ኧኸነኸ ፣ ዋ አለም ጭን ኧሼጣናአር ኧኸረኸ ንሂነ።
+
+\v 20 ኧጎይታ ትከ ኧቫአመኸዪ ውረ ኧኸረቭ ሁዳ ንሂኔ ኢቬስርካ ሂን አቨንረኸ ንሂነ፤ኢናቭ ዋ ወረ በኸረ በኢየሱስ ክርስቶስ ንረቭነ፤ሁድቭ ውረ ኧኸረ ጎይታ ኧዘላለም አያቭ ዬካ ሁተን።
+\v 21 ዴንጎ አአሰተኘ ቅርኘ ተስጉጅት ገጋሁዋ ኦሮዋ።

64-2JN.usfm

@@ -0,0 +1,27 @@
+\id 2JN
+\ide UTF-8
+\h 2 John
+\toc1 2 John
+\toc2 2 John
+\toc3 2jn
+\mt 2 John
+
+\c 1
+\p
+\v 1 ተውረመኛ ኧርረድካዳ ፣እማት ኢያቭ ታንኸር ኧውረአር ኢሂርታ ሰቭ እንእ እኢረንጂያዳ ፣ ኧትሸተች አጂየድቪ ኧዴንጋመሻ፤
+\v 2 በሂንመንራ ቲረቭርካቪ ፣ቲናቭ ኧዘላለም ቲረቭርካ እውነት ኧትረሳ፥
+\v 3 ታአቭ ጎይታቪ አአቭቭ ትከ ተኸረ ተኢየሱስ ክርስቶስ ጠጋ ምረትቪ ሽኛትቭ በውረቪበርማጀቭ ትንእቨንር እማቲ ኧህ ር።
+
+\v 4 ተዴንጋሽ አታትሁኖዋ አቭ ጎይታ ኤዘዘንረ ትዛዝመኸ በውረ ተቁሟᎀርም ቲረውርታ አአሸዂ ኖኦራአር ሳረዪ።
+\v 5 አጂየድ፣ ዋአካቪ ቲኢፍትቭ ቆነሺታ ኧረፐረ ትዛዝን ባሀሬ ወያ ትዛዝ አንጠፍነሽዳ፤እመዳቭ ገግ ተገግንራ ንትራቨድነ ይካናአር ።
+\v 6 ኣውረምየ ንማጀ ኧዋርት ኧጎይታ ትዛዝ ኦኦሮይን፤እምትዛዝ ኧዋ ኢፍቲ ኧሰምአዂመኸ «በርመጀ ንወሩዋ» ይካናአር።
+
+\v 7 ኢየሱስ ክርስቶስ ሰቭ ኧሰቭ በሰር ተኸተረ ኧዋ አርዳይ ኧቫአኸ አያአውሩዋ ኖኦራ አሳሳች ሰቭ በዋ አለም ተረሾም፤ኧዋ አይንነት ሰቭ ቄቃቪ ኧክርስቶስቭ ጠራትን።
+\v 8 አሁዋ ጭን ወሄ አጅጋሁዋ አትዎሆሩዋኸ ተጦፑዋ፤ዘንጋ ጭን ሙርአ ሽልማታሁዋ ትቴኤፖሩዋኸ አትዋቁሩዋ።
+
+\v 9 ክርስቶስ ባትመረን ትምርት ተቋቴቭተ አይረቭር ሰቭቪ ትእም ትምርት አረእኧ ኢርረቭርካቭ ሰቭ ጎይታ ተህሁዳ አኽረንዳ፤ክርስቶስ ባትመረን ትምርት ኢረቭርካ ሰቭጭን አቭ ጎይትቪ ትከሞኋ ተሁተኖዋ።
+\v 10 ዋ ክርስቶስ አትመረን ትምርት ታይጠጥ ማንኢም ሰቭ አሁዋይ ቢቫአ በቪዳሁዋ አቶኦዎሪ፣ ወጌም አትዋሪ።
+\v 11 ወጌም ዩኩዳ ሰቭ ተሁዳ እማቲ ሙጥጥ ሜና ዬቭ ኧዋርትን።
+
+\v 12 ኧጠፍነሁዋይ ኧሴኤሁን ኖኦራ ዘንጋ ባነደ፤ዘንጋ ጭን እንእኤኤድኋይ በዋረቀት ኧጠፍነሁዋይ አንሲእካ፤ኢረእካሞኋ ገኪተ ኢሽረንረኸ አሁዋይ ሜኤተሁታ ኢፍት ቲፍት ተራሄቭተነታ ንዝሬኪነኸ አጫምጥ ።
+\v 13 ኧትሸፐትተች ኧኧተማሺ ዴንጋ «ወሄምንሽዋዌ?»ዩች ።

65-3JN.usfm

@@ -0,0 +1,29 @@
+\id 3JN
+\ide UTF-8
+\h 3 John
+\toc1 3 John
+\toc2 3 John
+\toc3 3jn
+\mt 3 John
+
+\c 1
+\p
+\v 1 ተውረምየኛ ኧረድኸዳ ኧውረምየ ናማጂኛ ኧጋዮስ፤
+\v 2 ናማጂኞ ሉሁያኽ ወሄያአር ኧኽረመኸ ወሄ አፍያ ኢረቭርኸመኸ ዪ ፣ብንእአአር ኢኢጥቫበጥነኸኸ ኧጠልይነኸሴ።
+\v 3 አታት ኧሰማት ኢያይ ሞኦምታ ሙርቴ ኧኸርኸመኸዪ ኧውረአአር ጠበጥኸ ትረቭርመኸ ኤኤጅኝታ ኖኦራአር ሳረዪ።
+\v 4 ዴንጋኛበውራአር ኢረውርዋኸ ተስውኧት ኢረእካ ኧሳርት ኤነኒዳ ።
+
+\v 5 ናማጂኞ አኸ ባዘራ ቢኾርም ኧክርስቲያን ኧሰማት ሙርቴ ኽርኸ ታጌኪርኮዋ ።
+\v 6 ሁኖም አኸኖዋ ወሄ ሜና ፣ በቬተክርስቲያን ኤኤጁም ፤
+\v 7 ሁኖዋ ኧክርስቶስ ቧርምታ ያጌኪሩዋይ ቲያርታ፣ ታአረማዊ ሰቭእገዠ አታአር አይቴፖርታ።
+\v 8 ኧውራአር ቦንኣት ኢና ንተፐነኸ ኧዋኸ ሰቭ ኧኧጉሽት አነቨንረ ።
+
+\v 9 እምብዳብ ኧዋ ኢፍቲ ኧቬተክርስቲያን ታፍሁ ባነደ፤ዘንጋ ጭን ዋና መሪ ኢኸሪ ኢሲእካ ሹውኋ ዲዮጥራጢስ ዩሪዳ ምስ አይቴኤፐረንረዳ ።
+\v 10 እመኸ ኧኸሬ ኢያ ትንቫአካ ሁዳ ባኸራአር ሹውንራ ኢዝሬኩዳ ዘንጋ እንእ ሰቻ አዋአኩዴ።
+
+\v 11 ናማጂኞ ወሄ ሰቭ ምሰር ባሀሬ ሙጥጥ ሰቭ አትቭሰር፤ ወሄያአር ዬካ ሰቭ እንእ ተጎይታን፤ሙጥት ሜና ዬካ ሰቭ እንእ ጭን ጎይታ አቸ አናሸዳ።
+\v 12 ኧድሜጥሮስ ሰቭ እንእ ኢኢድነ ውነትቭ ገግሞኋ ኢኢድነ ፤ኢናቭ ኒኢድኔነ፤ አሁም ቃርንራ ኧውረአር ኧኸረኸ ትሂሩዋ ።
+
+\v 13 ኧጠፍነኸዳአር ኖኦራአር ባነኒደ፤ቢኸር ጭን እንእአአር በወረቀት ኧጠፍነሄ አንሲእካ።
+\v 14 በዋ እናወ ኧቫአኴ ፤ እንእአአር ትንቫአካ ኢፍቲኢፍት ተራሄተነ ንዜግነሴ።
+\v 15 ወገሬት አኸ ኧህር ።ናማጂንራ ወገሬታኸ ቧከ፤አኸቭ ኧራማጂንራ በሹው ፣ሹውሁኖዋ ወገሬት ቧኩም ባኮዋ።

66-JUD.usfm

@@ -0,0 +1,45 @@
+\id JUD
+\ide UTF-8
+\h Jude
+\toc1 Jude
+\toc2 Jude
+\toc3 jud
+\mt Jude
+
+\c 1
+\p
+\v 1 1 ኢኢየሱስ ክርስቶስ አገልጋይቭ ኧያዕቆብቭ ኧሰም ተኸረ ተዩሁዳ ኧትቬጠርሁዋ በአብ ጎይታ ኧትረመድሁዋሚ በኢየሱስ ክርስቶስ ኧትእየሁዋ እንእማሁዋ ።
+\v 2 2 ኧጎይታ ምህረት፥ ወገሬትቪ ንማጅነድቭ ኧድቨስነሁዋ
+
+\v 3 3 ናማጂዮ፤እንእመንራ አንነነረዳ ኧትሮፉት አአር ኧጠፍነሁዋይ ቡሼኧኸ ዣቭሁ ባንደ ዘንጋ ጭን ጎይታ ኧቅዱሳን ሰቭ ፤ትርም አይደዉርኮ ፤እእማት ጊዚየ ኧቴቨ እምነት አአር ጃድ ትቩሩዋኸ ኧቨህሪ ኧጣፉት ግርድ ኸረቪ ።
+\v 4 4 ኢትፈንድቮኸ ተሮኦራ ዘቨር ኢፍቲ ኧትጣፈዎዋ አታት ሰብ አሁዋይ ተስረነጩም ጎፖም ሁኖም ኧጎይታ ኧፍረዉት ኤነዎዋ ፥አአምላክመንራ ጠጋ ኧሳረኖኽ በሁርት ኢሽጋጉርታ ባጢረተኘዪ፤እማት ኧከረ ኑኡየ ጌታመንራዪ ዳኘመንራ ኧኸረ ኢየሱስ ክርስቶስ ኢሆጆታኖዋ አአር ።
+
+\v 5 5 ዋሁኖዋ እንዳም በተርሁም ቲሂርታአአር ቢኸርቭ ዳር ጎይታ ሰቭኋ ተግብፅ ገኘ አዋአታ ኧተኸ አተነፈኖኸዪ ተህም ቀጥወ አናአሞሩዋ ሁኖዋ አአኘኖኸ አዘግድሁዋይ ኧሲእ ።
+\v 6 6 መኸ ማረግሁዋ ቃሸዉምታ ዉርኮዳ ኤኤዲ ኧቼኧዉዋ መላአይካ ዙጉጁዋ ሁኖም ኑ ኧኸረ ጎይታ ኧፍርድ ቀረ ቲቫአ ስን ኧዘለአለም አከደ ቢኢርሚማ ጠነቫ ከስ አወና ይእየኮዋ ።
+
+\v 7 7 እመኸ ሰዶምቪ ጎሞራቪ በዙሪያሞሁኖዋ አነዉዋታ ከተማ ሰቭ በተሜኛት ዛሾምታ ተትሆሎቅኮ ቂጫ ኤኛ አአር ሆርሙ ሁኖም ተሁኖም ሁጅር ደሞጁም ብእም ኧቫአ በዘላለም እሳድ በስቋይት ኢትቆጮታ ሰቭ መሰሮ ሆርሙ ።
+\v 8 8 እመኸ ዋ ሰቭ በረዘዢ በርዛዝ ኧትረሳ፤ ተቫነሁምታ ገግሁኖዋ ያሰርሁዋ፤ ኧጎይታቭ ደረግ ኢቆርጩዋ ፤ በሳቫይ ክብር አኖታ ፍጥረት ኢቀርዉዋ ።
+
+\v 9 9 ኧመላአይካ አላቃ ኧኸረ ሚካኤል ዳር ኧሙሴዪ ኒሳ አአር ተሴጣን ኖኦራአአር በቴኧደ ግዚየ «ጎይታ ኧኧምኸ»ባረን ባኸሬ አናትቃነቨዳ ።
+\v 10 10 ዋ ሰቭ ጭን አይሂሪ ዘንጋ ያትቃንዉዋ ቀርብ ኤነነዋ አሬኧኸ በደቭ በቨሰርሁኖዋ ቢሂሪዳ ዘንጋ ዳር ዮፎዋ ።
+\v 11 11 ኧሁኖሁኖዋ በቃየል መያ ዎርሙ ኧዋጋ ዘግዘግ ቲዩሩዋ በበለአሚ ኧድዋዎርት ከስ ጎፖም ኧ ቆሬመኸ በቩሼእነድ ኧኘዉም ።
+
+\v 12 12 ዋ ሰቭ በርማጀ ድግስሁኖዋ ፎር አቸቭ ቀቨጥ አይቫር ታሁም እማትሜ ቴኤኖዉምታ ፤ይዎርኧታ ቀቨጥ አይሂሩዋ ሰቭኖዋ ፤እማት ኧገግሁኖዋ ኢዎርኧታ ዜማቸኖዋ ፤ሁኖም በንፋስ ኢትጎፎታ ዲየ ኤነዎዋ ዳቨራኖዋ፤በጎር በኘ ቡስር አይረሁኮዋ ኧስር ኤኖወ ኧደነኧ ኤኧኖዋ።
+\v 13 13 ያቅቨጭካ ሜናሁኖዋ እምቦዋ ያወችታ ኧቫአቸ ንፋስ ኢገፋኩዳ ኧቫር እሃ ኢዎስሩዋ ፤ኧደኧር ጠነቯ ኧዘላለም ቸና ዪኢየኮታ ፤እመዪ ህሜ ዩርታ ሆሆነኸ ።
+
+\v 14 14 ታአዳም ቆነሺታ ኧሳቭአተኘ ጥቭ ኧከረ ሄኖክ ኧዋ ሰቭ ዘንጋ ነሳታ ትንቢት ቲዝሬካ «ጌታ ተሮኦራ ቅዱሳን እማትሜ ኢቫአኬ።
+\v 15 15 እም በሰቭ እንእ ኢፈርዲ ኢቫአካ ጌታ አያሆቡጁዋ ባጢረተኘ ሰቭ እንእ ቢዬዊዳ ሙጥጥ ሜናሁኖዋ እንእ ኧጎይታአትቃነዊ ቂናቨ እንእ ኢፋድሁኖዋ ሰቻ ያዋአዎቴ ።
+\v 16 16 እም ሰቭ እንእ ግዚየ ኢቁጨጭታዪ ኤኛ ሰቭ በኩሽሽትቭ ኧገግሁኖዋ ሙጥጥ ተመናት ኢትሄተረታኖዋ አአር ።ኧገግሁኖዋ ጥቅም ቲዩሩዋ ኤኛ ሰቭ ያጒያጊዡዋ ።
+
+\v 17 17 ባቴ አሁዋ ጭን ናማጂኞ ኧጌታንራ ኢየሱስ ክርስቶስ ኪሸረኘ ቦተርሙ ኧዝሬከዊ ቃር ዙጉጁዋ ።
+\v 18 18 ሁኖዋ «ቀረ ቢያርእወዳ ዘቨር ኧገግሁኖዋ ሙጥጥ ተመኛት ተሄተርሙታ ያኬሽታ ሰቭ ይዎኦዋቴ »ባኩም ።
+\v 19 19 ሁኖም ሰቭተሰቭ ኢቫይትሩዋ ኧገግመሁኖዋይ ተመኛት ኢትሄተሩዋ መንፈስ ቅዱስ ኤነዎዋ ሰቭኖዋ ።
+
+\v 20 20 አሁዋ ጭን ናማጂኞ ትእንቭ በፎረ በትቀደሰ እምነታሁዋ ገጋሁዋ ታቁሟሙሩዋይ አትዋቁሩዋ በመፈስ ቅዱስቭ ደረግ ኧጎይታ ሳአሩዋ ።
+\v 21 21 ጌታንራ ኢየሱስ ክርስቶስ በፈራዪሂነድኋ ኧዘላለም አያ ዬቨኸ ሁዳ ትትጩማሞዋ በጎይ ንማጅነድ ገጋሁዋ ኧሮዋ።
+
+\v 22 22 ኢጥራጠርታ ሰቭ ሁኖዋ አትዋጥጪዮዋ ።
+\v 23 23 አአታትሁኖዋ ትእሳድ ከስ ኦኦሙ አትርፉዮዋ ኤኤኤኛሞሁኖዋ አትዋጥጪዮዋ በኸረ በቫጢር ኧሰነሁዋ ምሲየሁኖዋ ኧረከደን ሁጅር ስን ታይተርፍ ጥሮዋ ።
+
+\v 24 24 አሁዋ ባትወዱኡዋኸ እየታ ኢፋድ አይቫር በሳርት በገግኋ ክብር ኢፍቲ ያትሸክሁዋይ ኢኸነ ።
+\v 25 25 እማት ሁዳ ኡዛንራ ኧኸረ ጌታ በጌታንራ በኢየሱስ ክርስቶሲ አጋድ ተድረ ቀነሰ ዋአካቭ ኧዘላለም ክብር ኑኡነድ ደረግ ኧሁዳ ኧህር ፤አሚን።

67-REV.usfm

@@ -0,0 +1,646 @@
+\id REV
+\ide UTF-8
+\h Revelation
+\toc1 Revelation
+\toc2 Revelation
+\toc3 rev
+\mt Revelation
+
+\c 1
+\p
+\v 1 በፈኧረ ኧሁርት አኖወዳ ዘንጋ አአር ያቲሸኸ እግዜር አቨን ኢኢየሱስ ክርስቶሲ እራእይ ዋዳን ፤ኢየሱስቭ መላአይካኋ ኬሸታ አአገግልጋይኋ ኧዮሐንስ አቴሸን ፤
+\v 2 ሁድቭ እእግዜር ቃር አአርቪ እኢየሱስ ክርስቶስ አአር አሸን ሁዳ እንእ ምሰከረ።
+\v 3 ወቅትኋ ሰንአ ፤ዋ ኧትቢት መጣፍ ያረብብካ ሁዳ ኧትዳረደ ፤ኢሶቩኤዳዪ በመጣፍቭ ሁዳ ኧጣᎉ ሁዳ ዩኡሮታ ሁኖዋ ኧትዳርታኖዋ አአር።
+
+\v 4 ብእስያ ገኘ አኖዉታ ሳቭአት ቤተ ክርስቲያን ስቪ ዮሃንስ ኧኬሸን ወረቀት፤ታነዳ ፤ተረፐረ ፤ትእም ቀጥወ ቲቫአካ በዙፏንሞኋ ኢፍቲ ታኖዉዋታ ተሳቭአቸ መንፈስ ፤
+\v 5 እመኸቭ ሙርቴ ምስክር፤ኧዎጁምቭ ሁኖዋ በኽርቪ አአፈር መንግስት እንእ ቲገዛካ፤ቲኢየሱስ ክርስቶሲ ፀጋዪ ወገሬትቭ አሁዋ ኧኽር ። ኧረመደንረ፤ ተቫጢርመንራ በድቭኋ ነጣ አዋአንረ ፤
+\v 6 አቦኋ ኧኸረ እግዜር ናጔኪርኔ መንግስትቪ ካህንቭ ኤፐንረ፤ክብርቪ ደረግቭ ተዘላለም ዘላለም ስን ኧሁዳ ኧህር! አሚን።
+
+\v 7 እኩ በዳቨራ ኢቫአኬ፤ ኦዎኮዪ ሁኖዋ ዳር ፤ ታይተርፉዋ ኤር እንእ ያዥኩዴ፤ አአርዳ ሰቭ እንእ ተሁዳ ኧቫአ ዋይህ ዋይህ ዩዉርቴ ።እንከ! ዋዳ እንእ ኢኸርኬ፤እሚን።
+\v 8 «አነዳዪ ኧረፐረቭ ፤ትእምቴ ኢቫአካቭ ፤እንእ አአር ኢኸነዳእግዜር፤ ኢቆርሽኮዳዪ ያርእወዳቭ ኢያትንሁ» ይቭር።
+
+\v 9 ኢያ አሁመኸ ኧመንግስትኋ ወራሽ ተኸርሁ፤ታሁም እማትሜ በመከራዪ በፍረሁትቭ አሁመኸ ኧኸርሁ ኢያ ኧሰማሁዋ ዮሐንስ ብእግዜር ቃርቪ ብእየሱስቭ ምስክርነድ ትንቭር ፈጥሞ ቢዩሪዳ በቫር ግት ባንዳ አፈር ባነዀ ።
+\v 10 በጎይታቭ ቀረ በመንፈስ ቅዱስ ኸርሁታ ኧጥሩምቧ ቃር ኢቭስርካ ኑኡየ ቃር ቲኢኛይ አጋድ ዋኸ ቲቭሬዳ ሰምአ፤
+\v 11 «ታዥኩዳ ሁዳ ቢጥዋንሪዳ መጣፍ ጣፍኩታ ቤኤፌሶን ፥በሰርምኔስ ፥በጴርጋሞን፥በትያጥሮን፥በሰርዴስ፥በፊላድልፍያዪ፥በሎዶቅያቭ አኖዉታ ፤ኧሳቭአቸ ቤተክርስቲያኒ ከሽ»ባረዪ
+
+\v 12 ኢያቭ ማን ኢዝሬኴኸ አዢ ብንዦዉር ፤ሳቭአት ኧወርቅ መቅረዝ አሸሁ።
+\v 13 በወርቅቭ መቅረዝ ሁኖዋ ግት ኧሰቭ ትከ ኢቨስርካ አአር አሸሁ፤ሁድቭ ኧኧግር እፍርኋይ ስን ኢሰርአካ ዴካ ሁጅር ኧትኸተረ፤ዳታሞኋ በወርቅ አዝጋታ ኧታአከደ አር ባንደ ፤
+
+\v 14 ጉንኧርሞኋዪ ኧጉንኧርሞኋ ድገር ኧጓድ ጣይ ድገረኸ ጓድ ባኖዉተ፤ኧቨረጀመኸ ጓድ ባኖዉተ፤ኤርሞኋ ጊርግር ይቭካ ላባና እሳድ ኢቨስር ባንድ።
+\v 15 ኧግርኋ በሩኡባየኧፋ እሳድ ኧጋረ ብረድ ኢቨስር ባንደ ፤ቃርሞኋ ኧሮራ ዉር እሃኸ ያኸራካ ኑእ አአር ባንደ ።
+\v 16 በቀነ ኧጅኋ ሳቭአት ሆሆ ጠበጠ ባንደ ፤ታአፉሞኋ ተዉርኤቸ አጋድኋ አጣዎርሙ ኧፌኤዊ ቄቃ ሴፍ ኢዋአ ባንደ፤ ኢፍትሞኋ ባነንዳ ደረግኋ ጀፐረታ ያበራካ አየደኸ ባንደ።
+
+\v 17 ባሸሁንመጋ ኧዎንደ ሰቨኸ ኸርሁ በኧግርኋይ ወተእሁ ።ሁድቭ ቀነ ኧጅኋ ቦፎርኛ አተገቪታ ዋኸ ባረዪ፤«እፈኘኸ ኢቆርሽኮዳዪ ያርእወዳቭ ኢያትንሁ፤
+\v 18 ኢያ እንእ ግዚየ ኧረቭርካንሁ አአር ፤ሞድሁቭ ባንደ እኩ ዋአካ እስተ ዘላለም ስን አያንሁ ፤ኧዉድቪ ኧሲኦልቭ ቁልፍ ቢያ ኧጅን ።
+
+\v 19 «ህመኸ ኧኸሬ አሸኸን ሁዳ ፤ዋአካ አንዳ ሁዳዪ አቀጥወቭ ኢኸርካ ሁዳ አአር ጣፍ ።
+\v 20 በቀነ ኧጅኛ አሸኸኖዋ ኧሳቭአቸ ሆሆሚ ኧሳቭአቸቭ ኧወርቅ ምቅረዚ [ምስጥር] [ኧከሲ ዘንጋኋ]ፉጆኃ] ዋኸትን ፤ሳቭአቸ ሆሆ ሁኖዋ ኧሳቭአቸ ቤተ ክርስቲያን መላአይካኖዋ፤ ሳቭአቸቭ መቅረዝ ሁኖዋ ሳቭአት ቤተ ክርስቲያንኖዋ።
+
+\c 2
+\p
+\v 1 «በኤፌሶን ቤተ ክርስቲያን አንዳ መላአይካይ ዋኸ ባር ጣፍ፤ ሳቭአቸ ሆሆ በቀነ ኧጅኋ ኧጠበጠ፤በሳቭአቸቭ ኧወርቅ መቅረዝ ግት ኢትዥቫፐርካ ሁዳ ዋኸ ይቭር ፤
+\v 2 ሜናኸ ቂጭናማኸዪቪ ፋራይሂነድማኸ ኧሂር ሙጥጥቭ ሁኖዋ ኧሳሬ ባአሴ ቁስ ባይተኸ አቸኧኸኖኸ ፤ኪሸረኘ ታይሆርሙ ኪሸረኘንረ ዩዉርታቭ ሁኖዋ ምረመርኸኖምታ አሰተኘ ሆርሙታ ኧረከኸኖኸ ኧሂር።
+
+\v 3 እመኸቭ አትቭ በፋራይሂነድ ተፓኸ ኧትሸከቭኸመኸዪ ኧሹቩመኛ ትትቭር ስቃያ ኧቴኤፐርኸኸ ኧሂር ፤በዋዳ እንእ ኢኢኒየ አምባኸዳ።
+\v 4 ቢኸርቭ ጭን ኧጠራቨኸዳ ዘንጋ አነኒ፤ ሁድቭ አአወተራቸ ንመጃኸ ቸኧኸ ።
+\v 5 ባቴ ተኧቲ ኧወተእኸኸ አጫምጥ ፤ንስሃቭ ግቭአታ ኢኢፍቲ ቲንአኩ ኧረፐረ ሜና ኧንአ ፤ንስሃ ባገፓኸ ፤ሜኤተሁ መቅረዛኸ ቴኤድዃይ ኧወስድቨኸዴ።
+
+\v 6 ዘንጋኋ ጭን ኢኢድነኸዳ ዋ ወሄ ዘንጋ አነነኸ ፤ኢያ ኧጥራኩዳ ኧኒቆላ ሰቪ ሜና አኸቭ ጠናኸ ።
+\v 7 እንዝር አነንዳ ሁዳ እንእ ፤መንፈስ ኧቤተ ክርስቲያን እንእ ኢዝሬኩዳ ሁዳ ኧስቭአ፤አመረ በትሸከዎወ ሁዳ ኤኤመ ሁዳ እንእ ብእግዜሪ ጄነት ታንዳ እንእ ግዚየ አያ ቢዪንአካ ቡስር ኢቨርአኸ ኤኩዴ ።
+
+\v 8 «በሰርምኔስቭ አንዳ ቤተክርስቲያን መላአይካይ ዋኸ ባርቭ ጣፍ፤ ኢቆርሽኮዳዪ ያርእወዳቭ ኧኸረ ፤ሞደ ኧረፐረዪ አያቭ ኧኸረሁዳ ዋኸ ይቭር ፤
+\v 9 ስቃያማኸዪ ዚግነድማኸ ኧሂር ፤ቢኸርቭ ጭን ደንገኘንኸ አይሁድ ባሆሩዋሜ አይሁድንረ ቲዩሩዋ ሹዋኸ ያአፎታ ሁኖዋ ኧሂር ፤ሁኖዋ ጭን ኧሴጣን ማቨረተኘኖዋ ።
+
+\v 10 ተዋ ቀጥወ ቢሰርአቨኸዳ መከራ አትፍሬ። እኩ ሴጣን ኢፈትንሁዋይ አታታሁዋ ቦኦሁኔ ያቲኢኪድሁዋቴ ፤አስር ቀረቭ መከራ ቲቴኤፖርቴ ኧዉዲ ስን ኧታአመርኸ አአር ህር ፤ኢያቭ ኧሂዎት አክሊል ኢቭኸዴ ።
+\v 11 ይሰቭአካ እንዝር አነንዳ መንፈስ ኧቤተክርስቲያን ኢዝሬኩዳ ሁዳ ኧስቭአ ፤አመረ በትሸኮወወ ሁዳ እንእ ኤኤመ ፤ስርም በዉርእኤተኘ ሙድ አይረግድኩዳ ።
+
+\v 12 በጴርጋሞን አንዳ ቤተ ክርስቲያን መላአይካይ ዋኸ ባርቭ ጣፍ ፤ተቩርኤቸ አጋድኋ ያጠኸ አጣወሪ ቄቃ ሴፍ አነነዳ ሁዳ ዋኸ ይቭር፤
+\v 13 አኸ ኧሴጣን ዙፋን ባኖዳ ኤኤዲ ትረቭረኸ ኧሂር፤ቢኸርቭ ጭን ሹቭኛ አጠበቅኸ ጠበጥኸ ።ሴጣን ቢረቭሩዎዳ ባሁዋይ ከተማ ኦኦተሪ ሙርቴ ምስክርኛ ኧኸረ አንጢጳስ በረፐረወ ዘቨር ዳር ቢያ ኧረፐረነኸ እምነት አኸታኸዳ።
+
+\v 14 ቢኸርቭ ጭን አታት ኧጠራቨኸዳ አአር አነ ፤ እእስራኤል ዴንጋ ኧቅርኘ ፈቸድ ኤፖዊ ሸረድ ኢዎርኦዋመኸዪ ኧረኮዉዋኸ ሁጅር በዱሙጅት ባጢር ዪንኦዋመኸ ኢክታቶፉኮዳ አአር ቢኢፍትሁኖዋይ ያዎራዎኸ ኧባላቅ አትመረን ኧበለአሚ ትምርት ኢትሄተርታ አትታት ሰቭ በግታሁዋ አነዉዋ ፤
+\v 15 ኧኒቆላ ሰቪ ትምርት ኢትሄተርታ ሰብ በግታሁዋ አኖዉዋ ።
+
+\v 16 ህመኸ ኧኸረሜ ንስሃ ግቭአ ፤ሃአ ባኸረ ካች ባይተሁ ኧቫአኬ ፤ባአፉመኛ ሴፍ ኧዎጋኮቴ።
+\v 17 ኢሰቭአካ እንዝር አነንዳ መንፈስ ኧቤተ ክርስቲያን ኢዝሬኩዳ ሁዳ ኧስቭአ ፤አመረ በትሸከወወ ሁዳ ኤኤመ ሁዳ ተዶኦሪ መና ኢቭኩዴ ፤እመኸቭ አት ኢቴኤፐርኩዳ ሰቭ ባኸሬ ማንኝእሞዃ አይሂርኩ ወያ ሹቩ ኧጣፍኰ ጓድ እቭር ኢቭኩዴ።
+
+\v 18 በትያጥሮን አንዳ ቤተክርስቲያን መላአይካይ ዋኸ ባር ጣፍ፤ እእሳድ ላባናኸ ኦሆሩዋ ኤር አነንዳዪ ብእሳድቭ አረጠሪታ ኧዋአነ ናስ ኢዎስርታ ኧግር አነንዳ እእግዜር ትከ ዋኸ ይቭር ።
+\v 19 ሜናማኸዪ ንማጀማኸኧታአሞርትማኸ ፥አጎኩርትማኸዪ፥ኧፍሮሁትማኸ ፤ኧሂር እመኸቭ ታአወተራቸ ሜናኸ ኢረእ ኧዋአካ ሁዳ ኢረኧኸ ኧሂር።
+
+\v 20 ቢኸርቭ ጭን ኧጠራቨኸዳ አአር አነኒ፤ነቢንሁ ትቭካ ኤልዛቤል ዩዉሪያዳ ምሽት፤ችላ ባኸ ቸኧኸና ፤ሂዳ አገልጋይኛ ተረኮዉዋ ሰቭ ኧረኮዉዋኸ ሁጅር ኢዶሙጁዋመኸዪኧቅርኘቭ ቧርሙ ፈቸድ ኤፖዊ ሸረድ ኢዎርኦዋኸ ፤በትምርትሻ ታሳስትኮዋ፤
+\v 21 ሂድቭ ተቫጢርሻ ትትዠፐረኸ ግዚየ ኧህና ባንደ፤ ሂዳ ጭን ትትዠፐሪ አሴኤቻ።
+
+\v 22 በሃአ ኧቫአ ኢያ ቡሼእ ባአሸ ቃሽተሁ ኧገድርካዴ፤ተሂድቭ እማቲ ኧረኮዉዋኸ ሁጅር ኢዶምጅታ ሁኖዋ ፤ተሂዳይ መያ ተዣቨይተዉዋ ንስሃ ባጎፖዋ ኑእ ስቃያ ኧቃሽዎቴ፤
+\v 23 ዴንጋመሻ በዉድ ኧቀጣኮቴ ፤ተህም ቀጥወ ቤተ ክርስቲያን እንእ ኢያ ሂንቪ አሳብቭ ኧምረምርካ አአር ኧኸርሁኸ ኢግአኮሴ፤እእማት እማታሁዋ ኤቬናሁዋኸ ኧካስሁዋቴ።
+
+\v 24 ኧሂዳይ ትምርትሻ አቴኤፐርሁምቪ ኧሴጣንሜ ኧከሲ ዘንጋን ቧርሙ ዩሪዳ ሁዳ አንቴኤፐርሁዋ አተነፍሁዋ በቲያጥሮን አነሁዋታ አሁዋ ጭን እቭሁዋ ባሁዋ ፎር ኤኛ ኧድቬ ፉንግ አንደቭርወሁዋታ፤
+\v 25 እማት ኢያ ትንቫአ ስን አነነሁዋታ ወሄ ዘንጋ አጥቡቁም ጥጩዋ።
+
+\v 26 እመረ በትሸኮወወ ሁዳ ዪኢምካዪ ሜናመኛ ቀረ ያርእወዳ ስን ዪንአካሁዳ በአረማዊ ሰቭ ፎር ዳኝነድ ኢኩዴ፤
+\v 27 ሁድቭ በቭረድ አአር ኢገዛኮቴ ፤ኧሸህራ ግቭርመኸ ኢፌእኮቴ ፤እመዳቭ ህም አታአር ኢያ ታአቦኛይ ቢድ ዳኝነድ ኧቴኤፐርሁምነኸ ።
+\v 28 ኢያቭ ኧጋአቶᎀ ሆሆ ኢቭኩዴ።
+\v 29 ኢሰቭአካ እንዝር አነንዳ፤ መንፈስ ኧቤተክርስቲያን እንእ ኢዝሬኩዳ ሁዳ ኧስቭአ።
+
+\c 3
+\p
+\v 1 በሰርዴስ አንዳ ቤተ ክርስቲያን መላአይካይ ዋኸ ባር ጣፍ፤ሳቭአቸ እእግዜር መንፈስቪ ሳቭአቸቭ ሆሆ በኧጅኋ ኧጠበጠ ሁዳ ዋኸ ይቭር ፤ሜናኽ ኧሂር ።ኧሹቩኋ ባአያ አነኸ ፤ዘንጋኋ ጭን ሞድኸ ።
+\v 2 ህመኸ ኧኸረሜ ቃዠ ባር፤ኢዎድሜ ማአ ኧሰንአ ኧተነፈ ሁዳ አቁሟሙር፤ሜናኸ ብእግዜር ምዬ ሙርአ ሂንተ አነከሁንዳ ።
+
+\v 3 ባቴ ኧቴኤፐርኸንቪ ኧሰምአኸንቭ ሁዳ ዝግድ ፤ቴኤዘዝቭ ንስሃቭ ግቭአ ።ቃዠ ባባኸ ጭን ኧፈንገያኸ ኧቫአቨኸዴ ፤በቭር ግዚየቭ ኧቫአቨኸኸ አትሂርካ ።
+\v 4 ዘንጋኋ ጭን ሁጅርሁኖዋ አናሰነሁዋ ቀሪ ሰቭ በሰርዴስ ታኸቭ አኖዉዋ ፤ሁኖም ጓድ ሁጅር ተኸደይተዉዋታ ቲያቭ እማቲ ያርቴ እመዳ ኧሁኖዋ ኧቴፑት አኖዳን አአር ።
+
+\v 5 አመረ በትሸኮወወ ሁዳ ኤኤምቭ ኧሁኖመኸ ጓድ ህጅር ኢትኸተርኬ፤ኢያቭ ባአቦመኛዪ በመላአይካቭ ኢፍቲ ኧምሰክርነዴ ፤ሹቩሞኋ ኧዘላለም አያ ሂተቩዋ ኢረቩርታ ሰቭ ተጣፍኰ መጣፍ አፈእኩዳ ።
+\v 6 ኢሰቭአካ እንዝር አነንዳ መንፈስ ኧቤተክርስቲያን ኢዝሬኩዳ ሁዳ ኧስቭአ ።
+
+\v 7 በፍላድልፊያ አንዳ ቤተክርስቲያን መለአይካይ ዋኸ ባር ጣፍ፤ቅዱስቪ ዉረቭ ኧኸረ ፤ኧዳዊትሜ ቁልፍ በኧጅኋ ኧጠበጠ ሁዳ ዋኸ ይቭር ፤ሁዳ ኧከፈደን ሁዳ አትቨኋ ዪእኲ አይኸነዳ፤ኧዘጋንቭ ሁዳ አትቨኋ ኢከፍትኲ አይኸነዳ። ሜናኸ ኧሂር እኩ አትቨኋ ዪኢኲ አይኸነ ኧትከፈደ ኡፎቻ ቢኢፍታሄ አትሸከቭሁ ።
+\v 8 አቅማኸ ቀሪ አአር ኧኸረኸ ኧሂር ማንኝእ ቀሪ አአር ቢኸርቭ ቃርኛ ኢየኸ ፤ሹቭመኛ አኸታኸዳ ።
+
+\v 9 ኡኩ አይሁድ ታይሆርሙ አይሁድንረ ዩዉርታ ኦጀ ኢኢጅታ ኧሴጣንቭ ማቨረተኘ ኧሆሩዋ ሁኖዋ አሄ ሜኤተዉዋታ በኧግራሄ ኢሰጉጁዋኸ ፤ኢያቭ ኧረመድከኸ ኢሂሩዋኸ ኢንአኬ፤
+\v 10 በፋራይህነድ ትብኤተኸ ትትሸከቨኸ ኤኤዘዝከ እዝዝ እእየሄ ኧኸሬ ፤ኢያቭ ባአርዳ ፎር ኢረዉርታ ሁኖዋ ኢፈትንኮዋይ ቲቭአካ ኧፈተና ሳአት እእየኸዴ።
+\v 11 ካች ባይተሁ ኧቫአኬ ፤ማንኝእሞኋ አክሊላኸ አይወስድቨኸኸ አነነኸዳ ወሄ ዘንጋ አትቭአ ጥጥ።
+
+\v 12 አመረታ በትሸኮወወ ኤኤመሁዳ በጎይታኛይ ቤተ መቅደስ ዋኘድ ኢንአኩዴ፤ተህሜ ስርም አይዋአካ። ኧጎይታኛይ ሹቭቪ ኧጎይታመኛይ ከተማ ሹቩ ሁድቭ ተጎይታኛይ ኢወትካ ኧወዪየ ኢየሩሳሌሚ ሹቩ በሁዳ ፎር ኧጠፍኬ፤ወያ ሹቭመኛ በሁዳ ፎር ኧጠፍኬ።
+\v 13 ኢሰቭአካ እንዝር አነንዳ መንፈስ ኧቤተ ክርስቲያን እንእ ይቭኩዳ ሁዳ ኧስቭአ ።
+
+\v 14 በሎዶቅያ አንዳ ቤተ ክርስቲያን መላአይካይ ዋኸ ባር ጣፍ፤ አሚን ኧኸረሁዳ ፤እመኸቭ ኧታአመረዪ አይፈጥርቭ ምስክር ኧኸረ ፤እእግዜርሜ ፍጥረት ዳኘ ኧኸረሁዳ ዋኸ ይቭር ፤
+\v 15 ዝዛ ዌ ሞእ አኸርኸኸ ሜናኸ ኧሂር፤ዝዛ ዌ ሞእ ተኸርኸ ኢሳሬ ባንደ ።
+\v 16 ባቴ እመኸ ልብጭ ኧዋኸ አአር ባኸሬ ሞእ ዌ ዝዛ ኧኸርሄ ኧኸሬ ታአፉኛ ኢትፍ ባይተሁ ኤኤተሁ ኧቃሽኸዴ ።
+
+\v 17 ደንገኘንሁ እንእቭ አአር አነኒ አታአርቭ አያትሲኤዳ ትቭር ፤ዘንጋኋ ጭን ጉርማሳ ፥አታአር ኤነን ፥ዚጋ፥ፉርጥቪ ፥እንጭማኸ ኧኸርኸኸ አቲሂርካ ።
+\v 18 ህመኸ ኧኸረሜ ደንገኘ ትኸረኸ ብእሳድ ኧረጠረ ወርቅ ትሲየኸ፤እንጭማኸ ኧኸርኸኸ ቀቨጣኸ አይትረከቨኸ ጓድ ሁጅር ትትኸተርመኸዪ፤ኦዥትቭ ኢኸነኸኸ ኤኤራኸ ቅባት ትተኧፓኸ ኧቨህርኸ ።
+
+\v 19 ኢያ ኧረድኮታሁና ኧቨኧችዎዋ ፤ኧቀጣቭ ።ህመኸ ኧኸረሜ ጃድባር ፤ንስሃቭ ግቭአ ።
+\v 20 እኩ በወረጀ ተሸኮሁ ሳቃ ኧደርግ ፤ማንኝእሞኋ ቃርኛ ሲቭኧተ ሳቃ ሁዳ ቢከፍትኒ ኧሁዳይ ጊቭኧተሁ ተሁድቭ ኧቨርአኬ ፤ሁድቭ ቲያ ኢቭርአኬ።
+
+\v 21 ኢያ ኤመሁ ተሸከሁታ ታአቦኛ እማቲ በሁዳይ ዙፋን ኧቸናሁመኸ ፤ኤመታ ኢትሸከቭካ ሁዳቭ ቲያ እማትሜ በዙፋንኛ ፎር ኢቸናኸ ኢንአኩዴ።
+\v 22 ኢሰቭአካ እንዝር አነንዳ መንፈስ ኧቤተ ክርስቲያን ኢዝሬኩዳ ሁዳ ኧስቭአ።
+
+\c 4
+\p
+\v 1 ተህም ቀጥወ እኩ በሳቫይ ኧትከፈደ ኡፎቻ አሸሁ፤ሃአ ጋአህም ኧጥሩምቧ ቃረኸ ቲዝሬኬዳ ኧሰምአሁን ቃር፤«ዋይ የኸ ትእም ቀጥወ ኧሁርት አኖዳ አአር አቲሽኸዴ» ባረዪ።
+\v 2 ኢያቭ ህም ተህም በመንፈስ ኸርሁ ባንደ፤እኩ በሳቫይ ዙፋን ተሸከቨ ፤በዙፋንቭ ሁዳፎር ኧቸና አአር ባንደ ።
+\v 3 በዙፋንቭ ኧቸና ሁዳ መርክኋ እኢያስጲድቪ ኧሰርዲኖንቭእንቁ ኢቨስር ባንደ ። ዙፋንሞኋ መረግድቭ ዩሪዳ እንቁ ኢቨስርካ ሟአያድ[ወኽወካ]ኸፐቨንቭ ባንደ።
+
+\v 4 በዙፋንቭ ሁዳ ፎር ኤኛ ሁይአዪ አርቭአት ዙፋን ባነዉተ፤በሁኖም ፎር ጓድ ሁጅር ኧትሆተርሙቪ በጉንኧርመሁኖዋ ኧወርቅ አክሊል ኧዶፎዋ ሁይአዪ አርቭአት ባሪቅ ቸኖሙ ባንደ ።
+\v 5 ተዙፋንቭ ሁዳ ቦዥዪ ቃርቭ ኢግቨክቭካቭ አአር ዋአ ፤በዙፋንቭ ሁዳ ኢፍቲ ሳቭአት ኢቦሮታ መብራት ባነዉተ ፤እመሁኖም ሳቭአቸ እእግዜሪ መንፈስኖዋ።
+
+\v 6 እመኸቭ በዙፋን ሁዳ ኢፍቲ ኧጠነረ ኧቭስታወደኸ ብልጭ ብልጭ ይቭካ ኧቭርጭቆ ባር ባንደ ። በዙፋንቭ ሁዳ ግት ብእንቭ አጋድኋ ቲኢፍትሜ ቲኢሜ እንእ ኤኤድሁኖዋይ ኤር ኧሆሩዋ አርቭአት ነብስ አነኖታ ፍጥረት ባኖዉተ ።
+
+\v 7 አአወተረቭ ፍጥረት ዠፕ ፥ኧዉርኤተኘቭ ሁዳ ባዉራ ኢቨስር ባንደ ፥ኧሶኦስተኘቭ ሁዳ ኧሰቭ ኢፍት ኢቨስርካ ኢፍት ባነንደ፤አርቭአተኘቭ ሁዳ ኢቨርርካ እንጠረፎድ ኢቨስር ባንደ ።
+\v 8 እም አርቭአቸቭ ነብስ አነኖታ ፍጥረት እንእቨሁኖዋ ኦጣ ኦጣሁኖዋ ስድስት ስድስት ቆርሳ ባነኖተ ብእንቭ አጋድመሁኖዋዪ በከስርመሁኖዋ ኤር ኤቬንአዎዋ አአር ባነዉተ፤ዋአናዪ ምሳአረ ፤ «ቅዱስ ቅዱስ ቅዱስ ፤ ኧረፐረ አንዳ ኢቭአካ እንእ አአር ኢኸነዳ ጎይታ እግዜር »ኧዋርት ስርም አያትሸኩዉታ ።
+
+\v 9 እም ነብስ አነኖታ ፍጥረት በዙፋን ሁዳ ፎር ኧቸና ሁዳዪ ተዘላለም እስተ ዘላለም ስን አያ ሂይተ ኢረቭርካ ሁዳ ክብር ህበጀቪ ሽኩርት ቢያቲኢንቭኮዳ ግዚየ ፤
+\v 10 ሁይአ አርቭአቸ ባሪቅ በዙፋንኋ ፎር በቸና ሁዳ ኢፍቲ ተፌጠዉም ተዘላለም ዘላለም ስን አያ ኸረ ኢረቭርካ ሁዳ ኢሰጉጁዋ ባንደ፤አክሊልመህኖዋ በዙፋንኋ ኢፍቲ አዎኖምታዋኸ ይቩሩዋ ባንደ ፤
+\v 11 «ጎይታመንራዪ እግዜርመንሮ፤ አኸ እንእ አአር ኧፈጠርሄ ኧኸሬ ባኸሜ ፍቃድ ተፎጠርሙ ፤ ሆርሙቭ ክብር ህበጀዪቪ ኑኡነድቭ ደረግቭ አኸ ኧሁርት አነወ ።»
+
+\c 5
+\p
+\v 1 በዙፋንሞኋ ፎር ኧቸና ሁዳ በቀነ ኧጅኋ በከስርሞኋዪ በሰቻ አጋድኋ ኧጣፍኰ በሳቭአት ቁልፍ ኧቆሎᎉ መጣፍ በጠበጤ አሸሁ ።
+\v 2 አት ጦናᎀ መላአይካ በሩእ ቃር ፤«ቁልፍ ሁኖዋ ኧኩፉችትቪ መጣፍቭ ሁዳ ኢከፍቲ ኧትቨቃነሁዳ ማንተን?»ባረታ አዋጅ ቲቭካ አሸሁ፤
+
+\v 3 ዘንጋኋ ጭን በሳቫይቭ ኧህር ባአፈር ታአፈርቭ በገዳ መጣፍ ሁዳ ኢከፍቲ ዌ ኪፍችተታ ያዢ ኢትቨቃነዳ እማትቭ ሰቭ አነፐራ ፤
+\v 4 ኢያቭ መጣፍ ሁዳ ኢከፍቲ ዌ ኪፍችተታ ያዢ ኢትቨቃነዳ አትቭ ሰቭ ባንቦርትኋ ቡሼኧኸ ቤከሁ ።
+\v 5 ተህም ቀጥወ ተቫሪቅ ሁኖዋ አትሁዳ ፤«አቲክ እኩ ተይሁዳ ጥቭ ኧኸረ ፤ኧዳዊት ዘር ዠፕ ኤመ ፤ሁዳ መጣፍ ሁዳ ኢከፍቲ ሳቭአቸቭ ቁልፍ ኢከፍቲ ኢትቨቃነ »ባረዪ።
+
+\v 6 ተህም ቀጥወ በዙፋንቭ ሁዳዪ ባአርቭአቸቭ ነብስ ባነኖታ ፍጥረት ፤በቫሪቅቭ ሁኖዋ ግት አንጪ አአር ኢቨስርካ ጣይ በትሸከቬ አሸሁ፤ጣይቭ ሁዳ ሳቭአት ቀንቪ ሳቭአት ኤርቭ ባነነደ ፤ሁኖም ባአርዳ እንእ ኧኬሸዉዮዋ ሳቭአቸ እእግዜር መንፈስኖዋ ።
+\v 7 ሁድቭ ማአታ በዙፋ ሁዳ ፎር ተቸና ሁዳይ ቀነ ኧጅ መጣፍ ሁዳ ወሰደ ።
+
+\v 8 መጣፍቭ ሁዳ በወሰደጋ አርቭአቸ ነብስ አነኖታ ፍጥረት ፤ሁይአ አርቭአቸ ባሪቅቭ ፤በጣይ ሁዳ ኢፍቲ ኢፍት ቲኢፍት ተፌጠዉም፤እእማት እማትሁኖዋ ኧቅዱሳንጠሎት ኧሆሩዋ፤በገናዪ፥ኢጣንቭ ኧቬንአወ ኧወርቅ ኢጣን ግቭር ጠቦጩም ባንደ ።
+
+\v 9 እመኸቭ ቲዩሩዋ ወያ መዝሙር ዞሞርሙ፤ «መጣፍ ሁዳ ትወስዲ፤ ቁልፍቭ ሁኖዋ ትከፍቲ ኢትቨቃነኸ ፤ ኧቭር ቢዩሪ ታጥኸ፤ በደቭማኸ ተጥቭ ጥቭሞኋ እንእ ፤ ተገኘገኘኋ አፉ ፤ ተዘር ዘርኋ ፥ተደᎄ ደᎄኋ፤ ተሰቭ እንእ ሜጠርኸ እእግዜር በደቫኸ ሲየኸነ ።
+\v 10 ሁኖም ኧጎይታንራ እእግዜር መንግስት ካህን ኢሆሩዋኸ ኤፐኸኖም፤ሁኖም ባአርዳ ፎር ኢረጉሽቴ ።»
+
+\v 11 ተህም ቀጥወ መኬኧ ባሁ ፤ኧሮኦራ መላአይካ ቃር ሰምአሁ ፤ሙዝርመሁኖዋ ሁቭ ግዚየ ሁቭ ፤እልፍ ግዚየ እልፍ ባኖዉተ ፤ሁኖም በዙፋንቭ ሁዳዪ ነብስቭ ባነኖታ ፍጥረት ሁኖዋ ፤በቫሪቅቭ ሁኖዋ ብእንቭ አጋድ ሆፖዉዮም ቁጥ ቧርሙ ባንደ ።
+\v 12 በሩእ ቃርቭ ዋኸ ቧርሙ ዞሞርሙ፤ « ደረግቪ ዱንያቭ ፤ ሃሪነድቪ ጦና ኑኡነድቪ ህበጀ ሽኩርትቭ አንጪ ጣይ ኢቴኤፐሪ ኢትቨቃነ።
+
+\v 13 ተህም ቀጥወ በሳቫዪ ባአፈርቭ ታአፈርቭ በገዳ በቫር ፤በሁኖም ከስር አኖዉታ ፍጥረት እንእዋኸ ቧርሙ ቲዘሙርታ ሰምአሁ፤ «ሽኩርት ህበጀ ፥ክብርቪ ደረግቭ ፤ተዘላለም እስተ ዘላለም ስን በዙፋንኋ ፎር ኧቸና ሁድቪ ኧጣይቭ ሁዳ ኧህር።»
+\v 14 አርቭአቸቭ ነብስ አነኖታ ፍጥረት ሁኖዋ «አሚን» ቧርሙ፤ባሪቅቭ ሁኖዋ በጣባናሁኖዋ ኢፍት ቲኢፍት ተፌጠዉምታ ሰጎጁም ።
+
+\c 6
+\p
+\v 1 ጣይቭ ሁዳ ተሳቭአቸ ቁልፍ አአወተራቸ ሁዳ ቲከፍትካ አሸሁ፤ተህም ቀጥወ ታርቭአቸቭ ነብስ ታነኖታ ፍጥረት አት ሁዳ ፤ኧወዠኸ ቢግቨክቭካ ቃር «የኸ!» ቲቭካ ሰምአሁን ።
+\v 2 ኢያቭ አሸሁ ፤ህኩ ጓድ ፈረዝ ተሸከቨ ባንደ ፤ በጓድቭ ፈረዝ ሁዳ ፎር ኧቸና ሁዳ ፈንጢና ጠበጠ ባንደ፤ኧጉንኧርሞኋ አክሊል አዊ ፤ሁድቭ እንእ ግዚየ ዪኢእምካ አአረኸ ቲዪኢም ቲዪኢም ያሪ ዋአ።
+
+\v 3 ጣይቭ ሁዳ ኧዉርኤተኘ ቁልፍ በፈታጋ ፤ኧዉርኤተኘ ነብስ አነነዳ ፍጠረት ፤«የኸ!»ቲቭካ ሰምአሁ።
+\v 4 ኤኛቭ ፌቭ ኢቨስርካ ብሻ ፈረዝ ዋአ፤በፎርሞኋ ኧቸናወ ሁዳ ታአርዳ ፎር ሽኛት ኢወስድመኸዪ ሰቭ ገግተገግሞኋ ኢታንጠኸ ኢንአይ ዳኝነድ ቴቨንቭ ፤አት ኑኡየ ሴፍቭ አዊ።
+
+\v 5 ጣይቭ ሁዳ ኧሶኦስተኘ ቁልፍ በፈታጋ ፤ኧሶኦስተኘ ነብስ አነንዳ ፍጥረት ሁዳ፤«የኸ!» ኧዥ፤ቲቭካ ሰምአሁ። ኢያቭ አሸሁ፤ህኩ፤ገበና ፈረዝ በትሸከቬ አሸሁ፤በፎርሞኋ ኧቸናወ ሁዳ በኧጅኋ ሚዛን ጠበጠ ባንደ።
+\v 6 ተህም ቀጥወ ታርቭአቸ ነብስ ታነኖታ ፍጥረት ግት «አት ኖተሪ ስኔኧ አአት ቀረ ዶሞዝ፤ ሶኦስት ኖተሪ ኧህር አአት ቀረ ዶሞዝ ኧቃ፤ዘይትቪ ወይንቭ አታቲኢስ »፤ቲቭካ ሰምአሁንቭ።
+
+\v 7 ጣይቭ ሁዳ አርቭአተኘ ቁልፍ በከፈደጋ ፤ አርቭአተኘ ነብስ አነንዳ ፍጥረት ሁዳ፤«የኸ!»ቲቭካ ሰምአሁን።
+\v 8 ኢያቭ አሸሁ ፤ህኩ ፤ግራጭ ፈረዝ በትሸከቬ አሸሁ፤በፎርሞኋ ኧቸናወ ሁዳ ሹቭኋ ሙድ ዩዉሪ ባንደ፤ሲኦልቭ ቲእ ኢእኋይ ኢትኼተርኩ ባንደ ።እም ሙድቪ ሲኦልቭ፤ በአርቭ፥ በጋጀ፥በዉሼእ ቢየኧትርካ ባአሸዪ፤ በአርዳቭ ፎር ባነቩታ ኧድቭር አዊ ዮኦትሩዋይ በአርዳ ባንዳ ፤ባርቭአተኘኋ ፎር ዳኝነድቴቨኖም ።
+
+\v 9 ጣይ ሁዳ አአምእስተኘ ቁልፍ በከፈደጋ ፤እእግዜር ቃርቪ አሁድሜ ምስክር በሁርትሁኖዋ ኧቫአ አንጪዮዋ ሰቭ ነብስ ህትቭ ቲዪንኦኮዳ ሁዳ አግሪ ኧሸሁ።
+\v 10 ሁኖም በሩእ ቃር ፤«እንእቭ አአር ትገዛካ ኧትቀደስኸዪ ዉረቭ ኧኸርኸ ፤ጎይቶ፤መቸስነጋን አትፈርድንረ ሁዳ? መቸሁ ስነጋን ደቭንራ ኧሆኦዉንረ አአፈር ፎር አነዉታ ሰቭ ኧጅ አትከስ ሁዳ?»ባርሙ።
+\v 11 ተህም ቀጥወ እንእቨሁኖዋ ኦጣ ኦጣሁኖዋ ጓድ ሁጅር አቩዮሙ፤ተሃአ ቀጥወ ኧሁኖመኸ ዮኦትሪዮታ አአገልጋይ አቦጎዳሞሁኖዋዪ ኧኧሰማትመሁኖዋ ሙዝር ቲቬንአ ስን እእሲየ ግዚየ ኢፎርሁዋኸ ኤኤጂዮም።
+
+\v 12 ኧሰድስተኘቭ ቁልፍ ቲኮፉቺዳ መኬኧ ባሁ፤ህም ግዚየ አፈር ኑእ አአር ቅረቀረ፤ኡዋየቭ አአዘን ሁጅረኸ ገበና ኸረ ፤ዳናአቭ አአንዳ እኤኤድኋይኧደቨኸ ብሻ ኸረ፤
+\v 13 በለስ ዩዉሪዳ ቡስር አኖዳ ኤኧ ኑእ ንፋስ ቲያቅረቅርኩዳ አምበሰረ ቡስር ኢትራገፍመኸ ኧሳቫዪ ሆሆ አአፈሪ ኤፖም ተራጎፉም።
+\v 14 ሳቫይ ኢጥዋንሪዳ መጣፈኸ ተጥቫነረ ወረ፤ቆቶምቪ ብእሃቭ ግት አኖዉታ አፈር ቴኤድሁኖዋይ ሴኮሙ፤
+
+\v 15 ተህም ቀጥወ አአፈር ንጉስ፥ዳኘ ፥ኧጋዘኘ አላቃ፥ደንገኘ፥ጦናᎀ ፥ሜነኘዪ ያቲፑታቭ ሰቭ እንእ በኸየዪ በቆቶም እቭር ከስር ተዶኦርሙ ፤
+\v 16 ኧቆቶምቪ እእቭርቭ ሁኖዋ «የሁዋ በፎርንራ ዉዶኡዋ ፤በዙፋንሞኋ ተቸና ሁዳ ኢፍትመዪ ፤ተጣይቭ ሁዳይ ማአት ዱኡርንረ ፤
+\v 17 ኑእ ኧቫአትሁኖዋ ቀረ ሰንአ ማን አትሶጎዉት ኢኸነ?» ቧሪዮም።
+
+\c 7
+\p
+\v 1 ተዋ ቀጥወ አርቭአት መላአይካ ታርቭአቸ አጋድ አአፈር ዳሪ በትሸከዉዋይ አሸሁ፤ሁኖም ንፋስ ባአፈር ዌ በቫር ዌ በቫንኝእ አንታክርት ፎር አይረፍሰኸ አርቭአቸ አአፈር ንፋስ ጠቦጩም።
+\v 2 ተህም ቀጥወ እንእ ግዚየ ኢረቭርካ እግዜር ማተብ አነነዳ ኤኛ መላአይካ ተራአኘኒየ ኤፐ ቲቫአካ አሸሁ፤ሁድቭ አርዳዪ ባርቭ ኢጎጆዋይ ዳኝነድ አቩዮዋ አአርቭአቸ መላአይካ በሩእ ቃር ዋኸ ባረኖም ።
+\v 3 ብእግዜርንራይ አገልጋዪ በጣባናሁኖዋ ፎር ማተብ ትንደርግኔኮዋ ስን አርዳ ዌ ባርቭ ዌ አንታክርትቭ አትጉጆዋ።»
+
+\v 4 ማተብቭ አተሙኮዋ ሁኖዋ ሙዝር ምርአካ አአር ኧኸረኸ ሰምአሁ፤ሁኖምትእስራኤል ጥቭ እንእ በኧር አአርቭአ አርቭአት ሁቭ [144000]ባነኡውተ፤እመሁኖም ፤
+\v 5 ተይሁዳ ጥቭ አተሙኮዋ ሁኖዋአስረ ዉርኤት ሁቭ ትእሮቤል ጥቭ አስረ ዉርኤት ሁቭ፤ ተጋድ ጥቭ አስረ ዉርኤት ሁቭ፤
+\v 6 ታአሴር ጥቭ አስረ ዉርኤት ሁቭ ፤ ተንፍታሌም ጥቭ አስረ ዉርኤት ሁቭ፤ ተምናሴ ጥቭ አስረ ዉርኤት ሁቭ፤
+
+\v 7 ተስምኦን ጥቭ አስረ ዉርኤት ሁቭ ፤ ተሌዊ ጥቭ አስረ ዉርኤት ሁቭ፤ ተይሳኮር ጥቭ አስረ ዉርኤት ሁቭ ፤
+\v 8 ተዛብሎን ጥቭ አስረዉኤት ሁቭ ፤ ተዮሴፍ ጥቭ አስረ ዉርኤት ሁቭ፤ ተቢኒያም ጥቭ አስረ ዉርኤት ሁቭ አተሙዮም።
+
+\v 9 ተህም ቀጥወ አሸሁ፤ህኩ፤በዙፋንቭ ሁዳዪ በጣይቭ ሁዳ ኢፍቲ ማንኝእሞኋ መዚይተ አይጀፕርኮዋ አአር ተሰቭ እንእ ተዶᎄ እንእ ተገኘ ገኘኋ ቃር አ እንእአቸ ኖኦራ ሰቭ ተሸኮዉም ባንደ፤ሁኖም ጓድ ሁጅር ተሆተርሙታ፤ኧዛምባአ ኤርየ በኧጅሁኖዋ ጠቦጩም ባንደ።
+\v 10 በሩእቭ ቃር ፤ «አትረፉት በዝዙፋንኋ ፎር ኧቸና ሁዳ ፤ ንሰግድኔነዳቭ ሁዳመንራዪ ኧጣይቭ ሁዳን።» ቧርሙ አሆኖሙ
+
+\v 11 መላአይካቭ ሁኖዋ እንእ በዝዙፋንቭ ሁዳዪ በቫሪቅቭ ሁኖዋ፤ባርቭአቸቭ ነብስ ባነኖታ ፍጥረት ብእንቭ አጋድሁኖዋ ሆፖዉም ተሾኮዉም ባንደ፤በዙፋንቭ ሁዳ ኢፍቲኢፍት ቲኢፍት ተፌጠዉታ እእግዜር ሰጎጁምታ፤
+\v 12 «አሚን፤ ሽኩርት ክብርቪ ኧኋርትቭ ፤ አኸዳቭ ፥ህበጀ፤ ደረግቪ ጦናቭ ፤ ተዘላለም እስተ ዘላለም ስን እእግዜርንራ ኧህር፤ አሚን።»ይቩሩዋ ባንደ።
+
+\v 13 ተህም ቀትወ ተቫሪቅ ሁኖዋ አት ሁዳ ፤«ዋ ጓድ ሁጅር ኧትሆተሩዋ ሁኖዋ ማን ማንተኖዋ? ኧዎኦዋሁ ሁዳ ተኧትኔን?»ባረታ ተሳአረዪ።
+\v 14 ኢያቭ ፤«ጎይታኞ ኦሁን! ኧኸ ቲሂር»ባሁን፤ሁድቭ ፤ዋሁኖዋ ተሩኡየ ስቃያ ኧዎኦታኖዋ አአር ፤ሁጅርሁኖዋ በጣይ ሁዳይ ደቭ አኦዉም ጥርር ኤፖሙ።
+
+\v 15 «ህመኸ ኧኸረሜ ብእግዜር ዙፋን ኢፍቲ ሆርሙታ፤ ዋአናዪ ምሳአረ በመቅደስኋ ያጔኪሪ፤ በዙፋንሞኋ ፎር ኧቸናሁዳ ድንኳንኃ በፎርሁኖዋ ኢዝራካ፤
+\v 16 ተዋ ቀጥወ አይገድኮታ ፤ ትእምቴ አይጠቫኮታ፤ ኡዋየቭ አይቬኪርኮታ፤ ሞእነድቭ አይደብስዎታ፤
+\v 17 ኧቭር ቢዩሪ በዙፋን ሁዳ ግት አንዳጣይ ዜማቸሁኖዋ ኢኸርኬ፤ አያ ዪንአካ እእሃ ሚንጪ ኢመራኮዋቴ፤ እግዜር ኢምባሁኖዋ እንእ ቴኤርሁኖዋ ኢዋሽኬ»ባረዪ።
+
+\c 8
+\p
+\v 1 ጣይቭ ሁዳ ኧሳቭአተኘ ቁልፍ በከፈደንጋ አታአህረጋ ኧሳአት ግት አአህር፤ በሳቫይ እንእ አአር እንቁስ ባረ።
+\v 2 ተህም ቀጥወ ብእግዜር ኢፍቲ ኢትሸኮዉታ ሳቭአት መላአይካ አሸሁ፤ሳቭአት መለከትቭ አዉዮም።
+
+\v 3 ኤኛቭ መላአይካ ኧወረቅ ኢጣን ግቭር ጠበጠ ማአታ ህትቭ ቢዪንኧኮዳ ሁዳምዬ ተሸከቨ፤ሁድቭ በዙፋን ሁዳ ኢፍቲ ባንዳ ተወርቅ አጣወሪ ህትቭ ቢዪንኧኮዳ ሁዳ ፎር ተቅዱሳን ጠሎት እንእ እማቲ ያቲኢንቭኩዳ ኖኦራ ኢጣን አዊ።
+\v 4 ኢጣንቭ ሁዳይ ተን ተቅዱሳንቭ ሁኖዋይ ጠሎት እማትሜ ተመላአይካ ሁዳይ ኧጅ እእግዜር ኤፐ ዋአ።
+\v 5 መላአይካቭ ሁዳ ኢጣን ግቭር ሁዳ ጠበጠታ ህትቭ ዪንኧኮዳ እሳድ ሁዳ ሜንአወታ አአፈሪ ኤፐ ኤረከን፤ኧወዠኸ ግምግም ይቭካ ቃር ቦዠቭ አአፈርቭ ኧቆርቁርት ኸረ።
+
+\v 6 ተህም ቀጥወ ሳቭአቸ መለከት ኧጠቦጩዋ ሳብአት መላአይካ ሁኖው መለከት ሁዳ ኢሮፎዋይ ቁጥቁጥ ቧርሙ።
+\v 7 አአወተራቸ መላአይካ መለከት ሁዳ ነፋ ፤ደቭቭ ኧትራኧረወ በረጀዪ እሳድቭ አአፈሪ ቃሸዊ ፤አአፈር ሶኦስተኘኋ ነተደ፤አአንታክርትቭ ኤኧቭ ሶኦስተኘኋ ነተደ፤ኧዝቨሰቨቭ ሳአር እንእ ነተደ ።
+
+\v 8 ኧዉርኤተኘቭ መላአይካ መለከት ሁዳ ነፋ፤ኑእ ቆቶ ኢቨስርካ አአር ብእሳድ ቲረድድ ኧቫሪ ኤፖሙ ቃሸዊ፤ ኧቫርቭ ሁዳ ሶኦስተኘኋ ደቭ ኸረ ተሽገረ።
+\v 9 በቫር ከስ ቲረቩርታቭ ነብስ ታነኖታ ፍጥረት ሶኦስተኘሁኖዋ ሞጁሙ፤ኧመርከብቭ ሁኖዋ ሶኦስተኘ ዎደሙም።
+
+\v 10 ኧሶኦስተኘቭ መላአይካ መለከት ሁዳ ነፋ ፤ኧዊኪረኸ ኢረድድካ ኑኡ ሆሆ በቩር እሃ ሶኦስተኘዪ እመኸቭ ብእሃ ሚንጭ ሶኦስተኘ ፎር ተሳቫይ ወንደ ወተኧዎም።
+\v 11 ኧሆሆም ሁዳይ ሹቭ «ምራር» ዩዉሪ ባንደ ።እእሃቭ ሁዳ ሶኦስተኘኋ ኢቨርርካ አአር ኸረ ፤እሃቭ ሁዳ ተዉርርትኋ ኧትረሳ ኖኦራ ሰቭ ሞጁም።
+
+\v 12 አርቭአተኘቭ መላአይካ መለከት ሁዳ ነፋ፤ዪዊዳ ብርሃን በሶኦስት ኧጅ ጠነቫ ኢኸረኸ፤ኡኡዋየ፥ ኧዳናአዪ ኧሆሆሙ ሶኦስተኘሁኖዋ ደነጒ፤ ኧዋአና ሶኦስተኘ ኧኧዳርቭ ሶኦስተኘ ብርሃን አያትረክቨኸ ሆንኧዪ።
+
+\v 13 ተህም ቀጥወ መኬኧ ባሁ፤በሳቫይ ግት አት እንጠረፎድ ኢቨርር ባንደ፤በሩእ ቃርቭ ፤«ኧተነፉዋ ሶኦስት መላአይካ መለከት ኢረፎዋይ ኧኸሬ ባአርዳ ፎር ኢረዉርታ ሁኖዋ ኦሁኖሁኖዋ! ኦሁኖሁኖዋ! ኦሆኖሁኖዋ!»ቲይካ ሰምአሁን።
+
+\c 9
+\p
+\v 1 አምእስተኘ መላአይካ ጥሩቦኋ ነፋ፤ተሳባይ ኤፐታ ባአፈር ፎር ኧወተኧ ሆሆ አሸሁ፤ሆኸቭ ሁዳ ስዌር ጎጀ ኢኮፍችኰዳ ቅርፍ አዊ።
+\v 2 ጎጀቭ ሁዳ በከፈደንጋ ተከስኋ ተላባና እሳድ ኢዋአካ ተነኸአር ዋአ።ተጎጀቭ ሁዳ በዋአ ተን እዋየዪ ሳቫይሞኋ ጠነቫ ሆርም።
+
+\v 3 ተተን ሁዳ አፉረፎራቸ ዎኦምታ ባአፈር ወተኡም፤ኧሁኖም ኧሱንት ጠፍር ደረግ አአህር ደረግ አውዮም፤
+\v 4 ኧሁኖም አአፈር ሳአር ዌ ማንእየ ኸርኸር ኧቫረ ብርኧ ፣ ዌ ኤኧ አይጎጆዋኸ፣ዘንጋጭን እማት ኧጎይታ ማተብ ቢኢፍትሁኗ ኤነዎዋ ሰቭ ኢጎጆዋኸ ኤኤጂዮም።
+
+\v 5 ኧሁኖም እማት አምስት በኘ ስን ያድዋኚዮኸ ባሀሬ ዮኦትሪዮይ ዳኝነድ አንቴበኖታ፤ኢድዋኚዳ ኧድዋርት ሱት ጠፍር ሰቭ ቲረድፍካ ዬእካ ኢኢናነኸአር።
+\v 6 ብበህም ቀረ ሰቭ ተዎድሁ ዩርቴ ፤ዘንጋ ጭን አይረሁዊዳ፤ኢዎጁዋሜ ኢትᎂኝቴ ዘንጋ ጭን ሙድ ተሁኖዋ ያረእኴ ።
+
+\v 7 ፌንጣቭ ኧጋዝ ኧጫሪ ፈረዝ ኢወስሩዋ ባነደ፤በጉንኧርሁኗ ኧወርቅ አክሊል ኢቨስርካአር ዶፎም ባነድ።
+\v 8-9 ጉንኧርሁኗ እእሽቻ ጉንኧር፣ሽንሞሁኗ ኧዥፕ ሽን ኢቨስር ብነደ።ኧቭረድ አጎ ኢቨስርኻ አጎባነኖተ ፤ኧቆርሳሞሁኗ ህያድ ኧጋዝ ያርካ ኧሮኦራ ፈረዝቪ ሰረገላቭ ያትሴምኤዳ ህያድ ኢቨስር ባነደ
+
+\v 10 ኧሱንት ጠፍሪ ጁዋመኸአአርቪ፣ ኢረዱፉኰዳአር ባነኖተ፤ህመኸቭ አምእስት በኘ ስን ቢኢና ያድዋኝኰዳ ደረግ በጁዋሁኗ ባነደ።
+\v 11 በፎርሞሁኗ ኧትረገሰ ንኩስ ባነኖተ፤ሁድቭ ኧስዌር ጎጀ መላአይካን፤ሹውሞኋ በእብራይስጥ «አብዶን»፣ በግርክቭ ቃር«አጶልዮን»ዩሪ።
+\v 12 ኢኢፍት ወረር ኢዮት ወረ፤ገና ተዋ ቀጥወ ውርኤት ኢዮ ኧዋርት ኢዎኦቴ።
+
+\v 13 ስድስተኘ መላአይካ ጥሩቧኋ ነፋ፤ገጎይታ ኢፍቲብ ታነዳተወርቅ ቴፐዊ ህትቭ ህትቭ ቲዬኰዳ ኤኤዲ ቃር ቲዋአካ ሰምአሁ፤
+\v 14 መለከት ኧጠበጠ ኧስድስተኘ መላአይካ ፣«በሩእ በኤፍራጥስ በር ኧታአኮጁዋ አርቭአቸ መላአይካ ፍዳኮዋ» ባረን።
+\v 15 ተሰቭ ዘር ሲሶኋ ዮኦትሩዋይ ኧዋ ኧዋ ሳአት፣ ኧዋ ቀረ ፣እእም በኘቪ ህርቭ ተዝጋጆም ኧረፖሩዋ አሸሁኗ አርቭአቸ መላአይካ ተፎቾም።
+
+\v 16 ቁጥርሞሁኗ ሰምአሁ፥ኧፈረዝ ጋዘኘ ድባ|ሽነድኋ ውርኤት በኧር ሚሊዮን ባነደ።
+\v 17 በራኢ አሸሁኗ ፈረዝቪ ቦፎርሞሁኗ ኧቸኖዋ ሰቭ ኧዋሀአር ባነውተ፥በፈረዘኘቭ ሁኗ በዳታሁኗ ኧረፐረ ኧቭረድ አጎ እእሳደኸ ብሻ ፣ኧቨርጨመኸ ሰማያዊ ዲን ኢቨስር ባነደ።ታአፉሞሁኗ እሳድቪ ዲንቭ ኢዋአ ባነ።
+
+\v 18 ታአፍሁኗ በዋአ እሳድ ተንቪ በዲንቭ ሲሶ ኧሰቭ ዘር ሞደ ኧፈረዝ ሁኗይ ደረግ ባቃሞሁኗዪ በጁወሞሁኗ ባነደ፤ጁወሞሁኗ ጭረ ኢቨስር ባነደ፤ጉንኧር ኧረፐረኗይ ኧኸሬ ጉዳት ያሰርኧታ በሁዳ ባነደ።
+\v 19 ቦዋ እፋድ ታዮኦትሪዮዋ ኧተነፋዋ ሰቭ ዋአካቭ ተውጥጥ ሜናሁኗ ንስሐ አጎፖታ፤ሁኖም ተሼጣን ተወርቅ ፣ተቭር ፣ተቭረድ ትእቭር፣ ቴኧ ኤፖውዮዋ ኦሽት፣ዌ ኧስኦት፣ዌኧሆርት አይኸኗ ኧቅርኘ ኧስጉጅት እቾኦውታ።
+
+\v 20
+\v 21 ህመኸቭ ሰቭ ኡኡትርትሁኗ፣ኧሾጎሬ ኧሆርትሁኗ ኧረከውዋኸ ሁጅር ኧድሙጅትሁኗ ዌ ኧስርኡትሁኗ ቴእተውዋታ ኧጎይታይ አድዦፖርታ።
+
+\c 10
+\p
+\v 1 ትእም ቀጥወ ቡችር ጦናᎀ መላአይካ ዳቨራ ተኸተረታ ተሳቫይ ቲወትካ አሸሁ፤በሁድ በጉ ንኧርኋይ ወዅ ወካ ባነደ።ኢፍትኋ እእዋየኸአእር ፣ኧግርሞኋቭ እእሳድ ፌቨኸአእር ባነውተ።
+\v 2 በኧጅሞኋ ቀሪ ኧጥዋነሪ መጣፍ ተበጠ ባነደ፤ቀነ ኧግርኋ በቫር ፎር ፣ጉራ ኧግርሞኋ ባአፈር ፎር አትሸከቨ፤
+
+\v 3 ኢሮእካ ዠፐኸ ቃርኋ ነሳ አኸና፤ባኸናመጋ ኧሳቭአቸ ኢግወኩውታ ቦዠ ቃር ዝሬኵውም
+\v 4 ሳቭአቸ ኢጉወኩውታ ቦዠ በዝሬኵውዋ ኧጠፊ ተረሳሁ፤ዘንጋ ጭን ሳቭአቸ ኢጉወኩውታ ቦዠ ኧዝሬኬዊ ቃር ማተብ ኧትምወ ባሀሬ እንጣፍኸ ይካ ቃር ተሳቫይ ሰምአሁ።
+
+\v 5 ተህም ቀጥወ በቫርቪ ባአፈር ፎር በትሸከቬ አሸሁን መላአይካ ቀነ ኧጅኋ ኧሳቫዪ ኤፐ ነሳ፤
+\v 6 ሁድ ኧዘላለም ቢረቭርካ፣ ሳቫይቪ በከስሞኋ አነውታአር፣አፈርቪ በከስሞኋ አነውታ፣ባርቪ በከስሞኋ አንነውታአር እንእ በፈጠረ ጎይታ ተኘ፤እመኸቭ ባረ፥በዋቴ አቲርት ኤነዳ ፤
+\v 7 ዘንጋ ጭን ኧሳቭአተኘ መላአይካ ጥሩᎄ ቢረፋወዳ ቀረ አአገልጋይኋ ኧነቢ ሁኖዋ ኧዝሬኬኖዋመኸ፣ ጎይታ በሂንኋ አወናን አሳብ ኢቴፕኴ።
+
+\v 8 ተህም ቀትወ በተርሁ ተሳቫይ ኧሰምአሁን ቃር ሀአቨ ዋኸ ባረ ዝሬኬዪ፤ «ሆር ፣በቫርቪ ባአፈር ፎር ተትሸከቨ መልአይካ ኧጅ ኢጥዋንሪዳ ኦፎጂ መጣፍ ውስት።
+\v 9 ሁዳይ ዎርሁታ «ኧጥዋነሪ እንስየ መጣፍ ሁዳ አቬ ባሁን»፤ሁድ «ውስድኩታ ብርአኩ ፣ትትቨርአኩዳ ኧውየኸ ኢኢኸዴ፤በበንአኸን ቀጥወ ጭን በከሳኸ ኢቨርርካአር ኢኸርኴ» ባረዪ።
+
+\v 10 ኢያቭ ተቨላአይካ ሁዳይ ኧጅ እንስየ መጣፍ ቴኤፐርሁንታ በንአሁን፤ባቃመኛ ትንቨርአኩዳ ኧውየኸ ኤኤቨዪ፤በበንአሁንቀጥወ ጭን በከስኛ ኢቨርርካአር ኸረ።
+\v 11 ተህም ቀጥወ «ኧሮኦራ ጥቭ ፣ኖኦራ ገኘ ሰቭ ፣ኖኦራ ሰቭ ኢዝሬኩዳ ቃርቫአርቪ ኧዳኝአር ትቢት ኧዞጉት አነቨኸ» ቧርኝ።
+
+\c 11
+\p
+\v 1 ተህም ቀጥወ ሾᎄቀ ኢቨስርካ ኢሰፉርኰዳ አአር አውኝ፤ ሆርታ «ኧጎይታ ቤተ መቅደስቪ ህትቭ ኢንኧኰዳቭ ኤኤዲ ስፍር፤ በህሜ ኧጎይታ ኢሰጉጅታ ሁኗ መዝር ቧርኝ።
+\v 2 ተቬተ መቅደስ ሰቻ አጋድ አነዳ ወረፐድ ጭን ቴእኩ አትስፍርኩ አአረማዊ ሰቭ አውዮታናአርአረማዊ ሰቭ ቈጠረ ከተማአርቭአ ውርኤት በኘ ኢድራደርኰዴ።
+
+\v 3 ኧውርቸ ሄቶኛ ጨርቅ ተኸደይተውዋታ አት ሁው ውርኤት በኧር ስድሳ ቀረ ትምቢት ኢዝረኩዋኸ ደረግ ኢኮቴ
+\v 4 እሞሁኗ አፈር በፈጠረ ጎይታ ኢፍቲ ኢትሸኮውዋታ ኧዌራ ኤኧቪ ውርኤት መቅረዝምኗ።
+\v 5 ማንኢሞኋ ሁኗ ኢጎዳይ ቢሲእ ፣እሳድ ታቃሁኗ ዌኤተታ ጠራትሁኗ ኢጀፕርኴ።ኢጎዳኮሜ ኢሲኢካ ሁዳ ሙድኋ ሀኸትን።
+
+\v 6 ዋ ሰቭ ትንቢት ቢዝሮኮታ በኘ ድየ አያድገኸ ሳቭይ ኢዞጎዋይ ዳኝነድ አነኖዋ፤ ህመኸቭ እሀ ደቭ ኢኸረኸ ቲሱእታ አፈር በቫንእየአአር ያአፎዋይ ዳኝነድ አነኖዋ።
+\v 7 ሄቶ አውጅተውዋ በጀፖሩዋ ቀጥወ ተሱዌር ኢዋአካ አዊ ተዋጌተ ኢኢምኮቴ ፣የኧትርኮቴቭ።
+
+\v 8 ኒሳሞሁኗ በሩኡየ ከተማይ ወረፐድ ኢቋሺዴ፤ እም ከተማ ሰዶምቪ ግብጽቭ ቧርም መርኸት ኤፖዊቪ፣ እም ከተማ ኧሁኗይ ጌታ ኧሶኦርኰ ኤኤድኔ።
+\v 9 ተዶበ ፣ተጥቭ ፣ቡችር ቡችር ቃር ቲዝሮክታ ሰቪ ኧዎኦዋ ሰቭ ሶኦስት ቀረ ተግት ኒሳሁኗ ያዥቴ፤ኒሳሞሁኗዋ ኢዎኩዮይ አዪውታ።
+
+\v 10 እም ውርኤት ነቢ ባአፈር ኢረውርታ ሰቭ ያድዋኝዋይ ኧረፐሬ፥በዋ ባአፈር ፎር ኢረውርታ ሰቭ በሁኖዋ በሰንአዎዋ ዘንጋ ኢሽርኮቴ፤ሁኖም ተሁኖም ኧጀ ቦቸ ኢትዋቾቴ።
+\v 11 ተሶኦስት ቀረ ተግት ቀጥወ ጭን ሀ ኧዎጁዋ ውርኤት ሰቭ ሉህ ኢካ አንፏት ተጎይታይ ማአ ገፓዎም፤፤እም ተውንድ ውርኤት ሰቭ ተውንድ ተረሾምታ፤ያዢዮም በረፖሩዋ ሰቭ ኑእ ድሪኢት ወተኧዎም።
+\v 12 ተህም ቀጥወ «ተሳቫይ «ዋይ! ዮሁዋ!»ዩኮታ ኑእ ቃር ተሳቫዪ ሰምኦም፤ጠራትሁኗ ቲያዢዮም ኧሳቫይኒየ ዎኦም።
+
+\v 13 ህም ግዝየ ኑእ አአፈር እፋድ ማአ፤ኧከተማቭ አት አስረኘኋ ኧፋ፤ባአፈርቭ ብእፋድ ሁዳ ሳቭአት ሁው ሰቭ ሞጁም፤ኧተነፉም ሁኗ ፈኞምታ ኧሩእ ጎይታ አኸቦጁም።
+\v 14 ኧውርኤተኘ ክቻ አለፈ፣እኩ ዋአካ ሀይተ ኢቫአኴ ኢቫአኴ።
+
+\v 15 ኧሳቭአተኘ መላአይካ ጥሩቦኋ ነፋፋ፤ተሳቫይ ዋኸ ዩርታ ኑእ ኑእ ቃር ተሰምአ፤«አአለም መንግስት ኧጌታንራ ኧኢየሱስ ክርስቶሲ መንግስት ኸረ ፤ሁዳ ኧላለም ኢረግስኴ።
+
+\v 16 በጎይታ ኢፍቲ በዙፋንሁኗ ኧቸኗ ሁይአ አርቭአቸ ባሪቅቭ ኢፍቶኢፍት ዎቶኡምታ ኧጎይታ ሰጎጁም ፤
+\v 17 እመኸቭ ቯርም « ድረ ኧረፐርኸ ዋአካቭ አነኸዳ ፣እንእአአር ኢኽነኸዳ ኑእ ኧኸርኸ ጎይቶ፣ አኸ ብበሩእ ጦናኸ ኧረገስሄ ኧኸሬ ሽኩራኸ፤
+
+\v 18 አረማዊ ሰቭ ሟአቸውም ፤አኸ ማአት ማአቨኸ፤በዎጁዋ ሁኖዋ ትፈርድወዳ ፣ኧነብያት አገልጋያኸ፣ያኽቡጅከዳ ኧውጭር ሰቫኸ፣ኧሩእቪ እእስሞኋ ዋጋሁኗ ቲወዳ፣አፈርቭ አአፎዋ ሁኗ ትጀፕርወዳ ዘቨር ሰንአ።
+
+\v 19 ተህም ቀጥወ በሳቫይ አነዳ ኧጎይታይ ሙጭር ቢድ ተከፈደ፤በቨቅደስ ከስ ኧጉርዳ ታቦት ተረከቨ፤ቦዠ፣ህያድ ፣ኧሳቫይ እገግውት፣አአፈር እፋድቪ ቡሼእ በረጀቭ ማአ።
+
+\c 12
+\p
+\v 1 ወግ ኢኸርካ ኑእ መርኸት በሳቫይ አሸዊ፤እዋየ ኧትኸተረች ፣በኘ ነኧግርሻ ኧሄንደችቪ፣በጉንኧርመሻ ፎር አስረ ውርኤት ሆሆ አኖኾዳ አክሊል ኧደፋች አት ምሽት ኧሸዊ።
+\v 2 ሂድ ውርኤት አርዋ ባንብቸ፤ቲኢኚ መእ ጠበጠና ተጨነቀችታ ኮ ባረች፤ተህም ቀጥወ ተሳሳይ ኧኛ መርኸት አሸዊ ፤ሳቭእት ጉንኧርቪ ፣አስርቭ ቀን አነውነዳ ፣በጉንእርሞኋ ኣሳቭአት አክሊል ኧደፋ ኑኡየ ብሻ ደረቭ አሸዊ።
+
+\v 3
+\v 4 ጁወኋ በሳቫይ አነውታ ሆሆ ሲሶሁኗ ተሳቫይ ሻቨ አወንደ ባአፈር ቃሸኖም፤ሂድቭ ቤኤኘችጋ ትከሻ ኢወእቫይ ዣቨታ ደረቫ ሁዳ ቲኢኚ በቴኤነቨች ምሽት ኢፍቲ ተሸከቨ።
+
+\v 5 ምሽት ሂዳ ሰቭ እንእ በቭረድ አአር ኢገዛካ ኧች ኤኘች፤ኧች ሁዳ ጭን ኧዙፋንኋይ ኧጎይታይ ወሰጂ፤
+\v 6 ምሽትቭ ሂዳ ጎይታ አት ሁው ውርኤት በኧር ስድሳ ቀረ ኢኸድሙያይ ጎይታ በበረሀ ኧጌኬረ አወናና ኤኤዲ ሴኬች ወረች።
+
+\v 7 በሳቫይ አርቭ ቆነሺ፤ሚካኤልቪ መላአይካሞኋ ተደረቫ ሁዳ ተዋኮም፤ደረቫዪ መላአይካሞኋ ሀአውም ተቪካኤልቪ ተቨላአይካሞኋ ተዋኮም፤
+\v 8 ዘንጋ ጭን ደረቫቪ መላአይካሞኋ ቴኤሞም፤ተህም ቀጥወ ተሳቫይ አዎጁም ቃሽዊዮም።
+\v 9 ኑኡየ ደረቫ ኧድረ ጭረ ተሳቫይ አዎጁም ቃሸዊ፤ሁድቭ ሼጣን ዩሪንዳ አአለም ሰቭ እንእ ወሄ መያ አድጌፈረ ያሳስትካሁተን፤ሁዳ ባአፈር ቃሸዊ ፤መላአይካሞኋ ተህም ቃሸውዮም።
+
+\v 10 ተህም ቀጥወ ተሳቫይ ዋኸ ይካ ኑእ ቃር ሰምአሁ፥«አትርፉት ፣ጦናቪ መንግስትቭ ኧጎይታንራ ኸረ! ደረግቭ ኧርስቶስ ኸረ፤ኧሰማትንራ በጎይታ ኢፍቲ ዋአና ተቭሳአረ ኢከስስኮዋ ኧረፐረ ኧኧሰማትንራይ ጠራት ቃሸዊ።
+
+\v 11 ሁኖም በጣይ ሁዳይ ደቭ ምስክር ሆርም ቤኤጂ ቃር ሀ ጠራትሁኗ ኤመዊ፤ቲዎጁም ስን ሉሁኗ አናቨጠጠኖታ።
+\v 12 ኧቫአ ሳቫይቪ በከስሞኋ ትረውርታ አሁዋ ኧሳርሁዋ፤አፈርቪ ባርቭ ጭን ግርዳሁዋ፤ሼጣን ኧተነፈን እንስየ ቀረ ኧኸረኸ ሀረታ ቡሼኧኸ በውሼእ ማአት አሁዋይ ማአ።
+
+\v 13 ደረቫ ሁዳ ባአፈር ኧቃሸዊኸ ባሸጋ፣ኧች ኤኤኘች ምሽት አትሳተደና፤
+\v 14 ምሽትቭ ሂዳ በቨረሀ ኧጌኬና ኤኤዲ ብረይተች ኣሆርት ኢኸናኸ ውርኤት ኧሩኡየ ኩና ቆርሳ አውያ፤እመኸ ኧኸረ ሁዳ ተጭረ ሁዳ አአት ዘቨር ፣ኧሮኦራ ዘቨርቪ ኧዘቨር ግት ቲኸድሙያ ትረቭርነኸ
+
+\v 15 ጭረ ሁዳ ምሽት ሂዳ ቡኡምበያ ታሸሽተች ታረኸ ኧቨር እሀሀአር ታንቃኋ ኢትፍ ባረ።
+\v 16 ምሽት ሂዳ ጭን አፈር አገዘና፤ ደረቫ ሁዳ ኢትፍ ኧቫረን እሀ አፈር ተከፈደ ዋኧን።
+\v 17 ደረቫቭ ሁዳ በቭሽት ሂዳ ማአቸቫ፤ተኧኛ ዴንጋሻ ኢትዋካይ ወረ፤ሁኖም ኧጎይታ ትዛዝ ዩኡሮታቭአአሪ በኢየሲስሜ ቃር ሙርቴ ሆርም ኢረውርታአር ባነውተ።
+\v 18 ደረቫቭ ሁዳ በቫር ሞሬ ተገተረ ባነደ።
+
+\c 13
+\p
+\v 1 ተህም ቀትወ አት አዊ ተቫር ቲዋአካ አሸሁ፤ሁድ አስር ቀንቪ ሳቭአት ጉንኧርቭ ባነውነደ ፤በቀንሞኋ ፎር አስር ዘውድ በጉንኧርሞኋ ኧቂናቨ ሹው ባኖነደ።
+\v 2 አአሸሁን አዊ ዛጎራ ኢቨስር ባነደ፤ኧግርኋ ጭን ድብ ዩሪዳ አዊ፣አፉሞኋ ኧዠፕ አፍ ኢቨስር ባነደ፤፤ ደረቫ ሁዳ ኧገግኋይ ጦና፣ገግሞኋ ኢቸናወዳ ዙፋንቪ ኑኡቭ ደረግ አአዊ ሁዳ አቨን።
+
+\v 3 ተአዊ ሁዳይ ጉንኧር አት ሁዳ ፣ኧውንድ ያሰርአካ መዛ አኖዳአር ኢቨስር ባነደ።ቢኸር መዛኋ ፈዘን፤አአለም ሰቭ እንእ ወግ ኸረወታ እአአዊ ሁዳ ተሄተረን።
+\v 4 አአዊ ሁዳ ደረግ አቨኒ ኧኸሬ ኧደረቫ ሁዳ ሰቭ ኧንእ ሰገደነ። ህመኸቭ « አዊ ሁዳ ኢቨስርካአር ማን አነ? ተሁትሁ ማን ኢትዋካይ ኢኸነ? » ቧርምታ ኧሁዳ ሰጎጅነ።
+
+\v 5 አዊቭ ሁዳ ኧትቢት ቃር ኢዝሬኩወዳ ቃርቪ ያትቃንወዳቭ አነቨድ አዊ፤አርቭአ ውርኤት በኘቭ ዳኘ ኢኸሪ ተፈቀደነ።
+\v 6 ሁድ ጎይታቪ ኧጎይታቭ ሹው፣ሁድ ኢረቭርወዳቭ ኤኤድቪ በሳቫይ ኢረውርታቭ ፍጥረት ኧቅርውት ቀነሰ።
+
+\v 7 ተክርስቲያን ኢትዋካመዪ ኢኢምኮመኸ ደረግ አዊ። በዘር ፣በጥቭ፣ ሰቭ ቢዝሬኩዳ ቃርቪ በሰቭ ፎር እንእ ዳኝነድ አዊ።
+\v 8 ዋአለም ተትፈጠረ ቆነሺታ ባንጪ ጣዪ ኧሂዎት መጣፍ ከስ ሹውሁኗ አንጣፉዮዋ ባአለም እንእ ኢረውርታ ሰቭ አአዊ ሁዳ ኢሰጉጅዴ።
+
+\v 9 እንዝር አነነዳ ሰቭ እንእ ኧስቭአ፤
+\v 10 ማንእየ ሰቭ ኢትቫነህ በኸረ ኧትቫረህ፤ማንየ ሰቭ በሴፍ ዮኦትሪ በኸረ ኡኡትሪ። ኧክርስቲያን ፋራሂነድሞሁኗዪ እምነትሞሁኗ ያዢዳ በዋዳን።
+
+\v 11 ተህም ቀጥወ ኧኛ አዊ ታአፈር ከስ ቲዋአካ አሸሁ፤ሁድቭ ኧጣየኸ ውርርኤት ቀን ባነውነደ፤ ቲዝሬካቭ ኧደረቫኸ ኢዝሬክ ባነደ።
+\v 12 ቢኢፍት አዊ ሹው በሩእ ዳኝነድ ሜናኋ ኢንአ ባነደ፤አፈርቪ በከስሞኋ አነውታ ፍጥረት እንእ ኧውንድ ቲያሰርአካ መዛ ኧተነፈ ኢኢፍት አዊ ኢሰጉጁዋኸ ኤፐ።
+
+\v 13 በሰቭ ሁኖዋ ኢፍቲ እሳድ ተሳቫት ቲያወት ስን ኖኦራ መርኸት አቴሸ።
+\v 14 ቢኢፍት አዊ ሹው መርኸት ያቲሺ ዳኝነድ አአዊዊ ኧኸሬ ባአፈር ኢረውርታ ሰቭ አሳሳተ፤በሰይፍ መዘኘ ኧኸረ ዘንጋ ጭን ባአያኋ አነዳ አዊ ምስል ያጣውሩዋኸ ኤዘዘኖም።
+
+\v 15 ህመኸ ኢኢፍት አዊ ምስል ኧዘንጉት ኢኸነኸ ኧምስል ሁዳ አፏት ኢቭመኸዪ እእም ምስል አይሰጉጂዋ ሰቭ እንእ ዮኦትሪዮኸ ኢንአይ ዳኝነድ አዊ።
+\v 16 ህመኸ ኑኡሞኋዪ እንስሞኋቭ፣ደንገኘዪ ዚጋቭ፣ባሬያዪ ኧቫሬቭ ዳቭ እንእ፥በቀነ ኧጅሞሁኗዪ በጉራ ኧጅሞሁኗ ዌ በጣባናሁኗ መርኸት ኢንኢዋኸ በግርድ ጠበጠኖም፤
+\v 17 እመኸ ኤፐ ሁዳ አአዊ ሁዳይ መርኸት ፣ሹውኋ ዌ ኧሹውኋይ ቁጥር ኤነነ ማንእየ ሰቭ አይስየመኸዪ አያስየመኸ ኢንአኔ።
+
+\v 18 ዋዳ ኣኋርት ያትሲእኩዳናአር፤ኧኋርት አነነዳ ሰቭ በረፐረ አአዊ ሁዳይ ሙዝር ኧቨዝርኩ፤ሙዝርሞኋ ኧሰቭ ሙዝርን፤ሙዝርሞኋ ስድስት በኧር ስድሳ ስድስትን።
+
+\c 14
+\p
+\v 1 ትእም ቀጥወ ጣይ ሁዳ በጽዮን ቆቶ ፎር በትሸከቬ አሸሁ፤ተሁድ እማቲ ኧሁድሜ ሽዊ አአባሞኋይ ሹው በጣባናሁኗ ኧጣፍኮዋ አት በኧር አርቭአ አርቭአቸ ሁው ሰቭ ባነውተ።
+\v 2 ተሳቫይ ኧሩኡየ እሀ ቃርመኸአአርቪ ኑእ ኢግበክካኧሳቫይ ኧትውራረኡትቭ ኢቨስርካ ቃር ሰምአሁ፤ኧሰምአሁን ቃር በድራ ኢደርኩታ ሰቭ ያትሴምኤዳ ቃር ኢቨስር ባነደ።
+
+\v 3 አት በኧር አርቭአ አርቭአት ሁው ሰቭ በዙፋንኋ አርቭአቸ ዘላለም ቢረውርታ ፍትረትቪ በቫሪቅቭ ሁኗ ኢፍቲ አዲስ መዝሙር ዘሞርም፣ መዝሙር ታአፈር ፎር ተቴተጉዮዋ አት በኧር አርቫ ኧርቫት ሁው ሰቭ አኸራአር አትዎኋ ኢትማርኲ አኸረነዳ
+\v 4 እሞሁኗ ገግሁኗ ብእሽቻ አናሰነሁታኗአር፤በጥርርነድ ገክሁኗ እራውም።ጣይቭ ሁዳ ያርወዳ ኤኤዲ እንእ ኢትሄተሪዴ፤ኧጎይታዪ ኧጣይቭ ሁዳይ በህር ኢሆሩዋይ ተሰቭ ግት ኧቴደጉዮታኗአር።
+\v 5 በቃርሁኗ ስርም ፍጥር ኧኸራአር አንትረከዎዎታ፤ቅነጨ ኧኸራአር ኤነዎታ።
+
+\v 6 ተህም ቀጥወ ኧኛ መላአይካ ባአፈር እንእ አነውታ ሰቭ፣ ኧጥቭ፣ኧሰቭ ቃርቪ ኧዶበቭ እንእ ኢኢጂዳ ወንጌል ኧጠበጠ መላአትካ ባአፈርቪ በሳቫይ ግት አሸሁ።
+\v 7 ሁድ፥ ቃርኋ ነሳታ ኢፈርድወዳ ግዝየ ኧስንአይ ኧኸሬ ጎይታ ፍረውዋ፣አሁብጂቭ ፥ሳቫዪ አፈር ፣ባርቪ እእሀ ጭርጭርየቭ ኧፈጠረ ሁዳ ስጉጅነ» ባረ።
+
+\v 8 ኧኛ ውርኤተኘ መላአይካ«ያሰህርካ ኧውጥጥ ሜናኋይ ወይን ጠጅ ኧሰቭ እንእ ያሰጭካ ኑኡየ ባቢሎን ወተኧ! ወተኧ!»ቲይር ተሄተረን።
+
+\v 9 ኧሶኦስተኘ መልእይካ ቃርኋ ነሳታ ዋኸ ቲይር ተሄተረኖም«አአዊ ሁድቪ ኧቭስርሞኋ ኢሰግድካ፣ምስርሞኋ በጣባናኋ ዌ በኧጅኋ ኢጠጥካ ሰቭ ቢረቭር ፣
+\v 10 ህመኸቭ ሁዳ አታአር ታይትራኧርወ በቫአትኅ ጥዋ ኧትቬንአ ኧጎይታ ኧቫአትኋ ወይን ጠጅ ኢሰጭኴ።በጥርር መላአይካቪ በጣይ ሁዳ ኢፍቲ በዲን እሳድ ኢረንድድኴ።ኧቭካትሞሁኗ ተን ኧዘላለም አለም ኧፎረኒየ ኢዋአኴ።
+
+\v 11 አአዊ ሁድቪ ኧቭስርሞኋ ኢሰጉጅታ ዌ ኧሹውኋ መርኸት ኢቴኤፖርታ ሰቭ እንእ ዋአና ተቭሳአረ ፎያድ ኤነኖታ።»
+\v 12 ኧጎይታ ኢቴኤዠዠታቪ ኧኢየሱስ ሙርቴ ሆርም በፋራሂነድ ኢረውርታ ክርቲያን ኢሂሪዮታ ሁዳ በዋዳን።
+
+\v 13 ተህም ቀጥወ «ተዋ ቀጥወ በጌታ ኧቨይቶ ኢዎጅታ ሰቭ ኧሳርኮዋ ባር ጣፍ »ይካ ቃር ተሳቫይ ሰምአሁ።መንፈስ ቅዱስ «እንከ ሜናሁዋ ኢትሄተርኮይ ኧኸሬ ያፎርቴ »ይር።
+
+\v 14 ተህም ቀትወ ቢኢፍትመኛይ ጓድ ዳቨራ አሸሁ ፤በዳቨራ ሁዳ ፎር «ኧሰቭ ትከ ኢቨስርካአር ቸና ባነደ፤ሁድ በጉንኧርኋ ኧወርቅ አክሊል ደፋታ ፣በኧጅሞኋ ገደር መኧተድ ጠበጠ ባነደ።
+\v 15 ቡችርቭ መላአይካ ተቭቅደስ ዋአታ በዳቨራ ፎር ኧቸና ሁዳ፥«ኧህር ያጭኰዳ ግዝየ ሰንአ መኧተዳኸ ጥጥታ ኦጭት ቅርስ ፣«ኧጎር ግዝየ ሰንአ»ቲይር ቃርኋ ነሳ አኸና።
+\v 16 ተህም ቀትወ በዳቨራ ፎር ኧቸና ሁዳ መኧተድኋ ባአፈር አወንደ፤አፈርቭ ታንጠ።
+
+\v 17 ቡችር መላአይካቭ በሳቫይ ታነዳ መቅደስ ዋአ፤ሁድ ህመኸ ገደር መኧተድ ባነነደ፤
+\v 18 በእሳድ ፎር ዳኝነድ አነነዳ ቡችር መላአይካ ፈቸድ ቲዬኮዳ ኤኤዲ ዋአታ ገደር መኧተድ ኧጠበጠ መላአይካ«ኧህር ኧደነኤ ኧኸሬ ገደር መኧተዳኸ ጥጥታ ባአፈር አነዳ ኧወይን ቡስር ቁጥቁጥ ኧንአ»ባረ ቃርኋ ነሳ አኸና።
+
+\v 19 መላአይካቭ ሁዳ መኧተትኋ ባአፈር አወንደ፤ባአፈር አነዳ ኧወይን ቡስር ቁጥቁጥ ኤፐታ ኧሩእ ኧጎይታ ማአት ወይን ዩኡርኰዳ ኤኤዲ ቃሸኖም።
+\v 20 ወይን ሁዳ ተከተማ ሰቻይ ወይን ቢዩኡርኰዳ ኤኤዲ ሄንጂ፤ ኧፎረኒየኋ ኧፈረዝ ልጓሚ ስን ኢሰርአካአር፣ በትድነድሞኋ ሶኦስት ኪሎ ሜትር ያአህርካ ደቭ ወይን ቲዩኡርኰዳ ኤኤዲ ዋአ።
+
+\c 15
+\p
+\v 1 ኧኛቭ ኑእ ወግ ኢኸርካ መርኸት በሳቫይ አሸሁ፤ኢኢ በኧጅሁኗ ሳቭአት እፋድ ኧጠቦጩዋ ሳቭቭአት መላአይካ አሸሁ ፤ኢኢ ኧዋሪዮም ሁዳ ኧጎይታ ማአት ኢቫአካ ሁዳ በሁዳ ኧኸረዴ።
+
+\v 2 ትእሳድ ኧትራኧራኧረ ኧቭርጭቆ ባር ኢቨስርካአር አሸሁ፤በቫር ሁዳ ምዬ ፥አአዊ ሁዳ፣ምስርሞኋዪ ኧሹውሞኋይ ሙዝር ኤኤሞዊቭ ሁኗ በትሸኮውዋ ኤኤዲ አሸሁ፤ ሁኖም ጎይታ አቨኗ በገና ጠቦጩታ
+
+\v 3 ኧጎይታአአር ኧኸረ ኧውሴዪ መዝሙርቪ ኧጣይቭ ሁዳይ መዝሙር ዋኸ ቧርም ኢዘሙርዋ ባነደ፣« እንእአአር ኢኸነኸዳ ጎይቶ፣ኧዘቨር እንእ ንኩሶ፣መያኸ ጥርርናአር፣ፍጥርቭ ኤኖዳናአር.
+\v 4 አኸሁ አይፈያአር ሹውኳኸ አያኸብዳአር ማንተን? እማት አኸ ሙጭርንሀአር።ጥርር ሜናኸ ኧትሄሬ ኧኸሬ ሰቭ እንእ አሄ ኢቫአኴ፤ ቢኢፍትማሄ ኢሰግድኴ።
+
+\v 5 ተህም ቀጥወ ሀአሁ ኧቭስክር ድኳም ኧኸረ ቤተ መቅደስ በሳቫይ በትከፈዴ አሽሁ፤
+\v 6 ሳቭአቸ እፋድ ኧጠቦቹዋ ሳቭአቸ መላአይካ ተቬተ መቅደስ ሁዳ ዎኦም፤ ሁኖም ተታልባ ኧግር ኤፐዊ ብርጭ ብርጭ ይካ ጓድ ሁጅር ተሆተርምታ፣ናቫሞሁኗ ቦወርቅ ቀበቶ ታአኮጁም ባነደ።
+
+\v 7 ተህም ቀጠወ ታርቭአቸ ፍጥረት አት ሁዳ ዘላለም ቢረቭርካ ጎይታይ ማአት ኧዌንኧዮዋ ሳቭአት ኧወርቅ ጥዋ ኧሳቭአቸ መላአይካ አቨኖም።
+\v 8 ቤተ መቅደስቭ ሁዳ ተጎይታ ክብርቪ ፣ተጦናሞኋ ቢዋአካ ተን ሜንአ፤ኧሳቭአቸ መላአይካ ሳቭአት እፋድሁኗ ኤኤቶውዋ ቲጀፑሩዋ ስን አትሰቭ ኧቬተ መቅደስ ከሲ ኢጋአይ አኸረነዳ።
+
+\c 16
+\p
+\v 1 ተህም ኧሰቫአቸ መላአይካ « ሆርዋ፤ሰቫአቸ ኧጎይታ ማአት ኤቬኖኵዊ ጥዋ በአፈር ፎር ኋኡኩ! » ይቭርካ ኑኡ ቃር ተቤተ መቅደስ ቲዋአካ ሰማሁ ።
+
+\v 2 አአወተረ መላአይካ ወረታ ጥዋሁዳቭ በአፈር ፎር ሆኦን ፤ኧአዊ ሁዳ መርኸት በቴኤፖርዋ ሁኖሚ አአዎም ምስር ቢስጉጅታ ሰቨ ሙጥጥ ያጭንካ መዛ ወተኧዎም ።
+
+\v 3 ኧውሬተኝ መላአይካ በጥዋ አነዳ ብእሃሁዳ በባር ፎር ሆኦን ፤ ባርሁዳቭ ኧወንደ ሰቪ ደቨ ኸረ ፤በቫር ከስ አነውታ ሉሁየ አነኖታ እንዳም ሞጁም ።
+
+\v 4 ኧሶኦስተኛ መላአይካ በጥዋ አንዳሁዳ በቨሪ በምጭ እሃ ፎር ሆኦን ፤ ሁኖም ደቭ ሆርም ።
+\v 5 በህም እሃ ኢኢዝዚ ደረግ አነንዳ መላአይካ ዋኸ ቲይር ቲዚሬካ ሰማሁ ፤  « አነኸይ ኧረርኸ ቅዱስ ጎይታ ፥  ዋኸ ቂጢየ ኧፈድሄ  ኧውረ ጻዲቅንኸ ፤
+\v 6 ኧቅዱሳኒመይ ኧነቢያትመይ ደቭ ኧሆኦዋይ ፣  አኸቭ ሃአቭኸታ ደቭ ይሰጩዋኸ ኤፐኸኖም ፤  እመዳቭይቴቭኮታምናአር ። »
+\v 7 እመኸቭ ህትቭ ቢያቲኢንኮዳ ኤኤዲ ዋኸ ይእርካ ቃር ሰማሁ፤  « እከ እንእ ይኸነኸዳ ጎይታንሮ  ፍርዳማኸይ ጽድቅማኸ ኧውረ ቂጢየን »
+
+\v 8 አርቫአተኝ መላአይካ በጥዋ አነዳ ሁዳ በእዋየ ፎር ሆኦን ፤ እእዋየሁዳ ኧሰቭ እእሳደኸ ይቬኪረኸ ደረግ አዊይ ።
+\v 9 ሁኖም በውሼእ ሞእነድ ነተጁም ፤ ኧዋኸ ቅስፈት እንእ ዬቪ ደረግ አነንዳ ኧጎይት ሹዉ ተቃኖም ባሃሬ ተቫጢርሁኖዋ አንዠፖርሙ ኧሁዳቭ ክብር አናውሙ ።
+
+\v 10 አምእስተኛ መላአይካ በጥዋ አነዳሁዳ በአ ዊይ ዙፋን ፎር ሆኦን ፤ኧአዊ መንግስት በጠነቫ ተዋኧ ፤ ሰቨ ሁኖዋ ተስቃይሁኖዋ ኧትረሳ አነድሁኖዋ ይቬስሁኮ ባንደ ፤
+\v 11 ተቨዛመሁኖዋ ኧትርሳ ኧሳቯይ ጎይታ ኢትቃኖዋ ባሃሬ ቴፖዊ ባጢር አይዠፖርታ ።
+
+\v 12 ስድስተኝ መላይካ በጥዋ አነዳ በኑእየ በኤፍራጥስ እሃ ፎር ሆኦን ፥ተናአኝኒነ ይዎኦታ መንግስት መያ ይጌኪርኖኸ ኧቨር እሃሁዳ ደነኸ ።
+\v 13 ተህም ተደረቫ ሁዳ አፉይ ተአዊም ሁዳ አፉ ተሐሰተኝ ነቢ አፉቭ ጎጎኧራ ይዎስርታ ሶኦስት ሴጣን ቲዎኦታ አሸሁ ።
+\v 14 ሁኖም ወግ ኤፖም ያቲሽታ ኤሴጣን መንፈስኖዋ ፥ዋ ሶኦስቸ ሴጣን እንእ ቢኸነዳ ጎይታ በኑእ ቀረኋ ቢትረሳካ አርቭ ኢስቨስቭኮኸ ኧአለም መንግስት ያርቴ ።
+
+\v 15 «ኢያቭ ኧፈጌያመኸ ኧጥነቃር ኧቫአኬ እጭሞኋ ባይኸሪ ሰቭ ቀቨጥሞኋ ባያዢ ቴቂማመጠ ውጅርኋ ይኢየካ ሰቭ ኧሳርኩ ። »
+\v 16 ሴጣንም ሁኖዋ ኧአለም መንግስታት በዕብራይስጥ አርማጌዶን ቢዩሪዳ ኤኤዲ ስዎሰውዮም ።
+
+\v 17 ሰባተኛው መላአይካ በጥዋ አነዳ በንፋስ ፎር ሆኦን ፤በቤተ መቅደስ ታንዳ ዙፋን « አነኧ »ይቭርካ ኑእ ቃር ዋአ ።
+\v 18 ተህም ኧዎዠ ቃር፣ኧሳቫይ ኧትቭራሮኦት ኧኖኦራ አፈር ኧቆርቁርት ሰቨ በአፈር ፎር ተትኸለቀ ቀነሰ ዋኸ ኧከረ ኑእ ኧአፈር ኧቆርቁርት አናሽዊዳ ።
+\v 19 « ኑእ ከተማ ኧሶኦስት ተዠኧረ ኤኛ ኧሰቨሁኖይ ከተማ ተቫኖርሙ ፤ ጎይታቭ ኧኑእ ከተማ ባቢሎንአር ዘገደ ኧኑእ ማአትኋ ወይን ጠጅ ኧቬናዎ ጥዋ ይሰጭኸ ኤፐን ።
+
+\v 20 እሃ አቀፐፐን አፈ እንእ ቆቶም ሁኖዋ በኤድሞሁኖዋ አትረኮውታ ፤
+\v 21 አታትሁኖዋ በሚዛን ቢዎዝንዮዋ አርቫአት ኪሎ ያአህርካ በረጀ ተሳቫይ ወደታ በሰቭ ሁኖም ወቶኦውም ፤ በሰቨ ኧወደዎዋ ቅስፈት ኑኡያአር ኧረፐሬ በቨረጀ ቅስፈት ኧቫአ ኧጎይታ ቀኖም ።
+
+\c 17
+\p
+\v 1 ሰቫአቸ ጥዋ ተጠበጠ ተሰቫአቸ መላይካ አት ሁዳ ማአታ ዋኸ ባረይ ፤«ይኸ ፤በኖኦራ እሀ ፎር ኧቸናች ተረከቨቸን ሰቨ ውጅር ትደምድካ ኑእ ሚሽት ቅጣትሻ አቲሽኸዴ ፤
+\v 2 ኧአለም ንጉስ እንእ ተሂዳ ውጅር በድሙት ፤በአለም ታነውታ ሰቭ እንእ ውጅር በድሙትሻ በውይን ጠጅሻ ሰኮርሙ » ባረኖም ።
+
+\v 3 ተህም ቀጥወ መላአይካ ሁዳ በመንፈስ ኧቨረሃ ኤኤዲ ወሰደይ ፤በህም ኤኤዲ አት ብንእ ሚስየሻ ኧቂናወ ሽው ኧትቬናች ሚሽት ሰቫት ጉነሪ አስር ቀን ባነንዳ ብሻ አዊይ ፎር በቸናይ አሸሁ ፤
+\v 4 ሚሽትሂዳ ብሻ ኧሀር ውጅር ተኸተረች ባንደ ፤በህም በወርቅይ በኑእ ኑድ በኸረ እቭር በእንቁቭ ቴሄመረች ባንደ በኧጅመሻ ያትፈኝካ ዘንጋ ተረከቨቸን ሰቭ ውጅር ኧድሙጅሻ ሙጥጥአር ኧቬና ኧወርቅ ጥዋ ጠበጠች ባንደ ፤
+\v 5 በጣባናመሻ ፎር ዋኸ ይካ ኧሚስጥር ሹው ጡፍ ተጻፈ ባንደ «ኧረከዊኸ ውጅር ኧድሙታይ በአፈር ፎር ኧሰነኸ ዘንጋ እንእ ዬውታ ሁኖይ አዶድ ኑእየ ባብሎን »ይካ ኧሽካ ሽው ተጣፈ ባንደ ፤
+
+\v 6 ህም ሚሽት በቅዱሳንቪ በኢየሱስ ምስክር በሆርዋ ሰቨይ ደቭ በሰከረቺ አሸህና ፤
+\v 7 ተህም መላአይካ ሁዳ ዋኸ ባረይ«ኧቭር ወግ ይኸርቭኸ? ኧቪሽቲሜ ዘንጋ ሂድዳቭ ኤሬከቭችን ስቫአት ጉረር አስር ቀን አነንዳ ኧአዊይ ምስር ሟሟካ ኢያ ኧፍዳነኸዴ ፤
+
+\v 8 አሸኸን አዊይ ኧዋኢፍቲ ባነደ ፤ ዋአካ ጭን ኤነዳ ፤ኧቀጥዎኋ ተሲዌኤር ጎጀ ይዋአኬ ፤ ኢኢፋድሞኋይ ያርኬ አፈሪ ሰቫይ ተትፈጠረወ ቆኖሹም ኧዘላለም ይረውርቴ ኧዋሪ ሹሞሁኖዋ በጎይታ መጣፍ ተጣፊተ አነኮውዮዋ በአፈር ይረውታ ሰቨ አዊሁዳ ኧዋኢፍቲ ባንደ ዋአካ ጭን ኤናአር ፣ ኧቀጥዎኋ ይቫአካአር ኧኸረኸ ቲያሽታ ወግ ይኸርዎቴ።
+
+\v 9 « ኧኋርትቪ ኧዎስርት ያትኬሽኩድ በዋትነዳ ፤ሰቫአቸ ጉረር ኧዋሪ ሚሽት ሂዳ ኧቸናቸወ ሰቫት ቆቶኖዋ
+\v 10 ሁኖም ሰቫአት ኑጉስኖዋ ። አምስተት ሁኖዋ ወቶኡም ፤ አት ሁዳ አነ አትሁዳ ገና አማአዳ ቲቫአካ ጭን የኦኩሲ አዳ እእሲየ ግዚየን ።
+
+\v 11 ኧዋኢፍት ኧረፐረ ዋአካ ኤነ አዊ ሱተኛ ኑጉስን ፤ሁዳቭ ተሰቫተኝ ኑጉስ አት ሁዳን ፣ሁድቭ ኢኢፋድ ያርኬ ።
+
+\v 12 « አሸኸኖዋ አስር ቀንሁኖዋ ገና አነጎሽታኖአር አስር ኑጉስኖዋ ፤ ቢኸርቭ ኧቀሪመጋ ተአዊሁዳ ኧአት ሰዓት ይረጉሽዋይ ደረግ ኢዊዮቴ ።
+\v 13 እም አስር ኑጉስ እማት አሳብ አነኖዋ ፤ሁኖም ጦኗሁኖሚ ደረግመሁኖዋቭ ኧአዊ ሁዳ ያአይፒሪዮቴ ፤ህ
+\v 14 ሁኖም ተጣይ ሁዳ አርቭ ይትዋኮቴ ቢኸር ጣይሁዳ ጭን ይኢምኮቴ ፤ይትዋኮዋ ኧዋሪዮዋ ሁኖም እንእ ጎይታን ፤ ኑጉስ ኧዋሪዮዋ ሁኖዋ እንእ ኑጉስ ኧኸረ ይኢምኬ ፤ ተሁዳቭ አነውታ ኧቬጥሪዮዋ ያአውርታ ሁኖዋ እማትሜ ይኢምቴ » ባረኖም ።
+
+\v 15 መላአይካ ሁዳ ዋኸ ባረይ ፤ ተረከቨቸን ሰቭ ውጅር ትደምድካ ሚሽት በቸናቸወይ አሸኸኖዋ ኧሃ ኸልቅ ሰቭ ዘር በጥቭ ጥቭሞኋይ በገኝ ገኝመኋ አፉኋ ይዚሬካ ሰቨ እንዳምን ።
+
+\v 16 አዊይ ሁዳይ አሸኸኖዋ አስር ቀን ኧዋ ውጅር ትደምድካ ሚሽት ይጦሮያ ፤ እመኸ ጠረረመሻይ እንጭመሻ ያዎኦሪያዴ ።በሰርመሽ ይዎሬያዴ ፤ብእሳድ ይዌኪሪያዴ ።
+\v 17 ኧጎይታ ቃር ቲቴፕ ስኒ አጫሞጪ እንእ ቲቴፕ ስን ሃአውሙ በጩሟጨሁኖዋ ይስሟሞዋኸ ስልጣንሁኖዋቭ ኧአዊ ሁዳ ይዊኸ ዋ ጩመጨሁኖዋ በሂንሁኖዋ አዎና ጎይታን ።
+
+\v 18 አሸኸና ሚሽት በአፈ ፎር ባነውታ ኑጉስ እንእ ይረግስካ ኧኑእ ከተማ መርኸትኒያ »ባረኖም ።
+
+\c 18
+\p
+\v 1 ተዋቀ ጥወ ኑእ ስልጣን አነንዳ ኤኛ መላአይካ ተሰቫይ ቲወትካ አሸሁ ፤ብልጭብልጭ ይካ ክብር ታቶሽትኋ ኧትረሳ አፈር እንእ እኡዋየ አትረከቨ ።
+\v 2 ሁዳቭ በኑእየ ቃር ዋኸ ቲይር አኸና ፤ «ኑእየ ኧኸረ ባቢሎን ወተኧ! ዋተኧጋኔል ይረቭርወዳ ቢድ ኧውጥጥ መንፈስ እንእ ያሆሮኮዳ ያጤናካአር ዬዋይ ይሽርኮታ አቨራ ቢድ ኸረ ፤
+\v 3 ያሰህርካ ኧውጥጥ ሜና ኧቬናወ ኧወይን ጠጅ ኧሰቨ እንእ አሰጨ ፤ በአፈር በፎር አነውታ ንጉስ ትሁድመጋ ምጥጥ ሜና ኤፖም በፎር ብቸፎር አነውታ ነጋዴ በሁዳ ደንገኝነድ ኧቫአ ሁኖም ደንገኝ ሆርሙ » ባረኖም ።
+
+\v 4 ተህም ተሳቫይ ኤኛ ቃር ዋኸ ቲይካ ሰማሁ ፤ « ሰቨኞ በሁድሜ ባጢር እትራኧርሁዋ ፤ በሁዳቭ ኧወተኧወ ኢፋድ ባይሰራዎሁዋይ ተሁዳ ዎኦዋ ።
+\v 5 ኧቫጢርነድኋ ዲባሽ ኧሰቫይ ስን ሰና ፤ ጎይታቭ አጉል ሜናኋ አሸወ ፤
+\v 6 ባቫአር ሃአውም አዊይ ፤ ቤፐን ሙጥጥ ሜና በውሬት ኧጅ ካሹነ ሁዳቭ ብራእረን ጥዋ ከስ በውሬት ኧጅ እራእርኮ ፤
+
+\v 7 ክብሪይ ደንገኝነድ ኧገግኋ ዬቭመኸ ግርዲቪ ምካት አዊይ፤ ሁድቭ በሂንኋ ንጉስ ኸርሁ ቸናሁ ምሽትቭ ኧወደዎ ምስመኸ አኸርኋ ስርም ምጥጥ ኤኔቪዳ ተዋቴቭ አይቫአቪዳ በዋርት ይትጋጌዝ ።
+\v 8 በዋ ኧቫአ ብእማት ቀረ ቅስፈት ይወትዎዴ ሙድቭ አዘንቭ ጋጅቭ ይቫአዎዴ ፤ ብእሳድ ይረድዲኬ በሁድ ይፈርድወዴ ጎይታቭ ጦናመን » ባረኖም
+
+\v 9 « ተሁድቭ በውጥጥ ሜናኋ እማትሜ ኧሆርዋ በደንግኝነድ ኧረፖርዋ ኧአፈር ንጉስሁኖዋም ሁዳ ቲረድድካ ይዋአካ ተን ቲያሽታ ኧሁዳአር ቡሼኧኸ ይዌህቴ ይትወጠቴ ።
+\v 10 በሁዳ ኧሰናወ ምካት ፈኞምታ በሮኢ ተሽኮም «ኑእ ኧረፐረ ከተማ ጦናማ ከተማ ባቢሎን ፍርዳኸ ብእማት ሳዓት ማአ ኧሰና ግርዳኸ! ግርዳኸ! » ይውርቴ ።
+
+\v 11 በመርከብ ኧጫሪ ጭረትሁኖዋ ተዋቴ ይሲየካ ኤኔ ኧኸሬ ኧአፍር ነጋዴ ይቬሁቴ ፤ይትዋጠጭውቴ ፤
+\v 12 በመርከብ ሁዳ ኧጭሪ ወርቅ ፥ብር ፥ንድ እቭር ፥እንቁ ፥ሰሳ ውጅር ፥ሃምራዊ ሁጅር ኧሐር ውጅር ፥ ብሻ ሁልር ፥ትሸታካ ኤኧ እንቭ ፥ ተዠሆረ ሽን ፥ተንድ ኤኧ ተናስ ፥ተቭረድ ፥እቭር ቲቨስርካ ተእምነበረድ ኤጌኬሪዮዋ ግቭር እንዳም ፤
+\v 13 ቀረፋ፥ ቅመም ፥ ይሸታካኤኧ ፥ ይሸታካ ቅባት ፥እጣን ፥ ኧወይን ጠጅ ፥ ኧዌራ ኤኧ ዘይት ፥ ቀቭ ፥ ስኔኧ ዋጋ ፥ጣይ ፥ፈረዝቭ ፥ሰረገላ ፥ባሬያቭ ፥ ኧሰቨ ዘር ተህም ጫሪዮም ።
+
+\v 14 ሁኖም ፤ነፍሳኸ ኧትሜኝን ወኼ ዘንጋ እንእሰኬናኸ ወረ ፤ዱኒያማኸይ ጌጥማኸ እንእ ኧኝ ፤ተዋ ቀጥወ ዋህኖዋ እንእ ስርም አትረህኮታ »ዩሪዴ ።
+
+\v 15 ዋሁኖዋ እንዳም ባሶሮት ደንገኝ ኧሆርዋ ነጋዴ ኧሁዳ ምካት ቦሽትሁኖዋ በሮኢ ኤሽተዋ ይሸኮውቴ ትዎሁዋቭ ያትዋጥጪዴ ፤
+\v 16 ቃርሁኖዋ ቦንሾት ዋኸ ዩቴ ፤ ሰሳ ውጅር ፥ ሃመራዊ ውጅር ፥ብሻ ውጅር ፥ትትኸተር ኧረፐረ በወርቅ በኑድ እቭር እንቁ ያዝወኝ ኢረቭር ኧረፐ ኑእ ከተማ ግርድኋ! ግርድሁኋ!
+\v 17 ሃጣኻ እንዳም ንቭረድ ብእማት ሰዓት ኧፋ »ዩርቴ ። ኧመርከብ አዛዥኧሆርዋ ሰቨ እንእ በመርከብ ያርታ ኧርፖርዋ ሰቭ እንእ በመርከብ ከስ ኧቸና እንዳም ፥በቫር ፎር ያቂጭዋ ኧረፖርዋ ሰቨ እንእ ፥በሮኢ ይሾኮውቴ ።
+
+\v 18 ሁዳቪ ቲረድድካ ይዋአካ ተን ቲያሽታ « ዋ ኑእ ከተማ ይቨስርካ ኤኛ ከተማ ባንደዌ? ቲይርዋ ያሆሮቴ ።
+\v 19 በጉረርሁኖዋ ጉተ ብራጮምታ ሰቨሁኖዋ ቲዌሁሚ ቲያትዋጥጭዋ ዋኸ ቲይርዋ አሆንም በቫርእሀ ፎር ቢያርካ መርከብ አኖውታ እንእ በዋ ኑእ ከተማ በድኒያ ደንገኝ ኧሆርዋ ዋ ኑእ ከተማ ብእማት ሳአት ኧፈ ግርድኃ? ግርድኋ? » ባይተዋ ዩቴ።
+\v 20 ሰቫዮ በዋዳ ኧሳርኸ ቅድሳን ኪሸረይ ነቢያትቭ ኧሳርሁዋ ፤ ባሁዋ ባስናን ዘንጋ ጎይታ ፈንደወ ። »
+
+\v 21 ተህም አት ደረጋሞ መላአይካ ኑእየ ኧዎፍጨ እቭር ይቨስርካ እቭር ነሳታ ኧቫሪ ኤፐ ኤረከንታ ፤ዋኸ ባረ «ኑኡየከተማ ባብሎን ዋኸ በኸረ ደረግ ተጌፈተ ይወእኬ ተዋቴ ስርም አይረሁዊዳ ።
+\v 22 በቨገና ይዶርክታይ ኧደስ ቲጮድኮዳ ቃር ይውታ ቱንትና ጥሩባ ይረፎታሰቨ ቃር ተዋቴ ባኼ አይስማአካ ፤ማኒኢም አይነት ኧኧጅ ሜና ኧጃሞ ሰቨ ተዋ ቀጥወ ባኼ አይረሁዊዳ ፤ ተዋ ቀጥወ ኧወፍጨ ቃር ባኼ አሰማካ
+
+\v 23 ተዋቴ ባኼመብራት እአተኩሺዳ ተዋ ቀጥወ ባኼ ኧቭሽራአሪ ኧቭሽነዳአር አይሰማካነግስዴያኸ ኧአለም ኑእ ኑእ ሰቨ ባነውተ ፤በግኛኸ ሰቨ እንእ አሳሰትኸ ።
+\v 24 በሁዳቭ ኧነቢያት ኧቅዱሳንሜ በአፈር ፎር ኦኦተሪዮዋ ሰቭ እንእ ደቭ ተረከቨ » ባረኖም ።
+
+\c 19
+\p
+\v 1 ተህም ቀጥወ እመኸቭ ኧኖኦራ ሰቨ ቃር ይቨስርካአር ኑእየ ቃር ተሰቫይ ዋኸ ይካአር ሰማሁ ኧጎይታ ሽኩራኸ ፤ አቱሩፍት ክብርቪ ደረግቭ ኧፈጣሪንራን ።
+\v 2 ፍርድሞኋ ኧውረቭ ቂጢየን ፤ሙጥጥ ሜና ቤፐ አፈር አሰነኸ ኑእ ከተማ በፍርድ ቀጣን ኧሁዳ በቁጮት ኧሁዳ ያጌኪርታ ሰቪ ደቭ ኧጅ ካሰነ ። »
+
+\v 3 ሃአውምታ ዋኸ ቧርሙ ጎይታ ሽኩራኸ! ተንሞኋ ኧዘላለም ፎረኒነ ይዋአኬ ቲይርዋ አሆኖም ።
+\v 4 ሁያ አርቫት ባሪቂቪ አርቫቸ ፊጥረት በዙፋንኋ ፎር ኧቸና ጎይታ ኢፍት ኢፍት ተፌጦምታ «አሚን ኧጎይትስ ሽኩር »ቲይርዋ ሰጎጁም ።
+
+\v 5 ተህም ቀጥወ ዋኸ ይካ ቃር ተዝፏንኋ ዋአ ፤ ኧሁዳቭ ትፎይታ ኧጎይታ ባሬያ እንማሁዋ እስ ኑኡማሁዋ ኧጎይታ ሽኩር ቧሪ»
+
+\v 6 አትቭ ኧኖኦራ ሰቪ ቃርመኸይ ኧጦናሞ እእሃመኸ ቃር ይግቨግቭካ ዲየመኸ ይቨስርካአር ዋኸ ቲይካ ሰማሁ «እን ይኸነኸዳ ጎይትንራ ነገሰ! ኧጎይታ ሽኩርኋ፤
+
+\v 7 ኧጣይ ሁዳይ አዠቨኝ ኧሰናይ ኧሁዳይ ምሽራ ኧትቂቯቨጠቺሜ ኧሳንረ ንትቭራረእነታ ናህብድኔ ፤
+\v 8 ጥር ጥር ተቫረ ንጡህ ተኸረ ወኼ ውጅር ይትኸተረኸ ቴቭን ፤ወኼ ውጅር ሁዳ ኧቅዱሳን ኧወኼ ሜናሁኖዋ ምርኸትን » ባረኖም ።
+
+\v 9 ተህም ቀጥወ መላአይካ ሁዳ « ኧጣይሁዳይ አዠቨኜ ድግሲ ኧሆኖዮዋ ሰቨ ኧሳርኮዋ ባር ጣፍ » ባረይ ፤ሐአቨታ « እመዳቭ ኧጎይታ ኧውረ ቃርኖ » ባረይ ።
+\v 10 ኢያቭ ኧመላአይካ ሁዳ ኧሰግድኔ በኧግርመኋ ሚዬ ኢፍት ኢፍት በትፌጠሁይ ሁዳ ጭን « ተእ ኢያ አስግዲኒ ኢያቭ ታኸይ ኢኢየሱስ ቃር ቲኢጅታ ተኧሰማትማኸመጋ ኧጎይታ ባሬያንሁ ፤ኧጎይታ ስገድ ኢየሱስ ኧዝሬከን ምስክር ኧትቢት መንፈስን »ባረይ ።
+
+\v 11 ተህም ቀጥወ ሰቫይ በትከፈዴ አሸሁ ፤አት ጓድ ፈረስ አሽሁ ፈረዝ ሁዳ ኤሬከቨን «ሙርቴሚ ኧውረአር ኧኸረዳናአር »ዩሪዳ ሁዳን ሁዳቭ ቅጢየ ፈንደታ ይትዋካካናአር ።
+\v 12 ኤርሞኋ እእሳድ ላባና ይዎስርዋ ፤በጉረርሞኋ ኖኦራ ዘውድቭ አኖ ሁዳ ባሃኸሬ ማኒም ሰቨ አይሂርኩአር በሁዳ ፎር ኧጣፉይ ሽው ባንደ ።
+\v 13 ሁድቭ በደቭ ኧጬፈዊ ውጅር ተኸተረ ባንደ ፤ « ሽውሞኋ ኧጎይታ ቃር ዩሪዳናአር ።
+
+\v 14 ኧሳቫይ ሕልቅ እንሞሁኖዋ ጓድ ንጡሁ ወኼ ውጅር ቶሆተርምታ በጓድ ፈረስ ፎር ቾኖምታ ይቲሄተሪ ባንደ ፤
+\v 15 ሰቨሁኖዋ ይዎጋዳ ገደር ሴፍ ተአፉኋ ይዋአኬ « በቭረድ አአር ይገዛኮቴ ፤ሁዳቭ እንእ ይኸነዳ ጎይታ በሩእ ማአትኋ ወይን ኼጁም ዩኡሪመኸ ህመኸ ይሂንድኩቴ ፤
+\v 16 በውጅርሞኋ በቨኝመኋ ፎር ዋኸ ይካ ሽው ተጣፈወ ፤ « ኧኑጉስ እንእ ኑጉስ ኧጌታ እንእ ጌታ ።»
+
+\v 17 ተህም ቀጥወ አት መላአይካ በእዋየ ከስ በሽከቬ አሽሁ ፤ ሁኖም በሳቫይ ቂጢየ ግትኋ ይዎርርታ አቨራ እንእ ዋኸ ቲይር በኑኢየ ቃር አኸና ፤ « ኧጎይታይ ኧሩእየ ድግሲ የሁምታ ተደዎጁዋ፤
+\v 18 ትዎሬዳሁዳ ኧንጉስሁኖይ በሰር ኧአርቭ ዳኛሁኖዋይ በሰር ኧፈረዝ ፈረዘኛይ በሰር ኧአረፓሪሚ ኧባሬያሜ ሁኖይ ባሰር እእስሞኋይ ኧሩኡሞኋ በሰር ኧሰቨ እንእ በሰር የሁዋ ብሮዋ»ባረኖም ።
+
+\v 19 እመኸቭ አዊቭ ሁዳይ አአፈር ኑጉስቪ ተጋዘኝሁኖዋ ብእማት ሆርሙታ ጓድ ፈረዝ ቴሬከቭ ጋዘኝ ይትዋኮዋይ በደሞጅዋይ አሸሁ
+\v 20 ዘንጋ ጭን አዊሁዳ ተጠበጠ ተሁዳመጋ ቢኢፍትሁኖይ ኖኦራ ወግ ዘንጋ ዬቭ ኧረፐረአሰተኛ ነቢ ተሁዳመጋ ተጠበጠ አሰተኛ ነቢ ወግ ዘንጋ ቦኖት አአዊይ ሁዳ መርኸት ኧቴኤፖርዋይ ኧአዊቭሁዳ ይሰጉጅዋ ኧረፖርዋ ሰቪ ያሰትኮዋ ባንደ ፤አሳተኝ ነቢቪ አዊም ሁዳ ውሬቸመሁኖዋ በአያምሁኖዋ ታነዋመኸ ቢይረድድካ በዲን እሳድ ባር ቃሸውዮም ።
+
+\v 21 አአዊይ ሁዳይ ጋዘኝሁ በጓድ ፈረዝ ፎር በቸናሁዳ ተአፉኋ ቢዋአካ ሴፍ ኦቶሪዮም ፤አቨራ ሁኖዋቭ በስርሁኖዋ ቦኖዮምታ ኦፎም ።
+
+\c 20
+\p
+\v 1 ተህም ቀጥውወ ኧሱዌር ጎጀ ይኮፍችኮዳ ቁልፍይ ኑኡየ ሰንሰለትቭ በኧጅኋ ኧጠበጠ መላይካ ተሳቯይ ቲወትካ አሸሁ ፤
+\v 2 ሁዳቭ ኧድረ ኧሳአር ጭረይ ፤ ደረቫ ኧዋርት ሼጣን ጠበጠንታ አት ሁቭ ዘቨር አከደን ።
+\v 3 እም ሁቭ ዘቨር ቲያርእ ስንተዋቴ ኧስቭሁኖዋ አያሳስትኮኸ መላአይካ ሁዳ ኧደረቫ ሁዳ በሲዌር ጎጀ ድረከረንታ ኤኤዎ ፤ በማተቭ ኤኤን ተሁም ዘቨር ቀጥወ ኧቀሪመጋ ደረቫ ሁዳ ኧትፈጆት አኖ ።
+
+\v 4 ተህም ቀጥወ ዙፏንኋ አሸሁ ፤በዙፏንሞኋ ፎር ይፈርጁዋይ ደረግ አዉዮዋ ሰቨ ቸኖም ባንደ ፤ኢኢየሱስ ምስክሪ ኧሆርዋይ ኧጎይታ ቃር ኤኤጅዋ ሁኖይ አገድሁኖዋ አጪዮዋ ሰቨይ ነፍስሁኖዋ አሸሁ ፤ሁኖም ኧአዊሁዳቪ ኧቭስርሞኋ አሰጎጅዋ ሰቨነዋ ፤ኧአዊ ሁዳይ መርኸት በጥባናመሁኖዋ ቢኸር በኧጅመሁኖዋ አቴኤፖርዋ ሰቨንዋ ፤ ሁኖም አያ ሆርሙታ ተውንድ ተረሾም ፤ተክርስቶስ እማትሜ ሁቭ ዘቨር ነጎሹም ።
+
+\v 5 ኧዋ ኢፍቲ ተውድ አትረሾዋ ኤኛ ኧዎጅዋ ሁኖዋ ጭን ሁቭ ዘቨር ቲያርእ ስን ተውድ አይትረሾታ ።
+\v 6 ተውድ ኧትረሾዋ ሁኖዋ ኧዳርዋ ቅዱሳኖዋ ፤ኧውሬተኝ ሙድ በሁኖዋ ፎር ደረግ አይረቭርኩዳ ፤ሁኖዋ ኧጎይታቪ ኧክርስቶስ ካሀን ይሆርቴ ፤ተሁኖም እማትሜ ሁቭ ዘቨር ይረጉሽቴ ።
+
+\v 7 ሁቭ ዘቨር ባነኧ ቀጥወ ሴጣ ተአኮጂ ኤኤዲ ይፎጄዴ ፤
+\v 8 በአለም እንእ አነውታ ሰቨ ጎግቭ ማጎግቭ አይኺርዋ ሁኖዋ ያሳስትኮይ ኧአርቭ ይረሳሳኮይ ይዋአኬ ሙዙርሞሁኖዋ በቯር ሞሬ ይረቭርካ አሻዋነኸ ።
+
+\v 9 ሁኖም በአለም እንእ ተቭራጮምታ ኧቅድሳን ቃያቪ ኢረሙጂዳ ከተማ ኼበቡም ፤ ዘጋ ጭን እሳድ ተሰቫይ ወንደታ በናኖም ።
+\v 10 አድፓፐረኖዋ ሴጣን ሽው አዊምሁዳይ ያድፓፑርታ ነቢይ አነውቴኤዲ ቢረድድካ እሳድ ዲን በቫር እሀ ቃሽውዮም እንመሁኖዋ በዋአናይ በኧዳአር ኧዘላለም ይትዎቆሽቴ ።
+
+\v 11 ተህም ቀጥወ ኑእየ ጓድ ዙፋንቪ በሁዳ ፍር ኧቸናወ ሁዳ አሸሁን አፈሪ ሰቫይ ቲኢፊትኋይ ሴኮም ኤኤድሞኋ አነኮውኖታ።
+\v 12 ኧዎጅዋ እንስ ንኡሞኋይ በዙፏንኋ ኢፊቲ በሾኮዋይ አሸሁኖም ፤መጥፍ ተከፈደ መጥፍ ኧዘላለም ይረውርታ ሰቨ ሹሁ ኧጥፍኮ ኤኛ መጣፍ ተከፈተቭ ፤ኧዎጁዋ ሁኖዋ ሜናሁኖዋ በመጣፍ ተጣፈ ኧትረከቨመኸ ኧቬናመሁኖዋመኸ ተፈንደዎም ።
+
+\v 13 ባር በከስኋ ኧረፖርዋ ኧዎጅዋ ሰቨ አውሙ ፤ሙድቪ ሲኦልቭ በሁኖም ከስ ኧረፖርዋ ኧዎጅዋ ሰቨ አውሙ ፤ እንትሞኋ ኤቬናሞኋኸ ተፈንደወ ።
+\v 14 ተህም ቀጥወ ሙድቪ ሲኦል ብእሳድ ቧር ቃሸውዮም እእሳድ ቧር ኧውሬተኛ ሙድን ።
+\v 15 ሹሞኋ በዘላለም ቢረቭርካ ሰቨ መጣፍ በጥፉይ አንትረከቨ እንዳም በእሳድ ባር ቃሰዊ ።
+
+\c 21
+\p
+\v 1 ትእም ቀጥወ ወያ ሰቫይ ውያ አፈር አሽሁ ኧአወተረ ሰቫይ ኧአወተረ አፈር ፎኮም ባንድ ፤ተዋቭ ቀጥወ ባር አይረቭርካ ።
+\v 2 ቅዱሱ ከተማ ወያቭ ኢየሩሳሌም ምስሻ ቲቴኤፐሪ ተቂማመጠችታ ቲኢየካ ምሽራ ተሰቫይ ተጎይታይ ቲወትካ አሽሁ ።
+
+\v 3 ሃአቨታ ኑእ ያኸራካ ቃር ተዙፏንኋ ቲዋአካ ሰማሁ « ኧጎይታ ቢቲኋ ተሰቨ እማትምኔ ፤ሁዳቭ ተሁኖም እማትሜ ይረቭር ፤ህኖም ሰቭኋ ይሆንቴ ፤ጎይታ ገግሞኃ ተሁኖም እማትሜ ይረቭርኬ ፤ጎይታሞሁኖዋ ይኸርኬ ።
+\v 4 እንእ ቴኤርሁኖዋ ይዋሽኖቴ ፤ተዋቴ ሙድ፥ ወይ ምጥጥ፥ ወይ ቢኸ፥ ወይ ምካት ፤ ተዋቴ አይረቭርካ ፤ኧዋኢፍቲ ኧረፐረ ዘንጋ ፈካ ።»
+
+\v 5 በዙፏንኋ ፎር ኧቸና ሁዳ «እን ዘንጋ ወያ ኤቭኬ ባረ »ሃአቭታ እመዳ ጣፍ ዋ ቃር ኧታአመረ ኧውረ ቃርን » ባረይ ።
+\v 6 ተህም ቀጥወ ዋኸ ባረይ ፤ «አልፋም ኦሜጋ አአወተረ ኧቀጥወ ኢያተንሁ ኧጠማን ኧዘላለም አያ ቲዬቭካ ምንጭ ዋጋ አይቫር ይሰጨኸ ኢቭኩዴ ።
+
+\v 7 በአመረወ ኧሸከቨ እመዳ ይወርስኬ ኢያቭ ጎይታ ኧኸርኩዴ ሁዳቭ ትከኛ ይኸርኬ ።
+\v 8 ዘንጋ ጭን ኧፈኛዲየ ጎይታ አያአውርዋ ኧሰነኸ ድቨኝ ተረከዋኸ ውጅር ይዶምታ ግኝ ዬውታ ኧቅርኝ ይሰጉጅታ ኦዋደኝ እንእ አጅግሁኖዋ ቢረድድካ ዲን እሳድ ባር ከስ ኧትቋሽት ይኸርኬ ። እመዳቭ ኧውሬተኝ ሙድን። »
+
+\v 9 ሰቫአቸ ኧጎይታ ኧቀጥወ ቅስፈትኋ ኧቬናው ሰቫት ጥዋኋ ተሰቫት መላአይካ አት ሁዳ ኢይይ ማአታ« ኧጣይ ሁዳ ሚሽት ኧኸረች ምሽራሂዳ አቲሽኸዴ » ባረይ ።
+\v 10 በመንፈስ አአት ኧኑኡየ ኧዴካ ቆቶይ ወሰደይታ ፤ቅዱስ ከተማ ኢየሩሳአሌም ተሳቫይ ተጎይታይ ቲወትካ አቴሸይ
+
+\v 11 ሁዳቭ በጎይታ ክብር ያትረክቭ ባንደ ፤ አትሮኩቱሞኋ ቡሼኤኸ ኑድ በኸረ እቭር ጥርር ምስታወደኸ ወለል ባረታ ኤኢያስጺድ ፤ እቁዋኸ ባንደ ።
+\v 12 አስራ ውሬት ኡፎቻ አነንዳ ኑእየ ዴካ ኧግብ ኦእር ባነንደ ፤ብእፎቻሞኋ አስራ ውሬት መላይካ ብእፎቻ ተሾኮምታ ኧአስራ ውሬቸ እእስራኤል ዘር ሹው ጣፊኮ ባንደ ።
+\v 13 ተራአኝኒነኋ ሶኦስት ኡፎቻ ተግዳሞሮኋ ሶኦስት ኡፎቻ ተቀነ አጋድኋ ሶኦስት ኡፎቻ ተጉራ አጋድኋ ሶኦስት ኡፎቻ ባነውተ ።
+
+\v 14 ኧከተማ ሁዳይ ኧግብ ኦኡር በአስራ ውሬት በኖኦራ እቭር ፎር ታረሸ ባንደ ፤አስራ ውሬቻ ኧጣይ ሁዳ ኪሸረኝ ሹው ብንሞሁኖዋ ተጣፈወ ባደ ።
+\v 15 ቲይቭ ይዝሬክ ኧረፐረ መላአይካ ኧከተማ ሁዳይ ኡፎቻኋ ኧግብ ኦኡር ይሰፍርዳ ኧወርቅ ዥር ባነንዳ ፤
+
+\v 16 ኧከተማ ሁዳ ዴክነድሞኋይ ሚየሞኋ አርቯአቸ አጋድኋ ቂጢየ ባንደ ።ሁዳቭ ከተማኋ በዥር ሁዳ ሰፈረን ዴክነድኋ አስራ ውሬት ሁም በኧር ኧረ ሚየሞኋይ ዴኪነድሞኋ ህመጣካአር ኸረ
+\v 17 ሀአቨታ ኧከተማ ሁዳይ እእቭር ግብ አኦሪ ኦኡር ድጅነድኋ ቤከን ፤ዴክነድኋ መላአክ ቢሰፍርወዳ በሰቭ ሱፍር በኧር አርቯ ህነ ባንደ ፤
+
+\v 18 እእቭር ግብሞኋ ኦኡር አኦሪ ተኢያሰጺድ ባነደ ፤ከተማሞኋ ኧቭስታወደኸ ጥርር ተኸረ ተወርቅ ኧታአር ባንደ ፤
+\v 19 ኧከተማ ሁዳይ ግብ ኑድ በኸ እቭር ኧትቂማሞጩዋአር ባኖውተ ፤ኧአተኝ እቭር ኢይስጲድ ኧውሬተኝ ሰንፔር ኧሶኦስተኝ ኬልቄዶን አርቫተኝ መርገድ ፤
+\v 20 ኧአምስተኝ ሰርዶንክስ ፥ ኧስድስተኝ ሰርድዮን ፥ ኧስቫተኝ ክርስቲሎቤ ፥ ኧስምተኝ ቢረሌ ፥ ኧዢኧኝ ወራውሬ ፥ ኧአስረኛ ክርስጵራስስ ፥ ኧአስራ አተኝ ያክንት ፥ ኧአስራ ውሬተኝ ሁዳ አሜቴስጢኖስ ባነደ ።
+
+\v 21 አስርራውሬቸ ኡፎቻ አስራውሬት እንቁ ባነዎተ ኡፎቻ ሁኖዋ ኧትረሾዋ ትእማት እንቑ ባንደ ኧከተማሞኋ ቡር መያ ኧትረሸ ኧቭስታወተኸ ወለል በቫረ በጥርር ወርቅ ባንደ ።
+\v 22 እን ይኸነዳ ጎይታይ ጣይ ሁዳ ኧዋ ከተማ መቅደስኋ ኧሆርዋይ በዋ ከተማ ኤኟ መቅደስ አናሸኋ
+
+\v 23 ኧጎይታ ክብር ኧእዋየ ይኩይ ኧኸሬ ጣይሁዳ መብራት ኧኸሬ ፤ኧከትአማኋ እዋየ ዌይ ዳናአ ይትረክዋይ አያሲካ ።
+\v 24 ሰቭ ሁኖም ብእዋየኋ ይዥፖፖርዋቴ ኧአፈር ኑጉስ ሁኖዋ እንዳም ክብርሁኖዋ ኧሁዳይ ያዎኦዎቴ።
+\v 25 በህሜ ኧዳር ኤኔ ኧኸሬ ኡፎቻመሁኖዋ ስርም አይኢዮታ ።
+
+\v 26 ኧቨንግስት ሁኖይ እንእ ግርማሞሁኖዋይ ክብርመሁኖዋ ኧኽም ከተማይ ይገኦቴ ።
+\v 27 አይሽርኳአር ስርም ኧሃ ከተማይ አይገቫካ ፤ሙጥጥ ዬውታ ፍጥረት ይዝሬኵዳ ሁዳ ስርም በሃ ከተማ ስርም አይገቫካ ኧዘላለም አያ ሂቶዋ ይረውቴ ቢይር በጣይ ሁዳይ መጣፍ እማት ኧጣፊዮዋ ሁኖዋ ይጎኦቴ ።
+
+\c 22
+\p
+\v 1 ተህም ቀጥወ መላአይካ ሁዳ ተጎይታቪ ተጣይ ሁዳይ ዙፏን ይዋአካአር ኧቭስታወደኸ ኧጠነረ አያ ዬቭካ እሀ አቴሽይ
+\v 2 እም እህ በከተማኋ በቡር ሜያ ግት ዠኧረታ ያር ባንደ ብእሀ ሁዳ በጉራይ በቀነሞኋ አያ ዬቭካ ኤኧ ባነደ እም ኤኧ በቨኝ በኝ ቡሽር ባውት በህርቭ አስራውሬትመጋ ያፎይ ባንደ እእም ኤኧ እዝር ኧሰቭ ኡዛ ባነደ ።
+
+\v 3 ተዋ ቀጥወ አታአር ስድቭ ስርም አይረቭርካ ፤ ኧጎይታሜይ ኧጣይ ሁዳይ ዙፏን በከተማሁዳ ግት ይኸርኬ ፤አገልጋይሞኃ ይሰጉጅነዴ።
+\v 4 ኢፍትሞኋ ያዢዴ ሹሞኋ በጣባናሁኖዋ ፎር ይኸርኬ ።
+\v 5 ቀጥወ ኧዳር አይረቭርካ ጎይታሁኖዋ እእዋየ ኸረታ ያትረኩውኮይ ኧኸሬ እዋየ ዌይ ዳናአ አያትኬሽኮታ፤ ሁኖም ኧዘላለም ይረጉሽዋቴ ።
+
+\v 6 መላአይካ ሁዳ ዋኸ ባረይ ፤«ዋ ትጠፍኩዳ ቃር እንእ ኧታአመረዳናአር ኧውረምናአር ፤ኧነቢያት መንፈስ ጎይታንራ ቢኢናወ ቀረ ይኸርካ ዘንጋ ኧአገልጋይኋ ያቲሸኸ መላአይካኋ ኬሸ » ባረይ ።
+\v 7 «ኢየሱስ ኢያ አፊጢተሁ አአሴ ፤በዋ መጣፍ ኧጣፈ ኧትቢት ቃር ይኢየካ ሰቭ ኧዳረዳናአር »ባረ።
+
+\v 8 እም ዘንጋሁኖዋ ኧሰማሁይ አሸሁ ኢያ ዮሐኒስንሁ ። እም ዘጋሁኖም በሰማሁመጋይ ባሸሁ ግዚየ ፤እም ዘንጋሁኖዋ ባቴሼ መላአይካ ኧሰግድኔ በኧግርኋ ሚዬ ኢፍትኢፍት ተፌጠሁ ፤
+\v 9 መላአይካ ሁዳ ጭን « ትእ ኧዋኸአር አተና ኢያቭ ታኸ ተኸሰማትማኸ ተነቢያትመጋ ኧጣፈ ቃር ቲኢዮታ ሰቨመጋ ኧጎይታ ባሬያንሁ ፤ ኧጎይታ ስገድ » ባረይ ።
+
+\v 10 ዋኸባረይ፤«ግዚየኋኧሰናይኧኸሬ ፤ ኧዋመጣፍ ኧትንቢት ቃር በማተብ አትዝጋኩ
+\v 11 ተዋ ቀጥወ ቡሼ ዬካ ሰቨ በውሼነድኋ ሙጥጥ ዬቭካ ሰቨ በሙጥጥነድኋ ኧናወ ጻዲቅ ሁዳ ኧጽደቅ ቅዱስ ሁዳ ኧትቀደስ » ባር ።
+
+\v 12 ኢያቭ ብደይተሁ ኧቫአኬ ፤ እንሞኋ ኧቬናሞሀኸ ኢያ ኧከስኩዴ።
+\v 13 አልፋቭ ዖሜጋቭ ኢኢፍትሞኋይ አአወተረሞኋቭ ኧቀጥዎሞኋ ኢያተንሁ ። »
+
+\v 14 አያ ቲዬቭካ ኤኧ ቡስር ይወሮዋኸ በከተማ ሁዳ ኡፎቻ ይጎኦዋይ ይኸኖዋኸ ውጅርሁኖዋ ፥ ኤቬጠርዋ ሁኖዋ ኧሳርኮዋ ።
+\v 15 ቀቨጥ አይቫር ግኝ ዬውታ ሁኖዋ ኸረኮዋኸ ውጅር ይደምጅዋ ደቨኝ ፥ ኧቅርኝ ይሰጉጅዋታይ ዋራይ ይሮምጅዋኸ ዬውታ እንእ በሰቻ አጋድ አነዋ ።
+
+\v 16 «ኢያ ኢየሱስ ዋ ቃርኛ አሁዋ ይኢጅዋኩዋይ መላአይካኛ ኧቤተክርስቲያኒ ኬሸሁ፤ኧዳዊት ኧስርሞኃይ ዘርኋ ኢያተንሁ ፤ያትረክቭካ ኧጋአት ሆሆ ኢያተንሁ ። »
+
+\v 17 መንፈስ ቅዱስ ምሽራ ሁዳ« የኸ » ዩርዋ ይሰቫካ «የኸ » ኧቫር ፤ ኧጠማን እንእ አአታ ኧሴኤኸ ኧዘላለም አያ ቲየቭካ እሀ ዋጋ አይቫር ኧስጠይ ። »
+
+\v 18 በዋ መጣፍ ኧጣፉይ ኧቲንቢት ቃር ይሰቫካ እንእ ኢያ አጬፕኩዴ ፤ ማኒሞኋ በዋ ቃር ፎር አታአር ቢዳቨር ጎይታ በዋ መጥፍ ኧጣፈ ማቅሰፍት ይደቭርወዴ
+\v 19 ማኒሞኋ በዋ በትንቢት ተጣፉይ መጣፍ ቃር አት ዘንጋ ቢያቀቭር በዋ መጥፍ ቴኤጂ አያ ቲዬቭካ ቴኧ ቡስርቪ ተቅዱስ ከተማ ሟርኋ ጎይታ ያቀቭርዎዴ ።
+
+\v 20 ኧዋ እንእ ዘንጋ ምስክር ኧኸረ ሁዳ « እከ ብደይተሁ ኧቫአኬ » ይቭር አሚን ጌታ ኢየሱስ የኸ ።
+\v 21 ኧጌታንራ ኢኢየሱስ ጠጋ ተጎይታ ሰቭመጋ ኧህር፤አሚን ።

contributors.txt

@@ -0,0 +1,5 @@
+    - "ABERAWOLDE"
+    - "Abera Wolde "
+    - "Burje"
+    - "Burje Duro"
+    - "Kaleab "

issues.txt

@@ -0,0 +1,90 @@
+mt token has ASCII value in MAT
+No non-English book title for MAT
+Empty verse: MAT 2:5
+Empty verse: MAT 3:1
+Angle bracket not closed at MAT 5:33
+Angle bracket not closed at MAT 18:29
+Angle bracket not closed at MAT 18:32
+Angle bracket not closed at MAT 20:31
+Angle bracket not closed at MAT 22:4
+Angle bracket not closed at MAT 22:12
+Angle bracket not closed at MAT 24:5
+Angle bracket not closed at MRK 2:7
+Empty verse: MRK 6:51
+Angle bracket not closed at MRK 7:6
+Angle bracket not closed at MRK 8:28
+Empty verse: MRK 10:41
+Empty verse: MRK 11:29
+Angle bracket not closed at MRK 12:19
+mt token has ASCII value in LUK
+No non-English book title for LUK
+Empty verse: LUK 1:55
+Empty verse: LUK 20:42
+Angle bracket not closed at LUK 24:23
+mt token has ASCII value in JHN
+No non-English book title for JHN
+Empty verse: JHN 1:8
+Empty verse: JHN 9:32
+Angle bracket not closed at JHN 13:13
+Empty verse: JHN 14:25
+Empty verse: JHN 18:8
+mt token has ASCII value in ACT
+No non-English book title for ACT
+Angle bracket not closed at ACT 4:25
+Empty verse: ACT 13:40
+Empty verse: ACT 22:6
+mt token has ASCII value in ROM
+No non-English book title for ROM
+mt token has ASCII value in 1CO
+No non-English book title for 1CO
+Empty verse: 1CO 1:6
+Empty verse: 1CO 7:17
+Empty verse: 1CO 9:15
+Angle bracket not closed at 1CO 14:21
+mt token has ASCII value in 2CO
+No non-English book title for 2CO
+Empty verse: 2CO 2:3
+Empty verse: 2CO 6:17
+mt token has ASCII value in GAL
+No non-English book title for GAL
+Empty verse: GAL 1:3
+mt token has ASCII value in EPH
+No non-English book title for EPH
+mt token has ASCII value in PHP
+No non-English book title for PHP
+mt token has ASCII value in COL
+No non-English book title for COL
+mt token has ASCII value in 1TH
+No non-English book title for 1TH
+mt token has ASCII value in 2TH
+No non-English book title for 2TH
+mt token has ASCII value in 1TI
+No non-English book title for 1TI
+mt token has ASCII value in 2TI
+No non-English book title for 2TI
+mt token has ASCII value in TIT
+No non-English book title for TIT
+mt token has ASCII value in PHM
+No non-English book title for PHM
+mt token has ASCII value in HEB
+No non-English book title for HEB
+mt token has ASCII value in JAS
+No non-English book title for JAS
+mt token has ASCII value in 1PE
+No non-English book title for 1PE
+Invalid USFM token (\በዳ) near 1PE 2:23
+mt token has ASCII value in 2PE
+No non-English book title for 2PE
+mt token has ASCII value in 1JN
+No non-English book title for 1JN
+Empty verse: 1JN 2:4
+mt token has ASCII value in 2JN
+No non-English book title for 2JN
+mt token has ASCII value in 3JN
+No non-English book title for 3JN
+mt token has ASCII value in JUD
+No non-English book title for JUD
+mt token has ASCII value in REV
+No non-English book title for REV
+Empty verse: REV 9:20
+Empty verse: REV 12:3