See in Reader
82 lines
10 KiB
Plaintext
82 lines
10 KiB
Plaintext
\id 2PE
|
|
\ide UTF-8
|
|
\h 2 Petero
|
|
\toc1 2 Petero
|
|
\toc2 2 Petero
|
|
\toc3 2pe
|
|
\mt 2 Petero
|
|
\c 1
|
|
\cl Chigabi 1
|
|
\p
|
|
\v 1 Ama maruba marhenger'emwani nyono Simoni Petero, mukozi na ntumwa ya Yesu Kristu. Mbayandikire mwabo mwali chihebere haguma nerhu mu bulala bwemere bukulu oku njira y'okuli kwa Nyamuzinda werhu na Muchunguzi Yesu Kristu.
|
|
\p
|
|
\v 2 Namabahemer'olukogo n'omurhula oku bunene ku kulikira na kulala mu mumenyere Nyamuzinda na Yesu Nahano werhu.
|
|
\v 3 Oku buhashe bwage, Nyamuzinda arhurheganyize ebintu byoshi rhulonzeze omu kalamo kerhu mpu yirhubon'obulyo b'oku gwarha bwenene n'oku muharamya olala warhuhamagalaga rhushangir'obukuze b'obwinja bwage yenine.
|
|
\v 4 Kukulikira na ntyo, arhuher'echiragane chinja bwenene yi mugala kuchilanga n'obubi buli bw'alerhwa n'enyifinjo zibi z'egulu n'obuba n'oborhere bwa Nyamuzinda.
|
|
\v 5 N'enyanya lyantyo, mube n'obushiru b'okuyushul'obwinja enyanya z'obwemere bwenyu, n'obumenyi enyanya ly'obwinja bwenyu,
|
|
\v 6 obushinganyanya enyanya z'obumenyi bwenyu, okulembera enyanya z'obushinganyanya bwenyu, kukulikira n'aka Nyamuzinda enyanya z'okulembera kwenyu,
|
|
\v 7 obuguma enyanya z'okukulikirana n'aka Nyamuzinda, n'obuzigir'enyanya z'obuguma bwenyu.
|
|
\v 8 Bunola mukagwarha ezila ngeso oku bunene, z'abah'obuhashe b'okukola n'oku burh'amalehe kugera akasanzi mwamumenya Nahano werhu Yesu Kristu.
|
|
\v 9 Alik'omuntu orhaherh'ezola ngeso, eli mpumi, arhakabona. Yewe ayibirire oku achesezwe kurheng'omubyaha byage bya mira.
|
|
\v 10 Na ntyo beneberhu, kukulikira n'oku mwalondwerwe n'oku hamagalwa na Nyamuzinda, muchihangane bwenene mucheswe mw'eyola njira. Mukanjira ntyo murhakakumbagala haba n'ehityu.
|
|
\v 11 Bunola, omukujira ntyo, mwayemerwa omu Bwami bw'esiku n'amango bwa Nahano na mwami werhu Yesu Kristu.
|
|
\p
|
|
\v 12 Enyanya lya ntyo, nagendekera kubayibusa eyi myazi esiku zoshi chiro mwakaba mubimenyere n'okucheswa omukuli mwa yankiriraga.
|
|
\v 13 Mbwene oku kuli kwinja mbazuse omu kubayibusa eyi myazi akasanzi koshi k'akalamo kani.
|
|
\v 14 Bunola menyer'oku nalinga rhenga muguno mubiri g'okufa nka kulala Nahano werhu Yesu Kristu anyerekaga bwinja bwinja.
|
|
\v 15 Nachihangana bwenene mbah'enjira y'okugala kuyibuka eyi myazi esiku zoshi enyuma z'okufa kwani.
|
|
\v 16 Na ntyo, amango rhubamenyisa obuhashe n'okugaluka kwa Nahano werhu Yesu Kristu, rhwabo rhurhali koleseze engano z'obubeshi zayandikwagwa n'obulyalya. Aliko rhwalichibwenere oku masu gerhu obuhashe bwage.
|
|
\v 17 Bunola, alihabirwe olukengo n'obukuze kurheng'e mwa Nyamuzinda darha, amang'omulenge g'obukuze bunene kurheng'emwa Nyamuzinda gwamugereraga n'okuderha: Oyu, ali mwana wani musimwa, nsimisizwe naye bwenene!
|
|
\v 18 Nerhu rhwenine rhwaliyunvirh'ogo mulenge kurheng'omu mpingu amango rhwaliri naye oku ntondo echesizwe.
|
|
\v 19 Kona kuguma olangalire oburhumwa bwayalagazwaga n'abalebi. Mwabo mwajirire bwinja oku kulikir'obola burhumwa. Obo burhumwa, bunali nka lwenge luli lwakoleza omu mwizimya, kuger'akasanzi k'omuseke n'akasanzi k'enkunu y'esezi yayinja kulezeza emirhima yenyu.
|
|
\v 20 Embere za byoshi, mumenye oku nta muntu wakagala kuhugulira yewe yenine obulebi buli omu mandiko machesibwa.
|
|
\v 21 Bunola nta burhumwa boshiboshi bwaderherwaga n'obulonza b'omuntu, aliko abantu bayalagazaga oburhumwa kugerera Nyamuzinda barhambwirwe na Muka Muchesibwa.
|
|
\c 2
|
|
\cl Chigabi 2
|
|
\p
|
|
\v 1 Miramira abalebi b'obubeshi barhengeraga omu bantu, kunakuguma abalebi b'obubeshi barhengera ahakagarhi kenyu. Aba bantu babahiramw'enyigirizo z'obubeshi omu bwibisho, n'okulahira Nahano wabachungulaga n'okuchilerhera obubi dubaduba.
|
|
\v 2 Bantu banene bashimbulir'ebijiro byabo bibi n'enyanya lyantyo, enyigirizo za Nahano zabonererwa.
|
|
\v 3 N'enyanya ly'enyifinjo zabo zibi y'ebikulo, ababigiriza b'obubeshi bachiha nyungu enyanya zenyu kugerera enjira z'obubeshi. Aliko kurhenga mira olubanja lwabo lwayalagezwe, nabo barhalegema kulibuzwa.
|
|
\v 4 Bunola Nyamuzinda arhababaliraga balala ba malayika bajirag'echaha, aliko abakabula omuchihenama. Bowe bali omola, bashwekerwe n'amalegule omu mwizimya gunene yibalinga lula lusiku l'olubanja.
|
|
\v 5 Nyamuzinda arhababalirag'egulu lyamiramira, aliko alimubishire Nowa, mwigiriza w'okuli, haguma na bandi bantu mushanvu amango alerh'obudindi bw'amenji enyanya w'elyola gulu ly'obubi.
|
|
\v 6 Kona kuguma Nyamuzinda achirag'olubanja echihugo ch'e Sodomo n'e Gomora anachiyosa oku muliro. Kugerera eyo njira, ayerekana olwiganyo lw'ebintu nji byayinja enyanya w'abantu babi.
|
|
\v 7 Nyamuzinda alimuchungwire Loti, muntu w'okuli, w'agayiswaga bwenene n'oborhere bubi bwabalala bantu babi.
|
|
\v 8 Bunola oyola muntu w'okuli, alilamire ahakagarhi k'abantu babi, alem'ayunva n'okuyunva ngasi lusiku ebintu by'okugayis'omurhima gwage g'okuli.
|
|
\v 9 Na ntyo, Kokuderh'oku Nahano ayinji gurh'achungula abamuyubaha omu marhangulo. Aliko aherh'alinga okulibuza abantu babi olusiku l'okuch'olubanja.
|
|
\v 10 Na bwenene nj'alibuza balala balamire kukulikira n'enyifinjo zibi z'omubiri n'okubonerer'obuhashe bwa Nyamuzinda. Abo bigiriza b'obubeshi bali banya burhe, b'okuchibarhula, barhayubahire kujachira ebiremo bichesebwe by'omu Mpingu.
|
|
\v 11 Chiro byakanaba ntyo, bamalayika babalushir'emisi n'obuhashe barhaba sidakire kubi k'okubajachir'embere za Nyakasani.
|
|
\v 12 Abo bigiriza b'obubeshi banali nka by'elubala birhaherhe bwenge biburhwa enyanya z'okufarhwa n'okubagwa konine. Bowe banaderha kubi enyanya lya ngasi chintu barhamenyere. Balimbulwa kukulikira n'obubi bwabo bonine.
|
|
\v 13 Bahembwa amalibuko enyanya ly'amalibuko balerhaga. Banasima kuyukiriza oku mugaragaro enyifinjo zabo zibi ezuba lyakola. Okuhika kwabo oku buhya bwenyu yi kwalerh'eshonyi n'omugayo gunene akachanji yibasimiswa n'ebijiro byabo by'obuhwinja.
|
|
\v 14 Amasu gabo gabumbire buhushi. Bowe barharhama okujir'ebyaha. Banakulula abantu barhazi sera. Barhambwirwe n'enyifinjo z'okubon'ebikulo. Abobantu bakomerwe!
|
|
\v 15 Baleker'enjira y'okuli n'okuhera kukulikira elala njira ya Balama, mwene Beori, akulikiraga. Oyula, alisimire abon'ebikulo omu njira erhali y'okuli,
|
|
\v 16 aliko akwamwa enyanya z'obubi bwage. Na ntyo Punda, erhaderha, yaderha nka muntu n'okulahiz'echila chijiro ch'obuhwinja ch'oyula mulebi.
|
|
\v 17 Abo bigiriza b'obubeshi kubanali nka bisima byayumira mw'amenji, kubanali nka bichu bili byahekwa n'omuhusi; enju zabo zirheganyizwe omu mwizimya gunene.
|
|
\v 18 Bunola kugerera emiderhero yabo y'okuchibarhula erhanaherhe kamaro, kandi kugerera enyifinjo zabo zibi z'omubiri, balibakulula abantu babaga barhondere kuchibishabo, na balala balamire omu buhwinja.
|
|
\v 19 Balibalaganya abandi bantu mpu bashwekulwa nabo bowe bonine bali bashwekwa bw'obubi. Bunola ngasi mutu ali muja w'echintu choshichoshi chimurhambwire.
|
|
\v 20 Kukulikira n'ebyo, akaba abantu bashuhukire kulama omuzinga lya linola gulu kugerera okumumenya Nahano n'Omuchunguzi werhu Yesu Kristu, nabo bashuba bigalukira kandi n'okurhambulwa nabyo, oborhe bwabo bwaba bubi kulusha bulala burhanzi!
|
|
\v 21 Bulala lyakabere ragi emwabo nkababeraga buzira kumenya enjira y'okuli, hakuyimenya n'okulek'elyo rhegeko lichesibwa bahabwaga.
|
|
\v 22 Ebyola bajirire byebiyerekene bwinja omugani guderhere: Nyakabwa agalukire ebishaliza byage kandi: Engulube yaliyozezwe yagalukire kuchigalagula omubishoho!
|
|
\c 3
|
|
\cl Chigabi 3
|
|
\p
|
|
\v 1 Beneberhu, amala, makala maruba makabiri namabayandikira. Mwama maruba moshi mabiri nalonzaga nzuse omu ndalala zenyu enkengero zichere yimugala kuyibuka ebi binwa.
|
|
\v 2 Shondere muyibuke ebinwa byaderwaga miramira n'abalebi bachesezwe na lilala rhegeko lya Nahano wenyu.
|
|
\v 3 Embere za byoshi, mumenye oku omu siku zizinda nji hayinj'abantu bashondere balame kukulikira n'enyifinjo zabo bonine. Nji balema babashekera
|
|
\v 4 n'okuderha: Alaganyaga mpu ayinja! lero, ngahe ali? Bunola, kurhenga okufa kwa bashokulu ebintu byoshi bigendekere okuba nk'oku byanaliri kurhenga oku lemwa kw'egulu.
|
|
\v 5 Ababantu bayibirire oku bulonza bwabo oku kurhenga mira Nyamuzinda akazagiderha konine, n'egulu n'empingu zabaho. Egulu lyalemagwa kurheng'omu menji na kugerer'amenji.
|
|
\v 6 Konakuguma kukulikira nebyo, egulu lya mira lyalibuzwaga omu kuyunjulirana kw'amenji.
|
|
\v 7 Aliko oku misi y'ogo mwazi gonogo, empingu n'egulu bya zene biliho nka bugale enyanya w'okuyoswa oku muliro. Bibikirwe enyanya w'olo lusiku abantu babi nji balibuzwa n'okuchirwa olubanja.
|
|
\p
|
|
\v 8 Aliko bazigirwa bani, hali mwazi muguma murhakwanene kuyibirira: embere za Nahano, lusiku luguma luli nka myaka chihumbi na myaka chihumbi kwenali nka lusiku luguma.
|
|
\v 9 Nahano arhalegama kuhikiriza echiragane chage nka kulala baguma banaganiza. Yewe analemb'enyanya zenyu, bunola arhashondere chiro na muntu muguma ahere, aliko ashondere abantu boshi bahindamuke kurheng'omu byaha byabo.
|
|
\v 10 Olusiku Nahano nj'agaluka, nji byaba nka kulala echishambo chiyinja. Olo lusiku, empingu nji zahera kumudindiri gunene, n'ebiremwa byoshi biri byamoleka omu mpingu nji byahirima. Egulu n'ebilimo byoshi nji byalimbulwa.
|
|
\v 11 Na ntyo, bunol'enbintu byoshi nji byabiha ntyo, mwabo mukwanene mulame akalamo kachesizwe n'okukulikira emisa,
|
|
\v 12 omukulinga n'okushunik'olusiku lwa Nyamuzinda luyinje duba; lolusiku empingu nji yayayuswa n'omuliro, n'ebirimo byoshi biri byakoleza omu mbingu nji byayayuka.
|
|
\v 13 Aliko, kukulikira n'echiragane cha Nyamuzinda, yirhwalinga oku nji haba empingu mpyahya n'egulu lihyahya, ahantu okuli nji kwaba.
|
|
\p
|
|
\v 14 Enyanya lya ntyo, bazigirwa bani, okumunali mwalinga ebyo bintu, mujir'obushiru ababugane muchere buzira zinga lyoshi lyoshi munayikale n'omurhula haguma naye.
|
|
\v 15 Mumenye oku enjira y'oku lembera kwa Nahano werhu kali kasanzi kenja abahere mpu yimugala kuchungulwa. N'ebyo kuli kukulikira na kulala mwenewerhu muzigirwa Paolo abayandikiraga arhambwirwe n'obwirhonzi ahabwaga na Nyamuzinda.
|
|
\v 16 Ntyo kw'ayandikaga omu maruba moshi mwaderhaga enyanya z'ebi binwa. Aliko mwezo baruba mub'eyindi myazi ekomere okuyiyunva. N'abantu barhaherh'obwenge n'abarhachesezwe babanalema bayihindamula hindamula nka kulala banahindamul'eyindi myandiko echesizwe. Kw'eyola njira, baherhe bachilibuza bonine.
|
|
\v 17 Nantyo mwabo bazigirwa bani, mwamenyere eyila myazi. Muchilole bwinja mwakahezwa n'obubi bwabanyakol'amaligo n'okubul'okuyimanga bwinja.
|
|
\v 18 Aliko mugendekere kukula omu lukogo n'omukumumenya Nahano n'Omuchunguzi werhu Yesu Kristu. Akuzibwe, zene n'emyaka n'emyaka! Amina.
|