See in Reader
150 lines
15 KiB
Plaintext
150 lines
15 KiB
Plaintext
\id 1PE
|
|
\ide UTF-8
|
|
\h 1 Petero
|
|
\toc1 1 Petero
|
|
\toc2 1 Petero
|
|
\toc3 1pe
|
|
\mt 1 Petero
|
|
\c 1
|
|
\cl Chigabi 1
|
|
\p
|
|
\v 1 Petero, ntumwa ya Yesu Kristu, oku balondolwaga baliri bahisi bashandazwaga omu Ponto, Galatiya, Kapadokiya, Asiya, n'e Bitaniya,
|
|
\v 2 nka kula Nyamuzinda darha abamenyaga burhanzi omu buchesibwa bwa Muka, oku bukenge n, okushukirizwa kw'eshagama ya Yesu Kristu. Olukogo n'omurhula biyongerw'emwenyu.
|
|
\p
|
|
\v 3 Agishwe Nyamuzina, Darha wa Nahano werhu Yesu Kristu, washubaga rhuburha oku lukogo lwage lunene mpu rhube n'omunihiro gw'akalamo kw'obufuke bwa Yesu Kristu oku rheng'omu mifu,
|
|
\v 4 rhube n'akashambala karhabihire, karhaherhe zinga changwa karhakakeha, mwabikirhwaga obuhirhi empingu.
|
|
\v 5 Nenyu mulangirwe n'emisi ya Nyamuzinda oku njira y'obwemere yi muba n'obuchunguke buli hofu oku menyikana oku mango gw'obuzinda.
|
|
\v 6 Omuyewe mwana shagaluka bwenene, akaba omu mango gageke, nka kwa bulagirire mugayisizwe oku marhangulo ga ngasi lubero,
|
|
\v 7 mpu okurhangulwa kw'obwemere bw'enyu, bugwerhe akamaro kulusha ehoro ebihire chiro ya kaba ya rhangwirwe n'omuliro, oku bonekana kw'obushagaluke n'obukuze n'erenge ly'oku funulwa kwa Yesu Kristu.
|
|
\v 8 N'olala murhabwene mwanamusima, omu yewe chiro akaba murhamubwene, aliko muka muyemera; mwanashagalukira bwenene oku bushagaluke burhakagalwa kuderhwa bula bubumbire bukuzwe,
|
|
\v 9 mukahabwa obuzinda bw'obwemere bwenyu, obuchunguke bw'akalamo kenyu.
|
|
\v 10 Omu myazi y'obuchunguke buno bw'abalebi balonzaga n'okulolereza, bowe balebaga enyanya y'olukogo nji lwa bagerera mwabo.
|
|
\v 11 Balonzag'omu mango machi ga Muka gwa Kristu wali omu kagarhi kabo ayerekana amango ahamirizwaga embbere z'amalibuko Kristu njabona, n'obukuze nji bwakulikiraho.
|
|
\v 12 Bafunulirwa mpu arhali enyanya zabo aliko enyanya zenyu bakolaga mweno myazi, ya yigirizwaga emwenyu na balala baba yigirizaga omwazi g'omurhula gwa Muka muchesibwa wa rhumagwa kurhenga empingu. Eno myazi Malayika wanachifija oku yibona.
|
|
\p
|
|
\v 13 Na ntyo, mukashweka omukaba omu bibuno by'enkengero zenyu, mube masu, munalangalire oku hikirira kw'olukogo nji mwalerherwa omu kufunulirwa kwa Yesu Kristu.
|
|
\v 14 Nk'abana bw'oku kenga murhashushanyizwaga n'enkengero za mira, z'obu hwinja bwenyu;
|
|
\v 15 aliko nkaba olala wabahamagalaga ali muchesibwa, nenyu kon'oko mube bachesibwa omu lugendo lwenyu loshi;
|
|
\v 16 bulala biyandikirwe: Mube bachesibwa; bulala nani mba muchesibwa.
|
|
\v 17 Na kaba mwakahamagala Darha, yewe yechira ngasi muntu olubanja buzira kalondole, kukulikira na kasi kage, mugendekere n'obuba omu mango genyu mwaba muchiri hano nka bahisi;
|
|
\v 18 mukamenya ku muchungwirwe, arhali oku bintu bibihire, oku furanga changwa ehoro, mube mwarhengere omu lugendo lwenyu lurhashinganene mwahabwaga na bayisho;
|
|
\v 19 aliko oku shagama y'akamaro, nka ya chibuzi chirha gwerhe shembu changwa chibala, shagama ya Kristu.
|
|
\v 20 Naye amenyikene okuli embere z'oku heba h'omurhondero gw'egulu, aliko achiyerekene oku buzinda bw'amango enyanya zenyu,
|
|
\v 21 nenyu oku njira yage mwana yemera Nyamuzinda wa mufulaga omu mifu n'oku muha obukuzwe; chiro obwemere bwenyu n'obulangalire bwenyu bube omu Nyamuzinda.
|
|
\v 22 Mukaba mwachesize emirhima yenyu oku bukenge bw'okuli, chiro kugerer'obuzigire bw'okuli bwa mwene wenyu, musimane n'obushiru oku murhima gwinja.
|
|
\v 23 Bulala mwa shubire kuburhwa, arhali oku mburho ebihire, aliko okw'elala erhabihire, oku mwazi gwa Nyamuzinda guherhe akalamo k'esiku n'amango.
|
|
\v 24 Bulala emibiri yoshi eri nka birhi, n'obukuzwe bwabo boshi buli nka bwaso bw'ebirhi. Ebirhi byana yuma, n'obwaso bwabyo bwana yuma;
|
|
\q2
|
|
\v 25 Aliko omwazi gwa Nahano gwabera amango goshi. Na guno gw'omwazi gw'omurhula mwa yigirizwaga.
|
|
\c 2
|
|
\cl Chigabi 2
|
|
\p
|
|
\v 1 Na ntyo mulekage ngasi bubi, ngasi bubeshi n'obulyalya bw'oku chifija;
|
|
\v 2 Nka bana badorho ba chiburhwa, muchifij'amarha gw'omurhima garhali ga buhwinja, gabakuze haguma n'obuchunguke;
|
|
\v 3 akaba mwabwene oku Nahano ali munya bonjo.
|
|
\v 4 Na mukaja emwage, bale liherhe akalamo, lyalahirwaga n'abantu, aliko lya chishogwa na Nyamuzinda, liherhe olukengo.
|
|
\v 5 Nenyu kon'oko, nka mabale ga zene, mwayumbakirwe mube nju ya Muka, budahwa buchesibwa, kurhula entulo z'omurhima, z'oku simisa Nyamuzinda oku njira ya Yesu Kristu.
|
|
\v 6 Bulala biyandikirwe omu mandiko: Talaga, na mabika omu Sayuni ebale linene ly'eburhambi, lilondwerwe, liherhe obukenge; N'omuyemerere arhakabona eshonyi.
|
|
\p
|
|
\v 7 Na ntyo buno bukuzwe buli bwenyu mwebemezi. Aliko oku barhayemerere: Ebale abumbasi balahiraga, lyaber bale likulu ly'eburhambi;
|
|
\p
|
|
\v 8 na: Bale ly'okusirhaza n'abale ly'okuheza; bulala bana sirhala k'og'omwazi eyi bakaba barhayemerere; nabo bahebagwamo mpu yi bayunv'ogo mwazi.
|
|
\v 9 Aliko mwabo muli shanja lishogwa, budahwa bw'obwami, mulala guchesibwa, bantu bali bugale bwa Nyamuzina yenine, mpu muyamagaze obwinja bwage owabahamagalaga kurheng'omu mwizimya muje omu bulangashane bwage bw'oku someza;
|
|
\v 10 mwe murhali lubaga lwage mira aliko buno mukala lubaga lwa Nyamuzinda mwe murhagwerhe chababalirwa buno mukala muhabirw'obonjo.
|
|
\p
|
|
\v 11 Bira bani, mbahunire mweshi, nka bahisi n'abalambagizi, mulahir'enyifinjo z'omubiri zina lwisa omu rhima.
|
|
\v 12 Mube n'olugendo lwenyu lwinja omu bapagani; mpu oku myazi banabashobeka mwabo mpu muli banyankola maligo, babone ebijiro byenyu binja bana kuze Nyamuzinda esiku z'olubanja.
|
|
\p
|
|
\v 13 Mukenge ngasi rhegeko ly'abantu enyanya za Nahano; nkaba mwami nkaba munya bukulu bwenene,
|
|
\v 14 changwa nkaba bagoverineri, barhumirwe naye mpu babalibuze n'ebijiro bibi, n'okukuza abajira amenja.
|
|
\v 15 Bulala ebyo b'obulonza bwa Nyamuzinda, bulala okujira amenja mwana siz'obuhwinja bw'abantu bahwinja.
|
|
\v 16 Nkaba muli mweru kweru, aliko murhajiraga okuba mweru kweru kwenyu omu kushukira obubi, aliko nka ntumwa za Nyamuzinda.
|
|
\v 17 Mukenge abantu boshi. Musime bene benyu. Muyubahe Nyamuzinda. Mukenge mwami.
|
|
\p
|
|
\v 18 Bashizi, mukenge ba nahano benyu n'obuba boshi; arhali bowe bali binja na batundu s'aliko bulala bali bakali nabo.
|
|
\v 19 Bulala gun'omwazi guyemererwe, nkaba omu kulembera amalibuko omu kuyibuka Nyamuzinda, naye ana rhindibuzwa buzira kuli.
|
|
\v 20 Bulala bukuze buchi nkaba mwagomere n'oku shurhwa enyanya zage, mwanalembera n'okujira bwinja? Aliko nkaba amango mwa majira ebijiro binja, mwanarhindibuzwa n'oku jira amenja, guno mwazi guyemererwe na Nyamuzinda.
|
|
\v 21 Bulala mwa hamagalwaga enyanya w'ebyo; bulala Kristu alibuzwaga enyanya zenyu ntyo ntyo, abalekera olwiganyo mukulikire eshando zage.
|
|
\q
|
|
\v 22 Yewe arhajiraga byaha changwa obubi burhabonekaga omu bunu bwage;
|
|
\p
|
|
\v 23 amango ajachirwaga, arhagaluliranaga ebijachi; amango arhindibuzwa arhayubahaga; aliko achiheba omu maboko gw'omuchi w'emanja w'okuli.
|
|
\v 24 Yewe yenine arhola ebyaha byerhu omu mubiri gwage enyanya y'omurhi, chiro nerhu, rhuli mifu oku myazi y'ebyaha, rhube n'akalamo oku myazi y'okuli; n'omu kushurhwa kwage kwa rhufumyaga.
|
|
\v 25 Bulala mwabaga mwa herere nka bibuzi, aliko mwagalukire lungere n'omulanzi w'emirhima yenu.
|
|
\c 3
|
|
\cl Chigabi 3
|
|
\p
|
|
\v 1 Ntyo kona kuguma mwabo bakazi, mukeng'abalume benyu; kulonz'oku elihakaba abarha yemerer'omwazi, bakululwe n'oborhere bw'abakazi babo.
|
|
\v 2 Babon'oborhere bwenyu buchere bunachikengere.
|
|
\v 3 Okuchikwiza kwenyu kurhabaga kuchikwiza kwembuga, nk'okushwek'enviri, n'okuyambal'ebintu byechikiro, changw'okuyambal'emishangi;
|
|
\v 4 aliko kuba muntu w'omurhima gwinja, gurhabonekana, omukuchikwiza kurhakabiha, g'omurhima g'obwirhonzi n'obwirhuhye byebiherh'echichiro chinen'embere za Nyamuzinda.
|
|
\v 5 Bunola ntyo kw'abakazi bachesibwa bakazigi chikwiza miramira, bali langalire Nyamuzinda, bakeng'abalume babo,
|
|
\v 6 nk'oku Sara akazagikenga Abrahamu, akazimuhamagala 'nahamwerhu; nenyu muli banabage eli mwakajir'ebinja buzira kuyubahiswa n'obuba boshiboshi.
|
|
\p
|
|
\v 7 Nenyu konakuguma mwe balume, mulame n'abakazi benyu n'obwenge, mubah'olukengo, kabikoleso bizamba kubalusha mwabo, nka bashoko haguma nenyu b'olukogo lw'akalamo, kulonz'amahuno genyu garhashwekwa.
|
|
\p
|
|
\v 8 Omukumalisa, mube n'omuganiza muguma, mube n'obonjo, musimane nka banda nguma, mube n'omurhima g'olukogo, mube berhonzi,
|
|
\v 9 bantu barhali b'okugalul'obubi oku bubi, changw'echijachi oku chijachi; aliko emigisho; bunola mwa hamagalwag'enyanya zebyo, limushokol'emigisho.
|
|
\q
|
|
\v 10 Bunol'emyandiko michesibwa ederhere: NKahali omuntu osimir'alame bwinja, n'okulam'omusiku z'eragi? Asik'olulimi lwage n'amabi n'obunu bwage n'obubeshi.
|
|
\q
|
|
\v 11 Achibish'ebibi, akol'ebinja, alonz'omurhula n'okugushimbulira.
|
|
\q
|
|
\v 12 Bunol'amasu ga Nahano gayereker'abanya kuli, n'amarhwiri gage gali gayunv'amahuno gabo. Aliko amalanga ga Nahano gazinziz'enyanya wa ba nyakol'amaligo.
|
|
\p
|
|
\v 13 E'nde wakabahumako mwabo nka muherh'obushiru omukokol'ebinja?
|
|
\v 14 Chiro mwakalibuzwa enyanya z'okukol'ebyo kuli, muli banya ragi. Murhayubahag'abantu, changwa murhachilibuzaga.
|
|
\v 15 Aliko mukuze Nahano wenyu Kristu omu mirhima yenyu. Muchirheganya ebichanji byoshi okushuza ngasi muntu oherh'echankachibaza bugend'emyazi y'obulangalire eli omu ndalala zenyu; alik'omubwirhonzi n'obuba.
|
|
\v 16 Mube n'enganiza zichere, chiro nabalala bali bababeshera n'okubajachir'enyanya ly'oburhere bwenyu bwinja muli Christu, bayunv'eshonyi.
|
|
\v 17 Bunola, eli nyungu okulibuzwa enyanya ly'okukol'amenja, nkabuli bulonza bwa Nyamuzinda, hakulibuzw'enyanya ly'okukol'amabi.
|
|
\v 18 Kona kuguma, Kristu naye alilibwizwe enyanya ly'ebyaha byerhu, omunya kuli, enyanya z'abarhali banya kuli, mpu lyarhulerh'emwa Nyamuzinda; ayirhw'omubiri, aliko afuk'omumuka,
|
|
\v 19 kugerer'ogomuka ajakuhugulir'omwazi okumyuka yalishwekerwe;
|
|
\v 20 eyo myuka, yaliri myuka yabalala bantu balahirag'obulonza bwa Nyamuzinda miramir'amango abalemberaga omu siku za Nowa amango ayumbakag'enkuge. Bantu munane bonyine babajag'omu Nkuge bachungulwa kurheng'amo menji.
|
|
\v 21 Amo menji luli lwiganyo lw'obubatizo buli bwabachungula bwabo zene. Obu bubatizo burhali enyanya ly'okuches'ezinga ly'omubiri, aliko elinjira y'okujir'echiragane na Nyamuzinda, kugerera enganiza zichere, n'obo bubatizo bwabachungula oku njira y'olufu lwa Yesu Kristu,
|
|
\v 22 oyiker'embingu yenayikere n'obushobozi okukulyo kwa Nyamuzinda darha, omukurhambula bamalayika, n'abandi baherh'obuhashe n'emisi bali omu mbingu.
|
|
\c 4
|
|
\cl Chigabi 4
|
|
\p
|
|
\v 1 Na ntyo bunalo Kristu alibuzwaga omu mubiri gwage enyanya zerhu, nenyu muchishukire kona kuguma obola borhere, bunola owalibwizwe omu mubiri alekene n'ebyaha.
|
|
\v 2 Kurhenga zene murhachilamaga omu nyifinjo z'abantu, aliko mulame kukulikira n'obulonza bwa Nyamuzinda mukano kasanzi muyorhene mulino gulu.
|
|
\v 3 Bunola, miramira mwalilamire bisanzi binene mulimwajir'ebijiro by'abapagani. Mwakomer'okulama omu buhushi, enyifinjo zibi, obulalu, obugeni b'obudambi, z'obulalu n'okurhambikir'ebishushanyo.
|
|
\v 4 Abapagani yibasomerwa okubona murhachili mwayiriza nabo omukalamo kabushabusha, nantyo yibababeshera.
|
|
\v 5 Aliko, ababantu njibasamba, emyazi yabo embere za Nyamuzinda ochirheganyize kuchir'olubanja abafire n'abazene.
|
|
\v 6 Checharhumaga emyazi y'omurhula yaliyalegezwe okubafire, kubalala bachirwag'olubanja omumubiri kuguma n'abandi bantu, libalama akalamo k'omurhima nk'oku Nyamuzind'alamire.
|
|
\p
|
|
\v 7 Obuzinda bw'ebintu byoshi buli hofi kuyenera, mube n'obwenge, munamenye kulama, yimubona n'emisi y'okuhuna.
|
|
\v 8 Nakandi bwenene munachihangane okulama omubuzigire mwenene kumwenene, bulal'obuzigire buna bisha byaha binene.
|
|
\v 9 Muyegerezane mwenyine ku mwenyine buzira mugayo.
|
|
\v 10 Ngasi muntu ahakagarhi kenyu akoles'empano y'omurhima ahabwaga na Nyamuzinda enyanya w'okuyungul'ababo. Nantyo, mwaba bazamo benja b'empano mwahabwaga na Nyamuzinda.
|
|
\v 11 Olala olyahanula, akwanene ahan'omwazi gwa Nyamuzinda. Nolala oly'akola, okole kukulikira n'emisi ahabwaga na Nyamuzinda, yi Nyamuzinda ahabwa obukuze omubintu byoshi kugerera Yesu Kristu w'obukuze n'emisi emyaka n'emyaka. Amina.
|
|
\p
|
|
\v 12 Beneberhu bazigirwa, murhasomerwaga okubona amalibuko mazibuzibu g'okubarhangula muherhe mwagerera. Murhabibonaga nkabihyahya emwenyu.
|
|
\v 13 Aliko musime bunola yi mwagwasikanya na Kristu. Nantyo muchisime n'obusime olusiku abonekana omubukuze.
|
|
\v 14 Muli banya ragi akab'abantu balibabanjachira enyanya za Kristu, bunol'omuka gobukuze, kukuderh'omuka gwa Nyamuzinda oyikere muli mwe.
|
|
\v 15 Ahakagarhi kenyu, harhabonekanaga chiro muntu muguma walibuzwa mp'okwenge yewe ali munizi, muzimba, nyankola maligo, changwa w'okuchihira omumyazi y'abandi.
|
|
\v 16 Aliko, omuntu akalibuzwa okwenge ali mukristu, arhayunvag'eshonyi, aliko akuze Nyamuzinda okubona ahamagerwe kwelyo zino.
|
|
\v 17 Amang'ok'okuchirw'olubanja kali hofi. N'okuchirwa olubanja nji kwa rhondererwa okubantu ba Nyamuzinda. N'akaba nji lwarhonderer'emunda rhuli, gurh'obuzinda bw'abarhayemerere omwazi nji g'omurhula gwa Nyamuzinda.
|
|
\p
|
|
\v 18 Nechi, kubinali nkokw'eno myazi echere derhere: elyakaba okuchungulwa k'omunya kuli kukomere, kurhenjibyaba kubanyankola maligo n'abanya byaha?
|
|
\p
|
|
\v 19 Nantyo, abantu bali balibuka enyanya ly'okujir'obulonza bwa Nyamuzinda bagendekere omukujir'amenja nabo bahir'omusima gwabo omufune za Nyamuzinda lulema wabo mulangalirwa w'okuli.
|
|
\c 5
|
|
\cl Chigabi 5
|
|
\p
|
|
\v 1 Namahanul'abashaja b'aka Nyamuzinda bali haguma nenyu. Nani kona kuguma ndi wenyu mushaja, ndi namuhamiriza w'amalibuko ga Kristu na bwenene njinaba mubulala bukuze buli bwayinja.
|
|
\v 2 Namabahanula, muyabule chila chigusho Nyamuzinda abahaga, buzira kushunikwa, aliko oku bulonza bwenyu nk'oku Nyamuzinda alonzeze.
|
|
\v 3 Murhakolag'enyanya we Nyifinjo zibi z'ebikulo, aliko omu kuchihana n'omurhima gwinja. Murharhambulaga oku misi echigusho mwahabwaga eshishi w'oburhambuzi bwenyu, aliko mube lwiganyo emunda bali.
|
|
\v 4 Amango lungere mukulu ayinja, nji mwakamarha oluhembo l'obukuze lurhakabiha.
|
|
\v 5 Na ntyo kona kuguma mwabo misole, mukwanene muyunv'abo bashaja, mweshi mukwanene mube n'obwirhonzi, yimugala kukolera, bulala olwandiko luchesizwe yilwaderha: Nyamuzinda analahira abachibona aliko anarheganyiza abarhonzi olukogo.
|
|
\p
|
|
\v 6 Na ntyo, muchirhohye embere za Nyamuzinda mugala byosho, y'abazamula oku kasanzi kakwanene.
|
|
\v 7 Mumurhule kw'amalibuko genyu goshi bunola yew'abashashira.
|
|
\v 8 Mube n'obwenge munayirize, bunol'omushobanyi wenyu Lyangombe aherhe ageragera nka Ntale eliyagusha alonza oyalya.
|
|
\v 9 Mulwe naye, munayimangire mukaziz'omu bwemere, munameny'oku ngasi hantu omu gulu, bene benyu yibagerer'amo malibuko.
|
|
\v 10 Aliko hano mumala kulibuka mukasanzi kageke, Nyamuzinda munya lukogo loshi w'abahamagalaga mpu mube naye omu bukuze bwage bw'emyaka n'emyaka omukulungana kwenyu na Kristu, yewe yenine abajira bashinganyanya. Abahir'emisi n'okubayimanza mukaze bwenene.
|
|
\v 11 Yewe ye Nyamuzinda w'obuhashe emyaka n'emyaka. Amina.
|
|
\p
|
|
\v 12 Amamaruba mwofi mbayandikiremo ndi na Sila, mba mumenyere nka mwene werhu mulangalirwa. Nshondere kubahir'omurhima n'oku hamiriz'emunda muli oku eyimyazi eyereker'olukogo lwa Nyamuzinda eli l'okuli; nenyu murhabulaga kuyifarha bwenene.
|
|
\v 13 Aka Nyamuzinda kali e' Babeli Kachishogagwa na Nyamuzinda kuguma nenyu kabalamusize. Kona kuguma Marko mwana wani omu bwemere abalamusize.
|
|
\v 14 Mulamusanye oku buzigire bw'abaguma. Mbashoger'omurhula mwe bantu boshi ba Kristu.
|