hav_reg/45-ACT.usfm

\id ACT
\ide UTF-8
\h Ebijiro by'entumwa
\toc1 Ebijiro by'entumwa
\toc2 Ebijiro by'entumwa
\toc3 act
\mt Ebijiro by'entumwa
\c 1
\cl Chigabi 1
\p
\v 1 Omu chitabu ch'embere, wani Teofili, na derhere byoshi ebi Yesu ajirire anayigiriza kurheng'embere.
\v 2 Kugera olusiku arheremerag'empingu, amali yigiriz'entumwa achi shogaga oku misi ya Muka Ochere.
\v 3 Ebuzinda bokulagana nabo, kandi achiyerekan'okwazene omu kubayerek'ebimanyiso binen'ajirire siku makumi mane ababonekera n'oku bashambalira eby'obwami bwa Nyamuzinda.
\v 4 Aber'ali haguma nabo ababwira mpu barharhengag'omu Yerusalemu, S'aliko balindireyo ech'eshe abalaganyaga, Kula nababwira:
\v 5 Bulala Yohana akazagi batiza na menji, s'aliko mwabo, omu siku zigeke mwa batizwa na Muka Ochere.
\p
\v 6 Eri baba bali haguma bamudosa ntya: Nahano, kabuno y'okala washubi yimanz'obwami bwe Israeli?
\v 7 Abashubiza: karhali kasi kenyu oku many'esiku n'amango Darha yenyine achishogere oku buhashe bwage.
\v 8 Aliko Muka Ochere abayandagalira, abah'emisi y'enyanya; nantyo mube bahamiriza bani omu Yerusalemu n'omu Yudeya yoshi n'omu Samariya, nakuhika ah'egulu lihikire.
\v 9 Eri amali derha ebyo binwa bamu bona amanamana omu chanya, echichu chamushukira, barha chimubonaga.
\v 10 Eri baba balibamulola bwenene okw' ali agenda omuchanya, babona balume babiri bayamber'emishangi y'omweru ababonekera,
\v 11 baderha: Mwabo bantu b'e Galilaya, chirhumire mwayimanga n'okulol' empingu? Oyu Yesu obarhengeremo, oku mubwene arheremer'empingu ntyo kunja nagaluka.
\p
\v 12 Oku handi barhenga ebw'elala ntondo y'e Mizeyituni, bashubir'e Yerusalemu, eyo ntondo erhali hale n'e Yerusalemu: bwakaba bule bw'enjira y'e Sabato.
\v 13 Eri bahika omu lugo bachijira omu busika bw'enyanya; omu bakazagi bera; Baliri Petero, Yohana, Yakobo, Andreya, Filipo, Tomasi, Bartolomayo, Matayo, Yakobo mwene Alufayo, Simoni w'e Zeloti, na Yuda mugala wa Yakobo.
\v 14 Boshi baliheber'emirhima haguma bakazi huna buzira kuhusa. Bowe n'abakazi balirimo, haguma na Mariya nyina wa Mwami Yesu, na bene babo.
\p
\v 15 Mwezo siku, Petero ayumanga ekagarhi kabo, echo chigusho chaliri ch'abantu egana na makumyabiri ababwira:
\v 16 Bene berhu, kwali kwanene bihikirir' ebyaderhwagwa Na Muk'Ochere, omu mandiko kugerer'obunu bwa Daudi oku Yuda wachijiraga chirongozi cha balala bagwarhaga Yesu.
\v 17 Aliri muguma werhu, anali gwerhe nay' echigabi omu bukozi bwerhu.
\v 18 Oyu muntu, aber'agul'eshwa n'oluhembo lw'obunizi agwir'enda ahashi, yabereka amala gashandala.
\v 19 Oko kwa manyikana n'abantu boshi b'e Yerusalemu, kwa rhuma bayirik'eri shwa Hakelidama, k'okuderh'eshwa ly'eshagama.
\v 20 Nabyo biyandikirwe omu chitabu ch'enanga: mpw' ahamwage habe biguka habule n'omuntu wankahalama! N'echikono chage owindi achirhole!
\p
\v 21 Gusiga ku kwanene mwab'abantu boshi barhuherekeze amango goshi Nahano Yesu alilamire haguma nerhu,
\v 22 kurheng'oku bubatizo bwa Yohana kuhik'olusiku arhurhengagamo, harhenga muguma aba muhamirizi w'okufuka kwage.
\v 23 Balerha babiri, Yosefu wakazagi derhwa Barsaba wayirikagwa Yostu na Matiya.
\v 24 Oku handi bashenga Nyamuzinda: Nahano, weyinji emirhima ya boshi yerekana nd' ochishogere mwaba bombi;
\v 25 Okubundi ahabw'echigabi m'ogu mukolo, na m'obu bukozi Yuda alekaga omukuj' ahage.
\v 26 Bayesh'esimbi zarhogera Matiyasi bamuyongera kuzira ntumwa ekumi na nguma.
\c 2
\cl Chigabi 2
\p
\v 1 Olusiku lw'e Pentekoste, boshi baliri haguma.
\v 2 Oku liguma, olwamo lwarhenga oku nkuba luli nka lwa mpusi ekomere, lwayunjula enju balirimo.
\v 3 Babona orhwengezi rhuli nka ndimi za muliro, rhwachigaba, rhwalema rhwagwira oku rhwe lya ngasi muguma.
\v 4 Boshi bayunjula Muka Ochere, barhondera okushambala ezindi ndimi, nkoku Muka Ochere alemaga ababwira.
\p
\v 5 Nabo eri e Yerusalema eli abantu balemaga bayoboha Nyamuzinda, barhengaga omu mahanga goshi g'egulu.
\v 6 Oku lwamo lwabaga, engabo y'abantu yayinja yalibirha. Basomerwa bulala ngasi muguma alemaga ayunva baderha omu lulimi lwage.
\v 7 Bayoboha boshi, basomerwa mpu: k'abala bantu baherhe baderha barhali b'e Galilaya boshi?
\v 8 Na gurhe rhulirhwa bayunva ngasi muguma, omu lulimi lwage?
\v 9 Abaparti, Abamedi, Abelamiti, abantu balama e Mezopotamiya, ab'e Yudeya, e'Kapadochiya, e'Poti, e'Aziya,
\v 10 e'Frijiya, e'Panfiliya, e'Misiri, echihugo ch'e Libiya chiba omu lubibi n'e Chireneya, n'aba rhengaga e'Roma, Abayahudi n'abashimbulizi.
\v 11 Abacreti n'Abaharabu, gurhe rhuli rhwabayunva baderha omu ndimi zerhu ebirhangazo bya Nyamuzinda?
\v 12 Baba eri basomerwe boshi, buzira kumenya eby' okugerereza, balema babwirana baguma oku bandi: lero kw'okuderha gurhe oku?
\v 13 Aliko abandi balema babashekera, n'okuderha: balalukire n'erivayi ly'omurhobo.
\p
\v 14 Lero Petero, ayimanga haguma na balala ekumi na muguma, ayakuza n'omulenge, ababwira ntya: mwe bantu b'e Yudeya, na nenyu mweshi b'enola Yerusalemu, mumanye, murhege n'okurhwiri kw'eyi myazi yani!
\v 15 Aba bantu barhali balalwe, nk'oku muchikeberwe, bulala zichiri saa esharhu z'ezuba.
\v 16 Aliko ebi by'ebya derhagwa n'omulebi Yoweli:
\q
\v 17 Omu siku zizinda, Nyamuzinda oderhere ko, njinalumiza Omuka gwani oku bantu boshi; bagala benyu na bali benyu nji baleba, abasole benyu nji babonekerwa, n'abashaja benyu nji babona ebilorho.
\q
\v 18 Nechi, mw'ezo siku, nji nalumiza Omuka gwani, oku bambali bani n'oku bambalikazi bani, nji baleba.
\q2
\v 19 Nji najira ebisomezo elira nyanya omu malunga n'ebisomerene hano shishi oku gulu, oku shagama, oku muliro, n'empusi y'omusisi;
\q
\v 20 Ezuba njilyahindamuka mwizimya, n'omwezi gube shagama, embere lw'okuyinja kw'olusiku lwa Nyamuzinda, lw'olusiku lukulu lw'erenge.
\q
\v 21 Ago mango, ngasi yeshi wahema ezino lya Nyamuzinda nj'achira.
\p
\v 22 Bene Israeli, muyunve eyi myazi! Yesu w'e Nazareti, olala muntu wayerekanaga obuhamiriza embere zenyu omu bisomerene, ebisomezo n'ebimanyiso ajiraga ahagarhi kenyu, nk'oku nenyu murhanahabire.
\v 23 Oyo muntu, wahanagwa nkoku byalirhegekerwe n'oku bulonza n'obumanye bwa Nyamuzinda, mwamuhanika oku musalaba, mwamuyirha omu fune y'abapagani.
\v 24 Nyamuzinda amufula, omukucha emigozi y'olufu, bulala lurhalikwanene lumuhime.
\v 25 Bulala Daudi aliderhere yenyine oku: Nabwene bwinjinja Nyamuzinda embere zani, bulala ali ekulyo kwani, li ntadundaganaga.
\q
\v 26 Kandi omurhima gwani guli omu bushagaluke, n'olulimi lwani omu busime, n'omubiri gwani gwahumuka haguma n'obulangalire,
\q2
\v 27 Bulala orhankaleka omuka gwani gwabera e kuzimu, orhankanayemera omuchesibwa wawe abolera omu shinda.
\q
\v 28 Wanyerekere enjira y'akalamo, nji wanyunjuza bushagaluke olusiku nakubona.
\p
\v 29 Bene berhu, muleke mbabwire n'obwalagale enyanya za shokulu Daudi: afire, anabishwa, n'okw'eshinda yage henachiba eno mwerhu kugera zene.
\v 30 Nk'oku aliri mulebi, n'oku alimenyere oku Nyamuzinda alimulaganyire okuyikala oku chichumbi ch'obwami bwa bashokuluza.
\v 31 Buli bufuke bwa Kristu alirheganyize n'oku bumanyisa, omu kuderha oku arhankalekwa omu kuzimu n'okw'omubiri gwage gurhakabola.
\v 32 Oyo Yesu, Nyamuzinda afulaga; na rhweshi rhuli bahamirizi b'okola.
\v 33 Akuzizwe n'okulyo kwa Nyamuzinda, ahabwa n'Eshe Muka Ochere alaganyaga, anamurhuma. Nk'oku muherhe mwabona n'okumuherhe mwayunva.
\v 34 Bulala Daudi yewe arharheremeraga omu mpingu, aliko aderha yenyine, ntya: Nyamuzinda abwirire Nahano:
\q
\v 35 Yikala ekulyo kwani, kuhika abashombanyi bawe mbayandaze oku magulu gawe.
\p
\v 36 Kusiga bene - Israeli boshi bamanye bwinja bwinja oku olala Yesu muzindi hanika oku murhi, Nyamuzinda amujirire Nahano na Muchunguzi.
\p
\v 37 Bamalire yunva eyo myazi, balumwa omu mirhima yabo; babwira Petero n'ezindi ntumwa, bene berhu, gurhe rhujirage?
\p
\v 38 Petero abashubiza: muhungame na ngasi muguma abatizibwe oku zino lya Kristu, ly'ababalirwa ebyaha byage, na ntyo muhabwe eshokano ya Muka Ochere.
\v 39 Bulala amalaganyo gali genyu, n'abana benyu na ngasi boshi bali hale, balala boshi Nyamuzinda werhu nj'ahamagala.
\v 40 N'oku yindi myazi erhali migeke, abahereza obuhamirizi anabakomereza: murhenge mw'eri burha libi.
\v 41 Abayemeraga omwazi gwage badubikwa, n'olo lusiku, oluganjo lw'abashimbulizi lwayushuka hofi bihumbi bisharhu by'abantu.
\v 42 Bashimbulira enyigirizo z'entumwa, omu chinyabuguma, omu kubega omugati, n'omu mahuno.
\p
\v 43 Obuba bwafarha ngasi muguma, n'ebirhangazo n'ebisomerene binene byajiragwa n'entumwa.
\v 44 Abemezi boshi balichishwekere haguma, n'ebyabo byoshi bakazagi bishangira.
\v 45 Bakazagi guza amashwa n'ebintu byabo, n'oku gabana engulo boshi, ngasi muguma nk'oku analagirire.
\v 46 Ngasi lusiku n'omurhima muguma, bayenega okulema baja omu ka-Nyamuzinda, balema babega omugati omu mwa babo, n'okulya ebiryo byabo omu bushagaluke n'omu burhonzi b'omurhima.
\v 47 Bakazagi kuza Nyamuzinda, n'olubaga loshi lwali basimire. Na Nyamuzinda akazagiyushula, ngasi lusiku, abemezi omu kanyamuzinda.
\c 3
\cl Chigabi 3
\p
\v 1 Petero na Yohana bagenda haguma omushengero yali nka samwenda, sa y'okuharamya.
\v 2 Lero hali omuntu waburhwaga chilema, bakazagi mulerha ngasi lusiku, n'okumuyikaza, haguma n'olunvi lw'eshengero, luhamagalwa lwinja, mpu ahun'entulo oku baja omu shengero.
\v 3 Eri abona petro na Yohana bakola baja omushengero, abarheg'efune.
\v 4 Petero na Yohana bamubona bamubwira, (orhuloleko).
\v 5 Naye abaseza kw'amesho, eri alangalire mpu hali echibamuha.
\v 6 Lero Petero amubwira: ntaherhe furanga n'ehoro, aliko echingwerhe chinaguha: okuzino lya Yesu kristu w'eNazareti yumuk'ogende! onalambagire.
\v 7 Amugwarh'okuboko kw'amalyo, amuyumusa. Mwako kashanji, amagulu namadwi gage gakomera.
\v 8 Abalala, ayimanga, arhonder'okulambagira. Okuhandi aj'omushengero, haguma nabo achilambagiza, abalala anakuza Nyamuzinda.
\v 9 Olubaga loshi lwabon'oku ali alambagira n'okukuza Nyamuzinda.
\v 10 Bamumenya bwinja okuyolala wakazagi yikala hofi n'olunvi lw'eshengero luderhwa lwinja, mpu ahun'entulo, basomerwa banashalama oku byamuhikire.
\p
\v 11 Arha chirhengaga ku Petero na Yohana, olubaga loshi loshi lwakunjukir'emunda bali, omumbuganano ya Solomono.
\v 12 Petero, abwene ntyo, abwir'olubaga: mwebene Israeli, chakarhuma mwakasomerwa kw'ebyola? chichi chirhumire mwa rhuhenekera kamumenyere okubuhashe bwerhu eri bwinja bwerhu rhwenyine bwalambagizaga oyo muntu?
\v 13 Nyamuzinda w'Abrahamu, wa Isaka, na wa Yakobo, Nyamuzinda wa badarha yewakuzize omwambali wage Yesu mwalenganyaga mwamuhakana embere za Pilato n'obo aliyemerere mpu alikwe.
\v 14 Mwabo, mwalenganyize omwimana n'omwerukweru; mwaderha mpu balik'echishumusi;
\v 15 Mwayirha mwene mwami wakalamo, eyi Nyamuzinda afulaga omubafu, nerhu rhwe bahamiriza bage.
\v 16 Kugerer'obwemere omuzino lyage oy'omuntu mulimwabona munamuyinji, obuyemere bulimuyewe b'obwarhumir'ebirumbu byage bya gwarha emisi embere zenyu mweshi.
\v 17 Bunola, beneberhu, nyinji okumwakolere n'obushiru bwinja nabakulu benyu konako.
\v 18 Aliko Nyamuzinda oyunjwize ebyabaga aderhere omubunu bw'abalebi boshi oku Kristu wage alikwanene ababale.
\v 19 Lero muchihane munahindamuke ly'ebyaha byenyu bibabalirwa.
\v 20 Aderha amango g'omurhula gwana Hano anarhum'olal'alaganyaga; Yesu Kristu.
\v 21 Kukwanen'empingu emuyorhane kuhika amango g'oku yumanz'ebintu byoshi, kula Nyamuzinda aderhaga kurhenga mir'omubunu bw'abalebi bage bachesibwa.
\v 22 Musa aderha Nahano Nyamuzinda nj'abalerher'omulebi oli nkanyono warheng'omubenebenyu; mukazi yunviriza yunviriza mungasi byoshi ababwira.
\v 23 Ngasi yeshi orhakayunv'oyo mulebi olwage lwanamuhwer'omulubaga.
\v 24 Nabalebi balebere boshi, kurhenga Samweli nabo beleber'ezo siku.
\v 25 Mwabo muli ben'abobalebi nabana bamalaganyo, Nyamuzinda alaganaga na badarha eri abwira Abrahamu: Amashanja goshi gegulu njigagishw'omuburha lyawe.
\v 26 Mwebarhanzi mwarhumaga Nyamuzinda afula omukozi wag'amurhuma mpu abah'omugisho, yakula ngasi muguma wenyu omububi bwage.
\c 4
\cl Chigabi 4
\p
\v 1 Oku Petero na Yohana bachiherhe babwira olubaga, barhogera abadahwa bakulu, n'omurhambo w'eshengero, n'abasadukayo,
\v 2 bagayire okwenge baliherhe bayigiriza olubaga, n'okubamanyisa Yesu wafukire omu bafu.
\v 3 Babafarha, babakabula omu mpamikwa kuhika esezi.
\v 4 S'aliko, babene mu balala bayunvirhe og'omwazi bayemera, n'oluganjo lw'abantu lwayushuka kuhika ku bihumbi birhano.
\p
\v 5 Bwachere sezi, abakulu bw'olubaga, abagula n'abashamuka b'ehano n'abandisi, babuganana e Yerusalemu,
\v 6 na Ana, mudahwa mukulu, Kayifa, Yohana, Aleksandro na ngasi boshi bw'obuko bw'abajinji badahwa.
\v 7 Bahira Petero na Yohana aha kagarhi kabo, banarhondera okubadosa: Oku buhashe buhe, chango oku zino lyande muli mwajira ebyola?
\v 8 Aliko Petero, ayunjula Muka Ochere, ababwira: Mwe bakulu bw'olubaga, nenyu bagula b'e Israeli,
\v 9 Obola rhuhamagerwe omu lubanja oku minja rhwajirire echirema, mpu rhuderhe gurhe afumire,
\v 10 mumenye mweshi, n'olubaga lwoshi lw'e Israeli lumenye! Oku zino lya Yesu kristu w'e Nazareti, olala mwabambaga oku musalaba, na Nyamuzinda amufula omu bafu, yewe yerhumire oyu muntu ayimanga embere zenyu.
\v 11 Yesu, ly'ebale abumbasi benyu babonereraga, lya hindamuka nsimikiro ly'enju.
\v 12 Nta windi obuchire bwankarhenga ko, bulala ntaye hano gulu, nta lindi zino chiro n'eliguma lyahabirwe abantu, lyankarhuchiza.
\p
\v 13 Babere babona oburhwali bwa Petero na Yohana, basomerwa; bali bamenyere oku bali bantu konyine bw'olubaga babuzira nyigirizo, n'abalibamenyere oku baliri na yesu.
\v 14 Aliko nk'oku babonaga aho hofi nabo olala muntu wafumaga, bahaba oku bashubiza.
\v 15 Barhegeka mpu bahuluswe omu kagombe, baja omu hano bonyine,
\v 16 baderha: gurhe rhwajira aba bantu? Bulala bamayerekana oku bantu boshi b'e Yerusalemu oku chisomerene babajiriraga, rhurhankanachihakana.
\v 17 Aliko, ly'ogo mwazi gurhayeneraga bwenene omu lubaga, rhubahanze rhunabakalihire okuderha n'okuyigiriza kw'eryo zino.
\v 18 Babahamagala, babahanza n'obukali okuderha n'okuyigiriza oku zino lya Yesu.
\v 19 Petero na Yohana babashubiza: murhubwire akaba kukwanene, embere za Nyamuzinda, okubakenga ahali ha Nyamuzinda;
\v 20 bulala rhurhakabula okurhaderha ebi rwabonaga n'ebi rhwayunvirhe.
\v 21 Bashubi bakalihira, babalika, babula gurhe bakabahana enyanya w'olubaga, bulala boshi bakazagi kuza Nyamuzinda kw'echola chijiro.
\v 22 Bulala oyo muntu wafumaga oku bisomerene ali arhalukire myaka makumi mane y'okuburhwa.
\p
\v 23 Babere bamashwekulwa, baja emunda ababo baliri, banababalira byoshi abajinji b'abadahwa n'abagula bababwirire.
\v 24 Babere bayunva, babwira Nyamuzinda n'omulenge gunene boshi, baderha: nahano, we walemaga, egulu, enyanja na ngasi byoshi bibamo,
\v 25 we waderhesaga Muka Ochere, omu bunu bwa darha Daudi, mukozi wawe: chirhumire amashanja gagaya n'eyo mihigo ya busha omu lubaga?
\q
\v 26 Abami b'eno gulu bayumangire bakalihire, n'abarhwali bajirire ehano haguma balwisa Nyamuzinda n'omushigwa wage.
\p
\v 27 Nechi kubinali, omu kulwisa omukozi muchesibwa wawe Yesu, oyu washigaga, Herode na Ponsiyo Pilato, bachiheba haguma omu chihugo haguma n'amashanja na haguma n'olubaga lw'e Israeli,
\v 28 bajira ntyo eby'okuboko kwawe n'ehano lyawe byabaga byarheganyizwe.
\v 29 Na kandi, Nyamuzinda, lolaga oku bayobohesa, ohereze abakozi bawe okuyalagaza omwazi gwawe buzira buba boshi,
\v 30 lambula oku boko kwawe, ly'abalwala bafuma, ebisomerene n'ebirhangazo bijirike oku zino ly'omuchesibwa mukozi wawe Yesu.
\v 31 Bamala okuhuna ntyo, aha balichigushire hadirhimana, boshi bayunjula Muka Ochere, banalema bayalagaza omwazi gwa Nyamuzinda buzira buba.
\p
\v 32 Omurhima gw'olubaga lw'abemezi gwaliri muguma n'enkengero zabo zaliri ziguma. Ntaye walemag'aderha oku ehya herhe hyage, aliko ngasi hyoshi hyaliri hya boshi.
\v 33 Entumwa zaliherhe obuhashe bunene omu kuhamiriza obufuke bwa nawerhu Yesu, na boshi baliri barhonyi bwenene.
\v 34 Bulala omu bo ntaye walikenere: ngasi boshi baliherhe amashwa n'enju zabo, babiguza n'okulerha engulo yabyo,
\v 35 n'okuyihira oku magulu g'entumwa, n'okugabira ngasi muntu okw'amalagirire mage manali.
\p
\v 36 Ntyo ku Yusufu, eyo ntumwa zayirikaga ezino lya Barnaba, k'okuderha mwana orhulerere, mulawi w'e Kipro,
\v 37 aligwerhe eshwa lyage aliguza, n'engulo ayilerha, ayihira oku magulu g'entumwa.
\c 5
\cl Chigabi 5
\p
\v 1 Aliko mulume muguma ohamagalwa Ananiya, haguma na mukage Safira, baguz'eshwa lyabo,
\v 2 bayunvikana na mukage mpu bayorhane kweyo ngulo, n'echindi chigabi achiheker'entumwa.
\v 3 Petero amubwira: Ananiya, chirhumire Lyangombe ayunjul'omurhima gwawe, amakushumika mp'orhebeke Muka muchesibwa wamayorhan'echigabi ch'engulo y'eshwa lyawe?
\v 4 Ka lirhaliri lyawe, k'orhaligwerh'obuhashe b'okuliyorhana? N'amango waliguzaga, k'orhaligwerh'obuhashe bw'okukoles'eyo ngulo okolonzeze? Ngahe wakulag'omurhima gw'okujira ntyo? Orharhebeker'abantu, s'aliko Nyamuzinda.
\v 5 Eri Ananiya ayunv'eyo myazi, akumbagala, anarhenga mw'omuka. Abayunvaga ntyo boshi bayubaha,
\v 6 abana b'emisole, bayumuka, baboha ogomurhumba, baguheka banajiguhamba.
\p
\v 7 Ehisanzi hya saa nk'esharhu hyagera, mukage ayinja arhamenyere olwabere.
\v 8 Petero amudosa: Ombwire, ka kweyi ngulo eri ntya ku mwaguzaga eshwa lyenyu? Naye amushuza: Nechi, yeyo.
\v 9 Na ntyo, Petro amu bwira: kurh'oku mwayunvikene mpu murhebeke Muka ochere wa Nahano? Lola abarhengi hamba balo bali oku mulyango, nawe baguheka.
\v 10 Honaho, akumbagala oku magulu g'entumwa; arhenga mw'omuka. Bala bana b'emisole, bajir'omunju, babugana amafa; bamuheka, bamuhamba ahaburhambi bw'eba.
\v 11 Eshengero lyoshi lyayubaha bwenene na ngasi boshi bayunv'eyo myazi badirhimana.
\p
\v 12 Entumwa zalemaga zajir'ebisomerene n'ebimanyiso binene omu lubaga. Boshi balemaga babera haguma omu lugo lwa Solomono;
\v 13 na ntawindi muntu wabajiremo; n'olubaga lwoshi lwahabo empundu.
\v 14 Oluganjo lwabemezi ba Nahano, abalume na bakazi lwayushuka mango oku mango;
\v 15 Chiro balema balerha abalwala oku chingo n'oku bahir'omunjira, mpu li hano Petro agera, echichuchu chage chigerera ku muguma omubo.
\v 16 Bantu banene balema barheng'enyunda zoshi, n'omu bishagala by'eburhambi bw'e Yerusalemu, balema balerha abalwala n'abantu bali mw'abazimu, na boshi balema bafuma.
\p
\v 17 Okuhandi, Omudahwa mukulu nabola aliri haguma nabo, bw'obalala bomu lala gwa Basadukayo, baja mw'obwagalwa (bongwa),
\v 18 bafarh'entumwa, bazihir'omu mpamikwa y'abantu boshi.
\v 19 Bwabere budufu, malayika wa Nahano achingul'enyunvi z'empamikwa, n'eri abahis'embuga ababwira:
\v 20 Mugendage muje omu shengero, muyigiriz'olubaga emyazi yoshi y'akalamo.
\v 21 Bayunv'eyo myazi, baj'omu shengero esezi, barhonder'oku yigiriza. Omudahwa mukulu haguma n'abaliri nabo, bahamagal'abashamuka b'ehano likulu na ngasi bagula bw'omu bene Israeli, oku handi barhum'abajilerha entumwa omu mpamikwa.
\v 22 Abo baganda babere bahika, mpu bachingul'empamikwa, babula bo. Bagaluka baderha mpu:
\v 23 Rhwabuganir'empamikwa echingirwe bwinjabwinja, n'abalanzi bayumangire oku lunvi, s'aliko amango rhwachingulaga, nta muntu rhwashiganiremo.
\v 24 Babere bayunv'eyo myazi, omurambo w'eshengero n'abakulu b'abadahwa, badosana mpu ko gurhe oko lero n'okolo lubanja lwaba.
\v 25 Muntu muguma ayinja ababwira: Tala, okw'abantu mweshwekaga bali omu shengero, banali bayigiriz'olubaga.
\v 26 Ntyo k'omurhambo w'eshengero haguma n'abaganda, alerhabo buzira kubajira kubi, bulala bali yoboher'olubaga, mpu lwaka bashurh'amabale.
\v 27 Babere bahisa bo, mayimanzwa omu kabuga, omudahwa mukulu abadosa ntya:
\v 28 Ka rhurhabaga rhwabahanzize n'obwalagale oku murhayigirizaga mw'elyo zino? Mwabo mwama lumiza enyigirizo zenyu omu Yerusalemu, mwanalonza murhuchumuze eshagama y'oyu muntu!
\v 29 Petero n'ezindi ntumwa bashuza: ku kwanene oku kenga Nyamuzinda kulush'abantu.
\v 30 Nyamuzinda wa badarha afulire Yesu mwayirhaga, amango mu muhanika oku murhi.
\v 31 Oyo yi Nyamuzinda, oku buhashe b'okulyo kwage, ajirire Mwami na Muchunguzi, mpu lyo Israeli ahungama an'ababalirhwe ebyaha.
\v 32 Rhwabo rhulibahamirizi b'ebyo, haguma na Muka ochere Nyamuzinda ashobozaga abo bamukenga.
\p
\v 33 Eri bayunv'eyo myazi, bagaya bwenene chiro balonz'okubayirha.
\v 34 Ali komufarisayo muguma mpu ye Gamaliyeli, mwalimu w'amarhegeko aliri mukengwa omu lubaga loshi, ayumanga ekangombe, abarhegeka mpu barhange bahuluse hityu entumwa.
\v 35 Okuhandi abwir'abagula b'ehano: Bene Israeli, muchirhonde, mumenye bwinja echi muli mwalonza okujirira aba bantu.
\v 36 Bulala harhalizigera siku arhengerera Tenda, aderha mpu ali muntu mukulu, n'abantu bamushimbaga bali nka magana mane, bamuyirha, abamukulikiraga bashandala, baba nka ntacho.
\v 37 Enyuma zage omu siku z'oku yandik'ebarati, Yuda Mugalilaya ayinja, akulul'abandi, naye ahera: Abamukulikiraga bashandala.
\v 38 Lero mbabwirire: Muchikule kwaba bantu, mubaleke, akaba ogu mukolo guli gwa bantu, gwabiha.
\v 39 Aliko akaba gurhenger'emwa Nyamuzinda murhanka gubihya, murhabonekanaga nka bantu bali balwa na Nyamuzinda.
\v 40 Bayemer'emyazi yage, bahamagal'enfola miherho, babashurha, bababwira oku barhachiderhag'oku zino lya Yesu; babaleka bagenda.
\v 41 Nabo barheng'omundeko, bashagalukir'okubona baganjirwe oku balibukire enyanya ly'ezino lya Yesu.
\v 42 Na ngasi lusiku, omushengero n'omunju zabo, barhalekag'oku yigiriz'omwazi gw'omurhula gwa Yesu Kristu.
\c 6
\cl Chigabi 6
\p
\v 1 Mw'ezola siku abigirizwa babere bayushuka, Abagiriki bagay'enyanya z'abayahudi bulala abashumbakazi babo bayibirirw'omuburhabale bwangasi lusiku.
\v 2 Balal'ekuminababiri bahamagala banene b'abigirizwa, bababwira mpu: kurhalikwinja rhulek'okuyigiz'omwazi gwanyamuzinda, enyanya z'okugab'ebiryo.
\v 3 Chechirhumire, beneberhu, mulondol'omukagarhi kenyu bantu mushanvu, bayunjwire muk'ochere n'obwenge, n'obushinganyanya rhubahire mwakala kasi.
\v 4 Nerhu, rhwachishweker'omukuhuna n'okuyalagaz'omwazi.
\v 5 Ogo mwazi gwasimisa boshi baliriho, balondola Stefano muntu waliyunjwir'obwemere na Muka Ochere, na Filipo, Porokoro, Nikanora, Timoni, Parimena, Nikola, mushibirizi we Antiyokiya.
\v 6 Babalerh' emalangambere g'entumwa, babere bahuna, babalambulira kw'amaboko.
\p
\v 7 Omwazi gwa Nyamuzinda gwagendekera, n'oluganjo lw'abigirizwa lwayushuka bwenene e Yerusalemu, chiro n'abadahwa banene bakeng'obuyemere.
\p
\v 8 Naye Stefano aliyunjwir'obuyemere n'obuhashe, ajir'ebisomerene n'ebimenyiso binen'omu lubaga.
\v 9 Hayimang' abandi bantu b'omu Sinagogi y' Abalibertino, n'eya Abakurene, n'eya A balesanduriya, n'elala yab'Ekilikiya n'e Aziya, bajir'obuhaka haguma naye.
\v 10 Aliko barhamuyazag'obwirhonzi bwage na Muka Ochere walemag'aderhera muye.
\v 11 Lero barhebek 'abantu mpu: rhwayunvirhe okwaderh'emyazi y'okujachira Musa na Nyamuzinda.
\v 12 Bazus'akavulindi omu lubaga, omu bagula n'omu bashamuka b'ehano, n'abandisi bachikweb'okuye bamugwarha, bamuheka emalangambere g'abach'emanja.
\v 13 Bahamiriza obubeshi baderha: Oyu muntu arhaleker'okuderh'emyazi mibi enyanya z'ahantu hachesibwa n'enyanya z'erhegeko;
\v 14 Bulala rhwayunvir'aderha mpu Yesu w'omu Nazareti nj'ashandaza hano, n'okuhindamul' engeso rhwahabwagwa na Musa.
\v 15 Abo boshi baliyikere bach'emanja babere batirimulira Stefano kw'amesho, babona amalanga gage gali nka ga Malayika.
\c 7
\cl Chigabi 7
\p
\v 1 Omudahwa mukulu adosa: Eyi myazi eri y'okuli?
\v 2 Stefano aderha: Bene berhu na badarha muyunve! Nyamuzinda w'erenge abonekeraga darha Abrahamu, amango aliri omu Mezopotamiya, arhazilama e Harani;
\v 3 Amubwira mpu: Orheng'omu chihugo chawe n'omulala gwawe, oj'omu chihugo nji nakuyereka.
\p
\v 4 Arheng'omu chihugo ch'Abakaldeyo alama omu harani, arhengamo amango eshe afaga, Nyamuzinda amubungisiza mu chino chihugo mulim'okulwazene.
\v 5 Arhamuhaga kashambal'omucho, chiro na nta ntambu nguma amulagany'oku njamushobozacho achishobola chibe chage yewe n'eburha lyage eri arhanazi gwarha mwana.
\v 6 Nyamuzind' amubwira ntya: okw'eburha lyage nji baba bahisi omu chihugo chabandi bantu, nabo nji baba baja babo nka myaka magana mane.
\v 7 Aliko o lubaga nji lwabajira baja, nyono nyi nyeluhane, aderhere Nyamuzinda. Aha buzinda bweyola myazi nji bayinji mparamya hano.
\v 8 Amuh'echiragane chokukembulwa; Nantyo Abrahamu abere aburha Isaka, oku lusiku lwa munane amukembula. Isaka aburha Yakobo anamukembula, na Yakobo aburh'ababusi berhu ekumi na babiri.
\p
\v 9 Bashokulu bayunvira Yusufu obongwa, bamushomba, bamuguz'omu Misiri.
\v 10 Aliko Nyamuzinda aliri haguma naye, amuyokol'omumalibuko gabo goshi amuh'obwenge n'olukogo embere za Farao, mwami w'e Misiri: amujira mukulu omu Misiri, n'enju yage yoshi.
\p
\v 11 Hayinj'enzara omu chihugo ch'e Misiri n'e Kanana, n' amalibuko ganene, na badarha barhabonaga ebyokulya.
\v 12 Alikw'amango Yakobo ayunvaga oku engano ziri e Misiri arhuma bashokulu embere.
\v 13 Oku lugenzi lwakabiri Yusufu achimenyesa yenyin'oku bene babo, n'ogo mulala gwabo gwayerekanwa embere za Farao.
\v 14 Yusufu abarhuma bahamagale Yakobo eshe na bene babo boshi, bantu makumi gali mushanvu na barhano.
\v 15 Na Yakobo ayandagala kuj'e Misiri, afa, yewe na bashokulu,
\v 16 bahekw'e Sekemu babahamb'omwishwa ly'abafu Abrahamu agulag'omu furanga za rhengag'emwa bene Hemora omu Sekemu.
\p
\v 17 Akashanji Nyamuzinda alanganyaga n'oku chigasha emwa Abrahamu kabere kashonda gera, aba bantu bayushuka bwenene omu Misri.
\v 18 Hayinj'owindi mwami orhamenyere Yusufu,
\v 19 oyo mwami ajirir'omulala gwerhu amabi, alibuza badarha chiro abaseza mpu bakabule abana babo borhubonjo barhalamaga.
\p
\v 20 Mwebyo bichanji Musa aburhwa, naye ali mwinj'emalangambere ga Nyamuzinda, alembwa myezi esharhu omu nyumpa y'eshe.
\v 21 N'amango akabulwagwa, mwali wa Farao amurhola, amulembe nka mwana achiburhira yenyine.
\v 22 Musa ayigirizw'obwenge boshi bw'e Misri; aba mulume odarhabere omu nderho n'omu bijiro.
\p
\v 23 Agerere mu myaka makumi mane aja m'omurhima gw'okujiyokola bene babo, abana b'e Israeli.
\v 24 Abona muguma bali bamulibuza, amugwasa, achiholera kw'olala balemaga babonerera ayirh'omumisri.
\v 25 Aganiza mpu bene babo bamenya oku Nyamuzinda ayinjire kubayokola n'okuboko kwage; s'aliko bowe barhachag'ehuzihuzi.
\v 26 Buch'esezi abahulukirako bali balwa, ashond'oku bayunvikanisa kandi, omukuderha: baza we! mwabo mwebaguma, chankarhuma mwashombana mwenyine ku mwenyine?
\p
\v 27 Alik'oyola walemag'ajir'owabo amabi, amushunika hale aderha: ndewakujiraga mukulu na muchi w'emanja enyanya zerhu?
\v 28 Okala walonz'okunyirha kulala nji wayirhag'olala mu Misiri mulegolo?
\v 29 Musa alibirh'enyanya z'ogo mwazi, abungir'omu chihugo ch'e Midiani, aburha bana babiri eyo.
\p
\v 30 Hagerere myaka makumi mane Nahano amuhulukira omwirungu ly'entondo y'e Sinayi omu chichira ch'omurhi chili chagulumira m'omuliro.
\v 31 Musa abere agubona, asomerwa, ashegereraho alola, omulenge gwa Nahano gwayinj'emwage,
\v 32 gwaderha: Nyono Nye Nyamuzinda wa bashokulu bawe, Nyamuzinda wa Abrahamu, wa Isaka, wa Yakobo. Musa adirhimana, naye arhachibaga nkalolayo;
\p
\v 33 Nahano amubwira: hogol'ebirato byawe omu magulu, bulala buno budak'oyimangireko buli buchesibwa.
\v 34 Okuli namalirebon'amalibuko g'abantu bani bali omu Misri, nayunvirh'emilenge yabo, nyandagere mbayokole. kurhenga mw'enosa nakurhum'e Misiri.
\p
\v 35 Oyu Musa balahiraga baderha: nde wakujiraga mukulu w'okurhuchir'emanja? yi Nyamuzinda arhumaga kuba mukulu wabo na muchunguzi, haguma n'okuboko kw'ola malayika wamubonekeraga omu chichira ch'omurhi.
\v 36 Oyola yewabakula mw'echo chihugo ch'e Misri omukujira mw'ebisomerene n'ebimenyiso, n'omu nyanja ndukula, n'omu mpinga myaka makumi mane.
\p
\v 37 Ye Musa wa bwira bene Israeli, mpu: Nahano Nyamuzinda njahir'omu kagarhi kenyu omulebi kurheng'omu mulala gwenyu, nka nyono, mumuyunve.
\v 38 Ye waliri omu Ka Nyamuzinda omu mpinga haguma na Malayika walemag'aderha naye oku ntondo y'e Sinayi, kandi haguma na bashokulu berhu ye wayakirag'emyazi y'akalamo arhuheyo rhwabo.
\p
\v 39 Yi bashokulu barhashonder'oku kenga, bamushunika hale, n'omu mirhima yabo bagaluk'e Misiri.
\v 40 Babwira Haruni mpu: orhujirire bamungu yibakazi rhujir'embere: bulal'oyu Musa warhuyokolaga omu chihugo ch'e Misiri, rhurhenji kurhe bya muberere.
\v 41 Bajir'eshushanyo y'echibuzi bagende chirherekera, bakazi yilerher'entulo, bashagalukir'emirimo y'efune zabo.
\v 42 Lero Nyamuzinda abaleka mpu bagende baharamy'ebirhwe by'okunkuba nk'oku byandikirwe omu chitabu ch'abalebi mpu: kahali embagwa mwabagire eri nterekero mwa nterekere omu mpinga myaka makumi mane mwabo nju y'e Israeli?
\q
\v 43 Nenyu mwa rhol'echiraro cha Moloki, n'enyenyezi ya nyamuzinda wenyu Rafani, eshushanyo mwajiraga muleme mwaziharamya: nani nababungisa mugende kuger'e'Babeli.
\p
\v 44 Echiraro ch'obuhamiriza chaliri haguma na bashokulu omu mpinga, okw'alirhegerker'owaliri haguma na Musa, okw'arheganye bwinja bwinja mpwachijir'okushush'abonaga.
\v 45 Nabashokulu bachirhola bajamo haguma na Yoshuwa omu chihugo banyegaga gala mashanja Nyamuzinda alibirhagakw'embere zabo, kuger'omu siku za Daudi,
\v 46 owabonag'olukogo lwa Nyamuzinda, ahema ayemererwe ahe Nyamuzinda wa Yakobo enju.
\v 47 Aliko Solomono, amuyumbakir'enyumpa.
\p
\v 48 Owenyenya arhalam'omu nyumpa yayumbakagwa n'efune, nk'oko mulebi aderhere:
\q
\v 49 empingu ntebe yani y'obwami, n'echihugo hali hantu h'okuhir'amagulu gani; nju nchi mwaka nyumbakira?
\q
\v 50 K'arhali kuboko kwani kwajirag'ebyo byoshi?
\p
\v 51 Mwe ba ntabandwako, murhakembulwagwa mirhima n'amarhwiri gayunv'esiku zoshi kurhongana na Muka Ochere: Oku bashokulu benyu bajiraga nk'oku nenyu mukulikire.
\v 52 Omubalebi nde orhalibuzwaga nenyu? Bayirh'abayalagazag'okuyinja kw'owokuli, ola muzinda lenganya n'oku muyirha.
\v 53 Mwahabirw'amarhegeko na bamalahika murhanamashimbuliraga.
\p
\v 54 Babere bayunv'eyo myazi, bayoswa omu mirhima yabo, bamukanira.
\v 55 Yewe bulal'aliyunjwire Muka Ochere, asez'amesho gage, alol'omuchanya, obon'obulangashane bwa Nyamuzinda, na Yesu ayimangir'ekulyo kwage.
\v 56 Aderha mpu: tala! Namabon'empingu zamachinguka, n'Omwana w'abantu ayimangire oku kuboko kw'amalyo ga Nyamuzinda.
\p
\v 57 Baband'endulu, bafuk'amarhwiri gabo bamubalalirako oku liguma,
\v 58 bamushunik'embuga w'echihugo bamubandang'amabale. N'abahamiriza bahir'emishangi yabo oku magulu ga musole muguma, ezino lyage ye Saulo.
\p
\v 59 Bashurha Stefano oku mabale, naye ahuna aderha: Nahano Yesu, yankir'omurhima gwani.
\v 60 Afukama, alaka oku mulenge gunene, Nahano, arhabaganjirag'echi chaha. Amalire kuderh'ogumwazi, arhenga m'omuka.
\c 8
\cl Chigabi 8
\p
\v 1 Na Saulo aliyemerere mpu bayirhe Stefano. Kurhengerer'olo lusiku, amalibuko garhondera manene enyanya z'eshengero lyaliri omu Yesrusalema; boshi bashandal'omu chihugo ch'e Yudeya n'e Samariya harheng'entumwa zonyine.
\v 2 Abantu barhimanya bahamba Stefano, bamulakira bwenene.
\v 3 Aliko Saulo abihy'eshengero, aja mubuli Nju, akulul'abalume n'abakazi n'oku bakabul'omu mpamiko.
\p
\v 4 Abashandalaga baja ngasi hoshi kuyalagaz'omwazi.
\v 5 Filipo ayandagala kuger'omuchizungu ch'e Samaria, abayalagaziza Kristu.
\v 6 N'olubaga lwayunviriz'oku murhima muguma emyazi Filipo alemaga aderha, bayunva n'okubona ebimenyiso ajiraga.
\v 7 Bulal'emyuka mibi yalak'omu mulenge gunene, yarheng'omu bantu banene yalirimo, n'abantu banene babaga baholere, n'entagenda, bafuma.
\v 8 Obushagaluke bunene bwaba mw'echo chizungu.
\p
\v 9 Muntu mugum'ezino lyage Simoni, aliri mukurungu mw'echo chihugo, alisomez'abantu b'e Samariya, n'okuderha mpw'aba muntu mukulu.
\v 10 Boshi bamuyunviriza, gurh'oku mwana kuger'oku mukulu, baderha: oyumuntu agwerh'emisi ya Nyamuzinda, charhagwerhe bukulu.
\v 11 Bali muhibire k'omurhima balal'agendagajirira eby'okusomezwa n'obo bukurungu bwage omu siku zinene.
\v 12 Babere bayemera Filipo, eyagwerh'ayalagaz'omwazi g'omurhula g'obwami bwa Nyamuzinda n'ezino lya Yesu Kristu, b'adubikwa, abalume n'abakazi.
\v 13 Simoni naye ayemera, aber'amali dubikwa abera na Filipo: asomerwa okubona, ebimenyiso n'ebisomezo.
\p
\v 14 N'entumwa zaliri e Yerusalema babere bayunv'oku e Samariya bayemerer'Omwazi gwa Nyamuzinda, barhuma Petero na Yohana baj'emwabo.
\v 15 Abala, bagerer'e Samaria, babahunira bayankira Muka Ochere.
\v 16 Bulala barhalizi yandagalirwa chiro n'omuguma wabo, badubikirwe konyine omu zino lya Nahano Yesu.
\v 17 Babalambulira kw'amaboko, bayankirira Muka Ochere.
\v 18 Simoni achibon'abantu bayankirira Muka Ochere omu kulamburirwa kw'amaboko n'entumwa abalerher'efuranga,
\v 19 aderha: ompe nani k'obo buhashe yi ngasi muntu nani nalema nalambulira kw'amaboko abone Muka Ochere.
\p
\v 20 Petero amubwira: oherere hale n'efuranga zawe, k'omenyere okw'eshokano za Nyamuzinda zinagulw'efuranga?
\v 21 Orhaherhe chigabi m'ogo Mwazi, bulal'omurhima gwawe guli hale n'okuli kwa Nyamuzinda.
\v 22 Ohungam'echichaha, ohune Nahano, mpu nkaba obabalirwe omu obabalirw'omuganiza g'omu murhima gwawe.
\v 23 Bula nakubwene woyo, oyunjwir'obubi, oli omu mpamiko y'ebyaha.
\p
\v 24 Simoni ashubiza: mumpunir'emwa Nahano y'ebi mwaderhere chiro n'echiguma birhangereraga.
\p
\v 25 Nabo bamalire kuhamiriza n'oku yalagaz'omwazi gwa Nyamuzinda, bagalij'e Yerusalemu, bayalagaz'engani y'omurhula omu mirhundu minene y'e Samariya.
\p
\v 26 Aliko malayika wa Nahano abwira Filipo, aderha: Rhang'ogend'olunda lw'eshishi omu njir'eyandagere kurheng'e Yerusalemu kugan'e Gaza; nayo eli empinga.
\v 27 Ayandagala agenda, abugana mulamba muguma w'omu Etiopiya aliri mukulu na mwimangizi w'ebikulo bya Kandake Mwamikazi w'e Etiopia; naye eyaj'e Yerusalema kuharamya,
\v 28 aberagaluka, eya yiker'omu mutugari gwage aliherh'asoma echitabu ch'omulebi Isaya.
\p
\v 29 Muka abwira Filipo: shegerer'ogu mutugari.
\p
\v 30 Na Filipo ashegera haguma naye, ayunva y'asoma omuchitabu ch'omulebi Isaya; amubaza: omenyer'eyi myazi ogwerhe wasoma?
\p
\v 31 Aderha mpu; gurhe nakagala na ntaye wampugulira? Ayinginga Filipo ashon'omu mutugari bayikale haguma.
\p
\v 32 Echigabi ch'amandiko alemaga asoma chechi: ahekwa nka nganda buzi yajibagwa, nka nganda buzi bali bagugul'amoya enasirire entyo naye arhabumbulag'obunu bwage.
\q
\v 33 Olubanja lwage balucha n'omugayo. Nde njiwaganj'ebyaha byage? bulal'akalamo kage kakulirw'omu gulu.
\p
\v 34 Ola mulamba ashubiza Filipo aderha: nguhemere, ombwire, enyanya z'oyu mulebi aderhere eyi myazi enyanya zage yenine changw'enyanya z'owindi muntu?
\v 35 Filipo abumbul'obunu bwage, arhonderera kw'ago mandiko gonago, amuyalagaziz'omwazi g'obuholo bwa Yesu.
\v 36 Babere bagendeker'omu njira, bager'ahali amechi. Olala mulamba aderha: talag'amenji, bichi byakachimpanza nta dubikagwa?
\v 37 Filipo aderha: nka wakayemer'oku murhima gwawe goshi wakadubikwa. Ashuza, aderha: nyemerere oku Yesu kristu ali mwana wa nyamuzinda.
\v 38 Ayinging'omutugari guyimange; bayandagala bombi omu menji Filipo noyo mulamba, amudubika.
\v 39 Babere barheng'omu menchi, Muka gwa Nahano gwashamula Filipo, oyo mulamba arhachi mubonaga. Achigendera elyasimire bwenene.
\v 40 Aliko Filipo abonekana omu Azoto, agera ayalagaz'omwazi g'obuholo omu bihugo byoshi eger'e Kayisaria.
\c 9
\cl Chigabi 9
\p
\v 1 Aliko Saulo, agendekeza okurher'obuba n'okuyirha abagiriza ba Nahano, aj'emw'omudahwa mukulu,
\v 2 ahun'amaruba g'okuja omu chishagala ch'e Damasiki, mpw'akabona abali mw'eyo njira, kaba balume, akaba bakazi, abalerhe bashwekerwe e Yerusalemu.
\v 3 Abere ali omu njira, amayegera hofi n'e Damasiki, honaho akamole kamu molekera kurheng'enyanya.
\v 4 Akumbagala ahashi, ayunv'omulenge gwamubwira: Saulo, Saulo, chakarhuma wandibuza?
\v 5 Ashuza mpu: wende, Nahano? Nahano aderha: Nyono nye Yesu oli walibuza. Kulikuzibu emwawe okuchishurh'emishaki omu magulu.
\v 6 Adirhimana, n'okusomerwa, aderha: Nahano, gurh'olonzeze njirage? Nahano amubwira; yumang'oje omu chizungu, wabwirwa eby'oshinganene okujira.
\v 7 Abantu bali njira nguma naye bayimanga bwisirire, bayunv'omulenge na ntakubon'omuntu oliwaderha.
\v 8 Saulo azuka akudaho, amesho gage gabere gazibula, arhabonaga chintu; bamufarh'okuboko, bamuhek'e Damasiki.
\v 9 Aba mpumi siku esharhu, arhalyaga, na ntakunywa.
\p
\v 10 E Damasiki yaliri mwigirizwa muguma ezino lyage ye Anania. Nyamuzinda amubonekera omubilorho amubwira: Anania aderha nyono hano, Nahano.
\p
\v 11 Nahano amubwira: yimanga ogend'omu njira ehamagalwa Nyoloka, oshond'omu nyumpa ya Yuda omuntu ohamagalwa Saulo, muntu w'e Tarso;
\v 12 bulala yahuna, anabonekerwe omu bilorho, eli muntu muguma ohamagalwa Anania, agwerh'amulambulira kw'amaboko, mpu yabona. Anania ashuza mpu:
\p
\v 13 Nahano, nayunvirhire oku bantu banene, amabi goshi oyumuntu ajirire abachesibwa omu Yerusalemu.
\v 14 Nahol'agwerh'obuhashe, kurheng'oku badahwa bakulu mpw'ashweke boshi bahamagal'ezino lyawe.
\p
\v 15 Aliko Nahano amubwira: gendaga, bunola oy'omuntu chili chikoleso chani nalondwere, ahenk'ezino lyani omu mashanja, omu bami, n'embere z'abana b'e Israeli;
\v 16 Nanjinamuyereka byoshi n'okunjalibuzwa enyanya w'ezino lyani.
\p
\v 17 Anania agenda, abere ager'omu nyumpa alambulira Saulo kw'amaboko, aderha: Saulo mwene werhu, Nahano Yesu wakubonekerag'omu njira wayinj'ago, akuntumireko mpu y'obona n'oku yunjula Muka Ochere.
\v 18 Honaho, ebili nka magamba byarheng'omu mesho gage, abona. Ayumuka, adubikwa;
\v 19 amalire kulya, emisi yamugalukira. Saulo abera haguma n'abigizwa baliri omu Damasiki.
\v 20 Honano arhondera akuyigiriza omu bishagala oku Yesu y'e Mwana Nyamuzinda.
\v 21 Abayunvaga boshi basomerwa, n'okuderha mpu karhali yiwarhindibuzag'abalemaga bahuna mwelizino omu yerusalemu, aj'enolamunda kushwekabo kubaheker'abajinji n'abadahwa?
\v 22 Saulo akomera, alema ayigiriza Abayahudi b'e Damasiki n'oku bayereka oku Yesu ye Kristu.
\p
\v 23 Hagerere siku zirhali zigeke, abayahudi bamujir'endagane y'okumuyirha,
\v 24 eyondagane bajaga Saulo ayimenya. Bakazilyam'oku nyunvi ezuba n'obudufu mpu bamuyirhe.
\v 25 Lero budufu buguma, abagirizwa bamurhola bamuyandagaza omu chirimbi, omu changwo.
\p
\v 26 Agerere e yerusalema alonz'okuja omu bigirizwa nabo boshi bamuyubaha, bulala barhayemeraga oku naye ali mwigirizwa.
\v 27 Lero Barnaba omurhola, amuheker'entumwa abashambalira gurhe koshi abonaga Nahano omu njira, n'okw'ashambere naye, n'okwahanulag'Omwazi gwa Nyamuzinda buzira buba omu Damasiki omu zino lya Yesu.
\v 28 Bagenda n'okugaluka haguma nabo omu Yerusalema, ayigiriza buzira buba omu zino lya Nahano.
\v 29 Kandi ashambala n'okuja buhaka n'abagiriki; aliko bowe eyibali balonza okumuyirha.
\v 30 Nabene babo, babere bamenya, bamuherekez'e Kayisaria, bamurhuma achigendere e Tarso.
\p
\v 31 Eshengero lyaba omu murhula omu Yudea yoshi, e Galilaya n'e Samariya, lyayushuka n'oku genda omu buba bwa Nahano, Lyakula n'okurhabalwa na Muka Ochere.
\v 32 Achibere Petro yalambagir'abachesibwa avayandagalira olunda lw'abalilamire omu Luda.
\v 33 Abona y'omuntu ohamagalwa Ayineya, aliri omu nchingo myaka munane, eyaholere.
\v 34 Petero amubwira: Ayineya, Yesu Kristu akufumizye; yumuka, orhind'enchingo yawe. Honaho ayumuka.
\v 35 Abantu boshi balilamire e Luda n'e Saroni babere bamubona, bahindamukira Nahano.
\p
\v 36 Omubigirizwa b'e Yopa, mwali muguma ezino lyage Tabita, kukuderha Dorika, alemag'ajir'ebijiro binja n'entulo.
\v 37 Agomango alwala n'okufa. Babere bamali muyoza, bamuhir'omu busika buguma bw'enyanya.
\v 38 Bulala e Luda hali haguma n'e Yopa, n'entumwa zayunv'oku petro aliyo, bamurhuma ku bantu babiri, kumuyinginga mpw'arhalegamaga ayinj'emwerhu.
\v 39 Petero ayumuka, bagenda n'abo bantu. Abere agerayo, bajimuyereka mubula busika bw'enyanya. Abashumbakazi boshi bali mugorhere bamulakira n'okuyerekan'emyenda n'emyambalo Tabita alemag'abaha ayachili haguma nabo.
\v 40 Petero ahulus'abantu boshi, afukama ahuna Nina amahanga, okuhandi, ahindamukir'ogo mufu, aderha mpu Tabita, yumuka! Azibul'amesho, abwene Petro, ayikala.
\v 41 Amuh'okuboko, amuyumusa, ahamagala abachesibwa n'abakana, abayerekaye mugumaguma.
\v 42 Ebyo byamenyikan'omu Yopa yoshi, na banene bayemera Nahano.
\v 43 Petero aber'e Yopa siku zigeke, emomuntu muguma okwiz'empu ezino lyage ye Simoni.
\c 10
\cl Chigabi 10
\p
\v 1 Haliri muntu muguma ezino lyage Kornelio, murhegesi w'engabo ederhwa "Abataliyano".
\v 2 Oy'omuntu ali mwinja, aliyubahire Nyamuzinda, haguma n'enyumpa yage yoshi; agendaga ahan'entulo zinene oku bantu, anagendaga ahuna Nyamuzinda buzira kuhumuka.
\v 3 Zali nka sa mwenda z'egolo, abonekerwa na Malayika wa Nyamuzinda aj'omu mwage n'oku mubwira mpu: Kornelio!
\v 4 Naye amutirimulira, ayubaha ashubiza mpu: gurhe Nahano? na Malayika omubwira: amahuno gawe n'entulo zawe zagerer'enyanya n'a chibuso embere za Nyamuzinda.
\v 5 Orhum'abantu e Yopa, bakuhamagalire Simoni, oyirikwa Petero;
\v 6 ahandire omu m'omuntu ohamagalwa Simoni okwiz'empu, n'enju yage eli haguma n'enyanja nene.
\p
\v 7 Naye Malayika walemag'aderha naye agenda, Kornelio ahamagala bakozi babiri b'omu mwage, na musirika muguma, oyubahire Nyamuzinda, mubalala balemaga bamukoler'esiku zoshi.
\v 8 Amalire kubashambalira byoshi, abarhum'e Yopa.
\p
\v 9 Bwacher'esezi, elibali omu njira bakala balinga kusheger'echizungu, Petero ashonera omu nju enyanya kuhuna, yaliri nka saa ndarhu z'ezuba, ajihuna Nyamuzinda.
\v 10 Ayunv'eshali, alonz'okulya. Eyibali bamuyender'ebilyo alye, asisimuka.
\v 11 Abon'empingu zachinguka, n'echintu chili nka mwenda gufundikirwe kubishumiro bine, gwayerera gwayandagalir'okudaho,
\v 12 gwali mw'esimba, buli nyama ya magulu mane, enjoka n'ebibulubulu n'ebinyunyi byoshi bibalala omuchanya.
\v 13 Ayunv'omulenge gwamubwira mpu; yimanga, Petero, baga, olye.
\p
\v 14 Naye Petero ashubiza: nanga, Nahano ntangahemuka! Ntamango nalire ebizingire by'okuhumanya.
\p
\v 15 Okubwakabiri, omulenge gwashubi yunvikan'emwage gwaderha mpu: ebi Nyamuzinda ahumanywire omenye wakaderha mpu byakahumanya.
\v 16 Ebyo byamugerera kasharhu; na buzinda, n'echochintu chiri nkamwenda chashubij'emalunga.
\p
\v 17 Naye Petero agaya arhamenyaga yenyine byebichiby'abwene, abantu barhumirwe na Kornelio babere bamadosa ahamwa Simoni, bagera ahambuga, okulunvi,
\v 18 bahamagala n'omulenge gunene n'okudos'akaba Simoni ohamagalwa Petero aly'aho.
\p
\v 19 Oku Petero achiri aganiza enyanya z'ebyabonaga, Muka Ochere amubwira; bantu basharhu yibakulonza;
\v 20 yimanga oyandagale haguma nabo buzira kuzindazinda, bulala nyenabarhumaga.
\p
\v 21 Petero ayandagala abwir'abobantu mpu: mulole, nyono nyimuli mwalonza, bichibyabalerhaga?
\p
\v 22 Nabo bamushubiza: Kornelio, murhegesi w'enfola miherho, muntu mwinja oyubaha Nyamuzinda, mukengwa omushanja ly'abayahudi boshi, ba Malayika bamubwirire mpwakuhamagale ahamwage ayunv'emyazi yawe.
\v 23 Petero abahir'omunyumpa, abayegereza abahandisa. Buch'esezi, azuka, agenda nabo. Benebabo baguma b'e Yopa bamuherekeza.
\v 24 Bager'e Kayisariya, olusiku lukulikireho Kornelio alemag'abalinga eyarhumize bene babo na bera bage b'oku murhima.
\v 25 Eri Petero achiri ajamo, Kornelio amubugana, achirhimba oku magulu gage, aharamya.
\v 26 Aliko Petero amuyimanza amubwira: nani ndi muntu kuguma nawe.
\p
\v 27 Bashambala haguma naye, baj'omunju bashimana mw'abantu banene bachigushire haguma.
\v 28 Ababwira: kamuyemerere, oku bihanzibwe omu bayahudi okushangira n'omunya byaha, chiro n'okuja omumwage, aliko Nyamuzinda nyono wambwirire ntabwirag'omuntu mpw'arhashinganene changw'okwazingire.
\v 29 Checharhumaga nayinja buzira buhaka dubaduba emango mwampamagalaga; njire nababaza, bichi mwampamagaliraga?
\p
\v 30 Kornelio aderha: zikala siku ene nka gano mango kandi, naliri omu mwani nahuna Nyamuzinda omu sa mwenda, nabon'omuntu oyamber'emyambalo eliyabaraganya anj'embere zani ambwira:
\v 31 Kornelio amahuno gawe nagayunvire, na Nyamuzinda ayibukir'entulo zawe.
\v 32 Orhum'abantu e Yopa bakuhamagalire Simoni, oderhwa Petero. Ahandire omu nju ya Simoni okwiz'empu haguma n'enyanja nene.
\v 33 Honaho namakurhumiz'entumwa nawe wajirire bwinja okuyinja. Mweno saa rhuli mbere za Nyamuzinda, kuderh'oku rhuyunv'ebi Nahano akubwirire.
\p
\v 34 Okuhandi Petero arhondera okubabwira oku nechi kubinali, nabwene oku Nyamuzinda arhajira kabol'oku bantu,
\v 35 alik'omu mashanja goshi, ngasi yeshi omuyubaha n'okujir'ebishinganene, ayemererwe naye.
\v 36 Bene Israeli abarhumir'Omwazi gw'Akalembe, kugerera Yesu Kristu, Ye Mwami na Muchunguzi w'abantu boshi.
\v 37 Mumenyere ebyabere omu Yudeya yoshi oku Yesu arhangirirag'e Galilaya eri Yohana amamala kuyigiriza enyanya w'obubatizo.
\v 38 Mumenyer'oku Nyamuzinda ashigaga Yesu w'e Nazareti, amuhemisi ya Muka Ochere ngasi ahageraga ajirahamenja afumya boshi balilwalire n'abalishwekere n'omushombanyi Lyangombe bulala Nyamuzinda aliri haguma naye.
\v 39 Nerhu rhuli bahamiriza b'ebyajirire omuchihugo choshi ch'abayahudi na Yerusalema, aliko bamuyirha, bamuhanik'oku murhi.
\v 40 Nyamuzinda amufula oku lusiku lwa kasharhu, anamuh'obuhashe b'okubonekana oku bantu,
\v 41 arhachiyerekag'abantu boshi, aliko oku bahamiriza Nyamuzinda abaga achishogere, rhwerhwalyaga n'okunywa naye, amalire kufuk'omubafu.
\v 42 Arhurhuma mpu rhujiyigiriz'abantu, rhuhamirize oku Yi Nyamuzinda ajirire muchi w'emanja z'abazene n'abafire.
\v 43 Y'olala abalebi boshi baderhere oku ngasi yeshi omuyemerere akulirwa ebyaha byage omuzino lyage.
\p
\v 44 Oku Petero achigwerh'aderh'eyo myazi, Muka Ochere ayandagalira boshi balemaga bayunviriz'omwazi.
\v 45 Abemezi boshi b'ebuyahudi baliherekeze Petero, basomerwa babere balol'empano z'amuk'Ochere zayandagalir'abapagani.
\v 46 Bulala bayunva bali baderh'oku ndimi n'okukuza Nyamuzinda.
\v 47 Okuhandi Petero ababwira okw'abamahabwa Muka Ochere kuguma nerhu rhwankalahira oku barhabatizwaga?
\v 48 Arhegeka mpu babatizwe, omuzino lya Yesu. Bamubwira okw'abere siku zigeke haguma nabo.
\c 11
\cl Chigabi 11
\p
\v 1 Entumwa na bene berhu baliri omu Yudeya bamenya okw'abapagani nabo bayemerere Omwazi gwa Nyamuzinda.
\v 2 Eri Petero azamukar'e Yerusalemu, abemezi bakembwirwe bamujisa buhaka,
\v 3 n'okumubaza: Gurhe wajag'omu barhakembwirwe wamanalya nabo.
\v 4 Petero arhonder'okubayereka oku byabere.
\v 5 Aderha: naligwerhe nahun'omu chishagala chiderhwa Yopa nabonekerwa, nabona echiri nka mwenda gunene, gushwekerwe nyund'ene, gwagera, gwayandagala, gwanjako.
\v 6 Nalolereza ogo mwenda, nabona ebinyama by'okugulu, bigenda n'amagulu mane, n'ebyelubala, n'ebibululuka, n'enyunyi z'omu chanya.
\v 7 Nayunv'omulenge gwambwira, mpu: Petero, yumuka, obage onalye!
\p
\v 8 Aliko nani naderha, mpu: nanga, mani Nyamuzinda, nta kahemuka! Ntasagilya ebyagarhum'omuntu ahumana!
\p
\v 9 Ogw'omulenge, gwarheng'empingu gwayunvikana obwakabiri, mpu: Ebi Nyamuzinda ayagananwire, omenye wakaderha mpu byanahumanya.
\v 10 Ebyola byabantyo kasharhu koshi; kandi bilala byoshi byashubir'omu mpingu.
\p
\v 11 Mwako kashanji, bantu basharhu balamusa: zali ntumwa z'e kayizariya zintumirweko.
\v 12 Muka Ochere ambwira mpu ngende nabo buzira kurhindira. Bene berhu, oku bali ndarhu, nabo banshimba, rhwaja omu mw'oyola mulume.
\v 13 Arhuganirir'okwabonaga malayika aja omu mwage n'okwa mubwiraga, mpu:
\v 14 Orhume abantu e Yopa, baguhamagalire Simoni, oderhwa Petero. Akubwir'ebinwa by'oku kuchiza n'omulala gwawe gwoshi.
\v 15 Amango narhonderaga oku babwira Muka Ochere abayandagalira, kuguma nerhu oku murhondero.
\v 16 Nayibuk'eyo myazi ya Nyakasani aderhaga, mpu: Yohana ayinjaga adubik'omu menji, aliko mwabo nji mwadubikwa na Muka Ochere.
\v 17 N'obo, bulala, Nyamuzinda abagabir'eyo nshokano nguma nerhu, rhwerhwa yemerere Nyakasani Yesu Kristu, kurhe nankachikula ku Nyamuzinda?
\p
\v 18 Eri bayunva ntyo, basira, bakuza Nyamuzinda, omukuderha: Nechi, abapagani nabo Nyamuzinda abaher'obuchiyunjuze bwabahisa oku kalamo.
\p
\v 19 Balala bayakaga enyanya y'okuyirhwa babonekana enyanya ya Sitefano, babalama kuja e'Foyiniki n'e'Kipro n'e'Antiyokiya, barha yigirizaga ogo mwazi arhali oku Bayahudi bonine.
\v 20 Na ntyo balirimo balume baguma b'e'Kipro n'e'Sirene n'abarhengag'e'Antiyokiya, bachimenyisa oku Bagiriki, n'oku babwira omwazi g'omurhula gwa Nahano Yesu.
\v 21 Okuboko kwa Nahano kwa liri haguma nabo, n'oluganjo lunene lw'abantu bachunguka n'okuyemera Nahano.
\v 22 Ogw'omwazi gwahik'omu marhwiri gw'aka Nyamuzinda k'e Yerusalemu, na Baranaba arhumwa e Antiyokiya.
\v 23 Amango ahikag'eyo, n'okubona eshokano ya Nyamuzinda, asima, abahanula mpu basere ku Nahano n'omurhima gwoshi:
\v 24 Bulala aliri muntu mwinja oyunjwire Muka Ochere n'obuyemere. Na ntyo bantu banene bashiga Nyakasani.
\v 25 Oku handi, Baranaba aj'e Taraso kulonza Saulo;
\v 26 aber'amubona amugalukan' e Antiyokiya. Bamala mwaka mugumaguma naye na kanyamuzinda bayigirizayo bantu banene, omu Antiyokiya okuburhanzi abigirizwa bayirikwa bakristu.
\p
\v 27 Mw'ezola siku, abalebi barhenga e Yerusalemu, baja e Antiyokiya.
\v 28 Barhenga mu muguma ezino lyage ye Agabo, ayumuka, arhondera okuderha okubuhashe bwa Muka mpu eshali lyab'omw'igulu lyoshi. Elyo shali lyelila lyabag'oku mango ga Klaudiya
\v 29 Obw'abaganda bachihumako mpu ngasi muguma, nk'oku anagalire, arhumire bene babo b'e Yudeya oburhabale.
\v 30 Bahikiriza, bayohez'obo burhabale emw' abagula, babufumbika Baranaba na Saulo.
\c 12
\cl Chigabi 12
\p
\v 1 Mwezo siku mwami Herode alambula okuboko kwage okujira amabi oku bandi bantu b'eshengero.
\v 2 Ayirha Yakobo mwene wabo Yohane okumupanga.
\v 3 Nabulala abona nk'okujira ntyo kwasimisize Abayahudi agendekeza agukura Petero naye, zaliri siku z'emigati.
\v 4 Amango amalaga mugwarha amuhira omumpamikwa, omu maboko ga barungu bane, bane, bamulange, eyi ashondere kw'enyuma ya Pasaka amuhane oku bantu.
\v 5 Nantyo Petero alangwa omu mpamikwa aliko eshengero bamuhemera emwa Nyamuzinda busira kurhama.
\v 6 Amango Herode ashondaga kumuhana, mw'obo budufu Petero alilyamire ahagarhi kabarungu babiri, n'abandi embere y'olunvi balangire empamikwa.
\v 7 Lero Malayika wa Nahano uyumanga hofu naye, n'obulangashane bwakolez'omu busika ashurha Petero omulubavu, amuchula, amubwira: yumanga duba. Emigozi yalimushwekere yarhoga.
\v 8 Enyuma Malayika amubwira; yambalem'ishangi n'ebirato byawe ajira ntyo. Amubwira: Yambal'emishangi yawe onkulikire.
\v 9 Naye amukulikira, ey'arhamenyer'akaba kubinali ebila byajirika na Malayika, aliko amenya mpu bilorho.
\v 10 Amango arhalukaga omulanzi n'owakabiri, agera okulunvi lw'echuma lujire omu chizungu, lwachichingula lonine, baj'embunga, bagera omu njira nguma honaho Malayika omuleka.
\v 11 Petero amango obwenge bumugaluka aderha: Namaja namanya oku Nahano alirhumire Malayika wage okunchungula okunkula omu maboko ga Herode n'omubyoshi olubaga lwa Bayahudi balilangalire.
\v 12 Abere aganiza ntyo, ahika oku nju ya Mariya, nina wa Yohana ahamagalwa Marko, n'abantu banene balibuganene omu bali bahuna.
\v 13 Abere akomanga oku lunvi, omujanyere, ohamagalwa Roda, ayinja kuyunviriza.
\v 14 Abere ayunva omulenge gwa Petero arhachingulaga olunvi Enyanya ly'okusima, aliko ayinja duba ababwira oku Petero y'eri mbuga okulunvi.
\v 15 Nabo bamubwira: wasirehere. Aliko yewe akomeza kubabwira ntyo.
\v 16 Baderha: mpu malayika wage oyo. Aliko Petro akomeza kukongorha Babere bachingula olunvi ba mubona, basomerwa bwenene.
\v 17 Naye abasimira n'efune okubasire, buzind'arhondera oku babwira gurhe Nahano omukulaga omu mpamikwa, aderha: Mugende mubwire Yakobo na bene babo eyi myazi. Arhengaho aja handi.
\v 18 Obuche bwabere bwayinja, Enfola miherho zarhogoka bwenene okumenya gurhe byabere na Petero.
\v 19 N'amango Herode ajagamulonza buzira kumubona, arhegeka okw'abalanzi bayirhwe, Petero ayandagala kurhenga e Yudeya aja eKayisariya, aberayo.
\v 20 Lero Herode agaya bwenene abantu b'eTiro n'eSidoni: nabo bayinja emwage na murhima muguma: n'enyuma ly'okujira obwira na Balasto, olanga obusika mwami alalamo, balonz'omurhula, bulala echihugo chabo chibona ebiryo omuchihugo cha mwami.
\v 21 N'oku lusiku luguma lulondwerwe Herode ayambala enyambalo y'obwami; ayikala oku ntebe y'obwami; adurha emyazi embere zabo.
\v 22 Abantu bahoga baderha: mpu mulenge gwa Nyamuzinda gurhali gwa muntu.
\v 23 Honaho malayika wa Nahano amurhibula, bulala arhahaga Nyamuzinda obukuze, alibwa n'orhusimba, arhenga m'omuka.
\p
\v 24 Alik'omwazi wa Nahano gwa gendekera, gwayushuka.
\p
\v 25 Baranaba na Sauli babere bamala obukozi bwabo: Bagaluka kurhenga Eyerusalema; bagenda haguma na Yohana ohamagalwa Marko.
\c 13
\cl Chigabi 13
\p
\v 1 Omushengero ly'e Antiokiya haliri abalebi na bafuruma bakulu: Barnaba, na Simeoni ohamagalwa Niger, Lisiyusi w'e Sirene, Manahene, wakuliraga haguma na Herodi munizi, na Saulo.
\v 2 Amango balemaga bakolera Nahano omu chigusho chabo balema bachishalisa, Muka Ochere adarha: Muntolere Barnaba na Saulo, mubampebere eburhambi, bankolere omulimo nabahamagaliraga.
\v 3 Nantyo, buzinda bw'okumala kuchishalisa n'okuhuna bahebabo kwamaboko, babaleka bagende.
\p
\v 4 Barnaba na Saulo, barhumwaga na Muka Ochere, bayandagalira e Selesi, n'eyola baja omu nkuge bagana oku chizimba ch'e Shipro.
\v 5 Bahikire e Salamina, bayalagaza omwazi gwa Nyamuzinda omu bishagala by'Abayahudi. Na Yohane abagwasa.
\v 6 Kandi babere bashabuka echizimba choshi kuhika ekashosi babugana omufumufumu muguma, mulebi mubi wa Bayahudi ohamagalwa Bara-Yesu,
\v 7 owaliri haguma n'omulagizi Serijiyusi Paolusi, muntu w'obwenge. Oyola, ahamagala Barnaba na Saulo, achiyerekana nka muntu olonzeze okuyunva omwazi gwa Nyamuzinda.
\v 8 Aliko Eliyamasi, mulaguzi, bulala ntyo kw'ezino lyage linaderhere, alema ahakana ebyabo n'okulonza okukula olala muntu mwenge omu buyemere.
\v 9 Na ntyo ku Saulo, ohamagalwa Paulo, ayunjula Muka Ochere, amulola, aderha:
\v 10 Muntu oyunjure ngasi bubi n'obwizi, mugala wa lyangobe, mwanzi w'okuli kwoshi, kw'orhakaleka okola kubihya enjira za Nahano nabo zikwanene?
\v 11 Lero jaga walola, okuboko kwa Nahano kuli enyanya zawe, njiwaba mpumi, n'omu kashanji kageke nj'orhabona ezuba, hanaho olwakungu n'omwizimya gwa muhumya, arhondera amamarha, n'okulonza owamu longola.
\v 12 Eri omulaguzi abona ebyabere, asomererwa enyigirizo za Nahano, ayemera.
\p
\v 13 Paulo n'abaliri nabo, berhenga e Pafo, bashabukira e Perga omu Pafiliya. Yohane achiberula okubo, agaluka e Yerusalema.
\v 14 Bowe, babanguliza, barhaluka e Perga, banahika e Antiyokiya omu Pizidiya. Baja omuchishagala olusiku lw'e Sabato, bayikala.
\v 15 Buzinda bw'obusomi bw'amarhegeko, na balebi, abakulu bechishagala babarhuma bajiderha: balume beneberhu, akaba kuherhe obuhamiriza mwabwira olubaga, muderhe.
\v 16 Paulo ayumuka, ajira echimanyiso n'efune, aderha: balume b'e Israeli nenyu mwemuyubaha Nyamuzinda, muyunvirize!
\v 17 Nyamuzinda w'olubaga lw'e Israeli alondwere badarha, akengesa olu lubaga amango lwaliri omuchihugo ch'e Misiri ana lukulayo n'okuboko kwage kw'obuhashe.
\v 18 Abalisa hofi myaka makumi mane omu mpinga;
\v 19 N'eri aba amabihya buko mushanvu omu chihugo ch'e Kanana, abahereza cho nka chabo.
\v 20 Buzinda bwaho, bachirha hofi myaka magana mane na makumi marhano, abahereza abazuzi kuhika oku mulebi Samweli.
\v 21 Lero bahuna Nyamuzinda omwami, abahereza Saulo mwne Kise enyuma ya myaka makumi mane omu mulala gwa Benjamina;
\v 22 Nakandi amuleke n'okubayereka Daudi, bulala yewayerekene ebijiro byage: namwene Daudi, mugala wa Yese, muntu oli oku murhima gwani, yenjiwajira obulonza bwani.
\v 23 Kurhenga omu mulala gwa Daudi, mu Nyamuzinda njakula omuchunguzi we Israeli yene Yesu.
\v 24 Embere yo kuhika kwage, Yohane ayigiriza obubatizo bo kuchikunamula, okubana be Israeli.
\v 25 N'emango Yoane amalaga olugenzi lwage, aderha: arhali nyolala muli mwaganiza, saliko, mulole enyuma zani hayinja olala intakagala ku shwekula ebirato by'omu kugulu kwage.
\v 26 Balume, beneberhu, bene eshushano lya Abraham, nenyu mwemuyoboherhe Nyamuzinda, enyanya zenyu ogo mwazi gw'entulo gwarhumwagwa.
\v 27 Bulala, kubalala ba bera e Yerusalemu n'abakulu babo, barhamenyaga Yesu, bamulahira, bahikiriza emyazi ya balebi yakazagi somwa ngasi lusiku lwe Sabato.
\v 28 Nachakaba ntahyo bamubweneko ehyakarhuma bamuyirha, bahema Pilato amuyirhise.
\v 29 N'enyuma yokuhikiriza byoshi bya yandikwagwa enyanya zage, bamuyandagaza okumusalaba n'oku mubika omu shinda.
\v 30 S'aliko nyamuzinda amufula omumifu.
\v 31 Akazi rhengerera mubalala barheremeraga naye e Galilaya omu Yerusalemu. Bobalala lero biri bimenyiso okulubaga lwage.
\v 32 Nerhu, rhubamenyeseze ogu mwazi muhyahya oku y'endagano yajirwaga oku badarha:
\v 33 Nyamuzinda abihikiriza ku rhwabano rhuli bana babo, omu kufula Yesu nk'oku byaliyandikirwe omu nanga za Daudi za kabiri: oli mugala wani, nakuburha oku lusiku lwene.
\p
\v 34 Nk'okwamufulaga omu mifu, konoko arhakakigaluka mpu abole aderha, mpu: njinakuha olukogo lu chesizwe lw'e ndagano ya Daudi, olo luli lukogo lokuli.
\p
\v 35 Chechirhumire aderha kandi: orhakaleka omucheswa wawe abola.
\p
\v 36 Nabo Daudi enyanya yokuhikiriza obulonza bwa Nyamuzinda, omu kukolera omulala gwage afa, ahirwa haguma na beshe n'oku bola.
\v 37 S'aliko oyu Nyamuzinda afulaga arhabolaga.
\v 38 Mumunyerere oku, balume, beneberhu, kugerera oyula, rhwayigirizwa oku babalirwa kw'ebyaha.
\v 39 Kon'oko, ngasi yeshi wa yemerere, aganjirwe okuli ku ngasi hyoshi, rhurha chinganjirwe nk'amango g'erhegeko lya Musa.
\v 40 Mulole, bwinja, bya kabagerere ebya lebwagwa n'abalebi:
\q
\v 41 Mulole, mwe mulema mwa bonerera, musomezwe, munaherhe, bulala omu siku zenyu najira omukolo, n'ogwo mukolo murhankaguyemera eri bankabashambalira gwo.
\p
\v 42 Amango Paulo na Barnaba bahulukaga, babashigirira mpu oku lwindi lusiku lw'e sabato bashubi babwira eyo mwazi;
\v 43 n'embuganano yabo yabere yahwa, abayahudi banene n'abaharamya Nyamuzinda banene bakulikira Paulo na Barnaba, nabo bababwira n'okubahanula mpu basere omu lukogo lwa Nyamuzinda.
\p
\v 44 Olusiku lw'e Sabato lwakulikiraga, hofi ekishagala choshi chachihira haguma mpu chiyunve omwazi gwanyamuzinda.
\v 45 Abayahudi babere babona olubaga lw'abantu lunganaho, bayongwa, baanzi hakana emyaziya Nyamuzinda Paulo alemaga aderha, n'okumulerha kw'obuhaka n'okumujachira.
\v 46 Paulo na Barnaba abwirabo n'obwalagale, ntya: mwabo, mwemwalikwanene okurhangibwirwa omwazi gwa Nyamuzinda; aliko, bulala mugulahire, n'obola mwachiyazize mwenyine okumurhakwanene akalamo k'esiku n'amango, mulole, rhukolachijira emwa abapagani.
\v 47 Bula ntyo ku Nahano arhurhegekaga: Nakujiraga obe bulangashane bw'embaga, n'okuheka obuchunguke kuger'okunyukizo z'egulu.
\p
\v 48 Abapagani basim'okuyunva ntyo, basingiz'izekinwa cha Nahano, naboshi balirheganyizwe akalamo k'esiku n'amango bayemera.
\v 49 Omwazi gwa Nawerhu gwayalira omuchihugo choshi.
\v 50 Aliko, Abayahudi bashumika abakazi b'okuli na ab'olukengo n'abakulu be chishagala, bazusiza Paulo na Baranaba amalibuko banabahiga omu chihugo chabo.
\v 51 Paulo na Baranaba, bakungurha akachulo oku magulu mabo bachijir'e Ikoniyo.
\v 52 Abigirizwa bayunjula obushagaluke na muka Muchesibwa.
\c 14
\cl Chigabi 14
\p
\v 1 E Ikoniyo, Paulo na Barnaba baja haguma omu chishagala ch'abayahudi, baderha okubuly'olubaga lunene lw'abayahudi n'Abagiriki bayemera.
\v 2 Aliko Abayahudi barhayemeraga bashumika abapagani n'oku baheba mw'emirhima mibi ku bene berhu.
\v 3 Babera e Ikoni kashanji kanene bali baderha n'oburhwali omu Nahano wahamirizag'omwazi g'obukuze bwage, abah'ebimenyeso n'ebisomerene bikolwe oku fune zage.
\v 4 Olubaga l'omu chizungu lwachigabamo: baguma okulunda lw'abayahudi n'abandi okulunda lw'entumwa.
\v 5 Amango abarhayemerere, n'Abayahudi haguma n'abarhegesi babo babere bali bashonda kubakubirh'amabale;
\v 6 Paulo na Baranaba omukugwarha obwenge balibirhir'omu chizungu ch'e Likoniya n'Elistra n'Ederbe na hofihofi nabo.
\v 7 Bayalagaz'omwazi gw'omurhula eyo munda.
\p
\v 8 Elistra yaliri muntu muguma w'entagenda, gurheng'okuburhwa eri arhasagi lambagira
\v 9 Ayunvirhe oku Paulo ali ayigiriza, na Paulo amulambulira kw'amesho, okubona oku aliherh'obwemere b'okufuma,
\v 10 aderha n'omulenge gunene: yumangira oku magulu gawe. Ayumuka bwinja analambagira.
\p
\v 11 Okubon'ebi Paulo awajirire, olubaga lwalik'omulenge n'okuderha omululimi lwe Likaoniya: emizimu omushusho ly'omuntu yarhuyandagalire.
\v 12 Bayirika Baranaba mpu ye Yovi na Paulo Merikuriyo, bulala yewe yewalemag'aderh'omwazi.
\v 13 Omudahwa wa Yovi waligwerh'eshengero lyage embere w'echishagala alerh'enkavu n'emirhabi y'obwaso kuger'omulunvi, ashonda kurhul'entulo haguma n'olo lubaga.
\v 14 Entumwa Barnaba na Paulo, babere bayunva ntyo, baber'emishangi yabo, balibirhira ahagarhi k'olubaga,
\v 15 bayama: mwe balume we, charhuma mwajira ntyo? nerhu rhuli bantu kuguma nenyu; n'omukubalerher'omwazi gwinja rhubayingingire muchunguke murhenge mweyi myazi yabushabusha muj'emwa Nyamuzinda walemag'empingu n'egulu n'enyanja na byoshi bilimo.
\v 16 Oyo Nyamuzinda, omuchihe chageraga, alekag'amahanga goshi gakulikir'enjira zabo,
\v 17 nachiro ntyo arha chilekaga buzira kuhamiriza okwali, omukujir'ebinja, omuku barhumir'envula gurheng'empingu n'amango g'okushalula, omukubayugusa emirhima yenyu biryo n'obusime.
\v 18 Nakw'ebyo binwa, bashiman'echibazo chokubuza olubaga mpu barhabarhulirag'entulo.
\p
\v 19 Bahulukira kurheng'e Antiyokiya n'e Ikoniya, abantu bol'olubaga bakubirha Paulo amabale, bamukululir'embuga w'e chishagala eri bali baganiz'okw'afire.
\v 20 Alikw'entumwa babere bamurhangana boshi ayumanga aja omu chizungu, esezi waho baj'e Derbe bombi na Barnaba.
\v 21 Babere bamayalagaz'omola chishagala n'okujir'oluganjo lulebe lw'entumwa, bagaluk'e Elistra, e'Ikoniya n'e Antiyokiya,
\v 22 bakomeza emirimo y'entumwa, n'okubayushulir'emisi omu kushibirira omu bwemezi, n'omu kuderha mpu oku malibuko manene, k'okwarhuma rhwaja omu bwami bwa Nyamuzinda.
\v 23 Bahira abagula b'eshengero omu ngasi shengero, na buzinda b'okuhuna n'okuchishalisa, babayereka Nyamuzinda, eyi bayemeraga.
\v 24 Bayambukira e Pisidiya, baja e Panfiliya,
\v 25 bayalagaz'omwazi gwinja e Perijiya, bayandagalira n'e Ataliya.
\v 26 Gurheng'aho baja omu bwarho kuyerekera e Antiyokiya emunda barhumagwa oku lukogo lwa Nyamuzinda enyanya w'emirimo bali bamayusi jira.
\v 27 Buzinda b'okuhika kwabo, bahamagaza eshengero, banabashambalira byoshi Nyamuzinda abakolere, na gurhe achingulire amahanga olunvi l'obwemere.
\v 28 Barhangilama n'Entumwa siku zinene bwenene.
\c 15
\cl Chigabi 15
\p
\v 1 Bantu baguma, kurheng'e Yudea, b'ayigiriza bene babo, omukuderha: Nkamurhakembwirwe nk'okw'emingezo ya Musa, murhankachunguka.
\v 2 Paulo na Barnaba baj'omunganiro y'obuhaka nabo bwenene; baguma babo barhol'omuhigo ku Paulo na Barnaba na baguma mubo, barharam'e Yerusalemu emund'entumwa n'abagula bali, kugera mw'echo chibazo.
\v 3 Bamalire kuherekezwa n'eshengero, bagendera n'olugenzi lwabo kuger'e Fenisiya, n'e Samaria, balola gurh'abapagani bagwerhe bayankirir'obwemere, balerh'obushagaluke bunene mubene babo boshi.
\v 4 Bagerer'e Yerusalemu, b'ayankirirwa n'eshengero, n'entumwa n'abagula, bashambal'engani yoshi Nyamuzinda akolere haguma nabo.
\v 5 Lero baguma b'omu Bafarisayo, bayemeraga, bayumuka, n'okuderh'oku byalihemer'oku kembul'abapagani n'oku baseza bashimb'amarhegeko ga Musa.
\v 6 Entumwa n'abagula bachihira haguma mpu balole gurhe bigendekere.
\p
\v 7 Babwen'obuhaka bwagendekere, Petero ayumuka, ababwira: Beneberhu, muyemere oku kurhenga mira Nyamuzinda achilondweze omumwabo, mpu, kugerer'obunu bwani, abarhayemerere bayunv'omwazi gw'Akalembe banayemere.
\v 8 Na Nyamuzinda, oyinji emirhima, abah'obuhamiriza, omukubaha Muka Ochere kuguma nerhu;
\v 9 arhajiraga kalondole ahakagarhi kerhu nabo, ashuk'emirhima yabo kuger'obwemere.
\v 10 Lerho mw'enosa, chirhumire mwarhangula Nyamuzinda, omu kulonz'okubarhuza entumwa omuzigo gwayabiraga badarha nerhu rhwenyine rhurhagalaga kuyiheka?
\v 11 Alik'olukogo lwa Nahano Yesu rhuyemerer'okuchunguka, haguma nabo?
\p
\v 12 Olubaga loshi lwasira, bayunviriza Barnaba na Paulo, elibagwerhe babashambalira ebisomezo byoshi n'ebisomerene bila Nyamuzinda abajiriraga omu kagarhi k'abarhayemerere.
\v 13 Babere bamala kushambala, Yakobo arhol'omwazi, anaderha: Beneberhu, muyunve!
\v 14 Simoni abashambalira gurhe Nyamuzinda alolere omu burhangiriza abapagani alondola m'olubaga lwahek'ezino lyage.
\v 15 Haguma n'ebyo, byayunvikana n'emyazi y'abalebi, nk'okubiyandikirwe:
\q
\v 16 Buzinda by'ebyo, nji nayinja, njinafunulira, njinayumbak'echihando cha Daudi, chabaga chashandukire, nayumbaka ahashandukire n'okuhayimanza,
\q2
\v 17 obuzinda bw'abantu balonze Nyamuzinda, n'olubaga loshi balal'oku zino lyani bahamegerwe, bajir'ebibyoshi Nahano aderhere,
\q
\v 18 akasi kage koshi kamenyikene kurheng'omu ntagiriro y'egulu.
\p
\v 19 Chechirhumire nabach'akalimi rhurhalonzag'obuhaka haguma kubala barhenger'omu bapangani bachihirire ku Nyamuzinda,
\v 20 aliko rhubayandikire oku bachihir'eburhambi n'emyazi ezingisizwe n'ebushushanyo, n'obuhushi, n'enyama zachifiraga, n'omwamba.
\v 21 Bulala kurhenga mira Musa haguma n'abayalagaz'amarhegeko gage buli chizungu gasomwaga mu buli chigala ngasi lusiku lw'e sabato.
\p
\v 22 Nantyo byasimis'entumwa n'abagula, n'eshengero lyoshi, okulondol'omu kagarhi kabo abandi n'okubarhum'e Pasila, bantu bakulu omu bantu.
\p
\v 23 Babayandikir'amaruba bagafumbasyabo gaderhere: ntumwa beneberhu, bagula, na beneberhu, omu bapagani, bali e Antiokiya, e Siriya n'e Silisiya rhwamabalamusa!
\pi
\v 24 Rhwayunvirhe oku bantu baguma barhenger'emwerhu rhurhanabarhumire, babalibwize n'emyazi barhindibwiz'emirhima yenyu balibaderha mpu mukembulwe n'okukeng'erhegeko, nabo rhurhanabarhumire.
\v 25 Rhwabwene bwinja enyanya b'ebyo, okuchihira haguma rhweshi, oku londol'abaganda n'okubarhumirabo beneberhu Barnaba na Paulo,
\v 26 ababalume bahanir'akalamo kabo okuzino lya Nahano Yesu Kristu;
\v 27 Rhwarhumire Yuda na Sila, njibababwira kugerer'oku bunu bwabo ebi bintu.
\v 28 Bulala byabonekana binj'emwa Muka kurhuh'ogwindi mulimo guli gw'engenzi.
\v 29 Murhayemerag'ebintu bihanirw'entereker'oku bishushanyo, n'oku shagama, enyama zachifiraga n'obuhushi. Muchilang'ebi bintu, mwaba mwakola bwinja. Mbalagire.
\p
\v 30 Babere bayusa kuhabw'obulenganjira, bamanukir'e Antiokiya; bayusa kushimana ahabachigushire, babah'amaruba.
\v 31 Bachisom'ago maruba, basima bwenene oku mpanulo zirimo.
\v 32 Yuda na Sila, baliri balebi, babahanula n'okubagenderez'omu kugenderera bwinja.
\v 33 Enyuma ly'okuyikala haguma ebichanji, bahabw'obulenganjira n'aba bene babo bagaluk'emunda barhengaga.
\v 34 Aliko Sila abon'oku biri binja okubera eyomunda.
\v 35 Na Paulo haguma na Barnaba babera e Antiokiya, bali bayigiriza n'oku yalagaz'Omwazi gwa Nahano haguma n'abandi bantu banene.
\p
\v 36 Esiku zimali rhaluka Paulo abwira Barnaba: rhugaluke lero, rhulole bene berhu bali mu buli chizungu abarhwayigirizag'Omwazi gwa Nahano, rhulole bali mu borhere buchi.
\v 37 Barnaba alonza kurhola Yohana oyirikwa Marko bagende naye.
\v 38 Aliko Paulo arhasimaga kugenda n'omuntu walekagabo e Panfiliya, alahira kugenda nabo kukola omulimo.
\v 39 Barhongana bwenene n'okulekana. Barnaba agenda na Marko, agenda n'enkuge kuger'e Kipuro.
\v 40 Aliko Paulo alondola Sila, arheng'e Panfiliya ahunirwe n'abo bene babo, ahabw'obonjo bwa Nyamuzinda.
\v 41 Ager'omu Suria n'omu Kilikiya; ayimanz'amashengero.
\c 16
\cl Chigabi 16
\p
\v 1 Ahika e Derbe, n'e Listra. Haliri eyomunda mugirizwamuguma, ezino lyageTimoteyo mwana w'omu kazi Myahudi waliri mwemezi, aliko eshe aliri Mugreki.
\v 2 Na Timoteyo aliherhe akuzwa na benebabo baliri e'Listra n'e Ikoniya.
\v 3 Paulo ashonda oyola amukulikire omu lugenzi lwage. Amurola, amukembulwa enyanya zabala Bayahudi baliri mwechola chihugo, bulala boshi balimenyere okw'eshe ali mugiriki.
\v 4 Babere bahika aha kagarhi k'ebyo bihugo, baheran bene babo, galala malaganyo garhengaga oku ntumwa n'oku bahanuzi b'e Yerusalema, nyi benebabo bagakulikira.
\v 5 Amashengero nago gakomezwa omu buyemere, n'okuyushuka bwenene kw'abemezi ngasi lusiku.
\p
\v 6 Paulo na Sila bahika omu chihugo ch'e Frijiya n'e ch'Egalatiya, bunola muka ochere alibahanzize oku yalagaz'omwazi mw'echo chihugo ch'e Aziya
\v 7 Eri bahika hofi n'olubibi lw'e Misiya, balonza kuja e Betaniya, aliko Muka gwa Yesu arha bayemereraga.
\v 8 Bachihikira e Misiya, bayandagala kuhika omu chihugo ch'e Torowa.
\v 9 Ahola Paulo amanyiswa omu bilorho budufu: muntu muguma w'e Makedoniya ayimagire embere zage, amuhema bwenene, aderha: shabuka, oje e Makedoniya orhurhabale.
\v 10 Amaliri bona ebyo bilorho, rhwalonza honaho oku rhwahika e Makedoniya, bulala oku binali oku Nyamuzinda arhuhamagere rhujiyigiriza yo emyazi y'obuholo.
\p
\v 11 Rwabalama omu nkuge kurhenga e Trowa, kuja e Samotrake, omu njira ngeke, bucha esezi rhwaja e Neapoli.
\v 12 Na kurhenga eyo rhwahika e Filipi, chochali chihugo chaburhanzi omu Makedoniya, ah'abaroma balilamire bwenene rhwaberayo siku zigeke.
\p
\v 13 Olu siku lw'eSabato lwabere lwahika rhwaja eburhambi lw'enyinchi, mpu hohantu hoku hunira, rhwayikala rhwaderhesa abakazi balichilundireho.
\v 14 Mukazi muguma, ezino lyage Lidya, muchuruzi w'emishangi midukula, muburhwa w'e Tiyatira wakazagi kuza Nyamuzinda, arhuyunviriza naye Nahano amufungula omu rhima, natyo ayemera ebi Paulo aligwerhe aderha.
\v 15 Eri aba amadubikwa nabw'omu mwage, arhushigirira eri: "akaba muyemerere okundi mwemezi wa Nyamuzinda, mujibera omu mwani"
\p
\v 16 Lero haba lusiku luguma eri rhwajaga huna rhwashimana mujanyere muguma waligwerhwe na lyangombe w'obulaguzi, amalebi gage galigwerhe galerhera bintu binene.
\v 17 Aba arhukulikire, alema ayama anaderha eri: abantu bali bambali eri balozi baNyamuzinda w'enyanya bwenene, bagwerhe bamuyigiriza enjira y'obuchire.
\v 18 Ajira ntyo siku zirhali zigeke, lero eri Paulo abona amarhama, ahindamuka abwira oyo lyangombe eri: okuzino lya Yesu Kristu, nkurhegekere orhenge mw'oyumukazi honaho oyo lyangombe amurhengamwo.
\p
\v 19 Eri banawabo babona obunguke balilangalire babushugunula, bagwarha Paulo na Sila, babaheka e Kagombe aha bashamuka.
\v 20 Babaha abach'emanja mpu: ababantu bagwere balerha akavulindi omu chishagala cherhu; bali bayahudi.
\v 21 Baherhe bayigiriza engeso rhurhayemera, noku rhushimba rhwe Baroma.
\p
\v 22 Olubaga lwabayandukako, nabacha b'emanja eri baba bamabahogola emishangi, babarhegeka mpu babashurhe emikoba.
\v 23 Eri baba bamabanoza n'enfimbo, babakweba omu mpamiko, bababwira omulanzi abalange bwinja.
\v 24 Eri mulanzi ayunva ntyo, abaheka omu busika bw'empamikwa, n'amagulu gabo agashwekera oku mirhi.
\p
\v 25 Aha kagarhi k'obudufu, Paulo na Sila baliherhe bayimpa erenge lya Nyamuzinda, n'abashwekwa balema babayunviriza.
\v 26 Chaligumiza, hazuka omusisi gunene, empamikwa yoshi ya ndunga. Honaho enyunvi zoshi zachinguka n'enkoba zabashwekwe zoshi zashwekuka.
\v 27 Eri omulanzi w'empamikwa asisimuka, n'eri amabona enyunvi zachingukire, ayomola engorho yage, ali akola mpu achinige, bulala alimanyire abashwekwe bamufumire.
\p
\v 28 Chi Paulo amuyakuza n'omulenge gunene eri omanye wakachiyirha: murhweshi rhulimuno.
\p
\v 29 Oyo mulanzi ajihema olwenge agenda duba, aligerere mw'omusisi, achikweba omu magulu ga Paulo na Sila.
\v 30 Okuhandi abahulusa, ababaza, eri" waliha, gurhe njirage lyo nchunguka?"
\p
\v 31 Bamushubiza, mpu: "oyemere Nyamuzinda Yesu na ntyo wachunguka, w'oyo na bomumwawe boshi."
\v 32 Baba bamuyigiriza omwazi gwa Nyamuzinda, yewe na gasi yeshi bali omu mwage.
\v 33 Oyo mulanzi abarhola honaho eri buchili budufu bukulu, ashuka ebintambara byabo adubikwa honaho boshi na bomumwage.
\v 34 Aba yegereza omu mwage, abarheganyiza ebiryo, asima enyumpa yage yoshi, bulala bayemerere Nyamuzinda.
\p
\v 35 Eri bucha, abatwa emanja barhuma omu ganda mpu ajibwir'omulanzi, mpu: "lika balala Bantu.
\p
\v 36 " Naye ajibwira Paulo eri: "abacha emanja barhumire mpu mulikwe. Muhulukage, muchigendere n'omurhula."
\p
\v 37 Paulo abwira balala baganda eri: "barhushurhire emikoba embere z'olubaga buzira kurhuchira olubanja, n'abo rhuli baRoma, barhuhira omu mpamikwa. Bakala balonza oku rhulika omu bwibisho! Nanga! bonine bayinje barhulike!"
\p
\v 38 Abaganda bagenda kubwira abacha b'emanja eyo myazi, bayunva oku bali baRoma.
\v 39 Bayinja, babarhebereza mpu mani babarhengere omu lugo.
\v 40 Eri barhenga omu mpamikwa, Paulo na Sila baja e mwa Lidiya bajibona abemezi babakomeze omu rhima, oku bundi bachigendera.
\c 17
\cl Chigabi 17
\p
\v 1 Eri baba bamarhaluka e Anfipoli n'e Apoloniya, bahika e Tesalonika, abayahudi baliherhe h' echishagala.
\v 2 Nk' oku anayorhaga ajira, Paulo abashegerera, ajira siku esharhu z'e Sabato zikulikirene erhi alemaga abajisa buhaka oku bilolere amandiko.
\v 3-4 Abahugulira mo, abayereka oku Kristo alikwanene ababale agalifuka omubafu, eri n'oyo Kristo ye Yesu nababwiraga. Baguma omubo bayemera, bashimba Paulo na Sila, n' abandi banene b' omu bapagani bayoboha Nyamuzinda, n' engabo y' Abagiriki n' abagoli barhali bageke.
\v 5 Aliko Abayahudi bayagalwa, baja ho, bashubuza abwongwa baliri omu lubaga lw'abantu, babere babona abarhali bageke, bachula entambala omu chishagala. Balundukira emwa Yasoni, eri balibalonza Paulo na Sila mpu babahekere olubaga.
\v 6 Babere bababula, bafarha Yasoni na bene berhu baguma, babahekera abarhegesi b' echo chishagala, banayama ntya: aba bantu bagomere egulu lyoshi, bayinjire na hano, na Yasoni abahandisize ahamwage.
\v 7 Aba boshi bajirire oku rhashinganene n' amarhegeko ga Sezare, omukuderha oku hali owindi mwami mpu ye Yesu.
\v 8 Eyo myazi yahira obuhaka omu lubaga n' omu barhwali.
\v 9 Babere bahongera Yasoni n' abandi efuranga emwabola barhwali, babalika.
\p
\v 10 Honaho, m'obo budufu, bene berhu baheka Paulo na Sila e Beroya. Babere bagera yo, baja omu chishagala ch' abayahudi.
\v 11 Aliko, abola bowe baliri b' omurhima gukwirire kulusha ab' e Tesalonika. Bayankirira omwazi gwa Nyamuzinda buzira buhaka, ngasi lusiku bakazagi lolereza amandiko, mpu babone akaba ebi bababwiraga kubinali.
\v 12 Banene omu bo bayemera, n'abakazi banene bagoli b' abagiriki n'abalume banene.
\v 13-15 Aliko, abayahudi b'e Tesalonika bamenya oku Paulo aherhe ayigiriza omwazi gwa Nyamuzinda e Beroya, baja yo, bazusa obuhaka omu lubaga. Honaho, bene berhu bageza Paulo, bamubwira mpu aje ebwa nyanja; Sila naye na Timoteyo bayorha e Beroya. Abaliherekeze Paulo, bamuhisa e Atena. Oku handi bagaluka n' erhegeko ly'okubwira Sila na Timoteyo mpu, bamubugane duba.
\p
\v 16 Eri Paulo aba aherhe abalingira e Atena, ayunva burhe bunene omu murhima eri abona oku echo chishagala chiyunjwire enshushano zabazimu.
\v 17 Aderhesa abayahudi omu sinagogi n'abantu bayoboha Nyamuzinda na hantu hamenyikene, na ngasi lusiku haguma nabalala akazagi shimana.
\v 18 Chiro n'abantu bayigiriza oburhimanya baderhwa Bapikureyi na Bastoyishi bamujisa buhaka. Baguma baderha mpu: "Bichi eyi ngushu yakaderha? "abandi mpu: "ali nk'owayigiriza abazimu b'emahanga"; bulala akazagi babwira Yesu n'obufuke bwabafire.
\v 19 Lero bamurhola bamuheka omu kagombe kaderhwa Aeropago, bamubaza mpu "ka wuwalemaga warhubwira ezo nyigirizo zihyahya oherhe warhuyigiriza?
\v 20 Bulala ebyoherhe warhubwira biri bihyahya, rhwakashondere nerhu rhumenye byo bichi byo.
\v 21 Nabo abany'atene boshi n'abandi bo lwa handa balilamire e Atene, nta chindi balemaga bakola kurhali kuderha n'okuyunviriza emyazi mihyahya.
\p
\v 22 Paulo ayumanga e kagarhi k'Aeropago, aderha eri: mwe bany'Atena oku mbwene, omu bantu boshi ntabo bamuhimire oku yoboh'abazimu.
\v 23 Bulala eri nagera omu chishagala chenyu namalola enshushano z'abazimu benyu, nabwene n'oku luherero kuyandikirwe eyi myazi: "kali Nyamuzinda rhurhenji." Nechi oyo mushenga murhanamumenyere, yina babwiraga.
\p
\v 24 Nyamuzinda walemaga egulu n'ebibamo byoshi, bulala ye Nahano w'empingu n'egulu, arhaba omunju zayumbakagwa n'amaboko g'abantu.
\v 25 Arhakolerwa n'amaboko m'abantu bulala ntacho alagirireko, bulala ye shoboza boshi obuzene n'omuka n'ebindi byoshi.
\v 26 Ye wajiraga abantu boshi omu muntu muguma, abayeneza omu gulu lyoshi, abagerera esiku zak'alamo kabo, abachir'embibi z'aha bayumbaka.
\v 27 Abajirira intyo ya bantu bashonda Nyamuzinda, baganiza oku muhikakwo nkabaherhe bamamarha mpu yibamubona eri kubinali ntyo, ntaye oli hale omu rhwabano.
\v 28 Bulala, omu yewe rhuherh'akalamo, n'oku kola n'oku baho. Kulala baguma bomu basaka emyazi baderha ntya: rhuli bw'omu buko bwage.
\p
\v 29 Akaba rhuli bw'omu buko bwa Nyamuzinda, rhurhakwanene rhugerereze nti Nyamuzinda ali nka horo chango nka chuma, chango nka bale byajiragwa n'obulenga chango n'obwenge bw'omuntu.
\v 30 Bunola Nyamuzinda akola ayibirire amango g'obuganyi, anakola alalikire abantu boshi ba ngasi hoshi mpu bahungame.
\v 31 Bulala arheganyize olusiku nji achiramwo mw'egulu lyoshi olubanja omu bushiganyanya, njayinji lucha n'omuntu achishogere, amuha abantu mpu yibalangalirage boshi amango amufulaga omu bafu...
\p
\v 32 Amango bayunvaga oku derha okufuka kwa bafire, baguma bamushekera n'abandi baderha ntya: wachikuyunva kw'eyo myazi agandi mango.
\v 33 Na ntyo, Paulo achi yeguza okubwo.
\v 34 S'aliko baguma baguma bamuserako n'oku muyemera, omu bowe mwaliri Ndiyoneriya w'omu hano lya Aeropago, na mukazi muguma mpu ye Damari, n'abandi haguma nabwo.
\c 18
\cl Chigabi 18
\p
\v 1 Enyuma lyeyi myazi Paulo arheng'e Atene aj'e Korinto.
\v 2 Abona Omuyahudi muguma ezino lyage ye Akila, muburhwa w'e Ponto; achizindaga kurheng'e Italiya yewe na mukage Prisila, bulala Kalaudia alirhegekere okw'Abayahudi boshi barheng'e Roma; na Paulo ahikir'ahamwabola.
\v 3 Na bulal'aliri wa bulenga buguma nabo, aber'ahamwabo, bakazi kolera haguma: Obulenga bwabo bwaliri bwakuluka amahema.
\v 4 Paulo alemaja buhaka omu Sinagogi buli lw'esabato, achihangan' oku yemeza Abayahudi n'Abagriki.
\v 5 Sila na Timoteo babere bayinja kurheng'e Makadoniya, Paulo achishweker'oku mwazi ayigiriz'Abayuda oku Yesu ye Kristu.
\v 6 Babere balahira n'oku jachira Nyamuzinda, akungurha emishangi yage, ababwira: eshagama yenyu eb'enyanya ly'amarhwe genyu. Nyono ndi mweru kweru, kurhenga buno nkalija emwa banyamahanga.
\v 7 Arhengereho aj'e mw'omuntu muguma mpu ye Tito Yusto. Oyo muntu akazaga kukuza Nyamuzinda; N'enju yage yalilungene n'esinagogi.
\v 8 Omukulu w'esinagogi ye Krispo ayemera Nyakasani haguma n'abo mumwage boshi. N'abakozi banene balemaga bayunviriz'enyigirizo za Paulo bayemera bana batizwa.
\v 9 Nahano abwira Paulo omibilorho budufu: orhayubahaga, derha, chir'orhasiraga,
\v 10 Bulala nyono ndi haguma nawe nta muntu nji wakurhera mpu akujiririze bulala mperhe bantu banene mwechi chishagala.
\v 11 Abereyo mwaka muguma na myezi ndarhu abayigiriz'emyazi Nyamuzinda.
\p
\v 12 Amango Gayo aliri Murhambo w'e Kaya, Abayahudi barhera Paulo n'omurhima muguma, Balerha Paulo e karubanda,
\v 13 mp'oyu muntu ya yigiriz'abantu baharamye Nyamuzinda kw'erhegeko lilahire.
\v 14 Paulo alonzeze kuderha Gayo abwira Abayahudi nka haliri omwazi gubi gw'obulyalya chang'obugomi mwe Bayahudi singa nalungene nenyu.
\v 15 Nantyo okubona biyerekere amazino n'emyazi ya marhegeko genyu, mulole mwenine, bulala nyono ntalonzeze okuba muchamanja w'ebirintyo.
\v 16 Abahulusa, bagenda barhenga omu karubanda.
\v 17 Nabo boshi bafarha Susiteni omukulu w'e Sinagogi, bamushurha embere y'akarumbanda. chiro Gayo arhabonag'ebyo nkachintu.
\p
\v 18 Enyuma ly'ebyo Paulo akomez'okuberayo siku zinene, buzinda alag' abemezi ayereker'e Suriya, Prisila na Akila bagenda naye. aber'agemba erhwe lyage Ekenkuria bulal' aligwerh'omuhigo.
\v 19 Abager'Efeso, abalek'eyo. yewe yenine aj'omu Sinagogi aj'obuhaka n'Abayahudi.
\v 20 Balonz'abere yosiku zinene bwenene arhayemerega.
\v 21 S'aliko abalaga aderha: Nji nashubi galuka Nyamuzinda akangwasa, agend'arheng'Efeso.
\p
\v 22 Abere ayandagal'e Kayisariya, azamuka enyanya alamus' eshengero, enyuma ayandagalir'e Antiyokiya.
\v 23 Ahandire yo siku zirhali zigeke, arhengayo, agera omu chihugo ch'e Galatia n'e Frigia chishagala oku chishagala okukomeza abemezi.
\p
\v 24 Intyo, Muyahudi muguma ezino lyage ye Apolo muburhwa w'Iskanderia, muntu wa yigire, ager'Efeso naye eyali ntwali omu mandiko.
\v 25 Oyu muntu ali ayigirizwe enjira ya Nahano, n'okubon'omurhima gwage gwalikolerere; arhonder'oku derha n'oku yigiriza oku mulongo emyazi ya Yesu aliyinj'obubatizo bwa Yohana hoshaho.
\v 26 Arhonder'aderha n'oburhwali omu sinagogi prisila na akila babere bamuyunva bamuhek'emwabo. Bamuyigiriz'enjira ya Nahano kulushiriza.
\v 27 N'amango alonzaga kushabuk'enyanja aj'e Akaya. Abemezi bamugwasa bayandikira abo begirizwa nabo bamuyegereza bamurhabala bwenene abaliherh'obonjo bwa Nyamuzinda.
\v 28 bulala bayaz'Abayahudi bwinja bwinja embere z'abantu bayerekan'emyazi y'amandiko oku Yesu ye Kristu.
\c 19
\cl Chigabi 19
\p
\v 1 Apolo aber'ali e Korinto Paulo amaligera omu chihugo ch'e lugulu, omu Efeso abona abandi begirizwa,
\v 2 abadosa: kamwahabirwe Muka Ochere mumali yemera? nabo bamushuza mpu, chiro rhurhasagi yunva oku Muka Ocher'abaho.
\p
\v 3 Paulo abadosa: bubatizo buchi mwabatizwagako? bamushuza: bubatizo bwa Yohana.
\p
\v 4 Paulo aderha, Yohana ababatizaga obubatizo b'okuchihana, abwir'abantu bayemer'owayinjire enyuma zage ye Kristu Yesu.
\v 5 Babere bayunv'eyo myazi babatizwa omuzino lya nahano Yesu.
\v 6 Emango Paulo amalaga heb'amaboko enyanya zabo, Muka Ochere ayinja enyanya zabo, barhondera okuderha okundimi zihyahya n'okuleba.
\v 7 Boshi haguma bali nkabalume ekumi nababiri.
\p
\v 8 Aj’omuchishagala aderha n’oburhwali, basakuzanya myezi esharhu, n’okuyamba/kukulula abemezi emyazi y’obwami bwa Nyamuzinda.
\v 9 Aliko abandi baba n’emirhima ekomere, balahira kuyemera baduk’eyo njira, emalangambere g’echigusho arhengayo abaleka, akul’abigizwa ashambala n’abantu gasi lusiku omuchambu ch’e Tiro.
\v 10 Eyo myazi ya gendekera kugera myak’ebiri, kugera boshi bali lamire e Azia bayunv’emyazi ya Nahano Abayuda n’Abayunani.
\v 11 Nyamuzinda akola omu maboko ga paulo abisomerenwe binene oku bunene,
\v 12 kuger'okwabantu barhol'ebitambara n'emyambaro ye humire okumubiri gwage n'okubilerher'abalwala, n'amalwala gabo gabarhenga n'emyuka mibi yabarhenga.
\p
\v 13 Aliko abandi bayuda b'enzungulizi nabo basheke b'ebishwasi bageregez'oku derh'ezino lya Nahano Yesu enyanya z'abaligwerh'emyuka mibi, balema baderha: rhubakagire omu Zino lya Yesu ola Paulo yayigiriza.
\v 14 Abakozi b'ebyo bali bana mushanvu ba Sikewa mudahwa mukulu w'abayuda.
\p
\v 15 Ebyobishwasi byabashuza; Yesu rhumuyinji, Paulo rhumuyinji lero mwabo mwebande?
\v 16 N'oyo muntu ogwerh'ebishwasi ababalalirako, abagala abahima, kugerer'okubalibisa kurhenga mw'eyonju butambara bagwerhe n'ebihulu.
\v 17 Eyo ngani yamenyikana n'abayuda n'abayunani bali lamire e'Efeso, n'obuba bwagwarha boshi, alik'ezino lya Nahano Yesu lyakuzwa.
\v 18 Banene baba bemezi bayinja baja haguma bayalagaz'ebijiro byabo.
\v 19 N'abantu banene nabo balemaga bajir'ebijiro by'okuhamula balerh'ebitabu byabo babiyos'emalangambere g'abantu boshi, banganj'echichiro chabyo haguma, gali maguta bihumbi makumi marhano.
\v 20 Entyo, Omwazi gwa Nahano gwagendekera n'okuhima oku misi.
\p
\v 21 N'amanga eyo myazi yahwaga Paulo alilonzeze oku murhima gwage okwabalame aj'e Makedonia n'e Akaya kuja n'e Yerusalema aderha: "enyuma y'okuyikala bimpunire okubon'e Roma".
\v 22 Arhuma bantu babiri mubalala balemaga bamukolera e Makedonia, Timoteyo na Erasto, aliko yewe yenyine abera e Asia bichanjio bigeke.
\p
\v 23 Chiro mw'ebyo bichanji ebyago binene byabonekana mweyo njira.
\v 24 Okubona muntu muguma ezino lyage ye Demetriyo ochul'amaguta emikolo yage kwali kukola empimba zigeke za Diane, aliherhe abalerher'obunguke bunene.
\v 25 Abaheba haguma n'abandi balemaga bakola eyo mikolo, aderha: balume, mumenyere okw'ebikulo byerhu bibonekana mw'eyi mikolo?
\v 26 Kandi mubwene n'okuyunva okw'arhali hano Efeso honyine, alikop n'e Azia yoshi, aliko oyumuntu Paulo amalire kuyemez'abantu banene n'oku bahindamula n'okuderha: bamungu bajiragwa n'amaboko gabantu barhali bamungu.
\v 27 Entyo hali obuhanya, arhali enyanya w'eyi mikolo yonyine okukengulwa, aliko n'oruhimba lwa Diane mungu w'echikazi lwaganjwa nka ntacho, n'obukuze bwage bwabiha, yewe n'e Azia yoshi n'egulu lyoshi bachikumbaye.
\p
\v 28 Babere bayunv'eyo myazi, babumba burhe, baband'akalulu, baderha: Diane waba Efeso ali mukulu.
\v 29 N'echishagala choshi chabumba kalulu bagenda jubajuba na murhima muguma, baj'omunju y'amazina, bafarha Gayo na Aristarko, bantu b'e Makedonia babalilamire haguma na Paulo.
\v 30 Paulo alilonzeze kuja omubantu, aliko abigirizwa bamulahiza.
\v 31 N'abandi b'e Aziya baliri bera bage barhuma abantu emwage, kumushigirira mpw'amenye chiro akaj'omunju y'amazina.
\v 32 Abandi baligwerhe balaka mwazi muguma n'anadi ogwindi mwazi okweng'echigusho chaliri mw'akavulindi, n'enyanya w'ebyo, barhamenya bichi birhumire babuganana.
\v 33 Barhola Alezanduru omuchigusho abayunda bamuheb'emalangambere g'abantu. Alezanduru abalambulir'okuboko, alonz'okushuza abo bantu.
\v 34 Aliko babere bamenya oku ali muyuda, boshi haguma oku mulenge muguma, baband'endulu okulugero lwa sa ebiri bali balaka: Diane wa ba Efeso ali mukulu.
\v 35 Ahanyuma omukulu w'echishagala arhuliriz'echigusho aderha: balume b'e Efeso, muntu muchi orhamenyere oku echi chishagala ch'e Efeso chili mulanzi w'eshengero lya Diane, oli mukulu w'enshushanyo ya rhiogag'empingu?
\v 36 Lero okubona okw'eyo myazi erhankahakanwa bibahunire okusira, murhakolaga omwazi omujubajuba.
\v 37 Kubon'oku mwamalire kulerh'ababantu barhali bishambo by'eshengero, chiro barhali baduka Nyamuzinda werhu,
\v 38 lero akaba Demetriyo nabantu bali haguma naye bagwerh'omwazi enyanya w'omuntu, hali akagombe hali n'abachi b'emanja, basidakane.
\v 39 Aliko mukalonz'omwazi omubindi bintu, byakwizwa n'abakulukulu b'akagombe.
\v 40 Kubona okurhuli omubuhanya b'okusidakwa enyanya w'ebibyago byazene; kubona oku nta kamaro kaguma, akarhwakashambala enyanya w'aka kavulindi.
\v 41 Amalire kuderh'ebyo ashandaz'echigusho.
\c 20
\cl Echigabi 20
\p
\v 1 Olwamo lwabere luhwa Paulo ahamagala abigirizwa abasezera, arhenga achigender'e Makedonia.
\v 2 Enyuma w'okuger'eburhambi bw'e Makedoniya n'okurhulirizwa oku myazi minene agerer'e Yunani.
\v 3 Aber'eyo myezi esharhu, aber'ajahofi kuj'e Suriya omukugera oku nyanja, abayuda bamurhega. Aha nyuma alonza kugalukir'omu njira y'e Makedoniya.
\v 4 Aba bantu bagenda haguma naye kugera e Azia, Sopateri w'e Beroya na Aristarko na Sekondo bantu b'e Tesalonika, na Gayo muntu w'e Derbe, na Timoteyo ne Tikiko na Trofimo, bantu b'e Azia.
\v 5 Ababantu barhurhanga baji rhulingir'e Torowa.
\v 6 Rhwabo rhwenyine enyuma w'emigati buzira chibolo rhwali rhenger'e Filipo kugenda enjira y'enyanja kuger'e Torowa, lugenzi lwa siku erhano. rhwayikalaho siku mushanvu.
\p
\v 7 Olusiku lurhanzi lw'eboso, amango abigirizwa babugananaga, kugab'omugati, Paulo ashambala nabo abali hofi kubalama buch'esezi agendekez'emyazi yage kuger'ebudufu.
\v 8 Haliri orhumole rhunene omubusika bw'elugulu ahabali buganene.
\v 9 Musole muguma, ezino lyage Eutiko aliyikerhe oku mwengezi ahimwa n'ero, Paulo agendekera n'emyazi yage, Eutiko arhoga kurheng'oku busika bw'elugulu abarhulwa eyafire.
\v 10 Paulo ayandagala akumbagala amulyamako, amuhobera, aderha: murhagaya buno omuka gwage guli mulimo.
\v 11 Ashubi zamuka enyanya, agab'omugati, alya, agendeker'okushambala nabo kuger'emiseke, oku buzinda achigendera.
\v 12 Bahek'oyo musole, elyali mugumaguma, barhulizwa bwenene.
\p
\v 13 Aliko rhwabo rhwaja omubwarho, rhwabalama kugera e Asosi; rhulonzeze okuyegereza Paulo akw'aderhaga yewe yenyine. Alilonzeze kugenda n'amagulu.
\v 14 Abere arhubugana omu Asosi rhwa muyegereza rhwager'e Mitilene.
\v 15 Rhwarhengayo omu bwarho, kuch'esenzi rhwager'emalangambere ga Kio n'olusiku lwakasharhu rhwager'e Samosi, rhwabera e Torogulio, n'olusiku lwakane rhwagend'Emileto. Buno Paulo alilonzeze okuger'e Efeso omu bwarho, arhalegamaga omu Azia,
\v 16 bulala, agenda dubaduba ager'e Yerusalema olusiku lw'e Pentekote bikagalikana.
\p
\v 17 Kurheng'e Mileto Paulo arhum'abantu kuje e Efeso kuhamagala abashamuka b'eshengero.
\v 18 Babere bager'emwage, ababwira: Mwabo mumenyere oku kurhenga olusiku lurhanzi amaliger'e Azia obulyo naligerere haguma n'enyu esiku zoshi.
\v 19 Ndi nakolera amahano okubwirhonzi boshi, n'oku miziga n'omu malibuko kugerer'emirhego y'abayahudi.
\v 20 Ntabishaga chiro n'omwazi muguma gwakabaher'obunguke aliko nali bayerekere n'okubayigiriz'embere z'abantu na nju oku nju.
\v 21 Nahamiriza abayuda n'abayunani bahungam'emwa Nyamuzinda n'obwemere bwa Nahano werhu Yeshu Kristu.
\v 22 Lero kandi mulole, murhol'enjira kuja e Yerusalema, eshwekerwe na Muka Ochere, buzira kumenya ebyafarh'eyo.
\v 23 Aliko Muk'Ochere y'ampamiriziza chishagala oku chishagala, alyaderha, oku ebifundo n'amalibuko bindingire.
\v 24 Aliko ntaganjir'akalamo kani nkachintu chakachiro n'akamaro emwani kulush'okumal'olugenzi lwani n'emikolo nahabirwe na Nahano Yesu, kuyamagiz'omwazi g'olukogo lwa Nyamuzinda.
\v 25 Lero lola okumenyere oku mwabo mweshi nabayalagazizag'Obwami bwa Nyamuzinda murhakachimbonako n'amesho genyu.
\v 26 Ntyo mpamiriz'emalangambere genyu mweshi olusiku lwazene oku nyono ntagwerhe shembu okushagama y'abantu boshi.
\v 27 Kubon'oku ntali lahire kubayalagaziz'obulonza bwa Nyamuzinda.
\v 28 Muchilole mwenyine, n'echigusho choshi, Muka Ochere abahere, okumube bimanginzi muli yewe, muli shengero lya Nyamuzinda, elyagulaga okushagama yage yenyine.
\v 29 Amenyer'oku enyuma y'okurhenga kwani, ba nyambwe bakalihire babajamo buzira kubabalir'olubaga.
\v 30 Kandi kurheng'emwenyu, bantu banene bayumanga n'okuderh'emyazi erhali y'okuli, mpu yab'abigirizwa bayij'enyuma zabo.
\v 31 Enyanya w'eyi myazi, mulole, munayibuk'oku lugero lwa myaka esharhu obudufu n'ezuba ntalekaga oku hanula okumiziga.
\v 32 Kandi lero, beneberhu, mbahirire mwabo omu maboko ga Nyamuzinda n'oku mwazi gw'olukogo lwage, gwakagala kubayumbaka mwabo n'okubaha mwabo akashambala haguma n'abo boshi bachesezwe.
\v 33 Ntachifijag'amaguta chiro n'ehoro, chiro n'emyambalo y'omuntu.
\v 34 Mwabo mwenine mumenyere oku aga maboko gali kolere oku Nyifinjo zani n'ezabo baliri haguma nani.
\v 35 Namalire kubayereka mwabo olwiganyo omu myazi yoshi, oku birhuhunire okujira ntya n'okurhabala abazamba n'okuyibuk'emyazi ya Nahano Yesu, n'oku byayandikirwe: eragi ly'okuhan'entulo lilushir'eragi ly'okurhulirwa.
\p
\v 36 Amalire derh'eyo myazi, afukama, ahuna haguma nabo boshi.
\v 37 Boshi balaka bwenene, bachikuba omu gosi lya Paulo, bamuhobera,
\v 38 bagaya bwenene enyanya w'ogo mwazi aderhaga, mpubarhachibon'amesho gage. Bamuherekeza kuger'oku bwarho.
\c 21
\cl Chigabi 21
\p
\v 1 Rhumala lekana nabo, n'okusikul'obwarho rhwagenda kuger'e Kosi, buch'esezi rhwager'e Rondo, na kurhengayo rhwager'e Pataro
\v 2 rhwabugan'obwarho buli bwaj'e Foyinike na kuger'e Foyinike rhwajamo rhwagenda.
\v 3 Rhumali bon'e Chipuro, rhwachileka oku lunda lwamalembe, rhwabalama kuger'e Suriya rhwayandagala kuger'e Tiro, kubona okw'obwarho bwahanulirwa h'ebikunga byage.
\v 4 Rhumala bugan'abigirizwa, rhwaberayo siku mushanvu n'abo babwira Paulo oku misi ya Muka Ochere oku amenye akazamuk'e Yerusalema.
\v 5 Rhwabere rhuyenez'ezo siku, rhwarhenga, rhwachigendera, n'abantu boshi haguma n'abakazi n'abana babo, barhuherekeza kuger'embuga w'echishagala, rhwafukama omusiko rhwahuna.
\v 6 Rhwasezerana rhwaj'omu bwarho, nabo bagaluk'emwabo.
\p
\v 7 N'amango rhwamalag'olugenzi lwerhu rhwarheng'e Tiro, rhwager'e Tolemayi, rhwalamusa bene berhu, rhwabera haguma nabo lusiku luguma.
\v 8 Buch'esezi rhwarhenga, rhwager'e Kayizariya, rhwaj'omu nju ya Filipo muyalagazi gw'Omwazi g'obuholo, aliri muguma wabala mushanvu, rhwabera ahamwage.
\v 9 Oyu muntu aligwerhe banyere bane, bababikira, baliri balebi.
\p
\v 10 Rhwabere rhuchiyiker'eyo siku zinene mulebi muguma mpu ye Agabo ayandagala kurheng'e Yudeya.
\v 11 Arhugerera, arhol'omukaba gwa Paulo achishwek'amagulu n'amaboko gage yenyine anaderha mpu: Muk'ochere aderhere ntya; ntya kw'Abayuda b'e Yerusalema bashweka nyina guno mukaba, n'oku muhana omu maboko g'abapagani.
\v 12 Lero rhwabere rhuyunv'eyo myazi, rhwabonana n'abantu baho, rhwamushigirira arhazamukag'e Yerusalema.
\p
\v 13 Okubuzinda Paulo ashubiza: bichi muli mwanjirira okulaka n'okunvun'omurhima? Nyono nchirheganyize, arhali kushwekwa kwonyine aliko n'okufa omu Yerusalema enyanya w'ezino lya Nahano Yesu.
\p
\v 14 Aber'alahira empanulo zerhu rhwasira, rhwaderha: obulonza bwa Nahano bujirike.
\p
\v 15 Ahanyuma w'ezo siku, rhwachirheganya, rhwarhol'ebikunga byerhu rhwanazamuk'e Yerusalema.
\v 16 Abigirizwa baguma kurheng'e Kayizariya bajirhuyerek'omuntu mpu ye Nasoni muntu w'okuchizimba ch'e Chipuro mwigirizwa wa mira mpurhuhande ahamwage.
\p
\v 17 Amango rhwabere rhuger'e Yerusalema beneberhu barhuyegerez'oku bushagaluke.
\v 18 Kuch'esezi Paulo aja haguma nerhu emwa Yakobo, n'abashamuka boshi baliriyo.
\v 19 N'enyuma z'okubalamusa bashambalirabo emyazi yoshi muguma oku muguma Nyamuzinda ajirire omu bapagani kugerer'emikolo yage.
\v 20 Nabo, babere bayunva, bakuza Nyamuzinda, bamubwira: mwene werhu, oben'ebihumbi bingana byabayuda byamalire kuyemera nabo boshi bagwerh'akahinda kanene enyanya w'erhegeko.
\v 21 Nabo barhubwirir'engani yawe mpu wayigiriz'abayuda boshi balamir'omu bapagani mpu baleke Musa, oli wababwira mpu barha kembulag'abana babo, mpu barhana kulikirag'emigenzo yerhu.
\v 22 Kurhe rhujirage? Buzira kahinda engabo yabuganana buno bamenyer'oku wayinjire,
\v 23 chechirhumire ojir'oku rhwakubwira. Rhugwerhe bantu banene hano bashwekerhwe oku chiragane.
\v 24 Rhol'abo bantu ochichese haguma nabo onabajuhire, bagembw'amarhwe gabo kuderh'okw'abantu boshi bamenye oku ebibabwiragabo enyanya zabo byali byabubeshi.
\v 25 Aliko enyanya w'emyazi y'abapagani, rhwamalire kuyemera rhwanamalire kuyandika n'okurhegeka oku barhakulikirag'eyindi myazi aliko bachilange bonyine n'ebintu bya rhulagwa ntulo y'eshushanyo n'eshagama n'echintu baniguzaga(banyongolezaga), n'obuhushi.
\v 26 Lero Paulo arhola abo balume n'olusiku lwage lwakabiri achichesa haguma nabo baja omu shengengero, ahamiriz'okuyenezwa k'olusiku lokucheswa, kugerer'entulo yarhulwag'enyanya wa buli muguma.
\p
\v 27 Lero ezo siku mushanvu zabere zaba hofi kuyenera, Abayuda barhenga baj'e Azia bamubona omu shengero, bagush'engabo, bamufarha.
\v 28 Babanda akalulu: Balume b'e Israel, murhabale! Oyu y'olala muntu olema ayigiriz'abantu boshi ngasi hoshi kukengula Abayuda n'amarhegeko ga Nahano. Kandi enyanya w'eyo myazi ahir'Abayuda omu kanyamuzinda azingisa hano hachere.
\v 29 Bulala babonaga Torofimo w'Efeso haguma naye omu chishagala bamenya mpu nkabaga Paulo ajire haguma naye omushengero.
\v 30 Echishagala choshi chagaya bashimanana dubaduba bafarha Paulo bamukululir'embuga w'eshengero, honaho enyunvi zachingwa.
\v 31 Babere bali balonz'enjira y'oku muyirha engani yagerer'omukulu w'enfola miherho okw'e Yerusalema yoshi yajire mw'akavulindi.
\v 32 Okuliguma arhol'enfola miherho na bachirongozi abayandagalira duba. Babere babon'omukulu w'enfola miherho baleka okushurha Paulo.
\v 33 Nanty'omukulu amuyegera, omufarha, aderh'oku bamushweke magufu mabiri, abaza: olinde, bichi wajirire?
\v 34 Abaliri omuchigusho baband'akalulu, balibaderha ntya n'abandi ntya, agambwa kumenya okuli kw'emyazi enyanya w'olwamo arhegeka oku bamulerhe omu kagombe.
\v 35 Babere bagera ahalengerere bya rhegekwa okwahekwe n'enfola miherho enyanya w'okurhindibuzwa n'echigusho.
\v 36 Bulal'echigusho ch'abantu chali mukulikire chiri chaband'akalulu: mumukuleho! Ayirhwe!
\p
\v 37 N'amango bahiraga Paulo omunju nkulu, abwir'omukulu w'enfola miherho, omp'obulenga njira nganir'omwazi, naye aderha: oyinji echi giriki?
\v 38 Arhali woyo w'ola mumisiri ochizindire heka bihumbi bine by'enfola miherho by'abagomi omu mpinga?
\p
\v 39 Paulo ashubiza; Nyono ndi muyahundi, muntu w'e Tarso, chishagala ch'e Kilikiya, muntu w'omu chishagala chirha zambire. Nkuhunir'omp'obulenganjira nganire n'abantu barhulage.
\p
\v 40 N'amango amuhag'obulenganjira, Paulo ayumanga ahalengerere, abalambulira okuboko, haba akahuzo, aderha nabo omu lulimi lw'echi Hebraniya:
\c 22
\cl Chigabi 22
\p
\v 1 Bene berhu na badarha, munyunvirize ebi nababwira buno n'ebinaderha linchilanga!
\p
\v 2 Babere bayunva Paulo aherhe aderha nabo omu lulimi lw'echihebraniya, bagenderera okusira. Aderha:
\p
\v 3 Nyono ndi Muyahudi, naburhagwa e Tarso e Silisiya; aliko nalembagwa mw'echi chizungu, nayigirizwa na Gamaliyeli amarhegeko ga badarha oku bishinganene, anaba muntu w'obushiru emwa Nyamuzinda kuguma nenyu nkoku muli mu zino siku;
\v 4 Nalibuzaga kuhik'okufa ezi nyigirizo, omu kushweka n'okuhira omu mpamiko abalume n'abakazi.
\v 5 Omudahwa mukulu n'echigusho cha bashamuka bampamiriza. Bampereza amaruba ga bene berhu be Damasiki, emunda najaga mpu mbalerhere abashwekerwe e Yerusalema n'okubahana.
\v 6 Nabere ndi omu lugendo hofu n'e Damaski, amango ga gahuzo, honaho omwengezi gunene gwarhega empingu, gwakoleza enyunda zoshi.
\v 7 Nakumbagala ahashi, nayunva omulenge guli gwambwira: Sauli, Sauli, gurhe oherhe wandibuza?
\p
\v 8 Nani nashubiza: w'oyo wende Nahano? Naye ambwira: nyono Yesu we Nazareti, eyoli walibuza.
\p
\v 9 Nabaliri haguma nani balibwene k'ogo mwengezi, aliko barhayunvaga omulenge gw'owalemag'aderha nani. Nantyo naderha: kurhe njirage, Nahano?
\v 10 Na Nahano ambwira: yumanga, oje e Damasiki, n'eyo munda wa bwirwa ngasi hyoshi orhegekerwe okukola.
\v 11 Nabere naba ntaherhe nabona chintu, enyanya z'omwengezi, abaliri haguma nani banfarha okuboko, bamperekeza e Damasiki.
\v 12 Muntu muguma oyirikwa Ananiya, oyubaha Nyamuzinda omu kukulikira amarhegeko, eyi Abayahudi boshi b'e Damaski bakenga bwenene,
\v 13 ayinja emunda ndi, ambwira: Saulo, mwene werhu obone. Hanaho nabona namulola.
\v 14 Aderha: Nyamuzinda wa badarha amalire kukulondola okw'omenye obulonza bwage, n'okubona omushinganyanya n'okuyunva emyazi y'omulenge gwage;
\v 15 bulala nji wamuhamiriza oku bantu boshi, bw'ebyo byoshi wabwene n'okuyunva.
\v 16 Chirumire lero walegama? Yimanga, obatizwe n'okubabalirwa ebyaha omu kuhamagala ezino lya Nahano.
\v 17 Omu kugaluka eYeruselema eri ndi nahuna omu shengero, nahola,
\v 18 nabona Nahano alyambwira: rhenga dubaduba eYerusalama bulala barhankayunva obuhamirizi bwaw'enyanya zani.
\v 19 Naderha: Nahano bamenyere bonine oku nalishwekere abali kuyemera n'okubashurha omu bishagala abali kuyemera.
\v 20 N'amango basheshag'eshagama ya Stefano, muhamiriza wawe, nyenine naliri ho, nali yemerere n'okufa kwage, nalanga n'emishangi ya bamuyirhaga.
\v 21 Lero ambwira: Genda, njina kurhuma hale n'omulala...
\p
\v 22 Bamuyunviriza kugera k'ogo mwazi. Aliko lero bamuzamul'emilenge, baderha: Mukule oyo mupagani okw'igulu! Arhashinganen'okulama.
\v 23 Baband'akalulu, bakabul'emyambalo yabo ahashi, n'oku balaza akachulo omu chanya.
\v 24 Omukulu w'enfola miherho arhegeka okubahire Paulo omu ngombe, n'oku mudos'amadoso n'enkoni; kuhik'obuzinda b'okumenya bichi birhumire baband'akalulu k'okumulahira.
\v 25 Babere bamala mushweka n'olukoba, Paulo abwir'omukulu w'enfolamiherho, waliriho: Mugwerh'obulenganjira b'okushurha omurhuturage w'omu Roma arhanalizi hanwa?
\p
\v 26 Kw'eyo myazi, omukulu w'enfolamihirho agenda emo mukulu wage enyanya w'okumubwira; aderha: Gurhe wajira oyu mu Roma?
\v 27 N'omukulu, ayinj'abwira Paulo: Ombwire, oli Muroma? Paulo ayemera: Nechi.
\p
\v 28 Omukulu ashubiriza: Okufaranga zinene kunabonag'obushinganyanya (murhula). Paulo baderha: Nani ndi yewe kurheng'okuburhwa kwani.
\v 29 Honaho abali shinganen'oku mudos'amadoso bachirhengera ho, n'omukulu aber'abon'oku Paulo ali mu Roma ayubah'okubona okw'alimushwekere.
\p
\v 30 Buch'esezi alonza okumenya bwinja bichi byarhumaga Abayahudi bamusidaka, omukulu amushwekula, akula erhegeko okubandi bakulu babadahwa n'oku bashamuka okubabuganane; okubuzinda, Ayandagaza Paulo bamuhira ahagarhi Kabo.
\c 23
\cl Chigabi 23
\p
\v 1 Na Paulo, alola abakulu bendeko aderha: Bene berhu, ndamire haguma na Nyamuzinda n'entanya zikomere bwenene kuhika na zene.
\v 2 Na Ananiya omudahwa mukulu abwira balala bali hofu naye akushurha oku bunu bwage.
\p
\v 3 Honaho Paulo amubwira: Nyamuzinda akushurha w'oyo, olugurhu lushigirwe erangi ly'omweru. W'oyo wayikere akuchira olubanja oku marhegeko, nawe wagomere amarhegeko omu kuderha mpu nshurhwe?
\p
\v 4 Nabola bali yimangire hofu baderha: Wamajachira omugala mukulu wa Nyamuzinda?
\p
\v 5 Paulo aderha: Ntalimenyere, bene berhu oku yewe ali mudahwa mukulu; bulala biyandikirwe: Orhanderheraga amabi enyanya z'omukulu w'abantu bawe.
\p
\v 6 Aliko amango Paulo amenyaga oku baguma babo bali Bafarisayo n'abandi Basadukayo, ayama omulenge omu ndeko: Bene berhu, nyono ndi Mufarisayo, mwana wa Mufarisayo, nyono na mahanwa enyanya z'obulangalire b'okufuka kwa bafu.
\v 7 Anamalire derha ntyo, entambala ya rhengerera omu kagarhi ka Bafarisayo na Basadukayo, n'olubaga bachigabamo.
\v 8 Bulala Abasadukayo baderha mpu ntakufuka kubaho, na nta malayika na nta Muka ochere; aliko Abafarisayo bayemerere byoshi.
\p
\v 9 Haliri olwamo lunene. Abandisi bw'okulunda lwa Bafarisayo bayumanga, baja buhaka, badehra: Rhurhabwene omwazi gubi kw'oyu muntu, aliko akaba Muka ochere changwa malayika aderhere naye, rhurhayabiranaga na Nyamuzinda.
\v 10 Amango entambala ya baga nene, omukulu w'enfola miherho ayoboha oku Paulo arhaberaga nabo, ahana obulenganjira oku enfola miherho bayandagale kumukula omu kagarhi kabo oku misi, n'oku mulerha omu nju y'enfola miherho.
\p
\v 11 M'obo budufu Nahano ayimanga haguma naye, aderha: Ochihe omurhima bulala nka kulala wa mpamiririzaga omu kagarhi k'e Yerusalema, na ntyo bikuhunire oku mpamiririziza ntyo ntyo omu kagarhi k'e Roma.
\p
\v 12 N'amango g'ezuba, Abayuda bayunvikana, bachishweka oku ndahiro oku barhalya barhanalya kuhika bayirhe Paulo.
\v 13 Nabo balahira ntyo balirhalukire makumi mane.
\v 14 Buzinda baj'emwa bakulu b'abadahwa n'abashaja, baderha: Rhwa chiswekere oku ndahiro enene ntacho rhugezage kuhika rhuyirhe Paulo.
\v 15 Na ntyo lero mwabo haguma na bashaja b'endeko mubwire omukulu w'enfola miherho, amulerhe eshishi lyenyu, oku mwalonza mu menye emyazi yage bwenene; nerhu rhuli duba oku muyirha naye arhazihika.
\p
\v 16 Aliko nalume wa Paulo aliyunvirhe emyazi oku baherhe bamulinga, ayinja aja omu nju y'enfola miherho, abwira Paulo emyazi.
\p
\v 17 Naye Paulo ahamagala omukulu w'enfola miherho aderha: Olerhe oyu musole em'omukulu; yeherhe omwazi gw'oku kubwira.
\p
\v 18 Na ntyo amurhola, amulerha em'omukulu, amubwira: Paulo, olala mushwekwa alimpamagere, amalonza kukulerhera oyu musole ye herhe omwazi g'oku kubwira.
\p
\v 19 Ola mukulu amugwarha okuboko, aja naye emusike, amudosa okwihwe: Oherhe emyazi michi y'okumenyisa?
\p
\v 20 Aderha: Abayuda bayunvikene oku huna olerhe Paulo eshishi omusezi omu ndeko kuguma nka kulonza okudosa emyazi yage bwenene.
\v 21 Na ntyo, w'oyo orhayemeraga bulala bantu banene nka makumi mane bamulingire, bachishwekere oku ndahiro y'okurhalya, chiro n, oku rhanywa kuhika bamuyirhe, nabo bakala bachirheganyize, yi balinga oku wayemera.
\p
\v 22 Na ntyo, oyola mukulu aleka oyo musole achigendera, amulagiza: Orhabwiraga muntu oku wanyerekere eyi myazi.
\p
\v 23 Ahamagala bakulu babiri b'enfola miherho, aderha: Mubike duba omukagarhi k'esaa esharhu z'obudufu enfola miherho magana mabiri bagenda e Kaisariya, n'enfola miherho za genda n'e farasi makumi gali mushanvu, n'abamachumu magana mabiri.
\v 24 Ababwira barheganye punda banyegeze Paulo n'oku muheka n'omurhula emwa Filiki, murhambuzi.
\p
\v 25 Ayandika amaruba gali ntya:
\pi
\v 26 Klaudio Lusia emwa Filiki, murhambuzi w'obukenge, mahyo!
\pi
\v 27 Oyu muntu agwarhagwa n'Abayuda, aba hofu kuyirhwa nabo, nagenda haguma n'enfola miherho, n'amurhabal'amango na yunvaga emyazi okwali muroma.
\v 28 Nalonzaga menye bichi byarhumaga bamusidaka, na muyandagaza n'oku muheba emalangambere g'endeko.
\v 29 Nabona oku bamusidakire enyanya y'emyazi ya marhegeko gabo, nabo arhasidakirwe n'omwazi guhunirwe okufa changwa oku shwekwa.
\v 30 Kurhenga mbwen'emyazi oku Abayuda bajirire ehwe libi enyanya zoyo muntu, oku liguma na mamurhuma emwawe, n'okuhuna abo bamusidakire baderhe emyazi yage emalangambere gawe naye.
\p
\v 31 Na ntyo, ezola nfola miherho barhola Paulo nk'oku banabwirwaga, bamuheka kuhika Antipatini obudufu.
\v 32 Esezi lyaho baleka abagenda n'efarasi bagenda haguma naye, nabo bachigalukira n'okuja omunju y'enfola miherho.
\v 33 Nabo amango bahikaga Ekaisariya, baha omurhambo amaruba, baheba Paulo emalangambere gage.
\v 34 Naye eyamala kusoma amaruba, abadosa: Oyu muntu ali wa chihugo chihe? Eri yamenya oku yewe ali muntu w'eKilikiya,
\v 35 aderha: Na yunvirhe emyazi yage amango abakusidakire bayinjaga: Aderha alangwe omunju ya Herode.
\c 24
\cl Chigabi 24
\p
\v 1 Enyuma ya nsiku erhano, hahika Ananiya, mudahwa mukulu, haguma n' abandi bashamuka, na muguma we mbalamwazi oyirikwa Tertulo.
\v 2 Bayinja omw'omurhegesi mukulu kusidaka Paulo. Amango Paulo ahamagalagwa embere z'omukulu Tertulo arhonder' okumusidaka, aderha:
\p
\v 3 Bula kugerer' oyo, rhwabwene omurhula gunene, mukengwa bwenene Feliki, olu lubaga lwayankirire okuhindamuka kw'okuli kugerer'ebijiro birhegwirhw'ebirhuyinji byoshi na hoshihoshi oku murhima gw'obushagaluke.
\v 4 Omukurhakurhamya nkuhunire okuyunviriza oku bwirhonzi bwawe, emyazi yerhu migeke.
\v 5 Bulala rhubwene ok'oyu muntu ali mudarhi, n'okulerha omujinya n'okugaba Abayahudi boshi omw'igulu lyoshi, nakandi ali mwimangizi w'edini lya banazareti.
\v 6 Alishinganene kuzingisa eshengero, na ntyo, rhwamamushweka.
\v 7 Rhwalonza okumuhana kuger'erhegeko lyerhu, aliko Lusia mukulu w'enfola miherho (barungu) ayinja, amukul'omufune zerhu oku misi.
\v 8 Arhegeka bal'asidakire bahike emwa Ananiya, w'oyo wenine wagala kumubaza n'okumenya ebi bamusidakire.
\v 9 Na bayuda bahamiriza oku ntyo kubinali.
\p
\v 10 Ahabuzinda Governeri amuh'echimenyiso ch'okuderha, Paulo ashuza: Mumenye, oku kurhenga myaka minene, oli Mucha manja w'obu buko, buli buyemere kw'ogu mwazi oku derhera echi chibazo.
\p
\v 11 Harhakabula siku ekumi, oba omenyere, oku nali jire e Yerusalema kukuza.
\v 12 Barhana mbonaga omu Ka Nyamuzinda, changwa omu Sinagogi, changwa omu Chishagala, kurhongan'omuntu, changwa kuhangala echigusho ch'abantu.
\v 13 Barhanameyaga bichi banshobekaga.
\v 14 Aliko, nkubwirire okunali oku ndi nakolera Nyamuzinda wa badarha, okuyemera emyazi yoshi yayandikwagwa na marhegeko n'abalebi.
\v 15 Mperhe obulangalir'emwa Nyamuzinda kuguma nabo okunji haba obufuke bwa bachesibwa na banyakol'amaligo.
\v 16 Echo chochirumire, nchihaganire okuba n' omurhima gwinja embere za Nyamuzinda n'embere z'abantu.
\v 17 Enyuma ya myaka minene, naliyinjire okulerher'abantu bw'obuko bwani entulo n'enterekero.
\v 18 Omukagarhi ka baguma ba bayuda kurhega Aziya bamushigana omu shengero enyuma ly'okuchesibwa, buzira chigusho n'olwamo.
\v 19 Bihunir'oku abala bayinjir'embere zawe kusidaka, okwonva baherh' omwazi enyanya zani.
\v 20 Aba bantu baderhere bonyine bubi buchi bambweneko amango nayimangaga emalagambere g'endeko.
\v 21 Arhali oku mulenge muguma nayamag'embere zabo enyanya z'okufuka kwa bafu, namachirwa olubanja emalagambere genyu zene.
\p
\v 22 Nantyo, Feliki amala kuyunva ebyali bilolere ezo nyigirizo, abalegamya, omu kuderha, Hano Lusia mukulu w'enfola miherho ayinja, nji namala emyazi yenyu.
\v 23 Arhegeka omukulu w'enfola miherho oku balange Paulo; aliko buzira kumushweka na buzira kuhanza bera bage oku mukolera n'okumulambagirira.
\p
\v 24 Enyuma ya siku zinene, Feliki ayinja haguma na mukage Drusila, waliri muyahudi, ahamagala Paulo amuyunviriza oku myanzi y'obwemere omu Kristu.
\v 25 Aliko Paulo alemag'ayigiriza enyanya z'okuli n'obushibirizi, n'obuhanya byayinja, Feliki ayoboha bwenene aderha: bwonabuno, orhenge hano ogende, hano mbona akachanji nashuba kukuhamagala.
\v 26 Alinihir'oku Paulo amuha olufuranga mpu lyo amushwekula, enyanya z'oku, agenderera oku muhamagala n'okuderha naye.
\v 27 Myaka ebiri echigera, Porkio Festo agombola Feliki omu kurhegeka. Feliki alilonzeze okusimis'abayuda, nantyo arhuma Paulo omu mpamikwa.
\c 25
\cl Chigabi 25
\p
\v 1 Festo aber'aj'omu chihugo chage, hagerer'esiku esharhu azamukir'e Kayisariya ye y' e Yerusalema.
\v 2 Abadahwa bakulu n'abakulu b'ehano b'Abayahudi bayinja kulega Paulo.
\v 3 Bamuyinginga mpu ababer' obonjo, arhegeke balerhe Paulo e Yerusalema, bulala balonzeze bamulingir'omu njira bamuyirhe.
\v 4 Festo abashubiz'oku: Paulo aboherw' e Kayisariya n'oku yenine nj'achilerha birhalegemire.
\v 5 Aba bwira: Abakulu benyu bayandagale bankulikire n'akaba hali echoleng' oyo mulume nji bachiderhe.
\p
\v 6 Festo ajira siku munane changw'ekumi, ayandagalir'e Kayisariya, aber'agerayo arhegek'oku balerhe Paulo.
\v 7 Agerereyo, Abayahudi, bayandagala kurheng' e Yerusalema bamugorha, bamuleg'ebikomere, ebibarhagwerhe k'obuhamya.
\p
\v 8 Paulo aj'omuluhy'achirikuza, aderha: Nyono ntacho najirire chagarhuma nalegwa ntana jiraga kubi oku marhegeko g'Abayahudi, ntakubi oku shengero chiro na ntakubi emwa Kayisari.
\p
\v 9 Festo aber'alonza kusimis'Abayahudi, abwira Paulo: ka walonz'oku jichirw'olubanj'e Yerusalema eri nani ndiho?
\v 10 Paulo ashubiza: Na sambira omu karubanda k'e Kayisariya, aho honachirw'olubanja. Nta bubi najirir'Abayahudi; ebyo mbimenyere bwenene.
\v 11 Akaba najirir'obubi, chang'olugomo luhunir'okuyirhwa, ntalahir'okuyirhwa. Aliko nka ntacho najirir'omu bibali bandega oku bubeshi; ntaye wankampir'omu maboko gabo. Nyibusize Kayisari.
\v 12 Festo aber'amaj'omw'ihano n'abaganda bage, abwira Paulo mpu: Wanyibusize Kayisari, waj'e mwa Kayisari.
\p
\v 13 Buzinda bwa siku zigeke, mwami Agripa na Berenisi bager'e Kayisariya bali lamusa Festo.
\v 14 Bajirire siku zinene baliyo. Festo ashambalir'oyo mwami olubanja lwa Paulo, aderha: Felisi aleker'oyu mulume omu mugozi.
\v 15 Amango naliri e Yerusalema; Abadahwa bakulu n'abagula b'Abayahudi bamulega balonzez'achirw'olubanja.
\v 16 Nabashubiz'oku Abaroma barhajir'engeso y'oku hir'omuntu omu maboko gabanzi bage. Nay'aligwerh'obushobozi b'oku  chiderher'oku bibamulegere.
\v 17 Na ntyo, bayinja buchasezi, nayikal'oku ntebe y'emanja, n'okurhegeka balerh'oyo mulume.
\v 18 Abamulegaga eri bahikaho ntacho bamushinjire nk'oku naliganizize baderha!
\v 19 Baligwerh'omuka enyanya ly'edini lyabo n'enyanya lya Yesu wafire, eyi Paulo yewe aderha mpu; azene.
\v 20 Ntachimanyaga bande nkulikirage, na Paulo aj'e Yerusalema achirw'olubanj'eyo.
\v 21 Paulo aber'ahamagala mpu; olubanja lwage lumanyikan'emwa mwami mukulu, na rhegeka bamulange kuger'olusiku namurhum'emwa Kayisari.
\v 22 Agripa abwira Festo: Nangasima nani muyunviriz'omusezi, Festo amushubizi mpu: nji wamuyunva.
\p
\v 23 Bwacher'sezi Agripa na Berenisi bayinja n'oburhwali boshi, bayikal'e karubanda n'abakulu b'enfola miherho, n'abagula b'echishagala oku burhegeke bwa Festo.
\v 24 Festo aderha: Mwami Agripa nenyu mweshi muli hano, mulole mweshi oyu mulume ye warhumir'olubanja lw'abayahudi lwajahano mwani, bali mbuganir'e Yerusalema banali bayama mpu ayirhwe.
\v 25 Oku bwani ntabonag'obubi bwangarhum'ayirhwa, naye yenine ahamagala okwaj'emwa Mwami mukulu; nabwen'ajeho.
\v 26 Ntabyo mperhe by'oku yandikira Mwami mukulu enyanya lyage chechirhumire namulerh'embere zenyu, n'embere za Mwami Agripa yihabonek'echokuyandika hano amaliyunvirizwa.
\v 27 Bulala birhakwirir'oku rhum'omushwekwa buzir'okuyandika ebiba mulegere.
\c 26
\cl Chigabi 26
\p
\v 1 Agrip'abwira Paulo: Oyemerer'okuchiderhera ly'ochichungula, Na Paulo anachilambul'okuboko, aburana, mpu:
\p
\v 2 Lero namasima mwami Agripa, bulala zene nayemererwe ochiderhera embere zawe oku byoshi Abayahudi bandegere.
\v 3 Bulala bamenyere oborhere bwabo b'okuchirhonganya. Nkuhemer'onyunvirize n'oburhimanyi.
\v 4 Akalamo kani, kurhondera omu siku zirhanziz'obusole bwani, zimenyikene nabayahudi, bulala baligerer'eYerusalama, omukagarhi kechihugo chani.
\v 5 Balimenyere kurhengamira, kunalilamire n'Abafarisayo, kugerer'echigusho ch'enyigirizo zibi zerhu.
\v 6 Buno, nahekerwe omu kuchirwa olushinja bulala nihirw'omukunihirizwa kw'echilagane cha Nyamuzinda, ahaga badarha.
\v 7 N'okunihir'eyo milala yerhu ekumi n'ebiri yakolera Nyakasani omu kugenderera kw'e Zuba n'obudufu. N'enyanya w'ob'obulangalire, waliha mwami kw'echola kunsidakirwe N'Abayuda.
\v 8 Gurhe, bibashushanyiz' okurhameny'oku Nyamuzinda anaful'abafire?
\v 9 Oku bwani, naliherhe naganiz'oku hikiriza n'obushibirizi ebihirire buzira lukogo oku zino lya Yesu w'e Nazareti.
\v 10 Kunanajirag'e Yerusalema na kabulwa na bashinganyanya bane omu mpamiko, abo bahabwagw'obwimangizi bw'abadahwa bakulu, n'amango bahirwagw'omo yi bayirhwa, nahis'oburhegesi bwani haguma n'obwabandi.
\v 11 Nali bakulikire y'omu bishagala byoshi, na n'abarhimanya oku birhakwirire, omu muburhe bwani bunene bw'oku bashimba n'oku bakulikiranya n'omu bizungu by'emwabene.
\v 12 Omu bulonza yina yerekerag'e Damasiki n'obulenga njira bw'abadahwa bakulu.
\v 13 Kuhik'omu kagarhi k'ezuba, mwami, nabon'obulangashan'omu njira nyono na balusi bani bahulukir'omu chanya baliherhe obukali bulushir'ezuba.
\v 14 Rhwakumbagala rhweshi oku daho, na nayunv'omulenge gwambwirh'omululimi lw'e Chi eBraniya: Saulo, Saulo, chakarhuma wandibuza?
\v 15 Na shuz'olinde Nahano? Na Nahano aderha: Ndi Nahano oy'oli walibuza.
\v 16 Aliko yumanga, ayimanga; bulala ngurheganyize obwimangizi n'obuhamirizi bw'ebintu wa bwene n'ebinji bya kuhikira.
\v 17 Na kulondwer'omu kagarhi k'abantu n'omu kagarhi kabanya byaha, emwabo njina kurhuma;
\v 18 oku nji bashwekula amesho, omu kurheng'omu mwizimya n'okuj'omu bulangashane, n'emisi ya Lyangombe oku misi ya Nyamuzinda enyanya ly'omu bubabalire bw'ebyaha n'okuba n'akashambala haguma n'abacheswa.
\v 19 Omu kubabalwa, mwami Agripa, ntakafunda kuhikiriz'enganiza zaw'enyanya z'ebyolonzeze:
\v 20 Oku banya Damaski burhanzi kandi n'e Yerusalema; omu Yudeya, yoshi n'oku barhali bemezi bahungame n'okuhindamukira Nyamuzinda haguma n'ebijiro binja by'obubabale, na kazagi bayigiriz'oku chiyunjuza n'okuhindamukira Namahanga omu bijiro binja n'okuchiyunjuza.
\v 21 Lolaga chechinarhumire ABayahudi bamenyerere omu shengero, banalonz'oku mpezez'akalamo.
\v 22 Alik'oku lukogo lwa Nyamuzinda nalilamire kuhikira bino bichanji. Nahamiriza abadorho n'abakulu omu kurhaderha mwazi s'aliko kubilal'abalebi baderhaga haguma na Musa nji byahikirira.
\v 23 Omu kumeny'amalibuko ma Yesu, yinji wanarhangifuk'omu kagarhi kabafire.
\p
\v 24 Omu kuderha ntyo enyanya w'okuchi chungula, Festi aderha n'omulenge gunene: Oli musire, Paulo! Omu bibinen' omenyere byakukoz'eshoni.
\v 25 Ntali musire, okuban'obwenge bunene Festi, Paulo ashubiderha; yeno myazi y'obugumaguma ezene ndi naderha.
\v 26 Obu mwamenyer'emyazi, mperh'obulangalir'oku mwamenyer'eyi myazi na babwirayo buzira bumba; Bulal'aMenyere na ntacho ayibirire, bulala ntacho ahabir'oku byagere.
\v 27 Komenyer'ebya balebi, mwami Agripa? Menyere kw'obiyemerere.
\v 28 Agripa ashuza Paulo: Wa ntabal'omu kandi kachanji mukumpindamula mwemezi!
\p
\v 29 Paulo ashuza: Ery'akab'omu kandi kachanji chango enyuma, osimise Nyamuzinda arhabaga wenine, s'aliko naba boshi baliba nyunviriza zene, Nji mwahindamuka nka nyono, birhali kuguma n'ebiruhebere haguma.
\p
\v 30 Mwami, omugula w'eberenike na boshi baliy'ikere haguma nabo, bayimanga.
\v 31 Barhenga, baderha bonin'okubonine: oyumulume oshinganen'olufu n'empamiko ntacho ajirire.
\p
\v 32 Agripa abwira Festi: oyu mulum'ali kwanen'ashwekulwe nkarha hamagerwe na Kayizari.
\c 27
\cl Chigabi 27
\p
\v 1 Ago'mango aderhaga kurhuyimangire e Yitaliya, bahana Paulo n'abandi banya mugozi em'omukulu jiliyusi.
\v 2 Rhwashon'omu nkuge ye Adramita, yalikwanen'eger'omu Aziya, Rhwanagenda rhuli haguma na Aristarke, e Makedoniya y'eTesalonika.
\v 3 Omu lusiku lukulikire, rhwahika esidoniya haguma na Jiliyusi, mulanzi murhimanya wa Paulo, amubwira genda olamuse berabawe n'okuchibukisa.
\v 4 Aja eyomunda, rhwaber'okuchizimba ch'e Shipure bul'omulaba gwali lugire.
\v 5 Omu kurheng'omu nyanja nene Yesilisiya n'Empanfiliya, rhwanagerer'eyo mund' eMiriya omu Lisiya.
\v 6 N'ahola, mukulu w'enfola miherho aber'abon'eyo nkuge ye Alegizandre yaj'eYitaliya, arhuhirhamo.
\v 7 Siku zinene rhwalilambagire bunyibunyi, kulakuba ebibazo byaluga charhumz rhurhahik'Ekeretiya emund'omulaba gwarhuchikiriza. Rhwagera oku chizimba ch'e kretiya, olunda lw'echizimba che Salmoni.
\v 8 Rhwaj'eyo omu malibuko, rhwanahik'omu chihugo chihamagerwe nsiko nyinja, haguma n'aho haliri chizungu ch'e Laziya.
\p
\v 9 Hagera kashanji kanene, olugenzi lwabiha bwenene, n'esiku z'okuchihanz'okulya n'okunywa zaliri zamagera. Checharhumaga Paulo abwir'abandi,
\v 10 aderha: Ego, balume mubwene ok'olugenzi lurhankahwa buzira ngorane y'okuhez'ebintu, Eri birhanali bintu byonine changw'enkuge, s'aliko n'oku bantu berhu.
\v 11 Omukulu w'enfuola miherho egana ayunviriz'omurhegesi w'enkuge na nin'enkuge aliri kuyunviriz'emyazi ya Paulo.
\v 12 Nk'okw'esiko erhaliri nyinja kula kuba mango g'emboho, bahanulana bagende yi bagaligera Efoyiniki, kabyakagalikana. N'okuber'eyomunda omu mango g'emboho nsiko y'e Keretiya, Ekarhongo n'emalambo, n'ebushoshokero bw'ezuba.
\v 13 Mpusi ngeke y'ekarhongo yalonzigera n'oku chigwarha nka mwigiriz'oku bilala Namahang'arheganyize, yakul'enanga, yayi shunik'okuchizimba ch'Ekreti.
\v 14 S'alik'omu siku zayinja, omuhusi gukalihire gw'enkundula, gwaj'oku chizimba.
\v 15 Enkuge ya genda buzira kulaga n'omulaba, enkuge yasharhuka eri rhurhazihik'eshi.
\v 16 Rhwager'elugulu lw'echizimba chihamagalwa Kauda, Rhwaba n'echibazo nkecho chahikira abantu be Shalupa.
\v 17 Omu kumala kuyerekez'eshi rhwakoles'eyo nkuge nkanjira y'omuka, n'omu buba bokurhoger'omunyanja n'oku Sirti, n'okuchihamiriza echintakabona kw'echimenyiso.
\v 18 Kubinali rhwaleka okuhekwa n'omulaba rhwabaga rhwaluhire bwenen'enyanya z'omulaba, omu lusiku lurhanzi lw'eboso, rhwakabul'ebintu omu nyanja
\v 19 N'olusiku lwakasharhu, rhwaroha ebikoleso by'enkuge n'amaboko gerhu rhwenyine.
\v 20 Ezuba n'Enyenyezi zamala siku zinene zirhaboneka, omulaba gwali gunene kuger'omukachanji rhwahez'obulangalire b'okuchunguka.
\v 21 Rhwamala siku zinene buzira kulya, Paulo ayumang'ahagarhi kabo ababwira: munyunvirize, murhajag'Ekereti; yimurhahez'akalamu kenyu.
\v 22 Hanaho, mbabwirire mube n'obushiru bulala ntamuguma wenyu nji wahera, s'aliko Enkuge yonyine yehere.
\v 23 Malayika wa Nyakasani nkolera ampulukira mw'obo budufu,
\v 24 Amambwira: Paulo, orhayubahaga, bihemere oje lubanja na Kayizari, lolaga, Nyamuzinda aguhere aba boshi olihaguma nabo.
\v 25 Chochirhumire, mwabo balume mube n'obwemere bulala nchinihire Nyamuzinda okunja hikiriza ebyambwiraga.
\v 26 Aliko mumanye oku rhwakabulwa oku chizimba chiguma.
\p
\v 27 Omu budufu bw'olusiku lw'ekumi na kane rhwahekwa n'omulaba eyi neyi omu nyanja y'Adriya, balala bakola omu marho, ahagarhi k'obudufu bamanya mpu bakala balihofi n'eshi.
\v 28 Bashinga omupondo omu nyanja babona ntambu makumyabiri; hale hityu bashubigukabula babona ntambu ekumi n'erhano.
\v 29 Omu kuyubaha okukabulwa oku ntaza bakabula Nanga ene enyuma y'enkunge, balema bahuna baling'obuche buyinje duba.
\v 30 Aliko, balala bakol'omumarho balonza balibirhe kurheng'omu nkuge, bashonda bahir'emipond'omu nyanja omukulonza bakweb'enanga omu nyanja.
\v 31 Paulo abwira omukulu w'Enfola miherho egana n'ezindi nfola miherho: nka balume barhaberer'omu nkuge barhankalama.
\v 32 Hanaho, enfola miherho zach'enkoba zalishweker'enkuge baziroha.
\v 33 Embere buche Paulo abwira boshi balir'omu nkuge aderha: zene l'olusiku lw'ekumi na kane mwalingaga, n'okuchibuza kulya.
\v 34 Mbabwirire mugende murhole Ebiryo bulala biri byabulagirir'enyanya z'obuchunguke bwenyu ntaluviri lwenyu lwahera.
\v 35 Omu kuderha ntya, arhola omugati; agugisha, aguchamo, barhonder'okulya.
\v 36 Boshi bashagaluka boshi, balya ebiryo.
\v 37 Rhwaliri omu nkuge bantu magana mabiri na makumi galimushanvu na ndarhu rhweshi haguma.
\v 38 Babere bajilya n'okuyugurha bayanguhya enkuge omu kukabula engano omu nyanja.
\v 39 Bwabere bwacha, barhanamenyaga habaliri, alik'omu kulangir'akabanda n'ensiko y'amarho, babona kubashunike ye nkuge, nkabyakagalikana.
\v 40 Bashwekula enanga bayileka egende omu nyanja, bamanika echitambara omu kulonza oburhabale, barha nachikulikiraga amarhegeko gabakulu babo.
\v 41 Bashimana olusharhe enkuge yananiraho bwenene emulemo n'obwerekeza bwachika enyanya ly'omulaba gukomere.
\v 42 Enfola miherho bashonda kushonda kuyirh'abashwekwa yi barhafuma omu kuyoga.
\v 43 Alik'omwimangizi w'enkuge, alonz'achungule Paulo omu kubahanza barhayirhag'abo bantu, Abwir'abayinji yoga bachikabule barhoger'omu menji bayoger'eshi,
\v 44 N'abandi bayoger'oku mbaho chwangw'okumbaba z'enkuge na boshi bager'eshi bagumaguma.
\c 28
\cl Chigabi 28
\p
\v 1 Eri rhuba rhwamafuma, barhubwira okw'echo chirwa chihamagalwa Mileta.
\v 2 Abantu bw'okola chirwa, barhuyankirira n'obusime bw'okunali. Barhuchanira omuliro, barhubwira rhweshi mpu rhukaluke; bulala envula yamaligi rhoga, n'emboho yaliri nene.
\v 3 Eri Paulo amali rholagul'enundo y'eshali ziyumire amalire zikweba oku chiko, mwa shoshoka enjoka, eri yamayunva echuka ch'omuliro, yachishwekera oku kuboko kwage.
\v 4 Abantu b'okola chirwa, babwene'yo njoka eri yamachizingira oku kuboko, babwirana bonyine oku bonyine, ntya: oyu muntu ali chishambo; amafuma enyanja, s'aliko okuchiholera kwa Nyamuzinda kwarhuma arhalama.
\v 5 Darha wani, amakungurhira eyo njoka omu muliro, na ntako abere;
\v 6 abantu balemaga balinga okw'arhundagana, changw'okw'adurhuka honaho; aliko balinga kashanji kanene, babona oku ntako abere, bahindamula enkengero zabo, barhondera okuderha okw'ali nyamuzinda.
\p
\v 7 Haguma naho, haliri eshwa ly'omurhambo w'echo chirwa, ezino lyage ye Pubuliyo, arhuyankirira ana rhuhandisa bwinja siku esharhu.
\v 8 Eshe wa Pubuliyo alilwer'eshushira n'omukunguru, Paulo ajimulola, amuhunira, amulambulira kw'amaboko, amufumya.
\v 9 Babere babona ntyo, abandi balwala b'echo chirwa, nabo bamushimba, banafuma.
\v 10 Okola kwarhuma barhukenga, n'eyi rhugenda, barhuha empamba.
\p
\v 11 Rhwabere rhwamala yi myezi esharhu, rhwaja omu nkuge yageraga mw'echola chirwa omu mango g'envula. Yaliri nkuge y'e Alezandiriya, yanaliri kw'echimanyiso ch'aba-Diyoskori.
\v 12 Rhwasika e Serakuza, rhwaberayo siku esharhu.
\v 13 Rhwarhengereyo, rhwabarabanya eburhambi bw'enyanja, rhwahika e Rejiyo; bwachere sezi empusi y'omukondo yahusa, rhwajira siku ebiri, rhwaboni sika e Putiyoli,
\v 14 rhwabugana yi bene berhu b'abemezi, barhuyinginga mpu rhubere nabo siku mushanvu. Na ntyo ku rhwahikaga e Roma.
\v 15 Amango bene berhu b'echo chishagala bamanyaga oku rhwayinjire, bayinja kurhulingira aha Itaramo ly'e Apiyo, n'aha Mahondo. Paulo ababwene, avuga Nyamuzinda omonkwa, anachiha obushiru.
\p
\v 16 Amango rhwahikaga e Roma, bayemerera Paulo ajihanda aha lonzeze, haguma n'enfola muherho yalimulangire.
\p
\v 17 Enyuma ya siku esharhu, Paulo ahamagala abarhambo b'Abayahudi; babere bamayikala haguma, ababwira ntya: Bene berhu, ntachibi najirir'eshanja lyerhu changw'engeso za bashokuluza, kurharhumaga barhampeba omu mpamikwa e Yerusalema n'oku mpana omu maboko g'abaroma,
\v 18 Eyi bamala kunsambisa, abaroma balonza oku ndika, bulala barhabonaga echakarhuma banyirha.
\v 19 Aliko Abayahudi balahira, banseza oku mpeme olubanja lwani baluchire emwa Sezari, kurhali kuderha oku hali echi nankasidakirwa kw'eshanja lyani.
\v 20 Ch'e charhumaga echo nahema oku mbabone na mbaderhese; bulala bulangalire bw'e Israeli burhumire ndi omu lukoba.
\p
\v 21 Nabo bashubiza: rhwabo nta maruba g'e Yudeya rhwabwene ku w'oyo, na bene benyu, ntaye n'omuguma wayinjire kurhubwira omwazi gubi ku w'oyo.
\v 22 S'aliko rhulonzeze orhubwire wenyine gurhe olonzeze, bulala rhuyinji okw'elyo dini lyawe ligayirwe hoshi.
\p
\v 23 Balaganana olusiku na Paulo, lwahikire ho, bayinja banene kumulambagirira aha lala. Paulo ababwira emyazi y'obwami bwa Nyamuzinda, omu kuhamiriza, n'okulonza oku bayemeza Yesu nk'okubiyandikirwe omu chitabu ch'amarhegeko ga Musa n'omu ch'abalebi. Eshambalo yabo ya rhonderaga esezi kuhika egolo.
\v 24 Baguma bayemera eby'alemaga aderha, n'abandi barhabiyemeraga.
\v 25 Babere balekana barhanayunvikene, Paulo ababwira eyi myazi: Muka Ochere aderhere okunali, amango abwiraga basho omu chitabu ch'omulebi Isaya, eri aderha, mpu:
\q
\v 26 Oj'emunda ol'olubaga luli, ona lubwire ntya: mwakazi yunviriza n'amarwiri menyu, murhanayunva; mwakazi lolereza n' amesho menyu, murhanabona.
\q
\v 27 Bulala omurhima gw'olo lubaga gwa hinzize; bafukire amarhwiri mabo, banazibize amesho mabo, mpu yibarhabonaga n'amesho mabo, mpu yibarhanayunvaga n' amarhwiri mabo, mpu yibarhanarhegereza omu mirhima, mpu yibarhanahindamukaga benja, mpu yintabafumya.
\p
\v 28 Mumenye bwinja oku, abapagani, Nyamuzinda arhumire obuchunguke, mpu nji banabuyunve.
\v 29  \f + \ft Abere amaliderha eyo myazi, Abayahudi bagenda, bajirana kw'obuhaka bunene.  \f*
\p
\v 30 Paulo amala myak'ebiri yoshi omu nju alihandire mo. Alema ayankirira boshi balemaga bayinji mulola,
\v 31 ayalagaza emyazi y'obwami bwa Nyamuzinda n'okuyigiriza ebiyerekere Nahano Yesu Kristu, okw'alonzeze na buzira chihanzo.