hav_reg/43-LUK.usfm

\id LUK
\ide UTF-8
\h Luka
\toc1 Luka
\toc2 Luka
\toc3 luk
\mt Luka
\c 1
\cl Chigabi 1
\p
\v 1 Bulala banene balonz'oku yandika ebyabag'ahagarhi kerhu,
\v 2 na ntyo barhubwira, aba bonaga kurhengerer'omurhonderho na mesho gabo bonyine, bajirwa okuba bakozi bw'omwazi.
\v 3 Nabwene bwinja nyono nani, bulala na chilonzez'obuhamirizi bwebyo byoshi kurheng'omurhondero, nkuyandikir'okunali, Teofilo mkengwa,
\v 4 ly'omany'okunali ebi wayigirizwaga.
\p
\v 5 Amango ga Herode, mwami w'e'Yudeya, haliri mudahwa muguma, ezino lyage Zakariya, w'omu mulala gw'Abiya, na mukage aliri muguma w'omu buko bwa Haruni, ezino lyag'Elizabeti.
\v 6 Na bombi baliri bashinganyany'embere za Nyamuzinda, bagendekez'omu kukeng'amarhegeko ga Nahano n'oku gakulikira buzira kugoma.
\v 7 Nabo baliri eri barhagwerh'omwana, bulala Luzabeti aliri ngumba, na bombi baliri bashaja bwenene.
\p
\v 8 Lero, okw'ali omu kasi kw'obudahw'omu kunali embere za Nyamuzinda,
\v 9 nk'oku lyanaliri rhegeko ly'obudahwa, obwishozi bwa murhogerak'omu Kanyamuzinda, ka Nahano ya shukiz'obuku.
\v 10 N'ebigusho byoshi by'abantu baliherhe bahemer'embug'ebishanji by'oku shukiz'obuku.
\v 11 Malayika wa Nahano amubonekera, ayimangir'olunda l'okulyo l'olurhamba l'okugashaniza.
\v 12 Zakariya aber'amubon'ashalama, obuba bwamujamo.
\v 13 Aliko alola malayika amubwira, orhayobohaga, zakariya, bulal'amahuno gawe gayunvikene na mukawe Luzabeti akuburhir'omwana woburhabana, ezino lyage wamuhamagala Yohana.
\v 14 Nawe waba n'obushagaluke n'omwishingo n'abantu banene bachishingira'okuburhwa kwage.
\v 15 Bulal'aba mukulu embere za Nahano; arhankanyw'amavu changw'ech'okulalusa; naye ayunjula Muka ochere kurhengerer'omunda ya nina.
\v 16 Nabanene omu ba Israeli abagalula emwa Nahano Nyamuzinda wabo.
\v 17 Naye aja embere zage n'omurhima gwa Eliya, n'emisi yage ly'ahindula emirhima ya darha eyereker' abana n'okuh'abarhakenga enkengero zabanya bushinganyanya, n'okuyekereza Nahano barheganyizwe.
\p
\v 18 Zakariya abwira malayika gurhe namanya ogu mwazi? Bulala nyono nkola mushaja, namukani ali mugekulu w'esiku zinene.
\v 19 Malayika amushubiza amubwira: Nyono ndi Gabriyeli, nyimang'embere za Nyumuzinda, ntumirwe nderhe nawe, nkumanyise ogumwazi minja.
\v 20 Malaika amubwira okoliba gama orhachigala kuderha, kuhik'olusiku ebyo byaba, bulal'orhayemerer'emyazi yani; nayo yahikirir'okubichanji byayo.
\v 21 Na bul'abantu baligwerhe balingiriza Zakariya, basomerwa n'okulegama kwage omw'ishengero.
\v 22 Abere ahuluka omuborhere bw'okurhachiderha nabo, bamanyirir'okwabonekerwe omu shengero, naye arhagalaga kubalamusa bula alikolali gama.
\v 23 Esiku z'obukozi bwage zabere zamahwa aj'emwage.
\p
\v 24 Enyuma wezo siku mukage Luzabeti aba bukule, achibisha myez'erhano, arhanaderha:
\v 25 Tal'obonjo bwa Nahano amanjirira amango ampiraga kw'amesho akul'eshonyi omukagarhi k'abantu.
\p
\v 26 Mwezi gwandarhu malayika Gabriyeli arhumwa na Nyamuzinda okuja kuhik'omu chihugo ch'e Galilaya, ezino lyacho Nazareti.
\v 27 Emw'omunyere mubikira waligwerh'ashambazwa n'omuntu, ezino lyage ye Yusufu, w'omu nju ya Daudi; n'ezino ly'oyo mubikira ye Mariya.
\v 28 Aj'omu mwage alegereza mpu ndamusize, wewahabirw'olukogo na Nyamuzinda! Nyagasani alihaguma nawe; olimugishwe omu bakazi boshi.
\v 29 Aber'amu bona, ashalama enyanya lyog'omwazi; achidosa omu murhima ndamuso nchi eyi!
\v 30 Malayika amubwira: "Orhayobohaga, Mariya, bulala wabwene olukogo e mwa Nyamuzinda.
\v 31 Lol'oku waba obukule, w'aburho mwana rhabana, w'amuhamagala omuzino lyage Yesu.
\v 32 Njaba mukulu ana hamagalwe mwene oli enyanya; na Nyakazani Nyamuzinda amuherez'entebe z'obwami bwa Daudi Eshe;
\v 33 arhegek'enju ya Yakobo emyaka yoshi, n'obwami bwage burhaherhe buzinda.
\p
\v 34 Mariya abwira Malaika: gurhe ebyo byakagerera n'obo ntenji mulume?
\p
\v 35 Malayika amushubiza, amubwira: Muka ochere akuyandagalira, n'obuhashe bw'ow'enyanya bw'akushukira n'emboho yage; chechirhumire oyo mwana w'aburhwa aba muchesibwa, ahamagalwa mwene Nyamuzinda.
\v 36 Lol'oku, Luzabeti nyokoshenge, naye ali bukule bw'omwana w'oburhabana omu bugekulu bwage, na kandi gukola mwezi gwa ndarhu omw'oyu bakazagi hamagala ngumba;
\v 37 bulala ntachochirhankahashikan'embere za Nyamuzinda.
\p
\v 38 Na Mariya aderha: Lola, nyono mwalikazi wa Nyamuzinda, njirirwe nk'okodere.
\p
\v 39 Honaho, Mariya agenda mw'ezo siku, aja omu chihugo ch'entondo dubaduba kuhik'omu chishagala chiguma ch'Eyudeya,
\v 40 aj'omu nju, omu mwa Zakariya alamusa Luzabeti.
\v 41 Eri Luzabeti ayunv'omusingo gwa Mariya, omwana ashabir'omunda yage; Luzabeti ayunjula Muka Ochere;
\v 42 ayakuza n'omulenge gunene aderha: ogishwe omubakazi, n'omwana w'enda yawe agishirwe.
\v 43 Ngahe ebi birhengere nyina wa Nahano aj'emunda ndi?
\v 44 Bulal'ebichanji omulenge gw'endamuso yawe gumpika omumarhwiri, omwana amashabira n'obushagaluke omunda yani.
\v 45 Ali munya ragi olala oyemer'oku ebyabwirwaga na Nyamuzinda byahikirira.
\p
\v 46 Mariya aderha: Omurhima gwani gukuzize Nyamuzinda,
\q2
\v 47 n'omurhima gwani guchishingire Nyamuzinda, muchunguzi wani;
\q
\v 48 Bulala ololereze obwirhonzi bw'omwambalikazi wage; bulala, kurhenga zene amashaja goshi gampamagala munyarangi.
\q2
\v 49 Bulala ogala byoshi anjirir'ebisomezo, n'ezino lyage lili lichesibwa;
\q
\v 50 n'obonjo bwage buyener'amashanja oku mashanja, oku bantu bamukenga.
\q
\v 51 Ajirire oku buhashe bwage bunene, ashandaz'abachibona omu kagarhi k'enkengero z'emirhima yabo;
\q
\v 52 ayandagaz'abakulu omu ntebe zabo z'obwami; ayikaza kw'abachirhohya.
\q
\v 53 Abali shali, abayugusya n'amenja, abagale abakula maboko busha.
\q
\v 54 Arhaber'omukozi wage Israeli, mukozi wage, ly'ayibuk'obonjo bwage;
\q
\v 55 nk'okwabwiraga ba darha berhu, Abrahamu n'omulala gwag'emyaka yoshi.
\p
\v 56 Mariya abera naye hofi myezi esharhu, buzind'agaluka aj'emwage.
\p
\v 57 Ery'esiku z'okuburha za Luzabeti zihika, aburha omwana w'oburhabana.
\v 58 Bayunva abalungwe bage n'omulala gwage oku Nahano omuberer'obonjo, basima haguma naye.
\p
\v 59 Siku munane zayenere, bajikembul'omwana, balonz'oku muyirik'ezino ly'eshe Zakaria.
\v 60 Nyina ashubiza aderha: Nanga arhali ntyo; aliko, ahamagalwa Yohana.
\v 61 Bamushubiza, nta muntu omu kagarhi k'emilala yenyu ohamagalwa mw'elyo zino.
\v 62 Bahamagal'eshe, b'amubaze zino lihe alilonzeze kuh'omwana wage.
\v 63 Ahem'echipaho, ayandik'okuw'ezino lyage ye Yohana.
\v 64 Honah'obunu bwage bwashwekulwa n'olulimi lwage konako, arhondera okuderha, akuza Nyamuzinda.
\v 65 Abaliri eburhambi boshi bayubaha Nyamuzinda; n'ebi byoshi byayamagazwa ekagarhi k'echihugo choshi n'entondo zoshi z'Abayahudi.
\v 66 Naboshi bayunvaga bayibuka omu mirhima yabo, baderha: Oyo mwana nj'aba mwana muchi? bulal'okuboko kwa Nahano kuli haguma naye.
\p
\v 67 N'eshe Zakaria, ayunjwire Muka Ochere, aderha:
\q
\v 68 Akuzibwe Nahano, Nyamuzinda wa Israeli, bulala alonzeze abantu bage, n'oku bachungula.
\q
\v 69 Amarhuyimanziz'ehembi lw'obuchunguke, omu nju y'omukozi wage Daudi;
\q
\v 70 nk'okw'anaderhaga kurhenga omu ntonderero omu bunu bw'abalebi bage bachesibwa.
\q2
\v 71 Yirhuchungulwa omu bashombanyi n'omu maboko ga balala boshi barhugaya.
\q
\v 72 Intyo ajirira ebinja badarha berhu, n'okuyibuk'endagano yag'echere.
\q
\v 73 Endahiro alahiriraga Abrahamu darha werhu oku arhuhereza;
\q
\v 74 rhuchunguke ahakagarhi k'abashobanyi berhu, rhumuharamye buzira buba,
\q
\v 75 omu buchese n'omu bwirhonzi embere zage esiku zoshi z'akalamo kerhu.
\q
\v 76 Nawe, mwana wahamagalwa mulebi w'oyula oli enyanya, bulala warhanga Nahano oku kukubul'enjira zage;
\q
\v 77 kumenyis'abantu b'eshanja ly'age, obuchunguke, omu kubabalirwa ebyaha byabo;
\q
\v 78 Enyanya w'obwirhonzi bw'olukogo lwa Nyamuzinda werhu, omu mwengezi gw'arhegang'enyanya kurhugerera,
\q
\v 79 kukolezez'abalamire omu mwizimya, n'omu jichu ch'olufu, n'okuyerekez'amagulu gerhu omu njira y'omurhula.
\p
\v 80 Oyo mwana akula, n'omurhima gwage gwaba n'emisi. Abera omu mpinga kuhik'olusiku abonekerag'abanya Israeli.
\c 2
\cl Chigabi 2
\p
\v 1 Mwezo siku, erhegeko lyarheng'emwa Kayizari Ogisto ly'okuyandik'oluganjo lw'amazino g'abantu boshi omw'igulu.
\v 2 Olo luganjo lwaliri lwambere lwayandikwaga amango Kirinius aliri murhegesi w'esuriya.
\v 3 Abantu boshi baji yandikwa, ngasi muntu omu chihugo chage.
\v 4 Yusufu naye agend'egalilaya, kurheng'omu chihugo ch'e'Nazareti, anyegera aj'ebuyahudi kuhik'omu chihugo cha Daudi chihamagalwa Betelehemu, bulal'aliri w'omunju y'obuko bw'omulala gwa Daudi;
\v 5 ly'ayandikwa haguma na Mariya mukage, ely'ali bukule.
\v 6 Bagerer'eyo munda, akasanzi ka Mariya k'okuburha kahika,
\v 7 aburh'omurhabana wage w'olubere. Amuzingir'omu birezi, n'okumulyamiz'omuchirhala, bulala ntahantu balibwen'emunju y'abahisi.
\p
\v 8 Namwecho chihugo mwaliri abangere, baliri omu mashwa balang'obuso bwabo omubudufu.
\v 9 Malayika wa Nahano ababonekera chaligumiza, lola obuche bwa Nahano bwabakolezeza, bayubaha bwenene.
\v 10 Malayika ababwira: Murhayubahaga bulala mbalerhere omwazi gw'obushagaluke gwaba oku bantu boshi.
\v 11 Bulala zene omu chihungo cha Daudi aburhirwe, enyanya lyenyu Omuchunguzi ye Nahano.
\v 12 n'echimanyiso chechino, mwashiman'akabonjo, kayambisizwe eby'akabonjo, alyamizwe omu chirang'ahe nkavu zilira.
\v 13 Okubanali Balayika, echigusho chinene ch'empingu chakuza Nyakasani, n'okuderha,
\p
\v 14 akuzwe Nyakasani enyany'empingu n'omw'igulu omurhula oku bantu boshi bw'obulonza bwinja.
\p
\v 15 eri bamalayika bagenda empingu, abangere babwirana: rhugende rhuj'e Betelehemu rhubon'ebyabere, ebi Nahano arhumanyisize.
\v 16 Bagenda dubaduba, bashimana Mariya na Yusufu, n'akabonjo kalyamire omuchiranga
\v 17 Babere babona, bamanyis'omwazi babwiragwa enyanya z'Omwana.
\v 18 Naboshinbayunvaga basomerwa n'emyazi babwiragwa n'abangere.
\v 19 Naye Mariya abika ebyo byoshi omu murhima gwage.
\v 20 Abangere bagaluka, bakuza Nyamuzinda n'okuharamya enyanya z'ebibayunvirhe n'ebibabwene, nk'oku banabwiragwa.
\p
\v 21 Zahikire siku munane z'okukembula Omwana, ahamagalwa ezino lyage Yesu, nk'okw'anahamalwaga na Malayika, ember'aj'omunda.
\p
\v 22 Zabere zahikirire siku z, okucheswa nk'okwe rhegeko lya Musa linaderhere, abazere bage bahek'Omwana e Yerusalema kumurhulira Nahamwabo.
\v 23 Nk'oku biyandikirw'omu rhegeko ngasi lubere lw'echilume akazi rhulirwa Nahano.
\v 24 Baliyinjire kandi kurhul'entulo yali rhegekerw' omu rhegeko lya Nahano: Ntugulu ebiri chango nguku ebiri.
\v 25 N'omu Yerusalema mwaliri muntu muguma, ezino lyage Simeoni. Aliri muntu mushinganyanya omu shengero wa kazaga linga oburhulize bwa Israeli, Muka ochere aliri haguma naye.
\v 26 Afunulirwa na Muka mweru oku rhankafa arhanazi bona omwishingo gwa Nyamuzinda.
\v 27 Ayinja omu shengero, ashokolerwe na Muka. Ababusi ba Yesu bamulerha mpu bamujirire kuguma nkokw'erhergeko lyabo liderhere.
\v 28 Simeoni amurhol'omumaboko gage, akuza Nyamuzinda aderha:
\p
\v 29 Lero Nahano lekag'omukozi wawe agende n'omurhula nkoku wa derhaga.
\q1
\v 30 Bulala amesho gani gamabon'obuchunguke bwawe,
\q2
\v 31 wa rheganyizag'amashanja goshi.
\q1
\v 32 Echimole ch'oku kolezez'abapagani, n'obukuze bwe shanja lyawe Israeli.
\p
\v 33 Eshe na nina basomerwa kw'eyo myazi yaderhwagwa enyanya z'Omwana.
\v 34 Simeoni abagisha, abwira Mariya nina w'Omwana: Lola oyu Mwana aheberweho enyanya y'okuyimanga n'okukumbagala kwabanene bali omu Israeli, kandi abechimanyiso cholerh'obuhaka.
\v 35 Nawe wenine omu panga nji gwakuj'omu murhima mpu ly'emirhima minene efunulirwa.
\v 36 Haliri mulebi muguma w'omukazi, ezino lyage Ana mwali wa Fanuweli, w'omubuko bw'Aseri. Aliri mugekulu bwenene, burhanzi alilamire n'eba myaka mushanvu enyuma ly'ebikira lyage,
\v 37 buzinda abera mushumbakazi myaka makumi gali munane n'ene. naye arharhengaga omu shengero, obudufu n'ezuba, akuza Nyamuzinda omu kuchishalisa n'okusalira.
\v 38 Oyu ayinja mwako kasanzi, akuza Nyamuzinda ababwira emyazi y'oyo Mwana boshi baliherhe balingiriz'obuchunguke bw'e Yerusalema.
\v 39 Nantyo, bamalire kuhikiriza byoshi birhegekerwe n'erhegeko na Nahano, bagaluk'e Galilaya omu chishgala ch'e Nazareti.
\p
\v 40 Oyo Mwana akula, aba n'emisi abumba obumanyi, n'olukogo lwa Nyamuzinda lw'aliri enyanya lyage.
\p
\v 41 Ngasi mwaka ababusi ba Yesu bakazagija e'Yerusalema oku lusiku lukulu lwa Pasaka.
\v 42 Yesu abere amaba na myaka ekumi n'ebiri banyegera baj'e'Yerusalema, nk'oku bunali borhere bw'olusiku lukulu.
\v 43 Bamalire kuhikiriz'esiku, bagaluk'emwabo. Naye Omwana Yesu achiberer'e Yerusalema, ababusi bage barhamenyaga.
\v 44 Baganiza mpu alihaguma nabandi omu lugendo, bagend'omunjira lusiku luguma, bamulonza emwa bene babo n'okubandi.
\v 45 Babere bamubula bagaluk'e Yerusalema kumushonda.
\v 46 Enyuma lya siku esharhu, bamushiman'omu shengero ayikere haguma n'abigiriza ya bayunviriza n'okubadosa.
\v 47 Nabalemaga bamuyunviriza basomerwa enyanya ly'obumanyi bwage n'amashubizo gage.
\v 48 Ababusi bage bamubwene bayunv'oburhe. nina amubwira, Mwana wani chirhumire warhujirira ntya? Nyono na yisho rhwakulonzeze, n'omurhima gwarhulumire.
\v 49 Abashubiza: chichi mwanshonderaga, kamurhamenyere oku nkwanen'okuba omu mwa Darha?
\v 50 Barhayunvaga kurhe guderher'ogo mwazi ababwiraga.
\v 51 Ayandagala nabo, aj'e Nazareti, naye aligwerhe abakenga. Nina abik'ebyo byoshi omu murhima gwage.
\p
\v 52 Na Yesu agendeker'okukula omu bwenge n'oku lugero, asimisa Nyamuzinda n'abantu boshi.
\c 3
\cl Chigabi 3
\p
\v 1 Omu mwaka gwa kalikumi na karhano gw'oburhambuzi bwa Tiberiya Kayizari, amango Posiyo Pilato aliri murhegesi w'e Yudeya, na Herode murhambo w'e Galilaya, na mwene wabo Filipo murhambo w'e Itureya n'omu chihugo ch'e Terakoniti, Lisaniya naye murhambo w'e Abilene.
\v 2 N'omu mango g'abadahwa bakulu Ana na Kayafa, omwazi gwa Nyamuzinda gwayinjira Yohana, mwene Zakariya omu mpinga.
\v 3 Yohana aja omu chihugo choshi cha haguma n'e'Yordani, ayalagaza omwazi gw' okudubikwa, gw'oku chihana, mpu ebyaha bilekwe,
\v 4 Nk'oku biyandikirwe omu chitabu ch' omulebi, Isaya: guli mulenge g' oliwayama omu mpinga: murheganye enjira ya Nahano, mukwize aha gera.
\q1
\v 5 Ngasi lubanda lwa yunjula, ngasi ntondo n'ehirhondo nji zayandagazwa; aha kubirwe nji hayinamulwa, n'enjira zihalwire nji zakwira.
\q1
\v 6 Na ngasi muntu nj'abona obuchunguke bwa Nyamuzinda.
\p
\v 7 Abwira echigusho ch' abantu bayinjaga mpu badubikwe naye, ntya: buko bw' enjoka, nde wabayigirizaga oku yaka oburhe bwayinja?
\v 8 Muburhe amalehe mashinganene oku chihana, murhanalemaga mwanachidesa mwenyine: rhuherhe darha Abrahamu! Bulala mbabwirire oku, kugerera aga mabale, Nyamuzinda akaha Abrahamu abana.
\v 9 Nantyo, n'embasha ekola erhabikirwe oku mizi y' emirhi, ngasi murhi goshi gurhaburha malehe nji gwachibwa n'oku kwebwa omu chiko.
\p
\v 10 Olubaga lw'abantu lwamudosa, lwaderha ntya: gurhe rhujirage?
\p
\v 11 Abashuza: oherhe mishangi ebiri, agabane n'orhaherhe, n' oherhe ehy'alya ahe orhaherhe.
\p
\v 12 Hayinja kandi abafurhisa ebarati mpu badubikwe, n'okumubwira Mwigiriza, gurhe rhujirage?
\p
\v 13 Abashuza: ntacho muhemage chinene chirhalukire ebi murhegekerwe okuhema!
\p
\v 14 Enfola miherho nazo zamubaza: nerhu, gurhe rhujirage? Ashuza bo: murhanyeganaga murhanabesheraga omuntu, munachisimise n' ebi muherhe.
\p
\v 15 Nk'oko olubaga lwalemaga lwamulinga, n'oku chibaza bonyine oku bonyine, akaba Yohana ye Kristo,
\v 16 ababwira boshi: nyono nabadubika oku menji; s'aliko hayinjire oherhe emisi minene ku nyono, ntanakwanene okushwekula omugozi gw'ebirato byage. Yewe, nj'ababatiza oku Muka Ochere n' oku muliro.
\v 17 Aherh'engooko yag'omufune: Okuyerula ahantu hage okulunda obuger'omunguli yage, aliko njayos'ebirhi omumuliro gurhazima.
\p
\v 18 Nantyo Yohana ababwir'omwazi guhyahya okulubaga n'okubabwira kandi binene by'obushibirizi.
\v 19 Aliko omwami Herode, aber'amenya kugerera Yohana ebiyerekere Herodiya muka mulumuna wage oku bijiro bibi abaga ajirire.
\v 20 N'okuyushula kandi oku bandi boshi n'okola bashwekaga Yohana omumpamiko.
\p
\v 21 Olubaga loshi eri luyemera oku dubikwa, Yesu naye adubikwa; n'eri aba ali ahuna, empingu yachinguka,
\v 22 Na Muka Ochere amuyandagalira nka shushano y'omubiri, nka nguku. N'omulenge gwa yunvikana omu mpingu, gwa derha: W'e Mugala wani nsima; nahebere obusime bwani boshi omu woyo.
\p
\v 23 Yesu aligwerhe nka myaka makumi masharhu amango arhonderega emirimo nk'oku bali muyinji mwene Yusufu mwene Heli,
\v 24 mwene Matati, mwene Lawi, mwene Melki mwene Yonayi, mwene Yusufu,
\p
\v 25 mwene Matatiyasi, mwene Amosi, mwene Nahumu, mwene Hesili, mwene Nagayi,
\v 26 mwene Mahati mwene Matatiyasi mwene Semeyi, mwene Joseki, mwene Joda,
\p
\v 27 mwene Juhanani, mwene Resa, mwene Zarababeli, mwene Salatriyeli, mwene Neri,
\v 28 mwene Melki, mwene Hadali, mwene Kosamu, mwene Elimadamu, mwene Heri,
\p
\v 29 mwene Yezu, mwene Yeliyezeri, mwene Jorimu, mwene Matati, mwene Lawi,
\v 30 mwene Simoni, mwene Yuda, mwene Yusufu, mwene Yonamu, mwene Eliyekimu,
\p
\v 31 mwene Meleya, mwene Mena, mwene Matata, mweneNatani, mwene Daudi,
\v 32 mwene Yese, mwene Obedi, mwene Boazi, mwene Salomono, mwene Nahaso,
\p
\v 33 mwene Aminadabu, mwene Jobedi, mwene Adimini, mwene Arani mwene Eseromu mwene Ferisi, mwene Yuda,
\v 34 mwene Yakobo, mwene Izaki, mwene Abrahamu, mwene Tera, mwene Nakori,
\p
\v 35 mwene Seruki, mwene Ragi, mwene Faleki, mwene Eberi, mwene Shela,
\v 36 mwene Kayinani, mwene Arifasadi, mwene Semu, mwene Nuhu, mwene Lameki,
\p
\v 37 mwene Matuzala, mwene Henoki, mwene Yaredi, mwene Maleleyi, mwene Kayinani,
\v 38 mwene Henosi, mwene Seti, mwene Adamu, mwene Nyamuzinda.
\c 4
\cl Chigabi 4
\p
\v 1 Yesu ayunjula Muka ochere, arhenga e Yorodani ahekwa na Muka omu mpinga.
\v 2 Omola arhagulwa na Lyangombe omu siku makumi mane. Ntacho aliherhe alya mw'ezola siku, n'enyuma ayunva eshali.
\v 3 Lyangombe amubwira: Akaba oli mwene Nyamuzinda obwir'eri bale hindamuka mugati
\p
\v 4 Yesu amubwira: byiyandikirwe: omuntu nj'arhalam'okumugati gonyine.
\p
\v 5 Lyangombe, amuheka oku tondo amuyereka oku liguma amami goshi g'omu gulu,
\v 6 amubwira: nakuhereza obula buhashe boshi n'obukuze bwa mami; bulala ba mampere na mahereza eyindozize.
\v 7 Nantyo ofukame embere zani, byoshi byaba byawe.
\p
\v 8 Yesu amushuza ntya: biyandikirwe nji waharamya Nahano, Nyamuzinda wawe, ona mukolere yenine.
\p
\v 9 Lyangombe amuheka kandi e Yerusalema, amuyumanza oku hirhondo hiri enyanya y'eshengero amubwira: akaba oli mwene Nyamuzinda, ochikwebe kurhenga hano n'omulubanda; bulala biyandirwe:
\v 10 nj'ahana amarhegeko oku bamalayika bage n'oku mushizi wawe bakulange;
\q1
\v 11 nj'akuheka omu fune, ly'okugulu kwawe kurhasirhala oku bale.
\p
\v 12 Yesu amushuza, amubwira: Omenye warhangula Nahano, Nyamuzinda wawe.
\p
\v 13 Eri aba amarhangulwa omu bwenge boshi, lyangombe achiyeguza naye kuhika omu kashanji kakwanene.
\p
\v 14 Yesu, eri aba amabumba emisi ya Muka, agaluka e Galilaya, n'erenge lyage lya manyikana omu chihugo choshi chiri eburhambi.
\v 15 Aliherhe ayigiriza omu bishagala, anakuzibwa hoshi.
\p
\v 16 Yesu aja e'Nazareti, emunda alembwaga, n'okushimbulira n'oborhere bw'emwabo, aja omu chishagala olusiku lw' esabato. Ayumuk'ajisoma,
\v 17 Bamuha e chitabu ch'omulebi Isaya. Abere achibungula, abugana ahayandikirwe:
\q1
\v 18 Muka gwa Nahano guundi ko, bulala anshigire amavurha mpu nyalagaze Omwazi gw'obuholo oku bakene: antumire oku fumya balala baherhe omurhima guvunikire,
\q2
\v 19 oku yigiriza obuchunguke oku bashwekwa, n' oku bahumire okuhumuka amesho, okulikula abagaragu, n'okuyalagaza omwaka gw'olukogo lwa Nahano.
\p
\v 20 Okuhandi, achinga echitabu, achigalulira omugaragu, anayikala. Boshi baliri omu chishagala bamulolereza bwenene.
\v 21 Nantyo arhondera oku babwira: Omwazi gw' amandiko mwamayunva zene, gwamahikirira.
\p
\v 22 Na boshi bamuhamiriza; basomerwa n' emyazi y' olukogo yalemaga yarhenga omu bunu bwage, banaderha: karhali mwene Yusufu?
\p
\v 23 Yesu ababwira: buzira kubesha, mwangeza ku guno mugani: mufuruma mukulu, chifumya wenyine, nji mwanambwira ntya: jira hano mwenyu ebi rhwayunvirhe byoshi wajiraga e Kapernahumu.
\v 24 Aliko ayushula aderha, mbabwirire oku binali, nta mulebi oyankirirwa bwinja emwabo.
\v 25 Mbabwirire oku nali: haliri abakana banene omu Israeli omu siku za Eliya, amango empingu yachingagwa myaka esharhu na myezi ndarhu, hanaba eshali linene omu gulu lyoshi;
\v 26 ntaye n'omuguma omu bwo Eliya arhumirwe emwage, si arhumwa emw' omukazi mukana w'e Serapata, omu chihugo ch'e Sidoni.
\v 27 Haliri kandi ababenzibenzi banene omu Israeli omu mango gw' omulebi Elizeyo; ntaye n' omuguma wafumizwe omu bwo, arhali Namani yenyine w'e Siriya.
\v 28 Boshi bakaliha omu chishagala eri bamayunva ebiri ntyo.
\v 29 Banayumanga, bamuhiga omu chishala, banamuheka oku busoso bw' entondo eyumbakirwe kw'e chizungu chabo, yibabona gurhe bamushunikira omu lubanda.
\v 30 Aliko Yesu, agera omu kagarhi kabo, achigendera.
\p
\v 31 Ayandagala e Kapernahumu, omu chizungu ch'e Galilaya; analema ayigiriza omu lusiku lw'e sabato.
\v 32 Basomerwa n'enyigirizo zage; bulala alemaga aderha nka muntu oherhe obuhashe.
\v 33 Mw'echo chishagala, haliri mulume muguma ofarhirwe n'ebishwasi, analemaga ayama n'omulenge gunene:
\v 34 ema, chichi rhufana rhweshi nawe, Yesu w'e Nazareti? Anti wayinjire mp'orhuheze. Nyinji oli nde: Mushinganyanya wa Nyamuzinda.
\p
\v 35 Yesu akalihira echo chishwasi, aderha: sira, orhenge munoyu muntu. N'echo chishwasi chamukweba omukagarhi kw' olubaga, chamurhenga mo buzira kumujira kubi.
\p
\v 36 Boshi bagera mw'omusisi, babwirana bonyine oku bonyine: gw'omwazi guchi ogu? ch'aherhe arhegeka ebishwasi n'obuzibu n'obuhashe, li byanarhenga!
\v 37 Erenge lyage lyalumira hoshi omu bihugo by'eburhambi.
\p
\v 38 Eri Yesu arhenga omu chishagala, aja emwabo Simoni. Nazala wa Simoni alilwere eshushira linene, bamuhunira.
\v 39 Abere amuyegemera, akalihira lilala shushira, lyamulika. Honaho azuka, anabakolera.
\p
\v 40 Amango ezuba lyazikaga, boshi baliherhe abalwala b'endwala za ngasi lubero, bamuhekera bwo. Ahuma ku ngasi muguma wabo, anabafumya.
\v 41 Ebishwasi nabyo barhenga omu bantu banene, bayama banaderha: Oli Mugalawa Nyamuzinda. Aliko abakalihira n'okubahanza okuderha, bulala balimenyere oku ye Kristo.
\p
\v 42 Eri bucha sezi, arhenga yo, aja aharhali bantu. Echigusho ch'abantu chalema chamulonza, chanamuhikako; bamuyumanza, mpu arhabalekaga.
\v 43 Aliko ababwira: kukwanene nyigirize emyazi y'Obwami bwa Nyamuzinda omu chishagala, bulala okola k'okwarhumaga narhumwa.
\p
\v 44 Alema ayigiriza omu bishagala by'e Galilaya.
\c 5
\cl Chigabi 5
\p
\v 1 Nk'oku Yesu alirhi burhambi bw'enyanja y'e Genazareti, n'echigusho chabantu balibirhira emunda ali mpu yibayunva omwazi gwa Nyamuzinda.
\v 2 Abona ahaburhambi bw'enyanja marho mabiri galiri g'abashana baligwerhe bashuka emilaga yabo.
\v 3 Aja omu bwarho buguma bwaliri bwa Simoni ababwira shegera hityu eshi, ayikala omu bwarho arhonder'oku yigiriza.
\v 4 Ey'aleka okuderha, abwira Simoni; heka obwarho emuhengere, okweb'emilaga emwibi orhege.
\p
\v 5 Simoni amushubiza mwigiriza, rhwakolere obudufu boshi ntacho rhwabwene; aliko, oku mwazi gwawe nakweba ogu mulaga omu nyanja.
\v 6 Ey'ab'amarhega bayirha efi zinene bwenene n'omulaga gwachikachika. Ajira echimenyis'okubabo baliri omu bwindi bwarho muyinje babagwase okufi.
\v 7 Bayinja, babumba amarho ngombi, galema gayika.
\v 8 Eyabona ntyo, Simoni Petero ayandagala afukama, oku magulu ga Yesu anaderha: Nahano, ontengere.
\v 9 Bulala nyono ndi munyabyaha bulala omusisi gwabagwarha, yewe n'abaliri nabo boshi haguma naye, bihulukire okubibabaga bajirire.
\v 10 Kubinali kuguma na Yakobo na Yohana bene Zebedeyo bera ba Simoni, nantyo Yesu abwira simoni, ntacho oyobohage kurhenga zene nji waba murhezi wa bantu.
\v 11 Balerha amarho eshi, baleka byoshi bamukulikira.
\p
\v 12 Yesu aliri omuchishagala chiguma chikulu chebindi abona omulume oherh'ebibenzi, abere amubona afukama embere zage amuhuna: akaba olonzeze ompindamule imbe muhyahya.
\p
\v 13 Yesu alambula amaboko, amuhumako aderha: Ndozez'obe muhyahya n'okuntyo ebibenzi byarhenga.
\p
\v 14 Kandi amukomereza arhabwiraga muntu: Aliko, genda oyereke omudahwa omubiri gwawe, orhule n'entulo yokucheswa nk'oku Musa abirhegekaga bube buhamiriza.
\v 15 Ezino lyage lyamenyikana ngasi mango n'abantu bayinja kumuyunviriza n'okufuma endwala zabo.
\v 16 Naye achikula omubo aj'aharhali bantu aji huna.
\p
\v 17 Lusiku luguma Yesu ali ayigiriza, Abafarisayo na bacha b'emanja bakulu baliri aho bayikere barhengerera ngasi ntondo y'e Galilaya, Yudeya n'e Yerusalemu; obuhashe bwa Nahano bwachiyerekana omu kumufumya.
\v 18 Haliri abantu baheker'enchingo eri ko'mulwala orhogokere, balonza okumuheba omu nju embere zage.
\v 19 Okubona barhaliherhe ngahe bamugeza bulala echigusho charhuma, bamushonya oku kasongero, bayandagala abachigwire haguma n'enchingo omu kagarhi k'olubaga.
\v 20 Omu kulola obwemere bwenyu, Yesu aderha: Muntu, ebyaha byawe byababalirwe.
\p
\v 21 Abandisi n'aba Farisayo barhondera kukengera n'okuderha inde oyu wabesha? oku akubabalira abanya byaha arhali Nyamuzinda yenine?
\p
\v 22 Yesu amenya obwenge bwabo, n'omwazi ababwira: bichi muherhe omu mirhima yenyu?
\v 23 Chichi chikomere ery'okuderha: Ebyaha byawe bibabalirwe, chango okuderha: yumuka olabangire?
\v 24 Bulala, buzinda mumanye oku omwen'omuntu aherhe obuhashe b'okubabalir'ebyaha.(ababwiraga ey'orhogokire) nderhere: Yumanga orhole enchingo yawe ogende oj'emwawe
\v 25 Honaho ayumuka emalangambere gabo arhola enchingo alilyamireko anaja omu mwage, akuza Nyamuzinda.
\p
\v 26 Boshi baliriho basomerwa, bakuza Nyamuzina bayubaha bwenene, baderha: zene rhwamabona ebisomezo.
\p
\v 27 Enyuma yaho, Yesu arhenga, abona omufurhisa ohamagalwa Lawi ayikere, ahantu hokufurhira ebarati amubwira nkulikira.
\v 28 Nantyo aleka byoshi, ayumuka, anamukulikira.
\p
\v 29 Lawi amuyereka omu mwage amusheegera eshego linene haliri n'ambandi balizungulukire echishagala.
\v 30 Abafarisayo n'abandisi yibalunduma n'okuderha okuntumwa: Chirhumire mwanywa, n'okulya haguma n'obo buko n'abantu bakalamo kabi?
\p
\v 31 Yesu aderha omwazi, ababwira: Arhali abali bwinja bababona omufumu mukulu aliko omulwala.
\v 32 Ntahamagalagwa oku bashinganyanya aliko oku banyabyaha.
\p
\v 33 Bamubwira: Bula gurhe etumwa za Yohana, n'ez'abafarisayo bakazagi chishalisa n'okuhuna aliko abawe balya n'okunywa.
\p
\v 34 Yesu ababwira: kamwakashalisa abana bamuhya mulume amango ali haguma nabo?
\v 35 Esiku za yinja muhya mulume abaleka mw'ezola siku yinji bachishalisa.
\v 36 Ashuba babwira omugani: nta muntu wakabera omushangi guhyahya kw'echisharhe mpu achihebe oku mushangi gushajire s'aliko anabera omushangi guhyahya n'echisharhe arholagako chirhakananikwa okugushajire.
\v 37 Ntamuntu w'akaheb'edivayi lihyahya omu ndaha zishajire bulala Edivayi lihyahya lyanabera endaha lyanashandala n'endaha zanahera;
\v 38 S'aliko kukwanene okuheba endivayi omudaha zihyahya.
\v 39 Ntamuntu wakasima Edivayi likulukulu, washuba lonza elihyahya bulala anaderha kw'elikulukulu lilokere.
\c 6
\cl Chigabi 6
\p
\v 1 Agera olusiku lw'esabato bahamagala lwakabiri lurhanzi, Yesu agera omushwa ly'engano entumwa zage zahagula hagul'eby'obuhumbuza balya, eyi bamarhangazigez' omu fune zabo.
\v 2 Abafarisayo baguma bamushubiza: chirhumire wajir'ebirhankajirw'amango g'e'Sabato?
\p
\v 3 Yesu ababwira: Murhalisomer'ebi Daudi amango ashalikaga, yewe nabaliri haguma naye.
\v 4 Okw'ajag'omu ka Nyamuzinda arhola emigati y'entulo, alya, ahereza n'abaliri nabo barhanazi bwirwa nabagula mulyage?
\v 5 Abashuza: mwene omuntu ye mwigiriza yenine we sabato.
\p
\v 6 Hager'olundi lusiku lw'e sabato, Yesu aj'omu chishagala, n'okuyigiriza, abon'omulume muguma oherh'okuboko kwa malyo kuhunzize.
\v 7 Abandisi n'Abafarisayo balolereza Yesu akaba afumy'olusiku lw'e sabato,
\v 8 Aliko alimanyir'enganiza zabo, abwira oyu mulume oherh'okuboko kuhunzize: Yumuka, oje ahakagarhi. Ayumuka, ayorha ayumangire.
\v 9 Yesu abashuza: abadosa nka birhegekerwe, olusiku lw'esabato rhujire amenja changw'amabi, okuchiz'omuntu changwa okumuyirha?
\v 10 Nantyo, abageza mwamesho boshi, abwira omulwala, lambul'okuboko kwawe, ajira ntyo, n'okuboko kwage kwafuma.
\v 11 Boshi bagaya, banayunvikana gurhe bajira Yesu.
\p
\v 12 Ago mango, Yesu aja oku ntondo ku huna, anagedekera ahuna Nyamuzinda obudufu boshi.
\v 13 Ey'olusiku lugera, ahamagal'abigirizwa, arhandula ekumi nababirhi anabahamagal'okuzino Entumwa.
\v 14 Simoni amuhamagala Petero; Andreya mwene wabo; Yakobo; Yohana; Filipo; Bartimayo;
\v 15 Matayo; Tomasi; Yakobo mwene Alufa, Simoni ahamagala Zeloti.
\v 16 Yuda; Mwene Yakobo; na Yuda Eskariyote; ahindamukire mulenzi.
\v 17 Ayandagala haguma nabo, bayumanga oku ntondo oku ntondo ngeke kwaliri echigusho chabigirizwa ngasi lubero l'olubaga loshi lwe Yudeya, Yerusalemu,
\v 18 Tiro, n'e Sidoniya. Bayinja mulinga mpu yafumya endwala zabo. Abaliri nk'abasire n'abazimu bafuma.
\v 19 N'echigusho choshi chalonza oku muhumako bulal'emisi, yamurhengamo bafuma boshi.
\p
\v 20 Yesu alola entumwa ababwira: Ragi mwebakene, bulala obwami bwa Nyamuzinda buli bwenyu!
\q
\v 21 Ragi mwemushalikire buno, bulala nji mwayugurha. Ragi mwemwalaka buno, bulala njimwaba n'obushagaluke.
\q
\v 22 Ragi nji munabere, amango abantu babagaya, amango nji babahiga, okubajachira, n'okukabulir'ezino lyawe nka muliro, eri mwen'omuntu orhumire!
\p
\v 23 Musime ololusiku, mubalale n'omwishingo bulala oluhembo njilwaba lunene omu mpingu; bulala nk'oku beshe balirhindibwize abalebi.
\q
\v 24 Aliko, buhanya okumwabo, bagale, bulala muherhe oburhuliriza bwenyu.
\q
\v 25 Buhanya kumwemuyugurhire bulala nji mwashalika, buhanya kumwabo mulimwasheka, bulala njimwaba okubufirwa n'emiziga.
\q
\v 26 Buhanya amango abantu njibaderha binja kumwabo, bulala ntyo kunjinajirira kub'eshe babo; enyanya zabalebi babi.
\p
\v 27 Aliko babwire, mwabo mwanyunviriza: musime abashombanyi benyu munabajirer'ebinja(ebikwirire) okurhabasima.
\v 28 Mugishe ababaherera, muhunire ababashobekere(okuderhera obubeshi).
\v 29 Nk'omuntu akakushurha okurhama, omuyerekez'elindi. Eri omuntu akarhola echishuli(akanzu) orhamulahirirag'emyambaro.
\v 30 Ohereze ngas'owakuhuna(owakuhema), nantach'omuhunag'okubyage. Njorhanachishubiriraga.
\v 31 Echi wakasim'abantu bakujirirage, n'awe obajirire cho nkokubinali.
\v 32 Nk'amwakasima ababasima luhembo luchi njiwabona? Abanyabyaha nabo banasima obasimire.
\v 33 Nk'amwakajira ebinja okuwakujirir'ebinja luhembo luchi njiwahabwa? Abanyabyaha nabo banajira ntyu.
\v 34 Eri mwak'ayandika okuyochinihire okubona, echintu luhembo luchi omenyere? bulala abanyabyaha banayandika ababo banyabyaha, omugalulire k'okubinali.
\v 35 Aliko musime abashombanyi benyu, mubajirir'ebinja mubayindike buzira kugalulirwa. N'oluhembo lwenyu nji lwaba lunene, nji munab'enyanya; bulala ali mwinja okubarhakula bwasi n'okubabi.
\v 36 Rhube banyabonjo, nk oku Darha aba wabonjo.
\v 37 Murhachaga olubanja, n'enyu nji bakabachira olubanja. Murhashwekaga n'enyu nji bakabashweka. Murhagendaga mwayagisa n'enyu nji bakabayagisa.
\v 38 Muhane n'enyu mwahabwa, olugero wajira lwinja, luyunjwire, lurhalukire, bulala olugero wajirira owenyu lunawe bakujirira.
\p
\v 39 Ababwira kandi ogwindi mugani: Omuhurha(empumi) gw'akalongola ogwabo muhurha? nka bombi nji barhakarhogerha omuchiriba?
\v 40 Owayiga arhalusha omwigiriza; alik'omwigirizwa aba nkamwigiriza wage.
\v 41 Chirhum'obon'ehyasi hir'omulisho lya mwene wenyu, alik'orhabon'echisinde chiri omu lisho lyawe.
\v 42 Changwa gurhe wanka bwira mwene wenyu mpu leka ngukule ehi hyasi n'obo woy'ogwerh'echisinde omulisho lyawe.
\v 43 Omurhi gwinja, gurhaburha malehe mabi, chang'omurhi mubi gurhaburha malehe minja.
\v 44 Bulala ngasi murhi gumanyikana oku malehe mage. Oku mishaki kurhahumbwa mangaka.
\v 45 Omuntu mwinja analerh'ebinja omu muhako g'omurhima gwage, n'omubi analerh'ebintu bibi by'omu muhako gwage mubi. bulala bilugire by'omu murhima obunu bwana derha.
\p
\v 46 Chirhuma mumpamagala, Nahano, Nahano; murhanajir'okunaderha?
\v 47 Nabayerekere olwiganyo l'omuntu wayinj'emundandi wayunv'emyazi yani anayiheb'omukalamo.
\v 48 Alik'omuntu oyumbakir'enju, ahumb'echiriba chinja oku burhanzi, ajir'ensimikiro kubale, emisuka yayinja, n'omuhusi gwachishurh oku nju, buzir'okukumbagala bulala yaliyumbakirwe bwinja.
\v 49 Alik'oyunva, arhanaheba omu kalamo kage, ali nka muntu oyumbakire enju oku mushenyi, buzira nsimikiro. Omuhusi gwanachikweba okuyo: honaho yanakumbagala n'obuhanya bw'eyo nju bwali bunene.
\c 7
\cl Chigabi 7
\p
\v 1 Enyuma y'okumal'ezo nderho zoshi embere yolubaga lwamuyunvirizaga, Yesu aj'Ekapernahumu.
\p
\v 2 Omu mpinga mukulu muguma w'abantu egana aligwerh'omwambali olibwizwe n'endwala hofi n'ogufa analisimirwe bwenene.
\v 3 Eri bayunv'emyazi ya Yesu, amurhumiz'abashamuka b'Abayuda mpu bamushigirire ayinj'amufumize omwambali.
\v 4 Bahik'ahali Yesu, bamushigirira, bamubwira okwanen'omujirire ntyo.
\v 5 Bulala asima obuko bwerhu, na yewe yewa rhuyumbakir'echishagala.
\p
\v 6 Yesu aja ahaburhambi, eri okolija ebwa nju, y'oyo mukulu wabarungu arhuma abera bage, bamubwire: Nahano, omenye wachirhamya bulala ntashinganene oj'omumwani.
\v 7 N'okuntyo nachigaya nyenine oku ntakaj'emund'oli. Alik'oderhe chinwa chiguma chonine n'omugaragu wani afuma.
\v 8 Bulala nani nakeng'abakulu, mperh'abarungu ntegeka oku marhegeko gani, nanabwira muguma genda anagenda, nanabwir'owindi yinja anayinja; n'omukozi wani; jira hilebe, anahijira.
\p
\v 9 Eri Yesu ayunv'eyimyazi, asomerwa n'oyu mukulu wabarungu, ahindamukir'echigusho chali mukulikire n'oku babwira okuli omu Israeli ntasaga bon'oherhe obwemere bunganaha.
\v 10 Eri bagaluk'eka abantu balirhumirwe n'omukulu wabarungu bashiman'omukozi walilwere bwenene afumire.
\p
\v 11 Olwindi lusiku, Yesu ajag'omu chishala bahamagala Naini; abigirizwa bage n'echigusho chinene ch'abantu bagenda haguma naye.
\v 12 Amango babere bali hofi n'olinvi l'omuchishagala, abona baheker'omufu, nyakaguma wanina, nay'ali mukana ali omu bantu banene b'omu chishagala.
\v 13 Eri Nahano amubona, amuboner'obonjo, amubwira: orhalakaga.
\v 14 Ashegerera anahum'okusanduku, abalimubarhwire bayimanga, abwir'omusole nkubwirire oyumange!
\v 15 Omufu gwayikala, gwarhondera okuderha. Yesu amuhereza nina.
\p
\v 16 Boshi bagwarhwa n'oboba, banakuza Nyamuzinda, baderha omulebi mukulu aboneken'omukagarhi kerhu, Nyamuzinda alambagirire olubaga lwage.
\v 17 Ogola mwazi gwa Yesu gwashandal'omu Yudeya yoshi n'omubindi bihugo by'e burhambi.
\p
\v 18 Abigirizwa ba Yohana bamushambalira byoshi.
\v 19 Ahamagala babiri abarhum'emunda Yesu ali, mpu bamubaze ka woyo wewayinja changwa windi rhwalinga?
\p
\v 20 Bahik'ahaburhambi bwa Yesu. Baderha Yohana arhurhumir'emundoli mpu rhukubaze akaba w'oyo we wayinja changwa rhulindir'owindi?
\p
\v 21 Mwakola kasanzi afumy'abalwala banene, n'abazamba, n'abazimu, n'emihurha yabona.
\v 22 Yesu abashubiza: Mugende mubwire Yohana ebimwabwene n'ebimwayunvirhe: emihurha yabwene, abaholer'amagulu bafuma ebihungurhu bayunva, abafu bafukire, abakene babwirirw'emyazi y'omurhula.
\v 23 Ragi lyolala orhakumbagere eri nye ntuma.
\p
\v 24 Amangw'azirhumag'emwa Yohana zagenda, Yesu abwir'echigusho ch'abantu ebilolere Yohana: bichi mwajaga lola omu mpinga? olusheke lwahehulwa n'empusi?
\v 25 Aliko mwali jiri lola? nka muntu oyamber'emishangi y'obugale? lolag'abayamber'emishangi ekwirire n'abalamire omu masima, bali omu nju z'abami.
\v 26 Bichi mwa yinjaga lola? ka mulebi? nechi, mwabo, naderha, kulusha omulebi.
\v 27 Oyola ye yandikirwe: narhuma entumwa yani embere zawe mpu erhegany'enjira.
\v 28 Mbabwirire: omu baburhirwe n'omukazi, ntay'oli mukulu kulusha Yohana. S'alik'omudorho omu bwami bw'e mpingu ali mukulu kumulusha.
\v 29 Olubaga loshi lwali muyunvirhe n'abanya byaha babon'oku Nyamuzinda ayazize badubikw'okubudubiko bwa Yohana;
\v 30 Aliko abafarisayo, n'abasomi b'ehano balahir'okudubikwa na Yohana:
\v 31 Nde nankashushanya n'abantu b'elyo burha n'ande bashusha?
\v 32 Bashushir'abana bayiker'okurango n'okubwirana bonin'okubonine, n'okuderha: rhurhwaliherhe rhwabasharhir'oku nzenze, murhanazinaga; rhwabayimpira murhana lakaga.
\v 33 Bulala Yohana mudubisi, ayinjire arhalya mugati, arhanywa livayi, munaderhe mpu aherhe abazimu.
\v 34 Mwene muntu ayinja, alya ana nywa mwana derha: Mudambi bwenene na mulalu, mwira w'abanya byaha na muntu wa kalamo kabi.
\v 35 Aliko obushinganyanya bwamenyikana na bantu boshi.
\p
\v 36 Mu Farisayo muguma ashigirir'oku lya haguma naye. Yesu aja omu nju y'omu Farisayo balya haguma,
\v 37 hayinja mukazi muguma w'omunyabyaha aliri omu chishagala, amenya oku ali alya omu nju y'omu Farisayo, alerha omu kebo guyunjwire mavurha ga malashi.
\v 38 Achi heb'aburhambi, oku magulu ga Yesu n'oku laka; honaho amulobya n'emiziga yage n'oku shangula haguma n'enviri zage, n'oku nunugus'amagulu n'oku mashig'amalashi.
\v 39 Oyo muFarisayo wa muhamagalaga, eri abona ntyo achi dos'omu murhima gwage yenine: Kw'oyu muntu aliri mulebi ali amenya k'oyu mukazi omuhumireko ali munyabyaha.
\p
\v 40 Yesu abwira Simoni mpu: Mperh'omwazi na kubwira: Mwigiriza, derha.
\p
\v 41 Bagaragu babiri baliri omu mwinda gw'owabo muntu; muguma aliherhe magana marhano, owindi makumi marhano.
\v 42 Eri babul'ebyokumujuha bombi omwinda gwabo ababalira. Inde mubo wa musima kulusha?
\p
\v 43 Simoni ashubiza: nchikwebere owababalirwe zinene. Yesu amubwira waderh'oku binali.
\v 44 Na ntyo, ahinda mukir'oyo mukazi, abwira Simoni: Oli wabona oyu mukazi? Najag'omu mwawe, nta menji wa mpere mpu onshuk'amagulu gani; yewe amalobya n'emiziga yage, n'oku mashangula n'enviri zage.
\v 45 Orhasagi nunugusa, aliko yewe, arhanalekag'okununus'amagulu gani.
\v 46 Orhashigire mavurh'omurhwe lyani, aliko yewe ama shiga amavurha gage g'amalashi oku magulu gani.
\v 47 che chirhumire n'akubwira, okw'ebyaha byage binene by'ababalirwe: Bulala alisimire bwenene. Alik'obabalirwe hintyu higeke asima bugeke.
\v 48 Na bwir'oyo mukazi: Ebyaha byawe byababalirwe.
\p
\v 49 Abaliyikere haguma naye barhonder'oku derha bonin'oku bonine: Ye muntu muchi oyu wababalira n'ebyaha?
\p
\v 50 Aliko Yesu abwir'oyo mukazi: Obwemere bwawe bwa kuchungula, genda n'omurhula.
\c 8
\cl Chigabi 8
\p
\v 1 Agerager'omubishagala, ayigiriza n'oku yalagaz'omwazi gwinja g'obwami bwa Nyamuzinda, nabalal'ekumi nababiri baliri hagumanaye,
\v 2 Nabakazi baguma bafumyagw'ebishwasi n'endwala; Mariya Madagalena, aliherh'ebishwasi mushanvu iri byamarhenga;
\v 3 Na Jani muka kuza mulanzi w'ebintu bya Herode, na Suzana nabandi banene bamukolerag'oku kubugale bwabo.
\p
\v 4 Echigusho chinene cha shiganana naye, Na bantu ba ngasi chishagala bayinja emalanga mbere gage, aderha okumigani; omuhinzi w'emburho agenda kuhinga emburho zage.
\v 5 Erhyaba amazihinga, ziguma zarhogera hofi n'enjira; zalabarhwa, enyunyi zomuchanya zazirya.
\v 6 Ezindi zarhogera okumabale; zamera, zayuma enyanya yokubula amenji.
\v 7 Ezindi zarhogera omu mishaki, emishaki yamera haguma nazo, yazifundeza.
\v 8 Ezindi zarhogera okubudaka bwinja, zamera, zaburha amalehe egana. Aber'amamala kuderha ebi binwa alika omulenge, aderha: Oherhe amarhwiri gokuyunva, ayunve.
\p
\v 9 Abigirizwa bage bamudosa, baderha: Ogu mugani k'okuderha gurhe?
\v 10 Aderha, mwabo mwahabirwe okuyunva ehwe ly'obwami bwa Nyamuzinda; aliko okubandi omu migani, yibalola, barhanabona, banayunva, barhanamanya.
\v 11 Akamaro k'ogu mugani kalintya: Emburho guli mwazi gwa Nyamuzinda;
\v 12 Ezo zarhogeraga hofi n'enjira, babala bayunva omwazi, Lyangombe anayinja anashuba gukula omu mirhima yabo, yibarhayemera n'okuchunguka.
\v 13 Nazilala zarhogeraga oku mabale, babalala bayunva omwazi, banaguyankirira n'obushagaluke aliko banaba barhanaher'emizi hisanzi hityu, amango bamarhangulo banalahira obwemere.
\v 14 Zilala zarhogeraga omu mishaki, babala, bayunva, banagenda, banabuzwa omurhula n'ebyegulu, obugale n'eby'okurhimirha akalamo, nabo barhanaburh'amalehe oku bishinganene.
\v 15 Zila zarhogerhaga omu budaka bwinja babalala bemirhima minja y'okunali, banayunva omwazi, n'okubugwarha, n'oku burh'amalehe oku bushibirizi.
\p
\v 16 Ntaye wakachan'etara n'okuliyubikira akarhanda, eri okuliheba omu ntalule, aliko analiheba oku Chishasha lyabaja omunju babona akamole.
\v 17 Bulala ntamwazi gwaheberwe okuhwe gurhakabonekana, eri omwazi gwabishirwe gorhakabishula n'okubonekana bwinja.
\v 18 Mulolage nkokumwayunvirhe; bulala oherh'echintu yinjiwanahabw'echindi nolala orhagwerhwe chintu njanyagwa chilala aganizize kwaherhe.
\p
\v 19 Nina na balumuna (badorho) bage baj'emunda ali, barhagalaga kumushegerer'enyenya w'echigusho,
\v 20 Bamubwira: Nyoko na balumuna bawe bayimangir'embuga balonz'okukubona.
\v 21 Aliko ashubiza: Nyama na balumuna bani babala bali bayunv'omwazi gwa Nyamuzinda n'okuguyemera.
\p
\v 22 Lusiku luguma Yesu aj'omubwarho, haguma na bigirizwa bage, ababwira: Rhushabuk'eshiriza w'enyanja. Barheng'eshi.
\v 23 Aliko amango babaga bakola bali bagenda, Yesu aj'ero; omulaba n'empusi byayandagala omu nyanja; obwarho bwarhangir'okubumb'amenji, baba omu makuba.
\v 24 Bamushimba bamubwira, baderha: Nahano, rhwazika! Azuka, abwir'Empusi n'omulaba musire, hanaho bya sira.
\v 25 Ababaza obwemere bwenyu ngahe buli? bayubaha, basomerwa, babwirana: Oy'alinde wabwir'empusi n'omulaba nabyo byanamukenga?
\p
\v 26 Bahika omu chihugo chaba Gerasi, chiyerekez'e Galilaya.
\v 27 Yesu arheng'omu bwarho, muntu muguma wa mwecho chishagala, webishwasi bibi, abuganana naye; akazigi genda butambara, arhakazagi lyama omu nju, aliko oku mashinda.
\v 28 Aber'abona Yesu, aband'endulu akumbagal'emalanga mbere ga Yesu ayama n'omulenge gunene; chichi nkuherhe Yesu mwene Nyamuzinda wenyanya? Nguhunir'orhandibuzaga.
\v 29 Bulal'abwirag'ebishwasi birhenge moyo muntu, ngasi mango bakazagi mugwarha, banamulanga: Bamushweka mwenkoba, anazichangulanga n'okuhekwa nebi bishwas'omu mpinga.
\p
\v 30 Yesu amudosa, aderha: Ezino lyawe wende? Ezino lyani chigusho. Byamuyinginga mpwa rhabakulaga.
\v 31 N'okubikabulir'emu hengere.
\v 32 Ahola haliri engulube zinene bwenene, zayinjaga zalis'oku ntondo, ebyo bishwasi byamuhun'obulenganjira mpu bije mwezo ngulube, ayemera.
\v 33 Ebishwasi byarhenga m'oyo muntu byaja mwezo ngulube; obuso boshi bwa yandagalir'omunyanja
\v 34 Amango abangere babonagantyo bali birha, baji derh'eyo myazi omu bishagala n'omumashwa.
\v 35 Bayinja kulola emyazi ya bonekene; bayinj'emwa Yesu, babon'oyu muntu, ebishwasi byamurhengeremo, ayikere hofi n'amagulu ga Yesu, ayamber'emishangi, n'omurhima gwinja; bayubaha.
\v 36 Babona, baderha gurh'oyo munyabishwasi afumire? Abantu boshi balir'eburhambi bwabagerasi.
\v 37 Abantu boshi balir'eburhambi bwabagerasi, bamuhun'arheng'aho, bagwarhwa n'obuba bunene; aj'omu bwarho, agaluka.
\p
\v 38 N'oyo muntu abazimu babere bamurhengamo amuhun'abe haguma naye, aliko Yesu, amulag'aderha:
\v 39 Galuk'emwawe oyalagaze byoshi ebi Nyamuzinda aku kolere. Agend'omu chishagala choshi, ayamagaza ebi Yesu amujirire
\p
\v 40 Yesu abere amagaluka, echigusho cha muyegereza, bulala boshi balemaga bamulinga.
\v 41 Na muntu muguma ezino lyage Yayiro, aj'emundali, aliri mukulu w'e Sinagogi, afukam'omu magulu ga Yesu, amuhun'aje mwage;
\v 42 bulala aliherh'omu nyere wage chinege, aliherhe ofi myaka ekumi n'ebiri, aliri hofi hokufa. n'omu kugenda kwage abantu bamufundeza.
\p
\v 43 Na mukazi muguma, ayinj'arheng'eshagama myaka ekumi n'ebiri, amala ebikulo byoshi aliherhe oku bafumu na nta muntu chiro n'omuguma wa mufumya,
\v 44 ayinj'enyuma zage ahuma okuchishumiro ch'omu shangi gwa Yesu, okuliguma okurheng'eshagama kwage kwahwa.
\v 45 Yesu aderha: Nd'ompumireko? boshi balahira, Petero nabo balirihaguma naye baderha: Nahano, olubaga lukukerekere n'oku kukufundeza, nawe wa derha mpu hali owakuhumireko?
\p
\v 46 Yesu aderha: Omuntu ampumireko, bulala nalimenyir'emisi ya mampwa.
\rem v 47-48 Nani, mbabwirire: muheme, nji mwanahabwa; mulonze, nji mwabona; mukongorhe olunvi, nji mwachingulirwa. Bulala ngasi yeshi wahema ahabwa, olala wakalonza abona, banachingulira owakongorhaga olunvi.
\p
\v 49 Abere ashambal'emyazi, muntu muguma ayinja kurheng'omu chishagala amubwira: Mwali wawe amafa, arhalibuza omwigiriza,
\p
\v 50 aliko Yesu, abere ayunva ntyo, amushubiza, amubwira: Orhayubahaga, oyemere konine yewe afuma.
\v 51 Amango ahikag'omu nju, arhalonzaga owindi aj'emo, aliko Petero na Yakobo na Yohana, n'eshe na nina w'oyo mwana.
\v 52 Abantu boshi balaka n'amaganya; aliko aderha: Murhalakaga, arhafire, s'aliko ajir'ero.
\v 53 Bamu shegerera bwenene, bulala baliinji okwafire.
\v 54 Aheba abantu boshi embuga, agwarh'okuboko kwage, akul'omulenge, aderha: Munyere zuka.
\v 55 Omuka gwage gwagaluka, ayimanga oku liguma; abwirabo kubamuh'ebiryo.
\v 56 Abazere bage basomerwa bwenene; abahanza oku ntaye babwirage ogomwazi gwa jirikire.
\c 9
\cl Chigabi 9
\p
\v 1 Yesu ahamagala balala ekumi nababiri, abaha obuhashe n'emisi y'okukul'ebishwasi n'oku fumy'endwala.
\v 2 Abarhuma okuyamagiza Obwami bwa Nyamuzinda n' okufumya endwala.
\v 3 Ababwira mpu, barhahekaga kantu oku njira, chiro n'agarhi, chiro n'eshaho, chiro n' omugati, chiro n'olufaranga, chiro murhanahekaga mishangi ebiri.
\v 4 Omu ngasi nju mwakajamo, mubere mwo, naho hanji mwarhengerera mugenda.
\v 5 N'abantu barhabayegereze, murhenge mw'echo chishagala, mukungurhe akachulo kali oku magulu genyu, bube buhamiriza bwenyu oku bwo.
\v 6 Bayumuka, bagenda bazunguluka chishagala oku chishagala, bayigiriza omwazi gw'obuholo n'okufumya abalwala ngasi hoshi.
\p
\v 7 Mwami Herode ayunva ebyali ajira byoshi; ahaba gurhe ajirage. Bulala baguma balemaga baderha mpu Yohana yiwafukire omu bafu;
\v 8 abandi oku Eliya yiwabonekene; n'abandi mpu muguma w'omu balebi bamira yiwafukire omu bafu.
\v 9 Aliko, Herode aderha: nachiisaga erhwe lya Yohana; nde windi oyu, ndi nayunva baderha ntyo? Analonzereza gurhe aka mubona.
\p
\v 10 Amango Entumwa zabere zagaluka, zashambalira Yesu ebi zajiraga byoshi. Abarhola, achiyeguza eburhambi aharhali bantu, entambi z'ebwa chishagala chiguma chihamagalwa Betisaida.
\v 11 Olubaga lwabere lumanya, lwamukulikira, Yesu abayegereza analema ababwira emyazi y' obwami bwa Nyamuzinda; boshi balimulangalire oku abafumya, nabo bafuma.
\v 12 Lyabere golo, balala ekumi na babiri bamushegerera, bamubwira: galula abantu, baje omu bishagala n'omu birhala bya hofi-hofi balonze aha bahanda n'ahabakaliira, bulala rhuli hano omu mpinga.
\p
\v 13 Yesu ababwira: mubahereze ebi balya mwenyine: aliko nabo bamushubiza: rhuherhe migati erhano na fi ebiri zonyine, akaba rhwakabagulira rhwenyine ebiryo bakalya boshi.
\p
\v 14 Nabo baliri balume hofi bihumbi birhano. Yesu abwir'entumwa zage mpu, babayikaze rhugusho rhugusho rhw'abantu makumi marhano.
\v 15 Bajira ntyo, babayikaza boshi.
\v 16 Yesu arhola eyo migati erhano n'ezo fi zombi, agalamira omu chanya, abigisha. Oku handi abichagulanga, abihereza entumwa mpu bagabire olubaga.
\v 17 Boshi balya n'okuyugurha, banaheka rhurhanda ekumi narhubiri rhuyunjwire ebichira byayorhaga.
\p
\v 18 Lusiku luguma Yesu ali ahuna yenine, haguma n'abigirizwa bage, abadosa: Yibaderha mpu ndi nde?
\p
\v 19 Bamushubiza: Yohana mubatiza, abandi mpu Eliya, abandi mpu muguma w'omu balebi bamire wafukire.
\p
\v 20 Nabo abadosa, nenyu, gurhe yimwanderha, ndi nde? Petero amushubiza: Kristo wa Nyamuzinda.
\p
\v 21 Yesu abahanza bwenene oku ntaye babwirage.
\v 22 Ayushula oku bishinganene Mwen'omuntu arhindibuzwa bwenene, akabulirwa n'abashamuka, n'abadahwa bakulu, n'abandisi, oku banamuyirhe, n' olusiku lwa kasharhu nj'anafuke.
\v 23 Kandi ababwira boshi. Akaba hali olonzeze oku nkulikira, achiderhere yenyine, achihese ngasi lusiku omusalaba gwage, ana nkulikire.
\v 24 Bulala omuntu nji walonza oku chungula akalamo kage akaheza, aliko omuntu nji wakaheza eri nyentumire nj'akachungula.
\v 25 Bunguke buchi omuntu akaba agwerhe ahabw'egulu lyoshi, aliko achiheze yenyine changwa obuhanya bw'omurhima gwage?
\v 26 Bulala ngasi yeshi nji wayunvira emyazi yani eshonyi, Mwene Omuntu nj'amuyunvir'eshonyi, amango ayinja omu bukuze bwage, n'omubukuze bw' Eshe n'obwabamalayika batagatifu.
\v 27 Mbabwirire okuli, hali baguma bali mwaba bali hano barhakafa barhanazibona obwami bwa Nyamuzinda.
\p
\v 28 Siku munan'enyuma y'okuderha eyo myazi, Yesu ajirhola Petero, na Yakobo, na Yohana banarheremera oku ntondo bajihuna Nyamuzinda.
\v 29 Amango alemaga ahuna, eshusho ly'amalanga gage lya hindamuka, n'emishangi yage yaba mwerumweru bwenene.
\v 30 Aho, haboneka bantu babiri, Musa na Eliya, bashambala haguma naye.
\v 31 Abo, babonekana omu bukuze eri balibashambala enyanya y'olugenzi lwage, aliri ahikiriza e Yerusalema.
\v 32 Petero n'ababo baj'ero bwenene; aliko babere basisimuka, babona obukuze bwa Yesu na balume babiri baliri haguma naye.
\v 33 Amango abo bantu bachiyeguzaga oku Yesu, Petero amubwira ntya: waliha, kuli kwinja rhubere hano; rhuyumbake ho rhuju rhusharhu, higuma hyawe, ehindi hya Musa, n'ehindi hya Eliya. Eri arhamanyire eby'ali aderha.
\v 34 Abere achiri aderha ntyo, olwakungu lwa yinja, lwa bashukira; abigirizwa bayubaha eri babona bamashukirwa n' olwakungu.
\v 35 Omulenge gwarhenga molo lwakungu gwaderha ntya: oyu ye Mugala wani mwishogwa: mumuyunve!
\v 36 Amango mulenge gwayunvikanaga, eri Yesu akola ali yenyine, abigirizwa basira, na ntaye babwirire, mwezo siku, ebi babonaga.
\p
\v 37 Bucha sezi, eri bayandagala oku ntondo, bantu banene bayinja emalangambere ga Yesu.
\v 38 Ahola, muntu muguma ayakuza omu lubaga: Waliha, nkuyingingire, olole k'oyu mugala wani; bulala ali mugala wani w'echinege.
\v 39 Omuzimu anamufarha honaho anayama; n'oyo muzimu anamudunda bwenene, anamulika, n'oku murhumbya lufula, anamulika eri amamushenyagula yeshi.
\v 40 Namayinginga abegirizwa bawe mpu bamuhige, barhanamugalire.
\p
\v 41 Yesu ashubiza ntya: buko burhajira obuyemere n'obwa banyabuhaka, kuhika mangachi nayorha nenyu, eri kubalembera nanabalembera? Lerhaga mugala wawe hano.
\v 42 Amango oyo mwana ashegereraga Yesu, omuzimu amukweba oku daho, anamuzunguza, anamugalika. Aliko Yesu akankamira olala muzimu; afumya oyo mwana, anamugalulira eshe.
\v 43 Abantu boshi, basomerwa enyanya ly'obuhashe bwa Nyamuzinda, oku handi, boshi babere balibasomererwa ebi Yesu ali ajira, abwira abigirizwa bage, ntya:
\v 44 lolaga mwabo emyazi mwabikaga omu mirhima yenyu: Mwene Omuntu akwanene ahaanwe omu maboko g'abantu.
\v 45 Aliko abigirizwa barhayunvaga ogo mwazi, gwalibishirwe okubo, mpu libarhahugukaga; banayoboha oku mudosa oku go.
\p
\v 46 N'obo, obuhaka bwazuka omubo, okumenya nde mukulu kulusha ababo.
\v 47 Aliko Yesu amenya enganiza z'omu murhima gwabo, ahamagal'omwana w'echirhaba amuhira aha burhambi bwage,
\v 48 ababwira, ntya: Ngasi wa yegereza oyu mwana eri zino lyani lirhumire, eri nyono ny'ayagereze; bulala owakaba ali mudorho omu mwabo, oyola ye mukulu.
\p
\v 49 Yohana arhal'omwazi aderha: mwigiriza, rhwamabugan'omuntu oly'akula ebishwasi oku zino lyawe, rhwamamuhanza buno arhali nerhu.
\v 50 Yesu ashubiza; murhamuhanzaga, orhali mushombanyi wenyu, ali wenyu.
\p
\v 51 Amango esiku zage z'okurhenga eno gulu zahikaga, arhola omuhigo gw'okuja e Yerusalema.
\v 52 Arhuma abajinji embere zage, baja omu njira banaja omu chishala chiguma ch'Abasamariya, mpu bamurheganyize echumbi.
\v 53 Aliko barhamuyankiriraga, bulala aliyerekeze e Yerusalema.
\v 54 Abigirizwa Yakobo na Yohana, eri babona ntyo, bamubwira ntya: Nahano, kw'olonzeze rhurhegeke ok'omuliro gumanuke omu chanya guna basireze?
\v 55 Yesu ahindamukira emunda bali, abakalihira, abambwira: Murhamanyire murhima guchi mugwerhe.
\v 56 Bulala Mwene Omuntu arhayinjaga kuhez'abantu, s'aliko ayijaga kubachiza. Barhol'enjira baj'omu chindi chishagala.
\p
\v 57 Babere bali omu njira bagenda, muntu muguma amubwira, ntya: Nakushimba ngasi hoshi wakaja.
\p
\v 58 Yesu amushubiza ntya: Banyabwe bajira omwina, n'enyunyi z'omu chanya zijir'enyogo; s'aliko Mwene Omuntu yewe arhajira ahakaheba erhwe.
\v 59 Abwira owindi, ntya: nkulikira. Naye amushubiza, ntya: Nahano orhag'ondike njihamba darha.
\p
\v 60 Aliko Yesu amushubiza, ntya: Oleke emifu ehambe emifu yabo; nawe, ogende ojiyalagaza obwami bwa Nyamuzinda.
\p
\v 61 Owindi aderha; Nakukulikira Nahano, s'aliko orhang'ondike nji laga abemwerhu.
\p
\v 62 Yesu amushuza, ntya: Ngasi yeshi wankafarha efuka, n'okukabagana enyuma, eri arhakwanene omu bwami bwa Nyamuzinda.
\c 10
\cl Chigabi 10
\p
\v 1 Enyuma z'aho, Nahano ashubi chishoga bandi bigirizwa makumi gali mushanvu, abarhuma babiri babiri embere zage, mpu bashokole baje omu ngasi chishagala na ngasi hantu alilonzeze okuja.
\v 2 Ababwira ntya: emyaka y'okushalula elugire bwenene, ch'abakozi bakehere, muhunage nin'emyaka arhume abakozi omu myaka yage.
\v 3 Mugende. Tal'okumbarhumire nka bibuzi omu banyambwe.
\v 4 Murhahekag'omu kandara, n'eshaho, N'ebirato, murhanalamusaga muntu omu njira.
\v 5 Ngasi nju mwakajamo, mwankarhangiderha: omurhula gube mweyi nju.
\v 6 N'akaba muli omwana w'omurhula, omurhula gwenyu gumube ko; n'akaba arhali mo, gwanabagalukira mwenina go.
\v 7 Munabere mw'eyola nju, mulye munanywe oku bibakabaha; bulala omukozi akwanene oluhembo lwage. Murhajaga omu n'omu.
\v 8 Echishagala choshi mwakajamo, naha bakabayegereza, muly'ebibankabaha,
\v 9 mufumy'abalwala, n'oku babwir'obwami bwa NYamuzinda buli bwabashegerera.
\v 10 Alik'omu chishagala choshi choshi mwakajamo, bakafunda kubayegereza, muje omu njira zacho, muderhe:
\v 11 Rhukungurhir'enyanya zenu, akachulo k'omu chishagala chenyu kananirir'oku magulu gerhu; mumeny'oku ler'obwami bwa Nyamuzinda buli hofi.
\v 12 Mbabwirire kw'e Sodomo nji ya libuzwa bugeke kulush'echo chishagala.
\v 13 Buhany'emwawe Korizini! Buhany'emwawe Betesayida! Kubon'okw'ebisomerene byajirikag'omu garhi kawe, nka byajirikak'omu Tiro n'omu Sidona bankahungamire n'okuyikala, n'oku yambal'ebishemberere, n'oluvu.
\v 14 Chechirhumir'olusiku lw'okuch'emanja Tiro na Sidona nji bahanwa bugeke kubalusha.
\v 15 Nawe Kapernahumu walibarhwirwe kuger'omu chalega nji wayandagazwa kuger'ekuzimu.
\v 16 Ngasi owakabayunva eri nyayunvirhe, na gasi wakababonerera, eri nyabonerere; n' olala wankabonerera eri abonerere owa ntumaga.
\p
\v 17 Balala makumi galimushanvu bagaluka n'obushagaluke, n'okuderha: Nahano, n'abazimu libarhuyunva eri zino lyawe lyarhuma.
\p
\v 18 Yesu ababwira: Nalangirire lyangombe arhoga emalunga nka murazo.
\v 19 Nechi, nabahere obuhashe bw'oku labarha enjoka n'abafumu, n'oku buhashe bw'abashombanyi; na ntacho chakababaza.
\v 20 Chiro, murhashagalukaga okub'abazimu babayunvirhe, aliko mushagaluke okub'amazino menyu mayandikirwe omu mpingu.
\p
\v 21 Hanaho Yesu ayunjul'obushagaluke bwa Muka ochere, anaderha: Na makukuza Darha Nahano w'omu mpingu n'egulu kw'ebi bintu wabishaga oku banyahano n'aba nyabwenge, wabifunul'okubana badorho. Nechi Darha na makukuz'oku biwalonzaga.
\v 22 Nahabirwe byoshi na Darha, na ntaye oyinji Omugala yende arhali Eshe, na ntaye oyinji Eshe yende arhali Omugala, changwa ey'Omugala alonzeze okubifululira.
\v 23 Oku handi, alola emunda abigirizwa bage Bali, ababwira bonine: Eragi ly'amesho gabona ebi muherhe mwabona!
\v 24 Bulala mbabwirire oku balebi n'abami banene bachifinjire okubona ebi muli mwabona, barhanabibonaga, n'okuyunva ebi muli mwayunva, banabiyunvaga.
\p
\v 25 Mukulu muguma w'amarhegako ayumuka, alonza okumurhega, amudosa, ntya: Nahano, gurhe njirage limbona akalamo k'esiku n'amango?
\p
\v 26 Yesu amubwira, ntya: Omu marhegeko, bichi biyandikirwe mwo? Chichi oli wasoma mwo?
\p
\v 27 Naye amushubiza ntya: Osime Nahano, Nyamuzinda wawe, n'omurhima gwawe goshi, n'emisi yawe yoshi, n'obukengere bwawe boshi; n'omwalungwe wawe nkok'ochisima wenyine.
\p
\v 28 Yesu amubwira, ntya: Washubize bwinja; ojire ntyo, wabon'akalamo.
\v 29 Aliko yewe, alonz'oku chishingan yanya, abwira Yesu: Mwalungwe wani yende?
\p
\v 30 Yesu ashubirhol'omwazi, aderha: Muntu muguma ayandagala, kurheng'e Yerusalemu kuj'e Yeriko, arhoger'omu maboko g'ebishumusi, bamukul'emyambalo, bamushurha, bachigendera, bamuleka hofi kufa.
\v 31 Mudahwa muguma, wayandagalaga mw'eyo njira, abere amubona, achirhalukira.
\v 32 Mulawi muguma, konako, abere ahika ho, amulikira kw'amesho, abere amubona, achirhalukira.
\v 33 Haliri musamariya muguma, mubalama, eri ahik'aho, amubona, amufira obonjo.
\v 34 Amuj'aha burhambi, amubuk'ebihulu, abidubulira kw'amavurha n'edivayi; amubarhulira oku ndogomi yage, amuheka emw'abahisi, amulwaza.
\v 35 Bwachere sezi, ajira furanga ebiri, aziha owabayegerezaga nk'abahisi; amubwira ntya: Olwaze bwinja oyu muntu, na ngasi choshi wakakolesa kulusha ezo nguhere, hano ngaluka nanakugalulira zo.
\v 36 Ohe mwabo basharhu, ey'obwene walimwalungwe woyula wagwag'omu bishambo?
\p
\v 37 Aderha: Anali olala wamuyunvir'obonjo, k'oyo mukulu wa amarhegeko ashubizaga. Yesu amubwira: Genda, nawe ojir'entyo.
\p
\v 38 Eri Yesu ab'ali omu njira n'abigirizwa bage, aj'omu chishagala chiguma, mukazi muguma mpu ye Marta, amuyegereza omu mwage.
\v 39 Oyo mukazi, aliherhe omulumuna, ezino lyage ye Mariya; yewe ajiyikala oku magulu ga Nahano, alema ayunva emyazi yage.
\v 40 Naye Marta, ery'aba arhamire n'emirimo minene y'okurheganya ebi bamushegera, ayumuka, amuja aha burhambi, amubwira: Nahano, kw'orhabwene oku mulumuna wani andeker'emirimo nyenyine? Omubwire angwase mani.
\p
\v 41 Nahano amushubiza, ntya: Marta, Marta, oherhe wakoyakoya n'okuchilibuza na binene.
\v 42 Nabo, chiguma chonyine ch'engezi. Mariya achishogere eshokano ekwirire, arhakayinyegwa.
\c 11
\cl Chigabi 11
\p
\v 1 Lusiku luguma, Yesu alemaga ahuniira hantu haguma. Abere amamala, muguma w'abigirizwa bage amubwira: Nahano, orhuyigirize okuhuna, kulala Yohana ayigirizaga entumwa zage.
\p
\v 2 Yesu ababwira, amango mukola mwahuna muderhe Darha, ezino lyawe likuzwage, obwami bwawe buyinje.
\q
\v 3 Orhuhe zen'ebiyo byerhu bya ngasi lusiku.
\q
\v 4 Orhubabalire, ebyaha byerhu, nk'oku rhubabalir'abarhujir'amabi. Orhana rhuhebag'omu okugwa omu mashumi mabi.
\p
\v 5 Ashubi babwira kandi: nka muguma wenyu aherhe omwira, akajimuzusa obudufu n'okumubwira: mwira wani ompoze migati esharhu,
\v 6 bulala muguma w'omu bera bani agerere aha mwani, arhenga lubalamo, na ntacho mperhe namuha,
\v 7 n'akaba oyo mwira akamushuza, anali omu mwage: orhambuzaga omurhula, olunvi lwa chingirwe, mira rhwalyamaga rhweshi n'abana, ntakachizuka mpu nguhe emigati.
\v 8 Mbabwirire ko, akaba arhakazuka mpu amuhe yo okuba ali mwira wage, azuka okuba amubulisize omurhula n'okumuha choshi ech'akaba alonzeze.
\v 9 Nani, mbabwirire: muheme, nji mwanahabwa; mulonze, nji mwabona; mukongorhe olunvi, nji mwachingulirwa.
\v 10 Bulala ngasi yeshi wahema ahabwa, olala wakalonza abona, banachingulira owakongorhaga olunvi.
\v 11 Nde mu mwabo mwe babusi, omwana wage akahema omugati akajimuha ebale? chango, eri akamuhema efi, akamuha enjoka ahali h'efi?
\v 12 Chango eri akamuhema egi, akamuhereza echinyashongo?
\v 13 Mwe babi, akaba mwakaha abana benyu ebi kwirire, Isho w'empingu yewe, k'arhakalusha okuha aba muhemere Muka Ochere.
\p
\v 14 Yesu alibisya echishwasi eri chaliri cha nyamugama. Amango echishwasi chamurhengagamo, olala nyamugama aderha, n'olubaga lwasomerwa.
\v 15 Aliko, baguma omu bo baderha, ntya: Belizebuli, omurhambo w'ebishwasi y'alibisizye mw'ebishwasi.
\v 16 N'abandi balonza oku murhangula, bamuhema echimanyiso cha rhenga empingu.
\p
\v 17 Aliko Yesu amenya enganiza zabo, ababwira ntya: ngasi bwami buchigaba mo kushandala bushandala, n'enju yanakumbagalira oku yindi.
\v 18 Akaba lyangombe akachigaba, gurh'obwami bwage bwakayumanga? Bulala mwabo muli mwaderha oku ndi nalibisy'abazimu omu zino lya Belizebuli.
\v 19 N'akaba nyono ndi nalibisy'abazimu omu zino lya Belizebuli, abana benyu bowe yibabalibisy'omu zino lya nde? Che chirhumire bonyine banji babachira olubanja.
\v 20 Aliko akaba oku mudoke gwa Nyamuzinda kundi na libisy'abazimu, k'oku derha kw'obwami bwa Nyamuzinda bwa bayinjire.
\v 21 Amang'omuntu w'emisi n'ogwerh'omuherho; alang'enju yage, ebyagwerhe byoshi biba eri biri omu murhul.
\v 22 Alik'omu lushir'emisi akal'ahulukira n'oku munyeg'emiherho yoshi alinihire n'ebyage byoshi anabigaba.
\v 23 Ngasi yeshi orhali haguma nani eri mwanzi wani; na ngasi yeshi orhali alunda yeri ashandaza.
\v 24 Nantyo, Yesu aderha ntya: amango echishwasi chamarhenga omu muntu, chanaja ahantu harhali menji, chanalonza aha cha humukira. Eri chibula ho, chanaderha ntya: nashubira omu mwani, omu narhengaga;
\v 25 n'eri chishubigera mo, chanabugana mubizizwe munarhindirwe bwinja.
\v 26 Na ntyo, anagenda, analerha bindi bishwasi mushanvu bibi kumulusha; byanaja mweyo nju, byanachiganzurira mo, n'oborhere buzinda boyo muntu bwanaba bubi kulusha obwa mbere.
\p
\v 27 Amaliri derh'eyo myazi, mukazi muguma omu lubaga alik'omulenge gwage omubwira mpu: Ragi elanda ya kuburhaga, ragi na mabere gakuyonsaga.
\p
\v 28 AbashubiZa; eragi ly'abalibayunv'omwazi gwa Nyamuzinda n'oku guyubahiriza.
\p
\v 29 Ku kulikiza kw'abantu bali banene, aderha mpu, eri burha liri burha libi, lyashond'echimenyiso; nta nachindi chimenyeso nji babona, arhali echa Yona.
\v 30 Bulala nk'oku Yona chali chimenyes'oku banya Ninawi; kun'omwana w'omuntu njaba chimenyeso kweri burha.
\v 31 Omwamikazi w'ebulyo nji aja lubanja n'erila burha, aliyaze, bulala arhengaga enyuma y'ebihugo mpu ly'ayunva obushinganyanya bwa Solomono; n'olushire Solomono, yonola oli hano!
\v 32 Abantu b'e Ninawi nji bayimanga haguma n'eri burha olu siku lw'oku chirw'olubanja. Nji banabahana, bulala bachihanaga oku nyigirizo za Yona, lol'oku hano hali omu lushire.
\p
\v 33 Ntaye okoleza etara mpu alibishe omu ntalule changwa omu karhanda, s'aliko banalihira oku ngondozo emanikirwe, ly'abali omu nju babona bwinja.
\v 34 Elisho lyawe liri tara ly'omubiri gwawe. Amango elisho lyawe liri ligumaguma, omubiri gwawe goshi gwanaba n'obulangashane; S'aliko amango lyamalwala, n'omubiri gwawe gwanaba omu mwizimya.
\v 35 Ochilange ly'obulangashane bukulimo burhabaga mwizimya.
\v 36 Akaba omubiri gwawe goshi guli omu bulangashane, buzira chigabi chiri omu mwizimya, goshi gwanabera omu bulangashane nka kulala etara likukolezeza n'obulangashane bwalyo.
\p
\v 37 Yesu achiri aderha, mu Farisayo muguma amuhema aji kuyukul'omu mwage, ajamo, arhonderh'okulya.
\v 38 Oyu mu Farisayo alola n'okusomerw'oku gurhe arhondere kulya, arhanakalabir'efune.
\v 39 Aliko Nahano amu bwira, mwabo ba Farisayo mushuk'omugongo gw'engumbu n'embale (esahani) nakandi omunda muyunjwir'obulyalya n'obubi.
\v 40 Bahwinja! Owajirag'embunga, arhali yewa jiraga n'omunda?
\v 41 Aliko murhul'entulo n'ebintu biri omunda, lola n'ebindi byoshi bichesizwe ku mwabo.
\p
\v 42 S'aliko buhanya bwenyu, mwe Bafarisayo! Bulala munahana echiguma ch'ekumi ch'emento, n'eche barabara, n'ech'eshogo zoshi, mugalirhangala obushinganyanya n'obuzigire bwa Nyamuzinda: nabo ebyola byebyalikwanene birhangejirwa, buzira okuyibirira ebindi.
\v 43 Buhanya ku mwabo ba Farisayo, bulala musima emyanya mirhanzi omu mirhundu, n'endamus'omu kagarhi k'abantu boshi.
\v 44 Buhanya ku mwabo bulala munali nkashinda zirhabonekene, n'abantu bager'enyanya wazo ba rhanamenyere.
\p
\v 45 Mugum'omu bazuzi amubwira: Kuderha ntyo yi warhujajichira rwabano.
\v 46 Yesu amushubiza: buhany'oku mwabo mwe bazuzi bakulu; bulala muhes'abantu emizigo ezidohere na mwenine murhanayi humako chiro na mudoke gwenyu muguma.
\v 47 Buhanya bwenyu, mwe muyumbakisa eshinda z'abalebi, nabo basho bo babayirhaga!
\v 48 Ntyo muli bahamiriza b'ebijiro bya basho, munabiyemera; bulala bo babayirhaga, nenyu, mwanayumbaka eshinda zabo.
\v 49 Ch'echarhumire Obushinganyanya bwa Nyamuzinda bwaderha, ntya: Nji nabarhumira abalebi n'entumwa; nji bayirha mu baguma n'abandi banabalibuza,
\v 50 mpu ly'eri burha nji libaza eshagama y'abalebi yasheshekere kurhenga okulemwa kw'egulu,
\v 51 kurhenga oku shagama ya Abeli kuhika oku shagama ya Zakariya, owayirhiragwa omu shengero ahagarhi kw'olurhamba n'ahashinganyanya. Okuli, mbabwirire, ebi byoshi nji byabazwa eri burha.
\v 52 Buhanya bwenyu, mwe bashamuka b'ehano! Bulala mwarholere olufungulo lw'obumanye; mwenyine murhachijaga mo, n'abalilonzeze okuja mo, nabo mwababuza.
\p
\v 53 Abere ahuluka omola, abandisi n'abafarisayo barhondera okumukunira bwenene, n'okumudosereza binene,
\v 54 bamurhega n'emyazi yarhenga omu bunu bwage mpu libabona gurhe bamushobeka.
\c 12
\cl Chigabi 12
\p
\v 1 Bantu banene bamuzunguluka, chiro baguma balema balabarha abandi, Yesu arhondera okubwira abegirizwa bage, ntya: embere za byoshi, muchilange oku ngeso y'Abafarisayo, y'obulyalya.
\v 2 Ntacho chibishirwe chirhakabishulwa, na nta hwe lirhakamanyika.
\v 3 Ch'echirhumire ebi mwaderhere omu mwizimya, byoshi byayunvibwa ezuba likola, n'echi mwajaga mahwe omu kurhwiri omu busika, nji babishambalira oku nama.
\v 4 Mwe muli bira bani, mbabwirire oku murhayubahaga abantu bayirha omubiri, n'enyuma waho babule echibankashubi jira.
\v 5 Nkola nabayereka nde mukwanene okuyubaha: muyobohe Olala wankab'amayirha, aherhe obuhashe b'okukweba omu rimbiko ly'omuliro; Nechi, mbabwirire, oyo, yi mukwanene okuyubaha.
\v 6 Ka byana - nyunyi birhano birhagulwa furanga ebiri? Na ntayo omuzo eyibirirwa na Nyamuzinda.
\v 7 Konako enviri ziri oku rhwe lyenyu ziganjirwe zoshi. Murhayubahaga: mulushire obuso bw'ebyana - nyunyi.
\v 8 Mbabwirire: ngasi yeshi wankuza embere z'abantu, naye Mwene Omuntu amukuza embere z'abamalayika ba Nyamuzinda;
\v 9 S'aliko owandahira embere z'abantu nji alahirwa embere za bamalayika ba Nyamuzinda.
\v 10 Na ngasi yeshi wejachire Mwene Omuntu, nji ababalirwa; aliko omuntu yeshi nji wagayaguza Muka Ochere arhakababalirwa.
\v 11 Amango mwahekwa embere z'ebishagala, n'embere z'abachamanja na barhegesi, murhachibazaga n'entanya kurhe mwasamba chango myazi michi mwaderha;
\v 12 bulala Muka Ochere nji abayigiriza aho honaho ebi mukwanene okuderha.
\p
\v 13 Muntu muguma ambwira Yesu, omu kagarhi k'olubaga: Mwigiriza, ombwirire mwene werhu rhugabe akashambala kerhu,
\p
\v 14 Yesu amushuza: Ego darha, nde wanjiraga muchamanja chango mugabi w'ebintu byenyu?
\v 15 Ashubi babwira ntya: mumenye murhabaga nka bantu bakagugu, bulala akalamo kw'omuntu karhaba omu bunene bw'ebintu byage aliherhe.
\v 16 Abacha omugani, aderha ntya: haliri muntu muguma mugale, eshwa lyage lyayera bwenene.
\v 17 Alema akengera yenyine, n'okuderha ntya: gurhe najira obola ntaherhe aha nahaka emyaka yani?
\v 18 Achiderhesa ntya, namamenya oku najira: nkola nashanda enguli zani, nyumbake ezigalihirhe bwenene, munahaka emyaka yani n'ebikulo byani byoshi;
\v 19 nje nanabwira omurhima gwani ntya: we murhima, okola oherhe bikulo binene ohakire by'emyaka erhali migeke; ojage wahumuka, olye, onywe onachisimise.
\v 20 Aliko Nyamuzinda amubwira, ntya: echi chinganyi! Anti obudufu bw'ene bayinjirhola omuka gwawe; n'oby'olundire, byayinjiba bya nde?
\v 21 Kubinali ntyo oku ngasi muntu ochilundira obuhirhi yenyine, eri arhanagalire Nyamuzinda.
\p
\v 22 Oku handi Yesu abwira abigirizwa bage, ntya: ch'echirhumire nababwira: murhaganyaga enyanya z'akalamo kenyu mpu bichi mwalya, chango bichi mwayambisa omubiri gwenyu.
\v 23 Bulala akalamo kalushire ebiryo, n'omubiri gulushire emishangi.
\v 24 Mulole ebihungwe: birharhwera birhanashalula, birhanajira chiraro chango enguli, na Nyamuzinda anazilisa. Kanga murhalushire bwenene enyunyi!
\v 25 Nde mu mwabo, n'amaganya mage, wakachiyushulira koro liguma oku kalamo kage?
\v 26 Bulala mwakayabirwa n'ebigeke, chakarhuma mwachirhamya oku bindi?
\v 27 Mulole gurhe obwaso bumera: burhakola, burhanasuka; mbabwirire oku chiro Solomono, omu renge lyage lyoshi, arhayambalaga nka hyaso higuma morhola.
\v 28 Akabaga Nyamuzinda akayambisa ehirhi ntyo hiri omu shwa zene n'omu sezi hyakwebwa omu chibeye ch'omuliro, mwe bantu bw'obuyemere bugeke, ka nj'arhabayambisa okulushire okola?
\v 29 Nenyu, murhakazagi chiganya mpu bichi mwakalya chango mpu bichi mwakanywa, mumenye mwakachihira omu ntanya,
\v 30 bulala ebyo byoshi, bapagani b'egulu babilonzereza. Mwabo mwewe, isho amanyire ebi mulagirire ko.
\v 31 Kusiga, mulonze obwami bwa Nyamuzinda, n'ebyo byoshi nji mwabiyushulirwa.
\v 32 Murhayobohaga, mwe buso bugeke; bulala isho alonzeze okubaha obwami.
\v 33 Muguze ebintu byenyu, mubirhulire abakene. Muchisukire orhushaho rhurhashaja, munachibikire obuhirhi burhahwa omu mpingu, emunda omwizi arhahika n'enundo erhalunda.
\v 34 Bulala aho obuhirhi bwenyu buli, ha n'omurhima gwenyu nago nji gwaba.
\p
\v 35 Mukenyere ebibuno byenyu bwinja, mufumbarhe n'amatara menyu makolerere.
\v 36 Nenyu, mube nk'abantu balibalinga nahamwabo okw'arhenga oku buhya, mpu bamuchingulire hano ayinja n'okukomamba olunvi.
\v 37 Eragi lyabo bakozi nahamwabo, njabugana bali masu hano ayinja! Mbabwirire okuli, nj'achikenyera, abayikaze oku bugeni bwage, nj'anabashegerera n'okubagabira ebiryo.
\v 38 Chiro ayinja okw'ero lya kabiri chango elya kasharhu, eragi ly'abo bakozi nk'abashiganire bazene!
\v 39 Muyunve bwinja: nka nin'enju akamenya akashanji omwizi akayinja mo, arhankahumbya elisho ciro n'ehityu, arhankanaleka n'enju yage erhulwe.
\v 40 Na tyo nenyu mube masu, bulala omu bishanji murhamanyire li Mwene Omuntu nji ayinja.
\p
\v 41 Petero amubwira ntya: Nahano, ka rhwenyine rh'ochire ogu mugani, chango eri oku boshi?
\p
\v 42 Nahano ashuza, ntya: Nde baderha mpu ali mwimangizi munihirwa na murhonzi, eyi nahamwabo analeka mpu ayimangire abakozi bage, anayinjiha bo ogwabo mulengo gw'akalyo omu mango gakwanene?
\v 43 Eragi ly'oyo mukozi, eyi nahamwabo nj'ashigana ali ajira ntyo amango ayinja!
\v 44 Mbabwirire okuli, nj'amujira murhambo w'ebintu byage byoshi.
\v 45 Aliko, oyo mwimangizi eri ak aderha omu murhima gwage, ntya: Nawerhu alegamire oku galuka, na nk' akalema ashurha abambali n'abambali-kazi, achishingire okulya, okunywa n'okulaluka,
\v 46 nahamwabo ayinji yinja olusiku n'akashanji arhamanyire, nj'amukaga, anamuganjire omu bagome.
\v 47 Omukozi oyinji echi nahamwabo asima, arhanachirheganyize, orhanajirire oku nahamwabo alonzeze, ashurhwa rhurhi rhunene.
\v 48 Aliko, oyola wakolere ebikwanene okushurhirwa, arhanamenyere, nj'ashurhwa bugeke. Ngasi njiwahabwa binene nj'abazwa binene, na ngasi owabisizwe binene, njibamujuhisa binene.
\p
\v 49 Nayinjaga kabula omuliro oku gulu, na bichinakachilonza, eri gwakaba gwakolerere?
\v 50 Buli bubatizo nkwanene okubatizwa, na kanga bwandegemeze li buhikirira!
\v 51 Ka mumenyere oku murhula nayinjaga lerha eno gulu? Mbabwirire, nanga, s'aliko magabane omu bantu.
\v 52 Bulala kurhenga bunola, omu nju ya bantu barhano, njibachigaba mo, basharhu banalwisa babiri, na babiri banalwisa basharhu;
\v 53 Abantu nji bachigaba, omubusi analwisa omugala n'omwana analwisa eshe, omuzere analwisa omwali n'omwali analwisa nyina, omukazi analwisa omwazana n'omwazana analwisa nazala.
\p
\v 54 Ashubi bwira olubaga, ntya: mukabona echichu chamayinamuka Ebuzikiro bw'ezuba, mwanayurukira mwaderha: envula yanya. Eri kubinali ntyo.
\v 55 N'amango mwamabona omuhusi gwahusa omu kahuzo, mwanaderha, mpu: echuka chaba. Eri kubinali.
\v 56 Ezi ndyalya! munamanyirira oborhere bw'echihugo n'obw'emalunga; chichi chirhumire murhachimanyirira gano mango gowe?
\v 57 Na bichi birhuma murhamanya mwenyine ebi mukwanene oku jira?
\v 58 Amango wamasidaka owenyu muli lubanja naye emw'omuchamanja, ochihangane muyunvikane omu njira, ly'arhakulegemya embere z'omuchamanja, n'omuchamanja ly'arhaguha omushwesi, li n'oyo mushwesi arhakuheba omu mpamikwa.
\v 59 Nkubwirire okw'orhankarhenga mo buzira kuhonga olufuranga lw'obuzinda.
\c 13
\cl Chigabi 13
\p
\v 1 Mwako kashanji konako, haliri abantu baguma balemaga bashambalira Yesu ebya gerere ab'e Galilaya balala Pilato achangaga eshagama yabo haguma n'entulo zabo.
\v 2 Ashuza bo mpu: ka mwaganizize oku abala bagalilaya bobajirire ebyaha bilushire ebya bandi bagalilaya okuba bagererwe n'obu buhanya?
\v 3 Mbabwirire, nanga. Aliko mbabwirire akaba murhakubwire ebyaha byenyu, mweshi mwahagalikwa.
\v 4 Changwa mwa makengera oku balala bantu ekumi na munane bagwirwaga n'echiriba che Babeli ch'Esilowamu chabayirha kamwa kengerer'oku bowe babalijirire amabi kulusha abantu boshi baliri omu Yerusalemu?
\v 5 Imbabwirire, nanga aliko akaba murhachigalukireko mwalibuka nenyu.
\p
\v 6 Aderha ogu mugani: Muntu muguma aliherhe omurhi gwalirhwererwe omu shwa lyage gwamalehe; agenda ajilonza amalehe k'ogo murhi amabula.
\v 7 Abwira omukozi okwiziza emirhi yamalehe, olole, myaka esharhu eyila ndinashonda amalehe k'ogu murhi, ntacho nabwene: Oguche, bulagurhe igwabihya obudaka okubusha?
\p
\v 8 Amushuza amubwira ntya: Nahano, oshube oguleke muguno mwaka; naguyuhirira, n'okuguhira k'omwavu.
\v 9 Nkaba omu siku zayinja gwaburha elehe; akaba gurhaburhire nji wanagucha.
\p
\v 10 Olusiku lwesabato, Yesu aligwerhe ayigiriza omu chishagala chiguma.
\v 11 Ahola haliri omu Kazi muguma waligwerhe omuzimu erhi ntacho akachimaza myaka ekumi na munane; abaga agondamire eri arhankanagala chiyinamula.
\v 12 Yesu aber'amubona amubwira ntya: Nyama wamashwekulwa omu buzamba bwawe.
\v 13 Amulambulira kw'amaboko. Honaho ayinamuka, ana chishingira Nyamuzinda.
\p
\v 14 Alik'omukulu w'echishala, agaya okwenge Yesu amufumize olu siku lw'esabato, abwir'olubaga: Hali siku ndarhu z'okukola emikolo; muyinje mufume ezo siku, s'arhali olusiku lw'esabato.
\p
\v 15 Nahano amushuza, ezi ndyalya! kangasi muguma wenyu, arhashwekula enkavu yage changw'endogomi yage, olusiku lw'esabato mpw'ejinywa?
\v 16 N'oyula mukazi, yeli mwali wa Abrahamu, oyu Lyagombe abag'ashwekere myaka ekumi na munane, kabirhaliri binja ashwekulwe m'obu bulegule olusiku lw'esabato?
\v 17 Okwali ashambala ntyo, abashombanyi bage boshi baba n'eshonyi, alik'olubaga lowe lwashagalukira ebisomerene byoshi alemag'ajira.
\p
\v 18 Aderha kandi: Bichi bishushene n'obwami bwa Nyamuzinda? nabichi naka bushushana nabo?
\v 19 Bushushene n'emburho ye sinapi omuntu arholaga ayikabula omwishwa lyage; yamera, gwaba murhi, n'enyunyi z'emalunga zalama oku marhabi gagwo.
\p
\v 20 Ashubi derha: Bichi nakalinganya n'obwami bwa Nyamuzinda?
\v 21 Bushushene n'olwago omukazi arholaga aheba omu banamaha basharhu b'eshano, mpuya yaliz'obuntu.
\p
\v 22 Yesu alemaga agera omu bizungu n'omu bishagala, eri ali ayigiriza, n'oku gana e Yerusalema
\v 23 Muntu muguma amubwira: Nahano, ka ntabantu bageke bakachizwa? abashubiza:
\v 24 Muchihagane mugerere omu lunvi lugeke. Bulala, mbabwirire, banene belonze oku nabo bagere, barhanagala.
\v 25 Amango nin'enju jayumuka amanachiga olunvi, nenyu mwana yorha embuga, njimwarhondera oku kongorha olunvi, n'oku derha: Nahano, NAhano, orhuchingulire nerhu! Nj'abashubiza: Ntenji muli bangahe.
\p
\v 26 Nenyu njimwalema mwaderha: Rhwalire rhwananywera haguma nawe, wana yigirize n'emwerhu.
\p
\v 27 Naye njabashuza ntya: Mbabwirireko, ntenji muli bangahe; mutengeko, mwenyakola maligo mweshi.
\v 28 Hanji mwalakira aho n'oku hekenya amenyo, amango mwabona Abrahamu, Izaki na YAkobo, nabalebi boshi omu bwami bwa Nyamuzinda, nenyu eri mwakabulirwe embuga.
\v 29 Nji barhenga e bushoshokero n'ebuzikiro bw'ezuba, n'ekarhongo n'emalambo; nji balira haguma omu bwami bwa Nyamuzinda.
\v 30 Lolaga, oku hali abazinda nji babambere, na bambere nji baba bazinda.
\p
\v 31 Olo lusiku lonolo, Abafarisayo baguma bamushimba bamubwira: ogende, orhenge kuno, bulala Herode yalonza oku kuyirha.
\p
\v 32 Abashunza ntya: Mugende, mujibwir'oyu nyambwe, ntya: Karhabwene oku mperhe nahiga abazimu, mperhe nafumya abantu zene n'omusezi n'olusiku lwa kasharhu njinaba namalire.
\v 33 S'aliko nkwanene ngende zene, omusezi, na lishinjo; bulala kurhali kwinja omulebi afire omurhali omu Yerusalema.
\v 34 Yerusalema, Yerusalema, weri wayirha abalebi n'okukweba amabale abarhumagwa emwawe, kanga nalonzaga okugusha abana bawe, nka kulala engoko egusha ebirhulage byayo omu byubi byayo, murhanalonzaga!
\v 35 Mulolage, kw'enju yenyu yamayorha mushaka, aliko, mbabwire, murhakachimbona ko, kuhik'amango mwaderha: Agishwe oyinjire oku zino lya Nahano!
\c 14
\cl Chigabi 14
\p
\v 1 Olusiku luguma lw'esabato, Yesu aja omu mwa mukulu muguma wabafarisayo mpu ayukulire mo, nabo balema bamuhenguza.
\v 2 Lolaga, oku mulume muguma walilwere akabunda aliri embere zage.
\v 3 Yesu abwira abakulu b'erhegeko n'Abafarisayo ntya: Ego, ka kuyemererwe okufumya omu lusiku lw'esabato, changwa nanga?
\v 4 Basira. Ntyo, ku Yesu alambwire okuboko kwage kw'olala muntu, amufumya, amulika.
\v 5 Oku handi ababwira, ntya: Nde omu mwabo, omugala, chango enkavu yage yankarhogera omushoko, abuli yizikula ho dubaduba omu lwa-sabato?
\v 6 Banabula oku bakamushubiza.
\p
\v 7 Oku handi, acha abalilalikirwe omugani, omu kubona oku bali bachishoga entebe z'embere; Anababwira, ntya:
\v 8 nka wamahamagalwa n'omuntu oku buhya bwage, orhahira okachihira oku ntebe yembere, bulala eri omukengwa ku woyo akayinja, anali mulalikwa naye,
\v 9 owabalalikaga mwembi naye aleki kubwira, ntya: yumuka oku entebe, ochihe oyu wenyu. Wanaja wayinjifarhwa n'eshonyi hano ojiyikala oku ntebe y'ebuzinda.
\v 10 Aliko amango wahamagalwa, gend'oyikal'enyuma, owakuhamagalaga, hano akubon'anakubwira: Shegeren'ombere, aho wanaba n'olukengo embere z'abantu.
\v 11 Buno, ngasi yeshi wachizamul'ayandagazwa, n'owachiyandagaza, azamulwa.
\p
\v 12 Abwir'owamuhagalaga, amango wahan'ebiryo by'ezuba eri by'egolo, owa hamagala berabawe, eri bene wenyu, eri abazere bawe, eri abalungwe bawe bachigalire, mpu yinjibakuhamagale nawe n'oku kurhabala.
\v 13 Aliko, nka wajira obugeni, wanahamagala abakene, ebirema, abakonyaguza n'empumi.
\v 14 Nawe wanaba muny'eragi, bulala barhagwerhe echi bankakugalulira; Bulala nji wagalulirwa amango g'obufuke bw'abany'okuli.
\p
\v 15 Muguma mubalala balalikwa, abere ayunva ntyo, amubwira, mpu: eragi ly'olala nji walya oku biryo by'omu Bwami bwa Nyamuzinda!
\p
\v 16 Na Yesu naye amushuza, ntya: Muntu muguma ajira obuhya, ahamagala bantu banene.
\v 17 Amango gw'okulya gabere gahika, arhuma omukozi wage mpu ajibwira abalalikwa: muyinjage, bulala byoshi bikola birheganyizwe.
\p
\v 18 Aliko boshi baba nka balilaganene, barhondera oku hema obonjo. Omwambere amubwira: nchizindire gula eshwa, bikwanene ntange nji lirhangula, nkuyingingire, ombabalire.
\p
\v 19 Owindi aderha: Nchizindire gula mahali marhano m'enkafu, nkola jimageza oku shigi, nkuyingingire, ombabalire.
\p
\v 20 Owindi aderha: nzindifulusa omuhya, ch'echirhumire echo ntayinja.
\p
\v 21 Olala mukozi wage agalukire, abwira nahamwabo okola. Ntyo ku nine enju agayire, abwira omwambali ntya: oyinje duba oje omu mashanganjira n'omu njira, olerhe hano abakene, n'ebirema, n'empumi, n'abekonyo.
\p
\v 22 Omwambali amubwira ntya: Waliha, najirire ebi warhegekaga, n'obugali buchiri ho.
\p
\v 23 Nawabo w'olala muntu amubwira: oje omu njira n'omu ngurhu, oseze abantu bayinje, kuhika enju yani eyunjule.
\v 24 Bulala, mbabwirire, oku nta muguma mubalala nalalikaga walya oku biryo byani bulala balahiraga oku barhayinja.
\p
\v 25 Lubaga lunene lwakulikira Yesu. Ahindamuka, ababwira ntya:
\v 26 Omuntu walonza oku nshimba, akaba arhagayire eshe, na nyina, na mukage, n'abana bage, na bene babo, na bali babo, ciro n'akalamo kage, arhakaba mwigirizwa wani.
\v 27 Na ngasi yeshi orhabarhwire omusalaba gwage, arhanankulikire, arhankaba mwigirizwa wani.
\v 28 Bulala, nde mumwabo, wakalonza okuyumbaka enju nzibuzibu, arhanarhangire yikala akaganja bichi yankafa n'okulola akaba aherhe ebyakayiyunjuza,
\v 29 li hano amalicha echiriba na ntacho aherhe ayunjuza mweyo nju, na boshi njibayibona baleki mushekera, n'okuderha:
\v 30 lola omuntu warhonderaga okuyumbaka, lero amafundwa n'okuyunjuza!
\v 31 Changwa mwami ohe, wakagenda mpu ajilwisa owabo mwami, abulirhangi yikala n'okuganiza akaba n'abantu bage bihumbi ekumi akahima owabo oherhe bihumbi makumyabiri?
\v 32 Bulala ery'akayubaha, anarhuma entumwa, owabo achiri hale, mpu bayunvikane.
\v 33 Na ntyo nenyu konoko, orhalekere ebyaherhe byoshi arhakaba mwigirizwa wani.
\v 34 Omunyu guba gukwirire; aliko erhi gwakaheza obununu bwago, bichi gwakachilunga?
\v 35 Gurhachikwanene omu shwa chango oku chavu; gwanakabulirwa omu mbuga. Ogwerhe amarhwiri g'okuyunva ayunve!
\c 15
\cl Chigabi 15
\p
\v 1 Abafurhisa bamabarati boshi n'abanya byaha bayinj'emwage kuyunviriz'emyazi yage. Abafarisayon'abandisi bamulubira, baderha:
\v 2 Oyu muntu ayegerez'abanya byaha, n'okulya haguma nabo.
\p
\v 3 Yesu abwirab'omu gani, aderha:
\v 4 Muntu muchi emwenyu ogwerhe bibuzi egana, akaheza guma omuzo, n'okuleka makumi gali mwenda na mwenda omu mpinga, n'okujilonz'elala yaherere chiro n'okuyibona?
\v 5 Nakayibon'ayiheba oku chirhugo chage n'oku sima.
\v 6 Namango ahikag'omunju yage, ahamagala bera bage n'abalungwe, n'okubabwira: Mushagaluke haguma nani, bulala nabwen'echibuzi chani champeraga.
\v 7 Imbabwirire mwabo: Njibwaba bushagaluk'omu kagarhi k'empingu enyanya ya muntu mugum'ochihanire, kulush'abantu bachesibwa makumi gali mwenda na mwenda barhalonziz'oku chihana.
\p
\v 8 Changwa mukazi muchi, ogwerhe bicheri ekumi, akaheza chicheri chiguma, arhak'akolez'etara, n'okubiz'enju n'okulonz'okubushiru chiro n'okuchibone?
\v 9 N'amango amachibona, anahamagal'abera n'abalungwe, aderha: Mushagaluke haguma nani bulala nabwene chilala chicheri nahezaga.
\v 10 Na ntyo mbabwirire mwabo: hali obushagaluk'omu kagarhi kaba malayika ba Nyamuzinda, enyanya z'omunyabyaha mugum'ochihanire.
\p
\v 11 Yesu aderha: Muntu mugum'aligwerhe bana babiri.
\v 12 Olala mudorho abwir'eshe: Darha, ompe chani chigabi ch'obugale chindolere. Agab'obugale bwag'okubo.
\v 13 Buzinda bwa siku zigeke, olala mudorho agushagush'ebintu byage byoshi, abalam'omu chihugo chahale, eyo munda ahez'obugale bwag'omu kalamo k'obuhushi.
\v 14 Amaliri heza byoshi, eshali linene lyaja mwecho chihugo: arhonder'oku chifinja.
\v 15 Agenda, ayunvikan'omuntu womw'echo chihugo: Yewe amurhuma omu kagarhi kamashwa gage oku lisa engulube.
\v 16 Asimis'oku yugus'enda yage oku misigaza ya libwaga n'engulube; na nta muntu wamuhere chintu.
\v 17 N'amango achimenyaga, aderha: Banga babakozi bw'omukamarho ba darha yi baly'ebiryo n'oku yugurha, na nani hano yinafa n'eshali?
\v 18 Narhenga hano inj'emwa darha, na mubwira: Darha, najirir'echaha enyany'empingu n'emalangambere gawe.
\v 19 Nta chikwanen'okuhamagalwa mwana wawe, onjire nka muguma w'omu bakozi bawe bw'omukamarho.
\v 20 Agenda, aj'emw'eshe. Elyab'achiri hale, eshe amubona, amu babalira, asobagira, amurhoger'omu gosi, amununusa bwenene.
\v 21 Ola mwana amu bwira: Darha, najirir'echaha enyanya w'empingu n'emalangambere gawe. Nta chikwanene oku hamagalwa mwana wawe.
\p
\v 22 Aliko eshe abwir'abaja bage: Mulerh'omushangi gukwirire mu muyambise, muheb'olupeta oku mudoke gwage, n'ebirat'omu magulu.
\v 23 Olerh'empanzi y'enkavu eshishire, rhulye rhunachagaluke.
\v 24 Bulal'oyu mwana wani alifire, naye akol'alamire, aliherere, akol'abonekere. Barhonder'okushagaluka.
\p
\v 25 Na ntyo, omwana wage mukulu aliri omushwa; n'amango ayinja n'okuhika hofi n'enju, ayunv'omulenge n'oku zina.
\v 26 Ahamagala muguma wabakozi, ados'empanvu y'emyazi aho.
\v 27 Amubwira: Mwene wenyu ayinjire; nayisho abagire empanzi y'enkavu eshishire, bulal'amubwene n'omurhula na mugumaguma.
\p
\v 28 Aluba, alahira kujamo; n'eshe ahuluka, amuhebamo.
\v 29 Aliko amushuza, abwir'eshe: Lola, myaka minen'eyi naku kolera, chiro ntasagi gomer'erhegeko lyawe chiro n'eliguma: Alik'orhasagimpa yono chir'omwana hene nshagaluke haguma n'abera bani.
\v 30 Aliko amang'oyu mwana wawe ayinjaga, owalyag'ebintu byawe haguma n'abahushi, wama mubagir'empanzi y'enkavu eshishire.
\p
\v 31 Naye amubwira: Mwana, woy'oli haguma na nani esiku zoshi, n'ebintu byani byoshi biri byawe.
\v 32 Byalirhuhunir'okusima n'okusheka, bulal'oyu mwene wenyu alifire, naye amalama, kandi, aliherere naye amaboneka.
\c 16
\cl Chigabi 16
\p
\v 1 Ashubi bwira abigirizwa bage: Hali mulume muguma mugale, naye ali herhe omulanzi w'ebintu byage; Bana chimushobeka emwa nahamwabo, mpu agwerhe ashandaza ebintu byage.
\v 2 Amuhamagala, amu bwira: Kurhe kula na yunvirhe baderha enyanya zawe? Nyereka ebintu olanga, bulala orha chikwanene okuba mulanzi w'ebintu.
\p
\v 3 Ow'oyo mulanzi aderha omu ndalala zage: Gurhe na jira? Bulala nahano wani amanyega obulanzi bwani. Ntakagala kuhinga, kuhema oluhembo nanabona eshonyi.
\v 4 Menyere mwazi muguma gw'okujira, yi hala onkula oku bulanzi yi banyakirira omu nju yabo.
\p
\v 5 Ahamagala ngasi yeshi waliherhe omwinda gwa Nahano wage; abwira omurhanzi: Woyo ogwerhe gunganachi nahano wani?
\v 6 Amushuza: Milengo egano ya mavurha. Amubwira: Rhola amaruba gawe; oyikale duba; yandika makumi marhano.
\p
\v 7 Ashubi bwira owindi: Nawe, ogwerhe mwinda gunganachi? Ashuza: Milengo egana by'engano. Amubwira: Rhola amaruba gawe, yandika makumii gali munane.
\p
\v 8 Oyo nahano akuza omulinzi w'ebintu orhali shiganene, bulala akolere n'obwenge; bulala abantu bamuno gulu bali banya bwenge oku bona ebiri embere kulusha abana bw'obulangashane omu chibusi chabo bonine.
\v 9 Nani mba bwirire: Mu chijire bera b'ebintu by'obubi; bula, amango bya keha, nyi babayankirire omuhantu habo h'okulama esiku n'amango.
\p
\v 10 Omuntu oba mushinganyanya omu bintu bigeke bwenene, anali mushinganyanya omu bintu binene, n'ola mubi omu bigeke bwenene, anali mubi omu binene.
\v 11 Akaba murhali bashinganyanya omu bintu bibi, nde nji wabayemera omu bintu by'okuli?
\v 12 Na nkaba murhali bashingananya oku bintu by'owindi muntu, nde nji waja wabaha ebyenyu bintu?
\p
\v 13 Nta mukozi waka kolera banahano babiri, bulala, oka gaya muguma n'okusima ola owindi; changwa abere na muguma analahire owa kabiri. Murhagala kukolera Nyamuzindan'ebintu.
\p
\v 14 Abafarisayo basimaga efuranga, bayunv'eyo myazi yoshi, nabo bamu gayaguza bwenene.
\v 15 Aba bwira: Mwabo mw'ebantu mu chirhola bashinganyanya embere z'abantu; aliko Nyamuzinda omenyere emirhima yenyu; bula emyazi abantu babone miinja y'eba miibi embere za Nyamuzinda.
\v 16 Amarhegeko n'obulebi byaliri kuhika Yohana. Kurhenga ago mang'omwazi gw'omurhula gw'obwani bwa Nyamuzinda ya yigirizibwe, na ngasi muntu akola achiseza okuhikamwo n'emisi.
\v 17 Aliko kuli kulembu kw'empingu n'egulu bigere kulusha okurhenga mparafu nguma y'erhegeko.
\p
\v 18 Ngasi yeshi ohulusa mukage akanarhola owindi, eri kuhusha ahushire; n'ola orhola omukazi ohulusibwe n'eba, eri kuhusha ahushire.
\p
\v 19 Hali muntu muguma mugale, eri ayambere emiyambalo midukula n'omuduku guhire, na ngasi lusiku alisha galukire ebyaha.
\v 20 N'embuga y'olunvi lwage haliri omukene muguma walilyamire, ezino lyage ye Lazaro, naye aliherhe ebihulu bibi.
\v 21 Achifija bwenene okulya ebyarhogaga oku lwibo lw'omugale; chiro Banyakabwa nabo balena bakomba ebihulu byage.
\v 22 Lero oyo mukene afa, ahekwa naba Malayika omu chifuba ch'Abrahamu; Ola mugale naye anafa, ahambwa.
\v 23 Omu kuzimu abere akalali ayunva amalibuko, agalamira enyanya, abona Abrahamu na Lazaro omu chifuba chage.
\v 24 Ana ya kuza, aderha: Darha Abrahamu, ombabalire orhume Lazaro avuvuze omudoke gwage omu menji, mpoze mw'olulimi lwani; bulala yinarhindibuka muguno muliro.
\p
\v 25 Aliko Abrahamu aderha: Mwana, yibuka okuwalihabirwe ebintu binja omu kalamo kawe, kuguma na Lazaro alihabirwe ebintu bibi; aliko naye buno akola asimire, nawe oli omu malibuko.
\v 26 Na kulusha aho, aha garhi kerhu nenyu hali chiriba chinene, chiro n'abantu balonza kurhenga hano mpu baj'emwunda muli birhakagalika, changwa aba kalonza kurhenga emwenyu mpu baj'emwerhu.
\p
\v 27 Na ntyo aderha: Nkuhunire, darha, omurhume aha mwerhu,
\v 28 Bulala njira bene berhu barhano; abayigirize, baleke yinja hano hantu hanamalibuko.
\p
\v 29 Abrahamu amubwira: Bagwerhe Musa n'abalebi, babayunve.
\p
\v 30 Ola mugale amushuza, arhali ntyo, darha Abrahamu; aliko nka muguma omu bafire eri akaja emwabo, bana hungama.
\p
\v 31 Abrahamu anachimubwira: Bakaba barhayunvirhe Musa n'abalebi, barha kayemera mweza chiro hankaba owafuka omu bafire, barhanka muyunva.
\c 17
\cl Chigabi 17
\p
\v 1 Yesu abwir'entumwa zage: birhakagalikana ok'obuhanya burhakayinja, ch'aliko bulibuhanya bolala bwegerereko!
\v 2 Kwakabere kwinja koyo muntu nkabamushwekeraga olushy'omugosi bamukabule omu nyanja, ahali hokuhindagaza muguma mwabo badorho.
\v 3 Muchilange mwenine oku mwenine, nka mwene wenyu akajir'echaha, omukalihire, akahem'obonjo, omubabalire.
\v 4 Nanka kakujirir'amabi kali mushanvu omu lusiku, akahun'obonjo, kali mushanvu, akaderha: mpungamire, wemubabalire.
\p
\v 5 Entumwa za bwira Nahano: Orhuyushulir'obwemere.
\p
\v 6 Nahano aderha: nka mwakaba n'obwemere nka mburho ye haradani, mwakabwirir'ogumurhi, shuguka ochihinge mweyi nyanja, gwakabayunvirhe.
\v 7 Inde mulimwewe oherh'omwambali oli wahinga n'okulis'obuso, n'okumubwira, amango amarheng'omwishwa: shegera juba, olye?
\v 8 Wemubwir'okurhali nkoko: nteganyiz'ebiryo by'egolo, yambala bwinja onteganyize kuger'amango na kalya no kunywa, okubuzinda naw'olye ona nywe?
\v 9 Oherh'obumenyi, kwabo bambali bawe bulala bajirire byoshi wababwiraga.
\v 10 Nawe, nkawakajira byoshi bakubwirag'ojire; oderhe mpu: rhuli bakozi barhakwanene rhwajirire byoshi rhwakakwanen'okujira.
\p
\v 11 Yesu ajag'e Yerusalema agera e Samariya n'e Galilaya.
\v 12 Nkok'ajag'omu chishagala chi guma, Ababenzibenzi ekumi balonza kubonana naye, bayumanga hale naye baheba omuleng'enyanya, baderha:
\v 13 Yesu mwigiriza orhuber'obonjo!
\p
\v 14 Aber'ababona, ababwira: Mugende muchiyerekan'embere z'abadahwa. N'amango balibagend'emwa badahwa bafum'amalwala gabo.
\v 15 Muguma mubalal'ekumi abwen'amafuma, agaluk'enyuma kusima emwa Nyakasane n'omulenge gunene.
\v 16 Achikubira emalanga mbere ga Yesu, amuharamya aderha koko, oy'omuntu aliri musamariya.
\v 17 Yesu aderha kabalala ekumi boshi barha fumire? Balala mwenda ngahe bali?
\v 18 Kamurhabwene ok'oyu mugenzi yewayinjire kuvug'omonkwa emwa Nyamuzinda?
\v 19 Amubwira yumang'ochigendere obwemere bwawe bwa kuchungwire.
\p
\v 20 Abafarisayo babaza Yesu, mangachi obwami bwa Nyamuzinda bwayinja. Ababwira: obwami bwa Nyakasani burhayinja nk'okumulimwabona.
\v 21 Barhakaderha; mpu bulihano changwa halira bulala obwami bwa Nyakasani buli ahagarhi kenyu.
\p
\v 22 Abwir'entumwa zage, esiku za chiyinja mwelonz'okubon'olusiku lwa mwen'omuntu chiro murhakana lubona,
\v 23 Bebabwire, mpu ali hano, ali halira, injimurhajagayo.
\v 24 Bulala nka kul' omubaraganyo gugera konoko kwebe okuyinja kwa mwen'omuntu.
\v 25 Bilala byayinjag'omukihe cha Loti byeshubi yinja kandi, abantu balibalya, banywa, baliri bagula n'okuguza, bahingaga, bayumbakaga,
\v 26-27 Alik'olusiku Loti arhengag'omusodoma, envula y'omuliro n'omuyaga byarhoga ku rheng'emalunga ya limbula byoshi
\v 28 Bilala byayinjag'omukihe cha Loti byeshubi yinja kandi, abantu balibalya, banywa, baliri bagula n'okuguza, bahingaga, bayumbakaga,
\v 29 Alik'olusiku Loti arhengag'omusodoma, envula y'omuliro n'omuyaga byarhoga ku rheng'emalunga ya limbula byoshi
\v 30 Byenabenty'olusiku mwen'omuntu yeyinje.
\v 31 Ololusiku, oweb'okunju enyanya bwach'arhashonokaga kurhol'ebintu byebe biri omunju, n'obe omwishwa, arhakagaluk'enyuma.
\v 32 muyibuk'enyanya za muka Loti,
\v 33 owelonze kufumy'akalamu kage yekaheze n'owakahana njakabone.
\v 34 Mbabwirire mw'obo budufu bantu nji baba balyamire oku buliri buguma, muguma yerholwe owindi ye yorhe,
\v 35 Bakazi babiri nji baba balibasha haguma muguma ye rholwe n'owindi ye yorhe.
\v 36 Balume babiri nji baba bali omwishwa, muguma ye rholwe n'owindi ye yorhe.
\p
\v 37 Entumwa za mubwira: ngahe nji byabera Nahano? abashubiza: ah'omufu guli hobachinyunda bachigusha.
\c 18
\cl Chigabi 18
\p
\v 1 Anababwira mugani muguma, kubalishinganene baheme Nyamuzinda buzira kuleka.
\v 2 Aderha: muchishagala chiguma ch'e Galilaya haliri muchemanja muguma orhayubahaga Nyamuzinda, nanta muntu ayubahaga(ntay'akengaga).
\v 3 Mw'echo chishagala, haliri mushumbakazi muguma wayinjaga mubwira mpu: Onchir'olubanja n'omuburanyi wani oliwalonz'okumpeza okuli kwani.
\p
\v 4 Hamagera siku zinene elyarha shondere kungalulir'oku kwanene, Alik'okubuzinda aderha yenine:
\v 5 Chirw'ankaba ntayubaha Namahanga, na ntaye nyubaha mw'echi chihugo, Namuh'olubanja lwage, y'andeka n'omurhula.
\v 6 Nahano aderha; muyunvirize by'oyu much'emanja yenin'aderhire.
\v 7 Nyamuzinda arhakachir'abalondolwa olubanja, balala bamuyakuz'ezuba n'obudufu, arhakanajisa lubanja.
\v 8 Mbabwirire mwabo, buzira kulegama nja baha okuli kwenyu alikw'amango mwen'omuntu ayinja, yeshimane obwemer'okwigulu?
\p
\v 9 Anashubi derh'ogola mugani, oku bantu bakazagi chirhola oku baba bashinganyanya, barhanakazagichirhola kuguma n'abandi;
\v 10 Balume babiri bayerekezag'omushengero, kujashenga Nawabo; mugum'aliri mufarisayo n'owindi mufurhisa w'efarati.
\v 11 Omufarisayo, ayimanga; yenine ahema ntya: kubinali Nyamuzinda nkuher'obukuze okubona ntali kuguma naba bantu bayorhere, bishumusi, barhayemerere, bahushi, ntanali nk'oyu mufurhisa w'ebarati.
\v 12 Nachi hanziz'okulya n'okunywa kabiri omwiboso, inampana chiguma ch'ekumi ch'ebintu byani byoshi.
\p
\v 13 Omufurhisa w'ebarati aja hale arhayinamulaga chiro na mesho mage garhayerekeraga omuchanya; Aliko achishurha okuchifuba chage omuku derha: Nyamuzinda ombabalire mpamagerwe munyabyaha.
\v 14 Mbabwirire oyula achimir'emwage eyamaganjirwa okwali w'okuli kulush'owabo. bulala ngasi yeshi nji  wachizamula nj'ayandagazwa na yeshi nji wachiyandagaza nj'azamulwa.
\p
\v 15 Bamulerhera kandi abana badorho, Okwa bahire kw'amaboko. Aliko entumwa zage zabwene ntyo za bakalihira.
\v 16 Akiko Yesu abahamagala ahali aderha: Mulek'abana badorho bayinj'emwani, murhababuzaga, bulal'obwami bwa Nyamuzinda buli bwabo.
\v 17 Mbabwirire, ngasiyeshi orhankarhol'obwami bwa Nyamuzinda nka mwana mudorho, arhakabuhikamo.
\p
\v 18 Mwimangizi muguma abaza Yesu aderha mpu: Mwigiriza mwinja, Gurhe nakajira yindama akalamo k'esiku n'amango.
\p
\v 19 Yesu amushubiza bulala gurhe ompamagere mwinja? Haba mwinja muguma, Nyamuzinda yenyine.
\v 20 Omenyer'amarhegeko: Orha hushaga, orhayirhaga, orhazimbaga, orhabeshaga, kenga yisho na nyoko.
\p
\v 21 Aderha ngwerh'ebyo byoshi kurheng'omubusole bwani.
\p
\v 22 Yesu, aber'amayunv'ebyo, amubwira: Ochibulire kandi chintu chiguma: Oguze ngasi choshi wakab'oherhe, obigabire abarhachigalire, Wabona obuchir'emwa Nyamuzinda. Okubundi oyinj'onkulikire.
\p
\v 23 Omukubaa amayunv'eyo myazi, anagaya bwenene; bulala achirire bwenene.
\v 24 Yesu okubon'amagaya bwenene, aderha: Birhayoloher'oku bantu baherhe bikulo binene bager'omubwami bwa Nyamuzinda.
\v 25 Bulala bikomere kw'endogomi yakager'omuchirhule ch'esindani; ahali h'omugale okuj'omubwami bw'empingu!
\p
\v 26 Aba bayunvaga baderha: Inde waka chungulwa?
\p
\v 27 Yesu ashubiza: Echirhagalikene okumwen'omuntu chigaliken'emwa Nyamuzinda.
\p
\v 28 Petero aderha: Lolaga, rhwalekere byoshi rhwakukulikira.
\p
\v 29 Na Yesu ababwira okuli babwirire nta muntu wakaleka enju yage changwa mukage, changwa benewabo, changw'abazere bage chang'abana bage, enyanya z'obwami bwa Nyamuzinda.
\v 30 Wakafunda kubona binene kulusha mweno myaka rhulimo, n'omu myaka yayinja, kalamo k'esiku n'amango.
\p
\v 31 Yesu arhola bal'ekumi na babiri abahira haguma naye, ababwira; tala kurhukola zamukira e Yerusalema, nabyoshi bya yandikwaga n'abalebi enyanya za mwen'omuntu nji byahikirira.
\v 32 Bulala njahanwa oku bapagani; nj'adukangwa, n'okujirwa kubi, nj'achirwako.
\v 33 N'omukumala mushurh'emishaki, banamuyirha; N'omu lusiku lwakasharhu nj'afuka kurheng'omu bafu.
\v 34 Barhamenyaga eyo myazi chiro n'ehityu, ogu mwazi gwabagubishirwe okubo, chiro baliyunvirhe, barhalimenyere gurh'ederhere.
\p
\v 35 Yesu abere ager'eYeriko, muntu muguma orhabona aliyikere oku njira n'okuhema ngasi yeshi wagera.
\v 36 Aber'ayunv'ekigusho ch'abantu chagera, abaza bichibyo byabere.
\v 37 Bamubwira: Yesu oyo wagera.
\v 38 Ayama Yesu mwene Daudi onyunvir'obonjo!
\v 39 Abalishokwere bamusiza; S'aliko anagenderera omu kuyama bwenene, mugala wa Daudi omber'obonjo
\p
\v 40 Yesu ayimanga, ababwira bamulerhe, abere agera aha Yesu ali.
\v 41 Amubaza bich'olonzeze nkujirirage? Nahano, nsimire nani mbone.
\p
\v 42 Nahano amubwira obwemere bwawe bwamakufumya, genda obone.
\v 43 Hanah'arhonder'okubona, anakulikira Yesu n'omwishingo gunene n'okukuza Nyamuzinda. Abantu boshi babere babona bakuza Nyamuzinda haguma naye
\c 19
\cl Chigabi 19
\p
\v 1 Eri Yesu aj'omu chishagala ch'e Yeriko, ahagarhi kacho.
\v 2 Lero, muntu muguma ezino lyage zakayo wali mukulu wa bafurhis'ebarati,
\v 3 alilonzez'amenye inde ye Yesu, oku ntyo arhagalaga, bulal'aliyufuhire bwenene n'abantu balilugire.
\v 4 Alibirh'embere, ashon'okumurhi ya mubona, bulala hali gwasiz'okugera.
\v 5 Yesu agerere aho, alol'enyanya amubwira mpu: Zakayo, jiradub'oyandagale bulala bimpunire mbe muhisi wawe zene omu nju yawe.
\v 6 Zakayo ayandagala juba n'oku muyegerez'oku bushagaluke.
\v 7 Eri abantu bamali bonantyo, balunduma, n'oku derha: gurh'akaj'omu nju y'omunyabyaha!
\v 8 N'oku ntyo Zakayo, ayimang'embere za Nahano, n'oku mubwira: Mpu Nahano Nahan'echigabi ch'ebikulo byani oku barhachigalire, na kaba narholer'echintu ch'omuntu omu kumulenganya, na mugaluliracho kane.
\p
\v 9 Yesu amubwira:    zene obuchunguke bwaj'omu mwawe bulala nawe oli mwene Abrahamu.
\v 10 Bulala mugala w'omuntu ayinjaga kulonza chilala chaliherhere.
\p
\v 11 Eri abantu bayunviriz'emyazi yabola, Yesu ayushula kubabwira mugani muguma, bulal'aliri hofi n'echishagala ch'e Yerusalemu, n'abo bantu baliganiziz'oku ebichanji by'obwami bwa Nyamuzinda bwahikire mwakola kachanji kanako.
\v 12 Oku ntyo aderha mpu: Omuntu woluburha lunene w'obukenge arhol'olugenzi lw'echihugo chahale, bamushimika kuba mwami na kandi agaluke.
\v 13 Embere y'oku genda kwage ahamagala bantu ekumi omu bakozi bage, aha ngasi muntu echigabi ch'efuranga n'oku mubwira mpu: Mukoles'ezi furanga omu burhimbuzi kuhik'amango nji nagaluka.
\p
\v 14 Aliko baguma babo bamugaya. Oku ntyo barhuma baguma babo ahanyuma bajiderha mpu: Rhurhalonzez'oyu muntu abe mwami werhu.
\v 15 Alik'oyu muntu w'obukenge ashimikwa kuba mwami, n'omu kugaluka kwage, aderha, muhamagale bala bakozi nagabirag'efuranga, imenye ngasi muguma emikolere yage.
\p
\v 16 Omukozi w'oburhanzi ayinja, aderha: Nahano, lula lufuranga wampaga lwaburhire zindi furanga ekumi.
\p
\v 17 Naye amubwira: Biri binja mukozi mwinja, bulala waliri mulangalirw'omu bigeke, nguhere oyimangire bishaga'ekumi.
\p
\v 18 Owakabiri ayinja, aderha: Nahano, olufuranga lwaburhire zindi furang'erhano.
\p
\v 19 Amubwira mpu: Nawe wayimangira bishagala birhano.
\p
\v 20 Owindi ayinja, aderha: Nahano, lolaga lula lufuranga lwawe, nali lubikire bwinj'omu chirazi,
\v 21 bulala nalikuyubahire, bulal'oba muntu mudarhi. Onalonzez'orhabikiraga, n'oku shalul'ahantu orharhweraga.
\p
\v 22 Amubwira: Mukozi mubi! Nakuhana kuguma n'emyazi yawe. Kurhe wamenyag'okundi muntu mudarhi, w'okulonzez'ahanta bikiraga, n'oku shalul'ahantu ntarhwega;
\v 23 charhumag'orhabik'olufuranga lwani omu mbiko nkulu luburh'obunguke?
\v 24 Oku ntyo abwira bala boshi baliri ahola: Mu munyege olola lufuranga luguma muluyushule kw'oyo wa furang'ekumi.
\p
\v 25 Ba mubwira: Nahano; aherhe furang'ekumi.
\p
\v 26 Mbabwirir'okuli, nji bah'ogwerhe, alik'orhagwerhe chichi nj'anyegwa n'ehi nj'ab'agwerhe.
\v 27 Oku biyorhere, mulerh'ahano balala bashombanyi bani barhalilonzez'oku nyim'enyanya zabo, muna bayirh'embere zani.
\p
\v 28 Eri amali derh'eyi myazi, Yesu alambagir'embere y'ebigusho by'abantu kuj'e Yerusalemu.
\p
\v 29 Aber'ama shegerer'echishagala ch'e Betefage n'ech'e Betaniya lunda lw'e ntondo y'e mizeyituni, Yesu abarhuma babiri omu bigirizwa bage, ana babwira:
\v 30 Mugend'omu chishagala chishegerere; hano muba mwamahika mwabon'omwana gw'e punda gushwekerwe, nta muntu okol'ashoner'enyanya zago, mugushwekule, munagulerhe.
\v 31 Ola wakabadosa; mpu bulagurhe mugushwekwire? Mu mubwire mpu: Nahano agulonzeze.
\v 32 Okuntyo, bala barhumwagwa bagenda banashimana kula Yesu ana babwiraga.
\p
\v 33 kubinali, bashwekul'ogo mwana gw'epunda babadosa: mpu bunogurhe mushwekwir'ogu mwana gw'epunda?
\p
\v 34 Bashubiza: Nahano alonzize kugukolesa.
\v 35 Balerhera Yesu ogo mwana gw'epunda, barhind'emishangi yabo enyanya zago n'okunyegeza Yesu enyanya zago.
\v 36 Babere bali bagenda, abantu barhind'emishangi yab'omunjira.
\p
\v 37 N'amango akol'ahik'e Yerusalemu, oku mwandagalo gw'entondo y'e mizeituni, lubaga loshi lw'abigirizwa baba n'obushagaluke, barhondera okukuza Nyamuzinda oku mulenge gunene, enyanya y'ebisomezo babonaga.
\q
\v 38 Baderha: Agishwe mwami wayinjire okw'izino lya Nyamuzinda! Murhul'omumpingu, n'obukuze omu mpingu z'enyanya!
\p
\v 39 Okuntyo, Bafarisayo baguma, mubo balir'aho, babwira Yesu: Mwigiriza, okalihir'Entumwa zawe zisire.
\p
\v 40 Naye abashubiza: Mbabwirire, bakasira, amabale gakul'emilenge!
\p
\v 41 Yesu eyasheger'omuchishagala ch'e Yerusalema, nelyabona echo chishagala, achilakira,
\v 42 aderha: nkanawe, konako wamenyaga zen'echintu chankagala kukulerher'omurhula! aliko mubino bichanji bibishirwe oku mesho gawe.
\v 43 Nji hayinj'enyanya zaw'esiku abashombanyi bawe bakuzunguluka oku ntambala, nji bakuyumbakira echibambazi ch'okukulang'eburhambi bwawe, n'oku kufundez'enyunda zoshi.
\v 44 Nji bakushandaza, woyo nabana bawe ahagarhi kawe, nantyo nji barhaleka bale okulindi, bulal'orhamenyaga bichanji Nyamuzinda ayinjaga kukulambagirira.
\p
\v 45 Aj'omu shengero, arhondera kulibisy'abantu baliherhe baguza n'oku gulirana omu shengero,
\v 46 n'oku derha: Biyandikirwe: enju yani nji yaba nju ya mahuno. Aliko mwabo mwayihindamwire kuba hantu heshimanano y'ebishwasi!
\p
\v 47 Yesu ali herh'ayigiriza ngasi lusiku omu shengero. Aliko abakulu b'abadahwa n'abigiriza b'ehano haguma n'abakulu b'abantu balonza kumuyirha.
\v 48 Aliko barhagala gurhe bakamuyirha, bulala abantu boshi balirheger'amarhwiri omu kumuyunviriza.
\c 20
\cl Chigabi 20
\p
\v 1 Lusiku lugum'agomango, Yesu aliherhe ayigiriz'olubaga omu shengero n'okuyamagiza omwazi guhyahya, abadahwa bakulu haguma n'abigirizwa, haguma n'abimangizi b'abantu, bamukulikira,
\v 2 n'oku mubwira: Rhubwira, oku bukulu buchi okol'ebi bisomerene, eri ndokuher'obola bushobozi?
\p
\v 3 Abashubiza: Nabadosa nenyu chibazo chiguma. Mumbwire,
\v 4 obubatizo bwa Yohana bwarhengag'empingu chang'oku bantu?
\p
\v 5 Aliko bajanamo bonine oku bonine: Rhukashuz'oku omu mpingu, aderha: Bulala gurhe murhamuyemeraga?
\v 6 N'eri rhwakashubiza: Oku bantu, olubaga lwoshi nji lwarhuyirh'oku mabale, bulala bayinji oku Yohana ali mulebi.
\v 7 Oku ntyo bamushuz'oku barhenji ngahe bwarhengaga.
\p
\v 8 Na Yesu ababwira: Nani konako nta babwir'oku bukulu buchi ndi najir'ebibisomerene.
\p
\v 9 Agendekera kubwira bantu ogu mugani: Muntu mugum'arhweraga eshwa ly'emizabibu. Bayunvikana nabahinzi baguma oku by'eshalulo, agenda lugenzi siku zinene omu chihugo chahale.
\v 10 Omu bichanji by'oku shalula, arhuma mukozi muguma emund'abahinzi bali mpu bamuh'echage chigabi ch'eshalulo. Aliko abo bahinzi bamushurha, bana mugalula maboko busha.
\v 11 Ashubi rhuma kandi owindi mukozi, kwonako, naye ashurhw'anagalulwa maboko busha.
\v 12 Ashubirhuma kandi owa kasharhu; bamubabaza, n'oku mulibisya.
\v 13 Nin'eshwa aderha: Kurhe njage najira? Njina rhuma mugala wani nsima; nkabaga yeke nji bakenga.
\p
\v 14 Aliko, babere bamukweba kw'amesho, bakengera bonin'oku bonine n'oku derha: Mulolag'oweyime, rhumuyirhe na hanyuma nji rhulishokole libe lyerhu.
\v 15 Bamuyirha, bamukabul'eburhambi bw'eshwa. Oku buzinda Yesu adosa: Kurhe nin'eshwa njabajira?
\v 16 Ye yinje, n'oku yirha abo bahinzi, n'oku herez'eshwa abandi bahinzi. Abantu bamala kuyunviriz'eyo myazi, baderha: Birharhuhikiraga waliha.
\p
\v 17 Yesu abalol'abadosa: Kakuli kuderha gurh'eyi myazi Michesibwa? Ebale lyalahirwaga na bumbasi lyayinjire kuba bale likulu ly'omurhondero.
\v 18 Ngasi owinji walisirhal'enyanya z'elila bale njavunika, n'owunjilya rhibukira njilya muhombola.
\p
\v 19 Abakulu b'eshengero balonz'oku muheba fune mwebyo bichanji byenebyo, aliko bayubaha olubaga. Bameny'okw'enyanya zabo chechirhumire Yesu aderh'ogumugani.
\v 20 Oku ntyo barhonder'oku mulonz'omukulolereza Yesu, barhum'abantu, bachijira nkab'okuli omu kumurheg'omu myazi yage, oku buzinda bamuhana oku bayumangir'echihugo.
\v 21 Abo bantu bamudos'echibazo: Mwigiriza, rhuyemerere oku rhuherhe entimanyo waderha n'okuyigiz'oku shinganene, n'oku ntyo orhalola bukulu bwa muntu alik'ona yigiriz'akalamo Nyamuzinda arhegekere rhukulikir'omukuli.
\v 22 Kabirhushinganene, eri nanga oku furh'ebarati oku mwami wa Baroma?
\p
\v 23 Yesu, bulal'alimenyer'obulyalya bwabo, abashubiza: Munyerek'echi Cheri ch'olufuranga.
\v 24 Yande eyi shushano n'eyimyandiko? Bashubiza mpu: Bya mwami wa Baroma.
\p
\v 25 Oku ntyo ababwira: Muhe mwami wa Baroma ebilibyage na Nyamuzinda ebiri bya Nyamuzinda.
\v 26 Na ntyo abo bantu barhagalaga mugwarh'omu myazi yage yoshi embere z'olubaga; aliko basomerwa n'echishubiso, basira.
\p
\v 27 Baguma omu Basadukayo, baderha mpu; harhakab'okufuka kw'emifu, bamushegerera bamudosa.
\v 28 Mwigiriza, Musa arhuregekere mpu: Omuntu akaba na mwene wabo, naye akafa nakaleka mukage buzira mwana, olala mwene wabo akwanene ashabe oyo mukana n'oku burhira mwene wabo wafire abana.
\v 29 Intyo, haliri barhabana mushanvu b'enkulikirane. Omurhanzi ashab'omukazi, alik'oyo muntu afa buzira mwana.
\v 30 Mwene wabo wa kabiri arhola oyo mukana, naye afa buzira mwana.
\v 31 N'owa kasharhu, chiro n'abo bandi kuhik'oku wa mushanvu kwonako. Boshi bafa buzira mwana.
\v 32 N'oku buzinda oyo mukazi naye afa.
\v 33 Oku ntyo olusiku lw'okufuka, oyo mukazi njaba wande? Bulala, bala mushanvu goshi gwali mugwerhe nka mukazi.
\p
\v 34 Yesu abashubiza: Abana ba mweyi myaka yibarhol'abakazi na balume;
\v 35 aliko bala nji bachiyunva bashinganen'okuba n'echi chira omu myaka ya yinja n'omu bufuke bw'emifu, barhakashabwa eri kushaba.
\v 36 Bulala barhaka chifa, bula nji bashusha bamalayika, nji banaba bana ba Nyamuzinda, eri banali bana bw'obufuke.
\v 37 Abafire nji bafuka, bi Musa amenyisag'amango, kugerer'echishaka chalikolerere k'omuliro, ahamagala Nyamuzinda, Nahano, Nyamuzinda w'Abrahamu, Nyamuzinda wa Isaka na Nyamuzinda wa Yakobo.
\v 38 Aliko Nyamuzinda, arhali Nyamuzinda wa bafire s'aliko wabazene; bulala yewe boshi balamire.
\p
\v 39 Bagum'omu bandisi, barhol'omwazi, baderha: Mwigiriza, waliderhe bwinja.
\v 40 Barhanagalaga kushubiza mudosa chiro n'edoso liguma. '
\p
\v 41 Yesu ababwira: Bula gurhe muderha oku Kristo ali mugala wa Daudi?
\v 42 Daudi yenine aderher' omu chitabu ch'enanga: Nahano aderha emunda Nahano wani ali: Yikal'ekulyo kwani,
\q
\v 43 kuger'amango abashombanyi bawe nji baba bilambagiriro bya magulu gawe.
\v 44 Daudi amuhamagere Nahano; kurh'akashubiba mugala?
\p
\v 45 Eri olubaga loshi luli lwamunyunviriza, abwir'entumwa zage:
\v 46 Muchilange n'abigiriza n'abandisi basima balambagire, bayamber'echishema chilere n'oku lamuswa n'obukenge omu hantu hembere omu bigusho, n'oku sima bayikal'embere omu bishagala n'ahantu hember'omu buhya.
\v 47 Bananyeg'ebikulo bya bakana n'oku chiyerekan'omu mahuno galehukire. Nji bahanwa bwenene kulusha.
\c 21
\cl Chigabi 21
\p
\v 1 Yesu, aber'azamul'amesho, abona abachire bali bahir'entulo zab'omu ntonga.
\v 2 Kandi, Yesu abon'omushumbakazi w'omukene, nay'arhula ebikoroto bibiri by'efuranga.
\v 3 Nahola, aderha: Mbabwirir'okunali, oyu mushumbakazi arhulire kulusha boshi;
\v 4 Bulal'aba bachire bahanir'echigabi ch'ebikulo barhachikenere, s'aliko arhulire kulusha boshi bulal'ahanir'ehyaligwerhe hy'okumubika.
\p
\v 5 Baguma omu bigirizwa ba Yesu baliri baganir'enyanya z'olurhamba, amabale menja n'entulo zali zikwiziz'aka Nyamuzinda, Yesu aderha:
\v 6 Esiku nji zayinja n'ebimubwene, nji byashandazwa, harhakayorh'ebal'enyanya z'ebale.
\v 7 Abigirizwa bage bamubaza: Mwigiriza, ebi wamamala kuderha nji byahika lyali? Nachimanyiso gichi nji chayerekan'oku birihofi kuhika?
\v 8 Yesu abashubiza: Mulole bwinja mumenye murharhebekwa. bulal'abantu banene nji bayinj'okw'izino lyani, n'okuderha: nyono nye Kristu, n'ebihe byamayenera. Murhabakulikiraga.
\v 9 Nji murhayubahaga hano nji muyunv'emyazi y'ebirha n'eyechihindamuko, bihemer'ebyo nji bihike burhanzi. S'aliko burhakaba buzinda.
\p
\v 10 Yesu anababwira: Eshanja nji lyarher'eshanja, n'obwami nji bwarhera obwami, nji hab'emisisi minen'okw'igulu. Nantyo nji hab'enzara n'endwala zikalihire hantu hanene.
\v 11 Naho nji hab'ebintu by'okuyubahiriza n'ebimenyeso birhangazizwe kurheng'empingu.
\v 12 Ember'ebi bintu byoshi bihulukire, nji mwafarhwa n'okulibuzwa. nji mwahekwa omu bishagala n'oku bahir'omu mpamiko. Nantyo nji mwahekw'embere z'abami n'embere z'abakulu enyanya ly'ezino lyani.
\v 13 Yimuhan'obuhamiriza bwani embere zabo.
\v 14 Mumenye bwinj'oku kurhakwanene kulonz'ebinji mwaderha:
\v 15 Bulala nyenine nji nabah'omwazi n'obumanyi abashombanyi benyu barhakagala kulahira n'oku bahima barhakagala.
\v 16 N'abazere benyu nji babahana, na benebenyu, na bachibenyu, n'abera benyu; nji bayirha banene omu kagarhi kenyu.
\v 17 Nji mwashombwa n'abantu boshi enyanya ly'ezino lyani.
\v 18 Nta luviri luguma lw'erhwe lyenyu nji lwahera.
\v 19 Okulembera kwenyu nji kwa chungul'emirhima yenyu.
\p
\v 20 Hano nji mubon'enfola miherho bazungulukir' e Yerusalama, mumenye ok'obubi bwage buli hofi.
\v 21 Abali e Yudea, balibirhire oku ntondo, na baba bali e Yerusalima barheng'omu kagarhi kage, n'abanji baba bali omwishwa, nji barhagalukaga omu budahukiro.
\v 22 Bulala nji zaba siku z'okuchiholera, y'ebya yandikirwe omu mandiko biyenere.
\v 23 Buli buhanya oku bakazi nji baba bali bukule n'oku nji baba bali bayonsa mw'ezo siku! N'omw'igulu nji hab'amalibuko manene, nji haba n'oburhe bunen'enyanya z'abantu bali omu chihugo kurheng'emwa Nyamuzinda.
\v 24 Na banene nji bayirhwa n'engorho na nji banahekwa kushwekwa omu bindi bihugo byoshi. N'ezindi mbaga nji barhambul'e Yerusalema kuger'amang' oburhegesi bwabo nji bwahwa.
\p
\v 25 Nji habonekan'ebimanyis'omu zuba, omu mwezi n'omu nyenyezi. N'omw'igulu amashanja nji gab'omu malumwa, nji gab' omu buba bw'emikungulo y'enyanja.
\v 26 Obuba nji bwayirh'abantu omu kulindira ebinji byayinj'oku gulu, bulal'emisisi yager'omu mpingu.
\v 27 Nago mango nji babona Mwen'Omuntu amanuk'omu bichu n'emisi haguma n'obukuze bunene.
\v 28 Han' ebyo bintu nji birhondera kubonekana, muzus'erhwe n'oku yimanga n'emisi, bulal' ebihe byenyu by'obuchunguke biri hofi.
\p
\v 29 Enyuma z'aho Yesu abwir'abigirizwa bage luno lwiganyo: Mulol'omurhi g'omuzabibu n'eyindi mirhi.
\v 30 Eri mubon'ebibabi by'eyo mirhi bishisha bwenene, mwanarhegerer'okw'echanda chiri hofi.
\v 31 Nantyo, hano nji mubon'ebi byoshi nababwirire bikahika mumenye okw'obwami bwa Nyamuzinda buli hofi kuhika.
\v 32 Mbabwirir'okunali: Lun'oluburho lurhakager'ebyola byoshi birhanahika.
\v 33 Egulu n'empingu nji byagera, aliko emyazi yani erhagera.
\p
\v 34 Muchilang'emirhima yenyu, mumenye mwankaherera omu kulya n'omu kunywa bwenene kandi oku herer'omu kalamo k'omubiri bulal'olo lusiku lurhakalaganya.
\v 35 Bulal'olo lusiku nji lwayinja nka mulanga. Bulal'olo lusiku nji lwahik'oku bantu boshi bw'omw'igulu.
\v 36 Obo ntyo, mube mesho n'oku huna buli mango, mugale kubon'emisi y'oku hima ebyo bintu nji byayinja, nenyu nji mugale kuyimang'embere za Mwen'Omuntu.
\p
\v 37 Yesu agendag'ashiba omu ka Nyamuzinda ali ayamagiza, n'obudufu agendagaj'oku ntondo y'e Mizeyituni alala ahuna Nyamuzinda.
\v 38 Abantu boshi bagendaga bamuhikira esezisezi omu ka Nyamuzinda bamuyunviriza.
\c 22
\cl Chigabi 22
\p
\v 1 Olusiku lukulu lw'emigati erhagagire luyirikwa Pasaka lwagera hofi.
\v 2 Abadahwa bakulu n'abigiriza b'erhegeko balonz'enjira y'okuyirha Yesu, aliko bayubah'abantu.
\p
\v 3 Lero Lyangombe aja mu Yuda, oyirikwa Iskariyoti muguma w'abigirizw'ekumi na babiri.
\v 4 Obola Yuda egenda kuyunvikana n'Abadahwa bakulu n'abakulu babalanzi b'enyunvi z'aka Nyamuzinda gurhe Yuda abaha Yesu.
\v 5 abakulu basima bwenene banayunvikana kumuh'efuranga.
\v 6 Yuda ayemera analonz' akasanzi kenja kukuhana Yesu abantu barhamenyere.
\p
\v 7 Olusiku lw'emigati erhagagire, olu balikwanene oku rheganya mw'e Pasaka, lwahika,
\v 8 na Yesu arhuma Petero na Yohana, ababwira: Mugende murhurheganyiz'e Pasaka, rhuyirye.
\p
\v 9 Bamubwira: Ngahe olonzeze rhuyirheganyizage?
\p
\v 10 Abashubiza: Mwabona, hano muj'omu chishagala, mwabugan'omulume oheker'endaha ya menji; mu mukulikire omu nju ayinjijamo,
\v 11 mumubwire nin'enju: Nahano akubwire: Ngahe nalir'e Pasaka n'abigirizwa bani?
\v 12 Abayerek'obusika bunene bw'enyanya, muli obushoki buyenere; omula mu mwarheganyiz'e Pasaka.
\v 13 Bagenda, babugan'ebintu nk'okw'anabibwiragabo, bana rhegany'e Pasaka.
\p
\v 14 Akasanzi kagerere ho, alira haguma n'entumwa zage.
\v 15 Ababwira: Nalilonzeze bwenene ndir'eno Pasaka haguma nenyu, embere z'okulibuka;
\v 16 bulala mbabwirire oku, nta kachirya yindi kuhik'amango yahikirizw'omu bwami bwa Nyamuzinda.
\v 17 Aber'arhol'engumbu akuza Nyamuzinda aderha: Murhole mugabane mweshi.
\v 18 Bulala, mbabwirire ntakachinywa kweyi mburho y'omuzabibu kugera h'obwami bwa Nyamuzinda nji bwa yinja.
\v 19 Kandi arhol'omugati akuza Nyamuzinda, agubega, abahereza, aderha: Ogu guli mubiri gwani gwahanwa enyanya zenyu; Mugende mwajira ntyo muli mwanyibuka.
\v 20 Kandi arhol'engumbu enyuma z'okulya aderha: Eno ngumbu eri Ndagano mpyahya omu shagama yani eshesherw'enyanya zenyu.
\v 21 Mulole bwinja, efune y'owandenganya y'eyi eri yalira haguma nani.
\v 22 Mwen'omuntu achigendera nk'okwa yandikirwe. Aliko buhanya bwage oy'omuntu nji wamulenganya!
\v 23 Banarhonder'oku dosanya bonine oku bonine mpu nde, oli omu kagarhi kerhu wakajir'ebiri ntyo.
\p
\v 24 Omu kagarhi k'entumwa, mwarhengw'obuhaka mpu nde mukulu omu bo?
\v 25 Yesu ababwira: Abami bamashanja bamarhegeka, n'abaherh'obuhashe oku bo banalonza babwire bo muhanyi w'ebintu.
\v 26 Nenyu birhababeraga ntyo. S'aliko owakaba mukulu mu mwabo abe nka ye mudorho, omurhegesi abe nka ye murhumisi.
\v 27 Bulala, nde yewakaba mukulu, eri oli walya, changw'oli wakoler'abalya? Karhali oli walya? Nyono, nani ndi haguma nenyu nka murhumisi.
\v 28 Nenyu, mwe mwaberere haguma nani omu malibuko gani;
\v 29 chechirhumire, mbabikir'obwami nka kulala Darha abumbikire.
\v 30 Yi mulira muna nywere haguma nani omu Bwami bwani, munayikal'oku bichumbi bya kanyabwami, mu chir'olubanja elala milala ekumi n'ebiri ye Israeli.
\p
\v 31 Nahano aderha: Simoni, Simoni, Lyangombe akuhemere ly'akuyungula nka bugere.
\v 32 S'aliko nakuhunire y'obwemere bwawe yiburha keha; n'amango wamahindamuk'ogale kugendereza bene benyu.
\p
\v 33 Petero amu bwira, Nahamwerhu, nchirheganyize oku genda haguma nawe chirw'akaba omu mpamikwa na chirw'akaba olufu.
\p
\v 34 Na Yesu aderha: Nkubwirire Petero, oluhazi lurhabika zene kasharhu, orhanampakana okw'orhanyinji.
\p
\v 35 Ashubi babwira: kerhi mbarhuma buzira mpamba na buzira shaho na buzira birato, hali echintu mwabulire? Nabo ba mushuza: Ntacho.
\p
\v 36 Ababwira, Lero ngasi ogwerh'empamba ayirhole, n'oherh'eshaho ayirhole konoko, n'orhagwerh'engorho aguze omushangi gwage ayigule.
\v 37 Bulala mbabwirire, bihemer'ogumwazi guyandikirwe guyenere omu kagarhi kani: Ahirirw'omu luganjo lw'abantu babi. N'ebi nyerekeze biri hofi kuhika.
\p
\v 38 Abigirizwa baderha: Nahano, lolaga, rhugwerh'engorh'ebiri. Abashubiza: Nantyo, biri binja.
\p
\v 39 Yesu ahuluk'agenda oku ntondo y'e Mizeyituni nko kw'agend'akola. N'abigirizwa bage bamukulikira.
\v 40 Aber'ahika kw'og'omusozi, abwir'abigirizwa bage: Muhune, yimurhagw'omu mashumi.
\v 41 Yesu abayaka oku bule bwah'omuntu akaleker'ebale, afukama, ahuna, aderha:
\v 42 Darha, akaba wankalonza, nkuhemer'onkule kw'eyingumbu ya malumwa. Aliko, burhabaga bulonza bwani bwajirika s'alik'obwemwawe.
\v 43 Malayik'arheng'empingu, amubonekera n'okumufumbamiz'omurhima.
\v 44 Yesu achib'omu malumwa ganene bwenene, agenderera kuhuna bwenene. achik'entubano eri nka mirhonyi y'eshagama, yarhoger'oku budaka.
\v 45 Aber'amala kuhuna agaluka ahalekaga abigirizwa bage, abashimana bajirero bulala baligwerh'oburhe.
\v 46 Ababwira: gurhe mwankalyama? Muzuke muhune, bulala yimurhagw'omu mashumi.
\p
\v 47 Yesu aber'arhazimali derha, echigusho ch'abantu chahika, chi herekezwe na Yuda muguma mubalal'ekumi na babiri. Ayegera Yesu n'okumununugusa.
\v 48 Yesu amubwira ntya: k'oku nunugusa kuwalenganyamo Mwen'Omuntu!
\p
\v 49 Abaliri haguma na Yesu bachibona ebikola kuhika, baderha: Nahano, ka rhulwe n'engorho!
\v 50 Na muguma omu bigirizwa bage ach'ogurhwiri kw'omukozi w'Omudahwa Mukulu kw'amalyo.
\p
\v 51 Aliko Yesu aderha, muleker'aho! Aber'ahuma oku gurhwiri kw'oyo mulume, kwafuma.
\v 52 Lero Yesu abwir'abakulu b'abadahwa, n'abakulu b'eshengero n'abashaja b'ehano mpu: munyijire n'emipanga, n'amahiri nkakuno ndi chishambo?
\v 53 Ngasi mango nakazagiba nenyu omu shengero murhabonaga gurhe mwakanfarha, lero kakola kasanzi kenyu n'oburhambo bw'omwizimya.
\p
\v 54 Bamufarha, bamuheka e mw'Omudahwa Mukulu, aliko Petero abakulikira arhali hofi nabo.
\v 55 Babere bachan'omuliro omu mbuga bayikala haguma na Petero ayikala ahagarhi kabo.
\v 56 Aliko, omujanyere w'omudahwa mukulu amubona amulolereza, aderha: oyu aliri haguma naye.
\p
\v 57 Alahira, aderha: oli lwahobwe mukazi, ntamuyinji.
\p
\v 58 Hagerer'akasanzi owindi muntu, amubwira oli muguma wabo. Petero aderha: omanye! arhali nyono.
\p
\v 59 Hagerer'akandi kasanzi, owindi muntu ayinja ayemeza mpu: okuli oyu aliri haguma nabo bulala ali Mugalilaya.
\p
\v 60 Petero aderha: we mulume ntamenyer'eby'oliwaderha honaho achiri aderha Oluhazi lwabika.
\v 61 Nahano ahindamuka, alola Petero, naye Petero ayibuk'oku Nahano amu bwiraga: Embere oluhazi lubike wandahira kasharhu.
\v 62 Arheng'embuga alaka namalumwa.
\p
\v 63 Nabo bantu bagwarhaga Yesu bamugayaguza n'okumushurha.
\v 64 Bamushukir'amesho bamushurh'omu malanga, bamubwira, olebe nd'okushurhire.
\v 65 Emyazi minene kurhaluka bamujachire.
\p
\v 66 Esezisezi, abashamuka b'ehano n'abakulu b'abadahwa n'abandisi, bamulerh'ekarubanda kabo.
\v 67 Akaba w'e Kristu orhubwire. Ababwira: nachiro nababwira;
\nb
\v 68 nanka badosa murhashubiza.
\v 69 Aliko kurhenga buno Mwene'Omuntu ayikala omu kuboko kwa malyo k'obuhashe bwa Nyamuzinda.
\p
\v 70 Baderha boshi: woyo we Mwana wa Nyamuzinda? Abashubiza: mwabo mwaderher'oku nyono ndi yewe.
\p
\v 71 Baderha: buhamiriza buchi mwachilonza? ka rhurha yunvirhe rhwenyine oku bunu bwage yenyine.
\c 23
\cl Chigabi 23
\p
\v 1 Bayumanga boshi n'okuheka Yesu emalangambere ga Pilato.
\v 2 Bachivunvunya n'oku musidaka, n'oku derha: Rhwalibuganire oyu muntu, ya hez'omulala gwerhu n'oku balahiza mpu barhafurhag'ebarati lya Kayisari, n'oku derha mpu yewe ye Kristu mwami.
\p
\v 3 Pilato amudosa ntya: Woyo we mwami wa Bayuda? Yesu amushubiza: Waderheko.
\p
\v 4 Pilato abwir'abadahwa n'echigusho: Nta mwazi gubi nabwene kw'oyu muntu.
\p
\v 5 Nabo bachihangana kuderha, ya shombany'olubaga, n'oku yigiriz'aBayuda, arhondererag'e Galilaya kugera hano.
\v 6 Amango Pilato ayunvag'eGalilaya, adosa, oyu muntu ali w'e'Galilaya?
\v 7 Aber'amenya kwali eshishi y'oburhambuzi bwa Herode, amurhum'emwa Herode, buno yewaliri e Yerusalemu agomango.
\p
\v 8 Amango Herode abonaga Yesu abumba bushagaluke, kubona ku gurhenga mir'ali chifinjir'oku mubona, enyanya y'ebyalemag'ayunv'enyanya zage, analinihire oku hano amubona ajira ebisomerene.
\v 9 Amudosa madoso manene, aliko Yesu arhamushubizaga chiro n'echiguma.
\v 10 Abakulu b'abadahwa n'abandisi baliriho, bamusidaka omu kumuhangala.
\v 11 Herode, n'abalanzi bage, bamushinyagulira, bamalire kumushekera, bamuyambis'emishangi ekwirire, bamugalula emwa Pilato.
\v 12 Olo lusiku lw'onolo, Pilato na Herode Bajabwira, oku bushombanyi bwaliri omubo kurhenga mira.
\p
\v 13 Pilato agush'abakulu n'abachesibwa, n'abazuzi, n'abantu boshi, ababwira:
\v 14 Mwanderherag'oyo muntu, nka muntu oli wahez'abantu, n'amudoseze madoso manen'embere zenyu, aliko nta gosa na mubweneko lyaka rhum'ahanwa, omu magosa goshi mwamu sidakiraga.
\v 15 Na Herode ntalyo amu bweneko, checharhumag'amugalula emunda rhuli, mulole Kw'okuli muntu nta chintu ajirire chishinganene kwafe.
\v 16 Na mushurh'enkoni, na namushwekula.
\v 17 Ngasi lusiku lukulu, alishinganen'oku bashwekulira mushwekwa muguma.
\v 18 Baband'akalulu boshi haguma: Oyirh'oyu orhushwekulire Baraba.
\v 19 Oyu Baraba aliri omu mpamiko, enyanya wa kajinya kaliri omu chishagala, n'obunizi.
\v 20 Pilato ashubi kubwirabo: Mukulonz'ashwekule Yesu.
\v 21 Baband'akalulu: Abambwe! Abambwe!
\v 22 Pilato adosabo obwakasharhu: Bubi buchi oyu muntu ajirire? Ntacho na buganire chishinganene kw'afe. Na malamushurha na namulika.
\v 23 Bagendeker'oku bandakalulu n'omulenge gunene, n'oku derha, Abambwe. Omulenge gwabo gwahima.
\v 24 Pilato aderha ntya: Obulonza bwenyu bwajirika.
\v 25 Ashwekul'oyo wajag'omu mpamiko enyanya wakajinya n'obunizi, Oyo bakulonza.
\p
\v 26 Babere bali baheka Yesu, bafarha muntu muguma mpu ye Simoni Mukurene, ali arheng'omushwa, bamuhes'omusalaba mpwaguhek'enyuma za Yesu.
\p
\v 27 Chigusho chinene ch'abantu, n'abakazi bali bachishurh'omu chifuba, baliri bamuganyiza.
\v 28 Yesu abahindamukira, ababwira: Banyere b'e Yerusalemu, mumenye mwanka ndakira, aliko muchilakire mulakire n'abana benyu.
\v 29 Mulole, esiku nji zayinj'abantu nji baderha: Ragi oku ngumba, n'enda zirhaburha, n'amabere garhayonsa.
\q
\v 30 Nji babwir'entondo muyinje murhuhongokere, n'orhu rhondo muyinje murhubishe!
\v 31 Eri bakajira ntyo oku murhi gubishi, gurhe byakab'oku guyumire?
\p
\v 32 Balerha banyankola maligo babiri haguma na Yesu mpu bayirhwe.
\p
\v 33 Amango bahikag'ahantu hahamagerwe, vuha ly'erhwe, bamulibuza, nabala banyankola maligo bombi mugum'ekulyo n'owindi ekulembe.
\v 34 Yesu aderha: Darha, obabalire bulala barhamenyere ebi bajirire, bagaban'emishangi yage, bayisharhir'esimbi.
\p
\v 35 Abantu bayimanga, balola, abakulu bamushinyagulira, baderha: Achungul'abantu; achi chungulage yenine, akaba Ye kristu mwene Nyamuzinda.
\p
\v 36 N'enfola miherho za mushinyagulira; bamushegerera, bamuherez'ebilulire nka ndululwe.
\v 37 Baderha: Akab'oli mwami wa Bayahudi, ochi chungule wenine.
\v 38 Ahanyanya werhwe lyage bayandika ntya: OYU YE MWAMI WA BAYAHUDI.
\p
\v 39 Muguma wabo banyankola maligo amu jachira, aderha: Arhali we Kristu? chi chungulaga, nerhu orhuchungule!
\p
\v 40 Alik'owabo amukankamira, aderha: Orhayubahire Nyamuzinda, welibuzizwe kuguma naye,
\v 41 rhwabano rhushinganene, bunola rhuhabirw'ebishinganen'amabi gerhu. Alik'oyo nta chibi ajirire.
\v 42 Abwira Yesu: Onyibuke hanoger'omu bwami bwa Yisho.
\p
\v 43 Yesu amushubiza: Nkubwirir'okuli, z'ene wabahaguma nani omu Paradizo.
\p
\v 44 Zabere saa ndarhu z'ezuba, gwaba mwizimy'omu chihugo choshi, kuhika saa mwenda.
\v 45 ezuba lyakeha n'omu shangi gw'eshengero gwaberekamo kabiri kanganangana.
\v 46 Yesu alaka n'omulenge gunene: Darha, omurhima gwani namaguheb'omu maboko gawe, eri amaliderh'eyo myazi, afa.
\p
\v 47 Omukulu w'enfola miherho, abwen'eyo myazi yabonekaga, akuza Nyamuzinda aderha: kubinali oyu muntu aliri w'okuli.
\v 48 Echi chigusho choshi chaliriho, balolerez'eyo myazi, babwen'emyazi ya jirikaga, bagaluka, bachibanda oku bifuba,
\v 49 bala boshi baliyinji Yesu, n'abakazi bali muherekeze kurhengerer'e Galilaya, bayimanga hale balolereza kurhe byaba.
\p
\v 50 Haliri muhanuzi, walihamagerwe Yosefu, aliri muntu mwinja n'owokuli. Arhashangir'oku muhigo n'ebindi bijiro; aliri w'e Aramateyo.
\v 51 Echishagala cha Bayahudi, analinihir'obwami bwa Nyamuzinda.
\v 52 Oyo muntu aj'emwa Pilato, ahun'omubiri gwa Yesu.
\v 53 Agukul'oku mulingoti, aguzingir'omu mushangi, aguheb'omu shinda ya lihumbirwe, erhalizi hambwa mw'owindi muntu.
\v 54 Lwali lusiku lwamarheganyo g'e Sabato e kala yanji rhondera.
\v 55 Nabala bakazi bayinjaga haguma na Yesu kurheng'e Galilaya, bamukulikira, balol'eshinda na gurh'omubiri gwage gurhabikirwe.
\v 56 Bagaluka kushigay'amavurha g'amalashi, bahumuk'olusiku lw'e Sabato nk'oku byalirhegekerwe.
\c 24
\cl Chigabi 24
\p
\v 1 Omu lusiku lwambere lweboso, omu micherachera, baj'ebwa shinda, eyibaherh'amarachi balirheganyize.
\v 2 Bashiman'ebale lyalir'oku shinda lyahirikirwe.
\v 3 N'omukuj'omushinda, barhashimanag'omubiri gwanahano Yesu.
\v 4 Omu kusomerhwa n'ebibashimanaga, lolaga, balume babiri baliyamber'emishangi y'omweru babahulukira.
\v 5 Bagwarhwa n'obuba bunene, bayinama ahashi, nabobalume bababwira, chakarhuma mwalonzez'ozene omu bafu?
\v 6 Arhachiri hano ch'alik'afukire. Muchiyibukire gurh'alemag'ababwira amangw'alir'e Galilaya;
\v 7 Anakazagi derha: Bihemerwe mwen'omuntu ahanw'omumaboko gabanyabyaha, ayirhwe, njo anafuke okulusiku lwakasharhu.
\v 8 Bayibuka emyazi Yesu akazagi babwira.
\v 9 Eyibarheng'ebwa shinda, babwira balal'ekumi na muguma n'abandi boshi ebibabwene.
\v 10 Abalerhag'eyo myazi okuntumwa, haliri mariya madagalene, na Jani mariya nyina wa yakobo na bandi bali haguma nabo.
\v 11 Emyazi yabo ya bonakana ya busha embere zabo, barhanayemerag'ebyabo bakazi baderhaga.
\v 12 Aliko petero ayimanga alibirh'ewashinda yanawabo Yesu, ayinama, abon'emishangi yanawab'omushinda. Hanaho, aj'emwage, asomerwa kw'ebyo bahikirire.
\p
\v 13 Lolaga, mwakokachanji, abigirizwa bage babiri bayereker'omu chishagala chihamagerwe Emausi, hale n'e Yerusalema.
\v 14 Hantu hakalambagirwa s'ebiri. Banabwiran'okubyoshi byagerere.
\v 15 Omu kachanji kokushambala n'okurhongana, Yesu abashegerera, alambagira haguma nabo.
\v 16 Aliko barhamumenyaga
\v 17 Ababwira, bichiyimwagenda mwaderha; munagayire?
\p
\v 18 Muguma wabo, ohamagalwa Kleopasi amushubiza: Olimugeni e Yerusalema orhenji ebyabereyo?
\p
\v 19 Yesu abadosa, bintu bich'ebyo? Bamushubiza, Ebyo bintu biyerekere Yesu w'e Nazareti, oyo wali mulebi oherh'obuhashe omu bijiro n'okuderh'embere za Nyamuzinda n'embere z'olubaga.
\nb
\v 20 Nagurhe abadahwa bakulu na bach'emanja mpu agend'ayirhwe, bamuhira oku musalaba
\v 21 Rhwalilangalire oku akabere yewe, wakachungwire Israeli; aliko haguma n'ebyo, lolaga oku hali esiku esharhu ebi bibere.
\v 22 Biri by'okuli oku bakazi baguma berhu, barhusomeze bwenene: balamukira oku shinda esezisezi,
\v 23 babula omubiri gwage, bayinja kurhubwira oku bamalayika bababonekera bababwira okw'afukire.
\v 24 Baguma omu barhwaliri nabo bagenda oku shinda, bashimana oku kubinali oku abakazi bababwiraga, aliko bowe barhalimubwene.
\p
\v 25 Hanaho, Yesu ababwira: Balume bazira bwemere n'emirhima erhayemer' eb'abalebi balebaga.
\v 26 ka birhali kwanene Kristo alibuzwe n'ebi byoshi ly'aja omu bukuze?
\v 27 Arhonderera oku Musa kuhik'oku balebi, ababwira boshi baliyandikirwe n'ebyalibashiganane.
\p
\v 28 Babere bahika hofi n'echishangala emunda balamaga baja hashushanyizwe na kuba hale.
\v 29 Aliko abajambere, baderha, bamubwira yorha haguma nerhu, egolo lichihika ezuba lyazika.
\v 30 OKubalya oku lwibo haguma nabo, arhol'omugati, ahema, aguvuna omugati abaha balya.
\v 31 Honaho barhondera okubona.
\v 32 Babwirana emirhima yerhu erhayubahaga amango akazagi rhubwira n'okurhuyigiriza emyazi yaliyandikirwe.
\v 33 Honaho, bayimanga, n'okugaluka e Yerusalema, abona abol'ekumi na muguma, n'abaliri haguma nabo, bachibishire.
\v 34 N'oku derha: kubinali Nahano afukire, anabonekerwe Simoni.
\v 35 Bashubulula ebyabahikirag'omu njira n'amango akazagi gaba omugati.
\p
\v 36 Omukuba yibaderh'emyazi, ahulukira omu kagarhi kabo; n'okubabwira: Omurhula gube haguma nenyu.
\v 37 Bagwarhwa n'obuba n'oku afire; bamenya kubali n'omuzimu.
\v 38 Aliko ababwira chakarhuma mwayubaha? kagurh'enkengero zilinkezo zakab'omumirhima yenyu?
\v 39 Mulole efune zani na magulu gani, kobinali nyono, Mumpumeko munandoleko: Omuzimu arhajira munyofu changw'evuha, nyono mbiherhe.
\v 40 Omukuderh'ebyo, abayerek'efune na magulu gage.
\v 41 Kubinali, omu bushagaluke baligwerhe barhayemeraga, baliri omu kusomerwa, ababwira: mugwerh'ebyokulya hano?
\v 42 Abah'efi eyosezwe n'omugati guli m'obuchi.
\v 43 Arhola, alir'emalanga mbere gabo.
\p
\v 44 Oku buzinda, ababwira: binababwirag'ebi amango nalichiriri haguma nenyu, oku bishinganen'okuyenezwa byoshi baderhwaga enyanya zani, omu mahano ga Musa, n'omubulebi, n'omunyimpo.
\v 45 Ashwekul'obwenge bwabo kuderha oku bayunv'ebiyandikirwe.
\v 46 Ababwira: biyandikirwe ntya, oku Kristu nj'alibuzwa n'okufuka omu mifu olusiku lwakasharhu.
\v 47 amahungamo, n'obubabale bw'ebyaha, nji bwayamagizwa oku Bantu boshi omu zino lyage, kurhonderera e Yerusalema.
\v 48 Muli bahamiriza b'ebyobintu.
\v 49 Mulole nkunderher'enyanya zenyu byoshi Darha alaganyaga; aliko mwabera muchino chishagala kuger'emango mwayunjuzwa emisi ya Muka Ochere.
\p
\v 50 Abalongola kuger'e Betania, azamul'amaboko gag'enyanya, abagisha.
\v 51 Amango amalaga bagisha achikul'okubo azamuk'empingu.
\v 52 Nabo babere bamala kumuramya bahindamuka baj'e'Yerusalema, n'obushagaluke.
\v 53 Bagendeker'okuber'omu shegero, bali baharamya n'okukuza Nyamuzinda.