gey_reg/48-2CO.usfm

\id 2CO
\ide UTF-8
\h 2 Bakolito
\toc1 2 Bakolito
\toc2 2 Bakolito
\toc3 2co
\mt 2 Bakolito
\c 1
\cl Botuku ya ema 1
\p
\v 1 Polo, moeki wa Mbali-Klisto mo koema ka Mokonga, na mana-nina Timoteo, moetanda ya Mokonga, na mana-nina Timotéo, mo etanda ya Mokonga ea ika ko Bakolito, ena bafeneni boose baa-bika mo Akaï motondo:
\v 2 Omonye na bii wakeseleke bane molina ya Mokonga ise wino na Mokolo Mbali Klisto!
\p
\v 3 Mokonga walifeleke, isa Mbali Klisto, ise wa chombo ena Mokonga wa kobondja-bondja koose,
\v 4 Owa wofofesa obaba ito yoose, n'ndi mbele, mo kobondjeka-bondjeka si koa kika nito ka Mokonga, tebondje-bondjei baa bika na obaba!
\v 5 N'mba boa obaba ya Klisto yeeme koa kito, boobo kae kobondjaka-bondjeka keeme ka ka Klisto.
\v 6 N'mba tika na obaba, ikai bondia kofofesa bena tcheondesa tino; aika n'mba tika na bii, ikai bondia kofofa kino, koa ko moesa koeya ka metema ino, na obaba owa ika nito,
\v 7 Tikai na kaeli iboka koa kino, bondia teli mbele, n'mba bika n'kati ya obaba, beengame kae kofofeseleka.
\p
\v 8 Titeme bito n'ndi kosia bane mbe be ibee, mefofo sieya ekomee base mo Azia, eya emoese base maobi, eya elongeye tchekamba tito, eya itaebanga kae base mbe tokoikai.
\v 9 Tamonangai n'mba kokpa kito, bondia mbe titeikangi na koakoa kito base mine, ndi ka Mokonga moimoli wa bakpi.
\v 10 Wei wakandoanga base, ke we kai okandoa base mo kokpa, we teakowe mbele okakandoa kai base,
\v 11 Bane kae baunea base na masomboli mino, mbe omonye si owa teakeseleke ko babua ike n'nembe ya kosumbola kelekele mo isina ito.
\p
\v 12 Bondia kolomba kito kikai koakoa ka okuku ito, ko moesa koenda kito kosaali mo chese, ke iboka bondi ino, na kofenena boso wa Mokonga, bua bondia kofoa ka mobe, n'ndi bondia n'ngbengbele ya Mokonga.
\v 13 Titokoebesa bino bane mafe maondi ma motondo, ndi ikai maa moobanda bane, na maa beli bane, ke neakowe mbe bokoebai moo n'su yoose bena n'tungea ya chese,
\v 14 Boa aebake mo bane mbe tikai okuku ino, boobo kae bokoikai okuku ito mo botu ya Mokota Mbali.
\p
\v 15 Mo koeba si kooko, naemakei kula koa kino, mbe beikei na okuku ya ema;
\v 16 Naemangai koeta koa kino mo kia ko Makedonia, ke nasumboka kae koa kino, mbe biei kosiya noo mo Yudea.
\v 17 Ika n'mba, netei boobo, netei na olendja-lendjaii? ao maondi si maa moota noo mikai ma mobe, n'mba ika koa kane koakoa ao kolingoa?
\v 18 N'mba boa ika MOkonga tchaa, looki si owa teese bane, iteakoleke ke itelingoleke.
\v 19 Bondia mana Mokonga, Mbali Klisto, owwa telondoe we boso nino, noom ena Silva, ena Timoteo, uteakoleke ke utelingoleke, n'ndi waikangai na koakoa;
\v 20 Bondia maa moose Mokonga weakolee bato, mikai liti, moisina ya okuku ya Mokonga base tokoena boobo eene we.
\v 21 Ke wei wokobesa kobesa base nino ka Klisto, ke owa we utche ikai Mokonga,
\v 22 Owa wete kae base n'nembe ke wata ko metema ito maondi ma mosombo.
\p
\v 23 Natake Mokonga oso wino, bondia koondesa bane n'ndi n'taanga kae mo Kolito;
\v 24 Bua n'mba tikai kio na koakoa kino, n'ndi tobaanya nino ome, mbe bekokamei n'kati ya koakoa.
\c 2
\cl Botuku ya ema 2
\p
\v 1 Na monaki noomune mbe nitesumbokangi koa kino na lisomi.
\v 2 Bondia n'mba na somesa bane, nani olengesa noo, aikan'mba iteike owa na somesakewe?
\v 3 Mbe n'temoesangi tchombo tchane, ne kpaloei ko baa baengamanga koakesa noo ome mokula kane, mbele bane boose beakoe mbe ome yane ikakai ino.
\v 4 Iki na obaba ya ema, motema kotua ena maisoli, yoi nekpalolee bane, bua n'mba beikei na tchombo, n'ndi ambele beebei moboto siowo ika nane nino.
\p
\v 5 N'mba omo we somei, abuande nooi nesomese we, n'ndi bane boose, saofe ikuka emo mo bua koetesea.
\v 6 Eengamei na moto siowo boa esuleke we mo ibamba ya bato,
\v 7 Mbele beengami n'ndi komesela bena kofofesa we, mbe utesomangi iboka.
\p
\v 8 Naombaki bane mbe beikei na moboto koa kande;
\v 9 Bondia nekpaloleei bane mo koeba, na komona n'mba, biki na lilitesi ko maondi moose.
\v 10 Owa boomeselea we, noo kae nomeselai; ke eya nemesele, aika n'mba nemeselei tchesima tchemo, iki bondi ino, boso ya Klisto,
\v 11 Ambe titeekeangi setani n'mboka koa kito, bondia titeibee bito n'kasa yande.
\p
\v 12 Mo efe, aboa ekome noo mo Toasi momesao ya Klisto, ango boa Mokolo wakandoleanga noo molango, komosombo n'teomoneane, naisina mbele n'tamonangaane Tito, isau yane;
\v 13 Aboa ekane noo nabo, naaya Makendonia.
\v 14 Okuku oose asumboke koa ka Mokonga, mo kolongesa base na Klisto, ke omamalesea base isengi ya maondi mande!
\v 15 Tikai bondia Mokonga isengi ya foa ya klisto, ko baa beonde ena ko baa boseama:
\v 16 Ko bamo oofu ya kokpa, koesa kokpa; ko baphe, isengi ya koika, koesa koika. ke eengame komaondi moose?
\v 17 Bondia titolimalima bito looki ya Mokonga, boa otanga ba bua; n'ndi iki moliti, mo obalu ya Mokonga, yoi tokoena n'kati ya Klisto boso a Mokonga.
\c 3
\cl Botuku ya ema 3
\p
\v 1 Totomesanai asemine efe? tikai na n'kasa, n'mba bamo, toani ta kotoma koa kino ao obalu inoi?
\v 2 Banei bika lotaki ito, owa ekpaloke ko metema ito, keebekane ke koobandeka na bato boose.
\v 3 Biki mene lotaki ya Klisto, owa ekpaloke, ko mokambo ito, bua na maale, n'ndi na mosombo ya Mokonga owa uka, bua ko matuku ma mawe, n'ndi ko ma tuku ma mobe, kio na motema.
\p
\v 4 Koakoa si kooko, tika nako ka Klisto, baka na Mokonga.
\v 5 Bua koena n'mba base tiki na tchekamba tcha kota bondio omo owa otoka koakito base mine. tchekamba tito, tcho toka n'ndi ka Mokonga.
\v 6 Weakesi kae base tchekamba tcha koika melombia ya Ilonga ya enekeke, bua ya lotaki, n'ndi ya Mosombo; bondia litaki okoiyangai, n'ndi Mosombo okoesangi koika.
\p
\v 7 N'mba mokambo ya kokpa, ebakame na n'taki kio na mawe, yeiki na okuku, aboa bana ba Isalaele bitaengamanga kotindila tchondi tcha Mose, moisina ya okuku ya tchondi tchande, ango boa aikanga okuku si ya koeta,
\v 8 Oni namuna mokambo ya mosombo itekaika na okuku?
\v 9 N'mba mokambo ya lisomi eiki na okuku, mokambo ya liti ikai na okuku ya ema.
\v 10 Ke na boobo, eya eike na okuku inaiki mono bande nayo, bondia okuku siowo yande eemei.
\v 11 Aika n'mba eya eete eiki na okuku, eya etchumane ikai na okuku ya bua.
\p
\v 12 Na kaengeleo si kako tika na liomala ya ema,
\v 13 Ke beteleli bito bitokoikande n'mba ba Mose, owa walindekanga tchondi tchande, mbe bana ba Isalaele bitemonangi n'tungeya ya eya eete.
\v 14 N'ndi beiki na matu malitoa. bondia bena moono botu belindame, n'nyanga boobanda ilonga ya oso, itokoimana bande, isina mbe koa ka Klisto i olimena.
\v 15 Ena moono botu, babanda Mose, ifue ika ko metema yabo;
\v 16 N'ndi mba metema ya timboka ka Mokolo, ifue yootokai.
\v 17 Mokolo wei mosombo; aboa ika mosombo ya Mokonga, aoi imona ika.
\v 18 Base boose sibaa toomona bosali, tikai n'mba ba boomona mokio okuku ya Mokolo, n'mba na Mokolo, Mosombo, totimbokai otitaka sio omo, okuku na okuku.
\c 4
\cl Botuku ya ema 4
\p
\v 1 Isina si, koika na mokambo si, mo chombo si chea cheabeleke base, titolimesa bito bosasu.
\v 2 Tan'mbolake maondi ma n'soni naa moteleka mo kaisama, tauwa bito na boendeleli a bea, ke titolima-lima bito looki ya Mokonga. n'ndi na koebesa liti, tootai maenyeli ma moto oose oso a Mokonga.
\v 3 N'mba mesao ito ekena lindama, yelindamei ko baa bolimena,
\v 4 Mo baa ba metema a kobea, baa besalo ba eno n'nyeanga belindeke maenyeli, mbe bitesanesangi liangangi ya mesao ya okuku a Klisto, owa uka otitoka ya Mokonga.
\v 5 Titolondokea bito ase mine, ikai Mbali-Klisto mokolo wei toolondoa, ke tokoteka bakobe bino bondia ya Mbali.
\v 6 Bondia Mokonga, we wei weene fololo osanai mo ifue! wosanesei fololo ko metema ito mo koakesa liangangi ko maenyeli ma okuku ya Mokonga mo chondi cha Mbali.
\p
\v 7 Tebei iyota si eeyo mo beongo bito ba n'seke, mbe chekamba si echa cha émá ga abeleke Mokonga, bua base.
\v 8 Tekandjeke n'mbalu oose, n'ndi bua kose a bamo; n'kati a obaba, n'ndi bua kotoesa kaengeleo;
\v 9 Otungi, n'ndi bua kochichaneka; boeno, n'ndi bua kolimena;
\v 10 Kobia n'nyanga oose ko mobe ito kokpa ka Mbali, mbe koika ka Mbali kamoneke kae ko mobe ito.
\v 11 Base si baa tika na koika, teekeleke mo kokpa mo isina ya Mbali, mbe koika ka Mbali kamoneke kae ko mobe ito ya kokpa.
\v 12 Na yo kokpa kotumika koakito, ke koika kootumika koa kino.
\p
\v 13 Ke, boa tika na mosombo omo ya koakoa owa oomoneka n'kati ya looki si ono: neakoei, mo isina sii neene! base kae teakoei, ke bondia eeyoi tokoena,
\v 14 Koeba mbe owa weimole Mokonga Mbali wekaimola kai base na Mbali, ke woomoesai base nino boso ande.
\v 15 Eeyo yoose yokula bondi ino, mbe omonye yabua, yayote, mo okuku ya Mokonga, mekambo ya omonye yalinye iboka.
\p
\v 16 Yooi tobuai kolimesa bosasu. ango boa moto ito wa kondja wooseama, moto ito wa n'kati wotimbokai otu na otu.
\v 17 Bondia bemusi bito ba n'nyanga si eno booboteai base, kio na maondi moose,
\v 18 Kumbo a n'su oose mo okuku, bondia toomona, bua mo besima si bea boomoneka, n'ndi mo bea bitoomoneka; bondia besima baomoneka bokoetai, ke bea bitokomoneka biki bakoilela.
\c 5
\cl Botuku ya ema 5
\p
\v 1 Teli kae mbe, n'mba ema si oono tika nayo mo chese waseama, koa kio tika na lumba si eeya eenjeke Mokonga, boikaneo ya bemo-na-bemo, owa iteenjekeleke na maako ma bato.
\v 2 Tetchumane mo lumba si eeyo, na n'kasa ya kobata boikaneo ito koa kio,
\v 3 N'mba tamoneka mbe tebate n'tulu ke bua mbe tika mokanga.
\p
\v 4 N'mba boa tika mo ema si oono, tika, na obaba, bondia teemei, bua koonda, n'ndi tebatei, mbe eya ekpe yaimoke na koika.
\v 5 Ke owa weenjeke base bondia eeyo, iki Mokonga, owa weakese base Mosombo ko maondi si maa mokula.
\p
\v 6 N'nyanga yoose tika na koa-koa, ke teli mbele kotchumana na mobe siono tika kpaaya na Mokolo,
\v 7 Bondia tokoenda na koa-koa bua omona,
\v 8 Teiye na koa-koa, ke teeme kosiya mobe siono ke kotchumana baka na Mokolo.
\v 9 Bondia boobo kae base tokoesea-esea ko lengesa we, aika mba tika na mobe si oono, aika mba taeka yo.
\v 10 Bondia engami nito base boose koimanesana mo lisomi ya Klisto, mbele omo na omo waabeleke koopesana na kofoa ao na kobeya koa ko koeta we, mbe uka na mobe ande.
\p
\v 11 Koeba mbele kotina Mokolo, toofana koakolesa bato; Mokonga weli base, ke neli mbe ko maenyeli mino beli kae base.
\v 12 Titokotomesanakae base-mine ephe koa kino; n'ndi tokoakesai bane n'nyanga mbele belombei mo isina ito, mbe beebei kosumbolea baa beeme kolomba ko maa moomoneka ke bua n'kati ya motema.
\v 13 Moyo, n'mba nika kio na namaenyeli, iki bondia Mokonga; n'mba nokoenyelea bosaali, iki mo isina ino.
\v 14 Moboto ya Klisto ye kanje base, bondia tamona mbe, n'mba omo lika wekpi bondia bato boose, boose kae bekpe;
\v 15 Ke wekpei bondia bato boose, mbe baa bika, biteikangi mo bemine, n'ndi bondia owa wekpe ke waimoka bondi abo.
\p
\v 16 Na yo, enekeke, titelikae moto ko mobe, ke n'mba taebangai Klisto ko mobe, enekeke titelikae we mo boobo.
\v 17 Aika n'mba moto uka n'kati a Klisto, ukai tchesima tchephia. Maondi ma booso maetake; monai maondi moose maikake bephia.
\v 18 Eeyo yoose etoki ka Mokonga, owa welonganese base na Klisto, ke waesa base mokambo ya kolonganesa.
\v 19 Mokonga waikangai n'kati ya Mbali, kolonganesa we na tchese, bua kobandea bato kobea kabo, ke wetei n'kati ito looki ya kolonganesa.
\v 20 Toota mekambo ya baa beimanee maondi ma Klisto. N'mba boa tebonje-bonje Mokonga; taombaki bane molina Klisto: n'ngbesanai na Mokonga!
\v 21 Owa witaebanga kobea, wetei we kobea bondi ito, mbe teikei na liti wa Mokonga.
\c 6
\cl Botuku ya ema 6
\p
\v 1 Bondia toota mokambo na Mokonga, tabonja-bonjaki bane mbele bauwai kobunda omonye ya Mokonga na olenja-lenja.
\v 2 Bondia okoena: mo n'nyanga n'saali nen'ngbei owe, mo botu ya cheondesa neuneei owe. Mona enekeke n'nyanga n'saali, mona enekeke botu ya cheondesa.
\p
\v 3 Titota bito chesima chemo cha kokelesa bondi ango omo, mbe mokambo iteikangi na kosuleka.
\v 4 Totomesanai base mine ko maondi moose, n'mba bakobe ba Mokonga, na koeyesa metema n'kati ya otulungi, n'kati ya obaba, n'kati ya bemusi,
\v 5 Mo kolubeka, n'kati ya moololo, ko metato, n'kati ya boeno, mo kokesa, mo koiya moleli;
\v 6 Mo kophenena, ko maonyeli, na moinaina, na bosaali, na Mosombo mosaali, na moboto ya liti,
\v 7 Na looki ya liti, na tchekamba cha Mokonga, na benenge ba koesa na bea bakolomba ba liti;
\v 8 Mo kolomba na komoneka bule, mo koeneka kobea na koeneka kofoa; na komoneka n'mba bato ba n'nanga ango na liti,
\v 9 N'mba baa biteebekane, mbe teebekane; n'mba bakpi, mbe tika; n'mba baa bekandeke, mbe teekeleke;
\v 10 N'mba bato ba obaba, ke n'su yoose tika na ome; n'mba touwe, mbe toophotesa babua; n'mba mo bokambe, mbe tika choose.
\p
\v 11 Tona tito tekandolekei mo isina ino, Bakolito, metema ito yeeyei.
\v 12 Bo uwa bino na ko umuuma n'nkati wito; n'ndi besima bino ba mesolo ba solanake.
\v 13 Teleai kae base boobo, nokoena nino n'mba bana-bane, eyeseai kae base metema ino!
\p
\v 14 Buai koika na banjule mo bondi ya kpaaya. Bondia liti na olanga yokon'ngbesanai booni? ao phololo okoikai asima amo na iphuei?
\v 15 Koni kon'ngbesana kika Klisto na Setani? ao koni kosamba kika moakoi na monjule?
\v 16 Koni kon'ngbesana kika lumba ya Mokonga na besalo? bondia tikai lumba ya Mokonga owa uka na koika, boa mokonga okoena: nekaikai ke nekaendai n'kati ya bo, nokoikai Mokonga koakabo, ke bo bokoikai bato bane.
\p
\v 17 Mo isina sieyo, tokai n'kati ya bo, ke ekanai, Mokolo na koena; buai kobundesa eya eseame, ke nokoikai nino bosaali.
\v 18 Nokoikai Ise wino, ke bokoikai mesombe na meseka yane, Mokolo wa tchekamba tchoose waena boobo.
\c 7
\cl Botuku ya ema 7
\p
\v 1 Mbe tika na koakoleka si kooko, tosaoleka na yoose si eya yosea mobe na mosombo, mbe tika na kopheneneseleka n'kati a kotina Mokonga.
\p
\v 2 Akesai base asima n'kati ya metema ino! titete bito moto kobea, titesee bito moto, titelelee bito moto.
\v 3 Nokoena boobono bua mo kokanda bane, bondia neeni mbe bika ko metema ito mo koika ena kokpa. 4Nika na koakoa ka ema koa kino, nika na ome ya kolombeseleka nino; nekobee-kobee, neiye na ome mo bemusi bito boose.
\p
\v 5 Kolinga kula kito ko Makedonia, mebe ito iteomone bande; teiki na botulungi obalu oose: bita ba kobonja, boa n'kati.
\v 6 N'ndi Mokonga, owa wekobese-kobese baa beene, wekobese-kobesei base mokula ka Tito,
\v 7 Bua mo kula kande lika, mo kokobesa-kobesa si koa kepate Tito mo isina ino: wetondei base n'kasa ino, obaba ino, ome ino bondi ane, na eeyoi elinye ome ane iboka.
\p
\v 8 Ango boa nesomese bane mo lotaki ane, n'tolimboka bane. ke, aikan; mba netimbokei, bondia namonake mbe lotaki si oowo esomesi bane, mo n'nyanga emo,
\v 9 Nika na ome enekeke, bua boa esome bane, n'ndi mo eeya lisomi ino yeisi bane mo kotimboka, bondia besomei boa eene Mokonga, mbe biteikangi na n'mbela koa kito.
\v 10 Bondia, kosoma boa eeme Mokonga yokoakesa kotimboka ka tcheondesa koa kitokotimboka, n'ndi mbe botimboka ka tchese kokoakesai kokpa.
\v 11 Ke monai, tchombo si tcheno tchemo isina ya Mokonga, oni otendela ite moneke kwa kino! Ba emangai ko engama, ba ikangai na lisomi, ba tinangai, ba ikangai na n'kasa ya ema, ba ikangai na tcheema tcha bua, oni azabu! Be mosei beikaneo boose mbe bitete bino ko beya si ko okono.
\v 12 Ango boa na ande keanga bane kaani si kaokom ita ikanga ande bondia owa wete ko beyam ao ka owa weteleke ko beya; aikangai mbe botetelea ino ya moneka kwa kito boso na Mokonga.
\v 13 Mo isina si takobea-kobeangain'ndi, kobea-kobea kito kophe, talengeangi iboka ephe na ome ya Tito, boa mosombo yaonganga nino bane boose.
\v 14 Ke n'mba boso nande nalombangai kambu bondi ino, n'telungutane bane, n'ndi, boa taenanga nino liti n'su yoose, eya elombeseleke base baka na Tito emoneke kai mbe ikai liti.
\v 15 Okoongesa moboto koa kino, kotumanya lilitesi ino ko bato boose, ke na kolongea si koa betelee we na boa ena koteka-teka.
\v 16 Nelengee ko maondi mose koabeleka koa kino.
\c 8
\cl Botuku ya ema 8
\p
\v 1 Tokoebesai bane, baina, omonye ya Mokonga owwa emoneke mo ba etanda ba Masedone.
\v 2 N'kati-kati ya konyengenya ka ema ke iki bo, omo ya bo elinyei ke mokambe yabo a ema eakesei liphoti mo koika kabo.
\v 3 Neakoe mbe, beesi mo koena kabo, koopesana na kopata kabo, ke bena koetea kopata kabo,
\v 4 Koomba base iboka koika asima amo mo kounea bapheneni.
\v 5 Bua n'mba beesei boa eenyelee base, n'ndi beavbelekekei bemine ka Mokonga bena koa kito, mo koema ka Mokonga.
\v 6 Nebundei Tito mbele wamane koa kino mokambo si oowo ya foa, boa eanje we.
\v 7 Boa nika na liphoti ko maondi moose, mo koakoa, mo looki, mo weli, na ome asima oose, ena moboto ino koa kito, tai kae mbe beikei na liphoti mo bondi si oowo ya foa.
\p
\v 8 N'teene bane boobo mo kotoma bane, n'ndi mo koeba, na ome ko baphe, moboto ino ya liti.
\v 9 Bondia beli omonye ya Mokonga wito Mbali Klisto bnondi ino weikei kauwe, we si oowa waikanga na liphoti, mbe mo bokambe yande beiki na liphoti.
\v 10 Iki bondi si owa yo koena noo aowo, bondia eengemi nino, bane si baa biteanjaka kota, n'ndi baa si baa baikanga na n'kasa mo chemo si tchea tcheete.
\v 11 Enekeke, tungesai kota, mbe koteleka koopesana na kopata kino koengamesana na boa eeme bane kota.
\v 12 N'kasa ya foa, aikan'mba ika, iki bosaali bondia eengame koika asima ande, ke bua eya ya bua.
\v 13 Bondi ikai, bua koanja bane mo kobea mbe baphe baike bosaali, n'ndi koopesana na koengamesana: mo n'nyanga si eeno ya enekeke, eya eetee koa kino yayonge mo n'kasa yabo,
\v 14 Mbe eya eete koa kabo uayonge kae koa kino, mbe aike na koengamesana,
\v 15 Mba boa ekpaloke mbe: owa wesomboe ya bua utaikangande na yo ya bua, ke owwa wesomboe kakolokolo utakosanga bande.
\p
\v 16 Omenye yasumboleke ka Mokonga owa wete ko motema ya Tiyo, isesa si eeyo bondi ino.
\v 17 Bondia weakoei boa eombe base, ke ika na ome ya eneke, ke na koema kande! okia mo bula koakino.
\v 18 Tatomake nande omo-wito si oowa wa balanganesake mesao n'saali mo kolombesa Mokonga na n'ngembo mo ba etanda.
\v 19 Ke, na yo, wesonekei mo ba etanda mo koita isau ito mo n'ndo ya mokambo si oono ya foa, boa toota na tchekamba tcha Mokolo ke nako tonda n'kasa ito n'saali.
\p
\v 20 Toota boobo, mbe moto utesuleangi base mo lifaefi si eeyo ya ema, boa oota base bosaali,
\v 21 Bondia toophana eya efoe, bua lika boso a Mokolo, n'ndi boso a bato kae.
\v 22 Tatomake nabo omo wito, owa tamonake ome ko maondi mabua, ke oomoesa kae ome si oowo na koakoa ka ema bondi ino.
\v 23 Nayo, bondia Tito, uki omo wito bena isau ito ya mokambo koa kino; ke bondia banduku bito batomeki mo ba etanda, kolomba ka Klisto.
\v 24 Esai iki bo, boso ya etanda, n'nembe ya moboto ino, ke moesai bombe teengamei kolombeseleka nino.
\c 9
\cl Botuku ya ema 9
\p
\v 1 Iki bondi ya angoa kokpalolea bane bondia mafaefi ma bapheneni.
\v 2 Neli, n'kasa ino yafoa, eeya molombeseleka ko bato ba Masedoine, koema mbe Achai waengamake mono kolinga tchemo si tchea tcheete; ke ome yande koakino eimoli n'nguma ya bato.
\v 3 Natomake binakito, mbe boani-ani si oowa tetelee bane itemonekangi bule mo bondi si oowom ke na beengamei, boa eene noo.
\v 4 N'tokoema bane, mba bato ba Masedoine baala nane ke bauwa kosangela bane mbe beengame, koakoa si kooko kootimbokai kolungutana, mo bua koena mo eeya ino.
\v 5 Nemoni bosaali koeta binakito mbe bate oso koakino, ke bamoesane na n'ndola si eeya eteleke bane, mbe yaengame.
\p
\v 6 Ebai yo, owa oleka kakolokolo okonyoai kakolokolo, ke owa oleka yabua okonyoai yabua.
\v 7 Omo na omo wa abe boa aenyeleake we ko motema ande, bua na obaba ao kosindekeleka; bondia Mokonga weemei owa okoakesa na ome.
\v 8 Ke Mokonga weengame koiyesa bane na omonye, mbe, beikei n'su yoose na besima bakoengamesa n'kasa ino yoose, beikei kae na n'nguma ya mekambo ya foa,
\v 9 Mba boa ekpaloke; we esai iboka mo touwe, liti wande okoilelai n'su yoose.
\p
\v 10 Owa okoabesa touma, ke n'kati moleli yande, okakesai ke obulesai bane touma, ke ophotesai bane touma mo liti ino.
\v 11 Bena boobo bokoikai na liphoti ko maondi moose eeya, mo n'mboka ito, bokoabeai Mokonga mafaefi ma kosumbola kelekele.
\p
\v 12 Bondia mokambo ya bouneo si owo, iki bua bondia bapheneni lika, n'ndi ephe kae koyayoa masomboli na kosumbola kelekele, ka Mokonga.
\v 13 Na kobundesa bouneo si oowo, bokoebai ya koaba kino, bolombesai Mokonga mo lilitesi ino mo kolondoa mosao ya Klisto, ke mekambo ya ma faefi koa kabo ena ko bato boose;
\v 14 Bosombolea bane, bondia beeme bane mo isina ya omonye a ema owa Mokonga ootelea bane.
\v 15 Mokonga walombeseleke mo iyota ande si eeya iteengamesane na ephe!
\c 10
\cl Botuku ya ema 10
\p
\v 1 Noo Paulo, naombake bane, mo koselela bena kofoa ka Klisto, noo, mo koselela kane aaboa ika noo n'kati ino, ke na iya na tchekamba aikan'mba nika kpaaya nino,
\v 2 Naombaki bane, ao boa ekala boo, buai kotoma boo Kota na otendela mo tchekamba si tcheecho, n'mba boa okoengelea boo Kota ko ball so baa boomona base n'mba baa bokoendeseleka na move.
\v 3 N'mba taenda n'kati ya mobe, titokoesa bito n'mba boa eeme mobe,
\v 4 Bondia benenge so bea tokoesa nabo bobuande ba move; n'ndi bikai na tchekamba, tcha kotoka ka Mokonga, mo kotuleka bekamba.
\v 5 Tootulekai maenyeli bena eya goose si eeya yoose so eya yo koimanea well ya Mokonga, I'd tokobiai toengeleo goose mo kolitosa Klisito.
\v 6 Teendee kae koazibua litefoli yoose, aaboa yokoika lilitesi yabe yoose.
\p
\v 7 Boomoneai koanja! n'mba moto walubea n'mbele mbele ukai wa Klisto, waenee womune n'mba ukai wa Klisto, base kae tikai ba Klisto.
\v 8 Ango aika n'mba naema kolomba kambu na okota si owa eese Mokolo weese base mbe beikei bosaali kebua mokoseama kino, bua mo n'soni ino,
\v 9 Mbe nabua komoneka n'mba mokotinesa bane na toani tane.
\v 10 Bondia, yokoenekangai mbele, toani tande tetalalei ke tekombeei; n'ndi n'mba uka aabono, wofolefoleei, bena looki yande yabua na isina.
\v 11 Owasi owa okoena boobo waebe mbe maoki mito mikai boobo n'kati ya toani tito, ango titeike, mekambo ito ikakai boobo, ango taika.
\p
\v 12 Titoosonja bito koangamesana ao koika moongo-moongo na bamo si baa beeme kolomba( koebekana) bemine. n'ndi, mo kopimeleka mo kipimo tchabo bemine bena kaengamesana kabo bemine, bekambe weeli.
\v 13 Base, titeeme bito kolomba kaowa na kipimo tchoose; tobia n'ndi n'mba kipimo, m'tungeo ya ibanyeo ai eya Mokonga weakese base, mo kokomesa kae base kika bane.
\v 14 Titokotinganya bito bi pimo bito, aisa n; mba titekome bena koa kika ane; bondia tekomei bena koa kika bane na mesao ya Klisto.
\p
\v 15 Kobuande kaowa na bipimo boose, titoolomba bito mekambo ya ofemoto; n'ndi na kaengeko, n'mba koakoa kino ke yayoke, mo kokoa efe iboka n'kati ino, koopesana na kipimo sibea bemoeseleke base,
\v 16 Bena kolomba mosao kpaaya nino, bua kolombeseleka mo eya eteleke mo bipimo si bea bemoeseleke base.
\v 17 Owa weeme kolomba walombe n'kati ya Mokolo.
\p
\v 18 Bondia mbe yabuande owa weeme komoneka omunei okoakoa peka, ikai n'ndi owa Mokolo woomoesa.
\c 11
\cl Botuku ya ema 11
\p
\v 1 Oh! n'mba beengame na koakoa kambu ka oseka yane! n'ndi beakoe noo!
\v 2 Nondiambe nika nino na lia owa wa Mokonga, isina iki mbe nesongisi bane na amoome omo, mo komoesa bane ka Klisto mba katuma kaa kefoe.
\v 3 Boobo kae, mba boa n'njoka ekese Eva na olanga yande, notina mbe maenyeli mino mite keselekangi ke mitetimbolangi mo koselela koa ka Klisto.
\v 4 N. mba moto waala kolondolea bane ophe Mbali ka owa na owa welondoe base, ao n'mba babunda ophe Mosombo kaowa na owwa etombe bane, ao ophe mosao kaowa na owa ebunde bane, bokoakoai we bosaali.
\v 5 N'ndi, neengelee mbe n'teike bane kose na bondi ango omo ko batondoli si baabo ba kio.
\v 6 Mba n'teli koena iboka, n'tekose ane weeli, ke tamoesaki yo koakino ko maondi moose bena asima oose.
\p
\v 7 Aa, neti kobea mo isina mbe, neselele noomune mbele bane belinyei, nelondolei bane mosao ya Mokonga bule?
\v 8 Netoesei betanda bephe, beeya beakeseleke noo, mo koakesa bane. Ke aboa eike noo koa kino ke naika mona n'kasa, n'tebilese bane moto kumbo wane;
\v 9 Bondia masau ma metoke Masedoine meengamesei eya yakosekananga koa kane. Ko maondi moose, n'taemangane koika kumbo koakino, ke nasia boobo.
\v 10 Mo liti wa Klisto si oowa uka koa kane, naenaki mbe bondi si oowo ya okuku itootoka bande koakane ko metanga ya Atchaïe.
\v 11 Bondia tchei? .... isina mbe neeme bane? Mokonga weli!
\p
\v 12 N'ndi noota, ke nekatai boobo, mo kotoesa bondi si oowo ko baa bophana ophe bondi, mbe bamoneke mba base ko maondi si maa bemine boolombeseleka.
\v 13 Bato si baabo biki batondoli babea, bato ba n'nanga, betimboke mba batondoli ba Klisto.
\v 14 Ke eeya yauwa kosangalesa, bandia Satana wemune wootimboka mokitomo wa looba.
\v 15 Yobua ango bondi ya kosangala mbe balondoi si baabo batimboka balondoi ba liti, n'tungeo yabo yo koikai koopesana na mekambo yabo.
\p
\v 16 Naenake ephe, moto bua kobundesa noo mba moeta; ango boobo, bundai noo mba moeta, mbe noo kae, nelombe kambie.
\v 17 Nokoena eeno, na otendela ya koika moto wa kolomba, n'tokoenane yo mba Mokonga, n'ndi n'mba na oseka.
\v 18 Bondia ika na babua si baa boolomba ko mobe, noo kae nekalombai.
\v 19 Bondia bokoakoa kae tchino meeta, bane si baa bika na weli.
\v 20 N'mba moto wabunda bane bakobe, mba moto wabunda bane bapakasi, mba moto waibe a bane, mba moto uka na okomo-komo, mba moto walubea owe mo tchondi akoai we.
\v 21 Nokoena na n'soni, tamoesaki mbe tauwa bito na tchekamba. Na boobo, eya yoose yoosonja moto, naenake mbe moetam noo kae nosonjai!
\v 22 Bikai ba Ebele? noo kae. Bikai ba Isalaele? noo kae bikai mosolo ya Abalayama? noo kae.
\v 23 Bikai batondoli ba Klisto? nokoena n'mba moeta, noo kae boobo: ko mekambo, boobo kae; mo n'kutchi, boobo kae; mo kokandeka, boobo kae. Ephe n'nyanga aiyeiye na kokpa.
\v 24 Mela itano ba Yuda balubea noo mekoma n'kasa ina kotoesa omo,
\v 25 Mela isato na lubeka na tonyoanyoa, bakanda noo mo kate mala omo, mala isato naeya na iyaba, naetesa looba omo na botu omo kose ya maale.
\v 26 Mo n'ndo ya bua, kio na maale, naika mo tale na bato babea (baibi), tale mo bato ba motanga, tale mo bapakano, tale ko metanga, tale ko mabunge, tale mo iyaba, tale ko masau mabea.
\v 27 Neikei ko mokambo na bomusi, n'su yabua kolama koanja, mon'ja na n'kasa ya maale, mo koeka koanga na koma, mo kolo bena kokosa n'tulu.
\v 28 Ke bua koena maphe maondi, ko mokambo ya koengelea n'su yoose bondia betanda boose.
\v 29 Nani weene, ke nauwa koena? nani weekeye, ke na imana?
\p
\v 30 N'mba iki kolomba, mo boeno yane ii nekalomba!
\v 31 Mokonga, ise Mokolo Mbali, owa welipheleke n'su yoose, weli mbe n'tookesa bane!
\p
\v 32 Mo Dama, Mokota ya motanga mo n'nyanga ya Mokota Areta wa tchungangai motanga ya Damase, mo kokanda noo,
\v 33 N'ndi beselelesi noo mo ililisa, n'kati ya katunga na obamba, ke naondangi ko maako mane.
\c 12
\cl Botuku ya ema 12
\p
\v 1 Weengamei na ko lombesa ande. Noo sumbokayeai yo na n'ndjoli bena ko ebeseleka ka Mokolo.
\v 2 Neli moto ka Klisto owa waikanga ya etake bemo ikomi na bina webileke bena mo obowa ya isato (kasi aikangai ko mobe yande, n'ntenyane, kasi aikangai koandja ya mobe ande, n'nteli yane; Mokonga weli.
\v 3 Ke nelimbee moto si (kasi ya ikangi n'nkati ya mobe yande ao kowandja ya mobe ande, Mokonga weli;
\v 4 Wabileki kiyo n'nkati ya Paladiso, kewa m'mgba maoki mo isina ya moto si oyo, n'ndi noo mune n'ntoolombesane mobe yane, kosakolo mo isina ya kokanga kane ko engama.
\v 5 Mo olombeselekai mo isina ya moto si oyo, n'ndi noo mune n'nto olombesane mobe yane, ko sakolo mo isina ya kokanga kane ko engama.
\v 6 Aika m'mba neemange kolombeleka, mbe n'nteike ana tchititi, bondi ya no ko enai liti, n'ndi na ekanake nayo, mbe moto ango omo uteikangi mo isina ya yo na ma enyeli ma kiyo mo eya yo omona we na ko m'mgba yo kowakane.
\v 7 Ke mo isina mbele n'nteiyangi na omuli, mo isina ya kophowa ko moeseleka si kooko, moke etelekei noo ko mobe, mo kitomo wa watana mo isina ya ko esa noo obaba ambe n'tetangi omuli.
\v 8 Mila isato nebondje bondjei Mokolo mo ko ekanesa noo na yo,
\v 9 We na ko ena nane: m'mgbengbele yane yeengame nabe, bondiya tchekamba tchane tcho ko engamangai mo boeno. No ko lombeselekai iboka ko eteya noo mune mo boeno, ambele tchekamba tcha Klisto tcha omone kiyo nane.
\v 10 Mo isina si nelelengee n'nkati ya boeno, n'nkati ya ko tchekeleka n'nkati ya ko lalamika n'nkati ya obaba, n'nkati ya tchombo mo isina ya Klisto bondja, aika m'mba na ika na boeno aowoi ika noo na tchekamba.
\p
\v 11 Na ikangi tchebebe: "Banei bete noo boobo. Banei ba engamanga na ko isa noo na boso, bondi ya n'nta ikanga ane kose mo bondi ango omo mo ko ekanesa noo na batomeki si baa ba balombanga boso wane, ango bowa yo buwa noo na isina.
\v 12 N'nembe ya mokambo yane ya Mokonga, yebalanganei n'nkati ino na ko vimiliya ko sondjeka koose na ba ama, na maondi ma ko asowa kana na mekambo ya tchekamba.
\v 13 Mo bondiya tchei ye bundeke bane na ophendo ko ekana na baphe ba etanda, bondiya bowa itaikanga noo bolito koakinoi? Meseleyai noo ko beya si kooko.
\p
\v 14 Monai eeno ikai ya mala isato mo noo kula kowa kino, ke n'nto ko ikaane ango kambu bolito koakino; Bondiya buande besima binoi noo phana bo, iki bane mine. Yo buande baanai bo songanesanga mo isina ya ba boti ba bo, n'ndi baanai bo osonganesanga moisi ya ba boti.
\v 15 Mo noo no oseyai na ome, ke no oseyai yo noo mune mo isina ya mesombo ino. Noo na moesa bane moboto ya ema ke bane ba moesa noo moboto ya angowai?
\p
\v 16 Mo booko n'nta ikanga ane bolito kowkino; n'ndi na ikangai moto wa tchibengo, ne kokoli bane na tchibengo.
\v 17 Mekesei bane na tchei ko baa si bane tomeye bane bo?
\v 18 Netomei tito wale kowakino, netomei we asima amo na nduku: "tito weombi tchesima kowakino? Titeike nino na mosombo omo, mo m'mboka emo likai?
\p
\v 19 Bane bo ko engeleangi kolinga boso mbe base telongeyei bane. Ikai boso ya Mokonga, ka Klisto, awa o ko ena base; ke mo moose si maa amo ba esani nane, to ko enai yo mo o kobesa kobesa bane.
\v 20 Bondi ya nootina mbe mokula kane n'ntesangelani bane bowa yeeme noo, ke noo kae nemoneke kowakino bowa iteeme bane. Mo otina ko sangela ko pholotesana, liya masongo, n'ntale, bo ambo, ko keseya moto omuli, mayeya.
\v 21 Mo otina mokula kane n'ntephendekangi na Mokonga wane mo isina ino ephe, ambele no buwa ko eya mo isina ya ba buwa si baa bete ko beya boso ke biti na kalanganyi mono mo bololo, mo ilemba bena mo n'nkasa ya beya eya yen'ngeye bo mo yo.
\c 13
\cl Botuku ya ema 13
\p
\v 1 Eno ikai mala isato noo kolulea bane. bondi yoose yengamei nakoenjekeleka koondea koena ka ba demu babe ao basato.
\v 2 A bua aikanga noo nino mo mala ya ibe, naenangai, m eke moono botu, nobuwa n'kati ino, naebesake kae boose ba batanga kobeya boso na ba boose baphe, nasumbokeake bane, buwa kamama,
\v 3 Bondia beema neebese bane mbe Mbali wei wokoena n'kati yane, we owa uka na chekamba cha cha ena eke wika nacho n'kati -kati wito.
\v 4 Bondia walubekangai mo musalaba bondia kopholea-pholea kande, n'ndi wika na tchekamba cha Mokonga; base kae, te pholee-pholee n'kati yande, n'ndi tokoikai nande mo tchekamba cha Mokonga mokounea bo.
\p
\v 5 Moesanai kasa bane mine, bokoebai mba bika n'kati ino? iteike boobo, boomoesa mba balimenake.
\v 6 N'ndi, no koenyelea mbe, bokoeba mbe base titeebeseleke bande ephe.
\v 7 Mo boobo, toko bondja-bondja Mokonga, mbe bitetanga chemo cha beya, buande mbe temoneke basali ndi mbe beondei masaali, mba, base teakolekei.
\v 8 Bondia, tobua bande na chekamba cha kolongeya liti; tikai na cheya cha koena liti.
\v 9 Mo boobo, tokolenga bondia taakowake kooba, ndi bane bikai na chekamba, na eya yokoomba base mo masomboli-mito, ikai kofoa kino.
\v 10 Mo boobo, nagbaloa gbaloake maondi mbe nika gbaaya nino, mbe n'kati ino, n'temoesangi kolola, bowa Mokota waesanga noo, mo kokobesa ndi bua bande mo kosea.
\p
\v 11 Binakito, basiya bosaali ngbesanai chombo-ika na looki omo, ikai mo bihii eke Moknga wa moboto na wa bihii waike nino.
\v 12 Phiphesanai n'kati ino bane mine na kokombesa ko metutu.
\v 13 Bapheneni boose balengeake nino.
\v 14 Kofoa ka Mokonga Mbali Klisto, na moboto ya Mokonga, na kobakabesa ka mosombo aphenena kaike nino!