gey_reg/61-1PE.usfm

\id 1PE
\ide UTF-8
\h 1 Petèle
\toc1 1 Petèle
\toc2 1 Petèle
\toc3 1pe
\mt 1 Petèle
\c 1
\cl Botuku ya ema 1
\p
\v 1 Petele, motomeki ya Mbali Klisto, mo baeni boose baa bika ko motanga ya Pont, ba Galileya, ba Kapadose, ba Azia na ba Bitinia,
\v 2 ena baikake basoneki mo ko ema ka Mokonga Ise wito, mo ko phenena ka Mosombo osaali mbe baike bato ba ko litosa, na ko iteka ka makiya ma Mbali Klisto, ekei mba ko epheleka na bihi wabuwe n'nkati ito.
\p
\v 3 Wa lipheleke Mokonga, Ise Mbali Klisto, bondia tchombo tcha imoke, bondia ko eya ka metema, mo ko imoka ka Mbali Klisto wa o; okanga mo malundu n'nkati ya bagbi;
\v 4 Bondiya botiko owa ito ko sela sela, ango ko seyama, ango ko kamena, botiko si oowa etelekee bato bato kiyo mo obowa;
\v 5 mo bane si baa, mo tchekamba tcha Mokonga be ko kamesa kowa kowa kino kowa ko koebeseleka bane mo n'nyanga ekala. ombe kowa kowa kino ka moneke, ko saali ko longeya olo owa o ko bowanga, wa moneke mo ko lengeleka, na okuku ena osabo obowa ekala Mbali Klisto;
\v 6 Aowoi ika ome yabe, ango enekeke, yeengamei, ombe weike na ko soma mo n'nyanga ya angowa na ko sondjeka okitaka yoose,
\v 7 mbe ko sondjeka ka koa-kowa kabe, ka ema ko longeya wolo owa wo ko bowanga, nde kaya ko komunangai we, wika na isina yande n'ndi ko sumboleya, okuku ena eshima (ko litosa) abowa ekale Mbali, Mokota ya kose na kiyo.
\v 8 We owa beeme we mbe bina moni mono we, owa beakowe mbe binamoni mono wem bo koika na ome ya ema,
\v 9 bondiya bo koika na ome ya metema ino, mo ko lipeka kino bondiya kowa kowa kino.
\p
\v 10 Batomeki baebesanga maondi bondiya kophowa ka keisameye bane, balangai kophowa mo bondia kophana kabo,
\v 11 ko ema kophophowa n'nyanga na beyaeli ba mosombo ya Klisto owa wa ikanga n'nkati yabo ena owa o ko ebesa obaba ya Klisto ena okuku owa ekaeseleka maili.
\v 12 Ya ebelesekangai bo mbe, ome ito koika bande bondia lika n'ndi bondi ino bane boose. M'mba bowa belesekanga bane na looki ya ilonga na mekuwa owa wetomeke kolinga kiyo, kowa ba malaika boose bika na ko moesana na bato kono kose.
\p
\v 13 Mo booboi, kandai mpondjo ino, ikai na ko n'ngbesana, ikai na koendeya kula ka Mbali n'nkati ya ome.
\v 14 M'mba baana basaali, bowai koonda maondi mabeya-beya maa maikanga bane na kota mo mbe biteli.
\v 15 Bondiya owa wa etanga bane wikai mopheneni mo maondi mino moose bane kae ikai bapheneni, mo koenda kino, bowa eandikeleke.
\v 16 Bako bowa bo koikai bapheneni, bondia nika kae mopheneni.
\p
\v 17 Aika m'mba wo ko ombowa Ise wino, owa o ko bukanga maondi bowa eengame, omo na omo bowa ko uneya omo, enda na biwa mo n'nyanga ya koenda beikaneyo babuwa.
\v 18 Ebai mbe, bua bande na besima beya ba ko wanga, ango na beeya (nfalanga) na wolo n'ndi yo ko ondesa owe na maondi mabeya mo koika, n'ndi ekoleke owe na ba ise bino,
\v 19 n'ndi na makiya masaali ma Klisto m'mba maana wa mokoko owa obuwa na kilma ango tchemo.
\v 20 A ebekananga mbe tchese tchinaiki eke ko moneka maili ya n'nsu, bondia ino,
\v 21 bondi yande ba akowake Mokonga, owa wa omolanga we n'nkati ya bagbi eke wa esa w okuku, m'mba kowa-kowa na ko endeya kino yaika mo maako ma Mokonga.
\p
\v 22 Wa phenenesa metema ino mo kolitesq liti mo koika na ko emesana ka liti, emesanai iboka omo na omo.
\v 23 Bondiya ba botekake ephe, buwa bande na touma ta kobowa n'ndi maoki ma nsu na nsu maa makotoka ka Mokonga.
\v 24 Bondiya:" Monuku yoose ika m'mba kaani, eke okuku m'mba matunda ma kaani. Kaani ka kamena na litunda, yo ko ikangai.
\q
\v 25 N'ndi looki ya Mokolo yo koikai nsu na nsu ena looki si owo ekai owa a ebelesekanga bane mo looki ya ilonga."
\c 2
\cl Botuku ya ema 2
\p
\v 1 Chichana kolenga na olango yoose, olephè, koema kabeya.
\v 2 Ema, mba n'nemba, eya yooma mabe masaali na maphènena, mbe okôwe nkati ya iyota yande,
\v 3 aika mba wasondja, omom' mbe mokolo wo'phoei.
\p
\v 4 baka mea we, iwe esaali, emboleke na bato ndi elokoteleki na Mokonga.
\v 5 Bane-mine, mine, mba mawe ma mbesi, kobesanai, mokoesa lumba ya mosombo osaali, yakoemeleka na Mokonga molina Mbali mokolo.
\v 6 Bondi enekeleke mo kaani, monai, natake woose owa wokoakowa yo utekaiki bande na nsoni.
\p
\v 7 Okuku ikai koika owe si owa kowa. Ndi mo baa, bitokoanea Mokonga iwe si eya emboleke na baesi ba malumba yo yaikake yakophaneka, na we esaali, monyele ya maseya.
\p
\v 8 Bo nakokuka, bondi ya kokanga kowa-kowa looki owa etomekeye we.
\p
\v 9 Bana buwa mba baphe, bikai baa besomeke mkati ya bana ba Israeli, asima ya mokota, cheese cha phenena, okita eakoeleke, mbe beebese masaali ma owa otoese bato mo iphuwe mo kon'ngesa bo molooba.
\v 10 Bane, nyanga éphé bitaikanga kae okita eke enekeke, baikake cheese cha Mokonga, bane baa bitapatanga chombo eke mono-botu, ba akolokake nande.
\p
\v 11 Baemeleki bane, natomake bane, mba baeni na bato ba bakiya ndô, mo nseke, ekanai na malemba eya ika koleya komo kosomesanga Mokonga ema yokoesanga na motema.
\v 12 Ika, nkati ya bato si baa biteli Mokonga na kophoaka mobe kowa kokoesena mobe bito.
\p
\v 13 Ika na kongba, bondi ya mokolo, mekota nkati ya bato, teikei na keshima ko mekota ya cheese.
\v 14 Ika ka Mbula-ma-tale mba motomeki mo koesa bato ba beya ezabo, mokomoesa bato basaali.
\v 15 Ikai koema ka Mokonga, mokota basaali, mokokanda tona to bato baa biteli mekambo ya Mokonga.
\v 16 Koika buw mokambo na buwa kota mekambo koolindekai kolola ndi kota yoose mba moto wa Mokonga.
\v 17 Ltesa bato boose, ema bato boose, tina kae Mokonga, tosa mokota.
\p
\v 18 Mokobe, litosa mekota yabe, buandelika baa befoe, ena baa babeya.
\v 19 Ikai omonye mokolitosa ba sendi moisina ya koema Mokonga n'nembe ya obaba.
\v 20 Eke oni okuku mokoa-kowa nsenda na kobeya kowa bo oteleya owe ndi aika mbele wasendeke, buwa kosumbolee molina Mokonga, ikai n'ngbengbele ya ema.
\v 21 Mo boobo ndi waetelekei bondia Klisito we kae omone obaba, kosendeke ena kolubeka, teengame koondea manya mande.
\v 22 We owa utatanga kobeya ango kamo-mokana kande, bondi ango omo ita omokanga bande.
\q1
\v 23 Ango wasende kangai, utasumbolenge bande, walubeka, utatimbole ndi wakiobanangai bowa kotimbola bondi ango omo
\q1
\v 24 we owa wabianga kobeya kitu mo lobao mbe tagba nkati ya kobeya, teikei moliti, we mo mpota yande, eke owe waonda.
\v 25 Bondia, baikangai mba mekoko eya yobuwa na monchungi. Enekeke bika na mochungi wa metema.
\c 3
\cl Botuku ya ema 3
\p
\v 1 Bamokali, litosai, baome bino, mba baphe mbe, bitelitosebo mokolooki, angoboa ito olitosa baphe looki, ambe bakokole, ké bua looki mom'mboka ya bamokali bino beendeleli babo,
\v 2 mokomona boyaeli yabe yakoika na boa kena kofoa.
\v 3 Kopambeka kino, kauwa koika kopambeka kakokanda n'ngbe, na kobata besima bamawe manketi, nantulu ya kosangalesa.
\v 4 Kophenena kankati keisame nkati ya motema, kofoa kabúá kpokáso mo mosombo ya pholea ké ya koisikia, eyaika na iyoli yaema bósó na Mokonga.
\v 5 Na ephe n'nembe aikangi na ba mokali ba phene na batangá toeli tabo ka Mokonga kolana balitosanga baome babo.
\v 6 m'mba sala walitosanga Abrahama, kewaeta we mbele mokolo wane: moeyoi aetekake bane mbele bane ba mokali, mokota... eyea efoe, bua koangaisa bane momaenyeli moboa ango omo.
\p
\v 7 Amoome, moesa bilabe koéba, n'nkati ya ko n'ngbesanakabe, na mokalabe, m'mba... Tshiumbe tsha koeyaeya; litosawe, m'mba bósó na ikenya asimaamo nabe, mo N'ngbengbele ya koika.
\p
\v 8 Ké, ikai na maenyeli mamo, ane boose mokosokoleka kena, bom'ngeleli omo, siowa eiye na moboto ya ilélá, na tshombo, ké na koselela.
\v 9 Be bua kosumbola, kobéa mokobéa, ama n'nsenda mo n'nsenda; liphéa, mba bamona bosaali, mo, yoi ééteke bane, mbele bapate kolipheleka.
\v 10 Aikamba moto, waema koika, na komona n'nsu yabe koika naome, walangetshéámi... Tshándé mokobea, na metutu yande mokobea,
\q
\v 11 Waike kpaaya na kobeya, kewate kophoa, kéwaondesane nako;
\q
\v 12 Bondia maiso ma mokolo mika kio na bato sibaabika tshaa, ké matu mandé phololo, ko masomboli mabo, ndi tshondi tshamokolo tshésékè baa, boota, kobea.
\p
\v 13 Nani ota bane kobea, aikamba, bata kofoa?
\v 14 Aikamba, bapata obaba mondia tsha, boofulaeyai. Buai, koika nabo naboá ango, omo, ké buai, koangaisa maeyeli mino;
\v 15 Ndi, phenenai n'nkati ya metema Klisto Mokolo, ké ikai kila osu, mokolongeya, nako pholéapholéa, metema ké na kolitosa, boso na nani, ophana koomba owe salia bondia toeli sitéátika nino;
\v 16 Ké, ikai na maenyeli ma foa, bondia mbele, na muna omo siowa bokoenea bane bolanga, aisamba, bikai bato babea, baa, bokubela boendeleli ino ya foa koaka Klisto, ba kombé ke na n'nsoni.
\v 17 Bondia eombi kopata hobaba, aikamba, aika, n'nkasa, ama tsheema tsha Mokonga, mokota ko foa koliko kobea.
\v 18 Klisto opate obaba mala omo, bondia kobea, wei, tsha kobaa bebuá, tsaa, mokoisa base ka Mokonga, kéwe wekpei mo, mobe, kéwe, waimoka, mo mosombo,
\v 19 moisinasi iye we kosaowa, ama kolondoa we, ko mesombo ya kokandeka,
\v 20 koaka nani ephe n'nyanga, wakamba nga koakoa, nayoi Mokonga, okeyesa motema, mo, nsu ya noa, kolinga aaboa aendjekanga noa waato, mo isina si, bato baangoa, ndi koeneka mbele bato tshena na, boi baondanga komaale.
\v 21 Maalesi maamo maikangi, isaya kon'nyeka, ééya yaikanga kosooleka ka mobe, ndi na kom'ngbesana kafoa na Mokonga, keyoi yokoondesa bane, kékoimola bane, kobapki koa ka Mbali Klisto,
\v 22 owa uka mokaako ka Mokonga kailome, kolinga iyewekio, ké bane bakitomo, mekota na tshekamba, boose, belitose we.
\c 4
\cl Botuku ya ema 4
\p
\v 1 Mo boóbo Klisto wateseka ko mobé yandé, bane kaé ikai na maenyeli si ma-molika. bondia owá wemoneke maobi wamanake kobeya (Zambi),
\v 2 mo koenga-ba na koika buwa mo koema ka bato, ndi mo koema ka Mokonga, mo nyanga yasiake nandé mo koika n'kati ya mobé.
\v 3 Aéngamake kota cheema cha bato baa bitéli Mokonga, mo koenda mo kobaanyeka-baanyeka, n'kasa ya chésé, mo kolewa, na koétésa koanga na kóma ke na koabunduwa.
\v 4 Mba boomoni éphinolé bowa ito koonda baonda bo mo botéliéli si owo omo á béyá, bo koamba bane mo kobeya.
\v 5 Békaébesai maondi si maamo moose ka owa wékabukeya baaboosangélika bena ba kpi.
\v 6 Bondia looki yaébésélékángá-kai bakpi bondia mbe maili wa kobukéléka bondi m'mba bato bondia bika na mébé, bokoishia mo okésé mo koema ka Mokonga bondia bika na métema.
\v 7 N'tungeo ya bésima boose ika aiyé-iyé. Bobo kaé, tai maondi masaali, ikai na kaeli ko maondi si maa mika ma masomboli.
\v 8 bósó wa choose, ikai na koemesana kaena ko bane boose. Bondiya moboto yoolindékangi nguma ya kobeya.
\v 9 Akowai koika na bato buwa ko nungunika.
\v 10 M'mba mobaanyi mosaali wa n'gbengbele wa Mokonga, kila ómo wino wate ko mekomba ya baphe iyota si éya yebabéleke we.
\v 11 Aika mbe moto okena, aika ndi mba owa okoébésa bato maoki masaali ma Mokonga; aika mbe moto ootéléa baphe bato mekambo, wateyo m'mba bowa Mokonga weeme, m'mba mo choose iphoéi mbe Mokonga walombéséléke na Mbali Klisto owa okuku yoose na chekamba chiki chandé na bémo na bémo? Bóobo.
\v 12 Masau mane, buwai kochokowa m'mba chésima cha énékéké che koméa bane kaya kika n'kati wino kosondja bane.
\v 13 Lengeyai, ono iyota si éya epate owe ko mateso ma Mbali, m'mba okoika-kaé n'kati ya ome na n'kati ya koilela abowa okuku y'okukula.
\v 14 Aika mbe wasendéka molina Mbali ika na ome bondia Mosombo ya Mbali Mosombo ya Mokonga ika n'kati wabé.
\v 15 Ndi ango omo wino mo boobo witebundékangi m'mba moiyi, m'mba moibi, m'mba moto wa beya ama m'mba mongei ko maondi ma bato baphe.
\v 16 Ndi m'mba omo wino waika na bémusi m'mba Moakowi wa Klisto witem'ngbangi n'soni, ndi walombese Mokonga bondiya liina si ééyo,
\v 17 ikai nyanga ya liataki yokoanja boso mo lumba ya Mokonga. Eké aika mba yookonjai nito, chei chokoika maili ko baa bitoolitosanga looki Mokonga?
\v 18 Na aika mba moto owa wééngame waonda na n'kakatima, kowa ko bati ba kobeya na baabootephola Mokonga, yookoméa bo chéi.
\p
\v 19 Mba baa boomoneka maobi mo koema ka Mokonga, basie météma yabo ka Mokonga moonjeki wa bo mo kota éya ephe.
\c 5
\cl Botuku ya ema 5
\p
\v 1 Mona kobajabaja si na koena noo na banze ba bika kati ino, noo mokolo imba bo, bayaeli mo obaba ya Klisto. Kosongama mo boweli eya o moneka:
\v 2 Lesamekoko ya Mokonga eya ika kose mo kotchungeleka kabe, yauwa nde na mekuwa, indi mo koema, imba koenga, ka Mokonga yawa nde n'kasa ya opata kolipheka, mondi a koesa bule;
\v 3 Imba kaika mekota kiyo nino, ke indi a komoeseleka kiyo na etanda.
\v 4 Abua o moeka mokota motchungi, bo photai m'mpo ya bokota itoseya mande.
\p
\v 5 Na bobo, ban biki mesombe, ishimuangai bekongo. bane bonse, kati a moboto ino wa kosungana, batai koselela imba n'ntulu; mondia Mokonga okaimaneya bato ba omuli, ndi okoesa bato ba koeslela gbegbele.
\p
\v 6 Mo bobo beseleli ko se a kaako ka tchekamba ka Mokonga mondi a walinyise ane mo nembe si aengame;
\v 7 ke esa obaba ino yoose kwa kande, we ume oselelesa bane.
\p
\v 8 Selelai, tchungai. Adui wino, setani, oluna imba n'ngo, kophana nani oseyaiwe.
\v 9 Imeneai we na koakaa ka ema, ko eba mbele obaba modele si omo, yatelekai ka banduku bino mo tchese.
\v 10 Mokonga na ngbegbele yonse, wa waetake an mo mboka Mbali klisto mo okuku ande wa layalaya, maili bopati kangaa ka koteseka, ke we owezesi ane, ke okebesi ane, ke ophenenesai ane, kokomesa ane na tchekamba.
\v 11 Na nde tchekamba tchaike mo inyanga na inyanga! Boobo.
\p
\v 12 Mo mboka Silwao, owa uka mo maiso mane ndi nduku wa liti ke naandikiyake bane nusu si a maaki; mondi a kobaja-baja a Mokonga eyane ba kutanekake iki liti.
\p
\v 13 Etanda ya basoneki eya ika Babilone ya salimake bane, indi na Malako, maane ane.
\v 14 salimisanai omona ophena koesana bese wa mapendo, ekai mbe bi waike nino boose eba bika kati ya Klisto.