gey_reg/59-HEB.usfm

\id HEB
\ide UTF-8
\h Hebraniya
\toc1 Hebraniya
\toc2 Hebraniya
\toc3 heb
\mt Hebraniya
\c 1
\cl Botuku ya ema 1
\p
\v 1 Nokoboleka mbele, mo maondi sima mo koteleka n'nsu yoose na maenyeli, sima mo koeneka mo ba tata kena molondoi.
\v 2 Mokonga, n'nkati ya maili na n'nyanga, tokoenai mbele Mana Mokonga owa wete wee tchese,
\v 3 Kemba owa uka na tchekamba tcha okuku mo koika na m'bata ito munakato ke mbele oko uneai tchese tchoose na looki ya tchekamba, mo kon'ngbeleya ose tchoombo mo kobeya kito mbele wei uta mo asima ya ka ato kailome ka Bokota ya kio.
\p
\v 4 Ke wee na koika mo asima ya kio nabamalaika nande si owa uka nali ina ya okuku,
\v 5 Ke mba bamalaika ba Mokonga, mbele: "Uki maana owa na botakewe mo ono botu?" Ke ephe kae noo nokoiki kae kowa kande mba tata, ke wekae maana?
\p
\v 6 Ke we na kotakae tchesima tcafoa mo tchese tchaemo, we na kena mbele; ba Malaika ba Mokonga bo kombowa - kombowa iwe!
\p
\v 7 Ke ephe, wena koena na ba Malaika; mbele owa watake ba Malaika mo mo phopho na moto wa mekambo mba phutuku wa kaya.
\p
\v 8 Ke mbele we na koena na Mana Moto; mbele kio ka Mokonga kika ka Laya - Laya; asima yande ya okuku na asima ya bua kotoka.
\q
\v 9 Ephowei koena tsha, ke koeka kobeya; ke yoi ika mbele Mokonga, wabina Mokonga we na koisela noo makuta na ome kio na moose mane.
\p
\v 10 Ke mbele we, mokolo, uka mwandjo wakota tchese, tcha kio mba asima yande ya mekambo ya maoko mande.
\q
\v 11 Mbele boko alibikai, ke bo koiki mba bamo ke boose mba n'tulu emo,
\q
\v 12 notimbali yo mba kazaka ke mbele yo yotimboki mba eya si eya si eya ya laya - laya, ke mbele bemo bande bito otunga ande.
\p
\v 13 Mba oni namuna wa Malaika o koena mbele nika na manulaka makiya ko n'ngeya kio mbele ika moka akokane ka ilome bena kowa nota bato ba beya mbele baende oso nabe?
\p
\v 14 Ke mba boose ba uwande Mesombo ya phenena mo n'kasi ya koteleka mo maa mengame mo kon'ngeya mo bondi ya ko ondesa.
\c 2
\cl Botuku ya ema 2
\p
\v 1 Ke mba mo kobaleka mbele ase tenganei na kota iboka base, kena bowa wi owa tika nayo mbele to owi koika ngbaya.
\v 2 Ke mba, kae looki si owa ye eneke na Malaika mo mekambo yande? Eya ye eneke mo moose mo kokanga moose kongba mo kopata emo ya tcha.
\v 3 Mbele oni namuna tengame mokoeneka mbele tito patika na bito mbele to uwi ko kosa ko pataTcheatcha tcheondesa, si eya ye eneke na mokolo, eya base tengbe yo.
\v 4 Ka Mokonga ke we na kota mbele biyaeli ya maondi ya maoki, mbele maondi makosangala mo tchekamba tcha Mosombo ya Foa na koba anyeya base mokoena kande.
\p
\v 5 Mbele, ya buande ba Malaika ba Mokonga ibengame na koena mo tchese mo eya mbele ye eneke.
\v 6 Ke mba Moto wena koena boyaeli: "Ya moto mbele nani bondia te ebiyo kowa kande, mba Mana Mokonga mbele teiki nande na uba?"
\q
\v 7 Mba mo koselela monyanga emo boso na ba Malaika, moko ika na okuku ya koebekana,
\q
\v 8 Mbele wete tchoose kose na mao mande, ke mba, kowa kandei tchoose tcha Mokonga utengame ande mo koeka ango tchesima tchemo ke mba, tito omona abito ephe.
\v 9 Ke mbele owa oselela mo n'nyanga emo boso na Malaika, Mbali, omonani ase na tchekamba tcha okuku molina kophna bowa epate we mateso, ke mbele N'ngbengbele ya Mokonga mbele yaike nito ase boose.
\p
\v 10 Ke mbele moyoi we mo koeba mbele wei moose wemei koendesa mo mo okuku ba bua baana babileke na kio mo tchekamba tcha mateso mande tcheondesa.
\v 11 Ke mba owa uka ka owa na mo pheneni boose biki tchesima tchemo. Mbele o buande na nsoni mo koeta mbele munakane.
\v 12 Ke mba waena mbele na enake mo lina be, munakane mbele notumukiai bane n'nkati ya Bokota ya Ibamba ya bato;
\p
\v 13 Ke ephe: "Kae ne abe ka owa wete noo ke ephe: "Kae: Monai noo na bana bane boso ya Mokonga waesa kenoo boo.
\p
\v 14 Ke mba baana bane bane bika n'nkati ya ba Malaika n'nkati ya makia na mobe eya si eya we omune. Wete yo bondia mbele Mokonga, Mokongba ke we na ko pata owa uta na tchekamba tcha kongba, ke mbele eyoi ye ene na mephopho yabe,
\v 15 Ke mbele owa oko aba bato boose siba botina kongba, ke mbele boose boyaeli yabo ika mo m'mboka ya mokambo.
\v 16 Ke mba mo koebesa mbele obuande ba Malaika bokula mo kosaidia mbele Mana Abalayama.
\v 17 Ke mba mo maondi, ke we na ko moneka mba tchesima tchoose mo banduku, mbele waike mba Mokota ya mekambo ya Mokonga, bondia kota mba ko beya kito ka munakato.
\v 18 Ke mbele, wekae we patei mateso we oune mo yoose si eya etabikewe, mbele wekae na kosunga boo mo mateso.
\c 3
\cl Botuku ya ema 3
\p
\v 1 Bondia, binakane, ba pheneni, ba bikana kio, bi mbele motomeki wa mekambo uka na kowa si kowa kika nino,
\v 2 Mbali, we owa waikanga na tsha ka owa si owa watanga we, mba owa watanga Mose n'nkati ya lumba yande yoose.
\v 3 Mba wekae wasambesangai na okuku mbele kio, na Mose mba owa waendjekanga lumba si eya yo omune.
\v 4 Kila lumba ya endjekelekanga na Moto, mba owa wa endjekanga yoose uki Mokonga.
\v 5 Bondia Mose waikangai mo tsha n'nkati ya lumba yoose ya Mokonga, mba moto a mekambo, mo komoesa boyaeli mo ma moose sima mekaeneka.
\v 6 Ke Klisto we ukai mba mana n'nkati ya lumba; ke base, te engami mo kobunda yo bena n'tungeya na koika na kowa kowa moeya tolombesa we.
\p
\v 7 Bondia, eya yo koeneka na Mosombo Mosali; mo ono botu, mba ta pata ke looki,
\v 8 Ke tobua kokanda motema, mba mo n'nyanga ya kosoma, mo botu ya kosoma mo motonga yaibunge.
\v 9 Abuwoa ba tata ba pinanga we, mo koiyanga, ke ba mona mekambo yane n'nkati ya bemo n'kama ina.
\p
\v 10 Mba noo na sangai bato si ba abo, ke naena; mbele baikangai n'su yoose na metema kpa aya nane, ke bita ebanga ande looki yane.
\p
\v 11 Ke noo naena kosoma mbele; bito ko n'ngeya abino mo asima yako omona.
\p
\v 12 Tchungai, bina n'kati ino mbele bouwi koika na metema ya beya-beya, mo mboka ya kolombesa Mokonga, wa koimana.
\v 13 n'ndia eni nabo baphe kilabotu, ya boyaeli ya n'su mbele baene mbele moono botu! Ango omo wino obua koseama mo m'mboka ya ko beya.
\v 14 Bondia base tiki bato ba Klisto, bondi ya te bundiyo laya-laya bena n'su ya Maili na koeba mbele ta andjake,
\v 15 Ke mba ta bua we o koena mbele; mo ono botu, aika mba tabua na looki to uwai kokanda metema ito, mba bato si ba boosoma,
\p
\v 16 Ke we na koena, mbele ba boose betoke mo Egypito mo mboka ya Mose?
\v 17 Ke bika ka owa na Mokonga mo yoose si eya eteboo n'su n'nkati maina, mbele bika pkaya mo kobeya, ke mbele mbe yabo yoosiyai mo asima yaibunge?
\v 18 Ke mba nani okoena mbele noo no kon'ngeyai mo asima ya ko omona mbele uto otina?
\v 19 Ke monai mbele bito kon'ngeya abo mondi ya metema ya beya-beya.
\c 4
\cl Botuku ya ema 4
\p
\v 1 Ke mbele tetinei, Elaka ya kon'ngeya asima ya koomona ikan'ndi mbele ango omo wito ouwa koika tchetue-tue mokula maili.
\v 2 Aika mba bondisiowa ya Foa ye'ereke bosali kowa kande; ke mbele looki owa ye-ereke yobuande omekombo bondia yobunande na asima no metemaito moba ban'ngbanga yo.
\v 3 Bondia yam'mbesi sibateakowe, tokon'nge yai asima y koomona, moko opesana na na koena: "ke mbele waenake na obaba: "mbele bitokon'ngeya abno asima yane ya koomona! Ke we nakoena mbele, ango mekambo ino ika botuku tangiyo makondjekeyo ma tchese.
\v 4 Aika mba waena looki omo bondia mbele otuya motchomoendi ya botu; Mokongawe nakoomona namekambo yande yoose botu ya motchondendei ya n'su.
\p
\v 5 Ke mba abono kae koomona:
\p
\v 6 ke mbele, bondia yatelekei mba moto omo mokon'ngeya, an'ndia kae elaka yetelekei n'ndia bitokon'ngeya abino bondia kokanga kon'ngba,
\v 7 ke Mokonga wenakota bondia ya eneke moonobutu, aika mba tan'ngba looki tobua kokanda metemaito.
\p
\v 8 Aika mba Yosua we waenangai mondia asima ya koomona ke utaenanga angoyo botu anggo omo ya n'du,
\v 9 ke ikai na asima omo ya koomona mobotu yam'mposo owa ika bondia bato ba Mokonga.
\v 10 Ke aika mba ba bokon'ngeya mo asima ya koomona owa Mokonga we omune na mekambo yande, ke we Mokongawe omonese ba phe.
\p
\v 11 Ke mbele teti tchekamba mo kon'ngeya mo asima ya koomona, mbele moto ango omo ouwa kokeya mokoesa ango isa mbele kokosa kon'ngba.
\v 12 Bondia looki: ya Mokonga ikanatchekamba tchaema, mokon'ngeya na koekanesa mobe na mosombo balibali mokosambesa base na boyaeli ya maenyeli mo metema.
\v 13 Ke mbele ango tchumbe tchemo tchitoko isamaande oso nande, ase boose tika mekanga mokomona base mo maiso mande mbele tekoboe-koboe we.
\p
\v 14 Mba tika na moto waena wa mekambo kowa kio, mbali mana ito mbele teakowei,
\v 15 bondia touwei bito na omo moto wa mekambo owa we enganesana nande mo tchekamba: "ke we kae na kapimeka kae mba base kae na maondi mooseambele utekombeyangi ango omo.
\v 16 ke mbele tiyei baka-baka mo thekamba tcha asima ya okuku, bondia kosaindia base motchema.
\c 5
\cl Botuku ya ema 5
\p
\v 1 Ke mba, boso na molombia bondia wabendeka n'kati ya bato mokoika molombia ya Mokonga mokomoesa boyaeli ya mekambo ya kobeya kito.
\v 2 Ke mbele bengani mokoibeya kobeyakito ka owa wekose tchekamba moko ba anya.
\v 3 Ke mbelebondia kokosa kito tchekamba si kowa tengame na koesa bondia kobeya kito kamuna kato.
\v 4 Ke mba moto ango omo wengani mokotchunga boyaeli, aikamba utinaeteki na Mokonga, ke mba bowa e-eteke Aaron.
\v 5 Ke Christo uta asanga ande okuku mokoika molomba wa mekambo, ke mbele uka asima amo na owa si owa waenanga mbele uki Maana si owa wabotekake moonobotu.
\p
\v 6 Mba bowa yokoeneka Mbali: "mbele uki molombia mon'su yoose, kopesana na boyaeli ya Melchidek."
\p
\v 7 Ke mba owa si owa, uka n'kati yan'su ya mobe, eya yoomoneka-yaema moko akaya na lisomboli na maisoli na tchombo ka owa si owa weondese base Mokonga, ke we nakoakolea base momboka ya obaba.
\v 8 Ke we nakon'nga, mbele uki maana si owa weeseleke tchekamba mo tchesima si tcheya tchepatewe obaba.
\v 9 Ke ndi mbele, maili nakolinya kioke mba mokula bondia tchoose si tchei tcheya waselanga boso nakoonda tcha laya-laya.
\v 10 Mokonga wenakoena molomba wa mekambo koopesana na looki ya Melchidek.
\p
\v 11 Ke mba base taikangai iboka mokoena anoo kose, mondia manika na Tata mokomoesamoo, bondia eya taikanga mokota mo isina ya Tata mokon'ngba.
\v 12 Mbele, base bondia maondi sima mailelake mobase mokoika mealimoke tika abito na tche-ema mbele bamoese base tche sina tchemo mo maa na Mokonga, ke mbele tekenaika abito na tche-ema tcha miziba buande uba ya moleli ya koikotesa.
\v 13 Ke mbele, owa si owa wekenaika na tchei-ema tcha maziba obuande na boyaeli ya looki ya tcha; iki mbele weke naika mba maana manuke.
\v 14 Ke mba moleli ya koikotesa iki mondia bato baokomala si baa masambo simo meakoleke mo mboka ya maenyeli sima makobeya na kofda.
\c 6
\cl Botuku ya ema 6
\p
\v 1 Ke aika mba maondi ma looki ya Christo, na maenekanga mo tcha, bila ko yonges na phe maeneke mo mekambo ya kongba.
\v 2 Ke bena meko wakowa mekambo ya Mbali na maondi mande makonyeka, moko telea bato ma ako, mo koimoka mo kongba, ke bena mo masambi ma laya-laya.
\v 3 Ke mbele yoi yotanga, mbele Mokonga wa koebase.
\v 4 Aikamba ba bangbake ome ya looki ya Mokonga na tchekamba tcha bemo sibe ya bokula.
\v 5 Aika mba ika matata moba pheneni, keba bangbake ome mo mekambo ya kio keba bika na asima ka Mosombo mosali.
\v 6 Kena ba beeke mba ba ba andjanga koena maoki malieka bondia Mana Mokonga, owa weabeleke oso nito.
\v 7 Aika mba n'seke ya tekangai na m'mbua eya ya okanga mo n'nyanga si eyo ke yoemine, nako omola kate ka Foa mo Batemi ba maba ka Mokonga.
\v 8 Ke mbele aikangai ephe nako omola meke na besima ba beya mbele laana wabunda ko bena mo n'tungeya mokeya kolelekana.
\p
\v 9 Ango taena mbele nduku wone, mbele te endeye eya ika ito, eya ya Foa bondi ya ko ondakito.
\v 10 Aika mba Mokonga o bua na tcha, mondia koibeya mekambo ito ango emo si eyo yota base, yomoesa owe mo lina ande eya yota base ke mbele tetikae mekambo ya Foa.
\v 11 Mbele n'nkati ito kita moto wai moese mekambo yande bena n'tungeya ya tchese.
\v 12 Ke mbele touwi koeka mekambo yande.
\p
\v 13 Ke aika mba Mokonga weti Elaka yande kowa ika Abalayama, ute engame ande ango kae mo koibeya ango tchemo tcha ema bondi ya we omune ke we na koena, mbele na Lipheake owe bena laya - laya.
\v 14 Kewe na koena mbele, na lipheake owe bena mo bato boose lina beya ebekane,
\v 15 ke mbele yoi Abalayama, we ebekane mo ko pata beyaeli ba Elaka.
\v 16 Mbele bato to koenangi maondi moose ma emaema sima totamo,
\v 17 ke Mokonga wemi ko moesa base mande,
\v 18 Mbele, mo besima bibe bakota, n'nkati ya eya ika matata, mokonga weteyo mbele tepatei tchekamba tcha kiya na boso mbele teisami kowa kande.
\v 19 N'ndi mbele mo base kowako iki mbele wino wa maale ma boyaeli mba ya iwe: eya ika n'nkati kiyo na owa,
\v 20 Abowa Mbali wa n'nyanga n'nkati mo koika Mokota ya mekambo ya tcheondesa tchito munakato, ko pesana na koena ka Melchisedek.
\c 7
\cl Botuku ya ema 7
\p
\v 1 Ke mba, wwe Melchisedek, Mokta ya Salem, Mokota ya Mekambo ya Mokonga, we nakiya oso ya Abalayama ke we nakia boso ya Mokota, mbele waliphewe.
\v 2 ke nani Abalayama okoesa besima ba mekambo yande yoose, ke nani uka mba Mokta ya tcha, maili ya lina a kongba koebekana mo lina iseno, ke mba Mokota salem, uki mba Mokta yabii,
\v 3 Mba nani si owa o bua na Tata, ke bila banduku, ba ko boteka, ke obuango na kondja ya n'su ya n'tungeya ya boyaeli, mbele ke nani uka mba Mana Mokonga, eya Melchisedek, wailelake mo bokota ya mekambo ya liti.
\p
\v 4 Ke ebai mbele banga bika baema ka owa we eseleke tchekamba, na lina mbele Abalayama, waesa boyaeli yande ya emo.
\v 5 Ke bana ba Lewi, si ba bika mo Sacerdoce maili ma mobeko, mo tchekamba tcha ba Lewi mo koesa ma boyaeli yabo ya munakato, iki mbele, n'nkati ya banduku, mbele mo bukika n'nkati ya maondi ma abalayama,
\v 6 Ke we, si owa obwango mo abotekeya yabo, kewe, na koesa boyaeli yabo kowa ka Abalayama, kewe na oliphea we owa si owa uka naelaka.
\v 7 Ke mbele ya buande na bondi ango omo ya owa uka kose na boyaeli ya owa uka kiyo,
\v 8 Ke mbele abo noo, owa otomba noyaeli uki owa si owa otina kongba; mbele uki owauka n'nkati ya boyaeli ya omona.
\v 9 Ke mokiyo si ba Lewi, siba batombanga boyaeli, bo koesi bondia koena mbele Abalayama;
\v 10 Ke mba sa aikanga we na maondi ma tata we Melshisedek wena kiya boso ya Abalayama.
\p
\v 11 Aika mba maondi sima maikanga ma otoma mo m'mboka ya sacerdoce ke ba Lewi, mba n'nkati ya sacerdoe ii bo omona boyaeli si owa yoko abeleka na bato, moba bika na tche ena tcha ko moese ophe moto wa mekambo ko pesana na Boyaeli ya Melchisedek, ya buande mo tchema tchande tcha Aaron?
\v 12 Ke mba, sacerdoce wena ko timboka, menemene bowa ika mona muna ya kotimboka ka boyaeli.
\v 13 ke mbele, owa uka na tchesima ke we na koena mbele tchiki tchesima si tcheya tchephe tchande, ke mbele moto ango omo ute teande mo kombo ya asima;
\v 14 Ke mba ye ebekane mbele Mokota wetoki mo ba Yuda, mo tchebanda tcha Mose uta enanga ande ango looki bondia sacerdoce.
\v 15 Mbele iki tchesima tcha veya iboka bondia ko moneka ka Ophe moto wa mekambo moko ondesana na Melchisedek.
\v 16 Ke mbele eya eteleke, bua ango na boyaeli ya mobe, moko opeleka na tchekamba tcha beya.
\v 17 Ke moko opesana na boyaeli owa telekango: "We uki moto wa mekambo mo nsu yoose moko opesana na boyaeli ya Melchisedek.
\p
\v 18 Aika mba yoikangai na maondi ma beya ma n'nkati, bondia boyaeli ya beya owa yabua ango na omana.
\v 19 Ke mbele boyaeli itengame ande mo kobiya bato mo kobeya, ke mbele yengami mokobiya bato mo m'mboka ya Foa eya Yaome, bondi ya base tefiki baka na Mokonga.
\p
\v 20 Mbele eyo ite engame ande ba Lewi bona koika bato ba mekambo ya maondi ma Mbali bo na kula na moandi ma owa waenanga: "Mo lina ya Mbali na koena mbele n'tokoeka ane ango ot olome.
\v 21 We uki moto wa mekambo wakila botu kopesana na maoki ma Melchisedek.
\p
\v 22 Mbali we omune uki owa uka na tchekamba tcha kongbesa tcha Mokota.
\p
\v 23 Ke kiosi, iku na omo moto wa mekambo wa ema iboka bondi ya kongba kita emanga ande mbele waike mobuyako ya laya-laya.
\v 24 Ke mbele we, na koilela laya-laya, mokota tchesima tchemo mo Sacerdoce eya ito timboka ande.
\v 25 Ke mba bondia yoi yoko ande ba base menemene bosi boa bo konda we Mokonga mbele kowa kande, ika nsu yoose mo kolombesa we bondia we omune.
\p
\v 26 Uki mo Foi abuande na ophe moto wa mekambo mba we, mo pheneni, owa obua ango na kobeya ango komo.
\v 27 O bua ango na tche ema mba moto wa mekambo, mo koesa n'su yoose mo boyaeli bondi ya kotu kobeya mo bato bondiya, wei uka tcheonde weomune.
\v 28 Ke mbele mo boyaeli yande yeteleke mo mekambo ito munakato ke mbele looki yande ika na tchekamba eya yeteleke maili ya bloyaeli maana, ke mbele weyi uka maondi maFao ma laya-laya.
\c 8
\cl Botuku ya ema 8
\p
\v 1 Bondi ya isina mo eeno ya enekake, ikai mbel tika na moabi wa maphaephi wa kio, owa uka mo kaako ka ilome ka kakalanga ka bokota ya kio n'nkati ya obowa,
\v 2 m'mba molombiya ya lumba ya ba pheneni na wa liti, owa weendjekeleke na Mokolo ke buwa na moto.
\p
\v 3 Moabi woose wa maphaephi wosenekei mo koaba maphaephi na maphaephi ma mokiya, ika kai na isina mbele oono wa ike kae na tchesima tcha koaba.
\v 4 Aika m'mba waikange mo tchese, utanaike bande moabi wa maphaephi, bondi mbele kooko ika na baa bo ko abanga maphaephi baa eene baangile.
\v 5 Boolombesangai, otitaka na boyaeli ya maondi ma kio, m'mba bowa bowa Mose weebeseleke na Mokonga a abowa aemanga w ko endjeka ema: "Weeni nande: "Mona bosaali mokota yoose boa na mo esanga owe kowa kio na mokondi."
\v 6 N'ndi enekeke wa patake mokambo ya kio iboka wei uka mologanesi, owa weteleke ko n'ngbesana ka phowa;
\p
\v 7 Bondia, aika m'mba ko n'ngbesana ka boso kai kangai ba phowa, itaikanga kae bondi ya ko anyanya ko na kophe ka ibe.
\v 8 Isina mbe iki na looki ya mbelai Mokolo o ko ena na Israeli:" Mona, nsu yekalai, Mokolo wo ko ena, koa nekata na lumba ya Israeli na lumba ya Yuda ilonga ya enekeke",
\q
\v 9 buwa m'mba ilonga si eya na tanga na ba ise, botu si owa ne bunde bo mo kaako mo ko onda ba ko motanga ya Ejipito; isina mbe biteike babo na moinaina n'nkati ya ilonga yane, ke noo kae tchaetchane n'tekumbukeye ane bo, Mokolo na koena;
\q
\v 10 N'ndi monai ilonga si eya nekata na lumba ya Israeli, maili ya nsu si eeyo, Mokolo na ko ena: "neketai ba angile bane ko mesombo yabo, neka andekai bo ko metema yabo; ke nekaikai Mokonga wabo, ke bekaikai bato bane."
\q
\v 11 Moto ango omo utekafundisa kae munakande, ango moto na mama nina, mo ko ena mbe: "Eba Mokolo! isina mbe boose bekaebai noo, kolinga manuke bena mokolo moto n'nkati yabo."
\q
\v 12 Bondia nekameselai bololo yabo, ke mbe n'tekambuki kae ko beya kabo.
\p
\v 13 Mo ko ena: "Ilonga ya enekeke, ya etesa eya ya boso; iki mbe, eya yeete, ya letake, yeendeye ko selasela.
\c 9
\cl Botuku ya ema 9
\p
\v 1 Kom'mgesana ka boso boso kaikangi na eya yatelekanga mo kosongana ka olombesa, na asima ya ophenena y kono kose.
\v 2 Asima ya kuka na koeleka, na koenjekeleka. N'nkati ya boikaneyo ya n'nkati, yeteke asima ya kophenena, yaikangi boikaneyo ya to n'fala mochomondi, mesa, na toomona ta oteleka.
\v 3 Maili ya asima ya kolinda yaibe ya ikangi otuku ya si ma ya etekanga mopheneni wa bapheneni,
\v 4 Yaikanga no asima ya olekanesa iwe ya oketi mondia malasi, na sanduku wa kom'mgbesana, mbele welindame woose na mawe ma n'nkati" yaikangi n'kati ya sanduku na lonyongo onoo ya we ya oketi yaikanga na Mana, kateka Alona, kaa kaomokanga Matunda, na ba mesa ba kom'mgbesana.
\v 5 Kiyo na sanduku ya ikangi na keheba ba okuku, baa balindekanga chelimese cha kosoleka. Yauwande n'nyanga ya koema emo na emo kio na yo.
\p
\v 6 Moyohi, besima boose baenjekelekanga hii, batondoli si baa bo taa n'kasi boko n'ngeyahii n'nganga yoose mo boikaneyo ya booboso ya koika;
\v 7 Na n'kati ya eya ya maili mokolo wa motondoli womenehii okon'ngeya mela omo mo chemo chemo, buande kokamba kobiya makiya maesanga we n'ndia wemune na mondia kobeya ka bato.
\v 8 Mosombo ya Mokonga ya Mokonga ya moesangi mo awo mbele m'mboka ya asima ya phenena iboka italindamanga ande, mbele koik ka boso boso kekenaika.
\v 9 Iki boyaeli ya n'nyanga sieno ya eneeke, eya bokoesa besima na besima ba koaba eya sieya itokoengama menemene mo akili wa owa ota mokambo si,
\v 10 na yo, wa moleli, malu na bephe besima, sibe ya baikanga yaikanga maoki ma chekamba ma mobe matelekanga lika bena n'nyanga emo ya kotimbola timbola.
\p
\v 11 N'ndi Klisto walangi m'mba Mokolo wa ba tondoli mo ya fowa si eya yekaba; wabukangesangi asima ya koika si owa ya eme na eya yeengame, eya iteenjekeleke na maako ma moto, iki mbele, yauwande mo biumbe si bemo;
\v 12 Na waan'ngeyangi mela omo mo n'nyanga yoose n'kati ya asima ya ophenena iboko, buande na Mokiya ma m'mboli na n'ngombe, n'ndi na makiya mande wemune, maa maikanga na koondeseleka ka buwa n'nyanga.
\v 13 Aika m'mba makiya ma n'ngombe na m'mboli ya amome, na ibunge ya n'ngombe, ya balangana kiyo na baa bika na ochafu, bephenene na koika na kosoolika kasoolika ka mobe,
\v 14 mela ya inga makiya ma Klisto, maa, o Mosombo ya buwa n'nyanga, ya eselekangi yo mune buwa ango ochefu ka Mokonga wa Mokonga, kosoola akili abe o mekambo ya ko kpa, mondia mbele betangi n'kasa ya Mokonga siowa uka na koika.
\p
\v 15 Na moyohii ika we meonehii wa kom'mgbesana ka eneeke, mondia mbele, koka sikoo kowa kaikanga mondia kooleka mo kobuka looki si owa yeteleke kose ya kom'mgbesana ya boso boso, baa baetekanga boopati iyota ya buwa n'tungeya eya ya eneyamanga bo.
\v 16 Mondia abowa ika maoki ma muso mokpi, ika na isina mbele kokpa ka owa wasi yake maoki ma muso ma moneke.
\v 17 Maoki ma mokpi, mikahii na isina maili ya kopka kande, mondia ya uwande na chekamba ango chemo mbele owa wesiya maoki wekenaika.
\v 18 Mona mondia o makiya hii ata kom'mgbesana ka boso boso kalombe selekanga.
\v 19 Mose, maili ma n'ngombe na m'mboli ya amoome, na waale, na n'tulu ya phenena, na isope; na koiteya kiyo na buku we mune na kiyo ya bato boose, mbele o koena:"
\v 20 Eheno iki makiya ma kom'mgbesana ka Mokonga si eya weese yo kowa kino."
\v 21 We na ota boobo koiteya na makiya kiyo na asima ya koika na kiyo ya besima boose ba bosangaeya.
\v 22 Moyoose, mo baangile, yo sooleki na makiya, na buwa koiteleka ka makiya ko meseleka ka buwande.
\p
\v 23 Yaengamanga na koika na isina, belendela ba besima si beya bika kiyo beengami na osoleka mo boyaeli si owo, ika mbele besima ba kiyo bamine ya teleke mo besima bakoaba ya koeteya eya.
\v 24 Mondia Klisto utan'ngeya anga ande mo asima ya kolekanesa eya yeteleke na maoki ma bato, mokoenganesana na eya ya liti, n'ndi ween'ngeye hii kowa kiyo, mo koeneya base eneeke boso wa chondi cha Mokonga.
\v 25 Na buwande mondia koes ibaba n'ndi ande wemune n'nyanga yoose siya ya n'ngeya anga ande, m'mba mokolo wa batondoli owa wan'ngeya anga mo asima ya olekanesa na makiya ma moeni.
\v 26 Moboyaeli, yaengamanga hii wa moneke waobi n'nyanga yoose abowa ya chese cha ambekang we, n'ndi moeneke, mo n'fungeya ya bemo, wamonekangi mela omo mo oseya kobeya mo koabeleka kande.
\v 27 Na m'mba yoikanga o bato mo okpa mela omo, maili chei chokula kobuka maondi,
\v 28 mo boyaeli si owo omo Klisto, weesemela omo mo obiya kobeya ka babuya, yekamoneka hii buwa kobeya mela ephe ya ibe mobaa bokoendeya we moko ondeseleka kande.
\c 10
\cl Botuku ya ema 10
\p
\v 1 Na boobo, angile si owa uka na tchelimese tcha maondi maphowa si maa mokula, ke buwa bomoneneli osaali ya maondi, iteengame ba, de, na maphaephi lika ma otitaka omo maa mo ko abelekanga bemo na bemo, koisa bato mo kotimboka.
\v 2 Ephe, aengamangai koeka ko aba, baa bosomboleanga Mokonga boobo, mbe be phenene, bita engamanga kae ko eba kobeya kabo?
\v 3 N'ndi kaengeleo ka ko beya ko sumbokanyeangai bemo na bemo ko maphaephi si maamo ma makiya;
\v 4 isina mbe iteengame bande mokiya ya n'ngombe na ya mboli yatoese ko beya.
\p
\v 5 Mo isina si Klisto, ko n'ngeya n'nkati ya tchese, weenei: "Utaenanga babe ango liphaephi ya mokiya ango ya ko lelekansa, n'ndi weendjekei noo mobe omo";
\q
\v 6 uta akoanga babe ango liphaephi ya ko lelekanesa ango liphaephi ya mokiya bondia ko beya.
\q
\v 7 Na boobo na enangai: "Monai, no kula (n'nkati ya ma andiko ma kitabu iki bondi yane) mo kota, tcho Mokonga, nkesa yabe."
\p
\v 8 Maili ya ko ena kasa boso: "Utaemanga babe, ke utaakoanga babe ango liphaephi ya mokiya ango liphaephi ya ko lelekanesa bondia ko beya;
\v 9 (Eya yo ko abelekanga ko opesana na angile), wa ena ephe:" Mona, na alake mo kota n'nkasa yabe. Wa toesake boobo bondi ya boso mo ko itcha owa ya ibe."
\v 10 Ikai mo isina ya nkasa si eeyo itepheneneseleke, na liphaephi ya mobe ya Mbali Klisto, mala omo mo yoose.
\p
\v 11 M'mba bowa moabi woose wa maphaephi otanga nsu yoose mokambo kae wa abanga ikieandei maphaephi si maamo, maa mitokoesa ko beya,
\v 12 we, maili ya koaba liphaephi emo lika bondia ko beya, weikei bondia nsu yoose mo kaako ka ilame ka Mokonga;
\v 13 weendeyei iki mbele basekani bande baike ko matindi mande.
\v 14 Bondia, na lipheaphi emo lika, weisei mo koendjeleka mo nsu yoose baa bepheneneseleke. Yoi Mosombo ya phenena yo ko ebekae base; bondia, maili ya ko ena: "Monai ilonga si eya nekata nabo, maili ya nsu si eeyo, Mokolo na ko ena: Nekatai ba angile bane ko metema yabo, ke neka andekai bo ko mesombo yabo, wa ongesa:
\v 15 Eeyo kai mosombo mosaali olimbolea basekae, bondia maili ya koena:
\q
\v 16 "Monai ko on'ngbesana sikowa noo ta nabo maili ya n'su iseya, boobo eenake mokolo: Notai ba angile bane n'nkati ya metema yabo ke no ko andikai moose n'nkati ya mesombo yabo."
\p
\v 17 Ke nteka kumbuki kae mo ko beya kabo ango mo bololo yabo.
\p
\v 18 Bondia, a abowa ika limeseli ya ko beya, yo buwa kae na liphaephi bondia ko beya.
\p
\v 19 Na boobo kahe, binakane, iki mondia tika, na looka ya kon'ngeya asima ya kolekanesa, mo m'mboka ya makiya ma Mbali Klisto.
\v 20 Ke na boobo tika na mokolo wa tondoli siowa weteleke mo lumba ya Mokonga,
\v 21 mo m'mboka ya eneeke na yakoika sieya wekandoleya base mo m'mboka ya n'tuluya kolindoka, n'ndi koena mbele wekandoleya base mo m'mboka ya n'tuluy ya kolindoka, n'ndi koena mbele mobe yande.
\v 22 Tebakameyehiwe na motema ya liti, n'kati ya kowakowa koose, netema sieya ya sooleke o maenyeli ma beya, na mobe siowa ye sooleke na maale ma phenena.
\v 23 Tebehi liti mekambo ya kaengeleyo kito, mondia owa weene uki liti.
\v 24 tekesehi omo na ophe, mo kobonjesana n'kati ya koenasana o mekambo.
\v 25 Tite ekangi asima ito ya osangana, m'mba boyaeli ya baphe bato; n'ndi tebonyesanehi omo ka omo, na itoka mo komona otu si ya okoma.
\p
\v 26 Mondia, aikam'mba toota kobeya mo n'kasa ito maili ya koeba liti, ya buwakahi na chesima cha koaba mondia kobeya,
\v 27 owa siowa wa munake angile wa Mose wakpake buwa tchombo chande, yefowehi ba temu babe to basato mokoena;
\v 28 N'ndi koendeya lisomi emo ya ema na isongo songo ya kaya eya yoolekanesa bato ba iye eya.
\v 29 Eni lisomi omo ya ema yeka someseleka ka liti owa weka pkota na mao Mana Mokonga, owa we kamona bule makiya ya m'mgbele?
\v 30 Mondia tokoebi owa weene: Monoohi kosona, kowa kane koisa moto na moto! Na ephe: Mokolo waka somesahi bato bande.
\v 31 Iki bondi omo ya ema kokeya o maako ma Mokonga siowa uka na koika.
\p
\v 32 Ikahi na maenyeli mo n'su ya boso, eya, maili ya yo kopata liangangi, benneyehi motolo owo ya ema n'kati ya obab,
\v 33 Mo ephe, boikangi m'mba bato ba u'saka moandi na n'soni na mo obaba, na ephe, koika asima amo na eya sieya boyaheli ika na boyali omo.
\v 34 Moyohi, baikangi na chombo mo bato ba moololo, na beya akowehi na om koyaoka ka besima bino, koeba mbele bika na besima bafowa na eyo yo koilela iboka.
\v 35 Bowahi koeka koika kino, sikookowa kika na boyaeli ya fowa.
\v 36 Mondia bikahi na n'kasa ya kokaunda motema, moyohi maili ya koengamesa n'kasa ya Mokonga, bapetehi eya ya enanga we.
\v 37 n'nyanga emo mo n'nyanga kakolokolo:" Owa weengame nakula wekalahi; na iteka ilelande.
\q
\v 38 Na owa ane wa liti wekaiki mo kowa kowa; aika m'mba waeka, Mosombo yane itokoika ande na ome mondia ande.
\p
\v 39 Base, tauwa abito mo baa bokoeka mo olimena n'ndi mo baa bo koika na kowakowa mo koondesa Mosombo abo.
\c 11
\cl Botuku ya ema 11
\p
\v 1 Mo koakoa kikai kota maengyeli mo bésima bélondoleye, mo bayaeli omo ya beya ba kokaknga komoneka.
\v 2 Mo koika ko, bekongo baésélékangai Itema Isaali.
\v 3 Ikai mo koakoaai taébake mbè tehésé tehâ éndjekelékangai na looki ya Mokonga. Mo boyaeli si yokomoneka ita télékanga'a nde na bésima ba komoneka.
\p
\v 4 Mo koakoa Abeli oabeli Mokonga iyota ya phoa koétéa ya Kaïna; mo isina si yandé ésonèke ya me mosaali, Mokonga ma koakoa koaba kandé na ùo koika we yekénaénèkaandé, ango maili si kopka kandé.
\p
\v 5 Mo koakoa Enoka obilékéi kiyo béna boa utémonanga andé kopka, na kokanga utemoneke kae mondia Mokonga olinyesi we; bondia, bosó ya kobiléka kandé kiyo, wa akolekangai lilembeseli mo bétéleli besaali ka Mokonga.
\v 6 Mo isina ya bokmbé ya koakoa itokoéngama andé na moto koléngésa we; bondia yéengami ka'owa obakaméa Mokonga wa'akowe mbe Mokonga ukama omunei mokolo loba'anyi koba baphan we.
\p
\v 7 Mo koakoai Noa, wemoni lilembeséléli ya koéba maondi si mamiti namonékiandé, na waikangai na bowa ya kolitosa, we na koendjéka Tchélika mo koondesa Monginda yandé; mo koakoa si ko'oko we a kokélésa Tchésé, na koika moimanei waliti yeeséleke we mo isina ya koakoa.
\p
\v 8 Mo koakoa ka Abalahama, mo kosoneka kandé, olitesei na wiyei mo Boikaneyo omo ya langélékanga we koéséléka Iyota, na wiyei buande koéba koni kokiya we.
\v 9 Mo koakoa si kiye we kothumana mo N'sèke yéakolèke mandémba ko Motanga ya kpaaya, watehumana kosé ya touphaka ta Ntulu, asimaamo na Isaka na Yakobo, boose baéléki ba botiko si owo omo.
\v 10 Bondia wa éndéangai Motanga ya koèndjékéleka ka kokokama, owa Mokonga omunei Moimeteli na Moéndjéki.
\v 11 Mo koakoa ka Sala omune, ango mobokoloboto andé, waésélkangai telékamba teha koitéya monginda, mondia wa akoangai na liti ka owa waakaléanga we telékamba.
\v 12 Mo isina si ka amo'ome omolika, mo bokoloboto yandé, we na kobota monginda yabua mba N'kenikeni ya obowa, mba Iséséke ika mo Iyaba na bitéengame na kobandéka.
\p
\v 13 Ikai n'kati ya koakoa boose bakpangai, buango kobundésa bésima béakolékéye bo; n'ndi bamonangi yo na baléngeyangi mo kpaaya, mo'koéba mbele baikangai baeni na baeti mo tehésé.
\v 14 Ba bokoema boobo yo'omwesa mbele bo ophana n'sèke.
\v 15 Aikange mba baebange kowakétokebo, mbelebaikangai na n'nyanga yakosumboka.
\v 16 n'ndi moénèke bo ophana motanga osaali, koèna mbe ya n'nsu yoose. Mo isina si Mokonga obuandé na n'soni mo koéték Ise-wabo, bondia waéndjékake mono bo boikanéyo.
\p
\v 17 Ikai mo koakoa Abalahama owabei manande Isaaka, n'nyanga ya sondjélèkanga we, na waaba manande omolika, ka'owa waakoéanga we malonga,
\v 18 na kowa kaénékanga mbe: "Ka isaaka yékaésélekai koakabeTcabanda."
\v 19 Waéngéléangai mbe Mokonga uka na tchékamba ango béna ko'imola bakpi; béna bo'obo kosumbola we mo boyaéli ophè ya koimoka.
\p
\v 20 Mo koakoa Isaaka waliphéa Yakobo na Esao, mo koéba maondi mo kula maili.
\p
\v 21 Mo koakoa Yakobo boso ya kokpa mbele waliphéake omo na omo bana ba Yosefu, na kotangéa, mbele osimbéye na katékandé.
\v 22 Mo koakoa Yosefu boso ya kokpa mbele waebesake maomokeyo ma bana ba Isalaele, na koesa looki mo isina yamékua yandé.
\p
\v 23 Mo koakoa Mose, mo koboteka kande, baisékanga we n'nkati ya méeli isato na ba bébote we, bondia bamonangai mbele maana we phoe iboka, na bitébatinangaa andé looki ya Mokota.
\v 24 Mo koakoa Mose kokonda kandé, waékangai koetéka Mana Moséka ya Falao,
\v 25 waakoangai komonéka maobi asimaamo baka na okita ya Mokonga mo kolingowa ome ya n'su kakolokolo na bato ba kobéya,
\v 26 wémonei kpaaya bémusi ba Mbali koétéya Ipfhoka yaéma ya Ejipito bondia wa monangi Iyota ye kala maili.
\v 27 Mo koakoa wétokei Ejipito, buango koika na bowa ya Lisomi ya Mokota; isina si wa moésangi boimanei yandé, waisa mba omona owa uto'omonékanga.
\v 28 Mokoakoa watangai Ikeka ya Pasika na koitéka ka Mokïa, bondia mbe moiyi uté manénangi liboti ya bosoboso ya baana ba Isalaële.
\p
\v 29 Mo koakoa ba kalésangai Iyaba ya kotéa mba asima ya kokpkatola kokaména, kaobéobéo ba Ejipito kophana kokalésa boose baimbangai.
\p
\v 30 Mo koakoa n'ngamba ya Yeriko y kéangai, maili yabo kotimba mo n'nsu Motcomoèndi.
\p
\v 31 Mo koako Rahaba amokali wa Ilemba utékpanga andé asima'amo nabato bitanganga Mokonga, bondia waisékangai batoméki na bii bosaali.
\p
\v 32 béna n'ne bo boni ephe? Bondia nékambèn'nyanga ya ko'na mo isina ya Gédéo, baraka, ka Samusoni, ka Yepfeta, ka tawiti, ka Samwele, na batomeki,
\v 33 bo mo koakoa ba longéangai métanga ephè, baéndésangai tona ta ba Simba,
\v 34 ba limangai Matumbo ma toya, baondangai mo kotéhwa ka kabusu, baondangai mo n'soyabo, baikangai na békamba mo bita, baisangai obéyo mbeyo ba ita ba kpaaya.
\v 35 bamokali bamoésanangai na bakpi bato mo koimoka éphè mo téhésé; baphè mo bémusi ba kolubéka na koékéabo koékéléka, mo toéngéleo ta ome ya kaimoka kosaali kakala;
\v 36 baphè batélékangai bokétehana kolubéka tonywanywa, méololo na lumba ya Ipfhuè;
\v 37 Balubéka Mawe, babukéka matuku-matuku ba kundokéléka, bakpangai kokitéka na tobusu, ba endesangai bo abono na koakoa bébatésé bo n'koba ya mekoko na n'koba ya Mboli, basiya bo mékanga, ba mona mosobo, balubéka tchititi,
\v 38 mobo téhése tehitafoléanga kaebo, balola n'nkati ya obandja ya Ibunge na komkondi, n'kati ya makula béma komélinga ya n'sèke.
\p
\v 39 Eyo yoosè, mo koakoa sikoa kamoéélékanga kosondjélèka kabo na Mokonga, bundésanga andé eya ya okolékéanga bo,
\v 40 Mokonga omoneleyi bosaali boso besima ba kophoa bondi-ito, na kokambésa koabéléla bo bemine bua bénito mo ome si.
\c 12
\cl Botuku ya ema 12
\p
\v 1 Koika base boose kaé, bondia tekombéke na ibamba yaema ya bamoni, téem'bolei kumbo oose, na kobéya si ka kekombe base,
\v 2 na tiyei mo kaobéobéo na koakoa ko mokombo éeséléke base, mo koiséa toéngéleo maiso hitoka Mbali, mokota, na mokolo wa koakoa, owa, mokomona bokétehaya kokanga kotina, na otéhumane asé mo kaako ka Ilome ka bokota ya Mokonga,
\p
\v 3 Akowai liti, mo boobo, owa wakandanga motema mo boyaeli ya maangoane koika we mo mboka ya bato bakobéya, mo isina mbe bane bitéekangi, météma koena.
\v 4 Biti nakokoli bino bena ko makia, mo koesa na kobea.
\v 5 Nino baibeyake looki ya kobandjandja ya ésélékanga bane, na Mokonga mba koika bana bande: "manane, bua kotéfola kolubeka ka mokolo, na obuwa koéna mobényanga ekalubeka owe;
\q
\v 6 bondia mokolo olubéangi owa "eme we, na olubéangi na konywanywa boose siba weli mba bana bandé.
\p
\v 7 Akowa obaba: ikai mba baana siba Mokonga o'osondja bo; mo isina ka'oni maana Ise utéengame na kolubéa we?
\v 8 Mba aika mbele bitéengame mo kolubéka bowa boose béengame, bikai okitaka ya baana baphè bamotondo, na buandé okitaka ya baana basaali.
\v 9 Mokoéngeléa, bondia baise bito mo komobe balubéangi base, na base talitosangaibo, ke titéengame bito mo isina yaema kosèlela ka'Iseito wa Mesombo, mo koika na tehéondésai?
\v 10 baise bito balubéangai base mo n'nsu ka kolokolo, bowa bamonanga mbele yepfhoei; ndi Mokonga alubeai base mondia kopfhowa kito, mo isina ito koléngéa koika mo ome ya kophènema baka nandé.
\v 11 Ikai mo liti mbe yoose ya obaba yokomonekai mo okitaka ya tchombo, na buandé ya koléngéa, ndi yékaomokai maili mo baa bamonanga omusi si owo yékabotéai bo kouma ka bii waèma liti.
\p
\v 12 Kokamesa maoko mimo maenake na kobesakobesai maangulu mino maenake;
\v 13 na ondésanai na mao mino mo boétéyo koimanéa Ilome, mondia mbe téa temuneke bitéétangi kaowa, ndi bakokole kokobeakobea.
\v 14 Phenai bii moto o'ose, na bokianeli ya kophènena, bwanayo ango omo uto'omonaandé Mokolo.
\v 15 Moésanai mo kokanga moto ango omo kokamba téhéondésa tehe Mokonga; mo isina ya kaima ka lola ango kamo, ka kombola métabe yandé mo koomola, mo koséa ba (to ba buwa) kokpesana, na iboka ya baphè bitéséamangi;
\v 16 mo bua moto koika na ilemba, mo tehéema kokanga kolitésa mba esau we bolephè ya Moleli wa'olésangi kosumboléka itema yandé okoloboto yandé.
\v 17 Beli mbele, maili si, wa phanangai kosumboléka itema yandé, wa ékéléka, gai, ango boa abondjabondja we koéya na maisoli; mondia koiyaeya kandé kitaikanga andé na Ilelo ango kambu.
\p
\v 18 Bane bité bakaméangandé mokondi omo siowa baéngamanga kobundésa yo na yaikanga kotoboka na kaya, na obongé, na Ipfhue ya lingéa, na tobalibali, na mpalu, na kolubeka ka mondjèndjè ya Mpalu, na lokendi ya maoki, mba ba baikanga mo ko'ongba baénangi mbele yébua koénékéyabo éphè ya koetéa iboka.
\v 19 .........................................
\v 20 bondia bito okokola andé kokaméleka sioko: "Béna ango n'nyama émo ya kukana na Mokondi si owo, yo kolubékaii mawée.
\v 21 Na matéhangila siamo ma ikangai na bowa ango Mose wa émangi mbe: "Nika na bowa na mo'tékatéka!
\v 22 N'ndi bane babakaméake ko mokondi ya Siona, ko motanga ya Mokonga uka, mo Yelusaleme wa n'su yoose, métuka ya Ilangatuka ya bakitomo békombe na ngembo,
\v 23 mo bosonganeyo ya m'mboti ya bosoboso éyakolékè maina mabo kokpalokakiyo mo obowa, ka'zuzi moimanei omune Mokonga wa boose, wa mesombo ya bato ba saali ya timbokanga mo kophénéna,
\v 24 koika Mbali uka mokumi wamalonga ma énéeké, na ko'mokia mande meitéke asé mo koena bosaali koétéa ma Abeli.
\p
\v 25 tanganai bane mo koeka buai kon'ngba owa okoena nino; bondia éeyo si ite kaeti andé kaowa koba bokoéka kon'ngba banangoli mékimo yabo mo tehésé, banga békaya obeyo n'kati ito, aika mba base tatimbokea ka owa okoénéa base kiyo na obowa,
\v 26 we, mo looki andé yo obololésa n'nsèke, na mo énékeké wéesi base Iyano ya tongéléo si'éto: "n'nyanga émo éphè Nékatékésatékésai buandé n'nsèke lika, ni bena obowa kiyo.
\v 27 Looki si owo; koondésana nayo éphè, yémosei kotimboka ka bésima, baendjékélékanga n'nyanga émo, mba'mbe besima beesaali bitéka séami andé békaikai n'nsu yoose.
\v 28 Mondia isina, mo koéséléka téhésé téha kokanga koséama, Témoesi koakoa kito ka Mokonga mo boyaéli ito ya koloéngésa we,
\v 29 béna kolitésa na bena bowa, mondia Mokonga wito uka'kai kaya koséngésa.
\c 13
\cl Botuku ya ema 13
\p
\v 1 Ikai na moinaina n'nkat ya moboto.
\v 2 Buwai ko ibeya ko pokeya baebi; bondia, na kota yo, bamo betchumanesi bakitomo, buwa ko eba.
\v 3 Engeleyai bato ba yelolo, m'mba bane kae bikai ba yelolo, na baa bo omoneka maobi, m'mba bane mine kae n'nkati ya mobe.
\p
\v 4 Ekai mbele isongi ya litoseleke na bato, ke itanda ya isongi yo bua ko seama, isina mbe Mokonga we kasomesai bato ba malemba.
\v 5 Buwai koakesa mebe ino mo tcheama tcha beeya; tumanyeyai eya bika na yo; bondia Mokonga wo mune wa enangai: "Ntekaeka bane owe, ke n'teka tchithcana bane owe."
\p
\v 6 Ikai na otendelai teengame ko ena mbe Mokolo ukai mounei wane, n'tootina bane tchesima; moto wo otai noo tchei?"
\p
\v 7 Engeleyai baendesi bino baa benangolee bane looki ya Mokongai; monai tchei tcha ikanga n'tungeya ya koika kabo, ke ondeyai koakoa kabo.
\v 8 Mbali Klisto ukai otitaka omo botuobi, momo botu bena layalaya.
\v 9 Buwai ko beleka na manango ma olanga ma baeni, bondia efoei m'mbele motema ya kobeye-kobeye na omonye, ke buwa na meleli si eeya itunee na tchesima ko baa si baa ba liamanga na yo.
\p
\v 10 Tika na mesa wa mafaefi owa si owa baa boota mokambo mo ema bauwa babo na isosa mo kowa.
\v 11 N'nyama, eya na kiya mebiteke mo asima ya phenena na moabi, wa mafaefi wa kio bondia ko beya, yelekani ko bandja na motanga.
\v 12 Na eeyoi Mbali kae, mo kophfenesa bato na mokiya yande yomune, weikei na obaba ko bandja na molango.
\p
\v 13 Teomokei ikei mo kiya kowa kande, ko bandja na motanga mbe tebiye n'soni yande.
\v 14 Bondia tobuwa bito kono kose na boikaneo ya ko tchumana, n'ndi toophana owa yokula.
\p
\v 15 Nande, teabei buwa ko ena ka Mokonga lephaephi yako lombesa, ikai mbele, kauma ka metutu kaa ko limbowa lina yande.
\p
\v 16 Ke buwai ko ibeya kota kophowa na kotelesana bosaali, isina mbe mafaefi si maamoi Mokonga wo kowakowa.
\p
\v 17 Litosai baendesi bino ke n'ngbai bo, bondia bootanga nangai na mosombo yio eya ekaphipheleka bo; aike mono boobo, mbele bate yo na ome, ke buwa na obaba, eya ito koika kophowa bosaali kowa kino.
\p
\v 18 Somboleyai bas; isina mbe teakowe na obaba, eya ito koika na maenyeli masaali, ko ema ko maondi moose, koenda bosaali.
\v 19 Ikai na moinainai no ko omba bane kota yo, mbele mesumboke ka obeyo-obeyo.
\p
\v 20 Ekai mbele Mokonga wa bii, owa wesumbole ko bakpi motchungi wa ena wa mekoko, ko mokiya ya ilonga ya laya-laya, Mokolo wito Mbali,
\v 21 wa engamese bane ko mekambo yoose yaphoa mo ko iyanesa n'nkasa yande; wate kowa kino eya yephoe, ka Mbali Klisto, owa ika okuku, mo bemo na bemo! Aaphe to kpakpa na tokpakpa!
\p
\v 22 Na bondja-bondja bande, mesombe na mesaka, mo ko bunda mekimo ya ko kobesa-besa bane, bondia na andikiaki bana botuku lika.
\p
\v 23 ebai mbele nduku wito Timote weelekei, aika m'mba wala enekeke, no kiyai ko mona bane asimamo nande.
\p
\v 24 salimiyai baendesi bino boose, na ba pheneni boose. Baa ba Italia ba salimiake bane.
\p
\v 25 Ekai mbele omonye yaike nino bane boose! Aaphfe!