See in Reader
78 lines
6.1 KiB
Plaintext
78 lines
6.1 KiB
Plaintext
\id 2TH
|
|
\ide UTF-8
|
|
\h 2 Tesalonika
|
|
\toc1 2 Tesalonika
|
|
\toc2 2 Tesalonika
|
|
\toc3 2th
|
|
\mt 2 Tesalonika
|
|
\c 1
|
|
\cl Botuku ya ema 1
|
|
\p
|
|
\v 1 Paolo na Silivani, ena Timotea, mo etanda ya ba Tesalonika, eya ika ya Mokonga, Ise wito, ena ya Mbali Klisto, Mokolo.
|
|
\v 2 Ekai mbe n'ngbengbele na bibi yaeseleke bane mo isina ya Mokonga Ise wito ena Mokolo Mbali Klisto.
|
|
\p
|
|
\v 3 Teengamei bondia ino, ba nduku komoesa n'nsu na n'nsu n'ngbengbele ya Mokonga, m'mba bowa yeengame, bondia kowakowa kino, ko kota beteleli besaali ba buwa, ena ko emesana ka omo wino, ka munakande, kowa ika bane boose, yo ko linya iboka.
|
|
\v 4 Ena, to ko lombesa base mine bondi ino n'nkati ya ba etanda ya Mokonga, bondi ya moina-ina, ena bondia kowakowa kino n'nktai ya ko moneka kito maobi, na kolubekakitu kowa bane bamoneangi base tchombo.
|
|
\p
|
|
\v 5 Ikai n'nembe ya kowakowa kino kosaali ka Mokonga, m'mba bo kowakoleka kophowa kowa ka Mokonga, bondi yande bo ko moneka baobi.
|
|
\v 6 Bondia ikai mo liti wa Mokonga mo ko esa obaba mobaa bo ko moesa bane maobi;
|
|
\v 7 ena ko esa bane si baa bo ko moneka maobi Mokonga o ko esa bane ome, asima amo nito, botu si oowa Mokolo Mbali okabuanya kio, asima amo na bakitomo ba tchekamba tchande.
|
|
\v 8 N'nkati ya isonga-songa ya kaya, Mokolo o ko buanyai mo ko moesa maobi baa si baa biteli Mokonga na baa bito ko litosa looki ya ilonga ya Mokolo wito Mbali.
|
|
\v 9 Baabo bo ko lelekanai mo kaya ka kokanga ntungeya gbaaya na tchondi tcha Mokolo ena okulu ya tchekamba tchande.
|
|
\v 10 Abowa ekala we, mo ko lombeseleka, botu si oowo, na bakitomo bande na kolombeleseka na baa boose baa koanga we bondia ko ena kitu baka nande ka akoalekangai.
|
|
\p
|
|
\v 11 Mo isina si to ko ombolea bane, atcha-ailanga mbe Mokonga Ise wito wamone bane bosaali mo mbeya eteleke bane na motchekamba tchande waiyanese naksa ino yakola bosaali ena ko kobesa mekambo inoo ya kowakowa.
|
|
\v 12 Mbe lina Mokolo Mbali yalombeseleke n'nkati ino, mbe beiko na ko lombelesaka n'nkati yande, mo n'ngbangbele ya Mokonga Ise wito na Mokolo wito Mbali Klisto.
|
|
\c 2
|
|
\cl Botuku ya ema 2
|
|
\p
|
|
\v 1 Mo bondi ya kula kande Mbali Kilisto na ko kasangana kito bakana nande, to ko kombowa bane banduku,
|
|
\v 2 mbe tite ekangi bane mbe bitelungutanangi, na maondi ma ndjoli, m'mba ma maoki, m'mba na maoki maa matoani teya teeneke mbe tetokei kowa kitu, m'mba kosumboka ka Mokolo kalake mono.
|
|
\v 3 Buwa moto wa ko kesana bane namuna ango omo: bondia ephoe mbe baseki ba etanda bale kasa boso eke moto wa ko beya wa moneke wa moneke, m'mba mana wa ko beya.
|
|
\v 4 Owa moto wa nganya, moini, owa weeme kolinya kiyo, owa weeme koeteka Mokonga, ena weeme ko komboleka, ena koema ko tchumana mo lumba ya masomboli ya Mokonga, na ko ena mbe wikai Mokonga.
|
|
\v 5 Bito ko enyelea mbe na enake mono nino maondi si mana abowa na ikanga nino?
|
|
\p
|
|
\v 6 Na bane beli tcheni tcheni tchesima tcheekese we enekeke, mbe utemonekangi ena kowa nyanga yande yaengama.
|
|
\v 7 Mo liti boikaneli ya ko limesa yaandjake kota beteleli bande. Ephowei lika mbe owa o ko kanda ephe wa limene.
|
|
\v 8 Na aowo owa mosei o ko monekai, nande Mokolo Mbali okonyai we na ooya ya Kana kande, eke wo kolimesai we na kabehi ka kula kande.
|
|
\p
|
|
\v 9 Na o oyo mosei o ko monekai, mo tchekamba tcha Setani, namuna woose wa besiso ba olanga,
|
|
\v 10 ena namuna woose wa olanga mo baa boose ba kolimena bondia bite pate bande moboto ya liti mo koonda.
|
|
\v 11 Mo isina si eeyo Mokonga o ko iseyai tchekamba tcha koseya tcheya tchokotoma bo mbe balitese otanga.
|
|
\v 12 M'mba baa boose bita akoanga liti, n'ndi balengeyangai mo olanga, mbe bankumoleke.
|
|
\p
|
|
\v 13 Bondi ito, ba nduku basali ba Mokolo, teengamei, mo isina ino, kolombesa nsu na nsu Mokonga, bondia Mokonga wa sonangai bane mo makondjekeo ma tchese, mo oome, ya kophenesa ka Mosombo ena kowakowa ka liti.
|
|
\v 14 Mo isina si n'ndi waetanga bane, mo kaani ka ilonga ito, ombele beikei na okuku ya Mokolo Mbali Klisto.
|
|
\p
|
|
\v 15 Mo boobo, ba nduku, ko kamai bosaali, ena litosai ba angile baa bepate bane, aika mo maoki mito, aika mo kaani kito.
|
|
\p
|
|
\v 16 Eke Mokolo wito Mbali Klisto omune, ena Mokonga Ise wito, owa waemanga base, waesa base, mo n'ngbengbele ya nsu na nsu ena koendeya kosaali.
|
|
\v 17 Phophesai metama ino eke boko ko kamai mo bondi oose osaali ena mo looki oose aosaali.
|
|
\c 3
|
|
\cl Botuku ya ema 3
|
|
\p
|
|
\v 1 Na bobo, banduku, sombolai mondi a base, mondi a looki a mokolo yabalangane ke yalo mbeseleke imba kwakino,
|
|
\v 2 ke na bobo totoke mo makoma bato ba beya na baiyi, mondi a base bauwa nde na koakoa.
|
|
\p
|
|
\v 3 Mokolo uka na liti, o kobesi ane ke na kotchunga ane mo beya.
|
|
\v 4 Mo moboka inotuki na maenyeli si kati a mokolo eyo yota ane ke boti maondi si base tokoenea bane.
|
|
\v 5 Ekai mbele mokolo atchunge metema ino kati ya koema ka mokonga na koendeya endeya ya Klisto!
|
|
\p
|
|
\v 6 taenake nino, banduku, mo lina mokolo ito Mbali Klisto, na koekana na nduku ose babo bakaishia mo iyeya, ba bitokaishimia mafundisho si mama magbake bane kaa kito.
|
|
\v 7 beli ane mine, yengame na boni bane koonda base, mondi a base taishianga koti ino, titashianga bito na iyeya.
|
|
\v 8 Titanganga bito moleli a moto bule; indi, kati a n'kasi na n'kati a obaba, taikangi botu imba boobamo n'kasi, mondi a kumbo bua kaika kiyo na moto ango omo nino.
|
|
\v 9 Yauwa nde mbele base takosake seliya, base taemangi koesa bane kati ito ase mine mbo ka ya koonda.
|
|
\v 10 Mondia, abowa aikanga ase ka kito, taikangai koena nino na osi: imba moto uteme ko tumika, ke uto koanga nde.
|
|
\v 11 Tomoesai mo isina mbele, ika na baphe kati ino bokaisha mo iyeya, bitotanga nde, nde bikatechande o mo kaetesa inyanga yabo bule.
|
|
\p
|
|
\v 12 Taetake bato si babo, mo koesa bo iyano mo mboka mokolo Mbali Klisto mbe bange moleli abomine, na kota mekuwa.
|
|
\p
|
|
\v 13 Mondi a bane, banduku, buai koena na kota kofoa.
|
|
\p
|
|
\v 14 Umba moto waeka kaakaa eya enake ase mo kaani si kaka, tinai we buwai kaika mo ikumbe nande, mondi waike na n'soni.
|
|
\v 15 Bua ko mona we umba moto a beya, indi komisai we imba nduku.
|
|
\p
|
|
\v 16 Ekai mokolo a bi we mune aese ane mobeli mo inyanga yose, na mondele yoose! Ekai mokolo waike nino ane boose!
|
|
\v 17 naasali miake ane boose, no Polo, na kakokane mune. Eyo iki koengamesa kane mune mo toani ane toose; na bobo nde mokoandikanga.
|
|
\v 18 Ekai gbegbele ya mokolo wito Mbali Klisto yaike nane boose.
|