gey_reg/52-COL.usfm

\id COL
\ide UTF-8
\h Bakolose
\toc1 Bakolose
\toc2 Bakolose
\toc3 col
\mt Bakolose
\c 1
\cl Botuku ya ema 1
\p
\v 1 Paolo, motomeki wa Mbali Klisto mo nkasa ya Mokonga, na nduku Timoteo,
\v 2 ko bapheneni na baakoi ba nduku ka Klisto ba bika mo Kolosai: "Ekai mbele omonye na bii ya abeleke bane biili ya Mokonga Ise wito!"
\p
\v 3 Tasumbolake omonye ka Mokonga, Ise Mokolo wito Mbali Klisto, ke tikoeka bito kosombola mo isina yino.
\v 4 Ko eba kowakowa kino ka Mbali Klisto na moboto yino ko bapheneni boose,
\v 5 mo isina ya kaeli si kaa keisekelekeye bane kowakiyo, ke mbe looki ya liti, looki ya mosao si owa iyeebese bane boso.
\v 6 Ika n'nkati n'nkati yino, bena mo tchese tchetendo; yo obota touma, ke yo ko konda, m'mba bowa ika kae kowa kino, ko linga botu si owa ben'ngbe na ko eba omonye ya Mokonga ko opesana na liti.
\v 7 Ko ondesa na manango si maa bepate na Epaphalase, moemesani wito munakito woo mokambo; ukai bondiya yino mo wa tchaa wa mokambo ya Klisto.
\v 8 Ke we ebesei base oni moboto Mosombo yo ko endesa bane.
\p
\v 9 Bondia boobi base kae, kolinga botu si owa teebeseleke, titeeke bito kosombola Mokonga bondi yino, to ko ombai mbele beiye na ko eba ka nkasa yande, na weli yoose bena maenyeli ma mosombo,
\v 10 mo ko enda mo bayaeli si owa eengamena Mokolo ke metondo yita yalengese we, koika na touma ta maondi moose maphowa na ko eba na boebeseleli ya Mokonga.
\v 11 Ko beyai ko beyai ko moose na tchekamba tchande tcha okuku, mbele beikei nsu yoose bena ome ya ko endeleya na ko endeya.
\v 12 Akesai omonye ka Tata, owa weengamese bane koika na tchebu mo beseya-siya ba ba pheneni n'nkati ya pholo.
\p
\v 13 We toesei base mo tchekamba tcha iphaewe ke we biyei base n'nkati ya bokota ya Manande owa weemeleke,
\v 14 ka owa tika na kolongeya, ko meseleka ko beya.
\v 15 Maana ukai tcheilimese tcha Mokonga owa uto ko moneka, owa weboteke bowo mo boowe beendjeleke.
\v 16 bondia mandei eendjekeleke besima boose mo beendjekelei boose beya bika mo obowa bena kiyo na nseke, beya bo ko moneka na beya bito ko moneka, tokalanga ta mekota, otenga, kolomba, mekota. Yoose yeendjekelekei nande ke bondi yande.
\v 17 Ukai boso wa maondi moose, ke maondi moose mikai kowa kande.
\v 18 Ukai motchwe ya mobe ya etanda; ukai makondjekeyo, owa webote boso ko bakpi, mbe waika mo yoose owa wa boso.
\v 19 Isina mbe Mokonga wa emangai ko tchumanesa boyaeli yoose kowa kande;
\v 20 Wa enangai nande yoose ya longae nande womune, aike eya ika kio na nseke bena eya ika n'nkati ya obowa, mo kota bii nande, mo mokiya ya liyeka yande.
\p
\v 21 Ke bane, si baa baikanga ephe, nsu baeni na basekani ko maenyeli mino ben mekambo yino ya beya, wa longanesakei bane enekeke mo ko kpa kande n'nkati ya mobe yande.
\v 22 Mo ko moesa bane bso wande ba pheneni, bua ko beya na buwa mbela,
\v 23 aika m'mba baika mbele bekokame ke buwa ko teka teka n'nkati ya kowa kowa, buwa ko timboka mo kaengeleo ka Mosao si owa ben'ngbe, owa enanoleke ko bato boose kose na obowa, na eya noo Paolo, maikanga molombiya.
\p
\v 24 Na lengeyake enekeke n'nkati ya obaba yane bondia ino, na baa bekambe mo obaba ya Klisto, na manenake yo ko monuku yane, bondia mobe yande, si owa ika etanda.
\v 25 Nayoi yatanga mbele na ikangai molombiya, ko opesana na kumbo si owa Mokonga weyakose noo baka nino, mbele nelondowe looki yoose ya Mokonga.
\v 26 Maondi si maa maisamanga mo n'nyanga yoose bena n'nkati ya leemba yoose, n'ndi ko moeseleka enekeke ko ba pheneni.
\v 27 Mokonga wa emangai ko ebsa okuku ya iyota ya kaisama si kaako ko bapakano, ko eba mbele:" Klisto kowa kino, kaengeleo ka okuku."
\v 28 Ikai wei to olondowa, ko bondja bondja moto woose, bena ko phindia moto woose na weli oose, mbele temoese ka Mokonga moto woose, owa wa enangamake ka Klisto.
\v 29 Eeyoi ika mbele no ko tumika, na ko eseya -eseya na tchekamba tchande tchea tchoota na tchekamba kowa kane.
\c 2
\cl Botuku ya ema 2
\p
\v 1 neeme, mbele, beebi melango motato yeeme owa nakoesa n'ndia ino, na baa bika mo Laodikia, na baa boose bite mone chondi chane o mobe,
\v 2 mondia waike na motema sieya yeiye na kobonyeka bonyeka, baike omo n'kati ya moboto, na iphoka ya boeli woose mo koeba maisamekeyo ya Mokonga, koeba Klisto.
\v 3 boisameyo siowa ika koisekeleka iyota ya boeli na koeba.
\v 4 naenake eyo mondia mbele moto utekesangi ane o maoki ma olanga.
\v 5 mondia, aika m'mbe n'teike o mobe, nika nino o mosombo, komona n'kati ino, na koika chaa mokowa kino n'kati ya Mbali.
\p
\v 6 na boobo, m'mba bowa epokee ane Mokolo Mbali Klisto, enda ii n'kati yande,
\v 7 na koika na meli na kotoka n'kati ande, na ko komeya mo kowa, koopesana na maoki ma molongo maeseleke ane, na mekambo ya m'ngbengbele ya buwa.
\p
\v 8 bamona bosaali mbele motoutetangi ane moleli maoki ande na mo obanga siowa yauwa na isina, koimaneya mo asili wa bato, mo n'kasa ya chese, na buande n'ndia Klisto.
\v 9 mondia n'kati yande ii o mobe boyaeli yoose ya bo Mokonga.
\v 10 bika na yoose n'kati ande, uka ii mokota wa mekota yoose na chekamba choose. Mokonga.
\v 11 na kowa kande ii bebukeke choo mo choo si cheyakaako kiteti, n'ndi mo choo cha Klisto, eya ika n'kati ya kobalangana ka mobe o monuku;
\v 12 baa balekeleka ngai nande mokon'nyeka, na bena beimoki n'kati yande nande, mo kowa n'kaliyo chekamba cha Mokonga, owa waimolanga we o bakpi.
\v 13 bane si baa bekpe mo kobeya kino na buwa kobukeka choo o monuku ino, waesa anekoika na nde, mo koteleya ane m'ngbengbele mo kobeya kino koose;
\v 14 wetoesi mokambo sieya ba angile ba kelesanga ase na eya ya imane ya nga base, na waseyangi iyo mo kolubeya we mesumbani mo lieka;
\v 15 wa balanganesangi bokota na looka yoose, na koaba yo oso ya bato mo n'saka, mo kolongeya yo mo lieka
\p
\v 16 na moto anngo omo ute sambisangi ane mondia koanga na koma, ao mondia ikeka, ya meeli ya eneeke, ao ya Sabato.
\v 17 yaikangi maondi maa mekala, n'ndi mobe ika ii n'kati ya Klisto.
\v 18 moto ango omo, kose na boyaeli ya koselela na bokutaneyo ya bakitomo, ute bakeyangi ane mo koika yande iyota ya obeyo, n'ndi waeke koika kande mokomona kande na koiya na omuli ya bule mo n'kasayande ya mobe,
\v 19 na buwa kobakameya mokota eya mobe yoose, kouneya na kosangana asima omo na eya sieya, tekoke mokokowa si kaa Mokonga waesake.
\p
\v 20 aika m'mba wekpe ii na Klisto mo maondi ma chese, mondia chei, m'mba bowa bitokoika n'kati ya chese, yo koesa ane maondi mayo:
\v 21 buwa ii kobundesa! buwa ii kosonza! buwa ii kobunda!
\v 22 maondi si moose yaikake buande isina, na eya ya botekake lika o maondi na mafundishi ma bato?
\v 23 bika, na liti, boyaeli ya koanya ya boeli, mo eya sieya yo moesa bokutaneyo ya koema ka moto, mo koselela, na komona bule mobe, n'ndi ika ii buwaboondi ango omo ya koesa ome o mobe.
\c 3
\cl Botuku ya ema 3
\p
\v 1 Aika m'mba wa fufukake na Klisto, phana besima ba kiyo, kowa ika Klisto mo kaako ka ilome ka Mokonga.
\v 2 Ema besima ba kiyo, bowa beya biko kose mo tchese.
\v 3 Bondiya yo kpei eke koika kabe keisamei kowa ka Klisto ka Mokonga.
\v 4 Bondiya, Klisto, koika kabe, o ko monekai nande mo okuku yande.
\p
\v 5 Iya beikaneli babeya beya bika motchese m'mba: "Ilemba bololo tcheema tcha beya, ena ko ema beeya, ikai ko litosa besima bephe.
\v 6 Mo isina ya maondisi maamo nde obaba ya Mokonga yo keleai mana motomboki.
\v 7 N'nkati yabo, wa endangai boso, a abowa aikanga owe n'nkati ya ko beya.
\v 8 N'ndi, enekeke, tchitchana beendeli booso: "ma kosoma-soma, bisilami, kolola, ko eneya ko beya, na ko omoka mokana kabe.
\v 9 Buwa ko eneya bane mine olanga n'nkati ino, bondiya baekake mono moto boso na mekambo yande,
\v 10 Eke baikake mono moto mophuya, owa wo ko timboka mo ko eba, m'mba ililingi ya owa wa endjekanga boose.
\v 11 Buwa kae n'nkati ino ba Greki, ango ba Yuda ango batende, ango bandjule, ango baene-eni, ango Shute, ango bakobe, ango baa bika bemine; n'ndi Klisto wiko yoose na n'nkati ya yoose.
\p
\v 12 M'mba boobo kae, m'mba basoneki ba Mokonga, bapheneni, baemeleki, balai na mesolo ya tchombo, ya kophowa, ya koselela, ya moboto na ya koeyesa motema.
\v 13 Bilesanai ko metema bane mine, aika m'mba omo wino, waika na bondi ya kotchongeya munakande, meselesanai bane mine bowa Klisto wameseleanga bane, meselasani kae boobo.
\v 14 N'ndi n'nkati ya maondi si maamo moose, bailai mo boto, ika n'nembe ya ko eba koose.
\p
\v 15 M'mba, biiki ya Klisto, bondiya owa beeteke mo kondjeka mobe omo, yalombe n'nkati ya metema ino. Eke na kowakowa kophowa.
\v 16 Ekai mbe looki ya Klisto yaike ya buwa n'nkati ino; ebesesanai, bomesanai omo na omo mo ko eba koose, mo mosomboli, mo ngembo, mo beombe, na ngembo ya mesombo, koembeya Mokonga mo mo metema ino, na ko sidekeleka ka n'ngbengbele.
\p
\v 17 Ango batu ko maoki, ko meikaneli, babu yoose mo lina Mokolo Mbali, mokota, mo lina ande, mekambo ya n'ngbengbele ya Mokonga Ise wito.
\p
\v 18 Bamokali, n'ngbai moose ma baome bino. Bowa eengame n'nkati ya Mokolo.
\v 19 Baome, eemai bamokali bino eke buwai kosomesa boo.
\p
\v 20 Baana, litosai ba boti bino mo yoose, eeyo ikai kophowa ka Mokolo.
\v 21 Ba Ise, bowai kosomesa bana bino, mbe beteenangi.
\p
\v 22 Bato ba mekambo, litosai mekota ino mo moose, bowa ika monuku, n'ndi bowa bande kota yo mo maiso ma mabo, n'ndi mokoselela koose ka motema, mo kotina Mokolo.
\v 23 .......
\v 24 Ebai mbe bo ko eselekai na Mokolo botiko moko lipeka.
\v 25 Bondia moto si owa wokola mo kobeya, utoeseleka bande, bondia ko beya kande, ena buwa bande kowa koleka ka bato.
\c 4
\cl Botuku ya ema
\p
\v 1 melombiya, baatoma baeki mo chaa, na liti na koena nabo, na koeba m'mbele owe kae uka na molobiya kowa kiyo.
\p
\v 2 ilela ii n'kati ya masomboli, kesa ii na mekambo ya m'ngbengbe.
\v 3 basomboleya kae base n'nyanga yoose, mondia mbele Mokonga wakandoleye base molango mondia looki, mondia mbele neene maisameyo ya Mbali, owa nika n'kati ya meo folo.
\v 4 na kota mo komoesa we m'mba bowa neengame na koena.
\p
\v 5 endeseleki na boweli mo baaba kaowa, na koondesana na n'nyanga
\v 6 eka mbele maoki mino maike na m'ngbengbele, kosangana na moo, mondia beebi chei beeme kosumboleya moto maoki.
\p
\v 7 Tishiki, moemeleki nduku na moto wa n'kasi siowa uka chaa, owa osangana nane mo n'kasi n'kati ya Mokolo, okoebesi ane eya yoose emone noo.
\v 8 na tomake we mo kaobebeyokowa kino, mondia mbele beebi koika kito, na waese bii o metema ino.
\v 9 natomake we na o ONESIME, moto wa chaa na nduku siowa weemeleke, owa uka kowakino. bo koebesi bane yoose sieya yokoeta kookono.
\p
\v 10 ARISTARKE, owa osangananga nane n'kati ya bokobe, waimolaki bane, na Malako, mana n'naunande Balanabase, moeya bepate maoki mo koenjaka (aika m'mba waaba kooko ika bane, pokeya ii we);
\v 11 Mbali, weeteke YUSOTUS, waimola ke kaee bane. bika n'kati ya baa bebukeke choo, na baa lika bete nane n'kati ya Mokota ya Mokonga, na baa baikanga m'mba kowa kane baesi ba biomotema yane,
\v 12 EPAFRAS, uki wino, waimolake bane: moto wa n'kasi wa Mbali klisto. uteeke ande mo koesa motato n'ndia mo o masomboli mande, mondia mbele, eya yeengame na kowakoleka koose, na koimaneya n'katiya yoose mokoselela mokoema ka Mokonga
\v 13 mondia nokoesa we boyaeli siowa yeengame na koemeleka nino, mo baaba Laodikia na baaba HIERAPOLI,
\v 14 Luka, monganga siowa weemeleke, waimolake bane, asima amo na Demase
\p
\v 15 baimola ba nduku si baa bika mo Laodikia, na Nafas, na Etanda sieya ika molumba yande.
\v 16 abowa kaani si kano koosomeka kowa kino, taa yoose kosomekeleka mo Etanda ya Laodikia, na besomi kaee mo isiyo ino eya yo kouleya ane mo Laodikia.
\v 17 na ebesi ARICHIPE: wamone bosaali n'kasi sieya wepate yo ka Mokolo, mondia wa engamese yo osaali,
\p
\v 18 naimolake bane, noo Paolo, mo kaako kane. monamona ii moo m'mboka yane. eka m'mbele m'ngbengbele ya ike nino.