gey_reg/49-GAL.usfm

\id GAL
\ide UTF-8
\h Bagalatia
\toc1 Bagalatia
\toc2 Bagalatia
\toc3 gal
\mt Bagalatia
\c 1
\cl Botuku ya ema 1
\p
\v 1 Paolo moeki: bua wabinakato buwa wamoto n`ndi, wa Mbali; na Mokonga Ise weimole we ko Bakpi.
\v 2 na binakane boose si bano bika asima amo nane mo Baetanda ba Bagalatia:
\v 3 Mbe n`mgbemgbele na bii wa Mokonga Ise; na Mbali Mokolo wito ya eseleke koa kika bane.
\v 4 we siowa weabe motondo yande mondia kobea kito; mbe wa koe base mo chese si cheno cha bea; mba boa ika koema kande we Mokonga Ise.
\v 5 we siowa looka ika yande mo bemo na bemo boobo.
\p
\v 6 Ya sangalesake noo mo bane; kotshitshana siiki we siowa weete bane mo n`gbengbele ya Mbali, mo koeta mo ephe mesao
\v 7 buande mbe iki na ephe mesao n`saali ndi ika na bato si baa bosea bane; na koema kotimbola mesao n`saali ya Mbali.
\v 8 n`di mba basemine; mokitomo wa oboa wa saowa ephe mesao sieya titelondolee bane wa ayeleke.
\v 9 taenangi yo boso ke nasumbokeake yo ephe, mo n`yanga sieno, mba moto omo wasaowa ephe mesao bua mba eya eeseleke bane wa ayeleke.
\v 10 ke eneeke; naemaki kota eya efolee bato? ao Mokonga? iki mbe nophana kolengesa bato? aika n`mba nelengesange bato; n`tokoikaane mokobe wa Mbali.
\p
\v 11 naenaki nino mbe, mesao n`saali sieya eene noo, yauwande ya moto;
\v 12 mondia n`te tombeane ke n`teeseleke ane na moto n`di na komoeseleka na Mbali.
\p
\v 13 mondia ban`gbakei mosao ya beteleli, betanga nata boso, mo tshetanda tsha bayuda, boa na moesanga maobi, naiya, ke na balanganesa etanda ya Mokonga.
\v 14 na booni neilele na koenda n`kati ya beyaeli ba bayuda, koetea leemba yane iboka ko motanga ito yoose, ke nalomba mo koiyanesa asili wa batata.
\v 15 n`di aboa ete owa weitshe noo kaowa kolinga ko mesolo ya m`ma, ke waeta noo mo n`gbengbele yande;
\v 16 mokomoesa koakane manande, mo koboleka mbe ne enaenange, asimaamo na baa beeke koakoa n`temone ane mo monuku mba mokiya.
\v 17 ke n`telinye ongo, mo yelusaleme, koa ka baa baikanga baeki boso nane ndi naakei mo Arabi. enaboobo ke na sumboka ephe damaseke.
\v 18 bemo bisato koeta, nalinyangi yelusaleme mo kota mbe, te ebesane na Kefa, ke naika n`su ikomi na itano koakande.
\v 19 n`di, n`temone ane ongo moeki ophe, Yakobo lika, owa mana nina mokolo.
\v 20 n`kati wa eno na kpaloleake bane, monai boso na Mokonga, n`tokoena ane olanga ango kambu.
\v 21 ke maili na moo naaya iki mo obalu ya Syrie, na biili ya Cilicie.
\v 22 n`taebekananga ane, mo tshondi mo baetanda ba Yudea, baa bika n`kati wa Mbali.
\v 23 muso lika, be n`gbei koena: owa ephe n`yanga wamoesanga base maobi, enekeke wa ikake mokoenaena koakoa sikoa ka omolanga we tshekamba tshande mo kosea.
\v 24 ke ba lombesa iki mokonga mo isina ya ne.
\c 2
\cl Botuku ya ema 2
\p
\v 1 Bemo ikomi na bina na koeta, eke noo na kiya ephe mo Yerusaleme na Barabase, maili nane na ko bundai Tito mokiya nane.
\v 2 Eke ya ikangai maili ya eya ya monanga noo ndjoli na ikangai mbe nokonangola looki eya na ikanga na koeneya bato baa binamyeki, naikangai koeneya baa baikanga na okuku aema, mbe n'nteenangi beena - ena.
\v 3 N'ndi Tito owa waikanga, eke mbe oka mo Greki, otaikanga bande kotomeka mbe wa bukeke tchoo.
\v 4 Eke, eeyo bondia banduku bito baa ba n'ngeyanga na ko bakamea base, mo ko phana maondi moto base mine ma maikanga nito na Mbali Klisto, na maenyeli makota base mobokobe.
\v 5 Tita akoanga ango kombu maondi mabo, bondia mo ko ena liti ya kaani ka ilonga mbe kaika n'nkati yabo.
\v 6 Baa ba ikanga ba okuku ya ema, ango boa aikanga bo, eeyo itatanga base tchesima: "Mokonga utokomonanga tchondi tcha moto, baa ba ikanga na okuku yaema bitatanga bande noo tchema."
\v 7 Mo kaowa na awo, ko mona mba looki ya ilonga ya eselekangai noo bondia banjule, mba ka Petele batende.
\v 8 Bondia owa ote Petele moeki wa batende wekai ote noo moeki wa baa binanyeki.
\v 9 Ena mo ko eba ngbengbele eya eeseleke noo, Yakobo, Kefa na Yowani, baa bemoneke m'mba maango, baesa noo na Barabase, kaako ka ilome mokokobesa base mbe teelee baa binannyeke mbe bo baye ko ba Yuda eke mbe boo baelee batende.
\v 10 Baomba base tchesima tchemolika; ko enyelea touwa bondi si owa eeme noo kota.
\p
\v 11 N'ndi a abowa alanga Kefa mo Antioche, n'ta ngesananga nande. bondia utaikanga na liti n'nkati yande.
\v 12 N'ndi boso ya kula ka bato ba buwa, baa batomekanga na Yakobo, wa ikangai mbe o ko anga na baa binannyeki, na abowa alanga, batimbokangai bato ba etanda. Bondia kotina ba klisto ba ba bukeke tchoo.
\v 13 Na ba Yuda binakande ba ondaka kobeya ena Barnabase waboteka mokobeyasi.
\v 14 Ko mona mbe bito ko enda bosaali, bowa eeme kaani ka ilonga, eke na ena na Kefa, boso ya bato boose: "Aika m'mba ukai mo Yuda, okoika m'mba baa binannyeki mono, n'ndi buwa bowa okoikanga ba Yuda, n'ndi m'mba ba pagano, buwa m'mba ba Yuda, bondia tchei, owe weeme kobota bo mbe baike ba Yuda?
\v 15 Base, tikai ba Yuda kolinga ko boteka, n'ndi buande bati ba kobeya n'nkati ya ba pagano.
\v 16 N'ndi, mokeba m'mbe, buande ko mekambo ya angile yo timbolanga moto mosaali, n'ndi mo kowa-kowa ka Klisto, bowa ko mekambo ya ba angile.
\v 17 N'ndi tokophana m'mbe temoneke basaali mo mboka ya Klisto, aika m'mba base mine tikai bato ba ko beya, Klisto eke waika, wekae uka'kai moto wa ko beya? Ango kambo.
\p
\v 18 Aika m'mba na esa eya ya munanga noo boso, na moesake phololo mbe namunake angile.
\v 19 Angile, yo ko ema mbe nelitose na ko kpelea angile m'mba nokoika bowa eemee Mokonga, na moneka maobi bondia Klisto.
\v 20 Bua kae noo, owa wika, n'ndi Klisto wei wika n'nkati yane koika mika nako m'mba munakato, ikai koika n'nkati ya koa-koa Mana Mokonga, wa ema noo eke wakoba mobee ande bondia yane.
\v 21 Ntokombola ngbengbele ya Mokonga; bondia aika m'mba liiti yoko eselekai bondia angile, Klisto okpei buwa isina.
\c 3
\cl Botuku ya ema 3
\p
\v 1 Bane ba Galatien bebe, nani wobosewe bane, ango ba moesa bane ko maiso mino Mbali Klisto owa ba moesanga we maobi?
\v 2 neemei ko ema nino bondi si ono omo lika: tche, beeselekei motema mo mboka ya kolitesa okumu, ao mo mboka ya koa-koa monangoli wa koa-koa?
\v 3 Tche, ba ikangai be`be` boonoi? Bamana kota maondi n'nkati n'nkati ya motema, tche beemei enekeke kotayo n'nkati ya boyaeli ino ba mebei?
\v 4 Bamonekangai maobi buwa isina? Bondia buwa isina.
\v 5 Owa okoesa bane Mosombo, eke owa okolei maondi ma ema ema n'nkati ino, okotanga yo maondi ma angile, ango mo mekambo ya okumu, ama mo konangola ka koa-koa?
\p
\v 6 Mba bowa Abalayama wa akanga Mokonga ena bowa abandekanga we mosaali.
\v 7 Ebai mbe baa beeyame koa-koa, boyi bika bana ba abalayama.
\v 8 Na bowa kaanika ilonga kemoesi kolinga bose mbe Mokonga o ko esai nkita ya ba pagano bosaali mo mboka ya koa-koa. Mo boobo yaebeselekangai abalayama bondi osaali mbe: "N'nkati yabe n'nkati yoose, yo oliphelekai"
\v 9 Ena: "baa belipheleke na abalayama maakoi."
\v 10 Bondia baa boose bo ko onda saliya, bo ko ayekai; bondia eanaikelekei: "Ko ayeleka, ka woose owa utokolitosa eya eyandikeleke mo kaani ka ilongo, na utokota yo mo mokambo.
\v 11 Eke ango omo uto ko akoleka boso na Mokonga, mo ko ondeya saliya, ek eeyo ikai liti bondia eandedikelekei: "aliti okoikai mo koa-koa."
\v 12 Bondia saliya itoko ondea bande koa-koa; n'ndi wo ko ena mbe: "Woose owa wokota besima si beebo mo mekambo, okoika na bo."
\p
\v 13 Klisto wokowei base mo maondi ma sliya eke womune waakowa kobiya owabasi bondi ito, bondia eandikelekei: "Woose owa okogba mo kokande ka mo tote";
\v 14 Bondia ko lepheleka ka Abalayama ikai ko iyanesa na Mbali Klisto m'mba topatei mo koa-koa ka Mosombo eya yalakelekanga.
\p
\v 15 Bana baata (nokoenai m'mba mo namuna ya bato), koengama ko saali, ango bowa eteleke na moto omo, kiteselele bande na moto, eke moto uteiyese bande.
\v 16 Eke kolakeleka katelekanga ka Abalayama na iboti yande. Iteeneke ande ena maboti, m'mba yaikangei mo iboti emolika lika ena mo iboti yabe, mo isina m'mbe: "ya klisto."
\v 17 Monai eya yokon'ngba noo: "Bondia omo, eya Mokonga wa ko angai yo boso, itengame bande na kosela-sela, eke kolakeleka kaika ka bule, ena kolakeleka n'nkati mboka ka bule, na saliya watelekanga bemo mia-ina-na nkama-isato boso iboka.
\v 18 Aika m'mba botiko yo kulangai mo saliya, itokulanga ephe mo kolakeleka; eke mo mboka ya kolakeleka kowa katanga Mokonga ka Abalayama, iba ango ya ngbengbele yande.
\p
\v 19 Bondia tchei saliya? w eselekangai boso mo isina ya mesombi, ena kowa kalanga iboti eya kolakeleka ka eselekanga; waphandjekai na ba maleuka mo mboka ya osanganesi ome.
\v 20 Mosanganesi o buwa bande mosanganesi wa omo, n'ndi Mokonga ukai omolika.
\p
\v 21 saliya wikai kaowa na kolaleka ka Mokonga? kpaaya na aowo, aika m'mba ya eselekangai saliya omo owa waesanga tcheondesa ambe liti ileyei bosaali mo saliya.
\v 22 N'ndi kaani ka ilonga kekande yoose bondia kobeya, m'mba eya yalakelekanga ya eseleke mo saliya ka Mbali Klisto mo baa beakowe.
\v 23 Boso mbe kowa-kowa kale, takandekangai kose na liiso ya saliya, bondia kowa-kowa kaa ka engamanga na ko ebeseleka.
\v 24 Eke saliya na koika m'mba moalimo mo kois base kawa ika Klisto, m'mba tokoengama.
\v 25 Kowa-kowa na kula, tobuakae kose na moalimo si o oyo,
\p
\v 26 bondia bikai bane booe bana ba Mokonga, bondia kowa-kowa n'nkati ya Mbali Klisto.
\v 27 Bane boose, baa bennyekeleke n'nkati ya Klisto, ba batake Klisto.
\v 28 Bowa kae ango mo Yuda, ango mo Greki, kowa-kowa ango mokebe ango owa weekeleke, buwa kae ango amo ome, ango amokali; bondia bane boose bikai omo ka Mbali Klisto.
\v 29 Aika m'mba bikai ka Klisto, bikai ba ba iboti ya Abalayama ntiko ko ondesana na kolakelaka.
\c 4
\cl Botuku ya ema 4
\p
\v 1 mbe, aboa inaika Npene maana manuke, naenaki mbele unaetani ande na bondi ango omo na mokobe, ango we waimanea choose.
\v 2 ndi we uka kose wa baa beimaneye na baa bokoendesa bena mo nyanga ya komoeseleka na ise.
\v 3 base ka kae, mo boyaeli siowo, aboa taikanga baana, taikangai mo bokobe boa aikanga boso mo chese.
\v 4 ke, aboa n`nembe yo yaengamanga, Mokonga wetomei manande, waboteke na amokali, waboteke kose wa baangile.
\v 5 mondia mbe wa kokoe baa babaikanga kose wa baangile, kalembekeo mbe teeseleke omonye ya koakoleka.
\v 6 na mondia biki baana, Mokonga we na kotoma n`kati yametema ito mosombo ya manande ya koika: Abba! ise.
\v 7 yoi webuakae mokobe, n`di maana; na aika mba uki maana, uka kai n`pene mo n`gbengbe ya Mokonga.
\p
\v 8 n`yana ephe, bua koeba Mokonga, beti mekambo ya mekonga sieya yebua mba we.
\v 9 n`di mo enekeke aebake baeba Mokonga, na boa kae baebekanake mono na Mokonga, boni bosumboka ka bano ba kokosa chekamba na touwe ta chese, baabano eneeke beeme kotelea bo ephe?
\v 10 boomoesana na n`su, ba meeli, ba n`yanga na bemo!
\v 11 nootina mbe n`tetangi betata ba mokambo mondia ino.
\v 12 ikai mba noo, mondia noo kae nika mba bane. binakane, naeyake nino.
\p
\v 13 bitete abino noo ongo emo ya bea. beli mbele ya telekaki mo isina ya koena ka mobe n`di naemake mo isio sieno nesaowe mesao n`saali koa kino.
\v 14 na komona yo ko mobe mobe yane, bite mone bino ao koeka ao ko belea; mo ephinole, ba mundesaki noo mba mokitomo omo wa mokonga, mba Mbali.
\v 15 isina ya kolomba kino n`mbe ko? ongo nomoesana nino mbe, mba yaengamange na koteleka, bane bo toeseleki maiso mo koesa noo mo.
\v 16 noo natimbokake moto wa bea koa kino mo koena nino liti?
\v 17 kolomba sikoa kika nino kitefoe ande, beeme ko toesa bane koakito, ambe maili belombesi bo.
\v 18 ika bosaali kolomba mo eya yefoe na mo n`yanga yoose, na buande lika n`yanga nika ano nino asima amo.
\v 19 bana bane, sibabaa nokongba ophe obaba ya kobota, bena koa Mbali olembeleka koa kino,
\v 20 neeme neike kotio bakabaka nino, na kotimbola koena, ongo nika n`kati kochokowa ka boa mo isina ino.
\p
\v 21 enai nane, bane baa baemake koika kose wa ba angile, bite n`gbanga ongo kambu ka baangile?
\v 22 ongo ye kpaloleke mbe Abalayama waikangi na baana babe, omo naamokali mokobe, na omo ka amokali wa ko kanga bokobe.
\v 23 n`di owa wa bokobe yaikangi mo mobe, na owa wa kokanga bokobe yaikangi mo kolitesa kolakeleka.
\v 24 maondi si miki mba isa, mondia bamokali siabo biki malonga mabe. emo ya mokondi ya sinai webotei mondia bokobe, wei Agar.
\v 25 ango Agar, iki mokondi ya sinai mo Arabi, na yo yeondesanei na yelusaleme wa eneeke, siowa uka n`kati ya bokobe na bana bande.
\v 26 n`di yelusaleme wa kio siowa webua mo bokobe, iki nina wito;
\v 27 mondia yekpaloleke mbe: lengea owe, moomba, owe siowa utebotanga! akaya na looki ya kosanga owe siowa una n`gbi mono obaba ya kobota! ango baana ba owa wakochichaneka bokoiki babua iboka koetea bana ba owa wesongeleke.
\p
\v 28 mo bane, binakane, m`ba Isaka, biki baana ba kolakeleka;
\v 29 na koondea m`ba owa wabotekanga mo boyaeli ya mobe omoesa maobi owa wabotekanga mo boyaeli ya mosombo, benande unaika ephe eneeke.
\v 30 n`di mekpalowo yeene boboni? benga mokobe na manande, mondia mana mokobe utekaiki ande asimaamo na mana amokali wa boyaeli ysa mosombo.
\v 31 iki mondiachei, munakane, base tebua bito bana ba mokobe, n`di baa ba amokali wa boyaeli ya mosombo.
\c 5
\cl Botuku ya ema 5
\p
\v 1 Bondia koekeleka n'ndi wakalesa base ophe obalu Teesei malu ase eke tite sumbokangi ephe ko moyololo ya kobeya.
\v 2 Monai, mo Paolo, naenake nino mbe; aika m'mba wa bukeseka tchoo, Klisto utokoleya kae owe tchesima.
\v 3 Eke na lingowake kae ephe ka amo ome woose owa o ko bukeka tchoo, weeengamei na koanda saliya woose.
\v 4 Ba ekanake na Klisto, bane boose baa bophana ko ebeseleka n'nkati ya saliya;
\v 5 Mo base, kowa-kowa n'ndi tokendeako, mosombo, mo koendea mo liti.
\v 6 Bondia ka Mbali Klisto, ango wa bukeka tchoo, ango waika mondjule yo buande na isina ango emo, n'ndi kowa-kowa ka ko kota mekambo na ko emesana.
\p
\v 7 Ba ikangai mbe bo koenda bosaali: "Nani wa ekesanga bane mbe bitelitesangi liti bosaali?
\v 8 Mbele si eeno itele bande ka owa o ko eta bane.
\v 9 Moto a angowa ya ko uwes mekati, yo ko uwesangi ango ya buwa.
\v 10 Nika na kowa-kowa kowakino n'nkati ya Molombia, bondia bitokotimbola bande maenyeli mino. Ebai mbe owa o ko phana kotimbola bane, o ko pata azabu wande.
\v 11 monoo, banduku, aika m'mbe no ko ena bane bondia ya tchoo, bondia tchei beseke noo? Mo isina si ko sendekeleka ka musala ko kalungake!
\v 12 Mo boobo, boose baa bokota iye-eya n'nkati ino beengamei na kotoka n'nkati ino.
\p
\v 13 Banduku bane, beetekei buwa kose ya okumu ya moto n'ndi koika si kooko kitetomangi bane mokota maondi ma beya.
\v 14 Bondia saliya woose wa engamake n'nkati ya looki omolika, n'nkati yayo: "ema munakabe m'mba owe omune."
\v 15 N'ndi aika m'mba baphunesana, na kolesana bane mine n'nkati ino eke ba manesa, bane mine n'nkati ino.
\p
\v 16 Na enake m'mbe endai na mosombo osaali, eke bo buande nako.
\v 17 Bondia mobe ikai na ko ena ka buwa kabeya eke mosombo osaali ika na ko ema buande m'mba ka mobe. Bikai na kosekana n'nkati yabo, m'mbe bitetangai eya yeeme bane.
\v 18 Aika m'mba wokenda na mosombo osaali, bitokaka kae kose ya saliya.
\p
\v 19 Maondi ma beya ya munakato mo ko ebekanangai wani-wani: "Koenda na amokali, na amo ome wophe, kota ko beya na ilemba.
\v 20 Kuabudua besima, maji, kosekama, ko kpesana motema ya beya (kosekama tcha tchuka na moto ophe, masongo, ko ekama n'nkati ino, ko onda maotini maa mo ko ena ko beya.
\v 21 Kilitho, ko ema malu, masili, ko anga ka ko eteseya, na maondi nkitaka- na n'kitaka. Na enake nino boso, m'mba bowa na enake mono nino, mbe baa bokota maondi si ma amo, bito ko n'ngeya bane mo bokota ya kiyo ya Mokonga.
\v 22 N'ndi touma tosaasi ta mosombo tika: "Ko ena, ome, bihi koeyesa molema, kophowa ka motema,
\v 23 saliya uteseke bande besima si boobo boose.
\v 24 Baa bika m'mba Mbali Klisto baiyake mebe yabo mo musalaba na beikaleli, na ko ema kabo;
\p
\v 25 Aika m'mba tokoikai bowa eeme Mosombo, teendei kae m'mba bowa eeme Mosombo.
\v 26 Tobuwa ko phana okuku a bule, mo ko tchozane bamo mo baa baphe.
\c 6
\cl Botuku ya ema 6
\p
\v 1 nduku, aika m'mba moto omo wa bundeka na kobeya komo, bane si baa bika ba mosombo, baimecha we mo kaokooke. moko tina mbele owe mune utekeyangi mo kosonjeka.
\v 2 bilesani kumbo, na beengamesi eya ika angile wa Mbali.
\v 3 aika m'mba moto wa mona mbele uki chesima chemo, ango uteike chesima ango chemo, oseyameka we mune.
\v 4 moto na moto wa mone mekambo ya nde, nayo ii weengame na koeseka okuku yande we mune, buande ya moto ophe.
\v 5 mondia moto na moto obiyai kumbo wande wemune.
\p
\v 6 Aikam'mba moto walesa owe looki ya Mokonga aesawe obaa ya bemo mo bea baabe mbele.
\v 7 buai kokeseleka: bito ochekeleyanga nde Mokonga. eya moto oleka yoi okonyowa yo.
\v 8 owa oleka n'ndia mobe yande, okonyowai o mobe mo kobea; n'ndi owa oleka o mosombo okonyowai omosombo koika ka bemo na bemo.
\v 9 buwai koena koya kofowa; mondia tookonyowai mo n'nyanga n`saali, aika m'mba titeeke kota kofoa.
\v 10 na boobo, mo n'nyanga base tika na booya, teti kofowa mo bato boose, menemene mo binakito siba tika nabo kowa kowa komo.
\p
\v 11 monai boyaeli ya kaani nekpalolee bane na kaako kane noo mune.
\v 12 baa boose beeme komoneka bosaali mo boyaeli ya mobe, bo koimaneyai bane mbele bebukeki choo, mondia mbele biteikangi mo komoneka moobi mo lieka ya Mbali.
\v 13 mondia baa bebukeke choo bemine bitoomona ande ba angili; n'ndi beeme mbele bebukeke choo, mbe baeseke okuku o mobe ino.
\v 14 moeya yemone noo, kpaaya nane maenyeli ma koesa noo okuku maphe maondi mba molieka ya Mokolo ito Mbali, owa chese cheteleke mo lieka mondia ne, m'mba bowa nika mondia chese.
\v 15 yebuande chesima ongo chemo mokobukeka choo na kokanga kobukeka choo; eya ika chesima, iki koboteka ephe.
\v 16 bii na m'ngbengbele mo baa boose bo koonda maondi si mano, na ISAlaele wa Mokonga!
\p
\v 17 moto ango omo moeneeke webua kota noo kobeya, mondia nebiye o mobe yane beyaeli ba Mbali.
\p
\v 18 binakane, eka mbele m'ngbengbele ya mokolo wito mbali yaike ko mesombo ino! boobo!