See in Reader
Delete '42-MRK.usfmorig'
This commit is contained in:
parent
24d6a36341
commit
cb8eb498ef
1002
42-MRK.usfmorig
1002
42-MRK.usfmorig
|
|
@ -1,1002 +0,0 @@
|
|||
\id MRK
|
||||
\ide UTF-8
|
||||
\h Malako
|
||||
\toc1 Malako
|
||||
\toc2 Malako
|
||||
\toc3 mrk
|
||||
\mt Malako
|
||||
|
||||
\c 1
|
||||
\cl Botuku ya ema 1
|
||||
\p
|
||||
\v 1 Makondjekeo ma mesao isaali ya Mbali Klisto, Mana Mokonga. Mo eya yeandekeleke mo kaani ka Yisaya, molondoi:
|
||||
\v 2 "Monai, na tomeake boso wabe moenei wane, owa o ko endjeka m'mboka yabe;
|
||||
\v 3 Ikai looki ya owa okoakaya kowa mo tchebandjala tcha ibunge: Endjekai m'mboka ya Mokolo, nyolosai tokili tande."
|
||||
|
||||
\v 4 Yoani na ko buanya n'nkati ya tchebandjala tcha ibunge, mo ko n'nya bena kolondoa ko ekeleka ka ko beya.
|
||||
\v 5 Bato ba metanga yoose ya Yudea na ba bika mo Yelusaleme ba yangai kowakande; ke na ko kalanganya ko beya kabo, ba n'nyekangai nande mo iyaba ya Yaladene.
|
||||
\v 6 Yoani wa ikangai na ntulu ya m'puu ya m'ponda, na mooli ya tatala ko komba m'mpondjo yande. Wa angangai makele na booki ya okonda.
|
||||
|
||||
\v 7 Walondoangai ambele: "Owa weeteye noo na tchekamba okula maili yane, ke n'nteengame ane ko tulama, mo ko kandowa meeli ya bilato bande.
|
||||
\v 8 Noo ne nn'nyi bane na maale; we o kon'nyai bane na Mosombo mosaali."
|
||||
|
||||
\v 9 Mo n'nyanga sieya, Mbali na kotoka mo Nasalete mo Galileya, ke wa liphelekangai na Yoani n'nkati ya Yalaolene.
|
||||
\v 10 Mo n'nyanga si eeya yetoke maale, we na komona obowa ko kandoka, ke Mosombo na koselela kiyo nande m'mba n'njiwa.
|
||||
\v 11 Ke looki na ko m'mbgekana mo obowa mbele: "Ukai mana ane wa ikenya ko wakabei yete noo tcheema tchane tchoose."
|
||||
|
||||
\v 12 Mo kabeyo beyo, Mosombo na ko sindeka Mbali mo tchebandjala tcha ibunge,
|
||||
\v 13 kowa keetese we n'nsu n'nkama ina, mo ko sondjeka na Satana. Wa ikangai na n'nyama ya okonda, ke bakitomo na koteleya we mokambo.
|
||||
|
||||
\v 14 Maili wa Yoani koabeleka, Mbali na kiya n'nkati wa Galileya, kolondowa mesao ya Mokonga.
|
||||
\v 15 Waenangai mbele: N'nyanga ya engamake, ke bokota ya Mokonga ya iyeyake. Kalanganyai, ke beakowei ko mesao isaali.
|
||||
|
||||
\v 16 Bowa ya pkatolanga we mo m'mpkagba ya iyaba ya ema ya Galilaya, we na ko mona Simona na Andeleya, nduku wa Simona ambele bo ko m'mbola osaka mo iyaba ya ema; bondiya ba ikangai baoti.
|
||||
\v 17 Mbali na koena nabo mbele: "Ondai noo, ke nootai bane baoti ba bato."
|
||||
\v 18 Mo kiya kande kambu pkaaya, we na ko mona Yakobo, mana Jebedai, na Yoani, nduku wandé, baa baikanga kae n'nkati ya waato mbele bo ko endjeka masaka mabo.
|
||||
|
||||
\v 19 Mo kiya kande kambu pkaaya, we na ko mona Yakobo, mana Jebedai, na Yoani, nduku wande, baa baikanga kae n'nkati ya waato mbele bo ko endjeka masaka mabo.
|
||||
\v 20 Mo kabeyo beyo we na koeta bo; ke, baeka ise wabo Jebedai n'nkati ya waato na bato ba mokambo, ke baonda we.
|
||||
|
||||
\v 21 Bo na kiya mo Kapalanauma, ke botu ya Sabato, Mbali na ko n'ngeya kasa boso mo lumba ipheme ya bosonganeo, ke we na ko fundisa.
|
||||
\v 22 Ba isokangai na boyaeli yande; bondiya wa fundisangai m'mba owa uka na tchekamba, ke buwa m'mba baandeki.
|
||||
|
||||
\v 23 Moto omo wa ikangai na mosombo ya beya, wa ikangai mo lumba yabo ya ema ya bosonganeo mbele o ko akaya.
|
||||
\v 24 Oh! Weemei tchei mo isina ito Mbali wa Nasalete? Waalaki mokoseya base i? Neli uki nani: "Mophfeneni wa Mokonga."
|
||||
\v 25 Mbali na kosuleya yo nakoena mbe: "Bibana ke omoka ka moto si oono."
|
||||
\v 26 Mosombo ya beya na koomoka ka moto si oono na konyengesa we iboka na koakaya iboka.
|
||||
|
||||
\v 27 Boose na ko iya na bowa, mo isina si ke baphfifesana: "Oni ono? Oitaka opheya eneeke! We o ko amowangi ango na tchekamba mesombo ya beya, ke ya litosa we!
|
||||
\v 28 Ke okuku ande na kobalangana asima oose bena beikaneo ba baka baka na bo.
|
||||
|
||||
\v 29 Mo koomoka mo lumba ipheme ya bosonganeo, bo na kiya asima amo na Yakobo na Yoani mo lumba ya Simona na Andelea.
|
||||
\v 30 Moko wa Simona wa amokali wa lamangai, ambele uka na tcheeta. Ke mo kabeyo beyo ke ba ebesa bondi yande ka Mbali.
|
||||
\v 31 Mo ko bakama, ke wa imetcha we ambele wetingeye we mo kaako, ke mo n'nyanga si eeyo tcheta na koeka we. Ke wateleya we mokambo.
|
||||
|
||||
\v 32 Na iyo maili ya koselela ka liiso ya botu, ke ba luleya we na bato boose ba beeta na baa bika na mesombo ya beya.
|
||||
\v 33 Ke motanga otondo ya songanangai boso ya molango yande.
|
||||
\v 34 We na koondesa iboka ya bato si eeya ya ikanga na beeta okitakana okitaka; wabenga kae mesombo ya buwa ya beya, ke utaesanga ande isosa ambele mesombo ya beya yaene, mo bondiya ya ebangai we.
|
||||
|
||||
\v 35 Mo ko ondoonda ko tcha ka botu, ambele iphfue eke na ikaya ema, wa imana ke woomoka mo kiya asima amo ya kaisama, kowa kesombole we.
|
||||
\v 36 Simona na baa ba ikanga nande na kophfanesana nande;
|
||||
\v 37 ke, abowa bemone we, bo na ko ena nande mbe bato boose boophfana owe.
|
||||
|
||||
\v 38 We na ko sumboleya bo mbele: "Tiyei ophfe obalu mo tometanga tango tango ta baka baka nito, mo isina mbele nelondoe kae kooko; bondiya mo isina sii ya omokake noo."
|
||||
\v 39 Ke waya ko londowa mo besonganeo ba emeema, mo Galileya motondo, ke wa benga mesombo ya beya beya.
|
||||
|
||||
\v 40 Moto omo wa oso ya bekundo na kula kowa kande; we na ko muna malu, we na ko ena nande na looki ya ko bondjabondja we: "Aika m'mba wa ema, kokola na kophfenenesa noo.
|
||||
\v 41 Mbali, na ko iya na tchombo, na konyoloseya we kaako, na komata we na ko ena mbe: "Neeme yo pheneneseleka."
|
||||
\v 42 Mo n'nyanga si eeyo oso ya bekundo na koeka we, ke wa phfenena.
|
||||
|
||||
\v 43 Mbali na ko sumbola we mo n'nyanga si eeyo emo lika, na maoki ma koekesa we menemene.
|
||||
\v 44 Ke na ko ena nande ambele: "Tangana mo ko ebesa moto; n'ndi yaa ko moesa mobe yabe mo batombi ba mafaefi, ke aba mo isina ya ko phfeneneseleka kabe eya yeandike Mose ambele yaike n'nembe kowakabo."
|
||||
|
||||
\v 45 N'ndi moto si oono, abowa iye we na ko andja ko balanganesa na kosula bondi si ke wa ebesa kaisama si, mo isina si Mbali uta engamanga kae na ko n'ngeya motanga omo mo phfololo. Wa siyangai ko andja, mo beikaneo ba ko kanga bato, ke ba tokesangai mo m'mbalu yoose mokula koakande.
|
||||
|
||||
\c 2
|
||||
\cl Botuku ya ema 2
|
||||
\p
|
||||
\v 1 Maili ya n'su kakolo-kolo, Mbali na kula mo Kapelenauma.
|
||||
\v 2 Ke ibamba emo ya bato ya sungana bena asima boso ya molango ya kamba ko engamesa bo wa ena nabo looki.
|
||||
|
||||
\v 3 Bato na ko luleya we na mopki wa mao owa webileke na bato bana.
|
||||
\v 4 Bowa itaengamanga bo na ko bakameya we mo isina ya n'nguma ya bato, bakandowa okate ya lumba asima a ikanga we, ke ba selelesa mo molondo si owo itanda si eya moto wa ko pka mao wa lamanga.
|
||||
|
||||
\v 5 Mbali mo ko mona kowakowa kabo, na ko ena moto wa ko pka mao mbele: "Mana ane, ko beya kabe kameselekake."
|
||||
\v 6 A ikangai aowo na baandeki bamo, si ba ikanga moo, ke ba eneena n'nkati n'nkati wabo mbele:"
|
||||
\v 7 Oni boyaeli ono yo ko ena moto si oono boono? Ikai ophfendo. Nani weengane na ko mesela ko beya m'mba iteike omune Mokonga?
|
||||
|
||||
\v 8 Mbali na ko eba kabeyo beyo ko mosombo ya maa maengeleanga bo n'nkati ya bo we na ko ena nabo mbele: "Bondiya tchei ika bane na toengeleo si eto ko metema ino?
|
||||
\v 9 Tchei tche talale mo ko ena mopki wa mao mbele: "Imana, biya itanda yabe ke wiye?
|
||||
|
||||
\v 10 N'ndi mo isina ya ko ebesa ambele Mana moto uka na tchekamba tcha komesela ko beya."
|
||||
\v 11 Na esake owe isosa, we na ko ena na mopki mao, imana, biya itanda yabe, ke yaa mo lumba ya be.
|
||||
\v 12 Ke mo n'nyanga si eeyo, we na ko imana, na ko biya itanda yande, ke wena koomoka boso wa bato boose, mo isina mbe boose ba ikangai mo kosangala na kolombesa Mokonga, na ko ena mbele titi namoni moabito bondi okitaka si oono.
|
||||
|
||||
\v 13 Mbali na koomoka ephfe mo bila iyaba. n'nguma ya bato na kula kowakande ke wa fundisa bo.
|
||||
\v 14 Mo koeta, ke we na ko mona Levi, mana Aliphfi, ambele uka ase asima ya kolipesa mandjandja. Wa ena nande mbele onda noo. Levi na ko imana, na koonda we.
|
||||
|
||||
\v 15 Bowa Mbali wa ikanga mo mesa mo lumba ya Lewi, bakongoi ba mandjandja na bato ba beyaeli ba beya, na ko ika nande asima amo o mesa na baeki bande; bondiya ba ikangai babuwa si baa baondanga we.
|
||||
\v 16 Baandeki na ba Falisayo na ko mona ambele o kowanga na bakongoi ba mandjandja na bato ba beyaeli ba beya, na ko ena na baeki bande mbele: "Bondiya tchei yo koanga we na bakongoi ba mandjandja na bato ba beyaeli ba beya beya?"
|
||||
|
||||
\v 17 Mo ko n'ngba boobo, Mbali na ko ena na bo mbele: "Yo buande bato ba bosasui bika na n'nkasa ya monganga, n'ndi bato ba n'nso. N'ntile ane koeta baa bengame, n'ndi bati ba ko beya."
|
||||
|
||||
\v 18 Baeki ba Yoani na ba Falisayo ba kandangai buwa koanga. Ke bala ko ena na Mbali mbele: "Bondiya tchei baeki ba Yoani na ba Falisayo bekande buwa koanga; n'ndi baeki babe bito okandanga abo buwa koanga moleli?
|
||||
\v 19 Mbali na ko sumboleya bo mbele: "Masau ma amo wa isongi beengame na ko kanda mabele amoome wa isongi uka nabo? Mo n'nyanga si eeya amoome wa isongi uka nabo, biteengame abo na ko kanda.
|
||||
|
||||
\v 20 Mo n'nsu si eya yekala abowa amoome wa isongi wekatokeya bo, mo n'nyanga si eyoi ekakanda bo.
|
||||
\v 21 Moto uto osowanga ande monuku ya n'ntulu ya m'mbesi mo ikpende ya n'ntulu ya boso; mo isina si, monuku ya n'ntulu ya m'mbesi yo okpatowai n'ntulu ya boso. Ke molondo si yo ko emai iboka.
|
||||
|
||||
\v 22 Ke moto uto otanga ande malu maeneeke n'nkati ya kobole ka boso: mo boobo malu mao balangane si beongo ke malu na tobole maseyama; n'ndi efowei kota malu maeneeka mo tobole ta m'mbesi.
|
||||
|
||||
\v 23 Ke na kula botu omo ya sabato, owa Mbali wa bukanyesanga maba ma tokutu, baeki bande moondo ke ba pkatowa touma.
|
||||
\v 24 Ba Falisayo na ko ena nand mbele: "Mona, bondiya tchei yoota bo eya yeekeleke koteleka mo botu ya sabato e?"
|
||||
|
||||
\v 25 Mbali Mbali na ko sumboleya bo mbele: "Bita bandanga mono eya yatanga Dawiti, abowa ya ikanga we mo bokambe na n'ndja, we na baa si ba baikanga nande;
|
||||
\v 26 boni ya n'ngeyanga we mo lumba ya Mokonga, mo n'nyanga ya mobundi mophfe wa mafaefi Abiatala, ke wa anga mokati si owa itaengamanga na baphfe koanga ke wa abeya anga baa ba ikanga nande?"
|
||||
|
||||
\v 27 Ke we na ko ena nabo mbe sabato wa telekangai mo isina moto ke buwa moto mo isina ya sabato.
|
||||
\v 28 Mo isina mbe Mana Moto ukai bena Mokota ya Sabato.
|
||||
|
||||
\c 3
|
||||
\cl Botuku ya ema 3
|
||||
\p
|
||||
\v 1 Mbali na ko n'ngeya ephe mo lulba ya bosonganeo. Kooko iakangi na moto omo wa oso ya koako ka okamena.
|
||||
\v 2 Ba moesana na Mbali, m'mba wo ko ondesai we mo botu ya ko omona: Ambe ba tchongeya we.
|
||||
|
||||
\v 3 Eke Mbali na ko ena na moto si owa wa oso: "Imana aowo n'nkati n'nkati."
|
||||
\v 4 Eke wa ena nabo: "Eakolekei mo botu ya ko omona mo kota kofoa ao kota ko beya, mo ko ondesa moto ao koiya-we i? "N'ndi boosi ba libanangai.
|
||||
|
||||
\v 5 Wa moesana na bo na lisomi, na ko m'gba tchombo mo isina ya metema yabo ya beya, wa ena na mot si ooyo; nanowa kaako kabe. We na ko nanowa-ko, ke kaako kande na ko onda.
|
||||
\v 6 Ba Falisayo na ko omoka, bo na koenesana na ba Erodiana mo kophana mboka ya koiya-we.
|
||||
|
||||
\v 7 Mbali na kiya obalu ya iyaba na baeki bandé. Motuka ya bato baonda we mo Galileya;
|
||||
\v 8 bena Yudea, bena Yelusaleme, bena Idimea, bena obalu ya Yudea, bena kaowa kaowa ya Tiro, bena Sidona, motuka ya ema ya bato, ba m'gba maa moose matanganga-we, ba luleya-we.
|
||||
|
||||
\v 9 We na ko toma baeki bande baphaneye-we kaato kango kaike mo koendeya we, ambe bato biteekesangi we mo kotoka.
|
||||
\v 10 Bondiya bowa aikanga-we na ko ondésa bato ba buwa, baa boose ba ikanga na n'so baonda we mo ko kukana nande m'mba bo koonda.
|
||||
|
||||
\v 11 Mesombo ya beya, aabowa bemone-we, bala ko tulameya we: "Eke baakaya: Wikai mana Mokonga."
|
||||
\v 12 N'ndi we na koekesa bo mbe bite ebesangi-mbe wika mana Mokonga.
|
||||
|
||||
\v 13 Maili si we na ko linya mokondi; we na koeta baa baemanga we, eke bo na ko bakameya we.
|
||||
\v 14 We na ko sona ikomi na babe mo koika nande,
|
||||
\v 15 ambe watome bo mo konangola na tchekamba tcha ko benga mesombo ya beya beya.
|
||||
\v 16 Monai maina ma baeki ikomi na babé: Simona, wa eteka Petele;
|
||||
|
||||
\v 17 Yakobo, mana Zebedeo, bena Yoani, mana nina Yakobo, waesa bo liina Bonelekese isina yande bana ba n'koba ya kiyo;
|
||||
\v 18 Andélé; Filipo; Bartélémi; Matayo, Toma, Yakobo, mana Alféo, Tadéya; Simona mo Kananiya;
|
||||
\v 19 Bena Yuda Isikariote owa wa abanga Mbali.
|
||||
|
||||
\v 20 Bo na kiya mo lumba, eke bato na ko songana ephe eke ba kombeya iki ango kowanga moleli yabo.
|
||||
\v 21 Ise na nina komgba maa meete, bo na kula mo kotomba-we; bondiya ba enangai: Ba buwandé na n'kasa nande.
|
||||
\v 22 Bena baandiki baa betoke Yelusaleme, ba enangai: "Uka na mosombo ya Belezebula, mo tchekamba tcha mokota ya mesombo yooi yo obengawe mesombo."
|
||||
|
||||
\v 23 Mbali, na koeta bo na ko ena nabo ko membila: Booni ikiyo yeengame na ko benga n'nkati yande yemine, bokota si oowo ito koika kae?
|
||||
\v 24 Aika m'mba bokota omo yabaanyeka n'nkati yande yemine, bokota si oowo ito koika kae;
|
||||
\v 25 na aika lumba emo ya baandjeka n'nkati ya emine, lumba si eeyo yito koika kae.
|
||||
|
||||
\v 26 Aika m'mba ikiyo yata iyeeya n'nkati yandé omune, wa baanyekake, ke uto koika kae, n'ndi otunga kande oko.
|
||||
\v 27 Moto witeengame andé mo lumba ya moto wa tchekamba, eke wapheleya besima bande, ambe utinakandi-kandi moto si ooyo wa tchekamba; aowo-i woo ko kola kopheley besima bande.
|
||||
|
||||
\v 28 Na liti, na enake nino mbe ko beya koose ka munakato ko omeselekai bena ko beya koose kete bo ko omeselekakai;
|
||||
\v 29 n'ndi owa woose wo ko ena ko beya mo isina ya mosombo ya phenena, witoomeseleka ande: Wa siake mo ko beya ka ko kanga n'tungeyo (laya-laya).
|
||||
\v 30 Mbali weenei boobo mo isina ya baa baenanga nande ambe ukai na mosombo ya beya.
|
||||
|
||||
\v 31 Nina na bana ba nina na ko onda-we, wa imanesana koandja, batoma moto mo koeta-we.
|
||||
\v 32 Motuka ya bato, ya kombangai we, eke ba ena nande: "Mona n'tchoko na bana ba n'tchoko bika koandja bo koeta owe."
|
||||
|
||||
\v 33 We na ko sumboleya bo: "M'mai nani, ke bana ba m'mai banani?"
|
||||
\v 34 N'ndi we na ko moesana na baa bekombe we: "Monai, we na ko ena, m'ma na bana ba m'ma.
|
||||
\v 35 Bondiya mbe owa woose woota n'kasa ya Mokonga wei mana m'ma amoome, mana amokali, bena m'ma."
|
||||
|
||||
\c 4
|
||||
\cl Botuku ya ema 4
|
||||
\p
|
||||
\v 1 Mbali na ko fundisa ephfe mo okonge ya iyaba ya ema. N'nguma emo ya bato na ko songana. Ko komba we. Ke wa linya ke wa tchumana n'nkati ya waato omo mo iyaba iphfeme. N'nguma itondo ya ikangai mo okonge ya iyaba.
|
||||
\v 2 Ke wa fundisa bo mafundiso mabula na membila, ke wa ena nabo n'nkati ya mafundiso mande mbele:
|
||||
|
||||
\v 3 N'ngbayi: "Moléki omo wayangayi kolékà."
|
||||
\v 4 Bowa ya lekanga we, oketi omo ya touma na ko keya mo bopkatleo ya m'mboka: Tooni na kula ke tabobowa to.
|
||||
\v 5 Oketi ophfe ya touma na kokeya asima si abowa ika na mawe, ita ikanga ande na n'nseke ya buwa: Tamena kabeyo-beyo,
|
||||
|
||||
\v 6 N'ndi abowa yebuanye looba, ke talelekana ke takamena, mo ko kamba meli.
|
||||
\v 7 Oketi ophfe yakeya n'nkati ya meke: Mekena koyayoka, ke yaenekato, ke takamba mene-mene ko bota touma.
|
||||
|
||||
\v 8 Oketi aphfe na ko keya mo n'nse n'nsaali: "Ke taesa touma si teya telinye ke takowa, ke taesa n'nkama isato, n'nkama motoba, na miya omo mo kamo."
|
||||
\v 9 Ke wa ena mbele: "owa si oowa uka na matu ma ko m'mgba wa m'mgbe!"
|
||||
|
||||
\v 10 Abowa ya sianga we omune, baa bakombanga we na ikomi na babe na ko phfiphfeya we mo isina ya membila.
|
||||
\v 11 We na ko ena nabo mbele: Ka isama ka Mokonga keabelekeyei bane; n'ndi mo baa booso bika kowandja, moose mo ko etai ko membila,
|
||||
\v 12 ambele mo ko mona bamone, n'ndi bobuwa kolembela ango kambu, ke mo ko om'mba bam'mgbe, n'ndi biteebangi ango kambu, mo isina mbele bobuwa ko kalanganya, ke makowa mobuwa komeselekeya bo.
|
||||
|
||||
\v 13 We na ko ena nabo ephfe ambele: "Bito ofofowa bino mombila si oonoi? Oni namuna yo ofofowa bino mombila yoose?
|
||||
\v 14 Moleki olekangi looki.
|
||||
\v 15 Baphfe bika mo ko pkatola ka m'mboka, kowa kelekeleke looki; abowa ya m'mbganga bo, mo kabeyo beyo ke Satana wata ke wa toesa looki si owa ya lekelekanga n'nkati yabo.
|
||||
|
||||
\v 16 Baphfe kae, bootombangai touma mo asima ya mawe; abowa yo ko m'mgba bo looki, bo otombangai yo na ome;
|
||||
\v 17 n'ndi bobu wabo na meli n'nkati yabo bemine, bekambei mo ina ina, ke abowa yo kula iyeya emo ango obaba mo isina yako keya.
|
||||
|
||||
\v 18 Baphfe na ko tomba touma oleka n'nkati ya meke; ikai baa bo ko m'mgba looki,
|
||||
\v 19 N'ndi ko baa bika na tcheema mo n'nyanga si yeeno, ko limena na iphfoka na ko linya ka tcheema tchoose, yoonyesangai looki, ke ya kambesa yo kobota.
|
||||
\v 20 Baphfe bootombangai touma toumba ta oleka mo n'nseke ya phfoa ikai baa ko m'mgba looki, baakowa yo, ke ba bota touma, n'nka isato, n'nkama motoba, ke miya omo mo kamo.
|
||||
|
||||
\v 21 Ke wa ena nabo ephfe ambele: "Bobiyangai n'ntala mokota yo n'nkati ya botokeleo ya maale ao kose ya itandai? Ito ko ikanga mokota ya mo boteyo yayo e?
|
||||
\v 22 Bondiya yo buande na ka isama kamo sikaa keka kamba ko moneka, yo buande na ka isama si kaa ko okamba ko moneka mophfololo.
|
||||
\v 23 A ika m'mba owa uka na matu ko m'mgba wa m'mgbe!"
|
||||
|
||||
\v 24 Wa ena nabo ephfe m'mbele: "Tanganai mo eya yo ko m'mgba bane. Boosondjai bane na bosondjeo si owa yetekelee bane, ke bo ko ongeseyai bane.
|
||||
\v 25 Bondiya bo koabai ka owa uka na yo."
|
||||
|
||||
\v 26 We na ko ena ephfe mbele: "Ikai mobokota ya kiyo m'mbo moto si oowa we m'mbole touma mo n'nseke;
|
||||
\v 27 Wa lama, ao wakendea, botu na looba, kauma kaoleka kamena ke kakowa ambele uteli isina.
|
||||
\v 28 N'nseke yo obotangai yemine, boso towani, maili kate, maili si na moo touma okitaka yoose kobakama na kate;
|
||||
\v 29 Ke a ika m'mba kauma ka kowa, eni isina koteka teka mo ko konyowa ko mo n'nyanga ya ko konyowa touma, endeya kakowe mo ko konyowa ko.
|
||||
|
||||
\v 30 Ke wa ena ephfe ambele: "To otuwanyanyesi bokota na Mokonga, ao na oni mombila yo koenganesa base na yo?"
|
||||
\v 31 Eengamesani na kauma ka Sinapi, kaa aika m'mba baleka ko mo n'nseke, ikai kauma ka angowa koeteya touma toose ta oleka ta n'ngeyake mo n'nseke;
|
||||
\v 32 N'ndi aboya ya lekelekanga ko, kakonda, ke kaika kaema koeteya itote toose, ke kaomoka metabe yaemema, mo isina mbele tooni ta kiyo taengame kosima kose mo n'ntiti yako.
|
||||
|
||||
\v 33 Ika na membila ya buwa ya okitaka si oowoi yeebese we bo looki, a ika m'mba ba engama na ko m'mgba yo.
|
||||
\v 34 Uta enanga kae nabo ephfe buwa mombila; n'ndi mo ko siya bemine ke waebesa baeki bande boose.
|
||||
|
||||
\v 35 Botu si oowo omo na iyo, Mbali na ko ena nabo mbele: "Tekalei owa ophfe okong."
|
||||
\v 36 Maili ya ko balanganesa n'nguma, ke ba biya we mo waato si owa ya ikanga we; maato maphfe maikanga kai nande.
|
||||
\v 37 Mophfophfo ya ema na ko yayoka ke maboo ma n'ngeya mo waato, bena mo ko engama ko iyesa yo.
|
||||
|
||||
\v 38 Ke we ambele welame boba kiyo na muto. Bo na ko imola we, ke ba ena nande ambele. Moalimo, ito-otchokosa ande owe mobowo yo opka base i?
|
||||
\v 39 We na ko imoka kabeyo beyo, ke, wa suleya mophfophfo, ke wa ena na iyaba ya ema: "Bibana! A ikanee na aowo! Ke mo phfophfo na kotunga. Ke bii ba ema na kula.
|
||||
|
||||
\v 40 Ke wa ena nabo mbele: "Bondiya tchei yatinake bane iboka boobo? Bondiya tchei ekambe bane kowakowa?"
|
||||
\v 41 Bo na koiya na bowa ya eteya, ke ba enesana bamo na baphfe: Oni okitaka ya moto ono, owa si oowa ango mophfophfo na iyaba ya ema yo olitosa we?
|
||||
|
||||
\c 5
|
||||
\cl Botuku ya ema 5
|
||||
\p
|
||||
\v 1 Bo na ko koma okonge ya ibe ya iyaba, mo tchese tcha Bagelasa.
|
||||
\v 2 Mo ko kimeya ase, wa mona moto omo wetoke ko mawiyako, wa ikangai na mosobo yabeya.
|
||||
|
||||
\v 3 Moto si oyo wa ikangai na bolameyo yande ko mawiyako, moto ango omo witaengamanga kae na kokanda we ango na moyololo.
|
||||
\v 4 Bondiya wa ikangai na ko kandeka na mekpala ko mao, eke wa ikanga kai na ko kandeka na meololo, wa ikangai na ko buka buka meololo na mekpala, bena moto ango omo uta ikanga kae na mekuwa ya ko phophesa we.
|
||||
|
||||
\v 5 Wa ikangai botu na looba ko mawiyako, bena kiyo na mekondi, waakangangai, wa lubana lubana ngai na ase ke wa eseka-eseka na mawe.
|
||||
\v 6 Ko mona kandé Mbali baaya, wa onda we obeyo, watulama boso nande,
|
||||
|
||||
\v 7 we na ko akaya iboka: "Tchei n'kati yane na be, Mabli, mana Mokonga owa uka kiyo? Naeya eya nabe mo lina Mokonga we moesangi noo maobi iboka.
|
||||
\v 8 Bondiya Mbali na ko ena nande: "Toka ko mobe ya moto si oono, mosombo ya beya!"
|
||||
|
||||
\v 9 Bena, we na ko phipheya we: "Linabei nani? Metuka-ii linane (metuka ya ba sola), bondiya tebuwei.
|
||||
\v 10 We na ko bondja bondja Mbali mbe witebengangi bo kpaaya ya motanga. Eke mesombo ya bondjabondja we yaena mbe: Toma base mo n'nyama si yeeno, m'mba to ko n'ngeya n'nkati ya yo.
|
||||
|
||||
\v 11 obalu ya mekondi, a ikangi ya ba ngulube ambe bo ko eta.
|
||||
\v 12 Eke mesombo ya beya beya na ko bondja bondja we na ko ena."
|
||||
\v 13 We na ko akoleya bo. Ke mesombo ya beya n'nkati ya n'nyama si eeyo na ko tchubeya mo iyaba, ya ikangai aiye-iye na elefu ibe, yo na ko imba n'nkati ya iyaba.
|
||||
|
||||
\v 14 Baa balesanga ba ngulube na kiya m'mbeyo, baya kosaowa mesao si ko motanga ya ema bena ko motanga ya n'konda. Bato na kiya ko mona eya ya telekake.
|
||||
\v 15 Bo na ko eleya owa wa ikanga na metuka ya mesombo, ambe wika ase, webate n'tulu ambe wa ondake; bo na koika na bowa.
|
||||
|
||||
\v 16 Baa bemone eya yaetanga basoleya bo eya yekomeya owa wa ikanga na mesombo bena mo ba ngulube.
|
||||
\v 17 Eke ba eya eya na Mbali mbe watoke ko motanga yabo.
|
||||
|
||||
\v 18 M'mba bowa akimeanga we mo waato, owa wa ikanga mesombo na koomba we mbe wa buwa koeka we.
|
||||
\v 19 Mbali wita akoleyanga ande we, eke we na ko ena nande: yaa mo lumba yabe, ko bato babe, saolea bo yoose si eya Mokolo weteleye owe, bena bowa wangbeanga owe tchombo.
|
||||
\v 20 We na kiya, na kosaowa ko motanga ya ema moose si maa meteleye Mbali wateleya we. Eke boose baika mo kosangala ka ema.
|
||||
|
||||
\v 21 Mbali n'nkati ya waato, wakala okonge ya ibe, kowa motika ya bato balubeleya-we. Wa ikangi mo okonge ya iyaba.
|
||||
\v 22 Eke omo wa mekota ya lumba ya bosonganeo na ko luleya we, weeteke Yairo, owa mo ko mona we ke wa lubaneya we ko mao mande.
|
||||
\v 23 Eke wa eya eya nande iboka: "Mana ane amokali uka mpe-mpe (Hatari wa ko kpa), waa, weteleye we maoko, m'mba wo ko onda."
|
||||
\v 24 Mbali na kiya nandé. Eke motuka ya bato ba n'ngesa-we n'nkati.
|
||||
|
||||
\v 25 Aowo ambe amokali omo n'nkati wabo uka na oso ya kooka makiya bemo ikomi na bibe.
|
||||
\v 26 Wa ikangi na bemusi iboki eke wa etangi ko menganga ya buwa buwa tcheondesa,
|
||||
\v 27 Aabowa emgbe-we mesao ya Mbali, we naika maili ya motuku ya bato, we na kiya kobunda n'tulu ya Mbali.
|
||||
|
||||
\v 28 Bondiya wa enangai mbe: "Aika ango m'mba na kukana na n'tulu yande, no ko ondai.
|
||||
\v 29 Mo n'nyanga si eyo emo, eke makiya na ko bukeka. Eke omune wa mona mbe waondake.
|
||||
|
||||
\v 30 Mbali na ko eba mbe tchekamba tchande tchemo tchatokake n'nkati yande; we na ko timbokeya bato, eke wa ena: Nani wa kukanake na n'tulu yane?
|
||||
\v 31 Baéki bande na ko ena nande: "Woomona motuka ya bato yo koonda owe, ke woophipheyabei mbe nani wakukanake nabe?"
|
||||
\v 32 Ke wa mona baka baka nande mo ko eba babi wabu ndake we.
|
||||
|
||||
\v 33 Amokali wa tina, wateka-teka bondiya waeba eya a etanga n'nkati yande, wala ko lubana ko mao mande, wa ena nande liti woose.
|
||||
\v 34 Eke Mbali na ko ena nande: "Mana ane, koakoa kabe kaondesa ke owe; yaa na bii, eke onda mo oso yabe."
|
||||
|
||||
\v 35 Ambe o ko ena ande we na amokali si ooyo, eke bato bala koebesa Yairo; manabe wa kpake, bondiya tchei konziya Mokota?"
|
||||
|
||||
\v 36 N'ndi Mbali, buwa ango koondeya maoki ma bato si abo, eke wa ena na Yairo, buwa kotina, akowa lika.
|
||||
\v 37 N'ndi we na ko ekesa mbe bato biteondangi we, kosakolo Petele lika, na yakobo, na Yoane, mana nina Yakobo.
|
||||
\v 38 Bo na ko koma mo lumba ya bosonganeyo, wa mona mbe bato bo ko angaika, bokoeya na boota lokindi, bondiya tchei bo ko eya? Maana ntekpe ande, n'ndi welame tchande.
|
||||
|
||||
\v 39 Wa n'ngeya, ke wa ena nabo: Bondiya tchei boota lokindi, bondiya tchei bo ko eya? Bondiya tchei bo ko eya? Maana utekpe ande, n'ndi welame tchande.
|
||||
\v 40 Bato na ko mungunikeya we na obaba. Aowo, waomola bato boose koandja waeta isa maana na n'na maana, na baa balanga nande, ba n'ngeya kowa kika tcheliyo tcha maana.
|
||||
|
||||
\v 41 Eke wa bunda iki we mo kaaka eke wa ena nande: Talitha koumi, isina yande mbe: Moseka, imana, naenake nabe.
|
||||
\v 42 Aowo kae moseka na ko imana, eke wa enfa; ambe wika na bemo ikomi na bibe. Eke boose ba sangala.
|
||||
\v 43 Mbali na koesa bo iyano mbe moto ophe ango omo witeebangi bondi si ono atake noo. n'ndi akesai we moleli waange.
|
||||
|
||||
\c 6
|
||||
\cl Botuku ya ema 6
|
||||
\p
|
||||
\v 1 Mbali na kotoka, wa sumboka ko motanga ande Baeki bande na koonda we.
|
||||
\v 2 Botu ya sabato na ko engama, waika na konangola mo lumba ya bosonganeo. Iboka ya bato si baa ba n'ngbanga we bo na ko sangala ke ba ena: "Ono ya luleyaki we kokoni? Eno m'ngbengbele ya eselekaki we na nani, eke mano maondi ma manii-nii moota-we ikai tchei?"
|
||||
\v 3 Abuwa moto si owa wa mekambo ya m'mbao, mana Maliya, mana nina Yakobo, na yose, na Yuda, na Simona? Bena batamba bande babuwa n'nkati ito aabono-i? "Aikangi kowa kabo namuna wa ko kandekesa-we.
|
||||
|
||||
\v 4 N'ndi Mbali na koéna nabo: "Molondoi wo ophendekangai wo ophendekangai ko motanga ande, n'nkati ya baboti bande bena n'nkati ya lumba yande."
|
||||
\v 5 Ko motanga yande, utatanga ande maondi ma manii-nii n'ndi wa tangi maako ko metchwe ya bato bamo ba n'so ke baonda.
|
||||
\v 6 Eke wa sangala bondiya bita-akowanga ande we. Mbali na ko eta eta ko metanga ya kaowa kaowa ambe wo ofundisha bato.
|
||||
|
||||
\v 7 Eke wa eta baa ikomi na babe, we na kotoma bo babe babe, wa esa bo tchekamba tcha ko longeya mesombo ya beya beya.
|
||||
\v 8 Wa ekesa bo mbe bitebiyangi ango tchesima mo ondo yabo, kosakolo lofimbo ya koenda nayo; buwa ango mokati, ango katunga, ango beeya mo iteke;
|
||||
\v 9 n'ndi ba bate mapapa lika ko mao, babuwa kobiya n'tulu ibe.
|
||||
|
||||
\v 10 EKe wa ena na bo: "Ko malumba mamo maa mo ko n'ngeya bane, tchumanai moo bena kowa ekatoka bane moo.
|
||||
\v 11 Aika m'mba asima amo bato bitepokee bane ama bite m'mgbe bane, tokai noo, eke tchitchai ibunge ya mao mino, ambe yaike n'nembe mbe baetangi moo."
|
||||
|
||||
\v 12 Bo na kiya, eke bo na ko nangola ambe bato ba kalanganye.
|
||||
\v 13 Bo na ko benga mesombo ya beya beya ya buwa, eke ba isela abto ba n'so makuta bo na ko onda.
|
||||
|
||||
\v 14 Mokota Erodi na ko m'mgba okuku ya Mbali, bowa ya lombeselekanga lina ande, eke wa ena mbe: "Yoani mon'nyi wa kato wa fufukakei, mo bowa yoota we maondi ma manii-nii."
|
||||
\v 15 Baphe ba ikangai na ko ena, ikai Eliya. Baphe ba ena: "Ukai. molondoi m'mba omo wabo."
|
||||
|
||||
\v 16 N'ndi Erodi, a mgbanga we maondi si ke wa ena mbe: "Ikai Yoani owa na bukanga we ikoti. Wei wa imokakei."
|
||||
\v 17 Bondiya Erodi omunei wa kandesanga Yoani, wa kanda kanda we ko mo ololo bondia Erodiade, mokala nduku wande, bondiya wa songangai-we,
|
||||
|
||||
\v 18 Bondiya Yoani wa enangai nande mbe: Itefoe ande kosonga mokala nduku wabe."
|
||||
\v 19 Erodiade wa soma na Yoani, eke wa ema ko iyesesa we.
|
||||
\v 20 Eke uta ko kolanga ande bondia Erodi wa tinangai Yoani, wa ebakangai mbe uki moto omo wa tchaa na mopheneni; wa langangai we, bena maili ya komgba we, wa ikangai na bowa, wa ikangai na komgba we na ome.
|
||||
|
||||
\v 21 Maili si osu omo osaali na kula, Erodi mo ko tumanya osu ya koboteka kande wata tchembe tcha ema wa eta mekota ya ba sola na melombiya ya Galilaya.
|
||||
\v 22 Moseka ya Erodia wa n'ngeya mo tcheombe ke wa sambowa, n'sambo yande ya lengesa Erodi bena baa boose ba etekanga mo tcheombe. Mokota wa ena na moseka: Omba noo tchoose si tchea tcho ko ema owe, no ko esai owe tcho."
|
||||
|
||||
\v 23 Eke wa ena na ko kobesa maoki mande: "Tchesima tchoose si tchokoomba owe no ko esai owe tcho, ango aika botuku ya bokota yane, no ko esai owe yo.
|
||||
\v 24 Moseka na ko omoka koanya, wa ena na nina: "Neombe tchei? "Eke nina wa ena: Omba motchwe ya Yoani Monyei.
|
||||
\v 25 Moseka na koololoka mo ko sumboka kowa ka mokota, na ko moesa we n'kasa yande moseka si oono: "Neemei mbe weese noo mo eneeke motchwe ya Yoani Monyei kiyo saani."
|
||||
|
||||
\v 26 Mokota yaika na obaba; n'ndi bondiya kilapo tchete-we boso na baeteki, uta engamanga kae na ko lingoleya we.
|
||||
\v 27 We na ko toma aowo aowo sola omo kiya ko buka motchwe ya Yaoni Monyei.
|
||||
\v 28 Sola si ooyo na kiya ko buka motchwe ya Yoani mo lumba moololo, na kota yo mo kiyo na saani. Eke wa esa yo ka moseka si oowo, ke moseka si oowo waa kiya kosiya yo ka nina.
|
||||
\v 29 Baeki ba Yoani, aabowa am'mgbanga bo bondi si, ke baya kobiya mobe mo kiya kolkea yo.
|
||||
|
||||
\v 30 Baeki, na kiya ka Mbali, ko saoleya we maa mete-we na maa mefundishe-we.
|
||||
\v 31 Mbali na ko ena na bo: "Tiyei kaowa asima a bii, m'mba to ko omona kambu. Bondia aikangi na bato ba kiya na bato ba kula, eke n'nyanga ya koanga ita ikanga kae."
|
||||
\v 32 Bo na kiya mo waato mo kiya asima a bii.
|
||||
|
||||
\v 33 Bato ba buwa ba mona buwa okiya bo, eke baeba bo, eke metanga yoose yaya obeyo ba eteya bo mo mboka ba koma boso nabo mo boikaneo si owa yokiya bo.
|
||||
\v 34 Mo ko kimeya ase, Mbali wa mona motuka ya bato, eke wa m'ngbeya bo tchombo, bondia ba ikangi m'mba mekoko eya yo buwa na motchungi wabo; eke wa ika mo ko nangoleya bo maondi ma buwa.
|
||||
|
||||
\v 35 Bowa a etanga n'nyanga, baeki na ko bakameya we, ke ba ena: "Boikaneo si oono ikai tchebandjala, n'nyanga ya etake sino;
|
||||
\v 36 sumbola, m'mba bokiya mo bakambi na metanga ya aiye iye, mo koowa ango kasima ka koanga."
|
||||
|
||||
\v 37 Mbali na koena nabo: "Bane nine a esai bo melali. "Eke ba ena nande: "Teengamei na koowa mekati ya miya ibe-i, ambe baange-i?"
|
||||
\v 38 Ke wa ena nabo: "Bika na mekati inga? Komonei. Baakowa, eke ba ebesa we: "Mekati itano na m'fe ibe."'
|
||||
|
||||
\v 39 Wa ena mbe tai bo metuka metuka baike ase ko maangala,
|
||||
\v 40 bata iki bo motuka ya miya na motuka ya n'kama itano.
|
||||
\v 41 Wa bunda mekati si eeyo itano na m'fe ibe wa m'mbola kabei na kiyo, we na ko kombowa Ise. Eke, we na ko buka mokati, ke wa esa yo ko baeki ambe ba baanye yo ko bato. Ke wa baanya kae m'fe si eyo ibe ko bato boose.
|
||||
|
||||
\v 42 Boose ba angangai na baikotangai,
|
||||
\v 43 ba biya totunga ikomi na tobe ta mekati na m'fe eya ya sianga (makambo).
|
||||
\v 44 Baa baanganga n'nkati ya bo aikanga baome elfu itano.
|
||||
|
||||
\v 45 Maili na aowo wa ena na baeki bande mbe kalai oso okonge ya ibe, ko motanga Betesaida, ambe omune oobalanganesa bato.
|
||||
\v 46 Maili wa ko balanganesa bato, ke wa linya ko mokondi mo kiya kosombola.
|
||||
\v 47 Iyo ko engama, waato ika n'nkati ya iyaba, Mbali wa siangi mo okonge.
|
||||
|
||||
\v 48 Wa monangai mbe ba ikangi na n'tale; mo koisa waato na boso bondiya mophopho na n'ngumba yo sumbolangai waato na maili. Ko matcheleo ma botu, ke waonda bo, ambe o koenda kiyo na maale, waphana ko etanea bo.
|
||||
\v 49 Abowa amonanga bo mbe wo ko enda kiyo na maale, baisa m'mba ikai ikiyo, ke bo na koakaya.
|
||||
\v 50 Aabowa amonanga boose bamoni-we, ba teka teka na kotina. Aowo aowo Mbali na koena nabo mbe: "Ebai mbe, ikai noo, buwai kotina!"
|
||||
|
||||
\v 51 Wa onda bo ke wa kimeya mo waato, mophopho na ko tunga. Baika mo bemine na bowa, ba ika na kosangala.
|
||||
\v 52 Bondia bitaebanga ande bondi ya ko buwa ka mekati mo isina ya metema yabo ya talala.
|
||||
|
||||
\v 53 Maili wa kokala iyaba, ke ba sumboka ko motanga ya Genezaleti, ba sekangi moo.
|
||||
\v 54 Mo ko kimeya kabo ase, bato baeba Mbali,
|
||||
\v 55 mo ko enda kande mo beikaneo boose, ke balulea we na bato ba n'so ambe bebiye bo ko motanda asima yoose aabowa aikanga we.
|
||||
|
||||
\v 56 Asima yoose aabowa akomanga we, ko metanga n'nyango n'nyango, metanga ya ema ema, metanga ya n'konda, bala na bato ba n'so bata bo mo obanja, ke ba ena nabo ambe babunde ango iphophu ya n'tulu yande, boose si baa boose kae ba bundanga iphaphu ya n'tulu yand, boose na koonda.
|
||||
|
||||
\c 7
|
||||
\cl Botuku ya ema 7
|
||||
\p
|
||||
\v 1 Ba Falisayo na baandeki bamo, kotoka mo Yelusaleme, na ko songana baka baka na Mbali.
|
||||
|
||||
\v 2 Ba mona baeki bande bamo koanga buwa kosoola maako, ikai mbele buwa kosooleka.
|
||||
\v 3 Mo isi mbe ba Falisayo na ba Yuda boose bito ko wanganga abo buwa kosoola mene-mene asili, boyaeli ya bakolo bato;
|
||||
\v 4 Ke aika m'mba basumboka mo asima ya bato boose, ba angangai alinga bapheneseleka. Bika kae na beyaeli bephe baasili, m'mba kosoola kopo, tobole na mbilika ba n'ngela.
|
||||
|
||||
\v 5 Ke ba Falisayo na baandeki na koomba we mbele: "Bondiya tchei baeki babe bito olitosa boyyaeli ya asili sa bakolo bato, n'ndi bo ko angangai meleli yabo na maako ma motimbi i?"
|
||||
|
||||
\v 6 Mbali na ko sumboleya bo mbele: "Bato ba n'nanga, Yisaya wa londowangi bosaali mo isina ino, bowa eandekeleke yo mbele: "Bato si bano boolombesangi noo na metutu lika, n'ndi metema yabo ika pkaaya nane.
|
||||
\v 7 Boolombesangi noo bule, na ko esa ba angile si baa bika ba bato.
|
||||
|
||||
\v 8 Bootcitchana ba angile ba Mokonga, ke ba tangana na asili wa bato.
|
||||
\v 9 Ke waena nabo ephe mbele: "Bo koeka ba angile ba Mokonga, mo kolanga asili wino.
|
||||
\v 10 Abowa ya enanga Mose mbele: KLitosa so na n'ntchoko, ke: Owa oophenda ke watephola ise na nina oopkai.
|
||||
|
||||
\v 11 N'ndi bane, bo koena mbele: "Aika m'mba moto wa ena na iseo'o nina; ambele: Eya yatombake owe mo isina yane ikai mo ko ena mbele isina yayo ikai lifaefi ka Mokonga,
|
||||
\v 12 Bito ko esa kae we m'mba ephe ambele watelee ise na nina,
|
||||
\v 13 Na ko tefola looki ya Mokonga, mo isina ya boyaeli ya mafundiso mino. Boobo, bootanga kai maondi mabuwa ma boyaeli si owo."
|
||||
|
||||
\v 14 Ephe maili na koeta n'nguma kowakande, we na ko ena nayo mbele: "M'mbgai noo bane boose, ke fofowai.
|
||||
\v 15 Yobuande tchesima si tcheya tcho ko n'ngeyanga mo kana ka moto tchooseyanga we, n'ndi eya yo koomokangai yoi yooseyango moto.
|
||||
\v 16 Aika m'mba moto wa ika na matu ma kom'mgba, wa m'mgbe."
|
||||
|
||||
\v 17 Abowa ya n'ngeyanga we mo lumba, pkaaya na n'nguma, baeki na ko phipheya we mo isina ya mombila si.
|
||||
\v 18 We na koena nabo: "Bane kae, bika kai na ko kamba ko eba i? Biteli mbele eya ya ko wandja ya n'ngeya ka moto iteengame ande na koseya we i?
|
||||
\v 19 Bondiya yo ito kon'ngeya ande ko motema yande, n'ndi n'nkati ya mesolo yande, ke ya mo asima ya kaisama, kowa koophenenesa meleli yoose.
|
||||
|
||||
\v 20 Waena ephe: "Eya yo koomoka ka moto, yoi yooseya mot.
|
||||
\v 21 Bondiya n'nkati, n'ndi mbe n'nkati ya motema ya moto koi ko koomokanga maenyeli ma beya, ilemba, ilemba ya bololo, koiya.
|
||||
\v 22 Boibi, boimi, masongo, boibi ya mayele, boyaeli ya beya, tcheema tcha bomoneleli, kalola, omuli, aukuku.
|
||||
\v 23 Maondi mano moose ma beya, mo ko omokangi n'nkati. Ke maseya moto.
|
||||
|
||||
\v 24 Mbali, na kotoka aowo, na kiya mo botuku ya motanga ya Tula na Sidona. We na ko n'ngeya mo lumba emo, na ko kamba mbele moto obuwa koeba; n'ndi, i akokolekanga ande mbele wa isame.
|
||||
\v 25 Bondiya amokali omo, owa moseka wa ikangai na mosombo ya beya, na ko m'mgba okuku yande, na kula na komuna maanulu boso wande.
|
||||
\v 26 Amokali si oyo wa ikangai Mogiliki moto wa Silo-Ponika. We na ko bondjabondja we mo ko benga mosombo ya beya ko wandja na moseka yande.
|
||||
|
||||
\v 27 Mbali na ko ena nande: "Ekai kasa baana baikote bos; bondiya ya buande bosali kobunda boleli ya baana mokoese tana ta m'mgba."
|
||||
\v 28 Bobo, Mokolo, we na ko sumboleya we, n'ndi ango tana ta m'mgba kose ya mesa to ko angangi ango n'nkolokolo si eeya yokenga mo mesa wa bana ba bato."
|
||||
|
||||
\v 29 Ke wa ena nande: "Mo isina ya looki si owo, yaa, mosombo ya beya ya tokake n'nkati ya moseka yabe."
|
||||
\v 30 Ke wabumboka mo lumba yande, ke wa songela maana mbele welame mo itanda, mbele mosombo ya omokake seno.
|
||||
|
||||
\v 31 Mbali na koeka botuku ya motanga ya Tula, ke wa sumboka kotoka Sidona obalu ya iyaba ya ema ya Galilaya, mo ko kala Dekapole.
|
||||
\v 32 Boluleya we na kaluma, owa wa ikanga na n'ntale mo ko ena, ke ba bondjabondja we mo koteleya we maako.
|
||||
|
||||
\v 33 Waya nande kao wa, kpaala na n'nguma, wata we menywe, wamata we tcheyami na mata mande omune;
|
||||
\v 34 ke waimo wa maiso kiyo, waomoneya, ke waena: "Efata, isi na i mbele, kondoka."
|
||||
\v 35 Mo n'nyanga si eeyo, tcheami tchande tcha kandoka ke wa ena bosaali.
|
||||
|
||||
\v 36 Mbali na ko ekesa bo ambele biteenangi na moto: "Abowa yeekese we bo boobo, ke okuku si ya balangana iki ko eteya."
|
||||
\v 37 Ba ikangai mo ko sangala komo ka ema ke ba ena: "Oota yoose bosaali; Okoondesa bato ba looko, na ko enesa toluma."
|
||||
|
||||
\c 8
|
||||
\cl Botuku ya ema 8
|
||||
\p
|
||||
\v 1 Mo buto si owo, n'nguma emo ya ema ya songanangai ephe ke ita ikanga ande na tchesima tcha kowa, Mbali na ko eta baeki, ke na ko ena na bo mbe:
|
||||
\v 2 Maiyake na tchombo mo ibamba si eeno; bondiya monai n'nsu isato eno mbe bika baka baka nane, ke bo buwa bo na tchesima tcha kowa.
|
||||
\v 3 Aika m'mba na toma bo kowa kabo na n'ndja, tchekamba tchookambai bo mo m'mboka bondiya bamo n'nkati yabo batokaki pkaaya.
|
||||
\v 4 Baeki bande na ko sumboleya we mbe: "Oni okitaka yeengame base koikotesa bo na mekati ano, mo asima si ano ekambe tchesima?"
|
||||
|
||||
\v 5 Mbali na koomba bo: "Mekati inga ika nino? Motchomoendi, bo na kosumbola boobo.
|
||||
\v 6 Ke wa ikesa n'nguma ase mo n'nseke, ke wa bundesa mekati motchomoendi, ke, maili ya koaba kelekele, we na ko mungoa, ke wa esa baeki mo kabaanya, ke ba baanganyeya n'nguma.
|
||||
|
||||
\v 7 Ba ikanga kai na ton'nfe temo taangowa, ke Mbali maili ya koaba kelekele, ke wa baanyesa kae yo.
|
||||
\v 8 Baanga ke baikota, ke bala na totunga motchomoendi mbe teiye na matuku si maa mesiye.
|
||||
\v 9 Ba ikangai bato aiye iye ya milio ina Maili si na moo ke Mbali na ko sumbola bo.
|
||||
\v 10 Kabeo beo ke wa kimeya n'nkati ya waato na baeki bande, ke baya Dalamanuta.
|
||||
|
||||
\v 11 Ba Farisayo na kula ke ba anya anya maoki na Mbali, ke mo ko sondja we, ke baomba we n'nembe emo ya kotoka kiyo.
|
||||
\v 12 Mbali na koisoka iboka ko mosombo yambe wembe: "Bondiya tchei liboti si yeeno yo ko omba n'nembe emo? No ko enai nino liti, n'nembe ito ko abeleka ande liboti si yeeno."
|
||||
\v 13 Ke wa tchitchana bo, ke wa kimeya ephe mo waato, mo ko kaleka mo okonge si owa ophe.
|
||||
|
||||
\v 14 Baeki ba ibeyangai kobiya mekati; ba ikanga ikeabo na omo lika n'nkati ya waato.
|
||||
\v 15 Mbali na kowaba looki si oono kowa kabo: "Tanganai iboka na moteya mekati ya ba Falisayo na mote ya mekati ya Erodi."
|
||||
|
||||
\v 16 Baeki na ko engeleya n'nkati yabo na ko ena mbe: "Ikai bowa yo buwa base na mekati.
|
||||
\v 17 Mbali na ko eba yo, na ko ena nabo: "Bondiya tchei yo koengeleya bane mo isina sieeya yobuwa bane na mekatii? Beke na kamba bino weli, ke biti na m'mgbi bino?
|
||||
|
||||
\v 18 Bekenaika mo na metema ya ko beyai? Mbele bika na maiso, bito omona binoi? Mbele bika na mat, bito ko m'mgbanga binoi? Ke bobuwa bino na maenyelii?
|
||||
\v 19 Abowa ye mungowe noo mekati itano mo bato milio itano totunga tonga ta koiya na matuku ta biyanga banei? Bo na ko ena mbe: "Ikomi na tobe."
|
||||
|
||||
\v 20 Ke abowa yenunowe noo mekati motchomoendi mo isina ya milio na ina ya bato, totunga tonga ta koiya na matuku tebiye bane? Bo na ko sumboleya we ambele: Motchomoendi.
|
||||
\v 21 ke woena nabo mbe: "Yaikaki bani ambele bitefofoangi bena eneeke?"
|
||||
|
||||
\v 22 Bo nakiya Betesaida; bala namokpi wa maiso kowa ka Mbali ke babondjabondja we ambele wa mate we.
|
||||
\v 23 Wa bundesa mokpi wa maiso mokaako ke waomoka nande kowandja ya motanga: "Ke wata we mata ko maiso; kota maako kiyo nande ke waphfiphfeya we m'mba oomona tchesima tchemo."
|
||||
|
||||
\v 24 We nakomona ke waena: "Noomona bato, noomona bo m'mba toke, ke bokoenda."
|
||||
\v 25 Mbali na kota ye ephfe maako ko maiso, ke mopki wa maiso abowa yemone we na kotindila, we na koonda ke wamona yoose bosaali tchesima tchemo tchemo.
|
||||
\v 26 Mo boobo Mbali na koena nande ambe waye koakande we mbe: "Buwa kon'ngeya komotanga, ke buwa koebesa moto."
|
||||
|
||||
\v 27 Mbali nakiya na Baeki bande mo motanga si oowa ya bakameyanga bo ya kaisalia wa Filipo. waphipheya bo mo m'mboka: "Bato bokoenangi ambele noo nikai nani?"
|
||||
\v 28 Bo na kosumbola: "Yoani Moluphfi mo bamo. Elia; mo baphfe, ao omo wa batondoli."
|
||||
|
||||
\v 29 Ke bane, bane ambe noo nikai nani. We na kophfiphfeya bo boobo: Petelo nakosumboleya we ambele: "Ukai Masiya."
|
||||
\v 30 Mbali nakoekesa bo mene mene ambele bo buwa koena na moto.
|
||||
|
||||
\v 31 Mo boobo ke waadja koebesa bo mbele: "Eengami mbele Mana moto wapate obaba ya ema, watchitchaneke na bakolo bato na mekota ya bato ba etanda, bena na ba andeki ba baangile, oopkai, ke waimoka maili ya n'nsu isato.
|
||||
\v 32 We waenangai nabo yo phfololo phfololo. Ke Petele na kobiya we kaowa mokoekesa we.
|
||||
|
||||
\v 33 N'ndi Mbali na kotimboka, komona baeki bande na kosuleya Petelo. Na koena mbe: "Maili Satana, bondiya toengeleo tabe tobuande ta Mokonga, n'ndi tikai ta bato."
|
||||
\v 34 Ke waeta n'nguma asimaamo na baeki ke waena nabo: "Aika m'mba moto waema koika moeki wane, wa seke kasa omune, wa biye n'nkili yane waonde noo.
|
||||
|
||||
\v 35 Mo boobo owa weeme koondesa koika kande oolimesai ko n'ndi owa oolimesa yo moisina yane na mesao n'nsaali okoondesaiyo.
|
||||
\v 36 Ke isina ya tchei mot watombe tchese tchetondo ke walimese mosombo yande?
|
||||
\v 37 Moto ooteleyai we tchei mootomba mosombo si ephfe?
|
||||
|
||||
\v 38 Mo boobo owa okom'mgba n'nsoni moisina yane na maoki mane n'nkati ya iboti si yeenoya ilemba na kobeya, Mana moto okom'mgbeya kai we n'nsoni aabowa yekala we mo looka ya ise na bakitomo baphfenena."
|
||||
|
||||
\c 9
|
||||
\cl Botuku ya ema 9
|
||||
\p
|
||||
\v 1 We nakoena na bo ephe mbele: "Nokoena nino liti, bamo mo baa bika ano bitoopka kae ango kambu, ambele biti namoni Bokota ya Mokonga kula na tchekamba."
|
||||
\v 2 Maïli ya n'nsu motoba maïli, Mbali na kobundésa asima amo nande Petele, Yakobo na Yoani, ke weya nabo koowa bemine kiyo ya mokondi.
|
||||
\v 3 N'tulu yandé na koika na liangangi, ke na kophuphaka komo si kowa mosooli wa n'ntulu ango omo ano mo tchese utaengamanga ande kophfenesa yo boobo.
|
||||
|
||||
\v 4 Eliya na Mose nakobuanyeya bo phfutuku nakoenesana na Mbali.
|
||||
\v 5 Petele, na kobundésa looki, nakoena na Mbali: "Labi, yeengami nito kotchumana aabono; teimetchi ema isato, omo wabe, omo wa Mose, ke omo wa Eliya."
|
||||
\v 6 Utaebanga ande m'mba okoena tchei, ango baiyangi na bowa ya ema.
|
||||
|
||||
\v 7 Obonge na kula kolindeka bo, kooko moobonge looki na koomoka: "Oono ukai Manane wa ikenya m'mgbai se!"
|
||||
\v 8 Mo kabeyo beyo baeki nakomona m'mbalu na m'mbalu abowa yaikanga bo, ke bamona Mbali lika asima amo nabo.
|
||||
|
||||
\v 9 Mo koselela kabo mokondi, Mbali nakoekesa bo ambele bobuwa koebesa moto eya yemone bo, bena abowa yokaimoka Mana Moto.
|
||||
\v 10 Ke baiseka bondi si kometema yabo, na kophfephfesana n'nkati yabo koimoka mokokpka iki tchei.
|
||||
|
||||
\v 11 Baeki na kophfiphfea we mbele: "Bondiya tchei baandeki bokoenangi ambele eengami ambele Elia wale kasa boso?
|
||||
\v 12 We na kosumboleya bo mbele: "Elia wekalai boso koendjeka maondi moose. Ke bondiya tchei yeandekeleke mo isina ya Mana Moto mbele eengami nande komona obaba yaema bena kophfendeka?
|
||||
\v 13 N'ndi nokoeni nino mbele Elia wilei ke batangai nande bowa yaemanga bo, boengamesana na bowa eandekeleke.
|
||||
|
||||
\v 14 Abowa yalanga we aiye iye ya baeki, na nakula n'nguma, na baandeki si baa baenesananga na bo.
|
||||
\v 15 Abowa ibamba yemone Mbali, bato ba yo baasowangi tona, ke baoloka moko saliya we.
|
||||
\v 16 We na kophfephfeya bo mbele: "Bokoenesananga si nabo moisina ya tchei?"
|
||||
|
||||
\v 17 Ke moto omo wa ibamba na ko sumboleya we mbele: "Moalimo, naluleyaki owe na manane amoome, owa uka na mosombo ya kaluma.
|
||||
\v 18 Asima si aabowa yoobundesa we, ke ya m'mbola we ase; ke waomola m'mpuwe mokana, na kokota kokota man'nyo, bena kolonda iboka. Naombaki baeki babe ambele babenge mosombo si, n'ndi bitekokole abo.
|
||||
\v 19 We nakoena nabo mbele: "Iboti ya kokanga koakowa, bena eni n'nyanga yokoika noo nino? Bena eni n'nyanga neakowe maondi mino? Luleyai noo nande. ke baluleya we nande."
|
||||
|
||||
\v 20 Ke mo n'nyanga si eeya maana wemone Mbali, mosombo nakotekesa tekesa we iboka; ke wakeya mo n'nseke, ke watimboka timboka na m'mpuwe koiyesa kana.
|
||||
\v 21 Mbali nakophiphéya isa maana: "N'nyanga inga yatake boobo? Ise na kosumbola mbele: Kolinga iyanuke yande."
|
||||
\v 22 N'nyanga yoose mosombo yem'mboli we mokaya bena n'nkati ya maale mokoiya we.
|
||||
|
||||
\v 23 Mbali nakoena nande mbele: "Aika m'mba wa weengame! ... Yoose yeengame ka owa weakowe."
|
||||
\v 24 Mo kabeyo beyo isa maana nakoakaya: "Neakowe! Waa weunee noo mo kokamba kane kaakowa na motema ya kobeya!"
|
||||
\v 25 Mbali komona ibamba ya bato kosongana obeyo, nakosuleya mosombo ya beya, ke waena na yo mbele: "Mosombo ya kaluma na kokanga koenesa, naebesaki owe, omoka ka maana si oono ke buwa kosumbokeya we ephfe."
|
||||
|
||||
\v 26 Ke yaomoka na koakaya, bena na kololesa we iboka. Maana nakoika m'mba moto si oowa wapkake, moisina si n'nguma ya bato nakoena mbele wapkake.
|
||||
\v 27 Ke Mbali nakotingeya we mokaako, na koimetcha we ke waimanesana.
|
||||
|
||||
\v 28 Abowa Mbali wa n'ngeyanga mo lumba, baeki bande nakophfiphfea we bemine lika: "Bondiya tchei itebenge base mosombo sui?
|
||||
\v 29 We nakoena nabo: "Okitaka si oowo yokoomokangi ikeandi na lisomboli."
|
||||
|
||||
\v 30 Batoka aoyo, ke bakalesa Galileya. Mbali utaemanga ande m'mbel baebe.
|
||||
\v 31 Abowa ya fundisanga we baeki bande, we nakoena nabo mbele: "Mana moto okoabelekai n'nkati ya maako ma bato; bokoiyai we, ke maili ya n'nsu isato ya kopka kande, okoimokai."
|
||||
\v 32 N'ndi baeki bitafofoanga ande isina ya looki si, ke batinangai kophfiphfeya we.
|
||||
|
||||
\v 33 Bakoma mo Kapalanauma. Abowa yaikanga bo molumba Mbali na kophfephfeya bo: "Mosina ya tchei yokoenesananga se bane mom'mboka?"
|
||||
\v 34 Ke bo nakolibana, bondiya mo m'mboka bikasenoi na koenesana n'nkati yabo moko eba nani weeteye baabaphfe.
|
||||
\v 35 Mo boobo ke watchumana, waeta ikomi na babe ke waena nabo mbele: "Aika m'mba moto omo waena koika waboso, okoikai n'ntungeya ya baabaphfe boose bena moto wabo wamokambo."
|
||||
|
||||
\v 36 Ke wabundesa maana omo manuke, ke waitche we n'nkati n'nkati yabo, ke maili yakobundesa we ko maako mande, wenakoena nabo mbele:
|
||||
\v 37 Owa oopkeya molinane omo wa baana si bano wapokeake noo mune; ke owa wetome noo."
|
||||
|
||||
\v 38 Yoani nakoena nande: "Moalimo, tamonaki moto omo si oowa oobenga mesombo ya beya na linabe; ke taekesanga si we bondiya."
|
||||
\v 39 Buwai koekesa we, Mbali nakoena boobo, bondiya buande moto si oowa maili ya kota bondiya koasowa kana, weengame koenea noo kobeya.
|
||||
|
||||
\v 40 Owa uteseke base, ukai obalu ito.
|
||||
\v 41 Ke owa okoabeya bane kopo omo wa maale ma koma mo isina yane, nokoenai nino liti otolimesa ande iyota yande.
|
||||
|
||||
\v 42 N'ndi aika m'mba moto omo wakukesa omo wa baana si bano baakowake, eengami nande kokandeka iwe ya ema moikoti ke baimbesa we mo iyaba ya ema.
|
||||
\v 43 aika m'mba kaako kabe ka kelesa owe mokobeya, buka ko; yeengami nabe ko n'ngeya na kaako kamo n'nkati ya koika.
|
||||
\v 44 Koliko koika na maako mabe ke wam'mbolea mo Geena, n'nkati ya kaya sikaa kitolima ande ango kambu.
|
||||
|
||||
\v 45 Aika m'mba kao kabe kakelesa owe mokobeya buka ko; eengami nabe kon'ngeya n'nkati ya koika na kao.
|
||||
\v 46 Kamo, koliko koika na mao mabe ke wam'mboleka mo Geena, n'nkati ya itumbo ya kaya si eeya itoolima ande ango kambu.
|
||||
|
||||
\v 47 Ke aika m'mba liiso yabe yakelesa owe mokobeya toesa yo; eengami nabe kon'ngeya mo bokota ya Mokonga nakoika na liiso emo lika koliko koika na maiso mabe ke wam'mboleka no Geena.
|
||||
\v 48 Kawa kito kwa tcha a mbo, na kwa kito lina kaya kitoolimanga ande ango kambu.
|
||||
|
||||
\v 49 Bondia moto wose oOtimbokai m'mba noo na kaya.
|
||||
\v 50 Moo ikai tchesima tcha fowa; n'ndi aika m'mba moo yakamba tcheleelee, bokoendjekai yo na tchei tchephfe? Ikai na moo n'nkati ino, ke ikai na bii bamo ko baphfe."
|
||||
|
||||
\c 10
|
||||
\cl Botuku ya ema 10
|
||||
\p
|
||||
\v 1 Abowa yetoke Mbali aowo, waya mo botuku ya motanga ya Yudea obalu ya ibe ya Yaladene. n'nguma na kosongana ephfe baka nande, ke mokobeeya kande, ke wa fundisa bo.
|
||||
\v 2 Ba Falisaliyo nakula mokosondja we, baphfiphfeya we aika m'mba eakolekei na amoome kobnga mokalande.
|
||||
\v 3 We nakosumboleya bo mbele: "Tchei Mose weandekeye bane?"
|
||||
\v 4 Bo na koena mbele: "Mose waakowangai koandekeya amokali kaani ka isongi kokpo boso ya kobenga we."
|
||||
|
||||
\v 5 Ke Mbali na koena na bo: "Ikai moisina ya kokobeya kobeya ka metema ino"; Mose weese isosa si eeyo.
|
||||
\v 6 N'ndi ko makondjekeo ma koendjekeleka, Mokonga wa tangai amoome na amokali;
|
||||
|
||||
\v 7 mo boobo amoome okoekai ise na nina, ke wabakama na mokalande,
|
||||
\v 8 ke boose bobabe bokoikai mobe omo. Mo boobo bobuwa kae babe, n'ndi baikake mobe omo.
|
||||
\v 9 Iteengame ande m'mbele moto waekanese eya Mokonga wesinganese."
|
||||
|
||||
\v 10 Abowa yakomanga bo molumba baeki nakophfiphfeya we ephfe mo isina si.
|
||||
\v 11 wa nakoena na bo mbele: "Owa o obenga mokalande ke wasonga ophfe amokali, walake ilemba nande omune.
|
||||
\v 12 Ke aika m'mba amokali watoka ka momenande ke wasongeleka na ophfe amoome, watake ilemba."
|
||||
|
||||
\v 13 Baluleya we na baana banuke ambele wamate bo. N'ndi baeki nakosuleya baa bile nabo.
|
||||
\v 14 Mbali, nakomona eeyo, ke waisoka we nakoena nabo mbele: "Ekai baana banuke, ke babuwa koekesa bo moyo", bondiya bokota ya Mokonga ikai mo isina ya bato si baa betuanyanye bo.
|
||||
|
||||
\v 15 No koenai nino moliti, owa si oowa utopokea bokota ya Mokonga m'mba maana manuke utoko'ngeya ande mo yo ango kambu.
|
||||
\v 16 Ke wabundesa bo ko maako mande, ke waliphfeya bo, nakota maako kiyo na bo.
|
||||
|
||||
\v 17 Abowa Mbali waetanga mo m'mboka, moto omo na kula obeyo, ke wamuna malu boso ande: "We na koomba wembele: Moalimo mosaali, nete tchei mo kotomba iyo ya koika ka bemo na bemo?
|
||||
\v 18 Mbali na koena nande mbele: "Bondiya tchei yo koeta owe noo mosaali? Mosaali wabuande, kosakolo Mokonga lika.
|
||||
\v 19 Weli baangile: "Buwa kota ilemba, buwa koiya; buwa koiba; buwa koena olanga; buwa kokoseya moto: "Litosa so na nn'tchoko."
|
||||
|
||||
\v 20 We nakosumboleya we mbele: "Moalimo, natanganake mo na maondi si mamo moose kolinga bosombe yane."
|
||||
\v 21 Mbali mokomona ye, ke waema we, ke waena nande: "Ekambe bondi omo kowakabe; yaa, weeolese eya ika nabe itondo, weabe yo ka touwe, ke otombai tchesima tcha oketi kowa moobowa. Ke wite weonde noo."
|
||||
\v 22 N'ndi, kopata obaba na looki si oowo, moto si oono na kiya ambe weiye na tchombo, bondiya waikangi na n'nguma ya besima bafowa.
|
||||
|
||||
\v 23 Mbali, na komona m'mbalu yoose abowa yaikanga we, ke waena na baeki bande: "Ekatalalai iboka mo baa bika maphfoka mo ko n'ngeya n'nkati ya bokota ya Mokonga.
|
||||
\v 24 Baeki nakosangala mo eya yaenanga Mbali, ke waena ephfe, we mbele: "Bana bane, etalalei ko baa bokoaba metondo yabo mo iphfoka mo ko n'ngeya mo bokota ya Mokonga!
|
||||
\v 25 Ye phfolephfolei iboka mo m'mponda mo koeta mo molondo yasindani koliko iphfoka kon'ngeya mo bokota ya Mokonga."
|
||||
|
||||
\v 26 Baeki, nakosangala ephfe iboka, ke baenesana bamo na ko baabaphfe: "Ke nani iki weengame na koonda?"
|
||||
\v 27 Mbali nakomona bo, ke waena: "Eyo itookokoleka ande ko bato, n'ndi buande ka Mokonga: "Bondiya yoose yeengame na kokokoleka ka Mokonga."
|
||||
\v 28 Petele, nakoena nande: "Mona, taekake yoose, ke taondake owe."
|
||||
|
||||
\v 29 Mbali na kosumbola: "Naenaki nino liti, yobuande na moto si oowa, maili ya koeka mosina yane na mesao n'nsaali, lumba yande, ao banduku bande baome, ao banduku bande bamokali, ao nina, ao ise ao bana bande, ao n'nseke yande.
|
||||
\v 30 Otombai mala miya omo, eneeke mo manyanga si mano, malumba, banduku baome, banduku bamokali, ba nina, baona, na n'nseke, bena obaba, ke manyanga si maa mokula, koika ka bemo na belo.
|
||||
\v 31 N'nguma ya baa ba boso bokoikai ba maili, ke n'nguma ya baa bamaili bokikai ba boso."
|
||||
|
||||
\v 32 Baikangai mo km'mboka mokolinga mo Yelusaleme, ke Mbali na kiya boso yabo. Baeki baikangi na na ko tchukeseleka, ke baondangai we na babe baka nande, ke waandja koena nabo eya yeengame na kula.
|
||||
\v 33 Monai toolinya mo Yelusaleme, ke Mana moto okoabeleki ko bakolo bato babatombi ba mafaefi na baandeki ba baangile, boobukai bandi ande ambele wapke ke baaba we ko baa bekange koika ba Yuda.
|
||||
\v 34 Booseki we, kotufeya mata kiyo nande, boolubeyai we lofimbo baiya we, ke maili ya n'nsu isato okoimokai."
|
||||
|
||||
\v 35 Yakobo na Yoani, bana ba Jebedeai, na ko bakameya Mbali ke bo na koena nande mbele: "Moalimo, teemei mbele wete mo isina ito eya tokoomba ow:"
|
||||
\v 36 Waena nabo: "Beemei tchei ambele netelee bane?"
|
||||
\v 37 Bo nakoena nande mbel: "Akoleya base mokotchumana omo mo ilome yabe ke ophfe mo ikali, aabowa yokoika owe mo looka yabe."
|
||||
|
||||
\v 38 Mbali nakosulboleya bo: "Biteli abino eya yokoomba bane. Bookokolai koma kopo si oowa yekama noo ao kolufeleka na lilufi si eeya yekalufeleka noo?
|
||||
\v 39 Bo nakoena nande ambele: "Teengame" Mbali na kosumboleya bo: "Boonai boobo mo kopo si oowa wekama noo, ke balufeleka lifuli si eeya yeka lufeleka noo."
|
||||
\v 40 N'ndi moisina ya kotchumana mo ilome ao mo ikali yane eeyo yo buande bandi yane, ke yo koabelekai ikeande mo baa bekaika ke baa bendjeke mo isina si."
|
||||
|
||||
\v 41 Maili ya kom'mgba boobo, ikomi si eeya ephfe nakoongeleya Yakobo na Yoani.
|
||||
\v 42 Mbali na koeta bo ke waena na bo: "Beli mbele baa si baa bebundeke m'mba mekota ya n'nkita bika na bokota kiyo na yo, ke bakolo bato babo bekandje bo na tchekamba tchabo."
|
||||
|
||||
\v 43 Yobuande boobo mo isina ino, n'ndi aika m'mba moto omo waena koika mokolo moto n'nkati ino, okoikai moto wa mokambo wino.
|
||||
\v 44 Ke aika m'mba moto omo weeme koika wa boso n'nkati wino, okoikai mokobe wino bane boose.
|
||||
\v 45 Mo boobo, Mana moto wilei buande mbele batelee we, n'ndi moisina mbele watelee baphfe, ke waabe koika kande m'mba iyota mo isina ya n'nguma."
|
||||
|
||||
\v 46 Bakoma mo Yeliko. aabowa Mbali weomoke ko motanga asima amo na baeki abnde na n'nguma ya ema, Balatimai mana Timai mopki wa maiso watchumanangai mokoomba omba motutu ya m'mboka.
|
||||
\v 47 We na kom'mgba mbe ikai Mbali wa Nasaleta ke waandja koakaya "Mbali mana Daviti m'mgba noo tchombo."
|
||||
\v 48 n'nguma na kosuleya we mokobibanesa we ke wasula iki iboka koeteya: "Mana Daviti m'mgba noo tchombo."
|
||||
|
||||
\v 49 Mbali nakoimana ke nakoena mbe: "Etai we "Baeta mopki wa maiso na koena nande ambele: "Ika na tchekamba. Imana, okoeta owe"
|
||||
\v 50 Mokpi wa maiso na kom'mbola koti wande ke, waimana na kotinga kowa ka Mbali.
|
||||
|
||||
\v 51 Mbali nakobundesa looki ke waena nande: "Weemei m'mbele netelee owe tchei?" "Moalimo yane mopki wa maiso na ko sumboleya we ambele, eka mbele nemone nemone ephfe.
|
||||
\v 52 Mbali nakoena mnele: "Yoa phfe, koakowa kabe kaondesake owe" Mon'nyanga si eeyo maiso mande na kokandoka ke waonda Mbali mo m'mboka.
|
||||
|
||||
\c 11
|
||||
\cl Botuku ya ema 11
|
||||
\p
|
||||
\v 1 Abowa akomanga bo aiye-iye na Yelusalemu, bakama na Betefaye na Betania, bila mokondi ya Mizeituni, Mbali na ko toma baeki bande babe,
|
||||
\v 2 waena nabo: Yaai ko motanga si owa ika boso nino; aabowa o ko n'ngeya bane ko, boosangelai maana wa m'ponda wekandeke, owa utinalinyeki na moto ango omo; kandai we, waai nayo.
|
||||
\v 3 Aika m'mba moto waena nino: "Mo tchei kota boobo? Timboleyai we: "Mokolo uka na n'kasa nayo. Aowo bo koekeyai bane mbe bile nayo."
|
||||
|
||||
\v 4 Baeki nakiya eke basangela maana wa nponda ambe wekandeke bakama na molango. Eke bakandowa yo.
|
||||
\v 5 Bato bano baa baikanga moo na ko ena nabo: "Bootai tchei? Bondiya tchei bookandowa maana si ono wa mponda?"
|
||||
\v 6 Bo na ko timboleya bo bowa aenanga Mbali. Bo nakoeka mbe baye nayo.
|
||||
|
||||
\v 7 Baluleya Mbali na maana wa mponda si kiyo na yo bo na koandja n'tulu eke Mbali na ko linyea-yo.
|
||||
\v 8 Bato ba buwa na koandja n'tulu mo mboka, baphe babuka bekanga.
|
||||
\v 9 Baa baikanga boso na baa baikanga maili na Mbali ambe bo koemba: "Hosana, wa lipheleke owa wokula mo lina Mokolo.
|
||||
\v 10 Alipheleke bokota si owa okula, bokota ya Tawiti, Ise wito! Hosana mo beikaneo ba kiyo!"
|
||||
|
||||
\v 11 Mbali na ko n'ngeya mo Yelusame, mo lumba ya Mokonga. Boobo kae, we nakomona mbalu yoose, na bowa aengamanga n'nyanga ya iyo, we na baeki bande ikomi na babe.
|
||||
\v 12 Na m'pendu si maili na kotoka Betania, Mbali na komgba n'nja.
|
||||
|
||||
\v 13 We na ko mona kate kamo kaikanga na toani, waya nako waisa m'mba woosangeli touma w ko bakameya kate si kaako, na ko sangela toani lika.
|
||||
\v 14 We na ko ena, eke waena nako: "Moto ango omo utekaangi ande kauma kabe! Baeki bande na ko m'mgba."
|
||||
|
||||
\v 15 Bo na okoma mo Yérusaleme, eke Mbali na ko n'ngéya mo lumba ya Mokonga. We nakobénga baa ba ikanga na kolésa na koowa n'nkati ya lumba ya Mokonga; watulamesa ba mesa ba baa bo koanyanga beeya, na ba mesa ba boolesi ba n'njiwa;
|
||||
\v 16 Waekesa ike mbe moto uten'ngesangi kae tchesima mo lumba ya Mokonga.
|
||||
|
||||
\v 17 Waikangai na konangola na koena mbe: "Iteandikilike-i: "Lumba yane yo koeteki lumba ya masomboli mo bese boose? N'ndi bane batake yo molinga ya baibi.
|
||||
\v 18 Babundi ba mafaefi na baandiki aabowa amgbangbo baphana ike m'mboka ya koiya we; watinekangai bondiya bato baakowangi maondi mande.
|
||||
\v 19 N'nyanga ya iyo ke Mbali waomoka ko motanga.
|
||||
|
||||
\v 20 Na mpendu si, baeki mo koeta, basangela iki mbe kate si kaako kabebeyake bena mo isina.
|
||||
\v 21 Petele, na koenjeleya eya yaetanga, nakoena na Mbali: "Rabbi, mona kati si kaa keayeleke nabe, kakamenake."
|
||||
|
||||
\v 22 Mbali na koena nabo: "Ika na koakowa ka Mokonga.
|
||||
\v 23 Na liti naenake nino, aika m'mba moto waena na mokondi si oono: "Toka aowo, tchubeya ko maale ...............................................
|
||||
|
||||
\v 24 Yo-ï naënake nino éya boko omba na ko sombola banè akówa mbele o-pataï, ké yo ko éngamésékaï.
|
||||
\v 25 Aabowa boko imana banè mo ko sombola, waïka na bondi na munakabe, meselëya we, molitina mbele, sö si owa uka kiyó wa méselëe owe kayé kobéya kabe.
|
||||
\v 26 Ké m'mba ute méselëe, sö si owa ukla kiyo uto mésela andé owe kobéya kabe.
|
||||
|
||||
\v 27 Wa na kiya mala ophè mo Yérusaleme, n'némbé si éya Mbali wa enda-endanga mo lumlba ya Mokonga, Mékota ya méïya ya Mokonga, ba andiki na bazeya ba lulmba ya Mokonga, bo na ko üléya we,
|
||||
\v 28 Bo na koëna nandé: "Öme kuwa ya nâni oota bésima si béno, ké nani waësake owe tshékamba tsha ko tâ boobo?"
|
||||
|
||||
\v 29 Mbali na ko sumboléya bo: "noo phiphéya kaï banè bondi omo, sumboleaï noo. Ké mo koëna kaï nino mo tshékamba tsha nani nóóta ma maondi si maamano.
|
||||
\v 30 Mékambo ya ko n'nyaka ka Yoani ka tokikiyo aó kowa ka bato?
|
||||
|
||||
\v 31 Bô na ko kalanganya n'nkati ya bô nabô; m'mba ta djibuwa m'mbe kiyó o koënaï mondiya tshéï bita akowanga we?
|
||||
\v 32 Ké m'mba ta sumbóla mbele ko bato... Boose na kotina mondiya ibamba si éya ya ébangá Yoani weï molondoï.
|
||||
\v 33 Ké bô na ko sumboléya Mbali: "Titélí ábitó" Mbali na ko sumboléya bo: "No koëndi n'to koëna ane mo tshéni tshekamba noota mondiya si mano."
|
||||
|
||||
\c 12
|
||||
\cl Botuku ya ema 12
|
||||
\p
|
||||
\v 1 Mbali nakoena na bo omembila. Moto omo na oleka iba yande. We na olamba lopango, kophuwa molinga, ke na ko imenya ophaka, ke na ko imetcha lumba emo kobe na ko kokamesa iba kotaka o motanga.
|
||||
\v 2 Mo n'nyanga ya obika, we na otoma eke na otoka. Moto mo wa nika si mo iba, mo otoka o baleki iba na n'su besimo kowa kabo.
|
||||
\v 3 We na koika ase we, na olubeya we, na osumbola we buwa tchesima.
|
||||
|
||||
\v 4 We na otoma ephe kowa kika bo ophe moto wa n'kasi ande, bowa olubeya we omo tchwe, ke na komesa we maobi.
|
||||
\v 5 We na otoma owa wai sato, bo na koiya weye; na baphe bato, na koiyame na olubeya we.
|
||||
|
||||
\v 6 Wa ikangai na maana omo mo omeleki; we na otoma we kaoko, wa koena mbele: "bokolitosi bo bondia maondi baana babe."
|
||||
\v 7 N'ndi balosiéalo ba n'kasi nako ena na, wa ahiiteiyi-we, ke telakeye hii we bo tikokaiko ito.
|
||||
|
||||
\v 8 Ke bo na obunda we, na koiya we, na ko m'mbola we kaowa na iba.
|
||||
\v 9 Moeneke, mokolo wa n'kasi ota hii boui? Wekala hii, mokoiya bato boose si abo ba nikasi na koesa iba obaphe bato.
|
||||
|
||||
\v 10 Bita somangaa bino looki si owo o maandiko: "iwe sieya ba m'mbola nga yo baa bajeki bo na kokoma we ya kwanza."
|
||||
\v 11 Ko mo ema ka Mokonga mokolo yo hii ya komake, na yo iki maondi ma osangalesa omaiso mito.
|
||||
\v 12 Bo phananga hii na m'na wa obunda we, n'ndi batinanga hii ibamba ya bato. Bafofo wangi mbele mombila si owo ya ikangai mondia bo. Bo na kiya, na otaka kawo.
|
||||
|
||||
\v 13 Bo na otoma baka baka na Mbali bato bamo ba Falisao na ba Herodia mbele ba bunde we o maoki mande we mune.
|
||||
\v 14 Bo nakula koena nande: "Molombiya, teli mbele uki osabali, na ute tine abe moto; mondia uto omona abe mokoanga ka moto, ke ofandisha m'mboka ya Mokonga bowa ika liti. yeengame hii na olipa manganga kwaka Sezale? teengami na olipa?
|
||||
\v 15 Mbali, na koeba olango yabo, na koebesa bo: "mondia bo osonya noho? Uleya hii noho lofalanga omo ya kim'ngboma, na mone yo.
|
||||
|
||||
\v 16 Bo na kula nayo omo; ke Mbali koeiliza bo: "kingboma si emo iki ya nani na mandiki si mojunya nani? "Mo "Kaisala, We na koena nabo."
|
||||
\v 17 Na ko wa ena nabo: "esai kaisala eya-eya ya Kaisala, ke ka Mokonga eya ika ya Mokonga. Ke baika ao na o mona we na maiso ma osangala."
|
||||
|
||||
\v 18 Ba Sadukai, na gbena mbele ya uwande na koimoka, kela baka na Mbali, ke we wa kouliza we:"
|
||||
\v 19 olombiya, mona eya Mose wa andike ganga ase: "Aikam'ba nduku omo wakpa wasiya amokali buwa buwa baana, nduku ande osongi iwe mokali si owa wasiake, na obota, bato kowa ka nduku ande."
|
||||
|
||||
\v 20 Kumbi aikangi baome motchomendi. wa boso boso na osonga, ke wakpa buwa osiya baana.
|
||||
\v 21 Wa ibe na obiya na obiya wembe mo kalande, ke wekah wa kpa buwa osiya libota. Ke yaikakahee bena owa wa isato,
|
||||
\v 22 na ango omo na bo motchi maondi ute si ye ande olomba. Maili wa boose, amokali wa kpa iki,
|
||||
\v 23 Moko imoka, okoika mokali wa nani? Mondia boose motchomendi be bandi iwe m'mba amokali.
|
||||
|
||||
\v 24 Mbali na koena nabo: "ba owa bino n'nkati ya ko kolokana, mondia bite fofowe abino maandiko, ao tchekamba tcha Mokonga?"
|
||||
\v 25 Mondia, mo koimoka ka ba kpi; baome bileka bunda ande bamokali, ao bamokali ô baome, n'ndi bekaiki m'mba ba kitomo kowa kiyo.
|
||||
|
||||
\v 26 Mondia tcheya ika mo koimoka ka ba kpi, bite some a bino mbele, motoamita Mose, eya Mokonga weene, mondia eya yeangaliye bongosongo ya kaya: "niki Mokonga wa Abalayama, Mokonga wa Isaka na Yakobo."
|
||||
\v 27 Mokonga wa owa ande Mokonga wa kopka, n'ndi wa ba abika na kaika. Bika n'nkati ya koko kana.
|
||||
|
||||
\v 28 Omo wa ba andiki wa an'ngbango koesana; ke waeba mbele Mbali waenangi na bo ba Sandukai bosaali, we nakula, ke waena angile uka wa boso boso mo ba angile boose?
|
||||
\v 29 M'mba iwa boso boso: "m'mgba, Isalaele, mokolo Mokonga wito, wehee uka mokolo.
|
||||
\v 30 Kisha, okoemi mokolo; Mokonga abe, na motema yabe yoose, na booya yabe yoose, na ko engeleya kabe koose, na mekuwa yabe yoose.
|
||||
\v 31 Mana ya ibe: "koemi munakabe m'mba bowa weeme owe mune. boande na ophe angile wa koeteya oto."
|
||||
|
||||
\v 32 Ba andiki na koena: "basaali, Molombiya, wa enake na liti mbele Mokanga wehi uka, buande na ophe ilawelika.
|
||||
\v 33 Mo koema we na motema yaabe yoose, koengeleya kabe koose, mo booyi yabe woose, na tchekamba tchabe tchoose, na koena mana kabe m'mba owe mune, yeeteye koeka koose na koaba.
|
||||
\v 34 Mbali na omona mbele wa timbolaki na akili, na koena mbele: "wauwa abe Mbali na Bokota ya Mokonga. "Ke moto ango omo utelize kahe we.
|
||||
|
||||
\v 35 Mbali, na ko endeleya konangola mo lumba ya Mokonga, na koena: "mondia tchei ba andiki bo koena mbele Klisto uki maana wa Tawiti?
|
||||
\v 36 Tawiti we mune o Mosombo Mosaali, na koena mbele: "mokolo waenangi na mokolo" "ika hao mo kaako ka ikoma", bena kowa baa bo ko imaneyanga owe ba iki kosena mao mbe.
|
||||
\v 37 Tawiti we mune waeta we mokolo, mondia tchei waka manande? Ke ibambo ya kongba we na ome.
|
||||
|
||||
\v 38 Koena nabo ba phalala na bo ba andiki bo koema koenda imo balabala na n'kaiyo ya uphoko, na koena ko eseleka okuku ya masalimiyo asima ya eme eme.
|
||||
\v 39 Baa bophananga beikaneyo ka boso molumba Mokonga, na beikaneyo ba boso mo ba feti.
|
||||
\v 40 Boo baka lumba na botike, na masomboli maeye eya o maiso ma bato. Boose meseleka hii iboka.
|
||||
|
||||
\v 41 Mbali na koika kaowa na kate, ko mona bowa bato bo koaba beeya ba bo. Maphoka ba buwa batanga hii iboka.
|
||||
\v 42 Nakula kahe amokali omo wa etike, na ota m'pata yande ibe. kambu ka yoose sieya waikanga na yo.
|
||||
|
||||
\v 43 Na boobo Mbali, na koeta Baeki ba nde, na koena na bo: "na ebesake hii ane liti, amokali si hono etike wa esake ya koeteya mo baa boose batake beya ba bo moiteke.
|
||||
\v 44 Mondia boose batake hii eya yaemake koesabo, n'ndi we watake hii eya yoose ikase we na yo yoose sieya uka ase na yo moko ishiya.
|
||||
|
||||
\c 13
|
||||
\cl Botuku ya ema 13
|
||||
\p
|
||||
\v 1 Aikanga Mbali, mo koomoka mo lumba ya Mokonga, omo wa baeki bande kaena nande mbele: "Molombia, mona nani mawe na eni maenjeko!"
|
||||
\v 2 Mbali aenake nande: "amonake ema ema ya maejeko? Ito sia ango iwe kiyo na iwe mose mo balangana."
|
||||
|
||||
\v 3 Aikanga we kaika o mokondi a Bilaya, bakabaka na lumba ya Mokonga. Petèle, Zake, Yoane na Andèle ba phipheakai we mune:"
|
||||
\v 4 Ena na se, mo eni inyanga bo okula tcha na bani Baalama bo ko yebesa ase mbele maondi noose moko engama?"
|
||||
|
||||
\v 5 Mbali aenake nabo mbele: "ikana kotina mbele moto ango omo aekese ane."
|
||||
\v 6 Na bobo ba bua okula ko ase lina ane, mo koena mbele; Iki no. Bosei bato ba bua.
|
||||
|
||||
\v 7 Inganga o koungba ane koena na bita na lokendi wa bita, bua kotina, alinga maondi si mafike. Na bobo ya uwa nde ntungia.
|
||||
\v 8 Okita omo o kaimanea ophe okita, na bokota omo kaimanea owe bokota; Y'okaika na ko tekateka ka iseke mo baphe basima, y'okaika na indja. Yo kaikai makojekeo ma obaba.
|
||||
|
||||
\v 9 Ikana na kotina ane mine. bo koabi ane mo tomilalo, ke bolubesakai na tote o malumba Mokonga, botondelekai oso a mekota, mo isina ane, mo komoesa boyaeli.
|
||||
\v 10 En'ngame boso mbele mesao bosali ya tondeleke o metanga yonse.
|
||||
|
||||
\v 11 Inyanga si bo biya owe moaba owe, bua kotina mbele na koena asa Echei, o koena eya ko esele ka owe mo inyanga si emo: "mondia bana bito ko ena, n'ndi Mosombo Mosaali.
|
||||
\v 12 Mana'ma koaba mana ma mo kokgo, na tata maana nade, baana kaimaneya bazazi bande, na kaiya bo.
|
||||
\v 13 Bo sekeleki na bato bose, mo noli ya lina ane, owe okeyesa motema bane mwisho o ko ondai.
|
||||
|
||||
\v 14 Inyanga bo mona ane kota kobeya na moto na maondi ma beya beya koteleka mo fasi si yauwa ya koteleka, owe mosomi ika na kotina, na bobo, ba bo bokoika. Yudea bo kimbie o mekondi;
|
||||
\v 15 Owa kaika kiyo na lumba bua koselela mondi ma kobiya tchesima; n'nkati ya lumba.
|
||||
\v 16 Owa kaika mo iba bua omona maili mo biya kasaka kande.
|
||||
|
||||
\v 17 Tchombo na ba mokali ba kaikangai na maeme na kongokesa na n'su seeyo.
|
||||
\v 18 Sombolai mbe maondi si mitina fiki.
|
||||
\v 19 Mondi a obaba, mo n'su eyo, ekaikai mo bayaeli si owa inaiki mano kolinga ko makonjekeo ma techese eya Mokonga wenjeke bena mono tu, ke itekaikai yande.
|
||||
\v 20 Ika, Moko kosebelesa n'su, moto ango omo uti maondi ande; ika mbele aselelesake, mo isina ya basoneki sonangai we.
|
||||
|
||||
\v 21 Imba asa moto koena nino: "Klisto uka abono", imba: "uka koa", bua koako wa iwe.
|
||||
\v 22 Isina mbele bo komaka ba Klisto ba beya na balondai ba beya, boota maondi ma emema na maondi na kosangalesa mo isina kokelesa basoneki, alinga aengama.
|
||||
\v 23 Ikaikio na ko tchunga kino: "naenake nino boso."
|
||||
|
||||
\v 24 Ika mo su eyo, maili na obaba, booba lokaika na iphue; meeli uto sanakae,
|
||||
\v 25 ikenikemo keakea na kiyo, ika mekuwa ya kaika kio y'obalangana.
|
||||
\v 26 Na bobo oomona Mana Moto kula kiyo na obonge na mekuwa ya ema na okuku.
|
||||
\v 27 Na bobo we katomai bakitomola ko songamesa basoneki o mephopho yanse ina, n'tungea ose ya iseke bena utungea ya kiyo.
|
||||
|
||||
\v 28 Ika na mayenyeli ma ko opheona na amonake ane mo kate. Inyanga ya metabe kula osali, na toani ko omoka, bokoyeba mbele iayanga ya booba ya engamake.
|
||||
\v 29 Na babo, inyanga omona ane maondi si kula ebai mbele Mana a Moto wa susake, mo mokango,
|
||||
|
||||
\v 30 Na koena nino liti, olamba si ito koetai, alinga mose makome.
|
||||
\v 31 Kio na kose bo koeta, n'ndi maoki mane ito koeta nde.
|
||||
\v 32 Bondia otu na inyanga, moto ango omo uteli, ango mekitomo akiyo, ango maana, indi Tata lika.
|
||||
|
||||
\v 33 Ika na maenyengeli, bua olama n'ndi sombola n'ndi biteli ino inyango ya ukula.
|
||||
\v 34 Yo koika omba amo ome omo, ake ondo, wasia yake lumba yande, abiyaki mokota wande aesaka bato ba n'kasi, omesa omo ma omo asima yande ya o tumika, na koena na moto omo mbele bato si omo tchunga bo.
|
||||
|
||||
\v 35 Tchungai asa, mondi a biteli a bino mondi a inyanga bofa mokolo a lumba o kula, emba na koeya ka koko, imba na phendu onse,
|
||||
\v 36 tinai mbele auwe okuta owe mbele welame, mo inyanga ita eba.
|
||||
\v 37 Eya na koena nino, no koena na bose mbele: "tchungai."
|
||||
|
||||
\c 14
|
||||
\cl Botuku ya ema 14
|
||||
\p
|
||||
\v 1 Tchéombé tcha Pasika na tcha mekati ya buwa na moté ya engamangai mo kotéléka n'su ibé maili mekota ya meiya ya Mokonga na méalimo ba phanangai mboka yoose mo kaisama ambe baiye Mbali.
|
||||
\v 2 Ba enangai: "Ité éngame ande nyanga ya tcheombé mo kotina mbe iyeeye ité ikangi n'nkati ya chese.
|
||||
|
||||
\v 3 Ambe Mbali uka Bethania no lumba ya Simon owa suli, amokali omō na ko n'ngeya mbe uka ko mesa mo ko endea koanga. Oyo amokali we biye mò kòmba ya malasi masáali na maiyoli ya kobeya, we nakoka mokomba si owo, na koiteya masali si amo ko motchwe ya Mbali.
|
||||
\v 4 Bato bamo n'nkati ya bo na komesa biso yabo: "mo tchéi koséa malasi si mano?"
|
||||
\v 5 A éngamangai ko oléa mo moiyoli ya olongeya beeya mia isato mo koesa towe. Bo na kósóma na amokali si oyo.
|
||||
|
||||
\v 6 N'ndi Mbali na koena: "ekai we. Bondia tchei kosoma nandé? Wa téléaki noo kofoa.
|
||||
\v 7 Bondia boosiya na touwé n'nkati inó, éké batéléa bo kofoa bówa éémè banè, n'ndi bito koika bino na nè n'su yoose.
|
||||
\v 8 Amokali si oyo watake ééya ééngame nandé, waiselake mobé yane malasi bósó wa koika chéliyo.
|
||||
\v 9 Na enake nino na liti, béikanéo boose kowa konangoli.
|
||||
|
||||
\v 10 Yuda Iskarioti, ómò wa baeki bandé ikomi ka mosao ya tchéondesa, mo chésé chétondo, békasaowa mo isina ya amokali si óno mo bówa éte we. Na babé, wa éléya batiba ko beya moko olésa Mbali.
|
||||
\v 11 Maili wa ko n'ngba we, baa bo baika na óme, ba akowa koésa we bééya. Eké Yuda na ko phana namuna wa koaba we.
|
||||
|
||||
\v 12 Botu ya boso bosó ya mekati ya buwa moté, mba bówa atélékanga mo Pasika, baeki bande Mbali na koena na Mbali: "weemi mbe tiye koni mo koenyekea owe asima ya kota chéombé cha Pasika?"
|
||||
\v 13 We na kotoma baeki bande babe, na koena nabo: "yaai ko motanga; bo osanganai ma móto omó we biye kabole ka malaé, ondai-we."
|
||||
\v 14 Asima si aabowa okongeya we, enai ka mokolo wa lumba: "mokota mbele: "m'mba boikaneo si owa o koanga we mo chéombé cha Pasika asima-amo na baeki bandé?"
|
||||
|
||||
\v 15 Wo omoeni bane boikaneo ya ema kiyo, yé enjekeleke bosaali, choose chéengame ko; kóókoi bo koenjekea base asima ya koanga Pasika.
|
||||
\v 16 Baeki na kiya, ko koma ko motanga, na kosangela choose m'mba bowa eène-waena nabo, bo na ko ongonya boikaneo ya koanga Pasika.
|
||||
|
||||
\v 17 Iyo na ko engama, we na ko koma na baeki bande ikomi na babé.
|
||||
\v 18 Amba bika ko mesa mbe bo koanga, Mbali na koena: "na enake nino na liti, omo wino, wó koanga asima-amo nane; we kaabai noo."
|
||||
\v 19 Bo na koika na obaba, na koena nandé, "omo-na-omo ki noo?"
|
||||
|
||||
\v 20 We na kosumbolea bo: "ki omo n'nkati wino ikomi na babe, watake kaako asima-omo nane mo saani.
|
||||
\v 21 Mana Moto okiyai chandé bówa eenèke bondiya ndé, n'ndi chombo iboka ka moto si owa waabake wana Moto, ite angamanga-andé mbe wa botékē.
|
||||
|
||||
\v 22 Ambe bó kóanga, Mbali na kobiya mokati, na maili ya kolifea yo, we na kobuka yo, na koésa bo, na koena: "tombai, ó ómoi móbé yane.
|
||||
\v 23 Mbali we na kobia ophata (kopo) na koliféa yo na koesa bo, boose na koma.
|
||||
\v 24 Na we na koena nabo; éénoi mokiya yane, mokiya ya iyakano, yeitékei mo isina ya ba buwa, bundai yo, we na koésa bo yo, boose na koma.
|
||||
\v 25 Na enake nino na liti, n'té kamikaé bena botu-si owa ne kamayo mo bokota ya Mokonga.
|
||||
|
||||
\v 26 Maili wa koémba boèlè, bo na kiya ko mokondi ya ba Olive.
|
||||
\v 27 Mbali na koena nabo: "bane boose boose amai", bondia y'eenekei: "noo lubeyai mo imanei wa nyama, na bóóbo mekoko yóo balangama."
|
||||
|
||||
\v 28 Maili na ko imoka kane n'nkati ya bagbi, noki boso ino mo Galilea.
|
||||
\v 29 Petele na koena nande abowa bato boose bo koseama, noo ntokoseama bane.
|
||||
|
||||
\v 30 Mbali na kona nande na enake nabe liti, owe moono botu, mbe nkoko ina eyi mala ibe, owe o ko lingowa noo mala isato.
|
||||
\v 31 Petele na koebesa: "we mbe, aengama nane kagba asima amo nabe, nto ko lingowa ane owe. Boose na kowa akowa looki ya Petele."
|
||||
|
||||
\v 32 Boose na kiya Gestmane, Mbali waena baeki endea, noo ano -n'naya kosombola.
|
||||
\v 33 Waya na Petele, Yakobo na Yoani eke waika na n'kakatima ena maengeli ma obaba.
|
||||
\v 34 Eke waena mbe obaba aleeteyake noo akomeake noo motema ya obaba. Bena kogba, siye, abona na kesai.
|
||||
|
||||
\v 35 We na keya na boso wa lubana na ase mo n'seke eke wa sombola mbe aika m'mba gaengama, membe si enoo yaelee noo gbaaya. We na koena mbe, ouka mbe yeengama, sindeka kopho si ono kpaaya nane.
|
||||
\v 36 Wee mbe Abba, Tata, besima boose beengame kowa kabesindeka kpaaya nane kopho boande bowa eemee nondi bowa eemee owe omune.
|
||||
|
||||
\v 37 Waya kowa ika baeki bande wa sangela bo mbe, belame eke waena na Petele-Simona olame, ute kese babe, ango saa omo lika.
|
||||
\v 38 Kesai, sombola mbe bite ngeangai mo toteo la kogeyo motema ika bosaali n'ndi mobe eene.
|
||||
\v 39 Waekana nabo ephé eke wa sombola.
|
||||
|
||||
\v 40 Wa sumboka, eke wa sangela bo nn'kati ya too, bondia maiso ma bo ma litoake na too. Bo bande koebo owa na maana ya kotimbolea we.
|
||||
\v 41 Mara wa isato, wa simbokee eke wa sangala mbo mo too bo ephe eke waena nabo lamai enekeke, omonai. Aengamake, n'nyanga yaengamake, monai Mana Moto wa abelekake komako ma bato ba beya.
|
||||
\v 42 Imanai, tiye, monai moto owa wakanyake noo okula.
|
||||
|
||||
\v 43 Buwa ango komana koena eke Yudasi, omo nn'kati ya ba ikoma na ibe, na nguma ya bato na n'nkoba, mepanga, tote, ba tomeka na mekota ya beya na melimo na bakolo bato.
|
||||
\v 44 Moto owa wa koaba, waesa bo n'nembe, ombe baebe weye waena na bo mbe, owa na kuuwa na uwe, mbe kolengea wee oyo, ba banda we.
|
||||
\v 45 Mokula ka owa wa abanga we, eke wa ba kamea Mbali eke Wa ena: "Rabbi" eke wa komba we, wa bakamesa metutu eke wa komba-komba we.
|
||||
\v 46 Aowo eke bato i baa bo bakanda Mbali.
|
||||
|
||||
\v 47 Omo n'nkati yabo, na ko omala opanga eke we na kubaka itu yande.
|
||||
\v 48 Mbali wa ena. Ba alake mba bofana moeta omo, na mepanga na tote mo ko kanda noo?
|
||||
\v 49 No koikangai wino nyange yoose, na ebesa bato mesao mo ma lumba ma mesao mo ma lumba ma Mokonga. Bita kondanga bino noo. Aikangai mbe maoki mainyane.
|
||||
\v 50 Ao, boose na koeka we eke baya abeyo.
|
||||
|
||||
\v 51 Maana omo wa leemba wa ondangai we, wa ikangai na monuku ya ntulu ya phophoka ba lumba we.
|
||||
\v 52 Eke waka ntulu yande mo kiya obeyo, mokanga.
|
||||
|
||||
\v 53 Bo nakiya Mbali boso mbi ya mekota yabo, abowa ba songananga mekota yoose na bekoloba babo.
|
||||
\v 54 Petele wa ondesana nabo ena kowa mo boikaneo ya mokota ophème. Waika n'nkati ya bato boose waika na kongba kaya nabo.
|
||||
|
||||
\v 55 Mekota si eya beya na baphē baika kophana bondi abeya owa étè Mbali ombe baiye we. Ndi, bita, monanga ango omo.
|
||||
\v 56 Bondia bato ba buwa ba ikangai na ko tchongeya we maondi ma olanga.
|
||||
|
||||
\v 57 Ndi maondi si mitangama bondi bondia nea we maondi ma olanga eke baena: "Ta n'ngba we mbe wo koena."
|
||||
\v 58 No ko munaï lumba, eleleke na keleke na maako ma bato e na koesa yo n'nkati ya n'so isato-no kesa ephè eya ito koesaka na maako ma bato.
|
||||
\v 59 Ango mo bondi oyo, ko ena kabo kita foanga bande.
|
||||
|
||||
\v 60 Aowo, mekota si eyo, bo ma ko imana, na koena na Mbali n'nkati ya nguma ya bato, eke wa ena. Uto koena bande ango omo, mo koeba mba ko ena ko boKiki ka lilemba kaolenga?
|
||||
\v 61 Mbali na ko bibana chande waeka ko ena bondi ango omo: "mokota si oyo wa phiphea we ephe na waena nade: "owe Klisto, Mana Mokonga owa oliphèke?"
|
||||
\v 62 Mbali na koena: "Ikai noo békomona Mana-Moto ombe wika mo Kakalanga, mo kaoko ka ilome ka Mokonga o mbe o koenda n'nkati ya oboa."
|
||||
|
||||
\v 63 Mokota owo na ko asowa ntulu eko na koena to koikai na ophe bandi ā koena?
|
||||
\v 64 Ba n'ngbakei ko ena ka bea bo monakai? Boose bo mbe weengamei na kogba.
|
||||
\v 65 Baphe, batufe we mata ba kanda chundi chande na ntulu eke balubea we tokimbo mbe bo koena: "eba, nani alubeake owe, bato ba lubesana nande tote."
|
||||
|
||||
\v 66 N'nyanga si eyo mbe Petele uka n'nkati amokai omo moko wa molombi na ko bakamea we.
|
||||
\v 67 Wa mona Petele mbe o kongba kaya, eke wa moesana na nde eke wa ena na nde owe waikanga na Mbali mo Nazareti.
|
||||
\v 68 We na kolengowa, na koena: "nteli bane, ntoebane ane bowa weeme koena owe. Ke we na koomoka mo keya mali, na we na nkoto na koeya (Kauakay)."
|
||||
|
||||
\v 69 Mokobe si byo, na ko mona ewe, mo ba ikanga mo, o'ono wikai omo wa bato si baa bo, na wasi na kolingoa awe ephè.
|
||||
\v 70 Maili kombo, boa ba ikanga asima amo na koena ephe na Betele: "ikai omo wa bato si baa bo, banda ukayi mogalila."
|
||||
|
||||
\v 71 Aowo we na kunja kalingoli bane moto ono okena ba ena we.
|
||||
\v 72 Maili si ephe, nkoko na koeya mara ya ibe. Eke Petèlè na ko engaleya looki ya Mbali aeneanga we nande: "booso ya nkoko koeya mara ibe; olingowai mana isato. Mo ko en'nyalea boobo, we na koeya.
|
||||
|
||||
\c 15
|
||||
\cl Botuku ya ema 15
|
||||
\p
|
||||
\v 1 Moko tsha ka botu, mékota ya méïya ya Mokonga bo na ko n'ngaya ikumbe na bakolo bato na bandiki mondiya Mbali, na ko sambesa we, na koaba we ka Pilato.
|
||||
\v 2 Pilato wa phiphéya we: "owe-ï mokota ya ba Yuda?"
|
||||
\v 3 Mékota ya méïya ya Mokonga boophananga si namuna wa ko kandasa we.
|
||||
|
||||
\v 4 Ké Pilato na ko phiphyéa we éphè mbele: "n'ndi üto djibuwa yabe-ï? mona maondi ma buwa si maa bo o-tshongeya owe.
|
||||
\v 5 ké Pilato wa sángálá mo bowa Mbali ute djibuwe andé we.
|
||||
|
||||
\v 6 Bootoékangi mondéki omo mo kila tshéombé tshoose, mo koëma ka bato.
|
||||
\v 7 Ké yakangi mokandéki omo si owa waétékanga Barnabasi na maondi mabo mondiya we, mo koïya si kaa waïyake, koëna mo kobéya kandé.
|
||||
\v 8 bato ba buwa kiya, mo ko omba mo éya asílí ábo ya énake.
|
||||
|
||||
\v 9 Ké Pilato wa ëna na bo: bemi mbele neekee bane mokota wa ba Yuda?
|
||||
\v 10 Mondiya baëbangi mbele ya üwandé tshëëma tsha mékota ya méïya ya Mokonga-ï ba olésake we.
|
||||
\v 11 N'ndi mékota ya méïya ya Mokonga ko kobèsa bo moota obo mondiya Pilato waëkee bo Barnabasi.
|
||||
|
||||
\v 12 Pilato ko n'ngba éya ba Yuda ba ënake, ké wa phiphéya bo mbele: "Beemi ne te tshéï na oowá Mokota ya ba Yuda?"
|
||||
\v 13 Bo na ko akaya: "taï-we mo ïyéka"
|
||||
|
||||
\v 14 Pilato wa ëna na bo mbele:' koni kobéya ka take we? "Ké ba akaya iboka na koëna: "ïyékaï we!"
|
||||
\v 15 Pilato koëma kota éya ba ombake we, ké wa ekeya bo Barnabasi, kisha ko tungesa ko lubéya Mbali, ké waëkeya bo Mbali mo ko ïyéka we.
|
||||
|
||||
\v 16 Ba Soda ba biya na kiya na ndé mo ko sambesa we mo lééka.
|
||||
\v 17 Ké ba betésa we n'tulu éphè ya téyá na mpô ya mèkè si éya ba take yo.
|
||||
\v 18 ké ba pangana na salimiya we: "uka oko mokota wa ba Yuda!"
|
||||
|
||||
\v 19 Ké ba lubésana na ndé na ko tuféléya we mata, na ko tulaméya we ké ba ënangasé we.
|
||||
\v 20 Moko tungesa kota we kobéya, ké baaya nandé mo asima ya ïyéka mo ko iya we.
|
||||
\v 21 Ké ba bilésa iyéka ka moto si owa osumbokanga sé mo ïba, ké Simona wa Cèrene, Ise wa Alexandre na Rúfúsi;
|
||||
|
||||
\v 22 Ké ba soda baaya nandé mo asima si éya y'étélékè Gologota, asima si owa bo koïyanga bato mo ïyéka.
|
||||
\v 23 baësa we malu ma béya ma kolewesa, n'ndi utémë andé.
|
||||
\v 24 Ké ba ïyéka we, na ko baanya n'tulu ya ndé kanuku-kanuku.
|
||||
|
||||
\v 25 Ya ikangi mo n'nyanga ya isato, saa-si owa ba ïyékake we.
|
||||
\v 26 ké liina ya Mokota ya ba Yuda ya balangana.
|
||||
\v 27 Ba ïyékaki we na méïbi ïbé.
|
||||
\v 28 Ké yoose ya éngamélésakéï mo bowa méandiko yaénake: "wa télékakeï ko molongo ya ba pki kobéya.
|
||||
|
||||
\v 29 Mbali na ko akaya iboka n'ngamb ya lumba ya munéka mala ibé. koandja kiyo bénakose.
|
||||
\v 30 Aïkangaï na ba mokali si ba baïkanga na komona kpaaya n'nkati ya Maliya ya Magadalá, Maliya nina wa Zaki na baana ba ango, w ango,
|
||||
|
||||
\v 31 Mékota ya méïya ya Mokonga kayé na ba andiki, ko seka bô na koëna: "Wa óndésake baphè, n'ndi uto ko ondésa andé we munè!"
|
||||
\v 32 N'ndi Klisto, Mokota ya Isalaële, wa selelakake mo musalaba (liyéka) mo base kowa-kowa na ko mona kito mo bowa wa télékake mo musalaba (liyéka) na ba tomboki.
|
||||
|
||||
\v 33 Saa si owa n'nyanga ya motoba ya aleke, ké botu ya n'ngéya mo tshésé tshétóndó béna mo n'nyanga ya abówa.
|
||||
\v 34 Ké Mbali wa akaya na looki ya iboka mo n'nyanga ya abówá: "Eloï, Eloï, lama sabachthani? "Eya yo koëna mbele: "Mokonga wanè, Mokonga wanè, mo tshéï waëkake noo?"
|
||||
\v 35 baphè mo baa ba ïkanga awo, ba n'ngba, ké baëna: "Monaï, o koéta Eliya."
|
||||
|
||||
\v 36 Ké omo n'nkati ya bô, wa aya obéyo na kanuku ya éponge na mosiki yaa lólá na lowasho, ké wa ésa we wamè, na koëna mbele: temonè m'mba Eliya okulii ko selelesa we.
|
||||
\v 37 N'ndi Mbali, na koakaya, ké wa kpa.
|
||||
\v 38 Ké lumba ya Mokonga yaasoka méla ibé koandja kiyo béna kosé.
|
||||
|
||||
\v 39 Mékota si éya yaïkanga kalibu nandé Mbali, ko mona mo bowa ya pumuwake we boono mo ko kpa, baëna mbele: "Ikï liti mene moto si ono ukasé Mana Mokonga."
|
||||
\v 40 Ya ïkangi kaé na amokali omô si owa o-monanga-sé kpaaya. N'nkati ya bô Maliya wa Mangadala na Maliya nina wa Zaki, na José ké na Salomé,
|
||||
\v 41 ba bo ko ondangasé we awo aïkanga we mo Galiléya, na ba buwa baa baayanga nandé mo Yérusaleme.
|
||||
|
||||
\v 42 Na ïyô ba andja ko léngéya otu ya Mokonga.
|
||||
\v 43 kula ka Yozefu Arimaté, mo koësa maényeli mo koëkana, mondiya we munè, wa ïkangi kayé ko éndéya bokota ya Mokonga. Ké wá phana kiya ka Pilato, mo ko omba mobe ya Mbali.
|
||||
\v 44 Ké Pilato wa sangala mondiya wa kpake ano éné éké, ké ba sola kula na ko phiphéya bo m'mba wa kpaki zamani.
|
||||
|
||||
\v 45 Ba sola baëna na bo mbele iki liti, ké ba ësa mobe yandé ka Yozefu.
|
||||
\v 46 Na Yozefu koowa si éya boo komba na ba kpi, ba selelesa we mo Iyéka (musalaba), ba kanda-kanda we na n'tulu si, ké ba aya ko siya we mo kabuli si kaa kétélékè na mawè. Ké ba n'ndjéka iwe émo mo kota yo mo molango ya kabuli kandé.
|
||||
\v 47 Maliya wa Mangadala, na Maliya nina yaa José, baaya kowa ya télékake we.
|
||||
|
||||
\c 16
|
||||
\cl Botuku ya ema 16
|
||||
\p
|
||||
\v 1 Bobu ya Koomo na koeta; Maliaya Magadala, Malia, n'ma Zaki, na Salomona, ba ouwa masali, mokiya koisela Mbali.
|
||||
\v 2 bato ya bosasu mo m'poso, ke baya mo Bolundi, na m'pendu yoose, m'ba bowa alinga booba.
|
||||
|
||||
\v 3 Bo na ko enesana n'nkati abo: "nani osinde keya base huwe pkaaya na bolundi?"
|
||||
\v 4 Ke na ko imowa maiso kiyo, ke bo mona ambele mo mbele ya iwe si owo yaombolekake.
|
||||
|
||||
\v 5 Ba ingeya n'nkati ya Babuka, ke ba moma mosombe omo mbe oka ase mo kaako ilome obate m'kanyo emo ya phu phoka, batina iboka.
|
||||
\v 6 We na koena nabo: "buwa kotina, bo phani Mbali wa Nazarete, owa we teleke Molieka; Wa imokake, ouwo kae abono; moni boikaneo weli wa bata nga we.
|
||||
\v 7 Yai Beebesi Baeki bande mbele Petele okiya bose ino mo Galeleya. Kooko hi bomonai we, mba boua aena nga we nino."
|
||||
|
||||
\v 8 Ba omoka mo Buyako (bolundu) ke baya obeyo. bowe na ko tekateka aikanga na bo; ke bo bita enanga ande na moto, bondia bite inganga boi na bowa.
|
||||
|
||||
\v 9 Mbali, ko imoka na m'pendu woose wa buangeya ase Malia wa Mangandala, owa wa toesanga we Mesanbo mo motchomue ndi.
|
||||
\v 10 We ne kiya ko ebesa mosao ya eneheke mo ba baikanga na nde, na ba ikangi na nde koeya.
|
||||
\v 11 N'yanga sieyo aimnga bo mbele Mbali uka, weomoni we.
|
||||
|
||||
\v 12 Maili ya ao, wa buanga, boikaneleli ophe n'nkati ya bo ba bobesi ba beka ko phana.
|
||||
\v 13 Ba ya ko ebesa baphe, siba bitea akoe.
|
||||
|
||||
\v 14 Na bobo, wa buan'yaya Baeki ikomo na omo, mbele bika mo mesa; ke wa obea bo bondi meango na metema, ya ko beya, bondia bita a koanga nde ba monanga we koimoka.
|
||||
\v 15 Ke wa ena na bo: "yai mo tchese choose, be londo wei looki isali ka moto ose."
|
||||
\v 16 Owa oko akowa ko n'yeka oka ondai ndi owaio wa oto koa oka ndekai.
|
||||
|
||||
\v 17 Monai maondi mako sangalesa ma mokondesana na ba kaakowa: "lina Yane, bo benge mesomgo ya bea; bo koeni beenyeli ba eneke."
|
||||
\v 18 Boo bundai n'joka; m'mba bama chesima tcha koiya, eto ta ande bo ko benga; boote maako kiyo na bato ba inso, ke bato si bo ko ondaï.
|
||||
|
||||
\v 19 Mokolo maili a koena na bo, ke walinya koa kiyo, ke waika ase mo kaako ka hilome ka Mokonga.
|
||||
\v 20 Ke bona, kiya kolonboa mo tchese choose. Mokolo wa tumikangai na bo, wa koangai looki o maondi ma ko sangalesa simamako ondesa na bo.
|
||||
Loading…
Reference in New Issue