\pmarkers

44-JHN.usfmorig

@@ -0,0 +1,1310 @@
+\id JHN
+\ide UTF-8
+\h Yoani
+\toc1 Yoani
+\toc2 Yoani
+\toc3 jhn
+\mt Yoani
+
+\c 1
+\cl Botuku ya ema 1
+\p
+\v 1 Komakondjekeo looki aikanga, eke looki aikangai na Mokonga, eke looki aikangai Mokonga.
+\v 2 Yaikangai ko makondjekeo na Mokonga.
+\v 3 Bisima boose ba edjekelekangai na yo, ango tchemo tcha endjekelekanga, tchita endjekelekanga bawo.
+
+\v 4 Mo yo aikangai ooya, eke ooya aikangai liangangi ya bato.
+\v 5 Liangangi yo kosana mo iphue, eke iphue itapokeanga bande yo.
+
+\v 6 Aikangai moto omo wa tomekanga na Mokonga: "lina nde aikangai Yowani.
+\v 7 Walangai mokota mokambo ya temwe ya leangani mbe boose ba akowe we.
+\v 8 Utaikanga bande liangangi, n'ndi wa buanyangai mo ko moesa liti ya liangangi.
+
+\v 9 Tcheangange si etcho, tchikai tcha liti, tchea tcho ko moneka na moto woose ana mo tchese.
+
+\v 10 Tcha ikangai mo tchese, eke tchese tcha endjekelangi na tcho, eke tchese tchitaebanga bande we.
+\v 11 Tcalongai mo ba abande, eke ba abande bitapokeanga bande we.
+
+\v 12 N'ndi mo baa boose bepokee we, baa bose beakowe mo lina ande, wa esa bo looka ya Kolimboka bana ba Mokonga, baa beboteke.
+\v 13 Buande na mo kiya, ango mo tcheema tcha mobe, ango mo tcheema tcha moto, n'ndi tcha Mokonga.
+
+\v 14 Eke looki ya timboka mobe, eke aika n'nkati ito, yaiya na ngbengbele na liti, eke aika n'nkati ito, yaiya na ngbengbele na liti, eke talengeangi okuku yande, okuku m'mba ya maana wa ikenya omolika, oloke ka Ise.
+\v 15 Yoni na ko lombesa we, eke wa akayai; ikai we owa: "Na ena bondi ande: Owa okula maili nane, waikangai boso nane, bondia wa ikanga boso nane."
+
+\v 16 Base boose tepokei kowa-kowa koose kande, ngbengbele mo ngbengbele;
+\v 17 Bondia angile wa eselekangai na Mose, ngbengbele na liti belei mo mboka ya Mbali Klisto.
+\v 18 Moto ango omo unamoni mono Mokonga; maana, omolika, owa wika n'nkati ya Ise, wei wa ebekanesanga e.
+
+\v 19 Monai maoki ma Yowani, obowa ba Yuda ba tomanga baomoli ba maphaphi kotoka mo Yelusalemu na Melombia ya Balawi, mo ko phiphea we m'mba ukai nani?
+\v 20 Wa ena, eke uta tomanga, wa ena mbe we obaande Klisto.
+\v 21 Eke ba phiphea we: "Ikai tchei?" Owei Eliya? Eke wa ena: "No buane we ukai motomeki?" Eke wa timbolea: "Iyani."
+
+\v 22 Ba ena nande ephe: "Owe, ukai nani? Mba to ko ebesa ba batomake base. Owe omune ukai nani?
+\v 23 Noo, wa ena, nikai looki ya owa okoakaya mo obandja: "Phenenesai mboka ya Mokolo, bowa aenanga Isaya, motomeki."
+
+\v 24 Baa ba tomekanga, ba ikangai ba Yuda.
+\v 25 Ba phipheya kae we ephe. Bondia tchei owe o ko n'nyanga? Aika m'mba obuwa Klisto, ango Eliya, ango motomeki?
+
+\v 26 Yowani wa ko ebesa: "Noo, no ko n'nyai ko maale, n'ndi n'nkati ino, ika na moto omo owa bitelewe, okula maili nane;
+\v 27 nteengame bande na ko kandowa neeli ya bilalo bande.
+\v 28 Maondi ma amo maetangai mo Betaniya, gbaaya na iyaba ya Jordaniya, kowa Yowani wa ikanga na ko n'nya bato.
+
+\v 29 Na mpendusi, eke wa mona Mbali koluleya we, eke we na ko ena. Monai maana a mokolo ya Mokonga, owa o ko toesa ko beya mo tchese.
+\v 30 Mo isina yande n'nsi naikanga mo ko ena: "maili nane, moto okula owa wa ikanga boso nane, bondia wa ikangai boso nane."
+\v 31 Ntaebanga ane we, n'ndi ombele wa moneke mo Israyele eke alanga noo mo konya ko maale.
+
+\v 32 Yowani waika na ko ebesa maondi si: "Na monangai mosombo koselela mo obowa m'mba ndjiwa ya okonda eke yo na ko sikama kiyo nande."
+\v 33 Ntaebanga bane we, n'ndi owa wa tomanga noo mokon'nya ko maale, ika we wa enanga nane mbe: "Owa bokomona mosombo koselela na kosikama kio nande, wei okan'nya na mosombo esaali.
+\v 34 Eke na monangai eke na ena bondia ande mbe ukai Mana Mokonga.
+
+\v 35 Na mpendusi, Yowani waikangai kooko, na babe ba baeki bande.
+\v 36 We na ko mona Mbali mbe o ko eta, eke wa ena: "Monai Mokoko ya Mokonga."
+
+\v 37 Baeki bande babe, obowa angbanga bo maoki si maamo eke baonda Mbali.
+\v 38 Mbali na kotimboka, eke wa mona mbe bo koonda we, eke wa ena na bo: "bophanai nani? Bo na ko sumbolea we: "Mopheme, owe o ko ikangai ani?"
+\v 39 Waie, we na ko ena na bo, monai: "Baonda we" eke ba mona abowa o ko ikanga we, bo na koika nande bosu si oowo. aikangai n'nyanga ikomi.
+
+\v 40 Andele, mana nina wa Simona Petele, omo wa babe baa bangbanga maoki Yowani ena ba ondangai Mbali.
+\v 41 Aikangai we wa sangananga mana nina Simona, eke wa ena nande: "Tamonake Masiya (Klisto).
+\v 42 Eke, waya nande kowa ka Mbali ko moesana nande, eke wa ena: "Owe ii Simona, mana Yonas o ko etekai Kephas" (isina yande mbe: Iwe).
+
+\v 43 Na mpendusi, Mbali na ko ema kiya mo Galilea, eke we na ko songana na Filipo eke wa ena nande: "Onda noo."
+\v 44 Filipo wa ikangai wa Betesaida, ko motanga aema ya Andelea na Petele.
+\v 45 Filipo na kosangana na Natanayeli eke wa ena nande: "Tasanganake na owa Mose a enanga mo toani eke batomeki baboso ba enanga, Mbali wa Nazareti, mana Yozefa."
+
+\v 46 Natanayeli na ko ena nande o ko isai m'mba tchesima tchesaali tcheenangame na koomoka mo Nazareti? Filipo na ko ena nande: "Waa eke monaa."
+\v 47 Mbali na ko mona Natanayeli ko luleo we monai liiti mo isaeli si ono, n'nkati yande kua bande boibi.
+\v 48 Owe webei noo kokoni? Natanayeli na ko ena nande Mbali na ko timbolea we; Boso mbe Filipo unaeli owe.
+
+\v 49 Natanayeli na ko ena nande: "Molombia, wikai Mana Mokonga, wikai Mokota a Israyeli.
+\v 50 Mbali na ko ebesa we: "Bondia na enaki nabe mbe nemonei owe kose kate, n'ndi wa akoake, omonai bephembe baemo ema, ba kolongeya bemo bamonake owe."
+\v 51 Eke wa ena nande: "Mo liti, mo liti, wo komonai enekeke obowa ko kandoka eke ba sombo ba saali ba Mokonga koselela kio na Mana Moto.
+
+\c 2
+\cl Botuku ya ema 2
+\p
+\v 1 N'su isato maili, aikangai na bondi ya isongi ko mofanga ya Kanan, mo tchese tcha Galilea, na nina wa Mbali.
+\v 2 Mbali na baeki bande ba etekangai ka mo tchombe si tcha isongi.
+
+\v 3 Divai yo na komaneka, n'na Mbali na koena nande: "Bo buwa kae na divai."
+\v 4 Mbali na ko ena nande: "Te ono amokali, tikai na oni bondi base babe? N'nyanga yane ineengami bande"
+\v 5 Nina na ko ena na bato ba mekambo: "Tchoose tcha wo ko ena nino, tayi tcho.
+
+\v 6 Asima si oo ya tcheombe, aikangai mbe tobole ta maale motoba taikangai moo bondia mbe ba Yuda basoole mao kila kabole kaikangai na n'nembe ibe ango isato.
+\v 7 Mbali na ko ena na bo, iyesai maale mo tobale si temo eke baiyesa to enakio.
+\v 8 Tokolai enekeke, wa ena na bo, eke biyai mo kowa ika mo baani wa meeleli: "Eke ba biya mo ko.
+
+\v 9 Mo n'nyangea si eeya moto owa wa sondjanga meleli, wa sondjanga maale ma matimbokanga davai, utaebanga m'mba divai si ya tokakei kokoni, n'ndi babo ba mekambo, baa batokolenga maale, ba ebangai bosaali, eke we na ko eta mokali,
+\v 10 Eke wa ena nande: "moto woose wo ko esangai boso malu masaali, eke maa mabeya mo ko melekangai alinga bato balewa; owe, wa esangai masaali kolinga boso ena maili.
+
+\v 11 Eeyo ii ya telekake mo Kanan mo tchese tcha Galilea, muudjiza ya boso owa ya tanga Mbali. Wa moesa okuku ande ena baeki bande na koako we.
+
+\v 12 Maili ya aowo, eke wa ya mo Kapernaumu we na nina, bana ba nina ena na baeki bande, eke bo na kosiya kooko n'su ya angowa.
+
+\v 13 Pasika ya ba Yuda aikangai aiye-iye, eke Mbali na kiya mo Yerusaleme.
+\v 14 We na ko sangala molumba ya masomboli, baolesi ba ngombe, ba mekoko ena ba ndjiwa enakae ba anyi ba falanga.
+
+\v 15 Komana ko ongonya mokoma ya koba ya n'nyama, eke we na ko balanganesa molumba ya masomboli, baolesi, na mekoko, na ngombe, we na na ko balanganesa falanga ya ba anyi eke we na ko balanesa ba mesa;
+\v 16 eke wa ena na baolesi ba ndjiwa, toesa besima bino aabono ena buwai kota lumba ya Tata m'mba lumba ya ngondjo.
+
+\v 17 Baeki bande na koengeleya eandikeliki m'mbe mo ina-ina ya lumba yabe yekaseya noo.
+\v 18 Ba Yuda, ko bunda looki, na ko ena nande: owi muudjiza, wa moesake base, ombe ote boono?
+\v 19 Mbali na ebesa bo; kundowai lumba si eeno ya masomboli, mo n'su isato na kaimetchai yo.
+
+\v 20 Ba Yuda na ko ena: mo ko esa lumba se eeyo, tatangai bemo nkama ina na motoba eke owe m'mbe wo koimetchai yo mo n'su isato!
+\v 21 N'ndi wa enangai mondia lumba n'ndi mobe yande.
+\v 22 Mo isina si abowa aomokanga we mo bagbi, baeki bande na koenyelea bondisi, abowa aomokanga we mo nkili.
+
+\v 23 Abowa aikanga Mbali mo Yerusaleme, mo tcheombe tcha Pasika, na kowa-kowa mo lina nde, mo komona mudjiza eya yatanga we.
+\v 24 N'ndi Mbali omune utakoanga bande bo, bondia wa ebangai bo bosaali,
+\v 25 ena bondia uta ikanga na tcheema mbe moto walombese we, bondia wa ebangai eya ika n'nkati ya moto.
+
+\c 3
+\cl Botuku ya ema 3
+\p
+\v 1 n'ndi aikangai amo ome omo n'nkati ya ba Falisayo wa etekanga Nicodeme, mokota omo ya ba Yuda.
+\v 2 We na kula, we kowa ka Mbali, na botu, ke na ko ena nande: "Rabbi, telimbele ukai Docteur wilei kowa ka Mokonga; bondia moto ata omo ute otaande maondi ma manii-nii si maa mo ota owe m'mba Mokonga wa uwa nande."
+
+\v 3 Mbali na ko sumbolea we: "Mo liti, mo liti, na enake na bo, m'mba moto ute boteke ephe, utomona ande Bokota ya Mokonga."
+\v 4 Nikodeme na ko ena nande: "booni moto obotekai ephe mbe uka Mokolo Moto? Yo ko engamai mo mumboka n'nkati ya mesolo ya nina ephe ke ko botekai?"
+
+\v 5 Mbali na ko sumbolai: "mo liti, mo liti no ko ena nabe, m'mba moto ute boteke n'nkati ya maale ke na mosombo, ute engame ande na ko n'ngea n'kati ya bokota ya Mokonga."
+\v 6 Owa we boteke na mobe ukai mobe, ke owa weboteke na mosombo ukai mosombo.
+
+\v 7 Buwa ko sangala m'mba naenda nabe: "ephoei mbe we boteke ephe.
+\v 8 Mophopho yo kulangai na obalu eeme we, ke o ko n'ngbai kolima kande; n'ndi utei abe kowa ko tokake yo, ke kowa kokiya yo. Ikai bobo ka moto woose owa wa botekeka na mosombo."
+
+\v 9 Nikodeme na ko ena nande: "Booni eeyo eengame ne koteleka?"
+\v 10 Mbali na ko sumbolea we ukai Docteur wa Israele, ke uteli maondi si mansi?
+\v 11 Mo liti, mo liti no ko ena nabe, to ko ena maa meli base, ke to ko ebesa oyaeli ko moose si maa ma monganga base; ke bane bito ko n'ngba ango maa to ko ebesa bane.
+
+\v 12 M'mba bane bite akowe nyanga na enganga nino maondi ma tchese, boni oko akowa bane nyanga nekaena nino maondi makio i?
+\v 13 Moto ata omo uteli eande kio, kosakolo owa weselele kio, mana moto owa uka nkati ya kio.
+
+\v 14 Ke bowa Mose wa imoanga kio ndjoka n'nkati ya obandja ya ibunge, engamei namuna omo m'mba mana moto wa imoleke kio.
+\v 15 Mo boobo m'mba owa woose o kowakowa we wapate ko ika ka yala-yala.
+
+\v 16 Bondia Mokonga wa emangai tchese ke wa abangai manande omo lika, mbele owa wooe okowa kowa we wa uwa koseama, n'ndi wapate koika ka yala-yala.
+\v 17 Mokonga, uta tomanga ande mana ande mo tchese bondia ko smbesa tchese, n'ndi bondia tchese tcha ande mo isina yande.
+\v 18 Owa oko akolea we ute wambeseleka kae n'ndi owa uto kowa kowa wasambesele kake mono, bondia uta koanga ande mo lina ya mana omolika wa Mokonga.
+
+\v 19 Ke ko baanyeka si kooko, liangangi ya langai n'nkati ya tchese, bato na ko ema iphue paali ya liangangi bondia mekambo yabo ya beya.
+\v 20 Bondia owa ota ko beya uto ko ema ande liangangi, ke uto kula ande kowa kika liangangi, na ko tina mbele mekambo yande inaanga ko moneka phololo.
+\v 21 N'ndi owa uka n'nkati ya tchaa ukulai kowa kika liangangi mo isina mekambo yande ya moneke bondia etelekei na Mokonga.
+
+\v 22 Maili naeyo, Mbali, asima amo na Baeki bande, we nakiya mo n'seke ya Yudeya; ke na kooko we na koika nabo, ke we na koluphea.
+\v 23 Yoani kaye koluphea ko Enona, bakabaka na Salima, mondia koa yaikanga male ma buwa, ke balangai kolupheleka.
+\v 24 Mondia Yoani uti na kandeki.
+
+\v 25 N'ndi, yatokake n'kati ya baeki ba Yoani iyeya emo na mo Yuda omo abundanga kophenena.
+\v 26 Balangai komona Yoani ke nakoena nande: Labi, owa waikanga nabe bila ibe ya Ladene ke nabe waenake na boyaeli, mona, oluphea, ke boose bayaake koa kande.
+
+\v 27 Yoani nakoena: moto ango omo uto bataande ke yaese kake nande kowa kiyo.
+\v 28 Bane mine bika Banangoli bane mbele naenake: nauwane Klisto, n'ndi na tomelekake booso nande.
+
+\v 29 Owa wapatake amokali waisongi, uka amoome ya isongi; n'ndi muna kande amoome wa isongi; owa uka ao na koun'ngba, uka nakolengeya ka ema mo isina ya looki ya amoome waisongi: na boobo kolengeya si, iki yane, etondane.
+\v 30 Ekangame nande ko konda ke noo na selele.
+
+\v 31 Owa wetoke nakiyo uka kiyo na yoose; owa uka ya n'seke uka wa n'seke, ke okoenai mba wa n'seke. owa okula na kiyo uka kiyo na yoose,
+\v 32 kotonda boyaeli na ya monanga we na kon'ngba, n'di moto oto koa koa boyaeli yande.
+\v 33 Owa wan'ngbanga boyaeli yande ke waakowa mbele ukai Mokonga liti;
+
+\v 34 Mondia Mokonga watomanga mo koena maoki ma Mokonga, mo isina mbele Mokonga uta esangande we mosombo ya n'tungeya.
+\v 35 Ise koema maana, na koesa maondi moose o maako mande.
+\v 36 Owa okoakoleya Maana uka na koikai ka layalaya; ndi owa utokoakoleyaande Maana utomona ande koika, ndi kosoma ka Mokonga yo koikai kiyo nande.
+
+\c 4
+\cl Botuku ya ema 4
+\p
+\v 1 Mokolo Mbali na koeba mbele Bafalisayo ban'ngbake mbele watangai na koluphea kolongeya baeki ba Yoani.
+\v 2 Mo n'nyanga yoose Mbali utalupheyanga we mune, ndi waikangai na Baeki bane.
+\v 3 Na bobo we nakotoka Yudeya, na kosumboka mo Galilaya.
+
+\v 4 Na bobo yaengamanga nande kota mo Samaliya,
+\v 5 We na kokoma o motanga omo ya Samaliya oya koeteka Sikala, baka na iba eya esanga Yakobo na Yosefu maana wane.
+
+\v 6 Koa kaikanga kasowa ka Yakobo. Mbali, nakoena ka ondo, koika baka na kasowe. yaikangai m'mba n'nyanga ya motoba.
+\v 7 Amokali omo wa Samaliya kula kotokola maale. Mbali nakoena nande: Esa noo ma oma.
+\v 8 Mondia baeki bande baake o motanga koowa meleli.
+
+\v 9 Amoka wa Samaliya na koena nande: mo tchei owe, uki Moyuda, okoomba noo ya ko maa, ndi noo niki amoka Mosamaliya? Bayuda, kaye bitokon'ngbesananga na ba Samaliya.
+\v 10 Mbali nakoena nande: m'mba waebanga liphoti ya Mokonga na nani owa okoena nabe: Esa noo ma oma! ke owe mune waombawe ma oma, ke we nakoesa owe maale ma koika.
+
+\v 11 Mokolo, amokali nakoena nande, owabe na kasima ka kotokolea, ke kasowa keimbe; naokoni opata owe maale ma koika?
+\v 12 Uki mokolo moto kongeya ise ito Yakobo, owa wesanga base kasowa si, nawe mune wamangai, na baana bande na mekoko yande?
+
+\v 13 Mbali na kosumboleya we: moto woose oma maale si mano okon'ngba n'kasa;
+\v 14 Ndi nani oma maale mokosa noo nande uto koun; ngba kaye n'kasa, ndi maale nokoesai nande yo koikai kasowa ya bua kokamena ke yokoikai koika ka bemo na bemo.
+
+\v 15 Amokali nakoena nande: Mokolo, esa noo maale si, mo isina mbele nito kon'ngba kaye n'kasa, ke naeke kaye kulanga abono kotokolanga.
+\v 16 Yaa, Mbali koena nande, koete moome abe, ke waala ano.
+
+\v 17 Amokali nakosumboleya we: na wane na amoome. Mbali na koena nande: uka na seliya ya koena: na wane na amoome.
+\v 18 mondia waikangai na baome batano, ke owa uka nande moeneke wauwaande moome abe. Mo eyo waenake liti.
+
+\v 19 Mokolo, amokali na koena nande, na monake mbele uki Molondoi.
+\v 20 Baise bito balombesangai kiyo na mekondi si; ke bo koena, bane, pali ya koenga na kolombeseleka ikai mo Yelusaleme.
+
+\v 21 Amokali, Mbali na koena nande, akoleya noo, n'nyanga eeya yokula iko koikande mba kiyo na mokondi si mba mo Yelusaleme ndi bo lombesai Ise.
+\v 22 Bo lombesa eeya biteli bane; base, tolombesa eeya teeli, mo isina ya koondeseleka kotokeleya ko Bayuda.
+
+\v 23 N'ndi mon'nyanga eeya yokula na yalake seno balombeseleki ba liti mon'nyanga si eyo bolombesai Ise na mosombo kena liti; iki balombesi si babo n'ndi Tata ophana.
+\v 24 Mokonga ukai mosombo, ke na baa bolombesangai we beengame na kolombesa we na mosombo ke na liti.
+
+\v 25 Amokali na koena nande: Neeli mbele Masiya okula (owa okoetekai Klisto); mon'nyanga si eyo okulai we, okoenai nito maondi moose.
+\v 26 Mbali na koena nande: iki noo owa okoena nabe.
+
+\v 27 Mo n'nyanga sieyo baeki bande, baikangai na kongbema naeyo na koena we na amokali. Ango omo bua mbele: ophiphea chei?
+
+\v 28 Ndi a mokali, na kooka kobole kande, na kiya o motanga, na koena na bato:
+\v 29 Wai komona moto omo aenake nane moose matanga noo; yauwa ndi iwer Klisto?
+\v 30 batokake o motanga, na kiya koa kande.
+
+\v 31 Mo n'nyanga eyo baeki bokoeta we mo koanga, na koena: Labi, anga
+\v 32 Ndi we koena nabo: na moleli ya koanga ke bane bitokeiba.
+\v 33 Baeki na koenaena baphe na bamo: moto omo abielangai we eya kowanga?
+
+\v 34 Mbali na koena nabo: moleli yane ikai kota cheema chaa owa watomanga noo, na koengamesa mokambo chaande.
+\v 35 Bua koena mbele yasiake meeli ina mo n'nyanga ya kokonyoa? Mona, naenake nino, linyesa maiso kiyo, na mona maaba yauphokake mondi a kokangoa,
+\v 36 Owa kokonyoa obati liphoti na kokonyoa touma ta oika bemo na bemo, mondia owa kooleka ke na owa kokonyoa balendeye pali omo.
+
+\v 37 M, o eyo ekoeneleka iki liti; ophe ikai owa koleeka, ke ophe owa kokonyoa.
+\v 38 Natomangi bane kiya kokonyoa eya bita lekanga, baphe batangai, ke bane baingeyake mo n'kasiyabo.
+
+\v 39 Metuka ya Basamalia baa motanga siowo bakoleyake Mbali mondi a koena ka liti ka amokali: waenake nane moose matanga noo.
+\v 40 Mo n'nyanga si omo, Basamalia baya iki koa kande, na kobondja bondja we mbele aike nabo. Ke we na koika nabo n'su ibe.
+
+\v 41 ke na ibamba ya eema yaakowake mo isina looki yande;
+\v 42 ke baenangai na amokali: yauwa kae mo isina ya looki laenake owe ndi base taakowake; ndi base mine taungbake na taakowake mbele ukai moondesi wa cheese,
+
+\v 43 Maili ya n'su ibe, Mbali na kotoka, na kiya Galilaya;
+\v 44 Mondia waenangai we mune mbele molondoi ango omo uto litoselekanga mo motanga ande mune.
+\v 45 Akomangai we Galilaya, ba Galilaya bapokeakai we bosali, bamonangai yoose yatelekake Yelusaleme mo n'nyanga ya cheombe; mondia nabo kae baalanga mo cheombe.
+
+\v 46 Asumbokake kae mo Kanana bena mo Galileya, koa atimbolangai maale malu. Aikangai Kapalanauma mokolo ya mokota, owa mana ande waun'ngbanga oso.
+\v 47 Mo koun'ngba mbele Mbali walake Yudeya kotoka Galilaya, we na kiya koa kande, ke na kobondja bondja mondia waselele ke na koondesa monaande, owai ikanga baka na kokpa.
+
+\v 48 Mbali koena nande: m'mba uti namoni maondi ma kosangalesa na nembe, bito kowakowa,
+\v 49 Mokolo ya mokota koena nande: Mokolo, selela boso na maana wane kokpa.
+\v 50 Yaa, Mbali koena nande, maana abe waondake. ke amoome wa kowakowa looki si Mbali waenake nande, ke nande kiya,
+
+\v 51 Mo kiya kande, bato baa n'kasi balake mo kosongana nande, babileaki we mesao ya koena: maana wabe waondake.
+\v 52 We na kophiphea nabo mo eni n'nyanga yaun'ngbangai we osali; ke bo nakoena nande: ile, mo n'yanga ya mochomoendi; na oso koeka we.
+
+\v 53 Ise na koeba mbele mo n'nyanga sieyo emo Mbali waenake nande: maana wabe waondake. Ke we na kowakowa, we ke na lumba yande motondo.
+\v 54 Mbali na kota koe maondi ma kosangalesa mala wa ibe ko kotoka Yudeya koetea Galilaya.
+
+\c 5
+\cl Botuku ya ema 5
+\p
+\v 1 Maili ya aowo, aikangai na tcheombe tcha ba Yuda eke Mbali na kiya mo Yerusalema.
+\v 2 Mbe mo Yerusalma, baka na molango ya mekoko, aikangai na kasowe kaetekangai na boeneli ya Hebrania Bethesaida, aikangai na beikaneo itano.
+\v 3 Mo beikaneo si beebo, bato banso baikangai na koika ko, bato ba kokpa maiso, ba beluko, bakpe mba mao na maako, baikangai na koenda ko n'nyengenya ka maale.
+\v 4 Bondia Mosombo osaali aikangai na kula nyanga yoose mo boikameo si owo, eke moto woose wa oso owa wo ko tchubeya boso, wee na ko onda, ango oso aika ya ema.
+
+\v 5 Aowo, moto omo wa ikangai na oso ya beemo n'kama isato na tchenana.
+\v 6 Mbali na ko mona we mbe olame ombe neli mbe wika na oso yanso ya buwa eke wa phiphea we: "Weemei koondai?"
+
+\v 7 Oyo moto wa oso na kotimbola we mbe: "Mokolo, nobuwa bane na moto mo kombola noo mo tcheliba nyanga si eya maale mo ko uloka, mo nyanga si eya yo koema noo kotchube, ophe moto owa uka na tchekamba we na ko n'ngeya boso wae."
+\v 8 Imana, Mbali, na koena nande eke wpe na koenda.
+
+\v 9 Mo nyanga si eyo moto si oyo na ko ena, na ko biya kiloko tchande eke we na koenda.
+
+\v 10 Aikanga botu ya ko omona, ba Yuda na ko ena na mutu si oyo; moono botu, ika motu ya ko omone, ubowa bande na isosa ya kobeya keluko tchabe.
+\v 11 We na ko ena nane: "Biya itanda yabe na enda kio."
+
+\v 12 Ba phiphea we: "Oni moto wa enake nabe: "biya itanda yabe na enda?"
+\v 13 N'teli bane lina ya moto si owa wa ondesake noo, bondia Mbali walimokangai, eke bato si baa baikange asima si aowo.
+
+\v 14 Maili si, Mbali wa keya ko mona moto si oyo n'nkati ya lumba ya Mokonga eke ephe, mbe ite luleangi kophe ko beya.
+\v 15 Moto si oyo na kiya eke wa ena na ba Yuda mbe aikanga Mbali we waonde.
+
+\v 16 Mo isina si eyo n'ndi ba Yuda ba ondesanga na Mbali mbe baiye we, bondia wa ondesangai moto wa oso, mo botu ya ko omona.
+\v 17 Mbali na ko ebesa bo: "Tata wokota mekambo ena botu amo ono ya moono botu eke noo kae, neengamei nete kae mba Tata.
+\v 18 Mo boobo, ba Yuda na kophana bondi ya koiya we, bande bondi wa ondesangei moto, botu ya ko omona n'ndi bondi we o koetanga Mokonga mbe ukai Ise, Owa o bote we eke wokoena. Kae mbe wikai mba Mokonga.
+
+\v 19 Mbali na ko ena nabo: "Moliti, moliti na enake na be; maana ute engame we, wo otai ike ande eya omona ka Ise, Mana Bokota kae boobo.
+\v 20 Bondia Ise weeme maana, eke we na koesa maana eya yokota we-we wo komoesai mekambo ya ema - ema ke eya yo ko mona bane, mbe beike mo ko sangala."
+
+\v 21 Bondia, bowa Ise o ko imolanga ba kpi eke wa sumbolea bo o oya, ena maana o koesangai o oya ka moto si owa we weeme.
+\v 22 Tata uto kobukea moto bondi, n'ndi weesei booko yoose ka maana.
+\v 23 Mbe boose ba lombese Maana, bowa bo ko lombesanga Ise. Owa uto ko lombesa maana, ike mbe uto ko lombesanga bande Ise owa otome we.
+
+\v 24 Mo liti, mo liti na enake nabe, owa o ko n'ngba looki yane, uke o ko litona owa wotome noo, o koikai na n'nsu ya bowa mo tchese ena uto koeta bande mo kosomba, n'ndi oketai mo kogba moko. ika na n'nsu ya bowa mo tchese.
+
+\v 25 Mo liti, mo liti, na enake nabe; nyanga yalake, eke yalake mono, abowa ba kpi bekan'ngba looki ya Mana Mokonga ena baa lekan'ngba yo, bekaikai na n'nsu ya buwa mo tchese.
+
+\v 26 Bondia, bowa Tata uka na koika n'nkati ande omune, boobo kae wesei ka maana koika kane omune.
+\v 27 Ke weesei we bokota ya ko baanya, bondia ukai Mana Moto.
+
+\v 28 Bauwa kosangala mo eeyo; bondia; nyanga yokula mo boose si baa bika n'nkati ya toboli bo ko n'ngbai looki yande, ke bo ko omo kesanai.
+\v 29 Baa bate kophowa bo ko imokai n'nkati ya ba kpi bondia koika, n'ndi baa bete ko beya bo komoka n'nkati ya ba kpi bondia kosamba.
+
+\v 30 Noo mune ntota kae tchesima: "Mo eya yo ko n'ngba noo, no baanyai; ke ko baanya kane kikai tcha, bondia n'tophana ane nkasa yane, ndi nkasa ya owa wa tomanga noo."
+\v 31 M'mba noo mune na ebesa boyaeli yane noo mune, boyaeli yane yauwande liti.
+\v 32 Aika ophe wa ebesa boyaeli yane, ke nelimbe boyaeli siowa o ko ena we mo isina yane ikai.
+
+\v 33 Ba tophangai kowa ka Yowani, ke wa ebesangai boyaeli mo tcaa.
+\v 34 Mo isina yane yauwande ka moto n'ndi na bunda ke boyaeli; n'ndi no ko ena mano mbele bane beonndei.
+\v 35 Yowani wa ikangai ntala yaa kowa kana k mo isina ande, ke bane ba emangai kelengea nyanga emo mo liangangi yande.
+
+\v 36 Noo, nia na boyaeli ya ema ko etea bowa eli bane ka Yowani; bondia mekambo sieya yeese Tata waesa noo mo ko engamesa, mekambo sieyo kai noo nota yo, beyaeli bane ko moesa mbe Tata wetome noo.
+\v 37 Ke Tata owa wetome noo weebese omne boyaeli yane. Bane biti nan'ngai moanga looki yande, biti na moni moango tchondi tchande,
+\v 38 ke looki yande yauwa ango n'nkati ino, bondia bito kowakowa ango ka owa wetomeke nande.
+
+\v 39 Bo phana phana mo eya yeandikeleke, bondia toengeleo tino tika n'nkati yayo ika koika ka yala-yala, ikai maamo mo ko ebesa boyaeli ya koika kane.
+\v 40 Ke bite emeango kula kowa kane mo ko pata koika.
+
+\v 41 Ukuku yane ya uwande ko bato.
+\v 42 N'ndi neli mbele n'nkati ino bauwa bino na moboto ya Mokonga.
+
+\v 43 Nelei mo lina Tata, ke bite ako bino noo; m'mba ophe wala mo lina yande omune, baakolea we.
+\v 44 Boni o koa-koa bane, bane baa beeme okuku n'nkati ino ane mine, ke bito phango ouku ya kula Mokonga omune?
+
+\v 45 Eengeleangi mbele no limboa! bane boso ya Tata; owa olimboya bane, ikai Mose, owa toengeleo tino too se taikanga koa kande.
+\v 46 Bondia m'mba ba koangai Mose, bo kowakai noo, bondia waandikangai bondia ane.
+\v 47 N'ndi m'mba bete akowe komaa meandikeleke, boni bo koa-koa ko maoki manei?
+
+\c 6
+\cl Botuku ya ema 6
+\p
+\v 1 Maili ya aowo, Mbali na kokala obalu ya okonge ya iyaba ya Galliza, ololu ya Tiberide.
+\v 2 Metuka ya bato na ko ondawe, boondia ba monangai ephembe ya bowa mo ko ondesa noo ya bowa.
+\v 3 Mbali na baeki bande na kiya koika ko mokondi,
+
+\v 4 Mbe tchembo tcha pasaka aa ba Yuda wa ikake aiye - iye.
+\v 5 We na ko kandoa maiso, we na ko mona motuka ya ema ya bato na ko luleya we, Mbali na ko ena na Philipe: "Ami asima wengame base kuowa mapa ma bato si bano baange?
+\v 6 Wa enangai boobo mo kosonja we, bondia ba banga eya wa emanga we nakota.
+
+\v 7 Philipe na koena nande: "Mekati ya mia ibe, ito ko engamesa moto na moto n'nkati ya nguma ya bano bato."
+\v 8 Andele, mana-nuna wa Simona - Petele na ko ena mande."
+\v 9 Abono, maana amo wika na mekati itano na tonuku tobe nta nfe, eke yoolai tchei moeno nguma ya bato?"
+
+\v 10 Mbali na ko ena na bo: "Taai boose baihe ase. Mo bokikaneo si aikangai na ase, baome lika elefu ikano.
+\v 11 Mbali na ko biya mekati, we na kombo wa Ise eke wa banyea boose baa bakanga ase, we na koesa kae boo nfe, bowa aemanga moto na moto.
+\v 12 Boose na koika eke wa ena na baeki bande, kongowai eya yasiyake, mbe ango kanuku kiteseyangi ase.
+
+\v 13 Bo na ko kongo wa, kaiyesa tolinga ikami na tobe na mekati eya ya tunake bo.
+\v 14 Bato si na ko mona bondi aema owa atake we, boose na ko akowa liti mbe: "wikai moeke owa wa enekanga mbe okaloi mo tchese.
+\v 15 Mbali na koela mbe, beeme kaluleya we, mbe bate we mokota abo, we nakotoka na kosumboka kiyo na mokondi.
+
+\v 16 Na nyanga ya iyo, baeki bande kophana we mo nkonge ya Iyaba.
+\v 17 Bo na kongeya mo mbele-mbele mokiya mo Capernaumu. Boya iphue aikanga Mbali uta ondanga kae kae bo.
+\v 18 Mophopho na ngumba na konyengeza iyaba.
+
+\v 19 Bo na ko ekama n'nkati ya iyaba mao n'kama ibe ango n'kama isato, bo na ko mona Mbali mbe wo ko enda kio na maale, eke bo na koika na bowa, bo na kotina.
+\v 20 Mbali na ko ena nabo, bowai kotina, ikai noo.
+\v 21 Bo na koema ko onda we mbe bangese we mo mbele.
+
+\v 22 Motuka ya bato owa asianga mo okonge, na ko mona mbe ophe mbele-mbele uta ingaena boobo Mbali uta ngeyanga bande mo ophe mbele-mbele mo ko sangela bo ophe obalu ya iyaba. Boo ba yangai bemine lika.
+\v 23 Na opendu si, bowa baphe ba tchombo ba komanga mo Tiberiade, baka na boikaneo si owa ba anganga mokati maili yayo ko lipheleka na mokolo.
+
+\v 24 Bato ba motuka si ba buwa ko mona ango mokolo, ango baeki bande, eke bo na koemeya mo ba tchombo eke baya mo Kapernaumu mo kophana Mbali.
+\v 25 Bo na ko sangela we, kpaaya na iyaba ya ema eke ba ena nande, ene nyanga wa komake ano?
+
+\v 26 Mbali wa ena na bo, mo liti, na ebasake bane, buande bondi ya ko sangala maondi si ba monake n'ndi bo ko onda no ikai bondi ba angake na baikotake ndi bo ko onda noo.
+\v 27 Tai mekambo bo buwa bondi ya meleli owa yo ko bowa ko ko mesolo n'ndi bondia moleli owa ya kiolela n'nsu yoose, owa Mana-Moto wokaesai bane, yoi Mokonga wotelee bane.
+
+\v 28 Ba ena nande," tele bo bomi mba to ota mekambo ya Mokonga?"
+\v 29 Mbali na ko ebesa bo: "Mokambo ya Mokonga yo ikai, kowakowa owa we watomanga we."
+
+\v 30 Oni bondi yatake owe mbe teakowe watake mono tchei?
+\v 31 Ba ise bito baangai moleli mo obandja ya tolungulungu, bowa eya yeene keleke mo towaami waesa bo mokati ya obowa mbe baange yo.
+
+\v 32 Mbali na ko ena nabo: "Mobiti na liti nokoenai ninoo, Mose witaesanga ande bane mokati ya obowa." N'ndi Ise wane, wokoesai bane moleli ya liti ya obowa,
+\v 33 Bondia mokati ya Mokonga n'ndi owa étoke kio, owa o koesa tcheondesa mo tchese.
+\v 34 Eke baena nande: "Mokolo, aese base mokati si."
+
+\v 35 Mbali na ko ena, noo nikai mokati ya tcheondesa woose owa wokonda noo, oto koika kae na ndja na owa wokoakoa noo uto kongea kae cheema cha maale.
+\v 36 N'ndi, na enake nino, owa wa monake noo eke bito koa-koa noo.
+\v 37 Boose baa Tata ba esake noo, bokondai noo eke n'tokokenga bane moto owa okula kowa kane.
+
+\v 38 Bondia nilei kotoka mo obowa, bowande mbe mete eya yeeme noo, n'ndi eya yeeme owa watonanga noo.
+\v 39 Tcheema tcha owa otome noo tchikai mbe moto woose wa onde mbe neimole we mo botu aiko.
+\v 40 Tcheema tcha Tata tchikai mbe woose owa we mona noo na kowakoa noo waika na tcheondesa tcha seko mba nekaimola we mo botu aeko.
+
+\v 41 Ba Yuda na ko ima-ima, mo bowa aenake mbe: "mikai mokati si owa etoke kio."
+\v 42 Eke baena: "Amine oono ikai Mbali, Mana ya Yosefa, owa tele Ise na nina? Bondia chei we mbe otokei kio?"
+
+\v 43 Mbali na koena nabo: "Bowai kama -ima bane mine."
+\v 44 Ango omo uto ko onda bande noo, aika mba Tata witeete we ena ne kamolai we mo botu aiko.
+\v 45 E andikeleke na baeki: "Boose baeki ebeselekai na Mokonga na woose owa wangabake Ise waongbake mesao yande we wo kondai noo.
+
+\v 46 Ikai mbe ango omo utemone Ise, ikailika owa otoke ka Mokonga oyo wa monake Ise.
+\v 47 Moliti, mo lliti naenake nabo woose owa okoa-koa noo wika na ko onda ka n'nsu yooose.
+
+\v 48 Nikai mokati ya tcheondesa.
+\v 49 Baise bino baangai mane mo obandja ya tolungu lungu ena bangbake mono.
+
+\v 50 Noohi mokati etoke kio, woose okanga yo utekagbi bande.
+\v 51 nikai mokati ya tcheandesa owa etoke kio woose owa wokaanga yo, utekagbi bande, mokati a owa okesa noo, ika monuku ya mobe yane owa nekaesa bondia tcheondesa ya tches.
+
+\v 52 Aowa, ba Yuda ba ena ena bemune n'nkati yabo: "Omi namuna wengame na koesa base monuku ya mobe yande, mbe teange yo?"
+\v 53 Mbali na koena nabo: "moliti, moliti, nanenake nino, aika mba biteange monuku ya mobe yane, bikoika na tcheondesa, bane mine."
+
+\v 54 Woose o koanga monuku ya mobe yane nokoma mokuya beyane eke, nekaimolai we mo botu aiko.
+\v 55 Bondia mobe ane ikai moleli jaliti na mo keya yane ikai maale ma liti.
+\v 56 Woose owa o koanga mobe na koma mo keya yane, okaikai n'nkati yane.
+
+\v 57 Mba Ise wane wika wa tomangai noo, boobo, woose owa o koanga noo okaikai n'nkati yane.
+\v 58 Mo boobo ika mokati owa etoke kio, bowa ande mba bowa aanga ba Ise bino mane eke bo na kogba, woose owa wo koanga mokati si oono ane, olekagbi bande.
+\v 59 Mbali wa ebesangi maondi si mano mo lumba ya Mokonga, kowa mo Kaparnaumu.
+
+\v 60 Ba buwa n'nkati ya baeki bande na ko ena ena," maoki si mano mekobe, nani okokola moo?"
+\v 61 Mbali we omone noo ko mona mbe baeki bande, bo koema ena n'nkati yabo eke waena bondi si ono o kotinesa bane?
+
+\v 62 Abowa eka mona bane Mana-Moto kulinya kowa aikanga we boso?
+\v 63 Ikai Mosombo o koesanga tchekamba mobe itotanga bande tchesima maondi se ba ebeleseke nane mikai Mosombo na tcheondesa.
+
+\v 64 N'nkati ino, ba buwa bito koa koanga bande bondia Mbali wa etangai kolinga boso, baa bite kaako we ena waeba kae owa okaolesa we mo kogba.
+\v 65 Bondi si owo aenanga noo mbe ango omo ute kaonda noo aika mba ute koleke na Tata.
+
+\v 66 Kolinga aowo eke ba buwa n'nkati ya baeki bande ba lomoka-lomoka na koeka ko onda we.
+\v 67 Mbali na ko ena na Baeki: "bande ikomi na babe. Eke bana, bite eme bande kiya mba bina kinoi?"
+\v 68 Simoni-Petele na koena nande: "Mokolo, tokiya ka nani? Wika na maondi ma Tcheondesa,
+\v 69 Ta akoake mono mbe wikai Klisto, mopheneni wa Mokonga."
+
+\v 70 Mbali na ko ebesa bo: "Buande nooi nesone bane ikomi na babe, omo wino wika ikiyo?"
+\v 71 Wa enangai, bondia Yuda IKariote, bana Simona, bondia weye uka olesa we, we omo wa baeki ikomi na babe.
+
+\c 7
+\cl Botuku ya ema 7
+\p
+\v 1 Maili na ééyo, Mbali wa timbangai mo Galilea, uta émangandé ko tchumana n'nkati ya Yuda, bondia ba Yuda ba phanangai koiya we.
+\v 2 Tchombe tcha ba Yuda, tcha boikaneo ya ba Tondoli tcha ikangai aiye-iye.
+
+\v 3 Ke bana ba nina baena nandé: "Toka ano, yaa mo Yuda, mbe baeki babe bamone kae mekambo sieeya yo ota owe.
+\v 4 Moto ango omo uto tangande bondi mo kaisama, aika m'mba weeme komeneka; Aika m'mba wata maondi si ma amo, owe omune moneka mo tchese."
+
+\v 5 Bana ba nina kae bitaa ko angande we.
+\v 6 Mbali na koena nabo: "N'nyanga yane itinaengali bande, n'ndi eeya ino ya engamake.
+\v 7 Tchese tchi toseka ande bane, n'ndi tchese ke noo, bondia no tonda mbele mekambo ande yébéei.
+
+\v 8 Bane, yaai mo tchéombé si étcho; noo, n'tokia ane, bondia n'nyanga yane iti na engami ande.
+\v 9 Maili na koena nabo boobo, ke wasia mo Galilea.
+
+\v 10 Aaboa iye bana ba nina mo tchéombé, we kae waya tchea tchande omune, mo kaisama, bua mo komoneka.
+\v 11 N'nyanga ya tchéombé, ba Yuda ba ikangai na kophana we, ke ba enangai: "ukai ani?"
+
+\v 12 Ba bua ba ikangai na ko suma-suma bondia ande n'nkati ya ibamba. Baphe ba enangai: "Ukai moto mosaali." Baphe ba enangai: "Iyani, o okesa bato."
+\v 13 Moto ango omo, uta enanga ande phololo mo isina ande, bondia kotina ba Yuda.
+
+\v 14 N'nyanga ya tchéombé, Mbali na olinya mo lumba ya Mokonga. Ke wa omesangai.
+\v 15 Ba Yuda ba sangangai, ba ena: "wa ebaki maondi si mano booni, mbele ute some?
+\v 16 Mbali na ko sumbolea bo maondi mane mitetoke ande koakane, n'ndi koa ka owa wetome noo.
+
+\v 17 M'mba moto wa ema kota n'kasa yande, o ko ebai m'mba maondi mane miki ma Mokonga, ao m'mba no koena bondia Mokota yane.
+\v 18 Owa o ko ena bondia mokota ande o ophana okuku yande wemune; n'ndi owa o ophana okuku ya owa wetome we, ooyo wefoei, ke kobea ka uwa ande koakande.
+
+\v 19 Mose uta akesanga bane ba angile? Ango omo wino ute tangane ande nabo. bofani koiya noo bondia chei?
+\v 20 Ibamba na ko sumbolea we: "Ukai na mosombo a bea. Nani o ophana na koiya owe?
+
+\v 21 Mbali na ko sumbolea bo: "nataki mokambo omo, ke bane boose ba sangala.
+\v 22 Mose wa enangai nino mbele bebukesi tchoo, bua n'mba chetoki koakande, n'ndi tchetoki ko melombia ino, ke ba buka kae moto tchoo botu-a-ko omona.
+
+\v 23 Aika m'mba moto wa bukeka tchoo botu-a-ko omona, bondia angile wa Mose ute phendekangi, bosomeai chei boa na ondesake moto motondo botu-a-komona?
+\v 24 Buai ko sambesa mo kolengesa, n'ndi sambisai boa ika liti.
+
+\v 25 Bato bamo ba Yelusaleme ba enangai: "Auwa owa bo ophana koiya we oyoi?
+\v 26 Monai o ko ena chande, ke bito ota ango we tchesima. Mekota yeliandé mbele ukai Klisto?
+\v 27 O ono, teli we, n'ndi Klisto, abowa ekala we moto ute kaebi bande."
+
+\v 28 Ke Mbali wa ebesanagi mo lumba ya Mokonga mbe oosula: "beli noo, ke beli kae bowa ika noo!" N'tile ane bondiane noo mune: "N'ndi owaa wetome noo okai mosaali, eke, biteli bino we.
+\v 29 Noo, neli we; bondia netoki koa kande, ke wei watomake noo."
+
+\v 30 Baphana mo iki ko bundesa we, ke moto ango omo wa buande kokola we, bondia n'nyanga ande ita engamanga ande.
+\v 31 Ba bua n'nkati a ibamba ba akoa we, ke baena: "Klisto, aboa ekala we, ootai maondi ma bua ma kosangalesa maa mitetè oonoi?"
+\v 32 ba Falisayo ba n'ngba moo boa osuma-suma ibamba mo isina ande ko maondi si. Ke mekota na ba Falisayo na otoma bato ba mekambo mbe bakande we.
+
+\v 33 Mbali na koena: "Nika nino n'nyanga kakolo-kolo, eke nokiai ka owa wetome noo.
+\v 34 Be kaphanai noo ke biteka monii bino noo, ke bito okola bino kia koa kekaika noo.
+
+\v 35 Mo isina si ba Yuda ba enesana: "Okayai koni, koa tito mona we? Okenayai koa ke balangane ba Giliki? Ke we ka fundisai boi?
+\v 36 Looki siono aenake we ikai na eni isina: "Bekaphanai noo ke bite ka moni bini noo, eke, bitekai koa ko koika noo?"
+
+\v 37 Botu ya maili, botu aema ya tchéombé, Mbali na koimana, waakaya: "owa uka na n'kasa, wale koa-kane, ke oomai.
+\v 38 Owa okoakoa noo, maale masaali mo ko omokai koa kande boa eeneke mo toani ta ilonga.
+
+\v 39 Waena eeyo o mosombo eka n'ngeleai baa beka akowawe; bondia mosombo inyangai si, bondia Mbali uti na lombeseki.
+
+\v 40 Bato ba ibamba, na ko n'ngba maoki si maamo, bo na koena: "liti oono uki moekié.
+\v 41 baphe na koena: "Ukai Klisto. ke baphè kae mbe: "n'ndi mbele Klisto we engame kula mo Galilai?"
+\v 42 Kaani ka ilonga kiteene moo mbe ko mosolo ya Tawiti, ke mo ka motanga ka Beteleme, koa kaikanga Tawiti, i Klisto okula?
+
+\v 43 Mo boobo ko asoa na ka n'ngea n'nkati yabo.
+\v 44 Bamo n'nkati yabo baema kobunda we, n'ndi ango omo ute teandekaoko kio nande.
+
+\v 45 Ke bato ba n'kasi ba sumboka mo ko mekota yabo na ba Falisayo. Ke baabo na koena: "Bondia tchei bitile nande?"
+\v 46 Bato ba n'kasi na kosumbola: "Moto ango omo uteene ande m'mba moto si ono."
+
+\v 47 Ba Falisayo na kosumbolea bo: "N'ndi mbe bane kae, bakésélékaki nandei?"
+\v 48 Ika na mekota ango ba Falisayo omo wa koakoawei?
+\v 49 N'ndi ibmaba sieyo iteli ba angile bikai baa beaéleke!
+
+\v 50 Nikodeme, owa ule na botu ka Mbali, ke wa ikanga omo wabo, na koena nabo:"
+\v 51 Angie wito okandi moto ango mbele bina n'ngbi tchea tchatake wei?"
+\v 52 Bo na ko sumbolea we: "Uka-kai mo Galilai? Enyelea, ke o omonai mbe mo Galilai ito ko omokande motondoli."
+
+\v 53 Ke omo na omo na ko sumboka mo lumba yande.
+
+\c 8
+\cl Botuku ya ema 8
+\p
+\v 1 Mbali na kia ko Mokondia ya Olivier.
+\v 2 N'ndi na m'pendu yoose, waya ephè mo lumba ya Mokonga, ke bato boose ba lulea we; Koika ase wafundisa bo.
+\v 3 Bakolo bato ba etanda na ba Falisayo na kula na amokali omo webundeke na ilemba;
+
+\v 4 Ke bata we n'nkati ya bato, ba ena mo na Mbali: "Moalimo amokali si oono wa bundekakei mbe oota ilemba."
+\v 5 Mose, n'nkati ya angile, we akesi base isosa ya koiya bamokali otitaka siono na mawe: "ke, owe, waenaki tchei?"
+\v 6 Ba enangai boobo mo kosondja we, mbe ba tchongee we. N'ndi Mbali na kotuleka motchwe, na kokpaloa-kpaloa na moneyi we mo n'seke.
+
+\v 7 Boa ba ikanga ko phiphéa we, we na koyayoka ke waena nabo: "Owa n'kati ino wa bua na ko bea, walubée we iwe boso."
+\v 8 na ko tulama ephè, ke wakpaloa-kpaloa mo n'seke.
+
+\v 9 N'nyanga en'ngbe bo boobo, benyelea n'nkati abo, ba sumboka omo na omo, ko lingana bakolo bato ena banuke; ke Mbali wasia omune na amokali si oyo.
+\v 10 Wa yayoka, wa mona lika amokali, ke Mbali na koena nande:"
+\v 11 Amokali, n'mba baa bo ositakanga se owe? Ango omo utesome nabei?"
+
+\v 12 Wa sumbola: "Iyani mokolo. Ke Mbali na koena nande: "noo kae, n'tosoma ane nabe ya, bua kae kota ko bea ephè. Mbali na koena nabo ephè, weembe: "Niki looba ya tchese; owa o ko onda noo uto koenda ande mo iphue, n'ndi okoikai na looba mo n'nyanga yoose."
+\v 13 Mo awo, ba Falisayo na koena nande: "Otondea owomune; kotonda kabe kauwande ka liti."
+
+\v 14 Mbali na ko sumbiolea bo Ango boa nootonda bondiane noomune, kotonda kane kikai liti, bondia neli koa ketoke noo na koa kokia noo; n'ndi bane, biteli bino koa kile noo ango koa kokia noo.
+\v 15 Bo obuka bondi mo ko mona mobe, noo, n'to obukea ane moto bondi.
+\v 16 N'mba na bukea moto, kobuka kane kiki ka liti, bondia na uwane noo mune; n'ndi Tata owa wetome noo uka nane.
+
+\v 17 Eneke mo angile wino mbele kotonda ka bato babe kefoei;
+\v 18 Nootonda bondiane noo mune, ke Tata owa wetome noo otondea kae noo.
+
+\v 19 Beana iki nande: "So ukiani?" Mbali wa sumbola: "Bite liabino noo, ango Tata. beebangi noo, mbe ba ebaki kae Tata.
+\v 20 Mbali waena maooki si mano, n'nkati ya lumba ya Mokonga, asima siowa wa beeya; ke moto ango omo uta bundanga ande we, sisna mbele n'nyanga yande inaengami.
+
+\v 21 Mbali waena nabo ephè: "naeke, ke bo ophani noo, ke bo okpai n'nkati ya ko bea kino; bite engame bino kia koa kokia noo.
+\v 22 Mo yo, ba Yuda na koena: "Okoiyai mobe ande omunei, mo boa aenakewe mbe: bite engame bino kia koa kokia noo?"
+
+\v 23 Wa ena nabo: bikai ba kose, noo, nikai wa kio. Bikai ba tcheno tchese, noo, na uwane wa tcheno tchese.
+\v 24 Yooi na enanga ase nino mbe bo okpai n'nkati ya ko bea kino; aika m'mba bite akoe boa ika noo, bo okpai n'nkati ya ko bea kino.
+
+\v 25 Owei nani? Bo na ko phiphéa we. Mbali wa sumbolea bo: "Eya no koena nino ko makonjekeo.
+\v 26 Nika na maondi mabua ma koena nino bena ko bukea bane bondi; n'ndi owa wetome noo wefoei, ke eya en'ngbe noo koa kande, no koena yo mo tchese.
+\v 27 Bita ebanga bande m'mba o ko ena nabo bondia Ise.
+
+\v 28 Mbali wa ena nabo: "Aaboa bekalombesa Mana Moto; ke bekaebai m'mba niki nani, ke n'to ota tchesima bondiane noo mune, n'ndi noo ko ena m'mba boa Tata we ebese noo."
+\v 29 Owa wetome noo uke nane; uteeke ande noo mune, isina mbe no ota n'su yoose eya eyakoleke nande.
+\v 30 Mbe Mbali wo koena boobo, ke ba bua ba akoa we.
+
+\v 31 Ke waena na Bayuda baa ba akoanga n'ndia we: M'mba bailela n'kati ya maoki mane, bokoikai na liti baeki bane;
+\v 32 Bo koebai liti ke liti okandoi bane.
+\v 33 Ba sumboleya we: Tikai liboti ya Apalayama tita ikanga abito bakobe ba moto, boni okoena owe mbe: Bokoikai na ome?
+
+\v 34 Liti, na liti, naenake nino, Mbali wasumbolea bo, owa okoaba koika kande mo kobea, uki mokobe wa kobea.
+\v 35 N'ndia, mokobe uto koilelangande mo lumba; n'ndi maana i okoilelanga.
+\v 36 M'mba maana waondesa bane, bo okondeseleki liti.
+
+\v 37 Neli mbe bekai liboti ya Apalayama; n'ndi bophaneya noo kokpa, mon'ndia looki yane ebuande n'nkati ino.
+\v 38 No koena ma nemone ka Tata, ke bane, boota ma ben'ngbe ka ise ino.
+
+\v 39 Baena nande: Ise wito, uki Apalayama. Mbali waena nabo: M'mba beikange bana ba Apalayama, mbe beti mekam, bo ya Apalayama.
+\v 40 Moeneke bophana koiya noo, noo siowa neene nino liti owa nen'ngbe ka Mokonga. nayo, Apalayama uteande yo.
+\v 41 Bo ota mekambo ya ise ino baena nande: Tawabito bane bande; bakaowa n'ndi tiki Tata omo, Mokonga.
+
+\v 42 Mbali nakoena nabo m'mba Mokonga waikange ise wino, m'mbe boemi noo, bondia kowa kande netoke ke lilei; ntile ane noo mone, n'ndi wei wetome noo.
+\v 43 Mondia tchei beto fofoa maoki mane? bondia bito koun'ngba bino looki yane.
+\v 44 Bikai na Ise wino diabele, ke bemi koengasa n'kasa ya ise wino. Oiki moiyi kolinga makondjekeo, owaande n'kati ya liti bondia obuande na liti n'kati wande. Abowa okoena we olanga okoena moisina ande; bondia uki moto wa olanga ke isa olanga.
+
+\v 45 Ke noo, bondia no koena liti biteakowe bino noo.
+\v 46 Nani wino okelesa noo mo olanga? m'mba naena liti bondia tchei bito koakoa noo?
+\v 47 Owa uka wa Mokonga okon'ngbai maoki ma Mokonga; bito koun'ngba abino noo, mondia bo wabino wa Mokonga.
+
+\v 48 Bayuda na kosumboleya we: Tabuwa na saiya wa koena mbe uki Mosamaliya, n'ndia uka na mesombo ya beya?
+\v 49 Mbali na kosumboleya: Na uwane na mosombo ya beya; n'ndi no litosa Tata, n'ndi bane bete litose abino noo.
+
+\v 50 N'to phana ane okuku yane; ika na omo siowa ophana na kobuka bondi.
+\v 51 Liti, liti, naenake nino, mba moto walanga maoki mane uto mona ande kokpa.
+
+\v 52 Eneke Bayuda na koena nande, taebake mbele uka na mopsombo ya beya. Apalayama wekpei na balondoi kaye ke owe: Moto walanga maoki mane, uto mona ande kokpa.
+\v 53 ukai kiyo ya ise wito Apalayama, owa wekpe? na balondoi kaye bekpe. Owei nani?
+
+\v 54 Mbali wasumboleya: M'mba nalomba noo mune, okuku yane ikai bule Tatai olombesai noo, wei owa bokoena mbele uki ise wito,
+\v 55 iki mbele biteli abino we. Mo noo neli we; ke, aikam'mba neenange m'mbe niteli ane we no towanyanyi nino, moto wa olanga n'ndi neli we, ke nelange looki yande.
+\v 56 Apalayama ise wino, waikangi na kolengeya mo komona n'su yane; wai yangi na ome.
+
+\v 57 Bayuda na koena nande: unaiki abe na bemo n'kama itano (50) we moni Apalayama!
+\v 58 Mbali waena nabo: liti, liti, naenake nino, boso na Apalayama naikangai.
+\v 59 Kiyo nayo babiya iki mawe mbe balubeye we; ndi Mbali waisama, na komoka mo lumba ya Mokonga.
+
+\c 9
+\cl Botuku ya ema 9
+\p
+\v 1 Mbali wamona mbe okoeta, moto omo mokpi maiso kolinga koboteka.
+\v 2 Baeki na phipheya we: Molombiya, nani wete kobewa, moto siono, ao baa bebote we, m'mbe waboteke mokpi maiso?
+
+\v 3 Mbali nakosumbola: Auwaande we m'mba baa botewei bete kobeya; n'ndi ikai tchekamba tcha Mokonga tchamoneke kowa kande.
+\v 4 Engame mbele nete, mbe n'nyanga ekenaika mekambo ya owa wetome noo; iphuwe yokula, kowa moto uto taa kae mokambo.
+\v 5 Aabowa ekaika noo mo tchese niki liangangi.
+
+\v 6 Maili ya koena eyo watufea mata mo n'seke, waphuleya mata mo n'seke.
+\v 7 Ke waisela beteku mo maiso ya mokpi, ke waena nande: Yaa, koa moiyaba ya Silowe (lina Silowe iki mbe motomeki) waya, ke waowa wasumvboka mbele maiso makandokake.
+
+\v 8 Baa bika baka naba baebanga we mbe moombombi baena: Bua owa ombombanga ono?
+\v 9 Bamo mbe: Iki we baphe mbe yani, n'ndi beondeyane. ke we waena nabo mbe iki noo.
+
+\v 10 Baena nande boni maiso mabe makandokake?
+\v 11 Ke wasumbola: moto siowa bokoetanga we mbe Mbali waphuleyaki n'seke na mata, ke waisela noo mo maiso, ke waena: Mbe yaa omosowu ya Silowe kosole, naya, na sola, ke na mona iki.
+\v 12 Baphipheya we: M'mbe moto si? wasumbola: nteli ane.
+
+\v 13 Babiya we mokpi maiso o Bafalisayo.
+\v 14 N'ndia, waikangi botu ya koomonai Mbali weisele noo betephu, na kondowa maiso.
+\v 15 Ephe kaye Bafasayo baphipheya iki, boni eonde owe, ke wasumbola: Weseli noo beteku o maiso, ke na sola, ke na mona.
+
+\v 16 Mo yo bamo wa Bafalisayo baena: Moto siono utotoke ande ka Mokonga, Bondia ute litose ande botu ya koomona. Bamo baena: motcheni tchekamba moto siono ota maondi ma kosangalesa.
+\v 17 Ke kobanyeka kaika n'kati ya bo. ke baena ephe na mokpi maiso: owe waenake tchei bondia mo bowa wekandowe owe maiso? wasumbola aikangai Molondoi.
+\v 18 Bayuda bita koye abo mbe we waikangai mokpi maiso ke utemone ande bena ile baa bebote we.
+
+\v 19 Ke baphipheya bo, nakoena: Uki maana wino, eeya boena mbele weboteke mokpi maiso boni o mona eneke?
+\v 20 Baa bebote we basumbola teli mbe ukai maana wito, obotekei mokpi maiso;
+\v 21 Mo tchei o mona we moeneke, nani we kandowe maiso yoi base titeli. Phiphei we uki mokonde koenai eeya emone we.
+
+\v 22 Baa bebote we beenei boobo mo kotina Bayuda; bondia Bayuda ben'ngbesane mbele, m'mba moto waeba mbele Mbali ukai Klisto, okoiki asima ya makumbe.
+\v 23 Moyoi ba bebote we beene: Wuki mokomde phipheai we mune.
+
+\v 24 Ba Falisayo beetesana ephe moto si owa wa pkanga maiso, ke ba ena nande: "Tombesa ka Mokonga, telimbe moto si owa uki moto wa bea."
+\v 25 Wa sumboleabo: "M'mba waika moti wa ko bea, nteli ane; neli lika bondi omo, mbe na pkangi maiso ke noo monake.
+
+\v 26 Ba ena nande: "Weti owe tchei? weti tchei mo ko kandowa owe maiso?
+\v 27 Wa sumbolea bo: "Na ebesake se nino, bite eme kowakowa; motchei? beemi kongba yo ephe! "Beemi koika baeki bande?
+
+\v 28 Ba na kosenda we na koena, owei uka meeki wande; base tiki baeki ba Mose.
+\v 29 Telimbe Mokonga weemi na mose; ndi oono, titeli bito kowa kilewe.
+
+\v 30 Moto si wa sumbolea bo: "Ikai komualesa m'mba biteli kowa keto-kewe; ke na yoe wekanowe noo maiso."
+\v 31 telimbe Mokonga uto kongbanga ande bato ba bea; n'ndi, m'mba moto walitosawe na kota nkasa ya nde, o oyai okombnga we.
+
+\v 32 Iyani tinangmbi maa bito moto ko kandowa maiso ma owa we bateke mbe we pke maiso.
+\v 33 M'mba moto si ute tokange ka Mokonga, mbe utete ande tchesima.
+\v 34 Bo na ko sumbolea we: "Oboteki liti Mokonga, ke o omoesa base! Ke ba benga we."
+
+\v 35 Mbali wa ngba mbe ba bengake we; ke wa sangana nande, wa ena nande: "Owa kowe ka mana Mokonga?"
+\v 36 Wa sumbola: "Uki nani Mokolo, n'ndia neakowe we?"
+\v 37 Wa monake we, Mbali, koena nande, "ke owa o ko ena nabe, iki we."
+\v 38 Ke wa ena: "neakowe, mokolo." Wa linga malu boso na nde.
+
+\v 39 Moyo Mbali wa ena: "Nili motihese tcheno mo ko buka bondi; mba baa bito o mona ba mone, ba mone, ke ba, bo o mona bite monangi."
+\v 40 Ba mo ba Fafalisayo ba baikanga nande, ba bamboga maoki mande, ba ena nande: "base kae, te pki maiso?"
+\v 41 Mbali wa sumbolea bo: "M'mba bepkange maiso, mbe ba uwa bino bati ba ko beya. N'ndi ene eke bane mbe: "Tamonake moyoi ko bea kino ko koilela."
+
+\c 10
+\cl Botuku ya ema 10
+\p
+\v 1 Liti, liti, na enake ninoo, mbele owa o kon'ngeya na molango ya ema, mba we walinya na kiyo, uki mopheli wa ena.
+\v 2 Mbele owa o kon'ngeya na molango ya ema.
+
+\v 3 Ke mo kandoi o kandaiwai we, ke bato bo kongbi looki yande, o koeti boo na maina ma boo. Biki baa bande, ke wayana boo koandja.
+\v 4 Mba saa o komola boose mekoko yande bo ko ena boo nande; ke mekoko yande bo koondi we, bondia beli looki yande.
+
+\v 5 Ke bito ko onda ande moto ophe wangba ya, ke bo kingba aya nande, bondia biteli ande looki yande uki moto wangba aya.
+\v 6 Mbali we na ko ena na bo membila. Ke mba bo bouwango koeba mani o ko ena na bo.
+
+\v 7 Mbali we na ko ena na bo ephe; ukweli, ukweli, na enake nino, mbele niki molango ya ema.
+\v 8 Mbele baa boose balanga oso nane biki bapheli ba ema; ke mbele mekoko yana itengbe ande bo.
+
+\v 9 Niki molango ya ema aika mba moto wa n'ngeya kane, ke we o koondai, wa n'ngeya ke o ko omokai, mbele we omoni ome ya ema.
+\v 10 Ke bapheli bokuli koiya, ko buka ikoti, na ko balangamesa; ke noo, nili bondia mekoko ya ike na maisha, ke mbele baike na maisha mo ome ya laya-laya,
+
+\v 11 ke noo niki Mokota, mophoi wa Mekota. Owa oko esanga maisha mo bato bande.
+\v 12 Ke Baeteki, owa ouwa mokoko, yane ke wena kiya obeyo; ke ngba na obalanganesa we.
+\v 13 Ke baeteki bo na kia obeyo, bondia uki moeteki, ke mbele o buande nabi na mekoko. Niki Mokota ya phoa.
+
+\v 14 nli mekoko yane, ke bo kae beli noo.
+\v 15 Ke mba boa Tata weli noo. Ke noo kae neli Tata; ke mbele ne esekae bo maisha nane mo mekoko.
+\v 16 Nikana ephe mekoko, ya buande mekoko yane, ephoi mbele nile na bo: "Mo mekoko yane ba n'ngbe looki yane, ke baike motuka omo, mba kae mekoko emo.
+
+\v 17 Ke mbele Tata we weme noo, bondia ne ese maisha mane, moko anja.
+\v 18 Mba moto uto otoesa ande ke mbele nokoesi bo noo mune; kenika na tchekamba; eyoi ika mobeko owa nika na yo ka Tata.
+
+\v 19 Ika na tchesima tcha mbesi, bondia looki si eno mo ko ban'nyeka ka n'nkati ya ba Yuda.
+\v 20 Ba bua n'nkati yabo bo koena: "Uki Mosombo." Uki moto wa oseka, mondia tchei kongba we ke baphe na ko ena: "Ya buande looki ya Mesombo, niya Mosombo mo we ko kandoi wa maiso si ma mangbake?"
+\v 21 Baphe ba enangai; yo buande maoki ma mosombo ya beya; mosombo ya beya yeengame na kandoa maiso ma owe wepke maiso?
+
+\v 22 Mbo na koika na tchesakisaki mo Yelusalema na iyo.
+\v 23 Mbali o koenda n'nkati ya lumba, mo bangulube ba Salomon.
+\v 24 Ke ba Yuda na ko kombawe, bo na koena eni n'nembe yokula Mosomo mosalali kiyo nito? ke mba iki Chritu, ena nito pka-pka.
+
+\v 25 Mbali we na ko ena: "Mbele naenake nino, ke bito kowakowa bino e mekambo ete noo. Neti o molina Tata ke sombolea iwe okuku yane.
+\v 26 Mbele bito kowakowa, bondia bouwa bino mekoko yane.
+
+\v 27 Mekoko yane yo kongbangi looki yane; ke neli bo, bo kae bo ko ondangi noo.
+\v 28 Ke naesa bo maisha malaya-laya ke bo bito ngba ande, ke moto ango mo oto otoesa ande bo mo maoko mane.
+
+\v 29 Ke Tata, owa wa esanga noo, uki owe wa tchekamba ke boose; ke moto ango mo uto obaka ande boo mo maako ma Tata.
+\v 30 Noo na Tata tiki emo.
+\v 31 Ke ba Yuda na kobiya mawe ma mbesi mbele balube we.
+
+\v 32 Mbali we na ko ena na bo: "Mbele na mo esangi ane mekambo mawe?"
+\v 33 Ke ba Yuda na kondjibuawe mbele abuande bondia mekambo ya phoa ito lubea owe ko tomboka, ke bondia owe uki moto, ke wato owe Mokonga.
+
+\v 34 Mbali we na koena mbele: "Ya bua mo mandiko; na enake mbele: "biki ba Mekota?"
+\v 35 Aika mba wa eteka Mekota iki mbele looki ya Mokonga ika koakabe, iki mbele ma andiko ma uwa kolimenae,
+\v 36 owa Tata wa sonake we mo kotoma we motchese, ke ba ena nande mbele watombokakee! Yoi naenake mbele niki Mana Mokonga?
+
+\v 37 Aika mba nitete Mekambo ya Tata biikoukowe,
+\v 38 Aika mba no ota, mba bite akowe, okowai mekambo, mbele be ebei, ke mbele ibike Tata nane mbele nika ka Tata nane mbele nika ka Tata.
+\v 39 Anokose, no phana baphe, ke bo ko eteya noo mo maako.
+
+\v 40 Mbali we na kia ephe mo Jourdain, kowa asima si owa Yoani wa n'nyinga bato. Ke we na ko ena ilela.
+\v 41 Ke bato ba bua na kula baka, ke we na ko ena mbele; Yoani uta tanga na bondia moto si ono iki ukweli.
+\v 42 Ke mo asima si eyo, bato ke ba akowakowa kande.
+
+\c 11
+\cl Botuku ya ema 11
+\p
+\v 1 Aikangai moto omo oso, Lazaro, wa motanga Betania kowa koikanga Malia na Mana nina Maleta.
+\v 2 Malia si oyo waiselangai Mbali malasi ko mao eke we na koiyowa mao ma Mbali na n'ngbe yande, we waikangai Mana nina Lazaro.
+
+\v 3 Bana ba nina si baa bo na ko toma mokendi ka Mbali mo ko ebesa we mbe, "Issau yande Lazaro uka na oso."
+\v 4 Abowa angbanga Mbali, we na ko ebesa bo mbe, "oso si owo obua bande ya kogba; ikai ya koesa Mokonga okuku, mbele Mana moto wa lombeseleke."
+
+\v 5 Mbele, Mbali weeme Maleta, na Mana nina Malia ena Lazaro.
+\v 6 Abowa an'ngbanga Mbali mbe Lazaro wika na oso, wa siyanga kowa kaikanga we n'nsu ibe ephe,
+\v 7 we, na koena na baeki bande, te sumbokei mo Yudea.
+
+\v 8 Baeki na ko ena nande: "Molombia, enekeke ano, ba Yuda ba phananga ko moesa owe maobi, eke weemekai ko sumboka mo Yudea ephe!"
+\v 9 Mbali na ko ena mbe: "Botu omo obuwa na n'nyanga ikomi na ibe? Aka mba moto waenda na looba, uto kokuka bande, bondiya wo ko mona boso;
+
+\v 10 N'ndi waenda na Iphowe, we engame na kokuka, bondia uto mona bande bosso.
+\v 11 Maili ya maoki ma amo, eke wa ena nabo: "Issau ito Lazaro olame; n'ndi no koimolai we."
+
+\v 12 Baeki na ko ena nande: "Mokota, aika mba olame o ko ondai.
+\v 13 Mbali wa enangai bondia kogba kande Lazaro, n'ndi baisangai mba bo ko ena bondia too.
+\v 14 Mbali na ko ateya bo mbe: "Lazaro wagbake."
+
+\v 15 Bondi inoo, mbe baekoe, nika na omehe bondi nta ikanga kooko. N'ndi tiyei kowa ika Tshelio.
+\v 16 Mo boobo toma owa oketelekanga na lina ya Didime, we na ko ena baeki baphe: "Tiyei base boose ko, aika kogba teegbe nande asima amo."
+
+\v 17 Mbali na ko koma mo boikane si, we na kosangela mbe Lazaro watake n'nsi ina n'nkati ya bolu.
+\v 18 Bowa, Betania ikomi na bitano,
+\v 19 Ba Yuda ba buwa bo makoelea Maleta na Malia, mo kophophesa bo mo kogba ka Mana nina wabo.
+\v 20 Abowa Maleta wa ebanga mbe Mbali wa komeake we na kololoka mo kiya kopkeya we ndi Malia wasianga tchande molimba.
+
+\v 21 Maleta na ko ena na Mbali mbe: "Mokota, aikange mba woikange ano, ambe mana m'ma witegbe bande.
+\v 22 Ndi, enekeke neli mbe tshoose si tsheya tshokoomba we ka Mokonga, wo koakolea owe.
+\v 23 Mbali na ko ena nande: "Mana N'tchoko o ko omokai mo n'kili."
+
+\v 24 Maleta na koakowa mbe, wokaimokai mo botu ya n'ntungia ya tshese.
+\v 25 Mbali naona nande: "Noo nikai mo imoli, no ko sumbolangai hooya. Moto owa o koakowa noo, no ko imolai we ango mbe wagbake mono.
+\v 26 Woose owa wika na ooya na owakawe noo, wite kpi bande. Owe weakowe boobo?"
+
+\v 27 We na koena nande: "Boobo Mokota, neakowe mbe owe ii Klisto, mana Mokonga, wa engamanga kula mo tchese."
+\v 28 Maili ya ko ena boobo, we nakiya we na koeta Malia, mana nina ka owa eke wa ebesa we, "Mokota wika ano wa phipheake! Owe."
+\v 29 Ke Malia wena ngba, kewe na ko imana na tchekamba, ke we nakia kowa ika we.
+
+\v 30 Ke Mbali mbele utinafiki mo motanga si owo, ke mbele oka mo motanga si owa Malata wa kutanekanga nande.
+\v 31 Ke ba Yuda si ba baikanga na Malia mo lumba ke mbele bo ko bonjabonja we, bo na komona mela omo we na ko imana na tchekamba ke we na ko omoka, ke wena kiya kowa ikawe, ke bo na ko ena mbele: "Waeke mobuyako, mokiya koeya."
+\v 32 Ke Malia we na okoma abowa ika Mbali, ke we na ko mona we, we na koeya mo mao mande, ke we na koena nande: "Mokota, mba we ikangese ano mbele nduku wane mbele utengbe ande.
+
+\v 33 Mbali, wena ko mona mbele oko eya, ke ba Yuda siba balanga nande, bona koika na obaba mo mesombo yabo, ke boose na ko nyenguneka.
+\v 34 Ke Mokota, we na ko ena na bo, mbele, wai bemonei.
+\v 35 Mbali we na koeya.
+
+\v 36 Ke yoi, ba Yuda na koena mbele: "Monai mba boa wa enanga we."
+\v 37 Ke ba mo n'nkati ya baphe bona ko ena mbele: "Wei owa wa moesanga mongbi wa maiso, wengamekae na otakae mbele moto si ono ouw kongba?"
+
+\v 38 Mbali we na opata tchombo tcha m'mbesi kowakande ke we omune, wenakia mo buyako. Aikangai ka lumba, na tcha iwe boso,
+\v 39 Mbali na koena mbele: "Toesi iwe, ke Malata, we nduku wa mongbi, ke we na koena nande mbele: "Mokota, onuka, watake nsu ina n'nkati.
+\v 40 Mokota na koena nande mbele: "Uteli mbele mo koeba mbele wa akowa, ke o monai okuku ya Mokonga?"
+
+\v 41 Ke bo na kotoesa iwe si eyo. Ke Mbali wena obiya maiso na kio, ke we na koena mbele: "Tata na sumboleake owe M'ngbengbele mondia owe oko akolea noo."
+\v 42 Bondia noo, neli mbele o ko ena nane n'nyanga yoose; aika mba na ena kiyo bondia ibamba si eno ete noo n'nkati, mbele ba akowe mbele owei wetome noo.
+
+\v 43 Ke we na ko ena eyo, wena ko akaya na looki yaena: "Lazalo omoka!"
+\v 44 Ke mongbi wena ko omoka, maona maako mbele mekandeke, ke nsula kaeika na menuku ya n'tulu. Mbali wenake na, mbele ekai we waye.
+
+\v 45 Ke ba Yuda ba bua si ba balanga na Malia, ke baa na ma moose meteke Mbali, bo na ko ena mbele taako ake kowakande.
+\v 46 Ke n'nkati ya bamo mba baphe bona kia kokutana na ba Falisayo, ke bona kaena eya Mbali watanga yo.
+
+\v 47 Ke bato ba mesombi na ba Falisayo na ba Sanhedrin, ke bo na ko ena mbele: "Mba mobe omo mbele bana ba Mokonga ba balangana;
+\v 48 Aika m'mba taekeya we kota, boose bo koakai we, bena Baloma bokulai koseya bena motanga ito bena okita ito."
+
+\v 49 Omo wa bo, kayafa, mokolo moto wa baabi ba mataefi mo tchemo si tcheetcho, na ko ena na bo: "Bito ko m'mgba bino tchesima mo isina si;
+\v 50 Bito ko engeleya ambe ikai mo isina ya ko phfa kino. Moto omo lika wapke mo isina ya bato boose, mo isina mbe okita otondo itemanekangi."
+
+\v 51 Bondiya, uto ko ena yo bondiya ande omune; n'ndi bowa ika we moai wa mafaefi opheme mo tchemo si etcho, we na konangola ambe Mbali we engamei kopka mo isina ya okita.
+\v 52 Ke itaikanga ande mo isina ya okita lika; aikanga kai mo isina ya ko sanganesa mo mobe omo lika. Bana ba Mokonga si baa bebalangane.
+\v 53 Ke mo botu si owo; ke bona owaza moko iya we.
+
+\v 54 Ke moyo Mbali uta yanga kae baka-baka na bo n'nkati ya ba yuda; ke oba na ko sumbola na maili na kianga iki kalebo na ba nduku ba motanga yaibunge, mo motanga si owa ye eteke mbele: "Ephraim, ke ko oko we na koilela na Baeki.
+\v 55 Ke Pasika wa ba Yuda na ko engama ke bato ba bua ba tchese bo na kia mo Yerusalema boso na Pasika moko enjeka.
+
+\v 56 Ke bona ko phana Mbali, ke bona ko ena mbele mba bamo na baphe molumba ya Mokonga: "Ose phe bano takutanake, Ke we utokula seno"
+\v 57 Mo boobo, baabi ba mafaefi ba opheme na ba Falisayo ba esangi isosa mbee, aika m'mba owa o ko yeba kowa kika we, wa ebese yo ambele bakande we kowa kika we, wa ebese yo ambele bakande we.
+
+\c 12
+\cl Botuku ya ema 12
+\p
+\v 1 Nsu motoba boso ya Pasika Mbali na ko koma mo Bethani kowa Lazaro wa buanganga mo malundu.
+\v 2 Aowo, bateleanga we moeli ya iyo, Lazaro waikangai, omo wa anganga nande mo meza.
+\v 3 Malia na kobia chupa wa malasi ma beeya ba bua, mbe waisele Mbali ko mao, eke wasoola mao mande na ngbe yande eke lumba ya takamana oopho ya malasi.
+
+\v 4 Omo wa baeki, Yuda Iskariote, mana Simona, owa ma engamanga na ko olesa we na koena:"
+\v 5 Bondia tchei bite olese malasi na falanga mia isato, mba baese yo moto uwe?"
+\v 6 Wa enangai buande mongbea touwe tchombo, ndi bondia waikonga moibi na motchungi ya iteke, na waikanga na kotomba bowa eeme we.
+
+\v 7 eke, Mbali, na koena: "ekai we na malasi si, mo koendeya botu ya kogba kane."
+\v 8 Bekakai na touwe nsu yoose n'ndi bito koika nane nsu yoose.
+
+\v 9 Metuka ya ba Yuda ko n'ngbo mbe Mbali uka mo bethama bo nakula, boande mo ko mona Mbali, n'ndi mo ko mona Lazaro owa wa buanyake mo bagbi.
+\v 10 Mekota ya ba Yuda ba emakai koiya Lazaro.
+\v 11 Bondia ba Yuda ba bua baeka ike motuka yabo eke bo na koa-koa Mbali.
+
+\v 12 Na m'pendu si, eke bato ba bua na n'ngba mbe tcheomba cho koika, bo na kiya mo Yerusaleme,
+\v 13 Boose na kobia toani ta betende, bo na kuya boso nande ombe bo ko yemba: "Hosana! Wa lipheleke, owa okula mo lina Mokolo, Mokota wa Israel."
+
+\v 14 Mbali na ko mona bana ka m'pendu eke wa linyanya yo bowa enekeleke mo kaani ka ilonga.
+\v 15 Bowa kotina, moseka ya Siona, mona Mokota ino walake, uka kio na konaka mponda."
+
+\v 16 Baeki bande bita ebanga bondi isina ya maondi, abowa Mbali olombeleseke, baeba eke isina ya maondi ma ilonga, maa matelekake mo isina yande.
+
+\v 17 Ba boose ba ikanga na Mbali, mo n'nyanga ya ko fufuka ka Lazaro, bo na kolombesa Mbali.
+\v 18 Motuka ya bato balulea we, mokona bondi ya ema ya ko buanya ka Lazaro mo bagbi.
+\v 19 Ba Falisayo ba enesana n'nkati yabo, mondi, bitete bande tchesima, tchesi tchaake kowa ika we.
+
+\v 20 Bafuki, ba buwa, boa bayanga mo tcheombe,
+\v 21 Ba ena na philipo, wa Betesaida mo Galilaya eke ba ena nande: "Mokolo, teemei ko mona Mbali."
+\v 22 Philipo waya ko ebesa Andele, maili si Andele na Philipo baya ko ebesa Mbali.
+
+\v 23 Mbali na ko ena nabo: "Nyanga ya engamake mbe Mana na Moto wa lombeseke."
+\v 24 Moliti, mo liti na enake nino: "aika mba kauma ke n'nkati kakeya mo nseka, kitegbe, eke kasiya kamo lika, nde kagba, malasi ko kobotai tuuma ta buwo.
+
+\v 25 Owa we ema mobe yande, okolimesai yo, na owa oske mobe yande mo tcheno tchese wokakai na yo nsu yoose.
+\v 26 Aika mba moto watelea noo, waonde noo na kowa okoika noo kooka kae mokobe wanee wokaikakae. Aika mba moto watelea noo, Tata o ko lombesai we.
+
+\v 27 Enekeke motema yane yoteka teka, neene boowi? Tata toeseya noo nyanga si aeno. N'ndi kula kane mo tchesi ikai mo isina ya bondi si onoo.
+\v 28 Tata eka mbe lina be ya lombeseke! Looki na kotoka kio: "Na lombesangi yo, eke no ko lombesa kai yo."
+\v 29 Bato ba ikanga aowa, ba n'ngbangai eke ba ena mbe ika looki ya kali kali. Baphe mbe, ikai looki ya Mosombo afoa.
+
+\v 30 Mbali na koena: "buande bondi yane n'ndi looki si owa ba n'ngbake, n'ndi bondi ino.
+\v 31 Enekeke, bondia ya tchese ya bakekake, enekeke Mana Mokonga ya tchese wa mbolekake kowandja.
+
+\v 32 Noo abowa ekatoka noo mo nseke si eno, nekabotai bato boose kowa kane.
+\v 33 Na ko ena boobo, eke wa mo ena bo bowa ekaika kogba kande.
+
+\v 34 Metuka ya bato na ko ebesa we: "Taebangi mo maondi masaali mbe Klisto okaikai nsu yooe; bondia tchei, owe mbe, efoe mbe Mana Moto waye kio? Oni Mana Moto?
+\v 35 Mbali na ko ena nabo: "Ngei-ngei ya booba ika n'nkati ino, ebai abowa booba ina ika, mbe iphoe ete o bobesangi bane owa o koenda mo iphoe uteli bande kowa kokiya we."
+\v 36 abowa booba ina ika, akowa yo, mbe beeteke bana ba booba. Mbali na ko ebesa bo, bo maondi Mbali na ko ebesa maondi, eke wee naeka bo we nakia, kia koisama kpaaya nabo.
+
+\v 37 Ango maondi ma bua ma ko sangalesa matanga we boose nabo bita a kowanga bande we,
+\v 38 Mbe maondi maenanga Izaya, motondili. Nani wa akonga ko ena kito? Na kowa kaako ka mokolo, ka monekake.
+
+\v 39 Mo boobo, bo, ba akoangai bondia Izaya wa ena ephei:
+\v 40 "Wa kondangai maiso mabo, eke wa kobesa kobesa metema yabo; mbe, bite ebangi na metema, mbe bite timbokangi, mbe kondesangi bo."
+
+\v 41 Izaya wa ena maondi bondia wa monangai okuku yande embe wo ko ena bondi yande.
+\v 42 Mo boobo, ba buwa n'nkati ya mekota, bo na koakoa we n'ndi ondia ya ba Falisayo ba ekangai koa koa we, mo kotina ko bengeleka mo lumba ya Mokonga.
+\v 43 Bondia ba emangai okuki ya bato kolongea ya Mokonga.
+
+\v 44 Eke, Mbali na ko akaya: "Owa o koakoa noo, ndia wokoa-koai, ka owa walimanga noo."
+\v 45 Eke owa wo ko mona noo, wa monake owa woto me noo.
+
+\v 46 Nilei mba liangangi ya looba mo tchese, mbe woose owa wo koakoa noo watoke mo iphoe.
+\v 47 Aika mba moto wangba maondi mane eke o buwa kolitosa mo, noo ntile bande mo tchese mo kokanda bato ndi mo kondesa tchese.
+
+\v 48 Woose owa wo kokeka noo eke uto ko litosa maoki mane wika na owa okoena bondi yande; maoki ma meene noo, mo imeka ba kea we bondi mo bosu ya iko.
+\v 49 Bondia, nteene bande bondi yane noo mune, n'ndi Tata owa wotome noo, wa ebesangai ko ena.
+\v 50 Nelimbe, angili wande wikai tcheondesa tcha nsu ya bowa, bondia, maondi si maa mo ko ena noo, no ko enai mo bowa Tata wa enanga nane.
+
+\c 13
+\cl Botuku ya ema 13
+\p
+\v 1 Boso ya tcheombe tcha kasaka, Mbali na ko yeba mbe n'nyanga yande ika mo ko engama, mo kotoka mo tchoese na kia koa ka Ise, bowa aemanga we bato ba tchese, n'nembe ya mo boyeo kowa kabo.
+\v 2 Mo n'nyenga ya moleli aiyo, Mosombo ya beya wa ngeleya Yuda Iskariote, Mana Simona, nkasa ya koisa we mokogba.
+
+\v 3 Mbali owa wa ebanga mbe Isse weesei we besema boose bande.
+\v 4 We na ko imana mo meza, na ko toesa ntulu, na ko biya molowa, owa wa limamanga na yo.
+\v 5 Maili si we na ko iteya maale mo nyongo, we na ko soola mao ma baeki bande, we na ko iyowa mao mabo na molawa owa wa kandanga yo mo mpondjo.
+
+\v 6 We na ko eleya Simona-Petele; eke Petele, ko soola noo mao!
+\v 7 Mbali na ebesa we: "Eya yatake noo, uto ko yeba bande enekeke, n'ndi o ko yeba iyo maili."
+\v 8 Petele na ko ena nande iyani, ute engame bande, owe, ko soola mao mane. Mbali na ko ena nande: "Aika mba ntesoole owe, uto koika bande na iyota bakanane."
+\v 9 Simona-Petele na ko ena nande: "Mokolo, bande lika maondi ena mao bena mochwe."
+
+\v 10 Mbali na ko ena nande: "Owa wasooleke mobe, maili si o ko soola kai mao, mo kophenena bosaali bane bephenene, n'ndi bowande bane boose.
+\v 11 Bondia, wa ebangai owa okaolesa we mokoiya we; bondia wa ena: "buande bane boose i. Beengame."
+
+\v 12 Maili ya ko soola baeki mao, eke wa biya ntulu yande eke we na kiya mo meza eke wa ena nabo: "Yebai bosaali eya natanga?"
+\v 13 Bo koeta noo Mwalimo no mokolo, ko, ko ena bosaali, n'nkati boobo.
+\v 14 Aika mba nesooli, bane mao mano, noo mokolo na Mwalimo, be engame kai ko soolesa na bane mine mao, mino.
+\v 15 Bondia, na mo yesake bane namuna ya kota, mba bane bete kae, bosa ye moese na moesa bane.
+
+\v 16 Mo liti, mo liti, na enake nabe, moko wa mokambo obuwa bande mo pheme kolongeya Mokota yande, ango moeki kolongeya owa watomanga we.
+\v 17 Aika mba ba yeba maondi si mamo bo koika na ome, aika mba bata maondi si;
+\v 18 Bua bande bondi ino bane boose iyo na ko ena yo; neli baa nasonake mono boo. N'ndi efoe mbe looki ya ilonga yateleke owa wo kaanga nane mokati, wa biake itindi yande kaowa nane.
+
+\v 19 Mo eneke, naenake nabe, booso mbe bondi inali, mbe abowa yokula yo, beakowei mo. Wa ta n'nembe ya ko phipheya ombe waebe nani Mbali wa enake bondia ande.
+\v 20 Mo liti! Mo liti, na enake na be, owa wo ko pkeya, owa na tomake we, wa pokeyake noo, na wa pokeyake kae owa watomonga noo.
+
+\v 21 Ko mana ko ena maondi si mano eke Mbali na otimba maiso eke we na koena phololo: "Mo liti mo liti, na enake nino; omo wino wo ko olesai noo.
+\v 22 Baeki na ko moesana, n'nkati yabo buwa ko yeba bondia ya na maenake we boobo.
+
+\v 23 Omo, wa baeki, owa Mbali wa emeanga we mo mbele.
+\v 24 Simona-Petele wata n'nembe ya ko phiphea ombe waebe nani Mbali wa ena ke bondia ande.
+\v 25 Ombe moeki si oyo o bakame mo mbele. Ya Mbali eke wa ena nande: "Mokolo ikai nani?"
+
+\v 26 Mbali na ko ena: "owa no koesa we monuku ya mokati owa Mokonga yo eke waesa Yuda, mana Simona, wa Iskariote."
+\v 27 Abowa monuku eeseleke, Mosombo abeya na kongeya ka Yuda. Mbali na ko ena nande: "Eya yokota owe, ta yo bosaali."
+
+\v 28 Ango omo owa wa ikanga nande mo meza uta ebanga bande, moeni isino wa ena ke we boobo.
+\v 29 Bondia baphe n'nkati yabo ba isangai mba Mbali we enei wa ikanga mo tchungi wa iteke ya beya, mba wa enangai mbe wa oleya, mba wa enangai mbe wa oleya touwe moleli.
+\v 30 Yuda, maili ya ko biya botuku ya mokati, we na ko omoka ka beyo beyo, bondia botu ailangai.
+
+\v 31 Abowa Yuda wa omokanga Mbali na ko ena: "Enekeke, Mana Moto wa lombeleseka ke n'nkati yande."
+\v 32 Aika mba Mokonga wa lombelesa ke n'nkati yande eke we o wo ko lombesekai we enekeke.
+\v 33 Bana bane, nika kasa nino nyanga kakolo nino, bekaphanai noo, bowa na enanga na ba Yuda: "Bite kaya kowa kokiya noo, na ena ke kae nino enekeke.
+
+\v 34 Na esake bane angile ophe: "Emesanai, bane na ema bane, bane kae boobo, emesanai n'nkati ino."
+\v 35 Mo boobo, boose bo ko yeba mbe bikai baeki bane, aika mba bika na koemesa n'nkati ino.
+
+\v 36 Simoni-Petele na ko phiphea we: "Mokolo owe wo kiya kowe? "Mbali na koena nande. Ute engane bane koonda noo enekeke, n'ndi okaondai noo maili:"
+\v 37 Mokolo Petele na ko ena nande: "Bondia tchei noo nteengne na ko onda owe kowa ko keya owe? Neengame na kogba bondi abe.
+\v 38 Mbali na ko yebesa we. Weekame na kogba bondi yane? Mo liti! Mo liti! na yebesake owe, mbe n'koko inaeyi owe wotonai noo mala isato.
+
+\c 14
+\cl Botuku ya ema 14
+\p
+\v 1 Ekai ambele metema ino itetekatekangi. akowai Mokonga ke akowai kae noo.
+\v 2 Beikaneo babuwa bika mo lumba ya Tata. yakaange koika boobo ambele naebesake mo bane. Naake koendjekea bane boikaneo.
+\v 3 Ke aika m'mba naaya ke naendjekea bane asima, nokulai ephe, ke natomba bane asima amo nane, ambele abowa yokoika noo bane beikei kae.
+
+\v 4 Beli kowa kokiya noo, ke beli kae m'mboka si.
+\v 5 Tomasi nakoena nande: Mokolo, titeli abito kowa kowa kokiya owe; oni oitaka yokoeba base m'mboka?
+\v 6 Mbali nakoena nande ambele; nikai m'mboka, liti na koika. Moto utokiya ande ka Tata ambele unaeti kowakane.
+\v 7 Aika m'mba beebange noo ambele baebangai kae Tata. Ke eneeke baebake we, ke bamonake we.
+
+\v 8 Filipo na koena nande ambele; Mkolo, moesa base Tata ke yo yokoengami nito boobo.
+\v 9 Mbali nakona nande ambele; aikake n'nyanga ya eya ambele nika nino, ke uteli abe noo, Filipo! Owa wamonake noo wamonake Tata; motchei tchokoena owe ambele; Moesa base Tata?
+
+\v 10 Uteakowe abe ambele nika n'nkati ya Tata, ke Tata uka n'nkati yane? Maoki si mano mokoena noo nino, mitootoka ande kqwakane noo mune; ke Tata si owa wetchumane n'nkati yane, wei oota mekambo.
+\v 11 Akowa noo nika n'nkati ya Tata, ke Tata n'nkati yane; akowa ango mo isina ya mekambo si eeno. go n'nkatia' kowakanek
+
+\v 12 Moliti, moliti, nokoena nino, owa okoakowa noo ootakai mekambo si eeno yoota noo, ke ootai yaemeema, mobondiya ambe naake ka Tata;
+\v 13 ke eya yoose yokoomba bane mo lina yane, nootai yo, moisina mbele Tata walombeseleke n'nkati ya Maana.
+\v 14 Aika m'mba baomba tchesima tchemo mo lina yane, nootai yo.
+
+\v 15 Aika m'mba baema noo, tanganai na baangile bane
+\v 16 Ke noo noobondjabondja Tata, ke okoesai bane mophophesi ophe ambele atangane nino n'nyanga yoose.
+\v 17 mosombo ya liti owa cheese chitengame na komona na kowakowa yo mo isina mbele chito monande yo n; ndi bane beliyo bondia ika n'kati ino ke yokoekai nino.
+
+\v 18 n'kokosi ane bane ba siyana ne kalai koa kino
+\v 19 mo n'nyanga kakolokolo cheese tito monakaye noo, n'ndi bane bomona noo, bondia nika nakoika, ke bane bokoika kae.
+\v 20 mo botu siowo bokoebi mbele nika n'kati ya Tata, ke bane bika n'kati ya ne, ke noo nika n; kati ino.
+
+\v 21 owa uka na baangile bane ke watangana nabo, wei weme no, ke owa weeme noo okoemekai na Tata, no koema we ke nokomonakai nande.
+\v 22 Yuda buwa mo keliota na koena nande ambele: MOkolo, yo tokai koni ambele akomoneki nito n'ndi buwa mo cheese?
+
+\v 23 Mbali nakosumboleya we ambele: aikam'mba moto omo weeme noo, okotanganai na looki yane, ke Tata okoemai we tokulai koa kande ke tokotai boikaneo ito koa kande.
+\v 24 owa uteeme noo utetangane ande na maoki mane ke looki siowa yokon'ngba bane yobuande yane, n'ndi ya Tata siowa wetome noo.
+
+\v 25 neeni nino maondi si mano ambele nekenaika asima amo nino.
+\v 26 n'ndi mophophesi mosombo mosaali owa Tata okatoma mo lina yane okoebesi bane maondi moose, ke okaibesa bane ephe maa moose naenanga nino.
+\v 27 nasileyake bane bii, na abeyake bane bii bane n'teeyabeye ane bane m'mba bua cheese chokowa beya bane. ekai ambele metema ino itenyengenyangi na itetekatekangi.
+
+\v 28 ban'ngbaki ambele nen'ni nino mbele naeke, ke noo no sumbokai kowa kino. akaika m'mba baema noo bo lengeyai mo noo kiya ka Tata, mo isina wembelei koeteya noo.
+\v 29 moeneke naenake nino maondi si mano boso yakula kamo mo isna mbele abowa yokula mo beyakowei.
+
+\v 30 ke nitokoena kaye nino ephe bondia mbele mokota ya cheese ya lake. yo buande na chekamba kiyo nane.
+\v 31 ikiya mbele cheese chaebe mbele neeme Tata, ke nokotangai kondesana bowa Tata weeme nane; imanai tetokei abono.
+
+\c 15
+\cl Botuku ya ema 15
+\p
+\v 1 Noo nikai kate ka vino ka liti, eke Tata wa ika mokolo wa iba.
+\v 2 Metabe yane eya ito ko bota touma, we o ko bukai yoo; n'ndi eya yo ko bota touma o ko endjekai yoo bosaali mbe yabote touma ta buwa.
+
+\v 3 Mbele iseya neese bane ya endjekake mono bane.
+\v 4 Ikai baka-baka ane, mba bowa ika no nino. Motabe ango omo ite engame bande na ko bota mba ite bakame mo kateka vino. Bane kae boobo, bito kota bite bakame nane.
+
+\v 5 Noo, nikai metabe. Moto owa woko bakama nane o ko botai touma ta buwa. Mba n'teike nino bito kota bande mokambo ango omo.
+\v 6 Moto si owa uto ko ba kameya noo, bo kombalai we mo obandja. Mba bowa bo kombolanga tote takamena mo kaya eke talekana.
+\v 7 Aika mba baika nane, na looki yane, o ombai tshoose tsheya tsheeme bane eke ba eseka tsho.
+
+\v 8 Ise wane wo kolengai mba ba bota touma ta buwa. Na boobo bo ko ebekanai mbe bikai baeki bane ba moboto.
+\v 9 No ko emangai bane bowa Tata weeme kae noo siyai n'so na n'su bato bane ba moboto.
+
+\v 10 Aika mba ba litesa ba angile bane ba moboto.
+\v 11 No ko ena nino boobo mba ome yane aiyese metema ino.
+
+\v 12 Angile wane ono: "Emesanai n'nkati ino bowa noo neeme bane."
+\v 13 Moboto ophe obuande owa moto koakowa kogba bondia binakande.
+
+\v 14 Bikayi bina kane aika mba bata maondi si maa no ko ebesa bane mo.
+\v 15 N'nto koeta kae bane bakobe, bondia mokobe uto ko ebanga bande bowa eeme Mokota ande kota.
+
+\v 16 Bane bita sonanga bande noo, ikai noo, noo muneye, na sonanga bane. Na toma bane: "Yaa be botei touma eke neeme tailele." Mo boobo tata o koesai yoose eya bo omba bane mo lina ande."
+\v 17 Angile wane, yoo we ono o owo: "Emesanai n'nkati ino." Bato ba tchese bo kosekai baeki ba Mbali.
+
+\v 18 Aika mba bato ba tsheesi si tcheno baseka bane, ebahi bosaali mbe ba sekangakai noo booso.
+\v 19 Aikange mba bikahi bato ba tcheno tcheese, mbe bato ba tcheese mbe eme bane. N'ndi noo na sonake bane eke na toesake bane n'nkati yabo. Beseke kae bane.
+
+\v 20 En'nyelea maondi na enanga nino: "Mokobe uto kolongeya bande Mokota ande." Bowa o ba basi; bowa bita akowanga maondi mane, bito kowa bande bane.
+\v 21 N'ndi bo ko teeleyai boobo bondi yane; bondi ya biteli ande moto si owa watomake noo.
+\v 22 Aikange mba n'tilange; mba n'nta besanga bo, mbe bite ike bande na ko beya enekeke bite engame kae ko bungeya ko beya kabo.
+
+\v 23 Moto si owa o kosenga noo, oseka-kahi Tata.
+\v 24 Ko maiso mabo na tangai mekambo ya eme-ema, eya inateleki mono na moto ango omo aikange mba nekakange kotayo mbe bita ike bande na ko beya. N'ndi ba monake mekambo yane n'ndi bo koseka kae noo na Tata.
+\v 25 Yo ko telekai mba bowa ika mo ba angile ba bobesekei ande noo buwa isina.
+
+\v 26 No ko tomeya bane mo unehi mo lina Tata, we nde "Mosombo ya phenena" owa o ko moesa ka Tata, mo boobo mo n'nyanga yokula o ko yebisi bato maondi mane.
+\v 27 Bane kae bo ko yebesai bato maondi mane.
+
+\c 16
+\cl Botuku ya ema 16
+\p
+\v 1 Na emangi nino maondi si inano, mondia mbele ite ikangi kowa kino m'mboka ya tulama.
+\v 2 Be ka bengayi ane o malumba makumbe; na n'nyanga emo ya alake alowa omo wekaisahii ane mo ko kpa na kangeleyo mbele otombesa Mokonga.
+
+\v 3 Na bekatayi boobo, mondia bita ebanga ande Tata ao naho.
+\v 4 Na enangi nino maondi si mamo, mondia mble, abowa n'nyanga yekaola, be ka engeleyayi mbele na enangi nino. N'ntaenanga ande nino ko makondjekeyo, n'ndia naikangi nino.
+
+\v 5 Eneeke naeke ka owa watomanga noo, na ango omo wino nte phipheye ande noo: "Waeke okomi?"
+\v 6 N'ndi, Mondia na enangi ino maondi si mano, tchombo tcheiya o metema ino.
+\v 7 Moyoi na enaki nino liti: "Yo koika na isina kowa kino m'mba na aya, mondia aika m'mba na aya, na ko tomeyayi we bane."
+
+\v 8 Na n'nyanga yekala we, we kalongeyayi tchese mo eya ye mone ko beya, liti, na lisomi;
+\v 9 Mo eya mome ko beya, mondia bite akowe ande kowakane;
+\v 10 Mo liti, mondia no kiya ka Tata, na bite ka mona ande noo;
+\v 11 mo lisomi, mondia mokota ya tchese si tcheno osomeselekai.
+
+\v 12 Nika na ma buwa ma ko ena nino, n'ndi bite ke noo bunda ande yo eneeke.
+\v 13 Abowa mo uneyi we kala, mosombo ya liti, we ka endesai bane n'nkati ya liti woose, mondia ute ke na ena ande n'ndi ande we mune, n'ndi we ka enai yoose sieya wa am'mgbanga yo, na we ka enai maondi si ma mekala.
+\v 14 We ka lombesai noo, mondia we ka bundai eya si eya ika yane, na ko ena nino.
+
+\v 15 Eya yoose si eya Tata uka na yo iki yane; moyoi na ena ke mbele obundi eya ane, ke wa ena nino.
+\v 16 Mo n'nyanga ka kolokolo, bite ka mone abino noo; na ophe kahe mo n'nyanga ka kolokolo, na be ka monai noo, mondia no kiya ka Tata.
+
+\v 17 N'ka yo si, baphe baeki na ko yenesana bemine: "isina si uki tchei eya wa ena ke nito; ephe mo n'nyanga ka kolokolo, bite ke na mona abino noho, na Mondia no kiya ko Tata?"
+\v 18 Ba enesanangai: "Isina si iki tchei eya ya enanga we: "Mo n'nyanga ka kolokolo? Titeli abito m'mba wa enangi bo aisi."
+
+\v 19 Mbali, na ko yeba mbele beeme ko phipheya we, na ko ena nabo: "Bane bo ophiphesana mo eya na ena ke nino:" Mo ephe n'nyanga ka koloko, na bite ka mona a bino noo, na mo ephe n'nyanga ka kolokolo, beka monai noho."
+\v 20 Mo liti, mo liti, na enaki nino, bekaeyai na bekaemalai, ke tchese tchekaika na ome; beke ma ikai mo tchombo, n'ndi tchombo tchino tcheka tcha mbokai mo ome.
+\v 21 Amokali, n'nyanga si eya o bota, o ko ikangi na olombo, mondia n'nyanga ande ya engama ke, n'ndi, n'nyanga si eya amoesake we looba ka maana, ute o kalanga n'nyakae obaba, mo isina ya ome si owa uka na yo, ya moto wa botikake mo tchese.
+
+\v 22 Ane kaye, bika eneke n'nkati ya tchombo; n'ndi neka monai bane, na metema ino ekaikai na ome, na ango omo ute ke na bakae ande ane ome ino.
+\v 23 Mo n'su si, bite ke na phipheya kae noo mo bondi ango ome. Mo liti, mo liti, na enake nino, eya boko o mboka Tata, weka esai bane mo lina ne.
+\v 24 Bena ene eke otina ombai abeno mo lina ane. Ombai ke bo opatai, mondia ome ino ya engame.
+
+\v 25 Na enangi nino maondi si mamo o mifomo. N'nyanga ekaola eya n'teke na ena kae nino o miano, n'ndi eya ne ka ena nino phololo n'ndia Tata.
+
+\v 26 Mo osu si, bekaomba na lina ane, n'to ko ena ane mbele no ko ombi na Tata n'ndiya ino;
+\v 27 Mondia Tata we mune weeme bane, mondia ane ba emangi noho, ke boyakowi mbele Netoki kowa ka Tata.
+\v 28 Netoki kowa ka Tata, ke naala mo tchese; mo eneeke na ekake tchese, naeeke ka Tata.
+
+\v 29 baeki bande na ko ena nane: "Monai, Eneeke o ko ena phololo, na uto ko emanga na mufano ango omo.
+\v 30 Mo eneeke Ta yeba ke mbele weli bondi bondi yoose, na wa uwa yabe na n'kasa mbele ango omo wa phipheya owo; yoi te eka kowe mbele wetoki ka Mokonga."
+\v 31 Mbali na osumboleya bo: "Baakowake eneeke?"
+
+\v 32 Mondia, n'nyanga yaalake, na yaalake seno, eya beka balangah motema moto na okita yande, ke beka ekai noo mune; n'ndi na uwa ane noo mune, mondia Tata uka asima amo nane.
+\v 33 Na enaki nino maondi si mamo, mondia mbele beike na bii n'nkati ane. Beka patai obaba mo tchese, n'ndi ikai na tchekamba, na longoyangi tchese.
+
+\c 17
+\cl Botuku ya ema 17
+\p
+\v 1 Ko tungesa kande ko ena maamo, Mbali wa biangi maiso na kio mo obowa, ke wa ena: "Owe Tata, n'nyanga yaiyanake: Lombesa Manabe, m'mba maana wo olombesa owe."
+\v 2 Isina mbe weesi we tchekamba kiyo na binakato boose, m'mba wo ko esa bo koika ka ilela baa boose weakese we bo.
+
+\v 3 Oonoi koika ka laya-laya; baebe owe, wika owe omune Mokonga wa liti, na owa wetee noo, Mbali Klisto.
+\v 4 Noo nelombesei owe mo tchese neiyanesei mekambo weese mbe nete yo.
+\v 5 Mo enekeke lombesa noo, owe Tata, kowa kabe owe omune, mo looka si oono neike nayo kowa kabe, boso wa koika tchese.
+
+\v 6 Neebesei bo lina abe baa bato weese noo nabo kotoka mo tchese. Baikangi bato babe, weesei noo nabo, belitesei looki yabe.
+\v 7 Enekeke na lembelake, mbe yoose si eya weese noo yatokaki kowa kabe.
+\v 8 Bondiya moesaki bo maondi weakese noo mo, ba bundake mo, balembelake liti mbe netokei kowa kabe, ba akowake mbe owei wetome noo.
+
+\v 9 Noo na ko mboleyake bo, ntekomboleya ane tchese, n'ndi, na ko mboleyaki bano weese noo nabo, bondia bo bikai babe.
+\v 10 Na boose bane bikai babe, na beya babe bikai bane, nane nelombeselekei n'nkati wabe.
+\v 11 Noo na buwa kae mo tchese, n'ndi babano bika mo tchese, noo naalake kowa kabe. Owe Tata mopheneni, langa babano mo lina abe weese noo yo, m'mba baike mo m'mba bowatika omo.
+
+\v 12 Abowa na ikanga asima amo nabo, na langangai bo mo lina abe waesanga noo, na opha ophangi bo, bena buande ango omo wabo si owa welimewe, kosakolo oyo maana wa kolungutana, m'mba mbe maandiko maiyane.
+\v 13 Enekeke maalake kowa kabe, na maondi si mano na enake mo ambe nikinaika mo tchese, ambe baike na ome yane owa yo ko iyana n'nkati wa bo.
+\v 14 Neesei bo looki yabe, eke tchese tchaseka bo, mo isina mbe bo ba buwande ba tchese, m'mba bowa noo na buwa wa tchese.
+
+\v 15 Nteombe ane mbe wetoese bo mo tchese, n'ndi na ombaki mbe weekanese na oyo moseyi.
+\v 16 Bo ba buwande ba tchese, m'mba buwa noo na buwa wa tchese.
+\v 17 Tabo mbe baike babe mo m'mboka ya liti.
+
+\v 18 M'mba bowa wetome noo mo tchese, noo kae natomake bo mo tchese;
+\v 19 na mo isina yabo naikake kae moto wabe, m'mba bo kae batileke koika bato babe mo m'mboka ya liti.
+
+\v 20 N'teombee ane ba bano lika, n'ndi na ombeyakei bena baa bo ko akowa noo ko maondi mabo.
+\v 21 Boose baike omo, m'mba bowa owe, Tata, uka n'kati wito, m'mba tchese tchokoakowa mbe owei wetome noo.
+
+\v 22 Noo neakesei bo looka si owa weakese noo, ambe baik omo, m'mba bowa base tika omo.
+\v 23 Noo n'nkati wabo, owe n'nkati yane, ambe balangamane mo koika omo (asima amo), ambe tchese tchaebe mbe wetomei noo, bena mbe wa emangi bo bowa waenanga noo.
+
+\v 24 Owe Taa, baa weesa noo nabo, neemi mbe baike nane asima amo a abowa ika noo, bakokole ko mona ome si owa yane weese noo; mo isina mbe wa emangai noo boso wa makondjekeyo ma tchese.
+
+\v 25 Owa Tata wa tchombo, tchese tchitaebanga ande owe; n'ndi noo naebangai owe, na babano ba ebangai mbe wetemonei noo.
+\v 26 Neebesei bo lina abe, na ko ebesai bo yo ephe kae, ambe ko ema ka emanga owe wa ema noo, kaike akati wabo, nane neike akati wabo.
+
+\c 18
+\cl Botuku ya ema 18
+\p
+\v 1 n'nyanga ya emanga we maondi, si omo, Mbali makiya na baeki bande okonge ya iyaba ya Kedelona, abowa ya ikanga ka iba, kowa ka n'nyanga we na baeki bande.
+\v 2 Yudasi owa wa olesanga we, wa ebangi asima si, mondia Mbali na baeki bande ba sangangai n'nyanga yoose noo.
+\v 3 Yudasi na o biya motuka ya bato, na bato bo n'kasi baa ba tomekanga na mekota ya batondoli na ba Falisayo, boo na kula ao, na n'tala, na to pali-pali ta kaya, na besima ba motato.
+
+\v 4 Mbali, wa ebangi yoose si eya ya engamanga na kouleya we, we na osuseya bo, na ko ena na bo: "Boo ophani nani?"
+\v 5 Boo na osumboleya we: "Mbali wa Nazalete." Mbali na ko ena na bo: "Iki noo." Na Yudasi, owa wa olesanga we, waikangi na bo.
+
+\v 6 N'nyanga si eya Mbali wa enganga na bo: "Iki noo, boo na ko sumboka na maili?" na ko keya mo n'seke.
+\v 7 We na ko phipheya bo ephe: "Bo ophani nani?" Na bo na koena: "Mbali wa Nazalete."
+
+\v 8 Mbali na osumboleya bo: "Na yebisaki bane mbele, mbele iki noo; Aika m'mba iki noohi bophana, eki bano baphe."
+\v 9 We no ko ena eyo, mondia mbele looki ya engameseleke mo eya ya enanga we: "N'talimesanga ane ango omo mo baa waesanga noo."
+
+\v 10 Simona Petele, owa wa ikanga na Apanda, na komola we, na ko lubeya omo wa n'kasi wa mokolo wa batondoli, na oluka we itu. Moto si oyo wa n'kasi wa mokolo wa batondoli, na oluka we itu. Moto si oyo wa n'kasi wa etekangi Malachusa.
+\v 11 Mbali na ko ena na Petele: "Sumbola apanda wabe o mofuko ande." N'te ka moo ane kopo wa obaba si owa Tata wa esanga noo mo omo?
+
+\v 12 Motuka ya bato, bateli bami, na bato ba sikasi, bo na kobunda. Ne Mbali, na ko konda we.
+\v 13 Bo na obiya we kowa kaanni; mondia we wa ikanga moko wa Kaife, owa wa ikanga mokolo wa batondoli mo tchemo si tchecho.
+\v 14 No Kaife waikanga owa wa esanga maoki si amo o ba Yuda: "Yo koika na ome moto omo wa kpe mondia bato."
+
+\v 15 Simona Petele, na ophe moeki, ba ondanga Mbali. Moeki si oyo wa ebekanangi kowa ka mokolo wa ba batondoli, na wa n'ngeyanga na Mbali n'nkati ya lopango ya mokolo wa motondoli;
+\v 16 N'ndi Petele na osiya koanga nigei yo na molanga. Ophe noeki, owa wa ebekananga na mokolo wa Motondoli, na ko ao oka, na ko ena na motchungi wa molango, na ko engesa Petele.
+
+\v 17 Ke moto wa n'kasi wa amokali, mo tchungi molango, na ko ena na Petele: "Owe kaye, uta ikanga abe o baeki ba moto si omo?" We na ko ena: "N'taikongo ane."
+\v 18 Bato ba n'kasi na baunei, bo ikanga awo, baa kanesangi kaya, mondia kolo kaikangi, na bo ko ena ko m'mgba koya. Petele wa ikangi na bo, na ko m'mgba na bo kaya asima awo.
+
+\v 19 Mokolo wa batondoli na ko piphea Mbali mondi ya baeki na maoki mande.
+\v 20 Mbali na ko sumboleya we: "Na enangi wa siwosi mo tchese; na mo esangahi n'nkati ya asima ya bokutaneo na n'nkati ya ba Tapelo, o bowa ba Yuda boose ba sanganga, na ita emangane ango omo mo sili.
+\v 21 Mondia tchei ko phipheya noo? Ko phipheya mo eya ma enanga na bo baa ba m'mgbonga; mono, baa ba ebangi eyo nenanga yo."
+
+\v 22 O Moki si, omo wa n'kasi, owa naikanga awo, we na kolubeya Mbali, mbele o ko ena: "Booboi we engame na ko sumboleya mokolo wa molondoli?"
+\v 23 Mbali na ko ena nande: "Aika m'mba na emaki ko beya, moesa noo eya naenake ko beyo; na aika m'mba na enaki masaali, mondia tchei kolubeyo yabo?"
+\v 24 Anne na ko toma we mbele wekandeke kowa ka Kaife, mokolo wa motondoli.
+
+\v 25 Simona Petele wa ikangi awo, mbele o ko m'mgba kaya. Ba ena nande: "Owe kaye, uta ikanga o baeki bande?" We na otona, na ko ena: "N'ta ikanga ane."
+\v 26 Omo wa bato ba n'kasi ba mokolo wa motondoli, muzazi wa owa Petele wa bukanga wo itu, na ko ena: "N'ta monanga ane owe nande kowa mo iba?"
+\v 27 Petele na otonda we ephe. Na mo n'nyanga si eyo n'ko ya amo ome na owika.
+
+\v 28 Bo na ko biya we Mbali kowa ka Kaifa asima ya ko someseleka: "Yaikangi na m'ponduose." bita n'ngeyanga ande ya koanga Pasika.
+\v 29 Pilato na ko omoka mo kiya kowa kabo, na koena: "Ba tchongeyangi we mo ou bondi?"
+\v 30 Bo na ko sumboleya we: "Aika m'mba uta ikanga moto wa beya, mbele tita uleya obito owe nande."
+
+\v 31 Moyoi Pilato na ko ena na bo: "Bundai we bane mine", ke somesi we ko opesana na ba angile bino. Ba Yuda na ko ena na nde: "Ite akolekane ande nito mo ko iya moto."
+\v 32 Yaikangi mo ko ongamesa looki ya Mbali si owa aenangane, n'nyonga sieya amoesanga we omi boyaeli ya kokpa we engame na kokpa.
+
+\v 33 Pilato na ko sumboka mo lopango, na koeta Mbali, na ko ena na nde: "uki mokolo ya ba Yuda?"
+\v 34 Mbali na ko sumboleya we: "iki mo owe munei wa ena ke yo, ao baphe batoi ba ena ke nabe n'ndiya ane?"
+\v 35 Pilata na ko sumbola noo ni mo Yudai? Okita yabe na mekota ya etanda ya abake owe kowakane: "Wataki tchei?"
+
+\v 36 Bokota yane ya uwande ya tchese si tcheno, Mbali na ko sumboleya we. Aika m'mba bokoto yane ya ikange ya tcheso si tcheno, bato bane ba n'kasi binaei noo motato mondia mbele n'te abelekangi o ba Yuda; n'ndi eneeke bokota yane ya wande ano kose.
+\v 37 Pilato na ko ena nande: "Uki mokota?" Mbali na ko sumboleya we: "Wa ena ke seno, niki mokota." Nebatekei na nili mo tchese si tcheno mo omoesa boyaeli mo liti: "Owa uka mo liti o ko m'mgbai looki yane."
+
+\v 38 Pilato na ko ena: "liti iki tchei?" Maili ya ko ena eyo, na ko omoka ephe mo kiya kowa o ba Yuda, na we na ko ena na bo: "N'temone ane ko beya ango omo n'nkati ande."
+\v 39 N'ndi, m'mba bowa ika kowa kino asili bawa no ko ekanga omo mo ikeka ya Pasika, beemi mbele ne ekeye ane Mokota ya ba Yuda?
+\v 40 Na boobo boose na ko wakaya: "Buwande we, n'ndi Balabase." Ao mbele, Balabase waikangi moto omo wa koiya bato.
+
+\c 19
+\cl Botuku ya ema 19
+\p
+\v 1 Eke Pilato na koesa isosa babunde Mbali na ko lubeya we tonywaa-tonywaa.
+\v 2 Bena ba sala baendjeka mpo a meke, batao ko motchwe ya Mbali, ba batesa we ntulu ya bangi wa teya,
+\v 3 basusa bakama nande, ba ena: "Waimokake, mokota ya ba Yuda. Ba lubeya we m'phi.
+
+\v 4 Pilato waomoka ephe koandja, wa ena na ba Yuda: "Monai, na isake we koandja boso nino; ebai mbe ntemone ane kowa bondi ango omo ya ko kandesa we."
+\v 5 Eke Mbali waomoka koandja ambe webate m'po ya meke na n'tulu si eeyo ya langi wa teya Pilato na ko ena na bo: "Monai moto sioono."
+\v 6 Bephiphi ba melombiya na batchungi ba bo ba monanga we, bata lokendi ya koakaya akaya, ba ena: "Moesai we maobi, moesai we maobi." Pilato wa ena na bo: "Bane tombai we, komoesi we maobi. Bondiya ntemoneane kowa kande ko beya ango komo ka ko moesa we maobi."
+
+\v 7 Ba Yuda ba sumboleya we: "Base tika ya angile wito, nkati ya angile si ooyo weengame na kokpa bondiya wetei mbe waeteke mana Mokonga."
+\v 8 Pilato wangbangai looki si oowo, wa tina iki iboka.
+\v 9 Wa n'ngeya ephe mo mbalasani (mookeo) wa ena na Mbali: "Owe watokaki na koni?" N'ndi Mbali witeene ande tchesima.
+
+\v 10 Pilato na ko ena nande: "Wito ko ena nane?" Witeli mbe noo nika na tchekamba tcha koeka owe, na nika na tchekamba tcha ko moesa owe maobi?"
+\v 11 Mbali wa sumola: "Weikange na tchekamba tchoose bondi yane noo, ambe iteeseleke kotoka kiyo. Mo boobo owa weabe noo kowa kabe, wika na ko beya ka ema iboka."
+
+\v 12 Kolinga aowo Pilato waphana koeka we. N'ndi ba Yuda balubeya tokolo ambe bo ko ena: "We kandowa oono, wa buabe isau yande Kaisala: kila moto si waota mbe waike mokota, wo koeseya na Kaisala."
+\v 13 Pilato aabowa wengbe maondi si maamo, wa omola Mbali koandja na koikaneya kakalanga ka bokota, asima eeteke Sokafu wa mawe, mo looki ya baebele Gabata.
+
+\v 14 aikangi botu ya kopanga tchembe tcha Pasika, n'nembe ya m'pendu. Wa ena na ba Yuda: "Monai, mokota ino ono",
+\v 15 n'ndi ba balube tokololo: "Toesai, toesai." Pilato wa ena na bo iki mbe mokota ino bo omoesi we maobi? Bephiphi ba melombiya ba ena: "Tabuwabito na mokota sakolo Kaisala.
+\v 16 Aowo waaba Mabli ko maako mabo wa moneke maobi. Bo na ko bunda Mbali.
+
+\v 17 Wabiyangai liyeka yande omune, Mbali waomoka mo kiya asima eeteke mokuwa ya motchwe, mo looki ya baebele Golgota;
+\v 18 Ba moesa we maobi kooko, na asima amo nande bato baphe babe, omo kono na ophe kono, nande Mbali akatikati.
+
+\v 19 Pilato wa bunda isosa mbe melolo (maandiko) maike na kotileka kiyo na liyeka ambe yeeme Mbali wa Nazareti, Mokota ya ba Yuda.
+\v 20 Mo bowa asima si a abowa emoneke we Mbali maobi aikangi aiyei-iye na motanga, ba Yuda ba buwa ba bandangi (kosma) melolo si (maandiko) yekpalokeleke (yeandikeleke) na tchiebrania, tchilatini, na tchigeleke.
+
+\v 21 Eke bephiphi ba melombiya na ba Yuda ba ena na Pilato: "Iteengame ande koandika Mokota ya ba Yuda, n'ndi yeengami koandika mbe oono weenei: noo-i mokota ya ba Yuda."
+\v 22 Pilato na ko sumboleya: "Eya ya andikake noo, ya andikelekake."
+
+\v 23 Basola maili wa komoesa Mbali maobi, babiya n'tulu yandé, bata yo mafungu mana, mo kila sola omo lifungu emo. Batomba kae n'kanjo, n'kandjo si eyo itasolekanga ande, yoose yaikangi na bo n'ngeseyo kolinga kose bena kiyo.
+\v 24 Mo bobo ba enesana: "Tobuwa koasowa yo n'ndi titei boiya m'mba yo koikai ka nani." Ambe yaine looki yeene: "Bebaanyi n'tulu yane akati wabo, bataleya nkandjo yane boiya." Booboi bosola batanga.
+
+\v 25 Bakama na biyeka ya Mbali, baikangi mbe besikame nina, nina manuke, Maliya mokala Klopa, na Maliya Magndala.
+\v 26 Mbali wa monangi nina, na mokobe si owa wa emanga we iboka weimanesane aiye-ye wa ena na nina: "Owe amokali, oono-i manabe."
+\v 27 Eke wa ena kae na mokobe si oowo: "oono i n'tchoko. Na ko linga n'nyanga si eeyo, mokobe si ooyo na koika nande kowa kande.
+
+\v 28 maili yaowo, Mbali, owa waebanga mbele yose ya ikangi mbe yaengamake, na koena, bondia looki ya ilonga ya engameseleke: nika na cheema cha maale.
+\v 29 aowo yaikangi na kabole kaiyanga na maale ma n'ngbangba basola nakoisa monoku ya n'tulu na maale ma n'ngbangba bakanda yo ko motabe ya kate ka isope basinde kayo na kiyo mo kobakamesa mokana kande.
+\v 30 n'nyanga Mbali yeme maale si, wenakoena mbe: yoose ya engamake. ke natule mochwe kose, we na kosumbola motema.
+
+\v 31 mo bowa mbele mebe itasingi mo n'kili botu ya koomona, bondia maendjekeyo na osu ya koomona yama, Bayuda na koomba ka Pilato mbele ba monene mao ma bakpi eke batoese bo.
+\v 32 ba sola balangai bamunamuna mao owaa wa booso, bena owa ophe baa baikanga nande asima amo nande mo n'kili.
+\v 33 kokoma bakabaka na Mbali, bona komonawe mbele wa kpake seno, bite munemunwe kaye mao mande;
+
+\v 34 n'ndi, omo wa basola na kobusowa we okelekele, na itumo, na n'nembe emo mokiya na maale na koomoka.
+\v 35 owa wemone wesaowei, na mosao yande iki liti; na weli mbele waenake liti, bondia mbele beakowei kae.
+
+\v 36 maondi si mano malakei, bondia mbele looki yailonga yaiyane: mokuwa yande ango omo itekamuneki ande.
+\v 37 na bobo looki yaena kae: bekamonai owa bebusowe we.
+
+\v 38 maili na aowo, Yosefu wa Alimateo, owa waikanga moakoi wa Mbali, mokaisama ka kotina Bayuda, na koomba loosa ka Pilato ya kobiya mobe ya Mbali. na Pilato na koakoleya we. we nakulakae ke nakobiya mobe ya Mbali.
+\v 39 Nikodemu, owa waanga boso komona MBALI na botu, wala kae, wa biya beeya ba koowa besima ba koleka na Mbali.
+
+\v 40 babiya ikei mobe ya Mbali, na kokakanda yo na n'tulu, na makuta ma iyesi bowa ika boyaeli ya koleka koba Bayuda.
+\v 41 n'ndi, aikangai na kaiba moasima si owa baiyanga Mbali mo kate, na n'kati ya kaiba si buyako omo ya n'mbesi, yaikangai owa itatelekanga moto ko, aowo i elekeleke Mbali, bondia koengeleya ka Bayuda mo botu ya koomona bondia buyako yaikangai aiye-iye.
+
+\c 20
+\cl Botuku ya ema 20
+\p
+\v 1 Mo otu ya boso boso m'poso, Malia wa Mangadala na kiya mo buyuko mo ko tcha ka botu, m'mba bowa iphuwe ya ikanga; ke we na omona mbele iwe yetoke kiyo na buyako.
+\v 2 We na kiya obeya ko Simona Petele na ka ophe mo wakowi wa Mbali si owa wa emanga we, ke na ko ena nabo: "Ba toesake mokolo n'nkati ya buyako, na titeli a bito a bowa bite we.
+
+\v 3 Petele na Mowakoyi omo bo na kiya kowa mo buyako.
+\v 4 Bo na kiya Petele, na ko koma wa boso mo buyako;
+\v 5 We na otulama, ke wa mona menuku ya n'tulu ika mo n'seke, na yo n'ta n'ngeya ango ande.
+
+\v 6 Simona Petele, o wa wa ondanga we, na okoma ke na ko n'ngeya n'nkati ya buyako; we kae na omana menuku ya n'tulu mbele ika ao mo n'seke.
+\v 7 Na monuku si owa aakandanga we o motchwe ya Mbali, yo yekandeke ophe asima kaowa.
+
+\v 8 Moyoi ophe mo akowa si owa wa bua n'nyanga boso mo buyako, na ko n'ngeya; na omona, ke na kowakowa.
+\v 9 Mondia biti na fofoyi ande mbele, ko ondesana na maondi ko, Mbali we engama na koimoka o ba kpi.
+\v 10 Ke ba akoyi na osumboka omo na omo kowakande.
+
+\v 11 Mo n'nyanga si Malia wa ikangi koandja mbele o ko eya aiyeye na buyako, mbele o ko eyo. M'mba bowa ya eyanga we, we na koselela mo otomenya n'nkati ya buyako;
+\v 12 We na komona Bakitomo babe mbele bebate n'tulu ya iphoka, bo ika ase a bowa balamesanga mbo ya Mbali, omo o motchwe, ophe o mao.
+\v 13 Boo na ko ena nande: "Amokali, mondia tcheii ome o ko eya?" We na ko sumboleya bo: "Mondia ba toesake mokolo ane, ke n'teli ane abowa bete we."
+
+\v 14 Maili ya ko ena yo, we na ko timboka, ke na omona Mbali mbele weimane: "n'ndi uta ebanga ande m'mba yaikangi Mabli."
+\v 15 Mbali na ko phipheya we: "Amokali, mondi ya tchei yo ko eya owe?" Ophani nani? We, na koisa m'mba iki motchongi iba oyo, na ko ena nande: "Mokolo, aika m'mba owehi wa biyake we ebesa noo abowa wete we ke noki kiya ko biya we."
+
+\v 16 Mbali na ko ena nande: "Malia! We na ko timboka", ke na ko ena nande ki Hebele: "Rabbuni! N'ndi mbele, Molombiya!"
+\v 17 Mbali na ko ena nande: "Buwa ko bundesa noo; mondia n'nabunyi ane kowa ka Tata wane. N'ndi yaa ko mona banduku bane, ke ena na bo mbele na linyake kowa ka Tata ane na Tata ino, kowa ka Mokonga ane na Mokonga ino.
+\v 18 Na Malia wa Mangadala na kiya ko ena a ba akoyi mbele wamanaki mokolo, ke wa ena kei ande maondi si mane.
+
+\v 19 Na iyo ya otu siowo, yokandeke, mondia buwa si owa ba ikanga nayo o ba Yuda, Mbali na kula, na obuanya boso abo, ke na ko ena nabo: "Bii waike nino."
+\v 20 Na n'nyanga ya enanga we eeyo, we na omoesa we naake ande na m'mbele yande. ba akoyi na koika na ome mo omona mokolo.
+
+\v 21 Mbali na ko ena nabo ephe: "Bii waike nino! M'mba bowa Tata wa tomanga noo, noo kae matomeke kae bane."
+\v 22 Maili ya maoki si amo, wena ko phumba kiyo na bo, ke na ko ena na bo: "Patai Mosombo ya phenena."
+\v 23 Baa ame bo omesele ya ko beya kabo, yekaneselekeyai bo; ke baa ane bite ke na meseleya bo, yeka iki boobo.
+
+\v 24 Tomase, owa wa etekanga Didime, omo wa ikomi nande we beakayi, uta ikanga ande na bo mo n'nyanga si eya Mbali wa alanga.
+\v 25 Baphe ba akayi na kouna mbele: "Ta monake mokolo. N'ndi wena ko ena na bo: "Aika m'mba ute na moni we na alama o maako mande ya mesumbani, na aika m'mba nati monwe yane mo a bana wa mesumbani, na aika m'mba na tii monwe ane mo okelekele yande, n'to kowa kowa ane.
+
+\v 26 Maili ya n'su tchenena, ba akowi ba Mbali ba ikangi ephe n'nkati ya lumba, ke Tomase wa ikangi na bo asima amo. Mbali na kula, melango na ko andeka, we na ko buanya n'nkati abo, ke na ko ena: "Bii waike nino!"
+\v 27 Ke we na ko ena na Tomase: "Taa monwe yabe abono, ke mona maako mane"; susesa kaake, ke taa mo okelekele yane; ke buwa koika owa wauwa na kowakowa, n'ndi akowa.
+
+\v 28 Tomase na ko sumboleya we:"
+\v 29 Mondia wa monake noo, wa akowa." ome ka owa utemone, n'ndi wa akowake!
+
+\v 30 Mbali na ata ephe, oso wa baeki bande, maphe maondi ma buwa na ma niini, maa mite pkalokeleke ande mo buku.
+\v 31 N'ndi maondi si mamo mekpalokelekeyi mondia mbele beya kowei mbele Mbali uki Klisto, Mana Mokonga, na kowakowa bokoiki na koika n'nkati ya lina ande.
+
+\c 21
+\cl Botuku ya ema 21
+\p
+\v 1 Maili na ao, Mbali na omoneka ephe o baeki bande, molito ya iyaba ya Tibeliade. na mona oni boyaeli we moneke we.
+\v 2 Simona Petele, Thoma, weeteke Didima, Nataele, mokanana wa Galilaya, baana ba Zebede, na baeki baphe babe ba Mbali, bika asima amo.
+\v 3 Simona Petele na koena nabo: naake koota. baena nande: toki nabe, boo na kiya naokimeya mo waato. na botu siowo bitabundanga abo chesima ango chemo.
+
+\v 4 botu kocha Mbali na kobuanya kolito; n'ndi baeki bitaebanga ande m'mba iki we.
+\v 5 Mbali na koena nabo: baana, bauwa na ya kowanga? bona kosumboliya we: iyani ya uwaande.
+\v 6 we na koena nabo: m`mboli osaka moboimaneyo ya waato. na bokoiya ii. bo na kom'mbola, na bita kokolanga kaye kooba osaka, mondia n'fe ya ikangi iki ya buwa.
+
+\v 7 na boobomoeki omo Mbali waenangi iwe na koena na Petele, obowaweem'ngbe mbele iki Mokolo, na obata n'tulu ande na mokaba, mondia waikanga ii Mokonga, na ochubeya o maale.
+\v 8 baa baphe baeki na koluwanga seno na koolanga seno osaka mbe ika na n'fe ya buwa, mondia baikangi kambu kpaaya na n'seke aiye iye bametele miya ibe.
+\v 9 bo na oselela mo n'seke, bo na omona makangala koakana, mbele n'fe ika moota, na kaomoma.
+
+\v 10 Mbali na koena: waa ii na n'fe sieya babundake ano,
+\v 11 Simona Petele na okimeya mo waato, na obota waato mbele yeiye na n'fe mia na n'kama itano na isato ya emeema; na ango bowa ya yainga yo, osaka itasokanga ande.
+
+\v 12 Mbali na koena: waa ii, anga ii. na moeki ango omo buande na ophipheya we m'mba owe ii nani? na koeba m'mba uki Mokolo.
+\v 13 Mbali na kula bakabaka na bo, na obundesa kaomoma, na koesa bo; na otaka ee boobo mo n'fe.
+\v 14 yaikangi meli ya isato Mbali we moneke o baeki bande mokotoka koimoka kande o bakpii.
+
+\v 15 maili ya bo kowanga Mbali na koena na Simona Petele: Simona, mana Yonase, weeme noo koeteya bowa weeme baa bano? we na osumboleta we: boobo, Mokolo, weli mbele neeme owe. Mbali na koena na ande: lesa mekoko yane.
+\v 16 we na koena nande ephe: Simona mana Yonase, weeme noo? Petele na osumboleya we: boobo, Mokolo, weli mbele neeme owe. Mbali na koena: lesa mekoko yane.
+
+\v 17 we na koena nande mela ya isato; Simona, mana Yonase, weeme noo? Petele na okanda hondi mo bowa aeneke nande mela ya isato; weeme noo? we na osumboleya we: Mokolo, weli bondi yoose, weli mbele neeme owe. Mbali na koena na ande: lesa mekoko yane.
+\v 18 moliti, moliti, naeneke nino, n'nyanga sieya waikanga maana
+
+\v 19 we na koena eyo mo omoesa oni boyaeli ya kokpa Petele olombesa Mokonga nayo, ke waena yo ephe. waena nande: onda noo.
+
+\v 20 Petele, na osumboka, na omona we kula bakabaka nande moeki siowa Mbali wa emanga we, owa, n'nyanga ya kowanga moleli ya iyo, wa eyamanga mo m'mbele ya Mbali, na we koena: Mokolo, nani weengame na koaba owe?
+\v 21 mokomona we, Petele na koena na Mbali: ke o onoo, chei chokouleya we?
+
+\v 22 Mbali na koena; eneke m'mba naema mbele waike bena abowa yo kula noo, yeangaliye ii owe? owe, onda noo.
+\v 23 kiyosi, maoki na koeneka o banduki mbele moeki siono uto okpa ande. Ao mbele Mbali uteene ande na Petele mbele uto okpa ande; n'ndi aikam'mba naema mbele waike bena abowa ekala mono noo, itemoneya ande owe?
+
+\v 24 moeki sioyo ii o moesa maondi si maamo, na okpaloya yo. na taebake mbele koena kande iki liti.
+\v 25 Mbali na ota maphe maondi, mobewa, aikam'mba baandi kange omona emo, n'teli ane m'mba chese cheengame na koika na bitabo ba koandikileka.

45-ACT.usfmorig

@@ -0,0 +1,1497 @@
+\id ACT
+\ide UTF-8
+\h Mekambo ya Baeki
+\toc1 Mekambo ya Baeki
+\toc2 Mekambo ya Baeki
+\toc3 act
+\mt Mekambo ya Baeki
+
+\c 1
+\cl Botuku ya ema 1
+\p
+\v 1 Teophile, naenanangai: "Mo lotaki yane ya ma moose Mbali we kondje kota mo asima amo na koebesa kolinga makondjekeo.
+\v 2 Bena mo botu si owa yebileke we kiyo maili ya koaba loosa ko batomeki si ba besone we.
+\v 3 Maili ya obaba yande, wa monekangi nabo motondo yande, ke wesa n'nembe ya buwa, na komoneka nabo nsu n'nkaina, koena nabo maondi mo isina ya bokota ya Mokonga.
+
+\v 4 Bowa waikanga nabo ke wa ebesa bo ambele bo buwa kiya pkaaya na Yelusaleme, n'ndi banedeye eya Tata waenanga nabo boobo; obowa Yoani wa n'nyangai ka maale, n'ndi mo isina bane mo n'nsu ka kolokolo bo ko n'nyekao na Mosombo mosaali
+\v 5 Bondiya mbe Yoani wa n'nyangai ko maale, n'ndi bane, mo n'nsu kakolokolo, boo lipheleki na Mosombo Mosaali.
+
+\v 6 Boobo batomeki maili ya ko songana bo na ko phiphea we: "Mokolo, mo n'nyanga sienoi yo koesa owe bokota ya Isalaele i?
+\v 7 We na kosumbolea bo ambele: "Yo buande bondi ino koeba n'nyanga ama n'nsu eya tata wete na tshekamba tchande.
+\v 8 n'ndi bane bootomba tchekamba, Mosombo Mosaali abowa yokula yo kiyo nino ke bokoikai baenei bane mo yelusame mo Yuda motondo, mo Samalia bena mo n'ntungea ya tchese.
+
+\v 9 Maili ya koena boobo, ke wabileka kiyo ambele nande, ke obonge bomosana kolindeka we ko maiso mabo.
+\v 10 Ambele beke na moenana kiyo mo obowa ambele o koyoi, mana baome babe ba bebate n'ntulu ya phiphoka na kobuwanyeya bo.
+\v 11 K bo na koena ba ome ba Galilaya, bondiya tchei esikame bane na komoesana na kiyo? Mbali si owa wabilekake kiyo n'nkati ino okalakai mo boyaeli si owa ya monaki bane we kiya kiyo.
+
+\v 12 Na boobo ke ba na kosumboka mo Yelusaleme, ko mokondi yeeteke ambele ya belaya. Owa ika baka ya Yelusame, motchephako tcha m'mboka ya Sabato.
+\v 13 Mo kotchelana kabo bo na kolinya: "N'nkati ya botuku ya lumba ya kiyo kowa ko koikanga bo n'nyanga yoose; yaikangai Petelo, Yoani, Yakobo, andelea, Filipo, Balotomai, Matayo yakobo mana alaphfai; Simona muna Zelote na Yuda mana Yakobo.
+\v 14 Boose na kom'mbgesana asima amo na koilela na moinai na n'nkati maso ombole asima amo na ba mokali bena Malia, na Mbali, na Baraba nina Mbali.
+
+\v 15 Mo n'nsu sieo, Petelo na koimana n'nkati ya binakande, bato boose siba basongananga beukangi bato aiyeye ya miya na n'nkama ibe. Ke we mbele:"
+\v 16 Baome bana ba tata, yaengamangai ambele maoki si ma Mosombo Mosali n'nkati ya Kaani kailonga waenanga ko mokondjekeo mo kana ka Tawiti mo isina ya yuda owa waikanga moendesi wa ba bebundes Mbali.
+
+\v 17 Wa bandekangai n'nkati ito ke waikangakai na ibaanyeo ko mokambo si ono omo ya etanda.
+\v 18 Moti si ono maili ya ko owa na beeya si oketi ya koiya wekeyei, k mobe yande yabalangana kowandja.
+\v 19 bondi si yaebekanangai mo bato boose bika mo Yelusame, ke iboisi yaetekangi mo looki yabo Akeledama, n'ndi ambele, iba ya mokiya.
+
+\v 20 Mo isina ambele ebandeki mo buka ya n'ngembo: "Ambele bokaneo yande yaikake phololo." Owa moto ango omo o buwakae ko! Ke ophe wabiye kumbo wande.
+
+\v 21 Engami ambele n'nkati ya baasila beende Mbali oua woikanga nito.
+\v 22 Mo ko kondja kon'nyeka ka Yoani bena mo botu si owa ebileke we kiyo n'nkati ito, ika na omo awo uka asima amo nito m'mba moenei wa koimoka kande.
+\v 23 Ke ba moesa babe: "Yosefa owa weeteke Balasabasa, na lina ya Jusutusu na Matiasi.
+
+\v 24 Ke ba kombowa kombowa ambele; mokolo, owe si owa weli metema ya bato boose, sona n'nkati ya bato babe si bano owa wasonake we.
+\v 25 Ambele watombe mo ibaanyeo ya mokambo ya looki yabe owa Yudasi weeke yo mo kiya mo asima yande;
+\v 26 Mo n'nembe ya tesima kosona ke kakeknge na kokeya ka Matiasi owa wesoneke mo koika asima amo na ikomi na omo.
+
+\c 2
+\cl Botuku ya ema 2
+\p
+\v 1 Botu ya Patekote bosongangai boose ambe bika asima amo.
+\v 2 Mala omo na kotoka kiyo lokendi omo aisa m'mba owa ya mophofo ya ema, ke ya iyesangai lomba itondo si ya tchumananga bo.
+\v 3 Beyami, ko touanyanyesana na beyami ba kaya, na ko buanyeya bo, koekana bemo na bephe, ke baselela kiyo nokila moto wabo.
+\v 4 Ke ba iyangai boose na mosombo masaali, ke ba andja na ko ena na maoki maphe, ko ondesana na bowa mosombo ya ebesanga bo ko ena.
+
+\v 5 Kumbi ya ikangai mo botu si o owo mo Yelusaleme ba Yuda, ba ome ba masomboli, ba bese boose bika kose ya obowa.
+\v 6 Mo lokendi owa ya telekake, n'nguma na kosongana ke baphulana na kotuanesaa bondi ya kila moto wa m'mgbangai bo ko ena mo looki yande ya asili;
+\v 7 Ba ikangai boose n'nkati ya kosangala na bowasowa tona ke ba enesana bamo na baphe: "Monai bato si bano botoena bo buwa boose ba Galilai?"
+
+\v 8 Ke boni yo ko m'mgba base bo kila moto yande menemene, ya kobotekai?
+\v 9 Ba Palatia, ba Madai, ba elama; baa bo koikanga mo Mesopotamia, Yuda, Kapadokia, Ponto, Asia Fulugia, Pamfulia, Egypito, botuku ya ba Yuda na Libiya uka asima amo na kulene na baa botoko Loma. Baa betimboke ba Yuda.
+\v 10 Fulugia, Pamfulia, Egypito, obalu ya Libwe, we bakamee kulene, na baa betoke Loma; Ba Yuda, na baa betimboke ba Yuda.
+\v 11 Bakelete na na ba Alaba, boni yo ko m'mgba base bo ko ena na maoki mito maondi ma emema ma Mokonga?
+
+\v 12 Ba ikangai boose mo kosangala na kokamba bo ko engeleyai boni, ba enesa nangai bamo na baphe: "Eeno yeeni tchei?"
+\v 13 N'ndi baphe basekangai: "Ba iyake na malu ma tcheleelee."
+
+\v 14 Boobo Petele, na ko moneka na ikomi na babe, ko imowa looki, ke na ko ena nabo na maoki si mano: "Baome ba ba Yuda, nino bane boose si baa bika n'nsu sieeno mo Yelusaleme, ebai eeno, ke abai itu ko maoki mane."
+\v 15 Bato si bano bitelewe abo, m'mba bowa yo koengelya bane, bondiya ikai n'nyanga isato ya moono botu.
+
+\v 16 N'ndi ikai anoi eya ya enekelekanga na motondoli Yoele:
+\v 17 "Mo nsu ya n'ntungeya, Mokonga na ko ena: "No ko balanganesai na mosombo yane kiyo ka mebe yoose; mesombo ino na meseka ino yo olondowai. Biyana bino beka monai bemoeseleko, ke bakolo bato bino bo omonai n'ndjoli."
+
+\v 18 Boobo, kiyo ya bakobe bane baome na bamokali, mo nsu si eyo, no obalanganesai mosombo yane; ko bo olondowai.
+\v 19 No obuwanyesi bephango kiyo mo obowa na maondi ma kowasowa tona kose mo nseke, mokiya, kaya na obonge ya moosi.
+
+\v 20 Looba yo otimboki iphuwe, ke meeli mokiya. Boso ya kula ka botu ya Mokolo. Mo botu ya ema na looka;
+\v 21 Mo boobo awa o osemba lina Mokolo o ko ondai.
+
+\v 22 Ba ome Isalaele, n'ngabi maoki si mamo! Mbali wa Nazalete, amo ome si ono Mokonga wa enake mo isina yande boso ino na bephango na n'nembe si eya etewe mo m'mboka yande bowayeli bane mine;
+\v 23 Mokonga weimoli we na kokandowa we komeeli ya kogba, mo isina ambele kitaengamanga ande na kobundesa we na kotangana nande.
+\v 24 Mokonga wa imolangai we na kokandowa we mo meyololo ya kopka bondia ita engamanga ande ambele wa tchungeleke na kopka.
+
+\v 25 Mo isina mbele Tawiti weeni mo isina yande: "Na monangai menemene mokolo boso wane, mo isina mbele uka mo ilome yane, ambele mo buwa kotekateka."
+\v 26 Mo boobo kae motema yane ika n'nkati ya ome ke tcheami tchane tchika n'nkati ya kolengeya; ango mobe yane ko omonai na kaeli.
+
+\v 27 Mo isina mbele uto koeka abe motema yane n'nkati ya n'nsu ya kokpa, ke uto kowakowa abe ambele mo pheneni wabe wamine ko bowa.
+\v 28 Waebesake noo ka m'mboka kango ka koika, okoiyesai noo na ome abowa ika owe ano.
+
+\v 29 Ba ome bana baata, eengami nane koena nino phololo, mo isina ya nina ko wito Tawiti owe wa gbanga, ke walekeleka ke buyako yande eke naika n'nkati ito mo ono botu.
+\v 30 M'mba bowa yaikanga we molondoi; ke bowa yaebanga we ambele Mokonga wa akeleangi we na kotea we tele wa koikesa omo wa ba beonde we maili mo kakolanga ka Bokota, koimoka ka Klisto o kabandanga we na kaenanga we mo koena ambele uto ko m'mbuleka ande mo n'nsu ya ba kpi ke monuku yande itooma ande koeama.
+\v 31 Ikai ko imoka ka Klisto kowa ka ebeselekanga na kolondoleka, mo ko ena mbele uto tchitchaneka ande ko ma lundu ke mobe ande ito obowa ande.
+
+\v 32 Mbali si oyoi owa Mokonga, wetombe we kowa ka Tata Mosombo Mosaali si oyoi awa wa ebeselekanga mo ko abeleka base ke wa balanganesa we m'mba bowa bo omona na kom'mgba.
+\v 33 Ko yayoleka mo ilome ya Mokonga, wetombei Mosombo Mosaali ka Tata owa yalakelekanga, ke we na kobalanganesa yo, m'mba bowa bo o mona yo na ko m'mgba yo.
+
+\v 34 Mo isina mbele Tawiti utalinyanga ande kiyo, on'ndo wa enango o mune: "Mokolo waenangi na mokolo wane tshumana mo ilome yane."
+\v 35 Bena a bowa yo ota noo basekani bane koseya ya beendeo ba mao mabe.
+\v 36 Lumba itondo ya Isalaele ya ebe n'ndi maliti ambele Mokonga wetee mokolo na Klisto Mbali si owa bekoke we mo n'nkili.
+
+\v 37 Maili ya ko n'ngba looki si ke baeka na metema ya koisoka iboka ke baena na Petelo asima amo na batomeki si baa baphe: "baome bana baata, to otao oni oitaka?"
+\v 38 Petelo na koena nando: "Kalanganyai, ke ekai ambele omo omo n'nkato ino wa n'nyeke mo lina Mbali Klisto mo isina ya ko meseleka ka kobeya kino: "Ke bootombi ilanyeo ya Mosombo mosaali."
+\v 39 Mo isina mbele looki si awa ya abelekanga bane ambele yo otelekai ikai mo isina ino; mo isina ya bana bino, bena mo isina ya baa boose bika pkaaya, n'nguma ya n'nguma ya bato si baa mokolo Mokonga wito weete bo.
+
+\v 40 Na maoki ma buwa maphe, kewa bondjabondja bo na koebesa bo na liti, ambele: "Ondesai bane mine mo liboti si yeeno ya limena."
+\v 41 Baa si ba baa kowanga looki yande na kon'nyeka, ke mo botu si owo, oketi ya baeki na kolinya bato aiyeye ya milion isato ya mesombo ya abto.
+\v 42 Bo na koilela n'nkati ya koebeseleka ya batomeki n'nkati ya ko baanya ko omoma asima amo. Na koilela asima amo na masomboli.
+
+\v 43 Maniini na kobalangana na omo omo wabo ke bo nakota bephangi na maandi ma buwa mako asowa ka na mo m'mboka ya batomeki.
+\v 44 Baa boose baa kowanga baikangi boose asima amo, ke besima baikanga na bo baikangi babo boose,
+\v 45 bo na ko olesa besima ba bo, na eya yaikanga ya bo ke ba baanya besima si n'nkati ya bo, boose baya yaikanga moto na moto na n'nkasa.
+
+\v 46 Baikangai boose asima amo na koaba n'nyanga yabo itondo n'nkati ya lumba ya kosongana, ba baa nyangai ka omona ko malumlba, ke ba angangai meleli yabo na ome bena koselela ka motema,
+\v 47 Ko lombesa Mokonga na ko abeleka n'ngbegbele na mo phindi otondo. Ke mokolo wa abangai n'nsu yoose mo etanda baa siba ba ondanga.
+
+\c 3
+\cl Botuku ya ema 3
+\p
+\v 1 Petelo na Yoani ba lenyangai asima amo mo lumba ya bosonganeo mo n'nyanga ya kobondjabondja; aikangai n'nyanga ya a bowa.
+\v 2 aikangai na moto omo wa botuku ko makondjekeo ma ko boteka kande, owa si owa batanga we n'nsu yoose mo bon'ngeleo ya lumba ya kosongana owa ya etekanga osaali bo kon'ngea nnkati ya lumba ya kosongana.
+\v 3 Moto si oyo, na komona Petele na Yoani ba ba n'ngeyanga, we na ko omba bo lifaefi.
+
+\v 4 Petele, asima amo na Yoani na kotindela maiso mabo kowakande ke na koena ambele; moesana nito.
+\v 5 ke wa moesanana na bo meneùene na koendeya kotomba tchesima tchemo kowa kabo.
+\v 6 Ke Petele na koena nande mbele no buane na beeya ango wolo; n'ndi eya nina na yo nokoabeyai owe; mo lina Mbali Klisto wa Nazarete imana-wende.
+
+\v 7 Ke wa bundesa we na kaako ka ilome we na koemetcha we. Mo n'nyanga si eyo emo, matindi mande na tobeya na ko kobeeya.
+\v 8 Mala omo we na koimana ke wakonja koenda. Wan'ngeya na bo mo lumba ya kosongana, koenda kotingatinga kiyo na ko lombesa Mokonga.
+
+\v 9 Bato boose na komona we koenda ke ba lombesa Mokonga.
+\v 10 bo na kolembele ambele wei waikanga owa waikanga ase mo bon'ngeyo osaali ya lumba ya kosongana owa wa tombanga lifaefi ke boose na koiya na ko asowa Kana na ma nuni mo isina ya eya ya teleka ke.
+
+\v 11 Bowa ataekananga we na Petele na Yoani, bato na ko asowa tona ke bala m'mbeyo kowa kabo, mo bon'ngeleo ya Salomo.
+\v 12 Petele na komona boobo we na koena na bato: "Baome bina Isalaele, bondiya tchei yo ko asowa bane tona mo yo?" Bondi ya tchei yo otindilsane bane nito, aisa m'mba ikina tchekamba tchito base mine ama iki na tchombo tchombo tchito i yaendesake base moto si ono?
+
+\v 13 Mokonga wa Abalayama wa Isaka na Yakobo, Mokonga wa baise bito wa lombesaki mokobe wande Mbali, owa waekanga bane boso ya Pilato, owa waenanga ambele baeke we.
+\v 14 Baekangi ba pheneni na bato ba tchaa ke baa kowa ambele baakese bane N'mgbengbele ya moiyi.
+
+\v 15 Baiyangai Mokota ya koika, owe Mokonga waimolanga we ko ba pki; tikai baenei ba bondi si.
+\v 16 Iki na m'mboka ya kowakowa mo liina yande yoi ya abeake amo omo si ono ko onda kotondo, boso ino bane boose.
+
+\v 17 Enekeke ba bito, neli ambele betei yo na ko kanga koeba asima amo na Mekota ino.
+\v 18 N'ndi Mokonga wa engamesangai eya yaenanga we boso mo tona ta ba londoi bande, ba Klisto wande waengamanga kom'mgba o boba.
+
+\v 19 Kalanganyai ke betimbokei mo isina ambele kobeya ka iyoke,
+\v 20 a mbele n'nyanga ya ko omona yatoke ka mokolo ke watome owa si owa waengamanga mo isina ino, Mbali klisto.
+
+\v 21 Eki ambele kiyo ka tombe bena mo n'nyanga si eya yo koengamsa we maondi moose, ma Mokonga waenanga mo n'nyanga ya boso mo tomata bapheneni balondoi.
+\v 22 Mose waenangi ambele: "Mokolo Mokonga wino o ko omoli n'nkati ya tchenina tchino molondoi omo m'mba noo; ba m'mbga we mo eya yoose yo kona we nino, ke owa uto ko m'mgba molondoi si omaneki motonoto n'nkati ya bato.
+\v 23 Ke owa woose uto ko m'mgba Motondoli si ono osalaselai n'nkati ya bato.
+
+\v 24 Balondoi boose si ba baenanga omo maili na ophe kokondja ka Samuele, bo kae balondoangi mo botu si.
+\v 25 Bikai bana ba balondoi na kom'mbesana sikowa Mokonga wetelesane na ba Ise bito na koena na Abalayama ambele: "Mephindi yoose ya tchese yo oliphelekai mo ko ondesana nabe."
+\v 26 Mo isina ino i Mokonga wa omolanga kasa mokobe wande, ke watoma we mo koliphea bane, mo ko omboka omo na omo mo kobeya kande.
+
+\c 4
+\cl Botuku ya ema 4
+\p
+\v 1 Ambele Petele na Yoani beke naena na bato, ke nakula mokolo moto wa lumba ya kosongana asima amo na moendesi wa lumba si na ba sandukai.
+\v 2 Na tcheongeli moeya ya ebesanga bo, bato bena mo isina ya Mbali na Koimoka ka ba pki.
+\v 3 Bo na ko bundesa bo ke ba m'mbola bo mo lumba ya mo ololo bena m'mpendu si bondiya yaikangai n'nyanga ya iyo.
+\v 4 Ma booba n'nguma ya ba ba n'ngbanga looki na kowakowa ke oketeya bato na kolonya asunge million itano.
+
+\v 5 Na n'mpendu si mokota ya bato, bakolo bato na ba andeki bo na kosongana mo Yelusalema.
+\v 6 Asima amo na Ana, mokolo moto ya lumba ya kosongana, Kayafa, Yoani, Alekesandelea, na baa boose baikango ko mephindi ya bakolo bato mo koaba.
+\v 7 bona koimetcha n'nkati kate yabo Petele na Yoani, ke baphipheya bo; na tcheni tchekamba ama mo lina ya nani ya tanga bane boobo?
+
+\v 8 Mo boobo Petele, na koiya na Mosombo Mosaali, na koena nabo: "Mekota ya bato, na bakolo bato ba Isalaele,
+\v 9 mo isina mbele to o phipheleka mo ono botu mo isina ya bondi ya fowa omo owa yatelekake ka moto omo wa oso, ambele teebese oni oitaka yaondake we,
+\v 10 Ebai yo bane boose ke bato boose ba Isalaele kae baebe yo! Ikai mo lina ya Yesu Klisto wa Nazarete, owe belebee we mo n'nkili, ke owa Mokonga waimolanga we ko ba pki, ikai mo isina andei moto si ono weimane na osas boso ino.
+
+\v 11 Mbali ukai iwe si eya ya m'mbolekanga nono baesi ba malumba, ke eya yaikake moono botu iwe ya okete mo koimetche o bamba.
+\v 12 Ko ondeseleka ko buwande ka ophe; mo isina mbele yo buande kose ya looba ephe liina si eye yeabeleke base n'nkati ya bato ambele teondi mo yo.
+
+\v 13 Abowa emone bo otendela ya Petele na Yoani, bo na koasowa tina mo kolembela mbele baikangai bato ba kokamba wele; ke baebangi bo ambele baikangi asima amo na Mbali.
+\v 14 abowa yemone bo aobo bakabaka nabo moto si owa weonde, bitaikanga abo na ophe bondiya kota.
+
+\v 15 Bo na koena nande ambele waomoke molumba ya kosongana: "Ke baesana bemine, ambele" Tootai tchei ka moto si ono?"
+\v 16 Mo isina mbele ya moneka ke ko bato boose ba Yelusalema ambele tchephango tchemo tchatelekake ke base titeengame bito na kolingowa.
+\v 17 Indi mo isina mbele bondi si yo buwa ko balangana koeteya n'nkati ya bato teekesei bo na tchekamba ba buwa kae koena ephe na moto ata omo moene keke mo isina ya linai si eyo.
+\v 18 Ke baeta bo, baekesa bo menemene mo koena na koebesa bato mo lina Mbali.
+
+\v 19 Petele na Yoani na kosumbolea bo ambe: "Bukai bane mine m'mbe eengami boso ya Mokonga, ambele teletose bane asima ya mo kongai?"
+\v 20 Mo isina mbele iteengame ande nito koena mo isina eya yemone na yem'mgbe base.
+
+\v 21 Bo na koekesa bo ephe na bolengi, ke baeka iki bo na kokamba one oitaka yeengame nabo ko sumbola buwa yeeme bo mo isina ya bato, bondiya boose ba lombesangai Mokonga mo eya yoose efeteleke.
+\v 22 Mo isina mbele amo ome si owa bondi si yetelekee we waikangi na bemo n'nkama ina.
+
+\v 23 Maili na koekelka, bo na kiya kowa kabo ke batonda eya yoose Mekota ya lumba ya besonganei na bakolo bato beene na bo.
+\v 24 Abowa yen'ngbe bo, ke basula na koimowa maoki mabo asima amo kowa ka Mokonga bo na koena mbe: "Mokolo, owe si owa weendjeke kiyo na kose, iyaba ya ema na eya yoose ika n'nkati."
+\v 25 Owei weene mo m'mboka ya Mosombo Mosaali, mo Kana ka Ise weto, nokobe wabe Tawiti: "Bondiya tchei eyaya si eno n'nkati ya metanga, na toengeleo si teno ta buwa isina n'nkati ya bato?"
+
+\v 26 Mekota ya tchese baimanake na tcheongeli, ke bana ba mekota bam'mgbesanake na tcheongeli na mokolo asima amo na mosileki wande.
+
+\v 27 Mo boobo mo koimanea mo koesesa mopheneni na moto wabe wa mekambo Mbali; owa weisele we, Elode na Poti Pilato bo na ko m'mgbesana ko motanga ya ema si ono asima amo na okita, asima amo na bato ba Isalaele,
+\v 28 Mo kota eya yoose kaako kabe na ikumbe yabe yebuke boso.
+
+\v 29 Ke eneeke, mokolo, mona tolube tabo, ke akesa bato babe bamokambo ba saowe looki yabe na otendela ya ema.
+\v 30 Mo koendeya kaoko kabe, mbele koonda, bephango maondi ma koasowa tona, mo isina ya lina ya phenena ya moto wa mekambo yabe Mbali.
+\v 31 Abowa ekombowe bo, asima si aobiowa ya songananga bo na kotekateka; boose na koiya na Mosombo Mosaali ke ba baanga looki ya Mokonga na otendela.
+
+\v 32 N'guma ya ba baa kowanga baikangai mo motema omo ango omo utaenanga ande mbele besima bande biki bande omune, n'ndi yoose yaikangai yabo boose n'nkati yabo.
+\v 33 Batomeki baabangai na tchekamba ka mokolo Mbali. Ke m'mgbengbele ya ema na kolibana kiyo na bo boose.
+
+\v 34 Bondiya mbe kauwe ango kamokitaikanga ande n'nkati yabo; baa boose baikanga na maba ango malumba, baolesangai yo ko bala na oketi ya eya yeolese.
+\v 35 Ke ba selelesa yo ko maobo ma batomeki; ke ba baanya yo bowa yaikanga n'nkasa yabo.
+
+\v 36 Yosefa owa waeteke Balanaba eyaika mbele maana wa kolengesa, molewi moto wa siple,
+\v 37 Na koolesa iba emo si eya yaikanga yande; na kula na beeya, ke wa selelesa bo ko mao ma batomeki.
+
+\c 5
+\cl Botuku ya ema 5
+\p
+\v 1 N'ndi amo ome omo si owa weeteke anania asima amo na mokolande Safila, na koolesa iba emo.
+\v 2 Ke baluta botuku omo ya iyoli, mokalande baiseka na koeba yo, ke wa biya eya yesiye mo kiya kosiya yo mo mao ma batomeki.
+
+\v 3 Petele na koena nande ambele: "Anania bondi ya tchei Satana waiyesake motema yabe, moina mbele wekese Mosombo Mosaali." Mo isina ya kosiyana botuku ya oketi ya iba?
+\v 4 Ambele iti na oleki, itaikanga yabei? Ke maili ya ko oleka kayo, oketi si itaikanga yabei? Bondi ya tchei yatake owe n'ndi ya motema yabe bondi okitaka si owo? Yobuande bato wakesake bo wakesaki Mokonga.
+\v 5 Anania na kom'mgba maoki si mano, na kolulana maase, na kogba. Manuni ma ema na kobundesa ba boose bem'mgbe bondi si.
+\v 6 Mesombe na koimana, bo na kokomba we na n'ntulu ke baleka we.
+
+\v 7 Maili ya n'nyanga ke ba biya ye isato, mokalande na kon'ngea na kokanga koeba eya ya etake.
+\v 8 Petele na koena nande looki: "Ena nane mo iyoli si enoi ya olesake bane ibai boobo, we na koena yo, ikai na iyoli si bondiya tchei ya akolesanake bane mo kosondja Mosombo ya mokolo?" mona ba balekake momeabe bika bo bon'ngeleo, ke bo obiyakai owe.
+
+\v 9 Na boobo Petele na ko ena nande m'mbe: "Mo isina ya tchei ya akolesana ke bane mo ko sondja Mosombo ya mokolo? Mona baa batokake koleka momeabe bokomake mo bon'ngeleo. Boobiya kai owe mo kiya koleka owe.
+\v 10 Mo n'nyanga si eyo, we na kokeya ko mao ma motondoli na kogba. Mesombe na kon'ngea kobo, na kosangela we ambele wapkake; bo na kobiya we, ke baya koleka we baka na momeande.
+\v 11 Manuni ma ema na kolangana ko motuka otondo na ba boose bam'mgbake maondi si.
+
+\v 12 Maondi iboka ma koasowa Kana na befango batelekangai n'nkati ya bato mo m'mboka ya batomki baikangai boose mo bo n'ngeleo ya Salomo.
+\v 13 Ke ango omo wa baa baphe utasondjangae ko bakamea bo, ke bato balimbesangai bo kosula.
+
+\v 14 oketi ya ba baokowanga mokolo baome na ba mokali ya linyangai n'nguma na n'nguma.
+\v 15 Mo isina mbele balangai na bato bo beeta kotoka mo m'mboka ko ba baandja bo ko matanda na belameo, mo isimbe abowa yo kota Petele, tchelimese tchande tchalindeke omo wabo.
+\v 16 N'nguma kae na ko muneka ko metanga ya aiye iye mo Yelusalema, ke balana bato banso na basi ba booteleka mayeya na mesombo ya beya, ke boose na koonda.
+
+\v 17 Mo boobo mokolo moto ya baabi asima amo na baa boose baikanga nande na koeba motuka ya ba sandukai, bo na koyaya, ambe beiye na metema ya liya, bo na kotindea ba batomeki ke ba m'mbola bo komoololo phololo.
+\v 18 Ba bundesa batomeki, ke ba m'mbola bo mo lumba mo ololo ya bato boose.
+
+\v 19 N'ndi mo kitomo omo wa mokolo, maili na kokando o n'nkati ya botu ben'ngeleo ba lumba ya moololo, na ko omola bo ke na koena nabo ambele: Yaai, koiki mo lumba ya kosongana ke belondooi mooki moose ma koika ko bato.
+\v 20 Yoani, beikei mo lumba ya kosonganake londowai ko bato maoki moose ma koika si kono.
+\v 21 Maili na kom'mgba boobo, bo na kon'ngea na m'mpendu yoose mo lumba ya kosongana; ke balondoa Mokota mopheme asima amo na ba baikanga ande bo na kula, ke baeta kosongana kaema ka bakolo bato boose ba bana ba Isalaele. Ke batoma mo keya koomola ba londoi. Mo lumba ya moololo.
+
+\v 22 batomeki mo kotchelana kabo, na kokanga kosangela bo mo lumba ya mololo bo na kosumboka koebesa bondi si ambele: "Tasangelaki lumba ya moololo ambele yekandeke bosaali na batangani si ba baikanga mo man'ngeleo, n'ndi maili na ko kandoa, titesangele bito moto n'nkati.
+\v 23 Bo na ko ena m'mbe, tasangelakei lumba ya mo ololo ambele yekandeke bosaali, ambele na ba tchungi si bowa baikanga boso ya molango n'ndi, maili ya ko lindowa yo, tita sangalenga bito moto n'nkati.
+
+\v 24 Maili na bo kom'mba maoki si mano, mokota ya lumba ya kosongana asima amo na bakolo bato ba baabi baengeleangai ikeande ko batomeki bena aitaka ya bondi yabo si owe yeete.
+\v 25 Moto omo na kula koena nabo ambele monai bato ba bem'mbole bane mo lumba ya moololo bika n'nkati ya lumba ya kosongana ke bo olondole bato.
+
+\v 26 Na boobo mokota ya batangani na kuya asima amo na batomeki, baendesa batomeki na kokanga tchekamba mo isina mbele batinangai kolubeka mawe ko bato.
+\v 27 Maili na kobuya bo boso ya kosongana kaema mokota opheme ya baabi na kophiphea bo na maoki si mano:"
+\v 28 Titaekanga bane maili ambele bo buwai koebesa mo liina si eyo? Ke monai enekeke baiyesake Yelusalema na melonolo no, ke beeme ko kelesa kiyo nito mo kiya ya moo si ono!"
+
+\v 29 Petele asima amo na batomeki na kosumbola: "Eengami kolitosa Mokonga ama batoi."
+\v 30 Mokonga ya ba Ise bito weimolei Mbali; owa iyeiye bane na kolembesa we mo kate;
+\v 31 Mokonga na koimowa we mo ilome yande m'mba mana mokota na mondesi mo koabea Isalaele komeseleka na tchombo tina kobeya.
+\v 32 Tika baenei ba maondi si mano, asima amo na Mosombo Mosaali, si owa Mokonga weese koba booletosa we.
+
+\v 33 Na tcheongeli tcha ema mo isina ya maoki mabo, be phane koiya bo.
+\v 34 N'ndi no Falisayo omo weeteke Gamaliele, mo moesi wa baangile, owa waemelekanga na bato boose na koimana n'nkati ya kosongana ke we na koena ambele baomole kasa mo n'nyanga emo batomeki.
+
+\v 35 Ke we nakoena nabo: "Baome ba Isalaele, tanganai mo isi na ya eya yeeme banekota, moisina ya bato si bano.
+\v 36 bondiya ya boande pkaayai yaokamokanga Teuda, owa waenanga ambele ukai moto waena mo isina ya bondi omo, awa bendesane nande na bo boose baondanga we bebalanganei kebo na kotimbola bato bakokanga isina.
+\v 37 Maili yande na kobuanya Yuda ma Galilaya, mo n'nyanga yaeba bato boose motoani, we na kopholota n'nguma mo obalu yande; we kae na kopka, ke ba boose beonde we na ko balanganesake.
+
+\v 38 Mo eneke nokoene nino ambele bo buwa koondesana na bato si bano, ke ekai bo baye. Aikamba weli ama mokamba si ono yetokei ko bato, yo omunekai;
+\v 39 N'ndi aikam'mba yetokei ka Mokonga bito okokola bino komuna yo. Tanganai ambele bo buwa koesesa Mokonga. Bo na kolubeya bo kasosala ke na koekesa bo mo koena molina Mbali, ke bo na koeka bo.
+
+\v 40 Bo na koika obalu yande. Ke maili na koeta batomeki ke bo na kolubeya bo tososolake ba ekesa bo m'mbe bite enangi mo lina Mbali, ke bo na koeka bo.
+\v 41 Batomeki na kotoka boso ya kosongana, na ome mo isina ya koeneka ambele beengamei ke ba monaki obaba moisi ya Mbali.
+\v 42 Ke n'nsu yoose n'nkati ya lumba ya kosongana bita kambanga ande kolondoa na koebesa mesao isaali ya Mbali Klisto.
+
+\c 6
+\cl Botuku ya ema 6
+\p
+\v 1 Mo n'nyanga si eyo, oketi ya baeki na kobuwa ke ba Yuda si ba baenanga looki ya baela na koena na kosekose mo isina ya baebele. Mo isina mbele betike babo ba siangai mo ibaanyeo eya yatelekanga n'nsu yoose.
+
+\v 2 Ikomi na babe na koeta n'nguma ya baeki. Bo na koena ambele: "Iteengame ande ambele teekei looki ya Mokonga mo isina ya kobaanya meeleli."
+\v 3 Mo boobo, ba bito, sonai n'nkati ino baome motchomoendi; baa bika na beyaeli besaali, baiye na Mosombo Mosaali na bo weli baa tokoabea bo mokambo si.
+\v 4 Ke base, to otanganai na koangba n'nyanga ito n'nkati ya masomboli ma mokambo ya looki.
+
+\v 5 Bondi si na kolengesa kosongana. Bona kosona Setefano amo ome si owa weiye na kowakowa asima amo na Mosombi Mosaali. Filipo, Polokolo Nikanor, Timona, Palamena, na Nikola owe wetomba ke moto wa Antiokia.
+\v 6 Bo na ko moesa bo ko ba tomeki, ba maili ya kokomboa bo na kotelea ba maako.
+
+\v 7 Looki ya Mokonga na kobalangana koeteya, oketi ya baeki na kobuya iboka mo Yelusalema, ke n'nguma ya ibamba ya bakolo bato ba baabi na kolitosa mo koakowa.
+
+\v 8 Setefano, na koiya na N'ngbengbele na tikekamba watangai befango na maondi na koasowaka na n'nkati ya bato.
+\v 9 Bamo basonganeo owa eeteke ambele basonganeo ya baa bakolekake na bakulenena ba Alesandalia na ba Yuda ba Kilikia na ba Asia bo na kota meango we mo kota nande meango.
+
+\v 10 N'ndi bitaengamanga ande kokokola boweli bena ya Mosombo si owa yaenanga nande.
+\v 11 Mo boobo bo na koakolesa baome si ba bokoena ambele: "Tan'ngbake we koena maoki ma kophenda Mose bena Mokonga.
+
+\v 12 Bo na koimola bato mo iyeya bakolo bato na ba pkaloi ba toani ke nande, ba bundesa we ke babiya we molumba ya kosongana.
+\v 13 Ke bo na ko omoleya bo bato ba n'nyanga, baa beene: "Moto si ono uto koeka ande ko ena ko beya mo isina ya boikaneo ya phenena bena ba angile bino.
+\v 14 Tan'ngba we koena mbele, Mbali wa Nazalete, o omunai boikaneo otimbolai si ono boyaeli Mose weselea base.
+\v 15 Baa boose baikanga n'nkati ya kosongana mo kotindilesana na Setefano, tchondi tchande na komoneka ko akobo m'mba tchea tcha mokitomo.
+
+\c 7
+\cl Botuku ya ema 7
+\p
+\v 1 Mokota ya ema ya baabi na koena mbe: "Maondi mikai booboi?"
+\v 2 Setefano na kosumbola ambele: "Baome, ba bito na baise, n'nbai! Mokonga wa looka we na komoneka na Ise wito Abalayama, ambele wekenouka ko Mesopotamiya, boso yande ya kiya ko tchumana mo Harana ke we na koena nande ambele.
+\v 3 Eka molanga si owa noo moesa owe.
+
+\v 4 We na koomoka boobo ko motanga ya ba kalandi ke waya ko tchumana mo Harana. Kooko maili ya kopka ka Ise Mokonga na koetasa we ko motanga si owa ika bane enekeke.
+\v 5 Uto esanga ande we ibaanyeo ko motanga si, buwa ango moteleo ya kotelea kao, n'ndi weebesei we boso mbele okoesi we yo asima amo na baa bokula maili wande ango ambele obuwa na maana.
+
+\v 6 Mokonga na koena m'mbe: "Baa bokula maili wande bokoika ko motanga ya beni; bootimbolai bo bakobe ke boomoesi bo maobi na obaba bemo mia ina.
+\v 7 N'ndi mophindi si owa woota bo bakobe nooi noobuka bondi yabo Mokonga na ko booteleai noo aisma si ano.
+\v 8 Ke Mokonga na koaba ka Abalayama kom'mgbesana ka tchoo; mo boobo, Abalayama maili na kobota Izaka, ke wa bukesa we tchoo mo botu ya tchenana; Izaka na kobota Yakobo na ninako ba mephindi ikomi na ibe.
+
+\v 9 Ba nina ko sobaa baphe na kom'mgbea Yosefa liya, bo na kolesa we mo kobileka mo Ejipito.
+\v 10 N'ndi Mokonga waikangi nande ke we omolei we mo olbala yoose ke waabe ya we weli ke waabeya we M'mgbengbele boso ya Falo, Mokota ya Ejipito owa wete we Mokota ya botuku motanga ya Ejipito bena mo lumba yande yoose.
+
+\v 11 N'ndi na kula ka motanga otondo ya Ejipito, na owa ya kanana. Obaba ya eteangai iboka, ke ba Ise bito bitaikanga abo na tchesima tcha kowa.
+\v 12 Yakobo na kon'ngba ambele tokutu tika mo Ejipito ke watoma ba Ise bito mo motuku ya boso boso.
+\v 13 Ke ya ibe, Yosefa na kolembelaka na bana ba Ise ke Falo na koeba oni mophindi yaikanga we.
+
+\v 14 Ke Yosefa watomo kiya kotomba Ise Yakobo, na mophindi yande otondo, owa yaikanga na bato n'nkama motchomoendi na batano.
+\v 15 Yakobo na koselela mo Ejipito, kowa kepke we, asima amo na ba Ise bito.
+\v 16 Ke wa bileka mo Shekeme ke wa selele-seleka mo buyako si owa Abalayama wa owanga na iyoli ya beeya, ko bana ba Hamola isai Shekeme.
+
+\v 17 N'nanga na ko iyeya eya yaengamanga na koengama eya yaenanga Mokonga, kowa ka Abala yama ke bato na koiya na kosongana bamo mouli na baphe mo Ejipito.
+\v 18 Bena abowa emoneke ophe mokota owa itaebanga Yosefa.
+\v 19 Mokota si na kotelea mophindi ito weli ya beya na kon'ngbesa baise bito obaba bena kota mbele bana bito bo buwa koika.
+
+\v 20 Mo n'nyanga si eyo Mose na koboteka, owa wa phoanga mo tchongi ko maiso ma Mokonga. waleselekangai meeli isato mo lumba ya Ise.
+\v 21 Ke abowa yeomoleke we. Maana wa amokali wa Falo na kotomba we, ke na kotangana nande mo kokowa m'mba mana ande. Mose baebeselekangi n'nkati ya weli yoose ya ba Ejipito ke waikangai na tchekamba ko mooki beno mekambo.
+
+\v 22 Mose wa ebeselekangai mo weli yoose ya baendjipito, k waikangai na tchekamba mo ko ena na mekambo.
+\v 23 Waikangai na bemo n'nkama ina, abowa yelulee we kaengeleo ka kiya komona bana ba Ise, bana ba Izalaele.
+\v 24 We na ko mona omo wa bo ambele bo omoesa we maobi, ke na kouneya we, ke we na kouneya owa wemoneke maobi, ke wa lubeya moendjipito.
+\v 25 Waengeleangai ambele bana ba Ise bo kophophowai ambele Mokonga weabeyei bo kokoweleka na kaako kande: "N'ndi bita tembelanga ande yo."
+
+\v 26 Botu si awa ophe, ke wa moneka n'nkati yabo m'mba baa bokoesa, ke wa bondja-bondjangai bo mo bo: "Baome we na koena, bikai bana ba Tata; bondiya tchei yo omoesanesa bane obaba bomo na baphe?"
+\v 27 Ke owa waesanga munakande obaba na ko ombowa we na koena mbele: "Nani watake owe mokota kiyo nito?
+\v 28 Weemei koiya noo, m'mba bowa yaiya bi owe botuoli mo Ejipito?
+
+\v 29 Mo looki si owo, Mose na kophata obeyo, ke waya kotchuma ko motanga ya Mediani ko kebote we baana babe.
+\v 30 Bemo n'nka maina maili, mokitomo omo na komoneka nande, mo tchebandja bo tcha mokondi ya Sinai; n'nkati ya itumbo ya tchete tcheakane.
+
+\v 31 Mose, mo komona boobo, we na koasowa kana mo ko moneka si bowa ya bakamanga we mo komona bosaali looki ya mokolo na kom'mgbekana,
+\v 32 nikai Mokonga wa ba Ise bino, Mokonga wa Abalayama, wa Izaka na Yakobo. Ke Mose na kotekateka iboka, na kokamba komosana nayo.
+
+\v 33 Mokolo na koena nande: "Toesa bepkoteo babe ko mao, mo isina mbele asima si abono ika owe ika n'nseke ya phenena."
+\v 34 Nemonei obaba ya bato bane ba bika mo Ejipito, ne m'mgbei betati babo, ke maselelakei mo kokowa bo. Eneke yaa nootama owe mo Ejipito.
+
+\v 35 Mose si oyoi waelekanga, na koena mbele: "Nani weto owe mokota na mobuki wa maondi? Wei Mokonga wetome m'mba mo koina kouneleka ka mokitomo owa wamonekanga n'nkati ya itumbo.
+\v 36 Iki wei weomole bo mo Ejipito na komesa befango na maondi ma manitinii ko motanga ya Ejipito n'nkati ya iyaba ya ema ya teya, bena mo tchebandjala; bemo n'nkaimana.
+\v 37 Ikai Mose tcha iseseke si oyoi weene na bana ba Izalaele, Mokonga o koomolai n'kati ino molondoi omo m'mba noo.
+
+\v 38 Ikai we mo n'nyanga kosongana mo tchebandjala, waikanga asima amo na tcha iseseke mokitomo owa waenanga nande kiyo ya mokondi ya Sianai bena na ba Ise bito, betombei mbela isati ambele bika na koika, mo isina ya ko abeya base.
+\v 39 Ba Ise bito bitaemanga abo kolitosa we, bo na kophenda we ke batimbola metema yabo mo bila Ejipito.
+\v 40 Na koena na Alona mbe: "Telea base ba mungu baende boso wito; bondiya Mose owa weomole base ko motanga ya Ejipito, titele abito eya yaluleake we."
+
+\v 41 Ke kolinga botu si owo, bo na kotatele, ke baaba lifaefi mo befono, ke balengea na mekambo ya maako mabo.
+\v 42 Mo boobo Mokonga na kom'mbokea bo bo moogo, ke waaba bo ko mosomboli ma baesi ba kiyo, boya eneke, eke mo toani ta batondoi: "Baabeyangi noo nyama ya kopka na beya ma faefi n'nkati ya bemo n'nkama ina ete bane bemo djalana beya, lumba ya Izalaele?"
+
+\v 43 Ba biangai n'nkama na mo tche bandjala tcha iseseke ema wa moloke, na okeni-keni ya mungu lefana, n'nembesi eya yete bane mokotulamea bo! Boobo noo biyai bane kowa koete ya Babilone.
+
+\v 44 Ba Ise bito baikangai mo tchebandjala baikangai na ema wa wa konoesa beteli tha iseseke, bowa yaenanga owa wananga na Mose ambele wate yo mo okotaka si owa yemone we.
+\v 45 Ke ba Ise bito, maili ya koakowa we, na ko n'ngesa we, mo koendeseleka ka Yosuwa, n'nkati ya motanga si owa ya mephindi si eya Mokonga webenge yo boso yabo, ke baika bena mo n'nsu ya Tawiti,
+\v 46 Tawiti na kononeka na M'mgbengbele boso ya Mokonga, ke waomba mokoendjeka lumba mo isina wa Yakobo.
+
+\v 47 MoKonga, Mungu wa Yakobo ke aikangai Solomoi wa inetcheanga we lumba.
+\v 48 N'ndi owa weeteye kiyo uto koikanga ande n'nkati ya eteleke na maako ma muna lumba si eya kato, m'mba bowa yeene motondoli.
+\v 49 Kiyo kikai ka alanga ka Bokota yane, ke kose boteeleo yane ya mao. Enilumbai yo koimetchea bane noo, mokolo na koena, ke aboni eengame na koika asima ya ko omona yane?
+\v 50 Yo buwa maako manei mete besima si beno boosei?
+
+\v 51 Bato ba metchwe ya kobeya, bandjule ba metema ma na matu! Bane bo koimaneanga n'nsu yoose Mosombo Mosaali. Bowa yaikanga ba Ise bino bane, ka bobo.
+\v 52 Oni molondoi ba Ise bino bika moesangane we bo obaba? Baiyangai ba baebesanga boso kula ka moto wa tcha owe weabe bane enekeke, na owa yeike bane bouyi bande.
+\v 53 Bane si ba betombe angile koondesana na tcheema tcha mokitomo owauta tangananga nade.
+
+\v 54 Mo kon'ngba maoki si mano, ke ba soma n'nkati ya metema yabo, ke bo na kolotea we man'nyo.
+\v 55 N'ndi Setefano, na koiya na Mosomo Mosaali, na ko tindilesana na kiyo, we nakoma looka ya Mokonga na Mbali ambele weimane mo ilome yande;
+\v 56 Ke we na koena mbe: "Mona, noo mona kiyo ke kandoke, ke Mana moto weimane mo ilome ya Mokonga."
+
+\v 57 Bona ko kasowa na kowa ma ema ambele belindeke matu, ke bo tinga boose asima amo kiyo nande, na koeseya boose kokeya.
+\v 58 Bo na kopholota we kowandja ya motanga, na kolubeya we mawe baabaikanga moo na kosiya n'ntulu yabo ko mao ma mosombe owa weteka Saulo.
+
+\v 59 Ke baiya Setefano na mawe, owa wa komboanga na koena ambele mokolo Mbali, tomba liureuri yane.
+\v 60 Ke na komuna malu, we na koakaya na looki ya ema: "Mokolo, buwa kobandeya bo kobeya si ke maili ma maoki si mano, we na koloma.
+
+\c 8
+\cl Botuku ya ema 8
+\p
+\v 1 Saulo wa akoangi kokpka ka Etcheni. Yaikangai, botu si owo, obaba ya ema yeomoke mokoekesa bosonganeo ya lumba ya Yelusaleme; na bo'ose, kosakoli baeki, ba balangananga mo mbalu yo ose ko metanga ya Yudea na ya koa mosamalia.
+\v 2 N'ndi baome balumeli ba lekangai Etcheni, na koeya mo lokendi ya ema iboka.
+\v 3 Saulo, bi'ili ande, waseangai lumba ya mosembelelo ya boakoi; wa n'ngeyangai n'nkati ya malumba, wa kakatesana baome na ba mokali, na ko'mbolesana nabo n'nkati ya lumba ya moololo iphue.
+
+\v 4 Basi ba balangananga mo kiya obalu na obalu, kolondowa looki ya ilongaa ya phoa.
+\v 5 Filipo, we na koselela n'nkati ya motanga ya ba Samalia, mo kolondolea Mbali.
+
+\v 6 Metuka yo ose baikangai mo kon'ngba mo ose maenanga Filipo, aboa ba n'ngbanga na komona matchwanelo matanganga we.
+\v 7 Bondia Mesombo ya ko beya ya omokangai ko ba buwa baikanga na n'soo ya Mesombo yabea, na koakaya betati baema iboka, na ba buwa ba bounake na ba kokpengama ba ondangai.
+\v 8 Na yaikangai na ome ya ema n'nkati ya motanga si owo.
+
+\v 9 Yaikangai boso n'nkati ya motanga amo ome omo waetekanga Simona, owa waiseanga komoneka kolomba Moto wa ema wa isina, wa endesangai mekambo ya Isombo na komwalesa matchwanelo mo okita ya ba Samalia.
+\v 10 Boose, kolinga ko baana banuke bena ko bakolo bato, ba n'ngangai e bowaali, na baenangai: "Moto si-ono ukai telekamba tcha Mokonga, tchea yeeteke koema."
+\v 11 Ba n'ngbangai we bo waali bondia wa mwaalesangai bo kokondjea boso mo isina ya mekambo ya Isombo si eyo yande.
+
+\v 12 N'ndi, n'nanga ba okowangaiki bo Filipo, walondoleanga ba maondi masaali ma kulaka tchese tcha Mokonga na mo lina ya Mbali Klisto, baome na bamokali ba akoangai ko n'nyekaleka.
+\v 13 Simona omune wa akoangai, na, maili yande ko n'nyeka, ute etkananga ande na Filipo, na wa monangai n'nkiakaka ya matchwanelo na botimboleli ya ema ya moeselekanga.
+
+\v 14 Baeki, baikanga mo Yelusaleme, bo na kon'ngba mbele mo Samalia ba eselekake looki ya Mokonga, bo na koisa Petelo na Yoani.
+\v 15 Ba bano, na kolulea ko ba Samalia, mo kosombolea bo mbele ba eseleke mosombo ya kophenena.
+\v 16 Bondia itinaiki ande aiye mo koselelea ango omo n'nkati abo; ba n'nyekangai lika mo lina ya Mokota Mbali.
+\v 17 Bena Petele na Yoani bo ba lipheleabo maako, na ba eseleka Mosombo ya phenena.
+
+\v 18 aboa Simona wemone mbele Mosombo ya phenena ya eselekake we mo kolubanesa ka maoko ma baeki, weomolei bo beeya,
+\v 19 mo koena mbele akoleai mo okae tchekamba sietcho, mo koengamesana ka owa woose mo olubelea we maako mane waengame ko eseleka mosombo a phenena si owo.
+
+\v 20 Ndi Petele na koena nande mbe: "Yaika mo mfalanga yabe okpeseleke nayo mo isa nabe, mondia wa akoangai mba Iyota ya Mokonga yo ko olekangai na oketi ya beeya!
+\v 21 Yebuande koika owe ango asima ango motika n'nkati ya ono mokambo, bondia mosombo yabe iteimanesane ande konanoka bosaali booso ya Mokonga.
+\v 22 Owe iyaeya mo bolengi yabe mo kobea, na bondjabondja Mokota mo isina ya toengeleyo ta motema abe wa kokole komeselea owe, mba yo koiyanesanai;
+\v 23 Bondia nemoni mbele ukai n'nkati ya kobea ka lola na kokandeka mo kobeya.
+
+\v 24 Simona na kosumbolea koena: "Sombolai bane mine mokota mo isina yaane, mo kokanga iteuleangi no obondi ango omo mo ma baenake bane.
+
+\v 25 Maili ya kolondowa ka kolombesa looki ya Mokota, na maili yabo konangola, Petele na Yoani ba sumbokangai Yelusaleme, mo koebesa looki ya kophowa n'nkati ya metanga ya buwa ya ba Samalia.
+
+\v 26 Mokitomo wa Mokonga, na koenesana na Filipo, waenande: "Imana kiyo, na yaa na bila-lito, mo m'boka yeselele bila Yelusaleme mo Gasa Eeya ika na ibung.
+\v 27 We na koimana, na kiya. Na komona, Etchopia omo moimane andome wa koliteseka waikanga kose ya Kandeka mokota ya amokali wa ba Etchopia, na molangi wa kiyo wa mbiso ya Iphoka yoose ya Mokota, walangai mo Yelusaleme mo kolombesa Mokonga.
+\v 28 Wasumbokangai, mbe otchumane ase kiyo na boendeseyo yande, na kolondowa motomeki Isaya.
+
+\v 29 Mosombo yaena na Filipo: "Waa na boso, na ololoka baka na baendeseyo siono."
+\v 30 Filipo na kula obeyo, na kon'ngba mo Etchopia wa bondoanga motomeki Izaya. Waena nande: "eyo si yolondowa owei?"
+\v 31 We na kusumbola looki: "Bo boni neengame, ambe ophe moto uti naebesi noo? Na waeta we Filipo mo koliya na kotehumana nande.
+
+\v 32 Koeteya ka makpaloi maenanga we maikangai bo obono: "Wa kakotekangai mba Mokoko asima ya ko bayeka; na mba mosumo ya maana aya we, ute kandolaanga ande we kana.
+\v 33 N'nkati yande komuseleka, lisomi ya ande baimanangai. Na liboti ya monginda ya ande, naniokoenea yo? Ba toesangi we mo buo koika mo tchese si tcheno.
+
+\v 34 Mo pheme moimanei na koena na Filipo: "na ombaki owe, ka nani motomeki okoenea we?" Ikai ka omune, ama ka ophe munakatoi?
+\v 35 Bena Filipo, wa kandowa kana na kolingana na baeteyo si owo, mo kolondolea we okuku ya ko phowa ka Mbali.
+
+\v 36 Mba bowa ba ayangana boso mo m'boka yabo, basangelangai maale, na mo pheme moimanei na koena: "Mona maale; ikai tchei tchekambese mbele noo n'nten'nyekangi ko maale?"
+\v 37 Filipo na koena: "Aika mba wa akowa na motema abe yoose, eyo yo koakoleka."
+\v 38 We na kosikamesa boendeseyo; Filipo na molangi wa Iphoka ba selelangai! Ase bobabe n'nkati ya maale, na Filipo na koimbesa mo ko n'nyawe.
+
+\v 39 Mo n'nyanga yeomoke we ko maale, mosombo ya Mokonga na koyayowa Filipo, na moimaneyi wa Iphoka utemonanga kaewe ephe. Mo isina ya, koika na ome, wa ondesanangai ondo ya mboka ande.
+\v 40 Filipo wa monekangai n'nkati ya Asota, koa ka ayanga we bena Kaesale, mo kolondolea metanga yoose si eya ya kpatolanga we mo koeta.
+
+\c 9
+\cl Botuku ya ema 9
+\p
+\v 1 Mo n'nyanga si eyo Saulo, wa omoneangai ephe komusesa na koiya masau ma Mokota, we na kiya ka mokota ya ema moimanei wa makumbe,
+\v 2 mo koomba we toani ta koeta mo malumba ma bosonganeyo yoose ya Damaseke, mo isina mbe, wa sangela metuka ya koonda mboka ya makumbe ma enekeke amo ome ko amokali, wo koisai bo na ko kandeka-kandeka mo Yelusaleme.
+
+\v 3 Mba bowa yaikanga we kula mo mboka, na ko iyeyesa Damaseke aowo mo'isa kosana komo kalangai mo obowa na liangangisi si ya komba mo kosanesa we.
+\v 4 We na kokeya ase mo n'seke, na wa n'ngba looki koena nande: "saulo, bondia tchei omoesa noo maobi?
+
+\v 5 We na kosumbolea we looki: "Owe ukai nani, Mokota? Na mokota waena nande: "Nikai Mbali owa omusesa noo maobi." Yeka kobeleai owe mokoesa na Mekee.
+\v 6 Watekateka na kon'ngba bowa, waena: "Mokota, weemei mbele nete tchei? Na Mbali na koena nande: "Owe imana kiyo, n'ngea n'nkati ya motabga, na bokoebesai owe eya yeengame nabe kota.
+\v 7 Baome baendanga nande na koimanesana mo bowa; ban'ngba bosaali looki, ndi bitemonanga ande moto.
+
+\v 8 Saulo we na koimana kiyo mo nseke, na maiso mande na kokandoka, utemonanga ande tchesima; bo na ko bundesa we mo kaako, na kokpatolesa we mo Damaseke.
+\v 9 We na ko tchumana n'nsu istao buo komona, na bua koanga na bua koma.
+
+\v 10 Aowo, yaikangai mo Damaseke omo moeki waetekanga Anania. Mokota na koena nande n'kati ya beololo ba n'ndjoli: "Anania! We na koakolea we: "no ono, Mokota!"
+\v 11 Na Mokota wa ema nande: "Owee imana, yaa n'nkati ya m'mboka yeeteke konanoka ka Ilome, na ophane, n'nkati ya lumba ya Yuda, omo weeteke Saulo wa Talasa.
+\v 12 Londia o'sombola na wamonaki mo beololo ba ndjoli amo ome mo lina ya Anania, we okon'ngeya, na kolubelea we maako, bondia waengame na kokandoka maiso. Anania wasumboela looki:"
+
+\v 13 Mokota, non'ngbake mono na bato ba bua boambo ya kobeya keteleye amo ome si oyo ko bapheneni babe n'nkati ya Yelusaleme;
+\v 14 Na uka abono na itema ya looki ya kiyoo ko bakolo bato ba mokumbe, mo kokanda woose si owa osondja kolombesa okuku ya lina yabe.
+\v 15 N'ndi Mokota na koena nande: "Yaa, bondia amo ome si oyo ukai tchesima nasonake tcho, mo kobiya lina yane boso ya n'nkati, boso ya mekota, na boso ya bana ba Isalaele;
+\v 16 Na nekamwesai we yoose ya komusesa we maobi bondia liina yane.
+
+\v 17 Anania na ko omoka; na abowa y'alanga n'nkati ya lumba, we na kolubelea maako kiyo na saulo, mo koena: "Saulo, munakane, mokota Mbali, owa wabuanyeanga owe mo mboka si eya yaalanga owe, waisaki noo bondia okandoke mo komona na olipheke na mosombo ya phenena.
+\v 18 Mo n'nyanga si eyo, tchekei ase kotoka ko maios mande waisa mba maamba, na wekandoki maiso. Weeimanei, na wa n'nyekangai;
+\v 19 na, maili wa kokolangai koanga moleli, mekuwa na kolulea we. Saulo na ko tchumana n'nsu kakolokolo na baeki ba ikanga mo Damaseke.
+
+\v 20 Bena aowo we na kolondowa n'nkati ya malumba ma bosonganeyo ya makumbe mbele Mbali ukai mana Mokonga.
+\v 21 Boose si ba ba n'ngbanga we baikangi n'nkati ya limwalisi, na baenangai: "Yebuande owa waiyanga mo Yelusaleme ba balombesanga lina sieyo, na bua utile ande ephe a abono mo ko sumboka mbe okandekande na koisa boso ya bakolo bato ba baamoi?
+\v 22 n'nyanga sieyo Saulo wa kobeya kobeyangai iboka, na kolondolea mayauli boose baikanga mo Damaseke, mo koebesa mbele Mbali ukai Klisto.
+
+\v 23 Mo n'nyanga emo kakolokolo, ba Mayaudi na ko n'ngelea ikumbe mo koiya we,
+\v 24 na ikumbe yabo sieyo yaebekanna mo maenyeili mma Saulo. Baimaneangai ko melango looba na botu mo isina ya koiya we.
+\v 25 N'ndi, mo n'nyanga ya botu omo, baeki bande ba bundesa we, na koselelesa we mobia obamba, n'nkati ya moa.
+
+\v 26 N'nyanga ya ayanga we mo Yelusaleme, Saulo na kokonda kobakama na baeki, ndi boose baikangai na bowa nanden mo kokanga koakoa mba watimbokake moeki.
+\v 27 Bena booso Balanaba, na kobundesa we nande, mo koisa we boso ya baeki, na koebesa boni tchei mo mboka Saulo yaetanga mo komona Mbali, waenanga nande, na tchei mo Damaseke ya londoanga we mo liti lina ya Mbali.
+
+\v 28 Wayangai na walangai na boose n'nkati ya Yelusaleme, na walondoangai na tchekamba tchoose mo lina yande Mbali.
+\v 29 waenangakai na kosea meango na ba Giliki, ndi babano baphanangai ikeande koiya we.
+\v 30 Masau, baebeanga, balomokesa mo Kaisalea, na kosumbola koisa we kiya Tarso.
+
+\v 31 Lumba ya bosonganeyo yaikangai na bii n'nkati ya Yudea yoose, mo Galilaya na ba Samalia, yaendjekeleka na koendesa n'nkati ya kotina Mokonga, na babulesana mo kolipheka ka mosombo ya phenena.
+\v 32 Mba bowa Petele waeleanga komona ba pheneni boose we na koselelea kae bena koba betehumane mo Lydia.
+
+\v 33 Waya kosangelea amo ome weeteke enea, welame kiyo na Itanda emo kobandea bemo tchenana, na oso ya bounake.
+\v 34 Petele na koena nande: "Enea, Mbali Klisto wa ondesake owe; imana kiyo, na langa Itanda yabe. Na n'nyanga si eyo we na koimanesana.
+\v 35 Bato boose ba motanga ya Lydia na ya Sarona na komona eyo, na batimboka mo koonda Mokota.
+
+\v 36 Yaikangai mo Yopea, n'nkati baeki, amokali omo wa etekanga Tabita, mo isina ya lina Doloka: "Watangai mekambo isaali na koomola ibaanyeyo ko bato."
+\v 37 Wa keyangai na tcheeta mo n'nyanga si eyo, nande kokpa. Maili ya koowesa we, bo na koitcha we mo n'nkati ya ko osunga ka kiyo.
+
+\v 38 Mba boa Lydia ika aiyeiye baka na Yopea baeki, ba n'ngbanga babe koika we, mondia kobondjabondja we mo koulea bo, bua koilela.
+\v 39 Petele na koimana, na kiya na ba ome si babo. N'nyanga ya langa we, bo na ko n'ngesawe mo kosunga tcha kiyo tcha lumba. Betike bo ose na kokomba we na koeya beli, na komwesa we ntulu ya kiyo na ntulu ya kose tanganga we Doloka n'nyanga yaikanga we na bo.
+
+\v 40 Petele we na ko omolesesana bato boose ko andja, nande koitcha ma angulu mo n'seke, na kosombola, ke watimbokea tcheliyo, waena: Tabita, imanesana! We na kokandowa maiso, na wa moesena na Petele, we na koika ase.
+\v 41 We na koesa we kabokona koimetcha we. Waeta kotio ba pheneni na betike, na komoesa bo we mbele waikake bosaali.
+\v 42 Eyo ya ebekanangai mo Yopea yoose, na ba buwa ba akoangai Mbali.
+\v 43 Petele na kotehumana ka kolokolo ka n'nyanga mo Yopea, mo asima ya moendjeki mekambo ya n'koba waetekanga Simona.
+
+\c 10
+\cl Botuku ya ema 10
+\p
+\v 1 Yaikangai mo Kaisalee amo ome omo waetekanga lina ya Korneya, mokota ya basola Capiteni n'nkati ya motuka ya Italiana.
+\v 2 Amo ome si oyo waikangai molitesi na watinangai Mokonga, bena monginda ya lumba yande yoose; watangai iboka kobaanyea bato, na wa ombangai Mokonga n'nyanga yoose.
+
+\v 3 Mo n'nyanga ya abowa ya isaso ya looba, wemonei bosaali lilembeseli ya andjoli ya mokitomo omo wa Mokonga wa n'ngeanga koakande, na koena nande: "Korneya!
+\v 4 Komoesana kaimanesana kiyo nande, na wan'ngbangai bowa, na kosumbola looki: "Ikai tchei, mokota? Na mokitomo wa ema nande: "Masomboli mabe na kobaanya kabe ka linyake boso ya Mokonga, na wa engeleakei owe.
+\v 5 Isaneeke ba ome mo Yopea na bale na Simona, weeteke Petele;
+\v 6 Wetehumaneye boeni ka omo weete Simona, moendjeki wa nkoba, uka a na lumba baka na Iyaba.
+
+\v 7 Abowa mokitomo wa enanga nande wiyei, Korneya waetangi bato bande ba mokambo, na sola omo moseleli watinanga Mokonga n'nkati ya ba baikanga ayeiye baka nande;
+\v 8 Na, maili yande koebesa bo yoose yaetake, we na kotoma bo mo Yopea.
+
+\v 9 Na mpendu si, mba bowa baikanga n'nkati ya m'mboka, na ba ololokanga bo aiyeye na motanga opheme, Petele we na kolinya kiyo na balel ba Lumba, na n'nyanga ya isaso ya looba (midi) mo kosombola.
+\v 10 We na kon'ngba n'ndjaa, na waemangai koanga. N'nyanga balangeangi we koanga, we na kokea na beololo.
+\v 11 Omoni obowa kokandoka, na tchesima tchemo kotuanyanyesana na koema ka Itilo ya n'ntulu ekandjeke m'mbalu yoose ina, yaikanga mo koselela na kolembela kiyo na n'nseke,
+\v 12 na monekangai na okitaka yoose ya besenge ba mao mana mana, na belande boose ba n'nseke na toyoni ta obowa.
+
+\v 13 Na looki omo koena nande: "Owe imana, Petele, iya na annga."
+\v 14 Ndi Petele na otendeleka koena: "Iyani, mokota, bondia n'tina angi moane tchesima tcha motumbi na tcha bololo.
+\v 15 Na mo mila ya ibe looki ya n'ngbekana koakande eya Mokonga waenake ikai tchesaali, omonangi tchomba tchekai tcha motimbi.
+\v 16 Eyo si nakula bena mo looki ya isato; na kotangesana maili si, tehesima si na koyayoka mo kosumboka kiyo mo obowa.
+
+\v 17 Mo isina mbe Petele utaebanga ande ka omune maenyeli ma isina ya beololo baulanga we, monai, ba ome botomekake na Korneya, baebeselekanga ika lumba ya Simona, bo koimanesana boso ko molango,
+\v 18 na kophiphea na looki ya kiyo mba ikai aaowai ye tchumane Simona, weeteke Petele.
+
+\v 19 Na m'mba boa Petele waikanga mo koengelea bondia beololo siebo, mosombo na koena nande: "Mona, baome basato bophiphea owe;
+\v 20 Imana kiyo, selelana yaa nabo bua koiyaeya, bondia ikai nooinaiseanga owe nabo.
+\v 21 Petele kae na koselela, na waena na baome siabo: "Monai, nikai owa bane bo ophanesana nande; ikai mo isina ya tchei baisake bane?"
+
+\v 22 Bo nakoebesa we: "Korneya, mokota ya ba Soda, amo ome mosaali na kotina Mokonga, na koika we okita yoose ba Yuda bakoesa we okuku ya ko phowa, waebeselekangai na m'mgbengbele ya mokitomo waphenena mo koisa owe n'nkati ya lumba yande mo kon'ngba maoki mabe.
+\v 23 Petele kotiyo na ko n'ngesa bo, na ko lamesa bo. Mpendu si, we na koimoka, na kiya na bo. Baphe bamo ba masau ba Yopesa ba kpatolangai nabo.
+
+\v 24 Bo na kotelelana mo Kaisalee botu ophe. Korneya waendeangi bo, na waetangai ba bebote we na Mosau mande ma koemesana.
+
+\v 25 Abowa Petele wa n'ngeanga, Korneya, wa ayanga boso ande, na kokeya kose ya maao mande na kosemola we.
+\v 26 N'ndi Petele nakoimetela we, na koena: "Imanesana-kiyo; nookae, nikai amo ome.
+
+\v 27 Na baenesana nande, ke wan'ngea, na kosangela motuka ya bato besongane.
+\v 28 Bane beli, we koena nabo, yeekeselekei ka omo wa ba Yuda mo kobakama na omo wa okita ya kpaaya ango kon'ngea koakande; n'ndi Mokonga we kikili noo ko kokanga komonna moto ango omo wa okitaka ophe mba ukai bololo bena motimbi.
+\v 29 Mo isina si n'nte teane meango mo kokamba isosa ya kula, bondia baiseangi ndo mbea, maenakei mbe mo eni isina betomeye kophanesana nane.
+
+\v 30 Korneya na koena: Yaikake n'nsu ina, mo n'nyanga sieno, na sombolanga n'nkati ya lumba yane mo n'nyanga ya aboa yabeloe; na komona, amo ome omoobate n'ntulu emo ya kosana iboka weimane boso nan, na koen.
+\v 31 Korneya, kobondjabondja kabe ka n'nggekanake, na Mokonga waengeleakei bena koaba kabe.
+\v 32 Ioma iki mo Yopea, na bale na Simona, weeteke Petele; wetehumaneya n'nkati ya lumba ya boeni ka Simona, moendjeki wa n'nkoba, mo n'nkpangba ya iyaba ipheme.
+\v 33 n'nyanga sieyo netomeiki koika owe, na watangai bosaali mokula. Moeneeke kae teimane base boose boso ya Mokonga, mo kom'ngba yoose sieyo Mokota weebese owe mo koena nito.
+
+\v 34 Bena aowo Petele, wa kandowa kaana, waena: mo liti, neli mbele Mokonga uteteande kokesanesa koika binakato,
+\v 35 n'ndi ango mo tchei tchoose owa otine we na koendesa salia mo liti ukai molengeseli koika we.
+
+\v 36 Watomangai looki mo koena ko bana ona ba Isalaele, mo koenea bo bii koika Mbali Klisto, ukai Mokota wa boose.
+\v 37 Baebangai eya yalanga n'nkati ya motanga yoose ya Yuda, maili ya ko lingana boso Galilaya, mo koondesana na kon'nya kande Yoani wa londoanga;
+\v 38 Baebangai tchei Mokonga wa iselanga mo koselelesa mosombo ya phenena na tchekamba ka Mbali wa Nazalete, wa ayanga asima na asima kotelea kophoa na koondesa boose si ba baikanga kose ya mekpeli kokandeka na Mosombo ya beya, mondia Mokonga wa ikangai baka nande.
+
+\v 39 Tikai bamoni ko moose matanganga we n'nkati ya metanga yaba Mayudi na bena Yelusaleme. Ba iyangai we, mo kolembesa we kiyo mo kate.
+\v 40 Mokonga waimolangai we maili ya n'nsu isato, na wa akoangai mbele wa buanyeye, buande ko bato boose, ndi ko bamoni basonekanga boso na Mokonga, mo koika base taanganga bena komaa nande, Mbali yaimolekanga we ko bakpi.
+
+\v 42 Bena Mbali wa esangi base isaso ya kolondolea ko bato na koebesa mbele wei osoneke na Mokonga moimetchei wa babika na ba kpi.
+\v 43 Batomeki boose balondoangai koebesa isina yande mbele moto woose wo koakoa we mo lina yande omeselekai kobeya kande.
+
+\v 44 M'mba boa Petele walondoanga ephe maoki si amo Mosombo ya phenena ya selelangai kiyo na boose ba n'ngbanga looki.
+\v 45 Baakoi boose batimbokanga ba alanga na Petele ba Petele ba moalangai mo isina ya Iyota ya Mosombo ya phenena yaikanga kae koimanea kiyo na biteikanga ba akoi.
+
+\v 46 Bondia ba n'nganga kai bo koena na beeneli okitaka yoose na kolombesa Mokonga.
+\v 47 Bena Petele waena: "Teengame na koeka maale ma kon'nyeka mo baa baeselekake kae Mosombo ya phenena bosaali mba basei?"
+\v 48 Na wa akoleangai boose mbele ban'nyeke mo lina ya mokota Mbali. Kiyo na isina wa bondjabondjangai bo mo kotehumana ka kolokolo ka n'nsu aiyeiye baka nabo.
+
+\c 11
+\cl Botuku ya ema 11
+\p
+\v 1 Baeki na masau baikanga n'nkati ya Yudea ba n'ngbangai mbele ba bitaikanga baokoi baeselekeke kae looki ya Mokonga.
+\v 2 Na n'nyanga ya Petele walinyanga kiya Yelusaleme, baakoi ba n'nyekanga na koika ko maambo nande;
+\v 3 mo koena: "Wa n'ngeakei ko ba bitina lipheleki, na wa phonganaki nabo."
+
+\v 4 Petele waikaiki mo koebesa bo mo okitaka omo ko ondesana naeya yaetanga.
+\v 5 We na koena: "Naikangai n'nkati ya Motanga ya Yopea, na n'nyanga ya sombolanga noo, na keangai na beololo na komona ndjoli emo: "Tchesi na tchemo, kotuanyanyesana na koema ka ikulumba ya ntulu yekandjeke mo mbalu ina obalu na obalu ya selelanga kotoka mo obowa na kula boso ane.
+\v 6 Bo moneleli yane yoose yaimanesanga kiyo na ikulumba si eyo, maiseya maenyeli, na nalembela besenge bamao mana ba tchese, n'nyama ya okonda, belande na tooni ta obowa.
+
+\v 7 Na nan'ngba looki omo koena nane: "Owe imana, Petele, iya na buya."
+\v 8 n'ndi naenangai: "Iyani, mokota, bondia buande ango tcha bololo na teta motimbi tehiti nan'ngeiande n'nkati ya kanakane."
+\v 9 Bena mila ya ibe looki ya n'ngbekana mo obowa: "eya Mokonga waenake tehephenene, omonangi tcho mba ikai tcha bololo.
+\v 10 Eyo na kula bena mila isato; bena yoose sieyo yesumbokei mo obowa.
+
+\v 11 Na komona, n'nyanga sieyo baome basato batomekanga kotoka Kaisale koulea noo beimanesane boso ya molango ya lumba yaikanga noo.
+\v 12 Mosombo na koena nane mo kiya nabo bua meango mo koiyaeya. baome motoba si babano na kobakamea noo, na base ko n'ngeya n'nkati ya lumba ya Korneya.
+\v 13 Amo ome sioyo na kolondolea base boboni amonanga we n'nkati ya lumba yande mokitomo ko buanyea we na koena: "Toma mo Yopea, na iseya base Simona, eeteke Petele, we okoeneai owe maondi sima mekaesa owe tcheondesa, owe na lumba yabe yoose."
+\v 14 O ko ena nabe maoki si maa mo ko ondesa, owe na lumba yabe n'ntondo.
+
+\v 15 Abowa yaikanga noo mokoena, Mosombo ya phenena ya selelangai kiyo nabo, waisa mba kiyo nito ko makondjekeyo.
+\v 16 na natchowake mo looki si owo ya Mokota: "Yoani wa n'nyangai ko maale, n'ndi bane, bo koliphelekai na Mosombo ya phenena."
+
+\v 17 Isina, bondia Mokonga wa akoleangai bo Iyota sieyo emo kokito si ba taakoanga ka Mokota Mbali Klisto, noo neengame, koika na maangwane na Mokonga?
+\v 18 Maili yabo koun'ngba eyo, bona kobibana kosekos, na ba lombesangi Mokonga mo koena: "Mokonga wakoleakei lineseli bena ko basi bebua baakoi, bondia baeseleke tcheondesa."
+
+\v 19 Basi ba babalangananga bondia kotina kokpa kaalanga mo isina ya Etcheni ba yangai bena bila Fonike, n'nkati ya tchea tcha Cipro, na Atiokiose, koebesalika looki ko ba Mayudi.
+\v 20 Yaikangai n'nyanga si eyo n'nkati yabo ba ome baphe ba Cipro na ba Cilena, ba; balanga mo Antiokia, balondoleanga kae ko ba Greki, na koebesa bo looki ya phowa ya Mokota Mbali.
+\v 21 Ka akoka Mokota ka ikangai nabo, na iboka ya n'nguma ya bato ba akowangai na kotimboka koika ka Mokota.
+
+\v 22 Lokndi ya okuku na kon'ngbekana ko matu ma bosonganeyo ya lumba ya Yelusaleme, nabo bato ma Balanaba otomo bena Antiokia.
+\v 23 N'nyanga yalanga we, nande wa monangai m'ngbengbele ya Mokonga, we na kolengea, na waimoa boose mo koika na motema ya liti mo ko bakamea Mokota.
+\v 24 N'ndi waikangai amo ome omo mosaali, waiyanga na Mosombo ya phenena na koakoa. Na ibamba ya bato ba buwa bo na koondesana na Mokota.
+
+\v 25 Balanaba na kiya ephe mo talsa, mo kophanesanana na Saulo.
+\v 26 Na, we nakomoesa nande, wesumboki nande mo Antiokia. N'nkati ya tchemo tchetondo bo na kosongananga ko mosembelelo ya lumba yande ya Mokonga, na ba londoleangai iboka ya bato. Yaikangai mo Antiokia mba, ya kokondjekea ka bosoboso, baakoi na koeteka ba Klisto.
+
+\v 27 Mo n'nyanga sieyo, batomeki baslelangai mo Yelusaleme bena Antiokia.
+\v 28 Omo w bobabe, waetekanga Agabusa, na koimana, na waendesekanga na Mosombo na koebesa mbele yo koika na bokambe n'ndja yaema yo koika mo tchese tchose. Ya langai, n'nyanga ya kolomba ka Kolode waikanga Mokota.
+
+\v 29 Ba akoyi na kongelea omo na omo koiseya Mekeba yabo ko ondesana na lioli, ko masau menginda yetehumane mo Yudea.
+\v 30 Yeuleyei ko bekongo mo maako ma Balanaba na ma Saulo.
+
+\c 12
+\cl Botuku ya ema 12
+\p
+\v 1 Mo n'nyanga sieyo, mokota Helode we na kondjaki komoesa bemo maobi n'nkati etande,
+\v 2 Opki na me pkai Jake, manuke wake weiyi jake na opanda, mana nina Yoani.
+
+\v 3 Komona mbe eyo ya foleangi ba Yuda, ke wa kandangakai Petele bekandi Petele. Aikangi botu ya mokati bwa mote.
+\v 4 Maili wa kobundeka na ko m'mboleka o moololo, ko wa abeleke o matunda mana, moitunda emo basola bana, na maegneli ma kosomesa we boso na ibamba, maili ya pasika.
+
+\v 5 Petele wa tanganelekangai n'nkati ya moololo; ke etanda i eneande ite eneande kosomboleawe basomboli ka Mokonga.
+\v 6 Botu si owa eonde botu si owa Helode wee se we mo kosomeseleka, manga na koenesa, Petele, okandeke na meololo ibe. Welame n'nkati ya ba sola babe; mbe batangani boso na na molango. Kotanga na moololo.
+
+\v 7 Mona, mo kitoma wa mokolowalake liangaangi emo ya sanesa moololo. Mo kitomo wa imola Petele, na kolubea we mbele ke na koena: "Imana kabeo-beo owe na tchekamba! meololo ya kea kotoka mo maako mande tokaiki omaako mande.
+\v 8 Ke mokitomo waena nande: "bata nooli ya m'mpondjo, ke na bilato babe. Ke weti boobo. mo kitomo waena nande evfe: "Komba mobe yabe na ntulu, ke onda noo.
+
+\v 9 Petele wa omoka, ke wa onda we, buakoeba mba eya yatlekanga na mo kitomo aiakani liti, ke waisa mba uka mondjoli.
+\v 10 Abowa e etebo motango ya boso, ya ibe. Bakoma omolanga ya tchuma owa ya koomola omolanga, ke ya kondoka yo nune boso nabo; ke yookandaka yomine boso na bo n'nkati ya mboka baomoka, ke baya na boso. Ao aoke mo kitomo wa limokeaiki Petele.
+
+\v 11 abowa maegneli meuleewe, petele waena: "Namonake kotio liti mbe. Mokolo watomaki mo kitomo wande, ke wa toesaki noo o maako ma Helode na ke eya yoose bato ba Yuda ba ande anga.
+\v 12 abowa maegneli meuleewe, petele waena: "Namonake kotio liti mbe. Mokolo watomaki mo kitomo wande, ke wa toesaki noo o maako ma Helode na ke eya yoose bato ba Yuda ba ande anga.
+
+\v 13 Maili na koengelea, wa ya iki molumba ya malia, n'na Yoani, waetekanga malako, kowa Aboka ya bato baikanga ekumbe ke kosomboka.
+\v 14 Waluea malango ya motangani, wa ke mokobe ome, amokali, oeteke Lode, wabakama mo kongmba.
+\v 15 Wa ebangi looki ya Petele; ke, nka ya ome yande, wembe wakandowe, waya obeo koebsambe, Petele uka boso na molongo.
+
+\v 16 Baena nande: "Ukina oseka. n'ndi we wa okowa mbe ikai boobo."
+\v 17 Ke banena, mba: "Iki mo kitomo wande; moyombe Petele olubeande. Bakandowa, ke ba tchokowa mo komona we.
+
+\v 18 Petele, wa moesa bo n'nembe mo ka oka mbe baibane, wa ebesa bo boyaeli mokolo wetoesa we o moololo, ke weena: "Ebesa Jake na bafe." Ke wa omoka, kia afe asima.
+\v 19 Botu kofolola, bosola balinga iki na koakaya, koeba mba Piere waikaki nani.
+
+\v 20 Helode, waika mokofana we ke utemone ande, wa fifea batangani, ke waesa angile ba kande we me laibe. Maili waselela mo Yuda Kasezare, mokoosa kooko.
+\v 21 Helode waikangi na maenieli ma bea oba Tulia na ba sidonia. N'ndi bo na kula kowa kande mokombngesana; ke, maili na kolbundesa Balasite, motchungi wa lumba ya mokota, ba fanangai, bii, mondia metanga ya boo ya ondeangai motanga ya mokota.
+
+\v 22 Mobutu omo, Helode, wabataiki ntulu ya bokota, na koika mokakalanga kande ka bokota, na koena obato.
+\v 23 Bato ba akaya: "Looki ya Mokonga, ke buande ya moto!
+
+\v 24 Monyanga si eyo looki ya Mokonga ebalangane kambu kambu, ke oketi ya baeki na kolinya kambu kambu.
+\v 25 Balanaba na Saulo, maili ya kotungesa mokamba, ba sumboka Yelusalema  na Yoani, owa waetekanga Malako.
+
+\c 13
+\cl Botuku ya ema 13
+\p
+\v 1 Aikangi mo etanda ya atiokiya balondoi na ba moesi ba looki: "Balaba, Simona oketekanga ningela, Losia wa kilene, Manae, ba bakondanga aismamo ne telalaka, ke Saulo."
+\v 2 Mbe boota mokambo ya Mokolo na kokanga kowa, mosombo mosaali waena: "Teleinoo ka owa Balaba Saulo o mokambo si owa eetebo."
+\v 3 Moyo, maili ya kokanga kowa na masomboli, beteleibo maako, na koeka bo kia.
+
+\v 4 Balaba na Saulo, betomeki na mosombo mosaali, koselela kia Selusi, kooko bo na kokala ka Motchea tcha kipele.
+\v 5 Kokoma mo salamina, ba balanga nasa iki looki ya Mokonga omalumba ma mokumba ma ba Yuda. Baikangi na Yoani moko unea.
+
+\v 6 Maili bekali bea boose bona mopafosa, basangela moiya omo molondoi ya olanga, mo Yuda, linande bale mbali,
+\v 7 Baikangi na polonokia Solejia paulusu, moto wa koeba. Moto si na koeta Balaba na Saulo, ba moesa nkasa ya konganga looki ya Mokonga.
+\v 8 Ndi Alimasi, moiya, mondia yoi emoese lina nde, ya na koeseabo, kotimbola kowakowa ka Polonokia.
+
+\v 9 Moyo Saulo, waeteke Polo oiye na mosombo ya fenena, wa moesa maiso kowakande, na koen:"
+\v 10 Moto owa oiya na boyaeli yoose ya bea, na boebi, masaali wa sikakale mpoki wa yoo ya tchaa, utokoekande kosea m'mboka yoose ya liti ya mokolo?
+
+\v 11 Ine eke mona, kasoma ka Mokolo kika kio nabe, opki maiso, n'nyanga emo utoo mona kae looba. Moyo obonge na ifur yokoikai kio nande, na ofani, kobuba buba, bato ba koendesa we.
+\v 12 nayo Polonokia, komona eya ya komake, wa akowa, mokolubeka na ba angile ba Mokolo.
+
+\v 13 Polo na Bina kande, baka kia, Pofose bakoma mo Peleje wa Pafili. Yoani na koekana nabo, na kosumboka Elusalema.
+\v 14 Kotoka Petele kia atokia wa Pisidia. Bo kon'ngea malumba ya ikumbe botu ya yenga, baika ase.
+\v 15 Maili ya kobandeke ka angile na ba londoi, mekota ya betanda ya ikumb ba toma bo mo koena: "Munakato, mba bika na bondi ya koena moibamba, enaii."
+
+\v 16 Polo na koimana, ke wa ya yowa kaako kio ke waena: "Bato baisalaele, ke ba betine Mokonga, m'mbngai!
+\v 17 Mokonga owa wa Isalaele osini ba Ise bito na okuku nsu yoose eya ete bo mo Ezipeti, ke wa omola bo na kaako kande ka tchekamba.
+\v 18 Olesi bomo nkama ina noo nseke ya ibunge;
+
+\v 19 Ke oseei metanga motchomoendi moka nana wa akolea bo motanga mba ya bo.
+\v 20 Maili ayo bemo miya ina nkama itano, waesabo babuki ba maondi bena ko balondoi Samiele.
+
+\v 21 Bo na koomba koika na mokota. ke Mokonga, na koesa bo, mo bemo nkama ina, Saulo, mana Kisi, motchebanda tcha Benyamina;
+\v 22 Moo, maili ya kombola we, wata mokota Tawiti, owa oese okuku ya nde: "Na somake Tawiti, mana Isai, moto koondeana na motema yane, owa okoengamesa nkasa yane.
+
+\v 23 Moiboti ya Tawiti hi Mokonga, koopesana na eya oene, yoi eese Isalaele moondesi, owa uka Mbali.
+\v 24 Boso na kula kande, Yoani omangoli konyeka ka kotimbola motema mo bato boose ba Isalaele.
+\v 25 abowa Yoani wemane mokambo yande, waena: "nauwane owa bokoengelea; n'ndi monoi, maili nane okuli owa nto kokola kosaa meeli ya nde ya bilato.
+
+\v 26 Binakane baome, baana ba monginda ya Abalayama, na bane si baa bootinanga Mokonga, bondi ino ii looki siono ya tcheondesa yetomekee bane.
+\v 27 Bondia baa baikanga mo Yerusaleme na mekota yabo bitaebangeande Mbali, na ko kesesa we, beiyanesei maoki ma baeki yo bandekalbandeka kila otu ya koomona
+
+\v 28 Ango boa bitepate tchesima ango tchemo tchokomesa we mo kokpa, beombi we ka Pilato mo koiya we.
+\v 29 Na maili ya koiyanesa eya ye kpaloke bondia nde, bo na ko selelesa we mo n'kili na kota we n'kati ya buyake.
+
+\v 30 N'ndi Mokonga we imolei we mo bakpi.
+\v 31 we monekei n'su ya buwa ko baa balinyanga nande mo Galilaya bena mo Yerusaleme, na bika eneke baeni bande ba liti ko binakato
+
+\v 32 Na base, tokoebesa bane mosao isaali elakeleke ka ba ise bito,
+\v 33 Mokonga we iyanesei yo bondia base baana nande na mo koimola Mbali o bakpi mo koopesana na eya ye kpaloke n'kati ya n'ngela ya n'ngembo botuku ya ibe: Uki manane, na botake owe mo ono botu.
+\v 34 Waimolakei we ko bakpi, mo boyaeli mbele obuwa ko sumboka mo ko seama, iki eya ika liti.
+
+\v 35 Bondia boobo waenake aphe asima mbele: Utekaakooi yabe mbele mo pheneni wabe waseame.
+\v 36 Kumbi, Tawiti, maili mo n'nyanga yande kota mekambo ya Mokonga naokpa, we naolekeleka kaowa na b ise ke we na oseama ko bakpi.
+\v 37 N'ndi owa Mokonga we imole we ko ba kpi uteseame ande.
+
+\v 38 Ebai boono, binakane baome, ambe koakande Mbali limeseli ya maondi ma beya eneke bane,
+\v 39 Na owa okoakoa uka na limeseli kowa kande ya maondi moose mitaengamanga na omeseleka mo angile wa mose.
+
+\v 40 Na boobo, imanai sawa bondia yobuwa kokomea bane eya eneke nikati ya Baeki:
+\v 41 Mona, bane si bba bito tinanga Mokonga, sangalai na balanganai; Bondia no tai bondi omo mo n'su ino, bondi si owa biteka akowa bino yo ango baebesa ane.
+
+\v 42 N'nembe eomoke bo, ba omba bo ambe baene maondi si maamo otu ya koomona ya maili;
+\v 43 ke mo ko balangana ka ikumbe ba somboli na ba yuda ba buwa na ba Prosalite na koonda Paolo na Barnabasi, na olondolea bo, ke na koesa bo tchekamba m'mbele ba balame na n'ngbengbele ya Mokonga
+
+\v 44 Otu ya koomona ya maili, aiyeiye na motanga ya mosongo otondo esonganei mo ko n'ngba looki ya Mokonga
+\v 45 Ba yuda, ko mona ibamba, baiya na motema ya beya, na koimanea maa maenanga Paolo, na otona we na kosenda we.
+
+\v 46 Paolo na Barnabasi baena na bo na tchekamba: Kowa kino osooso i looki ya Mokonga eengame se na koeneka, n'ndi, bondia basumboleake yo na maili, na bokosesa bane mine kobeya mo koika ka layalaya, monai, ta timbokake ko baa bekose koakoa.
+\v 47 N'ndia obo n'ndi Mokolo we tome base: Neti owe mo koika liangangi ya metanga, mo biya tcheondesa bena mo N'tungeya ya tchese
+
+\v 48 Baa bauwa na koakoa balengeangai mo ko n'ngaba maoki, balombesangai looki ya Mokolo, na boose si baa basonekanga mokoika ka bemo na bemo na koakoa.
+\v 49 Looki ya Mokolo na obalanga na mo Motanga yoose.
+
+\v 50 N'ndi ba yuda ba selangai kaya ko bamo kali ba litoa na baa ba motanga ya mosongo; Baisolangai bondi ya koiya Paolo na barnabasi, na ba bengangi bo mo n'seke ya bo,
+\v 51 Paolo, Barnabasi ba tchitcheangi bo n'seke ya matindi, ke baya mo noo mune,
+\v 52 N'ndi ba akoi baiyangio na ome ke na mosombo mo saali.
+
+\c 14
+\cl Botuku ya ema 14
+\p
+\v 1 Mo ikone, Paolo na Barnabasi bangeya asima amo mo lumba ya masomboli ya ba Yuda, boo na ko ena, na ko nangola, eke bato ba buwa n'nkati ya ba Yuda, na ba Greke boo na kowakowa.
+\v 2 n'ndi n'nkati ya ba Yuda baa bita akowanga bo na ko tchatchea, ena ko seya metema ya ba panyefu eke na ko eka.
+
+\v 3 Basiyangai nsu ya buwa mo Ikone, bo na ko ena na omee oose, eke looki ya Mokonga ya enak bosaali, ya moesanga looki ya ngbengbele eke yateleka maondi ma manini na ma besiso ya kotinesa bato eya yatelekanga na maboko mabo.
+\v 4 Bato ba motanga bo na ko ba anyeka bamo ba ya obalu ya ba Yuda eke baphe obalu ya baeki.
+
+\v 5 Eke bowa bapanyefu na ba Yuda, ena mekota ya bo, bata iyeya mbe balube komboleye bo mawe,
+\v 6 Paolo na Barnabas abowa angbanga boo mesao si eeyo, bo na kiya obeyo ko metanga ya Lykaonia, obalu Yulistre ena kowa mo Derbe, ena n'nkati ya metanga ya kaowa.
+\v 7 Boo na ko nangola looki ya ilonga.
+
+\v 8 Mo motanga ya Listre aikangai na moto botu, owa utanelanga bande kolinga ko boteka kande.
+\v 9 Waika mbe o ko ngba bowa Paolo wo ko ena. Eke Paolo na ko moesana nande, wamona moto si oyo oka na kowakowa, mo keema ko onda,
+\v 10 Wa ena na looki ya kiyo. Imana komao mabe. Eke we na ko imana mala omolika eke we na ko enda.
+
+\v 11 Mo ko mona tchekako tcheya tchatake Paolo, mutuka ya bato ba Lykaonia bo na koakaya na tcheeneli tcha Lykaonia: "Ba mungu, baa bika na mebe ya binakato ba luleake base."
+\v 12 Boo na koesa Barnabas lina ya Jopiter, Paolo lina ya Mercure, bondiya waikanga moeni.
+\v 13 Molombia ya Jupiter, owa lumba ya masomboli ya ikangai mo bongeleo ya motanga, we na ko luleya bo na ngombe amoome, na Barnabas ko molango, ba emanga kai ko esa bo sadaka (lifaefi).
+
+\v 14 Baeki Barnabas na Paolo, abowa angbanga boo mesao si eeyo, bo na koasowa ntulu ya bo, bo na ko eleya bato si baabo.
+\v 15 Bo na kowakaya: "Oo bane bato, bondiya tchei batake boobo? Base kae tekai bato m'mba bane, taalake ko esa mbe beekei maondi si maamo mekange isina, mbe betimboke obalu ya Mokonga owa wika, owa waendjekanga kose na kiyo, iyaba na boose beya bika n'nkati ya yo."
+\v 16 Mokonga si ooyo, mo nyanga ya waikangai base mbe ba onda mboka yabo emine.
+
+\v 17 Ango bowa itaikanga we na ko moesa bowa ikawe, mokota kophowa, mo ko iseya bane mbuwa ko toka mo obowa, na nyanga esaali ya ko botesa besima ba koleka, mo ko esa bane meleli ya buwa, na ko iyesa metema ino na oome.
+\v 18 Mo nyanga si eyo, bo na ko ena na metuka ya bato mbe biteeme bande mbe baese bo ba sadaka.
+
+\v 19 Eke aowo, ba Yuda na kotoka mo Antioche na Ikone, na ko sangela metuka ya bato, bo na ko lubeya Paolo mawe, ba bota we kpaaya na motanga, baisa m'mba wagbake.
+\v 20 N'ndi, baeki bo na kongesa we n'nkati yabo, eke we na ko imana eke we na ko n'ngeya mo motanga ya ema. Na m'pendu si we na Barnabas na kiya mo motanga ya Derbe.
+
+\v 21 Abowa anangolanga bo motanga si oowo eke bo na ko pata bato ba buwa ba akoanga looki ya ilonga bo na ko sumboka mo Lystre, baya kae mo Ikone ena kowa mo Antioche,
+\v 22 bo na ko kobesa baeki baenekeke, na ko ebesa bo mbe nabo mbe, alinga wasangana na kolubeka, ko sendeka, ko tokoleka eke wangeya mo bokota ya Mokonga.
+
+\v 23 Bo na ko imetcha bakolo bato mokila etanda, ena maili ya ko kombowa ena koeka koanga (kofinga) eke batoma bo ka Mokolo owa bo ba akowake we.
+\v 24 Bo na kokola obalu ya Pisidia, bo na kiya mo Pamphylia,
+\v 25 na ko nangola mo Perge, eke baya kae mo Atalia.
+\v 26 Kooko, bo na kokola obalu ya Antioche kooko ii katomekanga bo, na ngbengle ya Mokonga mo mokambo owa atake bo.
+
+\v 27 Mo ko koma kabo, bo na koika etanda, bo na ko ebesa bato eya yoose Mokonga wateleake bo, na oni namuna welindowa molango mbe ntuka yoose ya akowe.
+\v 28 Bo na koika nsu ya buwa na baeki.
+
+\c 15
+\cl Botuku ya ema 15
+\p
+\v 1 Bato bamo na kotoka mo Yudea, ko nangolea ba nduku, ba ena: "Aika m'mba ute bukeke tchoo m'mba bowa ika angile wa Mose, uto koengama na koonda.
+\v 2 Paolo na Barnaba, na baphe babo, na kiya mo Yelusaleme kowa ka baeki na bakolo bato, mo ko endjeka bondi si.
+
+\v 3 Maili yabo kiya na Etanda, eke baya mo mboka ya kiya mo Penikia ena mo Samaria, ko ena kotimboka ka ba pagano, ena bata ome ya ema mo banduku.
+\v 4 Ko koma mo Yelusame, bo na kokeleke na Etanda, na batondoli ena bakolo bato eke ba ebesa eya yoose Mokonga ote nabo.
+
+\v 5 Eke baphe ba motuka ya ba Farisayo baa ba akoanga bo na koimana, na ko ena: "Ephoe mbe ba kelese ba pagano (bandjule) tchoo eke ba litese saliya ya Mose.
+\v 6 Baiki na bakolo bato na ko songana mo ko endjeka bondisi.
+
+\v 7 Meango ya ema na koika, Petele na ko imana eke wa ena nabo: "Baome banduku, beli me kolinga n'su ya buwa Mokonga wa sonangai n'nkati ino, mbe mokama kane, ba pagano ban'ngbe looki ya Kaani ka ilonga mbe bo kowa-kowa.
+\v 8 Eke Mokonga, owa weli metema, we na ko ebesa bo na ko iyesa bo na mosombo osaali m'mba base.
+\v 9 Utanga bande n'nkeya n'nkati ito nabo, mbe phenenesake metema ya bo na kowa-kowa.
+
+\v 10 Enekeke, bondia chei bo okosandjai Mokonga, mokota ko makote ma baeki moyololo owa, ango ba Ise bino, ango base titabianga yo?
+\v 11 N'ndi mo ngbengbele ya Mokolo Mbali eya ya akowa base ko onda, mo namuna omolika mbakaye bo.
+
+\v 12 Ntuka yoose na koika bihii mo kongba Baranaba na Paolo baa ba ikanga na ko ebesa boo maondi ma manuu-nu na bephembe beya Mokonga watanga n'nkati mo ba pagano.
+
+\v 13 A bowa amananga bo na ko ena eke Yakobo na ko bunda looki ke wa ena: "Bahome, banduku, nngbai noo!"
+\v 14 Simona wa enanga bowa Mokonga wambolangai kabeii mo nkita, mo kosoma n'nkati yayo, okita omo owa eengame na ko biya linande.
+
+\v 15 Eke, mo eeyo ya ondesana maoki ma enange batondoli, m'mba bowa eandikeleke:
+\v 16 "maili ya aowo, nekasumbukai, eke nekaimetchai mo kokeya kande, lumba ya ema ya Tawiti, ne ka ongonyai beikaneo ba beya eke ne kaimetchai yo,
+\v 17 m'mba baa basiyanga n'nkati ya bato baphane Mokonga ena beese boose kiyo nabo linane yo ko ateka, wa ena Mokonga, owa wa endjekanga besimasi.
+\v 18 Ena kowa ebekame mo n'su na n'su.
+
+\v 19 Mo boobo, neakowe betetangi lokendi mo ba pagano baa bokotimboka mo ko onda Mokonga.
+\v 20 N'ndi ba andikeye bo ba ekane na bololo oose, na belendela na tcheema, na koanga nyama ya kokanga koiteka mokia ase.
+\v 21 Bondia kolinga ntaka na ntaka, Mose, mokile motanga ya bato banangola, bo ko bandangai n'su yoose ya sabato mo malumba ma masomboli.
+
+\v 22 Eke wa moneka mosaali maiso ba baeki ena ma bakolo bato, na Etanda yoose, mbe basone n'nkati ya bo mbe ba tomeke mo Antioche, na Paolo na Barnaba, Jude, o ko etekanga Barsabas na Silas bato ba okuku n'nkati ya ba nduku.
+\v 23 Ba esangai boo kaani si ka andikelekanga: "Baeki bakolo bato, na ba nduku, mo ba nduku n'nkati ya ba pagano, baa bika mo Antioche, mo Syria ena Selesia, ome!
+
+\v 24 Konngba mbele bato bamo betoke kowa-kitu eke baa utaesanga bo bousa ango omo, bateleake bamo iye eyo.
+\v 25 Tabukangai bondisi, maili ito ko songana asima-amo, mo kosona batomeki na kotomea bane bo na bato bito, beemelehe, Barnaba na Paolo,
+\v 26 batosi baa baa ba akoanga kogba molina Mokolo Wito Mbali Klisto.
+
+\v 27 Tatomangai Jude na Silas baa bo ko ebesa bane motona tabo maondisi.
+\v 28 Bondia, yaphoanga ka Mosombo Osaali ena kowa kito mbe bite bilesangi bane kumbu walitowa, n'ndi eya eengeme na koteleka lita.
+\v 29 Ebai, koeka ko anga n'nyama eya yaeselekake m'mba sadaka ko bamungu ba olanga (meiya) mokiya, n'nyama ya kogba eemine, ilemba. Besimasi beya beengame na koeka bo.
+
+\v 30 Boo, maili ya koekana na Etandan eke baya mo Antioche, koesa koani mo baa boose baikango ko.
+\v 31 Maili ya kosoma kaanisi, eke ba nduku boose baiye na omeh owa aikanga mokaani.
+\v 32 Jude na Silas, baa ba ikanga baeki, batoma bo kota bosaali, eke ba kobesa bo na maoki masaali.
+
+\v 33 Maili ya n'su kakolokolo, ba nduku na koeka bo mo ko sumboka kowa ka baa batomanga bo.
+\v 34 N'ndi, Silas wamonangai bosaali mo ko siya ko.
+\v 35 Baolo na Baranaba ba siya mo Antioche, mokofundisha na ko ebesa, na baphe ba buwa, mo ko esa mesao esaali ya Mokolo.
+
+\v 36 N'su na koeta, maili ya aowo Paolo na Barnaba na ko sumboka mo ko mona ba nduku ko metanga eya bayanga kosaowa mesao nsaali ya ilonga, mokoeba m'mba bika boboni.
+\v 37 Barnaba wa emangai baye na Yowani, owa bo ko etangai we na lina ya Malako.
+\v 38 N'ndi Paolo utaemanga bande mbe baye na owa watchanga bo kolinga mo Pafilie, owa wa ekanga kiya na bo mo mokambo?
+
+\v 39 Baika na meango ya ema, eke ba ekana; Barnaba watomba Malako watoka na masuwa mokiya mo Kipro.
+\v 40 N'ndi, Paolo na kosona Silas eke watoka, watomeka na ba nduku kose ngbengbele ya Moeme.
+\v 41 Waya mo Siriya ena mo Silisiya, mo kobesa ba Etanda.
+
+\c 16
+\cl Botuku ya ema 16
+\p
+\v 1 We nakiya boso mo Derbe ena mo Listre. Eke monai, aikangai na moeki lina ande yaikangai Timoteo mana amokali omo wa ba Yuda moakai, eke ise wa ikangai mo Greki.
+\v 2 Nande Timoteo wa ikangai na kolombesaka na banduk ba ikangai Listra na Ikonyo.
+\v 3 Paolo waema mbe baye nande mo onda yande yoose, eke wabukesa we tchoo, bondia ba Yuda, baa ba ikangai mo asima si oowo, bondia boose ba ebangai mbe ise wande, wa ikangai mo Greki.
+
+\v 4 Mo koeta ko metanga ya ema-eema, ba ena na ba nduku mbe ba litese ba angile ba baeki na bakolo bato ba Yerusaleme.
+\v 5 Ba etanda ba ko beangai n'nkati ya kowa-kowa eke bato na ko buwa n'su na n'su.
+
+\v 6 Maili ya ko ekeleka na Mosombo Aphenena mo kiya kosaowa mesao esaali mo motanga ya Aziya, eke bo na kokala mo Frijia ena motanga ya Galatia.
+\v 7 Bo na ko koma aiye-iye Misia, eke baphana mbe ba n'ngege mo Bitinia, n'ndi Mosombo a Mbali na ko ekesa.
+\v 8 Bo na ko bukanyeseya mo Misia eke baselela mo Towase.
+
+\v 9 Na n'nkati ya botu Paolo na ko mona ndjoli: "Moto omo wa Makedonia na ko imana boso nande, eke wa eya-eya nande, eke wa ena: "banda, waa mo Makedonia, asunge base."
+\v 10 Maili na ko mona ndjoli si eeyo, eke base na kophane kotoka asima mokiya mo Makedonia, mo isina mbe ta ebake liti mbe Mokonga wa etake base teyei mokiya kabalanganesa looki ya ilonga.
+
+\v 11 Tayangai ondo na masuwa mo ko toka mo Towase, mokiya mo Samotraike, mo mboka ya phalala; na mpendusi, taaya Neapoli.
+\v 12 Na kotoka kooko base na ko koma mo Filipi, owa motanga ya boso mo okita ya Makedonia, kowa kaikanga ba Roma ba buwa. Taika ko motanga si oowo n'su kakolo-kolo.
+\v 13 Boto ya Sabato, base na ko omoka kowandja ya molango, obalu ya mosowe owa taisanga m'mba ikai asima ya lisomboli. Base na ko tchumana ase, eke taena na bamokali wi baa ba ikanga aowo.
+
+\v 14 Omo wabo, mo lina ya Lidi, mo olesi ya ntulu, wa motanga ya Tiatire, wa ikanga amokali wa tinanga Mokonga, eke wa ikangai na ko n'ngba. Mokolo na ko kandowa motema ande, eke wa onda maondi moose ma mo ko ena Paolo.
+\v 15 Abowa annyekanga we na tchebanda tchande, eke wa ena nito: Aika m'mba ba mona mbe na emake Mokolo, n'ngeya mo lumba yane eke teike ko. Eke wa ka kamea mbe teike ko.
+
+\v 16 Bowa aikanga base mokiya mo lisomboli, tamonanga amokali omo mokambo wa ikanga na mosombo ya ndjoka, wa ikanga mo oiya owa waphotesanga bwana wande, abowa aengeleyanga we.
+\v 17 Wa ikangai na ko onda base, Paolo e nito wa ikanga na koakaya iboka: "Batosi bano bika ba mekambo ya Mokonga wa kiyo eke bo ko ebesa bane mboka ya tcheondesa.
+\v 18 Wa enangai bobo mo n'su ya buwa Paolo na ko ena mo ko n'ngba, we na kotimbo ena wa ena na Mosombo wi owo, mo lina Mbali Klisto, na bengake owe, omoka mo mobe yande. Eke yo na ko omoka mo n'nyangasi emoluka.
+
+\v 19 Mekota ya amokali si oyo, bo na ko mona mbe iyota yabo itokolulea kae bo, ba bunda Paolo na Sila ba botesana na bo mo obandja, boso ya bakolo bato ba motanga.
+\v 20 Baya na bo boso ya babuki ba maondi, eke ba ena mbe: "Bato si bano batake iyeya n'nkati ya motanga ito: "Bikai ba Yuda.
+\v 21 bo bo ko ena maondi maa base ba Roma titeengame bo n'ngba ango ko onda mo."
+
+\v 22 Motuka ya bato na ko tingeya bo, eke babuki ba maondi na kotabo mekanga, ba ena mbe balube bo mekoma.
+\v 23 Maili na kolubekesa bo, eke ba ombola bo mo lumba ya lin'ngeya, wa ebesa ba tchungi ba lumba ya yololo mbe bamone bato si baabo basaali.
+\v 24 oyo abowa anngbanga we toli si teeto, we na ko n'ngesa bato si n'nkati-n'nkati, we na ko kanda mao n'nkati ya mbao.
+
+\v 25 Na n'nkati ya botu, Paolo na Sila mbe bo ko sombola, na ko esa Mokonga okuku na n'ngembo; mbe baphe bato ba moyololo ombe bo ko n'ngba bo.
+\v 26 Mo kabeyo-beyo, eke tchese tcha n'nyengeya, ena maango ma lumba ya moyololo na ko n'nyengenya. Mo n'nyanga si eke melango yoose na ko kandoka, na meeli, na meyololo, yoose eya bakatango yo na bato eke ya bukeka bukeka.
+
+\v 27 Mo tchungi wa lumba ya yololo na koimoka, wa mona melango ya lumba ya yololo mbe ikaike phololo, wa omola opanga ya we na ko ema koiya mobe yande, waisa m'mba bato ba moyololo balomokake.
+\v 28 N'ndi Paolo na koakaya na looki kio: "Buwa kola ko beya bondia base boose tika abono."
+
+\v 29 Eke na ko omba ntala, we na kotinga ko mao na Paolo na Sila, ombe oteka-teka na bowa.
+\v 30 We na ko omola bo kowandja, wa ena na bo: "Bane, ephoe mbe nete tchei mbe neonde?"
+\v 31 Ba ena: "Akowa Mokota Mbali, o ko ondai, owe na mophindi ya lumba yabe."
+
+\v 32 Ba ebesa we bondi ya Mokota, we ena boose ba ikanga mo lumba yande.
+\v 33 Mocthungi na ko bunda bo, mo n'nyanga si eeyo ya botu, we na ko soola bo mpota eya ya kolubeka; eke we na bato bande boose bo na ko n'nyeka (ko pata obatizo).
+\v 34 We na kiya na bo mo lumba yande, eke wateleya bo moleli, waika na ome we na lumba yande yoose, bondi yande na kowa-kowa Mokonga.
+
+\v 35 Mo ko tcha ka botu, babuki ba maondi na kotoma ba tchungi kowa ka Mokota ya lumba ya moyololo "Kandowa batosi baabo."
+\v 36 Owa motchungi wa bato ba moyololo na ko ebesa Paolo maondi maamo; "Babuki ba maondi (Bazuzi) batomeke bato mbe neek bane; eke enekeke omokai kowandja yaai bosaali."
+
+\v 37 N'ndi Paolo na ko ena na bato si baabo: "Baluleya bane bosu ya bato mbe binan'ngbi kasa base, baa tika totindi ta Roma na kokanda base moyololo, eke enekeke ba emake koeka base mosui? Iteengame bande boobo, bale bemine, baomole base kowandja."
+\v 38 Bato si baabo ba ebesa babuki ba maondi na kiya ko ena maondi maamo. Eke boo na kotina abowa aebanga bo mbe baabo bikai totindi ta ba Roma.
+\v 39 Bo na kula, na ko omba bo limeseli, baya na bo towandja ba ena na bo mbe batoke ko motanga si.
+
+\v 40 Maili ya ko omoka moyololo, Paolo na Sila, bo na koeleya Lidia, ba moesana na ba nduku na ko esa boo pale, eke bo na kiya.
+
+\c 17
+\cl Botuku ya ema 17
+\p
+\v 1 Paulo na Sila, bo nakoeta mo Afipolisi ke bena Apolonia, ke baala mo Tesalonika, asima Bayuda baikanga na lumba ya bo yamakumbe.
+\v 2 Paulo na koingeya kondesana na m'pa yaabo. moyenga isato ama mposo isato, wenakokuna nabo, moisina wa looki,
+
+\v 3 koebesa ke bena koimecha mbela, Klisto waengamangai nakomona obaba ke waimoka koba bakpi. iki Mbali owa nokoebesa bane, eenesane bane, mbele wei uka Klisto.
+\v 4 bamo n'kati yabo, ke baakowa ke baomala na Paulo na Sila, bena iboka na iboka ya Bagiliki bonakotina Mokonga, ke bena iboka yabamokali bafowafowa.
+
+\v 5 n'ndi Bayuda baikaiki na obaba, bonakobunda bamo n'kati ya ibamba, belengi bato ba aowo, bonakoimecha itunda, ke bata iyeeya n'kati ya motanga. bo nakobiya molumba ya Yason, ke baphana Paulo na Sila, mokula nabo boso na ibamba.
+\v 6 bitamonangaande bo, bonakobunda Yason na baphe bato, ke baaya nabo boso na mekota ya tomelali ya motanga siowo, na mondjendje: mbele banoi, baseyake chese, balakei, ke Yason waayabo ama wapokeyabo.
+\v 7 eneeke bato boose, baeka kotaeeya, ene tomelali, mom'mboka ya koena mbele, ophe mokota yaikake, n'ndi Mbali.
+
+\v 8 mo maoki mabo, ke bayayowaiki metema ya ibamba na mekota,
+\v 9 baekaiki Yason na baphe kiya maili ya koesa ikoli ya liti.
+
+\v 10 iteilelangi, banduku baonda iki Paulo na Sila mokoisabo, mo Bere. aabowa ekomebo, ban'ngeyaiki molumba ya Bayuda ya makumbe.
+\v 11 Bayuda si baabo baikangi na chema iboka koetea bato, baba Tesalonika; abowa epatebo looki, naiboka mokobunda kabeyobeyo, ke banyeeyangai, yo osu na osu, looki, m'mba eeya yaeneke bo eengame.
+\v 12 iboka n'kati yabo ke baakowa, kebena iboka ya bamokali ba Bagiliki ban'keti, naiboka ya baome.
+
+\v 13 n'ndi aabowa BAyuda ba Batesalonika beyakowe mbele, Paulo wanangole kaye looki ya Mokonga mo Bere, ke balakaye mokoyayowa metema ya ibamba.
+\v 14 na boobo banduku baayaiki kabeyobeyo kowa ka Paulo bila iyaba ipheme; Sila na Timote, basiyaiki mo BERE.
+\v 15 baa baendanga na Paulo, bonakoendesawe bena mowa Atene. ke bo nakosumboka, boi baikanga naisosa ya koena ka Sila, na Timote looki mo kosumboka kabeobeo.
+
+\v 16 m'mba bowa Paulo waendengabo mo Atene ke ban'ngbaiki n'kati yabo, bowa mesombo yabo yokongba obaba, mokoika, kamotanga siowo, boa eiye natobelendela.
+\v 17 ke bam'ngbesanangai n'kati ya lumba ya makumbe, asimaamo na Bayuda, ke bena bato nakoika na bowa na Mokonga, asimaamo na baa, waebesangabo.
+
+\v 18 melombiya emo ya Pikuriens, na Sitoisiens bakondja koena nande. ke bamo baena: maoki si mano maemakikoenambe boni? baphe nakom'ngba nakoeneka bondia Mbali, na koimoka ka bakpi, sa omo weengame mokoena na maina masato, moemo ya baeni.
+
+\v 19 na boobo babiya we, ke bo nakoisawe kowa mo Lareopage, baenesana: mbele teengame na koeba, enimesao eno, okoena waena ke iki ya cheni cheonga eno okoebesa base?
+\v 20 bondia okom'ngbesa base maondi mabaeni. tinaeme si n'ndi koeba mobowa eengame moyo koika.
+\v 21 n'ndi bato boose ba Atene ke nabaeni baa belamenito moa Atene, baetesake n'nyanga yabo, mokoena na kom'ngba mam'mbesi.
+
+\v 22 Paulu nakoimana n'kati ya Lareopage, ke waeena mbele, ane bato ba Atene nasangelaki bane boose mbele bika bato baetanda,
+\v 23 mokoenda ometanga ino, ke namona tosima takotulameleka, tobelendela, nesangeli lumba emoya lisemoli, bokoena moyo mbele, ka mokonga siowa utoomoneka! eeya emoeseleke bane kebuwa koeba isina, moeyoi nokoebesa bane.
+
+\v 24 Mokonga siowa weendjeke chese, kenaeeya yoose ika, buwaika we Mokolo wa obowa na n'seke, utokoikangaande molumba sieya, eendjekeleke na maako mabato;
+\v 25 uteendjekeande na maako mabato, m'mba waikangi na cheema, mochesima chemo okitaka, wei weesechoose koika, booya, kena choose.
+
+\v 26 weti mbele bato boose, baomoke momokiya omo, baike momaikaneyo moose macheese, ke wamoesa koilela kan'nyanga, kena n'tungeya yande;
+\v 27 baemangi mbele baphane we Mokolo, kebamonewe mochekamba, mokoendjaendja, bosaali ongo obunde kpaaya kaomom omo wito,
+
+\v 28 bondia kowakande tika na koika konyengenya ke bomoto. yoi yokoenekakae kobaphe baembi bino: mbele kowakande tiki iboti yande...
+\v 29 yoindi mbele, m'mba iboti yande Mokonga, titeengame bito mokowakowa mbele maina masato n'kati ya emo ya sambe namawe man'keti, bima, mawe, eendjekeleke ke yatondana na weli ya moto.
+
+\v 30 Mokonga buwa konyeeya n'nyanga yakokamba koeba, waena kotiyo kamoto woose, mobekaniyo boose, mbele batimbole beyaeli babo,
+\v 31 bondia weimeche osu omo yakobuka maondi, koondesana nachaa, kamoto siowa, wetewa tawe, moisina si ete weisa ya koimola bakpi...
+
+\v 32 aabowan'mgbeboo koeneka bondia bakpi, bakpi koimoka, ke baphe batayo bokecha, ke baphe nakoena mbele: tekam'ngbai owe ophe osu moisina ya mochoe ya bondi siowo.
+\v 33 na boobo Paulo nakobota mobe namaili, kotoka n'kati ya bo.
+\v 34 bamo nakobakameya we kebo na kowakowa Denisi moto wa Lareopage, amokali omo molina Damaris, nabaphe asimaamo nande.
+
+\c 18
+\cl Botuku ya ema 18
+\p
+\v 1 maili naeeyo, Paulo kiya mo Atene, ke bena mo Bakolito.
+\v 2 we nakomona Akilasi, moboteki wa Pon, mbele okula kotoka mo Itali, na mokalande Prisile, bondia Clode waesakese Bayuda boose isosa yakotoka mo Baloma. waikangi asimaaomo nabo;
+\v 3 m'mba bowa baikanga mokambo omo, ke waika kowakabo ke wata mokambo: baikangi baendjeki bamalumba ma emma.
+
+\v 4 Paulo waenangai molumba ya makumbe osu yoose ya yenga, ke wakelesangai Bayuda na Bagiliki.
+\v 5 n'ndi n'nembe ile Sila naTimote, kotoka mo Masedoniya, ke waaba botondo yande mo looki, bokomoesa Bayuda mbele, Mbali uki Klisto.
+\v 6 Bayuda baekaiki maoki si maa meene Paulo ke baenangasiiki maoki mabeyabeya, Paulo wachichaiki n'tulu yande, ke waena nabo mbele: ekai mbele mekiya ino yaike kiyo nino anemine! noo nephenene. ano eneeke nokiai kobaa, binaebi looki.
+
+\v 7 wenakotoka aaowo, kewenakoin'ngeya kamoto omo wa etekanga Yusto moto wa kotina Mokonga, owa lumba yande yaikanga nan'tungeyo emo na lumba ya makumbe.
+\v 8 ke Crispusa, mokota ya lumba ya makumbe, wenakowakowa asimaamo na lumbayande n'tondo. naiboka ya bato ba, Bakolito bam'ngbanga Paulo boa aenanga, waena, baakowa kae, ke ban'nyeka.
+
+\v 9 Mokolo na koena na Paulo mo n'ndjoli na botu mbele: buwoootina; n'ndi ena bua kolibana,
+\v 10 bondia nikanabe, ke moto angoomo utootaande kaako kiyo nabe, mokota owe kobeya: ena, bondia nika naiboka yabato, omotanga siowo.
+\v 11 ke waika omotanga siowo chemo chemo na meeli motoba, mbele okoebesa bo nabaKolito looki ya Mokonga.
+
+\v 12 mon'nyanga sieya, aiknga Galiyona mokota ya Alikai; Bayuda na moesa bolengela boose kowa ka Paulo, ke bo nakoisawe molumba ya tomelali,
+\v 13 mbe bokoena mbele: oono, ootoma bato mbele bateleye Mokonga mokambo, kaowa na bangile.
+
+\v 14 Paulo nakokandowa kana ke waena nabo mbele, aabowa Galiyona weene na Bayuda, si waenangai mo kolingama kambu, ama lisomi ya tomaondi sitea teteleke, ke nokom'ngbai bane m'mba maoki makana, choo, baneBayuda che;
+\v 15 ndi aikange kokukana bondia looki, bondia maina, ke bondia bangile bino, eeyo, emoni bane: noo n'tengameane mokoika mobuki wa maondi si maamo.
+
+\v 16 kewe na kotoma bo mo tomelali.
+\v 17 boose, nakobunda Sositene mokota ya lumba ya makumbe, mbele boolubeya we boso na tomelali, mbele Galiyona unaeni mbele wamone obaba.
+
+\v 18 ke Paulo nakota n'su o motanga ya Bakolito. maili na n'su kewaekanaiki na banduku, wabunda m'mboka ya kiya mo Suliya, na Prisile ke bena Akilasi, maili ya kobeya m'ngbe yande ya mochoe kowa mosankre, ongo watangai elaka.
+\v 19 bo nakula mo Baefeso, ke Paulo na koeka, ba, walanga nabo kewe nakon'ngeya n'kati ya lumba ya makumbe, ke waendjeka na Bayuda,
+
+\v 20 ke baeyeeya we mbele waike nabo kambu n'su.
+\v 21 n'di utailelangaande nabo mene, ke wasiya bo, waena nabo mbele: efowe mbele nelengeye chea chephe cheombe mo Yelusaleme. nekalaanei kowa kino, mba Mokonga waema. kewe nakiya Baefeso.
+
+\v 22 we nakobileka mo waato mokiya mo Sezaree, ke walinya mo Yelusaleme, maili na kosalimeya etanda, ke waselela iki koa mo Atiyokia.
+\v 23 aabowa eetesewe n'nyanga kambu mo Atiyokiya, Paulo nakoika mom'mboka, ke wasalangaiki mo Galatiya na Friji, mbele okoesa boose chekamba, baa baikanga mbele, bekenaebeseleka.
+
+\v 24 Moyuda omo nalina ya Apolose, oboteke mo Aleksandri, moto wakoeba koena, ke bena kowaba koika kande kotondo molooki, we na kula mo Baefeso.
+\v 25 weebeseleki n'kati ya m'mboka ya Mokolo, ke wakokama o mosombo, we waenangai, ke waebesangai na cheema, eeya emone Mbali, ango bowa aebanga we lika kon'nyeka ka Yoani.
+\v 26 waenangai chande bua bowa molumba ya makumbe. Akilasi naPrisile, aabowa em'ngbe bam'ngba we, keba bakamesa we baka na mobe, ke baekeya we iboka ke, aowo, aowo m'mboka ya Mokonga.
+
+\v 27 m'mba bowa aemangawe kiya mo Ashai, banduku na kokobesawe, ke bakpaloleya baa baphe lotaki mbele bapokeye we. aabowa ekome we, ke wasunga, mon'gbengbele ya Mokonga, eeya yaengamanga ko baa, baa kowanga;
+\v 28 Bondia mbele welongeyeii kabisa ba yuda boso na ibamba, mokomoesabo looki mbele, Mbali uki Klisto.
+
+\c 19
+\cl Botuku ya ema 19
+\p
+\v 1 AAbowa Apolose waikanga mobakolito, Paulo, maili ya koeteeta ephe metanga ya Azia, kewe na kula mo Baefeso. aboa esangane we na baa bekena ebeseleka, kewaena nabo mbele:
+\v 2 Bapatakemo, mosombo mo saali, aaboa eyakowe banei? bona koena mbele: ti nan'ngbi moongo koeneka mbele, mosombo mosaali uka.
+
+\v 3 Kewaena nabo mbele: ben'nyeki kon'nyeka ka nani? bo nakoena mbele: kon'nyeka ka Yoani.
+\v 4 Paulo na koena mbele: Yoani wen'nyi, kon'nyeka, ka kotimbola metema, waena na ibamba mbele baakowe kaowa okula maili waoono, ndi koena mbele, ka Mbali.
+
+\v 5 Mo maoki simaamo, keban'yekaiki, molina Mokolo Mbali.
+\v 6 Aabowa Paulo wete kaako kiyo na bo, ke mosombo mo saali wa selela iki, kio nabo, ke baena iki beeneli, ke bena koena maa, mokila.
+\v 7 Baikangi boose m'mba baome ikomi naibe.
+
+\v 8 Maili na aowo, ke Paulo wan'ngeya iki, n'kati ya lumba ya makumbe, koakaenanga iki we, buwa toeli. mo meeli isato, wa kondjanga iki koena momaondi simaa memone bokota ya Mokonga, kewata, tshekamba mokobakamesa bakana mobe baa ban'gbanga we.
+\v 9 N'ndi m'mba boa baphe besie mbele bekobese metema, kena kokamba koakoa, ba mona m'mboka ya Mokolo bule boso na ibamba, kebo na kotoka n'kati ya bo, babaanya iki ba akoi, ke baebesanga iki bo, osu na osu, n'kati ya tilasi ta moto, omo weeteke na lina ya Tiranis.
+\v 10 Keyailela, yata bemo bibe, moisina mbele baa, boose betoke mo Aziya, ba Yuda na ba Giliki, ban'gbe looki ya Mokolo.
+
+\v 11 Ke Mokonga watanga iki maondi ma kosangalesa maemeema, mo maako ma Paulo,
+\v 12 Eeya yatanga iki bo, momebe ya bato ban'so, babakamesa mekombelia ama [ bikombe] na miswala, ke n'so ya toka, ke mesombo ya beya beya yatoka.
+
+\v 13 Ba Yuda bamo, bato bakotangatanga mokoolesa, kebo na kosonja ko sombola moko benga mesombo ya beya mo lina Mokolo Mbali, mokoena mbele: na bengake owe molina Mbali siowa Paulo oonangolanga!
+\v 14 Baa, batanga eeyo, aikangi baana mo tchomoendi ba Seva, mo Yuda, meekeli ama batoli oso ba koaba.
+
+\v 15 Mosombo wa beya na koena nabo mbele: neli Mbali, ke neli Paulo n'ndi bane biki banani?
+\v 16 Ke moto siowa mosombo wa ikanga n'kati yande, mosombo ya beya, waondesana iki nabo, ke wa lubeya iki bo, ke baaya obeyo mekanga ke na m'pota.
+\v 17 Eeyo yaebekana iki koba Yuda na ba Giliki boose si baa bokoikanga mo ba Epheso, ke bowa ya iyesa bo babe, ke, lina mokolo Mbali, ya lombeseleka.
+
+\v 18 Iboka ya baa, beyakowe bona kula kolimbowa, maa matanga bo.
+\v 19 Ke bamo n'kati ya baa baikanga omekambo ya masombo, bona kobiya bitabo babo, ke balekaneseleka boso na moto, woose: ba banda isabo si, aikangi, m'mba n'falanga elefu n'kamaitno ya bin'gboma si.
+\v 20 Moisinasi, eya koleke looki ya Mokolo na chekamba ke na tosali.
+
+\v 21 Aabowa eete, eyo, Paulo na koimecha ondo ya kiya mo Yelusaleme, mokokala ma Sedwane ke bena Arshai. aaboa neka koma kooko, aenanga we, ephoikae mbele ne mone Baloma.
+\v 22 We nakotoma momasedwane babe si baa basungangawe, Timote na Eraste, kewa siya wemune n'nyanga emo ephe mo Azia.
+
+\v 23 Ke wa monangai, n'nyanga sieyo, obaba omo ya ema moisina ya m'mboka ya Mokolo.
+\v 24 Moto omo, molina ya Demetriuse, mononi wa bima, waendjekanga, malumba ma mokonga Diana, ke weesi baendjeki iyota ya ema.
+\v 25 Watabo asimaamo, na baa, batanga mokambo siowo omo, ke waena na bo mbele: chooh baome, belimbele koika kito kikai bondia mokambo siono;
+
+\v 26 Boomona kebokon'gba mbele, buande lika mo ba Epheso, n'ndi n'kati, teene mbele mo Azia motondo, Paulo i, waleyakebo, kewatimbola motuka omo ya bato siabo, mokoena nabombele, mekonga sieya yeendjekeleke na maakomabato, bebuabo mekonga.
+\v 27 Kokpakalake, buandelika mo mokambo ito likai yaseyamake; kebenan'ndi lumbayaema ya mokonga amokali diana ya monekake bule, kebena okuku yande omunelikai yeebekane, n'kati ya Azia motondo, ke n'kati ya chese chetondo yaselaselake.
+
+\v 28 Maokisimaamo maiyesabo na obaba, ke bakondjaiki ombeya mbele: ikai omo lika waema mokolomba Diana wabaepheso!
+\v 29 Motanga otondo ya n'ngeyaiki n'kati ya kokambakoeba. mokabeyobeyo, bona koika asimaamo mon'saka, koebeseleka na Gaise ke Aristarke, moto wamasedwane, baa baendanga na Paulo mon'do.
+
+\v 30 Paulo waemangi komoesa mobe moibamba, n'ndi baakoi na koekesa we;
+\v 31 Bamo m'mba ba Aziarkese, baikanga masaumande, batoma kowa kande, bato mbele baene nande obuwakon'geya mon'saka sieyo.
+\v 32 Bano batanga ombeya siono, ke baphe bato oowa, bondia mbele iyeeya yeilelei n'kati ya ibamba, ke bamo babo bitaebangaabo, isina ya kosangana kabo.
+
+\v 33 Na boobo, bonakoomola Aleksandri boso na ibamba, boabayuda basokoanga basokowa we naboso; ke Aleksandre na komoesa n'nembe komaako, mokoebesa mbele, ukanan'kasa ya koena boso na ibamba.
+\v 34 N'ndi aaboa eebe bombele, ukai moyiuda, boose molookiomo, kebata mondjendje aiye iye nan'nyanga ibe: mbele, waemalika, diana wa baepheso!
+
+\v 35 naeyo, mokpaloi, na kophophesa ibamba molooki sio oh: bane bato ba Baefese, nani okambe koeba mbele, motanga ya Baefeso, i, ika, kana kalumba ya mombele Diane ke nabelendela bande bekeye kotoka kowa kiyo?
+\v 36 eeyo iki bondi omo utokoeta kaowa nayo, bengami koika bii, ke buaikota mokabeobeo.
+\v 37 bondia baalake na bato si baa, bekambe mekpeli ya bondi, bitesende mekonga ito.
+
+\v 38 aikange mbele Demetrius, na bato bande ban'kasi, i, balake mokochongeya bamo, ee, ke n'su yakosangana ika, bachongesana; baeteke mo tomelali bano na baphe.
+\v 39 ke yaikam'mba bika maphe maondi, mokoendjekelekai n'kati ya ikumbe.
+\v 40 titemone bosaali teengame, ango, kochongeleka, mokokelesa eeya yaetake moono osu, bondia ebuwande na bondi sioowa eengame mokosindeka base mbele, tebuke yo moisina yaitunda sie eh.
+\v 41 maili ya maoki, siamo, bonakobalanganesa ikumbe.
+
+\c 20
+\cl Botuku ya ema 20
+\p
+\v 1 aabowa lokendi ephophe, ke Paulo wataiki baakoi boose asimaamo, ke maili ya koenesana nabo, ke waekana nabo, waayaiki mo motanga ya Masedoane.
+\v 2 waeta kaowa, kaowa ya boikaneo si, mbele, oosangana, sangana nabaakoi mokokobesabo, naiboka ya maoki.
+\v 3 na boobo we nakiya mo GRESE, kowa katangawe meeli isato. waikangi iki na maenyeli makokimeya mo waato mokokala mo SULIYA, aabowa Bayuda beteleye we kateyo, ke wamonaiki mbele weengami mokosumbokeya m'mboka ya Masedoane.
+
+\v 4 baa baendanga nande mokiya mo Aziya, bobano: Sopate wa Beree, mana Pirus, Aristarke kena waibe, wa Batesalonike, Gais wa Derbe, Timote, na Tishike kena Trofime, moto wa AZIYA.
+\v 5 baabo biyei boso, mokiya koendeya base mo Troaze,
+\v 6 kowakito, maili ya osu ya mokati yabuwa levire, base tekimeyeiki mokiya mo Filipi, ke, n'kati ya n'su itano, base tekasumbokai mo Troaze, kowa kaetanga base osu siowo.
+
+\v 7 osu yaboso mo yenga, taikangi asimaamo mo kowanga mokati. Paulo i waemanga kotoka aowo na m'pendu si, ke waendjekangaiki na baeki, ke waeyesaiki melondo, bena botu.
+\v 8 n'kati kosunga, aikangi naiboka ya n'tala, kowakaikanga base mo ikumbe.
+
+\v 9 ke, mosombe omo waetekanga moliina mbele Etishis, waikanga ase, moililisa, wenakolama too, tam'pima mene aeyesanga Paulo waeyesa melondo, mo beololo, batoo, wakeya ase, kotoka kiyo molumba ya n'tange isato, ke webileki mokpi mene.
+\v 10 n'ndi Paulo na koselela, abowa eselele we kewe na kotulama kio nande, ke wabiya we na maako mande, waena mbele: bebuwa kowangaisa man'nyeli mino, bondia mosombo wande ukaande nande.
+
+\v 11 aabowa elinye we, ke we nakolipheya mokati baanga, ke waena kotiyo bena kocha ka botu. maili na eeyo ke waayaiki.
+\v 12 mosombe ya maana amoome sioyo, wesumboki mbele uka nakoika, ke yaikangi mochwe ya bondi yaema ya koesa chekamba.
+
+\v 13 koakito, taondake Paulo kabeobeo, mo m'mboka ya maale, ke tamoesana nande kooko mo Asos, ani asima eenesane base mokosangana nande, bondia weengame mokobunda ondo ya mao.
+\v 14 aabowa temoesane mo Asos, ke tabiyangi we mo waato, ke tayaaiki mo Mitilene.
+
+\v 15 kooko mo ondo ya iyaba aayanga taaya, takomangi na m'pendu oso Tishios, osu siowa ophe tekomi aiyeiye na Samos, ke osu yakoonda takomaiki mo Milete.
+\v 16 Paulo wete maenyeli mokoeta mo Baefese buakokandeka, mo kokamba koetesa n'nyanga mo Aziya; bondia waolokangai mo kokoma, aikamba eeyo yakokolekaneya we, mo Yelusaleme osu yakoselela ka mosombo mosaali.
+
+\v 17 bondia mo Milete ke Paulo wenakotoma mokiya kophana mo Baefese bekongo baetanda.
+\v 18 aabowa ile baala bakanande, wenakoena nabo mbele: beli momani maenyeli kolinga osu ya boso oowa nen'ngeye mo Aziya, n'taeneyangaane koenda nino asimaamo,
+\v 19 mo koteleya Mokolo mokoselela koose, ke na maisoli, ke n'kati ya betati si beya bauleyanga noo, iyeeya ya Bayuda.
+\v 20 beli mbele n'te isekeane eeya, yaengama nino, ke n'tatingaane ko nangoleya baane ke koebesa bane oso na bato, ke bena mo malumba,
+\v 21 konyaolea Bayuda na Bagiliki, kotimbola metema baka na Mokonga, na kowakowa koa ka Mokolo Mbali Klisto.
+
+\v 22 ke eneeke mona kokandeka mo mosombo, nokiya mo Yelusaleme, bua koeba eeya yokouleya noo;
+\v 23 lika koenda metanga na metanga, kowa mosombo ya phenena yokoebesa noo, mo kokandeka ke na obaba yeendeye noo.
+\v 24 ndi bondi yane n'toota ango bondi angoomo ya koika kane, m'mba bowa wa foleyanga noo, yoi yokoiyanesa noo malongani maane na ome, ke na iyota sieya, eyabeleke noo kowa ka Mokolo Mbali, mokosaowa mesao n'saali ya m'ngbengbele ya Mokonga.
+
+\v 25 ke eneeke mona, neli mbele, bitoomona kae chondi chane, bane boose mo beikaneo si beya neete na konangola Bokota ya Mokonga.
+\v 26 moisinasi nokoena nino moono botu mbele, mokiya ino itoobandekeyaande noo,
+\v 27 moisina mbele neebesi bane boose mekimo ya Mokonga, bua koiseka ango omo.
+
+\v 28 aikai nakolanga anemine, ke komekoko sieya, Mosombo Mosaali ete bane bachungi, mo kolesa etanda ya Mokolo, eoleke na mokiya yande omune.
+\v 29 neli mbele ootai nino mekambo, maili ya kiya kane, ke m'ngba ya bolengi itoobakameyaande itunda sieno,
+\v 30 ke ooyayowai n'kati ino batobakoebesa bane maondi makokesa, mokota mbele, bapate bato bakiya maili nabo.
+
+\v 31 buai kolama too, mbele bokoenyela mbele, mo bemo bisato, n'te phopheseyane botu m'mba looba koebesa bane maisoli ka moto omo na omo wino.
+\v 32 ke eneeke natomake bane ka Mokonga kena molooki ya m'ngbengbele yande, kaowa weengame mokoimecha, ke bena koesa iyota kobaa boose bepheneneseleke.
+
+\v 33 n'taemangaane, aika m'falanga ama, mawe man'keti, ama n'tulu ya moto.
+\v 34 beli anemine mbele, mo maako mane, natangaI mekambo ya kosunga, cheema chane ke na bato si baa, baikanga asimaamo nane.
+\v 35 nemoesi bane mo maenyeli moose mbele, mo kota mokambo, yoi yoota mbele ya kobese bato ba koeyeeya, yoi yoota mbele, yaenyelese owe looki ya Mokolo, oowa weene wemune mbele: ome iboka koesa koliko kotomba.
+
+\v 36 maili yawe koena, kewe nakomuna malu, ke wasombola asimaamo na bo, boose.
+\v 37 ke boose baoka maisoli, bakeleya Paulo komobe,
+\v 38 bauwa we ndi na boeno ya eeya yaenakewe mbele, bitoo mona kae chondi chane. ke bo nakoendesawe bena m'mboka ya iyaba.
+
+\c 21
+\cl Botuku ya ema 21
+\p
+\v 1 Takimea ko msuwa, maili ito ko ekama na bo, eke base na kiya mala omo mo Cose, na mpendusi mo Rhodese, ena kooko mo Patara.
+\v 2 Na ko sangela masuwa owa wa kalesanga obalu wa Phenicia, takimea eke takimea eke taaya.
+
+\v 3 Abowa aikanga base mo tcheya tcha tchypres, eke toeka we obalu aikali, taonda ondo ito obalu ya Syria, eke taonda mo Tyre, ombe masuwa okimesa besima ase.
+\v 4 Tasangela baeki, eke base na kosiya ko n'su mo tchomoendi. Baeki, na koiya na Mosombo, ba enesana na Paolo, ko ekesa we mbe witeyangi mo Yerusaleme.
+
+\v 5 Abowa amananga n'su mo tchomoendi, eke taaya eke base boose taaya na bamokali na baana ena koandja ya motanga ya eema. Base na kolubeya mabolongono ase mo ngbangba eke base na kosombola.
+\v 6 Eke base na ko ekana na binakito, base na kiya mo masuwa, boo na ko sumboka kowa-kabo.
+
+\v 7 Base na komaana koluwa kito, taaya mo Tyre ena Ptolemais, kowa tasalinga ba nduku eke taika na bo osu omo na bo.
+\v 8 Na eke base na kiya na mpendusi, eke base na kokoma mo Sezarée. Base na kongeya mo lumba ya Filipi moeki, wa ikangai omo wa mo tchomoendi, base na kolame kowa-kande.
+\v 9 Wa ikangai na meseka ina, baa ba ikanga mbe binaebi baome, baa ba ikanga ko ena maondi si maa mokula.
+
+\v 10 Bowa aikanga base kooko n'su ya buwa, moeki omo ya lina Agabusi, we na kula Yudea.
+\v 11 Eke wala kowangela base, wa lundesa mokoba ya Paolo wakanda maako na mao eke wa ena: "Monai eya yaenake Mosombo a phenena: Moto mokolo wa mokaba ba Yuda na kokanda we mo namuna si mo Yerusaleme eke ba esa we mo maboko ma ba pagano."
+
+\v 12 Abowa an'ngbanga base eeyo, base na baa ba ikanga aowo taekesa Paolo mbe witiangi Yerusaleme.
+\v 13 Eke wa ena: "ootai tchei, mbe wokeeya, eke motema yane na koseama? Nika tayari buande bondi ya ko kandesa ango ya kogba mo Yerusaleme mo lina ya Mokolo Mbali.
+\v 14 Paolo na enake: "bowa aekanga toli tito, na ekangai we mbe tcheema tcha Mokolo tchateleke."
+
+\v 15 Maili ya n'su si eeyo, base na koongonya besima bito eke kalinya ike mo Yerusaleme.
+\v 16 Baphe baeki ba Sezarée ba bakameya base, eke baya nito ka moto omo lina nde Mnasone, mo tcheya tcha Cypre, moeki wa zamani kowa kande n'ndi talamanga.
+
+\v 17 Abowa akomanga base mo Yerusaleme, ba nduku ba pokeyanga base na ome aema.
+\v 18 Na mpendusi Paolo na kiya nito kowa ka Yakobo, eke baakoi ba boso boose ba songanangai.
+\v 19 Maili na ko pokeya bo, eke wa ena na bo wazi wazi eeya yoose Mokonga ote mo ba pagano, mo mekambo yande.
+
+\v 20 Abowa ba n'ngbanga maondi, eke bo na ko lombesa Mokonga eke ba ena nande: "Mona nduku bato banga n'nkati ya ba Yuda ba abaakonga eke bika na tcheema tcha kolitesa okumu.
+\v 21 Eke ba ebake mono mbe o ko fundesangai ba Yuda boose bika n'nkati ya ba pagano mo koeka Mose mo ko ena na bo mbe bitekelesangi baana tchoo na koeka maondi? ma asili.
+
+\v 22 tete tchei? Na kowa-kowa koose, metuka ya bato yo ko songanai, bondia bangbake mbe waalake.
+\v 23 Mo isinasi, taa m'mba bowa to ko ena nabe. n'nkati ito, ika na baome bana baa ba akowake ko ena kabe.
+\v 24 Bunda bo kowa-kabe, phenenena owe enabo, engeleya kae koika kabo, m'mba bo ko beya metchwe. Eke boose ba eba mbe, maa mangbanga bo bondia yabe, maikanga olanga, eke owekae, enda bosaali, mo ko mona saliya.
+
+\v 25 Mo ba pagano ba ba akowake, ta akowa mbe, eke ta andikia bo kaani mbe biteangangi nyama eya ya ko eseleka sadaka mo bamungu, bowa koanga mokiya, nyama.
+\v 26 Eke Paolo na ko banda baome si baabo, waphenenesa mobe yande eke we na ko n'ngeya, na mpendusi molumba ya lasomboli nabo asima amo, mo ko ebesa onu bosu ya kophenenesa yo ko teleka na sadaka yo ko eselekai, mo omo na omo.
+
+\v 27 N'nkati ya n'su motchomoendi, ba Yuda ba Aziya na ko mona Paolo n'nkati ya lumba ya masomboli bo na ko tchotcheya metuka ya bato eke bo na ko tingeya we.
+\v 28 Na koakaya: "Baome ba Israeli wai, monai moto si ono o konangola asima oose na ko ena na bato boose maondi mabeya kosenda asima si ano, ena ko tchafua asima si ano aphenena."
+\v 29 Bondia ba monangai boso Trofime wa Efeso nande n'nkati ya motanga ya eema, bo na koisa m'mba Paolo wangesangi bo mo lumba ya masomboli.
+
+\v 30 Motanga otondo na ko n'nyengenya bato na ko sangana eka bo na kokanda Paolo, ba bota we kowandja ya lumba ya masomboli, melango na ko kandeka.
+\v 31 Ba ikangai ko ema koiya we, eke mesao si na ko komea mokota mbe Yerusaleme woose uka na iyeya.
+
+\v 32 Monganga si emo wa eta basoda, na baphe bato ba Leta, eke bo na ko onda bo. Abowa amonanga bo mokota na basoda, bo na ko eka kolubeya Paolo.
+\v 33 Eke mokota na ko bakameya we, na kokandekesa we na meyolo ibe we. Na ko phipheya we, ukai na n'su, eke watakei tchei.
+
+\v 34 N'ndi n'nkati ya motuka ya bato, bamo ba akaya bowa eeme bo, baphe kae bowa eemekaa bo. Koeka ko n'ngbaeya o ko ena bamo, bo buwa ko ebesa we sina ya bondi osaali, mokota ya basoda na ko ena na bato. Bande mbe baye kosiya we mo lopango ya basoda.
+\v 35 Abowa akomanga Paolo mo bolinyeo eke basoda na ko biya mo ko bongeka we bondia kotina bowa bato ba ikanga na kolomboka.
+\v 36 Bondia metuka ya bato ba ikangai nakonda we mbe baiye we!
+
+\v 37 Mo nyanga ya kongesa we moleemba ya kose na n'seke; Paolo na ko ena na mokota: "O koemei mbe nephiphee owe bondi omei?" Eke mokota wa ena nande: "Weli ko ena kiguki?"
+\v 38 Obuwa mo Egipito owa watombokanga eke waya na bato elfu ina mo obandja ya iseseke?
+
+\v 39 Nikai mo Yuda, Paolo na ko ena, wa Tarse mo motanga Silisiya, moto wa motanga ya ame owa ya okuku aema. Akoleya nao, mbe neene na bato.
+\v 40 Mokota ya ba soda na koakolea we mbe waene, Paolo, mbe weimane moesikaliye, we na kota n'nembe ya kaoko mo bato. Boose na ko bibana, we na konyengesa mobe eke wa ena na looki yabo. Ya baebele.
+
+\c 22
+\cl Botuku ya ema 22
+\p
+\v 1 Ba nduku baome, na ba Tata, n'ngbai looki si owa nika nayo mo ko ena nino bondia noo neekane na bondia si owo!
+\v 2 nyanga ya an'ngbanga bo ke we na ko ena na bo na tcheneli tcha ba Ebele, bo na koika bii, ke Polo na ko ena:
+
+\v 3 "nikai mo Yuda, ne botekei mo Talasia mo kilikia; n'ndi ne kowei n'nkati ya motanga si owo, ko mao ma Gamaliele na eselekanga iyano n'nkati ya ko ebeseleka ka ba angule ba ba ise bito, na ikangai na nkasa ya etea bondia Mokonga, m'mba bowa ikakae bane boose moono butu."
+\v 4 Nen'ngbesei obaba bena ko koma koiya boyaeli ya abotekea, ko kanda ko n'ngesa n'nkati ya mololo baome na bamokali.
+\v 5 Motondoli wa ema ikumbe ya bakolo bato bo ko enei noo, na patake kai kowa kabo toani bondia binakito ba Damaseke, kookoi kokia noo mbele nile na baa bekandeke ko. Mo ololo mo Yelusaleme kooko mo patesa bo etumbu.
+
+\v 6 Mo ondo, aiye-iye na Damaseke na midi, liangangi ya ema kula kowa kio na kowakanea noo.
+\v 7 Noo naokea mo nseke, ke na kon'ngba looki yo ko ena nane: "Saulo, Saulo, motchei o ko n'ngbesa noo obaba?"
+\v 8 Noo na ko sumbola: "Owei nani, Mokolo?" Ke we na ko ena nane: "Nikai Mbali moto wa Nazalete, owa o ko n'ngbesa noo obaba."
+
+\v 9 Baa taikanga na bo asima amo bemonei bosaali liangangi, n'ndi betan'ngbanga ande looki ya owa wa enanga. Mo boobo noo na ko ena: "Nootai booni, Mokolo?"
+\v 10 Ke Mokolo na ko ena nane: "Imana, yaa mo Damaseke, ke kooko bo ko ebesai owe moose simaa meengame na owe kota."
+\v 11 Bowa ntamo nanga kae tchesima, mo isina ya koakana ka liangangi, baa taikanga na bo na kobunda noo mo kaako, ke noo na ko koma Damaseke.
+
+\v 12 Ke, amo ome omo wa etekangai Anania wa sombolanga koondea angule, ke owa ba Yuda boose ba ikanga Damaseke ba enangai bosaali yande, na kula ko imana boso ane.
+\v 13 Ke na ko ena nane: "Sieyo, noo na omona ephe ke noo na ko moesa na nande."
+
+\v 14 We na ko ena: "Mokonga wa ba Ise bito wa sonake owe mo koeba bowa eeme we, mo ko mona bosaali ke na ko n'ngba maoki ma kana kande."
+\v 15 Bondia o ko ikelea we ko bato boose mo ebesi ko maa moose mamo nake owe na ko n'ngba.
+\v 16 Ke enekeke, o ko endea tchei? Imana, n'nyeka, ke ko soleka ka kobea kabe, mo ko eta lina ya Mokolo.
+
+\v 17 Mo ko sumboka mo Yelusame, bowa na sombolanga n'nkati ya lumba ya masomboli, noo na ko bakeleka na mosombo.
+\v 18 Ke noo no komona Mokolo na ko ena nane: "Ka beo-beo, ke omoka toka mo Yelusaleme, bondia bito kowa-kowa ande boyaeli yabe mo isina yane."
+
+\v 19 Ke noo na ko ena: "Mokolo, bemine beli mbele noo na n'ngbesangai mo ololo na ko lubeya fimbo n'nkati ya malumba na masomboli baa ba akoanga owe, ke."
+\v 20 Nyanga ba iteanga mokia owa wa enanga owe, na ikangai noo mune aowo, taa ko lesanangai nabo, na ko tchunga ntulu ya baa ba iyanga we.
+\v 21 Ke we na ko ena nane: "Yaa, noo notomai ow kpaya mo bese."
+
+\v 22 Ba n'ngbangai we bena looki si owo, n'ndi bo na kowakaya, na ko ena: "Toesaki mo nseke moto boyaeli siono! Ite foeande mbele wa ike."
+\v 23 Ke bo na ko sulesa maoki, ko ombola ntulu yao, komaya ibunge kio,
+\v 24 Mokota ya basoda na koesa isoso mo ko ongisa Paolo n'nkati ya mo ololo, ke wa phipheleke na ko lubeka fimbo, mo isina mbe baebe motchei bo koa kaeya we boobo.
+
+\v 25 Nyanga alubekanga we fimbo, Polo na ko ena na Mokota ya basoda owa waikanga aowo; eakoleke kolubea moloma fimbo mbele betinaebi ko beya kandei?
+\v 26 Mo looki siowo, mokota ya basoda nakia owa welongee we na mpete mo ko ebesa we, na ko ena: "Otai tchei? amo ome siono ukai Roma."
+
+\v 27 Ke mokota ya basoda, na kula na ko ena na Polo: "Ebesa noo, ukai mo Roma?" Boobo, we na ko sumbolea we.
+\v 28 Mokota ya basoda na ko ena nande ephe: "Na falanga ya buwa n'ndi noo ko ena, noo nelitoseleke tokea ko botama kane."
+\v 29 Mo kabio-bio baa ba phananga ko phiphea we na ko somboka na maili, ke mokota ya basoda na ko mona mbe Polo ukai moroma, w na koika na bowa bondia we kandei we.
+
+\v 30 Na mpendu si, na nkasa ya koeba mo tchei ba Yuda be tchongee we, mokota ya basoda na kosowa we meeli, na ko esa isosa ko batondoli ba ema na mekota ya basoda yoose mo ko songana; ke na ko selesa Polo, na ko imetcha we n'nkati n'nkati yabo.
+
+\c 23
+\cl Botuku ya ema 23
+\p
+\v 1 Polo wamona basambesi ke waena: "Binakane, na maenyeli moose na fowai neendeseleke bena ko onootu boso na Mokonga...
+\v 2 Mokota ya balondoi Anannia nakotoma baa baikanga baka nande balubewe no kana.
+\v 3 Nayo Polo waena nande: "Mokonga olubei owe, uki ase mo kosambesa noo koopesana na angile, ndi owe wake lesake angile mokotoma mbe balubee noo."
+
+\v 4 ba baikanga baka na nde baena: "Osenda molondoi wa Mokonga!"
+\v 5 Polo waena: "Ntelise ane mbebabito uki mokota ya balondoi"; mondia epkalokei: "Utokoena abe kobea ka mokta.
+
+\v 6 Polo na komona mbe iboka ya ba songani baikangi ba sadike bafe ba falisayo, wa akaya: "Babito niki mofalisai mana mafalisai moisina ya koendea koi na bilekake mo lisomi.
+\v 7 abowa ene we boobo ya bia kobotesana n'nkati ya ba said na bafalisayo ke kosongani ka ba langama.
+\v 8 Mondiabasadi mbe bokoenangi mbe koimoka kabuande ke bakitomo babua bo, mosombo kaeya buande, n'ndi ba falisayo ba koakoa moondi si mamo.
+
+\v 9 Aikangi na lokendi omo ya ema, ba mo ba mofaka ba bafalisayo baima na mokobotesenan mabo na koena: "Titemone bitokobea ka moto siono; saomo saomo mo sombo ao mokitomo wa enaki nande.
+\v 10 M'mba bowa kongmba sana kitaikanga, ba sambesi ba tina mbele Polo una olubeka na bato si bano wa toma basola mo kotoesa we na koiekayo.
+
+\v 11 Botu siowa ande mokolo wemune wa omokea Polo, ke wa ena: kobea n'ndia m'mba bowa emoese owe boyaeliya Yelusaleme, embimbe witekae loma wete kaye yoo mo ba loma.
+
+\v 12 Botu kotcha, ba Yudaba taiki mesombi ke ba botesanaiki bomine na koena bokoeki koma na kowa bena kowa boolongea koiya Polo.
+\v 13 Ba batanga me sombi baikangi koeta nakma ina,
+
+\v 14 Ke baya komona mokola ya ba londoi nabekongo kookoka baena base teeni mbe ti tokowa bito na koma bena kowa tokoiya Polo.
+\v 15 Bane, eneke enai na ba sambisi na basadi o ba sambisi bondia mbe ba bie bosonino Polo mba baa beeme koeba bondi yande bosaali; koeba bondi yande bosaali; ke base abosa okulawe, to koiyaiwe.
+
+\v 16 Mana motamba ya Polo a mokali koeba bondi wa yaiki omoololo koebesa Polo.
+\v 17 Polo waeta omo wa ba tangani waena bia maana si ono oba sambesi uka na bondi ya koena bo.
+
+\v 18 Motangani wabia maana si oyo ke waya na nde mo basambesi ke waena: "Polo mokandekiwaetaki noo, ke waena nanee mbe nebie maana si ono uka na bondi yakoena nabe."
+\v 19 Mosambesi wabunda maana mokaoko ke baya nande ka owa, wa fifea we: "Ukana ya koena nande?"
+
+\v 20 Wa sumbola ba Yuda ba ngmbesanake mbe webi Polo na m'mpendu boso na basali m'mba owa ofifea liti wa bondi.
+\v 21 Bua kongmba bo mondia koetea nkama ina nkoti ya bo beem'mbe alinga ba teleawe mesombi, bito kowabo m'mba koma alinga baiyawe eneke beendee lika owe.
+
+\v 22 Mosambesi watoma mosombe maana mbe wauwa koena na moto maili ya koena eya ete we.
+\v 23 Maili, we na koeta batangani babe, na koena: "Tekelai, mo nyanga isatoo ya botu, basola 200, 20 balinyei ba mponda na 200 ya bato ba matumo, mokuya bena o motanga ya kaisala."
+\v 24 Aike namponda ya kia obia Polo mokoisa we bua tchekpaanga boso ya mokota Feli.
+
+\v 25 Wa andeka kaani mobongaeli si owo?
+\v 26 Kolode Losai kowaka mokota Feli waimokake!
+\v 27 Mota si owa obundeke na ba Yuda, unapki ndiabo, abowa ile noo na ba sola nokia koomola we, abowa nengbe mbe no loma.
+
+\v 28 Waemangi koeba esima ya kokande ka kande, na bia we boso na babuki ba maondi.
+\v 29 Nemoni mbe kokandeka kande eki moisina ya ba angile ba bo, n'ndi utete ande kobea angokomo si kowa keengame na kabileawa, kokpa ao kokandeka.
+\v 30 ango bowa embge noo mbe ba Yuda tele ewe makumbe ma beana tomangi we, mokoeba moisi na ya basekomi bande mbe ba ene mesa oi yande kowa kabe na a ake.
+
+\v 31 Basola, koopesana na isosa si eya eabe ke, babie Polo, baendesa we botu otondo bena atipala.
+\v 32 Nampendusi baeki baliinyi ba mponda baende asimamo nande, basumboka kowa kabo.
+\v 33 Kokoma mo kaisalia ba linyi ba mponda baesa mokota kaani na komoesa we Polo.
+
+\v 34 Mokota maili ya kobanda kaani, wa fifea oni motanga aikanga Polo waebaki mbe uki moto wa kilikia:
+\v 35 "Nokomgbai owe, waena aikamba base kani babe bala waesa esosa ba tangane naande molumba ya Elode.
+
+\c 24
+\cl Botuku ya ema 24
+\p
+\v 1 Maili ya nsu itano, kula ka mokola ya balondoi anania, na bekongo na ofe molondoi oeteke Teletule. We na kositaka Polo ka mokota.
+\v 2 Polo we na koeteka, teletule na koena mbe:"
+\v 3 Lombeseleka Feli, bondia bii wabo omtanga, motanga ya ondeselekake mo m'mboka yabe; yoi teli yoose sieya yooteleka leakowe yo.
+
+\v 4 N'ndi mondia tabua koilelesa owe iboka, na ombaki owe mbnga noo, o mo bolayabe, eya teme koena nabe.
+\v 5 Tabundaki moto siono uki na Yuda ba tchese tchetonolo, uki mokota ya bato ba na salea,
+\v 6 Ke okoena kobea n'ndi etanda ito. yoi takandake we. Ke teemi kobuka bondi ya nde koondesana na angile wito;
+
+\v 7 N'ndi mokota Lusia na kobinya, wabakea base we oma akomito na tchekamba,
+\v 8 Fifea owe mune omoni mbe eya taenake ikai liti.
+\v 9 Ba Yuda na kosongana, yeenekake ikai liti.
+
+\v 10 Maili ya kota koesawe looki, Polo na koena: "Ebambe, bemo ba bua, uki mobuki wa ma ondi ma motanga siono, na ome ya koebayoi neeme koena.
+\v 11 Buande kose na nsu ikomi na ibe, weengane nakoba mba, naayangi Yelusaleme mo kosombola.
+\v 12 bitesangele ande noo nka ya lumba ya Mokonga m'mba asima ya makumbe, m'mba n'nkati ya motanga, koenesana na moto, ao kosonganesa bato mokaisama.
+\v 13 Bauwande na n'nemba ya komoesa liti ya ma basitake noo eneeke.
+
+\v 14 Nokoebesi owe mbe noota kokamba ya Mokonga wa ba Ise bito. Koondesana naeya ya kotabo bosonganeo, koakoa eya yoose epkaloke aba angilena ba londoi.
+\v 15 Neendee bondi omo ka Mokonga, m'mba bowa bokae beendee, mbe yokoikai na koimoka obaa bitchaa na baa babua tchaa.
+\v 16 Yooi nokoesa koenda natcha boso na Mokonga na boso na bato.
+
+\v 17 Maili ya bemo ba bua nili mondia koesa bea ya omotanga yane, na koesa lifaefi ya ne ka mokonga.
+\v 18 Moyoi ba Yuda bamo besangele noo n'nkati ya lumba ya Mokonga bua ikumbe ya bato, m'mba iye eya.
+\v 19 bamo ba ba Yuda baikangi na akikange m'mba baikange na bandi nane mbe ba bile ko tchongea noo.
+
+\v 20 Ba moese koni kobea be bunde noo na ko, abowa ai mananga noo boso ya ba buki ba maondi,
+\v 21 Ena mbe aike bowa na akowa noo boso na bo: "Ena mbe mo isina ya koimoka ka ba pki koi noo someseleka boso nino."
+
+\v 22 Feli, weiweli liti si owa uka na koetesa, na koena: "Abowa mokota Lusia okala, ke na mona bondi inoo.
+\v 23 Ke na koesa looki na batangani taiwe ombololo, ke buai koeksa basau mande ko monawe.
+
+\v 24 Maili ya to nsu, Feli na Dulusi, mokalande, owa moyuda, we na koeta Polo. We mbanga we mo kowakowa ka Klisto.
+\v 25 N'ndi, mba bowa polo waenanga iboka koika tchaa, koeyesa motema, na lisomi si eya ekala, Feli, na kotekateka, na koena: "Moeneke sumboka asa; maili, nokoeti owe ke naena na be.
+
+\v 26 Waisa m'mba mo n'nyanga si Polo okoesi we beeya; yoi aa langa we n'nyanga yoose koena nande.
+\v 27 Maili ya bemo bibe, Polokisi na fekisu na koeta aisma ya Feli: "Mo kolengesa ba Yuda Feli na kosia Polo omoololo."
+
+\c 25
+\cl Botuku ya ema 25
+\p
+\v 1 Fetusu na kula omotanga, kia omotanga ya Kaisalia mo Yelusame.
+\v 2 Mekota ya ba londoi na mekota ya ba Yuda na ko sitaka Polo. baena iboka bondiande, na boyaeli ya bea,
+\v 3 Baomba we na koena kande m'mba wa sumboke Yelusaleme. Moyo bafe ba Yuda na kotelea we mesombi mo m'mboka koisalia, ndi we nune okiyai.
+
+\v 4 Fetusu na koena mbele Polo ukai mo Kaisalia, ndi we nune okiyai.
+\v 5 N'ndi mekota baye nane aisimamo, we na koena, ke na aika m'mba bondi omo ya beya ka moto si ono, baene.
+
+\v 6 Fetusu we na koika nsu tchenana ao ikomi asimamo nabo, ke na kiya mo Kaisalia. Na m'pendu si, na kaika asima yande ya kobuka bondi, na koesa looka bale na Polo.
+\v 7 Abowa ile we, ba Yuda si bile Yelusame na kokomba we, ke bo na kositaka we o maondi ma emeema ke na tale, na maondi si bitaengamanga na komoesa liti si.
+\v 8 Polo na koena: "Niteete ango boondi omo ya beya ao kaimaneya ba angile ba ba Yuda, ao kaimaneya lumba ya Mokonga ao kaimaneya kaisala."
+
+\v 9 fetusu, koena kolengesa ba Yuda, koena naPolo: "Weemi kiya Yelusaleme, na kobukeka ka bondi si ono boso nane?
+\v 10 Polo waena: "Iki boso na tomilali ta kaisala noosamba, ao ndi neengame na kobukeka bondi. Neteteane kobeya ango komo o ba Yuda, m'mba boa eeli owe bosali.
+
+\v 11 M'mba neti kobeya komo, ao neti kobeya kamo ka kaiyesa moto, niteeke ane kogba; n'ndi, m'mba eya besitake noo iki olanga moto ango omo utengame na koeka noo mo maako mabo. naetake Kaisala.
+\v 12 Na boobo Fetusu, maili ya koenesana we na koena: "Waetaki Kaisala; Okika Kaisala."
+
+\v 13 Maili ya nsu, mokota Agilipa na Belenisa na kula koa kaisalia mo kaimola Fetusu.
+\v 14 M'mba boa aetesanga bo ao nsu ya buwa, Fetusu na koenoesa mokota bondi ya Polo, ke na koena: "Feli wesiyei moto omo o moololo",
+\v 15 Owa si owa abowa naikanga Yelusame, mekota ya balondai na bekongo ya ba Yuda basitakangai, koomba kokandeka kande.
+\v 16 Naenangi nabo mbele yauwa nd boyaeli yaa balomamo kokanda moto mba biti moungbi ba bekande se we, ke waene kae mo mamo besitake we.
+
+\v 17 Balangi ano, ke, bua koetesana, na ile si naikangi asima ya kobuka bondi, ke naesa looka mbele baulee noo na moto si owo.
+\v 18 Ba bekandese we, belei, bitenee ande we bondi ya beya owa noo naengelanga;
+\v 19 Baikangi na kobotesana nande mondi ya atanda yabo mine, ke na moto omo Mbali owa kganga owa Polo eakowe mbele uka na koika.
+\v 20 Niteli ane mba noobunda tchei mo kophotesana si, ne phiphiei we m'mba weemi kiya Yelusaleme ke mo kosomeseleka mo maondi si mamo.
+
+\v 21 N'ndi Polo waeteka, mondi ya mbele bondi yande yaeneko boso na mokota, naisangi looka mbele bamone we ao bena kona nekato ma we ka kaisala.
+\v 22 Agilifa na Fetuse: "neemi kae kaungba moto si ono na m'mpendu, ndu, Fetusu na kosumbola: "Okaungbai we."
+
+\v 23 Na ile si, Agilifa na Belenusi kula na ibamba, ke bo na kaingea aisma ya bokutaneyo asimamo na mekota ya basola na mekota ya motanga. Mo lookana ya Fetusu, Polo na kobileka.
+\v 24 Na boobo Fetusu na koena: Mokota Agilifa ka bane boose ba bisa nito, bamonake moto si ono owa si owa ibamba ya ba Yuda baenake nane, aika Yelusaleme aika abono, na koakaya mbele utengame ande na koonda.
+
+\v 25 Mo noo, neli mbele utetee ande bondi ango omo ya kongba, ke we na koeta mokota, namona mbele engami nande komona mokota.
+\v 26 Nauwa nde na bondi ango omo ya kongbalolea mokota mo isina yande; mo yainaesake we boso nino, iboka boso nabe, boso ya kokgbalowa teungbe asa we.
+\v 27 Maondi a mbele itelengese ande no ekokata moto mbele niteli isina bondi eya take we.
+
+\c 26
+\cl Botuku ya ema 26
+\p
+\v 1 Agripa na ko ena Paolo, eengamei nabe ko ena mo ko moesa mbe utete bande bowa a enake bo.
+\v 2 Nika naome, Mokota Agripa mo noo koika moono botu boso na mo ko moesa mbe masitaki ma ba Yuda mikai olanga,
+\v 3 bondia oli bowaali asili yabo na meango yabo. Na ombake owe mbe on'ngbe noo na motema ya eeya.
+
+\v 4 Koika kane, kolinga iyanuke yane, keebekane na ba Yuda boose, bondiya yaetanga mo Yelusaleme n'nkati ya okita yane.
+\v 5 Beli ko linga nsu a buwa, aika m'mba baema ko ena, mbe nekowei m'mba Mofalisayo, bowa ika etanda ito.
+
+\v 6 Enekeke, na tchongelekake, bondiya na emake ko moesa elaka eya Mokonga wa enanga na ba ise bito mbe ekatelekai,
+\v 7 ena be banda bito ikomi na bibe beende botu m'mba looba mbe elakasi ya engame. Mo ko endeya si kooko, o mokota Agripa, na tchongelekake na ba Yuda?
+\v 8 Tchei! Tchekambe owe kowakowa mbe Mokonga we engame na ko imola bagbi?
+
+\v 9 Monoo, na ko angai koekesa mbe lina Mbali wa Nazarete iteate kangi ango kambu.
+\v 10 Ikai eya yatanga noo mo Yelusaleme. Na kandangai bato bosaali boose mo moyololo, na eselekangai looka si oyo na baomoli ba maphaephi, ena abowa aiyanga bo bato si baabo, na ikangai kowakoleka na bato boose,
+\v 11 na lubekasangai bo n'nkati ya malumba moose ma masomboli, eke natuma bo mo ko senda maondi mabo. Mo kititi tchane, na moesangai bo maobi ena naonda bo ko metanga ya baeni.
+
+\v 12 Mo isina si eeyo, n'ndi noo na kiya mo Damasia na lousa ena kowakowa ka mekota ito yoose.
+\v 13 Na tchengbangba tcha looba, o mokota noo na ko mona mo mboka, liangangi ya ema na kongesa noo, na boose baa ba ikangane, n'nkati, eke tcheangangi tcheetcho tchalongea liiso ya botu na kosana!
+\v 14 Base boose na ko keya mo nseke, eke nangba looki ya ena nane mo looki ya ba Ebele: "Saulo, Saulo, bondiya tchei o ko moesa noo maobi? Yo ko talaleya owe moko enda kiyo ma meke."
+
+\v 15 eke, noo na ko timbola owei nani Mokolo? eke Mokolo na ko ena: "Nooi Mbali owa o ko moesa we maobi."
+\v 16 N'ndi, imana kiyo, eke ko kama kiyo na mao mabe, bondiya na buanyeake owe, mopheme na temwe ya bephembe si beya ba monake owe boso wane ko buanyeya owe.
+\v 17 Nasonakei owe n'nkati ya okita si oona na n'nkati n'nkati ya baphanyefu (bato si ba biteli Kaani ka ilonga) kowa ika bo na tomake owe ko,
+\v 18 mbele olindowe bo maiso, ombe baete kotoka mo iphuwe mbe baete mo looba ena mo tchekamba tcha Satana mo ko eta kowa ka Mokonga, ombo bapate, mo kowakowa noo, limeseli ya ko beya ena botiko ya bapheneni.
+
+\v 19 Mo boobo, Mokota, Agripa, ntekokolekae koeka bondi ya kiyo;
+\v 20 mo baa ba Damasia, boso eke mo baa ba Yelusaleme, mo boose ba Yudea ena mo bapanyefu, na nangola ko kalanganya ena kotimboka kowa ka Mooknga, na kota mekambo ya liti ya ko kalanganya.
+\v 21 Mo isina si eeyo n'ndi ba Yuda ba bunda noo n'nkati ya lumba ya masomboli na tcheema tcha koiya noo.
+
+\v 22 Mo ngbengbele ya Mokonga, nika ena moono botu, moko ebesa banuke ena bakolo bato, bowa ko ena na moose ma maenanga baeki ba boso ena Mose, ba enanga mbe maondi si mekaeai,
+\v 23 ko eba mbele Klisto ukamonekai maobi, ena okaikai wa boso mo ko omoka n'nkati ya bagbi, o ka ebesai booba mo okita ena bese.
+
+\v 24 Bowa aikanga we mo ko ena, bondiya ko ebesa maa matanga we, Fetus na ko ena na looki ya kiyo okai na asekai, Paolo, akili wabe wa ema wobongesei owe ko ena.
+\v 25 Mo buwa bane na oseke, mokota aema fetus, Paolo na ko timbolea we, ikai ande maoki maliti na masaali, ma mo ko ena noo.
+\v 26 Mokota wakandokake maenyeli na maondi si mano, ena no ko ena nande wazi-wazi; bondiya moo, bondiya mitetelekangai mo iphuwe, n'ndi boso ya bato boose.
+
+\v 27 Uka na kowakowa mo baeki ba boose, mokota Agripa neli mbe owakoe moo.
+\v 28 Eke Agripa na ko ena na Paolo: "Owe wo kokolei kotimbola noo mbe neike moklisto!"
+\v 29 Paolo na kotimbola ango aika enetake, ango aika mo nsu ya maili, eka mbe Mokonga wate, buwa koika owelika n'ndi mo baa boose bo komgba noo moono botu ketimbokei m'mba noo, bakolo ko kandeka si kono.
+
+\v 30 Mokota aema, bena na Guvelene, Berenice bo na koimana,
+\v 31 eke, mo ko omoka kabo, eke baenesana, bemine na beemone. Mopo si onoo, utete bande tchesima ombe wakandeke mo kogba ango mbe wan'ngeye moyololo.
+\v 32 Eke Agripa na ko ena na Festusi," moto si oono weengamei na ko ekeleka, n'ndi bondiya waemangai mbe bondiya yande yaye ka mokota opheme Kaisala."
+
+\c 27
+\cl Botuku ya ema 27
+\p
+\v 1 Abowa ekamba looki mokia mo etali babunda Polo na baphe bato ba moololo ka mokota omo eeteke mbe Jiliusi.
+\v 2 Tekinenei mo wa ato omo adramite mokia Azia, ta ayangai asima amo na Aristrake, omo wa mawedonia omotanga ya batesalonika.
+
+\v 3 Botu eonde takoma mo sidonia; Jiliusi, owa watanga Polo masaali, waesa wa isosa ya kia o banduku mo kopata mitchoko.
+\v 4 Mokia kooko, taika mo tchea tcha chipre mondia n'ngumba.
+\v 5 Maili ya kokola iyaba ebakamee Silisia na Pafili, takoma mina kowa mo lisia.
+\v 6 Kooka, motangani, wamona waato ya Alezadri mbe yokia mo Italia, ta kimeangai.
+
+\v 7 N'kati ya nsu ya bua taendangai kaoko oke, na bekpaanga tekomi mo motanga ya Kride, kowa mofofo itaema, ga mbe teake. Te ite maili ya tchea tcha Krete, obalu ya Salomo.
+\v 8 Tekomi na obaba, ke tekomi asima amo eeteke lito fowa baka na motange ya base.
+
+\v 9 N'nyanga ya bua si eya eete, kokala kaikangi na nkakatimanyanga ya kokanda ya etangai.
+\v 10 Mo isina si Polo okima bafe, waena: "Baome, nelimba koenda si kono kito kamba ande mekakpeli ao kokpeleka, ndi buande lika ndia besima ke waato, ango base teengame na kosea koika tito."
+\v 11 Motangani waimba moende na ifoka mokolawa waato koetea maoki ma Polo.
+
+\v 12 M'mba bowa lito itafoanga mo kofeka, ba bua baemangi koeta mo kofeka mo lito ya Fenix, lito ya Grete ya monangi nkeke isato motchela na moela, mo ketesa tchemo tcha bea.
+\v 13 Kafefeti kala na lito, ba mona mba onoko ya enga make, ba sowa waato ba timba tchea tcha Grete.
+
+\v 14 Bua koilela n'ngumba ya la iki, mbe bika motchea.
+\v 15 Waato ya yembaiki, bia tchekamba tcha kosikama boso na mofofo, ta m'mboleka iki ofe biili.
+\v 16 Taetaingai maili ya tchea tcha ango wa tche eteke koda, na obaba yoose ta sumboka mo m'mboka ya foa;
+
+\v 17 Maili na kofeka, ba fanaiki boyaeli ya ko konda waato, ke na bowa ya kokanganga kokea asima ya bea, baselelesa bolindekeo, mo isina si beoki eebo koendeseleka na mofofo.
+\v 18 M'mba bowa aendeselekanga ase kobea na mofofo, na mpendu ke tambola besima moiyaba,
+
+\v 19 Botu ya isato to komboli base mine na maako mito.
+\v 20 Looba na n'kenike iteomoke ande mo nsu sieyo yoose, ke n'ngumba na mofofo na yaemangi iboka ke ya toesa base taeli ta koonda.
+
+\v 21 Titenge bito n'nya ya eya moyo Polo, waimana n'nkati ya sikoka bo, waena na bo: "Tchoo ba bito banengamangi na komgmba noo mbe titiangi mo Grete, mondi mbe tita keangi mo obaba na mekpeli si eno.
+\v 22 Eneeke na bodja bodjaki ba ekai na tchekamba; bondia omo n'nkati ino utookpakae, koseama kabesima kitokoikakae mo waato.
+
+\v 23 Mokitoma wa Mokonga owa nooni kowakande ke nootelea we wa bua uyea noo na bolu siono,
+\v 24 Ke waena nane: "Polo, bwa kotina; oosomeseleki bosa na kaisala, kemona, Mokonga waesaki owa ba boose waenda ke na bo.
+\v 25 Moyo, tchoo ba bito, akowai mbe, nika na kowakowa Mokonga, yoo teleki m'mba bowa waenanga nane.
+\v 26 N'ndi titoo kokola bito mo tchea tcemo.
+
+\v 27 Maili nsu ya ikomi na ina, mbe mabooboo mo yembesa yembesa base mo iyaba, ba moesi ba m'mboka ya iyaba, n'nkati ya botu, baenyelea mbe baakake mo okonge.
+\v 28 Ba m'mbola musa, ke basangela befaka n'nkama ibe; kpa aya kambu, wa m'mbola efe, wasangela befako ikomi na itano.
+\v 29 Mo bowa ya waato kokuka mo mawe, moisinasi ba m'mbola ntondo ina, mo koendea botu kotsha.
+
+\v 30 M'mba baa batinanga bo kokuka na tshalika, ba m'mbola efe ntondo boso na tshelika,
+\v 31 Polo waena na ba tangani na basala: "Mba bato si bano biteikange mbe biteonde bino."
+\v 32 Basola na kobuka n'tondo, koeka yo mbe ya eye.
+
+\v 33 Boso mbe botu ya tshe, Polo wa bodja bodja bo mbe ba ange moleli, waena nabo: "Moono botu nsu ikomi na ina eya ika bane motsheli yo koeka bane koanga."
+\v 34 Naenake nino wai teange moleli mondia moleli ikai na isina mokoika kino, ke ombge ya moto ango omo itoseama ande moleli.
+\v 35 Maili ya koena nabo wabia moleli ke walifea wa ba angea bo ke ba anga.
+
+\v 36 Boos baika na tshekamba ke ba anga kae.
+\v 37 Taikangai mo tshelika mia ibe nkama mo tchomoendi na motoba.
+\v 38 Aboa eikote bo ke ba m'mbola besima bemo mo ko owesa tchelika.
+
+\v 39 Aboa botu etshe bite mone ande okonge n'ndi ba mona asima amo m'mba okonge ke ba bakama nako.
+\v 40 Bo na kobuka buka ntondo mbe ya eye mo iya, mo nyanga si eyo emo ba sowa kae ntondo si eye aikanga boso na tshelika, bata monuku ya ntilu, baya mo okonge.
+\v 41 N'ndi ba sangela o baa ya isaeseke, ba konga ke tchelika baimana awo mbe monuku ya ntulu yo ko asoka asoka na mofofo.
+
+\v 42 Basola na kombngesa na ibe baie bakaneki mbe omo wabo uta tsubeangi omaale n'ndi wa ko onde.
+\v 43 N'ndi motangani, owa, weemanga koondesa solo, weekesabo mbe ba bua kola boobo. Waesa looka mo ba beli iyaba moko tchubea boso.
+\v 44 Ke mo bafe baike mo maonga ao ko owa na tchelika. Ke boose ba koma mo okonge bua bondi ango omo.
+
+\c 28
+\cl Botuku ya ema 28
+\p
+\v 1 Maili ya base koondeseleka, telimbe tchea si tcheno tchaetekangi malete.
+\v 2 Bato ba motaka balenge angi nito; beboti base bako na isengosonga ya kaya, ka beakaneseko mondia m'mba yeokei ke aikangi na kalo.
+
+\v 3 Polo wa bia topuso puso na kota mokoya, ndjoka ya mboya ooya ya kaya ke yatoka mo topuso puso ya funa we mo kaako.
+\v 4 Aboa balo bemone n'ndja koliama no kaoko, koemesana iki liti moto seono wiki moto wa bea, mondia ya koeka maili ya koonda kande mo iyaba.
+
+\v 5 Polo wa tchitcha n'ndjoka mokoaya bua kombnga.
+\v 6 Bato si abo ba endeangi kokea kande ao kopka moisa, ndi maili ya koendea n'nyanga ya eya, bua komo bondi ango omo kouleawe, batimbo maenyeli na koena mbe ikai Mokonga.
+
+\v 7 Aikangi, baka baka n'seke ya bekongo ba tchea oeteke Pubulusu, owa weikese base nsu isato mo boyaeli ya isau.
+\v 8 Sa Pibulusu uka moitanda, oso ya koteka teka na kosaya ma kia; Polo, na kia koakande, kosombola, na koteleawe maako na koombola we.
+\v 9 Kio na ao bafe bato banso ba tchea na kula, ke baonda.
+\v 10 Ba esa base okuku, ke, mokia kito baesa base besima si bea aikanga nkasa ito.
+
+\v 11 Maili botu omo mo meeli isato, takimea mo mosau ma alegiza, maa meete tchemo tcha bea mo tchea, aikangi na maina ba diskula.
+\v 12 Bo na ofeka selakisa, tokoiki nsu isato.
+
+\v 13 Ao, mokonda okonge toofekilejo; ke, mofofo ya motchela kula na mpendu si ke monsu ibe takoma puzole,
+\v 14 Tesangeli binakito baa beene nito mbe teike na bo nsu motchomoendi: na yoi tie base kowa loma.
+\v 15 Ba loma bala kosangama nitoo bena moibongo ya apusu na ape asima isato, baa bandanganga kula kito, Polo mokomona bo wasumbola keleke ka Mokonga, na we koika na tchekamba.
+
+\v 16 aboa ekeke base loma, beakoeoi Polo koika we mune, mbe otangeleke na sola.
+\v 17 Koonda nsu isato, Polo waeta be kongo ba Yoda; Ke, aboa esangane bo, waena nabo maoki si mamo binakane, buakota bondi ango omo obato ao mo asili wa ba ise bito, nem'mbe kio moololo koa Elusaleme ma baloma.
+\v 18 Maili ya kafifeleka, be ebangi koeka noo, ita ikanga ande na bondi owa aengananga na ne ko pka.
+
+\v 19 Ndi ba Yuda ba imanenangi yo, ke na emangi koeta kaisala, nta emanga ane koluba mofindi yane.
+\v 20 Yoi naetake bane beenei ke beenei, bondia kaengelea ka isalaele yo nekandeke moololo si eno.
+
+\v 21 Ba sumbolea we: "Tite monea bito kaani kotoka Yuda moisina yabe ike ite ike ande na moto omo si owa ya be.
+\v 22 N'ndi teemi koeba eya oko engelea owe, bondia telimbe kosongana si kono koose kota wota ko koeta kobotesana asima oose.
+
+\v 23 Ba m'mbnge sana botu omo, ke babua ba monawe asima yande Polo wa saolea bo bokota ya Mokonga, koesa boyaeli, na kofana, na angile wa Mose na ba londoi, na koebesa bo eya emone Mbali koenesana keiki kolinga mpendu bena iyo.
+\v 24 bamo baa kowa eya weene bamo bite akoe ande.
+
+\v 25 M'mba bowa ite mgngesane bo, Polo oeni maoki si mano: "naisinai kaisinai mosombo mosaali", waenanga na ba ise bino mombo ya molondoi yaosia, waenangi:"
+\v 26 Yaa o bato si bamo", ke ena: "Bo kombngina matu mino, ke bito fofoa abino; boo moni na maiso mino, bitokoeba bino.
+
+\v 27 Mondi ya motema ya bato si bano ya ko bea ke; ba litosake matu mabo, ke ba linde kake maiso mabo, mo isina mbe bito monangi na maiso mabo, bite mbngangi na motu mabo, bita fofoangi ometema yabo, bite timbokangi, mbe nte ondesangi bo.
+
+\v 28 Ebaimbe koondeseleka Mokonga ke eseleki obapakano, mbe ba mbnge.
+\v 29 Aboa eenewe yo, ba Yuda na kia, ba bote sana n'nkati ya bo.
+
+\v 30 Polo wasia bemo bibe molumba si eya aikanga we waikangai na baa boose baa langa komona we,
+\v 31 Konangola mesao ya Mokonga na komoesa eya ye mone mokolo Mbali Klisto, mo bii woose bwa kolambeleka.