gey_reg/58-PHM.usfm

\id PHM
\ide UTF-8
\h Filimona
\toc1 Filimona
\toc2 Filimona
\toc3 phm
\mt Filimona
\c 1
\cl Botuku ya ema 1
\p
\v 1 Paolo moto wa moyololo wa Mbali Klisto, na mana nina Timotéo ka Filimona, isau ito isaali na munakito wa mokambo.
\v 2 Ka motamba Afia, mó archipe, munakito wa bita, ena etanda éya ika mo lumba yandé:
\v 3 n'ngbengbele na bii yaeseke owe mo lina Mokonga Ise wito na mokolo Mbali Klisto.
\p
\v 4 Nasumbolake kelekele ka Mokonga, mó kota owe mo masomboli mane,
\v 5 bondia nangbake koakoa kika nabe ka mokolo Mbali na moboto mo bapheneni boose.
\v 6 Naombake mbele kotakabe mo koakowa kakobee mo isina ya Klisto mokobekanesa n'kati wito maondi moose masaali.
\v 7 Naika naome iboka na kolengea bondia mobotu yabe, mo mboka yabe mana m'ma, metema ya bapheneni yaphophake.
\p
\v 8 Eke mo boobo, ango mbe nika akati wa Mbali mo koebesa owe yoose eya eengame,
\v 9 inaphoeni mo lina moboto, nitelee owe lisomboli, m'mba bowa ika noo Paolo, mokolo moto, bena moto wa moololo wa Mbali klisto.
\v 10 Naomba owe bondia manane owa webote-na bota we ambe nekandeke na meyololo onesime.
\v 11 owa nyanga ephe waikangi buwa isina, ndi mo eneeke uka na isina, koa kabe bena koakane.
\p
\v 12 Nasumboleake owe we, owa wika wa mesolo yane.
\v 13 Naemangai koika nade baka-nane, ambe watelee noo mekambo asima abe mo nyanga si eya ekandeke noo bondiya etanda.
\v 14 N'taemanga ane kota yo bua koakowa kabe mbele kophoa kabe kitaikangi m'mba ka kotomeka, ndi kaike ka koema kabe.
\v 15 Aikangi mbe waekanangi nabe mo nyanga emo, mo owe weebe we mo n'su yoose,
\v 16 buwa m'mba mokobe, ndi m'mba kio wa mokobe, m'mba isau isaali, ane noo mune na yabe kae, m'ba n'kati ya mobe, na n'kati ya mokolo.
\p
\v 17 Aika m'mba wabunda noo m'mba isau yabe, bunda kae we m'mba oo mune.
\v 18 Na aika m'mba weteleei owe kobeya komo, aika mba uka na m'bata yabe emo, tayo mo bilane.
\v 19 Noo Paolo naandikiake we noomune noolipai, bondia iteenekangi na bembe owei oolipa noo.
\p
\v 20 Ee, naakowake owe mana m'ma netombe koa kabe looka si molina mokolo, phophesa motea yane ka Klisto.
\p
\v 21 Mo komona neshima yabe, naandikiake owe, neli mbe owe ootaiyo kolongea ango eya yaombake naomba owe.
\p
\v 22 Mo boobo telea noo boikaneo, bondia nika na koakowa mbe noosumbokai mo m'ngbengbele ya masomboli mino.
\p
\v 23 epafras, munakano wa moyololo ka Mbali Klisto.
\v 24 Na salimaike owe na malako Aritarke, Demas, Luka, binakane ba mekambo.
\v 25 Mbe m'ngbengbele ya mokota Klisto aike na mosombo.