gey_reg/56-2TI.usfm

\id 2TI
\ide UTF-8
\h 2 Timote
\toc1 2 Timote
\toc2 2 Timote
\toc3 2ti
\mt 2 Timote

\c 1
\cl Botuku ya ema 1
\p
\v 1 Paolo motomeki wa Mbali Klisto, mo tcheema tcha Mokonga, mo kolondaa kolaka ka koika kowa kika ka Mbali Klisto.
\v 2 Kowa ka Timote, manane waikenga: "Eka m'mbe m'ngbengbele na bii yaobeleke owe kotokaka Mokonga Ise na Mbali Klisto Mokolo Wito.

\v 3 Na sumbóléyake Mokonga kélé-kélé, na M'ngbengbele si éya ba nina kó bitó bà téléyanga yo, mo ko télya yo na ko éngéléya kosali, na botu na looba ko kumbuka owe ô-masomboli mane,
\v 4 ko kumbuka maïsoli ma be, na koïka na n'kasa ya ko mona owe mondiya mbele neïyè na ôme,
\v 5 mo ko lángá mékambo ya kóa-kóa ká liti si éya n'kati yabe, éya ya ikanga n'kati ya nina kó wabe wa amokali na n'tshoko Enisa, na bo, na ïkangi na kóa-kóa kayé n'kati yabe.

\v 6 Mo yo-hï na ënake-ïna be weïmole iyota ya Mokonga si éya we pate yo na ko étléa owe maako.
\v 7 Mondi ya buandé mosombo ya ko sowa sowaï Mokonga weese basè, n'ndi mosombo ya mékuwa, ko émesana, na boweli.

\v 8 Buwa ko n'ngba n'soni na boyaëli ya ko ésaka mokolo itó, buandé kowa kane mokobe wandé, n'kati mo omoneka maobi mondiya mésao n'saali.
\v 9 Motshékamba tsha Mokonga si tshéya tshaondesa nga ase, ke ya moëesa basè ko étéka ka ophenena, buandé mondia mékambo ito, n'ndi mo ko ëma kandé, ke bena m'ngebengbele si éya weese base n'kati ya Klisto Mbali oso wa n'nyanga ya milele,
\v 10 na éya si éyá ya mo ëselekanga énééké mo ko moneka ka mo ondesi ito Klisto Mbali, owa wa seyanga kokpa ke na ota bondi ya liti na ko kamba kokpa ko mésao lisaali.
\v 11 Mo mésaó n'saali si éyo-hï na télékanga monangoli ke motomeki mo ko moësa Bapakano.

\v 12 Mo isina si na monekake maobi mo yo, n'dni nika na lisomi mondiya néli oni nakowe we, ké ni na kóa-kóa mbele uka na tshékamba tsha ko chunga asima ane ya koïseka bésima béna otu si owo.
\v 13 Ika n'kati ya kóa-kóa ké n'kati ya koëmeleka si éyo ika n'kati ya Klisto Mbali owa uka komona kito molooki ya phènèna éya we tombe yo kowa kane.
\v 14 Lánga asimá éya é-ïsame yo, ó-Mosombo Mosaali éya ika n'kati itó.

\v 15 Weli mbele boose si baaba bika n'kati ya Azia baébkangi noho, aïkangi Fidl na Elemojene.
\v 16 Ekambel Mókóló wa balanganese tshobo tshandé mo lumba ya Onesifola, mondiya waësangi noho bië, ké utangbanga andé n'asoni na kokandéka kane;
\v 17 mokoétanesa, a-abowa a-alanga wee kowa loma, we na ophana noo iboka sana na ôme, ké we wa omona noo.
\v 18 Eka mbele Mokolo waese we na ko téléya tshombo aiynge na Mokolo mootu si owo. Weli bosaali mbele moto ango omo mela inga ya n'kasi wa téléanga nahoo ko Waëfeso.

\c 2
\cl Botuku ya ema 2
\p
\v 1 Na bobo owe, mana ane, aike na mekuwa n'kati ya gbegbele a Mbali Klisto.
\v 2 eyawe waubgake kua kane mo mboka ya batondoli ba buwa, esayo mo maako ma bato ba foa, babo bengame na koebesa baphe.

\v 3 Obunde nusu a obaba wabe sawasawa na sola wa fao wa Mbali Klisto.
\v 4 Salasi uku na esa, uto koetana etana maoki mo maondi man'su na n'su mondi afuraishée owa waetake we omekambo;
\v 5 nani okia obeyo mo kokoma oso, utopata ndem'po ya bokota alina aishimia eya ika.

\v 6 Efai na moleki kota boso na kokonyoa tauma.
\v 7 Eba eyaokoena noo, mba Mokolo okoes owe akili no besima bose.

\v 8 Enyeka Mbali Klisto, Owa botekake mocthebanda tcha Daudi, waimokake o bakgbi, na bobo ika mesao masali yane,
\v 9 mo isina bondi noo tesekeka bena kokandeka imba moto a beya. Ndi looki a Mokong éte kandeke ande.
\v 10 Na bobo nota na mekuwa mondi a basoneki, bondia isina yabe kae kopata kaonda eya ika kati ya Mbali Klisto, na okuku ya laya laya.

\v 11 Looki si ono ukai liti: aikamba takba sawasawa nande, ke tokaikai nande pali omo;
\v 12 imba takanda metema, tokailela kae nande; imba taibeya we, ye kae okaibei ase;
\v 13 imba takosa kaimana na liti, we uka na liti, mondi a we mune utoweza nde kaibeya.

\v 14 kumbuka maondi si mamo, n kota tele boso na Mokonga, baeki kobotesana o maoki, mauwa na isi na yo kobiya bangbi mo koseyama.
\v 15 Ta mekuwa yoose owe mune mo koimana boso ya Mokonga mba moto utengame n kangba n'soni moti a mekambo wa engame, ono okoena mo tcha looki ya liti.

\v 16 Eka maondi ma bule ma koesa lokendi; mondi a okosesi bato wakati a kosombola, ke maoki mabo yofunyafunya imba m'mpota ya taina.
\v 17 Umenai, na Filete baikangai bobo,
\v 18 babaomokake mo mboka ya liti, mo koena mbe kaimoka kalake, na koyimbola koakoa ka ophe bato.

\v 19 Bato, n'nsina ya mekuwa ya Mokonga yaimanake, na maondi si ma mande eya ebunde Baalama: mokolo weli babande na beya.
\v 20 Kti ya lumba ya ema, yauwa nde lika kopho ya wolo na bigboma, yokaikai ya mbao na ya n'nseke; ephe iki ba kopho ba okuku, na baphe eno maondi mauwa na isina.
\v 21 Imba moto atchunga mobe ande, eno kophesana na besima si ebo, okaika kophoya okuku, ye phenene, mo isina ya mokolo wande, na maondi moose ma foa.

\v 22 Eka tchebebe tca iyanuke, na phana liti, na koakaa, na moboto, nabi na baebose bolitosa mokolo na motema ya foa.
\v 23 Eka maoki ma bule na makose isina, mondi a mbele y'okomoli lokendi,

\v 24 na bobo itengame ane na molondai awa mokolo kaika na lokendi; akaikai na motema wa eya ka moto ose, na koengame na komoesa, na koeyesa motema,
\v 25 koekesa bo mo kaokooke babo beseke owe, na kota maenyeli ka Mokonga okaesai bo mekuwa mo kotimbola metema mondi a kokoma mo koika mo koyeba liti;
\v 26 mo inyanga, ya kosumboka ko maenyeli ma foa, bo toesai toteo ta Setani, eya ekande bo mo kota mekambo yande.

\c 3
\cl Botuku ya ema 3
\p
\v 1 Isato Ebámbe, mo n'su ya maili, ékaina n'nyanga ya talala.
\v 2 Bondiya báto ba maimi békaikai, masou ma béèya, boénééna, komóesanaesana na koséka, boséi ba maoki ma Mokonga, bachomi ko baboti babó, bokambé ya koakowa chésima, kolingowa étanga.
\v 3 maoyóya ba bokambé ya liti, bato bá tolola, n'nyanga ya béya, baiyi baséki ba bato bosaali.
\v 4 Bato ba kósea maondi, kobiléka bgaaya, kouwa na ómuli, baemi ba óme kolongeya Mokonga.

\v 5 komoesa kolingowa ka olanga, mo koeka maa météléke mo chékamba. Ekana na bato si báabo.
\v 6 Iká-kaé na baphe bokon'ngeya ko malumba, na kokanja bamokali ko mósómbó ómo ya pholéa owaétungéya moo, bétangame na kobéya, koika na n'kasa ya boyali yoose.
\v 7 Komgba achange-ilangá na kokombéya koyeba ka liti.

\v 8 Mba kaé Jannes na Jambres baékangai Mose, mba kae baome si baabo nakoéka liti chésé, ambe bika na maényéli ma kotómba beeya,
\v 9 ndi bitelekatiandé chepheme cha kiya na boso, bondia baebekake m'mba bato ba n'seka, m'mba bówa aikanga baome si ba baano.

\v 10 Mo ówe, weondei bosaali maondi mane, koenda kane koondeya mo bétéléli banè, kokowa kane, kopholea-phola, moboto yane, kotalala kane,
\v 11 kotéléka kane ka béya, obábá yane. Oni obaba étéike nane mó Antiokio, mó Ikone, mó listee? Koni kotéléka kobeya kitekokole noo? Mokota na koondésa noo mo yoose.
\v 12 Ndi, báa boose béeme koika basali ka Mbali béka monekai maobi.
\v 13 Eke bató ba lolá na béléndéla békayai na bósó.

\v 14 Owe wechumane n'kati ya maondi si ma liti me maebanga koéba béno, éba mbe owewélékei kolinga kobotéka kabe,
\v 15 wéli taani ta ilonga, maa mééngame na kotimbola ówe móto wa weli.

\v 16 Maoki noose mokonga miki ma kotoka, kofea mo kongesa ko météma ya bato mo kotimbola, na koébésa mo n'kati ya liti.
\v 17 Moto wa ao kotondanésa, Mokonga wa phénene n'kati ya maondi masaali.

\c 4
\cl Botuku ya ema 4
\p
\v 1 Naekake oso ya Mokonga, na Klisto Mbali, we-ï oosambésa bakpi na baa biti na kpi, molina ya kobuanya kandé mo bokota, kó nyangóla looki, ko kákáméa bondi yoose, na yabeya.
\v 2 bua ya yoko sumboka kolondoa, na koselela, na kosulea, yo koiki na n'nyanga émo si éya bato, bito koëma kayé, kokpa boya¨li ya abotekéa.

\v 3 M'mba wa yoba-yoba. uto kopka andé omoësi owa toose, ké wa ésana motuka ya mkota ya bakpi.
\v 4 ko opesana na éya si éya ika, timbola itú ya liti mo baa baüwa na tshékamba. owe ika baka, ko aphya obaba, ko mékambo ya kolondowa.
\v 5 Endjeka mékambo yabè, mondiya noota n'kasi mo n'nyanga ya nè ya kiya.

\v 6 Ké nó kóésa motato ya fowa, mondiya kotshunga kóa-kóa.
\v 7 M'mba bokota ya liti yé téléke-ï, oko ési mo botu si owa, buandé lika owè lika, mo basè boose mo baa si baa baëmanga bondi,
\v 8 we kaé kaaobébéyo kówa kane; mondiya Damasi waëkake noo, na bo nduku mo bémo na bmo mo saa si ono, waëke mo Tésalonika.

\v 9 Waa kaobébéyo kowa kane na n'nyanga;
\v 10 mondiya Damasi waëkake noo, na bonduku mo bémo-na-bémo mo saa si ono, k waëke ko Tésalonika, kophowa na jkiya mo Galatiya, tite na Dalmatiya.

\v 11 Luka we omunè na noo. bunda Malako, na kobiya we nandé, bondiya ya Phowa mo mokambo si ono.
\v 12 Ké natomaki Tishike mo Epheso.
\v 13 Mo n'nyanga si éya okula owe, biya n'ndondo si éya na sianga sé mo Trowasi ka Karpise ké tshitabo, n'ndi buwa koïbéya n'koba ya mokoko si éya mondiya ba langi.

\v 14 Alexandre, moto wa m'mbawo, wata noo kobéya. Mokolo wáta noo m'ba mo mékambo.
\v 15 Tshunga-owe, mondiya motshékamba tshika n looki.
\v 16 mo maondi mane maemo, moto ote utile ongo kalibo, ké bo ose baëka noo.

\v 17 Uki Mókólo-ï waüléyake noo na waësaki noo tshékamba, mondiya maübiri si mano ma télékè nanè na baa bitéli looki baëbè looki. Na nasungamaki mo kana ka n'simba.
\v 18 Mokolo wa ondasaki noo mo maondi moose ma béya-béya, na ko sunga noo mo kon'ngéya mo bokota yandé ya kiyó. Okuku yoose yaye kówá kandé, mo myaka na myaka! boobo!

\v 19 Bika ókò Priska na Akila, na tshénina tsha Onézifore.
\v 20 Eraste wa siakè mo Korite, ké na siyaki we embe oko n'ngba mobe mo Milé.
\v 21 Mokambo wa kula oso ya n'nyanga looba na m'mbuwa. Eubulus, Pudens, Linus, Claudia, na ba nduku boose ba salimiyak owe.
\v 22 Eka Mokolo waïke mosombo yabe, ké eka n'ngbengbelè yaïke nino!