\v 3 Molahii Priska na Akilase, baa bo osunga naho o mokambo ya Mbali Klisto,
\v 4 Baa baekanga mechwe yabo mokondesa koika koue; yauwande noho mune hii no oteleya bo m'mgbemgbele, yeko naika malumba na Mokonga moose ma ba pakano.
\v 5 Imolahii kaya lumba Mokonga sieya iko n'kati ya lumba ino. Imolahii Epainete, owa neemewe, owa waekanga n'ndia a Klisto touma ta booso boso kowa Asia.
\v 6 Imolohii Matia, owa wo patanga obaba itoka n'ndia ito.
\v 7 Imolahii Andolomikisi na Zumas Bazazi bane na Isau yane n'kati ya bokobe, eya yokoika na ome na koelelesa iboka n'nkati ya batomki, nabo kahii baikanga oso ane kowa ka Klisto.
\v 8 Weka kobesakobesahii ane bane mo n'ntungeya, mondia beikahii baa bitokateka na bondi ango o mo otunya Mokolo ito.
\v 9 Mokonga uki liti, we owa waetanga ane mo kosangana na Manande, Klisto Mbali Mokolo ito.
\v 10 Na boyaboyake hii ane, banduku, molina ya Mokolo ito Mbali Klisto, mokoika no looki omo ane boose, na bite baanye kangi, n'ndi mokoika menemene omo n'nkati ya Mosombo omo na n'nkati ya n'nkasa omo.
\v 11 Mondia, banduku bane, na m'mgbaki mo isina ino, o bato ba Kolowe, ika na koetanatena maoki n'nkati ino.
\v 26 Monahii, banduku, n'kati ino baa beeteke, yauwande na baa buwa si baa biki na boweli m'mba o mobe, ao ba buwa bika na chekamba, ao babuwa si baa bika na okuku mokoekana.
\v 27 Yohii Mokonga Wesone besima baa bika na n'seka mo okolokanesa na boeli, Mokonga we na kosona besima ba opholeyapholeya ba chese moo okoolokanesa eya ye kobeye.
\v 28 Na Mokonga wasanagi besima baa okamba isina mo chese na eya ya omenka buwa isina, eya ya uwa, moomoesa eya ika ya bule.
\v 29 Mondia mbele moto ango utelubeyangi m'mbele bosowa Mokonga.
\v 30 Moyohii, mondiande hii bika n'nkati ya Mbali Klisto, owa mondia Mokonga, watelekanga n'ndia ito boweli na kopheneneseleka na koondeseleka,
\v 6 Moyo ii, ika boweli siowa too nangola yo n'kati ya baa beengame, boyeli siowa yauwa ya bemo si beno, ao ya mekota wa bemo si beno, owa beka seyameka;
\v 9 M'mba bowa ye kpalokeleke yo, iki maondi si maa liiso ita monanga ande, na itu itam'ngbanga ande, na ita ikanga ande o motema ya moto, maondi si maa Mokonga wa enyekanga mo baa bokoema we.
\v 11 Moesa bato, moyo ii, koeba maondi ma bato, m'mba aika m'mba iteike mosombo ya moto sieya ika n'kati ande? Moyo ii, ango omo uteli ande maondi na Mokonga, aika m'mba iteike mosombo ya Mokonga.
\v 12 Mo base, titepate abito mosombo ya chese, n'ndi mosombo ya otoka ka Mokonga mbele teebe maondi si maa Mokonga weese base mo m'ngbengbele ande.
\v 13 Noo ii tokoena yo, buwande o maoki ma koebesa boweli ya moto, n'ndi na baa yo osomeseleka mosombo, mo koena boeneleki ya mosombo o maondi ma mosombo.
\v 14 Ndimoto n'nyama uto opato ande maondi ma mosombo wa Mkonga, mondia ika ii na oseka n'ndiya we, na uto koeba ande yo, mondia iki o mosombo ii yo omoneka.
\v 15 Moto mosombo, moyo ii o mobuki ma maondi ii yoose, na wemune uteengame ande na kosambeseka na moto.
\q
\v 16 Mondia nani waebanga n'kasa ya Mkolo, mo o moesa? Base, tika na kaengeleyo ka Klisto.
\v 1 Ao noho, banduku, buande m'mba mo bato ba mosumbo yohi naemake koena nino, n'ndi m'mba obato ba mobe, m'mba o baana n'kati ya Kristo.
\v 2 Naesangi ane maale ma mabe, buande moleli ya otalala, mondia bitinakokolehi abino; ango be na eneeke bito okokola bino, mondia bitinakokolelhi abino; ango be na eneeke bitookokola bino, mondia bekenaka ba mobe.
\v 3 Moyohi, mondia yeke waika nkati ino na kosekawa na koetesana maoki, bauwa bino ba mobe, na bito kenda m'mba bato?
\v 10 Koondesana na m'ngbengbele si eya yaeseleke nohoo, na tangi botokeyo m'mba moto omo wa boweli wako imecha lumba, na ophe waimecha kiyo si. N'ndi moto na moto waike na bowa mo boyaeli si owa yo koimecha we kiyo.
\v 11 Mondia moto ango omo utengame ba Mbali Kristo.
\v 12 Aika m'mba, moto omo waimecha kiyo na botokeyo na mawe na n'keti, noa nfalanga, manwe ma n'keti, n m'mba we, towani, mabiya n'kasi ya moto na oto yeka moto yekamonekahii;
\v 13 Mondia otu siowa yeka taa mbele ya moneke, mondia; yeka moneka hii n'kati ya kaya, na kaya yeke na moesa hii n'kasi ya moto na moto.
\v 14 Aika m'mba n'kasi sieya ye imecha moto kiyo botokeyo yaika, wekapatahii iyota si.
\v 15 Aika m'mban'kasi yamoto ya moto ya lekana, walimesake liphoti yande; mondia nde, wekaenda, n'ndi mo m'mboka ya kaya.
\v 18 Eka mbele moto ango omo utesesangi eyaeya: "aika m'mba n'kati ino aika m'mba waenyeleya kioka na boweli koande sena na n'nganga sieno, waika na oseka, mondia mbele waka na boweli.
\v 19 Mondia boweli ya chese si chemo, ika hii na oseka oso wa Mokonga, na yo hii yo kpaloke mbele: "obiangi bato buboweli n'kati ya akili abo.
\v 1 Yo koungbekana koemeka iboka kowa kino mbele ika nailemba, bena ilemba si eya ina n'ngbekani mo ango ko ba pakano; mo isina si omo wno uka isongi na mokala ise.
\v 10 buwande na boyaeli menemene na bato ba ilemba ba tchese si tcheno, ao ba ko emaema ke na bato ko bakabaka, ao ke na bato ba ko tulamea tulamea belendela, mo ephe, yeengamei nino ko toka mo tchese.
\v 11 Eneeke eya na kpaloleanga bane, ikai mbele bite sanganangi na omo, weeteke nduku, uka na ilemba ao na koemaema, ao na ko tulamea tulamea belendela, ao na n'senda, ao na moto wa ko lewa, ao owa ko baka baka, buwa ango ko anga na moto wa boyaeli si owo.
\v 12 Nete boni na boobo, moobuka bondi yabo ba koandja? Buwa eya ya n'kati yoobuka bane?
\v 13 Mo eyo ya koandja, Mokonga oobuka. Towesai belengi n'kati ino.
\v 15 Mo boobo, ango baika na melombia elfu ikomi n'nkati ya Klisto, n'ndi bauwa bino na ba Tata babuwa, bondia nooi na esanga bane koika n'nkati ya Mbali Klisto mo mboka mesao isaali.
\v 16 Na bondja-bondjake bane ondeai noo.
\v 17 Mo isina si eeyo, na tomeaka bane Timoteo, owa wika mana ane owa neeme we iboka, owa o ko litosanga maondi mane moose mo lina Mokolo. Wo ko ebesai bane mboka yoose ya Klisto, eeya no ko ebesanga bane asima yoose mo beikaneyo ya masomboli.
\v 18 Baphe bato ba ika ke kowa na omuli, bondiya ka ekangai mbe n'ntiyangi kowa kino.
\v 19 N'ndi no kulai na nyanga, m'mba aika koema ka mokolo, ke no ko on'ngba ane maoki, n'ndi tchekamba tcha baa baiyake na omuli.
\v 20 Ebi, bokota ya Mokonga ya buande ya maoki, n'ndi n'nkati ya tchebamba.
\v 21 Beemei booni? Nile kowakino na kasosola, ao na moboto ke n'nkati ya mosombo ya moboto?
\v 1 Angbekana asima oose, mbe kowakino kaikake na ilemba, eke ilemba si eeyo, ito ko teleka bande ango n'nkati ya baa biteli looki ya ilonga (Mapagani): "M'mba moto omo omo koenda na mokali Ise wande."
\v 2 Eke bane ba iyake na omule! Bane bilètè bino matanga, ombe moto si ooyo ote ko beya si kooka wa ekane nino?
\v 3 Buwa koika kane ka mobe, n'ndi koika ka motema. M'mba na ikangai n'nkati ino mbele nehesei moto oowo azabu waema.
\v 4 Mo lina Mokolo Mbali, bane ena mosombo ane osaali, aika asima amo na tchekamba tcha Mokolo wito Yesu,
\v 5 Moto si ooyo weengame na koeseleka Satana mo ko seama ka mobe yande, m'mba mosombo aonda mo kula ka Mokolo, Yesu.
\v 6 Ikai mo ko beya bowo o kolubeya bane mbele. Biteli bino mbe kambu ka moto ya mekati, yo kouwesangai motuka ya falimi ya mekati?
\v 7 Toesi moto ya mekati owa aboso m'mba bo koika moto ophiya, bondiya bo buwa bande na moto si oowo, bondi Klisto, Pasika wito wegbei, we Mana Mokonga wa ko keka mo musalaba m'mba sadaka.
\v 8 N'ndi tetè, tcheombe, buwa na moto ya mekati ya boso, buwa ango na moto ya mekati ya olanga na ya kosoma soma n'ndi na mekati eya yo buwa na moto ya phenena ena a liti.
\v 10 N'taemanga bande ko ena: "Bato ba malemba boose ba tchesi si tcheno ango ba ba n'kasa ya beeya na babakei ango baa bo ko kombowanga belendela ba mekonga, mbe ya ikakei bosaali mbe beomokei mo tchese si tcheno.
\v 11 N'ndi na ebesangai bane boono: "Buwai kabaka kama na moto owa weeteke mbe: nduku eke mbe wika moto wa ilemba, ama wa ko ema beeya ango owa o ko kombowanga belindela ba mekonga, ango baa bo ko enyeyanga binakabo olanga, ango balewi ba malu ango baa bokabakanga besima ba bato, ango itephoe bande koika ko bo ikaneyo omo na bato ba beikaneli si beebo."
\v 4 N'nyanga bookamba ko n'ngbesana mo maondi ma koika si kono, biki bato si baetanda itoota ango bondi ango omo mo baa bebundeke m'mba babuki ba maondi!
\v 7 Ikai ko beya menemene kowa kino mo koika na maondi bamo na baphe. Mondiya tchei bitoko akowa ko teleka ko beya koliko ko maondi maa mekambe liti? Mondiya tchei biteeke koliko ko bakeleka?
\v 11 Ke na eyo baikanga, bamo bino. N'ndi ba solekangai, n'ndi bapheneneselekangai, n'ndi b longeangai mo lina ya mokolo Mbali Klisto, ke na Mosombo ya mokonga wito.
\v 13 Meleli mika mondiya mesolo, ke na mesolo modiya meleli; ke mokonga oseai emo m'mba mo ephe. N'ndi mobe yabuande mondiya ilemba. Iki bondiya mokolo, ke mokolo mondiya mobe.
\v 18 Ikai pkaaya na ilemba. Ophe kobeya moto ootanga, kobeya si kika kpaaya na mobe; n'ndi akoeka mobe yande mo ilembamba, n'ndi ootolea mobe yande we une kobeya.
\v 1 Moeya yo mone eya bakpaloleyanga noo, Neli mbele iki bosaali mo a moome utebendangi a mokali.
\v 2 Moyohi, mootissesa ilemba, eka mbele omo na omo waika na mokalande, na kila amokali waike na momeyande.
\v 3 Eka mbele kila amoome waese mokalande eya yeengame, na kila wate kahuka mo boyaeli siowo omo.
\v 4 Amokali wuwande na looka o mobe yande we mune, n'ndi mome yande; na boyaeli siowo omo, amoome wauwand na looka o mobe yande we mune, n'ndi mokalande.
\v 5 Biteekesesanangi omo na munakande, aika m'mba baakolesesana mon'nyanga amo, mo isina mbele beeti mokosombola; na mailisi besumbokehi asima amo, mondia mbele Satana ute sonjangiane mo kokamba kino kokanda motema.
\v 12 Mo baphe, ya owande mokolo, iki nohohi mokoena: "Aike m'mba nduku amo waika m'mba na amokali omo siowa uke buwa mowakoi, na wamonak mbele yofowe kooka nande, ute bengangi we;
\v 13 Na aika m'mba amokali omo waikake na amoome owa uke buwa mo aakoi, na wamonake mbele yefowe waike nande, utebengangi we momeyande.
\v 14 Mondia amoome siowa uka buwa mowakoi, we aphenenahi mondia amokali, na amokali owa uka buwa kowakowa wo ophenenahii mondia nduku; mo ophe boyaeli, bana bino baikangi ba boeliafu, ke aneake baphenenake.
\v 15 Aika m'mba bite akowe baekano, baekane; nduku amoome ao owa wa amokali bitekande abo n'nkati ya boyaeli siowo. Mokonga waetangi ase mbele teekehii na bii:
\v 17 Iki lika mbele, omo na omo waende koopesana moeya mokolo weete weyo, moboyaeli ya koeteka siowa wepate yo ka Mokonga. Yohii naenake yo mo malumba ma Mokonga moose.
\v 18 Omo waitekangi mbele webukeke choo.
\v 19 Kobikeka choo yeowande chesima, na kokamba kobukeka choo yauwande chesima, n'ndi ko monamona ba maoki ma Mokonga hii ika yoose.
\v 20 Moto na moto waike mobayeli siowa yaikanga we abowa yaetekanga we.
\v 21 Waetekangi mbele uka mokobe, bowa kosangala; n'ndi aika m'mba weema koika na bii, toyo moeneke.
\v 22 Mondia mokobe siowa weeteke n'nkati ya mokolo uka no bii ka mokolo; namna omo, moto siowa uka na bii owa weeteke uki mokobe ka Klisto.
\v 23 Baalekangi na oketiya ema iboka; biteikangi mekobe ya bato.
\v 24 Eka mbele, nduku, waike osowa Mokonga n'nkati ya boyaeli siowa ya etekanga we.
\v 25 Moboa bitinaeli baome, nauwa ane na looki ya mokolo; n'ndi naesaki lienyeli emo, m'mba owa wapatake ka mokolo chombo mokoika chaa.
\v 26 Mona eyo nemona mbele yoika osali, moisina ya n'nyanga ya matata siea yokula osaali moto waika boobo.
\v 27 A bowa yaikake owena amokali, buwa kae koekana nande; uteike na amokali buwa kae ko phiphana we.
\v 28 Aika m'mba wesongei utete abe kobeya; ke aika m'mba katuma kesongelekei, kitete ande kobeya; n'ndi bato oitaka si owo, bo koikai na mayeya ko mebe yabo, ke neemei koekanesa bane na mo.
\v 34 Ika na mna ome koekana n'nkati ya amokali na owautinaebi amome: "Owa ituna songeleki o sangali maondi na Mokolo, mondia waphene o mobe na Mosombo; na owa uka na amokali osangalahii maondi na chese, na m'mboka ya koesa ome ka mome yande."
\v 35 Naenaki iyo mo isina ino; ya uwande moobunda ane mokateyo, iki moobiya ane moeya iko ya ome na osaali mbele bebakamehii ka Mokolo na buwa kosangala.
\v 36 Aika m'mba wa mome mbele itofowe ande mo manande wa amokali koetesa bemo si ya beengame, na ika osaali na songeleke, wate buwa yeeme we, utete ande kobeya; basongane.
\v 37 N'ndi owa we imane cha mo koengamesa, buwa kobotesana na mokambo ya koena kande, na koena mbele n'nkati ya motema yande Moseka yande uki buwa koeba baome, oyo kahee watake bosaali.
\v 38 Na boobo, owa osongasa monande wa amokali ao moseka yande watake osaali; na owa utoosongesa watake kahee basaali iboka.
\v 39 Amokali wetandeke hii abowa momeyande wekenaika na koika; n'ndi aika mome yande wa kpake, waengamake na ani weeme we; aika m'mba, ika n'nkati ya Mokolo.
\v 40 Uki moto wa ome, nayo, aika m'mba waika m'mba bowa iko we, koondesana na lienyeli yane. Na nookahee, na akowa koika na Mosombo ya Mokonga.
\v 1 Mo eya emone moleki ya koabeka mo belendela, teli mbele tika base boose na koeba ka ema, n'ndi koemesana ko kobesa kobesa.
\v 2 M'mba omo wamona mbele uka na koeba bondi omo una ebi ande boa engame nande;
\v 3 Aika m'mba moto zaema Mokonga, ayai zebekane nande.
\v 4 Mo eya ika ya kowanga meleli ya koa beka mo belendela, teli mbele youwa kae na tchelendela n'kati ya tchese ambele ika na Mokonga omo.
\v 5 Mondiya, aika m'mba ika n bato si ba bokoeteka mekonga aomo abowa ao mo n'seke m'mba yaika menemene mekonga ya buwa na bakolo ba buwa.
\v 6 Mondiya koa kito ika na Mokonga omo, Ise, kowa kande yokula tchoose bondi ande tika na Mokolo omo, Mbali Klisto koa kande ika tchoose mondi ya nde n'ndi tika.
\v 7 N'ndi koeba si kko kebuwa nde ko bato boose. Bamo koonde sana na boyaeli si boteleya, tchelendela bo koonga meleli si eyo m'mba yaesele kande mo belendela, na koeba kabo ya koeyeya, yabeake mono.
\v 8 Buwande; oleli y'obakamesa base koa Mokonga: Aika m'mba tokoanga, te bowa bito ya koetea; M'mba titokoanga touwande bito na eya angowa.
\v 9 Bikai na ko langa n'nyanga yoose mbele koekeleka kino yauwa koikaa iwe ya ko kukesa mo baa beeyeeye.
\v 10 Mondiya, aika m'mba moto wamona owe, owe si owa uka na koeba, uka ase asima amo mo mesa mo lumba ya masomboli ya belendela, koeba kande, si kowa keiyeeye itekabilea ande we mo koanga meleli ya koeselaka na belendela?
\v 1 Tchee, mo no buwa bendenda? (Libu) tchenoo, no buwa moeki? Tchee, noo nita monanga Mbali Mokota itoi? Tchee, bane bo buwa, mekambo yane n'nkati ya Mokota?
\v 2 Ango mo baphe bato n'nteike moeki, kuwa kino noo nikai moeki, bondiya kowa ka Mokota, bane be ebeselekei mbe nikai moeki wino.
\v 3 Eno, ikai maoki mane kowa kika baa bo ko tchongeyanga.
\v 4 Tchee, iteengame nito na ko anga, bena komalu?
\v 5 Tchee, titengame na ko biya, mo ondo ito amokali moklisto, bowa o kotanga baeki baphei, na ba nduku ba Mokota, nande Kefa (iwe).
\v 6 M'mba, no lika, na Balabasi, titengame na koika na ephe mekambo ya maako?
\v 7 Nani aika mbe wokota mekambo ya Leta eke wo buwa koika na walele wande omune? Nani weengame na ko leka iba eke wo buwa ko anga beya oleke we? Ango nani waika ko tchunga ngombe, mboli ango mekoko (kundi) eke wo buwa koma maale ma mabe ma n'nyama si?
\v 8 Tchee, eyo yoose ikai maondi ma binakatio ba angile amine mo ko ena maondi si maamo?
\v 10 Teteli mbe o ko ena eyo yoose bondi ito lika? Mo liti eandikelekei bondi ito: "Mbele owa wo koleka iba, ikai bosaali, mbe waleke na kowakowa, na owa wo ko gbota gbota ngano waike na kowakowa mbe wengame na ko tomba kae beya beleke we.
\v 13 Bitei bino mbe bato boose baa bokota mekambo esaalim beengamei na ko leseleka na okita, ena baa bokota meka mo masomboli beengamekai ko anga meleli ya kooko?
\v 14 Mba kae boobo, we akowei mbe boose baa bo ko ebesa bato mesao esaali ya looki ya Mokolo, beengame kai na ko anga kooko.
\v 15 Mo noo, nto ko ombanga bane besima si beebo boose, bande mbe na ko ombai mbe baese noo bom n'ndi na andikake mondi si mano, bondia meemei ango kogba, ko liko ko onda maondi ma tchesem ma okuku.
\v 16 Aika m'mba no ko ebesa bato mesao esaali ya Mokonga buande mbe neike na okuku yane, bondiya kofoa koose keeselekei noo, tchombo kowa kane mba nte ebese bato looki ya ilonga
\v 17 Aika mba na ta mokambo si na motema osaalim no keeselekai iyoli kiyo, n'ndi aika m'mba, n'ndi nata yo bo ko ema, eke ya ko meya noo ko beya.
\v 18 Na ko tombai tchei? Efoe na ebesa bato looki ya ilonga bowa ko o; ba bo iyoli (ko esa bule bule) mo booboi nto ko emanga ko omba moto tchesima ango tchemo.
\v 19 Ango bowa ika noo, kose na moto ango omo, noo no kota kae mekamba ya boose, mba no ko bota bato ba buwa ba n'ngeya mo lopango.
\v 20 Na ba Yuda, na ikangai m'mba mo Yuda, mbe nebote bale; ango bowa obuwq noo mune kose ya ba angile, m'mba nebote bale baka baka nito.
\v 21 Na baa bo buwa obuwa noo ba Mokonga, nde kose na ba angile ya Klisto, mba to ko bota baa bito ko litosanga ba angile.
\v 22 Na ikangai na obeli, na baa bao ba oba, mbe nebote bo bale, na timbokanga m'mba.
\v 23 No kota yoose bondiya looki ya ilonga, m'mba no ko eseleka iyoli kiyo.
\v 24 Biteli bino mbe baa boose bikiyanga malongane, boosei bo kiyanga, n'ndi omolikai o ko longeyanga, o ko mokanga wa boso eke za tomba iyoli? Yai obeye m'mba o ko longeya.
\v 25 Boose baa bo ko esanga bita, bo ko tanga tchekamba tcha ko longeya, bo ko tanga m'mba balongeye, n'ndi base to ko tanga buza ko omba ko lipeka.
\v 26 Noo no kiya obeya, buande m'mba moto wa boseke, no ko lubeyanga, buande ko mophopho, n'ndi ko lubeya ka liti.
\v 27 Noo no ko kobesangai mobe yane tchombo, n'n ya oyo ko ebesa bato looki ya ilonga.
\v 7 Bowai kolombesa besima bephakolo m'mba bowa atanga bamo n'nkati yabo, bowa eandikeleke: "Okita na koika ase mo ko anga ena mokoma; eke bo na ko imana mo ko sambowa."
\v 8 Tobuwa ko onda maondi ma malemba m'mba bowa bamo babo batangai, mo boobo, eke elfu nkama ibe na isato bagbangai moo boso omo.
\v 9 Tobuwa kophana Mokolo na bondi, m'mba bowa atanga bamo n'nkati yabo eke manekangai na ndjoka.
\v 10 Buwai koima ima, m'mba bowa aima imanga baphe n'nkati yabo, ba manekangai na ba malaika.
\v 11 Beseso beebo, ba luleyangai bo mo isina ya ko timbola bo, bowa anaikelekanga mo ko kandowa maenyeli mito, base si bano takomake monyanga si eeno ya bemo bamaili.
\v 12 Mo bobo kae, owa woose owa wo komona mbe weimane, wa kokame bondia mbe witekeangi!
\v 13 Kosondjeka ango kamo kito ko komeya owe m'mba ko buwa ka binakato, eke Mokonga owa wika waliti uto kowakowa bande mbe owe wosondjeke, wo ko endjekeya owe beikaneli mbe utekeangi, m'mba owe wo kokole na kolongeya.
\v 24 Buwa moto ko phana ome yande omune, n'ndi ephowei kophana ome ya munakabe.
\v 25 Angai tchoose tcheya tcho ko oleka mo ibongo, buwa ko phana isina ya bominako ino,
\v 26 bondiya nseke ikai ya Mokolo, na boose beya bika n'nkati ya yo.
\v 27 Aika m'mba, moto owa unaebi looki ya ilonga waeta owe, eke waaya ko, anga tchoose tcheya tcho ko eseleka owe, ango buwa ko phana isina ango asili ya baninako bino.
\v 28 N'ndi aika m'mba moto wa ena na be: eeno ya eselekakei m'mba sadaka (bowa ko anga) bondiya owa wa ebeselekake bondiya asili ya baninako.
\v 29 Abono, na ebesake bo ono, buwa bande mo isina yino n'ndi mo isina noomune ka phopholeke na maondi ma asili ya baeni?
\v 30 Aika m'mba naanga mbe na lombesa mo ngbengbele, bondiya tchesima tchemo tcheya na kombowake boso?
\v 31 Aika m'mba waanga, aika m'mba wamaa, aika m'mba wata tchesima tchemo, taa tchoose mo kolombesa Mokonga.
\v 32 Buwa koika katchotchola mo ba Greke ango ko ba Yuda, ango mo etanda ya Mokonga;
\v 33 Mo namuna o molika m'mba noo kae, mokota mekuwa mo tchoose mo kolengesa boose, buwa kophana iyota yane no omune, n'ndi ya bato ba buwa, ombe ba onde.
\v 17 Mo koesa mbeya si eya nitolombesa, mondi ya eya asongana bane, bua mo kaika baphai, n'ndi mo kaika bakobesi.
\v 18 Ke na boobo, naungbangi mbele, mo n'nyanga okaika bane mo ikumbe, n'nkati yino, iko na kobaanyeka, ke neakoe kambu.
\v 19 Mondi ya engame kae na kaika na to bitanda n'nkati yino, mo isina mbele ba beengame baebekane m'mb ba bika n'nkati yino.
\v 20 N'nyanga yosongana bane, ebua nde mo koanga moleli ya Mokolo.
\v 21 M'mba, abowa ika bane mo mesa, omo na omo wakonje kobunda moleli wande mune, m'mba omo uka na n'nja, n'ndi ophe olewe.
\v 22 Bebuwa na malumba mo koanga na omae? Ao bane baosenja Etanda ya Mokonga, ke bane bokoesa n'nsoni ka bauwa nde na tchesima? Nokoengangi nino booni? Noo lombesai bane? Mo eyo nitolombesai bane!
\v 25 Na boobo kae, maili ya koanga, wabiya ophata, ke waena: "Ophata si ono iki malonga ma m'mbesi o mokiya yane; tai bono mo koengelea noo n'nyanga yoose ekamanga bane.
\v 26 Mondi ya mo n'nyanga yoos bokoanga bane ophata si ono, boosaowa kogba ka Mokolo, be na kowa ekala we.
\v 27 Mo isina eyo owa okoanga mokate ao ooma ophata ya Mokolo mo kobeya, ookeleselekai mondi ya mobe ke na mokiya ya Mokolo.
\v 28 Ekai m'mbe omo na omo waebekanese we mune, ke na bo obo waange mokate ke wame ophata;
\v 29 Mondi ya owa okoanga ke wama bua kofofo mobe ya Mokolo, wangake ke wama kobukeka boondi wande mune.
\v 30 Mo yai ika n'nkati yino ba bua bagbki ba meongo ke na n'nso, ke iboka bagbkake mano.
\v 31 Aika m'mba tabuka base mine, titekabukeka kae.
\v 32 N'ndi abuwa ebukeke base maondi, tika mo kosa koa Mokolo, mo isina mbele titekeangi asimamo na tchese.
\v 33 Na boobo, banduku bane, abowa bokaika bane asimamo mondi ya moleli, endeyanai bamo na baphe.
\v 34 M'mba omo uka na n'nja, waange koa kanae, mondi ya m'mba buwa kaika ikumbe mo kobiya bondi omo koa kino. Nekaenjekai baphe maondi abowa ekala noo.
\v 12 Mondia m`mba bowa mobe ika omo na belia babuwa, ke m`mba bowa belia boose ba mobe, ango bowa ye buwe yo, ye te yoose mobe omo, na boobo hii ikayo ya Klisto.
\v 13 Base boose, mo boobo, hui tan`nyekanga ukati ya mosombo omo, motaa mobe omo, sa omo Moyuda, Mugreke, saomo moto wa n`kasi, owa uka buwa n`kasi, ke base boose teme hui o mosombo si omo.
\v 14 Na boobo mobeya uwande chelia chemo, n`ndi yeenzekeleki na belia babuwa.
\v 23 ke eya temone mbele yauwande na okuku o mobe, tokouphi yo na okuku ya ema. Na boobo belia bito ba mobe si beya bauwa na kokamba chaa ya pata okuku ya eteya,
\v 25 Mondia mbele iteikangi na koobanyeka n`kati ya mobe, n`ndi mbele belia ba mobe baike namuna omo na okuku n`kati ya yoose.
\v 26 Na aika m`mbe chelia chemo chamobe chaika moobaba si, sika m`mba chemo cha chelio chaika mo okuku, belia boose bokoiki mo ome.
\v 27 Biki mobe ya Klisto; na biki belia ba mobesi, emo na emo mo n`kasi ya yo.
\v 28 Na Mokonga we tei n`kati ya lumba ya Mokonga boso boso ba tomeki, maili si baeni ba maondi, yaisato ba somesi ba looki, maili si baa bika na n`kasi ya maondi ma maniini, na baa bakoondesa mebe, bakoongoza, bakoena beeneli okitaka
\v 1 Ango na ena mo beeneli ya bato naya bakitomo, m'mba mauwa na moboto, niki mongenge si owa o kolena ngbingbi ao oke si owa o koakayo ngboo ngbongbo.
\v 2 Ango maika na iyota ya kolondola, ko yeba ka ma moose meisame ke na ma moose ma ko yeba, angonaika na koakoa koose ka kotoesa mekondi, aika m'mba nauwa na na moboto, nika tchane bule.
\v 3 Ango baebanya tchane tchose m'mba moleli koa ika tauwe, ango na aba mobe ane mondi ya kolelekana, aika m'mba anuwa na moboto, eyo itokoesa nde noo tchesima.
\v 4 Mboboto uki na kolitowa motema, eiye na koema; moboto auwa nde na tcheema; moboto auwa nde na boeneena, ebua nde na omuli,
\v 5 Utota nde eya olonga, utophana ande kofoakande mune, auwa nde na obaba, yabua nde na bolenga,
\v 6 utolengeya ande eya ejebuwa na tcha, n'ndi y'olengeyai maondi ma liti;
\v 7 y'omeseli mose, yokoakoa mose, ete toeli mo yose, uki na mainaina.
\v 8 Mo boto yauwa nde na kobandeya. Melondo ika na tungeya, beeneli bootu ngai, koeba koolimoka.
\v 9 Mondi ya teeli mo kakolokolo, k to olondowai mo kokolokolo,
\v 11 A bowa naikangai maana, naenangai m'mba maana, naenyelangai m'mba maana, naengelekangai m'mba maana; abowa ekome noo a moome; neeki yoose ya iyanuke.
\v 12 Mo ono botu toomona mo m'mboka ya tchio, mo boyaeli ya iphue, n'ndi na boobo to moesana bendi na bendi mo ono botu neeli mo kakolokolo, na boobo nekaebai m'mba naebekananga.
\v 13 Na bobo kae besima si beno bisato bekenaika: "Koakoa, kaeli, moboto; n'ndi ya eme kolongesa iyoose iki moboto.
\v 2 Mo boobo owa okoena na tcheeneli uto koena ande bondia bato, ndi bondia Mokonga, bondia moto uto koeba nde yo, ke na mosombo okoena maondi ma kosangalesa.
\v 3 Owa okoebesa maondi si maa mokokula, okoebesa bato bondia koesa bo tchekamba, na kophophesa na kokobesa.
\v 4 Owa okoena na tcheeneli okoebesa omune; owa okoebesa maondi si maa mokula okebesa etanda.
\v 5 Neemei mbele beene bane boose na beeneli, ndi eya eteye ikai koena maondi si maa mokula. Owa okena maondi si maa mokula weemé koetea owa okoena na beeneli, kosakolo mba moebesi waa n'mgbesa etanda mo kokobesa yo.
\v 6 Ke mo eneeké, bina kito mo eni isina mba naenea bane na beeneli si bea bekose bane koon'gba ao na boeli ao na koebesa bane maa mokula, ao na angile.
\v 7 Ikai mba besima si bea bauwa na koika ndi bika na maoki, ikai mba npalu na tcheke tcheke. Aika mba iteekanese maoki yo koebe kani booni mbele mpalu ao tcheke tcheke ono?
\v 15 Nete tchei? No sombola na mosombo, ndi no sombola kai na kaengeleo; no koembai na mosombo ndi no koemba kai na kaengeleo.
\v 16 Ophe boyaeli, aika mbe wa lombesa na mosombo boni owa uka nabe asima amo oko akoai boobo! Maili ya kolombesa kabe we uten'gbe ango mba waenaki tchei?
\v 21 E kpaloke mo angile: no koendi na monginda siono na maoki ma ophe boyaeli ke na tona ta bato baphe, ndi bito kon'ngbaande noo. Booboi anake Mokolo.
\v 22 Mo boobo, maoki mikai n'nembe, buande bondia baa koi, ndi bondia baa ba bua na koakoa; koebesa maondi si ma mokula auwande bondia baa bekose koakoa ndi bondia baa bika na koakoa.
\v 23 Mo boobo, mo ikumbe ya etanda itondo, boose bokoena beeneli, mba bato ba motanga na baa bauwa na koakoa ban'ngeye nkati yabo bomonai mba bika na n'nseka?
\v 24 Ndi boose baebese maondi si ma mokula ke kambu ka baa bekose koakoa bala ao omo wa motanga, okon'ngbai n'soni mo yoose, ke osondjelekei na yoose.
\v 25 Maondi si maa meisame ko motema yande momonekai phololo, mo boyaeli, kokeya mo tchondi tchande, olombesai Mokonga, nako balanganesa mosao mbele Mokonga uka nkati ino.
\v 26 Bootai tchei, binakane? Aaboa osongana bane, ke na baphe nkati ino bika na boele, na kolondoa, na komoeseleka, na looki na koebeseleka, maose mateleke bondia koedjeka.
\v 15 Ke yo omonekai ambele tikai bato ba n'nanga baa bo koeneanga baphe. Kowaka Mokonga, bondia mbe telondo mo isina ya Mokonga aimbele waimolangai Klisto, ambele utai molanga ande we, aika m'mba bapki bito koimokanga ande.
\v 20 N'ndi eneeke, Klisto weimoki ko bapki, ukai kauma ka mokondjekeo ka ba bepke.
\v 21 Mo isina mbele kopka kilei bondi yo moto omo, ika kai mo isina ya moto omoi ile koimoka ka bapki.
\v 22 Ke bowa boose bo opka ka Adama, boobo kae boose bo koonda ka Klisto.
\v 23 N'ni moto na moto na nyanga yande, Klisto m'mba kauma ka boso, maili na moob bika ka Klito mo n'nyanga ya bondi yande.
\v 24 Maili ke n'ntongea yala, obowa yo osumbola we looka ka owa uka Mokonga na Ise, maili ya komuna kotoanya koose bokota yoose, bena tchekamba tchoose.
\v 25 Bondi ya ùbe ephowei wa taanye bena kowa yoota we basekani bande boose kose ya mao mande.
\v 26 Mosekani wa n'ntungea si owa oseama, ikai kopka.
\v 27 Mokonga mo boobo wetei yoose kose ya mao mande, n'ndi abowa yeene we mbe yoose ya liselelangai kose ya mao mande ye moeseleki mbele moselelesi obuande n'nkati ya eya eseleleke.
\v 28 Ke abowa besima boose beselele kose ya mao mande, mo boobo maana omune wekaselelai ka owa wete besima boose kose nande, ambele Mokonga waik yoose n'nkati ya bato boase.
\v 29 Ophe obalu ba bokonyeka moisina ya bapki bootai boni? Aika m'mba bapki bito koimoka liti menemene, bondi ya tchei yo ko n'nyeka bo?
\v 30 Ke base, bondi ya tchei ika base n'nyanga yoose mo mayeeya ma kopka?
\v 31 Kila botu neabeleke mo kopka, no koena yo ba bito, mo looka si owa ika bane mo yo, ka Mbali Klisto mokolo wito.
\v 32 Aika m'mba boso ya bato naesangi na n'nyama mo Efeso, oni oketi yo koabeleka noo? Aika m'mba bapki bitokoimoka, teangei na koma, bondi ya na m'mpendu toopkai.
\v 50 Bya yo koena noo tchenina tchane ikai mbe, monuku na mokiya ito tomba ande asima mo bokota ya Mokonga, bondi ya mbe eya bowa yo buwa kotomba eya ito obowa.
\v 51 Monai, no koebesi bane boose kaisama kamo titoopka bito base, n'ndi base boose to otimbokai.
\v 52 Mo n'nyanga kakolokolo, mo kolimaliiso, mo kaphonge ka n'ntungea. Kaphonge ko olubeyai, ke bapki bo koimokai na kokanga ko bowa, ke base tootimbokai.
\v 53 Bondi ya eengami ambele mobe si ono yabate ya kokanga ko bowa, ke boobo mobe si ono ya kopka yabate ya kokanga kopka.
\v 56 Bofunyeo ya kopka, ikai kobeya; ke tchekamba tcha kobeya ikai angile.
\v 57 N'ndi m'mbgbengbele yaye kowa ka Mokonga owa oko abeya base kolongea ka mokolo wito Mokonga Klisto.
\v 58 Mo boobo, tchenina tchane baemesani, tembganai, betekate kangai, na kota mokambo ya makolo na bowaali na bosali iboka; na koeba mbele mokombo mo itokoika ande ya betata n'nkati ya Mokolo.
\v 1 Mo eya ika mo lifaefi mo isina ya bapheneni, banekae tai, mba boa naebesanga ba etanda ba Galatia,
\v 2 Ekai mbele kila moto nkati ino, ko makondjekeo ma m'mposo wate kaowa koakande eya eengame nande, koengamesa na iyota yande, bondia bauwa koendea kulakane mo kokongoa ma faefi.
\v 3 Ke aboa okula noo, notomai asimaamo natoani, mokobiya ma faefi mino mo Yelusaleme, bato siba bokoakoleka nino.
\v 4 Mo mbondi si yaengama kiya noomune, tokoendai mboka emo base boose.
\v 5 No kiai kowa kino nyanga sieya nokoeta nkati ya Makedonia.
\v 6 Nyanga emo nokoetesi n'su baka baka nino, ango nokoilelai aoyo mo nyanga yakalo moisina mbele beendi nane kowa kokia noo.
\v 7 Nteeme ane komona bane mo malasiono mokoeta kane, ndi neemei koika baka baka nino, mba mokolo waakoa.
\v 8 No koikai mo Efese bena mo Patekote;
\v 9 Bondia molango ya ema na mokambo ya ema ya kadokeeyake noo, ke baesesi be bue.
\v 12 Mo isina ya mo botekani Apolo, no bondja bondja we iboka wakomee bane na babotekani, ndi ita ikanga ande nkasayande mootayo eneeke; wekayai aika mba waika na nyanga ya kotayoo.
\v 15 No bondja bondja bane, bina kane. Beli monginda ya Setefano bikai baakoi ba oso oso mo monginda ya Akaya, na baabake metondo yabo komekambo ya ba pheneni.