eyo_reg/66-JUD.usfm

\id JUD
\ide UTF-8
\h Juda
\toc1 Juda
\toc2 Juda
\toc3 jud
\mt Juda
\c 1
\cl Kurget 1
\p
\v 1 Juda, kiboityotab Jeiso Kristo ago tupchetab Jakobo asirjini icheget che kigiguur, che chamatin che mi eng' Jehovah Kwanda, che kigitabonji Jeiso Kristo.
\v 2 Ngotesak rirenet ak kalyet ak chomiet eng' okwe.
\p
\v 3 Chamanichu, kiagilge mising' asirwak agobo ole kisarwech Jehovah ache tugul. Ago kimagaat eng' ane asirwak okwe ak a kaigaak, asi akiljike miising' eng' kayanet ne kigikoji korok kayanik Chuto ko tuguk che kigenetech Jehovah koityi cho tugul che iyani Jeiso. Tuguchuto ko mawalakse agoi.
\v 4 Amu mi biko alak che kochutu eng' ung'ot ko mongen ago kigikoji kiruoget. Biko che kimoiyoni, che wale rirenetab kamuktaindet koek che mokyinige, ak kotae Jehovah Kamuktaindet ak Kiptaiyat Jeiso Kristo.
\p
\v 5 Eng' nito anyun, anonwok mbo nda kionget ole King okay is or Kiptaiyat biik eng' emetab Misiri, ko kingokakobata kong'em icheget che ki maiyoni.
\v 6 kora, kinde anyun Jehovah malaikaisiek che kimarib baunateng'wai, ago kibagakta meng'oteng'wai; kinde kotebe ratisiosiek che bo koigeny eng' mesundeito agoi koit kiruogetab betut neo.
\v 7 Ko u noto agot Sodom ak Komora, ak nganasook che kimuti, kingokochige sokset, ago rubote borwek che makerge ak chekwai ago kinde koek kaborunet, kololyo eng' kiruogetab mat ne bo koigeny.
\v 8 Imurwoni agiche chuto ko u noto borwek eng'karuotitoisiekwai ak kosase Kiptaiyat ago chube che tororen.
\p
\v 9 Ago kingo baregei Mikael malaikayat ne o, ak chesawil kotiysot agobo bortab Musa, komakany koipchi inendet kiruogetab chubet; ago kile ine, "ngokerin kong Kiptaiyat".
\v 10 Ago chube bichu tuguk alak tugul che menget. Ak tuguk che iguisot ichege ko u biteng'wai, ko u tiong'ik che matinye ng'omnatet king'eme icheget eng' tuguchuto.
\p
\v 11 Bwo eng' iche amu kirub oretab Kain. Ak kokochige mastaetab Balaam komach melekto ak kolusyo eng' ng'elelnatetab Kora, ne ng'elelji Musa.
\v 12 Bichuto ko yatok che mi nyanyjosiek orit che ung'otin eng' igorwekwok che bo chamnyet ye oamisie tugul, mestowek che amisie ichege ama iyweisie, bolik che matinye beek, che iboti koristo, ketik che matinye logoek, che kigobek konyil aeng' che kigetut ak tikitik.
\v 13 Miltaetabge ne korom nebo araraita che igutu kalilanengwai, kokelik che bendoti, che kikikonorji tuindo ne bo koigeny.
\p
\v 14 Ak kimaoten Enok agine, chito nebo tisap kong'ete Adam, koamtochi bichu, "kole ogeero, kinyo Kiptaiyat koboto bikchi che tililen elfusiek ng'isiat.
\v 15 Konyo koyachi kiruoget tugul, ak koruokyi tugul che ma iywei Jehovah eng' boisionikwai tugul che yaachen, che kigoyai ko ma iywei Jehovah. Ak ng'alekwai tugul che nyigisen che kimwa kiptengeginik che ma iywei Jehovah," agobo inendet.
\v 16 Chuto ko che ing'unyng'unysot kiptiyotinik che rube magutikwai che yaachen. Ak komwoe kutuswekwai ng'alek che koromen che bo menotet. che iboboe ng'alek biko si konyor kelunet.
\p
\v 17 Ago okwe chamanichu, obwat ng'alek che kikamwa eng' tai koyoktoikab Kiptaiyandenyo Jeiso Kristo.
\v 18 Kigamwowok kole tun bitu chotik eng' betusiekab let, che rube makutikwai che yachen che ma bo kaiyweetab Jeiso Kristo.
\v 19 Chuto che ibu kabesiosiek, che rube borwek, che matinye Tamirmirietab Jehovah.
\p
\v 20 Ago okwe chamanichu, okimitge eng' kayaneng'wong' ne tiliil mising', osoe eng' Tamirmiryet.
\v 21 Oribge eng' chamnyetab Kamuktaintet, ocheng'e rirenetab Jeiso Kristo agoi koit sobondab koigeny.
\p
\v 22 Ak orire alak che tinye saket eng' konetisiet ne bo kayanet, ak otoret iche.
\v 23 Ak osoru alak eng' kaiyweisiet, ochuutu eng' maat, ak orire alak, ye osose mbo ngoriet ne kagomuruonit eng' borto amu eng' tengektang'wai.
\p
\v 24 Ngobunji anyun ra inendet ne imuchi koribok si mobutye, ak kondenok taitab torornatenyi eng' boiboiyet ne o ne komatinye tisia.
\v 25 Kobunji Jehovah ne inege. Ne sarunindenyo eng' Jeiso Kristo Kiptaiyandenyo, ak torornatet, ak etunatet, ak bounatet, ak kimnatet kong'ete keny ak ra, ak koigeny. Amen .