eyo_reg/57-TIT.usfm

\id TIT
\ide UTF-8
\h Tito
\toc1 Tito
\toc2 Tito
\toc3 tit
\mt Tito
\c 1
\cl Kurget 1
\p
\v 1 Paulo, otwogindetab Jehovah ak ne kiyoktoi ne bo Jeiso Kristo, ko u kayanetab che kigilewen che bo Jehovah, ak naetab imanit ne namegei ak kaiyweet ne kiywei Jehovah,
\v 2 eng kamang'unet ne bo sobondab koigeny, ne kiiyomis Jehovah, ne maimuchi kokenis kotomo kotoigee kasarwek tugul chebo ebenwek.
\v 3 Ago king'any ng'olyondennyi eng kasarta ne chamat eng amdaet ne kigitororwo ko u ng'atetab Jehovah Yetindennyo.
\v 4 Asirun Tito, werinnyu ne bo iman eng kayanet ne kiemtoi: ingotebi koboten mieindo ak kalyet ne bunu Jehovah Kwanda ak Kristo Jeiso yetindennyo.
\v 5 Kiabagakten eng Krete amu ng'olyondeni, si kobiit ichul tuguk che kirartootin, ak itoror boisiek eng nganaset age tugul, ko u ye kiang'atin.
\v 6 Boiyot age tugul ne bo Kaniset ko magat ne matiny, ko chi ne matinye lelut, ne manongotiotab osotiot agenge, ne tinyei leguk che iyanotin che magimwaitae yaitio, anan che makase iit.
\v 7 Amu kanyolji ribindetab kaniset koek chi ne matinyei lelut, inendet ne ribindetab boisietab Jehovah ma ne rube magennyi, ne ma sib konerechi, ne ma kibokityo, ne mabirisiei, ak ne ma kipsuryotio.
\v 8 Ago ne taachei toek, ne chamei che kororon, bou kabwatutikchi, ne bo imanda, ne tilil, ako ribege.
\v 9 Ne namei ng'olyot ne kiyani ko u ole teptoi konetisiet, si komuch koteechi eng konetisiet ne bo iman, ak koterter che kirindoi inendet.
\p
\v 10 Amu mi biko che chang che magastoi, ng'ololikab ng'alek chebo buch ak kenik, mising ko icheket che bo kamuratanet.
\v 11 Che kanyol keger kutuswekwai. Iserieti kapchi komugul, koneti tuguk che ma sikchini amu makchinige keljinoik che bo tewernatet.
\v 12 Kile age eng icheket ne maotiong'wai, "kiplembechonik Kretik kotugul, tiong'ik che yaachen, chemoetin ako chemeatin."
\v 13 Bo iman baornatanita. Ker kong anyun eng kimnatet amu noto, si kobiit koek che bo iman eng kayanet,
\v 14 ame ebchi iit atindonikab Yahudik, ak ng'atutikab biko che istoegei imanit.
\v 15 Tililen tuguk tugul eng icheket che tililen. Ago mami kiy ne tilil eng icheket che muruonen ak che maiyoni, ago muruonen eng kabwateng'wai ak kabwotutikwai.
\v 16 Mwaei kole ingen Jehovah, ago taisot inendet eng boisionikwai. Kigoek che machomu, ak che magase iit, ama tilei kiy eng boisiet age tugul ne kararan.
\c 2
\cl Kurget 2
\p
\v 1 Ago amde inye agobo ng'alek che nyoljini konetiset ne bo iman.
\v 2 Inet boisiek che kagoechegitu, koek che bo teegisto, che bou kabwatutikwai, che bo iman eng kayanet, eng chamyet, ak eng muitaet.
\v 3 Ko u noto chebiosok che kagoechekitu, ingoek che teegisotin eng atebosiekwai, che ma kataamik, anan che ratyinigei divaik che chang, konetik che bo tuguk che kororon,
\v 4 si kobiit konet chepyosok che mengechen kocham boisiekwai, kocham legukwai,
\v 5 koek che bou kabwatutikwai, che tililen, che boisiei eng gorikwai, che taloen, che kase it boisiekwai, si ma kimwaitae ng'olyotab Jehovah kiy ne ya.
\v 6 Ko u noto anyun, cheer murenik agiche koek che bo u kabwatutikwai.
\v 7 Ibartege inyendet eng tuguk tugul iegu kaborunet ne bo boisionik che kororon. Ibarte tegisto ak atebet ne ma ng'emakse eng konetisieng'ung,
\v 8 ak ng'alek che bo iman che magimuchi kiruokchi, si kobiit kolilan inendet ne kirindech, ko matinyei kiy ne ya ne mwaitaenech.
\v 9 Ingogas iit otwogik che bo u icheket, ak kobaibai icheket komie eng tuguk tugul, amaek che wolu kiy,
\v 10 amaek che chorse, ago kobarta kayanet tugul ne mie; si kobiit kogochi icheket tegisto konetisietab Jehovah ne yetindennyo eng tuguk tugul.
\p
\v 11 Amu kigotook mieindab Jehovah, ne ipchini biko tugul sarunet.
\v 12 Inetech kole ketoiye oret ne matokchinige Jehovah, ak magutik che bo ng'weny, ak ketebi eng ng'omnatet ne litit, ak eng imanda, ak eng oret ne tokchinigei Jehovah eng betusiechu,
\v 13 keganye kamang'unet ne iberurot, noto ko toogunetab torornatetab Jehovah nenyo ne o ak Yetindennyo Jeiso Kristo.
\v 14 Kiigoitoge Jeiso inendet agobo ache, si kobiit kotiachech eng tengekto tugul, ak kotililjige biko koek chechi, che lewenotin, che igiiligei koyai boisionik che kororon.
\p
\v 15 Mwa tuguchuto, cheer ak iteechi ak iger kong eng' kimnatet tugul. Amata sasin chi age tugul.
\c 3
\cl Kurget 3
\p
\v 1 Ibwatyi icheket kominingjigei bounik, ak bounatosiek, kogas iit, kochobogis eng boisiet age tugul ne kararan,
\v 2 amat komwa kiy ne ya agobo chi age tugul, amat koek bich che bo boriot, ingoek che toloen, koborjini biko tugul mutyonet tugul.
\p
\v 3 Amu kigi berberen agiche keny ak kima kegase iit. Kichutech ak koratech magutik che ter ter koboto talbisto. Kikimeng'isie eng yaitiet ak ng'etkong. Kigii che kiwechei ak che kigisasekei.
\v 4 Ago ye kingotook kararanyetab Jehovah Sarunindennyoo ak chamnyenyi ne chame chi,
\v 5 kosoruech, ma eng boisionikab imanda che kigiyai acheget, ago ko u ole teptoi rirenennyi bo ge, eng kaunetab siget ne leel ak kaleelitetab Tamirmiriet ne Tilil,
\v 6 ne kirongwech eng aiyebindo, kobun Jeiso Kristo Sarunindennyo,
\v 7 si ye kagiityech imanda eng mieindonyi koyaech keegu che namu tuguk ko u kamang'unetab sobondab koigeny.
\p
\v 8 Bo iman ng'olyondoni. Amache imwa tuguchuto eng kimnatet, si kobwat icheket che kigoyan Jehovah, koyai kotugul boisionik che kororon. Tuguchuto ko kororon ak kotoreti chitugul.
\v 9 9 Ago istoege teebutik che berberen, ak tetutikab ibinwek che kigosiirto, ak suriosiek, ak bariosiek agobo ng'atutiet. Tuguchoto ko matinyei borot ak ko buch.
\v 10 Tai chito ne ibu toiyosiek ye kageger kong ne bo tai ak ne bo aeng,
\v 11 ingen ile chito ne u noto ko kigomasta ak koyae tengekto ak koruokchinige inege.
\p
\v 12 Ye tun kayogu Artema anan Tukiko, igiilge ichoku Nikopoli ole ami, amu kokatil atebee oloto eng betusiekab kaititiet.
\v 13 Igiilge si saiseret eng bandang'wai Sena ng'amotiotab ng'atutik ak Apolo, si mararchi kiy icheket.
\v 14 Ak ingonetge bikyo agiche koyai boisionik che kororon kotugul agobo tuguk che makchinige, ak si maek che ma iyei logoek.
\p
\v 15 Igatin tugul che mi koboto. Igat icheket che chamech eng kayanet. Ingotebi mieindo kobotok akwe tugul.