See in Reader
78 lines
5.9 KiB
Plaintext
78 lines
5.9 KiB
Plaintext
\id 2TH
|
|
\ide UTF-8
|
|
\h 2 Tesalonikek
|
|
\toc1 2 Tesalonikek
|
|
\toc2 2 Tesalonikek
|
|
\toc3 2th
|
|
\mt 2 Tesalonikek
|
|
\c 1
|
|
\cl Kurget 1
|
|
\p
|
|
\v 1 Paulo, ak Silbano, ak Timoteo, kisirjini Kanisetab Tesalonikek eng' Jehovah Kwandanyo ak Kiptaiyat Jeiso Kristo.
|
|
\v 2 Ngotebi kobotok mieindo ak kalyet ne bunu Jehovah Kwanda ak Kiptaiyat Jeiso Kristo.
|
|
\p
|
|
\v 3 Nyolchinech kemwochi Jehovah kongoi betusiek tugul agobo akwe, che kitupche, ko u ye nyolu amu nere kayaneng'wong' mising', ak kotesakse chamnyet ne oting'eke akwe tugul.
|
|
\v 4 Kot ko kikechaunenoge akwe Kanisosiekab Jehovah amu muitaeng'wong' ak kayanet eng' usisiosiekwok tugul, ak nyalilwogik che omuitoi.
|
|
\p
|
|
\v 5 Nito kabarunet ne togunot ne bo kiruogetab imanda ne bo Jehovah, si kobiit keitok kele onyolu eng' bounatetab Jehovah, ne onyorune agine nyalilta:
|
|
\v 6 Amu eng' iman, ko tililindo ne bo Jehovah ko yaakchi mugetut nebo nyalilda icheget che inyalilok,
|
|
\v 7 Ak kogonok kamuung'et kobotech, akwe che kiuse eng' ng'aang'etab Kiptaiyat Jeiso kobunu Kipsengwet koboto Malaikaisiekchi che echen,
|
|
\v 8 Eng' mat ne liplipeni, koyaakchi mugetut icheget che mengen Jehovah ak iche che makase it logoiywek che miach che bo Kiptaiyandenyo Jeiso.
|
|
\v 9 Che tun konyoru biret, noto ng'emisiet ne bo koigeny kugakeisto eng' taitab Kiptaiyat ak eng' torornatetab kimnatenyi.
|
|
\v 10 Tun kanyo si kitoror eng' chechi che tililen; ak ke kwongee eng' icheget tugul che kiyan Amu kigiyan baornatenyo eng' akwe eng' betunoto.
|
|
\p
|
|
\v 11 Noto anyun kisaiywok kotugul, si kobiit koitok Jehovah nenyo kole onyolu eng' kuurseng'wong', ak kosulda maget age tugul ne bo miendo ak boisiet age tugul ne bo kayanet, eng' kamuktaet;
|
|
\v 12 Si kobiit ketoror kainetab kiptaiyandenyo Jeiso eng' akwe, ak akwe eng' inendet, ko u mieindab Jehovah nenyo ak Kiptaiyat Jeiso Kristo.
|
|
\c 2
|
|
\cl Kurget 2
|
|
\p
|
|
\v 1 Kisomok anyun ra che kitupche, eng' nyonunetab Kiptaiyandenyo Jeiso Kristo, ak tuiyenyo ne kiumjinige inendet,
|
|
\v 2 Kele amat kitumtumok, amokerer met nda ocholye, eng' Tamirmiriet, nda ko eng' ng'olyot nda ko kobun baruet kou ye bunwech, amu legit nyonunetab Kristo.
|
|
\v 3 Amokany kogenak chi eng' kiy age tugul. Amu manyoni betunoto, kobate indou korok kabutetab kayanet, ak kogeny chitab cholwokto ne tun king'ong'u, noto ko weritab ng'emisiet.
|
|
\v 4 Inendet ne kirindoi ago losuge kosir tugul che Kiguure Jehovah, nda che kilosu; si kotebe anyun Hekalutab Jehovah kobortoge ko u ne Jehovah inendet.
|
|
\v 5 Tos mononi, yo ki tami kobotok, ole kiamwowok ng'alechu?
|
|
\p
|
|
\v 6 Ra onget kit ne ranye inendet, asi kobiit keng'any eng' betunyi.
|
|
\v 7 Amu boisiei ra ung'otietab ng'elelnatet, ago mito ne ranye inendet, agoi koit keisto komanda eng' oret.
|
|
\v 8 Ak eng' yoto anyun keng'any ng'elelyondonoto, inendet ne tun bare Kiptaiyat eng' kambusetab kutinyi, ak kong'em eng' lilindab nyonunenyi:
|
|
\p
|
|
\v 9 Nyonunetab inendet ko namege ak boisietab chesawil koboto kimnatet tugul, ak kabarunoik, koboto kwang'utik che bo lembech,
|
|
\v 10 koboto kenisiet tugul che mo bo tililindo eng' icheget che lustos; amu kimaatach chomiet ne bo imanda, asi kobiit kesor icheget.
|
|
\v 11 Amu nito anyun, koyokyini Jehovah icheget kenisiet ne oo mising, si kobiit koyan lembeita:
|
|
\v 12 Si kobiit kiruokyi icheget che ki maiyan imanda, ago kiboibochi tuguk che ma bo tililindo.
|
|
\p
|
|
\v 13 Ago kanyol kemwochi Jehovah kongoi kotugul amu akwe, che kitupche che chamanikab Kiptaiyat, amu kilewenok Kiptaitat kong'ete eng' taunet onyoru sarunet kobun katabanet nebo Tamirmiriet ak kayanetab imanda:
|
|
\v 14 Eng choto anyun kiguurok kobun logoiywek che miach che kigiamdoiywok, si kobiit onyoru torornatetab Kiptaiyandenyo Jeiso Kristo.
|
|
\p
|
|
\v 15 Noto anyun che kitupche, olumtege mising' ak orib bitonwek che kiginetak, eng' ngolyot nda ko eng' baruenyo.
|
|
\p
|
|
\v 16 Ara anyun ngogaigaak Kiptaitandenyo Jeiso Kristo inandet, ak Kamuktaindet, ne Kwandanyo, ne kiichamech ak kogonech kagaigaet nebo koigeny ak kamon'unet ne mie eng' oretab mieindo,
|
|
\v 17 Ngogaigai mugulelwekwok, ak kolumtak eng' ng'olyot ak boisiet ne mie.
|
|
\c 3
|
|
\cl Kurget 3
|
|
\p
|
|
\v 1 Nebo let anyun, che kitupche, osoiwech ak ache, si kobiit kochakta ng'olyotgab Kiptaiyandenyo, ak kitoror, mbo ko u ye u eng' akwe.
|
|
\v 2 Si kesoruech eng' biko che kolgolen ak ko yaachen: Amu ma biko tugul che tinye kayanet.
|
|
\p
|
|
\v 3 Agobo iman Kiptaiyat, ne lumdook, ak koribok eng' ne ya.
|
|
\v 4 Ak ketinye kayanet eng' Kiptaiyat agobo akwe, kele oyae ago to oyae tuguk che kiging'atak kele oyai.
|
|
\v 5 Ngondochi Kiptaiyat mugulelwekwok, eng' chamnyetab Jehovah eng' muitaet ye kigonyi Kristo.
|
|
\p
|
|
\v 6 King'atok anyun ra, che kitupche, eng' kainetab Kiptaiyandenyo Kristo Jeiso, kele oistoege tupchet age tugul ne wendoti eng' oret ne ma nyolu, amarupe atebet ne kiginetak.
|
|
\v 7 Amu ongen okwe ole, nyolu orubech amu kima kirub ache oret ne ma nyolu ye kingemi kwenung'wong'.
|
|
\v 8 Ago kima kiam, amitwogikab chi age tugul buch ago kigikilge keyoi boisiet eng' bet ak kemoi, si ma kiim chi ake tugul eng' akwe:
|
|
\v 9 Ma kele amu ki ma kitinye kimnatet, ago si kobit keegu kaborunet eng' akwe, si orubech.
|
|
\v 10 Amu mbo ye kingotagemi tugul, ko kiging'atak ko u ni kele, "chi ne mayae boisiet, ko mata amis".
|
|
\v 11 Amu kigose kele, mi alake eng' okwe che ma bendote eng' oret ne nyolu, che ma yae boisiet mbo kitigin, ago icheget ko kipyeminik che iboti ng'alek.
|
|
\p
|
|
\v 12 Ago king'ote biko che u choto ak keteechini eng' Kiptaiyat Jeiso Kristo kele kobois eng' mutyonet, ak koam amitwogikwai.
|
|
\p
|
|
\v 13 Ago akwe, che kitupche, amat ong'etye ye oyae ne mie.
|
|
\p
|
|
\v 14 Ago ngo magase it chi ng'olyondenyo ne mi baruani, ogeer, chichoto, amat oyai yamdaet age tugul ak inendet, si kolilan.
|
|
\v 15 Ago anyun, amat oit inendet ole bunyo, kobate otigon ko u tupchet.
|
|
\p
|
|
\v 16 Ra anyun, ngogonok kalyet kotugul Kiptaiyat ne bo kalyet betusiek tugul eng' oret age tugul. Ngotebi Kiptaiyat kobotok akwe tugul.
|
|
\v 17 Kagatak ane Paulo eng' eunyu, ne kaborunet eng' baruet age tugul, ee kasirwak anyun ko u noto.
|
|
\v 18 Ngotebi anyun mieindab Kiptaiyandenyo Jeiso Kristo kobotok akwe tugul. Amen.
|