See in Reader
149 lines
13 KiB
Plaintext
149 lines
13 KiB
Plaintext
\id 1JN
|
|
\ide UTF-8
|
|
\h 1 Johana
|
|
\toc1 1 Johana
|
|
\toc2 1 Johana
|
|
\toc3 1jn
|
|
\mt 1 Johana
|
|
|
|
\c 1
|
|
\cl Kurget 1
|
|
\s Sobondab koigeny ne kiging'any eng' Jeiso
|
|
\p
|
|
\v 1 Noto ne ki mi kong'ete taunet, noto ne kigegas, noto ne kigegeer eng' konyekyo, ak kenam eng' eunekyo agobo ng'olyotab sobondo.
|
|
\v 2 Ak king'ang'ak sobonoto, ak kigigeer, ak kebaoriani, ak kiboruok sobondab koikeny ne kimi koboto kwanda ak kigong'ang'wech.
|
|
\v 3 Noto ne kigegeer ak kegas ko noto ne kemwowok ak akwe si kobiit onyoru ak akwe yamdaet kobotech; Ee mito yamdaenyo koboto kwanda ak koboto werinyi Jesio Kristo.
|
|
\v 4 Ak kesirwok tuguchu si kobiit kosulda boiboiyenyo.
|
|
|
|
\s Kanyol koistoege tengekto biko che mache yamdaet ak Jehovah.
|
|
\p
|
|
\v 5 Ak ni ng'oliot ne kigigas eng' inendet, ak kemwowok kele lapkeyetab Jehovah ko ma mi tuindo eng' inendet mbo kitigin.
|
|
\v 6 Nda kimwa kele kitinye yamdaet koboto inendet ak kebendoti eng' tuindo kegenu ama kiyae imanda.
|
|
\v 7 Ago nda kibendote lapkeyet ko u ye mi indendet eng' lapkeyet ketinye yamdaet ak kotililech korotikab Jesio werinyi eng' tengekwogikyo tugul.
|
|
\v 8 Nda kimwa kele makitinye tengek, kegenegei ago mami imanda eng' ache. Ng'ot keng'any tengekwogikyo
|
|
\v 9 Koyanat ak ko bo imanda konyoiwech kaat tengekwogikyo, ak kotililech eng' kit age tugul ne ma bo imanda.
|
|
\v 10 Nda kimwa kele tomo ke yai tengek ko kagiyai inendet koek kiplembechwa ama mito ng'olyondenyi eng' ache.
|
|
\c 2
|
|
\cl Kurget 2
|
|
\p
|
|
\v 1 Legukyu che mengechen, asirwok tuguchu, si moyai tengek. Ak ngot koyai chi tengek, ketinye ne saiywech kwanda, inended Jeiso Kristo ne bo imanda.
|
|
\v 2 Ak inendet tiseiywot ne bo tengekwogikyo, ago ma tengekwokikyo kityo ago bo ng'weny komugul agine.
|
|
\p
|
|
\v 3 Ak kingen eng' ni kele kingen inendet, ngot keribe ng'atutikyi.
|
|
\v 4 Inendet ne mwae kole, angen inendet, ama ribe ng'atutikyi, ko kiplembechwa, ama mi imanit eng' inendet.
|
|
\v 5 Ago inendet ne ribe ng'olyondenyi, ko kageyai koek ne igesunotgei chamnyetab Jehovah eng' inendet. Kingen eng' nito kele kimi eng' inendet:
|
|
\v 6 Inendet ne mwoe kole menye eng' inendet konyoljini agine kowendot ko u ye kigawendot inendet.
|
|
\p
|
|
\v 7 Chamanichu, masirwok ng'atutiet ne lel, ago ng'atutiet ne kibo keny ne kiotinye kong'ete taunet: Ng'atutienoto bo keny ko ng'olyot ne kiogas.
|
|
\v 8 Ak kogeny, asirwok ng'atutiet ne leel, ngolyot ne iman eng' inendet ak eng' akwe amu sirtoi tuindo ak komong' lapkeiyet ne bo iman.
|
|
\v 9 Inendet ne mwoe kole mi eng lapkeiyet, ak kosase ne tupcho komi eng'tuindo agoi ra.
|
|
\v 10 Inendet ne chame ne tupcho komi eng' lapkeiyet, ama mi kanagutiet eng' inendet.
|
|
\v 11 Ago inended ne sase ne tupcho komi eng' tuindo, ak kowendoti eng tuindo, ama ingen ole wendi, amu kagotuch tuindo konyekyi.
|
|
\p
|
|
\v 12 Asiirwok legochu mengechen, amu kigenyoiywok kaat tengekwokikwok amu eng' kainenyi.
|
|
\v 13 Asirwok kwanisiechu, amu kigonai inendet ne kimi kong'ete taunet. Asirwok murenju amu kioterter inendet ne ya. Kaasirwak legochu mengechen amu ongen Kwanda.
|
|
\v 14 Kaasirwak akwe, kwanisiechu, amu ongen inendet ne kimi kongete taunet. Kasirwak akwe murenju amu o kimen ak komenyok ng'olyotab Jehovah ak kioterter inendet ne ya.
|
|
\p
|
|
\v 15 Amocham ng'weny nda ko tuguk che mi ng'weny. Ngot ko cham chi ngweny ko mami chamnyetab kwanda eng inendet.
|
|
\v 16 Amu tuguk tugul che mito ng'weny ko magetab borto, ak magetab konyek, ak menotetab sobondo, ko ma bo kwanda, ago bo ng'weny.
|
|
\v 17 Ago siirtoi ng'weny koboto magenyi: ago inendet ne yae magetab Jehovah kotebche koigeny.
|
|
\p
|
|
\v 18 Kiteechini biko agobo kirindoikab Kristo.
|
|
\v 19 Legochu, ni ko kasarta ne bo let: Ak ko u ye kiogas kele tun nyone kirindoindetab Kristo, mbo ra ko kagobiit kirindoinikab Kristo che chang', kingen eng' noto kele nito kasarta nebo let. 19 Kimanda eng' kwenunyo, amu ki ma ko checho tugul.
|
|
\v 20 Ak kigiilaak eng' inendet ne Tilil, ak ongen akwe tuguk tugul.
|
|
\v 21 Masirwak amu mongen imanit, ago kasirwak amu ongen, amu mami lembechta ne mang'une imanit.
|
|
\v 22 Ng'o kiplembechwet? ma inendet ne the kole Jeiso ko Kristo? Nito ko kirindoindetab Kristo inendet ne tae Kwanda ak werit.
|
|
\v 23 Age tugul ne tae werit ko matinye noto Kwanda: Ak inendet ne ng'anyei werit kotinye Kwanda agine.
|
|
\v 24 Ak akwe anyun ngomenyok noto kiogas kong'ete taunet, ngot komenyok noto kiogas kong'ete taunet, omenye ak akwe eng' werit ak eng'Kwanda.
|
|
\v 25 Ak ni arorutiet ne kiiaroruech inendet, noto ko sobondab koigeny.
|
|
\p
|
|
\v 26 Kasirwak tuguchu agobo icheget che machei kobetok.
|
|
\v 27 Ak akwe anyun komenyok kailet ne kionyoru eng' inendet, ak manyolu konetak chi, ago ko u ye inetok kaiilenyi agobo tuguk tugul, ak kobo iman, ma lembech ak ko u ye kigonetak omeny inendet.
|
|
\p
|
|
\v 28 Ak ra anyun legochu mengechenen, omeny inendet si ye tun kaging'any inendet, kesich nyiganatet, ama kililani eng' tainnyi eng' nyonunennyi.
|
|
\v 29 Ngot ongen ole bo iman inendet, ongen ole age tugul ne yae imanda ko kigesich agine eng' inendet.
|
|
\c 3
|
|
\cl Kurget 3
|
|
\p
|
|
\v 1 Itililige chi ne chame kwanda Ogeero, chamnyet ne u nee ne kichamenech Kwanda, kot kegurenech legukab Jehovah! Ago kii choto ache. Noto anyun maingenech ng'weny amu ki manai inendet.
|
|
\v 2 Chamanichu, kii legugab Jehovah ra ago tomo keng'any ole tun ke u. Kingen kele ye tun took inendet, kegergeituge ak inendet: amu tun kigeere inendet.
|
|
\v 3 Ak itililigei chi age tugul ne tinye kamang'unoni agobo inendet, ko u ye tilil inendet.
|
|
\v 4 Bute ng'atutiet chi age tugul ne yae chalwok amu chalwok ko butetab ng'atutiet.
|
|
\v 5 Ak ongen ole kinging'any inendet si kobiit koib chalwok, amami chalwogik eng' inendet.
|
|
\v 6 Chi age tugul ne menye inendet ko ma yaei chalwok ama kere inendet age tugul ne yae chalwok amengen inendet.
|
|
\v 7 Legochu mengechen, amokany kobeetok chi, bo iman inendet ne yae imanda ko u inendet ne bo imanda.
|
|
\v 8 Bo chesawiliet ne yae chalwok amu kiyai chesawiliet chalwok kong'ete taunet. Kigeng'any weritab Jehovah amu si kobiit kong'em boisionikab chesawiliet.
|
|
\v 9 Mayae chalwok chi age tugul ne kigesich eng' Jehovah, amu tebyei keswondenyi eng' inendet amaimuchi koyai chalwok amu kigesich eng' Jehovah.
|
|
\v 10 Toogu legukab Jehovah eng nito ak legukab chesawiliet: Ma bo Jehovah chi age tugul ne mayae imanda nda ko inendet ne ma chame ne tupcho.
|
|
\p
|
|
\v 11 Amu ni ngo'lyot ne kigikas kong'ete taunet kele kechamnye achege en achege.
|
|
\v 12 Ma ko u Kain ne ki bo inendet ne ya ne kibar ne tupcho. Amu nee si kobar? amu ki yaachen boisionikyi, ak ki bo imanda che bo tupchennyi Chamnyetab tupchosiek.
|
|
\v 13 Amokwong'ie che kitupche ng'osasak ng'weny.
|
|
\v 14 Kingen kele kigemong'une meet kemong'ji sobondo, amu kichame che kitupche. Inendet ne ma chame tupchet kong'etu eng' meet.
|
|
\v 15 Rumin chi age tugul ne sase ne tupcho ak ongen ole mami rumin ne tinye sobondab koig'eny ne mite eng' inendet.
|
|
\v 16 Kigenai chamnyet eng' nito amu kiigoito sobondanyi agobo ache ak kanyol kigoite sobonwekyo agobo che kitupche.
|
|
\v 17 Ago chito ne tinye tugukab ng'wenyuni ak kogeere ne tupcho konyalili ama rire inendet, komeng'doi ano chamnyetab Jehovah eng' inendet?
|
|
\v 18 Leguchu mengechen, amatokany kecham eng' ng'olyot nda eng' ng'eliepta kityo ago eng' yautik ak imanda.
|
|
\p
|
|
\v 19 Kinae eng'nito kele kibo imanda ak kigoikoi mugulelwekyo eng' tainyi.
|
|
\v 20 Ngot koruokwech mugulelwekyo; ko o Jehovah kosiir mugulelwekyo, ak kongen tuguk tugul.
|
|
\v 21 Chamanichu, ngo meruokwech mugulelwekyo, ketinye nyiganet eng' taitab Jehovah.
|
|
\v 22 Ak kiy age tugul ne ki some kenyoru eng' inendet amu kigose it ng'atutikyi ak keyae tuguk ko u ye kigong'atech.
|
|
\v 23 Ak ni ng'atutienyi, kiyan kainetab werinyi Jesio Kristo ak kechomnye ko u ye kigong'atech.
|
|
\v 24 Ak menyei eng' inendet ne kase it ng'atutikyi ak noto kele menyech inendet amu tamirmiriet ne kigogonech.
|
|
\c 4
|
|
\cl Kurget 4
|
|
\p
|
|
\v 1 Tiemisiet ne kinae tamirmirik, ngo bo Jehovah Chamanichu, amoyan tamirmiriet age tugul, ago otiem tamirmirik ngo bo Jehovah: Amu kigomang'ji ng'weny maotik che chang' chebo lembech.
|
|
\v 2 Ongen eng' ni Tamirmirietab Jehovah, Tamirmiriet age tugul ne ng'anyei kole kinyo Jeiso Kristo eng' borto ko bo Jehovah,
|
|
\v 3 ak Tamirmiriet age tugul ne mang'anye Jeiso ko mo bo Jehovah. Nito anyun ko kirindoindetab Kristo, ne kiogas kele nyoni, ak ra komito ng'weny.
|
|
\p
|
|
\v 4 O bo Jehovah legochu mengechen, ak kioteter iche, amu o inendet ne mi eng' oriting'wong kosir inendet ne mi ng'weny.
|
|
\v 5 Bo ng'weny icheget: ko amu noto kong'alali che bo ng'weny, ak kogasei ng'weny icheget.
|
|
\v 6 Ki bo Jehovah ache: Inendet ne ngen Jehovah kogasech, inendet ne ma bo Jehovah ko magasech. kingen eng' nito Tamirmirietab imanit ak Tamirmirietab kenisiet.
|
|
\p
|
|
\v 7 Chamanichu, ongechamnye, amu chamnyet ko bunu Jehovah. Ak age tugul ne tindoi chamnyet ko kigesich eng' Jehova, ak kongen Jehovah.
|
|
\v 8 Inendet ne matindoi chamnyet ko menget Jehovah, amu Jehovah ko chamnyet.
|
|
\v 9 Kigeng'any eng' nito chamnyetab Jehovah eng' ache, kele kigoyok Jehovah werinnyi ne kigisich inegei konyo ng'weny, si kobiit kesopche eng' inendet.
|
|
\v 10 Nito chamnyet, ma kele kigicham Jehovah, ago kichamech inendet ak koyok werinnyi, koek tiseiywot agobo tengekwokikcho.
|
|
\v 11 Chamanichu, amu kichamech Jehovah ko u nito konyoljinech kechamnye.
|
|
\p
|
|
\v 12 Ma mi chi ne kigogeer Jehovah kong'ete keny, ngot kechamsoti, komenyech Jehovah ak koyae chamnyenyi koek ne igesunotgei eng' ache.
|
|
\v 13 kingen eng' nito kele kimenye eng' inendet ak komenyech inendet amu kigonech keyamde Tamirmiryenyi.
|
|
\v 14 Ak kigegeer ak kebaorian kele kiiyok Kwanda werit konyo koek yetindetab ng'weny.
|
|
\v 15 Age tugul ne ng'anye kole Jeiso ko weritab Jehovah komenye Jehovah eng' inendet ak komenye inendet eng' Jehovah.
|
|
\v 16 Ak kingen ak kigiyan chamnyet ne ting'enech Jehovah. Jehovah ko chamyet, inendet ne men'gishei eng' chamnyanito komenye Jehovah inendet.
|
|
\v 17 Amu nito ko Kigeyai chamnyet koek ne igesunotke eng' ache si kobiit kesich nyiganatet eng' betutab kiruoget, amu ko u ole u inendet, ke u noto ache eng' ng'wenyuni.
|
|
\v 18 Mami kaiyweisiet eng' chamnyet. Ago oone chamnyet ne igesunotgei kaiyweisiet amu tinye kaiyweisiet kergong'iet ak inendet ne iyweisie ko magiyae koek ne igesunotke eng' chamnyet.
|
|
\v 19 Kichame inendet amu kisib kochamech.
|
|
\v 20 Ngot komwa chi kole, achame Jehovah ago sase ne tupcho ko kiplembechwa. Amu inendet ne ma chame ne tupcho ne kigogeer ko maimuchi kocham Jehovah ne tomo Kogeer.
|
|
\v 21 Kitinye anyun ng'atutioni bunu inendet, kele inendet ne chame Jehovah ko ngocham ne tupcho agine.
|
|
\c 5
|
|
\cl Kurget 5
|
|
\p
|
|
\v 1 Age tugul ne iyani kole Jeiso ko Kristo ko kigesich eng' Jehovah: Ak age tugul ne chame inendet ne kisiche, kochamei agine inendet ne kigisiche eng' inendet.
|
|
\v 2 kinget eng' nito kele kichame legukab Jehovah, ye kichame Jehovah, ak keyae ng'atutikyi.
|
|
\v 3 Amu ni chamnyetab Jehovah, ale kerib ng'atutikyi: Ama nyigisen ng'atutikyi.
|
|
\v 4 Amu age tugul ne kigesich eng' Jehovah koterteri ng'weny: Ak ni ko katerteret ne iterteri ng'weny, noto ko kayanenyo.
|
|
\v 5 Ak ng'o inendet ne iterteri ng'weny? Kobate inendet ne iyani kole Jeiso ko weritab Jehovah.
|
|
\p
|
|
\v 6 Ni ko inendet ne kinyo eng' beko ak korotik; ma nyo eng' beko ichegei, kinyo eng' beko ak korotik. Ak Tamirmiriet ne baoriani amu Tamirmiriet ko imanit.
|
|
\v 7 Amu mi somogu che baoriani eng' kipsengwet, Kwanda, Ng'olyot ak Tamirmiriet he tilil, (ago chito somok ko agenge).
|
|
\v 8 Ak mi somogu che baoriani eng' ng'weny, Tamirmiriet, ak beko, ak korotik: Ak iyanjinsot choto somogu eng' agenge.
|
|
\v 9 Ngot ketaache baornatetab bik, ko o baornatetab Jehovah kosiir ne bo bik: Amu baornatetab Jehovah ko ni, kele kigobaorian agobo werinyi.
|
|
\v 10 Inendet ne iyani weritab Jehovah kotinye baornatanoto eng' inendet: Inendet ne ma iyani weritab Jehovah ko kakoyai inendet koek kiplembechwa, amu ma iyan baornatet ne kibaorian Jehovah agobo werinyi.
|
|
\v 11 Ak baornatonoto ko ni, kele, kigonech Jehovah sobondab koigeny, ak mi sobonito werinyi.
|
|
\v 12 Inendet ne tinye Werit ko kotinyei sobondo; Inendet ne matinyei weritab Jehovah ko matinye sobondo.
|
|
\p
|
|
\v 13 Kaasirwak tuguchu si kobiit onai ole otinye sobondab koigeny, akwe che oyani kainetab Weritab Jehovah.
|
|
\v 14 Ak ni nyiganatet ne ketinye eng' inendet kele ngesom kiy age tugul ko u magenyi, kogasech:
|
|
\v 15 Ak ngot kingen kele kasech eng' kiy age tugul ne kisome, kingen kele kitinye tuguk che kigesom inendet.
|
|
\p
|
|
\v 16 Ngot kogeer chi tupchenyi koyae tengekto ne ma bo meet, kosom, si kogochi Jehovah sobondo agobo icheget che kayai tengekto ne ma bo meet. mi tengekto ne bo meet: mamwoe ale kosom agobo noto.
|
|
\v 17 Kiy age tugul ne ma bo imanda ko tengek: ak mi tengekto ne ma bo meet.
|
|
\v 18 Kingen kele mayae tengekto chi age tugul ne kigesich eng' Jehovah; ago inendet ne kigesich eng' Jehovah koribe inendet, ama twae chichoto inendet ne ya.
|
|
\v 19 Ak kingen kele ki bo Jehovah ache ak mito ng'weny komugul eng' bounatetab inendet ne ya.
|
|
\v 20 Ak kingen kele kigonyo weritab Jehovah, ak kigogonech kaguiyet, si kobiit kenai inendet ne bo iman, ak kemi eng' inendet ne bo iiman, eng' Werinnyi Jeiso Kristo. Nito ko Jehovah ne bo iman, ak sobondab koigeny.
|
|
\p
|
|
\v 21 Legochu mengechen, oistoege kanamonik.
|