87 lines
8.7 KiB
Plaintext
87 lines
8.7 KiB
Plaintext
\id 2PE
|
|
\ide UTF-8
|
|
\h 2 Petero
|
|
\toc1 2 Petero
|
|
\toc2 2 Petero
|
|
\toc3 2pe
|
|
\mt 2 Petero
|
|
\c 1
|
|
\cl Kurget 1
|
|
\p
|
|
\v 1 Simon Petero kiboitiot ak ne kiyoktoi nebo Jeiso Kristo, asirjini ichek che kigenyoru tugul kayanet ne kararan mising' eng' imandab Jehovah nenyo ak yetindennyo Jeiso Kristo.
|
|
\v 2 Ingotesak mieindo ak kalyet eng' akwe eng' naet ne onget Jehovah ak Jeiso Kiptaiyandennyo. Tuguk che miachen che nyoru bikab Kristo ak atebetab tuguchuto
|
|
\p
|
|
\v 3 Amu kigonech kamuktaetab Jehovah tuguk tugul che nyoljini sobondo ak kaiyweet ne kiywei Jehovah, eng' naet ne kiinae inendet ne kiguurech eng' torornatenyi ak neikesunotgei.
|
|
\v 4 Kigogonech eng' chuto yamdoikab atebetab Jehovah, ko kaochilile ng'emisiet ne mi ng'wony amu maget ne ya.
|
|
\p
|
|
\v 5 Ee, amung'lyondonito ye kaotes kagiiletab ge tugul eng' komostang'wong', otesyi mieindo kayaneng'wong'; Ak otesyi naet mieindo.
|
|
\v 6 Ak otesyi ribetab ge ak otesyi muitaet ribetab ge, ak otesyi kaiyweetab Jehovah, muitaet.
|
|
\v 7 Ak otesyi chametab tupchosiek kaiyweeta Jehovah ak otesyi chametab tupchosiek, chamyet.
|
|
\v 8 Amu ngot komi eng' akwe tuguchuto ak kotesak, koyaok si mochorirense anan ko che ma iyei logoek eng' naetab kiptaiyandenyo Jeiso Kristo.
|
|
\v 9 Amu inendet ne matinyei tuguchuto, ko kipkoratiat ak kogeere kit ne mi ole legit kityo ak koutie katililet eng' tengekwogikyi chebo keny.
|
|
\v 10 Eng'noto anyun, che kitupche, ogilge mising' oyai kuurseng'wong' ak lewenengw'ong' kogimit, amu ako ye oyai tuguchuto ko magoi obutye matiny.
|
|
\v 11 Amu kigonok ko u nyoto eng' chong'indo ochut bounatetab koigeny ne bo Kiptaiyandennyo ak ko sorunindennyo Jeiso Kristo. Ko legit kome Petero
|
|
\p
|
|
\v 12 Noto anyun ochobogei kotugul abwatwok tuguchuto" akot ye onget choto, ko lumdootin eng' imanit ne otinye.
|
|
\v 13 Ak abwatwok ale kararan ko taami eng' bori, ang'eetak eng' kabkatet ne kabkatok.
|
|
\v 14 Anget ale choni kochogu metoetab bortanyu, ko u ye kigamwo'wa kiptaiyandennyo Jeiso Kristo.
|
|
\v 15 Ee, agiilige si ye kaamei omuch obwaat tuguuchu tugul. Baornatetab Petero, ak ne bo maotik
|
|
\p
|
|
\v 16 Amu kima kisub atindonik che kigichobe eng' ng'omnatet, ye kingemwowok kimnatet ak nyonunetab kiptaiyandenyo Jeiso Kristo. Ache che kiger eng' konyekyo ak telunatenyi.
|
|
\v 17 Amu kitaach teegisto ak torornatet eng' Jehovah kwanda, ye kichonji inendet kutit ne kibunu lilindo nebo etunet, kole ni ko werinyu chamanenyu, ne abaibai mising' eng' inendet.
|
|
\v 18 Ak kigas kutinoto kibunu kipsengwet, ye kigimi koboto inendet eng' tulwet ne tilil.
|
|
\v 19 Ak kitinye ng'olyotab maoinatet nebo iman, ne oyae ne kararan ye orib, ko u tait ne ikweng'toi eng' le tui, kot koech, ak kochorji mugulelwekwok taboiyetab karon.
|
|
\v 20 Ye kaonai ni korok, ole mami maoinatetab sirutiknyi iboru chito inegei kaguiyenyi.
|
|
\v 21 Amu mami maoinatet ne kigobit eng' magetab chi, ago king'alali biko eng' Jehovah kondochi Tamirmiriet ne tilil. maotik che bo lembech ak sobet nyi ya
|
|
\c 2
|
|
\cl Kurget 2
|
|
\p
|
|
\v 1 Ago kibiit maotik che bo lembech agiche eng' kwenutab biko, ko u ye tun biitu agine eng' kwenung'wong' konetikab lembech, cheibu eng' ung'ot pcheutikab ng'emisiet, koesio agot kiptaiyat ne kial ichek koipchingei ng'emisiet ne chogu.
|
|
\v 2 Ak kosubi biko che chang', magutikwok che yaachen, kemwaitae ne ya oretab imanit amu ichek.
|
|
\v 3 Ak kocheng'jige borotet eng' akwe eng' ng'alekab ng'alset amu kaseng'wai ne bo miat, che ma iyenigei kirwogenywa kong'ete keny ama rue ng'emisiengwai.
|
|
\p
|
|
\v 4 Amu ngot ko ma rire Jehovah malaikaisiek ye kingoyai tengekto, ago kitoorji oldab kiruoget, ak konde keringonik che bo mesundeito, kerib agoi koit kiruoget.
|
|
\v 5 Ak kima rire ngwonyut nebo keny, ako nganda ki rip Noa amdoindet nebo imanda, ak biik alak tisap ye kingoiipchi maranet ng'wonyutab biko che maiywei Jehovah.
|
|
\v 6 Ak ngot ko kigabui ak kong'em nganasoogab Sodom ak Gomorahkoek aronik si koek kaboorunet eng ichek che ta kotebyei koma iywei Jehovah
|
|
\v 7 Ak kosor Lot chitab imanda, ne kinyalil mising' amu atebosiek che yaachen che bo kiptenginik.
|
|
\v 8 -Amu ye kimenyei chichoto bo imanda kwenung'wai kogeere ak kogasei, kong'em muguleldannyi nebo imanda eng' betut age tugul eng' boisiosekab ng'elelnatet-
|
|
\v 9 ko Inget anyun kiptaiyat kosar eng' yomset che iywei Jehovah, ak korib chi ma bo imanda kot betutab kiruoget, si tun kiruokchi.
|
|
\v 10 Ago mising ko icheget che isubi borto eng' magetab muruonindo, ak kosase bounatet. Che koromen, che rupei magutikwai, che mabondatos ye chubei kandoikwai.
|
|
\v 11 Agot nganda kimen malaikaisiek, che siirei mising eng' kimnatet, ko maipchini it ichek kiruogetab chubisiet kocho taitab kiptaiyat
|
|
\v 12 Ago bichuto matinye ng'omnatet, che kigisich kityo ko u tiong'ik che kinamei ak kebarei, che chubisie eng' ng'alek chemaingen, ko tun king'eme iman eng' ng'emisiengwai.
|
|
\v 13 Che nyoru nyalilda, nyoto ko melektab yaitiet, che iiti kole boiboiyet ye bogitos bet, berutik ak tisonik, che iboiboigei eng' igorwekai chebo chamnyet, ye amisie tugul.
|
|
\v 14 Biko che tinye konyek che nyiitotin ibetab ge, amaimuchi kometo tengekto, che chore sobonwek che ma tononiotin, che tinye muguleldo chikigonetgei kasetab miat lagok chechubotin.
|
|
\v 15 Kigobagakta oretab iman, koba komasta, korub oretab Balaam nebo kap Beor, ne kicham melektab yaitiet.
|
|
\v 16 Ako kigiger kong' amu bistoenyi - king'alal sigiriet nye namat kut eng' kutitab chi ak korany iywekab maotiondonoto.
|
|
\p
|
|
\v 17 Chuto konyekab beko che matinye bei, ak ko bolik che iboti koristo, che kigigonorji tuuindab mesundeito.
|
|
\v 18 Amu ye mwaei ng'alek che koromen chebo lasetab gei, kong'usei eng' magutikab borto, ak eng' maget nye ya, biko che katoi kochililyo eng' ichek che mi eng' kaniset.
|
|
\v 19 Kaororjini ichek katiagnatet, ako icheget ko otwogikab ngemisiet. Amu inendet ne iterteri chito age, koyai chichoto koek otwogindet.
|
|
\v 20 Amu ye kagochililge muruonditab ng'wony eng'naet ne nae kiptaiyat ne soruniindennyo Jeiso Kristo, ko ngot kota koratgei kogeny ak tuguchuto ak kiterter, kayait atebengwai nebo let kosir nebo tai.
|
|
\v 21 Amu kikayai eng' ichek ko ma nai oretab imanda, kosiir, ye kingonai koweektagei let eng ngatutiet ne tilil ne kigakegochi.
|
|
\v 22 Kigoosulta eng' icheget ko u yo mngae kalewenetab iman kole; Weekyingei seset kang'uktaikyi ak kwo komilmilegei ng'atatek koge Betutab nyonunetab kipaiyat ny toret ye kakeun kowekchigei ng'atateek.
|
|
\c 3
|
|
\cl Kurget 3
|
|
\p
|
|
\v 1 Chamanichu, baruani asirwok ra ko nebo aeng', ak eng' tuwai ang'eeti kabkatutikwok chi tililen ye agonok obwaat.
|
|
\v 2 Si obwaat ng'alek che kimwa maotik che tililen eng' tai, ak ng'atutietab kiptaiyat ak sorunindet eng' bikyok che kiyoktoi.
|
|
\p
|
|
\v 3 Korok, onai ole tun bwani chombilik ak chombilisiet eng' betusiek chebo let, che isubi magutikwai.
|
|
\v 4 Ak komwaei kole, miano arorutietab nyonunennyi? Amu, kochob ye kingoruiyo kwanisiek, komi tuguk tugul ko u ole ki u kong'ete taunetab yaetab ng'ony.
|
|
\v 5 Amu kwetyini ichegei koutyie kole kimi kipsengwetisiek koboto keny, ak ng'wony ne kigiyai eng' ng'olyotab Jehovah.
|
|
\v 6 Kimaran bechoto ng'wonyut ne kibo betusiechoto ak kiboku.
|
|
\v 7 Ago kipsengwetisiek ak ng'wonyut chebo ra, ko kigonorji mat eng' ng'olyondonoto, kogonor agoi, betutab kiruoget ak ng'emisietab biko che meiywei Jehovah.
|
|
\v 8 Ago amoutie ng'olyondoni, chamanichu, ale betut agenge eng' kiptaiyat kokerge ak kenyisiek elfut, ak ko kergei kenyisiek elfut ak betut agenge.
|
|
\v 9 Maigage kiptaiyat eng' arorutienyi, ko u yo iiti alak kagaetab ge. Ago muitoi agobo akwek, mamachei kobet chi age tugul. Ako machei kobwanji tugul sigunet.
|
|
\v 10 Ago tun chonii betutab kiptaiyat ko u chorin: Ne siirtoe kipseng'wetisiek eng' cheet ne o ak kochootyo tuguk tugul che kigiae ng'wony ak barak eng' mat ne korom, ak kolal ng'wonyut ak boisionik che mi. Nyolu kochopge biko
|
|
\p
|
|
\v 11 Amu tun chotos tuguchuto tugul ko u nito nyolu oegu biko che u nee? Eng' atebet ne tilil ak kaiyweetab Jehovah.
|
|
\v 12 Ogenyi nyonunetab betutab Jehovah, ak ogilgei amu noto anyun chotos Kipsengwetisiek eng' mat, ak kochootyo tuguk tugul che kigiyae barak eng' mat ne korom.
|
|
\v 13 Ako kigonyi kipseng'wet ne leel ak ng'wonyut ne leel ko u arorutienyi, ole menye imanda.
|
|
\p
|
|
\v 14 Noto anyun, chamanichu, amu kigenyi tuguchuto, ongegiilge si tun kenyoruech kemi eng' kalyet ko matinye tisia amakitinye lelut eng' tainyi.
|
|
\v 15 Ak oiit ole muitaetab Kiptaiyandennyo ko yetunet, ko u ye kisirwak agine Paulo, tupchennyo ne kichame, ko u ng'omnatet ne kigigochi.
|
|
\v 16 Ko u eng' baronikyik tugul agichek, kong'alal agob tuguchuto eng' baronochoto, ole mi tuguk alak Che uuen kiguiyo, che igunuri che meeng'en kiy, ak che ma tononiotin, ko u ye itoi sirutik chun alak, kot koit ng'emisiengwai"
|
|
\v 17 Ko akwe anyun, chamanichu, amu koosib onai tuguchuto, oripge, si machorak kachililetab bistoik ak obutye eng' tononeng'wong'.
|
|
\v 18 Ago onerie eng' mieindo ak naet nebo kiptaiyandennyo ak sorunindennyo Jeiso Kristo. Nenyi torornatet ra agoi koigeny. Amen.
|