See in Reader
156 lines
13 KiB
Plaintext
156 lines
13 KiB
Plaintext
\id JAS
|
|
\ide UTF-8
|
|
\h Jakobo
|
|
\toc1 Jakobo
|
|
\toc2 Jakobo
|
|
\toc3 jas
|
|
\mt Jakobo
|
|
\c 1
|
|
\cl Kurget 1
|
|
\p
|
|
\v 1 Jakobo, kiboitiotab Jehovah ak ko bo kiptaiyat Jeiso Kristo, asirjini ortinwek taman ak aeng' che bo biko che kigoyestaat, agotok tugul.
|
|
\p
|
|
\v 2 Tupchosiekchu, oiit ole boiboiyet kityo ye onyoru tiemisiosiek che terotin.
|
|
\v 3 Oit ole ibu muitaet tiemetab kayaneng'wong'.
|
|
\v 4 Ak ngoek anyun muitaet ne tinye boisiet ne igesunotge, si kobiit oegu che igesunotge ago nyitotin, che ma rartaat eng' kiy.
|
|
\p
|
|
\v 5 Ago ngot kobetyi chi age tugul eng' akwe ng'omnatet ko ngosom Jehovah ne igochini inendet eng' aiyebindo, ama kere kong' chi age tugul ne some, ago igochini.
|
|
\v 6 Ago ngosom anyun eng' kayanet ama ta kosage, amu inendet ne sage ko kergei ak mildaetabge ne bo nyanjet ne mildoi koristo koba komosi ak komosin.
|
|
\v 7 Noto anyun, amata kobkat chi choto kole siche kiy kobun Kiptaiyat.
|
|
\v 8 Chitab kabkatutik aeng' ne ma tononot eng' ortinwekyi tugul.
|
|
\p
|
|
\v 9 Ago tupchet ne konyarat ko ngobaibait eng' katororenyi,
|
|
\v 10 ak eng' mokoriot ko kakimining', amu sirtoi kou taptetab suswek.
|
|
\v 11 Amu choru asista koboto koristo ne beelei tuguk ak kobeel suswek koresyo ak kobutyo taptokwai ak kobet kororindab itondongwai, bete anyun ko u noto agine magoriot eng' ortinwekchi.
|
|
\p
|
|
\v 12 Baibai chito ne muitoi eng' tiemutik, amu ye kagoterter, kotaache kutwet ne bo sobondo ne kiarorji kiptaiyat icheget che chame inendet.
|
|
\p
|
|
\v 13 Amat komwa chi ye kagitiem kole katiema Jehovah amu makitiemee Jehovah yaitiet, ama tieme inendet chi age tugul.
|
|
\v 14 Ago kitieme chi age tugul, ye imut inendet magenyi ne ya ak kochuut.
|
|
\v 15 Ngo kagomanach anyun maget ne ya, koii tengekto ak ye kagoeet tengekto koii meet.
|
|
\p
|
|
\v 16 Chamanikchu che kitupche, amogany kegenak.
|
|
\v 17 Konunet age tugul ne kararan ak kanunotyot age tugul ne igesunotge ko bunu barak, ak kochoruge eng' Kwanda ne bo lapkeiyosiek. Ne mami eng' inendet kiy ne walakse, nda ko u urwet ne bunu walet age tugul.
|
|
\v 18 Kigisichech eng' magenyi eng' ng'olyotab imanit si kobiit keegu che tangoanikab yautikchi.
|
|
\p
|
|
\v 19 Onai ng'olyondoni, chamanikchu che kitupche: Ago ngochebchebit chi age tugul kogas, amaek ne sib kong'alali ama sib konerechi.
|
|
\v 20 Amu mayae neregekab chi imandab Jehovah.
|
|
\p
|
|
\v 21 Eng' noto anyun omete simdo tugul ak changindab yaitwogik, ak otaach eng' mutyonet ng'olyot ne kigikol ne imuchi kosor sobonwekwok.
|
|
\v 22 Ago oegu yaikab ng'olyot, ama che gase kityo, ogenege akwegee.
|
|
\v 23 Amu ngot koek chi age tugul kasindetab ng'olyot, ama ne yae, ko u chito ne tobeni togenyi eng' kioit.
|
|
\v 24 Amu keerege ak kwo ak koutie eng' yoto kole kai chito ne u nee.
|
|
\v 25 Ago inendet ne isiachi ng'atutiet ne igesunotge, ne bo katiaknatet ak koteptoi noto, amaek kasindet ne utie, ago yaindet ne boisie, kiberuri chichoto eng' boisienyi.
|
|
\p
|
|
\v 26 Ngot kole chi tinye atebet ne u ne bo kayanik, ama ribe ng'elieptanyi, koberberi muguleldanyi ago buch kayanetab chichoto.
|
|
\v 27 Ago kayanet ne tilil ne matinye muruonindo eng' taitab Jehovah ak ne Kwanda ko u ni, ne wendi kogeere che matinye sigikwai ak mosogik eng' nyalildang'wai, ak koribege inendet eng' ng'weny ak koek ne matinye tisia.
|
|
\c 2
|
|
\cl Kurget 2
|
|
\p
|
|
\v 1 Tupchosiekchu, amonam kayanetab kiptaiyandenyo Jeiso Kristo, Kiptayatab torornatet eng' kalotunet eng' taitab biko.
|
|
\v 2 Amu ngot ko nyo chi kole otuiyechini ne tinye peteyot ne bo tahabu ak ngoroik che kororon, ak konyo agine kibananiat ne tinye ngoroik mararen.
|
|
\v 3 Ngot okonyit inendet ne ilaachi ngoroik che kororon ak oleji tebee yu kararan, ak oleji kibananiat tonon eng' yo, nda itebe ng'weny yu bo kelyekchu,
|
|
\v 4 ko tos ma obesiege okwege ak oegu che oruochi eng' kabwatutik che yaachen?
|
|
\v 5 5 Ogas, tupchosiekchu ago chamanikchu, tos kima lewen Jehovah che bononsot eng' ng'weny koek mogorek eng' kayanet, ak koek che nyoru bounatet ne kigiarorji icheget che chame inendet?
|
|
\v 6 Ago ra ko koisas kibananiat! Tos menyalilok mogorek ak kochuutok obe kapkiruok?
|
|
\v 7 Tos machube icheget kainet ne bo teegisto ne kimwaitaenak?
|
|
\v 8 Ngot osuldae ng'atutietab kaplaitoriat, ko u yo mwoe sirutik kole cham chitab kokweng'ung' ko u ye i chamdoige, oyae anyun ne kararan.
|
|
\v 9 Ago ngot oyae kalotunet eng' biko, kogaoyai tengekto ak kagoruokwok ng'atutiet kole oi cholwogik.
|
|
\p
|
|
\v 10 Amu chito age tugul ne ribe ng'atutiet komugul, ak kobut eng' ng'olyot agenge koname kiruoget eng' tugul.
|
|
\v 11 Amu inendet ne kimwa kole amoipge, ko kimwa agine kole amerumisie. Eng' noto anyun, ngot ko me yai ibetabge, ak irumisie, ko kaiegu butindetab ng'atutiet.
|
|
\p
|
|
\v 12 Omwa anyun, ak oyae ko u biko che tun kiruokyini eng' nga'tutietab katiaknatet.
|
|
\v 13 Amu matinye kiruoget rirenetabge eng' inendet ne ma ibor rirenetabge. Amasire rirenetabge kiruoget.
|
|
\p
|
|
\v 14 Tos kelu nee tupchosiekchu, ngot kole chi tinye kayanet ama tinye boisionik? Tos komuchi kayananoto kosaru inendet
|
|
\v 15 Ngot komi ach ngor werit ne otupche, nda ko chepto ne otupche, ama tinye amitwogikab betut.
|
|
\v 16 Ngot koleji agenge eng' akwe icheget, oba eng' kalyet ak onyoru lolong'nyet ak biyeng'do, ama igochi icheget tuguk che mache borto ko katoret nee anyun?
|
|
\v 17 Ko u noto anyun agine kayanet, ngot ko matinye boisionik ko meet.
|
|
\p
|
|
\v 18 Ee, imuchi komwa chito kole itinye inye kayanet, atinye ane boisionik, iboruo kayaneng'ung' ne matinye boisionik, si aborun Kayanenyu eng' boisionikyu.
|
|
\v 19 Ye iyani ile agenge Jehovah, ak iyae ne kararan, ko iyani agiche oik ak kobotansot.
|
|
\v 20 Ago imache inai ee inye chito ne berber, ile kayanet ne matinye boisionik ko buch?
|
|
\v 21 Tos kima kiityi kwandanyo Abraham imanda eng' boisionik ye kingogoito werinyi Isak eng' kaptisisiet?
|
|
\v 22 Igeere anyun ile kibois kayanet koboto boisionikyi ak kiek kayanet ne igesunotge koboto boisionikwai, ak kiek kayanet ne igesunotge koboto boisionik.
|
|
\v 23 Ak kisulda sirutiet ne mwoe kole, kiiyan Abraham Jehovah, ak kigiityi inendet noto koek imanda, ak keguure inendet choruetab Jehovah.
|
|
\v 24 Ogeere anyun ole kigiityi imanda eng' boisionik ago makiityi eng' kayanet inegei.
|
|
\v 25 Ak ko u noto ko tos kima kiityi Rahab ne ki chepkugoniot imanda agine eng' boisionik ye kingotaach che kigagiyokto ak koweekta icheget kobun oret age?
|
|
\p
|
|
\v 26 Amu noto anyun, ko u ye meat borto ne matinye tamirmiriet, ko u noto kayanet ne matinye boisionik ko meat agine.
|
|
\c 3
|
|
\cl Kurget 3
|
|
\p
|
|
\v 1 Tupchosiekchu, amat koek che chang' eng' akwe konetik, amu onget ole tun kinyoru kiruoget ne o mising'.
|
|
\v 2 Amu ache tugul kebutsoti eng' tuguk che chang'. Ago ngot ko mebut chi age tugul eng' ng'olyo, kogesunotge chichoto, ak komuchi korib borto komugul agine.
|
|
\v 3 Ogeero, kindeni karik kutuswekab mbartanyisiek si kobiit kogasech it, ak keweech borwekwai tugul agiche.
|
|
\v 4 Ogeer melisiek agiche mbo nda eechen mising' ak koonati koristo ne kim, ak kewegee bagoiyot ne mining, ak kindochine kwo ole makchini chito ne ikwerie.
|
|
\v 5 Ko u noto agine ng'elyepta, kebeberta ne mining' ak kolosuge eng' tuguk che eechen. Ogeero, bele mat ne kitigin kwenik che tia!
|
|
\p
|
|
\v 6 Ng'eliepta ko mat, ago ng'onyut ne bo tengekto eng' kebeberwekyo, ak komuruoni borto komugul, ak konaami mat eng' bandab chi kote kosobe, ak inami agoi matab gehena.
|
|
\v 7 Amu tiong'ik alak tugul, ak taritik, ak tuguk che ichutegei ak tuguk che mito nyanjet, ko kigobai biko ak korib.
|
|
\v 8 Ago anyun meemuch chi koboi ng'elyepta, amu yaitiet ne ma bounakse ne nyitaat ng'wonetab meet.
|
|
\v 9 Noto ne kilosune Kiptaiyat ak Kwanda, ak kechube biko, che kigiyai eng' kergeindab Jehovah.
|
|
\v 10 Bunu kutit agenge kaberuret ak chubisiet. Che kitupche manyolu kotebi ko u nito tuguchuto.
|
|
\v 11 Tos kuutune konda agenge beko che anyinyen ak che ng'wonen?
|
|
\v 12 Che kitupche, tos imuchi mogoiywet koii emitik? Nda koii ketitab sabibuk logoekab mogoonik? Amaimuchi beko che kororon kogutune che bo munyek.
|
|
\p
|
|
\v 13 Ng'o ne ng'om eng' okwe ak koguisot? Ngobaarta boisionikchi eng' atebet ne mie ak eng' kamining'etabge ne bo ng'omnatet.
|
|
\v 14 Ago ngot otinyege ng'etkong' ne ng'wan ak taiyet eng' mugulewekwok ko mat olosugei, nda omwa lembech agobo imanit.
|
|
\v 15 Ng'omnatonoto ko mabunu barak ak bo ng'weny ak bo borto ak oindet.
|
|
\v 16 Amu ole mito ng'etkonda ak toiyet, ko mito bolatet ak yaitiet age tugul ne ya.
|
|
\v 17 Ago ng'omnatet ne bunu barak, ko ne tai ko tilil, yeityo ko bo kalyet, gase kiy ne kimwachini, muitoi, ak ko nyitaat rirenet ak logoek che kororon, ama walakse, amatinye chombilet.
|
|
\v 18 Amu kigole logoekab imanda eng' kalyet, kobun icheget che yae kalyet.
|
|
\c 4
|
|
\cl Kurget 4
|
|
\p
|
|
\v 1 Bunu ano anyun lugosiek ak bariosiek eng' kwenung'wong'? Tos mabunu makutikwok che bartos eng' kebeberwekwok?
|
|
\v 2 Omache amotinye kiy, ak oborisie ak kwamok ng'etkong', omache onyoru amomuchi onyoru, amu obarsoti ak oyae luget ak motinye kiy amu mosome.
|
|
\v 3 Osome amosiche amu someng'wong' ne ya, ole si oyae magutikwok.
|
|
\p
|
|
\v 4 Akwe che oibege! Ko tos monget ole chorwanditab ng'weny ko bunyondit eng' Jehovah? Chi age tugul anyun ne mache koek chorwetab ng'weny, ko kagoyaige koek bunyotab Jehovah.
|
|
\v 5 Nda tos obwati ole ng'alali buch sirutik che mwoe kole, "tinye maget ne o Tamirmiriet komeny eng' ache"?
|
|
\v 6 Len anyun, "kirindoi Jehovah che meniotin', ago konu mieindo ne tesat eng' icheget che imining'itige.
|
|
\p
|
|
\v 7 Noto anyun, omining'ityige Jehovah, ago ogirinde oindet si komweenok.
|
|
\v 8 Orikyi Jehovah si korikyok, ak oun eunekwok akwe kiptengekinik, ak otilil mugulelwekwok akwe che o bo kabwatutik aeng'.
|
|
\v 9 Oarogense ak oteiye ak owokye, ngowalak roriong'wong' koek arogenet ak koek boiboiyeng'wong' nyigisindo.
|
|
\v 10 Ominingei eng' taitab kiptaiyat si kieetok.
|
|
\p
|
|
\v 11 Amomwaitaegee ng'alek che yaachen akwegee eng' akwegee, che kitupche. Inendet ne mwoitoe ng'olyo ne ya ne tupcho, nda koruokyi tupchenyi kogamwaitae ng'olyot ne ya ng'atutiet, ak koruokchini ng'atutiet. Ago ngot iruokyini ng'atutiet, ko ma i chito ne yae ng'atutiet, ago ne iruokyini.
|
|
\v 12 Ne konu ng'atutiet ak koruochi ko agenge, inendet ko imuchi kosor nda kong'em, ago ii ng'o inye si iruokyini chitab kokweng'ung'?
|
|
\p
|
|
\v 13 Ogas anyun akwe che omwoe ole kibendi "rani nda ko karon nganasanin, ak ketar kenyit agenge eng' olindo, kealisie ak kealdoisiei, ak kenyoru kelunet".
|
|
\v 14 Ago monget kito ne bitu eng' egonetab karon. Nda tos nee sobeng'wong'? Amu akwe ko u cheburetyet ne toogu ne Maria ak kobetito.
|
|
\v 15 Amu kata nyoljinok omwa ole, "ngo cham kiptaiyat, kesapsoti keyai ni nda ko niin".
|
|
\v 16 Ago ra eng' kachaunosiekwok bo ge otororige, ago katororetabge ne u noto ko ya.
|
|
\p
|
|
\v 17 Eng' inendet anyun ne inget koyai ne mie ama yae ko tengekto eng' inendet.
|
|
\c 5
|
|
\cl Kurget 5
|
|
\p
|
|
\v 1 Ogas anyun akwe che oi mogorek, oririe ak oteeiye, amu bkanjinok nyalilwogik.
|
|
\v 2 Amu nunsot mogornatosiekwok, ak kwam tugun ngoroikwok.
|
|
\v 3 Kagonam kutuk tahabusiekwok, ak fedaisiekwok ak tun egu kutuukwai baornatet eng' akwe ak tun ame borwekwok ko u mat. Ak kagogonorjige konorweng'wong' ne bo betusiek che bo let.
|
|
\v 4 Ogeer, bolsot melekwekab kiboitinik che kigese mbarenikwok. Che kiogen ak onamdegee tugukwai, ak kigoityi itikab kiptaiyat ne bo lugosiek rirekab icheget che kigesisye.
|
|
\v 5 Kiomeng'isie eng' kabartaetabge eng' ng'weny, ak kiobaibaegee magutikwok, ak obai mugulelwekwok eng' betutab eng'set.
|
|
\v 6 Kioruokyi ak kobar chitab imanda. Amaa gertak.
|
|
\p
|
|
\v 7 Omuite, anyun, che kitupche, kot koit nyonunetab kiptaiyat, ogeero, igenyi chitab kobo mbaret logoek che kororon che bo ng'weny, ak komuitoi agobo choto, kot konyor ropta ne bo tai ak ne bo let.
|
|
\v 8 Omuite anyun ak akwe ak ogimit mugulelwekwok, amu kagolekitit nyonunetab Kiptaiyat.
|
|
\v 9 Che kitupche, among'uny'nguny'jige akwege, si ma kiruokwok. Amu ogeer, tononi kiruogindet eng' taitab kurgotik.
|
|
\v 10 Tupchosiechu, okergeitege maotik che king'alal eng' kainetab kiptaiyat, koek karugutetab nyalilda ak muitaet.
|
|
\v 11 Ogeero, kiguure che kimuita che boiboen, ak kiogas agobo muitaetab Job, ak kiogeer kit ne kiyaji Kiptaiyat eng' let ole nyiitat rirenet inendet ak koriregee.
|
|
\p
|
|
\v 12 Ago ne siire tuguk tugul tupchosiekchu, amat omurtoe kipsengwet, nda ko ng'weny, nda eng' murtoet age tugul, ago ngoek neng'wong' "Ee"ko "Ee" ak ngoek "achicha" ko "achicha", si mobutyi kiruoget.
|
|
\p
|
|
\v 13 Mi chi eng' akwe ne nyalili (iimegei)? Ngosa. Mi chi ne baibai? Ngotien kalosunet.
|
|
\v 14 Mito kwenung'wong' ne imiani? Ngoguur boisiekab kaniset ak kosa icheget agobo inendet, ak koiile mwaita eng' kainetab Kiptaiyat.
|
|
\v 15 Ak kosoob saetab kayanet inendet ne imiani, ak kong'eet Kiptaiyat inendet, ak ngot ko kigoyai tengekwogik, konyojini kaat Kiptaiyat inendet.
|
|
\v 16 Ong'angjige anyun kachililutikwok okwege ak osachinige okwege, si kobiit kisoobok. Toretisie mising' saetab chito ne bo imanda ngosa eng' kagiiletabge.
|
|
\v 17 Elija ko ki chito ne u ache, ago kisa kogiilge kole si marobon, ak marobonji ng'weny eng' kenyisiek somok ak arawek lo.
|
|
\v 18 Ak kisa kogeny, ak kigon kipsengwet ropta ak kii ng'weny logoekchi.
|
|
\p
|
|
\v 19 Che kitupche, ngot komi chi eng' kwenung'wong' ne mastoi eng' imanda ak koweekchi inendet,
|
|
\v 20 ko ngonai anyun chichoto kole inendet ne wale kiptengekyot kobagakta mastaetab orenyi ko kasor sobondo eng' meet ak kotuch tengekwogik che chang'.
|