See in Reader
163 lines
14 KiB
Plaintext
163 lines
14 KiB
Plaintext
\id 1TI
|
|
\ide UTF-8
|
|
\h Timoteo 1
|
|
\toc1 Timoteo 1
|
|
\toc2 Timoteo 1
|
|
\toc3 1ti
|
|
\mt Timoteo 1
|
|
\c 1
|
|
\cl Kurget 1
|
|
\p
|
|
\v 1 Paulo ne kiyoktoi ne bo Kristo Jeiso ko u ng'atutietab Jehovah yetindenyo, ak Jeiso Kristo ne kamang'unenyo,
|
|
\v 2 asirjini Timoteo, werinnyu ne bo iman eng kayanet: ale ngotebi koboten mieindo, ak rirenetab ge, ak kalyet che bunu Jehovah Kwanda ak Kristo Jeiso Kiptaiyandenyo
|
|
\p
|
|
\v 3 Ko u ye kiasomin ale ing'etu eng Epeso, ye kiawendi Makedonia, ko si kobiit ing'at biko alak amat konetis konetisiet age ne ter.
|
|
\v 4 Anan koepchi iit atindonik ak tetutikab ibinwek che kigosiirto, che matinye ole igesunegei. Che ibu ng'usetabge kosiir ripsetab boisietab Jehova ne mi eng kayanet.
|
|
\v 5 Ako kasultaetab ng'atutioni ko chamyet ne bunu muguleldo ne tilil, ak kabkatet ne kararan, ak kayanet ne matinye kenisiet.
|
|
\v 6 Kigochilil biko alak eng' tuguchuto ak kotokyige ng'alalet ne bo buch.
|
|
\v 7 Mache icheket koek konetikab ng'atutiet, nganda maiguitos che mwae, anan ng'alechoto mwae eng' kimnatet.
|
|
\p
|
|
\v 8 Ago kinget ache kele mie ng'atutiet ngo boisie chi ko u ye nyolu.
|
|
\v 9 Kingen kele kima kiyai ng'atutiet agobo chi ne bo imanda, ago agobo bistoik ak ng'emik, agobo che yaachen ak kiptengekinik, ak che matililen, ak che meiywei Jehovah, ak che barei kwanisiek ak che barei kametisiek ak agobo rumik,
|
|
\v 10 agobo icheget che soksei, ak murenik che ibegei ak murenik alak, ak che chore biko ak kiplembechonik ak che iyostos eng lembech, ak ngot ko mi kit age tugul ne taei konetisiet ne bo imanit.
|
|
\v 11 Ko u ye mwae logoiywek che tililen che bo torornatetab Jehovah ne iberurot noto kigigona atononji.
|
|
\p
|
|
\v 12 Amwachini kongoi Jeiso Kristo, inendet kiptaiyandenyo. Ne kigona kimnatet, amu kiito kole aii chito ne kiyani, ak kondeno boisiet.
|
|
\v 13 Nganda kyoi chi ne chubisie eng tai, ak ne usisie ak kia kolgol. Ago kianyoru rirenetabge amu ki ayae ko mangen, ak kotoma ayan.
|
|
\v 14 Ak kitesak mieindab Kiptayandenyo kobarait koboto kayanet ak chamnyet ne mi eng Kristo Jeiso.
|
|
\p
|
|
\v 15 Bo iman ngolyondoni ak nyolu koyanak komie, kele kicho Kristo Jeiso ng'weny kosor kiptegeginik, noto ai anendet ne bo tai eng choto.
|
|
\v 16 Ago anyun kianyoru rirenetabge, si kobiit kobarta Jeiso Kristo muitaenyi tugul eng ane. Kiyai ne koek kabarunet eng ichek che tun iyani inendet agobo sobondab koigeny.
|
|
\p
|
|
\v 17 Ingobunji anyun nguno Laitoriat ne bo koigeny, inendet ne mang'emakse, ne ma toogu, Jehovah ne inegei tegisto ak torornatet koigeny ak koigeny. Amen.
|
|
\v 18 Kagonin kayamisoni inye lekwenyu Timoteo, ko u maoinatosiek che kisib kemwa agobo inye, si kobiit imuch iyai luget ne kararan eng choto,
|
|
\v 19 inam kayanet ak kabwatet ne kararan. Mito alak che kingo kagometo nito kong'emokis eng kayanengwai.
|
|
\v 20 Choto ko Humenayo ak Aleksandro, che kiagochi Chesawil si kobiit kiinet ko machubisie.
|
|
\c 2
|
|
\cl Kurget 2
|
|
\p
|
|
\v 1 Ne bo tai anyun, asome ale ingoyaakis somutik, ak sautik, ak saisaet, ak mwaetab kongoi agobo biko tugul,
|
|
\v 2 agobo laitorinik ak tugul che tinye baurnatet, si kobiit ketebi eng kalyet ak mutyonet eng' kaiyweet ne kiywei Jehova ak tegisto.
|
|
\v 3 Amu kararan nito ak ko taagaksei eng' taitab Jehovah ne sarunindeyo.
|
|
\v 4 Innendet ko mache kole kesor biko tugul ak konyor naet ne bo imanit.
|
|
\v 5 Amu mito Jehovah agenge, ak ko mito katuiyoindet agenge agine eng kwenutab Jehovah ak biko, noto ko chito, Kristo Jeiso.
|
|
\v 6 Ne kiigoitogei koek ne kitiage tugul, koek baoriat eng kasartanyi.
|
|
\v 7 Amu nito ko kikigono anyun agobo nooto aek amdoindet ak ne kiyoktoi -amwae iman, mamwae lembech-, konetindetab Bororiosiek eng' kayanet ak imanit.
|
|
\p
|
|
\v 8 Amache anyun ale kosae murenik eng' komosta age tugul, konamjin barak eunekwai che tililen, ko mami neregek ak ketiytiyo.
|
|
\v 9 Ko u noto, chepyosok ko ingolaachge eng' kalaakset ne nyolu, eng' teegisto ak ribetabge, ma eng' kaletetab sumeek ana ko taabu anan sanaek che kororon anan ngoroik che bo kamanutiet neo,
|
|
\v 10 ago eng che nyoljini chepyosok che ibortogei kole bikab Jehovah icheget kobun boisionik che kororon.
|
|
\v 11 Ingonetgei chepyoso eng' mutyonet koboto kasetab iit.
|
|
\v 12 Ago machamjini chepyoso konetis anan koboi muren, ago kotebi eng' mutyonet.
|
|
\v 13 Amu kigiyai Adam korok, si keyai Awa.
|
|
\v 14 Ak kima king'al Adam ago kingo kageng'al chepyoset kobutyi cholwok.
|
|
\v 15 Ago kisoru eng' sigisiet, ngotestai kotebi eng kayanet ak chamnyet ak katabanetabge koboto ribetabge.
|
|
\c 3
|
|
\cl Kurget 3
|
|
\p
|
|
\v 1 Bo iman ng'olyondoni: Ngo mache chi koek ribindetab kaniset, ko kamach boisiet ne kararan.
|
|
\v 2 Noto anyun ribindetab kaniset konyoljini koek ne magikeerjini anan kekosyi ng'olyo ne ma litit. Magat ko boiyotab chepyoset agenge Magat ko ne ribegei, ne ng'om, ne tebche komie, ne taache toek. Magat komuchi anan chepchep konetis.
|
|
\v 3 Ne ma kimaiya, ne ma birisie, ago ne tala, ne machame boriot. Magat ko chito ne machame silingisiek.
|
|
\v 4 Ne bou gannyi komie, ne igochini teegisto tugul lekukyi ak kogas it inendet eng kiy tugul.
|
|
\v 5 Amu ngo manai chi ole boundoi gannyi, koriptoi ano kanisetab Jehovah?
|
|
\v 6 Amaek chi ne kotokoyani, si ma meen ak kobutyi kiruogetab chesawil.
|
|
\v 7 Ak kogeny konyoljin kotinye baornatet ne kararan eng icheget che mi sang, si mebutyi tewernatet ak mestetab chesawil.
|
|
\p
|
|
\v 8 Ko u noto, kiboitinikab kaniset ko kanyol kotebi eng' teegisto, ma che bo ng'elyebwek aeng. Ama che bogitsot, ama chemoetinikab.
|
|
\v 9 Magaat koek che name ung'otietab kayanet eng' kabkatet ne tilil.
|
|
\v 10 Ak nyolu ketiem chuto agichek korok, ngoyai anyun icheket boisietab kiboitinik ngot ko magigeerji ngolyo ne ma litit.
|
|
\v 11 Ko u noto, chepyosokwai kanyol kotebi eng' teegisto, ma che chame chemereret, ago che ribegei, che kiyani eng tuguk tugul.
|
|
\v 12 Magat kiboitinikab kaniset ko boiyotab chepyoset agenge. Magat kobou legukwai ak korikwai komie.
|
|
\v 13 Amu icheget che kigobois komie eng' boisionoto bo kiboitinik, konyoru teegisto ne kararan, ak nyikanatet ne o eng' kayanet ne mito eng Kristo Jeiso.
|
|
\p
|
|
\v 14 Kasirun tuguchuto, amang'u ale achonjinin ko legit.
|
|
\v 15 Ago ngot aengei, imuchi inai ole kanyol kotepto biko eng' gotab Jehovah, noto ko kanisetab Jehovah ne sobei, toloita ak irimetab imanit.
|
|
\v 16 Ak ne matiny, kechame tugul kele oo ung'otiet ne bo kaiyweet ne kiywei Jehovah: "Inendet neking'ang'ak eng' borto', kigiityi imanda eng' Tamirmiriet, kigeer inendet malaikaisiek, kigiamda eng' bororiosiek, kigiyan eng ng'weny, ak kigimut kwo barak eng' torornatet."
|
|
\c 4
|
|
\cl Kurget 4
|
|
\p
|
|
\v 1 Ago mwae Tamirmiriet komie kole tun eng' betusiek che bo let koistoegei alak kayanet, ak koepchi iit tamirmirik che ibeeti bich ak konetisiosiek che bo oik,
|
|
\v 2 eng chombilisieng'wai ak kong'alali lembech, ko kigomeiyo kabkatutikwai ko u che kigibelee karnet ne bele bich.
|
|
\v 3 Che taisot kitunis, ak koistoegei amitwogik alak, che kiyai Jehovah kole ketaach eng' kongoi icheket che iyani ak kong'en imanit.
|
|
\v 4 Amu kararan kiy age tugul ne kiyai Jehovah, ama mi kiy nyi nyolu ketai, ngetaach eng' kongoi.
|
|
\v 5 Amu kitilili eng' ng'olyotab Jehovah ak saet.
|
|
\v 6 Ngot inet tuguchu tupchosyek, iegu anyun kiboitiot ne kararan ne bo Kristo Jeiso. Amu ibaat komie eng' ng'alek che bo kayanet, ak eng' konetisiet ne kararan ne kiirub inye.
|
|
\v 7 Ago tai atindonik che bo tangoita che manamegei ak oretab Jehovah, che chame chebiosok che yosen.
|
|
\v 8 Amu boratet ne matia kagiiletabge che bo borto, ago borotet eng' tuguk tugul kaiyweet ne kiywei Jehovah, amu tinye arorutiet ne bo sobondo ne bo nguni, ak ne chonii.
|
|
\v 9 Bo iman ng'olyondoni, ak konyolu kiyan kotugul.
|
|
\v 10 Kiyae anyun boisiet ne o amu nito ak kigiilige. Amu mito kamang'unenyo Jehovah ne sobe, inendet Yetindetab biko tugul, ago ne sire ko agobo biko che iyani.
|
|
\v 11 Ng'at tuguhcu ak inet.
|
|
\p
|
|
\v 12 Amat kosas chi mining'nateng'ung', ago egu kaborunet eng' icheket che iyani, eng' ng'olyot eng' atepto, eng' chamnyet, eng' kayanet, ak eng' tililindo.
|
|
\v 13 Agoi aitu ichuuljige somanet, ak kateitaet, ak konetisiek.
|
|
\v 14 Amobagakte iboisie kanonutiet ne itinye, ne kigigonin eng' oret ne bo maoinatet, koboto kagonoretab eunek che bo boisiekab kanisa.
|
|
\v 15 Igiiljige tuguchuto, igochige mising; si kotook eng' biko tugul bandang'ung' ne bo tesetabtai.
|
|
\p
|
|
\v 16 Ripge, ak irib konetisieng'ung'. Testai eng tuguchuto. Amu ngiyae nito isoruge koboto icheget che kasin.
|
|
\c 5
|
|
\cl Kurget 5
|
|
\p
|
|
\v 1 Amebolji boiyo ne o. Ago ng'alalji ko u kwanda. Ak murenik che mengeech icheer icheket ko che otupche,
|
|
\v 2 chebyosok cheosen kou kamitisiek, chebyosok che mengechen kou tibik che otupche, eng' tililindo tugul.
|
|
\p
|
|
\v 3 Konyit mosogik, che mosokik iman.
|
|
\v 4 Ago ngo tinyei mosoget age tugul leguk anan mogochoronik konetgei korok kobarta kaiyweet ne kiywei Jehovah eng' bikab gong'wai. Ak koyaakyi sigikwai toretet, amutaagakse nito eng' taitab Jehovah.
|
|
\v 5 Ak inendet ne mosoget iman, nni tebchei inegei kotinye kamang'unenyi eng' Jehovah, ak kotepto somutik ak sautik kemoi ak bet,
|
|
\v 6 Ago inendet ne suegei ko chame talbisto ko kigome agot kosobei.
|
|
\v 7 Ng'at tuguchuto, si kotebi icheket ko matinye tisia.
|
|
\v 8 Ago ngo maribe chi bikyi, ak ne siire ko che bo gonnyi, ko kagotai kayanet, ak ko yaa kosiir chito ne ma iyani.
|
|
\p
|
|
\v 9 Amat kesirji ole kisirjini mosokik kotomo koit kenyisiek tamanwogik lo, ako ki chepyosetab chito agenge.
|
|
\v 10 Ne kimwaitae inendet boisionik che kororon, ngo kikorib leguk, ngo kigotaach toek, ngo kigoun kelyekab che tililen che bo Jehovah, ngo kigotoret che nyalildos, ngo kigogiilgei eng' boisiet age tugul nye Kararan.
|
|
\v 11 Ago esie mosogik che mengechen. Amu ye kagokochige magutikab borto ak kong'elelji Kristo, komach kitun.
|
|
\v 12 Tinye kiruoget anyun, amu kagometo kayanengwai ne bo tai.
|
|
\v 13 Koboto noto anyun, konetgei koek chemeatin, ak koitoti gorik. Maegu kityo chemeatinik, ago chamiik che iboti chemererosiek, kongalalote tuguk che manyolu.
|
|
\v 14 Noto anyun achame ale kitun mosogik che ta ko mengechen, si kosich leguk, ak korib got, ama togochi boroinoto bunyot kochurech eng' kiy age tugul.
|
|
\v 15 Amu agot nguno ko kagomasta alak korub Chesawil.
|
|
\p
|
|
\v 16 Ngo tinye boiyo anan chepyoso ne iyanat mosogik, ingotoret anyun icheket, si manyor nyigisindo kaniset, si kotoret che mosogik eng iman.
|
|
\p
|
|
\v 17 Ingoityi boisiek che bou komie, teegisto konyil aeng, ne siirei ko icheket che yaei boisiet ne nyigis ne bo ng'olyot ak konetisiet.
|
|
\v 18 Amu mwae sirutiet kole, "Amerat kutitab eito komi kotieche beka kobore" ak "Nyoljini kiboitiot melektanyi."
|
|
\p
|
|
\v 19 Ametaach kataamset agobo boiyo kobate eng' kutuswekab baorinik aeng' anan ko somok.
|
|
\v 20 Ker kong' eng' taitab biko tugul icheget che yae tengekwogik si kobiit koiywei chun alak agichek.
|
|
\p
|
|
\v 21 Kang'atin anyun eng' taitab Jehovah, ak Kristo Jeiso ak malaikaisiek che lewenotin, ale irib tuguchuto, amesib itil kiruoget, ameyai kiy age tugul eng' kalotunet.
|
|
\p
|
|
\v 22 Amegonoor chi age tugul eunek eng' chokjinet anan iyai yamdaet ak tengekwokikab biko alak, ripge eng' tililindo.
|
|
\v 23 Kong'ete nguno komata iee beek ichegei. Ago boisie divaik tutigin amu moeng'ung' ak amu mianweguk che bo atgai tugul.
|
|
\v 24 Toogunotin tengekwokigab biko alak, indoe kobendi kiruoget. Ak che bo biko alak agiche korube let.
|
|
\v 25 Kou noto agine, mito boisionik che kororon che toogunotin, ak che ma u choto ko maimugaksei koung'ogis
|
|
\c 6
|
|
\cl Kurget 6
|
|
\p
|
|
\v 1 Ingoit otwogik alak tugul che ratotin kole nyoljini kiptainikwai teegisto tugul. Si ma kichub kainetab Jehovah ak konetisiet.
|
|
\p
|
|
\v 2 Ak ichek che tinye kiptainik che bo kayanet, ko kass iit icheket. Amu icheget che nyoru toretet ko che iyani ak ko chamanik. Inet ng'alechu ak ibaraste.
|
|
\p
|
|
\v 3 Ngonet chi age tugul konetisie ne teer, ama namegei ak ng'alek chebo iman, ng'alekab Kiptaiyandenyo Jeiso Kristo, ak konetisiet ne namage akatebet ne bo kaiyweisietab Jehovah,
|
|
\v 4 komenot chichoto ama igusot kiy age tugul. Ago tinye tebutik ak tiiyosiekab ng'alek che bunu ng'etkonda, suriet, chemereret, kabkatutik che yaachen,
|
|
\v 5 ak boriosiekab biko che kigong'emogis kabkatutikwai. Biko che kigobet imanit, koleen kaiyweet ne kiywei Jehovah ko oret ne bo kenyor silingisiek che chang.
|
|
\p
|
|
\v 6 Ara anyun kaiyweet ne bo kiywei Jehovah koboto yametab ge eng' tuguk che kitinye, ko borotet ne oo.
|
|
\v 7 Amu kima kiibu kiy kocho ngweny, ama kimuchi keib kiy komanda eng' ngweny.
|
|
\v 8 Ago ngetinye amitwogik ak ngoroik, koyamech choto.
|
|
\v 9 Ago icheket che mache koek mokorek kobutyini tiemutik, ak mestet. Ibutyini magutik che chang che berberen, che ibu ngwonindo, che lugui biko koba ng'emisiet ak luset.
|
|
\v 10 Amu chametab silingisiek ko tikitiot ne bo yaitwogik alak tugul. Mito biko che kiko makyinge ak ki kometo kayanet ak kigotorgei eng' arogenosiek che chang'.
|
|
\p
|
|
\v 11 Ago anyun inye, chitab Jehovah, mwee tuguchuto. Ak irub imanda, ak kaiyweet ne kiywei Jehovah, kayanet, chamyet muitaet ak mutyonet.
|
|
\v 12 Borie luget ne mie ne bo kayanet. Nam sobondo ne bo koigeny, noto ne kigiguurjin, ak kiing'any ng'ang'et ne kararan eng' taitab baorinik che chang'.
|
|
\p
|
|
\v 13 Kang'atin anyun eng' taitab Jehovah, ne igochini tuguk tugul sobet, ak eng' taitab Kristo Jeiso, ne kibaorian ng'ang'et ne kararan eng' taitab Pontio Pilato,
|
|
\v 14 ale irib ng'atutiet kot ko manyor tisia anan kemaitae kiy ne ya', agoi toogunetab kiptaiyandenyo Jeiso kristo.
|
|
\v 15 Tun kong'anye Jehovah nyonunetab Jeiso eng betusikyi--Jehovah ne inendet ne iberurot ago Kamuktaindet inegei, laitoriat ne bo laitorinik, ak Kiptaiyat ne bo Kiptainik.
|
|
\v 16 Ne tinye inegei sobondab koigeny ne menye lapkeiyet ne magimuchi kerikyi. Ne tomo kogeer chi, anan ko imuchi kogeer. Ingobunji ienendet teegisto ak kamuktaet koigeny. Amen.
|
|
\p
|
|
\v 17 Ng'at mogorek chebo betusiechu, si mamenio anan kondeno kamang'unengwai magornatosiek che matonondos. Ago eng Jehovah inendet ne konech tuguk tugul eng aiyebindo si kobiit keboiboitune.
|
|
\v 18 Ile koyai ne kararan, si kobiit mogorek eng' boisionik che kororon, si kochobogis kogoito, kotuitogei ak biko alak.
|
|
\v 19 Kogonorjige lumdaet ne kim ak ko kararan, agobo betusiek che bwanii, si kobiit konam sobonda ne bo iman.
|
|
\p
|
|
\v 20 Ee, Timoteo, rib anyun noto kigegonin. Istoege ng'alek che manamege ak oretab Jehovah, ak kabeletab ge nei bo naet, noto kiguure naet ago eng' lembech.
|
|
\v 21 Ne kigorub alage ak kigochilil eng' kayanet. Ngotebi mieindo koboten.
|