See in Reader
137 lines
12 KiB
Plaintext
137 lines
12 KiB
Plaintext
\id COL
|
|
\ide UTF-8
|
|
\h Kolosaik
|
|
\toc1 Kolosaik
|
|
\toc2 Kolosaik
|
|
\toc3 col
|
|
\mt Kolosaik
|
|
\c 1
|
|
\cl Kurget 1
|
|
\p
|
|
\v 1 Paulo, ne kiyoktoi ne bo Kristo Jeiso eng magetab Jehovah ak Timoteo tupchenyo,
|
|
\v 2 kisirjini bikab Jehovah che tililen che kitupche che iyanotin eng Kristo che mi Kolosaik. Ingotebi kobotok mieindo ak kalyet che bunu Jehovah Kwandanyo.
|
|
\p
|
|
\v 3 Kiwekchini kongoi Jehovah Kwandab Kiptaiyandenyo Jeiso Kristo, ak kesoiywok kotugul.
|
|
\v 4 Kigegas agobo kayaneng'wong eng Kristo Jeiso, ak chamnyet ne oting'e bikab Jehovah tugul che tililen,
|
|
\v 5 Amu kamangunet ne kigegonoruok eng Kipsengwet, ne kiosib ogas eng ngolyotab imanda, ne bo logoiwek che tililen,
|
|
\v 6 ne kigoitwak. Kou ole teptoi logoiwek che tililen koiyei logoek ak ko tesokse eng ngweny komugul- ko u eng akwe kongete betut ne kiogas ak onai miendab Jehovah eng iman.
|
|
\v 7 Nito ko logoiwek che tililen ko u ye kionetge eng Epapra, chamanenyo ne kiboisiei tugul, ne kiboitiot ne iyanat ne bo Kristo agobo ache.
|
|
\v 8 Kimwawech Epapra chamiengwong ne mi eng Tamirmiriet.
|
|
\p
|
|
\v 9 Amu eng chamioni anyun, ko magimete kesae agobo akwe. Kisae kele konyiiak naetab magenyi eng ng'omnatet tugul ne bo tamirmiriet ak kaguiyet.
|
|
\v 10 Si obendate ko u ole nyolu eng Kiptaiyat, ne iboiboi inendet eng oret age tugul: oiiye logoek eng boisiet age tugul ne kararan, ak otesage eng naetab Jehovah,
|
|
\v 11 kigimitok eng kamuktaet tugul, ko u kamugetab torornatenyi, agoi muitaet tugul ak kagenisiet eng boiboiyet
|
|
\v 12 owekchini kongoi Kwanda, ne kiyaech keegu che nyolchini keimte borotetab che tililen eng lapkeiyet.
|
|
\p
|
|
\v 13 Ne kisoruech kemongune kipnatetab mesundeito, ak kouutech kebe bounatetab werit ne bo chamnyenyi;
|
|
\v 14 Ne eng inendet ketinye katiagenyo, nyoetab kaat ne bo tengekwogikyo.
|
|
\v 15 Inendet itondab Jehovah ne ma toogu, inendet ne kiboretiet eng tuguk tugul che kigiyai.
|
|
\v 16 Amu kigitoi keyai tuguk tugul eng inendet, che mi Kipsengwetisiek ak che mi ngweny, tuguk che toogu ak tuguk che ma toogu. Ngo ngecherokab torornatet anan ko laitornatosiek chebo barak, nda ko bounatosiek nda ko kimnatosiek, kigiyai tuguk tugul eng inendet ak ko bo inendet.
|
|
\v 17 Ak ko bo tai inendet eng tuguk tugul, ak tonondos tuguk tugul eng inendet.
|
|
\v 18 Ak inendet metitab borto, noto kaniset. Inendet ko taunet, kiboretietab che kimong eng che kikomeyo, si kobiit koek ne bo tai eng tuguk tugul.
|
|
\v 19 Amu kiboibochi Jehovah komeny nyiienyi tugul eng werit,
|
|
\v 20 ako eng Werit kochomyo tuguk tugul eng inendet, ye kingo kagoyai kalyet eng korotigab kimurtoiyondenyi, ngo tuguk che mi ngweny nda ko tuguk che mi Kipsengwet.
|
|
\p
|
|
\v 21 Ak eng' kasarta age ko ki oii che itobonotin ak bunik eng kabwatutikwok ak eng boisionik che yaachen.
|
|
\v 22 Ako kagotuiyok inendet raa eng bortanyi ne bo banyek eng meet si kobiit kobartak oii che tililen, che motinye tisia, ako ne sire tugul komotinye kiy ne kiruokunenok eng tainyi,
|
|
\v 23 ngotestai iman eng kayanet, che olumdootin ak ko okimen, ako che ma kiistok eng kamang'unetab logoiwek chetililen che kiogas, che kigiamchi chi tugul eng yautiet ne kigiyai eng kureretab kipsengwet. Chuto ko logoiywek che tililen che kigiyaa ane Paulo amu noto aek kiboitiot.
|
|
\p
|
|
\v 24 Abaibai anyun raa eng nyalilwogikyu agobo akwe, ak anyiiti eng bortanyu noto ne rarunot agobo nyalilwogikab Kristo eng bortanyu agobo bortanyi, noto ko kaniset.
|
|
\v 25 Ak kigiyaa agobo kaniset noto aii kiboitiot, eng tononjiindoetab Jehovah ne kigigona amu akwe, si ayai kosulda ngolyotab Jehovah.
|
|
\v 26 Nito ko ung'otiet ne kigiuny kongete kenyisiek tugul che kigosiirto ak ibinwek: ago raa ko kageng'onji chechi che tililen.
|
|
\v 27 Kicham Jehovah kongangji kito ne u magornatosiekab torornatet ne bo ung'otionito eng bororiosiek, noto ko Kristo eng akwe, kamang'unetab torornatet.
|
|
\v 28 Inendet ne kimwoitei, ak kiteechini chi age tugul ak keneti chi age tugul eng ng'omnatet tugul, si kobiit kemut chi age tugul kogesunotge eng Kristo.
|
|
\v 29 Amu noto anyun, abirtochinige ak agiljinige, ko u kimnatennyi ne boisiei eng ane eng kamuktaet.
|
|
\c 2
|
|
\cl Kurget 2
|
|
\p
|
|
\v 1 Amu amache onai ole kiacheretitege mising agobo akwe, ak icheget che mi Laodikia, ak alak tugul che tomo kogeero togoch eng borto.
|
|
\v 2 Aboisiei si kobiit kigaigai mugulelwekwai ak kemut kobwa tugul eng chamnyet ak eng magornatosiek tugul che bo nyiietab kaguiyet, si kobiit konai icheget ung'otietab Jehovah, noto ko Kristo.
|
|
\v 3 Kigiuny eng inendet konoraik tugul che bo ng'omnatet ak naet.
|
|
\v 4 Amwae nito si magenak chi age tugul eng ngalek che bo kagengenet.
|
|
\v 5 Amu mbo nda mami ane eng borto, ami kobotok eng tamirmiriet. Abaibai eng atebeng'wong ak kimnatetab kayaneng'wong eng Kristo.
|
|
\p
|
|
\v 6 Kou yo kiotaach anyun Kristo Jeiso Kiptaiyat, obendate eng inendet.
|
|
\v 7 Olumdege eng inendet, oteegogisie eng inendet, okimegitu eng kayaneng'wong ko u yo kiginetak, ak konyiiak mwaetab kongoi.
|
|
\p
|
|
\v 8 Oripge si ma iluulok chi age eng ngomnatenyi ak kaberberisiet ne bo buch, eng bitonwekab biko, eng konetisiosiek che bo tamirmirik che bo ngwenyuni, ako ma eng Kristo.
|
|
\v 9 Amu menye eng inendet eng borto nyieet tugul ne bo Jehovah.
|
|
\v 10 Ako ki oegu che nyitotin eng inendet, ne metitab bounatet ak kimnatet tugul.
|
|
\v 11 Kigimuratanak eng inendet eng kamuratanet ne kima kiyae eunek, eng istoetab bortab banyek, ako eng kamuratanetab Kristo.
|
|
\v 12 Kigitubok koboto inendet eng kabatisanet, ak kiging'etaak eng noto koboto inendet amu kayanet eng yaet ne yaei Jehovah, ne kiing'eet inendet komong eng che kibek.
|
|
\v 13 Ak akwe che kia omeiye eng yaitwogikwok ak borwekwok, che ki ma kigimuratan, kiisobok akwe koboto inendet ak konyoiwech kaat cholwogikyo tugul.
|
|
\v 14 Kibuuch siret ne bo arorutik ne kiga kogikyech koboto rangeiwekchi. Ak kigoisto kobirji kimurtoiyot.
|
|
\v 15 Kisare bounik ak kimnatosiek ak kobor kotook, koterteri icheget eng kimurtoiyot.
|
|
\p
|
|
\v 16 Noto anyun, amat koruokun chi age tugul agobo amitwogik nda ko che kieei, nda ko betutab igorta, nda ko arawet ne leel anan ko betusiekab Sabato.
|
|
\v 17 Chuto tugul ko uruetab tuguk che bwani, ago ne bo kamanut ko Kristo.
|
|
\v 18 Amat okany kosarenak chi melektong'wong eng oret ne bo kamining'etabge ak kalosunetab malaikaisiek. Chito ne u nito kogimitege tuguk che kigogeer, ak komenee kabwatutkyi che bo borto.
|
|
\v 19 Ama name metit komie. Ako bunu metit tuguk chebo borto tugul agoi koityi rotionikchi koboto maisik, ak konamatge kebeberwek tugul ak tigitik; ak koet eng etunet ne konu Jehovah.
|
|
\p
|
|
\v 20 Ngot ko kiomeye koboto Kristo ak omongune konetisiosiek che bo tai che bo oikab ngweny, ko amu nee anyun si ogas iit kogeny, ko u yo to sopsoti eng ngweny:
|
|
\v 21 "Amonam, amochamcham nda kole, amotwa?"
|
|
\v 22 Begu tuguchuto tugul ngetestai keboisie, ko u ngatutik ak konetisiosiekab biko.
|
|
\v 23 Tinyei tuguchuto kaborunet ne bo ng'omnatet, eng kayanet ne kichapchinige ak kamining'inatetabge, ak nyalilda ne kinyalili borto. Ako matoreti kiy age tugul chuto eng katerteretab magutikab borto.
|
|
\c 3
|
|
\cl Kurget 3
|
|
\p
|
|
\v 1 Ngot ko ki kong'eetak anyun Jehovah koboto Kristo, ocheng tuguk che mi barak, ole mi Kristo kotebche eng eutatab tai ne bo Jehovah.
|
|
\v 2 Obwati tuguk che mi barak, ma tuguk che mi ngweny.
|
|
\v 3 Amu kiimei, ak kigiuny sobondang'ung koboto Kristo eng Jehovah.
|
|
\v 4 Tun ngo took Kristo, ne inendet ko sobondang'ung, otoogu anyun ak akwe koboto inendet eng torornatet.
|
|
\p
|
|
\v 5 Obar anyun kebeberwekwok che mi ngweny-sokset, simdo, magutik che samisen, magutik che kimen, maget ne ya ak magetab tugun, noto ko saetab kanamonik.
|
|
\v 6 Nyonjini nerekekab Jehovah werikab ngelelnatet amu tuguchuto.
|
|
\v 7 Eng tuguchuto che kiobendote ak akwe eng tai, kingo ta omeng'isiei eng tuguchuto.
|
|
\v 8 Ago omete ak akwe tuguchuto tugul; nyitatet, neregek, yaitiet, chemereret, ak morisiet eng kutuswekwok.
|
|
\v 9 Amomwochige lembech, amu kioregu chito nebo keny koboto boisionikyi,
|
|
\v 10 ak kiolaach chito ne leel, ne kiwalei koleelit eng naet kogergeit ak itondab inendet ne kiyae inendet,
|
|
\v 11 ole ma mi Yunanindet, nda ko Yahudiot, ne imuratanat ak ne ma imuratanat, bunotio, sitiaindet, ne otwogin, ne itiagat, ago Kristo ko tugul eng tugul.
|
|
\p
|
|
\v 12 Noto anyun, amu oii che kilewen Jehovah, che tililen ak che chamotin, olaach muguleldo ne bo rirenetabge, talasiet, kamining'etabge, mutyonet ak muitaet.
|
|
\v 13 Omuitochige. Oegu che rirege akwege eng akwege. Ngo tinye chi age tugul ngolyo akobe age, ko u yo kinyoiwok kaat Kiptaiyat, oyai ko u noto ak akwe.
|
|
\v 14 Ne sirei tugul, otes eng tuguchuto tugul chamnyet, noto ratutiet ne bo kagesunetabge.
|
|
\p
|
|
\v 15 Ingoboywok kalyetab Kristo eng mugulelwekwok. Ki amu eng kalyet ko kigikurchok nito eng borto agenge. Ak omwae kongoi.
|
|
\v 16 Ingomenyok ng'olyotab Kristo eng mogornatet eng ngomnatet tugul onetige ak oteechinige eng tienwogikab kalosunet ak tienwogik ak tienwogikab tamirmiriet, otienjini Jehovah ak wektaetab kongoi eng mugulelwekwok.
|
|
\p
|
|
\v 17 Ak kito age tugul ne oyae, eng ngolyot anan ko eng boisiet, oyai tugul eng kainetab Kiptaiyat Jeiso. Owekchi Jehovah Kwanda kongoi kobun inendet.
|
|
\p
|
|
\v 18 Osotichu, ogas it manongotoikwok, ko u ye nyolu eng Kiptaiyat.
|
|
\v 19 Manongotaichu, ocham osotikwok, amogochi ng'wanindo icheget.
|
|
\p
|
|
\v 20 Legochu, ogas it sigikwok eng tuguk tugul, amu iboiboi nito mising Kiptaiyat.
|
|
\v 21 Kwanisiechu, amotachatachi legukwok, si mameiyo mugulelwekwai.
|
|
\p
|
|
\v 22 Otwogichu, ogas iit eng tuguk tugul icheget che kiptainikwok eng borwek, ama kityo yo keerok, ko u che iboiboi biko, ago eng muguleldo tugul. Oiywei Kiptaiyat.
|
|
\v 23 Kito age tugul ne oyae, oyai kobunu muguleldo, ko u yo oechini Kiptaiyat, ama ko yo oechini chi.
|
|
\v 24 Ongen ole otaache kobun Kiptaiyat melekto ne bo borotet. Oote Kiptaiyat Kristo.
|
|
\v 25 Amu inendet ne yaei ne ya, ko tun taachei agine ne bo yaitiet noto kiyai, ama mi kwelet (kalotunet).
|
|
\c 4
|
|
\cl Kurget 4
|
|
\p
|
|
\v 1 Kiptainichu, ogochini otwogikwok noto ne bo imanda, ak ne nyolu; ongen ole otinye ak akwe Kiptaiyat eng Kipsengwet.
|
|
\p
|
|
\v 2 Ogiilige kotugul eng saet, oripse eng noto koboto kongoi,
|
|
\v 3 osaiywech akiche kotugul, si koyatwech Jehovah kurget ne bo ng'olyot kemwaite ung'otietab Kristo; amu kigirata agobo noto.
|
|
\v 4 Osaa si amuch abarta, ko u ole nyolundoi amwa.
|
|
\p
|
|
\v 5 Obendoti eng ng'omnatet eng taitab icheget che mi sang, ak orib saisiek komie.
|
|
\v 6 Ingoek ngalekwok che nyiitat mieindo. Ngoanying munyuk, si kobiit onai ole kanyol owaljinde chi age tugul.
|
|
\p
|
|
\v 7 Ngalek tugul agobo ane, ko mwowok Tukiko, tupchet ne ingenot eng akwe. Inendet tupchet, otwogindet ne iyanat, ak keboisiei tuwai eng Kiptaiyat.
|
|
\v 8 Ne koayakwok amu ng'olyondonito, si kobiit onai atebenyo, si kogaigai mugulelwekwok.
|
|
\v 9 Koayoku koboto Onesimo, tupchet ne kiyani ak ko chamat, ne age eng akwe. Mwawok icheket tuguk tugul che kiyoogis eng olito.
|
|
\p
|
|
\v 10 Igatok Aristarko ne keratotin tuwai, koboto Mariko, ne tupchetab Barnaba, (ne kionyoru ng'atut agobo inendet; ngo nyonjok, otaach inendet),
|
|
\v 11 ak Jeiso agine, ne kiguure Justo. Chuto ichegei che bo che imurotonotin kityo che keboisiei tugul agobo bounatetab Jehovah. Icheget che kigoek kagaigaet eng ane.
|
|
\v 12 Igatok Epapra, ne agenge eng akwe, otwogindetab Kristo Jeiso. Igiilige kotugul agobo akwe eng sautik, si kobiit otononye oii che igesunotinge ak ongen komie maget tugul ne bo Jehovah.
|
|
\v 13 Amu abaoriani agobo inendet, ale tinye kaagiletabge ne o agobo icheget che mi Laodikia, ak icheget che mi Hierapoli.
|
|
\v 14 Igatok Luka, chepkerichot ne chamanet ak Dema.
|
|
\p
|
|
\v 15 Ogat tupchosiek che mi Laodikia, ak Numpa, ak kaniset ne mi gonyi.
|
|
\v 16 Ak ngo kagesoman baruani eng kwenung'wong, ogoite kesoman agine eng kanisetab Laodikia; ak osoman akwe baruan ne bo Laodikia.
|
|
\v 17 Ak omwachi Arkipo oleji, "rib boisiet ne kiitaach eng Kiptaiyat, si kobiit iyai kosulda."
|
|
\p
|
|
\v 18 Ni ko kagatenyu ane Paulo eng eunyu. Obwat ratennyu. Ingotebi miendo kobotok.
|