See in Reader
211 lines
17 KiB
Plaintext
211 lines
17 KiB
Plaintext
\id EPH
|
|
\ide UTF-8
|
|
\h Epesoek
|
|
\toc1 Epesoek
|
|
\toc2 Epesoek
|
|
\toc3 eph
|
|
\mt Epesoek
|
|
\c 1
|
|
\cl Kurget 1
|
|
\p
|
|
\v 1 Paulo, ne kiyoktoi ne bo Kristo Jeiso eng' magetab Jehovah, asirjini biko che tililen che bo Epeso koboto che bo kayanet eng' Kristo Jeiso.
|
|
\v 2 Ngotebi kororindo kobotok ak kalyet ne bunu Jehovah kwandanyo ak Kiptaiyat Jeiso Kristo.
|
|
\p
|
|
\v 3 Iberurot Jehovah kwandab Kiptayandenyo Jeiso Kristo, inendet ne ilosunot eng' kaberuret age tugul ne bo Tamirmiriet eng' komoswekab kipseng'wet eng' Kristo.
|
|
\v 4 Ko u ye kilewenech eng' inendet ye kitomo kelumda ng'weny, si keegu che tililen che matinye lelut eng' tainyi eng' chamnyet.
|
|
\v 5 Ko u ye kigasib kolewenech kenamech keegu werik eng' Jeiso Kristo, eng' inendet, ko u chamet ne kararan ne bo magenyi.
|
|
\v 6 Agoi kolosunetab torornatetab kororindonyi ne kigonech eng' aiyebindo eng' ine ne chame.
|
|
\p
|
|
\v 7 Eng' Jeiso Kristo ketinye katiaget eng' korotikyi, nyoetab kaat ne bo cholwogikyo, kosupge ak morgornatet ne bo magenyi.
|
|
\v 8 Kiyai kotesak magenyi eng' ache eng' ng'omnatet tugul ak naet.
|
|
\v 9 Ko kagoboruech Jehovah ung'otiet ne bo magenyi, ko u eng' chamenyi ne karan, ne kichob eng' Jeiso,
|
|
\v 10 Ago tononjinet ne bo ripsetab betusiek che emege si koum tuguk tugul Kristo, tuguk che mi kipseng'wet ak tuguk che mi ng'weny, eng' metit agenge, mbo Kristo
|
|
\v 11 Ni ko kigigonech eng' Kristo keegu boratenyi, ko kisib kolewenech ko u magetab inendet ne yae tuguk tugul ko u kabwatetab mieindanyi.
|
|
\v 12 Si kobiit keegu kalasunetab torornatennyi ache che kiga kisib kemong'u Kristo.
|
|
\v 13 Kiogas ak okwe eng' Kristo, ng'olyotab imanda, logoiywek che kororon che bo yetuneng'wong', eng' inendet ne kingo kaoyan ko kiging'ochak eng' Tamirmiriet ne Tilil ne bo ororutiet.
|
|
\v 14 Ne tongoaniatab boratenyo, agoi katiagetab boratenyi, eng' kalosunetab torornatenyi.
|
|
\p
|
|
\v 15 Amu nito anyun kingo kaagas agobo kayanet ne mi kwenung'wong' eng' Kiptaiyat Jeiso, ak chamnyet eng' tugul che tililen,
|
|
\v 16 tomo asise awekyini Jehovah kongoi agobo akwe eng' sautikyu.
|
|
\v 17 Asae ale, ngo gonok Jehovah ne bo Kiptaiyandenyo Jeiso Kristo, Kwandab ne bo torornotet, Tamirmiriet ne bo ng'omnatet, ak ng'ang'utiet eng' naetab inendet.
|
|
\v 18 Asae ale kokwenyogis konyegab mugulelwekwok, si kobiit onai kit ne u kamang'unetab kuursenyi, ak mogoriosiekab toronatet ne bo boratenyi eng' che tililen.
|
|
\v 19 Eng' saenyu atepe onai kit ne u oindo ne sirtoot ne bo kamuktaenyi eng' ache che kiyoni ko u boisionoto bo kimntatetab kamuktaenyi.
|
|
\v 20 Nito ne kiyai eng' Kristo kingong'eet inendet komong' eng' che kibek ak kondo inendet kotebe eunyi ne bo tai eng' komoswekab kipseng'wet.
|
|
\v 21 Ne toror kosiir laitornatet tugul, ak bounatet, ak kamuktaet ak kiptainatet ak kainet age tugul ne mwaat ma kityo eng' kenyisiechu, kobate eng' choto bkoni.
|
|
\v 22 Ak kiindeno Jehovah tuguk tugul kogas it eng' kelyekab Jeiso ak kogochi inendet koek metit eng'tuguk tugul eng' kaniset.
|
|
\v 23 Kaniset ko bortanyi inendet ne inyiiti tugul eng' tugul.
|
|
\c 2
|
|
\cl Kurget 2
|
|
\p
|
|
\v 1 Ak kigosobok akwe che kiobegunotin eng' yaitiogikwok ak tengekwogikwok.
|
|
\v 2 Che kiobendote atkinya ko u biteetab ng'wenyuni orube ne o ne bo kimnatet ne bo barak ne bo tamirmiriet boisie ra eng' werikab ng'elelnatet.
|
|
\v 3 Che kigimenye mbo ache tugul kwenung'wai eng' magutik che yaachen che bo borto, ke yae magutik che bo borto ak che bo kabwatutik ak ki kii legukab nereknatet eng' siget ko u alak.
|
|
\p
|
|
\v 4 Ago Jehovah, ne mokoriot eng' rirenetabge eng' chamnyenyi ne o ne kichamenech.
|
|
\v 5 Mbo kigibegunotin eng' tengekwogikyo, ko kisoobech koboto Kristo, (kigesaruok eng' mieindo).
|
|
\v 6 Ak king'eetech koboto inendet, ak kogonech ketebi koboto inendet eng' komoswegab kipseng'wet eng' Kristo Jeiso.
|
|
\v 7 Si kobiit kobaarta eng' kenyisiek che bkoni magornatosiek che sirtoot che bo kororindanyi eng' tolosiet ne tokyinige eng' Kristo Jeiso.
|
|
\p
|
|
\v 8 Amu kigesaruok eng' mieindo eng' kayanet, ago mabunwok nito, ago konunetab Jehovah,
|
|
\v 9 ama bunu boisionik, si malaske chi.
|
|
\v 10 Amu ki ii boisienyi ache, ne kigiyaech eng' Kristo Jeiso agobo boisionik che kororon che kisib kochob Jehovah si kebendate eng' iche.
|
|
\p
|
|
\v 11 Noto anyun onan ole akwe che ki oi bororiosiek eng' borto atkinye, che kigigurenok che ma kimuratan eng' icheget che kiguure kamuratanet, eng' borto ne kigiyae eunek.
|
|
\v 12 Ole kiomite taban eng' Kristo, eng' betusiechoto che ki oi kipsagarek eng' bororietab Israel ak ki oi toek eng' kayomisutik che bo arorutiet, ki motinye kamang'unet ak ki maotinye Jehovah eng' ng'wenyuni.
|
|
\v 13 Ago ra eng' Kristo Jeiso akwe che ki oloen eng' betusiek alak ko kagegonok origu eng' korotikab Kristo.
|
|
\p
|
|
\v 14 Amu inendet ko kalienyo, ne ki yaech tuwai keegu agenge, ne kibut kiteutab kwen ne bo toiyet.
|
|
\v 15 Ko kagowong' eng' bortanyi bunyondit, ng'atutietab ng'atutik ne mito eng' kayomisutik, si kobiit kotoi koyai eng' inendet biko aeng' koek chito agenge ne leel, koyae kalyet.
|
|
\v 16 Ak kotuiyo iche tuwai eng' borto agenge ak Jehovah eng' kimurtoiyot, ko kagobar bunyondit eng' noto.
|
|
\v 17 Ak kinyo koamdoiywok kalyet akwe che kio loen, ak kalyet eng' iche che ki legiten.
|
|
\v 18 Amu kiginyoru ache tuwai eng' inendet orenyo eng' Tamirmiriet agenge ne kiite ole mi Kwanda.
|
|
\p
|
|
\v 19 Noto anyun, akwe bunotik ko ma ko i toek ak kipsagarek, ago oi bikab nganaset agenge ak che tililen, ak che bo gotab Jehovah.
|
|
\v 20 Kigiteechak eng' lumdaetab che kiyoktoi ak maotik, Kristo Jeiso inendet ko koita ne o ne bo luita.
|
|
\v 21 Ne kituiyechi teekset age tugul ne kiginomnyo koek agenge, koeet koek hekalut ne tilil eng' Kiptaiyat
|
|
\v 22 Kigiteechak ak akwe oegu agenge eng' inendet, ole menye Jehovah eng' Tamirmiriet.
|
|
\c 3
|
|
\cl Kurget 3
|
|
\p
|
|
\v 1 Amu nito ane, Paulo, kimonjororiotab Kristo Jeiso agobo akwe Bunotik.
|
|
\v 2 Ngo kiogas agobo tononjinetab mieindab Jehovah ne kigigono agobo akwe.
|
|
\v 3 Ko u yo kigiboruo eng' ng'ang'utiet ung'otietko ko u yo kiasib asir eng' tai eng' ng'alek che ng'ering'.
|
|
\v 4 Si ngosoman, omuch oguiye ng'omnotenyu eng' ung'otietab Kristo.
|
|
\v 5 Ne kima kiborji werikab biko eng' ebenwek alak ko u yo kageng'ong'ji ra che kiyoktoi chechi che tililen ak maotik eng' Tamirmiriet.
|
|
\v 6 Kele, Bororiosiek ko yomdoikab nametab tuguk ak yomdoikab kebeberwekab borto, ak yomdoikab arorutiet eng' Kristo Jeiso eng' logoiywek che kororon.
|
|
\v 7 Che ki kiyaa aek kiboitiot ko u konunetab mieindo ne bo Jehovah ne kigigono ko u yo boisie kamuktaenyi.
|
|
\p
|
|
\v 8 Kigigono mieindo ane ne a tigin kosiir inendet ne tigin eng' che tililen tugul; aamji Bunotik magornatosiekab Kristo che ma isiogokse
|
|
\v 9 ak kiguiyechi biko tugul kit ne u tononjinetab ung'otiet ne kiga kiuny kong'ete kenyisiek che kigosiirto, eng' Jehovah, ne kitoi koyai tuguk tugul.
|
|
\v 10 Si kobiit konaak eng' kaniset ra ng'omnatet ne o ne bo Jehovah eng' laitornatosiek ak baunatosiek eng' komoswekab kipsengwet.
|
|
\v 11 Ko u magetab koigeny ne kisib kolewen eng' Kristo Jeiso kiptaiyandenyo.
|
|
\v 12 Kitinye eng' inendet nyiganatet ak kamang'unet ne kirikyine inendet amu kiyani inendet.
|
|
\v 13 Eng' noto anyun asomok ale amatameak mugulel amu nyalilwogikyu agobo akwe, choto ko torornateng'wong'
|
|
\p
|
|
\v 14 Amu nitoanyun agutungjini Kwanda,
|
|
\v 15 ne nyorune inendet kainenwai oret age tugul ne bo kapchi, eng' kipseng'wet ak ng'weny.
|
|
\v 16 Asae ale si kobiit kogonok ko u mogornotosiekab toronatenyi, si ogimegitu koboto Tamirmiriet, eng' chito ne bo orit.
|
|
\v 17 Asae ale si kobiit komeny Kristo mugulelwekwok eng' kayanet si kobiit olumdaagishe eng' chamnyet.
|
|
\v 18 Onyoru kimnatet oguiye koboto tugul che tililen ole teno tebeesindo, ak koindo, ak tororindo, ak loindo ne wendi ng'weny.
|
|
\v 19 Ak onai chamnyetab Kristo, ne siire naet si kobiit kenyitak nyiet tugul ne bo Jehovah.
|
|
\p
|
|
\v 20 Ngobunji anyun inendet ne imuchi ko yai mising' ine kosiir tugul che kisome nda che kinoni, ko u kamuktaet ne boisie eng' ache,
|
|
\v 21 ngobunji inendet torornatet eng' kaniset ak eng' Kristo Jeiso koityi ebenwek tugul koigeny ak koigeny. Amen.
|
|
\c 4
|
|
\cl Kurget 4
|
|
\p
|
|
\v 1 Ane, anyun, ko u kimonjororiot eng' Kiptaiyat, asomok mising' ale obendate ko u yo nyonjini kuurset ne kigegurok.
|
|
\v 2 Asomok ale omeng'isie eng' kamining'etabge tugul ak mutyonet koboto muitaet, omuitajinige eng' chemnyet.
|
|
\v 3 Oribe amdaet ne bo Tamirmiriet eng' ratutietab kalyet.
|
|
\v 4 Agenge borto, ak agenge Tamirmiriet ko u yo kigeguurok eng' kamang'unet agenge ne bo kuurseng'wong'.
|
|
\v 5 Kiptaiyat agenge, kabatisanet agenge,
|
|
\v 6 Jehovah agenge ne kwandab tugul, ak komi eng' tugul.
|
|
\p
|
|
\v 7 Ago kigigochi age tugul eng' ache mieindo ko u kakwaet ne bo konunetab Kristo.
|
|
\v 8 Mwoe eng' noto anyun kole, "kingolany kwo barak, komut luulenik che kigoluul, ak kogochi biko kagochinoik."
|
|
\p
|
|
\v 9 Nee anyun ng'olyondonito mwoe kole, "ki lany barak," kobate kele kiwool kochorjige komoswekab ng'weny orit mising?
|
|
\v 10 Inendet ne kiwaalda ko inendet ne kilaanda barak mising' kosiir kipsengwetisiek tugul, si kobiit konyiit tuguk tugul.
|
|
\v 11 Ak kiigochi alak koek che kiyoktoi, ak alak maotik, ak alak che mwoitooti logoiywek che miach, ak alak mestewek ak ko konetik.
|
|
\v 12 Si ko yai che tililen koek che igesunotinge agobo boisietab otisiet, agobo teeksetab bortab Kisto.
|
|
\v 13 agoi keit ache tugul yamdaetab kayanet ak naetab weritab Jehovah, agoi keegu biko che bekchinotin agoi kakwaet ne bo etunatetab nyietab Kristo.
|
|
\v 14 Si mata keegu leguk che kitoortoti koba komosi ak komosi ak kiiboti eng' usonet age tugul ne bo konetisiet eng' kenisietab biko eng' ng'omnatet eng' kenisiosiekab lelutiet.
|
|
\v 15 Ago king'ololi che bo iman eng' chomnyet si keechegitu eng' tuguk tugul eng' inendet, inendet ne metit, noto ko Kristo.
|
|
\v 16 Eng' inendet kerobe ak ketuisot borto tugul eng' noto ne konu kebeberta age tugul, ko u kakwoutietab boisiet ne bo kebeberta age tugul, si kotes borto eng' teekset ni teechege inege eng' chamnyet.
|
|
\p
|
|
\v 17 Amwoe anyun ni, ak abaorioni eng' Kiptaiyat ale si mata obendate ko u yo bendoti bororiosiek agiche eng' kabwotutik che bo buch,
|
|
\v 18 Che tuityinok [imenen] eng' nautikwai che kigiyae koek kipsagarek eng' sobondab Jehovah amu berberindo ne mi eng' iche amu uindab mugulelwekwai
|
|
\v 19 Che kigochige maget ne ya agobo tuguk che yaachen, amu kigobek kosopsot si ko yae sumdo tugul eng' suiyondit.
|
|
\p
|
|
\v 20 Ago ki mo netege Kristo ko u noto.
|
|
\v 21 Ngo kiogas inendet, ak kiginetak eng' inendet ko u yo mito imanda eng' Jeiso, ale ocheru chito ne bo keny,
|
|
\v 22 Noto atebeng'wong' ne bo atkinye, ne ng'emokse ko u magutik che yaachen che bo kenisiet.
|
|
\v 23 Si owologisie oleelagitu eng' tamirmirietab nautikwok.
|
|
\v 24 Ak olaach chito ne leel, ne kigiae eng' Jehovah eng' imanda ak tililindo ne bo iman.
|
|
\p
|
|
\v 25 Noto anyun oiste lembechta, ong'ololjinige ne bo iman chi tugul ak chitab kokwenyi amu ki i kebeberwek age tugul ne bo age.
|
|
\v 26 Onerech amoyai tengek. Amat kororokta asis kota onereksoti.
|
|
\v 27 Amat okochi boroindo chesawil.
|
|
\v 28 Inendet ne kikochorso ko matato kochorso. Ago kaigai kobois, koyai eng' eunekyi noto kararan, si kobiit konyor kit ne igochini inendet ne banani.
|
|
\v 29 Amat ko mang'une ng'olyo age tugul ne ya kutuswekwok, ago noto ne kararan ne imuchi koteekso, ko u yo nyolu, si kobiit kogochi kororindo icheget che kase.
|
|
\v 30 Ak mo gochi cholatet Tamirmiriet ne Tilil ne bo Jehovah ne kigindaenak ng'okset agoi betutab katiaget.
|
|
\v 31 Ngoistoge eng' akwe ng'wonindo tugul, nyitatet, neregek, bolatet, ak koboto yaitiet tugul.
|
|
\v 32 Ak otebi eng' talasiet akwege eng' akwege orirege, ak onyochinige kaat, ko u yo kinyoiywok kaat Jehovah agine eng' Kristo.
|
|
\c 5
|
|
\cl Kurget 5
|
|
\p
|
|
\v 1 Oegu anyun rubikab Jehovah, ko u leguk che kichome.
|
|
\v 2 Ak obendatee chamnyet, ko u yo kichamech Kristo agine ak kogoitoge agobo ache, koek kagochinet ak tiseiywot eng' Jehovah.
|
|
\v 3 Ago ko u yo nyoljini biko che tililen ko mat kong'alale eng' kwenung'wong' sokset, ak sumdo tugul nda ko kasetab miat.
|
|
\v 4 Nda tewernatet, nda ng'alaletab salwondit nda roriot ne bo ng'alek che yaachen, manyolu choto ago kaigai kagoitoetab kongoi.
|
|
\v 5 Amu ongen nito iman ole, mami chi ne sokse, nda chitab sumdo, nda kose miat, noto ne sae kanamonik, mami eng' chu ne nyoru boratet eng' bounatetab Kristo ak Jehovah.
|
|
\v 6 Amata kenak chi eng' ng'alek che ma namege ak kiy, amu nyonjini nereknatet ne bo Jehovah ng'elelnnatet amu tupcho.
|
|
\p
|
|
\v 7 Nyoto anyun amoyai yamdaet agenge ak iche.
|
|
\v 8 Amu ki o tuindo eng' betusiek alak, ago o lapkeiyet raa eng' Kiptaiyat. Obendate ko u legukab lapkeiyet.
|
|
\v 9 (Amu logoiyatab lapkeiyet ko eng' kororindo tugul ak imanda ak imanit.)
|
|
\v 10 Si onai noto toochakse eng' Kiptaiyat.
|
|
\v 11 Amo yai amdaet ak boisionikab tuindo che matinye logoek, ago kaigai oger kong'.
|
|
\v 12 Amu tuguk che yae icheget eng' ole ung'aat ko tewernat ng'elen kemwa.
|
|
\v 13 Ago tuguk tugul che kigere kong' ko ng'ang'akse eng' lapkeiyet.
|
|
\v 14 Amu kiy age tugul ne kibortoi ko lapkeiyet. Noto anyun, mwoe inendet kole, "kosu inye ne irue, ak ing'eet eng' che kigobek, ak kogwenyin Kristo."
|
|
\p
|
|
\v 15 Oripge anyun mising' eng' ole oteptoi eng' banwekwok, ma ko u che ma ng'omen ago ko u che ng'omen.
|
|
\v 16 oboisie saisiek komie, amu yaachen betusiek.
|
|
\v 17 Noto anyun amo berberitu, ago oguiye kito ne u magetab Kiptaiyat.
|
|
\p
|
|
\v 18 Ama to bogitye eng' maiyek, che ibu maget ne ya, ago ngonyiak Tamirmiriet.
|
|
\v 19 Ong'ololjinige eng' tienwogikab kolosunet ak tienwogik ak tienwogikab Tamirmiriet, otieni tiendo ne rure eng' mugulelwekwok eng' Kiptaiyat,
|
|
\v 20 Ogoite kongoi kotugul agobo tuguk tugul eng' kainetab Kiptaiyandenyo Jeiso Kristo, ogochini Jehovah inendet kwanda.
|
|
\v 21 Oming'injige eng' kaiyweisietab Kristo.
|
|
\p
|
|
\v 22 Kwonyik, ogas it boiseiekwok, ko u yo ogose it Kiptayat.
|
|
\v 23 Ak eng' boiyot ko matitach kwondang'ung', ko u Kristo agine ne metitab kaniset, inendet sarunudetab borto.
|
|
\v 24 Ago ko u yo gase it kaniset eng' Kristo ko u noto agiche kwonyik eng' boisiekwai eng' kiy age tugul.
|
|
\p
|
|
\v 25 Boisiechu, ocham chepyosokwok, ko u Kristo agine ne kicham kaniset ak kogoitoge agobo inendet.
|
|
\v 26 Si kobiit kotoben ko kagotilil eng' kaunetab beko eng' ng'olyot.
|
|
\v 27 Si kobiit komutyige kaniset noto ne bo torornatet ne matinye kunenden nda siring'ut nda kiy age tugul ne u noto, ago koek ne tilil ne matinye tisia.
|
|
\v 28 Ko u noto nyaljini boisiek agiche kocham chebiosokwai ko u yo chome borwekwai ichege. Inendet ne chame kwandanyi ko chamege agine.
|
|
\v 29 Amu mami chi ne sose bortanyi, ago bae ak koribe ko u kito ne yo yachini Kristo agine kaniset,
|
|
\v 30 amu ki i kebeberwek che bo bortanyi.
|
|
\v 31 Amu ng'olyondeni, kobagakto chi kwandanyi ak kamet ak konamge ak osotiondenyi, ak koek icheget tuwai borto agenge.
|
|
\p
|
|
\v 32 O ung'otioni ago ang'ololi agobo Kristo ak kaniset.
|
|
\v 33 Ago ngochom chi age tugul osotiondenyi, ko u ole chomdoge; ak ngogonyit osotiot maning'otiondenyi.
|
|
\c 6
|
|
\cl Kurget 6
|
|
\p
|
|
\v 1 Leguchu, ogas it sigikwok eng' kiptaiyat, amu kararan nito.
|
|
\v 2 "Teech kwandang'ung' ak komet" (nito ng'atutiet ne bo tai ne tinye kayomiset),
|
|
\p
|
|
\v 3 "si kobiit ko kararanit eng' inye, si ko tesagis kenyisieguk eng' ng'weny."
|
|
\p
|
|
\v 4 Ak akwe, kwanisiechu, amotochatachi legukwok si ma nererkcho ago obai icheget eng' katigonet ak kateunetab Kiptayat.
|
|
\p
|
|
\v 5 Otwogichu, ogas it kiptainikwok eng' borto, kaiyweisiet ak botanet, eng' muguleldo tugul ko u yo ogase it Kristo.
|
|
\v 6 Ama eng' otwoknatet ne kerok che boiywok, ago ko u otwogikab Kristo, ak magetab Jehovah eng' muguledo.
|
|
\v 7 Oyai boisiet eng' chomnyet, ko u eng' Kiptaiyat ama eng' biko.
|
|
\v 8 Ongen ole kiy age tugul ne kararan ne yae chi tugul, kotun tooche noto kogeny eng' Kiptaiyat ngoratat nda kotiagat.
|
|
\p
|
|
\v 9 Ak akwe kiptainichu, oyachi icheget ak akwe ko u noto. Amo bolji. Ongen ole mi Kipsengwet kiptaiyandengwai ak ko neng'wong' ama mi eng' inendet kondit ne bo biko.
|
|
\p
|
|
\v 10 Ne bo let anyun, oegu che kimen eng' Kiptaiyat ak eng' kimnatetab kamugenyi.
|
|
\v 11 Olaach karikab luget komugul che bo Jehovah, si kobiit omuch ogirinde kaberberisiekab chesawil.
|
|
\v 12 Amu ma bo kabelenyo bo ge borto ak korotik, ago bo latornatosiek, ak kimnatosiek eng' baunikab ng'wenyuni che bo tuindo, eng' lugosiekab tamirmirikchi baunated eng' komoswekab kipsengwet.
|
|
\v 13 Noto anyun onam karikab luget komugul che bo Jehovah, si kobiit omuch ogerte eng' betut ne ya, ak ye kagoyai tugul otononie.
|
|
\p
|
|
\v 14 Otononie anyun komie, ko kaorat suenutikwok eng' imanda ak ko kaolaach karnetab taget ne bo imanda,
|
|
\v 15 ak, ngo kaoratyi kelyekwok bekyinet ne bo logoiywek che kororon ne bo kalyet.
|
|
\v 16 Ak onam long'etab kayanet ne omuchi okertae kotiek tugul che bo inendet ne ya.
|
|
\v 17 Ak onam kutwetab yetunet, ak rotwetab chok ne bo Tamirmiriet, noto ng'olyotab Jehovah.
|
|
\v 18 Osa betusiek tugul eng' Tamirmiriet koboto saet tugul ak kagaigaet agobo tugul che tililen.
|
|
\v 19 Ak osa agobo ane, si kobiit kegono twegunet ayat kutinyu. Ak abarta eng' nyiganatet ung'otiet ne bo logoiywek che kororon.
|
|
\v 20 Amu ai tononjinindet ne bo noto eng' sirimwek, si kobiit ang'alal eng' choto eng' nyiganatet, ko u yo nyolu amwa.
|
|
\p
|
|
\v 21 Ago si kobiit onai ak akwe ng'alekyu, ole atebtoi, komwowok tuguk tugul Tukiko, chamanet ne kitupche ne kiboitiot ne kiyoni eng' Kiptaiyat.
|
|
\v 22 Kayakwak anyun inendet agobo ng'olyondonito si kobiit onai ng'alekcho, ak kogaigai inendet mugulelwekwok.
|
|
\p
|
|
\v 23 Ng'otebi kalyet koboto tupchosiek, ak chamnyet ak kayanet ne bunu Jehovah Kwanda ak kiptaiyat Jeiso Kristo.
|
|
\v 24 Ng'otebi karanindo koboto icheget tugul che chame Kiptaiyandenyo Jeiso Kristo eng' atebto ne mo ng'emakse.
|