eyo_reg/48-2CO.usfm

\id 2CO
\ide UTF-8
\h 2 Korintoek
\toc1 2 Korintoek
\toc2 2 Korintoek
\toc3 2co
\mt 2 Korintoek
\c 1
\cl Kurget 1
\p
\v 1 Paulo, ne kiyoktoi ne bo Kristo Jeiso eng' magetab Jehovah, ak Timoteo tupchenyo, kisirjini kanisetab Jehovah ne mi Korindo, koboto che tililen tugul che mi Akaya komugul.
\v 2 Ngotebi kobotok kororindo ak kalyet ne bunu Jehovah Kwandanyo ak Kiptaiyat Jeiso Kristo.
\p
\v 3 Iberurot Jehovah ne Kwandab Kiptaiyandenyo Jeiso Kristo, Kwanda ne bo rirenosiek ak Jehovah ne bo kagaigaet tugul.
\v 4 Ne igoigoech eng' bichiindanyo tugul, si komuch kegaigai icheket che mi bichiin age tugul eng' kagaigaet ne igoigoenech Jehovah.
\v 5 Kou ye katesak eng' ache nyalilwogik che bo Kristo, ko u noto katesak kagaigaenyo eng' Kristo.
\v 6 Ago nginyalilech, ko agobo kagaigaen'gwong' ak yetuneng'wong'; nda ngigoigoech, ko agobo kagaigaeng'wong' ne boisie eng' muitaet yo omuitoi eng' nyalilwogichoto kinyalili agiche.
\v 7 Ak lumdaat kamang'unenyo agobo akwe, king'et kele, ko u yo o i yomdoik che bo nyalilwogik, ko u noto o i yamdoik che bo kagaigaet.
\p
\v 8 Che kitupche, magimoche oegu che monget, agobo bichiindo ne kiginyoru eng' Asia, ale kisiebech mising' kosir kamugenyo, kot ko ki maketinye kamang'unetab sobet.
\v 9 Ee, kigitinye acheket kiruogetab meet eng' oritinyo, si mata kimang'uge ago si kimang'u Jehovah ne ing'eeti che begu.
\v 10 Kisoruech inendet eng' meet ne o ne teno ni, ago ta kosaruech; inendet ne kima'ngu kele, ta ko saruech kogeny.
\v 11 Yae nito yo otoretech ak akwe eng' saeng'wong', si kobiit kogoito kongoi biko che chang' agobo ache, amu konunet ne kigigonech eng' sautikab che chang'.
\p
\v 12 Amu kalosunenyo ko ni: baornatetab kabwatenyo kele, kigiteptoi tililindo ak atepto ne matinye kenisiet, ne bo Jehovah,
\v 13 eng' ng'weny, ma eng' ng'omnatetab borto ago eng' kororindab Jehovah, ak ne siirei mising' ko eng' komostang'wong.'
\v 14 Mbo ko u yo kionaech ngatigin, ole ache ko kii kalosuneng'wong', mbo ko u yo oii kalosunenyo ak akwe, eng' betutab Kiptaiyandenyo Jeiso.
\p
\v 15 Ak eng' kayananito, ko kiabwati isib anyonjok, si kobiit onyoru kororindo ne bo aeng'.
\v 16 Ak abunu olong'ngwong' awendi Makedonia anyoni, si omonorseiwa eng' bandanyu awendi Judea.
\v 17 Kingabwati ko u noto, ko tos kiabireni? Nda tos atete tuguk korupge ak borto, si ale, "ee, ee," ak "olo, olo," eng' kasarta agenge?
\v 18 Ago ko u yo bo iman Jehovah, ng'olyondenyo eng' akwe ko ma "ee" ak "olo."
\v 19 Amu weritab Jehovah, Jeiso Kristo, ne kigiamde ane ak silpano ak Timoteo eng' kwenung'wong', ko kima ko ee ak olo, ago eng' inendet ko wei.
\v 20 Amu mbo ngo tia kayamisutikab Jehovah, eng' inendet, ko "wei"ak kogeny eng' inendet, ko "Amen" agoi torornatetab Jehovah.
\v 21 Ago raa anyun, inendet ne igimitech koboto akwe eng' Kristo, ak ne kiilech, ko Jehovah,
\v 22 Ak king'ochech, ak kogonech Tamirmiriet eng' mugulelwekyo koek tongoaniatab tugul che bwani.
\p
\v 23 Ago aguure Jehovah koek baoriat eng' sobondanyu, ale, si machoo Korinto, ko kiarirenak.
\v 24 Ma kele si kebou kayaneng'wong': amu otononjinig'e eng' kayaneng'wong', ago kii kiboitinik kobotok si oboiboiitu.
\c 2
\cl Kurget 2
\p
\v 1 1Ago kiatil ni ale, ma anyonjinok kogeny eng' arogenet.
\v 2 Amu ngot agonok oarogenye, ko ng'o anyun ne iboiboa, kobate inendet ne kaagochi koarogen?
\v 3 Ak kiasirwak ng'olyondonito, si ma ngachoo, ko mamea mugulei eng' icheget che kanyoljnoo agasege; atinye kamang'unet eng' akwe tugul, ale boiboiyenyu ko neng'wong' akwe tugul.
\v 4 Amu kiasirwak eng' bichiindo ne o ak ng'wanindab muguleldo koboto beekab kong' che chang', ma si oarogenye, ago si kobiit onai chamnyet ne atinyenok mising' kosiir.
\p
\v 5 Ago ngot ko koing'eet chii arogenet, ko koing'eet arogenet, ma eng' ane anege ago eng' kebeber eng' akwe tugul si magonok ane nyigisindo ne siirei.
\v 6 Eme chito ne u nito kagikyinoni kitilji biko che chang'.
\v 7 Ago kaigai onyochi kaat inendet ak ogaigai, si malugui eng' oret age tugul, chito ne u noto arogenenyi ne sirtoot.
\p
\v 8 Noto anyun asomok ale ogimit chamnyeng'wong' eng' inendet.
\v 9 Amu kiasir agobo ng'olyondonito, ale anaak komie ng'ogase iit eng' tuguk tugul.
\v 10 Ago inendet ne onyochini kaat anyochini agine. Amu noto ne kianyochi kaat agine, -ngo kianyochi kaat eng' kiy age tugul- ko kianyochi kaat agobo akwe eng' taitab Kristo.
\v 11 Si manyor Chesawil kito ne iterterenech: amu ma kele making'et chobutikyi.
\p
\v 12 Ak kinganyo Troa amu logoiywek che kororon che bo Kristo, ye king'oyoitwo Kurget Kiptaiyat.
\v 13 Kimanyoru kamung'et eng' tamirmirienyu, amu kima nyoru Tito ne kitupche. Ago kiabagakte icheget ak awe Makedonia.
\v 14 Ago kongoi eng' Jehovah, ne indoiywech kotugul kebelisie eng' Kristo, ak kobortoi nyamdutietab naenyi eng' ache eng' olo tugul.
\v 15 Amu ki nyamdutiet ne anyiny ne bo Kristo eng' Jehovah, eng' icheget che kisoru, ak eng' icheget che betsot.
\v 16 Eng' alak ko ki nyamdutiet ne bo meet agoi meet. Eng' alak ko ki nyamdutiet ne bo sobondo agoi sobondo. Ak tos ng'o ne emege ak tuguchu?
\v 17 Amu ache ko ma ki u che chang' che boisie ng'olyotab Jehovah eng' borateng'wai. Ago kii che boisie eng' oret ne tiliil ne tagunot, ago kibo Jehovah, ak eng' taitab Jehovah keng'alali eng' Kristo.
\c 3
\cl Kurget 3
\p
\v 1 Ara anyun, kagitau kogeny kilosuge? nda kimache kou ole maktoi biko alak, baronok che bo mwaitaetab ge che bwanjinok ak che bunwok?
\v 2 Oii baruenyo ne sirat eng' mugulelwekyo, ne naat ak kosomoni biko tugul.
\v 3 Obortoige ole oii baruet ne bo Kristo, boisienyo ne kigiyai, ne kigisir amo eng' winek, ago eng' Tamirmiriet ne bo Jehovah ne sobei. Ma eng' koik che lebelen, ago eng' koik che Mugulelwek che bo borwek.
\p
\v 4 Ak ketinye nyiganatet ne u noto eng' Kristo, nebunu Jehovah.
\v 5 Ma kele kitinye kiy achege ne emege ak kiy, kele mi kiy ne bunwech, ago bunu Jehovah kamugenyo.
\v 6 Ne kiyaech keegu kiboitinik che bo arorutiet ne leel. Ma che bo ngatutiet, ago bo Tamirmiriet. Amu barisie ngatutiet, ago Tamirmiriet ne igoitoi sobondo.
\p
\v 7 Ago ngo kibwa koboto torornatet boisietab meet, ne kigisir, ak kewachi koik barak, kot ko kimata komuch bikab Israel kogeer toget ne bo Musa komie amu lilindab togenyi; kinito tornatetab lilindab togenyi ne kiigesuge.
\v 8 Tos matesat kosiir boisietab Tamirmiriet eng' torornatet?
\v 9 Amu ngo boisietab kiruoget ko kotinye torornatet, ko ma siirtoot mising' boisietab imanda eng' torornatet!
\v 10 Amu iman, noto ne kigitoror, ko kima kigochi torornatet agobo nito, amu torornatet ne siirtoot.
\v 11 Amu ngo kimi noto, siirtoi koboto torornatet, komi anyun eng' torornatet ne tia noto ne mi koigeny!
\p
\v 12 Noto anyun, amu kitinye kamang'unet ne u ni, Ketinye nyiganatet.
\v 13 Ama ki u Musa, ne kituge togenyi ang'et, si mageer legukab Israel komie kagesunet ne bo noto kigesuge:
\v 14 Ago kiwiegitu kabwatutikwai: amu agoi betuni, eng' somanetab arorutiet ne go keny, ko ta komi anganato bo toget, tomo keisto, amu eng' Kristo kityo keistoi.
\v 15 Ago agoi betuni, ko eng' betut age tugul yo kisomani Musa, ko ta komi anganato mugulelwekwai.
\v 16 Ago ngo weekyige chi kiptaiyat, keistoi anganoto.
\v 17 Kiptaiyat ko Tamirmiriet. ak ole mi Tamirmirietab Kiptaiyat komi katiagnatet.
\v 18 Ago ache tugul, kebortoi torornatetab Kiptaiyat ko u kioit eng' togochikyo che ma tugotin, kewalech eng' itonoto kobunu torornatet agoi torornatet, ko u yo bunu Kiptaiyat ne tamirmiriet.
\c 4
\cl Kurget 4
\p
\v 1 Noto anyun, amu kitinye boisioni, ko u yo kigenyoru rirenetabg'e, ko mameech mugulel.
\v 2 Ago kigitai tuguk che ung'otin che bo kalilanet, ama kibendoti eng' ng'olset, nda keboisie ng'olyotab Jehovah eng' kenisiet, ago eng' kabartaetab imanda, keborjinige kabwatetab chi age tugul eng' taitab Jehovah.
\v 3 Ago ngo tugotin logoiwekyo che kororon, ko tugotin eng' icheget che betsot.
\v 4 Eng' icheget che katuch cheptailelitab ng'wenyuni kabwatutikab che maiyani, si kochorji icheget lapkeiyetab logoiwek che miach che bo torornatetab Kristo, ne inendet ko itondab Jehovah.
\v 5 Amu magiamdoti agobo ge, ago Kristo Jeiso ne Kiptaiyat, ak acheget ke i otwogikwok amu Jeiso.
\v 6 Amu Jehovah ne kimwa kole, "tun joruu lapkeiyet Komung'une tuindo inendet ne kijorji mugulelwekyo, si kogon lapkeiyet ne bo naetab torornatetab Jehovah togetab Jeiso Kristo.
\p
\v 7 Ago kitinye konoruani eng' terenik che bo ny'ungunyek, si kobiit kobunji Jehovah oindo ne sirtoot mising' ne bo kamuktaet, ago ma ache;
\v 8 Kinyalilech eng' komosta age tugul, ago magigiichech; kitobtobeni, ago mabetwech kamang'unet.
\v 9 Kionwech, ago magibagaktech, kiwirjinech ng'weny ago magingemech;
\v 10 Kiiboti kotugul eng' borto meetab Jeiso, si kobiit Kong'ang'ak agine sobondab Jeiso eng' borwekyo.
\v 11 Amu acheget che kisapsoti, kemutyinech meet kotugul amu Jeiso, si kobiit kong'ang'ak agine sobondab Jeiso eng' borwekcho che begu.
\v 12 Noto anyun boisie meet eng' ache, ago sobondo eng' akwe.
\p
\v 13 Ago amu kitinye tamirmiriet noto bo kayanet, ko u yo kigisir kele: "Kiayan, noto anyun ang'ololi, kiyani agiche ak keng'ololi amu noto,
\v 14 Kingen kele inendet ne kiing'eet Kiptaiyat Jeiso, ko tun kong'etech agiche koboto Jeiso ak kobartech kobotok.
\v 15 Amu tuguk tugul ko agobo akwe, si ngo tesak kororindo eng' che chang', koyai kagoitoetab kongoi kotesak eng' katororetab Jehovah.
\p
\v 16 Noto anyun mameech mugulel. Ago mbo ngo ng'emak
\v 17 chinyo ne bo barak, kewale ne bo orit keleeliti betut age tugul. Amu bichiindonyo ne nyumnyum, ne matebyei, koyaiywech torornatetab ne o ne bo koigeny, ne tesoksei mising' kosiir.
\v 18 Amu magigere tuguk che toogu, ago tuguk che ma toogu ko bo koigeny.
\c 5
\cl Kurget 5
\p
\v 1 Amu kinget kele, ngobutok got ne bo ng'wenyuni ne borwekyo, keetinye teekset ne bunu Jehovah, got ne kima kiteech eng' eunek, bo koigeny, eng' Kipseng'wet.
\v 2 Amu iman kitigensoti eng' ni, kemache mising' kelaakwech meng'otenyo ne bunu Kipseng'wet:
\v 3 Tun kagilaagwech ko ma kemi ach ingor.
\p
\v 4 Amu ta kemi eng' borito, ketigensoti, kitinye laiset; Ma kele kimoche kereegunenech, ago kimoche kelakwech si kobiit kolugui sobondo noto mee.
\v 5 Ara anyun, ne kiyaech agobo nito, ko Jehovah ne kigonech Tamirmiriet, koek tongoaniatab tuguk che bwoni.
\p
\v 6 Eng' noto anyun oegu che nyigonen kotugul, ak kinget kele, kaigai kemande eng' borto, ngo magimi koboto Kiptaiyat.
\v 7 Amu kibendoti eng' kayanet, ma eng' keeret;
\v 8 Amwoe ale, ki nyigonen, ak kemoche kele, kaigai kemande eng' borto, ak ketebi koboto Kiptaiyat.
\v 9 Noto anyun ko kit ne kitokyinige, ngemi eng' bori, nda ngo magimi, keegu che iboiboi inendet.
\v 10 Amu kanyol kebartech ache tugul eng' taitab ng'echeretab kiruoget ne bo Kristo; si kobiit kotaach chi age tugul tuguk che te che kiyai eng' borto, ngo kororon nda ko yaachen.
\p
\v 11 Amu kinget anyun kaiyweisietab Kiptaiyat, kesaisai biko, ago kiborteech eng' taitab Jehovah; ak amang'u ale kiborteech eng' taitab kabwateng'wong'.
\v 12 Magimwauge kogeny eng' taitang'wong' ago kigonok boroindo si kobiit olosuge amu ache, si kobiit onyoru kit ne owoljini icheget che ilosuge eng' tuguk che toogu, ama eng' muguleldo.
\v 13 Mbo ngo kogobetech met, ko eng' Jehovah; nda ngo kararan ng'omnatenyo, ko amu akwe.
\v 14 Amu boiywech chamnyetab Kristo; amu kigeere ko u ni, kele kimechi chito agenge tugul, noto anyun kibek tugul;
\v 15 Ak kimechi inendet tugul, si magosapsot agobo ge, icheget che sapsot, ago agobo inendet ne kimechi ak kong'et kogeny.
\p
\v 16 Noto anyun, kong'ete ra ak kwo tai, ko mageng'et chi age tugul eng' borto: mbo ngo kiging'et Kristo eng' borto, ko maging'et inendet ra kunoto kogeny.
\v 17 Noto anyun, ngo mi chi age tugul eng' Kristo, ko kigeyai inendet koek chito ne leel: kagosiirto tuguk che bo keny; ogeero, kagoek che leelach.
\v 18 Amu bo Jehovah tuguk tugul. Ne kituiyech ache eng' Kristo, ak kigonech ache boisietab katuiyet.
\v 19 amu kimi Jehovah eng' Kristo kotuisot ng'weny ak inendet, ko maityini icheget yaitwogikwai, ko kagogonech ngolyotab katuiyet.
\v 20 Noto anyun kii tononjinik agobo Kristo, ko u yo igoigook Jehovah eng' ache, kigoigook agobo Kristo, kele "otuiyege ak Jehovah!"
\v 21 Inendet ne kima kong'et tengek amu ache; si kobiit keegu imanda ne bo Jehovah eng' inendet.
\c 6
\cl Kurget 6
\p
\v 1 Keboisie tugul ak inendet, kesomok kora kele, amotaach miendab Jehovah buch.
\v 2 Amu mwae kole, "Eng' betut ne bo chamjinet, ko kiagasin, ak eng' betut ne bo sarunet ko kiatoretin." Ogeer, raa, ko betut ne bo chamjinet; ogeero, raa ko betut ne bo yetunet.
\p
\v 3 Ama kiyae kiy age tugul ne bo kanagut, ama ki ndeni temelyet taitab chi age tugul, si ma kimwaitae boisienyo yaityo.
\v 4 Ago eng' tuguk tugul kebortoige, ko u kiboitinik ab Jehovah, eng' muitaet ne o, eng' bichiinwek, eng' kagigosiek, eng' uinwek,
\v 5 Eng' birutik, eng' ratisiosiek, eng' chemargosiek, eng' boisionik che nyigisen, eng' ripsosiek, eng' rubeet;
\v 6 Eng' tililindo, eng' naet, eng' mutyonet, eng' talasiet, eng' Tamirmiriet ne tilil, eng' chamnyet ne matinye kenisiet,
\v 7 Eng' ng'olyotab imanda, eng' kamuktaetab Jehovah; eng' karikab imanda, eng' eutab tai ak eng' eutab katam.
\v 8 Kiboisiei eng' torornatet ak tewernatet, eng' ng'alek che yaachen che kimng'oitoenech, ak eng' ng'alek che miachen, che kiitech ko u chepkileonik ago ki bo iman.
\v 9 Kiboisiei ko u che ma nootin, ago kingetech komie; ko u che nyoru kerkong'yet ago makibarech.
\v 10 Ko u che arogensot, ago che boiboen betusiek tugul, ko u che banansot, ago kimogornoni che chang', ko u che matinye kiy ago kitinye tuguk tugul.
\p
\v 11 Kagemwawok imanda tugul, ee korindoechu, an kabaraitu mugulelwekcho.
\v 12 Ma ogiikotin eng' ache, ago ogiigotin eng' mugulelwekwok.
\v 13 Ak eng' kageeret ne te ne kigigonok- ang'ololi ko u yo ang'ololjini legukchu- ngobaraitu mugulelwekwok ak akwe.
\p
\v 14 Amat oratge ak che ma iyoni. Amu tinye yamdao ne imanda ak tengekto? Nda tinye yamdao ne lapkeiyet ak tuindo?
\v 15 Nda kasyinsot eng' nee ne iyanat ak ne ma iyanat?
\v 16 Ak ting'ege ne hakalut ne bo Jehovah ak kanamonik? Amu kii hekalut ne bo Jehovah ne sobe, ko u ye kimwa Jehovah kole: "amenye eng' kwenungwai ak aboisiei koboto icheget. Aegu Jehovah nengwai, ak ko egu icheget biikyu.
\p
\v 17 Ara anyun, Omong'u eng' kwenungwai, ak otabange, mwoe Kiptaiyat. "Amatonam kiy age tugul ne ma tilil; si ataachak.
\v 18 Ak aegu Kwanda eng' akwe, ak oegu werik ak tibiik eng' ane," mwoe Kiptaiyat ne bo Kamuktaet.
\c 7
\cl Kurget 7
\p
\v 1 Chamanichu, amu kitinye kayamisutichu anyun, ongetililge, keiste simdo tugul ne bo borto ak ne bo tamirmiriet, si keityi tililindo eng' kaiweisietab Jehovah.
\p
\v 2 Oyatwech mugulelwekwok: makiyachi chi age tugul kiy ne ya, making'em chi age tugul, ma kiibe kiy chi age tugul eng' ng'alset
\v 3 Mamwae nito ale si aruokwok: amu kisib amwa, ale omi eng' mugulelwekcho, kebegu tugul, ak kesopche tugul.
\v 4 Ating'enok kamang'unet neo mising, oi kagasenyu bo ge: kanyiia kagaigaet, kanyiia boiboiyet kot kongirtage eng bichiinwekyo tugul.
\p
\v 5 Kingebwa Makedonia, ko memung'yo borwekcho, ago kiginyalilech eng komosta age tugul, kimi boryosiek eng' sang' ak kaiyweisiosiek eng' orit.
\v 6 Ago Jehovah, ne igoigoi che nyarotin, ko kiigaigaech kingoit Tito.
\v 7 Ki ma eng' itunenyi kityo ne kiyai kogaigaech Jehovah, ago eng' kagaigaet ne kiogaigai inendet, ye kingomwawech emostong'wong', ak rirekwok ak kagiileng'wong' bo ge agobo ane, kotabaibaitu mising' kosir.
\p
\v 8 Amu mbo nda kiimak baruenyu, ko ma geer ko ya, nganda kita ageer koya, kingageer ale kiyaak baruanato oimge, nganda ki bo kasarta ne matia.
\v 9 Abaibai raa, ma amu kioimge, ago abaibai amu kiyaak baruanoto oarogenye kot osigu. Amu kigiyaak oarogenye eng' arogenet ne tokyinige Jehovah, si mabetwok kiy age tugul amu ache.
\v 10 Amu arogenet ne tokyinige Jehovah koibu sigunet ne isuldoi yetunet, ne matinye ndara. Ago arogenet ne bo ng'wenyuni koibu meet.
\v 11 Amu ogeero, kagiletabge netia ne kiib kiyweet ne tokyinige Jehovah eng' akwe. Ki o netia mag'et ne kimi eng' akwe oboru ole kioberege. Ee, nereknatet, ee kaiweisiet, ee emosto, ee kagiiletabge, ee yaaktaetab mugetut! Eng' kiy age tugul, ko kiobartege ole o tililen eng' ng'olyontonito.
\v 12 Ng'anda kiasirwak, ko kimasirwak kityo agobo, ngo'lyondetab inendet ne kiyai ne ya, nda amu ng'olyondetab inendet ne kigiyachi ne ya, ago si kong'ang'ak eng' akwe kagileng'wong' bo ge agobo ache eng taitab Jehovah.
\v 13 Noto anyun, kigigaigaech: Ak eng' kagaigaenyo ko kigiboiboitu mising' kosiir, amu boiboiyetab Tito, amu kioyai akwe tugul muguleldanyi komuny.
\v 14 Amu ngo kiamwaji inendet kiy age tugul agasenoge akwe, ko ki mogono alilan; ago ko u yo kimwowok tuguk tugul eng' iman, ko u noto kalosunenyo agine, kiy age tugul ne kiamwa eng' taitab Tito agobo akwe ko kiek iman.
\v 15 Ak o mising' ne sirtoot chamnyenyi ne bo orit agobo akwe, kobwati kaseng'wong' bo it tugul, ko u yo kiotaach inendet eng' kaiyweisiet ak botanet.
\v 16 Abaibai amu atinyenok kamang'unet ne o mising'.
\c 8
\cl Kurget 8
\p
\v 1 Kimache anyun onai, tupchosiechu agobo miendab Jehovah ne kigigochi kanisosiekab Makedonia.
\v 2 Kingetiem icheket eng' nyalilda ne o mising', ko kiib oindaab boiboiyeng'wai ak bananda ne siirtoot mogornatosiekab ayebindangwai.
\v 3 Amu abaoriani ale, kigonech tuguk che chang' kosubge ak kamugeng'wai, ak kigonech mbo kosiir kamugeng'wai, ak eng' chameng'wai.
\v 4 Kisomech eng' kagaigaet ne o agobo mieini ak yamdaet eng' boisiet ne kiboisiechini bikab Jehovah che tililen.
\v 5 Ak ma ko u ole kigimang'undoi, ago kisib kogochige icheget Kiptaiyat, ak kigonechge eng' magetab Jehovah.
\v 6 Ara Kigigiil anyun Tito, ne kigagotoi boisioni, kotar ak kosulda boisioni bo korororindo.
\v 7 Ago otinye eng' chang'indo tuguk tugul- kayanet, ng'alalet, naet, kagiletabge tugul, ak chamiengwong eng' ache. Ara ogeer anyun ole kanyiak ak kosulda boisioni bo korororindo.
\p
\v 8 Mamwae nito kou ng'atutiet, ago atieme eng' kagiiletab ge ne bo alak, ngo bo iman chamnyeng'wong'.
\v 9 Amu onget miendab Kiptaiyandenyo Jeiso Kristo ole, nganda ki magorio, ko Kiek kibanania agobo akwe, si kobiit oegu magorek eng' banandanyi.
\v 10 Ak eng' nito atigonok amu nyolu nito eng' akwe, che kisib otau eng' kenyit agenge ne kogosiirto, ma kityo oyai, ago amu kiochame kora.
\v 11 Ago owong'u anyun raa boisiet; amu ko u yo kio chobotin ak kiochame oyai noto ko u noto, owong'u anyun kou kamungeng'wong'.
\v 12 Amu ngo chobot chi koyai boisioni, ko kararan ago taachakse eng' tuguk che tinye chi, ma eng' che matinye.
\v 13 Amu ma ale si kinyumnyumji alak, ak kenyalilak akwe: Ago si koaechin.
\v 14 Toreti anyun raa changindang'wong' terterindang'wai, si kotoret changindang'wai terterindang'wong'; si kobiit kogergeit:
\v 15 Ko u yo kigisir kele, "inendet ne kiiyum che chang' ko mang'etyi kiy, ak inendet ne kiiyum che ng'ering' ko mararji kiy."
\p
\v 16 Ago kongoi eng' Jehovah, ne kinde muguleldab Tito kagiiletab'ge ne bo ribset agobo akwe ko u yo ating'enok.
\v 17 Amu kitaach iman kagiilenyo, ago amu igiilege mising'. Kogonyo anyun ole omi eng' magenyi inegei.
\v 18 Ak kogiyokte tupchet age koboto inendet ne toogunot kalosunenyi agobo logoiywek che kororon eng' kanisosiek tugul;
\v 19 Ago ma noto kityo, ago kilewen kanisosiek inendet kebendate tugul agobo kararoni, ne kiyae ache agobo torornatetab Kiptaiyat; ak keboru chobenyo bo ge ne kitinye.
\p
\v 20 Kiistoege ng'olyondonito, kele si kobiit mamwaitaenech chi age tugul kiy ne ya agobo aiyebini kiyae.
\v 21 Amu kibwati tuguk che bo teegisto, ma eng' taitab Kiptaiyat kityo, ago eng' taitab biko agiche.
\v 22 Ak kogiyokte koboto iche tupchenyo, ne kigegeer konyil che chang' kele igiilige eng' tuguk che chang', ago igilige raa kosiir, amu kamang'unet ne ting'enok mising'.
\v 23 Tito ko kiboitiot ne kimi tuwai keboisiei agobo akwe. Ago Tupchosiekcho alak, icheget ko che kiyogu kanisosiek, choto ko torornatetab Kristo.
\v 24 Noto anyun oborji icheget eng' taitab kanisosiek kito ne iboru chamnyeng'wong' ak kalasunenyo bo ge agobo akwe.
\c 9
\cl Kurget 9
\p
\v 1 Agokobo boisiet ne kiboisechini bikab Jehovah che tililen, ko matile kiy ko ta asirwok.
\v 2 Ang'et agobo makeng'wong', ne kialosunege agobo akwe eng' iche che bo Makedonia, ale kichopge Akaya kong'ete kenyit agenge ne kigosiirto; ak kigocheer kagiileng'wong' bo ge che chang' mising' eng' iche kot komuch kobois.
\v 3 Ago kaoyogu che kitupche, si maek buch kagasenyo bo ge agobo akwe eng' ng'olyondonito; si kobiit ochopge, ko u ye kiamwa.
\v 4 Si nga kagibwa ak alak che bo Makedonia, ak kenyoruok kotomo ochoboge, ko magililan eng' kamang'unoni- mamwoe kiy agobo akwe- amu kiayanak kosiir.
\v 5 Kiabwat anyun ale kiganyol akimkim che kitupche, si kobiit kobwa olo omi, si kochob tuguk che bo ayebindang'wong' che kigosib oaror, si kobiit kochobokis tuguchoto, koek tuguk che bo aiyebindo, ma kit ne kagisar.
\p
\v 6 Ago ng'olyot ne amwoe ko ni: inendet ne kole che ng'ering' kokese che ng'ering', ak inendet ne kole eng' aiyebindo kokese agine che bo aiyebindo.
\v 7 Ngo goito chi age tugul ko u yo kigochob eng' muguleldanyi, ma eng' suiyondit nda torjinet, amu chame Jehovah ne igoitoi eng' boiboiyet.
\v 8 Ak komuchi Jehovah kogonok korororindo tugul kotesak mising', si otinye akwe tuguk tugul kotugul che emok eng' kito age tugul, si otunen eng' boisiet age tugul ne kararan.
\v 9 Ko u ole kigisir kele, "kigoserser, kigogochi kibananok. Tebyei tililindanyi koigeny."
\p
\v 10 Ak inendet ne igochini kesuwek kolindet ak amitwogik che kiame, kogonok ak kotese kesuweg'wok che ogole. Tese rurutig'wok che bo tililindang'wong'
\v 11 Kigonok magornatet eng' kiy age tugul eng' aiyebindo tugul, ne igochini Jehovah kongoi kobunwech ache.
\p
\v 12 Amu yaetab boisioni maityini kityo magutik che bo bikab Jehovah, ago ing'irtoige kora kotokyige boisionik che bo kaweekyinoik che chang' che bo kongoi che kiweekyini Jehovah.
\v 13 Amu tiemet ak kaborunet ne bo kamugeng'wong' eng' boisioni, otorori Jehovah amu kasetab iit ne bo ng'angeng'wong' eng' logoiywek che kororon che bo Kristo, ak ayebindab kagoitoieng'wong' eng' iche, ak eng' tugul.
\v 14 Kasei ndakigerok, ak go saiwok, yae nito amu miendab Jehovah ne tesat mising' eng' akwe.
\v 15 Kongoi eng' Jehovah amu konunenyi ne ma mwoaksei.
\c 10
\cl Kurget 10
\p
\v 1 Asomok anyun ane Paulo eng talasiet ak mutyonetab Kristo, ane ne atalaa yo ami kobotok eng kwenung'wong, ago ngo mami kobotok atinye nyiganatet.
\v 2 Asomok ale, si manyiganitu yo ami kobotok, eng' kamang'unet ne kona aeg nyigan ak akergong' alak, che iitech kole kibendoti eng' atebetab borto.
\v 3 Amu mbo nda kibendoti eng' borto, ko magiyae luget eng' atebetab borto.
\v 4 Amu karikab lugenyo ko ma bo borto, ago tinye kimnatet neo eng' taitab Jehovah koluul irimoisiek. Ibu tiiyosyek che ibeti koek buch.
\v 5 Kiluuli kabwatutik, ak kiy age tugul ne toror ne ieetege kole kogirinda naetab Jehovah, kiluli kabwatet age tugul ageibu si kobiit kogas it Kristo.
\v 6 Ak kechobotin keyaakyi mugetut chalwok age tugul, tun kesulda kaseng'wong' bo it.
\p
\v 7 Tos Ogeere kityo tuguk che mi taitab konyekwok? Ngo kobwati chi age tugul ak komong'ug'e kole bo Kristo, ko ng'onachige kole amu mi eng' Kristo inendet ko kimi agiche eng' Kristo.
\v 8 Amu mbo ndalosuge mising' ngatigin agobo kimnatenyo ne kigonech Kiptaiyat si kobiit ketechenak ma si kobutok, ko malilani.
\v 9 Ma moche ale si kotok ko u yo amache amuenok baronokyu.
\v 10 Amu mwoe alak kole, "Baronokyi ko nyigisen ak ko kimen, ago nyalulat inendet ko mi eng' borto. Ama eme mbo kegasyi ng'alekyi."
\v 11 Ngonai che ibgoti kunoto kole, kit ne ki u eng' ng'alekab baronokcho yo ma kimi, keue noto agine eng' boisiet yo kimi.
\p
\v 12 Amu ma ki nyigonen keityige nda kekergeitege alak eng' icheket che ilosuge koyaniege ichegei, ak kokergeitege ichegei eng' ichegei ak koek kaberberitu.
\v 13 Ago makilasege mising' kosiir ole te karogendoet ne kigonech Jehovah. Ago ko u kityo ne kigichamwech, karogendoet ne kiroge neitwok ak akwe.
\v 14 Amu magiyogoitoige mising' kosiir, ku yo magiitwok, amu kigebka agoi ole omi keibuu logoiywek che kororon che bo Kristo.
\p
\v 15 Ama kilasuge kosiir ne eme agobo boisionikab biko alak. Ago, kimang'u kele ko u yo tesetai koetu kayaneng'wong', koboroitu ak koetu boisienyo eng' akwe.
\v 16 Si kobiit keamde logoiywek che kororon mbo eng' komoswek che mi komosin eng' olong'wong', ama kilosunege boisietab chi age ne kigeyai eng' komosta age.
\v 17 "Ago inendet ne ilosuge, ko ngo losge eng' Kiptaiyat."
\p
\v 18 Amu ma inendet ne ilosuge ne kiyoni, ago inendet ne leweni Kiptaiyat.
\c 11
\cl Kurget 11
\p
\v 1 Ee, katagaigai ndomuchi omuitawa eng' berberindo ngatigin, ee omuitawa iman!
\v 2 Amu amo nget'gong' agobo akwe, ng'etkong'ta ne bo Jehovah, amu kiachamwok obunji boiyot agenge, si kobiit amutyok Kristo ko u bergeiyat ne tiliil.
\v 3 Ago aiywei ale, si mang'emogis eng' or age tugul kabgatutikwok eng' lititindo ak tililindo ne tokyinige Kristo. ko u yo kiiberber erenet Awa eng' kenisiet.
\v 4 Amu inendet ne choni, ngo amda Jeiso age, ne kima kiamde ache, nda kotaach tamirmiriet age, ne kimo taach akwe, nda ko logoiywek che ter, che kimo yan, ko kaga anyun omuitajini inendet komie.
\v 5 Amu aiitige ale mami let eng' kiy age tugul eng' che eechen mising' eng' che kiyoktoi.
\v 6 Mbo nda u ngalalenyu ne bo chi ne ma inetge, ko ma u noto eng' naet, ago, kigibartech ache eng' akwe eng' kiy age tugul eng' kwenutab biko tugul.
\p
\v 7 Tos kiayai tengek kingamininge si kobiit kitororok akwe, amu kiamwowok logoiywek che kororon che bo Jehovah amo eng' melekto?
\v 8 Kiasare kanisosiek alak, aibe melekto eng' icheget si kobiit aboisieunenok.
\v 9 Ak kingami kobotok, ak abanani, ko kimagochi chi age tugul nyigisindo, amu kingoit tupchosiekyo kobunu Makedonia, kogona che kiabanani. Kianetge eng' kiy age tugul komaegu nyigisindo eng' akwe, ak ta aribege.
\v 10 Ko u yo mi imandab Kristo eng' ane, mami chi ne kertoo eng' kagasetab ge eng' komoswekab Akaya.
\v 11 Amu nee? Tos amu machamok? Inget Jehovah.
\p
\v 12 Ago kit ne ayae, atesetai ayae, si kobiit akertae boroindo icheget che mache boroindo, si kobiit kogergeit ak ache eng' tuguk che ilosunegei.
\v 13 Amu biko che u choto ko che kiyoktoi che bo lembech, kiboitinikab kenisiet, che walege koek che kiyoktoi che bo Kristo.
\v 14 Ama kwaong'et nito, amu mbo chesawil kowalege koaege inendet kou malaikayatab lapkeiyet.
\v 15 Ma kiy ne o mising' ngo aege otwogikchi kogergeit ge ak kiboitinikab imanda, ne kagesuneg'wai konamege ak boisionikwai.
\p
\v 16 Amwoe kogeny ale: Mangotebye chi kobkwati kole aberber. Ago ngobkwat ko u noto, otacha ko u ne berber, si agasge agine kitigin.
\v 17 Noto amwoe eng' lasgeita, mangololi ko u yo katangololi Kiptaiyat. Amwoe ko u ne berber.
\v 18 Amu ilosuge che chang' eng' borto, alosuge agine.
\v 19 Amu omuitochini che berberen eng' boiboiyet, amu ong'omen!
\v 20 Amu omuitochini chito, ngo yaak oegu otwogik, ngo amaak, ngo namak, ngo tororge nda korabachak togoch.
\v 21 Amwoe eng' sasetabge ale kiginyalulyotin mising' mbo keyai ko u noto. Ago ngo nyigan chi-angalali ko u ne berber-aii nyigan agine.
\v 22 Tos Hebranik iche? A i noto agine. Tos Israelik icheget? A i noto agine. Tos kesuwekab Abraham icheget? A i noto agine.
\v 23 Tos kiboitinikab Kristo icheget? (Ang'alali ko u chito ne ame iywek.) Asiirtoot: eng' birtaosiekab ge che sirtoot, eng' korgorosiek mising', eng' birutik che siirtootin, eng' meosiek konyil che chang'.
\v 24 Eng Yahudik ko kianyoru konyil mut "birutik artam, kibet agenge.
\v 25 Kigibireno kirogonik konyil somok, kigiwira eng' koik konyil agenge, king'emok melit ne kiami konyil somok, kiatebe araraita betut agenge ak kemout agenge.
\v 26 Kiawendote eng' banwek konyil che chang', ng'oiyonditab ainosiek, ng'oiyondit ne bunu rebik, ng'oiyondit ne bunu bikab bororienyu, ng'oiyondit ne bunu bororiosiek, ng'oiyondit eng' nganaset, ng'oiyondit eng' ong'atet, ng'oiyondit eng' araraita ng'oiyondit eng' kwenutab tupchosiek che bo lembech.
\v 27 Kiaboisie eng' birtoetab ge ak nyalilda, kemousiek che chang' che mami ruondo, eng' rubet ak melelda, eng' karugutetab ge konyil che chang', eng' kaititiet ak eng' ach ingor.
\v 28 Koboto chu ak kiy age tugul, komi kaimetab ge ne abwoti agobo tononjinetab kanisosiek tugul.
\v 29 Ng'o ne nyalulat, ama nyalulat ane? Ng'o ne kigenach, ama agas agine kongwan?
\p
\v 30 Ngot ko nyolu alosge, alosuge agobo tugukab nyalulenyu.
\v 31 Jehovah ago Kwandab Kiptaiyat Jeiso, inendet ne iberurot koigeny, ko ne inget kole magenu.
\p
\v 32 Kiripso eng' Damasko bounindet ne kimi ng'weny ne bo Laitoriat Areta, kole si konama.
\v 33 Ago kigichoortaena kiyondet eng' tirisiet ne bo irimet, ak kiachilile eunekyi.
\c 12
\cl Kurget 12
\p
\v 1 Kanyol anyun alosge, nga nda ma tesu kiy. Ago aityini keersosiek ak ng'ang'utik che bo Kiptaiyat.
\v 2 Anget chito eng' Kristo, ne eng' kenyisiek taman ak angwan che kigosirto, (ngo eng' borto ko manget, nda ngo kiga komanda eng' borto, ko mang'et, ing'et Jehovah), ale kigimut inendet kotogosta agoi Kipseng'wet ne bo somok.
\v 3 Ak ang'et ale chichoto, ngo kimi eng' borto nda kima ta komi eng' borto, ko mang'et; ing'et Jehovah.
\v 4 Ale kigimut kotogosta agoi Paratiso, ak kigas ng'alek che ma mwaoksei, che ma chamdaat komwa chi.
\v 5 Alosuge anyun agobo chichoto: Ago malosuge agobo ane kobate kityo alosge agobo nyalulnatosiekyu.
\v 6 Amu ngot amache alosge, ko maberberitu amu amwoe iman. Ago aribege si malosuge, si ma iito chi age tugul kosiir ne te ne keerjino, nda ne kasena.
\v 7 Ak eng' oindo ne sirtoot ne bo ng'angutik si ma kitorora mising', ko kigigona katet eng' borto, ne otwogindet ne bo Setani kobiro, si ma kitorora mising'.
\v 8 Kiasom Kiptaiyat mising' konyil somok agobo nito, ale koistoiwo.
\v 9 Ak kilejo, "emin miendanyu, amu kiyae kamugenyu koek ne igesunotge eng' nyalulet. Ara alosuge anyun eng' boiboiyet mising' kosiir amu nyalulnatosiekyu, si kobiit kotebeno kamugetab Kristo.
\v 10 Ara anyun, abaibai eng' nyalulnatosiek, eng' ng'woningwek, eng' kagiigosiek, eng' usisiosiek, eng' tiritinwek, agobo Kristo: Amu nyalulet, ko yoto ole atindoi kimnatet.
\p
\v 11 Kaaberberitu! kiobircho nito; amu kota nyolu oloswo akwe. Amu kima rartaat eng' kiy age tugul eng' che kiguree che kiyoktoi che eechen kosir, mbo nda ma i kiy.
\v 12 Kiyaagis kaborunoik che bo iman che bo ne kiyoktoi eng' kwenung'wong' eng' muitaosiek tugul, koboto kaborunoik ak kwang'utik.
\v 13 Amu ara tos mi nee ne kiyaak oegu akwe che nyarotin kosir kanisosiek alak, kobate kityo kima aegu nyigisin eng' akwe? Onyoiywo kaat lelutionito.
\p
\v 14 Ogeer, nito ko ne bo somok achobokse si anyonjok. Ak manyoegu nyigisindo eng' akwe: Amu macheng'e tugukwok. Akwe che amache. Amu ma magonorjini leguk sigiik tuguk, ago nyolu kogonorji sigiik leguk.
\v 15 Ak abaibaitu mising' aboisie chechu ak keboisieno kora agobo sobonwekwok. Nganda nga achamok mising' kosiir, ko kichomo ngatigin.
\p
\v 16 Ago ole toku ko u, ko kima konok nyigisindo. Ago amu atinye ng'omnatet, ko ane ne kianamak eng' mestet.
\v 17 Tos kiasigenok keljin eng' chi age tugul eng' icheget che kioyokwok?
\v 18 Kiatechi Tito, ak kiayokte ne kitupche koba tuwai. Tos kiibenok kiy Tito? Tos kima kibendoti eng' Tamirmiriet agenge? Tos ma kibendate eng' tiegutik che kerge?
\p
\v 19 Obwati ole agoi raa olen kisaruge eng' taing'wong? Eng' taitab Jehovah keng'alali eng' Kristo, ago kiyae tugul ko si kegimitok, chamanichu.
\v 20 Amu aiywei, ale tun kanyo, ko manyoruok eng' or age tugul ko u ye momeche, si mabiit eng' or age tugul boriosiek, ng'etgonda, neregek, suriosiek, ngaksosiek, chaamsosiek, menotosiek ak bolatosiek.
\v 21 Aiywei ale, nga wechge ko maiming'ino Jehovah nenyu eng' taing'wong'. Aiwei kora ale tos arir amu che chang' eng' cho kigoyai tengekwog'ik kongetege yoto, ama sik eng' simdo an sokset ak maget ne ya agobo tuguk che yaachen che kiyai.
\c 13
\cl Kurget 13
\p
\v 1 Ni ko bandanyu ne bo somok anyonjinok, kigimiti ng'olyot age tugul eng' kutuswekab baorinik aeng' nda ko somok.
\v 2 Kisib amwoji icheget chekiyai tengekto eng' tai ak kiamwachi chun alak tugul kingomi oloto eng' bandanyu ne bo aeng', ak amwoe kogeny: Nga nyo kogeny, ko ma rire icheget.
\v 3 Amwowok ni, amu ocheng'e kaborunet ole ng'ololi Jeiso eng' ane. Manyalulat eng' akwe, ago kim eng' akwe.
\v 4 Amu kigigartat eng' nyalulet, ago sobei eng' kamuktaetab Jehovah. Amu kinyalulyotin akiche eng' inendet, ago kisapsoti ak inendet kobun kimnatetab Jehovah nemi eng' akwe.
\p
\v 5 Osiachge akwege, si oger ngo tomii eng' kayanet. Otiemge akwege. Tos monae nito agobo akwe ole mi Jeiso Kristo eng' akwe? -aye anyun nyoto kiobutie eng' tiemisiet.
\v 6 Ago amang'u ale ong'et ole magibutii amu tiemutik.
\v 7 Kisae anyun Jehovah kele si moyai kiy neya. Masoe ni ale si ketogu ko u yo kige siir eng' tiemutik. Ago, asae ale si oyai kito ne nyolu, nga nda kimuchi ketogu ko u yo kigebutie eng' tiemutik.
\v 8 Amu magimuchi keyai kiy ne kirindoi imanda, ago ne toreti imanda.
\v 9 Amu kiboiboen yo kinyoluliotin, ago okimen akwe. Kisae kora kele, oegu che igesunotge.
\v 10 Asirwok ng'alechu ko ma mi, si tun ngami kobotok komaboisie koromnatet eng' akwe, ko u ole te bounatet ne kigona Kiptaiyat si amuch atechak, ama butok.
\p
\v 11 Ne bo let anyun, saisere. che kitupche, oboiboitu! Ogiljigei kagesunetabge. Asomok oegu chetinye kabwatet agenge, ak otebi eng' kalyet, si kotebi Jehovah ne bo chamnyet ak kalyet kobotok.
\v 12 Ogatge eng' ng'ututet ne tilil. Igatok biko tugul che Tililen.
\v 13 Ingotebi ak akwe miendab Kiptaiyat Jeiso Kristo, ak chamnyetab Jehovah, ak amdaetab Tamirmiriet ne Tilil.