eyo_reg/47-1CO.usfm

\id 1CO
\ide UTF-8
\h 1 Korintoek
\toc1 1 Korintoek
\toc2 1 Korintoek
\toc3 1co
\mt 1 Korintoek
\c 1
\cl Kurget 1
\p
\v 1 Paulo ne kigikuur koek ne kiyoktoi ne bo Jeiso Kristo eng' magetab Jehovah ak tupchenyo Sostena.
\v 2 eng' kanisetab Jehovah ne mi korintoek eng' icheket che kigitilil eng' Kristo Jeiso ak keguurji lewenisiek si eng' Kristo, Kiptayandengwai ak nenyor.
\p
\v 3 Ngotebi kororindo kobotok ak kalieyet ne bune Jehovah.
\p
\v 4 Amwachini Jehovah kongoi kotugui akobo akwe, amu kororindab Jehovah ne kigonok Jeiso Kristo.
\v 5 Si eng' tuguk tukul komokornonok indendet eng' twekunet ak n'gomnatet,
\v 6 agot ye tooku baornatetab Kristo eng' akwe.
\v 7 Si mororuok konunotiot age tugul keganyi nyonunetab kiptayandenyo Jeiso Kristo.
\v 8 Ne igimitok agoi kagesonet asi oegu che ititootin eng' betutab kiptayandenyo Jeiso Kristo.
\v 9 Iyanat Jehovah, ne kigeguurok eng' yamdaetab werinyi Jeiso Kristo kiptaiyandenyo.
\p
\v 10 Osomok anyun nguno topchosiek eng' kainetab kiptaiyandenyo Jeiso Kristo, ale ong'ala kit agenge, si maiit besiosiek eng' kwenung'won'g, ago si oegu che igesunotinge eng' kibagenge eng' kabwatet agenge ak kiruoget agenge.
\v 11 Amu kigemwowo agobo akwe, tupchosiekechu, icheket che bo ketab Kloe kele mi ng'usetabge kwenung'wong'.
\v 12 Lin alak eng' akwe abo Paulo, Kolin alak abo Apolos, kolin alak abo Kepas nda Kristo.
\v 13 Tos pcheat Kristo? Kigigartat Paulo akobo akwe? nda kigibatisanak eng' kainetab Paulo?
\v 14 Amwochini Jehovah kongoi amu mami ne kiabatisan eng' akwe kobate Krispo ak Gaio.
\v 15 Si ma le chi kabatisan eng' kainenyu.
\v 16 Ak kiabatisan kotab Stepanas agiche mobwoti ngo kiabatisan che chi age kokeny.
\v 17 Kiyokwo Kristo aamda logoiywek che kiroron ma abatisanis, ma eng' ng'omnotetab n'galek si maek buch kimurtoryotab Kristo.
\p
\v 18 Amu berberiet amdaetab kimurtoyot eng' che lustos, ago kimnatetab Jehovah eng' che siku.
\v 19 Amu kigisir kele, ak ang'eme ng'omnotetab che ng'omen ak aesioi kauiyetab icheget che iguitos.
\p
\v 20 Mi ano ne n'gom? Mi ano sirindet? Mi ano Kipsuriotiotab ng'wenyuni? Tos mayai Jehovah n'gomnatetab ng'wenyuni koek berberiet?
\v 21 Amu eng' n'gomnotetab Jehovah ko manai ng'weny Jehovah eng' n'gomnotenyi, kicham Jehovah kosor icheket che iyoni, eng' berberindo ne bo ng'olyot ne kiamdoi.
\v 22 amu mache youtik koborunoik kocheng'e yunanik ng'omnatet.
\v 23 Ago kiamdoi Kristo ne kigigartat ne kanakut eng' yahudik ago berberindo eng' Bororiosiek.
\v 24 Ako eng' iche che kigiguur, yahudik ak yunanik Kristo Ko kimnatet ak ng'omnotetab Jehovah.
\v 25 Amu berberietab Jehovah ko ng'om kosiir biko ago nyalulnatenyi ko kim kosiir.
\p
\v 26 Okeero Kuurseng'won'g topchosiek, ma kiguur che chang' che ng'omen eng' atebtab borto ma che chang' che kimen ama che chang' che tookunotin.
\v 27 Ago kilewen Jehovah tuguk che berber che bo ng'weny si kogooch kalilanet che ng'omen, ak kileewen che tuguk che nyolulyotin che bo ng'weny si kogochi kalitanet che kimen;
\v 28 Agi tuguk che mi ng'weny che bo ng'weny ak tuguk che sosotin si kowal koek buch tuguk che mi.
\v 29 Asi metororge chi eng'tainyi.
\v 30 Kionyoru anyun Jeiso kobun inendet ne kigiyai eng' Jehovah koek ng'omnotet ak imanda ak tililindo ak katiakanatet.
\v 31 Asi ko u ye kigisir, indenet ne itororeke kootororke eng' kiptaiyat.
\c 2
\cl Kurget 2
\p
\v 1 Ago kinganyonchok tupchosiek, ko ki ma anyo eng' anyinyindab n'galalet nda ne bo ng'omnotet, anyo aboruok baornatetab Jehovah.
\v 2 Amu kiatil ale ko manai kiy age tugul eng' kwenung'wony kobate Jeiso Kristo ne kigigartat.
\v 3 Ak kigimi kibakenge eng' nyalulet, ak eng' kaiyweisiet ak eng' botanet neo.
\v 4 Ago ng'omnotetab chi ago eng' koborunet eng' tamirmiriet ak kimnatet.
\v 5 Asimatelele kayaneng'wong' n'gomnotetab biko ago eng' Jehovah.
\p
\v 6 Ago kimwoe ng'omnotet eng' kwenutab che ititotin ama eng' ng'omnotetab ng'wenyuni nda ne bo bouinikab ng'wenuyni che eku buch.
\v 7 Ago kimwoe ngomnotetab Jehovah eng' kwong'gutiet, akot ng'omnotet ne ung'at ne kisib kong'at Jehovah kotomo kobiit ng'weny amu torornatenyo.
\v 8 Ne kimanai age tugul eng' bounikab ng'wenyuni, amu nda kiganai nda kimo kogortoti kiptaiyat ne bo toronatet.
\v 9 Ago ko u ye siraat, mami kong' ne kigokeer nda it ne kigokas, nda kochut mugulel ne bo chi tuguchu che kigochobchi Jehovah icheket che chamei indendet.
\p
\v 10 Ago king'ang'wech Jehovah eng' tamirmirienyi, amu isiachi tamirmriet tuguk tugul agot tuguk che un'gotin che bo Jehovah.
\v 11 Tos ng'o ne ingen tugukab chi kobate tamirmirietab chichoto, u noto, tukukab Jehovah ko mengen chi kobate tamirmirietab Jehovah.
\v 12 Nguno anyun ko makitaach tamirmirietab ng'weny, ako tamirmirietab Jehovah, asi keguiye
\v 13 Tuguk che kimwoe, ko ma ng'alek che ineti ng'omnotetab chi, ago che ineti tamirmiriet tugukab ne tilil, kiroge tugukab tamirmiriet ak tugukab tamirmiriet.
\v 14 Ago matooche, chito ne mi eng' borto tuguk che bo tamirmirietab Jehovah, amu berberiet eng' inendet amemuchi kokuiyo amu kiguitos eng' tamirmiriet.
\v 15 inendet ne mi eng' tamirmiriet koruokchin tuguk tugul, ameruokchini chi indendet.
\v 16 Amu ng'o ne kigonai kabwatutikab kiptaiyat, Si kobiit konet indendet? ago kitinye ache kabwatutikab Kristo.
\c 3
\cl Kurget 3
\p
\v 1 Ago anyun tupchosiek mon'gololwok ko u biko che mi eng' tamirmiriet ago che mi eng' borto ago leguk eng' Kristo.
\v 2 Kiaguenak cheko mabaenak omitwokik che uuen; amu agot nguno kotomo omuch oam.
\v 3 Agot nguni ko tomi eng' borto, amu tokomi ngetkonda ak bariosiek ak kabesiosiek, tos momi eng' borto ak obendoti kou biko alak.
\v 4 Amu lin alak obo Paulo, kolen alak obo Apolos, tos momi eng' borto?
\p
\v 5 Paulo kong'o anyun, ko Apolos kong'o, kiboitinik che oyani ko u ye kiigoch kiptaiyat chi age tugul.
\v 6 Kiagoole, kobisi Apolo ak kobiit Jehovah.
\v 7 Noto anyun ma kiy koliindet ama kiy kobisindet ago Jehovah ne ibiiti.
\v 8 Inendet ne koolei ak neibisi ko akenge ago tun nyoru chitugul kogochinet korupke ak boisienyi.
\v 9 Amu kii kiboitinikab Jehovah mbarenyi ak teksenyi.
\p
\v 10 Kosupge ak miendaab Jehovah ne kigikono, kou teegindet neo ak ko ng'om, ago ng'om. Ko kialumde lumeiywot ne kiteekse barakunyi, ago ng'o keer age tugul ole katektaita barakunji.
\v 11 Amu momi lumeiywot ne imuchi kolumitachi kobate noto kigelumta Jeiso Kristo.
\v 12 Ak ng'o teekse chi lumeiywondoni tahbu, feda, koik che bo komonut, ketiik, suswek ak mobek.
\v 13 Tun kotogu boisietab chi age tugul, amu tun komwoitoi betut, amu king'anye eng' mat ak ketieme mat si kotook ole u.
\v 14 Ng'o ng'et boisietab chi age tugul che kigateeke barakunyi, konyoru anyun meletko.
\v 15 Ng'o lal boisionikab chi, kowendi asen, ako kisoru indendet eng' mat.
\p
\v 16 Tos mongen akwe ole o i hekalut ne bo Jehovah, ago menyok tamirmirietab Jehovah?
\v 17 Ng'o ng'em chi hekalutab Jehovah, kon'geme Jehovah amu tilil hekalutab Jehovah ne nito ko akwe.
\p
\v 18 Amagenak chi, ng'o mi chi kwenung' wong' ne tooku ko ng'om eng' ng'onyuni ng'oek ne berber asi koek ne ng'om.
\v 19 Amu ng'omnotetab ng'wenyuni ko berberiet eng' Jehovah. Amu sirat kele, indent ko name che ng'omen eng' ng'alseng'wai.
\v 20 Ingen kiptaiyat kabwatutikab ng'amotik kokeny kole buch.
\p
\v 21 Noto anyun mat kotoroke chi eng' biko amu chegwok tuguk tugul.
\v 22 Ng'o Paulo, nda Apolos, nda kepa nda ng'wenyuni nda sobondo nda meet, nda tuguk che mi, nda tuguk che bwoni. Tugul ko chegwok.
\v 23 Ak obo Kristo ak Kristo ko bo Jehovah
\c 4
\cl Kurget 4
\p
\v 1 Ng'oitech chi kole ki kiboitinikab Kristo ak ribikab ung'otikab jehovah.
\v 2 Noto anyun makat ribindet age tugul koek ne kiyoni.
\v 3 Eng' ane ko kiy kitikin ng'o kina akwe, nda koruokwo chi, ee makinege anege.
\v 4 Amu mongen ke ane, ako mo ii ne ikesunotge ago inendet ne ing'eno ko Jehovah.
\v 5 Ara anyun ameruokchi kiy kotom koit kasarta, kot konyo kiptaiyat ne ibu kobwa lapkeiyet tuguk che ung'otin che bo tuindo, ak koboor ng'alekab muguleido asi konyor chi tugul kolosunetab Jehovah.
\p
\v 6 Eng' noto anyun che kitupche, kaayai tuguchu koek kayaniet eng' ane ak Apolo agobo akwe, si kobiit onetge eng' ache si masiir tuguk che sirotin, si mamenege chi agobo chi age, kotil let chito age.
\v 7 Kayain ng'o iteritu eng' age? ak nee ne itinye inye ne kima iitach, ago ng'o kiitache ko amu nee si ilosuge, ko u ye kima itaache?
\p
\v 8 Ng'uno anyun onyitotin, ng'uno ko kiomokornon kiobounisie ko u laitorinik koma, kamacha anyun obou si kebounisie kobotok eng' Jehovah.
\v 9 Abwati ale kiteb Jehovah keegu ache che kiyoktoi che bo let, ko u biko che kigiruogyi kobek amu keerech ng'weny, malaikaisiek ak biko.
\v 10 Ki che berber amu Kristo, kinyoluilyotin, ookimen, okonyitotin ko motekisech.
\v 11 Agoi ng'uno koamech rubet ak melelda, kimi ach ngor ak ketortatech ama kitinye menyotet.
\v 12 Ao kibirtoige keboisie eunekcho, ng'echosech keberur, ng'eusech kemuitoi.
\v 13 Ye kimwoitoenech yoito, kigoigoi, kiyaech ko u che muruonindab ng'weny che kibuktoi ak kelakte agoi nguno.
\p
\v 14 Mosire tuguchi asi olilanse ago si kou werkchu che achame ateechin.
\v 15 Agot ndotinye ribik elfu taman eng' Kristo, ko motinye kwanisiek che chang'. Amu kiosichok eng' Kristo Jeiso kobun lokoiywek che kororon.
\v 16 Noto anyun osomok oeku kosubikichu.
\v 17 Noto amu nee asi oyokun Timoteo, ne werinyu ne achame ne kiyoni eng' Kristo, ne nyoni kobwatwok ortinwekchu eng' Kristo, ye onetisioti eng' ui tugul eng' kanisosiek tugul.
\p
\v 18 Mendos alak ayun kolin abere manyonjinok.
\v 19 Lekit anyonjok, ngo cham Kiptaiyat; ak aguiye, ma ng'olyotabiche che menotin, ago kamugengwai.
\v 20 Amu bounatetab Jehovah ko ma eng' ng'olyot ago kimnatet.
\v 21 Nee ne omache anyun? anyonchok ak Kirogto, nda eng' chamnyet, ak tamirmirietab talasiet?
\c 5
\cl Kurget 5
\p
\v 1 Kosunot Komie kele mi kwenung'wony ibetabge mising' kosiir ogot ole u eng' bororiosiek, kot koit koibge ohi ak osotiotab Kwanit.
\v 2 Ak omendosi amoarokenye kele inendet ne kayai kioto keisto eng' kwenunyo.
\v 3 Eng' iman ko momi eng' borto, ago omi eng' tamirmiriet, ko kaaruokyi inendet ne koyai youtionoto kou yo kwomite.
\v 4 Eng' kainetab kiptayandenyo Jeiso Kristo, yo kotuiye kibagenge ak tamimirienyu eng' kamuketab kiptayandenyo Jeiso Kristo.
\v 5 Okochi Oindet Chito ne u noto si keng'em borto, asi kesor tamirmiriet eng' betutab kiptaiyat Jeiso.
\p
\v 6 Ma kararan kolosuneng'wong'. Tos Mongen ole Mermerek tukitin kogutu kererutiet komugul.
\v 7 Oiste anyun mermerek che osen asi oegu kererutiet ne leel, amu momi mermerek eng' akwe, amu Kristo ne Pasaka ko korosiotnyo.
\v 8 Noto anyun, ongerib ikoorto, ma eng' mermerek che bo keny nda ko che bo yaitiet ak teng'ekto, ago eng' makatiat ne momi mermerek ne motinyei kenisiet ak bo iman.
\p
\v 9 Kioserwok eng' baruenyu ale amonamge ak che soksei.
\v 10 Mamwoe ale otabange mising' che sokse che bo ng'wenyuni, nda kipkeninik, nda che soe kanamonik: amu nda u notonta kanyoljok omandeeng' ng'weny.
\v 11 Ago kasirwak anyun ale amonamge ak chi age tugul ne kiguure tupchet ago yae sokset nda kipng'etkong'ia nda kosoe kanamonik nda ko ne chubisie nda ko kibogityot nda rebindet. Amoamisie ak chito ne u noto.
\v 12 Amage nee aruokyi iche che mi sang'? Tos moruokyini akwe iche che mito go?
\v 13 Ago iche che mito sang' koruokyini Jehovah choto. Oiste anyun chichoto sigoran eng' kwenung'wong'.
\c 6
\cl Kurget 6
\p
\v 1 Tos mi chi kwenung'wong' ne ng'otinye ke ng'olyo ak chitab kokwet komuti kapgiruok eng' taitab che mo bo imanda? Ama eng' taitab che tililen.
\v 2 Tos monget ole iruokyini che tililen ng'weny? Ako ngot oruokyini anyun ng'weny ko tos manyoljinok oruokyi tuguk che mengechen?
\v 3 Tos mongen ole tun keruokyini malaikaisiek? Siirei anyun ne tia tuguk che bo soboni?
\v 4 Ng'ot omuchi oruokyi tuguk che tinyeke ak soboni, ko to oiiti ole kiruogik iche che ma kiiti kele kiy eng' kaniset.
\v 5 Amwoe anyun ale si kobiit olilonse. Momi chi ne ng'om kwenung'wong' agot agenge ne imichi kotil ngalek eng' kwenutab tupchosiek?
\v 6 Ago imuti tupchet age tupchennyi kwo kapkiruok, akne siire ko eng' taitab che moiyonotin!
\p
\v 7 Achicha, Kagoek nguno lelut eng' akwe, amu oruokyinige akwege. Amu nee si mochamtege kinyalilak? Kaine si mochamtege kesarenak tuguk?
\v 8 Achicha akweget che oyae ne ya ak orebisiei agot eng' tupchosiek!
\p
\v 9 Tos mongen ole mochutei che mo bo iman bounotetab Jehovah? Amata kigenaak; momi eng' che yae sokset nda soikab kanamonik nds che yae ibetabge nda chemulkwonyik, nda chemogorgoinik.
\v 10 Nda choric nda kipkeinik nda kibogitinik nda chubik nda rebik che nyoru bounatetab Jehovah.
\v 11 Ago ki u choto alak eng' akwe ago kigeunok ak ketililok ak keityok imanda eng' kainetab kiptaiyat Jeiso ak eng' tamirmiretab Jehovah.
\p
\v 12 Chomtootin tuguk tugul eng' ane, ama tuguk tugul che nyolu, chomtootin tuguk tugul eng' ane ama boiywo age tugul eng' choto
\v 13 Bo omitwokik moet, ak bo moet omitwogik ago ngeme Jehovah choto tugul. Ng'uno anyun mobo borto sokset ago bo kiptaiyat; ago bo kiptaiyat borto.
\v 14 King'eet Jehovah kiptaiyat ak tun ing'eetech ak ache eng' kimnatenyi.
\p
\v 15 Tos mongen ole borwekwok ko kebebertab Kristo? ara anyun aiste kabeberwekab Kristo, ak ayai koek kebeberwekab chepkugoniot? Olo mo u noto!
\v 16 Nda tos mongen ole indendet ne namege ak chepkugoniot ko borto agenge. Amu mwaat kele eku tuwai borto agenge.
\v 17 Ako indendet ne kituisot ak kiptaiyat koegu tamirmiriet agenge.
\p
\v 18 Omwee anyun sokset, tenkegwogik alak komi sang'utab borto, ago inendet ne yae sokset koyachin bortanyi tengekto.
\v 19 Nda tos mongen ole borwekwok ko hekalutab tamirmiriet ne tilil ne otinye eng' akwe ne otinye eng' Jehovah? amobo ge akwege;
\v 20 Amu kigialenak kamanutiet, ara otoror Jehovah eng' borwekwok.
\c 7
\cl Kurget 7
\p
\v 1 Nguno anyun agobo tuguk che kioserwo ko kararan ko motiny mureno kwony.
\v 2 Agot kora, si keistoege sokset ko ng'otebi age tugul ak osotiondenyi ak kotebi kotebi kwony age tugul ak maning'otiondenyi.
\v 3 ng'okochi maning'otiot osotiondenyi ko u ye nyoljini ak ko u noto agine osotiot eng' maning'otiot.
\v 4 Matinye kamuket osotiot eng' bortonyi ng'ot ko ma maning'otiot, ko u noto agine maning'otiot kele motinye kamuget eng' bortanyi ng'ot ko ma osotiot.
\v 5 Amotaege akwege, kobate yo kochamnyechi asi onyoru osa ak orukutge ak otuiyege kogeny si mayomak oindet amu motinye ribetabge.
\p
\v 6 Ago amwae ni amu chamjinet ma ng'atutiet.
\v 7 Ago kata chome koige biko tugul ane. AGo tinye chi age tugul konunenyi ne bunu Jehovah, age ko uni, ak age ko u no.
\p
\v 8 Amwochini icheket che tomo kotunis ak musogik alechini, kararan eng' iche ng'otebi ko u ane.
\v 9 Ago ng'o mosigchini kotebi, kotunis, amu kaigai kotunis kosiir maket ne lole.
\p
\v 10 Ang'ote che kigotung'e ma ane ago kiptaiyat ale mameto osotiot maning'otiondenyi.
\v 11 Ago ng'ot kometo, ko gotebi komagitun nda kowekchige manig'otiot osortiondenyi.
\p
\v 12 Amwochini biko alak, ma kiptaiyat ale ng'o tinyei tupchet kwondo ne maiyanat ak koboibochi kotebi tuwai. Kotebi maon.
\v 13 Ago kwondo ne tinyei maning'otiot ne meyanat ak koboibochi komeng'is tuwai ko mat kometo maning'otiondenyi.
\v 14 Amu maning'otiot ne maiyanat ketilile ak osotiot ne meyanat eng' maning'otiot ketilile, nda ma u noto ta ma tililen legukwok: ago tililen iche nguno.
\p
\v 15 Ago ngwo ne meyanat, ko ngwo, momi tupchet ne muren nda kwony ne ratat eng' ng'alek che u choto- Ago kiguurchech Jehovah ache tugul eng' kalyet.
\v 16 Ago inae nee anyun inye osotiondoni ngo tos isoru maning'otiot? Nda Inae nee inye maning’otiondoni ngo tos isoru osotiot.
\p
\v 17 Ago ko u ye kigopchechi kiptaiyat chi age tugul, ko u ye kigoguur Jehovah age tugul, ngotebi ko u noto. Ak ang'ote anyun ko u noto eng' kanisosiek tugul.
\v 18 Tos kigiguur chi age tugul ko kagimuratan? Amat koige ne magimuratan, Tos. Kigiguur chi age tugul kotom kemuratan.
\v 19 Ma kiy kamuratanet, ago ngo magimurtatan ko ma kiy, ago kerib ng’atutikab Jehovah.
\v 20 Ngo tebi chi age tugul ko u ye kiu ye kingekuure.
\v 21 Tos kigiguurin i otwogin? Meimchike, ago ngot komugogse ketchachin iboisie.
\v 22 Amu inendet ne kigiguur ko otwogin. Kotyaket eng' kiptaiyat, ko u noto, inendet ne kigiguur kotyakat ko otwokindetab Kristo.
\v 23 Kigealak eng' kamanutiet, ama toegu otwokikab biko.
\v 24 Tupchosiek ngotebi age tugul eng' Jehovah ko u ye kiteptoi ye king'ekuure.
\p
\v 25 Nguno anyun ale, motinye ng'atut eng' kiptaiyat agobo bergeinik, ago agonu kereenyu ko u chi ne kigonyor rirenetab kiptaiyat aek ne kiyani.
\v 26 Abwati anyun ale, kararan nito amu kaimetabge ne mi nguno ale ngotebi chi tugul kou ole teptoi nguno.
\v 27 Tos kigeratyin osotiot mecheng' anyun ketyachin Tos itiagat eng' osotiot amecheng' anyun osotiot.
\v 28 Ago ngot itunisie ko maiyai tengek, ak ngitun berkeiya ko maiyai tengek, ago nyoru che u choto nyaliida eng' borwek amomoche soimge.
\p
\v 29 Ago amwowok tupchosiek ale nwach kasarta ne ng'etunot, ngotebi che tinyei osotik ko u ye motinyei.
\v 30 Ak Icheket che rirsot kot kou ne morirsot, ak icheket che boiboen kot kou che moboiboen ak che alisie kot kou ne motinyei kiy.
\v 31 Ak icheget che boisie ng'weny komoboisie mising', amu siirtoi itondab ng'weny.
\p
\v 32 Ago momoche oegu che iimotinge. Inendet ne moitunis kojirjirenjin tuguk che bo kiptaiyat, ole imuchi kobaibaita kiptaiyat.
\v 33 Ago inendet ne kigotunis kojircjirenjin tuguk che mi ng'weny ole imuchi kobaibait osotiondenyi.
\v 34 Mi teerchinet kokeny eng' osotiot ak berkeiyat, inendet ne moitunot kojirjirengini tuguk, che bo kiptaiyat, asi koeg ne tilil eng' borto ak eng' tamirmiriet: ko inendet ne itunot kojirjirenjini tuguk che mi ng'weny, ole imuuktoi kobaibai maning'otiondenyi.
\v 35 Amwowok nito agobo keluneng'wong', melin kele katorchok mestet, ago si oboisiechi kiptaiyat eng' oret ne chamat ma eng' kaimetabge.
\p
\v 36 Ago ng'obwati chi age tugul kole mayachini berkeiyandenyi ne nyolu, ak ngo kagosiirto kororonindab mining'natenyi, ak ngo mi kiy ne nyoljini, koyai ko u ye mache. Mayai tengek ngotungei.
\v 37 Ago inendet ne lumdaat eng' moguleldanyi komuchi koboi mokutikji ago kagotil eng' muguleidonyi koriib berkeinatenyi ketun koyae ne kararan.
\v 38 Inendet ne igoitoi berkeiyandenyi ketun ko yaei ne kararan, ak inendet ne mekoito berkeiyandenyi ketun koyae ne kararan mising'.
\p
\v 39 Ratat osotiot kote kotoko sobei maning'otiot, ago ye kagome kotiagat kotun chi ko u chamnyenyi eng' kiptaiyat kityo.
\v 40 Ago baibai kosiir ngo tebi ko u ye konye, ko u ye abwati: ak alin atinye agine tamirmirietab Jehovah.
\c 8
\cl Kurget 8
\p
\v 1 Noto anyun agobo tuguk ale kaginem koek korosekab kanmonik kingen tugul kele kitinye naet, mene naet ago teegse chamnyet.
\v 2 Ngot kobwatyi chi kole ingen kiy, ko mengen ko u ye makat kongen.
\v 3 Ago ngo chame chi age tugul Jehovah ko naat chichoto eng' inendet.
\p
\v 4 Agobo ametab tuguk che kagieng'ji kanamonik koek korosek, kingen kele ma kiy konomuet eng' ng'weny, ama mi komuktoindet age kobate agenge.
\v 5 Agot ndo mi che keguure cheptailelisiek, ngo kipseng'wet nda ng'weny (kou ye mi) cheptailelisiek che chang' ak kiptainik che chang'.
\v 6 Ago eng' ache ko kamugtaindet ko agenge. Inendet kwanda ne bunu tuguk tukul, ak kemi eng' inendet, ak kiptaiyat aenge, Jesu Kristo, ne mi tuguk tugul amu inendet, ak ache eng' inendet.
\p
\v 7 Ago momi naonata eng' biko tugul, amu kigonaita agoi nguno eng' kabwatutigwai koame tuguk che kagibelchi koek korosek konomuet ak muruonitu kabwatengwai ne nyalulat.
\v 8 Ago amitwogik ko ma kit ne imutech kerikechi Jehovah nda ngo magiamisie, ko mararuech kiy nda ngeamisie ko matesak kiy.
\v 9 Ago oribge asi monach che to ko nyolulotin eng' kimnatoning'wong'.
\v 10 Ak ngot keerin chi inye ne tinye naet iamisiei eng' hekalutab kanamonik, ko tos manyikanit inendet ne nyalulat koam tuguk che kagienchini kanamonik:
\v 11 Ak luse inendet ne nyalulat amu naeng'ung' ago kimechi Kristo.
\v 12 Ak ng'oyachi tengek topchosiek ak oguoteni kabwatutigwai ne nyalulat, ko koyachi Kristo tengek.
\v 13 Noto anyun, ngot konachi amitwogik ne kitupche, ko ma aame banyek agoi, si manach ne kitupche.
\c 9
\cl Kurget 9
\p
\v 1 Tas Mei ne kiyoktoi? Tos matyakat? tos tomo aro kiptaiyandenyo Jeso Kristo? Tos mo i akwe boisienyu eng' kiptaiyat?
\v 2 Ngot ko mo i ne kiyoktoi eng' ala, ko ne kiyoktoi eng' akwe: amu ng'oksetab kayoktoinatenyu ko akwe eng' Kiptaiyat.
\p
\v 3 Osorunege nito eng' icheget che kina.
\v 4 Tos makitinye kimnatet kee ak keam?
\v 5 Tos katinye kimnatet kemutate osotiot ne iyanat, ko u alak che kiyoktoi, ak tupchosiek che bo kiptayat ak kepa?
\v 6 Nda anege kityo ak barnaba che makitinye kimnatet kebakakte boisiet?
\v 7 Ng'o ne wendi luget ak koboisie tugugchi? ng'o ne kole kabunguit ama ame logoek? nda ng'o ne iyoki akwet ama lue chekab kiayagichoto?
\p
\v 8 Tos amwoe tukuchu ko u biteetab biko? nda mamwoei agine ng'atutiet choto?
\v 9 Amu sirat eng' ng'atutietab Musa kole, mat irat kutitab eito ye tiechei beko koborei. Tos ibwoti Jehovah mising' agobo eik?
\v 10 nda mwoei kityo amu ache? Ee kigisir amu ache: amu inendet ne ibatisie, ko nyolu kobatis eng' kamang'unet, ak inendet ne bore kobore komang'u kole sigd kiy.
\v 11 Ngot ko kigigolchok tukukab tamirmiriet, ko tos kiy ne o ngot keges tugukwok che bo borto?
\v 12 Ngot konyor alak yamdaet eng' kimnotoni kosiirok kesire ache, ago makiboisie ache kimnotonoto ak kimuitoi eng' tuguk tugul si makigerte letaetab lokoiywek che kororon che bo Kristo.
\v 13 Mongen ole icheket che boisiechini tuguk che tililen koame tuguk che bo hekalut, ak icheget che ribe kaptisisiet kotinye kebebertang'wai koboto kaptisisiet?
\v 14 Kou noto ole king'atita Jehovah kole icheket che amdoi lokoiywek che kororon.
\p
\v 15 Momi kiy eng' chuto che kioboisie. Amelin kasere ole si keyaiywa. Kaigai ame kosiir koyai chi torornatenyu koek buch.
\v 16 Agot ngaamdoi lokoiywek che kororon ko momi kiy natororege. Amu makat mising' nito eng' ane, ago bwa eng' ane ng'ot ko maainde lokoiywek che kororon.
\v 17 Amu ye ayai eng' makenyu anege atinye malekto, ago ngo ma bo magenyu anege atinye ripest ne kigiyanwo.
\v 18 Nee melektanyu? Noto ko ni, ye omdoi lokoiywechoto kororon ayae koek che motinye melekto si moboisie kimnatenyu mising' eng' lokoiywek che kororon.
\p
\v 19 Agot kiatiagat eng' biko tugul, ko kiaegu otwogintetab tugul, asi anyor ilajinet kosiir.
\v 20 Eng' yahudik, ko kioegu yahutiot, si kobiit anyor yahudik, eng' iche che mi eng' Ng'atutiet ko kiaige agane ne mi eng' Ng'atutiet ama kele ami anendet eng' Ng'atutiet, ago si kobiit anyor icheget che mi eng' Ng'atutiet.
\v 21 Eng' icheket che momi eng' ng'atutiet ko kiotebi ko u yo momi eng' ng'atutiet(ma kue ami eng' ng'atutik eng'Jehovah ago ami eng' ng'atutik eng' Kristo. Si anyor iche che momi eng' ng'atutik.
\v 22 Kotebi kou ne nyalulat eng' che nyaluliotin asi anyor che, nyolulyotin, kiaegu tuguk tugul eng' biko tugul asi amuch osor alak eng' oret age tugul.
\v 23 Ayae nito anyun amu amdaetab lokoiywek che kororon asi anyor yamdaet eng' chuto ak akwe.
\p
\v 24 Tos mongen ole icheket che rwaei eng' labatet ko chang', ago nyoru melekto akenge? Ara orwai asi onyoru.
\v 25 Ak chi age tugul ne ikilige eng' ureriosiek koribege eng' tuguk tugul, yaei anyun ko u noto asi konyor kutwet ne ng'emogse ago ache ko ne mon’gemogse.
\v 26 Aloboti anyun ma ko u chi ne tinyei saket. Ak abarsoti ma ko u chi ne bire. olo buch.
\v 27 Ago obire bortanyu ak obou, asi matikin ko ye kaamechi alak koma kimeto
\c 10
\cl Kurget 10
\p
\v 1 Momoche anyun, chi kitupche, ale oegu chi monget, ole kimito kwanisiekyo tugul ng'wenyutab boldet, ak kibun tugul araraita.
\v 2 ak kibatisanji tugul Musa eng' boldet ak araraita.
\v 3 ak kiam tugul amdit agenge ne bo tamirmiriet,
\v 4 ak kiee tugul eet agenge ni bo tamirmiriet. amu kiee tugul eng' ruandet ni bo tamirmiriet ni kirub iche, ak ruandanoto ko ki Kristo.
\v 5 Ago kima baibaichi mising' Jehovah chi chang' eng' iche; amu kigiserta eng' ong'atet.
\p
\v 6 Kiek tuguchu anyun kaborunoikyo, si magimakyi tuguk chi yaachen, ko u yo kimakyige iche mising'.
\v 7 Amoegu chi sae kanamok, ko u alak ing' iche, ko u yo kigisiir kele, kitebi ng'weny biko koamis ak koee, ak kong'etyo ko urerensot.
\v 8 Amata kisogse, ko u yo kiae alak eng' iche, ak kiibutyo eng' betut agenge elufusiek tuptemu ak somok.
\v 9 Nda ketiem kiptaiyat, ko u yo kitiem alak eng' iche, ak kibar erenok.
\v 10 Amato ng'unyng'ungye ko u yo king'unyng'unyo alak eng' iche, ak kibok eng' ng'emindet.
\p
\v 11 Kiaak anyun tuguchuto eng' iche si koek kaborunet; ak kigisir agobo kateunennyo, ache chi kagochonjet kagesunetab kenyisiek
\v 12 nyoto anyun ng'oripge si ma tebut inendet ne ibwoti kole tononi.
\v 13 Kima namak yomset kobate nyoto ne imuchi komuitae chi tugul; ago bo iman Jehovah ni machomdook keyomak kosiir ni te ne imuchi; ago koboto yomsonoto aei agine oret ni ochilile, si kobiit omuch omuite.
\p
\v 14 Nyoto anyun, chamanikyu oyestae biteetab kanamonik.
\v 15 Ang'ololi ko u yo ang'ololjini biko chi ng'omen; obesie kito no mwoe.
\v 16 Kigombet ni bo kaberuret ni kiberuri, ko tos ma amdaet ni kibutuli ko tos ma amdaet ni bo bortab Kristo?
\v 17 Amu ache chi ki biko chi chang'; ko ki makatiat agenge, borto agenge; amu kiome ache tugul makatiat agenge.
\p
\v 18 Ogeer Israel -o ing' atebtab borto: tos matinye amdaet ak kaptisisiet iche chi ame tiseiwyek?
\v 19 Amwoe nee anyun? amwa ale kiyni ne kieng'jin kanamonik nda tos kiy kanamwet?
\v 20 Ago tuguk chi igoitoi Bororosiek koeng'jini oik, ago ma Jehovah: amamoche oae amdaet ak oik,
\v 21 Momuchi oee kikombetab kiptaiyat, ak kikombetab oik. momuchi oam ing' mesetab kiptaiyat, ak mesetab oik.
\v 22 Nda kitoche kiptaiyat konyor ng'etkong? Tos kigimen kosiir inendet?
\p
\v 23 chamdaat tuguk tugul; ago ma rugut tugul chi nyolu. Chamdaat tuguk tugul; ago ma tuguk tugul chi teekse.
\v 24 Ama tocheng'jige chi chechi inegei, ago chi bo chitab kokwennyi.
\v 25 Kiy age tugul ni kioldoi eng' kabany, oam, amoteeb kiy amu kabwatet;
\v 26 amu bo kiptaiyat ng'weny, ak chi nyiitat ng'weny.
\v 27 Ngo kuurok age eng' iche chi moiyoyni kole kobaak, ak omoche obe; ko kiy age tugul anyun ni kagindeno taing'wong' oam ama to teebi amu kabwatet.
\v 28 Ago ngo lenok chi age tugul, kagigoitoi kii koek tiseiywot, ko moam, amu inendet ni kagoborun, ak amu kabwatet.
\v 29 Kabwatet ni amwoe ko ma ningung', ago bo age; amu kalya si koruokyi katiagennyu kabwatet age?
\v 30 ngo atooche eng' kongoi ko amu nee si kemwataena yaitio eng' kito ni koagoite kongoi?
\p
\v 31 Nyoto anyun ngoame, nda ngoee nda mbo ing' kiy age tugul ni oae, oae tugul otorori Jehovah.
\v 32 Amonach Yahudik nda yunanik, nda kanisetab Jehovah;
\v 33 mbo ko u yo oboiboien biko tugul eng' tuguk tugul, mocheng'e kelunennyu agine, ago kelunet ni bo chi chang', si kobiit kesor.
\c 11
\cl Kurget 11
\p
\v 1 Oegu kosupikchu ko inye osupi Kristo.
\p
\v 2 Aloswok anyun tupchosiek, amu abkato eng' tuguk tugul ak oribe ng'atutik ko u ye kainetak.
\v 3 Onai anyun nyi ole metitab chi age tugul ko Kristo, ago metitab kwanda ko muren ago metitab Kristo ko Jehovah.
\v 4 Muren age tugul nyi maoteni nda kosa kotukot metinyi ko maknyit metinyi.
\v 5 Ago chepyoso age tugul ne soe nda koamndoi logoiywek ko yatat metit, kagotewer metinnyi "amu kagergeit ak chi ne inemunot met.
\v 6 Amu ngo ma tugot metitab chepyoso, ko ingetilji agine sumeek, ago ngo kalilano eng' chepyoso ketilji summek nda kinem, ko ngotuch metinnyi.
\v 7 Monyolu kotuche met mureno amu inendet kerkeindo ak torornatetab Jehovah, ago kwondo ko torornatetab muren.
\v 8 Amu mo bo muren kwondo, ago bo kwondo murenet.
\v 9 Amele kigichopchini muren, kwony ago kigichopchi kwony muren eng' kaptisisiet.
\v 10 Makat anyun kwony kotinye baunatet eng' metinyi amu malaikaisiek.
\p
\v 11 Agot kora ko momi mureno ngo momi kwony, ama mi kwony ngo mami mureno eng' Kiptaiyat.
\v 12 Ko u ye kibunu kwony muren, ko u nyoto agine kosiche kwony muren ago tuguk tugul ko bo Jehovah.
\v 13 Oruokchige kira, tos nyolu kwony kosa koatukot metinyi?
\v 14 Tos ma inetok bitet olu u? Kele ngo tinye mureno sumeek chi koen ko kalilanet eng' inendet?
\v 15 Ago ngot kotinye kwony sumeek che koen, ko torornatenyi nyoto, amu kigigochi sumeechoto asi kotugege.
\v 16 Ngot ko mi chi nyi tiysot, ko makitinye biitet nyi u nyoto ama mi kora eng' kanisetab Jehovah.
\p
\v 17 Amwowok anyun nyi ale melen oloswok amu tuiyosiek chi aname amu otuisoti ma eng' chi kororon ago eng' chi yaachen.
\v 18 Ne tai anyun, ogase ole ye otuiye eng' hekalut komi besiet kwenung'wong'.
\v 19 Amu mi besiosiek kwenung'wong' nyi matiny si kotook iche chi bo iman eng' kwenung'wong'.
\v 20 Yo kotuiyechi komasta agenge ko mosikchine oam meseetab Kiptaiyat.
\v 21 Amu eng' omisieng'wong' kosib konemu age ak ame age rubet kobogiti age.
\v 22 Nee? Tos motinye gorik chi kiamisie ak chi kiesie? nda koreny kanisetab Jehovah? Ak ogochi kalilanet iche chi motinye? Amwowok nee anyun? Tos aloswok eng' nyito? Olo maloswok.
\p
\v 23 Kianyorune Kiptaiyat nyoto kiagonok akwe ko u ye kinam makatiat Kiptaiyat Jeiso eng' kemounoto kiging'wektoi inendet.
\v 24 Ak ye kingo kakomwa kongoi, kobutul ak kole, nyi ko bortanyu nyi kibutuli amu akwe. Oyai nyito komugul obgatena.
\v 25 Ko u nyoto kora, ko kiib kigombet ak komuus ak kole, nyi ko arorutiet nyi leel eng' korotichu oyae nyito si obgatena.
\v 26 Komugul anyun ye oame makatiat ak oee kikombet, obortoi meetab Kiptaiyat agoi Konyo.
\p
\v 27 Ara anyun ale tugul nyi ame makatiandani ak nda aee kikombani ama nyoljini, koipchige kiruoget nyi bo borto ak korotikab Kiptaiyat.
\v 28 Ago ngosiachge chi age tugul kotom koam makatiat ak koe kigombet.
\v 29 Amu inendet nyi ame ak koee ama nyoljini, koamchnike, koechinike kiruok amu moikuiyo bortab Kiptaiyat.
\v 30 Nyoto amu nee si konyolultos ak komiandos chi chang' eng' akwe ak ko ruisot chi chang'.
\v 31 Amu Ngot kitigonige acheget, ko tun kumakiruokwech.
\v 32 Ago yo kiruokwech Kiptaiyat, si ma tun kiruokwech ak ng'weny.
\p
\v 33 Nyoto anyun, tupchosiekchu, yo kotuiye oamisie, okanyge.
\v 34 Ak ngu ame chi rubet, koamis eng' gaa kotom kocho si moruogchige eng' kotuiyeng'wong'. Ak ng'alek alak che kiosir, anyoni achobe.
\c 12
\cl Kurget 12
\p
\v 1 Momoche oegu che mongen tupchosiek nguno agobo.
\v 2 konunotoikab tamirmiriet ongen ole kigii bororiosiek che kigitorchech cheptailelisiek che matwegu kou ye kigindoiywok.
\v 3 Noto anyun amache oguiye ole momi chi ne ngololi eng' kandoisetab tamirmiriet ne mwoe kole chubot Jeiso amami chi ne lin Jeiso ko kiptaiyat kobate eng' tamirmiriet ne tilil.
\p
\v 4 Ng'uno komi teerchinet eng' konunotoik ago tamirmiriet ko agenge.
\v 5 Ago mi ribsosiek che terotin ago kiptaiyat ko agenge.
\v 6 Ago mito boisionik che terotin ago Jehovah ko agenge ne boisie eng' tugul.
\p
\v 7 Ago kaborunetab tamirmiriet ko kigigochi chi tugul si kotoretege.
\v 8 Age ko kigigochi tamirmiriet ng'olyotab ng'omnoted eng' age kigigochi tamirmirietab ngolyotab kokuiyet.
\v 9 Age ko kayanet eng' tamirmirionoto eng' age ko konunotiotab kanyoiset eng' tamirmirionoto.
\v 10 Eng' age koyaei kwong'utik ko eng' age maionotet, eng' age koguitos tamirmirik, eng' kutuswek che terotin, eng' age ko waletab kutuswek che terotin.
\v 11 Ago boisie chuto tugul tamirmiriet ne noto agenge, kopchechini age tugul ko u ye makyini.
\p
\v 12 Ku u ye agenge borto, ago tinyei kebeberwek chang', Ago kebeberwek che chang', che bo boroto akot nda chang' ko borto agenge ko u noto kristo.
\v 13 Amu eng' tamirmiriet agenge, ko kigebatisanech eng' borto ageng, nge ii yahudik nda bororiosiek, ngerototin nda ketiogotin, ko kigeyaech eng' tamirmiriet agenge
\p
\v 14 Amu borto koma kebeberta agenge ago chang',
\v 15 Ngot kole keldo, amu mo i eut, komobo borto, ko tos mo bo borto?
\v 16 Ak ngot kole itit, amu mo i konda, ko mobo borto, ko tos mo bo borto?
\v 17 Ngot ko borto komugul ko konda, ko nda miano kastaet? Nda tugul ko kastaet nda miano konguiset?
\v 18 Ago nguno ko kigonde Jehovah kebeberwek, age tugul eng' iche, eng' borto, ko u ye kicham indendet.
\v 19 Ago nda ki tugul ko kebeberta, nda miano borto?
\v 20 Akot nguno nganda tinyei kebeberwek che chang', ko borto agenge.
\v 21 Ama lechini konda eut, mamochin. nda kolechi metit kelyek mamochok.
\v 22 Ago ne siire mising', ko kebeberwekab borto che togu konyolulyotin, ko choto che mokotin mising'.
\v 23 Ago kebeberwechoto bo borto che kiiti kele motekisotin, ko choto che ketekisi mising', ak kebeberwegchok che motinye kororonindo ko choto che tinyei kororonindo mising'.
\v 24 Amu kebeberwegchok che tinye kororonindo ko mamoche kiy, ago kiituiyo jehovah borto, ak kogochi kondit ne o kebeberta ne kirorchini.
\v 25 Si mabit kabesiet eng' borto, ago si koribge kibagenge.
\v 26 Ago ngot nyalil kebeberta agenge, konyalilsot kebeberwek tugul, nda ng'ekonyit kebeberta agenge, koboiboitu kebeberwek tugul.
\p
\v 27 Nguno o i bortab Kristo, ak o i kebeberwekab boroto age tugul eng' age.
\v 28 Amu kigoyai Jehovah alak eng' hekalut, ne tai chegiyoktoi, ne bo aeng' maotik ne bo somok konetik ne rube noto kwong'utik, korub konunotiotab kasoobet, toretisiet, bounisiet ak kutuswek che terotin.
\v 29 Tos chegiyoktoi tugul? tos maotik tugul? tos konetik tugul? tos yaikab kwong'utik tugul?
\v 30 Tinyei tugul konunotiotab kasoobet? ng'alalsot tugul eng' kutuswek che terotin? woldoi tugul kutuswek che terotin?
\v 31 Ago omach mising' konunotoik che eechen asi aborwok ne kararan kosiir.
\c 13
\cl Kurget 13
\p
\v 1 Agot ng'ang'agalale kutuswekab biko ak malaikaisiek ama tinye chamnyet ko koegu sukunwet ne chee nda sanitab sukunwet ne chee.
\v 2 Agot ngotinye konunotiotab maoinotet ak okuisoti un'gotik tugul ak naet tugul, ak agot ng'otinye kayanet tugul, ne amuchi oiste tulontok, ama tinye chamnyet ko a i buch.
\v 3 Agot ngo goite tukuchu kebae bononik, agot ngo goite bortanyu kebeel, ama tinye chamyet komokelwo kiy.
\p
\v 4 Chamyet ko muitoi, ago tala, ama mene.
\v 5 Ama yaei ne ma nyolu, mochengchinge chechi, ama iiti tokisiet ama iiti yoitio.
\v 6 Moboibochini ne mo bo iman, ago baibai eng' imanda.
\v 7 Sise eng' tuguk tugul, iyoni tuguk tugul, imon'gu tuguk tugul, muitoi eng' tuguk tugul.
\p
\v 8 Mororu chamnyet agoi, ago ngot ko mi maoinatet koite let, ngo mi kutuswek che terotin ko ite kosisio, ngo mi naet koite kogesge.
\v 9 Amu kingen eng' kebeberta ak keamdoi eng' kebeberta.
\v 10 Amu Tun nanyo anyun indenet ne ikesunotge koit let ne bo kebeberta.
\v 11 Ki ngo i lekwa ko kiang'ololi ko u lekwa ak akuiye ko u lekwa, kiabwat ko u lekwa, ago king'aeku muren alakte tukukab lekwandit.
\v 12 Amu nguno kegere eng' kioit eng' tamirmiron ago tun kegere tokoch eng' tokoch, nguno ongen eng' kebeberta, ago tun onae ko ye kigenaa.
\v 13 Ago tebyei nguno kayanet, kamang'unet, ak chomyet chuto somok, ago ne o eng' chuto ko chamyet.
\c 14
\cl Kurget 14
\p
\v 1 Osub chamyet, ak omach mising' konunotoikab tamirmiriet, ago ne siirei ko amdaet.
\v 2 Amu inendet ne ng'ololi kutuswek che terotin komong'ololchini biko ago Jehovah, amu magase chi, amu mwoei ung'otik eng' tamirmiriet.
\v 3 Amu inendet ne amdoi kong'ololnchini biko ng'alekab teekset, ak kagimitet ak kagaikaet.
\v 4 Inendet ne ng'ololi kutuswek che terotin kotechege, ago inendet ne amdoi koteeche kaniset.
\p
\v 5 Ngotomache ole ong'alal tugul eng' kutuswek che terotin, ago ne siire ko oamde ago inendet ne amdoi kosiir ne ng'ololi kutuswek che terootin, nda koweech asi kobiit koteech kaniset.
\p
\v 6 Nguno anyun, ngot anyonchok ong'ololi eng' kutuswek che terotin, ko koeg u kelchin nee eng' akwe? ngot ko mong'ololwok eng' ng'ang'utiet nda eng' naet, nda eng' amdaet nda eng' konetisiet?
\v 7 Ago agot tuguk che tinye tuuget chi mo sobtos, ngo ndurerut nda kibugandet, kenooitoi ano nyi kiguute nda nyi kibute.
\v 8 Amu ngo chei iriaket eng' tuuget nyi mo kiguitos ko ng'o anyun nyi chobchinge boriet.
\v 9 Ko ou nyoto anyun, ngot komong'alale ng'alek chi kimuchi keguiyo eng' nyumnyumindo, kenoitoi ano tukuk che kagemwa? amu ing'ololchini oldo buch.
\v 10 Imuchi komi tukosiek chi terotin eng' ng'weny amu momi nyi tinye komonut age tugul eng' chuto.
\v 11 Ara ngot ko mongen anyun komonutietab tuuget, aegu too eng' inendet nyi ng'ololi ak inendet nyi ng'ololi koegu too eng' ane.
\v 12 Ou nyoto ak akwe ko u ye omache mising' konunotiatab tamirmiriet ocheng' eng' kagiiletab ge tuguk chi ikochini kaniset koteekat.
\p
\v 13 Ara ngot anyun ngosa ine nyi ng'olole kutuswek che terotin asi komuch kowalda.
\v 14 Amu ngot asae kutit nyi makikuitos' kosae tamirmriennyu ago eng' ng'omnotet ko momi logoek.
\v 15 Ara kile nee? Asae eng' tamirmiriet, ak asae eng ng'omnotet agine, atieni eng' tamirmiriet, ak atieni eng' ng'omnotet agine.
\v 16 Amu ngo mau nyoto, ko ngiberuri eng' tamirmiriet, ak komwoitoi ano *Amen ye igoitoi kongoi, inendet nyi tebe ole mi che ma inetge amu manoe kit nyi imwoe.
\v 17 Amu igoitoi iman kongoi komie ago manyor age tugul kit nyi imuchi koteech.
\v 18 Olosu Jehovah ong'alale kutuswek chi terotin kosiirok okwe tugul.
\v 19 Ago eng' kanisa agoigoi ang'alal ng'alek mut che ikuitos, asi eng' tugenyu, amuch aneet alak akiche kosiir ng'alek elfusiek taman eng' kutuswek chi maiguitos.
\p
\v 20 Tupchosiek amoegu lekuk eng' kaguiyeng'wong' ago oeku lekuk chi nyerotin eng' yaityo oeku leguk chi kaoekitu eng' ng'omnotet.
\v 21 Kigisir eng' sirutik kele ong'ololchini bichu eng' biko chi bo kutuswek alak, ak eng' kutuswek ab toek, ak agot ngo u nyoto ko maakasa, magasa kiptaiyat.
\p
\v 22 Ara anyun kutuswek ko bo koborunoik ma eng' iche che iyoni ago eng' iche che meyoni, ako amdaet ko bo kabarunet ma eng' che maiyoni ako eng' iche che iyoni.
\v 23 Nyoto anyun ngotuiyo kaniset tukul ak kong'alal eng' kutuswek che makigose, ak ngo maiyonotin, ak kobga ku bich che ma inetige nda ko che maiyonotin ko tos ma mwoe kole oi chebion?
\v 24 Ago ngot koamda tugul ak kochut chi nyi maiyanat nda ko ne mainetge, komuchi anyun tugul.
\v 25 Ak keng'any ung'otikab muguleldannyi, ak kobutyi ng'weny anyun. kong'uruk kolos Jehovah komng'oe kolin mi Jehovah kwenung'wong' iman.
\p
\v 26 Nee anyun, che kitupche? ye oumge, kotinye age tugul tiendab kalosunet, ak konetisiet, ak ng'ang'utiet, ak kutit ne magigase, ak kaweegetab ng'alek. ngoyaogis tuguk tugul koteegogis.
\v 27 Ngot ko ng'alal chi kutuswek che makiguitos, kong'alal aeng' nda ko somok, korupge ago ngobiit age ne imuchi kowalda
\v 28 Ngot ko momi weekindetab ng'alek, ko siis anyun eng' kaniset ak ngo ng'alalchike ak koong'alalchi Jehovah.
\p
\v 29 Ak ngong'alalyo maotik aeng' nda ko somok ak ngokuiyo chito.
\v 30 Ago ngeng'angchi ng'olyo age nyi tebye eng' yoto ko ingosis nyi bo tai.
\v 31 Ago omuchi oamde agenge agenge asi konetge tugul ak kegaigai tugul.
\v 32 Ak kas iit tamirmirikab maotik.
\v 33 Amu Jehovah ko ma Jehovah nyi bo bolatet ago bo kalyet. Ko u eng' kanisosiek tugul che bo che tililen.
\v 34 Ngososio chepyosok eng' kanisosiek amu machamat kong'alalyo ago ngogas it, ko u ye mwoe ng'atutik.
\v 35 Ak ngomache iche konetge kiy, kotebe maning'otoikwai eng' korigwai. Amu kaalilanet ngo ngalal chepyosok eng' kaniset
\v 36 Nee anyun? tos akwe che kimongunenok ngolyotab Jehovah? Anan kibwanjok akwe?
\v 37 Ngot kobwati chi kole tuguk che osirwok ko ngotutikab Jehovah
\v 38 Ago ngo maingen chi age tugul kiy ko ng'oek komoingen.
\p
\v 39 Noto anyun che kitupche ocheng' mising' oamde amat oesie ken'galele kutoswek che terotin
\v 40 Ago ng'oyaagis tuguk tugul ko u ye nyolu ak eng' chobet ne kararan.
\c 15
\cl Kurget  15
\p
\v 1 Oboruok anyun tupchosiek ale, lokoiwek che kororon che kiamwowok, choto kotaach ko choto chotonone
\v 2 Kisorunenok choto korar eng ng'alek che kiaamwok, ngot onam komie, ngot ko kima oyan kityo.
\p
\v 3 Amu kiagonok eng' tai noto kiataach agane, ale kime kristo agobo tengekwogikyok, kou ye sirat
\v 4 ak kigitub ak kon'geet eng' betutab somok ko u ye sirat.
\v 5 ak kimong'ich kepa, ye ibata komong'chi taman ak aeng'.
\v 6 yeibata komong'chi tupchosiek che siirei bokol mut komi tugul, che ta komi alak eng' iche rani, ko kigoruiyo alak
\v 7 yeibata komong'chi Jakobo yeityo komong'chi che kiyoktoi tugul.
\v 8 Ak eng' let komong'och anendet ko u ye kogas.
\v 9 Amu a mining' eng' che kiyoktoi, monyolu agot aek ne kiyoktoi ama kiaus kanisetab Jehovah.
\v 10 Amu kororindab Jehovah a u ki ne au: ak kororindanyi ne kigigono ko maek buch; ago kiaboisie mising' asiir iche tugul. Ago ma ane, ago kororindab Jehovah ne kimito.
\v 11 Ngo ane anyun nda ngo iche, keamdoi ui tugul ak u noto kioyan ak akwe.
\p
\v 12 ara anyun, ngeamdoi Kristo kele kigin'geet eng' che kibeg, ko teptoi ano si komwaei alak eng' akwe kele momi n'geetyet?
\v 13 Ago ngot ko momi ng'eetyet ko kaga ma king'eet Kristo agine.
\v 14 Ak ngo kima king'eet kristo, ko buch anyun amdaenyo, ko buch agine kayaneng'wong'
\v 15 Ee ak kagenyoruech kei baorinikab lembch chebo Jehovah, amu kigebaorian agobo Jehovah kele king'eet Kristo ne kaga making'eet ngot ko ka making'eeti che beku.
\v 16 Amu ngo ko making'eeti che beku, ko kimaging'eet Kristo agine.
\v 17 Ago ngo kima n'geet Kristo ko buch kayaneng'wong', kotomi eng' tengekwogikwok.
\v 18 Nyoto anyun icheget che kigoruiyo eng' Kristo ko kigolusyo
\v 19 Ngot ko eng' soboni kemong' Kristo kityo, kei che orokenyotin eng' biko tugul.
\p
\v 20 Ago kiging'eet anyun Kristo komong' eng' chekibek, tangoaniat ne bo icheget che ruitos.
\v 21 Amu kibunu chi meet, ko u noto bunu chi agine ng'etyeetab che beku.
\v 22 Amu ko u ye begu tugl eng' Adam, kou noto tun kisoobi tugul eng' Kristo.
\v 23 Ago chi tugul eng' komostanyi, Kristo ko tangoaniat yeityo ko iche che bo Kristo eng' nyonunennyi
\v 24 Ye ibata koit let ak kogochi Jehovah bounatet inendet kwanda ye tun kagowong' bounatet tugul ak kimnatet tugul ak kamuktaet,
\v 25 Amu kanyol kolaitoran inendet ne motiny, agoi konde bunikyi tugul keldebesikab kelyekyi.
\v 26 Bunyot ne bo let ne tun king'eme ko meet.
\v 27 Amu, kigonde tuguk tugul kureretab kelyekyi kogas it inendet. Ago ye mwoei kole kondoi tuguk tugul kogas it inendet, kotoogu kele maboto inendet ne kiinde tuguk tugul kogas it.
\v 28 Ak ye tun kaginde tuguk tugul kogas it inendet si koeg Jehovah tugul eng' tugul.
\p
\v 29 Tos yai nee anyun che kigebotisonchi che kigobek? ng'ot ko kaga making'eeti iman che beku? ko amu nee si kebatisan choto agobo iche.
\v 30 Amu nee si kemi ng'weynduni sait age tugul anyun?
\v 31 abaoriani eng' kolosunonoto mi eng' akwe, che kitupche, ne atinye eng' Kristo Jeiso Kiptaiyatndennyo ale, amee betut age tugul
\v 32 Ngo kigiborgei ak tiong'ik eng' Epeso ko u biteetab biko, atinye borot nee anyun? Ngo kaga maging'eeti che begu, ongeamisie ak kee, amu kibegu mutai.
\v 33 Amata kiberberak: Ng'eme choronok che yaachen atepto ne kararan.
\v 34 Ogosu eng' imanda, amat oyai teng'ek; amu maingen alak Jehovah: amwoe ni si agonok olilan.
\p
\v 35 Ago mi che lin king'eetitoi ano che kigobek? ak bwondoi ano eng' borto?
\v 36 Inye ne berber noto ni ikole, ko mosobe ngo mame.
\v 37 Ak noto ne igole, ko megole borto ne tun biitu, ago keswot buch, abere biitune nganok nda tuguk alak;
\v 38 ago igochini Jehovah borto ko u iboiboi inendet, ak kogochini kesuwot age tugul bortanyi inegei
\v 39 Banyek tugul ko ma agenge: ago mi alak chebo biko ak alak che bo tiong'ik ak alak chebo taritik, ak alak chebo njirenik.
\v 40 Mi borwek che bo kipseng'wet ak che bo ng'weny ago terchin terunatet ne bo choto bo ng'weny
\v 41 mi lilindab asista ago mi ne bo arawet, ak lilindo ne bo kogelik amu terchin kogeliet age ak age eng' lilindo.
\p
\v 42 U noto anyun ng'etyeet kigole eng' ngemisiet, king'eeti ko ma komi ng'emisiet,
\v 43 ko kigole kimomi teegisto ak tun king'eeti eng' telunatet: kigolei eng' nyalulet; ak tun king'eeti eng' kamuktaet
\v 44 Kigole borto ne kigisiktoi; kig'eeti borto ne bo tamirmiriet. Ngo mi borto ne kigisiktoi, komi agine ne bo tamirmiriet.
\p
\v 45 Ko u noto agine, kigisir kele, kieg chito ne bo tai, Adam, chito ne sobei. Kieg Adam ne bo let tamirmiriet ne igoitoi sobondo
\v 46 Ago maindoi noto bo tamirmiriet, ago noto bo borto ye ibata ko noto bo tamirmiriet.
\v 47 Chito ne bo tai ko bo ng'weny bo nyung'unyek: chito ne bo aeng' ko bo kipseng'wet,
\v 48 Ko u ole teptoi ne bo nyung'unyek u choto agiche che bo nyung'unyek; ak ko u ole teptoi ne bo kipseng'wet, u choto agiche che bo kipseng'wet.
\v 49 Ak ko u ye kigiib itondab chitab nyung'unyek, keibe ko u itondab kipseng'wet agine
\p
\v 50 Amwoe ni anyun tupchosiechu, ale maimuchi banyek ak korotik konyor bounatetab Jehovah; amaimuchi ne nune konyor ne manune,
\v 51 Ogeero, amwowok ung'otiet, magiruitosi ache tugul, ago kiwalech ache tugul.
\v 52 Eng' ne matia eng' kamismisetab konda, eng' iriaget ne bo let; amu cheei iriaget, si king'eet che kigobek ko ma kotinyei nunet, a kewalech.
\v 53 Amu kanyol kolaach ne nune ne manune, ak kanyol kolaach nito mee ne mamee
\v 54 Amu tun kagolaach nito nune, ne manune ak kolaach nito mee ne mamee ne mo mee, kosulda anyun mwaet ne kisir kele, kagelugui meet eng' kabelisiet,
\q1
\v 55 ee, meet, mi ano kabelisieng'ung? Ee, meet mi ano ng'wanindang'ung'?
\p
\v 56 Ng'wonindab meet ko tengek; ak kimnatet ko ng'atutik:
\v 57 ago kigochin Jehovah kongoi, ni konech kabelisiet eng' kiptaiyandennyo Jeiso Kristo
\p
\v 58 Nyoto anyun, chi kitupche che achame ogimegitu, ama tigiwechak oae otese kotugul boisietab kiptaiyat, amu ong'et ole mabo buch boisieng'wok ni uui eng' Kiptaiyat.
\c 16
\cl Kurget 16
\p
\v 1 Nguno anyun agobo kayumanik agobo biko che tililen, ko u ye king'at kanisosiek che bo Galatia, oyai ak akwe ko u noto
\v 2 Ngogonor chi age tugul eng' akwe eng' betut ne bo tai ne bo wigit, ko u che te che kanyor, simabiit kayumisiet ye tun anyo.
\v 3 Ak ye tun aitu, ayokte alak tugul che kiolewen koto baronok, koib tuguk che bo aiyebindang'wong' koba Jerusalem
\v 4 Ak ngot ko nyolu awa agane, kebe tugul.
\p
\v 5 Ago anyonjinok, ye kaabunote Makedonia; amu abunoti Makedonia.
\v 6 ago abere anyone ketebi ak akwe eng' betusiekab kaititiet, si kobiit omonorseiwa akwe eng' bandanyu eng' komosta age tugul ole awendi.
\v 7 Amu momache ageerok nguno asiirtoi eng' oret; amu amang'u ale atepche kobotok nematia, ngo cham Kiptaiyat
\v 8 Ago to atebe Epeso agoi betutab Pentekost;
\v 9 amu kogiyatwa kuret ne o ne nyoljini boisionik, ak mi bunik che chang'
\p
\v 10 Ngoto anyun kocho Timoteo, ko ngotebi kobotok ama eng' kaiyweisiet; amu boisie inendet eng' boisietab Kiptaiyat, ko u yo aei agane.
\v 11 amatosas chi inendet anyun. Ago omonorsechi inendet eng' bandanyi eng' kalyet si konyo ole ami: amu ageni inendet koboto che kitupche
\p
\v 12 Ago eng' ng'alekab Apolo ne kitupche, kiasom inendet mising' ale konyonchok koboto tupchosiek; ak kima ko magennyi mbo kitigin konyo nguno; ago ta konyoni yetun nyor boroindo
\p
\v 13 Oripse, olumdege mising' eng' kayanet, otebi ko u murenik, ogimegitu
\v 14 Ngoyaak eng' chamnyet tugul che oyae
\p
\v 15 Asomok anyun mising' che kitupche (ongen che bo gotab Stepana, ole icheget tongoanik che bo Akaya, ak kichuljige koboisiechi che tililen),
\v 16 ale ogas it akwe che u chu ak chi age tugul ne toreti eng' boisiet ak ne birtoegei bosiet.
\v 17 Ak abaibai eng' nyonunetab Stepana ak Portunato ak Akaiko: amu kiinyiitwa iche nyoto ni rarunot eng' komostang'wong'
\v 18 Amu kimuung'ji tamirmiriennyu ak neng'wong'. Onai anyun komie iche chi u choto.
\p
\v 19 Igotok kanisosiekab Asia. igotok Akula ak Priska mising' eng' kiptaiyat koboto kaniset ne mi gongwai.
\v 20 Igotok tupchosiek tugul ogatge eng' ng'ututet ne titil.
\p
\v 21 Kagatennyu nito ane Paulo ing' eunnyu.
\v 22 Ngo tomachome chi age tugul Kiptaiyat ko ngoek ne chubot Maran-atha.
\v 23 Ngotebi kobotok kororindab Kiptaiya Jeiso Kristo!
\v 24 Ngoteb chamnyennyi kobotok tugul eng' Kristo Jeiso. Amen.