ema-x-emai_reg/57-TIT.usfm

\id TIT
\ide UTF-8
\h Ebe li Ipo̱lu vin yi ITAITO̱S
\toc1 Ebe li Ipo̱lu vin yi ITAITO̱S
\toc2 Ebe li Ipo̱lu vin yi ITAITO̱S
\toc3 tit
\mt Ebe li Ipo̱lu vin yi ITAITO̱S

\c 1
\p
\v 1 Me̱me̱n li Ipolu, o̱lo̱ gi Oise̱le̱bua li olaye si Jesu kristi, re yi amie̱nho̱n si agbon li Oise̱le̱bua zei bi oe̱in si o̱li ata lo dewui uen si awe'e si Oise̱le̱bua.
\v 2 Vbe̱ke̱n ariudu o̱ si agbo̱n lo̱ mo̱in ire̱so li Oiselebua, lo̱ ya mo̱i e̱he̱n, li ahi o̱kpe̱se̱ khi ami ore'e.
\v 3 Bi e̱ghe̱ re̱se̱, o̱ri eta so̱i vbie̱ ṣian vbi uko̱ lo̱ yie me̱n li re sevbi agbo̱n egbe. Ena vbi emi lai liu vbi e̱ke̱n ase̱ si Oise̱le̱bua o̱lo̱ sume̱main.

\v 4 Reyi Taito̱s, li o̱mata vbi emimai kokon mehen. Eseohen bi o̱fure isi Oiselebua li era bi kristi li Jesu li osimuan.
\v 5 Ohio si'ona lire riwe obo vbi Kreti, i re wui emi eso muzan lesen lou khi eise gha bi lu gbo huai eli edion ovbo ehe vbi evboi-khevbo zen elabi ye'e̱.

\v 6 Eli edio̱n lo̱vbi ea niain mo̱in ibohi, o̱din o̱ha o̱kpa, li ivbio̱i mo̱in ezo̱n si akaeho̱n da ue̱n si elai vbie ain emi.
\v 7 Oevba li oloogbeo gho, lo kein olo ri oa si Oise̱le̱bua ṣian, lo̱ire̱ kie̱in o̱lo̱i mo̱i ibo̱hi. O̱kha vbi o̱ia lo̱ ro'o gbe da lo̱i mo̱in Idegbere. O̱khaya bobo̱ biohan, da lo̱i kie̱n o̱deyio̱n, da o̱luroo, da lo̱i ya to vbi emi egbe.

\v 8 Sokpe̱n, lo̱ya hume̱ke̱n agbo̱n, lo̱i ya ho emi lo̱ hume̱n. O̱lo̱ chie̱n o̱ia lo̱ mo̱i e̱wain, li o̱vbi ata, lo̱ lo̱fen si O̱ise̱le̱bua bi lo̱ regbo̱i sian le̱se̱n.
\v 9 O̱lo̱ wui iyie̱mi si ata la vbie̱ toto, lo̱lo̱ re̱ meti ria agbo̱n akhaa bi emi le̱se̱n uvbie̱mi, lo̱ gbo re̱ meti deli ao'o si enian gui edan.

\v 10 Erimidi ea lebun ri vbo̱ wun ukpode̱ si o̱han, o̱mo̱mo̱n enian wui e̱mo̱in orue̱'e mo̱i obo̱. Eta siain ya de win emi o̱so. Yian te̱'e agbo̱n'e edeli agbo̱n yi o̱bo̱han. O̱eo̱vbo̱ li aire diain ye̱n.
\v 11 Erian vbie̱i emi niai kha vbie̱ vbi o̱hio̱ si e'e si emi si e̱kho̱i, iyo̱ niagboi khayi agbo̱n levbi ebo'o.

\v 12 Oto̱kpa vbi use'e sian, lo̱ kie̱n oze̱wain siain, ke re̱ oi, "Ea si Krete eliain ya mo̱i ehe̱n le miain u, ea lebe bi eamogo lian ria, ekhe̱n e̱ho."
\v 13 Oli eta na ata ō, o̱hio̱ so̱na vba deli eli ue̱n vbi obo̱ ṣian le̱se̱n le̱se̱n laimie̱n khe i e̱ke̱n ata mieho̱n.

\v 14 Ei ke re̱ o̱vbi awe si ekhe̱in Jiu da ase̱ si agbo̱n lo̱i de wui ukpode ata.

\v 15 Re̱yi ele fuain, emi ere̱me̱n ere fuain. Sokpe̱n re̱yi ele mo̱in ihuan li yiain mo̱n amienho̱n, aimi emi lo̱fuain. Erimidi udu bi e̱ke̱in siain mo̱n ihuan.
\v 16 Yiain o̱i khi emie̱in O̱ise̱le̱bua ho̱n, sokpe̱n erian sio̱in vbi e̱ke̱n awe'e siain. Ea li awa'a le cie̱n, ele yi akaeho̱n niain u. Aie̱n iain ovbi ue̱n le̱se̱n.

\c 2
\p
\v 1 Ama wewe, ya vbi de ovbo vbi eta.
\v 2 Imoh'edion lian moi eko, lian vbun moi ekpen wegbe, lian moi ewain, lian tot'obo vbi amiehon, bi ikhumeken bi ozien.

\v 3 Ikpos'edio̱n vba mo̱i ekpe̱n, vbai ya gui ukpi ye̱mi, vbai chie̱n ove̱n si e̱yo̱n.
\v 4 Vba vbie̱ emi lo̱ khume̱, Vba vbie̱ ileke vba eba re̱ khume ke̱n o̱do̱n bi ivbia.
\v 5 Yiain vbie̱ e̱wain si o̱fuan, elian e̱n ghoi iwe, lian mo̱i ide uhumi re re̱ o̱di yiain, liain vbo̱ na lai mie̱ khi a khue eta si Oise̱le̱bua.

\v 6 Vba gba ya teta ni ehe̱in agele lian mo̱i e̱wain.
\v 7 Vbi ukpode̱ ere̱me̱n chie̱n ola ri egbe o o, u khaa bia, u khaa vbie emi, z'agbon mi ukutu bi iuata se.
\v 8 Ya t'eta le̱se̱n, eta lo̱ khume̱ lo̱i mo̱i ibohi la re̱ mie̱ khi o̱ia kha kpai e sumi eti e̱kho̱i vbi an, o̱hio̱ ekha mi emi o̱so ta vbi e̱mo̱i mai.

\v 10 Ivie̱n vba ya re o̱vbi eta si ele mo̱in vba eghe ere̱me̱n. Lai vbi ain emi lo̱ e̱ghe̱n vbe̱ e̱ke̱in, li ain kpa iyian khai uru.
\v 9 Yiain o̱ raa, yiain ri adiuduan le̱se̱n vbia agbo̱n, la re̱ mie vbi ukpode̱ ere̱me̱n, yiain re̱khain eta si Oise̱le̱bua lo̱ fan mai la vbie̱ iain.

\v 11 E̱seohe̱n si Oise̱le̱bua o regbe vbi agbo̱n ere̱me̱n.
\v 12 O̱ vbie mai re sin ue̱n lo̱i vbi isi Oise̱le̱bua bi awe'e si olagbo̱n na. Mai re̱ ri e̱wain vbi o̱lagbo̱na, vbi ebo̱i de o̱vbo̱, bi e̱ke̱in o̱fuan vbi ukpode̱ si Oise̱le̱bua vbi oreina,
\v 13 mai mo̱i idaeo̱ si ihianba bi aregbe vie̱ si o̱khai si Oise̱le̱bua mai lo khua li Jesu Kristi lo̱ fan mai.

\v 14 Jesu wuin egbe so̱i na mai, lo̱ re̱ de̱ mai chie re, vbi ukpode so̱ okho'o, mai re̱ chie̱n ea odan lei mo̱n o̱ko̱lo̱va re̱ yioin, nian lo̱ ya ri ijaje gbea biobia so̱i.

\v 15 T'eta si iriakha'a vbi el'emina ere̱me̱n. U ri utotomi si ase̱ diaian o̱vb'ukpode, e zuan ri eo gbe e̱ run.

\c 3
\p
\v 1 Eiain re nian mo̱i ide egbere yi elo̱ rian ṣian, nian ya re̱ o̱vb'eta sian e gbo e̱he̱n egbe lian lo̱ ya re̱ bi obia lo̱se̱n.
\v 2 Eiain re̱ liain o̱ ya ye̱yi eia, yian ya kha erun, yian gboi zi ea ri ui emo̱ kho̱in ian, lei gbo mo̱n id'egbere yi agbo̱n ere̱me̱n.

\v 3 Eghe lo̱ rare mamain to bi main, mai we awee si elo̱ o uhumi, mai gbo yi akaeho̱n. Awee si o̱e̱ghe̱nme̱n si o̱lagbo̱n na bi emi si o̱̱e̱ghe̱n vbe̱ e̱o si o̱lagbo̱na e wuin mai d'ode̱. E̱ke̱in ue̱n lo̱be bi ise̱me̱ o̱khau li mai dia. Mai mo̱in o̱ria bi biohan yi egbe. S

\v 4 Sokpe̱n ebi o̱hume̱nme̱n isi Oise̱le̱bua bi itue̱ke̱n so̱i re̱ yi egbe vbie̱ agbo̱n,
\v 5 o̱i ke vbi ae̱n u si obia mai, ama itue̱ke̱n si Oise̱le̱bua lo̱ re̱ fan mai. O̱ re̱ fan mai re̱ yi ukho̱a re̱ di o̱lo̱gbo̱n, bi la re delo̱ mai vbi Etin.

\v 7 Oise̱le̱bua ku Etin lo̱ fuan vo main vbi Jesu kristi lo̱ fan mai.
\v 6 O̱ ui o̱na li ma re̱ chie̱n ea lo̱ ke de o̱vbo̱, li ma re̱ chie̱n ele lo̱ mo̱n adiuduan khi mai lo̱ ke we vbi agbo̱n lo̱i mo̱n ire̱so.

\v 8 Eta si adiuduan li kho̱ na. I kho lu gbudu tai lagbo̱n le diuduan Oise̱le̱bua ho̱n niain re̱ totobo̱ ya vb'emi lo̱se̱n. O̱na mo̱in ee re̱ yi eia ere̱me̱n.

\v 9 Si egbe vbi Ikha erun bi e̱mo̱in uanmi, uro bi oghaye̱ vbi emo̱ uhi. Ena i mo̱in ee o̱so.
\v 10 Khui o̱i kho̱ o̱ia lo̱ si o̱ghaye di esese̱ sa vba re̱, si a vbo̱i ukeke iso̱kpa da iseva o̱i de lobo̱,
\v 11 lo̱ e̱n kho̱ fi ukpode̱ do̱n o̱ ui o̱kho̱ yo̱in ke ui ighaezo̱n le gbo̱i.

\v 12 I kha ke yi Atimas bi Itaiticus re̱e̱, gba aye̱n egbe lu o̱ ga me̱n ze vbi Nikopolis, ebi tai khi lo̱ za we e̱ghe̱ si o̱khuakhua.
\v 13 Bobo̱ zi Izenas lo̱ e̱n uhi jie̱ bi Apolos le kha za mieso̱n si emi o̱so

\v 14 Ebo main lo̱ mami ebi yiain lo̱ ya i b'o̱bia lo̱se̱n re̱ yi emi la ho vb'obo̱, liain eo̱ chie̱n e lo̱i mi ikperan si ue̱n lo̱se̱n.

\v 15 Eli mai re̱ gba ri vbe bi ri rue. Gbo rui eli e hume̱ke̱in ma vba mieho̱n. E̱se̱o̱he̱n o̱n re̱ yi vba.