ema-x-emai_reg/56-2TI.usfm

\id 2TI
\ide UTF-8
\h Ebe lo̱zeva si Timoti
\toc1 Ebe lo̱zeva si Timoti
\toc2 Ebe lo̱zeva si Timoti
\toc3 2ti
\mt Ebe lo̱zeva si Timoti

\c 1
\p
\v 1 Po̱lu, li ovbiodogho si Jesu Kristi vbe̱ke̱n aho si Oise̱le̱bua, elabai hio̱i vbi e̱ke̱n aye lo̱rivbi e̱ke̱n Jesu,
\v 2 re̱yi Timoti, ovbime̱n li hume̱ke̱o̱n: O̱khai, itue̱ke̱n, bi o̱fure si Oise̱le̱bua li Era bi Jesu Kristi O̱lo̱moe̱mai.

\v 3 Ikhue̱mi Oise̱le̱bua, lia ga re̱zavbi obo̱ si eramai vare, vbe̱ke̱n udu lo̱fuan, elabiai e'evbare vbi ero̱mo̱ me̱n vbe̱ghe̱'ikhe̱ghe̱. Aso̱n bi odiamin
\v 4 yia ho'o li ya mie̱vba, li e̱ke̱nme̱n yia e̱ghe̱n. Ie'e e̱mo̱n amievie̱ vba're.
\v 5 I gbo e'e̱mo̱n amie̱nho̱n se̱'e̱re lo̱u khuzavbi obo̱ si iyo̱n lo̱dio̱n li Lois mie̱n bi iyo̱n li Yunisi. Eri e̱in kh'erugbo mo̱in o̱li ohan.

\v 6 O̱na ikhi emo̱ze̱i lia re̱ e'e̱re lure̱ zi erain si ohan si Oise̱le̱bua lumo̱e̱n yavbae O̱hio̱ si obo̱ lare̱o̱we̱ vbuhumi.
\v 7 Oise̱le̱bua o̱iri eti si ilofe̱n yuan, sokpe̱n isi utotomi bi ihume̱ke̱n bi o̱lo̱ mo̱in ilofe̱n si uhi.

\v 8 O̱hio̱ so̱na eze̱kho̱i oe̱ lulo̱re̱ ro̱se̱'e̱ o̱vbi e̱mo̱in O̱lo̱mo̱e̱mai, da'a vbi e̱mo̱in me̱me̱n li Po̱lu, li isighan so̱i. Sokpe̱n, ke̱n vbi ioya vbe̱mo̱in eta si o̱hume̱me̱n vbi utotomi si Oise̱le̱bua.
\v 9 Oise̱le̱bua lo̱ fan main lo̱ ecie main vbe̱ke̱n o̱fuan. O̱vbi o̱na, o̱iu re̱yi obia si obo̱mai, sokpe̱n o̱hio̱ si amama so̱i bi e̱se'e o̱he̱n. O̱vbi elemina namain vbegbe si Jesu Kristi o̱kpe̱se̱ khi e̱ghe̱ gbanre.
\v 10 Ake ri amie̱nfan si Oise̱le̱bua vbie̱ vbe̱ke̱n avare si o̱mie̱nfan mai li Jesu Kristi. Kristi lo̱ wuin ireso̱ o̱vbi e̱mo̱i eu, lo̱re̱ wui aye lo̱i mo̱in ire̱so re s̱ian vbi eta si o̱hume̱me̱n.
\v 11 O̱hio̱ so̱na, laza ze̱me̱n re̱kie̱n o̱lo̱ wewe, uvbiodogho, bi o̱vbie̱'emi.

\v 12 O̱lukpo̱hio̱ na liare̱ o'oya si elemina. Sokpe̱n e̱kho'iome̱n o̱vbo̱, erimidi khi'e̱n o̱li mie̱nho̱n. Emo̱ some̱n'udu ikhi ero̱lo̱meti re̱okhui emi liwuo̱in vbobo̱ se̱vbi o̱lukpe̱de̱an.
\v 13 Vba ri e̱mo̱in si ata si o̱li uko̱ na livba ho̱in vbunu me̱n ya vbie̱ vbi ukpode̱ le̱se̱n, vbe̱ke̱n amie̱nho̱n bi ihume̱ke̱n lo̱ rivbi Jesu Kristi.
\v 14 Vba re̱o khui emile̱se̱n li Oise̱lē̇bua reo̱vba vbobo̱ vbe̱ke̱n etilo̱fuan, lo̱rivbo̱ kpe̱nvba.

\v 15 Ue̱in o̱na, khi ea lian dia vbi Esia cie me̱n uokho. Vbi use'e siain laza mi Figelo̱s bi Hamojens.
\v 16 Oise̱le̱bua o̱i mo̱n itue̱ke̱n yi iwe si Onesiforo̱s, o̱hio̱ si eo lo̱re̱ khume̱n bi o̱ile̱kho̱i vbo̱hio̱ si ighain se̱me̱n.
\v 17 Oise̱le̱bua o̱i mo̱in itue̱ke̱n yio̱i vbi o̱lukpe̱de̱ ain. Vba dobo̱ vba e̱in ikho̱'obo̱ lo̱ re̱ne̱me̱n vbi E̱fe̱so̱s.

\c 2
\p
\v 1 Wowe̱ siyo̱ li ovbime̱n, utotomi vbi e̱seo̱he̱n lo̱ rivbi e̱ke̱in Jesu.
\v 2 Bi emi lu ho̱in tai vbi usee si o̱se̱e̱ lebun, nwuo̱in o̱ vbi obo̱ si eia lemo̱n aduduan le lo̱ meti gbo vbie̱ eia evbee.

\v 3 Deba me̱n oya si okhuan khuan me̱n, ze̱n elabi egbe gbi ovbiokho̱in si Krist Jesu.
\v 4 Aimi ovbiokho̱in lo̱ ga lo̱ chie mo̱n ue̱e̱n o̱vbe isi o̱lagbo̱n na lo̱ re̱o khu, lo̱ ire̱ chie̱n o̱lo̱ uemi lo̱ e̱nghi o̱lo̱ kpokhumi nai vbi obia.
\v 5 Iyo̱ o̱ si o̱ia o̱ bi eia evbee yan sunmemi, akha fi erun si o̱kpokhumi o̱i vbi uhunmi so̱i re khan uhi le re̱ sunmemi.

\v 6 O̱ e o̱vbo li o̱lime lo̱ meti bia kpao zavbi emi lo̱ ko̱i e.
\v 7 O emi vbi eta me̱n, o̱li O̱lo̱mo̱e̱n, o̱lo̱ zi emi ere̱me̱n nwun we̱ e̱o kuere.

\v 8 E e i Jesu Kristi, lo̱ za vbi uanmi si Idafvid dian re, la khuae sho̱ vbi use si ele uloi re. Ebi yai wewo̱i vbi ela lo̱se̱n me̱n.
\v 9 Li ya o ya ni se̱ vbo̱ khi ari ighan gbalo̱ me̱n bo̱ o̱lo̱ uemi lo̱be. Ama, a kha meti gbali eta si Oise̱le̱bua.
\v 10 O̱hio̱ si o̱na imio̱n ozie̱n yi elo̱ u kha ze̱i li ain kei mie̱n amiefan lo̱ ri vbi Kristi Jesu, bi o̱khai lo̱ ri vbo̱ re̱le̱ re̱le̱.

\v 11 Eta la lo̱ diudun an li kho̱na: "Mai kha uu de ba'a, mai lo̱ gbo gba u agbo̱n.
\v 12 Mai kha mo̱n ozie̱n, mai lo̱ gba de ba'a wee ayee. Mai kha sio̱n, o̱lo̱ gbo sin mai.
\v 13 Mai kha faa egbe a, o̱ ya faa egbe a, okha meti sin egbe so̱i."

\v 14 Ya ei ain eli emi na re. Hin uke̱ke̱ ni ain vbi isao si Oise̱le̱bua li yain o̱ ya roo o̱vbi e̱mo̱n eta li ain wee, Erimidi si o̱na, emo̱ de nwun emi o̱i evbo̱. Erimidi si o̱na, ikhueo rivbo̱ yi elo̱ daa eho̱n.
\v 15 Uemi lu lo̱ e̱n toto bo̱ u, lu re̱ ri egbe vbie̱ Oise̱lebua, ze̱n elabi o̱lo̱bia la e̱n kho̱i mo̱n emi si ekho̱i, lo̱ vbie eta si ata o̱ vbi eko̱ ebo̱i de o̱.

\v 16 Si egbe le̱ vbi eta vbia vbia, lo̱ totobo̱ si mai chie̱n ai e̱n Oise̱le̱bua.
\v 17 Eta si ain lo̱ ve̱an bi e̱te̱ ore. Usee sian li khi Ihaime̱nus bi Ifiletus.
\v 18 Ena ikhi imo̱nhe le fi ata do̱n, Yain khi a sho̱ vbi di re ra le̱ le. Ede li amieho̱n si eso.

\v 19 O̱re̱ ri iyo̱, igbin loto̱i lo̱ ze zei si Oise̱le̱bua omuzain a vin o̱na o̱vbo̱ "O̱lo̱mo̱e̱n o̱ e̱n elo̱ vbi so̱i" bi o̱i khi o̱ia lo̱ su eni si O̱lo̱mo̱e̱n, o̱lo̱ sho̱ vbi ai en ulo̱se̱n re."
\v 20 Vbi iwe li efe ri, uko̱kemi si igolu bi isiliva uo̱kpa keri vba. Ukokemi si eran bi owe gbo ri vbo̱. Eso vbi ena a ri ain wee vbi emi lo̱se̱n, ari eso vbi ukpode̱ si iwuan.
\v 21 O̱ia kha kho̱ egbo̱i fuan, a chie̱n ukokemi si e̱kpe̱n. A lo̱ vaan i o̱ vba yi o̱kpa, lo̱ chie̱n o̱lo̱ de wun emi li o̱li o̱ga, lo̱ e̱hin egbe khe̱ obia lo̱se̱n.

\v 22 la ni emi li igbama o̱ za to. Ya khui emi lo̱ de o̱vbo̱, amieho̱n, ihume̱ke̱n lo̱i o̱fure udeba elo̱ echi O̱lo̱mo̱e̱n vbi e̱ke̱n udu lo̱ fun ain.
\v 23 Emo̱ obo̱ o̱ vbi amia si oruru bi ai en emi. Ebi ikhae run o̱shan vare li khi e ain.

\v 24 Ayi o̱ humi si O̱lo̱mo̱e̱n kha gbudu ya roo. O̱lo̱ ui o̱ia li ohoo yi eia ere̱me̱n, o̱lo̱ meti vbie̱ emi, bi o̱mo̱ ozie̱n.
\v 25 Vbe̱ ke̱ o̱ri egbo̱i chie̱n emi lo̱ lo̱ ya re̱ ri emi vbie̱ elo̱ i ta baai. Lai mie̱n khi Oise̱le̱bua zi ain mo̱n idelugu di oe̱n si o̱li ata.
\v 26 Elo̱ chie meti oe̱ ke̱n sho̱ vbi ifi si esun re, lo̱ kpao we ei ain.

\c 3
\p
\v 1 Ama e̱n o̱na, vbi ikpuokho si e̱de̱, e̱ghe̱ si o̱miame̱n lo̱ ovbo̱.
\v 2 Eia lo̱ ya hume̱nke̱n egbe iain uo̱kpa, elo̱ ya hume̱nke̱n egho, yain lo̱ ya ruo̱, elo̱ mo̱n ikhuaegbere, elo̱ ri egbe iain chie̱n Oise̱le̱bua, elo̱i mo̱n ekpe̱n yi era bi inyo̱n, elo̱ ya khue̱me̱n bi eleifuain.
\v 3 Elo̱ chie̱n elo̱i mo̱n atuegbe ba eia, eli emi ya nwin ain vbi e̱n, elo̱ ri a eni si eia a, lei mo̱n nwun egbi ain ohu, elo̱ uo̱ria, elo̱i hume̱nke̱n emi le̱se̱n.
\v 4 Elo̱ shin egbe uokho̱, aka vbi uhumi, elo̱ tali egbe iain, elo̱ hume̱nke̱n o̱ e̱ghe̱n si o̱li agbo̱n na le̱ lai hume̱nke̱n OIse̱le̱bua.

\v 5 Elo̱ u bi elo̱ uemi si Oise̱le̱bua, ama elo̱ sin kho̱ i mo̱n utotomi. Si egbe sho̱ vbi eia lina re.
\v 6 Enai khi eso vbi imo̱nhe li ain o̱ vbi iwi we ria ikposo lei mo̱n e̱wain an. Ena i khi ikposo li ain vo̱n yi o̱kho̱o̱ ededan lian li zeze si emi lo̱ sui ain udu re ni ain hoo khi yain lo̱ u.
\v 7 Ikposo o̱ ghe mamemi, ama ei meti mo̱n oe̱n si ata.

\v 8 Elabi Ijanni bi Ijambres i muzan re̱ khan Imosis. Iyo̱ li elo̱vbie̱ si e̱he̱n gbo i muzan re̱khan ukpode̱ si ata. Ena i khi imohe li udu si In ria kua, lai oo ba elo̱mieho̱n.
\v 9 Ama, ekha shian rere. Eia ere̱me̱n lo̱ mi oruru sian gboo, elabi isi eli imohe ain.

\v 10 Re yi wowe̱, u re̱khan emi li vbie̱, ebai wee, emo̱n ze̱i li ya re̱ uemi li yan, amieho̱n, izie̱n egbe, ihume̱nke̱n, ozie̱n.
\v 11 Akhushian, ioya be emo̱ ruan yi me̱n vbi Antio̱k, Ikonium, bi Lystra. I mo̱n ozie̱n si akhushan. Vbi e̱ke̱n ere̱me̱n, O̱lo̱mo̱e̱n faan me̱n.
\v 12 Elo̱ hoo khi yain lo̱ shin oshan isi Oise̱le̱bua vbi e̱ke̱n Jesu Kristi, elo̱ mo̱n akhushan.
\v 13 Eia lebe bi elo̱ ri egbe sian chie̱n emi lei u, lo̱ toto bo̱ kho̱o̱ o̱vbo̱. Elo̱ zi eia evbe fi ukpode̱ do̱n. Yain chie̱n elo̱ fi ukpode̱ do̱n.

\v 14 Ama, re̱ yi wowe̱, muzan vbi emi li mamai lu gbo totobo̱ mie̱nho̱n. U e̱n o̱lo̱ vbie̱ emi.
\v 15 Ue̱n khi re̱ za vbi kere vare, lu re̱ e̱n ebe lo̱fuan la vin. Ena o̱lo̱ ze̱ mo̱n e̱wain si amie̱nfan vbi adiudu an vbi Jesu Kristi.

\v 16 Ebe lo̱ fuan ere̱me̱n la ri etin si Oise̱le̱bua vin. O̱mo̱ e e si amama, isi adeludu isi are̱vbie̱ bi amamemi lo̱ ri vbi ukpode si ata.
\v 17 Ina o̱ khi eia isi Oise̱le̱bua lo̱ mo̱n o̱gue̱, bi amo̱n emi la lo̱ re̱ ya ui emi lo̱se̱n.

\c 4
\p
\v 1 I ri o̱li ase̱ na vbi e̱o si Oise̱le̱bua bi Jesu Kristi, li e lo̱ gha ezo̱n si e le ri vbi agbo̱n bi ele u, bi ama ari egbe mie bi ovbi lofuegbe.
\v 2 We̱we̱ o̱li eta vba winlegbe sōi o̱di obo̱ se̱ bi oidio̱ obo̱se̱, re̱ wie̱n e̱o kuere vbi me̱me̱ diō vbo̱ bi eghele vbi me̱me̱ dio̱vbo̱ ena ere̱me̱ e̱ke̱n ifue̱ngbere be uvbie̱mi.

\v 3 Yo̱ o̱ le̱ se̱ e̱ghe̱ li eya ke hoi uvbie̱mi lo̱ ohiai. Rari elo̱ ke zi elo̱ vbie̱ sian e mian ho. Ele̱ ke ra zo e mian ho̱n.
\v 4 Elo̱ ke wi eho̱ sian sho̱ ata re, bi e delo̱i bu ehe̱. Ama mo̱i udulo zeze vbi emi ere̱me̱n.
\v 5 Oya si omiame̱n, biobia si o̱lo̱wewe. awun se̱ si ugami.

\v 6 Ama a ke da me fi ewu le. E̱ghe̱ li lo̱ re̱ sho̱re ke vare.
\v 7 I ke li o̱ lu la si egbebi osio, i ke fo o̱ lu la obo̱ i ke ri adiuduan dia.
\v 8 A ke win eru si ofuanmen dia nime̱, li O̱lo̱mo̱e̱n, o̱lo̱ ghae̱zo̱n si o̱fuan, lo̱ wun hi me̱ o̱ le̱ de̱, bi o̱i vbi me̱me̱n o̱kpa re̱ khi e nian hume̱nke̱n a regbe mie̱n so̱i.

\v 9 Gbaniegbe lu re̱ bobo̱ game̱ ze.
\v 10 Ama ide̱masi fime̱a. O̱i hume̱ke̱n o̱li agbo̱n na bi o̱ yi Itisalonika. Ikrisens lode̱ Igaletian, bi Itaitos yi Idalmatia.

\v 11 Iluku okpa lo̱ ri vbi ebi ri. Mi Imak lu nwo̱in vare o̱hio̱ si o̱ meti bi o̱lobia. I yi
\v 12 Itaikikus lode E̱fisos.
\v 13 Win o̱ li e̱wu bi ebe li fi o̱ vbi Itroas kpe̱n Ikapo̱s re, bi emi li ya vin emi o̱.

\v 14 Ale̱xanda lo̱ bi obia si oto̱n we a we lo̱ be yi me̱n. Jesu lo̱ re̱ ha o̱i vbi o̱lo̱be lo̱ u yi me̱n.
\v 15 Khe̱ egbe se̱i o̱hio̱ so̱i rari o̱i ri eho̱ hi eta se̱.
\v 16 I fegbe si ikpano, o̱o̱so i deba me̱n nian so̱ me̱ i hude. Sokpe̱n, yan ere̱me̱n fi me̱ a. Lai ya ko̱i re̱khai an.

\v 17 Ama Jesu muzan kpe̱n me̱n, o̱ ri etin ni me̱n bi o̱hio̱ me̱ li are̱kan si e̱mo̱ re̱ se̱. Li ekhe̱n Ije̱ntail re̱ ho̱n. A wun me̱n si unu si e̱kpe̱n re.
\v 18 O̱lo̱mo̱e̱n lo̱ sume̱me̱ khe̱i oa o̱fuegbe. O̱khai khi so̱i re̱le̱ re̱le̱ Ise.

\v 19 Rue̱ Iprisilia, Akwila, bi oa isi o̱ne̱siforos.
\v 20 Erasitos se̱ dia vbi Ico̱rint, I fi Itrofimos o̱ vbi Imiletus o̱hio̱ si o̱i daan.
\v 21 Gbanie egbe lu re̱ vrae akpe̱ mi eghe si oro̱n. Ebulo̱si, Ipude̱ns, Ilinus, Iklo̱dia, bi imio̱n ere̱me̱n o̱ rue̱.
\v 22 O̱lo̱mo̱e̱n deba etin se̱. Li e̱seo̱he̱n deba.