ema-x-emai_reg/52-COL.usfm

\id COL
\ide UTF-8
\h Kolos̱ian
\toc1 Kolos̱ian
\toc2 Kolos̱ian
\toc3 col
\mt Kolos̱ian

\c 1
\p
\v 1 me̱me̱, ipolu, ivin o̱na si elemiehon labi me̱n le'rivbi e̱vbo ya kolos̱ian, isi ipolu ikhon'na li O̱ise̱le̱bua ye yi vba ʒe̱n labi ivbiodogho si Jesu Kristi, omio̱n mai Timoti o̱gbo vin o ̱li ebe na. Mai wui o̱li ebe na na vba ere̱me̱n.
\v 2 Mai vin o̱li ebe na yi eli O̱ise̱le̱bua gha's̱e̱ re̱yi egbo̱i - eli ain mieho̱n lian vbata re̱yi c̱ie̱n isi Kristi. Mai li ero̱mo̱n li O̱ise̱le̱bua li erama lo̱i ri ufumi bi o̱fure na vba
\v 3 Mai gbo khue̱mi O̱ise̱le̱bua lera isi o̱lo̱mo̱e̱n Li Jesu Kristi, ebi mai liero̱mo̱n navba

\v 4 mai ri ekhue̱mi ni O̱ise̱le̱bua o̱hio̱ khi mai hoin khi wudu vba ni Jesu Kristi, vbai gbo hume̱nke̱n'i eli O̱ise̱le̱bua ghas̱e̱e̱ ni egbvi
\v 5 ukhume̱nke̱n'i eliyan mieho̱n labi mai o̱hio̱ umo̱i udukhan'e̱n si emi li O̱ise̱le̱bua wuhe̱'e̱ vba okhumeimi. Ukpao hin eli emina e̱ghe̱ lure̱' hi owewe si ata, ata Le̱se̱n emoi Kristi.
\v 6 eliyan mie̱ho̱n, yan wewi o̱li wewe li vba kho̱n vbi kolos̱ian vie̱'e agbo̱n ere̱me̱n vbo̱ lagbon'na. O̱'o̱ubi ebo̱i bia - na vba, vbi ikpao lu're kho̱n owuwe̱'eokuere. Eta si okhume̱me̱ ero̱'ubi o̱to la kemio̱n lo̱ ʒe̱'e̱ olo win lkpe̱lonmi lo̱bun dian're.

\v 7 ḻ̄pafres vie vba eta si ohume̱me̱. mai hume̱nke̱n'o̱ o̱hio̱ ma koko bi obia si Kristi, o̱gbo bi obia si ata vbi ebi ma'ri.
\v 8 ota na mai kho̱n kherivba hume̱nkein eya ere̱me̱n si O̱ise̱le̱bua o̱hio̱ etin si O̱ise̱le̱bua o̱ri'utotomi na'a re̱ hume̱nke̱in O̱ise̱le̱bua bi e̱noi.

\v 9 re̱' ʒavbi e̱ghe̱. limaire̱' ho̱n khi vba mo̱i ihume̱nke̱n, li maiʒa liero̱mo̱n yi vba ma o̱i, li O̱ise̱le̱bua ri emi vba kho; olo vai'u vie'vba, o̱ʒivba mo̱i e̱wuain si emi etin si O̱ise̱le̱bua o̱vie̱ vba.
\v 10 mai liero̱mo̱n, vba lo we'e awe'e lo̱lo̱ ʒi agbo̱n wue̱kpe̱n ni o̱lo̱mo̱moen ma̱ lo̱lo̱ re gabo̱mie̱vba. iliero̱mo̱n, vba lo̱ ohio vbi imo̱n'okuere si O̱ise̱le̱bua li vba re̱'wi emo ṯi livba u'u

\v 11 mai liero̱mo̱n O̱ise̱le̱bua o̱lo̱ ri utotomi na vba re̱yi etin so̱i lo̱khu'e, lu lo̱ʒa meti re̱ ʒie̱n o̱kakame̱n ere̱me̱n.
\v 12 mai lieromon ulo̱ gho̱n gho̱n uhue̱mi O̱ise̱le̱bua le'ra, o̱hio̱ si o̱re̱vba chie̱n'e eliyan se̱, liyan'lo matin debai eya soi, erodeina lo're matin wi emi lowun khe̱'e̱ ni vba vi urukpa si eavo̱ so̱i

\v 13 O̱ise̱le̱bua li era fan'n ma vbi emilo̱be lo̱kho̱ lo̱ya re̱ mai s̱ian, o̱wi ovio̱, lo̱hume̱nke̱n kpi ohumi, na mai,
\v 14 Ovio̱ o̱re̱ sume̱mai vbi o̱li o̱be o̱re̱vbie̱, o̱ri o̱ho̱'o̱ mai hunme̱n'ma.

\v 15 mai kha mi ovio̱, mai e̱n'n ebi O̱ise̱le̱bua ri si mai re̱re̱ mati mio̱n. ovio kpao ri emi ere̱me̱n lo̱main vie.
\v 16 ovio̱ mi emi ere̱me̱n ʒe̱n labi erai kho'o̱i, emi ere̱me̱n vi ohumi bi agbo̱n, emi ma mie̱n bi emi mai ya mie̱n, eleubi e̱khi si o̱do̱'de bi utotomi bi ase̱. emi ere̱me̱n dagbon're o̱hio̱ si ovio̱ o̱hio̱ erai ho'iyan. o̱hio̱ so̱i yan re̱ rivbo̱.
\v 17 o̱vio'okpao vare̱ khei emi ere̱me̱n, yo̱i' lo̱mo̱i emi ere̱me̱n

\v 18 O̱ri elemiaho̱n bi o̱se s̱ian ʒe̱n labi uhumi si oya ri egbe so̱i s̱ian. o̱ri o̱se̱ s̱ian o̱hio̱ khi yo̱i lo̱gban'i vo̱ra yo̱i khi o̱ya lo'ri egbe lo̱ghai c̱e da'gbo̱n're. Ohueare le̱i emi ere̱me̱n
\v 19 O̱e̱n' ghi O̱ise̱le̱bua khi emi ere̱me̱n rivbi obo soi.
\v 20 O̱ri ovio̱ si emi ere̱me̱n sikei egbe, O̱ise̱le̱bua ri e̱re si ovio̱ wi amiefan re. O̱ise̱le̱bua wi emi ere̱me̱n bui egboi, emi lo'rivbi agbon dai emi lo'rivbi eimi

\v 21 ekhe̱ rivbo livba re̱ubi ire'e reyi O̱ise̱le̱bua bi o̱khian o̱hio̱ si ue̱n vba
\v 22 sokpe̱n, e̱yan ori eu soi de̱vba ciare owi o̱na loi re̱ ʒi vba fu'an, li vbi moi ebohi, livbai ri eho wo̱i,
\v 23 ukha ri o̱li ajiudu'an na s̱ian, fiton'non vbai s̱io vbi adiudu'an li vbai kho̱n re. o̱na ikhi owewe li agbo̱n ere̱me̱n kho̱n vbi agbo̱n vbi oto na. o̱na ikhi owewe li me̱me̱, ḻ̄polu, re cie̱n Uviodogho.

\v 24 e̱yan igho̱n'gho̱n o̱vi ios̱a lia'e o̱hio̱ vba li're̱ ri i̱kpa̱obo̱ ni o̱se̱
\v 25 o̱hio̱ si o̱li o̱se̱ na ire̱cie̱n ovie̱n, re̱yi obia li O̱ise̱le̱bua wun nime̱, o̱hio̱ vba, li're̱ wi ata si O̱ise̱le̱bua se̱'e̱
\v 26 O̱na ikhi ata lo̱lakhe̱e̱ re̱ʒavi ore'e vare bi agbo̱n na e̱yan ero̱ivbie̱ eliyan mieho̱n
\v 27 eliyan miehon yan'i li O̱ise̱le̱bua ho'o li yan en'n ata si uhegbe si e̱fe si o̱khai, oi wi igentiles.

\v 28 o̱na mai tata soi, mai vie agbo̱n ere̱me̱n mai ri ewuain vie vbie emi, vba ere̱me̱n lo̱ re̱ mo̱in Kristi
\v 29 o̱hio̱ si o̱na ire filo igbaniegbe re̱yi ata soi lo̱rivi obia.

\c 2
\p
\v 1 ikho li vba re̱ en'n eriya gbayie̱n'gbe li re̱ kpa vba vba bi eliyan rivi iLaodica obo̱, bi eliyan mieho̱n li yai'semie̱me̱u.
\v 2 iwi o̱na lire̱ ri iriekhe'e na vba, Li vba lo re̱'bia kugbe vbi' e̱kie̱n lhume̱nke̱n bi imueokuere, vbi e̱ke̱in inmi si uhegbi si ata si O̱ise̱le̱bua, bi Kristi
\v 3 yoi lo moi ewain bi e̱ne̱mi.

\v 4 eya ti o̱na na vba kho̱n o̱hio̱ ikho'o li o̱ya te̱a 'vbae.
\v 5 si re̱re evbi ebi vba ri, imoin emi fio̱vba'egbe igho̱n gho̱n o̱hio̱ si obia vba bi ajiudu'an Kristi

\v 6 ʒe̱n labi. vba mien Jesu Kristi kho̱n, vbai gbo wudu'ovegbe, v'e̱deagbo̱n 'va 'ere̱me̱n.
\v 7 vba ri e̱ke̱n ata diu du'an o̱lo̱ mo̱en ma, vba Wuduo̱ivegbe, vba o̱khia vi ajiudu'an ʒe̱n labi yai vie vba, vba ya ri ekhuemi ni O̱ise̱le̱bua vbe̱ghe̱ - vbe̱ghe̱.

\v 8 vbai ʒi agbo̱n ri'ata si ite̱a bi ue̱u'u si eya'a, adelegbe yi emi si o̱lagbo̱n'na, aidalegbe yi emi si Kristi
\v 9 o̱hio̱ Jesu yo̱i li khi O̱ise̱le̱bua

\v 10 e̱yan O̱ise̱le̱bua wi emi ere̱me̱n li vba khon na vba. yo̱i lo̱ kpi ohumi ni eya'a, etin, bi e̱hi
\v 11 yoi lo̱ rue̱ vba o̱wi urue̱mi ti o̱ya rue̱, sokpe̱n oli Kristi rue̱
\v 12 o̱hio̱ si ya wi isame̱u na, woi lo̱ʒi vba s̱io̱ re̱ reyi ajiudu'an v'ēke̱in utotomi si O̱ise̱le̱bua, o̱hio̱ humion vbi udu kho lo meti ʒe ca evbo̱.

\v 13 e̱ghe̱ li ma re̱' rivbi o̱kho̱'o̱, o̱ʒi evi agbo̱n, debai, o̱ri o̱kho̱'o̱ mai hume̱nmai.
\v 14 o̱ri o̱kho̱'o̱ mai lore̱ hanma hume̱nma owi ere̱me̱n vo're ohan'. yan v'ogbe̱n.
\v 15 O̱ise̱le̱bua moi ihuoho̱n vbi uhumi si etin'ebi lo̱'ri agbo̱n s̱ian vbi o̱li agbo̱n na. oʒ. agbo̱n ere̱me̱n en' hi yoi moi ihuoho̱n vbi uhumi sian.

\v 16 o̱hio̱ si o̱na eʒi, o̱ya ʒovba e̱ʒo̱n e̱gbe̱ lu' de̱yo̱n dai e̱kbe̱ lu' emae. dai e̱ghe̱ ukpe, dai e̱di o̱se̱
\v 17 o̱na' ihi odudu si emi lo̱lo̱ vare sokpe̱n, Kristi ihi oli emi

\v 18 vbai ʒi eliyan khoi o̱khai si agbo̱n si vba s̱io vbi e'e si O̱ise̱le̱bua re, yan ri elemina ruo̱ o̱hio̱ wau Oemi ʒe̱n Labi agbo̱n liyan e̱n'e O̱ise̱le̱bua.
\v 19 O̱li o̱ya na o̱i debai Kristi, Kristi o̱kpi ohumi vbi emi ere̱me̱n. O̱ise̱le̱bua y̱o̱ʒo̱i ko̱i ohumi

\v 20 Ukha U' debai Kristi ʒami si o̱li agbo̱n na obo̱, amo̱ʒe̱ lu'ekpe̱re̱ rahon o̱vi eli emi na
\v 21 eli uhi yoi khi, ewo na, e'o̱na e'robo̱su'o̱na.
\v 22 eli uhi na, uhi si agbo̱n na lo̱ lo̱ hu' eo, re̱yi ovie si eya'a.
\v 23 o̱li uhi na yai moi ewain si emavobo̱' e̱he̱n bi emi si Ohien'egbe.

\c 3
\p
\v 1 ebi O̱ise̱le̱bua kei wue̱'s̱io̱re debai Kristi, emi lulakeho'o woi khi emi lo'rivi Ohumi eimi
\v 2 yaoi emi liyau rivi ohumi owi emi lo̱'rivi oto agbo̱n na.
\v 3 e̱yan u'u, agbo̱n' se̱e̱ rivbi uheegbe si Kristi e̱ke̱in O̱ise̱le̱bua
\v 4 Kristi lo̱i mo̱i agbo̱n se̱e̱ ha s̱io̱'re, ulo̱ s̱io̱'re debai vbe̱ke̱in okhai.

\v 5 sin'n emi si agbo̱n na, okhe̱'e̱, aifuan, aho'o lo̱be enaikhi agi' areo
\v 6 ukpo̱hio̱ si eli emi na yo̱i O̱ise̱le̱bua re̱ 'biokhan ni eliyan ya reovbi eta' so̱i
\v 7 eli ewee na vba kpaowee
\v 8 vba lo sin'n eli emi na, ebiokhen, udu lo̱be, uhue bi eta lo̱be.

\v 9 emo̱i e̱khi vbai agbo̱n. ebukei sin'n emilo̱be.
\v 10 o̱ya lo̱gbo̱n ukeu, O̱ise̱le̱bua ose̱'ḛ en'n o le̱se̱n, lugbore̱'eboi.
\v 11 o̱ya kha ti lgrik yoi u dai ijus, dai ela rue̱'e̱ dai elai rue̱' e̱, sokpe̱n Kristi O̱kpohumi vbi emi ere̱me̱n.

\v 12 O̱hio̱ O̱ise̱le̱bua ʒe'e s̱o̱dan ore'e cie̱n eboo̱i, o̱hio̱ o̱hume̱nke̱n, gi agbon ere̱me̱n. v'e̱ke̱in itue̱ke̱n, bi isoe̱n' egbere, ri oʒie̱n lspai agbo̱n ere̱me̱n wue'e
\v 13 moi oʒie̱n debai o̱ya khi o̱ya. vba ya wi e̱se ni egbe. oya ha moi emi lo̱ue̱ re̱humoi ʒe̱n labi o̱lo̱moe̱n re̱hume̱n'n.
\v 14 ikpuolio si eli emi na, mo̱i ihume̱nke̱n, ihume̱nke̱n yo̱u ku'i emi ere̱me̱n gbe

\v 15 ʒi O̱fure si Kristi ya ri udu' se̱'e̱ s̱ian. ukpo̱hio̱ si o̱li o̱fure na yo̱n re̱ ecie mai kugbe. ya hue̱mi O̱ise̱le̱bua vbi emi ere̱me̱n.
\v 16 ebi vai kei gi O̱ise̱le̱bua na, va ya re̱o̱vi ata li Kristi ovie̱ vba. vbai ya ri e̱wain vie̱ egbe'va io bi io si etin. ri e̱ke̱n' ata sio si ehue̱mi ni O̱ise̱le̱bua
\v 17 emi lulo ghei'u ata' utami dai ue̱n se̱e̱, ri eni si O̱lo̱moe̱n ma Kristi wi ere̱me̱n ri eni si Jesu Kristi huemi O̱ise̱le̱bua li era.

\v 18 O̱khe, wuekpe̱n ni O̱don'on, ona deo̱vbo̱ ʒe̱n labi uhi li O̱lo̱moe̱n ma Jesu Kristi gbe'ovi 'oto.
\v 19 O̱do̱n, hume̱nke̱in o̱kha'a vbai ya mo̱i ohuʒe̱ re yi yan.
\v 20 iviekhan, wuekpe̱n ni aboe̱ vi emi ere̱me̱n, o̱hio̱ o̱e̱nghi O̱ise̱le̱bua e̱he̱n e̱ghe̱ luwi o̱na
\v 21 era ewi emi lo̱bi ivie̱ okhan liyan khaʒa moi irie'e̱ke̱n'an.

\v 22 ovie̱n, wi' ekpe̱n ni o̱ga se̱'e̱ vi o̱li agbo̱n na vi ukpode̱ ere̱me̱n, ukhaya wi'ekpe̱n nian o̱hio̱ li agbon kpe̱ kaghoe̱, sokpe̱n wi' ekpe̱n ni oga se̱'e̱ vi' e̱ke̱n' ata o̱hio̱ si ilo̱fe̱n si O̱lo̱moe̱n ma
\v 23 obia lughe bia gbei gbei, ri'udu se̱e̱ ere̱me̱n bia re̱yi o̱lo̱moen ma oiwi re̱yi agbo̱n.
\v 24 ue̱n kherulo mi e'e si emo̱ se̱we̱' egbe. o̱hio̱ si o̱lo̱moe̱n ma Jesu lu'ga.
\v 25 O̱ya lo̱wi emi lo̱i deo̱vbo̱ o̱lo̱' os̱a si emi lo̱i deo̱vbe̱ lo̱' u, igo kha'evbo̱.

\c 4
\p
\v 1 o̱ga, wi emo̱n deo̱vbo̱ bi emo̱n hume̱n ni okhumi. U'e̱nn khi we̱we̱ gbo moi o̱ga lo̱' rivi ohumi.

\v 2 vbai de'ero̱mo̱n ye̱n. vaya liero̱mo̱n vari ehume̱mi ni O̱ise̱le̱bua.
\v 3 va'gbo li 'ero̱mo̱n ni ma. O̱ise̱le̱bua lo' re̱ ʒi ma matin wewe ata so̱i bi Ukliegbe si Kristi li O̱ise̱le̱bua o̱ke

\v 5 ri ewain kpai eliyain miehon we'e we'i e̱ghe̱ se̱'e̱ le̱se̱n
\v 6 ya wi' ekpe̱n o̱vi ata se̱'e̱ o̱hio̱ si eiyan mie o̱lo̱moe̱n ma Jesu Kristi ho̱n. ulo re̱' e̱nn ebi ulo̱i kpai agbo̱n tata e̱mo̱i o̱lo̱moe̱nma

\v 7 Tichekus lotavie emi lo̱ ruan s̱i me̱, O̱mio̱n lihume̱nke̱n, ovie̱n lo̱wata, bi o̱li ma'gba re̱' wi okhumi si O̱lo̱moe ma
\v 8 O̱hio̱ si o̱na ire' s̱oi re̱e̱ 'vba, vare̱ e̱n' emi lima s̱ian rare. lo̱i' gbo rievba akha'a
\v 9 yo̱i bi One̱simo̱s igba s̱a, O̱mio̱n lihume̱nke̱n lo̱wata, loc̱ie̱n o̱kpa vivba. yan lo̱ tanivba' ho̱n e̱mo ruan van' an.

\v 10 Aristarc̱us, lo̱ rivi ikhain debame̱ bi ḻ̄mak li'ovi o̱mio̱n Banabas rue̱ vba, ita vie̱va e̱moi ḻ̄mak, Okha debi 'varira va oi obos̱ian.
\v 11 Jo̱sto̱s, l'agbo ec̱oi Jesu, o̱gbo rue̱ vba, eli emo̱he̱ ea na yan o̱kpa ikhi ljus liyan mieho̱n lima gba re̱ tata si O̱ise̱le̱bua l' oba o̱hio̱ si Kristi yan ke ʒami kpame obo̱.

\v 12 E̱pafres, li vba gba ʒai evo'o o̱kpa vare lo' c̱ie̱n ovie̱n si Jesu Kristi, o̱me̱n li rue 'vba. oli ero̱mo̱n s̱i vba li O̱ise̱le̱bua ʒi vba ohio, vba gbo mieho̱n emi ere̱me̱n li O̱ise̱le̱bua vie ma bi uruo̱mi lo̱ ruo̱ vie ma
\v 13 l fio̱se̱'e nai, oke̱ filo ni vba, bi eliyan rivbi Laodicea, bi eliyan rivbi e̱ke̱in Hierapolis.
\v 14 Luk Li do̱kto̱ bi De̱mas oi li rue' v̵ba

\v 15 ru' imio̱n liyan rivi laodicea, bi nimfa, bi ose̱ lo' rivi ewa'a soi.
\v 16 vbai ere̱me̱ kha ko̱e oli emavin na la'a vbai ko̱e vbi o̱se̱ si laodiceans, bi evboo si laodicea.
\v 17 tavie'i Arc̱ipo̱s, lo̱i gbayie̱n' gba lo're mati foi obia lawun na.

\v 18 me̱nme̱n li ḻ̄pol ru' evba. ee' me̱re liero̱mo̱n nime̱n me̱nme̱n lirivi ikhan. ili ero̱mo̱n ese'okhe̱n si o̱lo̱mōen ma Jesu Kristi deba vba ere̱me̱n.