ema-x-emai_reg/67-REV.usfm

\id REV
\ide UTF-8
\h Are̱vbie̱
\toc1 Are̱vbie̱
\toc2 Are̱vbie̱
\toc3 rev
\mt Are̱vbie̱

\c 1
\p
\v 1 O̱na i khi are̱vbie̱ isi Jesu li Oise̱le̱bua re̱ nai lo̱i re̱ vbie̱ elo̱ yian uhumi, vbi emi lalo̱ mie̱n o̱i se̱ te̱ gbe na. O̱ ro̱i vbie̱ shan vbi obo si ange̱li so̱i yi ayio̱ uhu mi so̱i li Ijo̱ni.
\v 2 Ijo̱ni ri o̱se̱ e i o̱ vbi eta si Oise̱le̱bua bi o̱se̱ e̱ la re̱ nai vbi o̱hio̱ si Jesu Kristi, vbi emi ere̱me̱n lo̱ mie̱n.
\v 3 Ihianba o̱ yi o̱lo̱ ko̱ o̱i dianre bi o̱lo̱ daeho̱n si eta si atakpoto̱i na, bi o̱lo̱ ri emi lavin o̱vbo̱ u, erimidi khi e̱ghe̱ ke si ke̱ ean re.

\v 4 Ijo̱ni re̱ yi ekhe̱n iwowo ihio̱n le ri vbi Asia. E̱seo̱he̱n i evbo̱ yi vba bi o̱fure lo̱ za vbi isi o̱lo̱ri vbo̱, lo̱ e vbo̱ bi o̱lo̱ lo̱ chie vare, bi lo̱ za vbi etin ihio̱n vare lian ri vbi isao si e̱kpete o̱ba.
\v 5 Bi, lo̱ za vbi obo̱ si Jesu Kristi, lo̱ ui o̱se̱e̱ isi ata, o̱lakpao vbia za vbi elo̱u re, bi o̱lo̱ ei ekhe̱n ije isi o̱lagbo̱na shan. Re̱ yi yo̱in lo̱ hume̱nke̱n i mai lo̱ ri e̱re so̱i faan mai vbi o̱kho̱o̱.
\v 6 O̱re̱ mai chie̱n ije bi ohe̱in li Oise̱le̱bua so̱i bi Erah-o̱khai bi utotomi o̱ re̱ yo̱i re̱le̱ re̱le̱. Ise̱.

\v 7 Kae̱o a, o̱ vade vbi e̱ke̱n oghuu si okhumi, e̱o ere̱me̱n lo̱ mio̱in, gbo khi elo̱ so o̱i o̱gan vbi efe̱n, uhumumo si o̱lagbo̱n na lo̱ vie̱ o̱ vbi erimidi so̱i. Iyo̱o̱, Ise̱.
\v 8 Me̱me̱n ni khi alfa bi omega." Iyo̱ li o̱lo̱mo̱e̱n li Oise̱le̱bua tai, "yo̱in isi e̱yan, isi o̱lo̱kpao rivbo̱ bi yio̱n lo̱ lo̱ vare, o̱lo̱khuaele̱."

\v 9 Me̱me̱n li Ijo̱ni, li omio̱n vba li o̱mo̱he lo̱ de ba vba oya vbi ioya bi e̱ghe̱ o̱ba bi azie̱n egbe le ri vbi e̱ke̱n i Jesu-o̱ e vbi o̱ko̱e̱da lae cho̱i Ipatmos, erimidi si ata si Oise̱le̱bua bi ari o̱se̱e̱ i o̱ vbi e̱mo̱n Jesu.
\v 10 I ri vbi e̱ke̱n Etin vbi ukpe̱de̱ si O̱lo̱mo̱e̱n. I za ho̱n khi ukpurun khue vbi uokho me̱n lo̱ roo bi otukoi.
\v 11 O̱re̱o̱i, "Vin emi lu lo̱ mie̱n o̱ vbi ebe, lu lo̱ huan yi iwowo ihio̱n-re̱yi E̱fisu, reyi Ismaina, re̱yi Ipagamum, re̱yi Itiyatira, re̱yi Isadis, re̱yi Ifiladefia bi ure̱yi Ilaodesia."

\v 12 I fi egbe deli egbe li re̱ e̱n urun isi o̱lo̱ ti eta ne̱ me̱n ho̱n, i ke fi egbe deli egbe i za gho emi ihio̱n la ri igolu e̱he̱n la hua urukpa o̱.
\v 13 Vbi esese̱ si emi la hua urukpa o̱, o̱li o̱ u bi ovbi o̱ia rivbaan, lo̱ kui e̱un liwoo lo̱ voo oe̱ o̱ vbi egbe, o̱ fi ukpo̱ gbe̱le̱ lo̱ dan bi igolu shan vbi idanma rare.

\v 14 Eto si uhumi so̱i o̱funan bi uhouu o̱ fuan bi amikpido, bi e̱o so̱i o̱ u bi oe̱ mi si erain.
\v 15 Awe̱ so̱i o̱ u bi e̱umin la kalo̱a le̱se̱n, elabi eumi la za vbi okpije̱n nwun dianre. Urun so̱i o̱ roo bi ame̱n lo̱ bun lo̱ la za vbi okhumudo di oto̱i re.
\v 16 O̱mo̱n ikpan e̱hie̱n ihio̱n vbi obo̱dio̱n so̱i, agada lo̱ wun vbi odeva pie̱pie̱ o̱za vbi unu so̱i dianre, o̱me̱o so̱i o̱ u fae bi e̱ghe̱ si ovo̱n o vbae kpankpan.

\v 17 I ke mio̱in, i za de fi o̱ i vbi awe̱ bi o̱lo̱ uu. O̱za nwin obo̱dio̱n so̱i o̱ me̱n vbi egbe, o̱re̱ o̱i "Elo fe̱n, me̱me̱n i khi o̱lo̱ o̱kpao bi o̱lo̱ kpuokho.
\v 18 Bi o̱lo̱ rivbo̱, e ri uu, ama ka e̱o a, I rivbo̱ re̱le̱ re̱le̱. I mo̱n iko̱ko̱ si euu bi isi idi.

\v 19 O̱hio̱ si o̱na, vin emi lu mie̱n o̱ vbi oto̱i, o̱lo̱ vbi si e̱nyan bi o̱lo̱lo̱ ruan vbi ikpuo okho isi o̱na.
\v 20 Emi si uhe egbe vbi o̱hio̱ si ikpan e̱hie̱n ihio̱n lu mie̱n vbi obodio̱n me̱n bi emi la hua urukpa o̱ ihio̱n la ri igolu e̱he̱n, ikhi; Eli ikpan e̱hie̱n ihio̱n li khi ekhe̱n angeli isi iwowo vbo di ihio̱n, emi la hua urukpa o̱ lo̱ gbo vbi ihio̱n, o̱vbi eli iwowo ihio̱n."

\c 2
\p
\v 1 "Vin o̱na yi ange̱li lo̱ ri vbi asikoko si iwowo vbi Efiso̱s: Ena i khi eta si o̱lo̱ ri obo̱dio̱n nwin ikpae̱hie̱n ihio̱n mo̱e̱n, lo̱ gbo shian vbi use si emi ihio̱n lari igolu e̱he̱n la hua urukpa o̱.
\v 2 "I e̱n obia lu biai, bi ebi u i ri utotomi bia bi ozie̱n se̱e̱. I e̱n khi umeti mo̱n ozie̱n si eia lebe. I e̱n khi udan mi ele echi egbian apo̱sto gho, le i vbi ain, lu gaze khi eia si e̱he̱in yain u.

\v 3 "I e̱in khi umo̱n ozie̱n, khi uzukpe oya vbi erimidi si eni me̱n, khi o̱i se̱ e̱ e̱.
\v 4 Ama, I mo̱n emi li e̱n re̱ u, uke sin emi lukpao hume̱nke̱n io̱n o̱vbi oto̱i.
\v 5 E ere, ebi uzade. O e̱ke̱in, lu ya chie wee ebi ui kpao be̱e̱. Su mo̱n ioe̱ke̱n de lu e̱n I lo̱ vare ye̱ li re̱ nwin oran si urukpa se̱e̱ sho̱ vbi eko̱ so̱i re.

\v 6 Ama, umo̱ o̱na; Umo̱n ikho̱ e̱ke̱n yi obia si ekhe̱n Nikoletan, li gbo kho̱ eke̱n ni.
\v 7 Vba zi o̱lo̱ mo̱n ukpeho̱n da eho̱n o̱ vbi emi li Etin o̱ta yi asikoko si iwowo. O̱lo̱ khu okho̱in, I lo̱ ri ehee nai re̱ fan e vbi oran isi arivbo̱, lo̱ ui ufun vbi egbe si Oise̱le̱bua.

\v 8 Vin o̱na yi angeli lo̱ ri vbi asikoko si Iwowo vbi Ismaina; "Ena i khi eta si o̱lo̱ u khi yo̱in li khi o̱kpao bi o̱kpuokho, o̱lo̱ uu lo̱ che chie̱n o̱lo̱ rivbo.
\v 9 I e̱n ioya se̱e̱ bi e̱so̱n luri, ama eri u fei. I e̱n akhue e̱ shan si eia le o̱i khi ekhe̱n Ijiu li ain u, be̱ ei vbi ain, Isinagogu isi esun lian u.

\v 10 Ezi ofe̱n nwue̱n vbi ioya lu lo̱ e o̱i te̱e̱ gbe na. Ka e̱o; Esun o̱ lo̱ ghe hua eso vbi use vba kuo̱ vbi ighan, lai re̱ dan mavba gho, vba lo̱ oya shan vbi ikpe̱de̱ igbe. Mo̱n adiudu an se̱ vbi ukpe̱ di uu, i lo̱ nwin uvbi erun oje si arivbo̱ na.
\v 11 Zi elo̱ mo̱n ukpeho̱n da eho̱n si emi li Etin o̱ ta yi asikoko si Iwowo. Elo̱ khuo kho̱in kha che min o̱riaa si euu si ugbo̱ zeva.

\v 12 "Vin o̱na yi ange̱li si asikoko si iwowo vbi Ipegamum; 'Ena i khi eta si o̱lo̱ mo̱n agada lo̱ nwun vbi odeva:
\v 13 '"I e̱n ebu a dia, ebi o̱ukhi ekpeto̱ba isi esun ri. O̱re̱ ri iyo̱, ufi obo̱ nwun eni me̱n khekhe. I e̱n khi usio̱in khi umo̱n adiudu an vbi me̱n, re khi e̱ghe̱ si Antipasli ose̱e̱ ise̱ me̱n o̱li diudu an, la gbei vbi usee vbba, vbi ebi o̱u khi esun o̱ dia.

\v 14 Ama i mo̱n emi eso kue̱i li ue̱n u; Umo̱n eso vban li ain fi obo̱ mwin emi li Ibalam vbie, lo̱ vbie̱ Ibalak lo̱ i re̱ chie̱n igbangobo̱ yi ivbi Izre̱li, le i re̱ ya emae la re̱ uabo yi ireo̱ bi lei ya gbooghe̱e̱.
\v 15 I yo̱ u gbo i mo̱n elo̱ fi obo̱ nwin emi li ekhe̱n inikolaitan o̱vbie̱.

\v 16 Oe̱ ke̱in, si yo̱! Sii uo eke̱in, i lo̱ iare̱ ye̱ e̱je e̱je, I lo̱ ri agada lo̱ ri me̱n vbi unu, kpa yi ain kho̱n e̱n.
\v 17 Vba zi o̱lo̱ mo̱n ukpeho̱n mo̱n idaeho̱n yi emi li Etin o̱ ta yi asikoko isi iwowo. Ke re̱ yi o̱lo̱ khuokho̱in, i lo̱ nwin emae lo̱ yegbehee nai, bi udo lo̱ fuan la vi eni lo̱gbo̱n o̱n, eni li o̱o̱vbee kha e̱n, so̱i vbi o̱lo̱ mo̱n di eni."

\v 18 "Vin o̱na yi ange̱li isi asikoko si iwowo si Itaitira, "Ena ikhi eta si ovbi Oise̱le̱bua, lo̱ mo̱n e̱o bi o e̱mi si erain, bi awe̱ lo̱u bi oze lari emi gboo;
\v 19 I e̱n obia lu biai; Ihume̱nke̱n se̱ bi adiudu an bi ugami bi ozie̱n egbe se̱. I e̱n khi obia lu biai o̱gbon na o̱le̱ obia lu kpaobia.

\v 20 Ama, i mo̱n o̱na li ko̱o̱ re̱khae̱n: Usi o̱kposo lae cho̱i Ijezibe̱li ke̱ egbe, lo̱ e chie egbo̱i ohe̱in lo̱kposo. O̱ri emi lo̱ vbie te̱e̱ ekhe̱n ayio̱ uhumi se̱ me̱n o vbi elo̱gboghe̱, li ain ya gbo re̱ emae la re̱ uabo yi ire o̱.
\v 21 I ri ehe nai re̱ oe̱ke̱in, ama o̱i ho lo̱ire̱ deli obo̱ vbi ue̱n si oghe̱e̱.

\v 22 ka e̱o a! I lo̱ fio̱ de gbe vbo to̱i li emiami, i nwin io ya lo khua yi eli yain re̱ gba gboghe̱e̱, sokpa khi yain deli obo̱ vbi ue̱n si ain.
\v 23 I lo̱ gboo ivbi o̱i ulo, li asikoko si iwowo ere̱me̱n re̱ e̱n khi me̱me̱n li ya guali aoo bi udu. Ebi vba vba o̱do̱de i wee, li lo̱ i re̱ na vba.

\v 24 Ama, re̱yi elo̱ ko̱re vbi Itaitira, eia no̱i lei re̱ ovbi o̱li avbie̱ emi na, lei e̱n emi li eso o̱ echo̱i, emi lo̱ dimin isi esun, i e̱ vba, "I ke maa ihua lo̱ khuai o̱vbe na vba."
\v 25 Ebo̱ re̱ izegbe, vba lo̱ fi obo̱ nwo̱in toto se̱ vbi ivare.

\v 26 O̱lo̱ khuo kho̱in, lo̱ gbo bia ebi i bia se̱ vbi ire̱so, i lo̱ ri ashe̱ nai o̱ vbi uhumi isi uhumora le buin.
\v 27 Ukpora si oto̱in lo̱ lo̱ re̱ ain shan, o̱lo̱ gboo iain kuo̱ vbi ese̱se̱mi elabi ue̱n han me̱n lari owe̱ ma.
\v 28 Elabi ghei mio̱in mie̱n vbi obo̱ si Erame̱n, I yo̱ i lo̱ gbo i nwin ukpan ehie̱n si egbia nai.
\v 29 Vba zi o̱lo̱ mo̱n ukpeho̱n daeho̱n li emi li Etin o̱ ta yi asikoko si iwowo.

\c 3
\p
\v 1 Vin o̱na yi ange̱li si asikoko si iwowo vbi Isadis: "Ena ikhi eta si o̱lo̱ nwin Etin ihio̱n isi Oise̱le̱bua mo̱e̱n bi eli ikpae̱hie̱n ihio̱n. "I e̱n obia lu biai. A tai vbi o̱hio̱ se̱ khi urivbo̱ ama eri uu.
\v 2 Sho̱re, lu nwin emi lo̱ ko̱re toto, ama o̱lo̱ ghe uu, erimidi I se̱ mie̱n khi ue̱n se̱ ghai vbi isao isi Oise̱le̱bua me̱n.

\v 3 Eere siyo̱, emi lu mie̱n bi emi lu ho̱in. Re iu, umo̱n ioe̱ke̱ndeliue̱n, ama e̱ghe̱ lu khua egbe vbi oto̱i, I lo̱ vare ze̱n elabi oi, u kha meti e̱n e̱ghe̱ li lo̱ re̱ vare re̱ khae̱n.
\v 4 Emi isi ikpechie si eia ri vbi Isadis, lei gbi ukpun siain i nwuan. Elo̱ de ba me̱n shan, e kui ukpulo̱ fuan o̱ vbi egbe, esei vbi yo̱.

\v 5 O̱lo̱khuo kho̱n la lo̱ ri ukpun lo̱ fuan sui emi ni, I kha min e̱ghe̱ li lo̱ kali eni siain sho̱ vbi ebe si elo̱rivbo̱ re, I lo̱ echi eni so̱i vbi isao isi Erame̱n, bi ekhe̱n ange̱li so̱i.
\v 6 Vba zi o̱lo̱ mo̱n ukpeho̱n dae ho̱n, si emi li Etin o̱ ta yi asikoko sis iwowo.

\v 7 "Vin ona yi asikoko isi iwowo vbi Ifiladefia, "Ena ikhi eta si o̱lo̱ fuan bi o̱ uata. Yo̱n lo̱ mo̱n iki Idevidi, o̱kha vu ye a o̱ o̱ vbe kha khu hio̱i.
\v 8 I e̱n obia lu bia, ka e̱o a, I khu hi ukhe̱de̱ a o̱ we̱ vbi isa o, li o̱ia kha meti khu hie. I e̱n khi utotomi keree lu moe̱n, ore̱ ri iyo̱ ure̱ o̱ vbi etame̱n ugbo sio̱in khi ue̱n eni me̱n.

\v 9 Ghoogho! Elo̱ chie̱n elisi isinago̱gu isi esun, elo̱ o̱i khi ekhe̱in Ijiu yain u, ama ei vbi ain; e̱he̱in yan mo̱e̱n. I lo̱ zi ain vare o̱ de uhumi re yie̱ vbi ebumuzain, e lo̱ o̱ e̱n khi e ri hume̱nke̱e̱n.
\v 10 Ebi o̱i u khi ure̱o̱ vbi ebi itai lu mo̱n ozie̱n te̱e̱, I lo̱ gbo iyo̱ nwun e̱n fan ra e̱ghe̱ si idamigho lo vade yi agbo̱n ere̱me̱n re, la lo̱ re̱ danmi elo̱ ri vbi agbo̱n gho.
\v 11 I vade e̱yan. Fi obo̱ nwin emi lu mo̱e̱n, li o̱so kha za mie̱n we̱ uvbi eru oje.

\v 12 I lo̱ ri elo̱ khuokho̱in chie̱n oruku vbi eke̱n ite̱mpo si Oise̱le̱bua me̱n, ebi o̱kha za meti dianre. I lo̱ vin eni si Oise̱le̱bua o̱i vbi egbe, eni si okpe̱vbo isi Oise̱le̱bua me̱n (Ijerusalemi lo̱gbo̱n lo̱ za vbi okhumeimi isi Oiselebua me̱n vare), bi eni me̱ lo̱gbo̱n.
\v 13 Zi o̱lo̱ mo̱n eho̱n daeho̱n si emi li Etin o̱ ta yi asikoko si iwowo."

\v 14 Vin o̱na yi ange̱li si asikoko si iwowo vbi Ilaodeshia: "Ena i khi eta si ise̱e̱ tai, o̱se̱e̱ la di egbe an bi isi ata, o̱lo̱ ri emi ni Oise̱le̱bua mai ere̱me̱n shan.
\v 15 "I e̱n obia lu biai, khi umo̱n o̱tohia, u ma fo̱!
\v 16 Erimidi khi o̱ue̱ we̱e̱-luza tohia da ufo̱se̱n - i lo̱ kpa e̱ za vbi unu me̱n dianre.

\v 17 U o̱ e khi, "I fei, I mo̱n emi lo̱ bun, I hoo emi o̱so." Ama, u e̱n khi oguee ahian hin oran lu u, latu egbeni, lo̱ min e̱so̱n, o̱run e̱o bi o̱lo̱ban an.
\v 18 Da ehin ude me̱n; Di igolu la ye̱n vbi erain vbi obo̱ me̱n, lu re̱ chie̱n o̱lo̱ fei, bi e̱un lo̱ fuan se̱se̱se̱, lu re̱ voo egbe se̱ lu e o̱ ri ekho̱i si ubaan se̱ vbie̱, lu ri ikio chie̱n e̱ o, lu ya re̱ min uye.

\v 19 Ya zi elihume̱n ke̱n iain mamemi, i vbie̱ iain ebi yain lo̱ yai uagbo̱n. O̱hio̱ si o̱na, gba yin e̱n egbe, uo eke̱in delu e̱n.
\v 20 Ghogho, I muzain vbi unu khe̱de̱ ya suobo̱. O̱lo̱ ho̱in khi iteta lo̱ khukhi ukhe̱de̱ aa, I lo̱ vare o vbi iwe so̱i, li re kpa yo̱i emae lo̱ i re̱ deba me̱n.

\v 21 O̱lo̱ khuo kho̱in, i lo̱ ri ehee nai re̱ de ba me̱n dia vbi ekpetojie me̱n, elabi I gboi khuo kho̱in li za de ba Erame̱n dia vbi ekpetoba so̱i.
\v 22 Zi o̱lo̱ mo̱n eho̱n o̱i daeho̱n si emi li Etin o̱ ta yi asikoko isi iwowo.

\c 4
\p
\v 1 O̱ke se̱, I za ka e̱o a, I za mie̱n khi ukhe̱de̱ vuye a vbi okhumieimi. Urun li kpao ho̱n, o̱ teta ne̱ me̱n ho̱n bi ikakaki o̱re̱ o̱i, "Vare vbi okhumi vbe an, I lo̱ re̱ vbie̱ emi lo̱ lo̱ ruan si ena ke rare."
\v 2 Isokpisokpa I ke mie̱n khi I ri vbi e̱ke̱n Etin, I za mie̱n khi ekpe oba o̱ ri vbi okhumieimi, li o̱ia dia vbo̱.
\v 3 O̱ia lo̱ dia vbo̱ o̱ u bi udo lae cho̱i Ijaspa bi ikame̱lian. Agadi lagaa o̱li e̱kpeteo̱ba. O̱li agadi o̱ vbae go̱do̱ o bi erain.

\v 4 E̱kpeteo̱ba ue bi ele laga o̱li ekpeteo̱ba, edio̱n ue bi ele e dia vbi eli e̱kpeteo̱ba, ekui e̱un lo̱fuan o̱ vbi egbe, erun oje lari igolu ehe̱n ri ain vbi uhumi.
\v 5 Vbi e̱ke̱n o̱li e̱kpeteo̱ba ihian o̱ hian dianre, iyo̱ usomi bi uroo udemi si oisiokhumi. Urukpa ihio̱n o̱ vbae vbi isao si o̱li e̱kpeteoba, urukpa lo̱u khi Etin ihio̱n isi Oise̱le̱bua yain o̱n.

\v 6 Vbi isao si o̱li e̱kpeteo̱ba, olokun si ughegbe o̱ri vbo̱ bi emi laza muye jie̱, vbi e̱ke̱n o̱li e̱kpeteoba bi ilagaa so̱i Emamai le mo̱n oreghe le mo̱n e̱o vo̱n isao bi uokho.

\v 7 O̱lo̱ kpao vbi emamai lo̱ mo̱n oreghe o̱ u bi akpako mize̱, o̱lo̱ zi eva vbi emamai lo̱ mo̱n oreghe, o̱ u bi e̱me̱la, o̱lo̱ zi ea vbi emamai lo̱ mo̱n oreghe, o̱ mo̱n e̱o bi si o̱ia, o̱lo̱ zi ele vbi emamai lo̱ mo̱n oreghe o̱ u bi akala lo̱ tin.
\v 8 Eli emamai le mo̱n oreghe li ele na, o̱kpo̱kpa mo̱n ihuanbo̱ ehan, le vo̱n yi e̱o vbi okhumi ain bi e̱ge̱ge̱n iain. Khi aso̱n bi odianmi, ei di unu ye̱n vbi, O̱fuan, O̱fuan, O̱fuan li khi O̱lo̱mo̱e̱n li Oise̱le̱bua lo̱ gba le̱, lo̱ se̱ mie̱n, lo̱ rivbo e̱yan bi o̱lo̱ lo̱ chie vare."

\v 9 E̱ghe̱ khi e̱ghe̱ li emamai le mo̱n oreghe o̱re̱ ri o̱khae, ekpe̱n bi ekhwe̱mi yi o̱lo̱ dia vbi e̱kpeteo̱ba lo̱ ri vbo̱ ghe ghe ghe,
\v 10 Eli edio̱n ue bi ele, e sali eke̱in run vboto̱i vbi isao si o̱lo̱ dia vbi e̱kpeteo̱ba. Ede uhumi re yi o̱lo̱ ri vbo̱ ghe ghe ghe, e hua uvbierun oje si ain sho̱ vbi uhumi re, yan ain.
\v 11 Wowe̱ i khi o̱lo̱ e o̱ vbo̱, O̱lo̱mo̱e̱nmai bi Oise̱le̱bua mai, lo̱ mo̱n o̱khae, ekpe̱n bi utotomi, o̱hio̱ khi wowe̱ lu min emi ere̱me̱n, vbi ihume̱ke̱n se̱e̱ le re̱ rivbo̱ lare̱ min ain."

\c 5
\p
\v 1 I za o̱ mio̱in khi vbi obo̱dio̱n si o̱lo̱dia vbi ekpeteo̱ba, ebe la shiere rivbo̱ la vin emi o̱ i vbi isao bi uokho so̱i, a ri akan ihio̱n khaan i an.
\v 2 I za min ange̱li lo̱mo̱n utotomi lo̱ khue urun dianre, o̱mian o̱ re̱ o̱i "O̱ e̱ o̱vbo̱ lo̱ lo̱ taan o̱li ebe la shiere naan o gboo akan so̱i a?"

\v 3 Aimin o̱o̱so vbi okhumieimi da vbi o̱li agbo̱n na, da vbi okpoto̱o̱ o̱li agbo̱n na lo̱ meti taan o̱li ebe a lo̱i re̱ ko̱ o̱ i.
\v 4 I vie̱i, uvie̱mi si oya, erimidi ai min oto̱kpa lo̱ e o̱vbo̱ lo̱ meti taan o̱li ebe aa da o̱ko̱o̱ ii.
\v 5 Ama, o̱kpa vbi eli edio̱n za e̱ me̱n, "Eke vie̱. Ghoo̱i o̱li Akpakomize̱ lo vbi uaami si Ijuda, lo̱ vbi i-ii isi Idavidi, o kho̱n okho̱in. O̱lo̱ meti tan o̱li ebe a, bi akan so̱i."

\v 6 I za min oghogho lo̱ muzain vbi esese̱ si o̱li e̱kpeteo̱ba bi emamai ele le mo̱n oreghe bi eli edio̱n ue be ele. O̱ u bi o̱la gbe uu. O̱mo̱n ike ihio̱n bi e̱o ihio̱n, ena i khi Etin ihio̱n isi Oise̱le̱bua la ye yi o̱li agbo̱n na ere̱me̱n.
\v 7 O̱ za shan o̱ nwin o̱li ebe sho̱ vbi obo̱dio̱n si o̱lo̱ dia vbi ukhumi e̱kpeteo̱ba.

\v 8 O̱li ovbi ogho ogho ke nwin o̱li ebe, eli etui ele emamai le mo̱n oreghe bi eli edio̱n ue bi ele, e sali eke̱in run nai. Yain oto̱kpo̱kpa mo̱n iduu bi itasi golu li ituai vo̱o̱n, lo̱ vbi ero̱mo̱n si elo̱mieho̱n.

\v 9 Eo̱ sui ioo lo̱gbo̱n: "Ue o̱vbo̱ o̱lo̱ nwin o̱li ebe, ugbo vuyi emi lare̱ kaan ye̱n aa, o̱hio̱ khi era gbe e̱ uu uza ri e̱re se̱ di eia yi Oise̱le̱bua, vbi uanmi, uroo, eia bi uhumuroo ere̱me̱n.
\v 10 Uri ain chie̱n eli emo̱n oje bi ekhe̱n ohe̱in li elo̱ ya gi Oise̱le̱bua mai, elo̱ ui ayee si ain vbi o̱li agbo̱n na."

\v 11 I za kae̱o, i hin okeke si ekhe̱n ange̱li le bun le lagaa o̱li e̱kpeteo̱ba bi emamai le mo̱n oreghe bi edio̱n. Ubun mi sian se̱ i vbi egbe̱n-egbo̱igbe vbi odi igbe vbi odigbe si e̱gbe̱e̱n-egboigbe si e̱gbe̱e̱n-egbo̱igbe.
\v 12 Ekhue urun gboo, ere̱ o̱i, "O̱lo̱ e o̱vbo̱ li khi ovbi-oghogho la gbe uu lo̱i re̱ mo̱n utotomi, efe, ewain, uohiami, ekpe̱n, o̱khae bi ire."

\v 13 I ho̱n khi emi ere̱me̱n la mai le ri vbi okhumeimi bi elo̱ ri vbi o̱li agbo̱n na bi oto̱o̱ o̱li agbo̱n na bi ukhumo̱n olokun, emi ere̱me̱n le ri vbi e̱ke̱in ain-e o̱i, "Re̱ yi o̱lo̱ dia vbi e̱kpeteo̱ba bi ovbi oghogho, li khi, ire, ekpe̱n bi o̱khae bi uototomi si are̱shan re̱le̱ re̱le̱.
\v 14 Eli emamai le mo̱n oreghe ele re̱ o̱i "Amin," eli edio̱n sali eke̱in run vbi ugami.

\c 6
\p
\v 1 I ka e̱o gho o̱i ebi oli ovbi oghogho re̱ vu yi o̱kpa vbi ihio̱n si akan aa, I ho̱in ebi o̱kpa vbi ele, emamai le mo̱n oreghe tai vbi urun lo̱ roo bi oisiokhumi lo̱ dei, "Vare!"
\v 2 I kaa e̱o a, o̱ mio̱n khi esi lo fuan rivban, o̱lo̱ he̱in o̱n, o̱ nwin e̱te̱kun mo̱e̱n, a nwin uvbieru oje nai. O̱dian re bi o̱lo̱ o̱lo̱khuo kho̱in lo̱ire̱ khuokho̱in.

\v 3 E̱ghe̱ li o̱li ovbioghogho ke re̱ vuyi akan lo̱zeva aa, I ho̱in khi emamai lo̱ mo̱i oreghe o̱zeva, o̱i "Vare!"
\v 4 E̱si o̱vbe dianre lo̱ vbae yan yan yan. Ari ehee li o̱lo̱ he̱n o̱n re̱ nwun o̱fure sho̱ vbi o̱li agbo̱n na re, li eia ya gboo egbian kua. A nwin agada lokhua o̱lo̱ he̱n o̱n vbi obo̱.

\v 5 O̱li ovbi oghogho ke vuyi akan lo̱ zi ea aa, I ho̱in khi emamai lo̱ mo̱n oreghe o̱zea o̱i, "Vare!" I min e̱si lobi li o̱lo̱ he̱n o̱n hua uman emi eva mo̱e̱n vbi obo̱.
\v 6 I hin emi lo̱u bi ukpurun vbi esese̱ si emamai lo̱ mo̱n oreghe ele, o̱re̱ o̱i "Okpan si ihuiti o̱kpa vbi egho lai hai vbi ukpede, okpan si ibaali eea vbi egho lai hai vbi ukpede. Ama, e ui evbi bi e̱yo̱n emi lo̱be.

\v 7 O̱li ovbi oghogho ke vuyi akan o̱zi ele aa, I ho̱in khi emamai lo̱ mo̱n oreghe ozi ele, o̱i "Vare!",
\v 8 I za min esi lo̱i mo̱n ofioo. O̱lo̱ he̱n o̱n ae cho̱i Euu, idi o̱re̱ khaan. A ri ase̱ ni ain vbi odo̱kpa vbi odi ele si o̱li agbo̱n na lei ri itakobi, ohanmi bi iwowo emiani gboo eia bi eamogo si o̱li agbo̱n na kua.

\v 9 O̱li Ovbioghogho ke vuyi akan o̱ziihie̱n aa, I mio̱n khi ehi si eia lagboo kua vbi o̱hio̱ si eta si Oise̱le̱bua bi emi leri o̱se̱e̱ io̱ eri vbi e̱ge̱ge̱n ikpe̱kpoisa.
\v 10 E khue urun dianre, vbi amian, "Ebo̱lo̱ kei te̱e̱ se̱, o̱lo̱ri emi ere̱me̱n shan, o̱lo̱ fuan bi ata, o̱lo̱se̱ vbo̱ khi ui ighae̱zo̱n si elo̱ rivbi agbo̱n bi o̱se̱ i khi ui e̱n oga si eremai lee?"
\v 11 Okese̱ aza nwun ni e̱un lo̱fuan ni yain oto̱kpoto̱kpa, a gue li ain ho̱n ni yain se̱ muzan keree se̱vbo̱ kha si etueka li ere̱ gba vbi ayio̱ uhumi, le re̱ vbi imio̱n li imo̱he bi imio̱n li ikposo, la lo̱ gboo, ebi ai gboo i ain, egbe.

\v 12 O̱li ovbioghogho ke vuyi akan o̱zi ehan an, I za be̱ o gho o̱i khi uto̱i nwun kpeghe valo̱a. O̱e̱n bi a bi adaigho̱n, ukin lo̱ hua edide o̱ u bi e̱re.
\v 13 Ikpae̱nhie̱n za vbi ukhumeimi delo̱ kuo̱ vbi oto̱i, yo̱i ikpo̱mo̱n li ei wue̱n si oro̱n kua I delo̱ kuo̱ vbi oto̱i be mo̱n khi efio ame̱n kpeghi ain.
\v 14 Okhumi da ho̱a bi ema shie o̱ vbi oto̱i re. O̱ko̱ ere̱me̱n bi o̱ko̱ e̱da e de li eko̱.

\v 15 O̱kese̱ ije si o̱lagbo̱n na bi eia si ukutu, ekakuo, ele fei, elo̱ totoi bi eia ere̱me̱n ighumi bi elo̱ mo̱n egbi ain, eo̱ la hee vbi irun bi e̱ge̱ge̱n ido vbi okhumo̱ko̱.
\v 16 Ere̱ eli o̱ko̱ bi eli ido, "Vba de te̱n mai ye̱n! Nwun mai hee sho̱ vbi isao si o̱lo̱ dia vbi e̱kpeteo̱ba bi ibiohan si iriae̱ke̱n si o̱li ovbioghogho re.
\v 17 Ukpe̱de̱ si iria e̱ke̱n aa si ain o̱vare. O̱o̱lo̱ meti muzan?"

\c 7
\p
\v 1 Ena ke o̱ rare, I za min ekhe̱n ange̱li ele, e muzain vbi igue̱n egbe isi o̱li agbo̱n na, etotobo̱ din efioo ele lo̱ fioo vbi o̱li agbo̱n na ye̱n lei o̱ ke fioo nwin oto̱i, vbi olokun da efio nwin eran.
\v 2 I min ange̱li o̱vbee o̱vbee o̱zavbi ebi o̱e̱n o̱za me̱re di oto̱i re lo̱ mo̱n akan isi Oise̱le̱bua lo̱ rivbo. O̱ khue urun dianre yi ange̱li ele la ri ehee ni re̱ uo̱ ria vbi o̱li agbo̱n na bi olokun.
\v 3 Vba i se̱ uo̱ ria yi o̱li agbo̱n na, okun da eran, o̱ chie̱n si mai ri akan o̱ vbi e̱hai si ekhe̱n ayio̱ uhumi isi Oise̱le̱bua mai."

\v 4 I hin etueka li asu i ain akan, u; evbi etui, e̱gbe̱n vbo di egbo̱ ihiēin bi egbo̱ eva i kpele, lari akan o̱i ain vbi uhumi le za vbi uanmi si eia si Isre̱li vare.
\v 5 E̱gbe̱n bi ue lari akan o̱n le za vbi uanmi isi Ijuda vare, e̱gbe̱n bi ue vbodi igbeva vbi uanmi si Irube̱n, e̱gbe̱ bi ue vbo di igbeva vbi uanmi si Gad.
\v 6 E̱gbe̱n bi ue vbodi igbeva vbi uanmi si Asha, e̱gbe̱n bi ue vbodi igbeva vbi uanmi si Inaftani, e̱gbe̱n bi ue vbodi igbeva vbi uanmi si Imanase̱.

\v 7 E̱gbe̱n bi ue vbo̱ di igbeva vbi uanmi si Isimo̱n, e̱gbe̱n bi ue vbodi igbeva vbi uanmi si Ile̱vi, e̱gbe̱n bi ue vbodi igbeva vbi uanmi si Isaaka,
\v 8 e̱gbe̱n bi ue vbodi igbeva vbi uanmi si Ize̱buluni, e̱gbe̱n bi ue vbodi igbeva vbi uanmi si Ijose̱f, bi e̱gbe̱n bi ue vbo di igbeva vbi uanmi si Ibe̱njami la sui ain akan.

\v 9 Ena ke o̱ rare, I ka e̱o a, eia lebun lakha meti ko̱o̱ ri vbaan le za vbi uhumuroo ere̱me̱n, uanmi, eia bi uroo vare-emuzain vbi isao si e̱kpeteo̱ba bi isao si ovbi oghoogho. Ewee e̱un lo̱fuan, ehua ikpeami mo̱n obo̱.
\v 10 Yan khue urun dianre gboo echi o̱i khi "Amiefan isi Oise̱le̱bua o̱, lo̱ dia vbi e̱kpeteo̱ba bi ovbi oghoogho!"

\v 12 Ekhe̱n ange̱li ere̱me̱n muzan lagaa o̱li e̱kpeteo̱ba, gbo lagaa eli edio̱n bi etui ele emamai le mo̱n oreghe, e sali eke̱n run fi e̱o kpoto̱i vbi irae̱o si e̱kpeteo̱ba, yan gi Oise̱le̱bua,
\v 11 yan re̱ o̱i, "Amin! ire, o̱khae, ewain, ekhue̱mi, ekpe̱n, utotomi bi uohiami o̱ re̱yi Oise̱le̱bua mai re̱le̱ re̱le̱. Amin!"

\v 13 O̱ ke se̱, oto̱kpa vbi eli edio̱n za mian me̱n, "Eikhi ena, le wee ikpun le fuan na, ebi yain za vare?"
\v 14 I re̱ o̱i, o̱li ekpe̱n mai, "umake e̱n," o̱ za e̱ me̱n, "Ena li khi ele za vbi eke̱n orughulabe lokhua dianre. Eho̱ e̱un siain fuan vbi e̱re si o̱li ovbioghogho.

\v 15 O̱hio̱ si o̱na, e ke o̱ di isa o̱ si e̱kpeteo̱ba si Oise̱le̱bua re, yan ke gai aso̱n bi odian mi vbi ite̱mpo so̱i, o̱lo̱ dia vbi o̱li e̱kpeteo̱ba lo̱ke uvoo so̱i voo i ain.
\v 16 Ohanmi kha ke che gbi ain, I yo li ohan ame̱n kha gbo i gbi ain. Ovo̱n kha chie gbi ain nwun oto̱i, da emi lo̱ u kho̱ o̱mo̱n oto̱hian li voivoi.
\v 17 Eri o̱li O̱vbioghogho lo̱ ri vbi esese̱ si oli e̱kpeteo̱ba lo̱ ke chie̱n o̱lo̱ kue̱ ighogho yi ain, o̱lo̱ ri ain di ebi ame̱ si aevbo̱ o̱za la dianre, bi Oise̱le̱bua o̱lo̱ kali evie̱ sho̱i ain vbi e̱o re."

\c 8
\p
\v 1 E̱ghe̱ li o̱li Ovbioghogho ke re̱ vu yi akan o̱zi ihio̱n an, okhumieimi haa koko te se̱ vbi elabi ahieva si wakati o̱kpa.
\v 2 O̱kese̱, i za min eli ange̱li ihio̱n le muzain vbi isao si Oise̱le̱bua, kha hua ikakai ihio̱n ni ain.

\v 3 Ange̱li o̱vbe o̱ vare, o̱ nwin itasi golu la re̱ too ituai, o̱ muzain vbi igbage li ituai. A hua ituai lo̱ bun nai lo̱i re̱ ro̱i baa ero̱mo̱n si elo̱mieho̱n ere̱me̱n vbi okhumi igbage isi igolu lo̱ ri vbi isao si o̱li e̱kpeteo̱ba.
\v 4 Iigho̱n si o̱li ituai bi ero̱mo̱n si elemieho̱n o̱ za vbi obo̱ si o̱li ange̱li yi okhumi buu isao si Oise̱le̱bua.
\v 5 O̱li ange̱li nwin o̱li itasa si ituai o̱za vbi o̱li igbage guerain vo̱o̱n. O̱ ke za kuo̱ o̱vbi oto̱ si o̱li agbo̱n na, oisiokhumi ode kha kha osodii, ihian o̱hian, oto̱i kpeghe valo̱ kua.

\v 6 Eli ange̱li ihio̱n le mo̱n ikakaki ihio̱n za e̱n hegbe khi elo̱ khue ian.
\v 7 O̱lo̱ kpao khue ikakaki so̱i, aminkpido bi erain la ri e̱re delo̱ dianre, a kuo̱ o̱vbi uhumoto̱i lo̱i re̱ too a hin ea kua, ahin eea isi eran tokua, ebi umi legbo̱n ere̱me̱n tokua ne̱un.

\v 8 Ange̱li o̱za va ke khue ikakaki so̱i, a fii emi lo̱ u bi o̱ko̱ lo khua bi erain oto fio̱ vbi e̱ke̱n olokun. Ahin ea isi olokun chie̱n e̱re,
\v 9 Ahin ea si emi lamain lemo̱n oreghe vbi e̱ke̱n olokun ulo kua, ahin ea si oke̱da ria kua.

\v 10 Ange̱li o̱zea ke khue ikakaki so̱i, ukpae̱hie̱n lokhua za vbi okhumi de re, o̱vbae bobobo bi ito̱ch vbi uhumi si a hin ea isi e̱da bi uhumi eda.
\v 11 Eni si o̱li ukpae̱nhie̱n li khi iwo̱mwudu. Ahin ea isi ame̱n o̱ chie̱n iwo̱mwudu eia le bun ulo vbi ame̱n le o̱n erimidi o̱li ame̱n chie̱n emi lo̱ laa.

\v 12 Ange̱li lo̱ zi ele o̱ khua ikakaki so̱i ahin ea isi o̱e̱n li emi vbaa, bi ahin ea isi ukin bi ahin ea si ikpae̱hie̱n. Ahin ea si ain chie̱n sui aso̱n; ahin ea si ukpe̱de̱ bi ahin ea si aso̱n ke mo̱n o̱fuain.

\v 13 I ka e̱o a, i za ho̱n khi akala lo̱ tin shan vbi okhumi, o̱ fii urun dianre, o̱re̱ o̱i, ikhueo, ikhueo, ikhueo o̱ yi elo̱ ri vbi agbo̱n ere̱me̱n, erimidi si ikakaki lo̱ ko̱o̱ re, lo̱ khue eli ange̱li eia lo̱ khue, o̱ise̱ te̱e̱ gbe na.

\c 9
\p
\v 1 O̱ ke se̱ ange̱li o̱zi ihie̱n, o̱o̱ fii ikakaki so̱i. I min ukpae̱hie̱n lo̱za vbi okhumieimi de fio̱ vbi oto̱i. O̱li ukpaehie̱n a nwin iki nai la lo̱ re̱ khuhi uhiiosi oo lo̱i mo̱n oto̱o̱, ia. O̱ vu yi o̱li uhiio si oo lai min oto̱o̱ ia.
\v 2 O̱ vu yi o̱li uhiio si oo lai min oto̱o̱ a, iigho̱n o̱ za vbi o̱li uhiio ze̱ dian re vbi iigho̱n isi okpe rain. O̱e̱n bi efiioo bia dududu li iigho̱n lo̱ za vbi o̱li uhii kpo̱n o̱n dianre.

\v 3 Vbe̱ke̱n o̱li iigho̱n, ighiiso ve̱n kuo̱ vbi oto̱ lari utotomi elabi si ehia gho ni vbo khumi oto̱.
\v 4 A re̱ o̱ i ain lei o̱ ria iumi si oto̱ia, bi emi lare̱ ko̱ bi eran legbo̱n, ama eia lei mo̱n ae̱n isi Oise̱le̱bua vbi ehai si ain.

\v 5 Ai ri ehee ni ain re̱ gboo agbo̱n kua ama li yain ri oya ni ain khue̱re̱ vbi e̱ke̱n ukin ihie̱n. Utotomi si ain lo̱ u bi isi obi si ehiagho si o̱ia.
\v 6 Vbo̱ li e̱ghe̱ an, eia lo̱ hoo euu, ama ekha mio̱in. Elo̱ zukpe hoo lei uu, ama euu lo̱ la re re li ain.

\v 7 Eli ighii so ubi e̱si la e̱he̱n o̱ vbi oto̱ khe̱ okho̱in. emi lo̱ u bi uvbierun oje lari igolu e̱he̱n ri ain vbi uhumi, e̱o si ain o̱u bi isi eia.
\v 8 Eto siain o̱ u bi eta si ikposo, e a ko̱n bi ako̱n si akpakomize̱.
\v 9 Emi le re̱ vo idanma o̱ u bi uvo idanma isi oto̱in, ihuanbo̱ si ain o̱ roo bi uroo mi ike̱ke̱ li e̱si o̱ si shan vbi oguo kho̱in.

\v 10 Emo̱ ukpiria obi bi ehiagho, e mo̱ utotomi le lo̱ re uo̱ria yi eia shan vbi ukin ihie̱n.
\v 11 Emo̱ oje vbi uhumi si ain lo̱ vbi ange̱li si oo lo̱i mo̱ oto̱o̱. Eni so̱i vbi uroo si Ihibru li khi Abado̱n, eni so̱i vbi Igriki li khi Apolio̱n.
\v 12 Ivbae̱o lo̱ kpao o̱ rare. Ka e̱o! O̱na ke raa re, o̱ria lokhua eva chie vade.

\v 13 Ange̱li o̱zi ehan o̱ khue ikakaki so̱i, i ho̱in khi urun o̱ za vbi i ke ihio̱n si ikpe̱kpe̱ si igolu lo̱ ri vbi isao si Oise̱le̱bua dian re.
\v 14 O̱li urun re̱ o̱li ange̱li o̱zi ehan lo̱ mo̱n o̱li ikakaki lo̱i, "Tiyin ange̱li ele la da ye̱n vbi okpe̱da si Eufrets,"
\v 15 Eli ange̱li ele an o̱ vbi ela e̱he̱n o̱vboto̱ khe o̱li e̱ghe̱an bi o̱li ukpe̱de̱, o̱li ukin bi o̱li ukpe, lai zi ain obo̱ lei re̱ gboo ahiea si agbo̱n.

\v 16 Etui ivbiokho̱in le he̱n okhume̱si e bun se vbi 200,000,000 I hin etueka li ain u.
\v 17 Ina li min eli e̱si vbi e̱o li mie̱n bi eia le he̱in ain. Emi le re̱ voo idanma siain o̱ vbae ririri, o̱bi dududu o̱ gbo vbae bi ebe lo̱ wue̱n a. Uhumi si eli e̱si e u bi uhumi si akpakomize̱, erain iigho̱n bi iso̱fo̱ o̱za vbi unu siain dianre.

\v 18 Ahin ea isi agbo̱n li ugbeu ea lo̱ gboo agbo̱n gbe ulo kua; o̱li erain, iigho̱n bi iso̱fo̱ lo̱ za vbi unu siain dianre.
\v 19 Utotomi si eli e̱si unu sian bi ukpiria lo̱ri. Ukpiria siain eu bi e̱nyie̱n, emo̱ uhumi li ain o̱ re̱ meti ria eia egbea.

\v 20 Agbo̱n le ke ko̱re, li ugbeu gboo kua, ei oke̱in delobo̱ vbi ue̱e̱n lian e̱e̱n, ei dobo̱ nye̱n vbi uganmi si esun, areo̱ si igolu, isiliva, ibronzu, udo bi eran, emi le ya miuye, ei eho̱n da lei shan.
\v 21 Ei ma gbo oe̱ke̱in delobo̱ vbi ubi lian gbe, ebabo̱, oghe̱e̱ da oi udomi.

\c 10
\p
\v 1 I za o̱ mi ange̱li lokhua o̱ vbee o̱ za vbi okhumieimi di oto̱i re. O kui ohuu vo egbe, agadi o̱ri vbi okhumi uhumi so̱i. E̱o so̱i o̱ u bi o̱e̱e̱n, awe̱ so̱i u bi oruku si erain.
\v 2 O̱ nwin uvbi ebe la shie̱ re mo̱n obo̱ la tin nye̱n a, o̱ ri o̱ e̱ si obodio̱n muzan vbi olokun o̱ri oe̱ si o̱gobo̱ muzan vbi oto̱.

\v 3 O̱ za khue urun dianre gboo elabi akpako̱mize̱ o̱i khuee. E̱ghe̱ lo̱ re̱ khue urun, oisiokhumi teta dianre vbi uroo siain.
\v 4 E̱ghe̱ li eli oisiokhumi ihio̱n re̱ teta gboo, i re̱ o̱ khi i lo̱ vin emi, ama i hin urun lo̱ za vbi okhumieimi vare o̱ re̱ o̱i, "Ri emi li oisiokhumi ihio̱n tai hee. E vin o̱n o̱ vbi oto̱."

\v 5 O̱ ke se̱, ange̱li li mie̱n lo̱ muzain vbi okun bi oto̱, o̱ khua obo̱dio̱n yi okhumieimi.
\v 6 O̱ ri o̱lo̱ rivbo̱ gheghe ke o̱, o̱lo̱ min okhumieimi bi emi ere̱me̱n le ri vbo̱, o̱ li agbo̱n na bi emi ere̱me̱n le rivbo̱ okun bi emi ere̱me̱n le ri vbo̱, o̱li ange̱li re̱ o̱i, "A fo e̱ghe̱ a I ke chie evbo̱.
\v 7 Ama, ukpe̱de̱ li ange̱li ozi ihio̱n lo̱ khue ikakaki so̱i, e̱ghe̱ ain uhe egbe isi Oise̱le̱bua lo̱ ke mo̱ awunse̱e̱, ebi o̱i gbobe so̱i yi ayio̱uhumi so̱i bi eli min e̱o kpoto̱

\v 8 O̱li, urun li ho̱in, lo̱ za vbi okhumieimi vare chie teta li ho̱in: "Ya shan, o̱ nwin ebe la vu yea lo̱ ri vbi obo̱ si ange̱li lo̱ muzain vbi okun bi uhumoto̱"
\v 9 I ke za buu o̱li ange̱li, I re̱ o̱i lo̱i nwin o̱li uvbiebe ne̱ me̱n. O̱ re̱ o̱ me̱ "Mie o̱li ebe u o̱i, o̱lo̱ laa vbi e̱ke̱in se̱, ama, vbi unu se̱ o̱lo̱ e̱ghe̱n bi eo̱o̱n."

\v 10 I mie̱o̱n o̱li ebe vbi obo̱ si o̱li ange̱li I e o̱ i. O̱ e̱ gbe̱in bi eo̱o̱n vbi unu me̱, ama ike o̱i lee, e̱ke̱in me̱ o̱laa.
\v 11 O̱ke se̱, o̱ia za e̱ me̱, "Ulo̱ chie ti atakpoto̱ isi eia le bun, uhumuroo, uroo bi ije."

\c 11
\p
\v 1 Awin owuo ne̱me̱ li re̱ wee o̱i bi amanoto̱. I e̱ me̱, "Sho vbi oto̱i re, lu maa itempo isi Oise̱le̱bua bi o̱li ikpe̱kpoisa bi eli yan ui uga mi vban.
\v 2 Ama, e maa otaafe̱n li ite̱mpo i e, eri a ke ri o̱ ain hun mo li e̱khe̱in Ije̱ntails. E lo̱ ri ikhumiza gbi ite̱mpo lo̱ vbi e̱vbo lo̱fuan vbi e̱ke̱n ukin egbo̱eva-ikpeva.

\v 3 I lo̱ ri ase̱ ni o̱se̱e̱i me̱ eva, lei re̱ ti atakpoto̱ vbi e̱ke̱n ikpe̱de̱ e̱gbe̱e̱n, ie vbi egho̱o̱gban, e wee ukpu si aigue̱."
\v 4 Eti o̱se̱e̱ leva na likhi oran si olivu eva bi emi la nwin urukpa o̱ eva le ghe re̱ muzan vbi isao si O̱lo̱mo̱e̱n agbo̱n ere̱me̱n.
\v 5 O̱lo̱ i u lo̱ mamai emilo̱be̱ re̱ ui ain, erain lo̱ za vbi unu siain dianre lo̱lo̱ too egbe si ain a. O̱lo̱ i u lo̱ o̱ khi yo̱in lo̱ ui ain o̱riaa, ina la lo̱igboo i ain kua.

\v 6 Eli elo̱lo̱ ui o̱se̱e̱ mo̱n ase̱ le lo̱ re̱ din okhumi nye̱n li ame̱n kha re̱ meti ro̱o̱n vbi e̱ghē le lo̱ rē ui atakpoto̱i. E mo̱n utotomi le lo̱ re̱ ri ame̱n chie̱n e̱re, bi ehua emianmi ugbeu ededan kuo̱ vbi agbo̱n so̱ e̱ghiain vbi iyo̱.
\v 7 Li yain o̱ ke re̱ foo ari o̱se̱e̱ io̱ si ain lee, eamogo lo̱ lo̱ za vbi o o lo̱i mo̱n ire̱so dianre, lo̱ kpa yi ain kho̱e̱n. O̱lo̱ khuokho̱in, o̱gboo i ain kua.

\v 8 Ekun oimin si ain lo̱ e vbi idanmi oee si o̱li okpe̱n vbo la echo̱i Isodom bi Ijipti eba za khan O̱lo̱mo̱iain nye̱n vbi oran.
\v 9 Vbi e̱ke̱n ikpe̱de̱ ea bi ushio̱mi, eso vbi eia o̱do̱dan, eboo, uroo bi uhumuro lo̱o̱ ka e̱o ghoo ekun oimi siain, e kha ama lai re̱ ri ain to̱n.

\v 10 Elo̱ ri vbi agbo̱n lo̱ ya gho̱gho̱n i ain vbi uhumi, yan siie, yan gbe. Elo̱ ya ri ohan yi egbe akemian, erimidi khi eli etueva li emie̱o kpoto̱i na, eri oya ii elo̱ ri vbi o̱li agbo̱n na.
\v 11 Ama, ikpe̱de̱ ea bi ushio̱mi kha ke rare, Oise̱le̱bua lo̱ fii etin o i ain vbi egbe, elo̱ chie sho̱re ri oe̱ siain muzan. Ofe̱n lokhua lo nwin elo̱ miin ain.
\v 12 Elo̱ ho̱n khi urun la ho̱in gboo lo̱ za vbi okhumieimi vare lo̱ i ain, "Dianre vbi ean." I yo̱ yain lo̱i yi okhumi di okhumieimi vbi e̱ke̱n ohuu, ebi ekhe̱n o̱be si ain lo̱ yain ghoo.

\v 13 Vbi o̱li e̱ghe̱an, oto̱i lo̱ totobo̱ nwukpeghe valo̱ kua, a hin igbe si o̱li okpe̱vbo lo̱ deo. Etui e̱gbe̱e̱ vbi odihio̱n si eia li elo̱ ulo kua vbi oto̱i lo̱ kpeghe valo̱a, ofe̱n lo̱ ui elo̱ ko̱re udu, lei re̱ ya ri o̱khae yi Oise̱le̱bua si okhumieimi.
\v 14 Ikhueo lo̱ zi eva o̱ rare. Ikhueo lo̱ zi ea, o̱vade e̱je̱je.

\v 15 O̱ke se̱ o̱li ange̱li ozihio̱n za khue ikakaki so̱i, urun la ho̱in gboo lebun za vbi opkhumieimi khue, le re̱ o̱i, "E̱ghe̱ o̱ba si o̱li agbo̱n, o̱ chie̱n e̱ghe̱o̱ba si O̱lo̱mo̱e̱mai bi isi Kristi so̱i, a yee so̱i o̱lo̱ ke u re̱le̱ re̱le̱.

\v 16 Eli edio̱n ue bi ele li ain dia vbi e̱kpeteo̱ba si ain vbi ebi Oise̱le̱bua ri, za sali e̱ke̱n run, fi le̱o kpoto̱i. Yain ree Oise̱le̱bua.
\v 17 Ere̱o̱i, "Mai khuemi e̱n, O̱lo̱mo̱e̱n, Oise̱le̱bua lo̱ gbale, o̱lo̱ rivbo̱, lo̱ ghe rivbo̱, erimidi khi u nwin utotomi se̱ lo̱ khua ube̱e̱ i khi uri vbi ayee se̱e̱.

\v 18 Ohan bi ekhe̱n uhumuroo, ama, iriae̱ke̱n a se̱e̱ o̱ke se̱e̱. E̱ghe̱ se̱ i li elo̱ uu lo̱ re̱ mo̱in i ghae̱zo̱n, li ulo̱ re̱ ri emi ni ekhe̱n ayio̱uhumi se̱, eli yan mieo kpoto̱i, eli mieho̱n bi elo̱ mo̱n ilofe̱n yi eni se̱e̱, khi elo̱ide nwin emi bi ele khuae. E̱ghe̱ se̱i lu lo̱ re̱ khue iain o, elo̱ khi yain khue o̱li agbo̱n o."

\v 19 O̱kese̱, ite̱mpo isi Oise̱le̱bua vbi okhumieimi za vu yea, aza za gho akpoti si atamasi so̱i vbi e̱ke̱n o̱li ite̱mpo. Ao̱ mie̱n ihian o̱ hian, okhumi o̱so, oisiokhumi o̱de, oto̱i de valo̱ a, bi amikpido ro̱o̱n.

\c 12
\p
\v 1 A min ae̱n lokhua vbi okhumeimi khi o̱kposo ri o̱e̱e̱n vo egbe. Ukin ri vbi okpoto̱ awe so̱i, uvbierun oje lo̱mo̱n ikpaehie̱n igbeva o̱ri o̱i vbi uhumi.
\v 2 O̱han ma, o̱ vie̱ ebo̱ kei hin khue ekun bi udomi si o̱lo̱ghe vbia.

\v 3 O̱kese̱, a chie min ae̱n o̱vbee vbi okhumeimi: Kae̱ogho! Idrago̱ni lokhua lo̱ vbae, lo̱ mo̱n uhumi ihio̱n, bi ike igbe, ivbierun oje ihio̱n lo̱ri o̱i vbi uhumi.
\v 4 O̱ri ukpiriai so̱i we̱li ahin ea si ikpaehie̱n le ri vbi okhumeimi kua di oto̱i si agbo̱n re. O̱li idrago̱ni, o̱ muzan vbi isao si o̱lo̱kposo li o̱lo̱ ghe vbia na, lo̱i re̱ u khi o̱ kha ke vbia, lo̱ ire̱ gbi o̱lo̱mo̱n e.

\v 5 O̱ o̱vbi o̱mo̱n mo̱he, lo̱ lo̱ ri ukpoto̱i ri uhumuroo ere̱me̱n shan. Aza mio̱in o̱li o̱mo̱n yi esi Oise̱le̱bua bi e̱kpeteo̱ba so̱i.
\v 6 O̱li o̱kposo za la lode̱ vbi o̱dagbe, ebi Oise̱le̱bua e̱he̱n o̱ vbi oto̱i nai, ebi alo̱ za kue̱ o̱i shan vbi ikpe̱de̱ e̱gbe̱e̱n, egboigbe bi egbo̱ea.

\v 7 Okho̱in za ri vbi okhumeimi. Imaike̱li bi ekhe̱n ange̱li so̱i, ya kpa o̱li idrago̱ni gbi egbe, o̱li idrago̱ni bi ekhe̱n ange̱li so̱i, ya gbo deli obo̱.
\v 8 Ama, o̱li idrago̱ni o̱i toto se̱ vbi o̱li obo̱ so̱i lo̱ kpokhumi. Ehee ke guai vbi ayi oso vbi okhumeimi, yo̱in bi ekhe̱n ange̱li so̱i.
\v 9 Idrago̱ni lo̱ kpo-o̱li e̱nye̱n lae cho̱i emi lo̱be da esun, lo̱ te̱e̱ agbo̱n ere̱me̱n e, a nwuio̱in fii di oto̱i re yo̱in bi ekhe̱n ange̱li so̱i, la khu di oto̱i re.

\v 10 I za ho̱in khi urun khue vbi okhumeimi "E̱nyan amiefan bi utotomi, e̱ghe̱ o̱ba si Oise̱le̱bua mai, bi ase si Kristi so̱i, o̱vare. O̱lo̱ sui imio̱n mai e̱zo̱n a khuo̱i di oto̱i re, yo̱in lo̱ sui ain e̱zo̱n vbie̱ Oise̱le̱bua, mai odianmi bi aso̱n.

\v 11 Ekhuokho̱in so̱i, vbo̱hio̱ si e̱re si o̱li Ovbioghogho bi o̱li eta si o̱se̱e̱i si ain, erimidi khi ei hume̱ke̱in siain se̱ vbi e̱de uu.
\v 12 O̱hio̱ si o̱na, ya gho̱gho̱n, ekhe̱n okhumeimi, bi eli yan dia vbi e̱vbo. Ama, ikhueo o̱ yi ibiohan lo̱be; erimidi khi o̱ e̱n khi uvbi e̱ghe̱ ke re lo ke mo̱e̱n.

\v 13 O̱li idrago̱ni ke e̱n kha khuo̱ di oto̱i re, o̱khui o̱lo̱kposo lo̱ vbi o̱mo̱n mo̱he shan.
\v 14 Ama, awin ihuanabo̱ eva si akala li o̱lo̱kposo, lo̱ lo̱ re̱ meti tin lode̱ vbi eba e̱he̱n khe̱ o̱i vbi o̱dagbe. Aan li khi ebi alo̱ za kue̱ o̱i vbi e̱ghe̱, bi e̱ghe̱ lo̱bun bi usho̱mi e̱ghe̱, vbi uokho si o̱li e̱nye̱n lo khua.

\v 15 O̱li e̱nye̱n o̱ kui ame̱n za vbi unu dianre bi e̱da, lo̱i gbe kho̱ lo̱ re̱ ri ikhuo so̱i khuo̱i raa le̱.
\v 16 Ama, oto̱i za kpa yi o̱lo̱kposo obo̱. Oto̱i tan unu aan lo̱ re nwin ame̱da li o̱li idrago̱ni ku za vbi unu dianre o̱o̱n.
\v 17 O̱kese, o̱han za totobo̱ bi o̱li idrago̱ni yi o̱li o̱kposo, o̱ za hua okho̱in buu elo̱ko̱re vbi uanmi so̱i, elo̱ re̱ o̱ vbi uhi si Oise̱le̱bua, le muzan vbi o̱se̱e̱ si o̱hio̱ si Ijesu.
\v 18 O̱li idrago̱ni za o̱ muzan vbi okhumi ekhai si ikin si o̱lokun.

\c 13
\p
\v 1 O̱kese̱, i za min eami ogo, o̱za vbi e̱ke̱n olokun dianre, o̱ mo̱n ike ihio̱n bi uhumi ihio̱n. O̱li ike ihio̱n so̱i, ivbierun oje igbe riivbo̱, o̱kpokpa vbi eli uhumi ihio̱n eni si uroo̱be.
\v 2 O̱li eami ogo li mie̱n na, o̱ u bi e̱kpe̱n. Awe̱ so̱i u bi isi awaluhobo, unu so̱i, u bi unu si akpako̱mize̱. O̱li idrago̱ni o̱o̱ nwin utotomi so̱i, bi ekpeto̱ba so̱i bi ase̱ lokhua so̱i lo̱ i ya ri ue̱e̱n shan.

\v 3 O̱u bi emo̱ kha gbi o̱kpa vbi uhumi si o̱li emiogo ama, eba za riai egbea kho̱o̱, o̱ke fo. Agbo̱n ere̱me̱n nyin unua ebi yain re̱khan o̱li eamiogo.
\v 4 Yan gbo gii o̱li idrago̱n, ebo̱i u khi o̱ nwin ase̱ so̱i ni o̱li eamogo. Yan gbo gi o̱li eamogo achie̱, ya tai saa, "O̱o̱ u bi o̱li eamogo?" bi, "O̱o̱ lo̱ meti kpaa i kho̱ne̱n?"

\v 5 Ari unu li o̱li eamogo lo̱ lo̱ ya re̱ meti ti eta si ikhuaegbe yi okhumi bi uroo̱be. Ari ehee nai re̱ wee ase̱ shan vbi ukin egbo̱eva-ikpeva.
\v 6 O̱li eamogo o̱za ti yin unua lo̱ re̱ ro uro o̱be yi Oise̱le̱bua, bi eni so̱i, ebi o̱ dia bi e lo̱ ri vbi okhumeimi.

\v 7 Ari ehee li o̱li eamogo re̱ kpa yi elo̱mie̱ho̱n gbi egbe, bi lo̱i kho̱n o̱lo kho̱in siain. Agbo ri ase̱ nai vbi uhumi si ivbiera, eia, uroo bi uhumuroo.
\v 8 Elo̱ ri vbi o̱li agbo̱n na ere̱me̱n lo̱ gai, eli o̱ u khai vin eni siain, obo̱ la re̱ min o̱li agbo̱n na, vbi e̱ke̱n Ebe si Arivbo̱, lo̱ ui si o̱li Ovbioghogho la gbe u lee.

\v 9 Akhai khi o̱li o̱ia, mo̱n eho̱n, o̱i daa eho̱n.
\v 10 Akhai khi alo̱ re̱ nwin o̱ia vbi oghumi, alo̱ kpe̱ nwo̱in yi evbo̱. Akhai khi alo̱ re̱ ni itakobi gbi o̱ia, itakobi la lo̱ re̱ gbo̱i. Aan li khi eba i li elo̱ fuain za mo̱n ozie̱n bi areto̱n vbi egbe.

\v 11 I ke za min eamogo o̱vbee lo̱ gbo za vbi e̱ke̱n oto̱ dian de. O̱mo̱o̱ ike eva elabi si Ovbioghogho, o̱ti eta bi idrago̱n.
\v 12 O̱ wee ase̱ ereme̱n isi eamogo lo̱ kpao vbi irae̱o so̱i, o̱ nwin agbo̱n bi eia le ri vbo̱ lei ya gi eamogo lo̱kpao-o̱ ain li a fiio̱ i emiakpo lo̱ ke fo. ̱

\v 13 O̱ biobia si o̱nyin unu a le khua. O̱ zii erain za vbi okhumeimi di oto̱i re achie̱ vbi irae̱o si eia.
\v 14 O̱hio̱ si ae̱e̱n la ri ehee nai re̱ u, o̱ zo̱i te̱e̱ elo̱ u khi eri vbagbo̱n e, o̱ re̱i ain lei ri obo̱ mi emi lei re̱ nwin ekpe̱n yi o̱li eamogo lo̱ mo̱n ukhuankhuan si eba za ri itakobi hiain lo̱i uu.

\v 15 Ari ehee nai re̱ ri etin la fii, li eamogo lari obo̱ma, li o̱li emari obo̱ mai ya re̱ meti ti eta, o̱ gbo zii elo̱ i aman gii o̱li eamogo chie̱n ela lo̱ gboo kua.
\v 16 O̱ gbo ri uan mai khu amai zi eia gbei, eleide nwin emin, khi ele khuai, khi ele feei bi eli e̱so̱n o̱ gbe, elemo̱n egbi ain bi ighumi, re̱ mie̱n ae̱e̱n o̱ vbi obo̱dio̱n da vbi e̱hai si ain.
\v 17 O̱ia kha ke meti di emi da o̱ shin emi, so̱i mo̱n ae̱e̱n si o̱li eamogo, o̱ an i khi ako̱o̱ eka lo̱ muzain vbi ehee si eni so̱i.

\v 18 O̱na vbi emi si e̱wain, o̱lo̱ mo̱n a o emi jie o̱i ko̱o̱ o̱li ako̱o̱ si o̱li eamogo. Emi la ko̱o̱ isi eia o̱. O̱li ako̱o̱ li khi egbo̱ehan bi egbo̱ea ikpehan.

\c 14
\p
\v 1 ikae̱ o, o̱ za ghoo o̱li ovbioghoogho o̱ muzain vbi o̱ko̱ si izio̱ni. Elo̱ ri vbaan de baa vbi etui e̱gbe̱e̱nvbo di egbo̱ ihie̱n ilepi egbo̱ eva bi eele, li e mo̱n eni so̱i bi ela vin eni sierai o̱i ain vbi e̱hai.
\v 2 I hoin khi urun za vbi o khu mi eimi vare lo̱u kho̱ roo bi ame̱n lo̱ bun b oisi o khumi lo̱ dei. O̱li uroo li hoi̱n gbo ubi kho eli ain khue iduu, yan khue iduu si ain

\v 3 Yan sui ioo lo̱gbo̱n vbi isao si ekpeteo̱ba bi isao si eli emila mai eele leri vbo̱ bi eli edio̱n. O̱o̱so i meti mami o̱li oo lo̱i vbi si eli e̱gbe̱e̱n vbi odi egbo̱ i hie̱n egbo̱ eva ikpi eele, la za vbi agbo̱n de vare.
\v 4 Ena iklu elo̱ i rii ikposo ria egbe a e nwun egbe si ain tee yi oghe̱e̱. Ena li e re̱ khan o̱li ovbioghoogho yi ebo̱ yi ye. Vbi usee si eia la zi dii an, lei re̱ ui ikperan lo̱kpao yi oise̱le̱bua bi o̱li ovbiohoogho.
\v 5 Aimin e̱he̱in vbi unu si ain, ei mo̱n o̱ko̱lo̱va.

\v 6 I min ange̱li o̱vbee lo tin vbi i dan mi okhumi, lo mo̱n ema yeo̱i likhi eta lose̱n logbon si agbo̱nlo̱imo̱ireso, lo̱lo̱ wewe li eia le ri vbi agbo̱-re̱yi uhumoroo ere̱me̱n, ivbiera, uroo bi eia.
\v 7 O̱khue urun di an re tai, "mo̱n ilo̱ fe̱n si oise̱le̱bua, uri o̱khao nai iwakati si ighae̱zo̱n so̱i se̱i. Gai, yo̱in lo̱ min okhumieimi, agbon olokun, bi ebi uhumi e̱da va.

\v 8 Ange̱li o̱vbee, o̱lo̱zi eva, o̱ re̱ ichan, o̱ re̱ o̱i, "O̱dei, udemi li ibabilo̱ni lokhua, lo̱ deli udu si uhum uroo ere̱me̱ri lei re̱ di enyo̱n si o̱ghe̱e̱ so̱i".

\v 9 Ange̱li o̱vbee-o̱zi ea, o̱re̱ khain an, o̱khue urun tai gboo, "khi o̱lo̱iu lo̱ gi o̱li eamogo bi ebai ri obo̱ mai so̱i, lo̱ mie̱n ae̱e̱n so̱i vbi e̱hai da obo̱.
\v 10 O̱lo̱ gbo i yo̱ za vbi enyo̱n si iriaeke̱n si oise̱le̱bua da; o̱li enyo̱n lai ri emio̱ so baa lo̱ kuo̱ vbi uko si ibiohan so̱i. O̱ia lo̱ daa i lo̱ min ioya si erain bi iso̱fo̱ vbi irae̱o si ekhe̱n ange̱li si oise̱le̱bua le fun ain bi oli ovbioghoogho.

\v 11 li gho̱n lo̱ za vbi ioyan si ain di an re lo̱ yi okhumi re̱le̱ re̱le̱, ekha mo̱n ife ti an odianmi da vba son, eli yan gii o̱li eamogo bi emaroima so̱i, bi o̱lo̱ i u lo̱ mie̱n ae̱e̱n si eni so̱i.
\v 12 Aan o̱i lai min o̱zie̱n ae̱to̱n vbi egbe si ele funain, elo̱ re̱ khan uhi si oise̱le̱bua bi adiudu aan vbi jesu.

\v 13 I ho̱in khi urun za vbi okhumieimi vare lo̱ re̱o̱i, "vin o̱na; ihian ba li khi eli o̱ulo, le uloi vbe ken o̱lo̱mo̱en," "iyo̱o̱ li etin tai, li ain re̱ mo̱n ife etian vbi obia siain emi le u, lo̱ re̱ khan i ain".

\v 14 I o̱ kae̱ oa, i min o lo̱ fun an. O̱li o̱dia vbi o̱li ohuu, o̱ u bi ovbi o̱i a. O̱ mo̱o̱n uvbierun oje si igolu vbi uhumi so̱i, bi ugbagide̱ lo̱ nwun pie̱pie̱ vbi obo̱.
\v 15 O̱kese̱, ange̱li ovbe za vbi eke̱n itempo dian re, o̱ khue urun echi o̱lo̱ dia vbi e̱ke̱n o̱li ohuu; O̱re̱ oi, "mie ugbagide̱ se̱e̱ li ure̱ lie mi, e̱ghe̱ si emi uli emi ke se̱, ebi o̱kei u khi e̱ghe̱ si ahua koko si o̱lagbo̱n na ke se̱".
\v 16 O̱kese̱ o̱li o̱ia lo̱ dia vbi okhumo ohuu za fii ugbagide so̱i di agbo̱n re̱, a za ui ahua koko si agbo̱n.

\v 17 Angeḻi o̱vbee za vbi e̱ke̱n ite̱mpo̱ vbi okhumieimi dian re: o̱ gbo mo̱n ugbagide̱ lo̱ nwun pie̱pie̱.
\v 18 O̱vbe kpe̱ chie gbo za vbi e̱ke̱n igbage si ituai dian re, o̱mo̱ ase̱ vbi uhumi si erain. O̱khue urun echi o̱lo̱ o̱ia lo̱ mo̱n ugbagide̱ lo̱ nwun pie̱pie̱, "Nwin ugbagide̱ se lo̱wun lu si ukhian igirepu koko lo̱ za vbi ivini si agbo̱n dian re, eli igirepu si ain ke nwue̱n".

\v 19 O̱li ange̱li za fii ugbagide̱ so̱i fii o̱ vbi agbo̱n o̱ za si eli igirepu si agbon koko. O̱ huai ain kuo̱ vbi e̱ke̱n ugode̱ enyo̱n lokhua si ibio̱han si oise̱le̱bua.
\v 20 Uokho si oee ha nwin ebaza yin e̱nyo̱n o̱n, e̱re o̱ za vbi e̱ke̱n o̱n dian re lo̱ o̱ da se̱ vbi udami si ikaagha si e̱si, se vbi furlong e̱gbe̱e̱n, egbo̱ ea.

\c 15
\p
\v 1 Oke̱se̱ i chie̱ min ae̱e̱n o̱vbe vbi okhumieimi, o̱gbai o̱gbo nyinuan e̱o a: E̱khe̱n ange̱li ihio̱n rvbaan le̱ mo̱n ugbeuu ihio̱n le chie̱n ugbeuu le kpi uokho, yain li ichi eli o̱lo̱ke foo ibiohan si oise̱le̱bua vbo bo̱.

\v 2 I min emi lo̱ u bi O̱lo̱kun si ughegbe arii erain delo̱i. Ele muzan kpe̱n o̱li o̱lo̱kun li khi elo̱ khuo khoin si o̱li eamogo bi emilaroima bi uhumi elako̱o̱ le dia vbi eni so̱i. Ehua iduu mo̱e̱n, li oise̱le̱bua nwun ni ain.

\v 3 Yan sui ioo si imosisi, ayio̱uhumi si oise̱le̱bua, lo̱ vbi ioo si o̱li ovbioghoogho lo̱ o̱i "Ugbami bu o̱yiunua li khi obia se̱e̱, o̱lo̱mo̱en oise̱le̱bua lo khuaelo̱, iuata bbi ata li khi ukpode̱ se̱e̱, Oje si uhumoroo.
\v 4 O̱o̱kha lofe̱n se̱, o̱lo̱mo̱e̱n, lo̱ kha ri o̱khae yie? We̱we̱ uo̱kpa lu fun ain, uhumuroo ere̱me̱n lo̱ vare o̱ga vbi isao se̱e̱, erimidi ubia lo̱ de ovbo̱ se̱̱e̱ ke ri egbe vbie".

\v 5 Ena ke ra re, i za ka e̱o a, itempo lo̱ mo̱n aase̱ si o̱se̱e̱ o̱ vu ye a vbi okhunieimi.
\v 6 Vbi e̱ke̱n ebo̱ fun an le̱, e̱ke̱n angeli ihio̱n, o̱ dian re, e nwin ugbeuu ihio̱n mo̱e̱n. E̱un si ilili lo̱ fun an te̱te̱te̱ le kuo̱ vbi egbe, efii ukhuo̱gbe̱lo̱ si igo̱lu shan vbi ugidiobo̱ raa idan ma re.

\v 7 Okpa vbi emilamai le mo̱n o̱reghe, nwin itasa si igolu ihio̱n lo̱ vo̱n yi iria e̱ke̱n ian si oise̱le̱bua, ni eli ange̱li ihio̱n, le ri vbo re̱le̱ re̱le̱.
\v 8 O̱li itempo von yi iigho̱n si o̱khae si oise̱le̱bua bi utotomi so̱i. Ai mi o̱lo̱ meti o vbi e̱ke̱n o̱n, se̱ vbi e̱ghe̱ li ugbeuu ihio̱n si eli ange̱li ihio̱n re̱ si oto̱i.

\c 16
\p
\v 1 I ho̱n khi urun zavbi e̱ke̱in ite̱mpo khue dianre lo̱i eli ekhe̱n ange̱li ihio̱n, "Vba lode̱ o̱ kui itasa ihio̱n li ibiohan si Oise̱le̱bua ri o̱vbi uhumi si agbo̱n."

\v 2 Ange̱li li o̱kpao lode̱ o̱ kui o̱lo̱ ri vbi itasa so̱i dianre o̱ vbi agbo̱n; e̱mai lo̱ too kpan, lo̱ se̱ne̱ o̱ vare yi eia le mo̱n ae̱n si o̱li eamogo, elo̱ gi emilamai so̱i.

\v 3 Ange̱li lo̱zeva o̱ kui o̱lo̱ ri vbi iso̱i kuo̱ vbi e̱ke̱n o̱lo̱kun. O̱wue̱n a bi e̱re, elabi e̱re si oimi. emi ere̱me̱n le rivbo̱ vbi e̱ke̱n olokun ulo kua.

\v 4 Ange̱li o̱zi ea kui emi lo̱ rio̱i vbi itasa o̱vbi e̱da bi uhume̱da, ere̱ chie̱n e̱re.
\v 5 I ho̱in khi ange̱li isi o̱li ame̱n o̱i, "O̱lo̱ uata yo̱n i li u, o̱lo̱ rivbo̱, lō e vbo̱ ghe o̱li o̱fuain- erimidi khi ui ighae̱zo̱n si eli mi na.
\v 6 Erimidi khi eri yain kpo̱n e̱re si eli emieho̱n bi elo̱mie̱o kuo̱ vbi oto̱. Uri e̱re li ain nwuo̱n. Emi lo̱ eo̱ vbo̱ ni ain o̱n."
\v 7 I ho̱in khi ikpe̱kpe̱soisa, ri eanye̱ re, "Iyo̱o̱, O̱lo̱mo̱e̱n Oise̱le̱bua lo̱ gba, ighae̱zo̱n se̱e̱ isata bi iuata.

\v 8 Ange̱li o̱zi ele za kui o̱lo̱ ri vbi itasa so̱i o̱ vbi o̱e̱e̱n, a ri ehe o̱ vbo̱ nai lo̱i re̱ ri erain too eia a.
\v 9 O̱li erain lo̱ tohia voi voi too i ain a, yan roo uroo obe yi eni si Oise̱le̱bua, lo̱ mo̱n utotomi vbi uhumo̱n eli ugbeu na. Ei o e̱ke̱n da lei ri okhae nai.

\v 10 Ange̱li o̱zi ihie̱n o̱ kui itasa so̱i o̱ vbi ukhumi e̱kpeto̱ba si o̱li eamogo, aso̱n o̱ re voo e̱ghe̱ oba̱ so̱i. Yan ii oe̱mi siain,
\v 11 erimidi si utomi bi e̱mai, ei kpe̱ ama oe̱ke̱in vbi emi leu.

\v 12 Ange̱li o̱zi ehan kui itasa so̱i, kuo vbi e̱ke̱in o̱li eda lokhua, Si Ufretis. Ame̱n so̱i kakai hioi, lo̱ ire̱ e̱nhi ukpode̱ khe̱ eli ije le lo̱ za vbi ebi o̱e̱e̱n o̱za me̱re vare.
\v 13 I mii eti ea lei fuan li ain u bi e̱kee li an za vbi unu si eli idrago̱ni dianre, bi o̱lo̱ mie̱o si e̱he̱n.
\v 14 Etin si esun yain u, li yan ui ae̱e̱n si onyiunu a. Yain dianre bun ije si o̱li agbo̱n na ere̱me̱n li yain si ain koko khe̱ okho̱in, vbi ukpe̱de̱ lo khua si Oise̱le̱bua lo̱gbai le̱.

\v 15 Ri e̱o o̱vbi oto̱! "I vade bii oi! Ihianba o̱ yi o̱lo̱ ri vbi ekhe̱e̱, lo̱ kui e̱un so̱i o̱ vbi egbe, lo̱ kha ri ubaan dianre, lai re̱ za ghoo ebi e̱kho̱i ro̱i gbale̱koo."
\v 16 E huai ain koko vbi ebae cho̱i Amagido̱n vbi uroo Ihibru.

\v 17 Ange̱li o̱zi ihio̱n za kui itasa so̱i dianre o vbi efio. Urun za vbi e̱ke̱n ite̱mpo dianre yain bi o̱li ekpeto̱ba o̱ re̱ o̱i, "O̱ foi!"
\v 18 Ihian bi o̱ hian, okhumi o̱so, oisokhumi o̱ de, ukpeghemoto̱ lo̱be de baa, ukpeghemoto̱ lo̱ le̱ ela se̱ mie̱n ghe obo̱ li mamai li eia re̱ ri vbi o̱li uhumoto̱i na.
\v 19 A hin o̱li okpe̱vbo o̱vbi odi ea, eli okpe̱vbo si eli uhumuroo de kua. O̱kese̱, Oise̱le̱bua za e Ibabilo̱ni lokhua re, o za ri e̱nyo̱n lari iriae̱ke̱n si ivbae̱o so̱i e̱he̱n nai.

\v 21 O̱ko̱eda lerivbo̱ dahoia, ai ke mii o̱ko̱ o̱soo̱so.
\v 20 Amin ikpido le gbalo̱, bi an khua go̱o̱n zavbi okhumi di oto̱ rekuo̱ vbi egbe si eia. Yan khue Oise̱le̱bua o̱ vbi o̱li ugbeu si ikpido erimidi khi o̱li ugbeu o̱ kho̱o̱.

\c 17
\p
\v 1 O̱kpa vbi eli ange̱li ihio̱n le nwin eli itasa ihio̱n mo̱e̱n vare o̱ tali e̱me̱n ho̱n li, "vare, i lo̱ ri ighae̱zo̱n si o̱li adegbe lokhua an lo̱ dia vbi uhumi ame̱n lo̱bun vbie̱.
\v 2 Yo̱o̱n li yain bi ije si o̱li agbo̱na gba di ise si oghe̱e̱, E̱myon si idise si oghe̱e̱ so̱i li elori vbi gbo̱n dakho̱o̱".

\v 3 O̱li ange̱li za nwum me̱ vbi Etin yi o̱dgbe, i za mii o̱kposo dia vbi okhumi eamogo lo̱ vbae lo̱ vo̱n yi eni uroo̱be lo̱bun. O̱li eamogo mo̱n uhumi ihio̱n, bi ike ihio̱n.
\v 4 O̱li o̱kposo kuu ukpun lo̱vbae bi ukpun-ere la toli igolu, ikpido leghane̱n bi ipial ba. O̱ nwin uko si igolu li emi lese̱rie̱ bi iwuan si oghe̱e̱ so̱i.
\v 5 A vin eni o̱i vbi e̱hai lai e̱nemari o̱i ta; "ibabilo̱ni lo̱khuai, inyin idegbe, bi emi lo̱ se̱ne̱ ere̱me̱n si agbo̱n".

\v 6 I o̱ mio̱n khi O̱lo̱kposo di e̱re isi elemieho̱n kho̱o̱n bi e̱re si elagbo̱o̱ulo vbo̱hio̱ si jesu i mio̱in, i yin unua.
\v 7 Ama, o̱li ange̱li re̱ e̱me̱n, "Emi uke yin unua ni?. I lo̱ ri emi lari o̱lo̱kposo ta, bi eamogo lo̱ nwun o̱ n i, o̱li eamogo lo̱mo̱ uhumi ihio̱nbi ike igbe.

\v 8 Eamogo lu e̱gbe kho̱ rivbo̱, o̱i ke e vbo enyan, ama o̱lo̱ za vbi o̱li oo lo̱i mōn oto̱o dian re. O̱khase̱ o̱lo̱ shan o vbi ikhueo. Eliyan dia vbi oli agbon, eli aise̱ vin eni si ain o̱vbi ebe si Eleri vbo̱, ebe si arivbo̱ re̱ zavbi e̱ghe̱ si igbin loto̱i si oli agbona re̱ re, elo̱ nyin ain e̱o a, la re̱ e̱n, khi o̱li eamogo le e̱gbe̱ khi orivbo, o̱i se evbo e̱nyan; ama o̱lo̱ghe vare.

\v 9 Aan li khi emilaro̱ita li eain ri. Eli uhumi ihion, uhumi oko ihio̱n o̱ li o̱lo̱kposo dia.
\v 10 Egbo vbi ije ihio̱n. Ije ihio̱n dei, o̱kpa se̱rivbo̱, o̱no̱i o̱ise̱ vare; okha vare, uvbi e̱ghe̱ kere o̱lo̱ e vbo̱.

\v 11 O̱li eamogo lo̱ e vbo̱, lo̱i ke evbo̱ e̱yian, lo̱ gbo do̱ bo̱i vbi oje o̱zi e e̱n; ovbi o̱kpa vbi eli ije ihio̱n ain, o̱lo̱ o̱ khue o.

\v 12 Eli ike igbe li umie̱in, ije igbe o̱ lei se̱ mo̱n ebe za chie̱n o̱ba, ama elo̱ mie̱n ase̱ elabi oje baa oli eamogo vbe̱ ke̱n iwakati o̱kpa.
\v 13 Udu o̱kpa li ena mo̱e̱n, elo̱ nwin utotomi bi bi ase̱ siain li o̱li eamogo.
\v 14 Elo̱ kpayo o̱li ovbioghoogho gbi egbe. Ama, o̱li ovbioogho lo̱ kho̱n okho̱i si ain, eimidi khi yo̱in li khi o̱lomo̱e̱ elo̱mo̱e̱n bi oje si ije- bii elo̱ debaa li khi ela echei bi elaze̱i bi elo̱ mo̱n adiudu an".

\v 15 O̱li ange̱li za e̱me̱, "O̱li ame̱n lu mie̱n, ebi o̱li adegbe dia, vbi eia elo̱ bun, uhumuroo bi uroo.

\v 16 Ike ihio̱n li umie̱in, yain bi o̱li eamogo lo̱ kho̱ e̱ke̱n o̱li adegbe. Elo̱ ro̱i chie̱n aho̱i, o̱ban an, ei eami so̱i, eri erain too o̱ia gbeigbei.
\v 17 Oise̱le̱bua nwo̱iain vbi udu li yain re̱ kugbe ri o̱li ue̱n na u, lei, re nwin utotom si ain li oli eamogo re̱ ri ain shan se̱vbo̱ khi eta si oise̱le̱bua se̱e̱.

\v 18 O̱li o̱kposo lumie̱n li khi o̱kpen vbo lo̱ri ije si o̱lagbona shan.

\c 18
\p
\v 1 Ena ke ra re, I mii ange̱li o̱vbee o̱za vbi okhumeimi di oto̱i de. O̱mo̱ ase̱ lo̱gbai, o̱khae so̱i nwin urukpa di agbo̱n re.
\v 2 O̱ ri urun lokhua khue dianre o̱ re̱ o̱i, "O̱dei, o̱dei i khi Ibabilo̱ni lokhua! O̱ chie̱n ebi ivbiesun o̱za wee, ebi etin lei fuan ere̱me̱n o̱ke lahee, bi ulahee si etin le gbi iwan bi ifianmi lian se̱ne̱.
\v 3 Uhumuroo ere̱me̱n ke da vbi e̱nyo̱n si oghe̱e̱ lo̱ za zukpe to. Ije si o̱li agbo̱n na de bai gbo ghe̱e̱. Ekhe̱e̱n si oli agbo na chie̱n ele ri utotomi si ari egbe hoo oghe̱e̱ so̱i fe.

\v 4 I gbo ho̱n khi urun o̱vbe za vbi okhumeimi vare, o̱ re̱ o̱i, "Vba za vbi e̱ke̱n o̱n dianre, eia me̱n, li vba e o̱ chie̱n o̱lo̱ lo̱ ke̱n vbi o̱kho̱o̱ so̱i, li vba e o̱ ke̱n vbi o̱kpa vbi ugbeu so̱i.
\v 5 O̱kho̱o̱ so̱i ke da ri egbe se̱ vbi okhumeimi, Oise̱le̱bua e ue̱n lo̱be so̱i re.
\v 6 Deli osa hae nai ebi o̱i de li osa hae li eno̱i, haai iseva nai vbi obia lo̱ biai. vbi e̱ke̱n uko lo̱ delo̱ kugbe de li agbeva si emi lo̱ delo̱ kugbe nai.

\v 7 Ebo̱i ri o̱khae legbo̱i lo̱i wee vbi e̱ke̱n e̱fe, ri oya nai e, bi irae̱ke̱n a se̱ vbi iyo̱. O̱tai vbi udu so̱i khi, 'I dia bi eghayo si o̱ba, I vbi o̱ro̱n, I kha ma mii aigue̱ghe.'
\v 8 O̱hio̱ si o̱na, e̱ke̱in ukpe̱de̱ o̱kpa li ugbeu so̱i lo̱ vare; euu, aigue̱ bi ohanmi. Erain o̱lo̱ to o̱i a, o̱li O̱mo̱e̱n Oise̱le̱bua, o̱ gbai yo̱in li khi o̱lo̱ lo̱ ui ighaezo̱n nai."

\v 9 E̱khe̱n ije si o̱li agbo̱na le debaai gbi oghe̱e̱, lei shi oshan si ian, lo̱ vie̱, evie̱ o̱i vbi egbe se̱e̱n, si emi iigho̱n lo̱ze̱ ebai too o̱i a.
\v 10 Elo̱ ze̱ gbaan rere muzan vbi ebi oza oya, yan o̱i "Ikhueo, ikhueo o̱ yi o̱li okpe̱vbo, Ibabilo̱ni, li okpe̱vbo lo̱ totoi! Vbi e̱ke̱n iwakati o̱kpa li oya lare̱ na e re̱ vare."

\v 11 Elo̱ duekin vbi o̱li agbo̱n na vie̱o, egbai gue nai, ebi ai ke chie mii o̱lo̱di emi ekin so̱i.
\v 12 Imi ekin si igolu, isiliva, ido le ghan e̱n, ipie̱l, ilili le̱se̱n, ipo̱po, isiliki, iskale̱ti, eran ere̱me̱n lari ituai o̱, oko̱ ere̱me̱n si iviri, emi lo̱ shan lari eran lo̱ ghae̱n e̱he̱n, ibronzi, otoin, imabo.
\v 13 Ikinamo̱n, ispaisi, ituai, emi lare maia gboegbe, ifurakisesi, eyo̱n, ororr, ifilawa lose̱n, ihuiti, e̱mela bi ighogho, esi bi igbulugbulu ighumi bi ehi si eia.

\v 14 Ikperan lo̱ kho̱n e̱n lu a ri utotomi hoo, o̱ nie̱n. Emi e̱fe se̱e̱ bi azeruan e di ahoi a, a kha ke che mi ain.

\v 15 Elo̱ duekin si elemi ria, le ri ain fe lo̱ ke ze̱ ghan rere, erimidi si ilofe̱n si ioya so̱i, erie̱ bi aigue̱.
\v 16 Elo̱o̱ o̱i, "ikhuo ikhuen o re̱yi o̱li okpe̱n vbo lo̱ yaa kui uvbie̱u si ilili to humose̱n o̱ vbi egbe, kui isi po̱po bi isi iskale̱t, lari igolu, ijue̱li leghae̱n bi ipeal doo emi o̱n!
\v 17 Vbi e̱ke̱n iwakati o̱kpa, eli efe ain ere̱me̱n o̱ o̱ foo a." O̱do̱de lo̱ vbi o̱kpao vbi oke̱da lokhua, o̱do̱de vbi eli ain shin oshan vbi olokun, elotuoko bi eli ain di egbean vbi olokun vbi agbo̱n uumi, eo̱ ze̱ gban.

\v 18 Nyain khue dianre ebi ain mii igho̱n si utomi so̱i. Ere̱ o̱i, "I yi e̱vbo lo̱ ubi o̱li okpe̱vbo lo khua.?"
\v 19 Ezi edabu kuo̱ egbiain uhumi, yan go dianre, yan vie̱, yan gbaigue, "Ikhueo, ikhueo li khi so o̱li okpe̱vbo lokhua, ebi elou khi e mo̱n oke̱da vbi olokun za ri e̱fe so̱i chie̱n elo̱fei, vbi e̱ke̱n iwakati o̱kpa a khue o̱i o."
\v 20 Gho̱gho̱n o̱i vbi uhumi, elo ri vbi ukhumeimi elo̱ mieho̱n, ekhe̱n aposto bi elo̱mie̱o, khi Oise̱le̱bua, o̱ ui ighaezo̱n se̱ o̱i vbi egbe.

\v 21 Ange̱li lokhua nwin udo lo̱ ubi udueko lokhua, o̱ fii o̱ vbi e̱ke̱n olokun o̱ re o̱i, "Ina li alo̱i fii Ibabilo̱ni okpevbo lokhua fii gboto̱ vbi eke̱in ivbae̱o, la kha chie re̱ mio̱in ghegheghe.
\v 22 A kha huroo si elo̱ khue iduu, elosie elo̱ khue iflutu bi ikakaki, akha chie hin ikhueian vbi eke̱ e̱n, Aimi o̱li ovbi o̱so na lo i u, la lo̱ chie mie̱n vbi e̱ke̱in on. Akha chie ho̱n uroo si ebaza li emi lalo̱ chie ho̱n vbain e̱ o̱ vbee.

\v 23 Uuye si urukpa, kha chie vbae vbe̱, e̱o̱ vbee. Akha chie hin uroo si o̱kposo bi o̱do̱n vbi e̱ke̱n e̱o̱ o̱vbe, eri elo̱ duekin ye̱ ui ukutu eia vbi o̱li agbo̱n na, urii elo̱ zi imaghe se̱ te̱e̱ uhumuro e.
\v 24 Vbi e̱ke̱no̱in la za mii e̱re si ekhe̱n elo̱mie̱o bi elemieho̱n, bi e̱re si ela gboo kua vbi agbo̱n."

\c 19
\p
\v 1 Ena ke rare, I hin uroo lo̱i bi obotu si eia vbi okhumeimi e re̱ o̱i, "Alleluya, amie fan, o̱khae bi utotomi isi Oise̱le̱bua mai o̱n
\v 2 Ighae̱zo̱n so̱i likhi ata bi emilo̱deo̱vbo̱, o̱ ui ighae̱zo̱n si o̱li oji eadegbe lokhua, lo̱ rii oghe̱e̱ so̱i ria agbo̱n aan. O̱ nyin e̱n oga li e̱re si ayio̱uhumi so̱i lo̱ gboo."

\v 3 Echie ti eta ugbo̱ zi eva; "Alleluy! Iigho̱n o̱ za vbo̱ ze̱ dianre re̱le̱ re̱le̱.'
\v 4 Eli edio̱n ue bi ele bi eli emamai le mo̱ oreghe ele, de egbiain re, yain gii Oise̱le̱bua lo̱ dia vbi okhumi e̱kpetoba. Yan o̱ii "Amin, Alleluya."

\v 5 Urun za vbi e̱ke̱n o̱li e̱kpeto̱ba dianre, o̱ re̱ o̱i, "Ree Oise̱le̱bua mai, vba vba li ayio̱ghumi so̱i, vba vba li vba lofe̱n so̱i, khi elei de nwin emi bi elototoi."

\v 6 I gbo hin emi lo̱ roo bi urun si obotu si eia lebun, lo̱ u bi ebi ame̱n lo̱bun o̱ za sodii, bi o̱ u bi oisiokhumi o̱ de khkha, o̱o̱i, "Alleluya! O̱lo̱mo̱e̱n ri vbi e̱ghe̱ so̱i Oise̱le̱bua lo̱ ri ere̱me̱n shan.

\v 7 Vba zi uan gho̱ngho̱n li egbe zukpe nwun mai li mai ri o̱khae nai, erimidi khi ukoo̱kposo si o̱li Ovbioghogho o̱ se̱i, o̱li eghayo, o̱ ehin egbe o̱ vbi oto̱i.
\v 8 Ari ehe nai re̱ wee ilili lo̱se̱n lo̱ kuain la mie̱n gboo (o̱li ilili lo̱se̱n li khi obia lo̱ deo̱vbo̱ si eia le fuain)

\v 9 O̱li ange̱li za e̱me̱, "Vin o̱na, ihianba o̱ yi eta yi uhumi re̱ vbi eba za ukpe si o̱kposo ukoomi." O̱gbo e̱me̱, "Ena i khi eta si ata si Oise̱le̱bua."
\v 10 I si e̱ke̱in run vbi ebo̱ ri iza o̱ li re̱ gai, ama, o̱ e̱me̱ "E ui ina! ayio̱humi ela bi e̱ li u ba imio̱n li imo̱nhe le mo̱n o̱se̱e̱ vbi o̱hio̱ si Jesu. Gi Oise̱le̱bua, khi ari o̱se̱e̱ io̱ vbi o̱hio̱ si Jesu likhi etin si atakpoto̱i.

\v 11 I ke mie̱n khi okhumeimi vu yea I ka e̱o a, e̱si lo̱fuan ri vbaan. O̱lo̱ he̱e̱n o̱n a echo̱i O̱lo̱mo̱nadiuduan bi o̱mata. A ui emi ovbe̱ko̱ li o̱re ghae̱zo̱n lo̱ re̱ yi ogu okho̱in.
\v 12 Ikpe̱o so̱i ubi ue̱mi erain lo̱ vba e̱o, erun oje lo̱bun ri o̱i vbi uhumi. O̱mo̱n eni la vin o̱i vbi egbe li o̱o̱so ie̱n, lo̱i vbi yo̱n i uo̱kpa.
\v 13 O̱ wee e̱un la fii o̱vbi e̱ke̱n e̱re, eni so̱i la echo̱i Eta si Oise̱le̱bua.

\v 14 Otu lian kuoe̱n isi okhumeimi, yan he̱n e̱si lebun re̱khaan, e kui ilili lo̱se̱n, lo̱fuan lo̱kuain.
\v 15 E̱ke̱n unu so̱i li itakobi lo̱ nwun pie̱pie̱ o̱za dianre lo̱ re̱ beni eli uhumuroo kuo̱ vbi oto̱, o̱lo̱ ri ukporan si oto̱in o̱lo̱re̱ mo̱n i ain. O̱ rii ivbae̱o si ibiohan si Oise̱le̱bua li ogbale̱ nwuoto̱i.
\v 16 O̱mo̱n eni lavin o̱i vbi e̱un so̱i bi uso̱ko̱oe̱ so̱i; "Oje si ije bi O̱lo̱mo̱e̱n si o̱lo̱mo̱e̱n."

\v 17 I min ange̱li lo̱ muzain vbi o̱e̱e̱n. O̱ khue urun dianre echi ifianmi li ain tin shan vbi okhumi, "Vba vare, vba sii koko o̱vbi ukpe lo khua.
\v 18 Vare o̱ i eanmi si ije, eanmi si ekhe̱n ekakuo, eanmi si imohe le khuai, eanmi si e̱si bi eli ain he̱in ain bi eanmi si eia ere̱me̱n, eli emo̱n egbi ain bi ighumi elei de nwuemi bi elo̱ totoi."

\v 19 I mii o̱li eanmogo bi ije si agbo̱n bi ivbiokho̱in si ain. Yan sikoko li yain re̱ kpaa o̱lo̱ he̱n e̱si bi ivbiokho̱in so̱i khoe̱n.
\v 20 A nwin o̱li eamogo, yo̱n in bi o̱li o̱mie̱o si e̱he̱n lo̱ zi imaghe si ae̱e̱n vbi irae̱o so̱i. Eli ae̱e̱n na lo̱ re̱ te̱e̱ ele mo̱n ae̱e̱n si o̱li eamogo bi elo̱ gi aghoo man so̱i. A fili i yain eveva bi emo̱ o̱gbo̱n vbi unu kuo̱ vbi e̱ke̱n erain si ivbae̱o li iso̱fo̱ o̱za to.

\v 21 Ari itakobi lo̱ za vbi unu si o̱lo̱ he̱n e̱si, gboo elo̱ ko̱ re kua. Ifianmi ere̱me̱n e ekun oimi siain.

\c 20
\p
\v 1 O̱kese̱, imii ange̱li lo̱ za vbi okhumieimi di oto̱i de. O̱ mo̱n iki si oo lo̱i mo̱n oto̱o̱, o̱ nwin ighan lokhua mo̱n obo̱.
\v 2 O̱ nwin o̱li idrago̱n mo̱e̱n, o̱li e̱nye̱n li igheghe la echo̱i esun da isatani, aza dai ye̱n vbi e̱ke̱n ikpe̱ egbe̱e̱n.
\v 3 O̱ fiio̱ fio̱ vbi e̱ke̱n oli oolo̱ mo̱n oto̱o̱, o̱ khuhieo̱i, o̱ ri akan o̱ vbi okhunio̱n in. A uo̱ ina lo̱ e che te̱e̱ uhunuro e se̱ vbi ikpe e̱gbe̱e̱n o̱gha ra re. ikpu okho, si ona a lo̱ tin yo̱in an vbi uvbie̱ ghe̱ keree.

\v 4 ̱O̱kese̱, i mii ikpete o̱ba, eli edia vbi ain vbi eli ase̱ ni re̱ ui ighae̱zo̱n. I gbo mii ehi si eli a beni ain uhumi kua vbo̱ o̱se̱e̱ vbo̱hio̱ si jesu bi eta si oise̱le̱bua ei gi eanmogo da emaghoima, ei gbo ama mie̱n ae̱e̱n o̱ vbi e̱hai da obo̱ si ain. Edi agbo̱n re li ei re̱ de ba jesu wee eghe̱ so̱i vbi e̱ke̱in ikpe e̱gbe̱e̱n.

\v 5 Ele ko̱re le uu loi chie u agbo̱n se̱ vbo̱ khi ikpe e̱gbe̱̱e̱n ra re. O̱nai khi a chieuu sho̱re lo̱ kpao.
\v 6 Ihianba bi o̱fun an i khi o̱lo̱ de ba elo̱ ri vbi uusho̱re lo̱ kpao! Eu si ugbo̱ zeva i mo̱n utotomi vbi uhumi si ena. Elo̱ chie̱n ekhe̱n o̱hein si O̱ise̱le̱bua bi isi kristi, elo̱ kpayo̱i wee e̱ghe̱ so̱i shan vbi ikpe e̱gbe̱e̱n.

\v 7 O̱kha se̱ khi eli ikpe e̱gbe̱e̱n rare, alo̱ zi isatani za vbi ighan dinanre.
\v 8 O̱lo̱ te̱e̱ uhumuroo e, vbi igun e̱n re eele si agbo̱n - igog bi imagog-lo̱i re kui ain gbe khe̱ okho̱in. Elo̱ bun bi ekhai lo̱ ri vbi olokun.

\v 9 Yain he̱n okhumi di oto̱i li te̱ghe̱e̱ vbagbo̱n eo̱ la ga eko̱ si elemieho̱n, e̱vbo lokhua la hume̱n ke̱n o̱n. Ama, erain za vbi okhumieimi vare lo̱ too i ain a je̱su.
\v 10 A nwin esun lo̱ te̱e̱ i ain e fii o̱ vbi e̱rai si isulfo̱ lo̱ to, ebi ahua eanmogo bi o̱mie̱o si e̱he̱n kuo̱. Alo̱ ri oya li ain e odin anmi bi aso̱n re̱le̱ re̱le̱.

\v 11 O̱kese̱, imi ekpeto̱ba lo̱fuan lo khua, bi o̱lo̱ dia vbi okhumo̱in. Agbo̱n bi okhumi emi tin sho̱i vbi ra e̱o o̱i raa le̱, ama ei mo̱n ehe le lo̱ ye.
\v 12 I mi elo̱ euu loi, ele khua bi elei de nwin emio̱so, khi emuzain vbi isao si o̱li ekpetoba, a vu yi eli ebe a. O̱kese̱, a chie vu yi ebe o̱vbe a, oli Ebe si Arivbo̱. Emi la vin o̱ vboto̱ vbi e̱ke̱n eli ebe bi obia le bi ai la re̱ ui ighae̱ zo̱n li eli eu lo̱i.

\v 13 Okun hua ele uulo̱i le ri vbi e̱ke̱n o̱n din an re.
\v 14 Ahuai euu bi idi kuo̱ vbi erai si erain. O̱na li khi euu lo̱zi eva- erai si erain.
\v 15 Akhai khai mii eni so̱ia kha vin o̱n o̱ vbi Ebe si Arivbo̱, a nwuo̱in fii o̱ vbi e̱ke̱n erai si erain.

\c 21
\p
\v 1 I ke mii okhumieimi lo̱gbo̱n bi agbo̱n lo̱gbo̱n, eri okhumieimi lo kpao bi agbo̱n lo kpao ke si rale̱ bi okun i ke evbo̱.
\v 2 I mii okpe̱vbo si o̱fuan, Ijerusale̱mu lo̱gbo̱n lo̱ za vbi okhumieimi di oto̱i re vbi obo̱ si Oise̱le̱bua, a e̱he̱n o̱n elabi eghayo re̱ khe̱ o̱do̱in.

\v 3 I ho̱in khi urun lokhua za vbi e̱kpeto̱ba vare, o̱ re̱ o̱i, "Kae̱ogho! I ebi Oise̱le̱bua o̱ dia o̱ rivbo̱ de ba eia, o̱lo̱ dia kpe̱iain. Elo̱ chie̱n eia so̱i, Oise̱le̱bua tobo̱i lo̱ de bai ain o̱lo̱ chie̱n Oise̱le̱bua siain.
\v 4 O̱lo̱ kali evie̱ sho̱i ain e̱o re, euu kha ke evbo̱ da iriae̱ke̱n a, da evie̱ bi utomi. Emi li gheghe e kueo rare.

\v 5 O̱lo̱ dia vbi o̱li e̱kpetoba re̱ o̱i, "Kae̱oa! I ri emi ere̱me̱n chie̱n o̱gbo̱n." O̱ ro̱i "Vin o̱na o̱ vbi oto̱i, erimidi khi eli eta na vbi emiladiuduan bi atao̱."
\v 6 O̱ tai ne̱ me̱n ho̱n khi, "A ui eli emi na lee! Me̱me̱n i khi alfa bi omega, ibe̱e̱re bi ikpuokho. O̱li ohan ame̱n o̱ gbe, i lo̱ ri ame̱n nai o̱n o̱he̱n, lo̱za vbi ebi eda si arivbo̱ za vaa.

\v 7 O̱lo̱ khuokho̱in lo̱ uku si eli emi na, I lo̱ chie̱n Oise̱le̱bua so̱i, o̱lo̱ chie̱n ovbi me̱n.
\v 8 Isi ekhe̱n i lofe̱n, e lo̱i adiuduan, eli se̱ne̱, eli igbubi, elo̱ gboghe̱e̱, elo̱ ziimaghe, elo̱ gi areo̱ bi elo̱ mo̱n e̱he̱n ere̱me̱n, isi ain lo̱lo̱ ui erain lo̱ mo̱n ivbae̱o li iso̱fo̱ o̱za to. O̱na i khi euu lo̱ zi eva."

\v 9 O̱kpa vbi eli ange̱li ihio̱n de me̱n egbe re, yo̱n lo̱ mo̱n itasa ihio̱n lo̱ vo̱n ivbi ugbeu lekpuokho, o̱ re̱ tai "Vare vbi ean, I lo̱ ri eghayo vbi e.
\v 10 O̱ ke ghe nwun me̱n raale̱ vbi Etin lo de̱ vbi o̱ko̱ lokhua lo̱ dai, o̱ re̱me̱n vbie̱, o̱li okpe̱vbo lo̱ fuain lai chi Ijerusalemu, o̱ za vbi okhumieimi dian de.

\v 11 Ijerusale̱mu mo̱n o̱khae si Oise̱le̱bua, o̱fuan so̱i u bi udo lo̱ zukpe̱ ghae̱n, bi udo si ijaspa la za muye jie̱.
\v 12 Eri o̱mo̱n udeke̱n lo̱ gbai, lo̱ dai, o̱mo̱n unu khe̱de̱ igbeva, li ange̱li igbeva za muzan vbi igati o̱kpo̱kpa. A vin eni si ebo Isre̱li li igbeva o̱vbi o̱li ukhe̱de̱ igbeva.
\v 13 Ebi o̱e̱n oza me̱re, ukhe̱de̱ ea o̱rivbo̱ vbi obo̱ gobo̱, ukhe̱de̱ ea, ebi o̱e̱n o̱za deo̱, uke̱de̱ ea.

\v 14 Udeke̱n isi o̱li okpe̱vbo mo̱n igbiloto̱i igbeva, la vin eni igbeva si lo̱ vbi eni igbeva si ekhe̱n aposto si Ovbioghogho.
\v 15 O̱lo̱ kpaye̱ me̱ gui ye̱n mi mo̱n ukpora si uman emi lari igolu e̱he̱n lalo̱ re̱ maa o̱li okpe̱n vbo, unukhe̱de̱ bi ude̱ke̱n so̱i.

\v 16 Ebi efe̱n bi osimi si doto̱ za vbi oeghe la nwun o̱n o̱n. O̱ri ukpoto̱n maa o̱li okpe̱vbo, o̱vbi ifo̱lo̱n e̱gbe̱e̱n vbi odi ikpeva vbi urere mi. Urere mi so̱i, efe̱n bi udami so̱i, o̱kpa o.
\v 17 O̱gbo maa udeke̱n so̱i o̱vbi ikabo si egbo̱ihie̱n bi egbo̱eva ikpeele, umaami si eia, o̱za vbi ugbokpomi (Iyo̱ o̱li ange̱li gboi maai).

\v 18 Ijaspa la re mii o̱li udeke̱n o̱li okpe̱vbo vbi igolu li igolu, o̱ u bi ughegbe lo̱ u gboo.
\v 19 Igbiloto̱ si o̱li udeke̱n vbi eba ri ido leghae̱n ededan nwun. O̱lo̱ kpao vbo̱ ikhi ijaspa, o̱zi eva vbi isafaia, ozea vbi aget, o̱zi ele vbi e̱miradi,
\v 20 o̱zi ihie̱n vbi o̱niks, o̱zi ehan vbi ikanelian, o̱zi e̱e̱n vbi ibe̱ri, o̱zi isin vbi itopazi, o̱zi igbe vbi ikrasopresi, o̱zi igboo̱ vbi ijasint, o̱zi igbeva vbi ametisti.

\v 21 Odi igbeva la shan ovbi o̱ li e̱vbo, o̱vbi ipie̱li igbeva; osemi ipie̱li o̱kpa la re̱ e̱hin igeti si o̱li okpe̱vbo, vbi igolu li igolu, o̱ u bi ughegbe la mie̱n jie̱ gboo.
\v 22 I mii ite̱mpo vbi e̱ke̱in o̱li okpe̱vbo, O̱lo̱mo̱e̱n Oise̱le̱bua lo̱ gbai bi o̱li Ovbioghogho likhi ite̱mpo so̱i.

\v 23 O̱li okpe̱vbo mo̱n emi lo̱ ri o̱e̱e̱n bi ukin u lei vbae o̱ vbo̱ erimidi khi o̱khae si Oise̱le̱bua lo̱ vbae o̱ vbo, bi urukpa so̱i vbi Ovbioghogho.
\v 24 Eli uhumuroo lo̱ ya ri ofuan si o̱li okpe̱vbo muye shin oshan. Ije si agbo̱n lohua ugbami si o̱khae sia do̱ i re.
\v 25 Akha khuhi ukhe̱de̱ si eba shan o vbi o̱li e̱vbo odianmi, aso̱n kha re vbaan.

\v 26 Elo̱ nwin okhae bi ekpe̱n si eli uhumuro di e̱ke̱in o̱n re.
\v 27 Emi lo̱i fuan kha e̱n ovbi e̱ke̱n o̱n. Iyo̱ o̱lo̱ i u lo̱ uemi si e̱kho̱i da emi si ate̱ e kha ovbo̱, sokpe̱n ela vin eni si ain o̱vbi e̱ke̱n ebe si arivbo isi o̱li Ovbioghogho.

\c 22
\p
\v 1 O̱kese̱ o̱li ange̱li rii eda si ame̱n si arivbo̱ vbie̱ me̱n, o̱ saan gboo bi ikrisita. O̱za vbi e̱kpeto̱ba si Oise̱le̱bua bi si o̱li ovbioghogho,
\v 2 la vare shan vbi idanmi esese̱ si oee si o̱li okpe̱vbo. Vbi obo̱ eveva si o̱li eda lii oran si arivbo ri, o̱mi ikperan igbeva o̱do̱dan, ukin ukin lo̱ re mii ikpa so̱i Ebe si o̱li oran vbi o̱la lo̱ ya re̱ nwin eli uhumuroo egbe daan.

\v 3 Eo̱ kha ke e̱n evbo. E̱kpeto̱ba si Oise̱le̱bua bi Ovbioghogho lo̱ lo̱ e vbi o̱li okpe̱vbo, ayio̱uhumi so̱i lo̱ yo gai.
\v 4 Elo̱ mii e̱o so̱i, eni so̱i lo̱ ii ain vbi e̱hai.
\v 5 Aso̱n kha chie evbo̱; ei ke mo̱n emi ni yain lo̱ ri uvbaemi si urukpa u, da uvbaemi si ovo̱n, erimidi O̱lo̱mo̱e̱n li Oise̱le̱bua o̱lo̱ vbae o̱ vbi ain. Elo̱ e vbi e̱ghe̱ re̱le̱ re̱le̱.

\v 6 O̱li ange̱li re̱ o̱ me̱, "Ema ri uduo̱ bi ata li khi eli eta, O̱lo̱mo̱e̱n li Oise̱le̱bua si eli etin si elo̱mie̱o, yi ange̱li so̱i lo̱i re̱ vbie̱ ayio̱uhumi so̱i, emi la lo̱ ruan oise̱te gbe na."
\v 7 "Ghogho! I lo̱ tua vare! Ihianba i khi si o̱lo̱ re o̱vbi eli eta si atakpoto̱ si o̱li ebe na."

\v 8 Me̱me̱n li Ijo̱ni li ho̱in li gbo mii emi na. ebi re̱ ho̱in li re̱ miain, I si e̱ke̱in me̱ run vboto̱, ebi o̱li ange̱li da muzan li re̱ gai o̱li ange̱li lo̱ ri eli emina vbie̱ me.
\v 9 O̱ re̱ e̱me̱, "E vbi ina, ayio̱uhumi elabe̱ li u ba e̱, bi imio̱n li imo̱he li ekhe̱n imie̱o, de ba eni ain o̱ re̱ o̱ vbi eta si o̱li ebe na. Gi Oise̱le̱bua."

\v 10 O̱ re̱ o̱ me̱, "E ri akan o̱ vbi atakpoto̱i si o̱li ebe na, e ri e̱ghe̱ ke si ke̱ e an.
\v 11 O̱lo̱ ya uata, zo̱i ya totobo̱ ri aiuata so̱i shan, o̱lo̱ gbi iwuan si ue̱e̱n, zo̱i ya totobo̱ vbi agbiiwuan si ue̱e̱n so̱i. O̱li uata, zo̱i ya uata so̱i shan. O̱lo̱ fuain, zo̱i totobo̱ ya e vbi o̱fuan."

\v 12 "Ghogho! I vade e̱yin e̱yan, I haoga me̱ ri vbo̱ debaa me̱, li lo̱ re̱ ie̱n ga li o̱do̱de ze̱n elabi obia lo̱ biai.
\v 13 Me̱me̱n i khi alfa bi omega o̱lo̱ o̱kpao bi o̱lo̱ kpuokho, ibe̱e̱re bi ire̱so

\v 14 Ihianba i khi si elo̱ ho̱o̱ e̱un si ain a, lei re̱ meti za vbi oran si arivbo̱ e, lo̱i shan vbi eli unu khue̱de̱ ovbi o̱li okpe̱vbo.
\v 15 Ewa le ri vbi oee, elo̱ zi imaghe, elo̱ gboghe̱e̱, elo̱ gbiubi, elo̱ gi areo̱ bi elo̱ mo̱n ihume̱ke̱n yi e̱he̱n li yan gbo ro̱i u.

\v 16 Me̱me̱n li Jesu yi ange̱li se̱me̱n re̱e̱ vbi emo̱n elimina re̱ yi asikoko si iwowo. Me̱me̱n i khi ii bi ivbivbia si Idavidi, ukpaehie̱n si egbia lo̱ vbae gboo.

\v 17 O̱li Etin bi eghayo, e o̱i, "Vare." Zi elo̱ ho̱in o̱i vare, o̱lo̱ i u lo̱ hoo o̱i, zo̱i o̱ mie̱n ame̱n si arivbo̱, o̱he̱n.

\v 18 I ri o̱se̱e̱ i o̱vbo̱ kho̱ o̱lo̱ iu lo̱ ho̱n o̱li eta si atakpoto̱i isi o̱li ebe na, o̱ia kha re̱ baa i, Oise̱le̱bua lo̱ hianbaa ugbeu lavin o̱ vbi o̱li ebe na ni ain.
\v 19 O̱ia ke hian vbi eta lavin o̱ vbi o̱li ebe si atakpoto̱i re, Oise̱le̱bua lo̱ nyin o̱lo̱ se̱i o̱ vbi oran si arivbo̱ bi okpe̱vbo lo̱fuan la vin emi vbo̱hio̱ so̱i vbi o̱li ebe na.

\v 20 O̱li o̱ri o̱se̱e̱ o̱ vbi eli emi na o̱i 'Hee! Ivade e̱nye̱nyan. "Amin! Vare O̱lo̱mo̱e̱n li Jesu!
\v 21 Li ihianba si O̱lo̱mo̱e̱n Jesu e vbo̱ yi eia ere̱me̱n. Amin.