ema-x-emai_reg/60-JAS.usfm

\id JAS
\ide UTF-8
\h Ijemis
\toc1 Ijemis
\toc2 Ijemis
\toc3 jas
\mt Ijemis

\c 1
\p
\v 1 Jemisi, ovie̱n si Oise̱le̱bua bi si O̱lo̱mo̱e̱mai Jesu Kristi, re̱yi uanmi igbeva irue̱ vba.
\v 2 gho o̱i bi egho̱ngho̱n imio̱me̱, sivba mi okpokpo o̱do̱dan.
\v 3 Ue̱n khi adamagho si ajuduan se̱e̱ o̱si iziengbe re.

\v 4 Zi iziengbe foi obia so̱i, lalo̱zamie̱n uohiai bi ogha, lare̱ mie̱n emio̱so imianmee̱.
\v 5 Ama akha mi otuokpa viva lo̱hoi ewain, zoi mian Oise̱le̱bua, o̱lo̱ revbo̱ bori bi o̱lo̱yaigbo̱a okan reyi agbo̱n ere̱me̱n yan vbi, o̱lo̱ wo̱in nai.

\v 6 Ama o̱ire̱kein ajuduan mian lo̱i o̱ mo̱in udu eva. O̱hio̱ o̱lo̱ mo̱in udu eva oubi ame̱n si okun lefio o̱fi yean fi yean.
\v 7 O̱lo̱ a o̱igbe kho̱lo̱ mi emi o̱so̱ so vbisi o̱lo̱mo̱emai.
\v 8 Oa liyo̱ mo̱i udu eva, o̱yamuzan vbe̱ghe̱ ere̱me̱n.

\v 9 Zi omio̱n le̱son gbe yarehe soi ruo̱.
\v 10 Ama o̱lo̱fei vbe̱ghe̱ so̱i likere, erimidi o̱lo̱rale̱ elabi ododo vbi ekein iumi.
\v 11 O̱hio̱ si ovo̱n khavbae bi otohia o̱lo̱ kaki o̱li iumian. O̱li ododo lo̱ dere ose̱n so̱i khue o̱ina, o̱lo̱fei lo̱ daan kua vbi esese̱ si emoiagbo̱n so̱i.

\v 12 Ihianba likhi isao lo̱mo̱i iziengbe si adamagho re̱ o̱lo̱mie̱n uvbierun si o̱khai. lare̱hi ele hume̱n Oise̱le̱bua.
\v 13 Aizo̱ o̱so̱i ta e̱ghe̱ lio̱n re̱ midamighe "khi Oise̱le̱bua lo̱ damio̱n" erimidi Oise̱le̱bua yamo̱i adama si ababe, dai egherivbo lo̱re̱ damaigho.

\v 14 Vbe̱ ke̱in ao mai li maza mi adamagho losio̱ reyi emo̱n zato. v\15Okhaka hami o̱li ao vbudu, loke vbi okho̱, o̱lio̱kho kha ohia re, o̱vbi eu.
\v 16 Ezuan te̱i imio̱nme̱.

\v 17 Ivbohan le̱se̱n ere̱me̱n bi ivbohan lo̱dia okhumeimi yo̱nza vare, o̱vare vbi obo̱si eri urukpa. Re̱yi aimi odudu o̱hio̱si ifiegbedelegbe.
\v 18 Oise̱le̱bua lo̱ mai ma khion o̱vbi ama vbi ekein eta si ata lare̱ mien khi maubi ikpeko̱mi lo̱kpao isi emie̱re̱me̱n lo̱mai.

\v 19 Ein o̱na, imio̱me̱n lo̱do̱de ya bobo̱ mo̱i idaeho̱n, mo̱i ifue̱n gbere vbi ohan ubimi.
\v 20 O̱hio̱ ohansoa oyabi obia si Oise̱le̱bua.
\v 21 O̱hio̱ si o̱na wui iwan si o̱kho̱'o̱ ere̱me̱n fia bi uen lo̱be ogbere'e. Vbekein idegbere wui ata la wun gbo̱n, lo̱lo̱ meti fain eti se̱.

\v 22 Chie̱n O̱lo̱vbiemi lo̱ ho̱in o̱ivbi o̱lo̱ ho̱n o̱kpa, wa te̱i egbe se̱'e̱.
\v 23 O̱hio̱ o̱akha chie̱n o̱lo̱ho̱n o̱kpa ama o̱yaro̱i u, o̱u bi o̱lo̱ri ughegbe fe̱i eo so̱i gho.
\v 24 O̱fe̱i egbe so̱igho o̱khake su vbain re oea ebi e̱oso̱i ri.
\v 25 Ama o̱lo̱fe e̱ghe̱ kho̱ le̱se̱n vbe̱ke̱in uhi lo̱dia. Si anifan, lo̱ ya kpevbo̱, ovbi o̱lo̱ho̱n o̱kpa lo̱ ea, oa nina lo̱mo̱i ihianba vbue̱n so̱i.

\v 26 O̱ia kha ghoi egbe so̱ kho̱fuan, e̱ghe̱ lo̱e̱in re̱okhui oe̱mi so̱i ote̱ udu so̱i e ugami so̱i chien aho̱i.
\v 27 Ugami lo̱fuan re̱yi Oise̱le̱bua bi eramai likho̱ na. Lare̱ kpai elemo̱i era bi elo̱mo̱i o̱dio̱n vbemi lemien vbegbe, lure̱ wui egbese̱'e̱ fuan vbi o̱lagbona.

\c 2
\p
\v 1 Imio̱nme̱ vbai wui aduduan lō rivbi e̱ke̱in Jesu Kristi O̱lo̱mo̱e̱mai, O̱lo̱mo̱e̱n si o̱khai, ya debai agbo̱n eso.
\v 2 Asegaze o̱a ovbi ekue vba owei o ukpighain si golu ikpulo̱humose̱n, bi olesomgbe lo̱ ovbio̱ bi ukpu lo̱ gbiwan.
\v 3 Ukha ghoi o̱lo̱ weiukpu lo̱ hunmose̱n ole̱ghe̱ utai, "khako̱n dia vbi ebo̱ hunmose̱n." vbekein khu o̱i ole̱ so̱n o̱gbe, "o̱muzan vbi evbo̱" dai, "dia vbi etawe̱me̱n."
\v 4 vba ya ghai e̱zo̱n si egbevba'a? vbai debai elian ghai e̱zo̱n si ehe̱in vbi ao si uduvba'a?

\v 5 Daeho̱n, imio̱nme̱n li imo̱nhe, ki Oise̱le̱bua ze̱i vbusemai ea li e̱so̱n o̱gbe lere fe vbe̱ke̱in ajuduan bi eli eukun si e̱ghe̱o̱ba kho̱ gbo vbi uruo̱mi re̱yi ea lekhume̱ke̱o̱n?
\v 6 Am, a vbakefai e̱kpe̱n si eleso̱n gbe aa! elefei kian rue̱n vba? yain ki khi ea lian sivba khuu yi ebaza ghai e̱zo̱n?
\v 7 Yai gbo khuei livba debaa?

\v 8 O̱re̱ ri vbiyo̱, ukha reo̱vbi uhi si ojie lo̱ lei, la vio̱vbi ovboto̱i, "Hume̱ke̱n ozeva se̱'e̱ elabi egbe'se̱," uvbo̱i le̱se̱n.
\v 9 Ama ukha si agbo̱n eso ke̱'egbe le̱i eso, o̱kho̱'o̱ lua uain, alo̱ ghai e̱zo̱n si o̱lo̱ gbi uhia na'a.

\v 10 Re̱yi o̱ikho̱ia lo̱ re̱o̱vbeta si uhi ereme̱n, lo̱ ke fido̱n vbi ayo̱kpa vbo̱, o̱kie̱n o̱lo̱ do̱in vbi uhi ereme̱n.
\v 11 O̱hio̱ Oise̱le̱bua lo̱ tai, "Egbi o̱ghe̱'e̱," lo̱gbo̱ o̱i, "Ukha gbudu gbo̱ia." Ukha khu'u gbo̱ia, luke ya gb'ogbe̱'e̱, ukie̱n o̱lo̱ do̱in vb'uhi.

\v 12 O̱hio̱ so̱na, zi eta se̱'e̱ bi are̱o̱vb'eta se̱'e̱ u'ubi elalo̱ vbighae̱zo̱n sian vbi si amie̱nfa.
\v 13 O̱hio̱ khi ighae̱zo̱n lo̱ vare bi khai mo̱in itue̱ke̱n re̱yi ea liain mo̱in itue̱ke̱n. Itue̱ke̱n lo̱ kpi okhumi li ighae̱zo̱n.

15
\v 14 Emile̱se̱n emo̱kiain, imio̱nme̱n, e̱gbe̱li o̱i khi yio̱in mo̱in amienho̱n, sokpe̱n o̱i mo̱in obia? O̱li obia ain lo̱ meti fa'ain? Akha mi omio̱n li o̱mo̱he da'a o̱lo̱ o̱kpo
\v 15 so̱ lo̱i mo̱in ikpun bi emae si ukpe̱de̱,
\v 16 li oto̱kpa vbi us'e'evba re̱'oi, "Yia sian vbe̱ke̱n o̱fure, siudu khae̱n uya emae kho̱n," vbe̱ke̱in khi uwui emi si egbe loho'o nain, iyi emile̱se̱n vba'ain?
\v 17 Re̱yi iyo̱, amienho̱n ukpo̱kpa, lo̱i mo̱i obia, ero̱'u.

\v 18 O̱re̱kpe̱dei'yo̱ oa lo̱metitaa, ''omio̱n ajuduan, bi yon gbo moi obia; ri ajuduan se̱ vbie̱me̱n lo̱moin obia, bi i lo̱ ri ajuduan me̱n vbie̱ re̱sha vbi obia me̱n.
\v 19 Umie̱nho̱n khi Oise̱le̱bua o̱kpa lo ri vbo̱; uoi le̱se̱n. Ama ivbiudogho si e̱sun gbomie̱n o̱an hon, yan gbo gue̱ gue̱.
\v 20 Uholu'e̱n we̱we̱ lo oruru, khi ajuduan lo̱imo̱i obia'a omoiemo̱n'dewu ?

\v 21 Abraham oi'chien era mai lazavbi e̱ke̱in obia ri ari ikhaee ni bo̱ re̱ win ovbio̱i li isaac o̱vbi okhunmi ikpe̱kpe̱
\v 22 Umio̱n khi ajuduan obia vbi e̱ke̱in obia so̱i, bi vbe̱ke̱in obia ajuduan so̱i omiegbe gianre̱.
\v 23 Ebelo̱fuan mo̱i awunsee lotai khi,'' Abraham mie̱n Oise̱le̱bua ho̱n, bi ako̱ire̱'khan re̱yi o̱fuan; bi era echie̱ o̱i omo̱in Oise̱le̱bua.
\v 24 Umion khi re̱yobia la re̱ ri o̱khai yi o̱ya o̱vbi ajuduan o̱kpa.

\v 25 Re̱gboshan vbi ukpode̱ li'yo̱, ki rehab gboghe̱ laṟe ri o̱khae nai vbi obiaa, bo̱re̱ mie̱n aye̱ uko̱ boi egbere ogbore̱ yiain rale̱ shan vbi ukpode̱ o̱viee?
\v 26 Li egbe re̱ sho̱ vbi etire ochie̱n euu, iyo̱ gbo o̱ re̱yi ajuduan re̱ sho̱vbi obiare o̱chie̱n euu.

\c 3
\p
\v 1 Agbo̱n ere̱me̱ khian lo̱ che̱in elian vie̱'emi, imio̱ me̱, mai e'e'n mai lo̱ mie̱n ighae̱a'e̱zon lokhua.
\v 2 Mai lo̱ udegbagan lo̱ gbu. o̱hio̱ akha mo̱i o̱lo̱ mo̱i udegbagan, oan vbi o̱lo̱ ke ohia lo̱lo̱ miti ri egbe so̱i shan

\v 3 Mai kha miti win ikhian o̱vbi unu si e̱sin lian ya re̱ de'uhumi re yi ma, mai lo̱ gbo miti ri egbe sian shan
\v 4 Vba gbo e'e'n khi oloko, ama og̱ba bi efio lokwa lo̱ ro̱l shan, uvi (rudder) kere li o̱lo̱ he̱oi o̱re̱ tuo̱ yi ebo̱ khon.

\v 5 Zien labi oe̱mi lo̱u kere vbi e̱ke̱n egbe, lo̱ ruo̱ emi lo̱ bu̱, elabi uvi erian ovi ugbo
\v 6 Iyo̱ ukpoe̱mi gbo ubi erian, lo̱ si o̱kho̱ obvi e̱ke̱n egbe mai, o̱gbi egbe ere̱me̱ ikhan bi o̱fi erian ukpoede si agbo̱n ma, okppi ije̱n o̱gbo fi erian io̱n egbe

\v 7 Ohio̱ eanmi ere̱me̱, ifianmi, uhuku si emie̱mi, bi uhuku si eanmi si e̱da, aimiti dean re̱ chie̱n eanmi oa.
\v 8 Ama re̱yi oe̱mi, o̱mian'me, lai re̱ gue̱'re, emi lo̱be ' o̱ la ya miti re̱ shan, o̱fun re̱yi ikpeku' kpeku.

\v 9 io̱n ma gbo re̱ gi o̱lo̱mo̱ima bi era, io̱n ma gbo hue agbon li Oise̱le̱bua ma, re̱yi egbe so̱i
\v 10 E̱ke̱n o̱li unu na li ihanba bi eo̱ za gianre, imio̱n, vba zi eli emi ya ruan.

\v 11 Ame̱ lo̱ la bi o̱lo̱ e̱ghen za vbi e̱da okpa jianre?
\v 12 Ori o̱kua mi olive imio̱n? dai grape mi o̱kua, dia ame̱ si ume che̱in ame̱ lo̱ e̱ghe̱n.

\v 13 O̱mio̱ ewan bi ao lo̱se̱n vbi us'e vba? o̱li o̱a'an ri agbo̱n lo̱se̱n vbi e̱ke̱n obia so̱i, re̱yi idegbere bi ewan.
\v 14 Ama, ukha mo̱i imo̱'e̱o bi iva'gbo̱n vbi udu se̱, eya ruo̱ bi wa gbo mue̱n e̱he̱ win eta.

\v 15 O̱na vbi e̱he̱ lo̱ za vbi ohumieimi vbare, sokpe̱n ue̱n si o̱li agbo̱n na'o̱, eti lo̱ gbi ehuan, ue̱n si esu io̱n.
\v 16 O̱hio̱ ebi imo̱'eo bi iva'gbon ain li orughu ra gha bi amama lo̱be ri.
\v 17 Ama e̱wan lo̱ za vbi ohumi eimi vbare o̱kpao fuan, o̱mo̱i o̱fure, o̱u oho'o, o̱vo̱n re̱yi itue̱ke̱n bi ik̵pe̱komi lose̱n, o̱imoi o̱e̱'men, o̱mo̱i e̱ke̱n ata.
\v 18 Ikpe̱ko̱mi si o̱fuan, o̱fure la re̱ kho̱ vbi e̱ke̱n elian kho o̱fure.

\c 4
\p
\v 1 Ebi uro'o bi aihin uro'o egbe egbe na za vare vbi use'e vba? Vbeken ao'o lobe vba lou khian gbegbe vbi ekein vba?
\v 2 Wa hoi emi lou ki u'umoen. Wa gbe wa wun wa khi emi li obo'se'e ise'se. Vba khoen vba ro'o, oreriyo, usekpe mi emuaho'o ohio khi umiain Oiselebua.
\v 3 Umian umie̱n, o̱hio̱umian lo̱se̱n, o̱hio̱ uho lu weo̱ legbe se̱.

\v 4 vbava li vba me̱he̱n gai o̱do̱n vba e̱'e̱n khi o̱li kpa o̱li agbo̱n na wui o̱mo̱'o̱, o̱be si Oise̱le̱bua o̱? O̱mo̱'o̱ ri egbe so̱i chie̱n o̱be si Oise̱le̱bua.
\v 5 Da ue'gbe ebe lo̱fuan tai fia khi "Eti lo̱zo̱i dia vbi e gbe mai o̱mo̱i imon'eo?

\v 6 Ama Oise̱le̱bua wui e̱seo̱he̱n lo̱bun re̱ zien labi ebe lo̱fuan ta "Oise̱le̱bua o̱sain'hi elian kha egbe yi ohumi, ama o̱ wui e̱seo̱he̱n ni elian 'gbere.
\v 7 Iyo̱ wui egbe se̱ ni Oise̱le̱bua hui esun, o̱lo̱ lanai.

\v 8 Sike̱i Oise̱le̱bua, o̱lo̱ sikiae̱, kpobo̱ se̱ fuan, vbava li vba vbi o̱kho̱, zi udu se̱ fuan, vbava li vba mo̱i udu eva.
\v 9 Gbiaikue̱ vie̱, zi oje̱ sē chie̱i ikho'ēke̱n, egho̱ngho̱n se̱ chein o̱lo̱ mo̱i ituegbe.
\v 10 De'egbe se̱ re yi Oise̱le̱bua, o̱lo̱ khuae̱ yi ohumi.

\v 11 Vba ya tali egbe shan, imio̱n. o̱lo̱ teta si omio̱n shan dai o̱ ghai omio̱n shan, o̱teta lo̱i khume̱ re̱yi uhi, o̱gbo ghai uhi si Oise̱le̱bua. Ukha ghai uhi, uya re̱hain o̱li uhi, ama uvbi o̱lo̱ ghai oli uhi.
\v 12 Oto̱kpa lo̱ gbu' uhi, lo̱ ghai e̱zo̱n. Yo̱in khi o̱lo̱lo̱ meti fan mai, lo̱lo̱ gbo meti ria emi'a. O̱khi we̱we̱, lu wa ghai e̱zo̱n si ozeva se̱?

\v 13 Eyan daeho̱n, we̱we̱ lu tai "E̱na da akho̱ ma lo̱ yi o̱li e̱vo na, wei ukpe o̱kpa, duki gbi egho."
\v 14 O'e̱e̱n emi lo̱lo̱ ruan akho̱, emi khi eda'gbo̱n se̱. Uvbi ou lo̱ kha gianre, o̱kha we̱ o̱dahoa.

\v 15 Sokpe̱n, ya tai "O̱lo̱mo̱e̱mai kha ama, mai lo̱ o̱na dai o̱na.
\v 16 Ama, wa ruo̱ e̱mo̱i amama si ikhua egbe yi ohumi se̱ uruomi lo̱be kho̱ai.
\v 17 O̱hio̱ o̱lo̱ e̱e̱n emi le̱se̱n lo̱lo̱'u o̱vbo̱. re yo̱ o̱kho̱'o̱.

\c 5
\p
\v 1 Eyan vare, wewe lu fe, ya vie̱ o̱hio̱ si imaghe lo̱ vade yie̱.
\v 2 E̱fe se̱ ai, bi ekhan i'ukpu se̱ le.
\v 3 Igodi bi Isiliva se̱ wun o̱to̱n, o̱to̱n sian lo̱ chie̱n o̱se̱ reyie̱, o̱lo̱i egbe se̱ bi erian. ukhuai e̱fe ya khe̱i ewuan se̱.

\v 4 Kho, egho luhai elian bia o̱vie̱ giare. egho luama hae ni elian kpa lie emi vbi ime, evie̱ sian ovi eho̱n si o̱lo̱mo̱e̱mai.
\v 5 Udia vbi e̱ke̱in vbi O̱lagbo̱na vbi emi o̱do̱dan. wa wui udu se̱ gba khe̱ ̱ e̱de̱ la lo̱ gbe̱a.
\v 6 Ugbo ehian elian fuan. O̱i khua obo̱.

\v 7 Mo̱i izie̱ngbe imio̱n, se̱ vbo e̱ghe̱ li O̱lo̱mo̱e̱mai lo̱ re̱ vare. kho o̱lime o̱khe̱ e̱ghe̱ li ame̱ si igbao bi ikpuokho.
\v 8 We̱we̱ li egbe se̱ mo̱i izie̱ngbe, si udu'khian, erimidi avare si O̱lo̱mo̱e̱mai ke sire.

\v 9 Vba ke wo, imio̱n, re̱yi egbe vba. lai mie̱ kha ghae̱zo̱n vba, khi o̱lo̱ ghai'ezo̱n muzan vbi ukhue̱de̱.
\v 10 Wui azoma, imio̱nme̱ re̱zavbi oya bi izie̱ngbe isi ekhe̱in itakpoto̱i, ea'a nian teta vbi eni si O̱lo̱simuan.
\v 11 Kaowoi, mai wui ea lian mo̱in ifundure re̱yi elemie̱in ihianba. Ugboho̱n vbi ifundure si Jobu, ugboe̱i ao si Oise̱le̱bua, ebo̱i mo̱i are̱hume̱n bi ifue̱ke̱n.

\v 12 Vbe̱ke̱in ere̱me̱n, imio̱nme̱, vbaiya ki eo̱, o̱khare̱vbi isi okhumieimi dai isi o̱li okhumoto̱i na, dai re̱yi areo̱ lo̱ ghe̱in. Ikpalo̱lo̱re̱ vbi iyo̱ zi e̱e̱ lutai ōichie̱n e̱e̱ bi o̱gho̱ lutai chie̱n o̱gho̱. lue o̱ defio̱vbi e̱ge̱ge̱in ighae̱zo̱n.

\v 13 O̱so̱so vbivba rivbi oya bi eso̱n? o̱a liyo̱ lie - ero̱mo̱n. O̱so̱so vbivba moi egho̱ngho̱n vbudu? o̱a li yo̱ yare vbo̱khai.
\v 14 O̱so̱so vbivba mo̱i o̱tome̱n? o̱a liyo̱ o̱iechi edio̱n si o̱se̱, lerē li ero̱mo̱n nai, yai ri evbi so'oi uhumi vbi eni si Oise̱le̱bua.
\15 Ero̱mo̱n si ajuduan lo̱ wui o̱a egbeda'an, bi O̱lo̱sumuan lo̱ wo̱i sore. Akhagaze kho̱ vbi o̱kho̱'o̱, Oise̱le̱bua lōre̱ humo̱i.

\v 16 O̱hio̱so̱na, mi ome̱ si o̱kho̱'o̱ se̱ diare re̱yi egbevba, vbaya gbo li ero̱mo̱n yi egbe. lare̱ mie̱ khivba mie̱ amiegbe da'an. Ero̱mo̱n si o̱lo̱kpefua o̱ohiai re̱yi obia so̱i.
\v 17 Elija o̱mo̱he labimai o̱. o̱li ero̱mo̱n le̱se̱n le̱se̱n khi ame̱n kharo̱n ame̱'imeti ro̱n vboto̱i vbe̱ke̱in ikpei ea bi ukin ehan.
\v 18 O̱kese̱ Elijah chiegbo li'ero̱mo̱n. o̱li okhumeimi che ro̱in ame̱n, ain li okhumoto̱i keza khuai ikpeko̱mi dianre.

\v 19 Imio̱nme̱, akhagaze khi o̱so vbivba o̱dada vbi e̱ke̱in ata, lo̱ vbe keza woi chiere.
\v 20 O̱ia liyo̱ o̱i e̱e̱n khi o̱lo̱win o̱li o̱kho̱ diare vbi ukpode̱ si udadami.