ema-x-emai_reg/58-PHM.usfm

\id PHM
\ide UTF-8
\h Ebe li Ipo̱lu vin yi IFILE̱MO̱N
\toc1 Ebe li Ipo̱lu vin yi IFILE̱MO̱N
\toc2 Ebe li Ipo̱lu vin yi IFILE̱MO̱N
\toc3 phm
\mt Ebe li Ipo̱lu vin yi IFILE̱MO̱N

\c 1
\p
\v 1 Ipo̱lu, isighan si Jesu, bi Itimoti li omio̱n main, re̱ yi Ifile̱mo̱n li o̱mio̱n main li mai hume̱ke̱in o̱ lo̱se̱n, li mai gba bia,
\v 2 bi Afia lo mio̱n mai lo̱kposo, bi Akipo̱s li mai gba vbi ivbiokhoin, re̱ yi elemieho̱n le ri vbi iwe se̱.
\v 3 E̱seohe̱n o̱ re̱ yie̱ bi o̱fure lo̱ zai vbi isi Oise̱le̱bua li Era main vare bi O̱lo̱moe̱nmain li Jesu Lazei.

\v 4 I khuemi Oise̱le̱bua vbi e̱ghe̱ ere̱me̱n ya sueni so̱i vbi ero̱mo̱n me̱n,
\v 5 ya hin amiehon lu mo̱en vbi Jesu o̱lo̱mo̱emai bi ihume̱nke̱n lu mo̱en re̱ yi elo̱ miehon.
\v 6 i le'ero̱mo̱n kha mieho̱n lu mo̱en o̱lo̱ toto vbi oe̱n ni main moe̱n vbi emi ere̱me̱n lose̱n re̱ yi main vbi o̱laze̱i.
\v 7 I vo̱n yie gho̱ngho̱n bi ifundure vbi ihume̱nke̱n se, erimidi vb'afun udu si elemo̱ineho̱n re, omio̱n.

\v 8 I re̱ mo̱in agbudu ui emi vbi o̱lazei, li lo̱ re̱ e̱we̱ ue mi lu lo̱ u,
\v 9 vbo̱ hio̱ si ihume̱nke̱n, ye ho ze̱in elabi Ipolu lo̱ mo̱ho̱dio̱n, lo̱ gbo vbi olighain si Jesu 'olazei.

\v 10 Ya mia e̱n e̱moin ovbimen lai echo̱i Onisimos li ri e̱ghe̱ o̱ khuan khuan me̱ chie̱n era yi.
\v 11 O̱i re̱ kpao mo̱nemari yie̱, o̱ ke mo̱in emo̱ri yi mainmain eveva.
\v 12 i yie o̱i re̱ lo̱i chie bue̱ re, yo̱in khudu me̱n.
\v 13 Oli kha o̱i dia kpe̱n me̱n vbi ehe se̱ lo̱i ya ri ikpaobo̱ le̱ me̱n, lo̱ rivbi ighan vb'o̱hio̱ si eta lo̱sen.

\v 14 Ama i ho li ui emi bi khi ke ze̱ e̱n li o̱le̱se̱n se̱ chie̱n emi la ri ikpaludu u, ra o̱la o̱some udu re u.
\v 15 La lo̱ za mie̱n kho̱ ṣio̱ we vb'obo̱ vbi uvbie̱ghe̱ ke̱re̱, lo̱i chie̱n ise̱ re̱se̱ vbi ire̱so.
\v 16 O̱i ke vbi o̱ghumi ama emon le̱'e̱ oghumi, zein'labi omio̱n li o̱mo̱he, o̱mo̱mo̱ re̱ yi me̱n, chie gbo yi we̱we̱ le ime̱n, vbi se̱ gbe bi isi o̱lo̱mo̱inmai.

\v 19 U kha re̱me̱n chie̱n o̱li mare̱ ui emi kugbe, gaobo̱ mio̱in be mo̱ khi me̱nme̱n o̱.
\v 18 Ama o̱kha ui emi lo̱ de o̱vbo̱ yie̱ da o̱mo̱ we̱ osa, wuoian ba emilimo̱e̱n.
\v 17 Me̱nmēn li Ipolu li ri obo̱ me̱n vin o̱na, i lo ha e osa. I ze en ucho̱ u mo̱n me̱ e̱de̱ agbo̱n se̱ vbo sa.
\v 20 Zi me̱n mo̱n egho̱ngho̱n vbi o̱lo̱mo̱e̱nmai, udeludu me̱n o̱ vbo̱ gbo̱n vbi o̱laze̱i.

\v 21 I di uduan a re̱ o̱vbi eta se̱. I vin o̱ lebe na yie̱, ebi e̱n se̱ khu lo̱ ra emi li tai re.
\v 22 Aise̱ wun ena o̱ vboto̱i, e̱hin e bi o̱re lo̱ van o̱vboto̱i khe̱me̱n, i mo̱n a o'o khe̱ ero̱mo̱ se̱ o̱lo̱ zi me̱n di we̱ egbe re.

\v 23 Epafras li main re̱ gba vbi olisighan vbi o̱lazei lo̱mo̱e̱nmai, o ru e̱'e̱.
\v 24 I yo̱ igbo khi Imak, Aristakos, Ide̱ma Iluk eli ma gba bia.
\v 25 E̱seo̱he̱n si o̱lo̱mo̱e̱nmai, Jesu o̱lazei o̱i de ba etin se̱. Ise̱.