ema-x-emai_reg/55-1TI.usfm

\id 1TI
\ide UTF-8
\h Ebe lokpao si Timoti
\toc1 Ebe lokpao si Timoti
\toc2 Ebe lokpao si Timoti
\toc3 1ti
\mt Ebe lokpao si Timoti

\c 1
\p
\v 1 Po̱lu, li ovbiodogho si Jesu Kristi elabi uhi si Oise̱le̱bua re̱o̱'vboto̱i bi O̱simuan li Jesu Kristi lo̱kie̱n aruduo̱ mai,
\v 2 re̱yi Timoti, o̱mata vbe̱ke̱n amie̱nho̱n: E̱seo̱he̱n, itue̱ke̱n, bi o̱fure si Oise̱le̱bua li Era bi Jesu Kristi o̱lo̱ mo̱nmai.

\v 3 Ze̱n elabi ta lavba ho̱n e̱ghe̱ lire̱ lode̱ vbi Mase̱donia, vba dia vbi E̱phe̱sus li vba re̱ kpase̱ li ea eso nian'eo̱ vbie̱ agbo̱n ue̱n o̱dan.
\v 4 Nian'eo̱ gbo ya mo̱n idaeho̱n o̱vbi okhai bi itan o̱do̱dan. Ena o̱si ikhaeru re̱ yo̱dan yi ikho̱obo̱ yi amaman si Oise̱le̱bua, lo̱zavbi amie̱nho̱n vare.

\v 5 Emi la ri emo̱'o̱n uhi ko̱'o̱n nikhi ihume̱ke̱n lo̱zavbi udu lo̱fuain vare, zavbi ao'o lo̱se̱n vare, gbore̱ zavbi amie̱nho̱n vbe̱ke̱n ata vare.
\v 6 Agbo̱n eso efi ukpode̱ do̱n, e delegbe s̱io̱vbi ukpodata re̱ yi ukpodi eta si oruru.
\v 7 Yian ho le kian enian vbie̱ agbo̱n e̱mo̱n uhi, sokpe̱n eli e̱mo̱n o̱i wuin yiain e̱o kuere.
\v 8 Sokpe̱n main e̱in khi eri uhi hume̱n e̱ghe̱ li ari e̱ke̱n ata ro̱is̱an.

\v 9 Mai e̱in, khi o̱hio̱ si o̱lo̱ vba'ata nika mie̱n gb'uhi, sokpe̱n o̱hio̱ si ea lebe niain ya re̱khan uhi, nian i'e̱n Oise̱le̱bua, enian vbo̱kho̱'o̱, bi ea niain mo̱in ekpe̱n da'a ilofe̱n si Oise̱le̱bua. Agbi uhi vb'o̱hio̱ si enian gbi era nian gbi iyio̱n, enian gb'ugbe,
\v 10 enian ghe̱'e̱, enian me̱he̱n kpe̱n imo̱he labian, enian wuin o̱ia oghumi re̱ kie̱n o̱vie̱n, enian mo̱n e̱he̱n, enian fi o̱se̱'e̱ e̱he̱n, bi re̱yi emikhemi lo̱i dewuin uvie̱nmi si ue̱n le̱se̱n.
\v 11 Oli ivbie̱'emi nan re̱khain o̱khai si eta si o̱hume̱me̱n si Oise̱le̱bua lo̱mo̱in ihianba li me̱me̱ za'amo̱n ivbie̱'emi.

\v 12 Ikhue̱mi Jesu Kristi o̱lo̱mo̱e̱nmai. O̱ri eti lo̱totoi ne̱me̱n, o̱hio̱ khi o̱'e̱nme̱n o̱vbi o̱lo̱ mie̱nho̱n, lo̱re̱ re̱me̱n o̱vbi obia so̱i.
\v 13 Eri'ya kian o̱lo̱ mo̱n eta lo̱be vbunu, o̱lo̱ gbi ea lerivbi ukpode̱ si amie̱nho̱n, bi o̱ia si o̱ria. Sokpe̱n imie̱n itue̱ke̱n erimidi khikpao e̱in emia'u bi amie̱nho̱n li'kpao se̱ mo̱e̱n.
\v 14 Sokpe̱n e̱se'o̱he̱n si o̱lo̱mo̱e̱nmai vo̱n re̱yi amie̱nho̱n bi ihume̱nke̱n lo̱rivbi Jesu kristi.

\v 15 O̱li uko̱ na kie̱in emi lo̱'eo̱vbo̱ li o̱ia'ikho̱ia ga'obo̱ mie̱n, khi eri Jesu Kristi di agbo̱n re lo̱re'o̱ fain elian vb'o̱kho̱'o̱. Me̱me̱ legbeme̱n kie̱n oje si elian vb'o̱kho̱'o̱.
\v 16 Sokpe̱n vbo̱hio̱ so̱na lare̱ mo̱n itue̱ke̱n yime̱n, laire̱ mie̱n khi vbo̱hio̱ se̱me̱n Jesu ri ozie̱n so̱i vbie̱. Ero̱ vbena re̱kie̱n aghuan re̱yi elo̱'lo̱ degbe diudu'an re̱yi agbo̱n lo̱imo̱n ire̱so.
\v 17 O̱l'e̱ghe̱na re̱yi Oje si ore'e, lo̱rivbo̱ re̱le̱'re̱le̱, li yio̱n ukpo̱kpa vbi Oise̱le̱bua, nikhi ekpe̱n bi o̱khai re̱le̱'re̱le̱. Ise̱'e̱.

\v 18 Eria kpi o̱li ase̱ na nan, Timoti li o̱vbi'me̱n. Eria vb'o̱na o̱hio̱ si eta latai vbi ukpo̱hio̱ se̱'e̱, laire̱ mie̱n khi us'obo̱ vbi o̱li egbegbi okho̱n.
\v 19 Vbo̱na lai mie̱n khi umo̱in amie̱nho̱n bi ao lo̱se̱n. Ea eso e'aman vbi elemina; o̱hio̱ so̱na emo̱in idobo̱ye̱n vbi uvie̱mi si amie̱nho̱n.
\v 20 Ea labi Haēme̱nao̱s bi Ale̱zanda, ea lo̱'o̱u khi iwun li Esun liain re̱ r'obo̱ s̱o̱vbi uro'o̱be re.

\c 2
\p
\v 1 O̱hio̱ sona, o̱kpa, vba zuan mien khi vba vbi, vba li ero̱mo̱n gbo ri ekhuemen yi Oise̱le̱bua yi agbo̱̱n ere̱me̱n,
\v 2 reyi evbai Oba bi ele̱mo̱̱n e̱vbo, laire̱̱ mie̱̱n o̱̱ia ikhi o̱ia re̱ mi o̱fure vbi e̱ke̱n Oise̱le̱bua bi ekpe̱n.
\v 3 O̱na vbi emi lo̱o̱u khi o̱humi Oise̱le̱bua vbe̱o lo̱kian o̱̱̱mie̱nfuan mai.
\v 4 Eri Oise̱le̱bua hoi li o̱iaikho̱ia re̱ mo̱in awuin eokuere si ukpodata.

\v 5 Oise̱le̱bua o̱kpa lo̱rivbo̱, o̱mie̱unu o̱pka lorivbi esese̱ si Oise̱le̱bua bi agbo̱n, lo̱kie̱n Jesu Kristi.
\v 6 O̱ri egbeso̱i humohan vbi are̱'haosa vbi o̱hio̱ si agbo̱n ere̱me̱n, vbi are̱vbi O̱se̱i e̱ghe̱li e̱ghe̱ re̱se̱.
\v 7 Vbi o̱hio̱ so̱na lare̱ ze̱me̱n uko̱ bi uvbiodogho. Ata lia tana. Imo̱n e̱he̱n Ovbie emi si Je̱ntai li'u vbe̱k̂e̱n amie̱nho̱n bi ata

\v 8 O̱hio̱ so̱na, iho li imo̱he vbi aikhan lie ero̱mo̱n, egbo khua abo̱ si o̱fuan yi okhumi vbe̱ke̱n aimi iriae̱ke̱an da'a azio'va.
\v 9 Re̱gboyi eliikposo, ihoi li yiain ya wuei ikpu le humen vbe̱o vbi ukpode̱ si ekpen bi ue̱nle̱sen. Ekha yabenhi eto sian bi emi o̱vbe, da niain ya ri e̱o ovbi e̱umi, e̱kan da ivie, nda ukpu si ugbo'oghae̱n.
\v 10 Ya ho lian ya wuei emi lo̱diain reyi ikposo lian e̱n ue̱n si ele e̱n Oise̱le̱bua s̱iain vbi obia le̱se̱n.

\v 11 O̱kposo mo̱en lo̱lo̱za ya maman bi kho̱i t'eta, o̱ya gbo re̱o̱vbi ematai.
\v 12 I'iri ehe o̱vbo̱ li okposo ya vbie̱ e̱mi da lo̱iya kpase̱ li o̱mo̱he, sukpe̱n lo̱iya vbi agbo̱n vbi uha'a.

\v 13 Erimidi Adamu li akpao ma, akpe mi Efa.
\v 14 Adamu niki esun te̱'e̱e̱ sokpe̱n o̱li o̱kposo li esun te̱'e̱e̱ ovbi e̱ke̱n o̱kho̱'o̱.
\v 15 Sokpe̱n o̱lo̱ amie̱nfan siain vbi o̱mo̱n uvbiami, ̂e̱ghe̱ le totobo̱ vbi amie̱ho̱n bi ihume̱ke̱n bi o̱fuan vbe̱ke̱n udu lo̱se̱n

\c 3
\p
\v 1 O̱li eta na vbi emari uduo̱: O̱ia kha ho lo̱i kiain o̱lo̱ re̱o khui ue̱n, ahoo si obia le̱se̱n lo̱kiain.
\v 2 Vbo̱hio̱ so̱na o̱lo̱ re̱o khui ue̱n lo̱ kie̱in o̱lo̱i mo̱in ibohi. O̱mo̱e̱n lo̱lo̱re̱ kie̱in o̱din o̱kposo o̱kpa. O̱lo̱ mo̱in ue̱n si id'egbere, lo̱kie̱in o̱ia si e̱wain, lo̱vbi emi e̱ko̱'e̱ko̱, lo̱ ri e̱o lo̱se̱n gho agbo̱n. O̱lo̱lo̱ meti ya vbie̱i agbo̱n emi.
\v 3 O̱kha kie̱in o̱de̱yio̱n, lo̱i vbi o̱ia si okho̱n da ikhaerun, sokpe̱n oia si ifue̱n'egbere, isi o̱fure. O̱kha vbi o̱ia lo̱ hume̱ke̱n egho.

\v 4 Lo̱i gbo kie̱in o̱ia lo̱lo̱ e̱n re̱o khui ue̱n si iwe so̱i le̱se̱n, ivbio̱i lo̱ya re̱o̱vbi etaso̱i le̱se̱n.
\v 5 Erimidi akhai khi o̱mo̱he'imeti e̱n re̱ re̱o khui iwe so̱i, ebo̱lo̱i meti re̱o khui O̱se̱ si Oise̱le̱bua?

\v 6 O̱kha vbi o̱lo̱ mie̱nho̱n o̱gbo̱n, lo̱io̱ kian kh'o̱khua egbe yi'okhumi deo̱'vbi ikhueo labi si esun.
\v 7 O̱lo̱ kie̱n o̱li agbo̱n e̱n'o̱vbi ue̱n'le̱se̱n, laeo̱'mie̱n khi o̱deo̱vbi e̱ke̱in e̱kho̱i bi ifi si esun.

\v 8 Ekhe̱n Dikin, nian bi'obia si O̱se̱, elo̱ kie̱n ea s'ekpe̱n, li aya gi eta eva yie̱ain vb'unu. Ekha vbi ea lian d'e̱yio̱n gbegbe da'a elo̱ i iegbe.
\v 9 Elo̱ya ri e̱o khui eta si ata si amie̱nho̱n vbe̱ke̱n udu s'ata.
\v 10 Elo̱ kie̱n ea lari udu iain vbegbe, e̱ghe̱ain elo̱ re̱ ga erimidi kh'emo̱i ibohi.

\v 11 Ikposo i'gbo kie̱n ea si ekpe̱n. Yian'eya teta lebe si agbo̱n evbe'e. Yian eya vbemi ra'a yian ya vbata vbi emi'ereme̱n.
\v 12 Ekhe̱in Dikin mo̱in lelo̱re̱ kie̱n o̱di o̱kposo o̱kpa. Lei kie̱in ea liain lo̱e̱n ri ivb'ian bi ue̱n si iwe siain s̱an le̱se̱n.
\v 13 Ea le gai le̱se̱n lelo mi e'e si amuzai le̱se̱n bi adiudu'an vbe̱ke̱n amie̱nho̱n lo̱rivbi Jesu Kristi.

\v 14 Eria vin elemina yie̱, iyo̱ ligboi ho'o khilo bobo̱ vare yivba.
\v 15 Sokpe̱n akhai khike bobo̱ vare, liare vin ena livba re̱ e̱n ebai e̱'e̱n vbi oa si Oise̱le̱bua, lo̱kiēin O̱se̱ si Oise̱le̱bua, li oruku bi okhe'e si ukpod'ata.

\v 16 O̱kie̱n emi lakha meti sin khi ata si are̱u si eta si Oise̱le̱bua lare̱vbie̱ o̱kie̱n ukut'emi: >/para< "O̱d'ughe'e re vbe̱ke̱n egbe, eti'lo̱fuan ri o̱se̱'e̱ so̱i, eri ekhe̱n e̱hi zagho'o̱i, awewe'o̱i s̱an vb'uman'ikhuman, amie̱o̱iho̱n vbi agbo̱n ere̱me̱n, o̱khua'egbe yi okhumi'eimi vbe̱ke̱n o̱khai."

\c 4
\p
\v 1 Eri etilo̱fuan tai le̱se̱n khi o̱lo̱ se̱vbi e̱ghe̱ li agbo̱n eso s̱o̱vbi amie̱nho̱n re o̱ya mo̱n idaeho̱n si eti si ete̱i
\v 2 bi ivbie̱'emi si esun. bi e̱he̱n si ate'e. Udu siain loke kiein isi are̱vbo̱be.

\v 3 Eloya ke dia kheibrei okposo, yiqn gbo sin emae li Oise̱le̱bua mai li akoko e re̱vbi ekhue̱mi vbuse si ele mie̱nho̱n legbo e̱in ata.
\v 4 Erimidi emi ere̱me̱n li Oise̱le̱bua mai ere̱hume̱n. Amiemi limai ei bi ̂khue̱mi lo kiain eminimai lo̱za siegbe le.
\v 5 Erimidi erokiain emo̱fuain s̱iain vbi eta si Oise̱le̱bua bi ero̱mo̱n.

\v 6 Ukhianan wuin eli emina se̱vbi imio̱nmain noin egbe, egheain ukiein uvbiodogho si Jesu Kristi. Eta si amie̱hon na o̱wue̱n toto o̱vbo̱ o̱hio̱ si are̱u si eta s'o̱hume̱me̱n.
\v 7 Sin okhai si e̱mo̱n o̱lagbo̱na o̱vbo̱to̱i lo̱ kiein o̱enghe̱me̱n yi ikposo'edio̱n. Sokpe̱n mami ue̱n si awe le̱se̱n.
\v 8 O̱hio̱ khi amama si ue̱n si egbe mo̱in o̱lo̱ri kere'e, sopke̱n amama si ue̱n le̱se̱n lo̱mo̱n o̱lo̱ri re̱yi emi'ere̱me̱n. O̱mo̱ e'e vbo̱lagbo̱na bi vbi ago̱n lo̱vbade.

\v 9 O̱li uko̱ na vbi ukutu lo̱u khi o̱eo̱vbi agaobo̱ mie̱n.
\v 10 Ohi so̱na ni nmare filo gbobia le̱se̱n le̱sė̱n moin adiegbean o̱vbi Oise̱le̱bua, lo̱kie̱in omie̱nfan si o̱iaikho̱ia o̱mo̱mo̱n isi el̂mie̱nho̱n.

\v 11 Vba wewe gbo vbiei elemina.
\v 12 Vbae zi o̱lo̱i'u re̱o gbevaru o̱hio̱ si o̱vbekhan lukhiain. Sokpe̱n ', kiie̱n oli elemie̱nho̱n no̱i lo̱ya regbe'o, vbi eta utami. Ue̱n, ihume̱ke̱n, ata u'umi bi o̱fuan.
\v 13 Re̱kpe̱se̱vbo̱ khi vare. Dele̱o kpi uko̱po̱mi si eta lavin, owewe bi uvbie̱'e̱mi.

\v 14 Vbae ri udu s̱o̱vbi e̱se̱'o̱he̱n li umo̱e̱n la re̱na s̱iain vbi eta si eli ivbidogho, bi ari obo̱ o̱vbiuhumi si ele'edion.
\v 15 Vba reo'khui elemina. Vba riain ovbudu, li ue̱n vba lare yiegbe dianre lagḇon re̱mie̱n.
\v 16 Vba re̱o khui ̂gbe'vba bi emi uvbie̱mi vba totobo̱ vbelemina. Erimidivv vba kha vboi iyo̱, vbalo fain egbevba bi elo̱u khiain davba eho̱n.

\c 5
\p
\v 1 Evanhie̱n teta li o̱dio̱n ho̱n, sokpe̱n vbie̱oin emi elabi era. kpayi eludio̱n teta elabi imion.
\v 2 Kpayi ikposo ledio̱n teta elabi iyion, bi ikposo lu dio̱in elabi vbe̱ke̱n ofuan.

\v 3 Wuin ekpe̱n li ero̱in, le so̱go̱lo̱ kiein ero̱in.
\v 4 O̱ro̱in kha'mo̱n o̱mo̱n da ivbivbia, aizian se̱ gban ekpe̱n umoe̱nmi re vbi iwe siain. Lee moin iyie̱nobo̱ yi era bi iyio̱n, ohio khi ero humen re yi Oise̱l̂e̱bua vbēo.

\v 5 O̱rio̱n lata, ero̱lo̱ dia l̂gbeso̱i. Ere̱lo̱ diudi'uain Oise̱le̱bua Eghe̱ikheghe̱ olie ero̱mo̱n khaso̱n khodiami.
\v 6 So̱kpe̱n o̱kposo lo̱rivbo re yi emo̱in oe̱nche̱me̱n o̱kie̱n o̱lo̱ u'u o̱khare̱u kho rivb'agbo̱n

\v 7 Wewi ele'mina leo̱ vbi afido̱n.
\v 8 Akha mie̱nkho̱ia o̱imo̱in ikho̱b'obo̱ reyi ̂ebo̱'oi, o̱mo̱mo̱n re̱yi ̂e̱ke̱n iweso̱i, o̱di̇o̱n vbi ukpo̱hio̱i si amienho̱n ogbokho̱'o̱ lei o̱lo̱imie̱nhon.

\v 9 Vbae̱n o̱kposo o̱vbi o̱ro̱in lo̱i ikpe soi oyio̱to̱i roi egb'o̱ea, lo rekhin o̱do̱n o̱kpa.
\v 10 Olo'vbi ola'eim ovbi ue̱n le̱se̱n o̱ia labi o̱lo̱ e̱n ghoi ivbekhan, daa lo hume̱n yi ire, daa lo̱ kpawe̱ si ele'mie̱nhon, da'a lo̱ mo̱n idaeho̱n yi elemiemi vb'egbe, da'a lo fi'egbe o̱vbi obia le̱se̱n.

\v 11 Sokpe̱n oli ero̱in lese ohia, vbaezuan mie̱n iain ovbi egbe si eroin. O̱hio khi ekha mo̱in aho'o s'o̱lagbo̱na, sin Jesu, elo ho'o khelo wu'o̱se̱n.
\v 12 Ukpo̱hio̱ so̱na elo̱mo̱in ibohi e̱ghe̱ niainke delegbe s̱o̱vbi o̱hio̱ si oroin re.
\v 13 Ogbo kie̱in khian mo̱in em'obo̱'̱ou. Lianre ravbi iwena di iwena. Elogbo zavbi aivbemi vb'obo̱ o̱vbi ikpe̱mi uguemi gbo fiunu ovbi agbo̱n vb'egbe. Yiain loya ti emiaikhata.

\v 14 O̱hio̱ s'ena, yia ho'o li ikposo lese̱ d'odion re wuo̱se̱n, le vbia-ivbia, le re̱o khu'iwe, liaeo rehe li ighiain re su'e̱zoṉn si o̱be u'umi.
\v 15 O̱hio̱ kheso ke fiegbe delegbe re̱khai ukpode̱ s'esun.
\v 16 Akha mi'o̱kposo lo̱'mie̱nho̱n moin eroin, o̱i kpayi iain obo̱, lo̱io̱ kiein okpokpo yi o̱se̱, li eli eroin vhe̱ke̱n ata loza mi ikpaobo̱.

\v 17 Vbazi edio̱n le'e̱n r'ue̱n s̱an miein ekpe̱n ba'ekpe̱n, o̱mo̱mo̱n elebiai vbukpo̱hio̱ si eta lavin bi emi uvbie̱mi.
\v 18 Eta lavin tai, "Lai khui ikhuerikhuere vbi ikpe̱ko̱mi lo̱ bume̱n" bi "O̱lo̱bia nuan mo̱in lo̱lo̱re mi ihaosa"

\v 19 Emie̱n ezo̱n si o̱dio̱n lare̱kae̱n ho̱n saimi o̱se̱ eva da'a ea.
\v 20 Vbie̱i ele vb'o̱kho̱'o̱ vbu'se̱'e li eleko̱re re mo̱in ilofe̱n.

\v 21 Iri e̱ke̱n'ata kpasẹ̱ lavba vb'isao si Oisẹ̱lẹ̱bua bi isao si Jesu kristi bi ekhe̱n ehi siain leze̱i̱, Lurekhain eli eli uhi'na bi airẹo gbọ'ọso ru bu laio hume̱ke̱n eso le̱'eso vbuse si elemie̱nho̱n.
\v 22 Vbae ri o̱tuame̱n r'obo̱ o̱'o̱so vbi uhumi.

\v 24 Ekeya in ame̱n u'okpa. Ya d'e̱yio̱n kwe̱ikwe̱i o̱hio̱ si e̱ke̱n bi emiami kwe̱kweghe se̱'e̱.
\v 23 Azaghoi o̱kho̱'o̱ si agbo̱n eso gbogbo, iyio̱ lo̱lo̱gboi re̱khiain se̱vbi ighae̱zo̱n. Sokpe̱n o̱kho̱'o̱ eso orekjhiain ikjpuokho.
\v 25 Iyo̱gboo̱ re̱yi ue̱n le̱se̱n, amieso gbogbo, sokpen eleko̱re khameti yiegbe he'e.

\c 6
\p
\v 1 Re̱yi elemie̱nho̱n levbi ighumi, eiwuin ekpe̱n li ele mo̱i'iain vbi ukpode̱ ere̱me̱n. eivbi ena laire̱mie̱n kh'eni si Oise̱le̱bua bi emi la'vbie̱, o̱ide'o̱vbi ukhue'e.
\v 2 Oghumi lo̱lo̱mo̱in kie̱in o̱lo̱mienho̱n o̱eo̱ mio̱inle erimidi kh'o̱kpa lekiain vbe̱ke̱n amie̱nho̱n. O̱lo̱mo̱n oghumi lo̱mo̱in ikpaobo̱ likhi o̱la hume̱ke̱o̱in. Vbiei elemina, ugbo weweo̱i.

\v 3 Akhami o̱ia lo̱ vbie̱i emi o̱dan
\v 4 lo̱i dewin ukpode̱ s'ata si Jesu kristi, o̱kie̱in o̱lo̱ ze̱o̱vbevbe bi o̱li emi'iwuo̱i vbeo kuere. Ea liyo̱ nian khaeru o̱vbi emi lo̱i dewu'emio̱so da'a emo̱n eta eso, e̱mo̱n liyo̱ lo̱si imo̱e̱o, uro'o, ukhue'e, okhena si e'evbe bi
\v 5 aihuroegbe eghei'kheghe si ea lei mo̱in udu'o̱kpa. Eimo̱n eme'fio̱vbi ata. Yian o'okhi ue̱n'le̱se̱n e̱fe aro̱i ho.

̱
\v 6 Ue̱n si ukpode̱ si Oise̱le̱bua vbe̱ke̱n o̱kho̱nme̱n li e'e ri.
\v 7 Erimidi mai wui emi'o̱so vare vb'agbo̱n. Iyo̱ ni maikhai wui emio̱so s̱o̱vbean re.
\v 8 Sokpe̱n, vbazuan mo̱in o̱kho̱nme̱n si emae bi ikpun.

\v 9 Enian ho'o e̱fe nia deovbi idamighe, nian gbo deovbi ifi. Yian deovbi oruru bi aho'o lo̱mo̱in okhe̱na, bi emievbe lo̱ wui o̱ria'a bi ikhueo yian.
\v 10 Erimidi si ihume̱nke̱n si egho lo si o̱be o̱do̱dan re. Eso lian ho'oi ke dode̱ vbi ukkpode̱ si amie̱nho̱n egbo si oya bu'u egbian.

\v 11 Sokpe̱n we̱we̱, o̱ia si Oise̱le̱bua, biegbe vbi elemina. Re̱o̱vbi ata u'umi, are̱u si aho'o si Oise̱le̱bua, are̱khae̱n si uhi, ihume̱ke̱n, ozie̱n, bi ifue̱n'egbere.
\v 12 Kho̱in okho̱n le̱se̱n si amie̱ho̱n. Gi agbo̱n-lo̱imo̱ire̱so wun'mo̱e̱n la'ecie ni. O̱hio̱ so̱na lure̱ ro̱se̱i vb'isao si e̱khe̱n o̱se̱i lebun vbo̱hio̱ si o̱hume̱me̱n.

\v 13 Ikkpi o̱li ase̱ na na'a vbisao si Oise̱le̱bua, lo̱ri eti ni emi'khemi, bi Jesu Kristi, lo̱ti emo̱vbata ni Po̱ntio̱s Paeleti ho̱n.
\v 14 Reo̱vbi uhiu le̱se̱n'le̱se̱n, bi khaimi emi lalo̱za sowe̱ unu, se̱vbi avare si o̱lo̱mo̱e̱nmai li Jesu kristi.

\v 15 Oise̱le̱bua lo̱ri azeo si avare so̱i vbie̱ vbeghe lo̱'eo̱vbo̱ - Oise̱le̱bua, lo̱'mo̱i ihianba, utotomi o̱kpa lo̱rivbo̱, o̱ba lo̱rivbȯ̱, o̱lo̱mo̱e̱nmai lo̱re̱mai s̱ian.
\v 16 Yio̱in uo̱kpa lo̱mo̱n aye lo̱imo̱in ire̱so, lo̱rivbi ebi urukpa lai meti ghoi ebo̱ri. Aimi o̱lo̱meti mio̱in da'a lo̱meti zagho'oi. Re̱yo̱i likhi ekpe̱n bi utotomi li re̱le̱'re̱le̱. Ise̱'e̱.

\v 17 Tali elefei si o̱lagbo̱na ho̱n l'eike ruo̱, l'eike diudu ain e̱fe laya meti mie̱n eghe̱i'ikhe̱ghe̱. Sokpe̱n ei diudu ain Oise̱le̱bua. Yio̱in lo̱ri e̱fe lata nuan lo̱mo̱in o̱e̱nghe̱me̱n.
\v 18 Vba iain ya vb'o̱lese̱n, liain mo̱in e̱fe vbi si o̱se̱n u'umi, liainya re̱mi vbobo̱'re, leya an'ma ghaye̱ li e'evbe'e.
\v 19 Yiain kha'vbina, yian ri emile̱se̱n yia li egbesiain khe̱'e̱ isao, li egbegbi agbo̱n lo̱re̱ siain obo̱.

\v 20 Timoti, re̱o khui ema're̱o̱we̱ vb'obo̱. Siegbe s̱o̱vbi eta si oruru bi ikhaeru lo̱i dewui ukpod'ata re. Ena ni eleie̱n o̱re̱ ecieo̱i oe̱n.
\v 21 Ea eso mie̱n ena ho̱n lo̱ze̱i khi yiain re̱ fie̱mo̱n amie̱nho̱n do̱n. Esio̱he̱n i'debae̱.