ema-x-emai_reg/50-EPH.usfm

\id EPH
\ide UTF-8
\h EKHE̱IN E̱FISHAN
\toc1 EKHE̱IN E̱FISHAN
\toc2 EKHE̱IN E̱FISHAN
\toc3 eph
\mt EKHE̱IN E̱FISHAN

\c 1
\p
\v 1 Ipolu, apo̱sto si Jesu Kristi, re̱shan vbi ihume̱ke̱n isi Oise̱le̱bua, ze̱n ebi Oise̱le̱bua hoi, re̱ yi elofuan isi Oise̱le̱bua le ri vbi Efiso̱s, lian muzain gidi vbi Jesu Kristi.
\v 2 Eseo̱he̱n o̱ re̱ yi vba bi o̱fure lo̱ za vbi isi Oise̱le̱bua vare, li Eramai bi Olomo̱e̱nma Jesu Kristi.

\v 3 Ire o̱ yi Oise̱le̱bua li Eri Jesu Kristi O̱lo̱mo̱e̱nmai, lo̱ ri ihianba isi emi ere̱me̱n vbi ihianba si etin lo̱ ri vbi okhumeimi vbi Kristi.
\v 4 Oise̱le̱bua ze̱ mai yi o̱in re̱ za vbi ibe̱re si agbo̱n re̱re, khi mai lo̱ mo̱in o̱fuan bi elo̱i mo̱in afido̱n vbe̱o so̱i.

\v 5 vbi e̱ke̱n ihume̱ke̱n Oise̱le̱bua ze̱ main o̱vboto̱i, lo̱ lo̱re̱ chie̱n ivbia vbi Jesu Kristi, o̱ ui o̱na erimidi kho̱ hoo lo̱ ui emi le̱se̱n lo̱ e̱ghe̱n o̱n.
\v 6 O̱na lo̱ ze̱ la re̱ ree Oise̱le̱bua vbo̱'khai si e̱seo̱he̱n so̱i, lo̱ re na main o̱he̱n vbi o̱lo̱hume̱ke̱n o̱n.

\v 7 Vbi o̱lo̱hume̱nke̱n o̱n, mai mo̱in ade̱chiere lo̱ rekhain e̱reso̱i, bi are̱hume̱n isi o̱kho̱. Mai mo̱in o̱na ohio̱ si e̱fe si e̱seo̱he̱n so̱i.
\v 8 O̱ ro̱i o̱ li e̱se so̱i na yi main vbi ukpode̱ si e̱wain ere̱me̱n bi awue̱o kuere.

\v 9 Oise̱le̱bua ri o̱i vbie̱ main, uhegbe lo̱ ri vbi ao so̱i re̱yi main, re̱ yi emi lo̱ e̱ghe̱n o̱n, lo̱ za vbi egbe si Kristi re̱vbie̱.
\v 10 Lo̱ re̱ mi amama lo̱ ri vbi isao, re̱ si uvo̱n mi e̱ghe̱, lo̱ re̱ huai emi ere̱me̱n koko, emi lo̱ ri vbi okhumeimi bi agbo̱n li mo̱n uhumi o̱kpa, li khi Kristi.

\v 11 Vbi e̱ke̱in Kristi a ze̱ main vbi elelo dia vbehe so jie. Amamai yi main kpao elabi amama si aoo si yo̱in lo̱ uiemi emi ere̱me̱n, ebo̱i mama vbi aoo so̱i.
\v 12 Oise̱le̱bua ze̱ main vbe le lo̱ uku li main re̱ chie̱n elo̱ kpao le mo̱in adui an vbi ideaeho̱n si Kristi, li main re̱ chien ire si o̱khai so̱i.

\v 13 Vbi Kristi, we̱we̱ achie̱, ukha hin eta si ata, eta lo̱se̱n isi amieho̱n, mieoi ho̱n ari Etin lo̱ fuan vboe̱.
\v 14 Etin Lofuan li khi aduidu an toto, si uku main, se̱ vbi e̱ghe̱ lo̱lo̱ se̱ main obo̱ re, re̱ yi ire isi okhai so̱i.

\v 15 O̱hio̱ so̱ na, obo̱ li re hemo̱in vbu emo̱in amieho̱n vbi O̱lo̱moe̱nma, Jesu bi ihume̱ke̱n vba yi eia le fuan si Oise̱le̱bua.
\v 16 I chie dobo̱ yie̱n khi khuemi Oise̱le̱bua, ebi ai sueni vba vbero̱mo̱n me̱.

\v 17 I li'ero̱mo̱n khi Oise̱le̱bua si O̱lo̱mo̱e̱mai, Jesu Kristi, Ero̱ khai, o̱lo̱ ri etin si eawain bi are̱vbie̱ vbi aire e̱o̱in so̱i.
\v 18 I li ero̱mo̱n le̱o si udu vba remo̱ itan eoa, li vba re̱ e̱n aduidu an vbe mi man mo̱ ideo so̱i lae za echie vba bi efe so̱i okhai si uku re̱ yi eia si Oise̱le̱bua ere̱me̱n.

\v 19 Vb'ero̱mo̱n men ya main li vba re̱ e̱n ugbami si utoto mi lai khameti man, vbi main li ain mieho̱n re̱ shian obia siutotomi so̱i lo̱ gbai.
\v 20 O̱li utotomi o̱kpa na o̱ li Oise̱le̱bua wei vbe egbe si Kristi e̱ghe̱ lo̱ wo̱in sho̱ vbidi re, o ke re̱ o̱ dia vbi obi obo̱ dion so̱i vbi okhumiemi.
\v 21 O̱ wuin Kristi dia vbe bo̱ dale̱ gbeigbei le̱ uhi ere̱me̱n bi ase̱ bi utotomi, bi agba an bi eni la soi ere̱me̱n. Kristi o̱lo̱ remi ere̱me̱n shian vbo̱ reina bi agbo̱n lo̱ vade.

\v 22 Oise̱le̱bua huai emi ere̱me̱n o̱ vbi okpoto a we̱ si Kristi, o̱za wo̱in lo̱se lo̱i re̱ chie̱n uhumi emi ere̱me̱n.
\v 23 O̱se̱ ikhi egbe so̱i, ei re̱ vo̱n so̱i lo̱ vo̱n emi khemi ere̱me̱n.

\c 2
\p
\v 1 Re yi vba, vba ulo vbi e̱ke̱n afido̱n bi o̱kho̱.
\v 2 Vbi e̱ke̱n afido̱n bi o̱kho̱ li vba za vbagbo̱n, ebai we vbi ebo̱lagbo̱na izegbe. Ebddri eliain re efio shian, etin lo̱ bia vbi egbe si ivbia le yi aakaeho̱n.
\v 3 E̱ghe̱ rivbo̱li mamain ere̱me̱n o̱re̱ dia vbu se si eleia na, ma re reo̱vbi emi li e̱tin lo̱be si ela so̱ kho̱ iri. Agbo za ui emi ebi egbe mai ho o̱ vbi sudu main. Main za gbe si elalo̱ khueo eli agbo̱n no̱i ere̱me̱n iri.

\v 4 Ama Oise̱le̱bua mon itue̱ke̱n gbe ohi si ihume̱ke̱n lo̱gbai lo̱ re̱ za hume̱ke̱n main.
\v 5 Ebi main re̱ uo̱ vbe̱ke̱n afido̱n o̱ re̱ main chio̱n o̱lo̱ riobo̱ bai Kristi. E̱se̱o̱he̱n lai re̱ mie̱n main fan,
\v 6 Oise̱le̱bua za zi main gba dia vbo̱ okhumeimi vbi Jesu Kristi. Oise̱le̱bua huai main re̱ ba Jesu, Oise̱le̱bua za zi dia vbi okhumeimi vbi Jesu Kristi.
\v 7 O̱ kha keo̱ se̱ vbi agbo̱n lo̱ vade o̱lo̱ ke re̱ main vbie̱ ugbami lai miemare̱oi, e̱fe si e̱se̱o̱he̱n lo̱ re̱ vbie̱ gbo vbi ufun mi lo̱ moe̱n yi main vbi Jesu Kristi.

\v 8 E̱se̱o̱he̱n la re fan main, re̱ yi aduidu an, lo̱i za vb'obo̱ main vare. Ohan isi Oise̱le̱bua o̱.
\v 9 E̱se̱o̱he̱n o̱iza vbi obi li main bia vare, lo̱ o̱so eya dumu ruo̱.
\v 10 Obia s'obo̱ isi Oise̱le̱bua mamain ere̱me̱n u, la mai vbi Jesu Kristi li ya re̱ u emi lo̱se̱n lo Oise̱le̱bua mama na o̱ ke te̱, li main lo̱ ya reu.

\v 11 Ere khi elo̱imieho̱n main kpao vbi segbe. a echie "O̱lairue" ikhi ema echo̱i "Orue̱" vbi egbe la ri obo̱ seia u.
\v 12 Vbo̱ le̱ghe̱ ain, a vae sho̱ vbi Kristi re. I re̱ vba u re̱ yi vbi Izrel. Ire vba u re̱yi atamasin si uruo̱mi. Vba mo̱n e ma mo̱n idaeho̱n so̱i vbi sao.

\v 13 Ama e̱yan, vbi Jesu Kristi we̱we̱ lu iyo̱ kpao rere vb'egbe si Oise̱le̱bua, e̱re si Jesu Kristi ke sie̱ kiain.
\v 14 Yoin li kho̱ fure main. Ore̱ vba chie̱n o̱kpa. Ihu egbe so̱i lo̱re̱ gbo̱n udeke̱n si azeo̱ wuegbe lo̱ van main ia.
\v 15 O̱an khi o̱vbi ohi la gbe o̱vboto̱i bi are̱khae̱n sian, a lo̱ re̱ mo̱n o̱ia lo̱gbo̱n vbi oin, lo̱ fure re̱ e̱vbo̱.
\v 16 Kristi kui eia leva gbe vbe gbe o̱kpa re̱ yi Oise̱le̱bua vbo ro̱n gbie̱n ebo̱za gbi uro u.

\v 17 Jesu rare, o̱za o gbobe so ofure yi elo̱ kpao ri vb'odo̱ rere bi o̱fure re yi elo̱ si ke̱ ai.
\v 18 Jesu o̱ ke ze̱ khi eveva ke di o̱kpa vbi Etin re bu Eramain.

\v 19 Eyan vba vba li ijentai ke vbi ire bi ogho̱e̱n. Eia si evbo o̱kpa bai eia lo fuain isi Oise̱le̱bua, bi ebo elo̱ ri vbi iwe isi Oise̱le̱bua.
\v 20 Uhumi igbiloto̱i isi apo̱sto bi ohe̱in li vba muzain, Jesu tobo̱i likhi udo lo̱ ri vbi iguegbe.
\v 21 Vbi yo̱in li oa ere̱me̱n ke za d'o̱kpa, ebi eza ohia lo̱i chie̱n oa si O̱lo̱mo̱e̱nma.
\v 22 Vb'e̱ke̱io̱n la gbo za remain chie̱n ebi Oise̱le̱bua lo̱ dia vbi etin.

\c 3
\p
\v 1 O̱hio̱ si o̱na, me̱me̱n Ipo̱lu i chie̱n oghumi si Jesu Kristi re̱ yi ehe̱in Ije̱ntais.
\v 2 I o khi vba ho̱n emo̱ obia si e̱seo̱he̱n isi Oise̱le̱bua lo̱ re̱ ne̱ me̱n yi vba.

\v 3 I ya vin o̱ li ebe na o̱hio̱ si ize̱o li a re̱ vbie̱ me̱n. O̱na ikhi ata lo̱ he'egbe li za vin ebe kue̱i yi vba.
\v 4 Vba kha ko̱ o̱na, o̱lo̱ meti wun vba e̱o kuere vbi emo̱ dimi li mo̱e̱n vbi uhegbe si ata vbi emo̱ Kristi.
\v 5 Re yi uami lo̱ rare, o̱ li ata na, airo̱i vbie̱ ivbi agbo̱n, ama, e̱yan Etin ke ro̱i vbie̱ ehain apo̱sto bi eliain mie̱o la ze̱ o̱vboto̱i o̱hio̱ isi o̱ li obia na.

\v 6 O̱ li eta lo̱ hi egbe na, li khi ehain Ijentais e ke debai e le uku, bi e lo̱ debai egbe, bi e lo̱ gbo ke̱n vbi uruo̱mi vbi e̱ke̱in Jesu Kristi re̱ shan owewe si eta lo̱se̱n.
\v 7 I ke chie̱n ayo̱uhumi si eta lose̱n isi o̱he̱n si e̱seo̱he̱n isi Oise̱le̱bua lo̱ re̱ ne̱ me̱n o̱hio̱ si obia si utotomi so̱i.

\v 8 Oise̱le̱bua ri o̱li ohan na ne̱me̱n, i re̱ chio̱n o̱lo̱ kpoto̱i vbi use̱ si eia ere̱me̱n le fuain si Oise̱le̱bua. O̱li ohan na ikhi li re wewi eta lo̱se̱n la kha meti hoto̱i efe si Kristi yi ekhe̱n Ijentais.
\v 9 Ohan li Oise̱le̱bua wuin ne̱me̱n li khi, li re̱ wuin idianre gboo lagbo̱n ere̱me̱n re̱ e̱n emi li amama si Oise̱le̱bua u. Oise̱le̱bua lo̱ mi emi ere̱me̱n ri o̱lamama he re za vbi orele̱ide̱ re̱ re.

\v 11 Ari o̱li amama vbie̱ vbi egbe si iwowo, li elian ragbon shan bi utotomi vbi ukhumiemi re̱ e̱n ukpode̱ ere̱me̱n isi ewain isi Oise̱le̱bua i zegbe.
\v 10 O̱na o̱ o̱ de o̱vbo̱ vbi amama so̱i re̱ za vbi e̱ghe̱ lo̱i mo̱in ire̱so re̱ re lo̱ u shain vbi Jesu Kristi, O̱lo̱mo̱e̱nmain.

\v 12 Vbi e̱ke̱in Jesu main mo̱in o̱kan, aso̱i egbe bi aduiduan o̱hio̱ si idiegbean vbi o̱in.
\v 13 Ebo̱kere̱ ri na, i lo̱ e̱vba li vba i o̱ mo̱in o̱e̱me̱n, vb'o̱hio̱ isi ioya vb'o̱hio̱ vba, lo̱ chie̱n o̱khai vba.

\v 14 O̱hio̱ si o̱na ire̱ de igua me̱n re̱ yi Oise̱le̱bua,
\v 15 ebi uanmi ere̱me̱n vbi Okhumieimi bi agbo̱n za wuin eni.
\v 16 I li ero̱mo̱n lo̱i re̱ yi vba ebi e̱fe si o̱khai so̱i iri, li vba re̱ mo̱in uzezemi bi utotomi lo̱ za vbi Etin so̱i lo̱ ri vba e̱ke̱n egbe.

\v 19 I li ero̱mo̱n khi Kristi lo̱ ovbudu vba dia re̱ shan vbi aduidu an, li vba re̱ fi ii wuoto̱i bi afije̱n vbi ihume̱ke̱n so̱i.
\v 18 Vba mo̱in uzezemi li vba re̱ meti mo̱in a wun e̱o kuere, de ba eno̱i ere̱me̱n le mieho̱n, emi lo̱ chie̱n uvbe̱mi, urere mi udami biu ude gbuu.
\v 17 Bi, li vba re̱ e̱n ihume̱ke̱n si Kristi, lo̱ le̱ emilameti e̱n bi li vba mo̱in uvo̱nmi si emi ere̱me̱n lo̱ vbi isi Oise̱le̱bua.

\v 21 Eyan, re̱ yi o̱lo̱ lo̱ meti u rai emi ere̱me̱n li mai mian da mai o'o, ze̱in elabi utotomi so̱ lo̱bia vbi egbe main,
\v 20 okhai o̱ re̱ yo̱i vbi ijo̱ so̱i, bi Jesu Kristi re̱ yi uami ere̱me̱n re̱le̱ re̱le̱. Ise̱

\c 4
\p
\v 1 Me̱me̱, lo̱ khi ovie̱n si O̱lo̱mo̱e̱nma, i o̱i li vba ya shoshan lo̱ evbi u echemi lae chie vba.
\v 2 Me̱me̱ yo̱i li vba ya ui agbo̱n si idegbere, li oho'o bi ozie̱n, vba ri ihume̱ke̱n kpa egbe vba we e.
\v 3 Vba ui emi li vba lo̱ meti u, la lo̱ re̱ mo̱in o̱kugbe si Etin vbi o̱fure.

\v 4 Etin o̱kpa bi egbe o̱kpa lo̱ ri vbo̱, ela bi ai eche vba o̱vbi awue̱o da okpa la echie vba ni.
\v 5 Bi O̱lo̱mo̱e̱n o̱kpa, amieho̱n o̱kpa bi isame̱n o̱kpa lo̱ri vbo̱,
\v 6 bi Oise̱le̱bua o̱kpa lo̱ vbi era agbo̱n ere̱me̱n, lo̱ vo main ere̱me̱n, re̱ shian vbi ere̱me̱n bi e̱ke̱n egbe mai ere̱me̱n.

\v 7 Ari e̱seo̱he̱n li maimain o̱d'o̱de, elabi Kristi ro̱i na mai se̱.
\v 8 Ebi ebe isi Oise̱le̱bua tai kho̱: "E̱ghe̱ lo̱ re̱ he̱n okhumi lo̱ dai, O̱ huai elawuno̱i chie̱n o̱lawun. O̱ za ri ohan lo̱ buin l'eia."

\v 9 "O yi okhumi" ema ro̱i ta, ra khi e ro̱ kpao kpo̱n di oto̱i se̱ vbi ebi oto̱i dimi se̱?
\v 10 Yo̱in lukpo̱kpa lo̱ kpo̱n di oto̱i, yo̱in lo̱ gbo he̱n okhumi di ebo̱ dale̱ gbei gbei, lo̱ re̱ meti chie̱n o̱lo̱vo̱n emi ere̱me̱n.

\v 11 Kristi o̱ re̱ li eso liain re̱ chie̱n apo̱sto, eso vbi elo̱mie̱o, eso vbi elo̱ wewe, eso vbi alufa bi elo̱vbie̱.
\v 12 O̱ ri elehe na liain re e̱he̱n egbe isi eia so̱i le fuain, le re̱ bi obia si ugami, la re̱ z'oa lo̱ vbi egbe si Kristi.
\v 13 I yo̱ o̱ kei zi o̱ l'oa lo̱ vbi egbe so̱i se̱ vbo̱ main di o̱kpa vbi amieho̱n bi oe̱n si ovbi Oise̱le̱bua, bi main gbo ohia se̱ vbo̱ khi main ke ui bi Kristi.

\v 14 Kristi ze̱ main ohia, li main ke vbi ivbiekha, li ikhuo o̱fi yao, yi uokho, li efio si uvbie̱ emi isi elo̱ mo̱i ike̱le̱ gue isi ate̱ e, lo̱ hua ra le̱.
\v 15 Vbe he si yo̱, li mai ya ri ihume̱ke̱n kpaye gbe t'eta, main lo̱ ya ohia o̱vbo̱ vbi ukpode̱ ere̱me̱n vbi yoin, lo vbi uhumo̱i, yoin li Kristi.
\v 16 Kristi lo̱ hu 0a so̱i ere̱me̱n legbo̱i, La kugbe agbo ri ikpian la re̱ wiain mo̱e̱ gba kugbe, ikpemi segbe ode ode kha ke bia, o̱lo̱ ke wuin o̱legbe ohia se̱ vbo̱, ohia o̱vbi ihume̱ke̱n li egbo̱i.

\v 17 O̱hio̱ si o̱na, ita ai, igbo chie o̱ i, vbi O̱lo̱mo̱e̱n, khi vba kha ke we'e ebi ehain Ije̱ntai o̱i uagbo̱n, vbu kpodi aghoigho si udu siain.
\v 18 Li emi re̱ wuin ain e̱o kuere o̱suaso̱n dain dain egbo si rere sho̱ vbi agbo̱n li Oise̱le̱bua o̱ li main u, o̱hio̱ si aie̱n sian, o̱hio̱ si a wuin udu ohia li ain mo̱e̱n.
\v 19 Eimo̱ ile̱kho̱i, egbo z'egbe ain obo̱ li o̱e̱ghe̱n s'egbe, iyo̱ yian ke we awe si iwuan rale̱.

\v 20 Ama, iyo̱ ki vba mama emo̱i Kristi.
\v 21 Ikho̱h kho̱i khi vba hin e̱mo̱in, khi agbo vbi e̱vba e̱mo̱n, ebo̱ iu khi jesu lata ri.
\v 22 I vbie̱ vba li vba wun awe vba li gheghe fia, li vba wuin o̱ia li vba iu igheghe fia. O̱li o̱ia ligheghe ain lo̱ ria o̱hio̱ si ate̱e si le buin lo̱ hoo.

\v 23 Avbie̱ vba li etin re̱ win udu vba chie̱n o̱lo̱gbo̱n.
\v 24 Li vba chie̱n o̱ia lo̱gbo̱n lai main vbi agbhoan isi Oise̱le̱bua, vbi aulo̱se̱n isi ata bi o̱fuan.

\v 25 O̱hio̱ si o̱na, vba si e̱he̱n sho̱ vbe gbe re, vba ya ti ata legbe ho̱n, erimidi o̱kpa mai ke u ye gbe.
\v 26 Vba ebi ohan o vbo̱ kho̱. Vbai zi o̱vo̱n de o win ibiohan vba ye̱n.
\v 27 Vba e re he li esun.

\v 28 O̱lo̱ du oi, o̱i di obo̱ ye̱n vboi udomi, o̱ibia, o̱irobo̱ si ya bi obia lo̱ de o̱vbo̱, lo re mo emi lo̱ lo̱ meti za re̱ ni elo̱i mo̱e̱n.
\v 29 Ezi eta lo̱i deo̱vbo̱ shian vbunu se̱ dianre. We eta le mo̱i ikhe̱ obo̱ yi ukhuaegbe yi eno̱i, elabi ei ho o̱i, li eta se̱ re̱ mo̱i ikpaobo̱ yi elu ti eta ni ho̱n.
\v 30 Eri ohan bi Etilo̱fuan si Oise̱le̱bua, yo̱in la re̱ fie̱ akan se̱ vbi ukpe̱de̱ si ade̱chiere.

\v 31 Hua, iria e̱ke̱an, ohuze̱, ibiohan, uroo, ukhue bi emi ere̱me̱n lo̱be, kua.
\v 32 Vba mo̱n ufumi yi egbe, udu li oho, are̱humegbe elabi Oise̱le̱bua vbi Jesu o̱i re̱ hume̱n mai.

\c 5
\p
\v 1 O̱hio̱ si o̱na, vba ya ri egbe oi Oise̱le̱bua, elabi ivbia la hume̱ke̱in.
\v 2 Vba ya sho shan si ihume̱ke̱n, elabi kristi i hume̱ke̱n mai lo̱i ri egbo̱i re̱ na mai, elabi ohan bi ivbabo re̱ yi Oise̱le̱bua.

\v 3 Ama lai mi ue̱n si oghe̱ da emi lo̱i fuan da are̱oo̱vbemi, ena o̱i deo̱vbo̱ yi ea si Oise̱le̱bua yiain fuan.
\v 4 Lai mi iwuan, eta li e̱wai e, bi osie lo̱i deo̱vbo̱ - ena ere̱me̱ o̱i deo̱vbo̱. Ehe si ona vba ya ui ekhue̱mi yi o̱i.

\v 5 Vba ru udu vbi o̱na khi ai mi o̱lo̱ gb'oghe̱ lo̱ fuan, da o̱lo̱ to vbi emi gbe - o̱ai vbi o̱lo̱ gi areo̱ - lo̱ mo̱i uku o̱so̱so vbi e̱ghe̱ o̱ba si Kristi bi Oise̱le̱bua.
\v 6 Vbai zi o̱o̱so te̱e̱ vba e bi eta si aho, erimidi o̱hio̱ si elemina ibiohan si Oise̱le̱bua vade yi ivbi akaeho̱n.
\v 7 O̱hio̱ si o̱na, vba e debai iain.

\v 8 E̱ghe̱ ri vbo̱ li vba chie̱n isi aso̱n, sokpe̱n, eyan vba ke chie̱n urukpa vbi ekein O̱lo̱mo̱e̱n. Vba ya sho shan si ivbi urukpa.
\v 9 Erimidi ukpo̱mo̱ si urukpa a mi o̱i vbi ukhumemi, o̱fuan bi ata.
\v 10 Ugbo hoi emi li o̱lo̱ wuin O̱lo̱mo̱e̱n vbi e̱o.
\v 11 Vbae ya re̱khain fi egbe ba oshian si aso̱n lo̱i de o̱vbo̱, sokpe̱n vba ya riai e̱o dianre.
\v 12 O̱vbi emi si ekho̱i o̱ lai re̱ sueni si emi nian u vbi uhegbe.

\v 14 Sokpe̱n, urukpa kha vbae wu emi a mio̱in.
\v 13 O̱hio̱ khi emi la za gho li khi urukpa. O̱hio̱ si o̱na o̱ ke reo̱i, "Shio̱re, vbavba li vba me̱he̱n, vba za vbi usee si ele u dianre, e̱ghe̱ain Kristi lo̱ vbai wun vba."̈

\v 17 Vba ri e̱wain e̱e̱n ebi vbai e̱e̱n-o̱ivbi elabi elei mo̱i e̱wain, sokpe̱n elabi ele mo̱i e̱wain.
\v 16 Vba di e̱ghe̱ chiere erimidi e̱de̱ lo̱be oke rivbo̱.
\v 15 O̱hio̱ si o̱na, vba chie̱n elia ruru, sokpe̱n vba mo̱i e̱wain si ahoo si O̱lo̱mo̱e̱n.

\v 18 Vbai ke di eyo̱n lo̱ wun oya, erimidi khi o̱ruan wuei ue̱e̱n lo̱be. Sokpe̱n vba von yi Etinlofuan.
\v 19 Vba ya kpa yi egbe gui emo̱i si ioo si o̱khai bi isi Etinlo̱fuan, vba ya ri udu ere̱me̱n sui ioo lo̱ e̱ghe̱n vb'eho̱n yi O̱lo̱mo̱e̱n.
\v 20 Vba vbi ekhue̱mi e̱ghe̱i-khe̱ghe̱ si emi ere̱me̱n, vbi eni si Jesu Kristi O̱lo̱mo̱e̱main re̱ yi Oise̱le̱bua li Era.
\v 21 Vba mo̱in idegbe re yi egbe vba vbi e̱ke̱in ekpe̱n re̱ yi Kristi.

\v 22 Ele mo̱ o̱do̱n, vba robo̱ li o̱do̱n vba wun, be mo̱n khi O̱lo̱mo̱e̱n li yain u.
\v 23 Erimidi o̱do̱n li khi o̱kpokhumi si o̱kposo elabi Kristi gboi vbi o̱kpokhumi si elemieho̱n, o̱li Kristi legbo̱i lo̱ chie̱n o̱lo̱sumuan so̱i.
\v 24 Elabi o̱se̱ i wui egbe ovbi obo̱ si Kristi, iyo̱i elemo̱do̱n lo̱i gboi wui egbe ain ovbi obo̱ si ediain vbi ue̱n ere̱me̱n. Ed

\v 25 Edo̱n, vba hume̱ke̱in eha vba, elabi Kristi hume̱ke̱n elemieho̱n o̱za regbo̱i nuan gbe vbi o̱hio̱ so̱i.
\v 26 Kristi ri egbe so̱i li o̱se̱ lai mie̱n khi o̱ mo̱i o̱fuan, ebo̱i wo̱i fuan vbi isame̱n bi eta so̱i.
\v 27 Kristi o̱kho̱ o̱se̱ fuan lo̱ re̱ wuo̱in sike̱i egbe vbi e̱ke̱n o̱khai bi khi o̱i mo̱i iwuan da emi evbe, lo̱ re̱ mo̱i o̱fuan lo̱i mo̱i okan.

\v 28 Iyo̱ li edo̱n lo̱ gboi hume̱ke̱n ehi ain, elabi egbe sian. O̱lo̱ hume̱ke̱in o̱hai lo̱ hume̱ke̱n egbe so̱i.
\v 29 O̱hio̱ hi ai mi o̱lo̱ kho̱ e̱ke̱n egbe so̱i, sokpe̱n o̱ kue̱ o̱i, o̱ gbo ri e̱o khu o̱i, elabi Kristi i khue̱ o̱gbo̱ re̱ o khui iwowo so̱i lo̱se̱n.
\v 30 Erimidi mamain, ma chie̱n egbe so̱i.

\v 31 "O̱hio̱ si o̱na, o̱mo̱he lo̱ zi era bi iyo̱n obo̱, lo̱ re̱ debaa ohai, li yain li eva o̱ chie̱n egbe o̱kpa."
\v 32 Oli ata lo̱ yi egbe he na o̱ chie̱n ukutu. So̱kpe̱n ya gui iye̱mi si Kristi bi o̱se̱.
\v 33 O̱re̱kpe̱ ri vbi yo̱ o̱do̱de mo̱i lo̱ lo̱ re̱ hume̱ke̱n o̱hai elabi egbe so̱i, o̱li o̱hai o̱ wun ekpe̱n li o̱do̱in.

\c 6
\p
\v 1 Ivbia vba wuin ekpe̱n li era bi iyo̱n vb'e̱ke̱n O̱lo̱mo̱e̱nmai, o̱hio̱ khi o̱na diai.
\v 2 "Wuin ekpen li era bi iyo̱n" (lokie̱n uhi lo̱kpao lo̱ mo̱i emi la hi),
\v 3 "Lo̱i re̱ hume̱n na'a, lugbo re̱ to̱n vbi o̱li u humoto̱i na."

\v 4 Vba vba li era, vbae yie̱n ivbi vba li ain re mioya. Sokpe̱n, vba ri ukpode̱ si O̱lo̱mo̱e̱nma kue̱ iain liain re̱ ohia re.

\v 6 Ivie̱n, vba mo̱in ide uhumi re̱ yi o̱lo̱mo̱e̱n vba isi o̱lagbo̱na, vbi e̱ke̱n ata isi udu vba. Vba mo̱in ide uhumi re̱ yi ain elabi vba lo̱ mo̱e̱n yi Kristi.
\v 5 Vba ya mo̱in ide uhumi re̱ o̱i vbi e̱ghe̱ li o̱ga vba o̱i re̱ kaeo gho vba. Li vba i re̱ vbu o̱i vbi e̱o. Sokpe̱n mo̱n o̱li idei uhumire ain ze̱n elabi o̱vie̱n e̱i Kristi. Vbi ahoo si Oise̱le̱bua zavbi udu se vare.
\v 7 Ri udu se̱ ere̱me̱n ga, bi emo̱n khi O̱lo̱mo̱e̱n li ua ga, khi o̱ivbi eia.
\v 8 E̱n o̱na khi emi le̱se̱n lo̱iu li oia u, o̱lo̱ mi e'e so̱i vbi obo̱ si O̱lo̱mo̱e̱nmai, o̱kha re vbi o̱vie̱n da o̱lo̱i vbi o̱vie̱n.

\v 9 Vbavba li ekhe̱n o̱ga, vba gbo vbi eli emina yi o̱vie̱n vba. Vbae ya yian-yin ain. Vbae̱n khi o̱lo̱ chie̱n o̱ga siain bi ise̱ o̱ ri vbi okhumieimi. Ue̱n kho̱imo̱i ise̱me̱ likho̱na.

\v 10 Okugbe lo̱ rivbo̱ li khi, mo̱i awutoto vbi O̱lo̱mo̱e̱n, bi vbi utotomi so̱i.
\v 11 Kui uvo si eumi isi Oise̱le̱bua o̱vbi egbe, lai mie̱n khumeti muzan re̱khain amama lo̱be si esun vbo̱ le̱ghe̱ na. Ukha ke ui emi ere̱me̱n le, lu re̱ muzan gidi.

\v 13 O̱li okho̱in samai, o̱ikie̱n isi egbe bi e̱re, sokpe̱n isi obia bi etin bi areshan awe lo̱be si aso̱n re̱khain etin lo̱be lerivbi eimi.
\v 12 O̱hio̱ si o̱na kui eun si okho̱in si Oise̱le̱bua ere̱me̱n o̱vbi egbe, lu lo̱re̱ meti muzan kizi vbe̱ ghe̱ lo̱be si o̱hina si esun. Ukha ke vbena ere̱me̱n, lu re̱ muzan kizi.

\v 14 O̱hio̱ si o̱na muzan kizi. Su ke ri ekugba si ata wue kun, bi ako si idama si ata.
\v 15 Isi ibabta lo̱ ri vbo̱, wuegbe lu lo̱ re̱ wewe eta lo̱se̱n si o̱fure.
\v 16 Ebo̱i re̱i de, wui emiokho̱n si amie̱nho̱n, lu lo̱ mie̱n re̱ meti funi etekun si erain si esun an.

\v 17 Wuei uvbierun si amie̱nfan bi agada si Etin, lo̱kie̱n eta si Oise̱le̱bua.
\v 18 Vbi e̱ke̱n ero̱mo̱n bi uvbimi, ya lie ero̱mo̱n e̱ghe̱i khe̱ghe̱ vbi e̱ke̱n Etin. Bi udu lina, ya khe̱ e̱ vbe̱ghe̱ khe̱ghe̱ vbi e̱ke̱n ozie̱n ebu wai li ero̱mo̱n yi ivbi Oise̱le̱bua le fuain.

\v 19 Vba lie ero̱mo̱n yi me̱n, lai reta o̱me̱ vbumi re̱ta si ke tan unua. Vba lie ero̱mo̱n lire meti ri o̱kan ri azeo ti ata lo̱ yiegbe he'e si eta si ohume̱me̱n dianre.
\v 20 O̱hio̱ si eta ohume̱me̱n li re kie̱in uko̱ la ri ighian gba, laire mie̱ khi ilo̱ meti ya ti eta gbogodo elabi o̱i e o̱vbo̱ li tai.

\v 21 Ama li vba lo̱ re̱ e̱in ebi kei ri bi emi li ya uu, Itikiko̱s, omio̱n ma la hume̱ke̱in o̱in lo̱ kie̱n egbegbi ibo̱i vbi O̱lo̱mo̱e̱n, lo̱ lo̱ ke ri emi ere̱me̱n wun vba e̱o kuere.
\v 22 Iye o̱i re̱ vba vbi o̱hio̱ si o̱na, li vba lo̱ rē e̱n emi vbi ukpo̱hio̱ samai, li o̱lo̱ gbo re̱ o̱'o̱ vba udu re.

\v 23 Li o̱fure debai eli imio̱n, bi ihume̱ke̱n debai amie̱nho̱n zavbi isis Oise̱le̱bua li Era bi O̱lo̱mo̱e̱nmai li Jesu Kristi.
\v 24 Li e̱seo̱he̱n debai o̱ia-khi o̱ia lo̱ hume̱ke̱n O̱lo̱mo̱e̱nmaJesu Kristi vbi ihume̱ke̱n lo̱i mo̱i ire̱so.