ema-x-emai_reg/48-2CO.usfm

\id 2CO
\ide UTF-8
\h Ebe Si Coritian Lo'zevba
\toc1 Ebe Si Coritian Lo'zevba
\toc2 Ebe Si Coritian Lo'zevba
\toc3 2co
\mt Ebe Si Coritian Lo'zevba

\c 1
\p
\v 1 Ipol, ivbiodogho isi jesu kristi vbi ahoo si oiselebua, bi Itimoti li omion mai reyi ose si Oiselebua lo rivbi Icorint, bi eli yian miehon ereme yian rivbi otoi si achai.
\v 2 Eseohen o reyi vba bi ofure si Oiselebua li eramai bi Jesu kristi o lo moenmai.

\v 3 Irokhai reyi Oiselebua lo vbi era li Jesu kristi lo moen mai. yoin khi era si itueken bi
\v 4 Oiselebua si ofunvbegbe eremen. Oiselebua ri ofunvegbe yi mai vbi omiamen mai eremen laloza mien khi mamai lo gbo meti ri ofunvbegbe yi agbon evbe liain ri vbi omiamen. Ofunvbebge li Oiselebua reyi mai ma lo'gbo reyi agbo evbe'e.

\v 5 Elabi ioya si kristi orivbo vbi ohio mai iyo li ofunvbegbe mai re rivbo reyi kristi.
\v 6 Ama ma kha moi omiamen, isi ofunvbegbe bi amienfan se o. Ma kha moi ofunvbegbe, isi ofunvbegbe se o. Ofunvbegbe se o ofunvbegbe se yoin khi aen bia vbe kein akoko'oya labi sa mai.
\v 7 Ajuiduan mai reyi vba ou gbain. Ma ein khi nebu kein vbi ioya, u lo gbo kein vbi oli ofunvbegbe.

\v 8 Ma kho vba eiemi vbi okpokpo ma moen vbi Asia. Ma oya labi mai meti zien, elabi mai kho ma lo che vbabgon.
\v 9 Eri ma moi ighaezon si eu vbi egbe, Ama oain zi main wui utotomi ovbi egbe mai,
\v 10 Ama vbi Oiselebua lo. O sumen mai vbi okpokpo si eu, yion lo che gbo sumen mai. Mai juduan khi olo che sume main.

\v 11 olo vbi ona ebi vbai kpa ma obo vbi eromon. Agbon eremen lo vbi ekhuemi okhio savba vbi eseohen la wun na mai vbi eromo si elebun.

\v 12 Mai ruo vbi ona: Vbi ose si udu mai khi vbi ao lo fuan bi ekein ata si Oiselebua ma za wui egbe mai vbi oli agbona. Ma che totobo deba vba vbi ona-oi vbi ewain si oli'agbon na, Ama ovbi ese ohen si Oiselebua.
\v 13 Ma ha vbi emi li vba kha mati ko di loi wu vba eokuere. io vba lo moi iwueo kuere gbeigbe.
\v 14 Elabu kei moi awueokuere vbi emoi mai, Mamai lo kien emi vba la re ruo ukpede si jesu kristi ela bi vbavba lo vbi sa mai.

\v 15 O̱hio̱ khi mo̱i adiuduan si ona, iho'oi li kpao de we̱ ebge re, lulo̱za mi e'e si aho'ore si sevba.
\v 16 Eri ya mama li hoe̱re̱ i kha s̱ian vbi Me̱se̱donia. i che gbo khoere khavade, lu reye me yi Judia.

\v 17 Bi ya re̱ o'oi ena, eri ko̱i eta re? Eri mami ena reyi oe̱n si ea lilo za ti "e̱'e̱", "e̱'e̱" bi "o̱gho̱" vbi e̱ghe̱ o̱kpa?
\v 18 Ama ela bi Oise̱le̱bua o̱i vbata, ma ya ti "e̱'e̱" bi o̱gho̱ e̱ghe̱ o̱kpa.

\v 19 Re̱yi ovbi Oise̱le̱bua li Jesu kristi, li Silivano̱s, Timoti bie̱me̱ wewei re̱yi vba, o̱i vbi, "e̱'e̱" bi, "o̱gho̱" sokpe̱n "e̱'e̱" yo̱in khi so̱i. Vbi emi li Oise̱le̱bua hi evi "e̱'e̱".
\v 20 Iyo̱ gbo'o̱ mare̱ s̱ian vbi obo̱ so̱i gbi ''ise'' re̱yi o̱khai si Oise̱le̱bua.

\v 21 E̱yan, Oise̱le̱bua lo̱ ri utotomi li mai bi'vba vbi kristi, o̱gbo ye mai.
\v 22 O̱wui oma'a mai vbeghe lo̱kie̱i emi lo̱tai kho̱lo̱ cie wu na mai.

\v 23 Erimidi ieci Oise̱le̱bua loi ri o̱'o̱se̱ ne̱me̱ khi iho lo̱i fan vba o̱na lo̱ ze̱i li re̱ di ko̱rinti re.
\v 24 O̱na iu khi ma vbie̱ vba ebi vba lo̱i ri amie̱ho̱n vba s̱an, sokpe̱n, ma bia reyi egho̱ngho̱n vba, ebi vbai muzan vbi amie̱nho̱n.

\c 2
\p
\v 1 Ike tai legbeme̱n ho̱n ikhai ke devba egbere e̱ghe̱ si o̱miame̱n.
\v 2 Ikha zi̱ oya owe egbe, olo ri ire leme, ama oli iri oya ni'e.

\v 3 I vin re̱yi e̱ghe̱ li kha ke vbera ikha mo̱i io̱ya re̱yi o̱lo̱ zime̱n mo̱i iriakha'a.
\v 4 I vin yi ghe̱ si o̱mianme̱n, bi io̱ya si udu bi amevie̱. Iho'o li si ioya yie̱. Iho'o luen khi ihume̱nke̱n li mo̱e̱n re̱yie̱.

\v 5 O̱i̱ya kha mo̱i io̱ya lo̱ wu vare, yōin o̱kpa o̱izo̱i mo̱i awuse̱'e̱, ama re̱yi amo̱n lo̱i togbe re̱yi vbai ere̱me̱n.
\v 6 o̱li io̱ya si o̱li o̱ya li egbo̱n ere̱men re o̱i, o̱se̱i.
\v 7 Eyan wewe mo̱i ivbudu na bi ihunme̱nke̱n. Lalo̱ zamie̱n o̱gbi aigwe̱ lo̱ totogbe.

\v 8 Irievbakha'a li vba mo̱i ihume̱nke̱n re̱yo̱i vbi use'e.
\v 9 Onao̱ze̱ li re̱vi, li re damavba fe̱'e̱ghs si vba mo̱i ari eho̱n'o̱ si emi ere̱me̱n.

\v 10 Ukha re̱humi oiya, ilo̱ gbo re̱humi o̱lo̱ia. O̱iya li re̱khume̱n-ikha re̱khumi emilo̱khau-o̱hio̱ se̱'e̱ ire̱ re̱hume̱n vbe̱ke̱in vbo̱o si kristi
\v 11 Emo̱ se̱'e̱ wo̱i hi li e̱sun yo teamae. Mai wi o̱lo̱i mo̱i iwue̱no̱kue̱re̱ si amama so̱i.̱

\v 12 Oise̱le̱bua huyi uwedea ne̱me̱n e̱ghe̱ lilo̱ re̱ wewi eta si kristi vbi Traosi.
\v 13 O̱re̱ de̱iyo̱, imo̱in o̱fure̱ si udu, o̱hio̱ si imi omio̱n me̱n li Taito̱s vbevbo̱. Iikere̱ s̱io̱ vbevbo̱ re yi Masedonia.

\v 14 Ama ekhue̱mio̱n re̱yi Oise̱le̱bua, vbe̱ke̱in kristi lo̱zimai riobo̱khai. O̱hio̱ main o̱lo̱ re̱ si agbo̱n mo̱i oe̱ghe̱nme̱n si e̱wain so̱i re̱yi agbo̱n ere̱me̱n.
\v 15 Mai cie̱n ivbi Oise̱le̱bua o̱hio̱ si kristi, re̱yi eliyani mo̱i amie̱fan bi use'e si elian rivbi khueo.

\v 16 Re̱yi ea lo̱u khian khue'eo, emo̱ ayia'are re̱zavb eu di eu lo̱ kian. Re̱yi ea lian mie̱n amie̱nfan, uya'ami si aye re̱di aye. O̱'o̱i elemina hume̱n yi?
\v 17 O̱hio̱ maiu bi ea eso lebun nian s̱in eta si Oise̱le̱bua re̱ mie̱n egho. Sokpe̱n, vbe̱ke̱n ao'o lo̱se̱n, ma teta vbe̱ke̱n Kristi, elabai ye mai zavbi obo̱ si Oise̱le̱bua vare, vbi isao si Oise̱le̱bua.

\c 3
\p
\v 1 Eri make be̱'e̱ khi ma ri o̱khai li egbe'mai? Mai hoi eta si ire'e re̱yie̱ da'a re̱zavbi obo̱'se̱'e̱ vare, elabi ea eso, iyo̱ mairi?
\v 2 Vbavba legbevba nikhi'i eta si ire'e samain, lavin o̱vbi udu samai, li agbo̱n ereme̱n e̱in, legbo mie̱n ko̱'o̱.
\v 3 Erivba re̱vbie̱ khi eru'kie̱n ebe lavin zavbi esi Kristi, s̱ian vbi obo̱mai vare. Lo̱kian emi lai ri o̱da vin sokpe̱n Eti si Oise̱le̱bua lo̱ rivbo̱. O̱ivbi o̱la vin o̱vbi ese̱mi-udo, sokpe̱n e̱ke̱n udu si ea.

\v 4 O̱na'ikhi adi'uduan li'mai mo̱e̱n o̱vbi Oise̱le̱bua s̱ian vbobo̱ si Kristi.
\v 5 Mai se̱ legbe'mai limai lo̱re̱ mie̱n'ama khi emi o̱so'o̱so zavbi obo̱'mai vare. Sokpe̱n, adi'uduan samai obō si Oise̱le̱bua o̱za vare.
\v 6 Oise̱le̱bua o̱ze̱i limai re̱ meti kie̱n ivbiodogho si atamasi lo̱gbo̱n. O̱nai ikhi atamasi lo̱i vbisi ema'vin sokpe̱n isi Eti-lo̱fuan. Erimidi ema vin o̱gb'o̱ia, sokpe̱n Eti-lo̱fuan o̱wui aye're.

\v 7 Obia si eu lavin o̱vbi ese̱m-udo ri o̱khai ni ivbi Izreli se̱vbo̱ khi eya'gbudu dia'ode̱ kae̱o ghoi e̱o si Mosisi. O̱na vbi o̱hio̱ si o̱khai si e̱o'so̱i, o̱khai lo̱'o̱u khi o̱'o̱he̱a.
\v 8 E̱ghe̱ain, obia si Eti-lo̱fuan kha kie̱n o̱khai lo̱'gbale̱?

\v 9 Akamie̱ khi obia si ikhueo mo̱in o̱khai, ekeka ikekhi obia si o̱hume̱me̱n!
\v 10 Vbe̱ke̱in ata, emi lo'ou khakpao re̱kie̱n emi si o̱khai, o̱ike kie̱in emi s'o̱khai vbi o̱li uvie̱nmi na, erimidi si o̱khai o̱vbe'e lo̱ leo̱i.
\v 11 O̱hio̱, akha mie̱n khi emi lo̱'o̱u kho̱'o̱fi ra'are mo̱in o̱khai, ekekai kekhi o̱khai si emi lo̱rivbo̱ re̱le̱re̱le̱.

\v 12 Ebo̱iu khi mai mo̱in o̱li adi'uduan na, mai kie̱n o̱lo̱mo̱n udu.
\v 13 Maiu bi Mosisi, lo̱ kui emi voe̱o, li ivbi Izre̱li emeti kae̱o gho'oi are̱so si o̱khai lo̱ ra'ale̱.

\v 14 Sokpe̱n udu sian khuhiei. Re̱kpe̱ se̱vbi e̱'e̱na o̱li emi la kwu'voi e̱o na se̱kpe̱ rivbi uko̱'o̱mi si atamasi li'gheghe. Ai khuhioi'a, erimidi egbe si Kristi lo̱lo̱za soto̱i.
\v 15 Re̱kpe̱ se̱vbi e̱'e̱na, akha ko̱i Mosisi, emi se̱kpe̱ kwu'voi udu siain.
\v 16 Sokpe̱n o̱ia kha deli e̱o yi O̱lo̱mo̱e̱nmai, o̱li emi la kwu voe̱o na s̱io̱vbo̱re.

\v 17 Olomoenmai likhi Eti. Ebi Eti si Olomoemai ri, an'in li amienfan ri.
\v 18 Mama eremen, bi khi ai'kwuemi voeo, mai mi okhai si Olomoenmai. Era'a remain moin ifiegbe'delegbe ovbi egbe s'okhai-redi-okhai, elabi si Olomoenmai lokien Eti.

\c 4
\p
\v 1 Oise̱le̱bua wui eli obia na ne̱ mai u, o̱ che gbo mo̱e̱n itue̱ke̱n ni mai eyan mai mo̱i iriahaa.
\v 2 Ma mo̱i o̱gue mai vbi emi li mai lo̱ za leghoi, mai mo̱i emi li ma lo̱ wuhe ni oa. Mai ya rehi emi li Oise̱le̱bua ha meti wure, mai ya vbei uhumi isi Oise̱le̱bua lo̱ de o̱vbi emi mai hooi. Mai wui ata re. Mai wui egbemai dianre vba ghae ebi mai muzan isao isi Oise̱le̱bua.

\v 3 Akha ri emi voi eta si o̱khume̱me̱, la wuo̱i hee ni agbo̱n ni a u o̱i vbi Oise̱le̱bua.
\v 4 Vbi isi ain, Oise̱le̱bua isi o̱li agbo̱na rui e̱o sian yi ata o̱hio̱ si yian wu uduain eta isi o̱hume̱me̱ isi ekpēn si Jesu Kristi lo̱ re̱ vbie̱ ebi Oise̱le̱bua ri.

\v 5 Khi mai ya ti isi egbemai, ama Jesu Kristi lo̱ vbi o̱lo̱mo̱e̱mai, bi mamai legbemai lo̱ vbi igbo̱madia vba re̱ yi Jesu.
\v 6 Oise̱le̱bua lo̱ tai khi "Urukpa lo̱ dianre vbi asuki". O̱ fio̱i urukpa so̱i o̱vbi e̱ke̱in udumai, la za mie̱n khi mai kha juduai Jesu Kristi, mai lo̱ mami ebi Oise̱le̱bua ri.

\v 7 Ama mai wui emi lo̱ chiei ukutu li Oise̱le̱bua wu o̱ mai egbe, liai u bi uwawa. Khi o̱fuan khi utotomi lokhua o̱vbi isi Oise̱le̱bua o̱vbi si mamai.
\v 8 Ma ke mi e̱so̱n si okpokpo lo̱ bui, ama e khue mai o̱. Emi li mai lo̱ u lo̱ meti daghaa vbi e̱o mai, ama mai fo etin an.
\v 9 Yiai kho lian vbi mai emi lo̱be, ama o̱ivbi mamai o̱kpa, o̱u bi a fi mai gbe, ama, mai che sho̱re.
\v 10 Mai mo̱i vbi e̱ke̱in egbe mai eu si Jesu Kristi, lo̱ u kpe agbo̱n si Jesu Kristi lo̱ re̱ vbie̱ vbi egbe mai. ̄̄

\v 11 Mamai ma ri vbi agbo̱n ma wui eu si Jesu Kristi vbi egbe mai, la za mie khi agbo̱n si Jesu Kristi lo̱ re̱ vbie̱ vbi egbe mai.
\v 12 Eyan eu o̱ bia vbi egbe mai. Ama agbo̱n o̱ bia vbi egbe vba se̱.

\v 13 Ama ma mo̱i etin okpa si amie̱ho̱n elabi a vio̱in, "I mieho̱n, ama i gbo tai". Mamai gbo mie̱ho̱n, i yo̱ ma gbo tai.
\v 14 Mamai e̱in o̱li Oise̱le̱bua ai, lo̱ chiei Jesu Kristi vbi eu, o̱ lo̱ gbo chie mai vbi eu bai Jesu, la za mie̱ khi Jesu wuin mai bai egbo̱i, o wuin mai lode vbi ebi Oise̱le̱bua ri.
\v 15 Emi ere̱me̱n o̱hio̱ se̱ o̱ la re̱ mie̱ khi a ki e̱seo̱he̱n ni agbo̱n ere̱me̱n, Ekue̱mi lo̱ bun re̱ yi o̱khai isi Oise̱le̱bua

\v 16 Mai ya mo̱i iriakhaa o̱re vbiuo̱ egbe mai kha ofoa vbi oa, Oise̱le̱bua o̱ ro̱i do̱gbo̱n vbi e̱ke̱n o̱n e̱de̱de̱.
\v 17 Vbi o̱li e̱ghe̱ kue̱i na, ma ri eli oya na wuin egbe o̱vbi oto̱i o̱khai lo̱ le̱i emi ere̱me̱n.
\v 18 Mai ya wo̱i emi la mie̱, ama eli emi la ya mie. Emi li ma mie isi uvbieghe o̱, ama emi la ya mie isi re̱le̱ re̱le̱ o.

\c 5
\p
\v 1 Mai e̱in khi a yakhi ma dia vbi o̱li agbo̱n na'a, mai mo̱i oa vbi Oiselebua. O̱ vbi oa lai ri obo̱ si oa ma, ama oa si re̱le̱'re̱le̱ bi ukhumeimi.
\v 2 vbi egbe mai la mie, ma zuyo̱n si egbe li ma lo̱ mo̱e̱ ma kha lo̱ dia kpei Oise̱le̱bua.
\v 3 Mai hoi ona ohio si Oise̱le̱bua kha vo'o mai vbi egbe mai logbon, o̱ai lo vbi uvo'o mai lo̱ u bi ukpun.

\v 4 Bihi mai dia vbi o̱li egbe na lo̱ ukpe̱de̱ o̱kpa mai lo̱ u, ma lo̱ zuyo̱n ni de li mai lo̱ wui eli egbe na evbi efe̱n o̱kpa o̱iu kpe khi mai kho li ma u, A ma kho la vbo ma bi egbe si re̱le̱re̱le̱, elabi eta lo̱ tai''ere̱me̱n lo̱ u, agbo̱n lo̱ mio̱i dan''.
\v 5 Oise̱le̱bua legbo̱i zi egbe lo̱gbo̱n mai, o̱ tai kpo̱to̱i khi yo̱i lo wui eti lo̱ fuan soi ne mai reye emi lo̱ vba de.

\v 6 O̱hio̱ si o̱na, vba ya mo̱i ajuiduan, vba e'en khi ebi mai dia vbi egbe mai vbi egbe mai vbi o̱li agbo̱n na, ma rere yi Oise̱le̱bua.
\v 7 Mai vbi agbo̱n mai vbe̱ke̱in ajuduan re̱yi Oise̱le̱bua, lo̱i vbi emi e̱o o̱ mie̱.
\v 8 O̱hio̱ si mai juduan o̱i, mai lo̱ kho mai wui o̱li egbe mai na o̱vbi oto̱i ma re̱ lode̱ vbi oa kpe̱in o̱lo̱moe̱mai.

\v 9 O̱hio̱ so̱ na ma vbo̱i o̱kpao la reo̱vbi so̱i si ma ri vbi agbo̱n di ukhumie̱mi.
\v 10 khi mai ere̱me̱n lo̱ muzan vbi ighae̱zon si kristi. La re̱ mie̱ khi oto̱kpo to̱kpa lo̱ mie̱i emi lo̱ so̱i egbe vbi emi lo̱ ui vbi o̱li agbo̱n na, so̱ khume̱, so̱i khume̱.

\v 11 O̱hio̱ so̱ na, la re̱ e̱in ofe̱n si o̱lomo̱emai, mai lo̱ deli udu si agbo̱n. Emi ma u Oise̱le̱bua mio̱i gbo'o i'o khi o̱ fuai vbi udu se.
\v 12 Mai kho mai delo̱ vba udu vba ya mi mai bi o̱lo̱mo̱iata, mai kho li vba e̱in ea labi mai u, li vba ya re̱ mai ruo̱. Ma vbi ena li vba meti ri eaye̱n ni agbo̱n li a mo̱i ire ni we'e sian.

\v 13 Agbo̱n kha o'oi khi ma me̱me̱, Ama magi Oise̱le̱bua. Ma kha rivbi udu mai le̱se̱n, o̱hio̱ vba o̱.
\v 14 khi ikhume̱ke̱n si kristi o wu mai san. O̱hio̱ mai e̱'e̱n khi o̱na ata o. khi oto̱kpa ui ni agbo̱n ere̱me̱n, O̱hio̱ si o̱na agbo̱n ere̱me̱n ui.
\v 15 kristi ui agbo̱n ere̱me̱n, lare mie̱ khi elian rivbi agbo̱n eha vbi agbo̱n si egbe sian, Ama yian vbi agbo̱n si kristi o̱lo̱ ui so̱i okpare vbi eu.

\v 16 O̱hio̱ si o̱na re ze̱ vbi rale̱ ma kha ke ghae̱zon ebi agbo̱na o vbo̱i. o̱kpe̱re̱ chian mai kho kristi, Eyan mai ya ke ghae̱zon si agbo̱n na.
\v 17 O̱hio̱ si ona, o̱lo̱gheiu lo̱ rivbi kristi, O̱ chie̱i o̱ya lo̱gbo̱n emi li gheghe ke ra re. Kaogho, O che̱in emi lo̱gbo̱n.

\v 18 Elemi ere̱me̱ na Oise̱le̱bua o̱ wui ain re. O̱ si mai ke̱i egbere vbi ekein kristi, Oise̱le̱bua wui obia si akugbe so̱i bi isi agbo̱n mai.
\v 19 O̱na vbi, vbi kristi oise̱le̱bua si o̱li agbo̱n ke̱i egbe re, o̱i woi o̱ho'o li yiai u. Erimidi kristi wui o̱ho'o ere̱me̱n o ke re wui ukhumi lo̱ wui o̱fure lo̱ wu oise̱le̱bua bi agbo̱n koko.

\v 20 Oise̱le̱bua ze̱ mai la vbai kristi. Oise̱le̱bua re̱ mai duabo̱ ni vba. ma duabo̱ ni o̱hio̱ si kristi: vbi kristi vba zo̱i ri o̱fure re lo̱ re̱ si vba ke̱i egbe.
\v 21 Oise̱le̱bua ri kristi vbi isa'a vbi oho'o mai. Olo se vbi o̱kho̱'o ghe. O vbi o̱na mai re mei emi lo̱fuan si Oise̱le̱bua re yo̱i.

\c 6
\p
\v 1 Mai bia kugbe, mai gbo duabo̱ na vba vbai wui e̱seohe̱n si Oise̱le̱bua lo̱i oma'a.
\v 2 Oise̱le̱bua ro̱i,''e̱ghe̱ si ikhume̱khai i mo̱i idaeho̱n re̱ ye̱, e̱ghe̱, si aimiefan i kpa we̱ obo̱''. Kaogho, eya ikhi o̱li e̱ghe̱, si kaogho, eya ikhi e̱de̱ si amiefan.
\v 3 Mai kho ma wui ao ni o̱ya re̱ vbi emi lobe, o̱hio̱ si mai kho li o̱ya so mai ezo̱n khi ma wewi eta le̱se̱n lo̱ riakha yi emi lo̱be u'u mi.

\v 4 Sokpe̱n mai ri ue̱n mai re̱vbie khi o̱vien si Oise̱le̱bua mai u. Mai zie̱n o̱ya lo̱ kakai, mai ri akha'a deleo kpin elian vbu mai emi lobi, mai gbo fan ze e̱ghe̱ lo̱kaka O̱kakame̱n
\v 5 ugbemi, isighain okhon, vbi obia lo̱ kakai, vbi ai mieho̱n aso̱n vbi ohami.
\v 6 vbi ofuan, ie̱n emi izie̱ngbe, ue̱n le̱se̱n, vbi eti lo̱fuan, vbi ebegbi ukhume̱ke̱n.
\v 7 Mai vbi ovie̱n soi vbi eta si ata, vbi eti si Oise̱le̱bua. Mai mo̱i emi si ohon si o̱fuan vbi obo̱ dio̱n bi obo̱ gobo̱.

\v 8 Mai bia vbi ekpe̱n bi emo̱i vbi ekpe̱n, vbi aria'a bi ire aso mai ezon khi ma vbi ovbee bi khi ma tata.
\v 9 Mai bia bi elai e̱'e̱n bihi a e̱'e̱n mai le̱se̱n. Mai bia bi mai lo̱ u- kaowo! agbo̱n mai se̱ ri. Mai bai bi ea la ri oya e ama o̱ u bi elian foa yia lo̱ u.
\v 10 Mai biai vbi iriaeke̱an ama ma gho̱ngho̱n sa'a. mai bia bi o̱li e̱so̱n o gbe, ama mai wui e̱fe ni elebun. Mai bia bi eli ain moi emi o̱so ama mai mo̱i emi ere̱me̱n.

\v 11 Mai gui ata ere̱me̱n na vba ho̱n, Ico̱ritian, bi hi udu mo̱i ta'an gbo'o.
\v 12 Mamai ki gbo wu du vba yi uokho, vbai vbemi legbe bi vbai khume̱ke̱n mai.
\v 13 o̱lo̱ vbi emi ke vbi oeghe ya tete bi ya tai vie̱ ivbe han vba tain udu vba'a.

\v 14 vbai ku bai enai miahon. Emi enai miaho̱n mo̱e̱n re̱yi elemie̱ho̱n? E̱oaso̱n bi urukpa kha meti dia kugbe.
\v 15 Iyi akugbe li kristi mo̱e re̱yi ovi esun li bela? Emi oia lo̱ ijuduan Oise̱le̱bua moen re̱yi o̱ia lo̱i ijuduan?
\v 16 Emi o̱se̱ si Oise̱le̱bua mo̱e̱ re̱yi areo? Mamai ikhi o̱se̱ si Oise̱le̱bua, ebi oise̱le̱bua ta:'' I lo vbi oise̱le̱bua siain yain lo wi eya me̱.''

\v 17 O̱hio̱ si o̱na,''s̱o vi use'e siai re, u gbo si egbe se s̱o vbi ebi ain ri re'' Iyo o̱lo̱mo̱emai tai. Eri obo̱ sue mi lo̱i fuan. I lo̱ o̱i obosian.
\v 18 I lo vbi era re̱yie̱, vba lo cie̱n ivbime̱ iyo olomae̱mai tai.

\c 7
\p
\v 1 Eli khumekein, zobo li Oise̱le̱bua re hi Ijo̱ni lo̱ vbu elemina ne mai, mai si egbemai so̱vi emi lo̱i fuan re. Mai hui ofuan vbi ofe̱n si Oise̱le̱bua.

\v 2 Ehin ekhe na mai! mai se vbi emilobe yi oso. mai se vbi oia o̱so emi, mai s̱e wui emi si o̱ia o̱so.
\v 3 O̱ivbi la re khue vbao ya re to̱ na, khi kpao tai ki vba re mai udu, mai re vbi agbon bi a u kugbe.
\v 4 I mo̱i ajuduan lokhua re̱ye̱ agbo re̱'e so bo vbi udu. I ghe vo̱n vbi ofure, I voin vbi egho̱ngho̱n vbi ekein o̱miame̱ mai ereme.

\v 5 Mai re̱ di Macidona re, mai fuetian. sokpe mai mo̱i o̱kpokpo̱ vbi aihan, mai deli e̱okpi o̱miame li agbo̱n evbe'e vui, mai gbo lo̱fe̱n si emi lo̱ bun.
\v 6 Ama Oise̱le̱bua o̱ funmai udure mai kha mo̱i iriaha'a. O̱ fun mai udure o̱li eghe ain lo̱ re̱ yi Tato̱si lo̱ dia kpe̱n mai.
\v 7 O̱i vbi avare so̱i o̱kpa Oise̱le̱bua re̱ fun mai udure. O̱ che'gbo vbi afudure li vba wu ni Tato̱si. O̱ ta ni mai Ikhume̱ke̱n vbi mo̱i reyi mai bi ebi oya mai tovba vbi egbe. O̱gbo tai na mai evbi vba reokhouma i'so̱go̱lo̱ gho̱ngho̱n.

\v 8 I e̱in khi ebe li vin yi vba lo̱ zi vba mo̱i iriae̱kea. Ama o̱ tome̱ vbi egbe li re̱ mio̱i̱ khi ebe lo vin zi vba mo̱i iriaekea. Ama o̱li iriaekea isi uvbi e̱ghe̱ o̱.
\v 9 Eyan ya gho̱ngho̱n, o̱i vbi o̱hio si vbai mo̱i o̱fuvbegbe, Ama ohio̱ si iriaekea vba wui ioekedeluen yi vba. Vba mi iriaekea si Oise̱le̱bua, eyan wui emi o̱so fia o̱hio̱ sa mai.
\v 10 Khi iriaeke'a si Oise̱le̱bua o̱ wui ioeredeluen lo̱ wui amieho̱n lo̱i mo̱i ituegbe. Khi iriaeke'a si oli oagona o̱ wui cu re.

\v 11 Kaeowoi iriaeke'a lokhua li oli ieya si ofuan na sire yie̱. Oli iriakha se gbai vbi e̱ke̱n egbese̱'e̱ lure̱ re̱vbie̱ kherai kpabo̱ fuan. Ibioham se̱'e̱ gbai, ilofe̱n se̱'e̱, aho'ose, iriakha'a'ase bi aho'o lai re mie̱n khi avbi emo̱n diai! urevbie vbemi ere̱me̱n khi eiu kpabo fuan.
\v 12 Emi li vinyi vba o̱i vbi si o̱lo̱ vbobe, di o̱lo̱ oya si o̱be la u, i vio̱i lo̱ wu vba e̱o kuere ebi vba mo̱i afuduan re yi mai vbi e̱o si Oise̱le̱bua.

\v 13 Vbisi o̱na mai re̱ mo̱i iriaha, a re̱ wu bai o̱fuvbegbe mai, mai gho gho̱ngho̱n o̱hio̱ si egho̱ngho̱n si Tito̱si o̱hio̱ si vba vba e̱re̱me̱ eti so̱i do̱gbo̱n.
\v 14 Khi ikha ruo̱ yo̱i vbi em̱oi vba, vbai ze me̱ leho̱i bo̱ re̱ de vbai egbere. Elabi emi e̱re̱me̱ li ma ta na vba kho̱i vbi ata uruomi ma re̱ vba ruo̱ ni Tito̱si chiei ata.

\v 15 Ikhume̱ke̱n so̱i reyi vba ogba. eboiye idegbere si vba vba re̱me̱nre̱, reyi ebi vba o̱i oboshan vbi ilofen.
\v 16 Ya gho̱ngho̱n o̱hio̱ si ajuduan reyie̱.

\c 8
\p
\v 1 Imion mai iho li vien eseohen isi Oise̱le̱bua lorivi ose si Masedona.
\v 2 Eghegbe si adamagho lo chien ibu si eghonghon bi eson lo si efe si arevbobore.

\v 3 I fiosee̱ khi erian revabore reyi utotomi sian re.
\v 4 Vi idoabo yiain ri lian ken vbe kein elemienhon.
\v 5 Oiruan reyi ebimai ta kholoide. Ama yakpao wenghe sian li olomuenmai. yiain kpeke wengbe sisain nam reyi avo si Oise̱le̱bua.

\v 6 Mari ihude li Tatosi loukpe ereke gbain oluen re, leghe foi uluen na.
\v 7 Ama uri vbi emi ere̱me̱ vbi eti, eta, oen, vekein aenvemi bi ihumeken see̱ reyi mai.

\v 8 I tona ovi reyi ikpe, i tai lare da ihumen segho vekein areo si alo vbo isi agbon vbe.
\v 9 Uen eseokhen si olomuen mai Jesu Kristi, oghe rede khofe, ohio si oife li wewe refe vbe kein eson so̱i.

\v 10 Vbe kein oli eta na ilori ihude na lolo che ri ikpaobo na. Ukpao kpa lo.
\v 11 Foo̱ eyan lukpe khi alovo bi aivbo orivbo. ugbo foo̱ reyi ebulo ghi meti.
\v 12 Ukha gba yengbe lure vona, emilosen yoin yon. Olo chien emi loya mueni ovbi emi loi muen.

\v 13 Olobia na ovbi reyi eso refetian lose ya rerudugbe. Ama oeghe o̱evbo.
\v 14 Amoen se lesen yoin lo wi emi laho re. ona rina reregbo yi lore si sere. lalozamien agbegbee oevbo.
\v 15 Oni vbi reyi vba vi "Olomoi olobu oimoi emi lokore, bi olomo olikere oimoi emi loho.

\v 16 Ekuemion reyi Oise̱le̱bua lowuon ovbi udu si Tato̱si agbeo kagho li miuen reyi vba.
\v 17 Oukpe khi ero ghe gaobo mien idoabo mai, ama ovbuo reyi ata. Ovare yiereyi auo soi.

\v 18 Mayi omion lomoi irohka vbe kein ose e̱re̱me̱ vbe kein owen lo wewe.
\v 19 Ovi ona okpa, ama akegbo zoi vbe kein ose lorekhanmai ya bioba si arevbobore. Ona rivbo reyi ekpen si olomuenmai bi alo kpaegbeobo mai.

\v 20 Ma gba yiengbe lalozamien khi oso oimoi emi lota reyi are vbo li mai.
\v 21 Ma fuen gbere vi emi si ekpen, ovbi reyi Oise̱le̱bua okpa ama regbo yi agbon.

\v 22 magbo yi omionmai ovbe iekhainyan. Makedami yiaingho, makemi utotomi si alovbemi lobu erokeoi ifuengbere ohio si ajegbean lomuen reyo.
\v 23 Reyi Tatosi, oyame biolimagbabia yoin reye. reyi imionmai, o̱se yiainre. Okha yiain u reyi Kristi.
\v 24 Ri ihumeken se'eviean, bi ugbo revie ose emonze̱ luare̱ rairuo̱.

\c 9
\p
\v 1 Emo̱i si obia si eliyiamiahon, o̱i deo̱vbo li re̱ vin ebe yi vba. I ri emi li vba kho li vba u ruo yi agbon lian rivbi Mesidona.
\v 2 I ta niain khi re̱ za vbi elaukpe vare li achai o̱ za wui egbe o̱vbi oto̱i. Agbayiegbe sa vba o̱ ke zi vbi emi.

\v 3 Ya yi eli imio̱n kpao ne̱ me̱ loza mie̱ khi yiain kha ga vba ze, yiain lo̱ nie khi aho'i ki re̱ vbi ire vba, la ke za mie khi vba wui egbe re̱ foi oli obia, ebi ro̱i re̱hi khi vba lo̱ e.
\v 4 O̱li Macidona kha re̱han me̱ lo̱ mie khi vbai wegbe, mai lo̱ le̱gho̱i ita emio̱so emo̱n vba, li za mo̱e̱ ijuduan re̱ yi vba.
\v 5 I o̱ khi o deo̱vbo̱ li rē̄ sui imio̱n mai udu yiain re̱ kpao vae o̱ mai emo̱i si o̱li ohan li vba hio. O̱na vbi yo̱ lo̱ vbi vba ri udu vba wui re̱ lo̱ vbi emi la o̱ vba o̱i vba ze̱.

\v 6 O̱ li emo̱i ikhi o̱na, o̱lo̱ ko̱i kere o̱ lie kere, o̱lo̱ ko̱i vbi si ikhuanba o̱ lie vbi ikhianba.
\v 7 Vba zi o̱do̱de re̱re ebo̱i oo̱i vbi udu. lo̱i re̱re vbi e̱ke̱in iriakean. Oise̱le̱bua khumeken o̱lo̱ re̱ vbi obo̱ re.

\v 8 Oise̱le̱bua lo̱ meti zi ikhuaba se̱ bun le̱se̱n, la re̱ mie̱ khi vbi e̱ghe̱ ere̱me̱, vbi emi ere̱me̱, u lo̱ mo̱i emi lua ho'o.
\v 9 Ebi oi vio̱i khi, "O̱ ke̱ni e̱fe ere̱me̱ so̱i ni eli yai mo̱e o̱fuan so̱i o̱ si re̱so.

\v 10 yo̱in lo̱ wui ikpe̱kani ni o̱lime lo̱ ko̱i bi eko isi emai, o̱lo̱ gbo wui ikpe̱komi lo̱ bun le̱i yo̱ yie̱ re̱ ko̱.
\v 11 O̱lo̱ re̱ vo̱in akhuakoko si akpefuan. U lo moi efe uein ereme yi Oiselebua.

\v 12 Khi la re̱ vbi o̱li o̱bia na o̱ivbi la re̱ kpai eliameho̱n obo̱ o̱kpa, o̱gbo bun yi ue̱n evbe si ekhue̱mi re̱ yi Oise̱le̱bua.
\v 13 O̱hio̱ si adama vba gho vbi o̱li obia na, vba gbo re̱vbie̱ ea la bi vba u. Vba wui ekpe̱n ni Oise̱le̱bua vba re̱ re̱o̱ vbi emi lo̱ ta vbi eta si o̱khume̱me̱ re̱yi Kristi.
\v 14 Yian hoo vba, yiain gbo liero̱mo̱n yi vba. E vbi o̱na o̱hio̱ si eseo̱he̱n si Oise̱le̱bua li vba mo̱en.
\v 15 lai ri ekueme yi Oise̱lē̄bua vbi ohan lo̱ re̱ yi mai li mai miunu re̱ tai.

\c 10
\p
\v 1 me̱me̱ Ipo̱l, ri idiegbere bi ifuegbere si kristi. ya diegbere i kha rivibi use'e vba, Ama i moi azezudu reyi vba si evbi ebi va ri.
\v 2 I duabo̱ na vba khi, i kha rivbi ebi vba ri, i kha moi azezudu bi ajuduan si egbe me̱ re̱yi vba. Ama, i oo̱i khi o̱a o̱vbo̱ li mo̱i azezudu i kha kpai elian egbe khi ma vbi emi si o̱li agbo̱na. ̱̱

\v 3 Khi akhamien khi mai bia vbi okhai si egbe mai, mai ya khokhuen si ohian si egbe.
\v 4 khi emi o̱khon li ma we'e o̱i vbi isi agbon. sokpe̱n yian yian mo̱in eti lo̱ le̱i eti yian re̱ khui utotomi si ighian o. Yian ri ikhaeru lo̱i deovbo emio̱so chie̱n aho.

\v 5 /v5 mai gbo yaghi emi e̱re̱me̱ lo̱ huai yi ohumi lo̱ diare lo gbodekhai uemi si oiselebua. mai wui ao ere̱me̱ ovbi oghumi e̱ke̱in erao̱ si kristi.
\v 6 mai wui egbe la re̱ri oya i ue'e̱n lai re̱̱o̱, ebi are̱o̱ se̱ ghai.

\v 7 v/7Woi emi lo̱u gbo vbi isao se̱. O̱loiu lo̱ e̱e̱n khi isi kristi lo̱ u, lo̱ e'e egboi re khi yo̱in rivbi kristi, iyo mai gbo ri.
\v 8 Khi i kha re̱ vbi uruomi kere emo̱i ase̱ mai, o̱li o̱lomo̱enmai wui ne̱ ma re̱ wui vba mo̱zan o̱i vbi la re̱ khue vba o, ekho̱i kha u me̱.

\v 9 . I kho lo̱u bi ya ri ebe li vin gbo fe̱n o̱ vba udu.
\v 10 . Khi agbo̱n eso o̱ tai khi, "Ebe lo̱ vin o̱ wu vbe̱o, Ama yoin legboi ovbi o̱lo̱ ya wui emi se̱. Eta so̱i o̱isi emi la ri eho̱n o̱".

\v 11 . Vba zi agbo̱n li yo̱ e̱'eṉ khi emi mai u vbi eta si ebe mai si mai evbiain yoin khi emi mai u ma kha ri vbain.
\v 12 . Mai ya ri egbemai oi eli yia ri ire li ebgian. Ama e kha ri egbian mai egbe li yian oi egbian, e mo̱i oe̱in.

\v 13 . Mai kha meti ruo̱ le̱i egbe. Sokpen, mai lo meti vbi yo̱ re̱hain emi li oiselebua wu o̱vbi oto̱i na mai, emi lo̱ gbo yie̱n.
\v 14 . Mai re̱ se̱ vbai egbe, Mai bia rai ebi oiselebua tai li mai bia. O̱ ze̱ mai ovbi uanmi vba, mamai o̱kpai gui eta si okhume̱me̱ vbie̱ vba.

\v 15 . Mai se̱ ruo̱ le̱i obia li eno̱i biai. Sokpen mai ho'o̱ vba lo̱ juduan Oise̱le̱bua le̱se̱n le̱se̱n, Oise̱le̱bua lo̱ che wui eghe lo̱ gbai na mai za bia.
\v 16 . Mai o'o vbo̱ na, li mai re, wewi eta si o̱khume̱me̱ vbi evbo lo̱ rerei. Mai kha che ri obia la bia vbi e̱vbo o̱vbe̱ ruo̱.

\v 17 . "Ama o̱lo̱ ruo̱ lo̱ ruo̱ vbi oise̱le̱bua"
\v 18 . Khi oivbi o̱ia lo̱ wui egbo̱i re̱ la ze̱i. Sokpen, o̱li o̱lo̱moe̱nmai zei.

\c 11
\p
\v 1 Orunu o̱ li ōta ya vbi ire ni egbo̱i, Ama enai ikhi emi lia u. Khako̱n ze̱ me̱ ya vbo̱i. I kho li roe khue lesen,
\v 2 I kho li Khue ebi Oiselebua loi reo khue. I u be era lo ho yoin lo roe ni omohe okpa, lo kho loi vbi o̱ya lo̱ wue̱n re̱, bi aleke lu eiemi re̱yi Kristi.

\v 3 Ama ebi oi emo̱i se̱, ya ke lofe̱n khi oia te̱'e̱ e, labi esun tei ivi. Ya lofe̱n khi o̱ia e̱'e̱in lue ke ya hume̱ke̱in Jesu Kristi bi udu si ata.
\v 4 I ti ōna o̱hio̱ si o̱i u bi emo̰ khi o̱ia kha teta si emi o̱dōdan si Kristi lo̱i do̱n vbi emi mai ta na ho̱n, di o̱ kho lu mie̱i eti lo̱ do̱in vbi si Oise̱le̱bua di eta si ōkhume̱me̱ lo̱ yo̱dan.

\v 5 Agbo̱n e chi eli ivbiemi "Oje ivbiodogho", Ama io'o khi yiai kpokhumi ne̱ me.
\v 6 O̱lo̱ vbi ata khi ai vbie̱me̱ ebai okpeta, ama I e̱in emilo̱bun si Oise̱le̱bua. Ebi vbai mama li re̱ iota na vba ho̱n.

\v 7 I vbi emi lo̱be li re̱ de'gbere ga vba la za mie̱n'khi yiain re̱ ri ire la vba lo'i re̱ vbi me̱me̱? I vbi emi lo̱be li re̱ wewe eta si o̱khume̱me̱ la vba i mie̱n egho?.
\v 8 E̱e̱ i zi eliamieho̱n vbi ōse o̱vbe wue egho ne̱mē li rē ga vba. O̱u bi u lo̱ tai khi i duiai oi. Ama i mie̱n vba emi o̱so̱.
\v 9 Bi re̱ rivbo̱ kpe̱n vba ya kho emi, i mian vba gho. Imio̱n le za vbi Macedona vare̱, lian wun ne̱me̱ emi ya kho ere̱me̱, sokpe̱n, ivbi emi ere̱me̱, lo̱ deo̱ vbo̱ li'u, li vba'o vbi o̱mian'me vbi o̱hio̱ me̱.

\v 10 Ata ere̱me̱ si Jesu, bi ebi ke bia'na. ilo̱ ke ri agbo̱n ere̱me̱ lo̱ri vbi Achaia re̱ e̱e̱n o̱na.
\v 11 Emo̱ ze̱i? o̱hio̱ si ikhume̱ke̱n vba? Oise̱le̱bua e̱e̱n.

\v 12 Emi li u li la kpe̱i u, li za wui eli yiu tai khi yai u bi mai muzan. Yai kha tai mo̱i avbiekhe vbi uruo̱mi siain.
\v 13 Ea li yo̱ ivbiodogho si eken bi elo bi obia si ehen yiain u.

\v 14 O̱nai vbi o̱yuuan, khi esun legbo̱. Vbi egbo̱i bi e̱hi si urukpa.
\v 15 O̱i vi oyunua lokhua khi o̱vhen si esun lo̱ gbo voi egbian bi o̱vien si ofuan. Oise̱le̱bua lo̱ ri oya au ze̱i laboi deo̱vbo̱.

\v 16 I che tai, o̱so ita khi ya ruru, ama u kha oi, mie̱ me̱ bi oruru li re̱ ruo̱ kere.
\v 17 I kha tela ina, onai ubi ebi o̱lo̱mo̱emai tela me̱, O̱gbe ubi me̱me̱ ya gui iye̱mi bi oruru.
\v 18 Elebun O̱ ruo̱ ubi o̱liai u ubi agbōna ana, I lo̱ gbo meti ubi yo̱.

\v 19 Eri uba meti ri egbo̱ngho̱n kpai oruru me̱, bo̱ re̱ ubi khi uba mo̱i eghuan le̱ egbeuba.
\v 20 I to̱ na o̱hio̱ si ozie̱n li uba mo̱e̱ re̱yi elo̱re̱'vbacia liau we'e vba bi oghumi, vba re̱hain elian si oghaye̱ o̱vbi vse vba, vba zi el'o̱re̱ubasan mo̱i obo̱ lo̱ kpi okhumi re̱yi vba, vba zi elo̱re̱vbase̱n oo̱i khi yian khume̱n le̱ vba. vba zi ain sa'vba avbo̱gha khi vba ehin emio̱so. vba tai khi vba vba legbevba mo̱i ewain?
\v 21 Ya le̱ho̱i o̱hio̱ egbe mai reri vbo̱ kpa vba, ofen wun mai ma re̱ kpa vba we'e iyo̱.

\v 22 Ehein Ihiburu yaiu? Iyo iri ehe̱i Isire̱li yai u? Iyo̱ iri Unanmi si Abrahamu yai u? Iyo̱ iri.
\v 23 O̱vie̱n si kristi yai u? Itieta bi I so̱vbi udume̱ re̱i I bia le̱i yai ere̱me̱. I ke dia vbi ugbihan le̱i ain, I ke mo̱i ugbemi lo̱ totoi le̱i ain, I ke mi eu iseki'seka le̱i ain.

\v 24 Isi ihie̱n ehe̱i Juwisi gbeme ukpasami o̱gban bi isin.
\v 25 Isea eri o̱to̱n gbeme̱. Filo̱ me̱ udo isokpa. Oko̱ ea li keo li efio ame rio. I wei aso̱n bi egbia vbi ohumi eda.
\v 26 I yi oshian lo̱ bun, vbi Ohe̱ne si e̱da, vbi ohe̱na si oi, vbi Ohe̱na si ebo'me̱, vbi ohe̱na si khe̱in Ige̱ntisi, vbi ohe̱na lo̱ rivbi evbo lo̱khua, vbi ohe̱na si Odagbe, vbi Ohēna si Okpe̱da, vbi Ohe̱na si imio̱n lei tata.

\v 27 Iri vbi obia bi o̱miame, vbi aso̱n lo̱ bun lai me̱he̱n, vbi Ohanmi bi Ohamame̱, agbawe̱ vbi e̱ghe̱khe̱ghe̱, vbi uin bi ubavan.
\v 28 Vbi ena ere̱me̱, ya oi edede ze̱i elabi o̱se ere̱me̱ o̱ vbi emi.
\v 29 O'o de̱ho, me̱me̱ li egbe̱me̱ ideho? o̱la ze̱i lo̱ vbi emi lo̱ lo̱ za wui oe̱ fan i toa?.

\v 30 I kha lo̱ ruo̱, I lo̱ ri emo̱ ri e̱ho me̱ vbie̱ ya ruo.
\v 31 Oise̱le̱bua bi Era si olomoimai Jesu ola wui ire ni rele rele, o ein I ya moehen. vbi idamacosi.

\v 32 Vbi idamacosi, ola ri evbo sain le ri vbi evbo si Idamacosi lian re, huyeme ze.
\v 33 E wu me ovbi ugi resan vbi Fase, ire nifan vbi obo soi.

\c 12
\p
\v 1 I lo̱ ruo̱ ama ee i evbo̱. Ama i lo̱ yi imie̱o bi are̱vbie̱ vbi obo̱ si Oise̱le̱bua.
\v 2 I e̱n o̱a vbi e̱ke̱in Kristi lo̱ukpe vbi kpei egbo̱ieva lo̱ rare vbiu e̱ke̱in egbe da uokhegbe, ien, Oise̱le̱bua e̱in emo̱lode̱ vbi okhumeimi lo̱ zea.

\v 3 I e̱n o̱li o̱mo̱he na - si o̱ ma ke ri vbi egbe da e̱ke̱in etin i e̱n, Ose̱le̱bua yo̱in e̱n. O̱ yi okhumeimi bi o̱ ho̱n eta lo̱ fuan li o̱ia
\v 4 kha meti ta vbi unu. Vbi uokho si oia li yo̱ i lo̱ ruo̱.
\v 5 Ama o̱kha vbi me̱me̱n i kha ruo sokpen o̱e̱me̱ me̱n.

\v 6 I kha ho li ruo̱ i kha ruru, ata li lata. I lo̱ si egbe vbi uruo̱mi re, la lo̱ za mie̱n o̱so o̱ kha eme̱ vbi emi lo mie̱n vbi me̱n, da lo̱ ho̱n re̱yi me̱n.
\v 7 I lo̱ gbo si egbe vbi uruo̱ mi re, o̱hio̱ si uku temi lare̱vbie̱. O̱hio̱ si o̱na ikha mo̱i ikhuiegbe, Awugban si egbe ne̱ me̱n, uko̱r si esu lo̱ re̱ kho̱i o me̱n, o̱hio̱ si o̱na ikha mo̱in ikhua egbe.

\v 8 O̱hio̱ si o̱na, isi ea i du abo̱ li O̱lo̱mo̱e̱nmai, lo̱ re̱ nwuo̱n sho̱ me̱n egbe re.
\v 9 O̱ta ne̱ me̱n ho̱n, "E̱seo̱he̱n me̱n se̱i na utotomi o̱ chie̱n ukutu vbi o̱e̱me̱n." Eyan I lo̱ ruo̱ re̱yi o̱e̱me̱n me̱n la lo̱ za mie̱n utotomi si Kristi o̱lo̱de bame̱n.
\v 10 O̱hio̱ si o̱na ikho̱in reyi Kristi vbi e̱ke̱in o̱e̱me̱n. Vbi isi ukhue, vbi isi okpokpo, vbi isi akhushan bi eghe si o̱e̱me̱n. E̱ghe̱ i khi e̱ghe̱ li re̱ mi o̱e̱me̱n, o̱li e̱ghe̱ li are̱ mo̱i utotomi.

\v 11 I ke chie̱n oruru, we̱we̱ u sime̱ o vb'o̱na, eri kha mo̱i o̱khai vbobo̱ se̱. I chie̱n imilo vbo le̱se̱n ere̱me̱n reyi elai chi oje si apo̱sto, a kha gbo mie̱n i vbi emi o̱so.
\v 12 Ae̱n si ata isi apo̱sto o̱kpa vbuse vba yo̱n vbu o̱ re̱yi iziengbe ere̱me̱n. Aen bi oyunuan bi emi lokhua lau.
\v 13 Reyi elabu chie̱n o̱lo̱i vbi ukutu vbi e̱ke̱in o̱se̱ si eno̱in, akha gaze khi ivbi okpokpo reyi e̱? Rehume̱nme̱n vbi emilobe na.

\v 14 Ka gho! i ke wuin egbe li re gae̱ze ugbo̱ zea. Ikha chie̱n okpokpo o̱hio̱ si i ho emi lo̱ chie̱n ise̱. i ho e̱. Ivbiekhan i kha wun emi ya ni era bi iyo̱n. Era bi iyo̱n yiain wun emi ya ni ivbiekhan.
\v 15 Erilo̱ gho̱gho̱n wee bi wee reyi etin se̱. Ikha hume̱ke̱n le̱, eralo̱ hume̱nke̱nme̱n kere'e.

\v 16 Ama ebo̱i ri i win okpokpo na, ama bikere̱ chie̱n o̱a si e̱o, me̱me̱n i wue̱n vbi o̱vbe.
\v 17 I chie̱n obo̱ lo̱ kpokhumi re yi e̱ re̱ yi oia li ye yie? Iyi Itaito̱s re̱e̱, bi imio̱n le ko̱re.
\v 18 Itaito̱s o̱mo̱i obo̱ lo̱ kpokhumi reyie? Mai bia vbukpode̱ o̱kpa? mai bia ubi e̱ge̱n okpo̱ kpa.

\v 19 U egbe o̱li e̱ghe̱na ere̱me̱n mai kha ei egbe maire yie? Vbe̱o si Oise̱le̱bua, li ma mo̱e̱n vbi Kristi lo̱ti emi ere̱me̱n awu toto.

\v 20 Imo̱i lo̱fe̱n khi ikha vbare ikha gae̱ze re̱yi ebiho o̱. Ilofe̱n khi ukha mie̱nme̱n re̱yi ebuho o̱. Iya lo fe̱n khi alometi mi ikhaerun, oie̱n, ibiohan me̱n laka o̱vbo, uensi airevbore, ikpiye̱mi, akhuai egbe yokhumi bi oyagha.
\v 21 I ya lofe̱n ikhavare, Oise̱le̱bua me̱n o̱lōi meti khuame̱n yi okhumi vbe̱o se̱. I ya lofe̱n si lobiohan reyi ogbere niain vbi o̱kho̱o̱ te̱le̱ lian mo̱in ioe̱ke̱n delue̱n vbemi lo̱i hume̱n bi awesi oghe̱e̱ bi awe lobe nian we.

\c 13
\p
\v 1 Agalazevba keuhon li ke gauze, ezion usomi ere̱me̱ olo vion vboto reyi azomon so̱se̱ so̱se̱ evba redi ea.
\v 2 I ke ta'vbie̱ ele vbi o̱kho̱ bi eno̱i ere̱me̱ li re̱ vare ugbo̱'zeva, I chie gbo tai lkha che vare, I ikha che ziai obo̱.

\v 3 Ita na'vba ho̱n si vba hoi o̱se̱i khi Kristi o̱ gui iye̱mi san ovbime̱. O̱i eo̱i re̱ yime̱. Sokpe̱n o̱khuai e̱ke̱i.
\v 4 Akhan yien vbo reke o̱e̱me̱n ama o̱ke re vba'gbo̱n e̱ke̱in itoto si Oise̱le̱bua. O̱ e̱mai re̱ yi, ama maloe vbo re̱yi itoto si Oise̱le̱bua ero ogboe̱ma vekeen. ma loevba reyi itoto si Oiselebua vekeima.

\v 5 Vba fe̱i egbe'vba gho si vba ri vbi ajuduan. Dame gbe vagho. vaimion khi Jesu Kristi o̱ri viva? yion khi, akha gaze khai robo vbo.
\v 6 Imo̱i ajuduan khi vba lo mion khi mai vbo lai roboo̱.

\v 7 E̱niain igba'dua yi Oise̱le̱bua lu vbai vba emi lo̱be I gba'dua li vba re̱ mie̱n adamagho, sokpen, igba'dua li vba re vbi eme'gbai, akha re̱ mien khai mie adamagho.
\v 8 Mai mo̱i emi ma lo̱re degbaon ata, ama re yiata.

\v 9 Mai gho̱ngho̱n egbe lo̱ e̱ mai bi eghe li we ohia. i gba'dua li vbe̱ zo̱i gha.
\v 10 Vin ele'mi'na eghe li kha sho vi ebi'vbarire, eghe li kha debavba ikha kpa va wee̱ lo̱i deovbo reyi awee̱ si itoto mime, lolomueuma wui nemeni, li re̱ meti zee̱ bi lie suea.

\v 11 Azoihum, imio̱n ya gho̱ngho̱n! bi'obia si ifiegbe delegbe, mo̱i ihude, vba kha khai, vba miehon leghe vba vbo rofure. Oise̱le̱bua si ikwumeken bi ofure debavba.
\v 12 Vbai ruegbe vbi arunu'suegbe.

\v 13 Elian mieho̱n ere̱me̱ ru'evba.
\v 14 Eseohen si olo̱muenma Jesu Kristi, ihume'ken si Oise̱le̱bua bi akokoga si eti'lofuan ode ba vba ere̱me̱.