ema-x-emai_reg/47-1CO.usfm

\id 1CO
\ide UTF-8
\h Ikorintian lo kpao
\toc1 Ikorintian lo kpao
\toc2 Ikorintian lo kpao
\toc3 1co
\mt Ikorintian lo kpao

\c 1
\p
\v 1 Me̱me̱n li ipaulu, li ijesu echie lo̱i chie̱n aposto lo̱ vbi ihunme̱nke̱n si osiele̱ḇua. bi isostinis li omio̱n mai.
\v 2 Re̱ yi iwowo si oiselebua vbi ikorinti, re̱ yi ela ke kpe fun an vbi kristi, eli a echie lei ui ei le fun ain. mai gbo vin yi eli o̱u ere̱me̱n li an echi eni si o̱lo̱mo̱e̱mai ijesu kristi vbi ai khaan, o̱lo̱mo̱iain bi main.
\v 3 Li e̱seo̱hen bi o̱fure chie̱n isi avba lo vbi esi oise̱le̱bua vare li eramain bi olomo̱e̱n ijesu kristi.

\v 4 Ya ri ekhue̱mi ni oise̱le̱bua me̱n vbo̱ hio̱ vba, erimidi si e̱seo̱hen si oise̱le̱bua li kristi ijesu re̱ na vba.
\v 5 O̱ri e̱vba chie̱n elo̱ fei vbi ukpode̱ ere̱me̱n, vbi eta utami ere̱me̱n bi, debaa oe̱n ere̱me̱n.
\v 6 Elabi ari ōse̱ei o̱ vbo̱hio̱ si kristi chie̱n emi la fii ma ichi atao̱ vbi usee vba.

\v 7 O̱hio̱si o̱na vba chie̱n o̱lo̱i mo̱n ohan si etin lo̱ fun an, ebi vbai totobo̱ khe̱ are̱vbie isi o̱lo̱mo̱e̱mai ijesu kristi.
\v 8 O̱lo̱gbo r utotomi lavba re̱ si ire̱so, li vba chie̱n eli ei mo̱n ibohi vbi wepe̱de̱ si o̱lo̱mo̱e̱mai, jesu kristi.
\v 9 Oise̱le̱bu ui o̱ladiudu an, lo̱ echie vba o vbi eke̱n asikoko isi ovbio̱i, jesu kristi o̱lo̱mo̱e̱mai.

\v 10 E̱ yam ido abo̱ la vba, imio̱n, vbo̱hio̱ si eni si o̱lo̱mo̱e̱nmai jesu kristi, khi vba lo̱ mo̱n adiobo̱ kughe, khi vba kha zi oghaye̱ie vbi usee vba. I do abo̱ li vba re̱ kugbe vbi udu o̱kpa bi ele mo̱n ue̱n o̱kpa.
\v 11 Aro̱i nwum me̱ e̱o kure, imo̱n me̱, ikhi eia si ikli, vba ghayi egbe o̱vbi o̱do̱ dan.

\v 12 Emi li ya zukpe gue li khi ona, o̱do̱ de vbi vba o̱i khi, "ipaulu ideba", da "apolo li deba", da "ikefas li debao,"da, "kristi li debaa."
\v 13 Fri akin jesu? ipaulu la gbei vbi okhummora na?

\v 14 I khue̱mi oise̱le̱bua khi i ui ibaptisi li o̱o̱so vbi usee vba, lo̱i vbi krispus bi igaio̱si.
\v 15 Emi lo̱ ze̱i khi, l o̱ia o̱ta khi eni me̱n li ibaptisi o.
\v 16 I gbo ui ibaptisi li elo̱ ri vbi iwe isi istefana, re̱ za vbi ain raa le̱, i ke si ichie ui ibaptisi ni o̱ o̱vbe.

\v 17 O̱hio̱ khi kristi o̱i ye me̱n li ya ui ibaptisi, so̱ kpe̱n li ya wewi eta si ohume̱me̱n. Oi e me̱n li ya ri ewain si eta si eta si eia wewe, lo̱ e o̱ chain khi o̱ran lo̱gbo̱ o̱gban si kristi kha fii utotom so̱i aho.

\v 18 O̱hio̱ khi ete si oran lo̱gbo̱o̱gba oruru o̱ re yi eni yain lo̱ ulo kua. Aman vbi usee si eli Oie̱le̱bua o̱ sume̱ utotomi si oise̱le̱bua o̱.
\v 19 O̱hio̱ khi era vin o̱n, "I lo̱ khue ewain si ize̱ wain o. I lo̱ ri anwuni e̱okuere si elo̱ e̱n emi di aho."

\v 20 Ebi o̱lo̱mo̱n ewain ri? Ebi o̱lo̱ e̱n ebe ri? Ebi eli yan khaerun o̱ vbi emi vbo̱ li agbo̱n na? O̱lo̱gbo̱na chie̱n orum?
\v 21 Ebi eia si olagbo̱na ike re̱ za vbi ewain si ain e̱n oise̱le̱bua, o̱e̱ghi oise̱le̱bua lo̱ re̱ ri o̱hio̱ si oruru si owewe sunmi elemieho̱n.

\v 22 O̱hio̱ khi ekhe̱n iju vbi ae̱n si o̱nyi unuan, ekhe̱n igriki o̱ hoo ewain.
\v 23 Aman ikristi li ma wewe la gbe vbi okhumorem, lo̱ ui afrdo̱n re yi ekhe̱n ijew o̱vbi oruru re̱ yi ekhen igriki.

\v 24 Aman re̱ yi eli oise̱le̱bua echie, vbi ekhe̱n ijiu da igriki, ma a wewei kristi do̱ ui utotomi bi ewain si oise̱le̱bua.
\v 25 Emo̱n vbi oruru si oise̱le̱bua o̱ mo̱n ewain le̱ e̱wain eia, aitoto si oise̱le̱bua o̱ toto le̱ eia.

\v 26 Kao-gho ue chiemi se̱ emio̱n. Elo̱ bun mo̱n ewain vbi use̱e vba si alo̱ ri isi eia ta. Elo̱ bun imo̱n utotomi. Elo̱ bun vbi usee vba ka vbia o̱ vbi efe.
\v 27 Aman, O̱ise̱le̱bua zi emi lo̱ o̱ruru lo̱ ire̱ ri e̱khoi ui ize̱wain. O̱ise̱le̱bua zi emi lo̱i mo̱n utotomi vbi o̱lagbonna lo̱i re̱ kho̱i ui emi lo̱ totoi.

\v 28 O̱ise̱le̱bua zi emi lo̱ de ere la ri e̱o gberun. O̱ zi emi lai kho̱ vbi ukutu chie̱n emi lo̱i de nwun emi.
\v 29 O ui ena li o̱ia e o̱ mo̱n emi lo̱ ze̱i lo̱ u khosui obo̱ vbi udu vbi isao so̱i.

\v 30 Ohi si emi li O̱ise̱le̱bua u, e̱nyan eke̱in Kristi Jesu li vba ke ri, lo̱ chie̱n ewain lo̱ za vbi esi O̱ise̱le̱bua vare Yoin ikhi ae̱nu si amai, o̱fuan bi ade̱ chiere.
\v 31 O̱hio̱ si o̱na, ebi ai vio̱in, o̱ o̱i, "Li o̱lo̱ ruo̱, o̱i ya ruo̱ vbi ekein o̱lo̱moemai.

\c 2
\p
\v 1 Ebi re̱ di evba egbere, i vare rii ae̱n ta bi e̱ wain wewi uhe egbe si ata vbo̱hio̱ si O̱ise̱le̱bua.
\v 2 I mamai khi ihoo li e̱n ermi o̱vbe e̱ghe̱ li rii vbi usee vba lo̱i vbi Ijesu Kristi, yo̱in li a khaan e̱n ye̱n vbo ran.

\v 3 I ri vbo̱ de ba vba vbe̱ke̱n ai mo̱n uto̱to̱mi vbi eke̱n ofe̱n bi uguo̱mi kpe̱kpekpe.
\v 4 Bi eta me̱n bi owewe me̱n ei vbi emi li ue̱nta si et i ewain li re̱ de lo̱ vba udu, si o̱i u khi are̱ vbie̱ si etin bi utotomi li ain u.
\v 5 Li aduidu an vba o̱ vbi isi ewain si eia, sokpe̱n isi utotomi si Oise̱le̱bua.

\v 6 Enyan ma ti eta si e̱wain vbi see si eleke o̱hio̱, aman evbi ewain si o̱lagbo̱na da isi elo̱ ri e̱ghe̱ la ri na shan, li elo̱ raa re.
\v 7 Sokpe̱n, mai teti ewain si Oise̱le̱bua vbi ata si uheegbe, o̱li uhe egbe si ewain li Oise̱le̱bua maima o̱vboto̱i o̱kpe̱se̱ vbi eghe si o̱khae mai.

\v 8 Elo̱ ri o̱li agbo̱n na shan vbi orei na lo̱ e̱n o̱li e̱wain na, o̱hio̱ khi o̱kha nwin an e̱o kuere, vbi o̱le̱ghe, ei kha khaan o̱lo̱mo̱e̱n o̱khae nye̱ vbi oran.
\v 9 Aman, ebi ai vio̱in, "Emi li eo ise̱ mie̱n ghe, li eho̱n ise̱ ho̱n, li udu ise̱ oo, li khi emi li Oise̱le̱bua ehe̱n o̱ vbi oto̱i khe̱ elo̱ hume̱nke̱n o̱n."

\v 10 Ela li khi eli emi li Oise̱le̱bua re̱ vbie̱ mai vbo̱hio̱ si etin so̱i. O̱hi̧o̧̱ khi etin o̱ guali emi ere̱me̱n, emi lo̱ dinmin si Oise̱le̱bua achie̱.
\v 11 O̱ e̱n emi li o̱ia o̱ oo, lo̱i vbi etin si o̱lo̱ia lebgo̱i lo̱ri o̱i vbi e̱ke̱in o̱in. I yo̱ gbo o̱ khi o̱o̱so e̱n emi lo̱ dinmin si Oise̱le̱bua lo̱i vbi Etin si Oise̱le̱bua.

\v 12 Aman, mai mie̱n etin si o̱lagbona sookpa etin lo̱ za vbi isi Oise̱le̱bua vare. Li mai re̱ e̱n emi li si o̱he̱n li Oise̱le̱bua re̱ na mai.
\v 13 Ma gui in ye̱mi vbo̱ hio̱ si eli emi na wee eta li ewain si o̱ia kha meti vbie̱ o̱i, so kpe̱n o̱li Etin vbie̱ mai. O̱li Etin lo̱ ti emari eta si etin ta vbi e̱wain si etin.

\v 14 O̱ia dadaa kha meti mie̱n emi lo̱ vbi si etin si Oise̱le̱bua, o̱hio̱ khi ero̱ u bi emi si oruru re̱ yio̱i. Okha meti e̱n i ain erimidi khi e̱o si etin la re̱ meti miain mii oto̱o̱i.
\v 15 O̱li oto̱kpa lo̱ ri vbo̱ vbi si etin, o̱hoo oto̱o̱ emi ere̱me̱n, aman aimi o̱o̱so lo̱ hoo too̱o̱ io̱in.
\v 16 "O̱hio̱, si o̱ o̱lo̱ ke meti e̱n udu si Oise̱le̱bua, lo̱i re̱ o̱i gho emi lo̱ lo̱ u?" Aman, mai mo̱n udu si Kristi.

\c 3
\p
\v 1 Imio̱n, imeti kpa ye̱ vba gui nyemi bi eia si etin, so̱i u bi eia si egbe, elabi ivbio̱mobo̱ vbe̱ ke̱i Kristi.
\v 2 Imiliki ya re̱ kue̱ vba o̱i vbi emae. Re̱ si vbi enyan vbai e̱n hegbe.

\v 3 Isi egbe vba se̱ kpe̱ u. O̱hio̱ khi ebi o̱ie̱n bi uroo ri vbi usee vba, agbo̱n si egbe ki vba se̱ u ain, oshan li eia o̱i kho̱ deo̱vbo̱ ki vba re̱ khan e̱n?
\v 4 O̱hio̱, oto̱kpa khai, "Ipaulu ya re̱ khan" o̱vbe o̱i "Apollo ya re̱khan e̱n," ebi eia o̱i uagbo̱n ki vbai uo̱i an?
\v 5 O̱i ke khi Apollo? O̱i khi Ipaulu? Ei vbi ayi ain uhumi li vba re̱ o̱bbi ukpo̱hio̱ siain micho̱n. O̱do̱de vbi ain li o̱lo̱mo̱e̱n nwun obia o̱i vbobo?

\v 6 I ko̱i, apollo re ame̱n o̱vbo̱, Oise̱le̱bua re o̱bun o̱vbo̱ yi okhumi o̱vbo̱.
\v 7 O̱ke de iyo̱, khi o̱lo̱ ki emi, da o̱lo̱ re amen khakhai, o̱so vbi ain de nwin emio̱so. Aman Oise̱le̱bua li khi o̱lo̱ ri ukhuare nai.

\v 8 E̱nyan, o̱lo̱ re̱ ko̱ bi o̱lo̱ kuame̱n khakhai o̱kpa yain u, o̱do̱ de vbi ain lo̱ mii ihaosa si ebi o̱i bi obia so̱i.
\v 9 Eli ma re̱ gba bi obia si ise̱le̱bua mai u. Vba vba li khi uvbia do si Oise̱le̱bua, oa si Oisēle̱bua.

\v 10 Ze̱n elabi e̱seo̱he̱n si Oise̱le̱bua la re̱ ne̱ me̱n bi o̱lo̱ guemi vbi oa uze̱mi, i nwin igbiloto̱i, o̱vbe o̱ nwun o̱vbo̱ o̱vbo̱. Aman, oia o̱do̱de ri iee o̱vbi ri iee o̱vbi ebi o̱i nwun o̱vbo̱.
\v 11 O̱vbe kha chie nwin igbiloto̱i o̱vbee lo̱i vbii o̱la nwun lee, o̱an khi Ijesu Kristi.

\v 12 O̱ia kha ri igolu, isiliva da ido le ghae̱n oran, ikuku bi iyaya, nwun o̱vbi o̱li igbiloto̱i.
\v 13 O̱bia so̱i lo̱ ri egbe vbie̱. O̱ fun an si odan mi lo̱lo̱ ro̱i vbie̱ Eke̱n erain olo̱ za ro̱i vbie̱. O̱li erain o̱lo̱ dami gho ebi emi li odode u i hume̱n se̱.

\v 14 Obia si o̱ia kha muzan, alo̱ ri ee mai.
\v 15 Obia si o̱lo̱ i u kha to kua, o̱bia kua, aman olo̱ mie̱n yo̱in fan, be mo̱n khi o̱ ovbi e̱ke̱n erain dian re.

\v 16 U e̱n khi itempo si Oise̱le̱bua yo̱in luu, khi Etin si Oise̱le̱bua o̱dia vbi e̱ke̱n egbe se̱?
\v 17 O̱lo̱ i u kha ria itempo si Oise̱le̱bua a, Oise̱̱lebua lo̱ ria o̱lo̱ia a Itempo isi Oise̱le̱bua o̱lo̱funain o̱ iyo̱ li khi wowe̱.

\v 18 O̱ia i te̱e̱ egbo̱i e. O̱ia vbi usee vba khai khi yo̱in mo̱n e̱wain vbi orei na, o̱i chie̱n "o̱lo̱ruru" lo̱i re̱ chie̱n o̱li o̱lo̱ mo̱n ewain.
\v 19 O̱hio̱ khi ewain si o̱lagbo̱runa oruru o̱ yi Oise̱le̱bua. O̱hio̱ si avio̱in "O̱ nwin elo̱ mo̱n ewain vbi o̱gue̱ si ain
\v 20 Bi o̱lo̱mo̱e̱n e̱n khi aoo si o̱lo̱ mo̱n ewain ahoi o̱."

\v 21 Uruo̱ mi vbo̱hio̱ si eia ke evbo̱. Emi ere̱me̱n ise̱ o̱.
\v 22 Khi Ipaulu o̱ o, da Apollo, da, Ikefas da agbo̱n, da arivbo̱ da euu, da emi le ri vbo̱ e̱ryan, da elo̱ vade. Emi ere̱me̱n ise̱ o̱.
\v 23 Isi Kristi luu, Kristi vbi si Oise̱le̱bua.

\c 4
\p
\v 1 I na lo̱ evbo̱ lo̱i a e̱n mai o̱n, elabi anyian humi si kristi be elo̱ ke̱ri eta si uegbe si ata si Oise̱le̱bua.
\v 2 Emo̱ re khan o̱na li khi li elo̱ keni emi le̱i re̱ vbi ela diudu an.

\v 3 Vbi ise̱ me̱ emi kere o̱ khi vba lo̱ ghae̱zo̱n neme da vbi ikotu si mamai leia I ghaezo̱n li egbe me̱n achie̱.
\v 4 I e̱n emi vbo̱ khi amo̱n e mi la gue re̱ khan me̱n, o̱ ain re̱ vbiē khi imoemi li fido̱n. O̱lo̱mo̱e̱n lo̱ ui Ighe̱zo̱n me̱n.

\v 5 O̱hio̱ si o̱na vba e ghae̱zo̱n vbo̱hio̱ si emio̱so, o̱kpe̱se̱ khi o̱lo̱mo̱e̱n vare. O̱lo̱ nwin emi si uheegbe isi aso̱n bi are̱vbie̱ si avo si udu si udagboo re. O̱do̱de lo̱ mie̱n ire vbi obo̱ si Oise̱le̱bua.

\v 6 E̱nyan, imio̱me̱n li imo̱he, iri ena chie̱n uhi li me̱me̱ bi Apolo o̱ re̱ o̱ vbi o̱hio̱ si avba. Li vba re̱ za vbi obo̱ main e̱n emi rii o̱li eta na ta, "E raa emi la vin re."
\v 7 O̱ni iyo̱dan vbi esese̱ se̱ bi isi o̱o̱vbee? Iye emi lu mo̱e̱n lai re̱na o̱he̱n? U kha mie̱n o̱li emi vbo̱ he̱n, emi ua ke sui obo̱ vbi udu mi, be mo̱n khu u ui yo̱?

\v 8 Vba ke mo̱n emi ere̱me̱n li vba hoo lee! Vba ke fe lee! Vba ke ri vbi a yee - o̱ ain re̱ yi o̱ dan yi mai! I oo o̱i khi vba ri vbi ayee vba ta, li mai re̱ de ba e̱ e vbo li a yee.
\v 9 O̱hio̱, imo̱n ioo khi Oise̱le̱bua o̱re̱ mamai li ekhe̱n apo̱sto o̱ vbi ughee vbi elo̱ kpin uokho vbi uvie̱nni bi elabi eia li hi euu ni. Mai chie̱n ela lughe siain re̱ yi mamai li eia.

\v 10 Elo̱ ruru mai vbo̱hio̱ si Kristi, aman vba mo̱n ewain vbi Kristi. Mai toto aman eri vba totoi. A nwu ekpe la vba aman aghomai se̱ne̱ se̱ne̱.
\v 11 Re̱ se̱ vbi e̱ghe̱ labari na, o̱hanmi bi ohanme̱n vgbe mai, mai kue̱un lo̱se̱n o̱ vbi egbe, a gbe mai ugbe mawa mai mo̱n oa la dia.

\v 12 Ma bia gidigidi, obo̱ mai ma re̱ bia. A ye̱ye̱ mai, ma ri ihianba ni ain. Akha khu mai shan, mai zi e̱n egbe.
\v 13 Akha ria mai eni an, ma ri e anye̱n si ufun mi ni ain. Mi ke chie̱n, a kpe̱ ghe o̱i khi ikuku si o̱lagbo̱n na bi emi le gbi iwuan le̱ emi ere̱me̱n li mai u.

\v 14 Evin eli emi na li ri e̱kho̱i o vba. Aman, li re̱ diavba o̱vbi ukpode̱ ze̱n elabi ivbi me̱n.
\v 15 Vba kha re̱ mo̱in e̱gbe̱n vbo di igbe si elo̱ vbie̱vba, vbai mo̱n era lo̱bun. O̱hio̱ khi ichie̱n era yi vba vbi Kristi Ijesu vbo̱hio̱ si eta lo̱se̱n.
\v 16 I do abo̱ la vba li vba ya ri evbe oo me̱n.

\v 17 O̱ai lo̱ ze̱i li re̱ yi Itimoti, o̱li hume̱n ke̱n bi o̱mo̱ si ata vbi eke̱in o̱lo̱ mo̱e̱nmai. O̱lo̱ e evbare vbi ukpode̱ se̱ me̱n vbi eke̱in Kristi, elabi yai vbie̱ i ain vbi ai khan vbi asikoko si elo̱mieho̱n ere̱me̱n.
\v 18 Enyan, eso vbi usee vba o̱ke hie̱n ehure, yan we e be mo̱n khi i kha ke che vare yi vba.

\v 19 Aman, I vare yi vba o̱ise̱ te̱e̱ gbe na, si o̱lo̱mo̱e̱n amain. O̱le̱ghe̱ lo̱ ke e̱n eta iyi yo̱ si eli eia si ēhure uo̱ kpa ko̱, aman, ilo̱ mii utotoni siain.
\v 20 O̱hio̱ khi e̱ghe̱ o̱ba si Oise̱le̱bua o̱i evbi eta uo̱kpa, aman vbi utotomi o̱.
\v 21 emi vba hoo? I vare hi vba bi ukpa.

\c 5
\p
\v 1 A gwe oi demai egbe re khi oghe ri vbi use vba, oghe loi se hon vbi use si Igentiles ghe, ema gbve de mai re li khi oya vbi use vba omenhen kpen ohi erai.
\v 2 Vba sogolo mon igbeaga, oigwe ko eovbpo li oya li yo ya gbe? oya lo vbi yo alo van sho vba vbi use re.

\v 3 Amen, i evbi use vba vbi eomieo aman i ri vbi use vba vbi eken etin, i sha ezoi li oya lo we ven li yo le, igha bo mon khi use isi ian li ri vbi eomien.
\v 4 Vba kha sikoko vbi eken eni isi olomomai Ijesu, bi eti men ogbo ri van vbi eken utotomi isi olomonmai Ijesu igha ezon li olovbi iyo le.
\v 5 I vbi ona li re fi oya lo vbi iyo li esun lo re mien eti isoi omon amie fan ukpede isi olomonmai.

\v 6 Asuo̱ vbi egbe isi avba o̱i khume̱. vbai e̱e̱n khi uvbi iyisti li kere yo̱in lo̱ humo̱ umahio̱n ibre̱di re?
\v 7 vba kali iyisti hite vbe gbe a li vba re̱ chien ibre̱di lagbo̱n, lo̱i mo̱n iyisti. khi Kristi li ovbioghogho si ashan rare̱ samain, a ro̱i vbi ivabo le.
\v 8 Vba zu ain uo̱ li ukpe, o̱i ke vbi a ri iyisti lobe isi ue̱n lo̱be bi e̱ke̱n lo̱be u. Ehe so̱ain, vba zuan vbi ukpe la ri e̱ke̱n ata u.

\v 9 Ivbi oli ebe na yi vba li vbai ke kpa yi ea isi oghe we.
\v 10 Isogolo tai vbi ukpode eremen emon ea li vba gbi? Oghe isi olagbona, da ea li isiain oya sian, da ea li yan si areo, lo re eovba li usi sho vbi use isi yan re, oe ovbo lu re si egbe shoi vbi ueen isi olagbona eremen re.

\v 11 Ama, eyan ivbi oli obe na yi vba li vbai kpa yi eni imohe uweo eli yan gbi oghe da ea li isiain oya sian, da ea li yan gi areo, da ea li yan to vbi uro, da ekhan ideyon. Vbai re de ba ea li iyo emae.
\v 12 Ebi vba kei egbe kho, ilo gha ezon ni ea li yan ya li ose? Aman, ea li yan li ose ki mai lo ri igha ezon li.
\v 13 Aman, Oiselebua lolo ri igha ezon li ea li ain ya li ose, khu ea lebe shor vbi use vba re.

\c 6
\p
\v 1 Eghe li otokpa vbi vba re moi uro re yi olozeva soi, Icourtu isi elei miehon lo vbun oi ye, ele miehon ko win oli emon bu re.
\v 2 Ueen vbi iyo khi ekhen elemiehon li yan lo vbi igua ezon isi olagbon na? bo ke re liva khi vba vba li vba lo vbi igha ezon isi olagbon na, ien'mi lo si emioso li vba kha ke ke miti gwe?.
\v 3 Vbai een vbi iyo khi manman li yan lo vbi igha ezon li ekhan angeli? ekekai ke hi iogha ezon isi uen isi olagbonna.

\v 4 Bo re chien khi vbavbai, vba vi igha ezon isi ueen si edagbon, ebo kei shan li vba ke re win ieenmi li yo ovbi obo isi ea li yan ya yi ose?
\v 5 Iti oli eta na li vba re moi ekho, ai ke du mi Ozewan vbi use vba lolo miti ri imion vbi urolo ri an esese.
\v 6 Ebi olu ueen kei ri, olo mienhon bi olo mienhon yan chei win egbiain yi Icourtu isi elei mienhon, ezon isi ea li yan li ose achie won vbi obo isi Icourtu isi oya lo ya li ose.

\v 7 Ekho li olo mienhon bi olo miehon ya re ro. Olo zi ibohi o̱i ke mio̱, ama
\? wewe la zo̱i ibohi ukha ke ri egbe mio̱i?
\v 8 wewe man ke se zi o̱ya ebohi ghe, aman, imio̱n li khi ena.

\v 9 Wewe ueen khi o̱ya li o̱ya vbi ata o̱kha ovbi e̱sua o̱ba isi Oise̱le̱bua? emi e̱he̱n ho̱n. een isi oghe, ea li yan si areo̱, o̱hi o̱ya lo̱ chie bo̱i o̱mo̱he yan chie kpa yi egbe isi yan gbi oghe.
\v 10 Ea li yan dwi o̱i, ea li isian o̱ya sian, ekhan ideyo̱n, ea li yan ria, o̱ya o̱vbi uohko, bi elo̱gbi'e̱a te̱a, o̱so vbi use isian o̱i evbo̱ lo̱lo̱ o̱vbi e̱gua o̱ba.
\v 11 Iyo̱ li vba kpao̱ ri aman, vba ke fuan, ake kpe vba fuani Oise̱le̱bua o̱ke ga obo̱ mien vbi eken eni isi Ijesu Kristi bi eti lo̱ fuan isi Oise̱le̱bua

\v 12 Emi ere̱me̱n uhi lo̱ chian re̱ yi men, aman, ere̱me̱n ko mo̱i iho̱nme̱n re̱ yi men. emi ere̱me̱n uhi lo chian re uyi me̱n, aman, iha chie̱n o̱vien isi o̱so.
\v 13 Emae isi e̱ken o̱, e̱ken o̱chien isi emae, Oise̱le̱bua o̱ imi emon fio̱ vbian. aman e̱gbe o̱vbi isi oghe eman, o̱li egbe isi o̱lo̱mo̱nmai o̱, aman, o̱lo̱mo̱nmai yo̱i lo̱lo̱ re̱ ni o̱li egbe.

\v 14 Oise̱le̱bua o̱ro ikhua egbere li o̱lo̱mo̱nmai iyo̱ o̱lo̱gbo? ri ikhua egbore li mai vbi utotomi iso̱i.
\v 15 Wewe ueen khi egbe ise khi isi Kristi o̱? i lo̱ ke win egbe lo̱ chien isi Kristi ya re de bai ea li yan gbi oghe̱i o̱ha degbe chien iyo̱.

\v 16 Ueen khi o̱ya lo̱ ku egbe bui ea li yan gbi oghe khi o̱kpa li yan u? ebi ebe lo̱fuian i tai, khi yan eveva egbe o̱kpa li yan lo chian
\v 17 Ama, o̱ya lo ku egbe ba o̱lo̱mo̱nmai odeba eti iso̱i.

\v 18 La li oghe, okho o̱vbi li o̱ya ui o̱i re̱gbe siui egbe aman, o̱ya lo̱ gbi oghe̱ o̱vbi o̱kho̱ yi e̱gbe iso̱i.

\v 19 Wewe ueen khi egbe se o̱a isi eti lko̱fuan o̱i lo̱ kpaye we, lu mien vbi obo̱ isi Oise̱le̱bua? ueen khi wewe ku mon egbe se?
\v 20 Emi la re de. oko̱si o̱lai ya ri egbe se ri okhai li Oise̱le̱bua bi eti se, lo̱ chien isi Oise̱le̱bua.

\c 7
\p
\v 1 Ie̱e̱n emio vbi eta li vba za vbi ebe yi men, erohumen li o̱mo̱he re̱ ri obo̱ si o̱kposo.
\v 2 Aman, ohio si iamagho vbi emo̱i oghe̱ lo̱ bui o̱mo̱he odode o̱i o̱n o̱ha i bi o̱kposo o̱dode o̱i mo̱n o̱don i.

\v 3 o̱do̱n o̱i reli o̱ba i vbi emo̱n so̱i egbere, iyo gbo o̱ yi oha re yi o̱do̱ni
\v 4 o̱ha ke mo̱n ase vbi uhumi si o̱do̱n i aman, o̱do̱n i iye gboo̱, o̱do̱n o̱i mo̱n ase re̱yi egbe so̱i aman, o̱ha i.

\v 5 fai la ni egbeva, so̱kpa vbakoko miama o̱fio̱ si o̱bia li vba ho̱ li vba bia vbi egheo̱so̱, o̱hio̱ li vba re wu egbeva li ero̱mo̱n. Vba gho kugbe, lao mien esun o̱daman vba gho o̱hio̱ si vba ya meti ri ukekek li egbe vba.
\v 6 Aman, iti o̱li eta na yi vba bi ivude o̱i khi ase li kpe.
\v 7 Okha re̱ mie̱n o̱i kho̱ ya o̱ u bi me̱n. Aman, o̱do̱de lo̱ mo̱n ihumohan so̱i zavbi ihumohan isemen, wewe gbo mo̱i se.

\v 8 Re̱ yi ea li yai se wun o̱se̱n bi o̱ro̱n i tai khi ero̱hume̱n yan dia uai iyo̱ dia yai wun o̱se̱n elabi menmen i ri.
\v 9 Aman, akha gaze khi yan kha meti ri ukeke li egbe isiain, elo̱ meti o̱ wun o̱se̱n. ewun o̱se̱ o̱hume̱n le̱i yan o̱ lo̱ hiahia vbi eke̱n egbe.

\v 10 Eyan re yi ele wun o̱se̱n igbi o̱li uhi na aman, me̱nme̱n ko̱o aman, Oise̱le̱bua o̱ha o̱i van egbe sho̱ vbi egbe si o̱do̱n i re̱.
\v 11 Aman, okha van sho̱ vbi egbe si o̱do̱n i re, o̱i dia o̱ike unu o̱sen so̱ kha meti iya dia, o̱lo̱ meti chie o̱ vbi o̱do̱n i, bi o̱do̱n o̱i damai khu o̱ha i fia.

\v 12 Aman, re yi evbe li itai menmen li so̱go̱lv tai, o̱lo̱mo̱nmai li o̱mo̱he okha mo̱i oha lo̱i mie̱n ho̱n, o̱ha humi eken o̱n lo̱i dia kpe o̱n, lo̱i du fiaa.
\v 13 o̱kposo oha mo̱i o̱dvn lo̱i mienho̱n oha humi eken o̱n lo̱i dia o̱n ia du fio̱a.
\v 14 o̱do̱n lo̱i mo̱i amieho̱n o̱lo̱ mien akpefuan vbi obo̱ isi o̱hai bi o̱ha lo̱i mo̱i amieho̱n o̱lo̱ mien akpefuan vbi obo̱ isi o̱do̱n, aman, ivio̱i ei kpao̱ mo̱i o̱fuan, aman eyan yan ke mo̱i o̱fuan.

\v 15 Aman, o̱lo̱ mo̱i amieho̱n isi Ijesu o̱rha fi o̱se̱n an, vba zo̱i fio̱i o̱kha chien iyo̱, o̱li o̱mo̱he bi o̱i okposo ei zi ibo̱hi re̱ yi egbe. Oise̱le̱bua o̱e chie mai li mai re kpayi egbe we vbi o̱fure.
\v 16 Ueen vbi iyo̱ su lo̱ meti ri amiefan ni o̱do̱n wewe li o̱ha een vbi iyo̱ su lo̱ meti ri amiefan si o̱ha wewe li o̱do̱n.

\v 17 Emo̱n rivbe li khi, o̱do̱de o̱ya vbi agbo̱n li o̱lo̱mo̱mai re̱ndi. o̱do̱de ebi Oise̱le̱bua o̱i echio̱. o̱na li khi uhi li gbe ni o̱se̱ ere̱me̱n.
\v 18 o̱ya ri vbv lo̱ ke rue le o̱kpe̱se o̱mien amieho̱n? o̱ya li yo̱ o̱i udu ya ri egbo̱i chien o̱ya lai se rue.
\v 19 Arue̱ da arue ki emi ri emi li aso̱go̱lo̱ ho̱ li khi areo̱ vbi uhi si Oise̱le̱bua
\.

\v 20 o̱dvde o̱i muzan kpakpati vbi uechemi li aza echie eghe li Oise̱le̱bua re echio vba re vbi amieho̱n.
\v 21 o̱ghumi li u egbe li Oise̱le̱bua re̱ echie̱? ezoi ya kpokpo e̱ udu. Aman, ukhalo̱ meti fin egbe̱ shu vo̱ re, vbo̱i e gho̱ uo̱kho̱.
\v 22 o̱ya li o̱lvmo̱nmen echie vbi uhumi li khi o̱ya lo̱ echie vbi amiefan ochien oghala isi Kristi.
\v 23 Emi la re deva chie re, o̱hio̱ si o̱la echien ohumi isi o̱ya o̱so̱.
\v 24 Imio̱me̱n isi imo̱he, ebi mai ghei ri eghe la re echie mai o̱ vbi eke̱n amieho̱n, vbai de li egbe vbv re.

\v 25 Eyan re̱yi ea li yai se wun o̱sen, o̱lo̱mo̱nmai ko̱ gbi o̱li uhi na le men, aman, me̱nme̱n li do̱bo̱men ti o̱na, ike chien o̱ya lo̱ chien eke̱n ese o̱hen isi o̱lo̱mo̱nmai, o̱la ii uduan li chien.
\v 26 O̱hio̱ isi rughurughu lo̱ ri vbi oto̱, o̱hume̱n li o̱ya re muzan kpakati vbi ebo̱i ri.

\v 27 Uke ri okposo gbaii egbe le? udu hoi ebi ulo̱ fan vbe use mo̱n o̱ha edu ho̱i o̱ha. Aman, ukha ro̱ okposo, vbi o̱kho̱ da o̱kposo lo̱i sewun o̱sen o̱kha wun o̱sen o̱i vbi o̱kho.
\v 28 Aiaman ea le wun o̱sen elo̱mvn igbi okpokpo lo̱ bun vbi edagbo̱n isian, iho̱ vba ri en vbo̱re.

\v 29 Onan li teu, imiomen lo inonhe, oleghe okeu kere. re za vbi o̱ven rale, vba zi ea liyan mo̱n o̱ha ya we ueen bomo̱n yan muen.
\v 30 ea li yan gbi aigwe eya we ue̱e̱n bomo̱n ei li yan gho̱ngho̱n bomo̱n eva gho̱ngho̱n, eli yan di emi bomo̱n yan i mo̱n emio̱so.
\v 31 ea li olagbo̱n ian obo̱ yai ya wun o̱i bi emoo̱dan, erimidi ueen iso̱ o̱i agbo̱na o̱yi ireso̱.

\v 32 Iho̱ lo vba ri obo̱ sho̱ vbi emo̱n kpokpo̱i udu re. o̱mo̱nhen lo̱i se ro̱i okposo ue̱e̱n so o̱lo̱mo̱nmai lo̱ ri udu ku, ebi o̱lo̱i wun udu so̱i eghe̱n.
\v 33 Aman o̱mo̱he lo̱ okposo ue̱e̱n isi olaghona lo̱ ri udu ku, ebi o̱lo̱i wun udu isi o̱hai eghe̱n.
\v 34 udu eva lo̱ muen okposo lo̱i se wun o̱se̱n da lo̱i e̱e̱n, aman, o̱kposo lo̱ wun esen emi isi o̱li agbona lo̱ ri udu ku, ebi o̱lo̱ wun udu isi o̱do̱n i egbe̱n.

\v 35 o̱la vbi o̱hio̱ se, o̱i u khi i ho li fii emi ga li uru se, iti o̱na o̱hio̱ si emo̱n deo̱vbo̱, lu mo̱n i o̱dagha vbe̱o̱.

\v 36 Aman, o̱mohe o̱kha e̱e̱n emi ni aleke lo̱i wun o̱se̱n o̱i vbi emo̱n ho̱n o̱li o̱mo̱he o̱i vbi o̱kjho̱. yan i ro egbe.
\v 37 Aman, o̱kha wun o̱i o̱vbi udu khi o̱shan e̱ghe̱ li yan ro̱i egbe yo̱n kpe e̱e̱i emi nai egbe kha re̱ yio̱n khu yo̱n lo̱ meti ri ukeke ni egbe si yio̱n, khi yo̱n kha se̱ si kea o̱chien egbe li yo̱n zi egho, o̱ya li yo̱ lo̱ vbi emo̱n deo̱ vbo̱ le̱.
\v 38 Olo̱ ro̱inokposo lo̱ e̱e̱n emi li egbe bi emi lo̱ vbu, bi o̱lo̱ eima wun ose̱n ukulemi lo̱ vbu.

\v 39 o̱kposo uhi o̱do̱n i o̱gbalo̱ re̱ se̱ vbi e̱de̱ li o̱do̱n i lo̱ vbi oto̱ o̱lo̱ meti chie re̱kha ri agbo̱n vbi o̱i aman, vbi e̱ke̱n egbe isi o̱lo̱mo̱mai.
\v 40 re̱ yi menmen okha i iyo̱ dia ebo̱i ri yon la fun o̱ vbi egbe le ̱. io̱ kia imo̱n oto̱ iso̱, Oise̱le̱bua.

\c 8
\p
\v 1 e̱yan re̱yi emae la re vbi ivbabo yi are̱e̱o̱, mai e̱e̱n khi ma mo̱n ie̱e̱n emu ie̱e̱n emi o̱khua iguabo̱, aman ihume̱nke̱n lo̱ ri ikhuamen ō̄vbi emi.
\v 2 Akha mi o̱ya lo̱i khi yon ke e̱e̱n emi, o̱ya lo̱ e̱e̱n emi se vbi ebo̱i eovbo lo̱i e̱e̱n on.
\v 3 Aman, OisVlVbua o̱ e̱e̱n o̱lo̱humi e̱ke̱n i o̱n.

\v 4 O̱hio̱ isi o̱na re̱yi emae la re̱ vbi ivbabo yi areoi̱ mai e̱e̱n kha areo̱ oimion emon ri vbi o̱i agbo̱na, khi Oise̱le̱bua o̱kpa lo̱ rivbi ō̄lagbona ovbe o̱i evbo.
\v 5 ie̱e̱n si ekha irie da eimi li agbon echie na si erivbo̱, si okhumi eimi da o̱li agbon kei ko Oise̱le̱bua lo̱bi bi o̱lōimo̱nmai.
\v 6 O̱kha re̱ vbi yo̱ re̱ yi mamai, Oise̱le̱ bua lo̱ eramai o̱kpa li mai mue̱n, obo so̱i li emi ere̱me̱n za vare, bi obo so̱i lo e̱dagbon mai ri, bi o̱lo̱mo̱n mai okpa Jesu Kristi, obo̱ so̱i li ede agbon isi emi ere̱me̱n ri, bi yo̱i lōi wun e̱de̱ agbo̱n muzan.

\v 7 Ebo re̱ ghei ri gbeigboi o̱li ie̱e̱ emi na oikho̱ya ko̱ mo̱n. agbo̱n eso ekpao si areo̱, bi yan i o̱li emae bi emae la re̱ vbi ivbabo yi areo. udu isian o̱ri ibohi lian o̱hio̱ si uidu sian o̱mo̱n o̱e̱me̱n.

\v 8 aman, emae ko lo̱ wun mai yi isi Oise̱le̱bua. mai gbi emo̱ri si mai o̱ da mai humen le̱ si mai eo̱.
\v 9 ama, yari e̱wan ovbo lo̱i o̱ chien ue̱e̱n isi gbadawai se̱ lo̱ chien yo̱i lo̱ ke ze li ea iei se̱ mo̱n utotomi vbi e̱ke̱n amieho̱n re de.
\v 10 Ase̱ ri emi o̱i emae vbi e̱ge̱n are̱e̱, udu so̱i lo̱ mo̱n o̱eme̱n kōi la ke ghe i emae la re̱ vbi ivbabo li areo̱e̱..

\v 11 o̱hio̱ si ie̱e̱n emi se̱ re̱ yi ire̱o̱, o̱ya lo̱ mo̱n oe̱me̱n, o̱mio̱mai lo̱ chien o̱hio̱ so̱i li Kristi re̱ u, o̱mo̱n ikhueo.
\v 12 O̱hio̱ si opna, ukha vbi o̱kho̱ reyi imio̱n bi uraghi udu sian kuai, yvbi o̱kha yi Kristi.
\v 13 O̱hio̱ si o̱na, emae okha zi omio̱mai de sho vbi amieho̱n re, ikha chie i emae, li o̱ zi omio̱men de.

\c 9
\p
\v 1 I mo̱n uanegbe? me̱me̱n apo̱sto ki chie̱n? I mii Jesu lo̱ mo̱e̱nmai? Vba vba li khi obiame̱n vbi e̱ke̱n O̱lo̱mo̱e̱nma.
\v 2 Si chie̱n apo̱sto re̱yi ea evbe, ama i chie̱n yi vba. Erimidi vbavba li khi ize̱o isi obia si apo̱sto me̱n vbi e̱ke̱n O̱lo̱mo̱e̱nmai.

\v 3 O̱na li khi emi li re̱ fi egbe me̱n, reyi eia nian mie̱n me̱n eta.
\v 4 Mai mo̱n etin li mai lo̱ re̱ i emae bi e̱yo̱n?
\v 5 Mai mo̱n etin li mai lo̱ re̱ ya wuin oha le mo̱n amieho̱n re khan egbe shan, ze̱n elabi ekhe̱in apo̱sto le ko̱ re, bi omio̱n O̱lo̱mo̱e̱nma bi Ikefas?
\v 6 Da Ibanabas bi me̱me̱n o̱kpa la e̱he̱n o li obia ni?

\v 7 O̱i khi o̱ya lo̱ chie̱n ovbiokho̱in li egbe so̱i? O̱i khi o̱ya lo̱ ki ikperan lo̱ ya zavbo̱ fan e? Da o̱i khi o̱ya lo̱ rue̱ e̱me̱la lo̱ kha io̱n imiliki so̱i?
\v 8 Iti o̱na vbi ase̱e̱ isi egbe me̱n? Uhi i gboi ti yo̱.?

\v 9 Avio̱n vbi e̱ke̱n uhi Imosis "Eri emi voi unu si e̱mela lo̱ gbo̱ka." Vba ke eingbe khi e̱mela li Oise̱le̱bua ke iyo̱ ri e̱o khu? Ohio khi mamai li eia ko re̱ ti eta li na?
\v 10 O̱hio̱ mai la re̱ vio̱n, o̱hio̱ si o̱ya lo̱ bia o̱i ya ri ariuduo bia̱, bi o̱ya lo̱ bumi emi lo̱ ri ariuduo̱ o̱vbo̱ khi o̱lo̱ ke̱n vbi akhua koko.
\v 11 Ma kha kin emi si etin yi vba, o̱ bun gbe li mai lo̱ re̱ evba ri emi si egbe yi mai?

\v 12 Eia evbe kha wee o̱li ase̱e̱ ain ovba vbi uhumi, mamai ko̱ eo̱vbo̱ ma li mai wee o̱li ase̱e̱ ain le̱?̈ Ama mai kha wee o̱li ase̱e̱ na yi vba? Mai lo̱ ri egbe zie̱n emi ere̱me̱n la mie̱n, li mai o̱ chie̱n igbangobo̱ yi owewe si Kristi.
\v 13 Vba i e̱e̱n khi oia lo̱ bia vbi ite̱mpo ain lo̱ za emae? Vba e̱e̱n khi elo̱ bia vbi ikpe̱poisa ain yian lo̱ za emae?
\v 14 I yo li Oise̱le̱bua gboi tai khi eliain wewe, khi owewe li ain lo̱ za e.

\v 15 Ama iyo̱ ki yai I wee yi vba. I vin o̱li ebe na yi vba li vba re̱ ri emi yi me̱n. Da ohume̱n li ui
\v 16 I kha wewe i mo̱n emoze̱i li ya re̱ ruo̱, o̱hio̱ khi o̱ eo̱vbo̱ li uo̱na. O̱hio̱ khi ikueo li khi ise̱me̱ si iwewe eta lo̱se̱n!

\v 17 I kha ri udu me̱n ere̱me̱n uo̱i, I lo̱ mi ee so̱i. Ama si ri udu me̱n ere̱me̱n uo̱i, I lo̱ se̱ kpe̱ bi obia lo̱ se̱ me̱n egbe re.
\v 18 Emi lo̱ lo̱ ke khi ee me̱n? khi I kha wewe, I lo uo̱i vbi o̱he̱n la mie̱n khi i ya wee ase̱e̱ me̱n ere̱me̱n vbi eta si o̱hume̱me̱n.

\v 19 A mie̱n khi i vbi uru si eia o̱so, I gbo ke chie̱n uru si eia ere̱me̱n, li re̱ meti nwun eia le bun ku ba me̱n.
\v 20 Re̱yi ekhe̱in Ijiu i chie̱n ola IJiu li re̱ mie̱n ekhe̱in Ijiu ku ba me̱n. Re̱yi ea liain re̱khain uhi, i wee yiain bi o̱ya lo̱ re̱khan uhi li re̱ mie̱n ea liain re̱khain e ku ba me̱n. I vbi o̱na a kha re̱re̱ mie̱n o̱i o̱vbo̱ li re̱khain uhi.

\v 21 Re̱yi eia lei evbi uhi, I chie̱ oia lo̱i evbi uhi ama me̱me̱n ki dobo̱ me̱n hua egbe me̱n sho̱ vbi uhi si Oise̱le̱bua re, ama ya re̱khain uhi si Kristi. I ui o̱na li re̱ mie̱n eia lei ya re̱khain uhi e ku ba me̱n.
\v 22 Re̱yi eia le mo̱n o̱e̱me̱n, me̱me̱n chie̱n o̱ia lo̱ mo̱e̱n o̱e̱me̱n e ku ba me̱n. I chie̱n emi ere̱me̱n yi eia ere̱me̱n li eia eso re̱ mi amiefan.
\v 23 I ya uemi ere̱me̱n vbi o̱hio̱ si eta o̱hume̱me̱ li ihianba so̱i re̱ se̱me̱n egbe re.

\v 24 Ue̱e̱n vbi iyo̱ e̱mo̱n ula li yan la yan koko la, ama oto̱kpa la lo̱ fi eru o̱i vbi uhumi? O̱hio̱ si o̱na la lu re̱ wun o̱li eru.
\v 25 O̱ia lo̱ bi obia isi ula o̱ri uke̱ke̱ li egbe so̱i e̱ghe̱ lo̱ re̱ mami emi. Yian uo̱i li yian mii emi lo̱ lo̱ chie̱n aho lo̱ mo̱n ikhueo, ama mamai o̱ la li mai re̱ mie̱n emi lo̱i vbi isi aho lo̱i mo̱n ikueo.
\v 26 O̱hio̱ si o̱na I ya la ula lo̱i mo̱n e̱wain da ya fili e̱kpai kuo̱ vbi aho.
\v 27 Ama I gue̱n egbeme̱n re I ro̱i chie̱n oghumi, lo̱i o̱ chie̱n e̱ghe̱ li ke wewe li ea evbe, me̱me̱n li egbe me̱n lao̱ bi me̱n do.

\c 10
\p
\v 1 Iho lu e̱̱e̱n imiomen li imonhe, khi era man yan ere̱me̱ li orughu si okhumi kuvo bi yan ere̱me̱n li yan shin e̱da vare.
\v 2 Yan ere̱me̱n li yan si ame̱n bi e̱ke̱n imosis vbi e̱ke̱n orughu si okhumi bi e̱ke̱n e̱da.
\v 3 Bi yan e̱re̱me̱n yan koko emae okpa isis e̱ke̱n eti.
\v 4 Yan koko wun e̱yo̱n isi e̱ke̱n eti o̱n. Udo isi ame̱n si e̱ke̱n eti lo̱ re̱ khan yan li yan za koko wun ame̱n o̱n, aman Kristi li khi o̱li udo.

\v 5 Aman udu isi O̱ise̱le̱bua o̱i e̱ghen re̱ yi eso vbi an, bi eko oimi sian o̱vo̱n i aikhan vbi o̱dagbe.
\v 6 Eli emi na lo̱ chien iri emi o emi re̱yi man, li mai ya ri obo̱ o̱vbi ueen lo̱be elabi yan yai wen awe.

\v 7 Vbai chien ea li yan gi areo̱, ze̱n elabi eso bi an yai gi areo̱. Ze̱n elabi ai vio̱n, eli ea yan dia ya emae bi e̱yo̱n, bi yan sho re ya sie.
\v 8 Mai ya gbi oghe̱n, ze̱n elabi eso le bu vbi an yai vbo̱i. Li ea e̱gben za u ukpa o̱hio̱ isi eli ahue.

\v 9 Da mai ya dami Kristi gho, ze̱n elabi ea le bun ue awe li e̱ye̱n re̱ khuei yan o.
\v 10 Da vboi ke zi uyo̱n, zen elabi ele bun vbi yan yai zoi li ayo̱ uko̱ isi eu re khuei yan o.

\v 11 E̱yan eli emi na o̱ruan yi yan lo̱ re̱ chien obo̱ mai li unuagbo̱n lo̱ za mo̱n au si oto̱.
\v 12 O̱hio̱ si o̱nan oyan lo̱ o o̱i vbi udu khi yo̱n muza le o̱i ri ie o̱vbi e̱gbe lo̱i o̱ de.
\v 13 Aimi idamangho o̱so li vbamien vbi egbe io̱ chie̱n emi l o̱ya o̱ise̱. Mie̱n vbi egbe ghe. O̱kha re̱ chie̱n iyo̱, O̱ise̱le̱bua o̱mo̱ aji udu an. O̱kha ze̱ mi adamangho nu kha miti ri egbe mie̱n. Vbi e̱ke̱n o̱li adamangho o̱lo̱ ri ukpode lu lo za fan vbo re vbie, lu re̱ miti ri eghe mio̱n

\v 14 O̱hio̱ si o̱na, ea li ihu mi e̱ke̱n o̱, vba la sho̱ vbi areo̱ ugami re.
\v 15 Ya gui ie̱e̱mi yi vba ze̱n elabi vbai chien ea li yan oi e̱ke̱n, li vba re oi e̱ke̱n vbi em li gwe.
\v 16 Uko isi ihianba li man ri ihianba o̱ o̱i vbi ake̱n vbi e̱ke̱n ere isi Kristi? ibre̱di li man khueye, o̱ivbi aken vbi e̱ke̱n egbe isi Kristi?
\v 17 Erimidi usi ibredi o̱kpa lo̱ ri vbo̱, manmai li man bui egbe o̱kpa li man mue̱n. Usi ibre̱di o̱kpa li man koko ke̱n.

\v 18 Sho ekhan isre̱li, ea li ei emae isi ivbabo e mo̱i ake̱n vbi o̱li ikpe̱kpe̱?
\v 19 Emi ya za gwi ieemi? Khi areo̱ de wun emi o̱so? Da emae la re̱ vbi ivbabo li areo̱ khi o̱de wun emi o̱so?

\v 20 Aman emi li itai vbi e̱mo̱n emi li ekhan ikefei re̱ vbi ihumoha, li khi esun li yan ro̱i vbi ihumoha yi o̱i O̱ise̱le̱bua. Iho li vba za vbi emi isi esun ke̱n.
\v 21 Ukha miti za vbi uko isi O̱lo̱mo̱nmai wun ame̱n o̱n bi isi esuu. Ukha miti ya za vbi e̱gua isi O̱lo̱mo̱nmai we bi egua isi ekhan esun.
\v 22 Da man ho li O̱lo̱mo̱nmai a bi ohan? Manman li man ke mo̱n utotomi le̱ o̱?

\v 23 Emi ere̱me̱n uhi lo̱ gbalo̱, aman emi ere̱me̱n ko̱ mo̱n O̱kho̱nme̱n. "Emi ere̱me̱n uhi lo̱ gbalo̱" aman emi ere̱me̱n ko̱ ri ikhuame̱n li agbo̱n.
\v 24 O̱so o̱i ya ho ebi isoi lo za hume̱n, aman o̱do̱de o̱iya hoi o̱hume̱n isi o̱li o̱zevba so̱i.

\v 25 Ulo̱ miti i emi la shen na vbi e̱ke̱n eki, udu ise o̱kha sowe̱ e̱zon.
\v 26 Erimidi o̱li oto̱ na isi o̱lo̱mo̱nmai o̱ bi emi le ri vbo̱.
\v 27 O̱lo̱i mie̱ho̱n o̱kha yi uhumi yie̱ lu o̱ i emae, uha ho lu le̱, emi la re̱na gbegbei o̱i emian eta li udu se̱ lo̱ ya a ri ibohi na.

\v 28 Aman o̱ya o̱kha tai na ho̱n o̱li emae na khi ikefei le ro̱i vbi ivbabo, e o̱i. O̱hio̱ si o̱ya lo̱ gueo̱ na ho̱n, bi o̱hio̱ si udu.
\v 29 O̱hio̱ si udu se̱ ko̱, aman o̱hio̱ si udu isi o̱li o̱zevba se̱. Ebi igbadawai me̱n lo̱ kei ri e̱zon li udu isi o̱ya o̱vbe?
\v 30 Ikha i ōli emae vbi e̱ke̱n o̱kho̱nme̱n, ebo̱i shan la ke re̱ khueme̱n vbi emi li ri ekhue̱mi o̱ le?

\v 31 O̱hio̱ si o̱na, emae lu e da ame̱n lu o̱n da emi khi emi lu vbu, vbo̱i vbi iri okha re̱ yi O̱ise̱le̱bua.
\v 32 Ei ri ibiohan ni ijews da igreeki, da o̱se̱ isi O̱ise̱le̱bua.
\v 33 Ya gbi ayie̱n egbe li re̱ ri udu isi o̱okho̱ya e̱ghe̱n vbi emi ere̱me̱n. Iya ho o̱kho̱nme̱n me̱n, aman isi eya le bui. Ivbi o̱na li yan re̱ mo̱n amiefan

\c 11
\p
\v 1 Ya ri egbe o me̱n ze̱n elabi yai ri egbe o Kristi.
\v 2 Ya ri o̱kha na o̱hio̱ si ebi vba e me̱n re vbi emi ere̱me̱n. Me̱me̱n o̱ ri o̱kha na o̱hio̱ si ebi vba wun ue̱e̱n mai nwue̱n ze̱n elabi i nwuo̱in yi vba.
\v 3 E̱yan I ho̱ lo̱i wun vba e̱o kuere hki Kristi li khi o̱lo̱ kpokhumi si imohe ere̱me̱n, khi o̱mo̱he lo̱ kpohumi si o̱kposo, ama O̱ise̱le̱bua li khi o̱lo̱ kpohumi si Kristi.
\v 4 O̱mo̱he lo̱ voo uhumi so̱i e̱ghe̱ lo̱li ero̱mo̱n o̱ fai uhumi so̱i a.

\v 5 Ama o̱kposo lo̱ li ero̱mo̱n da o ti eta si Oise̱le̱bua vbi unu so̱i lo̱i voo uhumi so̱i o̱ fai uhumi so̱i a. O̱ ghe chie̱n o̱kpa si o̱ ka li eto so̱i a.
\v 6 O̱kposo kha e o̱kha voo uhumi so̱i lo̱ hin eto so̱i de re. Okha vbi emi si ekho̱i si o̱ hin eto so̱i de re da lo̱ re̱ hian si oto̱i o̱i voo uhumi so̱i.

\v 7 O̱mo̱he o̱i voo uhumi so̱i, o̱hio̱ yio̱in li khi ariemio bi o̱khai si Oise̱le̱bua ama o̱kposo li khi okhai si o̱mo̱he.
\v 8 O̱mo̱he egbe si o̱kposo ka za mai, ama o̱kposo egbe si o̱mo̱he la za mai vare.

\v 10 Ai ma o̱mo̱he li o̱kposo. Ama o̱kposo la mai li o̱mo̱he.
\v 9 Ona lo̱ ze li o̱kposo re̱ mo̱n azoma si ase̱e̱ vbi uhumi so̱i, o̱hio̱ si ekhe̱n ange̱li.

\v 11 Ebo re̱ ghei de, vbi e̱ke̱n egbe si O̱lo̱mo̱e̱n, o̱kposo o̱i van sho̱ vbi o̱mo̱he re, o̱mo̱he o̱i gbo van sho̱ vbi o̱kposo re.
\v 12 Ze̱n elabi o̱kposo o̱ za vbi isi o̱mo̱he vare, iyo̱ li o̱mo̱he gboi za vbi obo̱ si o̱kposo vare. Emi ere̱me̱n obo̱ si Oise̱le̱bua le za vare.

\v 13 Vba ghai li egbe vba. Odeo̱vbo̱ khi o̱kposo kha li ero̱mo̱n lo̱i voo uhumi so̱i?
\v 14 Awee si eia o̱i wun vba e̱o kuere, khi o̱mo̱he kha mo̱n eto lo̱ vo̱in lo̱ rere vbi uhumi khi emi si e̱kho̱i o̱?
\v 15 Awee si eia o̱i wun vba e̱o kuere, khi o̱kposo kha mo̱n eto lo̱ vo̱n lo̱ rere khi okhai so̱i o̱? khi a wuin eto nai lo̱ ro̱i voo.
\v 16 Ama o̱ia kha hoo lo̱ kha iru vbi o̱hio̱ si eta na, mai mo̱n awee ovbe, da o̱se isi Oise̱le̱bua.

\v 17 Ama re̱yi ihude lo̱ re̱khain, I kha ri o̱khai na vba, vba kha sikoko, o̱i vbi o̱hio̱ si o̱lo̱ hume̱n le̱ ama o̱hio̱ si o̱lo̱i hume̱n.
\v 18 Ehe o̱kpa, I ho̱n khi e̱ghe̱ li vba ri vbi ose̱, khi oghaye ri vbi usee vba, i ri efe̱n okpa isi udu me̱n vbi o̱li eta na hon.
\v 19 Oghaye o̱lo̱ evbi usee vba, la re̱ e̱e̱n eia la ze̱ vbi vba.

\v 20 Vba kha si egbe koko, emae si enwain isi O̱lo̱mo̱e̱n ki vba ei.
\v 21 E̱ghe̱ li vba re̱ o̱i, o̱do̱de o̱i emae so̱i o̱kpe̱se̱ eno̱i mi emae si ain. Ohanmi o̱ gbi eso, bi eso di e̱nyo̱n gbi egbe.
\v 22 Vbai mo̱n iwe li vba lo za emae bi eyo̱n? Vbai mi emo̱ fii o̱ vbi o̱se si Oise̱le̱bua, da ea li yain mo̱e̱n li vba ho li yian ya vi oya? Emi kha re̱ ke ta? Li ri o̱kha na? I kha ri o̱kha na vbi o̱na.

\v 23 Emi li mie̱n vbi obo̱ si O̱lo̱mo̱e̱n li gbo re̱ vbie̱ vba, khi Jesu O̱lo̱mo̱e̱nma, o̱li aso̱n an e̱ghe̱ la re̱ ro̱i de̱, o̱ wun akaa.
\v 24 O̱ ke re̱ khue̱mi o̱vbo̱ le, o ke̱no̱in o̱ro̱i, "o̱na vbi egbe me̱n, lo̱ ke chie̱n ise̱, ya vbi o̱na vbi aere me̱n."

\v 25 Ukpode̱ okpa lo̱ gbo za wun uko e̱ghe li ain ke emae le o̱ ro̱i, o̱li uko na li khi atamasi lo̱gbo̱n vbi e̱ke̱in e̱re me̱n. "Ya ghe vbi o̱na e̱ghe̱ ere̱me̱n li vba wuo̱n o̱n, lu ya re̱ e me̱n re."
\v 26 E̱ghe̱ ere̱me̱n lu o̱i li akaa na bi u wuo̱n o̱li uko na o̱n, vba wewi eu si O̱lo̱mo̱e̱nmai se̱ vbi e̱ghe̱ lo̱ lo̱ re̱ vare.

\v 27 O̱i khi o̱ia o̱hio̱ si o̱na lo̱ e o̱li akaa na da lo̱ wuo̱n o̱li uko si O̱lo̱mo̱e̱nmai o̱n vbi kpode̱ lo̱i de o̱vbo̱, ibohi lo̱ ze̱ vbi o̱li egbe bi e̱re isi O̱lo̱mo̱e̱nmai.
\v 28 Zi o̱ia se̱ fe egbe so̱i gho, o̱kpe̱se khi o̱ meti ie akaa bi o gbo za vbi o̱li uko wuo̱n o̱n.
\v 29 O̱ia lo̱ e bi o̱lo̱ o̱n vbi e̱ke̱n o̱i ri ize̱egbe ovbi o̱li egbe, o̱ e bi o̱ o̱n lkueo yi egbe so̱i.
\v 30 O̱ain lo̱ ze̱ li eia le bun vbi usee vba re̱ mo̱n o̱e̱me̱n bi o̱tome̱n bi eso ke uu.

\v 31 Ama ma kha ri e̱o fe̱ egbe main gho mai kha mo̱n e̱zo̱n.
\v 32 Ama O̱lo̱mo̱e̱n kha so̱ mai e̱zo̱n, mai mo̱n ihude li mai o̱ khue o bai ea si o̱li agbo̱n na.

\v 33 O̱hio̱ si o̱na, imio̱n me̱n li imo̱he, vba kha sikoko khi vba lo̱ e, vba khe̱i egbe.
\v 34 Vba kha mii o̱ia li ohanmi o̱ gbe, o̱i emae vbi iwe, la re mie̱n vba kha sikoko vba kha mo̱n ibohi. Re̱yi emi evbe li vba vin, I lo̱ ro̱i wun vba e̱o kuere i kha vare.

\c 12
\p
\v 1 E̱mo̱i ihumohan isi e̱ke̱n eti, imio̱nme̱ li imo̱he, I ho li chie̱n khi ai gue na vba ho̱n.
\v 2 Vba ma ke e̱e̱n e̱ghe̱ li vba se̱ re̱ chie̱n ea lei mieho̱n, are̱ vba di o̱dea li vba re̱ re̱khan areo̱ le ya ti eta, ukpode̱ eme li vba za re̱khain.
\v 3 O̱hio̱ si o̱na I ho li vba e̱e̱n khi ai mi o̱ia lo̱ ri Etin si Oise̱le̱bua gui ie̱e̱mi lo̱ meti ta "Jesu lo̱ zi ibohi." aimi o̱ya lo̱ lo̱ meti ta Jesu li khi O̱lo̱mo̱e̱n so kpa Etin lo̱ fuan tai kpai obo̱.

\v 4 E̱yan ihumohan odo̱dan lo̱ ri vbo̱, ama Etin o̱kpa.
\v 5 Bi awe o̱do̱dan lo̱ ri vbo̱ ama O̱lo̱mo̱en o̱kpa.
\v 6 Bi obia o̱do̱dan lo̱ ri vbo̱, ama Oise̱le̱bua o̱kpa lo̱ zo̱i mo̱n awunse̱ li o̱i khi oia.

\v 7 E̱yan re̱yi o̱do̱de la ri ohumohan si Etin li e̱o o̱ mie̱n re̱yi okho̱nmen isi eia ere̱me̱n.
\v 8 Re̱yi oto̱kpa vbi e̱ke̱in Etin a ri eta si e̱wain nai, reyi o̱vbe a ri eta si ie̱e̱n emi vbi e̱ke̱in Etin nai.

\v 9 Re̱yi o̱vbe o̱ ri adiuduan na vbi e̱ke̱in Etin, re̱ gbo yi o̱vbe ohumohan isi iwun egbe dan vbi e̱ke̱n Etin okpa.
\v 10 Re̱yi ovbe O nwun awe si utotomi nai, bi ovbe atietakpoto̱i. Re̱yi o̱vbe O nwun utotomi lo̱ lo̱ ya za meti e̱e̱n etin o̱do̱dan, re̱yi o̱vbe uroo ededan, re̱yi o̱vbe o̱lo̱ ya meti e̱n gue o̱li uroo ededan.
\v 11 Ama Etin o̱kpa lo̱ bia vbi e̱ke̱in ena ere̱me̱n ori ihumohan na ni eia ebo̱i zo̱i.

\v 12 Ze̱n elabi o̱li egbe na chie̱n o̱kpa lo̱i mo̱n ohuku le bun bi ere̱me̱n egbe o̱kpa li yan za dianre, iyo̱ lo̱ gboi ri re̱yi Kristi.
\v 13 Vbi e̱ke̱n Etin o̱kpa la za zi ame̱n na mai vbi e̱ke̱n egbe o̱kpa, Ijiu da Igriki okha re̱re̱ chie̱n oghumi da o̱ mo̱n uanegbe, yain ere̱me̱n Etin o̱kpa la re̱ li yian wuno̱n.

\v 14 O̱li egbe ohuku o̱kpa ko̱, ama o̱ bun.
\v 15 Etawe khai ti e "e̱ghe̱ li vbi obo̱, i ke deba egbe," Vbi ata o̱ kpe rivbi egbe.
\v 16 Eho̱n kha i, "o̱hio̱ si ivbi e̱o, khi I deba egbe," vbi ata o̱ deba egbe.
\v 17 Akha gaze egbe ere̱me̱n chie̱n e̱o, ebi emi la re̱ ho̱n kha e? akha gaze egbe ere̱me̱n chie̱n eho̱n, ebi emi lare̱ hi ikhue kha e?

\v 18 Ama Oise̱le̱bua o̱ e̱he̱n emo̱ ri vbi egbe ere̱me̱n ebo̱i ho o̱i.
\v 19 Akhagaze emi o̱kpa yian ere̱me̱n chie̱n ebi egbe kha e?
\v 20 E̱yan ohuku lo̱ bun li yain chie̱n, ama egbe o̱kpa o̱.

\v 21 E̱o i kha meti tani obo̱ ho̱n khi i ho e̱, da uhumi o̱i oe̱, "i ke ho e̱."
\v 22 Ama okpo̱kpa vbi egbe li eu bi emo̱n a ya za gho ede nwu emi.
\v 23 O̱kpokpa vbi egbe li aegbe khi a nwun ekpe̱n o̱n mai li ekpe̱n lo hua nai, bi okpo̱kpa vbi egbe li ma ama zi uan za gho li emo̱ ekpe̱n le̱.
\v 24 O̱kpokpa vbi egbe main li mai re hoo e̱o, e mo̱n eme fii o̱vbo̱ lai re̱ nwin ekpe̱n ni ain, e mo̱n ekpe̱n vbi egbe le̱. Ama Oise̱le̱bua kui o̱kpokpa vbi egbe mai ere̱me̱n kugbe le, o̱ za ri ekpe̱n ni eli e mo̱n ekpe̱n.

\v 25 O̱ vbi o̱na la o̱ mi o̱ghaye vbi o̱li egbe, ama li o̱li ohuku ya re ri e̱o khu e vbi e̱ke̱n ihume̱ke̱in okpa.
\v 26 Ohuku si egbe o̱kpa kha i oya, ohuku ere̱me̱n yian gba o̱ li oya kugbe. Da o̱kpa ze̱i ohuku o̱kpa egbe, ohuku ere̱me̱n yian gba gho̱gho̱n kugbe.
\v 27 E̱yan ohuku isi Kristi li vba chie̱n bi ohuku isi o̱do̱de iso̱i.

\v 28 Oise̱le̱bua o̱ze vbi e̱ke̱n o̱se̱ o̱kpao ekhe̱in apo̱sto, o̱zi eva Imie̱o, ozi ea ekhe̱in evie̱ emi, bi eia li yan vbi emi isi utotomi, bi eia li yian ri o̱kue̱ogbe li agbo̱n, eia li yian ri ikpaobo̱ re, eia li yian bi obia si ebai ri emi shan, bi eia li yian zi uro si o̱emi ededan.
\v 29 Mamai ere̱me̱n ekhe̱in aposto mai chie̱n? Mamai ere̱me̱n Imie̱o mai chie̱n? Mamai ere̱me̱n ovie̱ emi mai chie̱n? Mamai ere̱me̱n li mai meti wee awee si utotomi?

\v 30 Mamai ere̱me̱n mo̱n o̱he̱n si a wun egbe dan? Mamai ere̱me̱n li mai meti zi uroo ededan? Mamai ere̱me̱n lo̱ meti e̱e̱n gui uroo ededan?
\v 31 Wun egbe ho o̱he̱n lo̱ gba le̱. Bi I lo̱ ri ukpode̱ li ekpe̱n ri vbie̱ vba.

\c 13
\p
\v 1 I kha re̱ zi uro isi ea bi isi ekhe̱n ange̱li, ama si mo̱n ihume̱ke̱n, i lo̱ ghe u bi agogo da emi la re̱ kpo keke.
\v 2 I kha re̱ mo̱n ihumohan si atakpoto̱i bi iya meti e̱e̱n ata lo̱ he egbe bi ie̱e̱n emi, bi i mo̱n amieho̱n ere̱me̱n li lo̱ re̱ meti si o̱ko̱, ama si mo̱n ihume̱ke̱n i chie̱n ahooi.
\v 3 I kha re wun emi li mo̱e̱n ere̱me̱n re̱ ri emae li eleimo̱n, bi i nwun egbeme̱n le to o̱i kua ama si mo̱n ihume̱ke̱n aho lo̱ chie̱n.

\v 4 Ihume̱ke̱n o̱mo̱n ozie̱n bi o̱ u oho. Ihume̱ke̱n o̱ie̱e̱n da o̱ruo̱.
\v 5 O̱ivbi igbeaga da iyanmudu. Oya gi egbo̱i. Oya bobo̱ mi ohan, da o̱ wun emi lo̱be li oya uo̱i o̱ vbi udu.
\v 6 Oya gho̱gho̱n o̱ vbi aiuata. Ama o̱ gho̱gho̱n o̱vbi ata.
\v 7 Ihume̱ke̱n ori egbe mie̱n emi ere̱me̱n, o̱ mie emi ere̱me̱n ho̱n, o̱ mo̱n isudu re̱ yi emi ere̱me̱n bi o̱ mo̱n ozie̱n re̱ yi emi ere̱me̱n.

\v 8 Ihume̱ke̱n o̱i mo̱n ireso. Akha mi atakpoto̱ o̱ mo̱n ire̱so, elo̱ rare. Akha mi uroo edan elo̱ da ye̱n. Akha mi ie̱e̱n emi o̱lo̱ rare.
\v 9 Mai kpao e̱e̱n emi kere bi mai kpao ti atakpoto̱ kere
\v 10 Ama e̱ghe̱ kha ke gha emi lo̱i gha lo̱ ke rare.

\v 11 E bi re̱ ri o̱vbehan ya ti eta bi o̱vbehan, ya o̱i vbi udu bi o̱vbehan, ya we e̱wain bi o̱vbehan. E̱ghe̱ li ke re̱ ohia re, i wun awe si o̱vbekhan sho̱ vbi egbe re.
\v 12 Eyan ma ghe mi emi vbi uegbe elabi emo̱ bi dududu li ma gho, o̱kpe̱se̱ e̱o mi e̱o. Eyan ikpao e̱e̱n emi kere ama vbi o̱li e̱ghe̱ ain I lo̱ ke e̱n ebai e̱e̱n me̱n.
\v 13 E̱yan eli emi ea na lo̱ ke ko̱re, ajiuduan, ariuduo̱ bi ihume̱ke̱n. Ama o̱lo̱ kpokhumi vbi eli ea na li khi ihume̱ke̱n.

\c 14
\p
\v 1 Vba li izeze si ihume̱nke̱n, vba ya hoo ebi vba lo̱i mie̱n ohan si etin, o̱mo̱mo̱ li vba ya re̱ wewe.
\v 2 O̱ia lo̱ zi uroo layaho̱n Oise̱le̱bua lo̱ kpa ye̱ ti eta e̱vbi eia. O̱hio̱ khi eta so̱i o̱ ya nwin ain e̱o kuere, erimidi, eta si uhegbe lo̱ ta vbi e̱ke̱n etin.
\v 3 Aman, o̱lo̱ wewe, o̱ kpa yi eia teta, lo̱i re̱ khuai an re yi okhumi, lo̱i re̱ ri akhaa ni ain, bi lo̱i ri o̱fun vbegbe ni ain.
\v 4 O̱lo̱ zi uroo lai ho̱n, o̱ nwin egbo̱i ohia, aman o̱lo̱ wewe, o̱ nwin asi koko si elo̱ mieho ohia.

\v 5 E̱nyan, i hoo li vba ya re̱ zi uroo si etin, aman, re̱ le̱ iyo̱, i hoo khi vba lo̱ ya wewe. O̱lo̱ wewe lo̱ le̱ o̱li o̱ia lo̱ zi uroo si etin, sokpa khi ami o̱ia lo̱lo̱ ri ema ri ruoo lo̱ ze̱i isi etin ta, lai rē nwin iwowo ohia o̱ vbo̱.
\v 6 Aman, e̱nyan imio̱n, i kha vare khi ya ze uroo si etin, i bi ilo̱ kei mo̱n emiri re̱ yi vba? I kha meti, sokpa khi I kno̱i li vba re̱ ho̱n de ba are̱ vbie̱ da o̱e̱n da atakpoto̱i da uvbie̱mi.

\v 7 Akhai khi emi lei mo̱n etin ya roo, elabi agboo da iduu, khe ya zi uroo o̱do̱dan, ebi o̱o̱so lo̱ ke̱i e̱n uroo li agboo da iduu o̱ ze o roo di an re?
\v 8 Akha khue ikaka lo̱i zi uroo lai e̱ e̱n, eli o̱so lo̱ kei e̱n e̱ghe̱ lo̱ lo̱ rē e̱hin egbe okho̱in?
\v 9 I yo̱ o̱ yi vba. U kha zi uroo lai e̱n ebi o̱lo̱ kei nwun o̱ia e̱o kuere, emi lu tai? Ulo̱ ya ti eta, aimi o̱ia o̱so li emi lu tai lo nwun o̱i e̱o kue re.

\v 10 I kha erun ievbo̱ khi uroo ededan ri vbi o̱lagbona, ai mi o̱lo̱i mo̱n emi la ro̱i ta.
\v 11 Aman, e̱ghe̱ li e̱n emilari uroo ta, o̱hgo̱ e̱n lii u yi o̱lo̱ ti eta, o̱lo̱ ti eta, o̱gho̱en lo̱ u re̱ yi me̱n.

\v 12 I yo̱ o̱ re̱ yi vba Ebi vbai khe imie̱n vbi e̱ o si o̱li etin, vba ya li izeze vbi ukpose̱ lo̱bun loi re̱ nwun asikoko si wowo ohia khuae.
\v 13 Li o̱ia lo̱ zi uroo si etin re̱ li ero̱nmo̱n lo̱i re̱ mie̱n khi o̱ meti mie̱n uroo.
\v 14 O̱hio̱ kho̱ i kha li ero̱nmo̱n vbi uroo si etin etin me̱n lo̱ li ero̱nmo̱n, aman udu me̱n o̱i mo̱n emi lo̱ u vbo̱.

\v 15 Emi ikha ke u? I lo̱ ri etin me̱n liero̱nmo̱n i lo̱ gbo ri udu me̱n liero̱nmo̱n. I lo̱ sui ioo vbe̱ ke̱n etin me̱n, i lo̱ gbo ri eke̱n udu me̱n sui ioo.
\v 16 Vbi ukpose̱ o̱vbee, u kha ri etin ree Oise̱le̱bua. Vbi e̱ke̱n etin, ebi elo̱ ire lo̱ kei ti "ISE̱E̱." E̱ghe̱ li ua re̱ khue̱me̱n si o̱i e̱n emi lu a ta?

\v 17 O̱hio̱ khi uma ghe ui ekhue̱mi bun, aman, o̱ia lo̱ zi eva i mo̱n ukhuee re yi okhumi.
\v 18 I khue̱mi Oise̱le̱bua khi yan zi uroo si etin le̱ vba vba ere̱me̱n.
\v 19 Aman, vbi usee si asikoko si lwowo, o̱lo̱ eghe̱n me̱n li re̱ri ikpeta ihie̱n lo̱ nwun me̱n ēo kuere li re̱ vbie̱ e vbe, le̱ eta e̱gbe̱ e̱n vbo di igbe vbi uroo si etin.

\v 20 Imio̱n, vbae chie̱n ivbiekhan vbi aoo si avba. O̱kha vbi isi emilo̱be, vba u bi ivbio̱ mobo̱. Aman, vbi aoo vba, vba chie̱n iohiai.
\v 21 Vbi e̱ke̱n uhi avio̱n, "Vbi obo̱ eia si uroo lai e̱n bi vbi unu si ire, li lo̱ za ti eta yi eia, o̱ re̱ de i yo̱ e kha hin eta me̱n." Iyo̱ li o̱lo̱mo̱e̱n tai,

\v 22 O̱hio̱ si o̱na, uroo si etin, a e̱ e̱n o̱, o̱i vbi re̱ yi elo̱mieho̱n, aman, re̱ yi elo̱i mieho̱n. Aman, owewe vbi isi ae̱e̱n o̱n, o̱i vbi si elo̱i mieho̱n, aman, isi elo̱ mieho̱n.
\v 23 O̱kha ke u khi elo̱mieho̱n ere̱me̱n sikoko li ain ya re̱ zi uroo si etin. Li ire re̱ o re e kha echie vba ime̱nme̱n?

\v 24 Aman, vbavba ere̱me̱n kha wewe lielo̱i mieho̱n da li ire da an re, emi le ho̱in ere̱me̱n lo̱ ke fi ain udu de li egbe. Emi le ho̱in ere̱me̱n a lo̱ ke re ui ighae̱zo̱n nai.
\v 25 Uhe egbe si udu so̱i lo̱ ke min egbe din an re. Emi lo̱ ke re̱ khan o̱ ain khi, lo̱i re̱ si e̱o run vboto̱i gii Oise̱le̱bua ri vbi usee vba.

\v 26 Emo̱n ke kpo̱in re siyo̱, imio̱n? Vba kha vare o̱ si koko.
\v 27 O̱ia kha ke zi uroo etin, vba zi etui eva da etui eia evbaan, li elo̱ zi egbe o̱vbo̱ o̱kpo̱ kpa tare, emi lari uroo si etin ta.
\v 28 Akhai khi o̱lo̱ mie̱n uroo i e ubaan, vba zi ain o̱deode vo unu vbi eken usee si asikoko si elemicho̱n. Vba zi o̱do̱de ti eta li egbo̱i ho̱n li egbo̱i bi re̱yi Oise̱le̱bua.

\v 29 Vba zi imie̱o eva da ea ti eta, li elo̱ ko̱re dieho̱n vbi aruiun e̱o kue re si emi la tai.
\v 30 Aman, akha ri uhe egbe si emi vbie̱ o̱ia lo̱ dia vbi eba za ui uga mi, vba zi o̱lo̱ kpao ti eta vo unu.

\v 31 Otokpo to̱kpa vbi vba lo̱ meti wewe o̱kpo̱ kpa, li o̱ia o̱de o̱de re̱ mami emi li vba vba ere̱me̱n re̱ mo̱n iri akhaa.
\v 32 O̱hio̱, o̱li etin si o̱li o̱mie̱o, a re̱ shan si elo̱mie̱o lo̱ ri.
\v 33 O̱hio̱, Oise̱leībua o̱vbi Oise̱le̱bua si osughu sokpe̱n isi o̱fun re. O̱na li khi emi la lo̱ ya re̱ khae̱n vbi asikoko si iwowo le mie ho̱n.

\v 34 Ikkposo i ya ha a ke̱ vbi e̱ke̱n asikoko si elo̱mieho̱n. O̱hio̱, ehe ei evbo̱ ni ain li elo̱ re̱ ti eta. Vbi ehe si an ei e vbi aire̱ o̱vbo̱, ela bi uhi gboi tai.
\v 35 Akhai khe mo̱n emi le hoo khi elo̱ mama, za e̱n emi emi an o̱din ain gho vbi iwe. O̱hio̱, emi si e fa a o̱ li o̱kposo re̱ teta vbi e̱ke̱n asikoko si iwowo elemieho̱n.
\v 36 Ese̱ li eta si Oise̱le̱bua za vare? Vbavba u kpa lo̱ se̱ o̱ vbi egbe?

\v 37 O̱ia kha oo khi o̱li omieo yo̱in u da o̱ia si etin, o̱i e̱n khi eli emi li vin re̱ yi vba khi uhi si o̱li o̱lo̱mo̱e̱n o̱.
\v 38 Aman, o̱li o̱ia lo̱i re̱ o̱ vbi o̱na, vba e̱n o̱n.

\v 39 Vbi iyo̱ siyo̱o̱, imio̱n vba totobo̱ hoo li vba ya wewe, vbai khui o̱ia o̱so lo̱ ya ri uroo etin teta.
\v 40 aman, vba ui emi ere̱me̱n ebo̱i de o̱vbo̱ bi o̱re̱kpe̱n o̱re̱kpe̱n.

\c 15
\p
\v 1 Enyan, i e vba re, imio̱n, o̱li owewe le̱se̱n li wewe yi vba, li vba mie̱n li vba muzan o̱n.
\v 2 O̱li owewe le̱se̱n na la re̱ mie̱n vba fan. Si vba fu obo̱ nwin o̱li eta toto li wewe li ovba, sokpa khi vbai ri ata mieho̱n.

\v 3 O̱hio̱, emi li nwun o̱vba vbi obo̱ lo̱ chie̱n ukutu lo̱ kpao, li me̱me̱n gbo mie̱n: khi Ijesu uu o̱ vbi o̱hio̱ si o̱kho̱o̱, ebo̱i ri vbi ebe lo̱ fun an.
\v 4 Kha ro̱i to̱n, khi achie khuai sho̱re kupe̱de̱ o̱zi ea ebo̱ iri vbi ebe lo̱fuo an.

\v 5 Bi o̱ri egbe vbie̱ Ikefas, o̱kpe̱ si eli igbeeva.
\v 6 O̱kpe̱se̱ khi o̱regbe vbie̱ imn le nun le̱ etui egbo̱ihie̱n vbi odi ihie̱n. Elo̱bun vbi ain se̱ ri vbi agbo̱n, aman eso ke me̱he̱n.
\v 7 O̱sese̱, o̱ri egbe vbie̱ Ijemisi, o̱kpe̱si, e̱khe̱n aposto ere̱me̱n.

\v 8 Ikpuokho si ere̱me̱n, ori egbe vbie̱ me̱n ela bi o̱mo̱ la vbia vbi e̱ghe̱ lo̱i de o̱vbo̱.
\v 9 O̱hio̱ khi me̱me̱n ikhi okpuo kho si e̱khe̱n aposto, i e o̱vbi o̱la lo̱ ya echo̱i aposto erimidi khi eri kpokpi elo̱mieho̱n si Oise̱le̱bua.

\v 10 Aman, vbo̱hio̱ si eseo̱he̱n si Oise̱le̱bua i chie̱n emi li chie̱n, eseo̱he̱n so̱i lo̱ ri vbi egbe me̱n o̱ i di a hoi, vbe he so̱i, i ri utotomi bia le̱ eno̱i ere̱me̱n. O̱i ma vbi me̱me̱n, aman eseo̱he̱n si Oise̱le̱bua lo̱ ri vbo̱ de baame̱n.
\v 11 O̱hio̱ si o̱na, khai khi me̱me̱n o̱n da yain, i yo̱ mai wewe, i yo̱ vbai mieho̱n.

\v 12 E̱nyan, akhai kha wewi Kristi elabi o̱lo̱ khua sho̱re vbi elo uu re, ebi eso vbi usee vba la kei ta khi ai min achie sho̱re si eli euu loi?
\v 13 Akhai khi achie sho̱re i e vbo̱ yi eli euu lo̱i, o̱ an i khi ai khua Ijesu sho̱re.
\v 14 Akhai khi aise̱ khua Kristi sho̱re owewe mei ahoi o̱ bi adrudu an vba ahoi gbo o̱.

\v 15 Amie̱ mai khi o̱ se̱e̱ si e̱he̱in mai u vbi o̱hio̱ si Oise̱le̱bua, erimidi mai fii o̱se̱ gbi Oise̱le̱bua, li ma ta khi o̱ nwin Kristi sho̱re bi kho̱i ui iyo̱.
\v 16 O̱hio̱, akhai khi elo uu loi khai khua i ain sho̱re, ai khua kristi sho̱re akie̱.
\v 17 Bi khai se̱ khua Kristi sho̱re, adrudu an vba ahoi o̱, o̱kho̱o̱ vba li vba se̱ ri.

\v 18 O̱ain ikhi elo̱ uhioi vbi e̱ke̱n Kristi eri ain gbo khueo.
\v 19 Akhai khi vbo̱ li agbo̱n na mai za mo̱n adi egbe an, o̱li ao vbi e̱ke̱n Kristi, vbi eia ere̱me̱n, mamai la lo̱ zukpe tu egbe yi.

\v 20 Aman, e̱nyan Kristi ke chie̱n o̱la khuai sho̱re vbi eli euloi, ikperain lo̱kpao si eli e uu loi.
\v 21 O̱hio̱ khi euu shan vbi obo̱ si o̱mo̱he o̱kpa vare, obo̱ si o̱mo̱he o̱kpa li achie sho̱re vbi euu za gbo vare.

\v 22 O̱hio̱ vbi e̱ke̱n Adamu ere̱me̱n uui, iyo̱ gbo o̱ vbi e̱ke̱n Kristi alo̱ ri ere̱me̱n chie̱n elo̱rivbo̱.
\v 23 Aman, o̱do̱ode o̱ vbi iso̱i. Kristi vbi o̱li ikperan lo̱kpao, o̱kpe̱se̱ khi elo̱ vbi sis Kristi vbi o̱li ikperan lo̱kpao, o̱kpe̱se̱ khi elo̱ vbi isi Kristi vbi ela lo̱ re̱ shie̱n elo̱rivbo̱ e̱ghe̱ si o̱chie vade.

\v 24 O̱kpe̱se̱ se̱ vbi ire̱so, eghe li Kristi lo̱ re̱ ri obo̱ vbi e̱ghe̱ oba si Oise̱le̱bua re, ni Oise̱le̱bua li Era. O̱li e̱ghe̱ o̱lo̱ re vbi are̱ ue̱n shan ere̱me̱n, ase̱ ere̱me̱n bi utotomi ain vbi oto̱i a.
\v 25 O̱lo̱ e vbi e̱ghe̱ ayee se̱ vbi e̱ghe̱ la lo̱ ri ekhe̱n o̱be soi chie̱n emi lo̱lo̱ ri iza te̱n ye̱n vbi oto̱i.
\v 26 O̱be lo̱ kpuokho la lo̱ khie̱o belu, li khi euu.

\v 27 O̱hio̱, "O̱ nuin emi ere̱me̱n o̱ vbi okpoto̱ awe̱ so̱i, "Aman, e̱ghe̱ lo̱ re̱ o̱i, "O nwin emi ere̱me̱n o̱ vbi emi re̱ yi egbo̱i o̱i de baa.
\v 28 E̱ghe̱ li emi ere̱me̱n rechie̱n emi lo̱ gba ai ain vbi uhumi, o̱li ovbo̱i tobo̱i lo̱ mo̱n ideuhumi re yi o̱lo̱ro̱i chie̱n o̱lo̱ gba an emi ere̱me̱n. O̱na lo̱ ruan li Oise̱le̱bua li Era lo̱ re̱ ui ere̱me̱n vbi ere̱me̱n.

\v 29 Ole emi o̱ke u i khi eli o̱ u khi a baptiaizi khe̱ ele uu. Si ai chen khua eluu sho̱re gbei gbei, emio̱n keze̱ siyo̱ era uiibaptisi li ain yo̱?
\v 30 Emi mai ke ri vbi okhena ni vbe̱ghe̱ vbe̱ghe̱.

\v 31 E̱de̱ e̱de̱ ya re̱ iiu. ena li ya ta si ya re̱ vba ruo̱, imio̱n, li mo̱e̱n vbi e̱ke̱n Kristi Ijesu o̱lo̱mo̱e̱n mai.
\v 32 Emi mie̱n vbi e ee, sa ri e̱o si eia gho o̱i? I kha kpayi eamiogo gbegba vbi Efisus, sai khua eli euu sho̱re? "Zi mai e mai o̱in, o̱hio̱ khi akho̱ mai lo̱ uulo."

\v 33 E zi uan te̱e̱ e, "A kpa eia lebe shan o̱lo̱riaa egbe gbu e̱n a."
\v 34 Vba nwun egbe tee! Vba ua gbo̱n le̱se̱n! Vba eke ya ui o̱kho̱o̱. O̱hio̱ khi e̱so vbi vba mo̱n o e̱n. Si Oise̱le̱bua. Eri ti o̱na li e̱kho̱i re̱ o vba.

\v 35 O̱ia o̱so lo̱ meti ta, "Ebi ai khua eli euu sho̱re?" Bi egbe e mii yain lo̱ ke re̱ vare?"
\v 36 Vbai zukpe e̱n emi o̱so. Emi lu re̱ ko̱ kha meti ze̱ so̱i uu.

\v 37 emi lu re̱ ko̱ ko̱ le ke u, aman ukpa so̱i dabaa. O̱lo̱ meti chie̱n Ihuiti da emi o̱vbe.
\v 38 Aman, Oise̱le̱bua lo̱ nurin egbe o̱vbee ebo̱i kho̱ o̱n, i kpa o̱do̱ de, mo̱n egbe i so̱i.
\v 39 Egbe ere̱me̱n i ui o̱kpa. Egbe o̱kpa li khi si mamai li eia, egbe o̱dueun vbi isi eami, o̱dan vbi si ifian mi, o̱dan vbi si e̱he̱n.

\v 40 Egbe si okhumi eimi rivbo̱ bi egbe la re e vbi agbo̱n. Aman, o̱khe si egbe si okhumi eimi o̱dan o̱n bi o̱khae si egbe si ari vbi agbo̱n, o̱ dan.
\v 41 O̱khae isi o̱e̱n rivbo̱, o̱khae̱ ovbe li khi isi okin, o̱vbee li khi si ikpane̱hie̱n. Ukpae̱hie̱n o̱kpa yo̱ dan yi o̱vbee vbi o̱khae.

\v 42 I yo̱ li gbo khi achie sho̱re si eli uu loi. Emi la re̱ ko̱, lo fuu a em i la khuae sho̱re kha meti fuu a.
\v 43 Ai ri ekpe̱n ro̱i ko̱; a ri ekpe̱n khuai sho̱re. A ri o̱e̱me̱n ro̱i ko̱; akhua o̱i sho̱re vbi e̱ke̱n utotomi.
\v 44 Egbe iyo la re̱ ro̱i ko̱, a khuae o̱i sho̱re vbi egbe si etin. Egbe iyo̱ kha rivbo̱, eri egbe si etin gbo ri vbo̱.

\v 45 I yo̱ la gboi vio̱in, "O̱mo̱he lo̱ kpao, Adamu chie e̱hi lo̱ri vbo̱." Adamu lo̱ kpuo kho o̱ chie̱n o̱lo̱ ri etin la re̱ evbo̱.
\v 46 Aman, isi oli Etin, o̱i kpao vare, aman o̱li iyi yo̱ o̱kpe̱si vbi isi etin.

\v 47 O̱mo̱ he lo̱ kpao, isi o̱lagbo̱nao̱n lavi eke̱n man. O̱li o̱zi eva o̱za vbi okhumi eimi vare.
\v 48 Elabi eli aza vbi eke̱n ma i ri, iyo̱ li ela gbo ri eke̱in ma ri. Elabi o̱mo̱he lo̱ za vbi okhumi eimi vare i ri, iyo li eli o̱vbi si okhumieimi ri.
\v 49 Ebi mai u bi aghoan si o̱mo̱he si eke̱n, mai lo̱ gbo mo̱n aghoan si o̱mo̱he isi okhumieimi.

\v 50 Enyan, o̱na li tai, imio̱n, khi egbe bi ere kha meti uku si e̱ghe̱o̱ba si Oise̱le̱bua. Ebi o̱kha i u li emi lo̱lo̱ fuu a u ku si emi lo̱ kha fuu a.
\v 51 Ka e̱ o, I lo̱ ti ata si uhe egbe la vba ho̱n: Mamai erēme̱n kha uu, aman alo̱ fi mai egbe de li egbe.

\v 52 I soki sokpa a lo̱ re̱ de lo̱ mai, vbi igbe̱o si e̱o o̱kpa, isi ikakaki lo̱ kpuokho. O̱hio̱ khi o̱li ikakaki lo̱ roo, eli euloi lo̱ khua egbe sho̱re ovbi egbe logbon lo̱ khake khueo, alo̱ fi mai egbe deli egbe.
\v 53 O̱hio̱ si o̱na li egbe lo̱lo̱ a aa na, o̱ kha dia kho̱i mo̱n o̱lo̱ kha ri aa.

\v 54 Aman, e̱ghe̱ li o̱li egbe lo̱lo̱ fuu a lo̱ re̱ kuo̱ o̱lo̱ kha fuu a voo egbe, bi egbe li o̱lo̱ u lo̱ kuu o̱lo̱ khau voo egbe, o̱le̱ghe̱ li emi la tai la vin lo̱ re̱ chi je. "I khuo kho̱in nwin euu o̱o̱."
\v 55 "E uu i yi ikhuo̱ kho̱in se̱? E uu i yi obi se̱?"

\v 56 Obi si euu li khi o̱kho̱o̱, utotomi si o̱kho̱o̱ li khi uhi.
\v 57 Aman, ekhuemi o̱ yi ise̱le̱bua, lo̱ nwin ikhuokho̱in na mai vbo̱ hio̱ si o̱lo̱mo̱e̱n mai Ijesu Kristi!

\v 58 O̱hio̱ si o̱na, imion, vba tote gbe, vbai reghe, vba ya bi obia si o̱li omo̱e̱n, erimidi khi vba e̱n khi obia la biai vbi e̱ke̱n o̱lo̱mo̱e̱n kha di a hoi.

\c 16
\p
\v 1 Eyan reyi asikoko si elemiehon, elabita reyi ose si galatia, iyee vba logboii.
\v 2 Ukpede lokpao sose, otuokpo tuokpa vivba olomoi asikoko si emilometi vona lalozamien ikhavbare akhakemui asikoko.

\v 3 Ikha vbare, oli vbighetare, iloyoi uhumi bi ebe lavbi lo win ihumohan vba yi Ijerusalemu
\v 4 Okha chian emilodeovbo li rele, yan lo rekhanme lode.

\v 5 Ama, ilo gavbaze li kha shiain vbi Imasidonia.
\v 6 Aloza mien idia kpenvba dai iwee eghe si owawa, lure kpameobo voshiain men, ebi gheye eremen.

\v 7 Imoin aoo liremien eyan vbi eghe keree. Iho li wee egheso debai, eghe li olomoen kha'ama.
\v 8 Ama, ilodia vbi Efisusi sevi ipenticusi,
\v 9 Ukhuede lovbe okhuyea nenmen, bi ighan lo buon.

\v 10 Eyan Itimoti khavare, umion ode bava vekein oimion ilofen, ohio si obiobia so lomuen, elabiau.
\v 11 Ezoya re ogboru. Kpaobo vbi oshan si efure, lazamien ogamene. Ohio si yakheo lo vbare bi imion. Ama, oivi aoo soi lovbare.
\v 12 Eyan reyi omion ma Apolos izukpe ri ihude na lo vbare yi vba bi omion. Ama, ovbi ao soi lo re bare. Ohio so na, olo vbare eghe li eghe se.

\v 13 Muin ikaoa, moin ajuduan, wee bi imohe, moin utotomi.
\v 14 Zio emi luau eremen chien emi lau vbi uhumeken.

\v 15 Uen ukhuede si Stefanar yain khi elekpao mehon vbi Achaia, bi yain gbo win egbian yi ugami si elemiehon. Eyan iri vhudu nava imion.
\v 16 Li vba remuin awiegbe li agbon liyo bi agbon logheu lori ikpaobo re vbi obia limabia.

\v 17 I von yi eghonghon vbi avbare si Stefanas, Fotunatus bi Achaikus yain vbi emi livakhau vbuokhovba.
\v 18 Yain win etiomenken bi isiva. Ohio sona vba win ekpen li eya lina.

\v 19 Ose si Asia ruevba, Aquila bi Prisila ruevba vbe kein Olomoema, bi ose lo ri'vbi evbosian.
\v 20 Imion eremen rue, vbai arunu suegbe unu lofuen ruegbe vba.

\v 21 Ipolu, dobo vion na.
\v 22 Oya kha dia omion ikhumenken reyi olomoen, asoi ezon. olomuenma vbare,
\v 23 Eseohen si olomuen Jesu odebae.
\v 24 Ikhunmenken ode bae vba vba eremen vbi Kristi li jesu.