ema-x-emai_reg/46-ROM.usfm

\id ROM
\ide UTF-8
\h EKHE̱N IROMU
\toc1 EKHE̱N IROMU
\toc2 EKHE̱N IROMU
\toc3 rom
\mt EKHE̱N IROMU

\c 1
\p
\v 1 Me̱me̱ li Ipo̱lu, ayio̱uhumi si Jesu Krisi, lea ehcie lo̱ chie̱n apo̱sto, la van ayo̱da yi owewe lo̱se̱n si Oise̱le̱bua.
\v 2 O̱na ikhi owewe lo̱se̱n, ebo̱i ruo̱ kpoto̱i, li ekhe̱n imie̱o so̱i vin o̱ vbi ebe si Oise̱le̱bua lo̱fuan.
\v 3 E̱mo̱ ovbio̱ i, la vbia vbi uami si Ide̱fidi vbi segbe.

\v 4 Achie sho̱re so̱i vbu se selo̱ uu, o̱re̱ vbie̱ khi yo̱in khi ovbi Oise̱le̱bhua lo̱ zukpe mo̱ utotomi vbi Etin so̱ fuan- Jesu Kristi O̱lo̱mo̱e̱nmai.
\v 5 Obo̱ so̱i mai za mo̱n e̱seo̱he̱n bi obia si ekhe̱n aposto, lo̱i lo̱ re̱ meti re̱ o̱vbi eta si amieho̱n vbi uhumuro̱o̱ ere̱me̱ vbo̱ hio̱ si eni so̱i.
\v 6 Vbu se si eli uhumuro na, la za echie e̱ lu re̱ chie̱n isi Jesu Kristi.

\v 7 Ebe la vin yi agbo̱ ere̱me̱ le ri vbi Iromu li kho̱na, eli Oise̱le̱bua zukpe hume̱ke̱n iain, la echie lei re̱ chie̱n elo̱fuan. E̱seo̱he̱n o̱ re̱ yivba, bi o̱fure isi Oise̱le̱bua li eramai bi O̱lo̱mo̱e̱nmai Jesu Kristi

\v 8 Ikpao khue̱mi Oise̱le̱bua, vbi eni si Jesu Kristi vbo̱ hio̱ vba ere̱me̱n, erimidi ake kpokeke isi amieho̱n vba shan vbi agbo̱n ere̱me̱n.
\v 9 Oise̱le̱bua li khi o̱se̱ime̱n, li a ri etin me̱n ga vbi eta lo̱se̱n si ovbio̱i, ebaiai sueni vba saa.
\v 10 Ya ghe vbio̱i ero̱mo̱n me̱n lai re̱ mi ukpode khi ukpode lo̱ lo̱ za de o̱vbo̱, vbo̱ hio̱ si ihume̱ke̱n si Oise̱le̱bua, li re de vba egbe re.

\v 11 I ho li mie̱n vba, li re ri ohan si Etin eso lavba, li vba re̱ mo̱ utotomi.
\v 12 O̱ain ikhi, ya ho li mai mo̱n iriakhaa yi egbe vbusee vba, vbi amieho̱n sa main o̱deo̱de, isa vba bi ise̱me̱.

\v 13 E̱yan, iho khi vba ie̱n, imio̱n, ya ghe mai vbi udu e̱ghe̱ ikhe̱-ghe̱ li re̱ de vba egbe re, imo̱ idobo̱ ye̱n re̱se̱ vbi e̱yan. Ya hoo̱ vbi na, li re̱ mo̱n ikperan eso vbi use vba, eba ihooi vbuse si elo̱ ko̱re vbi ekhe̱n elo̱imieho̱n.
\v 14 Ichie̱n o̱osa si e̱kehe̱n Igrik bi isi ire, isi ize̱wain bi isi elo̱ruru.
\v 15 O̱re̱ riyo̱ re̱ yi me̱n, I nwueghe li lo̱ re̱ wewi eta lo̱se̱n gbo yi vbavba li ekhe̱n Iromu.

\v 16 Imo̱n e̱kho̱i vbi etalo̱hume̱ o̱hio̱ si yo̱in li khi utotomi si Oise̱le̱bua re̱ yi amiefan si agbo̱n ere̱me̱n le mieho̱n, re̱ yi Ijiu le kpao, bi ekhe̱n Igrik.
\v 17 O̱hio̱ si ain li auiata si Oise̱le̱bua za regbe vbie̱, reza vbi amieho̱n di amieho̱n, elabi ebai vio̱n kpoto̱ kho̱ "Elo̱uiata lo̱ evbo vbo̱hio̱ si amieho̱n."

\v 18 O̱hio̱ si ari ibiohan si Oise̱le̱bua za vbi okhumeimi vbie̱ re̱yi elemo̱ue̱n si Oise̱le̱bua bi eleiuiata ni yan ri auiata o̱li ata ye̱n.
\v 19 O̱hio̱ khi emi la e̱e̱n vbi e̱mo̱in si Oise̱lebua, ke nwin ain e̱o kuere, erimidi khi Oise̱le̱bua ke taa iain e̱o aa.

\v 20 O̱hio̱ isi emi so̱i lai se̱ e̱e̱n obo̱ lo̱ re̱ ma agbo̱n ake mio̱in gboo, vbe̱ la ri na. eli emi o̱ nwun mai e̱o kuere, vbi o̱hio̱ si emi lo̱ mai. Ena ikhi utotomi so̱i lo̱ ri vbo̱ ghegheghe, bi ue̱n so̱i, o̱hio̱ isi ena, eleia na ei ke mo̱n emi le lo̱ kpe̱ yie̱n.
\v 21 Emo̱ re̱ de iyo̱ li khi e e̱e̱n e̱mo̱ Oise̱le̱bua, ama, ei ri o̱khae na bi Oise̱le̱bua, ei ma gbo khue̱ mo̱in, ama yan chie mo̱in ao isi oruru, bi udu si ain li e̱wain e, re̱ totobo̱ bia.

\v 22 Yain khi yain mo̱ e̱wain, ama e chie̱n elo̱ ruru.
\v 23 E deli o̱khai isi Oise̱le̱bua lo̱ ya khueo re̱ kho̱n khi odudu si eia le mo̱n ikueo, bi ifianmi, eami uzoe̱ ele vbi ogo bi emi li yan sio̱o̱.

\v 24 O̱hio̱ si o̱na Oise̱le̱bua za zian obo̱ li ue̱n si iwuan lo̱ ri ain vbi udu, le re̱ ya faa egbe si ain aa.
\v 25 Yain yan, deli ata si Oise̱le̱bua chie̱n e̱he̱n, e chie̱n elo̱ gi emi la mai, vbi ehe isi o̱lo̱ mi emi, la re' e re̱se̱ vbi re̱so. Amin.

\v 26 O̱hio̱ si o̱na Oise̱le̱bua ziain obo̱, li ain ya e̱n ue̱n si e̱faa, li ikposo siain oke za ri egbe si ain uemi lo̱i de o̱vbo̱.
\v 27 Iyo li gbo khi imo̱he le gbo nwin emo̱ e o̱vbo̱ lei ri egbe si ain u yi okposo, o̱ vbi oto̱ yain o̱ mo̱n uhume̱ke̱n lo̱i de o̱vbo̱ lo̱ tohia yi egbe iain. Ena ikhi eli imohe li yain uiemi lo̱i de o̱vbo̱ yi imo̱he la bi ain, le mie̱n ioya vb'o̱hio̱ si afidon li ain u.

\v 28 O̱hio̱ khi e mie̱ obo̱ vbiu le mo̱n Oise̱le̱bua vbi a o o si ain, o̱ za zian obo̱ vbi le mo̱n udu si oghe̱e̱ ya re̱ wee i ain, vbi emi lo̱i de o̱vbo̱.

\v 29 Evo̱n yi aie̱nre̱uiemi lo̱se̱n, e̱ke̱ilo̱be, are̱o̱vbemi, bi ikho̱e̱ke̱n. Evo̱n yi ise̱me̱n o̱ khau, ubi, uroo, ate̱e, bi a o si emi eimi.
\v 30 Yain li khi elo̱ gui ye̱mi so̱ia vbi uokho, elo̱ ria o̱ia eni a, elo̱ bi ohan si Oise̱le̱bua, elo̱ vbo̱ria, ikhuaegbe yio khumi, elo̱ ruo̱. Yain o̱zemi lo̱be re, liyain ya re̱ o̱ vbi eta si elo̱ vbi ain.
\v 31 Ei mo̱n a wui e o kue̱re, ei vbo̱ ela duidu an, eimo̱n ihume̱nke̱n bi itue̱ke̱n.

\v 32 Ee̱n amama si Oise̱le̱bua, kho elo̱ ueli emi na, eo̱vbo̱ lei ulo. Yain o̱ ue li emi na uo̱kpa ko̱, yan gbo chie robo̱ vbi elo̱ uelemi na uokho.

\c 2
\p
\v 1 O̱hio̱ si o̱na, u mo̱ emi lu lo kpe̱nye̱n, wowe̱ lu a gha ezo̱n, emi lu za gha e̱zo̱n li o̱vbe, lu za ri ibohi li egbe. Eri wowe̱ lu a gha e̱zo̱n o̱ gbo ui eli emi li eno̱i o̱ u.
\v 2 Ama, mai e̱n khi ighae̱zo̱n isi Oise̱le̱bua isi ata o̱, so̱ de gbi eia ere̱me̱ li yan ui elemi li yo̱.

\v 3 Ama oo̱na, wowe̱ li o̱ia lu a gha e̱zo̱n le ni yain o̱ ui ele miain, be̱ wa gbo ui elemi. Vba lo̱ mi ebi vba lo̱ la ni i ghae̱zo̱n isi Oise̱le̱bua ye?
\v 4 Da, ao kere lu mo̱e̱n yi efe si o̱lo̱se̱n so̱i, o̱i bobo̱ roya li o̱ia bi ozie̱n so̱i? ue̱n khi o̱lo̱se̱n so̱i rivbo̱ ye̱ lu re̱ mo̱n io e̱ke̱n delue̱n?

\v 5 Ama ebui mo̱ izezudu se̱ lu re̱ mo̱n io e̱ke̱n delue̱n, lu a re̱ma an ioya se̱ o̱vboto̱ khe̱ odi ioya, a ain khi e̱de̱ si are̱vbie̱ si ighaezo̱n isi Oise̱le̱bua de o̱vbo̱.
\v 6 O̱lo̱ hae mai ogaa o̱ vbi emi khemi li mai u.
\v 7 Re̱ yi elo̱ i mo̱n adelobo̱ vbi emi lo̱se̱n u umi, li yain hoò ire, ekpe̱n bi lai mi o̱ko̱lo̱va, o̱lo̱ nwin agbo̱n lo̱i mo̱n ire̱so li ain.

\v 8 Ke re̱ yi elo̱ ho ise gbe siain uo̱kpa, li yain re̱ o̱ vbata, le re̱o vbi ai u ata, ikhueo bi ibiohan lo̱ vbae̱o, lo̱ vare.
\v 9 Oise̱le̱bua lo̱ nwuin okpokpo, iriae̱ke̱ aa yi ei khe̱ ia le ui emi lo̱be, re yi Ijiu le kpao, okpe̱ si ekhe̱ Igrik.

\v 10 Ama, ire, ekpe̱n bi o̱fure lo̱ vare yi elo̱ ui emi lo̱se̱n, re yi ekhe̱n Ijiu lekpao o̱kpe̱ si ekhe̱in Igrik.
\v 11 Oise̱le̱bua ya zi o̱o̱so e̱vba.
\v 12 Ele ui o̱kho̱ le i mo̱n uhi, elo̱ gbo khueo vbi ei mo̱n uhi, ebi eia i bun se̱ le fi obo̱ do̱n vbi uhi, la lo̱ ri o̱li uhi ui ighae̱zo̱n ni.

\v 13 O̱i vbi elo̱ hin uhi le u lo̱se̱n, vbi sao si Oise̱le̱bua, ama, elo̱ re̱ o̱ vbi uhi, li alo̱ o̱ khi e u lo̱se̱n.
\v 14 E̱ghe̱ lo̱ u khi ekhe̱n eleimieho̱n, lei mo̱n uhi, yan re̱ khan emo̱ ri vbi uhi ebai miain, uhi yain u legbiain, o̱ re̱ u khe i mo̱n uhi.

\v 15 Ero̱i vbie vbian khi emiu li uhi uan u, a vin o̱ vbi udu siain. udu siain o̱ ri o̱se̱e̱ o̱vbo̱ ni ain, aoo si ain lo̱ ya ri ibohi niain da o̱rokho̱n niain, re yi egbiain.
\v 16 Bi re̱ yi Oise̱le̱bua, o̱na lo̱ dumu vbi o̱lukpe̱de̱ li Oise̱le̱bua lo̱ re̱ ui ighae̱zo̱n si emi si uhegbe isi agbo̱n ere̱me̱n, vbi eni si Jesu Kristi, ze̱n elabi i wewi eta lo̱se̱n ise̱me̱n.

\v 17 Ai se̱ta khi u echie egbe Ijiu, lo̱ diegbe an uhi, lu mo̱n egho̱ngho̱n vbi Oise̱le̱bua,
\v 18 Lo̱ie̱n ihume̱ke̱n so̱i, lo̱ dami emi le yi o̱dan vbi eba i vbie̱ o̱i.
\v 19 Lu mo̱n azezudu khi wowe̱ tobe̱ wa vbie̱ o̱run e̱o ukpode̱, lu vbi urukpa isi elo̱ri vbi aso̱n.
\v 20 O̱lo̱vbie̱ elo̱ ruru, o̱lo̱ vbie̱ ivbiekhan bi, ikhi vba mo̱n vbi uhi bi emi lo̱ u bi oe̱n bi isi ata.

\v 21 Wowe̱ si yo̱ li ua vbie̱ o̱ o̱vbie, u kha vbie̱ egbe̱? Wowe̱ lu a wewo̱i lae o̱ya du oi, wa du oi?
\v 22 Wowe̱ lu o̱i, lai ya gboghe̱e̱, wa ghe̱e̱? wowe̱ lu hoo areo̱, wa du oi vbi tempo?

\v 23 Wowe̱ li uhi o̱regbe nwun, wa faa Oise̱le̱bua ekpe̱n vbe gbea vbi aire̱khan uhi?
\v 24 O̱hio̱ khi "eni si Oise̱le̱bua, a ya ke nwun ekpe̱n nai vbi usee si eleimieho̱n erimidi savba" ze̱e̱n ebi ai vio̱n.

\v 25 Urue̱ mo̱n emo̱ri ye̱ su re̱khan uhi, ama ukha chie̱n o̱lo̱ gbi uhi a, aruue̱ se̱ chie̱n aike ruue̱.
\v 26 Akhai khi o̱lairue̱ o̱re̱ o̱ vbuhi, akha ri airue̱ so̱i, chie̱n o o̱ vbi o̱lo̱ ke ruue̱?
\v 27 O̱lairue̱ kha ui ighae̱zo̱n na re̱khan uhi? Emo̱n ze̱i li khi, vba mo̱n ebe lo̱fuan lavin bi urue̱mi, vba kpe̱ chie̱n elo̱ gbi uhi aa.

\v 28 O̱i vbi Ijiu so̱ vbi isi o̱la iyo̱ mie̱ vbi udagboo, iyo̱ lo̱ i gbo ivbi o̱ruue̱, so̱ vbi isi egbe la mie̱ vbi udagboo.
\v 29 Ama, Ijiu o̱, o̱lo̱ vbi isi ekhe̱in isi egbe, orue̱ isi ata likhi orue̱ isi udu; vbi e̱ke̱in etin, o̱i vbi isi emi lavin ire isi o̱ia liyo̱, o̱vbi o̱lo̱ za vbi obo̱ isi eia vare, ama o̱lo̱ za vbi obo̱ isi Oise̱le̱bua vare.

\c 3
\p
\v 1 Ikeyi o̱hume̱me̱n li Ijiu mo̱e̱n?, bi iyi idafan isi o̱rue̱?
\v 2 O̱ bun vbi ukpode̱ ere̱me̱n. Ikpao, ekhe̱n Ijiu la nwin arevbie̱ isi Oise̱le̱bua o̱ iain vbi obo̱.

\v 3 Si ekhe̱n Ijiu eso ike mo̱n amieho̱n? Amieho̱n siain o̱lo̱ ke ri adiuduan isi Oise̱le̱bua chie̱n emi lo̱i de o̱vbo̱?
\v 4 Lo̱i o̱de o̱vbiyo̱, vbi ehe sa an, lai mio̱in khi Oise̱le̱bua oli ata o̱, o̱ia o̱de o̱de khare̱ chie̱n elo̱ mo̱ e̱he̱n. Elabi a vio̱n, "Khi a lo̱ re̱e̱ vbie khi eta lo̱se̱n li khi eta se̱e̱, bi ighae̱zo̱n se̱ lo̱ kpi okhumi."

\v 5 Ama, aiwata samain kha ke nwin ata isi Oise̱le̱bua vbie, emi main lo̱ ke ta? Oise̱le̱bua o̱i ke u ata, so̱ ri ibiohan so̱i wee, iyo lo̱ri? Ya tai elabi a oo isi maimain li eia.
\v 6 O̱kha degbe de iyo! Ebi Oise̱le̱bua lo̱ kei ui ighae̱zo̱n isi o̱li agbo̱n na?

\v 7 Ama, akhai khata isi Oise̱le̱bua za vbi ehe̱in lia mo̱e̱n ri ire lokhua yo̱i, eba kpe̱e̱i gha e̱zo̱n le̱ me̱n bi olo̱ kho̱o̱?
\v 8 Ai ke o̱i, eba mo̱ e̱he̱n khi main ita, li eia eso taba, khi mai o̱i, "Vba zuan ui emi lo̱be li ōle̱se̱n re̱ vare?" E̱zo̱n lo ghae li ain o̱diai.

\v 9 Emo̱n ke u? Mai zi egbe main vbo̱ re? Gbei gbei. Main ke sui ekhe̱n Ijiu bi ekhe̱n Igrik e̱zo̱n lee khi yain ere̱me̱n eri vbi e̱ke̱n o̱kho̱o̱.
\v 10 O̱nai ebai vio̱n o̱n. "Oto̱kpai lo̱ ui ata o̱i evbo̱ o̱gho̱ o, ai mi oto̱kpa."

\v 11 Oto̱kpa le mi nwuoin eokuere o̱i evbo̱. Ai mi oto̱kpa lo̱ hoo Oise̱le̱bua.
\v 12 Ere̱me̱n deluokho, Yain ere̱me̱n chie̱n emi lo̱i hume̱n. Amio̱ lo̱ ui emi lo̱se̱n, o̱gho̱ o, aidegbe min oto̱kpa.

\v 13 Uru isiain, idi la i voo o̱. Oe̱mi siain isi ate̱ e. Obi se̱ye̱n ri vbo kpoto̱ ukpe̱tunu siain.
\v 14 Unu siain vo̱n yi eo̱ uko̱mi bi iria e̱ke̱ia.

\v 15 Oe̱ siain, o̱mo̱ o̱ke̱a̱me̱n la re̱ gbi e̱re̱ kua.
\v 16 Ikhueo bi ioya ri vbi ukpode̱ siain.
\v 17 Eleia na ie̱n ukpode̱ isi o̱fure.
\v 18 Ilofe̱n isi Oise̱le̱bua o̱i e vbi isao siain.

\v 19 E̱yan, mai ke e̱n emi li uhi tai, o̱tai yi elo̱ ri vbi e̱ge̱n obo̱ si uhi. O̱deo̱ vbi yo̱ li unu si agbo̱n re̱ kugbe, bi li agbo̱n ere̱me̱n re̱ chie̱n eli Oise̱le̱bua lo̱ mie̱ iain eta.
\v 20 Emo̱ ze̱i, li khi ai mi oto̱kpa lo̱ khai mo̱i ibohi le bi obia isi are̱khan uhi, vbe̱ o so̱i. Vbi e̱ke̱n uhi, lare̱ e̱n khi o̱kho̱o̱ o̱ rivbo̱.

\v 21 Ama, eyan lai nwin uhi yo̱ dan, aeulo̱se̱n isi Oise̱le̱bua, ake ro̱i vbie̱. uhi bi ekhe̱in imie̱o, ero̱se̱ io̱ vbo̱,
\v 22 Li kho̱, ue̱n lo̱se̱n isi Oise̱le̱bua vba amieho̱n si Jesu Kristi isi elo̱ mieho̱n iyodan o̱i evbo̱.

\v 23 Agbo̱n ere̱me̱n le ke ui o̱kho̱, bi eke sho̱ vbi o̱khae si Oise̱le̱bua re.
\v 24 E chie̱n ela mie̱fan re̱shan vbi e̱seo̱he̱n vbi adechiere lo̱ ri vbi Jesu Kristi.

\v 25 Oise̱le̱bua ri Jesu Kristi re, lo̱ chie̱n are̱hoo vbi amieho̱n si ere so̱i. O̱ri ue̱n lo̱se̱n so̱i vbie vbi Kristi lo̱ re̱ re la re̱ mi iuata so̱i, o̱hio̱ si agbe̱o rare so̱i re̱ yi o̱kho̱o̱ la kpa o u.
\v 26 Vbi a mo̱n ozie̱n so̱i. Ena ruain lai re̱ ri ue̱n lo̱se̱n so̱i vbie vbi o̱le̱ghe̱na. O̱ ri na lai re̱ ri iwata so̱i vbie̱, la gbo mie̱n khi yo̱in lo̱ lo̱ meti ta khi o̱ia u lo̱se̱n o̱hio̱ si aduiduan vbi Jesu.

\v 27 Ebi uruo̱mi ke za vare, a yio̱ vbo̱re. I yi uhi lo̱ ke ze? O̱hio̱ isi obia o̱? O̱gho̱, ama, o̱hio̱ isi umuzami vbi amieho̱n.
\v 28 Mai kuo̱ igbe khi aduiduan lo̱ re̱ vbie̱ khi o̱ia obia si uhi.

\v 29 Da Oise̱le̱bua si ekhe̱in Ijiu uo̱kpa o̱? O̱i gbo vbi Oise̱le̱bua si eloimieho̱n? E̱ e̱ isi elo̱i mieho̱n gbo o̱.
\v 30 Akhai khata li Oise̱le̱bua re̱ vbo̱ kpa o̱lo̱ ri ase̱ li orue si aduiduan bi airue̱ re̱ shian vbi aduiduan.

\v 31 Main lo̱ ke ri uhi chie̱n ahoi li amieho̱n, o̱kha de iyo̱! Ama, mai lo̱ fi obo̱ nwun uhi.

\c 4
\p
\v 1 Emi main lo̱ ke ta, khi Ebraham li erera main vbi se gbe, mie̱n?
\v 2 Akhai khi obia li Ebraham bia li khi iase so̱i, okha mo̱n emo̱ze̱i lo̱ kha ya re̱ ruo̱, ama o̱kha vbi irao isi Oise̱le̱bua.
\v 3 Ebi ebe lo̱fuan i ta? "Ebraham mie̱n Oise̱le̱bua ho̱n, aza ko̱o̱ inai kho̱ o̱ia lo̱ e̱n u o̱".

\v 4 E̱yan re̱ yi o̱lo̱bia, ihaoga so̱i aiko̱ io̱ vbi e̱seo̱he̱n, ama elabi osa lo lo̱ hae o̱.
\v 5 Ama, ke re̱ yi o̱lo̱ibia, lo̱ ke mie̱n o̱lo̱rase lo̱ia lo̱be ho̱n, aduiduan isi eliyo̱, ako̱o̱ o̱vbi ue̱n u.

\v 6 Idefidi gbo o̱i khi ihianba o̱ yi o̱ia li Oise̱le̱bua o̱i kho̱ o̱ e̱n u lo̱i bi obia.
\v 7 O̱ro̱i: Ihianba o̱ re̱ yi eka ri aie̱nre̱u sian hume, la vo o̱kho̱ ni.
\v 8 Ihianba o̱ re̱ yi o̱ia lo̱ li O̱lo̱mo̱e̱mai kha ko̱ o̱kho̱o̱ nwin"

\v 9 O̱li ihianba na siyo̱ la tai na isi elarue̱i uo̱kpao̱ da, re̱ gbo yi elo̱ ya rue̱e̱? Ma tai, "Ako̱o̱ amieho̱n ni Abraham khi o̱ulo̱se̱n".
\v 10 Ebai ko̱ o̱i? E̱ghe̱ la re̱ rue̱ Abraham o̱ da ebai se̱re̱ rue̱ o̱? O̱i vbi e̱ghe̱ la re̱ rue̱ o̱, ama e̱ghe̱ lai se̱re̱ rue̱ o̱, o̱.

\v 11 Abraham mi ae̱n si orue̱, ona ikhi afima isi o̱ e̱n u isi amieho̱n lo̱ mo̱e̱n le e̱ghe̱ lo̱i se̱re̱ ruue̱. Eanye̱n isi o̱la e̱e̱n na likhi o̱ keo̱ chie̱n eri agbo̱n ere̱me̱n le mieho̱n, ekha re̱ vbi elairue̱. Emaro̱ ita li khi a lo̱ ko̱o̱ ue̱n lo̱se̱n nia.
\v 12 Ema chie gbo ro̱ ita li khi Abraham chie̱n eri elo̱rue̱, gbo yi elo̱ re̱ khan oe̱ li eramai li Abraham ze̱i. O̱na li khi amieho̱n lo̱ mo̱e̱n e̱ghe̱ lo̱i se̱re̱ rue̱.

\v 13 O̱i vbi re̱ shian vbi ukpode̱ si uhi la re̱ ru uruo̱mi ni Abraham bi ivbi vbia so̱i, oli uruo̱mi khi yain le lo̱ uku so̱ li agbo̱n na. Re̱shan vbi aulo̱se̱n si amieho̱n, yo̱in o̱n.
\v 14 Elo̱ ke ri isi uhi shian kha ke chie̱n ele lo̱ uku, ari amieho̱n daho.
\v 15 Uhi lo̱ nwin ikueo re, ebaiza mo̱n uhi o̱i mo̱n aire̱khan uhi.

\v 16 O̱hio̱ si o̱na, lo̱ re̱ ruan vbi o̱hio̱ si aduiduan, lo̱i re̱ vbi emi isi e̱seo̱he̱n. La ke ze̱ khi o̱li uruo̱mi, zukpe̱ chie̱n isi eli ivbi vbia ere̱me̱n. Eli ivbi vbia vbi elo̱ e̱n uhi uo̱kpa, ama elo̱ gbo za vbi amieho̱n si Abraham vare. Yo̱in li khi eramai ere̱me̱n.
\v 17 Elabi ai vio̱n " I re̱ chie̱n era isi uhumuro lebun." Abraham muzan vbi isao si o̱lo̱ ri udu o̱i vbi egbe, lo̱ vbi Oise̱le̱bua, lo̱ u kho̱ o̱ri o̱lo̱ u chie̱n o̱lo̱rivbo̱, lo̱ echi emi lo̱i evbo̱ di emi lo̱rivbo̱.

\v 18 Vbi e̱ke̱n igbangobo̱ ere̱me̱n lo̱ rivbo̱, Abraham totobo̱ duiduan Oise̱le̱bua re̱ yi emi la lo̱ mie̱n vbi sao. Iyo lo̱ kei chie̱n eri uhumuro le buin elabi aitai kpoto̱i " Iyo̱ ivbi vbia se̱ lo̱ u".
\v 19 O̱i e̱ o̱i vbi aduiduan. Abraham e̱n khi egbe so̱i kha ke meti mo̱in ivbia. (O̱hio̱ khi ikpe so̱i ke si ke̱i egbo̱ ihie̱n) o̱ gbo ghe e̱n khi ekpo̱mo̱n si Isera, kha ke meti hanman.

\v 20 O̱hio̱ si uruo̱mi isi Oise̱le̱bua, Abraham imo̱ udu eva. O̱mo̱e̱n izezudu vbi aduiduan o̱ri ire yi Oise̱le̱bua.
\v 21 O̱ ghe muzan o̱ vbi, Oise̱le̱bua lo̱ ruo̱ o̱lo̱ meti nwin uruo̱mi so̱i se̱e̱.
\v 22 O̱hio̱ si o̱na agbo ko̱ o̱na nai o̱u lo̱se̱n.

\v 23 E̱yan o̱hio̱ si emi lo̱ lo̱ mie̱n uokpa ka re̱ vio̱n khi era ko̱o̱ nai.
\v 24 Mamain, la gbo vio̱n yi, la lo ko̱ o̱ ni, si mai mo̱n amieho̱n vbi o̱lo̱ khua Jesu O̱lo̱mo̱e̱nmai sho̱ vbi use isi elo̱ u re.
\v 25 O̱na li kho̱ o̱la re̱ re vb'o̱hio̱ si o̱kho̱ main la khuae sho̱re, li main re̱ chie̱n elo̱ ase.

\c 5
\p
\v 1 Obo̱ li main ke re̱ ri amieho̱n mo̱n ase, main za mo̱n o̱fure vbe si Oise̱le̱bua re̱ shian vbi eni si Jesu Kristi.
\v 2 Re̱shan vbio̱in, ni main gbo re̱ mo̱in ebi main lo̱i ri amieho̱n di o̱li e̱seo̱he̱n li main muzan. Main gho̱gho̱n vbi uduzezei li Oise̱le̱bua re̱ na main, re̱ yi emi lo̱ ri vbi isao, li main duiduan, khi main lo̱ ke̱n vbi o̱khai si Oise̱le̱bua.

\v 3 O̱na uo̱kpa ko̱, ama ma gbo gho̱gho̱n o̱ vbi ioya main. Main e̱n khi ioya li izie̱ngbe za dian re.
\v 4 Izie̱ngbe la shanmi igaobo̱mie̱n, igaobo̱mie̱n la shanmi aduiduan isi emo̱ rivbi isao.
\v 5 Aduidu ya mo̱e̱n ate̱ e; erimidi, ihume̱nke̱n isi Oise̱le̱bua ke chie̱n emi lo̱ kuo̱ main vbi udu re̱shan vbi Etin Lofuan la re̱ na main.

\v 6 Vbi e̱ghe̱ li main se̱ re̱ mo̱e̱n utotomi, e̱ghe̱ lo̱ re̱ de o̱vbo̱, Kristi o̱ u li elo̱i yauiemi isi Oise̱le̱bua.
\v 7 O̱miame̱n lo̱ ia lo̱ re̱ u li o̱lo̱ u lo̱se̱n. O̱ an khi alo̱zamie̱ khi o̱ia o̱i khi io̱in lo̱ gbudu u li o̱lo̱ u lo̱se̱n.

\v 8 Ama Oise̱le̱bua re̱ vbie̱ khi yio̱in hume̱nke̱n main, erimidi, main se̱ ghe chie̱n o̱lo̱kho̱, li Kristi re̱ o̱ u na main.
\v 9 Ke re̱ gbo le̱ iyo̱, e̱yan li main ke re̱ chie̱n elo̱ ri ase ni vb'o̱hio̱ si e̱re so̱i, a lo̱ ro̱i faan main vbi iriae̱ke̱naa isi Oise̱le̱bua.

\v 10 Emi khi e̱ghe̱ li main re̱ vbi o̱be isi Oise̱le̱bua, a echie main ba isi Oise̱le̱bua, o̱hio̱ si eu si ovbio̱, ekeka khi anwun main ohun le, a lo̱ ke fan main vb'o̱hio̱ isi o̱ rivbo̱.
\v 11 O̱na uo̱kpa ko̱, main gbo gho̱gho̱n vbi Oise̱le̱bua vbi eni isi O̱lo̱mo̱e̱nmai Jesu Kristi, li main shian mie̱n o̱li uhaan mi na.

\v 12 Ebo̱ ke iu khi obo̱ si oto̱kpa li o̱kho̱ shan o vbai agbo̱n, I yo̱ li eu ke za re̱khain o̱kho̱ ore. O̱li eu ke za vaan yi eia ere̱me̱n o̱hio̱ si o̱kho̱.
\v 13 O̱kpe̱se̱ khi uhi rivbo̱, o̱kho̱ ke ri vbi agbo̱n le, ama aya ko̱ o̱kho̱ o̱ main vbi uru, ebi uhi ire̱ evbo̱.

\v 14 O̱re̱ de iyo̱, eu chie̱n oje re̱ za vbi Adam se̱ vbi Imosis, achie, vbi uhumi si elo̱i vbu o̱kho̱ elabi si Adam lo̱ mo̱e̱n akaeho̱n, yo̱in la re̱ oo o̱lo̱ vade.
\v 15 Ama, o̱ re̱ de iyo̱, ohan isi o̱he̱n, oiu bi o̱li o̱kho̱. Akhai khi o̱hio̱ isi o̱kho̱ isi oto̱kpa, agbo̱n lo̱bun euloi, re̱ le̱ iyo̱ li e̱seo̱he̱n isi Oise̱le̱bua bi o̱han lo̱ re̱khan e̱seo̱he̱n isi o̱li o̱mo̱he okpa, Jesu Kristi, iri yi vbo̱ ainbun, yi elo̱ bun.

\v 16 O̱li o̱han o̱i u bi emo̱ re̱khan o̱lo̱ ui o̱kho̱. Vbi obo̱ o̱kpa, ighaezo̱n isi ikhueo vare, erimidi si o̱kho̱ li oto̱kpa u. Ama, obo̱i lo̱ zeva, ohan isi o̱he̱n, la mo̱e̱n vbi iase, o̱ o̱ vare vbi ikpuokho si o̱kho̱ lo̱ bun.
\v 17 Ebi, o̱hio̱ si o̱kho̱ isi oto̱kpa, eu chie̱n oje re̱ shian vbo̱ li oto̱kpa, re̱ le̱ iyo̱ elo̱ buin, li elo̱mie̱n e̱seo̱he̱n lo̱ bunbun, bi o̱han si aulo̱se̱n lo̱i chie̱n oje o̱vbi uhumi isi arivbo̱, vbi eni isi oto̱kpa, Jesu Kristi.

\v 18 Ebo̱ re̱ de khi o̱kho̱ o̱kpa li agbo̱n ere̱me̱n shian o vbi ikhueo, iyo̱ o̱ gbo i shian khi awe o̱kpa si aulo̱se̱n li iase si a lo̱ evbo̱ za ri vbo̱ yi agbo̱n ere̱me̱n.
\v 19 Ebo̱iu khi re̱ shan vbi akaeho̱n isi oto̱kpa li elo̱buin za chie̱n olo̱kho̱, iyo̱ o̱, khi gbo re̱ yi areo̱vbeta isi oto̱kpa li elōbuin lo̱ re̱ chie̱n elo̱ ulo̱se̱n.

\v 20 Ama oli uhi o̱ dianre li o̱kho̱ u umi re̱ gba o̱vbo̱. Ama ebi o̱kho̱ re̱ gba o̱vbo̱, e̱seo̱he̱n totobo̱ gba o̱vbo̱.
\v 21 O̱na ruain lo̱ i u khi ebi o̱kho̱ chie̱n oje o̱ vbi uhumi isi eu, iyo̱ li e̱seo̱he̱n loi chie̱n oje vbi aulo̱se̱n si agbo̱n lo̱i mo̱n ire̱so vbi eni isi Jesu Kristi O̱lo̱mo̱e̱nmai.

\c 6
\p
\v 1 Emi main lo̱ ke ta na, li main ya vbu o̱kho̱ shian li e̱seo̱he̱n re̱ gba o̱vbo̱?
\v 2 O̱kha degbe de iyo̱. Mamain li mai ke u o̱vbo̱ o̱kho̱, ebi mai lo̱ ke chie chie̱n elo̱ rivbo̱ Vbi e̱ke̱in o̱n.
\v 3 Vbai e̱n khi ebi eia ibun, le same̱n o̱ vbi Kristi Jesu, e same̱n o vbi eu so̱i?

\v 4 A re̱ main to̱n bai, ebi are̱ same̱n o̱vbi e̱ke̱n eu. O̱na ruain lo̱i re̱ u kho̱, ebai ri utotomi isi okhae isi Erah khuai Kristi sho̱ vbi use isi ele u re, iyo̱ mai lo̱ gbo i shi oshan lo̱gbo̱ vbi e̱ke̱n arivbo̱.
\v 5 Main kha chie̱n ela kugbe ba a i vbi are̱ o o isi eu so̱i, iyo̱ main lo̱ gbo i debaa ivbi achie sho̱re so̱i.

\v 6 Main e̱n o̱na, khi akhan mamain li gheghe ye̱n vbi oran bai, lai re̱ ria egbe isi o̱kho̱ a. Iyo̱ lo̱ inian li main kha ke re̱ chie̱n oghumi isi o̱kho̱.
\v 7 O̱lo̱ ke u, ai kho̱ ke chie̱n o̱lo̱ ni o̱kho̱ faan.

\v 8 Ama main kha u ba Kristi, main mieho̱n khi main lo̱ deba o̱vbo̱.
\v 9 Main e̱n khi Kristi ke chie̱n o̱la khuae sho̱ vbi use si elo̱ u re, bi o̱i ke chie̱n o̱lo̱ u. Eu ke mo̱n utotomi vbi uhumi so̱i.

\v 10 O̱hio̱ khi eu lo̱ u o̱vbi o̱kho̱, iso̱kpa lo re u o̱vbo̱ li agbo̱n ere̱me̱n. O̱re̱ ri iyo̱, agbo̱n lo̱ re lo̱ u, o̱ uo̱ li Oise̱le̱bua.
\v 11 Iyo̱ mamain lo̱ ke i mo̱n a o o khi main ke chie̱n elo̱ u yi o̱kho̱, ama arivbo̱ yi Oise̱le̱bua vbi e̱ke̱n Kristi Jesu.

\v 12 O̱hio̱ si o̱na mai ke zi o̱kho̱ chie̱n oje o̱vbi egbe si eu main na, li ya re̱ re̱ ovbi iho o̱na ho o̱na so̱i.
\v 13 E nwin ebo̱ so vbi egbe se̱ ni o̱kho̱, lei chie̱n emi la re̱ ui emi lo̱be. Ama, nwin egbe se̱ li Oise̱le̱bua, elabi ele ulo le chie̱n elo̱ rivbo̱. Vba nwin egbe vba li Oise̱le̱bua lo̱i we o̱vbi ue̱n le̱se̱n.
\v 14 Ezi o̱kho̱ chien oje o̱vbi uhumi se̱. Vbai e vbi elo̱ ri uhi wee, ama, elo̱ ri e̱seo̱he̱n wee.

\v 15 Emo̱n ke u? Main lo̱ ya ui o̱kho̱o̱ erimidi khi uhi ki mai o̱ rekhae̱n, khi e̱seo̱he̱n ma re̱khae̱n? Okha de gbe de o̱ vbi yo̱!
\v 16 Ue̱n khi, o̱ia lu nwin egbe o̱ vboto̱ ni, lua ga, yo̱in li khi o̱lua re̱ o̱vbi so̱i, o̱ ain ulo̱ ya hin eta so̱i? Ona ikhi ata, si e̱ke̱n ata ma re̱ gi o̱kho̱o̱ la shan di eu, da elo̱ re̱ o̱vbi eta la re̱ chie̱n elo̱ u lo̱se̱n.

\v 17 Ama a khue̱mi Oise̱le̱bua! Vba kpao chie̱n ighumi isi o̱kho̱o̱, ama vba ke re̱ o̱ vbi eta re̱ za vbi udu vba dianre, elabi aze̱o si emi la nwun o̱ vba vbi obo̱.
\v 18 Are̱ main chie̱n elo̱ mo̱n uan egbe sho̱ vbi o̱kho̱o̱ re, main chie̱n ivie̱n isi ue̱n lo̱se̱n.

\v 19 Ya teta bi o̱ia erimidi khi vbai se̱ mo̱n uohiami isi egbe. Ebi vbai nwun egbe vba o̱vie̱n li ue̱n si iwuan bi edoboo, vba gbo iyo̱ nwun eghe vba ere̱me̱n chie̱n evie̱n si aulo̱se̱n la lo̱ re̱ van vba vbi o̱fuan.
\v 20 Egbe li vba re̱ vbi o̱vie̱n si o̱kho̱o̱, vba mo̱n uan egbe isi auilo̱se̱n.
\v 21 Vbo̱ le̱ghe̱ ike yi ikperan li vba mo̱e̱n isi emi lo̱ ke re̱ kho̱ ovba na? Emi lo̱ za vbi eli emi ain dianre li khi eu.

\v 22 E̱yan eba ke re̱ ze̱ mo̱ uan egbe sho̱ vbi o̱kho̱o̱ re, li vba re chie̱n o̱vie̱n si Oise̱le̱bua, vba mo̱n ikperan si avan o̱ vbi o̱fuan. Ean ye̱n so̱i li khi agbo̱n lo̱i mo̱n ire̱so.
\v 23 Ihaosa si o̱kho̱o̱ li khi eu, ama o̱han si o̱he̱n isi Oise̱le̱bua li khi agbo̱n lo̱i mo̱n ire̱so vbi Kristi Jesu O̱lo̱mo̱e̱mai.

\c 7
\p
\v 1 Da vbai e̱n, imio̱n (ele e̱n, emi vbi uhi, ya kpa ye̱ teta) kho̱ uhi mo̱n utototmi vbi uhumi si o̱ia vbi e̱ghe̱ lo̱ ghe ri vbi agbo̱n?

\v 2 Vbi si o̱kposo lo̱ mo̱n o̱do̱n, uhi gba nwin o̱do̱in si o̱do̱in ghe ri vbi agbo̱n, o̱li o̱do̱in kha u, a ti yio̱in sho̱ vbi uhi si ose̱n re.
\v 3 O̱kha ke ri yo̱, ebi o̱do̱in o̱se̱ i ri vbi agbo̱n, o̱kha dia kpe̱n o̱mo̱he o̱vbe, a lo̱ ya echo̱i o̱gboghe̱e̱. Ama o̱do̱in kha u, o̱ mo̱n uan egbe sho̱ vbi uhi re, a kha ke echo̱i o̱lo̱gboghe̱ so̱ ke nwun o̱se̱n o̱vbe.

\v 4 O̱hio̱ si o̱na imio̱n me̱n, a re̱ vba chie̱n elo̱ u re̱yi uhi vbi egbe si Kristi. Ina o̱ li mai re̱ meti kuba o̱ o̱vbee, o̱ ain khi o̱la khuae sho̱vbi use si elo̱ u re, li main re̱ mi ikperan li Oise̱le̱bua.
\v 5 E̱ghe̱ li main re̱ vbi isegbe, emi li egbe o̱za to lo̱ yiegbe dainre vb'egbe main vbi e̱ke̱n uhi lo̱ mi ikperan isi eu.

\v 6 Ama e̱yan ake van main sho̱ vbi uhi re. Mai ke u yi emi lare̱ nwun mai mo̱e̱n. O̱na o̱, li main re̱ meti gai vbi etin lo̱gbo̱n, o̱i ke vbi ebi ai ri egbe ga vbi e̱ghe̱ lo̱ ra re.

\v 7 Emi main lo̱ ke ta? Uhi legbo̱i, o̱kho̱ o̱? O̱kha de iyo̱. O̱re̱ ri iyo̱, I kha e̱n o̱kho̱o̱ akhai khi uhi o̱i evbo̱. I kha e̱n are̱o o̱vbi emi, akhai khi uhi tai khi, "U kha gbudu ri e̱o o̱vbi emi".
\v 8 Ama o̱kho̱ mi ehe, ebai kpase̱, o̱ za zi me̱ ya li izeze isi iho o̱na ho o̱na. Si uhi ievbo̱ o̱khoo̱̱ u.

\v 9 Vbi e̱ghe̱ o̱kpa i rivbo̱ bi khi uhi evbo̱, ama a ke gbudu re, o̱kho̱o̱ sho̱re, i za u.
\v 10 Ase̱ la gbe lo̱ nwin arivbo̱ re, o̱ o̱ chie̱n eu yi me̱n.

\v 11 O̱kho̱o̱ o̱ mi ehe vbi o̱li ase̱, o̱ o̱te̱e̱ me̱ e. O̱za ri utotomi so̱i gbe me̱.
\v 12 O̱li uhi fuain, ase gbo fuain, evbi o̱lo̱se̱n egbo hume̱n.

\v 13 Iyo̱ emi lo̱ hume̱ i chie̱n eu yi me̱n? O̱kha de iyo̱, ama o̱kho̱o̱, la re̱ mio̱in khi o̱kho̱o̱ o̱ vbi emi lo̱se̱n, o nwin eu yi me̱. Ona i khi lo̱i re̱ u khi ebai ro̱i shan vbi utotomi isi ase, o̱kho̱o̱ lo̱ chie̱n o̱kho̱o̱ lo̱ gbai.
\v 14 Main e̱in khi uhi, emi isi Etin yo̱in o̱n, ama, I si egbe li u, a shie̱n me̱n vbi oghumi li o̱kho̱o̱.

\v 15 Emi li a u, o̱i zukpe̱ nwun me̱n e̱o kuere. Emi li o̱ khi lo̱ u, I ya uoi, emi li kho̱ e̱ke̱n so̱i li ya u.
\v 16 Ama I kha uemi li hoo, I mie̱n ama ba uhi kho̱ eri uhi hume̱n.

\v 17 Ama e̱yan me̱me̱n ki ya ke uo̱i, lo̱i vbi o̱kho̱o̱ lo̱ dia me̱n vbi e̱ke̱n egbe.
\v 18 I e̱n vbi re̱ yi me̱n, o̱ ain khi, vbi isi egbe, me̱ emi lo̱ rivbo̱ lo̱se̱n o̱i evbo̱. I mo̱n aoo li re̱ uemi lo̱se̱n vbi e̱ke̱in me̱n, ama I ke meti uo̱i.

\v 19 O̱lo̱se̱n li ya hoo, I meti uo̱i, o̱lo̱be li hoo, li ya u.
\v 20 I kha ke uemi li ho li uo̱i, o̱li e̱ghe̱ me̱me̱n ki a ke uo̱ li emi, o̱kho̱o̱ lo̱ ri me̱ vbi egbe lo̱ uo̱i.
\v 21 I mio̱n vbi o̱le̱ghe̱, khi ebi ai ri emi shan li mo̱e̱n li re̱ o̱i khi ilo̱ uo̱lo̱se̱n, khi etin lo̱be lo̱ ri vbi e̱ke̱in me.

\v 22 I gho̱gho̱n, o̱ vbi uhi si Oise̱le̱bua vbi e̱ke̱n me̱n.
\v 23 Ama, ya za gho emi o̱dan vbi egbe me̱n vbi ebo̱ do̱ndan. O̱kpayi uhi lo̱gbo̱n lo̱ ri vbi udu me̱n gbegbe. O̱ nwun me̱n oghumi vbi are̱u si o̱kho̱o̱ lo̱ ri vbi ebi o̱dondan vbi egbe me̱n.

\v 24 O̱ia si iriae̱ke̱ia a li u. O̱ o̱ lo̱ ke fan me̱n vbi egbe si eu?
\v 25 Ama I khue̱mi o̱n re̱ yi Oise̱le̱bua vbi Jesu Kristi O̱lo̱mo̱e̱mai! O̱ ke de iyo̱, me̱n li egbe me̱n ya gi uhi si Oise̱le̱bua vbi udu me̱n. O̱ re̱ de iyo̱, ya ri egbe gi uhi si o̱kho̱o̱.

\c 8
\p
\v 1 Ibohi ike evbo̱ e̱yan re̱ ye elo̱ rivbi Kristi Jesu.
\v 2 Uhi si Etin si arivbo̱ lo̱ ri vbi Kristi Jesu o̱ zi me̱n mo̱n uanegbe sho̱ vbi uhi si o̱kho̱o̱ bi eu re.

\v 3 Emi li uhi imeti u erimidi kho̱i toto vbi o̱hio̱ si egbe, Oise̱le̱bua uo̱i. O̱ yi ovbio̱ li o̱mo̱he re, lo̱ u bi egbe si o̱kho̱o̱ lo̱i vbi aze̱ si o̱kho̱o̱, bi lo̱i gbo ri ibohi li o̱kho̱o̱ lo̱ ri vbi egbe.
\v 4 O̱vbo̱ o̱na lo̱ re̱ de o̱vbo̱ khi emi li uhi hoo o̱ ghai vbi main, mamain li main ri isi egbe shan, amali eui isi Etin.
\v 5 Elo̱ ui agbo̱n isi egbe, yan de li e̱o kpin emi isi egbe. Ama elo̱ ui agbo̱n isi Etin, yan de li e̱o kpin emi isi Etin.

\v 6 Ee Isi egbe li khi eu, ama e e isi Etin li khi arivbo̱ bi o̱fure.
\v 7 Emo̱ ze̱i lo̱ re̱ de ina, li khi aoo isi egbe o̱be o̱ yi isi Oise̱le̱bua; o̱ imo̱n ideuhumire re̱ yi uhi isi Oise̱le̱bua, o̱ kha meti re̱ o̱vbo̱.
\v 8 Elo̱ ri vbi isi egbe kha meti ui emi lo̱ e̱nghi Oise̱le̱bua.

\v 9 Ama, vba vbai vbi isi egbe, isi Etin li vba u, sai khata li Etin isi Oise̱le̱bua re̱ ri vbi e̱ke̱n egbe vba. Si o̱ia mo̱n Etin isi Kristi, o̱li o̱ia, o̱i vbi so̱i.
\v 10 Kristi kha ri we vbi e̱ke̱n egbe, egbe chie̱n emi lo̱ u yi o̱kho̱o̱, ama, o̱li Etin o̱ rivbo̱ o̱hio̱ si emi lo̱se̱n.

\v 11 Etin isi o̱lo̱ khuai Jesu sho̱ vbi use isi e lo̱ u re kha rivbi e̱ke̱in egbe se̱, yo̱in lo̱ khuai Kristi sho̱re vbi use isi e lo̱ u, o̱lo̱ ri arivbo li egbe isi eu se̱, vbi utotomi isi Etin so̱i lo̱ri vbi e̱ke̱n egbe se̱.

\v 12 O̱hio̱ si o̱na, imio̱n me̱n, iosa mai u, oi vbi re̱yi egbe li mai lo̱ ya za ri isi egbe wee.
\v 13 Ukha ui agbo̱n isi egbe, u lo̱ o̱ u, ukha ui isi Etin, lu gbi awee isi egbe u, ulo̱ evbo̱.

\v 15 Eia gbei gbei li Etin isi Oise̱le̱bua o̱ re̱ shan ivbi Oise̱le̱bua li yain u.
\v 14 Ai ke chie ri etin si oghumi na lu ya lofe̱n, u mie̱n etin si are̱ chie̱n omo, ni main lo̱ ke re̱ khue echi "Abba, Era!"

\v 16 O̱li Etin tobo̱i o̱ri o̱se̱e̱ o̱vbi etin main khi ivbi Oise̱le̱bua li mai u.
\v 17 Main kha vbi ivbio̱i, ele lo̱ uku ni main u, ele lo̱ uku isi Oise̱le̱bua, bi ele lo̱ deba Jesu Kristi uku, sai khi e̱ke̱n ata main re̱ gba oya, lai re gbo debai vbi okhai so̱i.

\v 18 I o o̱i khi ioya isi o̱le̱ghe̱ na, o̱i hume̱n se̱ vbi emi la lo̱ re̱ o o̱khai la lo̱ re̱vbie̱ main.
\v 19 Iri e̱o o̱vbi ukpode̱ khe khe ni emi lamain mo̱e̱n ebi yain o̱i khe̱ are̱vbie̱ isi ivbi Oise̱le̱bua.

\v 20 Ami emi la mai fio̱ vbi ahoi, o̱i vbi emi lo̱ hoo le gbo̱i emi li adiudu muzan kpe̱n o̱.
\v 21 Khi emi la mai li egbe iain a lo̱ mie̱n iain fan vbi obo̱ isi oghumi isi emi o̱ ria, bi lai re̱ roi di uanegbe si o̱khai si ivbi Oise̱le̱bua.
\v 22 Main e̱n khi emi la mai ere̱me̱n o̱siruan ba obia lo̱ to vbi egbe, le re̱ kugbe re̱ se̱ vbi e̱yan.

\v 23 O̱i vbi o̱ain uo̱kpa, khi mamain achie̱ ni mai mo̱i ikperan si kpao lo̱ vbi isi Etin re khi mamain li magbo siruan o̱vbi e̱ke̱n, khi alo̱ re̱ main chie̱n omo, lo̱ vbi adechiere si egbe mai.
\v 24 O̱li adiudu an na li khi amiefan main. Emi main mo̱ adiudu an kho̱ lo̱ ruan, aise̱ mio̱n, o̱ o̱ ke khe̱ emi lo̱ duidu an vbi emi lo̱ mie̱n le?
\v 25 Ama, mai kha mo̱n adiudu an vbi emi lai se̱ mie̱n, eri main ri ozie̱n muzan khe̱ o̱.

\v 26 Iyo̱ li Etin o̱ gbo i kpa ye̱ obo̱ vbi e̱ke̱n o̱ e̱ me̱n. Main e̱n ebi mai kha li ero̱mo̱n, ama o̱li Etin tobo̱i, o̱ kpa mai obo̱ vbi ero̱mo̱n, vbi e̱ke̱n azuyo̱n li ze̱ dianre.
\v 27 O̱lo̱ guali udu lo̱ e̱n emi lo̱ ri vbi udu isi o̱li Etin erimidi yio̱n lo̱ doabo li elo̱mieho̱n, ze̱n elabi ihume̱ke̱n isi Oise̱le̱bua.

\v 28 Main e̱n khi re̱ yi elo̱hume̱ke̱n Oise̱le̱bua, o̱ui emi e̱re̱me̱n kugbe lo̱ire̱ hume̱n, eli eia la echie ebi o̱i oo o̱ vbi udu so̱i.
\v 29 Erimidi elo̱ e̱n kpoto̱i, lo̱ gbo ze̱, le lo̱ re̱ vbi agho̱an isi ovbio, lo̱ re chie̱n o̱mo̱kpan vbuse si imio̱n lebuin.
\v 30 Elo̱ ze̱ o̱vboto̱i, lo̱ echie, ena lo̱ echie yain lalo̱ gbo ri o̱khai ni.

\v 31 Emi main lo̱ ke ta vbi o̱hio̱ isi elemi? Oise̱le̱bua kha deba main, o̱ i ke khi o̱lo̱ o̱ia lo̱ lo̱ chie̱n oghian main?
\v 32 Yo̱in lo̱i sumi ovbio̱i, lo̱ zo̱i obo̱ li mamain ere̱me̱n, ebo̱ kha kei meti li yain bi o̱i re̱ ri emi ere̱me̱n na main o̱he̱n?

\v 33 O̱ lo̱ ke sui elo Oise̱le̱bua ze̱i e̱zo̱n? Oise̱le̱bua li kho̱ lo̱ mo̱n asee.
\v 34 O̱i khi o̱lo̱ o̱i ki azi ibohi? Kristi li khi o̱lo̱ u na main, re̱ le̱ iyo̱, a chie khuai sho̱re vbi use isi elo̱ u. O̱ri vbi obo̱ o̱dio̱n isi Oise̱le̱bua, yo̱in li khi o̱lo̱ doabo̱ na main.

\v 35 O̱lo̱ ke vaan main sho̱ re vbi ihume̱ke̱n isi Kristi? Iriae̱ke̱nan o̱, da okpokpo, akhushan o̱ da ohanmi, da ubaan, da okhena da ogada sokho̱in?
\v 36 Elabi a ghei vio̱in, "Re yi ohume̱n sa vba lare gbe main ulo vbi ukpode ere̱me̱n. Main u bi ighogho la lo gbooa."

\v 37 Vbi ena ere̱me̱n main le̱ elo̱ khu okho̱in vbi o̱hio̱ isi o̱lo̱hume̱nke̱n mai.
\v 38 Oke nwume̱n e̱o kuere khi eu, da arivbo̱, da ange̱li, da elo̱ragbo̱n shan, da emi la mie̱n, da ela lo̱ mie̱n lo̱ vade da utotomi,
\v 39 Da udami, da ughuumi, da emi evbe la main, khe lo̱ meti van main sho̱ vbi ihume̱ke̱n isi Oise̱le̱bua re, lo̱ ri vbi Kristi Jesu O̱lo̱mo̱e̱nmain.

\c 9
\p
\v 1 Ata iya ta vbi e̱ke̱in Kristi, I mo̱ e̱he̱n, udu me̱n ri o̱see o̱vbo̱ baa me̱n vbi Etin Lofuan,
\v 2 Khi, vbi ise̱me̱n imo̱ iriae̱ke̱n a lo khua bi emi lo̱ to me̱n vbi udu e̱ghe̱ ere̱me̱n.

\v 3 I kha tai yi egbe me̱n lai ko̱ me̱ eeō, a van me̱n sho̱ vbi Kristi re, vbi o̱hio̱ isi imio̱me̱n, eli main re̱ vbi uaan mi o̱kpa vbi is egbe.
\v 4 E̱khe̱n Isre̱li yain u. Isi ain ikhi are̱chie̱ o̱mo̱, o̱khae atamasi, ohan isi uhi, uga mi isi Oise̱le̱bua bi uruo̱mi lo̱bun.
\v 5 Yain le mo̱n uami li Kristi za dianre vbi si egbe yo̱in li Oise̱le̱bua vbi uhumi emi ere̱me̱n. A lo̱ reo̱i re̱le̱ re̱le̱. Ise̱.

\v 6 O̱ui khi uruo̱mi isi Oise̱le̱bua dahoi. O̱i u khi eia ere̱me̱n le ri vbi Isre̱li ri e̱ke̱n ata vbi isi Isre̱li.
\v 7 Ivbi Ebraham ere̱me̱n ki khi ivbio̱i isi ata. Ama, "Re̱shan vbi egbe isi Aizik, la lo̱ za echi ain, ivbi vbia."

\v 8 O̱an ikhi ivbia si egbe, evbi ivbi Oise̱le̱bua. Ivbia si uruo̱mi la e̱n khe vbi ivbi vbia.
\v 9 O̱na ikhi eta isi uruo̱mi "O̱hina o̱gbede I lo̱ vare, bi a lo̱ ri o̱mo̱ ni Isera."

\v 10 O̱na uo̱kpa ko̱, ama, o̱ ke raan, Irebeka ke o̱ hamaan li o̱mo̱he o̱kpa, eremai li Aizik,
\v 11 ai se̱ vbi eli vbia, ei ma se̱ gbo uemi lo̱se̱n da o̱lo̱be, li amama isi Oise̱le̱bua, ebi amami isi ebo̱i ze̱mi re̱ muzan, o̱i vbi o̱hio̱ isi ue̱e̱n ama o̱hio̱ isi yo̱in lo̱ echie uan.
\v 12 Ataa nai ho̱n khi "O̱lo̱ vbi o̱dio̱n lo̱ lo̱ gi o̱vbekhan."
\v 13 Eba ghei vio̱in o̱n khi "Ijeko̱bu li hue̱ke̱o̱n, ama iso̱ li kho̱e̱ke̱o̱n."

\v 14 Emi mai lo̱ ke ta? aiuata ri obo̱ si Oise̱le̱bua? o̱kha de gbe deiyo̱.
\v 15 O̱i Imosis khi "I lo̱ mo̱n ihume̱ke̱n ni, bi ilo̱ mo̱n ituegbe yi o̱li o̱kho̱o̱n me̱n khilo̱ mo̱n ituegbeni."
\v 16 O̱ ke di iyo̱, o̱i vbi o̱hio̱ si ebo̱ia i hoo, da ebi o̱ia imeti la, ama, erimidi isi Oise̱le̱bua lo̱o̱ ri ihume̱ke̱n vbie̱. ̄

\v 17 Eta lo̱ fuan tai yi Ifero "O̱hio̱ so̱na go̱o̱n li re̱ mue̱n sho̱re, li re ri utotomi me̱ vbie̱ vbegbe se̱, lai re̱ hin khue eni me̱n vbi agbo̱n ere̱me̱n."
\v 18 Iyo̱o̱ khi Oise̱le̱bua, o̱ mo̱n itue̱ke̱n yi o̱lo̱ kho̱o̱n o̱kha gbo kho̱o̱ o̱ri o̱ia chie̱n o̱iria kaeho̱n.

\v 19 Ulo̱ ke mian me̱n "Emo̱ke ho iye̱mi ni? o̱o̱ke se̱ muzan gbangi ihume̱nke̱n so̱i ghe?"
\v 20 Ifi egbe de li egbe, wowe lo̱ia, emuu u lu a ayin Oise̱le̱bua? Emi la main o̱i o̱lo̱ mai "Emo̱ze̱ lu re̱ ina mame̱n?"
\v 21 O̱lo̱o̱ makhe imo̱n utoto mi vbi o̱we̱ lo̱ re̱ memi, lo̱ lo̱ re̱ za vbi o̱lowe̱ o̱kpa ma khe o̱la kha ya wee vbi e̱ghe̱ ere̱me̱n o̱gbo ri efo̱kpa no̱i mo̱n o̱lawe e̱de̱de̱?

\v 22 O̱kha ke u khi Oise̱le̱bua, lo̱ ho lo̱i ri ibiohan so̱i vbie̱, bi, lo̱i ri utotomi so̱i vbie, o̱mo̱n ozie̱n te̱, lo̱ re̱ mo̱n emi lo̱ huai ibiohan lo̱ e̱he̱n o̱vboto̱ khe̱ ikhueo?
\v 23 Akhai kho uō na lo̱i re ri e̱fe isi o̱khae so̱i vbie̱ vbi e̱ke̱n emo̱ hua ihume̱ke̱n so̱i o̱, lo̱ e̱he̱n o vboto̱ lo̱ o̱khae?
\v 24 Akhai khi mamai lo̱ uo̱na ni, lo̱ gbo echie, lei vbuse si ekhen Ijiu uo̱kpa, ama gbo khi usee isi elo̱mie̱ho̱n?

\v 25 Ebi o̱gboi tai vbi Ihosia "I lo̱ echi eia me̱n lei kpao vbi eia me̱n, bi elahume̱nke̱n o̱n lai kpao hume̱ke̱n o̱n.
\v 26 O̱lo̱ ke u, khi eba za i ain "Khi vbai vbea me̱n, aan a lo̱ ke za echiain 'Ivbio Oise̱le̱bua lo̱ rivbo̱."

\v 27 Aizaia Khue dianre vbo̱ hio̱ isi Izreli khi "Ivbi Izreli kha re̱ bun bi ekhai lo̱ ri vbi egbe̱da, ikpechie la lo̱ mie̱nfan."
\v 28 O̱lo̱mo̱e̱nmai lo̱ ri eta so̱i u vbi agbo̱n, o̱ ite gbe na, o̱lo̱ ri ain u gbeigbei.
\v 29 Bi ebi Aizaia gboi tai kpoto̱i khi "Akhai khi O̱lo̱mo̱e̱n Ivbio̱kho̱in, ko̱o̱ ivbi vbia o̱vboto̱ khe̱ mamain khau bi Isodom bi akha agbo re mai chie̱n elabi Igomora."

\v 30 Emi mai lo̱ ke ta siyo̱? Khi e̱khe̱in elemie̱ho̱n li ain la khui ata, mie̱n ata, o̱li ata vbi adiudu an.
\v 31 Ama, Izreli, lo̱ la khui uhi isi aulo̱se̱n, ei meti se̱ vbi eba i ulo̱se̱n, ei meti se̱ vbi eba i u lo̱se̱n.

\v 32 Emo̱ zei? Erimidi ei ri adiudu an la khuo̱i, ama, e egbe khi abi obia isi uhi o̱. Efido̱n vbi udo isi afi emi do̱n.
\v 33 Ebai vio̱in li vba, "Kaa eo a, I nwun udo o̱vbi Zaio̱n, udo lo̱ fiu an gbe bi udo apata isi ibiohan, o̱lo̱ mie̱ o̱i ho̱n, kha mo̱n ekho̱i."

\c 10
\p
\v 1 Imio̱n, emi lo̱ ri me̱ vbudu, bi amian me̱n vbi obo̱ isi Oise̱le̱bua, re̱ yi Izre̱li, li khi yain mo̱n amie̱n fan.
\v 2 I ri o̱se̱e̱ o̱vbo̱ khi yain mo̱n ayie̱ngbe yi Oise̱le̱bua, ama o̱ivbi si oe̱n.
\v 3 Ei e̱n aulo̱se̱n isi Oise̱le̱bua, bi yain hoo li ain nwin auolose̱n sian gbo o̱. Ei de gbere ni aulo̱se̱n isi Oise̱le̱bua.

\v 4 Kristi li khi anwunse̱ isi uhi si ata re̱ yi elemie̱ho̱n.
\v 5 Imosis o̱ vin emi vbi o̱hio̱ isi aulo̱se̱n lo̱ za vbi uhi dianre. "O̱mo̱he lo̱ re̱ khan aulo̱se̱n isi uhi lo̱ ui agbo̱n si o̱li aulo̱se̱n ain." ̄

\v 6 Ama, aulo̱se̱n lo̱ za vbi amie̱ho̱n dianre ro̱i "Eta vbi e̱ke̱n udu se̱, 'O̱lo̱ he̱n ukhumi yi ukhumeimi? (o̱ ain khi, lo̱ nwin Kristi di otore)
\v 7 Egboi tai vbudu se̱, o̱ lo̱ kpo̱n do to̱i vbi udegbu lo̱i mo̱n ire̱so?" (o̱ ain khi, lai re̱ nwin Kristi dianre sho̱ vbi usee si elo̱u re.)

\v 8 Ama, ebo̱ita? "Oli eta o̱si ke̱ ae̱, vbi unu se̱ bi vbe̱ke̱n udu se̱." O̱ian khi eta si amieho̱n li ma wewe.
\v 9 Ukha ri unu se̱ mie̱n ama khi Jesu khi O̱lo̱mo̱e̱mai, lu gbo mie̱ho̱n vbudu se̱ ikhi Oise̱le̱bua, lu gbo mie̱ho̱n vbudu se̱ khi Oise̱le̱bua khuai sho̱ vbi use si ele u re, alo̱ fa e̱n.
\v 10 Udu li o̱ia re̱ mieho̱n vbi aulo̱se̱n, bi unu se̱ ulo̱ re̱ mie ama khi amienfan.

\v 11 Ebe lo̱fuan tai khi, "Elo̱ ghe mio̱in ho̱n a kha zi ekho̱i ui ain."
\v 12 I yo̱ dan i evbi esese̱ si Ijiu bi Eleimieho̱n. O̱lo̱ mo̱ne̱mai lukpo̱kpa, li khi O̱lo̱mo̱e̱n isi agbo̱n ere̱me̱n, e̱fe so̱ lo̱bun rivbo̱ yi elo̱ khue e cho̱i.
\v 13 O̱i kho̱ia lo̱ echie eni si O̱lo̱mo̱e̱nmai, a lo̱ faain.

\v 14 Ebi yain lo̱ ke i echo̱i ni yain mieho̱n? Bi, ebi yain lo̱ i mieho̱n o̱li yain se̱ he̱n mo̱ o̱n?
\v 15 Bi, ebi elo̱i ho̱n sai mi o̱lo̱ wewe? Bi, ebi yain lo̱i wewe, sokpe̱n kha yi ain?-Ebai vio̱n "Ose̱n ko̱o̱, lo̱ri vbi awe isi elo̱ wewe egho̱gho̱n la lo̱ mie̱n vbi emi lo̱se̱n!"

\v 16 Ama yain ere̱me̱n idaeho̱n si owewe isi eta lo̱se̱n. 'Aizaia ro̱i O̱lo̱mo̱e̱nmai, o̱ ke mie̱n eta main fio̱n?"
\v 17 Amieho̱n o̱ re̱khan uho̱nmi, bi uho̱nmi si eta si Kristi.

\v 18 Ama I tai khi "Yian ho̱n?" He̱e̱, vbe̱ke̱n ata. "Urun sian ke roo di uhumoto̱i ere̱me̱n, bi eta sian, re̱ di ebi agbo̱n se̱i."

\v 19 Alo̱ ke o̱ khi "Izre̱li e̱e̱n?" Vbi ikpao, Imosis o̱i, "I lo̱ ri elo̱i vbi uhumuroo yee vba o vbo̱ o̱ie̱n. Uhumuroo le mi nwin ain eo kuere, li lo̱ re̱ vuno̱ vba ibiohan dianre."

\v 20 Aizaia ghe gbudu tai kho̱ "Eli yain hoo me̱, emie̱ me̱n, I ye gbe dianre yi elo̱i mie̱n mo̱i me̱n."
\v 21 Ama re̱yi Izre̱li o̱ ro̱i, "Vbu kpe̱de̱ ere̱me̱n, I re̱ yie̱n obo̱ me̱ a yi vba, livba mo̱n akaeho̱n bi eia ni yan sishiegbe."

\c 11
\p
\v 1 I ke za o̱i, Oise̱le̱bua ke sin eia so̱i? O̱kha deiyo̱. O̱lai Izre̱li li gbo iu, ivbi vbia isi Ebraham vbi ebo Ibe̱jami.
\v 2 Oise̱le̱bua, o̱i sin ebo o̱, lo̱ e̱n kpoto̱i. Vba i e̱n ebi ebe lo̱ fuan ita vbo̱ hio̱ si Elaija, ebo̱ i do abo̱ o̱vbi ivbi Izre̱l?
\v 3 "O̱lo̱mo̱e̱mai, yain gboo elomie̱o se̱ ere̱me̱n ulo, e kpo̱n ikpe̱kpe̱ se̱ kua, me̱me̱n uo̱kpa o̱ ke ko̱re, yan ho etin me̱"

\v 4 Ama, emi Oise̱le̱bua ke re̱ ri eaye̱n nai? "I ri obo̱ hi egbo̱ihie̱n vbo di egbo̱ ea ikpigbe ye̱n legbe me̱n lei se̱ digua li ibal.
\v 5 O̱ re̱ deiyo̱, vbo̱ hi na, elahian ko̱re ri vbo̱ erimidi si e̱seo̱he̱n la re̱ zi ain.

\v 6 Ama, o̱kha vbi isi e̱seo̱he̱n, o̱i ke vbi o̱hio̱ si obia. So̱i vbi yo̱ e̱seo̱he̱n kha ke vbi e̱seo̱he̱n.
\v 7 Emo̱ keu? Emi ni Izre̱l o̱ ho shian, ei mio̱in, ama, ela ze̱i le ke nwo̱in, aza nwin udu isi elo̱ ko̱re zeze a.
\v 8 Eba ghe vio̱n yo̱in o̱n khi "Oise̱le̱bua ri etin isi elo̱khague̱mi li ain, ikpe̱o lekhare̱ muye, bi eho̱n, le kha re̱ eho̱n re̱ se̱ vbi e̱na."

\v 9 Idavidi ro̱i, "Ai zi Itebu siain chie̱n ighan, ifi, emi lo̱i zuan u, bi ihaoga re̱yi ain.
\v 10 Zi ikpe̱o siain suaso̱n li ain ke mi uye, Ya ghe gue̱in iain uokho re."

\v 11 I ke za o̱i "Yain mo̱n igbangobo̱ li ain re̱ de? O̱kha de iyo̱. Ehe so̱ ain, ude mi le dei li, amiefan ke vare yi Elo̱i mieho̱n, laire̱ vun yain udu se̱vbo̱ khi yan nwun o̱ie̱n.
\v 12 Eyan, akhai khi udemi siain lo̱ chie̱n e̱fe yi o̱li agbo̱n na, bi emi le nwun fia lo̱i chie̱n e̱fe isi elo̱imieho̱n, ebi uro̱nmi siain lo̱ ke gba se̱?

\v 13 Eyan, ya kpa ye̱ vba gui yemi, vba vba li vbai mieho̱n. Ebi se̱ ghei vbi apo̱sto isi ekhe̱in eleimieho̱n, i mo̱n ikhua egbe yi okhumi vbi obia me̱n.
\v 14 Alo za mie̱n khi lo̱ vuno̱ vba udu se̱ vbo̱ khi vba nwun o̱ie̱n. Vba vba li eia isi egbe me̱n. Alo̱ za mie̱n kha lo̱ fan eso vbiain.

\v 15 Akhai khu usin mi la sin eno̱i li khi are̱han isi agbo̱n, ebi iga obo̱ mie̱n sian lo̱ ke u, lo̱i vbi arivbo̱ sho̱ vbi elo̱ uloi re?
\v 16 Akha ri ikperan lo̱kpao ya, iyo li gbo khi emare̱ma ko̱re, ake ri ii oran ya, iyo igbo khi Ikalaberan.

\v 17 Ikalaberan eso kha ke yano̱ kua, li wowe̱ li ukalabo̱ si oliv lo̱ zei, vb'ogo, ke chie̱n ema to ba vbi ain, u kha kpa i ain ke̱n vbi o̱bun si ii o̱li oran si oliv.
\v 18 Eiya ruo̱ o̱vbi eli ikalabo̱i. Ama uke ruo̱, wowe̱ ku hua ii, ii lo̱ hua e̱.

\v 19-21 Ole̱ghe̱ ulo̱ ke re ta "Ikalaberan yano̱ kua lai re̱ to me̱n ba vbo.̱" Ata li kho̱ ain. Erimidi khi aime̱ho̱n siain lare yani ain kua, ama wowe muzain gidi erimidi si amieho̱n se̱. Eso o̱ vbe gbe̱ toto gbe, ama mo̱n ilofe̱n. Oise̱le̱bua lo̱ zi ikalaberan si oran obo̱ o̱kha gbo ze̱e̱ obo̱.

\v 22 Kao gho, eyan, ufumi bi ukho̱o̱ mi isi Oise̱le̱bua. Vbi obo̱ kpa, ukho̱o̱ mi vare yi ekhe̱n Ijiu le dei, obo̱ lo̱ zeva, ufunmi isi Oise̱le̱bua vare yie̱ si umuzain vbi ufunmi so̱i. So̱i vbiyo̱ alo̱ gbo hiae̱ fia.

\v 23 Akha khi yain dia vbi aimieho̱n siain a lo̱ chie tui ain ba. Oise̱le̱bua lo̱ meti chie tui ain ba.
\v 24 Akhai kha hia e̱ sho̱ vbi emo̱ u khi oran si oliv vbogo, o̱ ze̱n ela bai imi emi, a tue̱ ba vbi egbe si oran si oliv lo̱se̱n, eke ka ke khi ekhe̱n Ijiu leu khi ikalaberan si o̱loran yan u, la kha ke za tui ain ba vbi oransi oliv siain.

\v 25 I ma hoo khi vbai e̱n, imio̱me̱n, vbo̱ li uhegbe na, li vba e o̱ chie̱n o̱ zi ewain vbi a oo vba. O̱li ukhegbe na ikhi a nwin udu zeze ri vbi efo̱ kpa isi ivbi Izre̱l se̱ vbi are̱ vo̱n isi ekhe̱n eleimieho̱n vare.

\v 26 Alo̱ faan Izre̱li ere̱me̱n, ze̱n ebai vio̱n. "Eke̱in Zaio̱n li O̱lo̱lo̱ sumuan lo za vare, o̱lo̱ nwin ai u emi bi Oise̱le̱bua sho̱ vbi Ijeko̱bu re.
\v 27 O̱na o̱lo̱ vbi atamasi sa main, e̱ghe̱ li lo̱ nwin o̱kho̱o̱ siain sho̱re."

\v 28 Vbi si owewe lo̱se̱n, echie̱n o̱be vbe he vba. Vbi si uze̱mi si Oise̱le̱bua, ela hume̱nke̱n-o̱n li yain u vbo̱hio̱ si eriain.
\v 29 Ohan bi uechemi isi Oise̱le̱bua ya fidelo̱.

\v 30 Vbai kpao mie̱n Oise̱le̱bua ho̱n, eyan vba ke mie̱n itue̱ke̱n erimidi si aimieho̱n siain.
\v 31 Iyo̱ li ekhe̱n Ijiu na ei mo̱n akaeho̱n. Emi lo̱ za vbo̱ dian re li khi, ebai mo̱n itue̱ke̱n yi vba, yain eyan, lo̱ ke gbo imie̱n itue̱ke̱n.
\v 32 Oise̱le̱bua ke kui ain ere̱me̱n gbe vbi lei mo̱n akaeho̱n, lo̱i re̱ ri itue̱ke̱n vbie̱ i ain.

\v 33 A! ugbu u mi si e̱wain bi oe̱n isi Oise̱le̱bua! Emi lai meti hoo oto̱o̱ li khi ighaezo̱n so̱i, bi akhameti ho ukpode̱ so̱i.
\v 34 "O̱o̱ke e̱n udu si O̱lo̱mo̱e̱nmai? da, o̱ke chie̱n o̱lo̱ uo̱i ude?

\v 35 Da o̱sekpao re̱ mi ni Oise̱le̱bua? La lo̱ chie hae la lo̱ chie hae lo̱ lo̱ia?
\v 36 Re̱ za vbe so̱i vare bi o̱hio̱ so̱i bi re̱ yo̱i li khi emi ere̱me̱n. Re̱ yo̱i ikhi okhai re̱se̱ vbi re̱so. Ise̱e̱.

\c 12
\p
\v 1 I ri itue̱ke̱n isi Oise̱le̱bua do abo̱ lavba imio̱n, li vba nwun egbe vba ni Oise̱le̱bua vbi iuabo si elo̱ ri vbi agbo̱n, I o̱fuan, li Oise̱le̱bua gao obo̱ mie̱n. O̱na i khi ari e̱wain ga.
\v 2 Vba e ke uemi bi eia isi o̱li agbo̱n na, ama chie̱n o̱lo̱ delegbe o̱ vbi udu lo̱gbo̱n luke mo̱e̱n. Uo̱ na lu re̱ e̱n o̱le̱ se̱n, la gaobo̱ mie̱n, lo̱ gbai.

\v 3 Eri ti o̱na o̱hio̱ si e̱seo̱he̱n la re̱ ne̱ me̱n, si vbavba ere̱me̱n, lai min o̱lo̱ oo egbo̱i le̱ ebi o̱khai oo o̱i, sokpe̱n vba ri e̱wain oo̱i, ebi Oise̱le̱bua i ri adiuduan ni o̱do̱ de se̱.

\v 4 Eri mai bun li mai re̱ ri vbi egbe o̱kpa, ama obia o̱kpa ki mamai ere̱me̱ o̱ bia.
\v 5 Iyo̱ gbo o̱ khi mamai le bun li mai re̱ vbi egbe o̱kpa vbi Kristi, bi mamai o̱do̱de chie̱n o̱kpa vbi egbe si o̱zeva so̱i.

\v 6 Mai mo̱n ohan o̱do̱dan elabi e̱seo̱he̱n la re̱ na mai. Oha isi o̱ia kha vbi ateta kpoto̱i, ai ro̱ i u elabi adiudu an so̱i se̱.
\v 7 O̱ha si o̱ia kha vbi isi ugami, o̱i ya ga, o̱ia kha mo̱n o̱ha la re̱ vbie̱ emi, o̱i ya vbie̱ emi.
\v 8 Ohan si o̱ia kha vbi ariakhaa, o̱i ya ria akhaa, ohan si o̱ia kha vbi isi o̱lo̱ ro vbi obo̱ re, o̱i ya gbudu uo̱i gbagba. ohan si o̱ia khi vbi isi o̱lo̱ ri agbo̱n shian, o̱i ya ri ifun e̱ngbere uo̱i. Ohan so̱ia kha vbi si o̱lo̱ mo̱n itue̱ke̱n, ai ya ri ijajegbe uo̱i.

\v 9 Vbae zi ihume̱ke̱n vbi si ea. Vba si egbe le̱ vbi emi lo̱be, ai fi obo̱ nwin emi lo̱hunme̱n.
\v 10 Re̱ yi ihume̱ke̱n isi imio̱n, mai mo̱n ato vbi egbe yi egbe. Re̱ yi ekpe̱n, mai mo̱n ekpe̱n yi egbe.

\v 11 Re̱yi obia ubiami, vba e ya si egbe. Reyi si etin, mo̱n etin si alo̱ uemi. Reyi ugami si o̱lo̱mo̱e̱n.
\v 12 Ya gho̱gho̱n o̱ vbi adiegbe an lu mo̱e̱n vbi ebi a nwun e̱o daa vbi sao. Mo̱n ozie̱n vbi egbe si okpokpo se̱. Ya lie ero̱mo̱n.
\v 13 Mo̱ obo̱ o̱vbi emi ni elo̱mieho̱n o̱ hoo. Hoo ukpode̱ lo̱ bun lu lo̱ za ya ghaa ire.

\v 14 Ri ihianba ni elo̱ khue̱ shan; e keo̱.
\v 15 Kpa elo̱ gho̱gho̱n, gho̱gho̱n; de baa elo̱ vie̱ vie̱.
\v 16 Vba mo̱n udu o̱kpa yi egbe. Vba e ya o emi vbi ukpode̱ si ikhua egbe re, ama vba ga obo̱ mie̱n eia si aguee. E chie̱n o̱ze̱ wain vbi aoo se̱e̱.

\v 17 Eri o̱be ba o̱be li o̱ia o̱so. Ya ui o̱lo̱se̱n vbi e̱o si eia ere̱me̱n.
\v 18 O̱kha ze̱ u, sai khi obo̱ se̱ lo̱ ri, e vbi o̱fure baa eia ere̱me̱n.

\v 19 Ei e̱ oga le gbe̱, re he o̱vbo̱ li ibiohan si Oise̱le̱bua. Eri avio̱in khi, "I e̱n oga, me̱me̱ li mo̱ o̱in, I lo̱ de lo̱i hae, i yo̱ li O̱lo̱mo̱e̱n tai."
\v 20 "Ama, ohanmi kha gbi o̱be se̱ re̱ nai e. Ohan ame̱ kha gbo̱i, re̱ nai o̱n. Ukha ui o̱na u hua igie̱n mi erain o̱ i vbi uhumi.
\v 21 Ezi emi lo̱be kpokhumi vbi egbe se̱ ama ri o̱lo̱se̱n khuokho̱in si o̱be.

\c 13
\p
\v 1 Vba vba ere̱me̱n mo̱n ideuhumire yi ele mo̱n ase̱, le ri vbi ehe lo̱ kpi okhumi. Ai min ase̱ lo̱i vbi o̱lo̱ za vbi isi Oise̱le̱bua vare. Bi ase̱ le rivbo̱ e vbi eli Oise̱le̱bua ze̱i.
\v 2 Elo̱ sishi egbe re̱khain ase̱, ei mo̱n obo̱ vbi a re̱ o̱ vbi uhi isi Oise̱le̱bua, bi elo̱ i ri obo̱ o̱vbo̱ lo̱ mie̱n ighae̱zo̱n gbi egbi ain.

\v 3 Eli yain ri agbo̱n shian, i vbi oyayan yi ae̱n u lo̱se̱n, ama isi elo̱uemi lebe. U hoo lu e mo̱n ilofe̱n isi elo rivbi ase̱? Uemi lo̱ hume̱n, a lo̱ ri ire so̱i na. Ayo̱i uhumi re̱yi vba lo̱ i re̱ hume̱n. Ama, ukha uemi lo̱be, ya lofe̱n, erimidi o̱i nwin agada mo̱e̱n vbi oto̱ san.
\v 4 Eri o̱ vbiayio̱ uhumi isi Oise̱lebua, o̱lo̱ haa oga o̱ vbi ibiohan isi elo̱ ui emilo̱be. Ama u kha uemi lo̱i hume̱, mo̱i ilofe̱n erimidi, o̱ i nwin agada mo̱e̱n vba hoi. Ayouhumi si Oise̱le̱bua o̱, o̱lo̱ ie̱n oga si ibiohan yi o̱ia lo̱ uemi lo̱be.
\v 5 O̱na o̱ ze̱i lu lo̱ re̱ mo̱n ideuhumire, o̱i vbi erimidi si ibiohan uo̱kpa, ama, kho o̱se̱e̱ li udu se̱ o̱re̱na.

\v 6 O̱hio̱ so̱na lu a re gbo ze ghuhumi. Elo̱ ri ue̱n shian, ayo̱uhumi si Oise̱le̱bua yain u, niyain o̱ re̱ o khi ele mi saa.
\v 7 Ha osa lu mo̱n eia li elu mo̱n i ain osa. Eghuhumi re̱ yi o̱la hai ni; egho la hiain re̱ yi o̱la ze gho la hiain yi, ilofe̱n re̱ yi o̱la lofe̱n ni, ekpe̱n re̱ yi o̱lo̱e o̱vbo̱ lai nwun ekpe̱n ni.

\v 8 Emo̱n o̱o̱so lu hae, sokpe̱n laire̱ hume̱ke̱n egbe main. Eri o̱lo̱ hume̱ke̱n o̱zeva so̱i, okwu uhi ere̱me̱ gbe u.
\v 9 Ai khi, "U kha gboghe̱e̱, u kha gbubi, ukha duoi, ukha re̱o o̱vbemi," bi uhi o̱vbe kha chie rivbo̱, a kuo̱igbe vbi o̱leta na khi "U lo̱ hume̱nke̱n o̱ze vba se̱ elabi uihume̱ke̱n egbe se̱.
\v 10 Ihume̱ke̱n ya ria iso̱ ze va a. O̱na ikhi ihume̱ke̱n li khi okugbe si uhi.

\v 11 O̱hio̱ si o̱na, vba e̱n o̱li e̱ghe̱, khi o̱li e̱ghe̱ ke se̱ le lu lo̱ re̱ sho̱, vbi ome̱he̱n re. Eyan li amiefan main ke re̱ sike̱ amai le̱ e̱ghe̱ li main re̱ kpao mieho̱n.
\v 12 Udo muhe̱n ke re, ede lo̱ ghe fuan vba zuan nwin obia si aso̱n o̱ vbi efo̱kpa bi li main wee e̱un si urukpa.

\v 13 Vba zuan shoshan lo̱ de o̱vbo̱ ebo̱ se̱i vbi udiami, ai vbi lai ya uemi se egho̱gho̱n lo̱i de nwuemi bi ado̱ yio̱n gbegbe. Bi li mai ya sho shan so oghe̱e̱ da ainwu egbe main tee vbi o̱hio̱ si iho o̱na ho o̱na, bi lo̱i ya roo, da a nwin o̱ie̱n.
\v 14 Ama ai nwin o̱lo̱mo̱e̱mai Jesu Kristi vo egbe, lai rehe li egbe bi iho o̱na ho o̱na so̱i.

\c 14
\p
\v 1 Gaobo̱ mie̱n o̱lo̱i u lo̱i to̱to̱ vbi amiehōn lai ekpa i kha e run vbi emi lo̱ za mo̱ ao eva.
\v 2 O̱tokpa mo̱n amieho̱n khi io̱in lo̱ meti emo̱e ere̱me̱n o̱lo̱i to̱to̱, o̱o̱ e be uo̱kpa.

\v 3 O̱lo̱ emae ere̱me̱n kha zo̱ o̱lo̱ ya emire ere̱me̱n evba. O̱lo̱ ya emire ere̱me̱n kha gbo sui o̱lo̱ emie ere̱me̱n e̱zo̱n. Oise̱le̱bua gaobo̱ mie̱n o̱n.
\v 4 O̱i khi wowe̱, wowe̱ lu sue̱ zo̱n si ayo̱'uhumi, lo̱ vbi isi o̱ ia ovbe. Isa o̱ isi olo̱mo̱e̱ma lo̱ lo̱ za muzan da o̱ dei. Ama a lo̱ nwuo̱in muzan, Oise̱le̱bua lo̱ meti nwuo̱in muzan.

\v 5 Ei a eso mo̱n ukutu yi ukpe̱de̱ o̱kpa lo̱ amo̱i, O̱ o̱vbe mo̱n ukutu yi ukpe̱de̱ ere̱me̱n oeghe vba zi o̱do̱de mo̱n o̱lo̱ so'o̱i vbudu so̱i.
\v 6 O̱lo̱ mo̱n emi'lo̱u vbi ukpe̱de̱ nwun o̱vbo̱to̱, Ō uwuo̱in o̱vbo̱to̱ li o̱lo̱mo̱e̱mai o̱lo̱ mi emilo̱e, o̱'o̱li emi li Oise̱le̱bua erimidi kho̱ ri ekhuemi ni Oise̱le̱bua o̱lo̱imie̱n e, o̱di obo̱ yie̱n vbi e̱mi u emi yi o̱li o̱lo̱mo̱e̱mai, yo̱in gbo ri ekhuemi ni Oise̱le̱bua.

\v 7 mami'ain o̱o̱'so uiagbo̱n legbe so̱i bi o̱o̱ so o̱i uu legbe so̱i.
\v 8 Main kha rivbo̱, main rivbo̱ yi Oise̱le̱bua bi main khau, main rivbo̱ yi Oise̱le̱bua. Akhai khi mian rivbo̱ da'a main uu iso̱ olo̱mo̱e̱nmai li main u.
\v 9 O̱hio̱ so̱ na li Kristi re̱ uu, olo̱mo̱e̱n ele uloi bi elo̱ rivbo̱.

\v 10 Ama wowe, emi uai ighaezo̱n si omio̱n ni? bi emo̱ze̱ lua re̱ zee omio̱n?
\v 11 Eri mamai ere̱me̱n lo̱ muzan vbi isao isi e̱kpete si ighaezo̱n isi Oise̱le̱bua. Eri avio̱in'khi "olo̱mo̱e̱mai ro̱e," Ebi iri vbo̱, re̱'yi me̱n igua ere̱me̱n lo̱ gue̱n re, oe̱nmi ere̱me̱n lo̱ ree Oise̱le̱bua"

\v 12 Vbi na, mamin o̱kpo̱kpa lo̱ zo̱ bo̱i te mi lo̱u ni Oise̱le̱bua.
\v 13 Vbi na vba eke chie gha ezo̱n se egbe, vbe he so̱ain, aikhuo̱igbe, kho̱ o̱ia kha uwin igbengobo̱ da idade̱o ni omio̱n.

\v 14 I e̱in, ogbo uwuin me̱n e̱o kuere vbi olo̱mo̱e̱n Jesu, kho̱ aimie emi lo̱ifuan legbo̱i so'kpa re̱yi o̱lo̱ ikhi emi fuan, vbi so̱i, fuan.
\v 15 O̱kha vbi o̱hio̱ si emae omio̱n mo̱ iria e̱ke̱n ia, o̱shian si ihume̱ke̱n kun ke shian. Eri emae se ria li Jesu uunioa.

\v 16 E zuan ri ue̱n se lo̱se̱n zi agbo̱n ya ye̱ yian.
\v 17 E̱ghe̱ oba isi Oise̱le̱bua o̱i vi si emae da laimie̱'ho̱n, ama emo̱n aulo̱se̱n, ofure bi egho̱ngho̱n vbi e̱ke̱n etin lo̱fuan.

\v 18 Elo̱ gi Kristi vbu kpo̱de̱ ruia, la lo̱ gaobo̱ mie̱n vbe si Oise̱le̱bua, eia gbo ri obo̱ o̱vbo̱i.
\v 19 O̱ke riyo̱, vba zuan lakhui emi isi o̱fure bi elemi la re̱ nwun egbe main ohia.

\v 20 Vba e ria o̱hia isi Oise̱le̱bua a vbo̱ hio̱ si emae. emi ere̱me̱n zukpe fuan, ama o̱lo̱be o̱yi o̱lo̱ia lo̱ emae lo̱ zi o̱vbe mo̱n igbangobo̱.
\v 21 O̱hume̱ sai e amin da lai de̱'yo̱n, da emi lo̱io̱ lo̱ lo̱ meti zi omio̱n main mo̱n emi lo̱ lo̱ ri ahan bio̱i.

\v 22 Eli emi na li mieho̱n, mo̱'o̱n legbe̱ vbi ese se̱ se̱'e̱ bi isi Oise̱le̱bua ihianba ikhi si o̱ia lo i echiegbo̱i o̱lo̱ zi bohi vbi emi lo̱ ri obo̱ o̱o̱.
\v 23 O̱lo̱ mo̱n oie eva, o̱zibohi, so̱ emae, erimidi o̱i za vbi amieho̱n vare bi emikhemi lo̱ za vi amioeho̱n vare, o̱kho̱ o̱.

\c 15
\p
\v 1 E̱yan, mamain li main ke ohia kha ya hua ihua isi elo̱iohia, oi vbi li main ya re̱ ui emi lo̱ e̱ghe̱n mai.
\v 2 Vba ʒi mamain o̱do̱de ya ui emi lo̱ e̱n gho̱n o̱ʒe va main, e ro̱ ain hume̱n, Lai re̱ nwo̱in muʒan.

\v 3 Kristi o̱ ui emi lo̱ e̱ghe̱o̱n, ama eba ghei mio̱in khi,: Ukhue isi elo̱ khue vba, o̱o̱de kuo̱me̱n vbe gbe."
\v 4 Emi ere̱me̱n la kpao vinno̱, a vin ain lai re̱ vbie̱ main emi, li re̱ o̱i khi re̱shan vbi oʒie̱n. bi re̱shan vbi iriakha si ebe lo̱ hian li main lo̱ ʒa mo̱i adiuduan.

\v 5 Li O̱ise̱le̱bua isi oʒie̱n bi iriakha o̱iʒi vba mo̱n udu o̱kpa yi egbe elabi Kristi Jesu.
\v 6 Oi uo̱ na lai mie̱n khi vba mo̱i udu o̱kpa livba re̱ ri unu o̱kpa ree O̱ise̱le̱bua bi Era isi O̱lo̱mo̱e̱n Jesu Kristi.
\v 7 O̱hio̱ so̱ na, vba gaobo̱ mie̱n egbe ebi Kristi gaobo̱ mie̱n main li iree re̱ vbi isi O̱ise̱le̱bua.

\v 8 l tai khi Kristi La re chie̱n ayo̱ u humi si o̱rue̱ vbe he isi ata isi O̱ise̱le̱bua, Yo̱in u̱o na lo̱ re̱ nwin Uruo̱ mi la ruo̱ ni vba Erama muʒan.
\v 9 Bii, li Eleim eho̱n re̱ ri o̱khae yi O̱ise̱le̱bua o̱hio̱ si itue̱ke̱n so̱i; ela ba i vion khi "O̱hio̱ khi lo̱ ri ire yié̱n vbu se si Elo̱imeho̱n, l suioo isi ire yi eni se̱."

\v 10 O̱gbo tai "Vba Li vbai mieho̱n, vba de ba eia me̱n ya gho̱gho̱n."
\v 11 O̱ chie o̱i "Vba re O̱lo̱mo̱e̱n vba, vba vba li Eleimieho̱n, vba ʒi agbo̱n ere̱me̱n reo̱ i."

\v 12 lIsaiah gbo tai "Alo̱ mi i'i isi Jesse bi o̱ia lo̱ sho̱re lo̱ lo̱ chie̱n Elabuu. vbi uhumi isi Elo̱imieho̱n. Elo̱imieho̱n lo̱ mo̱n adiudu an vbe̱ gbe so̱i."

\v 13 E̱yan li O̱ise̱le̱bua isi aduidu ain ʒi vba vo̱n yi egho̱ngho̱n bi o̱fure isi amieho̱n, li vba toto bo̱ mo̱n adiudu aan, vbi utotomi isi Etin Lofuan.

\v 14 lmio̱n mo̱n, me̱me̱n achie̱ imo̱n anwueo kuere vbi vba, o̱ nwumen e̱o kuere khi vba vba vo̱n yi ue̱n le̱se̱n, bi oe̱n eremen. khi vba Lò̱ yá kè meti rie egbevba akha a.

\v 15 Ama ya ke gbudu vin emi yi vba vbu emi eso, li chie re̱ ee vba re, vbo̱hio̱ isi ohan lo O̱ise̱le̱bua re̱ nemen.
\v 16 O̱lo han li khi li chie̱n ayio̱ uhumi isi Kristi Jesu re y ekhe̱n Eleimieho, li re̱ nwin owewe lo̱se̱n isi O̱ise̱le̱bua yi ain, ʒe̱n elabi ohei, l lo̱ uo̱ li aine̱ mie̱n ekhe̱n Eloimieho̱n li lo̱ huare, La lo̱ vaan o̱ vbi Etin Lo̱fuan.

\v 17 Emi lo̱ nwun me̱ egbe ri vbi ekein Kristi Jesu bi emi isi O̱ise̱le̱bua.
\v 18 l kha gbudu teta vbi emi. so kpa o̱li Kristi ke bia dian re vbe gbe me̱n Li Eleimieho̱n lo̱ya re̱ khae̱n. Ena i khi emi la mie̱n vbi Eta da vbi obia la biai.
\v 19 Vbi utotomi isi ae̱e̱n bi o̱yunu a, bi isi utotomi isi Etin Lofuan. l na o̱ li re̱ ʒa vbi lJerusalem be̱e̱, re̱ di ilagaa lo̱ re re re̱se̱ vbi Illikrikum, Li re̱ me̱ti wewi eta lo̱se̱n isi Kristi.

\v 20 Vbi na, ya gheihoo li re̱ wewe eta lo̱se̱n, ama, o̱ vbi eba ʒae̱n Kristi vbi si eni, li e o̱ya nwun ba igbinoto̱i isi o̱vbe
\v 21 E bai vioin yoin o̱n "Eli e̱mo eta eta soi, ivare yi, elo̱ mio̱in bi elo̱i se̱ ho̱n, emi lo̱ nwin ain e̱o kuere."

\v 22 Ī̱ yo̱ l gbo imo̱ idobo̱ ye̱n ise ke eka li re̱ de vba egbe re.
\v 23 Ama, e̱yan, l ke mo̱n ebo̱so vbi eli ilaga na, bi o̱ke te̱ vbi ikpe lo̱ bun li ya re̱ hoo li vare yi vba.

\v 24 E̱ghe̱i khe̱ ghe̱ li re̱ yi lspeni, l o khi lo̱ mie̱vba ebi yaishan rare. bii, vba lo̱ ke o ho me̱n si ke kpa vba we kue̱i
\v 25 Ama, e̱yan l lo̱de vbi ljerusalem li o̱ luhumi yi elemieho̱n

\v 26 O̱vbi o̱lo̱se̱n s̱i emi e̱ghe̱n me̱ li ekhe̱n lmasidonia bi Akaia le re̱ gba ʒo̱ l yi eis li e̱so̱n o̱gbe Le ri vbu se si elemieho̱n le vi vbi ljerusalem.
\v 27 lyo̱o̱, emi lo̱se̱n lo̱ e̱ ghi ain o̱ bi iosa isi ain yain u. Li Elo̱imieho̱n ke̱n vbi emi isi Etin, e̱ mo̱n iain o̱sa isi emi sis o̱la gbo̱na le lo̱ re̱ ga.

\v 28 l khake fooena vbobo̱, li re̱ miata khi emikperan, l shin oshan me̱n re̱ o̱ vbi ebi vba ri, lode̱ vbi lspani.
\v 29 l e̱n khi lkha vare yi vba, l lo̱ vare vbi uvo̱n vbi lhianba isi Kristi.

\v 30 l doabo̱ lavba, imio̱n, vbo̱hio̱ si O̱lo̱mo̱e̱nmai Jesu Kristi, bi lhume̱ke̱n isi Etin, li vba gboye̱n egbe ba me̱ vbi ero̱mo̱n vba, re̱ yi O̱ise̱le̱bua vbo̱ hio̱ me̱.
\v 31 Vba lie ero̱mo̱n lai fan me̱n vbo bo̱ isi ele mo̱ akaeho̱n vbi ljudea, li obia isi ohumi layeme̱n re̱e̱ ekhe̱n ljerusalem, lei re̱ gaobo̱ mion lkhi ekhe̱n elemieho̱n.
\v 32 Vba liero̱mo̱n li re̱ vare yi vba vbe gho̱ngho̱n, vbo̱ hio̱ si lhume̱ke̱n si O̱ise̱le̱bua bi me̱me̱n bi vba, re̱ mi ifetian.

\v 33 Li O̱ise̱le̱bua isi O̱fure de ba vba ere̱me̱n Amin. lse̱e̱.

\c 16
\p
\v 1 I kaa Ifebe, omio̱n mai lo̱kposo o̱ vba vbovbo̱, lo̱ vbi ayo̱uhumi si iwowo si Senkri.
\v 2 Li vba re̱ ri ihume̱ke̱n gaobo̱ mio̱n, vbi o̱lo̱mo̱e̱n. Vba ui o̱na ebo̱i eo̱vbo̱ yi elo̱mieho̱n, bi vba gbo muzan kpe̱o̱n vbukpode̱ lo̱ i u lo̱ za hoo ikhe̱ obo̱ vba. Yo̱in tobo̱i lo̱ ke kpa eia lo̱ bun obo̱, re̱ yi me̱ achie.

\v 3 Vba rui Prisilia bi Akwila, eli ma gba bia vbi e̱ke̱n Kristi Jesu.
\v 4 Elo̱ ri o̱hio̱ isi eme, e ri emo̱ agbo̱n si ain kpidede. I khue̱mi i ian, me̱me̱n uo̱kpa ko̱, ama gbo khi iwowo ere̱me̱n vbi usee isi ekhe̱n elo̱imieho̱n.
\v 5 Vba rui iwowo le ri vbi iwe siain. Rui Epeneto̱sli hume̱ke̱o̱n, lo̱ vbi o̱kpao vbi ikperan si Esia re̱yi Kristi.

\v 6 Rui Imeri, lo̱ bi obia lo̱ ohia lavba.
\v 7 Rui Adroniko̱s, bi Ijunias, ebo me̱ bi eli mai gba chie̱n isi ighan. Eme egbe dianre vbuse si ekhe̱n Apo̱sto egbo kpao rivbi Kristi khe̱ me̱n.
\v 8 Rui Ampliatus o̱li hume̱ke̱n vbi e̱ke̱in Jesu.

\v 9 Rui Ubano̱s, li mare̱ gba bia vbi e̱ke̱n Kristi bi Istakis o̱li hume̱ke̱o̱in.
\v 10 Rui Ape̱le̱s, la e̱n ze̱ ea vbi Kristi, vba rui elo ri vbi iwe isi Aristobulo̱s.
\v 11 Rui Herodio̱n lo̱ vbi o̱ia me̱n Rui eia leri vbi iwe isi Nasiso̱s le ri vbi e̱ke̱in o̱lo̱mo̱e̱n.

\v 12 Rui Itraifena bi Itrifosa lian bi obia lo̱ ohiai vbi O̱lo̱mo̱e̱n.
\v 13 Rui Irufo̱s la hume̱ke̱o, lo̱ ke zukpe bia vbi e̱ke̱n O̱lo̱mo̱e̱n.
\v 14 Rui Asincritus, Flego̱n, He̱me̱s, Ipatrobe̱s, Hamas bi imio̱n le ri vbi ebiain ri.

\v 15 Rui Filogus bi Julia, Nero̱s bi imio̱n iain li ikposo, bi Olimpas bi elemieho̱n ere̱me̱n, li ain re̱ gba rivbain.
\v 16 Vba rui egbe vba, vba runu suegbe unu vbi o̱fuan. Iwowo si Kristi ere̱me̱n rue̱vba.

\v 17 Eyan, idoabo lavba, imio̱me̱ li vba o emi vbi elian si o̱ghaye̱ bi igbangobo̱. Yian raa emi la vbie̱ vba li vba mamai re. Vba sho̱ iain vbe gbe re.
\v 18 Eia li yo̱ e ya gi O̱lo̱mo̱e̱mai li Kristi, ama, e̱ke̱n siain. Ya ri ae̱nta bi aso̱ eia vbegbe te̱ udu si ele i se̱ e̱n emi o̱so e.

\v 19 O̱li azeo si are̱ovbeta vba, Kini agbo̱n ere̱me̱n egbe. I gho̱gho̱n o̱vbo̱ na yi vba, ama, I hoo li vba mo̱ e̱wain re ui emi lo̱ u kho̱ hume̱n, bi aimio̱so vbi emi lo̱ be uumi.
\v 20 Oise̱le̱bua isi o̱fure lo̱ ghe pare esun a vbi okpoto̱ etawe̱ vba. Li e̱seohe̱n isi O̱lo̱mo̱e̱mai Jesu Kristi de ba vba.

\v 21 Itimoti, o̱li ma gba bia rue̱ vba, bi Lushio̱s, Jesin bi So̱sipata lo̱ia me̱.
\v 22 Me̱me̱n li Tatio̱s lo̱ vin o̱ li ebe o̱ vboto̱, rue vba vbi e̱ke̱n O̱lo̱mo̱e̱n.

\v 23 Igeo̱s li me̱me̱ bi iwowo ere̱me̱n vaan vbe̱ so̱i, rue̱ vba. Erasto̱s lo̱ hua egho isi e̱vbo yaa rue̱ vba, yo̱in bi kuato̱s li omio̱n.
\v 24 Li e̱seo̱he̱n isi O̱lo̱mo̱e̱mai Jesu Kristi deba vba ere̱me̱ Amin.

\v 25 Eyan re̱ yi o̱lo̱ meti nwun vba muzan elabi etalo̱se̱n me̱n bi owewe isi Jesu Kristi, ebi are̱ vbie̱ isi uhegbe la re̱ hee re̱ za vbi ighe ghe re̱ re.
\v 26 Ama, e̱yan ake ro̱i vbie̱ agbo zuan e̱n ebi eta kpoto̱i isi ebe lo̱fuan ze̱in ebu hi isi Oise̱le̱bua lo̱ ri vbo̱ gheghe, yi arekhae̱n si amieho̱n vbuse si elo̱imieho̱n?

\v 27 Re̱ yi otokpa lo̱mo̱ ewain, vbi Jesu Kristi, li kho̱ khae ghe ghe ghe Amin.