dav_reg/48-2CO.usfm

\id 2CO
\ide UTF-8
\h 2 Wakorintho
\toc1 2 Wakorintho
\toc2 2 Wakorintho
\toc3 2co
\mt 2 Wakorintho
\c 1
\cl Sura 1
\p
\v 1 Paulo mlodi wa Kristo Jesu kwa lukundo wa Mlungu na Timotheo mmbari wedu kwa ikanisa ja Mlungu. Jiko korintho na waumini wose weko kwa mkoa wose Akaya.
\v 2 Neema ndaike kwenyu na amani kufuma kwa Mlungu Aba wedu na Mzuri wedu Jesu Kristo.
\p
\v 3 Na atogolwe Mlungu wa Aba wa Mzuri Jesu Kristo yee ni Aba wa rehema na Mlungu wa faraja rose.
\v 4 Mlungu wadifariji isi kwa mateso ghedu ghose ili kughora didime kuwafariji waja weko kwa mateso dwafariji wazina kwa faraja ijaeni ambayo Mlungu waidimie kudifariji isi.
\v 5 Kwa andu kama vuja mateso gha Kristo ghachurikana kwa ajili yedu. Huvo faraja yedu yachurikana kuidia Kristo.
\v 6 Ela kama dagaishigwa ni kwa ajili ya faraja yedu na weokovu gwedu, na kama dadafarijiwa, ni kwa ajili ya faraja yenyu. Faraja yenyu idabonya chaghu nicha mkishiriki amaghesho kwa kurumaghia kama isi pia ditesekaa.
\v 7 Na ujasiri wedu ighu yenyu ni thabiti. Daichi kughora kama vuja ambawo mdashiriki maghesho huvo huvo mdashiriki faraja.
\p
\v 8 Kwa andu ndakikundi inyo muke wakelu, wambari kuhusu maghesho diko nagho uko Asia. Davonereriwe sana na vuja didimaa kudwa, hata kwamba ndadirikogho hata na matumaini gha kuka sena.
\v 9 Loli dakogho na hukumu ya kifwa ighu yenyu. Ela iyo yakogho ni yakudibonya isi disake na tumaini ighu yenyu inyo veni. Badala yake divike matumaini kwa Mlungu, afufuagha vyafuie.
\v 10 Wadiokoliye isi kufuma agho maafa na kifwa na adiokoagha sena diwike ujasiri wedu kwa yee na kughora adikombolagha sena.
\v 11 Abonya huwu kama vuja inyo pia mditawaliagha kwa kulomba ghunyu. Huvo wengi wafunyaa shukrani kwa ajili yedu kwa ajili ya lukundo lwa neema danekwa isi kuidia kulomba kwa wengi.
\p
\v 12 Dajivunia ili ushuhuda gwa dhamiri yedu kwa andu ni kwa nia iboie na usafi wa Mlungu kughora daghee weni kwa isanga. Dabonya huvu hasa na inyo na sio kwa rehema ya isanga ela badala yake ni kwa neema ya Mlungu.
\v 13 Ndadivandikia jojose ambacho damdimagha kusoma au kumanya niko na ujasiri.
\v 14 Kwamba kwa luvande mwameria kumanya na mko na uja siri kwamba kwa iruva Mzuri Jesu dikaa sababu yenyu kwa ajili ya kiburi chenyu, kama andu mkagha kwedu.
\p
\v 15 Kwa kuwa nakogho na ujasiri kuhusu iji nakundieghe kucha kwenyu kwanza ili kughora mdime kuvokera faida ya kuseliwa mara kavi.
\v 16 Nakogho napanga kuwasekia wakati nikighenda makedonia. Sena nakundiagha kuwaselia sena nikuvuya kufuma makedonia na sena inyo kunitumia wakati nikighenda uyahudi.
\v 17 Nirikogho nikitenganya namna ihi, je, nakogho na sitasita? Je nipanga malagho vya kudumu ili kughora nidede ni loli na sikundi kwa wakati ghumweri.
\v 18 Ela kama vuja Mlungu eko mwaminifu," Ndadidekagha ghose" Ndiyo" na "ndadikundi."
\v 19 Kwa andu mwana wa Mlungu Jesu Kristo ambaye Silvano, Timotheo nanyi ndadimtangazie ghadi yenyu. Sio "Loli" na "Ndadikundi." Badala yake yee wakati wose ni" loli."
\v 20 Kwa andu ahadi ni Mlungu ni "loli" kwa yee. Huvo pia kuidia yee dadeda "Amina" kwa utukufu wa Mlungu.
\v 21 Idana ni Mlungu ambae dasibitishwa isi andu amweri naye kwa Kristo, na wadidiumie isi.
\v 22 Wavikie mhuri ighu yedu na wadinekie ngolo kwa ngolo redu kama dhamana ya jija ambajo.
\p
\v 23 Bada yake namsihi Mlungu kushuhudia nyii kwa sababu inibonyie nisacha Korintho ni kwamba nisavalemee inyo.
\v 24 Ihi sio kughora dagheria kuhakiki jinsi imani yenyu ikundigwi kuka. Badala yake dabonya andu amweri na inyo kwa ajili ya faraja yenyu kama mkaghakimbi kwa imani yenyu.
\c 2
\cl Sura 2
\p
\v 1 Kwa andu naamuye kwa luvande lwapa nyiwani kughora sachaa sena kwenyu kwa hali ya uchungu.
\v 2 Kughora nawasabababishiagha nyii ela ni uja ambae wawarigwa na nyii?
\v 3 Naandikie kama nabonya niboiwe nikonagho ujasiri kuhusu inyo wose kughora raha yapwa ni saha ijaija mkonago inyo wose.
\v 4 Kwa andu nawaandikie inyo kufumana na maghesho mbaha na dhiki ya ngolo na mbori nyingi sikundie kuwabonya inyo maumivu. Badala yake nakundie mmanye lukundo lwakila ni nikonago kwa ajili yenyu.
\p
\v 5 Kama koko wowose wasababisha maumivu, ndewasababishi tu kwapwa. ela kiwango fulani bila kubonya kubia kwenyu inyo wose.
\v 6 Iyo adhabu ya mndu uyo kwa wengi idatosha.
\v 7 Kwa huwo nawakumba badala ya adhabu, yakundi kumsamehe na kumfariji. Banyeniji huvu ili kughora asadime kulemwa na uchungu gwazidi.
\p
\v 8 Kwa huwo nawakumba ngolo kuthibitisha lukundo wenu wazeni kwa ajili yake.
\v 9 Ihi niyo sababu naandika, ili kughora nidime wagheria na kumanya kua kama ni kwa kila kilambo.
\v 10 Kama mkamsamehewowose na nyii pia msamehe mndu uyo. Chija nachisamehe kama nasamehe chochose-chasamehewa kwa faida yenyu kwa kuwa uwepo gwa Kristo.
\v 11 Ihi ni kughora shetani asache akadibonyia tee kwa andu isi sio wajinga kwa mipango yake.
\p
\v 12 Mjango gwarughulwa kwapwa na Mzuri nikicha kwenyu isanga ja Troa kuihubiri injili ya Kristu aja.
\v 13 Hata huvo sikogho na imani ya ngolo kwa andu simdokie mmbari wapwa Tito aja huwo nawasighie na kuvuja makedonia.
\v 14 Ela atogoliwe Mlungu, ambaye kwa Kristo mara ghose wadilongozaga isi kwa ushindi kuidia isi dagotesha harufu iboie ya maarifa ghake andu kose.
\v 15 Kwa andu isi kwa Mlungu, ni harufu iboie ya Kristo wose ghadi ya waja waokolewe naghadi ya waja wanonekiwagha.
\v 16 Kwa wandu ambagho wanonekiwaga ni harufu kufuma kifwa hadi kifwa, kwa waja waokolewa gha, ni harufu iboie kufuma vulazi. Ni ani aboie vindu ivi?
\v 17 Kwa kua isi sio kama wandu wazima wadaghagha idedo ja Mlungu kwaa faida, Badala yake kwa kuboa kwa nia dadeda kwa Kristo, kama vuja dadumwa kufuma kwa Mlungu imbiri ja Mlungu.
\c 3
\cl Sura 3
\p
\v 1 Je, daanza kukitogola venisena? ndadikundi barua ya mapendekezo kwenyu au kufuma kwenyu kama baadhi ya wandu, je, dakundi?
\v 2 Inyo veni niborua yedu ya mapendekezo yaandikwa kwa ngolo redu. Imanyikaga na kusomwa na wandu wose.
\v 3 Na mdabonyera kuwa inyo ni barua kufuma kwa wina bali kwa ngolo wa Mlungu eko banana ndaianikwe ighu ya vibao va magwe bali ighu ya vibao ngolo ya vadamu.
\p
\v 4 Na ighu nigho ujasiri deko ngogho kwa Mlungu kuidia Kristo.
\v 5 Ndadikiamini Veni kwa kudai chochose kama kufuma kwenyu, badala yake kukiamini kwedu kwela fuma kwa Mlungu.
\v 6 Ni Mlungu ambae wadibonya didime kuka watumishi wa ilagano ipya. Iji ni ilagano sio kwa barua bali ni ja ngolo, kwa kua barua yabwaghagha ela ngolo idafunya banana.
\p
\v 7 Idana chaghu cha kifwa irikogho ichongiwe kwa herufi ighu ya magwe yachee kwa namna ya utukufu kwamba wandu wa israeli ndewaguwie imweri kwa imweri kuko wushu wa Mlungu gha Mussa. Ihi ni kwa sababu ya utukufu wa wushu gwake, utukufu ambagho gwakoo gwa afwa.
\v 8 Je, chago cha ngolo ndachikagha na utukufu nicha.
\v 9 Kwa andu kama huduma ya hukumu yakogo na utukufu ni mara ilingo zaidi huduma ya hachi kuisiriza sana kwa utukufu.
\v 10 Ni loli kughora, chija cha bonyigwa utukufu kwanza ndachidae utukufu sena kwa heshima ihi kwa sababu ya utukufu gwazidi.
\v 11 Kwa kua kama chija ambacho cha ida chakoo na utukufu!
\p
\v 12 Kwa kua dakiamini huvo, dikona ujasori sana.
\v 13 Ndadiko kama Musa, avikie utaji ighu ya usu wake, ili kugora wandu wa israeli wasadime kuguva imweri kwa umweri kuko mwisho gwa utukufu ambago gwakogo ghudalaghaya.
\v 14 Ela manyenyi izao jakogo chafungwa, hata mpaka iruva iji utaji ghufunyigwe bado ghudasangalika ighu ya usu msomaji wa igono ja kala. Ndaisire kuwikwa mwari, kwa kuwa ni kwa Kristo mweni ainjiwe kula.
\v 15 Ela hala linu, wakati ghoghose musa asomigwa utaji ndegukaa ighu ya ngolo yawe.
\v 16 Ela mundu akighuka kwa Mzuri, utaji adachinjiwa.
\v 17 Idana Mzuri ni ngolo, kuko na ngolo wa Mzuri kuko uhuru.
\v 18 Idana isi wose, andu amweri na usu riwawikie utaji, ndawonagha utukufu ga Mzuri. Dabadilishwa gwa ndenyi ya mvonekano waghinja ghuja wa utukufu kufuma shahada imweri ya utukufu kughenda zima, kama ikogho kufuma kwa Mzuri, ambae ni ngolo.
\c 4
\cl Sura 4
\p
\v 1 Kwa andu kwa sababu dikona huduma ihi na ambao daivokera rehema ndadikata tamaa.
\v 2 Badala yake dalegha chia rose ra waya na. Rikivisiye reni wa dhamira ya kila mundu imbiri ya Mlungu.
\v 3 Ela kama injili yedu yakivisee, yakivisie kwa waja tu wanonekiwaa.
\v 4 Kwa kusaghua kwawe, Mlungu wa isanga iji wawaima fahamu rawe risaamini matokeo ghake dawadimaa kuvona mwangaza gha injili na utukufu gwa Kristu ambaye ni mfano gwa Mlungu.
\v 5 Kwa kuwa ndakinuagha isi weni, bali Kristo Jesu kama Mzuri na isi weni kama watumishi wenyu kwa ajili ya Jesu.
\v 6 Kwa andu Mlungu nie ambaye wadedie, mwanga nguangazagha kufuma kirenyi, waangazie kwa ngolo redu, kufuma mwanga gwa maarifa gwa utukufu wa Mzuri kwa uwepo gwa jesu Kristo.
\p
\v 7 Ela dekona hazina ihi kwa vombo vya ndoe, ili kughora imanyike kwa ndighi mbaha sana ni ya Mlungu na sio yedu.
\v 8 Dagaya kwa kila hali, ela lakizi dadingaishiwaa. Davona shaka ela ndadajali na kuinja tamaa.
\v 9 Dalegwa ela ni ndadisire kudagwa dadagwa ndonyi ela ndadibwagwaa.
\v 10 Maruva ghose didanulwa kwa muvi gwedu kifwa cha Jesu, ili kughora ulanzi Jesu uvonekane pia kwa mivi yedu.
\v 11 Isi diko banana maruva dafunyiwe kifwa kwa ajili ya Jesu, ili kughora ulanzi wa uwonekane kwa ajili ya mivi yedu ya kidamu.
\v 12 Kwa kughora, ihi kifwa kidabonya chaghu ndenyi yedu, bali ulanzi udabonya chaghu ndenyi yedu.
\p
\v 13 Ela dikona ngolo ijaija ya imani kufwanana na chija cha andikigwa: "Naaminie na huwo nadedie, isi pia daamini, na huwo pia didadeda.
\v 14 Daichi kughora uja wa mfufua Mzuri Jesu pia adifufuagha isi andu amweri na inyo kwa uwepo wake.
\v 15 Kila kilambo ni kwa ajili yedu ili kughora kwa karidi ya neema idima kugota wa wandu wengi shukurani rizidi kuchurikana kwa utukufu gwa Mlungu.
\p
\v 16 Huwo ndadinjaa tamaa, japokuwa kwa shighadi didakola, kwa ndenyi didabonyigwa upya iruva hadi iruv.
\v 17 Kwa kipindi ichi kivui, maghesho agha mavui ghadadiandaa isi kwa ajili ya umilele ghulemere gwa utukufu ghuasiriza vipimo vose.
\v 18 Kwa huwo ndadighuvagha kwa ajili ya vilambio ambavo vivonekanaa, bali kwa jili ya vilambo visevonekanaa. Vilamba didima kuvivona ni va muda tu bali vilambo deviwonekanaa ni vya milele.
\c 5
\cl Sura 5
\p
\v 1 Daichi kughora kama masikani gha isanga ambagho dakaa aho ghakanoneka dekonagho ighocho kufuma kwa Mlungu. Ighacho jisabonyiwagha kwa mikono ya wandu, bali ni ighacho ja milele kwa Mlungu.
\v 2 Kwa kuwa kwa hema ihi didawawa dikitamani kurushigwa kwa maskani ghedu mbingunyi.
\v 3 Dalamani kwa ajili ya ihi kwa kughora kuirwa dedivonekanaa kuwa deko kibigiri.
\p
\v 4 Kwa hakika wakati deko ndenyi ya hema ihi dawawa dekiremeriwa, ndekundi kurumaghia badalla yake dakundi kurushigwa ili kughora chija chikogho chafwa chidime kumiligwa na ulanzi.
\v 5 Uja wadiandaa isi kwa kilambo ichi ni Mlungu, amba wadinekie isi ngolo kama ahadi ya chija chi chaa.
\p
\v 6 Kwa hio mke na ujasiri maruva ghose, mke kughora wakati deko igha chonyi kwa miwi deko kula na Mzuri.
\v 7 Kwa kuwa dasela kwa imani sio kwa kuwona, kwa huvyo dekona ujasiri.
\v 8 Ni keba dike kula kufuma kwa muvi na ighachonyi andu amweri na Mzuri.
\v 9 Kwa huwo didaibonya kuwa ilengo jedu, kama ikiwa ighacho au kula dimendeze yee.
\v 10 Kwa andu lazima wose diwonane imbiri ya kifumbi cha hukumu cha Kristu ili kughora kila umweri adime kuwokera chija chimsittahili kwa malagho abonyie kwa muvi ikiwa ni kwa kuboa au kwa kuzama.
\p
\v 11 Kwa hiyo kwa kumanya hufu ya Mzuri dawashawishi wandu jinsi diko ivonekana wazi na Mlungu nina tumaini kwa idamanyikana pia kwa dhamira renyu.
\v 12 Ndadigheriagha kuwashawishi inyo sena kuvona isi kama waloli, badala yake dawaneka inyo sababu ya kuringia kwa ajili yedu ili kughora mdime kua na jibu kwa waja wakinua kuhusu mwonekano ela sio chija kiko ndenyi ya ngolo.
\v 13 Kwa andu ikiwa kama duburukiwa na akili ni kwa ajili ya Mlungu na kama deko kwa akili redu timamu ni kwa ajili yenyu.
\v 14 Kwa kuwa lukundo ni Kristo wadishurutisha, kwa kua dekona uhakika na iji, kuwa mdu umweri wafwie kwa ajili ya wose na kwa huvo wose wafwie.
\v 15 Na Kristo wafwie kwa ajili ya wose ili kughora waja wasangalikaa wasangalike sena kwa ajili yao weni, badala yake lazima wasangalike kwa ajili yake yee ambaye wafwie na wafufukie.
\p
\v 16 Kwa sababu ihi kuvoko ijiaha na kuendelea ndadimhukumu mndu kufwanana na viwango viwango vya wadamu, ingawa aho kiambiri dagurie Kristo wa namna ihi, ela iji aha ndadimhukumu wowose kwa namna ihi sena.
\v 17 Kwa huvo ikiwa mundu wowose weko ndenyi ya Kristo yee ni kiumbe kipya, malagho gha kala ghaida, guvenyi ghaka mpya.
\v 18 Vilambo vyose ivi vyafuma kwa Mlungu wekona upatanisho isi kwake mweni kuidia Kristo na wadinekie huduma ya upatanisho.
\v 19 Huvo ni luvande, kwa Kristo Mlungu wekona upatanisho ulimwengu gwake mweni, sio kutaliwa maghesho ghake dhidi ghake. Adedimikana gwedu ujumbe gwa lukundo.
\v 20 Kwa huvo dateuliwa kama wawakilishi wa Kristo, kama kughora Mlungu wakogho akibonya rufaa yake kuidia isi dawasihi inyo kwa ajili ya Kristo mpatanishwe kwa Mlungu.
\v 21 Wabonyie Kristo ake sadaka kwa ajili ya maghesho ghedu, yee ni yee ni ye ambae ndabonyie dhambi wabonyie huvu ili didime kubonya hachi ya Mlungu kwa yee.
\c 6
\cl Sura 6
\p
\v 1 Na kwa huvo kubonya chaghu andu amweri dawasihi inyo msavokere neema ya Mlungu kuseko matokeo.
\v 2 Kwa kughora wadeda, wakati gwakundwa nakogho masikini kwenyu, na kwa maruva gha wokovu nawatanyarie, guvenyi iji aha ni wakati gwa kundigwa, ghuvenyi iji aha ni iruva ja wokovu.
\p
\v 3 Ndadivikagha igwe ja kungiria imbiri ya mndu wowose kwa kua ndadikundi huduma yedu iredigwe kwa sifa izamie.
\v 4 Badala yake didakihakiki weni kwa matendo ghedu ghose kwamba da vatumishi wa Mlungu da vatumishi wakee kwa vungu wa kurumaghia maghesho, dhiki, kukua kwa maisha.
\v 5 Kukabwa, vifungo, kondo, kwa kubbonya chaghu kwa bidii, kwa kuvosa dilo nakio kwa njala.
\v 6 Kwa kuela maarifa, kurumaghia, wema, kwa ngolo muelesho, kwa lukundo halisi.
\v 7 Da watumishi wake kwa ilagho ja loli, kwa ndighi ya Mlungu deko na silaha ya hachi kwa jili ya mkonu gwa kugia na wa kumosho.
\v 8 Dabonya chaghu kwa hekima na kumenyigwa, kwa kashfa na sifa, dahudumiwa kama watee na imbe da wa loli.
\v 9 Dabonya chaghu kana kughora ndadimanyikaa na imbe dimanyikaa nicha didabonya chaghu kama wafwaa na guva bado dikaiyagha didabonya chaghu kama watesiwaa kwa ajili ya matendo ghedu ela sio kama wahukumiwa hata kufwa.
\v 10 Dabonya chaghu kama wekona masikitiko ela maruva ghose dekona raha dabonya chaghu kama masikini, ela dilajirishaa venge dibonyaa chaghu kana kughora ndadipataa kilambo bali kama didamiliki kila kilambo.
\p
\v 11 Dadedie uloli wose kwenyu, Wakorintho, na ngolo yedu yafunguka kwa ubaha.
\v 12 Ngolo redu ndaizuiwagha na isi bali mngiwaa na ni hisia renyu weni.
\v 13 Idana kwa kuwangusa kwa hachi nidadeda kama kwa wanake - ruguenyi ngolo renyu kwa ubaha.
\p
\v 14 Msarungiwe andu amweri na wasaamini, kwa andu koko uhusiano ki ghadi ya haki na uasi na kuko ushirika ki ya nuru na kira?
\v 15 Ni mapatano ki Kristo, adadima nagho na Beliari? Au yee aaminiye akona sehemu ki andu amweri na asaaminiye?
\v 16 Na kuko mapatano ki gheko ghadi ya hekalu na Mlungu na sanamu? kwa andu isi ni hekalu ja Mlungu ako banaa kama ambawo Mlungu adedie, "nikagha ghadi yenyu na kusela ghadi yenyu nikagha Mlungu wenyu, nao wakagha wandu wapwa."
\p
\v 17 Kwa huvo, "fumenyi ghadi uyao, na kusigwa nao," adeda Mzuri. "Msawade kilambo kichafu, na niwakaribishaa inyo.
\v 18 Ni kaa ndeo wenyu na inyo mkaa wanapwa na wakioni na wakivaka," adeda mzuri mweni.
\c 7
\cl Sura 7
\p
\v 1 Wapendwa wapwa, kwa andu dekona ahadi iri ndadiboie veni kwa kila ilagho ambajo jidadibonya kuka wachafu kwa mivi yedu na ngolo na dilole utakatifu kwa hofu ya Mlungu.
\p
\v 2 Bonyeni nafasi kwa ajili yenyu ndadimkosee mndu wowose ndadimvavirie mndu wowose. Ndadinuie kwa faida ya mndu wowose.
\v 3 Nadeda iji sio kwa kuwalaumu. Kwa andu nadedie kughora mko ngolonyi kwedu isikufwa andu amweri na kuishi andu amweri.
\v 4 Neko na ujasiri mungi ndenyi yenyu na nidaringa kwa ajili yenyu nacha faraja, nachua rha hata ghadi ya maghesho ghedu ghose.
\p
\v 5 Dachee makedonia, mivi yedu ndaikogho na kusoghoka badala yake dapatie wasi kwa chia rose kwa kukabwa kondo luvande lwa shighadi na hofu luvande lwa ndenyi.
\v 6 Ela Mlungu afarijie wainjie tamaa wadifarijie kwa kucha kwa Tito.
\v 7 Naikogho kwa kucha kwake tu kughora Mlungu, wadifarijie yakoo pia faraja rita Tito arivokerie kufuma kwedu yee wadighorie lukundo mbaha mkonago, huzuni yenyu, na mkogho na wasi wasi kwa ajili yapwa huvo nazidi kuka na raha zaidi.
\p
\v 8 Hata ingawa waraka gwapwa wawabonyie kwa ajili yapwa wawabonyie kuvavirika nyii sijuti ela nidajutia wakati nivonie waraka ugho ghubonyiwe inyo kuka na huzuni. Ela mwakoo na huzuni kwa muda mvui.
\v 9 Idana nakona raha. Si kwa kughora mwakoa na wasi, ela kwa kughora huzuni renyu rivarede kwa toba mwapatiwe na huzuni ya kiMlungu huvyo mwaghirishiwe si kwa hasara kwa sababu yedu.
\v 10 Kwa kughora huzuni ya kimlungu yareda toba ambayo yakamilisha wokovu bila ya kuka na maghesho. Huzuni ya kidunia hata huvo yaredaa kifwa.
\v 11 Guwenyi huzuni ihi ya ki Mlungu yavae azima ki mbaha ndenyi yenyu. Jinsi kiazima yakoo mbaha ndenyi yenyu kuthibitisha kughora ndamkoo na hatia kwa jinsi ki uchungu gwedu, bidii yenyu na shauku yenyu ni kuvona kughora haki idapaswa kubonyeka! kwa kila ilagho mwajithibitisha weni kuseka na hatia.
\v 12 Ingawa nawaandikie inyo si aandikie kwa ajili ya makosa wala si kwa mndu atesiwe ni maghesho naandikiwe ili kughora uthabiti gwa ngolo renyu kwa ajili yedu ibonyiwe kumanyika kwenyu imbiri ya meso gha Mlungu.
\v 13 Ni kwa ajili ya ihi kughora dafarijika kwa nyongeza ya faraja yedu veni daboiwe pia hata zaidi kwa sababu ya raha ya Tito, kwa andu ngolo yake yaoreshiwe na inyo wose.
\v 14 Kwa andu kama mwarumaghie kwake kuhusiana na inyo, sikogho na waya. Kinyuyme chake kama tu kila idedo dijidedie kwenyu jokoo loli maringo ghedu kuhusu inyo kwa tito ghathibitikaa kuwa loli.
\v 15 Lukundo lwake kwa ajili yenyu hata ni mbaha nicha akakumbuka utii gwenyu wose jinsi mumkaribishie yee kwa hofu na kukakama.
\v 16 Naboiwa kwa kughora nekona ujasiri kamili ndenyi yenyu.
\c 8
\cl Sura 8
\p
\v 1 Sena wambari wapwa, dawaghoria habari ya neema ya Mlungu wanekiwe makanisa gha makedonia.
\v 2 Maana wavokeri wakigheriwa kwa wasi mungi, wungi ila raha yawe na umasikini wao ghukogho mungi ghuwachurie utajiri wa ukarimu wao.
\v 3 Maana utashuhudia kughora kwa uwezo wao na kukidima kwao na zaidi ya kukidima kwao kwa kwa hiari yao weni wafunyie vilambo vose.
\v 4 Wakidilomba sena andu amweri ni kudiembeleza kwa ilagho ja neema ihi, na shirika ihi ya kuwahudumia watakatifu.
\v 5 Sena wabonyie huvu si kama dutumainie tu bali kiambiri wakifunyie nafsi rawe kwa Mzuri na kwedu pia kwa lukundo lwa Mlungu.
\v 6 Hata dikamuona Tito kwaneka nemaihi kwenyu kama vuja yee andu akirie kuianzisha.
\v 7 Ela kama mkoo na vungi gwa malaghoi ghose imani na idedo na elimu, bidii yose na lukundo gwenyu kwedu isi basi huvo huvo mpate vungu gwa neema ihi pia.
\p
\v 8 Sidedaa ihi kuwamuru bali kwa bidii ya wandu vengi kughiria unyofu gwa lukundo gwedu.
\v 9 Maana mwaichi neema ya Mzuri wedu Jesu Kristo. Jinsi akoo masiki kwa ajili yedu. Ingawa wakoo tajiri ili kughora inyo mpate kuka matajiri kwa masikini gwake.
\v 10 Nnyi kwa ilagho iji nafunya ishauri japwa, maana idedo iji jawaboia inyo mkirie, yapata mwaka, japo ya kubonya hata na kukunda pia.
\v 11 Ela idana timirenyi kuja kubonya nako, ili kama vuja mkoo tayari kukunda huvo huvo mke tayari kutimira kwa kadiri ya mkogho navyo.
\v 12 Maana kama ni yeko, yakundigwa kwa kadiri ya eko navo mtu, si kadiri ya eseko navo.
\v 13 Maana kama sidea agho ili vazima vapate raha na inyo mapate wasi.
\v 14 Basi malagho ghake sawa sawa wakati ughu wa ijiaha vungi gwedu ghuwafae upungufu gwao ili na vungi gwao gwuwatae inyo mkipungukiwa ili malagho ghake sawa sawa.
\v 15 Kama iandikiwe akwanyie vingi kuisiriza wala yee akwanyie vitinari ndapungukiwe.
\p
\v 16 Ela atogoliwe Mlungu akumbae bidii ija ija kwa ajili yenyu kwa ngolo ya Tito.
\v 17 Maana avokerie loli ghaja maono sena uku akizidi kuka na bidii, wadambie kughenda kwenyu kwa hiari yake mweni.
\v 18 Na andu amweri nae dikamduma mmbari uja ambaye rake kwa injili ragota makanisa ghose.
\v 19 Wala si huvo tu bali wasagulwe na makanisa asele andu amweri na isi kwa ilagho ja neema ihi anduditumikia ili Mzuri agimbikwe ananyika utayari kwedu.
\p
\v 20 Dikijiveria na ilango iji mndu asache akidilaumu kwa malagho gha karamu ihi ditumikia.
\v 21 Dikikiria kuteganya gheko ghabaia si imbiri ya Mzuri tu na imbiri ya wadamu.
\v 22 Na andu amweri na dawadumie mimbari wedu dimvonie mara nyingi kwa malagho mengi kuwa na bidii na iji aha wekona bidii zaidi sana kwa kughora weko natumaini mbaha eko najo kwedu.
\v 23 Basi mndu akukunda habari ra Tito, yee ni mshirika wapwa na mbonya chaghu andu amweri nanyi kwa ajili yenyu, sena akakunda habari ra mbari redu, vooni walodi va makanisa na watukufu wa Kristo.
\v 24 Basi wabonyerenyi imbiri ya makanisa hakika ya lukundo gwenyu na ya kukitogola kwedu kwa ajili yenyu.
\c 9
\cl Sura 9
\p
\v 1 Kwa ilagho ja kuwahudumia watakatifu sidae haja ya kuwaandikia.
\v 2 Maana naichi utajiri gwenyui niutogolaa kwa ajili yenyu kwa makedonia kughora. Akaya wakoo tayali tangu mwaka mlazi na bidii yenyu yawakumba ngolo vengi navo.
\v 3 Ela nawadumie avo wambari ili kukitogola kwedu kwa ajili yenyu kusaaguke kwa ilagho iji mpate kuka tayari kama nidedie.
\v 4 Kusudi wakacha wamakedonia andu amweri nanyi, na kuwadoka ndamsire kuka tayari disache ngia waya isi disadede inyo kwa iji ijo ya kutumaini.
\v 5 Basi nevona yakuwa ni lazima niwakashe wambari ava wakirie kufika kwenyu na kuboisa mapema karam yenyu mwaiahidi tangu kala, ili ike tayari na huvu ike kama kipawa wala sio kama kilambo chifungiwa kwa choyo.
\p
\v 6 Ela nadeda ilagho iji. Avagha kutineri dima wakwasha kutineri. Avagha kwa ukarimu akwashaa kwa ukarim.
\v 7 Kila mndu na abonye kama andu waamua ngolonyi kwaka si kwa huzuni wala si ndonyi maana Mlungu wamkundi yee afunyaa kwa ngolo ya kuela.
\v 8 Na Mlungu adima kuwachura kila neema kwa vungi ili inyo mkaka na riziki ra kila namna marwa ghose mpate kuisiriza sana kwa kila ilagho jiboie.
\v 9 Kama anduiandikiwe "watapanya wawaneka masikini hachi yake yakagha milele."
\p
\v 10 Na yee amnekaa mbeu aenda kuva mkate gwa vindo awaneka mbeu na kuva na kuisiriza naye awachuriaa vindo na haki yedu.
\v 11 Mkijirishwa kwa vilambo vose mpate kuka na ukarimu ghose ghumpatia Mlungu shukrani kwa chaghu chedu.
\p
\v 12 Maana utumishi gwa huduma ihi ndaghuwatimizia watakatifu riziki ragodua tu, bali kuisiriza sana kuka na faida kwa kutogola kungi mnekwaa Mlungu.
\v 13 Kwa andu mkagheriwa kwa watumishi ugho. wadamgimbika Mlungu kwa ajili ya Kristo na kwa ajili ya ukarimu gwenyu mwabonyerie woo na vandu vose.
\v 14 Nao weni wakilomba dua kwa ajili yenyu wamivonia hamu kwa kughora na neema ya Mlungu yasiriza sana ndeni yenyu.
\v 15 Mlungu agimbikwe kwa kughora kipawa chake disadimaa kukitogola kama idimikaa.
\c 10
\cl Sura 10
\p
\v 1 Basi nyii Paulo, mweni mweni nawasihi kwa kuhowa na kamberi wa Kristo nyii niko aorie nikika anduamweri na inyo bali naseko na akona ujasiri kwenyu.
\v 2 Naam mdalomba kughora nikika nisake na ujasiri kwa uthabiti ambagho nataka kuka nagho ighu ya waja wateganyaa ya kuwa isi daghenda kwa jinsi ya muvi.
\v 3 Maana ingawa daghenda kwamuvi ndadibonyaa kondo kwa ajili ya muvi.
\v 4 Maana silaha ra kondo yenyu si ra muvi bali rekona uwezo kwa Mlungu hata kungwisha ngome.
\v 5 Dikagwisha mawazo na kila kilambo chavukia kikivusiraa ighu ya elimu ya Mlungu, na kukiteka nara kila tenganyi ipate kumgimbika Kristo.
\v 6 Sena dikaka tayari kupataliza maghesho ghose kuti kwenyu dikagota.
\p
\v 7 Gheguvenyi gheko imbiri ya meso ghenyu mndu akakiduma mweni ya kuwani mndu wa Kristu, nateganye huvu pia ndengi kwake yakua kama yee eko mndu wa Kristo huvo huvo na isi.
\v 8 Maana nijapokitogola zaidi kutineri kwa ajili ya mamlaka ghedu, nadekiwe ni Mzuri didime kuwaagha wala si kuwagwisha, sivonagha waya.
\v 9 NIsache nikavonekana kana kwamba nakundi kuwaembia kwa nyaraka rapwa.
\v 10 Maana wadeda," nyaraka rake ra remere, hodari bali akaka mweni muvinyi na mkongo nadedo ghakesi kilambo."
\v 11 Mndu kama uyo na atenganye huvu. Y kughora jinsi diko kwa malagho kwa nyaraka diseko niko diko kwa malagho dikaka.
\p
\v 12 Kwa kuwa ndadigheria kukitala andu amweri na baadhi yavo wakitogola weni, wala kufwanana navo bali voo veni wakikipima ndenyi yawe na ndenyi yawe davadae akili.
\v 13 Ela isi ndadikitoghola zaidi ya kadiri yedu, bali kwa kadiri ya kipimo dipimiwa na Mlungu, yaani kadiri ya kufika hata kwenyu.
\v 14 Maana ndadikivusira ndenyi yedu uidia, kana kughora ndadiwafikia inyo kwa kughora dakirie kufika mpaka kwenyu kwa injili ya Kristo.
\p
\v 15 Wala ndadikitogola zaidi ya kadiri yedu yaani kwa maghesho gha wandu wengi bali dikaka na matumaini gha kughora imani yedu ikaka divusiriwa kwenyu kwa kadiri ya kipimo chedu na kupata mwengere.
\v 16 Hata dikahubiri injili kwa isanga njiko imbiri uidia isanga jenyu, disakitonge kwa kipimo cha mndu mzima kwa malagho ghasasia kuboisigwa.
\v 17 "Ela yee akitogolaa, na akitogole kwa Mzuri."
\p
\v 18 Maana mndu mweni wakundigwa si yee akilogole, bali yee atogoligwe na Mlungu.
\c 11
\cl Sura 11
\p
\v 1 Ela mwavusiana nayi kwa upumbavu gwapwa kutineri naam mvusiana nanyi.
\v 2 Maana nawavonia vuivu. Vuivu gwa Mlungu kwa kuwa wakadeda mndumuni umweri ili nimrede Kristo bikira aboie.
\v 3 Ela nachelea kama vuja choka amuembie. Hawa kwa hila yake asache awanona kuririkanya kwenyu, mkaghusigha unyofu na kuboa kwa Kristo.
\v 4 Maana yee achaa akihubiri Jesu mzima ambaye isi ndadidimhubirie au mkavokera ngolo zima msavokerie au injili nzimamsaikundie mdabonya nicha kurumaghiana naye.
\v 5 Maana naichi ya kuwa nyii sipungukiwe na kilambo weko nacho walodi weko wabaha.
\v 6 Ela ijapokuwa nyii na mndu asaichi kudeda ihi si hali yapwa kwa elimu, ila kwa kila idedo dajithibitishiwa kwenyu.
\p
\v 7 Je, nabonya maghesho kwe kuembeleza ili inyo mgimbikiwe, kwa kughora nawahubirie injili ya Mlungu bila mwengere.
\v 8 Nawasokie makanisa mazima mali yao. Nikivusa mwengere yapwa ili niwahudumie inyo.
\v 9 Nanyi ikogho andu amweri na inyo na kukunda simremerie mundu maana awo wambari wacha kufuma makedonia wamirikie kadri ya mahitaji ghapwa nisawaremerie hata kutineri sena nakilindia.
\v 10 Kama vuja vuja loli ya Kristo iko ndenyi yapwa ndakudae mndu wakurigha momu kwa kukitogola uku kwa miano ya Akaya.
\v 11 Kwa indoi? je nikwa kughora siwakundi inyo mlungu waichi.
\p
\v 12 Ela najibonya, ili niwaleghe awo walolagha nafsi wasaipate nafasi ili kughora kwa idedo ijo wakitolaa wavonekane kama isi.
\v 13 Maana wandu kama awo ni walodi wa tee wabonya chaghu kwa hila wakiaghusaa wake mfano gwa waKristo.
\v 14 Wala sio ajabu maana shetani mweni wakiangusaa ake mfano gwa malaika wa kuela.
\v 15 Basi si ilagho ibaha watumishi wake navo wakikia ghusa wake mfano wa watumishi gwa hachi ambawo mwisho gwake dimagwaka nicha na chaghu chawe.
\p
\v 16 Nadeda sena mndu asadhani ya kuwa nyii na mpumbavu ela avitenganyiaa huvu, mnikunde kama mpumbavu ili nyii nanyi mdime kukitogola ingawa kutineri.
\v 17 Nijidedaa sijidedaa ilagizo ja Mzuri bali kama kwa mpumbavu kwa ujasiri ughu gwa kukitogola.
\v 18 Kwa andu wengi wakitogola kwa jinsi ya muvi nyii nanyi nakitogola.
\v 19 Inyo kwa kughora mkono akili mdavusiana na wajinga kwa kuboiwa.
\v 20 Maana mwavusiana na mndu kiwakumba utumwenyi akiwamita akiwaela nyara akikinua akiwakaba vushunyi.
\v 21 Nadeda kwa jinsi ya kukidhilikana kughora isi dakoo wakongo, ela akaka mndu akonagho ujasiri kwa jojose -- nadeda kijinga nyii nanyi nekonagho ujasiri.
\v 22 Woo si waebrania? nanyi pia woo si waisraeli? na nyi pia, uzao ni uzao wa Ibrahimu? na nyi pia.
\v 23 Woo ni wahudumu wakristo? {Nadeda kikilawu} Nyi ni zaidi kwa maghesho kuisiriza sana kwa kufungwa kuisiriza sena kwa kukabwa kuidia kiasi kwa kifwa mara nyingi.
\v 24 Kwa wayahudi mara kasanu napatie mapigo arobaini kasoro jimweri.
\v 25 Mara kadadu nakabiwe wa bakora mara kamweri nakabiwe kwa magwe mara kadadu na chukanyiwe ijahazi kuchwa kucha nadapata kuka kilindinyi.
\v 26 Kwa varo mara nzima hatari la meda hatari la wating'a hatari kwa itaifa japwa hatari kwa mataifa mazima, hatari ra mizi hatari ra majangwa hatari ra bahari hatari ra wambari wa tee.
\v 27 Kwa maghesho na kugaya kwa kukesha mara nzima kwa njala za kau kwa kufuga mara nzima kwa mbeo na kwa kibigiri.
\v 28 Bahari ya malagho gha shighadi gheko ghamicheaa kila iruva nigho maangamizi gha makanisa ghose.
\v 29 Nani eko mkongo nisake mkongo nanyi? nani wakwanza nanyi nisazamiwe?
\p
\v 30 Ikabidhi kukitogola, nikitogolaa malagho gha wukongo gwapwa.
\v 31 Mlungu Aba wa Mzuri Jesu, eko Mtukufu hata milele, waichi kughora sidedaa tee.
\p
\v 32 Uka Dameski liwali wa mfalme Areta wakoo akiulindia mzi wa wadameski ili kuniwada.
\v 33 Nanyi nikaserigwa ndenyi ya ngau kwa idirisha ja ukulenyi nikaokoka kwa mikonu yake.
\c 12
\cl Sura 12
\p
\v 1 Sindae kudikukitogola ijapo ndaiboie ela niteganyaa maonona mafunuo gha Mzuri.
\v 2 Na namuichi mndu umweri kwa Kristo idapata ijiaha miaka ikumi na ina kughora wakoo kwa muvi siichi Mlungu waichi mndu uyo wavusiriwe ighu mpaka mbingu ya kadadu.
\v 3 Nanyi namuichi mndu uyo-- kughora wakoo kwa muvi siichi kughora wakoo shighadi muvi siichi Mlungu waichi.
\v 4 Yakuwa wavuisiriwe mpate ponyaji akasikira madedo ghasamanyikaa ambagho haijuzu mdamwagha dede.
\v 5 Kwa malagho gha mndu kama uya nakitogola ela kwa ajili ya nafsi yapwa sikutogolaa isipokuwa kwa habari ya udhaifu gwapwa.
\v 6 maana kama nakundieghe kuykitogola sakaa mpumbavu kwa kughora nadedaa loli, ela nakizuia ili mndu asanitalie zaidi ya agho eko nagho kwapwa au kughasikira kwapwa.
\v 7 Na makundi nisadime kukitogola kuida kiasi kwa vungi gwa mafunuo agho nanekiwe mwinjwa kwa muvi, mjumbe wa shetani ili anikabe nisache nikaringa kuida kiasi.
\v 8 Kwa ajili ya kilambo icho namuembelezie Mzuri mara kadadu kughora kinifume.
\v 9 Nae akanighoria neema yapwa ukutosha maana uweza gwapwa ghutimia kwa udhaifu. Basi nikitogolaa kwa udhaifu gwapwa kwa raha nyingi, ili uweza gwa Kristo ghuke ighu yapwa.
\v 10 Kwa andu naboiwa ni udhaifu na udhaifu na vifwa, na taabu na wasi kwa ajili ya Kristo maana nikika dhifu niko neko na ndighi.
\p
\v 11 Naka mpumbavu inyo mwanilazimisha maana yanikundie nitogoliwe na inyo kwa andu sikogho ndonyi ya walodi wakoo na ndighi kwa jojose ijapo si kilambo.
\v 12 Loli ishara ra walodi rabonyiwe ghadi ghadi yenyu kwa saburi yose kwa ishara na maajabu na miujiza.
\v 13 Maana nikilamba ki mwapungukiwa kuliko makanisa mazima ila kwa andu nyii siwaremerie? mnifuire vugho ughuu.
\p
\v 14 Guwenyi ihi mara kadadu ya nyii kuka tayari kucha kwenyu wala siwaremeriaa, maana sivilolaa vilambo venyu bali nidawalola inyo maana ndaiwakundi vana kuvika akiba kwa wavazi. Bali wavazi kwa wanake.
\v 15 Nnyi kwa raha nyingi dima nalapanya sena nilapanyaa kwa ajili ya ngolo renyu, je kadiri nikoo nawakunda sana, napungukiwa kukundwa?
\p
\v 16 Ela ndaike huvo nyii siwaremerie bali kwakua akalie nawanekie kwa hila.
\v 17 Je, mndu wowose nimdumiie kwenyu kwa mndu uyo nawavusie kilambo?
\v 18 Namkashie Tito, nikamduma mmbari uja umweri naye. Je, ndaghendie kwa ngolo uja mwezi na kwa chwao rija reni.
\p
\v 19 Mmanyaa hachi iji aha ya kuwa nakidhuru kwenyu imbiri ya Mlungu dadeda kwa Kristo na agho ghose wakundwa ni kwa ajili ya kuwa agha inyo.
\v 20 Maana navavika gisache wandoka si kama vuja nidimaa kuwadoka nivonekana kwenyu si kama vuja mkundi nisacxhe nikandoka kabla fitina na vuivu na virea na kondo na kusingizia na kugunana na maringo na ghasia.
\v 21 Inyo nikacha sena Mlungu wapwa asachenizamiwa kwenyu nanyi ni wazamiwa vengi wasovie tangu aho kiambiri wasatubie uchafu na uasherati na ufisadi waubonyie.
\c 13
\cl Sura 13
\p
\v 1 Ihi niyo mara kadadu ya nyii kucha kwenyu kwa momu ya mashahidi vavi au wadadu kila ilagho jimanyikanaa.
\v 2 Nakiria kuwaghoria na kama mirikoa mara ya kawi huvo ijiaha niseko nawaghoria wazi awo wabonya dhambi tangu aho na wazima wose kughora nikacha sivonaa mbazi.
\v 3 Kwa kuwa mwalola dalili ya Kristu adedaa ndenyi yenyu ambae sio mkongo kwenyu bali akona uweza ndenyi yenyu.
\v 4 Maana wasulubiwe kwa udhaifu, ela nakaia kwa ndighi ya Mlungu maana isi na isi da dhaifu kwa yee ela dikaa anduamweri naye kwa uweza gwa Mlungu ghuko kwenyu.
\p
\v 5 Kigherienyi veni kughora mweko kwa imani jisilibisheni veni. Au ndamkiichi veni kughora Jesu Kristo weko ndenyi yenyu isipokuwa mwalengiwe.
\v 6 Ela natumaini kama mwaichi ya kuwa isi ndadisingiwe.
\v 7 Na isi dalomba Mlungu msabonye jojose jiko jizamie si kwamba isi divonekane dakundigwa, ela inyo mbonye jiko jiboie ijapo isi ni kama walegwa.
\v 8 Maana ndedidimaa kubonya ilagho jojose kinyume cha loli, bali kwa ajili ya loli.
\v 9 Maana adaboiwa, iwapo isi dhaifu na inyo mwaka mahodari sena dalomba iji najo dijimiliki kwenyu.
\v 10 Kwa ajili iyo naandika agha niseko ihi nikaka nisabonye kubia kwa kadiri ya uwezo ghuja ninekiwe ni Mzuri kwa kuagha wala si kwa kubomoa.
\p
\v 11 Hatimae wambari mkenicha mtimire mfarijike mnia mamweri, mkaie kwa amani na Mlungu wa lukundo akaia anduamweri na inyo.
\v 12 Lamsenyi kwa busu takatifu.
\v 13 Watakatifu wose wadalamsa.
\v 14 Neema ya Mzuri Jesu Kristo na lukundolwa Mlungu na ushirika gwa ngolo mtakatifu ghukaie na inyo maruva ghoise.