\rem The text in this file was extracted from C:/DCS/Chin, Ngawn/WORD/44. ACTS. docx.
\mt Nungzuitute
\h Nungzuitute
\mt Nungzuitute
\toc1 Nungzuitute
\toc2 Nungzuitute
\toc3 act
\c 1
\p
\v 1 Theofilas aw, Zisuh ten mi nungzui te hawvang thiangtho tuah a hilh cengten,
\v 2 Vanhum ah a kai toh laih ngawl a cang mi thu hempoh lak in, a hum pen Laithiangtho ngan zo ing.
\v 3 A thih nung ni sawmli sung a pumpi lak Pathian uknak thu tuah a seng mi thu te hilh in, a nunnak a neih mi thu a kho mi theihpih nak tetti tuah in lak hi.
\s Hawvang thiangtho a piak tuk mi thukam
\v 4 A nungzui tute hulawmkhawm tik in, “Jerusalem khua pen tul ngawl in ka nelpen nohtei zak mi kapai thukam ngak un.
\v 8 Mah naven, nohtei humah hawvang thiangtho a hen ten, nohten huham co in Jerusalem khua pen pan Judah ngam, Samaria ngam, leihum hempoh ah kei mah theihpih nak tetti a nei tute hi tuk uh ci” tin, ti hi.
\v 11 “Kallilee mite aw, ita vanhum lam zo in um nge uh cim? Nohte tuah khen in vanhum ah a cawitoh mi Zisuh cu nohtei maipen vanhum ah a kai to bang bok in hung suk leh tuk hi” tin, ti hi.
\v 12 Mah cengten a muhte Olive mual pen Jerusalem khua ah pin leh haw. Mah mual cu Jerusalem khua bul, colhni nikhat khualzin a khuala nak munah um hi.
\v 13 Khua sungah a hen haw ten, Pita, Jeim, Johan, Andru, Filip le Thomas, Baltholomai le Mahte, Alfeas capa Jeim, Simon Zalot, Jeim nau Judah te khualcam nak inn hum ta khan ah kai haw.
\v 14 A mu venghawng Zisuh ii nu Mary pen pan numei te hei hihen, a nau te hei hihen, thinkhat zet no thunget nak a cat ngawl in bawl haw.
\v 15 Mah laih tak mipum za le kul a nungzui tutei laizang ah Pita cu ding to in,
\v 16 U le nau te aw, Zisuh man tuk in a muhtei lakah lamhuai tu Judah Isakliot sihsan in, hawvang thiangtho cu David kumpi pai kam tuah thuphuan nak a neih zo mi Laithiangtho bang cangkim ngawl in um ma hi.
\v 17 A mah cu ohte tuah sialcih in a um nak hang, thu hilh tu saza hihnak co zo hi.
\v 18 A mah cu a pha ngawl mi a ngamtat nak hang, a co ngah mi a man tuah lo ngam pakhat lei in, bungkhup lam lum cih a pumpi keh in a ngilte tul zo hi.
\v 19 Mahmi thu cu Jerusalem khua ah a um tu hempoh ten thei in, a muhtei awnlai tuah mahmi lo ngam cu A-cel’dama tin sam haw hi. A tihnop nak cu thisan lo tih nak hi.
\v 20 Saam laibu sungah a ma umnak mun cu miveng nak mun in cang ta hen. A umtu kuamah um ma hen. ‘A ma hihnak vang midang ten co ta hen’ tin khum mi hi.
\v 21 Mah hang, Johan in Baptisma a piak mi huncan pen pan,
\v 22 Topa Zisuh in ohte tuah khen in vanhum a kai lak lawh tian, a nungzui tute tuah langkhat nak a nei tu sung pen pakhat pan, Topai thawh leh nak thu hilh in kei muhte tuah theihpih nak tetti nei tupa hi” tin, Pita in ti hi.
\v 23 Barsabbas tin sam in Justas tin minthak samnak a nei Josep le Matthias cu ti in,
\v 25 Mi hempoh tei thinlung theihnak a nei tu Topa Pathian, Judah Iskaliot cu a ma umnak mun ah hawh tuk in thu hilh tu saza, nungzui tu hihnak pen thukam pelh mah a hihnak co tukin hi panih tei sung pen tennak neih mipa cu lak in hi” tin, thunget cengten,
\v 5 Mahmi hun can in vanhang nuai ah a um miphun sung pen Pathian Upat maizah nak a nei tu Judah te cu Jerusalem khua bekah um haw.
\v 6 Mahmi aw a zak ten mitam pi te hulopkhawm nakah heng in, a muhtei awn tek tuah nungzui tutei thuphuan za in ambek um haw.
\v 7 A mu venghawng ambek um haw in, a tuin a phuan mi hempoh Kallilee miphun te hi haw ma maw.
\v 8 Mah ahima tale ohtei veng hawng in a suah keh hinnak awntek in a zaknak uh hi itihbang hum?
\v 9 Ohte cu Parthians ngam, Medes le Elam ngam, Kappadokia ngam, Pontus ngam, Asia ngam,
\v 10 Phyrigia ngam, Pamfilia ngam, Izip ngam, Sairin khuapi tuah pehdun in um mi Lybia ngam, Rome khuapi pen a heng mi mikhual te Judah mi hihen, Gential mi Judah biaknak ah a cang mite,
\v 11 Cretes ngam le Arabia ngam pen a heng mi ohtei lakah hi te cu Pathian a lamdang na deh nak te, ohtei miphun awnkam tuah a phuan haw mi za ung hi” tin, son haw hi.
\v 12 A mu veng hawng in ambek ngaihsut nak thinlung a neih ten, “Hi thu te itihbang thu hum” tin pakhat le pakhat son li haw hi.
\v 14 Mah ten Pita in a nungzui tu heinih te tuah ding in a mun aw ngingzet tuah phuannak a neih mi cu, “Jerusalem khua mite le Judah miphun te aw, nohten hi thu te sialsiah in ka awnkam thu pha takzet na ngai ta un.
\v 15 A tuin zinglam nazi kuah bek laih a hih hang, nohtei ngaihsut bang a muhte cu a kham in a ngui mi hi ma hi.
\v 16 Hi thu te cu kamsang Joel hilh awng mi thu hi.
\v 17 A hilh awng mi thu cu tu nungten miphun hempoh tei humah ka hawvang buak tung. Nohtei canu capa ten kamsang theihnak tuah thuphuang haw tuk hi. Khangno ten thuphuan muhnak mu haw tuk hi. Kum U ham ten a lamdang mang te man haw tuk hi.
\v 18 Mahmi ni in kei cu ka na dek tu sila pano te le ka na dek tu sila numei tei humah ka hawvang buak suk in, a mun kamsang theihnak tuah phuang haw tuk hi.
\v 22 Isarel miphun te aw, ka thu awnkam ngai un. Nohtei theih mi bang Nazareth khua Zisuh cu a lamdang mi huham, a lamdang nate nohtei lakah bawl theih mi thu le Pathian piak mi theihpih nak tetti a co tute na hih uh hang,
\v 23 Pathian bawl mi a deihnak tuah in hihen, mai lam theihnak tuah in hihen, apnak a neih mi Zisuh cu nohten man in, misual tei khut tuah thinglamteh humah that zo uh ci.
\v 24 A mah cu a haksa mi thihnak in a cat ngawl kencih theih ngawl bang, a haksat nak cu Pathian in vawksak in tho leh tik zo hi.
\v 25 Mah mipai thu tuah David kumpi pan kei man a cat ngawl in Topa mitmai mu ing. Itahum titale, ka taklam khut ah a um hang, lungkham um tuk ma hi.
\v 29 Ka U le nau te aw, miphun tei pa a himi David thu cu nohtei lakah ciang zet son hih tung. David cu thi in a phumnak thankhuk cu a tu tian in ohtei lak ah um hi.
\v 30 A mah cu a miphun tei sung pen mihing hihnak tuah Khrih cu Pathian in tho leh tik in, a khunnak hum ah khung tik tuk in a ma nelah thukam nak a bawl mi cu kamsang theihnak tuah thei hi.
\v 31 Khrih a thawh leh nak thu ngaisung in, Khrih hi thinlung hawvang cu mithi ngam ah zamsan tuk ma hi. A pumpi taksa vang sia tuk ma hi” tin, kamsang theihnak tuah hilh hi.
\v 32 Pathian in Zisuh a thawh tik mi cu kohtei venghawng theihpih nak tetti nei zo ung.
\v 33 Mah tihcun Pathian in a taklam khut tuah a dom toh hang, Topa thukam tuah a seng mi hawvang thiangtho pai nelpen a co zo hang, nohtei theih mi le zak mi thu te buak suk hi.
\v 35 Mah naven, Pathian in na ngalte na ke nuai ah sihpek khawng lak lawh tian ka taklam khut ah khung in tin ka Topa nelah thupia hi’ tin, David awnkam um hi.
\v 36 Mah hang nohten thinglamteh humah thah mi Zisuh Pathian Topa cu Khrih hei hihen, uktu hihnak hei hihen apnak a neih mi thu cu Isarel miphun hempoh ten phazet in sialsiah ta un hi” tin, Pita in phuang hi.
\v 38 Pita in, “Nohtei sual ngaihdam tuk sualsik in pakhat no hei tang ngawl, Zisuh Khrih min in baptisma co ta un. Mah ten hawvang thiangtho laksawng co tuk uh ci.
\v 39 Itahum titale, thukam cu nang muhte le nohtei canu capa te penpan a khuala umnak ah a um mi hempoh ten ohtei Pathian, Topa Pathian sam mi hempoh te hei hihen seng hi” tin, phuang hi.
\v 40 Mah bek sial ngawl, “Thinkawi mi hi phun pen nunpat nak co ta un hi” tin, a lamdang mi awnkam tuah theihpih nak tetti tuah in sosuah hi.
\v 43 Mi hempoh ten a lau haw hang, a nungzui tuten mangbangza thasiah huai tampi bawl hi.
\v 44 Umtu hempoh ten munkhat ah hulawm in a um haw hang, a muhtei neih mi hempoh te mang kawm ten haw.
\v 45 A muhtei neihnak hempoh zuak in a kul le sap nak bang pakhat pumpak tek humah sem in pia haw.
\v 46 A mun biakiinn ah nisial munkhat ah um in innkhat nung innkhat moh bot kek in, a thiangtho mi lungdam nak thinlung tuah an ei haw.
\v 47 Pathian thangphat in mi hempoh tei mai pen mitmai pha mu haw. Nunpat nak a co tute vang nisial in, Topa Pathian Kohhran ah bet thuah haw hi.
\s Khelbai pa a dam tik nak
\c 3
\p
\v 1 Mah ten thunget nak a bawl mi cu taaklam nazi pathum ten Pita le Johan te biakinn ah hawh haw.
\v 2 A nui pumsung pen sensuah khelbai pakhat cu midang ten pua haw hi. Biakinnn sung a tum mitei lakah khut dawh ngen tuk in a mawi mi kongka bul ah a koih mi cu um hi.
\v 11 A man Pita le Johan cu kawi in a um laih tak mi hempoh ten lamdang sa in Solomon maisap tin, sam mi umnak a muhtei lakah tai tum haw hi.
\v 12 Pita in a muh ten, “Isael mite ita lamdang sa in um uh cim? A mah cu kalsuan a hawh theihnak thu cu kohten kei muhtei huham, a ngamtat nak tuah a piak theih bang in kei muhte pha tak zet no zo uh cim?
\v 13 Abraham, Isak, Jokop tei Pathian, kohtei pu le pa tei Pathian Topa cu a capa ii minthan nak lang tik zo hi. Mahmi Topa cu nohten Pilat kumpi pai khut sungah ap in, mahmi kumpi pan luat tuk in zei naven nohten el uh ci.
\v 14 A thiangtho mi Topa cu el in mi thah nak, sual a nei mipa cu luatnak co tuk in ngen uh ci.
\v 15 Nunnak a pia thei mipa cu nohten that zo uh ci. Mah a nung mi Pathian cu thihnak pen a thawh leh tik mi cu kohten theihpih nak tetti a nei tute ung hi.
\v 16 Topa upnak hang Topai min cu nohtei theih mi a ma nelah thazang ngilnak pia zo. Topai hang ngah mi upnak cu nohtei mai pen a ma nelah cangkim nak pia zo.
\v 17 A tuin U le nau te aw, nang muhte penpan uktu a mun theihnak a um ngawl vang mah tihbang a bawl mi cu thei ing.
\v 18 Khrih cu thihnak thuak tuk hitin kamsang hempoh ten phuang in, Pathian hilh ham mi thu te cu mah tihbang in cangkim tik hi.
\v 19 Mah hang Pathian lakpen daihnak huncan heng in,
\v 20 Nohtei ca apnak a neih mi Zisuh Khrih a hahnak thu, nohtei sual ngaihdam tuk sualsih nak tuah thinlung thek un.
\v 21 Leipi po pat penpan a thiangtho kamsang saza tei kam tuah Pathian thuphuan nak a neih mi huncan, thil hempoh a thak in lep lehnak huncan a hen laih ngawl tian, vanhum ah Khrih cu um tuk hi.
\v 22 Kohtei pu le pa te vang Mosi in, nohtei Topa Pathian cu nohtei miphun sung pen keimah tuah a bang ve mi kamsang pakhat nohtei lakah heng tuk hi. Mahmi kamsang hilh mite cu nohten a thungai tuk uh ci.
\v 24 Kamsang Samuel penpan a nungten phuannak nei tu kamsang hempoh ten hi ni can thu te phuang haw zo hi.
\v 25 Nohte cu kamsang miphun nam te hi uh ci. Pathian in Abraham cu na miphun hang mi hempoh thupha mui cu co haw tuk hitin, thuphuan nak a neih zo hang kohtei pu le pa tei lakah a piak mi thukhaam thu tuah, nohten pehtuah unnak nei zo uh ci.
\v 26 Nohtei pumpak pakhat tek sung pen sual a lak sak mi hempoh cu thupha muicu pia tuk in, Pathian in a capa Zisuh a thawh leh tik cengten, nohtei umnak ah a masa in hah zo hi” tin, mipi tei lakah Pita in phuang hi.
\v 7 A nungzui tute cu a laizang ah um tik in, “Nohten itihbang mi huham, a koi min tuah hi thu bawl uh cim” tin, dong haw.
\v 8 Mah ten Pita cu hawvang thiangtho tuah dim in, mitam pi te uktu kumpi te le Isarel miphun U pa te aw,
\v 9 Khelbai pan a dam hang a mah cu nat nak pen itihbang in damnak ngah hum tin kohten tu ni in thu dot co tale,
\v 10 Nohten thinglamteh humah that in, Pathian a thawh leh tik mi Nazareth khua Zisuh min hang, hi pa cu nohtei mai pen damnak ngah hi tih mi nang muhte penpan Isarel miphun hempoh ten thei ta un.
\v 11 Topan, nohte inn na sak uh ten vawk in inn ningkil ah a heng leh mi suang hi. Mahmi Topa sial ngawl a kua mah in nunpan thei ma hi.
\v 13 A mun Pita le Johan tei ngalhan nak mu in, mihing tei thil tih theih nak a um ngawl mi thawthong men te hitin, a theih haw hang lamdang sa in um haw. A mu panih cu Zisuh tuah a um ngel awng nak thu te thei haw hi.
\v 14 Tidam nak co tupa cu a muhte tuah a um ngel mi cu mu in eldun tuk imah mu haw ma hi.
\v 15 A nungzui te thukhen nak pen suak tik in a muhte cu itih bang bawl tuk hum?
\v 16 “A mun celcian zet a lamdang na a heng mite Jerusalem khua ah a um mi hempoh ten a theih khawng haw hang, ohten el theihnak imah um ma hi.
\v 17 Mah naven, mitampi tei lakah pungzai tuk ngawl in tu nungten a min suang in a kua mah nelah phuang tuk ngawl in, a muhte nasezet thum tuk hung hi” tin, pakhat le pakhat thuson khawm in,
\v 23 A nungzui tute a luat haw ten a ngualcam tei umnak munah hawh in, thiampi ngeng te le U pa tei a hilh mi hempoh te thei tik haw hi.
\v 24 A mun zaknak a neih ten thinkhat no Pathian nelah thungen in, uktu a nung Pathian aw, nang cu vanhum, leipi tuipi penpan mah lai umnak munah a um mi hempoh a bawl tu Pathian hi ci.
\v 25 Topan miphun te cu ita thinuuk in um haw hum? Ita mi tam pi ten a thupi ngawl mi ngaisung thei haw hum?
\v 28 Topai ngaihsut tuptah nak bang a tensa mi hempoh te bawl tuk in sathau noihnak neih mi a sunglawi capa Zisuh cu hi khua pen do in thusiam khawm haw zo hi. A man mi hi.
\v 29 Topa aw, a tuin a muhtei lau nak tuk a thup mite cu sialsiah in.
\v 30 Tidam tik tuk a khut zak in a thiangtho mi capa Zisuh min tuah a lamdang nate a hen laih tak, Topai sila ten a thu awnkam ngalhang zet a hilh theih nak tuk thu bop nak pia in hi” tin, thungen haw.
\v 31 Mah tihcun a thunget cengten hulopkhawm nak mun cu hing dudum in, a mu venghawng hawvang thiangtho tuah a dim hang, Pathian thuthangpha cu ngalhang zet in phuang haw.
\v 32 Umtu hempoh te thinlung munkhat no um in, a kua mah in a muhtei neih nak pakhat cu kei ma ta hitin son ngawl in a um mi hempoh te mang kawm ten haw.
\v 33 Topa Zisuh a thawh lehnak thu cu a nungzui tuten nasezet huham tuah theihpih nak tetti neih hang, a hehpih nak ngeng pi cu a muhtei humah a dim in heng hi.
\v 34 A muhtei sungah mizawng a kua mah um haw ma hi. Itahum titale, inn le lo a neihnak hempoh a zuak ngah haw mi a man cu keng in,
\v 35 A nungzui tutei ke bulah a koih hang, mi tampi te a haksat nak bang tek in a muhtei lakah pia haw.
\v 36 Joses tin min sam nak a nei tu um in phat nak capa tin a tihnop nak nei mi Bar-nabas minthak nei mi a nungzui tute sam nak neih mi Cyprus ngam Levi mi pakhat cu,
\v 37 A neih mi lo ngam zuak a ngah mi sum keng in a nungzui tutei ke bulah koih hi.
\s Hawvang thiangtho zolnak
\c 5
\p
\v 1 Mah naven, Annias le Sapfira tih mi nupa panih ten a muhtei neih nak zuak in,
\v 2 A nupa in lungkim nak tuah a hekkhat sum a ip hang, khen khat bek keng in a nungzui tutei ke bulah koih hi.
\v 3 Pita in, Annaias, nang cu hawvang thiangtho zol in lo na zuak a man hekkhat te na ip mi thu cu, Siahtan in na thinlung sungah ita dim tik hum?
\v 4 Lo lei ngam na khut sungah a um laih in, na neih mi hima maw? Zuak in ngah mi a man cu na ta hima maw? Ita hitihbang in ngaisung thei cim? Mihing bek zol thu son hi ngawl in, Pathian vang zol thu son zo ci” tin, Pita in ti hi.
\v 8 Pita in, hi zong bek tuah lo ngam zuak uh cim” tin, ti hi.
\v 9 Pita in, Pathian hawvang cul tuk cim tin lungkim nak tuah ita ngaisung uh cim? Zo in hi. Na pasal phum tutei ke cu kongka bulah a um hang, nangmah hawhpih haw tuk hi” tin, a tih mi a ngei ngawl in,
\v 12 Nungzui tuten mangbangza tampi mi tampi tei mai pen bawl haw. A mu venghawng in Solomon maisap ah munkhat no in um haw.
\v 13 Midang ten a muhte phial ngam haw ma naven, mi tampi te thupha pia haw.
\v 14 Topa umtu numei, pano hempoh te kohhran sungah bet haw hi.
\v 15 Pita cu lamzin ah a hawh laih tak tidam ngawl mi sung pen pakhat cu khuh thei tuk in, tidam ngawl te cu lamzin bulah nga in ihkhun zaunak humah koih haw.
\v 16 A elkim ah a um khua mi hempoh te tidam nak a nei ngawl khawsia bawlsiat mite hawhpih in, Jerusalem khua ah hulawm khawm in tidam ngawl hempoh ten dam nak co haw hi.
\v 20 Biakinn ah ding in nunnak thu awnkam hempoh mipi tei lakah hilh ta un hi” tin, thupia hi. Mahmi thu a zaak ten, zingtung no biakinn sungah tum in thu hilh haw.
\v 21 Thiampi ngeng le a ngualcam te heng in, thukhen tu U pa te penpan Isarel mitei lak pen kum U pa hempoh hulawmkhawm tik in, a nungzui tute sam tuk in tangval te thawnginn ah hawh tik haw hi.
\v 22 Tangval te cu thawnginn ah a hen ten, thawnginn sungah a nungzui tute a muh leh ngawl toh hang,
\v 23 “Thawnginn kongka vang him zet no khak in, thawnginn cing tute vang kongka pawlam ah a din leng haw mi cu kohten mu ung. Kongka cu hong in a sungah a kua mah um haw ma hi” tin, ti haw hi.
\v 24 Thiampi ngeng le biakinn cing U pa bawi a um mi thiampi ngeng ten, mahmi thu a zak haw ten mah mi thu cu itihbang mi thu heng tuk nentim tin ngaisung haw hi.
\v 26 Mah ten, biakinn uktu pan tangval te tuah hawh leh in a muhte cu mipi ten suang tuah sep tuk a lau hang, a nungzui tute bawlsiat ngawl in hawh pih hi.
\v 27 Mah tin a hawh pih cengten, thukhen tutei mai ah koih in thiampi ngeng ten,
\v 28 A min suang in thuhilh nak a neih tuk ngawl thu, kohten nohtei lakah nasezet thu cah ma ung maw. A tuin zo un. Jerusalem khua pi cu nang muhtei upnak tuah a dim zo hang, kohtei humah a thisan heng tuk in nohten ngaisung uh ci” tin, thu dong haw hi.
\v 29 Pita le nungzui tu a dang ten mihing awnkam sang Pathian thu awnkam ngaih tuk mi hi.
\v 30 Nohten thinglamteh humah taak in na thah uh mi Zisuh cu ohtei pu le pa Pathian in tho leh tik zo hi.
\v 31 Isarel miphun tei lakah sualsih nak thu le sual ngaihdam nak pia tuk in, a man uknak co tu Topa hih nak ah hei hihen, nunpan tu Topa hihnak in hihen, Pathian in pia in a taklam khut tuah dom to zo hi.
\v 32 Mahmi thu cu a man mi a hih nak thu kohten theihpih nak tetti nei ung. Pathian thu awnkam a ngaitu tei lakah a piak mi hawvang thiangtho in theihpih nak tetti nei tuk hi” tin, ti haw hi.
\v 33 Mahmi thu awnkam a zak ten, nasezet thinuuk in a nungzui tute that tuk in pakhat le pakhat thu siamkhawm haw.
\v 34 Mah ten mi tampi tei U pat mi Gamallel tih mi saza Farasi pakhat cu thukhen nak pen ding to in, a nungzui tute dawmlaih sung no a pawlam ah tul tik in,
\v 35 Isarel mite aw, hi a muhtei hum ah itihbang in bawl tuk mi thu cu ngallin nak tuah ngaisung ta un.
\v 36 Itahum titale, veikhat laih in Theu-das tih mi ding in kei cu mihing thawthong kha mang hitin a tih hang, a ma nelah mihing zali hawng in a nungah zui haw hi. A muhte cu siatnak ah heng in a mah a umtu hempoh tham kek khawng haw ta hi.
\v 37 A nungpen mipum sial nak huncan Judah tih mi Kallilee mi pakhat vang ding to in, a nungah zui tukin mi tampi te zawm hi. A mah vang siatnak ah heng in a mah a umtu hempoh te thamkhawng haw hi.
\v 38 A tu in a muhte pial in a ma thu no in um haw hen hitin, ti ing. Hi ngaihsut nak thu cu mihing tei ngaihsut nak mihing tei na a hitacun siatnak ah heng tuk hi.
\v 39 Pathian ngaisut nak na a hitacun, nohte siatsuah thei haw tuk ma hi. Nohten Pathian thuneih nak do tu na hih ngawlnak tukin, ngalling ta un hi’ tin, ti hi.
\v 42 Biakinn sung pen hei hihen, inn pen hei hihen nisial thuhilh in Zisuh cu Khrih hitin thuthangpha cu a cat ngawl phuang haw hi.
\s Mihing salih a Ten nak
\c 6
\p
\v 1 Mah huncan in a nungzui tu tampi um naven, nisial ancawm nak a neih ten Garik awnkam a mang mi Judah miten a muhtei sung pen meivong te ancawm ma hitin, Hebru awnkam a mang mi Hebru tei humah sonsiat haw hi.
\v 2 Mah laih tak a nungzui tu heinih ten a nungzui tu hempoh a sam ten, kohten Pathian awnkam thu koih in cabuai ah an do nak bawl mi cu kul ma hi.
\v 3 Mah hang U le nau te aw, hawvang thiangtho tuah in hihen, cihnak tuah hei dim in U pat maizah taak mihing salih cu nohtei sung pen zei ta un. Hi na deh nei tuk in a mun, kei muhte ap haw tuk hi.
\v 5 Mahmi thu awnkam cu mi tampi hulopkhawm miten a deih haw hang upnak tuah hei in hihen, hawvang thiangtho tuah hei in hihen, cangkim nak a nei tu Steven pe penpan Filip, Prokhorus, Nikanol, Timon, Paraminas le Judah biaknak ah a lut tu Antiok khua mi Nikolas te teng in,
\v 6 A nungzui tutei mai ah koih haw. A nungzui tuten thunget nak a neih cengten, a muhtei luhum ah a khut nga haw.
\v 8 Steven cu upnak hihen, huham tuah in hihen, dim in nasezet a lamdang nate, thasiah huai nate mihing tampi tei mai pen bawl hi.
\v 9 Mah ten Leber-tine sam nak a neih mi pumkhawm nak biakinn pen Cyren ngam, Alexander ngam, Cilicia ngam le Asia ngam mi hekkhat te ding to in, Steven tuah el dun nak a neih laih tak,
\v 10 Hilhnak a neih mi cihnak le hawvang thiangtho cu kham thei haw ma hi.
\v 11 Mah ten, “A mah cu Mosi hihen, Pathian hihen zawnsak in a son mi cu kohten za zo ung hi” tin, theihpih nak tetti a nei tute sam kuhden in a koih cengten,
\v 14 ‘Nazareth khua mi Zisuh umnak mun siatsuah in, kohtei lakah Mosi piak mi dan thek tik tung hi’ tin, a son mi cu kohten za zo ung hi’ tin theihpih nak tetti son tik haw hi.
\v 15 Thukhen nak ah a khung mi hempoh ten Steven cu cel zet zo in a mitmai cu vancung mitei mitmai bang hi’ tin, ngaisung haw hi.
\v 1 Mah ten thiampi ngeng pan, hi thu awnkam man maw tin a dot ten,
\v 2 Steven in, “U le nau nu le pa te aw ngai hih poh un. Ohtei pa Abraham in Kanan ngam a um laih ngawl Mesopotamia ngamah a um laih huham a nei mi Pathian lang in,
\v 5 Mah lai ngam pen a kesih tuk mun hei lo co ma naven, a mah penpan a tule canawn tei lakah hi ngam pia tung hi” tin, capa pakhat no hei a neih laih ngawl in thukam zo hi.
\v 6 Na miphun te cu midang tei neih mi ngam pen mikhual a hih haw hang, midang tei lakah sila hihnak, siat bawl nak cu kum sawmli sung thuak haw tuk hi.
\v 8 Pathian in vun lek talhnak tuah a seng mi thukhaam cu Abraham nelah pia hi. Mah tihcun Isak cu hing in niliat a kim ten a vun lek talh hi. Isak capa Jokop, Jokop cate cu miphun heinih tei pa hi.
\v 9 Pu le pa ten Josep iksik nak thinlung tuah Josep cu Izip ngamah zuak haw. Pathian in a mah cu cing in,
\v 10 Haksat nak sung hempoh pen pan Izip ngam uktu Faroah kumpi pai nelah a mah cu cihthiam nak pia in mitmai pha a co hang, mahmi kumpi in Izip ngam uktu hihnak, kumpi innsung uktu hihnak ah Josep cu pia hi.
\v 11 Kanaan ngam le Izip ngam hempoh ah pam tung haksat nak nasezet um in kohtei pa ten eih tuk an bo, Izip ngam ah ancang um hi tih Jakop in a zak ten,
\v 12 Ohtei pu le pa te cu a veikhat nak hawh tik hi.
\v 13 A venih nak ten Josep in a U nau tei lakah thu hilh in, Faroah kumpi pan Josep miphun te cu thei hi.
\v 14 Mah ten Josep cu hawh tik in a pa Jakop tuah mipum sial ten, sawm salih le panga a miphun pih te cu sam tik hi.
\v 15 Jakop vang Izip ngam ah hawh in a mah penpan kohtei pa te cu thikhawng haw zo.
\v 16 A muhte vang Shekhem ah a hawhpih hang, Shekhem hi pa a himi Hamor ca tei lakah a man pia in lei mi khanmual ah phum haw.
\v 24 A miphun pih mihing pakhat bawlsiat nak thuak mi cu a muh ten a ma lamah um in Izip pa cu a thah hang, mah bawlsiat nak thuak tupan neh nak co hi.
\v 25 Pathian in a ma khut tuah ohte a nunpat tuk mi cu a U le nau ten thei thiam tuk poh hi” tin, ngaisung naven, a muhte cu a mun thei ngawl in um haw.
\v 26 A zingten a muh le muh a hauhdun mitei umnak munah hawh in ngualcam te aw, U le nau hi napi in ita pakhat le pakhat bawlsiat uh cim’ tin, ti in lemnak bawlsak naven,
\v 27 A inn nel a bawlsiat tupan a kon nangmah kohtei humah uktu U pa le thukhen tupa hihnak in pia hum?
\v 28 Zansun in nang cu Izip pa na thah mi bang, keimah that nuam cim maw’ tin, ti hi.
\v 29 Mosi in mahmi awnkam a zak ten tai in, Median ngam ah mikhual hihnak tuah a um ten capa panih cawi hi.
\v 30 Kum sawmli a kim ten Sinai mual hampa lakah vancung mi pakhat in, sawlbom pi sung mei alhnak pen Pathian vancung mite lang hi.
\v 31 Mahmi muhnak a muh ten Mosi cu lamdang sa cel zet zo tuk a bulah hawh in,
\v 32 Kei cu nohtei pu le pa tei Pathian, Abraham Pathian, Isak Pathain, Jakop Pathian ing hi’ tin, Pathian aw cu heng hi. Mah laih tak hing tawtoh cel zet in zo ngam mang hi.
\v 34 Izip ngam ah a um tu ka mihing tei thuak mi bawlsiat nak cu cel zet mu zo ing. A muhtei kahnak aw vang, za zo ing. A muhte pan tuk in heng zo ing. A tuin hawh ten hi. Nang cu Izip ngamah hah tung hi” tin, thuphuan um hi.
\v 35 A kon nangmah cu uktu U pa thukhen tu hihnak in pia hum tin ti in, mitei deih ngawl mipa Mosi cu uktu U pa pan tu tuk in, Pathian in sawlbom pi sung pen a lang mi vangcung miten pia hi.
\v 36 A mah cu Isarel miphun te suahpih in Izip ngam pen hihen, Edom ngam pen hihen, hampa lakpen hihen, a lamdang thasiah huai te bawl hi.
\v 37 Nohtei Topa Pathian cu nohtei miphun lak pen, keimah tuah a bang ve mi kamsang pakhat cu nohtei ca in heng tuk hi. Kamsang thu awnkam na ngai ta un hi’ tin, Isarel miphun tei lakah a tih mipa cu mi dang kha ma hi. Mahmi Mosi hi.
\v 38 A mah cu hampa lakah a um mipi tei lakah um in, Sinai mual hum ah a mah otpih tu vancung mite tuah hei hihen, kohtei pu le pa te tuah hei in um hi. A mah cu kohtei lakah pia tuk in a nung mi Pathian thu cu phuang hi.
\v 39 A ma thu awnkam cu kohtei pu le pa ten ngai nuam ngawl in a vawk hang,
\v 40 Kohtei mai ah a hawh tu pathian te kohtei ca tuk bawl in. Kei muhte Izip ngam pen suahtul pih tu Mosi nelah itihbang heng hum tih mi kohten thei ma ung hitin, Izip ngamah pin nuam nak thinlung tuah Aaron nelah son haw.
\v 41 Mahmi ni huncan in khuino zuk bawl mi zuk milim a biak haw hang, a muhtei khut suah in bawl mi ah cun lungdam haw hi. Kamsang Laithiangtho sungah,
\v 42 Isarel miphun te aw, nohtei bawl mi nganhing tuah biakpiak nak cu hampa lak ah kumsawmli sung pikpek keimah biakpiak nak nei awng uh cim maw.
\v 43 Nohten Molek deu buk le nohtei aksi pathian bia tuk in, nang muhtei bawl mi zuk te bawl zo uh ma cim maw? Mah hang, kei man nohte cu Babylon khua lamah hawhpih tung hi” tin, Laithiangtho sung a um bang bok in, Pathian in a mai heksan in vanhum thuam tuah bia tuk in a muhte cu zam san hi.
\v 44 Mosi muhmi zuk bang theihpih nak tetti deubuk bawl tuk thupiak nak a nei tupai tik nak bang, mahmi deubuk cu hampa lakpen ohtei pu le pa tei lakah um hi.
\v 45 Ohtei pu le pa ten mahmi deubuk cu miphun dang tei neih mi ngam sungah Josuah tuah hawh tum pih haw hi. Miphun dang te Pathian in David kumpi pai khut sung tian, ohtei pu le pa tei deubuk um laih hi.
\v 46 David in Pathian mitmai pha mu in Jakop Pathian umnak tuk mun tawk tuk in deih hi.
\v 50 I lai mun hum ka umnak tuk mun cu? Ka khut tuah hi thil hempoh te bawl mi hima maw tin, Pathian thupiak nak cu kamsang tei lakah a hilh mi bang, a sang bel mi Pathian cu mihing tei bawl mi biakinn ah um ma hi.
\v 51 Lunglian in beng le thinlung tuah vun lek talh nak a co ngawl tu, nohten hawvang thiangtho cu a cat ngawl do thei uh ci. Na pu le pa tei dan le nohtei dan cu bang ten hi.
\v 52 Nohtei pu le pa te bawlsiat nak a neih ngawl mi kamsang pakhat no hei um haw maw? Mi dikcang pa a hennak tuk thu a hilh tute that zo uh ci. Mahmi dikcang pa hei a tuin nohten ap in that zo uh ci.
\v 54 Mahmi thu awnkam a zak ten a thinuuk zet in Steven cu hapi ngawi in bawl haw hi.
\v 55 A mah vang hawvang thiangtho tuah a dim hang, vanhum cu zo to in Pathian minthan nak hei hihen, Pathian khut taklam ah Zisuh a khung mi hei cu a muh ten,
\v 57 A mun nasezet aunak aw tuah benghup Steven nelah thum tawtok tai haw in,
\v 58 A mah cu khua pawlam ah dok tul suang tuah sep haw. Theihpih nak tetti a nei tute vang a muhtei puan cu Saul tih mi tangval pai ke bul ah koih haw hi.
\v 1 Mah ten Jerusalem khua ah a um mi kohhran cu nasezet bawlsiat a thuak hang, a nungzui te sial ngawl kohhran sungah a tum mite cu Judah ngam, Samaria ngam mun hempoh ah thang keh khawng hi.
\v 2 Pathian U pat maizah nak a nei tuten Steven cu phum in, nasezet kap haw.
\v 3 Saul in kohhran cu siatsuah hi. Innkhat nung innkhat ah tum in pano le numei hempoh dok tul in thawnginn sungah khum hi.
\v 4 Mah hang, mun hempoh ah vak kaw kawi in a thuthangpha phuang haw hi.
\v 5 Fillip cu Samaria ah hawh in Khrih thu phuang hi.
\v 6 Mi tampi ten a zak ten, Filip i na lamdang bawl nak te a muh haw ten a thuson mi cu phatak zet ngai haw hi.
\v 7 Itahum titale, khuasia vei tu mitei sung pen khuasia te nasezet au in tai tul haw. Pumpi zawng in phia thei ngawl mi khelbai te vang dam nak co haw hi.
\v 9 Simon tin sam mi pakhat cu mah khua sungah mitzial thiamnak tuah bawl in, kei cu a lamdang mipa ing hitin ti in, Samaria miphun te ngaihsut nak amthong tuk in bawl hi.
\v 10 Upa naupang hempoh ten, “A mah cu Pathian huham thawmngeng a nei tupa hitin, ti haw hi.
\v 11 A tihnak thu cu a muhte amthong tuk in a man mitzial thiamnak tuah ngeipi bawl hi.
\v 12 Fillip in Pathian uknak ngamah hei hihen, Zisuh Khrih min tuah a seng mi thuthangpha hilh in a mun upnak a neih haw ten, pano le numei te Baptisma co haw hi.
\v 13 Simon a mah loli in upnak a neih hang, Baptisma a lak cengten Filip nelah a tihmi thu a lamdang huham thawmngeng mi thasiah huai nate mu in lamdang sa zet hi.
\v 15 Khua sung mite cu Topa Zisuh min in Baptisma laknak bek a neih ten,
\v 16 A muhtei pumpak tek humah hawvang thiangtho a hen laih ngawl hang, a nungzui tute a hen ten, hawvang thiangtho co tuk thu mahmi khua sung tei ca thungen tuk in,
\v 17 A muhtei humah a khut a ngak ten a mun hawvangthiangtho co haw hi.
\v 18 A nungzui tu tei a khut ngak hang, a mun hawvang thiangtho a hennak cu Simon in a muh ten sum keng in,
\v 26 Veikhat cu Pathian vancung mi in Filip ding in, Jerusalem khua pen Gaza khua hawhnak lamzin hanglam pen hawh in hi” tin, a tih mi bang Filip cu ding in hawh hi.
\v 27 Mah ten Ethopia uktu kumpi nu Canda-ce nelah nasezet thu nei tu a hih hang, sum hempoh uknak a nei tu Ethopia mi pakhat cu bia tuk in Jerusalem ah hawh in,
\v 28 A pin kik leh lamzin pen lengkhun nak humah khung in, kamsang Isaiah Laithiangtho sial hi.
\v 31 Mahmi cu Filip in, kei mah a hilhcian tu a um ma tacun itihbang in thei tuk hum” tin a tih cengten, a mah tuah Filip cu khung ngel tuk in ngen hi.
\v 32 Laithiangtho a sial mi cu that tukin hawhpih nak a neih mi tuu no bang, a mah cu hawhpih in tuu no cu a mul meh nak neih ngawl mi a mai pen ham ngawl a um bang bok in, a mah cu a kamken bang um tuk hi.
\v 33 Niamkhiat nak a thuak laih tak midang ten a dik mi thu um ngawl in thukhen haw. A nun cu hi leihum pen a lak zo hang, a miphun te a kon lampui tuk hum” tin, Laithiangtho heng hi.
\v 34 Filip in kamsang a kua bel camcawh in son hum? A mah le mah a tihnop nak maw? Midang te a tihnop nak kaw tin a tih ten,
\v 35 Fillip cu thu a dot ten Filip in a kam tuah Laithiangtho son in, Zisuh thuthangpha cu phuang hi.
\v 36 Mah tihcun lamzin ah a hawh thah laih tak tui umnak munah hawh in, Filip in hi lai mun ah tui um hi. Kei mah baptisma pia tuk ngawlin ibel in kham hum” tin, a tih ten,
\v 37 Fillip in, nang cu thinlung ngaihsut nak hempoh tuah na um tale la in hi” tin, ti hi. Filip in, Zisuh Khrih cu Topa Pathian capa a hihnak thu um ing hi” tin, phuang in,
\v 38 Leng cu ding tuk a bawl cengten, Filip in Ethopia pa tuah tui sungah hawh in Baptisma pia hi.
\v 39 Tuisung pen a kai to leh haw ten Pathian hawvang thiangtho in Filip a pui hang, a man Filip cu muh leh ma zo hi. Lungdam nak tuah a hawh nak tuk lamzin ah hawh hi.
\v 40 Fillip cu Azo-tus khua ah heng in mah lai khua pen Kaisara khua tian khua hempoh ah hawh in thuthangpha phuang hi.
\s Damakas khua hawhnak lamzin
\c 9
\p
\v 1 Saul in Pathian nungzui tute thum in le that tuk in nasezet thinlung a ngaihsut nak hang,
\v 2 A dik mi lamzin ah a zui tu numei hihen, pano hihen man in Jerusalem khua ah a hawhpih nak thu Damaska khua ah a um mi pumkhawm nak uktu tei lakah thupiak nak lai la tuk in thiampi ngeng nelah hawh tum in a nget ten,
\v 3 Hawh in Damakas khua bul a hen ten, vanhum pen vak nak cu a ma elkim hempoh ah thakhat thu in vak nak heng hi.
\v 10 Mah laih tak Ananias tihmi nungzui pakhat cu Damaskas khua ah um hi. A mah cu Topa Pathian thuphuan nak hang, Ananias tin a sam ten Ananias in, Topa Pathian um ing hi” tin, don leh hi.
\v 11 Topa Pathian in nang cu ding to in lamzin tuang tih mi ah hawh in. Saul tih mi Tarsus khua mipa cu Judah inn ah zei in. Itahum titale, a mah cu thungen in um li hi.
\v 16 Itahum titale, a mah cu ka min hang izah takin haksat nak thuak tuk tih mi kei man a mah cu lak tung hi. Mah hang, “Hawh in hi” tin, Ananias nelah thupia hi.
\v 17 Ananias cu hawh in inn ah a hen ten, Saul humah a khut nga in, Saul aw, na hawhnak lamzin pen na nelah a lang mi Topa Zisuh in na mit khua muh leh tuk in nangmah cu hawvang thiangtho na dim theihnak tuk in hihen, keimah hawh tik hi” tin, ti hi.
\v 18 Mah a ngei ngawl in Saul mit pen ngasa lip khawh cak mi bang a hih hang, a mit khua mu leh tho to in Baptisma cu a lak cengten, an ei in thazang ngilnak nei hi.
\v 19 Mah cengten Saul in Damaskas khua a um mi a nungzui te tuah huncan ngei pi um in,
\s Zisuh thu Saul phuannak
\v 20 Zisuh cu Pathian capa a hihnak thu pumkhawm nak mun ah cawl ngawl in phuang hi.
\v 21 A za tu hempoh thasiah zet in, hi pa cu Topa thangphat nak a nei tute Jerusalem khua pen siat bawl nak a nei tu bek sial ngawl, a muhte man in thiampi U pa tei lakah hawhpih tuk in, hi lai umnak munah a heng tupa khi ma maw” tin, son haw hi.
\v 22 Saul cu thazang khang to in a um hang, Damaskas khua ah a um mi Judah miten hilhnak a neih mi hempoh ten el thei tuk ngawl in, Zisuh Khrih thu ciangzet in lang tik hi.
\v 26 Jerusalem khuapi ah a hen ten, a nungzui tute tuah ngualcam phialnak nei naven, a man a nungzui a hihnak thu cu a nungzui tu hempoh ten a up haw ngawl hang a mah cu lau haw.
\v 27 Mah laih tak Barnabas in a mah cu sam in a nungzui tutei lakah hawhpih in, Saul in lamzin pen Topa Pathian mu hi tih hei in hihen, a ma nelah thupiak nak te hei hihen, Damakas khua ah Zisuh min hang ngalhang zet thu hilh hi” tin, ti hi.
\v 31 Mah laih tak Judah ngam, Kallile ngam, Samaria ngam ah kohhran ten daihnak co haw hi. Topa Pathian launak hei hihen, hawvang thiangtho sosuah nak sungah hei hihen, kalsuan in khangto haw.
\s Aneneas tidam nak
\v 32 Pita in mun hempoh ah vak kawkawi in, mi thiangtho tei umnak mun Lidia khua ah heng hi.
\v 33 Mah lai munah Aneneas tih mi khut le ke thi in kum liat sung, ihkhun zaunak humah a zau leng mi pakhat cu a muhten Aneneas, Zisuh in nang mah tidam nak pia hi.
\v 36 Joppa khua ah Dorkas tih mi Tabitha min a nei a nungzui tu pakhat um hi. Mah numei nu cu nuncan pha a nei tu, piaknak lam ah phalnak tuah dim in,
\v 37 Mah laih tak tina dam ngawl in thi hi. A luangpi cu tibual nak a neih cengten a humta khan ah koih haw.
\v 38 Lidia khua cu Joppa khua elah a hih hang, mah khuapi ah Pita a umnak thu cu a nungzui ten a theih ten, Pita in manlang zet a hawhnak tuk thu mihing panih hah in ngen tik haw hi.
\v 39 Pita cu ding to in a muhte zui hi. A hen ten a hum ta khan ah hawhpih in meivong te kahnak nei in, a muhte tuah Dorkas a um laih a bawl awng mi angki te silh haw hi.
\v 40 Pita in a mu venghawng cu a pawlam ah a tul tik cengten, khukdin thu ngen in a luang umnak lam ah hek in, Tibitha, tho in hi” tin, ti hi. Mah numei nu cu a mit hak to Pita a muhten tho in khung hi.
\v 41 Pita in a khut pia in a dom toh cengten, mi thiangtho mite le meivong te sam in a nung tu mahmi numei nu cu lak hi.
\v 42 Mahmi thu cu Joppa khua sung ah a thang keh khawng hang, mi tampi ten Topa Pathian cu um haw.
\v 43 Pita in Joppa khua pen Simon tih mi savun bawl tupa tuah ngeipi um hi.
\s Pita le Konilias
\c 10
\p
\v 1 Kaisaria khua ah Konilias tih mi pakhat cu Itali ngalkap tin sam mi, mihing zakhat uktu bawi pakhat um hi.
\v 2 A mah cu a inn pen a neih nak hempoh tuah Pathian thangphat in Pathain a lau hang, mihing tampi te pia in Pathian nelah thu ngen hi.
\v 3 Nikhat ni in taaklam nazi pathum le lang pawl ten Pathian vancung mi in Konilias tin a sam ten, a man cel zet in a lang mi muh nak nei hi.
\v 4 Vancung mi cu pha tak zet a zoh ten a lau hang, Topa aw ii thu um kaw tin a dot ten vancung mi in, thu nget nak bawl mi le piaknak na bawl mi cu Pathian mai ah heng phawh tuk in kai zo hi.
\v 5 Mah hang a tu hei in Joppa khua ah mihing te hawh tik in, Pita tin minthak sam mi Simon cu sam in.
\v 7 Mah tihcun a hilh tu vancung mi a hawh cengten, Konilias na dehnak nei tu sila panih tuah a ma nelah a cat ngawl na dehnak a nei mitei sungah tum in, Pathian U pat maizah nak a nei mi ngalkap pakhat sam in,
\v 8 Mahmi a thu hempoh a son cengten Joppa khua ah hawh tik hi.
\v 9 A zingten a muhte hawh in Joppa khua bulah a hen haw ten, nazi panih huncan ten Pita in thungen tuk in inn hum ta khan ah kai to hi.
\v 10 Ningkial in an a eih nuam ten midang ten an eih tuk a bawl laih tak Pita cu a ngaihsut nak amthong in um hi.
\v 11 Vanhum cu hong in hihen, puanthan bang a ningkil li khui in leihum ah a hahsuk mi cu a ma nelah a hennak thu mu hi.
\v 12 Mahmi puanthan sungah sahang penpan leihum ah a nung mi ngamsa phunkim, a bok in vak mi ngamsa phunkim, vanhum ah a leng mi vano phunkim te um hi.
\v 17 Pita in a muhnak neih mi cu a tihnop nak ii hum tin a ngaihsut laih tak, Konilias hawh tik nak a neih miten Simon inn cu thudot nak tuah zei in kongka mai ah a din ten,
\v 18 “Pita tin sam mi Simon cu hi lai munah khualzin camnak nei maw” tin, dong haw.
\v 22 A mun, “Pathian lau in, Judah mi hempoh tei sung pen ngalpha U pat nak a nei tu ngalkap Konilias cu a ma inn ah sam in, Topai thu awnkam ngai tuk in vancung mithiangtho hang muhnak co zo hi” tin, don leh haw hi.
\v 23 Pita in, a muhte cu innsung ah sam in khual a cam tik ten, a zingten tho in a muhte tuah hawh in, Joppa khua mi U le nau hekkhat ten zui haw.
\v 24 A zingten Kaisaria khua ah heng haw. Konilias in a miphun suahpih ngualcam te hulopkhawm tik in, a mun ngak in um haw hi.
\v 25 Pita a hen ten Konilias cu khual muak in Pita kebul ah khukdin bopkhup in bia hi.
\v 26 Pita in a mah cu dom to phong in, “Tho in. Kei mah vang mihing thongmen poh ing hi” tin, ti hi.
\v 27 Mah tihcun otpih in a tum ten hulopkhawm nak a nei tu mihing tampi te a muh ten,
\v 28 Pita in Judah mite cu miphun dang te tuah pawlkom dun nak a neih haw ngawl mi cu nohten thei zo uh ci. Mah naven, a thiangtho ngawl mi hi tin a kua mah in sam tuk ngawl in, Pathian in ka nelah lak zo hi.
\v 29 Mah hang, kei mah na sam uh ten el ngawl in heng ing hi. Mah hang ii thu hang kei mah sam uh cim tin thu dong nuam ing hi” tin, a muhtei lakah ti hi.
\v 30 Konilias in, a tu huncan nazi tian ancang in nazi pathum ten, inn pen thungen ing. A tuin nili kim zo hi. Mahmi huncan ten mihing pakhat in a vak zet mi puan silh in ka mai ah ding hi.
\v 31 Konilias na bawl mi thunget nak cu Pathian in za in, piak nak na neih mite vang sialsiah in khum zo.
\v 32 Mah hang Joppa khua ah hawh tik in, Pita tin sam mi Simon cu sam in. A mah cu tuipi bulah savun a khui tu Simon inn ah cam hi. A mah a hen ten na nelah thu hilh leh tuk hi” tin, ti hi.
\v 33 Mah hang kei cun na nelah a manlang thei tawp hawh tik in, nangmah vang na hen theih hang pha tak zet bawl zo ing. Mah hang Pathian in Topa Pathian nelah a hilh mi thu hempoh za tuk in, a tuin ohtei venghawng Pathian mai ah a mansa um zo ung hi” tin, Konilias in ti hi.
\v 38 Mahmi thu cu Pathian in hawvang thiangtho tuah hei in hihen, huham tuah hei in hihen, Nazareth khua mi Zisuh cu i zahtak a thawmngeng nak tuah sathau a thihsak nak hei hihen, a mah cu Pathian thuneih nak le a hehpih nak co in, Dawihmang bawlsiat nak a thuak mi hempoh tidam tik nak cu nohtei thei uh ci.
\v 39 Kohten, Jerusalem khua penpan Judah ngam sungah a bawl mi thu theihpih nak tetti a nei tute hung hi. A mah cu thinglamteh hum ah that haw zo.
\v 40 Nithum ni ten Pathian in tho leh tik zo.
\v 41 Mi hempoh tei lakah ciang zet in lak ma laih hi. Pathian a tensa mi le theihpih nak tetti a nei tu kohtei lakah ciang zet in lak zo hi. Thihnak pen a thawh leh cengten, Topa tuah kohten an ei zo ung.
\v 42 Topan a nung mite le a thi mite thukhen nak a nei tu Topa cang tik tuk in, Pathian piak mi thu cu mi hempoh tei lakah phuang ta un. Theihpih nak tetti nei ta un hitin kohtei lakah thukham pia zo hi.
\v 43 Topa a um tu hempoh ten a min hang, sual ngaihdam hehpih nak co haw tuk hitin kamsang hempoh ten Topai theihpih nak tetti in cang haw hi” tin, Pita in ti hi.
\v 12 Keiman, “Ngaisut um ma a muhte zui in hawh in hi” tin, ka nelah hawvang thiangtho in thupia hi. Mahmi U nau paluk ten kei mah tuah hawh lang khat in a ma inn ah tum pih hi.
\v 13 Vancung mi cu a ma inn ah ciang zet ding in, Joppa khua ah U pa te hawh tik in Pita tin sam mi Simon cu sam in hi.
\v 14 Pita in nangmah penpan na inn sungsang hempoh nunpat nak thu nohtei lakah phuang tuk hi” tin, a son ham nak thu te a man kohtei lakah thei leh tik hi.
\v 15 Ka thu son pat laih tak hawvang thiangtho cu a masabel kohtei humah a heng bang in a muhtei humah vang heng hi.
\v 16 “Johan in tui ah Baptisma pia hi. Nohten hawvang thiangtho tuah Baptisma co tuk uh ci” tin, Topa Pathian thupiak cu mah laih tak in kei man phawk ing.
\v 17 Topa Zisuh Khrih um tu kohtei lakah Pathian in a hehpih nak laksawng a piak bang in a muhtei lakah vang a piak hang, kei cu a kua ing kaw tin Topa Pathian cu kham theih tuk maw” tin, Pita in ti hi.
\v 18 Hi thu te a mun a zak ten el ngawl in Pathian nun nak ah heng tuk in, sualsih nak thu miphun dang tei lakah pia zo hi” tin, Pathian minthan nak thangphat haw.
\v 19 Mah bek sial ngawl Steven thu hang, bawlsiat thuak in mun hempoh ah a um mite cu Foenisia, Cyprus ngam le Antiok khua tian ah hawh in, Judah mitei lak bek ah a thu hilh haw.
\v 20 Mah cengten a hek khat te Cyprus ngam le Sairin khua mi a hih hang, Antiok khua ah hawh in Topa Zisuh thuthangpha cu Grik mitei lakah hilh haw hi.
\v 21 Topa Pathian khut cu a muhte tuah a um hang, mi hempoh ten um in Topa Pathian nelah a thin thek haw.
\v 22 Mahmi thu cu Jerusalem khua ah a um mi kohhran in a zak ten, Antiok khua tian hawh tik tuk in Barnabas cu tik haw hi.
\v 23 A mah heng in Pathian hehpih nak a muhten, lungdam zet um in a mu venghawng upnak thinlung tuah Topa Pathian nelah nunnak a kho mi nei tuk in sosuah haw.
\v 24 A mah cu mipha a hih hang, hawvang thiangtho tuah hei in hihen, upnak tuah hei in hihen, a dim mi a hih hang mihing tampi ten Topa Pathian nelah a thin thek haw.
\v 25 Barnabas in Saul cu zei in Tarsas khua pi lam ah hawh hi. A mah a tawh ten Antiok khua ah sam hi.
\v 26 A muhte cu kumnih sung mahmi kohhran te tuah munkhat no ah khawm in, mihing tampi tei lakah thu hilh hi. A nungzui tu ten, “Khristian” tin samnak cu Antiok khuapen a masabel in sam haw hi.
\v 27 Mah laih tak kamsang te cu Jerusalem pen Antiok khua ah hawh haw.
\v 28 A muhtei sung ah a lut tum Akabas tih mi pakhat ding to in, leihum hempoh ah ningkial pamtung nak heng tuk hitin hawvang tuah hilh hi. Mahmi pamtung nak cu Sizal kumpi Klaudias uknak sungah heng hi.
\v 29 Mah laih tak a nungzui tu ten a muhtei tih theih tawk in, Judah ngamah a um mi U le nau tei lakah bopnak pia tuk tin,
\v 30 Thu soncat nak a neih haw bang Barnabas le Saul ten kohhran U pa tei lakah pia haw.
\s Maltal a thuak tu Jeim le thawngta mi Pita
\c 12
\p
\v 1 Mah laih tak Herod kumpi pan kohhran sungah a tum mi hek khat te bawlsiat tuk in,
\v 2 Johan U Jeim cu nam tuah that hi.
\v 3 Judah mite lungdam zet a um mi cu a muhten, naman sawh ngawl mi moh puai ten,
\v 4 Pita cu man leh leu tik in kaltan puai cengten mihing tampi te suahcak nak ngah tuk ngaihsut nak tuah a cingtu ngalkap heiluk te ap in thawnginn sung ah khum hi.
\v 5 Pita cu thawnginn ah a um laih tak kohhran sungah a tum mite cu a ma ca in zuamnak tuah Pathian nelah thungen khawm haw hi.
\s Luat nak a co tu Pita
\v 6 Herod kumpi in suah tuk a ngaihsut nak a neih sa mi ni a kim laih ngawl zan huncan ten, thik khau zangnih tuah ken ngalkap panih tei a laizang ah zau tik in, a cing tuten thawng inn kongka bulah cing haw.
\v 7 Mah ten Pathian vancung mite heng in thawnginn cu vak zet hi. Vancung mi in Pita ko pen beng in, “Manlang zet tho in hi” tin ti in tho tik hi. Thik khau vang Pita khut pen zuuk in cak hi.
\v 8 Vancung mi in na taipom het in. Na kedam vang but in hi” tin a tih ten, a tihnak bang Pita in bawl hi. Puan cu silh in ka nungah zui in hi” tin, ti hi.
\v 9 Pita tulin a nungah zui naven, vancung mi bawl nak hempoh te a man mi thu hitin thei ngawl in a mangmuh hitin a man ngaisung hi.
\v 10 Mihing cing tu a thuahnih nak kal vawk in khua sungah tum mi thik kongka a hen ten, mah thik kongka cu a ma thu no a hon hang a muhte tul in lamzin pakhat a hawh cengten, vancung mi cu Pita nelpen tai ta hi.
\v 11 Pita in a phawh leh ten a tu hei in, “Topa Pathian in a vancung mite hawh tik in Herod kumpi khut sung pen hei in hihen, Judah mitei a ngaihsut nak pen hei hihen, keimah a pat nak cu a thungai in thei zo ing hi” tin, ti hi.
\v 15 A mun, nang cu misil hi ci tin numei nu liat haw naven, Pita a man ngai in um hitin a man khokhah zet in a tih ten, “Pita hi vancung hi tuk hi” tin, ti haw hi.
\v 16 Pita in a khen bet hang, kongka hon in a mah cu a muh hang nasezet lamdang sa haw.
\v 17 Pita in a muhte daiden no um tuk a khut zak in, a mah cu thawnginn sung pen Topa Pathian pat nak thu a hilh cengten, nohte cu hawh in Jeim le a U le nau tei lakah hi thu te hilh saw lawn ta un hitin a tih cengten, hawh tul in a dangah hawh hi.
\v 18 Khua vak ten ngalkap ten Pita nelah ii tin cang uh kam tin buainak nasezet um haw hi.
\v 19 Herod kumpi in Pita cu zei in mu ngawl a um ten, a cing tute cek in thahnak tuk thu pia hi.
\s Herod kumpi a thihnak
\v 20 Mah cengten, Herod kumpi cu Judah ngampen Kaisaria ngamah a hawh ten, Taiar khua mi le Sidon khua miten nasezet thinuuk haw. A muhte cu thinkhat lungcun zet heng in, Blatus tihmi kumpi uknak sung ah nadek thuson khawm in, daihnak a ngah theihnak tuk hehpih kun haw hi. Itahum titale, a mu ngam cu kumpi ngam suangin cawm nak ngah hi.
\v 21 Herod kumpi vang a tiap mi ni ah kumpi thuam van silh kumpi khunnak hum ah khung in a muhtei lakah thu hilh hi.
\v 22 Mihing tampi ten hi aw cu mihing aw kha ma hi. Pathian aw hitin au haw naven,
\v 23 Kumpi pan Pathian minthan nak a thangphat ngawl hang, a ngei ngawl in a nung Pathian vancung mi in dantat, pumpi sung pen lungno te a peh tik hang thi hi.
\v 25 Barnabas le Saul te cawmnak a neih cengten, Mark tin samnak minthak a nei tu Johan vang sam in Jerusalem khua pen pin leh haw hi.
\s Na dehnak ca tuk a bawlnak
\c 13
\p
\v 1 Antiok khua ah a um mi kohhran ah Barnabas, Nika a tih haw mi Simon, Sairen khua mi Lukias, ngam uktu Herod ngualcam Manean le Saul a tih haw kamsang bawl tu, saza a bawl tute um haw hi.
\v 2 A Topa Pathian bia ancang a um laih tak hawvang thiangtho tuah piak nak a neih mi na dek tuk in, “Barnabas le Saul teng ta un hi” tin, thupia hi.
\v 3 Ancang thungen in, a muhtei luhum ah a khut ngak cengten hah haw.
\v 4 Mah tihcun hawvang thiangtho hawh tik hang, a muhte cu Seleucia khua ah hawh in, mah khuapi pen tembaw tuah Cyprus tuikulh ah heng haw.
\v 5 Salamis khua ah a um laih Judah pumkhawm nak ah Pathian thu hilh haw hi. Johan vang a muhte bawm tuk in sam haw.
\v 6 Tuipi kulh sung umnak hempoh ah vak kaw kawi in Patphos khua a hen ten, kamsang a tiamhem tu Barjesus tihmi Judah mit zial thiam saza pakhat tawk haw.
\v 7 A mah cu cihthiam nak a nei tupa a hih hang, khuapi uktu Sergius Paulus tuah langkhat in um hi. Pathian thu ngai nuam in Barnabas le Saul cu sam haw.
\v 8 Mitzial tin a tihnop nak nei mi Ely-mas tih mi, a man khuapi uktu pa cu a upnak pen pial tuk in a nungzui tute kham sak hi.
\v 9 Mah laih tak Paul tin sam mi Saul cu hawvang thiangtho tuah a dim hang, mitzial thiam pa cu zo cik nginge in,
\v 10 Mizol nak, siat nak phunkim tuah a dim mi Dawihmang capa, dikcang nak ngal pa nang cu Pathian a dik mi lamzin te siatsuah ngawl in um thei ma cim maw?
\v 11 A tu hei Pathian khut cu na hum ah heng in, ni hei mu thei tuk ngawl in huncan ngeipi sung na mit thim tuk hi” tin, Paul hi tihmi a ngei ngawl in a mit thim a um hang, a khut len tu tuk zei in sing luluk in um hi.
\v 13 Paul le a ngualcam te Patphos khua pen tembaw khung in Pamfilia ngam, Perga khua ah a hen ten, Johan cu a muhtei lakpen tul in Jerusalem khua ah pin leh hi.
\v 14 Perga khua pen hawh tul leh leu in Pisidia ngam, Antiok khua ah a hen ten colhni in pumkhawm nakah tum in khung haw hi.
\v 15 Thukham laibu, kamsang laibu sial in pumkhawm nak uktu ten, “A U le nau mi tampi tei lakah thuhilh nak awnkam a neih ten, hilh ta un hi” tin, mihing cu hah in hilh tik hi.
\v 16 Mah laih tak Paul cu dingto a khut zak in Isarel mihing te penpan Pathian a lau tute aw, thu na ngai ta un.
\v 17 Isarel miphun tei Pathian in ohtei pu le pa te teng in, Izip ngam pen mikhual hihnak a nei mi miphun te khaisang in a khut thawmlian tuah a lang mi mah lai ngam pen suah tul pih hi.
\v 18 Kum sawmli sung cawm hi.
\v 19 Kanan ngam pen miphun nam salih te siatsuah in, mahmi ngam cu Isarel miphun te a lo pia hi.
\v 20 Mah cengten, kamsang Samuel a um laih ngawl kum zali sawmnga sung thukhen tute pia hi.
\v 21 Kumpi nget nak a neih leh haw ten Saul tihmi Kish capa, Benjamin miphun pa cu kum sawmli sung pia hi.
\v 22 Mah cengten, a mah cu lawl in Isarel kumpi hihnak ah David cu khaisang hi. A man theihpih nak tetti nei in, “Ka thinlung a kim hang ka deihnak kim tik tu Jesee capa David cu kei man mu zo ing hi” tin, thupia hi.
\v 23 A miphun sung pen Pathian in thukam piak mi bang, nunpan tu Topa Zisuh cu Isarel miphun tei lakah heng tik zo hi.
\v 24 Mahmi Topa a hen laih ngawl in, Johan cu sualsih nak thu tuah a seng mi Baptisma thu hilh ham zo hi.
\v 25 Johan in a na deh nak a bawl lih laih tak keimah cu a kua tuk in ngaisung uh kam? Kei cu a mah hi kha mang hi. Ka nungpen a heng tuk mi pakhat um laih hi. A ma kedam hei a duhsak tuk taak mang hi.
\v 26 Abraham miphun a hi mi U le nau te penpan nohtei lakpen Pathian launak a nei mite, nunpat nak thu awnkam cu nohtei lakah za tik hi.
\v 27 Jerusalem khua ah a um mite tuah a muhtei lakpen U pa te cu Topa hei hihen, colhni sial in sialnak a neih le leng haw mi kamsang tei awnkam hei hihen, a theih haw ngawl hang Topa cu thukhen nak ah kamsang tei awnkam kim tik haw zo.
\v 28 Topa nelah thihnak a thuak tak mi sual mu haw ma naven, thahnak tuk thu Pilat kumpi pai nelah ngen haw.
\v 29 Laithiangtho sungah Topa camcawh in a ngat mi hempoh a bawl haw ten, a luang cu thinglamteh hum pen khiasuk in thankhuk sungah koih haw.
\v 30 Pathian in thihnak pen a thawh leh tik hang,
\v 31 Kallilee ngam pen Jerusalem khua a nungzui tutei lakah ni tampi a pumpi tuah lak hi.
\v 32 A mun mihing tampi tei lakah thiehpih nak tetti nei haw hi.
\v 33 Saam panih nak sungah a heng mi bang nang cu ka capa hi ci.
\v 34 Tu ni tian ah hei in nang cu cang tik zo ing hitin a heng mi bang, Pathian in Zisuh cu a thawh tik hang, ohtei pu le pa tei lakah a um mi thukam cu a muhtei capa a himi ohtei lakah cangkim zo a hih hang, David nelah a cat ngawl a kho mi a hehpih nak cu nohtei lakah pia tuk ka tihmi thuphuan nak bang, Topa cu thihnak pen tho leh tik in a sia thei mi hihnak ah a cat ngawl heng tik luat nak a piak mi hei hihen, lungdam nak thuthangpha cu kohten, nohtei lakah hilh zo ung hi.
\v 36 David in a khut sung ah Pathian deih nak bang na deh tuah a thih ten a pu le pa tei khanmual ah phum in siatnak ah heng hi.
\v 37 Pathian thawh leh tik mipa cu siatnak ah heng ma hi.
\v 38 Mah hang, sualzah ngaihdam nak thu cu nohtei lakah a hilhnak thu hei hihen,
\v 39 Mahmi Topa a umtu hempoh ten Mosi thukham bang, sualzah ngaihdam nak neih theih ngawl mi hempoh te tuah sualzah ngaihdam nak a co haw mi cu thei ta un.
\v 40 Kamsang laibu sungah a heng mi bang, U pat nak a bawl thei ngawl miten lamdang sa zet zo in siatnak ah heng haw ta hen.
\v 41 Itahum titale, nohtei lakah midang pakhat in a bawl ta vang nohten na up ngawl nak thu nohtei khut sungah bawl ing hi tin, Laithiangtho sungah a tel mite cu nohtei humah heng kha tuk ngawl in ngalling ta un hi” tin, Paul in ti hi.
\v 42 Mihing tampi te pumkhawm nak munpen a tul haw laih tak mahmi thu cu a muhtei lakah mai pi colhni ten hilh tuk in ngen haw.
\v 43 Khawmnak cu ceng in a pinkhawng cengten, Judah mihing te penpan Pathian a bia tute cu Paul le Barnabas nungah a zui haw hang, a mun Pathian hehpih nak ah kho le leng tuk in a nungzui tute thu hilh haw hi.
\v 46 Mahten Paul le Barnabas in, “Pathian awnkam thu cu nohtei lakah a masa in hilh ing. Mah naven, nohten lawl in kumkhua nunnak co taak tuk um ma hi” tin, nangmuh le nangmuh thukhen nak na neih uh hang, Pathian thucah nak bang ohten a mitmai pial in miphun dang tei lakah hek haw hi.
\v 47 Thucah nak a neih mi thuphuan cu, “Nang cu leihum a tawp tian nunpat nak thu hilh tuk miphun dang tei vak nak co tuk in ap nak ka piak mi hitin thuphuan um hi” tin, ngalhang zet hilh haw hi.
\v 48 Mahmi thu awnkam miphun dang ten a zak haw ten lungdam in Pathian awnkam thu thangphat haw hi. Kumkhua nunnak co tuk in apnak a neih mi hempoh ten upnak a neih haw hang,
\v 49 Pathian na dehnak cu ngamsung hempoh ah thangkeh khawng hi.
\v 50 Mah laih tak Pathian cu bia in U pat nak a nei tu numei te le khuapi sungah um mi U pa te cu Judah miten sosuah in, Paul le Barnabas te bawlsiat tik in mahmi ngampen hawl vawk haw hi.
\v 51 A nungzui tuten a muhtei ke nuai ah a kop mi leivul cu thingseuh in, Ikuaniam khua ah hawh haw hi.
\v 52 A nungzui tuten lungdam nak tuah hei in hihen, hawvang thiangtho a dim tuah um haw.
\s Ikuaniam khua ah na deh nak le bawlsiat thuaknak
\c 14
\p
\v 1 Ikuaniam khua a hen ten a mu panih cu Judah pumkhawm nak ah tum in thu hilh nak a neih hang, Judah miphun, mi phundang tampi ten upnak co haw hi.
\v 2 Upnak a nei ngawl Judah mite cu mi phundang ten so in, U le nau tei hum ah iksik huatnak heng tik haw hi.
\v 3 Mah hang, ngeipi um in Topa Pathian thu cu a cat ngawl phuang haw hi. Topa Pathian hehpih nak thu cu theihpih nak tetti nei in, a nungzui tuten na lamdang thasiah huai bawl theih nak thu pia hi.
\v 4 Mah khua sung ah a um mi hempoh te khen kek nak um in a hek khat ten Judah tei lakah hei hihen, a hekkhat te a nungzui tutei lamah hihen um haw hi.
\v 5 Uktu U pa te le a nungzui tute bawlsiat suang tuah sep tukin thum tawtoh tai in a hil haw mi thu cu,
\v 6 A nungzui tuten a theih ten, Likonia ngam Listtra khuapi, Derbe khuapi pen khua no ah tai in,
\v 7 Mah lai umnak mun ahcun thuthangpha phuang haw hi.
\s Barnabas le Paul cu pathian te hitin ngaisung haw
\v 11 Paul hi bawl mi a mu tu mi tampi ten khuasia pathian ten, mihing hihnak tiam in ohtei umnak ah heng suk haw tin Likonia awn tuah au haw hi.
\v 12 Paul in nasezet a phuan nak hang a mah cu Hermes tih hei in hihen, Barnabas tih vang hei in sam haw hi.
\v 13 Mahmi khuapi mai ah umnak a nei mi Zeas thiampi in khui le pak kawn cu khuapi kongka bulah keng in mi tampi te tuah thiampi a bawlnak cu,
\v 14 A nungzui tu Barnabas le Paul in thu a zak ten, a muhtei puan cu botkek in mi tampi tei um nak sungah tai tum in,
\v 15 Ngualcam te aw, ita hi tihbang in bawl uh cim? Kohten nang muhte bang leihum ah a ngamta nungca mi hi ung hi. Nohten a thupi nak imah um ngawl mite vawk in, vanhum, leihum, tuipi thuanthum penpan mun hempoh ah a um mite bawl in, a nung mi Pathian nelah thin thek nak a neih theih haw nak tuk, kohten thuthangpha hilh ung hi.
\v 16 A bosa mi huncan in miphun hempoh te Pathian in a muhtei deih thu ngamta nung tuk Pathian in thupia hi.
\v 17 Mah naven, nohtei humah hehpih nak bawl an eih tuk pia in le lungdam tik tuk, vanhum pen nguahzu tik in, ankung te a nguisa tik tukin huncan te a piak hang, Topa um hi tih cu theihpih nak tetti nei ngawl in um awng ma hi” tin, Paul le Barnabas in au haw hi.
\v 19 Mah laih tak Judah miten Antiok khua, Ikuaniam khua pen heng in mipi tei lakah thuson khawm in Paul cu suang tuah sep in thi zo hi tin, ngaihsut nak thinlung tuah khuapi pawlam ah dok tul haw hi.
\v 20 A nungzui tuten kil pimpem a um laih tak Paul cu tho in khuapi sungah tum leh leu hi. A zing ten Barnabas tuah Derbe khua ah hawh haw hi.
\s Kohhran a dit nak
\v 21 Mahmi khua sungah thuthangpha hilh in mihing tampi a nungah zui tik in Listra, Ikuaniam, Antiok khua lam a hawh nak kel pen pin leh haw.
\v 22 Mah tihcun a pin kik leh laih tak a nungzui tei thinlung a kho tik hang, upnak ah kho tuk sosuah in kohten haksat nak tampi te thuak in Pathian uknak ngam ah tum tuk in hilh haw hi.
\v 23 Kohhran tei lakah kohhran U pa te apnak pia in, ancang thungen in a muhtei up mi Topa Pathian nelah a muhte ap haw hi.
\v 26 Mah lai khuapen tembaw khung in, a muhtei bawl sa mi na deh nak ca Pathian hehpih nak sungah ap in, hahnak neih mi Antiok khua ah heng leh haw hi.
\v 27 Mah lai khua ah a hen ten kohhran sungah a tum mite hulawmkhawm tik in, a muhtei hang Pathian bawlnak hempoh te hei hihen, upnak kongka cu miphun dang tei lakah a honsak nak thu hei hihen hilh haw hi.
\v 28 Mah khuapi ah a nungzui tute tuah ngeipi um haw hi.
\v 1 Judah ngampen Antiok ngam ah a heng mi hek khat ten, nohte cu Mosi dan thu piak nak bang vun lek talhnak na co uh ma tale nunpat nak ah heng thei ma hi” tin, U le nau tei lakah thuhilh haw.
\v 2 A muhte le Paul, Barnabas te cu thuson khawm el dunnak a tam ten, Paul le Barnabas ten a dang a nungzui tute tuah mah thu buai nak hang Jerusalem khua ah a um mi a nungzui tute le kohhran U pa tei lakah hawh tuk in thukhen haw hi.
\v 3 Mah tihcun a mun kohhran lamhoih nak hang Phonisia ngam le Samaria ngam tawn in, mi phundang tei thinlung thek nak thu te a hilh ten, U le nau hempoh te lungdam tik haw hi.
\v 4 Jerusalem khua ah a hen haw ten, a nungzui tute le kohhran U pa ten a muhte lungdam nak tuah muak in, a muhtei hang Pathian na dehnak hempoh te hilh haw hi.
\v 7 Tampi el dunnak a um ten Pita cu ding to in U le nau te aw, Pathian in a masa bel ohte teng in, thu hilhnak ka neih hang muphun dang ten thuthangpha za in, upnak tuk thu nohten thei zo uh ci.
\v 8 Thinlung theihnak a nei Pathian in hawvang thiangtho ohtei lakah a piak mi bang a muhtei lakah a piak hang, a muhtei lamah theihpih nak tetti nei hi.
\v 9 Upnak hang, a muhtei thinlung thiangtho tik in ohte tuah a danglam nak um tik cuang ma hi.
\v 10 Mah hang, Eimuhte le ohtei pu le pa ten puak zawh tuk ngawl mi van cu nungzui tei ko ah suan tuk in Pathian in ita cul haw hum?
\v 12 Mah ten Barnabas le Paul cu a muhtei hang, miphun dang tei lakah Pathian na dehnak hempoh a lamdang, thasiah huai thu te a hilh haw mi cu daiden no ngai in um haw.
\v 13 A mun a hilh khawng cengten Jeim in U le nau te aw, ka thu awnkam ngai un.
\v 14 Pathian in a min tuk miphun dang tei lak pen a hekkhat te dok tul tuk in, a masabel miphun dang te zo tuk in a hennak thu Simon in hilh zo hi.
\v 15 Mahmi thu te kamsang tei awnkam thu tuah a bang ve mi hi.
\v 20 Zuk milim tei a thiangtho ngawl te hei hihen, a dik ngawl mi nu le pa sual hei hihen, a long pen san in thahnak a neih mite hei hihen, thisan hei hihen ei ngawl in a muhtei lakah thu hilh nak zui kul tuk hi” tin, lungkim ing hi.
\v 21 Itahum titale, Mosi thukham cu pumkhawm nak pen colhni sial in sialnak a neih hang, Mosi thukham cu tang laih penpan khua hempoh ah hilhnak a neih mi um hi” tin, Jeim in ti hi.
\v 22 Mah laih tak a nungzui te, kohhran U pa te le kohhran sungah a lut mi hempoh te a muhtei lakpen teng in U le nau tei sung pen a lang Bar-sabas tih minthak a nei mi Judah le Silas cu Antiok khua ah Paul le Barnabas te tuah hawh tik tuk in lungkim haw hi.
\v 23 A muhtei khut tuah a piak mi lai cu a nungzui te, kohhran U pa te le U le nau te Antiok penpan Samaria ngam, Siria ngam a um miphun dang U le nau te itnak tuah muak haw hi.
\v 24 Mihing hekkhat ten kohtei thupiak nak um ngawl tai tul in nohte vun lek talh nak nei tuk uh ci, thukham dan zui tuk mi thu awnkam in nohtei thinlung siatsuah nak cu kohtei zak nak hang,
\v 25 Ohtei Topa Zisuh min hang, a nunnak pia in itnak a nei tu,
\v 26 Barnabas, Paul te tuah tennak neih mite nohtei lakah hah tuk in thu vaisiam nak a neih haw bangin,
\v 27 Mahmi thu te nohtei lakah kam tuah hilh tuk in Judah le Silas cu hawh tik haw hi.
\v 28 Zuk milim mai ah biak piak nak sa hei hihen, thisan hei hihen,
\v 29 Long san in thah nak neih mi hei hihen, nu le pa sual nak hei hihen can tuk mi thukham sial ngawl, a dang van te nohtei hum ah suan tuk in hawvang thiangtho le kohten deihnak um ma hi. Mahmi thu te cu pial tuk kul hi. Dam no in um ta un hi” tin, ngan in pia hi.
\v 36 Ni tampi a ngei ten, “Paul in, ohten Pathian thu hilhnak a neih awng uh mi khua ah um U le nau te itihbang um haw hum tih zo tuk in hawh leh tuk hung hi” tin, Barnabas nelah ti hi.
\v 37 Barnabas in Mark tih mi Johan sam tuk in ngaisung hi.
\v 38 Paul in, Pamfilia ngam ah a muhte tuah khen in na deh nak ah a zui ngawl tu a mah cu sam tuk kul ma hitin, ngaisung hi.
\v 39 Mahmi thu tuah pakhat le pakhat lemcang ngawl mundang tek ah hawh in, Barnabas in Mark sam in Cyprus tuikulh ah tembaw tuah hawh hi.
\v 40 U le nau te Paul in Pathian hehpih nak cu apnak a neih haw hang, a man Silas teng in hawh hi.
\v 41 Kohhran cu khohkhah tik in Siria ngam, Silisia ngam te ah hawh vawk haw hi.
\s Timote cu Paul nadeh pih tuk a samnak
\c 16
\p
\v 1 Mah cengten, Paul in Derbe khua le Listra khua ah Timote tih mi nungzui umtu pakhat um hi. A nu cu umtu Judah numei hi. A pa cu Grik mi hi.
\v 2 A mah cu Listra, Ikuaniam khua ah a um U nau tei lakpen U pat maizah tak mipa hi.
\v 3 Paul in a mah sam tuk a deih nak um hang, a pa cu Grik mi a hih nak cu mah lai munah in a um Judah mi hempoh ten a theih ten, vun lek talhnak cu a mah pia hi.
\v 4 A muhte cu khuapi tam zet ah a hawh laih tak Jerusalem khua ah a um a nungzui te le U pa tei bawl mi dan thu cu kohhran tei zui tuk in ap haw hi.
\v 5 Mah tihcun kohhran ten upnak ah kho zet a um hang, nikhat nung nikhat mihing tampi pungzai haw.
\v 9 Zan lam ten Paul in muhnak pakhat nei hi. Mesidonia mihing pakhat ding in, “Mesidonia ngam ah hung in. Kei mah bawm in hi” tin, a ma nelah hehpih ngen hi.
\v 10 Mahmi mangmuh nak cu a muh ten Mesidonia ngam ah thuthangpha hilh tuk in, Topa Pathian in kei muhte sam hi tin kohten lungkim nak tuah mah lai ngamah hawh tuk in ngaisung cih paih thei ung hi.
\v 11 Mah hang, Troas khua pen tembaw tuah hawh in Samotrasia tuikulh lampen cambak hawh in, a zingten Neopolis khua ah heng haw hi.
\v 12 Mah lai khua pen Fillipi khua ah hawh hi. Filipi khuapi cu Mesidonia ngam tei a thupi mi khua pi a hih hang, Rome tei uk nak nuai ah a um mi khuapi vang na hi bok hi. Kohte cu mah lai ah huncan ngeipi um ung.
\v 13 Colhni in kohte khua pawlam ah hawh tul tale thunget nak neih theih mi um nak mun tuipi mawk lam ah hawh in, mah lai mun ah khung in mah lai munah hulopkhawm nak nei mi numei tei lakah thu hilh ung hi.
\v 14 Mah laih tak puanthan sandup a zuak tu Thy-atira khua Lidia tihmi numei pakhat cu Pathian biaknak nei mi a hih hang, thuson a ngaih laih tak Paul hilhnak a neih mi thu ngai tuk in a thinlung Topa Pathian in honsak hi.
\v 15 Mah numei nu cu a innkua hawng in baptisma a lak cengten, kei cu Topa Pathian a man in upnak nohten na ngaisung uh tale ka inn sungah tum in cam un hitin ngen in kei muhte sam lo hi.
\v 16 Mah cengten, kohte cu thunget nak munah hawh laih tak khuasia lut tum in mai lam thu hilhnak a neih hang, a muhtei topai nelah sum zeih nak bawl thei mi numei no pakhat in kei muhte muak hi.
\v 17 Mahmi numei no cu Paul le kei muhtei nungah zui in, “A muhte nunpat nak lamzin hilh tu a sang bel Pathian sila na deh tute haw hi” tin, ti hi.
\v 18 Mah tihcun vei tampi a bawl hang, Paul in thinnop ngawl a zoh kik ten nang cu a ma sung pen tul in. Zisuh min suang in thupia ing hi” tin, mah khuasia cu a ngei ngawl in tul hi.
\v 25 Zanngil ten Paul le Silas cu thungen Pathian thangphat lasa in um haw. Thawnginn sungah a um miten ngai haw.
\v 26 Mah a ngei ngawl in leipi nasezet a hin hang, thawnginn bulpi vang hinglet hi. Kongka a um mi hempoh te vang honglet khawng paih in, thawnginn sung mihing hempoh luat nak ngah haw.
\v 27 Thawnginn uk tupa cu tho in thawnginn kongka te honglet khawng a muh ten, thawnginn sung ah a um mite tai tul khawg haw zo tin ngaisung in, nam kawng sungah a nam cu dawk in a mah le mah that tuk in bawl hi.
\v 32 A mah penpan a inn ah a um mi hempoh tei lakah Topa Pathian thu hilh haw hi.
\v 33 Mah zan, mahmi huncan ten thawnginn uk tupa cu Paul le Silas te sam in a thuak nak liam ma te somsak in, a muhtei innkua hawng in Baptisma la cih vawk haw hi.
\v 34 A man Paul le Silas cu a inn ah sam an eih cawm in, a innkua venghawng in Topa Pathian upnak a neih haw hang lungdam haw hi.
\v 36 Mahmi thu awnkam cu thawnginn uk tupan Paul nelah hilh in, uktu U pa ten luat nak pia tuk in ngalkap te hawh tik haw zo hi. Mah hang, a tun tul in daiden no hawh ta un hi” tin, ti hi.
\v 37 Paul in, Rome miphun kohte cu dan thu bang thukhen ngawl in, ngalkap ten mihing tampi tei mai pen vat in thawnginn sungah a khum cengten, daiden no hawl vawk tuk mi maw. Mah tihbang in bawl mi hima hi. A mah loli hung in kohte sam in suah hen hi” tin, ti hi.
\v 38 Mahmi thu awnkam cu thukhen nak ngalkap tei lakah thei tik in, Paul le Silas cu Rome mi a hihnak thu ngalkap ten a theih haw ten lau in,
\v 39 A mah loli heng in hehpih nak awnkam tuah a muhte sam in mah lai khua pen suah tul tukin hehpih kun haw hi.
\v 40 Mah ten Paul le Silas cu Thawnginn pen tul in, Lidia inn ah a luh tum haw hang U le nau te tawk in a muhte thu sosuah nak a neih cengten hawh tul haw ta hi.
\s Thesilon khua pen na dehnak
\c 17
\p
\v 1 Mah cengten, Amfipolis khua tawn vawk in Thesilon khua ah heng haw hi. Mah lai khuapi ah cun Judah tei pumkhawm nak um hi.
\v 2 Paul in a ma dan thu a neih mi bang mahmi pumkhawm nak munah tum in, colhni veithum tian Laithiangtho sihsan a muhte tuah thuson khawm in,
\v 3 Khrih cu thihnak thuak tuk hi. Thihnak pen tho leh tuk hi. Hilhnak ka neihmi Zisuh cu Khrih hi thu ciang zet son hi.
\v 4 A muhtei lakpen a hekkhat ten um in, Paul le Silas nungah zui haw. A muhtei lakpen Pathian biaknak a nei tu Grik miphun tampi tel in minthan nak a nei mi numei te vang tampi hi.
\s Jason inn pen buainak
\v 5 Judah miten mi ngilo misual te sam in khuapi sungah buainak nasezet bawl haw. Jason inn kilcih haw in a muhte cu mipi tei mai ah dok tul in zei haw.
\v 6 Mu ma tale Jason le a U le nau hekkhat te thu nei tu U pa tei lakah hawhpih in, hi leihum noksak buai tik tute cu hi umnak mun le ngam tian ah heng haw zo hi.
\v 7 Jason in a muhte camnak nak pia hi. A mu venghawng in Sizal kumpi pai thupiak mi dodal haw hi” tin, au haw hi.
\v 8 Uktu te penpan khawmnak a nei tutei thinlung cu mah tihbang thu awnkam tuah haksat nak bawl haw hi.
\v 9 Mah laih tak Jason in a tang laih mite cu sumpia tik in hah haw hi.
\v 10 Zan huncan ten ngualcam U le nau ten Paul le Silas cu Beria khua ah hawh tik haw hi. A muhte cu mah lai khua ah a hen haw ten, Judah mitei pumkhawm nak inn ah tum haw hi.
\v 11 Beria khua te cu Thesilon khua te sang sunglawi saw a hih hang, a thiangtho mi thinlung tuah co nak nei in a man le man ngawl thei tuk in, Laithiangtho cu nisial pha tak zet in zo haw hi.
\v 12 Mah hang, Judah mihing tampi ten um haw hi. U pat maizah tak mi Grik numei te le pano ten um haw hi.
\v 13 Paul in Beria khua ah Pathian thu a hilhnak cu Thesilon khua mi Judah miten a zak haw ten, Beria khua ah hung leh in, mihing tampi te sosuah haw hi.
\v 14 Mah laih tak ngualcam U le nau ten Paul cu hawhcih paih in, tuipi mawk lam tian hen haw hi. Silas le Timote cu tang haw hi.
\v 15 Paul a hen tuten Athen khua tian hen in, Silas le Timote cu a cang thei tawp a manlang hung tuk in thupiak nak keng in pin kik leh haw hi.
\v 16 Paul cu Athen khua ah Silas le Timote ngak a um laih tak, mahmi khua ah zuk milim a dim in a um mi cu a muhten a thinnop him ngawl in um hi.
\v 17 Mah hang pumkhawm nak mun ah Judah mite pen pan Pathian a bia mite hei hihen, mi tampi khawmnak munah nisial tawk in a muh mite tuah hei in thuson khawm hi.
\v 18 Mah laih tak Epikura nungzui tute le Stoick cihnak nei mi hekkhat te Paul tuah thu el dunnak nei in, a hek khat ten mi thawthong pan itihbang in son nuam hum tin ti haw hi. A hekkhat ten, hi mipa cu miphun dang tei khawsia pathian thu hiilh tupa tuah bangve hi” tin, ti haw hi. A son mi thu cu Paul in Zisuh thu le a thawh leh nak thuthangpha son hi.
\v 22 Mah laih tak Paul in Areopagus mual hum ah ding in Athen khua mite aw, nohte cu thil hempoh ah khawsia pathian te U pat nak na neih theih uh mi cu mu ing hi.
\v 23 Lamzin ah hawh in nohtei pathian ka zohlaih tak, kohtei theihnak um ngawlmi pathian ca tin laingat nak nei mi biakpiak nak pakhat cu mu ing. Nohten thei ngawl in na biaknak uh mi Pathian thu hilh ing.
\v 24 Hi leihum ah a um mi hempoh a bawl tu Topa Pathian cu van le leihum tei Pathian a hih hang, mihing tei khut tuah sak mi biakinn ah um ma hi.
\v 25 Pathian in nunnak tuah a suak a tul mi penpan thil hempoh a pia tu pa a hih hang, thil pakhat cu a deih nak a um bangin mihing tei khut tuah cawm ma hi.
\v 26 Pathian in leihum a um miphun hempoh bang ten bawl in a muhtei lakah a khenkhuai mi huncan hei hihen, a muhtei umnak khenkhuai nak te vang sialsiah in khum hi.
\v 27 Ithum titale, mihing ten Pathian cu a zei haw tenmu hei in mu haw tuk hi. Mah tin ti vang, Pathian cu ohtei lakah a kua mah tuah hei in khua la ma hi.
\v 28 Kohte cu Pathian hang nung in, phia thei ngamta thei in a cang mite hung hi. Mah bang bok in, nohtei lak pen Zei aw laphuah thiam saza hekkhat ten kohte cu Topa miphun nam, a sungsuak cate hung hi” tin, phuah haw hi.
\v 29 Kohte cu Pathian miphun hinnam canu le capa hihnak hang, mihing tei thiamnak le ngaihsut nak tuah sui, suangtum te bawl in Pathian tuah a bang ve hi” tin, ngaisung pah sun.
\v 30 Pathian in mihing tei theih ngawl mi huncan ah ngamtat nak cu poi ti ma naven, a tu cun mai sualnak te mu in sualsih nak nei un hi” tin, mun tih kim a um tu tei lakah thu pia hi.
\v 31 Itahum titale, Pathian piak mipa a hih hang, leihum mite a thiangtho thukhen nak tuk ni hun le can teek ham zo hi. A mah cu thihnak pen a thawh leh tik zo hang, mi hempoh tei lakah up taak mi theihpih nak tetti lak zo hi” tin, Paul in phuang hi.
\v 32 A thi mitei thawh lehnak thu a zaak ten mi hekkhat ten sonsiat haw hi. A hekkhat ten, hi thu na awnkam cu kohten tu nungten ngai leh tuk ung hi” tin, ti haw hi.
\v 33 Mah tin a tih haw ten Paul in a muhtei lak pen tul hi.
\v 34 Mihing hekkhat ten Paul cu ngualcam in a phial hang um haw hi. A muhtei sung pen Dionisius a tih mi Areopakas pakhat, Damaris tihmi numei pakhat sial ngawl midang tampi um hi.
\s Korin kohhran dinnak
\c 18
\p
\v 1 Mah cengten Paul cu Athen khua pen hawh tul in Korin khua ah heng hi.
\v 2 Mah ten Judah mi hempoh Rome khua pen a suah tul nak tuk thu Claudi-us kumpi thupiak nak a um hang, Pontus ngam Akuila tihmi Judah mi pakhat cu Italy ngampen heng in a nupi Priscilla tuah a ngei ngawl in heng mi Paul in a tawh ten a muhtei lakah tum in,
\v 3 Na dehnak a bang ve hang a muhte tuah um kawm in na deh haw hi. A muhte cu deu buk puan khui thiam mite haw hi.
\v 4 Paul cu colhni sial ten pumkhawm nak inn ah thuson khawm in, Judah mite le Grik mite sosuah hi.
\v 5 Silas le Timote cu Mesidonia ngam ah a hen haw ten, Paul in a muhte tuah thuhilh nak bek nei in, Zisuh Khrih thu cu Judah mitei lakah zuamnak tuah theihpih nak tetti nei hi.
\v 6 Judah miten el haw naven, Paul in a silhmi puan cu thing in nohtei thisan cu nohtei luhum ah um ta hen. Kei cu luat ing. A tu penpan miphun dang tei lakah hawh tung hi” tin, a son cengten,
\v 14 Paul in kamkeu tuk in a um laih tak Gallio uk tupan Judah mite aw, a man ngawl mi thu, a siahuai mi na a hi tale keiman nohtei thu a cang mi bang ngaidam tung hi.
\v 15 Mah ahima tale awnkam thu in hihen, min samnak hei in hihen, nohtei thu theihnak a um tale a thu cu cingkem ta un. Mah tihbang mi thukhen tuk in nei mang hi” tin, ti in,
\v 17 Mah laih tak Grik mi hempoh pumkhawm nak inn uktu Sosthenes cu man in, thukhen nak mai pen vat haw hi. Mahmi thu cu Gallio in imah thupi sa ngawl in um hi.
\v 18 Mah cengten Paul in nitam pi um U le nau tei lakah hehpih kun in, mah lai khua pen tul hi. Paul in thukam a bawl bang in Kenkhrea khua pen sam a meh kolh cengten, Pricilla le Akuila te sam in Siria ngam ah tembaw tuah hawh haw hi.
\v 19 Efisa khua a hen ten, pumkhawm nak inn ah tum in Judah mite tuah thuson khawm haw hi.
\v 20 A mun a muhte tuah Paul um hih tuk a kut haw ten Paul in lungkim ngawl in,
\v 21 A heng li toh mi puai cu Jerusalem khua ah a thungai in ka tel kul cam hi. Pathian deihnak a um tale, tu nung ten nohtei lakah hung leh tung hi” tin, Pricilla le Akuila cu Efisa khua ah um tik in tembaw tuah hawh leh leu hi.
\v 24 Apollos tih Alexander khua mi Judah miphun nam pakhat cu Efisa khua ah heng hi. A mah cu awnkam thiam nak le Dan a thiam mipa hi.
\v 25 Topa Pathian thu zil in le hawvang thazang a nei mi Zisuh thu phatak zet hilh hi. Mah naven, Johan Baptisma thu bek thei hi.
\v 26 A mah cu pumkhawm nak mun ah ngalhang zet thuhilh nak a neih hang, Akuila le Pricilla ten a thu awnkam a zak haw ten, a mah sam in Pathian thu cu na se saw ciang zet hilhcian haw hi.
\v 27 Apollos in Akhaia ngamah hawh nuam in U le nau ten a mah cu thapia in, mahmi ngam ah a um tu a nungzui tei lakah lungkim tuk in laikuat hi. A mah a hen ten a hehpih nak hang, um tute cu tampi bawm hi.
\v 28 Zisuh cu Khrih a hihnak thu Laithiangtho sungah ciangzet mi hempoh tei mai pen Judah tei awnkam cu nging zet au in don leh hi.
\s Efisa khua ah na dehnak
\c 19
\p
\v 1 Apollos cu Korin khua ah a um laih Paul cu Efisa khua ah khhualzin heng in, a nungzui hek khat te a muhten;
\v 2 Nohten upnak na neih cengten, hawvang thiangtho co nak nei toh uh cim” tin, thu a dot ten, “Hawvang thiangtho a hen lam cu kohten thei ma ung hi” tin, ti haw hi.
\v 4 Mah ten Paul in, “Johan cu a nungpen a heng mipa cu upnak neih tuk mi hi’ tin mitampi tei lakah hilh in, sualsih nak thu tuah a seng mi baptisma cu pia hi. Mah tin a son mi cu Zisuh Khrih a tihnop nak hi.
\v 8 Mah cengten, Paul cu pumkhawm nak inn sungah tum in hathum sung ngalhang zet thu hilh in, Pathian uknak ngam thu son in a muhte zawm hi.
\v 9 A hekkhat ten lunglian um ngawl in a um hang, mipi maipen a man mi lamzin sonsiat nak a neih haw ten, Paul cu a muhtei lakpen suak tul in Ty-ran’nus laicun nak khan sung pen nisial thu hilh hi.
\v 10 Kumnih sung mah tihbang bawlnak a neih hang, Judah miphun te hei hihen, Garik miphunte hei hihen, Asia ngam sungah a um mi hempoh ten Topa Pathian thu cu za haw hi.
\s Efisa khua sungah Dawih thiamte a siatsuah nak
\v 11 Pathian in Paul khut tuah a lamdang thasiah huai huham te bawl hi.
\v 12 A man mi pavua, taipom pakhat keng in tidam ngawl mitei humah a ngak ten, a muhtei nat nak te dam in khuasia te vang suak tul haw hi.
\v 13 Mah ten a vak kawkawi thei mi Judah dawihthiam hek khat te cu khuasia vei mitei hum ah Topa Zisuh min cu sam tuk in ngaihsut zuamnak a neih ten, Paul thu hilhnak neih mi Zisuh hang nohte cu nasezet thupia ing hi” tin, ti haw hi.
\v 15 Khuasia vang in Zisuh cu thei ing. Paul vang thei ing. Nohte cu a kua te uh kam tin a tih cengten,
\v 16 Khuasia vei tupa cu a muhtei humah dawk in a neh siah bawl siat nak hang, mahmi inn pen thacang liamma vei thah in taitul haw ta hi.
\v 17 Mahmi thu te Efisa khua sung um Judah le Gential miphun dang ten a theih ten lau in Topa Zisuh min thangphat haw.
\v 18 Um tu mihing tampi te heng in a muhtei sual nak te phuang in hehpih ngen haw hi.
\v 19 Dawih thiam nak a mang tuten a laidal zial te vang keng in mipi maipen hal kang haw hi. A laibu man tuat tale thawngsawmnga man hi tih cu thei haw hi.
\v 20 Mah tihcun Topa Pathian na dehnak cu huham tuah khang sesem in um hi.
\v 21 Mah cengten Paul in, Mosidonia ngam le Akhai-a ngam tawn vawk in Jerusalem khua ah hawh hi. Jerusalem khua ah a hen cengten, Rom khua mu tuk ci tin a thinlung sungah ngaihsut nak a neih bang,
\v 22 Mah hang a mah bawm tutei lak pen Timote le Eratus te Mecidonia khua ah hah in, a mah cu Asia ngam ah dawm no um hih laih hi.
\v 23 Mah huncan sungah sakhua thu tuah seng in nasezet buainak heng hi.
\v 24 A heng mi thu cu De-me’tri-us tih mi ngun na bawlthiam saza pakhat in Di-an’a khuasia nui ngun biakinn no a bawl hang, ngun na bawl thiam tute nemcuam nak cang tik hi.
\v 25 A man a muhte bang a bawl mite hulopkhawm tikin, “Ngualcam te aw,” hi na dehnak hang ohte hauhsak nak a hen tik mi cu nohten thei uh ci.
\v 26 A tuin Paul in, mihing khut tuah bawl mi hempoh te Pathian khama hi” tin, a tih hang, Efisa khua pen pan Akhai-a khua ngamsung hempoh ah hei mihing tampi te zawm in lampial tik zo hi.
\v 27 Mah tihcun mihing tampi ten ohtei thiam nak te sonsiat nak bek sial ngawl, a sunglawi mi Di-an’a khawsia nui biakinn sihsan in Asia ngam penpan leihum ngam hempoh tei biak mi minthan nak sia tuk hi tih a lau hang hi” tin, ti hi.
\v 29 Khuapi sung hempoh ah buai zet um hi. Paul ngualcam zuinak a nei tu Mecidonia mi Aris-tar’chus le Ga-ius cu man in, puai bawlnak sungah thawm nei zet in tai tum haw hi.
\v 30 Paul cu mipi hulop nak ah tum nuam naven, a nungzui tuten a mah cu kham haw.
\v 31 Paul ngualcam te cu Asia ngam U pa hek khat ten, a ma nelah mihing hah in puai bawlnak sungah ap tuk ngawl in hehpih kun haw.
\v 32 Pawlkom nei mihing te buai nak bek a hih hang, mi pakhat hi aunak cu a tuamtek in au haw hi. Mihing a tam sawn ten a muhtei hulopkhawm nak hei theicop haw ma hi.
\v 33 Judah miten Alexander cu a mai ah suak tul tik in mi hulopnak tampi sung pen a hekkhat ten, a mah cu a lungkim hang Alexander in a khut zak in mihon tampi tei lakah don leh tuk in zuam hi.
\v 34 Mah naven a mah cu Judah miphun tih a theih ten a venghawng awkhat suah in, “Efisa khua tei Di-an’a khuasia nu cu thupi hi” tin, nazi panih pawl aunak nei haw.
\v 35 Mah cengten khua sung cazi in mihing tampi te dai tik in Efisa mite aw, Efisa khuapi cu Jupi-ter pathian lakpen a heng milim Di-an’a khawsia pathian nui biakinn cingkem tu khua a hihnak thu a thei ngawl tu pakhat no hei um ni maw?
\v 36 Hi thu te el dun tuk imah a um ngawl hang, nohten daiden no um un.
\v 37 Ngaihsut ngallin nak nei ngawl in imah bawl theihnak um ma hi. Biakinn long in siatsuah nak vang nei ma hi. Ohtei Di-na’a khuasia nu sonsiat mi vang hima hi.
\v 38 Mah hang Deme’tri-us penpan a mah tuah um kawm mi thiam nak a nei te cu mi pakhat nelah sualnak a um tale thukhen nak zung um hi. Khua sung U pa te um hi. Sualnak a nei tuten tawk dun haw tuk hi.
\v 39 Mah ahima ta a mun a dang thukhen nuamnak a nei tale a man mi thuson khawm nak ah thukhen tuk hi.
\v 40 Tuni a cang mi thu tuah seng in a kho mi thu pakhat no hei a um ngawl hang, kohten sual nak ah heng tuk hi” tin, lau nak um hi. Itahum titale, thuman ngawl thuson khawmnak cu son tuk pakhat no hei um ma hitin,
\v 1 Mahmi buainak a dai cengten, Paul in a nungzui te sam in a otpih cengten Mecidonia ngam ah hawh hi.
\v 2 Mah ngam umnak te pal vawkin a nungzui te awnkam tuah thu hilhnak a neih cengten, Grik ngam ah heng hi.
\v 3 Mah lai ngam ah hathum a um cengten, tuipi lam tawn in Siria ngamah hawh tuk in a um ten, Judah miphun ten a mah that tuk in a ngaihsut haw hang, Mecidonia ngam lamzin pen pin leh tuk in ngaihsut nak nei leh hi.
\v 4 Paul tuah Siria ngam ah a zui tute cu Berian mi Sopater le Thesilon khua mi Ar-is-tar’ chus le Se-cun’dus, Derbe khua mi Ga’ius, Timote le Asia ngampen Tychicus le Troph’imus te haw hi.
\v 5 A muhte hawhham in, Troas khuapen kei muhte ngak haw.
\v 6 Naman sawh ngawl puai cengten, kohte cu Philipi khua pen tembaw khung ni nga sung a muhtei umnak Troas khua ah heng in, ni salih um ung.
\v 7 Ni salih sung pen ni masa bel ni in moh bot kek tuk hulopkhawm nak a neih haw ten, Paul cu zing ten hawh tul tuk a hih hang, zanngil tian thuson hi.
\v 9 Eu’ty-chus tih mi tangval no pakhat cu tukvelh kongka humah khung in hihbuh cii-zet hi. Paul in ngeipi thu a son hang a mah cu hihbu thah in inn dawlthum sang pen a nuai lam ah caak kha hi. A mah cu cawi in a pom tuten thi zo hi tih cu mu haw.
\v 13 Kohten Paul cu As’sos khua pen tembaw khung tuk ngaisung in, mah laih ah tembaw tuah hawh haw hi. Mah tihbang ngaihsut nak cu Paul in keciah tuk in a ngaihsut hang mah tincun thu a cah nak hi.
\v 14 As’sos pen a mah cu kei muhte tuah tawh dun ten, kohten a mah cu tembaw humah pui vawk in Mitilen khua ah hawh haw hi.
\v 15 Mah khua pen tembaw khung leh leu a zingten Chi’os tui tingpi bul tawn vawk a zingten Samos tui tingpi ah lut vawk in, a zingten Mitilen khua ah heng haw hi.
\v 16 Hi tihbang khualzin nak cu Paul in Peticost puai ni laih ngawl Jerusalem khua ah a hen nuamnak hang, Asia ngam ah ngeipi um tuk nuam ngawlin, Efisa khua lam baang ngawl tembaw khung tuk in ngaihsut nak hang hi.
\v 17 Mah hang, Paul in Mitilen khua pen Efiasa khua ah mihing hah in kohhran Upa te sam hi.
\v 18 A muhtei hen ten Paul in Asia ngam ka hen penpan a tu tian, nohtei mai ah itihbang nung hing ngim tih cu nohten thei uh ci.
\v 19 Kei cu niamkhiat nak, mit hitui luan nak, Judah miphun ten a pha ngawl in ngaihsut nak hang a heng mi noksak culnak pen Topa Pathian na deh ing hi.
\v 20 Kei cu nohtei ca nemcuam nak hempoh pakhat no hei ip mi um ngawl in mipi mai ah hei hihen, innkhat nung innkhat ah hei hihen, thu hilhnak te nei in,
\v 21 Pathian mai ah sualsih nak thu le ohtei Topa Zisuh upnak thu Judah miphun te le Grik miphun tei lakah theihpih nak tetti bawl zo ing.
\v 22 A tun kei cu hawvang ken cih nak co hang, Jerusalem khua ah hawh ing. Mah khua pen itihbang thu heng tuk tih cu thei mang hi.
\v 23 Mah naven, hetcipnak, bawlsiat nak ten kei cu ngak leng hi’ tin Hawvang thiangtho in khuapi umnak hempoh ah theihpih nak tetti nei hi tih cu kei man thei ing.
\v 24 Mah hang, Pathian hehpih nak tuah a seng mi thuthangpha phuang tuk in, Topa Zisuh lakpen ka co mi a thiangtho na deh cu lungdam nak tuah ceng suak theihnak tuk, mahmi haksat nak pakhat no hei sihsan mang hi. Ka nunnak vang sahelh nak um ma hi.
\v 25 A tucun Pathian uknak thu nohtei lakah vak kawkawi hilhnak neih mi ka mitmai nohten na muh leh tuk uh ngawl nak thu kei man thei ing.
\v 26 Mah hang, kei cu mi hempoh tei thisan pen luat ing hitin, tuni penpan nohtei lakah phuang ing.
\v 27 Pathian tuptah ngaihsut nak cu nohtei lakah a venghawng sel mi um ngawl in phuang khawng zo ing.
\v 28 Mah hang, nohten mah le mah ngallin nak tuah cingkem dun ta un. Pathian in a thisan tuah a lei mi kohhran cawm tuk in, hawvang thiangltho cu nohte uktu tuk a piak mi tuu te cingkem tuk in ngallin nak tuah zo ta un.
\v 29 Itahum titale, ka um leh ngawl ten cingne huaisan ten tuuno te hehpih ngawl in, nohtei sungah a luh tumnak tuk cu kei man thei ing.
\v 30 Nohtei sung pen hei in nungzui tute a muhtei lamah sam in, lamzin pial nak thuson thei mi hekkhat te heng haw tuk hi.
\v 31 Mah hang, cingkem in na um ta un. Kei cu kumthum sung sun le zan mi hempoh te mit hitui tuah thu hilh nak na phawk leh ta un.
\v 32 U le nau te aw, a tuin kei man nohte cu Pathian nelah ap ing. Nohtei khan toh nak tuk in hihen, mi thiangtho te tuah nohte lo pia tuk in hihen, thil tih theihnak a nei tu Pathain hehpih nak thu ah hei in nohte ap ing.
\v 33 Keiman a kuamah hi sui le ngun a neihnak te deihnak nei mang hi.
\v 34 Hi khut ten keimah hihen, ka ngualcam te hei hihen, cawm zo hitin nohtei bulpak loli in thei zo uh ci.
\v 35 Mah tihcun nohten na dek in thanem mite vang bawm tuk in hihen, “Piak nak cu co ngah nak sang in muicu thupha um saw hi” tin, Topa Zisuh awnkam cu phawk leh tukin hihen, ihempoh nohtei lakah hilh khawng zo ing hi” tin, ti hi.
\v 36 Paul in mah tihcun a hilh cengten khukdin in a mu venghawng munkhat ah thunget nak nei hi.
\v 37 A mu venghawng nasezet kap Paul ngawng pen kawi in a mah cu na thut haw hi.
\v 38 A mah mu leh tuk ma toh tihmi awnkam hang, a mun thasia zet haw. Mah cengten a mah cu tembaw umnak lamah hen haw hi.
\s Jerusalem khua ah a hawh ten ngallin piaknak
\c 21
\p
\v 1 A muhte tuah khen dun tembaw khung cih vawk in Co os tui tingpi umnak ah hawh haw. A zingten Rhodes tui tingpi umnak ah heng in mah khua pen Pat’ara khua ah heng haw.
\v 2 Mah cengten Phonisia khua ah hawh tuk mi tembaw a muh haw hang mahmi tembaw khung in hawh haw.
\v 3 Cyprus tui tingpi a muh haw ten mahmi tui tingpi cu a veilam pen bottawng, Syria ngam lam tawn in hawh haw. Tembaw cu Tyre khua ah vankhiak tuk a neih hang mah khua ah cun heng hi.
\v 4 Kohten nungzui te tawk in mah khua ah ni salih um ung. A mun Paul cu Jerusalem khua ah hawh tuk ngawl in Hawvang thiangtho hilhnak tuah in hilh haw.
\v 5 Ni salih ni a kim ten nungzui tu hempoh ten a zi le ca te tuah khuapi pawlam ah kei muhte hen in, kohtei hawh tul cengten tuipi humpen khukdin in thungen haw.
\v 6 Pakhat le pakhat hah dunnak neih cengten, kohte cu tembaw humah kai in a muhte cu a muhtei inn lam ah pin leh haw.
\v 11 A mah cu kei mu lakah heng in Paul taipom a lak cengten, a khut le ke ken cop in Judah miphun ten hi taipom nei tupa cu Jerusalem khua ah hitihbang ken in, miphun dang tei lakah zuak haw tuk laih hitin, Hawvang thiangtho in ti hi” tin, ti hi.
\v 13 Mah ten Paul in, “Nohte kap in le thinkham lungkuai tik in ithu bawl nge uh cim? Kei cu Topa Zisuh min hang Jerusalem khua ah ken cihnak thuak tuk bek sial ngawl, thihnak thuak tuk hei in a mansa in um zo ing hi” tin, don leh hi.
\v 15 Mah cengten kohte cu van te bawl in Jerusalem khua lam ah hawh ung.
\v 16 Ceaserea khua nungzui tu hek khat te cu kei muhte tuah hawh langkhat in, kei muhte khual cam a ngaisung tu Mna’son tih mi Cyprus khua mi kum Upa nungzui tupai nelah hawh pih haw.
\v 17 Jerusalem khua ka hen uh ten, U le nau ten a thiangtho mi thinlung tuah kei muhte muak haw.
\v 18 A zingten Paul cu kei muhte tuah Jeim nelah luh tum ten, U pa hempoh te vang heng haw.
\v 19 Paul in a muhte U pat nak a piak cengten a na deh nak hang, miphun dang tei lakah Pathian bawl mi thu phazet no in hilhcian hi.
\v 20 A mun a zak haw ten, Pathian min thangphat haw. Paul in ka U le nau te aw, na muh uh bang Judah miphun tei lakpen um tu mi thawng tampi um in, a mu venghawng thukham thu nasezet thinlung nei mite haw hi.
\v 21 Miphun dang tei lakah a umtu Judah miphun naupang hempoh vun lek talh tuk ngawl in le dan bawl mi bang zui tuk ngawl in, Mosi dan lawl tuk in hilh hi” tin a mun mahmi thuthang za haw zo hi.
\v 22 Mah hang, itihbang bawl tuk hum? Mi hempoh te hulawmkhawm ngawl in um thei ma hi. Na hennak thu thei khawng haw tuk hi.
\v 23 Mah hang, kei mu tihnak bang bawl in. Thukam nak bawlsa mi mihing pali te kohtei lakah um hi.
\v 24 A muhte sam in a muhte tuah a thiangtho bawl in, a muhtei lu meh nak tuk man pia in hi. Mah tihcun bawl tale nohtei zak mi thuthang awnkam a man ngawl mi hei hihen, nang cu mah loli thukham thu cingkep nak ah hei in hihen, theih nak nei haw tuk hi.
\v 25 Upnak a nei tu miphun dang te cu mah tihbang mi thu zui ngawl in, milim mai ah biakpiak nak a piak mi hei hihen, a thisan hei hihen, ngawngawk in thah mite hei hihen, a dik ngawl mi nu le pa sualnak hei hihen, pial thei tuk in kohten lungkim nak tuah laikuat zo ung hi” tin, ti haw hi.
\v 26 Mah ten, Paul in a muhte sam in a zingten a muhte tuah a thiangtho in a bawl cengten, biakinn sungah tum in a muhtei ca a tuam biakpiak nak bawl hun tih mi a thiangtho mi ni kim tuk huncan hilh hi.
\v 27 Ni salih a kim tuk kuan ten, Asia ngam pen a heng mi Judah mite cu biakinn sungah Paul a muh ten, hulopkhawm nak a nei mihing hempoh te thu sohsuah nak pia in, Isarel mite cu bawm ta un.
\v 28 A mah cu kohtei miphun le thukham hei hihen, hi umnak mun hei hihen do in mun hempoh ah thu hilhnak a nei tupa hi. Mah bek sial ngawl Grik miphun te vang biakinn sungah pui in, hi a thiangtho umnak bal tik zo hitin au in Paul cu man haw hi.
\v 29 Mah tihbang in a tihnak a muh haw ten, Efisa khua mi Trophi cu Paul tuah khua sungah a tawhdun hang, Paul in a mah cu biakinn sungah a pui nak hitin a ngaihsut hang hi.
\v 30 Khua sungah buai zet um tale mi tampi te tai hulawmkhawm tuk in, Paul cu biakinn sung pen dok tul in dawm laih sungno kongka te khak haw hi.
\v 31 Paul cu a mun that tuk in a zuam laih tak, Jerusalem khua sungah buai zet tihmi thu ngalkap hon khat te ngalbawi pai nelah heng hi.
\v 32 A man manlang zet ngalkap te le ngal bawi te sam in a muhtei lakah heng hi. A muhte cu ngal bawi te le ngalkap te a muh haw ten Paul cu vat ngawl in um haw hi.
\v 33 Mah ten ngal bawipa cu a bulah heng, Paul cu man in thikkhau zangnih tuah ken tuk thu a piak cengten, Paul cu a kua hum tihmi le ii thu bawl hum tih mi dong hi.
\v 34 Mah naven, mipi tei lak pen a dang tumtek au haw in, buainak a cang ten ngal bawi pa cu a cang mi thu a man a theih ngawl hang, Paul cu ngal bawi inn ah pui tuk in ti hi.
\v 35 Paul cu kailawn bul a hen ten mipi te a pual thau zet hang, ngalkap ten a mah cu pompai in pui haw ta hi.
\v 37 A mah cu ngal bawi pai inn ah pui tuk a bawl laih tak Paul in ngal bawi pai nelah, “Nangmah tuah dawmlaih no otpih thei nang maw” tin, ti hi. Ngalbawi pa’n Grik awn thiam cim.
\v 38 Nang cu hi ni a heng laih ngawl in do nak le pualthau nak nei mihing thawngli cu hampa lakah samnak neih mi Izip miphun te hima ci maw” tin, dong hi.
\v 39 Paul in kei cu Judah miphun ing, Ci-li’cia ngam Tarsus khuapen a hing mi Judah miphun ing. Ka umnak khua cu khuapi thong men kha ma hi. A muhtei lakah otnak huncan pia in hi. Hehpih kun ing hi tin, ti hi.
\v 40 Ngal bawi pan huncan a piak hang, Paul cu kailawn humah ding in mipi tei lakah a khut zak theihnak pia hi. A muhte daiden no in a um haw ten Hebru awn tuah a tihmi cu,
\v 3 Paul in kei cu Cilicia ngam Tarsus khua pen a hing mi Judah miphun ing hi. Hi khuapi ah vang, Ga-ma’-li-el tihmi saza pai kebul pen pu le pa tei lakpen a co mi thukham bang theih thiam nak nei tuk in dan co zo ing. Nohtei vengvawng in tuni tian Pathian thu bek thinlung na neih uh mi bang, kei mah vang mah tibang thinlung nei bok ing hi.
\v 4 Pano le numei te ken kawm in thawnginn sungah koih, thah tawk tuk tian bawlsiat zo ing.
\v 5 Mah bang bok in thiampi U pa penpan Upa hempoh te kei ma lamah theihpih nak tetti a nei tute haw hi. A muhtei lakpen hei in, kei cu U le nau tei lakah laingat mite keng in mah lai munah a um mite vang dantat thuak tuk kencih, Jerusalem khua ah kuat tuk tin Damaskas khua ah hawh ing.
\v 6 Lamzin ka hawh laih tak Damaskas khua el hen ten, sun laih tak in vanpen vaknak nasezet cu ka elkim ah thakhat thu in vak hi.
\v 7 Kei cu leihum ah lum in ka um laih tak Saul, Saul ita keimah bawlsiat nge cim tin ka nelah thu hilhnak awnkam ka zak ten,
\v 10 Mah ten kei man, “Topa aw, itin bawl kam nang tin” tih ten, Topa Pathian in, “Tho in na Damaskas khua ah hawh in. Na bawl tuk hempoh te mah khua pen hilh tuk hi” tin, thupia hi.
\v 14 A man na muh mi hempoh, na zak mi hempoh te mi hempoh tei lakah hilh in, Topa Pathian thu theihpih nak tetti nei tuk in,
\v 15 Nang cu Pathian deihnak thei tuk in hihen, mi dikcang pa mu tuk in a thu awnkam suak mi za tik tuk in hihen, kohtei pu le pa te Pathian in nangmah pia zo hi.
\v 18 Topa Pathian cu mu ing. Topan kei mah tuah a seng mi theihpih nak cu a san haw tuk ngawl hang cawl ngawl in Jerusalem khua pen a man lang hawh in hi” tin, ka nelah thupia hi.
\v 19 Kei man, Topa Pathian kei cu pumkhawm nak biakinn pakhat nung pakhat ah hawh in, Topa um tu te vat in thawnginn ah a koih mi cu a mun thei haw zo hi.
\v 20 Mah bek sial ngawl Topai theihpih nak tetti a nei tu Steven cu thisan a luan tik ten kei mah bulpak loli hei a bulah ding in that tuk lungkim in, a mah that tutei van cing ing hi” tin, ti hi.
\v 21 Mah ten, Topan hawh ten hi. Kei cu miphun dang tei umnak ngam khuala pi ah kuat tung hi” tin, thupia hi.
\v 22 Mah tih loli tian Paul thu ngaihnak a neih cengten a mun aunak nei in, “Hi mipa cu leihum pen that un. A mah cu a nung tuk in a kulnak um ma hi” tin, ti haw hi.
\v 23 Mah tihbang in aunak, a van silh duhsak nak, leivul cu vanhum ah a lot laih tak haw in,
\v 24 Paul in ita mah tihbang aunak a neih haw mi cu ngal bawi pan a theih nuam hang, Paul cu inn sungah khum hi. Vat in thu dong ta un hi” tin, ti hi.
\v 25 Savun khau tuah a ken haw ten Paul in a bulah a ding tu ngal bawi pai nelah, “Rom mihing pa cu dan bang thukhen ngawlin nohten vat uh ci maw” tin, a bulah ding tu ngal bawi pai nelah dong hi.
\v 29 Mah ten, thu dong tute cu Paul nel pen hawh haw ta hi. A mah cu Rom miphun in hihen, Rom miphun te a ken khak pang nak hei hihen, ngal bawi uk tupan a theih ten lau hi.
\v 30 A zingten a i sualnak hang, Judah miten Paul sual a zeih mi cu ngalbawi te uktu in thuman a theih nuam hang, Paul kennak khau cu duuk in thiampi Upa te le thukhen nak Upa hempoh te hulawmkhawm tuk a thupiak cengten, Paul cu sam in a muhtei mai ah ding tik hi.
\v 1 Paul in thukhen tu Upa te phatak zet zocik in U le nau te aw, kei cu tu ni tian Pathian biakpiak bawl nak thu, a thiangtho mi thinlung cu mawhsiat nak pen luat in bawl ing hi” tin, a tih ten,
\v 3 Paul in, thunngo tuah nut mi khantian Pathian in nangmah cu vat tuk hi. Nang cu kei mah thukhen tuk na khung hei in, a mah cu vat in hitin a man ngawl mi thu tuah thukhen tuk ci maw” tin, ti hi.
\v 5 Paul in U le nau te aw, a mah cu thiampi ngengpa hi tih cu thei mang hi. Na miphun uktu kumpi cu sonsiat pahsin hitin Laithiangtho sungah um hi” tin, ti hi.
\v 6 Mahmi Upa tei lakpen a hekkhat te cu Sadusi te hi. A hekkhat te cu Farasi te haw tin Paul in a muhten U le nau te aw, kei cu Farasi ing hi. Farasi capa hei na hi bok ing. A thi mite tho leh tuk hitin muansan nak hang kei cu thu dot nak thuak ing hi” tin, thukhen nak mai pen au in ti hi.
\v 8 A khen kek nak thu cu Sadusi ten tho leh nak um ma hi, vancung mi um ma hi, hawvang um ma hi” tin, pom haw. Farasi ten a panih in um hi” tin, pom haw hi.
\v 9 Aunak aw cu nasazet in Farasi lam ah a um mi Dan thiam te ding in nasazet el dun in, hi pai nelah imah kohten mu ma ung hi. Hawvang hei in hihen, vancung mi hei hihen, a ma nelah a tih ten Pathian thuneih nak don pah sun hi” tin, ti haw.
\v 10 Pakhat le pakhat el dunnak na sesem hang, a mun Paul cu dok in botkek thong tin ngal bawi uktu a lau nak hang ngalkap ten kai tul in Paul cu a muhtei lakpen sut in, ngalkap inn ah hawhpih tukin thupia hi.
\s Paul cu phial kuhden tuk ngaihsut a tuptah hawnak
\v 11 Mahmi zan in Topa Pathian cu Paul nelah heng in laupah sin. Itahum titale, nang cu Jerusalem khua ah kei ma thu theihpih nak tetti bang Rom khua ah hei theihpih nak tetti nei bokin hi” tin, thupia hi.
\v 12 Zingkhua vak ten Judah miphun ten pawlkom nak nei in, kohten Paul that ta ngawl an ei tuk ma ung hi” tin mah le mah tamsiat nak thukam bawl haw hi.
\v 14 Mah tihcun pawlkom nak a nei tu a mun thiampi U pa te tuah U pa tei lakah hawh in kohten Paul cu that ta ngawl an ei hihim tuk ma ung hi” tin, mah le mah tamsiat nak thukam bawl zo ung hi.
\v 15 Mah hang, a zingten ngal bawi uktu in Paul cu U pa ten thukhen nak a thu dongin thu theih nuam sesem nak bawl hem in, U pa tei lakah pui tuk in ngal bawi uktu nelah hilh ta un. Paul cu U pa tei lakah a hen deuh laih ngawlin kohten a mah that tuk cu a mansa zo ung hi” tin, ti haw hi.
\v 18 Ngal bawi in tangval pa cu ngal bawi uktu pai nelah hawhpih in, thongta mi Paul in kei mah sam in, hi tangval pa cu na nelah pui tuk in ngen hi. A man a ma nelah a sonnuam mi pakhat um hi” tin, ti hi.
\v 20 Tangval pan, “Judah miphun ten Paul cu a cang kim saw in thu dot nuam nak tuah zingten a mah cu thukhen nak mun ah hawhpih tuk in, na nelah ngen haw tuk hi” tin lungkim nak thu soncat haw hi.
\v 21 Mah hang a muhtei deih nak ah zui pah sin. Itahum titale a muhtei lakpen mihing sawmli val ten a mah cu zokuh haw hi. A mun Paul cu that ta ngawl an ei tuk ngawl in tamsiat nak thukam nei haw zo hi. A tu hei in a mun a mansa um in a lungkim nak cu ngak ung hi” tin, ti hi.
\v 22 Mah ten ngal bawi pan, “Hi thu te cu ka nelah na hilhmi thu a kuamah nelah hilh pah sin hi” tin thu a piak cengten mahmi tangval pa cu pin tik hi.
\v 23 Mah cengten ngal bawi pan ngal bawi panih sam in, zan nazi kuah ten Kaisria khua ah hawh tuk in ngalkap zanih, cei cawi thei ngalkap zanih, cipuh khung thei sawm salih tuah hawh ta un.
\v 24 Paul khun tuk cipuh vang bawl ham in a mah cu kumpi Filik nelah phazet no na hetpih ta un hi” tin, a thupiak mi um hi.
\v 27 Judah miten a mah cu man in that tuk a bawl laih tak a mah cu Rom miphun a hihnak thu zak nak a neih hang, kei cu ngalkap te tuah hawh in a mah cu pan ing.
\v 28 Judah miphun ten ithu sualnak hang, a mah sual a nawt nak haw thei nuam in a muhtei thukhen nak ah a mah cu hawhpih in,
\v 29 Thihnak, thonginn sungah koih nak tak a sual hang hi ngawl in a muhtei dan thu tuah a seng mi thu dot nak bek sual a bawl haw cu thei zo ing.
\v 30 Mah naven, a mah cu that tuk in phat ngawl nak tuah thu theih nak hang, a mah cu na nelah a manlang hawh tik in sualnak bawl tute cu a mai ah son tuk in thupia ing hi. Dam no tukin tin” laingan in pia hi.
\v 1 Ni nga lawi ten thiampi An-ani’as in Ter-tul’lus tih mi thuson sak tu penpan U pa te tuah Kaisria khua ah hawhin Paul thu cu uktu Filik nelah hilh haw hi.
\v 2 Paul cu a sam cengten, Ter-tul’lus in mawhsiat nak awnkam a son cu a sunglawi mi Filik kohten a huham bel daihnak tampi co in, na hehpih cingkep nak cu hi miphun ten co hi.
\v 10 Filik kumpi in Paul cu awnkam don tuk sialsiah nak a piak ten, “Paul in Filik cu hi miphun te kum tampi thukhen tupa a hihnak thu thei in, lungdam nak tuah a sual luatnak awnkam thu son ngam zet hi.
\v 11 Kei cu Pathian bia tuk in Jerusalem khua ah hawh ing. A tuin ni heinih bek um laih hi tih cu nangman thei tuk ci.
\v 12 Kei cu biakinn ah hei hihen, khuasung ah hei hihen, pumkhawm nak inn ah hei hihen, mi pakhat tuah don un nak hei hihen, mipi te cokbuai bawl tuk in hihen, a mun mu haw ma hi.
\v 13 A tuin kei mah mawhsiat nak sual cu theihpih nak tetti lak thei haw ma hi.
\v 14 Mah naven a sual mi upnak hi tin, a muhtei samnak neih mi thu bang kei cu pu le pa tei biaknak neih mi Pathian cu bia ing hi” tin, a mai pen phuang ing. Kei cu thukham Laithiangtho, kamsang Laithiangtho tei ngat mi hempoh te um ing.
\v 15 Midik le dik ngawl hempoh te thihnak pen tho leh haw tuk hi” tin, a muhtei muansan mi bang kei man Pathian cu muang in um ing.
\v 21 Kei cu nohtei mai pen tu ni in thukhen nak co ing hi” tin, aunak a neih mi awnkam khat bek a um tale ka nelah ii mawhsiat nak mu haw hum tih mi cu a mun son haw hen hi” tin, Paul in ti hi.
\v 22 Filik in, ngal bawi uktu Ly-si-as a hen ten, nohtei thu cu kei man thu dong leh tung hitin mahmi thu theihnak nei tupa hi napi in thukhen ngawl in a muhte cu hah leh hi.
\v 25 Mah naven Paul in mi dik hihnak thu le pumpi kepcop nak thu, a heng tuk laih mi thukhen nak thu te sonnak a neih ten Filik cu lau in, “A tun hawh ten. Tunung huncan pha ngah ten sam leh tung hi” tin, ti hi.
\v 26 Paul in a mah luat theihnak tuk sumpia tuk tin Filik in ngaisung in, a tu le tuin Paul cu sam in a mah cu otpih hi.
\v 27 Kumnih a kim ten Porcius Festas tih mipan Filik na deh cu thek ta hi. Filik in Judah mitei lakah pahcoih nak thangai in Paul cu thong sungah koih leng hi.
\s Ceasar lakah a hawh nak
\c 25
\p
\v 1 Festas cu mah ngamah heng in nithum a kim ten, Ceasar khua pen Jerusalem khua ah hawh hi.
\v 2 Mah ten thiampi penpan Judah Upa te cu,
\v 3 Paul that tuk lamzin bulpen zokuh tuk a ngaihsut laih tak, Paul hi thu thei tuk in a kut ten, a mah cu Jerusalem khua ah kuat tuk in hehpih kun haw hi.
\v 4 Festas in, Paul cu Ceasar khua thonginn sungah khum hi. Mah khua ah a ngei ngawl in kei mah loli hawh tung hi.
\v 7 Paul a hen ten, Jerusalem pen a heng mi Judah miten kilcih in a mun theihpih nak a lak theih ngawl mi nasezet sual tampi a mawhsiat nak te Paul humah nawn haw hi.
\v 9 Mah naven, Festas in nang cu Jerusalem khua ah hawh in, ka mai ah hi thukhen nak thuak tuk ci maw tin, Judah mite hehpih nuamnak thinlung nei in Paul cu dong hi.
\v 10 Paul in, Ceasar kumpi thukhen nak mai ah kei cu ding ing. Mahmi thukhen nak mai pen kei mah cu thu dong in thukhen tuk mi hi. Kumpi pan phazet theihnak a neih mi bang, Judah mitei lakah sualnak nasezet ka bawl um ma hi.
\v 11 Sualnak bawl in thihnak a taak mi sual bawl kha pang tale thihnak cu kei man pial thei mang hi. A muhtei mawhsiat nak sual pakhat no hei a man ma tale, a muhtei khut ah kei cu ap thei ma hi. Kei cu Ceasar kumpi nelah hehpih kun tum tung hi” tin, ti hi.
\v 12 Mah ten Festas kumpi in thuvaisiam mite tuah a siam khawm cengten, nang cu Ceasar kumpi pai lakah hehpih kut nak na neih hang, Ceasar kumpi lakah hawh tuk ci” tin, don leh hi.
\v 13 Mah ceng a ngei ngawl in Agrippa kumpi cu a zi Ber-nice tuah Festas kumpi tawk tuk in Ceasar khua ah heng hi.
\v 14 Huncan ni tampi a cam nungten Festas kumpi in, Paul i thu kumpi Agrippa nelah a hilh mi cu Filik kumpi in thong inn ah a khum nuam mi pakhat um laih hi.
\v 16 Kei man, mawhsiat nak thuak tupa cu mawhsiat nak a nei tute tuah mit maicang tawk in, a mah mawhsiat nak sual thu a don leh laih ngawl a kuamah thihnak thuak tik tuk ngawl a ap saw lawnnak cu Rom tei dan a hih ngawl thu, a muhtei lakah hilh haw zo hi.
\v 17 A mun hi khua ah a hen ten, kei mah ngak ngawl a zingten thukhen nak hum ah khung in a mah cu sam tik hi.
\v 18 A mah mawhsiat tute a hen ten, ka ngaihsut nak bang mawhsiat nak sual pakhat no hei sual a not nak nei haw ma hi.
\v 19 A muhtei buai mi thu cu a muhtei sakhua biaknak thu hekkhat tuah a nung in um hi” tin, Paul son mi a thi zo mi Zisuh tuah a seng mi thu bek cu son thei hi.
\v 21 Paul in, kumpi nangma thukhen nak co tuk in a mah cingkep hih tuk a nget hang a mah cu Ceasar kumpi pai nelah kuat tuk tian in thupia zo hi” tin, ti hi.
\v 22 Mah ten Agrippa kumpi in Festas kumpi cu kei man a ma awnkam thu ngai nuam ing hitin a tih hang, Festas kumpi pan zingten a ma awnkam cu ngai in hi” tin, ti hi.
\v 23 A zingten Agrippa kumpi le a zi Ber-nice cu ultun minthan nak tuah ngal bawi uk tute penpan mah khua ah mi thupi Upa te tuah inn mai a luh tum haw ten, Festas kumpi in Paul cu sam tul tik hi.
\v 24 Festas kumpi in, Agrippa kumpi penpan a tun a um mi hempoh te aw, hi pa cu zo ten un. Jerusalem khua ah hei hihen, hi khua ah hei hihen, Judah mi hempoh ten hi mipai thu cu ka nelah ngen in, “A mah cu dawmlaih no hei nung taak ma hi” tin, au haw hi.
\v 25 A mah cu thihnak a taak mi sual a bawl ngawlnak thu ka muh ngawl mi hei hihen, a mah cu huham nei mi kumpi pai nelah hehpih kun tum tuk hei in hihen, a mah cu kumpi pai lakah hawh tuk in thupia hi.
\v 26 A ma thu cu ngan in kumpi pai nelah piak tuk in a man mi thu pakhat no hei ka nelah um ma hi. Mah hang, nohten a mah cu thu dotnak a neih cengten, lai ka ngat theih nak thu a um theih nak tuk nohtei mai ah hei hihen, Agrippa kumpi a cuang in kumpi mai ah hei hihen, a mah cu suahtul in lak ing hi.
\v 2 Agrippa kumpi, Judah miten ka bawl mi na hempoh te kumpi pai mai ah don leh nak awnkam cu tu ni in, a don leh tuk mi thu cu thupha pakhat hi” tin, ngaisung ing.
\v 3 A cuang kumpi in Judah mitei dan le buai nak hempoh te theihnak a nei tupa hi. Mah hang ka hilhnak thu te cu thinsau nak thinlung tuah ngai tuk in hehpih kun ing.
\v 4 Jerusalem khua ah a miphun tei lak pen hihen, Jerusalem khua pen hei hihen bawl patnak a neih mi a naupang laih pen pan, kei cu itihbang nung awng zo hum tih mi cu Judah miphun hempoh ten thei haw hi.
\v 5 A mun kei mah cu a pat penpan theihnak a neih haw zo hang, kei man kohtei dan a nasebel mi Farasi pakhat hihnak tuah a nung awng mipa, a mun theihpih nak a nei nuam tale theihpih nak tetti nei thei hi.
\v 6 Pathian in pu le pa tei lakah a piak mi thukam tuah a seng mi muansan nak thu hang, kei cu a tuin thu dot nak le thukhen nak thuak ing.
\v 7 Judah mi phunnam hei-nih te sun le zan thinlung nop zet Pathian bia in, thukam nak bang co tuk muansan nak nei haw hi. Kumpi in kei cu mahmi muansan nak ca Judah miphun tei mawhsiat nak cu thuak hi.
\v 8 Mi thi te a tho leh tik nak cu up theih ngawl mi hi tin, kumpi nohten ita ngaihsut nak nei uh cim?
\v 10 Jerusalem khua pen mah tihbang thu bawl kha zo ing. Kei cu thiampi Upa tei lakpen thu neihnak la in, mithiangtho tampi te thonginn sungah khahkhum in a muhte thah a thuak hei in kei man lungkim ing.
\v 11 A mun Pathian cu awnkam tuah sual bawl tuk kei mah cu nehsiah bawl in pumkhawm nak hempoh ah vei tampi dantat nak pia hi. Thinuuk nak nasezet tuah ngam dang khua tian ah a muhte hil in siatbawl ing.
\s Paul thin thek nak le apnak a neih mi na dehnak
\v 12 Mah tihcun bawl nak hang kei cu thiampi Upa tei phalnak piak mi le thu neihnak te keng in Damaskas khua ah ka hawh laih tak,
\v 13 Ni vak nak sang in a vak saw mi vak nak cu kei mah penpan kei mah tuah khualzin langkhat mitei elkim ah vanhum pen vak nak cu sun huncan laih tak lamzin pen mu ing hi, kumpi pa aw.
\v 14 Kei mah le a muhte cu leihum ah lum in ka um uh laih tak Saul, Saul ita kei mah bawlsiat nge cim? Ngolh hiam cu ke tuah sui tale haksa zet hi tin Hebrew awnkam tuah hilhnak a neih mi aw ka zak ten,
\v 15 Topa, Topa a kua kam tin ka dot ten, kei cu bawlsiat nak na neih mi Nazareth khua Zisuh ing hi.
\v 16 Mah naven, tho in ding in.
\v 17 Kei cu Judah miphun, miphun dang lak pen nangmah pan in,
\v 18 Nang cu a tuin na muhmi thu te le tunung ten kei cu na lakah a lang tuk mi thu te, na dek tu, thuthangpha phuang tu hihnak pia tukin kei cu na lakah lang ing hi. Miphun dang te khua thim pen khua vak nak ah thek tik in, Satan thu neihnak pen Pathian nelah theknak a nei tu hihnak hang, sual ngaihdam hehpih nak co tuk mi thu le kei mah na upnak hang thianlim nak ah a heng mi a muhtei sungah lo co tuk thu, a muhtei mit vak sak tik tuk in a muhtei lakah nang cu hawh tik tung hi” tin, thupia hi.
\v 19 Agrippa kumpi pa aw, vanhum pen a cang mi thuphuan muhnak thu cu ngaingawl um mang hi.
\v 20 A masa in Dasmakas khua ah a um a muhte hei hihen, mahten Jerusalem le Judah ngamsung hempoh ah a um a muhte hei hihen, sualsik Pathian nelah thinthek in sualsih nak a co taak mite bawlnak nei tuk in thuhilh nak nei zo ing hi.
\v 21 Hi thu hang Judah miphun ten kei mah biakinn sung pen man in that tuk in zuam haw hi.
\v 22 Mah hang Pathian hehpih bopnak co in tu ni tian ding in, U pa naupang tei lakah thuthangpha phuang ing.
\v 23 A tu tian in um laih hi. Khrih cu thahnak thuak tuk tih hei in hihen, thihnak pen a masa belin tho leh in Judah miphun, miphun dang tei lakah vaknak pia tuk hei in hihen, Mosi pen pan kamsang tei hilh mite sial ngawl kei man a val hilh ngawl in, U pa naupang tei lakah thuthangpha phuang tung hitin, ti hi.
\v 25 Paul in, a sunglawi mi Festas kump kei cu misil hi kha mang hi. Thudik thu tuah in hihen, thinlung a pha mi tuah hei in hilh ing.
\v 26 Hi thu te cu Agrippa kumpi pa’n thei hi. Kumpi mai ah hilh ngam leita ing hi. Hi thu pakhat no hei kumpi in thei ngawl in um ma hi tin ngaisung ing. Itahum titale, hi thu cu ngamveng nak pen bawl mi thu hi kha ma hi.
\v 27 Agrippa kumpi aw, kamsang tei awnkam um ci maw. Na up mi cu keiman thei ing hitin, ti hi.
\v 28 Agrippa in nangman Khristian cang tuk na zop hang tin, Paul lakah ti hi.
\v 1 Mah ten kohten Itali ngamah tembaw tuah hawh tuk ngaihsut cengten, a mun Paul le a dang thongta hekkhat te, kumpi pai ngalkap te Julius tih mi ngal bawi pai nelah ap haw.
\v 2 Ad-ra-myt’ti-um tembaw khung in, Asia ngam bul tawn tuk ngaisung in hawh hi. Ar-is-tar’khas tih mi Mecidonia ngam Thessilon khua mipa cu kei muhte tuah um hi.
\v 3 A zingten Sidon khua ah heng haw hi. Julius in Paul cu hehpih zet in a ngualcam tei lakah cawl dam no thangzang la tuk in hawhpih hi.
\v 4 Mah laipen a tul haw ten huih theu zet hang, Cyprus tuiting huih theu ngawlnak lampen hawh haw.
\v 5 Pamfiria ngam tuah peh zom mi tuipi tawn in, Lysia ngam, My’ra ngamah heng ung.
\v 6 Mah khua ah Itali lam a hawh mi Alexandria tembaw cu ngal bawi pan mu in, mah tembaw sungah kei muhte khung tik hi.
\v 7 Ni tampi cuum het no a hawh hang, Nidas khua ah haksa zet heng ung. Kohten huih theu hang hawh vawk thei ngawl in Crete tuiting nisuah nak lam Sal-mo’ne khua bulah haksazet in heng ung.
\v 8 Lysea khua bulah a um colh munnop tihmi ah heng ung.
\s Paul ngaihsut piak mi cu ii mah a sumsial ngawl nak
\v 9 Huncan ngeipi zo naven nasezet ancang in colhni te vang a liam zo hang, tuipi tuah khualzin cu haksazet hang Paul in, a muhte cu ngallin nak pia hi.
\v 11 Mah naven, ngal bawi pan Paul hi awnkam sang ngawlin tembaw uktu le tembaw nei tute muang saw hi.
\v 12 Mah tembaw colhnak cu phalbi khuasik hunten um tuk lemcang ngawl hang, kik leh in Phe-ne’ce khua colhnak munah heng thei tale, mah colhnak munah khuasik huncan bo in pha saw tuk hi tin, mi tampi ten ti haw hi. Phe-ne’ce tembaw colhnak cu Crete tui tingpi ah um hi. Nitum nak sak lam ah hei hihen, nitum nak hanglam ah hei hihen, hawh theihnak um hi.
\s Huihpi theu a tawh nak
\v 13 Hanglam pen huih nemno a theu ten, a muhtei ngaihsut nak tuang hitin ngaisung in, Crete tui tingpi umnak ah hawh haw.
\v 14 A ngei ngawl in Eu-roc’ly-don tih mi huihpi theu in tembaw cu theu cih vawk hi.
\v 15 Tembaw cu huihpi theu in a siim hang hawh thei leh ngawl toh in, kohte cu thakiam in huih theunak ah telcih khawng ung.
\v 16 Klauda tui tingpi umnak ah tai lih laih tak, luangtan tu lawng cu haksa zet in kem leh thei ung hi.
\v 17 Tembaw humah koih leh in tembaw cu khozet tuk khau tuah ken cih haw hi. Philnel humah taang tuk lau nak hang, puan zak cu kem in huih theu pi muhnak ah zui in hawh hi.
\v 18 Tuipi lumlet nasezet hang lau zet in a zingten vankhia khawng haw.
\v 19 Nithum ni ten tembaw van te khut tuah la in vawk haw hi.
\v 20 Ni, hade, aksi te ngeipi mu ngawl in huih pi theu cu nasezet a theu lih laih hang, luatnak co tuk ung hi tin muansan nak imah um ma hi.
\v 21 A mun huncan ngeipi an ei ngawl a um haw ten Paul in a muhtei mai ah ding in, ngualcam te aw, nohten ka awnkam thu ngai in, Crete tui tingpi pen hawh ngawl in na um uh ta a hin hi siatnak pen luatnak co tuk uh ci.
\v 22 A tuin thinnop ta un. Itahum titale pakhat no hei nunnak bo tuk ngawl in tembaw bek sia tuk hi.
\v 23 Itahum titale, kei mah nei tupa thangphat in biak mi Pathian vancung mi cu a bosa zantak in ka bulah ding in,
\v 24 Paul in lau pah sin. Ceasar kumpi mai ah heng tuk ci. Nangmah tuah tuipi tawn in a hawhpih tu na ngualcam te, Pathian in nohtei lakah pia zo hi” tin, ti hi.
\v 28 Tuipi cu a tehsuk haw ten lamkul a thuk cu thei haw hi. Mah lai pen dawm laih hawh in a teh leh haw ten lam heinga thuk hi.
\v 29 A mun suang khengkha tuk a lau hang, khuavak toh leh tin thungen haw hi.
\v 30 Tembaw na dek tuten tembaw zamsan tuk a ngaihsut laih tak, tembaw mei lam ah thikkawi khia tukin nunpan tu lawng cu tui sungah khiasuk haw.
\v 31 Paul in ngal bawi pa le ngalkap te tembaw humah a um haw ma tale, nohten luat thei tuk ma uh ci” tin, ti hi.
\v 32 Mah ten ngalkap ten thik kawi khau khihnak satcat in khiasuk haw hi.
\v 33 Zingvak tuk kuan ten an ei tik tuk Paul in mi hempoh te tik in, a mun ni heili sung muansan nak tuah tuni tian an ei ngawl ningkial zet in um haw hi.
\v 34 Mah hang, an ei un. An ei tale damnak co tuk hi.
\v 35 Samzang pakhat no hei sia tuk ma hi tin a tih cengten, Paul in moh cu la in a muhtei mai pen Pathian lakah lungdam thu hilh in moh cu botkek in ei hi.
\v 36 A mu venghawng thinnop nak co in an ei haw hi.
\v 37 Tembaw ah a tel mi hempoh a venghawng in zanih le sawmluk le paluk kim hi.
\v 38 Khampek a eih cengten, tembaw zang deuh tuk in cang cu tuipi sungah vawk haw.
\s Tembaw siatnak
\v 39 Zingkhua a vak ten mah lai mun umnak cu a thei ngawl ta vang a ningkil no ah tembaw colhnak pakhat a muh hang, tembaw cu a sungah nawmtum thei tale nawmtum tuk in ngaisung haw hi.
\v 40 Tembaw a colhten thik kawi cu duuk in tuipi sungah a khiaksuk ten, tembaw cu hawhin tuipi mawk lamah hawh hi.
\v 41 Mah naven, tembaw cu tui panih khawmnak ah heng in a taan hang, tembaw cu philsawh in phia leh thei ma hi. Tembaw mei lampen tuizanghual in vat ek in sia hi.
\v 42 Mah ten, thongta te pakhat no hei tuivat in a taithong tuk a lau hang, ngalkap ten that tuk in ngaisung haw.
\v 43 Ngal bawi pan Paul cu luat tuk a deihnak hang, ngalkap tei ngaihsut nak cu khaam in tuivat thei te cu a masa dawk in tuipi mawk lam ah vat tukin,
\v 44 A tang mite thingpek penpan tembaw van te tuah hawh tuk in thupia hi. Mah tihcun mi hempoh te haksat nak pen luat in tuipi mawk ah heng haw hi.
\s Melita Tuikulh mitei mizoh thiam dan
\c 28
\p
\v 1 Tuipi mawk a hen ten mah tuiting umnak cu Melita tin thei haw hi.
\v 2 Nguahzu khuasik zet hang tuikulh ah a um tuten, kohte cu meipual seh a cuang in kohten a hehpih nak co ung.
\v 3 Paul in thing hulawm a um laih tak mei humah a koih ten, ngul cu meikhu sung pen tul in Paul khut ah vialcih hi.
\v 4 Mah lai ah a um mi a muhten, hi pa cu a thungai in mithat pa hi. Tuipi pen haksat nak thuak naven, nung tuk in thu nei ma hi tin pakhat le pakhat son haw.
\v 5 Paul in ngul cu mei pualpi sungah thing in haksat nak imah thuak ma hi.
\v 6 A mah cu a pumpicing bum tuk, a ngei ngawl lum in thi cih tuk hitin a mun huncan ngeipi ngak haw naven, a ma humah siatnak pakhat no hei a muh haw ngawl ten a mun thinlung thek in hi pa cu Pathian hi” tin, ti haw hi.
\v 7 Mah lai umnak bulah Pub’li-us tih mi tuiting khua bawipai umnak um hi. Khua bawi pan kei muhte phazet no zo in nithum sung khual cawm hi.
\v 8 Pub’li-us khua bawipai pa cu na in vonsawk thisan nat a neih hang, zaunak humah a zau tu cu Paul in lut tum a thunget cengten, a ma humah khut nga in nat nak cu dam tik hi.
\v 9 Mah tihcun a bawl hang mah khua ah tina dang hempoh te heng in tidam nak co haw hi.
\v 10 A mun laksawng tampi te pia in kohte cu hawh leh nak ka neih uh ten an eih tuk te vang tembaw hum ah koih haw hi.
\v 11 Hathum a ngei ten, khuasia phil tei milim zuk tel mi mah lai tuikulh umnak ah phalbi khuasik huncan sung hempoh a um awng mi Alexandria tembaw cu kohten khung kik leh in,
\v 12 Sirakus khua ah heng in nithum sung um ung.
\v 13 Mah lai khua pen hawh leh leu in a kawn hawh hang, Rhe-gi’um khua ah heng nikhat um in hanglam pen huih a hen hang, ninih ten Pu-te’o-li khua ah heng ung.
\v 14 Mah khua ah U le nau hekhat te tawk in, ni salih um tuk in a muhtei hehpih kutnak bang um in Rom khua ah heng ung.
\v 15 Rom khua mi U le nau ten kohtei hennak thu a theih haw ten muak tuk in hekkhat ten Ap-pi-i fo’rum vanzuak nak tian hei hihen, hekhat ten colhmun pathumnak tian hei hihen muak haw hi. Paul in a muhte a muhten, Pathian lakah lungdam thuhilh in thinnop zet in heng hi.
\v 16 Rom khua ah a hen haw ten ngal bawi pan thongta te ngal bawi cingtu pai nelah ap in, Paul cu a mah cingtu ngalkap pakhat tuah a nuam poh in um theih nak pia hi.
\s Rom khua ah um mi Judah Lamhuai tute tuah a tawhdun nak
\v 17 Nithum lawi ten Paul in Judah miphun lamhuai tute sam in hulawmkhawm tik hi. Hulopnak a neih haw ten Paul in U le nau te aw, kei cu mai miphun hei hihen, pu le pa tei dan hei hihen, donak pakhat no hei bawl ma naven Jerusalem khua ah thongta hihnak in Rom miphun tei khut sungah ap haw.
\v 18 Rom miphun ten kei mah thu dong in thihnak taak sualnak a muh haw ngawl hang, kei cu luat tik nuam haw hi.
\v 19 Mah a deihnak cu Judah miten a kham ten, Ceasar kumpi nelah hehpih kut tung hi” tin, kei man ti ing hi. Mah tin a tih ten miphun pakhat le pakhat mawhsiat nak thu a um hang hima hi. Mah hang nohte cu tawk in otpih nuamnak hang sam ing.
\v 20 Isarel miphun tei muansan nak thu hang, kei cu hi thik khau tuah ken co ing hi” tin, ti hi.
\v 21 A mun, na thu zaaknak a neih haw mi lai cu Judah ngam pen kohten ngah ma ung hi. Mah lai ngam pen a heng mi U le nau tei lakpen a kuamah in sualnak nei ci tin, son ma hi.
\v 22 Mah naven, hi thu te cu mun hempoh ah mawhsiat thuak mi a hihnak kohten theihnak ka neih uh ngawl hang, na thupom dan cu nangmah loli pholhlet mi awnkam kohten theih zo hang, itin thinlung ngaihsut nak nei cim tih mi cu na nelpen kohten theih nuam ung hi” tin, ti haw hi.
\v 23 Mah ten a mun Paul tuah ni tiap dunnak nei in, mi tampi ten Paul camnak ah heng haw. Paul in Pathian uknak thu a phuan hang in hihen, a mun Zisuh thu cu um tik tuk Mosi thukham le kamsang Laithiangtho suang in a zopnak hang in hihen, zinglam penpan zan huncan tian thu hilh hi.
\v 24 A hekkhat ten Paul thu cu um haw hi.
\v 25 A hekkhat ten um haw ma hi. Mah tihcun pakhat le pakhat khen kek in a hawh laih tak Paul in awnkam khat no a hilh mi cu Hawvang thiangtho in kamsang Isaiah hang a hilh mi cu,
\v 26 Nohten za leng napi in a sullam thei thiam ngawl in zak nak nei tuk uh ci. Mu leng napi in imah sumsial ngawl in mu haw tuk hi. Mah miphun tei umnak ah hawh in hilh in.
\v 27 Itahum titale, a muhte cu mitcaw, bengbul, thinlung ngongcih nuncan ziaza thek ngawl in a muhtei ti-nat nak cu damnak co ngawl in a ngaihsut nak sil bengngong a mit hup in um haw hi” tin kohtei pu le pa tei lakah ti hi.