\rem The text in this file was extracted from C:/DCS/Chin, Ngawn/WORD/29. JOEL. docx.
\mt Joel
\h Joel
\mt Joel
\toc1 Joel
\toc2 Joel
\toc3 jol
\s Khau te a samnak
\c 1
\p
\v 1 Pethuel capa Joel nelah a heng mi Pathian awnkam thu cu,
\v 2 Kum U pa te aw, ngai un. Ngam sung miphun hempoh te aw, ngai un. Hih tihbang mi thu cu nang muhtei khut sungah cang awng maw? Pu le pa tei khut sungah cang awng maw?
\v 4 Khau talh tawng in a tang mi khau cu ei khawng zo. A kiim in a um mi khau a tang mite vang, muansan nak a nei mi khau in a eih hang, muansan nak a tang mi khau ten a sia mi khau ei zo.
\v 5 Thi tuk tian zu in thei mite aw, khang lo in kap un. Cabit tui khampek in a in thei mite aw, nang muhtei in tuk a hum mi cabit tui a um ngawl hang kap in um ta un.
\v 6 Itahum titale, thazang ngilnak tuah sial zawh ngawl in a tam miphun cu ka ngam sungah kai zo hi. Mahmi miphun tei ha cu pawpi ha bang in hihen, a ha pi vang pawpi hapi bang hi.
\v 8-9 A khanno laih a neih mi a pasal ca thangkhau puan a silh tu mo nu bang kap in. An eih tuk mi le in tuk biakpiak nak Pathian biakinn sungah um ma zo. Pathian na dek cing tu thiampi ten kap haw.
\v 12 Cabit kung cu vuai zo. Theipi kung vang ko zo. Tale kung, sunpalun kung, sek kung pen pan ngam lak sungah a um mi thingkung hempoh vuai khawng zo. A thungai in mihing tei lungdam nak thu ko hi.
\v 13 Thiampi te aw, thangkhau puan silh in kap un. Biakpiak nak taitan a cing tute aw, kap un. Ka Pathian na dek nak cingkem tute aw hung un. Thangkhau puan silh in zankhua hihbu un. Itahum titale, an eih tuk biakpiak nak, in tuk biakpiak nak cu nohtei Pathian inn sungah ap ngawl in um haw hima maw?
\v 14 Ancan nak cu thiangtho tik un. A thiangtho mi hulopkhawm nak sam in kum U pa te le ngam sung mihing hempoh ten, na Topa Pathian inn ah hulawmkhawm tik in Pathian nelah au haw hen.
\v 20 Ngam sung sahang ten nangmah au haw zo. Ngun tui pi vang kang zo. Ngam sung hampa umnak mun hempoh te vang kang zo.
\s Khau siatsuah ngalkap bu
\c 2
\p
\v 1 Zion mual hum pen lemle tum un. A thiangtho mi ka mual hum pen ngallin nak aw bawl un. Ngam sung miphun te can tawtok haw ta hen. Itahum titale, Pathian ni a hen nak huncan nai zo.
\v 2 Khuathim mi ni, meigo uap in khuathim a sah zet mi ni hi. Ni vaknak cu mual hum hempoh ah a dim bang thazang ngilnak a nei mi miphun cu hung hi. Tang laih huncan in mah tihbang mi thu cang awngma hi. Tunung khangthak huncan ten vang cang tuk ma hi.
\v 3 A muhtei mai pen mei kang hi. A nunglam pen vang meialh hi. Na mai ah a um mi ngam cu Eden huan bang hi. A nunglam pen a thiangtho bawl mi munlawn in cang hi. A thungai in a muhtei khut sung pen a kuamah luat tuk ma hi.
\v 5 Leng awnthawm aw a zak ten hei hihen, buak kang mi meialh awnthum bang hihen a aw cu thum in, mual lek hum pen dawk haw tuk hi. Ngal do tuk a bawl hang thazang ngilnak a nei mi mihing tampi te bang cang haw tuk hi.
\v 7 A mun ngalkap te bang tai in ngalkap te bang khuapi khantian nak hum ah kai haw tuk hi. Lamzin pial ngawl in a muhtei lamzin ah cam zet zui haw tuk hi.
\v 11 Pathian in a ngalkap buu mai pen aw suah in au tuk hi. Ngalkap umnak cu nasezet a thawmngeng hi. A thu awnkam bang a thuam mipa cu a huham thawmngeng hi. Pathian ni cu a thawmngeng in a lauhuai zet mi ni hi. A kon thuak thei tuk hum?
\s A kehkuai mi thinlung tuah Pathian nelah hung in
\v 13 Na puan silh botkek ngawl na thinlung botkek in, nohtei Pathian nelah pin leh un. Ningnat nak, hehpih itnak tuah dim in thinsau nak lungmu, lainat bawl nuam nak lungmu, sual dan piak nak cu sualsih theihnak lungmu nei hi.
\v 14 Nohten nang muhtei Topa Pathian cu an eih tuk biakpiak nak le in tuk biakpiak nak ap tuk in hihen, Pathian cu hung leh in sualsih nak a neih cengten, muicu thupha a koih tuk le koih tuk ngawl cu a kon thei hum?
\v 16 Mihing tampi te sam in hulawmkhawm mipi te thiangtho tik un. Kum Upa te hei hihen, naupang te le naumom nawi in laih te vang hulawmkhawm tik un. Mohuai tu pa cu a ma khan sung pen hei in hihen, mo nu in a mah lim in a um mi kalaka sung pen tul hen.
\v 17 Pathian na deh nak cingkem tu, thiampi ten innpi mai le biakpiak nak taitan lak lawh pen kap in, Pathian aw, na miphun te hehpih nak pia in. Ngam dang miphun ten a uk hang, a lo co mi miphun te mawhsiat tuk in ap pah sin. A muhtei pathian cu i lai ah um hum tin ngam dang miphun ten ita son thei haw hum tin, hilh haw hen.
\v 19 A thuangai Pathian in a don hang kei cu cang, cabit tui, sathau pia in nohten kham pek tuk uh ci. Ngam dang miphun tei mawhsiat nak thu cang leh tuk ngawl in, keiman bawl tuk mang hi.
\v 20 Saklam ngalkap ten nang muhtei umnak pen keiman vawk tung. A kuamah um tuk ma. Ngam ko umnak mun ah hawlvawk tung. Nisuah nak lam tuipi hek in, nitum nak lam tuipi zam san in thiak tuk hi. A uih a ngimnam sia suak tuk hi. Pathian in thil thupi te bawl zo hitin, thupia hi.
\v 22 Ngam sung um sahang te aw, lau pah sun. Ngam sungah hampa po in thing kung ten a ngah cu ngah in, theipi kung le cabit kung vang thazang suah in um hi.
\v 23 Zion khua mite aw, nohtei Topa Pathian suang in lungdam un. Itahum titale, a thiangtho mi saza a piak hang a pa pen pan a masa nguah le a dawl ta nguah cu nang muhtei hum ah zu tik tuk hi.
\v 25 Thing nget sung a ei thei mi khau lung, a hon in a um thei mi khau, pet tawng pe pel in a um thei mi khau tih mi a thawmngeng ka ngalkap tei peh mi kum hempoh keiman pia leh tung.
\v 26 Nohten kham pek in ei tuk uh ci. Mangbangza thu hempoh nang muhtei sungah a bawl mi nohtei Topa Pathian min cu thangphat haw tuk hi. Ka miphun ten mualpho nak um leh haw tuk ma hi.
\v 27 Kei cu Isarel miphun a lai ah umnak thu hei hihen, a dang Pathian um ma hi. Keimah Pathian cu nang muhtei Pathian hihnak thu hei hihen, nohten thei tuk uh ci. Ka miphun te mualpho nak um leh haw tuk ma toh hi.
\v 32 Mah ten Pathian sam nak a nei tu hempoh nunpat nak co haw tuk. Itahum titale, Pathian thupiak mi bang Zion mual, Jerusalem khuapi sungah Pathian a sam tu a tang mitei ca nunpat nak thu co tuk hi.
\s Miphun hempoh thukhen nak
\c 3
\p
\v 1 Mahmi hun le can sungah a hum pen matnak a co mi Judah miphun, Jerusalem khua mite ka pui leh ten,
\v 2 Miphun hempoh keiman hulawmkhawm tik in, Jehoshaphat hawkluam ah sam tung. A mun ka ngam cu sem in ngam hempoh sungah a khen kek tik mi ka lo co Isarel miphun lam ah keiman thukhen tung.
\v 3 A mun ka miphun tei ca kungkhai nak bawl haw tuk. Naupang te suzuak van tuah in hihen, numei naupang te a muhtei in tuk cabit tuah hei in hihen, thek dun haw zo.
\v 4 Tyre khuapi aw, Sidon khuapi, Palestine ngam tuah a nai mi umnak hempoh nohten keimah tuah itihbang in seng haw hum? Keimah do leh haw ni maw? Keimah a do leh haw tale mahmi ngal cu nohtei luhum ah a man lang in keiman heng tik tung.
\v 8 Nohtei canu le capa te vang Judah miphun tei sungah kei man zuak in a muhte cu a khuala miphun, Sheba miphun tei sungah zuak leh haw tuk hi. Mah tihcun Pathian in thupia zo.
\v 10 Thik lo leh nak ha te cu nam cang tik tuk in hihen, phio te cu ceipi cang tuk in hihen, su in bawl haw tuk. Thazang a nei ngawl mipan kei cu thazang nei ing hitin, son hen.
\v 11 Elkim ah a um mi ngam dang miphun te aw, hulawmkhawm in hung un. Pawlkom un. Hulopkhawm nak mun pen nohtei ngalkap te Pathian in khia suk tuk hi.
\v 12 Ngam dang ten tho in Jehoshaphat hawkluam ah kai haw hen. Elkim ah a um mi ngam dang miphun te thukhen tuk in hihen, mahmi umnak mun ah keimah khung tung.
\v 13 Ah tuk cangsan zo hang phio kuat toh un. Cabit ngawinak van a dim hang cabit tui khuk te a let ten hung un. Tolhsuk un. Itahum titale, a muhtei bawl mi sual cu ngeng zet hi.
\v 16 Pathian in Zion mual hum pen au in, Jerusalem khuapi sung pen aw suah in a au hang vanhum le leihum hing tuk hi. Mah naven Pathian cu a miphun belhnak mun, Isarel miphun te thazang ngilnak in cang tuk hi.
\v 17 Keiman a thiangtho mi ka Zion mual hum ah a um nohtei Topa Pathian thu cu nohten thei tuk uh ci. Jerusalem khuapi vang thiangtho tuk hi. Mahmi khuapi cu ngam dang miphun ten pal leh haw tuk ma hi.
\v 18 Mahmi huncan sungah a hum mi cabit tui cu hanglam pen piit in zung tuk hi. Nawi tui cu mual hum pen suak tuk hi. Judah ngun tui hempoh te luang haw tuk hi. Pathian inn sung pen cik tui tul in Shittim hawkluam cu nom tik tuk hi.
\v 19 Judah ngam sungah sualnak a nei ngawl mite that in, Judah miphun a bawl siat hang Izip ngam cu mi thawmveng in um tuk hi. Edom ngam vang mi thawmveng ngam lak in cang tuk hi.