\rem The text in this file was extracted from C:/DCS/Chin, Ngawn/WORD/25. LAMENTATIONS. docx.
\mt Kah La
\h Kah La
\mt Kah La
\toc1 Kah La
\toc2 Kah La
\toc3 lam
\s Zion lungkham nak
\c 1
\p
\v 1 Mihing tampi a um khuapi cu mi thawmveng in khung zo hima maw. Mi phun hempoh sung pen thawmngeng a nei awng mi khanglai him cu meivong bang cang hi. Ngam hempoh tei kumpi nu cu siah pia hi.
\v 2 Zan huncan ten nasezet kap in a biang cu a mit hitui nom leng hi. A lawm hempoh sung pen a nem thiam tu pakhat hei um ma. A ngualcam hempoh ten thukam pelh in, ngal in cang zo.
\v 3 Judah canu a bawlsiat nak, cim zet in na deh nak hang thawn zo. Ngam dang miphun sungah a um hang, colh dam nak um ma hi. A hil tu hempoh a neunak mun pen pha haw zo.
\v 4 A kuamah puainak mun ah a hen ngawl hang, Zion lamzin cu kap haw tuk hi. A khuapi kongka hempoh mi thawmveng umnak mun in um zo. A thiampi te vang kap haw zo. A khanglai him te vang thinnat nak a um hang, a mah cu thanau in um hi.
\v 5 A sualnak a tam hang, Pathian in dan tat in a mah a do tu hempoh ukin a ngal ten phat nak co haw zo. A canu le capa hempoh te vang ngal ten man zo.
\v 6 Zion canu minthan nak cu tham khawng zo. Kumpi cate vang an eihnak tuk mun zei in a tawk ngawl tu sazuk bang a hih hang, a zui tutei maipen tha bo in tai haw zo.
\v 7 Jerusalem khuapi haksat cimnak a thuak laih tak a masa a co awng mi hauhsak nak phawk hi. A miphun te ngal khut sungah heng in bawm tu um ngawl a do tuten a thu mu in a caknak thu mawhsiat haw hi.
\v 8 Jerusalem khuapi sual a tam leita hang a nawngkai mi hi. A mah U pat awng tu hempoh ten a mah kennak a muh hang, sumsial ngawlin um haw. A mah cu kap in a nunglam ah kik leh ta hi.
\v 9 A ma sungah a thiangtho ngawl mi sialsiah nak lang naven, a thuak tuk mi sual phawk ma hi. Mah hang, mitmai pha pia tu um ngawl in a lamdang mi thu tuah caknak ah heng tuk hi. Pathian aw, ka haksat cimnak zo in. Ngal ten a mah le mah khaisang haw zo.
\v 11 A miphun hempoh ten kap in moh zei in um haw hi. Thihnak haksat pen luat tukin a muhtei hauhsak nak cu an eih tuk in vawk hi. Pathian aw, zawt dem nak a thuak hang zo in ngaisung in.
\v 12 Khualzin mi hempoh te aw, zo in ngaisung ta un. Pathian nasezet a thinuuk mi ni in, keimah bawlsiat in a cang thei mi haksat nak tuah a bang ve mi haksat nak um maw?
\v 13 A hum pen mei cu ka nguh sungah hah in keh tik zo hi. Ka ke awk tik tuk thaangsiah in keimah pin tik zo hi. Sun nilui kahnak, thinkham nak thu ka sungah cang tik hi.
\v 14 Ka sualnak kolhak cu a khut tuah ka ngawng hum ah a kencih cengten, Pathian in keimah thakiam tik in ka kham theih ngawl mi a muhtei khut sungah heng tik zo.
\v 15 Pathian in ka ngalkap hempoh keima a laizang pen pal hi. Ka tangval te bawlsiat tukin, mihing tampi sam zo hi. Pathian in Judah khanglai him cu cabit ngawinak khuk sung pen ngawi zo.
\v 16 Mahmi thu hang kei cu kap ing. Mit hitui luang in um ing. Ka nunnak bawm in keimah a nem tupa cu keimah tuah kang zo hi. Ngal ten a neh hang, ka canu te tham khawng haw zo.
\v 17 Zion canu in a khut phalh te phalh naven a nem tu um ma hi. Pathian cu Jakop el ah ngal te pia zo. Jerusalem khuapi cu a muhtei sung pen a nawngkai in cang tik hi.
\v 18 Pathian cu diknak tuah thukhen hi. Kei cu dan thukham palcat zo ing. Mihing hempoh te aw, ngai in ka haksat cimnak cu ngaisung ta un. Ka tangval le khanglai hempoh man haw zo.
\v 20 Pathian aw, zo in. Ka thinkham zet zo ing. Ka thinlung cu ka sungah um hi. Keiman nasezet do zo ing. Ngal nam tuah thihnak cu inn sung pen a thi bang um ing.
\v 21 Ka kah nak aw a mun za in, a nem tu pakhat no hei um ma hi. Ka nelah a heng mi thu cu ka ngal hempoh ten za haw zo. Na bawl mi thu cu lungdam haw zo. Na ni tep huncan a hen ten a muhte vang keimah bang cang haw ta hen.
\v 22 A muhtei sualnak hempoh cek in. Sual ka bawlnak hempoh hang ka sungah bawl mi bang, a muhtei sungah bawl in. Kei cu kahnak a tam hang thinkham in um ing.
\s Isarel miphun tei hum ah Pathian thinuuk nak
\c 2
\p
\v 1 Pathian Zion canu te a thinuuk nak cu meingo tuah khuh zo. Isarel miphun tei minthan nak cu vanhum pen leihum tian koih zo. A thinuuk huncan ten a ke ngak nak hei phawk ngawlin um zo.
\v 2 Pathian lainat nak um ngawl in Jakop miphun tei umnak hempoh thon zo. A thinuuk hang, Judah canu tei ngalbuk nak innpi te lei tian subal in uknak ngam le kumpi cate zawt dem hi.
\v 4 Ngal pa bang thalcang cu kau in ngal do tupan a khut taklam dang in a mawi mi minthan nak a nei tu hempoh that zo. Zion canu tei umnak deubuk pen a thinuuk cu mei bang in buak zo.
\v 6 A man huan bang ngaisung in hang zet phat ngawlnak tuah lonsak zo. A umnak mun te vang siatsuah zo. Pathian in a thiangtho mi puai le colhni cu Zion khuapi pen phawk ngil zo. A thinuuk nak a nasezet hang, kumpi le thiampi cu imah sumsial ngawlin bawl zo.
\v 7 Pathian a biakpiak nak cu vawk zo. A thiangtho umnak mun cu nawngkai tik zo. Biakinn cu ngal tei khut sungah a ap zo hang, puai bawl miten aw a bawl bang ngal ten Pathian inn sung pen aw bawl haw zo.
\v 8 Pathian Zion canu tei khuapi khantian subal tuk a ngaihsut bang khau cu dok in a cat ngawl a siatsuah hang, a sunglam khantian le a pawlam khantian te a bang ve a kahnak tuk thu bawl zo.
\v 9 Khuapi kongkhah te lei sungah dip cih in um zo hi. Kongkalh nak te vang siatsuah zo. Kumpi le kumpi cate cu ngam dang miphun tei lakah um haw zo. Dan thukham um ma. Kamsang ten Pathian muhnak co haw ma.
\v 10 Zion canu tei kum U pa ten leivul cu a muhtei luhum ah koih in thangkhau puan silh ken leihum ah khung in, daiden no um haw. Jerusalem khuapi khanglai him ten a lu kai in um haw.
\v 11 Ka miphun canu tei siatnak hang, kei cu mit hitui luang in ka mit sia zo. Ka sunglam thaunak a um hang, ka nikkha tui cu leihum ah buak ing. Itahum titale, naupang te le nawitui in te lamzin pen tha bo in um haw zo.
\v 12 I lai ah cang le cabit tui um tuk hum tin, a muhte cu ngal tei bawlsiat a thuak bang lamzin pen tha bo in a nui angsung pen a nunnak leih in a nu cu dong thei hima maw?
\v 13 Jerusalem canu te aw, na thu sungah i theihpih nak keiman lak tuk hum? Zion canu khanglai him te aw, nangmah nem tik tukin nangmah tuah a kua cu keiman tehkip tuk hum? Na siatnak cu tuipi thuanthum bang a zal hang a kon bawl thei tuk hum?
\v 14 Na kamsang ten a thupi ngawl mi thu a pha ngawl mi thu te nangma ca mu haw zo. Mat a co mite dai tik tuk in na sualnak lang tik ngawl a sual muhnak, lamzin a pial thei mi thu cu nangma ca mu haw zo.
\v 15 Lamzin ah a hawh tu hempoh ten minthan nak, leihum hempoh minthan nak a um mi khuapi cu hi khuapi maw tin, Jerusalem canu cu bai beng mawhsiat nak aw bawl lusat thu dong thei haw.
\v 16 Na ngal hempoh ten na langlam pen a kam kau haw. Kohten a mah cu thon zo. A thungai in mahmi ni cu kohtei muansan mi ni hi. Kohten mu zo ung hitin mawhsiat nak aw tuah hacang ngawi in son haw.
\v 17 Pathian ngaihsut mi thu cu bawl haw zo. Tang laih penpan a thupiak mi awnkam kim tik zo. Sahelh ngawl in subal zo. Ngal pan na hum ah lungdam nak thu pia in ngalpai ki cu khaisang zo.
\v 18 A mun a thinlung sung pen Pathian cu au haw hi. Zion khuapi canu khantian na mit hitui cu nguntui bang luang in sun le zan luang tik in. Nangmah le nangmah in dai tik pah sin. Na mit vang cawl tik pah sin.
\v 19 Zan huncan ten tho in au in. Pathian mai pen na thinlung tui bang buak in. Ningkial in lamzin hempoh ah tha bo in a um na naupang te daihnak pia tukin a nelah na khut zak in.
\v 20 Pathian aw, nang cu a koi nelah hi tihbang thukhen zo hi tih cu zo in ngaisung in. Numei angcawi laih nauno a pompaih mi nau no sa cu ei tuk maw? Thiampi le kamsang ten Pathian a thiangtho umnak mun sungah thah nak thuak tuk maw?
\v 21 Mi U pa, naupang ten lamzin pen leihum ah thacang in um haw hi. Ka tangval le khanglai ten nam tuah thi haw zo. Na thinuuk ni ten a muhte hehpih ngawl in that zo ci.
\v 22 Puai ni ten mihing tampi a sam bang, ka elkim pen a lauhuai mite sam haw zo. Pathian thinuuk a suak ten a kuamah luat ngawl in tang tuk ma hi. Na pompaih in cawm mi a muhte cu ka ngal pan siatsuah zo.
\s Isarel miphun tei haksat cimnak cu Jerimiah in a thuaknak
\c 3
\p
\v 1 Kei cu Pathian thinuuk tingngolh nuai pen haksat cimnak a thuak tupa ing.
\v 5 Phazet no a ei thei mite cu lamzin hum pen mi thawmveng in um hi. Mepian zawng ihkhun zaunak hum pen nopnak a bawl awng miten, buak seh cu kawi haw.
\v 7 A bawi U pa te cu vukpak bang ngo in, nawi tui sang ngo saw hi. A muhtei taksa cu suangsan sang in san saw hi. Thangui te vang sapphire suang tuah bang ve hi.
\v 15 Hawh un. A thiangtho ngawl mite aw, hawh un, hawh un. Zen pah sun hitin mun hempoh ah a vah kawkawi ten ngam dang miphun ten, a muhte cu cam thei haw tuk ma hitin, son thei haw.
\v 16 Pathian cu a thinuuk suak in a muhte khen kek tik zo. A muhtei thu cu zohsak ma hi. Midang ten thiampi te vang U pat ma, kum U pa te maisong ngawl in um haw.
\v 20 Ohtei nunnak tih mi Pathian in a piak hang, sathau a thih mipa cu leikua sung pen man haw zo. A minthan nak bel in, kohten ngam dang miphun sung pen nunnak co tuk hitin, a hum pen son thei haw.
\v 22 Zion canu aw, na co tuk mi sual dan tat nak bo zo. Nang cu man leh tuk ma toh hi. Edom canu aw, na bawl mi sualnak dongkan in na sualnak cu lak tuk hi.
\s A hehpih nak ca thunget nak
\c 5
\p
\v 1 Pathian aw, kohtei sungah a heng mi thu phawk in. Kohtei thuak mi mawhsiat nak zo in ngaisung in.
\v 21 Pathian aw, kei muhte na nelah hek tik in. Mah tihcun na bawl tale kohten pin kik leh tuk ung. Tang laih hun bang kohtei huncan a thak bawl leh in.