byi_reg/46-ROM.usfm

\id ROM
\ide UTF-8
\h Baloma
\toc1 Baloma
\toc2 Baloma
\toc3 rom
\mt Baloma
\c 1
\cl Mbukwilo 1
\p
\v 1 Paolo ntumwa kwa Yesu Klisto, guibuchiwe uba nkikiwa, kweebilwe usambala mwano kwa mwego kwa Abetcha Pungu.
\v 2 Abetcha bya kwekanine uutunywa twa bibuulii byage uhiitiila mikolo kya gehaha.
\v 3 Mwano kwa mwanage, gwebushilwe nnta mmoka kwa Daudi walubii lwa mpelee.
\v 4 Nuhumonya ubaa mwana gwa Abetcha wa uuoma wa uhiita Mteema gwa buhaha, wa uchuwa mpanga babuu; Yesu Klisto Mlumyetu.
\v 5 Nnda mwage twapokela kene na bukole wa ehulichiwa buwasha mpwingii mwa mioga kyose, buululii bwa China lyage.
\v 6 Wa bano benywe byoka biya, mwisiili bagiswa ba Yesu Klisto.
\v 7 Wabose bene bii Loma, bapenji ba Abetcha bagishilwe uba babahaha: kene chibenjuu na talala uuhumina wa Abetcha Setuu, naa wa Mlumyetu Yesu Klisto.
\p
\v 8 Hambelee nehutona Abetcha anyi ntaa Yesu Klisto yuulu yenyu byenwe bose, yuulu ya uwasha wenyu wedogomwa ntaa ebaloo yoose.
\v 9 Yuulu Abetcha, mine gwandee huselela wa mteema gwanyi nntaa enywa ya Mwanage, ii mpangeselwa gwanyi byene byandehubataya nangoo nampendo.
\v 10 Masuku moose nntaa sabaa chanyi, nihuusaaba uchwa wenyu hano halaka, Abetcha gabebenjaa usahelecha lwendo lwanyi.
\v 11 Yuulu nehubenja abisa ubamona nabee ubaha bumana bwa mteema yuulu mweeswe mima.
\v 12 Bibyo, tuguhane michigo nene na benywe, kekese wa uwasha wa minage, wenyu na wanyi.
\v 13 Nambee, bashiwetuu, nishihubenja mushibe na mwano, yuulu nyendo chingi niilangilee uchwa wenyu, nichibeelwee ataa binoo, yuulu naabee naa biguma wenyu ehyaka byene byandehubataya nabyo ntaa mwalo genge.
\v 14 Nene na abachi na bayunani na bashenji, ubene bena bunyemu, naa bene bashi naa bunyemu.
\v 15 Wabibyo, walubee lwanyi, nene niitayali ugigya mwano gubenju wenyu bene balii ushamaa nndaa Loma byoka biya.
\p
\v 16 Wa yuulu nishihumona abulee wa mwano gubenju gwa Klisto, wa bulii uoma wa Abetcha ata uhona, wa ntuu kekese mine gwihuwasha; wa muyuda kwa ntangi naa myunani byoka biya.
\v 17 Wa buululii bwa weneene bwa Abetcha Pungu kyienee gyinee gihumonea nntaa mwage, uuhumina uwasha ata uwasha nahii bigolilwe: Mine keene kweesenga wa uwasha.
\p
\v 18 Wa yuulu sungu cha Abetcha chaununywa uhuma hekulu yuulu ya buhukii bulii bose na bubii bwa batuu, bene bibahamba kiine wa bubii.
\p
\v 19 Wa Bululii milanduu kya Abetcha akeenee gemanyiwe gihumonywa nndaa mwabo; Wa Bululii Abetcha kwa bamonya.
\v 20 Wa bululii milanduu kyage bishi bamoneywa tokea ubuumbwa walungu, byamonea hululu, na umanywa wa migilo gyage, ataa uoma wage wa milumbu naa bwa Abetcha bwage: bashiba naa munyiunyi.
\v 21 Wa uba, mengo mabemanine Abetcha, bashimlee pundaa nahii Abetcha, naa bashitonine, nabibele bunene nntaa malanga mabo, naa meeteema kyabo kyiebele nangoo na lwengu gigisilwe ntuu.
\v 22 Bonouligana ubaa naa lwenyi naboo ibihinda.
\v 23 Bonoo ugalula luhaha lwa Abetcha, mine gushina luutogya, waliingiliisho wa yenyi ya ntuu kwa ntoguu, naa ya anonyi, naa ya nyama cheene chena maguluu mana, na nyama chugandala na bichimu.
\p
\v 24 Wa Bululii bwa milanduu giino, Abetcha kwabashiga nndaa iiteema kyabo balame iiyo, ata udogechanya unyema wa miibiilii kyabo.
\v 25 Wa yuulu bigalule kiine kya Abetcha wa lulimi, bonu ugula yene eebumbilwe hekulu hamine Mpumbi mine guhalilwe wa milumbu.
\p
\v 26 Wa bino Abetcha kwabashiga wa eeteema ya mmee; buululii ataa baachi babo bagalule migilo kya kya abuselelwa, wa iya ishi ya abuselelwa.
\v 27 Naa balumiana byoka bibyo, nuushiga migelo kya abuselelwa ammachana, balamine iteema, balumiana nougela ehesho ya mmee, boo nuuba nndaa mwabo alambwe aalingye na buhugee bwabo.
\p
\v 28 Na nahii biya byabeemine ubaa na Abetcha nndaa luengu lwabo, Abetcha abashigile ulama lwenyi lwabo lushilubenju, bagile milanduu gishigibalole.
\v 29 Ibagiluchu na buelemanya bose, naa bubii, naa iiteema, malanga mabee; Ibagiluchu abuselelwa, buhaganyi naa magumano, naa ubicha, naa mmonywa; bene naa lugambo.
\v 30 Bene behuchingila naa bene behuonywa Abetcha, na bene bena anene, bene bihulemona, bene behugingila ii milanduu gebaya, bene bashihulesacha ubabushi byabo.
\v 31 Bashi na lwenyi, bene behubela alako, bene bashiuunda mioga kyabo, bene bashi naa kene.
\v 32 Bene bemanine abisa mmpendo kwa keene kya Abetcha, yuulu bigelanywa bibyo, balengye luubu, bashihugela milanduu gino, naa balihuhulichana naboo bene baliihugeela.
\c 2
\cl Mbukwilo 2
\p
\v 1 Wa bibyo, gogwe kekese ntuu uubendeela bange, ushi na lutenja, yuulu huubendela bange, uhulendela kokwe mine, yuulu gogwe mine huubendela, uhugila bibyo bikoko nahii bange.
\v 2 Na beswe tugitee mpiindo kwa Abetcha, igwa kinee hegulu habo bene balihugila bikoko nahii bino.
\v 3 Naa gogwe ntuu uhulanga webendela baya bene bihugila gya bubee naa uhugila bibyo bibyo, uhumana wesena mmpendo kwa Abetcha?
\v 4 Ao, ulihubeda bumbona bwa ubenda wage naa uuhembecha naa ulitolelecha wage, ushimane nahii ubenda wa Abetcha waushindicha wa maloba?! m
\v 5 Nauguma gala obe naa wa iiteema gobe, kushi na maloba, uhuliibila luhinda sungu naa ununinywa wa mpiindo kwa keene cha Abetcha.
\p
\v 6 Mine kwihangula ntuu gegese wa uhiitiila bikoko byage.
\v 7 Baya bauhembecha nndaa ugila bibendjuu, behueba buhaha na lwenyi naa ushuudoga, beehewa mwego gwa milumbu.
\v 8 Naa baya bene Bammonywa, naa bashi uhulechanaa kiine ila baliihuhulecha buhuge, bihewa sungu na mpiindo.
\v 9 Asusu na bushigana hegulu naa ichulichuli yoyose ya ntuu mine kuhugita bubee, Myuda utangi naa myunani byoka biya.
\v 10 Haho lwengee, naa bunyemu, naa talala wa ntuu gegese mine guhugila bisoka, wa Myuda ntangi na Myunani byoka biya.
\v 11 Wa buululii nanguu ugegamina wa Abetcha.
\p
\v 12 Wa uba bose balubile wananguu uba naa alago bichimina wabila alago, naa bose babalube, bahuba naa alago, bisusulwa uhutela alago.
\v 13 Wa buululii bashihuchulwa alago bene bana kiine hambelee ha Abetcha, nambee baya behugila alago bebalwa kiine.
\v 14 Buululii mengo batuu ba mioga bene bashi naa alago, habigiila wa shaminyi milanduu kyene kyindaa mwaa alago, bano bene bashi naa alago wa bichulichuli bya mwego byabo bobene
\v 15 Hano baliihumonya nkelo kwa alago eene eegolilwe nndaa miteema kyabo, buulu bwabo bwebangeseye byoka biya.
\v 16 Nndaa lusugu luya Abetcha hagisusula lubisagulu lwa batuu uhutana mwano gubenju kwanyi, kwa Yesu Klisto.
\p
\v 17 Na nambee gogwe nahii wahugiswa myuda, naa uudagila alago, naa uhuliitona wa Abetcha.
\v 18 Na umana mapenji magee naa uugitabecha milanduu kya gibenju abisa wa hugigiwa wa alago,
\v 19 Naa uuliihumana abisa nahii gogwe mine ii alombwe abihobu, lwengee lwa batuu bene balii ntoo.
\v 20 Igigya kwa bihinda, Igigya gwa baana batulela, mine kuna lwenyi naa kiine nntaa alago.
\v 21 Nambe gogwe mine kwihugigya gunge, ushihuligigya kwemine? Gogwe mine ulii uhana mmano ntuu gashigibe gogwe hugiba?
\v 22 Gogwe mine uhudogoma uhana ntuu gashiietee maseii, gogwe huumaeetaa? Gogwe mine uhuonywa ilundji, gogwe hugiba nntaa bihwilo?
\v 23 Gogwe mine huulitona ntaa alago; wa ubela Abetcha bunyemu wa hubeda alago.
\v 24 Yuulu china lya Abetcha lyehutuiwa nndaa bilongo Bululii bwenyu nahii byabigolwilwe.
\p
\v 25 Wayuluu kumbii lina alambwe mine, nahi gogwe iihichi kwa alambwe, naa nahii gogwe wiipechi kwa alago, kumbii kyobe kyalongiwa ushukya kumbii.
\v 26 Biya nahii genyike kwa mpwatee mmhano kya alago, ushukya kumbii wage ushibalwa uba kumbii?
\v 27 Na mine gushiinkibe kumbii wa abusiliilwa, nahii gwahuwata alago, gushii ubindila gogwe mine una mikolo, naa kumbii, naa uhubela alago.
\v 28 Yuulu genyike gushi myuda mine myuda kwa hambugaa, naa kumbii gishigiya kya hambuka aka.
\v 29 Naage ii Myuda mine Myuda kwa nntaa, naa gombe iikya mteema nntaa bituu, atii inda mikolo na punda kyage miishi huhuma ubatu, ila wa Abetcha.
\c 3
\cl Mbuko 3
\p
\v 1 Bibyo Myuda kwaheeta bange bihii? ao kumbii kina luhinda naee?
\v 2 Wa luhinda abisa wa ndeela gyogyose; utula wabululii bihelwe milanduu kya Abetcha.
\v 3 Iyee yaka, nahii bange bashibawashe? ushuwasha wabo wiisha buuwasha bwa Abetcha uba bunene?
\v 4 Nanguu ataa hacho, ila Abetcha gushame kine na ntuu gegese kwa lulimi ii nahii biya bigolilwe: ubalwe uba na kine nnda milanduu kyobe, naa uoshe mengo mawisusulwa.
\p
\v 5 Naa nahii buhulihuli bwetu habwetona kine kya Abetcha, twedogoma ehee? Abetcha ii mulihuli wa usuicha uonona? (nadogoma nahii ntuu)
\v 6 Nanguu ata hacho nahii bino, inamuna nahii Abetcha ususua lungu:
\v 7 Wa bululii byahuba kine kya Abetcha kya hubula abisa wa lwengee lwage wa bululi bwa lulimi lwanyi. Wabululii nahii milisusulwa nahii mine na bubee?
\v 8 Naa yuulu yaee tushihudogoma (nahii byatwechingilwe nahii byene bange byabebadogoma naa uba bibyo?), naa tugilee bibee yuulu bisoga byechwaa? Bene mmpendo kwabo kuna kine.
\p
\v 9 Iyee ihyaka? beswe twee basoka uheta bangee? nanguu, ataa hacho; wa yuulu twibangwilwe uumana uba Yuda nuu uba Yunani byoka biya, wauba bosee byoka balii usee wa babii.
\v 10 Nahibye bigolilwe ushimine kine, atagumwechi.
\v 11 Hashi mine kwimaana, hashimine guliueba Abetcha.
\p
\v 12 Bosee batoboa wa ndeela, bose bashi wabila alambwe ushimine guhugila bisoka, ataa gumwechi.
\q
\v 13 Ibushi yabo ii isunda kyele hululu, wa ndimi chabo babicha; bulembe bwa nndaa bwee usee wa milomo kyabo.
\q
\v 14 Tunywa twabo itugiluchu naa agoo naa uchigililwa;
\v 15 Magulu mabo mina abilo wa ugesa mashi.
\q
\v 16 Lutokya na ususua ii indaa ndela kyabo.
\q
\v 17 Na ndeela kya talala bashi bagimane.
\q
\v 18 Hashiba bwa Abetcha umbele wa meso mabo.
\p
\v 19 Naa twebamanee waheee milanduu naee kyee hudogomwa alago enealihudogomwa wa bene Bali hasee ha alago bululi anywa oose ahambwe, naa lungu lose lwii usee wa mpindo kwa Abetcha.
\v 20 Wa yuulu hashi mine mpelee kwebalwa kine hambelee hage wa migilo kya alago; yuulu umanaa bubee usuchwa wa ndeela kya alago.
\p
\v 21 Nambe kine kya Abetcha kyumonywa wa nanguu alago, kyabangesewa naa alago na bibuulii.
\v 22 I kine kya Abetcha wandeela kya uwasha nntaa Yesu Klisto waboose naa bene boose behuwasha, yuulu hashi uheshanya.
\v 23 Wa Bululii bose bagela bubee, naa uhungulwa naa buhaha bwa Abetcha.
\v 24 Biihubalwa kine bunene wa Keene kyage, wandeela kya uhonyiwa wene weennda Yesu Kilishitu
\v 25 Nagee Abetcha kwehwile umpea Gabe esambanyi wa ndeela kya uwasha nntaa mashi magee, Bululii gamonye kine gyage wayuulu yulelela bubii bwene bugililwee alaa nntaa ulitolelecha wa Abetcha.
\v 26 Gahewe umonywa kine kyage nnda mengo mano yuulu gabe mine kine ntuu buuwasha Yesu.
\p
\v 27 Yuu uhee bibyo uletona wabo? wahambwa hambuga wa alago nahii? Hashi! naa wa ndeela kya alago abuwasha.
\v 28 Bashi twamona nahii ntuu gwii hubalwa kine wabuwasha, wananguu bikoko bya alago.
\v 29 Ao Abetcha ii Abetcha aba yuda kaa? genye Abetcha gwa bilongo ehyaka? Ehee ii Abetcha a bilongo ehyaka.
\v 30 Nambee Abetcha ii gumwechi, mine kwibalaa kine batuu bene bigingiile kumbii wa uwasha, nabo bashibahahachiwe kwibala kine wa ndeela kya buwasha.
\v 31 Hashi, tuhugisha alago ubabunene wa ndeela kya buwasha? nanguu ataa hacho; ilaa twihugimia alago.
\c 4
\cl Mbukwilo 4
\p
\v 1 Bashi tudogome ii, Ablahamu setu kwepashile ii wa ndeela kya mpeele?
\v 2 wayuulu nahii Abrahamu kwibalilwe kine wayuulu ya bikoko, naa milanduu kya ulitona; naa ushi umbele kya Abetcha.
\v 3 Wayuulu mikolo gihudogoma ee? Abrahamu kwiwashiche Abetcha naa kyii balilwe wage uba kine.
\v 4 Naa wa ntuu gugila nkelo, alambwe agee ashibabalwa uba kene, ila ii deni.
\v 5 Naa wa mtu gushigila mgilo, naa guliihuwasha, genyike mine guliihubalwa kiinee, bashihusena Abetcha buwasha bwagee bulihuba lwa uba kine.
\v 6 Nahii biya Daudi byagihumonya ubenda ntuu guyamine Abetcha guhumpala kine naa hashi bikoko.
\q
\v 7 Ubenda wabene bali baleelelwe uluba wabo, naa bubii bwabo bwa unyinywa.
\v 8 Ubenda ntuu guyaa, mine Mlume gushihumpala bubee bwage.
\p
\v 9 Bashi Ubenda unoo ii wabo bene bihahachwe, ao wabo bene bashi bahahachwe byoka biya? wayuulu twihudogoma ugana Abrahamu wandeela kya buwasha bwage gwibalwile kine.
\v 10 Mmbee kwibalwile bihee? mengo magwihwile uhahachiwa ao gwiili gushina ueswa kumbii ataa; hashihanyuma ueswakumbii ila imbele kyueswa kumbii.
\v 11 Nagee kuhelwe abandee aa uhahachiwa, yaala yageya kine gya uwasha gyebele nagyo hambele hueswa kumbii gabe sabo gwa bose buwasha, ata bashieswilwe kumbii, nabo bebalwa kine.
\v 12 Ehyaka gabe sabo gwabaya begile kumbii aka, ataa bene behulama maasa ma uwasha uuya wa eetuu Abrahamu, mine gubele nabyo hambele hueswa kumbii.
\p
\v 13 Wa yuulu nlako guya gugana kweba pyanaa kya lungu, lwehelwe Abrahamu ao iibushi yage, ushi wandeela kya alako, ila wa ndeela kya kiine kya buwasha.
\v 14 Wayuulu nahii baya ba alako naa pyana, uwasha wiisiile bunene, naa alako aakiilwa bunene.
\v 15 Wa bululii mmano kwene kweehukila sunguu, yuulu bila alako, hene hashi mmano, uluba ushiho.
\v 16 Wabibyo, iihume undeela kya uwasha, ibee undeela kya keene, yuulu aya alako abee mima wa bibushi byose, ushi wabaya ba alako aka, na wabaya ba uwasha wa Abrahamu, mine Setuu beswe bose.
\v 17 (Byene byikolilwe naa ubeeya Tata kwa bilongo bingi) hambele hake gee mine kwewashiche gee Abetcha, mine kwebabaha babuu mwego, naa mine kwebakita bitundu byene bishibaba nahii byiseelee hoo.
\v 18 Genyike, gwewashiche wa uhemba byene bishiba hembwa, yuulu gabee sabo gwa bilongo bingi, nahii byene biganyinywe, byene byebaa ibushi yage.
\v 19 Kenyike mine gushi na bulema bwa uwasha, kwilangile ishamnyi kwa mpelee kwagee, wa nahii kwa huhwa uwa, (kwa huba kwa huhewa aliibuu naa miaa sambii), naa ishamnyi wa uwa wa gumo liage Sara.
\v 20 Nambee gwemonine maduba ushuwasha wa alako aa Abetcha haho gwipashile uoma wa uwasha naa uuma Abetcha buhaha.
\v 21 Haho gwemana abisa ubaa Abetcha gunaeta abisa byene byagwilagile.
\v 22 Wa binoo byee balilwe wagee uba kine.
\p
\v 23 Ilaa bishibigolwe wayuulu yagee kaa uganaa yeebalilwe wagee.
\v 24 Ilaa wayuulu yetuu byoka biya. byee balwa nambee twahumpwasha genyike mine gwechuile Yesu Mlumyetuu uhuma ubabuu.
\v 25 Kwehananywe yuulu ya uluba wetu, naa uchulwa yuulu tuubalwe kiine.
\c 5
\cl Mbukwilo 5
\p
\v 1 Bashi twahuhwa ubalwa kiine undeela kya buwasha, twena talala wa Abetcha wa ndeela kya Mlumyetu Yesu Klisto.
\v 2 Wagee byoka biya twahewa ndeela kya uwasha uhyeela kiine Gino kya twihugimina nntaa mwagee, naa twehuseela nndaa buwashiwa bwa buhaha bwa Abetcha.
\v 3 Naa bishibibyo aka, ilaa museelele nndaa ususua, nkelo gwake yubaa na uhembecha.
\v 4 Naa nkelo gwa uhembecha wiibagila ulitolelecha, naa ulitolelecha usuugila buwashiwa.
\v 5 Naa buwashiwa lishibalea yuulu yaa luundo lwa Abetcha lwahubewa nnda miteema gyetuu wa ndeela kya Mteema kwa kuhaha kwa twehelwe beswe.
\p
\v 6 Wayuulu, haho hatwebelee nanguu naa uoma, mengo mene mebele Klisto gwewiile wayuluu yabo bene bashibaseena Abetcha.
\v 7 Wayuulu bigumagachu wa ntuu uwaa yuulu ya ntuu kwa kiine: ilaa byeenaoshea ntuu utonda uwa wayuluu ya ntuu mpenju.
\v 8 Ilaa Abetcha kwamonya luundo lwage wetu, mengo matwibelee tulii babii, Klisto hewiile yuulu yetu.
\v 9 Naa abisa hatwebalwa kiine hano wa mashi matee twihonywa nndaa uususulwa uhiitela genyike.
\v 10 Wayuulu, nahii mengo matwibelee tumangu, twesambanywe naa Abetcha waa uuwa wa mwanage abisa abisa, hanyuma hausambanywa, twihonyiwa nndaa mwego kyage.
\v 11 Naa bishi bibyo aka, ilaa twaseelela nndaa Abetcha Pungu wa Mlumyetu Yesu Klisto wa genyike twahuhewa usambana.
\p
\v 12 Biino, nambee yuulu ya ntuu gumwechi, bubii bwiigingiilee lungu lyose, naa uuwa nuuhiya wandeela kyaa bubii; naa wabino uuwa wiihile yuulu ya batuu bose wabululii bosee bagilaa bubii.
\v 13 Yuulu hambele ha mmpendo, bubii bwiibelee lungu lyosee, ilaa bubii bwishi hubala mengo ma mmpendo.
\v 14 Ilaa uuwa uliiutula Adamu nuuhiyiila Musa, ataa hekulu ha batuu bashibagila bubii nahii bya gigiliile Adamu mine iiningilisho gwage mine gwiichwa.
\v 15 Ilaa alambwe aa kenee ashibele nahii uya uluba wayuulu yaa uluba wa ntuu gumwechi, bengi biiwilee, ehyaka yuulu ya kenee cha Abetcha, naa bumana bwene bulii nndaa kenee chake mwaana kwa adamu gumwechi, Yesu Klisto byaheta wayuulu ya baya bengi
\v 16 Waa nahii ntuu gumwechi mine gwishiile bubii, ushi nahii aya alambwe; waa nahii mmpendo guchwile gonuuleta uususulwa, ilaa alambwe aa keene eebelee wayuulu ya uluba wingi, onuulesha ubalwa kiinee.
\v 17 Wayuulu nahii, wandeela kya uluba ntuu gumwechi, lubuu lwidagalee wayuulu ya ntuu gumwechi, abisa aanoo bene bihuhewa kenee chingii abisa naa alambwe aa keene biihiililaa nndaa mwego kwa guya gumwechi, Yesu Klisto.
\p
\v 18 Bashi bino, nahii biya wa uluba wa ntuu gumwechi, bosee basele mmpendo guu uususulwa, bino waa iikoko iimwechi ya kine, batuu bosee bahelwe kiine kya mwego.
\v 19 Wabululii nahii wa uema wa ntuu gumwechi, batuu bengii bagingiichwe nndaa iishaminyi kwa bubii, bino wa iihulichi yagee ntuu gumwechi bengii bagingiichwa nndaa iishaminyi kwa bene baa kiine.
\v 20 Guya mpendo gwiigingiile, yuulu bubii buube bwata abisa, ilaa eehana bubii habuhiitile, keenee chiihitile abisa:
\v 21 Ataa, nahii biya bubii mwabwiitagale nndaa lubu, bino wandeela kya kiine keenee chihyiilile ataa mwego kwa milumbu kwa Yesu Klisto Mlumyetu.
\c 6
\cl Mbukwilo 6
\p
\v 1 Naa hano tuudogome iii? Tuusiinge nndaa bubee, keene chibe chingii abisa?
\v 2 Nanguu, ataa hacho. Beswe twee buleele bubee, mamuna nahii trweshema nndaa mwake eehya.
\v 3 Naa mushiweengelecha beswe bose bene twechundilwe nndaa lubu lwage?
\v 4 Bino twechiilwe nndaa Yesu Klisto, twechundilwe nndaa uuwa: ataa nambe Klisto mwagichuwile uhuma uubabu wandeela kya buhaha bwa Tata, bibyoka bibyo tugyate nndaa mwego kuuhya byoka biya.
\v 5 Wayuulu nahii mwatwelungilwe hamwechi nakee nndaa uulingiliishwa wa luubu lwake, tweeba nndaa nniingiliisho kwa uuchuwa wage byioka biya.
\v 6 Twiimana eenywa eeno, wa uuba ntuu kwetuu kwa aala kwiisusulwe hamwechi nake nndaa mmpelee kwa bubee guutogile, tushii kuugeelile bubee yaka.
\v 7 Wabululii genyike mine kwibuule kwahuhwa ubalwa kiine uuhumina bubee.
\v 8 Ilaa nambe twiiwile hamwechi nagee Klisto, twihuudagela wa uuba twiishama hamwechi nagee byioka biya.
\v 9 Twahuumana uuba Klisto haagihwile uuchuwa uuhumina uubabu, kwiishihile iyaka aa luubu lushi mmhinine yaka.
\v 10 Wa uuya wake, kweebuliile bubii lwendo lumwechi: Ilaa wa uuya uba mwego wake, kwehushama. wa Abetcha.
\v 11 Bibyo benywe muliibale benywe bene ubaa babuu wa bubee, Ilaa bene bii mwego wa Abetcha nntaa Klisto Yesu.
\v 12 Bino, mushishige bubee uumhyielela nndaa miibeelee kyenyuu kya uuwa, ataa Mwahuu ginamina eeteema yake;
\v 13 Naa mushihumye bibanjwa byenyu uuba maputuu ma buhuulhuli bwa bubee, ilaa mmliihane benywe bene wa Abetcha nahii bene na mwego hanyumaha ha lubuu, naa bibanjwa byenyu wa Abetcha uuba mataa ma kiine.
\v 14 Wabululii bubee bushimhyelela benywe, wabululii benywe mushi uusee wa mmpendo, ilaa uusee wa keenee.
\p
\v 15 Iii yehee yaka? muugiile bubee wabululii beswe tushi ehyaka uusee wa mmpendo, ilaa uusee wa keenee? Hashi ataa hacho.
\v 16 Mshiigite wa uuba wagee weene mwiisiile ichulichuli ya mwego yenyu, iiselee bacha bage bene mwiihuu mmhulii bululii ii bagichi ba bubee bwene buhuchwa naa luubu, ao byahuba mwe bagichi wa uuba naa eeulii yene esuuchwila kiine.
\v 17 Naa Abetcha katonywe, wayuulu benywe mwiibeele bacha baa bubee, mwiisele naa iihulichi uu miteema kyenyuu nahii biya bya mmhano gya mwiihelwe;
\v 18 Haho, mwahuulechiwa uuhumina mbubee, mwiibelwe bacha ba kiine.
\v 19 Niihudogoma nahii batuu bya beebadogoma wa bululii bwa bulema bwa mmpelee lwenyi. Wayuulu nahii bya mwiihuunyinye bibanjwa byenyu uuba bacha ba kiine mpehewa luhaha.
\v 20 Wayuulu mengo maa mwebeele bacha ba bubee, mwiibelwe balechiwe hakoo na kiine.
\v 21 Bashi, alambwe nahii amwehelwe wa Bino binywa biya bya mwiihumona abuule hakulu habo bino? Wayuulu iisula ya binywa Bino ii uuwa.
\v 22 Ilaa kwahuuchwa uubeewa hululu uhuma ii pubee, naa uubewa bacha ba Abetcha, alambwe amwiihewa ii uhahachiwa, naa esuula yage mwego kwa milumbu.
\v 23 Wabululii alambwe aa bubee ii luubu, ilaa alambwe aa Abetcha ii mwego kwa milumbu nndaa Yesu Klisto Mlumyetu.
\c 7
\cl Mbukwilo 7
\p
\v 1 Bashiwetu, mushugidi, (yulu nilihudogoma na baya bagidi m'bindo). ugana m'bindo gusuhwilila mtu mrngo meli ma mwego?
\v 2 Bululi mmachana guli na mlume mmambwe na m'bindo gwa guya mlume mengo meli na mwego; nambo gwahuwa guya mlume, gwahusulwa na guya m'bindo gwa mlume.
\v 3 Haho mengo meli na mwego guya mlumyage, nambo gabeba na gunge mlume gugo gulihugiswa sengo. Nambo mlumyage gabewa, gusili hulu, gushi mmambwe na gugo m'bindo, nage gushi sengu, inangwa gunagonjwa na gunge mlume.
\v 4 Byoka biya, bashiwetu, benywe byoka biya mwawila m'bindo, wa ndila gya m'bili gwa Kilishitu, mube bumona bwa gunge, gee guchuwile uhuma u babu, ibalo tum'butile Abetcha biguma.
\v 5 Bululi haubele mmishaminyi gya m'bili, itima ya buube, bubele mo yulu ya m'bindo, bugilile mgilo mnda bilumbu byetu na ata tulubutile lubu biliwa.
\v 6 Bino hano twasulwa mnda m'bindo, twawila mishaminyi giya gili hutubindila, yulu beswe tuoshe ugile mnda mishaminyi gihya gya mtima, ushi wa mishaminyi gya aala, gya migolo.
\p
\v 7 Tudogome wii? M'bindo ii buube? Mndi nisaba mana buube hashisuba mbindo; yulu nisabamana itima, nambo m'bindo gusabagana, ushibe na itima.
\v 8 Bibyo buube bwapata ihana wa aya alago, aitile mnda mwanyi namuna chose cha itima. Bululi buube nangu na m'bing/do bwawa.
\v 9 Na nene nibele na mwego haho hatangi hashibele naba m'bindo; haya hachwile alago, buube buhelwe mwego, na nene niwile.
\v 10 Nimonine aya alago ene alihulusha mwego wanyi nene nimonine alihulusha lubu.
\v 11 Bululi buube, wa uba na ihana wa aya alago bumbidiche, na bibyo bupagile.
\v 12 Bino m'bindo ii guhaha, na aya alago ii ahaha, na a kiine, na asoga,.
\p
\v 13 Bili wii? iya ibele isoga wanyi ichwishiche lubu wandi nene? Naangu! m'buube ka, yulu binoneye wangi uba buubiasa, igilile lubu mnda mwanyi wa yulu ya iya ya isoga, bululi wa yulu ya aya alago buube bugulilile uba busone.
\p
\v 14 Bululi tugidi ugana m'bindo gusushama gwa imtima; mndi na nene nili mtu gwi im'bili, nigulilwe hasi ha buube.
\v 15 Bululi nishigidi byandihigile; yulu iya yandihubenja, nishihuigila; mndi iya yandihuonywa noo yandihugila.
\v 16 Haho nambo nabegila iya yandishi hubenja, naigitabuwa iya, m'bindo yugana igusoga.
\v 17 Bino hano, gushi nene ichuli-chulu yanyi ya mwego ilihugila iyo, mndi ii buya buube bulibushame mnda mwanyi.
\v 18 Bululi nigidi ugana mnda mwanyi, noo, mnda m'bili gwanyi, ishihushama inywa isoga; yulu ubenja nilihubenja, mndi ugila ya isoga nishihugila.
\v 19 Bululi iya ya isoga yandusuunda, nishi huigila, mndi iya ya isone yandishihuunda noo yandihugila.
\v 20 Mndi nambo iya yandishihubenja noo yandihugila, gushi nene ii ichuli-chuli yanyi ya mwego ilihuigila, noo buya buube bulihushama mnda mwanyi.
\v 21 hano namona guno m'bindo, ugana wandi nene nilihubenja ugila ili ya isoga, hali ili ya isone.
\v 22 Bululi naseelela m'binda gwa Abetcha wa guya mtu gwa mnda.
\v 23 haho mnda bilumbu byanyi namona m'bindo guli koo, gulihulwa bita, guya m'bindo gwa lwenyi lwanyi, na ungila uba kole gya guya m'bindo buube guli mnda bilumbu byanyi.
\v 24 Luhanga lubi wandi, mbuchu nene! mnanyi gwipogonona na m'bili guno gwa lubu?
\v 25 Namtona Abetcha, gwa Yesu Kilishitu Mlumyeto. Haho, nambo ii bibyo, nene mine wa lwenyi lwanyi nilihugugilila m'bindo gwa Abetcha, bino wa m'bili gwanyi m'bindo gwa buube.
\c 8
\cl Mbukwilo 8
\p
\v 1 Hano, bino, hashi uononywa wa uhambwa yulu yabo bali mnda mwa Kilishitu Yesu.
\v 2 Bululi m'binda gwaMtima gwa mwego guya guli mnda mwa Kilishitu Yesu gwambiya hulu. koo na m'bindo gwa buube na lubu.
\v 3 Bulul; biya bishinagiliya wa m'bindo, wa biya byabibele tulime wa yulu ya m'bili, Abetcha, ahilile mwanage gemine wa mlingilisho gwa m'bili guli gwa buube, na wa ibalo ya buube, guonone buube mnda m'bili gwage;
\v 4 yulu malaganoma m'bindo mawilile mnda mwetu beswe, tushihugyata ulamana na bihisho bya m'bili, bino ii bihisho bya mtima.
\v 5 Bululi baya balihulama m'bili balihulanga bihisho bya m'bili; mndu baya balihulama mtima balihulanga bihisho bya mtima.
\v 6 Bululi malanga ma m'bili ii lubu; mndi malanga ma mtima ii mwego na talala.
\v 7 Mululi maya malanga ma m'bili ii bumangu uli Abetcha, bululi bushi hunyemya m'bindo gwa Abetcha, na mashinaosha unyemya.
\v 8 Baya balihulama m'bili bashinaosha ugila byubenja Abetcha.
\v 9 bibyo uba Mtima gwa Abetcha guli gushame mndamwenyu, benywe mushuhulama m'bili; bino mulihulama Mtima. Haho mtu gegese gabeshama gushi na Mtima gwa Kilishitu, gugo gushi gwage.
\v 10 Nambo Kilishitu gabeba mnda mwenyu, mibili gyenyu gyawa wa yulu ya buube; mndi mitima gyenyu gili na mwego, ibalo ya kiine.
\v 11 Nambo, uba Mtima gwage gee mimne gumchulile Yesu Kilishitu uhuma u babu guli mshame mnda mwenyu, gee mine gumchulile Kilishitu Yesu mnda babu gwigiha mwego mibili gyenyu gyine gili mmishaminyi gya uwa, wa Mtima gwage guya gulimshame mnda mwenyu.
\p
\v 12 Bino, nambo ii bibyo, bashiwetu, tuli na madenyi, ushi wa m'bili tubepoo ulama bihisho bya m'bili;
\v 13 nambo m'beba poo ulama na bihisho bya m'bili, bulihubenja uwa; nambo m'behaga bihisho bya m'bili yulu ya Mtima, mubi poo.
\p
\v 14 Bululi bose bene bali hulombolelwa na Mtimagwa Abetcha, babo noo baana ba Abetcha.
\v 15 Bululi mushigaile iyaka mtima gwa bucha guli hulusha iduba; bino mugaile mtima gwiiswa uba baana, ugana wa gugo tulihulila, wa Aba, noo ugana Tata.
\v 16 Mtima gugwine guli hubangisiya hamwechi na mitima gyetu, ugana beswe tulibaana ba Abetcha;
\v 17 iyaka nambo tuli baana, bino, tuli ba pyana; ba Abetcha, bali huhyana hanwechi na Kilishitu; ehe, tubasusulwa hamwechi nage yulu tuhewe na uginunywa hamwechi nage.
\p
\v 18 Bululi nilihubala masusu ma mano mengo mano ma hano uba ashi atu nambo ugengeda uya wine wiununywa watuli.
\v 19 Bululi bibumbilwe byose nabyo bilihungamina wa itimaiingi ya ununywa wa baana ba Abetcha.
\v 20 Bululi bibumbilwe byose bibiilwe hasi ha usona; ushi wa ubenja wage, ii wa yulu yage guya gibisachiche mnda maudagilo.
\v 21 bululi bibumbwa byo byine nabyo byibiwa huluna uhumiwa mnda bucha bwa uhagwa, na bigingile mnda buhulu bwa ugengeda wa baana ba abetcha.
\v 22 Bululi tugidi ugana bibumbwa byose nabyo bilihusumwa hamwechi neetu, nabyo byima busungu hamwechi netu ata bino.
\v 23 Na bishi bibyo ka; na ata beswe benetuli ba mtomwe gwa Mtima, na beswe tulihusumwa mna bichuli-chulu byetu bya mwego, tulihulolela uiswa uba baana, noo, uhogononywa wa mibili gyetu.
\v 24 Yulu tuhogononywe wa ulolela; nambo itu ibele huhembwa ibemoneya, hashi uhemba iyaka; Bululi, mnanyi gusuhemba iya yelihumona?
\v 25 Bino nambo tubeihemba itu yatushihumona, tulihuehemba wa chigilwe.
\p
\v 26 Byoka biya Mtima nago guli hutuwatilicha bulema bwetu, bululi tushigidi usaba nahi bitulingye; bibyo Mtima gogwine guli hutusabila wa usumwa ushinaoshiwa udogomwa.
\v 27 Nage guli husungula mitima gumagidi malanga ma mitima byamali, bululi gulihusbila bahaha nahi bilihuunda Abetcha.
\p
\v 28 Na beswe tugidi ugana bihisho byose Abetcha asugila mgilo hamwechi na baya bali huumunda wa ubaha bisoga, noo, baya bagitilwe wa ubenja wage.
\v 29 Noo baya belimanine utula aala balingilishiwe na mlingilisho gwa Mwanage, bululi geegabe bubele mmanga gwa bashiwabo beengi.
\v 30 Na baya belisobwela utula wabutililo, babo gubagitile; na baya beligitile, babo gubabalile uba na kiine; na baya belibalile uba na kiine, babo gubatonine.
\p
\v 31 Bino, tugane ii yulu ya bibyo? Abetcha abeba luubi lwetu, mnanyi guli hegulu hetu?
\v 32 Gee mine gushinaosha uleelela Mwanage mine, biya gummanene yulu yetu beswe bosae, gushiosha wii utuhongolwela bitu byose hamwechi nage?
\v 33 Mnanyi gwibaonona basobolwa bage Abetcha? Abetcha noo ali hubabalila kiine.
\v 34 Mnanyi gwibaonona wa bichigililwa? Kilishitu Yesu noo guwile; ehe, na wa uhima bibyo, guchiwile uhuma ubabu, nage guli mshame lubi lwa uboo wa ulume wa Abetcha; iyaka gee noo gulihutusabila.
\v 35 Mnanyi gwitubagula na luundo lwa Kilishitu? Wi wii! ii manyongotele, uba uhungwilwa na talala, uba asusu, uba ndala, uba buchi, uba adali, uba ahilu?
\v 36 Nahi byabigolilwe, ugana, Wa yulu yobe tulihuhagwa chuba lyose, Tulihubalwa nahi miyoo gya uhashinjiwa.
\v 37 Bibyo mnda bihisho byose bibyo tulihuhima, na uhita uhima, wa gee ge gutuundile.
\v 38 Bululi nahuhwa umana chigilwe ugana, uba lubu, uba mwego, uba malaika, uba baya bali na uoma, uba uya uliho, uba uyawina ubiho, uba baya bina uosha.
\v 39 uba uya uli hegulu, uba uya ulihasi, uba ibumbilwe inge yoyose ishinaosha utubagula naluundo lwa Abetcha lwine luli mnda mwa Kilishitu Yesu na Mlumtetu.
\c 9
\cl Mbukwilo 9
\p
\v 1 Nuhugana wimnene mnda Kilishitu, nishihudogoma lulimi, buube bwanyi buli humangisiya mnda Mtima Guhaha,
\v 2 wa ugana nina bishigililwa biingi na usumwa ushihusunga mnda mtima gwanyi.
\v 3 Bululi nabaosha ulisabila nene mine yulu nabele uya ulibagulana Kilishitu yulu ya bashiwetu, ilongo yanyi ya m'bili;
\v 4 babo noo Baisilaeli, baya bene balingye ugiswa baana ba Abetcha, nauya ugengeda, na malagano, na uya uhewa m'bindo, na sumbilo lya Abetcha, na malagano mage.
\v 5 bene babele bamasetulu ii Iblahimu, Isaka na Yakobo uhitila babo guchwile Kilishitu wa ndila gya m'bili. Gee noo guli hegulu ha bihisho byose, Abetcha, ene ali huginunywa milumbu. Bibe bibyo.
\p
\v 6 Ushi wa ugane inywa ya Abetcha yagluwa. Bululi bashi bose Baisilaeli bene bali ibushi ya Isilaeli.
\v 7 na bashi bose baana bali ibushi ya Iblahimu, uhuma wa Isaka ibushi yobe yigiswa;
\v 8 noo, bashi baana ba m'bili bene bali baana ba Abetcha, ii baya baana ba malagano balihubalwa uba ibushi.
\v 9 Bululi inywa yamalagano noo ino, Mengo nahi mano niichwa, na Sala gubi na mwaana.
\v 10 Na bishi bibyo ka, na ata Lebeka nage, helihwa uswala gumo wa mlume gumwechi, nage noo Isaka, setu.
\v 11 (bululi hambele bashi nabuswa baya baana, na bashinagila inywa yoyose isoga na ibii, yulu magimane malanga ma Abetcha ma usobola, ishi yulu ya bigilanywa, mndi iwayulu langa lwage gagiswe),
\v 12 gusambilwe bino, Mmulwa batu gwigilila mnuna batu.
\v 13 Nahi bya bigolilwe, Nambenja Yakobo na Esau nilihummonywa.
\p
\v 14 Tugane wii bino, wa Abetcha uli umonenana? Nambu!
\v 15 Bululi gumsambile Musa, Nimleelela guya gwandi leelela, nimmonona guya gwandionona.
\v 16 Bino, nambo ii bibyo, ushi wa uosha wa guya gulihubanja, ata wa guya gulihuhinga abilo; mndi ii wa guya gulihuleelela, noo, Abetcha.
\v 17 Bululi migolo gilihudogoma yulu ya Falao, ugana, Niugimiile ya ibalo ino, yulu namonya uoma wanyi oli, china lyanyi lilisambwe mnda sii gyose.
\v 18 Bino, nambo noo bibyo, gwelibenja umleelela gwimleelela na gwelibanja ummita mgumu gwiba mgumu.
\p
\v 19 Bino, wisambila, Ati gwili huambila? Wa yulu mnanyi gulihuhimana na langa lyage?
\v 20 Ata! hashi, Ee mtu; gogwe uli nanyi gwa ugaa Abetcha? Wi wii! itu ibumbilwe imsambile guya guibumbile, Yulu yai umomba bino?
\v 21 Ata m'bumbi gwa ngeso uli wii weli! gushi na uosha yulu ya bitete, u mshishi gumwechi gwa bitete ubumba imwe itu ibe ya unyemiwa, na ingi uba ishi na anyemu?
\v 22 Iyii bino, uba Abetcha alihubenja umonya buhuchi bwage, na uumonya uosha wage, wa ulitolelecha wage wingi, guhulichane na biya byombo buhuchi bilongechiwe tayali wa udogya.
\v 23 iyaka bululi gamonye bwingi bwa ugengeda wage mnda byombo bya uleelela, byeli longiche utula aala bihewe ugengeda;
\v 24 mndi bibyo noo beswe beligitile, bashi batu ba Bayahudi ka, iyata na batu ba Mioga nagyo?
\v 25 Mnahi biya byelidogomine wa Hosea, Nibagita batu banyi baya bashi batu banyi, na mpenji gwanyi guya gushi mpenji gwanyi.
\p
\v 26 Iyaka ibi ihana iya yabasambilwe, Benywe mushi batu banyi, Haho bigiswa baana ba Abetcha ali na mwego.
\p
\v 27 Isaya nage gwata mbila yulu ya Isilaeli, guganine, Lubalo lwa baana ba Isilaeli, inangwa bali nahi isee ya bahali, ii bene bashigele ka bene bihogononywa.
\v 28 Bululi Mlume gwiilola inywa yage yulu ya sii, gwiiwilicha na wiidogoma.
\p
\v 29 Iyaka nahi biya byelitulile udogomine Isaya, Nambo nahi biya Mlume gwa bilime pambwa gusabatushigila ibushi, Twisuba nahi Sodoma, twisuba ulingilishiwa na Gomola.
\p
\v 30 Tugane wii, bino? Ugana batu ba Mioga, bashihulama kiine, bahelwe kiine; mndi mgiya kiine ka gya uwasha;
\v 31 haho Isilaeli balifulama m'bindo gwa kiine bashi guhyiileguya m'bindo.
\v 32 Wa yulu yai? Wa, ibalo bashigiengile ndila gwa uwasha, nahi wa ndila gya bigilanywa. Bahyatele u liwe liya lisuhyatalwa,
\v 33 Nahi byabigolilwe, Loola nabiya mnda Sayuni liwe lisuhyatalwa, na liwe lya lyata lisugwisha, Na gegese gwim'bwasha gushudamba mme.
\c 10
\cl Mbukwilo 10
\p
\v 1 Bashiwetu, byandihubenja mnda mtima gwanyi, na usaba wanyi wandihusaba Abetcha, iyulu yabo, bululi bahogononywe.
\v 2 Wa yulu nihubabangisiya ugana bine bichigililwa wa yulu ya Abetcha, na ushi wa malango.
\v 3 Bululi, babebabashigidi kiine gya Abetcha, na bahubenja umonya hululu kiine gyabo bo bene, balibiile hasi ha kiine gya Abetcha.
\v 4 Mululi bwa Kilishitu noo isula ya m'bindi, yulu gegese mine gwiwasha gabalwe kiine.
\p
\v 5 Bululi Musa gugolile yulu ya kiine gilihuhuma u m'bindo, ugana, Mtu gulihugila bibyo gwishama wa bibyo.
\v 6 Bino giya kiine gisupaswa wa uwasha gilihugana bino, Ushidogome mnda mtima gobe, Mnanyi gwisela ugya hegulu? (noo, ugana umsacha Kilishitu hasi),
\v 7 uba mnanyi gwisala ugya usinda? (noo, ugana umsecha Kilishitu hegulu, uhuma u babu.)
\v 8 Bino bilihugana wii? Iya inywa ili hoka nobe, mmanywa mobe, na mnda mtima gobe; noo ugana iya inywa ya uwasha yatulihulisamba.
\v 9 Wa yulu, wahumlisamba Yesu mnda anywa ugana ii Mlume, na uwasha mnda mtima gobe ugana Abetcha achulile uhumau babu wihogononywa.
\v 10 Bululi uhitila mtima mtu gusuwasha na uhewa kiine, na wa anywa wimlisamba na uhiya uhewa uhogonona.
\v 11 bululi mgolo gwagana, Gegese gwim'bwasha gushi damba mme.
\v 12 Bululi hashi ushigana wa hawingi ha Myahudi na Myunani; yulu gee guya noo Mlume gwa bose, guli gwina bumona uli bose bene balihumgita.
\v 13 Bululi, Gegese gwiligita China lya Mlume gwihogononywa.
\p
\v 14 Bino bimgita wii ge mine gwabashihuwasha? Iyaka bibwasha gee mine gwa bashihuhulicha? Iyaka bimmulisha wii hashi gubasambila gee?
\v 15 Iyaka bimlisamba wii nambo basahilwa? Nahi byabigolilwe, nali mabenju wii magulu mabo baya bene bali hulisamba mwano gwa gusoga.
\v 16 Bibyo bashi bose bene balihugitabuwa mwano gusoga. Bululi Isaya guganine, Mlume, mnanyi gugitabiche mwano gwetu?
\v 17 Bino uwasha, usutula na uhulicha, na uhulicha usuchwa wa inywa ya Kilishitu,
\v 18 Nambo nadogoma, Wi wii! boo bashihuliche? Ehe, bahuliche, Lidi lyabo lyawilila sii gyose, Na binywa byabo ndaa na isule ya ibaloo.
\p
\v 19 Mndi nagana, Wi wii! Baisilaeli bashimanine? Utula Musa noo guganine, Niim'bila buwa u batu bashi mmoga, Wa mmoga gwine gushi na lwenyi nimchigilicha.
\p
\v 20 Na Isaya gwina mtima gwa guomu abisa, gwagana, bapana u batu bene bashibakenge, Namoneya uli baya bene bashi bambuche.
\p
\v 21 Bibyo wa Isilaeli gwagana, Chba lyose nabagololela maboo batu bene basi na iuli na ba buhulihuli.
\c 11
\cl Mbukwilo 11
\p
\v 1 Bino, nihubucha, Wi wii! Abetcha abalungile koo batu bage? Nangu! Bululi nene na nene nili Mmisilaeli, gumwe gwa ibushi ya Iblahimu, mtu gwa ilongo ya Benjame,
\v 2 Abetcha ashibalungule koo batu bage belimanine utula aala. Iyaka mushuigidi biya bidogominywe na ugolwa yulu ya Eliya? nahi biya byeli hubaonona Baisilaeli umbele wa meesoma Abetcha.
\v 3 Mlume, babahagile bambuwa bobe, babilile matambikilo mobe, na nene nashigala nene bushima bwanyi, nabo balihuenga mtima gwanyi.
\v 4 Mndi aya alambwe a Abetcha alihumsambila wii? Nalishigila batu oki njwii, bashihubungila Baali machwi.
\v 5 Bino noo byoka bino mano mengo ma hano, hali batu bene bashigele bene basobolwe na keene.
\v 6 Nambo uba iwa keene, bishibi wa bigilanywa iyaka, uba biya keene gishisuba iyaka keene.
\p
\v 7 Bisili wii iyaka? Itu ia yine ibele huengwa na Isilaeli gushiipashile; haho baya bene basobolilwe baipashile, na bange babiilwe unyema wa mitima.
\v 8 Nahi byabigolilwe, Abetcha abahele mitima gya tulo, meesona bashimone, na matu bashihuliche, ndaa na lusugu luno lwa lino.
\v 9 Na Daudi guganine, Bulilo bwabo bube mtala gwa migochi na gochi, Na uba itu ya ubabongola, na alambwe abo;
\v 10 Meeso mabo mabiwe mdo yulu mashimone, Ubaginamwe migingo gyabo masugu mose.
\p
\v 11 Bino badogoma, Wi wii! bahyatele na ugwa abisa? Nangu! Bululi bwa uluba wabo uhogonona Wabahiila ba mioga, yulu bobene babiwe na buwa.
\v 12 Bino, uba wa yulu ya uluba wabo wahuba bumona bwa bange batu, na uhungwilwa wabo usili bumonabwa Mioga, wi wii! ati iyu uhima uwililw wabo?
\p
\v 13 Bino nilihudogoma na benywe, muli batu    ba Mioga. Bino, wa uwilila nahi byandi mmilwa u batu ba Mioga, nihuginuna mgilogwandi nago;
\v 14 hange mnaosha uubiya buwa baya bene bali mashi mamwechi na nene na ubahogonona bamwe babo.
\v 15 Bululi yulu ya utelwa wabo wachwisha ulungwawa batu, wii! ugitabichiwa wabo ubi ii nambo gushi mwego hanyuma ha uwa.
\v 16 Iyaka nambo mtimwe gwahuba guhaha, byoka biya na itolo yose; na nambo shina lili lihaha na matabi namo byoka biya.
\p
\v 17 Nambo hahuba mamwe matabi mabegechwa, na gogwe mzeituni gwa mgala wachindiwa, na hawingi ha mamo matibi na gogwe usili gomwe gwa liya shina lya mzeituni na unaga wage,
\v 18 ushilitone yulu ya maya matabi; na uba walitona, gushi gogwe waswala shina lyine lyuswala gogwe.
\v 19 Boni wigana, Maya Matabi  magedilwe yulu nene nachibatiwe.
\v 20 Bisiga, Magedilwe bululi bwa ushiuwasha wabo, na gogwe wagimana yulu ya uwasha obe. Ushilimone, uwe booba.
\v 21 Bululi Abetcha ashileelele matabi ma abutililwa, na gushiuleya gogwe.
\p
\v 22 Loola, bino, misa na buhuchi bwa Abetcha; uli baya bagwile, buhuchi, bino ulo gogwe misa gya Abetcha, ulihushama nda gigyo misa; nambo bishi byo, gogwe na gogwe wihanyiwa.
\v 23 Na babo nabo iyaka, basahusha mnda uwasha wabo, bichibatiwa; noo ugana Abetcha anaosha ubachibatiya iyaka.
\v 24 Bululi, nambo gogwe ugedilwe uhuminyiwe mnda guya Mzeiyuni, gyine guli mzeituli gwa mgala wa abutililwa age, hanyuma uchibatiwemnda mzeituni gwabo gwine.
\p
\v 25 Bululi, bashiwetu, nishihubenja mmulwe unama lubisagulu luno, bululi mushilimone uba na lwenyi; ugana wa ibaa ugumagala wabapata Baisilaeli, ndaa na uwilila wa Mioga uwilile.
\v 26 Bibyo Baisilaeli bose bihogononywa; nahi byabili bigolwe, Mmogonochi gwichwa uhuma Sayuni; Gwim'bagula Yakobo na buubi bwage
\v 27 Na mano noo malagano manyi nabo, Handibahuminya buube bwabo.
\p
\v 28 Bino wa mwano gwa Kilishitu basili tumangu yulu yenyu; bibyo wa mwano gwa uya usobolwa basili baunjwa benyu wa yulu ya bamasetu.
\v 29 Yulu bumana bwa Abetcha bushi na iligilucha, ata ugita wage.
\v 30 bululi nahi biya benywe haya hala byamum'bengile Abetcha, mndi bino benywe mwahewa uleelela wage yulu ya ubenga wabo.
\v 31 byoka biya na babo bam'benga hano, wa uhewa uleelela wenyu boo nabo bahewa uleelela.
\v 32 Bululi Abetcha ammamba bwenywe bose hamwechi yulu ya um'benga yulu gabaleelele bose.
\p
\v 33 Nahi byabuli bwata bumona na uleelela na malango ma Abetcha! uonona wage ushinamanyiya, ata madilamage mashihuengwa!
\v 34 Bululi mnanyi gumanine malanga ma Mlume? Mnanyi gubele gwuma Abetcha malanga?
\v 35 Na mnanyi gutulile uuma Abetcha itu hambele, nage gwihewa iyaka?
\p
\v 36 Bululi bitu byose byahuma weli, biliho wa uosha wage, iyaka bilihugiwila weli, Ugengeda uli nage milumbu na milumbu.
\c 12
\cl Mbukwilo 12
\p
\v 1 Bino, bashiwetu, namtendelela, wa misa gyage Abetcha, tambikilwe mibili gyenyu gibe lutangi luli na mwego, luhaha, lwa lweli hubenja abetcha, noo sumbilo lyenyu lyine lyina alambwe.
\v 2 Na mushilame bihisho bya ino ibaloo; mugalulwe wa uiswa bahya malanga menyu, muoshe umana chigilwe bili huunda Abetcha bya bisoga, byalihubenja, na uwilila.
\p
\v 3 Bululi wa keene chandihelwe nilihumsambila mtu gegese mine guli wenyu gashilange biulu uhima byelilingye ulanga; bibyo gabe na malanga ma ulingilila, nahi buya bimgabulile Abetcha mtu gegese ulingilila wa uwasha.
\v 4 Wa uba nahi biya bili m'bili na bilumbu biingi, na ata bilumbu byose bishibagila mgilo gumwechi;
\v 5 byoka bibyo na beswe tuli beengituli m'bili gumwechi mnda mwa Kilishitu, na bilumbu imwechi wiinge.
\v 6 Bino wa uba tuli na bumana bwine buli buhishane, ulamana na keene gwatuhelwe; uba bubuwa, tubuwe bubuwa ulamana na uwasha;
\v 7 uba bugichi, tubemo mnda bugichi bwetu; guya gugigya, mnda ugigya wage;
\v 8 guya gwa umonya, mnda umonya wage, guya gwa ugaa, wa mtimaguhaha; guya gugimanina, winene; guya gwa uleelela, wa saso.
\p
\v 9 Luundo na lushibe na lububa umeeso; muonywe yoyose yine ili isone, musambilane bya kiine.
\v 10 Wa luundo lwa bubuswa, muundane benywe wa benywe; wa anyemu mutule ubagilila benenyu
\v 11 Wa bichigililwa, ushi wa ulebela; m'be na bichigililwa mnda mitima gyenyu; mmugilila Mlume;
\v 12 wa maudagilo, museelele; mnda asusu, mwahembe; mnda usaba, mugililile;
\v 13 wa bilihuengwa bya bahaha, mulame ugaa; mnda mwa ugaa bagenyi, mulihuliche.
\v 14 Bahalwe mihaa bene bali huumuzi; halwe mihaa na mushiloge.
\v 15 Seelelwe na baya bali huseelela; lilwe na baya bali hulila.
\v 16 Muhulichane malanga menyu benywe wa benywe, Nangu ulangwa bya biulu, bibyo mugitabuwe ugililwa na bigilaganywa bya bicho-bicho, Mushibe batu ba uliudagilila lwenyi.
\v 17 Mushimgiwidiche mtu buube wa buube. Lingaminywe bili bisoga u meeso ma batubose.
\v 18 Nahi wa chigilwe, wa luubi lwenyu, mushame na talala na bato bose.
\p
\v 19 Baunjwa, mushiligiwidiche buube, mndi mubuhishe buhuchi bwa Abetcha; bululi bili bigolwe; Ugiwidicha uli hegulu hanyi nene; nene noo nigiwidicha, Mlume gwagana.
\v 20 Nambo amangu obe abeshama na ndala, ualishe, ahuba na yuma, uanywishe; bululi holiita bibyo, wimongolela maala ma ahyaa mpala mswe.
\v 21 Ushihimwe na buube, mndi ubuhime buube wa busoga.
\c 13
\cl Mbukwilo 13
\p
\v 1 Mtu gegese ganyemye buoolo buli bwabwata; bululi hashi buoolo bwine bushibahumawa Abetcha; na buya bwine buli hoo bwahuma wa Abetcha.
\v 2 Bibyo mine gulihubedula mine gwina buoolo gulihuhimana na malagano ma Abetcha; na baya bne bali huhimana balihuliengela uononywa.
\v 3 Bululi bene bali huhyilila batu babahilila batu yulu ya bigilanywa bisoga, mndi ii wa yulu ya bigilanywa biibe. Bino, ulihubenja ushimsine guya gulihuhyilila? Gila bisoga, na gogwe ubi na punda chisoga weli;
\v 4 bululi gee ii mgichi gwa Abetcha uli yulu ya ugila bisoga. Haho holigila buube, mona booba; bululi ushihusina ahilu bunene; bululi ii mgichi gwa Abetcha gulihugiwidicha buube guya guli hugila buube wa yulu ya buhuchi.
\v 5 Wa bibyo, godogodo unyemya, ushi wa yulu ya buya buhuchi ka, iyaka mna wa yulu ya bumtu.
\v 6 Wa yulu ya bibyo iyaka mulihulipa mlambu; bululi boo ii bagichi ba abetcha, balihugililila mnda mgilo goka guya.
\v 7 Bahewe bose kiine gyabo; mtu gwa mlambu, mlambu; mtu gwa mbuli, mbuli; gulingye usinywa, usinywa; gilingye unyemiwa, unyemiwa.
\p
\v 8 Mushibe na deni lyolyose lya mtu, iliho kaa ii ubenjana; yulu guya gulihuunda minagegwawilicha m'bindo.
\v 9 Bululi uya ugana, Ushiishi masei, Ushihage, Ushigibe, Ushibe na itima; na hahuba ange alago oose; yasumbichiwa wa ino inywa, ugana, Mmunde m'binji nobe nahi ichuli-chuli yobe ya mwego.
\v 10 Luundo lushihumgilila m'binji ihisho isone; bino luundo noo uwilila wa m'bindo.
\p
\v 11 Ehe, tubemamana mengo, ugana bihindi bya ubyuwa mtulo mahuhwa uhiya; bululi hano uononywa wetu usili hoka netu uhima mengo matutulile uwasha.
\v 12 Busugu bwahugililila abisa, mengo ma chuba mahuhiya; mndi tubechula bigilanywa bya mdo, na uchwala bichwalaganywa bya lwenge.
\v 13 nahi byabilingye na chuba lyose na tugyate wa iubu; ushi wa bulafi na bolwa, ushi wa ugugila na wa lusengu, na ushi wa byumano na buwa.
\v 14 Bino mumchwale Mlume Yesu Kilishitu, na mushigulole m'bili, na ushi wa ulama itima yage.
\c 14
\cl Mbukwilo 14
\p
\v 1 Guya guli mlema wa uwasha, mumgae, haho nangu umonona malanga mage.
\v 2 Gumwe mtu guli na uwasha, gusuya byose; na guya guli na bulema bwa uwasha gusuya byanyi, iliwe, mtati, lengalenga, na binge.
\v 3 Guya guli huya gashimnenune guya gushi huya, ata na guya gushihuya gashi mmonone guya guli huya; bululi Abetcha alihum'brnja.
\v 4 Gogwe uli nanyi ulihummonona mgichi gwa gunge mtu? u meeso ma mlumyage mine gee gusugimana na gusugwa. Ehe, gwigimiwa, yulu Mlume gunaosha umgimiya yulu gumgidi bulema bwage na uoma wage.
\p
\v 5 Mtu gumwechi gusugila bya bihishane hawingi ha lusugu na lusugu; gunge gusumona masugu mose mali masoga. Mtu gegese gagimane mnda lwenyi lwaga gee mine.
\v 6 Gumwe gusunyemya lusugu, gusulunyemya yulu ya Mlume; na guya guli huya, gusuya yulu ya Mlume mine gusuhahacha byose, bululi gusuumginuna Abetcha; iyaka guya gushi huya, gushihuya yulu ya Mlume yulu nage gusuumginuna Abetcha.
\v 7 Bululi hawingi hetu hashi mtu guli na mwego yulu ya ichuli-chuli yage ya mwego, na hashi ata gumwechi gusuwa yulu ya ichuli-chuli yage ya mwego.
\v 8 Bululi nam, bo tuli na mwego, tuli na mwego yuluya Mlume, manbo twawa, twawa yulu ya Mlume. Bibyo nambo tuli na mwego uba twawa, tuli bitundu bya Mlume.
\v 9 Bululi Kilishitu guwile na iyaka nuba na mwego wa ibalo ino, gabahyilile bawile na bali na mwego nabo.
\p
\v 10 Bibyo gogwe wii! yulu yai wammonona mshiwenyu? na gogwe wii! yulu yai ulihumlengya mshiwenu? Bululi beswe bose twigimana umbele wa iti ya uonona ya Abetcha.
\v 11 Yulu igolilwe, Nahi byandi na mwego, Mlume gwagana, lichwi lyolyose lyibungwa umeeso mage, Na lulimi lolose lwilisamba Abetcha.
\p
\v 12 Bino noo bibyo, mtu gegese hawingi hetu gwihana lubalo lwage gee mine u mbele wa Abetcha.
\p
\v 13 Bino tugililile uononana, wa bibyo byisuba uonona wa bino, mtu gashibiye itu ya umyatacha mshiwabo na ata ya umgwisha.
\v 14 Nigidi, iyaka naomenenya abisa mnda Mlume Yesu, ugana hashi itu yoyose yine ili ya isone wa abutililwa age; nambo wa guya gulihuimona uba isone, wage gugo itu iyo iyisone.
\v 15 Na mshiwenyu gabegingililwa na unyogwa wa yulu ya iliwa, waleya ugya mnda luundo. Wa iliwa yobe ushimdogye guya mtu mine Kilishitu guwile yulu yage.
\v 16 Bino, yano yenyu ishiganywe mnda buube.
\v 17 Bululi buoolo bwa Abetcha ushi yulu ya uya na unywa, mndi ii yulu ya kiine na talala na saso mnsa Mtima gwa Guhaha
\v 18 Wa bibyo guya gulihumgilila Kilishitu mnda bibyo bigilanywa bya Abetcha um'benja, iyaka gusugitabichiwa na batu.
\p
\v 19 Bino nambo noo bibyo, tulame bigilanywa bya talala na bigilanywa bili hugimyana mnda uwasha wetu.
\v 20 Wa yulu ya iliwa ushidogye mgilo gwa Abetcha. Winene, byose ii bisoga; mndi ii bisone wa guya mtu guli huya na unyogwa.
\v 21 M'bisoga nangu uya nyama na ata unywa divai na ata ugilya ihisho yoyose iya yine inaita mshiwenyu unyugwa.
\v 22 Uya uwasha oli nao ube nao mnda ichuli-chuli yobe ya mwego u mbele wa Abetcha. Luhanga lusoga wa guya mtu gushi hulionona ichuli-chuli tyage ya mwegomnda inywa iya yeli hugitabicha.
\v 23 Bibyu guli guli na adugwa, nambo gabeya, gwaononywa ugana gwina abachi, bululi gusaya wa uwasha. Na ihishi yoyose ishihuhuma mnda mwa uwasha noo buube weli.
\c 15
\cl Mbukwilo 15
\p
\v 1 Bino bitulingye beswe tuli na uoma tubuguhe bulema bwabo baya bashi na uoma, iyaka bishilingye ulitona beswe bene.
\v 2 Mtu gegese mmanga gwetu na gagile bili hubenja m'binji nage, gamone yano, gahewe mtima.
\v 3 Bululi Kilishitu nage gushigilile bya ulibenja gee mine; nambo nahi byabili bigolwe, Uambilwa wabo wabuambile gogwe bapyila nene.
\v 4 Bululi byase bibangilwe bigolwe bigolilwe yulu ya utugigya beswe; yulu ya uhemba na wa uhungya wa migolo tuoshe uba na maudagilo.
\p
\v 5 Na Abetcha ene alina uhemba na mmungyo gamme ulanga bimwechi benywe wa benywe, wa mlingilisho gwa Kilishitu Yesu;
\v 6 bibyo wa mtima gumwechi na anywa amwechi muoshe umginuna Abetcha, Sage gwa Mlumyetu Yesu Kilishitu.
\p
\v 7 Wa bibyo mugaana benywe wa benywe, nahi biya Kilishitu byelitugaile, yulu Abetcha aginunywe.
\v 8 Bululi nadogoma, ugana Kilishitu, guitilwe uba mmononyi gwa malagano ma ugya kumbi wa yulu ya chigilwe gya Abetcha, obalo gagimiye malagano ma bahelwe bamasetu;
\v 9 iyaka ii yulu Bamioga bamginune Abetcha, bululi bya uleelela wage; nahi byabigolilwe, Wa bibyo nuiginuna hawingi ha Bamioga, Na nene niligimbila china lyobe.
\v 10 Na iyaka gwagana, Seelelwe, Bamioga hamwechi na batu bage,
\v 11 Na iyaka, Benywe Mioga gyose mtonywe Mlume; Benywe batu bose mumginune.
\v 12 Na iyaka Isaya gwagana, Libi ho shina lya Yese, Nage gwigimana ubahyilila mioga; Noo guya mine mioga gyimmudagila.
\p
\v 13 Bino Abetcha a maudagilo amgiluche benywe saso lyose na talala mnda uwasha, mwaoshe ugililila na maudagilo, mnda uoma wa Mtima gwa Guhaha.
\p
\v 14 bashiwetu, nabangisiwa nene mine wa mwano gwenyu ugana nabenywe muli bagiluchu na misa, bagiluchu na lwenyi lose, iyana munaosha ulangulana.
\v 15 Bino nilihumgolela, wa uoma abisa mnda imwe ibaa ya guno mkanda, nahi biya ummengelecha, wa chiya keene chandihelwe na Abetcha,
\v 16 yulu nabe mgichi gwa kilishitu Yesu u batu ba Mioga, Naguitile Mwano Gubenju gwa Abetcha mgilo gwa bu ibuli, bululi Mioga gibe lutangi lwa ugawa, gubehwa uhahachiwa na Mtima gwa Guhaha.
\p
\v 17 Bino, nina ibalo ya ulimonena ugengeda mnda mwaKilishitu Yesu u meeso ma abetcha.
\v 18 Bululi nishiosha udogoma inywa ishigilile Kilishitu u mgilo gwanyi, mioga baoshe ulisacha wa inywa na wa bigilanywa.
\v 19 wa uoma wa bisaga na bigagicha, mnda uoma wa Mtima Guhaha; bibyo bibele utulila Yelusalemu, na mibamba mwage ndaa na Ililiko nihwili ulisamba Mwano gwa Guhaha gwa Kilishitu wa uwilila.
\v 20 byokabiya nilihutonda ulisamba Mwano gwa Gubenju, nashilisambe go haya hene habahwile ulisamba china lya Kilishitu, nashichwe ugubaa hegulu ha mshingi gwa gunge mtu;
\v 21 haho nahi byabili bigolwe, Baya bashihulisambamwano gwage bimona, Na baya bashinahulicha bimana.
\p
\v 22 Noo ibalo nichibilwe nyendo chingi nashichwe wenyu.
\v 23 Bino hano, wa uba nishimchibilwe iyaka chino ngubi, iyaka utula myaa gingi nibele na malanga ma uchwa wenyu ummona;
\v 24 mengo momose mandibenja ugya Spanya [nichwa wenyu]. Bululi nilihubenja ubamona benywe mnda luna lwendo lwanyi, na uhilwa nenyu, mtima gwanyi gugyute wenyu hacho.
\v 25 Bino hano nilihugya Yelusalemu, nilihubagilila bahaha;
\v 26 yulu batu ba Makedoniya na ba Akaya uita sumbucho wa yulu ya baha ba uya Yelusalemu baya bene bali bambuchu.
\v 27 Ehe, babenja, iyaka basili na malaga ma ubaha mmaso, Bululi nambo ba Mioga bahulichana u bigilanywa byabo bya mtima, byoka biya bilingye ubagilila u bihisho bya m'bili.
\v 28 Bino handihwa ugila gugo mgilon na um'biila yaala iguma iyo, nihitila wenyu, ugya Spanya.
\v 29 Na nene nigidi ugana nabechwa wenyu niichwa wa uwilila wa mihaa gya Kilishitu.
\p
\v 30 Bashiwetu, nili humtongelela wa MlumyetuYesu Klilshitu, na wa luundo lwa Mtima, libiwe hamwechi nanyi mnda usaba wenyu yulu yanyi u mbele wa Abetcha.
\v 31 bululi nahogononywe na baya bashibawashe uya Ubayahudi, na iyaka mgilo gwanyi gwandi nago uya Yelusalemu gugitabichiwe u Bahaha.
\v 32 naushe uhiya ubo wenyu wa saso, nahi bijihubenja Abetcha, naoshe ulihocha hamwechi nwnyu.
\v 33 Abetcha a talala na abe hamwechi nenyu bebywe bose Bibe bibyo.
\c 16
\cl Mbukwilo 16
\p
\v 1 Nammila wenyu Fibi, mshiwetu, guli mgichi gwa lubunga luya luli haho Kankleya;
\v 2 bululi mumgae mnda mwa Mlume, nahi bilingye bahaha; mwam'bwatiliche wa iengwa yoyose yelimsaba benywe; yulu gee nage gubele m'bwatilicha gwa batu beengi, gum'bwatiliche na nenebyoka biya.
\p
\v 3 Salamwa uli Pliska na Akila, bagichi ba mgilo hamwechi nanyi mnda mwa Kilishitu Yesu.
\v 4 babele balibiye ata wa ugechwa mswe wa yulu ya mwego gwanyi; bene bandihuha buswachi, na gushi nene buchima ka mna munga cha Mioga gyose nagyo; salamwa na lubunga lulimo mndu mwabo.
\v 5 Salamwa uli Epaineto, mpenji gwanyi, gugo noo mtomwe gwa uya Asiya wa Kilishitu.
\v 6 Salamwa uli Maliamu, gulisusule abisa yulu yenyu.
\v 7 Salamwa uli Andoloniko na Yuniya, babuswa nanyi, bene bahambilwe hamwechi nanyi, bene bali bamanyiye abisa u batumwa; nabo babele bakilishitu hambele hanyi.
\v 8 Salamwa uli Ampliato mpenji gwanyi mnda Kilishitu,
\v 9 Salamwa uli Ulubano, mgichi gwa mgilo hamwechi nanyi mnda mwa Kilishitu, na Stakisi, mpenji gwanyi.
\v 10 Salamwa uli Apele, guya guli mgitabichiwe na Kilishitu. Salamwa uli batu ba mndu mwa Alistobulo.
\v 11 Salamwa uli Helodioni, m'buswa nanyi, Salamwa uli batu ba mndu gya Nalkiso, bene bali mnda mwa Mlume.
\v 12 Salamwa uli Tlifaina na Tlifosa, bene bali na bichililwamnda mwa Mlume. Salamwa uli Pelsisi mpenji mine gulihanene abisa mnda mwa Mlume.
\v 13 Salamwa uli Lufo, msobolwa mnda mwa Mlume, na mmage, gee iyaka noo mago.
\v 14 Salamwa uli Asinklito, Flegoni, Helme, Patloba, Helma, na babuswa bene bali hamwechi nabo.
\v 15 Salamwa uli Filologo na Yulia, Neleya na kachage, na Olimpa, na bahaha bobe bene bali hamwechi nabo.
\v 16 salamwa wa uumbatilana uhaha. Munga chose cha Kilishituchagana salamwa wa mli.
\p
\v 17 Bashiwetu nili humtongelela, balingaminywe baya balihulusha bumangu na bigilanywa bya ubagula uhuma u lusungulo lwamu sungulilwe; babo mulibagule nabo.
\v 18 bululi babo bene bali bibyo bashihumgilila Mlumeyetu Kilishitu, bali hugilila magumo mabo boo bene; na wa binywa bya bihochu na bya ulimonya balihugibicha mitima gya batu babagolobu.
\v 19 Bululi iubu yenyu yabahyila batu bose, bino naseelela yulu yenyu, itu imwechi yandihubenja ii bwnywe uba na malango u bigilanywa bosoga, na bahugi u bigilanywa bya buube.
\v 20 Nao Abetcha a talala iisacha Ihingili hasi ha magulu menyu abilo. Keene cha Mlumyetu Yesu Klishitu na chibe hamwechi nenyu, [Bibe bibyo]
\v 21 Timotheo, mgichi gwa mgilohamwechi nanyi, gwagana salamwa, na Lukio, na Yasoni, na Sosipatlo, babuswa nanyi.
\v 22 Nene Teltio, nigolile guno mkanda, nagana salamwa mnda mwa Mlume.
\v 23 Gayo, gwandi mshamine mndu mwage na wa lubunga lose gwagana salamwa. Elasto, mlochi gwa mbuga, gwagana salamwa na Kwalto mshiwetu nage.
\v 24 [Keene cha Mlumyetu Yesu Kilishitu na chibe hamwechi nenyu benywe bose. Bibe bibyo.]
\p
\v 25 Hano na gaginunywe guya gulihuosha ummitaa baomu, ulamana na mwano gubenju gwandi msambile na ulisambwa wage Yesu Kilishitu, ulamana na ununywa wa luya lubisagulu lwine lubele lubisamu utula haya hala ha milumbu,
\v 26 lwabiwa hululu mano mengo wa migolo gya bambuwa, lumanyiya na mioga gyose nahi byelilisambile abetcha a milumbu, yulu babe na iubu u Buwasha.
\v 27 Gee noo Abetcha ali na lwengu oo buchima. Ugengeda uli nage wa Yesu Kilishitu, milumbu na milumbu. Bibe bibyo!