byi_reg/61-1PE.usfm

\id 1PE
\ide UTF-8
\h 1 Petelo
\toc1 1 Petelo
\toc2 1 Petelo
\toc3 1pe
\mt 1 Petelo
\c 1
\cl Mbukwilo 1
\p
\v 1 Petelo nmtumwa kwa Yesu Klisto, ubaya basobolwe bene babele bakenyi wa utakanya mweno mtaa mwa Ponto, Galilaya, Apadokiya, Azia, na Betania.
\v 2 Nahee biya Abetcha Tata mweekibangilwe uumana benywe nndaa mwa buhaha bwa Mtema, wa iihulichi na uuhongolelwa mashi ma Yesu Klisto: Kenee na talala byongechwe wanlii.
\p
\v 3 Atonywe Abetcha na Sake kwa Mlume myetu Yesu Klisto, yulu nndaa kene chake chingi, gwetuhele unge ubuswa uhya yulu ya kutagicho kya mweko. Uu kunda kya uchuwa wa Yesu Klisto mpwingi mwa babuu.
\v 4 Yulu ya buhyanya bwene bushiba na iisula, na bwene bushi subulwa ao bishi honga, buchungilwe hekulu yulu yetu.
\v 5 Na benywe bene mwiibele huchungwa na uuoma wa Abetcha uhiitela buwasha. Yulu ya talala kyiilii biwe yulu ya ubukulilwa uumengo ma isula.
\v 6 Nndaa mwake mwaselela abisa byahoba bino uumengo machoo, nambe na mwachigilelwa na utonywa wa halee na halee.
\v 7 Yulu ya utonjwa wa buwasha bwenyu, bwene bwa Alombwe ataa uheta noloo cha chitoguu mwachinabiwa wa ahya yulu ya uchitonda nambe machoo, uumoneya na Pundaa na buhaha na bunyemu wa ubukulilwa wa Yesu Klisto.
\v 8 Na kenyike mine kwa mushihumona muhumunda, nndaa mwake ata byahuba mushihumona, nambe mwahumpasha, muhuu selela abisa wa saso liingi lyene lishinaganywa, lyene ligilule buhaha.
\v 9 Mwahuu kaaa isula ya uwasha wenyu, uuhona wa bichulichuli byenyu.
\p
\v 10 Wa mwano kwa uhona wenyu unoo mbua chiebele na uchebelecha, baya biibuile yulu ya Keene chene chibahiila benywe.
\v 11 Beengiche na mengo genge mumuna Mteema kwa Klisto mine kwee ndaa mwabo kwe kimonyinye mengoo miigii bangeeseye hambelee ha uususuwa wene weechwa uususuwa wa Klisto, na buhaha bwene bwa weelama.
\v 12 Boonuu ununinywa wa ubaa ushiyulu yaboo bobene yulu yenyu tu begilile mmtaa binywa Bino, byee tokomwee na tewa mabiila wa mwelii na Bino na baya bene beetele mabiila benywe Mwano kwa mweko kwa Mteema kwa kuhaha minekwihililwe uuhumina hakuluu milandu kiino malaika baliihubenja uukingeelela.
\p
\v 13 Wa Bino, mwa huuhamba mwendaa kya malanga menyu, mine bene bina huu, kimanina muu utagela wa ukeeleya. Keene chimwe cha uhewa nndaa mwa ubukulilwa wa Yesu Klisto.
\v 14 Ni hii banaa ba eeulii mushilegiganye na eetiima yenyu ya etangii ya buhukii bwenyu.
\v 15 Nambe genyike mine kwa mpucha benywe ii mahaha, benye byoka biya mmbee babahaha nndaa lwendo lwenyi lose.
\v 16 Yulu ibikolwe; mube bahaha; wa uba Nene nee mahaha.
\p
\v 17 Nambe mwahu nkesha Tata, kenyike mine kweba biindila kekese ntu wishi wa uutakiila lubii, uhiitiila nkelo kwake, mngiliileele na booba nndaa mengo chenu cha ushama hano nihii bange.
\v 18 Mumana mwii hokononywa, ushi wa bitundu byene byebatoka wa bumona ao noloo, muhume ndaa lwendoo lwenyuu lushilwa lubenju lwa mweehelwe na ba masenyuu.
\v 19 Yulu ya mashi ma bei liingee; nishi ma moo Kwene mushi na eelema ao na abandee, mashi ma Klisto.
\v 20 Na kenyike kwee manywee kiine hambelee ha uubiiwa wa bihanda bya Eebalo, nake kwa ununinywa wa usula ya mengo yulu yenyu.
\v 21 Na benywe yulu ya ndeela gyage mmpwashe Abetcha eene anchwuila uhuma mmpabuu na uumha buhaha; na uwasha! wenyu na gutagelo kyenyu byebe nndaa mwa Abetcha.
\p
\v 22 Mwahuchwa uhahacha bichulili byenyu wa eulee kiinee, ata utahila luundo lwa kiinee lwa nduguu, muundane wa naho naho wa Mteema kuhaha.
\v 23 Wa uuba wabuswa ihyaka, ushi wa matete mamadoguu, wa maya mashi mamadoguu, wa nnandoo kwa Abetcha kwene kwa mwego kwene kyiihusiinga wa milombo.
\v 24 Bululii mpele gose iinihii byanyi. Na buhaha bya bose nahii asusu AA byanyi. Byanyi byahukuma naa asusuake eeba iila hase.
\q
\v 25 Na nnandoo kwa Abetcha Pungu kweshikala milumbu na nnandoo kuunoo ii nnandoo kuuya gubenju gyedogomwe wenyu.
\c 2
\cl Mbukwilo 2
\p
\v 1 Benywe biiwake uula bubee bose na malanga mose na uhungila wenyu waubenja, na uuchingiilelana wose.
\v 2 Nahee baana batulela baliihubuswa hano, mmpenje mabele ma mteema mene mashibacha, muhehe uuoma naamo wa uhona.
\v 3 Byahuba, mwahutonda uukana Mlume ii mine keene.
\p
\v 4 Naa mwahuchwa wa keele, liiwe lyene lya mwego, lyene liihanyiwe na baatu
\v 5 Na benywe byoka biya nahii mawe mene ma mwegoo, mwaa kubawa mmbee sese kya mtema, uuba iibulii eehaha, uuhama kuutangii lwa mtema lwa Abetcha umona saso uundila kya Yesu Klisto.
\v 6 Wa yulu byekolilwe nndaa mikolo; balaka, naa beya hawingi henyu Sayuni likes lyulu lya sungaa, liisobolwa, lenye na bunyemu. Naake mine kwiimbwasha kushimona abuule.
\p
\v 7 Bino bibenju bino iiwenyu benywe bene bechuwasha. Naa uubene bashihuuwasha; Liiwa lyene bagubayi beehanyinye naa lyiiseelii liiwe lyuulu lya suunga.
\p
\v 8 Na liiwe lya uuhyatacha na mwamba kwa ukusha; yulu biihuuhyitala wa enywa eeya habiilii ba huni; nabo babiiwa Bululii bahewe bino benywe. Eeba ya 2. Binywa njwee yulu ya mwegoo kwa mpwasha na Bululii bwa ususuwa wa Klisto yulu yage.
\p
\v 9 Na benywe mwii moga kuusolwa, buumbuwa bwa buolo na mooka kwa kuhaha, batu bene iibumona bwa Abetcha Pungu kemine, mwaa liisambe ubenda wake wene wagembuchiche benywe uhuma uunndo mgiingeele uulwenge lwake lwa bigagii.
\v 10 Benywe bene bashiba mooka kwa alaa ila kwa kuuhya na mooka kwa Abetcha; mwiibele mshina hewa yaano.
\p
\v 11 Bapenji, niihuu ntela eebumbu benywe, nahii bagenyii na bagyashi mmhanye eetema ya mpeele yene yee huhulana na mteema.
\v 12 Mube na mikyashichi kyenyu kiibenju mmbwingi mwa bilongo, yulu ya milandu kyene kyabiihungechinge benywe uba bagiila bibee, hiibee huumona, biheesho byenye bisoga bapate uuntona Abetcha lusuku lwa mpendoo.
\p
\v 13 Mmbwashe Alako oose a batu yulu ya Mlume; nambe ii Olo nahii mine mmulu abisa;
\v 14 Na nambe ii maolo ma usee wake mama tumiwe maake yulu baliipushe bubaya bwa babee, na uitona bahishi ba bisoka.
\v 15 Wa bululii bino na byuhubenja Abetcha ukana uu kiila bisoka mmhambye tuunywa twa bihungii na batu ba bahule lwenyii.
\v 16 Biya mwiibiile bashi bahambwe, naa mushi heeshe uushuu hambwa wenyu wa uunyila buubee, ila nihii batumwa ba Abetcha Pungu.
\v 17 Mube na iiulii uubatu bose. Mmundee bashiwenyu, musiinee Abetcha. Mmbe na iiulii uuba maolo.
\p
\v 18 Bakikiwa, mubee na iulii uu balume benyu na booba bose; bashi bonyibo bene ibabenju na bene benabuhuchi byoka biya.
\v 19 Yulu nandoo kuno kwa huu washiwa, nihii ntuu kwa huolobela uuchigelelwa wa uuengelecha Abetcha, naa kenyike kwee susuwa bunene bila ebalo.
\v 20 Yulu ii punda nakii nambee mwahukosa naa mmhulwe wa bululii bwake, mushame na uuhemba? Nambee nihii mengo mamwiihugiila bisoka, mwiihuususuwa na mwiihuuhembecha na ushama, enywa eno ya kitabichiwa na Abetcha.
\v 21 Wa bululii mwibichiwa wa biya; yulu Klisto kwii susuwe yulu yenyuu byoka biya kwishikile benywe mniingilicho muulame maasa mage.
\v 22 Kenyike mushi mmeshe bubee ao ekoko eebee yishimoneye mmanywa mwake.
\q1
\v 23 Mengo mene magebele hutuiwa, kwishi suweche mnsoboo; mengoo magebele hususuwa, kushibigiche; ila kwilibile wake mine kwii babeendila wa kiine.
\q1
\v 24 Kenyike kemine kwiiswalilwe buubee bwenyu nndaa mwa mmpelii kwake hakuluu ha mtee, ataa beswe, twahuba babuu mmilanduu kya buubee, tuubee na mwegoo wa milandu kya kiine.
\v 25 Wa bululii mweebele bachimine nahii mioo, Wabibyo mwahushuwaweela Mchungi na Mlochi kwa mitema kyenyuu.
\c 3
\cl Mbukwilo 3
\p
\v 1 Bino byoka bibyo benywe baachi mubee na eeulii ubalume benyuu benywe; yulu byahuba baange bashi huba na eeulii uu iinywa, babuulwe wa lwendo lwenyu lwa baachi Baboo wa bila nnandoo.
\v 2 Babehulola lwendo lwenyu lubenju, na wa booba.
\v 3 Uuliibenja wenyu ushibe wa Uuliibenja wa ushingaa njuli, na uuchwala bituu bya noloo, wala uuchwala bichwalanywa.
\v 4 Ii uba wa ntuu kwa mteema, kwishi kwa uumone, mntaa mwa uulibenja wene uushi wa uudoga, naa mteema kwa uuhola na kwa pii kwene kwa beyi lyuulu uumbele wa Abetcha Pungu.
\v 5 Bululii byoka bibyo baachana babahaha babuu liibanja alaa bahiloomutangiila Abetcha, boo muuhuulila ubalume baboo;
\v 6 Nahii salaa mwiikee huuliile Abalahamu hakiibele huumpuchaa Mlume; na benywe ii baana bake nambe mwa huugila bisoka na muushiuambilwa wa booba bobose
\v 7 Bino byoka biya benywe baluume, mshame hamwechi na baachi benyuu wa lwenyi, na umma mmachi uunyema, nahii yombo yene yiishi eeomu nihii benywe, nahii bia pyanaa hamwechi wa keene cha mwegoo, buhukii masabo menyu mashichibelwe.
\p
\v 8 Wa uuhwa, mubee na langa limwechi, baa yaano, muundane nahii babuswa, beene Mteema kwa Keene, bauhootelelela;
\v 9 Batu bashiba suuwecha bukiiko wa bukiiko ao misoboo wa misoboo, iila miihaa buuhulii mwa buchiwa wa binywa bino, yulu muhiane miihaa.
\v 10 Wa yulu kenyike mine kwehubenja mwegoo, na uumona lusuku lubenju, kuchibeeche lulimi lwake lushi tokome buubee, naa milomo kyage kishidogome iibee.
\q
\v 11 Na uleya buubee, naukiila bikoko bisoka; na uueba talalaa na uugiilamaa abisa.
\q
\v 12 Wa yulu meeso ma Mlume mii hakuluu habene bashi naa atoogwa. Na matuu mage meeuhulecha masabo maboo; na Yenyi ya Mlume yee hekuulu haa bagila buubee.
\p
\v 13 Naake iinanyi mine gwebabongol benywe mwahubaa bene asalulu nndaa binywa biya bwene bibenju.
\v 14 Naa nambe mwahuu susuwa yulu ya chigelwe, mwena huluhulu. Mushi seene yulu ya boba bwabo, na mushichikeleelwe.
\v 15 Mube masuku mose ugaa ntu kekese mine kwebucha mwano kwa kutagiicho kyene kyee ndaa mwenyu, na mushichikelelwe,
\v 16 Muubee naa malanga mabenju, ataa mengo mabee huunchingeela benye baa moone abuule, bonyibo bene biihuutuwana mnkyashichi kyenyu kuubenjuu ndaa Klisto.
\v 17 Bululii ii alambwe uususuwa wa uukiila bisoka, byehuuba hubenja wa Abetcha, naa wanaanguu uukiila buubee
\v 18 Wa yulu Klisto byoka biya gwesusuwe lwendo lumwechi wa yulu ya buubee, mine chikelwe wa yulu yaboo benee bashi na keene, yulu kwa tuuhicha wa Abetcha, kenye nuuwaa ndaa mwa models, naa kenyike noo uchulwa ndaa mwa mteema.
\v 19 Ndaa mteema guuno kee nuukya byoka biya naa uusambeela wa mteema bene bebele bahambwe.
\v 20 Beene bashibele noo ulisacha alaa, mengo maa utolelecha wa Abetcha hawiibele huuhembecha wa masuku maa Nowa, mengo wato safina hiibwiibele huubachwa, ndaa mwake bachee, batuu eenana bene beehonine uuwa na madee.
\v 21 Mnlengiileesho kwa milando keeno ii uuchunjwa weene wee huumonya benywe bino, uushi uuhunya eeyoo ya mmpelee, ila ii uugaa wa buuntuu bwene uumbele wa Abetcha, wa ndiila kya uuchwa wa Yesu Klisto.
\v 22 Mine kweeba uuboo wage wa mlume wa Abetcha, kee ubaa kwehuukya hakuluu umali su, malaika na uuoma wa wingi heebwehwa uusachiwa uusee wage.
\c 4
\cl Mbukwilo 4
\p
\v 1 Bashi uuba Klisto kwesusuwe nndaa mpeelee kwage, benywe muu chwale bioka biya na langa leeya wa yulu kenyike kwesusuwe nndaa mpelee kwa shikana naa bubee;
\v 2 Naa togee ya hano mshishame yaka nndaa eeteema ya batuu, wa mengoo chahushikala wenyuu uushama nndaa mpelee ila wa ubenja wa Abetcha.
\v 3 Wa ubaa mengoo chaa mwegoo kwetuu chihitile cha weelela wa uugiila? wa bilongo, naa uukyata ndaa lusonjoo na eetema, na boolwa na saso lya mnichi gubee, na malwaa, na uutambiigila biilunji wa uuchikeeleecha abisa.
\v 4 Naboo bahuu gagilwa wa ubaa, mushihukya lubilo hamwechi naboo nntaa buuinga buuno bweene bwahuhiita abisa, habee huunjingeela benywe.
\v 5 Boonyibo beehunya eebalwa wake mine kwee baa bendela baa mwego na babuu.
\v 6 Buululii wa yuulu binoo ataa babuu biisambeelwe mwano kwa mwekoo, yuulu baa susulwe na uubendelwa, nahii batuu nntaa mpelee, naa beba mwegoo nntaa Mteema nahii Abetcha mwagelee mwegoo.
\v 7 Naa eesula ya binywa byose yee aliibuu mube na lwenyi muulola nntaa musaaba.
\v 8 Hakuluu ha binywa byose muundane abisa benywe wa benywe nndaa milando kyose; wa Buululii luundo kweeba uunyila buubee bwingi.
\v 9 Mmhane aliibuu benywe wa benywe was kiilii mpokele alambwee uchikileelwa.
\v 10 Ntuu kese wa kiilii mpokele alambwe kwa aakiiliile hapanga henyuu, nahii baakiichi basoka ba keene chachihishane cha Abetcha.
\v 11 Ntuu kwa huutkoma kuutokome wa milanduu kya Abetcha; ntuu kabe giila, kaagiile wa uomaa wa Abetcha wa kiihuutuha; yuulu ntaa milanduu kyose Abetcha atonywe wa Yesu Klisto. Buhaha na uuoma ii asked ataa milumbu na milumbu Amina.
\v 12 Bapenji mushikakelwee wa bigagee na ahya eenee alii mwingi mwenyuu enee aampata benywe wa uuntonda benywe, nambe ii eetu ya eegenyii yene ya mpaata benywe.
\v 13 Ila nahii biya mwamwiihusumbela nntaa asusuu a Klisto mmbee na saso, yulu wa mengoo ma uununinywa wa buhaha bwake mmbee na saso wa uselela.
\v 14 Mwahuusutwa yuluu ya China lya Klisto, kweba uubenda wa Mteema gwa guhaha na gwa Abetcha gwashamina hakuluu henyu.
\v 15 Buululii ntuu kashisusuwe hapanga henyu nahii mhakanyii ao miibi ao ngiila bibee ao nahii ntuu mine kwa libeya ntaa milando kya bange.
\v 16 Naa Nambe yulu ii iKilishitu, kashimone abuule, ila kaatone Abetcha ntaa Leno china.
\v 17 Wa yulu mengoo mahuhiya wa mpiindo uutula nntaasese kya Abetcha; na byanyi tuuliila watuulii iisula yabobene bashihuu Sasha mwano kusoka kwa Abetcha weebaa biihii?
\v 18 Naa nambee mine kushina atuugwa kweehonyiwa wa ususua kuuya kushiba seena Abetcha na mine buubee bii moneya hii?
\p
\v 19 Mbee bonyibo bene baluhususuwa wa mapenji ma Abetcha, babiile Mpumbi kulagiilo bichulili byabo ntaa uugiila bisoka.
\c 5
\cl Mbukwilo 5
\p
\v 1 Niihutela iibumbu baata bene balii hoponda henyu nene mine nii mmataa hamwechi nabo, mmpangeseya kwa maasusuu ma Klisto, naa mshamii kwa lwengee lwene lwii ununinywa.
\v 2 Liishwee iihichi ya Abetcha yene yii hapanga henyuu, mmuubakimanina, ushi wa uuoma, ila wa wa mapenji, nahii Abetcha byagee huu unda; naa ushi yuulu ya bumona bwa eeyoo, ila wa malanga miiho.
\v 3 Na mushihyelele uulolelwa wa mweehelwe, ila mmbee na milengiilecho kya uugiganya wa iiya iihichi.
\v 4 Naa mengo Mmuuchi kwa mhela hagemoneya, mwiihewa alambwe aa lwengee ashibatoka.
\p
\v 5 Byoka bibyo benywe lwenyuu bawa lubaga muube na iiuli uu baata. Naa benywe Bose, nnehambele uulisacha yuulu mmtumigiilane; wa buululii Abetcha eehuhetana na bene bina eebulii, naa kwiihubaha baa uulisacha keene.
\p
\v 6 Mniisacha abisa hasee ha unoo wa uuoma wa Abetcha, yuulu kwa ntone benywe wa mengoo make.
\v 7 Bakenyi ususuawa wenyu wose yuulu take, wa buululii kenyike kwehuu monya benywe.
\p
\v 8 Muubee na uliingilesha wa uulola, mpee kwenyuu. Agenga, nahii tambwe kya tuuka na uuchunguuluwa chunguluwa hauebe ntuu kyiimine.
\v 9 Na benywe muu heetane nakyo nakyo nndaa buuwasha bwenyuu mmuumana muba asusuwe ayaa abiya aahuuwiilela uubandugu henyuu bene bii mmeebaloo.
\v 10 Naa Abetcha kwa Kene chose mine kwambuucha benywe uugingela nntaa lwengee lwage lwa milumbu nntaa Klisto, mmbee mwa huuhwa uususulwa wa mengo chinee, kenyike mine kweennongya benywe naa uukimiiya benywe naa numpenja benywe uuoma.
\v 11 Wake uube uuhyelela ataa milumbu na milumbu Amina.
\p
\v 12 Wa uuboo wa Silvano, mnshiwetuu mmpwasha nahii byandii baampala, naa mkolela benywe wa binywa niche nnii huumhaa mhano naa uumbangiisiiya wa uuba geeno na kenee kya Keene kya Abetcha; kimanywe miima nntaa mwagee.
\p
\v 13 Minenyuu kwii nntaa Babeli, msobolwa hamwechi, kwa huu nntanya benywe, naa maluko byokabia, mwana nanyii
\v 14 Muutanyane wa uuchunjwa miswe wa luundo. Talala kyeeba wenyuu bose bene balii ntaa Klisto.