byi_reg/59-HEB.usfm

\id HEB
\ide UTF-8
\h Baebrania
\toc1 Baebrania
\toc2 Baebrania
\toc3 heb
\mt Baebrania
\c 1
\cl Mbukwilo 1
\p
\v 1 Mengo maheta Abeca kodokomine nabata tulu betu ohetela banabii nyendo nyingi na madela menge.
\v 2 Lakini mano mengo twenamo Abeca koleodokoma nabeswe ohtela mwanake, kubilwe obaa mmyane wa bitu byose, na ohetela ke kubumbije lungu.
\v 3 Mwanake lwenge lwa bahaha bwake, tabiya buchima ya asili liake, kusoeta bitu byose wabinywa byangufu wake. Kisha olohonya habobe kweshame obo wa olome wa buhoro ya ekolu.
\p
\v 4 Kwa bibenju oheta malaika, nambo biya kuhyane shina lebe bibenju oheta mashina mabo.
\v 5 Nambo imalaika naye kobangile odokoma, “Kokwe imwananyi, leno nisesobe?” nayaka, “niba sobe, nake kweba mwananyi?”
\p
\v 6 Hayaka, maya mengo Abeca kuleshibe poswa kwa tangi mnalulingu, odokoma, “Malaika bose ba Abeca bakelelele oabudu.”
\p
\v 7 Yulo Malaka odokoma, “kee kuitule malaika bake uba itima, habakushi bake oba nahe ndile chahaya.”
\p
\v 8 Nambo kuhusu mwana odokoma, “Ete yobe ya buolo, Abeca, iyamilombo na milombo. Lobongo ya buolo bobe na lobango iya kene.
\q
\v 9 Obenjile kene na onaka a mpendo, yulo ya bibyo Abeca, Abeca kobe, kulishinye mauta na saso oheta benabe.”
\p
\v 10 Haho hala, lume, ubile bioko ya lungu. Hekolu ikelo ya mabo mobe.
\q
\v 11 Bihuma, kokwe weba byose beba bihosu nambo ngubo.
\q
\v 12 Webunga bunga nambo echibabo, byabo biukaluwa nahe ngobo. Weba kokwe, namyaa kyobe kishiwa.
\p
\v 13 Imalaika naye Abecakodokomine mengo mose, “shama oboo wanyi waulume mengo nee ita mpee kobe uboa iteeya makolu mobe”?
\p
\v 14 Je, Malaika bose bashi mitema batuminywe ukalela mweka?
\c 2
\cl Mbukwilo 2
\p
\v 1 Yulo ya bibyo tubeye kipawa mbele ya ukelela yulo yabiya tuolecha, yulo tushibewe mbale nabo.
\v 2 Mwano kole odokomwa iwatenene, na bobe na ohanya opokela ohobwa tu,
\v 3 tbihewa bihe usena nambo tushikitabowa ohana oommata? ohona wenywe oleotanza na lume haokelelela nabeswe mabaya boholeche.
\v 4 Ke Abeca mine kokelolile bikoko, byabikakeche, bikolelanywa bya byita, byenye bakelele ya itema kwa maaha kabahebe olamana na obe nja wake kemine.
\p
\v 5 Abeca kushibile lunga lwine lwachwa, tweba olesamba mwano kwake, hasa malaika.
\v 6 Hanyuma wake, hu fulani kulesmbile fashi fulani kwedokomine, “Hi inanyi, hata kawece olanga? Ao mwana kwa hu, hata kahonye?
\q
\v 7 Itu oba inene ooheta malaika, wachuya taji yabohaha na heshima. Mbatela: ndaa ookelelela wa kwene ya mwanjo, mishitale koko kushiho. " Naupile yulo ya kiefo ya mabo mobe.
\q
\v 8 Wabeyaa kila etu asee amakulu make. “Wa bibyo Abeca kubile kila etu asee aatu. Kushishikile ata etu emwe chi ishi hasee ake. tusiomona etu ishiasee ake.
\v 9 Haho bibyo, tweomona mine kobele mengo mane, hasee oheta malaika Yesu, yulo ya bibyo ya mateso yake nalubu lwake, bachuya kata ya buhaha na heshima. Yulo ya neema ya Abeca, Yesu kwatonda lubu yolu ya kila hu.
\p
\v 10 Ebele ya saa hii Abeca, yolo ya ela etu ebee yolu yake ohetela ke, ilengye owabela bana bengi indaa bohaha, ilengye oeta kabe kiongozi indaa ohana wabo okamilisha ohetela mateso make.
\v 11 Wa bibyo bose babele keya kobile hololo nabaya kabewa hololo, bose bahuma hasili kemwechi, Abeca kushiomona bibaya ubakita bandoko.
\v 12 Heokana, “nisambalacha china liobe obandoko banyi, nekemba ohete la kokwe uhuma indaa lubonga.”
\p
\v 13 Eyaka nakana, “halyaka mona, hano nnabona Abeca kwapaa.”
\p
\v 14 Wa bibyo, baana ba Abeca bose uba amwechi ipeele na mashi, ha bibyo Yesu kobele hamwechi bitu byoka bibyo, yolo ohetela lubu ahewee ngufu yakoya kobele hekolu ya lubu, iimobu.
\v 15 Obaeta holulu baya bose ohatela lubu babe na mweko bose ndaa icha.
\v 16 Wa bibyo kushi malaika kusobasaidia. Uhuma kekusobasaidia loboto lwa Ibrahimu.
\v 17 Yulo ya bibyo, obele lazima ke kobeye nahe bandoko bake indaa ndefu chase, yolu kaweche ubakuhani mmata mine kenee hauba mwaminifu wa bitu bya Abeca, yolu ya bibyo kabe hangufu wauhuma isamaha kwa bbe bwetu.
\v 18 Yolu ya bibyo Yesu emine katesekilem na otondwa na kwenangufu na kusaidia baya benye bale otondwa.
\c 3
\cl Mbukwilo 3
\p
\v 1 Wa bibyo, banduku bahaha, uba alebo ukitwaa wa ekolu, molange Yesu, ichaa ebole mmatoa wakiri kwetu.
\v 2 Kobele kwa maoda kelo kwa Abeca upakola, hahe Musa kobele ebole nake indaa onduo yose ya Abeca.
\v 3 Yolu Yesu ubawa uboa nabonyemu bwata oheta ikobele naboo Musa, nambo ya bibyo koya mine okoo boa ndoo koobalwa obaa nabonyemu bwata oheta ndoo kyokinee.
\v 4 Nambo kila ndoo okoobaa na itu kekese, yolu mine okoobaa kila ndoo ii Abeca.
\v 5 Yolu Musa kobele ekolo nahe ichaa indaa ya ndoo kyose ya Abeca, uhuma minee kokana bya tenene bito byenye byeba odokomwa mengo wechwa.
\v 6 Nambo kilichito imwana ndaa okimanina wa ndoo ya Abeca. Beswee twee ndoo kyake namboo twele ole atecha habelo ndaa olemona sawa nabito bya olemona sawa.
\p
\v 7 Wa bibyo, nambo itema kuhaha koo dokoma bibyo, “leno, nambo weolecha leede liake,
\v 8 ushi ete hema kobe obao ngufu nambo ishilaeli baitile ndaa uwasi ndaa mengo waotonywa ikala.
\v 9 Oono mengo obele na matata seto babele na owaasi naonitonjwa, na mengo, namiaamonana, bamonine bikee lanywa byanyi.
\p
\v 10 Wa bibyo nishibenjiche halaboto loyaa, nilikane, baleuchimina kila mengo ndaa mitema kyabo, nabashi bmane ndela kyanyi.
\p
\v 11 Inahe biya neelapile indaa okashilika wanyi: “Bashikengela lahaa lanyi.”
\p
\v 12 Mobee naomona, bnanyi, yolu pashibe hema kobuu naolemona sawa nakomwe kwenyu, hema kwenye kwekya koo na Abeca mine kwetee.
\v 13 Hanyuma hake, mosambelane kila lusuku kila komwechi nakonge, kila ukitwa leno mobenje, yolu ya bibyo komwechi kati kyenyu kasibeye obaa ngufu lubicho wabobe.
\v 14 Yolu tobe hale boo na Kelesitu nambo tolewatecha na uthabiti wetuu wangufu ndaa ke uhuma aatanji ukya mwisho.
\v 15 byaokanywa, “leno namboo mweholecha ledee mushibeye mitema kyenyu obaa ngufu, hahe ishilaeli baitile mengo ma uwasi.”
\p
\v 16 Ibananyi baya bahaleche Abecha wa uwasi? bashi bele baya bose benye Musa Kobelee alomboshi uhuma mishili?
\v 17 ikananyi boo Abeca kolebashilikila wamiaa momona? bashi amwechi nabaya baetele bobee, boo mibele kyaba kiwile ikalaa?
\v 18 Ibomanyi balapilwe na Abec namboo bikingela ndaa lahaa liake, namboo bashibo baya bashiolecheke?
\v 19 Tuomona boo bashiweche okingela ndaa sasa liake yofu nango olomona sawaa.
\c 4
\cl Mbukwilo 4
\p
\v 1 Wabibyo, twabapaswe obaa makini yolu ya bibyo indaa kyetu pashibe ata komwechi mine kwemoneya uiswa uhiya ahadi yao kingela ndaa sasoo liake natushiwe naboba, komwechi kwetu pashibe kwemoneya mine kweluba.
\v 2 Wenenee, beswe bose tusambelwe mwano kwakubenju hahee baya. namboo mwano koya kohalechwe kushii bofae baya, yofu ya bibyo osopakanya na imani indaa mwabo benye baholiche.
\v 3 Wenene beswe tulewashee okingela ndaa saso leya; nambo biya kole dokoma, “Nambo kwelapile soongo lianyi, bashikindela ndaa sasoo lanyi.” Kodokome, mikeelo kyose binee kwemetee bibele byoomoneya tangu alaa kyalungu.
\v 4 Lusuku lwanjwe Abeca kuletuche, obito byose kolemetee.”
\p
\v 5 Hano nahoo “bashikengela, ndaa sabo lianyi.”
\p
\v 6 Yolu ya bibyo, uhuma oletucha wa Abeca hakee iinji bikengela, na uhuma ishilaeli bengi benye baholeche ilandoo kwa oletucha wakembushikengele yofu bashibaete.
\v 7 Abeca kubile eyaka lusuku fulani, lukuswa “leno.” ke kuongechiche lusuku loho kwedokome ohetela Daudi, minne kwedokome wa mengo malahu binebilebi dokomwe alaa, “leno nambo mwedecha ledee liakee, mushiete mtema kyenyu ngufu.”
\p
\v 8 Wenene nambo Yoshua kobahebe uletucha, Abeca kosaba dokoma yolu yo lusuku longe.
\v 9 Nambo olelusuku lwa detucha lubilwe uolu ya batu ba Abeca.
\v 10 Yolu kwakingela ndaa oletucha wa Abeca kemine eyaka kwaletucha bilehuma nabikuma byake, na mboo Abeca kuitiite ndaa ke.
\p
\v 11 Wabibyo tube naotaka okingila ndaa oletucha, yofu pashibe mne kwekwa indaa uwasi wenee bahile.
\v 12 Namboo binywa bya Abeca byetee nabina ngufu nabina bwekee oheta lupanga lole okata ngabe lose. naochoma ataa uhiya okabola nafsi na hema, na biungo namauta malemo indaa mwake; eyaka lena buhuhu omana malanga na kusudi matema.
\v 13 Naushi bibombe byenye bishii hololo aleboo nake, yolobitu byose bibuchi omeso make ke mine kwe na bitu byetu.
\p
\v 14 Hanyuma kobele ebole mmata mine kokengele hekulo, Yesu mwana kwa Abeca, natuwatee maungamo kyetu.
\v 15 Namboo ushi ebole mmataa kushiweche ota swala ndaa bitu byetu udhaifu, ke koto nywilwe hahee beswe indaa bitu byose, ku shiete bobee.
\v 16 tulee senye oetii keene ha waolewecha, yolu tube uleelela natohewe keene ya kusaidia indaa maitaji.
\c 5
\cl Mbukwilo 5
\p
\v 1 Yolu ya bibyo, ebole mmata, kosonolwe uhuma iinje ya bato, kosobolwe ukimana hanyuma indaa bitu bilengye oshena alebo na Abeca, koweche ubihunya mwehachi zawadi na tambeko yolu yabobe.
\v 2 koleolewecha obaitela waolesacha na bohokee na wabishi yolu ke mine eyaka kwachingwa nakushiosha.
\v 3 Yulo ya bibyo kenodokoma uhunya lutangi yolu yabobee bwake nahee kuitilee obobee bwetu.
\v 4 Ushii tuu mine kweswale bonhyemu boboo kyake minee, hanyuma hake, ikiswe na Abeca hahee kobelee Haruni.
\v 5 Kilishito kushii liebe bonyemu kemine waoleeita kemine obaa ebole mmata. hanyuma hako, Abeca kweledokome “kokwe weemwananyi, leno heeba sobee kobe.”
\p
\v 6 Inaye kwekane eyaka lubee lunge, “kokwe iebole mifumboo hanyuma haohanana Melkisedeki.”
\p
\v 7 Keemengo maya wapeele kwakee, kwitambikile ke mine kwewecha umunya indaa lubuu, osabaa hamwechi naoleela obisa naluhanga, kwehobechwe wabya kwesene Abeca;
\v 8 Imwana kumitee oleesacha waososo aleeipatee.
\v 9 Ke uhuma oeta ndela kyakeene wamilombo wabatuu bose mine, kweleota;
\v 10 Mine kwekanena Abeca obaa ebobee mmata waohaanana Melkisedeki.
\p
\v 11 Twena binywa bingi yolu Yesu ingufu ubidokoma yolu beenywe mushii oleechaa.
\v 12 Weenene mwebapaswe obaa balimu yolu mengo mange waitilee, ukikya na batuu ukikiwaa waotangi mwano wa Abeca; benywe mweeobaa mushii obenja mabele na he eleewa ya eomu.
\v 13 Nambo keese kunywa mabele koshiomona ilandoo kweene, yolu imwana inenee.
\v 14 yolu elewa eoomu ibeewe obatuu baomu, lwengo lwaboo, wa oetaa, oloobela onana kweene nabibee.
\c 6
\cl Mbukwilo 6
\p
\v 1 Wa bibyo, mushleye byenye mukikiwe bitangi yolu ya binywa bya Kelesitu, twebapaswe obaa na owecha obikelaa tushibiye eyaka mishingikya mitema kya onekeya uhumana mikelo kyenye kishitee na imani ndaa Abeca,
\v 2 Namboo mishingi kya ukikiwa ya ushundwa, na obabela maboom ucholwa wababu, naopata biholo bya milombo.
\v 3 tweeta bibi nambo Abeca kwetaka.
\v 4 Wenene tushiba nahe baya balechilwe ohololo atangi, batandile epawa ya ekolu, naoetwa obaa alebu na itema,
\v 5 baya batondile saa wabinywa bya Abeca wa omuu mengo wechwa,
\v 6 Namboo bekwa bishiwechekana ukiwela eyaka onokeya wateema. hahoo bakiiweche eyaka mwana kwa Abeca nyendo shibile nafsio mwabo, bemeeta ubaa etuu uya dhihaka halakala.
\v 7 Wenene etete elee ookala mbula nyendo na nyendo na nyendo yolu kyake, na obataa inanyi kobenjwu wabaya baitiile ikilo indaa etetee, haopokela balaka uhuma wa Abeca.
\v 8 Nambo ya huma mikwa na mangungu okatwaa naobaa aleboo na olainiwa na mwisho kwake otelwa ndaa ebolu.
\p
\v 9 Babenjwa namboo tuleomona ibya tenene bitu bya bibenju okelelela, nabile naolelela.
\v 10 Wenene Abeca kushi dalimu atakakebeleche kilo kwenyu, na bikuma bya meleebaete ochina liake, wabibyo molee batumi kile bahaha ata leno mule ubatumikila.
\v 11 Nabaswe tutaka komwechi kwenyu kamonye oetaa biya biya, ataa isula waowecha.
\v 12 Tushi otaka mobee wawivu, yulo mobee balamii babaya wazirithio ololela na imani naohemba.
\p
\v 13 Wenene Abeca, komelee Ibrahimu ololela, yolu ya bibyo kushibele mulu oheta ke mine kwelapile, kwelape indaa nafsi mweke,
\v 14 kwekane, “wakweli niowaa, naneongecha lubato obee okelelela.”
\v 15 Wandela kekee, Abrahamu kupokele eya kulesambelwe anyuma aohembaa.
\v 16 Wenene batu olapaa kee imolu oheta boo naisula ya ushindana osee wabinywa iyolapa, waokitabowa.
\v 17 Indaa binywa biya Abeca, kabenjile obaa; onya hulala waokelelela warithi na ohemba bikanywa byake bishii okyaase, kwepeye elapo awingi;
\v 18 kobeye bibyo bituu bishii okaluwa, ndaa bibyo Abeca kushikana lulimi, tuhewee obembelechwa tulebasenebe obiwata matumaini bya bileobewa mbele kyetu.
\v 19 Twenaoma oo naye nanga wa itema natalala, oomaa, ikingele ata indaa mwa paziya,
\v 20 Kukingele yesu yolu kyetu ipanbichi kwetu, obaa ebole mmataa ataa milombo nahe owanana wa Melkisedeki.
\c 7
\cl Mbukwilo 7
\p
\v 1 Bibele bibu Melkisedeki, olo lwasalemu ebola lwa Abeca mine kwehekolo, mine kwe sambane na Abrahamu kuhuma ohaka maolo na kwe pariki.
\v 2 Abrahamu komele emwechi yaumi emwechi yaumi wa bitu byose kwa wata. chini a liake “Melkesedeki” weenene “olo keene eyaka, “olo kwa Salemu,” wabibyo “iolo kwa talala.”
\v 3 Kushii na tata, kushi na makoo, kushii na babushi, kushii na alaa amasuku wala isula oshama wake. Anyu mahaka, kwetee ebole milombo, nahe mwana kwa Abeca.
\p
\v 4 Olanga yolu yakuku ituu kabele mmataa. Ipushi kwetu Abrahamu komela emwechi yaumi bya bitu bibenju bine kweswale ubitaa.
\v 5 Weenene luboto lwa walawi bapokele bitu nahe ebole babele naalako uhuma wapeende oongola emwechi ya umi uhuma obatu, yolu ibaishilaeli benabo, hamwechi boo eyaka lubota uhuma Abrahamu.
\v 6 Nahe Melkesedeki, ke kushibele olaboto lwa walawi, kwepokele emwechi ya Umi uhuma wa Abrahamu, na kwepoliki ke kobele na ohemba ahadi.
\v 7 Hanotushiotaka itu kwanene obaliki itu kwa mosobu.
\v 8 Kwa mwano koko itu kopokela emechi ya umi kwewaa lusuku la mwechi, wamwano kongee komwechi mine emwechi ya umi) uhuma wa ibrahimu keleokanywa kwetee.
\v 9 Wandela keenge baleokana Lawi kwepokele emwechi ya umi. Eyaka ke kukiwiche emwachi ya umi wa Abrahamu.
\v 10 Wabibyo Lawi kobele indaa lubanda lwa sake Abahamu mengo Melkesedeki kwesambane na Abrahamu.
\p
\v 11 Nambo oete ya wa wechekana oetela ebole wa Lawi, (bibyo hasee akee batu opokela M'peendo, obele na etu nayee eyaka yaokelela ebole konge ukinyu wa hanyuma owanana na Melkesedeki, ushi ukitwa anyuma opangewa na Haruni?
\v 12 Yolu ya bibyo ebole kabe kaluwa ushi eyaka m'peendo nako okoluwa.
\v 13 Komwechi mine biya bikokonywa yolu yaabela kokese, uhuma wake ushii kongee kweshene ulutambi.
\v 14 Weenene bihololo lumee kwetu kwehume indaa Yuda, Abela enee kushii kanee enywa yoyose yolu kyake bitu bya ebole.
\v 15 Tweeokana bye halolo ebole kangee kwechwa wa owyanana Melkesedeki.
\v 16 Ebole koko mmyaa kushii komwechi mine kwebaa ebole ekoloo ya mishingi ya M'peendoo ubaa amwechi nalubato watuu, indaa mishingi kyakiomu kya mweko bishi okaluwa.
\v 17 Wa bibyo mikwalo keele okanaa yolu kyake: “Kokwe iebole milombo ya nyuma wa owyanana wa Melkesedeki.”
\p
\v 18 Weenene M'peendoo mine kobele atangi kobele mibamba kushibele na uoma ofaa.
\v 19 Wabibyo M'peendoo kushii etee etuu yoyose yeeteeye, tulee naomaa waobenju oshenena Abeca.
\p
\v 20 Naoma uboo obenju tushii batambekele wa odokoma elapo, wabibyo bibole bingee bishii baswale biapo byobyose.
\v 21 Abeca kweswale elapoo mengo kwedokome oheteela Yesu, “Ilume kwelape kushii kufuwa malanga make! kokwe iebole milombo.”
\p
\v 22 Wa bibyo Yesu nake kuchwile obaa malagano abenju.
\p
\v 23 Eyaka baya baitulwe bibole bingii, yolu ya bibyo baleochibilwa nalubu bashishame.
\v 24 Yesu kwetee milombo, ebole yake ishii okalowa.
\v 25 Wabibyo ke eyaka koleowecha obamonenakene baya baleuchuwila Abeca oeteelake; weenene kwete masuku mosoe yolu obasabela.
\p
\v 26 Wabibyo ebole mmata nahe koko komeneye wetuu kushi na bobee, kushi nadowa, bohaha mine kwehume indaa babobee, kweshame hekolu ohetaa hekolo.
\v 27 Ke kushibele na hitaji waafano bibole byataa, otambekiela kila lusuku, etangi wabobee bwake kemine, na hanyuma bobee bwa batu. kuitile biya kilanyendo obose lutangi kemine.
\v 28 Wa M'pendoo obakinuna batu bashii naona oba bibole byata, binywa kwelape, ichwile anyuma am'peendoo, kwe kinune mwana, kumitile oba milombo.
\c 8
\cl Mbukwilo 8
\p
\v 1 Bino etuya uolokoma itee: tule naebole yayata kushamine hase ndaa oboo wa olela etie ya buholo ekolo.
\v 2 Ke itumwa ndaa fashi habohaha, hema ya keene ilume kubile ushi hu kekese kwa uwa.
\p
\v 3 yulo ya bibyo kubilwe ebolo mmata uhuma zawadi na tambeko, yulo ya bibyo ebole yamahana oba haeto ya ohona.
\v 4 Haho Kelesitu kobele ndaa nwa esee, kee kushibolwe ebole yaokelelela haho. Olamana nabiya baya bene bahanene mikelo olama na mpeendo.
\v 5 Baya bakelelele bitu bya owanana na echo lechole na bitu bya ekolo. hahe Musa omenywa na Abeca obenjiche oyenga Hema. Lola, Abeca, “kwa dokoma mulongwe kila etu yelemmanane” ilemonyweshwe yolu yalono.
\v 6 Hambo Kelesitu kupokeye huduma bola okelelela yulo konake kwa sambanya alako Abenju, obele akimanyu na alako abenju.
\p
\v 7 hambo alako aa tangi aingelikuwa nabobe, haho akungelikuwa hamu lauwenja alako abubele.
\v 8 Maya mengo Abeca kwemonine bobe bwa batu kuodokomina, “mona, masuku maleochwa, mengo nelongya alako abibenju hamwechi na nduu ya ishilaeli, na nduu ya Yuda.
\q
\v 9 Ashi alako nebele oweta namasenyu nebaswalile ndaa unoo ubaongocha uhuma ndaa eee ya mishili. bashi kakyate ndaa alako anyi, namene nee baleyee; kwakana ilume.
\q
\v 10 Yolu ano no alako nee eta wa nduu la ishilaeli badala yamaya masuku, kwakana lume. “neebeya mpeendo kwanyi omalanga mabo, hahee kwala ndaa mitema kwabo. nieba Abeca wabo, nabo beba batubanyi.
\q
\v 11 Bashi sambelana itu na pingi kwake, mweshi na minake, kodokoma “monee ilome,” haho bembana nene uhuma kwa nene ukya mosobu kwabo.
\q
\v 12 Haho nibamonya lehema na bitu byabo bishi tenenem nishi babala bobe bwabo eyaka.
\p
\v 13 Waodokoma “wahano,” Kwa ita alako atangi obaa ataa. naao alesambile oba ataa hanohoka lihunyiwa.
\c 9
\cl Mbukwilo 9
\p
\v 1 Malagano maala mabele nabibaa bibele bya isumbilo ano alungo naokyata wa isumbilo.
\v 2 Weenene indaa hema obele nabyomba yebewe, yombaa ya omboka, habele ukitwa ehana na bohaha. Indaa hebele iitee aswenge mezaa kya mikate kya omonya.
\v 3 na hanyuma pa pashiya kya bepee habele na yombaa engee, hebele ukitwaa ukitwaa ehana ya bohaha bwaokelela.
\v 4 Habele otambekela ya hololwa lutambi uvumba. eyaka etoo yaobela malagano yebewe holo choo. Indaa mwake obele bibakule ya nolo yenee omoneya nahe, lubango lwa alini lumenine maowa nabiya bibao byamawe ya malagano.
\v 5 Yolu kyake yaobeya malagano Maserafi babohaha bale unina biwawa byabo mbelee ya etii ya olelela, wa hano tushiwecha odokoma bitu byaya.
\p
\v 6 Hanyuma habitu bibi bileobelwa, bibole bya byokabibyo okengela yombaa ya amboka ya hema utuma lutambi lwabo.
\v 7 Yulu ya bibyo ebole mmata ukingela oya oyomba ya bobele kebuchima lwendo lomwechi kila mwaa, hango oleya uhuma lutambi yolo yake, hayola ya bobee kwa batu baitile nongoo otaka.
\v 8 Hena kwabo haha koleokana ndela kya bohaha okelelela kishi nabewa ololo wabiya hema kyabatangi nambo kya kimana.
\v 9 Ee yele odokoma mengo oo. Byose ohewa alambwe na latambee bine bile olotambi hano bishiowecha obeya dhamiri yani ne kole owabudu.
\v 10 Ibelewa na binywachi buchima bile olelunga ndaa hahe ya taratibu ya ibada ya olehaha cha byose bibyo bilebibewe taratibu ya ipeele bile bibewe olebo naomboka mnano kohya kwebewa fashi hake.
\p
\v 11 Kelesitu kwichulo hahe ebole mnata wabito bibanju bine byochwa oheta bwaha obeya hema bwata ishioetwa ha mabo ma batu, baehi balango lono ibumbwe.
\v 12 Yebele ishii yolu yamashi hambuchi, na mwana kwa ngombe, yolu yamashi make kemine Kelesitu kukingel fashi kyabo haha okeelelela lwendo lwemwechi wa kila itu utubeya olelelwa wetu wa milombo.
\v 13 Nambo mashi ma muchi na fahari hauchenjwa waitoo ya mwana kwa ngombe ndaa baya bashi bahaha babewe mibamba w'Abeca haobewa mibele kyabo oba kyehaha.
\v 14 Je ishii okeelelela oheta mashi ma Kelesitu mine ohetela hema kwa milombo kuletowe kemine bila abachi wa Abeca, ohahacha dhamiri kyetu uhuma kikelanywa babu waometala Abeca ikelo mine Kwete?
\p
\v 15 Yolu ya bibyo, Kelesitu homwa kwa malakano mahya. Ooho yolu mauti washika holulu bose baya bene babele ba mafano ya itangi uhuma indaa abachi bwa bobee wabo, bose bakiswa na Abeca baweche opokela Ahadi ya urithi wabo wamilambo.
\v 16 Nambo wee malagano malete, isawa kuthibitishwa wa lubu lwa kono itu huhe kuitile.
\v 17 Malagano uba naoma fashi ole uhuma lubu, yolu ya bibyo ushii omaa mengo mine kweleueta kwete.
\v 18 Bibyo ishi eya malagano ya etangi yebele yete uhetela mashi.
\v 19 Mengo Musa kebele uhunya kila ulaga ya m'pendo obatu bose, kweswalile mashii na ngombe na ma mbuchi, hamwechi na madee, etambala ya rouge na isopo, na uchunda ngombe kyokee ne batu bose.
\v 20 Eyaka keno dokoma “Mano imashi mangombe ya malagano yene Abeca kwabaha malagano wenyu.
\v 21 Ndaa ya eyo eyo, kushinyinye mashi ohema nabitu byose bibele utumika ikeelo wa bibole.
\v 22 Ndaa mpeendo, alebokila itu ye ehaha oetela mashii.
\p
\v 23 Wa bibyo yebele lazima nahe hakala ya bitu bya ekolu sharti bihahashwe ohetela lutambi bya nyama. Bibyo, bitu byaekolu byobine ibiposwe ohahala wa lutambi yele bibenju okelelela.
\v 24 Kelesitu kushii kingel fashi kya bohaha okeelelela henye haitiilwe ha maboo, yene ihakala halisi hanyu na hake kukingle hekolu kemine, fashii yene kwete uyenyi ya Abeca yolu kyetu.
\v 25 Kushikengele uya yolu ya olebeya lutambi yolu kyake nyendo wa nyendo, nahe kuitiile ebole mmata, okengela fashii kya bahaha okeelelela mwaa wa mwana hamwechi na mashii kyakonge.
\v 26 Nambo bibyo ebele kweli, ipaswe ososoka nyendo nyingi okeelelela uhuma etangi ya lungo. Hano inyendo kemwechi paka isula wa milombo kulibeye hululu uhunya bobose wa lutambi kwake mine.
\v 27 Nambo ebele kila itu owa nyendo kimwechi, hanyuma ochwa omalepo,
\v 28 bibyo Kelesitu nake kuhunyiwe lwendo kimwechi uhunya bobee bya bengii, kyechwa nyendo kya babele, kushiishwa yolu kya bobee kwechwa yolu kyabaya bale omemba.
\c 10
\cl Mbukwilo 10
\p
\v 1 Wa bibyo m'peendo iyechuli chuli ya bitu bibenju byee chwa, bishibiya bye omoneya. M'peendo nango owecha obaeta baya baleoshenena Abeca wandela kya lutambi biya bya byene bibole bakyatile uhunya kila mwao kila mwana.
\v 2 Ao wabingebyo lutambi oboa bisabaosha uhiya isula uhuma? Batambikichi, nambo beba bahaha nyendo kimwechi, bashingeba na umana waokelelela wa bobee.
\v 3 Indaa lutambi oboo hale oengelecha bobee bwenye buitiilwe mwaa wa mwaa.
\v 4 Weenene bishii wechekana mashii ya mafahari na mambuchi uhunya bobee.
\p
\v 5 Mengo Kelesitu kuchuile ono alongo, kodokome, “mushi babenje lutambi, anyuma hake, molebabeye impeele yolu kyanyi.
\q
\v 6 Mushi babenje indaa lutambi wawose ya uchikya ao lutambi yolu ya bobee.
\q
\v 7 Nedokome, “Mona, ano heleoeta benye oleotaka Abea, nahe hekwa lilwe nene indaa etabo.”
\p
\v 8 Kodokome nahe bile odokomwa haya hekolu. “Mushi babenje bitabekelo na bya otambekela, ya uchikya yolu ya bobee, osammona saso indaa wake” lutambi weene uhunyiwa olamana na m'peendo.
\v 9 Kodokome, “mona, nehano oeta bine oleotaka” kubile mibamba uhunya ya etangi ya bobele ikimane.
\v 10 Indaa oeta biya male bapate ohahachwa, wa uhunyiwa impeeli wa Yesu Kelesitu nyendo kimwechi wa mengo mose.
\p
\v 11 Nakila ebole ukimana kila lusuku oeta sombela na uhunya lutambi biya biya nyendo nyingi, yenyeyesheasha abisa uhunya bobee.
\v 12 Hanyuma ya Kelesitu uhunya lutambi nyendo kimwechi yolu ya bobee milombo kyose, kweshame ooboo wolume wa Abeca.
\v 13 Kole ohemba amango bake babewe osee haoeta etee yolu ya makolu make.
\v 14 Weenene wa etambekelo emwechi kolebaete baya milombo bahahachwe na Abeca.
\v 15 Hema kwa bohaha hake kule ushuhudiya wa weenene, hanyuma aodokoma,
\v 16 ono malagano helakaha habo hanyuma hamasu kumama, kuleodokoma ilume, nebeya m'peendo wanyi ndaa mitema mwabo ndaa malanga mwabo ne kwala bibyo koleodokoma.
\p
\v 17 Bobee bwabo na uwasi wabo nishii engelecha eyaka abisa.
\p
\v 18 Hano fashii heete ushi eyaka uhunya bitambekelo byo byose yolu ya bobee.
\p
\v 19 Wa bibyo benanyi tole naoma wa ikengela fashii kyaba haha oetela mashi maYesu.
\v 20 Bibyo indela kolepukule yolu kyetu kyeya, kietee, ohetela indaa pashiya yani mpeele kwake.
\v 21 Wa bibyo tulee na ebole mmata yolu kyando kya Abeca.
\v 22 Tushenene wa itema kwa kweli ndaa obeya imani oba na itema kolechunjwa bohaha uhuma bobee wa dhamiri na mpeele kwetu koleohachwa wa madee make mahaha.
\v 23 Toeatelele sana ohokeya na oma wa tumini wetu, nango okaluwa, wa bibyo Abeca kolekane kweete.
\v 24 Natalalane beswe haobeyana itema indaa obenjana na kelo kobenju.
\v 25 Nango ushika osombela hahe bileoeta bange. Hanyuma hake, tubeana itema mwechi kwako mwechi okeelelela wa okeelelela, nambo molee omona lusuku lwealebu.
\p
\v 26 Weenene hambo tueta bobee yolu hanyuma hake opokela omana kweli ashii eyaka etambekelo yolu ya bobee.
\v 27 Hanyuma hake, aleomba opata otelwa moebalu yene ishika amango Abeca.
\v 28 Kekese mine kwa anya m'peenndo kya Musa owa bila keene alebo ya bashuhuda babele ao batatu.
\v 29 Momona biye? Ishii epaswe biholo byene bile byata ukelelela watu koya mine kwa myiatele mwana kwa Abeca, kekese kolemete mashii ya malagano nambo itu ishii ya bohaha, mashii yene wabo kole baete ubaa Abeca kekese mine kwetuwe itena keene?
\v 30 Wa bibyo tuleomona komwechi min kwedokome, “kisosi eyanyi, helipa.” Eyaka, “ilume kwebahola batu bake.”
\v 31 Iyetu ya utisha itu ukwita indaa maboo ma Abeca mine kwete.
\p
\v 32 Molange masuku maitilo hanyuma aobewa wenyu lwenge, wabibi etonayo moweche uvumiliya lubaba lwa bweko.
\v 33 Mobele mwabewa hululu indaa ziake ya bituano usumbuka, mobele halebu na mwechi na baya baitiile Asosa hambo eya.
\v 34 Weenene mobele na hema otongela wabo babele bahambwe, hamopokele wa saso abihuloya aurithi wenyu, moleomana benywe bene mobele na urithi obenju hawene wetee milomba.
\v 35 Wa bibyo mushitele omaa wenyu, ole na zawadi wataa.
\v 36 Weenene mushiiotaka uvumiliya, yolu mopokele byene Abeca kolebeye, hanyuma owa oeta bine kootako.
\v 37 Wa bibyo hanyuma ohe, komwechi mine koleochwa, kwechwa kweli kushii senga.
\q
\v 38 Mine keene wanyi kweshamate wa imani. Nambo kukiwela unyuma, nishii mpenja ke.
\p
\v 39 Beswe tushi hahe baya bakewele nyuma wa uchinda. Hanyuma hake, beswe inji ya baya tole na imani ya olonda mitema kyetu.
\c 11
\cl Mbukwilo 11
\p
\v 1 Hano imani iweenene ya bitu byenye byechwa, ibitu byenye bishii hamoneya.
\v 2 Weenene wa bibyo miongo kyetu baleushuhudiwa.
\v 3 Wa imani tuleomana kwa bomba lungo wa binywa bya Abeca, ata bitu bileomoneya bishi bilongye uhumona na bitu byene bibele omoneya.
\p
\v 4 Yebele yolu ya imani habili kwetoleye Abeca lutangi ya ebenju oheta Kaini, ebele iyolu oo weene kwetonywe oba mine keene. Abeca kwetone wa yolu ya lutangi koleilele. yolu ya bibyo, habili ota imubu koleodokoma.
\p
\v 5 wa imani Enoka kokele hekelu kushi monine lubu. “Kushi moneye, yolu Abeca kweswale.” Wabiya, koledokomwe hekulu hake obaa kopenjiche Abeca hanyuma ake ukya ekolu.
\v 6 Namba ashi imani tushiweche openja Abeca, weenene itu mine koleokekela Abeca lazima nine koleoamini okana Abeca kwetu na obaha baya baleomenga.
\p
\v 7 Wa imani nuhu, uhuma omonywa na Abeca kweyenge bisaba omoneya, bonyemmbwa Abeca kwenyenge bwato yolu kahonye lubato lwake. waoeta bibyo, kole uonona lungo hakobele mrithi wa keene mine ohetela imani.
\p
\v 8 Wa imani Iblahimu, kukishilwe kukitabowe obekya fashii yene wepata urithi kuhumine nanga omana kokyahe.
\v 9 Yebele iwa imani yene imitile kashame esee ya ngwa hahe ikee hyi. koshamine indaa mahena hamwechi na Isaka na Yakobo, warithi benake wa urithi eya eya.
\v 10 Weenene yolu kwaba ohemba oopataa mboka yene kemine kuubuni hamine kwaa yenga wake kwa bashama Abeca.
\v 11 Wa imani Sara kemine, kopashile uomaa wa oswala kumo kobel mmomu sana, wabiya komonine Abeca obaa mwaminifu, yene kalekane opata mwana.
\v 12 Wa bibyo eyaka indaa wa itu komwechi mine kobele alebu lubu kubushile bana bengi bashi na hesabo.
\p
\v 13 Babo bose bawile indaa imani, bashii bapokele ahadi babele babimonine na obiselela wa mbale, bakanine babele bakenyi na oheta yolu ya esee.
\v 14 Weenene baya bale bakane binywa biya balebabeye hulolo baleoenga esee yabo bobene.
\v 15 Wa kweli, nambo bangeleshana olanga esee yne bale bahume, bangeleshama na fashii ya okewela.
\v 16 Hano, baleoenja esee yene yeeenju, yene ya hekolu. Wa bibyo Abea kushii omona abole ukitwa Abeca, wabo wa bibyo kaleobalongecha mboka yolu kyabo.
\p
\v 17 Wa imani Iblahimu kwatondwa uhunya Isaka kabe lutangi ke kwepokele eya ahadi kubele kuhunyinye mwanake.
\v 18 Wene yolu yake kodokomwe, “indaa isaka luboto abee wikiswa.”
\v 19 Iblahimu komanine Abeca kobele na uosha ochulaa Isaka uhuma indaa lubu, hawa odokoma wafano kolepoke eyaka.
\p
\v 20 Wa imani Isaka kwe baliki Yakobo na Esau olamana nabitu byechwa.
\p
\v 21 Wa imani yene Yakobo kobele alebu wuwa, kwe baliki kila komwechi banaa ba Yusufu. Yakobo kwa kutambekele wa seke mine lubango lwake.
\v 22 Wa imani yene Yusufu mengo wake wa isula obele we olobo, kolesambe yolu ya uhuma wa bana baisilaeli mauda make.
\p
\v 23 Musa, kubushilwe, balebapise wa mwechi ketatuna babushi bake yolu kobele inene eyaka mpenju, bashi batishwe ha mnano ya oloo.
\v 24 Wa imani Musa, kobele itu abisa, kohanyinye ukita mwana kwa mmachana Farao.
\v 25 hanyuma hake, kasokole oba na asoso hamwechi na batu ba Abeca hanyuma ya sasa yabobee wa etambo.
\v 26 Kolange abole aolama Kelesitu obaa itajili mmata ohet kesee ya ishili wa bibyo kwelole sana meso make indaa alambwe ya mengo mechwa.
\v 27 Wa imani yene Musa kuhumine mishili, kushi ogope asira ya oloo, wa bibyo weenene kwe vumiliye wa omona kushii moneye.
\v 28 wa Imani kuitile Pasaka, naoya ushunda mashii, koyamine kasohaka kashii baomebo.
\p
\v 29 Wa imani wakyatile indaa bahole ya shamu nambo esee ya okoma, bamishili babenjile oheta bo nouchundwa.
\p
\v 30 Wa imani ebambacha ya Yeliko ikwilee, yene yechungulwile masuku njwe.
\p
\v 31 Wa imani Rohabu koya sengo kushii hakilwe hamwechi na baya ba asi, yolu kolebapokele bapelezi wa talala.
\p
\v 32 na bene hakane eyaka eeh? maana mengo ushii uhuma oleta mwano wa Gideoni, na Baraka, na Samsoni, na Yefuta, na Daudi, na Samweli, na Mbuwa.
\v 33 Ohetela imani bashindile maolo, baitile keene, na bapatile biya basambilwe bachibele binywa bya tambwe,
\v 34 bachimya uoma wa ahyaa, bakwepile lupanga, bahanyenye uhuma bisumi, babele boomu ubita, baitile basolokoto babakenyi osena.
\v 35 Baochana bapokele uhuma obabu. Inji yepate asoso, bashii kitabolwe ushikwa halalo yolu bapate ochulwa wene we bibenju.
\v 36 Bange batondilwe wa oselelwa na biholo, naam ya ohambwe na obewa mehambo.
\v 37 Bahulilwe na mawe bakedilwe na sii bawile n lupangaa bakeele baleochwala ebambe ya moo na ya mbuchi bale obenja baendeleyo indaa lubaba na oba etela bobee.
\v 38 Yene lungo ishiibenjiche oba naboo, bachongo luwe chongolowe indaa ikala, na kono, indaa lupango na indaa bina ya etete.
\p
\v 39 Na batu babo bose bakitabowe na Abeca yolu ya imani yabo, bashibapate yene Abeca kulesambe yolu kyabo.
\v 40 Abeca kuhiitile mbele otuhaa etu yele ebenju okeelelela, yolu ohetela beswe boo bashiibete.
\c 12
\cl Mbukwilo 12
\p
\v 1 Wa bibyo, tulebachingwe mawembe mmata ya mashaidii, na tutele kila etuu yebe ichiko hamwechi na bobee yene yele tuchungolwe na bahuhu tuhinge obelo ya saburi indaa malende yibiwe mbele kyetu.
\v 2 Tolole Yesu, mine kwe itangi na mine isula ya imani yetu, yolu ya saso yebewe mbele kyake kuwechiche isalaba, kwezalau naabole kee kweshame obo waolunme wa etii ya bohaya Abeca.
\p
\v 3 Malanga ke kuoshiche binywa bya umonywa uhuma obaya babobee, yolu ya luhuda lwabo, mushichwe uimaa, uzimiya mitema kyenyu.
\v 4 Mushii haeta bita ata okeseya mashii, mwema bendi, na bobee,
\v 5 molebakeebe lele oya obewa itema, helee odokoma na benywe namboo baana, bana banyi, mushiike halaka ukiwila ya ilume, mushii ale itema owambelwa hake.
\q
\v 6 Waoboo ilume kusokewelela kekese mine koleopenja, naomola kila mwana mine kole opekela.
\p
\v 7 Kweochiche otonjwa namba kashiwela Abeca omangaikela benywe nambo kusobangaikela habana imwana kohe mine kwa kewela sake kushimangaikela?
\v 8 Nambo ushii okewelwa, wenye wete beswe bose tweamwechi, benywe iaramu mushii bana bake.
\v 9 Beswe, tobele nama setu halango batokewelele na tole obaolecha, je bishii bibenju ohelecha setu kwatena natoshame?
\v 10 Weenene maseta batuhilile wamengo mane nahe byabatakile abeta atokewela wa alambwe etu toshame indoa bohaha bwake.
\v 11 Ushii biholo bilehasaso indaa mwake. ubaahalababaa ata bibyo, hanyuma hake ubota ikuma ya talala wabaya bafundishwe nabe.
\p
\v 12 Wa bibyo mukunine maboo menyu malebechu na machwe menyu melebechu mabewe omaa.
\v 13 Mohahache binya telo byamakofu byenyu, kekese mine ilebechu kushikya obobee kwepata ohaka.
\v 14 Moenge talala habato bose, naeyaka bohaha nambo ushibiya ushii omona ilume.
\v 15 Mobe lungo lulume yolu pashibe mine kwebe wa mibamba neema kya Abeca, ashichwe ehende ya bolulu yene yemena naoeta shida naoleta bange bamane.
\v 16 Hashibe na isengo na osema Abeca nambo Esau, kwekuchiche boolu bwake bwaoboswa waelewa emwechi.
\v 17 Weenene; oshioma mengo kwetakile anyuma urithi kwehanyinywe yolu kushipashile ehana ya olongya nasake atakoyengile waluhanga.
\p
\v 18 Wa bibyo mushiomana indaa kono oosha uomwa lono lwene lulana ahya, itoo, obeya obenja nanakaa.
\v 19 Mushiomana wa lede yaoseba, ao wa binywa bileuhuma na lede ishiioeta mato ya baya bene bahuleche enywa yoyose odokomwa wabo.
\v 20 Wa biya bashiweche utalelech wabiya bikanyinywe: “Nambo nyama kiioma luno, kweolwa mawe.”
\v 21 Ya bobaa okeelelela kwemonile Musa kwelesambe, “neomona bobaa sana uya odanda.”
\v 22 Hanyuma hake, benywe mwahiya olono sayuni na indaa mboka wa Abeca mine kwetee Yelusalemu wa ekulu, na wa malaika elfu umi wale oseya.
\v 23 Esombelo mmata yabana babatangi bakwalilwe hekolu, na Abeca mmachi kwa batu bose, naitema wa batu bone keene benye baletee.
\v 24 Na Yesu koleotopatanisha malagano kohyo, na mashii na keseye male okana bya bibenju oheta mashii na Abeli.
\p
\v 25 Mulole obaa mushichwe ohanya komwechi mine koleole samba. Nambo bashii bahanyemine balebahanye komwechi mine kweba shauli alungu, weenene tushiiuma beswe namboo twemanya ke koleutulunya uhuma hekolu.
\v 26 Wamengo oo lede lyake ledekeche lungu. Hano kolelesame naokana, “Nyendo yenge eyoka nishii dekesha lungu yoyene, hamwechi ekolo nayo.”
\v 27 Binywa bibi, “Nyendo emwechi eyaka,” eleomonya uhuma wa bitu biya byedandilwe, bino bitu biya bidandiwe bishame bishii dande eyaka bishame te.
\v 28 Wa bibyo tupokele buolo bwene bushii odanda, toselelele indaa etu ya lutambi Abeca waokitabowa hamwechi na olesacha indaa kicho.
\v 29 Weenene Abeca kwetu iahya auchikya.
\c 13
\cl Mbukwilo 13
\p
\v 1 Londo wanduku ushame.
\v 2 Mushii kebeleche ubapokela bakenyi, weenene wa eta bibyo, bengi balebakale bishe malaika nango, omana.
\v 3 Moengeleche bahambwe indaa chambo, hamwe molebambwe hamwechi nabo oyaa, nambo mibele kyenyu itiilwe nambo bo.
\p
\v 4 Nabo ya iuli na batu bose na etande yenee ehaha weenene Abeca kweba hola basengo.
\v 5 Nandela kyenyu kya ushama kebe kikenu indaa lando wa bomona. Mokee na otosheka na bitu male nabyo, Abeca kemine keleodokoma, “nishii bashika benye naobatela benye.”
\p
\v 6 Tuupima olesamba waomaa, “ilume ke dosombeya naeche, nishii dandaa” itu kwembeta eye?
\p
\v 7 Mobee amwechi na baya elombokochi, baya ba kanine binya bya Abeca wenyu, moengeleche nabihuma bya okyata wabo, mlameimani yabo.
\v 8 Yesu Kelesitu ke inakeshi, len, na imeshi.
\v 9 Mushiichwe elombokochi ya binywa binge bingi ibi benyu itema okobaa na neema, haishii; ‘peendo uhumanana elewa bibyo ishiwecha okasaidiya baya baleoshama wabo.
\p
\v 10 Tuleenabyo ulutambi yene baya baleoeta indaa ihuilo bashii keene ya uya.
\v 11 Wa bibyo mashii yaba nyama, bitambokela yolu ya bobee, iletilwe na ebole mmata indaa ya fashii kyabohaha, ila mibele kyaba kichikilwe ahya amboka alubonga.
\v 12 Wa bibyo Yesu nake kupatilwe na asoso hamboka achango ambukaa wadoaeta batu ba Abeca ohetela mashii makee.
\p
\v 13 Wa bibyo tokye wake amboka ya lubongo, toswale abole wake.
\v 14 Tushii ehana yetee indaa mboka oo. Hanyuma hake tuengee mboka yene yechwa.
\p
\v 15 Ohetcha Yesu mopaswe nyendo na nyendo obalutangi ya otona Abeca, bikuma amilomo bilesambe china lyake.
\p
\v 16 Ushii kebiliche oeta bibenju na osaidiyana benywe wa benywe, wa bibyo wa ulutangi na mbo bibi biya bibenje Abeca.
\p
\v 17 Mowaoleche na olesacha wabilombokochi kyenyu, yolu baleokyata obalenda yolu ya luhoda lwenyu, nambo baya beunyaa ebolwa. Mobaokeche bilambo kochii byenyu baola naobatunza wa saso, naishii wa uzuni, yene esheeta etu.
\p
\v 18 Tosabe weenene tule uamini wamalanga mabenju, indaa ukyata obenju indaa bitu byose.
\v 19 Nene neleobabembelecha waokelelela sana oeta biya yolu hakewele winyu alaka.
\p
\v 20 Bashii, Abeca wa talala nina kwiletile eyaka uhuma lubu mmushi mmata kwa moo, wa mashii ya malagano ya milambo, ke ilume kwetu Yesu,
\v 21 kakabeye benywe ubaa wakamilifu indaa bikuma bibenju mopate oeta bine kobenja nake koeta ndaa mwenyu bya bibenju mbele yake Yesu Kelesitu, bohaha bwena ke milombo ha milombo. bibe bibyo.
\p
\v 22 Hana neleobabenja itema benanyi mosalane na binywa ya obeya itema wa ushiu nele kwa le wenyu.
\p
\v 23 Momane minetu Timotheo kwa sulwa hanechwa nemonana nabenywe hamwechi nake.
\p
\v 24 Mosalimiye bilombokechi byobe byose, na babohaha bose, bale uhuma Italia baleo ba salimiya.
\p
\v 25 Neema na ibe habenywe bose.