byi_reg/56-2TI.usfm

\id 2TI
\ide UTF-8
\h 2 Timoteo
\toc1 2 Timoteo
\toc2 2 Timoteo
\toc3 2ti
\mt 2 Timoteo
\c 1
\cl Mbukwilo 1
\p
\v 1 Paulo, mmtumwa kwa Klisto Yesu, was ubenja wa Abetcha; wa yulu wa alako a mweko ale wa Klisto Yesu.
\v 2 Wa Timoteo mwananyi mmunjwa. Keene chibe nobe, nulelela, Na talala kyuhuma wa Abetcha, Tata kwa Klisto Yesu Mlume myetu.
\p
\v 3 Nilihutona Abetcha, kwande hutambekela wa malanga mahaha uwanja hala a baolo banyi, banyi biyande uhengelecha kokwe ukelelela, wa usaba wanyibusuku Na chuba.
\v 4 Na nene nelehubenja abisa umona nelehuengelecha luhanga lobe, yulu nakeluchwe Na sasoo;
\v 5 Nihuengelecha talala kwolinakyo ishi ya lububa, yeene yeshamine umbele wa yaya kobe Loise, Na wee mnobee Eyonike, Na nene nawasha kokwe unakyo.
\p
\v 6 eyo nehuengelecha usenge umana wa Abetcha, wee mndaa mwobe wa ubewa maboo manyi.
\v 7 Bululi Abetcha kwasatuha mtema kwa boba, nambo koohoma na kuhubenja na wa mtema kwa ulitolelecha.
\p
\v 8 Bibyo ushi mone while ubangeseya wa Mlumyetu, wala ushimone abule nene mmambwa kwakee, bibyo uhembe bibe hamwechi nanyi wa yulu ya enywa, wa lengelelo lya uhama wa Abetcha.
\v 9 Mine kwatuhonya na utukita wa ukiswa wa buhaha, ushi wa lengelelo wa bikelanywa byetu beswe, kwa lengelelo wa bikelanywa byetu beswe, kwa lengelelo wa ebalo yake me na Keene chakee. Keene kikyo, tuhelwe wa Klisto Yesu milumbu na milumbu.
\v 10 Mano mengo yamoneya nubukulwa wa mmonya kwetu Klisto Yesu; mine kukalule lubu na ubukula mweko kushi kuhudoga, wa eya enywa.
\v 11 Yulu ya eyo nibilwe nabe mlesambi na mtumwa na mkikya.
\v 12 Wa Yulu eyo napaswa na asusu aya nishidambu Mme bululi mammanake kwande washishe nowasha ukana kulehuwosha uhusa eya nde mpiye bumona wakee na loya lusuku.
\p
\v 13 Ube ntu kumoneya wa binywa bya mweko bye ulehuliche wanyi wa uwasha na uhunjwa wendaa mwa Klisto Yesu.
\v 14 Uuse wa buya bumona bibenju wa mtema kwa kuhaha kuhushama mnda mwetu.
\p
\v 15 Wemane mwano kuko, ukana bose Bale Azia, bambakula, bene be umikongo kyabo Figelo na Hermogele
\v 16 Mlume kabahe keene baya umlango kwake Honesfore, yulu ya nyendo chingi kwatololecha, wala kwasamonena abale uhamba wanyi.
\v 17 Hene hebele hano Lumi, kwe kingile wa uwoma kwipashile.
\v 18 Nlume kamme umona keene umeso ma nlume lusuku luya. Wa biya byale ngilele wa bingi ubo Efeso kokwe.
\c 2
\cl Mbukwilo 2
\p
\v 1 Bibyo kokwe mwananyi, Ube na uhoma wa keene che wa Klisto Yesu.
\v 2 Na biya bwe wa ulicha wandee humbele wa babangeseya bengi, bibyo ubahe bato babawelicheuhosha nkikya bange.
\p
\v 3 Tule na asusu hamwechnanyi nahesokoloto mpenju kwa Klisto Yesu.
\v 4 Hashi kole hulwa bita kule hulebeya umkilo kwa ebalo yulu kabanye yelekolelwe kabe solokoto mpenju kwa Klisto Yesu.
\v 5 Kabe hemana umacha kushibewa sala namboo kwa sahema wa keene.
\v 6 Bele humpenja mlimi mine kwena asusu a mkelo huba kwa hutula uhewa he yama ya bikuma.
\v 7 Mumane abisa bibyobyande udokoma, wa Mlume kwuha lwenyiubikoko byose.
\v 8 Mwengeleche Yesu Klito, kuchwile ubabu, kwa ibushi ya Daudi nahe byabile hukanywa enywa yanyi.
\v 9 Na nene yulu yaeyo nasusulwa na uhambwa nahe nkichi mpii; wa enywa ya Abetcha ishi uhambwa.
\v 10 Wa yulu yaeyo nilingye bibyo byose wa yulu wa basobolwa, nabo, bahelwe uhoma ule wa Klisto Yesu, hamwechi nake, tweshama hamwechi nake.
\v 11 Ii enywa yo washa nambo twewaa hamwechi nake, tweshama hamwechi nake.
\q
\v 12 Nambo twelengye tweshama hamwechi nake, namboo twemanya kee, nake kwetuhanya beswe.
\q
\v 13 Nambo beswe tuhi washa, mkilo kwa uwasha wa yulu yaeyo, kushiosha ulimanya kemine.
\p
\v 14 Ubaengeleche bikoko bibyo, wa ubamonya umeso ma Abetcha, bashibena mahindi ma binywa, Byrne bishi Na alambwe, bishuelokya bahubilichi.
\p
\v 15 Ulilongye, Ulilongye huba wakitabichiwa Na Abetcha, mkichi kushi Na ebaloya utayahari, Kyle hukila wa ubenju enywa ya kiinge wa ubenju enywa ya kiine
\v 16 Hule bakule Na binywa bya bunene byene bishi bya enyumbya; bululi bekelela abisa ubube.
\v 17 Na enywa yabo iheneya yeba nahe elonda nduku umikongo kya baya kimenayo na Fileto.
\v 18 Bulule keya kiine, badokomine ehama esele hoo, baya hubendola uwasha wa bato bank na bano
\v 19 Namboo ebambo ya Abetcha yene yele bululee ii ikimanyu, bene bana yaala eno, Mlume gwegidee baya bake na ehyaka kekese kuhugita china lya Mlume na kaleye bube.
\p
\v 20 Bino ndaa nduu gyata mushi byombo bya nolo ka, na bumona ka, mule ehyaka bya miti na bya bitete; binge bile na ihule na bishi nayo.
\v 21 Namboo NTU kwale hahasha wa ulebagula na bank kweba yombo yuhewa yuulee, yene yehahechwe, yelengye ya Mlume, yelongichwe wa kila mkelo kubenju.
\v 22 Bibyo musene eeteema ya buwalubaga molame kiine, na uwasha, na luundo, na talala hamwechi na baya bake umkita Mlume na mtema kuhaha.
\p
\v 23 Wa bibyo uhanye mubuchichi kya buhoso kishi na lwenyi umane gisubuta byumanoo.
\v 24 Ehyaka ishiyubenjwa mtumwa kwa Mlume koya uba kwa byumanoo; ube ntu kulesacha ubato Bose, kukidi ukikya kwa uhemba.
\v 25 Kumonya wa chumba chumba baya bake uhimana makes, nambo biwechekana Abetcha abahe ulibecha humans kiine.
\v 26 Bahewe ehyaka ehengelecha wabo, uhuma hu mteko kwa Ihengele, bene babo babakwilwe nake, nukila ubenja wake.
\c 3
\cl Mbukwilo 3
\p
\v 1 Umane enywa enoo, yokana masuku meesula weba mengo ma mabe abisa.
\v 2 Bululi bato bebi hulibenja bebene, Bali hubenja bumona, Bali hulitona, Bale na ebulee, Bale hutukana, bashi na hehule ubibushi byabo, bashi na buswachi, bashi na buhaha.
\v 3 Bashi hubenja bawabo, bashi uheta talala, bachinganyi, bashi uleohebela, ba buhuchi, bashi hubenja bibenju.
\v 4 Bammonywa, kwa paa, Bale hulitona hubenja bibee uleko hubenja Abetcha.
\v 5 Bale na lingilicho lya ulikima, bibyo bale ueema uwoma asked, na babo, ulebakulee nabo.
\v 6 Bululii hawingi hababo, bale hulikingicha mmaduu ma bato nukuha koleecha bahachana ba tuhoso bena michiko kya bobe, bena kuhwe na eeteema ya bya bingi.
\v 7 Balikikiche masuku Mose, bashihuhosha babies Humana wa kiine.
\v 8 Nahe biya Yane na Yamre bya byabe hemanee na Musa, bibyo bibyo nabo bale na mshende na keya kiine; na bato badokile lwenyi lwabo, bahanyiwa u bitu bya uwasha.
\v 9 Wa bibyo, bashikelelela ehyaka Bululi buhoso bwabo bwibululwa u bato Bose, nahe biya buhoso bwabo bwa bule hululu.
\p
\v 10 Kokwe walama ukikya wanyi na lwendo lwanyi, hubenja na uwasha wanyi na ulitolelechs wanyi.
\v 11 Na luundo, nuhemba wanyi, nauya being bwanyi bwa asusu, byene bimpashishe Antiokia, wa Ikoniyo, na Listra, wa yoyose byande esilwe; make Mlume kumponyinye na bibyo byose.
\v 12 Ehee, na bose bale hubenja ushama wa mweko ulikimiya wa Klisto Yesu bichikililwa.
\v 13 Haho bato babee na basapii bikelelela na ugila bibee, bale hubicha na ubichiwa.
\v 14 Bululi Kokwe ushame ubiya byande mmukikye na ubangeseya Bululi humane inanyi kulikikiche wabo.
\v 15 Yulu utula bulela humanine ikolo kwa buhaha, yele yene yele huwecha ihuli under uhona wa uwasha ule wa Klisto Yesu.
\v 16 Kila nkolwa, mule na luhudalwa Abetcha, bibenju ya ukikya na umanya bato bubi bwabo, na ubalongecha, na buhaha wa kiine.
\v 17 Bululi ntu kwa Abetcha kwa wilile nuhulichiwa uheta yoyose etu yebenju.
\c 4
\cl Mbukwilo 4
\p
\v 1 Nuulaga hambele a Abetcha, na hambele ha Klisto Yesu, mini kwempendela baya bale na mweko na Babu, yulu naubululwa wake na Buolo bwake.
\v 2 Lesambwe enywa ube tayali, umengo malingye na mengo mashilingye, hambele na ukemeye na Kumonya wahulitololecha na kikyo.
\v 3 Bululi kechwa mengo ma bihanyu mkikyo kwa mweko, wa ulama malanga mabo bobene, belepatela bakikya bihichi bihichi yulu bale na matoo mashi mauhulecha.
\v 4 Nabo bele bakola bashihuleche keya kiine, nukalwela eda ya lulimi.
\v 5 Kwokwe ube na lengelelo wa bikoko byose, ulitololeche wa bubi, tuhite mkilo kwa hulisamba kwa mweko uhelelecha mkilo gobe.
\p
\v 6 Bululi mamo mengo nakiluchiwa na mengo ma lubu lwanyi lwahiya.
\v 7 Nabihula bita bibenju, nahwa lwendo, uwasha nahuhusa.
\v 8 Hanyuma habibyo, nabeelwa sala kwa kiine, yene Mlume kwa asusu mine Keene mkwempa lusuku luya; bibyo mushi Nene ka, na bato Bose bale bahunde ubukulwawake.
\v 9 Ulilongye uchwa wande habelo.
\v 10 Bululi Dema kwaashika, kuli hubenja ibalo hino ya mano mengo kukele Tesalonika; Kreste, kwakya Galatia, Tito kwabakala Dalmatia.
\v 11 Luka kebuchima kule hano hamwechi, umkuhe Malako, umlete hamwechi none Bululi kule husalelecha wa ukila.
\v 12 Bibyo Tikiko nimilile Efeso.
\v 13 Kikyo ngubo nikishigile wa Kalapo ubo Trowa. Holicwa hukilete na biya bitabo asa biya bye ebambe.
\p
\v 14 Eskanda ntumbi kwa shaba kumonyinye bube bwingi wanyi. Nlume kwelepa nehe bikilanywa byake.
\v 15 Na kokwe ulibakule na huya, bululi kuhanyinye abisa binywa betu.
\p
\v 16 Ndaa aya asusu hanyi na hutola hashibele kukimene lubi lwanyi, bose bashikele nasaba bashibalwe bube wa etahiyo.
\v 17 Haho Abetha kukimene hamwechi nanyi, kumpele uhoma yulu yamkilokwanyikuya mwano kusambachwe wa uwelela, na bahuliche ibalo yose na nenenahonywe manywa ma tambwe.
\v 18 Nlume kweponya na enywa yoyose ya hebee, na nunongya nahiye ii buholo bwake bwa ebalo yake ya hekulu, buhaha bunakee milumbu na milumbu. Bibe bibyo.
\p
\v 19 Salamwa wa Priskana Akila, na baya ba nduu mwa Onesifolo.
\v 20 Elasto kushamine Kolinto, Profimo nishikile ubo Mileto kushiosha.
\v 21 Ulioshe uchwa hamengo mapeho. Eubolo salamwa, na Pude, na Lino, na Klaudia, na bashi wenyu bose.
\v 22 Mlume kube hamwechi na mtema kobe na kene chibe hamwechi nanyi.