byi_reg/55-1TI.usfm

\id 1TI
\ide UTF-8
\h 1 Timoteo
\toc1 1 Timoteo
\toc2 1 Timoteo
\toc3 1ti
\mt 1 Timoteo
\c 1
\cl Mbukwilo 1
\p
\v 1 Paolo mtumwa kwa Yesu Klisto, wa Alako a Abetcha Mmonya kwetu, na Yesu Klisto, utakiilo kyetu.
\v 2 Wa Timoteo, Mwananyi naho nntaa mwa uwasha naa Keene naa bibee wobe, Keene na uwasha byehuma wa Tata Abetcha na Klisto Yesu Mlume kwetuu.
\p
\v 3 Nahii biya byandeokanine oshame Efeso, andebelee nehuukyata okyaa Makedonia, yuulu ya oba hanyaa bange bashikyee omana binge.
\v 4 Nabashilole eda naa milanduu kya mioka nango na esulaa, byeene byeeolela binywa bishi boolo bwa Abetcha minekwe ntaa uwasha na obeeta biya.
\v 5 Nahaho isulaa ya mwanoo koya ilanduu uhuma ntaa mwa Mteema Kobendju, malanga, mabendju, naa uwasha wishina mmonywa.
\v 6 Bangee mbee bahokosa wa milanduu kiyaa baokolowa wa milanduu kya bunene kyaotokomatokoma.
\v 7 Beeotaka ubaa bakikya ba mmpendo Nabashilole byeene baleeotokoma na milanduu keeya kya beetokiwa wa bunene.
\p
\v 8 Haho twekitee yuulu ya mmpendoo kobenjuu, nahii ntokwa oeeta ndeela kya keebenjuu.
\v 9 Kwahomana kiya milanduu obaa mmpendoo kushi yuulu ya ntoo kwa bolole, yoolo wabaya bene bishi oholela mmpendo na baya be mibanga, mahaha bene bishi oseena Abetcha naa baya bene bena buubee, naa bebahola misobo naa ohola ba minabo naa bahakanyi,
\v 10 Naa bamasei, naawafinaji, naa bene bebakiba batuu, naa balulimi naa bene beotokoma lulimi. naa nahii nnanduu kungee kushibolole na makikya mene mena mweko.
\v 11 Nabiya biliibitokomwe nntaa milanduu mabendju kya buhaha bwa Abetcha atalala kwandeobeela langa.
\p
\v 12 Nanene naamma buswachi Yesu Klisto Mlume Kwetuu minekwabeeya ooma, wa yuulu komonine okanamwapwasha, kwembeile nntaa mwa nkeeloo kwake.
\v 13 Ubaa Haho hambelee nene nebele otowana, naa ochyembyaana Janine anene: wa yuulu nipatile Keene wa yuulu nibiitile na bohoso na nango obaana uwasha.
\v 14 Naa keene kya Mlume kwetuu kyehiitile abisa naa hamwechi na uwasha na luundoo okyaa nntaa mwaa Yesu Klisto.
\p
\v 15 Nnanduu kunoo kwa uwashiwa, naa ilipashiwe okitabewa abisa, omana Klisto Yesu kuchule mmeebaloo yuulu ya batuu ba buubee bakolowe; na nene kwa hambelee haboo.
\v 16 Yuulu ya biya nipatile kenee, yuulu nntaa mwanyi hambelee, Yesu Klisto kubepaa utolecha wake ose, nahee benywe wabaya bene Benjamin's haisula, nahee bunyemu na lwengee milumbu na milumbu abisa.
\p
\v 17 Nahaho wa Oloo kwa milumbu mine kishioosha omona otokiwa mine kushimoniwa, Abetcha kemine, na otokiwa bibee na bunyemu na lwengee milumbu na milumbu abisa.
\v 18 Mwananyi Timoteo, nuuhaa Alako ao abee buhana wa yuulu kya milanduu kya babowa kyeneenkitangile hakolo obee, yuulu yobe oholanee biya bita bibendju.
\v 19 Obee minee uwasha na malanga mabendjuu, kwene bangeeseya beholangela mbali bebulee yuulu ya Mwano kwa uwasha.
\v 20 Nntaa mwa naho webele himenao na Alesanduro, yuulu naa ohaa shetani batuu Baboo, yuulu bakikiwa bashi nntowee Abetcha.
\c 2
\cl Mbukwilo 2
\p
\v 1 Na haho hambele ha milanduu kyose ninntake, nehokanina, neholombela na uha buswachi oetehee wa yuulu ya batuu bosee.
\v 2 Wa yuulu kya Maolo mosee bena buhela toshame mweko kwa oteyamana na uwasha.
\v 3 Yuulu ibebendju, naa uwasha hambelee ha Abetcha Mmonya kwetuu.
\v 4 Minee kuubenjaa batuu bosee bahonee naa omana abisa byakenee.
\v 5 Yuulu Abetcha imweshi, naa nnsambanyi hawingi ha Abetcha naa mwana kwa Adamu Klisto Yesu;
\v 6 Minee kweliihuminye keminee ubaa Mmonya wa yuulu ya bosee, wenee wetokomwa haehendee yake.
\v 7 Nanene yuulu ya biya nebiwilwe nabee otokoma milanduu kya mwego naa nehaa (nehukana keene, nishihukana lulimi) mkikya kwa mwaloo nntaa mwa uwasha na keene.
\p
\v 8 Bibyo, naamona balomiana ba sabee kila ehana na ukinuna maboo ma mahaha wanangoo songo na malanga ma bubee.
\v 9 Biyabiya baachana bachwale nguuboo cha uweela mmpelee hamwechi, olekongya bibendjuu, na Mteema kubendjuu, ushi wa uluuwa ndjuli, nangoo Nolo naa Lulu, naa nangoo wa nguuboo cha ahonasonga.
\v 10 Wa yuulu kya bigeelanywa bya bibendjuu, biya ibipashike baachana benee beokana oseena Abetcha.
\v 11 Mmaachana kolikikye yuulu ya oleteyamana, naa kulesacha.
\v 12 Na biya mmaachana nishiima bushito bwa ukikya ataa uushamina ilumiana nagee gashamee hwee.
\v 13 Wabiya Adamu namine kubumbilwee kwa ntangii na Hawa olama.
\v 14 Kushii Adamu kwebikiwe, ii mmaachana noo kwebikiwe abisa kwekingiile mpuubee.
\v 15 Wa yuulu kweehonyiwa yuulu ya ebushi yake, mbee beseenga nntaa uwasha na luundoo na ohahashiwa hamwechi na Mteema kwa uhetaa.
\c 3
\cl Mbukwilo 3
\p
\v 1 Nnanduu kuubendjiwa, ntuu kwa hubenja nnkeloo kwa Askofu kwabenjaa nkeloo kubendjuu.
\v 2 Nabiya ibitakike Askofu kabee ntuu mine kushi milanduu mlume kwa mmachi komwechi, mine oheta, mine kweba malanga mabenjuu, ntuu kwa mmachi kuupokela bakenyi, mine kwekite ukikya.
\v 3 Kushi ntuu kwauolwa malwa, kushikwa ohulana, kushi kwa ubenja bomona, kobee mmochu, kushi ntuu kwa uholana, kushibe kwa obenjana.
\v 4 Mine kwehokimanina sese kyake bibenju, kumane uumbeelecha banaa wabibenjuu wose.
\v 5 Wa yuulu ntuu mine kushikite okimanina sese kyake kemine, kweloleya wee sese kya Abetcha?
\v 6 Kushibe ntuu mine kwamana Abetcha manomengo, Kushibe ulemona na ookwa nntaa mmpendokwa minaka.
\v 7 Yaka impashike otonywa bibendjuu na batuu bene behamboka; yuulu kushikwe nntaa mwa mikochi kya ehele.
\p
\v 8 Biyabiya mashemasi babee bahochu, bashiba baotokoma milanduu kya buubee, bashiba batuu baonywa malwa abisa, bashi batuu baobenja bomona bwa abuule.
\v 9 Bawashe lubisakolo lwa uwasha nntaa malanga mabendjuu.
\v 10 Naboo abisa batondwe hambelee, naohwa baete nkeelo kwa bushemasi, baonywa omoneya obaabashi naa abachi.
\v 11 Bibyo bibyo baachii babo babe batuu baba hochu. Bashichingwe, bene ohetaa, wawachwa nntaa mwa milanduu kyose.
\v 12 Mashemasi na babee balomiana ba mmachii komwechi, bakikanine baana baboo bibenjuu, na masese maboo.
\v 13 Wa yuulu baetee bibendjuu nnkeelo Mwano shemasi oleha lwendo lubenju, na oomaa abisa nntaa mwa uwasha wa nntaa Klisto Yesu.
\p
\v 14 Na okwala biya naa obenja ochwa wobe binohoka.
\v 15 Mmbee na hosenga, opatee omana yuulu okaninee batuu okyaa nntaa mwa sese kya Abetcha, eehwelo ya Abetcha mine kwe mweko ehanda ya keene.
\v 16 Wa nanguu bobaa, lubisakolo lwaosene buubee ilioloo.         Klisto kwemoneye nntaa mmpelee,  impalwe obaa na keene nntaa mwa mteema, kwemoneye na malaika.    inlesambee naa babibalo,    immaminiwae na lango    immpokelwe nntaa buhaha.
\c 4
\cl Mbukwilo 4
\p
\v 1 Nabiya, Mteema na otokoma hululu wa yuluu nntaa mamasuku ma isula batuu bange kele bakola na uwasha, naa baaholechana mteema kwaobikyana naa okikya wa Ehele.
\v 2 Na yuulu wa Mmonywa kwa batuu bebatokoma lulimi, bichikiwa mmahya bichulichuli byabo bobene.
\v 3 Beelea batuu okondana, naa obakanina bashiyee elewa, binee Abetcha kwebibumbilee bipokelwe wa buswachi naabena uwasha bene bikite keya keene.
\v 4 Wa yuulu kekese ntuu kwa Abetcha eebenju na wishi ya oemiwa mbe eletwa wa buswachi.
\v 5 Wa yuulu eehahachwe wa nlanduu kwa Abetcha na wa osabaa.
\v 6 Obaengeleche babuswa keya milanduu, naa kokwe seena ntumwa mpenju kwa Klisto Yesu, mine kuotuulisha milanduu kya uwasha, naa makikya mabenju ma we olama.
\v 7 Biya biidaa bya bunene na baachana babaotee ubieme na ulelobecha ntaa buhaha.
\v 8 Yuulu oleolobecha obaa naa uoma wa mpelee ii alambwe anee, yuulu olebakola na bubee, noo ubenjuu wa milanduu kyose, yuulu wena mwano kwa mweko kwa hano na kuya kwene kwechwa.
\v 9 Konoo nlanduu eekwa keene na kuugitabichiwa na bose.
\v 10 Wa yuulu biya tuuhuletenjaa naa oleelongya anene ayaa, wa yuulu tuudagela Abetcha mine kweba na mweko, mine mweko kwa batuu bose, oheta baya bene ibabamwache.
\v 11 Milanduu keya ukiilake na ukikikye.
\p
\v 12 Ntuu kushiseeye buhungwe bubee, wa yuulu obee yengee wa bawasha nntaa mwa uwasha, naa nntaa mwa buhaha.
\v 13 Na handee uuchwa, ubeeta ooma nntaa mwa utangaa naa omanya naa ukikya.
\v 14 Na ushileye ugelela epawa eeya enywa mobe, ya wehelwe yuulu ya babowa naa waobelelwa maboo maa bahelaa.
\v 15 Waa ulanga keya milanduu, naa ubaa nntaa mwagyo, yuulu ya kyashichi kobe kuumoneye ubatuu bose.
\p
\v 16 Ubelelola ichulichuli yobe naa makikya mobee. Oseenga nntaa mwa both bibyo, yuulu wa ueeta bibyo, wehonya ichulichuli yobe na baya benee behuhulecha ehyaka.
\c 5
\cl Mbukwilo 5
\p
\v 1 Mooshu ushimmambelee, nabiya unkanine nahii shibana; naa bawalobaka nahii babuswa.
\v 2 Baachana baoshu nahii bammaa, baachana bamiseya nahii babuswa babaachana; ntaa ohahala wosee.
\p
\v 3 Mubanyemye babuulwa bene babuulwa abisa abisa.
\v 4 Nambe mpulwa kwena baana ao baduulu, naa bakikiwa hambelee oeta byene bya kekaa bonyibo nntaa ubuswa waboo bobeene, naa olepa babushi babo wa yuulu biyaa bya kitabewaa hambelee kya Abetcha.
\v 5 Na koya mine mpwilwa kenee kenee, gwashikwa kemine koya kuuhobelaa Abetcha langa lyake, kuhuseenga nntaa usabaa naa usechaa chuba na busuku bose.
\v 6 Kuya mine kulechibeeleche ichulichuli ya mwego kwake kwa huwa na gwe mweko abisa.
\v 7 Milanduu keya lwakyo ukilage yuulu baachibe na bidogomwa bibaya.
\v 8 Nabiyaa ntuu kekese mine kushi ooinga baya bake, asa baya basese kyake abisa, baema uwasha ihyaka ibibaya abisa hueta ntuu mine kushi mmpwasha.
\p
\v 9 Mpulwa kushi andikwe olamana na miyaa kyake kwahuuoenecha miyaa maumi ntuba, nakenyike kwahuba mmaachi kwa mlume kumwechi.
\v 10 Na kenyike kuobangelwa wa milanduu kiibenjuu, nambe mpwilwa baana, nambee kohopokela bakenyi, nambee kuutelela bene bichioleosha, nambee kweholama wachikilwe nlanduu kokose kubenju.
\v 11 Naa babulwa benee bale bamisiya, nnango obaandika bonyibo, yuulu abewashwa na eeteema hanyumaha ha Klisto, bahobenja owalwa.
\v 12 Naa bonyibo bena mmpendo yuulu baoshika uwasha wabo wa utangi.
\v 13 Ehyaka, hamwechi na bibyo, yuuleeta bulema, na uchunguluwa chunguluwa sese wa sese, naa boo bashi toolema na otokoma milanduu kishi kibalole.
\v 14 Naa bibyo nabenja babulwa ba misiya bene bashinaota, bagonjwe, babutee baana babee na buhela bwa osese, yuulu bashihee mmpee ehana ya obeeka.
\v 15 Yuulu bange bahoba okalo wa naa olama Ehelee.
\p
\v 16 Mmaachana kwa buwasha gaabeba na bawilwa gabawateleche gemine, Ehwilo ishibee na bushitoo bunge, na lebawatelechee babulwa abisa abisa.
\p
\v 17 Baosobuu bene bitee bibendjuu na babalwee ohewa bunyemu nyendo chibilii babo bene behuugeda mpelee yuulu ya mitambela na ukikya.
\v 18 Yuulu bikikya byudokoma nangoo uhamba anywa ngombee hamengo hakyukyatela ngano, naa ntuu kwa nkeelo guulengye maliipo make.
\p
\v 19 Nangoo oleya ochingwa yuulu ya moosobu, yuulu ya binywa bya ebangeseyo ya babelee ao batato.
\v 20 Baya beene benntaa buubee, ubaambelee hambelee ha batuu bosee yuulu bange bene ibashikale bamone boba.
\p
\v 21 Nehulaga hambele ha Abetcha naa hambele ha Klisto Yesu na hambele ha bamalaika basobolwe, oeetee milanduu kiino wanangoo mmpendela wa osobola, uushiietee milanduu kyokyose wa luundoo lwa loobee lumwechi.
\p
\v 22 Nangoo ubela ntuu maabo wa abeloo, nangoo uligingeecha ii buubee bwa batuu bange, uliihonye kokwe mine ichulichuli ya mwego na ubee too.
\v 23 Bino hano, ushinywe matee ka, namboo unywee ilewecha echoo yuulu ya gumoo lyoobe naa bisumii bya nyendoo chingii.
\v 24 Buubee bwa batuu bengii buhumoneya hululu, byahubangwa okya wa mmpendo, yuulu bange buubee bwabo buhubalama.
\v 25 Bibyo bibyo, bigelanywa bibenjuu bihumoneya hululu, na biya byene bishihumoneya, bishibisama.
\c 6
\cl Mbukwilo 6
\p
\v 1 Bobose bene behase ha buhuchi bwa biichwa, na babalwee balume babo bunyemu Bose, China lya Abetcha lishituiwee na ukikiwa weetu ushiemwee.
\p
\v 2 Naa baaya benee bana balume babuwasha, bashibomene base ao ii bashiwetu ibibenjuu ubagilela yuulu babo nabo be maalambwe aa nkeelo kwabo nntaa buwasha na uubenjwa. Binywa bibyo ubikikyee na umonyaa.
\p
\v 3 Ntuu kekese kuukiikya buumana bunge naa uema binywa byene bena mwego bya Mlume kwetuu Yesu Klisto, ataa bikikiwa ibipatane na ulibakula na buubee.
\v 4 kuulebanja, na mine gushigidee eenywa yoyosee, naa guna miiha kyumana binywa bya mibuchio, naa uhimana wa binywa, byene nntaa mwabyo byuhuma buhaha naa ulwanaa naa utuwaana na malanga mabee.
\v 5 Naa uhulechanaa wa batuu beene babadoguu lwenyi lwabo, bene bashi naa keene, haho benaa malanga muba batuu bahaha wa ndeela kya alambwe.
\p
\v 6 Haho, buhaha hamwechi naa ulemana ii alambwe ataa.
\v 7 Yuulu tushibachwile na eetuu mmwalo, ehyaka tushihunya naa eetuu.
\v 8 Bibyo, tubeba naa eelewa naa echwalanywa tulemanee naa bituu bibyo.
\v 9 Babo bene beehubenja uubaa naa bumona beegwa nntaa bipimo na eeteema iingi yene ishii ya keene bya ludogya, byuhunya baanaadamu nntaa uchimina na budogya.
\v 10 Bibyo, eelendee emwechi ya bubee bwa namuna chose yuu benjaa bumona, yuulu baangee buubenja bibyo, beeleyana na buwasha na ulichigya wa usumwa wingii.
\p
\v 11 Haho gogwe ntu gwa Abetcha uusenee bibyo, wa ulama keene, buhaha, buwasha, luundo, butolelechi, chuumba.
\v 12 Holana bita bia bibenjuu bya uwasha; uwatee mwego guya gwa milumbu goleegishilwe. Ugiwelela bigewecho bibenjuu hambelee ha babangelwa bengi.
\p
\v 13 Nehulaga hambelee ha Abetcha mine kugidee ulalela bitu byose uba na mwego, naa hambelee ha Klisto Yesu mine gugihile bigelwa bibenjuu haya hambelee ha Pontio Pilato.
\v 14 Bibyo ulongye alako anoo nangoo naa madowamadowa, nangoo naa bigelanywa bibee naa byene byemoneya Mlume kwetuu Yesu Klisto.
\v 15 Yuulu kenyike wa mengoo magee, kwemoneya, gee mine gwehechiwe, mine kuna boosobu gemine, Oloo lya maoloo, Mlume kwa balume.
\v 16 Geemine gushisambane na luubu. Kuhushama nntaa lwengee lwene lushibadoga, naa hashi mwana gwa adamu mine gumonine ao gunammona. Bunyemu naa Buhela buna gee milumbu Amina.
\p
\v 17 Bene bena bumona ntaa ebaloo enoo, ubalagee bashilemone, ao bashiseeleche na bumona bwa bunene, bibyo bawashe Abetcha mine guhutuha bitu byose bya biingi yuulu tubigeelele wa oseelela.
\v 18 Bagiile bisoga, babee na babumona bugeela bisoga, babee abisa uhanaa bumona bwabo, uwatelana naa bange wa mteema.
\v 19 Biya wauleebela luhinda yuuba iishingi gubenjuu gwa ehendee yuuchwa, yuulu babee naa mwego kwa keene keene.
\p
\v 20 Gogwe Timoteo, uuleende byene byoheelwe, wa uuseena milanduu kya bunene, bishi na bumana bwa buganee wa lulimi.
\v 21 Bibyo, bamwe bene migeelo, bagyaa habambaa ha buwasha. Kenee kebee hamwechi nobee.