byi_reg/51-PHP.usfm

\id PHP
\ide UTF-8
\h Bafilipi
\toc1 Bafilipi
\toc2 Bafilipi
\toc3 php
\mt Bafilipi
\c 1
\cl Mbukwilo 1
\p
\v 1 Uhuma wa Paulo na Timoteo bacha ba Yesu Kelesto wa bangengeda bali ubafilipi hamwechi na ashikofu na bawachilicha bose ba lubunga.
\v 2 Tulihubatakila bunene na talala uluma wa Abetcha setu na wa mlumietu Yesu Kelesitu. Buswachi na usaba.
\p
\v 3 Buswachi wa Abeca anyi mengo mose mandi huba engelecha.
\v 4 Wa usaba wanyi ose, nihusaba wa saso.
\v 5 buswachi bululi bwa uba hamwechi wina uli hawingi hetu wa usambalacha mlando, utula chuba litanga mpaka lino.
\v 6 Nigidi mina kutulile nkilo kubenju m'metima kyenyu, kikililila na ukubwa chuba lyelichwa Yesu Kelesitu.
\v 7 Nilihulihulicha bino bululi nihubomona ba winene, yulu tulihuhambanahamwechi, ubunene bwa Abeca mengo, mandi m'mambwa na mengo mandi hutambila na uwatilicha mlandu.
\v 8 Abeca akidi ukane nihubenja sana uba hamwechi nenyu na yulu ya luundo lwandi nalo yulu yenyu u luundo lwa Kelesitu Yesu.
\p
\v 9 Na usaba wanya yulu yenyu luundo lwenyu ukilile lusuku hamwechi na lwengu na malango.
\v 10 Bululi m'mane bitu bibenju, iyaka m'be batu bahaha na bashi na abachi mpaka chuba lye Kelesitu
\v 11 Mweko gwenyu kubena bikuma bya winene byuhumq wa Yesu Kelesitu, bululi Abeca ahewe buhaha na utonywa
\v 12 Bashiwetu, nihubenja mnane bibyo byene byapata byawatilicha sana ulisamba mwano kwa Yesu Kelesitu.
\v 13 Batu bose hano hamwechi na basolo katoba ubuolo bakidi hululu ukana nene ni m'muhambo yulu ya ukilila Kelesto.
\v 14 Yulu ya uhambwa wanyi, baluku beengi, mnda mwa mlume, bahewa mtima kwa ulisamba inwa ya Abeca bila boba.
\p
\v 15 Ulamana na bibyo uli bange bali hulisamba mlandokwa Kelesitu wa buwa na wa ubenja mahindi, bange bali hulisamba mwana wa malanga mabenju.
\v 16 Bano balihusamba wa mtima kwa luundo bali bamane ukana Abeca ambiile hano m'muhambo bululi nalisambe mwano.
\v 17 Babo bange bali hulisambe Kelesitu yulu ya uhewa punda, ushi wa mlima kwa luundo, uu langa bibyo basugumume tususu m'mihambo.
\v 18 Wanyi nene bibyo ashaatu? Ya ibenju wanyi madila mose Kelesitu kulihuli sambwa, wa malanga mabii au wa malanga masoka. Wa bibyo, nene ni huseelela, na ugililila useelela.
\p
\v 19 Nigidi yulu ya usaba wenyu na yulu ya mbwalilicho kya mtima kwa Yesu Kelesitu, itu yine ipatile yekaluwa ubandila kya usulwa wanyi.
\v 20 Malanga manyi na maudagilo manyi u yukana nishimona abule a ndila chochose, nikidi nibi na ujasiri, na bili hoo, Kelesitu kakililile utonywa ulamana na mwengo kwanyi, nambo uiba poo au nambo u yuuwa.
\p
\v 21 Yulu wanyi nene, uba na mwego u Kelesitu na uuwa u faida.
\v 22 Nambo nikililila uba mnda m'bili, uno yiibwatilicha ugila mgilo gwine gwina biguma, haho nishikidi nasobole ii.
\v 23 Bose byopi bilihumbala: nilihubenja uleakuno mwego, yulu nashane na Kelesitu, byine byandi humona u bibenju abisa uba hamweko.
\v 24 Yulu yenyu namona u bibenju nakililile uba mweko hamwechi na benywe bose.
\v 25 Nina kine, yulu ya bibyo mshame na ukililila ushama hamwechi na benwe bose yulu muule na saso na uwasha. 
\v 26 Wa bibyo yulu yanyi m'be na ibalo ya umona ubenda mnda wa Yesu Kelesitu handichwa wenyu.
\p
\v 27 Ati ubewii, mwina chigilwe gya bigilanwa bila hugyata sawa udokoma mlandu kwa Kelesitu bululi handichwa ubamona au nambo nishichwa, hahuliche mwakimana malindi m'tima kwa umwechi, m'bena malanga mamwechi, mlungane wa hamwechi yulu yauwasha yulu ya mlandu.
\v 28 Nangu ubawa boba baya bene bali ubahanya, bibyo u bisaga abisa bya uwawabom wenyu, benywe u bisaga bya uhana uhuma wa Abeca.
\v 29 Yulu mwahewa bunyemu yulu ya Yesu ushitu umbwasha, na ususua yulu yage.
\v 30 Mulihulwa bita byoka biya byiine byammomine bya mbele nabyo m'lihuulicha nili nabyo.
\c 2
\cl Mbukwilo 2
\p
\v 1 Nambo mwehewa kene kyulungwa na Kelesitu nahe mwabulwa na luundo lwake uba hamwechi na itima kwake nahe muhumo nena na kene na usalichana.
\v 2 Bibyo muomenyenye saso lwanyi bululi muna malanga ma mwechim luundo lumwechi na uba bamwechi watima uwelicha.
\v 3 Mushiete itu yoyose yulu yobe au ulimona, bibyo mulisache, nuubala bange bibobenju uhita benywe.
\v 4 Bibyo itukashilole byake keemin, bibyo kila itu kalikingiche ubya minaake.
\p
\v 5 Mube na malanga mabele Kelesitu Yesu.
\q
\v 6 Kee ala kubele nahi Abeca bibyo kushimmonine uba nahe Abeca ishietu yuu watilicha sana.
\q
\v 7 Bibyo kubenjiche ushika byose kee nuukuha uba ikichi kee nu ubuswa nahe itu.
\q
\v 8 Helikuhe yenyi ya itu, kulisachiche paka uwa, iyaka lubulwa iite.
\q1
\v 9 Yulu ya bibyo Abeca kwikinwile hekulu abisa ummachina lwata uheta machina mose.
\q
\v 10 Bululi wa china lyake machwi mose mabungwe, bya hekulu na bya hase na bya usinda.
\q
\v 11 Na kila lulimi lukana Yesu Kelesitu ilume bwa bahaha bwa Abeca.
\p
\v 12 Mukeme nahe tymbalambaka bibyo beenanyi babuswana nahi bya mubele na iule hambele nenyu ni huupembecha mukilele ubana iuli bibyobibyo hata ukililila yulu mushihamwechi nanyi mukyate inda oma wa uhona wenyu na udanda na uba naboba.
\v 13 Bululi Abeca alihueta ikilo inda mwenyu kuhuma malanga muweleca bwile hutaka muupwa tilicha ukila byelihuta.
\p
\v 14 Muete byose wanangu ulunjwa ao wapaa.
\v 15 Yulu mushibe na abaci na bubi e mube bana bana ba Abeca bashi na abaci mmeino ibalo yu uchimina muhukema na ambalambala umatimba.
\v 16 Na uomenyenya ilandu kwa mweko muiswe bibyo lusuku lwa Kelesitu nishilitona na nakya abilo bunene.
\p
\v 17 Nambo mashi manyi mmekesea nahi tambiko lya ikilo kuhumana kiine kyenyu nene ninasaso na useelela hamweci nenyum bibyo bibyo nabenywe mube na saso nu uselele hamweci nanyi.
\v 18 Bibyo na benywe muhutakilwa uba na soso hamweci nanyi.
\p
\v 19 Nina maudakilo ilume Kelesitu utuma Timoteo hano alibukachwe wenyu yulu napate mwano kupa itima uhuma wenyu.
\v 20 Nishina itu kunge hano naheke, kulihutakila bibenju ula tima kose,
\v 21 Bange bali hulebeya ubyabo bobeene nangu uhoda ikilo kwa Yesu Kelesitu.
\v 22 Bibyo benywe bene mukidi Timoteo ulibeya hululu ueta ikilo kwa landu hamweci nanyi na hebiya mwana na sake.
\v 23 Na bibyo na udakila uhila Tomoteo wenyu nahililiwe mwano kwa byene byechwa.
\v 24 Nene nnakine uchawa hano hoka.
\p
\v 25 Namona bibinju ukiwecha mminanyi Epafradita, wenyu kee ikichi solokoto mminanyi iyaaka itumwa kwenyu kwa mwa atumina ungelila mikila kyanyi.
\v 26 Kee kuhubenja umobenywe bose kwa chikililwa bululi mwapata mwano ukana kubele isumwa.
\v 27 Winene kubale isumwa alibu uwa bibyo Abeca kumonene kene Abeca ammonenen kene kushi kee tuna nene bibyo nishikee tu na uchikilelwa hekulu huchikilelwa.
\v 28 Wabibyo nihutuma wenyu yulu hamwi mmona lwendo lunge mube na saso na nene mupuminyebo nene bwanyi.
\v 29 Bawa bibyo mukuhe inda mwalume wa saso lwata nuuma bunyemu batu nana babo.
\v 30 Alibuuwa yulu ya ikilokwa Kelesitu kuhuminye mweko kwake bwinene mushinapa.
\c 3
\cl Mbukwilo 3
\p
\v 1 Benywe be nane, nene nshu imaobabwela adekela binwa bya Abeca ne bahandikile haya hala. Yulu ne kite yeba ngabo kyenu.
\p
\v 2 mle chunge nabaya bueto mabe babo itowa, nabaya beuomenyenya mafundisho ma ukya kumbe.
\v 3 Beswe tupokele kombe kya winene, yulu tulambekela Abeca wa mtema, beswe uselele yulu ya alamo etu ntamwa Yesu Kelesitu: Tushobea mandakelo meto mtomwa bitu bya mpele.
\v 4 Nene mine yulu yubea maudakelo ubitu bibyo, kunge mtu kuolebocha bulole bobe na maudakelo mda mwa byose mampele.
\p
\v 5 nene nekele kumbe lusuku lwe nana nene ne mwisilaheli abila abenya mine, mweblania wenene bulule buwasha uwatasheriya nehe nebele mfalisayo;
\v 6 Lwande lo omenyenya nene mbele omenyenya ulete saiwilo; iyolwa ya kiine k'yemonea hambele nemanyinye mambo mamo uba faida wane hano halmona na byose olesacha pendo.
\p
\v 7 Yulu ya bibyo nehubala byose byaha mbele uba faida wane, hao ne omana uchiminya yulu ya Kelesitu.
\v 8 yulu ya bibyo ne hubala uchiminya faida keulu kene patile wa umano Kelesitu na hao wake msimonea nahi mtu kwa keene kyake ke mine, yohunia wa pindo, yulu nabe na keya pindo, na buwasha bwa Kelesitu.
\v 9 yulu kenye bulole bohuma waabecha kyumone ya wauwasha Kelesitu.
\v 10 Ne hotaka umanya Kelesistu na makala muchu wa wake na ubahomwechi nake ulubabo, nabe nahikenyike olubu wake;
\v 11 Na bibyo mbe byeba nahulele uchuwa ubabu.
\p
\v 12 Mshiukana nahupata byose, namba nahuwelelecha, nehoomenyenya lwendo lyanyi yulu namone eya yulu yake, Kelesitu kwengetile uba kwake.
\v 13 Baluku banyi, mshi ulebala uhewa alambwe etu emwechi nekite bitu byehetile haya hambele.
\v 14 mukelela namone biya byehambele nahyelele uhema yulu napate alambwe engetele Abeca hekulu kye mnda mwa Yesu Kelesitu.
\v 15 Beswe tukimane bubyo mbe we mlqnga mbale mbale yulu ya makambo mamo, Abeca kwe mpokolela.
\v 16 Tuwatelele byose biba ohewa.
\p
\v 17 Banduku banyi mulame byande, mulame baya batu wanane.
\v 18 Nebakanina hambele, nahano nehukana nauhuma bisochi bwe batu alamo abo ehumanyesha kuko imbe kwa msalaba kwa Kelesitu.
\v 19 Esula ya batu babo iuwa, na Abeca abo ikumo; na malanga mabo mehuyelelwa na malanga ma mpele.
\v 20 Abeca etu ehekulu nabeswe twe huhemba eyuma ohuma uoa.
\v 21 uoma wehoma obahakulu ha bitu byose kwekalula mipele kyetu kya abule kebe na lwenge lwake.
\c 4
\cl Mbukwilo 4
\p
\v 1 Benwe bashiwetu chanyi baluku, byandi ubenja bibyo ubamona; benwe muli saso chanyi na kata chanyi, bibyo no byo muhubuchwa ukimana bo wa mlume.
\p
\v 2 Nawabucha Euodia Sintike mube hamwechi na mlume.
\v 3 Na kokwe baluku chanyi ube mtu kwa winene mnda mwa mlume, nausaba ube na mtema ubawatiliche bano bamako, baitile mikilo ya uongecha binwa bya Yesu bali na nene hamwechi na Klementi na bakichi ba mikilo benanyi bange, bene machina mabo bili bikole mnda etabu ya mweko.
\p
\v 4 Selelwe yulu ya mlume masuku mose, eyaka nakana selelwe!
\v 5 Uhola wena umonwe na batu bose mlume kushimbali na huchwa.
\v 6 Nango unokeya mtema yulu ya mambo byose; ela ubyose mukanine Abeca pungu kwa hekulu, usaba na usumbila hamwechi na um'ma buswachi.
\v 7 Na talala kya Abeca pungu, line laheta malanga metu, uumbatila mitema kyenyu na malanga wa Yesu kilisto.
\p
\v 8 Bashiwetu, bitu byose bine bili bya chikilwe, na byose bine na utonwa, bine bili byawinene, bine byose utonwa, byose bya bibenju, byose bile utonwa bibenju; wahuba ubenda ose hali na byose bine bishilingye utonwa mu engeleche bibyo.
\v 9 Bibio byose mubele uwata uhuma wande, na ubimona wande, mubikile. Na Abeca atanala abi hamwechi nenyu.
\p
\v 10 Nina saso lingi wa mulme na mu huanja eyaka unanga udokoma wenene muli mpekengelecha mubele mushi napata ehana na luhundo kwenu.
\v 11 Nishi udokoma bibyo yulu nihubenja itu; nangu. Nalikikya ulihuliche ginsi byole.
\v 12 Nipatile uhungulilwa, na nina bitu bingi. Ulikikya ubisakolo ubyose, mengo ma ukyuta na mengo ma ndala; Mengo muba na bitu bingi na mengo muba na bitu bicho.
\v 13 Nawosha uwita bitu byose nakemine kwebaha uoma.
\v 14 Na bibyo, mwaheta bibenju uni watilicha na umbwatilicha na asusu anyi.
\p
\v 15 Benywe bashiwetu bafilipimukide hene nihanjiche ulisamba mlandu, hene nebele uhuma Makedonia, hashibele lubunga uba hamwechi na nene mnda mwa uhuma na upokela benwe kaa.
\v 16 Lusuku nibele watesalonike, mwandetela mbwatilicho biingi ya lwendo lumwechi.
\v 17 Mushi lange nilihubenja umona bikuma mene mali huongecheka no faida kwenyu.
\p
\v 18 Nahu uhewa alambwe wanyi wose na uhima. Bino ninabitu bingi bya yulu Epafrodita kwandetela alambwe kwenu. Na bibyo chicho buhanachi chine chili hunyuka bibenju mahuta chine cha babenja Abeca pungu.
\v 19 Na Abeca kwanyi kwebaha benwe bitu byose bine muli ubenja bya ulamana na bumona bwake buhaha na Yesu kilisto.
\v 20 Abeca etu na setu kahewe buhahala milumbu na milumbu. Amina.
\p
\v 21 Naha hila salamua chanyi wenyu benwe bose wa Abeca mnda Yesu kilisto. Bashiwetu bene bandi hu shama nabo nabange bahubasalimua.
\v 22 Bioka bia batu bose ba Abeca, ba hano na bange ba mndu ba Kaisari, nabo bawasalimua.
\p
\v 23 kene kya mlume Yesu kilisto na kibe hamwechi na mitema kyenyu.