byi_reg/50-EPH.usfm

\id EPH
\ide UTF-8
\h Baefeso
\toc1 Baefeso
\toc2 Baefeso
\toc3 eph
\mt Baefeso
\c 1
\cl Mbukwilo 1
\p
\v 1 Paul mcha wa Keleshito Yesu watiya koleolobenja Abetcha, babiwe mikamba yolu ua Abetcha bake (Efeso) ibahaha indaa Keleshito Yesu.
\v 2 Kene abe nenyu na talala aleuhuma wa Abetcha senyu na ilome Yesu Keleshito.
\p
\v 3 Abetcha na Tata wa ilume kwetu Yesu Keleshito kahewe utonywa ike mine koleta baliki na balaka ya itema, indaa ihana ha ekolu indaa Keleshito.
\v 4 Utangile ubumba lungo Abetcha tusambile beswe bene tangu tushina na amini Keleshito uba babuhaha na tushi giee ubechwa nake.
\v 5 Inda londo Abetcha kotosobole lutangi naotobe ya nahe bana bake wadela kya Yesu Keleshito to. Kuitile bibi yolu kabenjile ueta eyakobenjile.
\v 6 Kutonywe bohaha na Kene gyage, mine kotohebe binetoshi nabyo indaa koko peenjwa.
\p
\v 7 Indaa ke koya, wa mashii make, tolee haolelelwa bobee bwetu, nahe kingi wa Neema yake.
\v 8 Kuitile Kene uba gingi wegulu wetu oba indaa hekima yose na omana.
\v 9 Kuhile otomonya ubisakolo ya obenja wakee nahe uradhi wake yene kotakile indaa ke koyo.
\v 10 Mengo ya uhiya yaomalecha wa opanga wake, Abetcha kwebeya hamwe chi kila eto ya ekolu na ya ekolu esee indaa ya Keleshito.
\v 11 Indaa Keleshito twesobolwe na obenjwa hangi ya mengo, oo obeke ele uhumana na opanga wa eta bito byose waotaka wa obenja wake.
\v 12 Abetcha kuitile bibyo yolu tuweche obaho wa utonywa wa buhaha bwake. Tobele baetangi na uwecha indaa ya Keleshito.
\v 13 Ebele wa indela ya Keleshito wene tweoleche enywa kweli, mlandu ya olelelwa wenyu ya ndela kya Keleshito. Ebele indaa ke eyaka wene mmeamini naobewa Abetcha na mtima kuhaha hema kohaha mine kwekanyinywe.
\v 14 hema ike arabuni ya ohyana wetu, yolu ya oleta olechwa wa buolo yake, obaa otonywa ya buhaha bwake.
\p
\v 15 Wa Yolu ya bibyo nene nake, tango mengo nepatile mwano wa buwasha enyu indaa Mlume Yesu na londo enyu wabaohaha bose.
\v 16 Nishi nashika utana Abetcha yolu kyenyu na udokoma yulu yusaba wanyi.
\v 17 Neleosaba Abetcha wa Mlome kwetu Yesu Keleshito, Tata kwa bohaha, kwebaha mtema wa mateyamanya, ulebulula waomana wake.
\v 18 Neleosaba meso menyu ya mitemaebewe lwenge wabenywe umana ee omaa waobewa wenyu. Neleosaba momane bomona wa bohaha wa ohyana wake iinji wabaya babewe yolu kyake.
\v 19 Neleosaba mmane bwata waokeolelela wa omaa wakeindaa mwenyu wene tunaamini oo bwata yeuhuma naoetaa ikelo indaa omaa wake.
\v 20 oo iomaa iitile ikelo indaa wa Keleshito mengo Abetcha kochuile uhuma wa lubu naoshamya indaa oboo wake waolame indaa fashii kua ekolu.
\v 21 Kweshame Keleshito ekolu oheta buolo, okyatela, uomaa, enzi, hakila china okanywa. Kweshame Keleshito Yesu ishii mano mengo oona oyaa mengo wechwa.
\v 22 Abetcha kwebile bito byose asee anakoluya Keleshito. Kwepile ke obaa iswe hekulu kwa bitu byose indaa ihwilo.
\v 23 Ihwilo ipeele kwake, ukamilifu wake wene okelucha bito byose indaa indola kyose.
\c 2
\cl Mbukwilo 2
\p
\v 1 nambo biya mobele mwaowa indaa bobaya na bobee bwenyu.
\v 2 yebele indaa ya etangi mugile olamana na mengo ya lungu oo. Mobole mokela waolama olesha boolo namine kwene omaa wa ekolu. Oo noo itema kwake koya koleota ikee lo indaa bana ba uasi.
\v 3 Beswe bose haya atangi tobele miinji mwabaya bashii uwasha tobele tookela namna yaobenja obaya ya mibele kyetu. Tobele watabeya bana baashilika nambo bange.
\p
\v 4 Nambo Abetcha ikwabingi uleelela yolu ya londo ake mmata kutobenjiche beswe.
\v 5 Mengo tobele babu indaa bibayo byetu, koto senyinye amwechi indaa obaa ohya indaa Keleshito iwakeene yene mwabewa olulu.
\v 6 Abetcha kotochuile amwechi naotobeya oshama amwechi indaa fashii ahekolu indaa ya Keleshito Yesu.
\v 7 Kuitile bibi yolu indaa mengo mechwa koweche otomonya bumona bwata wakeene ake. Otomonya beswe ndela kyetu obenda wake indaa ya Keleshito Yesu.
\p
\v 8 Wa keene mwabewa olulu wa ndela ya Buwasha, eeishiiume wenyu. Ilambwe Abetcha.
\v 9 Ishiumana nabyenye tuitile, yolu ashibe komwechi olekinuna.
\v 10 Yolu beswe tole ikeela Abetcha, tolebibumbwe indaa Keleshito Yesu tuete bibenjwa ibibenjwa yene Abetcha kupangile ala aya yolu kyetu, yolu tokwate indaa oyaa.
\p
\v 11 Wa bibyo molange haya alaa mobele mtu baabalo wa mpeli. Muukitwa “mushibe na tohara” waeya yaleukitwa tohara ya ipele yoetwa wa maboo ya batu.
\v 12 wa mengo oo mobele mwabea mibambu na Keleshito mobele bakenyi wa batu wa Ishilaeli. Mobele bakenyi wa malagano ua byenye kolesambile. Mushii bele nanambo wa mengo wechwa. Mobele mushi Abetcha indaa lungoo.
\v 13 Hano indaa Keleshito benywe bene baya batangi mobele koo na Abetcha mwauhya alebu na Abetcha wa mashii ya Keleshito.
\p
\v 14 Weenene ke nomine talola kyetu. Kuitile boele oba emwechi, waipele kwake kwedokiche ebambacha ya abwingi yele tutenge.
\v 15 Nake owa uhunya bobee wa ipele wake, no mpeendo ya mmono yebele indaa ulanga, yolu ko ete babo babele oba itu komwechi kohya indaa kyake, Kuitile talala.
\v 16 Kuitile bibyo obabe ya amwechi biingi bibele byatu oka komwechi wa Abetcha ohetela isalaba wa ndela kya isalaba kwehunya m'pee.
\v 17 Yesu kuchuile osambacha talala kyenyu benywe mobele koo na talala wakaya babele alebu.
\v 18 Weenene wake beswe bose twebapate ndela kya ushenena Tata indaa mtema komwechi.
\p
\v 19 Wa bibyo bashi, hano benywe mushii bakenyi nabaoheta, mosele benye nandu hamweci na babohaha, batu bandu byake Abetcha.
\v 20 Molebakobaye yolu kyashingi bacha nambowa Yesu Keleshito kemine kwelewe liota lamibamba.
\v 21 Indaa ke yengo lyose lohuwa hamwechi ihuilo inda ya ilume.
\v 22 Ndaa wake benywe baya mwaokobaha hamwechi nambo fashii aoba Abetcha indaa itema.
\c 3
\cl Mbukwilo 3
\p
\v 1 Yolu ya bibyo nene, Paulo, Neemambwe wa Yesu Keleshito yolu kyenyu ebalo.
\v 2 Na owasha mwaolecha yolu ya ikelo ya keene ya Abetcha kole pebe yolu kyenyu.
\v 3 Neeoba kolwela uhumana na omonywa bilebi bululwe wanyi oo ikeene oleubiswe wena neele kole waushiu wa mikwalo kenge.
\v 4 Ole osomwa olamana oo, weweshaa omana lwengo lwanyi indaa keene oo obiswa uhuma Keleshito.
\v 5 Wabibushi binge keene oo ushiubiwe omaniya wa kana ba batu. Hano wobewa olulu wa itema kwa kacha bebiwe mibamba nambowa.
\v 6 Keene oo oleubise yokana batu baebalu baleamwechi babeswe bacha benetu babelee baleamwechi nabikanywe wa Keleshito Yesu ohetela mlandu.
\v 7 Wa oo naetwa icha kwa alambwe ya keene kya Abetcha lutangi wadeeohetela oetwa wa uomaa wake.
\p
\v 8 Abetcha kuhuminye alambwe oo wanyi, nenenele nene oose indaa baya babewe mibamba yolu Abetcha. Alambwe oo nahewa keene oo obasa mbela ebalo bumona bwake Keleshito ishiopimwa.
\v 9 Owangaza batu bose yolu ya ee bamane Abetcha kwa ubisakolo oo wabele wabiswa wami aa kingi Keleshile, na Abetcha mine kubumbile bito byose.
\v 10 Oo obele wa, ohetela lubunga, ohelela nabuosobu indaa fashi ya ekolu bomane eba kingi wabiya kusashama wa lwengu ya Abetcha.
\v 11 Byabachwa ohetela omanyiya wa milombo weene omalechaa indaa ya Keleshito Yesu Mlume kwetu.
\v 12 Wa bibyo indaa Keleshito tule nauomaa wa owecha wa ukingela uomaa yolu ya Imani wetu wake.
\v 13 Wa bibyo neleobasaba mushi ale obenja yolu ya Asoso wanyi yolu kyenyu ibohaha bwenyu.
\p
\v 14 Yolu ya bibyo naeubunga machwe wa Tata.
\v 15 Wachina lyake otata osee wa ekolu na waasee wikitwa.
\v 16 Neeosaba kaete obakinsuha ubumana bumona wa bohaha bwake, kaetee mwakima wa uoma ohetela mtema kwake, mine kwendaa mwenyu.
\v 17 Neeosaba wa Keleshito kashame indaa kya mitema kyenyu chetela Buwasha.
\v 18 Neeosaba mobe nashina ya ishingi wa lundo wake. Mobe indaa lundo wake yolu moeche omana, hamwechi na bose baleowamini, bwata na olaha naongecheka kila ilandu kwa Yesu Keleshito.
\v 19 neeosaba momanewata walundo wa Keleshito, yene yeokoelelela momane, moepe bibi yolu mukiluchwe nabohaha bose wa Abetcha.
\p
\v 20 Na hano wake ke mine kosawecha ueta kila etu, waokelelela wa byose byene toleomana ao tulehulanga, ohetela uoma wake muli hukela mkilo indaa mweto.
\v 21 Wake ke obaa bohaha ndaa ya lubunga na indaa Keleshito Yesu wabibushi byose milumbu na milumbu bibe bibyo.
\c 4
\cl Mbukwilo 4
\p
\v 1 Wa bibyo, nene mmambwa yolu ya Mlume, mokyate nahe ukiswa wene Abetcha kobakitile.
\v 2 Moshame wa olesacha na chumba chumba na otolelecha maswalane indaa lundo.
\v 3 Moete uomaa wa utunza na mwechi wa itema indaa ohambwa ya talala.
\v 4 Ipele komwechi, na itema kumwechi, nambo mobele bakiswe indaa ohemba omwechi wo ukitwa wenyu.
\v 5 Mlume kumwechi Buwasha bumwechi, uchundwa umwechi,
\v 6 Abetcha komwechi ke setu kwa bose, mine kweakolu ya byose ndaa byose na indaa ya byose.
\p
\v 7 Wakila komwechi kwetu kwa hewa epawa olamana na emo ya epawa ya Kelesitu.
\v 8 Bibyo odokomwa, kwa kya ekolu kwa wata matekaa, kwa baha batu bipawaa.
\p
\v 9 Enywa eya, kwa sela, weenene kwesahu eya lube ya asee ya lungo?
\v 10 Kemine kwesachu itu keya mine eya kwesechu koo ekolu yose. Kuitile biya yolu oshame wake obe indaa bitu byose.
\v 11 Nake kubile bange uba bakichi; mbuwa, nabange uba badokomi benywa na bange uba bahochi na bakikya.
\v 12 Kwaeta bibi obawechecha babohaha, yolu ya hata mkilo, yolu okabaa hata mpeli kwa Keleshito kwekubawa.
\v 13 Koeta bibi beswe bose tuhiye umwechi wa Buwasha maalifa ya mwanakwa Abetcha. Kaeta bibi tuweche nambo baya ba hilile emo ya Keleshito.
\v 14 Oo yulu tushibe nahe bana, tushitelwe inako walandu bikaya, bobaya bwa batu indaa bonjanja wa ubicha.
\v 15 Tudokome kweli indaa lundo na tobe ndaa ndola kyase ndaa wake nine ke iswe, Keleshito.
\v 16 Keleshito kwa lunga, wa omwechi, ipeke wose wabohaha, walungwa hamwechi wakila lungo yolu ipele wose obe okobaa wowene indaa lundo.
\p
\v 17 Wa bibyo, neeokana ee, eyaka neushuhudiya indaa Mlume, tangu hano mushikye nambo batu baebalo basokyata indaa ubatili waakili abo.
\v 18 Babewa itoo indaa malanga wabo bachengwa uhuma indaa mweko wa Abetcha yulu ya uoma wa mitema.
\v 19 Bashii olemona bobaya, baleoliswiya bobene wa obaya indaa bikuma bibee, indaa kila aina ya ukimana.
\p
\v 20 Bali benywe bishibiya molejifunze Keleshito.
\v 21 Neeolanga mwanalecha naufundishiwa indaa ke, nambo kweli yele indaa Yesu.
\v 22 Muchule bitu byose biokya na okyata wenyu waa alaam batu bwa alaa ibatu bwa alaa wa obochu yolu ya obenja wa ubicha.
\v 23 Muchule botu bwenyu wa alaa yolu mobiwee ohya indaa itema waakili enyu.
\v 24 Moete bibi yolu moweche ochwala otu ohya, oekelena na Abetcha, Oleubumbwe indaa keene na bohaha wa kweli.
\p
\v 25 Wa bibyo, mabeye koo ubicha, “molesambe kweli kila komwechi napinji kwake,” yolu tualebo wa kila komwechi wa minake.
\v 26 Mobe habishilani, ila mushiete bobee. Chuba lishikye moke indaa bishilani wenyu.
\v 27 Mishii mme mmobu ehana.
\v 28 Mine kole ukiba kashikibe eyaka, kaete mkilo wamaboo make yolu kasaidiye bange balenaotaka.
\v 29 Enywa ebaya ishiiume mmonywa enyu. Bali enywa ya ebenju na osaidiya mine otaka obaha alambwe baya baleohaleha.
\v 30 Mushi chekeleche hema kohoha wa Abetcha wake molebabewe hululu ya yolu lusuku ya holulu.
\v 31 Balulu bose, uonyonywa bishii lani, itodo, naotuwana bihuma wenyu, hamwechi na aina abobe.
\v 32 Mobe na utongelela, mosamehane benywe wa benywe nambo biya Abetcha indaa Keleshito kwe bele basamehe benywe.
\c 5
\cl Mbukwilo 5
\p
\v 1 Wa bibyo mobe batu baolama Abetcha, nambo bana bake babenja,
\v 2 mukyata indaa lundo, nahe byaka biya Keleshito koto benjile beswe, kulihuminye kemine yolu kyetu. Ke kobele lutangi, kobele bushiyo ebenju ya oletela sasa Abetcha.
\v 3 Lusengo ao bushiyo wowose na obenja bobee bishii kanywe abwingi henyu, nambo obenjwa babohaha.
\v 4 Abole, binywa bya upuuziya, bubishii bishii obenja bali buswachi.
\v 5 Weenene enywa oo molebaomane hakika ya wene ushi isenga, buchafu, obenja, kuko itambikichi kwa mishi kushi ohyana wa wose indaa buolo wa Keleshito na Abetcha.
\v 6 Na kekese kashiukiche wa binywa bya bonene, yolu kyabana bashi olecha.
\p
\v 7 Bibyo mushibe hamwechi nabo.
\v 8 Weenene Alaa benywe mobele indaa ito hano mosele lwenge indaa ilume bibyo mokyate nahe bonaa balwenge.
\v 9 Wabibyo bikuma ya lwenge indaa bibenju wose, keene, kweli.
\v 10 Engaa eyo eleobenja Mlume.
\v 11 ishibe alebo indaa ikeelo ya itoo yene ishi nabikuma, hanyuma nake ubeye holola.
\v 12 Yolu bitu bileoetwa nabo waubiswa iabole ubikana.
\v 13 Bitu byose, helebululwa na lwenge, oba hololo.
\v 14 Bibyo okana, byowa, kokwe wemlachu, kinyuwa indaa lubu, na Keleshito kweba lwenge obe.
\p
\v 15 Bibyo molole sana wabiya moleokyata bishii namba batu bashii lwengo bali batu bale na lwengo.
\v 16 Mokombolwe wakatee masuku niza uovu,
\v 17 Mushibe nahe bashibamane, bali momaneee obenja ya Mlume.
\p
\v 18 Mushiolwe wa malwa, bileokya obibaya, mukiluchwe na mteme,
\v 19 Mokane nakomwechi kwenyu wa zaburi, naotona, na lwembolwa mtema. Mokembe naotona wa Mtema wa Mlume.
\v 20 Na ushukuru wa bitu byose indaa china ya Keleshito Yesu Mlume kwetu kwa Abetcha.
\v 21 Mulihunye benywe bene komwechii wa konge wabonyemu wa Keleshito.
\p
\v 22 mmachana olecha ilomyobeke nahe iswee kwandoo.
\v 23 Yolu ilame iswe mmachi, nambo Kelesitu nake kobee iswe kwa alobonga ke imine oleelela kwa peele.
\v 24 Nambo olobonga yeasee ya Kelesitu, bibyo mmachana nake moete bibyo obalame benyu indaa kila etu.
\p
\v 25 Balame, mobenje ba achana benyu namba Kelesitu kobenjile lobanga na ulihunya kemine yolu ke.
\v 26 Kuitile biya libe lehaha, Kolehaha chile na made inda enywa.
\v 27 Kuitile bibi kaweche oliletela lobonga la lohaha. Hashi naaachik bobaya, itueleohanana na ee, lebe bohaha lishii nabobee.
\v 28 Nambo ndela keeya keya Mlume elebapase obabenja baachana benyu nambo ipeele kwenyu. Koya mine kobenga mmachana kwake kolebenja kemine.
\v 29 Ushi ata komwechi koleonywa ipele kwake. Hohose bali olesha na obeya bibenju nambo Keleshito nake kobenjile lobanga.
\v 30 Wa bibyo beswe tule biungo bya mpele kwake.
\v 31 Yolu ya bibyo itoo kwebaleya sake, na nake, kweba omwechi na mmacha ke bobabele beba ipele komwechi.
\p
\v 32 Oo obele waiswa. Neeokana yolu ya Keleshito na lobonga.
\v 33 Lakini kila itoo kabenje mmacheke nahe kemine, na mmachake kalesache olame kwake.
\c 6
\cl Mbukwilo 6
\p
\v 1 Bana mooleche babushi benyu inda Mlume, weenene oo ikeene.
\v 2 Bonyemu osobe na nobe weenene oono mmana ya itangi elee na ukanywa,
\v 3 ohewe oshana masuku mengi indaa lungo.
\p
\v 4 Nabenywe bamatata, muhisakache bana benyu, bibyo mobabe ye indaa adabu naobomonya ya ilume.
\p
\v 5 Benywe bachaa, moba oleche balume benyu nahe epele, wa boba, naodanda, wa osala wa mtema, nahe biya mwaolecha ilume.
\v 6 Oheleche wenyu ushibe tuhaya obalume benyu baleobalala yolu babenja. Nambo bocha wa Kelesitu, moete byenye bileoetela ilume na bashi batu.
\v 7 Mobaotele wa mtema kwenyu kose, nambo moleoetela ilume nabashi batu.
\v 8 Momane oba kila enywa ebenju itukaleoeta, kwepata alambwe uhuma wa Mlume nambo icha ao itu olelelwa.
\p
\v 9 Nabenywe milume moete byoka bibyo obacha benyu. moleye obabicha moomana mine ke Mlume kwa bose ike kwehekolu. Momona nambo kekushi na opendeleela indaa ke.
\p
\v 10 Hetima ye mobe naoma indaa Mlume na indaa uosha wauoma wake.
\v 11 Mochwale mapotu mose ma Abetcha, mopatee ukimana unyu ma wabobaya bwa mobu.
\v 12 Weenene ushindana wetu beswe ishi, yulu ya mashi na nyama, iyolu ya maolo naohelela, yulu ya baosobu baitoo, yulu ya inaka indaa fashi kya hekolu,
\v 13 Wa bibyo, mochwale mapotu mose ma Abetcha, yulu mopatee ukimana mmaboo yulu ya bobee indaa mengo mmaa ya bobee. Mwawa oeta byose, ukimana.
\p
\v 14 Mukimane, moete bibi molehambe ikaba indaa kweli na keene oyalee.
\v 15 Moete bibi mobee mwachwala otayale omakalu menyu wa olesamba mlandu kwa talala.
\v 16 Indaa kila hale moswale ulibisa ya imani, weene weeta uoshe uchimya mishale ya koya mmobu.
\v 17 Mochwale shapo ya oleelela na lupanga wa itema, enywa ya Abetcha.
\v 18 hamwechi na olesamba na oluwa. Molesambe wa mtema kila mengo. Waolola oo mobe mwalola kila mengo obaa utoleele cha wose na obeamba wa yulu ya bahaha bose.
\v 19 Molesambe yulu yanyi, yulu nahewe otambala hene nebululwa milomo kyanyi. Mosabe namane waomaa kweli beelebiswe ishi namlandu.
\v 20 Iyulu ya mlandu nene iatambela neble mmambwe minyota ata nopatee uomaa inda oya okana bine nebe paswe okana.
\p
\v 21 Bashii benywe baya mapatee omana mwano kwanyi ohetela Tikiko minanyi impenjwa naitomwa mwaminifu indaa ilume, kweba sambela kila etu.
\v 22 Namila wenyu wakusudii oo, yulu mmane bitu ohetela beswe, kaoshe oba babembelecha mitema kyenyu.
\p
\v 23 Talala obe wabenanyi, nalundo na buwasha uhuma wa Abetcha tata na ilume Yesu Keleshito.
\v 24 Keene obe omwechi na bose baleobenja Mlume Yesu Keleshito wa luundo oya ishii odoka.